! //na maH shrI gu ru manydzu g+ho ShA ya/ mkhyen pa shes bya kun tu
song yang 'gro bas dpag par mi nus shing/ /brtse ba thugs kyi gter du
sbas kyang srid na nyi bzhin lhang der gsal/ /mdzad pa

lus can kun la snyom kyang bdud sde'i snying la 'jigs pa skyed/ /phun
tshogs yon tan dpal gyis mtho ba'i 'jam dbyangs de yis 'gro kun
skyongs/ /de ltar 'dod pa'i lha la yon tan brjod pa sngon du 'gro ba
can gyi shis pa brjod nas/ sems can thams cad

la rgyu med par mnyes gshin pa'i sgo nas/ 'jig rten na mgon dang
skyabs ma mchis shing/ ma rig pa 'thug pos blo mig rab tu g.yegs pa
srid pa'i chu bo chen pos sdug bsngal gyi rgya mtsho gting mtha' med
par khyer ba rnams 'don bzhed cing phan pa bzhed

pa; nyid kyis brnyes pa'i bdud rtsi'i ro phul du byung bas tshim par
bzhed pa'i sangs rgyas bcom ldan 'das rnams kyis mngon par gshegs
pa'i lam gang na bder 'jug pa'i tshul cung zad brjod par 'dod pa ni/
tshul khrims yongs su dag pas zhi zhing dul/ /gsung

@170a @#/ /rab mang du thos pas de nyid rig /dad pa'i rtsa ba brtan pas
dge la 'dun/ /dam pa'i skye bos bskul ba'i don du'o/ /de la bde bar
gshegs pa 'jig rten du byon pa dang/ de'i bstan pa rin po che dang
mngal ba dang/ dgos pa chen po sgrub

nus pa'i dal 'byor gyi rten rnyed pa'o/ /yon tan kun gyi rtsa ba dge
ba'i bshes gnyen mchog dang phrad pa la sogs pa brgya lam na srid
mtha' tsam du rgyal ba thugs rje chen po dang ldan pa rnams kyi
gsungs las byung ba rnams kyi don la/ yang dang yang du bsams

pas tshig tsam ma yin pa'i nges shes gting nas 'drongs pas rkyen byas
pa la brten nas/ bcom ldan 'das kyis legs par gsungs pa'i chos 'dul ba
la rab tu byung nas/ zab pa dang rgya che ba'i don la ma rtogs pa
dang log par rtog pa dang/ the tshom

gyi dri ma mtha' dag 'khrung pa'i chu rgyun dam pa thos pa dang
bsam pas shes rab yongs su dag par byas te/ gang gi don du skra
dang kha spu breg pa la sogs pa chos kyi rje thub pa'i dbang po'i
brtul zhugs yang dag par blangs pa'i dgos pa mchog

thar pa'am thams cad mkhyen pa nyag gcig tu mthong zhing/ de
yang mang du thos pa'i don sgrub pa la nan tan snying por byed pa'i
rtsa ba can du rig nas/ /'du 'dzi'i gnas thams cad btsan chod du
spangs te/ gsung rab las la na cig

ma yin par bsngags pa'i dben pa'i yon tan gyi rlung gis shing bal gyi
'dab ma la bya ba bzhin du rang dbang med par yid drangs te/ dben
pa'i gnas su song nas ji ltar thos pa'i don rnams la 'bad rtsol/
bsgrims pas goms

@170b pa mchog thob ste dga' bde rgya mtsho'i dpal la nam yang
nyams pa med par longs spyod pa ni/ skyes bu dam pa sngar byon pa
rnams kyi kun tu spyod pa'o/ /de la 'di skad ces gsungs te/ srid pa'i
skyon dang zhi ba'i phan yon rnams/ /so sor 'byed la

ring nas goms pa des/ /nyes pa du mas sbags pa'i 'du 'dzi'i gnas/ /dug
dang bcas pa'i zas bzhin ring du 'dor/ /nyin byed 'od kyis legs par kha
phye zhing/ /dri zhim bsung dang ldan pa'i 'dab brgya pa/ /mi gtsang
'dam gyi dbus su legs

'khrungs kyang/ /me sdug dri yis sbags par ga la nus/ /spu gri'i sor
chags sbrang rtsi ldog pa bzhin/ /gnog chung sdug bsngal bzod
dka' skyed pa'i gzhi/ /'khor ba'i phun tshogs ched du yid song rnams/
/zhi ba'i gtam gyis bskul bar

ga la nus/ /padma'i mtsho chen dbus na bder gnas pa'i/ /dang po'i kun
spyod yang yang bsgrags gyur kyang/ /ngan skyugs khrod na rlom
pas mtho ba yi/ /bya rog dag gi snying la 'bab mi 'gyur/ /de ltar na
srid pa dang zhi ba'i skyon rnams ni rig

mang du thos pa dang ni ldan/ las 'bras la yid ches pa'i dad pa ni
yod/ 'du 'dzi'i nyes dmigs ni mthong/ dben pa'i yon tan ni shes/ sgrub
pa lhur len pa'i mthun rkyen tshang ba khyod la/ rnam par g.yeng
ba la brten pa'i lam gol ba/ lam

ngan pa skyes bu dam pa ma yin pas bstan pa'i lam dor nas/ rab tu
dben pa la brten pa'i lam ma nor ba lam bzang po skyes bu dam pa
rnams kyis bstan pa'i lam du zhugs pa la bskul ci zhig 'tshal/ 'on
kyang yid la 'bab cing rnar

@171a @#/ /snyan pa'i/ /gdams pa 'ga' zhig smras na cis mi mdzes/ /rab
mtho gangs ri'i tog kyang ston dus kyi/ /zla 'od lhung na ches dkar
mi 'gyur ram/ /de la blo gros ngan pa rnams kyis ni rgyal po la dus
dus su nges par mjal

dgos pa'i dus kyi dpyi skabs la bab pa na mi 'bul bar/ rgyal pos chad
pa bcad pa na 'bul ba bzhin du gnyen grogs longs spyod grags pa
rnyed bkur rnams dang nges par 'bral dgos par shes bzhin du rang
la dbang yod pa na de dag dor nas dben

pa bsten te gtan bde mi sgrub par 'du 'ji lhur len pa'i tshe 'chi bdag gi
chad pas bcad nas/ gnyen la sogs pa dang mi 'dod bzhin du 'bral bar
byed mod/ shes rab can rnams ni nges par bya dgos pa'i las chad pa
ma phog pa'i gong du myur ba myur

bar byed kyi chad pas gcod pa la sgug par ga la 'gyur/ gal te 'chi
bdag gi chad pas mi 'dod bzhin du 'bral dgos pa'i phyir/ nags su 'gro
bar bya ba ni rigs mod/ de lta na'ang tshe 'di'i 'tsho ba'i chas sgrub dgos
'ga' zhig yod pas/ de zin

nas bas mtha'i nags su 'jug par bya'o snyam na de ni rigs pa dang
ldan pa ma yin te/ dper na sngon don mthun mang po zhig byes su
bgrod nas 'jigs pa dang bcas pa'i gnas cig tu 'gro ba na de'i nang nas
tshong pa gcig lam na gnas pa'i rdo gcig gi

sar sdad nas brdar yin 'dug pa dang/ grogs rnams kyis smras pa de
brdar nas ci byed/ nges smras pa gru bzhi byed do/ /grogs rnams kyis
smras pa de byas nas ci byed de na re de zin nas de nyid du 'dor ro
zhes smras pa na bzhad gad kyi gnas su 'gyur ba

@171b bzhin du grub zin pa'i mod la/ 'dor dgos pa'i bya ba la 'jug pa ni
dad pa'i rjes su 'brang ba rnams la rung gi /chos kyi rjes su 'brang ba
rnams la mi rung ba'i phyir ro/ /des na 'chi bdag gi chad pa las mi 'da'
zhing/ chad pa de yang nam 'ong ba'i dus kyi khyad par

nges pa mi 'dug pa yang yang yid la goms par byas nas/ rings pa rings
par dal 'byor gyi lus dgos pa chen po sgrub nus pa'i don che ba
dang/ gnya' shing gi bu gar rus sbal gyi mgrin pa chud pa ltar shin
tu rnyed par dka' ste/ khyad par gnyis dang ldan pa

'di la 'bad par bya'o/ /de ltar dal 'byor rnyed dka' ba rnyed pa don
che ba/ de 'ang myur du 'jig pa'i tshul ches cher bsams pa ni/ dang po
sgrub pa'i bskul ma/ bar du sgrub pa mi nyams pa'i rgyu/ tha ma sgrub
pa mthar phyin pa yin pas gnad shin tu cha ba yin/ de

ltar myur du 'chi bar ni nges/ shi ba'i rjes su bsod nams dang bsod
nams ma yin pa'i las gnyis lus kyi rjes su grib ma bzhin du 'brang/ dge
sdig gi las ngo bo shin tu chung zhing bsags nas dus bskal pa dpag
tu med pa song yang/ tshogs shing dus

la bab pa na 'bras bu rgya chen po ni 'byin/ de la sems can phal mo
che thog ma med pa nas mi dge ba'i phyogs la rgyun ring ba bar ma
chad par shugs drag par goms pa'i cha phra ma tsam yang dge ba'i
phyogs la de lta min pas phal cher mi dge ba'i las

byed pa la brten nas ngan song gsum du skyel de'i sdug bsngal ni
drag la rtsub pa/ mi bzad pa yin pas sran thabs med la/ bde 'gro
na'ang sdug bsngal gyi sdug bsngal la spyod pa phal che zhing/ re
zhig bde ba ltar snang yang ngan 'gro'i g.yang sar lhung

@172a @#/ /ba'i rtsa ba can du gsungs pa rnams go zin pas brjod mi dgos
mod/ de lta na'ang 'di rnams 'gro ba gzhan kho nar bshad cing sems
pa bas/ rang nyid la myong bar mi 'gyur ba'i gdeng med cing de dag
myong ba'i rgyu char ltar 'bab kyin

yod pas 'bras bu sdug bsngal rnams rang la smin na ci 'dra bar 'gyur
snyam du rang la dpags nas sgom pa ni zab ste/ 'di goms pa'i mthar
srid pa mtha' dag la gshed ma dang 'dra bar mi mthun par mthong
ba'i tshe/ thar pa don gnyer gyi blo bcos ma ma

yin pa cig skye zhing/ de ma byung bar thar pa don gnyer de yang de
dang cha mtshungs pa zhig las mi skye ba'i phyir ro/ /gzhan yang
rnyed bkur ngang gis 'du zhing 'khor mang longs spyod che/ snyan
grags rgyas pa'i gtso bo'i gnas thob pa la'ang rang nyid kyi rgyud

la snang shas zil gyis gnon par byed pa'i nges 'byung byang chub kyi
sems/ lta ba'i myong ba shin tu stobs dang ldan pa yod na lam gyi
grogs su 'gro na'ang de dkon pas na chos kyi go yul tsam yod
kyang des snang shas kyi 'jug pa mi khegs pas spyir

'khor ba dang khyad par du ngan song gi rgyu dpag tu med pa ma
tshor bzhin du sog /sngon bsod nams re 'ga' bsags pa'i 'bras bu rnams
ni 'dir spyod pas zad pa'i phyir/ nor ye mi spel bar bu lon len pa 'ba'
zhig byas nas dga' dga' ltar

snang ba dang 'dra bar mngon no/ /dan gyi dbang 'di gzigs nas
kyang sa'i snying po'i mdo las kyang bzod pa ma thob kyi bar du dge
sbyong gtso bo dang/ mkhan po gtso bo'i gnas su ma gyur cig ces
gsungs pa yin/ des na snang shas 'di la dkar

@172b nag kha gsum yod pa'i nag po rig sla yang gzhan gnyis po 'di
la 'khrul sa chen po 'dug pas bag yod par mdzod cig /de'i 'og tu rang
nyid 'khor ba'i sdug bsngal gyis 'jigs pa ji lta ba bzhin du/ sems can
thams cad kyang de dang mtshungs

pas de dag gi don du byang chub don du gnyer ba'i blo byams pa
dang snying rje'i rtsa ba can gyi byang chub kyi sems sgom pa 'ba'
zhig la yun ring du goms par byas la sangs rgyas kyi thun mong ma
yin pa'i rgyu theg pa chen po'i rtsa ba theg dman las 'byed

pa'i byad chos rgyal sras rnams kyi spyod pa rlabs po che la 'jug pa'i
rgyu/ tshogs gnyis rab 'byams sdud pa'i lag pa sdig pa dang ltung ba
sreg pa'i dus mtha' me chen po ni/ rin po che'i sems nyid 'di yin par
gsungs pa'i phyir ro/ /'dis ma zin na thams

cad mkhyen pa'i rgyu mtshan nyid par mi rung zhing/ zin pa'i tshad
kyang go ba rkyang par ma song ba'i myong ba la ltos dgos mod/
'on kyang gzugs brnyan tsam las ma byung yang dge rtsa sgrub pa
thams cad la 'dis rgyas btab cing smon lam gyis kha bsgyur na phan
yon

dpag tu med pa 'byung bas 'di la nges shes 'drongs par mdzod/ de'i
'og tu chos thams cad mtha' bzhi dang bral zhing rang rang gi bya
ba la mi slu ba'i byed pa dang ldan pa sgyu ma lta bur mthong ba'i
shes rab kyis nges 'byung dang/ byang chub kyi sems la sogs

pa kun rdzob kyi rnam pa can du snang ba'i spyod pa rnams kyi dmigs
par lta ba'i dug phyung nas thabs dang shes rab kyi gshog pa'i rtsal
gyis/ rgyal ba sras dang bcas pa gshegs pa'i bya lam yangs par bgrod
par bya'o/ /rim pa de dag gi tshul mtha'

@173a @#/ /yas par ni mtshan nyid dang ldan pa'i dge ba'i bshes gnyen
yun ring por mnyes par byas pa las khong du chud par bya'o/ /gzhan
du na slob ma'i blo yi rim pa mi shes shing/ mngon par rtogs pa'i rim
pa rnams mtshams

'di dang 'dir skye zhes pa'i nyams len gyi gnad la mi mkhas pa dang
phrad nas/ 'di sgom pa las che ge mo sgom pa phan yon che'o zhes
dmigs pa'i go rim phyin ci log tu khrid nas don ma yin pa la sbyor
bas/ dge ba'i bshes gnyen legs par brtags

nas bka' drin nod par bya'o/ /de ltar sngar bshad pa'i yon tan ma
skyes pa rnams skye sla ba dang/ skyes pa rnams lam du 'gro zhing
rgyun brtan par byed pa la/ mtshan nyid dang ldan pa'i dge ba'i bshes
gnyen la ston pa'i 'du shes bskyed pa'i dad pa brtan

po dang/ skyabs kyi dam pa gsum la dmigs rnam legs par phyed pa'i
sgo nas/ snying thag pa nas nges shes 'drongs pa gnad du che bas/
chos ldan gyi bya ba gang sgrub kyang 'di gnyis kyi sgo nas gsol ba
drag tu gdab cing smon lam shugs drag

par bya'o/ /de la 'di skad ces bya ste/ mang du thos pa sgrub pa lhur
len nyung/ /sgrub la brtson pa thos dang ldan pa nyung/ /thos ldan
nyams len gnad la mkhas pa nyung/ /de phyir srid pa'i pha rol 'gro
ba nyung/ /mang du thos pas rgyal ba'i dgongs pa

rnyed/ /brtson pa chen pos sgrub pa snying por byed/ /bag yod goms
pas dam pa'i rjes su 'jug /skal bzang de yis byang chub rnyed mi dka'/
/'di dag ni theg pa mchog gnyis po gang gi lam nyams su len kyang
med du mi rung pa'i yan

@173b lag yin pas nye bar mkho ba rnams kyi ming tsam bris pa yin/ 'di
gzhir byas pa'i steng na sngags dang pha rol tu phyin pa'i lam gyi
snon pa gdab dgos pa rnams ni 'dir ma spros te so so'i gdams ngag
las btsal bar bya'o/ /de yis bskrun pa'i bsod nams

'di yi mthus/ /srid pa'i lam ring bgrod pa'i 'gro ba kun/ /rgyal ba'i
bstan pa'i snying po sgrub pa la/ /rnam dag lung rigs stobs kyis yid
ches nas/ /dam pa rnams kyis dngos grub brnyes pa'i gnas/ /dben pa
bsten nas mang du thos pa'i don/ /tshul

bzhin brtson pas nyams su blangs pa yis/ /rtag tu 'jam dbyangs mnyes
par bgyid par shog /ces pa 'di ni dka' bzhi 'dzin pa grags pa rgyal
mtshan gyis 'di phyi gnyis ka la phan pa'i thabs shig zhu zhes bskul ba'i
don du/ /mang du

thos pa'i rgyal khams pa blo bzang grags pa'i dpal gyis gangs can
khrod kyi gangs ri'i dbang po 'o de gung rgyal gyi lha zhol du
sbyar ba'i yi ge pa ni bzang skyong ngo//