! //rgyal ba dpag med rnams kyi tshangs dbyangs

kyis; ;zab cing rgya che'i 'khor lo bskor ba'i khur/ /gang gis bzung
ba'i ri yi dbang po ni/ /dpal ldan bya rgod phung po zhes su grags/
/rmad byung sa 'dzin mchog der mngon gshegs nas/ /phyogs bcu'i
zhing du 'od kyis rab 'gengs shing/ /sa chen rnam pa

drug tu g.yo mdzad pa'i/ /shAkya seng ge'i zhabs la mgos phyag
'tshal/ /der ni thub pa'i dpal gyi mgur nas ni/ /phun tshogs 'khor la legs
par bka' stsal pa/ /legs bshad kun gyi rab dang phul nyid ni/ /legs
bshad zla med shes rab pha rol

@240a @#/ /phyin; ;de ni lha mi'i 'dren pas lan gsum du/ /rgyal bas gsungs
pa'i chos mdzod kun 'dzin pa/ /chos 'dzin kun dga' bo la gtod pa na/
/nga yis bshad pa'i chos kyi rnam grangs gzhan/ /ma lus bor tam
chud gzon gyur kyang bla'i/ /rgyal

ba'i yum 'di cung zad chud gzan na/ /de tshe khyod la skyon du bzung
ngo zhes/ /nan tan chen pos bka' stsal mdzad pa dang/ /mdo sde
mchog 'di gang du bzhugs pa'i yul/ /der ni rgyal ba'i dbang po
bzhugs so zhes/ /ston pa nyid dang khyad par ma mchis

par; ;nyid kyi zhal nas rnam pa du mar bsngags/ /'di bris pa dang klog
dang mchod la sogs/ /gsung rab gzhan las ches cher khyad zhugs
par/ /yang dang yang du gtan tshigs dang bcas te/ /gsungs phyir 'di la
'jug rnams skal ba bzang/ /tshul

'di gzigs nas mkhas pa du ma yis/ /'bad pa chen pos yang yang bsngags
mdzad pas/ /dad ldan rnams la bzang po'i srol btod pa/ /da dung bar
du nyams par ma gyur te/ /de phyir mngon mtho'i dpal gyis rab tu
mdzes/ /skyabs gsum

bla ma gtsug gi rgyan du 'dzin/ /rang srid tshul bzhin skyong ba'i
khur khyer ba/ /bstan pa'i sbyin bdag nam mkha' bzang po dang/
/bstan la gus shing gtong la rab tu dga'/ /mi dbang chen po'i lcam
mo rin cen sgron/ /gzhon yang rgan po'i blo gros can

gyur pa/ /grags pa dbang phyug yab yum sras gsum ni/ /dge legs 'bum
phrag du ma'i gzhir gyur pa/ /lam bzang 'di la shin tu mes gyur te/
/steng phrag brgya pa la segs sher phyin dang/ /ting 'dzin rgyal po
dam chos padma dkar/ /rgya che rol pa

@240b gzugs mchog gra lnga dang/ /yangs pa'i grong 'jug bskal pa
bzang pe ste/ /mdo sde'i rnam grangs nyi shu rtsa dgu ni/ /bai DUrya
ltar dag pa'i glegs bam la/ /rin chen sa le sbram gyis legs bris pa/ /mig
la bdud rtsi'i dga' ston 'gyed pa'i mchog /ngo mtshar gnas su

gyur pa 'di dag bzhengs/ /de ni lha dang bcas pa'i 'jig rten gyi/ /'phral
dang yun gyi phan dang bde ba'i gzhi/ /rgyal ba'i bstan pa lung dang
rtogs pa'i chos/ /phyogs dus kun tu rgyas pa'i phyir du yin/ /mkhas par
sbyangs pa'i yi ge pa rnams la/ /rnyed dang bkur sti mchog

gis mchod ba dang/ /bshes gnyen mkhas pa dag gis grogs mdzad pas/
/glegs bam 'di rnams gzhan las phul du byung/ /snyigs dus 'gro ba'i
bsod nams zhing gcig bu/ /shAkya'i rgyal po'i pho brang lha sa yi/
/nye 'khor gnas su gyur pa'i sa yi cha/ /phun

tshogs dpal gyi dge mtshan rab 'dzin pa/ /bkra shis chu bo dal gyis 'bab
pa'i ngogs/ /yid 'dzin skyed tshal phreng bas bskor ba la/ /sa yi thig ler
gnas pa'i gzhis ka ni/ /sne'u zhes byar bde blag nyid du grub/ /bde
gshegs kun gyi lam gcig pu/ /rgyal

ba sras bcas skyed pa'i yum/ /rab zab bstan pa'i snying po mchog
/gzhung bzang stong phrag brgya pa sogs/ /bsgrubs las bsod nams
gang thob des/ /rkang gnyis gtso bo sangs rgyas su/ /ring por mi
thogs bdag gyur te/ /'gro kun sangs rgyas sar 'dern

shog /ji srid de ma thob pa yi/ /skye ba gzhan dang gzhan dag tu/
/theg mchog rigs su skye ba dang/ /bshes gnyen dam pa rnyed par
shog /de las shes rab pha rol phyin/ /legs par thos shing sems pa
dang/ /de don tshul bzhin sgrub pa yis/ /rgyal rnams mnyes

@241a @#/ /par byed par shog /sems ni nyon mongs dbang song bas/
/lus dang ngag dang yid kyis ni/ /sdig pa gang dag bgyis pa rnams/
/de dag thams cad byang gyur cig /sangs rgyas byang chub sems dpa'
dang/ /rnam pa kun tu mi 'bral zhing/ /de yis bstan pa'i

lam bzang la/ /rlabs chen brtson 'grus rtsom par shog /rigs mtho
gzugs mdzes gzi brjid che/ /tshe mthar phyin dang nad med dang/
/chos ldan 'byor pa phun tshogs shing/ /shes rab rgya chen thob par
shog /yul phyogs kun tu dpal 'bar zhing/ /dge

legs rgyun mi 'chad pa dang/ /dkar phyogs skyong ba'i lha rnams
kyis/ /rtag tu brtse bas skyong gyur cig /'di yi ched du lus dang ngag
/yid kyis mthun pa'i rkyen rnams ni/ /cung zad tsam re byas pa rnams/
/kun kyang byang chub mchog thob shog /shin tu rgyas

pa'i mdo sde 'di/ /gang dang gang du bzhugs gyur pa/ /de dang der ni
mi mthun phyogs/ /zhi zhing bde legs rgyas gyur cig /de ltar ngo
mtshar yon tan kun gyi gzhi/ /dam chos rin chen 'di yi byin rlabs kyis/
/tshe rabs 'dir yang bar chad kun zhi nas/

smon lam thams cad chos bzhin 'grub par shog /ces pa 'di ni blo
bzang grags pa'i dpal gyis sbyar ba'o//