@#/ /rab gnas rgyas pa'i zin bris bzhugs so/ /

@001a @##/ /bla ma dang bcom ldan 'das dpal rdo rje sems dpa' la
phyag 'tshal lo/ /rab gnas kyi spyi'i sdoms ni/ rab gnas byas
pa'i phan yon dang/ /ma byas nyes dmigs byed pa po/ /

bya ba'i gnas dang dus dang yul/ /cho ga rab gnas spyi yi sdoms/
/rgyas 'bring bsdus pa'i dbye ba yis/ /rab gnas cho ga gsum du
'dod/ /dkyil 'khor dag tu ma zhugs la/ /dbang bskur ba ni

bkag phyir dang/ /dbang rnams bskur ba 'bring bsdus la/ /med
phyir mdun bskyed dkyil 'khor ni/ /rgyas las gzhan la mi dgos
so/ /'on kyang rgyas dang 'bring po gnyis/ /khrus la sogs pa

'dra ba'i phyir/ /'bring la bum pa lhag gnas bya/ /zhes pa rnams
te/ de la rab gnas byas pa'i phan yon dang/ ma byas pa'i nyes
dmigs ni/ sbyin bdag la sogs pa'i bsod nams spel ba

dang/ gzhan dag dad pa la sogs pa'i don du yin/ rab gnas kyi
rgyud las/ skye bo rab tu dad pa yis/ /byed pa'i dge ba spel
ba'i phyir/ /rab gnas bstan bcos las gsungs pa/ /tha snyad

@002a @#/ /tsam du byas pa yin/ /zhes bya ba dang/ bde mchog
'byung ba las kyang/ ji ltar rab tu mi gnas lha/ /rab tu gnas
par bya bar nus/ /slob ma dad pas gsol gdab pa'i/ /bsod nams

phyir ni bya ba yin/ /zhes so/ /rab gnas ma byas kyang sku gsung
thugs kyi rten grub pa tsam gyis phyag mchod kyi yul du 'os te/
dam chos padma dkar po las/ bde bar gshegs pa rnams la mchod

pa'i phyir/ /gang la lcags kyi sil khrol brdung bcug dang/ /chu
la brdabs dang thal mo brdabs pa dang/ /yid du 'ong zhing snyan
pa'i glu blangs dang/ /ring bsrel de dag rnam mang mchod byas
pa/ /de dag

thams cad 'jig rten sangs rgyas 'gyur/ /bde gshegs sku gzugs
rtsig ngos bris pa la/ /'khrugs bzhin pa yi sems kyis bltas na
yang/ /de dag rim gyis sangs rgyas bye ba mthong/ /zhes bya

ba dang/ bshes springs las kyang/ ji ltar bde gshegs sku gzugs
shing las kyang/ /bgyis pa ci 'dra'ang rung ste mkhas pas mchod/
/ces bya ba dang/ yum gyi glegs bam la sogs pa grub

@002b tsam nyid nas mchod pa'i gnas su bshad pa'i phyir dang/
'dul ba lung la sogs pa mtshan nyid kyi theg pa nas/ de bzhin
gshegs pa'i sku gzugs ba zheng ba dang/ mchod pa sogs byas pas
phan yon mtha' yas thob par gsungs kyang/ rab gnas

ma gsungs pa'i phyir ro/ /des na rab gnas ma byas pa la nyes
dmigs gsungs pa ni/ rab tu gnas pa'i bsod nams mi thob pa la
dgongs pa 'dra'o/ /gang gis rab tu gnas par byed pa'i slob dpon
ni/ de nyid bcu shes shing dam tshig dang sdom pa dag pa/

mthong ba brgyud pa'i sgo nas rab gnas kyi cho ga la mkhas shing
byang bas bya'o/ /de nyid bcu ni/ dkyil 'khor dang ni ting 'dzin
mchog/ phyag rgya stang stabs gdan dang ni/ /bzlas brjod sbyin
sreg de bzhin mchod/ /las kyi sbyor ba nyer bsdu ba/ /de ltar de
nyid

bcu shes shing/ /zhes so/ /gang rab tu gnas bya'i rten/ sku
gsung thugs kyi rten brdungs pa dang/ bris pa dang/ 'bur du byas
pa la sogs pa mtshan nyid dang ldan pa dang/ gtsug lag khang
dang/ bgrang phreng dang/ rdor dril dang/ rdzing dang/ skyed mos
tshal

la sogs pa ste/ ji skad du/ sku gzugs mtshan nyid ldan pa ste/
/zhi ba la sogs ro yi ldan/ /tshad kyis tshad la phab cing bzang/
/de 'dra rab tu gnas par 'gyur/ /zhes so/ /rten la ring bsrel
bzhugs pa'i tshul ni/ gzungs rnams chos sku'i

ring bsrel du gsungs pas/ rten gyi nang du gzhug bya'i gtso bo
yin la/ de'ang rgyud sde bzhi'i rim pa bzhin gzhug ces gsungs
so/ /gang gi tshe bya ba'i dus ni/ spyir rab gnas byar rung ba'i
dus zla ba drug/ gza' bzhi/ skar ma bcu bzhi/ tshes

@003a @#/ /grangs bdun rnams la rung ste/ ji skad du/ dpyid zla
ra ba'am dpyid zla 'bring/ /dgun dang dpyid kyi tha chung ngam/
/dbyar ra de bzhin dbyar 'bring po/ /nyi ma byang du gnas pa yi/
/dkar po'i phyogs kyi gnyis pa'am/ /de bzhin de ltar

gsum pa'am/ /gang tshe gza' dang tshes mthun na/ /nag po'i phyogs
la'ang brtsam par bya/ /gang tshe thams cad mthun gyur na/ /mi
rnams yun du 'phel bar byed/ /bco lnga de bzhin brkyad pa dang/
/bcu gsum pa yang de bzhin no/ /gnam stong dang ni de bzhin

du/ /bcu bzhi pa la'ang bya ba yin/ /thams cad du ni chu stod
dang/ /snar ma gro bzhin de bzhin dbo/ /lag pa snub dang snob
dang ni/ /rgyal dang chu smad de bzhin no/ /khrums smad dag
kyang de bzhin du/ /rgyu skar 'di rnams thams cad du/ /skye dgu
'phel zhing

da yis ni/ /rab tu gnas pa mchog tu byad/ /skar ma dbo la rab
gnas bya/ /des ni shes rab chen por 'gyur/ /yid la 'dod pa ci
yang rung/ /dngos grub me bzhis ster bar 'gyur/ /lung las shes
pa'i yang dag pa/ /snubs sam yang na gro bzhin

gyis/ /lag gis skal bzang snar mas ni/ /gzhan dag las ni rgyal
bar byed/ /mgo yis zhi ba nye bar ston/ /chu stod chu smad bu
'phel 'gyur/ /rtag par dngos grub khrums smad kyis/ /rgyal gyis
rtag par tshe ring 'gyur/ /snron gyis mchog tu bde ba

byed/ /lha mchams kyis ni mchog ster 'gyur/ /phur bu lag dang pa
ba bsangs/ /zla ba'i gza' sogs shes byas te/ /'di rnams bzang
ldan la byas na/ /rab tu gnas pa mchog tu dge /gsum pa drug pa
bdun pa dang/ /bcu dang bcu gcig la

@003b zla ba/ /gnyis pa bzhi pa de bzhin brgyad/ /bcu dang bcu
gcig rnams la lhag/ gnyis dang bdun dang de bzhin dgu /de bzhin
phur bu bcu gcig pa/ /dus sbyor bzhi pa la brten nas/ /de la
lhag par gnas par bya/ /drug bdun bcu pa dor ba yi/ /pa ba

sangs nyid dge ba yin/ /de ltar gza' rnams thams cad kyi/ /stobs
ldan mi ldan der shes bya/ /gang tshe zhi ba'i gza' rnams dang/
/zhi rnams zhi ba dge ba yin/ /dang po gsum pa bdun pa ni/ /nor
rnams 'joms pas spang bar bya/ /rje su mthun par

byed pa pos/ /skad cig de la yongs grub cing/ /ji ltar gsungs
bzhin kun byas na/ /rab tu gnas pa mchog 'gyur zhing/ /'khor los
sgyur rgyal dbang phyug ni/ /thab 'gyur 'di la the tshom med/
/ces gsungs la khyad par dgun 'bring dang dpyid 'bring

'khor los sgyur rgyal dang/ sangs rgyas kyis dbang bskur ba'i
dus yin pas mchog tu shis la/ gzhan rnams la pa ba sangs dang
phur bu nyi ma la ma zhugs pa'i 'chi sbyor dang/ sreg tshes dang/
biShTi spangs pa'i gza' skar sbyor tshes bzang

po rdzogs pa'i nyi ma'i dus sbyor bzang po la bya'o/ /de lta min
na/ spyi rgyud las/ tshes grangs ngan dang dus min dang/ /gnas
min cho ga mi ldan par/ /mkhas pas dkyil 'khor mi 'dri'o/ /bris
na dogs pa med par 'chi/ /zhes gsungs pa'i phyir ngan

pa rnams spang ngo/ /slob dpon mi mthun phyogs zil gyis gnon nus
pa'i ting nge 'dzin dang ldan pa yin na/ dus thams cad du'ang
rab gnas bya bar gsungs te/ gur las/ rtag tu sangs rgyas rab
gnas bya/ /zin pa'i de ma thag pa ru/ /rab tu

@004a @#/ /gnas pa mchog tu 'gyur/ /zhes dang/ de la gza' dang
rgyu skar med/ /bgegs dang log par 'dren pa med/ /cung zad yid
la gang 'dod ba/ /skye nas skye bar 'grub par 'gyur/ /zhes so/
/nges pa'i don gyi dbang du byas nas kyang

rab gnas dus thams cad du bya zhes kha cig gsung ngo/ /gang du
rab tu gnas par bya ba'i gnas ni/ spyir bkra shis shing zhi
rgyas kyi las la bsngags pa'i gnas yid dang rje su mthun par bya
zhing/ khyad par rten chen po spyan drang du mi btub pa yin

na/ de'i dbang ldan gyi phyogs sam/ gang shis pa bde ba'i phyogs
su bya ste/ gnas ni nyams dga' 'du 'dzi med/ /nyes pa thams cad
rnam spangs pa/ /zhes so/ /yang thog la sogs pa'i gnas rnying pa
la ni sa'i cho ga mi dgos/ de las gzhan

la ni sa chog la sogs pa gzhung gzhan nas gsungs pa ltar legs
par bya'o/ /cho ga ni/ rgyas 'bring bsdus gsum gang byed kyang
rgyud dang bstan bcos las gsungs pa bzhin du bsgrubs na phan yon
chen po 'byung gi rang dga'i cho gas mi

'grub ste/ cho ga dman pas mi bya ste/ /rab gnas rtag par bkra
mi shis/ /'jig rten 'dir yang sdug bsngal la/ /'jig rten pha rol
'jigs pa che/ /des na 'bad pa thams cad kyis/ /dngos grub 'dod
pas nan tan bya/ /zhes so/ /cho ga

'bring po dang bsdus pa la dkyil 'khor du 'jug pa dang dbang
bskur ba mi dgos pas mdun bskyed kyi dkyil 'khor mi bya la/
rgyas pa la/ po ti la snang ba mtha' yas gtso bor byas pa'i
dkyil 'khor dang/ gtsug lag khang dang mchod rten la

@004b sogs pa la rnam snang gtso bor byas pa dang/ mi bskyod pa
gtso bo'am rdor sems gtso bo la ni/ sku gzugs thams cad dang/
rigs mi shes pa rnams rab tu gnas par bya'o/ /yang na rab tu
gnas bya'i lha de nyid kyi dkyil 'khor ram rab tu gnas bya'i lha
rnams

rigs lngar 'dus pas/ de'i rigs gang yin gyi dkyil 'khor dang/
slob dpon rang gi lhag pa'i lha'i dkyil 'khor rnams gang yang
rung bas bya ste/ dkyil chog rdo rje phreng ba las/ kha cig tu
ni/ sku gang rab tu gnas bya ba/ /rgyud gang la ni rnam gnas pa/
/de la

de yi dkyil 'khor bya/ /yang na rang gi lhag pa'i lha/ /slob
dpon rang gi gang yin pa/ /de yi dbye ba mthong bas bya/ /zhes
so/ /bdag bskyed bsgom pa'i dbye ba'ang de bzhin du shes par
bya'o/ /rgyas pa dang 'bring po la bum pa lhag gnas bya ba'i
tshul ni/ gsang

'dus mi bskyod pa lta bu/ phyogs bzhi dang mtshams bzhi kun tu
lha gnas pa yin na/ bum pa mtshan nyid dang ldan pa/ kha rgyan
dang/ bcud la sogs pa spyi dang mthun par bsham pa bcu bsham
ste/ dbus kyi bum pa'i nang dang/ de'i mtshan ma'i gnas su

gtso bo yab yum de bzhin du shar gyi bum par shar gyi lha rnams
shar lho'i bum par shar lho'i lha rnams cho ga gsum gyis bskyed
pa nas/ byang shar gyi bum par byang shar gyi lha rnams cho ga
gsum gyis bskyed nas las bum du bdud rtsi 'khyil pa sogs

las thams cad pa bskyed de/ dbang bskur rgyas gdab bzlas pa la
sogs rang rang gi gzhung bzhen bya'o/ /bzlas pa'i dmigs pa ni/
lha rang rang gi thugs ka'i sa bon la bskor ba'i sngags 'phreng
las 'od 'phros pas sangs rgyas dang byang chub sems

@005a @#/ /dpa' thams cad kyi ye shes kyi bdud rtsi bkug ste bum
pa'i chu la thim par bsam pa'o/ /bsdu na bum pa gnyis sam gcig
tu'ang lhag gnas de ltar bya'o/ /'dir kha cig lha'i bum par lha
rnams bskyed nas bzlas pa sogs bya/ khrus

bum brgyad du lha mi bskyed par dri'i bum pa la/ oM gand+he
snAn pU dza me g+ha sa mu dra spha ra Na sa ma ya shrI hUM/
zhes dang/ de bzhin gand+he'i gnas su mngar gsum gyi la dri ma
d+hu dang/ zho yi la da d+hi dang/ 'bras bu'i la pha la dang/
'bru'i la bru hi dang/ 'bras

yos kyi la la badza dang/ sman gyi la o Sha d+hi dang/ rin po
che'i lam Ni rnams bcug la nyi shu rtsa gcig re bzla/ thun mong
du gtsug tor rnam rgyal dang/ gtsug tor gzhan gyis mi thub pa
dang/ bkra shis zhi ba'i sngags rnams bzlas so/ /zhes gsungs so/
/

dri ma bkru ba'i khrus bum brgyad byed na/ rang rang gi bum pa'i
ming dang mthun pa'i dri dang/ mngar gsum la sogs pa'i rdzas
rnams bum pa'i nang du gzhug go /rab gnas rgyas pa la sta gon
dang/ dngos gzhi dang/ mjug gi cho ga gsum las/ dang

po'i sngoms ni/ rten bskyed pa dang dkyil 'khor gzhug/ khrus
stegs brgyan zhing khrus dkyil 'dri/ /stan la rten bzhag chu
bzhi dbul/ /gtor ma yungs chu kham phor lci/ /zan chang ras kyis
byabs nas ni/ /nye reg mchod bdug sbyang ba'o/ /snyan mnan bdud
rtsi

ba byung chu/ /shing shun 'bru mar skyu ru ra/ /yung ba dri
lda'i phye ma rnams/ /dur sngon pir gyis byugs nas su/ /lha
rnams spyan drangs bkra shis klu/ /sngon byas lha yi ngum pa'i
chus/ /bkru dbyi dri dang gos rgyan khrus/ /lha rnams spyan
drangs mched gsol gdab/ /

@005b mchod phyag bstod gshegs snyan gsan no/ /gnas lngar dri
byug mchod nas ni/ /lag bas reg cing sngags bzlas bsrung/ /gtor
ma btang ba sta gon no/ /de la rten bskyed pa ni/ las thams cad
pa'i sngags dang de'i bum pa'i chus bsangs/ shU n+ya tA la
sogs

pas stong par sbyangs pa'i rjes su stong ba'i ngang las po ti
rnams padma dang nyi ma'i steng du hrIH dmar po las byung ba'i
padma hrIH sa mtshan pa de yongs su gyur pa las snang ba mtha'
yas gos dkar mos 'khyud pa de yongs su gyur pa las snang ba
mtha' yas yab

yum gzugs brnyan du shar ba'i yig 'brur bsam/ mchod rten dang
gtsug lag khang la sogs pa rnams padma dang zla ba'i steng du
b+hrUM dkar po las skyes pa'i 'khor lo rtsibs brgyad pa b+hrUM
gyis mtshan pa las byung ba'i rnam par snang mdzad spyan mas

'khyud pa de yongs su gyur pa las rnam snang yab yum gzugs
brnyan du shar ba'i mchod rten dang gtsug lag khang la sogs par
bsam/ de las gzhan pa'i rten ngo shes pa rnams rang rang gi gdan
gyi steng du rang rang gi sa bon dang phyag mtshan yongs

su gyur pa las rang rang gi skur bskyed/ ngo mi shes pa dang/
bskyed chog mi shes pa rnams cho ga gsum gyis rdo rje 'chang gi
skar bskyed pa'am/ yang na 'dus par bskyed la/ gos sar pa dmar
po la sogs pas g.yog cing me tog dang ldan par ro/ /

dkyil 'khor brtan pa ni/ oM ti shsha badzra hoH zhes brjod cing
rab tu gnas bya'i lha rnams dkyil 'khor gyi nang du zhugs par
bsam/ oM spha ra na badzra hoH zhes brjod cing rab tu gnas
bya'i lha rnams kyis dkyil 'khor pa la me tog dor bar

@006a @#/ /bsam zhing sngar g.yogs pa'i gos bsal/ de'ang cho
ga rnams dkyil 'khor gyi gtso bos mdzad par bsams la dngos su
slob dpon rang gis bya zhing/ chas su zhugs pa nas lha ngo
bstan pa'i bar ji ltar rigs pa'am/

yang na me tog dor ba nas lha ngo bstan pa'i bar ram/ yang na
me tog dor ba med par slob ma dkyil 'khor du 'jug pa bzhin du
dkyil 'khor du 'jug pa'i skor ci rigs pa rnams bya'o/ /me tog
dor ba med na lha ngo bstan mi dgos so/ /khrus stegs

brgyan cing bri ba ni/ yongs su brtags pa de sbyangs pa'i gnas
su tsandan la sogs pa'i chu la las thams cad pa bzlas pas byug
/a ka ru la sogs pa'i dri bzang pos byug cing/ me tog bsil ma
bkram pi wang dang/ gling bu dang/ rdza rnga la

sogs pa'i rol mo'i cha byad dang/ 'og tu dgos pa'i tshogs chas
rnams legs par bsags sngar rab gnas byas pa'i rten byin rlabs
can bzhugs su gsol/ de'i phyogs gcig yid du 'ong ba'i gnas su
sa sel la sogs pa'i nyes

pa dang bral ba'i sa las byas pa'am/ so phag la sogs pa'i sa
las byas pa'i khrus stegs gru bzhi pa/ rgyar khru bzhi pa/
dpangs su khru gcig gam gnyis yod pa bya/ de'i dbus su sgo nub
tu bstan pa'i re kha gru bzhi pa zhig gis

bskor ba'i sna tshogs padma 'dab brgyad rdul tshon la sogs pas
bri'o/ /yang na rta babs med pa'i sgo nub tu bstan pa'i gru
bzhi pa'i dbus su chud pa'am/ yang na dkyil 'khor gyi phyed
kyi tshad kyi gru bzhi pa/ sgo bzhi pa/ rim pa gnyis

@006b pa/ rta babs med pa ste/ snam bu'i shar la sogs pa'i
phyogs bzhir/ 'khor lo/ rin po che/ padma/ ral gri/ mtshams
bzhir/ yum bzhi'i mtshan ma dang/ dbus su sna tshogs padma 'dab
ma brgyad bri'o/ /bum pa bsgrub pa'i tshe bum pa

rnams padma'i lte ba dang 'dab ma rnams la bzhag la phyis
khrus gsol ba'i tshe pad 'dab kyi phyi rol tu bzhag go /de
rnams kyi steng du bla bre bres shing gos zung dang dril bu
g.yer kha dpyangs pa la sogs pas khrus stegs bskor/ khrus
stegs

rtsig pa ma grub na/ rngul tshon gyis sngar ltar bri'o/ /mdor
na khrus dkyil gsum gang bri'ang nang du sna tshogs padma de'i
phyi rol tu lha snam de gnyis kyi bar du re khas bcad pa
bri'o/ /gang yang ma grub na ni bsgoms pas kyang chog go /stan
la rten

bzhag chu bzhi dbul ba ni/ de nas zla ba'i dkyil 'khor bris
pa'i ras la sogs pa khrus dkyil gyi padma'i steng du bzhag
pa'am/ bzhag par mos la/ rten spyan drang du rung ba rnams
de'i steng du bzhugs su gsol la chu bzhi dbul lo/ /rgyas

pa la mos na/ khro bo spyan drang ba nas bstod pa'i bar rnams
bya ste/ de'i tshul yang/ hUM/ ye shes bskal pa me ltar 'bar
ba'i 'od/ /ma rig 'dod pa'i mun khams thams cad bsreg /zhe
sdang gshin rje'i 'jigs pa thams cad 'joms/ /

dpa' bo chen po dpa' mtshan stag lpags can/ /log 'dren srin
po'i mtha' gnon dgra 'dul ba/ /rig pa'i rgyal po khro bo
bzhugs su 'tshal/ /log 'dren 'dul ba'i slad du spyan 'dren na/
/'gro ba'i don du mchod phyir gshegs su gsol/ /rang

@007a @#/ /gi thugs ka'i sa bon las 'od zer 'phros pas khro
bo'i tshogs rnams spyan drangs te mdun gyi nam mkhar bzhugs par
gyur/ oM badzra mahA kro d+ha rA dza sa pa ri wA ra arg+haM
pU dza me g+ha sa mu dra spha ra Na sa ma ya shri ye AH
hUM/

zhes mchod yon dang de bzhin du zhabs bsil nas rol mo'i bar
rnams kyis mchod/ hUM/ chos nyid stong pa gnyis med dang nyid
las/ /'jig rten spyod pa'i tshul yang mi spong zhing/ /thabs la
mkhas pas 'jigs byed skur ston pa'i/ /khro

chen 'bar ba'i tshogs la phyag 'tshal lo/ /ye shes zhi ba'i
ngang las ma g.yos kyang/ /sku yi cha lugs za byed rngams
stabs can/ /gsung gi nga ro 'brug stong ldir ba'i sgras/ /ma
lus dbang du sdud la phyag 'tshal lo/ /lhag pa'i ye shes rol

pa ston mdzad cing/ /bsdigs pa'i mtshon cha sna tshogs phyag na
bsnams/ /nyon mongs dug chen rtsad nas 'joms mdzad pa'i/
/sprul gdug rgyan gyis brgyan la phyag 'tshal lo/ /bskal pa'i
me ltar 'bar ba'i klong dkyil na/ /dpa' bo'i

stang stabs brkyang bskum tshul gyis bzhugs/ /nyi zla 'bar ba'i
spyan gyi sdang mig gis/ /bgegs dpung bsreg par mdzad la phyag
'tshal lo/ /gtum chen dus mtha'i me ltar gzi brjid 'bar/ /glog
stong 'gyu 'dra'i khro gnyer mche ba gtsigs/ /

rngams pa'i nga ro 'brug sgra stong bzhin sgrogs/ /khro rgyal
bgegs tshogs 'dul la phyag 'tshal lo/ /'jigs pa'i hUM sgra nges
sgrog cing/ /bgegs rnams ma lus 'joms mdzad pa/ /dngos grub
thams cad stsol ba'i lha/ /bgegs kyi dgra

@007b la phyag 'tshal lo/ /de nas gtor ma rang rang gi sgrub
thabs bzhin byin gyis brlabs te/ rang gi thugs ka'i sa bon las
'od zer 'phros pas rab tu gnas pa la bar du gcod pa'i bgegs
kyi tshogs thams cad bkug par gyur/ oM sarba big+hnAn

na maH sarba ta thA ga te b+hyoH bi shwa mu khe b+hyaH sarba
thA khaM ud+ha te spha ra Na i maM ga gan khaM ba liM ta ye
swA hA/ zhes lan gsum gyis bsngos la/ sangs rgyas kyi bden
pa dang/ chos kyi bden pa dang/ dge 'dun gyi bden pa dang/ rje
btsun bla ma rnams kyi bden

pa dang/ de bzhin gshegs pa dang/ rdo rje dang/ rin po che
dang/ padma dang/ las kyi rigs su zhugs pa thams cad dang/
snying po dang/ phyag rgya dang/ gsang sngags dang/ rig sngags
kyi lha'i khyad par thams cad kyi bden pa dang/ dpal mgon dam
pa

chos skyong ba'i srung ma rnams kyi bden pa dang/ bden pa'i
byin gyi rlabs kyis bde bar gshegs pa'i sku gsung thugs kyi
rten rab tu gnas pa la bar du gcod par rtsom pa'i bgegs kyi
tshogs gang yin pa de dag thams cad mchod sbyin gyi gtor ma
rgya chen

po 'dis tshim par gyis la zhi ba'i sems dang ldan pas rang rang
gi gnas su song zhig /gal te mi 'gro na khro bo'i ye shes kyi
rdo rje me rab tu 'bar bas mgo bo rnam pa brgyar 'gas par
'gyur ro/ zhes brjod de/ hUM bzhi pa bzlas shing khro bo'i
tshogs kyis

bgegs rnams bcoms par bsam gtor ma rten la phyir bskor te/
phyir dor la gu gul gyi dud pas bdug yungs kar gyis bral/ tsham
ngam dang rol mo'i sgra drag tu bya'o/ /de nas yungs kar dang
chu dang lam phor dkar po dang rtswa du rba'i myu gu dang bcas
pa'i ba

@008a @#/ /lci'i chang bu dang/ zan chang dang/ seng ras rnams
la oM AH big+hnAnta kr-i ta hUM dang hUM lan bdun bzlas
la/ yungs kar lag pa g.yas g.yon gyi khu tshur gyis bzung nas
so sor lan gnyis g.yon du bskor zhing/ oM sarba pA paM da
ha na badzra

ya badzra satwa sya sarba pA paM da ha swA hA/ zhes brjod
cing yungs kar mer dor/ de bzhin du g.yas su bskor nas kyang
dor ro/ /de nas chu nas seng ras kyi bar rnams kyis g.yon
dang g.yas su bskor nas byabs te dor/ 'on kyang kham phor la
sogs pa mer

mi dor ro/ /kham phor nas seng ras kyi bar drug po rnams re
re'ang bzhi bzhi tshang bar bya'o/ /yang na g.yas dang g.yon
du pad kor bya zhing/ oM sarba A ba ra Na sho d+ha ya sarba
pA paM bi shudd+ha badzra hUM phaT swA hA/ zhes brjod cing
yungs kar nas seng ras kyi bar

gyi rdzas rnams kyis rim pa ltar g.yon dang g.yas su bskor
ba'i mtha' re rer yang 'khyud pa'i tshul byas la sngar bzhin
dor ro/ /de nas lag pa g.yon par chu gtsang ma bzung lag pa
g.yas pa'i gung mo dang srin lag gis chu blangs te/ rten
rnams kyi kha/

rna ba/ mig /sna/ lag /lte/ mgo rnams su reg cing nye reg
bya'o/ /de nas gtso bo'i sngags brjod cing rten rnams kyi
thugs kar dre byug /me tog dbu la dbul mchod yon mdun du dbul/
mar me bskor bzhin pa dang/ oM badzra a mr-i ta kunDa li ha

na ha na hUM phaT/ ces pas 'khyil pa dang/ hUM lan bdun
bzlas pa'i mar dang bcas pa'i spos dkar bsregs pas bdug par
bya'o/ /de rnams sbyang ba'i rim pa'o/ /de nas sngon longs ma
spyad pa'i ras bzang po la dri bzang pos/ oM hUM trAM hrIH
AH

@008b zhes pa'i sa bon lnga bkod/ kha cig 'di'i skabs su lha
rnams kyi gnas gsum du oM AH hUM gsum 'god do/ /khrus bum
lag tu thogs nas thams cad 'grengs te mgrin cig tu/ bcom ldan
'das de bzhin gshegs pa dgra bcom pa yang dag par

rdzogs pa'i sangs rgyas rig pa dang zhabs su ldan pa bde bar
gshegs pa 'jig rten mkhyen pa skyes bu 'dul ba'i kha lo bsgyur
ba bla na med pa lha dang mi rnams kyi ston pa/ de la yo byad
thams cad dang ldan pa'i khrus 'di gsol lo/ /nag po pas/ ri bo
ltar ni mdzes pa yi/ /yon tan dam pa'i rgyan ldan pa/ /mchod
gnas rin chen 'di dag la/ /bdag gis khrus 'di gsol bar bgyi/
/ma rig 'joms pa'i nyi ma ste/ /srid pa'i nad ni sel ba'i
sman/ /dam chos rin chen 'di dag la/ /bdag gis khrus 'di

gsol bar bgyi/ /chos kyi sku yi bdag nyid can/ /mchog gi yon
tan gzugs can gyi/ /mchod rten rin chen 'di dag la/ /bdag gis
khrus 'di gsol bar bgyi/ /bskal pa'i mtha' yi dngos 'joms pa/
/'jigs byed me yi cha byad can/ /mgon

po snying rje'i stobs ldan la/ /bdag gis khrus 'di gsol bar
bgyi/ /mchog tu tshim zhing skal bzang ba/ /dam pa'i bdud rtsis
mdzes cha byad/ /dpal ldan bla ma'i sku 'di la/ /bdag gis
khrus 'di gsol bar bgyi/ /gdul bya'i sems can gang dag

la/ /rgyal ba'i sprul sku mang po yi/ /cha byad lha yi rnam pa
ni/ /snying rje yis ni nges gang ba/ /rtag tu phan dang bde
mdzad pa/ /mchog tu dul ba de dag la/ /bdag gis khrus 'di gsol
bar bgyi/ /sangs rgyas gzugs brnyan gnas dang ni/ /slob

@009a @#/ /pa'i dge 'dun gnas kyi sa/ /gtsug lag khang dang
gnas gzhan la/ /bdag gis khrus 'di gsol bar bgyi/ /zhes snyan
mnan la/ bdud rtsi lnga nas dri lnga'i phye ma'i bar gyi rdzas
brgyad/ dur sngon gyi pir dang bcas pa la/ 'khyil

ba'am las thams cad pa dang hUM lan bdun bzlas te/ zho 'o ma
mar sbrang rtsi ka ra ste bdud rtsi lnga zangs snod na gnas pa
ba'i 'o ma zho mar ba'i lci ba chu ste ba'i rnam lnga dang/
dri zhim po'i chu dang/ n+ya gro d+ha dang/ u dum wa ra dang/
pa lak+Sha dang/ pispha la

dang/ g+hanDa mu tra ste/ 'o ma can gyi shing lnga'i phye ma
'khar ba'i snod na gnas pa du rba'i pir gyis blangs te/ oM
sarba ta thA ga ta kA ya bi sho d+ha ne swA hA/ oM hUM
trAM hrIH AH zhes brjod cing sku gzugs sogs dngos sam me
long la gzugs brnyan

shar ba la byug /dri zhim po'i 'bru mar dang/ skyu ru ra'i
phye ma dang/ yung ba'i phye ma dang/ tsandan dkar dmar/ a ka
ru/ gur kum/ gran thi ka ste lnga'am/ gur kum/ a ka ru/ gla
rtsi/ ga bur/ tsandan te dri lnga'i phye ma rnams 'khar ba'i
snod na

gnas pa pir gyis blangs te/ kA ya bi sho d+ha ne dang/ oM
hUM trAM hrIH AH khaM zhes brjod cing sngar ltar byug go
/de nas rang gi thugs ka'i sa bon las 'od zer 'phros pas
gshegs pa dang gshegs ma/ sems dpa' dang/ sems ma/

khro bo dang/ khro mo'i tshogs mdun gyi nam mkhar spyan drangs/
de bzhin gshegs pa rnams kyis dbang bskur ba'i dgongs pa
mdzad/ spyan ma la sogs pa'i lha mo rnams kyis bdud rtsis gang
ba'i bum pa dkar pos dbang bskur/ gzugs

@009b rdo rje ma la sogs pas bkra shis brjod/ khro bo rnams
phyogs mtshams su 'khod nas bgegs bskrad bar bsams la/ bkra
shis gang zhig sems can kun gyi snying la gnas/ /kun gyi bdag
nyid dam pa'i rigs rnams kyi ni rje/ /ma lus sems

can skyed byed bde ba chen po ste/ /bkra shis des ni de ring
khyod la dbang rab bskur/ /bkra shis gang zhig ma lus rdo
rje'i rigs dang ldan/ /sdang bas zil mnan skye bo yongs su
sbyong byed pa/ /mi bskyod mgon po zhes byar mtshan gsol de yi
ni/ /bkra shis

des ni X/ /bkra shis gang zhig mtha' dag 'khor lo'i rigs dang
ldan/ /rnam par snang mdzad 'khor ba'i sdug bsngal rtag 'phrog
cing/ /rmongs pas zil mnan skye bo yongs su sbyong mdzad pa/
/bkra shis X/ /bkra shis gang zhig ma lus rin chen

rigs dang ldan/ /phongs pa'i sdug bsngal grol bar yongs su rab
brtson zhing/ /khengs pas zil mnan 'gro ba yongs su sbyong
mdzad pa/ /bkra shis X/ /bkra shis gang zhig ma lus padma'i
rigs dang ldan/ /'jig rten dbang phyug srid pa'i dra ba 'joms

pa po/ /chags pas zil mnan 'gro ba yongs su sbyong mdzad pa/
/bkra shis X/ /bkra shis gang zhig ma lus las kyi rigs dang
ldan/ /brtse ba'i bdag nyid log par lta ba nges par spong/ /de
sbyong thabs ston de ni kun nas sel mdzad pa/ /bkra shis des
ni

de ring khyod la dbang rab bskur/ /zhes bkra shis kyi glu
sngon du brjod nas/ ji ltar bltams pa tsam gyis ni/ /zhes pa
nas/ sa ma ya shri ye zhes dang/ oM AH badzra satwa hUM
hUM swA hA/ zhes brjod cing/ gtso bo'i bum pas dngos sam me
long la gzugs

@010a @#/ /brnyan shar ba la bkru'o/ /sngags gnyis po 'di tshigs
bcad 'og ma brgyad kyi mthar yang brjod do/ /de nas shar gyi
bum pas/ khyod ni sbyin pa'i rang bzhin chu/ /ser sna'i dri ma
sbyong mdzad cing/ /gtong ba dri yis legs bsgos

chu/ /khrus legs mdzed la phyag 'tshal lo/ /zhes bkru'o/ /khyod
ni tshul khrims rang bzhin chu/ /khrims 'chal dri ma sbyong
mdzad cing/ /tshul khrims dri yis legs bsgos pa/ /khrus legs
mdzed la phyag 'tshal lo/ /zhes shar lho'i bum pas

bkru/ khyod ni bzod pa'i rang bzhin chu/ /zhe sdang dri ma
sbyong mdzad cing/ /byams pa dri yis legs bsgos pa/ /khrus
legs mdzad la phyag 'tshal lo/ /zhes lho'i bum pas bkru/ khyod
ni brtson 'grus rang bzhin chu/ /le lo'i dri ma sbyong mdzad

cing/ /brtson 'grus dri yis legs bsgos pa/ /khrus legs mdzad
la phyag 'tshal lo/ /zhes lho nub kyi bum pas bkru/ khyod ni
bsam gtan rang bzhin chu/ /rnam g.yeng dri ma sbyong mdzad
cing/ /ting 'dzin dri yis legs bsgos chu/ /khrus legs

mdzad la phyag 'tshal lo/ /zhes nub kyi bum pas bkru/ khyod ni
shes rab rang bzhin chu/ /sher 'chal dri ma spyod mdzad cing/
/ye shes dri yis legs bsgos chu/ /khrus legs mdzad la phyag
'tshal lo/ /zhes nub byang gi bum pas bkru/ chu bo drug

gi khrus mdzad pas/ /dri ma rnam drug sbyong byed cing/ /rgya
chen yon tan drug ldan pa'i/ /khrus legs mdzad la phyag 'tshal
lo/ /zhes byang gi bum pas bkru/ gang la nyes pa mi mnga'
zhing/ /yon tan thams cad dang ldan pa/ /sangs rgyas de la

@010b thar don du/ /dad pas bdag gis khrus gsol lo/ /zhes
byang shar gyi bum pas bkru/ de nas sku mchog rnam dag lta bas
mi ngoms la/ /ngo mtshar skyon bral mkha' dkyil nyi gsal 'dra/
/chos kyi sku la dri ma mi mnga' yang/ /sri zhu bkur sti rim
mgro'i

tshul tsam du/ /chu gtsang sman spos 'o ma 'dag chal chus/
/'gro ba'i lus sems sdug bsngal nad bsal lte/ /nyes pa'i skyon
bral 'gro ba'i yid 'ong ba/ /dam pa'i sku mchog bdag gis thob
par shog /ces brjod/ de nas/ de dag sku la mtshungs

pa med pa'i gos/ /gtsang la dri rab bsgos pas sku phyi'o/ /oM
hUM trAM hrIH AH oM sarba ta thA ga ta kA ya bi sho
d+ha ne swA hA/ zhes brjod cing/ sngar gyi ras kyis sku
phyi'o/ /de nas/ bde gshegs sku gsum dpe dang mtshan mnga'
yang/ /'gro ba'i don du

gzugs sku cir yang gda'/ /rin chen dbyig ltar nyes pa'i skyon
bral yang/ /'jig rten srid zhu gus pa'i tshul tsam du/ /sdig
med rgyal ba rnams kyis rab bsngags pa'i/ /ras mchog 'di yis
rgyal ba'i sku phyis pas/ /nyon mongs dug gsum

sgrib pa kun byang nas/ /sku gsum ngang du bdag cag 'gyur bar
shog /ces brjod/ khrus gsol ba'i tshe/ skabs skabs su rol mo'i
sgra la sogs pa mchod pa sna tshogs pa bya'o/ /bum pa thams cad
nas dung chos la sogs pa'i snod du

bsdus te/ bkru'ang rung ngo/ /de nas/ stong gsum kun tu dri
mchog 'byung 'gyur ba'i/ /spos mchog rnams kyis thub dbang
rnams kyi sku/ /gser sbyangs btso ma byi dor byas pa ltar/
/'od chags 'bar ba de dag byug par bgyi/ /oM badzra gand+hi 

@011a @#/ /swAhA/ zhes brjod cing/ gur kum sogs dri bzang po
til mar dang bcas pas byug go /sna tshogs dbang po'i gzhu ltar
rab bkra ba/ /gang la reg na bde ba'i rgyur gyur pa'i/ /gos
bzang rin chen bdag blo sbyang phyir 'bul/ /

bzod pa dam pa'i gos kyis brgyan par shog /oM badzra wastra ye
AH hUM swAhA/ zhes pas na bza' dang/ bde gshegs sku mchog
mtshan dang dpe byad dang/ /rin chen 'od chags 'bar bas sku
brgyan zhing/ /byang chub phyogs kyi rgyan

gyis mdzes lags kyang/ /'jig rten bkur sti rim gro'i tshul tsam
du/ /rin chen phreng ba se mo do shal dang/ /rgyan gyi dam pa
khyad par mchog phul bas/ /byang chub mchog gi rgyan dang ldan
gyur nas/ /bla med theg pa mchog la gnas par shog /

oM badzra a b+ha ratna wa pu Sha Ne swAhA/ zhes pas rgyan gyi
khyad par rnams dbul lo/ /de rnams ni khrus gsol ba'i rim pa'o/
/kha cig khrus kyi snyan mnan pa'i rjes la dri'i til mar ram/
med na til mar la dri bzang btab pas sku dngos sam me long

la durbas drud cing/ oM sarba ta thA gata kA ya bi sho d+ha ne
swAhA/ zhes brjod de/ de nyid brjod cing/ shid shun lnga'i
phye mas dril phyis byas nas durba'i pir gyis drud la/ 'di ni
khrus mchog dpal dang ldan/ /thugs rje'i chu ni bla na med/
/byin rlabs

ye shes chu yis ni/ /ci 'dod dngos grub stsal du gsol/ /zhes
dang/ a b+hi She ka ta'i rjes su/ oM gand+ha nannA pU dza me
g+ha sa mu dra spa ra Na sa ma ya shri ye hUM/ zhes brjod cing/
dri sna tshogs kyi bum pas bkrus pa'i rjes su sngar bshad pa ltar
sku

@011b phyi'o/ /de bzhin du ji ltar bltams pa tsam zhes pa nas/
ye shes dri yis legs bsgos pa/ /khrus legs mdzad la phyag 'tshal
'dud/ /ces pa'i bar gyis tshigs bcad bdun po re re'i thog mar las
thams cad pa dang/ oM hUM tr'M hrIH AH zhes

brjod cing bdud rtsi lnga nas dri lnga'i phyi ma'i bar gyi rdzas
bdun po re re du rbas byug cing drud la tshigs bcad re re brjod
pa'i rjes su a b+hi She ka la oM dri ma d+hu nas oM ma Ni snA
nA zhes sogs kyi sngags bdun po'i re re rim pa bzhin brjod
cing/ mngar gsum gyi

bum pa nas rin chen sna tshogs kyi bum pa'i bar gyi bum pa bdun
po re res bkru zhing/ bkru ba re re'i mthar yang sku phyi ba re
re byas nas chu bo drug gi zhes sogs man gyi tshigs bcad kyi
mthar dri sna tshogs kyi bum pas bkru bar mdzad do/ /ye shes pa

spyan drang ba ni/ de nas 'og nas 'byung ba ltar rab tu gnas
bya'i rten rnams kyi ye shes pa dang sangs rgyas dang byang chub
sems dpa' 'khor dang bcas pa mdun du spyan drangs te/ bzhugs par
bsams la/ mchod rdzas rnams rang rang gi sgrub thabs

bzhin byin gyis brlabs la/ dag cing dri med yid 'ong ba'i/
/sngags kyi zhabs bsil mchog 'di dag /mchog tu dad pas khyed la
'bul/ /ci bde bar ni bzhes su gsol/ /oM AH hrIH pra wa ra
sad ka rM pAdyM pra tI tstsha hUM swAhA/ zhabs bsil dang/

de bzhin du zhabs bsil gyi gnas su zhal bsil dang/ yon chab ces
pa bcug /pA dyM gyi gnas su Anytsa ma N'M dang/ arg+hM zhes
pa bcug la zhal bsil dang mchod yon dbul/ chu dang thang las
skyes pa yi/ /me tog dam pa 'di dag ni/ /mchog

@012a @#/ /tu dad pas khyed la dbul/ /ci bde bar ni bzhes su
gsol/ /oM sarba ta thA ga ta puShpe pU dza me g+ha sa mu dra
spha ra Na sa ma ya shri ye swAhA/ zhes me tog dang/ lhan cig
skyes dang sbyar ba yi/ /bdug spos dam pa 'di dag ni/ /mchog

tu dad pas khyed la dbul/ /ci bde bar ni bzhes su gsol/
/puShpe'i gnas su d+hU pe zhes pas bdug spos dang/ mun pa'i
tshogs rnams 'joms byed cing/ /phyogs kun gsal ba'i mar me 'di/
/kun mkhyen ye shes thob bya'i phyir/ /ci bde bar ni bzhes

su gsol/ /A lo ke zhes snang gsal dang/ lhan cig skyes dang
sbyar ba yi/ /dri mchog dam pa 'di dag ni/ /rang byung nyid la
dbul bar bgyi/ /kun bzang bde chen bzhes su gsol/ /gand+he zhes
dri dang/ kha dog dri dang ror ldan pa/ /bza' ba mchog dang

yang dag ldan/ /thams cad sbyar ba'i bshos 'di dag /chos dbyings
ye shes brnyes la 'bul/ /nai wi dye zhes zhal zas dang/ bla med
rdo rje theg pa'i don ston zhing/ /shes rab dbyangs kyi rjes
'gro rol mo'i sgra/ /bdud kyi 'khor lo 'joms phyir

dbul bar bgyi/ /don gyi dbyings la mnga' brnyes 'di bzhes shig
/shapta zhes rol mo dbul lo/ /gsol gdab ni/ de nas lce hUM las
skyes pa'i rdo rjer byas/ pus mo g.yas sa la btsugs lag pa
g.yas spos phor thogs g.yon pas dril

bu dkrol zhing/ thugs rje yi ni bdag can bdag /slob ma rnams la
rjes brtse dang/ /khyed rnams la yang mchod slad du/ /sang ni
rab gnas bgyid par 'tshal/ /bcom ldan gus pas bdag la ni/ /de
phyir bka' drin mdzad par 'os/ /rdo rje

@012b can bdag che ge mo/ /sku gsung thugs rten rab gnas ni/
/yon bdag ci nus yo byad kyis/ /sang ni yang dag bgyid par
'tshal/ /de phyir slob mar bcas bdag la/ /rjes su brtse bar nyer
bzung nas/ /'khor bcas kun gyis rab gnas la/ /byin gyis brlab
par

mdzad par 'os/ /zhes lan gsum gsol ba btab pas lha rnams dgyes
bzhin du gnang ba byin par bsam/ mchod pa ni/ de nas zhabs bsil
nas mchod yon gyi bar chu gsum sngar bzhin phul la/ oM/ lha yi
me tog shin tu dmar/ /dri zhim

shin tu mdzes pa ni/ /me tog de ring bzhes nas su/ /'di la byin
gyis brlab par gsol/ /oM/ tsandan ga pur dang bcas pa'i/ /dri
zhim spos me dge ba yis/ /mthu dang ldan par bya ba ni/ /bzhes
nas byin gyis brlab tu gsol/ /oM/ mar me 'od zer

'bar ba ni/ /ngan 'gro'i 'jigs pa 'joms byed pa/ /lha yi mig
'byed bkra shis pas/ /mar me khyed kyis bzhes su gsol/ /oM/ sna
tshogs lha yi dri zhim pa/ /sna tshogs ga pur rnams brgyan pas/
/sna tshogs yi ge hUM las byung/ /dri 'di 'bul

gyi bzhes su gsol/ /kha dog dri dang ror ldan pa'i/ /bza' ba
mchog dang yang dag ldan/ /thams cad sbyar ba'i bshos 'di dag/
'bul gyi yang dag bzhes su gsol/ /pa Ta ha dang cang te'u sogs/
/rnga dang dung sogs sgra dbyangs dang/ /yid 'phrog

gzugs brnyan sna tshogs pa/ /bcom ldan 'khor dang bcas la 'bul/
/zhes nyer spyod rol mo dang bcas pas mchod do/ /so so'i sngags
rnams snga ma bzhin no/ /phyag ni de nas oM sarba ta thA ga ta
pA da band+ha na ma ka ro mi/ zhes phyag bya/ de nas bstod pa

@013a @#/ /ni/ 'gro ba rgyud lnga 'khor ba'i dkyil 'khor du/
/sdug bsngal 'khrul 'khor gyis gzir 'gro gzigs nas/ /thugs rjes
sdug bsngal 'khrul 'khor 'joms mdzad pa/ /thugs rje'i bdag nyid
khyod la phyag 'tshal lo/ /sems

can smin cing grol bar mdzad pa'i phyir/ /sems can khams na
bzhugs shing spyod gyur kyang/ /chags pas ma gos padma ltar dag
pa/ /'dod chags dag pa'i bdag nyid khyod la 'dud/ /sems can
bkren pa chos kyis phongs gyur pa/ /ma rig 'thibs

po'i nang du song ba rnams/ /'phags pa'i nor bdun dag gis tshim
mdzad pa/ /ye shes sgron me khyod la phyag 'tshal lo/ /sems can
'khor ba'i rgya mtshor nub pa la/ /thugs rjes thabs dang shes rab
grur bcug nas/ /zhi ba rin chen gling du

skyel mdzad pa/ /kun gyi ded dpon khyod la phyag 'tshal lo/ /sems
can las kyi chu bor nub gyur rnams/ /dam chos bdud rtsi'i zam
pas sgrol mdzad cing/ /'phags lam yan lag brgyad la sbyor mdzad
pa/ /gsung gi mnga' bdag khyod la phyag 'tshal

lo/ /zhes pas bstod/ gshegs gsol ni/ oM pU na rA ga ma na ya
muH zhes pas gshegs su gsol/ de rnams ni snyan gsan gyi rim
pa'o/ /gnas lngar dris byug pa ni/ rten dam tshig par gsal ba
rnams kyi thugs ka dang dbu mgul

phyag gnyis/ spyi gtsug rnams su dris byug go /mchod pa ni/ de
nas/ rten cing 'brel par 'byung ba yi/ /lha rdzas bzang po'i
zhabs bsil 'di/ /mchog tu dad pas khyed la 'bul/ /ci bde bar ni
bzhes su gsol/ /zhes pa sngags dang

@013b bcas pas zhabs bsil dang/ de bzhin du sbyar te zhal bsil
dang/ mchod yon nyer spyod lnga rol mo dang bcas pa dbul lo/
/lag pas reg cing bsrung ba ni/ de nas rang gis las thams cad
pa'am/ 'khyil pa'i sngags bzlas shing rdo rje dang bcas

pa'i lag pa g.yas pas rten rnams kyi thugs ka mgrin pa spyi bo
rnams su reg pa'i rjes su lha de nyid dam rang rang gi las thams
cad pa'am 'khyil pa'i sngags dang bcas pas bsrung bar bya'o/
/gtor ma ni/ de nas phyogs skyong bco lnga 'khor dang bcas

pa la/ gshin rje gshed dam gsang ba 'dus pa'i sgrub thabs sogs
nas 'byung ba ltar phyogs skyong gi gtor ma dbul bar bya'o/ /kha
cig sta gon zin nas rten rnams la na bza' ser pos bkab la bzhag
ces gsung ngo/ /rab gnas kyi sta gon no/ /

gnyis pa rab gnas dngos gzhi'i sdoms ni/ bdag mdun dkyil 'khor
sngon byas nas/ /slar yang sngar bzhin rten bskyed de/ /chu bzhi
nas ni rgyan dbul bar/ /slar yang snga ma bzhin du bya/ /gsol ba
gdab cing sems bskyed de/ /mig dang sku sogs

byin gyis brlab/ /ye shes spyan drangs mchod nas ni/ /gsol gdab
dam tshig pa la gzhug /dbang lha spyan drang gsol gdab nas/ /nang
dbang byas te chu dbang bskur/ /de bzhin cod pan rdo rje bdag/
ming dbang bskur ba slob ma'i dbang/ /slob dpon dbang

mthar chu dbang bskur/ /rgyas gdab lha bstim bum dbang ngo/
/gsang dbang shes rab ye shes dbang/ /bzhi pa rnams kyang slob
ma bzhin/ /dbang bskur dngos gzhi'i cho ga'o/ /gnyis pa dngos
gzhi la tho rangs snga bar langs te/ rgyan gyis brgyan pa'i slob

@014a @#/ /dpon gyis gtor ma sngon du btang ste/ bdag bskyed mdun
bskyed sngar sta gon gyi skabs bzhin rdzogs par bsgoms nas mchod
pa dang gtor ma rgya chen po bsham mo/ /kha cig 'dir mchod bstod
rgyas bsdus ci rigs shig bya gsung ngo/ /

rten gyi dam tshig pa rnams sngar bzhin bskyed de/ de nas chu
bzhi snod gsum du bshams pa byin gyis brlab/ de dag gi mdun du
bzed zhal gsum bzhag ste/ rdo rje snyim pa kha phye ba'i phyag
rgya dang/ oM AH hrIH pra wa ra sad ka rM arg+hM pra tI
tstsha hUM swAhA/

zhes bzed zhal dang por mchod yon dang/ arg+hM gyi gnas su pA
dyM bcug la khu tshur bcings nas me tog blangs te lan gsum bskor
nas khu tshur kha gyen du bstan pa'i mdzub mo nas rim gyis 'grol
ba'i phyag rgyas bzed zhal gnyis par zhabs bsil

dang/ snod gsum pa nas mdzub mos me tog blangs te khu tshur kha
'og tu bstan nas mthe'u chung nas rim gyis dgrol ba'i phyag rgya
dang/ Anytsa ma N'M bcug la bzed zhal gsum bar zhal bsil dang/
snod de nyid nas ku sha'i chun pos chu blangs te

brok+Sha N'M bcug la bzed zhal gsum par bsang gtor lan gsum dbul
lo/ /gtor ma nas spyad ba'i rim pa rnams dang khrus kyis snyan
ma nan pa nas dris byug pa'i bar rnams sta gon gyi skabs bzhin
bya zhing/ na bza' dang rgyan dbul ba sngar

bzhin nam/ yang na/ de nas de la kha dog legs bsgyur ba'i/ /na
bza' shin tu dri zhim yid 'ong ba'i/ /gos bzang srab la 'jam pa
sna tshogs dang/ /rgyan mchog brgya phrag de dang de dag 'bul/
/oM AH badzra wastra sya swAhA/ zhes na bza' dang/

@014b rgyal ba mtshan dpe'i rang bzhin rgyan ldan phyir/ /rgyan
gzhan dag gis brgyan par mi 'tshal yang/ /rin chen rgyan mchog
phul bas 'gro kun gyis/ /mtshan dpes brgyan pa'i sku lus thob par
shog /oM badzra a lM ka ra wa pu Sha ni AH hUM swAhA/
zhes

rgyan dbul lo/ /de nas rten spyan drang du rung ba rnams rdul
tshon la sogs pa'i dkyil 'khor gyi shar du slob dpon du dbang
bskur ba'i dbang stegs kyi dbus su zhal dkyil 'khor la bstan la
bzhugs/ spyan drang du mi btub pa rnams rang gnas su bzhag

nas de ltar bsgom mo/ /gsol ba gdab pa ni/ de nas so so'i lag tu
me tog thogs so so'i yon tan dran pa'i sgo nas gang 'di bcom
ldan 'das de bzhin gshegs pa dgra bcom pa yang dag par rdzogs
pa'i sangs rgyas rig pa dang zhabs su ldan pa

bde bar gshegs pa 'jig rten mkhyen pa skyes bu 'dul ba'i kha lo
bsgyur ba bla na med pa/ lha dang mi rnams kyi ston pa sangs
rgyas bcom ldan 'das te rgyu dang 'bras bu'i dgos pa phun sum
tshogs pa dang ldan pa chos thams cad thugs su chud

pa'i sangs rgyas bcom ldan 'das 'di bdag gis rab tu gnas par
bgyi'o/ /gang 'di bcom ldan 'das kyi byang chub kyi phyogs kyi
chos sum cu rtsa bdun dang yang dag par ldan pa/ stobs bcu dang
mi 'jigs pa bzhi dang ma 'dres pa'i dran pa nye bar bzhag

pa gsum dang thugs rje chen po la sogs pa mdor na slob pa dang
mi slob pa'i sangs rgyas su byed pa'i chos rnams dang ldan pa/
de'i skyon gyi nyes pa thams cad dang bral zhing bde bar gshegs
pa'i yon tan gyi chos tshad med pa dang ldan pa'i sangs

@015a @#/ /rgyas bcom ldan 'das 'di bdag gis rab tu gnas par
bgyi'o/ /gang 'di bcom ldan 'das kyi bla na med pa'i tshul khrims
la sogs pa'i phung po lnga dang yang dag par ldan pa/ cho 'phrul
gsum dang ting nge 'dzin gsum dang

bslab pa gsum dang tshangs pa'i gnas bzhi dang bsam gtan bzhi
dang 'phags pa'i bden pa bzhi dang yang dag par ldan pa/ de'i
yang dag pa phyin ci ma log pa'i ye shes dang shes bya'i yul
thams cad brnyes pas nyon mongs pa la sogs

pa rnams ma lus par spangs pa dang bdud bzhi las rab tu rgyal
ba'i sangs rgyas bcom ldan 'das 'di bdag gis rab tu gnas par
bgyi'o/ /gang 'di bcom ldan 'das kyi pha rol tu phyin pa drug
yongs su rdzogs pa dang bsod nams dang ye shes kyi

tshogs yang dag par bsags pa dang skyes bu chen po'i mchen sum cu
rtsa gnyis kyis yang dag par brgyan pa dang/ dpe byad bzang po
brgyad cus rnam par mdzes pa dang/ skyes bu chen po'i sku blta
bas chog mi shes pa dang/ mthong na mi mthun pa

med pa ste de'i gzugs kyi sku'i 'byor pa mthar thug pa 'gro ba
ma lus pa'i rtsa lag tu gyur pa'i sangs rgyas bcom ldan 'das 'di
bdag gis rab tu gnas par bgyi'o/ /zhes brjod cing/ rab tu gnas
par bgyi'o zhes pa'i skabs su thams cad kyis

tshig mthun par brjod la/ rab tu gnas bya'i rten la me tog gi
char dbab spos kyis bdugs rol mo dbul zhing/ oM na mo b+ha ga wa
te shAkya mu na ye ta tA ga tA ya/ arha te sM myaksM budd+hA
ya/ tadya thA/ oM mu ne mu ne mahA mu na ye swAhA/ zhes pa

@015b dang rab tu gnas bya'i lha gang yin gyi sngags dang/ oM
badzra satwa hUM zhes pa'i sngags bzla ba ni sde tshan re re'i
mthar bya'o/ /sems bskyed pa ni/ de nas mnyam par bzhag nas/
chos thams cad la mi gnas pa'i 'du shes bskyed nas/ 'gro ba
mtha' dag dang gang gi

don du bya ba de la byams pa dang snying rje byang chub kyi sems
yun ring du bsgoms la 'di skad brjod do/ /ngo mtshar chen po
grangs med cing bsam gyis mi khyab pa dang ldan pa'i sangs rgyas
bcom ldan 'das la bdag phyag 'tshal zhing skyabs su mchi'o/ /de
dag

thams cad bdag la dgongs su gsol/ /bdag gis sems can thams cad
kyi don du dkon mchog gsum gyi rten la rab tu gnas par bgyi bas/
de'i mthus bdag gis sems can thams cad kyi dbugs dbyung ngo/
/'khor ba'i gcong rong chen po

las bsgrel bar bgyi'o/ /phas kyi rgol ba dang bdud dang log
'dren thams cad pham par bgyi'o/ /sems can rnams kyi bag chags
kyi mtshams sbyor ba'i nyon mongs pa'i rtog pa thams cad bsal bar
bgyi'o/ /sems can rnams kyi nga rgyal gyi ri bo

bsnyil par bgyi'o/ /sems can rnams kyi skye ba'i ljon shing
rtsad nas gcod do/ /'chi bdag gi nyi ma phye mar brlag go /ma
rig pa'i mun pa bsal bar bgyi'o/ /ma dad pa dang phyi rol pa dag
dang lta ba phyin ci log pa thams cad yang dag pa'i lta ba

la 'dzud cing dad par bsgyur ro/ /las kyi chu bo bzlog par
bgyi'o/ /srid pa'i rgya mtsho skem par bgyi'o/ /chos kyi sgron me
sbar bar bgyi'o/ /byang chub kyi lam bstan par bgyi'o/ /bzod pa
dang nges pa la gzud do/ /bsam gtan gyi bde ba la cher rtsol to/

@016a @#/ /'dod chags kyi me dpung zhi bar bgyi'o/ /zhe sdang gi
mtshon rnon po gzhom par bgyi'o/ /bden pa la gzud do/ /phrag dog
gi tshub ma zhi bar bgyi'o/ /ser sna'i mdud pa dgrol bar bgyi'o/
/sdug bsngal thams cad zhi bar bgyi'o/ /'jigs

pa ma mchis pa dang bde ba chen po'i grong khyer du 'jug cing
gnas par bgyi'o/ /de bas na bdag la las kyi dngos grub kyi mchog
stsal zhing gnang bar mdzad du gsol/ zhes gsol ba gdab cing
mdzad du gsol zhes pa'i dus su tshogs pa thams

kyis kyang de skad brjod cing me tog dor bar bya'o/ /kha cig ni
skabs 'dir rten dam tshig par bskyed pa'ang yod do/ /byin gyis
brlab pa ni/ de nas lha rnams kyi spyi bor oM las byung ba'i
zla ba'i dkyil 'khor gyi dbus su oM dkar po mgrin par AH

las byung ba'i padma dmar po 'dab ma brgyad pa'i dbus su AH
dmar po thugs kar hUM las byung ba'i rdo rje sngon po rtse lnga
pa'i lte bar hUM sngon pos mtshan par bsam/ rgyas par spro na/
mig sogs skye mched byin gyis brlab pa'ang rang rang gi

gzhung ltar bya'o/ /de nas ye shes pa spyan drang pa ni/ ma lus
sems can kun gyi mgon gyur cing/ /bdud sde dpung bcas mi bzad
'joms mdzad lha/ /dngos rnams ma lus ji bzhin mkhyen gyur pa'i/
/bcom ldan 'khor bcas ma lus

gshegs su gsol/ /bcom ldan bskal pa grangs med du ma ru/ /'gro
la brtse phyir thugs rjes rnam sbyangs shing/ /smon lam rgya
chen dgongs pa yongs rdzogs pa/ /khyed bzhed 'gro don mdzad dus
'dir lags na/ /de phyir chos dbyings pho

@016b brang lhun grub nas/ /rdzu 'phrul byin rlabs sna tshogs
ston mdzed cing/ /mtha' yas sems can tshogs rnams bsgral bya'i
phyir/ /yongs dag 'khor dang bcas te gshegs su gsol/ /chos rnams
kun gyi dbang phyug gtso/ /btso ma gser gyi mdog 'dra zhing/ /

nyi ma las lhag gzi brjid che/ /dad pas spyan ni drang bar bgyi/
/zhi zhing thugs rje che ldan pa/ /dul zhing bsam gtan sa la
bzhugs/ /chos dang ye shes chags bral ba/ /kun tu mi bzad nus
par ldan/ /tshur spyon tshur spyon gzhi bdag lha/ /thub pa'i skyes

mchog thams cad mkhyen/ /shin tu legs byas gzugs brnyan ni/
/mchod pas 'dir ni gshegs su gsol/ /'dir ni gzugs dang lhan cig
tu/ /'gro ba'i don phyir bzhugs nas kyang/ /nad med tshe dang
dbang phyug dang/ /mchog rnams legs par stsal du

gsol zhes brjod cing/ rang gi thugs ka'i sa bon las 'od zer
'phros pas rab tu gnas bya'i rten rnams kyi ye shes pa dang/
sangs rgyas dang byang chub sems dpa' 'khor dang bcas pa mdun
gyi nam mkhar spyan drangs te bzhugs par bsams la/

bcom ldan thugs rjes byon pa legs/ /bdag cag bsod nams skal bar
ldan/ /bdag gi mchod yon bzhes nas kyang/ /thugs rjes dgongs
shing gnang bar mdzod/ /oM badzra ga ga na sa ma ye hUM/ zhes
brjod cing mchod yon dbul/ ji ltar bltams

pa tsam gyis ni zhes sogs kyis khrus gsol zhing/ bdag dang 'gro
la thugs brtse'i phyir/ /nyid kyi rdzu 'phrul mthu yis ni/ /ji
srid mchod pa bdag bgyid na/ /de srid bcom ldan bzhugs su gsol/
/padma tsandra A sa na tiShTha nU/ zhes pas gdan

@017a @#/ /dbul/ de nas thal mo sbyar nas/ bde bar gshegs so bcom
ldan 'das/ /tshur gshegs 'dir ni bzhugs su gsol/ /bdag gi mchod
yon bzhes nas ni/ /bdag kyang blo dang ldan par mdzod/ /ces gsol
ba btab la/

mchod pa ni/ oM sarba ta thA ga ta arg+haM pU dza me g+ha sa mu
dra spha ra Na sa ma ya shri ye AH hUM zhes mchod yon dang/
de bzhin du zhabs bsil dang/ me tog nas rol mo'i bar rnams kyang
so so'i sngags kyis dbul lo/ /gsol ba gdab pa ni/ de

nas/ sta gon gyi skabs su bstan pa bzhin du thugs rje yis ni
bdag can bdag /ces pa nas byin gyis brlab par mdzad par 'os/
zhes pa'i bar gyi don dran bzhin pas lan gsum gsol ba gdab/
khyad par sang ni zhes pa gnyis ni/ da

ni zhes pa'am da lta zhes par bsgyur ro/ /dam tshig pa la gzhug
pa ni/ dzaH hUM baM hoH zhes brjod cing ye shes pa rnams dam
tshig pa so so la dbyer med par gzhug go /dbang lha spyan drang
ba sogs ni/ de nas dbang bskur ba'i bya ba rnams

dkyil 'khor gyi gtso bos mdzad de dbang bskur bar bsam zhing
dngos su rang gis byas la dbang rnams kyi mtha' rten spangs la
nang dbang dang bcas pa'i slob ma'i dbang rnams dang/ slob dpon
gyi dbang dang/ dbang gong ma gsum dang bcas

pa'i dngos gzhi'i dbang rnams slob ma la bskur ba bzhin rang
rang gi dkyil chog bzhin bskur bar bya'o/ /gsum pa mjug gi sdoms
ni/ mchod bstod gos rgyan me long bstan/ /sbyin sreg dbul zhing
spyan dbye sogs/ /zhal bsil mchod

@017b yon so rtsi dbul/ /dam bsgrag gzugs bsgyur mnga' dbul bya/
/shis brjod brtan bzhugs bstod dang sbyor/ /bzod gsol chos
skyong yon bdag bsgo/ /yon dbul 'jug gi cho ga'o/ /mchod pa ni/
de nas mchod pa bsang sbyang sogs sngon du btang

nas/ lha yi mchod yon dam pa yis/ /dkyil 'khor mchod pa bgyid
par 'tshal/ /thugs ni brtse bas nyer dgongs te/ /mgon pos mchod
pa 'di bzhes shig /ces pa rang gi sngags dang bcas pas mchod yon
dang/ de bzhin du zhabs bsil

zhal bsil bsang gtor dang nyer spyod lnga rol mo dang bcas pa
rnams kyang so so'i sngags dang bcas pas dbul bar bya'o/ /bstod
pa ni/ mi bskyod rdo rje ye shes che/ /rdo rje dbyings ni mkhas
pa che/ /rdo rje gsum mchog dkyil 'khor gsum/ /gsang

ba'i dbyangs la phyag 'tshal lo/ /rnam par snang mdzad dag pa
che/ /rdo rje zhi ba dga' ba che/ /rang bzhin 'od gsal mchog gi
mchog/ ston pa rdo rje phyag 'tshal lo/ /rin chen rgyal po rab tu
zab/ /rdo rje nam mkha' dri ma med/ /rang bzhin dag pa gos pa
med/ /

rdo rje sku la phyag 'tshal lo/ /rdo rje dpag med rgyal po che/
/mi rtog nam mkha' rdo rje 'dzin/ /'dod chags pha rol phyin pa
brnyes/ /rdo rje gsung la phyag 'tshal lo/ /don yod rdo rje
rdzogs sangs rgyas/ /bsam pa thams cad rdzogs mdzad pa/ /dag pa
ngo bo nyid

las byung/ /rdo rje sems dpa' phyag 'tshal lo/ /zhes pas bstod/
gos ni/ de nas/ srab 'jam yang pa lha yi gos/ /mi phyed rdo
rje'i sku brnyes la/ /mi phyed dad pas dbul bar bgyi/ /bdag
kyang rdo rje'i sku thob shog /oM badzra wa stra ye AH hUM

@018a @#/ /swA hA/ zhes na bza' dang/ rgyan ni/ rgyal ba mtshan
dpe'i zhes sogs kyis rgyan dbul lo/ /me long ni/ de nas/ chos
rnams gzugs brnyan lta bu ste/ /gsal zhing dag la rnyog pa med/
/bzung du med cing brjod du med/ /

rgyu dang las las yang dag 'byung/ /oM badzra satwa AH zhes
a las skyes pa'i me long bstan no/ /sbyin sreg dbul ba ni/ de
nas rgyas pa'i sbyin sreg gi tshogs/ rab tu gnas bya'i lha rnams
thab tu spyan drangs la/ mngar gsum gyis

bskus 'bru yis gtso byas pa'i sreg blugs brgya rtsa brgyad dbul
ba sogs bya/ rjes su bdag dang slob ma'i zhi rgyas 'phel ba'i
phyir du du rba dang 'bras kyi sbyin sreg bya/ rdzogs pa'i mthar
yon bdag sreg blugs dbul du gzhug go /spyan dbye

sogs ni/ de nas gser gyi thur ma drug gam gcig las mi chung ba
dngul gyi kong bur bzhag pa'i mar dang sbrang rtsi thur ma'i
rtse mos blangs te/ lugs ma la sogs pa'i spyan dang/ gzhan rnams
me long la lha'i gzugs brnyan bsgoms

pa'i spyan la byug cing/ ji ltar mig mkhan rgyal po yis/ /'jig
rten rab rib bsal ba ltar/ /rgyal ba rnams kyis khyod kyi ni/
/mi shes pa yi rab rib bsal/ /oM tsak+Shu tsak+Shu sa manta
bzak+Shu bi sho d+ha ne swA hA/ kun mkhyen ye shes spyan ldan

skyon bral yang/ /gus pas 'phags pa'i spyan ni dbye bgyis pas/
/nam mkha'i mthas gtugs gyur pa'i sems can rnams/ /sangs rgyas
ye shes spyan ni thob par shog /ces brjod cing/ spyan dbye ba'i
tshul byas pas zhi ba la sogs

@018b pa'i 'phrin las grub pa'i don du yon bdag la sogs pa la
gzigs pa lhur mdzad par bsam mo/ /de nas sbyin sreg gi me la
manyji'i steng du gnas pa'i snod dkar po'am/ ser pos byugs pa la
me tog gis brgyan pa'i nang du dgang blugs sam

shing pispa la'i 'dab mas 'bras ma bgrus pa dang sbrang rtsi
dang ka ra dang bsres pa'i 'o ma blug la/ oM badzra satwa hUM
zhes 'gying pa dang bcas pas bzlas shing 'o thug bsgrub bo/ /gal
te sbyin sreg gi me med na me gzhan la de ltar bsgrubs

nas dbul/ de ma grub na snod bzang por lha bshos chen po rgyan
thams cad kyis brgyan pa'i mtha' bza' btung bzang po rung ba
mang pos bskor ba byin gyis brlabs te/ gzugs sgra dri ro reg
ldan pa'i/ /mchog tu gyur pa'i zas mchog 'di/ /bdag

gis dad pas 'bul bar bgyi/ /ci bde bar ni bzhes su gsol/ /oM di
bya agne sa mA d+hi d+hya na praNa ye swA hA/ zhal zas ro
brgya ldan pa'i yid 'phrog pa/ /legs sbyar 'di ni rgyal ba sras
bcas la/ /dad pas phul bas 'gro ba 'di dag kun/ /

'byor ldan ting 'dzin zas la spyod par shog /rgyal bas bdud
bcoms byang chub sangs rgyas te/ /rgyal ba'i sku la bkres skoms
mi mnga' yang/ /bdag cag bsod nams zhing du 'gyur slad du/
/bshos dang zhal zas sbyar ba 'di phul bas/ /

dus gsum dge ba'i lo tog 'phel rgyas nas/ /bde ba can du padma
las skyes te/ /ting 'dzin chos dang zas la longs spyod shog /ces
smon lam dang bcas pas dbul lo/ /zhal bsil sogs dbul ba ni/ de
nas zhal bsil dang/

@019a @#/ /mchod yon sngar bshad pa'i sngags kyis phul la/ oM
badzra taM bu la swAhA/ zhes so rtsi dbul lo/ /dam bsgrag ni/
de nas oM hUM trAM hrIH AH zhes pas dam tshig bsgrag par
bya'o/ /gzugs bsgyur ni/ de nas lha rang

rang gi sngags brjod cing rdo rje dang bcas pa'i lag pa g.yas
pas gnas gsum du reg pas/ lha'i gzugs de yongs su gyur pa las
lugs ma dang bris sku la sogs pa gang yin de'i rnam par gyur par
bsam mo/ /gtsug lag khang

la sogs par ni rnam snang rig ma dang bcas pa zhun nas thim pa
gtsug lag khang la sogs pa dang/ mchod rten ni rnam snang yab
yum 'od du zhu nas thim pa mchod rten gyi gzugs 'khor ba ji srid
du 'gro ba'i don bya ba'i phyir/ rdo rje sems

dpa' la sogs pas byin gyis brlabs par bsam/ po ti ni snang ba
mtha' yas yab yum 'od du zhu nas thim pa yi ge'i gzugs su gyur
par bsam mo/ /kha cig po ti ni 'od dpag med zhu ba las byung ba
po ti'i rnam par gyur/ de'i mtshan dang

dpe byed rnams dbyangs dang gsal byed kyi yi ger gyur de sheg bu
re re la gnas par bsam zhes gsung ngo/ /mnga' dbul la spyi dang
bye brag gi mnga' dbul gnyis las/ dang po'i sdoms ni/ chu bzhi
nyer spyod 'dod yon lnga/ /nang mchod dbul

zhing bstod pa bya/ /dkyil 'khor rtags brgyad khrus gos rgyan/
/'dod yon rin chen bdun dang bcud/ /gdugs sogs 'bru dang rin
chen lnga/ /sman dang bkra shis spyi yi'o/ /dang po mchod bstod
rgyas pa'i mnga' dbul ni/ rab 'byams rgya mtsho

@019b dpag med na/ /mchod yon ji snyed yod pa dang/ /bdag gis
gus pas bshams pa 'di/ /ji snyed rgyal ba sras dang bcas/ /de
snyed rnams la bdag 'bul na/ thugs rje mnga' ba khyed rnams
kyis/ /ci bde bar ni bzhes nas kyang/ /sems can don kun

mdzad du gsol/ /zhes pa dang mchod yon gyi sngags kyis mchod yon
dbul lo/ /de bzhin du zhabs bsil dang/ zhal bsil dang bsang gtor
dang nyer spyod rol mo dang bcas pa rnams kyang so so'i sngags
dang bcas pas dbul lo/ /'dod yon ni/

de nas/ kha dog dbyibs legs yid 'ong rgyan 'phreng ldan/ /phyogs
dus kun na gzugs mchog ci mchis pa/ /mos blos dkyil 'khor lha la
bdag 'bul na/ /bzhes shing bla med grub mchog stsal du gsol/
/oM sarba ta thA ga ta rU pa pU dza me g+ha

sa mu dra spha ra Na sa ma ya shri ye AH hUM gis gzugs dang
de bzhin du sbyar te/ phyogs dus kun na zin dang ma zin pa'i/
/yon tan tshig brjod sgra snyan yid 'ong ldan/ /mos blos X bzhes
shing X shapta X zhes sgra dang/ phyogs dus kun na

tsan dan sbrul snying dang/ /a kar la sogs dbang po tshim byed
rnams/ /mos zlos X bzhes shing X gand+he X zhes dri dang/ phyogs
dus kun na ro dang bcud ldan pa'i/ /lus sems rtas byed ro mchog
ci mchis pa/ /mos blos X bzhes

shing X ra sa zhes ro dang/ phyogs dus kun na 'jam mnyen 'khril
chags pa'i/ /reg bya'i khyad par lus sems tshim byed pa/ /mos
blos X bzhes shing X sparsha zhes reg bya dbul lo/ /de nas nang
mchod byin gyis brlabs te/ bla med kyi lha

@020a @#/ /rnams la rang rang gi sngags sam/ snying po'i mthar
oM AH hUM btags la dbul lo/ /bstod pa ni/ bla ma'i sku 'dra
yin na bla ma'i bstod pa bya/ lha ngo shes pa rnams la rang rang
gi sgos bstod dang/ chos la sher phyin

gye mtshan brgya rtsas bstod pa'am sher phyin sbyor bzhi'i lha la
bstod pa bya/ mchod rten la slob dpon klu sgrub kyi mchod rten
brgyad kyi bstod pa'am/ mkhan po bo d+hi satwas mdzad pa'i rang
'byung dpa' bo sogs kyi bstod pa bya'o/ /de tsam mi

shes pa'am mi khom na/ mnyam med mi g.yo mnyam med mchog gi
chos nyid can/ /thugs rje'i bdag nyid 'gro ba'i sdug bsngal sel
bar mdzad/ /yon tan mtha' yas dngos grub thams cad sbyin mdzad
pa/ /dri med mi g.yo mnyam med

dam pa'i mchog chos can/ /yon tan shin tu phra ba'i cha la'ang
tshad med de/ /dpe ni nam mkha' dang ni bsgrun du yod ma yin/
/dngos grub mtha' yas mnyam med dpe dang bral ba rnams/ /sems
can khams la dngos grub mchog rnams nges

par stsol/ /rtag tu dri ma med pa thugs rje'i shugs las byung/
/smon lam grub pa 'gag pa med pa'i chos nyid can/ /'gro ba'i don
grub rab tu brtson pa mtha' yas pa/ /thugs rje chen po'i bdag
nyid rtag tu rnam par snang/ /tshad med tshad dang

bral ba shin tu rdzogs pa yi/ /bde bar gshegs pa'i go 'phang dam
pa brnyes gyur kyang/ /khams gsum rnams la dngos grub mchog
stsol mdzad pa yi/ /thugs rje'i spyod pa mi g.yo 'gag par yongs
mi 'gyur/ /e ma'o shin tu bzang

@020b po'i chos nyid mchog dang ldan/ /mchog sbyin rnams kyi
nang na go 'phang mchog brnyes pa/ /khams gsum kun la rtag tu
dngos grub mchog stsol mdzad/ /mgon po dus gsum sgrib pa med par
rab mkhyen pas/ /dam tshig mchog gsum dngos grub dam

pa bdag la stsol/ /'di de sangs rgyas thams cad kyi/ /yang dag
yon tan rgyas pa ste/ /lan cig tsam zhig brjod pas kyang/ /gsang
sngags thams cad 'grub par 'gyur/ /zhes pas bstod do/ /dkyil
'khor ni/ de nas gling bzhi ri rab dang bcas pa dbul

ba la de thig la sogs pas bri tshul ni/ gru bzhi cha mnyam par
byas la/ de'i phyogs re re la cha lnga lnga ste bcu par bya/
dbus kyi cha gnyis la padma bya/ phyi rol gyi zur la kun nas
bskor ba la lcags ri bya/ phyogs bzhi la byang chub chen po'i
mchod

rten gyi bang rim ltar nang du je chung je chung byas pa zur
thig gis bcad pa'i gru bzhi pa bzhir byas pa'i thig dbyi/ rdul
tshon gyis dbus su padma 'dab brgyad 'dri/ phyogs bzhir ri rab
bang rim bzhi pa shar dkar/ lho sngo/ nub dmar/ byang ser po/
zur

bzhi ni mar la sngon po gru bzhi'i phreng ba bya'o/ /de'i phyi
rol tu gling bzhi gling phran brgyad/ shar zla gam/ lho sog kha/
nub zlum po/ byang gru bzhi/ de'i g.yas g.yon du/ shar du dpal
be'u dang 'khor lo/ lhor padma dang rgyal mtshan/ nub tu gdugs
dang

bum pa/ byang du dud dang nya 'dri'o/ /de'i phyi rol tu lcags
ris kun nas bskor bar bya'o/ /de nas/ sa gzhi spos kyis byugs
shing me tog bkram/ /ri rab gling bzhis legs par brgyan pa 'di/
/sangs rgyas zhing du dmigs te phul ba yis/ /'gro kun

@021a @#/ /rnam dag zhing la spyod bar shog /oM badzra re khe
AH hUM swA hA/ zhes gling bzhi ri rab dang bcas pa'i ri mo
dbul lo/ /rtags brgyad ni/ ji ltar sngon gyi bde gshegs la/
/bkra shis dpal be'u g.yung drung 'khyil/ /dge ba'i don du

mnga' ba ltar/ /bdag gis dpal be'u dbul bar bgyi/ /ji ltar sngon
gyi sangs rgyas la/ /chos kyi 'khor lo bskor slad du/ /tshangs
pas 'khor lo phul pa ltar/ /de bzhin bdag gis dbul bar bgyi/ /ji
ltar sngon gyi sangs rgyas la/ /nyon mongs

bdud las rgyal ba yi/ /chos kyi rgyal mtshan phul ba ltar/ /de
bzhin bdag gis dbul bar bgyi/ /ji ltar sngon gyi sangs rgyas la/
/gdugs dkar gser gyi yu ba can/ /phul ba de bzhin bdag dbul gyi/
/ci bder bar ni bzhes su gsol/ /

ji ltar sngon gyi sangs rgyas la/ /'khor ba'i skyon gyis ma gos
pa'i/ /dri med padma phul ba ltar/ /de bzhin bdag gis dbul bar
bgyi/ /ji ltar sngon gyi sangs rgyas la/ /re ba thams cad rdzogs
mdzad pa'i/ /bum pa bzang po phul ba ltar/ /de bzhin

bdag gis dbul bar bgyi/ /ji ltar sngon gyi sangs rgyas la/ /lha
yi dbang po brgya byin gyis/ /'bud dung g.yas 'khyil phul ba
ltar/ /de bzhin bdag gis dbul bar bgyi/ /ji ltar sngon gyi sangs
rgyas la/ /na bza' gser gyi nya ris can/ /phul

ba de bzhin bdag dbul gyi/ /ci bde bar ni bzhes su gsol/ /zhes
bkra shis rtags brgyad dbul/ khrus ni de nas/ de bzhin gshegs pa
rnams dang de sras la/ /rin chen bum pa mang po spos kyi chus/
/yid 'ong legs par gang ba glu dang ni/ /

@021b rol mor bcas pa du mas sku khrus gsol/ /oM sarba ta thA
ga ta a b+hi She ka ta sa ma ya shri ye hUM zhes khrus gsol/
gos ni/ srab 'jam yang ba lha yi gos/ /zhes sogs kyis mchod rten
dang glegs bam la sna tshogs pa'i gos dang/ sangs

rgyas longs sku dang byang chub sems dpa' khyim pa'i cha lugs
can rnams la na bza' mdzes pa dbul/ de nas/ dri med mtshan la
sgrib bsal mi mnga' yang/ /dad pas ngur smrig rgyal mtshan phul
ba yis/ /nam mkha'i mtha' dang mnyam pa'i 'gro ba

rnams/ /sangs rgyas brtul zhugs mchog la spyod par shog /oM
badzra wa sta ye AH hUM swA hA/ zhes pas sangs rgyas sprul
sku dang/ byang sems dang nyan thos rab byung gi cha lugs can
rnams la chos gos ngur smrig dbul/ rgyan ni de nas/ rgyal

ba mtshan dpe'i rang bzhin rgyan ldan phyir/ /zhes sogs kyis
rgyan dbul/ 'dod yon ni/ de nas/ rgyal ba zag med 'byor la mnga'
sgyur yang/ /'gro ba'i don du 'dod yon rnam lnga yi/ /mchod pa
phul bas mkha' mnyam sems can gyis/ /bsod

nams mi zad gter la spyod par shog /oM badzra sa manta b+ha dra
pU dza me g+ha AH hUM swA hA zhes 'dod yon lnga dbul/ rin
chen ni/ de nas/ mi dbang rin chen sna bdun 'di dag ni/ /sangs
rgyas sras dang bcas pa ma lus la/ /bshams shing yid

kyis sprul te phul ba yis/ /'gro ba mi zad gter la spyod par
shog /oM sabta mahA ratna pU dza me g+ha AH hUM swA hA/
zhes rin chen sna bdun dbul lo/ /bcud dbul ba ni/ rgyal ba mgon
po dpal gyi lham mer bzhugs/ /bsod nams ye shes

@022a @#/ /sku mnga' brnyes pa la/ /lnga phrag lnga ldan snying
po dam pa 'bul/ /'gro bas bde gshegs snying po thob par shog
/oM badzra panytsa panytsa bi ma la pU je me g+ha AH hUM
swA hA/ zhes sman lnga 'bru lnga rin po che lnga/ dri lnga
snying po lnga la sogs

pa snod mdzes pa gcig gam lnga'i nang du blug la dbul/ gdugs
sogs ni/ brtse ba'i khor yug snyan pa'i ba dan can/ /ting 'dzin
bla bre spobs pa'i 'od gsal ba/ /mchog rkyen 'os pa'i nyer mkho
'di dag 'bul/ /skye bos rnam dag ye shes

thob par shog /oM badzra mahA pU dza me g+ha AH hUM swA
hA/ zhes gdugs dang ba dan bla bre rol mo dang bcas pa 'bul/
'bru dbul ba ni/ de nas/ bde gshegs rnams la 'bru phul bas/
/bdag dang 'gro ba thams cad kyi/ /zas kyi 'byor ba ldan pa

dang/ /dge ba'i lo tog rgyas gyur cig /ces 'bru sna tshogs pa
dbul/ rin chen dbul ba ni/ rin chen sna lnga phul ba yis/ /bdag
dang 'gro ba thams cad kyi/ /dbul ba'i sdug bsngal zhi ba dang/
/longs spyod phun sum tshogs gyur cig /

ces rin po che sna tshogs pa dbul/ sman dbul ba ni/ bde gshegs
rnams la sman phul bas/ /nyon mongs brgyad khri bzhi stong gi
/nad kyi sdug bsngal byang gyur nas/ /thugs rje'i sman gyis gdul
gyur cig /ces gi wang la

sogs pa'i sman sna tshogs pa snod gcig tu blug ste dbul/ bkra
shis dbul ba ni/ de nas/ bkra shis gang zhig sems can kun gyi
snying la gnas/ /kun gyi bdag nyid rigs kun gyi ni bdag po mchog
/ma lus sems can

@022b skyed byed bde ba chen po ste/ /bkra shis des ni de ring
khyod la bde legs shog /ces bum chus bran pa'i me tog phul te/
bkra shis kyi mnga' dbul bya'o/ /bye brag gi mnga' dbul la/ sku
gzugs dang/ glegs bam dang/ mchod rten la mnga'

dbul ba gsum las/ dang po'i sdoms ni/ spu gri 'dreg spyad so
mangs dang/ /shangs dbye tshems shing snyan zhal dbye/ /spu gri
dbul ba ni/ ji ltar rang byung mchod rten du/ /rgyal bas khyim
pa'i rtags spangs ltar/ /'gro ba sems can don gyi

phyir/ /khyim pa'i rtags rnams spang bar bya/ /rgyal ba'i dbu
skra mthon mthing skyon bral yang/ /gzhan don bsgrub phyir khyim
pa'i rtags spang phyir/ /dad pas gser gyi 'dreg spyad phul ba
yis/ /'gro kun sdug bsngal kun las grol bar shog /oM

badzra ka tsa mu la AH hUM swA hA/ zhes brjod cing rab tu
byung ba'i cha lugs can rnams la gser gyi spu gris dbu skra dang
zhal spu 'dreg pa'i tshul bya'o/ /'dreg spyad ni/ bde bar gshegs
pa'i dpe byad la/ /skyon gyi nyes pa mi mnga' yang/ /'gro ba

sems can don gyi phyir/ /rin chen 'dreg spyad dbul bar bgyi/
/zangs mdog ltar mdzes yid 'ong skyon bral yang/ /bdag cag dad
pas phyag dang zhabs rnams kyi/ /sen mo'i 'dreg spyad phul bas
'gro kun gyis/ /sangs rgyas mtshan dpe bzang

po thob par shog /oM badzra na ga tshe da dza na AH hUM swA
hA/ zhes yang 'dreg spyad kyis thun mong du sen mo 'dreg pa'i
tshul bya'o/ /so mangs ni/ rgyal ba'i dbu skra lcang lo la/ /dus
gsum dri mas ma gos te/ /bkur sti dung gi so mangs kyis/ /

@023a @#/ /rgyal ba'i dbu skra shad par bya/ /dbu skra rin chen
lcang lo ma 'khrugs shing/ /mdzes shing blta bas mi ngoms skyon
bral yang/ /bdag blo sbyang phyir rkyen dang 'tsham pa 'di/ /phul
bas 'gro kun dug gsum bral par shog /oM

badzra pA la sho d+ha ya AH hUM swA hA/ zhes sangs rgyas
longs sku dang byang sems khyim pa'i cha lugs can rnams la gser
gyi so mangs kyis dbu skra shad pa'i tshul bya'o/ /shangs dbye
ni/ zag bcas phung po dri spangs pa/ /'gro ba sems can don gyi

phyir/ /rnam par dag pa'i dri bskyed ltar/ /rgyal ba'i shangs ni
dbye bar bya/ /dri 'dzin rnam dag tshul khrims legs 'khrungs pa/
/dge ba bsgrub phyir skyon las nges grol yang/ /mos pas 'dzin
dpyad dam pa phul ba yis/ /'gro bas ye shes bla med

thob par shog /oM badzra ro ma d+ha ra AH hUM swA hA/ zhes
gser gyi rmang 'tsher gyis shangs dbye ba'i tshul byas nas rdo
rje'i shangs su bsams nas shangs kyi spu 'thog pa'i tshul bya'o/
/tshems shing ni/ rgyal ba'i tshems dkar bzhi bcu la/ /mi gtsang

rdul gyis ma gos te/ /bkur sti rin chen ljon shing gis/ /rgyal
pa'i tshems ni dbye bar bya/ /dkar la thags bzang bzhi bcu tshang
ba'i tshems/ /brgyad khri bzhi stong chos la mnga' sgyur yang/
/bdag cag dad pas tshems shing 'bul lags kyis/ /'gro

bas sangs rgyas gsung dbyangs thob par shog /oM badzra da nd+ha
sho d+ha ya AH hUM swA hA/ zhes gser dngul las byas pa'i
tshems shing gis tshems phyi zhing 'dru ba'i tshul bya'o/ /snyan
dbye ni/ 'gro rnams chos kyis phongs pa la/ /rgyal bas chos kyi

@023b dung 'bud ltar/ /de bzhin sems can don gyi phyir/ /rgyal
ba'i snyan ni dbye bar bya/ /snyan sring mi mnga' kun tu gsal
bar ldan/ /thub pa'i sgra 'dzin ngo bos dag na yang/ /dag byed
'di ni bdag gis 'bul lags kyi/ /skye bos rtag tu dam chos thos
par shog /oM

badzra karNa sho d+ha ya AH hUM swA hA/ zhes gser dngul las
byas pa'i rna 'brus snyan dbye ba'i tshul bya zhing rdo rje'i
snyan du bsams la sbabs bzhar dbul lo/ /zhal dbye ni/ chos kyi
ro yi dga' ba yis/ /'gro ba thams cad tshim mdzad pa/ /ro mchog
brgya ldan

zhal zas rnams/ /dbul phyir rgyal ba'i zhal dbye'o/ /'od stong
zer gyis phye ba'i padma dang/ /bimpa ltar dmar yid 'ong zhal
gyi sgros/ /legs par phye bas mkha' mnyam sems can gyis/ /thar
pa'i grong khyer sgo mchog phyed par shog /oM badzrod g+ha Ta sa
ma

ya pra be shA ya hUM/ zhes gser dngul las byas pa'i zhal thur
gyis zhal dbye ba'i tshul byas nas rdo rje'i zhal du bsams la/
zhal thur yang dbul lo/ /gnyis pa glegs bam mnga' dbul gyi sdoms
ni/ khri gos glegs shing glegs thag go /

rin chen du ma las grub seng ge'i khri/ /yid 'ong sna tshogs gos
kyis bkab pa 'di/ /spros bral gsung rab mchog la phul ba yis/
/'gro rnams rdo rje'i gdan la bzhugs par shog /oM badzra A sa
na AH hUM swA hA/ zhes bzhugs khri dang/ gos

ni/ sna tshogs dbang po'i gzhu zhes sogs kyis na bza' dang/ glegs
shing ni/ zung 'jug dam chos 'dzin pa kun bral yang/ /thabs dang
shes rab rjes su 'brel gyur ba'i/ /nyi zla lta bu'i rten 'brel
dgab bya ba/ /phul bas skye bos zung 'jug thob par

@024a @#/ /shog /oM badzra pradznyA u pa ya A d+ha ya AH
hUM swA hA/ zhes glegs shing dang/ glegs thag ni/ spros pa du
ma rab tu rgyas gyur kyang/ /ye shes chen por ro gcig gyur pa
ltar/ /glegs bam gcig gyur yo byed mchog phul bas/ /

'gro bas ye shes chen po rtogs par shog /oM badzra pu sta ka
pand+ha AH hUM zhes pas glegs thag dbul bar bya'o/ /gsum pa
mchod rten la mnga' dbul gyi sdoms ni/ srog shing 'khor lo cod
pan 'phan/ /rgyal mtshan gdugs dang phreng ba gdan

srog shing phul bar bsam zhing/ oM badzra A yu She swA hA/
sems can thams cad shes pa bcu dang ldan par gyur cig /bde bar
gshegs pa'i bstan pa dam pa'i chos mi nub cing yun ring du gnas
par gyur cig /sems can lhag pa'i bsam

pa rnam par dag pas kun tu bzang po'i smon lam la 'jug par gyur
cig /sems can shes bcu ldan gyur cig /bstan pa yun ring gnas par
shog /sems can lhag bsam dag pa yis/ /kun bzang smon lam 'jug
par shog /de

nas 'khor lo phul bar bsam zhing/ oM pra marda na ya swA hA/
sems can thams cad de bzhin gshegs pa'i stobs bcu dang/ ma 'dres
pa'i dran pa nye bar bzhag pa gsum thob par gyur cig /rnam par
thar pa brgyad thob par gyur cig /

ye shes lnga dang ldan par gyur cig /khams gsum sems can ma lus
pa/ /stobs dang ma 'dres chos dang ni/ /dran pa nyer gzhag rnam
thar brgyad/ /ye shes lnga sogs ldan 'gyur shog /de nas cod pan
dbul ba ni/ oM pa TM ka lM ba ya swA hA/

@024b sems can thams cad dus thams cad du dar gyi cod pan dang/
lhab lhub la sogs pa mchod pa dang bsnyen bkur gyi rnam pa mang
pos de bzhin gshegs pa 'khor dang bcas pa thams cad dang/ de dag
gi mchod rten dang sku gzugs dang/ gsung rig

la sogs pa dag la mchod pa byed par gyur cig /sems can rnams ni
ma lus pas/ /bde bar gshegs pa'i sku gzugs la/ /dar dang lhab
lhub la sogs pas/ /byang chub bar du mchod par shog /de nas
'phan dbul ba ni/ oM pA tM ke swA hA/

sems can thams cad chos kyi grags pa dang snyan pa bsam gyis mi
khyab pa thob par gyur cig /sems can rnams ni ma lus pa/ /phyogs
bcur snyan pa'i ba dan gyi/ /'tshe ba med cing chos ldan pa'i/
/grags pas rgyas par 'gengs par shog /

de nas chu srin gyi rgyal mtshan dbul ba ni/ oM kumb+hi ra d+hwa
dza ya swA hA/ sems can thams cad 'khor ba mi stongs mi 'dzin
pas bdud bzhi las rgyal zhing chos mi nub pa'i rgyal mtshan du
gyur cig /'khor ba ma stongs bar du ni/ /bdud bzhi dag las rab

rgyal nas/ /ston pa'i bstan pa zab mo dag /mi nub rgyal mtshan
thob par shog /de nas gdugs dbul ba ni/ oM brahma na ye swA
hA/ sems can thams cad bla na med pa'i skyabs dang ldan zhing
chos kyi rgyal po chen por gyur cig /khams gsum

sems can ma lus pa/ /nyon mongs tshad pas gdungs pa la/ /thugs
rje'i byang chub sems kyi gdugs/ /phul bas bde bas tshims 'gyur
shog /de nas me tog gi phreng ba dbul ba ni/ oM ratna ma le trM
zhes pa dang/ na ma stri ya d+hwi a nu ga

@025a @#/ /ta/ pra tiShTha te/ puShNa ga ta be/ ta thA ga tA
ya/ arha te/ sM myaksM budd+hA ya/ ta dya thA/ oM badzra
buShpe AH hUM swA hA/ sems can thams cad mtshan dang dpe
byad dang ldan te/ sku blta bas cho ga mi shes pa phun sum tshogs
pa

thob par gyur cig /'khor ba'i sems can ma lus kun/ /mtshan dang
dpe byad rdzogs thob nas/ /blta bas mi ngoms gzugs kyis ni/
/sems can don rnams rdzogs byed shog /de nas rin po che la sogs
pa'i gdan dbul ba ni/ oM pu

na d+ha ri dza ye swA hA/ sems can thams cad gdan gyi khyad par
stobs bcu dang ldan pa glang po cha'i gdan dang/ mi 'jigs pa
bzhi dang ldan pa seng ge'i gdan dang/ rdzu 'phrul gyi rkang pa
bzhi dang ldan pa rta'i gdan dang/ dbang bcu dang ldan pa rma

bya'i gdan dang/ thams cad du thogs pa med pa'i stobs kyi shugs
dang ldan pa nam mkha' lding gi gdan dang/ 'gro ba'i re 'dod yid
bzhin du skong ba rin po che'i gdan dang/ chags pa'i skyon thams
cad spangs pa padma'i gdan dang/ rang bzhin

gyis 'od gsal ba nyi zla'i gdan rnams thob par gyur cig /sems
can ma lus sangs rgyas te/ /stobs bcu ldan pa glang po'i gdan/
/mi 'jigs seng ge'i gdan dang ldan/ /rdzu 'phrul rkang pa rta yi
gdan/ /dbang bcu thob pa rma bya'i gdan/ /

thogs med shugs ldan mkha' lding gdan/ /'dod dgu 'byung ba rin
chen gdan/ /skyon gyis ma gos padma'i gdan/ /rang bzhin 'od gsal
nyi zla'i gdan/ /gdan rnams myur du thob par shog /ces pa rnams
mchod rten gyi mnga' dbul

@025b lo/ /shis brjod ni/ de nas rten la me tog gi phreng ba
btags pa'i sna nas/ slob dpon gyi lag pa g.yas pa rdo rje dang
bcas pas bzung/ de'i sna nas gzhan gyis kyang bzung/ thams cad
kyis lag tu me tog bzung la sku gzugs la/ oM su pra tiShTha
badzre

swA hA/ zhes dang/ gtsug lag khang dang mchod rten la/ oM
hUM hrIH b+hruM khM/ badzri b+ha wa dr-i Dha tiShTha b+hruM khM/
zhes pa dang/ po ti la oM su pra tiShTha badzre swA hA zhes
dang/ oM hUM hrIH tr'M/ zhes pa dang/ thams cad la thun mong
du gser dngul lam/ gro ga la

tsan dan dkar po dang/ gur kum gi wang la sogs kyis ye d+har tshar
bdun bris la/ tshar re re zhing lan bdun yan chad ci grub pa
bzlas la/ bum pa'i chus bkrus nas bum par blug /bum pa'i steng
du zla ba la sngags kyi phreng ba 'od dang bcas

pa bsam/ de'i 'od kyis 'jig rten gyi khams kyi bdud rtsi thams
cad bkug nas/ bum pa'i chu de sngags kyi phreng ba zhu ba dang
lhan cig ro gcig tu gyur par bsams la/ lag pas reg nas ye d+har
brgya rtsa la sogs pa bzla/ rab tu gnas bya'i

rten de'i thugs kar zla ba la sngags phreng bsgom/ de'i 'od kyis
sangs rgyas dang byang chub sems dpa' thams cad rab tu gnas
bya'i rten de dang mthun pa'i gzugs su byon nas rten la thim par
bsam/ bum pa'i chu des sngar khrus byas pa'i skabs

ltar khrus bya/ gsol gdab kyi skabs kyi me tog la'ang bran no/
/de nas bum pa'i chu de me tog la bran la/ me tog gi char kun
gyis dbab cing/ 'jig rten 'di dang gzhan yang mtho ris na/ /rin
chen rmad byung rgya chen mchog yod pa/ /des ni rdzogs pa'i

@026a @#/ /sangs rgyas rin chen la/ /cis kyang grangs dang bgrang
dang char mi phod/ /ngo mtshar shin tu rmad byung dpag med des/
/rdzogs pa'i sangs rgyas rin chen 'jig rten mchog /ji ltar nga'i
'di de bzhin bden mchog na/ /bden pa

'dis ni shin tu bde legs shog /zhi 'gog bdud rtsi shin tu gya
nom gang/ /shAkya thub pas mnyam gzhag thugs chud pa/ /chos de
dang ni mtshungs pa yod min te/ /de mngon byas nas phyin chad mya
ngan med/ /ngo mtsharX/ dam pa'i chos kyi rin

chen 'jig rten mchog /ji ltarX/ bden paX/ rgyal bas gang dag
gang zag brgyad gsungs pa/ /de dag rnams ni skyes bu zung bzhi
ste/ /sbyin gnas 'di ? dag sa steng shin tu dkon/ /de dag rnams
la sbyin na dpag med 'gyur/ /ngo mtsharX

dge 'dun rin chen gang zhig 'jig rten mchog /ji ltarX/ bden paX/
dam pa'i gtso bo mchog sbyin gya nom pa/ /'od mchog dpa' bo dam
pa mchog gi gnas/ /shes rab dam pa mchog gi dam pa mchog /mchog
min mchog mkhyen

'di ni bcom ldan gcig /ngo mtsharX/ rdzogs pa'i sangs rgyas rin
chen 'jig rten mchog /ji ltarX/ bden paX/ ting 'dzin dam pa bar
chad med pa gang/ /mtha' yas bla med bde bar gshegs gsung ba/
/ting 'dzin de brtan rdo rje

dper byas pa/ /ting 'dzin de dang mtshungs pa'i ting 'dzin med/
/ngo mtsharX/ ting nge 'dzin gyi rin chen 'jig rten mchog /XX/ ji
ltar sgo gtan dam zhing rab dam ste/ /stobs chen rlung bzhi dag
gis mi bskyod pa/ /de ltar mkhas pa bden

@026b bzhi mthong gnas pa/ /'jig rten smra ba rnams kyis 'dir mi
g.yo/ /X/ dge 'dun rin chen XXX thams cad zil gnon kun mkhyen
thams cad gzigs/ /thams cad mkhyen pa stobs rnams kun dang ldan/
/kun gyi dam pa 'dzin pa kun dang bral/ /bsam

pa kun mkhyen 'di ni bcom ldan gcigX/ rdzogs pa'i XXX srid pa
'gog cing mi g.yo 'gyur ba med/ /skyon med 'jigs pa kun las
rnam par grol/ /shin tu 'gog cing gya nom nges par 'byung/ /shin
tu dri med zhi ba'i blos mi 'phrogX/ dam pa'i chosX

XX/ shin tu sdug bsngal ston cing bde sbyin pa/ /bden rnams
mthong zhing gang rnams bag yod pa/ /bden pa rin chen rnams la
dogs bral ba/ /de dag skye ba brgyad pa phyis mi len/ X/ dge
'dun rin chen XXX dam pa rnams kyis dam pa don dam mkhyen/

mchog dang mchog min mkhyen cing don dam brtson/ /gzhan gyis
mi
'phrog dam pa thugs chud rtogs/ /shin tu sdug bsngal rnams kyi
dpung gnyen mchog /X/ rdzogs pa'i XXX 'dun pa bskyed nas rnal
'byor ldan gyur cing/ /go tam bstan la rtag

brtson rab grol zhing/ /gzhan gyis mi brdzi ba dag zhi der reg
/'di la de reg grangs su phyin mi 'gyur/ X/ dam chos XXX bden pa
mthong bas brjed pas brgya lam na/ /gal te sdig pa 'ga' zhig
byas gyur kyang/ /de ni de 'chab ba yi 'os min te/ /

chos nyid 'di ni mi g.yo gnas phyir ro/ X/ dge 'dun XXX lha
dang bcas pa'i 'jig rten thams cad na/ /sangs rgyas dang ni lhag
pa'am mtshungs pa med/ /lha dang mi yi ston pa bla na med/ /ston
pa ded dpon sman pa rnams kyi mchog /X/ rdzogs pa'i

@027a @#/ /XXX sa ga'i zla ba dang por thub pa yis/ /nags khrod
chos kyi dam par rab brnyes pa/ /chos de dang ni mtshungs pa'am
lhag pa med/ /'di la de reg grangs su phyin mi 'gyur/ X/ dam
pa'i chos XXX sdig pa rnying zad gsar du byas

med la/ /rims nad med pas 'jigs med mya ngan bral/ /rtsa ba
'gags pas srid pa mi bskyed pa/ /bstan pa mar me bzhin du 'bar
bar 'gyur/ X/ dge 'dun XXX zhes dang gzhan yang bkra shis mang
du brjod cing glu dang rol mo la sogs pa

dpag tu med pa bya'o/ /de nas brtan bzhugs bya ba ni/ sku gzugs
la sogs pa rnams sku gzugs kyi sum 'gyur gyi cha'i tshad kyi khri
rgyab kyi steng du ma bub cing/ ya yo med par spyan drang por
gzigs pa'i tshul gyis mdzes par dgod/ des mtshon

nas bris sku glegs bam sogs kyang rang gnas su spyan drangs la/
oM su pra tiShTha badzre/ zhes brjod me tog la sogs pas mchod
nas/ thal mo sbyar la/ rab gnas mdor bsdus pa'i cho ga'i rgyud
las/ ji ltar sangs rgyas thams cad ni/ /

dga' ldan du ni gnas pa las/ /lha mo sgyu 'phrul lhums bzhugs
ltar/ /de bzhin gzugs brnyan lhan cig tu/ /'di ru mgon po rtag
bzhugs nas/ /byang chub sems ni bskyed pa dang/ /yon gyi bdag
po'i don slad du/ /bdag gis 'byor pa nyid

kyis ni/ /ci 'byor ba yi mchod pa dang/ /me tog la sogs 'di
bzhes shig /bdag dang slob mar bcas rnams la/ /rjes su brtse bar
nyer dgongs nas/ /kun gyis 'di la byin rlob cing/ /'di nyid du
ni bzhugs par rigs/ /zhes dang/

@027b phyogs bcu na bzhugs pa'i sangs rgyas dang byang chub sems
dpa' thams cad bdag la dgongs su gsol/ ji srid nam mkha'i mtha'
dang mnyam pa'i sems can gyi khams rnams mi gnas pa'i mya ngan
las 'das pa'i sa la ma bzhag gi bar de srid du/

mya ngan las mi 'da' bar brtan par bzhugs su gsol/ /bye brag
tu'ang sku gsung thugs kyi rten 'di rnams la sa dang chu dang me
dang rlung gi gnod pas ma zhig gi bar de srid du sems can gyi
don dpag tu med pa mdzad cing brtan par bzhugs su gsol/ zhes

lan gsum brjod/ de nas/ bde gshegs kun bzang mthong ba'i bkra
shis ltar/ /rgyal ba 'khor bcas deng 'dir bkra shis shog /ngan
sdig log pa'i tshogs rnams bcoms gyur nas/ /rgyal sras rig 'dzin
tshogs rnams 'phel dar zhing/ /zhal

mthong tsam gyis bde ba'i mchog brnyes nas/ /nyi ltar zhal dro
zla ltar 'od gsal zhing/ /bdag dang 'gro la zhal dro byin che
nas/ /bskal pa'i mthar thug bar du bzhugs su gsol/ /ji srid me
dang chu dang ni/ /rlung gis bskal pa 'jig par du/ /sems can kun

gyi don gyi phyir/ /bcom ldan khyod ni bzhugs par mdzod/ /ces
brjod de yig brgya lan bdun bzlas la/ gsang 'dus kyi rang ?
bsdus ? las/ mgon po bskal pa ji srid du/ /sna tshogs gzugs ni
bzung nas kyang/ /phyogs bcu'i 'jig rten khams rnams

su/ /des ni 'gro don kun nas mdzod/ /ces gsol ba btab la/ las
thams cad pa zlos shing/ sku gzugs la sogs pa'i stod dang dbus
dang smad kyi cha rnams la lag pa g.yas pas rdo rje steng du
gsor bas lan gsum bskor nas brtan par

@028a @#/ /bya'o/ /bstod pa ni/ de nas sngar bshad pa'i mi bskyod
rdo rje ye shes che/ /zhes pa'am/ yang na/ hUM/ snang stong rdo
rje nam mkha'i dbyings/ /chos dbyings ye shes rdo rje'i sku/
/byang chub mchog gi phyag rgya can/ /phyag 'tshal rnam par snang

mdzad la/ /gzung 'dzin rdo rje brtan pa'i sa/ /me long ye shes
rdo rje'i sku/ /bdud 'dul chen po'i phyag rgya can/ /phyag 'tshal
mi bskyod rdo rje la/ /rin chen rdo rje 'bar ba'i me/ /mnyam
nyid ye shes rdo rje'i sku/ /mchog sbyin chen po'i phyag rgya
can/ /phyag 'tshal

rin chen 'byung ldan la/ /'dod chags rdo rje chos kyi chu /kun
rtog ye shes ngo bo nyid/ /ting 'dzin chen po'i phyag rgya can/
/phyag 'tshal snang ba mtha' yas la/ /phrag dog rdo rje bskyod
pa'i rlung/ /bya sgrub ye shes rdo rje'i sku/ /skyabs sbyin chen
po'i phyag rgya

can/ /phyag 'tshal don yod grub pa la/ /zhes bstod/ sbyang ba ni
de nas lhag chad kyi nyes pa sbyang ba'i phyir/ yi ge brgya pa
lan bdun brjod la/ dkyil 'khor la lan gsum bskor ba sogs rang
rang gi dkyil chog bzhin bya'o/ /bzod gsol ni/

de nas gang yang bdag blo sogs dang/ ma rnyed yongs su nas/ de
kun gtso bos bzod mdzad rigs/ /zhes brjod pas bzod par gsol/
chos skyong bsgo ba ni de nas rang gi chos skyong dang gtsug lag
khang rnying pa yin na/ de'i sgos kyi chos skyong

rnams la gtor ma phul nas mnyes par bya/ phyogs skyong gi gtor
ma dang 'byung po thams cad pa'i gtor ma phul la/ dkyil chog rdo
rje phreng ba las/ me dang sa chu rlung rnams las/ /sku gzugs
yun ring bsrung du gsol/ /yon bdag 'di ni de

@028b sras sogs/ /slob ma rnams dang bdag la yang/ /kun nas zhi
dang rgyas pa dang/ /rtag tu bkra shis mdzad du gsol/ /rab tu
gnas par bya ba'i rten 'di rnams la khyed kyis bsrung ba dang/
skyob pa dang/ mchod pa bsam gyis mi khyab pa rgyun mi chad

par gyis shig /bdag dang yon bdag 'khor dang bcas pa la'ang mi
mthun pa'i phyogs thams cad las bsrung ba dang/ chos dang mthun
pa'i bsam pa thams cad yid bzhin du 'grub par mdzad du gsol/ ces
bsgo'o/ /de nas yon bdag bsgo

pa ni/ sbyin bdag gi mdun du mchod pa tshar gcig bshams la/ rab
gnas kyi cho ga mdor bsdus pa'i rgyud las/ khyed kyis nged la
gang gsol ba'i/ /sku gzugs dag ni khyad par du/ /ji ltar gsungs
pa rab gnas pa/ /de dag don ni ngas byas pas/ /

de rnams don ni grub zin gyis/ /ci bde bar ni mchod par byos/
/zhes pa dang khyod kyis nga la gsol ba btab pa bzhin du rab tu
gnas pa legs par tshar bar byas kyi khyod kyis rten 'di la mchod
pa chen po rgyun ma chad par zhag bdun gyi bar du gyis

shig /de nas kyang ci 'byor pa'i mchod pa rgyun ma chad par gyis
shig /ces bsgo'o/ /de nas mchod rdzas rnams bsangs sbyangs byin
gyis brlabs la/ yon bdag 'bul du gzhug /yon bdag bum chus bsangs
la/ yi dam gyi lhar bsgom ste

bskor ba dang/ me tog gi phreng ba lag tu gtad la phyag byed du
gzhug /slob dpon gyis bkra shis kyi rdzas rnams snod gtsang mar
bsags la/ bsang sbyang sngon du 'gro bas/ rang rang gi ming yig
dang po thig les brgyan pa las byung ba'i grub

@029a @#/ /pa'i bkra shis kyi rdzas su gyur par bsams la/ sngon
bcom ldan 'das shAkya thub pa la gzugs kyi lha mo 'od 'chang
mas me long phyag tu phul te bkra shis pa'i rdzas su byin gyis
brlabs pa bzhin du/ deng 'dir yang

sbyin bdag 'khor dang bcas pa rnams kyang me long gi rdzas la
brten nas bkra shis par gyur cig /ratna shAnti pas mdzad pa'i
rnam 'joms kyi cho ga las/ me long ye shes chen po'i rgya mtsho
yis/ /ye shes rgya mtsho mchog tu ngag gyur

te/ /rnam dag chos la thogs med longs spyod pa'i/ /bkra shis des
kyang sgrib pa dag gyur cig /ces dang/ tshig lhug gi thog mtha'
gnyis sngar bzhin sbyar la/ glang po che nor skyong gis gi wang
phyag tu zhes dang/ gi wang dug gsum

'joms pa nad kyi sman/ /sman mchog chos nyid rab tu rtogs gyur
nas/ /nyon mongs zug rdu med par gyur pa yi/ /bkra shis des
kyang sdug bsngal dag gyur cig /zhing pa'i bu mo legs skyes mas
zho phyag tu phul te zhes dang/ zho ni kun gyi

snying por gyur pa ste/ /snying po rnam dag ye shes mchog rtogs
nas/ /yon tan kun gyi dbyings su gyur pa yi/ /bkra shis des
kyang dug gsum zhi gyur cig /rtswa tshong gi khye'u bkra shis
kyis rtswa dur pa phyag tu phul te zhes dang/ du rbas tshe ni
'phel

bar byed pa ste/ /rdo rje sems dpa'i tshe ni rab bsgrubs nas/
/nyon mongs skye shi rgyun chad gyur pa yi/ /bkra shis des kyang
tshe yang 'phel gyur cig /lha tshangs pas shing tog bilpa phyag tu
phul te zhes dang/ bilba rgyu rkyen 'bras bur bcas pa'i

@029b chos/ /'jig rten 'jig rten 'das pa'i spyod pa kun/ /byang
chub snying po mchog tu gyur ba yi/ /bkra shis des kyang don kun
grub gyur cig /lha'i dbang po brgya byin gyis dung dkar g.yas
su 'khyil ba phyag tu phul te zhes dang/ dung ni chos kyi sgra
rnams

sgrog pa'i tshul/ /ye shes rgya mtsho nyid du dag gyur te/ /chos
rnams ma lus yongs su ston pa yi/ /bkra shis des kyang tshig
dbang thob par shog /bram ze dkar rgyal gyis sman li khri phyag
tu phul te zhes dang/ li khri dmar po dbang gi rang bzhin te/ /

chos rnams ma nor dbang du bsdus nas kyang/ /chos kyi rgyal srid
rab tu brtan gyur pa'i/ /bkra shis des kyang khyed srid brtan
gyur cig /gsang sngags dang rig sngags kyi bdag po dpal phyag na
rdo rjes grub pa'i rdzas yungs kar phyag tu phul te zhes

dang/ yungs kar rdo rje'i rigs te thams cad du/ /bgegs rnams ma
lus 'joms par byed pa yi/ /mthu stobs yon tan phun sum tshogs
gyur pa'i/ /bkra shis des kyang bgegs rnams zhi bar shog /ces
brjod cing/ bkra shis kyi rdzas

rnams rab gnas kyi lha la 'bul ba'i tshul du bya zhing bla ma
dang yon bdag gral la gnas pa rnams kyis kyang bkra shis kyi
rdzas la reg pas bkra shis kyi rdzas de dag gis bkra shis par
'gyur ro/ /de nas dge rtsa byang chub tu bsngos la rang rang

gi dkyil chog bzhin mdun bskyed kyi dkyil 'khor la mchod bstod
byas la/ rdul tshon yin na gshegs gsol dang/ ras bris yin na
brtan bzhugs bya'o/ /de nas dge 'dun la bsnyen bkur/ skye bo la
ston mo sogs bya zhing/ slob dpon

@030a @#/ /sogs la bsnyen bkur byas la sngar gyi tsA ru'i bza'
ba lha la phul ba'i lhag ma dag thams cad la khyab par brim
zhing/ bde gshegs lhag ma 'di dag ni/ /zo zhig sdig pa byang bar
'gyur zhes brjod do/ /de nas dkyil 'khor

mchod pa'i yo byang thams cad bla ma la dbul zhing ci 'byor pa'i
yon gyis mnyes par bya ba ste mjug gi cho ga'o/ /rab gnas rgyas
pa bya ba'i tshul bstan zin to/ /rab gnas 'bring po ji ltar bya
ba'i sdoms ni/ bdag bskyed bum pa lhag gnas

bya/ /khrus stegs rgyan 'dri mnga' dbul 'dri/ /gsol gdab sems
bskyed rten bskyed de/ /stan la rten bzhag chu bzhi dbul/ /gtor
ma yungs chu kham phor lci/ /zan changs ras kyis byabs nas ni/
/nye reg mchod bdug sbyang ba'o/ /snyan gsan

bdud rtsi ba byung chu/ /shing shun 'bru mar skyu ru ra/ /yungs
dri lnga yi phye ma rnams/ /dur sngon ping gyis byugs nas su/
/lha rnams spyan drangs bkra shis glu/ /sngon byas lha yi bum
pa'i chus/ /bkru dbyi dri dang gos rgyan khrus/ /mig dang sku

sogs byin gyis brlab/ /ye shes spyan drangs mchod nas ni/ /gsol
gdab dam tshig pa la gzhug /dbang lha spyan drangs mchod nas ni/
/dbang bskur rigs bdag gis rgyas gdab/ /mchod bstod gos rgyan me
long bstan/ /sbyin sreg

dbul zhing spyan dbye sogs/ /zhal bsil mchod yon so rtsi dbul/
/dam bsgrag gzugs bsgyur mnga' dbul bya/ /mnga' dbul byed pa'i
go rim ni/ /chu bzhe nyer spyod 'dod yon lnga/ /nang mchod dbul
zhing bstod pa bya/ /dkyil 'khor

@030b rtags brgyad khrus gos rgyan/ /'dod yon rin chen bdun dang
bcud/ /gdugs sogs 'bru dang rin chen lnga/ /sman dang bkra shis
spyi yi'o/ /spu gri 'dreg spyad so mangs dang/ shangs dbye tshems
shing snyan zhal dbye/ /khri gos glegs shing glegs thag go /srog
shing 'khor

lo cod pan 'phan/ /rgyal mtshan gdugs dang phreng ba gdan/ /shis
brjod brtan bzhugs bstod dang sbyong/ /bzod gsol chos skyong yon
bdag bsgo/ /yon dbul 'bring gi cho ga'o/ /de ltar cho ga mthun
pa rnams/ /lan cig byas nas nyin gcig kun/ /sbyin bdag

'byor pa dman na bya/ /'byor ldan la ni sngar bshad bzhin/ /kun
byed cho ga rgyas pa'o/ /rab gnas 'bring po'i skabs kyi bkra
shis glu zhes pa ni/ bkra shis des ni de ring khyod la dbang rab
bskur/ /zhas pa rnams bkra shis des ni de ring khyod la bde legs
shog /

ces par bsgyur ro/ /dbang lha spyan drangs mchod nas ni/ /zhes
pa'i dbang lha spyan drang ba ni/ rang gi thugs ka'i sa bon las
'od zer 'phros pas/ gshegs pa dang gshegs ma/ sems dpa' dang
sems ma/ khro bo dang khro mo'i tshogs mdun gyi nam mkhar spyan
drangs

de bzhin gshegs pa rnams kyis dbang bskur ba'i dgongs pa mdzad/
spyan ma la sogs pa'i lha mo rnams kyis bdud rtsis gang ba'i bum
pa dkar pos dbang bskur/ gzugs rdo rje ma la sogs pas bkra shis
brjod/ khro bo rnams phyogs mtshams su 'khod

nas bgegs bskrad bar bsam mo/ /mchod nas ni/ zhes pa/ oM sarba
ta thA ga ta arg+hM pU ja me g+ha sa mu dra spha ra Na sa ma ya
shrI AH hUM gis mchod yon dang/ de bzhin du zhal bsil dang/
nyer spyod lnga rol mo dang bcas pas mchod/ dbang bskur rigs

@031a @#/ /bdag gis rgyas gdab ces pa ni/ ji ltar bltams pa sogs
kyi tshigs bcad dang/ oM sarba ta thA ga ta a b+hi She ka ta sa
ma ya shri ye hUM/ zhes gsung zhing ye shes kyi bdud rtsi'i
chus dbang bskur dri ma thams cad dag chu lhag

ma spyi gtsug tu 'khyil ba las rdo rje 'chang mi bskyod pa rnam
snang rin 'byung 'od dpag med don grub ste rigs drug la mi
bskyod pa'am rdo rje 'chang dang/ spyan ma la sogs rnam snang gi
rigs la rnam snang/ mA ma kI sogs rin 'byung gi rigs la

rin 'byung/ gos dkar mo sogs padma'i rigs la 'od dpag med/ sgrol
ma sogs las kyi rigs rnams la don grub kyis dbu brgyan par bsam
mo/ /sdoms kyi don gzhan rnams ni sngar rab gnas rgyas pa'i
skabs su bshad pa bzhin bya'o/ /

rab gnas bsdus pa'i sdoms ni/ sngon 'gro gtor ma mchod rdzas
rnams/ /bsangs sbyangs bskyed nas byin gyis brlabs/ /bdag bskyed
rten bskyed sbyang ba bya/ /sku sogs byin brlab ye shes drang/
/bskrad gzhug dbang lha spyan drangs te/ /dbang bskur

rigs bdag gis rgyas gdab/ /spyan dbye mchod bstod gzugs bsgyur
bya/ /mnga' dbul shis brjod brtan bzhugs bya/ /slar yang shis pa
brjod pa'o/ /grub na bdag bskyed bsgoms nas bum pa bsgrub/
sbyang ba'i skabs su sbyang ba rgyas pa'am/ ma

grub na sngar ltar gtor ma btang la/ ting le dang tshangs bu
sbrags la rten la bskor nas rdo rje gsor zhing sumb+ha ni brjod/
de'i rjes su drag po'i sngags brjod cing gu gul gyis bdug /yungs
kar gyis brab pa sogs byed de tsam yang ma grub na

@031b las thams cad pa brjod pas bgegs bskrad par bsam mo/
/sbyang ba'i rjes su bkru ba dang phyi ba rgyas bsdus gang rung
byas la/ sku sogs byin gyis brlab bo/ /rigs bdag gis rgyas gdab
pa ni/ lha gang du bskyed kyang mi bskyod pas rgyas

btab pas chog go /zhes pa 'di rgyal ba'i gsung rab mtha' dag la
mi 'jigs pa'i spobs pa brnyes nas/ rgyal ba'i bstan pa rin po
che sgo sna tshogs nas phyogs thams cad du rgyas bar mdzad pa/
chos kyi rje rin po che blo bzang grags pa'i

dpal gyi zhal snga nas kyi gsung bgros ltar/ 'brog ri bo che
dga' ldan rnam par rgyal ba'i gling du/ dka' bzhi 'dzin pa grags
pa rgyal mtshan gyis yi ger bkod pa'o/ /'dis kyang rgyal ba'i
bstan pa rin po che phyogs thams cad du rgyas par

byed nus par gyur cig /mangga lM//