! //rgyal ba dpag med rnams kyi tshangs dbyangs kyis/ /zab cing rgya
che'i 'khor lo bskor ba'i khur/ /gang gis bzung ba'i ri yi

dbang po ni/ /dpal ldan bya rgod phung po zhes su grags/ /rmad
byung sa 'dzin phyogs der mngon gshegs nas/ /phyogs bcu'i zhing
kun 'od kyis rab 'gengs shing/ /sa chen rnam pa drug tu g.yo mdzad
pa'i/ /shAkya seng ge'i zhabs la gus phyag

@241b 'tshal; ;der ni thub pa'i dpal gyi mgur nas ni/ /phun tshogs 'khor
la legs par bka' stsal pa/ /gsung rab kun gyi rab dang phul nyid ni/
/legs bshad zla med shes rab pha rol phyin/ /de ni lha mi'i 'dren pas
lan gsum du/ /chos 'dzin kun dga' bo la

gtod pa na/ nga yis bshad pa'i chos kyi rnam grangs gzhan/ /ma lus
bor tam chud gzon gyur kyang bla'i/ /rgyal ba'i yum 'di cung zad
chud gzan na/ /de tshe khyod la skyon du bzung ngo zhes/ /nan tan
chen pos bka' stsal mdzad pa dang/ /mdo sde'i mchog

'di gang du bzhugs pa'i yul/ /der ni rgyal ba'i dbang po bzhugs so
zhes/ /ston pa nyid dang khyad par ma mchis par/ /nyid kyi zhal nas
rnam pa du mar bsngags/ /'di bris pa dang klog dang mchod la sogs/
/gsung rab gzhan las ches cher khyad zhugs

par; ;yang dang yang du gtan tshigs dang bcas te/ /legs par gsungs
phyir chos 'di 'dri ba dang/ /klog dang mchod sogs byed rnams skal
ba bzang/ /tshul 'di sngon byung skye bo mkhas rnams kyis/ /'bad pa du
mas rgya cher bsngags pas na/ /da dung sa

'dir dang ldan skye bo dag /bsod nams mig ni ni zlum par ma gyur to/
/de phyir mdo smad sa char skyes pa yi/ /'ding rigs sne na dge rgan
zhes bya ba/ /dge legs 'bum phrag du ma'i gzhir gyur pa'i/ /lam bzang
'di la shin tu dad gyur te/ /rmad byung mdo

'di bzhengs la nyer mkho'i rdzas/ /bzang mang thogs nas dpal gyi
phag mo grur/ /'jug par 'dod nas lam rings zhugs pa na/ /mi bsrun
skye bo de yi gegs su gyur/ /de nas dad ldan skye bos ring mo nas/ /yid
la brang pa'i don chen 'grub pa'i las//

@242a @#/ /'bad pas bsgrubs pa'i re ba chad pa yi/ /gzhan gyi yid kyi
gdung ba ma bzod nas/ /sgrub brgyud bstan 'dzin gtsug na ri dbang
bzhin/ /rab tu mtho ba'i spyan snga chos rje dang/ /sa chen skyong ba
'khor los bsgyur ba bzhin/ /mtshungs bral grags pa

rgyal mtshan dpal bzang pos/ /thag ring gdul bya'i yid la re ba'i don/
/ji bzhin sgrub pa'i bka' lung gnyen po stsal/ /gsung de bsgrub phyir
rgyal ba'i bstan pa la/ /gus pa'i blo can bkra shis rgyal mtshan gyis/
/bai DUrya ltar dag pa'i mthing

shog la/ /rin chen gser dang dngul gyi yi ge'i gzugs/ /bar bar bde
gshegs rnams kyi mdzes pa'i skus/ /legs par brgyan pa'i stong phrag
brgya pa bzhengs/ /mkhas par sbyangs pa'i yig mkhan mang bsdus
shing/ de la'ang dngos po gya

nom stsal ba dang/ /rin chen rgyal mtshan zhes byas legs bskul bas/
/tshul 'di gzhan las khyad par 'phags par grub/ /dkar phyogs skyong
la mthu stobs rab ldan pa/ /lha yi dge bsnyen 'o de gung rgyal gyi/
/gangs ri rab dkar mdzes pa'i

khor yug la/ /sa gzhi rnam par chags pa'i dpal 'dzin pa/ /rnam mang
skye bo'i tshogs kyis gang ba yi/ /sbrang yul 'ol khar sa yi dum bu la/
/mi yi bdag po'i pho brang gnas gyur pa/ /stag rtse zhes bya'i gzhis
kar grub pa yi/ /bde gshegs

kun gyi lam gcig pu/ /rgyal ba sras bcas skyed pa'i yum/ /rab zab bstan
pa'i snying po mchog /gzhung bzang stong phrag brgya pa ni/
/bsgrubs las bsod nams gang thob des/ /lan mang brtse bas bskyangs
pa'i ma/ /'khor ba'i rgya mtsho cher

@242b 'khyams pa/ /kun gyi sdug bsngal zhi gyur cig /de ltar srid mtshe
nas 'dren pa'i/ /rkang gnyis gtso bo sangs rgyas su/ /ring por mi
thogs bdag gyur te/ /'gro kun sangs rgyas sar 'dren shog /ji srid de
ma thob pa yi/ /skye ba 'di dang gzhan dag tu/ /theg mchog

rigs su skye ba dang/ /bshes gnyen dam pa rnyed par shog /de las shes
rab pha rol phyin/ /legs par thos shing sems pa dang/ /de don tshul
bzhin sgrub pa yis/ /rgyal rnams mnyes par byed par shog /sems can
nyon mongs dbang song bas/ /lus dang

ngag dang yid kyis ni/ /sdig pa gang dag bgyis pa rnams/ /de dag
thams cad byang gyur cig /sangs rgyas byang chub sems dpa' dang/
/rnam pa kun tu mi 'bral zhing/ /de yis bstan pa'i lam bzang la/ /rlabs
chen brtson 'grus rtsom par shog /rigs mtho

gzugs mdzes gzi brjid che/ /tshe mthar phyin dang nad med dang/
/chos ldan 'byor pa phun sum tshogs/ /shes rab rkya chen thob par
shog /gzhan yang rgyal ba 'od dpag med/ /'khor dang bcas pa
mthong ba dang/ /yid la dga' ba rgyas bzhin du/ /bde ba can

du skye bar shog/ shin tu rgyas pa'i mdo snga 'di/ /gang dang gang
du bzhugs gyur pa/ /de dang der ni mi mthun phyogs/ /zhi zhing bde
legs rgyas gyur cig/ 'di yi ched du lus dang ngag /yid kyis mthun pa'i
rkyen rnams ni/ /cung zad tsam re byas pa rnams/ /kun kyang

byang chub mchog thob shog /de ltar ngo mtshar yon tan kun gyi
gzhi/ /dam chos rin chen 'di yi byin rlabs kyis/ /tshe rabs 'dir yang bar
chad kun zhi nas/ /smon lam thams cad chos bzhin 'grub par shog
/rdzogs so/ /tshigs su bcad pa 'di yang shes rab kyi pha

@243a @#/ /rol tu phyin pa 'bum bzhengs pa'i tshe bkra shis pa'i yan lag
tu nan cher gsol ba btab pas/ /bla ma rje btsun thugs rje chen po
dang ldan pa shar tsong kha pa blo bzang grags pa'i dpal gyis
mdzad pa'o//