@#/ /rje btsun chos kyi rgyal po tsong kha pa chen pos mdzad pa'i lam
gyi gtso bo rnam gsum rtsa 'grel bzhugs so/ /

@1a {dd} @#*@#/ /rje btsun 'jam pa'i dbyangs la phyag 'tshal lo/ /rgyal ba'i
gsung rab kun gyi snying po'i don/ /rgyal sras dam pa rnams kyi
[@#kyis] bsngags pa'i lam/

skal ldan thar 'dod rnams kyi 'jug ngogs de/ /ji ltar nus bzhin bdag
gis bshad par bya/ /gang dag srid pa'i bde la ma chags shing/ /dal
'byor don

yod bya phyir brtson pa yis/ /rgyal ba dgyes pa'i lam la yid rton pa'i/
/skal ldan de dag dwang ba'i yid kyi [@#kyis] nyon/ /rnam dag nges
'byung med par srid mtsho

yis [@#yi]; ;bde 'bras don gnyer zhi ba'i thabs med la/ /srid la brkam pa
yis kyang lus can rnams/ /kun nas 'ching phyir thog mar nges 'byung
btsal/ /dal {dd}

@2a @#/ /'byor rnyed dka' tshe la long med pa/ /yid la goms pas tshe 'di'i
snang shas log /las 'bras mi bslu 'khor ba'i sdug bsngal rnams/ /yang
yang bsam na phyi ma'i snang

shas ldog /de ltar goms pas 'khor ba'i phun tshogs la/ /yid smon skad
cig tsam yang mi skye zhing/ /nyin mtshan kun tu thar pa don gnyer
blo/ /byung na de tshe nges 'byung skyes pa lags/ /nges 'byung

de yang rnam dag sems bskyed skyes [@#kyis]/ /zin pa med na bla med
byang chub kyi/ /phun tshogs bde ba'i rgyu ru mi 'gyur bas/ /blo ldan
rnams kyi [@#kyis] byang chub sems mchogs [@#mchog] bskyed/ /shugs
drag chu bo bzhi yis [@#yi]

rgyun gyis khyer/ /zlog dka' las kyi 'ching ba dam pos bsdams/ /bdag
'dzin lcags kyi dra ba'i sbubs su tshud/ /ma rig mun pa'i smag chen kun
nas 'thibs/ /mu med srid par skye zhing skye ba ru/ /

sdug bsngal gsum gyi [@#gyis] rgyun chad med par mnar/ /gnas skabs
'di 'drar gyur pa'i ma rnams kyi/ /ngang tshul bsams nas sems mchog
bskyed par mdzod/ /gnas lugs rtogs pa'i shes rab

@2b mi ldan na/ /nges 'byung byang chub sems la goms byas kyang/
/srid pa'i rtsa ba bcad par mi nus pas/ /de phyir rten 'brel rtogs pa'i
thabs la 'bad/ /gang zhig 'khor 'das chos rnams thams cad kyi/ /rgyu
'bras nam yang bslu ba med mthong

zhing; ;dmigs pa'i gtad so gang yin kun zhig pa/ /de ni sangs rgyas
dgyes pa'i lam la zhugs/ /snang ba rten 'brel bslu ba med pa dang/
/stong pa khas len bral ba'i go ba gnyis/ /ji srid so sor snang ba de
srid du/ /da dung thub pa'i dgongs pa

rtogs pa med/ /nam zhig re 'jog med par cig car du/ /rten 'brel mi
bslur mthong ba tsam nyid nas/ /nges shes yul gyi 'dzin stangs kun
'jig na/ /de tshe lta ba'i dpyad pa rdzogs pa lags/ /gzhan yang snang
bas yod mtha' sel ba

dang; ;stong pas med mtha' sel zhing stong pa nyid/ /rgyu dang 'bras
bur 'char ba'i tshul shes na/ /mthar 'dzin lta ba'i 'phrog par mi 'gyur
ro/ /de ltar lam gyi gtso bo rnam gsum gyi/ /gnad rnams rang gi ji
bzhin rtogs pa'i tshe/ /

dben pa bsten te brtson 'grus stobs bskyed nas/ /gtan gyi mdun ma
myur du sgrubs shig bu/  zhes pa 'di ni mang du thos pa'i dge slong
blo bzang grags pa'i dpal gyis tsha kho dbon po ngag dbang grags pa
la gdams pa'o//