! //zab mo rdo rje theg pa dang rgya che ba pha rol tu phyin pa'i theg
pa gnyis kyi gzhung lugs la blo gros kyi snang ba rgyas nas de dag
gi don la sgrub pa snying por mdzad pa bshes gnyen chen po byang
chub bla ma sku

khams bzang zhing 'gro don 'phel ba'i thad nas don dang chas dang
mthun pa'i gsung shog dar yug dkar ser bzhi dang rten khebs legs
pa gcig gi rten dang bcas pa bskur ba dge bshes grogs mched kyis
'phrod pas yid spro/ /'dir yang khams snyoms shing dge ba'i bya ba

gang nus bgyid cing bdog /skabs kyi don da dung yang sngar bzhin
rang nyid kyi rgyud sbyang pa'i don mthun la gnas pa'i thad nas
sbyin pas bsdus pa'i 'gro ba la snyan par smra ba'i gtam sngon du
'gro ba'i don spyad pa la bkad de/ bstan pa'i bya ba bgyid pa zhes pa'i
ming can rgyal ba rnams kyi

dam pa'i chos yun ring du 'dzin pa'i rten 'brel sgo du ma nas bsgrig
par zhu/ khyed kyis sems bskyed phyin drug sngon 'gro'i tshul/ /lus
dang longs spyod gang la yang/ /ltos med gtong ba sbyin pa ste/ /'tshe
ba med pa tshul khrims dang/ /de la mi skrag bzod pa ste/ /ma zhum mi
'god

brtson 'grus dang/ /g.yeng med rtse gcig bsam gtan te/ lnga po de
la 'khor gsum gyi/ /dri mas dben zhing rang bzhin gyis/ /stong pa nyid
du thag chod na/ /thun mong phyin drug tshang lags sam/ /zhes
dang/ gtong thob phan yon nyes dmigs rnams tshul bzhin rgya che
mi

shes kyang/ /sems srungs ngo bo tsam shes na/ /nor ba'i lam du mi
'gyur sems/ /dan de 'di yin bka' stsal gsal/ /zhes dris pa'i snga ma'i lan
ni/ de la mi skrag cas pa chos zab mo la mi skrag pa yin mchi bas de
la sogs pa'i chos drug po de tshang na theg chen

@145a @#/ /pa gnyis kyi thun mong ba'i phyin drug tsam zhig tshang bar
bzhag dgos mod/ 'on kyang khyed gsung ba de thun mong ba'i phar
phyin gyi cha re yin gyi/ phyin drug gi bslab bya thun mong pa thams
cad mi 'du bas de tsam zhig la bslabs pas thun mong ba'i phyin

drug gi bslab bya tshang ba la bslab par mi 'gyur ro/ /dri ba phyi ma
gtang thab sogs rgya chen po mi shes kyang sngar dris pa lta bu'i
phyin drug gi ngo bo tsam bsrung shas na bsrung na nor ba'i lam
yin min gsung ba ni de tsam zhig shes nas gtong sems sbyong ba
dang gzhan la gnod

'tshe sdom pa sogs byed pa ma nor ba'i lam yin mod kyang de tsam
zhig la bslabs nas bslab bya gzhan la ma bslabs kyang nyes med du
'dod pa nor ma nor zhes 'dri na ni de ltar slob pa'i gang zag de la
dpyad dgos te/ byang sems kyi sdom pa ma blangs par smon sems tsam

sbyong ba yin na ni bslab gzhi sna re dang dus kyang nyi ma re la
rtseg ci nus pa'i stobs dang sbyar bas chog ste/ bslab btus las de bas
na rang gi mthu dang sbyar te dge ba'i rtsa ba gcig tsam yang yang
dag par blangs la bsrung bar bya ste/ zhes dang dus ji srid du nus pa
de srid du yang

dge ba yang dag par blangs te gnas par bya ste zhes gsungs pa bzhin
no/ /rten de rgyal sras kyi sdom pa cho gas bzung ba zhig yin na ni/
sngar bshad pa de tsam zhig la bslabs pas chog par 'dod na nor ba
chen po yin te/ rgyal sras kyi sdom ldan las dang po pas

sar chung lta bus nus kyi gzhan gyis mi nus pa goms par mi rung ba
dang/ las dang po bas lus srog gtong ba bkag pa lta bu mdo sde nas
dmigs gsal mdzad nas bkag pa gnyis ma gtogs pa gzhan byang sems
kyi bslab bya la slob dgos

@145b par gsungs pa'i phyir ro/ /de skad du yang bslab btus las/ gang
dag tu byang chub sems dpa'i dbang du byas nas spyir bstan pa da
yang goms par byar mi rung ba 'am dgag pa'i rigs byang chub sems
dpa' las dang po pas bslab par mi bya bar 'gyur te/ de gnyis

med na ni thams cad la bslab par bya'o zhes gsungs shing/ mdo sde
las bslab bya rgya cher gsungs pa rnams blo zhan pas shes par dka'
bas ji lta bya zhes dris pa'i lan du/ gang gis ltung bar mi 'gyur ba'i/
/gnad kyi gnas rnams 'dis rig bya/ /zhes gsungs la/

gnad kyi gnas kyang/ bdag gi lus dang longs spyod dang/ /dge ba
dus gsum skyes pa rnams/ /sems can kun la btang ba dang/ /de srungs
dag pa spel ba'o/ /zhes btang srungs dag pa spel bzhi gsum bcu gnyis
kyi bsrung mtshams bslab btus lta bu'i sgo nas zin par

byas nas ltung ba mi 'byung bar bya dgos pa'i phyir ro/ /'on kyang
byang sems kyi bslab pa gcig bsrung ba na gzhan bsrung par ma nus
na nyes med du 'gro ba'i skabs kyang gsungs te rtsa ltung la de
sbyar du mi rung ngo/ /des na legs por shes dgos zhes kho bo cag
smra ba ni de 'dra la

zer ba lags/ 'di dag rgyas par tshul khrims le'u'i rnam bshad dang/
lam gyi rim par bshad zin pas 'dir ma skos so/ /yang dbang bzhi
rdzogs par zhus pa'i gang zag gis/ bsrung bya'i gtso bo rtsa ltung
bcu bzhi po/ /re re gang yang rung ba byung gyur na/ /rdo rje dmyal

ba sogs su ltung 'gyur zhes/ /rgyud dang rjes 'jug bstan bcos bla ma
las/ /'ongs ba'i gdams ngag sogs su gsal bshad kyang/ /de yang skyabs
'gro tsam yang ma chags shing/ /mi dge sna re tsam yang mi spong
ba'i/ /skyes pa bud med rnams la dbang bzhi dang

@146a @#/ /zab mo'i gdams pa lhug par ston byed pa/ /'di yi dgongs pa
gang lags tshul ci 'dra zhes dris pa'i lan ni/ dam tshig srung sdom mi
nus shing sngags kyi bag chags bzhag dgos pa la dkyil 'khor du gzhug
pa dang dbang bskur ba

gnyis las phyi ma mi rung zhing snga ma tsam zhig byed pa de nyid
bsdus pa'i rtsa rgyud dang de'i bshad rgyud rdo rje rtse mo'i
dgongs pa yin la/ tshul de slob dpon kun dga' snying pos gsal bar
bshad pas rnal 'byor rgyud la khungs gsal po yod/ spyod rgyud
rnam snang mngon

byang gi dgongs pa yang sangs rgyas gsang bas de ltar du rnam
snang mngon byang gi 'grel par bshad pas khong ltar na bya rgyud
la'ang de btub/ rnal 'byor bla med la'ang de rung ba'i khungs gsal
po tshad ldan gyis mdzad pa gzhan ma mthong yang/ slob dpon

shAnti pas dgra nag gi 'grel par srog gcod las ldog pa khas len pa
la rung bar bshad do/ /des na byang sems kyi sdom pa tsam 'dzin la/
rigs lnga'i sdom pa bsrung mi nus pa la slob ma'i dbang tsam bskur
la slob dpon gyi dbang mi bskur ba dang/ sdom pa

gnyis ka bsrung nus na bum dbang rdzogs par bskur bar slob dpon
lwa ba pa dang/ shAnti pa sogs mang pos bshad pas dbang bskur lugs
de 'dra zhig dgos la/ de'i sgo nas sngags kyi gdams ngag ston lugs
kyang shes par bya/ chos rje sa skya pas

so thar la gzugs brnyan 'dug sngags la gzugs brnyan ci yang mi
'dug ces gsung pa yang/ de 'dra'i rigs la dgongs par snang/ 'di dag gi
rnam gzhag kyang rgyas par rtsa ltung bcu bzhi pa'i rnam bshad du
bdag gis gtan la phab zin pas

@146b 'dir mdo tsam smos pa lags kyang/ thig le nyams pas lnga pa'i
rtsa ltung du/ rgyud sde rnams dang indra b+hU ti sogs/ /mkhas
grub rnams kyis legs par gsungs pa la/ /bza' mi zung ldan tha mal
sngags zhugs dang/ /khyim pa'i rdo rje slob dpon phal

cher rnams/ /byang sems 'ching ba'i nus pa ma mchis shing/ /'dod la
g.yem pa'i 'dod ldan skye bo la/ /byang sems nyams pa'i rtsa ltung
'byung lags sam/ /mi 'byung 'byung bar gsungs pa'i dgongs pa ci/
/'byung na slob dpon la yang nyes mchis

sam/ /zhes gsungs pa'i lan ni/ /kun ta lta bu'i byang sems btang bas
rtsa ltung bskyed pa ni dus 'khor 'grel chen du dbang po gnyis
sbyor gyi bde bas sangs rgyas 'dod pa cig la bshad la/ dge slong dA
ri ka pas mi 'gyur ba'i bde ba'i rang bzhin

shes pa dang/ 'gyur ba'i bde ba tsam dang du blang pa'i bsam pa la
sogs pa'i chos rnams yan lag tu dgos par bshad na/ khyim pa'i rdo rje
slob dpon khams 'ching ba'i nus pa ma thob pa'i byang sems nyams pa
la dbang po gnyis sbyor

gyi bde ba sangs rgyas pa'i thabs su 'dzin pa'i yan lag ma tshang na
rtsa ltung du mi 'gro la/ kun slong de lta bu la sogs pa'i yan lag
tshang na rtsa ltung du 'gyur ro/ /yang phyi dang nang du snang
ba'i rten 'brel kun/ /snang bzhin rten 'brel rgyu 'bras bslu

med na yang/ /gdod nas ngo bo nyid kyis dben pa'i phyir/ /mtha' bzhi
la sogs spros pa kun las grol/ /dngos po'i gshis lugs 'di yin 'di min
zhes/ rtog pa'i yul min tshig gis brjod mi nus/ /gtan tshigs dpe yis mtshon
par mi nus pa/ /

@147a @#/ /blo mtha' zhig pa'i dbyings su go lags na/ /go yul don mthun
yin min dgongs mdzad nas/ /rjes bzung tshar bcad bka' stsal mdzad du
gsol/ /zhes dris pa'i lan ni dbu tshad kyi rigs pa phra mo'i dgag sgrub
kyi tshul mtha'

mchod par phra ba'i gnas la kha tshon rbad chod byed pa'i gangs can
pa mang pos rang gi mtshan nyid kyis grub pa'i rang bzhin med pa la
med pas khyab pa dang/ de'i rgyu mtshan gyis yod na bden par yod
dgos zhes kha mthun byas nas sde tshan gcig na re da rang bzhin

med pa yin pas las dkar nag las bde sdug 'byung ba sogs kyi rgyu
'bras dang/ bcings grol sogs gang yang dbu ma la mi rung zhes smra
la/ sde tshan gzhan dag na re kun rdzob pa rnams de ltar yin la de
las gzhan pa ni bden par grub po zhes smra ba

gnyis ka yang dbu ma pa'i lugs las phyi rol tu gyur pa yin te/ stong
pa rten 'brel du 'char ba'i klu sgrub kyi lugs las phyi rol tu gyur pa'i
phyir dang/ go rim bzhin du chad pa'i mtha' dang rtag chad gnyis
ka'i g.yang du lhung ba'i phyir ro/ /khyad par du lugs phyi

ma ltar na bden pa sgrub mkhan gyi gang zag dang/ sgrub byed kyi
lung rigs rnams kyang kun rdzob pa yin pas rang bzhin med pa'i
phyir med par 'gyur bas de dag gi bden pa sgrub par 'dod pa 'gal ba'i
khur ro/ /des na rtsa she las/ gang la stong pa nyid rung ba/ /

de la thams cad rung bar 'gyur/ /zhes dang/ gal te 'di kun mi stong
na/ /'byung ba med cing 'jig pa med/ /'phags pa'i bden pa bzhi po rnams/
/khyod la med par thal bar 'gyur/ /zhes gsungs par ltar/ /rang bzhin
med pa'i stong pa gang gi lugs la

@147b rung ba'i dbu ma pa de la 'khor 'das kyi rnam gzhag thams cad
'thad du 'gro ba cag dgos la/ rang bzhin gyis mi stong na skye 'gag
bcings grol sogs mi 'thad pas skye 'gag dang bcings grol sogs kyi
rnam gzhag byed pas rang bzhin med pa 'dod dgos par

gsungs pa bzhin go bar bya yi/ rang bzhin med na skye 'gag mi rung
ngo zhes ldog nas ma smra zhig /de 'dra zhig shes na byang chub
sems 'grel las/ chos rnams stong par shes nas las 'bras la nges pa
rnyed pa ngo mtshar bas kyang 'di ngo mtshar la/ rmad byung bas

kyang 'di rmad du byung bar gsungs pa'i lta ba rnyed pa yin te/ rten
'byung rgyu 'bras mi bslu ba'i nges pa rnyed pas chad lta 'gog cing
mtshan mar 'dzin pa'i dmigs gtad rdul tsam yang ma grub pa'i rang
bzhin med pa'i stong nyid la nges pa rnyed pas/ rtag mtha' las

grol ba'i phyir ro/ /des na ngo bo nyid kyis stong bzhin du rgyu 'bras
mi bslu ba'i nges pa rnyed pa'i lta ba ni rtag chad gnyis ka'i gol sa
chod pa yin pas rmad du byung ba'i go ba yin no/ /thog mar lta ba
btsal ba'i dgos pa yang nges pa'i don sgom pa'i don du yin la de

yang bdag 'dzin ldog pa'i ched yin pas sgom pa'i dus su yang bdag tu
'dzin pa gnyis kyi yul la so sor rtog pa'i shes rab kyis legs par dpyad
pas bdag gnyis kyi mtshan ma ci yang ma grub pa'i nges pa rnyed pa'i
tshe lta thog der bzhag nas nges pa'i rgyun

skyong dgos kyi lta ba'i nges pa dor ba'i zhi gnas tsam bskyangs
kyang 'khor ba'i rtsa ba bdag 'dzin la ci yang mi gnod do/ /don gyi
dbang 'di gzigs nas rigs pa'i dbang phyug gis/ 'di yul sun phyung med
par ni/ /de spong bar ni nus ma yin/ /zhes dang

@148a @#/ /'phags pa lhas kyang/ yul la bdag med mthong na ni/ /srid
pa'i sa bon 'gag par 'gyur/ /zhes gsungs la/ ting nge 'dzin rgyal po las
kyang/ gal te chos la bdag med so sor rtog /so sor de rtog gal te
sgom pa ni/ /'bras bu

mya ngan 'das thob rgyu de yin/ /rgyu gzhan gang yin des ni zhir mi
'gyur/ /zhes rjes su 'gro ldog gnyis ka nges pa'i sgo nas bdag med pa'i
don la so sor rtog pa'i shes rab thar pa'i sgo dam par gsungs so/
/gnas lugs sgra dang rtog pa'i yul min par

gsungs pa dper na bu ram gyi ro 'di 'dra zhig yod ces bshad kyang
lces myong ba ji bzhin pa tshig la brten nas go mi nus pa bzhin du
'phags pa'i mnyam gzhag gis thugs su chud pa ji bzhin pa stong nyid
ston pa'i tshig gis mtshon mi nus pa la bzhed mchi

bas de lta na legs so/ /'on kyang sgra rtog gi yul du gtan mi rung
bar byar mi rung ste/ gzhan du na tshogs sbyor bas de kho na nyid
don spyi'i sgo nas rtogs par gsungs pa mi 'thad par 'gyur zhing go
bar mi nus pa'i don la 'di'i don yin zhes rtogs ldan slob

ma la 'chad par yang mi rigs te/ ci tsam bshad kyang go mi nus pa'i
phyir ro/ /yang khyed kyis/ bcom gzhig lta bu'i chad pa'i stong nyid
dang/ snang ba stong par rtogs pa'i nyams dang ni/ /rten 'brel sgyu
ma lta bur rtogs tshul dang/ /btags yod ming rkyang tsam

du dgongs tshul rnams/ /rim bzhin snga ma snga ma dman pa dang/
/phyi ma phyi ma bzang ba'i gtan tshigs rnams/ /tshul bzhin legs par
bkod pa bdag gis mthong/ /zhes rjes btsun red mda' pa'i 'phrin yig las
stong pa'i dgongs tshul bzhi byung bar

@148b gsungs pa la/ dang po de lta yin mod kyang phyi ma'i snang ba
gzung bya kho na la byed mi dgos te/ shes pa yang med bzhin du
snang zhing yul gyi dbang gis yul can dang yul can gyi dbang gis
yul snang ba'i phyir ro/ /de gnyis ka la'ang snang ba'i tha snyad
'thad la snang ba rang bzhin

med par rtogs pa dang/ /rten 'byung sgyu ma bzhin du rtogs pa dang/
/rten 'byung brda tsam du rtogs pa gnyis ka chos rnams gzhi med
rtsa bral du rtogs par mtshungs pa la/ snang ba rang bzhin med par
rtogs na yang/ /'dzin pa'i zhen pa mi spong ji ltar lags/ /sgyu ma lta
bur smra

ba gang de la/ /myong rig spang gnyen sgyu ma tsam nyid du/ /bden
par khas len rgyu mtshan ci zhig mchis/ /gal te sgyu ma tsam du smra
ba la sgyu 'dzin gyi zhen pa yod pas so snyam na/ /de lta na ming
rkyang tsam du rtogs pa la'ang ming 'dzin yod pas mtshungs so/ /des
na bla ma'i bzhed pa de

ji ltar yin zhes dris pa'i lan ni/ spyir snang ba'i tha snyad yul dang
yul can gnyis ka la 'jug mod kyang/ gang zag gi brjod 'dod kyi
dbang gis spyi ming bye brag pa gcig la zhugs pa bstan bcos dang 'jig
rten gyi rnam gzhag du ma zhig yod do/ /de'i phyir bla ma'i zhal

snga nas snang ba sgyu ma lta bur snang dus nyid nas rang bzhin
med par rtogs nas phyi gzung bya la bden 'dzin ldog kyang myong
rig la zhen pa mi 'dor zhes gsung ba mi 'gal te/ snang ba rang bzhin
med par rtogs gsung ba'i thugs rtse gtad sa phyi rol gyi gzung ba
la bzhed pa'i phyir

dang/ phyi rol rang bzhin med par rtogs kyang nang gi sems la bden
zhen mi 'dor ba mi 'gal ba'i phyir ro/ /dgongs tshul gsum pa nang
myong rig dang phyi snang ba gnyis ka'ang rgyu rkyen la rag las
pas sgyu ma lta bur kun rdzob tu yang snang ba tsam las rang
bzhin

@149a @#/ /cung zad kyang med par rtogs te/ 'di la'ang mthar 'dzin gyi
zhen pa ci yang med kyang rten 'brel sgra rtog la mi ltos pa'i don
chos sgyu ma tsam du 'dzin pa yod ces gsungs pa ni/ chos rnams sgyu
ma ltar rtogs pa gang yin la ma yin gyi rang rgyud pa

rnams tha snyad du rang gi mtshan nyid kyis grub par khas len pas
don dam par rang bzhin khegs kyang kun rdzob tu rtog pas bzhag
pa tsam min pa'i rang mtshan 'dod la/ de lta na de'i lugs kyis sgyu ma
lta bur smra ba'i don de la kun rdzob tu rtog pas bzhag pa tsam min
pa'i

don ches 'dod do/ /thal 'gyur bas rang gi mtshan nyid kyis grub pa'i
don chos bden pa gnyis char du mi bzhed pas rten 'brel btags yod
ming rkyang du go ba de'i lugs su bzhed pas 'gal ba med do/ /des na
kun rdzob tu yang snang ba tsam las gzhan pa'i rang bzhin med par
rtogs zhes

gsungs pa yang rang gi mtshan nyid kyis grub pa tsam min gyi don
dam par grub pa'i rang bzhin med par yin la/ mthar 'dzin gyi zhen pa
ci yang med ces gsungs ba'i mthar 'dzin yang dbu ma pa spyi'i lugs kyi
mthar 'dzin yin te/ thal 'gyur ba ltar na de la da dung mthar

'dzin dgag rgyu yod do/ /de lta ma yin na mtha' thams cad dang
bral ba'i don rtogs pa'i lta ba las bzang ba'i lta ba yod ces ga na
smra/ chos rnams rang gi mtshan nyid kyis grub pa ltar snang ba de
med pa'i sgyu ma lta bu'i go ba dang/ snang ba thams cad rang bzhin

med par rtogs pa dang/ rten 'brel btags yod tsam du rtogs pa rnams
la ni lta ba mtho dman du gzhag tu med do/ /dbu ma'i bstan bcos kyi
don gzhi lam 'bras gsum dang sku dang ye shes dang phrin las 'char
tshul tshig nyung la don 'dri la ba cig dgos

@149b gsung pa la 'di skad ces bya ste/ mkhas pa'i gzhung la gzhi la
tshul gnyis te/ /lung dang rigs pas sgro 'dogs gcod gzhi dang/ /dri ma
sbyong ba'i byed pa 'jug pa'i gzhi/ /dang po ltar na bden pa gnyis yin
te/ /don dam spros dang bral bas yod mtha' dgag /kun

rdzob sgyu mas med pa'i mtha' spangs te/ sgro skur rtag chad la
sogs mtha' gnyis kyi/ /lta ba ngan ba'i gdon las grol bar bya/ /phyi ma
ltar na dri bcas sems kyi dbyings/ /rang bzhin gdod nas rnam par
dag pa dang/ /dri ma 'bral du rung ba'i glo bur bar/ /shas nas

khams sbyang phyir du brtson par bya/ /dri ma dag byed dngos ni
stong pa'i lam/ /'on kyang lam 'dis dri ma bag chags dang/ /bcas pa ma
lus dag par byed pa ni/ /mtha' yas bsod nams tshogs la rag las pas/
/sems mchog gnyis sogs rgya chen spyod pa ni/ /ngoms mi

shes par chu bo'i rgyun ltar spyad/ /de ni rgyal ba sras bcas dgyes
pa'i lam/ /phyogs rer 'tshel ba byis pa dga' skyed tsam/ /zab mo ye shes
tshogs las chos sku dang/ /rgya chen bsod nams tshogs las gzugs sku
gnyis/ /grub pa 'di ni 'bras bu'i

mthar thug ste/ /rim bzhin rang gzhan don gnyis mchog gi gzhi/ /ji
ltar rgyu tshogs gcig la rag las pa'i/ /ro gzugs 'bral ba med pa ji lta
ba/ /de bzhin tshogs gnyis kyi ni rgyu yi tshogs/ /gcig la rag las sku
gnyis 'bral mi rung/ /ji lta ji snyed

mkhyen pa'i thugs med pa'i/ /sangs rgyas sku med gzugs kyi sku yis
stong/ /chos kyi sku yang yod min de yi phyir/ /rgyal ba'i sa na de dag
zung du 'jug /de las 'bad rtsol bral ba'i lhun grub dang/ /'khor ba
srid du bzhugs pa'i rgyun mi 'chad/ /khyad par

@150a @#/ /gnyis dang ldan pa'i phrin las kyis/ /skal ldan 'gro la don
gnyis yid bzhin stsol/ /snying nas byang chub sgrub la rab gzhol
ba'i/ /yon tan khur gyis lci ba'i bla ma des/ /nyung ngu'i lan gyis dris
don springs shig ces/ /

gsung pa ji bzhin 'dir ni mdo tsam bkod/ /phra la rtogs dka' drang
srong chen po'i lam/ /zab mo dbu ma'i lam 'di dpag dka' bas/ /rnam
dpyod can khyod tshim par ma sla bar/ /bla ma lhag pa'i lha la gsol
btab ste/ /bsag sbyang mang pos rgyud

ni smin byas nas/ /yang dang yang du rnam par dpyod cig dang/
/gong nas gong du blo gros khyad zhugs nas/ /shin tu phra ba'i gnas
kyang phyed par 'gyur/ /zhes pa'i phrin yig skyes kyi brda' mtshon par/
/rtag tu ngu'i rtogs pa brjod pa dang/ nged rang gi

gon 'phro'i ring 'gag cig la the'u tshe 'di 'byar ba phul//