! //byang chub sems dpa' sems dpa' chen po rtag tu ngu'i rtogs pa
brjod pa'i snyan dngags dpag bsam gyi ljon pa zhes bya ba/ sangs
rgyas dang byang chub

sems dpa' thams cad la phyag 'tshal lo/ /gang zhig rtegs na mtha' dag
spros pa'i tshogs/ /'dab brgya'i gnyen gyis reg pa'i ba mo bzhin/ /ma lus
drungs nas 'byin pa zab mo'i lam/ /brgya phrag dka' bas sgrub la
brtson rnams rgyal/ /sngon tshe sngon

gyi rgyal ba du ma la/ /lhag bsam lhag par bskrun pa'i mthu brtas pa/
/rgyal ba'i rgyal sras dam pa rtag tu dus/ /chos phyir chos 'phags
bsten tshul 'dir bshad bya/ /gang yang lus dang srog la mi lta ba'i
brtson 'grus kyi stobs bskyed na/ /bgrang ba las

'das pa'i bskal par med tsam yang thos par dka' ba'i bla na med pa'i
byang chub kyang rnyed par mi dka' na/ mngon par mtho ba'i phun
sum tshogs pa lta ci smos/ de'i phyir srid pa'i bde ba dbang po'i gzhu
ltar g.yo ba'i ngang tshul can du rtogs pa'i mkhas

@100b pa rnams kyis gtan gyi bde ba bsgrub pa'i phyir brtson 'grus kyi
stobs bskyed pa la 'bad par rigs so/ /de yang 'di ltar bcom ldan 'das
de bzhin gshegs pa dgra bcom pa yang dag par rdzogs pa'i sangs
rgyas sgra dbyangs mi zad par sgrog pa'i sras kyi thu bor

gyur pa/ rgyal ba du ma la dge ba'i rtsa ba rlabs po che bskrun pas
rgyud dang dbang po yongs su smin pa/ bla na med pa yang dag par
rdzogs pa'i byang chub las phyir mi ldog pa'i go cha chen po bgos
pa/ nag po'i rtsa lag sde dang bcas pa gzhom pa la zhum pa med

pa'i blo dang ldan pa'i dpa' bo chen po byang chub sems dpa' sems
dpa' chen po rtag tu ngu zhes bya ba des sngon byang chub sems
dpa'i spyod pa rlabs po che la spyod pa na/ rnyed pa dang bkur sti
dang tshigs su bcad pa'i ngor mi blta zhing/ lus dang sreg la gnod
pa'i

sdug bsngal mtha' dag khyad du bsad nas dge ba'i bshes gnyen las
gdams ngag dang rjes su bstan pa btsal zhes thos so/ /dpag med
bskal par gzhan dbang gyur pa'i snying rje shugs drag goms pa'i
mthus/ /'gro ba'i don la rab tu brtson pa'i khur

chen 'khyer bar gyur pa yi/ /sems dpa' mchog rnams byang chub
spyod las phyir phyogs gyur pa'i skabs med de/ /rgya mtshor 'bab pa'i
gangga'i rgyun ni su zhig gis ni bzlog par nus/ /de ltar bdag nyid
chen po des shes rab kyi pha rol tu phyin pa btsal ba'i slad

du dben pa'i sa phyogs shig tu phyin pa dang/ gzugs mi mngon par
bar snang las sgra 'di lta bu zhig thos so/ /rigs kyi bu khyod kyis lus
ngal ba dang/ gnyid dang rmugs pa dang/ bza' ba dang btung ba
dang/ nyin mo dang mtshan mo dang/ tsha ba dang grang ba

@101a @#/
/yid la mi byed cing phyogs dang phyogs mtshams su ma blta bar 'di
nas shar phyogs su song zhig dang/ shes rab kyi pha rol tu phyin pa
thos par 'gyur ro/ /gzhan yang/ khyod kyis srid pa'i bde la ma chags
shing/ /kun tu rtog pa'i

lam gzhan dor gyis la/ /rnam par mi rtog rtse gcig lam bzang la/
/legs par zhugs na 'dod pa'i don 'grub 'gyur/ /gang zhig mngon zhen
dra bar chud pa na/ /thar pa ring du gyur cing srid par 'ching/ /de
slad kun tu rtog pa'i mun pa kun/ /mi rtog sgron

mes bsal nas bgrod par rigs/ /de nas bdag nyid chen po des/ /mgrin pa'i
sbubs dang mi ldan la/ /so dang rkan las byung min zhing/ /ro 'dzin
bskyod pa med na yang/ /legs lam legs par ston pa'i ngag/ sgra snyan
sgra 'dra de thos nas/ /ji bzhin ji

ltar bstan pa'i tshul/ /de ltar de yi rjes su zhugs/ /'di yi brtson pa'i
stobs kyis zab mo'i tshul/ /nam mkha'i mtha' klas tshol bar mthong ba'i
tshe/ /rang gi pha mtha' mthong bar dogs gyur nas/ /mkha' yis 'di la
lam rgyus bsnyad pa snyam/ /yang sgra

de las 'di skad ces kyang thos so/ /mtshan mo'i blo dang sdig pa'i
grogs po ring du bor/ /stong pa nyid dang dge ba'i bshes la nye bar
bsten/ /'dod yon rnams dang me tog mda' can bcom byas na/ /pha rol
phyin dang de ston chos smra mthong bar 'gyur/ /sgyu ma'i

na chung lus la rol ba ltar/ /thabs la mkhas pa'i 'dod yon bsten pa
yi/ /dge ba'i bshes la ma dad spang bya ste/ /zang zing med pa'i sems
kyis bsten pa'i rigs/ /mkha' la chu 'dzin lang ling g.yo ba'i nang/
/gsal zhing brjid pa'i 'brug gi sgra

@101b dbyangs ltar/ /snying la bab pa'i gtam bzang snyan pa'i sgra/
/ngo mtshar gdams ngag bdud rtsi'i chu rgyun de/ /thos pa'i lam las
rab tu zhugs pa'i tshe/ /yid ni gdung ba'i rims nad dag las grol/ /de nas
sems dpa' chen po des/ /dngos 'dzin gdon gyi spa

bkong phyir/ /stong nyid rig sngags tshol ba la/ /dgon pa'i lam du
zhugs par gyur/ /da de ltar sgra de las rjes su bstan pa blangs nas
shar phyogs ga la ba der song ba dang/ ring por ma lon par 'di
snyam du/ kye ma bdag gis sgra de la ji srid du 'gro bar bya ba ma

dris so snyam du du zhing mya ngan byed de phyogs de nyid du 'dug
go/ yid la bud shing med na yang/ /sdug bsngal me chen rab 'bar
zhing/ /mig gi mkha' la sprin med kyang/ /mchi ma'i char rgyun 'bab
par gyur/ /de ltar tshul des dgung bdun gyi bar du ji ltar bu gcig

pa 'chi ba'i dus byed pa na/ ma de la yid la byed pa gzhan mi 'byung ba
de bzhin du bdag gis shes rab kyi pha rol tu phyin pa thos par nam
zhig 'gyur snyam pa ma gtogs pa yid la byed pa gzhan med par sa
phyogs de nyid na 'khod do/ /de ltar zhag bdun 'das pa

dang/ de'i mdun na de bzhin gshegs pa'i sku gzugs shin tu mdzes pa
blta na sdug pa/ mthong ba tsam gyis yid 'phrog pa zhig bzhugs pa
mthong ngo/ /nyon mongs dri ma dang bral ba'i/ /de yi yid kyi me
long la/ /rgyal ba'i ye shes gzugs brnyan

ni/ /sgyu ma bzhin du mngon sum snang/ /de nas de bzhin gshegs pa'i
sku gzugs des/ /de la 'di skad ces bka' stsal to/ /rigs kyi bu legs so
legs so/ /'di ltar khyod yi dam brtan pos dge ba'i bshes gnyen dang
gdams ngag 'tshol ba ltar/

@102a @#/ /sngon gyi de bzhin gshegs pa rnams kyis kyang yongs su
btsal to/ /rigs kyi bu shar phyogs su song zhig dang/ 'di nas dpag
tshad lnga brgyan grong khyer spos ldan zhes bya ba yod de/ de na
byang chub sems dpa' sems dpa'

chen po chos 'phags zhes bya ba bzhugs te/ de ni yun ring po nas
khyod kyi dge ba'i bshes gnyen yin no/ /rigs kyi bu des kyang da lta
khyod kyis shes rab kyi pha rol tu phyin pa btsal ba ltar sngon shes
rab kyi pha rol tu phyin pa yongs su btsal lo/ /de bas na khyod

kyis yid la byed pa rgyun ma bcad par song zhig dang/ ring por mi
thogs par shes rab kyi pha rol tu phyin pa thos par 'gyur ro/ /de
skad ces bka' stsal pa dang/ byang chub sems dpa' rtag tu du dga' ba
dang yid bde bas lus sems khyab par gyur to/ /ji

ltar mda' dug can gyis gnad du phog pa'i mi dag /bdag gi sdug
bsngal 'di las thar bar byed pa'i zug rngu 'byin pa'i sman pa nam zhig
rnyed par 'gyur snyam du yid la byed pa gzhan mi skyed pa de bzhin
du/ 'jig tshogs su lta ba'i rtsig pa stug po drungs nas 'byin

par byed pa'i ye shes kyi rdo rje/ dmigs pa'i tshang tshing ma lus pa sreg
par byed pa'i dus mtha'i nyin byed/ blo gros kyi mig ldongs pa rnams
la shes rab kyi mig sbyin par byed pa'i byang chub sems dpa' sems dpa'
chen po chos 'phags de bdag gis

nam zhig na mthong bar 'gyur snyam du yid la byed cing/ gzhan
yang sa phyogs der chos thams cad la mi gnas pa'i 'du shes bskyed
pas ting nge 'dzin gyi sgo du ma la dbang 'byor par gyur to/ /de tshe
de yi yid kyi mkha'/ /mtha' dbus spros pa kun

@102b gyis dben/ /kun rtog g.yo ba'i chu 'dzin zhi/ /lhag mthong
snang bas lham mer gyur/ /de yid ting 'dzin chu gter la/ /phyogs bcu'i
rgyal ba'i gzugs kyi sku/ /rgyu skar phreng ba shar ltar snang/ /kun
kyang zab mo'i de nyid ston/ /de bzhin gshegs pa de dag gis kyang

de la 'di skad ces bka' stsal to/ /rigs kyi bu legs so legs so zhes dbugs
dbyung bar mdzad de/ nged kyang sngon byang chub sems dpa'i
spyad pa spyod pa na shes rab kyi pha rol tu phyin pa tshol ba na
yang de bzhin du btsal zhing/ de'i tshe yang ting nge 'dzin 'di dag
thob

ste/ gang la mnyam par bzhag par bya ba dang/ gang gis mnyam par
bzhag par bya ba dang/ gang mnyam par bzhag par bya ba'i chos de
yang dag par rjes su mi mthong ngo/ /'di ni shes rab kyi pha rol tu
phyin pa yin te/ nges kyis kyang 'di la brten nas lus gser gyi

kha dog lta bu mtshan dang dpe byad kyis brgyan pa dang/ 'od 'dom
gang pa dang/ stobs dang mi 'jigs pa dang/ so so yang dag par rig pa
dang gzungs dang/ spobs pa la sogs pa yon tan gyi tshogs du ma
mngon du gyur to/ /de bas na khyod kyis kyang dge ba'i bshes

gnyen yang dag par bsnyen bkur nas/ shes rab kyi pha rol tu phyin
pa don du gnyer bar bya'o/ /zhes bka' stsal pa thos nas/ byang chub
sems dpa' rtag tu dus 'di skad ces gsol to/ /ji ltar rab dang mtsho la
zla gzugs ltar/ /dpag yas shes bya'i

gnas rnams lham me ba/ /gang la brten nas srid pa mthar byed pa/
/bdag gi dge ba'i bshes su su zhig 'os/ /de nas de bzhin gshegs pa de
dag gis kyang 'di skad ces bka' stsal to/ /bskal pa bskal par 'bad pas
bsnyen bkur ba'i/ /chos 'phags

@103a @#/ /chos smra'i mchog de nyin dang mtshan/ /rtag tu rtag tu du
yis bsten nas su/ /yang dang yang du mchod pas mchod par gyis/ /de
ltar de bzhin gshags pa de dag gis bdag nyid chen po de dbugs
phyung nas mi snang bar gyur to/ /de nas byang

chub sems dpa' rtag tu du yang ting nge 'dzin de las langs nas de
bzhin gshegs pa de dag gang nas byon pa dang gang du bzhud pa ma
'tshal te/ de dag ma mthong bas yid rab tu gdung zhing mi dga' bar
'khod do/ /de yid nub kyi sa 'dzin rtse/ /rgyal ba nyin

mor byed pas por/ /dga' ba nyams pa'i zla zer dang/ /gdung ba'i ku
mud mnyam du g.yos/ /'on kyang the tshom gnas de dag/ mtha' yas
yon tan gter gyur pa/ /chos 'phags smra ba'i dbang po la/ /slad nas
bdag gis dri bar bya/ /de nas

byang chub sems dpa' sems dpa' chen po de 'di snyam du sems te/ bdag
ni shin tu dbul bar gyur pas byang chub sems dpa' chos 'phags la gos
rin po che'am/ gser dang dngul dang mu tig dang/ byu ru dang/ mu
men dang/ baiDUr+ya la sogs

pa'i rigs sam/ spos dang/ me tog dang/ phreng ba dang/ byug pa dang/
bdug pa la sogs pa de lta bu dag gis bsnyen bkur ba'i chas ni bdag la
med na/ bdag 'di bzhin du byang chub sems dpa' chos 'phags kyi
drung du song na ni/ bdag gis

tshul ma yin pa byas par gyur ta re snyam du bsams so/ /de de ltar yid
la byed cing bla ma la gus pa nye bar bzhag nas mthar gyi grong
khyer zhig tu phyin pa dang/ de'i grong bar gyi dbus su 'di lta bu'i
bsam pa zhig skyes par gyur to/ /bdag lta'i gzhi

@103b rtsa ches cher rab brtan gser gyi gzhir/ /ma rig chu gter las
kyi mgyogs 'gros bsrubs las byung/ /sdug bsngal lhun po skye shi'i
bang rim khyud mos bsdams/ /srid mtshor yun ring don med 'da' ba de
mthong nas/ /phangs pa med par bdag gi lus/ /

btsongs te de yi rin thang gis/ /dge ba'i bshes la bsnyen bkur bar/
/'dod nas grong du bzhugs par gyur/ /stod smad lus 'di mdzod kyi
sgo gsal te/ /mchil ma snabs dang bshad ba gci la sogs/ /dri nga
rgyun du 'bab par ston pa 'di/ /mi gtsang

rul ba'i bang mdzod dag la ni/ /yid 'ong dngos po cung zad yod re
zhes/ /'di yis mna' ni dor phyir bkod lta yi/ /lus kyi ngang tshul 'di 'dra
rig nas ni/ /sems ldan su zhig 'di la sred par byed/ /de ltar bdag nyid
chen po de lus btsong ba'i phyir

grong bar du 'dug nas/ /su dag kho bo'i lus 'dod ces yang yang
sgrog pas/ byang chub sems dpa'i spyod pa rlabs po che la zhugs pa
de bdud sdig can des rig nas 'di snyam du sems so/ /'di yis spyod pa'i
lang tsho rdzogs pa na/ /thabs la

mkhas pa'i ded dpon mchog gyur nas/ /'gro 'di sku gsum rgya mtsho'i
'jug ngogs su/ /lam bzang bdag med gru yis legs bsgral nas/ /rnam
grol nor bu'i gling du khrid pa'i tshe/ /bdag ris sde dang bcas pa'i
spyod yul las/ /shin tu 'das

shing ci bgyir ma mchis pas/ /de phyir deng nas bar chad brtsam par
bya/ /nyam chung sgron me myur du 'jig sla yi/ /stobs chen nags kyi
me la de lta min/ /de ltar bsams nas bdag nyid chen po'i tshig/ gzhan
gyis thos pa'i lam las bskal

@104a @#/ /bar byas/ /de nas byang chub sems dpa' rtag tu ngus bdag
nyo ba ma rnyed pa de'i tshe/ rang gi mngon par 'dod pa'i don ma grub
pas/ kye ma bdag ni skal ba dman pa zhig go snyam du sems shing
mchi ma blags nas 'dug go /lha yi

lam yang ma yin zhing/ /chu 'dzin gos dang bral na yang/ /khyod kyi
gdong la mchi ma yi/ /char rgyun rtag tu 'bab pa 'di/ /'jig rten char
gyi rgyun dag gi /ya mtshan gzhom slad byas pa 'dra/ /de'i tshe de ltar
bzhugs pa mthong nas lha'i dbang po

brgya byin gyis byang chub sems dpa' rtag tu ngu'i lhag pa'i bsam pa
brtag pa'i ched du/ bram ze'i khye'u'i cha byad du sprul nas de'i mdun
du 'dug ste 'di skad ces smras so/ /rigs kyi bu khyod ci'i phyir du yid
khong du chud cing mig nas mchi ma

'bab/ byang chub sems dpas smras pa/ bdag gi lus btsongs nas shes rab
kyi pha rol tu phyin pa dang/ byang chub sems dpa' chen po chos
'phags la bkur sti bya snyam na bdag gi lus nyo ba su yang ma rnyed
pas de'i slad du'o/ /de nas

bram ze'i khye'u des byang chub sems dpa' rtag tu du la 'di skad ces
smras so/ /bdag gis rig byed las 'byung ba'i/ /mchod sbyin sbyin sreg
sgrub pa'i rdzas/ /mi yi sha dang snying dang khrag /rkang dang rus
pa 'tshol bar byed/ /gal te de dag

gtong nus na/ /ji ltar 'dod pa rin du sbyin/ /de dus skyes bu mchog de
yi/ /snying stobs rgya mtsho cher 'phel te/ /gtam snyan chu bos gang
ba bzhin/ /yid ni kun tu dga' bar gyur/ /de nas byang chub sems dpa'
sems dpa' chen po

@104b des tsham tshom med par rang gi lus kyi brla g.yas pa'i sha
btogs nas mtshon rnon pos lus phug ste/ khrag zag cing rus pa gcog
tu rtsig pa'i drung du phyin no/ /de'i tshe tshong dpon gyi bu mo zhig
sngon gyi rgyal ba du ma la dge ba'i rtsa ba bskrun pa na

gzugs mdzes shing blta na sdug pa/ lang tsho dar la bab pa/ mig
utpal sngon po lta bu sgra mthon mthing du 'dug cing nu ma ra
tu rgyas pa/ dga' tshal gyi lha'i bu mo lta bu yod pa de/ rang gi pha'i
khang pa'i yang thog gi steng na pu mo'i 'khor brgya phrag du mas

yongs su bskor te pha la rol mo byed cing gnas so/ /skye ba gzhan
du sbyangs pa'i bsod nams mthus/ /de yi lus ni shin tu mdzes gyur te/
/'chi med bu mo mngon sum snang ba bzhin/ /chags ldan skye bo'i mig
gi bdud rtsir gyur/ /de yi bzhin ras chu gter

mdzes byed pa/ /mig gi utpal zung dag 'gran pa bzhin/ /brang gi dkyil
'khor nu ma'i khur gyis sgeg/ ro smad rgyas shing skabs phyed yan
lag mdzes/ /dul zhing yid gzhungs dbang po nyer zhi ba/ /de ni na
chung tshogs kyis yongs bskor nas/ /dri za'i glu

dbyangs lta bur snyan pa yi/ /pi wang sgra yis dga' bar rol zhing
'khod/ /de sngon gyi dge ba'i rtsa ba'i mthus bskul nas khang pa'i ba
gam zhig nas bltas pas/ byang chub sems dpa' rtag tu dus bram ze'i
khye'u la rang gi sha dang khrag gtong ba la zhugs pa

mthong nas myur ba myur bar babs te 'ongs pa'i tshe/ de rang gi lus
dur khrod kyi ro la bya ba bzhin du chags pa med par mthong ngo/
/bdag gi lus la'ang chags med par/ /bram ze sha khrag 'dod pa la/
/gtong bar zhugs pa de mthong nas/ /bzang mo de yi

@105a @#/ /lus dang sems/ /shin tu 'dar bar gyur ba ni/ /g.yo ba'i mtsho
nang zla gzugs bzhin/ /de nas bu mo des byang chub sems dpa' bya
dka' ba spyod pa de mthong nas lus shin tu g.yo ba'i rlung gis
bskyod pa'i shing ltar 'dar zhing

mig mchi mas gang bzhin du 'di skad ces smras so/ /gang zhig lang
tsho gsar ba'i me tog gis bkra zhing/ /mtho ris yon tan yal ga'i khyon
yangs shin tu mdzes/ /dal 'byor yongs su mdzes pa'i lus 'di ci slad du/
/brtse bral bram ze 'di la de ring gtong

bar byed/ /de skad smras tshe sems dpa' che/ /rab rgyas zhal gyi chu
skyes mchog/ ge sar so phreng gsal ldan pas/ /bzang mo la ni 'di skad
ces/ /sring mo bdag ni bkren pa ste/ /dge ba'i bshes dang gdams ngag
dang/ /don du gnyer la mchod pa'i

rdzas/ /sgrub slad lus 'di 'di la gtong/ /de skad ces smras pa dang/ bu
mo des 'di skad ces smras so/ /khyod kyis de la bsnyen bkur bas yon
tan gyi rnam pa ci zhig 'thob/ gdong bzhi pa'am mig stong ldan
pa'am/ /drag po'am padmo'i gnyen nam mda'

lnga pa/ /rnam thos bu'am nyi ma 'am zla ba 'am/ /'khor los bsgyur
ram gang zhig thob par 'dod/ /ces smras pa dang/ byang chub sems
dpas smras pa/ skye dgu gling bzhi'i rgyan du 'gyur ba dang/ /gting
zab stong nyid rgya mtsho gsal ba'i phyir/ /nyin

mtshan sdod pa bcom pa'i brtson 'grus kyis/ /rnam grol pad chel 'byed
pa'i nyin byed 'dis/ /gzhan la lam ston 'gyur ba lta zhog gi /rang gi
lus kyang gsal bar mi nus pa'i/ /me khyer 'od la smon par byed pa ni/
/'jig rten 'di na 'ga' tsam

@105b mthong ngam ci/ /de ltar sems dpa' chen po des bzhin gyi
mdangs rab tu gsal bas don du gnyer bar bya ba'i gnas zab mo bstan
pa de thos nas bu mo de'i sngon gyi dge ba'i rtsa ba'i mthu brtas par
gyur cing/ bya dka' ba'i gnas gzhan du bdag gi lus la'ang

ltos pa med par gtong ba de mthong nas 'di snyam du bsams so/ /kye
ma skyes bu dam pa rnams ni chos kyi phyir bdag gi lus kyang rtswa
ltar 'dor bar byed na zang zing gi longs spyod la su zhig chags par
byed/ /de bas na 'di la dgos pa'i yo byad nor bu dang/

mu tig dang/ gser dang/ dngul dang/ spug dang/ rdo'i snying po
dang/ man shel dang/ byu ru dang/ mu min dang/ bai DUr+ya dang/
gzhan yang gos dang/ rgyan dang/ bza' ba dang/ bca' ba dang/
myang ba dang/ bldag par bya ba rnams dang/ me tog dang/

bdug pa dang/ dri dang phye ma dang/ rol mo la sogs pa thams cad
bdag gi pha tshong dpon gyi khyim nas blangs nas byin la bdag kyang
dge ba'i bshes gnyen de blta ba dang/ bsnyen bkur ba'i slad du 'di'i
phyi bzhin du 'gro bar bya'o snyam du yid la nges par

gyur to/ /snying stobs tsha zer rab 'bar zhing/ /chags med 'od stong
'phro ba can/ /rgyal sras spyod pa 'dab brgya'i gnyen/ /mthong bas
bzang mo de yi yid/ /'jungs pa'i mun pa rab btang ste/ /gtong ba'i
snang bas gsal gyur cing/ /dang ba'i pad tshal

cher rgyas nas/ /sems dpa' che la 'di skad smras/ /gang gis bdag nyid
gdung byed pa'i/ /bya ba 'di las khyed thugs ldog/ mchod pa'i yo byad
mkho dgu dag/ kho mos khyod la sbyin gyis long/ /bdag kyang
khyod la brten nas ni/ /sems dpa'  

@106a @#/ /mchog de mthong bar
'dod/ /de skad ces smras pa dang/ byang chub sems dpas kyang khas
blangs so/ /de nas lha'i dbang po brgya byin gyis sems dpa' chen po
de'i lhag pa'i bsam pa g.yo ba med par mkhyen nas/ sprul pa'i lus

mi snang bar byas te/ rang gi gzugs kyis de la 'di skad ces smras so/
/rigs kyi bu nga la snying dang khrag dang rkang dang sha dag gis
dgos pa med de ngas khyod nyams sad pa'i phyir du 'ongs so/ /rigs kyi
bu legs so legs so/ /khyod kyi brtson pa

'di lta bu dang don du gnyer ba 'di lta bu dang ldan pa ni legs so
legs so/ /sngon gyi rnam 'dren rgyal ba de dag kyang/ /spyod tshul
zab mo'i lam bzang 'di nas gshegs/ /de dag gshegs pa'i lam bzang dam
pa nas/ /ring por mi thogs khyod

kyang 'gro bar 'gyur/ /de lta bas na bdag la dam pa gsol cig /byang
chub sems dpas smras pa/ brgya byin sangs rgyas kyi chos bla na med
pa stsol cig /brgya byin gyis smras pa/ gang zhig srid las brgal ba yi/
/slob ma dang ni bse rus kyang/ /

myong bar ma gyur gnas de ni/ /bdag gi spyod yul ma yin no/ /de lta
bas na mchog gzhan stsol cig /byang chub sems dpas smras pa/ bdag
lus nyams pa'i rma 'di yis/ /khyod yid gdung bar bya mi dgos/ /bden
tshig rig sngags zab

mo'i mthu/ /mngon sum nyid du bstan par bya/ /lha'i dbang po bden
pa gang gis bdag bla na med pa'i byang chub las phyir mi ldog par de
bzhin gshegs pa dgra bcom pa yang dag par rdzogs pa'i sangs rgyas
rnams kyis lung bstan cing bdag

@106b gi lhag pa'i bsam pa g.yo med par mkhyen ce na/ bden pa de yi
mthus bdag gi lus sngon bzhin du gyur cig /de skad bden tshig brjod
ma thag /de lus sgra gcan las grol ba'i/ /nya rgyas zla ltar mdzes
mthong nas/ /grong 'joms mi smra'i brtul zhugs 'dzin/ /

de nas brgya byin spobs pa med cing de nyid du mi snang bar gyur to/
/lang tsho'i me tog mdzes pas rab tu spud pa'i lus kyi rdzing dag la/
/khrag gi rgya mtsho kun nas 'khyil zhing rus pa'i ku mud gsal ba 'di/
/rgyal sras ngang pa'i snying gi dga' ba lhag par skyed pa'i

ched du'am/ /rang gi bden tshig nus pa bstan pas lha dbang skyengs
phyir bkod pa snyam/ /de nas tshong dpon gyi bu mo des byang chub
sems dpa' rtag tu ngu la 'di skad ces smras so/ /rigs kyi bu tshur shog
kho mo'i khyim du 'dong ngo/ /kho mo'i pha ma la nor blangs te

des chos dang chos smra ba la bkur sti gyis shig ces smras nas/ de
gnyis 'grogs nas tshong dpon gyi bu mo'i khyim ga la ba der song
ngo/ /de nas tshong dpon gyi bu mo des bdag gi khyim du phyin nas
pha ma la 'di skad ces smras so/ /yab yum bdag la gser

dang dngul dang/ nor bu dang mu tig dang/ byu ru dang man shel
dang/ spug dang rdo'i snying po dang/ bai DUrya dang/ mu men
dang/ gzhan yang gdugs dang/ rgyal mtshan dang ba dan dang/ phye
ma'i phur ma dang gos rin po che dang/ spos dang me tog dang byug
pa

dang/ zhal zas dang/ rol mo'i tshogs ches mang ba dag stsol cig /pha
mas smras pa/ des khyod la ci zhig bya/ bu mos smras pa/ gang gis bya
ba chung ngu yang/ /rnam smin 'bras bu cher skyed pa'i/ /dam pa'i
zhing mchog dag la ni/ /bdag gis bsod

@107a @#/ /nams bya bar 'dod/ /pha mas smras pa/ bsod nams kyi zhing de
ji lta bu zhig /bu mos smras pa/ bskal pa brgya phrag du mar yang/
/mtshan tsam thos pa'ang rnyed dka' ba/ /sems dpa' mchog cig bdag gis
ni/ /bsod nams mthu

yis de ring mthong/ /byang chub spyod pa'i klong 'khor zab yangs
ldan/ /snying stobs nor bu du mas kun nas gtams/ /brtson 'grus rba
rlabs ldog par sla min pa/ /yon tan mchog gi rgya mtsho chen po zhig
/mig stong sgyu ma'i sbyor ba ston pa la/ /rang gi lus

kyang sog ma'i phung po ltar/ /chags med gtong la zhum pa ma
mchis shing/ /bden tshig grub pas lha dbang spobs pa bcom/ /de ltar bu
mo des ji ltar gyur pa rnams pha ma la rgyas par bsnyad do/ /de nas
bu mo de'i pha mas bu mo de la 'di skad ces smras

so/ /rigs kyi bu mo/ de da lta gang na 'dug /smras pa/ da lta 'o skol
gyi sgo drung na mchis so/ /pha mas smras pa de lta na khyod kyis
skabs phye zhig dang bdag cag kyang khyod dang lhan cig tu
'gro'o/ /de nas bu mo des skabs phye nas bu mo de'i g.yog mo lnga
brgya

yang rgyan gyis brgyan te/ shing rta lnga brgya legs par brgyan
par bkod/ byang chub sems dpa' rtag tu ngu yang tshong dpon gyi bu
mo de dang lhan cig tu rin po che'i rgyan du mas spras pa'i shing
rta chen po gser gyi dra bas g.yogs pa'i glang po che'i mchog
gangs

kyi dum bu 'gro shes pa lta bus drangs pa'i nang du zhugs te bu mo
de'i pha ma dang bcas pa 'khor brgya stong phrag du mas yongs su
bskor nas shar phyogs logs su grong khyer chen po spos ldan gyi
lam ga la ba der zhugs so/ /sngon spyad ma dros mtsho las

@107b legs 'ongs shing/ /ngo mtshar spyod pa'i rlabs chen chal chil
g.yo/ /brtson pa'i rba rlabs phreng ba drag tu 'khrugs/ /lhag bsam
khur can rgyal sras ganggA'i rgyun/ /'jam pa'i lus mdzes dal ba'i
'gros dang ldan/ /snyan pa'i sgra sgrogs mdzes ma'i chu phran

'khor/ /lnga brgyar bcas te shar gyi phyogs nyid du/ /spos ldan rgya
mtsho'i dogs su zhugs par gyur/ /de ltar mthar gyis song song ba
dang/ bdag nyid chen po des rgyang ring po zhig nas grong khyer
spos ldan dang de'i dbus na byang chub sems dpa' sems dpa' chen

po chos 'phags skye bo'i tshogs brgya stong du ma la legs par 'doms
pa mthong bar gyur to/ /rgyu skar khrod na ku mud gnyen ltar
mthong ba tsam gyis gdung ba sel/ /ri dwags khrod na seng ge lta
bur 'khor du 'jigs pa kun dang bral/ /gling bzhi'i dbus na lhun po

ji bzhin dge mtshan du mas kun nas brjid/ /ring mo zhig nas yang yang
yid la gcags pa'i chos 'phags de yis mthong/ /de tshe de yi yid kyi mtsho/
/dga' ba'i rlabs kyis bskyod pa ni/ /yang dag 'jog gi bsam gtan gyi/ /bde
bas dper yang mi bzed

do/ /de nas sems dpa' chen po de shing rta'i nang du zhugs bzhin du
bdag dge ba'i bshes gnyen gyi drung du 'gro ba ni tshul dang mthun
pa ma yin no snyam du bsams nas rang gi shing rta las babs so/ /de
babs pa dang dus mnyam du bu mo lnga brgya yang shing rta

las babs so/ /de nas byang chub sems dpa' de tshong dpon gyi bu mo la
sogs pa bu mo lnga brgyas bskor zhing mdun nas bdar te/ bkod pa
shin tu mdzes pa dang ldan pas grong khyer spos ldan ga la pa der
song ngo/ /de ltar rim gyis song ba dang/ rin po

@108a @#/ /che sna bdun las byas pa'i grong khyer chu dang zheng du
dpag tshad bcu gnyis bcu gnyis yod pa/ 'byor pa rgyas pa bde ba lo
legs pa skye bo mang pos gang ba/ rin po che sna bdun las byas pa'i
rwa ba rim pa bdun dang 'obs rim pa bdun dang/

rta babs rim pa bdun gyis yongs su bskor ba/ mnyam pa'i srang bar
lnga brgya lnga brgya dag gis ri mor bris pa bzhin du gtams shing/
bar bar du zab pa btags pa/ grong khyer gyi kher yug tu rin po che
sna bdun las byas pa'i lcags ris yongs su

bskor ba/ de'i mda' yab rnams ni 'dzam bu chu bo'i gser las byas pa/
mtho zhing tshad dang ldan pa mda' yab thams cad kyi rtse mo las
kyang rin po che sna bdun gyi shing rin po che sna tshogs kyi 'bras
bu'i khur gyis dud pa skyes shing/ de thams cad las

kyang rin po che'i thi gu byung bas shing gnyis pa gzhan dang 'brel
bar gyur pa/ grong khyer de dag thams cad gser gyi dril bu g.yer
kha'i dra bas khebs te/ de la rlung gis btab pa'i tshe 'jam zhing snyan
pa'i sgra yid du 'ong ba las stong pa nyid dang mtshan ma

med pa dang smon pa med pa la sogs pa zab pa dang rgya che ba'i
chos kyi rnam grangs du ma byung bas sems can de dag gi yid 'khor
ba las phyir phyogs par byed cing/ stong pa nyid kyi sa bon kun nas
rtas par byed la sems can de rnams rtse dga' bas dus

'da' bar byed pas dga' mgur spyod do/ /gzhan yang grong khyer de'i
phyi rol tu yan lag brgyad dang ldan pa'i chus yongs su gang ba'i
'obs yod pa/ chu de dag las kyang me tog utpal dang ku mu da
dang padma dkar po gzugs mdzes shing dri zhim pa

@108b du mas yongs su khebs par g.yogs pa stong gsum gyi 'jig rten
na yod pa'i me tog gi rigs dag la de na med pa gang yang med do/
/chu de la sems can de rnams kyi sngon gyi bsod nams las byung ba'i
rin po che sna tshogs las grub pa'i gru dag yod de/ sems can

de dag der zhugs nas rtse dga' bas kun tu rol bar byed do/ /'og gzhi
nor bu'i phung po bdal ba bzhin/ /logs rnams ston ka'i 'ja' tshon bkra
ba bzhin/ /ba gam sprin dkar thor chog bcings pa bzhin/ /kun gyis
mdzes pa gcig tu bsdus pa bzhin/ /

'di yi ngo mtshar rmad byung yon tan tshogs/ /mthong bar gyur tshe
ches cher yid g.yo ba'i/ /bai DUr sngon po bzhu ba 'bab 'dra yi/ /rgya
mtsho chen pos lus kyi rlabs bskyod de/ /gang gi grong khyer mdzes
pa skyed pa'i rgyan/ /gzugs mdzes yid 'ong dri dang ldan pa

yi/ /sna tshogs me tog gos bzang gyon nas su/ /lhun po dor te 'di ru
'ongs sam snyam/ /sngo sangs lus mdzes rnyog pa'i dri ma bral/ /bzhin
gyi chu skyes 'dzum pa'i ze'u 'bru can/ /gnag cing snum pa'i bung ba'i
mig dkyus ring/ /rin chen gru yi nu ma'i

'bur dang ldan/ /rlabs phreng do shal thogs pa yi/ /dga' bas 'di rnams
rang gi lus/ /rin chen 'obs kyi khang bzang du/ /bskyod pa'i zlos gar
mthong ba'i tshe/ /lang tsho'i lhun stug gsal ba'i mdangs kyis bkra/
ther tshugs 'bras bu'i khur gyis lhag

par brjid/ /rin chen g.yer kha'i 'phreng bas mgul brgyan pa'i/ /mda'
yab gser khri'i steng gi gzhon nu 'ga'/ /'obs kyi khang bzang phyogs
su mngon phyogs nas/ /mnyen lcug yal ga'i lag pa'i rtse mo rnams/
/phan tshun sbrel te snyan pa'i glu

@109a @#/ /len cing/ /'dod pa bsten phyir lag pa g.yob pa 'dra/ /de lta
bu'i grong khyer de mthong nas bu mo de dag shin tu ngo mtshar bar
gyur te/ byang chub sems dpa' sems dpa' chen po rtag tu ngu la 'di
skad ces smras so/ /sngon chad 'di yi

ming tsam yang/ /thos pa'i yul du ma gyur pa/ /mdzes pa'i rin chen
pho brang 'di/ /su yi lags pa bstan du gsol/ /de skad ces smras pa
dang/ byang chub sems dpa' chen po rtag tu dus bu mo de dag la 'di
skad ces smras so/ /bu mo 'di ni bdag cag rnams

gang gi mthus sdug bsngal gyi rgya mtsho mu med pa las sgrol ba'i
mnyan pa chen po chos 'phags zhes bya ba de bzhugs pa'i grong
khyer te/ da ni ring por mi thogs par rigs kyi bu des bdag cag rnams
la shes rab kyi pha rol tu phyin pa 'doms par 'gyur

bas dga' ba dang yid bde bar gyis shig ces smras so/ /de nas byang
chub sems dpa' sems dpa' chen po rtag tu ngu 'khor dang bcas pa
grong khyer de'i sgo nas zhugs te dong ba dang/ de'i nang du rin po
che sna tshogs las grub pa'i skyed mos tshal dbyibs mdzes

la rnam par bkra zhing blta na sdug pa ne tso'i gshog pa ltar ljang
zhing mnyen pa'i lo 'dab kyis klubs shing /me tog dang 'bras bu'i khur
gyis dud pa'i tshul lnga brgya yod pa de dag gis mthong bar gyur to/
/de mthong ma thag tu tshal de 'di 'dra ba zhig go snyam

nas bu mo de dag gis smras pa/ ma rgad lo ma'i gos gyon cing/ /me
tog sar pa'i thod bcings te/ /bsir bus dal gyis bskyod pa na/ /mgrin pa
cung zad bkug nas ni/ /shub bu'i sgra yis sngags zlo ba/ /'di dag sngon
med rig sngags mkhan/ /de nas yang

@109b dong ba dang/ skyed mos tshal de dag re re na yang shes rab kyi
pha rol tu phyin pa la mos pa'i sems can de dag gi sngon gyi legs par
spyad pa las grub pa'i rdzing bu khor yug tu rgyang grags kyi tshad
tsam pa lnga brgya lnga brgya yod pa/ de la yang me tog kha dog
sngon po dang ser

po dang dmar po dang dkar po rnams tshad shing rta'i 'phang lo
tsam sna tshogs kyis yongs su bkab nas mdzes par byas pa/ ngang pa
dang ngur pa dang khrung khrung dang ka ran ta ga dang sa ra
sa la sgra snyan cing spu'i mdog sdug pa'i bya du ma skad snyan pa
'byin pa/ skyed mos tshal dang

rdzing de dag kyang bdag gi ba'i ris su chad pa med pa la sems can
de rnams dga' mgur spyod pa mthong bar gyur to/ /de ltar mthong
ma thag tu bu mo de rnams kyis rdzing gi yon tan bsngags te smras
pa/ dogs rnams mdzes pa'i ljon shing du mas dkrigs/ /steng du spu

sdug bya rnams dga' bas rtse/ /'gram na ldem ldem g.yo ba'i padmo'i
tshogs/ /rdzing gi yon tan mthong tshe rgod pa bzhin/ /'bad pas bsgrubs
pa med na yang/ /'dod dgu'i rin chen ljon pa la/ /bdag gir bzung ba
med par spyod/ /lhun po byang du phyin pa 'dra/ /de nas

yang mthar gyis dong ba dang/ grong khyer de'i dbus kyi bzhi mdo
na byang chub sems dpa' sems dpa' chen po chos 'phags kyi khang pa/
rin po che sna bdun las byas pa/ khor yug tu dpag tshad kyi tshad tsam
rnam par bkra zhing lta na sdug pa rwa ba rim pa bdun dang/

shing ta la'i phreng ba rim pa bdun gyis yongs su bskor ba/ khang pa
de na khang pa'i longs spyod du gyur pa'i skyed mos tshal bzhi yod
cing/ skyed mos tshal re re la'ang rin po che du ma las grub pa'i
rdzing bu brgyad brgyad yod pa/ grong khyer chen po lta na sdug
pa 'phos

@110a @#/ /pa'am/ sgyu ma mkhan mkhas pa zhig gis sprul pa de lta bu
de mthong nas bu mo de dag gis byang chub sems dpa' rtag tu ngu
la 'di skad ces smras so/ /gang gi bkod pa'i lcags kyu yis/ /dbang po'i
gnyis 'thung 'dzin byed pa/ /nyams

dga'i rin chen pho brang 'di/ /'chi med dbang po'i pho brang ngam/
/'on te su yi sgyu ma'i mthus/ /bdag cag mig lam snang bar gyur/ /rtag
tu dus smras pa/ gang gis rang gzhan don gnyis theg pa'i sa srungs
mchog la legs gnas shing/ /bdag med rdo rje

rab tu 'bar bas 'jig tshogs lta ba'i lha min 'joms/ /chos rnams ma lus
stong par gzigs pa'i spyan stong rab tu gsal ldan pa/ /bshes gnyen
lha dbang brgya byin gang de'i pho brang mchog de 'di yin no/ /rten
'brel sgyu ma thugs chud nas/ /chos kun

sgyu ma ston mdzad pa/ /rgyal sras sgyu ma mkhan de yis/ /legs spyad
sgyu ma las byung ba'i/ /bkod pa sgyu ma lta bu 'di/ /gdul bya sgyu
ma'i sems can la/ /rnam 'phrul sgyu ma'i tshul bstan pa/ /bdag gis sgyu
ma'i gzugs su mthong/ /de nas byang chub sems

dpa' sems dpa' chen po des tshong dpon gyi bu mo la sogs pa bu mo
lnga brgya'i 'khor dang bcas pa byang chub sems dpa' sems dpa' chen
po chos 'phags kyi skyed mos tshal dang rdzing bu de dag lta ba la
zhugs pa na/ rtag tu dga' ba dang/ mya ngan med pa

dang/ mya ngan dang bral ba dang/ me tog sna tshogs pa zhes bya ba'i
skyed mos tshal bzhi yod de/ skyed mos tshal de dag re re na yang/
bzang po zhes bya ba dang/ bzang mchog ces bya ba dang/ dga' ba
zhes bya ba dang/ dga' mchog ces bya ba dang/ bde ba

@110b zhes bya ba dang/ bde ldan zhes bya ba dang/ nges ba zhes bya
ba dang/ mi 'bab ces bya ba'i rdzing bu brgyad brgyad yod pa mthong
ngo/ /rdzing bu'i ra ba thams cad kyang gser dang/ dngul dang bai
DUrya dang shel las grub pa ngos bzhi bzhi dang ldan pa/ nang gi
sa gzhi ke ke ru las

byas pa gser gyi bye ma bdal ba/ rdzing bu de dag re re la yang
phyogs dang mtshams rnams su them skas brgyad brgyad btsugs
shing/ de dag gi bar bar na 'dzam bu chu bo'i gser las grub pa'i shing
skyes pas mdzes pa/ rdzing gi chu rnams kyang me tog gi shing gis

gtams pa de dang ? rlung gis bskyod pa'i tshe me tog rnams rdzing
bu'i nang du lhung bas/ rdzing bu'i chu de dag thams cad kyi chu
yang tsan dan gyi dri dang ldan par byed pa/ grong khyer de na
yod pa'i skyes pa dang bud med rnams kyang skyed mos tshal dang
rdzing der 'dod pa'i

yon tan ldan dang ldan pas rtse dga' zhing/ byang chub sems dpa'
sems dpa' chen po chos 'phags kyang/ btsun mo drug khri dang bcas
pa skyed mos tshal der dus dus su 'dod pa'i yon tan lngas dga' mgur
longs spyod par byed do/ /'gro 'dod yid kyi rlabs

'khrug drag po yis/ /gzhon nu'i chu gter mtha' ru ba skyod pa'i tshe/
/rdzing gi lhun po'i na chung mdzes ma des/ /'di yis bdag la 'khyud pa
'dor snyam nas/ /kha dog bzhi yis bkra ba'i gzhon nu'i mtsho/ /blangs
nas rang gi steng du 'khod pa 'dra/ /dwangs shing dri

ma med pa'i chu gter steng/ /gangs ri'i tog ltar dkar pa'i ngang pa'i
tshogs/ /gshog pa zung gi 'dab ma bgrad byas nas/ /tshar du dngar bas
khebs par snang ba 'di/ /ston dus lha yi lam ni mdzes byed pa'i/ /sprin
dkar phreng ba 'khrigs la 'gran pa bzhin/ /'tshe ba bral 

@111a @#/ /zhing
padma'i rtsa ba za/ /gur kum mdog gi 'dab ma'i shugs bskyod nas/
/mdzes pa 'gran 'dra'i rdzing gi gnas rnams su/ /dga' bas phan tshun
'phur ba'i ngur pa 'di/ /ring nas dbang po thul ba'i drang srong 'ga'/
/nags tshal me tog ldan pa'i bsti gnas

su/ /ting 'dzin mthu yis bsgrubs pa'i rdzu 'phrul gyis/ /rang gi lus la
du mar ston pa lta/ /de ltar yon tan gyi rnam pa de lta bu dang
ldan pa'i skyed mos tshal dang/ rdzing de dag mthong bas bu mo de
dag ches ya mtshan du gyur nas mig bgrad de a la la zhes sgrog par
byed do/ /

de lta bu'i bkod pa shin tu mdzes pa'i grong khyer gyi dbus kyi bzhi
mdo na/ grong khyer spos ldan na 'khod pa de dag gis/ byang chub
sems dpa' sems dpa' chen po chos 'phags chos ston pa'i khri/ gser
dang dngul dang shel dang bai DUr+ya las grub pa'i rkang pa bzhi
btsugs

pa/ de'i steng du stan nang tshangs can bting ba/ steng snying po can
du byas pa 'phang du rgyang grags phyed yod pa bshams te/ steng gi
bar snang la ka shi ka'i ras kyi bla bre la me tog gi chun po 'phyang
bas brgyan pa bres shing/ sa phyogs de'i khor yug thams cad kyang
rin po

che'i me tog du ma gcal du bkram pa/ spos kyi chus chag chag btab
cing/ bdug spos kyi snod du ma nas kyang spos kyi dri zhim pa du ma'i
dud pa 'thul bar byed do/ /de ltar khri de la byang chub sems dpa'
sems dpa' chen po chos 'phags bzhugs nas skye bo'i tshogs

du ma la shes rab kyi pha rol tu phyin pa ston to/ /sems can de dag
kyang la la ni lung nod/ la la ni kha ton byed/ la la ni yi ger 'dri/
la la ni tshul bzhin du yid la byed pas so sor rtog par byed de/ de dag
kyang 'jig tshogs la lta ba ring du dor ba/ bla na med

@111b pa'i byang chub las phyir mi ldog pa sha stag go /de nas byang
chub sems dpa' sems dpa' chen po chos 'phags kyi pho brang de dang/
ha cang yang thag mi ring ba zhig na shes rab kyi pha rol tu phyin
pa'i glegs bam bzhugs pa'i khang pa brtsegs pa rin po che sna

bdun las byas pa/ tsan dan dmar po'i ka ba du mas spras shing mu tig
gi dra bas g.yogs pa/ khang bu brtsegs pa de'i nang gi grwa bzhir
rin po che 'od 'bar ba bzhi sgron me'i bya ba byed pa'i ched du bkod
pa/ phyogs bzhir dngul las byas pa'i bdug spos kyi snod

rin po che sna tshogs pas spras pa bzhi'i nang na a ka ru nag po 'ba'
zhig gi du ba rgyun mi 'chad du 'thul ba/ de'i dbus na rin po che sna
bdun gyi seng ge'i khri chen po bzhi btsugs pa/ lha rdzas kyi gos kha
dog rnam par bkra ba du mas mdzes par klubs pa'i steng du/

rin po che du ma'i 'ching ba rnam par bkra ba'i rin po che'i sgrom
chen po bzhi bzhag pa mthong ngo/ /ka ba du mas legs dkrigs ka
gzhu nor bu'i phra yis spras/ /kha khyer khyung brtsegs legs bskor
kha bad pu shu spa zhing mtho/ /pa tra 'khyil bas kun nas legs

brgyan pa la sha ltar yid 'ong brjid/ /ba gam mang pos kun nas legs
spras ba mo'i mdangs ltar ches dkar gsal/ /de yi bkod pa'i ya mtshan la/
/skrag pas mig stong ldan pa'i grong/ /lha yi lam nas rab 'phags te/
/lhun po'i steng du bros pa

lta/ /de ltar khang pa brtsegs pa de la lha'i dbang po brgya byin
yang lha'i bu stong phrag du ma dang bcas te lha rdzas kyi me tog
manda ra ba dang manda ra ba chen po dang/ lha'i tsan dan gyi
phye ma dang/ gser dang dngul gyi me tog 'thor/ lha rdzas kyi sil
snyan du ma'i sgra

@112a @#/ /yid du 'ong ba brdung zhing khang ba brtsegs pa de la bkur
sti chen po sgrub pa mthong ngo/ /de mthong nas byang chub sems
dpa' sems dpa' chen po rtag tu nges lha'i dbang po brgya byin la 'di
skad ces smras so/ /gang gi lha brgya'i yan lag mchog dang

lag pa'i padma mdzes byed pa'i/ /rna rgyan mchog dang gdub skor
'khrol ba'ang myur dus la ltung byed cing/ /rol mo'i sgra dang me
tog 'thor la khyod kyang mngon par brtson byed na/ /khang bzang
yid 'ong mdzes pa mchog 'dir tshangs pa'i dbang po bzhugs sam ci/
/brgya byin gyis

smras pa/ gang gis tshangs dbang mchog gi yang/ /cod pan sa la ltung
byed pa/ /srid pa gsum gyi mchod pa'i gnas/ /rgyal ba kun gyi yum
bzhugs so/ /sku gsum dkyil 'khor rab rgyas pas/ /dug gsum mun pa'i
tshogs 'joms shing/ /theg gsum padmo'i tshal

skyong ba/ /mkhyen gsum nyin mo'i dbang phyug bzhugs/ /bden bzhi
rtogs pa'i 'od dkar can/ /sku bzhi rgya mtsho 'phel byed cing/ /gling
bzhi 'gro ba'i gdung sel ba/ /sbyor bzhi rgyu skar rgyal po'ang
bzhugs/ /'gro ba'i skyabs gcig don dam sku/ /kun mkhyen nyag

gcig kho na'i yum/ /chos sku ro gcig spros bral dbyings/ /rgyal ba'i
yum gcig chos sku bzhugs/ /spros bral dbu ma'i mkha' la legs gnas
shing/ /mtha' brgyad mun pa'i dmag dpung nyams byed pa/ /rgyal yum
nyin mo'i dpal 'di mthong ba'i tshe/ /

padmo'i gnyan 'di'ang skrag nas bros pa 'dra/ /stong nyid spros dang
bral ba'i dbyings 'di yis/ /lha yi lam gyis khyab pa'i go phrogs shing/
/kun la rang nyid rjes su zhugs pa na/ /mkha' 'di'ang bskrad pas mig
lam mi snang gyur/ /rigs kyi bu 'di'i nang na de

@112b bzhin gshegs pa thams cad kyi bgrod pa gcig pa'i lam shes rab
kyi pha rol tu phyin pa ston par byed pa'i glegs bam bzhugs so/ /de
nas byang chub sems dpa' sems dpa' chen po rtag tu ngus lha'i dbang
po brgya byin la 'di skad ces smras so/ /ko'u shi ka

dus gsum gyi sangs rgyas thams cad kyi bgrod pa gcig pa'i lam shes
rab kyi pha rol tu phyin pa de bdag la ston cig/ brgya byin gyis smras
pa/ rigs kyi bu zab mo'i gnas de ni smra ba dang bsam pa'i yul thams
cad las 'das shing spros pa'i mtshan ma

thams cad nye bar zhi ba/ de bzhin gshegs pa thams cad kyi stong pa
nyid dang/ mtshan ma med pa dang smon pa med pa'i rgyas btab pa
mtshan ma'i blo thams cad dang ma bral ba rnams kyis blta ba dang
brtag pa'i gnas ma yin pa/ thams cad mkhyen pa kho na'i

spyod yul du gyur pa nged kyis khyod la ming tsam yang ston par
nus re skan/ rtag tu ngus smras pa/ de lta na yang shes rab kyi pha
rol tu phyin pa'i glegs bam bdag la ston cig/ brgya byin gyis smras
pa/ rigs kyi bu de yang gser gyi glegs bam la bai DUr+ya bzhu

mas bris pa rnyed par dka' zhing don che ba nyid kyi phyir/ byang
chub sems dpa' chen po chos 'phags kyis sku rags bdun bdun gyis shin
tu dam par bcings nas mdud pa'i gnas bdun la rang ming gi rgya rim
pa bdun gyis btab nas bzhag pas/ nged kyis

khyod la shin tu bstan par dka'o/ /de nas byang chub sems dpa' sems
dpa' chen po rtag tu ngu dang/ tshong dpon gyi bu mo la sogs pa bu
mo lnga brgya po de dag thams cad kyis me tog gi phreng ba'i tshun
po dang/ gos rin po che dang mu tig gi do shal dang/ me

@113a @#/ /tog dang bdug pa dang phye ma dang gdugs dang/ rgyal
mtshan dang ba dan dang tsan dan gyi phye ma dang/ gser dang
dngul gyi me tog khang pa brtsegs pa de la gtor zhing/ byang chub
sems dpa' sems dpa' chen po chos 'phags

la mchod par bya ba'i phyir cha shas kyis kyang bzhag go /ma lus
sras bcas rgyal ba'i yum/ /mi gnas myang 'das ston de la/ /mu tig do
shal rgyan rnams dang/ /me tog sil mas mngon par gtor/ /de nas
byang chub sems dpa'

sems dpa' chen po rtag tu ngu 'khor dang bcas pa byang chub sems
dpa' sems dpa' chen po chos 'phags ga la ba der phyin nas/ chos la
mchod pa nyid kyi phyir/ byang chub sems dpa' sems dpa' chen po
chos 'phags la me

tog dang/ bdug pa dang spos dang phreng ba dang byug pa dang
phye ma dang/ chos gos dang gdugs dang rgyal mtshan dang/ ba dan
dang tsan dan gyi phye ma dang/ gser dang dngul gyi phye ma dang/
me tog dag gis nam mkha' la gtor ro/ /de nas me

tog de dag byang chub sems dpa' sems dpa' chen po chos 'phags kyi
spyi bo'i steng na me tog gi khang bu brtsegs pa zhig tu gyur to/
/gser dang dngul gyi me tog dag kyang nam mkha' la gzhal med
khang 'dra bar 'dug par gyur to/ /chos

gos dang gos rin po che de dag kyang rin po che sna tshogs kyi sprin
gyi dkyil 'khor 'dra bar 'dug par gyur to/ /'di yis chos 'phags bsnyen
bkur phyir/ /phangs pa med par gtor ba rnams/ /mkha' yis rang la byin
snyam nas/ /lag

@113b pas dam du bzung ba 'dra/ /gzhan gyi 'byor pa du ma rnams/ /ma
byin par yang bdag gir byed/ /rdzas la sred pa'i brnab sems can/
/khyod las khrel ba gzhan su zhig/ yang na mchod rdzas mchog 'di
mthong ba'i tshe/ /shin tu ya mtshan ldan pa'i

blo skyes nas/ /'di la sa yis gos na mi rung zhes/ /mkha' yis bar snang
dbyings 'dir bkod pa bzhin/ /de mthong nas byang chub sems dpa'
rtag tu ngu dang/ tshong dpon gyi bu mo la sogs pa bu mo lnga
brgya po de dag gis byang chub sems dpa'

sems dpa' chen po chos 'phags kyi rdzu 'phrul gyi rnam 'phrul de dag
mthong nas 'di snyam du sems so/ /kye ma byang chub sems dpa' sems
dpa' chen po chos 'phags 'di ltar byang chub sems dpa'i spyad pa
spyod pa na yang 'di lta bu'i cho 'phrul

dang/ rnam par 'phrul pa mnga' na/ bla na med pa yang dag par
rdzogs pa'i byang chub tu mngon par rdzogs par sangs rgyas pa na/
'di las kyang ches khyad du 'phags pa'i rnam par 'phrul pa ci 'dra ba
dag 'byung snyam du ngo mtshar skyes nas rab tu

dga' ba'i rlung gi shugs drag pos bskyod pa'i smon lam gyi rlabs
chen po bla na med pa'i byang chub kyi phyogs su gzhol pa ldog tu
med pas 'di skad ces smras so/ /dge ba'i rtsa ba 'dis bdag cag rnams ma
'ongs pa'i dus na stobs dang mi

'jigs pa dang/ ma 'dres pa'i yon tan gyi gter chen po bcom ldan 'das
de bzhin gshegs pa dgra bcom pa yang dag par rdzogs pa'i sangs
rgyas 'jig rten thams cad kyi ston par gyur cig /byang chub sems
dpa'i spyad pa spyod pa na

@114a @#/ /yang byang chub sems dpa' sems dpa' chen po chas 'phags ji
lta ba de ltar bdag cag rnams kyang chos zab mo ston pa la spebs
pa 'jug cing/ shes rab kyi pha rol tu phyin pa la yang 'di lta bu'i bkur
sti byed par gyur cig /

ces smras nas de dag gis shes rab kyi pha rol tu phyin pa dang/ byang
chub sems dpa' sems dpa' chen po chos 'phags la bkur sti byas te logs
shig tu 'khod do/ /gang gis rgyal ba'i sras po yi/ /byang chub spyod pa
zab mo'i tshul/ /

sngon med rnam 'phrul 'di mthong tshe/ /de dag dga' ba rgyas par
gyur/ /de nas byang chub sems dpa' chen po rtag tu ngu dang/ tshong
dpon gyi bu mo la sogs pa bu mo lnga brgya po de dag gis shes rab
kyi pha rol tu phyin pa dang/ byang chub sems

dpa' sems dpa' chen po chos 'phags la yang mchod pa dang bkur sti
byas nas/ byang chub sems dpa' sems dpa' chen po chos 'phags kyi
zhabs la mgo bos gtugs pa'i phyag 'tshal zhing/ thal mo sbyar te
phyogs gcig tu

'khod do/ /phyogs gcig tu 'khod nas byang chub sems dpa' rtag tu
ngus byang chub sems dpa' sems dpa' chen po chos 'phags la sngar
ji ltar gyur pa rnams bsnyad cing khyad par du don 'di dris so/
/'phags pa bdag shes rab

kyi pha rol tu phyin pa tshol ba la zhugs pa'i tshe dben pa'i phyogs shig
tu ting nge 'dzin gyi sgo du ma mngon du gyur pa na bdag gis de
bzhin gshegs pa'i sku bgrang ba las 'das pa mthong zhing/ de dag gis
bdag dbugs dbyung ba mdzad

@114b de/ legs par bstan nas mi snang bar gyur to/ /de nas bdag ting
nge 'dzin de las langs nas 'di snyam du kye ma bdag gis de bzhin
gshegs pa rnams la gang nas byon pa dang/ gang du bzhud pa ma
dris so snyam du yid khong du chud par gyur

to/ /de nas yang bdag 'di snyam du don 'di ni byang chub sems dpa'
sems dpa' chen po chos 'phags la dri ba gor ma chag snyam na/
'phags pa bdag la de bzhin gshegs pa de dag gang nas byon pa dang
bzhud pa'i don bshad du

gsol/ /de skad ces smras pa dang/ byang chub sems dpa' sems dpa'
chen po chos 'phags 'di snyam du sems te skyes bu mkhas pa rnams ni
dpe'i sgo nas don zab mo bde blag tu rtogs par 'gyur bas/ bdag gis
dpe du ma'i

sgo nas don de bsnyad par bya'o snyam nas/ /thog mar smig rgyu'i
dpes de bzhin gshegs pa de dag byon pa dang bzhud pa med par bstan
par bzhed nas/ shin tu gsal ba'i bzhin 'dzum mul te 'di skad ces smras
so/ /nyal 'gro'i rgyun

rnams sgrog gi rgya las grol/ /ljon shing lo 'dab gsar pa'i gos ljang
bgos/ /bkra ba'i me tog du ma'i rgyan gyis spud/ /khu byug myos pa'i ca
co sgrog ba na/ /mkha' yang chu 'dzin gos kyis dor/ /padmo'i gnyen
yang gung la

bab/ /de tshe g.yo ba'i smig rgyu ba/ /mthong ba'i mi mkhas skyes bu
'gas/ /gang la zhen pas bdag nyid ngal ba'i rgyu/ /kun rtog yid kyis
med pa'i chur btags pa/ /de ni dang por 'jug ngogs gang nas 'ongs/
/mthar yang sa phyogs

@115a @#/ /gang du gzhol bar 'gyur/ /de phyir 'gro dang 'ong ba'i tshul
brtags na/ /shes ldan su yis de yi 'gro 'ong rnyed/ /yang rtogs par
dka' ba'i don zab mo de nyid sgyu ma'i dpes kyang ston par bzhed
nas/ bdag nyid chen po des

skad kyi gdangs gsal bar 'di skad ces smras so/ /gang yang 'di na sgyu
ma mkhas pa 'gas/ /ral pa gyen du bsgreng zhing mig rtsa dmar/
/'khyug cing dmar ba'i glog ltar lce g.yo zhing/ /rngam pa'i shugs
'byin rno ba'i mtshon bzung ba'i/ /'jigs

rung gshin rje'i skyes du mang sprul nas/ /de yis skye bo 'ga' yi lto
dral te/ /rgyu ma'i zhags pas rang gi mgul la brgyan/ /lus ni khrag
gis kun nas gos par byas/ /lag pas mgo bo bzung nas klad pa ldag /'di
dag mthong tshe byis pa

rmongs pa 'ga'/ /mchi mas gdong g.yogs byin pa sgrog tu bcug/
snying yang lkog mar sleb pa ltar gyur nas/ /sngar ba'i 'jigs skrag
skyes nas 'bros mod kyang/ /de yi ngang tshul rig pa'i mkhas pa dag/ 'di
la 'jigs pa skye ba ga la

zhig/ 'jigs pa'i gnas de nyid kyang dmigs pa med/ /de nas gnas zab mo
'di rmi lam gyi dpes kyang bsnyad par 'dod nas smra ba'i khyu mchog
des yang 'di skad ces smras so/ /dbang po'i grong khyer yul lnga
gsal ba'i nyin byed nub/ /mig gi

ze 'bru chu skyes 'dab ma'i pags pas bkab/ /yid kyi skyes bu yul la rgyu
ba'i go skabs bcom/ /yid kyi sa 'dzin gnyid kyi mun pas non pa 'gas/
/ngo mtshar rgyal ba'i tshogs mthong nas/ /sad tshe de dag mi snang
'gyur/ /'on kyang rmi lam

@115b rgyal po rnams/ /ngo bo nyid kyis rab zhi na/ /de yi khyad par
skye dang 'gag/ su zhig gis ni dmigs par 'gyur/ /de lta bas na rigs kyi
bu dpe de bzhin du de bzhin gshegs pa de dag byon pa dang bzhud pa
med par khong du chud par bya'o/ /de ltar sgyu

ma'i skyes bu gshin rje smig rgyu'i chu/ /rmi lam rgyal ba ji 'dra de
'dra bar/ /chos kun rten dang bral bar rtogs pa des/ /thub rnams
byon dang bzhud par mi 'dzin no/ /bde bar gshegs pa ji ltar bzung bas
stong/ /stong nyid yin phyir skye dang

'gag pa med/ /med pa snang ba 'khrul pa'i 'dzin stangs su/ /su yis rtogs
pa de yi dmigs pa zhi/ /de ltar de bzhin gshegs pa de dag gdod ma nas
skye ba dang 'gag pas dben yang/ blo gros kyi mig ma rig pa'i ling
tog gis ldongs shing/

stong pa nyid rtogs pa'i mig sman dang bral ba'i mngon zhen can gyi
ngor/ skye ba dang 'gag par snang ba'i tshul pi wang gi sgra yi dpes
bsnyad pa'i phyir 'di skad ces smras so/ /rin chen du ma'i phra yis
mdzes pa yi/ /yid 'ong bai DUr las grub khog pa

ni/ /kha dog bkra ba'i rgyud kyis spras pa la/ /chags pa'i mig gis kun tu
lta byed cing/ /gdu bu 'khrol ba'i lag pas gzhu bzung ba'i/ /dri za'i na
chung rnams kyis sbrengs pa na/ /sred ldan rnams la yid kyi dga'
skyed pa'i/ /pi wang sgra

dbyangs snyan pa 'byung mod kyang/ /mkhas pas khog pa rgyud dang
lag pa gzhu/ /'di dag gang las 'ongs zhes brtags pa na/ /re re las min
tshogs la'ang ma yin te/ /sgra 'di gang la'ang mi gnas ngo bos stong/
/'di yi rgyu yang de ltar 

@116a @#/ /btsal ba na/ /de yang ming tsam brda tsam btags pa tsam/ /nam
yang smig rgyu'i rdzing gi chu/ /nam mkha'i padmo'i rgyu min ltar/ /rdzun
pa'i rgyu yis bden pa yi/ /'bras bu 'ga' yang skyed re skan/ /'on kyang dmigs
pa can gyi

ngor/ /btags pa'i rkyen rnams yod pa dang/ /med pa nyid du snang ba
na/ /pi wang sgra yang skye dang 'gag /de ltar rgyal ba dag gi sku
rnams kyang/ /rten 'brel rkyen rnams nye bar gnas pa na/ /skye bar
snang zhing de dag med pa'i tshe/ /'gag pa lta bur dmigs

pa can la snang/ /ljon shing rgyas pa'i rtsa ba chad pa na/ /yal ga lo
ma 'phel ba'i gnas med ltar/ /gang gis de bzhin gshegs pa ma dmigs pa/
/de yis spros kun chos kyi dbyings su zhi/ /de ltar byang chub sems
dpa' sems dpa' chen po chos

'phags kyis chos thams cad 'gro ba dang 'ong ba bral ba'i don 'di
bstan pa'i tshe/ sa chen po 'di yang rnam pa drug tu g.yos/ bdud kyi
gnas thams cad skrag cing spa bkong bar gyur to/ /stong gsum gyi
stong chen po'i 'jig rten gyi khams na rtswa

dang shing gel ba dang nags tshal ji snyed yod pa de dag thams cad
kyang byang chub sems dpa' sems dpa' chen po chos 'phags la mgo
rab tu btud de steng gi bar snang la dus ma yin pa'i me tog gi char
bab par gyur to/ /gang gi legs bshad

'chi med rnga yi sgras/ bdag tu lta ba stobs ldan spa bkong nas/
/mtha' yas skye dgu lhun por gnas pa'i tshogs/ /srid pa lha min 'jigs las
bsgral ba'i tshe/ /lus can 'di dag srid 'dir mi gnas na/ /bdag nyid gcig
pu skyo bar

@116b gyur mthong nas/ /rgya mtsho'i gos can 'di yang lus bskyod de/
/pho nyar mngags pa'i rtswa dang nags tshal rnams/ /chos 'phags 'gro
ba sgrol ba'i ded dpon la/ /mgo bo btud nas gsol ba 'debs pa lta/ /de
nas lha'i dbang po brgya byin dang 'jig

rten skyong ba bzhis byang chub sems dpa' rtag tu ngu la lha'i tsan
dan gyi phye ma dang/ lha'i me tog gis gtor nas 'di skad ces/ rigs kyi
bu khyod kyi drin gyis deng bdag cag gis kyang don dam pa'i gtam
'jig rten thams cad dang mi mthun pa 'jig

tshogs la lta bar ltung ba thams cad kyis ma bstan pa thos so zhes
'dzer to/ /de nas byang chub sems dpa' rtag tu ngus byang chub sems
dpa' sems dpa' chen po chos 'phags la sa g.yo ba'i rgyu dang rkyen
dris pa dang/ byang chub sems dpa' sems

dpa' chen po chos 'phags kyis 'di skad ces smras so/ /rigs kyi bu 'di ni
khyod kyis de bzhin gshegs pa rnams byon pa dang bzhud pa med pa'i
don dris te bshad pa na/ srog chags brgya stong gis mi skye ba'i chos
la bzod pa thob/ srog chags

khrag khrig brgya stong gis bla na med pa'i byang chub tu sems
bskyed/ srog chags drug khri bzhi stong gis chos rnams la chos kyi
mig rdul med cing dri ma dang bral ba thob pa'i mthu yin no/ /de
skad ces smras pa thos pa na/ byang chub sems dpa' rtag tu

du 'di snyam du bdag gis de bzhin gshegs pa rnams byon pa dang
bzhud pa med pa'i don dris pas sems can 'di snyed cig gi don byas pa
ni bdag gis rnyed pa legs par rnyed do/ /bdag gi dge ba'i rtsa ba 'dis
da ni bdag bla na med pa'i byang chub

@117a @#/ /tu gdon mi za bar 'tshang rgya bar 'gyur ro snyam nas dga'
ba dang bde bas shin tu rangs par gyur te/ /srid pa'i 'dam du bying ba'i
sems can tshogs/ /grangs med srid las brgal bar mthong ba'i tshe/
/rgyal sras mchog de'i yid kyi

bya lam der/ /dga' ba'i dri bzhon ches cher g.yos par gyur/ /de nas
byang chub sems dpa' rtag tu ngu dga' ba dang yid bde ba dang ldan
pas shing ta la bdun srid du na mkha' la 'phags te bdag nam mkha'
la 'dug nas/ byang chub sems

dpa' sems dpa' chen po chos 'phags la bkur sti bya'o snyam pa dang/
lha'i dbang po brgya byin gyis de'i bsam pa rtogs nas lha'i me tog
man da ra ba du ma byin te 'di skad ces/ me tog 'dis byang chub sems
dpa' sems dpa' chen po chos

'phags la bkur sti gyis shig /rigs kyi bu khyod kyi mthus srog chags
brgya stong mang po'i don byas te/ rigs kyi bu ji ltar khyod gzhan
don la spro bar byed pa 'di lta bus sems can thams cad kyi phyir
bskal pa grangs med pa spro bar byed

pa'i sems can de dag ni rnyed par dka'o zhes smras so/ /de nas byang
chub sems dpa' sems dpa' chen po rtag tu ngus lha'i dbang po brgya
byin las me tog de dag blangs te/ byang chub sems dpa' chen po chos
'phags la gtor rab tu gtor/

mngon par rab tu gtor ro/ /rgyal sras spyod pa lha yi lam nas rgyu/
/gdul bya'i gling bzhi kun la snyoms pa can/ /shugs drag brtson
'grus rta ljang ljon pa zhig /chu skyes du ma'i 'od stong thogs nas
su/ /gdul bya gser ri'i dbus na

@117b lham me ba/ /chos 'phags lhun po'i ngos la 'thor bar byed/ /de
nas byang chub sems dpa' sems dpa' chen po rtag tu ngus byang chub
sems dpa' sems dpa' chen po chos 'phags la rang gi lus kyis mngon
par bkab nas 'di skad ces smras

so/ /'phags pa deng slan chad khyod kyi zhabs 'bring bgyi ba'i slad du
bdag gi lus khyod la 'bul lo zhes rang gi lus phul nas de'i mdun du
thal mo sbyar te 'dug go /de nas tshong dpon gyi bu mo dang bu mo
lnga brgya po de dag gis byang chub sems dpa' rtag

tu ngu la 'di skad ces smras so/ /rigs kyi bu bdag cag kyang khyod la
lus 'bul gyi/ dge ba'i rtsa ba 'dis khyod dang lhan cig sangs rgyas
dang byang chub sems dpa' rnams la bkur sti byed cing chos zab mo
'di lta bu thos par gyur cig /de skad

ces smras pa dang/ byang chub sems dpa' sems dpa' chen po rtag tu
ngus bu mo de dag la 'di skad ces smras so/ /bu mo khyed cag gis
bdag la lhag pa'i bsam pas gnas par byed na lus bdag la byin cig
dang/ bdag gis dgos pa zhig

gi phyir du blang bar bya'o/ /bu mo de dag gis smras pa/ bdag cag
bsam pa thag pa nas khyed kyi rjes su slob na ci'i phyir mi sbyin/ de
bas ji ltar dgos pa dag mdzod/ de nas byang chub sems dpa' rtag tu
ngus bu mo de dag rgyan thams cad kyis brgyan

te/ byang chub sems dpa' chen po chos 'phags la phul lo/ /zab mo zab
pa'i mthar thug 'di thos tshe/ /rab dang rab tu g.yos pa'i gtong sems
kyis/ /mdzes ma mdzes ma'i shing rta de dag dang/ /bdag nyid bdag tu
bzung ba med par btang/

@118a @#/ /de lta bu'i gtong ba chen po la zhugs pa de mthong nas
lha'i dbang po brgya byin gyis ched du brjod pa du mas ched du
brjod nas 'di skad ces smras so/ /legs so legs so rigs kyi bu sngon gyi
de bzhin gshegs pa dgra

bcom pa yang dag par rdzogs pa'i sangs rgyas rnams kyis kyang
bdog pa thams cad yongs su btang nas bla na med pa'i byang chub
bsgrubs te/ thabs mkhas pa dang shes rab kyi pha rol tu phyin pa
yongs su btsal lo/ /rigs kyi bu khyod kyis

kyang bdog pa thams cad yongs su btang bar bya'o/ /gtong ba 'di lta
bus chos smra ba la mchod pa byas na shes rab kyi pha rol tu phyin
pa dang thabs mkhas pa mnyan par nus shing/ myur du bla na med
pa'i byang chub tu mngon par rdzogs par

'tshang rgya bar 'gyur ro/ /de nas byang chub sems dpa' sems dpa' chen
po chos 'phags kyis tshong dpon gyi bu mo la sogs pa bu mo lnga
brgya po de dag dang shing rta lnga brgya po de dag byang chub
sems dpa' rtag tu ngu'i dge ba'i rtsa ba yongs su bskang

ba'i phyir blangs te blangs nas rigs kyi bu rtag tu ngu la byin to/ /de
nas byang chub sems dpa' sems dpa' chen po chos 'phags stan las
langs te bdag gi khyim du zhugs pa dang/ nyi ma nub par gyur to/
/khyim de nyid kyi nang du lo bdun gyi bar

du ting nge 'dzin gcig la snyoms par zhugs par gyur to/ /chos 'phags
smra ba'i nyi ma yis/ /'gro blo'i pad tshal rgyas byas nas/ /bsam gtan
khang bzang nub ri'i rtser/ /spros pa'i snang ba zhi bar gyur/ /de nas
byang chub sems dpa' sems

@118b dpa' chen po rtag tu ngu bdag chos kyi phyir du 'ongs nas
'dug pa dang nyal ba ni tshul ma yin no snyam nas lo bdun gyi bar du
'dod pa dang gnod sems dang rnam par 'tshe ba'i rtog pa cung zad
tsam yang med cing ro la brkam pa ma skyes te/ gzhan du na byang
chub

sems dpa' sems dpa' chen po chos 'phags ting nge 'dzin las langs nas
bdag cag la chos nam ston snyam pa yid la byed pa 'ba' zhig la gnas
te/ 'greng ba dang 'chag pa'i spyod lam gnyis kyis dus 'da' bar byed
do/ /tshong dpon gyi bu mo

la sogs pa bu mo lnga brgya po de dag kyang yid la byed pa de lta
bu dang spyod lam de lta bu dang ldan par gyur to/ /na chung rgyu
skar tshogs kyis kun nas bskor/ /brtson 'grus 'od dkar lhag par gsal
ba can/ /gnyid kyi mun pa dor ba'i zla ba zhig /nyin

dang mtshan du sdod pa spangs par gyur/ /de nas byang chub sems
dpa' sems dpa' chen po chos 'phags da ste zhag bdun na ting nge
'dzin de las langs te grong khyer gyi dbus su chos ston par 'gyur
ro/ /zhes par snang la lhas bsgrags pa'i skad

byang chub sems dpa' sems dpa' chen po rtag tu ngus thos pa dang/
yid rab tu dga' ba dang mgu bas khengs nas tshong dpon gyi bu mo la
sogs pa bu mo lnga brgya dang bcas pas/ sa phyogs de byi dor byas
nas/ rin po che thams cad kyis spras

pa'i khri bshams pa'i steng du bu mo de dag gis rang rang gi bla gos
phud de/ byang chub sems dpa' sems dpa' chen po chos 'phags bzhugs
pa'i gdan du bting ngo/ /de nas byang chub sems dpa' rtag tu ngus sa
phyogs dar chag chag btab

@119a @#/ /par 'dod nas phyin pa dang/ bdud sdig can gyis dge ba'i rtsa
ba nub par 'gyur ba dang/ bkod pa de yang mi mdzes par bya ba'i
phyir/ chu thams cad mi snang bar byas pas kun tu chu btsal yang
ma rnyed do/ /de'i tshe byang chub

sems dpa' rtag tu ngu 'di snyam du sa phyogs 'di ni rdul che te/ rdul
'di dag gis 'phags pa chos 'phags kyi lus la phog na mi rung na/ bdag
gi lus gdon mi za bar 'jig pa 'dis ci zhig bya/ lus 'di lan grangs dpag
tu med par

zhig kyang don med pa 'ba' zhig tu song zhing 'di lta bu'i bya bas ni
ma yin no/ /de'i phyir bdag gi lus phug la khrag gis sa phyogs 'dir
chag chag gdab bo snyam mo/ /de ltar bsams nas mtshon rnon pos
rang gi lus phug dral te khrag gis sa

phyogs de khor yug tu chag chag btab po/ /tshong dpon gyi bu mo la
sogs pa bu mo lnga brgya po de dag gis kyang/ mtshon rnon pos rang
rang gi lus las byung ba'i khrag gis sa phyogs der chag chag btab
bo/ /de ltar byas kyang byang chub sems

dpa' rtag tu ngu dang/ bu mo de dag sems gzhan du mi 'gyur zhing/
bdud sdig can gyis dge ba'i phyogs kyi bar chad bya ba'i glags mi
rnyed par gnas so/ /de ltar khrag gi chag chag gis/ /sa gzhi kun nas
bstar ba 'di/ /thun mtshams

sbyin gyi 'od dag gis/ /nam mkha'i ngos 'di khebs pa bzhin/ /gang gis
'bad pa rnam pa du ma yis/ /dpag yas bar chad rtsom la gzhol gyur
kyang/ /yar ngo'i zla ba 'phel ba ji bzhin du/ /'di yi snying stobs ches
cher 'phel ba'i tshe/ /

@119b bdud dpung ma lus mya ngan gyur nas su/ /phyogs 'dir rang
rang mgul pa bregs pa bzhin/ /de nas lha'i dbang po brgya byin gyis
'di snyam du byang chub sems dpa' rtag tu ngu 'di ci tsam du chos
'dod pa dang/ ci tsam du yi dam du brtan pa dang/ ci

tsam du go cha chen po bgos pa dang/ lus dang srog dang longs
spyod la mi lta bar bla na med pa'i byang chub mngon par rdzogs
par sangs rgyas nas sems can thams cad 'khor ba'i sdug bsngal dpag
tu med pa las thar bar bya'o snyam du lhag pa'i bsam

pas zhugs pa ni ngo mtshar te snyam du bsams nas khrag de dag
thams cad sa phyogs de'i khor yug tu dpag tshad brgyar dri ldang
ba'i lha'i tsan dan gyi chur byin gyis brlabs so/ /chos smra bsten
phyir chos la brtson tshul 'di/ /mig stong ldan pa'i

mig gis mthong ba'i tshe/ /khrag gi chag chag ma la ya yi ri'i/ /tsan dan
dri yis kun nas khyab par byas/ /de ltar lha'i dbang po brgya byin gyis
byang chub sems dpa' rtag tu ngu la 'di skad ces smras so/ /rigs kyi
bu khyod kyi lhag pa'i bsam pa

'di lta bu dang/ brtson pa 'di lta bu dang/ chos 'dod pa 'di lta bus
sngon gyi rgyal ba rnams kyi rjes su slob pa ni legs so legs so zhes
smras so/ /de nas byang chub sems dpa' rtag tu ngu 'di snyam du/
bdag gis byang chub sems dpa' sems

dpa' chen po chos 'phags bzhugs pa'i khri bshams shing sa phyogs 'dir
chag chag ni btab na/ sa phyogs 'dir dgram par bya ba dang/ byang
chub sems dpa' sems dpa' chen po chos 'phags la yang mngon par
gtor ba'i me tog de

@120a @#/ /dag gang nas rnyed par 'gyur snyam pa dang/ lha'i dbang po
brgya byin gyis byang chub sems dpa' sems dpa' chen po rtag tu ngu
la me tog manda ra ba khal stong byin nas/ rigs kyi bu me tog 'di
dag gis mngon par 'dod pa'i

don sgrubs shig ces smras so/ /de nas byang chub sems dpa' sems dpa'
chen po rtag tu ngus/ me tog de dag las kha cig ni sa phyogs der
bkram/ kha cig ni byang chub sems dpa' sems dpa' chen po chos 'phags
la gtor ba'i phyir

bzhag go /manda ra ba du mas mdzes pa yi/ /chos tshul zab mo sgrog
pa'i mdun sa de/ /'od 'bar rgyu skar du mas bkra ba yi/ /sprin bral
mtshan mo'i mkha' bzhin snang bar gyur/ /de nas lo bdun 'das pa dang/
byang chub sems dpa' sems

dpa' chen po chos 'phags ting nge 'dzin de las langs nas/ 'khor
brgya stong phrag du mas yongs su bskor zhing mdun nas bltas te/
rang gi seng ge'i khri ga la ba der bzhugs pa dang/ byang chub sems
dpa' sems dpa' chen po rtag

tu ngus mthong bar gyur to/ /de mthong ma thag tu byang chub
sems dpa' sems dpa' chen po rtag tu ngu dper na dge slong bsam
gtan dang po thob pa'i dga' ba dang bde ba de lta bu thob nas dga'
bas yid rangs bar gyur to/ /de nas byang chub

sems dpa' sems dpa' chen po chos 'phags kyis 'khor rnams la shes rab
kyi pha rol tu phyin pa ston par mdzad pa ni 'di lta ste/ chos thams
cad mnyam pa nyid pas shes rab kyi pha rol tu phyin pa mnyam pa
nyid do/ /chos

@120b thams cad khengs pa med pa nyid pas shes rab kyi pha rol tu
phyin pa khengs pa med pa nyid do/ /chos thams cad re gcig pa nyid
pas shes rab kyi pha rol tu phyin pa ro gcig pa nyid do/ /chos thams
cad skye ba dang 'gag pa med pa nyid pas shes

rab kyi pha rol tu phyin pa skye ba dang 'gag pa med pa nyid do/ /nam
mkha' mu med pa nyid pas shes rab kyi pha rol tu phyin pa mu med pa
nyid do/ /zhes pa la sogs pa'i tshul gyis spros pa'i mtha' thams cad
dang bral ba'i stong pa nyid kyi don legs par bka'

stsal te/ /srid zhi'i chos kun gdod nas mnyam pa nyid/ /skye 'gag spros
pa mtha' dag nye bar zhi/ /mtshan ma'i blo yis ji ltar gzung bas dben/
/nam mkha'i rang bzhin ci 'dra mu mtha' bral/ /rten 'brel rkyen rnams
blo yis btags pa tsam/ /

blo de nyid kyang rang gi ngo bos stong/ /de ltar rten dang bral
ba'i rten 'brel gyis/ /'khor dang mya ngan 'das pa rab tu 'byed/ /ji tsam
blo yis btags pa'i snang ba las/ /gung du gyur pa'i chos 'ga' dmigs pa
med/ /yod med rtag chad skye 'gag blang dor

sogs/ /ji snyed dmigs pa 'di yang blo yi chos/ /kun nas nyon mongs
rnam par byang ba yang/ /rang bzhin nyid nas rang gi ngo bos dben/
/de phyir spang bya rnam par zad pa dang/ /gnyen po rnam par 'phel
ba ci zhig dmigs/ /gang gis gdod nas smig rgyu'i chu

bzhin du/ /chos rnams rdul tsam dmigs pa med na yang/ /mngon par
zhen rnams skrag pa spang bya'i phyir/ /gzhan ngor rten 'brel tsam
zhig khas len la/ /dngos por khas len bral ba de dag la/ /rtag dang
chad pa'i chos rnams rgyang ring ste/ /ji ltar mo 

@121a @#/ /gsham bu ni ma dmigs na/ /de yi skye 'chi dmigs par mi 'gyur
bzhin/ /snang bzhin med phyir snang bas stong/ /stong pa snang phyir
med bzhin snang/ /lam zab ches dka' rtogs pas mkhas/ /mkhas pas
rtogs dka' ches

zab lam/ /mkhas pas rtogs nyid de bzhin gnas/ /gnas bzhin de nyid
rtogs pas mkhas/ /rmongs rnams mthong ba log pas 'khrul/ /'khrul
pas log pa mthong rnams rmongs/ /'di na zhen pas zhen na 'di/ /'khor
bar myur ba myur bar 'khor/ /

de nas byang chub sems dpa' sems dpa' chen po rtag tu dus/ chos zab
mo de dag thos ma thag tu sa phyogs de nyid las ma g.yos bzhin
du/ chos thams cad rang bzhin med par mnyam pa nyid ces bya ba'i
ting nge 'dzin la sogs pa'i ting nge 'dzin

gyi sgo brgya stong phrag drug cu thob par gyur cing/ thob ma
thag tu stong gsum gyi stong chen po'i 'jig rten gyi khams 'di na/
bcom ldan 'das de bzhin gshegs pa shAkya thub pa dge slong gi dge
'dun dang/ byang chub sems dpa'i dge 'dun gyis

bltas te shes rab kyi pha rol tu phyin pa ston pa bzhin du mngon
sum du mthong bar gyur to/ /de ltar byang chub sems dpa' sems dpa'
chen po rtag tu ngu de mang du thos pa rgya mtsho lta bu dang ni
ldan par gyur cing/ skye ba thams cad du yang sangs rgyas

mthong ba dang mi 'bral zhing tha na rmi lam na yang de bzhin
gshegs pa rnams dang bral bar ma gyur to/ /thabs dang shes rab
gshog pa'i shugs bskyod pas/ /sdug bsngal rgya mtsho kun nas mthar
byed cing/ /gtong dang brtson pa'i mchu sder rab

@121b bgrad nas/ /rgya chen spyod pa'i mkha' la brtson pa yi/ /rgyal
sras mkha' lding dbang po khyod mthong tshe/ /bdud dpung klu yi
tshogs rnams spa bkong 'gyur/ /de lta bas na skyes bu dam pa rnams ni/
mtha' yas pa'i 'gro ba rnams sdug bsngal gyi rgya mtsho mu med pa

las sgrol ba'i khur khyer nas/ bskal pa grangs med pa du mar yang
lus dang sems la gdung ba'i gnod pas cung zad tsam yang skyo ba
med par stong gsum gyi stong chen po'i 'jig rten gyi khams me rab tu
'bar bas gang ba'i nang nas kyang bshes gnyen las

gdams ngag dang rjes su bstan pa tshol ba'i brtson 'grus rtsom mo/
/zhes brtson 'grus kyi bsngags pa la yang brjod par bya'o/ /byang
chub sems dpa' rnams ni rang gi lus dang srog la ltos pa med par
yang sha dang khrag dang rkang gis kyang ches dang chos smra ba

la bsnyen bkur byed na/ zang zing gi longs spyod gtong ba lta ci
smos/ zhes theg pa chen po ston pa'i dge ba'i bshes gnyen la'ang bkur
sti sgrub pa dang sbyin pa'i yon tan bsngags pa la yang brjod par
bya'o/ /bla na med pa'i byang chub tu go bgos pa'i dpa' bo

chen po rnams ni/ byang chub tu sems bskyed nas ji srid byang chub
kyi snying po la 'dug par ma gyur gyi bar de srid du nyan thos dang/
rang rgyal gyi rnam par grol ba la smon pa'i blo skad cig kyang mi
skye bar byang chub sems dpa'i sdom pa la gnas na/ lha dang

mi'i dbang phyug la yid chags par byed pa lta ci smos zhes bla na
med pa'i tshul khrims kyi yon tan bsngags pa la yang brjod par bya'o/
/bdag las gzhan gces par 'dzin pa'i blo dang ldan pa rnams ni/ gzhan
gyi don du 'khor ba'i mtha'i bar du sems

@122a @#/ /can dmyal bar gnas pa la spro na/ rang gi lus dang sems la
gnod pa phra mo rnams bzod pa lta ci smos zhes bzod pa'i yon tan
bsngags pa la yang brjod par bya'o/ /gang gis nyan thos dang rang
rgyal rnams kyis ming

tsam yang mi shes pa'i spros pa thams cad nye bar zhi ba'i ting nge
'dzin grangs med pa la 'jug pa dang ldang bar yang nus na 'jig rten
pa'i bsam gtan gzugs med rnams mngon du byed pa lta ci smos zhes
byang chub sems dpa' rnams kyi bsam gtan

gyi bsngags pa la yang brjod par bya'o/ /stong pa nyid zab mo la mos
pa brtas pa rnams ni mya ngan las 'das pa ming tsam du bstan pa la
yang mi mthun par mi 'dzin na/ g.yo ba'i ngang tshul can gyi srid pa
rang gi ngo bos dben par rtogs pa lta ci smos zhes

shes rab kyi che ba bsngags pa la yang brjod par bya'o/ /byis pa 'ga'
zhig rang nyid gnas skabs kyi mngon par mtho ba tsam don du
gnyer ba'i phyir/ sdug bsngal du mas lus gdung bar byed pa yang
dka' ba spyod pa yin no/ /zhes skye bo rnams ngo mtshar du

'dzin par byed na/ gang gis mtha' yas pa'i 'gro ba rnams sdug bsngal
gyi rgya mtsho chen po las bsgral te/ mi gnas pa'i mya ngan las 'das
pa'i gling du phyin par 'dod pas/ bdag nyid kyi bde ba dang lus dang
srog la yang ma chags par gtong

ba la zhugs pa'i byang chub sems dpa' chen po rnams la su zhig gus
par mi byed ces byang chub sems dpa'i yon tan bsngags pa la yang
brjod par bya'o/ /de ltar na dka' ba du mas bsgrubs pa'i dam pa'i chos
dang phrad par dka' ba yang khong du

@122b chud par byas nas rgyal ba sras bcas rnams kyi dam pa'i chos
mnyan pa la skyo ba spangs te yang dang yang du gus pa chen po
nye bar bzhag nas/ thos pa dang bsam pa dang sgom pa la yang 'bad
par bya'o/ /gang gi ngal brgyas bshes gnyen bsten pa'i tshul/ /

tshul bzhin rgyal bas gsal bar bstan pa 'di/ /'di yi dgongs pa ma nor ji
bzhin du/ /du ma'i rgyan ldan sdebs legs tshig gis spel/ /lhag bsam
rnam dag lhun po'i khyon las 'khrungs/ /sgra don rgyan gyi me tog
rnam par bkra/ mngon brjod

yal ga'i rnam grangs du mas phyug /rtogs brjod snyan dang gas
dpag bsam ljon pa 'di/ /thub dbang mig stong ldan pa'i rjes zhugs nas/
/thar mchog lta na sdug tu 'jug pa yi/ /skal ldan 'dod lha'i re ba
bskang phyir brtsams/ /'gran 'dod sreg

za'i bud shing ched du min/ /smra ba'i gtsug rgyan dpal ldan dpa' bo
yis/ /sngon dus rgyal ba kho na'i mdzad pa rnams/ /legs par bsngags
nas rgyal sras mchog 'di yi/ /rtogs brjod re shig btang snyoms bzhag
pa na/ /snyan dang gas rgya mtshor

yang yang son pa'i mkhas pa'i ded dpon bral ba rnams/ /rlabs chen
spyod pa zab dang rgya che'i chu gter ngam nag 'di mthong tshe/
/shin tu 'jigs nas yun ring dor ba 'di yi blo yis ma bzod nas/ /dpa' bo
zhes grags ded dpon mchog de slar yang

tshul 'dir zhugs par gyur/ /rgyal sras rgyal ba'i rmad byung rnam
thar la/ /rgya bod snyan dngags tshul la sbyangs rnams kyis/ /blo
gros thogs pa med par 'jug pa brdzun/ /bden na 'di yi rtogs brjod med
pa ci/ /rgya chen shes bya'i gnas rnams

@123a @#/ /kun nas gsal/ /mkhas pa'i legs bshad padmo'i tshal brgya 'byed/
/thub bstan bya lam mdzes pa'i rgyan gcig pu/ /kho bo'i blo gros nyin
byed shar pa na/ /blun rmongs rgyu skar khrod na 'od gsal zhing/
/phrag dog ri

dwags mtshan mas spud pa yi/ /mkhas pa'i ngang tshul can gyi zla ba
dang/ /ngan rtog 'byung po'i bya yis bzod par dka'/ /'di la 'bad pas
bsod nams gangs ri'i gos/ /byams brtse'i tsha zer 'od kyis bzhu ba'i
rgyun/ /skye dgu'i yid kyi rdzing bur

zhugs gyur nas/ /thar lam pad tshal kun nas rgyas gyur cig /bdag
kyang srid par le lo bcom pa'i brtson 'grus kyis/ /lus kyang btang
nas lam bzang zab mo stong pa nyid/ /'gas kyang sngon chad 'khor
bar ma myong gnas 'di la/ /kun kyang

bkod nas rgyal ba'i chos tshul 'dzin gyur cig /rgyal dang rgyal sras
spyod pa ma lus pa/ /srid nas srid du spyad pas mi ngoms shing/ /kun
la kun nas brtse ba'i rtag tu dus/ /ji lta ji ltar spyad ltar bdag gyur
cig /bdag gi legs bshad

nyin mo'i dpal 'di yang/ /mtha' yas gdul bya'i mig tu gnas gyur te/
/log rtog bdud dpung ku mud zum byas nas/ /bstan pa'i lhun po ring
du gsal byed shog /byang chub sems dpa' sems dpa' chen po rtag tu
ngu'i rtogs pa brjod

pa snyan dngags dpag bsam gyi ljon pa zhes bya ba 'di ni/ dal 'byor
gyi lhun po bslab gsum nor bu'i yon tan du mas brjid cing/ lung
dang rigs pa bstan pa rgya mtsho'i dpal las 'khrungs pa/ dge ba'i bshes
gnyen byang chub

@123b bla mas bskul nas/ mtho ris kyi yon tan du ma dang ldan
zhing/ tshul khrims dang thos pa'i rgyan gyis mdzes pa dge ba'i bshes
gnyen 'jam dpal gyis mthun rkyen nye bar sbyar te/ mi 'phrog pa'i
mkhyen rab dang thugs rje phun sum tshogs

pa'i bdag nyid don gyi slad du mtshan nas smos te/ chos kyi rje don
grub rin chen gyi zhabs kyi rdul spyi bos len cing/ skad gnyis smra
ba'i dbang po nam mkha' bzang po dang/ thams cad mkhyen pa dpal
ldan sa skya pa gzhon nu blo gros kyi drin

las/ snyan dngags dang tshig rgyan gyi bstan bcos las blo'i snang ba
thob pa/ shar tsong kha pa blo bzang grags pa'i dpal gyis chos grwa
chen po bde ba can du sbyar ba'i yi ge pa ni blo gros kyi bang mdzod
sngags dang mtshan nyid du ma'i nor bus

gtams pa'i snyan dngags mkhan tshwa kha ba ngag dbang grags pa'o//