! //byang chub rnam dag sgrub pa'i rten la/ lus rten dang/ bsam pa'i
rten gnyis/ dang po la/ dal 'byor gyi chos bco brgyad tshang ba zhig
nges par dgos te/ ngan song ba rnams sdug bsngal bzod par dka' bas
mnar ba dang/ lha dang sgra mi snyan pa rnams skyo ba shas chung

ba'i phyir ro/ /de'i phyir bdag gis dal 'byor rnyed pa'i tshe byang chub
sgrub dgos so/ /gal te byang chub kyi lus rten dal 'byor yin kyang/
skye ba gzhan du yang de rnyed pa'i tshe bsgrub pas chog snyam na/
de rnyed dka' bar bsam pa la/ 'bras bu dang/ rgyu'i sgo nas gnyis kyi/
dang po la/

@072a @#/ /'gro ba rigs mi mthun pa dang/ mthun pa la ltos te rnyed
dka' ba bsam pa gnyis so/ /dang po ni/ dud 'gro la ltos te/ mi lus tsam
zhig kyang srid pa tsam du snang la/ gnyis pa ni/ mi tsam la ltos te/
dal 'byor gyi rten ni srid pa tsam mo/ /rgyu'i sgo nas bsam pa la

gnyis te/ rgyu'i spyi dang/ bye brag gi sgo nas bsam pa'o/ /dang po ni/
mi lus tsam zhig 'grub pa la'ang dge ba'i las stobs ldan bsag dgos
shing/ de yang ches shin tu nyung ba'i phyir ro/ /gnyis pa ni/ dal
'byor gyi rgyur tshul khrims rnam dag bsrung ba'i gzhi ma sbyin sogs
kyi grogs

dang; smon lam rnam dag gis mtshams sbyar ba zhig dgos na/ de'ang
ches nyung ba'i phyir ro/ /gal te de rnyed dka' yang da lta de rnyed
zin pas da gzod bsgrub long yod snyam na/ mi rtag pa sems pa la
gsum/ 'chi nges pa dang/ nam 'chi cha med pa dang/ skad cig re re
bzhin mi

sdod par 'chi ba'i gnas su snyeg pa'o/ /bsam pa'i rten ni/ nges 'byung
dang/ byang chub kyi sems dang/ lta ba gsum du 'dus te/ thar pa
dang thams cad mkhyen pa'i dge rtsa rnams de gsum mam/ nges zin
pa la nges par ltos dgos pa'i phyir ro/ /thams cad mkhyen pa'i rgyu
la phyi ma

gnyis su 'du yang/ gnyis ka'i rgyu'i dbang du byas nas gsum du byas
la/ der byed pa yang gang zhig skyes pa tsam gyis gzhan gyis zin pa
la mi ltos par byang chub kyi rgyur 'gyur pa'i chos rnams ngos
gzung ba'i phyir ro/ /srid pa'i bde 'byor la zil gyis gnon nus pa'i zhen

log ma skyes na thar pa don gnyer gyi blo mi skye bas nges 'byung
dang/ bla med byang chub don du gnyer ba la zhen log skyes kyang
gzhan gyi don du min na de'i rgyur mi 'gyur bas/ byang chub kyi sems
bsgom dgos la/ de gnyis kyi thar pa dang thams cad mkhyen pa la
yid

@072b bskul yang bdag 'dzin gyi 'ching ba bcad mi nus pa de'i phyir
lta ba bsgom dgos shing/ dbang po'i rim pa la nges pa med pas go rim
pa la nges pa med do/ /de ltar de dag bsgom dgos pa'i rgyu mtshan
bsams pa'i 'og tu nges 'byung bsgom pa ni snang shas kyi rtsa ba yin
pa'i phyir/

thog mar bdag nyid gzhan gyi ngor grub 'dod la rnam grangs du
ma'i sgo nas skyen du blta'o/ /de nas srid pa la chags pa bzlog pa'i
phyir/ sdug bsngal dang po gnyis kyi sgo nas bye brag dang/ tha ma'i
sgo nas 'khor ba spyi'i nyes dmigs rang rgyud kyi steng du dpags te
bsgom par

bya'o; ;de nas dge sdig la 'jug ldog bya ba'i phyir/ srid pa'i bde sdug
gi rnam smin rnams dkar nag gi las kyi rgyu ci 'dra ba las byung ba
rnams mngon sum gyi stobs kyis mi bslu bar nges pa'i rgyu 'bras tshar
gcig la dpags te bsam par bya'o/ /tshul des dmigs rnam ring

du sbyangs pas srid pa la dmigs nas 'bral bar 'dod pa'i rnam pa can
gyi zhen log skye la/ de skyes pa na thar pa la dmigs nas thob par
'dod pa'i rnam pa can gyi nges 'byung dmigs rnam spyod pa la mi ltos
par ngang gis skye'o/ /zhes lam gyi gnad gsum bstan pa 'di ni/ mang

du thos pa'i rgyal khams pa dge slong blo bzang grags pa'i dpal gyis
sbyar ba'o//