! //gang zhig bshags par bgyi na/ thog ma med pa'i srid pa chu klung
chen po'i ngo bor bkod pa der/

gang zag dang chos kyi bdag dang bdag gir 'dzin pa'i gzung 'dzin
gyi kun tu rtog pa ma lus pa des bsags pa'i las nyon gyi rnyog pa
rnams te chu klung chen po rnyog pa dang bcas par rgyu ba lta bu
de dag go /de dag gang gi mdun du na thugs rje chen po

dang ldan pa'i rgyal ba rnams kyi spyan sngar cho ga bzhin/ 'dus ste
mchod pa sogs byas nas/ las bya byed gsum mi dmigs pa'i sgo nas so/
/yi rang bsngo ba ni/ rdzogs pa'i sangs rgyas dang byang chub sems
dpa' sa chen po la bzhugs pa rnams

dang 'phags pa nyan rang dang/ gzhan so so skye bo rnams kyi dge
ba la bsam pa thag pas yang dag par yi rang zhing dge ba des gtso
byas nas rang gzhan gyi dge ba dang bcas pa thams cad byang chub
tu ni yongs su bsngo bar bgyi'o/ /skyabs su

@186b 'gro ba ni/ spangs rtogs kyi yon tan dang ldan pa'i bde gshegs
rnams la dus byang chub snying po la mchis kyi bar du skyabs su
'gro ba na rtag tu dang/ de'i yon tan ni khyad par gsum ldan te/ yid
kyi rol pa ste don dam byang chub kyi sems dri ma

med pa zla ba dang 'dra ba des bsgrubs pa'i byang chub sems te shes
rab bo/ /snying rje ni dmigs med kyi snying rje dam pa ste sangs rgyas
nas kyang sems can gyi don la 'jug pa sogs yon tan mtha' yas pa
dang ldan pa'i thabs de gnyis sangs rgyas

dang rnal 'byor pa rang gi yid la so so rang gis rig pa'i tshul gyis
gnas pa'i sangs rgyas de la'o/ /chos kyi ni gzung 'dzin gyi rtog pa ma
lus par spangs shing de las nges par grol ba dang sems dpa' ni rang
gi byang chub la dmigs pas

te/ de nyan rang la yang yod pas de las dam pa byang chub sems dpa'
kun gyi phun tshogs mtha' dag gi gzhir gyur pa 'khor 'das kyi dngos
po thams cad chu rgya mtshor ro gcig pa ltar rang bzhin stong pa
nyid du ro gcig pa'i ngo bo nyid

kyi chos la'o/ /dge 'dun gyi ni skye rgan 'chi'i 'ching ba rnams las
yang dag par grol ba'i rnam byang thob cing theg dman las khyad
par du 'phags pa'i snying rje mchog gi bskrun pas te/ bskyed pa'i dpal
tshogs gnyis dang ldan pa/ rab dga'

dang dri ma med pa la sogs pa'i sa la rab tu bzhugs pa/ bstan pa la
zhugs pa'i brtul zhugs can gyi dbang po tshogs mang po'i byang chub
sems dpa' chen po rnams la'o/ /sems bskyed pa ni bsam pa rnam par
dag pa smon sems dang/

@187a @#/ /rgyu dang rnam par smin pa 'bras bu 'jug sems rnam par dag
par gyur pa'i sems ni bskyed par bgyi'o/ /de'i yon tan ni sgrib pa gnyis
bag chags dang bcas pa rtsad nas 'byin pa'o/ /de yang lhag par mos
pas te lhag bsam khyad

par can 'dun ldan sems bskyed kyis rnam par brgyan pa'o/ /lam la
brten pa ni gnas par bgyi gang la na bde gshegs sras bcas rnams kyi
lam bgrod pa gcig pu sbyin sogs phar phyin bcu ste/ gang du drug
bstan pa der bzhi po yang 'du ba

yin no/ /dkar po'i yon tan te rgyud la bsten bya yin pas so/ /tshul ni
ngo bo'o/ /rdzogs sangs rgyas bdag ni snang ba lha'i 'khor lor shar
ba'i dkyil 'khor 'khor bcas de ma lus ngo bo'i blo ni de rnams su
bsgoms shing blos bskyed par bya'o/ /tha na

sngags pas bya rog la zan kham gcig tsam sbyin pa yang lhar bskyed
nas ster bas yul dus rang bzhin gsum tshad can 'dzoms pa'i sbyin sogs
kyi lam de lta bu la yang dag nyid du ste bsam pa thag pas dus kyi
thog ma da ni gnas par bgyi'o//