@#/ /bla ma dang yi dam dbyer med du sgrub tshul shin tu zab pa
bzhugs so/ /

@001a @##/ /rje btsun 'jam dbyangs gsung gi mdo rgyud kyi/ /legs
bshad dpal ldan khyod la mngon sum du/ /rtag tu 'doms pa sbas
don rgya mtsho yis/ de nyid rtogs nas sgrub pa lhur mdzad pa/ /

rje btsun bla ma'i zhabs la gus btud nas/ /de yis dgyes bzhin
stsal ba'i bdud rtsi'i rgyun/ /ma god dad pa'i snyim pas legs
bzung nas/ /blo yi bum par bzhag phyar brjed byang bri/ /'dir
bde

legs thams cad kyi rtsa bla ma dang yi dam dbyer med du byas
nas rgyun du gsol ba ji ltar 'debs pa'i tshul dang/ de nyid
dang 'brel ba'i ting nge 'dzin gyi dbang bzhi rgyun du blang
ba'i man ngag thun mong min

pa/ rje btsun thams cad mkhyen pa tsong kha pa chen pos phyag
len ji ltar mdzad kyi zhal shes ni 'di ltar yin zhes gsungs
te/ de la thog mar bla ma'i rnal 'byor sgom tshul ni/ sngon du
rang 'jam dbyangs sam

yi dam gang rung du bsgom pa'i snying gi nang du/ rten brten
pa'i gzhal yas khang bskyed pa ni/ rang gi snying sna tshogs
padma 'dab ma stong dang ldan pa kha gyin du bstan pa'i nang
du/ b+hrUM las rin po che las grub

@002a @#/ /pa'i gzhal yas khang gru bzhi sgo bzhi pa/ rtsig pa
rim pa lnga dang ldan pa rgyan du mas spras pa'i gzhal yas
khang chen po'i phyi rol tu/ dur khrod brgyad/ phyogs skyong
brgyad/  shing brgyad/ zhing skyong brgyad la sogs pa thams
cad kyis bskor ba'i dbus su/ seng ge brgyad kyis bteg pa'i rin
po che'i khri'i steng du/ padma dang nyi ma'i gdan la d+hIH
hrIH dmar po 'od du zhu

ba/ (rgyas par byed na gzhal yas khang bskyed tshul 'jigs byed
dpa' gcig bzhin byed gsung pa rje'i gsung yin no/) las/ rje
btsun 'jam dbyangs dmar po rdo rje dang dril bu 'dzin pa/
dbyangs can ma dmar mo

gri gug dang thod pa 'dzin pa dang mnyam par sbyor ba/ gnyis
ka rus pa dang rin po che'i rgyan du mas brgyan cing/ yab rdo
rje'i skyil krung dang/ yum padma'i skyil krung gis bzhugs pa/
yab yum gnyis kyi

dpral bar oM dkar po/ mgrin par AH dmar po/ thugs kar hUM
sngon po/ de las 'od 'phros/ phyogs bcu na bzhugs pa'i rtsa
ba'i bla ma/ bka' brgyud kyi bla ma/ sgrub brgyud kyi bla ma/
bshad brgyud kyi bla ma/ man ngag brgyud

@002b kyi bla ma/ dbang bskur ba'i bla ma yi dam sangs rgyas
dang byang chub sems dpa'/ dpa' bo dpa' mo/ mkha' 'gro dang
mkha' 'gro ma/ chos skyong bsrung ma'i tshogs dang bcas pa/
mdun gyi nam mkhar spyan drangs la/ oM gu ru A r-ya manydzu
shri sa pa ri wA ra

arg+haM pra tI tstsha hUM swA hA/ zhes sogs chu gnyis dang
nyer spyod rol mo dang bcas pas mchod la/ ji ltar mgon po
khyod kyis ni/ /sngon tshe 'gro la dbang bskur ltar/ /de bzhin
thugs rjes bdag la yang/ /dbang bskur dam pa stsal du gsol/
zhes

gsol ba btab pas de rnams kyis bum pa'i chus bla ma yab yum
gyi spyi bo nas dbang bskur zhing/ ji ltar sngon tshe 'gro
rnams la/ /dbang bskur dam pa mdzad ji bzhin/ /de ring ye shes
bdud rtsi'i chus/ /bu khyod la ni dbang bskur ro/ /oM Ar-ya

manydzu shri sarba ta thA ga ta a b+hi She ka ta sa ma ya
shrI ye hUM/ zhes gsungs shing/ dbang bskur bas chu rgyun
des lus thams cad gang/ dri ma thams cad dag /dbang bzhi thob/
chu lhag ma spyi gtsug tu gnas pa las/ rdo rje rtse lnga pa re
res dbu

brgyan par gyur par bsam/ slar yang thugs ka'i hUM gi 'od zer
gyis bka' brgyud bla ma'i tshogs rnams spyan drangs te bla ma
yab yum gyi spyi bor thim/ yang 'od zer gyis yi dam sangs
rgyas dang byang chub sems dpa' dpa' bo dang dpa' mo

mkha' 'gro dang mkha' 'gro ma thams cad spyan drangs te bla ma
yab yum gyi sku stod la thim/ yang 'od zer gyis chos skyong
bsrung ma'i tshogs rnams spyan drangs te sku smad la thim/ yang
'od zer gyis snod bcud kyi yon tan thams cad/ rgyal

@003a @#/ /srid sna bdun/ bkra shis rtags brgyad/ A li dang
kA li bum pa dang/ thod pa bdud rtsis bkang ba/ nor bu dang
rgyal mtshan dang ral gri dang gri gug la sogs pa phyag mtshan
gyi rnam par bkug nas bla ma yab yum gyi

lus kun la thim par gyur/ ces brjod la/ dang pa dran pa ni/ de
rnams dang gnyis su med pa'i bla ma yab yum gyi nyon mongs pa
lnga ye shes lnga mi dge ba bcu dge ba bcu khams bco brgyad
sangs rgyas kyi chos ma 'dres pa bco brgyad phung po lnga

sku lnga 'byung ba bzhi yum bzhi phyag sor bcu khro bo bcu
zhabs sor bcu khro mo bcu/ sgal tshigs rnams la sems dpa' bcu
drug dang sems ma bcu drug /yan lag bzhi sgom bzhi/ tshigs chen
bcu gnyis la mchod pa'i lha mo bcu gnyis

mchod rdzas du ma thogs nas/ bla ma 'khor bcas la mchod pa
spyi bo rnam par snang mdzad mgrin pa 'od dpag med thugs ka mi
bskyod pa/ mig sa'i snying po/ rna ba phyag na rdo rje/ sna
nam mkha'i snying po/ lce 'jig rten dbang phyug /lus sgrib

pa rnam sel/ yid kun tu bzang po/ A li lugs 'byung dang lugs
ldog /sum cu rtsa gnyis mtshan so gnyis/ kA li lugs 'byung
dang lugs ldog brgyad cu dang byad brgyad cu'i rang bzhin du
gyur/ ces brjod cing don yid la bsam mo/ /de nas

mchod pa 'bul ba ni/ ci 'byor pa'i mchod pa dngos su bshams
pa'am yid kyis sprul te byin gyis brlab pa ni/ hrIH ShDrIH
'aM yi dam gang yan gyi las sngags kyis bsang/ swa b+hA was
stong par sbyangs la/ stong pa'i ngang las AH las

@003b byung ba'i thod pa'i nang du cu las khyung ba'i mchod
rdzas rnams rang bzhin stong pa rnam pa mchod rdzas byed las
dbang po drug gi spyod yul du zag pa med pa'i bde ba khyad par
can ster bar gyur/ oM arg+haM AH hUM/ arg+haM gyi gnas su
pA d-ya dang pu Shpe nas

shapta'i bar dang/ rU pa nas sparasha'i bar sbyar ba brjod la
phyag rgya dang bcas pas byin gyis brlabs te/ oM gu ru
Ar-ya manydzu shrI sarba bu dd+ha bo d+hi satwa sa pa ri wA
ra arg+haM pra tI tstsha hUM swA hA/ zhes sogs cu gnyis nyer
spyod rol mo 'dod yon lnga dang bcas

pas mchod la/ nang mchod byin rlabs byas te 'bul ba ni/ nang
mchod las sngags kyis bsangs/ swa b+hA was sbyangs te yaM las
rlung raM las me AH las mi mga'i sgyed bu gsum gyi steng du
AH las byung ba'i thod pa yangs shing rgya che ba'i nang

du/ sha lnga bdud rtsi lnga yi ge gsum dang bcas par gyur/
rang gi thugs ka nas 'od 'phros pas rlung g.yos me sbar te/
thod pa'i nang gi rdzas rnams zhu ba las/ ye shes kyi bdud
rtsi'i rgya mtsho chen por gyur/ oM AH hUM zhes lan gsum

brjod pas byin gyis brlabs te/ phyogs bcu dus gsum gyi de
bzhin gshegs pa thams cad kyi sku gsung thugs yon tan 'phrin
las thams cad kyi ngo bo rtsa ba'i dpal ldan bla ma dam pa'i
zhal du oM AH hUM/ rgyal ba khyab bdag rdo

rje 'chang chen po'i X rje btsun 'jam pa'i dbyangs kyi X rgyal
sras dpa' bo rdo rje'i X thams cad mkhyen pa tsong kha pa chen
po'i zhal du oM AH hUM/ oM gu ru A r-ya manydzu shrIs
pa ri wA ra oM AH hUM/ zhes pas dbul zhing de nas phyogs

@004a @#/ /skyong la sogs pa la'ang 'bul ba spyi ltar byas te
bstod pa bya ba ni/ gzhon nu'i sku lus 'chang ba po/ /zhes
sogs tshigs bcad gcig gam/ yang na 'dud nyi shus bstod pa'o/
/gzhan yang bstod pa rgyas bsdus

gang rung gis bstod/ de nas maNDal rgyas bsdus gang 'grub phul
te/ rang gi lus longs spyod dus gsum dge ba'i dngos po thams
cad ltos med du phul bar dmigs nas 'dun pa shugs drag pos thal
mo sbyar te gsol ba gdab pa ni/ bla

ma kun 'dus kyi ngo bo dpal ldan bla ma la gsol ba 'debs so/
/yi dam kun 'dus sangs rgyas dang byang chub sems dpa'/ kun
'dus dpa' bo dang dpa' mo/ kun 'dus mkha' 'gro dang chos
skyong/ kun 'dus kyi ngo bo bde legs thams cad

kyi rtsa ba legs tshogs kun 'dus kyi ngo bo/ sa dang lam gyi
bdag nyid/ 'bras bu sku bzhi'i bdag nyid/ byams pa dang snying
rje byang chub kyi sems kyi bdag nyid zab mo'i don rtogs/ thar
pa chen po'i grong khyer/ mtho ris kyi them skas thabs

dang shes rab kyi bdag nyid/ srid zhi'i rgud pa kun sel yon
tan thams cad kyi rtsa ba dpal ldan bla ma la gsol ba 'debs
so/ /zhes sogs kyis gsol ba lan mang du btab la/ bla ma rje
btsun 'jam pa'i dbyangs kyis skye ba dang srid pa thams cad

du bdag gi theg pa chen po'i dge ba'i bshegs gnyen mngon sum
du mdzad nas/ tshe rabs thams cad du rgyal ba rnams kyi dam
pa'i chos ma lus pa rgyal ba'i dgongs pa ji lta ba bzhin du
'dzin nus par byin gyis brlab tu gsol/ /

@004b zhes sogs smon lam gang 'grub btab pa'i mthar/ gang tshe
blta bar 'dod pa'am/ zhes gsungs pa'i smon lam brjod/ thog mar
de ltar bsgoms te gsol ba btab pa de nas bzung ste/ bla ma yab
yum

gzhal yas khang dang bcas pa gshegs gsol mi byed par/ dus dang
rnam pa thams cad du yang yang gsal btab kyan/ skad cig kyang
'bral med du snying nang du bzhugs par sgom pa gal che'o/ /de
phyin chad bla ma'i rnal 'byor sgom tshul ni/

mdun gyi nam mkhar sna tshogs padma 'dab ma stong dang ldan
pa'i steng du/ zhes pa nas gegs med par yang mthong bar shog
/ces pa'i bar mdun du bla ma yab yum bsgoms te mchod bstod
gsol ba btab pa rnams sngar bzhin byas pa'i

mthar rang gi thugs ka'i 'od zer gyis spyan dngos te mdun gyi
bla ma yab yum gzhal yas khang dang bcas pa rang gi snying
nang gi bla ma yab yum gzhal yas khang dang bcas pa la thim
pas mthu stobs dang gzi brjid phun sum tshogs par

gyur par bsam mo/ /de yang rnam pa rje btsun yab yum du sgom
yang ngo bo rtsa ba'i bla ma rang du sgoms nas rab thun drug
'bring thun bzhi tha ma'ang nyin zhag re la lan re ma chag pa
bsgom zhing gsol ba 'debs pa yin te/ de ltar byas pa'i phan

yon ni shin tu gnad che ba mang du yod do/ /de ltar sngon du
bla ma'i rnal 'byor sgom tshul bstan pa de dang sgrel te ting
nge 'dzin gyi dbang bzhi len pa'i gdams pa khyad par can ni/
(/rje rin po che bdag bskyed gtso bar gsang sgrub la mdzad/
mdzad/ rdo rje 'jigs

@005a @#/ /byed la'ang mang du mdzad/ des na gsang 'dus dang
bde mchog la byas kyang chog /bdag gis ni nang sgrub la gtso
bor byas nang sgrub ni gtso cher dgongs la/ gsang sgrub ni bla
med kyi thun mong min pa 'jigs byed la dgongs pas bdag bskyed
nang sgrub

dang/ mdun bskyed gsang sgrub la byas na legs so/) /sngon du
bdag bskyed 'jam dpal nang sgrub la sogs pa gang la byed kyang
'dra ste/ de'i mchod bstod kyi bar rdzogs par byas nas mdun
bskyed bla ma yab yum sngar ltar bskyed nas mchod/

bstod gsol ba btab pa sogs byas nas rang la ma stim pa'i gong
du bzlas pa gang grub byas te dbang len pa yin la/ de'i tshul
ni/ yab kyi thugs kar nyi ma'i gdan la d+hIH yum gyi thugs kar
nyi gdan la hrIH 'i mtha' mar oM a ra pa

tsa na d+hIH hrIH sa bskor bar gyur (bar bsams la/ oM a ra
pa tsa na d+hIH hrIH zhes bsnyen pa gang grub byas pa'i mthar
mchod bstod gang grub byas la maNDal phul te/ dkon mchog gsum
la bdag skyabs mchi/ zhes pa nas/ 'gro la

phan phyir sangs rgyas 'grub par shog /ces pa'i bar lan gsum
bla ma'i rjes zlos byed par bsgom ste brjod pas thun mong gi
sdom pa gzung/ de bzhin du/ sangs rgyas byang chub sems dpa'
kun/ zhes pa nas/ sems can mya ngan 'das

la dgod/ /ces pa'i bar lan gsum gyis rigs lnga'i sdom pa gzung
la/ dbang len pa dang po ni/ bum dbang gi dngos gzhi rdo rje
rjes sangs rgyas la/ /'gro ba skyob pa'i ched du dbang/ / 
rjes sangs rgyas la/ /'gro ba skyob pa'i ched du dbang/ /

@005b yon tan 'byung gnas ji ltar stsal/ /de ltar bdag la'ang
stsal du gsol/ /zhes lan gsum gsol ba btab pas/ bla ma yab yum
rang gi spyi bor byon/ /snyoms par zhugs pa'i dga' ba'i sgras
sangs rgyas dang byang chub sems dpa' thams

cad spyan drangs/ yab kyi zhal nas zhugs/ sku'i dbyibs brgyud/
yum gyi sbyor mtshams nas byang sems kyi bdud rtsi'i rgyun
byung ba rang gi spyi gtsug nas zhugs/ bde ba chen pos lus
thams cad gang bar gyur par bsam/ rang nyid kyis

rdor dril dang bcas pas rig ma la 'khyud pa'i bde ba bskyed pa
rdo rje slob dpon gyi dbang gi ngo bo yin no snyam du bsam mo/
/des bum pa'i dbang thob lus kyi dri ma srog gcod sogs gsum
dag lus tha mal du 'dzin pa'i dri ma 'khrud pas sku rdo rje

sbyong/ lam bskyed rim yan lag dang bcas pa bsgom pa la dbang
par byas/ 'bras bu sprul pa'i sku 'grub pa'i nus pa khyad par
can bzhag /ces brjod kyin don yid la bya'o/ /de nas gsang
dbang gi don du maNDal gsol btab sngar bzhin

byas la/ bla ma yab yum snyoms par zhugs pa'i dga' ba'i sgras
sangs rgyas dang byang chub sems dpa' spyan drangs yab kyi
spyi bo nas zhugs/ sku'i dbyibs brgyud/ yab yum gyi sbyor
mtshams nas byung ba'i byang sems dkar dmar

myangs pas/ chu rgyun de mgrin pa'i gnas rnams la thim/ lce
steng du myangs pa las skyes pa'i bde bas stong pa yul du byas
pa'i bde stong dbyer med kyi ting nge 'dzin gsang dbang gi ngo
bor gyur par bsams la/ des gsang dbang thob/ 

@006a @#/ /ngag gi dri ma brdzun du smras pa sogs bzhi dang/
rlung sngags so sor snang zhing zhen pa'i dri ma 'khrud pas
gsung rdo rje sbyong/ lam kun rdzob sgyu ma'i sku bdag byin
rlabs sgom pa la dbang/ 'bras bu longs spyod rdzogs pa'i

sku 'grub pa'i nus pa khyad par can bzhag go /zhes don bsams la
brjod do/ /de nas shes rab ye shes kyi dbang gi don du sngar
ltar/ rang 'jam dbyangs dpa' bo gcig pa sogs su bsam pa la/ bla
mas dbyangs can ma rig ma lo bcu

drug lon pa zhig phyin par bsams pa'am/ yang na rang gi rig ma
de nyid gsal btab la rang gi gsang gnas hUM las byung ba'i rdo
rje sngon po rtse lnga pa rwa dbus ma'i nor bu la oM yig ges
mtshan pa/ yum gyi gsang gnas AH las padma

dmar po 'dab ma lnga pa ze'u 'bru la AH sa mtshan par bsam/ yab
yum snyoms par zhugs pas lus thams cad thig les gang/ thig le
thams cad bde ba'i rang bzhin stong pa yul du byas pa'i bde
stong dbyer med kyi lhan skyes kyi

dga' ba shes rab ye shes kyi dbang gi ngo bo thob par bsams la/
des shes rab ye shes kyi dbang thob/ yid kyi dri ma brnab sems
la sogs pa dag /gang snang kun bde stong dbyer med du 'char ba
la sgrib pa'i dri ma 'khrud pa'i thugs rdo rje

sbyong/ lam 'od gsal phyag rgya chen po sgom pa la dbang/ 'bras
bu chos kyi sku mngon du 'gyur pa'i nus pa khyad par can bzhag
/ces brjod la don bsam mo/ /'dir bde ba'i yul gyi stong pa ni/
gang zag dang gzugs sogs phyi'i yul

@006b lnga/ mig shes la sogs pa'i skye mched tshogs drug /de
rnams rang bzhin gyis stong pa dang/ bden pas stong pa dang/ don
dam par stong pa dang/ rang gi mtshan nyid kyis stong pa de rnams
don gcig cing/ gang zag dang yul gzugs sgra sogs

de rnams kyi steng du gang gis stong pa'i dgag bya ni thog ma
med pa nas rtog pa'i dbang gis bzhag pa ma yin pa'i yod pa yin
la/ yod pa de ni don dam par grub pa dang/ rang gi mtshan nyid
kyis grub pa dang/ bden par grub pa dang/ rang gi ngo bos

grub pa yin la/ de rnams don gcig cing/ rang bzhin gyis stong
pa'i stong rgyu'i dgag bya dang/ don dam par med rgyu'i dgag bya
ni/ don dam par grub pa sogs de rnams yin no/ /don dam par grub
pa dang rang bzhin gyis grub pa sogs de

rnams khyad gzhi gang zag gi steng du med pa ni/ gang zag gi
bdag med dang mig la sogs pa chos kyi steng du med pa ni chos
kyi bdag med yin no/ /gang zag dang rang nyid rang gi mtshan nyid
kyis ma grub pa'i stong nyid dang/ chos rang gi mtshan nyid

kyis ma grub pa'i stong nyid ni bde ba'i yul gyis bsgom bya yin
no/ /gang zag rang bzhin gyis stong pa dang/ chos rang bzhin
gyis stong pa ni gang zag dang chos kyi bdag med kyang yin pas
don gcig go /gang zag dang chos rang gi mtshan nyid

kyis grub par 'dzin pa dang/ gang zag dang chos don dam par grub
par 'dzin pa'i blo ni/ nyon mongs can gyi ma rig pa 'khor ba'i
rtsa ba yin la gang zag dang chos kyi bdag 'dzin yang yin te/
'dzin tshul ni gang zag dang chos rtog pa'i dbang

@007a @#/ /ge phar bzhag pa min par/ gang zag dang chos kho rang
gi ngos nas grub par 'dzin pa yin la/ spyir gyi gong du bshad
pa'i rang bzhin stong pa nyid de blo'i yul du byas nas bsgom pa
yin zhing/ bde bas stong pa yul du byas

nas bsgom pa'i che blas steng pa yul du byas nas bsgom pa bzhin
du/ bde ba dang blo gnyis gol sa brjes nas bde bas stong pa yul
du byas nas bsgom par bya'o/ /de lta bu'i stong pa sgom tshul ni
gsang dbang sher dbang/ dbang bzhi pa'i skabs

kyi bde bas stong pa yul du byas nas bsgom pa'i tshul yin no/
/das na dbang bzhi pa'i don du maNDal phul te/ khyod zhabs
padmo'i zhes sogs kyis gsol ba btab pas bla mas 'di ltar gsungs
par bsams te/ shes rab ye shes kyi dbang gi

skabs su rang dang rig ma gnyis 'dod lha yab yum du snang bzhin
pa'i ngang nas snyoms par zhugs pa'i dus na lhan cig skyes pa'i
bde bas rang bzhin stong pa nyid yul du byas nas mnyam sbyor du
yod pa de bzhin du/ bde bas stong pa yul du byas

nas bsgom pa'i rgyun goms par byas pa las mthar rlung sems tsam
las grub pa'i longs spyod rdzogs pa ye shes kyi sku rang snang
gi rig ma dang kha sbyor ba'i lus can/ de'i dus nyid na thugs
lhan cig skyes pa'i dga' ba dang/ rang bzhin

stong pa gnyis ro gcig tu zhugs pa'i thams cad stong pa 'od gsal
dang ngo bo dbyer med pa'i gnyis su med pa'i ye shes zung 'jug
gi go 'phang thob pa dbang bzhi pa'i ngo bo yin no/ /des na
dbang bzhi pa tshig gi sgo nas brda sprad nas

@007b ngo sprod par byed pas na dbang bzhi pa tshig gi dbang zhes
pa'i don de yin no/ /zhes gsungs te brda sprad par bsams la/ des
dbang bzhi pa tshig dbang thob/ lus ngag yid gsum gyi sgrib pa'i
bag chags 'khrud pa'i nus pa khyad par can bzhag /

lam bden pa gnyis dbyer med zung 'jug gi rdzogs rim sgom pa la
dbang/ 'bras bu zung 'jug rdo rje 'chang gi sku mngon du byed
pa'i skal pa dang ldan par byas so/ /zhes dbang gi dag pa byin
par bsams la brjod/ de nas sku gsung thugs spyi'i

dbang gi don du maNDal phul te/ ji ltar mgon po khyod kyi ni/
/sku gsung thugs kyi yon tan rnams/ /gzhan phyir mngon du mdzad
pa bzhin/ /mgon pos bdag la stsal du gsol/ /zhes gsol ba btab
pas/ ji ltar mgon po 'jam

dbyangs la/ /yon tan dpag med mnga' ji bzhin/ /'jam pa'i dbyangs
kyi thugs rje yis/ /skal ldan 'di la 'jug par shog /ces gsungs
te/ bla ma yab yum las mar me gcig las gnyis tshad kyi tshul du
bla ma yab yum

gnyis pa byon te/ rang gi spyi gcug nas zhugs pas bla ma yab yum
gyi sku gsung thugs dang rang gi lus ngag yid gsum dbyer med du
gyur par bsam mo/ /de nas bka' drin gyi yon du maNDal phul te/
mchod bstod gang 'grub byas

la bzod gsol dang smon lam gang 'grub byas te/ sngar bshad pa
ltar/ snying ga'i 'od zer gyis spyan drangs te/ rang gi spyi bo
nas zhugs te snying nang gi bla ma yab yum la thim pa sngar ltar
bsam mo/ /bla ma yi dam dbyer med du

@008a @#/ /byas nas gsol ba 'debs pa dang ting nge 'dzin gyi
dbang bzhi rgyun du len pa'i gdams pa rje btsun tsong kha pa
chen po'i zhal shes khyad par can 'di ni/ rtogs ldan 'jam dpal
rgya mtsho'i gsung rgyun las ji ltar

byung ba bzhin yi ger bkod pa'o// mang+ga laM//