! //oM bde legs

su gyur cig /rig gnas rgya mtsho'i pha rol son gyur pas/ /gsung rab
nor bu'i gling la mnga' sgyur zhing/ /snyan grags kun gyi rna ba'i
rgyan gyur pas/ /ngo mtshar bsngags pa'i gnas gyur sa skya pa/
/mkhyen pas shes bya kun gyi de nyid gzigs//

brtse bas legs bshad dga' ston 'gro la stsol/ /mdzad pas rgyal ba
mnyes pa 'ba' zhig sgrub/ /mtshan nas brjod par dka' ba khyod la 'dud/
/khyod ni blo gros dri ma med/ /mu mtha' bral ba'i shes bya la/ /lha yi
lam la 'od stong bzhin/ /

@09a @#/ /'jug par mthong tshe bdag gi yid/ /ya mtshan gyur nas de yi dper/
/'jam pa'i dbyangs kyi mkhyen pa btsal/ /de nas de gnyis dbyer med par/
/mthong bas bdag gi dbe ma rnyed/ /rab 'byams rgyal ba'i ye shes 'jam
pa'i dbyangs/ /rab dkar

gangs ri'i ljongs su 'gro rnams kyi/ /rab mdzes gtsug gi rgyan du
byon gyur nas/ /rab rib ma lus sal ba'i sa skya pa/ /ma ltar brtse ba'i
thugs rjes lus can kun/ /srid las sgrol ba'i thabs la shin tu dga'/
/mkhyen brtse'i dpung gis bdud sde'i dpung bcom

nas; ;bstan pa'i rgyal mtshan 'dzin pa khyod la 'dud/ /khyod kyis thub
bstan nor bu yi/ /dri ma rigs pa'i chu yis bkrus/ /yid ches lung gis byi
dor byas/ /sgrub pa'i rgyal mtshan rtse ru mchod/ /nyin mtshan dus ni
thams cad du/ /bstan pa 'ba' zhig dgongs

pa khyod/ /snyigs dus 'gro ba skyabs med la/ /rgyal ba bas kyang
thugs rje che/ /tha snyad gtsug lag nang gi sde snod kyi/ /bde gshegs
dgongs pa thams cad legs rtogs nas/ /ma rtogs pa dang phyogs res
tshims pa dang/ /ji bzhin min par rtog pa'i 'gro ba

la; ;lhag par brtse ba skyes nas yin lugs don/ /rnar snyan yid 'bab go
bar sla ba yi/ /skyon spangs gsung gis yang yang 'doms mdzad pa/
/khyod la bsam pa dag pas bdag phyag 'tshal/ /sa steng 'gran zla bral
ba chos kyi rje/ /shes bya kun la thogs med

'jam pa'i dbyangs/ /gnas lnga mngon gyur pa'i paNDita/ /gangs can 'gro
ba'i skyabs gcig sa skya pa/ /nyin mtshan kun tu gus pas gsol ba 'debs/
/skye nas skye bar mtshan dpe'i gzi 'bar ba/ /khyod sku mthong zhing
theg mchog sgrog pa yi/ /khyod gsung rgyun

@09b chad med par thos par shog /ces pa 'di rgyud sde 'dzin pa yar
klungs pa seng ge rgyal mtshan pas bskul ba'i don du chos rje de nyid
la mi phyed pa'i gus pa dang ldan pa shar tsong kha pa blo bzang
grags pa'i dpal gyis mon mkhar bkra shis gdong du sbyar ba'//