! //swa sti/ dben pa'i yon tan mthong bas yid drangs

pa'i phyi nang gi g.yeng ba kun re zhig dor ba'i rnal 'byor pa don
yod rdo rjes/ sdom brtson dam pa dka' bcu pa yon tan rgyal mtshan
la yang dag par rtogs par byed pa 'di lta ste/ kho bos lho brag
stong ri nyi shar gyi dgon par re zhig mang du thos pa 'tshol ba la
bskul

ba ltar khyed kyis mdzad nas 'di phyogs su theg pa bla na med pa'i
rim pa gnyis las/ /rnal 'byor lhur blang pa'i phyir du thag ring po
nas byon pa ni/ bcom ldan 'das kyis mang du thos pa dben par tshul
bzhin yid la byad pa'i don du gom pa bdun po'i ba la  

@214a @#/ /yang bsngags pa rgya cher gsungs pa ltar yin pas shin tu
legs la/ rje btsun byams pas rgyal sras nor bzang la ji skad du/ /nor
bzang nor rnams rab tu brtan pa'i bu/ mkhas pa nga yi drung du
'ongs pa legs/ /legs par 'ongs sam snying byams

ldan khyod/ /legs par 'ongs sam lta na rab zhi ba/ /dbang po ma zhum
tshur shog 'ongs pa legs/ /skyo med bsam 'ongs tshur shog 'ongs pa
legs/ /spyad pa spyod tshe dub par ma gyur tam/ /zhes gsungs pa ltar
'dir yang de skad du smra bar bya'o/ /ci rung rung

du ma yin par legs par brtags te yi dam bcas pa mthar 'byin pa la ni/
yon tan du ma dang/ de las bzlog pa la ni nyes dmigs de bzhin du
gsungs pa'i rjes su slob pas na/ khyad par shin tu gal che yang phrad
par ma gyur pa'i rgyu mtshan ni/ khyed rang gi

phrin yig na 'dug pa ltar lags/ lam mthar thug pa phyin ci ma log
par ston pa'i dge ba'i bshes gnyen gyi ba spu'i khung bu gcig la
mchod pas rgyal ba thams cad la mchod pa zil gyis gnon par theg
pa bla na med par gsungs pa ni/ phan

'dogs pa bla na med pa'i zhing du sangs rgyas las kyang ches mchog
tu gyur pa'i gtan tshigs dang bcas pa yin la/ tshul de la nges pa rnyed
nas rang gi tshe dang bsod nams dang dge ba'i rtsa ba la sogs thams
cad dge ba'i bshes gnyen srid pa ji srid bar

bzhugs pa'i don du 'bul zhing/ de ltar bsgrub par khas blangs pa'i
sgo nas bzlas pa'i grangs nyi shu rtsa gcig kyang gdon par zhu zhes
pa ni/ rnam dpyod can gyi tshogs bde blag tu rdzogs pa'i thabs yin pas
shin tu yi rang zhing de bzhin du yang bgyi'o/ /

@214b dam pa rnams las legs bshad gtam/ /ji srid ma thos de srid du/
/dka' ba spyod pa mi 'dor ba/ /des ni de la don chen byed/ /lo bdun 'das
nas chos 'phags kyis/ /nam zhig chos ston 'gyur zhig gu /snyam nas
dus 'das rtag tu ngu/ /chos thos gyur

tshe ting 'dzin gyi/ /sgo mtha' yas pa thob pa yang/ /ma 'ongs skye bo
la bstan phyir/ /rgyal ba mkhyen cing gzigs pa des/ /gsungs pa rnams
kyang bsam par rigs/ /dpyod ldan khyod la legs par bshad pa'i gtam/
/sngon chad rnam grangs du mas bstan med

na'ang; ;lang tsho mi rtag legs bshad sar pa 'di/ /dga' ba bskyed la
bsngags pas 'di yang smras/ /zhes pa 'di ni shar tsong kha pa blo
bzang grags pa'i dpal gyis/ co tsa dka' bcu pa yon tan rgyal mtshan
la gdams pa'i yi ge pa ni snye thang pa

gu na shrI b+ha dra'o//