! //na mo gu ru manydzu g+ho ShA ya/ dpag yas bskal par rmad byung
spyod pa yis/ /ma lus 'gro ba sgrol ba'i khur khyer ba/ /phyogs bcu'i
zhing na

ji snyed bzhugs pa yi/ /thub dbang sras dang bcas rnams dgongs su
gsol/ /'dir ni rlabs chen spyod la 'jug pa'i phyir/ /rgyal sras rnams kyi
thabs la 'jug pa'i sgo/ /rab 'byams tshogs gnyis sdud pa'i gter chen po/
/dri med smon lam phreng ba

gdab par bgyi/ /gang gang gus pas ji ltar gsol byed pa/ /de dang de yi
'dod pa bskang ngo zhes/ /nyin mtshan kun tu 'gro la gzigs rnams
kyis/ /bdag gis smon pa bde blag 'grub par mdzod/ /bdag gis legs par
spyad pa'i tshogs/ /bgyis dang bgyid

'gyur ci mchis dang/ /gzhan yang dge tshogs gang yin pa/ /de dag gcig
tu bsdoms pa yis/ /'jig rten rnam par 'dren pa yi/ /go 'phang dam pa
mngon bgyis nas/ /sdug bsngal mtshor lhung nyam thag kun/ /srid las
myur du sgrol bar shog /go 'phang

mchog la ma reg par/ /skye zhing skye bar rgyal ba yi/ /bstan la rab
tu 'byung ba dang/ /tshul khrims yongs su dag par shog /dam pa'i
mgon la brten nas ni/ /de yi rjes su bstan pa la/ /thos dang bsam dang
sgom pa yis/ /rnam pa kun tu slob par shog /

@239a @#/ /zab pa dang ni rgya che ba'i/ /legs bshad dpag med thos pa
dang/ /ji bzhin 'byed pa'i rnam dpyod dang/ /de dag chud mi za ba'i
rgyu/ /mi brjed pa yi gzungs rnams dang/ /gtugs pa med pa'i spobs pa
dang/ /rtag tu sbyor ba'i brtson 'grus

dag /zla dang bral ba thob par shog /de tshe bzang po'i rtsom pa la/
/bar du gcod pa med pa dang/ /rjes su mthun pa'i rkyen rnams ni/ /bde
blag nyid du 'byor par shog /rgya che'i zhing ni sbyong ba dang/
/rgyal ba mchod dang sems can khams/ /grangs med

smin par bgyid pa la/ /'jam pa'i dbyangs bzhin bdag gyur cig /lus dang
ngag dang yid kyis ni/ /spyod pa ci dang ci spyad pa/ /thams cad mtha'
yas 'gro ba la/ /phan bde dpag tu med par shog /rnam pa kun tu sdig
grogs dang/ /bdud kyis

bslu bar mi nus shing/ /bshes gnyen bzang po'i rjes zhugs nas/ /byang
chub spyod pa rdzogs byed shog /dben pa'i yon tan mthong ba yis/
/rnam g.yeng ma lus spong ba dang/ /rtag tu bag dang ldan pa yis/
/sgrub pa snying por byed par shog /'jig rten

chos brgyad dag la ni/ /yid ni mnyam pa nyid thob cing/ /rtag tu
zang zing med pa yi/ /chos kyi dga' bdes 'tsho bar shog /thub bstan 'jig
tu nye ba'i tshe/ /bstan pa 'ba' zhig 'gro kun gyi/ /phan bde'i rtsa bar
mthong nas ni/ /rgyal ba'i chos

tshul 'dzin gyur cig /yid ni snying rje'i dbang gyur te/ /ji ltar bgyis na
sems can rnams/ /rnam par grol bar 'gyur snyam pa'i/ /bsam pa de
dang 'bral ma gyur/ /rgyal ba'i yon tan ji bzhin du/ /shes pa'i dad pa
rnyed gyur te/ /bka' drin

@239b gzo bas de dag gi /dgongs pa yongs su skong bar shog /lus
sems so sor 'bral ba na/ /gnad gcod sdug bsngal med pa dang/ /rgyal
ba'i rgyal tshab mi pham mgon/ /'khor dang bcas pa mthong bar shog
/de nas dga' ldan gnas su ni/ /skyes ma  

thag tu 'khor dbus su/ /mi pham mgon la byang chub tu/ /lung bstan
bdag gis thob gyur cig /de yi mod la yon tan tshogs/ /dpag med mngon
du gyur nas ni/ /grangs med zhing du rgyal sras kyi/ /rlabs chen
spyod pa rdzogs par shog /rgyal

ba rgyal sras rgya mtsho yi/ /bden pa dang ni bdag cag gi /g.yo med
bsam pa'i stobs kyis ni/ /smon pa bde blag 'grub gyur cig /tshul 'di ni
gangs ri'i khrod kyi sdom brtson rnams kyi gtsug rgyan dam par
gyur pa rgyal ba'i sras po bde 'byung zhes

mtshan yongs su grags pa mtshan gzhan grags pa rgya mtsho zhes pa'i
bka' stsal dang du blangs te/ shAkya'i dge slong blo bzang grags
pa'i dpal gyis dga' ba gdong gi yang dgon du sbyar ba'o//