! //swasti pradznya b+hyaH 'phral dang yun gyi bde ba yid bzhin du/
/legs par 'grig pa'i rten 'brel rtsa ba ni/ /gsung rab kun nas bla mar
gsungs bas

na/ /skyabs gsum ngo bor bsgoms la gsol ba thob/ /tshe 'di'i phun tshogs
ji tsam spyad gyur kyang/ /'chi ba'i dus su chos min kun gyis bslu/
/dkar nag las kyi 'bras bus mi bslu bas/ /sdig spong dge ba bsgrub la
'bad par bya/ /nyes med srog

chags gsod pa'i las rnams ni/ /myur du myong zhing nges par myong
'gyur la/ /rang la smin na bzod pa'i thabs med pas/ /'di la shin tu shin
tu 'dzem par bya/ /'di ni 'di 'dra'i tshul la rab mos pa/ /ya rabs spyod
tshul rgyan gyis mdzes de la//

nges med gnas su 'khyams pa'i rgyal khams pa/ /blo bzang grags pa'i
mchid nas de skad lo/ /zhes pa 'di 'ol khar dang por byon dus stod
lungs pa dpon yon tan rgya mtsho la gdams pa'o//