! //oM swasti sidd+hM/ dge tshul blo dang lan pa nam mkha' dpal/ /de

@180a @#/ /yis springs pa'i yi ge 'dir 'phrod lan/ /mang du thos pa'i dge
slong spong ba pa/ /blo bzang grags pas slar yang 'di skad lo/ /bu
khyod bsam pa dag pa yod zer legs/ /srid pa'i phun tshogs kun gyis mi

slu med/ /khyad par ding sang 'tsho ba'i yun thung ba'i/ /tshe 'di'i 'byor
rgud rmi lam thun gcig tsam/ /de phyir de la dga' bar 'dzin pa ni/
/rkye ma ngan 'gro'i kha yang 'byed par zad/ /bde ba'i mnog chung
sdug bsngal du ma'i gzhi/ /spyad pas

mi doms nyes spyod chen po'i sgo/ /'di dang phyi ma'i don chen 'jig
byed pa/ /rgyud pa'i 'byung gnas 'di la dgar ci yod/ /mkhas pas gdug
pa'i sprul dang 'grogs bla yi/ /'dod pa'i sbrul la yid rton de lta min/
/blo yi mthu chung

rnams kyis bsgrags pa yi/ /dpal zhes bya ba de ni phal cher la/ /ming
don mi mthun gyur pa kho na ste/ /de phyir blo dang lan pas bag
yod bya/ /gnyen po'i gom tshugs 'khyor ba'i 'gros can rnams/ /log pa'i
grogs kyis gdon mi

za bar 'khrid/ /de phyir blo mthu ldan pa'i dam pa la/ /bsten par byed
pa gdams pa'i don po yin/ /'di na tshul bzhin rig nas 'doms pa dkon/
/gdams pa'i rjes su byed pa de bas dkon/ /de phyir brtse ba yod kyang
dam pa rnams//

legs bshad yang yang 'doms par mi mdzad do/ /phan par smras pa'i
rjes su slob pa la/ /sa gsum bla ma'i dgongs pa'i bcud phung ba/ /yid
dang rna ba'i tshim byed legs bshad gtam/ /yang yang 'doms pa rnyed
par dka' ba'ang

@180b min/ /zhes pa 'di yang rjes nyid kyis ma gcig dpon po lag nang
pa'o//