! //shes bya kun la dri med mngon sum skyan?/ /lus

can kun la bu gcig lta bur brtse/ /rab 'byams zhing bzhugs bde bar
gshegs rnams kyis/ /mi dbang khyod la rtag tu skyong gyur cig
/mnga' ris byams pa'i thugs kyis legs skyong zhing/ /skyabs gsum gus
pas spyi bo'i gtsug na 'khur/ /

ya rabs spyod tshul dge mtshan du mas mdzos/ /gangs ri'i khrod kyi
mgon med zas sbyin gyis/ /bstan pa nyid la dgongs pa'i lhag bsam gyis/
/kun nas bslangs pa'i phun tshogs mthun rkyen stsal/ /phyogs 'dir re
zhig sdod pa spro na'ang//

@213b de la bde bar sdod pa'i mi mthun rkyen/ /gangs can mkhas pa'i
dbang po red mda' pa/ /rdzong khar phebs pa'i pho nya 'di ru slob/ /de
tshe 'gro 'dod yid kyis bskyod pa yi/ /lus kyi 'khul 'khor de ru phyogs
pa rgyur/ /slar yang legs tshogs kun gyi gter

chen po/ /bstan pa ring du gnas phyir bstan 'dzin la/ /skyo ngal med
par yang 'dud mdzad pa ni/ /nyid kyi ngang tshul pags? mod bskul ci
dgos/ /'on kyang mi dbang chab srid brtan pa'i phyir/ /rgyal dang
rgyal sras srung ma'i tshogs rnams la/ /bsam pa dag

pas gsol ba 'debs pa dang/ /dri ma med pa'i smon lam bgyid par zhu/
/rdzong khar myur du sleb dgos 'dug pa dang/ /phyogs der chu yi
'jigs pa mthong bas na/ /re zhig mjal bar 'ded pa'i 'dun pa skyungs/
/slar yang myur ba nyid du mjal bar smon/ /

zhes yi ge gzigs pa'i rten du phyag phyis gser mdog kha gang 'bul/
/zhes pa 'di ni rje rin po che'i zhal snga nas rin spungs pa/ dpon nam
mkha' rgyal mtshen? pa la rong chos lung nas gnang ba'o//