! //phyogs bcu'i rgyal ba sras dang bcas pa thams cad la phyag 'tshal
lo/ /mtha' yas 'gro ba srid las bsgral bya'i phyir/ /mtha' med smon lam
lhag bsam dag pas gdab/ /bslu med dkon mchog gsum dang mthu
stobs can/ /drang

srong mthu yis bden tshig 'grub gyur cig /bdag ni skye zhing skye ba
thams cad du/ /ngan song ngan 'gro log par ltung ba yi/ /skye gnas
rnams su nam yang mi skye zhing/ /dal 'byor tshang ? ba'i mi lus thob
par shog /skyes ma thag nas srid pa'i bde ba

la; ;nam yang ma chags thar pa thob bya'i phyir/ /nges 'byung bsam
pas tshangs spyod tshol ba la/ /brtson 'grus lhod pa med par 'jug par
shog /bdag ni rab tu 'byung bar byed pa la/ /'khor dang nye du longs
spyod gang gis kyang/ /gegs byed med

par mthun pa'i rkyen rnams kun/ /ji ltar bsams pa ji bzhin 'grub par
shog /rab tu byung nas ji srid 'tsho yi bar/ /mkhan slob spyan sngar ji
bzhin khas blangs bzhin/ /bcas dang rang bzhin kha na ma tho ba'i/
/nyes pas nam yang gos par ma

@237a @#/ /gyur cig /tshangs spyod rten la theg pa chen po yi/ /zab cing
rgya che'i chos rnams ji snyed pa/ /ma rnams don du dka' ba du ma
yis/ /bskal pa dpag tu med par sgrub par shog /lung rtogs yon tan du
mas rgyud bltams shing/ /dbang po zhi zhing

rab dul snying brtser bcas/ /gzhan don skyo med sgrub pa'i snying
stobs can/ /bshes gnyen dam pas rjes su 'dzin par shog /rtag tu ngu
yis chos 'phags bston pa ltar/ /lus srog longs spyod kun gyis g.yo
med par/ /bshes gnyen

dam pa legs par mnyes byas nas/ /mi mnyes skad cig tsam yang mi byed
shog /zab zhi spros dang bral ba'i sher phyin don/ /log rtog dri ma'i
chu yis ma bslad par/ /ji ltar rtag tu ngu la bsnyad pa ltar/ /de ltar
bdag la rtag tu 'doms par shog

thub pa'i dgongs pa'i don las phyir phyogs pa'i/ /rtag chad lta ba
ston par byed pa po/ /mi dge'i bshes gnyen sdig pa'i grogs rnams kyi/
/dbang du nam yang 'gro bar ma gyur cig /lhag bsam rnam par dag
pa'i dar chen 'phyar/ /brtson 'grus

lhed pa med pa'i rlung gis bskyod/ /thos bsam sgom pa'i gru gzings
legs bsdams nas/ /lus can 'khor ba'i mtsho las sgrol bar shog /ci tsam
mang du thos dang lhag par gtong/ /rnam dag tshul khrims rnam
dpyod shes rab kyis/ /bdag

rgyud lhag par gyur pa de tsam du/ /phyi phyir khengs pa kun dang
bral bar shog /rnam dag rigs pa'i stobs kyis gsung rab don/ /ji bzhin
'byed la gzhan dring mi 'jog pa'i/ /mkhas pa'i gam du mtha' yas gsung
rab la/ /ngoms pa med pa'i thos

@237b byed par shog /ji ltar thos pa'i don la rigs pa bzhis/ /nyin dang
mtshan du tshul bzhin rab brtags nas/ /bsam bya'i gnas la bsam las
byung ba yi/ /rnam dpyod blo yis the tshom chod par shog /gang tshe
shin tu zab pa'i chos tshul la/ /bsam byung blo

yis nges shes rnyed pa'i tshe/ /tshe 'di'i 'khri ba chod pa'i brtson 'grus
kyis/ /dben pa bsten nas tshul bzhin sgrub par shog /de ltar thos bsam
sgom pas rgyal ba yi/ /dgongs pa'i gnad rnams rgyud la bskrun pa'i
tshe/ /srid la brkam pa'i tshe 'di'i

snang ba dang/ /rang bde 'dod pa'i blo rnams mi 'byung shog /bdag
gis bdeg pa'i dngos po thams cad la/ /ma chags blo yis ser sna bcom
byas te/ /thog mar zang zing sbyin pas sems can rnams/ /'khor du
bsdus nas chos kyis tshim byed

shog /ji ltar mnos pa'i bslab pa phra mo yang/ /nges 'byung bsam pas
byang chub thob kyi bar/ /srog gi phyir yang gtong bar mi byed pa'i/
/thar pa'i rgyal mtshan rtag tu 'dzin par shog /bdag la brdeg 'tshog
mtshang 'bru'i sems can rnams/ /

mthong ngam thos sam yid la dran pa'i tshe/ /khong khro bral zhing
slar yang de dag gi /yon tan brjod cing bzod pa sgom par shog /dkar
po'i chos rnams ma theb thob pa dang/ /thob rnams gong nas gong
du 'phel ba las/ /nyams par byed pa'i le lo rnam

pa gsum/ /kun nas spangs pa'i brtson 'grus rtsom par shog /srid mtha'
gnon pa'i lhag mthong stobs dang bral/ /zhi mtha' gnon pa'i snying
rje'i rlan gyis dben/ /phal cher srid par 'phen par byed pa yi/ /zhi gnas
spangs te zung 'brel sgom par shog /

@238a @#/ /gnas lugs zab mo'i don la skrag gyur nas/ /blos byas nyi tshe'i
stong pa mchog 'dzin pa'i/ /log pa'i lta ngan mtha' dag rab spangs te/
/chos kun gdod nas stong par rtogs par shog /rnam dag bslab pa
khrel med sems kyis dral/ /

dam pas smad pa'i las la 'jigs mi byed/ /khrims 'chal ? dge sbyong sha
tshugs can rnams kyang/ /bdag gis skyon med khrims la sbyor bar
shog /yang dag lam stor log pa'i lam ngan zhugs/ /mi dge'i bshes
gnyen sdig grogs dbang du song/ /

gang yin de yang bdag gis bde blag tu/ /rgyal bas bsngags pa'i lam la
'god par shog /bdag gi 'chad rtsod rtsom pa seng ge'i sgras/ /log
smra'i wa tshogs spobs pa phrogs byas nas/ /gang gis 'dul ba'i thabs
kyis rjes bzung ste/ /mi nub

bstan pa'i rgyal mtshan 'dzin par shog /bdag ni gang du skyes nas
thub pa yi/ /gsung gi bdud rtsi 'thung ba de yi tshe/ /rigs gzugs 'byor
dang dbang phyug shes rab dang/ /tshe ring nad med bde dang ldan
par shog /bdag gi lus dang srog dang longs

spyod la/ rgyun du 'tshe ba'i bsam pa dang ldan zhing/ /bdag la mi
snyan brjod pa de dag la'ang/ /bdag ni lhag par ma bzhin byams gyur
cig /bdag gis de dag ring por mi thogs par/ /bdag pas gzhan gces
bsgom pa'i byang chub sems/ /lhag

bsam dag pa rgyud la skyed byas nas/ /bla med byang chub go 'phang
ster bar shog /smon lam 'di dag gang gis mthong ngam thos/ /yid la
dran par byed pa de dag kyang/ /rgyal sras rnams kyi smon lam rlabs
po che/ /ma lus sgrub la zhum pa med par

@238b shog /lhag bsam dag pa'i stobs kyis legs bsgrub pa'i/ /rgya chen
smon lam btab pa 'di yi mthus/ /smon lam pha rol phyin pa yongs
rdzogs nas/ /lus can kun gyi re ba bskong bar shog /ces thog ma
dang bar dang tha mar dge ba'i smon lam 'di ni/ mang

du thos pa'i rgyal khams pa blo bzang grags pa'i dpal gyis gzho stod
dpal gyi 'bri gung thel du sbyar ba'o//