! //oM bde legs su gyur cig /ko ka li ka'i mgrin pa'i spu bzhin du/ /kho
ra khor yug tshon gyis bkra ba 'dir//

go cha bgos pa'i snying stobs chen po yis/ /ngo mtshar thub pa'i gsung
la sbyangs na legs/ /co nas 'dren pa'i dam pas gdams pa ltar/ /cho rigs
bzang po'i spyod tshul lhur blangs te/ /jo bo'i drud du sos bskor
'tshogs kyi bar/ /nyo tshong

dor te chos par 'phel na legs/ /to ker bzhin du gtsug tu 'khur ba la/
/tho cho spangs pa'i spyod pa dul ba dgos/ /do zla med pa'i mkhas pa
byed 'dod na/ /no bsam thams cad chos la btang na legs/ /po ta la na
'jig rten dbang phyug

@197b ltar/ /pho brang 'dir yang snying rjes rang rgyud 'dul/ /bo
long bzang ltar rgyud ni mnyen byas te/ /mo bsham bu ltar khro ba
bral na legs/ /tso ra'i 'jigs pas dben par gyur pa 'dir/ /tsho tsho'i khrod
nas bsam pa rgya bskyed de/ /dzo gi dul ba'i spyod pa sgrub

pa la/ /wo brgyal byung yang brtson pa bsten na legs/ /zho dang ku
mud mdangs ltar rab dkar zhing/ /zo mdog mthong na gzhan yid
'phrog pa khyod/ /'o cag rnams kyis gus pas bsgrub bya ste/ /yo lang
'du 'dzi'i bya ba dor na legs/ /ro la sred pa chung bar byas

nas ni/ /lo mang dus nas bsgrubs pa'i nan tan 'phro/ /sho sogs rnam
g.yeng dbang du ma btang bar/ /so ka 'di la mthar thon byas na
legs/ /ho yig bar du thog ma thams cad ni/ /o yig dbyangs nges bya
dka'i tshul dag tu/ /legs par bsdebs 'di mang thos

tsong kha pa/ /blo bzang grags pas chos par byed tshe sbyar//