! //(rang la bskul ba'i tshigs su bcad pa 'khor ba las skyo ba'i gtam zhes
bya ba bzhugs//) ! //bslab gsum rgyan dang thos pa'i pha rol son/
/stong gsum khyab pa'i grangs ldan

'gro ba'i mgon/ /sku gsum mngon mdzad bla ma'i zhabs pad la/ /sgo
gsum gus pa'i yid kyis phyag 'tshal lo/ /sku gnyis phul byung lus stobs
rgyas pa la/ /bslab gsum rnam dag gser gyi dra bas g.yogs/ /sku bzhi'i

mche ba rab dkar shin tu brtan/ /sku lnga'i bdag nyid thub dbang
lag ldan rgyal/ /dal 'byor thob kyang dal ba'i skabs med cing/ /bde
'gror skyes kyang bde bas dben par gyur/ /chos la mos kyang chos
don rtogs pa med/ /blo

gros dman kyang blo bzang zhes btags pa'i/ /rgyal khams pa khyod
rang gi bskul tshig la/ /ma g.yengs rna ba'i dbang shes legs gtad de/
/lung dang rigs pas legs par brtags byas nas/ /'dir smras don rnams

nyams su blang bar rigs/ /khyod kyis sngon yang dug gsum la spyad
pas/ /thog ma med nas tha ma da yi bar/ /ma rig khrod 'dir bgrang las
'das pa 'khor/ /bzod glags med pa'i sdug bsngal sna htshogs myong/
/da dung

@271a @#/ /'di la spyad par byas na ni/ /slar yang ngan song
gsum las 'gro sa med/ /kyi hud ngan 'gro'i sdug bsngal bzod gyur
tam/ /kye ma'o de rgyu deng nas spang bar rigs/ /zhes smras pa dang/
/kho na re/ 'o na der mi skye ba'i

thabs ci yod/ /de yi sdug bsngal yang ji tsam/ /sdug bsngal de nyams
su myong ba'i rgyu ci/ /zhes pa'i lan smras pa/ ngan 'gro'i gnas su mi
skye'i thabs dag ni/ /bshad kyis legs par nyon dang rgyal khams pa/
/'phral

phugs kun tu mi bslur nges gyur pa'i/ /skyabs gnas dkon mchog gsum
la skyabs su song/ /sems can 'di dag thog ma med nas bdag /drin gyis
bskyangs pa'i ma ma drin can yin/ /de slad ma rgan de dag byang

chub la/ /'god pa'i phyir du byang chub mchog sems bskyed/ /bka' dang
bstan bcos ji snyed gsungs de yi/ /dgongs don yongs 'dzin bzang pos
bstan don la/ /dben pa'i gnas su grogs med gcig pu ru/ /g.yang ba

spangs te rtse gcig gnas par bya/ /rjes kyi skabs su dge des mtshon pa
yis/ /'khor 'das gnyis kyis bsdus pa'i dge rtsa rnams/ /mkha' mnyam ma
rgan rnams kyi don du ni/ /'khor gsum dag pa'i thabs

shes gnyis ldan gyis/ /sgro skur mtshan ma'i tshogs rnams spangs byas
nas/ /stobs bcu mnga' ba'i sa der bsngo bar bya/ /gang du gnas na dug
gsum la sogs pa'i/ /nyon mongs tshogs rnams yar ngo'i

@271b zla bzhin 'phel/ /dkar phyogs the rangs rgyu skar ltar 'grib
pa'i/ /gnas ngan myur du spong dang rgyal khams pa/ /sna tshogs 'dam
skyes dpag med gcal du bkram/ /rkang drug ldan rnams dga' ba'i glu len
zhing/ /snyan

pa'i dar dir sgrog par byed pa yi/ /dben gnas dam pa sten dang rgyal
khams pa/ /tshig tsam shes kyang don la blo ma phyogs/ /sdom brtson
rnams la sdang shugs mnar sems can/ /phyogs 'dzin rlung gis rnam
par g.yangs

gyur pa'i/ /bla ma'i gzugs brnyan spong dang rgyal khams pa/ /yin
lugs khong du chud cing dbang po dul/ /mthong ba tsam gyis gzhan
yid 'phrog par byed/ /bsten pa tsam gyis dge 'phel skyon 'grib pa'i/
/bshes gnyen

dam pa sten dang rgyal khams pa/ /dmu rgod ma rungs dug sbrul
khros 'dra zhing/ /'grogs pa tsam gyis rang gzhan 'phung bar byed/
/thar pa'i srog rtsa gcod par byed pa yi/ /grogs ngan myur du spong
dang rgyal khams pa/ /gzhan la

'tshe bas dben pa'i ri dwags dang/ /nyan shes 'khor du bde ba skyed pa'i
sgra/ /rgyun du sgrog pa 'dab bzang gzhon nu'i tshogs/ /de 'dra'i
grogs dag sten dang rgyal khams pa/ /de ltar ji skad bstan bzhin
byad gyur na/ /ngan song gnas

rnams gang du'ang mi skye zhing/ /gnas skabs mngon mtho mthar
thug nges legs kyi/ /go 'phang thob par 'gyur ro rgyal khams pa/ /dri
ba dang po'i lan rdzogs so// //kwa ye da dung gson dang rgyal khams
pa/ /ngan song gsum gyi

@272a @#/ /sdug bsngal che chung ni/ /rnam pa gsum du gyur te chen
po ni/ /dmyal ba rnams la yod de de yang ni/ /tsha grang sdug bsngal
brgyad phrag gnyis su 'gyur/ /yang gsos thig nag bsdus 'joms du 'bod
dang/ /du 'bod chen po tsha pa

rab cha dang/ /mnar med pa ste tsha ba'i dmyal ba brgyad/ /chu bur
chu bur rdol dang kyi hud dang/ /a chu so thams pa dang utpal
ltar/ /gas dang padma ltar gas cher gas te/ /de ltar grang ba'i dmyal
ba rnam brgyad dang/ /me ma mur dang ro

myags 'dam dang na/ /spu gris gtams sogs nye 'khor bdag dang/ /rgya
mtsho'i 'gram sogs nges med la gnas pa'i/ /nyi tshe ba dang rnam pa bco
brgyad do/ /de dag rnams kyang snga ma snga ma las/ /phyi ma phyi
ma'i sdug bsngal

bzod par dka'/ /mdor na tsha grang sdug bsngal bzod dka' yis/ /kun
nas gzir cing thar pa'i mthu ma mchis/ /'bring ni yi dwags la yod de
yang ni/ /phyi nang zas skom sgrib pas gsum du 'gyur/ /phyi yi sgrib pa
can rnams rgya

mtsho la'ang/ /rnag khrag sogs su mthong nas spyod skal med/ /nang
gi sgrib pa can rnams zas skom sogs/ /mi rnyed gal te cung zad rnyed
gyur kyang/ /mgrin par mi tshud longs spyod mthu yang med/ /zas
skom sgrib par

gyur rnams zos pa dang/ /'thungs pa rnams kyang me lce'i phreng ba
ru/ /gyur nas rang nyid dag kyang 'tshig par byed/ /mdor na bkres
skom sdug bsngal bzod glags med/ /dag gis gzir cing thar pa'i skabs
ma mchis/ /chung ngu dud 'gro la

@272b yod de yang ni/ /byings dang kha 'thor sgo nas gnyis su 'gyur/
/de dag gcig la gcig pa'i sdug bsngal dang/ /glen cing gti mug la
sogs sdug bsngal gyis/ /rtag tu gzir cing thar pa'i skabs ma mchis/ /de
'dra'i sdug bsngal spong thabs mi byed par//

chags sdang gnyis kyis rang gzhan rgyud sreg cing/ /mi dge sna
tshogs sgrub pa'i bya ba 'di/ /da lta nyid nas dor dang rgyal khams pa/
/dri ba gnyis pa'i lan rdzogs so// //da dung gson dang bshad do rgyal
khams pa/ /de lta'i sdug

bsngal myong ba'i rgyu dag ni/ /phyi nang chos la bdag dang bdag
gir gzung/ /bdag 'dzin las byung 'dod chags la sogs pa'i/ /dug gsum
nyon mongs lte ba rab brtan cing/ /na rga skye 'chi'i rtsi bas rnam
bzhi dang ldan/ /sdug bsngal gyi dang

'gyur dang khyab sogs kyi/ /sdug bsngal rnams kyi mu khyud kyis
bskor ba'i/ /las ngan 'khor lor 'khor 'di byung ba yin/ /dri ba gsum pa'i
lan rdzogs so// //zhes de skad smras pa dang/ kho yi rangs te/ 'di skad
du/ e ma deng nas

bzung ste byang chub snying po'i bar/ /dkon mchog skyabs 'gro
byang chub sems bskyed nas/ /dben pa'i gnas su bla mas bsten pa yi/
/man ngag nyams blangs dge rtsa byang chub bsngo/ /kye ma'o ngan
song gnas las 'jigs pa ang/ /kye ma'o nam 'chi'i nges pa mi

snang na/ /kye ma'o gar skye shes pa mi snang na/ /kye ma'o mi skye'i
rang dbang mi snang na/ /kyi hud bla na med pa'i bla ma dang/ /kyi
hud yid bzhin nor 'dra'i yi dam dang/ /kyi hud bstan la gnod 'joms
bstan skyong gis/ /bdag dang mkha'

@273a @#/ /mnyam 'gro ba'i bdag 'dzin 'di/ /gtan nas nye bar bcom nas
gtan gyi skyabs/ /mthar thug chos sku thob nas mtha' bral gyi/ /gnas
lugs 'gro la ston cing gnas gyur cig /ji ltar smras las nyes skyon
chu 'dzin

tshogs/ /mchis gang 'phags dang tshu rol mkhas rnams kyi/ /thugs rje'i
mgyogs 'gros rab tu bsal byas te/ /bdag gi rnam dpyod tsha zer gsal
bar mdzod/ /'di las thob pa'i rab dkar dge ba 'di/ /'di dang phyi ma kun
tu mi zad

gter/ /gter chen bum bzhin dpag yas yon tan dag /dag dang ma dag
'gro la stsol gyur cig /ces rang la bskul ba'i tshigs su bcad pa 'khor
ba las skyo ba'i gtam zhes bya ba 'di mkhas pa du ma'i zhabs rdul spyi
bos len pa

rgyal khams pa shar tsong kha pa blo bzang grags pas gzhan la
phrag dog dang 'gran sems kyis ma yin par rang nyid thar lam la
bskul ba'i don du ltos 'gro'i rgyu skar gyi dbang po mda'i dkar
phyogs kyi tshes la mkhas pa du ma'i

'byung gnas yul dbus kyi sa'i cha chos grwa chen po bde ba can du
sbyar ba ri zhig rdzogs so// mangga laM//