! //

dge ba'i bshes gnyen pa'i zhal snga nas/ sdug bsngal lam du slong
ba'i gdams ngag nyung bsdus shig byung na gsung ba la/ rang re
bstan pa'i rtsa lag lags pas/ grub zin sgrub pa las mi 'ong mong/ 'on
kyang bka' stsal mi bcag pa'i phyir du mdor

@177a @#/ /bsdus te gsol na/ sdug bsngal lam du srel ba ni gnyis kyis rig
par bya ste 'di ltar sdug bsngal la mi 'dod pa'i blo bzlog pa dag/ de
nas sdug bsngal lam du slong ba dngos so/ /sdug bsngal la bze re ji
tsam byas

pa de tsam gyis yid mi bde 'phel bas 'dir gdung la/ de la brten nas
rgyud 'khrug pa'i zhe sdang 'phel bas phyi mar 'di bas bsgrun du med
pa'i gdung ba bskyed pa'i phyir/ mkhas pas sdug bsngal la mi bzod pa'i
blo bskyed par mi bya'o snyam du

sems kyi stobs skyed pa la rgyu mtshan du ma dang bcas pa'i nges pa
yang dang yang du bskyed par bya ste/ snying stobs bskyed na sdug
bsngal chen pos kyang gdung bar mi 'gyur zhing/ snying stobs
chung zhing sngar na don med par yang sdug bsngal bar 'gyur ba'i

phyir te/ dper na dpa' bo rang rmas pa'i khrag mthong na dpa' brtan
lhag par skye zhing/ sngar mas gzhan rmas pa'i khrag mthong na
brgyal zhing bog par 'gyur ba bzhin no/ /lam du btang ba la rang la
ltos ta lam du bya ba dang/ gzhan la dmigs

te bya ba gnyis las dang po ni/ de ltar sems kyi stobs bskyed nas 'di
ltar sdug bsngal byung ba la 'di ni so sor rtog pa'i shes rab kyi stobs
dang ldan pa la yon tan 'dren pa'i phyir dka' bar bya ba zhig ste/
srid pa las nges par 'byung ba'i bsam pa

skyed pa dang/ skyabs la yid brtan par byed pa dang/ dregs pa sel bar
byed pa dang sdig la 'jems pa dang/ dge ba la dga' ba dang sems can
la snying rje 'dren pa'i phyir ro/ /de la dang po ni/ las dang nyon
mongs pa'i dbang gis ji srid 'khor bar 'khyams

@177b pa de srid du 'di dang 'di dra ba'i sdug bsngal gyis gnod par
'gyur ba kho na yin pas nyer len gyi phung po nyid mtshams sbyor ba
zhi ba bdag gis thob par bya'o/ /srid par 'khyam phyin chad sdug
bsngal du mas gtse ba ni mi 'os pa zhig byung ba ma yin gyi 'khor

ba'i dang tshul yin na snyam du sems pa'o/ /gnyis pa ni/ srid pa'i 'jigs pa
lan re re dang gnyis gnyis tsam ma yin pa'i gting mtha' med par
'khyams nas/ 'jigs pa 'di lta bus sdug bsngal ba la skyob pa ni slu ba
me dpa'i dkon mchog gsum

nyag gcig tu zad pas de'i phyir skye ba thams cad du ci la thug
kyang dkon mchog gsum gtang bar mi bya'o snyam du nges par byas
nas skyabs su 'gro ba la brtson pa'o/ /gsum pa ni/ rang la dmigs pa'i
nga rgyal dag/ des drangs pa'i gzhan la khyad

du gsod pa ni/ dge ba du ma 'jig pa dang nyes spyod du ma'i rten yin
pas gnod pa du ma'i sgo yin na/ bdag sdug bsngal ba 'dis ni khengs pa
bzlog cing yid 'byung ba'i gnas su mthong bar 'gyur ba'i phyir nga
rgyal zad par byed pa'o snyam pa'o/ /bzhi

ba ni/ sdug bsngal 'di lta bu ni gdung ba chen po skyed par byed na/
gang dag 'di mi 'dod pa de dag gis ni 'di'i rgyu mi dge ba spang bar
bya dgos so snyam nas snga ma'i nyes ltung la dmigs nas stobs bzhis
'dag nges su sbyong ba dang/ phyi ma 'phro ci chod la 'bad pa'o//

lnga pa ni/ sdug bsngal 'di lta bu dang bral ba'i bde bas ni phan
'dogs pa kho na yin la/ de'i phyir sdug bsngal log pa'i bde ba la dga'
na de'i rgyu dge ba la 'bad par bya'o snyam du rig nas tshogs sgo du
ma nas gsog pa'o/ /drug pa ni/ bdag ci 'dra

@178a @#/ /bar sems can rnams kyang sdug bsngal 'di lta bu dang 'di las
ches che bas gdungs so snyam du bltas nas de dag kyang sdug
bsngal thams cad dang bral na snyam pa'i snying rje bskyed pa'o/
/gnyis pa ni/ sems can spyi

dang khyad par du rang gi sdug bsngal gyi phyi rol gyi rkyen du
gyur pa'i mi 'am mi ma yin pa rnams la mar sgom pa mang du byas nas
bdag gis sdug bsngal 'dis de dag gis gnod pa myong ba thams cad kyi
go ched nas de dag gi gnod pa rgyun chad pa dag/

bdag gi bde legs thams cad de dag la gtong ba dang/ de dag gi sdig
sdug bdag la len pa'i gtong len bcos ma tshun chad kyis 'bad nas
bsam pa sbyong ba dag/ ku sa li'i tshogs sog gi sgo nas lus dpag tu med
pa sprul te/ gang la gang 'dod

pa ltos pa med par ster bzhag re la lan mang du byed pa dang/ de'i
mjug tu 'khor gsum thams cad rang bzhin med pa'i lta bas rgyas btab
ste smon lam rlabs po che sems can spyi dang gnod byed de dag gi
don du bsam pa thag pa nas 'debs pa nyid

bsngags pas 'di dge sbyor gyi dngos gzhir mdzad nas sgom bzlas
gzhan thun mtshams su bgyis te spel na legs par go bas dgongs par
zhu/ de ltar mdzad na gzhag la dge ba'i 'gal rkyen du 'gro ba'i sdug
bsngal dam pa la grogs su 'ong

bas/ rkyen ngan lam du slongs pa ltas ngan g.yang du khugs pas
bdud dge ba'i bshes gnyen du bsgyur thub par 'gyur bas saM du ci
slongs slongs mdzad nas/ dum pa re slongs byung ba dang bla ma
dang yi dam dbyer med la gsol ba 'debs shing bar chod kyi 'byung

@178b po la gtor ma byin nas da dung de 'dra ba'am de las lhag pa
thong zhig ces gdeng dag ldan pas/ de dag gis rgyud mi 'khrug par
dge ba'i grogs su blta bar bya'o/ /'di rnams sdug bsngal chung rim
nas nyams su blangs na sdug bsngal chen po la 'byongs par

gsungs pas de ltar dgongs par zhu zhes pa 'di ni lung dang rigs pa'i
bdag nyid gnyal ston pa rin chen bsam grub kyis rgyud nas bskul te
blo bzang grags pa'i dpal gyis bkod pa'o//