! //dge ba'i bshes gnyen chen po spong shod nang pa'i phyag tu phul
ba/ sku khams bzang pa'i thad nas gsung shog dngul phor dang dar
gyi rten dang bcas

pa bskur ba 'dir 'phrod pa yid rab tu spro /'dir yang dge bar mchis
skabs kyi don /dri bcas sems kyi rang bzhin gzhi/ /thabs shes zung du
'bral ba lam/ /chos dang gzugs kyi sku gnyis 'bras/ /gzhi lam 'bras bu
bsdus pa'o/ /rtag chad mtha'

gnyis spangs pa lta ba ste/ /de yi don la rtse gcig 'jog pa sgom/ sdom
gsum kun spyod gcang ba spyod pa ru/ shes par gyis la de ltar nyams
su long/ /khyod rang gi gsung shog na 'dug pa bzhin smon lam yang
bgyis bdog /yi ge'i skyes mtshen par nged

rang gis yun ring du longs spyad pa'i paN zhwa ser po cig mchis/ khyi
lo zla ba drug pa'i tshes grangs bzang po la 'brog ri bo che dge ldan
rnam par rgyal ba'i gling nas phul ba dge legs su gyur cig /