! //oM bde legs su gyur cig /gang zhig dran pa tsam gyis legs tshogs
kun/ /ji bzhin stsol

mdzad slu ba med pa'i skyabs/ /mtha' yas rgyal ba'i yab gyur 'jam
dbyangs des/ /skal bzang khyed la kun nas skyong gyur cig /sngon
chad bzang po'i las la cher goms pas/ /deng dus grub pa'i rigs su legs
'khrungs shing/ /theg pa mchog

@204b la brtson pa mi lhod pas/ /nyin mtshan dus rnams 'bras bu yod
par 'da'/ /che ba'i go 'phang dag la gnas na yang/ /des pa'i dpal gyis
rab tu mdzes gyur pas/ /bshes gnyen rnams la gus pas legs 'dud pa'i/
/bzang po'i mtshan can de yis

sbyar ba yi/ /phrin yig tshig don bzang po'i snyan dngags dang/ /rmad
byung ro dang reg pa'i bde ster ba'i/ /btung ba gnyis dang bgo ba'i
gos dang ni/ /tshon dang sman gyi rnam pa sna tshogs dang/ /zhing
bzang rnams la 'os pa'i btung bar bcas/ /dri med dgongs

pas kun nas bslang ba rnams/ /mngags pa'i pho nyas phyogs 'dir legs
par 'phrod/ /ji ltar dgongs pa de ltar bgyid par zhu/ /snyigs dus 'gro
ba'i phun tshogs shin tu dman/ /mi srun nag po'i rtsa lag 'phel ba yis/
/nyin re bzhin yang glags

skabs chol bar byed/ /de phyir brtson pa chen po mdzad par rigs/
/rten bzang rnyed dang bstan dang mjal ba dang/ /dam pa'i bshes
rnyed shin tu dka' ba dang/ /lang tsho'i dpal yang ches cher g.yo
ba'i tshul/ /yang yang sems pa gnad kyi gdams pa

lags; ;'di phyi'i legs tshogs yid bzhin 'grub pas na/ /skyabs gsum bla ma
gtsug gi rgyan du zungs/ /rgyal sras rnams kyi thabs mkhas mchog
yin pas/ /dge ba gang byed byang chub sems kyis bsgyur/ /'khor gsum
yongs dag lam gyi srog yin pas//

rang bzhin med pa'i lta ba'i rgya yis thob/ /mthong thos dran reg
don ldan 'gyur bas na/ /rlabs chen smon lam mang po rgyun du
mdzod/ /gangs ri'i dbang po 'o da gung rgyal gyi/ /gangs sul byams
pa'i gling gi ri sul nas/ /sngon gyi dam pa'i rjes su slob 'dod

@205a @#/ /pa; ;blo bzang grags pa'i mchid nas de skad lo/ /mchu'i zla
ba'i nyer bdun la dge legs su gyur cig /