! //oM bde legs su gyur cig /

sgra dbyangs lha mo dbyangs can ma la phyag 'tshal lo/ /mar gad
zhu ba 'khyil 'dra'i mtsho 'gram du/ /bsil zer byed pa'i steng na ke la
sha'i/ /mdangs kyis rab mdzes tsog pu'i tshul gyis 'gying/ /rgyud mang
sngon po'i sgra yis rol der 'dud/ /thor tshugs me tog dkar po'i phreng

ba yis/ /mdzes par byas pa'i rtse mor zla bas spud/ /mthon mthing dbu
skra'i zar bus sku sted khebs/ /tshangs pa'i bu mo gzhan yid 'phrog ma
khyod/ /lha yi lam la rgyu skar bdag po'am/ /padmo'i mtsho la ngng
mo rtsen pa bzhin/ /rab yangs rnyog bral sems kyi

dga' tshal der/ /ring du gnas te spobs pa mchog stsol mdzod/ /sa 'dzin
dkar po'i rtse la ston dus kyi/ /sprin bral mtshan mo'i zla 'od lhung
ba ltar/ /gsal mdzes ches dkar lta bas mi ngoms pa'i/ /khyod sku 'o
ma'i rgya mtsho mthong ba'i tshe/ /rnam dag tshul

khrims spu sdug gos kyis klubs/ /lung dang rigs pa'i 'dab gnyis bskyod
pa yis/ /rgya chen shes bya'i mkha' la rnam rol ba/ /blo gsal dang ba'i
yid de dga' bas phrogs/ /rab brjid ti si'i gangs kyis lha yi lam/ /rab
mdzes thor cag byas nas zur mig

gis/ /rab snyan rgyud mang sgrog la lta byed na/ /rab dkar lha mo
khyod dang mtshungs par 'gyur/ /mnyen lcug phyag gi 'du byed
bsgyur ba dang/ /utpala spyan gyi zur mig g.yo ba gnyis/ /rab mdzes
pi wang dogs su bkod byas nas/ /gdangs snyan sgra yis rna

@47b pa'i dga' ston 'gyed/ /'od 'bar gser gyi rna chas snyan shal gnyis/
/'od stong ldan pas padmo'i tshil la bzhin/ /rnam dag tshems kyi phreng
bas zhal gyis dogs/ /rnam bkra rgyu skar phreng bas mkha' la bzhin/
/dri med shel gyi sa 'dzin ngos dag la/ /dbang po'i gzhu

yis kun nas bkra ba bzhin/ /mdzes sdug sku yi cha shas ma lus pa/ /yid
'dzin rgyan rnams kun gyis lham mer gyur/ /indra rnyil gyi mdog
ltar rab sngo ba'i/ /rkang 'thung gos kyi phreng bas gangs kyi ri/
/kun nas mdzes pa ji bzhin khyod kyi sku/ /rgyud mang sngon pos
g.yon

gyi phyogs na mdzes/ /drug lhag bcu yi dbyangs kyi phreng ba can/
/snying gi chu skyes dbus na khyod kyi sku/ /mkha' gos dkar gsal
dkyil na mdangs mdzes pa'i/ /yid 'ong glog phreng gzhon nu 'gyu ba
bzhin/ /gang gsung dri bral cha yi cha shas tsam/ /gang gi rna ba'i
lam

du lhung tsam gyis/ /gang gi sgrib pa'i blo yi mi shes pa/ /gang gis
gcod mdzad khyod gsung tshangs pa'i dbyangs/ /lha la lha yi yongs
'du'i shing bzhin du/ /gang la gang zhig 'dod pa'i 'bras ster zhing/
/srid la srid pa'i bar du rab brtse ba/ /kun la kun nas sgrib med khyod

kyi thugs/ /nyes zad sku ni gangs ri lta bur dkar/ /yid 'phrog gsung
ni 'brug gi dbyangs ltar brjid/ /spros bral thugs ni mkha' bzhin g.yo
ba med/ /dge legs gter chen khyod kyis bdag skyongs shig /sga ched
nyi zla'i 'od kyi gos bzang bgos/ /sdeb sbyor bang rim

bzhi yi sku rags bcangs/ /snyan dngags gas nor bu'i cig gi thod kyis
mdzes/ /mngon brjod gzi ldan ri dbang lha mo de/ /mkhas mchog klu
dbang stong gis yongs bzung bas/ /rtsom 'chad rtsod pa'i rlabs
'phreng brgya g.yo ba'i/ /bdag yid rol mtsho'i 'jing de'i dpal bskyed

@48a @#/ /nas/ /dang ba'i chu gter che der ring du rol/ /rab dang shugs
ldan gdung ba'i dor yis/ /bstod pa'i mod la re ba rdzogs mdzad ma/
/sgra dbyangs lha mo che rabs thams cad du/ /bdag gi snying la 'bral
ba med gyur cig /de ltar nyams dang 'gyur ba'i ro mchog

ldan/ /ngo mtshar rgyan mang mdangs kyis mdzes gyur pa'i/ /bstod
tshig bdud rtsi'i rgyun de snyan dngags kyi/ /ring nas 'dris pa kho na'i
dga' ston yin/ /tshul lugs 'di ni tshul khrims nor gyis 'byor/ /ngang tshul
bzang po'i ngang tshang dpon po yis/ /lhag bsam dag pas

lhag par bskul ba'i ngor/ /snyan dngags gzhung bzhin snyan pa'i
ngag gis smras/ /sgra dbyangs lha mo dbyangs can ma la bstod pa'i
tshigs su bcad pa yul byang phyogs kyi snyan dngags mkhan blo
bzang grags pa'i dpal gyis bya yul du chos bar la byon pa'i tshe sbyar
ba'o// //