! //ke ru zhes grags gnas 'dir 'khod pa rnams/ /khe dang rnyed bkur
dor te chos la

gzhol/ /ge sar nyi shar 'od kyis mdzes pa bzhen/ /nge rang rnams
kyang gsung rab snang bas rtsen/ /ce spyang bzhin du phyogs bcur
mi 'gro zhing/ /che chos dor nas mkhas pa bsten byas nas/ /je mtho je
mthong song zhing 'gro ba kun/ /nye ring med par ngang gis

'du bar 'gyur/ /te lo pa sogs mkhas grub kun gyis kyang/ /the tshom
spangs te bla ma gus pas bsten/ /de bzhin bdag cag mkhas la gus btud
de/ /ne'u gsing mdzes ltar yid rab dang bar bya/ /pe ta pa yi spyod tshul
lhur blangs te/ /phe gu'i rtsig pas

@197a @#/ /bskar@ ba'i khang bzang du/ /be'us ma la gdung 'dra'i 'dun
pa yis/ /me shor gsod la brtson bzhin 'grus par rigs/ /tse ne 'dug nas
gsung rab don bsams na/ /tshe rabs kun tu bde nas bde bar 'gro/ dze
reg phrag dog byams

pa'i gnyen po yis/ /we ran ta yis nad rnams sel bzhin bsal/ /zhe sas
'dud pa'i dag snang rab sbyangs te/ /ze slongs spyod pa thams cad
rab spangs nas/ /'o ta ka yis bsten pa'i bsti gnas su/ /ye nas spros bral
don la 'dris par

bya/ /re ba ma che 'dod pa chung bar gyis/ /le lo ma che chos la
brtson par bya/ /she mong stobs kyis ma dregs dben pa'i gnas/ /se bas
dkrigs pa'i phyogs su dge la 'bad/ /he he mkhas pa dgyes pa'i tshigs
bcad 'di/ /e yig dbyangs

nges bya dka'i tshul dag tu/ /legs par bsdebs 'di mang thos tsong kha
pa/ /blo bzang grags pas chos par byed tshe sbyar//