! //swa sti/ grub pas bsten pa'i ri bo'i ngos dag tu/ /drang srong chen po'i spyod pas rab mdzes shing/ /mtha' yas 'gro ba 'dren de'i zhabs zung ni/ /gdul bya'i gtsug na ring du brtan gyur cig /gangs can ngur smrig 'dzin pa'i cod pan steng/ /gang zhig zhabs pad rnam mdzes de drung du/ /thub pa'i rjes su slob pa'i spong ba pa/ /bdag gis gus pa'i yid kyis 'di skad zhu/ /thos na rna ba tshim byed don bsams na/ /yid la dpal ster bka' stsal 'phrin yig ni/ /bzang mang skyes dang bcas pa bka' bzhin du/ /sgrub pa de yis bdag gi gam du 'phrod/ /de tshe yid kyi dpag bsam ljon pa ni/ /dga' ba'i dri yi bzhon pas rab tu bskyod/ /lhun po lta bur ches cher brtan pa'i thugs/ /cung zad tsam du gzhan gyis mi g.yo ba'i// tshul 'di mgon po khyod kyi rang bzhin du/ /mthong nas re zhig ngal bar ma bgyis lags/ /bstan pa rin chen rgyas pa'i khur bzhes pa/ /bdag 'dras bskul bar gyur la ltos ci 'tshal/ /mgon khyod 'gro ba'i bsod nams zhing mchog tu/ /zhabs brtan @201a @#/ /slad du sras bcas rgyal ba la/ /gsol ba 'debs shing smon lam dri mad tshogs/ /yang dang yang du 'bad pas bgyid par zhu/ /sa ga zla ba'i tshes bcu bzhi la phul ba dge legs su gyur cig /ces pa 'di spyan mnga' dpal ba la mdzad pa'o//