! //oM bde legs su gyur cig /grags pa'i ri

bo mthon po la 'dzegs pa'i/ /du ma'i 'gro bas gang gi zhabs mchod pa/
/rje btsun mkhyen pa'i gter de'i mdzad pa yis/ /khyod kyi phun tshogs
kun nas skyong gyur cig /dri zhim padmas rkang drug dang/ /mdzes
pa'i lang tshes sred ldan bzhin/ /rnar

snyan gsar pa'i phrin yig gis/ /yid rab 'phrog phyir 'di skad brjod/ /rna
ba thos pa'i bang mdzod mgrin la legs bshad gter/ /spyi gtsug dam
pa la 'dud tshul khrims gos kyis klubs/ /dam pa'i yid 'phrog rgyan
bzang du mas rab spud pa/ /

mkhas pa'i bshes khyod rang gi gnas su bder son nas/ /mig dang rna
ba yid la dpal ster ba'i/ /sdeb legs don bzang snyan pa'i phrin yig ni/
/phun tshogs skyes bcas bskur ba 'phrod pa'i tshe/ /yid mtshor dga' ba'i
rlabs phreng g.yos

par gyur/ /bdag kyang dben par sngon chad thos pa'i don/ /ji bzhin
sgrub pa'i bde ba la chags pas/ /re zhig dge ldan ri bo'i ngos las ni/
/phyogs gzhan mi g.yo'i yi dam brtan par bgyis/ /bstan pa gnas dang
mkhas pa'i mgon bcas dang/ /lang

tsho ma yol rnam dpyod rgyas pa dang/ /rnam g.yeng dor nas sgrub
la 'dud pa ni/ /blo mchog ldan pa rnams kyi legs smon gnas/ /tshul 'di
shin tu rnyed dka' 'jig sla ba/ /rig nas nyin mtshan kun tu dal ba'i
rten/ /don ldan byed pa mkhas pa'i

@211b mkhas pa ste/ /lhag ma'i skye bo byes las byis par gsungs/ /rgyal
bas bsngags pa'i mang thos rgya mtsho cher/ /rnam dpyod brtson pa'i
gru yis legs zhugs nas/ /legs bshad rin chen gling gi dga' ston
mchog /nyams su myong ba'i rnam dpyod

bzang po can/ /khyod la bdag gis mang du bskul ci 'tshal/ /gsung rab
thos pa'i dga' ston 'di 'dra na/ /de don sgrub pa'i bde ba ci 'dra zhes/
/rgyun du yid la gnag pa rgyas par mdzod/ /rin chen dbang gi rgyal
po las lhag pa'i/ /ngo mtshar rten

'di ring du 'tsho ba yi/ /thabs mang smra ba'i zla bas gang gsungs pa/
/de la'ang brtson pa shin tu gces pa lags/ /zhes pa 'di ni mang du
thos pa'i dge slong blo bzang grags pa'i dpal gyis/ /bstan pa'i rtsa
lag dam pa sdom brtson chen po dka'

bcu pa dag legs dpal ba'i gsung shog gser srang gang /dngul dam
gcig /dkar ltang zung gcig /spos ltang gcig gi rten dang bcas pa dge
ba'i bshes gnyen chos ldan dang brtson rin pa gnyis kyis 'phrod pa'i
lan du spyar ba'i skyes kyi mtshon

tsam du ges dmar smug gi snam sbyar srid du khru dgu cung ma
longs pa/ zheng du'ang khru gsum cung ma longs pa'i snam phran
nyi shu rtsa lnga yod pa gcig /gan dkar sag ri nag po'i shubs can
gcig /maNDal rgyan se'u yod pa gcig rnams la the'u

tse 'di 'byar ba phul/ zla ba dang po'i tshes bcu gnyis la phul ba dge
legs su gyur cig /