! //gang gi thabs mkhas

mdzad pas 'gro ba la/ /gnas skabs kun tu bde ba'i mchog stsol ba/ /zla
med ston pa de yis khyod la ni/ /nyin mtshan kun tu bde legs sbyin
gyur cig /phul byung dad pa'i shugs ni rab drag cing/ /rnam dpyod
shes rab nor gyis mi dman pa/ /cho rigs

bzang po'i brtul zhugs 'dzin pa khyod/ /phyogs 'dir rnam dkar
dgongs pa yod pa khums/ /de lta na yang 'du 'dzi mang po yis/
/g.yengs par gyur tshe khams kyis mi lcogs pa'i/ /tshul 'dis don gnyis
bsgrub la mthu med kyi/ /khyad par nyid kyi

bzhed pa mi rdzogs par/ /mthong nas re zhig phyogs der bgrod pa
bshol/ /de la blo gros ldan khyod bzod pa mdzod/ /dge la brtsams
pa mthar phyin ma gyur kyang/ /ji tsam brtsams pa de tsam gyis
kyang 'tsheng/ /skom pas chu klung rdzogs par ma 'thungs

kyang/ /chu 'ga' 'thungs pa yis kyang ngoms par 'gyur/ /de 'dra'i dge
des tshe rabs kun tu khyod/ /rgyal ba'i dam chos ma lus 'dzin gyur cig
/ces pa 'di rgya ma khri dpon chen po rin chen rgyal mtshan pas rgya
mar 'ong dgos zhes yang yang bskul

ba'i don du/ /mang du thos pa'i dge slong blo bzang grags pas sbyar
ba'o//