@#/ /mnyam med tsong kha pa chen pos mdzad pa'i byang chub lam
rim che ba bzhugs so/ /

@#/ /mnyam med tshong kha pa chen pos mdzad pa'i byang chub lam
rim che ba bzhugs so/ /

@01a [dd] @##/ /na mo gu ru manydzu g+ho ShA ya/ phun tshogs [dd]
dge legs bye bas bskrun pa'i sku/ /mtha' yas 'gro ba'i re [dd]

ba skong ba'i gsung/ /ma lus shes bya ji bzhin gzigs pa'i thugs/
/shAkya'i gtso bo de la mgos phyag 'tshal/ /zla med

ston pa de yi sras kyi mchog  /rgyal ba'i mdzad pa kun gyi khur
bsnams nas/ /grangs med zhing du sprul pas rnam rol pa/ /

mi pham 'jam pa'i dbyangs la phyag 'tshal lo/ /shin tu dpag par
dka' ba rgyal ba'i yum/ /ji bzhin dgongs pa 'grel

@02a [dd] @##/ /mdzad 'dzam gling rgyan/ /klu sgrub thogs med ces
ni sa gsum na/ /yongs su grags pa'i zhabs la bdag phyag 'tshal/
/shing [dd]

rta chen po gnyis las legs brgyud pa'i/ /zab mo'i lta ba rgya
chen spyod pa'i lam/ /ma nor yongs su rdzogs pa'i gnad bsdus
pa'i/ /gdams pa'i mdzod

'dzin mar me mdzad la 'dud/ /rab 'byams gsung rab kun la lta
ba'i mig  /skal bzang thar par bgrod pa'i 'jug ngogs mchog
/brtse bas bskyod pa'i

thabs mkhas mdzad pa yis/ /gsal mdzad bshes gnyen rnams la gus
phyag 'tshal/ /deng dus rnal 'byor brtson rnams thos pa nyung/
/mang thos nyams

@02b len gnad la mi mkhas shing/ /phal cher gsung rab blta la
phyogs re'i mig  /lung don rigs pas 'byed pa'i mthu med pas/
/bstan pa'i gnad rnams rdzogs pa'i gdams pa mchog  /mkhas pa

dgyes pa'i lam dang bral mthong nas/ /shing rta chen po'i lam
'di bshad pa la/ /bdag gi yid ni kun nas spro bar gyur/ /gang
dag phyogs 'dzin mun pas ma bsgribs la/ /legs nyes 'byed

pa'i blo yi mthu ldan zhing/ /dal ba'i rten bzang don ldan byed
'dod pa'i/ /skal ldan de rnams rtse gcig bsgrims te nyon/ /'dir
rgyal ba'i gsung rab thams cad kyi gnad bsdus pa/ shing rta

chen po klu sgrub dang thogs med gnyis kyi lam srol/ rnam pa
thams cad mkhyen pa'i sar 'gro ba'i skye bo mchog gi chos lugs/
skyes bu gsum gyis nyams su blang ba'i rim pa thams cad ma tshang
ba med

par bsdus pa/ byang chub lam gyi rim pa'i sgo nas skal ba dang
ldan pa sangs rgyas kyi sar 'khrid pa'i tshul ni gang bshad par
bya ba'i chos so/ /de la dpal nA lendra'i mkhas pa rnams ni
slob dpon gyi

ngag dag pa dang/ slob ma'i rgyud dag pa dang/ bshad bya'i chos
dag pa ste/ dag pa gsum gyi sgo nas chos 'chad par bzhed la/ dus
phyis ni pri kA ma la shI lar bstan pa dar bas/ de'i

@03a @#/ /mkhas pa rnams ni chos rtsom pa po'i che ba dang/ chos
kyi che ba dang/ de ji ltar bshad cing nyan pa'i tshul gsum sngon
du gal che bar bzhed pa'i tshul gnyis byung

bar grags pa las 'dir ni phyi ma ltar bshad par bya'o/ /de ltar
na byang chub lam gyi rim pa'i khrid la bzhi/ chos khungs btsun
par bstan pa'i phyir/ mdzad pa po'i che ba bstan pa dang/ gdams

ngag la gus pa bskyed pa'i phyir/ chos kyi che ba bstan pa dang/
che ba gnyis dang ldan pa'i chos la nyan bshad ji ltar bya ba
dang/ gdams pa dngos kyis slob ma ji ltar bkri ba'i rim pa'o/
/dang po

mdzad pa po ni/ gdams ngag 'di spyir rje btsun byams pas mdzad
pa'i mngon par rtogs pa'i rgyan gyi gdams ngag yin la/ khyad par
du 'di'i gzhung ni byang chub lam gyi sgron ma yin pas

de mdzad pa po nyid 'di'i yang mdzad pa po'o/ /de yang slob dpon
chen po dI paM ka ra shrI dznyA na mtshan gzhan dpal ldan a
ti sha zhes yongs su grags pa ste/ de'i che ba la gsum/ rigs
phun

sum tshogs par skye ba bzhes pa'i tshul/ rten de la yon tan brnyes
pa'i tshul/ brnyes nas bstan pa la bya ba mdzad pa'i tshul lo/
/dang po ni/ lotstsha ba chen po nag tshos mdzad pa'i bstod pa

@03b brgyad cu pa las/ shar phyogs za hor yul mchog na/ /de na
grong khyer chen po yod/ /bi kra ma ni pU ra yin/ /de yi dbus
na rgyal po'i khab/ /pho brang shin tu yangs pa yod/ /gser gyi
rgyal mtshan can zhes bya/ /longs

spyod mnga' thang 'byor pa ni/ /rgya nag stong khun rgyal po
'dra/ /yul de'i rgyal po dge ba'i dpal/ /btsun mo dpal mo 'od
zer can/ /yab yum gnyis la sras gsum mnga'/ /padma'i snying dang
zla ba'i snying/ /dpal gyi

snying po zhes bya'o/ /rgyal bu padma'i snying po la/ /btsun mo
lnga yod sras ni dgu/ /sras kyi thu bo bsod nams dpal/ /da lta'i
dus na mkhas pa che/ /d+ha na shrI zhes bya bar grags/ /chung ba
dpal gyi snying po ni/ /

dge slong piryA tsandra yin/ /'bring po zla ba'i snying po ni/
/da lta bla ma rje btsun yin/ /zhes 'byung ba ltar ro/ /yon tan
brnyes pa'i tshul la gnyis/ mang du mkhyen pa lung gi yon tan
brnyes pa'i tshul/ tshul bzhin

bsgrub pa rtogs pa'i yon tan brnyes pa'i tshul lo/ /dang po ni/
bstod pa las/ lo ni nyi shu rtsa gcig na/ /sgyu rtsal drug cu
rtsa bzhi dang/ /bzo yi gnas ni thams cad dang/ /legs par sbyar
ba'i skad dang ni/ /

tshad ma kun la mkhas pa lags/ /zhes gsungs pa ltar/ nyer gcig
tshun la phyi pa dang nang pa'i rig pa'i gnas thun mong ba sgra
dang gtan tshigs rig pa/ bzo dang gso ba rig pa bzhi la sbyangs
pas mkhas pa'i

@04a @#/ /phul du phyin par gyur to/ /khyad par du lo bco lnga
bzhes pa'i tshe/ rigs thigs tshar gcig gsan pas phyi rol pa'i rtog
ge pa mkhas par grags pa zhig dang brtsad pas de pham par mdzad

pas snyan pa'i grags pa kun tu rgyas so zhes gro lung pa chen po
gsung ngo/ /de nas ri nag po'i gtsug lag khang gi rnal 'byor gyi
dbang phyug dpal kyai rdo rje'i zhal gzigs shing rdo rje mkha'
'gro mas lung bstan pa

thob pa'i bla ma rA hu la gupta la dbang yongs su rdzogs par
zhus shing/ gsang mtshan ye shes gsang ba'i rdo rje zhes bya bar
btags te dgung lo nyer dgu tshun chad la dngos grub brnyes pa'i
bla ma du ma'i spyan sngar rdo

rje'i theg pa la sbyangs pas gzhung dang gdams ngag ma lus pa la
mkhas par gyur te/ gsang sngags la nga nyid mkhas so snyam du
dgongs pa byung ba na/ DA ki ma rnams kyis sngags kyi glegs bam
sngar mthong ma

myong ba mang po mnal lam du bstan nas thugs rgyal bcag go /de
nas bla ma dang yi dam rnams kyis dngos dang rmi lam ci rigs par
rab tu byung na bstan pa dang 'gro ba mang po la phan pa rgya
chen po 'byung bar bskul ba

la brten nas/ bstod pa las/ khyod kyi mkhan po sbyor lam pa/
/yin par kun la rab tu grags/ /zhes 'byung ba ltar/ phal chen
sde pa'i gnas brtan 'dul ba 'dzin pa chen po shI la rak+Shi ta
zhes bya ba sbyor ba'i lam gyi de kho

@04b na nyid kyi phyogs gcig la zhugs pa'i ting nge 'dzin brnyes
pa zhig la mkhan po mdzad nas rab tu byung ste/ mtshan yang dpal
mar me mdzad ye shes zhes btags so/ /de nas lo sum cu rtsa gcig
gi bar du mtshan nyid kyi

theg pa'i nang rig pa'i sde snod gong 'og rnams la sbyangs
shing/ khyad par du bye brag tu bshad pa chen po la bla ma
d+harma rak+Shi ta'i spyan sngar o tan ta pU rir lo bcu gnyis su
gsan no/ /rtsa ba'i sde bzhi'i gzhung la shin tu mkhas pas sde

pa tha dad pa rnams kyi byin len la sogs pa blang dor gyi cha
phra mo rnams kyang ma 'dres par mkhyen no/ /de ltar na rang
dang gzhan gyi sde pa'i grub pa'i mtha' rgya mtsho lta bu'i pha
rol tu son pas na lung gi bstan pa'i gnad thams cad phyin

ci ma log par thugs su chud pa yin no/ /rtogs pa'i yon tan
brnyes pa'i tshul ni/ spyir rgyal ba'i lung gi bstan pa thams cad
sde snod rin po che gsum du 'du bas/ rtogs pa'i bstan pa'ang
bslab pa rin po che gsum du 'du

dgos so/ /de la tshul khrims kyi bslab pa ni ting nge 'dzin dang
shes rab kyi bslab pa la sogs pa'i yon tan thams cad kyi rten du
gsung rab dgongs 'grel dang bcas pa las lan du mar bsngags pas
na/ thog mar tshul khrims

kyi bslab pa'i dbang du byas pa'i rtogs pa'i yon tan dang ldan
dgos so/ /de la gsum las/ so sor thar pa'i sdom pa mchog dang
ldan pa'i tshul ni/ bstod pa las/ khyod ni nyan thos theg pa'i
sgor zhugs nas/ /tshul khrims

@05a @#/ /g.yag rnga bzhin du srung mdzad cing/ /tshangs spyod
dpal dang ldan pa'i dge slong mchog  /gnas brtan 'dul ba 'dzin
la phyag 'tshal lo/ /zhes yongs su rdzogs pa dge slong gi sdom pa
mnos

nas rnga rtsid la chags pa'i g.yag gis rnga ma nyag ma re re
shing la thogs pa na/ rngon pas srog dang 'phral bar mthong
na'ang srog dang bsdos te rnga ma mi gcod par bsrung ba ltar/
khas blangs pa'i bslab pa'i gzhi chen po lta ci smos/

bslab pa'i gzhi phra mo re re yang srog dang bsdos nas bsrungs
pas gnas brtan 'dul ba 'dzin pa chen por gyur to zhes bstod pa
ltar ro/ /byang chub sems dpa'i sdom pa dang ldan pa ni/ bstod
pa las/ khyod ni pha rol phyin

pa'i sgor zhugs nas/ /lhag pa'i bsam pa rnam par dag gyur cing/
/byang chub thugs kyis 'gro rnams mi gtong ba/ /blo ldan snying
rje can la phyag 'tshal lo/ /zhes gsungs pa ltar/ byams pa dang
snying rje'i rtsa ba can gyi

byang chub kyi sems sbyong ba'i gdams pa mang po dang/ khyad par
du gser gling pa bsten nas rje btsun byams pa dang 'jam pa'i
dbyangs nas thogs med dang zhi ba lha la brgyud pa'i gdams pa
mchog la ring du sbyangs pa las/

bstod pa las/ rang don yal bar dor nas gzhan gyi don/ /lhur
mdzad de ni bdag gi bla ma lags/ /zhes 'byung ba ltar/ bdag pas
gzhan gces pa'i byang chub kyi sems thugs la 'khrungs shing/
smon pa'i sems des kun

@05b tu drangs pa'i 'jug pa'i sems byang chub sems dpa'i spyod
pa rlabs che ba la slob par khas blangs pa'i rjes su 'gro ba'i
bslab pa la slob pa'i spyod pa bzang pos rgyal sras rnams kyi
bcas pa'i mtshams las mi 'da' bar mdzad do/ /

rdo rje'i theg pa'i sdom pa dang ldan pa ni/ bstod pa las/ khyod
ni rdo rje'i theg pa'i sgor zhugs nas/ /rang lhar gzigs shing
rdo rje'i thugs dang ldan/ /rnal 'byor dbang phyug a wa d+hU
tI pa/ /sbas pa'i brtul zhugs mdzad la

phyag 'tshal lo/ /zhes gsungs pa ltar/ rang gi lus lhar gzigs
pa'i bskyed pa'i rim pa dang/ rdo rje'i thugs rdzogs pa'i rim
pa'i ting nge 'dzin dang ldan pas rnal 'byor pa'i gtso bo zhes
spyir bstod cing/ khyad par du bcas

pa'i mtshams las mi 'da' bar dam tshig tshul bzhin du bsrung
ba'ang/ bstod pa las/ dran dang shes bzhin ldan pa yis/ /tshul
khrims ma yin yid mi mdzad/ /bag yod dran dang g.yo sgyu med/
/ltung ba'i nyes pas khyod ma

gos; ;zhes gsungs pa ltar ro/ /de ltar sdom pa gsum gyi tshul
khrims kyi bslab pa rnams khas len pa la dpa' ba tsam min par ji
ltar khas blangs pa'i rjes su 'brangs te bcas pa'i mtshams las mi
'da' bar bsrung zhing/ brgya

la cung zad 'das na'ang myur ba myur bar rang rang gi phyir bcos
kyi chogs dag par byed pa'i rnam par thar pa 'di ni/ gsung rab
kyi gnad shes pa'i mkhas pa rnams dga' ba bskyed pa'i rnam par
thar par shes par byas la dam pa rnams

@06a @#/ /kyi rjes su bslab par bya'o/ /ting nge 'dzin gyi bslab
pa dang ldan pa la gnyis las/ thun mong ba ni/ zhi gnas kyi sgo
nas sems las su rung ba brnyes shing/ thun mong ma yin pa'i

ting nge 'dzin gyi bslab pa ni/ bskyed pa'i rim pa shin tu brtan
pa mnga' ste/ de yang rig pa brtul zhugs kyi spyod pa lo drug
gam gsum du mdzad cing/ de'i tshe u rgyan du mkha' 'gro ma rnams
kyis glu blangs pa gsan

nas thugs la bzung ba'ang yod do/ /shes rab kyi bslab pa dang
ldan pa la thun mong ba ni/ zhi lhag zung du 'brel ba'i lhag
mthong gi ting nge 'dzin brnyes shing/ thun mong min pa ni/
rdzogs pa'i rim pa'i ting nge 'dzin khyad

par can brnyes pa ste/ bstod pa las/ gsang sngags theg pa'i
gzhung ltar na/ /sbyor ba'i lam pa yin par gsal/ /zhes gsungs pa
ltar ro/ /bstan pa la bya ba mdzad pa la gnyis/ rgya gar du
mdzad tshul dang/ bod du

mdzad tshul lo/ /dang po ni/ dpal rdo rje'i gdan byang chub chen
po'i pho brang du mu stegs kyi smra ba ngan pa lan gsum du chos
kyis pham par mdzad nas sangs rgyas kyi bstan pa bzung zhing/
rang gi sde pa gong 'og gi bstan pa

la'ang ma rtogs pa dang log par rtog pa dang the tshom gyi dri ma
ngan pa rnams bsal nas bstan pa rgyas par mdzad pas/ sde pa
thams cad kyis kyang phyogs ris med par gtsug gi rgyan du 'dzin
te/ bstod pa las/ byang chub chen po'i pho

@06b brang du/ /thams cad 'dus shing 'tshogs pa na/ /rang dang
gzhan gyi sde pa yi/ /grub mtha' ngan pa'i rgol ba kun/ /seng
ge'i nga ro'i sgra skad kyis/ /thams cad kyi ni klad pa 'gems/
/zhes dang/ o tan ta yi pU ri na/ /rab byung brgya

phrag phyed dang gsum/ /bri kA ma la shI lan/ /rab byung brgya
phrag ma longs tsam/ /rtsa ba'i sde bzhi tshang bar bzhugs/ /sde
pa'i khengs dregs khyod mi mdzad/ /ma ga d+ha yi yul gyi ni/
/gnas gzhi ma lus thams cad kyi/ /ston

pa'i 'khor ni bzhi po yi/ /kun gyi gtsug gi nor bur gyur/ /khyod
ni sde pa bco brgyad kyi/ /kun gyi spyi la bzhugs pas na/ /thams
cad kyis ni lung yang len/ /zhes 'byung ba ltar ro/ /bod du
mdzad tshul ni/ lha bla ma khu dbon gyis

lo tstsha ba rgya brtson seng dang nag tsho tshul khrims rgyal ba
gnyis rim pa bzhin rgya gar du brdzangs te 'bad pa chen pos yang
dang yang du spyan 'dren btang bas byang chub 'od kyi ring la
spyan 'drongs te mnga' ris stod du phyag phebs pa na/

sangs rgyas kyi bstan pa'i dag ter mdzad par gsol ba btab pa la
brten nas/ mdo sngags kyi gnad thams cad bsdus nas nyams su len
pa'i rim par dril ba'i gzhung byang chub lam gyi sgron ma mdzad
pa la sogs pa'i sgo nas bstan

pa rgyas par mdzad de/ de yang mnga' ris su lo gsum/ snye thang
du lo dgu/ dbus gtsang gzhan du lo lnga'i bar du skal ba dang
ldan pa rnams la mdo sngags kyi gzhung gdams ngag ma lus pa
bstan nas/ bstan pa'i srol nub pa

@07a @#/ /rnams gsar du btsugs/ srol cung zad yod pa rnams 'phel
bar mdzad/ log par rtog pa'i dri mas spags pa rnams legs par
bsal te/ bstan pa rin po che dri ma dang bral bar mdzad do/
/spyir

na gangs ri'i khrod du bstan pa snga dar la dpal ldan zhi ba
'tsho dang padma samb+ha bas bstan pa'i srol btsugs pa la/ stong
pa nyid kyi go ba gnad du ma song ba la brten nas thabs kyi cha
la skur zhing yid la byed pa thams cad 'gog pa'i rgya

nag gi mkhan po hwa shang gis bstan pa 'gribs par byas pa/ slob
dpon chen po kAm la shI las legs par bkag nas rgyal ba'i
dgongs pa gtan la phab pas sku drin shin tu che la/ phyi dar la
rgyud sde'i don log

par bzung ba la brten nas paNDi ta dang rnal 'byor par rlom pa
'ga' zhig gis bstan pa'i rtsa ba tshangs bar spyod pa la gnod ba
chen po byas pa/ skyes bu dam pa 'dis legs par bkag cing/ gzhan
yang log par bzung ba

rnams nub bar byas nas/ phyin ci ma log pa'i bstan pa 'phel bar
mdzad pas kha ba can pa thams cad la sku drin gyis khyab par
mdzad do/ /de ltar thub pa'i dgongs pa gsal bar byed pa'i gzhung
rtsom pa la'ang phun

sum tshogs pa'i rgyu gsum yod de/ 'di ltar shes bya rig pa'i gnas
lnga la mkhas pa dang/ de dag gi don nyams su len pa'i gnad kyi
gdams pa yang dag par rdzogs pa'i sangs rgyas nas bzung ste dam
pa bar

@07b ma chad pa las brgyud pa'i man ngag dang ldan pa dang/ yi
dam gyi lha'i zhal gzigs nas gsung gi gnang ba thob pa'o/ /'di
dag re res kyang gzhung rtsom par nus na gsum ga tshang na ches
phun sum tshogs par 'gyur ro/ /slob

dpon chen po 'di la ni gsum ga mnga'o/ /de la yi dam gyis rjes
su bzung ba ni/ bstod pa las/ dpal ldan dgyes pa'i rdo rje dang/
/dam tshig bkod pa'i rgyal po dang/ /dpa' bo 'jig rten dbang
phyug dang/ /jo mo rje btsun

sgrol ma sogs/ /zhal gzigs gnang ba thob pas na/ /rmi lam na 'am
mngon sum du/ /zab pa dang ni rgya che ba'i/ /dam chos rtag tu
gsan pa lags/ /zhes gsungs pa ltar ro/ /bla ma brgyud pa la theg
pa thun mong ba dang

theg pa chen po'i brgyud pa gnyis/ de la pha rol tu phyin pa
dang gsang sngags gnyis las/ dang po la lta ba'i brgyud pa dang
spyod pa'i brgyud pa gnyis/ phyi ma la byams pa nas brgyud pa
dang 'jam dbyangs nas brgyud

pa ste brgyud pa gsum mo/ /gsang sngags la'ang brgyud pa lugs
lnga dang/ gzhan yang grub mtha'i brgyud pa dang byin rlabs kyi
brgyud pa dang gdams pa sna tshogs pa'i brgyud pa la sogs pa
brgyud pa du ma dang ldan zhing

dngos su gsan pa'i bla ma ni/ bstod pa las/ rtag tu bsten pa'i
bla ma ni/ /shAnti ba dang gser gling ba/ /b+ha dra bo d+hi dznya
na shrI/ /dngos grub thob pa mang po dang/ /khyad par du ni klu
sgrub nas/ /gcig

@08a @#/ /nas gcig tu brgyud pa yi/ /zab pa dang ni rgya che
ba'i/ /gdams pa khyod la mnga' ba yin/ /zhes gsungs pa ltar te/
dngos grub thob pa'i bla ma bcu gnyis yod par grags

shing gzhan yang mang ngo/ /rig pa'i gnas lnga la mkhas pa ni
bshad zin to/ /de'i phyir slob dpon 'dis rgyal ba'i dgongs pa
legs par gtan la 'bebs nus so/ /de lta bu'i slob dpon 'di la
rgya gar kha che u rgyan

bal po bod rnams na slob ma bsam gyis mi khyab pa zhig yod
kyang/ gtso bo ni rgya gar na jo bo dang mkhyen pa mnyam pa'i
paNDi ta chen po bi to pa/ d+harma a kA ra ma ti/ dbu ma
sengge/ sa'i snying po ste bzhi/ kha cig bshes

gnyen gsang ba dang lngar yang byed do/ /mnga' ris nas lotsatsha
ba rin chen bzang po/ nag tsho lotstsha ba/ lha bla ma byang chub
'od/ gtsang nas 'gar dge ba dang 'gos khug pa lhas btsas/ lho
brag nas chag pa khri mchog dang

dge ba skyong/ khams nas rnal 'byor pa chen po/ dgon pa pa/ shes
rab rdo rje/ phyag dar ston pa/ dbus nas khu rngog 'brom gsum
byung ngo/ /de dag gi nang nas kyang bla ma nyid kyi phrin las
rgyas par byed pa'i brgyud

'dzin chen po ni sgrol mas lung bstan pa'i 'brom ston pa rgyal
ba'i 'byung gnas so/ /'di dag ni mdzad pa po'i che ba mdor bsdus
pa ste rgyas par rnam thar gyi yi ge chen mo rnams su shes par
bya'o/ /chos kyi che ba bstan

@08b pa la; chos ni gdams ngag 'di'i gzhung byang chub lam gyi
sgron ma'o/ /jo bos mdzad pa'i gzhung mang du yod kyang rtsa ba
lta bu yongs su rdzogs pa ni lam sgron yin te/ mdo sngags gnyis
ka'i gnad bsdus nas ston

pas brjod bya yongs su rdzogs pa dang/ sems 'dul ba'i rim pa
gtso bor byas pas lag tu blang bde ba dang/ shing rta chen po
gnyis kyi lugs la mkhas pa'i bla ma gnyis kyi gdams pas brgyan
pas lugs gzhan las

khyad par du 'phags pa'o/ /gzhung de'i gdams ngag gi che ba la
bzhi/ bstan pa thams cad 'gal med du rtogs pa'i che ba/ gsung
rab thams cad gdams ngag tu 'char ba'i che ba/ rgyal ba'i dgongs
pa bde blag

tu rnyed pa'i che ba/ nyes spyod chen po rang 'gags su 'gro ba'i
che ba'o/ /dang po la/ bstan pa ni/ shes rab sgron me'i rgya
cher 'grel pa las/ bstan pa zhes bya ba ni/ lha dang mi bdud
rtsi'i go 'phang thob par 'dod pa

rnams yongs su shes par bya ba dang spang bar bya ba dang mngon
sum du bya ba dang bsgom par bya ba dag la phyin ci ma log par
ston pa ste bcom ldan 'das kyi gsung rab ces bya ba yin no/
/zhes gsungs pa ltar/ rgyal bas

legs par bshad pa ji snyed pa'o/ /de thams cad 'gal ba med par
rtogs pa ni/ 'dir gang zag gcig 'tshang rgya ba'i lam du go ba
ste/ de yang kha cig ni lam gyi gtso bo/ kha cig ni lam gyi yan
lag ci rigs

@09a @#/ /par 'gyur ba'o/ /de la byang chub sems dpa' rnams kyi
bzhed don ni 'jig rten gyi don bsgrub pa yin la/ gdul bya yang
rigs can gsum ga rjes su 'dzin dgos pas de dag gi

lam la bslab dgos te/ byang chub sems 'grel las/ rang nyid nges
bzhin gzhan dag la/ /nges pa bskyed par 'dod pa yis/ /rtag tu
'khrul pa med par ni/ /mkhas rnams rab tu 'jug pa yin/ /zhes

dang; rnam 'grel las kyang/ thabs byung de rgyu lkog gyur pa/
/de 'chad pa ni dka' ba yin/ /zhes gsungs te/ rang gis ji lta ba
bzhin ma nges na gzhan la bstan par mi nus pa'i phyir ro/ /theg
pa gsum

gyi lam shes pa ni byang chub sems dpa'i bzhed don sgrub byed
kyi thabs yin par ma pham pas/ 'gro la phan par byed rnams lam
shes nyid kyis 'jig rten don sgrub mdzad pa gang/ /zhes gsungs
shing/ rgyal

ba'i yum las kyang/ byang chub sems dpa' rnams kyis ni nyan thos
kyi lam gang yin pa dang rang sangs rgyas kyi lam gang yin pa
dang sangs rgyas kyi lam gang yin pa'i lam thams cad bskyed par
bya zhing lam thams

cad shes par bya'o/ /de dag kyang yongs su rdzogs par bya zhing
de dag gi lam gyi bya ba yang bya la/ zhes gsungs pas/ theg pa
chen po pa yin pa'i phyir theg dman gyi sde snod la bslab par mi
bya'o zhes smra ba

@09b ni 'gal ba'i rtags so/ /theg pa chen po'i lam la 'jug pa la
lam thun mong ba dang thun mong min pa gnyis yod la/ thun mong
ba ni theg dman gyi sde snod nas 'byung ba rnams yin pas de dag
dor byar ga la 'gyur/

des na rang gcig pu zhi bde don gnyer la sogs pa'i dmigs bsal
can 'ga' re ma gtogs pa thams cad theg chen pas kyang nyams su
blang dgos pas/ byang sems rnams kyi shin tu rgyas pa'i sde snod

las theg pa gsum ga rgya cher ston pa'i rgyu mtshan yang de yin
no/ /gzhan yang yang dag par rdzogs pa'i sangs rgyas ni skyon
phyogs re zad pa dang yon tan phyogs re rdzogs pa min gyi/ skyon
gyi rigs

thams cad zad cing yon tan gyi rigs mtha' dag rdzogs pa yin la/
de bsgrub pa'i theg pa chen po yang skyon mtha' dag 'gog cing
yon tan mtha' dag bskyed pas na/ theg pa gzhan thams cad

kyi spangs rtogs kyi yon tan gyi rigs thams cad theg pa chen
po'i lam du 'du ba yin no/ /de'i phyir sangs rgyas bsgrub pa'i
theg pa chen po'i lam gyi yan lag tu gsung rab thams cad 'du
ste/ skyon sna re zad

pa'am yon tan sna re bskyed pa min pa'i thub pa'i gsung med pa'i
phyir dang/ de thams cad kyang theg chen pas mi bsgrub pa med
pa'i phyir ro/ /gal te pha rol tu phyin pa'i theg pa chen por
'jug pa la theg dman

@10a @#/ /gyi sde snod nas bshad pa'i lam rnams dgos na'ang/ rdo
rje'i theg par 'jug pa la ni phar phyin gyi theg pa'i lam rnams
thun mong bar mi 'gyur te lam mi mthun pa'i phyir ro zhe na/ 'di

yang ches mi rigs te/ pha rol tu phyin pa'i lam gyi ngo bo ni
bsam pa byang chub tu sems bskyed pa dang/ spyod pa pha rol tu
phyin pa drug la slob par 'du ba yin la/ de ni rnam pa thams cad
du bsten dgos par dpal rdo rje

rtse mo las ji skad du/ 'tsho ba'i srog gi phyir yang ni/ /byang
chub sems ni dor mi bya/ /zhes dang/ pha rol phyin drug spyod pa
ni/ /nam yang dor bar mi bya'o/ /zhes gsungs shing/ gzhan yang
sngags kyi gzhung du

mar gsungs so/ /rnal 'byor bla na med pa'i dkyil 'khor du 'jug
pa'i skabs du mar yang thun mong ba dang thun mong ma yin pa'i
sdom pa gnyis gnyis bzung dgos par gsungs la/ snga ma ni byang
chub sems dpa'i

sdom pa nyid yin zhing sdom pa bzung ba ni tshul khrims gsum la
sogs pa'i byang chub sems dpa'i bslab pa la slob par khas blangs
pa yin pas/ sems bskyed nas bslab pa la slob par khas blangs pa
bzhin du

slob pa las gzhan pa'i lam pha rol tu phyin pa'i theg pa la'ang
med pa'i phyir dang/ rdo rje mkha' 'gro dang sambu Ti dang rdo
rje rtse mo rnams su/ phyi dang gsang ba theg pa gsum/ /dam pa'i
chos ni ma lus bzung/ /

@10b zhes 'od dpag med kyi dam tshig bzung ba'i skabs su gsungs
pa ltar sngags kyi sdom pa 'dzin pa na khas blang dgos pa'i
phyir ro/ /'di dag la gnang bkag mi 'dra ba'i cha than thun
mthong nas tsha grang ltar thams cad

du 'gal bar 'dzin pa ni rtog pa shin tu rtsing bar gsal lo/ /de
ltar na dmigs bsal can gyi gnang bkag 'ga' re ma gtogs pa gsung
rab rnams shin tu mthun pas theg pa gsum mam lam lnga lta bu
gong ma

gong mar 'jug pa na theg pa dang lam 'og ma 'og ma'i yon tan gyi
rigs tshang ba dgos so/ /pha rol tu phyin pa'i lam ni/ rgyal ba'i
yum las/ rgyal ba 'das dang ma byon da ltar gang bzhugs pa/ /kun
lam pha rol phyin

pa 'di yin gzhan ma yin/ /zhes gsungs pa ltar/ sangs rgyas su
bgrod pa'i lam gyi gzhung shing lta bu yin pas dor du mi rung
ngo/ /'di nyid rdo rje'i theg pa las kyang mang du bka' stsal
pas na mdo rgyud gnyis ka'i

lam thun mong ba'o/ /de'i steng du gsang sngags kyi lam thun
mong min pa dbang dang dam tshig dang sdom pa dang rim pa gnyis
'khor dang bcas pa bsnan pas sangs rgyas su bgrod pa myur ba yin
gyi/ lam thun mong ba dor na ni nor

ba chen po'o/ /de lta bu'i go ba ma rnyed na chos re re la nges
pa ltar snang re rnyed pa na gzhan rnams spong zhing khyad par
du theg pa gong ma la mos pa ltar snang zhig skyes pa na rim pa
ltar theg dman gyi sde snod dang pha rol tu phyin

@11a @#/ /pa rnams spong zhing/ sngags la'ang rgyud sde 'og ma
gsum la sogs pa spong bar 'gyur bas 'brel che la 'byung nye
zhing rnam par smin pa ches lci ba'i chos spong ba'i las kyi
sgrib pa chen po gsog

par 'gyur te/ de'i khungs ni 'og tu ston par 'gyur ro/ /de'i
phyir dam pa'i mgon la brten nas gsung rab thams cad gang zag
gcig 'tshang rgya ba'i cha rkyen du 'gyur ba'i tshul la nges pa
brtan par byas la/ da lta

nyams su longs pa rnams nyams su blang zhing dngos su 'jug ldog
ma nus pa rnams kyang rang nyid kyis 'jug ma nus pa rgyu mtshan
du byas nas mi spang bar/ de dag la dngos su 'jug ldog gi sgo
nas nyams su lon pa zhig

nam zhig na 'ong snyam du bsams nas de'i rgyur tshogs bsag pa
dang sgrib pa sbyang ba dang smon lam gdab par bya'o/ /des ni
ring po mi thogs par blo'i mthu je che je cher song ste de dag
thams cad nyams su len nus par

yang 'gyur ro/ /dge ba'i bshes gnyen ston pa rin po che'i zhal
nas kyang/ bstan pa thams cad gru bzhi lam gyis 'khyer shes pa
nga'i bla ma/ zhes gsungs te/ tshig 'di dpyad gzhi shin tu che ba
yin no/ /de ltar na

gdams ngag 'dis mdo sngags kyi gnad thams cad gang zag gcig
'tshang rgya ba'i lam du bsdus nas 'khrid pas na 'di ni bstan pa
thams cad 'gal med du rtogs pa'i che ba dang ldan no/ /gsung rab
thams cad

@11b gdams ngag tu 'char ba ni/ spyir thar pa 'dod pa rnams la
'phral dang yun gyi phan bde thams cad 'grub pa'i thabs ni rgyal
ba'i gsung rab nyid yin te/ blang dor gyi gnas thams cad ston pa
la 'khrul pa ma lus pa

dang bral ba ni sangs rgyas nyag gcig yin pa'i phyir ro/ /de
ltar yang rgyud bla ma las/ gang phyir rgyal las ches mkhas 'ga'
yang 'jig rten 'di na yod min te/ /ma lus de nyid mchog ni tshul
bzhin kun mkhyen gyis

mkhyen gzhan min pa/ /de phyir drang srong rang nyid kyis bzhag
mdo sde gang yin de mi dkrug /thub tshul bshig phyir de yang dam
chos la ni gnod pa byed par 'gyur/ /zhes gsungs so/ /des na
rgyal ba'i bka' mdo

sde dang rgyud sde rin po che rnams gdams pa'i mchog yin no/ /de
lta na'ang tshad ldan gyi dgongs 'grel dang dam pa'i man ngag
dang mi ldan par bka' la rang stobs kyis zhugs pas phyi rabs kyi
gdul bya rnams kyis dgongs

pa mi rnyed pas/ shing rta chen po rnams kyis dgongs 'grel gyi
bstan bcos dang man ngag rnams mdzad do/ /de'i phyir man ngag
rnam par dag pa yin na gzhung chen mo rnams la nges pa ster ba
zhig dgos kyi/ man ngag

la ci tsam sbyangs kyang bka' dang dgongs 'grel chen mo rnams
kyi don la nges pa ster mi nus pa'am de dag dang mi mthun pa'i
lam ston na ni dor bar bya ba kho na'o/ /gang yang gzhung chen
mo rnams la nyams

@12a @#/ /len gyi gnad med pa'i bshad chos su byas shing nyams
len gyi gnad snying po'i don ston pa'i man ngag zur du yod par
go nas dam pa'i chos rang la bshad pa dang bsgrub pa'i chos

logs logs pa gnyis yod par 'dzin pa ni/ dri ma med pa'i mdo
rgyud dang dri ma med pa'i dgongs 'grel gyi bstan bcos la gus pa
chen po skye ba'i gegs byed cing/ de dag la nang gi don mi ston
pa'i phyi'i go rgya tsam

gcod pa'o zhes brnyas pa'i gnas su 'dzin pa'i chos spong ba'i
las kyi sgrib pa gsog par shes par bya'o/ /des na thar 'dod
rnams la mi slu ba'i gdams pa mchog ni gzhung chen mo rnams yin
mod/ de yang

rang nyid blo zhan pa la sogs pa'i rgyu mtshan gyis gdams pa'i
mchog tu gzhung de tsam la brten nas nges mi nus pas/ dam pa'i
man ngag la brten nas de dag la nges pa btsal bar bya'o snyam du
man ngag tshol

dgos pa yin gyi/ gzhung rnams ni phyi rgya gcod pa tsam yin pas
snying po med la/ man ngag rnams ni nang gi don ston pas mchog
go snyam du mi bzung ngo/ /rnal 'byor pa chen po byang chub rin
chen gyi zhal nas/

gdams ngag la nang byan tshud pa ni/ be'u bum lag mthil tsam zhig
la nges ba rnyed pa la mi zer gyi/ gsung rab thams cad gdams
ngag tu go pa la zer zhes pa dang/ jo bo chen po'i slob ma sgom
pa rin chen

@12b bla mas kyang/ a ti sha'i gdams ngag la stan thog gcig tu
lus ngag yid gsum rdul du brlags pas da gzhung thams cad gdams
ngag tu go ba zhig byung gsung ba ltar go dgos pa yin no/ /ston
pa rin po che'i

zhal nas/ chos mang du bslabs nas chos byed lugs gzhan du rtsad
gcod dgos pa byung na nor ba yin gsung ba ltar/ yun ring por
chos mang du bslabs kyang chos byed lugs ye mi shes par chos
byed 'dod byung ba na

rtsad gzhan nas gcod dgos pa rnams kyang sngar bshad pa ltar ma
go bas nongs te/ 'dir bstan pa ni mdzod las/ ston pa'i dam chos
rnam gnyis te/ /lung dang rtogs pa'i bdag nyid do/ /zhes gsungs
pa ltar/

lung rtogs kyi bstan pa gnyis las med la/ lung gi bstan pa ni
chos lag tu len pa'i tshul sgrub pa byed lugs gtan la 'bebs pa
yin la/ rtogs pa'i bstan pa ni gtan la phebs pa na ji ltar gtan
la phab pa ltar

bsgrub pa yin pas de gnyis rgyu 'bras su 'gro ba yin te/ dper
na/ rta rgyug pa na sngon la rta la dkyus sa ston pa dang bstan
zin nas der rgyug pa lta bu yin no/ /dkyus sa gzhan du bstan nas
rgyugs gzhan du byed na bzhad gad du

'gyur ba ltar/ thos bsam gyis gzhan zhig gtan la phab nas bsgrub
pa na gzhan zhig bsgrub tu ga la rung/ de ltar yang bsgom pa'i
rim pa tha ma las/ yang thos pa dang bsam pa las byung ba'i shes
rab kyis

@13a @#/ /rtogs pa gang yin pa de nyid bsgoms pa las byung ba'i
shes rab kyis bsgom par bya yi/ gzhan du ma yin te/ rta dkyus
kyi sa bstan nas rgyug pa bzhin no/ /zhes gsungs so/ /de ltar

na gdams pa 'dis bshes gnyen bsten tshul nas zhi gnas dang lhag
mthong gi bar gsung rab dgongs 'grel dang bcas pa'i lam gyi gnad
thams cad tshang bar bsdus nas de dag thams cad la 'jog sgom dgos
pa rnams

la 'jog sgom byed/ dpyad nas bsgom dgos pa rnams la so sor rtog
pa'i shes rab kyis dpyad de nyams su len pa'i rim par dril nas
'khrid pas na gsung rab thams cad gdams ngag tu 'char ro/ /de
lta ma yin

par lam gyi lus yongs su ma rdzogs pa'i cha shas 'ga' re la/ so
sor rtog pa'i shes rab dang bral bar tshe dril nas nyams su
blangs pas ni gzhung chen mo rnams gdams ngag tu mi 'char bar ma
zad/ de dag la phyi'i

go rgya gcod pa tsam du mthong nas spong bar 'gyur te/ gzhung
che ba rnams nas bshad pa'i brjod bya de dag ni phal cher so sor
rtog pa'i shes rab kyis dpyad dgos pa sha stag tu snang la/ de
yang nyams len gyi

tshe dor na de dag la gdams pa'i mchog tu mthong ba'i nges pa ji
ltar skye/ de dag gdams pa'i mchog ma yin na ni de dag mdzad pa
las lhag pa'i gdams ngag mkhan po su zhig gis rnyed/ de ltar mdo
sde zab cing rgya che ba

@13b dgongs 'grel dang bcas pa gdams ngag tu shar na/ rgyud sde
zab mo dgongs 'grel dang bcas pa'i gzhung lugs chen mo rnams
kyang tshegs med par gdams ngag tu shar nas de dag la gdams pa'i
mchog tu 'dzin pa'i nges pa skyes

te; de rnams gdams ngag dngos min pa'i chos rgyab tsam du 'dzin
pa'i log rtog rnams lhag ma med par bzlog par 'gyur ro/ /rgyal
ba'i dgongs pa bde blag tu rnyed pa ni/ gsung rab dgongs 'grel
dang bcas

pa'i gzhung che ba rnams gdams pa'i mchog yin kyang yongs su ma
sbyangs pa'i gang zag las dang po pas ni dam pa'i man ngag la ma
brten par de dag la zhugs kyang dgongs pa mi rnyed la/ rnyed du
chug kyang dus shin tu ring ba

dang tshegs shin tu che ba la ltos so/ /bla ma'i man ngag la
brten na ni bde blag tu rtogs par 'gyur ro/ /gdams pa 'dis ni
bka' dang bstan bcos kyi gnad la nges pa bde blag tu ster bar
'gyur te/ de'i tshul ni skabs

rnams su rgyas par ston par 'gyur ro/ /nyes spyod chen po rang
'gags su 'gro ba ni/ padma dkar po dang bden ba po'i le'u nas
bshad pa ltar/ sangs rgyas kyi bka' thams cad dngos dang brgyud
pas 'tshang rgya ba'i thabs

ston par ma go bar/ 'ga' zhig 'tshang rgya ba'i thabs dang 'ga'
zhig 'tshang rgya ba'i gegs su bzung nas bzang ngan dang rigs mi
rigs dang theg pa che chung du phye ste/ byang sems kyis 'di la
slob dgos la 'di la slob mi dgos

@14a @#/ /so zhes dor byar bzung na chos spong bar 'gyur te/ rnam
par 'thag pa thams cad bsdus ba'i mdo las/ 'jam dpal dam pa'i
chos spong ba'i las kyi sgrib pa ni phra'o/ /'jam dpal gang de
bzhin

gshegs pas gsungs pa'i bka' la la ni bzang bar 'du shes la/ la
la ni ngan par 'du shes pa ni chos spong ba'o/ /gang chos spong
ba des chos spangs pas de bzhin gshegs pa la skur pa 'debs pa
yin/ dge 'dun

la ngan du brjod pa yin no/ /'di ni rigs pa'o 'di ni mi rigs
pa'o zhes zer na chos spong ba'o/ /'di ni byang chub sems dpa'
rnams kyi ched du gsungs pa'o/ /'di ni nyan thos rnams kyi ched
du gsungs pa'o zhes zer na chos

spong ba yin no/ /'di ni rang sangs rgyas rnams kyi ched du
gsungs pa'o zhes zer na chos spong ba yin no/ /'di ni byang chub
sems dpa' rnams kyi bslab pa ma yin no zhes zer na chos spong ba
yin no/ /zhes gsungs

so; ;chos spangs na de'i nyes pa shin tu lci ba ni/ ting nge
'dzin rgyal po las/ gang gis 'dzam bu'i gling 'dir ni/ /mchod
rten thams cad bshig byed pas/ /gang gis mdo sde spong byed
pa'i/ /sdig pa de ni ches

khyad 'phags/ /gang gis ganggA'i bye snyed kyi/ /dgra bcom bsad
par gyur pa bas/ /gang gis mdo sde spong byed pa'i/ /sdig pa de
ni ches khyad 'phags/ /zhes gsungs so/ /spyir chos spong 'byung
ba la sgo mang du

@14b snang na'ang sngar bstan pa'i sgo 'di che shos su snang bas
'bad pas spang bar bya'o/ /de yang sngar bstan pa ltar gyi nges
pa rnyed pa tsam gyis bzlog par 'gyur bas nyes spyod rang 'gags
su 'gro ba'o/ /nges pa de ni bden pa po'i le'u dang

dam pa'i chos padma dkar po mang du bltas pa las btsal bar bya
zhing/ chos spong gi sgo gzhan rnams ni rnam par 'thag pa bsdus
pa'i mdo las shes par bya'o/ /che ba gnyis dang ldan pa'i chos
la nyan bshad ji ltar bya ba la gsum/

nyan pa'i tshul dang/ bshad pa'i tshul dang/ mjug tu thun mong du
bya ba'i tshul lo/ /dang po la gsum/ chos thos pa'i phan yon bsam
pa/ chos dang chos smra ba la rim gro bskyed pa/ nyan pa'i tshul
dngos so/ /dang po

ni; thos pa'i tshoms las/ thos pas chos rnams shes par 'gyur/
/thos pas sdig las ldog par byed/ /thos pas don ma yin pa spong/
/thos pas mya ngan 'das pa 'thob/ /ces dang/ ji ltar khyim ni

legs g.yogs pa/ /mun pas khebs pa'i nang zhugs na/ /gzugs rnams
yod par gyur kyang ni/ /mig ldan bzhin du mi mthong ba/ /de
bzhin 'di na rigs skyes pa'i/ /mi ni blo gros ldan gyur kyang/
/sdig

pa dang ni dge ba'i chos/ /ma thos bar du shes mi 'gyur/ /mig
ldan mar me yod pa yis/ /gzugs rnams mthong ba ji lta bar/ /de
bzhin dge dang sdig pa'i chos/ /thos pas rnam par shes par
'gyur/ /zhes dang/ skyes

@15a @#/ /rabs las kyang/ gang zhig thos pas yid ni dad gyur nas/
/legs par dga' la brtan pa nyid du 'gyur/ /shes rab skye zhing
gti mug med par 'gyur/ /rang gi shas  

kyang de ni nyo ba'i rigs/ /thos pa gti mug mun sel sgron me
yin/ /rkun po la sogs mi 'khyer nor gyi mchog /kun tu rmongs
pa'i dgra 'joms mtshon cha yin/ /thabs tshul man ngag ston pas
grogs kyi mchog /

phongs par gyur kyang mi 'gyur 'dza' bo yin/ /gnod pa med pa mya
ngan nad kyi sman/ /nyes pa chen po'i dpung 'joms dpung gi mchog
/grags dang dpal dang gter gyi mchog kyang yin/ /ya rabs rnams
dang phrad na skyes kyi

mchog /tshogs kyi nang na mkhas pa mgu bar 'gyur/ /zhes dang/
thos pa'i rjes 'jug bsgrub pa snying por byed/ /skye ba'i rdzong
las tshegs chung thar bar 'gyur/ /zhes gsungs pa'i thos pa'i phan
yon rnams la snying

thag pa nas mos pa bskyed do/ /gzhan yang/ sangs rgyas 'byung ba
brgya lam na yin zhing de'i chos kyang de dang 'dra bas dkon
pa'i don gyis rin po che'i 'du shes dang/ 'phral 'phral du lhan
cig skyes pa'i shes rab je

cher bskyed pas mig gi 'du shes dang/ shes rab kyi mig byin pa
des ji lta ba dang ji snyed pa rnams mthong bar 'gyur bas snang
ba'i 'du shes dang/ mthar mya ngan las 'das pa dang byang chub
chen po'i 'bras bu ster bas phan yon che

@15b ba'i 'du shes dang/ da lta nas kyang de gnyis kyi rgyu zhi
gnas dang lhag mthong gi bde ba thob par byed pas kha na ma tho
ba med pa'i 'du shes dang lngas mnyan dgos par byang sa las
gsungs pa ltar sems pa ni thos pa'i phan yon

sems pa'o/ /gnyis pa ni/ sa'i snying po'i mdo las/ gcig tu dad
cing gus pas chos mnyan gyi/ /de la 'phya zhing skur bar mi
bya'o/ /chos smra ba la mchod pa bya ba ni/ /sangs rgyas 'dra
bar de la 'du shes bskyed/ /

ces gsungs pa ltar/ sangs rgyas dang 'dra bar bltas la sengge'i
khri la sogs pa'i bkur sti dang rnyed pas mchod de ma gus pa
spang zhing/ byang sa las/ kun nas nyon mongs pa med pa dang
chos smra ba la gnas lngar yid

la mi bya bar gsungs pa ltar mnyan te/ khengs pa dang bral ba
ni/ dus su nyan pa dang bkur sti byed pa dang sri zhu byed pa
dang mi khro ba dang rjes su bsgrub pa dang klan ka mi tshol ba
drug gis nyan pa'o/ /khyad gsod kyi nyon

mongs pa dang bral ba ni/ chos dang chos smra ba la gus pa dang
de gnyis la khyad du mi gsod pa'o/ /gnas lngar yid la mi bya ba
ni/ tshul khrims nyams pa dang rigs dma' ba dang byad ngan pa
dang tshig 'bru ngan pa dang tshig

rtsub cing mi snyan par smra bas 'di la mi mnyan no snyam pa
'dor ba'o/ /skyes pa'i rabs las kyang/ rab tu dma' ba'i stan la
'dug /dul ba'i dpal ni rnam par bskyed/ /dga' dang ldan pa'i mig
gis blta/ /

@16a @#/ /tshig gi bdud rtsi 'thung ba bzhin/ /gus pa bskyed cing
rtse gcig btud/ /rab tu dang la dri med yid/ /nad pas sman pa'i
tshig nyan bzhin/ /rim gro bskyed de chos nyon cig /ces

gsungs pa ltar ro/ /nyan pa'i tshul dngos la gnyis/ snod kyi
skyon gsum spang ba/ 'du shes drug bsten pa'o/ /dang po ni/ snod
kha sbub pa dang/ kha gyen du bzed kyang mi gtsang ba dang/
gtsang du zin kyang zhabs rdol

na; der lhas char phab kyang nang du mi 'gro ba dang/ song yang
mi gtsang bas sbags pas 'thung ba la sogs pa'i dgos pa mi 'grub
pa dang/ mi gtsang bas ma bslad kyang nang du mi gnas par zags
nas 'gro ba'o/ /

de bzhin du chos 'chad pa'i grwar bsdad du zin kyang rna legs
par mi gtod pa dang/ gtad du zin kyang log par bzung ba'am kun
slong skyon chags pa la sogs pa dang/ skyon de dag med kyang
nyan pa'i dus su bzung

ba'i tshig dang don rnams brtan par ma byas par brjed pa la sogs
pas nyams par gyur na/ chos thos pa dgos pa chen por mi 'gyur
bas de dag dang bral ba dgos te/ de gsum gyi gnyen por mdo las/

legs par rab tu nyon la yid la zungs shig ces tshig gsum gsungs
pa yin no/ /de yang byang sa nas/ kun shes par 'dod pa dang rtse
gcig pa dang rna blags pa dang yid btud pa dang sems thams cad
kyis bsams

@16b nas nyan par gsungs pa ltar ro/ /'du shes drug bsten pa la/
rang la nad pa lta bu'i 'du shes bzhag pa ni/ spyod 'jug las/
tha mal nad kyis btab pa yang/ /sman pa'i ngag bzhin bya dgos
na/ /'dod chags la sogs

nyes brgya yi/ /nad kyis rtag btab smos ci dgos/ /zhes gsungs pa
ltar/ rgyun ring ba gso dka' ba sdug bsngal drag po bskyed pa'i
nad chags sogs nyon mongs pas dus rtag tu na ba yin pas de la
der ngo shes par byed

dgos/ ka ma ba'i zhal nas/ don la min na de ltar bsgom pa phyin
ci log tu 'gro ste dug gsum gyi gcong nad chen pos thebs nas nad
tshabs shin tu che ba la 'o skol gyis na bar ye ma shes gsung/
chos smra ba la sman pa lta

bu'i 'du shes bzhag pa ni/ dper na/ rlung mkhris la sogs pa'i
nad tshabs po ches btab pa na sman pa mkhas pa 'tshol/ de dang
phrad pa na dga' ba chen po skye ci zer nyan gus pas bsnyen bkur
ba ltar/ chos ston pa'i

bshes gnyen la'ang de ltar 'tshol ba dang rnyed nas khur du mi
'gro bar rgyan du 'dzin te ci gsung bsgrub cing gus pas bsnyen
bkur bar byed pa ste/ yon tan rin po che sdud pa las/ de lta bas
na byang chub dam pa 'tshol ba yi/ /

bsam pa drag ldan mkhas pas nga rgyal nges bcom ste/ /nad pa'i
tshogs kyis gso phyir sman pa bsten pa ltar/ /g.yel ba med par
dge ba'i bshes gnyen bsten par bya/ /zhes gsungs pa'i phyir ro/
/rjes su

@17a @#/ /bstan pa la sman gyi 'du shes bskyed pa ni/ nad pas
sman pas sbyar ba'i sman la gces spras chen po byed pa ltar/
chos smra bas gsungs pa'i gdams ngag dang rjes su bstan pa

la gal po cher mthong nas 'bad pa du mas gces spras su 'dzin
cing brjed pa la sogs pa'i sgo nas chud 'dza' bar mi byed pa'o/
/nan tan nyams su blang ba la nad 'tsho ba'i 'du shes bskyed par
bya ba ni/ nad pas sman pas

sbyar ba'i sman ma 'thungs na nad zhi mi nus par mthong nas
'thung ba ltar/ chos smra bas bstan pa'i gdams pa nyams su ma
blangs na chags sogs gzhom mi nus par mthong nas nan tan gyis
nyams su len par byed kyi/

nyams len med par rnam grangs mang po gsog pa'i tshig lhur mi len
pa'o/ /de yang mdze can lag pa dang rkang pa chad pa la sman
thun re re gnyis gnyis bsten pas cir yang mi 'gyur ba ltar/ 'o
skol thog ma med pa nas

nyon mongs pa'i nad gzhi tshabs can gyis thebs pa la gdams ngag
gi don lan re re gnyis gnyis tsam nyams su blangs pas mi chog
pas/ lam gyi cha thams cad rdzogs pa la so sor rtog pa'i shes
rab kyis dpyad

cing chu bo'i rgyun bzhin du 'bad 'tshal te/ slob dpon chen po
tsandra gau mis bshags bstod las/ der yang rgyun du sems ni rnam
rmongs la/ /yun ring dus su nad gzhi sten byed cing/ /mdze can
rkang pa

@17b lag pa chad pa la/ /thang 'ga' sman bsten pa yis ci bgyir
mchi/ /zhes gsungs pa ltar ro/ /de ltar na rang la nad pa lta
bu'i 'du shes shin tu gal che ste/ de yod na gzhan rnams kyang
'byung la/ de tshig tsam du

song na nyon mongs pa bsal ba'i phyir du gdams pa'i don mi
bsgrub par nyan pa tsam zhig tu 'gyur bas/ sman pa btsal nas
sman mi 'thung bar sman sbyor ba kho na lhur blangs na nad pa
nad las mi thar ba dang 'dra ste/ ting

nge 'dzin gyi rgyal po las/ mi dag na zhing lus ni sdug bsngal
te/ /lo grangs mang po res 'ga' ma thar ba/ /de ni yun ring nad
kyis nyon mongs pas/ /nad rnams gso ba'i phyir yang sman pa
btsal/ /yang dang yang du de

yis btsal ba yis/ /sman pa mkhas shing rig pa de rnyed de/ /des
kyang snying rje nye bar bzhag nas ni/ /sman 'di gtang bar gyis
zhes byin pa dang/ /sman mang bzang zhing phangs pa de blangs
nas/ /na ba 'tsho bar 'gyur

ba'i sman mi 'thung/ /sman bsam lan sman gyis ma nyes te/ /nad
pa de nyid kyis ni nyes pa yin/ /de bzhin bstan pa 'di la rab
byung ste/ /stobs dang bsam gtan dbang po kun rig nas/ /bsgom pa
la ni mngon par brtson mi

byed; ;rigs par mi brtson ga la mya ngan 'da'/ /zhes dang/ ngas
ni rab tu bzang po'i ? chos bshad kyang/ /khyod kyis thos nas
yang dag ma spyad na/ /nad pa sman gyi rkyal ba thogs pa dag
/bdag gi nad ni gso bar mi nus

@18a @#/ /bzhin/ /zhes dang/ spyod pa la 'jug pa las kyang/ lus
kyis 'di dag spyad par bya/ /tshig tsam brjod pas ci zhig 'grub/
/sman dpyad bklags pa tsam gyis ni/ /nad pa dag la phan

'gyur ram/ /zhes gsungs pa'i phyir ro/ /des na nan tan la ni nad
sel ba'i 'du shes bskyed par bya'o zhes gsungs pa'i nan tan ni/
bshes gnyen gyi gdams pa'i blang dor gyi gnas rnams la lag len
du

byed pa ste/ de yang byed pa la shes dgos shing/ de la thos dgos
pa dang thos nas shes par byas pa'i dgos pa'ang byed pa yin pas/
thos pa'i don la nus pa dang bstun pa'i lag len re gnad du
che'o/ /de

ltar yang/ thos pa'i tshoms las/ gal te thos pa mang gyur kyang/
/tshul khrims legs par mi sdom na/ /de ni tshul khrims phyir smad
cing/ /de yi thos pa phun sum min/ /gal te thos pa nyung gyur
kyang/ /

tshul khrims legs par sdom byed na/ /de ni tshul khrims phyir
bsngags shing/ /de yi thos pa phun sum 'gyur/ /gang zhig thos pa
nyung ba dang/ /tshul khrims legs par mi sdom pa/ /de ni gnyi
ga'i phyir smad

cing; ;de yi brtul zhugs phun sum min/ /gang zhig mang du thos
pa dang/ /tshul khrims legs par sdom byed pa/ /de ni gnyi ga'i
phyir bsngags shing/ /de yi brtul zhugs phun sum 'gyur/ /zhes

@18b dang; legs gsungs thos pa snying por shes pa dang/ /ting
nge 'dzin dag snying por shes gyur kyang/ /gang zhig bag med
brlang por byed pa de'i/ /thos dang shes pa don chen mi 'gyur
ro/ /gang zhig 'phags pas bstan

pa'i chos dga' zhing/ /de bzhin lus dang ngag gis spyod byed pa/
/de dag bzod ldan grogs dga' dbang po bsdams/ /thos dang shes
pa'i pha rol phyin pa 'thob/ /ces dang/ lhag bsam bskul ba las
kyang/

bdag ni sgrub nyams da ni ci bya zhes/ /'chi ba'i dus tshe byis
pa mya ngan byed/ /gting rnyed ma gyur shin tu sdug bsngal
'gyur/ /smra la dga' ba'i nyes pa 'di dag go / /zhes dang/ gar
la blta ba'i khrod na 'dug pa zhig /dpa'

bo gzhan gyi yon tan brjod pa bzhin/ /bdag nyid nan tan nyams
par 'gyur ba ste/ /smra la dga' ba'i nyes pa 'di dag go / /zhes
dang/ bu ram shing shun snying po ci yang med/ /dga' bar bya
ba'i ro ni nang na 'dug /

shun pa zos pas mis ni bu ram ro/ /zhim po rnyed par nus pa ma
yin no/ /ji ltar shun pa de bzhin smra ba ste/ /ro lta bu ni 'di
la don sems yin/ /de lta bas na smra la dga' spongs te/ /rtag tu
bag yod byos la don soms

shig ;ces gsungs so/ /de bzhin gshegs pa la skyes bu dam pa'i
'du shes bzhag pa ni/ chos gsung ba po bcom ldan 'das rjes su
dran nas gus pa bskyed pa'o/ /chos kyi tshul la ring du gnas pa'i
'du

@19a @#/ /shes bskyed pa ni/ chos 'di lta bu mnyan pa la brten
nas rgyal ba'i bstan pa 'jig rten na ring du gnas na ci ma rung
snyam du sems pa'o/ /gzhan yang chos 'chad pa'am nyan pa na rang
gi rgyud

logs su bzhag /chos logs su bshad pa des ci bshad kyang gnad du
mi 'gro bas rang gi rgyud gtan la dbab pa'i ched du nyan pa zhig
dgos so/ /dper na/ byad bzhin gyi nag nog la sogs pa'i dri ma
yod med rtog

bar 'dod pa na me long la bltas nas shes par byas te dri ma sel
ba ltar/ rang gi spyod pa skyon chags pa rnams kyang chos mnyan
pa na chos kyi me long du 'char la/ de'i tshe bdag gi rgyud 'di
lta bur song ngo zhes yid la

gdung ba skyes te/ de nas skyon sel zhing yon tan bsgrub pa la
'jug pas chos kyi rjes su slob ba zhig dgos te/ skyes pa'i rabs
las/ bdag gi spyod pa ngan pa'i gzugs/ /chos kyi me long gsal

mthong na/ /yid la gdung ba rab skyes te/ /bdag ni chos la
phyogs par 'gyur/ /zhes su ta sa'i bus rgyal sras zla ba la chos
ston pa'i phyir zhus pa na/ byang chub sems dpas de'i bsam pa
chos nyan pa'i

snod du gyur par mkhyen nas chos gsungs pa ltar ro/ /mdor na
bdag gis sems can thams cad kyi don du sangs rgyas thob par bya/
de thob pa la de'i rgyu la bslab dgos/ de la shes dgos/ de la
chos

@19b thos pa dgos par snang bas chos mnyan par bya'o snyam du
sems bskyed/ thos pa'i phan yon dran bar byas te spro sing ba
byas nas snod kyi skyon spong ba sogs byas te mnyan no/ /gnyis
pa chos bshad pa'i tshul la bzhi/

chos bshad pa'i phan yon bsam pa/ ston pa dang chos la rim gro
bskyed pa/ bsam pa dang sbyor ba ji lta bus bshad pa/ yul gang
la bshad pa dang mi bshad pa'i khyad par ro/ /dang po ni/ rnyed
bkur dang grags

pa la sogs pa'i zang zing la mi blta bar chos ston pa ni shin tu
phan yon che ste/ lhag pa'i bsam pa bskul ba las/ byams pa nyi
shu po 'di ni zang zing med pa'i chos kyi sbyin pa rnyed pa dang
bkur sti mi 'dod par chos kyi

sbyin pa sbyin pa gang yin pa de'i phan yon yin te/ nyi shu gang
zhe na/ 'di lta ste/ dran pa dang ldan par 'gyur ba dang/ blo
gros dang ldan par 'gyur ba dang/ blo dang ldan par 'gyur ba
dang/ brtan pa dang ldan par

'gyur ba dang/ shes rab dang ldan par 'gyur ba dang/ 'jig rten
las 'das pa'i shes rab rjes su rtogs par 'gyur ba dang/ 'dod
chags chung bar 'gyur ba dang/ zhe sdang chung bar 'gyur ba
dang/ gti mug

chung bar 'gyur ba dang/ bdud kyis de la glags mi rnyed par
'gyur ba dang/ sangs rgyas bcom ldan 'das rnams kyis dgongs par
'gyur ba dang/ mi ma yin pa rnams de la bsrung bar 'gyur ba
dang/ lha

@20a @#/ /rnams de la gzi byin bskyed par 'gyur ba dang/ mi mdza'
ba rnams kyis de la glags rnyed par mi 'gyur ba dang/ de'i mdza'
bshes rnams mi phyed par 'gyur ba dang/ tshig btsun par

'gyur ba dang/ des mi 'jigs pa thob par 'gyur ba dang/ yid bde
ba mang bar 'gyur ba dang/ mkhas pas bsngags par 'gyur ba dang/
de'i chos kyi sbyin pa de yang rjes su dran par bya bar 'os par
'gyur ba ste/ zhes

sogs mdo sde du mar gsungs pa'i phan yon la snying thag pa nas
mos pa bskyed pa'o/ /de la brtan pa dang ldan pa ni/ bslab btus
'gyur gsar du mos pa dang ldan par bsgyur la/ 'gyur rnying kha
cig las

brtun pa dang ldan par bsgyur ro/ /ston pa dang chos la rim gro
bskyed pa ni/ rgyal ba'i yum gsung ba na bcom ldan 'das nyid
kyis gdan bsham pa sogs mdzad pa ltar/ chos ni sangs rgyas rnams
kyi'ang

bkur ba'i zhing yin pas chos la gus pa chen po dang ston pa'i
yon tan dang bka' drin rjes su dran te gus pa bskyed par bya'o/
/bsam pa dang sbyor ba ji lta bus bshad pa la/ bsam pa ni/ blo
gros rgya mtshos zhus pa las

gsungs pa'i 'du shes lnga bzhag ste/ rang la sman pa dang chos
la sman dang chos nyan pa la nad pa dang de bzhin gshegs pa la
skyes bu dam pa dang chos kyi tshul la ring du gnas pa'i 'du shes
bskyed pa dang 'khor la

@20b byams pa bsgom/ gzhan mtho bar dogs pa'i phrag dog dang
phyi bshol byed pa'i le lo dang yang yang 'chad pas ngal ba'i
skyo ba dang bdag nyid sgrogs shing gzhan gyi skyon gleng ba
dang chos la dpe mkhyud byed pa dang

zas gos la sogs pa'i zang zing la blta ba spangs te/ rang dang
gzhan sangs rgyas thob pa'i phyir du bstan pa'i bsod nams de
nyid bdag gi bde ba'i yo byad do snyam du bsam pa'o/ /sbyor ba
ni/ khrus byas

shing gtsang sbra dang ldan pas gos gtsang ma bgos te gtsang
zhing yid du 'ong ba'i sa phyogs su chos kyi khri dang stan la
'khod nas/ bdud tshar bcad pa'i sngags kha ton du bton na de'i
khor yug dpag tshad brgya tshun chad

du bdud dang bdud kyi ris kyi lha rnams mi 'ong la/ 'ongs kyang
bar chad bya bar mi nus par blo gros rgya mtshos zhus pa las
gsungs pas sngags de gdon la/ bzhin gyi mdangs rab tu gsal bas
don nges pa'i

yan lag dpe dang gtan tshigs dang lung dang ldan par bshad de/
dam pa'i chos padma dkar po las/ mkhas de rtag tu phrag dog med
par ni/ /sna tshogs don ldan snyan pa'i gtam yang ston/ /le lo
dag

kyang rnam par rab spangs nas/ /skyo ba snyam pa'i 'du shes
bskyed mi bya/ /mkhas pas mi dga' thams cad rnam par spangs/
/byams pa'i stobs ni 'khor la bsgom par bya/ /nyin mtshan du yang

@21a @#/ /chos mchog rab tu bsgom/ /mkhas pa des ni bye ba
khrag khrig dpes/ /'khor rnams mgu zhing de bzhin dga' bar
byed/ /de la nam yang 'dod pa cung zad med/ /zas dang skom
dang

bza' dang bca' ba dang/ /gos dang mal cha chos gos rnams dang
ni/ /na ba'i gsos sman dag kyang mi bsam ste/ /'khor rnams la
ni ci yang mi bslang ngo/ /gzhan du mkhas pa rtag tu bdag nyid
dang/ /

sems can 'di dag sangs rgyas 'grub par shog  /phan phyir 'jig
rten chos gang bstan pa de/ /bdag gi bde ba'i yo byad kun
snyam sems/ /zhes gsungs so/ /yul gang la bshad pa dang mi
bshad pa'i khyad par ni/ 'dul

ba'i mdo las/ ma gsol bar mi bya'o/ /zhes gsungs pa ltar/ gsol
ba ma btab par mi bshad cing gsol ba 'debs pa la'ang snod
brtag pa dang snod du shes na ma gsol bar yang bshad du rung
ba ni/

teng nge 'dzin gyi rgyal po las/ chos kyi sbyin pa'i ched kyi
phyir/ /gal te khyod la gsol 'debs na/ /rab rgyas bdag gis ma
bslabs zhes/ /thog mar tshig de brjod par bya/ /khyod ni shes
shing mkhas

yin na/ bdag nyid chen po'i mdun du ni/ /bdag gis ji ltar
bshad nus zhes/ /khyod kyis de skad brjod par bya/ /'phral du
brjod par mi bya yi/ /snod la brtag pa byas nas bya/ /gal te
snod ni shes

@21b gyur na/ /gsol ma btab kyang bshad par bya/ /zhes gsungs
so/ /gzhan yang 'dul ba'i mdo las/ 'dug pa la 'greng ste chos
mi bshad par ro/ /nyal ba la 'dug ste chos mi bshad par ro/
/stan mthon po la 'dug pa

la stan dma' ba la 'dug ste mi bshad par ro/ /ngan pa dang
bzang po yang de bzhin no/ /mdun du 'gro ba la phyi nas 'gro
zhing mi bshad par ro/ /lam nas 'grol ba la lam gyi 'gram nas
'gro zhing mi bshad par ro/ /mgo po

g.yogs pa dang brdzes pa dang gzar ba dang gzar ba dang gnya'
gong du bsnol ba dang ltag par bsnol ba la mi bya'o/ /mgo do
ker can dang zhwa gyon pa dang cod pan can dang phreng ba can
dang dkris pa la mi bshad par ro/ /glang po

che dang rta zhon pa dang khyogs dang bzhon pa'i steng na 'dug
pa dang mchil lham gyon pa la mi bshad do/ /lag na 'khar ba
dang gdugs dang mtshon dang ral gri dang dgra cha thogs pa dang
go cha gyon pa la mi bshad par ro/ /zhes

gsungs te/ de dag las ldog pa la ni bshad du rung ste min pa'i
dbang du byas pa'o/ /mjug tu thun mong du ji ltar bya ba ni/
bshad pa dang mnyan pa las byung ba'i dge ba rnams gnas skabs
dang mthar thug gi smon

gnas rnams su 'dun pa drag pos bsngo bar bya'o/ /de lta bu'i
tshul gyis chos bshad cing nyan na thun re tsam la'ang ji skad
gsungs pa'i phan yod rnams gdon mi za bar 'byung la/ chos nyan
bshad gnad du ma song

@22a @#/ /ba la brten nas chos dang chos smra ba lam gus pa la
sogs pa'i las kyi sgrib pa sngar bsags pa thams cad kyang 'dag
cing/ gsar du gsog pa rnams kyang 'phro 'chad pa dang/ 'chad
pa dang nyan

pa'i tshul gnad du song bas bshad pa'i gdams ngag gis kyang
rgyud la phan thogs par 'gyur bar gzigs nas/ spyir na dam pa
snga ma thams cad de la nan tan mdzad cing khyad par du gdams
ngag 'di'i bla ma gong

ma rnams nan tan shin tu che bar mdzad do/ /de ni gdams pa
chen por snang ste 'di la nges pa ma rnyed cing blo sna ma
'gyur bas chos zab la rgya che ba ji tsam bshad kyang lha bdud
du bab pa ltar gyur nas chos de

nyid nyon mongs pa'i grogs su 'gro ba ches mang bar snang ngo/
/de bas na tshes gcig nas 'phyugs na bco lnga'i bar zhes zer ba
ltar yin pas/ nyan pa dang bshad pa lam du gtong tshul 'di la
blo dang ldan pa rnams

kyis 'bad nas 'chad pa dang nyan pa byung res kyis ma mtha' re
dang ldan par byas te/ gdams pa ston pa'i sngon 'gro'i mchog
ni 'di yin pa'i phyir ro/ /'di dag ni tshig mngas su dogs nas
gces gces rnams

bsdus pa ste rgyas par ni gzhan nas shes par bya'o/ /gdams
pa'i sngon 'gro bshad zin to// //bzhi pa gdams pa dngos kyis
slob ma ji ltar bkri ba'i rim pa la gnyis/ lam gyi rtsa ba

@22b bshes gnyen bsten pa'i tshul dang/ bsten nas blo ji ltar
sbyang ba'i rim pa'o/ /dang po la gnyis/ nges pa bskyed pa'i
phyir cung zad spros te bshad pa dang/ skyong chul mdor bsdus
te bstan pa'o/ /dang po ni/ snying po nges

par bsdu ba las/ rigs la gnas pa'i gang zag des/ /bshes gnyen
dam pa bsten byas la/ /zhes dang/ po to ba'i gsung sgros dol
pas bsgrigs pa las kyang/ man ngag thams cad bsdus pa'i 'go
ni/ /bshes

gnyen dam pa mi btang ba yin/ /zhes 'byung ba ltar/ slob ma la
rgyud la yon tan sna gcig skye ba dang skyon sna gcig 'grib pa
yan chad bde legs thams cad kyi 'byung gnas ni dam pa'i bshes
yin pas thog mar de

bsten pa'i tshul gal che ste/ byang chub sems dpa'i sde snod
las/ mdor na byang chub sems dpa'i spyod pa thams cad 'thob
cing yongs su rdzogs pa dang de bzhin du pha rol tu phyin pa
dang/ sa dang bzod pa dang ting nge

'dzin dang mngon par shes pa dang gzungs dang spobs pa dang
bsngo ba dang smon lam dang sangs rgyas kyi chos thams cad
'thob cing yongs su rdzogs pa ni bla ma la rag las/ bla ma
rtsa bar gyur bla ma las byung bla ma

skye gnas dang skye mched du gyur bla mas bskyed bla mas spel
bla ma la brten bla ma rgyur gyur pa dag go/ /zhes gsungs
pa'i phyir ro/ /po to ba'i zhal nas kyang/ rnam grol bsgrub pa
la bla ma las gal che ba med de/ tshe  

@23a @#/ /'di'i bya ba bltas nas byas pas chog pa la'ang slob
mkhan med par mi 'ong na ngan song nas 'ongs ma thag pa 'gro
ma myong ba'i sar 'gro ba la bla ma med par ga na 'ong gsung
ngo/ /de ltar na

bshes gnyen bsten tshul la drug  /bsten bya dge ba'i bshes
gnyen gyi mtshan nyid/ sten byed slob ma'i mtshan nyid/ des de
ji ltar bsten pa'i tshul/ bsten pa'i phan yon/ ma bsten pa'i
nyes

dmigs/ de dag gi don bsdu ba'o/ /dang po ni/ spyir gsung rab
dgongs 'grel dang bcas pa nas theg pa so so'i dbang du byas pa
mang po zhig gsungs kyang/ 'dir skyes bu gsum gyi lam la rim
gyis

khrid nas sangs rgyas kyi lam theg pa chen po la 'khrid pa'i
dge ba'i bshes gnyen zhig ston pa yin no/ /de ni mdo sde'i
rgyan las/ bshes gnyen dul ba zhi ba nyer zhi ba/ /yon tan
lhag pa brtson bcas lung

gis phyug  /de nyid rab tu rtogs pa smra mkhas ldan/ /brtse
ba'i bdag nyid skyo ba spangs la brten/ /zhes bshes gnyen chos
bcu dang ldan pa zhig la slob mas brten dgos par gsungs so/
/de yang rang ma dul

bas gzhan 'dul ba gnas med bar gsungs pas gzhan 'dul ba'i bla
ma des thog mar rang gi rgyud btul ba zhig dgos so/ /'o na ji
ltar btul ba zhig dgos snyam na/ gang byung byung gi sgrub pa
byas nas rtogs

@23b pa'i yon tan du ming btags pa re rgyud la yod pas mi phan
pas rgyal ba'i bstan pa spyi dang mthun pa'i rgyud 'dul lugs
shig dgos te/ de ni bslab pa rin po che gsum du nges pas dul
ba la sogs pa gsum gsungs

so; ;de la dul ba ni tshul khrims kyi bslab pa ste/ so sor thar
pa las/ rtag tu 'bad pas bda' ba yi/ /sems rta kha blan dka'
ba la/ /mthun pa'i gzer rnon brgya pa yi/ /srab ni so sor thar
'di yin/ /

zhes pa dang/ lung rnam 'byed las/ gdul bya ma thul pa yi srab
'di yin/ /zhes gsungs pa ltar/ rta dmu rgod 'dul sbyong mkhan
gyis srab bzang pos 'dul ba ltar/ dbang po log pa'i yul gyi
rjes su 'brang

ba rta dmu rgod lta bu bya ba ma yin pa la 'jug na tshar gcod
cing/ 'bad pa du mas bya bar 'os pa'i phyogs la 'jug par byed
pa'i tshul khrims la bslabs pas sems kyi rta dul bar byas pa'o/
/zhi ba ni de ltar legs

par spyad pa dang nyes par spyad pa'i 'jug ldog la dran pa
dang shes bzhin bsten pas sems nang du zhi bar gnas pa'i ting
nge 'dzin gyi bslab pa skyes pa'o/ /nye bar zhi ba ni sems las
su rung ba'i zhi gnas la brten nas

yang dag pa'i don la so sor dpyad pas shes rab kyi bslab pa
skyes pa'o/ /de ltar bslab pa gsum gyis rgyud dul bar byas
pa'i rtogs pa'i yon tan tsam dang ldan pas mi chog gi/ lung gi
yon tan dang yang ldan

@24a @#/ /dgos pas lung gis phyug ces pa ni sde snod gsum la
sogs pa la mang du thos pa dang ldan pa'o/ /dge bshes ston
pa'i zhal nas/ theg chen gyi bla ma bya ba bshad pa na 'byams
klas par

go ba bskyed la lag tu len pa na bstan pa'i tha ma la gang
phan dang thad kar don du gang 'gyur ston pa zhig dgos gsung
ngo/ /de nyid rtogs pa ni shes rab kyi bslab pa khyad par can
chos bdag med pa rtogs pa'am/

yang na de kho na nyid mngon du gyur pa gtso bor bzung ste de
med na'ang lung rigs kyis rtogs pas kyang 'grub gsung ngo/ /de
ltar lung rtogs dang ldan yang slob ma las dman pa dang mnyam
pas mi chog pas yon tan

lhag pa zhig dgos te/ mdza' bshes kyi tshoms las/ dman pa bsten
pas mi dag nyams 'gyur zhing/ /thad kar bab pa bsten pas so na
gnas/ /gtso bo bsten pas dam pa thob 'gyur ba/ /de phyir bdag

pas gtsor gyur bsten par bya/ /tshul khrims nye bar zhi ba
dang/ /shes rab ches mchog ldan pa yi/ /gtso bo gang yin de
bsten na/ /gtso bo bas kyang ches gtsor 'gyur/ /zhes gsungs
pa'i phyir

ro; ;phu chung bas dam pa rnams kyi lo rgyus gsan tsa na de la
ni nga yar blta ba yin gsung ba dang/ mtha' bzhi'i zhal nas/
nga ni rwa sgreng ba'i rgad po de rnams la mig rten byed gsung
ba ltar/ yon tan lhag

@24b pa la mig yar blta ba zhig dgos so/ /de ltar chos drug po
de ni rang gis thob pa'i yon tan no/ /lhag ma ni gzhan rjes su
'dzin pa'i yon tan te/ de yang ji skad du/ thub rnams sdig pa
chu yis mi 'khru zhing/ /'gro

ba'i sdug bsngal phyag gis mi sel la/ /nyid kyi rtogs pa gzhan
la spo min te/ /chos nyid bden pa bstan pas grol bar mdzad/
/ces gsungs pa ltar/ gzhan la lam ma nor bar bstan nas rjes su
'dzin pa ma

gtogs pa sdig pa chus 'khru ba sogs byar med do/ /de la chos
bzhi las/ smra mkhas pa ni ji ltar bkri ba'i rim pa la mkhas
shing don gdul bya'i blo la skyel ba la gzo ba'o/ /brtse ba ni
chos ston pa'i kun slong dag pa

ste rnyed bkur sogs la mi blta bar byams pa dang snying rjes
kun nas bslangs te ston pa'o/ /po to ba'i zhal nas spyan snga
la/ li mo'i bu/ ci tsam pa'i chos bshad cig byas te legs so
gcig kyang bdag gir byed

ma myong/ 'gro ba nyam thag pa min pa med gsung ba 'dra ba
zhig dgos pa yin par gda'/ brtson bcas ni gzhan gyi don la
spro ba brtan pa'o/ /skyo ba spangs pa ni yang yang 'chad pas
mi ngal ba ste 'chad pa'i dka' spyad

bzod pa'o/ /po to ba'i zhal nas/ bslab pa gsum dang de nyid
rtogs pa dang snying brtse ba lnga gtso bo yin/ nged kyi slob
dpon zhang btsun kun la mang du thos pa'ang med skyo ba bzod
pa'ang med pas gla bo drin du

@25a @#/ /gcags pa re byed pa'ang med de snga ma lnga yod pas
drung na su yod pa la phan/ gnyan ston la smra mkhas pa ye med
yon bshad re byed ba'ang 'di kun gyis da res mi go snyam pa
las mi shes te lnga po

yod pas su nye ba la phan gsung ngo/ /de ltar na bslab pa
rnams la bsgrub pa lhur len med par de dag gi bsngags pa'am
yon tan brjod pas rang gi 'tsho ba bsgrub pa ni dge ba'i bshes
su mi 'os te/ tsan dan gyi bsngags

pa brjod pas 'tsho ba bsgrub pa la tsan dan don du gnyer ba
'ga' zhig gis khyod la de yod dam zhes smras pa na med do zhes
smra ba dang 'dra bar don med par tshig tsam du 'gyur ba'i
phyir te/ ting nge 'dzin rgyal po las/ phyi

ma'i dus la dge slong ni/ /sdom pa med pa mang po dag  /mang du
thos pa dag 'dod 'gyur/ /tshul khrims bsngags pa brjod byed la/
/tshul khrims don du gnyer ba med/ /ces ting nge 'dzin shes rab
rnam grol gsum la'ang

de ltar gsungs nas/ ji ltar skyes bu la la dag  /tsan dan dag
ni 'di 'dra ste/ /spos kyi rnam pa yid 'ong zhes/ /tsan dan
dag gi yon tan brjod/ /de nas mi gzhan la la yis/ /de ltar
bsngags pa brjod

pa yi; ;tsan dan cung zad bsrel tam zhes/ /skyes bu ma las de
dris na/ /skyes bu de la slar smras pa/ /gang gis 'tsho bar
byed pa yi/ /spos kyi bsngags pa brjod pa de/ /spos de nga la
med ces smra/ /de bzhin

@25b rnal 'byor mi brtson pa/ /tshul khrims bsngags pas 'tsho ba
dag  /phyi ma'i dus na 'byung 'gyur te/ /de dag la ni tshul
khrims med/ /ces lhag ma gsum la'ang de dang 'dra bar gsungs
pa'i phyir ro/ /de ltar rnam grol bsgrub

pa'i bla ma ni gtan gyi 'dun ma'i rtsa ba yin pas/ bla ma
bsten par 'dod pa rnams kyis ni de dag shes par byas la mtshan
nyid dang ldan pa 'tshol ba la 'bad par bya zhing/ slob ma
bsten par 'dod pa rnams kyis kyang de dag

shes par byas nas mtshan nyid de dag dang ldan par bya ba la
'bad do/ /dus kyi dbang gis yon tan de dag tshang bar rnyed pa
dka' bas de ltar ma rnyed na ji ltar bya zhes na/ dpung bzang
gis zhus pa las/ ji ltar 'khor lo

gcig pa'i shing rta ni/ /rta dang ldan yang lam du mi 'gro
ltar/ /de bzhin bsgrub pa yi ni grogs med na/ /lus can dngos
grub 'thob par mi 'gyur ro/ /de ni blo ldan gzugs bzang gtsang
spra che/ /rigs ni btsun

zhing chos la gzhol ba dang/ /spobs pa che zhing dpa' la dbang
po dul/ /snyan par smra zhing sbyin phod snying rje can/
/bkres dang skom dang nyon mongs bzod pa dang/ /bram ze dang
ni lha sgzhan mchod mi byed/ /bsgrin cing gzo

la byas pa gzo ba dang/ /dkon mchog gsum la dad pa grogs po
yin/ /de lta'i yon tan ma lus ldan pa dag  /rtsod pa'i dus na
shin tu dkon pas na/ /yon tan phyed dam bzhi cha brgyad cha
can/ /de lta bu ni sngags 

@26a @#/ /pa'i grogs por bsten/ /zhes grogs la mtshan nyid yongs
rdzogs gsungs pa'i brgyad cha la ma mthar gsungs la/ de bla ma
la'ang mtshungs so zhes jo bo chen po gsung bar po to ba'i gsung

sgros dol pas bsgrigs pa las bshad pas/ mtshan nyid du gsungs pa
yongs su rdzogs par tshang ba rnams kyi dka' sla ci rigs par
bsdebs pa'i brgyad cha dang ldan pa la ma mthar bya'o/ /gnyis pa
sten byed

slob ma ni/ bzhi brgya pa las/ gzur gnas blo ldan don gnyer
ba'i/ /nyan po snod ces bya bar bshad/ /smra po yon tan rnam
gzhan du/ /mi 'gyur nyan pa po la'ang min/ /zhes chos gsum dang

ldan pa zhig nyan pa'i snod du rung ba dang de gsum tshang na
chos smra ba po'i yon tan rnams yon tan du snang gi skyon du
snang bar mi 'gyur la/ der ma zad nyan pa po'i yon tan rnams
kyang gang zag de la yon tan du snang gi

skyon du mi snang bar gsungs te/ snod kyi mtshan nyid de dag ma
tshang na chos smra ba'i bshes gnyen ches yongs su dag kyang nyan
pa po'i skyon gyi dbang gis skyon can du 'dzud la/ 'chad pa po'i
skyon yang yon tan du 'dzin

par 'grel pa las gsungs so/ /des na bshes gnyen mtshan nyid thams
cad tshang ba zhig rnyed kyang de la der ngo shes pa dka' bas der
shes nas bsten ba la mtshan nyid 'di dag tshang dgos so/ /de la
gzu bor gnas

@26b pa ni; phyogs lhung med pa ste de yod na des bsgribs nas
yon tan mi mthong bas legs par bshad pa'i don mi rnyed de/ dbu
ma'i snying po las/ phyogs su lhung bas sems gdungs pas/ /zhi ba
nam yang rtogs mi

'gyur/ /zhes gsungs pa ltar ro/ /phyogs lhung ni/ rang gi lugs
la chags pa dang gzhan gyi chos lugs la zhe sdang ba'o/ /de 'dra
ba de rang gi rgyud la brtags nas dor dgos te/ byang chub sems
dpa'i so sor

thar pa las/ rang gi 'dod pa btang ste mkhan po dang slob dpon
gyi gzhung la rab tu gnas pa dang gus par bya'o/ /zhes gsungs
pa'i phyir ro/ /de tsam gyis chog gam snyam na gzu bor gnas
kyang legs bshad lam yang

dag pa dang nyes bshad lam ltar snang gnyis rnam par 'byed pa'i
blo'i mthu med na snod du mi rung bas de gnyis go ba'i blo dang
ldan pa dgos te/ des ni snying po med pa'i phyogs dor nas snying
po len no/ /de gnyis tsam gyis

chog gam snyam na de gnyis yod kyang ri mo'i chos nyan ltar mi
rtsom na snod du mi rung bas don du gnyer ba chen po dang ldan
pa dgos so/ /'grel pa las/ chos dang chos smra ba la gus pa dang
yid gtod pa gnyis bsnan nas lngar

gsungs so/ /de ltar na chos la don gnyer che ba nyan pa'i tshe
yid legs par gtod pa chos dang chos smra ba la gus pa chen po
'jog pa nyes bshad dor nas legs bshad 'dzin pa ste bzhi'o/ /bzhi
po de'i mthun

@27a @#/ /rkyen ni blo dang ldan pa yin la/ 'gal rkyen 'dor ba ni
gzu bor gnas pa'o/ /bla mas bkrir rung ba'i chos de rnams tshang
ma tshang brtags la tshang na dga' ba bsgom/ ma tshang na phyi ma
chun

chod du tshang ba'i rgyu la 'bad par bya dgos pas rten gyi chos
de dag shes par byas te/ de dag gi mtshan nyid mi shes na rtog
dpyod mi 'jug pas don chen po las nyams par 'gyur ro/ /gsum pa
des de ji ltar bsten pa'i

tshul ni/ de ltar snod dang ldan pa des bla ma mtshan nyid dang
ldan mi ldan gong du bshad pa ltar legs par brtags la mtshan nyid
dang ldan pa la chos kyi bka' drin nod par bya ste/ de yang dge
bshes ston pa dang gsang phu

pa gnyis rnam par thar pa mi mthun te/ gsang phu ba bla ma mang
ste bshad tshad la nyan pas khams nas byon pa'i lam khar dge
bsnyen zhig chos bshad kyin 'dug pa la'ang mnyan pas/ 'khor
rnams kyis de la nyan pa stangs

zhan byas pas khyed rnams de skad ma zer nga la phan pa gnyis
byung gsung skad/ dge bshes ston pa bla ma nyung ste lnga las
med pa la po to ba dang sgom pa rin chen bla ma gnyis kyis de
gnyis gang legs bka' bgros pa la/

blo ma sbyangs pas skyon mthong zhing ma dad pa skye ba'i ring
la dge bshes ston pa'i lugs de legs par kha 'cham pas de ltar
bya gsung ba de shin tu mad par snang bas de ltar bya'o/ /de
ltar bka' drin

@27b mnos pa spyi dang khyad par du yongs su rdzogs pa'i gdams
ngag gis blo legs par 'khrid pa'i bshes gnyen de ji ltar bsten
pa'i tshul la gnyis/ bsam pas bsten pa'i tshul dang/ sbyor bas
bsten pa'i tshul lo/ /

dang po la gsum/ bsten pa'i bsam pa spyir bstan pa dang/ khyad
par du rtsa ba dad pa sbyang ba dang/ bka' drin rjes su dran te
gus par bya ba'o/ /dang po ni/ sdong po bkod pa las sems dgus
dge ba'i bshes

gnyen la bsnyen bkur bar gsungs pa ni bsten pa'i bsam pa thams
cad kyi gnad bsdus pa'o/ /de dag kyang bsdu na bzhi las/ rang
dbang dor nas rang nyid bla ma'i dbang du gtong ba ni/ bu
mdzangs pa lta bu'i

sems te/ bu mdzangs pa de bya ba la rang dbang du mi 'jug gi
pha'i ngor blta zhing de'i dbang du btang nas ngag bzhin byed pa
ltar/ dge ba'i bshes gnyen gyi ngor blta ba'o/ /da ltar gyi
sangs rgyas mngon sum pa'i ting nge

'dzin las kyang/ des thams cad du rang nyams dor te dge ba'i
bshes gnyen de'i blo bzhin du 'jug par bya'o/ /zhes gsungs so/
/de yang mtshan nyid tshang ba zhig la byed kyi su rung rung la
sna sha sbyin du mi btub gsung ngo/ /

mdza' ba de ? sus kyang mi phyed par brtan par byed pa ni/ rdo
rje lta bu'i sems te/ bdud dang sdig grogs sogs kyis mi phyed
pa'o/ /mdo de nyid las/ mdza' ba mi rtag pa dang ngo mi rtag pa
spang ba dang/ zhes gsungs so/ /bla

@28a @#/ /ma'i bya ba'i khur thams cad 'khur ba ni/ sa lta bu'i
sems te/ khur thams cad bskur bas yongs su mi skyo ba'o/ /po to
bas spyan snga'i grwa pa rnams la/ khyed nga'i dge bshes byang
chub sems

dpa' 'di lta bu dang phrad nas bka' bzhin du bsgrub tu yod pa
bsod nams che'o/ /da khur du mi 'gro bar rgyan du 'gro bar gyis
shig gsung ba ltar ro/ /khur 'khur ba na ji ltar bya ba la drug
las/ khor yug

gi ri ? lta bu'i sems ni/ sdug bsngal ci byung ba thams cad kyis
mi bsgul ba'o/ /spyan snga ba rug pa na bzhugs tsa na/ sgom pa
yon tan 'bar grang ba ches pas khams zhan nas jo bo gzhon nu
grags la 'gro 'dug

gi gros zhus pas/ gnas mal bde ba rnam par rgyal ba'i khang
bzang du bsdad pa'ang ci tsam zhig byas te/ theg chen gyi bshes
gnyen la brten cing chos nyan pa da res las ma myong ba yin pas
cog ge sdod cig

gsung ba ltar ro/ /'jig rten gyi bran lta bu'i sems ni/ ngan las
thams cad nyams su blang ba la'ang yi mi 'phrig par bsgrub pa
ste/ gtsang du lo paN kun la gnas rdzab gseb cig byung bas ston
pas na bza' thams

cad gsil nas rdzab rnams phyags te gnas byung cha med par sa
dkar skam pos g.yogs/ jo bo'i mdun na maNDala zhig kyang grub
'dug pas/ jo bo'i zhal nas/ a re khyod lta bu zhig rgya gar
na'ang yod gsung ba lta

@28b bu'o; ;phyag bdar ba lta bu'i sems ni/ nga rgyal dang che
ba'i nga rgyal thams cad rnam par spong zhing rang bla ma las
dma' bar 'dzin pa'o/ /dge bshes ston pa'i zhal nas/ nga rgyal
gyi sgang bu la yon tan gyi chu mi

'byung gsung ba dang/ spyan snga'i zhal nas sos kyi dus na ri'i
rtse mo gang mtho ba nas sngo phyur gyis 'ong bar 'dug gam
gshong bu gang dma' ba nas 'ong ltos gsung ba ltar ro/ /theg pa
lta bu'i sems ni/ bla ma'i bya ba

shin tu bya dka' ba'i khur lci ba rnams kyang spro bzhin du
'dzin pa'o/ /khyi lta bu'i sems ni/ bla mas brnyas shing gshe
yang de la mi khro ba ste/ dge bshes lha bzo la stod lungs pas
mjal res kyis bka' babs 'byon pa

la; lha bzo'i slob ma nya ga mo pas slo ba dpon 'di 'o skol dpon
slob la sdang ba zhig 'dug byas pas/ khyod kyis bka' bkyon du
go'am/ kho bo la 'dis 'di lta bu re mdzad res kyis he ru kas
byin gyis brlabs pa 'dra re 'ong gsung

ba ltar ro/ /brgyad stong pa las kyang/ gal te chos smra ba dag
chos 'dod pa dag la brnyas shing mi sems pa ltar na'ang de la
khyod kyis phyir bsdo bar mi bya ste/ lhag par yang chos don du
gnyer ba dang gus shing mi skyo bas de'i phyi

bzhin 'brang bar gsungs so/ /gru lta bu'i sems ni/ bla ma'i bya
ba la ji tsam zhugs kyang 'gro zhing 'ong bas mi skyo ba'o/
/gnyis pa rtsa ba dad pa sbyang ba ni/ dkon mchog ta la la'i
gzungs las/ dad pa sngon 'gro ma

@29a @#/ /ltar bskyed pa ste/ /yon tan thams cad bsrung zhing
'phel bar byed/ /dogs pa sel zhing chu bo rnams las sgrol/ /dad
pa bde legs grong khyer mtshon byed yin/ /dad pa rnyog

pa med cing sems dang byed/ /nga rgyal spong zhing gus pa'i rtsa
ba yin/ /dad pa nor dang gter dang rkang pa'i mchog /lag pa
bzhin du dge sdud rtsa ba yin/ /zhes dang/ chos bcu pa las
kyang/ gang gis 'dren pa nges

'byung la/ /dad pa theg pa'i mchog yin te/ /de phyir blo dang
ldan pa'i mis/ /dad pa'i rjes su 'brang ba bsten/ /ma dad pa yi
mi dag la/ /dkar po'i chos rnams mi skye ste/ /sa bon me yis
tshig pa la/ /myu gu sngon

po ji bzhin no/ /zhes rjes su 'gro ldog gi sgo nas dad pa yon
tan thams cad kyi gzhir gsungs so/ /jo bo la/ ston pas bod la
sgom sgrub byed pa mang po yod pa la yon tan khyad par can
brnyes pa mi bdog zhus

pas; jo bo'i zhal nas/ theg chen gyi yon tan che skyes chung
skyes thams cad bla ma la brten nas skye ba la khyed bod bla ma
la tha mal pa'i 'du shes las med ga na skye gsung ba dang/ jo bo
la/ a ti sha gdams ngag zhu

zhes skad chen pos zhus pa na/ he he kho bo la rna ba ta bzang
po bzang po bdog ste man ngag bya ba dad pa yin dad pa dad pa
gsung ba ltar dad pa shin tu gal che'o/ /de la spyir dkon mchog
dang las 'bras dang bden bzhi la dad

@29b pa mang du yod kyang 'dir ni bla ma la dad pa'o/ /de yang
bla ma la slob mas ji ltar blta ba ni/ lag na rdo rje dbang
bskur ba'i rgyud las/ gsang ba ba'i bdag po slob dpon la slob
mas ji ltar blta bar bya zhe na/ sangs rgyas bcom ldan

'das la ji lta ba de bzhin du'o/ /de yi sems ni de lta na/ /rtag
tu dge ba skye bar 'gyur/ /de ni 'jig rten thams cad la/ /phan
par byed pa'i sangs rgyas 'gyur/ /zhes gsungs la/ theg pa chen
po'i mdo sde rnams su'ang

ston pa'i 'du shes bskyed dgos par gsungs shing/ 'dul ba nas
kyang de ltar gsungs pa yod do/ /de dag gi don ni ji ltar sangs
rgyas yin par shes pa na de la skyon rtog pa'i blo mi 'byung
zhing yon tan sems pa'i blo 'byung

ba ltar/ bla ma la'ang ched du byas te skyon rtog pa rnam pa
thams cad du 'dor zhing yon tan rtog pa'i blo sbyong ba'o/ /de
yang rgyud de las/ slob dpon gyi ni yon tan bzung/ /skyon ni nam
yang bzung mi bya/ /yon

tan bzung na dngos grub 'thob/ /skyon rnams bzung na dngos mi
'grub/ /ces gsungs pa ltar bya ste/ 'di ltar bla ma yon tan shas
che ba yin kyang de'i skyon cung zad yod pa'i ngos nas brtags na
rang la dngos grub kyi gegs

su 'gyur la/ skyon shas che ba la'ang skyon gyi ngos nas ma
brtags par yon tan gyi ngos nas dad pa sbyangs na rang la dngos
grub 'byung ba'i rgyur 'gyur ro/ /de'i phyir rang gi bla ma yin
na skyon che chung ci yod kyang de'i ngos nas rtog

@30a @#/ /ba'i nyes dmigs bsams la spong sems mang du byas te
dgag par bya'o/ /gal te bag med pa'am nyon mongs mang ba sogs
kyi mthus skyon rtog pa byung ba'i tshe na'ang bshags bsdam la

'bad par bya'o/ /de ltar byas na rim gyis mthu chung ngur 'gyur
ro/ /yang tshul khrims sam mang du thos pa'am dad pa la sogs pa'i
yon tan yod pa rnams la blos de'i phyogs bzung zhing yon tan
bsam par bya'o/ /de ltar

goms pa na skyon than thun yod par mthong yang blos yon tan gyi
phyogs 'dzin pas dad pa la gegs su mi 'gro ste/ dper na/ rang mi
'dod pa'i phyogs la yon tan mang po yod par mthong yang skyon
mthong ba'i blo shugs

drag pas yon tan mthong ba'i blo zil gyis gnon pa dang/ yang
rang la skyon mang po mthong yang rang gi yon tan sna re
mthong
ba'i blo shugs drag na des skyon mthong ba'i blo zil gyis gnon
pa bzhin no/ /gzhan yang jo bo

chen po lta ba dbu ma 'dzin cing gser gling pa lta ba sems tsam
rnam bden 'dzin pas lta ba'i sgo nas mchog dman yod kyang/ theg
pa chen po'i lam gyi rim pa spyi dang byang chub kyi thugs khong
la brten nas rnyed pas

gser gling pa bla ma rnams kyi 'gran gyi do med du 'dzin pa
bzhin no/ /yon tan gyi ngos nas sems shing skyon gyi ngos nas
brtag mi nyan pa ni tshul 'chal sogs yin kyang tshigs bcad gcig
tsam nyan pa yan chad la khyad par

@30b med par bya dgos te/ dkon mchog sprin las/ bla ma bsten na
dge ba 'phel zhing mi dge ba 'grib par rtogs pas mkhan po thos
pa che ba'am chung ba'am shes pa'am mi shes pa'am tshul khrims
dang ldan pa'am tshul

khrims 'chal ba la'ang ston pa'i 'du shes bskyed do/ /ji ltar
ston pa la dga' ba dang dad pa ltar mkhan po la'ang dad pa dang
dga' bar bya'o/ /slob dpon rnams la zhe sa dang rim gro bskyed
de de la brten nas byang chub kyi

tshogs ma rdzogs pa ni rdzogs par 'gyur/ nyon mongs pa ma spangs
pa ni spong bar 'gyur snyam ste dga' ba dang rangs pa 'thob cing
dge ba'i chos la de dang mthun par spyod la mi dge ba la mi
mthun par spyod do/ /zhes dang/ drag shul can

gyis zhus pa las kyang/ khyim bdag gal te byang chub sems dpa'
lung nod pa dang kha ton bya ba don du gnyer bas sbyin pa dang
tshul khrims dang bzod pa dang brtson 'grus dang bsam gtan dang
shes rab dang ldan pa'am/ byang chub

sems dpa'i lam gyi tshogs gsog pa dang ldan pa'i tshig bzhi pa'i
tshigs su bcad pa su las mnyan tam lung mnos sam blangs pa'i slob
dpon de la des chos kyis gus par bya'o/ /ming dang tshig dang yi
ge ji snyed kyi

tshigs su bcad pa de bstan pa de snyed kyi bskal par gal te slob
dpon de la g.yo med par rnyed pa dang bkur sti dang mchod pa
thams cad kyis rim gro dang bsnyen bkur byas kyang/ khyim bdag
da dung du slob dpon la slob dpon

@31a @#/ /du gus par bya ba yongs su rdzogs pa ma yin na chos ma
yin pa'i gus pas lta ci smos/ zhes gsungs pa'i phyir ro/ /gsum
pa bka' drin rjes su dran pa ni/ chos bcu pa las/ bdag

yun ring du 'khor bar 'khyams pa tshol bar byed pa dang/ bdag yun
ring du gti mug gis bsgribs shing gnyid log pa'i sad byed dang
bdag srid pa'i rgya mtsho'i nang du bying ba'i 'byin byed dang
bdag lam ngan par zhugs pa

la lam bzang po ston byed dang/ bdag srid pa'i btson rar bcings
pa 'grol byed dang bdag yun ring por nad kyis nyam thag pa'i
sman pa dang bdag 'dod chags la sogs pa'i mes kun tu 'bar ba zhi
bar byed pa'i

char sprin gyi 'du shes bskyed do/ /zhes pa dang/ sdong po bkod
pa las kyang/ gzhon nu nor bzang dge ba'i bshes gnyen rnams ni
bdag ngan song thams cad las skyob pa'o/ /chos mnyam pa nyid
rtogs par byed pa'o/ /lam

bde ba dang mi bde ba ston pa'o/ /kun tu bzang po'i spyod pas
'doms pa'o/ /thams cad mkhyen pa'i grong khyer gyi lam ston
pa'o/ /thams cad mkhyen pa'i gnas su skyel ba'o/ /chos kyi
dbyings kyi rgya mtshor 'jug

pa'o; ;dus gsum gyi shes bya'i rgya mtsho ston pa'o/ /'phags pa'i
tshogs kyi dkyil 'khor ston pa'o/ /dge ba'i bshes gnyen ni bdag
gi dkar po'i chos thams cad 'phel bar byed pa'o zhes rjes su
dran zhing

@31b du bar byed/ ces gsungs pa ltar dran par byed pa ste/ dge
ba'i bshes gnyen rnams ni bdag ces thams cad kyi 'gor sbyar la
mdun du dge ba'i bshes gnyen gyi rnam pa yid la byas te ngag tu
tshig de rnams brjod cing

yid la de dag gi don rtse gcig tu dran par bya'o/ /mdo snga ma
la'ang tshig de ltar sbyar ro/ /gzhan yang sdong po bkod pa las/
'di ni bdag gi dge bshes chos smra ba/ /chos kun yon tan yongs
su ston byed de/ /byang chub sems

dpa'i spyod lam yongs ston pa/ /yin zhes sems gcig bsams nas
'dir 'ongs so/ /'di dag bskyed pas bdag gi ma lta bu/ /yon tan
'o ma ldud pas ma ma 'dra/ /byang chub yan lag yongs su sbyong
ba yin/ /dge

bshes 'di dag gnod pa rnam par bzlog /rga shi thar byed sman pa
lta bu ste/ /bdud rtsi'i char 'bebs lha dbang brgya byin 'dra/
/zla nya lta bur dkar po'i chos kyis rgyas/ /zhi ba'i phyogs
ston nyi ma gsal ba 'dra/ /dgra dang

grogs la ri bo 'dra ba ste/ /rgya mtsho bzhin du mi 'khrugs sems
dang ldan/ /yongs su skyong dang mnyan pa 'dra ba zhes/ /de
'dra'i sems kyis nor bzang 'dir 'ongs so/ /byang chub sems dpa'
bdag gi blo

skyed pa/ /sangs rgyas sras po byang chub skyed byed pa/ /'di
dag bdag bshes sangs rgyas bsngags pa zhes/ /de ltar dge ba'i
sems kyis 'dir 'ongs so/ /'jig rten skyob pas dpa' bo lta bu
ste/ /ded dpon

@32a @#/ /mgon dang skyabs su gyur pa yin/ /'di dag bdag la bde
stob mig yin zhes/ /de 'dra'i sems kyis dge bshes bsnyen bkur
byed/ /ces gsungs pa ltar/ tshigs su bcad

pa'i dbyangs kyis kyang dran par bya ste/ nor bzang ni rang la
'don pa bsgyur ro/ /gnyis pa sbyor bas bsten tshul ni/ bla ma
lnga bcu pa las/ 'dir mang smos pa ci zhig dgos/ /bla ma dgyes
byed gang yin bya/ /mi mnyes

byed kun spang ba ni/ /de dang de la 'bad de brtag /dngos grub
slob dpon rjes 'brang zhes/ /rdo rje 'dzin pa nyid gsungs par/
/shes nas dngos po thams cad kyis/ /bla ma yongs su mnyes par
bya/ /zhes gsungs pa ltar/

mdor bsdu na mnyes pa bsgrub pa dang mi mnyes pa spong ba la
'bad par byed ba'o/ ? /mnyes ba bsgrub pa ni sgo gsum ste/ zang
zing dbul ba dang lus ngag gis bsnyen bkur ba dang bka' bzhin du
bsgrub pa'o/ /de ltar

yang mdo sde'i rgyan las/ bkur sti rnyed ba dag dang rim gro
dang/ /sgrub pa'i sgo nas bshes gnyen bsten par bya/ /zhes dang/
brtan pa ji skad bstan pa bsgrub pa des/ /de yi sems ni yang dag
mgu bar

byed; ;ces gsungs so/ /de la dang po ni/ lnga bcu pa las/ rang
gi dam tshig slob dpon ni/ /sbyin min bu dang chung ma dang/
/rang srog gis rtag bsten bya na/ /longs spyod g.yo bas smos ci
dgos/ /zhes dang/ de byin sangs rgyas

@32b thams cad la/ /rtag tu phul ba nyid du 'gyur/ /de phul bsod
nams tshogs yin te/ /tshogs las dngos grub mchog tu 'gyur/ /zhes
gsungs pa ltar ro/ /de yang lag sor ba'i zhal nas/ bzang po yod
bzhin du ngan pa

'bul na dam tshig nyams te bla ma de la dgyes pa'am ngan pa las
med na nyes pa med gsung ngo/ /lnga bcu pa las kyang/ mi zad de
nyid 'dod pa yis/ /cung zad yid 'ong gang dang gang/ /shin tu
khyad par gyur pa nyid/ /

de dang de ni bla mar dbul/ /zhes pa dang mthun par snang ngo/
/de yang slob ma'i ngos nas tshogs bsag pa'i mchog yin pas de
'dra ba zhig dgos kyi/ bla ma'i ngos nas de la mi gzigs pa zhig
dgos so/ /sha ra ba'i

zhal nas/ sgrub pas mnyes kyi zang zing cung zad tsam la'ang mi
blta ba zhig la bla ma zer ba yin de las ldog pas rnam grol
bsgrub pa'i bla ma mi 'ong gsung ngo/ /gnyis pa ni khrus bsku
mnye dril phyis dang bsnyun g.yog sogs

dang de'i yon tan brjod pa sogs so/ /gsum pa ni/ ji ltar gdams
pa las mi 'gal bar bsgrub pa yin la de nyid gtso bo yin te/
skyes pa'i rabs las/ phan pa'i lan du mchod pa bya ba ni/ /bsgo
ba'i tshig bzhin

nyams su len pa yin/ /zhes gsungs pa'i phyir ro/ /gal te bla
ma'i bka' bzhin du bsgrub dgos na bla ma de bsten na mi rigs
pa'i lam du 'khrid pa dang sdom pa gsum dang 'gal ba'i bya ba la
sbyor bar

@33a @#/ /byed na de ltar bya'am zhe na/ de la ni 'dul ba'i mdo
las/ chos ma yin pa smra na bzlog par bya'o/ /zhes dang/ dkon
mchog sprin las kyang/ dge ba'i chos la de dang mthun bar spyod
la mi dge ba la mi mthun

par spyod do/ /zhes gsungs pas/ de'i bsgo ba la mi nyan dgos so/
/mi rigs pa la mi 'jug pa ni skyes rabs bcu gnyis pa na gsal bar
yod do/ /'on kyang de dag rgyu mtshan du byas nas de la

mi gus pa dang brnyas pa dang smod pa sogs byar mi rung bas/ bla
ma lnga bcu pa las/ rigs pa yis ni mi nus na/ /mi nus de la tshig
gis sbyang/ /zhes gsungs pa ltar/ bshad sbyang legs par byas te
mi 'jug pa yin no/ /de ltar

bsten pa'i tshe yang/ mdo sde'i rgyan las/ de chos bgo skal la
spyod yon tan ldan/ /bshes gnyen rab tu sten byed zang zing min/
/zhes gsungs pa ltar/ chos kyi bgo skal la spyod pa zhig dgos
te/ po to ba'i zhal nas/

kun dga' bo ston pa'i zham ring du bskos pa'i tshe ston pas mi
gsol ba'i na bza' 'chang du mi 'jug pa dang ston pa'i bshos lhag
mi 'tshal ba dang dus med par ston pa'i spyan sngar 'gror gnang
na ston pa la bsnyen bkur byed do

zhes gtsigs pa bzung ba de ma 'ongs pa'i gang zag la dgongs pa
ste/ rang cag chos la cir yang mi brtsi bar ja sun re'i mtho
dman la thugs la btags ma btags thams cad brtsi ba de phugs rul
ba'i rtags yin gsung ngo/ /

@33b dus ji tsam du bsten pa ni/ po to ba'i zhal nas/ nga la ta
re re byung na khur bsnan/ re re song na khur bri ste logs su
bsdad na mi 'ong bas nye ring ran par yun ring du bsrings nas
bsgrub dgos pa yin gsung ba ltar ro/ /bzhi pa

bsten pa'i phan yon ni/ sangs rgyas kyi go 'phang la nye ba dang
rgyal ba rnams dgyes pa dang dge ba'i bshes gnyen gyis mi phongs
pa dang ngan 'gror mi ltung ba dang las ngan pa dang nyon mongs
pas thub par dka' ba dang/

byang sems kyi spyod pa dang mi 'gal zhing de la dran pa dang
ldan pas yon tan gyi tshogs kyis je mtho je mthor 'gyur zhing
gnas skabs dang mthar thug gi don thams cad 'grub par 'gyur ba
dang/ de la bsnyen

bkur bas bsam sbyor dge ba thob nas rang gzhan gyi don byed cing
tshogs rdzogs par 'gyur ba'o/ /de ltar yang sdong po bkod pa las/
rigs kyi bu dge ba'i bshes gnyen gyis yang dag par zin pa'i
byang chub sems dpa'

rnams ni ngan 'gror mi ltung ngo/ /dge ba'i bshes gnyen gyis
bsams pa'i byang chub sems dpa' rnams ni byang chub sems dpa'i
bslab pa dang 'gal bar mi byed do/ /dge ba'i bshes gnyen gyis
bskyangs ba'i byang chub sems dpa' rnams ni

'jig rten las mngon par 'phags pa yin no/ /dge ba'i bshes gnyen
la bsnyen bkur byas pa'i byang chub sems dpa' rnams ni spyod pa
thams cad la mi brjed par spyod pa yin no/ /dge ba'i bshes gnyen
gyis yongs su bzung ba'i byang

@34a @#/ /chub sems dpa' rnams ni las dang nyon mongs pa rnams
kyis thub par dka' ba yin no/ /zhes dang/ rigs kyi bu dge ba'i
bshes gnyen gyis rjes su bstan pa la zhugs pa'i byang

chub sems dpa' la sangs rgyas bcom ldan 'das rnams thugs mnyes
par 'gyur ro/ /dge ba'i bshes gnyen gyi tshig dang mi 'gal bar
gnas pa'i byang chub sems dpa' la thams cad mkhyen pa nye bar
'gyur ro//

dge ba'i bshes gnyen gyi tshig la the tshom med pa la dge ba'i
bshes gnyen rnams nye bar 'gyur ro/ /dge ba'i bshes gnyen yid la
byed pa dang ma bral ba la don thams cad mngon du 'gyur ro/
/zhes pa dang/ gsang

ba bsam gyis mi khyab pa las kyang/ rigs kyi bu'am rigs kyi bu
mo dag gis shin tu gus pas bla ma la brten pa dang bsnyen pa
dang bsnyen bkur bya'o/ /de ltar na dge ba'i chos thos pas bsam
pa dge ba dang de las

sbyor ba dge bar 'gyur ro/ /des dge ba'i las byed cing dge bar
'gro bas dge ba'i grogs mgu bar byed do/ /de las sdig pa'i las
mi byed cing dge ba byed pas bdag dang gzhan la gdung bar mi
byed do/ /bdag dang

gzhan rjes su bsrung bas ni bla na med pa'i byang chub kyi lam
rdzogs par byed pas lam ngan par zhugs pa'i sems can rnams kyi
don byed par nus so/ /de bas byang chub sems dpas bla ma la
brten te yon tan gyi tshogs

@34b thams cad rdzogs par bya'o/ /zhes gsungs so/ /gzhan yang
gshes gnyen bsnyen bkur bas ni/ ngan 'gro myong ba'i las rnams
tshe 'di la lus sems la gnod pa phra mo tsam mam rmi lam du myong
bas kyang las de

'drongs nas zad bar 'gyur ba dang/ sangs rgyas dpag tu med pa la
yon phul ba sogs kyi dge rtsa rnams zil gyis gnon pa sogs kyi
phan yon shin tu che ste/ sa'i snying po'i mdo las/ des zin pa
ni bskal pa bye ba

dpag tu med par ngan 'gror 'khyam par 'gyur ba'i las rnams tshe
'dir rims la sogs pa'am mu ge la sogs pa lus dang sems la gnod
pa byung bas byang bar 'gyur te tha na brgyad bkag gam rmi lam
tsam gyis kyang byang bar 'gyur

ro; ;des sangs rgyas bye ba dpag tu med pa la dge ba'i rtsa ba
bskyed pa sbyin pa'am mchod pa'am bslab pa bzung ba las byung ba
rnams snga dro gcig gis zil gyis gnon no/ /bla ma la bsnyen bkur
byed pa ni yon tan bsam gyis mi khyab

pa dang ldan pa'o/ /zhes dang/ sangs rgyas kyi yon tan rnam par
'phrul ba dpag tu med pa thams cad kyang 'di las byung bar
blta'o/ /des na sangs rgyas la bya ba ltar bla ma bsten pa dang
bsnyen pa dang bsnyen bkur bya'o/ /

zhes gsungs pa'i phyir ro/ /skyes rabs las kyang/ dam pa rnams
ni sus kyang mi bsring ste/ /dul ba'i tshul gyis dge ba bsten par
bya/ /de dang nye na de yi yon tan rdul/ /ched du ma bsgos par
yang gos par 'gyur/ /zhes gsungs

@35a @#/ /so; ;po to ba'i zhal nas/ 'o skol phal du slog hrul du
'gro nyen che ste/ slog hrul drud pas sbur ma 'byar 'ong gser
sbram mi 'byar ba bzhin du dge bshes de'i yon tan mi 'go

bar skyon bag re tsam yod pa 'gos nas 'ong bas thams cad du yud
yud byas pas mi 'ong gsung ngo/ /lnga pa ma bsten pa'i nyes
dmigs ni/ bshes gnyen du byas nas bsten tshul log na tshe 'dir nad
dang gdon du mas

gtse ba dang phyi mar ngan 'gro'i sdug bsngal dpag tu med pa dus
dpag tu med par myong bar 'gyur te/ lag na rdo rje dbang bskur
ba'i rgyud las/ bcom ldan 'das gang dag slob dpon la brnyas par
bgyid pa de dag gi rnam par smin

pa ji lta bu lags/ bcom ldan 'das kyis bka' stsal pa/ lag na rdo
rje/ lha dang bcas pa'i 'jig rten skrag par 'gyur gyis de skad
ma smra zhig /gsang ba'i bdag po/ 'on kyang cung zhig brjod par
bya yi/ dpa' bo

bsgrims te de nyon cig /mtshams med la sogs mi bzad pa/ /dmyal ba
gang dag ngas bshad pa/ /de rnams kyi ni gnas su brjod/ /der ni
bskal pa mtha' yas so/ /de lta bas na rnam kun tu/ /de la nam
yang brnyas mi bya/ /zhes dang/

lnga bcu pa las kyang/ slob dpon la ni smod pa de/ /yams dang
mjo dang nad rnams dang/ /gdon dang rims dang dug rnams kyis/
/rmongs chen de ni 'chi bar 'gyur/ /rgyal po me dang sbrul gdug
dang/ /chu dang mkha' 'gro rkun po dang//

@35b gdon dang log 'dren rnams kyis kyang/ /bsad nas sems can
dmyal bar 'gro/ /nam yang slob dpon dag gi ni/ /kun tu sems
dkrug mi bya ste/ /gal te rmongs pas byas gyur na/ /dmyal bar
nges par 'tshed par

'gyur/ /mnar med la sogs 'jigs rung ba'i/ /dmyal ba bstan pa gang
yin pa/ /slob dpon la ni smod pa rnams/ /der ni gnas par yang
dag bshad/ /ces dang/ mkhas grub chen po shAnti pas mdzad pa'i
dgra nag

gi dka' 'grel du drangs pa las kyang/ tshigs bcad gcig tsam mnyan
pa la/ /gang gis bla mar mi 'dzin pa/ /khyi yi skye gnas brgyar
skyes nas/ /sme sha can du skye bar 'gyur/ /zhes gsungs so/
/gzhan

yang yon tan ma skyes pa rnams mi skye zhing skyes pa rnams
kyang nyams nas 'gro ste/ da ltar gyi sangs rgyas mngon sum pa'i
ting nge 'dzin las/ gal te des de la mnar sems sam tha ba'am
sdang ba'i sems kyis

gnas na yon tan 'thob pa ni gnas med do/ /ston ba'i 'du shes mi
bskyed na'ang de bzhin no/ /'di ltar theg pa gsum pa'i gang zag
dang chos ston pa'i dge slong la gus pa dang bla ma'am ston pa'i
'du shes mi bskyed na

de dag ma thob pa'i chos 'thob pa'am thob pa chud mi za ba ni
gnas med de ma gus pas ni chos nub par 'gyur ba'i phyir ro/
/zhes gsungs pa ltar ro/ /mi dge ba'i bshes gnyen dang sdig
grogs kyang bsten na yon tan rnams 

@36a @#/ /khad kyis 'grib cing nyes pa thams cad 'phel nas mi
'dod pa mtha' dag bskyed pas rnam pa thams cad du spang bar bya
ste/ dran pa nye bar bzhag pa las/ 'dod chags dang zhe sdang
dang

gti mug thams cad kyi gzhir gyur pa ni sdig pa'i grogs po ste de
ni dug gi sdong po lta bu'o/ /zhes dang/ mya ngan las 'das pa
las kyang/ byang chub sems dpa' ni grogs ngan pa la 'jigs pa
ltar glang po che myos

pa la sogs pa la ni ma yin te/ 'dis ni lus tsam 'jigs par byed
kyi snga mas ni dge ba dang sems rnam par dag pa gnyis ka 'jig
par byed do/ /yang de gnyis kyis sha'i lus tsam dang chos kyi
lus 'jig pa dang/ ngan

song du bskyur bar mi nus pa dang/ nges par bskyur nus par yang
gsungs pa dang/ bden pa po'i le'u las kyang/ gang dag sdig grogs
sbrul gyis sems zin cing/ /dge ba'i bshes kyi dug sman rnam
spangs

pa; ;de dag dam chos dkon mchog thos gyur na/ /kye ma bag med
g.yang sa che las ltung/ /zhes pa dang/ mdza' bshes kyi tshoms
las kyang/ dad pa med cing 'jungs pa dang/ /brdzun du smra dang
phra ma can/ /mkhas

pas bshes par mi bya zhing/ /sdig can mi dang 'grogs mi bya/
/gal te sdig pa byed pa dag /sdig mi byed pas bsten na yang/
/sdig pa byed par dogs skye zhing/ /mi snyan pa yang 'phel bar
'gyur//

@36b bsten bya ma yin bsten pa'i mi/ /de yi skyon gyis skyon can
'gyur/ /dong par dug bskus mda' bcug pas/ /dug ma bskus pa'ang
gos pa bzhin/ /zhes gsungs te/ mi dge ba'i bshes gnyen ni gang
la brten na

rang bzhin dang bcas pa'i kha na ma tho ba'i nyes spyod sngar
yod pa rnams mi 'grib cing sngar med pa rnams gsar du 'phel bar
'gyur ba rnams so/ /dge bshes ston pa'i zhal nas/ tha ma zhig
grogs bzang po dang 'grogs kyang

'bring las mi thengs/ rab cig tha ma dang 'grogs na tha mar 'gro
ba la tshegs med gsung ngo/ /drug pa de dag gi don bsdu ba ni/ de
ltar na bla ma'i rnal 'byor zhes yongs su grags pa'i gdams
pa'ang sngar bshad pa ltar go

dgos kyi/ dmigs pa thun re tsam la sbyangs pas ni gar yang mi
phyin la snying thag pa nas chos shig byed na ni ma nor bar
'khrid pa'i bshes gnyen dam pa la rgyun ring du brten dgos la/
de'i tshe yang mchad ka ba'i zhal

nas; bla ma bsten bdo tsa ? na spangs dogs yod gsung ba ltar/
bsten tshul ma shes par bsten na ni khe mi thon par gyong 'byung
bas/ bshes gnyen bsten pa'i chos skor 'di rnams ni gang las
kyang gal che ba gtan gyi 'dun

ma'i rtsa bar snang bas rags rim zhig dri ma med pa'i gsung rab
dang dgongs 'grel nas drangs te go sla la yid la ? 'khul zhing
gsung rab kyi don la gzhol ba'i dam pa rnams kyi gsung sgros
kyis brgyan nas bkod de/

@37a @#/ /rgyas par gzhan nas shes par bya'o/ /'o skol nyon mongs
shin tu rags la bla ma bsten tshul mi shes shing shes kyang mi
byed par du ma la chos nyan pa rnams la bla ma la brten pa'i kha
na ma tho ba

dpag tu med pa 'byung zhing/ de la'ang 'chags pa dang sdom pa
sogs kyi blo 'byung dka' bas sngar bshad pa ltar phan yon dang
nyes dmigs rnams shes par byas te yang dang yang du bsams la/
tshe rabs snga ma rnams nas bsten tshul

ji bzhin du ma byung ba rnams bsam pa thag pa nas bshags shing
sdom sems mang du bya/ snod rung gi chos rnams kyang rang la
'bad pas bsgrub/ dge ba'i bshes gnyen gyi mtshan nyid yongs su
rdzogs pa rnams kyang yang yang

bsams la/ de lta bus byang chub ma thob kyi bar du rjes su 'dzin
pa'i rgyur tshogs bsag cing smon lam mang du gdab ste/ de ltar
byas na ring por mi thogs par snying stobs phul du byung ba'i
rgyal sras rtag tu ngu dang bshes

gnyen 'tshol bas ngoms mi shes pa'i gzhon nu nor bzang lta bur
'gyur ro/ /skyong tshul mdor bsdus te bstan pa la gnyis/ skyong
tshul dngos dang/ de la log rtog dgag pa'o/ /dang po la gnyis
las/ thun gyi

ngo bo la ji ltar bya ba la/ dang po sbyor ba'i chos ni drug
ste/ gser gling ba'i rnam thar yin pas/ gnas khang legs par byi
dor byas la sku gsung thugs kyi rten legs par dgram/ mchod pa
g.yo med par btsal la

@37b bkod pa mdzes par bsham/ /de nas nyan sa las gnyid rmugs
kyi sgrib pa las sems sbyong ba'i skabs su phan tshun 'chag dgos
la de las gzhan pa'i 'dod pa la 'dun pa la sogs pa'i sgrib pa
rnams las sems sbyong

ba'i tshe khri'am khri'u la sogs pa'i steng du skyil mo krung du
'khod nas bya bar gsungs pas/ gnas mal bde ba la lus drang por
bsrang ste skyil mo krung ngam skyil mo krung phyed du'ang rung
ba'i spyod lam gyis 'khod nas skyabs

su 'gro ba dang sems bskyed pa rgyud dang 'dres nges pa zhig
bya/ mdun gyi nam mkha' la rgya chen spyod pa dang zab mo lta
ba'i brgyud pa'i bla ma rnams dang gzhan yang sangs rgyas dang
byang chub sems dpa' 'phags pa nyan thos

dang rang sangs rgyas bka' sdod dang bcas pa dpag tu med pa
bzhugs par bsams te tshogs gsog pa'i zhing gsal gdab/ de nas lam
rgyud la skye ba'i mthun rkyen tshogs bsag pa dang 'gal rkyen
sgrib pa sbyong ba'i lhan

cig byed rkyen med na nyer len gyi rgyu dmigs rnam skyong ba
tsam la 'bad kyang lam shin tu skye dka' bas bsag sbyang gi gnad
rnams bsdus pa'i yan lag bdun pas rgyud sbyang dgos so/ /de la
phyag 'tshal ba'i yan lag

la sgo gsum bsdoms pa'i phyag ni/ ji snyed su dag ces pa'i tshigs
bcad gcig ste/ 'jig rten gyi khams phyogs re ba dang dus re re'i
sangs rgyas ma yin gyi/ phyogs bcu ka na bzhugs pa dang sngar
byon zin pa dang ma

@38a @#/ /'ongs pa na 'byon par 'gyur ba dang da ltar byung ba'i
rgyal ba thams cad la dmigs nas gzhan gyi g.yam la rgyug lta bu
min par bsam pa thag pa nas sgo gsum gus pas phyag 'tshal ba'o/
/de yang sangs

rgyas gcig la phyag 'tshal na'ang bsod nams dpag tu med pa la
sangs rgyas de tsam la dmigs nas phyag 'tshal na lta ci smos zhes
slob dpon ye shes sdes 'grel par bshad do/ /sgo gsum so so ba'i
phyag la lus kyi phyag ni/ bzang

po spyod pa zhes sogs tshigs bcad gcig ste/ rgyal ba phyogs dang
dus kyis bsdus pa thams cad yid kyi yul du mngon sum pa ltar
dmigs la rang gi lus zhing rnams kyi rdul phra rab dang grangs
mnyam par sprul la phyag

bya'o; ;de yang yul rnams kyi bzang po'i spyod pa la rab tu dad
pa'i stobs bskyed de des kun nas bslangs te'o/ /lus gcig gis
phyag byas pa'ang bsod nams che na lus de tsam gyis phyag byas
pa ni bsod nams shin tu che'o zhes

slob dpon ye shes sde gsung ngo/ /yid kyi phyag ni/ rdul gcig
steng na zhes pa'i tshigs bcad gcig ste/ rdul phra rab re re'i
steng na'ang rdul thams cad kyi grangs dang mnyam pa'i sangs
rgyas 'khor byang sems kyis bskor

ba'i dbus na bzhugs pa la de dag gi yon tan rjes su dran pa'i
mos pa bskyed ba'o/ /ngag gi phyag ni/ de dag bsngags ba zhes
pa'i tshigs bcad gcig ste/ yul rnams kyi yon tan gyi bsngags pa
zad mi shes pa rnams lus

@38b re re la mgo bo dpag tu med pa dang mgo re re la lce dpag
tu med par sprul bar gsungs pa ltar byas nas snyan pa'i dbyangs
kyis brjod pa'o/ /'dir dbyangs ni bstod pa yin la de'i yan lag
ni rgyu ste lce'o/ /rgya mtsho ni mang

po'i tshig go /mchod pa'i yan lag la bla na yod pa'i mchod pa ni/
me tog dam pa zhes pa'i tshigs bcad gnyis te/ me tog dam pa ni
lha dang mi'i yul la sogs pa'i me tog rmad du byung ba sil ma
rnams so/ /phreng ba

ni me tog sna tshogs spel te brgyus pa ste de gnyis ka yang dngos
dang bcos ma thams cad do/ /sil snyan ni rol mo rgyud can dang
'bud pa dang brdung ba dang dkrol ba rnams so/ /byug pa ni spos
zhim po'i lde gu'o/ /gdugs

mchog ni gdugs rnams kyi mchog go /mar me ni spos mar la sogs pa
dri zhim zhing 'od gsal ba dang rin che ba'i nor bu 'od gsal
ba'o/ /bdug pa ni bdug spos sbyar ba dang sna gcig pa'o/ /na
bza' dam pa ni gos

thams cad kyi mchog go /dri mchog ni spos chu yon chab tu gsol
ba zer te stong gsum du dri ngad ldang ba'i dris bsgos pa'i chu
la sogs pa'o/ /phye ma phur ma ni spos zhim po'i phye ma gtor
zhing bdug tu rung ba thum por byas pa'am dkyil

'khor bris pa'i tshon phye spel ba'i rim pa rgya dang rngams ri
rab dang mnyam pa'o/ /bkod pa ni gong ma kun gyi mthar sbyor ba
ste phal che ba dang spras pa dang sna tshogs pa la bya'o/ /mchod
pa bla na med pa ni/ mchod pa gang rnams

@39a @#/ /zhes pa'i tshigs bcad gcig ste/ bla na yod pa ni 'jig
rten pa'i mchod pa yin pas/ 'dir ni byang chub sems dpa' la sogs
pa mthu can rnams kyis bzang dgu sprul ba'o/ /tshig rkang pa tha
ma

gnyis ni gong ma de gnyis ma tshang ba thams cad la sbyar te
phyag dang mchod pa rnams kyi kun slong dang yul ston pa'o/
/sdig pa bshags pa'i yan lag ni/ 'dod chags zhes pa'i tshigs bcad
gcig ste/ rgyu dug gsum

la brten nas gzhi lus la sogs pa gsum gyis rang bzhin ni bdag
gis bgyis pa ste de yang dngos su rang gis bya ba de la zhugs pa
dang gzhan byed du bcug pa dang gzhan gyis byas pa la yi rang
ba'o/ /de dag thams cad

spyir bsdus pa ni/ ci mchis pa zhes pa ste/ de dag gi nyes dmigs
dran nas snga ma la 'gyod cing phyi ma la bsdam pa'i sems kyis
snying thag pa nas bshags na sngar byas 'phel ba 'chad cing phyi
ma rnams 'phro 'chad

do; ;rjes su yi rang ba'i yan lag ni/ phyogs bcu'i rgyal ba zhes
pa'i tshigs bcad gcig ste/ gang zag lnga po de'i dge ba'i phan
yon dran nas dbul pos gter rnyed pa ltar dga' ba bsgom pa'o/
/chos 'khor

bskor bar bskul ba'i yan lag ni/ gang rnams phyogs bcu'i zhes
pa'i tshigs bcad gcig ste/ phyogs bcu'i zhing du byang chub tu
rnam par sangs rgyas te ma chags shing thogs pa med pa'i mkhyen
pa brnyes nas ring du ma lon

@39b pa rnams la lus kyang de snyed du sprul nas chos ston par
bskul ma gdab bo/ /slob dpon ye shes sdes byang chub rnam par
sangs rgyas zhes bton nas bshad pa mdzad do/ /gsol ba 'debs pa'i
yan lag ni/ mya ngan 'da' ston

zhes pa'i tshigs bcad gcig ste/ phyogs bcu'i zhing du mya ngan
las 'da' ba'i tshul ston pa rnams la 'gro ba rnams la phugs su
phan pa dang gnas skabs su bde ba bskyed pa'i phyir du zhing
khams kyi rdul phra rab kyi grangs dang

mnyam pa'i bskal par mya ngan mi 'da' bar bzhugs par lus dpag tu
med par byas te gsol ba gdab bo/ /bsngo ba'i yan lag ni/ phyag
'tshal ba dang zhes pa'i tshigs bcad de/ gong gi yan lag drug gi
dge bas

mtshon nas dge rtsa thams cad sems can thams cad dang thun mong
du byas te rdzogs pa'i byang chub kyi rgyur 'dun pa drag pos
bsngos pas nam yang mi 'dzad pa'o/ /de ltar tshig de dag gi don
go bar byas la yid gzhan du

ma yengs par dal bus ji skad bstan pa bzhin du byas na bsod nams
kyi phung po dpag tu med pa 'dzin to/ /de ltar na phyag dang
mchod pa dang bskul ba dang gsol ba gdab pa dang yi rang dang
lnga ni mthun rkyen tshogs gsog pa

yin la/ bshags pa ni 'gal rkyen sgrib pa sbyong ba dang yi rang
gi phyogs gcig rang gi dge ba byas pa la dga' ba bsgom pa ni
rang gi dge ba spel bar yang 'gyur ro/ /bsngo bas ni bsags pa
dang sbyangs pa dang spel ba'i

@40a @#/ /dge ba rnams nyung du'ang ches mang bar spel ba dang
gnas skabs su 'bras bu phyung ste zad par 'gyur ba rnams kyang
nam yang mi zad par byed pa ste bsdu na bsag pa dang sbyang ba
dang spel zhing mi zad

par byed pa gsum du 'du'o/ /de nas dmigs pa gsal bar byas nas
maNDala phul te/ bshes gnyen la ma gus pa nas bdag gnyis su
mtshan mar 'dzin pa'i bar gyi phyin ci log gi blo sna mtha' dag
myur du 'gag

pa dang/ bshes gnyen la gus pa nas bdag med pa'i de kho na nyid
rtogs pa'i bar gyi phyin ci ma log pa'i blo sna thams cad bde
blag tu skye ba dang/ phyi dang nang gi bar chad thams cad nye
bar zhi bar byin gyis

brlab tu gsol/ zhes lan mang du 'dun pa drag pos gsol ba gdab
par bya'o/ /dngos gzhi la ji ltar bskyang ba la gnyis/ spyi'i
skyong tshul dang/ skabs 'di'i skyong tshul lo/ /dang po ni/

sgom zhes grags pa sems dge ba'i dmigs pa la yang dang yang du
gtod pa'i dmigs rnam skyong ba 'di ni thog ma med pa nas rang
sems kyi dbang du gyur cing sems rang gi dbang du ma gyur la/

sems kyang nyon mongs pa la sogs pa'i sgrib pa rnams la rjes su
phyogs pas nyes skyon thams cad skyed par byed pa'i sems 'di
rang gi dbang du 'gyur bar byas nas dge ba'i dmigs pa la ji ltar
'dod

@40b 'dod du bkol du rung bar byed pa'i ched yin no/ /de yang
gang zin zin nas dmigs pa la bskyangs na rang ji ltar 'dod pa
ltar gyi dge ba'i dmigs pa grangs 'di tsam dang go rim 'di bzhin
btang snyam nas btang

yang 'gror mi nyan pas ji ltar 'dod pa bzhin du dge ba'i dmigs
pa la bkol du rung ba'i gegs chen por 'gyur zhing/ dang po nas
lang du song bas tshe hril po'i dge sbyong skyon can du 'gro'o/
/des na thog mar gang bskyang bar

bya ba'i dmigs pa rnams kyi grangs dang go rim nges nges bya/ de
nas ji ltar nges par byas pa de las gzhan du mi gtang bar bya'o
snyam pa'i 'phen pa drag po 'ga' zhig btang la/ ji ltar nges par
byas pa de las lhag chad med

bar dran shes bzhin dang ldan par bskyang bar bya'o/ /skabs
'di'i skyong tshul ni/ dang por bsten pa'i phan yon sangs rgyas
myur du 'thob pa sogs dang/ ma bsten pa'i nyes dmigs 'di dang
phyi mar sdug bsngal bskyed pa

sogs bsam/ de nas bla ma'i skyon rtog pa'i blo ye ma shor bar
bya snyam pa'i sdom sems mang du btang la tshul khrims dang ting
nge 'dzin dang shes rab dang thos pa sogs yon tan rang gis gang
rtogs pa rnams bsams te sems

dang ba'i rnam pa can gyi dad pa ma skyes kyi bar du bsgom mo/
/de nas rang la phan btags pa dang 'dogs par 'gyur ba'i bka'
drin rnams sngar mdo sde nas drangs pa ltar bsams te snying thag
pa nas gus pa ma skyes kyi bar du bsgom mo/ /mjug 

@41a @#/ /tu ji ltar bya ba ni/ bsags pa'i dge ba rnams bzang po
spyod pa dang/ smon lam bdun cu pa la sogs pa'i sgo nas gnas
skabs dang mthar thug gi smon gnas rnams su 'dun pa drag pos
bsngo

bar bya'o/ /de lta bu des tho rangs dang snga dro dang phyi dro
dang srod de thun bzhi la bsgom par bya ste/ de yang dang por
yun ring na bying rgod kyi dbang du 'gro sla zhing de la goms na
blo 'chos dka' bas thun chung la grangs mang bar bya/ bsgom 'dod

pa'i 'phro la bcad kyi na byas na phyi ma res kyang 'jug snying
'dod gzhan du na mal mthong ba'i tshe na skyug log log 'ong gsung
ba ltar ro/ /cung zad brtan du song ba na thun bsring/ de thams
cad la'ang sbyor ba ha cang dam drags pa dang ha

cang lhod pa'i skyon dang bral bar byas la bskyang ste/ des ni
gegs nyung zhing ha cang dub pa dang bying rmugs sogs zhi bar
'gyur ro/ /thun mtshams la ji ltar bya ba ni/ spyir phyag dang
bskor ba dang kha ton sogs du ma zhig yod

kyang 'dir skabs su bab pa'i gtso bo ni/ thun gyi ngo bo la 'bad
nas thun btang ba'i mtshams su bskyang rgyu'i dmigs rnam la dran
shes ma bsten par rgya yan du btang na skyed shin tu chung bas
thun mtshams su'ang de ston pa'i

chos rnams blta ba dang yang yang dran par bya/ yon tan skye
ba'i mthun rkyen tshogs sgo du ma nas bsag cing 'gal rkyen sgrib
pa sbyong ba'ang sgo du ma nas bya/ thams cad kyi gzhi gang khas
blangs pa'i bsrung sdom la gang shes pa'i sgo nas

@41b 'bad de dmigs rnam la blo sbyong ba dang sdom khrims dang
tshogs gsog gsum la sum bsgril du ming btags nas 'khrid pa'ang
yod do/ /gzhan yang zhi gnas dang lhag mthong gi lam bde blag tu
skye ba'i rgyur gyur pa'i tshogs bzhi la'ang

bslab par bya ste/ dbang po'i sgo sdom pa dang/ shes bzhin du
spyod pa dang/ zas kyi tshod rig pa dang/ mi nyal bar rnal 'byor
la brtson zhing nyal ba'i tshe ji ltar bya ba'o/ /dang po la lnga
las/ gang gis sdom pa ni dran pa

kun tu bsrung ba dang/ dran pa la rtag 'grus byed pa'o/ /de la
dang po ni dbang po'i sgo sdom pa las brtsams pa'i chos rnams mi
brjed par yang yang skyong ba'o/ /gnyis pa ni dran pa de la
rgyun du dang gus par

skyong ba'o/ /gang sdom pa ni dbang po drug go/ /gang las sdom
pa ni yul drug yid du 'ong ba dang mi 'ong ba las so/ /ji ltar
bsdam pa la gnyis las/ dbang po srung bar byed pa ni/ yul dang
dbang po la brten nas

rnam par shes pa drug skyes pa'i mjug tu yid shes yul yid du
'ong ba drug dang yid du mi 'ong ba drug la chags pa dang sdang
ba skye bar 'gyur ba de las 'bad pa chen pos mi skye bar bsrung
ba'o/ /dbang po drug gis kyang sdom pa

sgrub par byed pa ni/ gang la blta ba la sogs pa byas na nyon
mongs skye bar 'gyur ba'i yul de rnams la dbang po mi gtong bar
'gog pa'o/ /dbang po bsrung ba de yang yul drug la mtshan mar
dang mngon rtags su mi 'dzin

@42a @#/ /cing brjed ngas dang nyon mongs mang bas sdig pa'i sems
byung na'ang sdom par byed pas bsgrub bo/ /mtshan mar 'dzin pa
ni/ blta bar mi bya ba'i gzugs la sogs pa yul du byas pa'am yul
snang ba

rnams de dag 'byung ba yid la byed pa mngon sum du byas nas
mthong ba'o/ /mngon rtags su 'dzin pa ni/ shes pa drug gi mjug
tu chags sdang rmongs gsum skye ba'i yul la yid kyi shes pas
'dzin pa'am yul mngon

sum du mi snang yang gzhan las thos nas de dag la rtog pa'o/
/sdom pa gang yin pa ni/ nyon mongs can las yid bsrungs nas dge
ba'am lung ma bstan la 'jog pa'o/ /'dir ma bsgribs pa'i lung ma
bstan la 'jog

pa ni sems dge ba'i dmigs pa la 'dzin pa'i dus min gyi spyod lam
la sogs pa'i skabs su'o/ /shes bzhin du spyod pa ni gnyis te/
gang la spyod pa'i gzhi dang/ de la spyod pa'i shes bzhin no/
/dang po ni gnyis te/

rgyu ba dang ldan pa'i las lnga dang/ spyod pa dang ldan pa'i
las lnga'o/ /de la dang po lnga'i lus kyi las ni/ grong dang
gtsug lag khang la sogs pa gzhan du phar 'gro ba dang de nas
tshur ldog pa'o/ /mig gi las ni/ blo

sngon du ma btang bar yul sna tshogs mthong ba'i cung zad bltas
pa dang/ blo sngon du btang nas mthong ba'i rnam par bltas pa'o/
/yan lag dang nying lag thams cad kyi las ni/ yan lag dang nying
lag brkyang ba dang

@42b bskum pa'o/ /chos gos dang lhung bzed kyi las ni/ chos gos
gsum dang lhung bzed longs spyad pa dang bcang bar bya ba'o/
/bsod snyoms kyi las ni/ zos 'thungs sogs so/ /gtsug lag khang
na spyod pa'i las lnga'i lus

kyi las ni/ 'chags na 'chag pa'am chos mthun pa'i gan du 'gro
ba'am chos kyi phyir lam du zhugs pa'i song ba dang 'chags chos
mthun pa mkhan slob bla ma dang de 'dra ba rnams kyi mdun na
sdod pa dang khri la sogs pa'i

steng du skyil mo krung bcas nas 'dug pa'o/ /ngag gi las ni/
lung ma mnos pa'i gsung rab bcu gnyis kyi lung nod cing kun chub
par byed pa dang mnos pa rnams kha ton dang gzhan la ston pa
dang brtson 'grus

bskyed pa'i don du gzhan dang lhan cig gtam 'dre bar byed pa'i
smra ba'o/ /yid kyi las ni/ nam gyi thun bar pa la nyal ba dang
dben par song ste ji ltar thos pa'i don sems pa dang sems dgus
ting nge 'dzin du byed pa

dang lhag mthong la brtson pa'i mi smra ba dang/ tsha ba'i dus su
ngal ba'i tshe dus ma yin par gnyid kyi snyoms pa 'dod pa bsang
bar byed pa'o/ /nyin mo dang/ mtshan mo'i las gnyis ni/ nyin mo
dang nam gyi cha stod smad la

mi nyal bas bstan la des lus ngag gi las kyang bstan to/ /nyal
ba zhes gsungs pas kyang mtshan mo'i las dang yid kyi las kho na
bstan to/ /bcu po de la shes bzhin du spyod pa ni/ rgyu ba'am
spyod pa'i las shig rtsom

@43a @#/ /par byed na dang po kho nar las de la dran pa nye bar
bzhag cing bag yod par spyod la/ de gnyis kyis zin pas rnam pa
gang gis brtag par bya ba dang tshul ji ltar brtag par bya ba'i
rnam pa des tshul de

ltar rtog par byed cing shes par byed pa'o/ /de yang rnam pa
bzhi ste/ dang po ni/ lus kyi las la sogs pa'i gzhi bcu po gang
la rnam pa gang gis ji ltar brtag par bya ba'i gzhi de la rnam
pa des de ltar rtog par byed pa ste/

dper na/ 'gro ba dang ldog pa'i las la 'gro ba dang 'ong ba'i
kun spyod 'dul ba nas gsungs pa ltar shes nas de'i tshe da lta
'di dang 'di byed do zhes rtog pa lta bu'o/ /gnyis pa ni/ phyogs
gang du rnam pa gang gis

ji ltar brtag par bya ba'i phyogs de la rnam pa des de ltar rtog
pa ste/ dper na/ 'gro ba'i tshe chang 'tshong la sogs pa'i gnas
lngar mi 'gro zhing de las gzhan du 'gro ba'i tshul rnams shes
nas de dang

de'i tshe shes bzhin 'jog pa lta bu'o/ /gsum pa ni/ dus gang gi
tshe rnam pa gang gis ji ltar brtag par bya ba'i dus de'i tshe
rnam pa des de ltar rtog pa ste/ dper na/ snga dro grong rgyur
rung yang phyi dro mi rung bar shes

nas de ltar spyod cing de'i tshe yang shes bzhin 'jog pa lta
bu'o/ /bzhi pa ni/ las de dag ji snyed cig rnam pa gang gis ji
ltar brtag par bya ba'i las de snyed cig rnam pa des de ltar
rtog par byed pa ste/ dper na/

@43b 'gro ba'i tshe shin tu bsdams shing khyim gzhan du 'gro bar
bya'o zhes pa la sogs pa 'gro ba'i bslab bya ji snyed yod pa
rnams dran par byed pa lta bu'o/ /mdor na nyin mo dang mtshan
mo'i kun spyod ji tsam yod dran par byas nas de dag

gi bya ba dang bya ba ma yin pa shes par bya ba dang 'jug ldog
gi tshe na'ang da lta 'jug pa'am ldog pa 'di dang 'di byed do
zhes thams cad la shes bzhin 'jog pa'o/ /de ltar byas na tshe
'dir yang ltung bas mi gos pa dang shi nas

kyang ngan song du mi ltung ba dang lam gyi rtogs pa ma thob pa
thob par bya ba'i rgyu'i tshogs la gnas par gsungs so/ /'di dang
dbang po'i sgo sdom pa gnyis ni 'phags pa thogs med kyis mdo
drangs nas de'i don bkral ba ltar bkod

pa ste 'di gnyis la 'bad na dge sbyor byed pa thams cad la bogs
gzhan dang mi 'dra bar 'ong zhing khyad par du tshul khrims yongs
su dag pa dang/ zhi gnas dang lhag mthong gis bsdus pa'i sems
rnam par mi rtog pa'i ting

nge 'dzin bde blag tu 'grub par gsungs pas 'bad par bya'o/ /zas
kyi tshod rig pa ni/ chos bzhi dang ldan pa ste/ ha cang nyung ba
ma yin pa ni/ ha cang nyungs na bkres pa dang nyam chung bar
gyur nas dge ba'i bya ba la

mthu med par 'gyur bas sang gi zas kyi dus la ma sleb kyi bar du
bkres pas mi gnod pa'i tshod tsam du za ba'o/ /ha cang mang ba ma
yin pa ni/ mang na lus khur thogs pa ltar lci ba dang dbugs
'byung rdub dka'

@44a @#/ /ba dang gnyid rmugs 'phel ba dang las su mi rung bas
nyon mongs spong ba la mthu med par 'gyur bas so/ /zas zhu ba
dang 'phrod pas ni/ zas la brten pa'i tshor ba sdug bsngal

ba rnying pa rnams spong zhing tshor ba sdug bsngal gsar pa rnams
mi bskyed do/ /nyon mongs pa can ma yin pa'i zas ran pas ni/ kha
na ma tho ba mi bskyed pa dang bde ba la reg par gnas pa'o/ /de
yang zas

la sred pa'i gnyen po/ de'i nyes dmigs bsgom pa la rag las pas
nyes dmigs ni gsum las/ longs spyad pa'i rgyu las byung ba'i
nyes dmigs ni/ kha dog dri ro bzang po'i zas ci 'dra ba zhig
kyang

so yis bldad cing mchil mas brlan pa na skyugs pa ltar snang ba
sems pa'o/ /zas zhu ba las byung ba'i nyes dmigs ni/ zas de nam
gyi thun bar pa'am tha ma la zhu nas sha khrag sogs skye zhing/
kha cig

ni bshang gcir gyur nas lus kyi smad la gnas shing de yang nyin
re bzhin bsal dgos pa dang zas de la brten nas nad kyi rigs du
ma bskyed pa sems pa'o/ /zas tshol ba las gyur pa'i nyes dmigs ni
lnga

las; bsgrubs pa las byung ba'i nyes dmigs ni/ zas dang zas kyi
rgyu'i don du tsha grang gis nyen bzhin du 'bad pa du ma byas nas
bsgrub cing ma grub na mya ngan sogs kyis sdug bsngal la grub
na'ang phrogs pa

@44b dang chud zos kyis dogs nas bsrung ba'i rtsol ba drag pos
sdug bsngal ba'o/ /mdza' ba nyams pa ni/ de'i phyir du pha dang
bu la sogs pa'ang phan tshun rtsod cing 'thab pa'o/ /ngoms mi
shes pa ni/ de la sred pa je cher gyur

nas rgyal po sogs phan tshun du g.yul sprod cing sdug bsngal du
ma myong ba'o/ /rang dbang med pa'i nyes pa ni/ gzhan gyi zas za
ba rnams rje bo'i don du pha rol dang 'thab pa na sdug bsngal du
ma myong ba'o/ /nyes par spyad pa las

byung ba ni/ zas dang zas kyi rgyu'i phyir sgo gsum gyi sdig pa
bsags nas 'chi ba'i tshe de dag dran nas 'gyod bzhin du 'chi
zhing shi nas kyang ngan 'gror ltung ba'o/ /de lta na'ang phan
yon 'ga' yod de zas la brten nas lus gnas pa'o/ /de tsam

gyi phyir du zas bsten par mi rigs pas lus gnas pa la brten nas
bdag gis tshangs par spyod pa yang dag par bsgrub par bya'o/
/sbyin pa po dang sbyin bdag pags pa dang sha khrag btsir te
'bras bu khyad par can 'dod nas

sbyin par byed pa de dag gis bya ba byas pa de yang 'bras bu
chen por 'gyur bar bya'o snyam du bsams la de nas longs spyad
do/ /bslab btus su sbyin pa po la phan gdags pa dang lus kyi
srin bu da lta zang zing gis bsdu la ma 'ongs pa na chos kyis

bsdu snyam pa dang/ sems can thams cad kyi don bsgrub snyam pa'i
bsam pas bza' bar gsungs pa'ang dran par bya'o/ /bshes springs
las kyang/ kha zas sman dang 'dra bar rig pa yis/ /'dod chags
zhe sdang med par bsten

@45a @#/ /bgyi ste/ /rgyags phyir ma lags bsnyems pa'i phyir ma
lags/ /mtshag phyir ma lags lus gnas 'ba' zhig phyir/ /zhes
gsungs so/ /mi nyal bar rnal 'byor la brtson zhing nyal ba'i tshe

ji ltar bya ba ni/ bshes springs las/ rigs pa'i bdag nyid nyin
par mtha' dag dang/ /mtshan mo'ang thun gyi stod smad 'das nas
ni/ /mnal tshe'ang 'bras bu med par mi 'gyur bar/ /dran dang ldan
par de dag bar du

mnol/ /zhes gsungs pas/ nyin mo hril po dang mtshan mo'i cha stod
smad gnyis thun gyi ngo bo dang thun mtshams su ji ltar bya ba
bstan pas 'chag pa dang 'dug nas sgrib pa lnga las sems yongs su
sbyangs pas don

ldan du bya ba ste sngar bshad pa ltar ro/ /'di dang dbang po'i
sgo sdom pa dang shes bzhin du spyod pa gsum la thun gyi ngo bo
dang thun mtshams gnyis ka'i chos yod pas 'dir thun mtshams rnams
bzung ngo/ /nyal

ba'i kun spyod ni thun mtshams yin pas de yang don med du mi
gtang bar bya'o/ /de ji ltar bya ba ni nyin mo dang mtshan mo la
cha gsum du byas pa'i cha stod la dge ba'i bya bas dus 'da' bar
byas nas cha bar pa la

bab pa'i tshe nyal bar bya ste gnyid kyis rgyas par bya ba'i
'byung ba rnams gnyid kyis rgyas par bya ba'i phyir ro/ /de ltar
lus de brtas na dge ba'i phyogs la brtson 'grus gnyis bya ba la
shin tu las su rung zhing phan par

@45b yang 'gyur ro/ /nyal ba'i tshe na gnas khang nas phyir byung
ste rkang pa bkrus nas nang du zhugs pa dang glo g.yas pa phab
ste rkang pa g.yon pa g.yas pa'i steng du bzhag nas seng ge
ltar nyal bar bya'o/ /seng ge ltar nyal ba ni/ ji ltar

dud 'gro thams cad kyi nang na seng ge ni lus rtsal che ba dang
sems gzengs mtho ba dang brtan pas pha rol gnon pa bzhin du/ mi
nyal bar rnal 'byor la brtson pa'ang rtsal che ba sogs kyis pha
rol gnon zhing gnas pas seng

ge bzhin du nyal gyi/ yi dwags dang lha dang 'dod pa la spyod pa
de dag gi nyal stangs ni de lta min te de dag thams cad le lo
can brtson 'grus zhan pa pha rol gnon pa chung ba'i phyir ro/
/rnam grangs gcig tu na glo g.yas pas seng

ge bzhin du nyal ba ni/ chos nyid kyis lus lhod par mi 'gyur ba
dang gnyid log na'ang dran pa mi brjod pa dang gnyid stug por mi
'gyur ba dang rmi lam sdig pa'am ngan pa mi rmi ba yin gyi/ de
lta ma yin par nyal ba ni snga ma bzhi

las ldog pa'i nyes pa thams cad 'byung ba'o/ /bsam pa ji 'dra
bas nyal ba la bzhi las/ snang ba'i 'du shes ni/ 'od kyi mtshan
ma legs par bzung ste 'od dang ldan pa'i sems kyis nyal te des
gnyid log pa'i

tshe sems la mun pa mi 'byung ngo/ /dran pa ni/ chos dge ba don
dang ldan pa mnyan pa dang bsams pa dang bsgoms pa las byung
ba'i dran pa gnyid du ma song gi bar du rjes su 'brang bar bsten
pa'o/ /des ni gnyid log

@046a @#/ /pa'i tshe yang ma log pa dang 'dra bar chos de dag la
sems de lan mang du rjes su 'jug par 'gyur ba ste mdor na
gnyid kyi tshe yang dge sbyor skyong ba'o/ /shes bzhin ni/ de
ltar dran pa bsten pa'i tshe

nyon mongs pa gang rung byung na de shes nas dang du mi len
cing spong bar byed pa'o/ /ldang ba'i 'du shes ni gsum las/
dang po ni/ rnam pa thams cad du gnyid kyis non pa la sems
gzhol bar mi byed

par brtson 'grus kyis zin pa'i sems kyis ri dwags bzhin du
thum phras kyis nyal ba'o/ /des ni gnyid mi 'thug cing ldang
ba'i dus las mi yol bar sad par nus so/ /gnyis pa ni/ kye ma
bdag gis sangs

rgyas kyis gnang ba'i mi nyal ba thams cad du bsgrub par bya'o
snyam nas de bsgrub pa'i phyir du 'bad pa chen pos 'dun pa
bskyed pa'o/ /des ni sangs rgyas kyis gnang ba'i seng ge'i
nyal stangs las lhag chad med par nyal

lo; ;gsum pa ni/ ji ltar bdag gis deng mi nyal ba dang dge
ba'i chos rnams brtson pas bsgrub pa ltar sang yang de ltar
bya'o/ /snyam du sems pa'o/ /des ni dge ba la 'dun pa rgyun mi
'chad par byed de brjed

ngas na'ang gong nas gong du bsgrub pa'i phyir brtson par byed
do/ /zas dang nyal ba'i kun spyod 'di kha na ma tho ba med
cing don ldan du spyod pa byung na tshe don med du 'da' ba du
ma zhig khegs par snang bas/ 'phags pa thogs 

@046b med kyis mdo drangs te ji ltar gtan la phab pa ltar
bshad pa yin no/ /de ltar na dngos gzhi'i skabs kyi skyong
tshul thun mong ma yin pa ma gtogs pa sbyor ba dang dngos gzhi
dang mjug dang thun mtshams su ji ltar bya ba

rnams ni/ 'di nas bzung ste lhag mthong gi bar gyi dmigs rnam
gang skyong thams cad la sbyar bar bya'o/ /thun mtshams su ji
ltar bya ba bshad zin to/ /gnyis pa skyong tshul de la log rtog
dgag pa ni/ gsung rab

dgongs 'grel dang bcas pa'i gzhung chen mo rnams man ngag tu
'char ba la blo kha ma phyogs pa rnams na re/ lam bsgom pa'i
tshe ni yul la yang yang mi dpyod par 'jog sgom khon bya ste so
sor rtog pa'i shes rab kyis yang dang yang

du dpyod pa ni thos bsam gyi skabs yin pa'i phyir dang/ rtog
pa rnams ni mtshan mar 'dzin pa yin pas 'tshang rgya ba la gegs
byed pa'i phyir ro zhes zer ro/ /'di ni nyams len gyi gnad
gtan nas ma rtogs pa'i cal col chen po yin te/

mdo sde'i rgyan las/ 'di na dang por thos la brten nas tshul
bzhin yid la byed pa 'byung/ /tshul bzhin yid la byed pa goms
las yang dag don yul ye shes 'byung/ /zhes thos pa'i don rnams
bsams byung gi shes

rab kyis tshul bzhin du yid la byas pa las/ yang dag pa'i don
mngon sum du rtogs pa'i bsgoms byung 'byung bar gsungs pa'i
phyir ro/ /des na gang nyams su blang rgyu de dang por gzhan
las mnyan nas gzhan stobs

@047a @#/ /kyis nges par byed/ de nas thos pa'i don de rang gis
lung dang rigs pas tshul bzhin du bsams te rang stobs kyis nges
par byed/ de ltar thos bsam gyis nges par byas te the

tshom dang bral ban yang dang yang du 'dris par byed pa la sgom
pa zhes zer bas yang yang dpyad kyin bsgom ba dang mi dpyod
pa'i 'jog sgom gnyis ga dgos te/ thos bsam gyis gtan la phab
pa de la mi dpyod par

'jog ba dang/ so sor rtog pas dpyad nas bsgom pa gnyis ka
snang ba'i phyir ro/ /des na sgom thams cad 'jog sgom du 'dod
pa ni dper na nas rdog gcig bzung nas 'bru thams cad 'di kho
na yin no zhes zer ba

dang 'dra ba yin no/ /de yang thos byung gi shes rab kyi sngon
du thos pa dang/ bsams byung gi shes rab kyi sngon du bsam pa
'gro dgos pa ltar bsgoms byung gi shes rab kyi sngon du'ang
sgom pa 'gro dgos

te shes rab de ni bsgoms pa las byung ba'i phyir ro/ /de ltar
byas na bsgoms byung gi shes rab kyi sngon du 'gro ba'i sgom
pa de bsams byung gi shes rab kyis nges par byas pa de nyid
goms par byed pa yin pas/ bsams

byung gi shes rab las bsgoms byung gi shes rab 'byung bar
gsungs pa yin no/ /des na thos pa ji tsam mang ba tsam du de
las byung ba'i shes rab mang la de mang ba tsam du bsam pa
mang ba dang/ de mang ba tsam du

@047b de las byung ba'i shes rab mang ba tsam du bsam pa ?
mang ba bzhin du bsgom pas nyams su len pa mang la de mang na
skyon 'gog pa dang yon tan bsgrub pa'i tshul mang bas/ sgom
byed pa la thos bsam gal che bar gsung

rab dgongs 'grel dang bcas pa nas gsungs pa yin gyi/ thos bsam
gyis gtan la phab pa de bsgom pa'i phyir min par phyi'i go
rgya gcod pa tsam dang bsgom pa na gzhan de dang 'brel med cig
bsgom na ni dkyus

gzhan du bstan nas rgyug sa gzhan du byed pa ltar/ de ltar
gsungs pa de 'brel med du 'gyur zhing shes rab gsum rim gyis
skye ba'i tshul gsung rab spyi'i rnam gzhag kyang legs par
bshig pa yin la/ lam ma nor

bar bgrod pa la mang du thos pa mi dgos zhes pa'i cal col yang
legs par smras par 'gyur ro/ /'di dag gi gnad ma rtogs pa'i
rtags su mdo phyogs sam/ rgyud sde'i phyogs la mang du sbyangs
pa zhig dang gzhung la

sbyang ba ye ma byas pa gnyis da gdong sgrub pa byed pa'i tshe
nyams len la mang nyung mi 'ong ba dang/ gzhan yang sgrub pa
byed pa des chos nyan pa dang lta rtog sogs byas na mtshang du
byed pa'i lugs ngan pa rnams gtan chags par

byung ba yin no/ /des na thos bsam gyi shes rab kyis nges pa
de nyid la 'dris bar byed pa tsam de bsgoms byung ma yin mod
'on kyang sgom pa yin pa ci zhig 'gal/ 'gal na ni bsam gtan
dang po'i nyer bsdogs ma thob pa'i so skye la sgom gtan mi
srid

@048a @#/ /par 'gyur te/ 'dod pa'i sa las mthon por chud pa'i
tshe de la brten nas bsgoms byung bskyed par bshad pa ma gtogs
pa de la bsgoms byung med par chos mngon pa las lan

du mar bshad pa'i phyir ro/ /des na sgom zhes pa ni/ phar
phyin gyi 'grel bshad tshig gsal ba las/ sgom par byed pa zhes
bya ba ni yid de'i skal pa can du byed pa'am de'i dngos por
byed pa'o/ /zhes bshad

pa ltar go bar bya ste/ dper na/ dad pa bsgom snying rje bsgom
zhes pa ni yid de dang der bskyed pa la bya dgos pa bzhin no/
/de'i phyir lo tstsha ba chen po rnams kyis kyang res 'ga' sgom
pa'i lam zhes par

bsgyur la/ res 'ga' ni mngon rtogs rgyan las/ mthong dang goms
pa'i lam dag la/ /zhes gsungs pa ltar goms par bsgyur te sgom
pa dang goms pa gnyis don gcig go /gzhan yang rje btsun

byams pas/ des 'byed yan lag dang mthong ba'i/ /lam dang sgom
pa'i lam nyid la/ /yang dang yang du sems pa dang/ /'jal dang
nges rtog sgom pa'i lam/ /zhes theg chen 'phags pa'i sgom lam
yin

pas yang yang sems pa dang 'jal ba dang nges par rtog pa yod
par gsungs pa la dpyad nas skyong ba dang sgom gnyis 'gal bar
'dod pa ni bzhad gad kyi gnas so/ /de ltar na dad pa bsgom pa
dang tshad med bzhi dang

@048b byang chub kyi sems bsgom pa dang mi rtag pa dang sdug
bsngal bsgom pa zhes gsungs pa lta bu yang dang yang du dpyad
nas skyong dgos pa la sgom du gsungs pa mtha' yas pa zhig
snang ste/ spyod 'jug dang bslab btus las/ rang gi yid la

bsgom phyir ngas 'di brtsams/ /zhes gzhung de gnyis su bshad
pa'i lam gyi rim pa thams cad sgom du gsungs pa dang/ bslab
btus las/ de lta bas na lus dang longs spyod dang bsod nams
rgyun mi 'chad par btang ba dang

bsrung ba dang dag pa dang spel ba ci rigs par bsgom par
bya'o/ /zhes lus longs spyod dge rtsa gsum re re la btang
bsrung dag spel bzhi bzhi byed pa thams cad sgom du gsungs
pa'i phyir sgom zhes pa de rgya chung chung zhig la mi

bzung ngo/ /gzhan yang rtog pa thams cad mtshan 'dzin yin pas
'tshang rgya ba'i gegs su bzung nas so sor rtog pa'i sgom thams
cad 'dor ba'i log rtog gi tha chad 'di ni/ rgya nag gi mkhan
po hwa shang gi lugs yin la/ de dgag

pa ni zhi gnas dang lhag mthong gi skabs su bshad par bya'o/
/gzhung chen mo rnams la gus pa chen po skye ba'i gegs kyang
log rtog 'dis byed de/ gzhung de dag gi don ni phal mo che so
sor rtog pas dpyad dgos pa kho

nar snang la dpyod pa rnams kyang nyams len gyi tshe dgos pa
med par mthong bas so/ /bstan pa nub pa'i rkyen du'ang 'di che
ste gsung rab dang dgongs 'grel chen mo rnams gdams ngag tu mi
'gro bar mthong nas

@049a @#/ /zhe rtsis med pa'i phyir ro/ /de ltar na lam bsgom
pa la dpyad nas bsgom pa dang mi dpyod par 'jog pa'i sgom
gnyis yod na/ lam ji 'dra ba ni dpyad sgom yin la/ ji 'dra
zhig ni 'jog sgom

yin zhe na bshad par bya ste/ bshes gnyen la dad pa bsgom pa
dang dal 'byor don che zhing rnyed dka' ba dang 'chi ba mi
rtag pa dang las 'bras dang 'khor ba'i nyes dmigs dang byang
chub kyi sems bsgom pa lta

bu la ni dpyad sgom dgos so/ /'di ltar de dag la ni blo shugs
drag la rgyun ring ba'i yid 'khul nus pa re dgos te de med na
de dag gi ldog phyogs ma gus bsogs 'gog mi nus pa'i phyir
dang/ blo de lta bu bskyed pa

ni yang dang yang du so sor rtog pas dpyad nas bsgom pa khon
la rag las pa'i phyir ro/ /dper na/ chags yul la sdug pa'i
mtshan ma sgro 'dogs pa mangs na 'dod chags drag po skye ba
dang/ dgra la yid du mi 'ong ba'i

mtshan ma mang du bsams na zhe sdang drag po skye ba bzhin no/
/des na lam de dag bsgom pa la ni yul gyi rnam pa gsal mi gsal
'dra yi/ blo'i 'dzin stangs shugs drag la rgyun ring ba dgos
pas dpyad sgom bya'o/ /

sems dmigs pa gcig la gnas su mi btub pa dmigs pa gcig la ji
ltar 'dod 'dod du bzhag pas chog pa'i las rung du byed pa zhi
gnas bsgrub pa la sogs pa'i skabs su ni yang dang yang du
dpyad na sems

@049b gnas pa skyer mi nyan pas de la ni 'jog sgom bya dgos pa
yin te 'di ni zhi lhag gi skabs su bshad par bya'o/ /tshul de
ltar mi shes par mkhas pa yin na dpyad sgom kho na bya la/ ku
sa lis ni 'jog sgom kho na bya'o zhes smra ba yang/ ma

yin te/ re res kyang gnyis ka bya dgos pa'i phyir te mkhas pas
kyang zhi gnas sogs bsgrub dgos la/ ku sa lis kyang bshes
gnyen la dad pa shugs drag sogs bsgrub dgos pa'i phyir ro/
/bsgom pa'i tshul de gnyis kyang mdo sde dang rgyud sde'i
phyogs

gnyis kar ni so sor rtog pa'i sgo nas bsgom dgos pa shin tu
mang bar gsungs la/ tshul des bsgom pa med pa'am nyungs na lam
gyi srog dam ba dri ma med pa'i shes rab mi skye ba dang cung
zad skyes kyang shes rab je cher mi 'phel bas lam la sa chod
ci yang mi 'byung ste

lam gyi bsgrub bya mthar thug pa ni/ shes rab nang na kun
mkhyen ltar/ /zhes slob dpon mkhol gyis gsungs pa ltar/ ji lta
ji snyed thams cad ma 'dres par 'byed pa'i shes rab tu 'dug
pa'i phyir ro/ /de'i phyir lam ji tsam bsgoms pa tsam du brjed
ngas che bas

dran pa rtul ba dang spang blang 'byed pa la yid rtul du 'gro
bar snang na lam gol bar song ba'i rtags yang dag tu shes par
bya'o/ /gzhan yang dkon mchog gsum la sogs pa la yon tan gyi
khyad par mang po shes nas de la brten pa'i dad pa'ang mang
por

'phel ba dang 'khor ba'i nyes dmigs du ma khong du chud nas
yid 'byung zhing skyo ba mang ba dang thar pa'i phan yon yang
sgo du ma nas mthong bas de la don gnyer drag pa dang/ byang
chub kyi sems dang phyin drug la sogs pa'i spyod pa ngo  

@050a @#/ /mtshar ba'ang du ma khong du chud nas de dag las
bzlog tu med pa'i dad pa dang 'dun pa dang brtson pa rnams ji
rgyas su 'gro ba thams cad kyang so sor rtog pa'i shes rab
kyis gsung rab kyi don la

dpyad nas bsgom pa kho na la rag las pas blo dang ldan pa
rnams kyis tshul 'di la gzhan gyis bkri bar mi nus pa'i nges pa
dang bar bya'o/ /sgom gyi tshul la go ba shin tu chung ba rnams
na re/ so sor rtog pas dpyod pa ches

mang bar byas te bskyangs na dmigs pa gcig la rtse gcig pa'i
ting nge 'dzin gyi gegs su 'gyur bas ting nge 'dzin brtan po
mi 'grub bo zhes zer ro/ /bshad par bya ste/ sems dmigs pa
gcig la ji ltar 'dod 'dod

du bzhag pas chog pa'i ting nge 'dzin sngar ma grub pa gsar du
bsgrub pa'i tshe na dmigs pa du ma la dpyad na de skye bar mi
'gyur bas de ma grub par du de bsgrub pa'i sgom la 'jog sgom
nyid bya'o zhes zer na ni kho bo cag kyang 'dod pa

yin la/ de lta bu'i ting nge 'dzin de bsgrub pa'i snga rol tu
dpyad sgom mang na ting nge 'dzin de'i gegs su 'dod na ni ting
nge 'dzin bsgrub lugs shing rta chen po'i dgongs 'grel nas
bshad pa gtan nas ma go bar gsal te/ 'di ltar

dper na/ gser dang dngul ni mgar ba mkhas pas yang dang yang
du mer bsregs shing yang dang yang du chur brkus na dri ma
dang snyigs ma thams cad sbyang te shin tu mnyen zhing las su
rung bar 'gyur bas/ de nas rna rgyan la

@050b sogs pa'i rgyan cha ci 'dod du bsgyur pas chog pa bzhin
du/ sngon la nyon mongs dang nye ba'i nyon mongs dang nyes
spyod rnams la nag po'i las 'bras dang 'khor ba'i nyes dmigs
bsgom pa la sogs pa'i skabs

nas 'byung ba ltar/ so sor rtog pa'i shes rab kyis de dag gi
nyes dmigs yang dang yang du bsgom pa sems kun tu gdung bar
'gyur ba'am skyo bar 'gyur ba'i yid byed kyis gser mer bsregs
pa bzhin du nag

phyogs rnams las yid phyir phyogs par byed cing dri ma de dag
sbyong la/ bshes gnyen gyi yon tan dang dal 'byor don che ba
dang dkon mchog gsum gyi yon tan dang dkar po'i las 'bras dang
byang chub kyi sems

kyi phan yon la sogs pa'i skabs nas 'byung ba ltar so sor rtog
pa'i shes rab kyis de dag gi yon tan yang yang bsgom pa sems
brlan par 'gyur ba'am dang bar 'gyur ba'i yid byed kyis gser
chur 'khru ba ltar dkar phyogs

rnams la yid mngon du phyogs pa dang dga' bar byas nas dge
ba'i chos kyis sems brlan par byed do/ /de ltar gyur na zhi
lhag gang bsgrub par 'dod pa de la yid gtad pas tshegs med par
'grub pas de lta bu'i

dpyad sgom ni mi rtog pa'i ting nge 'dzin bsgrub pa'i thabs
mchog yin pa'i phyir ro/ /de ltar yang 'phags pa thogs med
kyis/ dper na/ mgar ba'am mgar ba'i slob ma mkhas pa zhig gis
gang gi tshe gser ram dngul zhig dri ma dang snyigs 

@051a @#/ /ma thams cad sbyang ba'i phyir/ dus dus su mer
bsregs shing chus bkrus na rgyan de dang de dag tu bya ba
mnyen zhing las su rung ba'i tshul gyis mngon sum du byas par
'gyur te/ de la mgar ba'am mgar

pa'i slob ma mkhas pa de dang mthun pa'i bzo shes pa des mgar
dpyad kyis rgyan gyi rnam pa ci 'dod pa der sgyur bar byed pa
de bzhin du/ rnal 'byor pas kyang gang gi tshe sems de brnab
sems la sogs pa'i

dri ma dang snyigs ma la mi phyogs pa nyid kyis skyo bar byas
la nyon mongs pa can gyi yid mi bde ba la mi phyogs pa nyid
dang/ dge ba'i phyogs la mngon par dga' ba la mngon du phyogs
pa nyid kyis mngon par

dga' bar byas na/ rnal 'byor pa nges sems de zhi gnas kyi
phyogs sam lhag mthong gi phyogs gang dang gang dag la nges
par sbyor bar byed pa de dang de dag la shin tu nye bar 'byor
pa dang shin tu rnal du 'bab pa dang mi

g.yo ba dang mi 'gul bar 'gyur zhing/ ji ltar bsams pa'i don
yang dag par 'grub pa'i phyir 'gro bar yang 'gyur ro/ /zhes
gsungs so/ /gzhan yang sems dmigs pa gcig la brtan chags par
gnas pa'i ting nge 'dzin gyi

'gal rkyen gyi gtso bo ni gnyis te/ bying ba dang rgod pa'o/
/de la dkon mchog la sogs pa'i yon tan mthong ba'i blo shugs
drag la rgyun ring ba yod na bying ba gcod par shin tu sla
ste/ de'i gnyen po ni yon tan

@051b mthong ba'i sgo nas sems gzengs bstod pa yin par tshad
ldan du mas gsungs ba'i phyir ro/ /mi rtag pa dang sdug bsngal
ba la sogs pa'i nyes dmigs mthong ba'i blo shugs drag la rgyun
ring ba yod na rgod pa gcod par shin tu sla ste/ rgod pa ni

'dod chags kyi char gtogs pa'i sems g.yeng ba yin bas de'i
gnyen po la skyo shas bsngags par gzhung du ma nas gsungs pa'i
phyir ro/ /des na bshes gnyen la dad pa sbyong ba nas 'jug
sems sbyong ba man chad la ji tsam du mang du bsgoms

pa de tsam du mkhas pa dgyes pa'i ting nge 'dzin brtan po
rnams bde blag tu 'grub pa yin no/ /'jog sgom du ma zad dpyad
sgom rnams la'ang bying rgod gnyis dang bral bar byas la
bskyang dgos shing/ man ngag 'di pa'i bla ma gong ma mkhas pa
rnams

skabs kyi dmigs pa gang 'bogs pa de'i dmigs skor la nges shes
drang ba'i phyir du mdo bstan bcos kyi lung skabs su bab pa
rnams kyi don bla ma'i man ngag gis sems la bskor nas snga ma
snga ma'i gsung sgros kyis brgyan te/ mtha' dag par

'chad cing chos 'chad shes pa zhig gis nyan shes pa zhig la
bshad pa na chos grwa'i blo'i 'khul 'dra ba lkog tu bsams pa
la 'ong dka' gsung ba ni shin tu legs shing mad pas/ da res
dmigs pa'i skabs yin zer nas 'bus tsam

re byar mi rung ste de ni thos bsam gyi dus dang nyams len
gyi dus zhes chos mang du bshad pa dang nyams len gyi skabs
gnyis 'gal bar 'dzin pa'i log rtog yin pa'i phyir ro/ /'on kyang
bshad pa thams cad nyams len du 'khyer shes pa

@052a @#/ /srid mtha' ru snang bas skyod rgyu nye bar bsdus pa
re yar gud du bya'o/ /gsung rab thams cad gdams ngag tu 'char
mi 'char ni skyod tshul 'di la nges pa rnyed ma rnyed kho na'i
rjes su byed par snang zhing sde

snod la ma sbyangs pa rnams lta ci smos te/ mdo sngags kyi
gzhung che ba la ring du sbyangs pa rnams kyang lam bsgom pa'i
tshe rang gis gang la sbyangs pa'i gzhung de dag gi phyogs snga
mar 'ong bar snang bas/ rgyas par gtan la dbab

dgos par 'dug na'ang tshig mangs su dogs pas de tsam las ma
smos so/ /skyod tshul la log rtog dgag pa bshad zin to/ /da ni
sngar bshad pa ltar bshes gnyen tshul bzhin du bsten pa'i slob
ma de bla mas ji ltar

'khrid pa'i rim pa bstan par bya dgos pas/ gnyis pa bsten nas
blo ji ltar sbyang ba'i rim pa la gnyis/ dal ba'i rten la
snying bo blang ba'i phyir du bskul ba dang/ snying po ji ltar
len pa'i tshul lo/ /dang po la gsum/ dal 'byor ngos bzung ba

dang; de don che ba bsam pa dang/ rnyed dka' ba bsam pa'o/
/dang po la gnyis/ dal ba dang/ 'byor pa'o/ /dang po ni/ yon
tan rin po che sdud pa las/ khrims kyis dud 'gro 'gro ba du
ma'i ngo bo dang/ /mi khom brgyad

spong de yis dal ba rtag tu rnyed/ /ces gsungs pa ltar/ mi
khom pa brgyad dang bral ba ni dal ba'o/ /mi khom pa brgyad
ni/ bshes springs las/ log par lta ba 'dzin dang dud 'gro
nyid/ /yi dwags nyid dang dmyal bar skye ba

@052b dang; ;rgyal ba'i bka' med pa dang mtha' 'khob tu/ /kla
klor skye ba glen zhing lkugs pa nyid/ /tshe ring lha nyid gang
yang rung bar ni/ /skye ba zhes bgyi mi khom skyon brgyad po/
/de dag dang bral khom pa brnyes nas ni/ /skye ba bzlog pa'i

slad du 'bad par mdzod/ /ces gsungs pa ltar ro/ /de yang 'khor
rnam bzhi mi rgyu ba'i yul mtha' 'khob dang/ glen lkugs dang
yan lag dang rna ba sogs ma tshang ba'i dbang po ma tshang ba
dang/ tshe snga phyi dang las 'bras dang

dkon mchog gsum med par 'dzin pa'i log lta can dang/ sangs
rgyas 'byung ba med pa'i rgyal ba'i bka' med pa bzhi las/ dang
po gnyis dang tha mas ni blang dor shes par mi nus la gsum pa
ni dam pa'i chos la

mi mos pa'o/ /ngan song gsum ni chos kyi blo skye bar shin tu
dka' la cung zad skyes kyang sdug bsngal gyis mnar bas mi nus
pa dang/ lha tshe ring po ni/ bshes springs 'grel par 'du shes
med pa pa dang gzugs med pa

gnyis la bshad cing/ mi khom pa brgyad kyi gtam las 'dod pa'i
bya bas rtag tu g.yengs pa'i 'dod lha la bshad de/ 'du shes
med pa ba ni bsam gtan bzhi pa'i gnas 'bras bu che ba'i phyogs
gcig na grod

las dgon pa'i tshul du yod cing der skyes ma thag dang 'chi
ba'i tshe ma gtogs pa sems dang sems byung gi rgyu ba 'gags nas
bskal chen mang por gnas par mngon pa nas gsungs so/ /gzugs
med na yod pa'i 'phags pa

@053a @#/ /mi khom par mi rigs pas der skyes pa'i so so'i skye
bo la ni thar lam bsgrub pa'i skal ba med pas mi khom pa'o/
/rtag tu g.yengs pa'i 'dod lha yang de dang 'dra'o/ /des na
de dag la mi khom

pa zhes bya ste/ bshes springs 'grel pa las/ gnas brgyad po de
dag tu dge ba bya ba'i dal ba med pas na mi khom pa zhes
bya'o/ /zhes gsungs pa ltar ro/ /gnyis pa 'byor pa la gnyis
las/ rang 'byor lnga ni/ mi nyid

dbus skyes dbang po tshang/ /las mtha' ma log gnas la dad/ /ces
pa'o/ /de la dbus su skyes pa ni 'khor rnam bzhi rgyu ba yod
sar skyes pa'o/ /dbang po tshang ba ni glen lkugs sum song
zhing yan lag dang nying lag

dang mig rna sogs tshang ba'o/ /las mtha' ma log pa ni mtshams
med byas sam byed du bcug pa ma yin pa'o/ /gnas la dad pa ni
'jig rten dang 'jig rten las 'das pa'i dkar chos thams cad
skye ba'i

gnas 'dul ba la dad pa ste 'dul ba ni 'dir sde snod gsum ga la
bya'o/ /lnga po de rang rgyud kyis bsdus shing chos bsgrub
pa'i cha rkyen yin pas rang gi 'byor pa zhes bya'o/ /gzhan 'byor
lnga ni/ sangs rgyas byon dang dam

chos ston/ /bstan pa gnas dang de rjes 'jug /gzhan phyir
snying ni brtse ba'o/ /zhes pa'o/ /de la sangs rgyas byon
pa'am 'byung ba ni bskal pa grangs med pa gsum gyis tshogs
bsags nas byang chub kyi snying po la

@053b 'dug ste mngon par rdzogs par 'tshang rgya ba'o/ /dam
pa'i chos ston pa ni sangs rgyas sam de'i nyan thos kyis chos
ston pa'o/ /chos bstan pa gnas pa ni sangs rgyas shing chos
bstan pa nas mya ngan las ma 'das bar du don dam

pa'i dam chos mngon du byed pa'i tshul gyis sgrub pa'i chos
mnyams pa'o/ /chos gnas pa rjes su 'jug pa ni chos rtogs pa de
nyid kyis skye bo rnams la dam pa'i chos mngon sum du bya ba'i
mthu yod par rig nas ji ltar

rtogs pa ltar bstan pa la rjes su 'jug pa'o/ /gzhan gyi phyir
snying brtse bar byed pa ni sbyin pa po dang sbyin bdag gis
chos gos la sogs pa ster ba'o/ /de lnga ni gzhan rgyud la yod
cing chos bsgrub pa'i cha rkyen yin pas

gzhan 'byor ro/ /nyan sa las bshad pa'i gzhan 'byor bzhi ni da
lta ma tshang bar snang yang dam pa'i chos ston pa dang chos
bstan pa rnams gnas pa dang chos gnas pa rnams rjes su 'jug
par byed pa ni rjes mthun pa tshang du rung ngo/ /gnyis

pa dal 'byor don che ba bsam pa ni/ gtan gyi bde ba zhig
bsgrub pa'i phyir du chos rnam dag bsgrub pa zhig ma byung na
ma shi tshun chod kyi bde ba bsgrub pa dang sdug bsngal sel
btsam la brtson pa ni dud 'gro la'ang yod pas bde 'gror skyes
kyang

dud 'gro dang 'dra ste/ slob springs las/ ji ltar glang bu
khron zab kha nas 'khrungs pa yi/ /rtswa lo kham 'ga' la ni
yid ni chags gyur nas/ /rnyed pa grub pa med par g.yang du
lhung ba ltar/ /'tsho ba'i 'jig rten bde ldan 'dod

@054a @#/ /pa'ang de dang 'dra/ /zhes gsungs pa'i phyir ro/
/spyir de lta bu'i chos bsgrub pa dang khyad par du theg chen
gyi lam bsgrub pa ni rten gang rung rung gis mi chog pas sngar
bshad pa'i rten de lta bu zhig thob dgos

te; slob springs las/ bde gshegs lam rten 'gro ba 'dren par
chas gyur cing/ /sems kyi stobs chen mi yis rnyed pa gang yin
pa/ /lam de lha dang klu yis rnyed min lha min dang/ /mkha'
lding rig 'dzin mi 'am ci dang lto 'phyes

min; ;zhes dang/ mngal du 'jug pa las kyang/ mir skyes na'ang
de ltar sdug bsngal mtha' yas pa dang ldan yang gnas mchog yin
pas bskal pa bye bar yad rnyed dka' 'o/ /lha dag 'chi ba
na'ang lha gzhan dag khyod bde 'gror

skye bar gyur cig /bde 'gro ni mi'i 'gro ba'o/ /zhes gsungs pa
ltar/ lha rnams kyang rten 'di la smon gnas su byed pa'i phyir
ro/ /gzhan yang sngon mi'i rten la lam la sbyangs pa'i bag
chags 'thug pa'i 'dod lha kha cig

dang por bden pa mthong ba'i rten du rung yang khams gong ma'i
rten la dang por 'phags lam thob pa mi srid cing/ 'dod lha
phal cher yang sngar bshad pa ltar mi khom pa'i gnas su gsungs
pas lam thog mar bsgrub pa'i rten la mi

mchog tu gyur pa yin no/ /de yang sgra mi snyan pa sdom pa'i
rten du mi rung bas gling gsum gyi rten bsngags la de'i nang
nas kyang 'dzam bu gling pa'i rten bsngags so/ /des na 'di
'dra ba'i rten bzang po thob pa 'di bdag gis ci'i phyir

@054b 'bras bu med par bya/ 'di don med du byas na ni rang gis
rang bslus pa dang rmongs tshabs 'di las che ba ci zhig yod/
ngan 'gro la sogs pa'i mi khom pa'i gnas kyi 'phrang mang po
la brgyud brgyud de lan cig tsam thar ba 'di don med du byas
nas/

yang gnas de dag tu log nas 'gron ni rig sngags kyis rmongs
par byas pa bzhin du bdag ni sems med par gyur pa'o snyam pa
la sogs pa'i sgo nas yang dang yang du bsgom par bya ste/
'phags pa dpa' bos/ gang zhig

thob na 'khor ba yi/ /pha rol phyin pa'i sa bon bskrun/ /byang
chub dpal gyi sa bon mchog /yid bzhin nor bu las lhag pa'i/
/yon tan rgyun gyi mi rnams ni/ /su zhig 'dir de 'bras med
byed/ /ces dang/ spyod 'jug

las kyang /'di 'dra'i dal ba rnyed gyur nas/ /bdag gis dge
goms ma byas na/ /'di las bslus pa gzhan med de/ /'di las
rmongs pa'ang gzhan med do/ /gal te bdag gis de rtogs nas/
/rmongs pas phyis kyang sgyid lug na/ /

'chi bar 'gyur ba'i dus kyi tshe/ /mya ngan chen po ldang bar
'gyur/ /dmyal me bzod dkas yun ring du/ /bdag gi lus la bsregs
gyur na/ /'gyod pa mi bzad me 'bar bas/ /sems gdung 'gyur bar
gdon mi za/ /shin tu rnyed

dka' phan pa'i sa/ /ci zhig ltar stes rnyed gyur nas/ /bdag
nyid shes dang ldan bzhin du/ /phyir yang dmyal ba der khrid
na/ /sngags kyis rmongs par byas pa bzhin/ /bdag la 'dir sems
med du zad/ /cis rmongs bdag

@055a @#/ /kyang ma shes te/ /bdag gi khong na ci zhig yod/
/ces gsungs pa ltar ro/ /ston pa'i zhal nas kyang sbyan snga
ba la/ dal ba 'byor ba mi'i lus thob pa dran nam gsung ba
dang/ spyan snga yang thugs da ma la 'jug res/

kyis; gang tshe rang dbang 'jug cing mthun gnas pa/ /gal te 'di
bdag 'dzin par mi byed na/ /g.yang sar lhung bas gzhan dbang
'jug 'gyur ba/ /de las phyis nas gang gis slong bar 'gyur/
/zhes 'jug pa nas gsungs pa de lan

re re bton nas thugs dam mdzad ba ltar bya'o/ /de ltar mthar
thug la ltos te don che ba de bzhin du gnas skabs la ltos nas
kyang mngon mtho'i lus dang longs spyod dang 'khor phun sum
tshogs pa'i rgyu sbyin pa dang tshul

khrims dad bzod pa la sogs pa rnams rten 'dis bde blag tu
bsgrub nus lugs rnams kyang bsam mo/ /de ltar mngon mtho dang
nges legs la ltos to don che ba'i rten de de gnyis kyi rgyul
nyin mtshan du ma 'bad par chud

gzan na rin po che'i gling nas lag stong du ldog pa lta bu
dang/ phyi mar yang bde bas phongs par 'gyur zhing dal ba'i
rten mi 'thob la de ma thob na sdug bsngal brgyud mar 'byung
bas de bas bslus pa ci zhig yod

snyam du bsam ste/ 'phags pa dpa' bos/ gang zhig dge bas phyug
pa'i mi/ /bskal ba grangs med kyis thob nas/ /'dir ni rmongs
pas bsod nams gter/ /cung zad tsam yang mi gsog pa/ /de dag

@055b 'jig rten pha rol tu/ /mi bzad mya ngan khad par 'jug
/rin chen gling phyin tshong ba ni/ /lag pa stong pas rang
khyim bzhin/ /dgi bcu'i las kyi lam med par/ /phyi nas yang ni
thob ma yin/ /mi ma thob bar bde ba ni/ /ji ltar de

bde sdug bsngal nyid/ /de bas pha rol bslus yod min/ /de las
mchog tu rmongs pa med/ /ces gsungs pa ltar ro/ /de ltar bsams
pa'i mthar yang snying po len 'dod chen po bskyed de/ spyod
'jug las/ 'di la gla

rdan byin nas ni/ /da ni rang gi don byed chug /phan pa med
par 'di la ni/ /thams cad sbyin par mi bya'o/ /zhes dang/ mi
yi gru la brten nas ni/ /sdug bsngal chu bo che las sgrol/
/gru 'di phyi nas rnyed dka' bas/ /rmongs pa

dus su gnyid ma log /ces gsungs pa ltar ro/ /po to ba'i dpe
chos las kyang/ srin bus phyag 'tshal rkyang la zhon/ /gtsang
pa'i nya dang sme'u zan/ /zhes gsungs pa ltar bsams la snying
po len 'dod bskyed do/ /gsum

pa shin tu rnyed dka' ba bsam pa ni/ de lta bu'i dal ba de
yang/ lung gzhi las/ ngan 'gro nas shi 'phos te der skye ba ni
sa chen po'i rdul dang/ de nas bde 'gror skye ba ni sen mo'i
rtse mos blangs pa'i rdul dang 'dra zhing/ bde

'gro gnyis nas shi 'phos te ngan 'gror 'gro ba ni sa chen po
dang/ de nas bde 'gror skye ba ni phyag sen gyi rtse mos bzhes
pa'i rdul dang 'dra bar gsungs pas/ bde 'gro dang ngan 'gro
gnyis ka nas rnyed par dka' 'o/ /de tsam du 

@056a @#/ /rnyed par dka' ba rang ci yin snyam na/ bzhi brgya
pa las/ phal mo cher na mi rnams ni/ /dam pa ma yin phyogs
yongs 'dzin/ /des na so so'i skye bo rnams/ /phal cher nges
par ngan 'gror

'gro; ;zhes gsungs pa ltar/ bde 'gro mi la sogs pa'ang phal
cher dam pa min pa mi dge bcu la sogs pa'i phyogs yongs su
'dzin pa mang la des kyang ngan 'gror 'gro ba'i phyir dang/
gzhan yang byang chub sems dpa'

la khong khro ba lta bu skad cig re res kyang bskal par mnar
med du gnas dgos na/ skye ba du mar sngon bsags pa'i sdig pa
'bras bu ma phyung zhing gnyen pos ma bcom pa rang gi rgyud la
du ma yod pa rnams kyis ngan 'gror

bskal pa du mar gnas dgos pa lta ci smos/ de lta na'ang ngan
'gro'i rgyu sngar bsags 'dag nges su sbyong zhing/ gsar du
'jug pa'i sgo sdom par byed na bde 'gro mi dkon na'ang de lta
bu ni shin tu dkon no/ /de ltar ma

byas na ngan 'gror 'gro la ngan 'gror song na dge ba ni mi
byed la sdig pa ni rgyun du byed pas bskal pa du mar yang bde
'gro'i ming yang mi thos pa'i phyir rnyed par dka' ste/ spyod
'jug las/ bdag gi spyod pa 'di

'dras ni/ /mi yi lus kyang 'thob mi 'gyur/ /mi lus thob par ma
gyur na/ /sdig pa 'ba' zhig dge ba med/ /gang tshe dge spyad
skal ldan yang/ /dge ba bdag gis ma byas na/ /ngan song sdug
bsngal kun

@056b rmongs pa/ /de tshe bdag gis ci byar yod/ /dge ba dag
kyang ma byas la/ /sdig pa dag kyang nyer bsags na/ /bskal pa
bye ba brgyar yang ni/ /bde  'gro'i sgra yang thos mi 'gyur/
/de nyid phyir na bcom ldan gyis/ /rgya mtsho

cher g.yengs gnya' shid gi/ /bu gar rus sbal mgrin chung
ltar/ /mi nyid shin tu thob dkar gsungs/ /skad cig gcig byas
sdig pas kyang/ /bskal par mnar med gnas 'gyur na/ /thog med
'khor bar bsags

sdig gis/ /bde 'gror mi 'gro smos ci dgos/ /zhes gsungs pa'i
phyir ro/ /gal te ngan 'gro'i sdug bsngal myong ba na sngon
gyi las ngan pa rnams zad nas yang bde 'gror skye bas thar bar
mi dka'o snyam na/ sdug bsngal de myong bzhin du sdig pa

'phral 'phral la gsog pas ngan 'gro nas shi 'phos kyang ngan
'gror brgyud dgos pas thar bar dka' ste/ de tsam kho na myong
gyur nas/ /de ni rnam thar mi 'gyur te/ /'di ltar de ni myong
bzhin du/ /sdig pa gzhan dag rab

tu skye; ;zhes gsungs pa'i phyir ro/ /de ltar rnyed dka' ba
bsams pa'i mthar yang rten 'di nyes spyod la bkol na ni shin
tu chud zos par bltas la dam chos bsgrub pas dus 'da' bar
bya'o snyam du snying po len 'dod bskyed

de; ;bshes sbrings las/ rgya mtsho cher gnas gnya' shing bug pa
dang/ /rus sgral phrad pa pas kyang dud 'gro las/ /mi nyid
ches thob dka' bas mi dbang gis/ /dam chos spyad pas de 'bras
mchis par mdzod/ /gang zhig

@057a @#/ /gser snod rin chen spras pa yis/ /ngan skyugs 'phyag
par bgyid pa de bas kyang/ /gang zhig mi ru skyes nas sdig
pa'i las/ /bgyid pa de ni ches rab blun pa lags/ /zhes dang/
slob springs

las kyang/ mi yi dngos po shin tu rnyed dka' rnyed gyur nas/
/don du brang pa gang yin de nyid brtun te bsgrub/ /ces gsungs
pa'i phyir ro/ /de yang rnal 'byor pa chen pos spyan snga la
bag re phyogs gsung ba la de ltar

'tshal ba la dal 'byor 'di rnyed par dka' bar gsung ba dang/
'phan yul na rma'i phywa mkhar bya ba rdos can zhig yod pa
dgras phrogs nas yun ring zhig kha nyen por song bas/ rgad po
zhig mkhar des gdungs yod pa la lan

cig mkhar de thob zer ba thos pas 'gro mi nus bzhin du mdung
zhig bzung nas bshal drud byed cing rma'i phywa mkhar thob pa
'di rmi lam min na rung ste zer ba ltar/ dal 'byor thob pa
la'ang de lta bu'i dga' ba rnyed nas chos

bsgrub pa dgos zhes po to ba gsung ba ltar blo de lta bu rnyed
rnyed du bsgom par bya'o/ /de ltar dal ba'i rten la snying po
len 'dod mtshan nyid tshang ba zhig bskyed pa la chos bzhi bsam
dgos so/ /de la bsgrub dgos pa ni/ sems

can thams cad pa bde ba 'dod ba dang sdug bsngal mi 'dod pa
kho na yin la bde ba bsgrub pa dang sdug bsngal sel ba'ang dam
rag las pa'i phyir ro/ /bsgrub nus ba ni/ phyi'i rkyen bshes
gnyen dang nang gi rkyen dal 'byor dang

@057b ldan pa'i phyir ro/ /de yang tshe 'dir bsgrub dgos pa ni/
'dir ma bsgrubs na skye ba du mar dal 'byor shin tu rnyed dka'
ba'i phyir ro/ /da lta nyid nas bsgrub dgos pa ni/ nam 'chi la
nges pa med pa'i phyir ro/ /de la gsum pas ni skye ba brting 

ma rnams su chos bya'o snyam nas 'dor ba'i le lo 'gog la/ bzhi
pas ni tshe 'dir sgrub dgos kyang lo dang zla ba dang zhag snga
ma rnams la ma grub kyang phyi ma phyi ma la bsgrubs pas chog
snyam nas mi 'jug pa'i le lo 'gog pas de gnyis

myur du bsgrub par bsdus nas gsum du byas kyang chog go /de
ltar na 'chi ba dran pa ni 'dir yang 'brel mod 'on kyang tshig
tshogs che bas 'og tu bshad par bya'o/ /de ltar sgo sna tshogs
nas bsams na blo'i 'khul che bas sngar

bshad pa ltar bsams la/ de tsam ma nus na dal 'byor gyi ngo bo
ji lta bu yin pa dang gnas skabs dang mthar thug gi sgo nas
don che lugs dang rgyu dang 'bras bu'i sgo nas rnyed dka' tshul
du bsdus te ji ltar 'tsham pa re sngar bshad pa

nas blangs la bsgom mo/ /de la rgyu'i sgo nas rnyed dka' ba
ni/ spyir bde 'gro tsam zhig thob pa la'ang tshul khrims la
sogs pa'i dge ba rnam dag sna gcig byed dgos pa dang/ khyad
par du dal 'byor tshang ba 'thob pa la tshul khrims

rnam par dag pas gzhi bzung/ sbyin pa la sogs pas grogs byas/
smon lam dri ma med pas mtshams sbyor ba sogs dge rtsa mang po
zhig dgos na rgyu de lta bu bsgrub pa'ang shin tu nyung bar
snang bas de la dpags nas 'bras

@058a @#/ /bu bde 'gro'i rten spyi dang khyad par brnyed dka'
bar sems pa'o/ /'bras bu'i sgo nas rnyed dka' ba ni/ rigs mi
mthun ngan 'gro rnams la ltos te bde 'gro tsam yang srid mthar
snang

la; rigs mthun bde 'gro la ltos te yang dal ba khyad par can
ni ches dkon pa bsgom pa'o/ /dge bshes dol pas 'di la nan cher
mdzad pas chos gzhan kun des sna drangs nas byung gsung ba
ltar yin pas 'bad par bya'o/ /

gnyis pa snying po ji ltar len pa'i tshul la gnyis/ lam spyi'i
rnam gzhag la nges pa bskyed pa dang/ de la snying po len tshul
dngos so/ /dang po la gnyis/ skyes bu gsum gyi lam du gsung
rab thams cad 'du pa'i tshul

dang; skyes bu gsum gyi sgo nas rim pa bzhin du 'khrid pa'i
rgyu mtshan bstan pa'o/ /dang po ni/ sangs rgyas kyis thog mar
thugs bskyed pa dang bar du tshogs bsags pa dang tha mar mngon
par rdzogs par sangs rgyas pa thams

cad sems can kho na'i don du yin pas/ chos gsungs pa thams cad
kyang sems can gyi don kho na sgrub par byed pa'o/ /de ltar na
bsgrub bya sems can gyi don ni gnyis te gnas skabs mngon mtho
dang mthar thug nges legs

so; ;de la gnas skabs kyi mngon mtho bsgrub pa las brtsams te
ji snyed cig gsungs pa thams cad ni skyes bu chung ngu dngos
sam chung ngu dang thun mong ba'i chos skor du 'du ste/ skyes
bu chung ngu khyad par can ni tshe 'di la ched

@058b cher mi byed par 'jig rten phyi ma'i mtho ris kyi phun
sum tshogs pa don du gnyer zhing de'i rgyu rnams bsgrub pa la
'jug pa'i phyir te/ lam sgron las/ gang zhig thabs ni gang dag
gis/ /'khor ba'i bde ba tsam dag la/ /rang

nyid don du gnyer byed pa/ /skyes bu de ni tha mar shes/ /zhes
gsungs pa'i phyir ro/ /des legs la gnyis te/ 'khor ba las grol
ba tsam gyi thar pa dang thams cad mkhyen pa'i go 'phang ngo/
/de la nyan thos dang rang sangs rgyas

kyi theg pa las brtsams te ji snyed cig gsungs pa thams cad ni
skyes bu 'bring dngos sam 'bring dang thun mong ba'i chos sgor
du 'du ste/ skyes bu 'bring ni srid pa mtha' dag la skyo ba
bskyed nas srid pa las grol ba'i thar pa

rang gi don du thob byar byas te de'i thabs lam bslab pa gsum
la 'jug pa yin pa'i phyir te/ lam sgron las/ srid pa'i bde la
rgyab phyogs shing/ /sdig pa'i las las ldog bdag nyid/ /gang
zhig rang zhi tsam don gnyer/ /

skyes bu de ni 'bring zhes bya/ /zhes gsungs pa'i phyir ro/
/jo bos spyod bsdus sgron ma las/ gsang sngags pha rol phyin
pa la/ /brten nas byang chub bsgrub bo zhes/ /bla ma sangs
rgyas gsung bas na/ /de don 'dir ni bri bar bya/ /

zhes gsungs pa ltar/ rnam mkhyen pa sgrub pa'i thabs ni gnyis
te/ gsang sngags kyi theg pa chen po dang pha rol tu phyin
pa'i theg pa chen po'o/ /de gnyis ni skyes bu chen po'i chos
skor du 'du ste/ skyes bu chen po ni snying rje

@059a @#/ /chen po'i gzhan dbang du gyur pas sems can gyi sdug
bsngal thams cad zad par bya ba'i phyir du sangs rgyas thob
byar byas te/ phyin drug dang rim pa gnyis la sogs pa la slob
pa yin pa'i

phyir te/ lam sgron las/ rang rgyud rtogs pa'i sdug bsngal
gyis/ /gang zhig gzhan gyi sdug bsngal kun/ /yang dag zad par
kun nas 'dod/ /skyes bu de ni mchog yin no/ /zhes gsungs
shing/ skyes bu des byang

chub bsgrub pa'i thabs la pha rol tu phyin pa dang sngags
gnyis ka 'og nas gsungs pa'i phyir ro/ /skyes bu gsum gyi tha
snyad ni gtan la dbab pa bsdu bar/ gzhan yang gang zag gsum
ste sdom pa'ang ma yin sdom pa

ma yin pa'ang ma yin pas bsdus pa'i tshul khrims kyi sdom pa
yang dag par blangs pa dang ldan pa'ang yod do/ /nyan thos
dang ldan pa'i tshul khrims kyi sdom pa yang dag par blangs pa
dang ldan pa'ang yod do/ /byang chub

sems dpa'i tshul khrims kyi sdom pa yang dag par blangs pa dang
ldan pa'ang yod do/ /de la'ang dang po ni tha ma yin no/
/gnyis pa ni 'bring yin no/ /gsum pa ni mchog yin no/ /zhes
gsungs pa ni 'di dang don 'dra la/

gzhan yang skyes bu tha ma dang 'bring dang mchog 'jog tshul
mang po zhig gsungs so/ /lam sgron bzhin du mdzod 'grel las/
slob dpon dbyig gnyen gyis kyang skyes bu gsum gyi mtshan nyid
gsungs so/ /skyes bu

@059b chung ngu la tshe 'di lhur len pa dang phyi ma lhur len
pa gnyis yod mod kyang 'dir ni gnyis pa ste/ de yang mngon
mtho'i thabs ma nor ba la zhugs pa bzung ngo/ /gnyis pa skyes
bu gsum gyi lam gyi sgo nas rim pa bzhin du

'khrid pa'i rgyu mtshan bstan pa la gnyis/ skyes bu gsum gyi
lam gyi sgo nas 'khrid pa'i don gang yin pa dang/ rim pa de
ltar 'khrid pa'i rgyu mtshan bstan pa'o/ /dang po ni/ de ltar
skyes bu gsum du bshad kyang skyes bu

chen po'i lam gyi rim par skyes bu gzhan gnyis kyi lam yang ma
tshang ba med par 'du bas de gnyis theg chen gyi lam gyi cha
shas sam yan lag yin te/ slob dpon rta dbyangs kyis kun rdzob
byang chub kyi sems bsgom

pa las/ mi 'tsho ba dang bden pa dang/ byin nas len dang tshangs
par spyod/ /'dzin pa thams cad btang ba ni/ /'di ni bde 'gro'i
spyod pa yin/ /'khor ba'i sdug bsngal yongs mthong nas/ /spang
phyir bden pa'i lam bsgom

zhing; ;kha na ma tho gnyis spong ba/ /'di ni zhi ba'i spyod
pa yin/ /'di dag kun kyang blang bya ste/ /des 'byung lam gyi
yan lag yin/ /chos kun stong pa nyid rtogs pas/ /'gro la
snying rje'i chu rgyun 'byung/ /thabs mkhas spyod pa mtha'

yas pa/ /nges 'byung mchog gi spyod pa yin/ /zhes gsungs pa'i
phyir ro/ /des na 'dir srid pa'i bde ba tsam la thob byar byed
pa'i skyes bu chung ngu dang 'khor ba las thar ba tsam rang gi
don du thob byar byed pa'i skyes bu 'bring gi lam du

@060a @#/ /'khrid pa min gyi/ de gnyis dang thun mong ba'i lam
'ga' zhig skyes bu chen po'i lam la 'khrid pa'i sngon 'gror
byas nas skyes bu chen po'i lam sbyong ba'i yan lag tu byed pa
yin no/ /de'i phyir  

sngar bshad pa ltar snying po len 'dod skyes pa na snying po
len lugs ni/ dbu ma snying po las/ su zhig chu shing dbu ba
ltar/ /snying po med pa'i lus 'di dag /gzhan phan rkyen du
sgrub byed pas/ /lhun po snying por sgrub mi byed/ /

ya rabs snying rje ldan pas ni/ /skad cig re rer rga shi dang/
/nad kyi gzhir gyur lus dag ni/ /gzhan la bde bskyed gzhir
byed do/ /dam chos sgron dang bcas pa la/ /mi khom brgyad
spangs khom pa 'di/ /skyes bu chen

po'i spyod pa yis/ /'bras bu yod par bya ba'i rigs/ /zhes
gsungs pa ltar/ bdag gi lus chu shing dang dbu ba ltar snying
po med la nad kyi tshang rga ba la sogs pa'i sdug bsngal gyi
'byung gnas 'di/ skyes bu chen po'i kun

spyod kyis nyin mtshan 'da' bar bya ste don ldan du bya'o snyam
nas theg pa chen por 'jug pa yin no/ /'o na dang po nas skyes
bu chen po nas 'khrid par rigs mod chung 'bring dang thun mong
ba'i lam sbyangs pas ci bya zhe na/ de

gnyis dang thun mong ba'i lam sbyong ba nyid skyes bu chen
po'i lam bskyed pa'i sngon 'gro yin te der 'gyur tshul ni 'chad
par 'gyur ro/ /gnyis pa rim pa de ltar 'khrid pa'i rgyu mtshan
la gnyis/ rgyu mtshan dngos dang/

@060b dgos pa'o/ /dang po ni/ theg pa chen por 'jug pa'i 'jug
sgo ni byang chub kyi mchog tu sems bskyed pa nyid yin te de
rgyud la skyes pa na/ spyod 'jug las/ byang chub sems skyes
gyur na skad cig gis/ /'khor ba'i btson rar

bsdams pa'i nyam thag rnams/ /bde gshegs rnams kyi sras zhes
brjod bya zhing/ /zhes gsungs pa ltar/ rgyal ba'i sras sam
byang chub sems dpa' zhes pa'i ming thob nas rten de theg chen
par tshud la/ de nam

nyams pa na theg chen pa'i gseb nas phyir la 'thon par 'gyur
ba'i phyir ro/ /des na theg chen du 'jug 'dod pa rnams kyis ni
sems de thabs du mas 'bad nas bskyed dgos la/ de bskyed pa la
ni sngon du sems de bskyed

pa'i phan yon bsgoms nas snying thag pa nas phan yon la spro
shugs 'phel ba zhig dang/ yan lag bdun pa skyabs 'gro dang
bcas pa dgos par byang sems kyi lam gyi rim pa ston pa'i
gzhung mchog tu gyur pa bslab

btus dang spyod pa la 'jug pa las gsungs so/ /de ltar gsungs
pa'i phan yon kyang bsdu na gnyis te/ gnas skabs dang mthar
thug gi phan yon no/ /dang po la'ang ngan 'gror mi ltung ba
dang bde 'gror skye ba gnyis te/ sems

de skyes na ngan 'gro'i rgyu sngar bsags du ma 'dag pa dang/
phyis gsog pa rnams rgyun 'chad pa dang/ bde 'gro'i rgyu sngar
bsags rnams des zin pas rgya cher 'phel ba dang/ gsar du byed
pa rnams kyang des kun nas slong bas zad 

@061a @#/ /pa'i mtha' med pa'o/ /mthar thug gi don thar pa dang
thams cad mkhyen pa rnams kyang sems de la brten nas bde blag tu
'grub pa la/ sngon du gnas skabs dang mthar thug gi phan yon

la thob 'dod kyi 'dun pa bcos ma ma yin pa zhig med na/ phan yon
de dag sems bskyed las 'byung bas sems de bskyed pa la 'bad bar
bya'o zhes smras kyang tshig tsam du 'gyur ba rang gi rgyud la
brtags na shin tu gsal lo/ /

des na sngon du mngon mtho dang nges legs kyi phan yon gnyis po
de la thob 'dod bskyed pa la skyes bu chung 'bring dang thun
mong ba'i bsam pa sbyong dgos so/ /de ltar phan yon gnyis la
thob 'dod skyes nas phan yon can gyi sems

bsgom pa la 'jug pa na/ sems de'i rtsa ba byams pa dang snying
rje chen po bskyed dgos la/ de yang rang bde bas phongs pa dang
sdug bsngal gyis mnar ba'i 'khor bar 'khyams tshul bsams pa na/
ba sbu g.yo 'gul med pa

zhig la sems can gzhan 'khor bar 'khyams pa'i tshe bde bas phongs
shing sdug bsngal gyis mnar ba la mi bzod pa 'ongs med de/ spyod
'jug las/ sems can de dag rnams la sngon/ /rang gi don du 'di
'dra'i sems/ /

rmi lam du yang ma rmis na/ /gzhan gyi don dug la skye/ /zhes
gsungs pa'i phyir ro/ /de'i phyir skyes bu chung ngu'i skabs su
rang la ngan 'gror sdug bsngal gyi gnod pa 'bab tshul dang/
'bring gi skabs su mtho ris na yang sdug

@061b bsngal zhing zhi ba'i bde ba med tshul rnams bsams nas/ de
nas gnyen du gyur pa'i sems can rnams la yang rang gi nyams la
dpags nas bsgoms pas byams pa dang snying rje skye ba'i rgyur
'gyur zhing/ de las byang

chub kyi sems skye bas na chung 'bring dang thun mong ba'i bsam
pa sbyong ba ni byang chub kyi sems bcos ma ma yin pa skye ba'i
thabs yin gyi/ lam logs pa zhig tu 'khrid pa min no/ /de bzhin
du de gnyis kyi skabs kyi skyabs su

'gro ba dang las 'bras bsam pa la sogs pa'i sgo nas bsag sbyang
gi sgo du ma la 'bad pa ni/ byang chub kyi sems kyi sngon 'gro
rgyud sbyong ba'i thabs yan lag bdun pa skyabs 'gro dang bcas pa
rnams su ci rigs su 'gyur

bas de dag kyang sems de skye ba'i thabs su go bar bya'o/ /'dir
chung ngu dang 'bring gi chos skor rnams bla na med pa'i byang
chub kyi sems skye ba'i yan lag tu 'gro lugs rnams bla mas kyang
legs par brda' sprad/ slob

mas kyang de la nges pa rnyed par byas la/ skyong res kyis de
dag dran par byas nas byang chub kyi sems skye ba'i yan lag tu
sbyong ba shin tu gces te/ de ltar ma byas na skyes bu chen po'i
lam dang lam so so ba 'brel med du

'gyur zhing skyes du chen po'i lam dngos la ma sleb bar du byang
chub kyi sems la nges pa gang yang mi rnyed pas sems de skye
ba'i gegs sam/ yang na de'i bar du don chen po las nyams nas
'gro pas 'di lan na tan bya'o/ /de

@062a @#/ /ltar chung 'bring gi lam sbyang ba dang chen po'i
skabs su bshad pa ltar legs par sbyangs nas byang chub kyi sems
bcos ma ma yin pa rgyud la ci skye bya/ de nas sems de brtan par
bya ba'i phyir du skyabs

'gro thun mong ma yin pa sngon du btang nas smon pa'i cho ga
bya/ smon pa cho gas bzung nas de'i bslab bya rnams la 'bad pas
bslab/ de nas byang sems kyi spyod ba phyin drug dang bsdu bzhi
sogs la slob par 'dod pa'i slob 'dod mang

du sbyangs la/ snying thag pa nas slob 'dod byung ba na 'jug
pa'i sdom pa rnam par dag pa zhig nges par blang/ de nas rtsa
ltung gis ma gos pa la srog bsngos bya zhing/ gzhan yang theg pa
chung 'bring dang nyes byas rnams kyis kyang

fma gos pa la 'bad cing/ ci ste gos na'ang ltung ba phyir bcos
ji ltar gsungs pa'i sgo nas legs par sbyang/ de nas phyin drug
spyi la bslab cing khyad par du sems dge pa'i dmigs pa la ji
ltar 'dod pa ltar bkol du rung

bar bya ba'i phyir zhi gnas kyi ngo bo bsam gtan la legs par
bslab bo/ /lam sgron las mngon shes bskyed pa'i phyir du zhi
gnas bskyed par gsungs pa ni mtshon pa tsam ste/ skabs gzhan du
jo bo nyid kyis lhag mthong

bskyed pa'i phyir du yang gsungs pas de'i phyir du yang zhi gnas
bsgrub bo/ /de nas bdag gnyis su 'dzin pa'i 'ching ba bcad pa'i
phyir du bdag med pa stong pa nyid kyi don lta bas thag chod par
byas la/ bsgom tshul ma

@062b nor bar bskyangs nas shes rab kyi ngo bo lhag mthor bsgrub
par bya'o/ /de ltar na zhi gnas dang lhag mthong bsgrub pa ma
gtogs pa'i 'jug sdom gyi bslab bya la slob ba man chad ni tshul
khrims kyi bslab pa dang/ zhi gnas ni ting nge

'dzin nam sems kyi bslab pa dang/ lhag mthong ni shes rab kyi
bslab par lam sgron 'grel pa las gsungs so/ /gzhan yang zhi gnas
man chad thabs kyi cha dang bsod nams kyi tshogs dang kun rdzob
bden pa la brten

pa'i lam dang rgya che ba'i lam gyi rim pa yin la/ shes rab
khyad par can gsum bskyed pa ni shes rab kyi cha dang ye shes
kyi tshogs dang don dam pa'i bden pa la brten pa dang zab mo'i
lam gyi rim pa yin pas/ de dag gi

go rim dang grangs nges pa dang thabs shes ya bral gyis byang
chub mi 'grub pa la nges pa chen po bskyed par bya'o/ /de lta
bu'i tshul gyis sangs rgyas kyis yon tan gyi rgya mtsho chen por
'gro ba'i rgyal sras ngang pa'i rgyal po de rgya

che ba thabs kyi cha rnams ma tshang ba med pa'i kun rdzob kyi
bden pa'i gshog pa dang/ de kho na nyid bdag med pa gnyis legs
par rtogs pa'i don dam pa'i bden pa la brten pa'i gshog pa gnyis
bgrad nas 'gro bar byed kyi/

bya gshog chag ltar lam gyi cha shas phyogs re bzung nas 'gro
bar mi byed de/ dbu ma la 'jug pa las/ kun rdzob de nyid gshog
yangs dkar po rgyas gyur pa/ /ngang pa'i rgyal po de ni skye
bo'i ngang pa yis/ /mdun du

@063a @#/ /bdar nas dge ba'i rlung gi shugs stobs kyis/ /rgyal
ba'i yon tan rgya mtsho'i pha rol mchog tu 'gro/ /zhes gsungs pa
ltar ro/ /de ltar lam thun mong ba rnams kyis rgyud sbyangs

nas ni nges par gsang sngags la 'jug dgos te/ de la zhugs na
myur du tshogs gnyis rdzogs par 'gyur ba'i phyir ro/ /gal te de
tsam las mi lcogs pa'am rigs kyi nus pa chungs pas 'jug par mi
spro na

lam gyi rim pa de nyid je rgyas su gtong ba tsam bya'o/ /gsang
sngags la 'jug na ni spyir theg pa thams cad dang khyad par du
gsang sngags nas nan tan che bar gsungs pas/ bshes gnyen bsten
tshul sngon las khyad par du

gyur pa zhig de nas bshad pa'i rjes su 'brangs te bya/ de nas
rgyud sde khungs ma nas 'byung ba'i dbang gis rgyud smin par
byas nas de'i dus su thob pa'i dam tshig dang sdom pa thams cad
la srog bsdos byas la tshul

bzhin du bsrung/ khyad par du rtsa ba'i ltung bas phog na slar
blang du yod kyang rgyud chud zos te/ yon tan shin tu skye bar
dka' bas rtsa ltung gis ye ma gos pa la 'bad/ yan lag gi ltung
ba rnams kyis ma gos pa la

'bad cing gos na'ang bshags ba sngam gyis dag par bya bste/ dam
tshig dang sdom pa ni lam gyi gzhi yin pa'i phyir ro/ /de nas
rgyud sde 'og ma ltar na mtshan ma dang bcas pa'i rnal 'byor
dang/ gong ma ltar na bskyed

@063b rim gyi rnal 'byor gang rung la legs par khrid la bslab/
de brtan nas rgyud sde 'og ma ltar na mtshan ma med pa'i rnal
'byor dang/ gong ma ltar na rdzogs rim gyi rnal 'byor gang rung
la legs par bslab bo/ /de lta bu'i lam

gyi rnam par bzhag pa'i lus ni lam sgron las gsungs te/ lam rim
gyis kyang de bzhin du 'khrid pa'o/ /gzhung gzhan du yang jo bo
chen pos gsungs te/ theg chen gyi lam gyi sgrub thabs bsdus pa
las/ bsam gyis

mi khyab che ba mda'/ /bla med byang chub thob 'dod na/ /byang
chub bsgrub la rag las pas/ /sgrub pa lhur blang snying por bya/
/dal 'byor phun sum tshogs pa'i lus/ /shin tu rnyed dka' rnyed
gyur cing/ /phyis kyang shin tu rnyed

dka' bas/ /sgrub la 'bad pas don yod bya/ /zhes dang/ ji ltar
btson ni btson ra las/ /'bros pa'i glags ni byung ba'i tshe/
/ched ka gzhan dang mi snyoms par/ /de yi gnas nas 'bros pa
Rltar/ /'khor ba'i rgya mtsho

che 'di las/ /brgal ba'i glags dag byung gyur na/ /ched ka gzhan
dang mi mnyam par/ /srid pa'i khyim nas 'byung bar bya/ /zhes
dang/ skyabs 'gro lhag pa'i tshul khrims dang/ /smon pa'i gzhi la
gnas pa yis/ /

sems dpa'i sdom pa rab bzung zhing/ /pha rol phyin drug la sogs
pa/ /sems dpa'i spyod pa thams cad la/ /ci nus rim gyis tshul
bzhin spyad/ /ces dang/ /thabs dang shes rab snying po gang/
/zhi gnas

@064a @#/ /lhag mthong rnal 'byor bsgom/ /zhes gsungs shing/ ting
nge 'dzin tshogs kyi le'u las kyang/ dang po snying rje'i stobs
las byung/ /rdzogs pa'i byang chub sems brtan bya/ /srid pa'i
longs

spyod bde ma chags/ /yongs su 'dzin las rgyab kyis phyogs/ /dad
sogs nor ni phun sum tshogs/ /bla ma sangs rgyas dang mnyam gus/
/des bstan dam tshig ldan pa ni/ /yongs su bskyang la rab tu
brtson/ /bum pa

gsang ba'i dbang bskur ba/ /bla ma'i drin gyis yongs su thob/
/lus ngag sems ni rnam dag pa/ /sgrub pa po de dngos grub snod/
/ting 'dzin yan lag las byung ba'i/ /tshogs ni yongs su rdzogs pa
las/ /myur du

dngos grub 'thob 'gyur ba/ /de ltar gsang sngags tshul gnas yin/
/zhes gsungs so/ /gnyis pa dgos pa ni/ gal te skyes bu chung
'bring gi chos skor rnams skyes bu chen po'i sngon 'gro yin na
skyes bu chen po'i lam

rim du byas pas chog mod/ skyes bu chung 'bring dang thun mong
ba'i lam rim zhes tha snyad bya ci dgos she na/ skyes bu gsum so
sor phye ste khrid pa la dgos pa chen po gnyis yod de/ 'di ltar
skyes bu chung 'bring dang thun mong

ba'i blo ma skyes par yang rang nyid skyes bu chen por khas 'che
ba'i mngon pa'i nga rgyal gzhom pa dang/ blo rab 'bring tha gsum
la phan che ba'o/ /phan che lugs ni skyes bu gong ma gnyis la
yang mngon mtho dang thar

@064b pa don gnyer dgos pas bkri par bya ba'i gang zag che
'bring gnyis la yang de gnyis kyi bsam pa sbyong ba bstan pa
skyon du mi 'gyur zhing yon tan bskyed pa'i phyir dang/ gang zag
tha ma zhig yin na ni gong ma nas sbyangs kyang

bsam pa gong ma mi skye la 'og ma dor bas gang yang med par
'gyur ba'i phyir ro/ /gzhan yang gong ma'i skal pa can la lam
thun mong ba bstan te sbyangs pa na/ sngar nas skyes zin pa'am/
sngar ma skyes kyang myur du yon tan de dag

skye bar 'gyur bas 'og ma 'og ma skyes pa na/ gong ma gong mar
khrid pas chog pas rang gi lam las 'gyang ba med do/ /blo rim
gyis bkri dgos pa ni/ gzungs kyi dbang phyug rgyal pos zhus pa
las/ nor bu mkhan mkhas pas nor bu

rim gyis sbyong ba'i dpe don du sbyar nas bka' stsal te tshig
mangs su dogs nas ma bris so/ /mgon po klu sgrub kyis kyang/
dang por mngon par mtho ba'i chos/ /phyis ni nges par legs
'byung ba/ /gang phyir mngon par mtho thob nas/ /rim gyis

nges par legs pa 'ong/ /zhes mngon mtho dang nges legs kyi lam
la rim can du 'khrid par gsungs pa dang/ 'phags pa thogs med
kyis kyang/ yang byang chub sems dpa' ni rim gyis dge ba'i
phyogs yang dag par 'grub par bya ba'i

phyir sems can byis pa'i shes rab can rnams la/ thog mar sla
ba'i chos ston par byed cing sla ba'i gdams ngag dang rjes su
bstan pa rjes su 'jug par byed do/ /de dag shes rab 'bring dang
ldan par gyur par rtogs nas chos

@065a @#/ /bstan pa 'bring dang gdams ngag dang rjes su bstan pa
'bring rjes su 'jug par byed do/ /de dag shes rab rgya chen po
dang ldan par gyur par rtogs nas chos zab mo ston zhing gdams
ngag

dang rjes su bstan pa phra ba rjes su 'jug par byed de/ 'di ni
de'i sems can rnams la don spyod pa go rim du 'bab pa yin no/
/zhes gsungs pa dang/ 'phags pa lhas kyang/ spyod pa bsdus pa'i
sgron mer/ sngon du phar

phyin gyi theg pa'i bsam pa la sbyangs nas de nas sngags la 'jug
pa'i tshul rim can du dgos par bsgrubs shing de'i don bsdus te/
sems can dang po'i las can rnams/ /dam pa'i don la 'jug pa la/
/thabs 'di

rdzogs pa'i sangs rgyas kyis/ /skas kyi rim pa lta bur gsungs/
/zhes pa dang/ bzhi brgya par yang/ bsod nams min pa dang por
bzlog /bar du bdag ni bzlog pa dang/ /tha mar lta zhig kun bzlog
pa/ /gang gis shes de

mkhas pa yin/ /zhes lam gyi go rim nges pa can du gsungs so/
/slob dpon mkhas pa ma khol gyis kyang/ dri bral gos la tshon
bzhin du/ /dang por sbyin sogs gtam rnams kyis/ /sems la legs pa
nyid bskyed

de/ /de nas chos ni bsgom par mdzad/ /ces gsungs te/ lung 'di
slob dpon chen po zla ba grags pas kyang khungs su drangs nas
lam gyi go rim nges pa can mdzad la/ nyams su len pa la lam la
'khrid pa'i go rim shin tu

@065b gces par snang bas tshul de la nges pa brtan po rnyed par
bya'o/ /gnyis pa snying po len tshul dngos la gsum/ /skyes bu
chung ngu dang thun mong ba'i lam gyi rim pa la blo sbyang ba
dang/ 'bring dang thun mong ba'i lam gyi rim pa la blo sbyang ba

dang/ skyes bu chen po'i lam gyi rim pa la blo sbyang ba'o/
/dang po la gsum/ chung ngu'i bsam pa sbyang ba dngos/ bsam pa
de skyes pa'i tshad/ de la log par rtog pa bsal ba'o/ /dang po la
gnyis/ 'jig rten phyi ma don gnyer gyi blo bskyed

pa dang/ 'jig rten phyi mar bde ba'i thabs bsten pa'o/ /dang po
la gnyis/ 'jig rten 'dir ring du mi gnas pa 'chi ba rjes su dran
pa bsam pa dang/ 'jig rten phyi mar ji ltar 'gyur ba 'gro ba
gnyis kyi bde sdug bsam pa'o/ /dang po la bzhi/ 'chi

ba dran pa ma bsgoms pa'i nyes dmigs/ bsgom pa'i phan yon/ 'chi
ba dran pa'i blo ji lta bu zhig bskyed pa/ 'chi ba dran ba bsgom
pa'i tshul lo/ /dang po ni/ de ltar dal ba'i rten la snying po
len pa la 'jug pa la phyin ci log bzhi

las/ mi rtag pa la rtag par 'dzin pa'i phyin ci log nyid dang
por gnod pa'i sgor 'gyur ro/ /de la phra rags gnyis las rags
pa'i mi rtag pa 'chi ba la mi 'chi snyam pa'i rnam par rtog pa
nyid gnod pa'i sgo'o/ /'di la yang da gzod mthar 'chi ba

zhig 'ong snyam pa ni kun la yod kyang nyi ma re re bzhin de
ring mi 'chi/ de ring yang mi 'chi snyam du blos mi 'chi ba'i
phyogs 'dzin pa ni 'chi kham tshun la 'byung ngo/ /de'i gnyen po
yid la ma byas par de lta bu'i blo des bsgribs na tshe 'dir sdod
pa'i blo

@66a @#/ /skyes nas de'i ring la 'di dang 'di dgos so zhes tshe
'di tsam gyi bde ba bsgrub pa dang sdug bsngal sel ba'i thabs
'ba' zhig la sems sems nas/ 'jig rten phyi ma dang thar pa
dang thams cad mkhyen pa

la sogs pa'i don chen po dag la rnam par dpyod pa'i blo mi
skye bas chos la 'jug pa'i blo skyer ma ster la/ brgya la thos
pa dang bsam pa dang bsgom pa sogs la zhugs kyang tshe 'di pa
tsam gyi ched du song nas dge ba ci byas mthu chung zhing/

de yang nyes spyod sdig ltung dang 'brel bar 'jug pas ngan
'gro'i rgyu dang ma 'dres pa dkon no/ /gal te 'jig rten phyi
ma la dmigs nas bsgrub tu chug kyang/ phyis nas rim gyis
bsgrub bo snyam pa'i phyi bshol gyi le lo 'gog mi nus

shing gnyid rmugs dang bre mo'i gtam dang/ bza' btung la sogs
pa'i rnam g.yeng gis dus 'da' bas brtson pa chen pos tshul
bzhin du bsgrub pa mi 'ong ngo/ /de ltar lus srog yun ring du
gnas su re bas bslus pa na

rnyed pa dang bkur sti la sogs pa la chags pa drag po skye
zhing/ de'i gegs byas pa'am byed du dogs pa la sdang ba drag
po dang/ de dag gi nyes dmigs la rmongs pa'i gti mug dang de
dag gis nga rgyal ba dang phrag dog la

sogs pa'i nyon mongs pa dang nye ba'i nyon mongs drag po rnams
chu bo'i rgyun bzhin du 'jug go/ /de las kyang lus dang ngag
dang yid kyi nyes spyod bcu dang mtshams med pa dang de dang
nye ba dang dam pa'i chos spong ba la sogs pa

@66b mi dge ba'i las ngan 'gro la sogs pa'i sdug bsngal drag
po 'dren par byed pa la mthu phul du byung ba rnams nyi ma re
re bzhin je rgyas su 'gro la/ de dag gi gnyen po legs par
gsungs pa'i chos kyi bdud rtsi la rgyab kyis je phyogs su

song nas mngon mtho dang nges legs kyi srog bcad de/ ngan 'gro
sdug bsngal drag cing rtsub la tsha zhing yid du mi 'ong ba'i
gnas su/ 'chi bas nye bar bcom nas las ngan pas 'khrid par
byed pas na de las ma rungs pa'i sgo

gzhan ci zhig yod/ bzhi brgya pa las kyang/ gang la 'jig rten
gsum mnga' bdag /rang nyid 'chi bdag byed po med/ /yod des
rnal bzhin gnyid log na/ /de las ma rungs gzhan ci yod/ /ces
gsungs pa dang/

spyod 'jug las kyang/ thams cad bor te cha dgos par/ /bdag gis
de ltar ma shes nas/ /mdza' dang mi mdza'i don gyi phyir/ /sdig
pa rnam pa sna tshogs byas/ /zhes gsungs so/ /gnyis pa bsgoms pa'i
phan yon

ni; 'chi ba rjes su dran pa'i blo rnal ma zhig skyes na/ dper
na/ de ring sang rang 'chi bar thag chod pa na/ chos kyi go ba
than thun yod pa yan chad la gnyen dang rdzas la sogs pa dang
'grogs su med par mthong nas de dag la sred

pa ldog cing/ gtong ba la sogs pa'i sgo nas snying po len 'dod
phal cher la dang gis 'byung ba ltar/ rnyed bkur dang grags pa
la sogs pa 'jig rten gyi chos kyi phyir 'bad pa thams cad
sbun pa 'phyar ba ltar snying po med pa dang bslu

@67a @#/ /brid kyi gnas su mthong nas nyes spyod las ldog cing/
skyabs su 'gro ba dang tshul khrims la sogs pa'i las bzang po
rnams rtag tu dang/ gus par byed pa'i brtson 'grus kyis gsog
par

byed pas lus la sogs pa snying po med pa rnams la snying po
dam pa blangs nas go 'phang dam par rang nyid 'dzegs te/ 'gro
ba rnams kyang der 'khrid pas na de las don che ba ci zhig
yod/ de'i phyir dpe du mas kyang

bsngags te/ mya ngan las 'das pa chen po las/ zhing rmo ba
thams cad kyi nang na ston gyi log mchog go/ /rjes thams cad
kyi nang na ba lang gi rjes mchog go/ /'du shes thams cad kyi
nang na'ang mi rtag pa dang 'chi ba'i

'du shes mchog yin te/ 'di dag gis ni khams gsum gyi 'dod pa
dang ma rig pa dang nga rgyal thams cad sel lo/ /zhes so/ /de
bzhin du nyon mongs pa dang nyes par spyod pa thams cad cig
car 'joms pa'i tho ba dang/ dge

legs thams cad cig car bsgrub pa la 'jug pa'i sgo chen por
gyur pa la sogs pas kyang bsngags pa'o/ /tshoms las kyang/ lus
'di rdza snod 'dra bar rtogs bya zhing/ /de bzhin chos rnams
smig rgyu 'drar shes

nas; ;bdud kyi me tog mtshon ni 'dir gcod pa/ /'chi bdag rgyal
pos bltar yang med par 'gro/ /zhes dang/ rga ba mthong zhing
nad kyi sdug bsngal dang/ /sems dang bral ba'i shi ba mthong
nas ni/ /brtan pas

@67b btson ra 'dra ba'i khyim spangs kyis/ /'jig rten phal pas
'dod spang nus re skan/ /zhes gsungs so/ /mdor na skyes bu'i
don bsgrub pa'i dus ni dal ba'i rten khyad par can thob pa'i
dus 'di kho na yin la/ 'o skol

phal cher ngan 'gror bsdad cing bde 'gror cung zad re 'ongs
kyang mi khom pa'i gnas su shas che bas de dag tu chos bsgrub
pa'i skabs mi rnyed la/ bsgrubs pas chog pa'i rten re thob pa
na yang chos tshul bzhin du mi bsgrub

pa ni da dung mi 'chi snyam pa 'di la thug 'dug pas na/ blos mi
'chi ba'i phyogs 'dzin pa ni rgud pa kun gyi sgo dang/ de'i gnyen
po 'chi ba dran pa ni phun sum tshogs pa thams cad kyi sgo'o/ /de'i
phyir 'di lta bu la chos zab

mo gzhan bsgom rgyu med pa rnams kyi nyams len no snyam pa
dang/ bsgom bya yin kyang dang por cung zad tsam bsgom par bya
yi/ rgyun pa'i nyams len du mi 'os so snyam du mi bzung bar
'di thog mtha' bar gsum du dgos lugs la des pa

snying thag pa nas bskyed de bsgom par bya'o/ /gsum pa 'chi ba
dran pa'i blo ji lta bu zhig bskyed pa ni/ gnyen la sogs pa la
chags pa brtan pa'i dbang gis de dag dang bral gyis dogs nas
skrag pa skye ba ni lam la ye ma sbyangs pa'i 'chi

ba la skrag lugs yin pas 'dir de bskyed pa ni min no/ /'o na
gang yin snyam na/ las dang nyon mongs pa'i dbang gis lus
blangs pa thams cad nges par 'chi ba las ma 'das pas de la
skrag pa bskyed kyang re zhig la dgag mi nus mod/

@68a @#/ /'on kyang 'jig rten phyi ma'i don ngan 'gro'i rgyu
'gog pa dang mngon mtho dang nges legs kyi rgyu ma bsgrubs par
'chi ba la 'jigs par bya ste/ de la ni des skrag pa bsams na
de dag bsgrub tu yod pas

'chi khar mi skrag pa byar yod la/ don de dag ma bsgrubs na
spyir 'khor ba las mi thar ba dang/ khyad par du ngan 'gror
ltung bas 'jigs nas 'chi ba'i tshe 'gyod pas gdung bar 'gyur
te/ skyes rabs las/ rab tu bsgrims kyang

gnas mi nus/ /gang la bcos su mi rung ba/ /'jigs shing skar
bar byas pa yis/ /de la phan pa ci zhig yod/ /de ltar 'jig
rten chos nyid la brtags na/ /mi rnams sdig pa byas pas 'gyod
par 'gyur/ /dge ba'i las

kyang legs par yongs ma byas/ /phyi ma'i tshe la sdug bsngal
'byung du dogs/ /'chi bar 'gyur ba'i 'jigs pas rmongs par
'gyur/ /gang las bdag gi yid ni 'gyod 'gyur ba/ /de nyid bdag
gis byas par yongs mi dran/ /

dkar po'i las kyang rab tu goms par byas/ /chos la gnas na
'chi bas su zhig 'jigs/ /zhes gsungs pa dang/ bzhi brgya pa
las kyang/ bdag ni 'chi'o snyam sems pa/ /gang la nges par yod
gyur

pa; ;des ni 'jigs pa yongs btang phyir/ /'chi bdag la yang ga
la 'jigs/ /zhes gsungs pa'i phyir ro/ /des na lus dang longs
spyod dang myur du 'bral bar gdon mi za'o snyam du yang dang
yang du mi

@68b rtag pa bsams na ni/ de dag la mi 'bral bar re ba'i sred
pa ldog pas de dag dang bral bas bskyed pa'i yid kyi gdung
ba'i dbang gis 'chi ba la skrag pa mi 'byung ba yin no/ ?
/bzhi pa 'chi ba dran pa ji ltar bsgom pa ni/ rtsa ba

gsum/ rgyu mtshan dgu/ thag bcad pa rnam pa gsum gyi sgo nas
bsgom par bya'o/ /de la gsum/ nges par 'chi ba bsam pa dang/
nam 'chi nges med bsam pa dang/ 'chi ba'i tshe chos ma gtogs pa
gang gis kyang mi phan pa

bsam pa'o/ /dang po la gsum las/ 'chi bdag nges par 'ong la de
yang rkyen gyis bzlog tu med pa bsam pa ni/ lus ji 'dra zhig
gi skye ba blangs kyang 'chi ba'ong ste/ mi rtag pa'i tshoms
las/ gang yang sangs rgyas rang sangs rgyas/ /

sangs rgyas rnams kyi nyan thos kyang/ /sku lus 'di ni spong
mdzad na/ /skye bo phal pa smos ci dgos/ /zhes so/ /yul gang
du bsdad kyang 'chi ba 'ong ba ni/ de nyid las/ gang du gnas
na 'chi bas mi tshugs pa'i/ /sa phyogs de ni yod pa

ma yin te/ /bar snang la med rgya mtsho'i nang na med/ /ri bo
rnams kyi gseb tu zhugs na'ang min/ /zhes so/ /sngon dang phyi
ma'i dus nam du yang sems can rnams 'chi bas 'joms pa la khyad
par med pa ni/ de nyid las/ byung

dang 'byung bar 'gyur ba ji snyed pa/ /kun gyis lus 'di btang
nas 'gro ba dang/ /de kun 'jig par mkhas pas rtegs kyis te/
/chos la gnas kyi nges par spyad pa spyod/ /ces so/ /'chi bdag
la bros pas mi thar zhing

@69a @#/ /sngags la sogs pas bzlog tu med pa ni/ rgyal po la
gdams pa las/ dper na/ phyogs bzhi nas ri chen po sra ba brtan
pa snying po dang ldan pa ma zhig pa ma gas pa 'phan med pa
shin tu mkhregs

pa gcig tu stug po bzhi gnam ? la reg cing sa ? brlog ste/
rtswa dang shing dang shing gel pa dang yal ga dang lo ma
thams cad dang sems can srog chags 'byung po thams cad phye
mar 'thag cing 'ong ba la ni mgyogs pas 'bros

pa'am stobs kyis bzlog pa'am nor gyis bzlog pa'am rdzas dang
sngags dang sman rnams kyis bzlog par sla ba ni ma yin no/
/rgyal po chen po/ de bzhin du 'jigs pa chen po bzhi 'di dag
'ong ste de dag las

mgyogs pas 'bros pa'am stobs kyis bzlog pa'am nor gyis bzlog
pa'am rdzas dang sngags dang sman gyis bzlog par sla ba ni ma
yin no/ /bzhi gang zhe na rga ba dang na ba dang 'chi ba dang
rgud pa'o/ /rgyal po chen po/ rga ba ni

dar la bab pa 'joms shing 'ong/ na ba ni nad med pa 'joms
shing 'ong/ rgud pa ni phun sum tshogs pa thams cad 'joms shing
'ong/ 'chi ba ni srog 'joms shing 'ong ste/ de dag las ni
mgyogs pas 'bros pa'am

stobs kyis bzlog pa'am nor gyis bzlog pa'am rdzas dang sngags
dang sman rnams kyis zhi bar sla ba ni ma yin no/ /zhes so/
/ka ma ba'i zhal nas/ da lta 'chi bas 'jigs pa zhig dgos/ 'chi
khar mi mtsher ba zhig dgos pa

@69b la'o ? skol de las ldog nas da lta mi 'jigs/ 'chi khar
brang la sen mo 'debs gsungs ngo/ /tshe la snon pa med cing
'bring byed par ma chad du yod pa bsam pa ni/ mngal du 'jug pa
las/ da lta legs par bde bar yongs su

bsrungs na de ring na lo brgya'am cung zad cig lhag par
'tsho'o/ /zhes gsungs pa ltar ring mtha' de tsam zhig yin no/
/de thub tu chug kyang de'i bar gyi tshe 'dzad pa shin tu myur
te lo ni zla ba song bas 'dzad cing/ zla ba'ang zhag song bas

'dzad la zhag kyang nyin mo dang mtshan mo song bas 'dzad do/
/de dag kyang snga dro la sogs pa song bas 'dzad pas na tshe'i
spyi tshad ni nyung la/ de la'ang sngar du ma zhig zad snang
zhig tshe lhag la yang snon pa skad cig kyang med par 'brid
byed nyin

mtshan kun tu bar ma chad par yod pa'i phyir te/ spyod 'jug
las/ nyin mtshan sdod pa yod med par/ /tshe 'di rtag tu god
'gyur zhing/ /snon pa'ang gud nas 'ong med na/ /bdag lta 'chi
bar cis mi 'gyur/ /zhes gsungs pa'i phyir

ro; /de yang dpe du ma'i sgo nas bsam ste 'di ltar thags 'thag
pa na lan re la spun nyag ma re las mi 'gro yang myur du btags
zin nas 'ong ba dang/ lug la sogs pa'i gsad bya rnams gsod
pa'i phyir 'khrid pa na/ gom

pa re re spos pas 'chi ba la je nyer 'gro ba dang/ chu klung
drag po'i rgyun 'gro ba'am ri gzar gyi kha nas chu 'bab ba
bzhin du che myur du zad nas 'gro ba dang/ phyugs rjis dbyug
pa bzung nas phyugs rnams rang dbang med par rang gi gnas su 

@70a @#/ /skyel ba ltar/ na ba dang rga bas rang dbang med par
'chi bdag gi drung du 'khrid pa'i tshul rnams sgo du ma nas bsgom
par bya ste/ tshoms las/ dper na thags ni brkyangs pa la/ /spun

ni gang dang gang bcug pa'i/ /spun gyis gting la gtugs pa ltar/
/mi rnams srog kyang de bzhin no/ /dper na nges par bsad pa dag
/gom pa gang dang gang bor bas/ /bsad pa'i drung du bsnyen pa
ltar/ /

mi rnams srog kyang de bzhin no/ /chu klung drag tu 'bab pa'i
rgyun/ /ldog pa med pa ji lta bar/ /de bzhin mi yi tshe 'gro ba/
/slar ni ldog par 'gyur ba med/ /dka' ba nyid dang thung ba
dang/ /de yang sdug bsngal ldan ba dag /

myur ba kho nar 'jig 'gyur te/ /chu la dbyu gus bris pa bzhin/
/dper na phyugs rdzi dbyug thogs kyis/ /phyugs rnams gnas su
phyin byed ltar/ /de bzhin na dang rga ba yis/ /mi rnams 'chi
bdag drung du skyel/ /zhes gsungs

ba ltar ro/ /jo bo chen pos kyang chu 'gram du byon nas mi rtag
pa bsgom pa la chu phri li li 'gro ba 'di ga bde gsung nas bsgom
skad/ rgya cher rol pa las kyang/ srid gsum mi rtag ston ka'i
sbrin dang 'dra/ /'gro ba'i skye 'chi

gar la blta dang mtshungs/ /'gro ba'i tshe 'gro nam mkha'i glog
'dra ste/ /ri gzar 'bab chu lta bur myur mgyogs 'gro/ /zhes dpe
du ma'i sgo nas gsungs so/ /des na nang du cung zad bsams pa'i
'phrig tshud pa zhig la phyi'i

@70b dngos po thams cad kyis mi rtag pa mi ston pa med gsung ba
ltar yin pas du ma la sbyar nas bsam/ yang yang bsams na nges pa
skye/ cung zad tsam re la ma byung byas pas mi phan te/ ka ma
ba'i zhal nas/ bsams pas ma byung zer

te khyed kyis nam bsams nyin mo ni yeng yeng byed/ mtshan mo ni
gnyid log gi na 'dug na brdzun ma zer gsung ba ltar ro/ /tshe'i
mthar 'chi bdag gis bcom nas 'jig rten pha rol tu 'gro bar ma
zad de'i bar rnams su yang

'gro 'chag nyal gsum gang byed kyang tshe bri nas mi 'gro ba'i
skabs ye med pas/ mngal du zhugs pa nas 'go bzung ste skad cig
tsam yang mi sngod par 'jig rten pha rol tu kha bltas nas 'gro
ba yin no/ /des na bar gyi gson

pa'ang na ba dang rga ba'i pho nya bas khrid nas 'chi ba'i phyir
du 'gro ba kho nar zad pas gson pa'i skabs la 'jig rten phyi mar
mi 'gro ba'i sngod par bzung nas dga' bar mi bya ste/ dper na/
brag mthon po'i rtse mo nas lhung ba'i tshe/

sa la ma lhung ba'i bar snang la 'gro ba'i skabs de la dga' bar
mi 'os pa bzhin no/ /de yang bzhi brgya pa'i 'grel bar drangs pa
las/ mi yi dpa' bo thog ma'i mtshan mor ni/ /gang na 'jig rten
mang lan gnas gyur pa/ /de nas

brtsams nas de ni nyin re bzhin/ /'gros bshol med par 'chi bdag
drung du 'gro/ /zhes dang/ phyin ci log bzhi 'gog pa'i gtam las
kyang/ ri bo mthon po'i rtse mo'i steng nas sa la lhung bar gyur
pa yis/ /zhig par gyur tshe

@71a @#/ /ci 'di bar snang la ni bde ba myong 'gyur ram/ /skyes
nas brtsams te 'chi ba nyid phyir rtag tu rab tu brgyug pa na/
/sems can rnams ni bar skabs gang du bde ba ji ltar 'thob par
'gyur/ /

zhes gsungs so/ /de dag gis ni myur du 'chi bar nges pa bstan
to/ /gson pa'i cho la yang chos bya ba'i long med par nges par
'chi ba bsam pa ni/ sngar bshad pa'i ring mtha' de tsam thub tu
chug kyang long yod byar mi rung ste/

don med du tshe mang po zhig ni sngar 'das 'dug pa dang lhag ma
la'ang gnyid kyis phyed 'da' zhing/ gzhan yang rnam par g.yeng
ba gzhan gyis kyang du ma zhig don med du 'da' ba dang/ lang tsho
yol nas rgas pa'i gnas skabs

su sleb nas ni lus dang sems kyi stobs nyams pas chos byed par
'dod kyang bsgrub pa'i mthu med pas chos byed pa'i skabs ni cung
zad las med de/ mngal du 'jug pa las/ de las kyang phyed ni
gnyid kyis khebs so/ /lo

bcu ni byis pa'o/ /lo nyi shu ni rgas pa ste/ mya ngan dang smre
sngags 'don pa dang sdug bsngal pa dang yid mi bde ba dang
'khrugs pa rnams kyis kyang bcad/ lus las byung ba'i nad rnam pa
du ma brgya phrag du mas kyang bcad do/ /zhes pa dang/ phyin

ci log bzhi 'gog pa'i gtam las kyang/ 'di ni mi rnams tshe ni
mchog tu ring yang lo brgya kho nar zad/ /de las kyang ni dang
po byis pa tha ma rgas pas don med byed/ /gnyid dang nad sogs
dag gis de dus med par kun nas re

@71b ba 'joms/ /bde bar gnas pa'i mi nang 'gro ba'i tshe ni lhag
ma ji tsam yod/ /ces gsungs so/ /mchad ka ba'i zhal nas kyang lo
drug cu la lto rgyab dang gnyid dang na tshas bcad pa'i bshol na
chos su 'gro ba lo lnga yang med

gsung ngo/ /de ltar na tshe 'di'i phun tshogs thams cad ni rmi lam
thun gcig na bde ba spyad bsad nas dran pa ltar 'chi ba'i dus su
dran pa'i yul tsam du 'gyur la/ 'chi ba'i dgra ni dgag tu med
par nges par 'ong na ci'i phyir tshe

'di'i bslu bring la dga' bar bya snyam du bsams te chos bya dgos
pa la thag bcad cing zhe dam mang du bya ste/ skyes rabs las/
kye ma'o 'jig rten nyon mongs dag /gnas pa mi brtan dga' mi
'gyur/ /ku mu ta yi

dpal 'di yang/ /dran par bya ba nyid du 'gyur/ /'gro ba 'di lta
bur ni 'khod pa la/ /skye bo 'jigs pa med pa ngo mtshar kye/ /lam
rnams thams cad 'chi bdag nyid kyis bkag /dogs pa med par rab tu
dga' zhing spyod//

na dang rga dang 'chi ba'i gnod byed dgra/ /mthu chen dgag tu mi
nus yod bzhin la/ /'jig rten pha rol nyam ngar nges 'gro na/
/sems shes su zhig 'di la dga' par sems/ /zhes dang/ kA ni ka'i
springs yig las kyang/

'chi bdag brtse ba med pa can/ /skyes rtsal don med gsod 'gyur
ba/ /gsod pa mngon du 'ong bzhin du/ /mkhas pa su zhig bag
rkyong spyod/ /de'i slad dpa' chen bzod med des/ /mda' ni mi
bzad 'chor med pa/ /de ni ji srid ma

@72a @#/ /'phangs pa/ /de srid rang gi don la 'bod/ /ces gsungs
pa ltar bsam mo/ /gnyis pa nam 'chi nges med bsam pa ni/ de ring
phan chad brgya tshun chad la 'chi ba 'ong bar nges shing/ de'i
bar

gyi zhag gang la 'ong ma des pas de ring lta bu la 'chi mi 'chi
gang du'ang thag mi chod mod/ 'on kyang blos 'chi ba'i phyogs
bzung nas de ring 'chi snyam pa'i blo bskyed dgos te/ de ring mi
'chi snyam ba dang phal cher mi

'chi snyam pa blos mi 'chi ba'i phyogs bzung na tshe 'dir sdod
pa'i grabs byed byed nas 'jig rten phyi ma'i grabs byed pa mi
'ong bas/ de'i bar du 'chi bdag gis bzung nas mya ngan dang bcas
bzhin du 'chi dgos pa'i phyir

ro; ;nyi ma re re bzhin 'chi ba'i grabs byas na ni 'jig rten pha
rol gyi don mang po 'gru pa pas ma shi na yang de byas pa legs
la/ shin ni khyad par du'ang de dgos pa yin no/ /dper na/ rang
la gnod pa drag po byed

pa'i dgra chen po zhig dus 'di nas 'di'i bar la 'ong bar ni thag
chod la/ zhag gang la 'ong mi shes na zhag re re nas de'i zon
bya dgos pa dang 'dra'o/ /zhag re re nas de ring 'chi snyam
pa'am tha na de ring phal cher 'chi snyam pa

byung na gang du 'gro ba'i 'jig rten phyi ma'i don byed cing
'jig rten 'di'i sdod grabs mi byed la/ bsam pa de ma byung na
'jig rten 'dir sdod par mthong nas de'i grabs byed kyi/ 'jig
rten phyi ma'i don mi byed de/ dper na/

@72b gnas gcig tu yun ring du bsngad snyam na de'i sdod grabs
byed pa dang/ der mi sdod par gzhan du 'gro snyam na gang du
'gro ba'i grabs byed pa bzhin no/ /des na nyi ma re re nas 'chi
snyam pa'i blo bskyed dgos so/ /'di la

gsum las/ 'dzam bu gling pa'i tshe la nges pa med pa bsam pa ni/
spyir sgra mi snyan pa'i tshe ni nges kyi/ gzhan rnams rang rang
gi tshe tshad thub pa'i nges pa med na'ang phal cher nges pa mang
la/ 'dzam bu gling pa'i tshe ni shin tu

ma nges pa yin te/ dang po ni tshe lo dpag tu med pa'ang byung
la/ da gdod lo bcu lon pa la ring mtha' byed dgos shing da lta
yang rgan gzhon bar ma gang la 'chi ma nges par snang ba'i phyir
ro/ /de ltar yang mdzod las/ 'di na ma

nges tha mar ni/ /lo bcu dang po dpag tu med/ /ces dang/ tshoms
las/ snga dro skye ngo mang mthong ba/ /phyi dro kha cig mthong
mi 'gyur/ /phyi dro skye bo mang mthong ba/ /snga dro kha cig
mthong mi 'gyur/ /zhes dang/ skyes pa bud med

mang po dang/ /dar la bab pa'ang 'chi 'gyur na/ /de la mi 'di
gzhon zhes te/ /gson pa'i gdeng drod ci zhig yod/ /kha cig mngal
du 'chi bar 'gyur/ /de bzhin kha cig btsas pa'i sar/ /de bzhin
kha cig gog tsam na/ /

de bzhin kha cig yongs rgyug na/ /la la rgan dang la la gzhon/
/la la dar la bab pa'i mi/ /rim gyis rab tu 'gro 'gyur te/
/'bras bu smin pa ltung ba bzhin/ /zhes gsungs te/ bla ma'am
grogs la sogs pa tshe'i mthar ma

@73a @#/ /phyin par glo bur du phyi dang nang gi 'chi rkyen gyis
bsam pa ma rdzogs par shi ba mthong ngam thos pa rnams yid la
byas la/ bdag kyang nges par de lta bu'i chos can no snyam du
yang dang yang du bsams la 'chi

ba'i blo ci skye bya'o/ /'chi rkyen shin tu mang zhing gson
rkyen nyung ba bsam pa ni/ srog 'di la sems yod pa'i gnod pa
dang sems med pa'i gnod pa mang ste/ 'di ltar mi dang mi ma yin
pa gdon gyi rigs su gyur pa rnams kyis rnam

pa ru mar 'tshe ba dang dud 'gro'i rigs lus dang srog la gnod pa
byed pa du ma yod pa de dag gis ji ltar 'tshe ba'i tshul dang/ de
bzhin du nang gi nad rnams dang phyi rol gyi 'byung ba rnams kyi
gnod pa 'bab pa'i tshul rnams kyang zhib tu

bsam mo/ /gzhan yang rang gi lus 'byung ba bzhi las grub dgos
la/ de dag kyang phan tshun gcig la gcig gnod pa byed pas 'byung
ba'i khams rnams cha ma snyoms bar 'phel 'grib tu gyur ba na nad
bskyed de srog 'phrog pas gnod pa de

dag ni rang dang lhan skyes su yod pas lus srog la yid brtan du
med do/ /de ltar yang 'das chen las/ 'chi ba'i 'du shes ni srog
'di rtag tu dgra sdang ba du mas bskor te skad cig re rer nyams
par byed kyi 'phel par byed pa ni gang

yang med do/ /zhes dang/ rin chen 'phreng ba las kyang/ 'chi
bdag rkyen gyi nang gnas pa/ /rlung dmar nang 'dug mar me bzhin/
/zhes dang/ bshes springs las kyang/ tshe ni gnod mang rlung gis
btab pa yi/ /chu yi chu

@73b bur bas kyang mi rtag na/ /dbugs rdub dbugs 'byung gnyid
kyis log pa las/ /sad khom gang lags de ni ngo mtshar che/ /zhes
dang/ bzhi brgya pa las kyang/ nus pa med pas 'byung kun la/
/tshogs pa zhes bya skye 'byur te/ /

'gal ba rnams la bde'o zhes/ /rnam pa kun tu'ang mi rigs so/
/zhes gsungs so/ /snyigs ma lnga shin tu bdo ba'i dus yin pas
tshe ring du gnas pa'i las bzang po mthu chen bsags pa ches shin
tu nyung ba dang/ kha zas

la sogs pa'i sman rnams kyang mthu chung bas nad 'joms pa'i
stobs chung zhing/ longs sbyang pa rnams kyang bde bar zhu nas
lus kyi 'byung ba chen po rnams rgyas par 'gyur ba'i mthu bri
bas bde bar 'ju dka' zhing zhu bas kyang phan

'dogs pa chung ba dang/ tshogs kyi bsags rgyab chung zhing nyes
sbyod shin tu che bas bzlas brjod la sogs pa yang mthu chung bar
song nas tshe bsring ba sogs shin tu dka'o/ /gson rkyen rnams
kyang 'chi rkyen du ma gyur pa med de/ mi 'chi

ba'i phyir du ni bza' btung dang gnas khang dang grogs la sogs
pa rnams tshol la/ de dag kyang bza' btung ha cang mngas pa dang
ha cang nyungs pa dang mi 'phrod pa longs sbyad pa sogs dang/
gnas khang rdib pa dang mdza' bos bslus pa la

sogs pa'i sgo nas 'chi ba'i rkyen du 'gyur bas na 'chi ba'i
rkyen du ma song ba'i gson pa'i rkyen mi snang ngo/ /gzhan yang
gson pa nyid 'chi ba'i don du zhugs pa yin pas/ gson pa'i rkyen
mang yang de la yid brtan du mi rung ste/

@74a @#/ /rin chen phreng ba las/ 'chi ba'i rkyen ni mang ba ste/
/gson pa yi ni nyung zad cig /de dag rnams kyang 'chi ba'i yang/
/de bas rtag tu chos mdzod cig /ces gsungs so/ /lus shin tu nyam
chud bas na/ nam

'chi nges med bsam pa ni/ lus chu'i dbu ba ltar shin tu nyam
chung bas na gnod pa chen po mi dgos bar tsher ma zug pa lta bu'i
gnod pa la snyad btags nas kyang srog 'jig par 'gyur bas na/
'chi rkyen thams cad dkyis gzhom

par yang shin tu sla ba yin te/ bshes springs las/ sa dang lhun
po rgya mtsho nyi ma bdun/ /'bar bas bsregs pa'i lus can 'di dag
kyang/ /thal ba yang ni lus par mi 'gyur na/ /shin tu nyam chung
mi lta smos ci

'tshal/ /zhes gsungs so/ /de ltar bsams pa'i mthar 'chi bdag gis
lus srog nam 'joms nges pa mi snang bas long yod mi bya bar da
lta nyid nas chos bya bar thag gcod pa'i zhe dam mang du bya
ste/ kA ni ka'i sbrings yig

las; 'chi bdag su dang mi bshes pa/ /glo bur dag tu 'bab 'gyur
bas/ /sang dag bya zhes ma gzhes par/ /dam pa'i chos la bsnyur
te mdzod/ /'di sang deng ni 'di bya zhes/ /bya ba mi la bzang po
min/ /nam

zhig khyod ni med 'gyur ba'i/ /sang de gdon mi za bar 'ong/
/zhes dang/ rnal 'byor gyi dbang phyug shra'i dza ga ta mi tra
A nan tas kyang/ sa bdag ji ltar g.yar po'i lus/ /nad med
rgud med bder gnas pa/ /de

@74b nyid tshe na snying bo blang/ /na 'chi rgud pas 'jigs med
bgyi/ /gang tshe na rgas rgud sogs na/ /dran yang de tshe ci bgyir
mchis/ /zhes gsungs pa ltar ro/ /rtsa ba gsum las kyang gal che
shos nam 'chi nges med bsams

nas blo sna 'gyur ba 'di nyid yin pas 'bad par bya'o/ /gsum pa
'chi ba'i tshe chos ma gtogs pa gzhan gang gis kyang mi phan pa
bsam pa gsum ni/ de ltar 'jig rten pha rol tu 'gro dgos bar
mthong ba na/ de'i tshe gnyen

nam bshes ji ltar brtse zhing gdung ba che bas mtha' bskor yang
gcig kyang 'khrid sa med/ yid du 'ong ba'i nor gyi phung po ji
snyed yod kyang rdul phran tsam zhig kyang 'khyer du med de/
lhan cig skyes pa'i sha rus kyang 'dor

na gzhan lta ci smos/ des na tshe 'di'i phun sum tshogs pa thams
cad kyis kyang bdag 'dor la/ bdag gis kyang 'di dag dor nas 'jig
rten gzhan du 'gro ba zhig nges par 'ong/ de yang de ring 'ong
snyam du bsams la/

de'i dus su ni chos 'ba' zhig skyabs dang mgon dang dpung gnyen
du 'gyur tshul bsam par bya ste/ kla ni ka'i springs yig las/
rnam smin 'byin pa sngon las kyis/ /khyod ni yongs su btang gyur
pa/ /gsar pa'i las

dang rjes 'brel zhing/ /'chi bdag gis ni drangs pa na/ /dge dang
sdig pa ma gtogs par/ /'gro ba thams cad phyir log nas/ /'ga'
yang khyod rjes mi 'brang bar/ /mkhyen par mdzod la legs par
spyod/ /ces ba dang/

@75a @#/ /shrI dza ga ta mi tras kyang/ lha gcig ji ltar khyod
'byor kyang/ /gshegs nas 'jig rten gzhan bzhud tshe/ /mya ngam
thang la dgras bcom ltar/ /gcig pu sras med btsun mo min/ /na
bza' ma

mchis bshes ma mchis/ /rgyal srid ma mchis khab ma mchis/ /dpag
med mthu dpung mnga' lags kyang/ /gzigs su ma mchis gsan ma
mchis/ /gcig tsam nyid cig phyi thag gis/ /rjes su 'brang ba'ang
mi mnga' 'o/ /

mdor na nyid kyi mtshan tsam yang/ /de tshe med na gzhan ci smos/
/zhes gsungs pa ltar ro/ /de ltar dal ba don che zhing shin tu
rnyed dka' ba dang rnyed par dka' yang shin tu 'jig sla ba'i
'chi ba dran pa bsams nas/ 'jig rten

phyi ma phan chad kyi gtan bde zhig sgrub par mi byed na/ ma shi
tshun chod kyi bde ba bsgrub pa dang sdug bsngal sel ba la ni mi
bas ngud 'gro rlabs che ba yod pas na de dag las khyad zhugs
pa'i spyod pa zhig dgos te/ gzhan du na bde

'gro'i rten rnyed kyang ma rnyed pa dang 'dra ste/ sbyod 'jug
las/ phyugs kyis bsgrubs na'ang mi dkon pa'i/ /mnog chung gang
yin de don du/ /dal 'byor phun tshogs rnyed dka' 'di/ /las kyis
mnar brnams kyi sbcom/ /zhes gsungs

pa'i phyir ro/ /des na skye dka' se byung yang lam gyi gzhi yin
pas 'bad dgos te/ po to pa'i zhal nas/ nged kyi snang sel mi
rtag pa bsgom pa 'di rang yin te nye 'brel dang yo byad la sogs
pa tshe 'di'i snang ba kun bsal nas rang

@75b gcig pu gnyis su med par tshe pha rol tu phyad kyis 'gro bar
shes nas chos min pa cis kyang byar med snyam nas tshe 'di la ma
chags pa zhig gdod 'ong/ 'di blo lam skyes kyi bar du chos thams
cad kyi lam 'gags nas

'dug ba yin gsung/ dol pa'i zhal nas kyang/ zhar la tshogs gsog
pa dang sgrib pa sbyong/ lha dang bla ma la gsol ba 'debs shing
rus shing dang bcas nas nan tan gyis bsams na/ lo brgyar yang mi
skye snyam pa zhig kyang 'dus

byas so na mi sdod pas ci zhig ltar la skye ba yin gsung ngo/
/ka ma ba la dmigs pa spo bar zhus tsan snga ma skyor skad/
'phro nas zhus tsan 'phro ye ma thod pa zhes gsung lo/ /de ltar
na blos lcogs na sngar bshad pa bzhin bsgom

zhing; ma lcogs na rtsa ba gsum la rgyu mtshan dgu ji ltar 'tsham
pa re bzung la/ gsod sar 'khrid pa la rgyan btags pa ltar tshe
'di'i bya ba rnams las yid ma log gi bar du yang dang yang du
bsgom par bya'o/ /bshes

gnyen bsten pa dang dal 'byor dang mi rtag ba'i skor rnams gsung
rab dgongs 'grel dang bcas pa ga na 'dug kyang skabs de dang
de'i nyams len du shes par byas nas bskyangs na rgyal ba'i
dgongs pa rnams bde blag tu rnyed

par 'gyur te skabs gzhan du 'ang de ltar shes par bya'o/ /gnyis
pa 'jig rten phyi mar ji ltar 'gyur ba 'gro ba gnyis kyi bde
sdug bsam pa ni/ de ltar myur du 'chi bar ni nges pas tshe 'dir
ni bsdad long med la/ shi ba'i

@76a @#/ /'og tu yang med de mi 'gro bar skye ba blang dgos so/
/de yang 'gro ba gnyis las gzhan du skyes med pas bde 'gro'am
ngan 'gror skye ba yin no/ /de dag tu skye ba la rang dbang ni
med pas las kyi

gzhan dbang can yin pa'i phyir/ las dkar nag gis ji ltar
'phangs pa bzhin du skye bar 'gyur ro/ /de ltar na bdag ngan
song du skyes na ji 'dra ba zhig tu 'gyur snyam du ngan 'gro'i
sdug bsngal bsam par bya ste/ mgon po klu sgrub

kyis; rab tu tsha zhing grang ba yi/ /dmyal ba nyi ma gcig
bzhin dran/ /bkres skom dag gis rid pa yi/ /yi dwags dag kyang
dran par bya/ /rmongs pa'i sdug bsngal rab mang ba'i/ /byol
song blta zhing dran par bya/ /de'i rgyu rnam spang

bde rgyu spyad/ /thob dka' 'dzam gling mi yi lus/ /de thob dus
su ngan song rgyu/ /rab tu bsgrims te gcad par bya/ /zhes
gsungs pa'i phyir ro/ /de la 'khor ba spyi dang khyad par du
ngan 'gro'i sdug bsngal bsgom pa ni shin tu gnad

che ste; 'di ltar rang nyid sdug bsngal gyi mtshor lhung ba'i
tshul bsams na ni yid 'byung bas nga rgyal dang dregs pa bzlog
pa dang/ sdug bsngal de mi dge ba'i 'bras bur mthong nas sdig
ltung la ches shin tu 'dzem pa dang sdug

bsngal mi 'dod pas ni bde ba 'dod la/ de yang dge ba'i 'bras
bur mthong nas dge ba bsgrub pa la dga' ba dang/ rang gi nyams
la dpags nas gzhan la yang snying rje skye ba dang 'khor ba
las yid byung nas thar pa la don

@76b gnyer skye ba dang sdug bsngal gyis 'jigs nas skyabs 'gro
shugs drag pa sogs nyams len gyi gnad du ma zhig 'dus pa'i
sdom chen po'i/ /de ltar yang spyod 'jug las/ sdug bsngal med
par nges 'byung med/ /de bas

sems khyod brtan par mnos/ /zhes dang/ gzhan yang sdug bsngal
yon tan ni/ /skyo bas dregs pa sel bar byed/ /'khor ba pa la
snying rje skye/ /sdig la 'dzem zhing dge la dga'/ /zhes dang/
bdag ni 'jigs pas rnam skrag nas/ /kun tu

bzang la bdag nyid 'bul/ /zhes gsungs pa ltar ro/ /sdug bsngal
gyi yon tan de rnams spyod 'jug tu rang gi rgyud la byung ba'i
sdug bsngal gyi dbang du byas nas gsungs mod/ 'on kyang sdug
bsngal myong bar 'gyur ba la yang 'dra ba

yin no/ /de ltar na ngan 'gro'i sdug bsngal bsam pa la gsum/
dmyal ba dang/ dud 'gro dang/ yi dwags kyi sdug bsngal bsam
pa'o/ /dang po la bzhi/ sems can dmyal ba chen po dang/ nye
'khor ba'i dmyal ba dang/

grang ba'i dmyal ba dang/ nyi tshe ba'i dmyal ba'o/ /dang po
ni/ 'di nas dpag tshad sum khri nyis stong gi 'og na yang sos
yod la/ de nas dpag tshad bzhi stong bzhi stong gis chod pa na
gzhan bdun yod do/ /de ltar brgyad las/ dang po  

yang sos na ni/ sems can de dag phan tshun 'dus nas las kyi
dbang gis byung ba'i mtshon cha sna tshogs rim gyis 'byung ba
rnams kyis gcig la gcig snun par byed do/ /de nas brgyal te sa
la 'gyel ba dang nam mkha' las khyed rnams

@77a @#/ /yang sos par gyur cig ces pa'i sgra 'byung ngo/ /de
nas yang langs te sngar ltar snun par byed pas sdug bsngal
dpag tu med pa nyams su myong bar 'gyur ro/ /thig nag na ni/
sems

can der skyes pa rnams dmyal srung rnams kyis zur bzhi'am zur
brgyad dam char gse ba rnam pa sna tshogs du mar thig nag pos
bcal nas thig ji ltar btab pa de ltar mtshon gyis gsheg cing
'jog par byed

pa'i sdug bsngal nyams su myong bar 'gyur ro/ /bsdus 'joms na
ni/ sems can de rnams gcig tu 'dus shing 'tshogs pa'i tshe dmyal
srung rnams kyis lcags kyi ri ra'i gdong pa lta bu gnyis kyi
bar du 'tshang bar byed

do; ;de nas de ma thag tu ri de gnyis kyis 'tshir la/ de'i tshe
sgo thams cad nas khrag gi klung rab tu 'bab bo/ /de bzhin du
lug dang rta dang glang po che dang seng ge dang stag gi gdong
pa lta bus kyang 'tshir bar byed

do; ;yang 'dus pa na lcags kyi 'khrul 'khor chen po'i nang du
bcug nas bur shing 'tshir ba bzhin du 'tshir ro/ /de nas yang
'dus pa na steng nas lcags kyi pha bong chen po lhung nas
lcags kyis gzhi la gcod pa

dang 'byed pa dang brdung ba dang dmyal bar byed do/ /de dag
gi tshe yang khrag gi klung rab tu 'bab bo/ /du 'bod na ni/
sems can de dag gnas 'tshol zhing lcags kyi khang ba'i nang du
'jug par byed do/ /

@77b zhugs pa dang me kun tu 'bar bas sreg par byed do/ /du
'bod chen po na ni/ snga ma dang 'dra ba las khyad par du
lcags khang nyis rim du yod do/ /tsha ba na ni/ sems can de dag
dmyal srung rnams

kyis lcags zangs dpag tshad du ma yod pa shin tu tsha zhing 'bar
ba'i nang du bcug nas bskol te nya bzhin du bsreg pa dang/
lcags kyi gsal shing rab tu 'bar bas 'phongs nas phug ste spyi
bor 'byin pa dang kha

dang mig dang sna dang rna ba'i bu gu gnyis gnyis dang ba
spu'i khung bu thams cad nas me lce rab tu 'bar ba 'byung ba
dang/ lcags kyi sa gzhi rab tu 'bar ba la gan rkyal lam kha
sbub tu bzhag ste/ lcags kyi tho ba tsha zhing rab

tu 'bar bas brdung zhing dmyal bar byed do/ /rab tu tsha ba na
ni/ lcags kyi gsal shing rtse gsum pa 'phongs su bcug nas rtse
mo g.yas g.yon gnyis phrag pa gnyis dang dbus ma spyi bo nas
'byin no/ /de la brten nas

kha la sogs pa'i sgo rnams su me lce 'bar pa 'byung ngo/
/lcags glebs pa tsha zhing rab tu 'bar bas lus yongs su dkri ba
dang lcags zangs chen po 'gyur byed bskol bas gang zhing kun
tu 'bar ba'i nang du spyi'u tshugs

su bcu gnas bskol ba na steng 'og dang thad ka rnams su
'gro'o/ /de'i tshe pags pa dang sha khrag rnams zhig nas keng
rus 'ba' zhig lus pa'i tshe yang phyir phyung nas lcags kyis
gzhi la 'grem mo/ /de nas pags pa

@78a @#/ /dang sha khrag skyes pa dang yang nang du 'jug go/
/lhag ma gzhan ni tsha ba dang 'dra'o/ /mnar med na ni/ shar
phyogs nas sa gzhi dpag tshad brgya phrag du ma yod pa kun tu
'bar zhing

mched pa las/ me 'bar ba'i shugs 'ongs te des sems can de dag
gi pags pa dang sha dang rgyus pa dang rus pa rnams rim gyis
bshig nas rkang la thug par byed de/ mar me'i snying po bzhin
du lus thams cad me lce

'bar bas khyab par 'dug go/ /phyogs gzhan gsum yang de dang
'dra ste phyogs bzhi nas me 'ongs pa der 'dres pas sdug bsngal
myong ba bar ma chad pas nyam thag pa'i skad 'byin pas sems
can du shes pa tsam mo/ /yang

lcags kyi zhib ma'i nang du lcags kyi mdag ma rab tu 'bar ba
dag 'khrab tu 'jug go/ /lcags kyi sa gzhir lcags kyi ri chen
po rnams la 'bab 'dzeg byed du 'jug pa dang/ yang kha nas lce
phyung ste lcags kyi phur pa brgyas

brgyangs nas glang gi ko ba la byed pa bzhin du thang bcad de
gnyer ma dang kham khum med par byed do/ /yang lcags kyis gzhi
la gan rkyal du bzhag nas lcags kyi 'byed spyad kyis kha phye
nas lcags kyi thu lum 'bar ba khar 'jug

pa dang zangs bskol ba khar blugs nas kha dang lkog ma dang
rgyu ma rnams tshig nas ro smad nas 'byung ngo/ /lhag ma gzhan
ni rab tu tsha ba bzhin no/ /de dag ni gnod pa rags pa tsam yin
gyi/ gzhan yang gnod pa mang po sna tshogs

@78b pa rnams yod de/ ci tsam na gnas pa'i gnas kyi tshad dang
sdug bsngal de dag ni sa'i dngos gzhi nas ji ltar gsungs pa
ltar bris pa'o/ /sdug bsngal de rnams yun ci tsam du nyams su
myong ba ni/ bshes springs las/ de

ltar sdug bsngal shin tu mi bzad lo/ /bye ba phrag brgyar
nyams su myong yang ni/ /ji srid mi dge de zad ma gyur pa/ /de
srid srog dang phral bar mi 'gyur ro/ /zhes gsungs pa ltar/
sdug bsngal de rnams myong ba'i las

kyi nus pa ma zad pa de srid du myong dgos so/ /de yang mi
rnams kyi lo lnga bcu la rgyal chen ris bzhi pa'i zhag gcig
/de sum cu la zla ba/ de bcu gnyis la lor byas pa'i lo lnga
brgya ni rgyal chen ris bzhi pa'i tshe tshad yin la/

de thams cad la zhag gcig dang de sum cu la zla ba dang de bcu
gnyis la lor byas pa'i lo lnga brgya ni dmyal ba yang sos pa'i
tshe tshad do/ /de bzhin du mi'i lo brgya dang nyis brgya dang
bzhi brgya dang brgyad brgya dang stong drug brgya ni

sum cu rtsa gsum pa nas gzhan 'phrul dbang byed pa'i bar rnams
kyi rim pa bzhin du zhag gcig yin la/ tshe'i tshad ni lha'i lo
stong dang nyis stong dang bzhi stong dang brgyad stong dang
khri drug stong thub bo/ /de dag ni rim pa ltar

thig nag nas tsha ba'i bar gyi zhag re rer byas pa'i rang lo
stong nas khri drug stong gi bar thub ste/ mdzod las/ mi rnams
kyi lo lnga bcu la/ /'dod pa dag gi lha rnams las/ /'og ma
rnams kyi nyin zhag gcig /gong

@79a @#/ /ma gnyis ka nyis 'gyur ro/ /zhes dang/ yang sos la
sogs drug rim bzhin/ /'dod lha'i tshe dang nyin zhag mnyam/
/des na de dag rnams kyi tshe/ /'dod pa'i lha dang 'dra ba yin/
/rab tu tsha

phyed mnar med ni/ /bar gyi bskal pa'o zhes gsungs te/ sa'i
dngos gzhir yang de dang 'dra'o/ /nye 'khor ba ni/ dmyal ba
brgyad po de re re la yang rtsig ngos bzhi bzhi dang sgo bzhi
bzhi yod la/ de dag gi phyi rol tu ni lcags

kyi ra bas bskor zhing ra ba de la'ang sgo bzhi bzhi yod do/
/sgo de re re na sems can dmyal ba lhag pa bzhi bzhi yod de
me mur gyi 'obs dang/ ro myags kyi 'dam mam phyi sa'i 'dam ro
ltar mnam pa dang/ spu gri'i lam la sogs pa

dang; chu klung rab med do/ /de la dang po ni/ me mur pus nub
tsam yod la/ sems can de dag gnas 'tshol du 'gro ba na der
rkang pa bzhag pa'i tshe pags pa dang sha khrag kun 'jig la/
bteg pa'i tshe de dag slar skye bar 'gyur

ro; ;gnyis pa ni/ de dang 'dabs chags pa na phyi sa'i 'dam ro
ltar mnam pa yod pa la/ sems can gnas 'tshol ba dag gis brgal
ba dang der 'gyel nas mgo man chad bying ste 'dug go/ /'dam de
na 'bum chu rnon zhes

bya ba yod pas de dag gis pags pa dang sha dang rgyus pa dang
rus pa rnams 'bigs shing rkang la gtugs nas 'dru bar byed do/
/gsum pa ni/ 'dam de dang 'dabs chags pa na spu gri'i so gtams
pa'i lam yod de/ sems

@79b can gnas 'tshol ba dag der song ba dang rkang pa bzhag na
ni pags pa dang sha dang khrag kun gcod la bteg na de dag slar
skye'o/ /de dang 'dabs chags pa na nags tshal ral gri lo ma can
yod de/ sems can gnas 'tshol

ba de dag der song ste de'i grib ma la brten cing 'khod ba na
shing las ral gri lhags te/ de dag gis yan lag dang nying lag
'bigs shing rnam par gsheg go/ /de dag der 'gyel ba na khyi
sre bo dag 'ongs nas rgyab bshul nas

'thog cing za'o/ /de dang 'dabs chags pa na lcags kyi shing
shal ma li'i tshal yod de/ sems can gnas 'tshol ba de dag der
song pa dang de la 'dzeg tu 'jug ste 'dzegs pa'i tshe ni tsher ma
rnams kyi kha thur du blta la/ 'bab

pa'i tshe ni kha gyen du blta ba de dag gis yan lag dang nying
lag rnams 'bigs shing gsheg par byed do/ /de na khwa lcags kyi
mchu can bya ba yod pas nges phrag pa'am mgo bo la bsdad nas
mig 'bras 'thog cing za'o/ /de dag ni

mtshon cha'i gnod pa 'bab par 'dra bas gcig tu bya'o/ /bzhi pa
ni/ shal ma li dang 'dabs chags pa na chu klung rab med ces
bya ba 'gyur byed kyi chu bskol bas gang ba yod de/ der sems
can gnas 'tshol ba de dag lhung nas steng

'og tu 'gro zhing 'tshed pa ni/ dper na/ zangs chus bkang pha
me chen po spar ba'i nang du sran ma la sogs pa blugs pa bzhin
no/ /chu klung de'i 'gram gnyis na sems can lag na dbyug pa
dang mchil pa dang rgya bzung ba dag

@80a @#/ /bsdad nas phyir 'byung du'ang mi ster la mchil pa'am
rgyas phyir phyung nas sa gzhi chen po 'bar ba la gan rkyal du
bzhag ste ci 'dod ces 'dri'o/ /de dag gis bdag cag gis cang
yang mi shes shing

mi mthong ste/ 'on kyang bkres so skom mo zer ba na lcags kyi
thu lum me rab tu 'bar ba khar 'jug cing zangs bskol ba khar
ldugs so/ /de dag kyang sa'i dngos gzhi ltar bkod pa ste/ nye
'khor ba dang nyi tshe ba gnyis la tshe tshad

nges pa med par de las bshad do/ /'on kyang ji srid du sdug
bsngal de dag myong ba'i las kyi nus pa ma zad pa de srid du
gzhi de dag las yun ring por sdug bsngal nyams su myong bar
'gyur ro/ /grang ba'i dmyal ba brgyad ni/ sems

can dmyal ba chen po brgyad kyi thad so dpag tshad khri phrag
re'i pha rol na yod cing/ 'di nas dpag tshad sum khri nyis
stong gi 'og na chu bur can yod la/ de nas dpag tshad nyis
stong nyis stong gis chod pa na gzhan bdun yod do/ /

de la chu bur can ni/ lhags pa chen pos btab pas lus thams cad
chu bur byung ba bzhin du 'khums pa'o/ /chu bur rdol ba'i
khyad par ni/ chu bur rdol ba bzhin du 'khums pa'o/ /so tham
tham pa dang/ kyi hud zer ba dang/

a chu zer ba ni/ tshig 'don lugs las btags pa'o/ /utpala ltar
gas pa ni/ lhags pa chen pos btab pas kha dog sngo zhing kha
lngAm drug tu gas pa'o/ /padma ltar gas pa'i khyad par ni/
sngon po las 'das

@80b nas dmar bar gyur te kha bcu'am de las mang bar gas pa'o/
/padma ltar gas pa chen po'i khyud par ni/ pags pa shin tu
dmar bar gyur nas kha brgya'am de las mang bar yang gas pa'o/
/de dag gi go rim dang gnas kyi tshad

dang sdug bsngal rnams ni sa'i dngos gzhi ji bzhin no/ /skyes
rabs las/ med par lta ba tshe rabs phyi ma la/ /gnas pa de na
mun nag rlung grang ldang/ /des ni rus pa'ang 'jig pa'i nad
slong na/ /bdag la phan 'dod su zhig

de ru 'jug /ces mun par gnas par gsungs so/ /slob springs las
kyang/ lhags pa dpe med rus pa la yang thing ba yis/ /lus
sbrebs 'dar zhing sgur nas kum kum por 'dug pa/ /chu bur brgya
byung rdol pa las

skyes srog chags kyis/ /zos shing dbrad nas zhag dang chu ser
rkang bcas 'dzag /kos thag so 'thams skra dang spu rnams
g.yengs gyur pa/ /mig dang rna ba lkog ma gnod pas kun gzir
zhing/ /lus dang sems kyi bar

dag rab tu blong gyur nas/ /grang ba'i dmyal bar gnas shing
shin tu 'o dod 'bod/ /ces gsungs so/ /yun ji tsam du sdug
bsngal de dag myong ba ni/ ji srid las ngan pa de dag ma zad
kyi bar du ste/ de yang sa'i dngos gzhir

ni; grang ba'i dmyal bar skyes pa'i sems can rnams kyi tshe'i
tshad ni sems can dmyal ba chen por skyes pa'i sems can rnams
las phyi ma phyi ma phyed phyed zhugs par rig par bya'o/ /zhes
pa dang/ mdzod 'grel du mdo drangs 

@81a @#/ /pa las/ dge slong dag dper na 'di na yul ma ga d+ha'i
til gyi sbyang khal brgyad cu pa zhig til dag gis byur bur bkang
ste/ de nas la la zhig gis lo brgya brgya 'das shing til re re
bor na dge

slong dag rim pa des na/ yul ma ga d+ha'i til gyi sbyang khal
brgyad cu pa de ma lus par yongs su zad par 'gyur ba ni ches
myur gyi/ chu bur can du skyes pa'i sems can rnams kyi tshe yongs
su gtugs par ni nga mi smra'o/ /dge slong

dag chu bur can nyi shu ji lta ba de bzhin du chu bur rdol ba
gcig yin no/ /zhes bya ba nas/ rgyas par ni/ yang dge slong dag
padma ltar gas pa nyi shu ji lta ba de bzhin du padma ltar gas
pa chen po gcig yin no/ /zhes gsungs

pas; tshe de tsam gyi bar du myong ngo/ /nyi tshe ba'i dmyal ba
ni/ tsha dmyal dang grang dmyal gyi nye 'khor na yod la/ mi'i yul
na'ang yod par sa'i dngos gzhir gsungs shing/ lung gzhi las mtsho
chen po'i 'gram

dang nye ba na gnas par yang gsungs te/ dge 'dun srungs kyi
rtogs pa brjod pa las 'byung ba bzhin no/ /mdzod 'grel las
kyang/ sems can dmyal ba bcu drug po de dag ni sems can thams
cad kyi las kyi dbang gis

mngon par grub pa dag yin no/ /nyi tshe ba'i dmyal ba rnams ni
mang po'am gnyis sam gcig gi so so'i las dag gis mngon par grub
pa yin te/ de dag gi rnam pa'i bye brag ni rnam pa du ma yod do/
/gnas ni nges pa med

@81b de; chu bo dang ri dang mya ngam gyi phyogs dag dang gzhan
dag dang 'og na'ang yod pa'i phyir ro/ /zhes gsungs so/ /de ltar
na de dag tu skye ba'i rgyu ni 'og nas 'chad pa ltar shin tu
'byung nye bas nyi ma re re bzhin yang mang po gsog la/ sngar

bsags pa yang da dung dpag tu med pa yod pas yid bde bar sdod pa
mi rigs pas de dag bsams nas 'jigs par bya ste/ de dag dang par
na ni dbugs gyu gyu 'gyu ba 'chad pa tsam las med pa'i phyir ro/
/de ltar yang spyod 'jug las/

dmyal ba yi ni las byas nas/ /ci phyir 'di ltar bde bar gnas/
/zhes dang/ bshes springs las kyang/ sdig can dbugs 'byung 'gag
pa tsam zhig gi/ /dus kyis bar du chod rnams dmyal ba yi/ /sdug
bsngal gzhal

yas thos nas rnam stong du/ /mi 'jigs gang lags rdo rje'i rang
bzhin no/ /dmyal ba bris pa mthong dang thos pa dang/ /dran dang
bklags dang gzugs su bgyis rnams kyang/ /'jigs pa bskyed par
'gyur na mi bzad pa'i/ /

rnam smin nyams su myong rnams smos ci 'tshal/ /zhes gsungs so/
/'khor ba'i sdug bsngal gyi nang na ngan 'gro'i sdug bsngal bzod
dka' la/ de'i nang nas kyang dmyal ba'i sdug bsngal bzod glags
med de/ nyin gcig la mdung

rnon sum brgyas par ma chad du btab pa'i sdug bsngal gyis/ dmyal
ba'i sdug bsngal chung ngu la'ang cha tsam du yang bsgrun du med
pa'i phyir ro/ /dmyal ba'i nang nas kyang mnar med kyi sdug
bsngal ches che ste/ bshes springs

@82a @#/ /las; bde ba kun gyi nang na sred zad pa/ /bde ba'i bdag
po bgying pa ji lta bar/ /de bzhin sdug bsngal kun gyi nang na
ni/ /mnar med dmyal ba'i sdug bsngal rab mi bzad/ /'di na

nyin gcig mdung thung sum brgya yis/ /rab tu drag btab sdug
bsngal gang lags pa/ /des ni dmyal ba'i sdug bsngal chung ngu
la'ang/ /'ol yang mi dbyi char yang mi phod do/ /zhes gsungs so/
/de lta bu'i sdug

bsngal bskyed pa'i rgyu ni/ rang gi sgo gsum gyi nyes spyod kho
na yin par shes par byas la/ nyes spyod chung ngus kyang ma gos
par bya ba la skyes bu'i rtsal ci yod kyis 'bad par bya ste/ de
nyid las/ mi dge'i 'bras 'di

rnams kyi sa bon ni/ /lus ngag yid kyi nyes spyod khyod kyis ni/
/ci nas de rdul tsam yang ma mchis pa/ /de ltar nyid kyi rtsal
gyis 'bad par mdzod/ /ces so/ /dud 'gro'i sdug bsngal bsam pa
ni/ dud 'gro rnams mthu che

bas chung ba rnams gsod pa dang/ lha dang mi'i yo byad du gyur
te rang la rang dbang med par gzhan gyi dbang du gyur pas gsod
pa dang brdeg pa dang gnod pa byed la/ lha dang mi dang lhan cig
rgyu bas gnas gzhan med par

sa'i dngos gzhi las bshad do/ /mdzod 'grel las ni/ dud 'gro ni
thang dang chu dang nam mkha'i spyod yul ba dag yin no/ /de dag
gi gnas kyi rtsa ba ni rgya mtsho chen po yin te gzhan ni de las
'phros pa dag yin

@82b no; ;zhes gsungs so/ /bshes springs las kyang/ dud 'gro'i
skye gnas na yang gsod pa dang/ /bcing dang brdeg sogs sdug
bsngal sna tshogs pa/ /zhi 'gyur dge ba spangs pa rnams la ni/
/gcig la gcig za shin

tu mi bzad pa/ /kha cig mu tig bal dang rus pa dang/ /sha dang
pags pa'i ched du 'chi bar 'gyur/ /dbang med gzhan dag rdog pa
lag pa dang/ /lcag dang lcags kyu gdab pas btab ste bkol/ /zhes
so/ /de

la tshigs bcad dang pos spyi dang/ gnyis pas khyad par gyi sdug
bsngal bstan to/ /brdeg sogs zhes pa'i sogs kyi sgras ni bkol ba
dang sna dbug pa sogs bsdus te/ de ni mi dang mi ma yin pa rnams
kyis gsod pa sogs

byed pa'i dbang du mdzad do/ /gcig la gcig za zhes pa ni dud
'gro rigs mthun gyi gnod pa'i dbang du mdzad pa ste/ zhi bar
'gyur ba'i dge ba ni myang 'das 'thob pa'i dge ba'o/ /de spangs
pas ni shin tu blun zhing lam gyi

snod du mi rung bar bstan to/ /rdog pas btab ste bkol ba nas
gdab pas btab ste bkol ba lnga ni rim pa bzhin du rta dang ma he
dang bong bu dang glang po che dang glang la sogs pa'o/ /de dag
ni bshes springs 'grel pa las 'byung

ba ltar yin la/ gzhan yang mun pa dang chur skyes shing de dag
tu rgas te 'chi ba dang khur lci bas ngal ba dang rmo ba dang
spu 'dreg pa dang bda' ba dang gsod lugs kyang mi 'dra ba du mas
nyam thag par byas te/ gsod pa dang bkres

@83a @#/ /skom dang nyi lhags kyis gzir ba dang rngon pas sgo du
ma nas gtse bas de dag la dus nam yang 'jigs ye re bas sdug
bsngal ba'i tshul rnams bsams te skyo zhing yid 'byung bar bya'o/
/tsho'i

tshad ni mdzod las/ dud 'gro rnams/ /mchog ring bskal pa'o zhes
tshe ring ba rnams kyis bskal ba tsam thub cing thung ba la nges
pa med par bshad do/ /yi dwags kyi sdug bsngal bsam pa ni/ ser
sna shas cher bsten pa rnams

yi dwags su skye la/ de dag kyang bkres shing skom pa dang ldan
pa pags pa dang sha khrag kun bskams pa sdong dum tshig pa lta bu
gdong skras khebs pa kha shin tu bskams shing lces bldag pa'o/
/'di la gsum las/ zas skom la

phyi'i sgrib pa yod pa ni/ de dag chu mig dang mtsho dang mtshe'u
rnams su rgyu ba na/ der sems can ral gri dang mdung dang mdung
thung bzung ba dag gis chu mig la sogs pa las phyir 'gog par
byed pa dang/ chu yang rnag khrag tu mthong

nas 'thung bar mi 'dod pa'o/ /zas skom la nang gi sgrib pa yod
pa ni/ kha khab mig tsam yod pa la kha 'bar ba dang lba ba can
dang gsus pa che ba ste/ gzhan gyis gegs ma byas par rang gis
zas skom rnyed du zin kyang

bza' btung mi nus pa'o/ /zas skom la sgrib pa yod pa ni/ me
lce'i phreng ba can zhes bya bas ni zos pa dang 'thungs pa thams
cad mer 'bar nas 'tshig par 'gyur la/ ljan ljin za ba zhes bya
bas ni/ bshang gci za zhing

@83b 'thung ba mi gtsang zhing mnam la dri nga ba dang gnod pa
dang smad par bya ba tsam la bza' btung bya bar nus so/ /kha cig
ni rang gi sha las bcad cing za la gtsang ma dang bzang po'i
bza' btung la spyod mi nus so/ /de dag gi

gnas ni mdzod 'grel las/ yi dwags rnams kyi rgyal po ni gshin
rje zhes bya ba yin no/ /de dag gi gnas kyi rtsa ba rgyal po'i
khab nas/ 'dzam bu'i gling 'di'i 'og dpag tshad lnga brgyas bcad
pa na yod de/ gzhan ni de las 'phros pa

dag yin no/ /zhes gsungs pa ltar ro/ /bshes springs las kyang/
yi dwags na yang 'dod pas phongs pa yis/ /bskyed pa'i sdug
bsngal rgyun chags mi 'chos pa/ /bkres skom grang dro ngal dang
'jigs pa yis/ /bskyed pa shin tu mi bzad

bsten 'tshal lo/ /kha cig kha ni khab kyi mig tsam la/ /lto ba ri
yi gtos tsam bkres pas nyen/ /mi gtsang gyi nar bor ba cung zad
kyang/ /'tshal ba'i mthu dang ldan pa ma lags so/ /kha cig pags
rus lus shing gcer bu ste/ /ta la

ya thog bskams pa lta bu lags/ /kha cig mtshan zhing kha nas 'bar
ba ste/ /zas su 'bar ba'i khar babs byed pa 'tshal/ /dmangs rigs
'gas ni rnag dang phyi sa dang/ /khrag sogs mi gtsang ba yang mi
rnyed de/ /phan tshun gdong du 'tshog cing

mgrin pa nas/ /lba ba byung ba smin pa'i rnag la 'tshal/ /yi dwags
rnams la so ga'i dus su ni/ /zla ba'ang tsha la dgun ni nyi
ma'ang grang/ /ljon shing 'bras bu med 'gyur 'di dag gis/ /bltas
pa tsam gyis klung yang skems par 'gyur/ /

@84a @#/ /zhes so/ /de la tshigs bcad dang pos ni spyi dang lhag
ma rnams kyis khyad par gyi sdug bsngal bstan to/ /ngal ba ni
zas kyi phyir rgyug pa'o/ /'jigs pa ni skyes bu ral gri dang
gtun shing dang zhags pa

thogs pa rnams mthong nas 'jigs pa'o/ /gyi nar bor ba ni ci bder
bor ba'o/ /mtshan zhing ni mtshan mo'i tshe kha nas me 'bar ba'o/
/'bar ba'i khar babs byed pa ni zas gang khar 'bar bar byed pa
'tshal ba ste za ba'o/ /

mig gdug pa'i dug gis bsregs pa bzhin du chu zhim po bsil ba'i
klung yang skems par 'gyur ro/ /kha cig la ni/ me 'bar ba
'khrigs pa'i mdag mas gang bar snang la/ kha cig la ni rnag gi
klung srin bu sna tshogs

kyis gang ba 'bab par 'grel pa las bshad do/ /slob ma la springs
pa las kyang/ mi bzad skom pas rgyang nas chu klung dri med pa/
/mthong nas btung bar 'dod de song na de nyid kyang/ /skra shad
nya lcibs tshogs dang rnag

bsungs 'dres pa dang/ /'dam rdzab khrag dang phyi sas gang ba'i
chur 'gyur ro/ /dus rlabs rlung langs chu 'thor ri rtse bsil
gyur cing/ /tsandan ljo na pa sngo 'khrungs ma la yar song na/
/de yang 'di la nags bsregs

me lce rnos 'khrigs shing/ /mgal dum 'gyel ba mang pos rang rong
can du 'gyur/ /chu gter rlabs 'jigs 'phang mtho gyes pa las
byung ba'i/ /dbu ba 'tsher ba lhag ger 'dug par song na yang/ /de
yang 'di la

@84b bye tshan khug rna dmar rtsub pa'i/ /rlung dmar 'jebs pa
'tshub pa'i mya ngam nyid du 'gyur/ /'di ni der gnas char sprin
ldang bar 'dod na yang/ /sprin las lcags mdi'i char pa dud 'thul
mdag mar bcas/ /tsha tsha rdo rje'i pha

bong rnams 'phro gser mdog lta bu yi/ /glog phreng dmar ser 'gyu
ba lus la char du 'bab/ /tsha bas nyen la bu yug kyang ni tshar
'gyur la/ /lhags pas nyam thag pa la me yang grang byed de/
/shin tu mi bzad las yongs smin pas

rnam rmongs pa/ /'di la sna tshogs 'di kun phyin ci log tu snang/
/khab mig tsam gyi kha la dpag tshad mang mchis pa'i/ /lto can
nyam thag rgya mtsho chen po'i chu 'thungs kyang/ /mgul phugs
yangs pa nyid du phyin par ma gyur

par; ;kha yi dug gis chu yi thigs pa'ang skems par 'gyur/ /zhes
gsungs pa rnams kyang bsam mo/ /tshe'i tshad ni sa'i dngos gzhi
dang mdzod las/ mi rnams kyi zla ba gcig la yi dwags kyi zhag
gcig tu byas pa'i rang lo

lnga brgya thub par gsungs la/ bshes springs las ni/ bar chad
med par sdug bsngal bsten gyur pa/ /nyes par spyad pa'i las kyi
zhags pa ni/ /sra bas bcings pa'i lus can kha cig lo/ /lnga
stong dag dang khrir yang 'chir mi

'gyur/ /zhes gsungs te/ yi dwags kha cig gi tshe tshad lnga stong
dang/ kha cig gi tshe tshad khri yin par 'grel par bshad do/ /ngan
song gsum ga la lus kyi tshad nges pa med de/ mi dge ba'i dbang
gis che chung sna tshogs su 'gyur bar sa'i

@85a @#/ /dngos gzhir gsungs so/ /de ltar ngan 'gro'i sdug bsngal
de rnams sems pa ni/ da lta me ma mur du lag pa bcug nas zhag
gcig sdod pa dang/ dgun gyi lhags sgang la 'khyags

sbubs su gos med par de tsam zhig sdod pa dang/ zhag kha yar
bza' ba dang btung ba med pa dang lus la sbrang bu sogs kyis so
btab pa tsam yang bzod dka' na/ tsha dmyal dang grang dmyal dang
yi dwags dang dud 'gro gcig

gis gcig gson por mid pa'i sdug bsngal sogs bdag gis ji ltar
bzod snyam du da ltar gyi nyams la dpags nas shin tu 'jigs shing
skrag pa'i yid kyi 'gyur ba ma thon bar du bsgom par bya ste/
shes nas yid la ma

goms pa'am dus cung zad re bsgoms pas ni cir yang mi 'gyur te/
lung gzhi las/ kun dga' bo'i sring mo'i bu gnyis rab tu byung
nas klog tu bcug pa dang de zhag nyung shas shig bklags nas le
los mi klog pa dang/

mo'u 'gal gyi bu la gtad pas sngar bzhin du byed pa na/ kun dga'
bos 'di gnyis yid 'byung bar gyis shig ces byas pas/ mo'u 'gal
gyi bus nyin mo spyod du 'gro ba'i sar khrid nas sems can dmyal
ba sprul te

gcod pa dang gsheg pa la sogs pa'i sgra thos nas bltar phyin pa
dang/ gcod pa sogs kyi sdug bsngal mthong zhing de na lcags
zangs chen po gnyis khol ba snang nas 'dir su yang mi 'jug gam
zhes smras pa dang/ kun

@85b dga' bo'i tsha bo gnyis rab tu byung nas le los dus 'da' bar
byed pa shi nas 'dir skye'o zhes smras pa dang/ de gnyis shin tu
skrag nas gal te shes na da lta nyid du 'jug go snyam nas mo'u
'gal gyi bu'i sar phyin pa dang ji

ltar gyur pa rnams bsnyad do/ /de nas mo'u 'gal gyi bus/ dge
tshul gnyis nyes dmigs 'di dag dang gzhan yang le lo las 'byung
bas brtson 'grus rtsoms shig  /ces gsungs pas/ de gnyis brtson
'grus rtsom zhing

zas ma zos pa'i gong du dmyal ba dran na ni za bar mi byed la/
zas zos zin pa'i 'og tu dran na ni skyug par byed do/ /yang nyin
mo spyod pa'i gnas gzhan zhig tu khrid nas phyogs gcig tu lha
dag sprul pa'i pi wang la sogs pa'i sgra thos

nas bltar phyin pa dang lha'i bu med pa'i gzhal med khang lha'i
bu mos gang ba mthong nas/ lha'i bu mi 'dug pa'i rgyu mtshan dris
pa dang/ kun dga' bo'i tsha bo gnyis rab tu byung nas brtson
'grus rtsom pas de gnyis shi nas 'dir skye'o zhes smras pa

dang; de gnyis dga' nas mo'u 'gal gyi bu la smras pa dang dge
tshul gnyis phan yon 'di dag dang gzhan yang brtson 'grus brtsams
pa las 'byung bas brtson 'grus rtsoms shig  /ces gsungs pas/
brtson 'grus rtsom pas/ lung nod pa na yang

dag par ldan pa'i lung las 'byung ba bde 'gro nas ngan 'gror
skye ba sngar drangs pa ltar gsungs pa na/ 'phags pa bdag cag
gis/ yang lha mi'i nang nas shi 'phos te ngan song gsum du skye
dgos sam/ bzhin bzang gnyis 'gro ba lnga'i

@86a @#/ /'khor bar ji srid nyon mongs pa rnams rgyun mchad pa
de srid du zo chun brgyud mo'i tshul gyis 'khor bar bya dgos
so/ /de gnyis yid byung nas slan chad nyon mongs spyod par mi
'gyur ba de ltar chos

bshad du gsol zhes zhus pas/ mo'u 'gal gyi bus chos bstan nas
dgra bcom pa thob par gsungs so/ /des na le lo 'gog cing lam
sgrub pa'i brtson 'grus bskyed pa dang yid thar pa la bskul
zhing/ de 'thob pa'i rgyu'i rtsa ba ni

sdug bsngal bsgom pa bsngags pa yin pas de'i man ngag la/ ston
pa zhal bzhugs pa na'ang de las lhag pa gsung rgyu med pa yin
no/ /'di la skyes bu chung 'bring gi bsam pa rim ldan du skye
tshul shin tu gsal la/ blo tshod kyang bsam pa

de 'dra bzhig ma skyes pa'i bar du rgyun ldan du 'bad nas
bsgom dgos so/ /sne'u zur pa'i zhal nas kyang/ de dag tu skye
ba'i rgyu sngar byas sam ma byas/ da lta byed dam mi byed/
phyi ma bya snyam 'dug gam mi 'dug brtags la/ sngar

byas sam da lta byed dam phyi ma bya snyam 'dug na der 'gro ba
yin pas/ der skyes na de tsa na nga ci tsug byed ngas nus sam
snyam du klad pa tsha kam kam pa'am/ thang la 'dug pa kog kog
ldang yin pa tshugs thabs ye med pa bsams

la 'jigs shing skrag pa'i blo ci skye bya gsung ngo/ /de ni
gnad du snang ste da lta rten bzang bas de ltar bsams na sngar
bsags sbyong ba dang/ phyi ma la 'jug pa nyung du 'gro zhing
dge ba sngar bsags pa 'dun pa drag po'i smon lam gyis kha

@86b bsgyur bas mang por spel ba dang/ gsar du 'jug pa'i sgo
du ma zhig la zhugs pas chog pas nyi ma re re la yang dal ba
don can du byar yod la/ da lta de rnams ma bsams na ngan 'gror
lhung ba'i tshe 'jigs pa de dag las skyob pa'i

skyabs btsal yang mi rnyed cing/ de'i tshe bya ba dang bya ba
ma yin pa'i 'dor len la blo'i mthu med pa'i phyir te/ spyod
'jug las/ gang tshe dge spyad skal ldan yang/ /dge ba bdag gis
ma byas na/ /ngan song sdug bsngal kun rmongs

pa; ;de tshe bdag gis ci byar yod/ /ces dang/ su zhig 'jigs
chen 'di las bdag  /legs par skyob par byed 'gyur zhes/ /bred
sha 'thon pa'i mig bgrad nas/ /phyogs bzhir skyabs dag tshol
bar byed/ /phyogs

bzhir skyabs med mthong nas ni/ /de nas kun tu yi mug 'gyur/
/gnas der skyabs yod ma yin na/ /de tshe bdag gis ji ltar bya/
/de bas rgyal ba 'gro ba'i mgon/ /'gro ba skyob pa'i don
brtson pa/ /stobs chen

'jigs pa kun sel la/ /de ring nyid nas skyabs su mchi/ /zhes
gsungs pa ltar ro/ /'di dag ni rags pa tsam ste rgyas par dran
pa nyer gzhag na bzhugs pas nges par blta dgos shing yang dang
yang du blta dgos la  

bltas pa rnams la bsam dgos so/ /gnyis pa 'jig rten phyi mar bde
ba'i thabs bsten pa la gnyis/ bstan pa la 'jug pa'i sgo dam pa
skyabs 'gro sbyang ba/ bde legs thams cad kyi rtsa ba yid ches
kyi dad pa bskyed pa'o/ /dang po

@87a @#/ /la bzhi/ gang la brten nas skyabs su 'gro ba'i rgyu/
de la brten nas skyabs su 'gro ba'i yul/ ji tsam gyis skyabs
su song ba'i tshul/ skyabs su song nas bslab par bya ba'i rim
pa'o/ /dang po ni/

spyir rgyu mang yang skabs 'dir ni sngar bshad pa ltar tshe
'dir mi sdod par myur du 'chi ba dang/ shi ba'i 'og tu yang
gang du skye ba la rang dbang med kyi/ las kyi gzhan dbang can
yin la/ las kyang spyod 'jug las/ ji ltar mtshan mo

mun nag sprin rum na/ /glog 'gyu skad cig rab snang ston pa
ltar/ /de bzhin sangs rgyas mthu yis brgya lam na/ /'jig rten
bsod nams blo gros thang 'ga' 'byung/ /de ltas dge ba nyam
chung nyid la rtag  /sdig pa stobs chen shin tu

mi bzad pa/ /zhes gsungs pa ltar/ dkar po'i las nyam chung
zhing nag po'i las ches shin tu stobs che bas ngan 'gror lhung
ba'i tshul bsams pas 'jigs shing skrag pa skyes nas skyabs
'tshol ba'i blo skye ste/ bdag nyid

chen po phyogs kyi glang pos/ gting mtha' med pa'i 'khor ba
ni/ /rgya mtsho'i nang na rnam par gnas/ /'dod chags la sogs mi
bzad pa'i/ /chu srin gyis ni lus zos pas/ /de ring gang la
skyabs su mchi/ /zhes gsungs pa ltar

ro; ;mdor na rang ngan 'gro la sogs pas 'jigs pa dang/ dkon
mchog la de las skyob pa'i nus pa yod par yid ches pa gnyis
yin no/ /des na de gnyis tshig tsam du song na skyabs 'gro yang
de dang 'dra la/ de gnyis shugs

@87b drag la brtan pa zhig yod na skyabs 'gro yang yid 'khul
ba zhig 'ong bas rgyu gnyis la 'bad par bya'o/ /de la brten
nas skyabs su 'gro ba'i yul la gnyis/ yul ngos bzung ba dang/
de skyabs su 'os pa'i rgyu mtshan no/ /dang po

ni; bstod pa brgya lnga bcu pa las/ gang zhig la ni nyes pa
kun/ /gtan nas yong ye mi mnga' zhing/ /gang la rnam pa thams
cad du/ /yon tan thams cad gnas gyur pa/ /gal te sems shig yod
na ni/ /de nyid la ni

skyabs 'gro zhing/ /de bstod de ni bkur ba dang/ /de yi bstan
la gnas pa'i rigs/ /zhes gsungs pa ltar/ skyabs dang skyabs ma
yin pa 'byed pa'i blo zhig yod na ni bslu ba med pa'i skyabs
sangs rgyas bcom ldan 'das

la skyabs su 'gro bar rigs so/ /des ni chos dang dge 'dun dkon
mchog kyang mtshon pa yin te/ skyabs 'gro bdun cu pa las/ sangs
rgyas chos dang dge 'dun ni/ /thar pa 'dod pa rnams kyi
skyabs/ /zhes gsungs pa ltar

ro; ;skyabs su 'os pa'i rgyu mtshan ni bzhi las/ dang po ni/
rang nyid shin tu dul ba'i bdag nyid 'jigs pa med pa'i go
'phang thob pa'i phyir te/ de ma thob na 'gyel ba 'gyel ba la
brten pa ltar/ gzhan 'jigs pa thams cad

las skyob par mi nus pa'i phyir ro/ /gnyis pa ni/ rnam pa
thams cad du gdul bya 'dul ba'i thabs la mkhas pa'i phyir te/
de med na skyabs su song yang dgos pa mi 'grub pa'i phyir ro/
/gsum pa ni/ thugs rje chen po dang ldan pa'i

@88a @#/ /phyir te/ de med na skyabs su song yang mi skyob pa'i
phyir ro/ /bzhi pa ni/ zang zing gi mchod pa thams cad kyis mi
mnyes kyi/ sgrub pa'i mchod pas mnyes pa'i phyir te/ de med na
sngar phan btags pa la blta

bas; thams cad kyi skyabs mi byed pa'i phyir ro/ /mdor na rang
nyid 'jigs pa thams cad las grol/ gzhan 'jigs pa las sgrol
ba'i thabs la mkhas/ kun la thugs rje chen po nye ring med par
'jug  /phan btags ma btags

thams cad kyi don mdzad pa zhig skyabs su 'os la/ de yang
sangs rgyas khon la yod kyi/ dbang phyug sogs la med pas/ de
nyid skyabs yin la/ de'i phyir des bstan pa'i chos dang/ de'i
nyan thos kyi dge 'dun yang skyabs su 'os so/ /

des na bsdu ba nas gsungs pa 'di rnams la nges pa drangs nas
rtse gcig pa'i blo ltos 'cha' nus na/ mi skyob pa mi srid pas
snying thag pa nas nges pa bskyed par bya ste/ rang skyob pa
la rgyu gnyis las phyi'i yan lag gam rgyu ni ma tshang

ba med par ston pas bsgrubs zin kyang/ nang gi yan lag blo
bkal nas skyabs su 'dzin pa ma byung bas sdug bsngal ba yin
pa'i phyir ro/ /de'i phyir ma bcol yang snying rje chen pos
drangs nas grogs mdzad pa dang/ de la yang le lo mi

mnga' ba zla med pa'i skyabs gnas bzang po rang gi mgon du
bzhugs yod pa 'di rig par byas la de la skyabs su 'gro bar bya
ste/ bsngags 'os bsngags bstod las/ nga ni mgon med khyed
rnams kyi/ /grogs su gyur pa zhes sgrogs

@88b shing; ;thugs rje chen pos 'gro ba ni/ /mtha' dag 'khyud
pa bzhin du bzhugs/ /ston pa thugs rje che mnga' ba/ /brtse
bar ldan zhing thugs brtser mdzad/ /der brtson le lo mi mnga'
ba/ /khyod dang 'dra ba gzhan su mchis/ /khyod ni sems can

kun gyi mgon/ /spyi yi rtsa lag bzang po lags/ /mgon du khyod
bzhugs ma 'tshal bas/ /de slad skye bo bying bar gyur/ /gang
zhig yang dag blangs nas ni/ /tha shal bas kyang grogs nus pa/
/grogs byed pa yi chos dag ni/ /

khyod las gzhan pa 'gas mi rtogs/ /phyi yi yan lag stobs kun
ni/ /khyod kyis yang dag bsgrubs lags te/ /nang gi stobs dag
ma tshang bas/ /byis pa rnams ni sdug bsngal bsten/ /zhes
gsungs so/ /ji tsam gyis skyabs su song ba'i tshul ni/

bsdu ba nas gsungs pa bzhi ste/ yon tan shes pa dang/ khyad
par shes pa dang/ khas blangs pa dang/ gzhan du mi smra bas
skyabs su song ba'o/ /dang po yon tan shes nas skyabs su song
ba la/ skyabs kyi yon tan dran dgos pas de la gsum/

sangs rgyas kyi yon tan dang/ chos dang/ dge 'dun gyi yon tan
no/ /dang po la bzhi las/ sku'i yon tan ni/ sangs rgyas kyi
mtshan dang dpe byad bzang po rnams yid la dran par byed pa
ste/ de yang dpe la bstod pa las/ khyod sku mtshan

gyis spras gyur pa/ /mdzes gyur mig gi bdud rtsi ni/ /sprin
med ston gyi nam mkha' la/ /skar ma'i tshogs kyis spras pa
'dra/ /thub pa gser gyi mdog ldan pa/ /chos gos kyis g.yogs
mdzes gyur pa/ /gser gyi ri bo'i rtse mo ni/ /

@89a @#/ /mtshams kyi sprin gyis dkris pa 'dra/ /mgon khyod
rgyan gyis ma brgyan kyang/ /zhal gyi dkyil 'khor mdangs gang
yin/ /zla ba'i dkyil 'khor rgyas gyur pa/ /sprin dang bral
la'ang de ma mchis/ /khyod

kyi zhal gyi padma dang/ /padma nyi mas kha bye ba/ /bung bas
mthong na padma ni/ /the tshom dpyang thag la 'jug 'gyur/
/khyod zhal gser gyi mdog ldan par/ /tshems dkar mdzes par gyur
pa ni/ /gser gyi ri gseb ston ka yi/ /zla zer dri med zhugs pa

'dra; ;mchod 'os khyod kyi phyag g.yas ni/ /'khor lo'i mtshan
gyis mdzes gyur pa/ /'khor bas skrag pa'i mi rnams la/ /phyag
gis dbugs 'byin mdzad pa lags/ /thub khyod gshegs par gyur
pa'i tshe/ /zhabs gnyis dpal

gyi padma 'dras/ /sa gzhi 'di ni bris gyur pa/ /padma can gyis
ji ltar mdzes/ /zhes gsungs pa ltar dran par bya'o/ /gsung gi
yon tan ni/ 'jig rten gyi khams kyi sems can gang yod kyis dus
gcig tu dri ba mi 'dra ba kho na re re

nas dris kyang/ sems kyi skad cig gcig dang ldan pa'i shes rab
kyis bzung nas/ gsung gcig gis dri ba thams cad kyi lan mdzad
cing/ de rnams kyis kyang rang rang gi skad du go bar 'gyur ba
shin tu rmad du byung ba'i tshul sems

pa ste; bden pa po'i le'u las/ 'di ltar sems can kun gyis nges
pa'i tshig  /mang po dag gis dus gcig zhu zhus na/ /sems kyi
skad cig gcig la thugs chud nas/ /gsung dbyangs gcig gis so
sor lan kyang

@89b 'debs/ /de lta bas na 'dren pa 'jig rten na/ /tshangs pa'i
sgra dbyangs gsung sgrogs mkhyen par mdzod/ /de ni lha mi'i
sdug bsngal mthar 'byin pa'i/ /chos kyi 'khor lo rab tu bskor
bar mdzad/ /ces gsungs so/ /gzhan

yang; brgya lnga bcu pa las/ khyod zhal blta na rab sdug pa/
/de las mnyan na snyan pa yi/ /gsung 'di dag ni zla ba las/
/bdud rtsi 'dzag pa bzhin du 'byung/ /khyod kyi gsung ni 'dod
chags kyi/ /rdul rab zhi mdzad char sprin

'dra; ;zhe sdang sbrul ni dbyung ba la/ /nam mkha' lding dang
'dra ba lags/ /yang dang yang du mi shes pa'i/ /rab rib 'joms
pas gdugs dang 'dra/ /nga rgyal ri bo mngon 'joms pas/ /rdo
rje dang yang 'dra ba lags/ /don

gzigs pas ni mi slu ba/ /nongs mi mnga' phyir rjes su mthun/
/legs par sbyar bas go sla ste/ /khyod kyi gsung ni legs gsung
ldan/ /re zhig dang por khyod kyi gsung/ /nyan pa rnams kyi
yid 'phrog mdzad/ /de nas yid la

bsams bgyis na/ /'dod chags gti mug rnams kyang sel/ /phongs
pa rnams kyi dbugs 'byin zhing/ /bag med rnams kyi skyabs
kyang mdzad/ /bde ba can dag skyo bgyid pas/ /khyod gsung kun
dang 'tsham par 'jug  /

mkhas pa rnams kyi dga' ba bskyed/ /bar ma rnams kyi blo yang
spel/ /tha ma'i rab rib rnam 'joms pas/ /gsung 'di skye bo kun
la sman/ /zhes gsungs pa ltar dran par bya'o/ /thugs kyi yon
tan la gnyis las/

@90a @#/ /mkhyen pa'i yon tan ni/ shes bya ji lta ba dang ji
snyed pa thams cad la lag mthil du skyu ru ra bzhags pa ltar
mkhyen pa thogs pa mi mnga' bar 'jug pas shes bya mtha' dag la
thub pa'i

mkhyen pas khyab kyi/ de las gzhan pa rnams kyi ni shes bya
rgya che la shes pa rgya chung bas ma khyab pa yin no/ /de
yang bsngags 'os bsngags bstod las/ khyod 'ba' zhig gi ye shes
kyis/ /shes bya mtha' dag khyab lags kyi/ /

khyod las gzhan pa thams cad kyi/ /shes bya kho na lhag pa
lags/ /zhes dang/ bcom ldan dus kun gtogs pa'i chos/ /rnam kun
'byung gnas thams cad ni/ /lag mthil skyu ru ra lta bur/
/khyod kyi thugs kyi spyod yul

gyur; ;chos rnams g.yo dang mi g.yor bcas/ /gcig dang sna
tshogs so so la/ /mkha' la rlung dag rgyu ba bzhin/ /khyod kyi
thugs dag thogs mi mnga'/ /zhes gsungs pa ltar dran par bya'o/
/brtse ba'i yon tan ni/ sems can rnams

nyon mongs kyis rang dbang med par bcings pa bzhin du/ thub pa
yang snying rje chen pos rang dbang med par bcings pas/ 'gro
ba rnams sdug bsngal ba gzigs pa na thugs rje chen po rgyun
chad med par skye ste/ brgya lnga bcu pa las/ 'gro

ba 'di dag thams cad ni/ /khyad med nyon mongs rnams kyis
bcings/ /khyod ni 'gro ba'i nyon mongs dag  /dgrol slad yun
ring thugs rjes bsdams/ /dang por khyod la phyag bgyi'am/ /'on
te gang gis 'khor bar khyod/ /skyon mkhyen

@90b yun ring de lta bur/ /bzhugs mdzad thugs rje che la bgyi/
/zhes dang/ bden pa po'i le'u las kyang/ gti mug mun pa mun
nag gis rtag tu/ /sems ni bsgribs par gyur pa'i skye dgu dang/
/'khor ba'i btson rar chud par rnam gzigs na/ /

drang srong dam pa de ni thugs rje skye/ /zhes dang/ 'dod pas
zil gyis non pa'i yid ldan dang/ /sred pa che zhing rtag tu
yul brkam dang/ /sred pa'i 'dod chags rgya mtshor lhung ba
rnams/ /gzigs na rgyal ba'i thugs rje chen po skye/ /nad dang
mya ngan

rnam pa mang dag gis/ /shin tu gtses pa'i skye dgu nyon mongs
rnams/ /gzigs na sdug bsngal ma lus bsal slad du/ /stobs bcu
mnga' ba'i thugs rje rab tu skye/ /thub pa'i thugs rje chen po
rtag 'byung ste/ /de mi 'byung ba nam yang srid mi 'gyur/ /  

'gro ba kun gyi bsam par gnas pa ste/ /de bas sangs rgyas de
la skyon mi mnga'/ /zhes gsungs pa ltar dran par bya'o/
/'phrin las kyi yon tan ni/ sku dang gsung dang thugs kyi
'phrin las lhun gyis grub pa dang/ rgyun mi 'chad pa gnyis
kyis sems

can thams cad la phan 'dogs par mdzad pa'o/ /de yang gdul
bya'i ngos nas bkrir rung na thub pas gdul bya de phun tshogs
dang ma sprad pa dang/ rgud pa las ma drangs pa med pas bgyi
bar 'os pa thams cad nges par mdzad pa yin te/ brgya lnga bcu
pa las/ khyod

kyis nyon mongs gzhom pa bshad/ /bdud kyi g.yo dag bstan pa
mdzad/ /'khor ba'i rang bzhin mi bzad brjod/ /'jigs pa med
pa'i phyogs kyang bstan/ /phan dgongs thugs rje can gyis ni/
/sems can rnams la bgyi 'tshal ba/ /gang zhig khyod kyis 

@91a @#/ /ma mdzad pa/ /gzhan ko ci zhig mchis lags kye/ /zhes
dang/ bsngags 'os bsngags bstod las/ khyod kyis gang las 'gro ba
dag  /ma drangs rgud pa de gang mchis/ /gang dang 'jig rten ma
sprad pa'i/ /phun

tshogs de yang gang zhig mchis/ /zhes gsungs pa ltar dran par
bya'o/ /de dag ni sangs rgyas rjes su dran tshul mdor bsdus pa
ste/ sgo sna tshogs nas dran par byas na dad pa yang sgo du ma
nas skye la/ yang dang yang du dran par byas na

shugs drag la rgyun ring bar 'gyur te/ dkon mchog gzhan gnyis
kyi yon tan la yang de dang 'dra'o/ /de ltar bsgoms pas 'phrig
tshud na gsung rab dang dgongs 'grel phal mo ches skyabs gsum gyi
yon tan ston pas/ de dag

gdams ngag tu 'char bar 'gyur la/ dpyad sgom la rtog pa yin
snyam nas nyams len gyi tshe 'dor ba rnams ni/ 'di lta bu'i tshogs
gsog ba dang sgrib pa sbyong ba'i sgo du ma bkag nas sdod pa yin
pas/ dal ba'i rten la snying

po dpag tu med pa len pa'i gegs chen por shes par bya'o/ /'di
rnams dus rgyun pa'i nyams len du byas na blo goms pa'i rjes su
byed pas dang por blo sbyong dka' se ba yang phyis de la ngang
gis 'jug pa dang/ rjes su dran pa'i

sangs rgyas de 'dra ba zhig bdag gis kyang thob na snyam du
byang chub kyi sems skye ba dang/ nyin mtshan kun tu sangs rgyas
mthong bar 'gyur ba dang/ 'chi ba'i tshe sdug bsngal ci byung
yang sangs rgyas rjes su dran pa las mi nyams par

@91b 'gyur te/ ting nge 'dzin gyi rgyal po las/ khyed la bsgo
zhing khong du chud par bya/ /ji ltar mi dag mang du rtog byed
pa/ /de la gnas pa'i rtog pa de dag gis/ /de bzhin du ni de la
sems gzhol 'gyur/ /de bzhin rgyal ba yi ni sku byad dang/ /

ye shes dpag tu med par thub dbang dran/ /rtag par rjes su dran
par bsgom byas na/ /de la sems gzhol rab tu 'bab par 'gyur/ /de
ni 'chag 'dug 'greng zhing gnas pa'i tshe/ /skyes bu dam pa'i ye
shes rab tu 'dod/ /

'jig rten rgyal ba bla med bdag 'gyur bar/ /'dod pas byang chub
tu yang smon lam 'debs/ /zhes dang/ lus dang ngag dang yid rab
dang ba yis/ /rtag tu sangs rgyas dag gi bsngags pa brjod/ /de
ltar des ni sems kyi rgyud

bsgoms pas/ /nyin mtshan du yang 'jig rten mgon po mthong/ /nam
zhig de ni na zhing mi bde nas/ /shi la thug pa'i sdug bsngal
tshor byung na/ /sangs rgyas la ni dran pa mi nyams te/ /sdug
bsngal tshor bas 'phrog par

yong mi 'gyur/ /zhes gsungs so/ /po to ba'i zhal nas/ yang yang
bsams na yid je ches dang rgyud je dag tu song nas byin rlabs
'byung/ de la nges shes rnyed pas snying thag pa'i sgo nas
skyabs su song nas de'i bslab bya la

slob tsam na ci byas thams cad sangs rgyas kyi chos bya ba zhig
tu 'gyur ba yin te/ 'o skol sangs rgyas kyi mkhyen pa la mo ma
rno shos tsam du yang mi brtsi gsungs/ de yang mo ma mkhan rno
shos su byed pa zhig gis da lo khyod la rtsub

@92a @#/ /chags med/ nga rang shes zer na/ bde 'bol gyis 'gro/ de
na re/ da lo chags yod do 'di tsug gyis 'di ma byed zer na 'bad
nas bsgrub/ ma grub na 'di skad zer ba ngas ma grub snyam nas
blo mi bde

ba byed/ sangs rgyas kyis 'di dang 'di spang ngo/ /zhes pa dang/
'di dang 'di bsgrub bo/ /zhes bcas pa la blo 'gel lam/ ma grub
na yid mi bde ba 'ong ngam/ chos nas dang de skad bshad de/ da
lta yul dus kyis de tsug mi btub/

'di tsug byed dgos zer nas/ sangs rgyas kyi gsung ras su ling
gis bor nas rang shes cig gi thog tu khyug gis 'gro ba yin gsung
ste/ ma brtags na nyams dga' ba tshig tsam la 'khrul ba min pa/
yid nang du log nas zhib

tu brtags na shin tu med par snang ngo/ /des na sangs rgyas kyi
yon tan yang yang bsams la snying thag pa nas nges shes ci
'drongs la 'bad/ de byung na/ de gang las byung ba'i chos dang
chos de sgrub pa'i dge 'dun la yang nges pa de dang 'dra ba re

'ong bas skyabs 'gro gnad du 'gro la/ de med na ni lam gzhan lta
zhog  /skyabs su 'gro ba yin 'bul ba yang 'ongs med do/ /chos
kyi yon tan ni/ sangs rgyas la gus pa rgyu mtshan du byas te
sangs rgyas yon tan mtha' yas pa can

'di ni/ lung dang rtogs pa'i chos 'gog pa dang lam gyi bden pa
skyon spangs pa dang yon tan bsgrub pa'i bdag nyid can mngon du
byas pa dang bsgoms pa las byung ba'o snyam du dran par bya ste/
chos yang dag par sdud pa las/ gang

@92b sangs rgyas bcom ldan 'das de dag ni yon tan mtha' yas mu
med pa ste/ de dag ni chos las skyes pa chos kyi bgo skal la
spyod pa/ chos kyis sprul pa/ chos bdag por gyur pa/ chos las
byung ba/ chos kyi spyod yul/ chos la

rton pa/ chos kyis grub pa ste/ zhes gsungs so/ /dge 'dun gyi
yon tan la/ gtso bo ni 'phags pa'i gang zag rnams yin la/ de
yang chos kyi yon tan dran te de tshul bzhin du bsgrub pa'i sgo
nas dran par byed pa ste/ chos yang dag par

sdud pa las/ dge 'dun ni chos smra ba/ chos spyod pa/ chos sems
pa/ chos kyi zhing/ chos 'dzin pa/ chos la rton pa/ chos la
mchod pa/ chos kyi bya ba byed pa/ chos kyi spyod yul ba/ chos
spyod pa/ phun sum tshogs pa/ rang

bzhin gyis drang ba/ rang bzhin gyis dag pa/ snying rje ba'i
chos can/ snying rje dang ldan pa/ rtag tu dben pa'i spyod yul
ba/ rtag tu chos la gzhol ba/ rtag tu dkar po spyod pa'o snyam
mo/ /zhes bya ba la sogs pa'o/ /zhes

gsungs so/ /khyad par shes pas skyabs su song ba ni/ bsdu ba nas
'byung ba ltar dkon mchog gsum nang phan tshun gyi khyad par shes
nas skyabs su 'gro ba'o/ /'di la drug las/ mtshan nyid las gyur
pa'i khyad par ni/

sangs rgyas dkon mchog ni/ mngon par rdzogs par byang chub pa'i
mtshan nyid yin la/ chos dkon mchog ni/ de'i 'bras bu dang/ dge
'dun dkon mchog ni/ gzhan gyi man ngag gis yang dag par bsgrub
pa'i mtshan nyid do/ /

@93a @#/ /'phrin las kyi khyad par ni/ rim pa ltar lung legs par
'bogs pa dang/ nyon mongs dang sdug bsngal spong ba la dmigs pa
dang/ mngon par spro bar byed pa'i 'phrin las can no/ /mos pa'i

khyad par ni/ rim pa ltar bsnyen bkur la gus pas zhen par bya ba
dang/ mngon du bya ba la gus pas zhen par bya ba dang/ chos
mthun pa'i dngos pos lhan cig gis 'grogs pa la gus pas zhen par
bya ba'o/ /sgrub pa'i khyad par ni/ rim pa ltar

mchod pa dang/ rim gro dang/ rnal 'byor gyi sbyor ba goms par
bya ba dang/ chos dang zang zing gi longs spyod thun mong gis
bsgrub par bya ba'o/ /rjes su dran pa'i khyad par ni/ 'di ltar
bcom ldan 'das de ni zhes sogs kyis

gsum po'i yon tan so sor dran pa'o/ /bsod nams 'phel ba las gyur
pa'i khyad par ni/ gang zag dang chos kyi dbang du byas pa'i
bsod nams mchog 'phel ba ste/ sangs rgyas dang dge 'dun gnyis ni
dang po'i don du byas

pa yin la/ de yang gang zag gcig dang mang po la brten pa'i bsod
nams 'phel ba ste/ dge 'dun la nges par bzhi yod pa'i phyir ro/
/khas len pas skyabs su song ba ni/ sangs rgyas la skyabs ston
pa dang/ chos myang 'das

la skyabs dngos dang/ dge 'dun la skyabs sgrub pa'i grogs su
bzung ba'i sgo nas skyabs su 'gro ba ste/ 'dul ba rgya cher
'grel las 'byung ba ltar ro/ /gzhan du mi smra bas skyabs su
song ba ni/ nang pa dang phyi pa'i ston pa

@93b dang bstan pa dang de la slob pa rnams kyi mchog dman shes
nas/ dkon mchog gsum kho na la skyabs su 'dzin gyi/ de dag dang
mi mthun pa'i ston pa sogs la skyabs su mi 'dzin pa'o/ /de gnyis
kyi khyad par la/ ston pa'i

khyad par ni/ sangs rgyas ni skyon med cing yon tan rdzogs la/
gzhan gyi ston pa ni de las ldog pa ste/ khyad par 'phags bstod
las/ bdag ni ston pa gzhan spangs nas/ /bcom ldan khyod la bdag
skyabs mchi/ /de ci'i

slad du zhe na khyod/ /skyon mi mnga' la yon tan ldan/ /zhes
dang/ mu stegs gzhan gyi gzhung lugs la/ /ji lta ji ltar rnam
bsams pa/ /de lta de ltar mgon khyod la/ /bdag gi sems 'di dad
par gyur/ /de ltar

thams cad mkhyen min pa'i/ /grub mtha'i skyon gyis brlag sems
ldan/ /bsam brlag rnams kyis skyon med pa'i/ /ston pa khyod
kyang mi mthong ngo/ /zhes so/ /bstan pa'i khyad par ni/ rgyal
ba'i bstan pa ni lam bde

bas 'bras bu bde ba 'thob pa dang/ 'khor ba'i rgyun las ldog pa
dang/ nyon mongs rnam par byang bar byed pa dang/ thar 'dod mi
slu ba dang/ gcig tu dge ba dang/ nyes ba dag par byed la/ phyi
rol pa'i bstan pa ni de dag

las ldog pa ste/ khyad par 'phags bstod las/ gang slad khyod kyi
bstan pa ni/ /bde bas bde ba 'thob bgyid pa/ /de slad smra ba'i
seng khyod kyi/ /gzhung lugs la ni 'gro 'di dang/ /zhes dang/
bsngags 'os bsngags bstod las

@94a @#/ /kyang; 'jug dang ldog pa gang lags dang/ /kun nas nyon
mongs rnam byang gang/ /de nyid dpa' bo khyod bka' dang/ /gzhan
gyi tshig gi khyad par lags/ /'di ni gcig pu de bzhin nyid/ /de
ni bslu

chos 'ba' zhig na/ /khyod kyi bka' dang gzhan gyi tshig  /de las
khyad zhugs gzhan ci 'tshal/ /'di ni gcig tu dge la de/ /gcig tu
bar chad bgyid lags na/ /khyod kyi bka' dang gzhan gyi tshig  /de
las mi 'dra ci zhig

mchis/ /de yis bsgos shing nyer bsgos pa/ /'di yis dag par bgyid
'gyur ba/ /de nyid mgon po khyod bka' dang/ /gzhan gyi tshig gi
khyad par lags/ /zhes gsungs te/ des dge 'dun gyi khyad par yang
shes par nus so/ /

skyabs su song nas bslab par bya ba'i rim pa la gnyis/ bsdu ba
las 'byung ba dang/ man ngag las 'byung ba'o/ /dang po la bzhi
tshan gnyis las/ bzhi tshan dang po'i skyes bu dam pa la brten pa
ni/ sngar bshad pa ltar bshes

gnyen dam pa yon tan thams cad kyi gnas su mthong nas bsten pa
ste/ sangs rgyas la skyabs su song bas ni lam ston pa la skyabs
su 'dzin pa yin la/ de dang rjes su mthun pa'i bsgrub par bya ba
ni lam ston pa la dngos su

brten pa yin pa'i phyir ro/ /dam pa'i chos mnyan pa dang/ tshul
bzhin yid la byed pa ni/ dam pa sangs rgyas dang sangs rgyas kyi
nyan thos kyis bshad pa'i chos mdo'i sde la sogs pa ci 'os su
nyan cing/ gang yid la byas

@94b na nyon mongs pa ldog pa'i dmigs pa yid la byed pa ste/
chos la skyabs su song bas ni lung dang rtogs pa'i chos la mngon
du bya bar 'dzin pa yin la/ de dang rjes su mthun pa'i bsgrub
par bya ba ni de yin pa'i phyir ro/ /chos kyi rjes su mthun

pa'i chos bsgrub pa ni/ chos mya ngan las 'das pa'i rjes su
mthun par bsgrub pa ste/ dge 'dun la skyabs su song bas ni myang
'das su bgrod pa'i gang zag la grogs su 'dzin pa yin la/ de dang
rjes su mthun pa'i bsgrub par bya ba ni thar pa'i phyir du

zhugs pa rnams dang mthun par slob pa yin pa'i phyir ro/ /bzhi
tshan gnyis pa'i dbang po mi rgod par bya ba ni/ dbang po yul la
bag yangs su song ba'i rjes su yid 'brangs nas/ yul rnams la
rgod pa la skyon du bltas nas yid phyir phyogs

par byed pa'o/ /bslab pa'i gzhi yang dag par blang bar bya ba
ni/ sangs rgyas kyis bcas pa'i bslab pa'i gzhi ci nus su len
pa'o/ /sems can la snying rje bar bya ba ni/ rgyal ba'i bstan pa
snying rjes khyad par du byas pas/ de la skyabs

su song bas kyang sems can la snying brtse bar byas te 'tshe ba
spong ba'o/ /dus dus su dkon mchog mchod pa la brtson par bya ba
ni/ nyi ma re re bzhin dkon mchog la mchod par bya ba'o/ /man
ngag las 'byung ba la gnyis/ so so dang/ thun

mong gi bslab bya'o/ /dang po la gnyis/ dgag pa'i bslab bya
dang/ sgrub pa'i bslab bya'o/ /dang po ni/ mya ngan las 'das pa
las/ gang zhig gsum la skyabs 'gro ba/ /de ni yang dag dge
bsnyen te/ /nam du'ang lha ni gzhan dag

@95a @#/ /la; ;skyabs su song ba ma yin no/ /dam pa'i chos la
skyabs 'gro ba/ /'tshe zhing gsod pa'i sems dang bral/ /dge 'dun
la yang skyabs 'gro ba/ /mu stegs can dang 'grogs pa min/ /zhes

gsungs pa ltar/ lha gzhan la skyabs su mi 'gro ba dang/ sems can
la gnod 'tshe spong ba dang/ mu stegs can dang mi 'grogs pa gsum
mo/ /de la dang po ni/ 'jig rten pa'i lha drag po dang khyab
'jug sogs la'ang phugs

kyi skyabs su mi 'dzin na/ yi dwags su gyur pa'i gzhi bdag dang
klu la lta ci smos/ de yang skyabs gsum la yid ma ches nas de
dag la blo 'gel na mi rung ba yin gyi/ de dag la 'phral gyi chos
ldan gyi bya ba 'ga' zhig gi grogs

'chol ba tsam la mi rung ba med de/ dper na/ sbyin bdag la 'tsho
ba'i grogs 'chol ba dang/ sman pa la nad gso ba'i re bltos 'cha'
ba bzhin no/ /gnyis pa ni/ mi dang dud 'gro la sogs pa la brdeg
pa dang 'ching ba dang go rar

gzhug pa dang/ sna 'bugs pa dang mi theg bzhin du 'gel ba la
sogs bsam pa dang sbyor bas sems can la gnod pa dang 'tshe ba
spong ba'o/ /gsum pa ni/ dkon mchog gsum la skyabs su yid mi
ches shing/ skur bar byed pa rnams

dang mthun par mi byed pa'o/ /bsgrub pa'i bslab bya gsum ni/
sangs rgyas kyi sku gzugs ri mor bris pa legs nyes ci 'dra zhig
la'ang/ dpyas mi gdags shing 'o brgyal sar mi bzhag pa dang/
gta' mar 'jog pa sogs kyi mi gus pa

@95b dang; brnyas thabs spangs nas ston pa ltar bkur ba'i zhing
du bzung ste/ bshes springs las/ ji ltar bde gshegs sku gzugs
shing las kyang/ /bgyis pa ci 'dra yang rung mkhas pas mchod/
/ces gsungs so/ /lung rnam 'byed las/ shed

bu ser skyas slob pa dang mi slob pa'i dge 'dun rnams la/ glang
po'i mgo can khyod kyis chos sam chos ma yin pa ci shes/ zhes pa
la sogs pa ngan smras mi 'dra ba bco brgyad byas pas mgo brnyan
mi 'dra ba bco brgyad yod pa'i chu srin nyid

rigs su skyes te/ ston pa 'od srungs kyi dus nas shAkya'i rgyal
po'i bar du dud 'gror bsdad par gsungs pa dang/ lung phran tshegs
las/ ston pa 'khor ba 'jig mya ngan las 'das pa'i rjes su rgyal
po mdzes ldan gyis mchod

rten chen po zhig byed du bcug pa na/ gla mi zhig gis 'di ltar
bu'i mchod rten chen po byed du gzhug par brtsams pa/ nam tsam
zin par 'gyur ma shes so/ /zhes lan gnyis su 'phyas pa la/ phyis
legs par zin pa na

'gyod nas gla rngan gyis gser gyi dril bu byed du bzhug nas
mchod rten la btags pas mdog ngan zhing lus chung la skad snyan
pa'i snyan pa bzang ldan du skyes par gsungs pas/ sku gzugs la
'di ni 'di 'dra'o/ /zhes mi smra

ba dang/ gzhan gyis sku gzugs sogs rgyu bzang bo las bsgrub
pa'am chen po bsgrub pa la 'phya ba dang/ de las ldog pa'i kha
gtogs sogs byar mi rung ngo/ /rnal 'byor pa chen pos jo bo la
'jam dbyangs kyi sku zhig gzigs

@96a @#/ /su phul nas 'di legs nyes ji 'dra/ legs na rong pa mgar
dge bas byin pa'i gser zho bzhi byin nas len pa lags zhus pas/
jo bo'i zhal nas/ rje btsun 'jam pa'i dbyangs kyi sku la mi

legs pa med/ lha bzo ni 'bring gsungs nas spyi bor bzhag  /bzo
zin pa kun la'ang de ltar mdzad skad/ chos tshig bzhi pa zhig
yan chad la yang ma gus pa spang zhing/ glegs bam gtar 'jug pa
dang zong du byed pa dangs sgre bo dang

'o brgyal sar 'jog pa dang/ lha ma dang sbrags te 'khur ba
dang 'gom yug sogs ma gus pa thams cad spangs te/ chos dkon
mchog ltar gus par byed pa'o/ /dge bshes spyan snga ba gsung
rab gdan drangs pa mthong ba na thal mo

sbyar nas ldang/ phyis ldang bar mi ? nus pa na thal mo sbyor
skad/ jo bo mnga' ris su byon pa na/ sngags pa zhig khong la
chos mi nyan pa la/ yig mkhan zhig so dreg gis chos la bskud
pa gzigs nas/ jo bos ma bzod nas/ a tsam mi rung mi rung

gsungs pas/ sngags pa de dad nas chos nyan skad/ sha ra ba'i
zhal nas kyang/ rang cag chos la rtsed mo ci yang byed par
'dug ste/ chos dang chos smra ba la ma gus pa shes rab 'chal
ba'i rgyu yin/ rmongs pa da lta'i 'di gas chog gi/

rmongs pa'i rgyu ma gsog  /'di las rmongs na ci btub gsung ngo/
/dge 'dun nam rab tu byung ba dge sbyong gi rtags tsam 'dzin
pa dang/ de dag gi rtags tsam la yang mi gshe zhing mi brnyas
pa dang/ khyed dang nged kyi tsho zhes ris su bcad nas

@96b dgrar blta ba rnam pa thams cad du mi bya bar dge 'dun
dkon mchog ltar gus par byed pa ste/ lhag bsam bskul ba las/
yon tan 'dod pa nags na gnas pa yis/ /pha rol dag gi skyon la
brtag mi bya/ /bdag ni khyad par 'phags shing

bdag mchog ces/ /de snyam du ni sems bskyed mi bya'o/ /rgyags
'di bag med kun gyi rtsa ba ste/ /dge slong dman la brnyas par
yong mi bya/ /bskal pa gcig gis thar pa 'thob mi 'gyur/ /'di
ni bstan pa 'di la go rim yin/ /zhes gsungs

so; ;ston pa rin po che dang rnal 'byor pa chen po lhan pa ser
po re 'gom pa'i sar yod pa yang mi 'gom par sprugs nas sa
gtsang sar skyel ba'i phyag len ltar bslab ste/ rang nyid dkon
mchog la ci tsam gus pa de tsam du 'gro ba rnams kyang

rang la ches cher gus par 'gyur ba'i phyir te/ ting nge 'dzin
rgyal po las/ ci 'dra ba yi las byas pa/ /'bras bu de 'dra
'thob par 'gyur/ /zhes gsungs so/ /thun mong gi bslab bya la
drug las/ dkon mchog gsum gyi khyad par dang/ yon tan

rjes su dran pas yang dang yang du skyabs su 'gro ba ni/ sngar
bshad pa ltar phyi pa dang nang pa'i khyad par dang/ de gsum
nang phan tshun gyi khyad par dang de dag gi yon tan la yang
yang sems pa'o/ /bka' drin chen po rjes su dran pas dus

rtag tu mchod pa la brtson zhing bza' ba dang bca' ba'i phud
kyang dbul ba ni/ ting nge 'dzin rgyal po las/ sangs rgyas
bsod nams kyis ni zas rnyed kyang/ /de la byis pa byas pa gzo
mi 'gyur/ /zhes gsungs pa ltar/ kha zas rnyed pas

@97a @#/ /mtshon nas rang la bde legs gang byung thams cad dkon
mchog gi drin du shes par byas la/ byas pa gzo ba'i bsam pas
mchod par bya'o/ /de la yang mchod pa bya ba dang/ byed pa'i
bsam pa gnyis so/ /

dang po la bcu las/ sku la mchod pa ni/ sangs rgyas kyi gzugs
kyi sku dngos la mchod pa'o/ /mchod rten la mchod pa ni/ sangs
rgyas kyi phyir du mchod rten sogs la mchod pa'o/ /mngon sum
du mchod pa ni/ de gnyis rang gi dbang po la

mngon du gyur pa la mchod pa'o/ /mngon sum ma yin pa'i mchod
pa ni/ sangs rgyas dang de'i mchod rten mngon du ma gyur pa la
sangs rgyas dang mchod rten thams cad kyi phyir du mchod pa'o/
/sangs rgyas mya ngan las 'das rjes su de'i

phyir du sku gzugs dang mchod rten gcig la sogs pa byed pa
yang mngon sum ma yin pa'i mchod pa'o/ /de gnyis gang rung la
mchod pa na de dag gcig gi chos nyid ni thams cad kyi chos
nyid do/ /de'i phyir mngon du gyur pa gnyis po 'di

la'ang mchod la/ dus gsum gyi sangs rgyas thams cad dang
phyogs bcu mu med pa'i mchod rten la yang mchod do snyam nas
mchod pa ni mngon du gyur ma gyur spyi'i mchod pa ste/ snga ma
ni bsod nams rgya che la/ gnyis pa ni de bas  

kyang ches rgya che ba dang/ gsum pa ni de bas kyang shin tu
rgya che bar gsungs pas/ sangs rgyas sam de'i sku gzugs sogs
gcig la mchod pa na chos nyid dbyer med pa dran par byas nas
thams cad la mchod pa'i 'phen pa gtong ba

@97b gal che'o/ /rang gis bya ba'i mchod pa ni/ le lo dang
snyom las dang bag med pa'i dbang gis gzhan byed du mi 'jug
par rang gis lag bdar nas byed pa'o/ /gzhan byed du bcug pa'i
mchod pa ni/ rang la dngos po chung ngu

yod la/ sems can sdug bsngal ba bsod nams chung zhing mi nus
pa 'di dag gis mchod pa byas na bde bar 'gyur ro snyam nas
snying rje dang ldan pas gzhan kho na mchod du gzhug pa'o/
/gzhan yang bskul nas gnyis kas byed pa ni/

rang gzhan gnyis ka'i thun mong ba ste/ de gsum gyi bsod nams
kyi 'bras bu che chung ni snga ma dang 'dra'o/ /rnyed pa dang
bkur sti'i mchod pa ni/ na bza' dang zhal zas dang gzims cha
dang gdan dang bsnyun gyi gsos sman dang yo byad

dang bdug pa/ phye ma/ byug pa'i spos dang me tog gi phreng ba
dang rol mo'i sgra dang mar me sna tshogs 'bul ba dang/ gus par
smra ba dang phyag 'tshal ba dang mngon du ldang ba dang thal
mo sbyar ba dang bstod pa sna tshogs brjod pa dang yan lag
lngas

phyag bya ba dang g.yas phyogs su bskor ba dang/ zhing la
sogs pa zad mi shes pa'i sbyin pa dang nor bu dang snyan cha
dang dpung rgyan la sogs pa'i rgyan dang/ tha na dril bu dbul
ba dang karsha pa Na gtor ba dang srad bus dkri bas sangs
rgyas

sam; de'i mchod rten la mchod pa'o/ /rgya che ba'i mchod pa
ni/ rnyed bkur de dag gis yun ring por mchod pa ste/ de yang
dngos po mang ba dang bzang ba dang mngon sum yin min dang/
rang dang gzhan gyis byed pa dang snying thag pa nas dga'
zhing

@98a @#/ /mos pa drag pos mchod la/ dge ba de yang rdzogs pa'i
byang chub tu bsngo ba ste bdun no/ /kun nas nyon mongs pa can
ma yin pa'i mchod pa ni/ khyad gsod dam bag med dam le los

gzhan dag byed du mi 'jug gi/ rang gis lag bdar nas byed pa
dang/ gus par byed pa dang/ sems ma yengs par byed pa dang/
chags sogs dang ma 'dres par nyon mongs pa can ma yin pas byed
pa dang/ sangs

rgyas la dad pa'i rgyal po sogs las rnyed bkur thob tu re nas
mi byed pa dang/ mthun pa'i dngos pos mchod pa ste drug go/
/mthun pa'i dngos po ni/ mi mthun pa bab las byug pa dang mar
khus 'khru ba dang gu gul gyis

bdug pa dang arka'i me tog la sogs pa dang/ gzhan yang yo
byad rung ba min pa dang bral ba rung ba'o/ /zang zing gi
mchod pa de dag kyang rang gis bsgrubs pa dang gzhan las
bslangs pa med na/ de bzhin gshegs

pa'i mchod pa gang yang rung ba 'jig rten gyi khams na gang
yod pa la dga' ba dang rgya chen po la mos pa dang ldan pa'i
sems kyis khyab par byas nas yi rang byas na/ tshegs chung ngus
tshad med pa'i mchod pa chen

pos byang chub kyi tshogs yongs su sdud de/ de la ni rtag tu
sems nyams bde ba dang sems dga' bas brtson par bya'o/ /dkon
mchog sprin dang dam tshig gsum bkod pa las gsungs pa ltar/
bdag

@98b pos ma bzung ba'i me tog dang 'bras bu dang shing dang
rin po che la sogs pa rnams kyang dbul bar bya'o/ /sgrub pa'i
mchod pa ni/ tha na ba 'jos tsam du yang tshad med bzhi dang
chos kyi sdom bzhi dang skyabs

gsum dang phar phyin rjes su dran pa dang zab mo stong pa nyid
la mos shing mi rtog par gnas pa dang/ tshul khrims la sdom
sems byed pa dang byang chub kyi phyogs dang phar phyin dang
bsdu ba bzhi la bsgom pa dang brtson

pa'o; ;mchod pa bcu po des dkon mchog gsum la mchod pa ni
yongs su rdzogs pa'i mchod pa'o/ /de dag gis mchod pa'i tshe na
dkon mchog gsum gang rung la chung ngu zhig byas kyang/ 'bras
bu dpag tu med pa 'byung

ba'i bsam pa ni drug ste/ yon tan gyi zhing gong na med pa yin
snyam pa dang/ phan 'dogs pa gong na med do snyam pa dang/
sems can thams cad kyi mchog go snyam pa dang/ u dum wa ra'i
me tog ltar shin tu dkon no snyam

pa dang/ stong gsum gyi stong chen po'i 'jig rten na gcig kho
na 'byung bas 'ba' zhig pa'o snyam pa dang/ 'jig rten las 'das
ma 'das kyi phun tshogs thams cad kyi gzhi yin no snyam du
bsams nas mchod pa'o/ /de

dag ni byang sa las 'byung ba ltar bris pa'o/ /dus rgyun par
ni de dag ci rigs par bya la/ dus bzang dang dus chen gyi tshe
na rang gi nus pa dang bstun pa'i mchod pa bzang po re bya'o/
/gzhan yang bza' btung

@99a @#/ /rgyun du bya dgos pas/ de'i tshe de dag gi phud kyis
mchod pa ma chag na'ang tshogs mang po tshegs chung ngus rdzogs
pas chu yan chad gang la longs spyod pa'i phud kyis kyang
snying thag pa nas mchod par

bya'o; ;de yang thud kyi sngo sa dang lo ma'i ser sa lta bu
nas ma yin gyi/ gang bzang ba nas bya dgos la/ ja'i phud sun
re la 'bul ba kun gyis kyang rdul sel ba 'dra ba res mi 'ong
zhes sha ra ba'i gsung sgros las 'byung ngo/ /dper

na; zhing sa shin tu gshin pa zhig la sa bon 'debs dus su ma
btab par ldus pa 'dra na de ltar 'jog mi phod pa ltar/ 'di
phyi'i bde legs thams cad 'byung ba'i zhing sa dam pa dus bzhi
thams cad du rgyun chad med par bde

legs kyi sa bon btab pas chog pa 'di la yang/ dad pa'i gshol
gyis bsod nams kyi zhing rmed par gyur cig ces/ mdo las gsungs
pa ltar bya rgyu ma byung na ches shin tu phangs pa yin no/
/des na bsngags 'os bsngags bstod

las; khyod dang 'dra ba'i zhing dag ni/ /'jig rten gsum na ma
mchis te/ /khyod ni sbyin gnas rnams kyi mchog  /gral gtsang
mdzad pa'i gtsang ma lags/ /nam mkha' mtha' thug ma mchis
pa'i/ /mchu dang zheng dag ji lta bar/ /

khyod la sman dang gnod bgyis pa'i/ /rnam par smin pa thug ma
mchis/ /zhes gsungs pa ltar ro/ /zhing gi mchog la tha mal
pa'i zhing gi mthong tsam yang med pa 'di/ 'o skol stangs
bzang bar mi 'dug pas dkon mchog mchod pa

@99b la dus thams cad du brtson par bya'o/ /de ltar byas na
zhing dam pa la dge rtsa bskrun pa'i mthu las lam gyi rim pa
rnams la blo'i mthu je rgyas su 'gro bas/ mnyan na tshig mi
zin/ bsams na don mi go/ bsgoms na rgyud la mi skye ba'i

blo'i mthu shin tu chung ba'i dus su zhing gi mthu la brten pa
man ngag yin no/ /de ltar yang dpal ldan ma khol gyis/ snyan
dngags rtsom la skal chen po/ /khyod la brten nas bdag gi blo/
/dbyar gyi dus kyi chu bo ltar/ /chung ngu'ang shin tu

'phel bar 'gyur/ /zhes gsungs pa ltar ro/ /mchod pa yang dngos
po la ma 'thogs rang gi dad pa la 'thogs pa yin gsungs pa
ltar/ dad pa yod na maNDal dang chu dang blos ma bzung ba'i
mchod pa la sogs pas kyang mchod pas chog pas

zang zing med na de ltar bya/ yod bzhin du gtong mi nus par/
bdag ni bsod nams mi ldan bkren chen te/ /mchod pa'i nor gzhan
bdag la cang ma mchis/ /zhes zer ba ni/ po to ba'i zhal nas/
dud phor dri ma can zhig tu spang spos re btab

nas; tsandan ga bur spos kyi chu/ /zhes dmus long gis mig
ldan la mgo skor byed gsung ba dang 'dra'o/ /phu chung ba'i
zhal nas/ ngas dang po spang spos sna tsha ting nge ba phul/ de
nas reng bu bzhi sbyor mngar sing ba dbul rgyu byung/ da lta
a ka ru dang

du rulkal sogs pa bsung ching de 'bul gsung ba ltar/ mchod pa
chung ngu la brnyas nas ma phul na/ tshe rangs po de 'dra zhig
tu 'gro la/ chung rim nas nan tan bskyed na je bzang du 'gro
bas khong gi phyag len ltar bslab ste/ khong gis res gcig la
gser

@100a @#/ /srang nyi shu rtsa gnyis kyi spos sbyar skad/ yo
byad la dbang thob pa'i sems dpa' chen po rnams kyis lus 'bum
phrag du mar sprul ba dang/ lus re re la yang lag pa brgya
stong la sogs par sprul te/ zhing thams

cad du byon nas rgyal ba rnams la bskal pa du mar mchod pa
mdzad na/ yon tan ltar snang cung zad res chog shes pa dag
/kho bo ni de lta bu la byang chub mi re zhes smra ba ni chos
rgyus shin tu chung ba'i cal col lo/ /des na dkon mchog sprin

las; mdo sde rnams las mchod pa dang rim gro bya ba rgya chen
po gang yin pa de lta bu dag mnyan cing/ de dag snying thag pa
nas lhag pa'i bsam pa mchog gis sangs rgyas dang byang chub
sems dpa' rnams la bsngo'o/ /zhes gsungs pa

ltar bya'o/ /snying rje rjes su dran pas 'gro ba gzhan yang
tshul 'di lta bu la dgod pa ni/ sems can gzhan yang ci nus kyis
skyabs su 'gro ba la brtse bas 'god pa'o/ /bya ba gang byed pa
dang dgos pa ci yod pa na/ dkon mchog gsum la

mchod nas gsol ba 'debs shing 'jig rten pa'i thabs gzhan spong
ba ni/ bya ba ji 'dra zhig byed pa dang dgos pa ci 'dra ba
zhig mthong yang dkon mchog gsum la brten pa dang/ de dag dang
rjes su mthun pa'i dkon mchog mchod pa sogs

bya yi; de dag dang mi mthun pa'i bon la sogs pa la rnam pa
thams cad du brten du mi rung bas dus thams cad du dkon mchog
la blo khel bar bya'o/ /phan yon shes nas nyin lan gsum mtshan
lan gsum du skyabs su 'gro ba bya ba la

@100b gnyis/ bsdu ba las 'byung ba'i phan yon dang/ man ngag
las 'byung ba'o/ /dang po la bzhi tshan gnyis las/ bzhi tshan
dang po'i bsod nams rgya chen po 'thob pa ni/ 'chi med rnga
sgra'i gzungs las/ sangs rgyas bcom ldan bsam mi khyab/ /

dam pa'i chos kyang bsam mi khyab/ /'phags pa'i dge 'dun bsam
mi khyab/ /bsam mi khyab la dad rnams kyi/ /rnam par smin
pa'ang bsam mi khyab/ /ces dang/ phar phyin bsdus pa las
kyang/ skyabs song bsod nams gzugs yod na/ /khams gsum

'di yang snod du chungs/ /rgya mtsho chen po chu yi gter/ /phul
gyis bcal bar gzhal mi nus/ /zhes gsungs pa ltar ro/ /dga' ba
dang mchog tu dga' ba 'thob pa ni/ dran pa'i tshoms las/ gang
zhig nyin dang mtshan rnams su/ /sangs rgyas

rjes su dran byed cing/ /gang dag sangs rgyas skyabs song ba/
/de dag mi yi rnyed pa yin/ /zhes gzhan gnyis la'ang sbyar nas
gsungs pa ltar/ 'di 'dra ba'i skyabs gsum la brten du yod pa
ni bdag gis rnyed pa legs par rnyed do snyam nas

dga' ba je 'phel du 'gyur ba'o/ /ting nge 'dzin dang/ rnam par
dag pa 'thob pa ni/ ting nge 'dzin dang shes rab kyi bslab pas
grol bar 'gyur ba'o/ /bzhi tshan gnyis pa'i bsrung ba chen po
dang ldan pa ni/ 'chad par 'gyur ro/ /log par mos

pa'i sgrib pa thams cad bsrabs pa dang yongs su zad pa dang
yongs su gtugs pa 'thob pa ni/ ston pa dang chos dang grogs
ngan pa la mos nas skyabs su bzung ba'i dbang gis/ las ngan pa
bsags pa rnams chung ba dang 'dag par 'gyur ba'o/ /

@101a @#/ /dam pa yang dag par song ba skyes bu dam pa rnams kyi
nang du bgrang bar 'gyur ba dang/ ston pa dang tshangs pa mtshungs
par spyod pa dang/ bstan pa la dga' ba'i lha rnams kyi yid du
'ong zhing dga' bar 'gyur ba ni/

skyes bu dam par chud cing ston pa la sogs pa dgyes pa'o/ /lha
rnams ji ltar dga' ba ni/ che ge mo zhig bdag cag skyabs su 'gro
ba gang dang ldan pas de nas shi 'phos nas/ 'dir skyes pa'i
skyabs su 'gro ba dang ldan zhing lan mang du gnas pas na/

de ni bdag cag gi grogs su 'gyur bar 'ong ngo snyam nas yid dga'
zhing ched du brjod pas ched du brjod pa'o/ /man ngag las 'byung
ba'i phan yon la brgyad las/ nang pa sangs rgyas par chud pa ni/
spyir phyi nang la 'jog tshul mang du snang na'ang/

jo bo dang shAnti pa skyabs 'gros 'byed par grags pas skyabs
'gro thob nas ma btang ba la bya'o/ /des na thog mar sangs rgyas
par chud pa la dkon mchog gsum la snying thag pa nas ston pa la
sogs par 'dzin pa dgos kyi/ de med na dge ba gang byas

kyang sangs rgyas par mi chud do/ /sdom pa thams cad kyi rten du
'gyur ba ni/ mdzod 'grel las/ skyabs su 'gro ba rnams ni sdom pa
yang dag par blang ba thams cad la sgor gyur pa yin no/ /zhes
dang/ skyabs 'gro bdun cu pa las kyang/ dge

bsnyen gsum la skyabs 'gro ba/ /de ni sdom brgyad rtsa ba yin/
/zhes gsungs te/ skyabs 'gros myang 'das kyi bsam pa brtan par
byed cing de las sdom pa skye ba la dgongs so/ /sngon bsags pa'i
las kyi sgrib pa rnams bsrabs shing 'dzad par

@101b 'gyur ba ni/ bslab btus su skyabs su 'gro bas sdig 'dag
par ston pa'i skabs su/ 'dir phag gi rtogs pa brjod pa dper
bya'o zhes gsungs pas/ phag tu skye bar 'gyur ba'i lha'i bus
skyabs 'gro byas pas der ma skyes pa lta bu ste/ skyabs 'gro
byas

pas ngan 'gro'i rgyu dag pa'i phyir ro/ /gang dag sangs rgyas
skyabs song ba/ /de dag ngan 'gror 'gro mi 'gyur/ /mi yi lus ni
spangs nas su/ /de dag lha yi lus 'thob bo/ /zhes chos dang dge
'dun la yang de ltar gsungs so/ /des na sngon bsags

pa'i sdig pa la la ni bsrabs par 'gyur la/ la la ni 'dzad par
'gyur ro/ /bsod nams rgya chen po gsog pa ni/ sngar bshad pa
ltar ro/ /ngan 'gror mi ltung ba yang/ snga mas shes par bya'o/
/mi dang mi ma yin gyi bar gcod kyis mi tshugs pa

ni; mdo las/ 'jigs pas skrag pa'i mi rnams ni/ /phal cher ri
dang nags tshal dang/ /kun dga' dang ni mchod gnas kyi/ /ljon
shing rnams la skyabs 'gro ste/ /skyabs de gtso bo ma yin zhing/
/skyabs de mchog gyur ma yin la/ /skyabs de

la ni brten nas kyang/ /sdug bsngal kun las mi grol zhing/ /gang
tshe gang zhig sangs rgyas dang/ /chos dang dge 'dun skyabs song
la/ /sdug bsngal sdug bsngal kun 'byung dang/ /sdug bsngal yang
dag 'das pa dang/ /'phags lam

yan lag brgyad bde ba/ /mya ngan 'das par 'gro 'gyur dang/
/'phags pa'i bden pa bzhi po dag  /shes rab kyis ni lta byed pa/
/skyabs de gtso bo yin pa ste/ /skyabs de mchog tu gyur pa yin/
/skyabs de la ni brten nas kyang/ /sdug

@102a @#/ /bsngal kun las grol bar 'gyur/ /zhes gsungs pa ltar
ro/ /'dir mu stegs rlung zhags grub pa la sogs pa'i gtam rnams
dper bya'o/ /ci bsams pa thams cad 'grub pa ni/ chos ldan gyi

bya ba gang bsgrub pa'i thog mar dkon mchog la mchod cing/
skyabs su song nas 'grub par gsol ba btab na bde blag tu 'grub
pa'o/ /myur du 'tshang rgya ba ni/ seng ges zhus pa las/ dad pas
mi khom spong bar 'gyur/ /zhes gsungs

pa ltar/ dal ba khyad par can rnyed cing skyabs dang mjal nas
lam khyad par can la slob la/ des ni ring po mi thogs par 'tshang
rgya'o/ /de ltar phan yon dran par byas nas zhag re la nyin lan
gsum dang mtshan lan gsum du skyabs

'gro bya'o/ /dkon mchog gsum tha na bzhad gad kyi phyir ram/
srog gi phyir yang mi btang zhing bsrung bar bya ba ni/ lus dang
srog dang longs spyod ni gdon mi za bar 'bral bar 'gyur bas/ de
dag gi phyir du dkon mchog

btang na ni tshe rabs kun tu sdug bsngal brgyud mar 'byung ba'i
phyir/ ci la bab kyang skyabs mi btang ngo snyam du yang yang
zhe dam bya zhing/ bzhad gad tsam gyi ched du yang skyabs gtong
ba'i tshig smra bar mi bya'o/ /phyogs

gar 'gro yang de'i de bzhin gshegs pa la skyabs su 'gro ba la
bslab ces pa'i bslab bya zhig gong ma rnams gsung ste khungs ma
mthong ngo/ /de ltar thun mong gi bslab bya drug ni/ lam sgron
'grel par 'byung ba

@102b bzhin yin la/ so so'i bslab bya dang po gsum ni mdo sde
las bshad cing phyi ma gsum ni/ skyabs 'gro yan lag drug pa las
'byung ste/ ji skad du/ sku gzugs tshigs su bcad pa dang/ /lhan
pa ser po btab pa la/ /dad

mos sgo nas ston par brtag  /zhal nas gsungs pa mtha' dag la/
/skur pa mi gad pa spyi bor blang/ /gang zag dag dang ma dag la/
/dam par blta bar bya ba yin/ /zhes so/ /gtan la dbab pa bsdu ba
las 'byung ba rnams la/ ka ma ba'i

gsung nas 'di rnams sne'u zur pa gsung thang ba la nged mnyam
por dgon pa ba la thos gsung zhing/ khong nas lum pa ba la
brgyud pa'i lam rim nas 'byung ngo/ /bslab bya de dag dang 'gal
ba la nyams pa dang gtong ba'i rgyur

'gyur tshul ni/ kha cig so so'i bslab bya dang po gsum dang rgyun
du skyabs su 'gro ba dang srog gi phyir yang mi gtong ba dang
dkon mchog mchod pa ste drug dang 'gal na gtong bar 'dod la/ kha
cig so so'i bslab bya phyi ma gsum

dang 'gal ba ste dgus gtong bar 'dod de/ lhag ma nyams pa'i
rgyur byed do/ /'on kyang srog gi phyir yang mi gtong ba dang
'gal ba ni skyabs 'gro gtong ba dngos yin la/ de bzhin du dkon
mchog gsum ma btang yang de dag

dang mi mthun pa'i ston pa la sogs pa gsum la gnyis 'dzin byed
na'ang gzhan du mi smra ba dang 'gal zhing/ skyabs la blo ma
khel bas gtong la/ de dag ma byung na bslab bya dang 'gal ba
tsam yin gyi/ gtong rgyu min par

@103a @#/ /sems so/ /de ltar na skyabs su 'gro ba ni sangs rgyas
kyi bstan pa la 'jug pa'i sgo chen po yin cing/ skyabs 'gro tshig
tsam min pa yod na mthu phul du byung ba la brten pa yin pas
phyi dang

nang gi bar chad kyis mi brdzi ba dang/ yon tan gyi khyad par
rnams skye sla zhing nyams dka' bas gong nas gong du 'phel bar
'gyur bas sngar bshad pa ltar 'jigs pa dang yon tan dran pa sogs
kyi sgo nas

skyabs su bzung zhing de'i bslab bya las mi 'da' ba la 'bad pa
gnad du che'o/ /de ltar 'chi ba dran zhing shi nas ngan 'gror
skye ba bsams pas 'jigs pa na/ de las skyob pa'i skyabs ni dkon
mchog gsum

yin la/ de la skyabs su bzung zhing de'i bslab bya dang ma 'gal
bar byas pa na skyabs kyis ji ltar skyob snyam na/ tshoms las/
srid pa'i zug rdu gcod byed lam/ /ngas ni khyed cag rnams la
bstan/ /de

bzhin gshegs pa ston pa ste/ /khyed cag rnams kyis bya dgos so/
/zhes gsungs pa ltar/ sangs rgyas ni skyabs ston pa dang dge
'dun ni skyabs bsgrub pa'i grogs yin pas/ skyabs dngos ni chos
dkon mchog

ste; de thob pa na 'jigs pa las grol ba'i phyir ro/ /mtha'i chos
dkon mchog de yang las dang po pa'i dus kyi skyon phyogs re tsam
spong ba'i spangs pa dang/ yon tan phyogs re tsam bsgrub pa'i
rtogs pa gnyis gong

@103b nas gong du khyad zhugs par song ba la 'jog gi/ de las
gzhan glo bur du 'byung ba min no/ /des na skabs 'dir ni dge mi
dge 'bras bu dang bcas pa'i rnam dbye la mkhas par byas nas 'dor
len tshul bzhin du bsgrub pa

zhig la chos su bya dgos te/ las gnyis 'bras bu dang bcas pa
ring du bsams nas blang dor tshul bzhin du ma byas na ngan 'gro'i
rgyu mi ldog pas/ ngan 'gro la 'jigs kyang 'jigs pa de las mi
grol ba'i phyir ro/ /

de'i phyir 'bras bu'i dus su ngan 'gro las skyob pa la rgyu'i
dus na yid mi dge ba la 'jug pa 'chos dgos shing/ de yang las
'bras la yid ches rnyed pa la rag las pas/ gnyis pa bde legs
thams cad kyi rtsa ba yid

ches kyi dad pa bskyed pa la gsum/ las 'bras spyir bsam pa dang/
bye brag tu bsam pa dang/ bsams nas 'jug ldog bya tshul lo/ /dang
po la gnyis/ spyir bsam tshul dngos dang/ so sor phye ste bsam
pa'o/ /dang po

la bzhi las/ las nges pa'i tshul ni/ so so'i skye bo dang 'phags
pa gang yin kyang tshor ba sim pa'i rnam pa can gyi bde ba tha na
sems can dmyal bar skyes pa na rlung bsil ba langs pa la brten
nas skyes pa yan chad thams

cad ni sngon dge ba'i las bsags pa las 'byung gi/ mi dge ba'i
las las bde ba 'byung ba ni gnas med la/ tshor ba gdung ba'i rnam
pa can gyi sdug bsngal tha na dgra bcom pa'i rgyud la skyes pa
yan chad thams cad ni

@104a @#/ /sngon mi dge ba bsags pa las 'byung gi/ dge ba'i las
las sdug bsngal 'byung ba ni gnas med de/ rin chen phreng ba
las/ mi dge ba las sdug bsngal kun/ /de bzhin ngan 'gro thams

cad do/ /dge las bde 'gro thams cad dang/ /skye ba kun tu bde ba
dag  /ces gsungs so/ /de'i phyir bde ba dang sdug bsngal rnams
ni rgyu med pa las byung ba dang/ gtso bo dang dbang phyug la
sogs pa mi mthun pa'i rgyu las byung ba

yang min par dge mi dge'i las spyi las bde sdug spyi dang/ bde
sdug gi khyad par sna tshogs pa rnams kyang las gnyis kyi khyad
par sna tshogs pa las cung zad kyang ma 'chol bar so sor 'byung
ba'i las 'bras nges pa can nam

mi slu ba la nges pa rnyed pa ni/ nang pa sangs rgyas pa thams
cad kyi yang dag pa'i lta ba zhes pa dkar po'i chos kun gyi
gzhir bsngags pa'o/ /las 'phel che ba ni/ las dge ba chung ngu
las kyang 'bras bu bde ba shin tu che ba 'byung

la; las mi dge ba chung ngu las kyang 'bras bu sdug bsngal shin
tu che ba 'byung bas nang gi rgyu 'bras kyi 'phel 'dra ba ni
phyi rol gyi rgyu 'bras la med do/ /de yang tshoms las/ sdig pa
chung ngu byas pas kyang/ /'jig rten pha rol 'jigs

chen dang/ /phung krol chen po byed 'gyur te/ /khong par song
ba'i dug bzhin no/ /bsod nams chung ngu byas pas kyang/ /'jig
rten pha rol bde chen 'dren/ /don chen dag kyang byed 'gyur te/
/'bru rnams phun tshogs smin pa bzhin/ /zhes

@104b so; ;las chung ngu las 'bras bu chen po 'byung ba de yang
sngon gyi byung ba'i mtha' brjod pas nges pa bskyed pa ni/ lung
gzhi las/ gnag rdzi dga' bo dang de'i 'khar bas brdzis pa'i sbal
pa dang/ ngang pa dang nya dang rus sbal

lnga brgya dang yi dwags lnga brgya dang zhing pa dang glang
lnga brgya'i byung ba dang/ mdzangs blun nas 'byung ba'i gser
lha dang gser dbyig dang glang po skyong gi byung ba'i mtha'
bzhin te/ lung dang mdzangs blun dang las brgya pa sogs las nges

par bya'o/ /gzhan yang tshul khrims dang cho ga dang 'tsho ba dang
lta ba bzhi las/ phyi ma ma nyams shing snga ma gsum yongs su
dag pa rdzogs par ma byas par cha 'ga' re nyams par byas pa
rnams klur skye bar gsungs te/ rgya

mtshos zhus pa las/ bcom ldan 'das gang gi tshe bdag bskal pa'i
dang por rgya mtsho chen po'i nang na gnas pa dang/ gang gi tshe
de bzhin gshegs pa 'khor ba 'jig 'jig rten du byung ba de'i tshe
ni rgya mtsho chen po'i nang

na klu dang klu'i bu dang klu'i bu mo dag nyung bar gyur te bdag
kyang 'khor nyung bar gyur/ bcom ldan 'das da ni rgya mtsho chen
po'i nang na klu dang klu'i bu dang klu'i bu mo dag kyang 'di
ltar tshad ma mchis te grangs kyi mtha' rtogs

par mi nus lags na/ bcom ldan 'das 'di la rgyu ni gang lags
rkyen ni gang lags/ bcom ldan 'das kyis bka' stsal pa/ klu'i
bdag po gang dag legs par gsungs pa'i chos 'dul ba la rab tu
byung nas tshul

@105a @#/ /khrims dag pa yongs su rdzogs par ma byas te/ cho ga
nyams pa dang 'tsho ba nyams pa dang tshul khrims nyams pa ni
yongs su rdzogs par ma byas la/ de dag gi lta ba yang drang por
gyur

te de sems can dmyal ba rnams su ni mi skye yi/ shi 'phos nas
klu'i skye gnas rnams su skye bar 'gyur te/ zhes gsungs so/ /de
yang ston pa 'khor ba 'jig gi bstan pa la khyim pa dang rab
byung bye ba phrag go brgyad

dang; ston pa gser thub kyi bstan pa la bye ba phrag re bzhi
dang/ ston pa 'od srungs kyi bstan pa la bye ba phrag brgyad cu
dang/ bdag cag gi ston pa'i bstan pa la bye ba phrag go dgu/ cho
ga dang 'tsho ba dang tshul khrims

nyams pa'i dbang gis klur skyes pa dang skye bar 'gyur la/ rang
re'i ston pa mya ngan las 'das rjes su'ang 'khor bzhi sdig spyod
pa rnams tshul khrims nyams nas klur skye bar gsungs so/ /'on
kyang de dag gi sbyor ba ma dag kyang

bstan pa la yid ches pa'i bsam pa ma nyams pa'i dbang gis ni klu
nas shi 'phos te lha dang mir skye zhing/ bskal pa bzang po 'di
la 'tshang rgya ba de dag gi bstan pa la theg chen la zhugs pa
rnams ma gtogs pa thams cad

kyang mya ngan las 'da' bar bshad do/ /de'i phyir dkar nag gi
las phra mo yang grib ma bzhin rjes su 'brangs nas bde sdug chen
po bskyed pa la nges pa brtan par byas nas dge ba'i las phra mo
nas kyang bsgrub pa dang/ sdig ltung phra mo

@105b nas kyang spong ba la 'bad par bya ste/ tshoms las/ mkha'
la bya dag gnas pa de'i/ /grib ma lhan cig 'gro ba bzhin/ /legs
par byas dang nyes par byas/ /de dag 'gro ba'i rjes su 'brang/
/ji ltar lam brgyags nyung bdag  /lam

zhugs sdug bsngal 'gro ba ltar/ /de bzhin las bzang ma byas
pa'i/ /sems can dag ni ngan 'gror 'gro/ /ji ltar lam brgyags
mang bsdogs pa/ /lam zhugs bde bar 'gro ba ltar/ /de bzhin las
bzang byas pa yi/ /sems can dag

ni bde 'gror 'gro/ /zhes dang/ sdig pa shin tu chung ngu la'ang/
/mi gnod snyam du brnyas mi bya/ /chu yi thigs pa bsags pas
kyang/ /snod chen khang kyis gang bar 'gyur/ /zhes dang/ sdig pa
chung byas bdag nyid kyi/ /phyi bzhin

mi 'ong ma sems shig  /chu yi thigs pa lhung ba yis/ /snod chen
gang ba de bzhin du/ /cung zad bsags pa'i sdig pas kyang/ /byis
pa rab tu gang bar 'gyur/ /dge ba chung byas bdag nyid kyi/
/phyi bzhin mi 'ong ma sems

shig ;chu yi thigs pa lhung ba yis/ /bum chen gang ba ji bzhin
du/ /cung zad bsags pa'i dge ba yis/ /brtan pa rab tu gang bar
'gyur/ /zhes dang/ skyes rabs las kyang/ dge dang mi dge'i las
rnams goms byas

pas; ;mi rnams la ni 'dris pa nyid du 'gyur/ /de lta bu dag ched
du ma bsgrims kyang/ tshe rabs gzhan la rmi lam bzhin du spyod/
/rab tu sbyin dang tshul khrims la sogs ma sbyangs na/ /rigs dang
gzugs dang lang

@106a @#/ /tsho'i yon tan rnams dang ni/ /stobs ni rab tu che
zhing nor rnams phyug kyang rung/ /phyi ma'i tshe la su yang bde
ba 'thob mi 'gyur/ /rigs la sogs pa dma' yang sdig lam chags
shing/ /

rab tu sbyin dang tshul khrims la sogs yon tan ldan/ /dbyar gyi
dus na 'bab chus rgya mtsho gang ba bzhin/ /phyi ma'i tshe la
nges par bde ba rgyas par 'gyur/ /dge dang mi dge'i las las
'jig rten pha rol tu/ /bde dang sdug

bsngal 'byung bar rab tu nges byas nas/ /sdig pa spangs te dge
ba'i las la rab tu 'bad/ /dad pa med pa dag ni ji ltar 'dod
par spyod/ /ces so/ /las ma byas pa dang mi phrad pa ni/ bde
sdug myong ba'i rgyur gyur pa'i

las ma bsags na/ las de'i 'bras bu bde sdug gtan mi myong ba
ste/ ston pas tshogs grangs med pa bsags pa'i 'bras bu la spyod
pa rnams kyis kyang/ de'i rgyu thams cad bsag mi dgos kyang
cha gcig bsag dgos pa

yin no/ /las byas pa chud mi za ba ni/ las dge ba dang mi dge
ba byas pa rnams kyis yid du 'ong ba dang mi 'ong ba'i 'bras
bu 'byin pa ste/ khyad par 'phags bstod las/ bram ze rnams ni
dge sdig dag  /byin pa

len bzhin 'pho bar smra/ /khyod kyis byas chud mi za dang/ /ma
byas pa dang phrad med gsungs/ /zhes dang/ ting nge 'dzin gyi
rgyal po las kyang/ de yang byas nas reg par mi 'gyur min/
/gzhan gyis byas pa tshor bar  

@106b 'gyur ba'ang med/ /ces dang/ 'dul ba lung las kyang/ las
rnams bskal pa brgyar yang ni/ /chud mi za ba'ang tshogs dang
dus/ /rnyed na lus can rnams la ni/ /'bras bu dag tu 'gyur ba
nyid/ /ces gsungs so/ /gnyis pa

so sor phye ste bsam pa la gnyis/ las lam bcu gtso bor bstan
pa dang/ las dang 'bras bu gtan la dbab pa'o/ /dang po ni/ de
ltar bde sdug gi rgyu 'bras so sor nges pa dang/ las 'phel che
ba dang ma byas pa dang mi phrad cing

byas pa chud mi za bar rig pa des las dang 'bras bu'i tshul ji
'dra ba zhig la thog mar nges pa bskyed nas blang dor bya zhe
na/ spyir legs spyod nyes spyod 'jug pa'i sgo ni gsum du nges
la/ sgo gsum gyi dge mi dge thams cad las kyi lam

bcur ma 'dus kyang/ dge mi dge rnams kyi che long ngam rags pa
kha na ma tho ba'i gzhi shin tu che ba rnams/ sangs rgyas bcom
ldan 'das kyis gnad bsdus nas nag po'i las lam bcur gsungs
shing/ de dag spangs na don shin tu

che ba'i gnad rnams kyang bcur 'du bar gzigs nas dkar po'i las
lam bcu gsungs te/ mdzod las/ de las che long bsdus nas ni/
/dge dang mi dge ci rigs par/ /las kyi lam ni bcur gsungs so/
/zhes dang/ lung rnam

'byed las kyang/ ngag rnams bsrung zhing yid kyis rab bsdams
te/ /lus kyis mi dge ba dag mi byed cing/ /las lam gsum po 'di
dag rab sbyangs na/ /drang srong gsungs pa'i lam ni 'thob par
'gyur/ /zhes gsungs so/ /nag

@107a @#/ /po'i las lam bcu 'bras bu dang bcas pa shes nas de
dag gi kun slong tsam nas kyang bsdams te sgo gsum de dag dang
ye ma 'dres par byed pa'i dge ba bcu'i las kyi lam bsten pa
'di ni/ theg pa

gsum thams cad dang skyes bu'i don gnyis 'grub pa'i gzhir med
du mi rung bas/ rgyal bas sgo du ma nas yang dang yang du
bsngags pa yin te/ rgya mtshos zhus pa las/ dge ba'i chos rnams
zhes bya ba ni/ lha dang mi'i skye dgu'i

phun sum tshogs pa'i rtsa ba'i rten no/ /nyan thos dang rang
sangs rgyas kyi byang chub kyi rtsa ba'i rten no/ /bla na med
pa yang dag par rdzogs pa'i byang chub kyi rtsa ba'i rten no/
/rtsa ba'i rten kyang gang zhe na/ 'di lta ste/ dge ba bcu'i
las rnams te/

zhes dang/ klu'i bdag po/ dper na/ grong dang grong khyer dang
grong rdal dang ljongs dang yul 'khor dang rgyal po'i pho
brang thams cad dang/ rtswa dang shing gel pa dang sman dang
shing thams cad dang las kyi mtha' thams cad dang sa bon gyi

tshogs thams cad dang lo tog thams cad skye zhing rmo ba dang
shal bas bshal ba dang 'byung ba rnams ni sa la gnas te/ de
dag gi gnas ni sa yin no/ /klu'i bdag po de bzhin du/ dge ba
bcu'i las kyi lam 'di dag ni lha dang mir skye ba

dang slob pa dang mi slob pa'i dge sbyong gi 'bras bu 'thob pa
dang rang sangs rgyas kyi byang chub dang byang chub sems
dpa'i spyod pa thams cad dang sangs rgyas kyi chos thams cad
kyi gnas yin no/ /zhes gsungs so/ /de'i phyir sa bcu pa'i

@107b mdo nas mi dge bcu spong gi tshul khrims la bsngags pa'i
don/ dbu ma la 'jug pa las kyang/ so so'i skye bo rnams dang
gsung skyes dang/ /rang byang chub la bdag nyid nges rnams
dang/ /rgyal sras rnams kyi nges par legs pa dang/ /mngon

mtho'i rgyu ni tshul khrims las gzhan med/ /ces bsdus nas
gsungs so/ /de ltar tshul khrims sna re la yang sdom sems yang
yang bsten nas bsrung rgyu med kyang/ kho bo ni theg chen
pa'o/ /zhes smra na ni shin tu smad de/ sa'i snying po'i mdo
las/

dge ba'i lam bcu po 'di dag gis sangs rgyas su 'gyur gyi/ gang
ji srid 'tsho'i bar du tha na dge ba'i las kyi lam gcig tsam
yang mi bsrung la/ 'on kyang tshig 'di skad du nga ni theg pa
chen po pa ste/ nga bla na med pa yang dag par rdzogs

pa'i byang chub tshol lo zhes zer na/ gang zag de ni shin tu
tshul 'chos pa brdzun chen po smra ba/ sangs rgyas bcom ldan
'das thams cad kyi spyan sngar 'jig rten la slu bar byed pa
chad par smra ba ste/ de rmongs bzhin du 'chi ba'i dus byed

cing log par ltung bar 'gro'o/ /zhes gsungs so/ /log par ltung
ba ni thams cad du ngan 'gro'i ming gi rnam grangs su go bar
bya'o/ /las dang 'bras bu gtan la dbab pa la gsum/ nag po'i
las 'bras dang/ dkar po'i las

'bras dang/ las kyi rnam dbye gzhan bstan pa'o/ /dang po la
gsum/ nag po'i las lam dngos dang/ lci yang gi khyad par dang/
de dag gi 'bras bu bstan pa'o/ /dang po ni/ srog gcod pa gang
zhe na/ 'di la bsdu bar gzhi dang

@108a @#/ /'du shes dang bsam pa dang nyon mongs dang mtha' ste
lngar gsungs kyang/ bar pa gsum bsam par bsdus te sbyor ba
bsnan nas gzhi dang bsam pa dang sbyor ba dang mthar thug bzhi
bzhir bsdus te bshad na 'jug

pa bde zhing dgongs pa dang mi 'gal lo/ /de la srog gcod kyi
gzhi ni/ srog dang ldan pa'i sems can te/ de yang gsod pa po
rang nyid gsod na sbyor ba'i sdig pa yod kyi/ mthar thug med
pa la dgongs nas rnal 'byor spyod pa'i

sa las srog chags pha rol po zhes gsungs so/ /bsam pa la gsum
las/ 'du shes ni bzhi ste/ gzhi sems can lta bu la sems can du
'du shes pa dang sems can min par 'du shes pa dang sems can
min pa la sems can

min par 'du shes pa dang sems can du 'du shes pa bzhi ste/ 'du
shes dang po dang gsum pa ni ma 'khrul ba dang/ gnyis pa dang
bzhi pa ni 'khrul ba'o/ /'di la kun slong bye brag can dper
na/ lhas byin kho na bsad snyam nas

sbyor ba brtsams pa na mchod sbyin du nor nas bsad na/ dngos
gzhi'i sdig med pas de lta bu la 'du shes ma 'khrul ba dgos
shing/ sbyor ba'i dus su gang byung yang gsod snyam pa kun
slong spyi la zhugs pa yod na 'du shes ma

'khrul ba mi dgos so/ /tshul 'di ni lhag ma dgu la yang ci rigs
par shes par bya'o/ /nyon mongs pa ni/ dug gsum gang rung ngo/
/kun slong ni/ bsad par 'dod pa'o/ /sbyor ba la sbyor ba po
ni/ rang gis byas pa'am gzhan byed

@108b du 'jug pa gnyis gang byas kyang 'dra ste/ sbyor ba'i
ngo bo ni mtshon nam/ dug gam/ rig sngags kyi sgo nas sbyor ba
byas pa la sogs pa gang yang rung ba'o/ /mthar thug ni/ sbyor
ba de'i rkyen gyis pha rol po de'i tshe'am/ dus gzhan

gyi tshe shi ba'o/ /de yang mdzod las/ snga dang mnyam du shi
ba la/ /dngos med lus gzhan skyes phyir ro/ /zhes gsungs pa ni
'dir yang 'dra'o/ /ma byin par len pa'i gzhi ni/ gzhan gyis
yongs su bzung ba'i rdzas gang yang rung ba'o/ /bsam

pa la gsum las/ 'du shes dang nyon mongs ni/ sngar bzhin no/
/kun slong ni ma gnang yang pha rol las dbral bar 'dod pa'o/
/sbyor ba la sbyor ba po ni sngar dang 'dra la/ sbyor ba'i ngo
bo ni mthus 'phrog pa dang 'jabs nas brku ba gang

byed kyang 'dra'o/ /de yang bu lon dang bcol ba la g.yo byas
pa dang g.yo thabs gzhan gyis kyang ma byin par len pa dang/
rang ngam gzhan gyi don nam pha rol la gnod pa la sogs pa'i
phyir du byed na'ang 'dra ste ma byin len no/ /

mthar thug ni/ bsdu ba las/ gnas gzhan du spos pa'o/ /zhes
gsungs so/ /'di'i don la mi mthun pa mang yang rdzas gnas nas
gzhan du spos pa mtshon byed tsam yin te/ zhing la sogs pa la
gnas nas spor med kyang

mthar thug bzhag dgos pa bzhin no/ /des na thob blo skyes
pa'o/ /de yang 'phrog tu 'jug pa'am brkur 'jug na de la skyes
pas chog ste/ dper na/ rang gis ma shes kyang mngags pas pha
rol po bsad na de nam shi ba dang gsod du 'jug

@109a @#/ /mkhan la dngos gzhi'i sdig pa 'byung ba bzhin no/
/log par g.yem pa'i gzhi ni/ 'jug par bya ba min pa dang yan
lag min pa dang gnas min pa dang dus min pa bzhi'o/ /de la
dang po ni/ bgrod par bya ba min pa'i bud

med dang skyes pa thams cad dang ma ning ngo/ /de'i dang po
ni/ bsdu ba las/ ma la sogs pa dang mas bsrungs pa la sogs pa/
mdo las ji skad gsungs pa rnams ni 'jug par bya ba min pa zhes
bya'o/ /zhes gsungs la/ de'i don slob dpon rta dbyangs kyis/

bgrod par bya min zhes bya ni/ /gzhan bzung chos kyi rgyal
mtshan ldan/ /rigs kyis bsrungs dang rgyal pos bsrungs/ /gzhan
gyis blangs pa'i smad 'tshong dang/ /nye du dag dang 'brel ba
dang/ /de dag bgrod bya min pa yin/ /zhes gsungs pa ltar ro/ /

gzhan gyis bzung ba ni gzhan gyi chung ma'o/ /chos kyi rgyal
mtshan can ni rab byung ma'o/ /rigs kyis bsrungs pa ni bag mar
ma song ba rang gi pha la sogs pa'i gnyen nam gyos sgyug gam
sgo bsrung ngam de dag med na rang gis kyang bsrungs pa'o/
/rgyal

po dang bskos pas bsrungs pa ni de la chad pa'i khrims bcas
pa'o/ /gzhan gyis gla gzhal ba'i smad 'tshong la log g.yem du
gsungs pas/ rang gis gla byin pa la log g.yem med par bstan
to/ /jo po chen pos kyang de dang 'dra bar gsungs

so; ;skyes pa ni rang gzhan gnyis ka la bya'o/ /yan lag min pa
ni/ mngal sgom gtogs pa'i yan lag go /slob dpon rta dbyangs
kyis/ yan lag min pa gang zhe na/ /kha dang bshang lam byin pa
dang/ /brla bsdams lag par bskyod pa yin/ /

@109b zhes gsungs te/ jo bo chen pos yan lag min pa zhes bya
ba ni kha dang bshang ba'i lam dang khye'u dang bu mo'i mdun
dang rgyab kyi bug pa dang rang gi lag pa'o zhes pa dang mthun
no/ /gnas min pa ni/ bla ma lta bu rnams kyi nye 'khor dang
mchod rten gyi gnas dang skye bo

mang po'i mngon sum dang yul de la gnod pa'i sa phyogs 'bar
'bur can dang sra ba la sogs pa'o/ /slob dpon rta dbyangs
kyis/ de la yul min bya ba ni/ /dam chos mchod rten sku sogs
dang/ /byang chub sems dpa'i bzhugs gnas sogs/ /mkhan po

dang ni slob dpon dang/ /pha ma drung na gnas pa ni/ /yul min
de ru mi bya'o/ /zhes gsungs te/ jo bo chen pos kyang de ltar
gsungs so/ /dus min pa ni/ zla mtshan 'dzag pa dang zla ba
tshang ba'i sbrum ma dang nu zho 'dzag pa'i bu chung dang bcas
pa dang/

bsnyen gnas la gnas pa dang 'khrig pa spyad mi rung ba'i nad
dang ldan pa dang tshod las lhag pa'o/ /tshod ni lan lnga'i bar
du byed pa'o/ /slob dpon rta dbyangs kyis/ de la dus min bya
ba ni/ /zla mtshan 'dzag dang sbrum ma dang/ /bu chung dang

bcas mi mos dang/ /sdug bsngal yid mi bde sogs dang/ /yan lag
brgyad gnas dus min yin/ /zhes gsungs te/ ngo bo chen po yang
de dang 'dra ba la khyad par ni nyin mo'i dus kyang dus min du
mdzad do/ /yan lag min pa sogs

gsum ni/ rang gi chung ma la yang log g.yem du 'gyur na gzhan
la lta ci smos/ bsam pa la gsum las/ 'du shes ni/ bsdu ba las/
de la der 'du shes pa zhes ma 'khrul ba dgos par gsungs la/
'dul ba las/ mi tshangs spyod kyi

@110a @#/ /pham pa la 'du shes 'khrul ma 'khrul 'dra bar gsungs
so/ /mdzod 'grel las ni/ rang gi yin pa'i 'du shes kyis gzhan
gyi chung ma'i gan du song na las lam du mi 'gyur ba dang/
gzhan zhig gi chung ma la de las

gzhan pa'i yin par 'du shes nas zhugs pa la 'gyur ba dang mi
'gyur ba'i lugs gnyis bshad do/ /nyon mongs ni/ dug gsum gang
rung ngo/ /kun slong ni/ mi tshangs par spyod pas bgrod par
'dod pa'o/ /sbyor ba ni/ bsdu ba las gzhan

la log g.yem byed du bcug pa la yang 'jug pa po la log g.yem
gyi kha na ma tho ba bskyed par gsungs la/ mdzod rtsa 'grel
las/ de lta bu la dngos gzhi'i las lam med par bshad de snga
ma dngos gzhi ma yin pa'i nyes pa la dgongs sam

brtag go /mthar thug ni/ gnyis kyis gnyis sprad pa'o/ /brdzun
du smra ba'i gzhi ni/ mthong ba thos pa bye brag phyed pa rnam
par shes pa bzhi dang de las ldog pa bzhi ste/ go bya'i yul ni
pha rol pos don go ba'o/ /bsam pa la gsum las/ 'du

shes ni/ mthong ba la ma mthong bar bsgyur ba dang ma mthong
ba la mthong bar 'du shes bsgyur ba sogs so/ /nyon mongs ni/
gsum mo/ /kun slong ni/ 'du shes bsgyur te smra bar 'dod pa'o/
/sbyor ba ni/ smra ba'am cang mi smra bas dang du len

pa'am lus bsgyur ba'i mtshan mas ston pa'o/ /de yang dgos pa
rang ngam gzhan gyi don ji 'dra zhig gi phyir du smras kyang
'dra bar gsungs so/ /'dir brdzun dang phra ma dang tshig rtsub
mo gsum la bcol ba la'ang de gsum du 'gyur bar

@110b gsungs shing/ mdzod rtsa 'grel du ngag gi bzhi ka la
bcol bas las lam du 'gyur bar bshad do/ /'dul ba las ni/ de
dag gi mthar thug gi ltung ba bskyed pa la rang gis smras pa
dgos par gsungs so/ /mthar thug ni/ pha rol pos go ba yin te

ma go na tshig kyal pa tsam du 'gro bar mdzod 'grel las bshad
do/ /de ni phra ma dang tshig rtsub la yang 'dra'o/ /phra ma'i
gzhi ni/ sems can mthun pa dang mi mthun pa rnams so/ /bsam pa
la gsum las/ 'du shes dang nyon mongs ni sngar

bzhin no/ /kun slong ni/ sems can mthun pa la dbye bar 'dod pa
dang sems can mi mthun pa la mi 'du ma par 'dod pa'o/ /sbyor
ba ni/ bden pa dang mi bden pa'i tshig gang yang rung bas brjod
bya snyan mi snyan gang rung brjod pa dang dgos pa

rang gzhan gang rung gi phyir du smra ba'o/ /mthar thug ni/
bsdu ba las/ mtha' ni dbye bar bya bas rnam par rig par bya'o/
/zhes gsungs te/ 'byed pa'i tshig smras pa go ba'o/ /tshig rtsub
po'i gzhi ni/ kun nas mnar sems skye ba'i

gzhir gyur pa'i sems can no/ /bsam pa la 'du shes dang nyon
mongs ni sngar bzhin no/ /kun slong ni/ ngag rtsub pos smra
bar 'dod pa'o/ /sbyor ba ni/ bden mi bden gang yang rung bas
rigs sam lus kyi skyon las sbyar ba'am tshul khrims

sam kun spyod kyi skyon las brtsams te mi snyan pa smra ba'o/
/mthar thug ni/ bsdu ba las/ mtha' ni de la ngag rtsub bo
smras pa'o/ /zhes gsungs pa'i don gang la smras pa'i yul des
go ba dgos par mdzod 'grel las bshad do/ /ngag kyal 

@111a @#/ /pa'i gzhi ni/ don med pa dang ldan pa'i don no/
/bsam pa la gsum las/ 'du shes ni/ de la der 'du shes pa'o/
/zhes pa tsam las ma gsungs kyang 'dir ni brjod 'dod pa'i don
de nyid la der 'du shes

nas smra ba yin te/ 'di la go bya'i yul mi dgos pa'i phyir ro/
/nyon mongs ni/ gsum po gang rung ngo/ /kun slong ni/ ma 'brel
ba'i byung rgyal smra bar 'dod pa'o/ /sbyor ba ni/ ngag kyal
ba smra bar rtsom pa'o/ /mthar thug ni/ ngag

kyal smras zin pa'o/ /de yang gzhi bdun dang ldan pa ste 'thab
mo dang mtshang 'bru ba dang rtsod pa dang 'gyed pa smra ba
dang/ phyi rol pa'i bstan bcos sam bram ze'i gsang sngags la
dga' ba'i blos lung 'bogs pa dang kha ton byed pa

sogs dang/ nyam thag pa'i smra ba smre sngags lta bu dang/
bgad pa dang brtses pa dang dga' bar byas pa dang dga' mgur
spyad pa smra ba dang/ rgyal po dang blon po dang yul dang
rkun po'i gtam la sogs pa'i 'du 'dzi'i gtam smra ba

dang; ra ro ba dang smyos pa lta bur smra ba dang/ log pa'i
'tsho bas smra ba'o/ /'brel ba med pa dang chos dang mi ldan pa
dang don dang mi ldan pa smra ba ni snga phyi ma 'brel ba dang
kun nas nyon mongs pa ston pa dang bzhad gad dang glu la sogs
pa dang

zlos gar mkhan la sogs pa la blta ba'i dus na smra ba'o/ /ngag
gi nyes pa dang po gsum ngag kyal du 'dod mi 'dod kyi lugs
gnyis yod kyang 'dir ni snga ma dang mthun par gsungs so/ /ba
rnab sems kyi gzhi ni/ gzhan gyi nor

@111b dang yo byad do/ /bsam pa la gsum las/ 'du shes ni/ gzhi
de la der 'du shes pa'o/ /nyon mongs ni/ gsum po gang rung
ngo/ /kun slong ni/ bdag gir bya bar 'dod pa'o/ /sbyor ba ni/
bsams pa'i don de la rtsol ba byed

pa'o; ;mthar thug ni/ de bdag gir bya bar nges pa'o/ /zhes
gsungs te/ nor la sogs pa de bdag gir gyur cig snyam pa'o/ /de
la brnab sems yongs su rdzogs pa la chos lnga tshang dgos te/
rang gi longs spyod la lhag

par chags pa'i sems dang ldan pa dang/ longs spyod gsog par
'dod pa'i brkam chags kyi sems dang ldan pa dang/ gzhan gyi
nor la sogs pa bzang po la yongs su rtog cing ro myang bar
byed pas 'chu mas pa'i sems dang

ldan pa dang/ gzhan dag gi gang yin pa de bdag gir gyur cig
snyam pa 'khu ba'i sems dang ldan pa dang/ brnab sems des ngo
tsha ba med cing nyes dmigs las nges par 'byung ba mi shes pas
zil gyis non pa'i sems dang ldan

pa'o; ;sems de lnga po gang rung zhig ma tshang na brnab sems
kyi mtshan nyid mi rdzogs so/ /mi dge ba bcu ka la rnal 'byor
spyod pa'i sa las sbyor ba gsungs so/ /yongs su ma rdzogs pa'i
brnab sems su 'gyur tshul ni/ kye ma khyim gyi rje  

dpon de bdag gi bran du gyur cing ci 'dod pa bzhin du gyur na
ci ma rung snyam pa dang/ de'i bu dang chung ma sogs dang zas
la sogs pa'i lus kyi yo byad la'ang de ltar sems pa dang/ kye
ma bdag 'dod pa chung ba dang rab tu dben pa

@112a @#/ /dang brtson 'grus brtsams pa dang mang du thos pa
dang gtong ba'i ngang tshul can la sogs par gzhan gyis shes na
ci ma rung snyam pa dang/ bdag la rgyal po dang ded dpon dang
'khor rnam bzhis

bkur sti byas pa dang zas gos sogs thob na ci ma rung snyam pa
dang/ kye ma bdag phyi ma la lhar skyes nas de'i 'dod yon lnga
la rtse ba dang/ drag po dang khyab 'jug gi 'jig rten nas
gzhan 'phrul dbang byed du skye

par gyur cig snyam du 'dod pa bskyed pa dang/ pha ma dang bu
dang chung ma dang bran la sogs pa dang tshangs pa mtshungs par
spyod pa'i yo byad la 'dod pa bskyed na yang brnab sems so/
/gnod sems kyi gzhi dang/

'du shes dang/ nyon mongs ni/ tshig rtsub po ji lta ba bzhin
no/ /kun slong ni/ brdeg ba la sogs par 'dod pa ste/ bsad pa
dang bcings pa dang gzhan nam rang gi ngang gis longs spyod
rgud na ci ma rung snyam pa sogs

so; ;sbyor ba ni/ bsam pa de la sbyor ba byas pa'o/ /mthar
thug ni/ brdeg pa sogs bya bar nges pa'am thag bcad pa'o/ /'di
yang lnga tshang na rdzogs la ma tshang na mi rdzogs te/ gnod
byed kyi rgyu la de dang mthun pa'i chos

mtshan mar 'dzin pas zhe sdang gi sems dang/ gnod pa byed pa la
mi bzod pas mi bzod pa'i sems dang/ yang dang yang du tshul
bzhin min pa khong khro'i rgyu yid la byed pa dran pas kho na
du 'dzin pa'i sems dang/ brdeg

@112b pa dang bsad na ci ma rung snyam pa 'khu ba'i sems dang/
gnod sems bskyed pa la ngo tsha med cing nyes dmigs las 'byung
ba mi shes pas zil gyis non pa'i sems te sems lnga dang ldan
pa'o/ /gnod sems tsam du 'gyur ba ni/ 'di

ni bdag la gnod pa byas sam byed pa'o snyam nas de la gnod pa
bya ba'i phyir ji snyed sems pa de snyed thams cad gnod sems
yin la/ de bzhin du gzhan gyi gnyen dang longs spyod dang dge
ba la sogs pa tshe 'di la nyams par smon pa dang phyi ma la

ngan 'gror song na snyam du smon pa yang gnod sems so/ /log
par lta ba'i gzhi ni/ yod pa'i don no/ /bsam pa la gsum las/
'du shes ni/ skur pa 'debs pa'i don la bden par 'du shes pa'o/
/nyon mongs ni/ gsum po gang rung ngo/ /kun

slong ni/ skur pa 'debs par 'dod pa'o/ /sbyor ba ni/ bsam pa
de la sbyor ba brtsams pa'o/ /de yang bzhi ste/ rgyu dang
'bras bu dang byed pa dang yod pa'i dngos po la skur pa 'debs
pa'o/ /rgyu la skur ba ni/ legs par spyad pa dang nyes par

spyad pa la sogs pa med do zhes pa'o/ /'bras bu la skur ba ni/
de gnyis kyi rnam smin med do zhes pa'o/ /byed pa la skur ba
la gsum las/ sa bon 'debs pa dang 'dzin pa'i byed pa la skur
ba ni/ pha dang ma med do zhes pa'o/ /'gro 'ong gi 

byed pa la skur ba ni/ 'jig rten snga phyi med do zhes pa'o/
/skye bar 'gyur ba'i byed pa la skur ba ni/ sems can brdzus te
skye ba med do zhes pa'o/ /yod pa'i dngos po la skur ba ni/
dgra bcom pa sogs med do zhes pa'o/ /mthar thug ni/ skur

@113a @#/ /ba gdab par nges pa'o/ /'di yang lngas rdzogs te/
shes bya ji lta ba bzhin du mi shes pas rmongs pa'i sems dang/
sdig pa la dga' bas drag shul gyi sems dang/ tshul bzhin min
pa'i chos la nges par

rtog pas log par rgyun du zhugs pa'i sems dang/ sbyin pa dang
mchod sbyin dang sbyin sreg dang legs spyang sogs med do zhes
skur pa 'debs pas rab tu nyams pa'i sems dang/ log lta des ngo
tsha ba med cing nyes dmigs las nges

par 'byung ba mi shes pas zil gyis non pa'i sems te lnga po de
dag dang ldan pa'o/ /de lnga ma tshang na ni mi rdzogs so/ /log
par lta ba gzhan yang yod mod kyi/ 'di kho na la log lta zhes
gsungs pa ni 'dis dge rtsa thams cad

gcod cing sdig pa la 'dod dgur spyod pa dang mthun pas na log
lta thams cad kyi che shos yin pa'i phyir ro/ /de la srog gcod
dang tshig rtsub dang gnod sems ni dug gsum gyis rtsom par byed
la zhe sdang gis mthar 'byin par byed

cing; ma byin len dang log g.yem dang brnab sems ni dug
gsum gyis rtsom par byed la 'dod chags kho nas mthar 'byin no/
/brdzun dang phra ma dang tshig kyal ba ni rtsom pa dang mthar
phyin pa gnyis ka gsum char gyis byed

cing; log lta ni dug gsum gyis rtsom par byed la gti mug kho
nas mthar thug par byed do/ /de dag las sems pa ni las yin la
las kyi lam ni min no/ /lus ngag gi bdun ni/ las kyang yin la
sems pa 'jug pa'i gzhi yin

@113b pas las kyi lam yang yin no/ /brnab sems sogs gsum ni
las kyi lam yin gyi las ni min no/ /gnyis pa lci yang bstan pa
la gnyis/ las lam bcu'i lci yang dang/ zhar la stobs ldan gyi
las kyi sgo bsdus te bstan pa'o/ /

dang po ni lnga las/ srog gcod pa la mtshon na/ bsam pas lci ba
ni/ dug gsum drag pos byed pa'o/ /sbyor bas lci ba ni/ srog
gcod pa byas sam byed pa'am byed par 'gyur ba la dga' zhing
rangs pa'i sems dang ldan pa dang

rang yang byed la gzhan de 'dzin du 'jug cing de'i bsngags pa
brjod pa dang/ de 'dra ba mthong na yid dga' ba dang yun ring
po nas bsams shing bsags pa'i sems kyis byed pa dang/ rtag tu
dang gus par byed cing lan re la yang mang

du gsod pa dang sdug bsngal drag po bskyed pas gsod pa dang
'jigs pa bskyed nas bya ba min pa byed du bcug ste/ gsod pa
dang zhan pa dang sdug bsngal ba dang bkren pa dang nyam thag
par smra ba dang snying rje bar smre sngags 'don bzhin du

gsod pa'o/ /gnyen po med pa las lci ba ni/ nyin gcig bzhin du
bslab pa 'ga' yang mi len la zla phyed dang brgyad dang bcu
bzhi dang bco lnga la bsnyen gnas la gnas pa dang dus dus su
sbyin pa dang bsod nams dang mngon du smra ba dang

phyag 'tshal ba dang ldang ba dang thal mo sbyor ba dang 'dud
pa'i sems la sogs pa mi byed pa dang/ dus dus su ngo tsha shes
pa dang khrel yod pa dang 'gyod pa shas chen po mi 'thob pa
dang 'jig rten pa'i chags bral lam chos mngon par rtogs

@114a @#/ /pa la mi reg pa'o/ /log par mngon par zhen pa las lci
ba ni/ mchod sbyin byed pa dag gi lta ba la brten pas chos
'dod nas gsod pa dang phyugs rnams ni skye dgu'i bdag pos yo
byad kyi rgyur sprul bas na

bsad kyang nyes pa med do snyam pa sogs log lta gang rung la
brten te gsod pa'o/ /gzhi las lci ba ni/ dud 'gro bong chen po
dang mi'am mir chags pa dang pha ma dang phu nu dang bla ma
lta bu dang yid gcugs pa dang slob pa dang byang sems dang
dgra

bcom pa dang rang sangs rgyas gsod pa dang/ de bzhin gshegs pa
bkrongs mi nus par shes bzhin du ngan sems kyis khrag 'byin
pa'o/ /rgyu lnga po de las ldog pa ni srog gcod pa yang ba'o/
/lhag ma dgu yang gzhi ma gtogs pa srog gcod

pa ltar lci yang shes par bya la/ ma byin len gzhi las lci ba
ni/ mang po dang bzang po dang yid brtan pa la 'khu zhing
'phrog pa dang dman pa dang bkren pa dang rab tu byung ba dang
chos 'di pa la 'phrog pa dang gong du chud pa 'phrog pa

dang slob pa dang dgra bcom pa dang rang sangs rgyas dang dge
'dun dang mchod rten gyi rdzas 'phrog pa'o/ /log g.yem gzhi
las lci ba ni/ 'jug par bya ba min pa ma'am de dang 'brel
ba'am skyes pa yid gcugs pa'i chung ma'am

dge slong ma dang dge slob ma dang dge tshul ma la nyal po byed
pa dang/ yan lag min pa khar 'jug pa dang/ dus min pa bsnyen
gnas la gnas pa'am sbrum ma zla ba tshang ba'am nad pa dang/
gnas min pa mchod rten gyi nye 'khor dang

@114b dge 'dun gyi kun dga' ra bar nyal po byed pa'o/ /brdzun
gzhi las lci ba ni/ gzhan 'drid cing bslu bar 'dod pas don
mang pos brdzun smra ba dang pha ma nas sangs rgyas kyi bar
dang bzang po dang mdza' bo la smra ba dang srog gcod pa sogs

gsum lci ba bskyed pa smra ba'o/ /dge 'dun dbye ba'i phyir
brdzun smra ba ni thams cad kyi nang nas lci ba'o/ /phra ma
gzhi las lci ba ni/ yun ring po nas bshes pa dang dge ba'i
bshes gnyen dang pha ma dang bu'am dge 'dun 'byed pa dang

lus kyi gsum lci ba bskyed pa'i phra ma'o/ /tshig rtsub gzhi
las lci ba ni/ pha ma la sogs dang bla ma lta bu la smra ba
dang yang dag pa dang de kho na min pa'i brdzun gyis tshig
rtsub po smra ba dang mngon sum du gshe ba dang spyo ba dang
brgyad bkag

smra ba'o/ /ngag kyal pa gzhi las lci ba ni/ brdzun du smra ba
sogs gsum gyi ngag kyal gyi lci yang ni sngar bzhin no/ /'thab
mo dang mtshang 'bru ba dang rtsod pa dang 'gyed pa la brten
pa'i tshig kyal pa dang chags sems kyis phyi rol

pa'i bstan bcas klog pa sogs dang pha ma dang nye du dang bla
ma lta bu la bsting slad dang co 'dri ba dang tshig gi lam dang
mi gsha' ba brjod pa'o/ /brnab sems gzhi las lci ba ni/ dge
'dun dang mchod rten gyi dkor la 'dod pa dang yon

tan gyi rlom pas rgyal po la sogs pa dang tshangs pa mtshungs
par spyod pa mkhas pa rnams las/ shes kyi khe dang bkur sti
'dod pa'o/ /gnod sems gzhi las lci ba ni/ pha ma dang nye du
dang bla ma dang nyes pa med pa dang bkren pa

@115a @#/ /dang sdug bsngal ba dang snying rje ba dag dang nyes
pa byed pa dag snying thag pa nas bshags pa byed pa la mnar
sems bskyed pa'o/ /log par lta ba gzhi las lci ba ni/ gzhi
thams cad la skur pa 'debs

par zhugs pa ste de ni log lta gzhan pas kyang lci la/ 'jig
rten na dgra bcom pa dang yang dag par song ba dang yang dag
par zhugs pa dag med ces lta ba yang ngo/ /de las ldog pa ni
yang bar shes par bya'o/ /sa'i dngos gzhi

las ni lci ba'i tshul drug gsungs te/ mngon par 'du byed pa ni/
dug gsum mam de gsum med pa drag pos las kun nas slong ba'o/
/goms pa ni/ dge mi dge'i las gnyis yun ring po nas kun tu
bsten goms lan grangs

mang du byas pa'o/ /ngo bo nyid ni/ lus ngag gi bdun snga ma
snga ma phyi ma phyi ma las lci zhing/ yid kyi gsum ni snga ma
snga ma las phyi ma phyi ma lci ba'o/ /gzhi ni/ sangs rgyas
chos dge 'dun bla ma lta bu rnams la phan gnod byed pa'o/ /

mi mthun pa'i phyogs gcig tu nges pa ni/ ji srid 'tsho'i bar du
gcig tu nges par mi dge ba'i las blangs te 'dug la/ dge ba ni
lan cig kyang mi byed ba'o/ /mi mthun phyogs sel ba ni/ mi dge
ba'i phyogs spangs te 'dod

chags dang bral nas dge ba'i las spyod pa'o/ /bshes springs
las kyang/ rtag dang mngon par zhen dang gnyen po med/ /yon
tan gtso ldan gzhi las byung ba'i las/ /dge dang mi dge rnam
lnga chen po ste/ /de las dge ba spyod

@115b la brtson par gyis/ /zhes gsungs so/ /de yang dkon mchog
la sogs pa yon tan dang ldan pa'i gzhi dang/ pha ma la sogs pa
phan 'dogs pa'i gzhi gnyis su phye bas lnga'o/ /gnyis pa zhar
la stobs dang ldan pa'i las

kyi sgo bsdus te bstan pa la bzhi las/ zhing gi sgo nas stobs
che ba ni/ dkon mchog gsum dang bla ma dang bla ma dang 'dra
ba dang pha ma la sogs pa ste 'di dag la ni bsam pa shugs drag
po med cing phan gnod chung ngu zhig byas

kyang bsod nams dang kha na ma tho ba che ba'i phyir ro/ /de
yang dran pa nyer gzhag las 'byung ba lta bu ste/ ji skad du/
sangs rgyas dang chos dang dge 'dun dag las ni chung ngu zhig
blangs na yang chen por 'gyur te/ sangs rgyas dang

chos dang dge 'dun gyi ma byin par blangs pa de dag las kyang
ris su mthun par slar phul na sangs rgyas dang chos kyi ni dag
par 'gyur la/ dge 'dun gyi brkus pa ni/ tshor ba ma myong bar
dag par 'gyur ba med de/ zhing lci ba'i

phyir; gal te zhal du 'du ba'i sgo zhig na ni de sems can
dmyal ba chen por ltung la/ gal te zhal du 'du ba'i sgom yin
na ni de'i nang gi bar mnar med pa'i 'khor mun nag chen po la
sogs par skye bar 'gyur ro/ /zhes 

gsungs so/ /khyad par du dge 'dun gyi rdzas 'dab ma'am me tog
gam 'bras bu tsam zhig tshul 'chal gyis spyad na sems can dmyal
ba chen por skye ba dang/ brgyal yun ring po na thar yang 'brog
dgon pa ro skam du

@116a @#/ /dud 'gro rkang lag med pa dang yi dwags long ba rkang
lag med par skyes te/ lo mang por sdug bsngal myong ba la sogs
pa'i nyes dmigs che bar nyi ma'i snying po las gsungs so/ /gzhan

yang dge 'dun dang dge slong la bsngos pa me tog la sogs pa tsam
yang rang gis spyod pa dang khyim pa la ster ba dang khyim pas
longs spyod du mi rung bar gsungs shing kha na ma tho ba yang
shin tu che ste/ mdo de nyid las/ spu gri

rnon po dag gis su/ /rang gi yan lag gtubs pa bla'i/ /dge 'dun
dag la bsngos zin pa/ /khyim pa rnams la sbyin mi bya/ /me lce
'bar ba lta bu yi/ /lcags kyi thu lum zos pa bla'i/ /dge 'dun
dag las gang de ni/ /

dge 'dun gyi las longs mi spyad/ /lhun po dang ni 'dra ba'i me/
/blang ba byas te zos pa bla'i/ /khyim par gyur pas dge 'dun
gyi/ /longs spyad par ni mi bya'o/ /thams cad dbyung ba byas pa
dang/ /gsal shing steng

du bteg pa bla'i/ /khyim par gyur pas dge 'dun gyi/ /longs spyad
par ni mi bya'o/ /me mdag dag gis gang ba yi/ /gnas khang der ni
zhugs pa bla'i/ /khyim pas dge 'dun gnas khang du/ /mtshan mo
gnas par mi bya'o/ /

zhes so/ /dge 'dun gyi nang nas kyang byang chub sems dpa'i gang
zag ni dge mi dge'i zhing shin tu stobs che ste/ dad pa'i stobs
bskyed pa la 'jug pa'i phyag rgya'i mdo las/ 'ga' zhig khros nas
phyogs bcu'i

@116b sems can thams cad btson ra mun gnag tu bcug pa bas khros
te byang sems la rgyab kyis phyogs te 'dug nas ma rungs pa 'di
mi blta'o/ /zhes zer na sdig ches grangs med pa bskyed pa dang/
'dzam bu'i gling gi sems can

thams cad kyi bdog pa thams cad phrogs pa bas byang sems gang
yang rung ba la smad na sngar ltar dang/ mchod rten ganggA'i
klung gi bye ma snyed bshig pa dang bsregs pa las theg pa chen
po la mos pa'i byang sems la gnod sems dang

khong khro bskyed cing mi snyan pa smras na sngar ltar gsungs pa
dang/ nges pa dang ma nges pa la 'jug pa'i phyag rgya'i mdo las/
phyogs bcu'i sems can gyi mig phyung ba la byams pa'i sems kyis
mig slar bskyed pa dang sems can

snga ma rnams btson ra nas bton te 'khor sgyur ram tshangs pa'i
bde ba la bkod pa bas/ rim pa ltar theg chen la mos pa'i byang
sems la dang bas blta ba dang dwang bas blta 'dod cing de'i
bsngags pa brjod na bsod nams ches grangs

med pa bskyed par gsungs pa dang/ rab tu zhi ba rnam par nges
pa'i cho 'phrul gyi mdo las kyang/ 'dzam bu'i gling gi sems can
thams cad kyi srog bcad dam bdog pa thams cad phrogs pa las
byang sems kyis tha na dud

'gro la zan changs gcig sbyin pa'i dge ba la bar chad byas na
sdig pa ches grangs med pa bskyed par gsungs pas/ gnas 'di la ni
shin tu gzab par bya'o/ /rten gyi sgo nas stobs che ba ni/ lcags
kyi gong bu chung yang

@117a @#/ /chu'i gting du 'bying la/ de nyid snod du byas pa ni
che yang steng du 'phyo ba bzhin du/ mi mkhas pa dang mkhas pas
byas pa'i sdig pa yang lci ba dang yang bar gsungs te/ de'i rgyu
mtshan ni 'das chen

las; gti mug can sprang bu ngar snabs la 'byar ba 'byung mi nus
pa dang 'dra bar/ nyes pa chung ngu las kyang 'byung mi nus
shing 'gyod sems med pas dge ba spyod mi nus la/ skyon bcabs pas
sngar gyi dge ba dag

yod kyang sdig pas sme bar byas pas na/ da lta rnam par smin pa
myong ba'i rgyu yang bsgyur te dmyal ba shin tu lci bar 'gyur
ro/ /chu nyung ngur lan tshwa phul gang btab na btung bar dka' ba
bzhin nam/ gzhan gyi dong tshe gcig

chags pa 'jal mi phong pas bcings drags te sdug bsngal myong ba
dang 'dra'o/ /yang rnam pa lngas da ltar gyi rnam par smin pa
yang ba'ang dmyal bar smin par 'gyur te/ gti mug can dang dge
ba'i rtsa ba chung ba dang sdig

pa'i las lci ba dang 'gyod tshangs ma byas pa dang thog mar dge
ba mi spyod pa'o/ /zhes gsungs pas/ snga ma la 'gyod pa dang
phyi ma sdom pa dang sdig pa mi gsang zhing de'i gnyen po dge ba
byed pa'i mkhas pa la yang bar gsungs

kyi; de dag mi byed par khyad gsod kyi sgo nas shes bzhin du
'jug pa'i mkhas par rlom pa la ni lci ba yin no/ /rin po che'i
phung po las kyang/ stong gsum gyi sems can thams cad theg chen
la zhugs te 'khor bsgyur

@117b gyi rgyal srid dang ldan pa re res kyang mar me'i snod
rgya mtsho tsam la snying po ri rab tsam gyi mar mes sangs rgyas
kyi mchod rten la mchod pa las/ byang sems khyim nas byung bas
mar me'i snying po 'bru mar gyis bskus pa mchod

rten gyi drung du 'dzin pa'i bsod nams kyi brgya'i char yang mi
phod par gsungs te/ 'di ni bsam pa byang chub kyi sems dang
zhing la khyad med cing dngos po la khyad par shin tu che yang
rten gyi stobs su gsal lo/ /'di'i rigs

pas sdom pa med pa dang yod pa dang yod pa la yang gcig ldan
dang gnyis ldan dang gsum ldan gyi rten gyis lam bsgom pa yang
snga ma snga ma rnams las phyi ma phyi mas chod che bar gsal
zhing/ khyim pa lta bus sbyin gtong la

sogs pa byed pa'i tshe yang bsnyen gnas 'dra ba'i sdom pa dang
ldan pa'i ngang nas byed pa dang/ sdom pa med par byed pa gnyis
dge rtsa stobs che chung shin tu che bar gsal lo/ /tshul khrims
'chal ba tshar gcod pa'i mdo

las; mi dge bcu dang ldan pa'i mi zhig rgyun du bar chad med par
lo brgya'i bar du sdig bsags pa las/ dge slong tshul khrims ral
bas drang srong gi rgyal mtshan gyis g.yogs nas dad pas byin pa
la zhag gcig longs spyad

na mi dge ba ches mang bar gsungs pa yang rten gyi sgo nas sdig
pa stobs che ba'o/ /lung rnam 'byed las kyang/ lcags gong me lce
'bar ba dag  /zos par gyur pa mchog yin gyi/ /tshul 'chal yang
dag mi sdom pas/ /yul

@118a @#/ /'khor bsod snyoms za ba min/ /zhes tshul 'chal dang
bslab pa las lhod pa gnyis ka la gsungs so/ /ston pa rin po
che'i gsung nas chos la brten pa'i sdig pa'i gam na mi dge ba
bcu sdig pa brud

brud yin gsung ste med par snang ngo/ /dngos po'i sgo nas stobs
che ba ni/ sems can la sbyin pa gtong ba la chos kyi sbyin pa
dang/ sangs rgyas mchod pa la sgrub pa'i mchod pa ni/ zang zing
gi sbyin pa dang mchod pa las ches phul du byung ba

ste; des mtshon nas gzhan yang shes par bya'o/ /bsam pa'i sgo nas
stobs che ba ni/ rin po che'i phung po las/ stong gsum gyi sems
can thams cad so so nas sangs rgyas kyi mchod rten ri rab tsam
byed la de dag la yang bskal

pa bye ba snyed du bsti stang du bya ba thams cad kyis bsti
stang byed pa las/ byang sems kyis thams cad mkhyen pa'i sems
dang ma bral bas me tog gcig tsam dor ba bsod nams mang bar
gsungs te/ de bzhin du thob bya mchog dman la

dmigs pa dang rang gzhan gyi don la dmigs pa la sogs pa'i bsam
pa'i khyad par dang de yang shugs drag zhan dang rgyun ring
thung sogs kyi sgo nas shes par bya'o/ /nyes spyod la yang nyon
mongs pa'i bsam pa shugs drag pa dang

rgyun ring ba stobs che la de dag gi nang nas kyang khong khro
shin tu stobs che ste/ spyod 'jug las/ bskal pa stong du bsags
pa yi/ /sbyin dang bde gshegs mchod la sogs/ /legs spyad gang
yin de kun kyang/ /khong khro gcig gis 'joms

@118b par byed/ /ces so/ /de yang tshangs pa mtshungs par spyod pa
dang de las kyang rgyal sras la khro ba ni shin tu lci ste/ ting
nge 'dzin gyi rgyal po las/ gcig la gcig kyang gnod sems byas na
ni/ /de la tshul khrims thos pas

skyob mi nus/ /bsam gtan mi skyob dgon gnas skyob mi nus/ /sbyin
pas mi skyob sangs rgyas mchod pas min/ /zhes dang/ spyod 'jug
las kyang/ gang zhig de 'dra'i rgyal sras sbyin bdag la/ /gal te
ngan sems

skyed par byed pa de/ /ngan sems bskyed pa'i grangs bzhin bskal
par ni/ /dmyal bar gnas par 'gyur zhes thub pas gsungs/ /zhes
so/ /gsum pa de dag gi 'bras bu la gsum las/ rnam smin gyi 'bras
bu

ni; las lam bcu po re re yang gzhi dug gsum chung 'bring che
gsum la brten pas gsum gsum mo/ /de la srog gcod sogs chen po
bcu po re res dmyal ba/ 'bring bcu po re res yi dwags dang/
chung ngu bcu

po re res dud 'gror skye bar sa'i dngos gzhir gsungs la/ sa bcu
pa'i mdo las ni chung 'bring gnyis kyi 'bras bu ldog ste gsungs
so/ /rgyu mthun pa'i 'bras bu ni/ ngan 'gro nas mir skyes kyang
rim pa ltar tshe

thung ba dang longs spyod kyis phongs pa dang chung ma ma
bsrungs par 'gyur ba dang/ skur pa mang ba dang mdza' bo dang
'bye ba dang yid du mi 'ong ba'i sgra thos pa dang gzhan gyis
tshig mi nyan pa dang/ chags sdang

@119a @#/ /rmongs gsum shas che ba'o/ /bden pa po'i le'u dang sa
bcu pa'i mdo las ni de re re la 'bras bu gnyis gnyis gsungs te/
gal te mir skyes na yang tshe thung la nad mang ba dang longs
spyod

chung la longs spyod gzhan dang thun mong ba dang g.yog
'khor
mi bsrun pa'am yid brtan du mi rung la chung ma 'gran zla dang
bcas pa dang/ skur pa mang zhing gzhan gyis bslu ba dang 'khor
mi 'dum zhing ngan pa dang

yid du mi 'ong ba thos shing 'thab mo'i tshig tu 'gyur ba dang
tshig mi btsun pa'am tshig bzung mi 'os shing ma nges pa'i spobs
par 'gyur ba dang/ 'dod pa che zhing cho ga mi shes pa dang mi
phan pa tshol ba'am

phan pa mi tshol ba dang gzhan la gnod pa byed pa'am gzhan gyis
gnod pa byed par 'gyur ba dang lta ba ngan zhing g.yo sgyu can
du 'gyur bar gsungs so/ /bla ma gong ma rnams mir skyes na yang
srog gcod sogs

de dag la dga' bar 'gyur ba byed pa rgyu mthun gyi 'bras bu dang
snga ma rnams myong ba rgyu mthun gyi 'bras bur bzhed do/ /bdag
po'i 'bras bu'am dbang gi 'bras bu ni/ srog bcad pa las phyi
snod kyi 'jig

rten gyi bza' btung dang sman dang 'bras bu la sogs pa mthu
chung ba dang bsnyems pa dang nus pa dang stobs chung ba dang
'ju dka' zhing nad bskyed pas sems can phal cher tshe ma zad par
yang 'chi bar 'gyur ba

@119b dang; ma byin par len pa'i ni/ 'bras bu nyung ba dang
'bras bu mi grung pa dang 'bras bu 'gyur ba dang 'bras bu long
ba dang than pa ches pa dang char ches pa dang 'bras bu skams pa
dang med par 'gyur ba dang/

log g.yem gyi ni/ bshang gci dang 'dam rdzab dang ljan ljin
dang mi gtsang ba dang dri nga ba mang ba dang nyam nga ba dang
nyams mi dga' ba'o/ /brdzun du smra ba'i ni/ zhing las dang gru
spyod pa'i las kyi mtha' rgyas

par mi 'gyur ba dang mthun par mi 'gyur zhing phal cher bslu ba
dang 'jigs pa dang 'jigs su rung ba'i rgyu mang po dang ldan pa
dang/ phra ma'i ni/ sa phyogs 'bar 'bur dang lcang lcong dang
mtho dma' dang bgrod dka'

ba dang 'jigs pa dang 'jigs su rung ba'i rgyu mang po dang ldan
pa dang/ ngag rtsub po'i ni/ sa phyogs sdong dum dang tsher ma
dang rdo dang gseg ma dang gyo mo mang ba dang rtsub pa dang
mdangs mi snum pa dang 'bab chu dang

mtsho dang lteng ka med pa dang skams dang tshwa rgo dang dgon
dung dang tha chad dang sdig pa can gyis gzhi dang 'jigs pa'i
rgyu mang po dang ldan pa dang/ tshig kyal ba'i ni/ 'bras bu'i
ljon shing la 'bras bu mi 'chags

pa dang dus min par yang 'bras bu 'chags pa dang dus su mi
'chags pa dang ma smin pa smin par snang ba dang rtsa ba mi
brtan pa dang ring du mi gnas pa dang kun dga' ra ba'am nags
tshal lam rdzing bu nyams dga' ba mi mang ba

@120a @#/ /dang 'jigs pa'i rgyu mang po dang ldan pa dang/ brnab
sems kyi ni/ phun sum tshogs pa thams cad lo re re dang dus tshigs
dang zla ba dang zhag re rer yang nyams shing 'bri la 'phel ba
ni

min pa dang/ gnod sems kyi ni/ yams dang gnod pa dang nad 'go ba
dang 'khrug pa dang pha rol gyi dmag tshogs las 'khrug long mang
ba dang seng ge dang stag la sogs pa dang sbrul gdug dang sdig
pa dang srin gyi

me mang ba dang gnod sbyin gdug pa dang chom rkun la sogs pa
mang ba dang/ log lta'i ni/ snod kyi 'jig rten na 'byung khungs
mchog dang gtso bo dag nub par 'gyur ba dang dngos po mi gtsang
ba dang sdug bsngal

ba dag mchog tu gtsang ba dang bde bar snang ba dang gnas dang
skyob pa dang skyabs med par 'gyur ba'o/ /dkar po'i las 'bras
bsam pa la gnyis/ dkar po'i las dang/ 'bras bu'o/ /dang po ni/
srog gcod pa dang

ma byin par len pa dang log par g.yem pa la nyes dmigs kyi bsam
pa can dge ba'i sems dang ldan pas de dag yang dag par sdom pa'i
sbyor ba byas pa dang bsdams pa mthar thug par byas pa'i lus kyi
las so/ /de bzhin du

ngag gi bzhi dang yid kyi gsum la yang sbyar te khyad par ni
ngag gi las dang yid kyi las zhes bya'o zhes sa'i dngos gzhir
gsungs pas/ gzhi dang bsam pa dang sbyor ba dang mthar thug
rnams ci rigs par sbyar te/ srog

@120b gcod spong ba'i las lam la mtshon na/ gzhi ni sems can
gzhan no/ /bsam pa ni nyes dmigs mthong nas spong bar 'dod pa'o/
/sbyor ba ni gsod pa yang dag par bsdams pa'i 'du byed do/
/mthar thug ni yang dag

par bsdams pa rdzogs pa'i lus kyi las so/ /tshul des gzhan yang
shes par bya'o/ /'bras bu la gsum las/ rnam smin ni dge ba'i las
chung ngu dang 'bring dang chen pos mi dang 'dod pa'i lha dang
khams gong ma gnyis kyi

lhar skye'o/ /rgyu mthun dang bdag po'i 'bras bu ni mi dge ba
las ldog ste sbyar ro/ /sa bcu pa las ni/ bcu po 'di dag 'khor
bas skrag nas snying rje dang bral bar gzhan gyi sgra'i rjes su
'brangs nas bsgoms pas ni nyan thos

kyi 'bras bu 'grub bo/ /yang snying rje med par gzhan gyi dring
mi 'jog cing rang nyid 'tshang rgya bar 'dod nas rten cing 'brel
bar 'byung ba shes pas sbyangs na ni rang rgyal ba 'grub bo/
/sems rgya che bas snying rje dang thabs mkhas pa dang

smon lam chen po dang sems can thams cad yongs su mi gtong ba
dang sangs rgyas kyi ye shes shin tu rgyas pa la dmigs pas
sbyangs na byang chub sems dpa'i sa dang pha rol tu phyin pa
thams cad 'grub bo/ /de rnam pa thams

cad du ches sbyangs pa las ni sangs rgyas kyi chos thams cad
'grub par gsungs so/ /de ltar las lam bcu tshan gnyis 'bras bu
dang bcas pa'i bshad pa gzhung gzhan nas 'byung ba'i gsal kha
med pa thams cad ni sa'i

@121a @#/ /dngos gzhi dang gtan la dbab pa bsdu ba'i dgongs pa
bzhin bshad pa'o/ /gsum pa las kyi rab tu dbye ba gzhan bstan pa
la/ 'phen rdzogs kyi dbye ba ni/ bde 'gro 'phen pa'i las ni dge

ba dang/ ngan 'gro 'phen pa'i las ni mi dge ba yin la/ rdzogs
byed la nges pa med de/ bde 'gror yang yan lag dang nying lag
dang dbang po ma tshang ba dang mdog mi sdug pa dang tshe thung
ba
dang nad mang ba dang dbul ba

sogs ni mi dge bas byed la/ dud 'gro dang yi dwags la'ang dpal
'byor phun sum tshogs pa yod pa ni dge bas byed do/ /de ltar na
'phen byed dge bas 'phangs pa la rdzogs byed kyang dge bas
rdzogs pa dang

mi dge bas rdzogs pa gnyis dang/ 'phen byed mi dge bas 'phangs
pa la rdzogs byed mi dge bas rdzogs pa dang dge bas rdzogs pa
gnyis te mu bzhi'o/ /kun las btus las/ dge ba dang mi dge ba'i
las

kyis ni bde 'gro dang ngan 'gror skye ba 'phen pa dang yongs su
rdzogs par byed pa'i las su rig par bya'o/ /'phen pa ni gang gis
rnam par smin pa 'phen pa'o/ /yongs su rdzogs par byed pa ni
gang gis skyes pa na 'dod pa

dang mi 'dod pa myong ba'o/ /zhes so/ /mdzod las/ gcig gis skye
ba gcig 'phen no/ /yongs rdzogs byed pa du ma yin/ /zhes las
gcig gis skye ba gcig 'phen gyi du ma mi 'phen la/ rdzogs byed
la du ma

@121b yod pa dang du mas kyang gcig mi 'phen par bshad do/ /kun
las btus las ni/ las gcig gis lus gcig 'phen pa'i las kyang yod/
las gcig gis lus du ma 'phen pa'i las kyang yod/ las du mas lus

gcig 'phen pa'i las kyang yod/ las du mas lus du ma 'phen pa'i
las kyang yod do/ /zhes gsungs te/ 'grel pa las las kyi skad cig
gcig gis tshe gcig kho na'i rnam smin gyi sa bon gso ba dang/ las
des tshe

rabs du ma'i rnam smin gyi sa bon gso ba dang/ las kyi skad cig
mang pos gcig pu de nyid kyi sa bon yang yang gso ba dang/ mang
po phan tshun bltos nas tshe rabs gcig nas gcig tu brgyud pa'i sa
bon yang yang gso ba la

bshad do/ /myong bar nges pa dang ma nges pa'i las ni/ sa'i
dngos gzhi las/ myong bar 'gyur bar nges pa'i las ni bsams bzhin
du byas pa dang bsags pa gang yin pa'o/ /myong bar 'gyur bar ma
nges pa'i las ni bsams

bzhin du byas la ma bsags pa gang yin pa'o/ /zhes gsungs pa ltar
ro/ /byas pa dang bsags pa'i khyad par ni/ de nyid las/ byas
pa'i las gang zhe na bsams pa'am bsams nas kyang lus dang ngag
gis kun nas

bslangs pa gang yin pa'o/ /zhes dang/ bsags pa'i las ni las rnam
pa bcu ma gtogs pa ste/ 'di lta ste/ rmi lam du byas pa dang ma
shes par byas pa dang bsams bzhin min par byas pa dang drag po
min la rgyun chags min

@122a @#/ /par byas pa dang nor bar byas pa dang brjed pas byas
pa dang mi 'dod bzhin du byas pa dang rang bzhin gyis lung du ma
bstan pa dang 'gyod pas bsal ba dang gnyen pos bsal ba ste/ las
rnam

pa bcu po 'di dag las ma gtogs pa'i las gzhan gang yin pa'o/ /ma
bsags pa'i las ni rnam pa bcu po ji skad bstan pa nyid do/ /zhes
gsungs pa ltar ro/ /gtan la dbab pa bsdu bar yang mu bzhi bshad
de/

srog gcod byas la ma bsags pa ni mi mkhas pas byas pa dang rmi
lam na byas pa dnag ched du ma byas pa dang mi 'dod bzhin du
gzhan gyis nan gyis byed du bcug pa dang/ lan cig kho na byas
shing de nas kyang 'gyod pa dang nyes

dmigs kyi sems drag pos bcom nas spong ba'i sdom pa blangs nas
shin tu srab mor byas pa dang/ rnam smin ma bskyed par 'jig rten
pa'i chags bral gyis sa bon nyams smad pa dang/ 'jig rten las
'das pa'i spong

lam gyis sa bon yang dag par bcom pa'o/ /bsags la ma byas pa ni/
srog chags bsad pa'i phyir yun ring po nas rjes su rtog cing
dpyod par byed la srog ni ma bcad pa'o/ /byas la bsags pa ni/ mu
snga ma

gnyis las ma gtogs pa'i srog bcad pa thams cad do/ /ma byas
shing ma bsags pa ni gsum po de ma gtogs pa'o/ /ma byin len nas
ngag kyal pa'i bar yang de bzhin du ci rigs par rig par bya la/
yid kyi

@122b gsum la mu gnyis pa med cing mu dang po la yang ched du ma
byas pa dang gzhan gyis byed du bcug pa yang med do/ /myong bar
nges pa la 'bras bu myong ba'i dus kyi sgo nas gsum mo/ /de la
mthong chos la myong ba ni/ las de'i

'bras bu tshe de nyid la smin par 'gyur pa'o/ /de yang brgyad de/
lus dang longs spyod dang srid pa la blta ba shas che ba'i bsam
pas ni mi dge ba tshe 'dir myong bar 'gyur ba'o/ /de dag la mi
blta ba shas che ba'i bsam pas ni dge

ba'o; ;de bzhin du sems can la gnod sems shas che ba dang/
snying rje zhing phan sems shas che ba dang/ yang dkon mchog
dang bla ma la sogs pa la mnar sems shas che ba dang/ de dag la
dad pa dang mos pa'i bsam pa

shas che ba dag dang/ yang pham dang bla ma la sogs pa phan
'dogs pa la 'khu zhing byas pa mi gzo ba'i bsam pas ni mi dge ba
tshe 'dir myong la/ slar phan 'dogs pas byas pa gzo ba'i bsam pa
shas che bas ni dge ba tshe 'di

la myong bar 'gyur bar sa'i dngos gzhi las gsungs so/ /skyes nas
myong bar 'gyur ba ni/ tshe gnyis pa la 'bras bu myong ba'o/ /lan
grangs gzhan la myong bar 'gyur ba ni/ tshe gsum pa phan chad du
smin par 'gyur ba'o/ /dge

mi dge'i las mang po rgyud la yod pa rnams kyi smin tshul ni/ las
gang lci ba de thog mar smin no/ /lci yang mnyam na 'chi ba'i
dus na gang mngon du gyur pa de thog mar smin no/ /de yang 'dra
na gang goms pa shas che ba de'o/ /de yang

@123a @#/ /'dra na thog mar byas pa de sngon la smin te/ mdzod
'grel du/ las kyis 'khor bar lci gang dang/ /nye ba gang dang
goms pa gang/ /sngon byas gang yin de las ni/ /snga ma snga ma
rnam smin 'gyur/ /zhes drangs

pa ltar ro/ /gnyis pa bye brag tu bsam pa ni/ mi dge bcu spong
gis kyang rten bzang po zhig rnyed mod kyang rnam mkhyen bsgrub
pa'i rten mtshan nyid tshang ba zhig grub na lam bsgom pa'i sa
chod gzhan dang mi 'dra bas rten de bsgrub par bya'o/ /

'di la gsum/ rnam smin gyi yon tan/ rnam smin gyi 'bras bu/ rnam
smin gyi rgyu'o/ /dang po la brgyad las/ tshe phun sum tshogs pa
ni/ sngon gyi 'phen pas tshe ring du 'phen zhing 'phangs pa ltar
tshe yun ring du gnas pa'o/ /kha dog

phun sum tshogs pa ni/ kha dog dang dbyibs legs pas gzugs bzang
zhing dbang po ma tshang ba med pas blta na sdug la chu zheng gab
pas mdzes pa'o/ /rigs phun sum tshogs pa ni/ 'jig rten pas bkur
zhing grags pa'i rigs

mthon po rnams su skyes pa'o/ /dbang phyug phun sum tshogs pa ni/
longs spyod che ba dang gnyen la sogs pa'i rtsa 'jing che ba
dang 'khor phal che ba'o/ /tshig btsun pa ni/ lus ngag gis gzhan
mi slu ba'i yid brtan du rung la rtsod

pa thams cad kyi dbang po la tshad mar 'os pas sems can rnams
kyis tshig 'dzin par 'gyur ba'o/ /dbang che bar grags pa ni/
sbyin pa la dpa' ba'am brtson pa la sogs pa'i yon tan dang ldan
pa las grags pa dang snyan pa

@123b che zhing de las skye bo'i tshogs chen po'i mchod gnas su
gyur pa'o/ /skyes pa nyid ni/ pho'i dbang po dang ldan pa'o/
/stobs dang ldan pa ni/ sngon gyi las kyi mthus rang bzhin gyis
gnod pa chung zhing nad med pa dang tshe 'di'i rkyen

las byung ba'i spro ba che ba'o/ /de yang bde 'gror gnas pa ni
dang po'o/ /lus ni gnyis pa'o/ /skye ba ni gsum pa'o/ /longs
spyod dang 'khor ni bzhi pa'o/ /lnga pa ni 'jig rten pa'i tshad
ma'o/ /drug pa ni de'i grags pa'o/ /

bdun pa ni yon tan thams cad kyi snod dang/ brgyad pa ni bya ba
rnams la mthu dang ldan pa'o/ /rnam smin gyi 'bras bu la brgyad
las/ dang po ni/ rang dang gzhan gyi don las brtsams nas yun
ring por dge ba mang po gsog

par byed pa'o/ /gnyis pa ni/ mthong ba tsam gyis gdul bya dga'
nas 'dul/ de'i tshig mnyan pa dang bya bar sems pa'o/ /gsum pa
ni/ bsgo ba las mi 'da' bar bsgrub pa'o/ /bzhi pa ni/ sbyin pas
sems can rnams

bsdus te smin par byed pa'o/ /lnga pa ni/ snyan par smra ba dang
don spyod pa dang don mthun pas sems can rnams sdud cing smin
par byed pa'o/ /drug pa ni/ bya ba thams cad kyi grogs byas te
phan btags pas byas pa gzo zhing

myur du bsgo ba nyan pa'o/ /bdun pa ni/ yon tan thams cad kyi
snod dang 'dun pa dang rtsol bas bya brtsal thams cad kyi snod
dang shes rab yangs pa shes bya rab tu 'byed pa'i snod du 'gyur
la/ gzhan yang 'khor du mi 'jigs pa dang

@124a @#/ /sems can thams cad dang lhan cig 'gro ba'am smra ba'am
longs spyod pa'am dben par gnas pa la bzlog pa dang gegs byed pa
med pa'o/ /brgyad pa ni/ rang dang gzhan gyi don gang la yang mi
skyo

zhing spro shugs che la brtan pas so sor rtog pa'i stobs thob
nas mngon par shes pa myur ba'o/ /rnam smin gyi rgyu brgyad las/
dang po ni/ sems can la mi 'tshe ba dang mi 'tshe ba'i bsam pa
bsten pa'o/ /gzhan yang/ gsod

sar chud pa legs btang dang/ /de bzhin srog gis phan btags
shing/ /srog chags 'tshe ba las ldog pas/ /tshe ring ba ni 'thob
par 'gyur/ /nad pa'i bsnyen bkur byas sman pa/ /sman ni rab tu
byin pa dang/ /srog chags bong ba

dbyig sogs kyis/ /'tshe ba med las nad med yin/ /zhes gsungs so/
/gnyis pa ni/ mar me la sogs pa'i snang ba dang gos gsar pa
sbyin pa'o/ /gzhan yang/ khro ba med la brten pa dang/ /rgyan
byin pa yis gzugs bzang nyid/

phrag dog med pa'i 'bras bu ni/ /skal ba bzang por rab tu bshad/
/ces so/ /gsum pa ni/ nga rgyal bcom nas bla ma la sogs pa la
phyag la sogs pa dang gzhan la bran ltar gus par byas pa'o/
/bzhi pa ni/ zas gos la

sogs pa slong ba la de dag sbyin pa dang mi slong yang phan
'dogs pa dang/ sdug bsngal ba dang yon tan gyi zhing yo byad med
pa la phar sbyin pa'o/ /lnga pa ni/ ngag gi mi dge ba bzhi spong
ba la goms pa'o/ /drug pa ni/ phyi ma la

@124b rang la yon tan sna tshogs bsgrub par smon lam 'debs shing
dkon mchog gsum la mchod pa dang pha ma dang nyan rang dang
mkhan slob dang bla ma la mchod par byed pa'o/ /bdun pa ni/
skyes pa'i yon tan la dga' ba dang bud med kyi

dngos po la mi dga' zhing nyes dmigs su lta ba dang bud med kyi
lus 'dod pa rnams 'dun pa bzlog pa dang pho'i dbang po gcod pa
rnams thar bar byed pa'o/ /brgyad pa ni/ gzhan gyis gtan mi nus
pa rang gis byed pa dang rang dang bsdoms pas

nus pa la grogs byed pa dang bza' ba dang btung ba ster ba'o/
/rgyu brgyad po de rgyu gsum dang ldan na rnam par smin pa rnams
phul du byung bar 'gyur ro/ /rgyu gsum la sems rnam par dag pa
la rang la ltos pa gnyis ni/ rgyu bsgrubs pa'i dge ba

rnams bla na med pa'i byang chub tu bsngo ba ni rnam smin la mi
re ba'o/ /snying thag pa nas rgyu rnams bsgrub pa ni/ shugs drag
pa'o/ /gzhan la ltos pa gnyis ni/ chos mthun pa rab 'bring tha
gsum mthong na phrag dog dang 'gran pa dang brnyas pa

spangs nas/ rjes su yi rang ba dang de dag ltar ma nus na yang
nyin re bzhin du spyad byar lan mang du rtog pa'o/ /sbyor ba dag
pa la rang la ltos nas ni/ dus ring ba dang bar ma chad pa dang
shugs drag pa'o/ /gzhan la ltos pa ni/ yang dag

bar ma blangs pa len du gzhug pa dang/ blangs pa rnams dga' ba
bskyed pa'i phyir bsngags pa brjod pa dang rgyun mi 'chad par
byed pa dang mi 'dor bar byed pa'o/ /zhing dag pa ni/ bsam sbyor
de gnyis nyid 'bras bu mang

@125a @#/ /zhing bzang ba ster bas na zhing du 'dra bas so/ /de
dag ni byang sa nas gsungs pa la 'grel pas kha bskang nas bshad
pa'o/ /gsum pa bsams nas 'jug ldog bya ba'i tshul la/ spyir

bstan pa dang/ khyad par du stobs bzhis sbyang ba'i tshul lo/
/dang po ni/ spyod 'jug las/ mi dge ba las sdug bsngal 'byung/
/de las ji ltar nges thar zhes/ /nyin mtshan rtag tu bdag gis ni/
/'di nyid 'ba'

zhig bsam par rigs/ /zhes dang/ dge ba'i phyogs ni thams cad
kyi/ /rtsa ba mos par thub pas gsungs/ /de'i yang rtsa ba rtag
tu ni/ /rnam smin 'bras bu bsgoms pas so/ /zhes gsungs pa ltar/
dkar nag gi las

dang 'bras bu shes par byas nas shes pa tsam la mi 'jog par yang
dang yang du bsgom par bya ste/ 'di shin tu lkog tu gyur pas
nges pa ches rnyed dka' ba'i phyir ro/ /de yang ting nge 'dzin
rgyal po las/ zla ba skar mar

bcas pa gnas ltung zhing/ /ri dang grong du bcas pa'i sa zhig
la/ /nam mkha'i khams ni rnam pa gzhan gyur kyang/ /khyod ni mi
bden pa yi tshig mi gsungs/ /zhes gsungs pa ltar/ de bzhin gshegs
pa'i gsung la yid

ches par byas la bskyang ste/ 'di la bcos min gyi nges pa ma
rnyed na chos gang la yang rgyal ba dgyes pa'i nges pa mi rnyed
do/ /kha cig stong pa nyid la nges pa rnyed pa skad zer nas las
dang 'bras bu la nges pa med cing de la mi

@125b brtsi ba ni stong nyid kyi go ba phyin ci log tu song ba
ste/ stong nyid go na ni de nyid rten 'brel gyi don du mthong
nas las 'bras la nges pa skye ba'i grogs su 'gyur ba'i phyir te/
mdo de nyid las/ sgyu ma chu bur smig rgyu klog 'dra

zhing; ;chos rnams thams cad chu yi zla ba bzhin/ /shi nas 'jig
rten pha rol 'gro ba yi/ /sems can shed las skyes pa mi dmigs
kyang/ /las rnams byas pa med par mi 'gyur te/ /dkar nag ji
bzhin 'bras bu smin

par byed/ /rigs pa'i tshul gyi sgo 'di bzang po ste/ /phra zhing
mthong dka' rgyal ba'i spyod yul yin/ /zhes gsungs so/ /des na
rten 'brel las gnyis rgyu dang 'bras bur bcas pa la nges pa
bskyed cing nyin mtshan kun

tu sgo gsum la rtog pa zhig gis ngan 'gro gcod kyi/ thog mar
rgyu 'bras kyi rnam dbye la mi mkhas shing cung zad shes kyang
sgo gsum bag yangs su 'jug pa ni ngan 'gro'i sgo 'byed pa kho na
ste/ rgya mtshos zhus

pa las/ klu'i bdag po/ byang chub sems dpa' rnams kyi chos gcig
gis ngan song ngan 'gro log par ltung bar skye ba yang dag par
gcod do/ /chos gcig po gang zhe na/ 'di lta ste/ bdag ji ltar
gyur

cing nyin mtshan rnams 'da' zhing 'dug snyam du dge ba'i chos
rnams la so sor rtog pa ste/ zhes gsungs pa ste/ zhes gsungs
pa'i phyir ro/ /de ltar gyud la brtags pa na gong ma rnams kyi
zhal nas/ las rgyu 'bras kyi skabs 'dir chos

@126a @#/ /dang bstun pa na ye ma mthun/ 'dir 'o skol 'phyugs/
des na ye mi thar/ las 'bras dang bstun nas mthun nam mi mthun
blta ba yin/ chos kyis rang rgyud zhus dag byas tsa

na mthun pa ye med ma mthun pa la zhe thag pa nas de ltar rig
rgyu zhig byung na mkhas pa yin te/ tshoms las/ byis pa gang zhig
byis pa'o zhes/ /shes pa de 'dir mkhas pa yin/ /zhes gsungs so/
/chos dang

bstun tsa na ro khur ba ltar rgyab bsnol du song ba la chos pa
dang mkhas btsun gyi yang rtser re na byis pa'i tha chad yin te/
tshoms las/ byis pa gang zhig mkhas sems pa/ /de ni byis pa zhes
brjod do/ /zhes gsungs

pas; ma mtha' na'ang chos la shed dbye som gzhig gsung ngo/ /po
to ba yang skyes rabs kyi 'di drangs nas rgyud la brtag dgos par
bzhed de/ ji skad du/ nam mkha' dang ni sa gzhi'i bar yang ring/
/rgya mtsho'i pha rol tshu

rol 'gram yang ring/ /shar nub gnyis kyi ri bar de bas ring/
/phal dang dam pa'i chos kyang de bas ring/ /zhes gsungs te/
phal pa rang cag dang chos gnyis dpe de dag dang 'dra bar/ par
na 'gyangs chen po yod par gsungs

so; ;tshigs bcad 'di ni byang sems zla bas bram ze legs bshad kyi
skyes khyer 'ongs pa zhig la srang stong phul nas blangs pa'i
chos so/ /stod lung pa'i zhal nas kyang rtog shes pa zhig gis
brtags na re zhig la dru gu rbab la

@126b btang ba ltar chos dang je ring song ba zhig 'ong gsung
ngo/ /de ltar bsams nas kyang nyes spyod las ldog pa'i tshul ni/
bden pa po'i le'u las/ rgyal po khyod ni srog gcod ma mdzad cig
/skye bo kun la srog ni rab tu

phangs/ /de bas yun ring tshe bsrung su 'dod pas/ /yid kyi dgu
la'ang srog gcod mi bsam mo/ /zhes gsungs pa ltar/ mi dge ba bcu
dang gzhan yang sngar bshad pa'i kha na ma tho ba rnams la kun
slong gi bsam

pa tsam yang mi rgyu bar sdom sems kun tu bsten/ goms par bya/
lan mang du bya'o/ /de ltar nyes spyod las ma log na sdug bsngal
mi 'dod bzhin du myong dgos te gang du phyin kyang mi thar ba'i
phyir ro/ /de'i phyir

'phral du cung zad bde bar snang yang 'bras bu smin pa'i tshe na
mchi mas gdong g.yogs te mi 'dod bzhin du bsten dgos pa'i las
rnams ni bya bar mi rigs la/ rnam smin myong ba'i tshe kha na ma
tho ba med pa'i dga' bde la

longs spyod pa'i las rnams ni bya bar rigs te/ tshoms las/ khyod
ni sdug bsngal gyis 'jigs shing/ /khyod la sdug bsngal mi sdug
na/ /mngon sum dag gam lkog tu'ang rung/ /sdig pa can gyi las mi
bya/ /gal te sdig

pa'i las byas sam/ /byed kyang rung ste khyod kyis ni/ /kog ces
langs te bros byas kyang/ /sdug bsngal las ni thar mi 'gyur/
/gang du gnas na las kyis mi tshugs pa'i/ /sa phyogs de ni yod pa
ma yin te/ /bar snang

@127a @#/ /la med rgya mtsho'i nang na med/ /ri bo rnams kyi gseb
tu zhugs kyang min/ /zhes dang/ byis pa shes rab chung ngu dag
/bdag la dgra bzhin byed pa yis/ /gang zhig 'bras bu tshar 'gyur
ba'i/ /

sdig can las ni spyod par byed/ /gang dag byas pas gdung 'gyur
zhing/ /mchi mas gdong g.yogs du bzhin du/ /rnams smin so sor
bsten pa yi/ /las de dag ni ma byas legs/ /gang zhig byas na mi
gdung zhing/ /dga' zhing

yid ni bde ba yis/ /rnam smin so sor bsten pa yi/ /las de dag ni
byas na legs/ /bdag nyid bde ba 'dod pa'i phyir/ /rgod cing sdig
pa'i las byas pa'i/ /sdig las de yi rnam smin dag  /du bzhin
nyams su myong bar 'gyur/ /

zhes dang/ sdig las 'phral du nges par ni/ /mtshon bzhin gcod par
mi byed kyang/ /sdig pa'i las kyis 'gro ba dag  /pha rol tu ni
mngon par 'gyur/ /gang du de dag rnam smin ni/ /tsha ba so sor
bsten pa yi/ /sdig pa'i las

kyis 'gro ba dag  /pha rol tu ni shes par 'gyur/ /lcags las
g.ya' ni langs gyur ba/ /langs pa des ni de nyid za/ /de bzhin
ma brtags byas pa yis/ /rang gi las kyis ngan 'gror 'gro/ /zhes
so/ /phu chung ba la kham

lung pas/ dge bshes pa ni las 'bras kho na gal che bar gsungs pa
la da lta bshad pa dang nyan pa dang sgom rin med par byed de/
'di kho na nyams su blang dka' 'am snyam gsungs pas phu chung ba
yang de tsug lags

@127b gsung ba dang/ ston pa'i zhal nas/ jo bo pa snying kham
cher mi rung rten 'brel 'di phra gsung ba dang/ phu chung ba'i
zhal nas nga ni rgas khar mdzangs blun la kha lhan song gsung
ba
dang/ shar ba'i zhal nas sangs

rgyas kyis nyes skyon ci byung yang phyogs ngan dang mkhar lan
la le lan ma bdas par las 'di byas pas 'dir skyes bya ba sha
stag gsungs gsung ngo/ /gnyis pa stobs bzhis sbyang ba'i tshul
ni/ de ltar nyes spyod kyis

ma gos pa la 'bad kyang bag med pa dang nyon mongs mang ba la
sogs pa'i dbang gis nyes pa byung na ji mi snyam par bzhag tu mi
rung bas/ ston pa thugs rje can gyis phyir bcos pa'i thabs
gsungs pa rnams la

'bad dgos so/ /de yang ltung ba phyir bcos tshul ni/ sdom pa gsum
so so nas gsungs pa ltar bya la/ sdig pa phyir bcos pa ni stobs
bzhis bya ste/ chos bzhi bstan pa'i mdo las/ byams pa/ byang
chub

sems dpa' sems dpa' chen po chos bzhi dang ldan na sdig pa byas
shing bsags pa zil gyis gnon par 'gyur ro/ /bzhi gang zhe na/
'di lta ste/ rnam par su na 'byin pa kun tu spyod pa dang/ gnyen
po kun

tu spyod pa dang/ nyes pa las ldog pa dang/ rten gyi stobs so/
/zhes gsungs te/ byas shing bsags pa'i las ni myong nges yin pas
de zil gyis gnon nus na ma nges pa lta ci smos/ de la stobs dang
po ni/ thog

@128a @#/ /ma med pa nas mi dge ba'i las byas pa la 'gyod pa mang
ba yin te/ 'di skye ba la rnam smin sogs kyi 'bras bu gsum
bskyed tshul bsgom dgos so/ /lag tu len pa'i tshe ni gser

'od dam pa'i bshags pa dang sangs rgyas so lnga'i sgo nas kyi
bshags pa gnyis kyis bya'o/ /stobs gnyis pa la drug las/ mdo sde
zab mo la brten pa ni/ sher phyin la sogs pa'i mdo sde'i tshig
len pa dang

'dzin pa dang klog pa sogs so/ /stong pa nyid la mos pa ni/ bdag
med cing 'od gsal ba'i chos nyid la 'jug cing gdong ma nas dag
par yid ches pa'o/ /bzlas pa la brten pa ni/ yi ge brgya pa sogs
kyi

gzungs khyad par can rnams cho ga bzhin du zlos pa'o/ /dpung
bzang gis zhus pa las/ so ga nags mes mched pa'i me lce yis/ /ma
bsgrims bzhin du tshang tshing kun bsreg ltar/ /bzlas brjod me la
tshul khrims

rlung gis spar/ /brtson 'grus chen po'i me lces sdig pa bsreg
/ji ltar gangs la nyi ma'i 'od zer gyis/ /gdungs na gzi brjid mi
bzod 'ju ba bzhin/ /tshul khrims nyi ma'i 'od zer bzlas brjod
kyis/ /gdungs na

sdig pa'i gangs kyang zad par 'gyur/ /mun nag smag la mar me
phyung ba yis/ /mun nag ma lus sel bar byed pa bzhin/ /tshe rabs
stong nas bsags pa'i sdig pa'i mun/ /bzlas brjod mar mes myur du
sel bar

@128b byed; ;ces gsungs so/ /de yang sdig pa byang ba'i mtshan ma
mthong ba de srid du bzlas brjod bya'o/ /mtshan ma ni rmi lam na
zas ngan pa skyug pa dang zho dang 'o ma la sogs 'thung ba dang
skyugs pa dang nyi ma dang zla ba mthong ba

dang nam mkha' la 'gro ba dang me 'bar ba dang ma he dang mi nag
po thub pa dang/ dge slong dang dge slong ma'i dge 'dun mthong
ba dang 'o ma 'byung ba'i shing dang glang po dang khyu mchog
dang ri dang sengge'i khri dang khang bzang gi steng

du 'dzeg pa dang chos nyan pa rmis pa yin par skul byed kyi
gzungs las gsungs so/ /sku gzugs la brten pa ni/ sangs rgyas la
dad pa rnyed nas sku gzugs byed pa'o/ /mchod pa la brten pa ni/
sangs rgyas dang de'i

mchod rten la mchod pa rnam pa sna tshogs byed pa'o/ /mtshan la
brten pa ni/ sangs rgyas dang rgyal sras chen po rnams kyi mtshan
thos shing bzung ba'o/ /'di dag ni bslab btus su dngos su byung
ba tsam ste gzhan

yang mang ngo/ /stobs gsum pa ni/ mi dge ba bcu yang dag par
sdom pa ste 'dis ni srog gcod sogs kyi sgo nas sgo gsum gyi las
dang nyon mongs dang chos kyi sgrib pa byas pa/ byed du bcug pa
rjes su yi rang ba

sngon ci byas pa thams cad 'joms par nyi ma'i snying po las
gsungs so/ /zhe thag pa nas kyi sdom sems med pa'i bshags pa
tshig tsam du 'gro ba la dgongs nas phyin chad sdom mam zhes lung
las gsungs par 'dul

@129a @#/ /ba'i rgya cher 'grel nas bshad do/ /de'i phyir phyin
chad mi byed pa'i sdom sems gal che la/ de skye ba yang stobs
dang po la rag las so/ /stobs bzhi pa ni/ skyabs 'gro dang byang
chub kyi

sems bsgom pa'o/ /de la spyir rgyal bas las dang po pas sdig pa
sbyong ba'i sgo sna tshogs shig gsungs kyang/ gnyen po yongs su
rdzogs pa ni stobs bzhi tshang ba'o/ /sdig pa 'dag lugs ni ngan
'gro sdug bsngal chen

por skye ba'i rgyu rnams sdug bsngal chung bar skye ba'i rgyur
'gyur ba'am/ ngan 'gror skyes kyang de'i sdug bsngal mi myong
ba'am da lta'i rten la mgo bo na ba tsam gyis dag nas 'gro ba
dang/ de bzhin du rgyun ring por myong

dgos pa rnams yun thung ngu'am gtan myong mi dgos par 'gyur te/
de yang sbyong mkhan stobs che chung dang gnyen po stobs bzhi
rdzogs ma rdzogs dang shugs drag mi drag dang rgyun ring thung
la sogs pa'i sgo nas yin

pas mtha' gcig tu nges pa med do/ /mdo sde dang 'dul ba nas/ las
rnams bskal pa brgyar yang ni/ /chud mi za ba/ zhes gsungs pa
ni/ stobs bzhi'i gnyen po bsgom pa med pa la dgongs kyi/ stobs
bzhi'i

gnyen pos bshad pa ltar sbyangs na ni myong nges kyang 'dag par
gsungs te/ brgyad stong 'grel chen las/ 'di ltar gang dag gnyen
po'i phyogs nye ba na 'grib pa'i chos can yin pa de dag ni stobs
dang ldan pa'i gnyen

@129b pos gtan zad par srid pa yin te/ dper na/ gser gyi g.ya'
la sogs pa bzhin no/ /dam pa'i chos kyi sgrib pa la sogs pa
thams cad kyang ji skad du bshad pa'i chos can yin no zhes bya
ba'i rigs pas rlom sems

kyi ltung ba'i gnas ni ma lus par zad par 'gyur ba yin no/ /gang
yang/ las rnams bskal pa brgyar yang ni/ /zhes bya ba la sogs pa
gsungs pa de ni gnyen po'i phyogs bsgom pa med na zhes bya bar
shes par bya ste/ de lta

ma yin na rigs pa dang 'gal ba dang mdo sde mang po dang 'gal
bar 'gyur ro/ /nges par myong bar gsungs pa yang 'di nyid kyis
bshad pa yin no/ /ma nges par gsungs pa ni gnyen po'i phyogs ma
bsgoms su zin kyang

'bras bu res 'ga' ba nyid las yin par nges par bya'o/ /zhes so/
/de ltar bshags pa dang bsdams pa la sogs pas rnam smin 'byin
pa'i nus pa nyams par byas pa rnams ni rkyen gzhan dang phrad
kyang rnam smin 'byin

par mi 'gyur la/ de bzhin du log lta skyes pa dang khong khros
dge rtsa bcom pa la'ang 'dra bar gsungs te/ rtog ge 'bar ba las/
gang gi tshe dge ba yang lta ba log pa dang gnod sems kyis nyams
par gyur pa'am/

mi dge ba yang smod pa dang sdom pa dang 'chags pa la sogs pa'i
gnyen pos stobs nyams par gyur pa de dag ni rkyen tshogs pa yod
du zin kyang/ dge ba dang mi dge ba'i sa bon gyi nus pa nyams
pas gang las 'bras

@130a @#/ /bu gang zhig 'byung bar 'gyur/ rkyen tshogs pa med pas
dus kyang gzhan du gyur na ji ltar na rtsa ba nas shin tu 'byin
pa ma yin te/ ji skad du/ dam pa'i chos 'dzin par byed pa de'i

myong bar nges pa'i sdig pa yang mthong ba'i chos la myong bar
'gyur ro/ /zhes bya ba dang/ gzhan yang ngan 'gror 'gro ba'i las
rnams de/ /'dis ni mgo bo tsha ba tsam du 'gyur/ /zhes kyang
'byung ngo/ /gal te

mgo bo tsha ba tsam du 'gyur ba'i 'bras bu yod na rtsa ba nas
phyung ba ji lta bu yin zhe na/ sdig pa'i las rnams kyi 'bras bu
ma lus par rdzogs pa dmyal ba'i sdug bsngal nyams su myong bar
'gyur ba las/ gang

dag gis dmyal ba'i sdug bsngal phra mo tsam yang nyams su myong
bar ma gyur pa de nyid shin tu rtsa ba nas phyung ba ji ltar ma
yin/ mgo bo tsha ba la sogs pa 'di la 'byung bas 'bras bu ye med
par 'gyur ba yang

ji ltar yin/ zhes so/ /nyon mongs kyi sa bon 'joms pa'i gnyen po
ma rnyed kyang 'gal rkyen gyis nyams smad pas rkyen gzhan tshogs
kyang 'bras bu mi 'byin pa ni phyi dang nang gi rgyu 'bras la
mang po snang ngo/ /des na

dge ba mang po gsog pa la brtson yang dge ba 'joms pa'i rgyu
khong khro sogs ma bsrungs na sngar ltar gsungs pas/ bsrung ba
la 'bad cing mi dge ba phyir bcos la brtson dgos so/ /shin tu
stobs dang ldan pa'i

@130b las kyang gtan sbyong bar nus na sngon gyi las kyi rnam
smin ma gtogs so/ /zhes gsungs pa ji ltar yin zhe na/ dmus long
sogs rnam smin grub pa'i tshe na da ltar gyi gnyen pos sbyang
dka' la/ 'bras bu ma grub

pa'i rgyu'i skabs na bzlog par sla ba la dgongs nas de ltar
gsungs pas skyon med de/ rtog ge 'bar ba las/ gal te sdig pa
shin tu zad par 'gyur ba yin na ci'i phyir sngon gyi las kyi
rnam par smin pa ni ma gtogs

so; ;zhes bstan ce na/ dmus long dang mig gcig pa dang zha bo
dang 'theng po dang lkugs pa dang 'on pa la sogs pa'i ngo bo
nyid du gyur pa'i rgyu dang 'bras bu nye bar longs spyod pa la
dgongs nas bstan pa yin te/ gang gi

phyir rnam par smin pa'i gnas skabs kyi ngo bor gyur pa'i las
rnams kyi 'bras bu ni yongs su zad par nus pa yod pa ma yin no/
/rgyur gyur pa'i sems pas mngon par 'du byas pa ni sems pa'i
khyad par gzhan thob pa na

yongs su zad par 'gyur ba yin te/ ji ltar na sor mo'i phreng ba
dang ma skyes dgra dang swa ka dang pha gsod pa dang mya ngan
med la sogs pa la bstan pa bzhin no/ /gal te ma skyes dgra dang
ma gsod pa dag la dge ba'i sems

pa gzhan skyes pa yod bzhin du/ ci'i phyir las zad par ma gyur
nas mnar med pa dag tu skyes she na/ de'i las dang 'bras bu la
yid ches pa bskyed pa'i phyir mnar med pa la sogs par skye ba
bstan pa yin gyi/ las

@131a @#/ /rnams lhag ma ma lus par ma zad pa ni ma yin te/ dar
gyi pho long brdabs pa las 'phar ba bzhin du der skyes shing
thar ba yin la/ dmyal ba'i me'i phreng ba la sogs pas kyang
reg pa ma

yin te/ de ltar na sdig pa shin tu rtsa ba nas 'byin par yang
grub la/ las la 'bras bu med pa yang ma yin no/ /zhes so/
/gang zag gi khyad par 'ga' zhig la ma nges pa ni/ rgyal po
dpa' bas byin gyis me tog

zla mdzes bkrongs pa la 'gyod de/ mchod rten byas nas mchod pa
shin tu rgya che ba byas shing nyin re la dus gsum du sdig pa
bshags pa lo stong phrag bye ba phrag go lngar byas te tshul
khrims yang dag par bsrungs kyang/

tshe 'phos nas mnar med du skyes pa dang/ bskal pa bye ba khrag
khrig re gnyis su mig bcar ba sogs sdug bsngal mtha' yas pa
myong bar ting nge 'dzin rgyal po las gsungs so/ /de ltar yin
kyang bshags pa

don med du mi 'gyur te/ ma bshags na de bas kyang che ba dang
rgyun ring ba'i sdug bsngal myong dgos pa'i phyir ro/ /bshags
bsdam gyis lhag ma med par 'dag pa yin du chug kyang/ dang po
nas nyes pas ma

gos pa'i dag pa dang bshags nas dag pa gnyis khyad par che
ste/ dper na/ byang sa las/ rtsa ltung byung ba la byang sems
kyi sdom pa blangs pas phyir 'chos nus kyang/ tshe de las dang
po thob mi srid par gsungs

@131b pa lta bu'o/ /rnam par 'thag pa bsdus pa'i mdo las
kyang/ bcom ldan 'das/ gal te la la zhig sdig pa'i grogs po'i
dbang gis chos spong ba 'di lta bu 'di bgyis par gyur na/ bcom
ldan 'das/ de'i tshe 'di

nyid la ji ltar thar bar 'gyur/ de skad ces gsol pa dang/ bcom
ldan 'das kyis/ 'jam dpal gzhon nur gyur pa la 'di skad ces
bka' stsal to/ /'jam dpal gal te lo bdun gyi bar du nyin gcig
cing dus gsum du nyes

pa la nyes par bshags na de'i 'og tu byang bar 'gyur te/ de
phyin chad nyung na bskal pa bcus bzod pa 'thob par 'gyur ro/
/zhes sdig pa dag kyang ji ltar myur na yang bzod pa thob pa
la bskal pa bcu dgos par gsungs

so; ;des na ma lus par dag pa'i don ni 'bras bu yid du mi 'ong
ba 'byin pa ma lus par dag pa yin gyi/ lam gyi rtogs pa skye
ba sogs ni ches ring du 'gro ba yin pas dang po nas ma gos pa
la 'bad par bya'o/ /de'i

phyir 'phags pa rnams srog gi phyir yang sdig ltung phra mo
la'ang shes bzhin du mi 'jug par gsungs te/ bshags pas dag pa
dang dang po nas ma byung ba gnyis khyad med na/ de ltar bya
mi dgos pa'i phyir ro/ /

'jig rten na yang snang ste/ rkang lag sogs bsnad pa phyir
bcos su yod kyang/ dang po nas ma bsnad pa dang mi 'dra ba
bzhin no/ /de ltar 'bad pas tshoms las/ sdig pa byas shing bsod
nams ma byas la/ /chos

@132a @#/ /dang gol zhing chos min thob pa'i mi/ /sdig pa'i las
can 'chi bas 'jigs 'gyur te/ /chu chen nang du gru ngan zhig
pa bzhin/ /bsod nams byas shing sdig pa ma byas la/ /dam pa
rnams

kyi lugs kyi chos spyad pas/ /de ni nam yang 'chi bas 'jigs
med de/ /brtan pa'i gru yis pha rol 'gro ba bzhin/ /zhes
gsungs pa'i snga ma ltar mi bya bar phyi ma ltar ci 'gyur
bya'o/ /de yang rigs pa'i tshig mang du smras kyang

bag med par 'jug na don chung la/ chos nyung du las mi shes
kyang gang shes pa la 'dor len gyis bsgrub na don che ste/
tshoms las/ gal te rigs bcas mang du smras kyang ni/ /bag med
mi dag de ltar byed mi 'gyur/ /dper na

phyugs rdzis gzhan gyi phyugs bgrang ltar/ /de dag dge sbyong
skal ba thob ma yin/ /gal te rigs bcas nyung du smra byed
kyang/ /chos kyi rjes su chos la spyod pa dang/ /'dod chags
zhe sdang gti mug spong byed pa/ /de dag dge sbyong

skal ba thob pa yin/ /dge slong bag yod la dga' zhing/ /bag
med pa la 'jigs lta bas/ /bdag nyid ngan 'gro las 'dren te/
/'dam rdzab las ni glang chen bzhin/ /dge slong bag yod la
dga' zhing/ /bag med pa la 'jigs

lta pas/ /sdig pa thams cad sprug par byed/ /rlung gis ljon
shing lo ma bzhin/ /zhes so/ /de ltar na/ bshes springs las/
gal te mtho ris thar pa mngon bzhed na/ /yang dag lta la goms
pa dag tu mdzod/ /gang zag log par lta

@132b bas legs spyad kyang/ /thams cad rnam par smin pa mi
bzad ldan/ /zhes gsungs pa ltar/ rten cing 'brel par 'byung ba
las gnyis rgyu dang 'bras bur bcas pa la tshul bzhin du lta ba
'di ni theg pa thams cad dang skyes bu'i don

thams cad 'grub pa'i gzhir med du mi rung ba yin pas/ sngar
bshad pas mtshon nas dran pa nyer gzhag dang/ mdzangs blun
dang/ las brgya pa dang/ rtogs brjod brgya pa dang/ 'dul ba
lung gi rgyud gleng rnams dang/ gsung

rab gzhan rnams kyang bltas nas nges pa shugs drag la rgyun
ring ba bskyed par bya ba ni gnad kyi don du gzung bar bya'o/
/gnyis pa bsam pa de skyes pa'i tshad ni/ sngar 'jig rten 'di
don gnyer bcos ma min pa yod la/ 'jig

rten phyi ma'i don gnyer tshig rjes 'brangs pa'i go ba tsam du
'gyur ba de go sa 'phos nas phyi ma'i don gnyer gtso bor song
zhing/ 'jig rten 'di zhar byung tsam du song na skyes pa yin
la/ 'on kyang brtan par byed dgos pas de byung nas

kyang 'bad de sbyang bar bya'o/ /gsum pa de la log rtog bsal
ba ni/ gsung rab nas 'khor ba'i phun tshogs thams cad la yid
phyir phyogs dgos par gsungs pas 'khrul gzhi byas pa kha cig
lus dang longs spyod sogs phun sum tshogs

pa'i mngon mtho ni 'khor ba yin pas de la don gnyer bskyed par
mi rigs so snyam na/ don du gnyer bya la gnas skabs su don du
gnyer dgos pa dang mthar thug gi don du gnyer bya gnyis las/
'khor ba'i lus la sogs pa phun sum tshogs

@133a @#/ /pa ni grol ba don gnyer gyis kyang gnas skabs su don
du gnyer dgos te/ rten de rim par brgyud pa las mthar nges
legs thob par bya ba yin pa'i phyir ro/ /lus dang longs spyod
dang 'khor phun

sum tshogs pa'i mngon mtho gang yin thams cad 'khor bas bsdus
pa ma yin te/ lus la sogs pa phun sum tshogs pa mthar phyin pa
ni gzugs kyi sku dang de'i zhing gi 'byor pa dang de'i 'khor
rnams yin pa'i phyir ro/ /de

la dgongs nas mdo sde'i rgyan las/ longs spyod dang lus phun
sum tshogs pa dang/ /'khor rtsom phun sum tshogs pa mngon mtho
dang/ /zhes phar phyin dang po bzhis mngon mtho bsgrub par
gsungs shing/ gzhung mang po

nas de dag gis gzugs sku bsgrub par gsungs pa'i phyir ro/ /des
na rnam mkhyen bsgrub pa rnams kyis ni tshul khrims dang sbyin
pa dang bzod pa sogs ches mang zhing phul du byung ba rnams
dus ring por bsgrub pas na/ de dag

gi 'bras bu lus la sogs pa'i mngon mtho yang ches phul du
byung ba don du gnyer ba yin no/ /mthar thug nges legs 'grub
pa ni/ spyod 'jug las/ mi yi gru la brten nas ni/ /sdug bsngal
chu bo che las sgrol/ /zhes

gsungs pa ltar mis mtshon pa'i bde 'gro'i rten la brten nas
srid mtsho brgal ba dang rnam mkhyen du 'gro dgos la/ de yang
tshe du mar brgyud dgos pa'i phyir lus de sgrub byed kyi rgyu
dam pa tshul khrims ni lam gyi rtsa ba yin

@133b no; ;bde 'gro'i lus kyang mtshan nyid yongs su ma rdzogs
pa'i yon tan phyogs re ba dang ldan pas lam bsgrubs kyang sa
chod chung bas na yongs rdzogs shig dgos la/ de la ni dge tshul
la sogs pa'i bslab pa'i gzhi yongs

su ma rdzogs par bsrung bas mi chog pas dge slong la sogs pa'i
bslab gzhi yongs su rdzogs par bsrung ba la 'bad dgos so/ /kha
cig tshul khrims bsrung ba ni bde 'gro bsgrub pa'i phyir yin na
de ni bsnyen gnas kyis

kyang 'thob pas dka' la don chung ba'i dge slong sogs kyis ci
bya zhes zer ba dang/ gzhan dag so thar gyi dgos pa dgra bcom
pa'i phyir yin na dge slong ni lo nyi shu ma lon bar du mi
rung zhing dge bsnyen gyi rten la yang dgra

bcom pa 'thob tu yod pas rten de bsngags kyi/ dka' la don
chung ba'i dge slong gis ci bya zhes smra ba ni/ bstan pa'i
gnad ma shes pa'i cal col chen por shes par byas la sdom pa
'og ma 'og ma rten du byas te gong ma gong

ma blangs nas bslab pa'i gzhi yongs su rdzogs par bsrung ba la
'grus par bya'o/ /skyes bu chung ngu dang thun mong ba'i lam
gyi rim pa la blo sbyang ba bshad zin to// //

! rje btsun dam pa thugs rje chen po dang ldan pa rnams la gus
pas phyag 'tshal lo/ /de ltar 'chi ba rjes su dran pa dang shi
nas ngan 'gror ltung ba'i tshul bsams te 'jig rten 'di las blo
log nas phyi ma'i bde 'gro

@134a @#/ /don gnyer skyes te/ skyabs 'gro thun mong ba dang
dkar nag gi las 'bras nges pa'i sgo nas sdig pa spong dge ba
bsgrub pa la 'bad pas bde 'gro'i go 'phang 'thob mod kyang/
'dir ni de tsam

gyis chog par mi 'dzin gyi/ skyes bu chung ngu dang thun mong
ba'i bsam pa de skyes pa dang/ 'bring dang thun mong ba 'khor
ba mtha' dag la zhen pa log pa'i bsam pa bskyed nas de la
brten nas byang chub kyi mchog tu sems bskyed

de; skyes bu chen por 'khrid pas skyes bu 'bring gi bsam pa
sbyang dgos te/ 'di ltar lha mi'i go 'phang thob kyang 'du
byed kyi sdug bsngal las ma 'das pas de la rang bzhin gyis bde
bar 'dzin pa phyin ci log yin pas yang dag

par na bde ba med la slar yang ngan 'gror nges par ltung bas
mtha' ngan pa'i phyir ro/ /dper na de ma thag g.yang sar
ltung ba 'ga' g.yang kha na ngal bso ba bzhin te/ spyod pa la
'jug pa las/ bde 'gror yang dang yang 'ongs te/ /

bde ba mang po spyad spyad nas/ /shi nas ngan song sdug bsngal
ni/ /yun ring mi bzad rnams su ltung/ /zhes dang/ slob ma la
springs pa las kyang/ gang zhig 'khor ba'i 'khor lo rtag tu
'gyur ba yi/ /nang du zhugs nas bsti ba tsam

la bder sems pa/ /de ni nges par dbang med rim gyis brgya
phrag tu/ /'gro ba mnyam dang mi mnyam kun tu 'khyam bar
'gyur/ /zhes gsungs so/ /de'i phyir bde 'gro la yang ngan 'gro
dang 'dra bar shin tu skyo bar bya dgos te/

@134b bzhi brgya pa las/ mkhas pa rnams la mtho ris kyang/
/dmyal ba dang mtshungs 'jigs bskyed 'gyur/ /rnam pa kun tu de
rnams la/ /srid gang 'jigs pa mi bskyed dkon/ /zhes dang/ yon
tan rin po che sdud pa las kyang/ 'khor bar

chags pa'i yid dang ldan rnams rtag tu 'khor/ /zhes dang/ slob
ma la springs pa las kyang/ ji lta ji ltar 'gro ba kun la bde
ba'i 'du shes skyes/ /de lta de ltar gti mug mun pa shin tu
'thug por 'gyur/ /ji lta ji ltar 'gro ba kun

la sdug bsngal 'du shes skyes/ /de lta de ltar gti mug mun pa
shin tu srab mor 'gyur/ /ji lta ji ltar sdug pa bsgom pa shin
tu rnam 'phel ba/ /de lta de ltar 'dod chags me lce shin tu
'phro bar 'gyur/ /ji lta ji ltar mi sdug bsgom

pa shin tu 'phel gyur pa/ /de lta de ltar 'dod chags me lce
shin tu rtse gzhil 'gyur/ /zhes thog ma med pa nas srid pa'i
phun tshogs la bde bar 'dzin pa dang/ sdug pa'i rnam par sgro
'dogs pa goms pa'i gnyen por sdug

bsngal dang/ mi sdug pa bsgom pa goms par byas na de dag ldog
la/ ma bsgoms na gti mug dang 'dod chags 'phel nas srid pa'i
'khor lo bskor bar gsungs pas srid pa'i nyes dmigs bsgom pa
gnad du che'o/ /de'i

phyir skyes bu 'bring dang thun mong ba'i lam gyi rim pa la
blo sbyang ba la bzhi/ bsam pa sbyang ba dngos/ de skyes pa'i
tshad/ de la log rtog bsal ba/ thar par bgrod pa'i lam gyi rang
bzhin gtan la dbab pa'o/ /dang po la gnyis/

@135a @#/ /thar pa don gnyer gyi blo ngos bzung ba dang/ de
bskyed pa'i thabs so/ /dang po ni/ thar pa zhes pa ni bcings
pa las grol ba ste/ de yang las dang nyon mongs gnyis ni 'khor
bar 'ching byed yin la/ de gnyis

kyi dbang gis khams kyi dbang gis 'dod khams la sogs pa gsum
dang 'gro bas phye na lha la sogs pa lnga'am drug dang skye
gnas kyi sgo nas mngal la sogs pa bzhir phung po nyid mtshams
sbyor ba ni bcings pa'i ngo bo yin pas

de las grol ba ni thar pa'o/ /de thob par 'dod pa ni thar pa
don du gnyer ba'i blo'o/ /thar pa de yang las nyon gyi 'du
byed byung nas zhig pa la mi bya ste/ skyes pa rnams dus gnyis
par mi sdod pa ni gnyen po bsgom pa sogs

kyi rkyen la mi blos pas thams cad kyang 'bad pa med par grol
ba'i skyon du 'gyur ro/ /des na gnyen po ma skyes na ma 'ongs
par nyid mtshams sbyor bar 'gyur ba gnyen po skyes pa'i stobs
kyis nyid mtshams sbyor ba log pa'o//

gnyis pa de bskyed pa'i thabs ni/ dper na skom pa'i sdug
bsngal zhi ba la thob 'dod byung ba de skom pas gdungs pa la
mi 'dod pa'i rnam par mthong ba la rag las pa bzhin du/ nyer
len gyi phung po'i sdug bsngal nye bar

zhi ba'i thar pa la thob 'dod 'byung ba yang nyer len gyi
phung po sdug bsngal gyi rang bzhin can gyi nyes dmigs mthong
ba la rag las pas srid pa'i nyes dmigs bsgoms nas de la 'dor
'dod kyi blo ma skyes na sdug bsngal de zhi

@135b ba la thob 'dod mi 'byung ste/ bzhi brgya pa las/ gang
la 'dir skyo yod min pa/ /de la zhi gus ga la yod/ /rang khyim
la bzhin srid pa ni/ /'di nas 'byung ba'ang bya ba dka'/ /zhes
gsungs pa'i phyir ro/ /des na thar pa don gnyer

bskyed pa'i thabs la gnyis/ sdug bsngal dang kun 'byung gi sgo
nas bsam pa dang/ rten 'brel bcu gnyis kyi sgo nas bsam pa'o/
/dang po la gnyis/ sdug bden 'khor ba'i nyes dmigs bsam pa
dang/ kun 'byung 'khor

ba'i 'jug rim bsam pa'o/ /dang po la gnyis/ sdug bden bden
bzhi'i thog mar gsungs pa'i dgongs pa bstan pa dang/ sdug
bsngal bsgom pa dngos so/ /dang po ni/ kun 'byung ni rgyu dang
sdug bden ni de'i 'bras bu

yin pas kun 'byung snga la/ sdug bden 'phyi ba yin na/ ci'i
phyir bcom ldan 'das kyis don gyi rim pa de dang mi mthun par/
dge slong dag 'di ni sdug bsngal 'phags pa'i bden pa'o/ /'di
ni kun 'byung 'phags pa'i

bden pa'o/ /zhes gsungs she na/ de la ston pas rgyu 'bras kyi
rim pa las ldog ste gsungs pa la ni nyams len gyi gnad chen po
yod pas skyon med do/ /de yang gang zhe na 'di ltar/ gdul bya
rang nyid la thog mar 'khor ba las thar

'dod phyin ci ma log pa zhig ma skyes na rtsa ba chad pas de
thar par ji ltar 'khrid/ des na thog mar gdul bya ma rig pa'i
mun pas bsgribs nas 'khor ba'i phun tshogs sdug bsngal ba la
bde bar 'dzin pa'i phyin ci log gis bslus pa la/ bzhi 

@136a @#/ /brgya pa las/ sdug bsngal rgya mtsho 'di la mtha'/
/rnam pa kun tu yod min na/ /byis khyod 'dir ni bying ba la/
/'jigs pa cis na skye mi 'gyur/ /zhes gsungs pa ltar/ 'di ni
yang dag par na bde ba ma yin

gyi sdug bsngal lo/ /zhes sdug bsngal gyi rnam pa du ma gsungs
nas skyo ba bskyed dgos pas sdug bsngal gyi bden pa thog mar
gsungs so/ /de nas rang sdug bsngal gyi rgya mtshor lhung ba
mthong nas de las thar bar 'dod pa na sdug

bsngal de bzlog dgos par mthong la de yang rgyu ma bzlog na mi
ldog par shes nas/ de'i rgyu ji lta bu zhig yin snyam du kun
'byung gi bden pa shes par byed pas de'i 'og tu kun 'byung gi
bden pa gsungs so/ /de nas 'khor

ba'i sdug bsngal zag bcas kyi las kyis bskyed pa dang las
kyang nyon mongs kyis bskyed pa dang nyon mongs kyi rtsa ba
bdag 'dzin du shes pa'i kun 'byung gi bden pa shes pa skyes
shing bdag 'dzin yang bzlog nus par

mthong ba na sdug bsngal 'gags pa'i 'gog pa mngon du bya bar
yi dam 'cha' bas de'i 'og tu 'gog pa'i bden pa gsungs so/ /'o
na sdug bden bstan pa na thar pa la 'dod pa skye bas sdug bden
gyi 'og tu 'gog

bden ston par rigs so/ /zhe na/ skyon med de de'i tshe sdug
bsngal zhi ba'i 'gog pa la theb na snyam pa'i thar 'dod yod
kyang sdug bsngal gyi rgyu ngos ma zin cing/ rgyu de bzlog nus
su ma mthong bas 'gog pa mngon du bya'o snyam

@136b du thar pa la theb byar mi 'dzin pa'i phyir ro/ /de ltar
thar pa 'gog pa mngon du bya'o snyam du 'dzin pa na der 'gro
ba'i lam gang yin snyam du lam gyi bden pa la 'jug pas lam
bden tha mar gsungs so/ /de ltar yang/ rgyud bla ma las/

nad ni shes bya nad kyi rgyu ni spang bya la/ /bder gnas thob
bya sman ni bsten par bya ba ltar/ /sdug bsngal rgyu dang de
'gog pa dang de bzhin lam/ /shes bya spang bya reg par bya
zhing bsten par bya/ /zhes gsungs so/ /de ltar na bden bzhi

ni theg pa che chung kun tu lan du mar gsungs shing/ 'khor bar
'jug pa dang de las ldog pa'i gnad rnams bde bar gshegs pas
bsdus pa yin pas rnam grol bsgrub pa la shin tu gal che zhing/
nyams len gyi 'gag

sdoms kyang che bas rim pa de ltar du slob ma 'khrid dgos te/
sdug bden bsams pa'i sgo nas 'khor ba la zhen log rnal ma zhig
med na thar pa thob 'dod tshig tsam du 'gro bas ci byas kun
'byung du 'gro la/ kun 'byung

bsams pa'i sgo nas 'khor ba'i rtsa ba las dang nyon mongs pa
rnams legs par mi shes na 'bem ma mthong ba'i mda' brdeg pa
ltar lam gyi gnad rnams chad cing srid pa las grol ba'i lam ma
yin pa la yin par bzung

nas ngal ba 'bras bu med par 'gyur ba'i phyir dang/ spang bya
sdug kun ma shes na de nye bar zhi ba'i thar pa'ang ngos mi
zin pas thar pa don gnyer yang rlom pa tsam du zad pa'i phyir
ro/ /gnyis pa sdug bsngal bsgom pa dngos la

@137a @#/ /gnyis/ 'khor ba spyi'i sdug bsngal bsam pa dang/ so
so'i sdug bsngal bsam pa'o/ /dang po la gsum/ sdug bsngal
brgyad bsam pa/ sdug bsngal drug bsam pa/ sdug bsngal gsum
bsam pa'o/ /

dang po ni/ bshes springs las/ des pa 'dod pas phongs dang
'chi ba dang/ /na dang rga sogs sdug bsngal du ma yi/ /'byung
gnas 'khor ba la ni skyo mdzad cing/ /zhes gsungs pa ltar
bsgom pa'o/ /de la 'khor ba la skyo ba

bsgom pa ni de la sdug bsngal du ma'i 'byung gnas su sems
pa'o/ /sdug bsngal ni 'dod pas phongs pa la sogs dngos su
bstan po bzhi dang sogs kyi sgras bsdus pa bzhi ste brgyad do/
/brgyad po 'di ni bcom ldan 'das kyis

sdug bden ngos 'dzin pa'i skabs su mdo sde du mar gsungs so/
/'bring dang thun mong ba'i dmigs skor skyong ba thams cad la
yang thun mong ba rnams ni chung ngu'i skabs su bshad pa rnams
'dir yang blang bar bya zhing/ thun mong

ma yin pa'i skyong rgyu rnams la ni blo'i mthu yod na ji ltar
bris pa ltar bskyang la blo'i mthu chung na lung 'dren dor nas
skabs su gang bab pa'i don gyi ngo bo tsam bskyang bar bya'o/
/'di rnams dpyad sgom yin kyang bsgom rgyu'i dmigs  

pa de dag las gzhan pa'i dge mi dge lung ma bstan gang la'ang
mi btang bar sems dmigs pa la rgod pa sogs dgag /gnyid rmugs
dang bying ba'i dbang du yang mi btang bar shes pa cher gsal
zhing dwangs pa'i ngang ?

@137b nas breng chags su bsgom ste/ spyod 'jug las/ bzlas
brjod dang ni dka' thub sogs/ /yun ring dus su spyad byas
kyang/ /sems gzhan g.yengs pas byas pa ni/ /de nyid rig pas
don med gsungs/ /zhes yid gzhan du

g.yengs pa'i dge sbyor thams cad 'bras bu chung bar gsungs
pa'i phyir dang/ theg pa chen po la dad pa bsgom pa'i mdo las
kyang/ rigs kyi bu rnam grangs 'dis kyang 'di ltar byang chub
sems dpa' rnams kyi theg pa

chen po la dad pa theg pa chen po las 'byung ba gang ci yang
rung/ de thams cad ni rnam par mi g.yengs pa'i sems kyis don
dang chos yang dag par bsams pa las byung bar rig par bya'o/
/zhes gsungs pa'i phyir ro/ /de la

rnam par ma g.yengs pa'i sems ni dge ba'i dmigs pa las gzhan
du mi g.yeng ba yin la/ don dang chos ni don dang tshig ste
yang dag par bsams pa ni so sor rtog pa'i blos dpyad cing sems
pa'o/ /des ni yon tan gyi

chos bsgrub pa thams cad la de gnyis dgos par bstan to/ /des
na theg pa gsum gyi yon tan bsgrub pa thams cad la sems dge
ba'i dmigs pa de las gzhan du mi g.yeng bar gnas pa'i rtse
gcig pa zhi gnas dngos sam

de dang rjes su mthun pa zhig dang/ dge ba'i dmigs pa la so
sor dpyod pa'i ji lta ba dang ji snyed pa 'byed pa'i lhag
mthong dngos sam de dang rjes su mthun pa zhig ste gnyis dgos
par gsungs so/ /de ltar yang/ 'phags pa

@138a @#/ /dgongs 'grel las/ byams pa yang nyan thos rnams
kyi'am byang chub sems dpa' rnams kyi'am de bzhin gshegs pa
rnams kyi dge ba'i chos 'jig rten pa'am 'jig rten las 'das pa
thams cad kyang

zhi gnas dang lhag mthong gi 'bras bur rig par bya'o/ /zhes
gsungs so/ /'di la zhi lhag dngos dang rjes su mthun pa gnyis
ma byas na theg pa gsum gyi yon tan thams cad zhi lhag dngos
kyi 'bras bur 'ong ba'i nges pa

med do/ /de ltar sdug bsngal brgyad las dang po skye ba'i sdug
bsngal bsam pa ni lnga las/ skye ba sdug bsngal dang ldan pas
sdug bsngal ba ni/ /sems can dmyal ba pa rnams dang/ mtha'
gcig tu sdug bsngal ba'i yi dwags rnams

dang mngal nas skye ba rnams dang sgo nga las skye ba ste bzhi
po de dag ni skye ba na/ sdug bsngal gyi tshor ba drag po mang
po dang bcas par skye ba'o/ /skye ba gnas ngan len dang ldan
pas sdug bsngal ba ni/ khams gsum gyi 'du byed

thams cad ni nyon mongs pa'i phyogs dang mthun pa'i gnas ngan
len dang ldan pas las su mi rung ba dang dbang bsgyur ba ma
yin la/ khams gsum gyi sems can gyi 'du byed mngon par 'grub
pa na'ang nyon mongs pa'i phyogs dang

mthun pa'i gnas ngan len dang rjes su 'brel ba ste/ mdor na
nyon mongs skye ba dang gnas pa dang 'phel ba'i sa bon rjes su
'brel bas dge ba la bkol bzod pa'i las su rung ba yang med/ ci
'dod 'dod du dbang bsgyur du yang mi

@138b rung ba'o/ /skye bsdug bsngal gyi gnas su gyur pas sdug
bsngal ba ni/ khams gsum du skye ba blangs pas de la brten nas
rga ba dang na ba dang 'chi ba la sogs pa'i sdug bsngal rgyas
par 'gyur ba'o/ /skye ba nyon mongs kyi gnas su gyur pas

sdug bsngal ba ni/ 'khor bar skyes pa na chags pa'i yul dang
sdang ba'i yul dang rmongs par 'gyur ba'i yul rnams la dug
gsum skye zhing/ des kyang lus dang sems rab tu ma zhi zhing
sdug bsngal nas bde ba la mi gnas pa ste/ nyon mongs

pas sgo sna tshogs nas lus dang sems gdung ba'o/ /skye ba mi
'dod bzhin du 'bral ba'i chos nyid yin pas sdug bsngal ba ni/
skyes pa thams cad kyi mtha' 'chi ba las ma 'das shing/ de
yang mi 'dod la/ des kyang sdug bsngal kho na myong

bar byed pa'o/ /de ltar na skye ba'i tshe sdug bsngal dang bcas
pa dang gnas ngan len dang ldan par skye zhing/ skyes pa des
kyang na rga la sogs pa dang nyon mongs pa rnams dang 'chi ba
'dren la/ de dag gis kyang sdug bsngal bar byed pa'i  

tshul sems par byed pa'o/ /khyad par du mngal na gnas pa'i tshe/
sdug bsngal ji 'dra ba myong ba ni/ slob ma la springs pa las/
shin tu mi bzad dri nga mi gtsang bcer bas 'gags/ /rab tu dog pa
mun gnag 'thibs por 'dug

pa yi; ;mngal gnas dmyal ba lta bu'i nang du de zhugs nas/
/lus yongs bskums la sdug bsngal chen po mnag dgos so/ /zhes
gsungs pa ltar ro/ /tshig de dag gi don yang/ mngal du 'jug pa
las/ mi gtsang

@139a @#/ /ba rnam pa mang pos yongs su gang ba srin bu'i rigs
stong phrag mang po'i gnas shin tu dri nga ba'i sgo gnyis dang
ldan pa rus pa'i bu ga dang khung bu phug du ma dang ldan pa/
gcin dang klad pa dang klad

rgyas dang rkang gi tshogs kyi ljan ljin can du pho ba'i 'og
/long ka'i steng na kha ni sgal tshigs la bltas/ rgyab ni lto
ba'i pags pa la bstan te/ zla ba re re bzhin zla mtshan 'byung
bas ni brta/ ma yis zas kyi rnam pa so'i phreng

ba gnyis kyis zhib mor byas shing mid par mid pa nas/ 'og nas
kha'i rma'i dri ma dang kha chus brlan pa/ steng nas klad
rgyas sbags pa skyugs pa dang 'dra ba'i zas kyi ro khong nas
lte ba'i bu ga nas 'jug pas ni bskyed cing/

nur nur po dang mer mer po dang nar nar po dang gor gor po
rkang lag 'gyus pa'i ngo bor yongs su 'gyur bar 'gyur zhing/
lag pa dang rkang pa dang 'gram pa ni sha ma'i snod kyis
dkris/ snabs phyi sa bzhin du dri nga ba  

mnam pa mi bzad pa mun gnag 'greng bar ni yan man rgyu/ zas
kyi ro kha ba dang skyur ba dang rtsub pa dang lan tshwa dang
tsha ba dang bska ba me stag lta bu dag gis ni reg /srin grol
ma bzhin mi gtsang ba'i khu bas ni gos/ mi

gtsang ba myags pa rab tu 'bar ba'i 'dam gyi nang du ni song/
srig gi dbang po ni mi brtan/ ma'i lus kyi nang gi mes ni kun
nas gdung kun tu gdung yongs su gdung/ tsha kun tu tsha yongs su
tsha/ bsreg kun tu bsreg yongs

@139b su bsreg cing sdug bsngal gyi tshor ba chen po drag pa
rtsub pa mi bzad pa yid du mi 'ong ba myong bar 'gyur ro/ /ji
lta ji ltar de'i ma g.yo ba dang kun tu g.yo ba dang yongs
su g.yo ba de lta de ltar yang de bcing ba lngas bcings pa
dang me ma

mur gyi dong du bcug pa lta bur sdug bsngal gyi tshor ba chen
po drag pa rtsub pa mi bzad pa yid du mi 'ong ba dpe bya bar
dka' ba myong bar 'gyur ro/ /zhes gsungs so/ /de bzhin du mas
zas ha cang mang nyung du zos pa dang ha cang snum pa

rtsub pa grang ba tsha ba lan tshwa che ba skyur ba mngar ba kha
ba tsha ba ha cang bska ba'i zas zos pa dang 'dod pa la spyod
pa dang/ ha cang brgyug pa dang mgyogs pa dang mchong ba dang
rkyal ba dang me'i drung na 'dug gam tsog tsog por 'dug

na yang mngal na gnas pa la gnod par gsungs shing/ pho bas
bkab long kas brten nas bcing ba lngas bcings pa'am gsal shing
gis btsugs pa bzhin du gnas par gsungs so/ /mngal nas btsa'
ba'i tshe dang phyi rol

tu skyes pa'i tshe'i sdug bsngal yang/ slob springs las/ de ni
rim gyis til mar btsir spyad sra ba yis/ /btsir ba ltar byas
de nas ci zhig ltar te btsas/ /'on kyang mod la de srog mi
'dor gang yin pa/ /sdug bsngal

nye bar spyad pa'i rnam par mtho btsams mod/ /mig gtsang de
nang gnas bcas 'gre ba'i lus de ni/ /mngal gnas rlon pas dkris
shing dri pa mi bzad ldan/ /gzir bas gnod pa bdo de rma smin
zhig pa ltar/ /skyug la

@140a @#/ /tug pa bzhin du sngon gyi dran pas spong/ /zhes
gsungs pa'o/ /tshig de dag gi don ni/ mngal du 'jug pa las/ de
nas de yan lag dang nying lag thams cad skyes nas gcin gyi
gnas rul ba ltung ba 'greng ba

mi bzad pa dri nga ba mnam pa mun gnag mthong na shin tu 'jigs
su rung ba phyis dang gcin gyis bsgos pa dri mi zhim pa'i dri
ma dang khrag dang chu ser can rtag tu 'dzag pa'i rma'i sgor/
sngon gyi las kyi rnam par smin pa las

skyes pa'i rlung gis rkang pa ni gyen du bstan/ mgo bo ni thur
du bstan/ lag pa gnyis bskums pa na rus pa'i 'khrul 'khor
gnyis kyis gzir kun tu gzir yongs su gzir zhing/ sdug bsngal
gyi tshor ba chen po drag

pa rtsub pa mi bzad pa yid du mi 'ong ba dag gis lus kyi yan
lag rma gsar pa lta bu bze re can thams cad sngon por gyur la
lus kyi dbang po thams cad ni tsha/ mngal gyi dri ma shin tu
btsog pas ni lus g.yogs/ skom pas  

mchu dang mgrin pa dang snying ni bskams te/ dog pa dang nyam
nga ba mi bzad par gnas pa de rgyu dang rkyen gyi dbang gis
sngon gyi las kyi rnam par smin pa las skyes pa'i rlung gis
phul ba na dka' dka' ltar ji zhig ltar te 'byung ngo/ /

de byung ma thag tu phyi rol gyi rlung rma la rtsi drag po'i
reg pa can lta bu'am lag pa'am gos kyis reg na ral gris bcad
pa bzhin du/ sdug bsngal gyi tshor ba chen po drag pa rtsub pa
mi bzad pa yid du mi 'ong bar 'gyur

@140b ro; ;zhes gsungs shing/ ba lang pags pa bshus pa la
srog chags gzhan gyis zos pa dang/ mdzo can lus tshos pa lcag
gis brabs pa na sdug bsngal drag po myong ba bzhin du/ btsas
ma thag pa de pang du blangs pa sogs

dang tsha ba dang grang bas reg pa na yang sdug bsngal drag po
rtsub pa mi bzad pa yid du mi 'ong ba myong bar gsungs so/
/sdug bsngal brgyad kyi nang nas kyang dang po 'di dang tha ma
lan na cher byas te bsgom dgos pas sngar bshad pa

ltar so sor rtog pa'i shes rab kyis yang dang yang du dpyad de
bsgom par bya'o/ /rga ba'i sdug bsngal bsam pa la lnga las/
gzugs bzang po yongs su nyams pa ni/ rked pa gzhu ltar du dgu
ba dang mgo spra ba'i me

tog ltar dkar ba dang dpral ba dras gdan ltar gnyer mas khebs
pa sogs kyis lang tsho nyams nas mi sdug par 'gyur ba'o/ /mthu
stobs yongs su nyams pa ni/ 'dug na sa sgye thag pa chad pa
'dra ba dang langs na shing rtsa gnam

du 'don pa 'dra ba dang smra na ldi ba cing 'gro na 'bub pa
sogs byed pa'o/ /dbang po yongs su nyams pa ni/ mig la sogs
pas gzugs la sogs pa gsal bar mi mthong ba dang brjed ngas che
ba la sogs pas dran pa la

sogs pa'i mthu bri ba'o/ /yul la longs spyod pa yongs su nyams
pa ni/ bza' btung la sogs pa 'ju dka' zhing gzhan yang 'dod
pa'i yon tan rnams la longs spyad par mi nus pa'o/ /tshe yongs
su nyams pa'i 

@141a @#/ /sdug bsngal ni/ tshe phal cher zad pas myur du 'chi ba
la phyogs pa ste/ de rnams yang dang yang du sems pa'o/ /rgya
cher rol pa las kyang/ rga bas rga byas na tshod yol gyur na/
/sdong po gnam lcags kyis

ni bcom pa bzhin/ /rga bas 'khogs na 'jigs bcas khang hrul 'dra/
/rga las 'byung ba thub pa myur du smros/ /bud med skyes pa'i
tshogs rnams rga bas skems/ /'khri shing sA la'i nags la rlung
dmar bzhin/ /rga

bas brtson 'grus rtsal dang shugs 'phrog ste/ /dper na skyes bu
'dam du bying ba bzhin/ /rga bas gzugs sdug gzugs ni mi sdug
byed/ /rga bas gzi brjid 'phrog cing mthu stobs 'phrog /rga bas
bde ba 'phrog cing

brnyas par byed/ /rga bas 'chi byed rga bas mdangs kyang 'phrog
/ces gsungs so/ /spyan snga'i zhal nas 'chi ba'i sdug bsngal thu
ste yun thung/ rgas pa 'di ga thu gsung ngo/ /ka ma ba'i zhal
nas/ rgas pa khad kyis

khad kyis 'ong bas drag /dus gcig la 'ong na bsran thabs med
gsung ngo/ /na ba'i sdug bsngal bsam pa la yang lnga las/ lus
kyi rang bzhin 'gyur ba ni/ lus kyi sha zhu pags pa bskams pa
sogs so/ /

sdug bsngal dang yid mi bde ba 'phel zhing/ de la shas cher gnas
pa ni/ lus kyi chu la sogs pa'i khams rnams cha mi mnyam par
shas che chung du 'khrugs pas lus la gdung ba bskyed cing des
sems la mi bde ba

@141b bskyed pas nyin mtshan 'da' dgos pa'o/ /yul gyi longs spyod
yid du 'ong ba mi 'dod pa ni/ yid du 'ong ba'i yul rnams la nad
la gnod zer nas 'dod bzhin du spyad dbang med pa ste/ de bzhin
du spyod lam yang gang

'dod pa rnams byar med pa'o/ /yul gyi longs spyod yid du mi 'ong
ba la/ mi 'dod bzhin du spyad dgos pa ni/ sman dang bza' btung
sogs yi gar mi 'ong ba nan gyis spyad dgos shing/ de bzhin du
mes bsreg pa

dang mtshon gyis 'bugs pa sogs kyi dpyad rtsub po rnams bsten
dgos pa'o/ /srog gi dbang po dang 'bral bar 'gyur ba ni/ nad mi
'tsho bar mthong nas sdug bsngal bskyed pa ste/ de rnams la zhib
tu sems pa'o/ /

rgya cher rol pa las kyang/ nad brgya mang dang nad thibs sdug
bsngal gyis/ /'gro ba gtses te mi yis ri dwags bzhin/ /rga dang
na bas bcom pa'i 'gro ltos la/ /sdug bsngal las ni 'byung ba
myur shod cig /dper na

dgun smad rlung dang kha ba che/ /rtswa shing gel pa nags sman
mdangs kyang 'phrog /de ltar nad 'dis 'gro ba'i mdangs 'phrog
cing/ /dbang po gzugs dang stobs ni nyams par byed/ /nor 'bru
nor chen tha mar zad par

byed; ;nad ni rtag tu 'gro ba brnyas par byed/ /gnod pa byed
cing sdug la sdang bar byed/ /yongs su gdung byed mkha' las nyi
ma bzhin/ /zhes gsungs so/ /'chi ba'i sdug bsngal bsam pa la
yang lnga ste/ longs spyod

@142a @#/ /sdug pa phun sum tshogs pa dang 'bral ba dang/ rtsa
'jing sdug pa phun sum tshogs pa dang 'bral ba dang/ 'khor sdug
pa phun sum tshogs pa dang 'bral ba dang/ lus sdug pa phun sum
tshogs pa dang

'bral ba dang/ 'chi ba'i tshe sdug bsngal dang yid mi bde drag po
myong ba ste/ de rnams la yid skyo bar ma gyur gyi bar du yang
dang yang sems pa'o/ /snga ma bzhi sdug bsngal du 'gro tshul ni/
phun tshogs bzhi po de dag dang

'bral bar mthong nas sdug bsngal ba'o/ /rgya cher rol pa las
kyang/ 'chi dang 'pho dang 'chi 'pho dus byed pa/ /phangs shing
sdug pa'i skye bo rtag tu 'bral/ /phyir mi 'ong zhing phrad par
'gyur ma yin/ /shing las lo 'brul

'dra zhing klung rgyun mtshungs/ /'chi ba dbang yod pa dag dbang
med byed/ /'chi bas 'phrog byed chu bos shing ded bzhin/ /mi ni
gnyis min grogs med gcig pur 'gro/ /rang las 'bras bu ldan pas
dbang yang med/ /

'chi bas srog chags brgya phrag mang 'dzin te/ /'byung po'i
tshogs la rgya mtsho'i chu srin bzhin/ /klu la mkha' lding glang
chen seng ge 'dra/ /rtswa shing 'byung po'i tshogs la me dang
mtshungs/ /zhes gsungs so/ /mi sdug pa

dang phrad pa'i sdug bsngal bsam pa la yang lnga ste/ dgra lta
bu dang phrad pa tsam gyis sdug bsngal dang yid mi bde ba skye
ba dang/ des chad pas gcod pa'i 'jigs pa'i gnas su gyur pa dang/
tshigs su bcad pa med pa

@142b ste gtam ngan pas 'jigs pa dang/ nyam nga bzhin du 'chi
bas 'jigs pa dang/ chos las 'gal bas shi ba'i 'og tu ngan 'gror
song gis dogs nas 'jigs pa ste/ de dag la sems pa'o/ /sdug pa
dang bral ba'i sdug

bsngal bsam pa yang lnga ste/ ches phangs pa'i gnyen la sogs pa
dang bral ba na des sems la mya ngan skye ba dang/ ngag tu smre
sngags 'don pa dang/ lus la gnod pa bskyed pa dang/ yul de'i yon
tan dran zhing 'dod pas yid

gdung ba dang/ de'i longs spyod mtshang ba ste de rnams la sems
pa'o/ /'dod pa btsal te ma rnyed pa'i sdug bsngal bsam pa yang
lnga ste/ sdug pa dang bral ba dang 'dra'o/ /'dod pa btsal te ma
rnyed pa ni so nam byas kyang ston

thog ma grub pa dang/ tshong byas kyang khe spogs ma thon pa sogs
te/ gang la re ba de 'bad nas btsal yang ma rnyed pas yi chad
pa'i sdug bsngal lo/ /mdor na nye bar len pa'i phung po lnga
sdug bsngal zhes gsungs pa'i don bsam pa

yang lnga ste/ mngon par 'grub pa'i sdug bsngal gyi snod dang/
mngon par grub pa la brten pa'i sdug bsngal gyi snod dang/ sdug
bsngal gyi sdug bsngal gyi snod dang/ 'gyur ba'i sdug bsngal gyi
snod dang/ 'du byed kyi sdug

bsngal gyi rang bzhin du gyur pa ste/ de dag la yang yang sems
pa'o/ /de la dang po ni nyer len gyi phung po 'di blangs pa la
brten nas skye ba phyi ma phan chad kyi sdug bsngal rnams 'dren
pa'o/ /gnyis pa ni phung po grub zin pa la

@143a @#/ /brten pa'i na rga la sogs pa'i rten du gyur pa'o/
/gsum pa dang bzhi pa ni sdug bsngal gnyis po de'i gnas ngan len
rjes su 'brel bas de gnyis bskyed pa'o/ /lnga pa ni nyer len gyi
phung po grub tsam gyis

'du byed kyi sdug bsngal gyi rang bzhin du skye ste/ las dang
nyon mongs pa snga ma'i gzhan gyi dbang du gyur pa'i 'du byed
thams cad 'du byed kyi sdug bsngal yin pa'i phyir ro/ /'di zhib
tu sdug bsngal gsum gyi skabs su

bshad par bya'o/ /nyer len gyi phung po'i rang bzhin gyi 'khor
ba la skyo ba rnal ma zhig ma skyes na thar pa don gnyer gyi blo
sna rnal ma skye sa med cing/ sems can 'khor bar 'khyams pa la
snying rje chen po yang skye thabs med pas

theg pa che chung gang du 'jug kyang bsam pa 'di shin tu gal
che'o/ /de skye ba yang dri ma med pa'i gsung rab dang dgongs
'grel tshad ldan gyi rjes su 'brangs nas go ba rnam dag btsal te/
de nas ring du so sor rtog

pa'i dpyad sgom gyis blo'i 'gyur ba drag po 'don dgos pas/ bcom
ldan 'das kyis sdug bden 'khor ba'i nyes dmigs shes pa la sdug
bsngal brgyad gsungs pa'i dgongs pa 'phags pa thog med kyis

legs par gtan la phab pa ltar bshad pa yin no/ /po to ba'i zhal
nas rigs drug gang du skyes phan chad na tsha dang 'chi ba la
sogs pa'i sdug bsngal 'byung ba ni na rgyu zhig na ba yin/ 'chi
rgyu zhig 'chi ba yin

@143b gyi; de la mi 'os pa zhig glo bur du byung ba min 'khor
ba'i mtshan nyid dam rang bzhin yin/ 'khor bar gnas ring la de
las ma 'das/ rang cag de la yid 'byung na skye ba spong dgos/ de
la rgyu spong dgos gsung ba ltar

sngar bshad pa'i skye rga na 'chi sogs kyi sdug bsngal 'byung ba
rnams la de ltar du bsam mo/ /gnyis pa sdug bsngal drug bsam pa
ni/ bshes springs kyi 'grel par bdun gsungs pa'i tha ma ni so
so'i nyes dmigs yin pas

'dir drug bsam par bya'o/ /de la nges pa med pa'i nyes pa ni/
'khor ba na 'khor ba na pha ma la sogs pa gnyen rnams tshe rabs
gzhan du dgrar 'gyur zhing dgra rnams gnyen du 'gyur ba dang/ de
bzhin du pha bur 'gyur zhing bu

phar 'gyur ba dang ma chung mar 'gyur zhing chung ma mar 'gyur
ba sogs su rim pa bzhin 'phos nas 'gro ba kho na yin pas yid
brtan rung ba ye med pa ste/ bshes springs las/ pha ni bu nyid
ma ni chung ma nyid/ /skye bo dgrar

gyur pa yang bshes nyid dang/ /ldog pa nyid du mchi bas de slad
du/ /'khor ba dag na nges pa 'ga' ma mchis/ /zhes gsungs so/
/tshe 'di nyid la yang dgra mnyen phan tshun du 'gyur nas 'gro
ste/ dpung bzang gis zhus pa

las; re zhig cig na 'gra yang mdza' bor 'gyur/ /mdza' bo yang ni
de bzhin dgrar yang 'gyur/ /de bzhin kha cig kyang ni bar mar
'gyur/ /bar ma de nyid kyang ni dgra bor 'gyur/ /de bzhin mdza'
bshes 'gyur bar

@144a @#/ /rig nas ni/ /blo gros ldan pas nam yang chags mi bya/
/gnyen la dga' ba'i sems kyi rnam rtog dag /bzlog nas dge la ci
bder gzhag par bya/ /zhes gsungs pa ltar bsgoms nas/ dgra gnyen

la ris su bcad nas chags pa dang sdang pha skye ba bkag ste
'khor ba'i chos la blo gtad sa gang yang med par bltas la skyo
bar bya'o/ /ngoms mi shes pa'i nyes pa ni/ re res rgya mtsho bzhi
las lhag pa yi/ /'o ma 'thungs

te da dung so so yi/ /skye bo'i rjes su 'brang ba'i 'khor ba
pas/ /de bas ches mang nyid cig btung 'tshal lo/ /zhes sems can
re res kyang sngar ma'i nu zho ji tsam 'thungs pa dang/ da dung
yang thar pa'i lam la ma bslabs

na ji tsam 'thung bar 'gyur ba sems pa'o/ /'di ni mtshon pa tsam
ste 'khor ba'i phun tshogs dang sdug bsngal la 'di ma myong bya
ba med pa'i tshul bsams nas yid skyo bar bya dgos te/ bde ba la
longs spyod pa ni

yid tshim pa'i phyir yin na srid pa'i bde ba ni ji tsam longs
spyad kyang tshim pa med pas phyi phyir sred pa 'phel bar 'gyur
zhing/ des kyang 'khor bar ring du 'khyams te/ bde ba de dag gis
cha tsam du yang mi phod

pa'i sdug bsngal shin tu bzod bka' ba rnams dus dpag tu med par
myong bar 'gyur ro/ /bshes springs las/ ji ltar mdze can srin
bus nyen pa ni/ /bde ba'i don du me la kun bsten kyang/ /zhi bar
mi 'gyur

@144b de nyid 'dra bar ni/ /'dod pa rnams la chags pa'ang mkhyen
par mdzod/ /ces dang/ phar phyin bsdus pa las kyang/ 'dod pa de
dag thob pa dang/ /nyin gcig bzhin du bsten pa dang/ /mang du
bsags pas mi

ngoms ni/ /de las nad che gang zhig yod/ /ces dang/ slob springs
las kyang/ 'gro bar lan brgyar ma son 'gro de gang zhig yod/
/sngon chad lan mang ma myong bde ba de gang zhig /rnga yab
dkar
mdzes lta bu'i dpal gang ma

thob pa/ /de yang gang zhig yod na 'on kyang 'dod chags 'phel/
/sngon chad lan mang ma myong sdug bsngal de yod min/ /'gro bar
gang gis tshim 'gyur 'dod pa de dag med/ /gang gi ltor ma nyal
ba'i sems can de med na/ /'on kyang

ji ltar 'khor ba pa la chags bral med/ /ces gsungs pa ltar bsam
mo/ /gzhan yang mya ngan bsal ba las gsungs pa ltar bsams na ni
shin tu skyo bar 'gyur te/ yang dang yang du dmyal ba na/ /zangs
zhun bskol ba gang

'thungs pa/ /rgya mtsho'i nang gi chu la yang/ /de yi tshad tsam
yod ma yin/ /khyi dang phag tu gyur pa na/ /mi gtsang ba ni gang
zos pa/ /ri yi rgyal po lhun po yi/ /tshad las shin tu lhag par
'gyur/ /mdza' bshes rab tu bral ba

yis; ;'khor ba'i gnas su gang dus pa/ /mig gi mchi ma'i thigs pa
yi/ /snod du rgya mtsho rung ma yin/ /phan tshun dag tu rtsod pa'i
phyir/ /mgo bo bcad pa gang yin pa/ /spungs na de ltar mtho ba
ni/ /tshangs pa'i 'jig

@145a @#/ /rten las kyang thal/ /srin bur gyur cing rab bkres
pas/ /sa lud zos pa gang yin pa/ /'o ma'i rgya mtsho che nang du/
/de yis bkang na shin tu 'geng/ /zhes gsungs pa ltar ro/ /de
ltar na sdong po bkod pa

las; khyod kyis 'dod rgyus don med chud gzan pa'i/ /lus kyi
sngon gyi mtha' gang dran byas te/ /de ring byang chub yongs
tshol brtul zhugs dang/ /bcas 'dir brtul zhugs kyis ni 'dod pa
chom/ /khyod kyis 'dod rgyus don

med chud gzan pa'i/ /lus kyi sngon gyi mtha' gang dran byas te/
/ganggA'i bye snyed mnyes par ma byas shing/ /'di 'dra'i gsung
gang sangs rgyas las ma thos/ /zhes gsungs pa ltar/ srid pa'i
phun tshogs ji snyed cig thob

kyang bslus pa dang don med pa'i sdug bsngal dpag tu med pa
myong nas sngar ltar lus dpag tu med pa chud zos pa dran par
bya/ da dung yang ma 'bad na de ltar 'gyur ba'i tshul bsams la
skyo ba bskyed par bya'o/ /spyan snga'i zhal

nas; jo bo ston pa thog ma med pa nas ci 'dra'i lus shig blangs
pa la/ da res bzhin du theg chen gyi chos byed ma myong bas
'bung dgos gsung ba dang/ gsang phu ba'i zhal nas/ 'khor ba 'dir
gan bub mang po zhig byed dgos pa

'di nyams la re ma bab gsung ba lta bu'i blo sna ma skyes kyi
bar du bsam dgos shing/ skyes nas kyang rgyun ldan du bskyang
dgos so/ /lus yang dang yang du 'dor ba'i nyes pa ni/ re re'i
bdag nyid rus pa'i phung po ni/ /lhun po

@145b mnyam pa snyed cig 'das gyur te/ /zhes gsungs te/ sems can
re re'i lus blangs nas dor ba'i rus pa ma god na lhun po las
kyang mang ba'o/ /yang dang yang du nyid mtshams sbyor ba'i nyes
pa ni/ ma yi thug mtha' rgya

shug tshi gu tsam/ /ri lus bgrangs kyang sa yis lang mi 'gyur/
/zhes pa'o/ /'di snga ma rnams sems can gcig gis ma byas pa'i
grangs la sbyor ba ni don min te/ 'di'i 'grel par mdo drangs pa
las/ dge slong dag

dper na skyes bu 'ga' zhig gis sa chen po 'di las rgya shug gi
tshig gu tsam gyi ri lu thogs te/ 'di ni bdag gi ma'o/ /'di ni
bdag gi ma de'i yang ma'o zhes 'dor bar byed na/ dge slong dag
sa chen po 'di'i 'jim pa ni

ches sngar 'dzad par 'gyur gyi/ mi rnams kyi ma brgyud pa ni de
lta ma yin no/ /zhes rang gi ma nas de'i ma la sogs pa'i ma rim
pa bzhin du brgyud pa ston par snang ba'i phyir dang/ gzhung las
kyang ma'i thug mtha' zhes

gsungs pa'i phyir ro/ /'di skyo ba'i rgyur 'gyur lugs ni/ bzhi
brgya pa las/ gang tshe 'bras bu gcig gi yang/ /thog ma'i rgyu ni
snang min pa/ /de tshe gcig la yang rgyas par/ /mthong nas gang
la 'jigs mi 'byung/ /zhes

gsungs pa dang/ de'i 'grel par yang/ 'dis ni rgyun dpag gis mi
lang ba'i tshang tshing gis ches rgyu bar dka' ba'i 'khor ba'i
'brog dgon pa chen po la rtag tu skyo ba dang de dang rjes su
mthun pa'i tshul bzhin gyi rnam pa bsgom

@146a @#/ /par rigs so/ /zhes gsungs pa ltar shes par bya'o/
/yang dang yang du mtho dman du 'gyur ba'i nyes pa ni/ brgya
byin 'jig rten mchod 'os gyur nas ni/ /las kyi dbang gis phyir
yang sa

steng ltung/ /'khor los bsgyur ba nyid du gyur nas kyang/ /'khor
ba dag tu yang bran nyid du 'gyur/ /mtho ris bu mo'i nu ma rked
pa la/ /reg pas bde ba yun ring myong nas slar/ /dmyal bar 'thag
gcod dbrad pa'i

'khrul 'khor gyi/ /reg ba shin tu mi bzad bsten 'tshal lo/ /rkang
pa'i reg pas nems par bde bzod pa/ /lhun po'i spo la yun ring
gnas nas ni/ /slar yang me mur ro myags rgyu ba yis/ /sdug
bsngal mi bzod

phog snyam bgyid 'tshal lo/ /mtho ris bu mos 'brongs shing dga'
ba dang/ /rnam par mdzes tshal son par brtses nas slar/ /'dab ma
ral gri 'dra tshal gnas rnams kyis/ /rkang lag rna ba sna gcod
'thob par

'gyur/ /dal gyis 'bab par lha yi bu mo ni/ /gdong mdzes gser gyi
padma ldan zhugs nas/ /slar yang dmyal ba'i chu bo rabs med pa/
/tsha rgos bzod glags chu tshan 'jug 'tshal lo/ /lha yul 'dod bde
shin tu chen po

dang; ;tshangs nyid chags bral bde ba thob nas slar/ /mnar med me
yi bud shing gyur pa yis/ /sdug bsngal rgyun mi 'chad pa bsten
'tshal lo/ /nyi ma zla ba nyid thob rang lus kyi/ /'od kyis 'jig
rten mtha' dag snang byas te/ /

@146b slar yang mun gnag smag tu phyin gyur nas/ /rang gi lag pa
brkyangs pa'ang mi mthong 'gyur/ /zhes gsungs so/ /'thag pa la
sogs pa'i 'khrul 'khor gsum ni rim pa ltar bsdus 'joms dang thig
nag dang tsha ba gsum

na yod do/ /mtho ris bu mos 'brongs pa ni lha'i bu mos bsten
pa'o/ /lha yul 'dod bde zhes pa ni sum cu rtsa gsum yan chad kyi
'dod lha'i 'o/ /nyi ma dang zla ba'i 'od ni rten dang brten pa
ma phye bar 'jig rten na grags pa

ltar bshad pa ste/ phye na de gnyis kyi gzhal med khang gi 'od
do/ /'di dag gis mtshon nas mtho sa nas dma' sar 'gro ba'i tshul
thams cad bsams nas srid pa la skyo bar bya ste/ srid pa'i phun
tshogs thams cad kyi

mtha' rgud pas sdud pa'i phyir ro/ /de yang 'dul ba lung las/
bsags pa kun gyi mtha' 'dzad cing/ /mthon po rnams kyi mtha'
ltung 'gyur/ /phrad pa'i mtha' ni 'bral ba ste/ /gson pa'i mtha'
ni 'chi ba yin/ /

zhes gsungs pa ltar ro/ /grogs med pa'i nyes pa ni/ de ltar
nongs par 'gyur 'tshal bsod nams ni/ /rnam gsum mar me'i snang ba
rab bzhes shig /gcig pu nyi ma zla bas mi brdzi ba'i/ /mun gnag

mtha' yas nang du 'jug 'tshal lo/ /zhes gsungs pa'o/ /nongs par
'gyur ba 'tshal ba ni gong du bstan pa de ltar 'chi dgos pa
mkhyen par mdzod la/ bsod nams kyi snang ba bzhes shig ces pa'o/
/bsod

@147a @#/ /nams gsum ni sgo gsum gyi dge ba'am sbyin pa las byung
ba sogs gzhi gsum mo/ /mun gnag mtha' yas pa ni ma rig pa'i mun
pa'o/ /grogs med par 'jug pa ni/ spyod 'jug

las; lus 'di gcig pu byung ba yang/ /lhan cig skyes pa'i sha rus
dag /zhig ste so sor 'gyes 'gyur na/ /mdza' ba gzhan lta ci zhig
smos/ /skye na gcig pu skye 'gyur zhing/ /'chi na'ang de nyid
gcig 'chi ste/ /sdug

bsngal skal gzhan mi len na/ /gegs byed mdza' bas ci zhig bya/
/zhes gsungs pa ltar ro/ /de ltar drug ni gsum du 'du ste/ 'khor
ba la yid brtan bya sa med pa dang/ de'i bde ba la ji tsam spyad
kyang ngoms pa'i mtha'

med pa dang/ thog ma med pa nas zhugs pa'o/ /dang po la bzhi
las/ lus thob pa la yid brtan mi rung ba ni/ yang dang yang du
lus 'dor ba'o/ /phan gnod byed pa la yid brtan mi rung ba ni/
nges pa med pa'o/ /phun

tshogs thob pa la yid brtan mi rung ba ni/ mtho dman du 'gyur
ba'o/ /'grogs pa la yid brtan mi rung ba ni/ grogs med par 'gro
ba'o/ /gsum pa ni/ yang yang nying mtshams sbyor ba ste/ skye ba
brgyud pa'i mtha'

mi mngon pa'o/ /de ltar bsdus nas kyang bsam par bya'o/ /gsum pa
sdug bsngal gsum bsgom pa ni/ dper na/ phol mig gam 'bras shin
tu tsha ba de la chu bsil ba btab na bde bar snang ba lta bu ni/
'khor ba pa

@147b rnams kyi tshor ba bde ba ste/ 'di ni nam zhig pa na yang
sdug bsngal bskyed pas 'gyur ba'i sdug bsngal lo/ /de yang tshor
ba de kho na ma yin gyi/ de dang mtshungs par ldan pa'i sems sems
byung gzhan rnams dang/ gang la

dmigs nas skye ba'i yul zag bcas rnams kyang 'gyur ba'i sdug
bsngal lo/ /'bras tsha bas gdungs pa de tshwa chu la sogs pa'i
'gyur byed kyi reg pa dang phrad pa na ches sdug bsngal ba bzhin
du/ tshor ba sdug bsngal shes par bya

ste; nam skyes pa tsam nas lus sems gdung bar byed pa'i phyir
sdug bsngal gyi sdug bsngal te/ mkha' ma'i zug gzer bzhin no/
/de yang tshor ba gcig pu min pa na sngar ltar ro/ /reg pa de
gnyis ka dang ma phrad pa'i dus

kyi 'bras tsha ba lta bu ni/ zag pa dang bcas pa'i tshor ba btang
snyoms te/ gnas ngan len rjes su 'brel bas 'du byed kyi sdug
bsngal lo/ /'di yang tshor ba gcig pu la mi bya ba ni sngar ltar
ro/ /'di ni las dang nyon mongs pa snga

ma'i gzhan dbang du gyur cing/ sdug bsngal dang nyon mongs pa
phyi ma rnams skye ba'i sa bon rjes su 'brel bas na kun tu 'gro
ba'i gnas ngan len dang ldan pa'o/ /de ltar tshor ba bde ba skyes
pa na chags pa rgyas pa dang/ sdug bsngal

skyes pa na khong khro 'phel ba dang/ bde sdug gang yang min
pa'i gnas ngan len du gtogs pa'i lus la mi rtag pa la rtag pa
sogs su 'dzin pas gti mug rgyas par 'gyur ro/ /de la 'dod chags
kyis ni phyi mar 'gro ba lngar skye

@148a @#/ /ba la sogs pa'i sdug bsngal bskyed la/ zhe sdang gis
ni 'dir mya ngan sogs dang phyi mar ngan 'gro'i sdug bsngal
bskyed cing/ gti mug gis ni de gnyis kyis bskyed pa'i sdug
bsngal gnyis

ka mi gtong ba'i phyir zhugs pa'o/ /des na tshor ba bde ba la
sdug bsngal du bltas la 'dod chags dgag /tshor ba sdug bsngal la
phung po 'di sdug bsngal gyi rgyu'i tshogs pa yin pas de las zug
rngu ltar byung bar bsams la

zhe sdang dgag /tshor ba btang snyoms la ni mi rtag pa dang zad
cing 'gog pa'i rang bzhin can du bltas la gti mug dgag ste/ tshor
ba gsum dug gsum gyi rgyur mi gtong ba'o/ /de dag ni rnal 'byor
spyod pa'i sa dang rnam

par gtan la dbab pa bsdu ba'i dgongs pa bzhin du bshad pa'o/
/dper na/ khur chen po khyer ba ni khur de ji tsam 'khur dgos pa
de tsam du bde ba med pa bzhin du/ nye bar len pa'i phung po'i
khur yang ji srid

bzung dgos pa de srid du sdug bsngal bar 'gyur te/ phung po 'di
la sdug bsngal dang nyon mongs kyi gnas ngan len brtan chags
par
yod pas 'du byed kyi sdug bsngal de yod na/ tshor ba'i sdug
bsngal da lta med

pa'i skabs re byung yang de ma thag yang sgo sna tshogs nas sdug
bsngal du ma bskyed pas na/ 'du byad kyi sdug bsngal ni sdug
bsngal thams cad la khyab pa dang sdug bsngal gzhan gnyis kyi
rtsa ba yin pas 'di la

@148b skyo ba mang du bsgom mo/ /gzhan yang chags pa rgyas par
'gyur ba'i da lta'i tshor ba bde ba ni phal mo che sdug bsngal
phyir bcos pa la bde ba'i blo skyes pa yin gyi/ sdug bsngal bsal
ba la ma bltos pa'i ngo bo nyid kyis

bde ba ni med de/ dper na/ 'gro ba drags pas sdug bsngal ba na
bsdad pas bde ba'i blo 'byung ba de snga ma'i sdug bsngal che
rim nas 'gags pa'i tshe/ bde ba rim gyis skyes par snang ba yin
gyi/ ngo bo nyid kyis bde ba

ni min te/ slar yang bsdad drags na snga ma ltar sdug bsngal
bskyed pa'i phyir ro/ /ngo bo nyid kyis bde ba'i rgyu yin na
sdug bsngal gyi rgyu ji ltar bsten pa tsam gyis sdug bsngal je
'phel du 'gro ba bzhin du/ 'gro 'dug

dang nyal ba dang bza' btung dang nyi ma dang grib ma bsten pa
sogs kyang ji tsam ring du bsten pa de tsam du bde ba je 'phel
du 'gro dgos pa la/ ring drags na sdug bsngal 'ba' zhig bskyed
par snang ba'i phyir ro/ /de ltar

yang mngal du 'jug pa las/ dga' bo 'chag pa dang 'dug pa dang
'greng ba dang nyal ba'i spyod lam dag kyang so so so sor sdug
bsngal bar rig par bya ste/ bsam gtan pas spyod lam de dang de
dag gi rang bzhin

brtags na/ gal te 'chag pas nyi ma 'da' bar byed cing 'greng bar
mi byed 'dug par mi byed nyal bar mi byed na/ des 'chag pa de la
sdug bsngal kho na so sor myong bar 'gyur zhing drag pa nyid
dang rtsub pa nyid dang mi

@149a @#/ /bzad pa nyid dang yid du mi 'ong ba nyid so sor myong
bar 'gyur gyi/ 'chag pa de la bde ba'i 'du shes 'byung bar ni mi
'gyur ro/ /zhes gsungs shing/ spyod lam gzhan gsum la yang de
ltar

gsungs nas/ dga' bo/ 'on kyang spyod lam gyi sdug bsngal de dang
de rgyun bcad pa'i phyir sdug bsngal gsar pa gzhan dang gzhan
'byung ba la bde ba'i 'du shes 'byung ste/ dga' bo/ 'byung ba na
yang sdug bsngal 'di kho na

'byung la/ 'gag pa na yang sdug bsngal kho na 'gag /'byung ba na
yang 'du byed dag nyid 'byung la/ 'gag pa na yang 'du byed dag
nyid 'gag go/ /zhes gsungs shing/ bzhi brgya pa las kyang/ 'phel
bzhin pa yi bde

ba la; ;ji ltar bzlog pa mthong gyur pa/ /de ltar sdug bsngal
'phel bzhin la/ /bzlog pa yod pa ma yin no/ /zhes gsungs pa'i
phyir ro/ /gnyis pa so so'i sdug bsngal bsam pa la drug yod pa
las/ ngan song gsum

gyi sdug bsngal ni bshad zin to/ /mi yi sdug bsngal ni/ bkres
shing skom pa dang tsha grang gi reg pa yid du mi 'ong ba dang
tshol kro dang ngal ba'i sdug bsngal dang gzhan yang skye rga na
'chi sogs bdun ni sngar bshad pas

shes par bya'o/ /gzhan yang tshogs kyi gtam las/ ngan 'gro'i sdug
bsngal ma lus pa/ /mi rnams la yang yod par snang/ /sdug bsngal
gzir bas dmyal ba mtshungs/ /dbul bas gshin rje'i 'jig

@149b rten pa/ /'di yi dud 'gro'i sdug bsngal yang/ /mthu ldan
stobs kyis mthu med pa/ /rnam par gnon zhing 'tshe ba dag /chu bo
lta bu nyid yin no/ /kha cig dbul ba las gyur dang/ /gzhan dag
chog mi shes las byung/ /

yongs tshol sdug bsngal mi bzad dang/ /thams cad 'khu zhing gsod
pa yin/ /zhes dang/ bzhi brgya pa las/ mchog la yid kyi sdug
bsngal te/ /tha mal rnams la lus skyes so/ /sdug bsngal gnyis
kyis 'jig rten 'di//

nyin re nyin re 'joms par byed/ /ces gsungs pa ltar shes par
bya'o/ /lha ma yin gyi sdug bsngal ni/ bshes springs las/ lha
min dag na'ang rang bzhin gyis lha yi/ /dpal la sdang phyir yid
kyi sdug bsngal che/ /de

dag blo dang ldan na 'ang 'gro ba yi/ /sgrib pas bden pa mthong
ba ma mchis so/ /zhes gsungs pa ltar yin te/ de yang lha rnams
kyi dpal 'byor mi bzod pa'i phrag dog gis yid gdung la/ de la
brten nas lha dang

'thab pa na lus bcad pa dang dral ba la sogs pa'i sdug bsngal du
ma myong ba dang/ de rnams shes rab dang ldan yang rnam smin gyi
sgrib pa can yin pas rten de la bden pa mthong du mi rung ngo/
/'di dran pa nyer gzhag

las dud 'gror gsungs la/ rnal 'byor spyod pa'i sa las lha'i 'gro
bar bshad do/ /lha'i sdug bsngal bsam pa la gnyis las/ 'dod lha
la sdug bsngal gsum ste/ 'chi 'pho ba dang ltung ba'i sdug
bsngal dang/

@150a @#/ /spa gong ba'i sdug bsngal dang/ bcad pa dang dral ba
dang gsod pa dang spyug pa'i sdug bsngal lo/ /dang po la gnyis
las/ 'chi 'pho ba'i sdug bsngal ni/ mtho ris na yang bde chen de
dag gi/

'chi 'pho'i sdug bsngal nyid ni de bas che/ /de ltar bsams nas
mkhas pa rnams kyis ni/ /zad 'gyur mtho ris slad du sred mi
bgyi/ /zhes gsungs pa ltar/ sngar lha'i 'dod pa la longs spyad
pa las byung ba'i bde ba las 'chi

'pho ba'i tshe/ 'chi ltas lnga mthong ba na de las byung ba'i
sdug bsngal ches che ba 'byung ngo/ /'chi ltas lnga ni/ de nyid
las/ lus kyi kha dog mi sdug 'gyur ba dang/ /stan la mi dga' me
tog phreng rnyings dang/ /gos la dri ma

chags dang lus la ni/ /sngon chad med pa'i rdul 'byung zhes bgyi
ba/ /mtho ris 'chi 'pho sbron byed 'chi ltas lnga/ /lha yul gnas
pa'i lha rnams la 'byung ste/ /sa steng mi rnams 'chi bar 'gyur
ba dag /sbron par byed pa'i

'chi ltas rnams dang 'dra/ /zhes gsungs so/ /gnas 'og mar ltung
ba'i sdug bsngal ni/ lha yi 'jig rten dag nas 'phos pa la/ /gal
te dge ba'i lhag ma 'ga' med na/ /de nas dbang med dud 'gro yi
dwags dang/ /

dmyal bar gnas pa gang yang rung bar 'gyur/ /zhes gsungs pa ltar
ro/ /spa gong ba ni/ bsod nams kyi phung po ches rgya chen po
dang ldan pa'i lha rnams la 'dod pa'i yon tan ches phul du byung
ba 'byung la/ de lha'i bu

@150b bsod nams chung ba rnams kyis mthong ba na spa gong bar
'gyur zhing/ gzhi de las sdug bsngal dang yid mi bde chen po
myong ba'o/ /bcad cing dral la gsod pa'i sdug bsngal ni/ lha
rnams lha ma yin dang 'thab pa na yan

lag dang nyid lag 'chad pa dang lus dral ba dang gsod pa'i sdug
bsngal myong ste/ mgo bcad na ni 'chi la yan lag lhag ma bcad
cing dral ba rnams phyir skye zhing 'tsho'o/ /spyugs pa ni/ lha
ches stobs dang ldan pa

rnams 'khrugs na lha'i bu ches mthu chung ba rnams rang gi gnas
nas skrod par byed pa'o/ /gzhan yang/ tshogs kyi gtam las/ 'dod
spyod lha ni gang yin pa/ /de la'ang bde ba'i sems med de/ /'dod
pa'i 'dod

chags rim btab pa'i/ /nang gi me yis bsregs gyur pa/ /gang zhig
sems g.yengs gyur pa dag /de la bde ba ga la yod/ /g.yeng med
sems la skad cig kyang/ /dbang byed pa ni ma yin pas/ /rnam
g.yeng dkrugs

pa'i bdag nyid can/ /nam yang zhi bar mi 'gyur te/ /rlung bcas
'bar bas khyab pa yi/ /me ni shing dang bcas dang mtshungs/ /zhes
dang/ nad gsos yun ring ma lon pa'i/ /nad pas mi 'phrod zos dang
mtshungs/ /zhes

gsungs so/ /khams gong ma gzugs dang gzugs med kyi lha rnams la
sdug bsngal de dag med la/ 'on kyang nyon mongs pa dang ldan
zhing sgrib pa dang bcas la 'chi 'pho ba dang/ gnas pa la rang
dbang med pas de

@151a @#/ /dag kyang gnas ngan len gyis ni sdug bsngal ba'o/
/gzhan yang/ tshogs kyi gtam las/ gang zhig gzugs can gzugs med
pa'i/ /sdug bsngal sdug bsngal las 'das shing/ /ting 'dzin bde
ba'i bdag

nyid can/ /bskal par g.yo ba med par gnas/ /de yang shin tu
nges grol min/ /de las slar yang ltung bar 'gyur/ /ngan 'gro'i
sdug bsngal rba klong las/ /'das pa lta bur byung gyur la/ /'bad
kyang ji ltar ring mi gnas/ /mkha'

la lding ba'i bya dang mtshungs/ /byis pa'i stobs kyis mda'
'phangs ltar/ /de ni ltung ba'i mtha' can yin/ /mar me ring du
'bar ba dag  /skad cig re rer 'jig pa ltar/ /'du byed yongs
'gyur zhes pa yi/ /sdug bsngal dag gis

nye bar gtses/ /zhes gsungs so/ /de ltar rigs lnga'am drug gi
'gro ba rnams kyi spyi dang so so'i sdug bsngal bsams nas/ 'khor
ba las yid 'byung bar byas na de ltar 'khor ba'i rgyu gang gis
byas snyam du rgyu la rtog pa 'byung

bas; gnyis pa kun 'byung gi sgo nas 'khor ba'i 'jug rim bsam pa
la gsum/ nyon mongs pa'i skye tshul/ des las gsog tshul/ 'chi 'pho
ba dang nying mtshams sbyor ba'i tshul lo/ /dang po ni/ 'khor ba
'grub

pa'i rgyu la las dang nyon mongs pa gnyis dgos kyang/ nyon mongs
pa gtso bo yin te/ nyon mongs med na sngar bsags kyi las bgrang
las 'das pa yod kyang rlan dang sa la sogs pa med pa'i sa bon
gyis myu gu mi

@151b 'grub pa bzhin du/ las la lhan cig byed rkyen med pas sdug
bsngal gyi myu gu mi 'grub pa'i phyir dang/ nyon mongs yod na
las sngar bsags med kyang de ma thag gsar du bsags nas phung po
phyi ma len pa'i phyir ro/ /

de ltar yang rnam 'grel las/ srid pa'i sred las rnam brgal ba'i/
/las gzhan 'phen nus ma yin te/ /lhan cig byed pa zad phyir ro/
/zhes dang/ sred pa ni/ /yod na slar yang 'byung phyir ro/ /zhes
gsungs

pa'i phyir ro/ /de'i phyir nyon mongs pa'i gnyen po bsten pa gal
che la/ de yang nyon mongs shes pa la rag las pas nyon mongs pa
rnams la mkhas par bya'o/ /'di la bzhi/ nyon mongs ngos bzung ba
dang/ ji ltar

skye ba'i rim pa dang/ nyon mongs pa'i rgyu dang/ nyon mongs
pa'i nyes dmigs so/ /dang po la nyon mongs spyi'i mtshan nyid ni/
kun las btus las/ chos gang 'byung ba na rab tu ma zhi ba'i
mtshan nyid du 'byung ste/ de byung

bas sems kyi rgyud rab tu ma zhi bar 'byung ba de nyon mongs
pa'i mtshan nyid do/ /zhes gsungs pa ltar/ gang skyes pa na sems
rgyud rab tu ma zhi bar byed pa'o/ /so so'i mtshan nyid la nyon
mongs bcu las/ 'dod chags

ni; phyi'am nang gi yul sdug pa yid du 'ong ba la dmigs nas rjes
su chags pa ste/ dper na ras la snum zhugs pa dbyung dka' ba
bzhin du/ 'di yang rang gi dmigs pa la zhen cing mched pa ni
dmigs pa de dang

@152a @#/ /dbral dka' ba'o/ /khong khro ba ni/ sems can rnams
dang sdug bsngal dang mtshon dang tsher ma sogs sdug bsngal gyi
gnas rnams la dmigs nas kun nas mnar sems pa sems

rtsub mo yul de rnams la gnod pa bya bar sems pa'o/ /nga rgyal
ni/ 'jig lta la brten te phyi'am nang gi mtho dman dang bzang
ngan la dmigs nas sems khengs pa ste/ mtho ba'i rnam pa can du
'jug pa'o/ /ma rig

pa ni; bden bzhi dang las 'bras dang dkon mchog gi rang bzhin la
blo mi gsal bas mi shes pa'i nyon mongs can no/ /the tshom ni/
bden pa sogs gsum la dmigs nas yod dam med yin nam min snyam
pa'o/ /

'jig tshogs la lta ba ni/ nye bar len pa'i phung po la dmigs nas
nga dang nga'i zhes bdag dang bdag gir lta ba'i shes rab nyon
mongs can no/ /de la 'jig pa ni mi rtag pa dang tshogs pa ni du
ma yin pas 'dis gang

la lta ba'i gzhi ni mi rtag pa dang du ma'i chos tsam yin gyi/
rtag pa dang gcig pu'i gang zag ni med do/ /zhes bstan pa'i
phyir du 'jig tshogs la lta ba zhes ming btags so/ /mthar 'dzin
pa'i lta ba ni/ 'jig

ltas gang bzung ba'i bdag de la dmigs nas rtag pa ther zug pa'am
'di nas phyi mar nying mtshams sbyor ba med pa'i chad par lta
ba'i shes rab nyon mongs can no/ /lta ba mchog tu 'dzin pa ni/
'jig lta dang mthar lta

@152b dang log lta gsum gang rung dang de dag gang la brten nas
'byung ba'i lta ba po'i phung po la dmigs nas mchog tu 'dzin
pa'i shes rab nyon mongs can no/ /tshul khrims dang brtul zhugs
mchog 'dzin ni/ 'chal tshul spong

ba'i tshul khrims dang/ cha byad dang tshul dang lus dang ngag gi
'jug pa nges par byed pa'i brtul zhugs dang/ gang la brten nas
de dag 'byung ba'i phung po la dmigs nas sdig pa 'dag pa dang
nyon mongs las grol ba dang

'khor ba las nges par 'byin par lta ba'i shes rab nyon mongs can
no/ /log par lta ba ni/ tshe snga phyi dang las 'bras sogs med
ces skur pa 'debs pa dang/ dbang phyug dang gtso bo la sogs pa
'gro ba'i rgyur 'dzin pa'i

shes rab nyon mongs can no/ /nyon mongs bcu po de dag ni kun las
btus dang rnal 'byor spyod pa'i sa dang phung po lnga'i rab byed
kyi bshad pa las 'byung ba ltar bshad pa'o/ /gnyis pa ji ltar
skye ba'i rim pa ni/ 'jig lta dang

ma rig pa so sor 'dod pa ltar na/ dper na/ thag pa bsdogs pa la
mun pa cung zad bab ste thag pa'i gnas lugs mi gsal ba na de la
sbrul du 'dzin pa'i blo skye ba ltar/ phung po'i gnas lugs gsal
ba la sgrib pa'i

ma rig pa'i mun pa las phung po la bdag tu 'khrul ba skye la/ de
las nyon mongs gzhan rnams skye'o/ /de gnyis gcig tu 'dod pa
ltar na 'jig lta nyid nyon mongs kyi rtsa ba'o/ /de yang 'jig
ltas bdag tu bzung ba

@153a @#/ /na rang gzhan so so bar ris su gcod par byed la/ de
ltar bcad nas rang gi phyogs la chags pa dang gzhan gyi phyogs
la zhe sdang 'byung zhing bdag la dmigs nas khengs pa yang skye
la/ bdag de

nyid la rtag chad du 'dzin cing bdag tu lta ba sogs dang de dang
'brel ba'i spyod pa ngan pa la mchog tu 'dzin pa skye'o/ /de
bzhin du bdag med pa ston pa'i ston pa dang des bstan pa'i las
'bras dang bden bzhi dang dkon

mchog sogs la de dag med do zhes pa'i log lta'am/ yang na de lta
bu yod dam med yin nam min snyam du the tshom bskyed de/ rnam
'grel las/ bdag yod na ni gzhan du shes/ /bdag gzhan cha las
'dzin dang

sdang; ;'di dag dang ni yongs 'brel las/ /nyes pa thams cad
'byung bar 'gyur/ /zhes gsungs pa'i phyir ro/ /gsum pa nyon
mongs pa skye ba'i rgyu ni drug las/ rten ni nyon mongs pa'i bag
la nyal lo/ /dmigs pa ni

nyon mongs pa skye ba dang mthun pa'i yul rnams snang ba'o/ /'du
'dzi ni/ skyes bu dam pa ma yin pa grogs ngan pa'i rjes su slob
pa'o/ /bshad pa ni chos log pa mnyan pa'o/ /goms pa ni sngon
nyon mongs pa 'dris pa'i

stobs bskyed pa'o/ /yid la byed pa ni sdug mi sdug gi mtshan ma
sgro 'dogs pa dang mi rtag pa la rtag par 'dzin pa sogs tshul min
yid byed do/ /bzhi pa nyes dmigs ni/ nyon mongs skyes pa na dang
por sems kun nas

@153b nyon mongs bar byed pa dang dmigs pa la phyin ci log tu
byed pa dang/ bag la nyal brtan par byed pa dang/ rigs mthun gyi
nyon mongs mi 'chad par byed pa dang/ rang dang gzhan dang
gnyis
ka la gnod pa dang/ tshe 'di

dang phyi ma dang gnyis ka la kha na ma tho ba bskyed pa dang
sdug bsngal dang yid mi bde ba myong ba dang skye ba la sogs
pa'i sdug bsngal 'grub par byed pa dang/ myang 'das las ring du
dang/ dge ba las nyams par byed pa dang

longs spyod las nyams pa dang 'khor gyi nang du song ba na yid
zhum pa dang dga' ba dang mi 'jigs pa med pa dang/ phyogs mtshams
kun tu mi snyan pa 'phel ba dang/ ston pa dang srung ma sogs dam
pas smod pa dang/ 'gyod

bzhin du 'chi la shi nas kyang ngan 'gror skye zhing rang gi don
mi 'thob pa'o/ /mdo sde'i rgyan las kyang/ nyon mongs rnams kyis
bdag 'joms sems can 'joms shing tshul khrims 'joms/ /nyams bcas
rnyed pas dman

zhing srung dang de bzhin ston pas smad/ /rtsod pa mi snyan de
ni gzhan du mi khom gnas su skye/ /thob dang ma thob nyams pas
yid la sdug bsngal chen po 'thob/ /ces gsungs so/ /spyod 'jug
las kyang/ zhe sdang sred sogs

dgra rnams ni/ /rkang lag la sogs yod min la/ /dpa' mdzangs min
yang ci zhig ltar/ /de dag gis bdag bran bzhin byas/ /bdag gi
sems la gnas bzhin du/ /dga' mgur bdag la gnod byed pa/ /de la
mi khro bzod

@154a @#/ /pa ni; ;gnas min bzod pa smad pa'i gnas/ /gal te lha
dang lha min rnams/ /thams cad bdag la dgrar langs kyang/ /de
dag gis kyang mnar med pa'i/ /me nang khrid cing 'jug mi nus/
/nyon mongs stobs

can dgra 'dis ni/ /gang dang phrang na ri rab kyang/ /thal ba
yang ni mi lus pa/ /der bdag skad cig gcig la 'dor/ /bdag gi
nyon mongs dgra bo gang/ /dus ring thog mtha' med pa ltar/ /dgra
gzhan kun kyang de lta bur/ /yun ring

thub pa ma yin no/ /mthun par rim gro bsten byas na/ /thams cad
phan dang bde byed na/ /nyon mongs rnams ni bsten byas na/
/phyir zhing sdug bsngal gnod pa byed/ /ces gsungs pa'i nyes
dmigs rnams shes par bya'o/ /

dgon pa ba'i zhal nas/ nyon mongs spong ba la nyon mongs pa'i
nyes dmigs dang mtshan nyid dang gnyen po dang skye ba'i rgyu
rnams shes dgos/ nyes dmigs shes par byas nas skyon du blta/
dgrar bzung/ nyes

dmigs ma shes na dgrar mi go bas/ mdo sde'i rgyan dang/ spyod
'jug nas gsungs pa ltar sems pa yin gsungs ba dang/ nyon mongs
kyi mtshan nyid shes pa la yang chos mngon pa mnyan/ ma mtha'
na'ang phung po

lnga'i rab byed mnyan la/ rtsa ba dang nye ba'i nyon mongs rnams
ngo shes par byas nas chags sdang la sogs pa gang rung rgyud la
skyes tsa na/ 'di de yin ang kho byung ngo snyam du ngos bzung
gin nyon mongs dang 'thab pa yin

@154b no gsung ba ltar go dgos pa yin no/ /gnyis pa des las gsog
pa'i tshul la gnyis/ bsag par bya ba'i las ngos bzung ba dang/ de
ji ltar gsog pa'i tshul lo/ /dang po ni gnyis te/ sems pa'i las
dang/

bsams pa'i las so/ /dang po ni/ kun las btus las/ sems pa gang
zhe na sems mngon par 'du byed pa yid kyi las te/ dge ba dang mi
dge ba dang lung du ma bstan pa rnams la sems 'jug par byed pa'i

las can no/ /zhes gsungs pa ltar/ rang dang mtshungs par ldan
pa'i sems yul rnams la g.yo zhing skul bar byed pa'i sems byung
yid kyi las so/ /gnyis pa ni/ sems pa des kun nas bslangs pa'i
lus ngag

gi las te/ mdzod las/ las ni sems pa dang des byas/ /sems pa yid
kyi las yin te/ /des bskyed lus dang ngag gi las/ /zhes gsungs
pa'i phyir ro/ /lus ngag gi las la rig byed dang rig byed ma yin
pa

gnyis su byas nas gzugs can kho nar bye brag tu smra ba 'dod pa
la/ slob dpon dbyig gnyen gyis bkag nas/ lus ngag gi rig byed
dang mnyam du 'jug pa'i sems pa la bzhed pas las gnyis ka sems
par

bshad do/ /spyir las la dge mi dge lung ma bstan gsum yod kyang/
'dir ni dang po gnyis so/ /dge ba'i las la yang zag bcas zag med
gnyis las/ 'dir zag bcas dang de la yang 'phags pa'i rgyud la

@155a @#/ /yod pa dang so so skye bo'i rgyud la yod pa gnyis las
'dir phyi ma'o/ /de la mi dge ba'i las ni bsod nams ma yin pa'i
las yin la/ bsod nams kyi las ni 'dod pa khams kyis bsdus

pa'i dge ba'i las so/ /mi g.yo ba'i las ni gzugs dang gzugs med
kyi sas bsdus pa'i dge ba zag pa dang bcas pa'i las so/ /de ltar
yang mdzod las/ bsod nams 'dod khams dge ba'i las/ /mi g.yo

gong ma las skyes pa'i/ /zhes gsungs so/ /ci'i phyir mi g.yo
ba'i las zhes bya zhe na/ ji ltar 'dod pa khams na lha'i rten la
smin rgyu'i las kha cig mi dang dud 'gro dang yi dwags kyi
rten la smin pa ni 'bras bu g.yo

ba yin pa de bzhin du khams gong mar sa gzhan du smin rgyu'i
las/ sa de las gzhan du mi smin pas mi g.yo ba zhes bya ste/
mdzod las/ gang phyir sa ni de dag tu/ /las rnams smin phyir mi
g.yo'i phyir/ /zhes gsungs

pa'i phyir ro/ /gnyis pa de gsog pa'i tshul ni/ spyir 'phags pa
rnams la dge ba'i las bskyed cing gsog pa yod la/ mi dge ba'i
las kyang rgyun zhugs dang phyir 'ong gis gsog pa yod kyang/
ngan 'gro

dang bde 'gro'i 'khor bar 'phen pa'i las ni 'phags pas gsog pa
mi srid de/ dbu ma rtsa ba las/ 'khor ba'i rtsa ba 'du byed de/
/de phyir mkhas rnams 'du mi byed/ /de phyir mi mkhas byed po
yin/ /mkhas

@155b min de nyid mthong phyir ro/ /zhes gsungs pa dang/ slob
dpon dbyig gnyen gyis kyang/ bden pa mthong la 'phen pa med/
/ces gsungs pa'i phyir ro/ /des na ji srid du rang nyid gang zag
gi bdag tu 'dzin pa'i

dbang du 'gro ba de srid du 'phen byed kyi las gsog la/ bdag med
pa'i de kho na nyid mngon sum du rtogs nas ni las nyon gyi dbang
gis 'khor bar skye ba yod kyang 'phen byed kyi las gsar du mi
gsog ste/ mi stobs

ldan gyis stobs chung ngu brdung ba ltar/ rgyun zhugs dang phyir
'ong gis kyang bdag 'dzin dang du mi len cing/ spong bar rnal
'byor spyod pa'i sa las gsungs pa'i phyir ro/ /des na 'khor bar
'phen par byed pa'i las

gsog pa po ni theg chen gyi sbyor lam chos mchog chen po la gnas
pa man chod kyi so so skye bo thams cad do/ /de ltar nyon mongs
can gyi ma rig pa dang 'jig lta'i gzhan dbang du gyur pa des sgo
gsum pos srog gcod

sogs mi dge ba mngon par 'du byed na bsod nams ma yin pa'i las
gsog la/ 'dod khams kyi dge ba sbyin pa gtong ba dang tshul
khrims bsrung ba sogs 'du byed na bsod nams kyi las dang bsam
gtan dang

gzugs med pa'i sas bsdus pa'i zhi gnas sogs bsgom na mi g.yo
ba'i las gsog pa yin no/ /'o na srid pa'i phun tshogs thams cad
la nyes dmigs su bltas nas thar pa 'dod pa'i 'dun pas kun nas
bslangs te

@156a @#/ /dge ba'i las du ma bsgrub pa dang/ gzhan yang bdag med
pa'i don la tshul bzhin du dpyod pa'i shes rab dang mtshungs par
ldan pa'i sems pa dge ba'i las rnams 'khor ba'i rgyu kun 'byung
yin

nam min zhe na/ spyir tshogs lam pa dang sbyor lam pas 'phen byed
kyi las rang dga' ba gsog pa yod kyang/ bsam pa de lta bus kun
nas bslangs pa dang bdag med pa la dpyod pa'i shes rab dang
mtshungs ldan gyi dge

ba'i las rnams ni srid pa phyi ma la sred pa'i gnyen po'i phyogs
yin cing/ 'khor ba'i rtsa ba bdag 'dzin dang dmigs rnam 'gal bar
'jug pas 'phen byed kun 'byung gi bden pa rang dga' ba dngos ma
yin kyang/ yang srid

phyi ma bskyed pa'i kun 'byung dngos dang rjes su mthun pas kun
'byung gis bsdus bar bzhag go/ /de ltar yang/ gtan la dbab pa
bsdu ba las/ 'jig rten pa'i chos gang dag yang 'byung ba'i sred
pa sun 'byin zhing de la mi

phyogs bar 'jig rten las 'das pa'i lam skyed par byed pa de dag
ci'i phyir kun 'byung ba'i bden pas bsdus pa yin zhe na/ de dag
ni ngo bo nyid kyis yang 'byung ba'i srid pa la mi phyogs pa yin
mod kyi/ 'on kyang yang

'byung ba'i lus dang ngag dang yid kyis legs par spyad pa dang
rjes su mthun ba yin pas de'i phyir kun 'byung ba'i bden pas
bsdus pa yin par rig par bya'o/ /zhes gsungs so/ /'khor ba'i
nyes dmigs legs par

@156b bsams nas/ de las yid 'byung ba'i bsam pas kun nas bslangs
pa'i dge ba'i las 'jig rten las 'das pa'i lam skyed par byed pa
rnams kun 'byung rjes mthun par gsungs pas bsam pa 'di dang bdag
med pa'i

shes rab bskyed pa la 'bad dgos so/ /de ltar na 'khor ba la rnam
grangs du mar nyes dmigs su brtags te bsgoms pas 'khor ba'i phun
tshogs la sred pa sun 'byin pa'i gnyen po yang ma rnyed/ bdag med
pa'i don la so

sor rtog pa'i shes rab kyis tshul bzhin du yang ma dpyad/ byang
chub kyi sems gnyis la goms par byed pa dang bral ba'i dge sbyor
rnams ni zhing gi mthu la brten pa 'ga' re ma gtogs pa kun
'byung rang dga' bar 'gro

bas 'khor ba'i 'khor lo bskor ba yin no/ /las gsog pa de yang
gnyis te/ tshor ba bde ba'i don du gsog pa dang/ tshor ba btang
snyoms kyi phyir gsog pa'o/ /dang po la gnyis te/ gzugs sgra la
sogs pa'i

'dod pa'i yon tan spyad pa las byung ba'i bde ba dang kha phyir
blta'i bde ba de la chags pa log nas/ ting nge 'dzin las skyes
pa'i tshor ba'i bde ba'i don du las gsog pa'o/ /de la dang po la
gnyis las/ gtso bor ma shi

tsam tshun chod kyi tshe 'di'i bde ba'i phyir du dmigs na ni bsod
nams ma yin pa'i las gsog la/ 'jig rten phyi ma'i 'dod pa'i bde
ba la gtso bor dmigs na ni bsod nams kyi las gsog go/ /ting nge
'dzin las

@157a @#/ /skyes pa'i tshor ba'i bde ba la gtso bor dmigs na ni/
bsam gtan gsum pa man chad nas dang po'i bar du skye ba'i mi
g.yo ba'i las gsog la/ 'dod pa la yang chags pa log cing tshor
ba'i bde bas

kyang yid sun nas tshor ba btang snyoms pa'i don du las 'du byed
na ni bsam gtan bzhi pa nas srid rtse'i bar du skye ba'i mi
g.yo ba'i las gsog ste/ slob dpon dbyig gnyen gyi dgongs pa yin
no/ /de'i rigs pas

srid pa mtha' dag la zhen pa log nas thar pa'i phyir du sgo gsum
dge ba la mngon par 'du byed na 'khor ba la je ring dang thar pa
la je nyer 'gyur ba yin no/ /gsum pa 'chi 'pho ba dang/ nying
mtshams sbyor tshul la lnga/

'chi ba'i rkyen/ 'chi ba'i sems/ drod gang nas sdud pa/ shi nas
bar do 'grub lugs/ de nas skye srid du skye ba len tshul lo/
/dang po ni/ tshe zad pas 'chi ba ni/ sngon gyi las kyis ji ltar
'phangs pa'i tshe thams

cad zad nas 'chi ba ste dus la bab nas 'chi ba'o/ /bsod nams zad
nas 'chi ba ni/ yo byad med nas 'chi ba lta bu'o/ /yang ba ma
spangs pas 'chi ba ni/ cho ma zad par 'chi ba'i rgyu rkyen dgu
mdo nas gsungs pa yin te/

kha zas tshod mi zin par za ba dang/ mi 'phrod pa za ba dang/
snga ma ma zhu bar za ba dang/ ma zhu ba ltor bsags pa 'byin par
mi byed pa dang/ smin pa bsgags pa dang/ sman so sor mi bsten pa
dang/ goms pa dang

@157b ma goms pa mi shes pa dang/ dus ma yin par 'gro ba dang/
mi tshangs par spyod pa'o/ /gnyis pa 'chi ba'i sems ni gsum las/
dge ba'i sems dang ldan par 'chi ba ni/ rang gis dran pa'am
gzhan gyis dran du bcug

pa yang rung ste dad pa la sogs pa'i dge ba'i chos 'du shes rags
pa 'byung ba'i bar du sems la kun tu spyod pa'o/ /dge ba dang mi
dge ba byed pa'i gang zag 'chi ba ni/ rang gis dran pa'am gzhan
gyis dran par byed

kyang rung ste/ sngon gang lan mang du goms par byas pa de ches
stobs dang ldan par 'gyur te/ des sems de la gzhol bar 'gyur la
gzhan ni brjed par 'gyur ro/ /gnyis ka la mtshungs par goms na ni
dang por gang

dran pa de las ldog par mi 'gyur te sems gzhan du mi 'jug go/
/dge ba byed pa ni/ mun khrod nas snang bar 'gro ba dang 'dra
la/ 'chi ba'i dus na de la rmi lam lta bu'i gzugs mi sdug pa ma
yin pa yid du 'ong ba sna

tshogs 'byung ba dang/ bde bar 'chi bar 'gyur te 'chi khar de'i
lus la sdug bsngal gyi tshor ba drag po mi 'byung ngo/ /las legs
par byed byed pa rnams kyi ni gnad gcod shin tu tshabs chung ba
yin no/ /mi dge

ba'i sems dang ldan par 'chi ba ni/ rang gis dran pa'am gzhan
gyis dran du bcug kyang rung ste/ chags sogs kyi mi dge ba dran
pa rnams 'du shes rags pa rgyu ba'i bar du 'byung zhing/ 'chi
khar de'i lus la sdug

@158a @#/ /bsngal gyi tshor ba drag po myong ba dang mi dge ba'i
las byed byed pa 'chi ba'i tshe ni/ mi dge ba sngar byas pa'i las
kyi 'bras bu'i snga ltas rnams 'dir myong ste/ rmi lam bzhin du
gzugs mi

sdug pa du ma de la snang bar 'gyur te/ snang ba nas mun khrod
du 'gro ba dang 'dra'o/ /mi dge ba chen po byed pa rnams ni/
mtshan ma mi sdug pa de dag mthong bas lus la sdug bsngal 'byung
zhing spu zing zhes byed pa dang/

rkang lag g.yob pa dang bshang gci 'byung ba dang nam mkha' la
rnyob pa dang mig ldog pa dang kha nas dbu ba 'byung ba dang de
'dra ba rnams 'byung ngo/ /gal te mi dge ba 'bring byed pa yin
na de dag las kha cig 'byung

la; kha cig mi 'byung bas rdzogs par mi 'byung ngo/ /las nyes pa
byed pa rnams la gnad gcod shin tu tshabs che'o/ /gnad gcod ni
lha dang dmyal ba ma gtogs pa'i skye gnas thams cad la yod do/
/thams cad

kyang 'chi ba'i tshe na 'du shes mi gsal ba la ma sleb pa'i bar
du yun ring mo nas goms pa'i bdag la chags pa 'byung ngo/ /de'i
'og tu bdag la chags pa'i dbang gis bdag ni med par 'gyur ro
snyam nas lus la

dga' bar 'gyur te/ de ni bar do 'grub pa'i rgyu'o/ /de la rgyun
zhugs dang phyir 'ong la yang bdag la chags pa 'byung mod kyi/
shes rab kyis brtags nas spong gi dang du mi len te/ dper na/ mi
stobs ldan gyis

@158b stobs chung ngu brdung ba dang 'dra'o/ /phyir mi 'ong
rnams la ni bdag la chags pa de mi 'byung ngo/ /lung ma bstan
gyi sems dang ldan par 'chi ba ni/ dge ba dang mi dge ba byed
byed pa'am de ma byas kyang rung ste/ rang gis

de gnyis ma dran la gzhan gyis kyang dran par ma byas pa'o/ /de
ni 'chi ba'i tshe bde sdug gnyis ka dang mi ldan no/ /dge ba'i
sems kyis 'chi ba ni 'du shes rags pa yod pa'i bar la yin gyi/
'du shes cha phra mo rgyu ba'i tshe

ni dge ba'i sems ldog cing lung ma bstan gyi sems su 'gyur te/
des de'i tshe sngon goms par byas pa'i dge ba la yang brtsal bar
mi nus la/ gzhan gyis kyang dran par byed mi nus so/ /mi dge ba
la yang de dang

'dra bas 'du shes phra mo rgyu ba na 'chi sems thams cad lung ma
bstan no/ /mdzod 'grel las/ dge mi dge'i sems ni rnam pa gsal
bas 'chi sems 'chad par 'gyur ba dang mi mthun par gsungs so/
/gsum pa drod

gang nas sdud pa ni/ mi dge ba byed byed pa ni rnam shes kyis ro
stod nas lus 'dor bar byed de dang por ro stod grang mor 'gyur
te/ snying ga la thug pa'i bar du 'dor la/ dge ba byed byed pa
ni smad nas 'dor zhing grang

bar 'gyur te/ gnyis ka yang snying ga nas rnam shes 'pho'o/
/dang po khu khrag gi dbus su rnam shes gang zhugs pa de lus kyi
snying gar 'gyur zhing/ tha mar phyogs gang nas 'pho ba de nyid
du thog mar 'jug pa yin no/ /

@159a @#/ /de ltar na lus kyi drod thog mar stod nas snying ga'am
smad nas snying gar bsdus nas/ de nas smad dam stod nas de bar
du sdud pa ni ma gsungs kyang shes par bya'o/ /bzhi pa shi nas
bar do 'grub

lugs ni/ sngar bshad pa ltar rnam shes gang nas 'phos pa'i
phyogs de nas bar ma chad par srang mda'i mtho dman bzhin du shi
ba dang bar do 'grub ste/ rgyu ni lus la chags pa skyes pa dang
sngon spros pa la dga'

bas yongs su bsgos pa dang/ dge mi dge gang rung gi las te gnyis
po de la brten nas so/ /bar do de yang mig la sogs pa'i dbang po
rnams tshang ba 'gro ba gang du skye bar 'gyur ba de'i lus kyi
rnam pa can skye ba ma

blangs kyi bar du mig ni lha'i mig ltar thogs pa med cing lus
kyang rdzu 'phrul dang ldan pa bzhin du thogs pa med do/ /mdzod
las kyang/ sngon dus srid 'byung sha tshugs can/ /de ni 'chi ba'i
sngon rol te/ /skye ba'i skad

cig phan chad do/ /ris mthun lha mig dag pas mthong/ /las kyi
rdzu 'phrul shugs dang ldan/ /dbang po kun tshang thogs med ldan/
/mi ldog de ni dri za'o/ /zhes bar do ris mthun dang bsgoms pa
las byung ba'i lha'i

mig skyon dang bral bas mthong la/ 'gro ba gang yin pa'i bar do
grub na de nas skye ba gzhan du bzlog tu med par gsungs mod/ kun
las btus su ldog pa yang bshad do/ /sngon dus kyi srid pa ni
srid pa bzhi ste shi

@159b nas skye ba ma blangs bar ni bar srid dang/ skye ba blangs
pa'i skad cig dang po ni skye srid dang/ de'i skad cig ma gnyis
pa nas 'chi srid skad cig ma tha ma'i sngon rol ni sngon dus kyi
srid pa dang/ 'chi ba'i skad cig tha ma

ni 'chi srid du mdzod las gsungs pas/ da gzod skye ba blangs
pa'i dus kyi 'chi srid la bltos pa'i sngon rol yin pa la/ de la
'khrul nas skye ba snga ma'i lus dbyibs can du 'dod pa dang/
yang phyi ma'i lus dbyibs su bshad

pa yang mthong nas zhag phyed dang bzhi skye ba snga ma dang
phyed dang bzhi phyi ma'i lus kyi rnam pa can du 'dod pa ni
khungs rnam dag gang yang med pas sgro btags kho na'o/ /rnam
shes mi gnas pas sngon gyi lus la 'dod pa mi 'byung

bar rnal 'byor spyod pa'i sar gsungs pas/ sngon gyi lus mthong
nas yid mi bde skye bar 'dod pa yang sgro btags so/ /mi dge ba
byed pa'i bar srid ni/ phyar ba nag po'am mtshan mo mun nag tu
snang ba lta bu'o/ /dge

ba byed pa'i bar srid ni/ snam bu dkar po'am zla ba'i 'od dang
bcas pa'i mtshan mo'i snang ba lta bu'o/ /rang dang rigs mthun
gyi bar do dang de dag dang rang gi skye gnas kyang mthong ngo/
/mngal du 'jug pa las/ dmyal

ba'i bar do ni sdong du ma tshig pa lta bu dang/ dud 'gro'i bar
do ni du ba lta bu dang/ yi dwags kyi bar do ni chu lta bu dang/
'dod pa'i lha dang mi'i bar do ni gser lta bu dang/ gzugs khams
pa'i bar do ni dkar por gsungs te

@160a @#/ /kha dog gi khyad par ro/ /gzugs med nas khams 'og ma
gnyis su skye na bar do yod la/ de gnyis nas gzugs med du skye
na gang du shi ba der gzugs med kyi phung po 'grub kyi bar do
med do/ /

gzhung khungs ma rnams nas bar do med pa'i dmigs bsal 'di las ma
bshad pas/ yar dang mar gyi mtshams med la bar do med par 'dod pa
yang mi rigs so/ /lha'i bar do ni gyen du'o/ /mi'i bar do ni
thad

kar 'gro'o/ /nyes pa'i las byed pa rnams kyi bar do ni mig thur
du byas te spyi'u tshugs su 'gro bar gsungs te/ ngan song gsum ga
la dgongs pa 'dra'o/ /mdzod 'grel las/ mi dang yi dwags dang dud
'gro gsum

rang rang ji 'dra ba de bzhin du 'gro bar bshad do/ /tshe tshad ni
skye ba'i rkyen ma rnyed na/ re ltar thogs na'ang zhag bdun du
gnas so/ /rkyen rnyed na ni nges pa med do/ /ma rnyed na yang
lus brjes nas zhag bdun phrag bdun

tshun chad du gnas kyi/ de tshun chad du nges par skye ba'i rkyen
rnyed pas de phan chad mi gnas so/ /gzhung khungs ma gang nas
kyang de las ring ba ma bshad pas/ de las ring ba gnas par 'dod
pa ni mi rigs so/ /lha'i

bar do lta bu de zhag bdun gyis shi 'phos nas lha'i bar do
de'am/ yang na mi la sogs pa'i bar do 'grub ste/ las gzhan gyi
bya ba 'gyur bas bar do'i sa bon 'gyur bar byed pa'i phyir ro/
/gzhan la yang de ltar

@160b ro; ;lnga pa de nas skye srid du nying mtshams sbyor tshul
ni/ mngal du skye ba yin na ni bar srid des skye ba'i gnas su
rang dang rigs mthun pa'i sems can mthong nas de dag la blta ba
dang rtse ba sogs bya bar 'dod nas skye

ba'i gnas su 'gro 'dod par 'gyur la/ pha ma'i khu khrag la phyin
ci log tu mthong ba skye ste/ de'i tshe pha ma gnyis nyal po byed
pa med bzhin du nyal po byed pa sgyu ma bzhin du mthong ste/ de
la chags par 'gyur ro/ /de

yang mor skye na bud med dang 'bral bar 'dod cing skyes pa la
chags te nyal bar 'dod de/ /phor skye na ni skyes pa dang 'bral
'dod cing bud med la chags nas nyal bar 'dod do/ /de ltar rnal
'byor spyod pa'i sar ni pham ?

dngos mthong ba min par khu khrag la 'khrul nas nyal po byed par
mthong bar bshad do/ /de lta bu'i 'dod pa skyes nas ji lta ji
ltar nye bar phyogs pa de lta de ltar skyes pa dang bud med de'i
yan lag gzhan gang yang mi snang

bar pho mo'i mtshan ma gnyis tsam zhig mthong ngo/ /de la khros
nas bar srid de 'chi 'pho zhing skye'o/ /de yang pha ma gnyis
chags par gyur te 'dod chags drag po'i skabs su bab pa na 'jug
kho nar khu ba bska ba 'byung la/

de'i rjes la gnyis ka las khu khrag gi thigs pa gnyis gdon mi za
bar 'byung ste/ de gnyis ma'i skye gnas su 'dres nas/ dper na/
'o ma bskol ba grangs pa'i spris ma bzhin du/ chags par gyur pa
de dang lhan cig tu

@161a @#/ /bar srid de 'gag par 'gyur la/ de 'gags pa dang dus
gcig tu kun gzhi'i rnam par shes pa'i mthus de las gzhan pa'i
dbang po'i 'byung ba chen po cha phra ba dang 'dres pa de dang
mthun

pa'i khu khrag 'dus pa dbang po dang bcas pa gzhan 'byung ste/
de'i dus su rnam shes zhugs pa ni nying mtshams sbyor ba zhes
bya'o/ /kun gzhi khas mi len pa rnams yid kyi rnam shes kyis
nying mtshams sbyor bar 'dod do/ /

de la bsod nams chung ngu zhig yin na ni rigs dma' bar skye ste/
'pho ba dang 'jug pa'i tshe ku co'i sgra dang 'dam bu dang nags
thibs po la sogs pa'i nang du 'gro ba'i snang ba 'byung la/ legs
pa'i las byed byed pa zhig

na rigs mthon por skye ste/ zhi ba dang snyan pa'i sgra 'byung
zhing khang bzang dang gzhal med khang la sogs pa'i gnas su 'gro
ba'i snang ba 'byung ngo/ /mngal na gnas pa de yang zhag bdun
phrag so brgyad kyis mngal du yan

lag dang nying lag thams cad dang ldan par 'gyur ro/ /de nas
zhag bzhi lon nas btsa' ste/ mngal du 'jug pa las/ de na zla ba
dgu'am de las 'das na shin tu rdzogs par 'gyur ro/ /zla ba
brgyad kyis ni rdzogs

mod kyi shin tu rdzogs pa min no/ /zla ba drug gam bdun gyis ni
mi rdzogs te yan lag mtshang bar yang 'gyur ro/ /zhes gsungs pa
lta bu'o/ /'di dag rgyas par mngal 'jug las shes par bya'o/
/skye gnas su 'gro 'dod med

@161b na mi 'gro lam song na der mi skye bas dmyal bar skye ba'i
las byas shing bsags pa/ lug gsod pa'am bya pa'am phag 'tshong la
sogs pa'i sdom min can rnams kyi bar srid na skye gnas su lug la
sogs pa de dag rmi lam

bzhin du mthong nas sngon goms pa'i dga' bas der brgyug go/ /de
nas skye gnas kyi gzugs de la khros nas bar srid 'gag cing skye
srid du skye ste/ de bzhin du dmyal ba dang 'dra ba'i yi dwags
lba ba can la sogs

par skye ba yang de dang 'dra'o/ /dud 'gro dang yi dwags dang mi
dang 'dod pa na spyod pa dang gzugs na spyod pa'i lha'i ris
rnams su skyen ni/ skye ba'i gnas su rang dang rigs mthun pa
dga' bar 'gyur ba'i sems can

mthong zhing/ de nas der dga' ba dang 'dod pa bskyed de song ba
dang skye ba'i gnas la khros nas bar srid 'gag cing/ skye srid
du skye bar rnal 'byor spyod pa'i sar gsungs te/ sdom min can
bya ba dang phag 'tshong sogs min

pa'i dmyal bar skye tshul yang 'di dag dang 'dra bar bya'o/
/mdzod du/ dri dang gnas la mngon 'dod gzhan/ /zhes drod gsher
las skye na dri 'dod pa dang/ brdzus te skyen gnas 'dod nas skye
bar gsungs la/ de yang tsha dmyal du

skyen dro ba 'dod pa dang/ grang dmyal du skye na bsil ba 'dod
nas bar srid 'gro bar 'grel pa las bshad do/ /sgong skyes kyang
mngal skyes dang 'dra bar mdzod 'grel las bshad do/ /'chi 'pho
ba dang nying mtshams sbyor tshul rnams ni

@162a @#/ /dmigs bsal med pa rnams sa'i dngos gzhi ltar bshad
pa'o/ /gnyis pa rten 'brel bcu gnyis kyi sgo nas bsam pa la
bzhi/ yan lag gi dbye ba dang/ yan lag gi bsdu ba dang

tshe du la rdzogs pa dang/ de dag gi don bsdu ba'i tshul lo/ /dang
po ni/ rten cing 'brel par 'byung ba'i yan lag bcu gnyis las/ ma
rig pa ni/ mdzod las/ ma rig mi mdza' brdzun sogs bzhin/ /zhes
gsungs pa

ltar te/ de yang mi mdza' ba dang brdzun ni mdza' ba'am bden pa
bkag tsam mam de gnyis las gzhan pa tsam la mi byed kyi/ mdza'
ba dang bden tshig gi 'gal zlar gyur pa'i mi mthun phyogs la byed
pa ltar/ ma rig pa

yang gnyen por gyur pa'i rig pa bkag tsam dang de las gzhan pa
tsam la mi byed kyi/ rig pa'i 'gal zlar gyur pa'i mi mthun
phyogs so/ /de la 'dir gnyen po rig pa ni yang dag pa gang zag
gi bdag med pa'i don rig pa yin

pas de'i 'gal zla ni gang zag gi bdag tu 'dzin pa'i 'jig lta'o/
/zhes slob dpon chen po chos kyi grags pa bzhed la/ slob dpon
thogs med sku mched ni/ yang dag pa'i don la phyin ci log tu
'dzin pa dang yang dag pa'i don

la rmongs pa tsam gnyis las phyi mar bzhed de/ mdor na log par
rtog pa dang ma rtogs pa'i blo gnyis las ma rtogs pa'i blo'o/
/'on kyang de'i ldog phyogs kyi gnyen po'i gtso bo ni bdag med
pa rtogs pa'i shes rab la

@162b bzhed par 'dra'o/ /rmongs pa de la phye na/ las 'bras la
rmongs pa dang/ de kho na nying kyi don la rmongs pa gnyis yod
de/ dang pos ni ngan 'gror 'gro ba'i 'du byed gsog la/ gnyis pas
ni bde 'gror 'gro ba'i

'du byed gsog par kun las btus su gsungs so/ /'du byed ni las
yin la/ de yang ngan 'gro 'phen pa'i bsod nams ma yin pa'i las
dang/ bde 'gro 'phen pa'i las so/ /phyi ma la'ang gnyis te/ 'dod

khams kyi bde 'gro 'phen pa'i bsod nams kyi las dang/ khams gong
ma'i bde 'gro 'phen pa'i mi g.yo ba'i las so/ /rnam par shes pa
ni/ mdo las/ rnam shes tshogs drug la gsungs kyang/ 'dir gtso

bo ni kun gzhi khas len pa rnams ltar na kun gzhi yin la/ khas
mi len pa rnams ltar na yid kyi rnam shes so/ /de yang las mi
dge ba las 'bras bu sdug bsngal gyi sdug bsngal 'byung ba la
rmongs pas ni/ mi dge

ba'i las mngon par 'du byed cing gsog la/ las de'i bag chags
bsgos pa'i tshe 'di'i rnam par shes pa ni rgyu'i dus kyi rnam
shes yin zhing/ de la brten nas ma 'ongs pa na ngan 'gro'i skye
gnas su nying mtshams

sbyor ba'i rnam shes ni 'bras bu'i dus kyi rnam par shes pa'o/
/de bzhin du bdag med pa'i de kho na nyid la rmongs pa'i dbang
gis/ bde 'gro rnams kyang yang dag par sdug bsngal ba la de ltar
ma shes par bde

@163a @#/ /bar bzung bas bsod nams dang mi g.yo ba'i las gsog
pa'i dus kyi rnam shes ni rgyu dus dang/ de la brten nas 'dod pa
dang khams gong ma'i bde 'gror nying mtshams sbyar ba'i rnam shes

ni 'bras dus kyi'o/ /ming dang gzugs la/ ming ni tshor ba dang
'du shes dang 'du byed dang rnam par shes pa ste/ gzugs can ma
yin pa'i phung po bzhi'o/ /gzugs ni gzugs med du skye na/ gzugs
kyi sa bon tsam

yod kyi gzugs med la/ de las gzhan pa'i skabs su ni mer mer po
la sogs pa'i gzugs ji ltar rigs par sbyar ro/ /skye mched drug
ni/ mngal las skye na/ dang por rnam shes zhugs pa'i khu khrag
gi mer mer po

dang ming rnams 'phel bas mig la sogs pa'i skye mched bzhi grub
pa ste/ lus dang yid kyi skye mched ni mer mer po'i dus nas yod
do/ /brdzus te skyen ni nying mtshams sbyar ba'i tshe dbang po
rnams cig car du 'grub

pas rim pa de lta bu med la/ sgong skyes dang drod gsher skyes
la ni mngal ma gtogs pa gzhan de dang 'dra bar sa'i dngos gzhi
las bshad do/ /de ltar na ming gzugs grub pa na lus kyi ngo bo
'thob la/ skye

mched drug grub pa na lus kyi khyad par grub pas longs spyod pa
por grub pa'o/ /skye mched gzugs can lnga ni gzugs med na med
do/ /reg pa ni/ yul dbang rnam shes gsum 'dus nas yul yid du
'ong mi 'ong bar ma

@163b gsum yongs su gcod pa ste/ skye mched drug gi rkyen gyis
zhes gsungs pas ni yul dang rnam shes kyang mtshon pa yin no/
/tshor ba ni/ reg pas yul gsum bcad pa dang rjes su mthun par
tshor ba bde sdug btang snyoms

gsum skyes pa'o/ /sred pa ni/ tshor ba bde ba la mi 'bral ba dang
sdug bsngal la 'bral bar sred pa'o/ /tshor ba'i rkyen gyis sred
pa skye bar gsungs pa ni ma rig pa'i 'dus te reg pa'i rkyen gyis
sred pa bskyed kyi/ ma rig

pa med na ni tshor ba yod kyang sred pa mi skye'o/ /de ltar na
reg pa ni yul gyi longs spyod dang/ tshor ba ni skye ba'am rnam
smin gyi longs spyod yin pas de gnyis rdzogs pa na longs spyod
rdzogs pa yin no/ /de la khams gsum gyi sred pa

gsum yod do/ /len pa ni/ yul rnam pa bzhi la 'dun zhing chags pa
bzhi ste/ 'di ltar gzugs sgra la sogs pa'i 'dod yon dang/ 'jig
lta ma gtogs pa'i lta ba ngan pa rnams dang/ lta ngan dang 'brel
ba'i

tshul khrims dang brtul zhugs ngan pa dang/ 'jig tshogs la lta ba
la 'dun zhing chags pa'i 'dod pa nye bar len pa dang/ lta ba nye
bar len pa dang/ tshul khrims dang brtul zhugs nye bar len pa
dang/ bdag tu smra ba nye

bar len pa'o/ /srid pa ni/ sngar gyi 'du byed kyis rnam shes la
las kyi bag chags bsgos pa sred len gyis gsos btab pas yang srid
phyi ma 'dren pa la mthu can du gyur pa ste/ rgyu la 'bras bu'i
ming gis btags pa'o/ /

@164a @#/ /skye ba ni/ skye gnas bzhi por dang por rnam shes
nying mtshams sbyar ba'o/ /rga shi la/ rga ba ni/ phung po smrin
cing gzhan du 'gyur ba yin la/ shi ba ni phung po'i ris mthun
dor ba'o/ /gnyis pa yan

lag mdor bsdu ba ni/ kun las btus las/ yan lag mdor bsdu bas ji
lta bu zhe na/ 'phen pa'i yan lag dang 'phangs pa'i yan lag dang
mngon par 'grub par byed pa'i yan lag dang mngon par grub pa'i
yan lag

go; ;'phen pa'i yan lag gang zhe na/ ma rig pa dang 'du byed
dang rnam par shes pa'o/ /'phangs pa'i yan lag gang zhe na/ ming
dang gzugs dang skye mched drug dang reg pa dang tshor ba'o/
/mngon par 'grub par byed pa'i

yan lag gang zhe na/ sred pa dang len pa dang srid pa'o/ /mngon
par grub pa'i yan lag gang zhe na/ skye ba dang rga shi'o/ /zhes
gsungs pa ltar ro/ /'o na 'phen pa dang 'grub pa'i rgyu 'bras
tshan pa gnyis kyis sems can

gcig gis skye ba len pa'i rgyu 'bras tshar gcig ston nam tshar
gnyis ston/ dang po ltar na 'bras dus kyi rnam shes nas tshor
ba'i bar grub pa'i rjes su sred pa sogs skye bar bshad pa mi
rigs la/ gnyis pa ltar na rgyu

'bras skor phyi ma la ma rig pa dang 'du byed dang rgyu dus kyi
rnam shes med par 'gyur la/ rgyu 'bras skor snga ma la sred len
dang sred pa med par 'gyur ro zhe na/ skyon med de/ 'phen byed
kyi rgyus gang 'phangs pa de nyid

@164b 'grub byed kyi rgyus bsgrub cing 'phangs pa de grub pa na
de nyid la skye ba dang rga shi 'jog pa'i phyir ro/ /'o na rgyu
'bras skor gnyis su bshad pas ci bya zhe na/ 'phen byed kyi
'bras bu'i sdug bden dang 'grub byed kyi 'bras

bu'i sdug bden gyi mtshan nyid tha dad par bstan pa'i phyir te/
snga ma ni 'phangs pa'i dus na sa bon du gnas kyi/ rang gi ngo
bo ma grub pas ma 'ongs pa na sdug bsngal bar 'gyur la/ phyi ma
ni sdug bsngal de grub pa'i skabs

yin pas tshe 'di la sdug bsngal ba'o/ /gzhan yang 'bras bu skye
ba len pa la 'phen pa'i rgyu dang/ des 'phangs pa grub pa'i rgyu
gnyis yod pa ngos bzung ba'i phyir du rgyu 'bras skor gnyis su
bshad pa yin te/ sa'i dngos

gzhir/ rnam par shes pa la sogs pa nas tshor ba la thug pa dag
dang/ skye ba dang rga shi rnams 'dres pa'i mtshan nyid yin na
ci'i phyir rnam pa gnyis su bstan ce na/ sdug bsngal ba'i dngos
po'i mtshan nyid tha dad pa

bstan pa'i phyir dang/ 'phen pa dang mngon par 'grub pa'i rab tu
dbye ba yongs su bstan pa'i phyir ro/ /zhes dang/ yan lag rnams
las du zhig sdug bsngal gyi bden pas bsdus la tshe 'di'i sdug
bsngal du 'gyur

zhe na; gnyis te/ skye ba dang rga shi'o/ /du ni sdug bsngal gyi
bden pas bsdus pa nyid yin la/ phyi ma la sdug bsngal kho nar
'gyur zhe na/ rnam par shes pa nas tshor ba la thug pa sa bon du
gyur pa rnams so/ /zhes gsungs

@165a @#/ /pa'i phyir ro/ /des na 'grub byed kyi sred pa dang de
bskyed pa'i tshor ba gnyis ni rten 'brel tshar mi gcig pas/ sred
pa bskyed pa'i tshor ba ni rten 'brel tshar gzhan zhig gi 'bras
bu'i

skabs yin no/ /'phen byed dang 'phangs pa ni bzhis shes par bya
ste/ gang 'phangs na 'bras dus kyi rnam shes nas tshor ba'i bar
yan lag phyed dang lnga'o/ /gang gis 'phangs na ma rig pa la
brten pa'i 'du

byed kyis so/ /ji ltar 'phangs na rgyu dus kyi rnam shes la las
kyi bag chags bsgos pa'i tshul gyis so/ /'phangs pa'i don ni sred
pa sogs kyi 'grub byed yod na 'bras bu de dag 'grub rung du byas
pa'o/ /'grub

byed dang grub pa ni gsum gyis shes par bya ste/ gang gis 'grub
par byed na sred pa'i rkyen can gyi len pas so/ /gang 'grub par
byed na skye ba dang rga shi'o/ /ji ltar 'grub par byed na 'du
byed kyis rnam shes la

bsgos pa'i las kyi bag chags de nus pa mthu can du byas pa'i
tshul gyis so/ /rten 'brel mdo 'grel du skye ba gcig pu grub pa'i
yan lag tu byas nas rga shi de dag gi nyes dmigs su gsungs so/
/de ltar na las

'bras la rmongs pa'i ma rig pas kun nas bslangs pa'i mi dge ba'i
'du byed kyis rnam shes la las ngan pa'i bag chags bzhag nas/
ngan song gsum gyi 'bras dus kyi rnam shes nas tshor ba'i bar
'grub rung du byas

@165b pa de; sred len gnyis kyis yang yang gsos btab pas las kyi
bag chags mthu can du gyur nas phyi ma ngan 'gror skye rga sogs
'grub la/ yang bdag med pa'i don la rmongs pa'i ma rig pas kun
nas bslangs

pa'i 'dod khams kyis bsdus pa'i tshul khrims sogs bsod nams kyi
'du byed dang/ khams gong mas bsdus pa'i zhi gnas bsgom pa sogs
mi g.yo ba'i 'du byed kyis rnam shes la las bzang po'i bag

chags bzhag nas/ 'dod pa'i bde 'gro dang khams gong ma'i lha'i
'bras dus kyi rnam shes nas tshor ba'i bar 'grub rung du byas pa
de/ sred len gyis yang yang gsos pas las kyi bag chags mthu can
du

song nas phyi mar bde 'gro de dag tu skye ba sogs 'grub bo/ /de
lta bu'i yan lag bcu gnyis po de yang nyon mongs pa dang las
dang sdug bsngal gyi lam gsum du 'du ste/ slob dpon klu sgrub
kyis/ dang po brgyad pa

dgu nyon mongs/ /gnyis dang bcu pa las yin te/ /lhag ma bdun ni
sdug bsngal yin/ /zhes gsungs pa bzhin no/ /sA lu ljang pa'i
mdo las ni yan lag bcu gnyis sdud pa'i rgyu bzhi gsungs te/ ma
rig pa'i

'debs pa pos las kyi zhing la rnam shes kyi sa bon btab pa de
sred pa'i chus brlan par byas na ma'i mngal du ming gzugs kyi
myu gu 'grub par bshad do/ /gsum pa tshe du la rdzogs pa ni/
'phen byed dang 'phangs

@166a @#/ /pa'i yan lag gi bar du bskal pa bgrang las 'das pas
chod pa yod pa'ang srid la/ tshe gzhan gyis bar mchod bar skye ba
gnyis pa la 'grub pa'ang srid do/ /'grub byed kyi yan lag dang
grub

pa'i yan lag gnyis ni bar ma chad du 'ong bas myur na tshe gnyis
la rdzogs pa zhig 'ong ste/ dper na/ tshe 'di 'dra ba zhig la
lhar skyes nas myong bar 'gyur ba'i las gsar du bsags na/ de'i
tshe ma rig pa dang 'du byed

dang rgyu dus kyi rnam shes te/ yan lag phyed dang gsum dang
'chi kha tshun chad du sred len srid pa gsum rdzogs la/ skye ba
phyi ma la 'phangs pa'i yan lag phyed dang lnga dang grub pa'i
yan lag gnyis rdzogs pa'i

phyir ro/ /yun ring na yang tshe gsum las mi 'gyang ste/ 'grub
byed dang grub pa gnyis dang 'phen byed gsum la tshe re re dgos
la/ 'phangs pa'i yan lag rnams grub pa'i yan lag tu 'dus pa'i
phyir dang/

'phen byed dang 'grub byed kyi bar du tshe du mas chod kyang rten
'brel gzhan gyi tshe yin gyi/ rten 'brel de'i tshe min pa'i phyir
ro/ /'di dag la bar do'i tshe zur du ma brtsis so/ /de ltar 'bras
bu'i yan lag de rnams grub

pa'i tshe na yang las gsog pa po dang 'bras bu myong ba po'i gang
zag gi bdag med kyi/ sngar bshad pa ltar chos tsam gyi rgyu'i
yan lag las/ chos tsam gyi 'bras bu'i yan lag de rnams 'byung
zhing 'khor ba'i tshul

@166b ma shes par de la rmongs nas bdag tu bzung zhing/ bdag bde
bar 'dod nas de'i phyir du sgo gsum dge ba dang mi dge ba la
mngon par 'du byas pas slar yang 'khor bas na/ nyon mongs pa
gsum las las gnyis dang de las

sdug bsngal bdun 'byung zhing/ bdun po las kyang nyon mongs
dang
de las kyang sngar ltar 'khor bas srid pa'i 'khor lo rgyun chad
med par 'khor te/ slob dpon klu sgrub kyis/ gsum po dag las
gnyis 'byung ste/ /

gnyis las bdun 'byung bdun las kyang/ /gsum 'byung srid pa'i
'khor lo de/ /nyid ni yang dang yang du 'khor/ /zhes gsungs so/
/de lta bu'i tshul gyis 'khor bar 'khyams pa bsams na ni skyo
ba'i thabs mchog tu

'gyur la/ bskal pa dpag tu med pa nas dge mi dge'i las bsags
pa'i 'phen byed kyi las rnam smin ma phyung zhing gnyen pos ma
bcom pa rnams kyang/ da lta'i sred len gyis gsos btab na de'i
dbang gis bde

'gro dang ngan 'gror 'khyam pa dang/ dgra bcom pa la sngon so
skye'i dus su bsags pa'i 'phen byed kyi las bgrang las 'das pa
yod kyang/ nyon mongs med pas 'khor ba las grol ba'i tshul la
nges pa brtan po rnyed na nyon

mongs la dgrar bzung nas 'gog pa la brtson pa skye bar 'gyur ro/
/'di la bshes gnyen chen po phu chung ba ni/ rten cing 'brel par
'byung ba'i yan lag bcu gnyis po nyid la blo sbyong mdzad cing/
lam rim yang de'i

@167a @#/ /ldog 'jug sems pa rang la mdzad do/ /de yang ngan
'gro'i yan lag bcu gnyis kyi ldog 'jug sems pa ni skyes bu chung
ngu'i skor yin la/ de nas bde 'gro gnyis kyi yan lag bcu gnyis

kyi ldog 'jug sems pa ni skyes bu 'bring gi skor ro/ /de ltar
rang gi nyams la dpags nas mar gyur pa'i sems can rnams kyang
yan lag bcu gnyis kyi sgo nas 'khor bar 'khyams pa la byams pa
dang snying rje

bskyed de/ de rnams kyi don du sangs rgyas la thob 'dod sbyong
ba dang de'i lam la slob pa ni skyes bu chen po'i skor du 'chad
do/ /bzhi pa de dag gi don bsdu ba ni/ sngar bshad pa ltar kun
'byung las dang nyon mongs

pa'i dbang gis 'khor ba sdug bsngal gyi phung po 'grub tshul
dang/ khyad par du yan lag bcu gnyis kyi sgo nas srid pa'i 'khor
lo 'khor tshul rnams legs par shes par byas nas de la goms par
byed pa ni/ rgud pa

thams cad kyi rtsa ba rmongs pa'i mun pa mi bzad pa 'joms par
byed pa/ rgyu med pa dang mi mthun pa'i rgyu las/ phyi nang gi
'du byed rnams 'byung bar 'dzin pa'i log par lta ba thams cad
sel ba/ rgyal ba'i gsung

gi mdzod kyi gces pa'i nor spel ba 'khor ba'i mtshan nyid ji lta
ba bzhin rig nas skyo shas drag pos thar pa'i lam la yid bskul
ba/ sngar de ltar goms pa rnams la 'phags pa'i go 'phang 'thob
pa'i bag chags

@167b sad par byed pa'i thabs dam pa yin no/ /de ltar yang dpung
bzang gis zhus pa'i rgyud las/ gti mug la ni rten 'brel lam gyis
so/ /zhes dang/ sA lu ljang pa las rten 'brel legs par mthong
na sngon dang phyi ma'i

mtha' dang da ltar ba la dmigs pa'i lta ba ngan pa thams cad
bzlog par gsungs pa dang/ slob dpon klu sgrub kyis/ rten cing
'brel par 'byung 'di rgyal ba yi/ /gsung gi mdzod kyi gces pa
zab mo ste/ /zhes pa

dang; 'dul ba lung las/ mchog zung gcig gi kun spyod ni dus dus
su 'gro ba lngar rgyu ba yin pas/ de dag brgyus nas 'dzam bu'i
gling du gshegs te/ 'khor bzhi po la de dag gi sdug bsngal rnams
brjod par mdzad

do; ;gang la la'i lhan cig gnas pa dang nye gnas tshangs spyod la
mi dga' ba de dag des khrid de mchog zung gcig 'doms su 'chol
bar byed cing/ de gnyis kyang de dag la 'doms so/ /gdams pa na
tshangs spyod la dga'

zhing gong du khyad par yang rtogs par byed do/ /de ston pas
gzigs nas/ kun dga' bo la dris pas rgyu mtshan rnams gsol pa
dang/ thams cad du mchog zung gcig lta bu dag mi 'byung bas sgo
khang du 'khor ba'i 'khor lo

cha lnga pa khor yug tu rten 'brel bcu gnyis lugs 'byung dang
lugs ldog kyang bris shig gsungs nas/ de nas srid pa'i 'khor lo
bris pa dang/ rgyal po u tra ya na la bris sku bskur ba na/ 'og
tu rten 'brel bcu gnyis

@168a @#/ /lugs 'byung dang lugs ldog bris nas bskur ba rgyal pos
bzung nas nam langs pa'i tshe skyil mo krung bcas te lus drang
bor dran pa phyogs par bzhag ste/ rten 'brel gyi tshul gnyis la
rnam

par bltas pas 'phags pa'i go 'phang thob par gsungs so/ /gnyis
pa bsam pa de skyes pa'i tshad ni/ de ltar sdug bsngal dang kun
'byung gnyis dang rten 'brel yan lag bcu gnyis kyi sgo nas 'khor
ba'i mtshan nyid

zhib tu shes par byas pa na/ de dag 'dor bar 'dod pa dang de
rnams nye bar zhi ba la thob 'dod byung ba tsam nas nges 'byung
gi bsam pa tsam yin mod kyang de tsam gyis mi chog pas/ rigs pa
drug cu pa'i 'grel pa las/ sa

gsum mi rtag pa nyid kyi me rab tu 'bar ba na 'dug pa ni/ khyim
rab tu 'bar ba'i nang du chud pa bzhin du nges par de las 'da'
bar 'dod cing/ zhes gsungs pa dang/ ji ltar btson ni btson ra
las/ /zhes sogs

sngar drangs pa ltar me 'bar ba'i khyim du tshud pa dang/ btson
rar chud pa'i btson gnas de dag la mi 'dod cing/ de dag nas thar
bar 'dod pa'i blo ji tsam skye ba de lta bu'i blo'i tshod tsam du
bskyed par bya zhing/

de nas kyang je 'phel du btang dgos so/ /bsam pa 'di sha ra ba
gsung ba ltar/ sing skyur la btab pa'i phye bzhin kha na phar
yam me ba zhig las mi 'dug na/ 'khor ba'i rgyu kun 'byung la mi
'dod par blta ba yang de

@168b 'dra zhig las mi 'ong/ de ltar na sdug kun 'gags pa'i 'gog
pa thar pa don du gnyer ba yang de dang 'dra/ de'i phyir thar
pa'i lam la sgrub pa byed par 'dod pa yang tshig tsam du 'gro
zhing/ sems can gzhan 'khor

bar 'khyams pa'i sdug bsngal mi bzod pa'i snying rje yang 'ong
sa med la/ bla na med pa'i byang chub kyi sems ma bcos pa yid
skul bar byed nus pa'i shugs can yang mi skye bas/ theg pa chen
po yang tshig rjes 'brangs

pa'i go ba tsam du 'gyur ba yin no/ /des na 'bring gi chos skor
'di dag gdams pa'i mthil du bzung nas sbyong dgos so/ /gsum pa
de la log rtog bsal ba ni/ gal te 'khor bas yid shin tu 'byung
zhing skyo ba bsgoms na

nyan thos ltar/ 'khor bar zhugs pa la mi dga' ba'i phyir zhi
ba'i mthar ltung bas skyo ba bsgom pa ni theg dman la mdzes kyi/
byang chub dpa' la ni de bsgom pa mi rigs te/ gsang ba bsam gyis
mi khyab pa'i

mdo las/ byang chub sems dpa' rnams ni sems can yongs su smin pa
nyid nye bar bzung nas/ 'khor ba la phan yon du blta ba de ltar
ni yongs su 'das pa chen po la ma lags so/ /zhes dang/ gal te
byang chub sems

dpa' 'khor ba'i spyod yul la skrag na ni spyod yul ma lags par
ltung ngo/ /zhes dang/ bcom ldan 'das/ nyan thos rnams ni 'khor
ba'i spyod yul la skrag par 'gyur lags kyi/ byang chub sems dpa'
rnams ni slar

@169a @#/ /'khor ba dpag tu med pa yongs su 'dzin par byed par
'gyur lags so/ /zhes gsungs pa'i phyir ro zhe na/ 'di ni mdo'i
don phyin ci log tu bzung ba'i nor ba chen po ste/ 'di ltar
'khor ba la skyo

bar mi bya/ zhes gsungs pa'i don ni/ las dang nyon mongs pa'i
dbang gis srid par 'khyams pa'i skye rga na 'chi sogs kyi sdug
bsngal la yid 'byung mi bya bar ston pa min gyi/ byang chub sems
dpas 'gro ba'i don du 'khor ba'i mtha'i

bar du byang sems kyi spyod pa la slob par go cha bgos pa na/
'gro ba'i sdug bsngal thams cad bsdoms pa skad cig re re la lus
dang sems la bab kyang/ de dag gis yid skyo zhing bred pa med
par spyod pa rlabs chen po rnams la

spro ba'i brtson 'grus rtsom pa la 'khor ba la mi skyo bar
gsungs pa'i phyir ro/ /de ltar yang slob dpon zla ba grags pas/
'gro ba'i sdug bsngal ma lus pa lhags pa 'khor ba'i bar du skad
cig dang skad cig la rnam pa gzhan du

lus dang sems la gnod pa dag gis kyang bred par mi 'gyur la/
'gro ba'i sdug bsngal cig car lhags pa dag gis 'khor ba'i bar du
spro bar byas pa'i brtson 'grus kyi skad cig re re ni 'gro ba
mtha' dag gi rnam pa

thams cad mkhyen pa nyid kyi nor gyi tshogs mtha' yas pa skye
ba'i rgyur rig par byas nas/ slar yang srid pa brgya phrag blang
bar rigs te/ zhes de'i shes byed du mdo de rnams drangs pa'i
phyir ro/ /srid pa la phan yon du blta ba'i

@169b rgyu mtshan du yang/ mdo de nyid las/ byang sems sems can
gyi don la brtson pa yin la/ de la ji ltar brtson pa de ltar
thugs bde bar 'gyur bar gsungs pas/ srid pa la mi skyo ba'i don
'khor bar sems can gyi don byed pa

la mi skyo zhing/ de dag la dga' bar gsungs pa'i phyir ro/ /des
na las dang nyon mongs pa'i dbang gis 'khor bar 'khyams na sdug
bsngal du mas mnar nas/ rang gi don yang mi nus na gzhan gyi don
lta ci smos/ de ni rgud pa kun

gyi sgo yin pas theg dman las ches shin tu skyo bar byas la dgag
dgos shing/ smon lam dang snying rje la sogs pa'i dbang gis srid
par skye ba 'dzin pa la ni dga' bar bya dgos pas de gnyis mi
gcig go/ /de ltar ma phyed par sngar

ltar smra na ni smra ba po de la byang sems kyi sdom pa yod na
nyes byas nyon mongs can zhig bskyed par byang sa las gsungs te/
tshig mangs su dogs pas ma bris so/ /de'i phyir srid pa'i skyon
mtha' dag par mthong nas/ shin tu yid 'byung

yang; snying rje chen pos yid drangs pas srid pa mi spong ba ni
ngo mtshar ba yin gyi/ srid pa'i phun tshogs la gzhal med khang
ltar mthong ba'i sred pa cung zad kyang kha ma bri bar gzhan don
la snyad btags nas/ kho bo cag 'khor

ba mi spong byas kyang mkhas pa mgu bar ga la 'gyur/ dbu ma'i
snying po las kyang/ skyon mthong phyir ni srid par min/ /brtse
phyir mya ngan 'das mi gnas/ /gzhan don bsgrub phyir brtul zhugs
can/ /srid pa na yang gnas par

@170a @#/ /byed; ;ces gsungs so/ /gzhan yang sems can mtha' dag
la snying rje chen po bskyed pa'i rgyur byang sa nas bshad pa
ltar sdug bsngal brgya rtsa bcu lta bu'i sdug bsngal mtha' yas
pa mthong

nas; thugs la mi bzod pa shugs drag la rgyun ring ba bskyed dgos
pa dang/ 'khor ba la cung zad kyang mi skyo zhes pa ni ches 'gal
ba yin no/ /'khor ba la yid legs par 'byung bar byas te/ de nas
sems can

de rnams rang gi gnyen du mthong nas de dag gi don du srid mtshor
'jug pa'i lam gyi rim pa ni/ byang chub sems dpa'i rnal 'byor
spyod pa bzhi brgya pa'i yang dgongs pa yin zhing/ slob dpon
chen po zla ba grags pas kyang de'i

'grel par gsal bar mdzad de/ ji skad du/ 'khor ba'i nyes dmigs
bshad pas yid skrag cing grol bar 'dod pa rnams theg pa chen po
la nges par sbyar bar bya ba'i don du/ bcom ldan 'das kyis dge
slong dag yun ring por

'khor bar 'khor ba rnams la/ gang la pha'am ma'am bu'am bu mo'am
nye du'am snag gi gnyen mtshams gang yang rung ba'i gnas dang
'dra bar mi smra ba ni/ sems can gyi ris na sems can 'ga' yang
yod pa ma yin no/ /zhes

gsungs la/ byang chub sems dpa' rnams kyang bcom ldan 'das kyi
gsung rig par byas nas 'khor ba brgyud pa thog ma med pa nas pha
dang ma la sogs pa'i rtsa lag tu gyur pa'i 'gro ba gya zhing
mgon med pa mtha' dag theg pa

@170b chen po'i tshul gyi gzings kyis bsgral bar bya ba'i phyir
mchod par bzod pa yin te/ zhes gsungs pa'i phyir ro/ /tshul de ni
gsang sngags bla na med pa la yang dgos te/ spyod pa bsdus pa'i
sgon me las/ rim pa 'dis shin

tu spros pa med pa'i spyod pa la 'jug par bya'o/ /de'i rim pa ni
'di yin te/ de la dang po kho nar sgrub pa pos 'khor ba thog ma
med pa can gyi sdug bsngal dran par byas la mya ngan las 'das
pa'i bde ba 'dod pas 'du 'dzi

thams cad yongs su spang bar bya zhing/ tha na rgyal srid kyi
dbang phyug la yang sdug bsngal gyi 'du shes bsgom par bya'o/
/zhes 'phags pa lhas gsungs pa'i phyir ro/ /bzhi pa thar par
bgrod pa'i lam gyi rang bzhin gtan la dbab

pa ni; shrI dza ga ta mi tras/ sdug bsngal rgya mtsho gting
mtha' med/ /srid pa'i klong du bying gyur kyang/ /skyod med
'jigs med dga' dang rgod/ /bdag cag snying la ci zhig mchis/
/phongs dang btsal dka' bsrung dang brlag  /'bral dang na

rga rgud pa yis/ /rtag tu 'bar ba'i mer zhugs kyang/ /bder rlom
smyon pa lags pa snyam/ /zhes dang/ kyi hud 'jig rten mig bcas
long/ /mngon sum rtag tu nges mthong yang/ /da dung cung zad mi
sems pa/ /khyod snying rdo rjer gyur

tam ci/ /zhes gsungs pa ltar/ rang la rang gis bskul zhing 'khor
ba'i nyes dmigs bsgoms pas/ gzhon nu ma bdun gyi rtogs pa brjod
pa las/ 'jig rten gnas pa chu nang song ba'i zla ba'i gzugs
bzhin g.yo bar

@171a @#/ /mthong/ /'dod pa khros pa'i sbrul gyi lus bskyil
gdengs ka'i grib ma lta bur mthong/ /'gro ba 'di dag sdug
bsngal me yis kun tu 'bar bar mthong bas na/ /rgyal po bdag
cag nges par 'byung la mngon

dga' dur khrod dag tu mchi/ /zhes gsungs pa ltar/ snod bcud
kyi 'khor ba rlung gis bskyod pa'i chu zla ltar skad cig kyang
mi sdod par 'jig pa'i mi rtag pa dang/ 'dod pa'i yon tan ni
mnog chung la nyen che ba sbrul gdug pa'i lus kyi

grib ma dang 'dra ba dang/ 'gro ba lnga po rnams sdug bsngal
gsum gyi me rab tu 'bar bas kun tu gdungs par mthong nas/ srid
pa la zhen pa gting nas log pa byang pa'i byis pa'i blo sna
lta bu zhig skyes na/ nges par 'byung ba

thar pa la mngon par dga' ba'i thob 'dod 'byung ngo/ /byang
pa'i byis pa ni byang na rtsam pa dkon pas nyung ma nyi tshe za
bas byis pa zhig bkres te rtsam pa za 'dod nas/ ma la zas
bslangs pa la ma la rtsam pa med pas nyung gsher

zhig byin pas de mi 'dod zer/ de nas nyung ma skam po zhig
byin pas mi 'dod zer/ de nas nyung ma pho sha zhig byin pa la
yang nga mi 'dod zer/ de nas nyung ma btsos 'khengs zhig byin
pas de yang nga mi 'dod zer zhing kho ma

mgu nas de yo nyung ma yin zer lo/ /de bzhin du rang cag kyang
'jig rten gyi bde ba gang mthong ba dang thos pa dang dran pa
thams cad la de yang 'jig rten yin/ de yang 'jig rten yin/ de
yo sdug bsngal yin/ cis kyang byar med

@171b snyam nas skyug ting ting ba dgos gsung ba ltar ro/ /de
ltar sngar thog ma med pa nas 'khor bar 'khyams pa bsams pas
ni skyo zhing yid 'byung ba dang/ da gdod 'khyam dgos pa bsams
pas ni 'jigs shing skrag pa'i blo tshig tsam

du ma song ba skyes pa des/ bshes springs las/ 'khor ba de
'dra lags pas lha mi dang/ /dmyal ba yi dwags dud 'gro'i gnas
dag tu/ /skye ba bzang po ma lags skye ba ni/ /gnod pa du ma'i
snod 'gyur lags mkhyen mdzod/ /

ces gsungs pa ltar/ gnod pa thams cad kyi rtsa ba 'khor bar
skye ba bzlog dgos so/ /de yang rgyu las dang nyon mongs gnyis
bzlog pa la ltos la/ de gnyis kyang nyon mongs med na las ci
tsam yod kyang skye bar mi 'gyur la/

nyon mongs yod na las sngar bsags med du chug kyang 'phral
'phral du gsog par 'gyur bas nyon mongs gzhom par bya'o/ /de
'joms pa yang lam ma nor zhing tshang ba bsgom pa la rag las
so/ /'di la gnyis/ rten ji lta

bus 'khor ba bzlog pa dang/ lam ji 'dra ba zhig bsgoms pas
bzlog pa'o/ /dang po ni/ bshes springs las/ log par lta ba
'dzin dang dud 'gro nyid/ /yi dwags nyid dang dmyal bar skye
ba dang/ /rgyal ba'i bka'

med pa dang mtha' 'khob tu/ /kla klor skye dang glen zhing
lkugs pa nyid/ /tshe ring lha nyid gang yang rung bar ni/ /skye
ba zhes bgyi mi khom skyon brgyad po/ /de dag dang bral khom
pa rnyed nas ni/ /skye ba bzlog pa'i slad du 'bad

@172a @#/ /par mdzod/ /ces gsungs pa ltar/ dal 'byor thob pa'i
dus 'dir bzlog dgos te/ mi khom par ni bzlog pa'i skabs med
pa'i phyir te sngar bshad zin to/ /rnal 'byor pa chen po'i
zhal nas da res

phyugs las bye brag 'byed pa'i dus yin no gsung/ po to ba'i
zhal nas kyang sngar de tsam zhig 'khyams pa la rang log ma
byung tsa na/ da yang rang log mi 'ong bas bzlog dgos/ bzlog
pa'i dus kyang da res dal 'byor thob

pa'i dus 'dir yin gsung ngo/ /de las kyang khyim na gnas pa ni
chos bsgrub pa'i bar chad mang zhing nyes pa du ma'i skyon
chags la/ rab tu byung ba ni de las ldog pas na 'khor ba bzlog
pa'i rten ni rab byung mchog tu gyur pas

mkhas pas rab tu byung ba la mngon par dga' bar bya'o/ /khyim
pa'i skyon dang rab tu byung ba'i yon tan yang yang sems pa
ni/ sngar rab tu byung ba rnams kyi ni bsam pa brtan par 'gyur
la/ rab tu ma byung ba rnams kyi

ni bzang po'i bag chags 'jog cing sad bar 'gyur bas de'i tshul
cung zad brjod par bya'o/ /de la khyim pa ni/ 'byor na de
bsrung ba'i 'bad pas sdug bsngal la/ dbul na ni 'tshol ba'i
sdug bsngal gyis sha thang bas bde ba

med pa la/ rmongs nas bde bar 'dzin pa ni las ngan pa'i 'bras
bur shes par bya ste/ skyes rabs las/ btson ra 'dra ba'i khyim
la ni/ /nam yang bde bar ma sems shig /phyug gam yang na dbul
yang rung/ /khyim na gnas

@172b pa nad du che/ /gcig ni bsrung bas nyon mongs la/ /gnyis
pa 'tshol bas sha thang ngo/ /phyug gam yang na dbul ba yang/
/gang na bde ba med gyur pa/ /de la dga' ba rmongs ba ni/
/sdig pa'i 'bras bu smin pa nyid/ /ces gsungs

so; ;de'i phyir yo byad mang po 'dzin pa dang chog mi shes par
tshol ba ni rab tu byung ba'i bya ba ma yin te/ gzhan du na
khyim pa dang khyad med par 'gyur bas so/ /gzhan yang khyim na
gnas pa ni chos dang 'gal bas der chos bsgrub

par dka' ste/ de nyid las/ khyim gyi so nam byas na ni/
/brdzun du mi smrar mi rung zhing/ /pha rol nyes pa byed pa
la/ /nan tur mi byar mi rung ngo/ /gal te chos spyod khyim gyi
so nam 'chor/ /khyim la phyogs na chos kyang ga la 'grub/ /

chos kyi las ni rab tu zhi ba yin/ /khyim gyi don ni drag shul
can gyis 'grub/ /de bas chos dang 'gal ba'i skyon yod phyir/
/bdag la phan 'dod su zhig khyim na gnas/ /zhes dang/ dregs
dang nga rgyal gti mug sbrul gyi tshang/ /

rab tu zhi ba dga' ba'i bde 'jig pa/ /sdug bsngal mi bzad mang
po'i gnas gyur khyim/ /khung dang 'dra bar su zhig gnas par
byed/ /ces gsungs so/ /de lta bu la sogs pa khyim na gnas pa'i
skyon yang yang bsams la/

rab tu byung ba la smon par bya'o/ /de yang chos gos dang
lhung bzed ngan ngon dang bsod snyoms kyis chog shes shing
dben par rang gi nyon mongs pa sbyangs nas/ gzhan gyi yon gnas
byed pa la smon pa ni/ gzhon nu ma bdun

@173a @#/ /gyi rtogs brjod las/ skra rnams bregs par gyur nas
ni/ /phyag dar khrod kyi gos 'chang zhing/ /dgon pa yul du
'dod par ni/ /nam zhig de ltar 'gyur zhig gu/ /gnya' shing
gang tsam rnam

blta zhing/ /sa yi lhung bzed lag thogs nas/ /dpyas med khyim
nas khyim du ni/ /nam zhig slongs mo spyod par 'gyur/ /rnyed
dang bkur sti chags med cing/ /nyon mongs tsher ma'i 'dam rdzab
dag /sbyong bar byed cing grong

khyer gyi/ /sbyin pa'i gnas su nam zhig 'gyur/ /zhes gsungs pa
ltar ro/ /mal stan rtswa las byas pa la bla gab med par nyal
bas/ gos ba mos lci ba dang bza' btung ngan ngon gyis chog
shes pa dang/ gnas mal

shing drung du rtswa 'jam po la chos kyi dga' ba des 'tsho
zhing nyal ba la smon pa ni/ rtswa yi tshogs las langs nas ni/
/ba mos lci ba'i gos dag dang/ /zas skom ngan ngon tsam gyis
ni/ /nam zhig lus la chags med 'gyur/ /

shing drung ne co ltar ljang ba'i/ /dur ba 'jam po'i gos can
du/ /mthong chos bde ba'i dga' ston dang/ /nam zhig bdag ni
nyal bar 'gyur/ /zhes gsungs pa ltar ro/ /po to ba mkhar thog
tu kha ba 'chags nas do nub

ni gzhon nu ma bdun gyi rtogs brjod nas bshad pa dang 'dra ba
zhig byung bas dga' ba zhig byung/ de lta bu zhig nyams su
blang 'dod pa min pa gzhan med gsung ngo/ /sman ljongs dang
chu bo'i ngogs su gnas nas chu rlabs

@173b skye 'jig byed pa dang rang gi lus srog gnyis 'dra bar
sems pa dang/ srid pa'i rtsa ba lta ngan thams cad kyi skyed
byed bdag tu 'dzin pa so sor rtogs pa'i shes rab kyis 'gog
cing/ srid pa'i dga' bde la zhen pa log pa

dang snod bcud kyi 'jig rten rnams sgyu ma sogs dang 'dra bar
yang dang yang du sems pa la smon pa ni/ nam zhig chu ngogs
sman ljongs su/ /gnas nas chu rlabs 'byung 'jig dang/ /'tsho
ba'i 'jig rten gnas 'dra bar/ /yang dang

yang du blta bar 'gyur/ /lta ba kun gyi mar gyur pa'i/ /'jig
tshogs lta ba 'byin pa dang/ /srid pa'i longs spyod mi 'dod
par/ /bdag ni nam zhig 'gyur zhig gu/ /rmi lam smig rgyu sgyu
ma sprin/ /dri za'i grong khyer mtshungs par ni/ /rgyu dang

mi rgyu'i 'jig rten dag /nam zhig rtogs par byed par 'gyur/
/zhes gsungs te/ de thams cad kyang rten rab tu byung ba byas
nas bya ba de dag byed pa la smon pa byed pa'o/ /mchad ka ba'i
zhal nas/ dka' thub kyi ri sul du drang srong gi

spyod tshul gyis gnas pa zhig byung na/ da gzod phas bu gsos
bya ba yin gsung ba dang/ shar ba'i zhal nas kyang/ khyim pa
las kas brel ba'i dus su gos bzang bzang gyon la de na phar
song dang rab tu byung ba a re skyid snyam

nas; ma 'ongs pa na rab byung gi bag chags 'jog gsung ngo/
/drag shul can gyis zhus pa las kyang/ bdag kyang sdug bsngal
gyi gnas khyim gyi gnas nas mngon par byung ste/ nam zhig na
'di lta bu spyod par 'gyur/ bdag kyang

@174a @#/ /nam zhig na dge 'dun gyi las dang gso sbyong gi las
dang dgag dbye'i las dang 'dud pa'i las de la gnas par 'gyur
snyam nas/ des 'di ltar rab tu byung ba'i sems la dga' bar
bya'o/ /zhes byang

chub sems dpa' khyim na gnas pas de ltar smon pa bya bar
gsungs te/ 'dis ni gtso bor bsnyen par rdzogs pa la smon par
gsungs so/ /mdo sde'i rgyan las kyang/ rab tu byung ba'i
phyogs dag ni/ /yon tan tshad med rnams

dang ldan/ /de ltas sdom brtson khyim pa yi/ /byang chub sems
dpa' las khyad 'phags/ /zhes gsungs so/ /de ltar na 'khor ba
las thar ba'i rnam grol bsgrub pa la rten rab tu byung ba
bsngags par ma zad/ pha rol tu phyin pa dang gsang

sngags kyi theg pa'i sgo nas rnam mkhyen bsgrub pa la yang rab
tu byung brten mchog tu gsungs la/ rab tu byung ba'i sdom pa
ni sdom pa gsum gyi nang nas so sor thar pa nyid yin pas bstan
pa'i rtsa ba so sor thar pa la gus par bya'o/ /

gnyis pa lam ji lta bu zhig bsgoms pas bzlog pa ni/ bshes
springs las/ mgo 'am gos la glo bur me shor na/ /de dag phyir
bzlog bgyi ba btang nas kyang/ /yang srid med par bgyi slad
'bad 'tshal te/ /'di las ches

mchog dgos pa gzhan ma mchis/ /tshul khrims dag dang shes rab
bsam gtan gyis/ /mya ngan 'das zhi dul ba dri med pa'i/ /go
'phang mi rga mi 'chi zad mi 'tshal/ /sa chu me rlung nyi zla
bral thob mdzod/ /ces gsungs pa ltar/ lam

@174b bslab pa rin po che rnam pa gsum la slob dgos so/ /de la
bslab pa gsum gyi grangs nges pa ni gsum las/ dang po sems
'dul ba'i rim pa la ltos pa'i grangs nges ni/ sems rnam par
g.yengs pa g.yeng ba med par

byed pa ni tshul khrims kyi bslab pa dang/ sems mnyam par ma
bzhag pa mnyam par 'jog pa la ting nge 'dzin nam sems kyi
bslab pa dang/ sems ma grol ba grol bar byed pa la shes rab
kyi bslab pa ste/ de gsum

gyis rnal 'byor pa rnams kyi bya ba thams cad rdzogs par 'gyur
ba'i phyir ro/ /'bras bu la ltos pa'i grangs nges ni/ tshul
khrims ma nyams pa'i 'bras bu ni 'dod pa'i bde 'gro gnyis yin
la/ nyams pa'i 'bras bu ni ngan

'gro'o/ /sems kyi bslab pa'i 'bras bu ni khams gong ma'i bde
'gro gnyis so/ /shes rab kyi bslab pa'i 'bras bu ni thar pa
ste/ mdor na bsgrub bya mngon mtho dang nges legs gnyis dang/
snga ma la khams gong 'og gi bde 'gro

gnyis yod pas de'i sgrub byed kyang gsum mo/ /de gnyis ni sa'i
dngos gzhir gsungs so/ /gong ma rnams ni spang bya nyon mongs
la ltos nas kyang gsum du bzhed de/ nyon mongs sun 'byin pa
dang mngon gyur 'go gnon pa dang sa bon

rtsad nas spong ba la bslab pa gsum mo/ /go rim nges pa ni/
tshangs pas zhus pa sa'i dngos gzhir drangs pa las/ rtsa ba shin
tu brtan pa dang/ /zhi ba'i sems la dga' ba dang/ /'phags pa'i
lta dang sdig pa'i lta/ /ldan par bya zhing

@175a @#/ /bral bar bya/ /zhes gsungs pas bstan to/ /de la tshul
khrims ni rtsa ba ste/ gzhan gnyis de las 'byung ba'i phyir
ro/ /tshul khrims la brten nas sems mnyam par bzhag pa la mngon
par dga' ba ni gnyis

pa'o; ;sems mnyam par bzhag pas yang dag pa ji lta ba bzhin
mthong ba'i phyir 'phags pa'i lta ba dang ldan zhing sdig pa'i
lta ba dang bral ba ni gsum pa'o/ /bslab pa gsum gyi rang
bzhin ni/ tshangs pas zhus pa las/ yan lag drug dang

ldan pa dang/ /gnas bzhi bde dang ldan pa dang/ /bzhi po yi ni
rnam pa bzhi/ /rtag tu ye shes dag pa yin/ /ces gsungs pa ltar
ro/ /de la tshul khrims kyi bslab pa ni yan lag drug dang ldan
pa ste/ tshul khrims dang ldan pa dang so

sor thar pa'i sdom pas bsdams pa gnyis kyis ni thar par nges
par 'byin pa'i tshul khrims dag pa bstan to/ /cho ga dang spyod
yul dang ldan pa gnyis kyis ni ma smad pa'i tshul khrims dag pa
bstan to/ /kha na ma tho ba phra rab la yang 'jigs

par lta bas ni ma nyams pa'i tshul khrims dag pa bstan to/
/bslab pa'i gzhi rnams yang dag par blangs te slob pas ni
phyin ci ma log pa'i tshul khrims dag pa bstan to/ /sems kyi
gnas bzhi ni bsam gtan bzhi yin la/ de nyid

tshe 'di la bde bar gnas pas na bde ba dang ldan pa ste sems
kyi bslab pa'o/ /bzhi po ni bden pa bzhi yin la/ de'i rnam pa
bzhi ni sdug bsngal la mi rtag pa dang sdug bsngal ba dang
stong pa dang bdag med do/ /kun 'byung la

@175b rgyu dang kun 'byung dang rab skye dang rkyen no/ /'gog
bden la 'gog pa dang zhi ba dang gya nom dang nges 'byung ngo/
/lam bden la lam dang rigs pa dang sgrub pa dang nges 'byin
te/ bcu drug po de rtogs pa'i rnam pa bcu drug ni shes

rab kyi bslab pa'o/ /'dir skyes bu 'bring gi lam rang dga' ba
la 'khrid na/ bslab pa gsum la 'khrid lugs rgyas par dgos
na'ang/ de min pas shes rab lhag mthong dang sems kyi bslab pa
zhi gnas bskyed lugs ni/

skyes bu chen po'i skabs su rgyas par 'chad par 'gyur bas 'dir
de tsam las mi spro'o/ /des na tshul khrims la bslab tshul mdor
bsdus shig brjod par bya'o/ /de la thog mar ni/ tshul khrims
kyi phan yon yang dang yang du

bsams nas snying thag pa nas spro shugs 'phel bar bya ste/ mya
ngan las 'das pa chen po las/ tshul khrims ni dge ba'i chos
thams cad kyi them skas so/ /shing la sogs pa'i rtsa bas yin
pa ltar rtsa ba'o/ /tshong dpon tshong pa

thams cad kyi thog mar 'gro ba ltar dge ba'i chos thams cad
kyi thog mar 'gro ba'o/ /brgya byin gyi rgyal mtshan bsgreng ba
ltar chos thams cad kyi rgyal mtshan no/ /sdig pa thams cad
dang ngan song gi lam gtan gcod pa'o/ /sdig pa'i

nad thams cad gso bas sman gyi sdong po lta bu'o/ /srid pa'i
lam nyam nga ba'i brgyags tshogs so/ /nyon mongs pa'i dgra
'joms pa'i go mtshon no/ /nyon mongs pa'i sbrul gdug pa sel
ba'i rig sngags so/ /sdig pa'i chu las sgrol ba'i zam 

@176a @#/ /pa'o; ;zhes pa dang/ mgon po klu sgrub kyis kyang/
khrims ni rgyu dang mi rgyu'i sa bzhin du/ /yon tan kun gyi gzhi
rten lags par gsungs/ /zhes pa dang/ dpung bzang gis zhus pa'i
rgyud las kyang/

ji ltar lo tog thams cad sa la ni/ /brten nas skyon med par ni
skye ba ltar/ /de bzhin tshul khrims brten nas chos dkar mchog
/snying rje'i chus brlan pas ni rnam par skye/ /zhes gsungs pa
ltar bsam mo/ /khas blangs nas ma bsrungs

na nyes dmigs shin tu che ste/ dge slong la rab tu gces pa'i mdo
las/ la la'i tshul khrims bde ba ste/ /la la'i tshul khrims sdug
bsngal yin/ /tshul khrims ldan pa bde ba ste/ /tshul khrims 'chal
ba sdug bsngal lo/ /zhes

bslab pa khas blangs pa de phan yon dang nyes dmigs gnyis ka'i
phyogs su 'gro bar gsungs so/ /de'i phyir nyes dmigs rnams kyang
legs par bsams la bslab pa la rab tu gus par bya'o/ /ji ltar
bslab pa'i tshul ni/ ltung

ba 'byung ba'i rgyu bzhi las/ mi shes pa'i gnyen por ni/ bslab
bya rnams mnyan nas shes par bya'o/ /bag med pa'i gnyen por ni/
blang dor gyi dmigs rnam ma brjed pa'i dran pa dang 'phral
'phral du sgo gsum la so sor rtog

cing; legs nyes gang la 'jug shes par byed pa'i shes bzhin dang/
bdag gam chos kyi dbang du byas nas nyes pa la 'dzem pa'i ngo
tsha shes pa dang/ gzhan gyis smad du 'ong snyam nas 'dzem pa'i
khrel yod dang/ nyes spyod

@176b kyi rnam smin la 'jigs nas bag 'khums pa sogs la bslab bo/
/ma gus pa'i gnyen por ni/ ston pa dang de'i bcas pa dang tshangs
pa mtshungs par spyod pa rnams la gus par bya'o/ /nyon mongs mang
ba'i gnyen por ni/ rgyud la

brtags te nyon mongs gang shas che ba la gnyen po 'bad nas bsten
no/ /de ltar mi 'bad par 'di tsam las 'gal yang skyon chung ngo
snyam du bsams nas/ bcas pa rnams la bag yangs su 'jug pa ni
sdug bsngal 'ba' zhig 'thob

ste; lung rnam 'byed las/ gang zhig ston pa thugs rje'i bstan pa
la/ /yang bar sems shing cung zad 'da' byed pa/ /de ni de las
sdug bsngal gzhan dbang 'thob/ /smyig tshal bregs pas a mra'i
tshal nyams bzhin/ /'di na la

las rgyal po'i tshig chen yang/ /'das na lan 'ga' chad pa 'thob
mi 'gyur/ /thub pa'i bka' lung tshul min 'das byas na/ /dud 'gror
'gro 'gyur e la'i 'dab klu bzhin/ /zhes gsungs pa'i phyir ro/
/de bas na nyes ltung gis ma gos

pa la 'bad cing/ brgya la gos na yang ji mi snyam par mi 'jog
par ltung ba dang sdig pa'i phyir bcos la ji ltar gsungs pa ltar
'bad par bya'o/ /tshangs pas zhus pa las/ bslab pa la ni brten
par bya/ /de la snying nas nan tan bya/ /

phyir ni spang bar mi bya zhing/ /srog gi phyir yang bshig mi
bya/ /rtag tu nan tan gnas par bya/ /'dul ba la ni 'jug par bya/
/zhes dang/ tshul khrims yang dag par ldan pa'i mdo las/ dge
slong dag srog dang bral zhing shi ba ni bla yi/

@177a @#/ /tshul khrims nyams shing zhig pa ni de lta ma yin no/
/de ci'i phyir zhe na/ srog dang bral zhing shi bas ni skye ba
'di nyid kyi tshe zad par 'gyur gyi/ tshul khrims nyams shing zhig
pas ni skye ba 'bum phrag brgya'i

bar du rigs dang bral zhing bde ba spangs te/ rnam par ltung ba
chen po nyams su myong bar 'gyur ro/ /zhes gtan tshigs dang bcas
te bka' stsal pa ltar/ srog dang bsdos te bsrung bar bya'o/ /de
lta ma yin na bdag skra bregs shing

gos ngur smrig bgos pa ni don med do snyam du bsam par bya ste/
ting nge 'dzin gyi rgyal po las/ sangs rgyas bstan pa 'di la rab
byung nas/ /sdig pa'i las rnams shin tu spyod par byed/ /nor
dang 'bru la snying por 'du shes

shing; ;bzhon dang ba glang shing rta rnams la chags/ /gang la
bslab pa'i nan tan med pa rnams/ /de dag gis kyang ci phyir mgo
bo bregs/ /zhes gsungs pa'i phyir ro/ /'dus byas 'khor ba las
'bros par 'dod nas thar

pa'i grong khyer du 'gro ba la tshul khrims kyi rkang pa nyams na
ni 'gro mi nus par ma zad/ 'khor bar slar 'khor zhing sdug
bsngal rnams kyis 'joms pa dpe dang bcas te/ ting nge 'dzin gyi
rgyal po las/ mi zhig chom rkun mang

pos rab gtses nas/ /'tsho bar 'dod pas bros shing 'gror brtsal
na/ /de ni rkang pa 'gro zhing rgyug mi nus/ /chom rkun dag gis
de bzung bcom pa ltar/ /de bzhin tshul khrims nyams pa rmongs
pa'i mi/ /'dus byas dag las 'bros

@177b par 'dod mod kyi/ /tshul khrims nyams pas de yang 'bros mi
nus/ /na rga 'chi ba dag gis shin tu 'joms/ /zhes gsungs so/
/des na mdo de las/ khyim pa skya bo'i gos gyon la/ /ngas ni
bslab pa gang bshad pa/ /de tshe

dge slong de dag la/ /bslab pa de yang med par 'gyur/ /zhes
gsungs pa ltar/ dge bsnyen la gsungs pa'i bslab pa'i gzhi lnga
yongs su rdzogs par bsrung ba dge slong la yang med par gsungs
pa'i dus 'dir bslab pa la

brtson pa ni/ lhag par yang 'bras bu che bas 'bad par bya ste/
mdo de nyid las/ bskal pa bye ba gang gA'i bye snyed du/ /dang
ba'i sems kyis zas dang skom rnams dang/ /gdugs dang ba dan mar
me'i phreng ba yis/ /sangs

rgyas bye ba khrag khrig rim gro byas/ /gang gis dam chos rab tu
'jig pa dang/ /bder gshegs bstan pa 'gag par 'gyur ba'i tshe/
/nyin mtshan du ni bslab pa gcig spyod pa/ /bsod nams 'di ni de
bas bye brag 'phags/ /zhes

gsungs pa'i phyir ro/ /gzhan yang ltung ba byung yang bshags pas
chog snyam nas phyin chad mi byed pa'i sdom sems med par 'jug pa
ni/ phyis bcos pas chog zer nas dug za ba dang 'dra ste/ byams
pa seng ge sgra'i mdo

las; byams pa/ phyi ma'i tshe phyi ma'i dus lnga brgya pa tha ma
la byang chub sems dpa' khyim na gnas pa dang/ rab tu byung ba
kha cig de dag 'di skad ces/ sdig pa'i las ni nyes pa bshags pas
ma lus par 'dzad par 'gyur

@178a @#/ /ro zhes zer zhing/ de dag sdig pa mngon par 'du bya ba
mngon par 'dus byas nas yang bshags par bya'o/ /zhes ltung ba
lhag par 'byin par byed cing/ phyis sdom pa 'dzin par ni mi byed
pa

dag 'byung bar 'gyur te/ de dag ni 'chi ba'i las can yin no zhes
nga smra ste/ 'chi ba yang gang zhe na/ 'di lta ste/ dper na/
dug za ba'i mi de dang 'dra bar 'chi ba'i dus byas nas log par
ltung ba rnams su 'gro bar 'gyur ba

yin no/ /zhes dang/ byams pa/ 'phags pa'i chos 'dul ba 'di la
dug ces bya ba de ni/ 'di lta ste/ bslab pa'i gzhi ji ltar bcas
pa dag las 'da' bar byed pa yin pas khyed cag gis ni dug bza'
bar mi bya'o/ /zhes

gsungs pa'i phyir ro/ /de lta bu'i tshul gyis bsrung ba ni so
thar gyi sdom ldan yin na gsang sngags la yang 'dra ba yin te/
dpung bzang gis zhus pa'i rgyud las/ rgyal ba ngas gsungs so sor
thar pa yi/ /tshul khrims rnam

dag 'dul ba ma lus las/ /sngags pa khyim pas rtags dang cho ga
spang/ /lhag ma rnams ni nyams su blang bar bya/ /zhes sngags pa
khyim pas kyang rab byung gi rtags kyi skor dang las kyi cho ga
dang bcas pa rkyang pa'i cha 'ga'

zhig ma gtogs pa 'dul ba nas 'byung ba bzhin bya dgos par gsungs
na/ sngags pa rab byung la smos ci dgos pa'i phyir ro/ /sngags
'grub pa'i rtsa ba yang tshul khrims yin te/ dpung bzang gis zhus
pa las/

@178b sngags kyi rtsa ba dang por tshul khrims te/ /de nas brtson
'grus dang ni bzod pa dang/ /rgyal ba la ni dad dang byang chub
sems/ /gsang sngags dang ni le lo med pa'o/ /ji ltar mi dbang
rin chen bdun ldan pa/ /skyo ba med par skye dgu

'dul bar byed/ /de bzhin sngags pa yan lag 'di bdun dang/ /ldan
par gyur na sdig pa 'dul bar byed/ /ces dang/ 'jam dpal rtsa
rgyud las kyang/ zlos pa 'di la tshul khrims nyams/ /de la grub
pa mchog med

cing; ;grub pa 'bring yang yod med de/ /grub pa tha ma'ang yod
ma yin/ /tshul khrims 'chal la thub dbang gis/ /sngags 'grub par
ni ma gsungs te/ /mya ngan 'das grong 'gro ba yi/ /yul dang
phyogs kyang ma yin no/ /

byis pa ngan pa 'di la ni/ /sngags 'grub pa ni ga la yod/ /skye
bo tshul khrims 'chal 'di la/ /de la bde 'gro ga la yod/ /mtho
ris su yang mi 'gyur zhing/ /bde ba mchog tu'ang mi 'gyur na/
/rgyal bas gsungs pa'i

sngags rnams ni/ /'grub par 'gyur ba smos ci dgos/ /zhes gsungs
pa'i phyir ro/ /kham lung pa'i zhal nas kyang/ mu ge byung tsa
na thams cad nas kyi steng du 'ong/ de bzhin du thams cad tshul
khrims kyi steng du kor

kor 'ong bas 'di la 'phungs shig  /tshul khrims dag pa'ang las
'bras ma bsams pa la mi 'ong bas des na 'di sems pa man ngag yin
gsung ba dang/ sha ra ba'i zhal nas kyang/ spyir legs nyes ci
byung yang chos la

@179a @#/ /brten pa de'i nang nas kyang 'dul ba nas ji ltar
'byung ba la brten na blda ba kyang mi dgos pa zhe gtsang ba
brtag thub pa nyams dga' ba mtha' bzang ba yin gsung ba dang/
dge bshes ston

pa'i zhal nas kyang/ tshan cig gis 'dul ba la brten nas sngags ca
'byid/ sngags la brten nas 'dul ba ca 'byid de/ 'dul ba sngags
kyi grogs/ sngags 'dul ba'i grogs su song ba nga'i bla ma'i bka'
brgyud min pa

med gsung ba dang/ jo bo'i zhal nas kyang/ nged rgya gar na do
gal chen po'am bya ba glo bur ba byung na sde snod 'dzin pa
rnams 'tshogs nas/ sde snod gsum nas ma bkag gam sde snod gsum
dang mi 'gal lam zhes gtan la

phab nas de'i steng du 'jog pa yin/ nged bri kA ma la shI la
ba la de'i steng du byang sems kyi spyod pa nas ma bkag gam de
dang mi 'gal lam bya bzhig yod la/ 'dun ma'i zhabs 'dul ba 'dzin
pas 'jug pa yin gsung

ngo; ;de ltar tshul khrims dag par byed pa la yang/ sne'u zur
pa'i zhal nas/ da lta nang na nyon mongs pa dang 'thab pa 'di
kho na gal che ste/ nyon mongs dang ma 'thabs na tshul khrims dag
pa mi 'ong/ de tsa na nyon mongs mgo

gnon pa dang rtsad nas spong ba'i ting nge 'dzin dang shes rab
kyi bslab pa mi 'ong bas 'khor bar gtan du 'khyam dgos gsung ba
ltar yin pas/ sngar bshad pa ltar nyon mongs ngos zin par byas
la de dag gi nyes dmigs

@179b dang de dag dang bral ba'i phan yon bsams nas dran pa dang
shes bzhin gyi so btsugs te/ nyon mongs pa gang mgo 'bur 'bur la
yang dang yang du mdung bu 'debs dgos/ de yang nyon mongs pa
gang yang rung ba rang gi rgyud la

nyug gis byung ma thag nyid du de la dgrar bltas nas 'thab dgos/
de ltar min par dang por byung tsa na dang du len/ tshul min yid
byed kyis gsos 'debs par song na 'thab zla med par kho 'ba' zhig
tu 'gro gsung ngo/ /de ltar 'bad

pas ma bzlogs na yang rgyun mi 'thud par mod la ldog pa chu la
ri mo bris pa lta bu zhig dgos kyi/ rdo la ri mo bris pa ltar mi
bya ste/ bshes springs las/ sems ni chu dang sa dang rdo ba la/
/ri mo bris pa de 'drar rig par bgyi/ /de nang nyon

mongs can la dang po ni/ /mchog ste chos 'dod rnams la tha ma
lags/ /zhes gsungs pa ltar te/ chos kyi phyogs la ni de las
bzlog par bya'o/ /spyod 'jug las kyang/ 'di la bdag gis zhen bya
zhing/ /khon du bzung nas

g.yul sprad de/ /rnam pa de 'dra'i nyon mongs pa/ /nyon mongs
'joms byed ma gtogs so/ /bdag ni bsregs te bsad gyur tam/ /bdag
gi mgo bo bcad kyang bla/ /rnam pa kun tu nyon mongs pa'i/ /dgra
la 'dud par

mi bya'o/ /zhes gsungs so/ /dge bshes phu chung ba'i zhal nas
kyang/ nga ni nyon mongs kyis ljar gyis mnan yang ma thang 'og
nas so tshigs byed gsung ba/ po to bas gsan pas/ de tsug song na
mod la ldog gsung ngo/ /tha

@180a @#/ /mal pa'i dgra ni lan cig bton yang yul gzhan bzung nas
stobs rnyed pa na slar rgol du 'ong ba dang nyon mongs gnyis mi
'dra ste/ nyon mongs rgyud la lan cig rtsa ba nas 'don thub na
yul

gzhan du 'gro ba yang med la slar log nas kyang mi 'ong ngo/
/'on kyang bdag cag nyon mongs gzhom pa la brtson pa med pas lan
te/ spyod 'jug las/ tha mal dgra bo yul nas phyung yang ni/ /yul
gzhan dag tu gnas

shing yongs bzung nas/ /nus pa brtas nas de nas phyir ldog gi/
/nyon mongs dgra tshul de dang 'dra ma yin/ /nyon mongs nyon
mongs shes rab mig gis spang/ /bdag yid las bsal gang du 'gro
bar 'gyur/ /gang du gnas

nas bdag gnod bya phyir 'ong/ /blo zhan bdag la brtson pa med
par zad/ /ces gsungs so/ /bsnyug rum pa'i zhal nas/ nyon mongs
pa nyug gis byung tsa na le lo mi bya bar mod la gnyen pos bzlog
/bzlog ma nus na

langs la maNDal dang mchod pa bsham/ bla ma dang yi dam la phul
la gsol ba gdab/ de la dmigs nas khro bo'i bzlas pa byas pas
nyal gyis 'gro gsung ba dang/ glang ri thang pa'i zhal nas
kyang/ 'dug sa spos pa dang ske

cu cu byas pa tsam gyis kyang nyal gyis 'gro gsung ste/ khong
rang nyon mongs dang 'thabs par snang gsung ngo/ /de yang dgen
pa ba'i zhal nas/ nyin mtshan du rang gi sems la bya ra bya ba
las gzhan ci yod gsung ba ltar byed pa zhig la

@180b 'ong tshod du gda'/ jo bo chen po la yang nyi ma gcig la
lan du phrad kyang/ de'i ring la sems bzang po byung ngam gsungs
nas 'dri skad/ nyon mongs de dag ji ltar spong ba ni/ kha na ma
tho ba che la dbral bar dka' zhing/ nyon

mongs gzhan thams cad kyi rten byed pa ni gti mug yin pas/ de'i
gnyen por rten 'brel mang du bsgoms la/ 'khor ba'i 'jug ldog la
mkhas par bya ste/ 'di la goms na ni lta ba lnga la sogs pa'i
lta ngan thams cad

kyang mi 'byung ngo/ /'di phyi gnyis kar sdug bsngal ster zhing
dge rtsa bsags pa rnams 'joms pa'i dgra ni zhe sdang yin te/
spyod 'jug las/ zhe sdang lta bu'i sdig pa med/ /ces gsungs pa
ltar ro/ /de'i phyir de la rnam pa thams cad du skabs

mi dbye bar bzod pa la 'bad do/ /'di ma byung na tshe 'di nyid la
yang ches shin tu bde ste/ gang zhig bsgrims te khro 'joms pa/
/de ni 'di dang gzhan du bde/ /zhes spyod 'jug las gsungs pa
ltar ro/ /dge mi dge'i las sngar bsags thams cad 'khor ba

'grub pa la mthu can du byed cing nus pa je rgyas su gtong ba ni
'dod chags sred pa yin la/ de yang 'dod khams pa rnams la ni/
yul la longs spyod pa'i reg pa'i rkyen can gyi tshor ba'i ro
myangs pa las 'byung bas/ phyi dang nang gi mi sdug pa

dang 'dod yon la chags pa'i nyes dmigs mang du bsgoms la bzlog
par bya ste/ slob dpon chen po dbyig gnyen gyis/ ri dwags glang
po phye ma leb dang nya/ /sbrang ma lnga po lnga yis bcom gyur
te/ /gcig gis 'joms na gang zhig

@181a @#/ /lnga rnams ni/ /rtag tu bsten pa ci phyir 'joms mi
'gyur/ /zhes gsungs so/ /gzhan yang 'byung nye la dbral bar dka'
ba rnyed pa dang grags pa dang bstod pa dang bde ba bzhi la sred
cing/ de

dag gi ldog phyogs bzhi la yid mi dga' ba'i gnyen po la 'bad de/
de yang spyir 'khor ba'i nyes dmigs bsgom pa dang/ khyad par du
'chi ba dran pa gnad du song na ldog par 'gyur ro/ /nga rgyal ni
'dir lam skye ba'i

gegs kyi mchog phyi mar bran la sogs pa'i rgyu yin pas spang
ste/ spong tshul ni/ bshes springs las/ na rga 'chi sdug bral
dang de bzhin du/ /las rnams bdag gir bya las ma 'das zhes/ /de
ltar yang dang yang du sems pa

ni; ;de yi gnyen po'i sgo nas rgyags mi 'gyur/ /zhes gsungs pa
ltar ro/ /bden pa dang dkon mchog dang las 'bras la nges pa
rnyed na ni the tshom gyi phra rgyas mi 'byung ngo/ /gzhan yang
gnyid dang rmugs pa dang rgod pa dang le lo dang

bag med pa dang ngo tsha med cing khrel med pa dang brjed ngas
dang shes bzhin ma yin pa zhes bya ba'i nye ba'i nyon mongs pa
rnams ni dge ba'i phyogs la sbyor ba'i bar du gcod pa 'byung nye
ba rnams yin pas/ nyes dmigs rig par byas la

gnyen po bsten nas 'phral 'phral du mthu rje chung ngu gtong ba
la goms par bya'o/ /nyes dmigs ni/ bshes springs las/ rgod dang
'gyod dang gnod sems rmugs pa dang/ /gnyid dang 'dod la 'dun
dang the tshom ste/ /sgrib pa lnga

@181b po 'di dag dge ba'i nor/ /'phrog pa'i chom rkun lags par
rig par mdzod/ /ces dang/ lhag pa'i bsam pa bskul ba las kyang/
gang zhig gnyid dang rmugs la dga' 'gyur ba/ /bad kan rlung dang
de bzhin mkhris pa rnams/ /

de dag de yi lus la shas cher 'byung/ /de yi khams rnams rab tu
'khrug par 'gyur/ /gang zhig rmugs dang gnyid la dga' 'gyur ba/
/kha zas nyes pas lto ni ma dag cing/ /lus kyang lci la zo mdog
bde ma yin/ /de yi tshig kyang gsal

bar mi 'gyur ro/ /zhes dang/ gang zhig rmugs dang gnyid la dga'
'gyur ba/ /de ni rmongs shing chos la 'dun pa nyams/ /byis pa
yon tan kun las yongs su nyams/ /dkar po nyams shing mun par
'gro bar 'gyur/ /zhes nyes

dmigs mang du gsungs pa dang/ dran pa nyer gzhag las/ nyon mongs
rnams kyi gzhi gcig ni/ /le lo yin te gang la yod/ /gang la le
lo gcig yod pa/ /de la chos kun med pa yin/ /zhes dang/ tshoms
las/ bag med pa la sbyor

byed pa/ /skye bo byis pa bsam brlag yin/ /tshong dpon nor rnams
bsrung ba ltar/ /mkhas pas bag dang ldan par bya/ /zhes dang/
skyes rabs las/ lha dbang phyir yang ngo tsha bor nas ni/ /yid la
chos dang 'gal ba byed pa bas/ /

gyo mo'i snod thogs gos ngan gyon nas ni/ /dgra bo'i khyim du
'byor pa mthong yang bla/ /zhes dang/ bshes springs las/ dbang
phyug lus gtogs dran pa bder gshegs kyi/ /bgrod pa gcig pa'i lam
du nye bar

@182a @#/ /bstan/ /de ni bsgrims nas mngon par bsrung bgyi ste/
/dran pa nyams pas chos kun 'jig par 'gyur/ /zhes dang/ spyod
'jug las/ thos ldan dad pa can dang ni/ /brtson pa lhur len du
ma

yang; ;shes bzhin med pa'i skyon chags pas/ ltung ba'i rnyog
dang bcas par 'gyur/ /zhes gsungs pa ltar ro/ /de ltar nyon
mongs pa dang nye ba'i nyon mongs pa rnams dgag par ma nus
kyang/ nyon mongs kyi kha mi skyor phyogs

mi 'dzin par dgrar lta ba zhig da lta med du mi rung bas gnyen
po'i phyogs bzung la nyon mongs sun 'byin pa la 'bad nas/ rang
gis gang khas blangs pa'i tshul khrims yongs su dag par bya'o/
/jo bo chen po'i slob ma dpal

ldan dgon pa ba'i zhal nas kyang/ sne'u zur pa la/ ye 'bar sang
gnangs tsa na khyed kyi dge bshes pa de kun man ngag gi mthil
gang la byed zer nas 'dri na/ mngon par shes pa'am yi dam gyi
lha zhal mthong ba la byed byas par

'ong ngo/ /las rgyu 'bras la je nges je nges song nas ji ltar
khas blangs pa'i sdom pa dag par bsrung ba zhig la byed zer ba
yin no gsung/ des na bsgoms pa'i dngos grub kyang ma rig pa la
sogs pa'i nyon mongs je chung du song ba

la bya gsung ba ltar go dgos so/ /tshe 'di phyi gnyis kar sdig
dang sdug bsngal 'ba' zhig bskyed pa'i gzhan dang 'khrug pa la
yang/ de'i ring gi sdug bsngal thams cad srog dang bsdos nas
bzod par byed cing/ rmas

@182b pa'i rma la sogs pa yang 'di de'i tshe byung ba yin zer nas
ngom par byed na/ nyon mongs gzhom pa la brtson pa'i dus su dka'
spyad bzod pa ni shin tu yang rigs te/ spyod 'jug las/ don med
dgra yis rma srol btod pa yang/ /

lus la rgyan dang 'dra bar srel byed na/ /don chen bsgrub phyir
yang dag brtson gyur pa/ /bdag la sdug bsngal ci phyir gnod byed
yin/ /zhes gsungs so/ /de ltar nyon mongs pa'i dgra la 'thabs
nas rgyal ba la dpa' bo zhes bya yi/

dgra gzhan la 'thab pa ni ma bsad kyang ngang gis 'chi ba la
rgol bas ro la gsod pa dang 'dra ste/ spyod 'jug las/ sdug
bsngal thams cad khyad bsad nas/ /zhes sdang la sogs dgra 'joms
pa/ /de dag rgyal byed dpa' bo ste/ /

lhag ma ro la gsod pa'o/ /zhes gsungs so/ /de'i phyir de nyid
las/ nyon mongs phyogs kyi khrod gnas na/ /rnam pa stong du
bsran gzug ste/ /wa la sogs pas seng ge bzhin/ /nyon mongs tshogs
kyis mi tshugs bya/ /zhes

gsungs pa ltar/ lam gyi mi mthun pa'i phyogs kun gyis tshur la mi
tshugs shing de dag las rgyal bar bya'o/ /skyes bu 'bring dang
thun mong ba'i lam gyi rim pa bshad zin to// ! //rje btsun dam
pa thugs rje chen po

dang ldan pa rnams kyi zhabs la gus pas phyag 'tshal lo/ /de ltar
'khor ba'i nyes dmigs sgo sna tshogs nas rgyun ring du bsgoms pa
las srid pa thams cad me 'bar ba'i rlubs ltar mthong ste/ nyon
mongs pa dang sdug bsngal nye

@183a @#/ /bar zhi ba'i thar pa la thob 'dod kyis yid kun tu
gdungs pa des/ lam bslab pa rin po che gsum la bslabs na 'khor
ba las grol ba'i thar pa 'thob cing/ de yang mtho ris kyi dpal
ltar slar ldog pa

yang ma yin mod/ 'on kyang skyon zad pa dang yon tan thob pa
phyogs re ba yin pas rang gi don ma rdzogs la de nyid kyis na
gzhan gyi don yang nyi tshe bar zad cing/ mthar sangs rgyas kyis
bskul nas theg chen du 'jug dgos

pas na/ blo dang ldan pa rnams kyis ni thog ma nas theg pa chen
por 'jug par rigs te/ phar phyin bsdus pa las/ 'jig rten don
sgrub tshul la mthu med pa'i/ /theg pa gnyis po gtan du spang
byas shing/ /thub rgyal theg pa snying

rjes bstan pa la/ /gzhan phan ro gcig rang bzhin de dag 'jug
/ces dang/ bde dang mi bde rmi lam 'drar bgrangs shing/ /gti mug
skyon gyis dma' ba'i 'gro mthong na/ /las kyi dam pa gzhan don
dga' bor zhing/ /rang gi don la

de ko ci ste brtson/ /zhes gsungs pa ltar ro/ /de ltar rang nyid
srid pa'i mtshor lhung ba dang 'dra bar 'gro ba rnams kyang blang
dor 'byed pa'i shes rab kyi mig zum pas nyam nga ba dang bral
ba'i phyogs su bgrod mi nus par gom 'gros

'khyor ba mthong na/ rgyal ba'i rigs dang ldan pa rnams gzhan la
brtse ba med pa dang de dag gi don du mi brtson pa ni mi rigs
te/ de nyid las/ shes rab mig zum 'gros 'khyor gyur pa la/ /'jig
rten don sgrub rgyal ba'i rgyal rigs na/ /

@183b snying rje mi bskyed skyes bu gang zhig yod/ /de dag
rmongs bsal brtson 'grus su mi rtsom/ /zhes so/ /'di na skyes bu
rnams kyi bde ba dang brjid bag dang skyes bu'i rtsal ni gzhan
gyi don khur du 'khyer ba la bya bar rigs te/ rang gi don

tsam la dmigs pa ni dud 'gro rnams dang yang thun mong ba yin
pa'i phyir ro/ /de'i phyir chen po rnams kyi ngang tshul ni gzhan
gyi phan bde la mtha' gcig tu gzhol ba yin te/ slob ma la
springs pa las/ shin tu rnyed sla'i rtswa kham

'ga' lta phyugs kyang rang nyid za/ /shin tu skom pas gdungs
pa'ang chu zhig rnyed na dga' mgur 'thung/ /'di na skyes bu
gzhan don byed par brtson pa gang yin pa/ /de 'di'i brjid bag
yin te de bde skyes bu'i rtsal de 'phags/ /

nyi ma rlabs chen rta zhon rgyu ba snang byed gang yin dang/
/khur la mi rtsegs yis 'jig rten 'degs pa gang yin de/ /rang don
'ga' med chen po rnams kyi rang bzhin de 'dra ste/ /de dag 'jig
rten phan dang bde ba'i ro la gcig tu gzhol/ /

zhes so/ /de ltar 'gro ba sdug bsngal gyis kun tu gdungs par
mthong nas de dag gi don du brel ba la skyes bu zhes bya la
mkhas pa zhes kyang de la bya ste/ de nyid las/ 'jig rten ma rig
dud sprin 'khrigs pas 'gro ba 'khrugs gyur pa/ /

sdug bsngal me rab 'bar ba'i nang du dbang med lhung mthong nas/
/thod la me mched 'bar ba lta bur yid brel brtson pa gang/ /'di
na de dag skyes bu yin te mkhas pa'ang de dag yin/ /zhes so/
/de'i phyir rang gzhan gyi legs pa

@184a @#/ /thams cad kyi 'byung gnas/ rgud pa thams cad sel ba'i
sman/ mkhas pa'i skye bo kun gyis bgrod pa'i lam chen po/ mthong
ba dang thos pa dang dran pa dang reg pas kyang 'gro ba kun gyi
gsos su 'gyur

ba; gzhan gyi don du zhugs pas rang gi don mtshang ba med par
zhar la 'grub pa'i thabs mkhas pa chen po dang ldan pa'i theg pa
chen po la 'jug tu yod pa ni/ kye ma'o bdag gis rnyed pa legs
par rnyed do snyam du bsams

la; skyes bu'i rtsal ci yod kyis theg pa'i mchog 'dir 'jug par
bya'o/ /de yang phar phyin bsdus pa las/ shes rab rnam dag mngon
sgrub theg pa'i mchog  /thub chen thams cad mkhyen pa de las
'byung/ /de ni

'jig rten rnams kyi mig bzhin te/ /'od ldan nyi ma shar ba'i 'od
dang 'dra/ /zhes gsungs pa ltar/ sgo sna tshogs nas theg pa chen
po'i yon tan mthong bas yid drangs pa'i gus pa chen po bskyed
nas 'jug par bya'o/ /de

ltar na skyes bu chen po'i lam gyi rim pa la blo sbyang ba la
gsum/ theg chen gyi 'jug sgo sems bskyed kho nar bstan pa dang/
sems de ji ltar bskyed pa'i tshul dang/ sems bskyed nas spyod pa
la slob pa'i tshul lo/ /dang po ni/ de

ltar theg pa chen po la 'jug dgos na 'jug pa'i sgo gang nas yin
snyam na/ de la rgyal bas pha rol tu phyin pa'i theg pa chen po
dang gsang sngags kyi theg pa chen po gnyis gsungs kyi/ de las
gzhan pa'i theg pa chen po ni

@184b med do/ /de gnyis gang gi sgor 'jug kyang 'jug sgo ni
byang chub kyi sems kho na yin te/ de rgyud la nam skyes pa na
gzhan gang yang ma skyes kyang theg chen par 'jog pa yin la/ de
dang nam bral ba na stong pa nyid kyi rtogs pa la sogs pa'i yon

tan ci yod kyang nyan thos la sogs pa'i sar ltung zhing/ theg
chen las nyams pa yin par theg pa chen po pa'i gzhung du ma las
gsungs shing rigs pas kyang 'grub pa yin no/ /des na dang por
theg chen par chud pa yang/ sems de bskyed

pa tsam gyis 'jog la/ phyis theg chen pa'i nang nas 'thon pa'ang
de dang bral ba tsam gyis 'jog pas na theg chen pa ni sems de
yod med kyi rjes su 'gro ldog byed do/ /de ltar yang spyod 'jug
las/ byang chub sems skyes gyur na skad cig

gis; ;'khor ba'i btson rar bsdams pa'i nyam thag rnams/ /bder
gshegs rnams kyi sras zhes brjod bya zhing/ /zhes dang/ de ring
sangs rgyas rigs su skyes/ /sangs rgyas sras su dgyur to/ /zhes
sems bskyed ma thag tu

rgyal sras su 'gro bar gsungs la/ 'phags pa byams pa'i rnam par
thar pa las kyang/ rigs kyi bu 'di lta ste dper na/ rdo rje rin
po che ni chag kyang gser gyi rgyan khyad par du 'phags pa thams
cad zil gyis gnon zhing rdo rje rin

po che'i ming yang mi 'dor la dbul ba thams cad kyang rnam par
bzlog go/ /rigs kyi bu de bzhin du/ /thams cad mkhyen par sems
bskyed pa'i rdo rje rin po che nan tan dang bral yang nyan thos
dang rang sangs rgyas kyi yon tan gyi

@185a @#/ /gser gyi rgyan thams cad zil gyis gnon zhing/ byang
chub sems dpa'i ming yang mi 'dor la 'khor ba'i dbul ba thams
cad kyang rnam par bzlog go/ /zhes spyod pa la ma bslabs kyang
sems de

yod na byang chub sems dpar gsungs pa dang/ mgon po klu sgrub
kyis kyang/ bdag nyid dang ni 'jig rten 'dis/ /bla med byang
chub thob 'dod na/ /de yi rtsa ba byang chub sems/ /ri dbang
rgyal po ltar brtan dang/ /zhes dang/

lag na rdo rje dbang bskur ba'i rgyud las kyang/ byang chub sems
dpa' chen po gzungs sngags chen po'i dkyil 'khor shin tu rgya
che ba 'di dang shin tu zab pa 'di dang gting dpag dka' ba dang
gsang ba bas kyang ches gsang ba

sems can sdig can rnams la bstan du mi rung ba 'di ni lag na rdo
rje khyod kyis shin tu dkon pa zhig smras te/ 'di ni sngon ma
thos na 'di sems can ji lta bu dag la bshad par bya/ lag na rdo
rjes smras pa/ 'jam

dpal gang dag byang chub kyi sems bsgom pa la zhugs pa dang gang
gi tshe de dag gi byang chub kyi sems grub par gyur pa de'i tshe/
'jam dpal byang chub sems dpa'i spyad pa gsang sngags kyi sgo
spyod pa'i byang chub sems

dang 'de dag ye shes chen por dbang bskur ba'i gzungs sngags kyi
dkyil 'khor du gzhug par bya yi/ gang dag gi byang chub kyi sems
rdzogs par ma gyur pa de dag ni gzhug par mi bya ste/ de dag ni
dkyil 'khor yang

@185b bltar mi gzhug go/ /de dag la ni phyag rgya dang gsang
sngags kyang bstan par mi bya'o/ /zhes gsungs so/ /des na chos
theg pa chen po'i chos yin pas mi chog gi/ gang zag de theg pa
chen po bar tshud pa zhig gal che'o/ /

theg chen par byed pa'ang byang chub kyi sems nyid la rag las
pas na/ sems de go ba tsam las med na theg chen pa'ang de dang
'dra la/ sems de mtshan nyid tshang ba zhig yod na theg chen
pa'ang rnam par dag pa zhig 'ong bas

'di la 'bad par bya'o/ /'di la sdong po bkod pa las/ rigs kyi bu
byang chub kyi sems ni sangs rgyas kyi chos thams cad kyi sa bon
lta bu'o/ /zhes gsungs pa la nges pa rnyed dgos pas de bshad par
bya'o/ /de la chu dang

lud dang drod dang sa la sogs pa ni 'bras kyi sa bon dang tshogs
na 'bras kyi myu gu'i rgyu byed la/ gro dang sran ma la sogs
pa'i sa bon dang tshogs na'ang de dag gi myu gu'i rgyu byed pas
de dag ni rgyu thun mong pa yin no/ /nas kyi sa bon ni rkyen

su dang tshogs kyang 'bras la sogs pa'i myu gu'i rgyur mi rung
bas/ nas kyi myu gu'i rgyu thung mong ma yin pa yin la des zin
pa'i chu lud la sogs pa'ang nas kyi myu gu'i rgyur 'gyur pa de
bzhin du/ bla na med pa'i byang chub kyi sems ni

sangs rgyas kyi myu gu'i rgyu'i nang nas sa bon lta bu thun mong
ma yin pa'i rgyu yin la/ stong nyid rtogs pa'i shes rab ni chu
lud la sogs pa dang 'dra bar byang chub gsum ga'i rgyu thun mong
ba yin no/ /de'i phyir rgyud bla ma las kyang/ theg mchog la mos
sa bon shes

@186a @#/ /rab ni/ /sangs rgyas chos bskyed ma dang/ zhes byang
chub kyi sems ni pha'i sa bon dang bdag med rtogs pa'i shes rab
ni ma lta bur gsungs te/ dper na/ pha bod la ni bu rgya dang hor
la sogs pa

skye mi srid pas pha ni bu'i rigs nges pa'i rgyu yin la/ ma bod
las ni bu sna tshogs pa skye bas thun mong gi rgyur 'gyur ba
bzhin no/ /mgon po klu sgrub kyis kyang/ sangs rgyas rang sangs
rgyas rnams dang/ /nyan thos

rnams kyis nges bsten pa'i/ /thar pa'i lam ni gcig nyid khyod/
/gzhan dag med ces bya bar nges/ /zhes sher phyin la bstod pas
nyan rang rnams kyang de la brten la/ des na sher phyin la yum
zhes kyang gsungs pas

theg pa che chung gnyis ka'i sras kyi yum yin pas stong nyid
rtogs pa'i shes rab kyis theg pa che chung 'byed pa min gyi/
byang chub kyi sems dang spyod pa rlabs che ba rnams kyis 'byed
pa yin te/ rin chen phreng

ba las/ nyan thos theg pa de las ni/ /byang chub sems dpa'i smon
lam dang/ /spyod pa yongs bsngo ma bshad des/ /byang chub sems
dpar ga la 'gyur/ /zhes lta bas ma phye zhing spyod pas phye bar
gsungs so/ /

de ltar stong nyid rtogs pa'i shes rab kyang theg pa chen po'i
lam thun mong ma yin par mi 'gyur na de las gzhan pa'i lam rnams
lta smos kyang ci dgos/ de'i phyir byang chub kyi sems gdams
pa'i mthil du

@186b bzung nas sbyong ba med cing thun 'go la tshig tsam zhig
dran par byas nas lam gyi cha shas phra mo re la nan tan du mas
'bad pa ni chos rgyus shin tu chung bar gsal lo/ /spyir bu skyed
pa la pha ma gnyis char dgos pa

ltar; lam cha tshang ba la thabs dang shes rab kyi phyogs tshang
ba dgos shing khyad par du thabs kyi gtso bo byang chub kyi sems
dang/ shes rab kyi gtso bo stong pa nyid kyi rtogs pa dgos la/
gal te re re ba las mi bsgom na

'khor ba las grol ba tsam don du gnyer na ni zhi gnas la lhag
mthong du ma 'khrul bar byas nas bdag med pa stong pa nyid kyi
don bsgom dgos na'ang/ theg pa chen po par khas 'che na ni byang
chub kyi sems la sbyang dgos pa yin te/

rje btsun byams pas/ shes pas srid la mi gnas shing/ /snying
rjes zhi la mi gnas dang/ /zhes gsungs pa ltar/ shes rab kyis
'khor ba'i mthar ltung ba 'gog la/ snying rjes zhi ba'i mthar
ltung ba 'gog dgos pas

shes rab kyis zhi bar ltung ba mi khegs pa'i phyir dang/ srid
pa'i mthar ma lhung ba theg dman la yang yod pa'i phyir dang/
byang sems kyi lam gyi dgag bya'i gtso bo zhi ba'i mthar lhung
ba yin pa'i phyir ro/ /des na rgyal ba'i

dgongs pa 'grel ba la tshad mar gyur pa'i rgyal sras rnams ni/
rin po che'i sems 'di nyid rgyud la skyes na 'di 'dra ba'i rmad
du byung ba'i lam skyes so zhes ya mtshan par 'dzin gyi/ byis pa
mgu ba'i yon tan phra mo re rgyud

@187a @#/ /la skyes pa la de tsam du mi 'dzin te/ spyod 'jug las/
gzhan dag rang gi don du yang/ /mi 'byung sems can don sems
gang/ /sems kyi rin chen khyad par 'di/ /snga na med pa'i rmad
cig

'khrungs/ /zhes dang/ de dang dge mtshungs ga la yod/ /de 'dra'i
bshes kyang ga la yod/ /bsod nams de 'dra ga la yod/ /ces dang/
gang la sems kyi dam pa rin chen de/ /skyes pa de yi sku la
phyag 'tshal zhing/ /zhes

gsungs pa dang/ dam chos 'o ma bsrubs pa las/ /mar gyi nying khu
phyung ba yin/ /zhes gsung rab kyi snying po phyung ba'i gdams
pa'i mchog tu gsungs pa'i phyir ro/ /des na dpal ldan a ti sha
dbu ma'i lta ba 'dzin cing

gser gling pa sems tsam rnam bden gyi lta ba 'dzin pa yin kyang
byang chub kyi sems khong la brten nas rnyed pas/ bla ma rnams
kyi sku drin che shos su 'dzin pa'i rnam par thar pa la gsung
rab kyi gnad shes pa zhig gis bltas na

lam gyi gnad la go rgyu chen po yod do/ /'di la 'bad nas bcos ma
min pa zhig skye rgyu byung na des zin pa'i bya rog la zan nyung
zad cig byin pa'ang byang sems kyi spyod pa zhes bya ba'i grangs
su 'gro yi/ de med na stong gsum rin

po ches bkang ste byin kyang byang chub sems dpa'i spyod par mi
tshud do/ /de bzhin du tshul khrims nas shes rab kyi bar dang lha
bsgom pa dang rtsa rlung thig le sogs bsgom pa'ang byang chub
sems dpa'i spyod par mi tshud do/ /'jig rten

@187b na rtswa rnga ba dang zor ba brdar ba'i dpe brjod pa ltar/
rin po che'i sems 'di gnad du ma song bar yun ji tsam dge sbyor
la 'bad lo byas kyang zor ba shin tu rtul bas rtswa rnga ba dang
'dra ste sa bcad pa ci yang med la/ sems 'di

gnad du zhig song na re zhig la mi rnga bar zor ba brdar nas
rnon por byas te de nas brngas pas cung zad tsam la'ang mang du
brngas zin pa dang 'dra ste/ skad cig re re la sgrib pa sbyong
ba dang tshogs sdud pa bde blag tu nus shing dge

ba chung ba dang bar skabs su 'dzad pa rnams kyang rgya che ba
dang mi zad par byed pa'i phyir te/ spyod 'jug las/ sdig pa
stobs chen shin tu mi bzad pa/ /de ni rdzogs pa'i byang chub
sems min pa/ /dge gzhan gang gis zil gyis

gnon par 'gyur/ /zhes dang/ des ni dus mtha'i me bzhin sdig chen
rnams/ /skad cig gcig gis nges par sreg par byed/ /ces dang/
sems can rnams kyi klad nad tsam/ /bsal lo snyam du bsams na
yang/ /phan 'dogs

bsam pa dang ldan te/ /bsod nams dpag med ldan gyur na/ /sems
can re re'i mi bde ba/ /dpag tu med pa bsal 'dod cing/ /re
re'ang yon tan dpag med du/ /bsgrub par 'dod pa smos ci dgos/
/zhes dang/ dge ba

gzhan kun chu shing bzhin du ni/ /'bras bu bskyed nas zad par
'gyur ba nyid/ /byang chub sems kyi ljon shing rtag par yang/
/'bras bu 'byin pas mi zad 'phel bar 'gyur/ /zhes so/ /gnyis pa
sems de ji ltar bskyed

@188a @#/ /pa'i tshul la bzhi/ rgyu gang la brten nas ji ltar skye
ba dang/ byang chub kyi sems sbyang ba'i rim pa dang/ skyes pa'i
tshad dang/ cho gas bzung ba'i tshul lo/ /dang po la gsum las
rkyen bzhi

las skye tshul ni/ sangs rgyas sam byang sems kyi mthu bsam gyis
mi khyab pa rang gis mthong ba'am yid ches pa las thos pa la
brten nas gang la gnas pa dang zhugs pa'i byang chub de ni mthu
che'o snyam nas sems bskyed pa dang/

de lta bu'i mthong thos med kyang bla na med pa'i byang chub las
brtsams pa'i sde snod mnyan pa na sangs rgyas kyi ye shes la mos
nas sems bskyed pa dang/ chos ma thos kyang byang sems kyi dam
chos nub tu nye ba mthong ba

na; chos de lta bu gnas pa ni sems can dpag tu med pa'i sdug
bsngal sel bar byed pas bdag gis byang sems kyi chos ring du
gnas par bya ba'i phyir du nges par sems bskyed do snyam nas
sems bskyed pa dang/

chos nub par ma mthong yang dus ngan pa gti mug dang ngo tsha
dang khrel med dang phrag dog dang ser sna sogs shas che ba'i
dus 'dir ni nyan rang gi byang chub tu sems bskyed pa'ang rnyed
par dka' na/ bla med byang chub tu sems bskyed

pa lta ci smos/ re zhig bdag gis sems bskyed na gzhan yang de
ltar 'gyur ro snyam nas sems bskyed pa dka' bar mthong nas sems
bskyed pa ste bzhi'o/ /sems skye ba'i tshul ni/ byang chub chen
por sems skyed par

@188b byed ces gsungs pas byang chub la thob 'dod skyes pa'o/
/rkyen gang gis byas pa la/ dang po ni cho 'phrul ngo mtshar ba
rnams mthong ngam thos nas ya mtshan skyes te/ de lta bu'i byang
chub de bdag gis thob par bya'o snyam nas yin la/

gnyis pa ni chos smra ba las/ sangs rgyas kyi yon tan nyan pas
dang por dad pa skyes/ de nas de dag la thob 'dod skyes pa'o/
/gsum pa ni theg chen gyi bstan pa nub par 'gyur ba ma bzod nas
sangs rgyas kyi ye shes la thob 'dod skyes

pa ste; 'di la bstan pa ma nub na sems can gyi sdug bsngal bzlog
par mthong ba yod pas sdug bsngal bsal ba'i phyir du dmigs
pa'ang yod mod kyang/ sems bskyed pa'i rkyen gyi gtso bo bstan
pa nub pa la ma bzod pa yin te/ de lta

ma yin na 'og tu snying rje la brten nas skye bar bshad pa dang
zlos so/ /bzhi pa ni don che ba'i sems de dkon par mthong nas
gtso bor des bskul nas sangs rgyas la thob 'dod skyes pa ste/
sems bskyed pa 'di byang chub la thob 'dod skyes pa'i sgo

nas bzhag gi/ ched du bya ba'i sgo nas ma bzhag par snang ngo/
/sangs rgyas kyi yon tan la dad pa sbyangs pa'i sgo nas sangs
rgyas la thob 'dod med na rang gi don 'grub pa la zhi ba rkyang
pas chog par 'dzin pa'i blo mi ldog ste/ byams pa

dang snying rje sbyangs pa'i sgo nas gzhan don la dgos par
mthong nas sangs rgyas thob par 'dod pas ni gzhan don 'grub pa
la zhi ba rkyang pas chog par 'dzin pa ldog nus kyi/ chog 'dzin
snga ma bzlog mi nus pa'i phyir dang de 'gog byed gzhan

@189a @#/ /yang med pa'i phyir ro/ /rang don 'grub pa la zhi ba
rkyang pas chog par 'dzin pa'i blo bzlog mi dgos pa'ang min te/
'khor ba las grol ba tsam gyi theg dman la spangs pa dang rtogs
pa phyogs re ba

las med pas rang don phun sum tshogs pa med pa'i phyir dang/ de
dag srid pa'i rgud pa las thar yang zhi ba'i rgud pa las ma grol
ba'i phyir dang/ rang don phun sum tshogs pa ni sangs rgyas kyi
chos kyi skur gsungs pa'i phyir ro/ /

des na sangs rgyas kyi yon tan la dad pa sbyangs nas gzhan don
lta zhog /rang gi don 'grub pa la'ang sangs rgyas thob pa med mi
rung du mthong na ni theg dman du mi ldog pa'i rkyen chen por
'gyur ro/ /sngar bshad pa'i sems bskyed pa dang

po gnyis la ni byams pa dang snying rjes drangs pa mi snang la/
gsung rab dang bstan bcos gzhan las kyang sangs rgyas kyi gzugs
kyi sku dang chos kyi sku'i yon tan mthong ba tsam gyis drangs
pa'i sangs rgyas thob 'dod la sems

bskyed du bshad pa mang po snang ba dang/ sems can thams cad
sangs rgyas la 'god par yi dam bcas pa'ang sems bskyed du gsungs
pa snang bas de gnyis re re yang sems bskyed pa tsam gyi grangs
su bgrang dgos la/

mtshan nyid yongs su rdzogs pa'i sems bskyed la ni gzhan don la
dgos par mthong ba tsam gyis drangs pa'i sangs rgyas thob 'dod
tsam gyis mi chog pas/ rang don la'ang sangs rgyas med du mi
rung bar mthong ba'i

@189b thob 'dod dang de yang gzhan gyi don yal bar bzhag pa min
par gzhan gyi phyir du'ang don du gnyer ba zhig dgos te/ mngon
rtogs rgyan las/ sems bskyed pa ni gzhan don phyir/ /yang dag
rdzogs pa'i byang chub 'dod/ /

ces byang chub dang gzhan don don gnyer gnyis ka gsungs pa'i
phyir ro/ /rgyu bzhi las skye ba ni/ rigs phun sum tshogs pa dge
bshes kyis zin pa sems can la snying brtse ba 'khor ba'i dka'
spyad la mi skyo ba bzhi la brten

nas sems bskyed pa'o/ /stobs bzhi las skye ba ni/ rang gi mthus
rdzogs byang 'dod pa rang gi stobs dang/ gzhan gyi mthus rdzogs
byang 'dod pa gzhan gyi stobs dang/ sngon theg chen la goms pa
de ltar sangs

rgyas dang byang sems kyi bsngags pa thos pa tsam gyis skye ba
rgyu'i stobs dang/ 'dir dam pa bsten cing chos nyan la sems pa
sogs kyi dge ba la ring du goms pa sbyor ba'i stobs bzhi la
brten nas skye'o/ /de yang rgyu

rkyen brgyad po so so ba'am tshogs pa la brten nas rang dang
rgyu'i stobs las skyes na brtan la/ rgyu rkyen de dag la brten
nas gzhan dang sbyor ba'i stobs las skyes na mi brtan par byang
sa las gsungs so/ /de ltar

bstan pa spyi dang theg pa chen po'i bstan pa nub tu nye zhing/
snyigs ma las kyang ches snyigs mar gyur pa'i dus 'dir legs par
go nas snying thag pa nas sems bskyed pa shin tu dkon par rig
par byas la dam pa'i

@190a @#/ /bshes la brten te/ theg pa chen po'i sde snod nyan pa
dang sems pa la sogs pa'i sbyor ba la 'bad cing gzhan gyis dbang
med du bskul ba dang g.yam la rgyugs dang srol ka sogs

kyis mi bya bar rang gi stobs kyis bsam pa thag pa nas sems
bskyed pa'i rtsa ba tshugs par bya ste/ byang chub sems dpa'i
spyod pa thams cad 'di la brten dgos pa'i phyir ro/ /gnyis pa
byang chub kyi sems sbyang

ba'i rim pa ni/ jo bo chen po nas brgyud pa la man ngag rgyu
'bras bdun ma dang/ rgyal sras zhi ba lha'i gzhung nas 'byung ba
la brten nas sbyong ba gnyis snang ngo/ /rgyu 'bras bdun ni
rdzogs pa'i sangs rgyas byang

chub kyi sems las 'byung la/ sems de lhag bsam las dang/ bsam pa
de snying rje las dang/ snying rje byams pa las dang/ byams pa
drin du gzo ba las dang/ drin du gzo ba drin dran pa las dang/
drin dran

pa ni mar mthong ba las 'byung ba ste bdun no/ /'di la gnyis/
rim pa la nges pa bskyed pa dang/ rim can du sbyang ba dngos so/
/dang po la gnyis/ theg chen gyi lam gyi rtsa ba snying rjer
bstan pa dang/ rgyu 'bras gzhan

rnams de'i rgyu dang 'bras bur 'gyur tshul lo/ /dang po la gsum
las/ thog mar gal che ba ni/ snying rje chen pos yid bskyod na/
sems can thams cad 'khor ba las gdon pa'i phyir nges par dam
'cha' bar 'gyur la/ snying rje

@190b dman na de ltar byed pa mi 'ong bas 'gro ba ma lus pa
sgrol ba'i khur 'khyer ba ni de la rag las pa'i phyir dang/ khur
de mi 'dzin na theg chen par mi chud pa'i phyir snying rje ni
thog mar gal che ba yin no/ /de ltar yang blo gros mi zad pas
bstan pa

las; btsun pa shA ra dwa ti'i bu/ gzhan yang byang chub sems
dpa' rnams kyi snying rje chen po mi zad do/ /de ci'i phyir zhe
na/ sngon du 'gro ba'i phyir ro/ /btsun pa shA ra dwa ti'i bu/
'di lta ste/ dper na/ dbugs phyi nang du rgyu ba ni mi'i srog gi

dbang po'i sngon du 'gro ba yin no/ /de bzhin du byang chub sems
dpa'i snying rje chen po ni theg pa chen po yang dag par 'grub
pa'i sngon du 'gro ba yin no/ /zhes dang/ gA ya gau ri las
kyang/ 'jam dpal byang chub sems dpa' rnams kyi spyod pa'i

rtsom pa ni ci/ gnas ni gang/ 'jam dpal gyis smras pa/ lha'i bu
byang chub sems dpa' rnams kyi spyod pa'i rtsom pa ni snying rje
chen po'o/ /gnas ni sems can no/ /zhes so/ /de ltar dam bcas pa
de yang tshogs gnyis rgya chen po la ma ? bslabs na mi

'grub par mthong nas bya dka' ba'i tshogs rgya chen po la 'jug
pas na spyod pa la 'jug pa'i rten no/ /bar du gal che ba ni/ de
ltar lan cig sems de lta bu skyes nas zhugs kyang sems can
grangs mang zhing byed ngan pa dang bslab par bya ba'ang shin

tu bya dka' zhing mtha' yas pa dang dus kyang dpag tu med pa
dgos par mthong ba na zhum nas theg pa dman par ltung ba la/
snying rje chen po lan cig bskyed pa tsam min par je 'phel du
goms par byas pas rang gi bde sdug la mi lta zhing gzhan gyi

@191a @#/ /don la mi skyo bas tshogs thams cad bde blag tu
rdzogs par byed de/ sgom rim dang po las/ de ltar snying rje
chen pos bskyod pas byang chub sems dpa' rnams bdag nyid la mi
lta bar gzhan la shin

tu phan pa don du gnyer ba'i phyir tshogs bsags pa shin tu bya
dka' zhing yun ring la dub par 'gyur ba la 'jug go/ /'phags pa
dad pa'i stobs bskyed pa las gsungs pa lta bu ste/ de la
snying rje chen po ni sems can thams cad yongs

su smin par bya ba'i phyir sdug bsngal gyi skye ba mi len pa
ci yang med do/ /des bde ba'i skye ba mi 'dor ba ci yang med
do zhe'o/ /de ltar shin tu bya dka' ba la zhugs na ring por mi
thogs par tshogs yongs su rdzogs so/ /gdon mi za bar

thams cad mkhyen pa'i go 'phang thob par 'gyur ro/ /de bas na
sangs rgyas kyi chos thams cad kyi rtsa ba ni snying rje kho
na yin no zhes so/ /tha mar gal che ba ni/ sangs rgyas rnams
'bras bu brnyes pa'i tshe yang theg dman bzhin zhi bar mi

gnas par nam mkha' ji srid du 'gro ba'i don mdzad pa'ang
snying rje chen po'i mthu ste/ de med na nyan thos ltar 'gyur
ba'i phyir te/ sgom rim par pa las/ snying rje chen pos yongs
su zin pas na sangs rgyas bcom ldan 'das rnams

rang gi don phun sum tshogs pa mtha' dag brnyes kyang sems can
gyi khams mthar thug gi bar du bzhugs par mdzad do/ /zhes
dang/ bcom ldan 'das rnams kyi mi gnas pa'i mya ngan las 'das
ba'i rgyu ni snying rje chen po

@191b de nyid yin no/ /zhes so/ /dper na/ lo tog la thog mar
sa bon dang bar du chu dang tha mar smin pa gal che ba ltar/
sangs rgyas kyi lo tog la'ang thog mtha' bar gsum du gal che
ba snying rje yin par dpal ldan zla ba

grags pas gsungs te/ gang phyir brtse nyid rgyal ba'i lo tog
phun tshogs 'di'i/ /sa bon dang ni spel la chu 'dra yun ring
du/ /longs spyod gnas la smin pa lta bur 'dod gyur pa/ /de
phyir bdag gis thog mar snying rje

bstod par bgyi/ /zhes so/ /don gyi dbang 'di gzigs nas chos
yang dag par sdud pa las kyang/ bcom ldan 'das byang chub sems
dpas chos rab tu mang po la bslab par mi bgyi'o/ /bcom ldan
'das byang chub

sems dpas chos gcig rab tu bzung zhing rab tu rtogs par bgyis
na sangs rgyas kyi chos thams cad de'i lag mthil na mchis pa
lags so/ /chos gcig pu gang zhe na/ 'di lta ste/ snying rje
chen po'o/ /bcom ldan 'das snying

rje chen pos ni sangs rgyas kyi chos thams cad byang chub sems
dpa' rnams kyi lag mthil du mchis pa lags so/ /bcom ldan 'das
dper bgyi na 'khor los bsgyur ba'i rgyal po'i 'khor lo rin po
che de gang du mchis pa der dpung gi

tshogs thams cad mchi'o/ /bcom ldan 'das de bzhin du byang chub
sems
dpa'i snying rje chen po gang du mchis ba der sangs rgyas kyi chos
thams cad mchi'o/ /bcom ldan 'das dper bgyi na srog gi dbang po
mchis na dbang po

@192a @#/ /gzhan rnams kyang mchis par 'gyur ro/ /bcom ldan
'das de bzhin du snying rje chen po mchis na byang chub sems
dpa'i chos gzhan rnams kyang 'byung bar 'gyur ro/ /zhes gsungs
so/ /lam gyi gnad

dam pa lung mtha' yas pa dang rigs pas grub pa 'di lta bu la
nges pa rnyed na ni byang chub kyi sems rtsa ba snying rje
dang bcas pa'i chos skor la gdams pa'i mchog tu ci'i phyir mi
'dzin/ des na zhang sna chung ston pas jo bo la

gdams ngag zhus kyang 'jig rten blos thongs byang chub kyi
sems sgoms bya ba zhig las mi 'ong byas pa la/ dge bshes ston
pas khrel nas de jo bo'i gdams ngag gi mthil phyung ba la
gsung ste chos kyi gnad mkhyen pa yin no/ /

nges pa rnyed pa'ang 'di kho na dka' bas yang dang yang du
bsag sbyang dang sdong po bkod pa sogs kyi gsung rab dang
dgongs 'grel rnams bltas nas nges pa brtan po btsal dgos te/
dpal ldan ma khol gyis/ khyod kyi thugs ni rin po

che; ;rdzogs pa'i byang chub sa bon de/ /dpa' khyod kho nas
snying por mkhyen/ /de gzhan skye bos 'ol mi dbyi/ /zhes
gsungs pa ltar ro/ /gnyis pa rgyu 'bras gzhan rnams de'i rgyu
'bras su 'gyur tshul la/ mar shes nas byams

pa'i bar rgyur 'gyur tshul ni/ spyir sdug bsngal dang bral 'dod
tsam zhig ni sems can de'i sdug bsngal yang yang bsams na skye
mod kyang/ blo de skye sla ba dang shugs drag pa dang brtan
por skye ba la ni sngon du sems can de yid du 'ong

@192b zhing gces la phangs pa'i rnam pa can zhig dgos te/
gnyen la sdug bsngal byung na mi bzod la dgra la sdug bsngal
byung na dga' zhing dgra gnyen bar ma la sdug bsngal byung na
phal cher yal bar 'dor ba'i btang snyoms skye ba bzhin no/ /

de la dang po ni yid du sdug pa yod pas yin la de yang ji tsam
gces pa de tsam du sdug bsngal la mi bzod pa'ang de tsam skye
ste/ gces pa chung ba dang 'bring la mi bzod pa shas chung la
shin tu gces na sdug bsngal phra mo la'ang mi bzod pa

chen po skye bar snang bas so/ /dgra la sdug bsngal mthong na
'bral 'dod mi skye bar ma zad da dung de las che ba dang de
dang ma bral na snyam pa skye ba ni yid du mi 'ong bas lan la/
de yang yid du mi 'ong ba shas che chung gis sdug bsngal byung

ba la dga' ba shas che chung du 'gyur ro/ /dgra gnyen bar ma'i
sdug bsngal la mi bzod pa'ang med la dga' ba'ang med pa ni yid
du 'ong mi 'ong gang yang med pas lan no/ /de ltar byas na
sems can gnyen du bsgom pa ni

yid 'ong bskyed pa'i ched yin la/ gnyen gyi mthar thug ni ma
yin pas mar bsgom pa dang de'i drin dran pa dang drin lan gzo
ba gsum ni yid du 'ong zhing gces pa sgrub byed yin la/ sems
can la bu gcig pu ltar snying du sdug

bar 'dzin pa'i byams pa ni de gsum gyi 'bras bu yin te des
snying rje skyed par byed do/ /bde ba dang phrad 'dod kyi
byams pa dang snying rje la rgyu 'bras kyi nges pa mi snang
ngo/ /des na mar shes pa sogs kyi dmigs pa gsum

@193a @#/ /ni bde ba dang phrad 'dod kyi byams pa dang sdug
bsngal dang bral 'dod kyi snying rje gnyis ka'i gzhir snang
bas 'di la 'bad dgos so/ /sems bskyed skye ba'i rgyur sems can
rnams gnyen du bsgom

pa 'di ni/ slob dpon zla ba grags pa dang btsun pa zla ba dang
slob dpon kA ma la shI la rnams kyis bshad do/ /lhag bsam
dang sems bskyed 'bras bur 'gyur tshul ni/ de ltar blo rim gyis
sbyangs pas snying rje skyes pa na

sems can gyi don du sangs rgyas la thob 'dod skye bas de tsam
gyis chog mod/ bar der lhag bsam bcug pas ci bya snyam na/
sems can bde ba dang phrad pa dang sdug bsngal dang bral na
snyam pa'i byams pa dang snying rje tshad

med pa ni nyan thos dang rang sangs rgyas la'ang yod kyang/
sems can thams cad la bde ba bsgrub pa dang sdug bsngal sel ba
rang gi khur du bzhes pa ni theg chen pa min pa la med pas
snying stobs kyi bsam pa lhag pa'i lhag

bsam bskyed dgos so/ /des na sems can thams cad bde ba dang
phrad na snyam ba dang sdug bsngal dang bral na snyam pas mi
chog gi/ rang gis de dag bsgrub pa'i khur snying thag pa nas
'khyer dgos pas khyad par

rnams phyed par bya ste/ blo gros rgya mtshos zhus pa las/ blo
gros rgya mtsho dper na/ tshong dpon nam khyim bdag cig la bu
gcig pu 'dod pa sdug pa phongs pa yid du 'ong ba mthong na mi
mthun pa med pa zhig yod la/

@193b khye'u de yang byis par gyur pas gar byed pas mi gtsang
ba'i dong du lhung bar gyur to/ /de nas khye'u de'i ma dang
gnyen gyis khye'u de mi gtsang ba'i dong du lhung ba de mthong
la/ mthong nas kyang cho de chen pos 'debs shing mya ngan

byed la smre sngags 'don te mi gtsang ba'i dong der zhugs nas
khye'u de 'don par ni mi byed do/ /de nas khye'u de'i pha
phyogs der song ste des bu gcig pu de mi gtsang ba'i dong der
lhung bar mthong ngo/ /mthong nas kyang rings par rings

par brtibs pa'i tshul gyis bu gcig pu de 'don pa'i blos sred
par byas te skyug bro ba med par mi gtsang ba'i dong der babs
te bu gcig pu phyung bar gyur to/ /zhes khams gsum po ni mi
gtsang ba'i dong dang/ bu gcig pu ni sems

can rnams dang/ ma dang gnyen ni sems can 'khor bar lhung ba
mthong nas mya ngan dang smre sngags 'don gyi/ gdon par nus pa
med pa nyan rang dang/ tshong dpon dang khyim bdag ni byang
chub sems dpa' dang dpe don du sbyar nas

gsungs te bu gcig pu gces pa mi gtsang ba'i dong du lhung ba
la de'i ma snying rje skye ba 'dra ba zhig nyan rang la yod
par gsungs so/ /des na snying rje la brten nas 'gro ba sgrol
ba'i khur 'khyer ba'i lhag bsam bskyed par bya'o/ /de ltar
sems can

sgrol ba'i blo skyes pa na rang gi gnas skabs 'di lta bus ni
sems can gcig gi don rdzogs pa'ang bya bar mi nus la/ der ma
zad dgra bcom pa gnyis kyi go 'phang thob kyang sems can nyung
zad re dang de'i don yang thar pa tsam bsgrub par nus kyi/

@194a @#/ /thams cad mkhyen pa la dgod mi nus pas sems can
mtha' yas pa dang de dag gi gnas skabs dang mthar thug gi don
thams cad rdzogs par su zhig gis nus snyam du bsams pa na/
sangs rgyas nyag gcig la

nus pa de yod bar shes nas sems can gyi don du sangs rgyas
thob par 'dod pa bskyed do/ /gnyis pa rim can du sbyang ba
dngos la gsum/ gzhan don don du gnyer ba'i blo sbyang ba dang/
byang chub don du gnyer ba'i blo sbyang ba dang/ sbyangs

pa'i 'bras bu sems bskyed pa ngos gzung ba'o/ /dang po la
gnyis/ blo de skye ba'i gzhi bsgrub pa dang/ blo de bskyed pa
dngos so/ /dang po la gnyis/ sems can la sems snyoms pa bsgrub
pa dang/ thams cad yid 'ong gi rnam pa can du

bsgrub pa'o/ /dang po ni/ sngar skyes bu chung 'bring gi skabs
su bshad pa ltar/ sngon 'gro la sogs pa'i rim pa rnams 'dir
yang blangs la bskyang bar bya'o/ /de la thog mar sems can kha
cig la chags shing kha cig la sdang ba'i

phyogs ris su gcod pa bkag nas sems snyoms pa ma bsgrubs na
byams pa dang snying rje gang skye ba de phyogs ris can du
skye yi/ phyogs ris med pa la dmigs nas mi skye bas btang
snyoms bsgom par bya'o/ /btang snyoms la 'du byed

btang snyoms dang tshor ba btang snyoms dang tshad med btang
snyoms gsum las 'dir ni tha ma yin la/ de la'ang sems can
rnams la chags sdang la sogs pa'i nyon mongs med pa bsgrub
pa'i rnam pa can zhig dang/ rang nyid sems can la

@194b chags sdang dang bral nas sems snyoms pa gnyis gsungs pa
las 'dir phyi ma'o/ /'di bsgom pa'i go rim ni skye sla bas
thog mar phan yang ma btags gnod pa'ang ma byas pa'i bar ma
zhig la dmigs rten byas nas rjes su chags pa dang khong

khro ba bsal te sems snyoms pa bsgrub par bya'o/ /de la sems
snyoms pa grub na de nas mdza' bshes la sems snyoms pa bsgrub
ste de la sems ma snyoms pa ni chags sdang gis ris su gcod
pa'am chags pa che chung gis ma snyoms pa'o/ /

de la snyoms nas dgra la sems snyoms pa bsgom ste de la ma
snyoms pa ni mtha' gcig tu mi mthun par bltas nas zhe sdang
ba'o/ /de la snyoms nas sems can thams cad la sems snyoms pa
bsgom mo/ /'o na de dag la ci zhig bsgoms pas

chags sdang spong zhe na gnyis te/ sems can gyi ngos nas ni
thams cad bde ba 'dod pa dang sdug bsngal mi 'dod par mtshungs
pas na kha cig la nye bar bzung nas phan 'dogs shing kha cig
la ring bar bzung nas gnod pa byed pa'am phan

pa mi byed pa mi rigs so snyam pa dang/ rang gi ngos nas ni
thog ma med pa nas 'khor ba na sems can gang lan brgyar bdag
gi gnyen du ma gyur pa ni gang yang med pas gang la ni chags
par bya la gang la ni sdang bar bya snyam du sems pa'o zhes
sgom rim

bar pa las gsungs so/ /yang gnyen la chags pa la ni/ bu mo zla
ba mchog gis zhus pa las/ bdag gis sngon chad khyed rnams
thams cad bsad/ /bdag kyang khyed kyis sngon chad bshags shing
gtubs/ /kun kyang phan tshun dgra dang

@195a @#/ /gsod pa yin/ /khyed cag ji ltar 'dod chags sems
kyang skye/ /zhes gsungs pa dang/ sngar nges med kyi nyes pa'i
skabs su bshad pa ltar dgra gnyen thams cad myur du 'gyur nas
'gro ba'i tshul

bsam par bya ste/ des ni khro chags gnyis ka bzlog go/ /'di
dgra'am gnyen khyad par gyi gzhir bzhung nas byed dgos pas
dgra gnyen gyi blo ldog mi dgos kyi/ dgra gnyen yin pa rgyu
mtshan du byas nas chags sdang gis ris su gcod

ba'i blo 'gog pa yin no/ /thams cad yid 'ong gi rnam pa can du
bsgrub pa ni/ sgom rim bar pa las/ byams pa'i chus sems kyi
rgyud brlan te ser yod pa'i sa bzhin du byas la snying rje'i
sa bon btab na bde blag tu shin tu yongs su

rgyas par 'gyur ro/ /de nas sems kyi rgyud byams pas bsgos nas
snying rje bsgom par bya'o/ /zhes gsungs pa'i byams pa ni sems
can rnams la bu sdug bltar mthong ba'i yid 'ong gi rnam pa can
te/ btang snyoms bsgoms pas chags

sdang gis ma snyoms pa'i rang rong rnams zhi ste/ zhing sa
legs par dul ba ltar gyur pa la yid 'ong du mthong ba'i byams
pa'i chu yis brlan par byas nas snying rje'i sa bon grung po
btab na snying rje chen po bde blag tu skye bar gsungs pa 'di

gnad shin tu che bar rtogs so/ /'di la gsum las/ mar bsgom pa
ni/ 'khor ba la thog ma med pas rang gi skye ba la'ang thog ma
med pas na skye ba dang shi ba brgyud mar byas te/ 'khor ba na
lus 'di ma blangs bya ba dang phyogs 'dir ma

@195b skyes bya ba ni ye med la/ ma la sogs pa'i gnyen du'ang
ma gyur pa med de/ sa'i dngos gzhir drangs pa las/ sngon yun
ring po 'das pa nas gang du khyed/ ma skyes pa dang ma song ba
dang ma shi ba'i sa phyogs de ni ngas mthong bar dka'o/ /

yun ring po 'das pa nas sems can gang khyed kyi pha'am ma'am
phu nu'am sring mo'am slob dpon nam mkhan po'am bla ma'am bla
ma'i gnas lta bur ma gyur pa de ni ngas mthong bar dka'o/
/zhes gsungs so/ /de yang sngar/ ma byas

bar ma zad ma 'ongs pa na'ang ma byed par 'gyur ba'ang mtha'
yas pas de ltar bsams la rang gi ma byas pa la nges pa brtan
po btsal bar bya ste/ 'di skyes na de nas de'i drin dran pa
sogs skye bar sla la/ ma skyes na drin dran pa sogs kyi

gzhi med pa'i phyir ro/ /drin dran pa bsgom pa ni/ sems can
thams cad mar bsgoms pa'i 'og tu thog mar tshe 'di'i ma la
bsgoms na skye myur bar bo tob bzhed pa ltar bsgom par bya
ste/ mdun du ma rnam pa gsal po zhig bsams

la bltar du ma zad 'khor ba thog ma med pa nas 'dis bdag gi ma
bgrang las 'das pa byed byed pa yin snyam du lan 'ga' zhig
bsam mo/ /de ltar des ma byas pa'i dus su gnod pa thams cad
las bskyabs/ phan bde thams cad

bsgrubs/ khyad par du tshe 'dir yang dang po mang la du yun
ring por bzung/ de nas btsas pa'i dus su spu ser zeng nge
bzhig sha'i drod la bcar/ sor mo bcu'i kha la g.yengs/ nu zho
bsnun/ nom bu khas bsnyod/ snabs 

@196a @#/ /lud khas phyis/ mi gtsang ba lag pas phyis kyin thabs
sna tshogs kyis skyo ngal med par gsos/ de yang bkres skom gyi
dus su bza' btung dang 'khyags pa'i dus su gos dang phongs pa'i
dus su

nor rang gis spyad mi bra ba rnams byin/ yo byad de rnams kyang
bde blag tu rnyed nas min gyi/ sdig dang sdug dang gtam ngan
dang bsres kyin sha thang thang du btsal nas byin pa yin/ bu la
na tsha la sogs pa'i sdug bsngal byung na/ bu 'chi ba bas rang

'chi ba dang bu na ba bas rang na ba dang bu sdug pa bas rang
sdug pa la bsam pa thag pa nas 'dam zhing sbyor bas de bsal ba'i
thabs byed pa yin/ mdor na rang gis shes tshad dang nus tshad kyis
phan bde gang yin bsgrub/ gnod pa dang sdug bsngal

sel bar byed pa'i tshul rnams la rtse gcig tu sems pa'o/ /de ltar
bsgoms pas drin dran pa'i blo tshig tsam min pa zhig skyes pa na/
de nas pha la sogs pa'i mdza' bshes gzhan la'ang mar shes par
byas la de ltar bsgom/ de nas bar

ma rnams kyang mar shes par byas la bsgom/ de la mdza' bshes
'dra ba'i blo skyes pa na dgra rnams kyang mar shes par byas la
bsgom/ de la ma dang 'dra ba'i blo skyes pa'i tshe phyogs bcu'i
sems can thams cad la mar shes pa sngon du btang

la rim gyis rgya je cher btang la bsgom mo/ /drin du gzo ba
bsgom pa ni/ de ltar skye shi 'phos pas ngo ma shes pa tsam ma
gtogs pa bdag gi ma drin can sdug bsngal zhing skyabs med pa de
rnams rtsis med du dor nas rang nyid 'khor ba las ci thar byed

@196b na de las khrel chung ba med de/ slob ma la springs pa
las/ nye du 'khor ba'i rgya mtsho'i khongs su chud gyur pa/
/klong gi nang du lhung ba lta bur snang bzhin du/ /skye shi
'phos pas ngo ma shes pa de bor nas/ /gal te gcig thar byed na
de las

khrel bor med/ /ces so/ /des na de lta bu'i drin can 'dor ba ni
ma rabs rnams la'ang mi rigs na bdag gi tshul dang ga la mthun
snyam du bsams nas drin lan bskor ba'i khur bzung ste/ de nyid
las/ byis pa pang na btsa' ba ci yang mi

nus pas/ /gang gi nu zho byams pa'i shugs kyis gzags 'thungs pa/
/ngal ba mang bsten byams la brten pa de dag 'dir/ /shin tu ma
rabs shig na'ang spong bar su zhig spro/ /gang gi khong na 'di
skabs rnyed nas gnas byas shing/ /gang

gis brtse ba'i sems kyis zon bcas 'di blangs pa/ /nyon mongs de
dag sdug bsngal skyabs med 'dir bor nas/ /'gro ba ma rabs tha
shal zhig na'ang su zhig spro/ /zhes dang/ yon tan mtha' yas par
bstod pa las kyang/ sems

can gang dag ma rig ldongs bas bsam pa rgud pa'i blo gros can/
/pha dang bur gyur rnams kyis bdag la bsnyen bkur byams pas phan
btags pa/ /de dag btang nas gcig pu thar bar byed pa bdag gi
tshul min zhes/ /de slad

khyod kyis 'gro ba mgon med nges thar bgyid slad smon lam btab/
/ces gsungs so/ /'o na phan lan byed pa de ji lta bu zhig bya
snyam na/ ma rang gis kyang 'khor ba'i bde 'byor ci tsam zhig
thob ste de dag thams cad kyis ma

@197a @#/ /bslus pa med/ des na bdag gis sngon chad nyon mongs
pa'i gdon gyis brlams pa'i dbang gis rmas nas rma drag po byung
zin pa la/ ba tshwa la sogs pa'i 'gyur byed 'debs pa dang 'dra
bar/ rang

bzhin gyis sdug bsngal bar gyur pa rnams la slar yang sdug
bsngal sna tshogs bskyed pa dang/ byams pas phan btags pa de
rnams ni thar pa mya ngan las 'das pa'i bde ba la dgod bar bya'o
snyam du phan lan bya dgos te/ dbu

ma'i snying po las/ gzhan yang sngon chad nyon mongs pa'i/ /gdon
gyis brlams pa bdag gis ni/ /rmas la 'gyur byed 'debs pa bzhin/
/sdug bsngal nad pa gang sdug byas/ /skye ba gzhan du gang dag
gis/ /byams dang bsnyen bkur

phan pa byas/ /de la lan du phan gdags pa/ /mya ngan 'das las
gzhan ci yod/ /ces so/ /rgya mtsho ri rab dang bcas ba'i khur
las/ byas pa mi gzo ba khur che ba dang/ byas pa gzo ba ni mkhas
pas bsngags pa'i gnas su

gsungs te/ klu'i rgyal po rnga sgra'i tshigs bcad las/ rgya mtsho
dang ni ri rab dang/ /sa rnams bdag gi khur min gyi/ /byas pa mi
gzo gang yin pa/ /de ni bdag gi khur chen yin/ /mi gang sems ni
mi rgod cing/ /byas pa gzo

dang byas pa tshor/ /byas ba chud gzon mi byed pa/ /de dag mkhas
pas rab tu bsngags/ /zhes so/ /mdor bsdu na rang gi ma/ dran pa
rnal du mi gnas par smyo zhing mig long ba long khrid med pa
zhig gom pa re re nas brdeg 'cha'

@197b zhing g.yang kha 'jigs su rung ba la mngon par phyogs nas
'gro na/ ma des kyang bu la mi re na su la re/ bu de la'ang ma
de 'jigs pa de las sgrol ba mi 'bab na su la 'bab pas de las
sgrol dgos/ de bzhin du mar gyur

pa'i sems can rnams kyang nyon mongs pa'i gdon gyis sems rnal du
gnas pa dkugs pas ni shes pa la rang dbang ma thob pas smyo/
mngon mtho dang nges legs kyi lam lta ba'i mig dang ni bral/
yang dag pa'i bshes kyi long 'khrid ni

med; skad cig re re bzhin nyes spyod kyis dbyen bcos pas ni
brdeg 'cha'/ spyir 'khor ba dang khyad par du ngan 'gro'i
g.yang kha 'grim pa mthong na/ ma de yang bu la re dgos la/ bu
la'ang ma de 'don pa 'bab pas de ltar bsams nas 'khor

ba las nges par gdon pa'i drin gzo bya ste/ bslab btus las/ nyon
mongs kyis smyo gti mug ldongs/ /g.yang sa mang po'i lam du ni/
/gom pa re re brdeg 'cha' ba/ /bdag dang gzhan rtag mya ngan
gzhi/ /'gro ba rnams ni sdug bsngal

mtshungs/ /zhes de ltar bltas nas gzhan la skyon btsal bar mi
rigs shing yon tan sna re mthong na ngo mtshar bar bzung zhes
gsungs mod kyang 'dir yang nyam thag pa'i tshul sbyar du rung ba
yin no/ /gnyis pa blo de bskyed pa dngos la gsum

las; byams ba bsgom pa la byams ba'i dmigs pa ni/ bde ba dang mi
ldan pa'i sems can no/ /rnam pa ni bde ba dang phrad na ci ma
rung snyam pa dang bde ba dang phrad par gyur cig snyam pa dang
bde ba dang phrad par bya'o

@198a @#/ /snyam pa'o/ /phan yon ni ting nge 'dzin rgyal po las/
bye ba khrag khrig dkrigs pa'i zhing dag na/ /mchod pa rnam mang
dbag med ji snyed pa/ /skyes mchog rnams la de yis rtag mchod

bas; ;byams pa'i sems kyi grangs dang char mi phod/ /ces dngos
po shin tu rgya che bas yul mthar thug pa'i zhing la dus rtag tu
mchod pa byed pa las bsod nams ches che bar gsungs pa dang/ 'jam
dpal gyi zhing bkod las kyang/

byang shar gyi mtshams nas sangs rgyas dbang phyug chen po'i
rgyal po'i 'jig rten gyi khams stong gis brgyan pa zhes bya ba
de na dge slong 'gog pa la zhugs pa'i bde ba bzhin du sems can
rnams kyang bde ba dang ldan no/ /der lo bye ba brgya stong du

tshangs spyod spyad pas ni zhing 'dir tha na se gol gtogs pa'i
yun tsam du sems can thams cad la byams pa'i sems bskyed na snga
ma las bsod nams ches mang du bskyed na nyin mtshan du gnas pa
lta ci smos zhes bshad pa dang/ rin

chen phreng ba las kyang/ rdze'u tshos sum brgya'i kha zas dag
/nyin re dus gsum sbyin pas kyang/ /byams pa yud tsam thang gcig
gi/ /bsod nams dag la char mi phod/ /lha mi byams par 'gyur ba
dang/ /de dag kyang ni

bsrung ba dang/ /yid bde ba dang bde mang dang/ /dug dang mtshon
gyis gnod med dang/ /'bad pa med par don 'thob dang/ /tshangs
pa'i 'jig rten skye 'gyur te/ /gal te grol bar ma gyur kyang/
/byams chos yon tan

@198b brgyad 'thob bo/ /zhes gsungs te/ byams pa yod na lha mi
byams shing ngang gis 'du ba dang/ rgyal bas kyang bdud sde
byams pa'i stobs kyis pham par mdzad pas bsrung ba'i mchog tu
'gyur ba sogs so/ /des

na skye bar dka' yang 'bad dgos te/ bslab btus las/ gser 'od dam
pa las 'byung ba'i byams pa dang snying rje bsgom pa ston pa'i
tshigs bcad rnams la sems thams cad kyis bsams te tha na tshig tu
yang bton

nas bsgom par gsungs so/ /tshig de ni/ gser 'od dam pa'i rnga
chen sgra yis ni/ /stong gsum 'jig rten 'jig rten gsum 'di na/
/ngan song sdug bsngal gshin rje'i sdug bsngal dang/ /dbul ba'i
sdug bsngal sdug

bsngal zhi bar shog /ces sogs so/ /byams pa bsgom pa'i rim pa
ni/ thog mar mdza' bshes la bsgom/ de nas bar ma dang de nas
dgra la bsgom par bya zhing de nas sems can thams cad la rim pa
bzhin du bsgom mo/ /bsgom

ba'i tshul ni ji ltar sems can sdug bsngal bas sdug bsngal ba'i
tshul yang yang bsams na snying rje skye ba ltar/ sems can la zag
bcas dang zag pa med pa'i bde ba med cing bde bas phongs lugs
rnams yang yang bsam par

bya ste; de goms pa na bde ba dang phrad 'dod ngang gis 'byung
la/ de yang bde ba sna tshogs pa rnams yid la byas nas de dag
sems can rnams la bstab par bya'o/ /snying rje bsgom pa la
snying rje'i dmigs pa ni/ sdug bsngal

@199a @#/ /gsum gyis ci rigs par sdug bsngal ba'i sems can no/
/rnam pa ni sdug bsngal de dag dang bral na snyam pa dang bral
bar gyur cig snyam pa dang bral bar bya'o snyam pa'o/ /bsgom
pa'i go rim ni/

thog mar mdza' bshes dang de nas bar ma dang de nas dgra la
bsgom ste/ mdza' bshes dang 'dra bar dgra la'ang sems snyoms par
'jug pa'i tshe/ rim gyis phyogs bcu'i sems can thams cad la'ang
bsgom mo/ /de ltar btang

snyoms dang byams pa dang snying rje la yul so sor phye nas rim
can du bsgom pa de ni/ chos mngon pa'i mdo'i rjes su 'brangs nas
slob dpon kA ma la shI las mdzad pa yin la de ni gnad shin tu
che ste/ so sor ma phye bar dang po nas

spyi la dmigs nas sbyangs pa la skye ba ltar snang yang re re
nas bsams na gang la'ang mi skye bar snang la/ re re nas yid
'gyur ba'i myong ba sngar bshad pa ltar bton nas je mang du
btang ste mthar spyi la dmigs nas bskyangs na

tshogs pa dang so so ba gang la dmigs kyang rnam dag skye ba'i
phyir ro/ /bsgom pa'i tshul ni/ mar gyur ba'i ? sems can de rnams
'khor bar lhung nas spyi dang so so'i sdug bsngal ji ltar nyams
su myong ba rnams sems pa ste sdug

bsngal rnams ni sngar bshad zin to/ /de yang sngar skyes bu
'bring gi lam sbyangs pas skyes pa yin na rang gi nyams la dpags
te bsgoms pas skye sla bar 'gyur ro/ /rang gi steng du de dag
bsams na nges 'byung gi bsam pa skye

@199b ba'i rgyur 'gyur la/ gzhan steng du bsams pas snying rje
skye ba'i rgyur 'gyur ro/ /'on kyang rang steng du sems pa sngon
du ma song na gnad du 'gro ba mi skye'o/ /de dag ni mtshon ba
tsam ste/ rgyas par snying rje'i dmigs pa'i sdug

bsngal brgya rtsa bcu byang sar gsungs pa la blo'i mthu yod pa
rnams kyis bsgom par bya'o/ /de yang nyan thos sdug bsngal gyi
bden pa mngon par rtogs pa dang mthar thug pa skyo ba'i sems
kyis sdug bsngal mthong ba las/ byang

chub sems dpa' snying rje bsgom pas sdug bsngal sems pa mang bar
gsungs so/ /bde ba med pa dang sdug bsngal ba'i tshul sgo mtha'
yas pa nas bsams na byams pa dang snying rje yang shin tu mang
po skye la/ rgyun ring bar

bsams na shugs drag la brtan pa skye bas gdams ngag cung zad res
tshim nas gzhung che ba nas bshad pa rnams la bsgom pa dor na
stobs shin tu chung ngo/ /de yang sngar bshad pa ltar theg chen
gyi 'jug sgo sems bskyed yin

lugs dang snying rje rtsa bar 'gro lugs la sogs pa rnams kyi
dmigs legs par phyed nas/ so sor rtog pa'i shes rab kyis dpyad
cing bskyangs pa'i mthar skyes pa'i myong ba dgos kyi/ go bas
legs par dmigs ma phyed par phur

tshugs re la 'bad ba'i myong ba tham thom gyis gar yang mi phyin
te/ nyams len gyi skabs gzhan du'ang de ltar shes par bya'o/ /de
la snying rje skyes pa'i tshad ni/ sgom rim dang po las/ gang gi
tshe yid du 'ong ba'i bu mi bde ba bzhin du sems can

@200a @#/ /thams cad la'ang sdug bsngal gtan nas byang bar 'dod
pa'i rnam pa'i snying rje rang gi ngang gis 'jug pa bdag nyid
kyis mtshungs par 'jug par 'gyur ba de'i tshe de rdzogs pa yin pas
snying rje chen po'i

ming 'thob ste/ zhes bu chung ngu snying du ches sdug pa sdug
bsngal bar gyur pa lam ? de snying rje ji tsam skye ba de tsam
pa'i blo'i tshod cig sems can thams cad la snying rje rang gi
ngang gis skye ba na snying rje chen po'i mtshan nyid tshang bar
gsungs so/ /

'dis byams pa chen po skyes pa'i tshad kyang rig par bya'o/ /yang
lung de'i 'phros nyid nas/ de ltar snying rje chen po goms pa'i
stobs kyis sems can ma lus pa drang bar dam bcas nas bla na med
pa yang dag par rdzogs pa'i byang chub

tu smon pa'i rang bzhin gyi byang chub kyi sems bsgrim mi dgos
par skye ste/ zhes smon sems skye ba'i rgyur sngar bshad pa'i
snying rje chen po de dgos par gsungs te/ 'dis ni byang chub kyi
sems skyes pa'i tshad

kyang shes par bya'o/ /'di yang lam mthon por song ba'i sems
bskyed min gyi/ las dang po pa'i sems bskyed pa la de ltar
gsungs la/ theg bsdus las kyang/ bzang dang smon pa'i stobs can
dang/ /'dun

brtan khyad par 'gro ba ni/ /byang chub sems dpa' grangs med
gsum/ /kun tu rtsom par mdzad pa yin/ /zhes gsungs pas/ grangs
med gsum gyi 'go rtsom pa'i byang chub sems dpa' la'ang sems de
lta bu zhig skye

@200b dgos pa yin no/ /des na 'di dag gi phyogs dang yul tsam
na'ang med par sems can thams cad kyi don du sangs rgyas thob
par bya/ de'i don du bdag gis dge ba 'di bya'o snyam du bsam pa
bskyed pa tsam la ches cher 'khrul nas ma

thob par thob bo snyam pa'i mngon pa'i nga rgyal brtan par byas
te/ byang chub kyi sems gdams ngag gi mthil du bzung nas mi
sbyong bar gzhan zhig nas 'tshol zhing 'bad pas sa mang po zhig
bcad par 'dod pa kho na snang ba la/ theg pa

chen po'i gnad shes pas bltas na bzhad gad kyi gnas su snang
ste/ rgyal sras dam pa rnams kyis bskal pa du mar thugs dam gyi
mthil du bzung nas sbyong bar gzhung du ma las 'byung na go ba
tsam las med pa rnams kyis lta ci smos pa'i

phyir ro/ /de yang lam gzhan bsgom du mi rung zer ba min gyi/
byang chub kyi sems sbyong ba'i skor la'ang gdams pa'i mthil du
bzung nas bskyang dgos so zhes zer ba yin no/ /spyir sngar bshad
pa lta bu'i myong ba ma skyes kyang theg pa chen po'i

bslab par bya ba rnams shes shing theg chen la mos pa brtan na
sngon la sems bskyed pa dang sdom pa cho gas bzung nas de nas
byang chub kyi sems sbyong ba'ang yod de/ spyod 'jug tu sngon la
sdom pa dang sems bzung nas de'i bslab bya phyin

drug gi bsam gtan gyi skabs su byang chub kyi sems sbyong lugs
rnams rgyas par gsungs pa lta bu'o/ /'on kyang de dag gi snod
rung du bsgrub pa la'ang sngon du blo mang po zhig sbyang dgos
pa snang ste/ phan yon sems pa dang yan

@201a @#/ /lag bdun pa dang skyabs 'gros rgyud sbyong ba dang
bslab bya rnams shes par byas nas bsrung 'dod bskyed pa'o/ /des
na lam bgrod pa la stong ba nyid kyi rtogs pa sbyangs nas je
rgyas su 'gro

dgos pa la ming tsam zhig snang yang/ de dang 'dra bar byang
chub kyi sems kyang legs par bskyangs nas gong nas gong du khyad
zhugs par song nas lam bgrod dgos pa la ming tsam yang mi snang
ngo/ /'di ni rgyal ba

kun gyi bgrod pa gcig pa'i lam pha rol tu phyin pa'i man ngag gi
bstan bcos nas sems bskyed pa nyer gnyis gsungs pa la shing rta
chen po rnams kyis de dag gis lam bgrod tshul bshad pa las shes
par bya'o/ /

gsum pa lhag bsam bsgom pa ni/ de ltar byams pa dang snying rje
bsgoms pa'i mthar kye ma bdag la sdug cing yid du 'ong ba'i sems
can 'di dag 'di ltar bde bas phongs pa dang sdug bsngal gyis
mnar na/ 'di

dag ji ltar bde ba dang phrad pa dang sdug bsngal las thar bar
bya snyam du sems shing de dag sgrol ba'i khur 'khyer ba la tha
na tshig tsam gyis kyang blo sbyong ba'o/ /'di drin lan gzo ba'i
skabs su yang cung zad byung mod kyang

'dir bstan pa ni bde ba dang phrad na dang sdug bsngal dang bral
na snyam pa'i byams snying rjes mi chog gi/ sems can la bdag gis
phan bde bsgrub bo snyam pa'i bsam pa 'dren nus pa'i byams pa
dang snying rje bskyed dgos

@201b par bstan pa'i phyir ro/ /de dag kyang thun gyi ngo bo
tsam la min gyi/ thun rjes la sogs pa'i spyod lam thams cad du
dran par byas nas rgyun ldan du bskyangs na bogs che ba yin te/
sgom rim bar pa las/ snying rje

de ting nge 'dzin la 'dug kyang rung spyod lam thams cad du'ang
rung ste dus thams cad du sems can thams cad la bsgom par bya
ste/ zhes gsungs la/ snying rje ni mtshon pa tsam ste dmigs rnam
gang skyong thams cad

la 'dra'o/ /slob dpon chen po tsandra gau mis kyang/ sems kyi
shing ni thog ma med dus can/ /nyon mongs kha ba'i khu bas rlan
bsgos pa/ /ro zhim dngos por bgyi bar mi nus la/ /yon tan chu yi
thigs pas ci ru 'gyur/ /zhes

ro shin tu kha ba'i tig ta'i sdong po chen po lta bu zhig la bur
khu lta bu'i thigs pa re re tsam blugs pas mngar por bya mi nus
pa ltar/ nyon mongs pa'i ro kha bas thog ma med pa nas bsgos
pa'i sems rgyud la byams pa'am snying rje la

sogs pa'i yon tan bsgom pa yun thung thung res cir yang mi 'gyur
bar gsungs pa ltar yin pas rgyun ldan du skyong dgos so/ /gnyis
pa byang chub don du gnyer ba'i blo sbyang ba ni/ sngar bshad
pa'i rim pas bdas nas gzhan don la byang chub

dgos par mthong nas de thob par 'dod pa bskyed pa'ang yin mod/
'on kyang de tsam gyis mi chog pas sngar skyabs 'gro'i skabs su
bshad pa ltar sku gsung thugs dang 'phrin las kyang yon tan
bsams pa'i sgo nas thog mar dad pa ci

@202a @#/ /'phel bya/ de nas dang pas 'dun pa'i rten byed par
gsungs pas yon tan de dag la snying thag pa nas thob 'dod bskyed
de rang gi don la'ang rnam mkhyen thob pa med du mi rung ba la
nges pa drang ngo/ /

sems bskyed skye ba'i rgyu mang yang snying rjes non te rang
nyid kyis bskyed pa ni khyad par che bar ye shes phyag rgya'i
ting nge 'dzin las bka' stsal bar sgom rim dang po las gsungs
so/ /gsum pa sbyangs pa'i 'bras bu sems bskyed pa ngos

bzung ba ni/ /spyi'i mtshan nyid ni sngar drangs pa'i mngon rtogs
rgyan gyi lung don bzhin yin la/ dbye ba ni sdong po bkod pa'i
mdo'i rjes su 'brangs nas/ spyod 'jug las/ 'gro bar 'dod dang
'gro ba yi/ /bye brag ji ltar shes pa ltar/ /de

bzhin mkhas pas 'di gnyis kyi/ /bye brag rim bzhin shes par bya/
/zhes smon 'jug gnyis su gsungs so/ /'di la mi mthun pa mang du
snang yang sems can gyi don du sangs rgyas su gyur cig snyam
pa'am sangs rgyas su

'gyur bar bya'o snyam du smon la/ sbyin pa la sogs pa'i spyod pa
la slob kyang rung mi slob kyang rung ji srid du sdom pa ma
bzung ba de srid du smon pa'i sems yin la/ sdom pa bzung ba nas
sems de 'jug pa'i sems su shes par

bya ste; sgom rim dang po las/ de la 'gro ba mtha' dag la phan
pa'i phyir sangs rgyas su gyur cig ces gang thog mar don du
gnyer ba de ni smon pa'i sems so/ /gang phan chad sdom pa bzung
ste tshogs rnams la zhugs pa de ni

@202b zhugs pa'i sems so/ /zhes gsungs pa'i phyir ro/ /'di la
brgal lan mang du snang yang ma spros so/ /gnyis pa zhi ba lha'i
gzhung la brten nas sbyang ba la gsum las/ bdag gzhan brje ba'i
phan yon dang ma brjes pa'i nyes

dmigs bsam pa ni/ spyod 'jug las/ gang zhig bdag dang gzhan
rnams ni/ /myur du bskyab par 'dod pa des/ /bdag dang gzhan du
brje bya ba/ /gsang ba'i dam pa spyad par bya/ /zhes dang/ 'jig
rten bde ba ji snyed pa/ /

de kun gzhan bde 'dod las byung/ /'jig rten sdug bsngal ji snyed
pa/ /de kun bdag bde 'dod las byung/ /mang du bshad lta ci dgos
te/ /byis pa rang gi don byed dang/ /thub pa gzhan gyi don mdzad
pa/ /'di gnyis kyi ni khyad par

ltos; ;bdag bde gzhan gyi sdug bsngal dag  /yang dag brje bar ma
byas na/ /sangs rgyas nyid du mi 'grub cing/ /'khor ba na yang
bde ba med/ /ces gsungs pa ltar/ bdag gces par 'dzin pa rgud pa
kun gyi sgo dang/

gzhan gces par 'dzin pa phun sum tshogs pa thams cad kyi gnas su
bsam mo/ /bdag gzhan brje ba'i bsam pa goms na bskyed par nus pa
ni/ sngar rang gi dgra byed pa ming thos na'ang 'jigs pa skye ba
zhig phyis mthun

par byas nas mdza' ba na de med na mi dga' ba chen po skye ba
ltar/ blo goms pa'i rjes su byed pas na bdag la gzhan bzhin dang
gzhan la bdag bzhin du blta ba'ang goms na skye ste/ de nyid
las/ dka' las phyir ldog mi bya ste/ /

@203a @#/ /'di ltar goms pa'i mthu yis ni/ /gang gi ming thos
'jigs pa yang/ /de nyid med na mi dgar 'gyur/ /zhes dang/ bdag
gi lus ni gzhan dag tu/ /bzhag pa de ltar dka' ba med/ /ces so/
/

gal te gzhan gyi lus bdag gi lus min pas de la rang gi blo 'dra
ba ji ltar bskyed du rung snyam na/ lus 'di yang pha ma'i khu
khrag las grub pa yin zhing gzhan gyi lus kyi cha shas las grub
pa yin kyang sngon goms pa'i dbang gis

ngar 'dzin pa skye ba ltar/ gzhan lus la'ang rang gi bzhin gces
par 'dzin pa goms par byas na skye ste/ de nyid las/ de bas ji
ltar gzhan dag gi/ /khu ba khrag gi thigs pa la/ /khyod kyis
ngar 'dzin byas pa ltar/ /de bzhin

gzhan la goms par gyis/ /zhes so/ /de ltar phan yon dang nyes
dmigs legs par bsams pas ni snying thag pa nas de bsgom pa la
spro shugs skye la goms par byas na bskyed nus par yang mthong
ba des/ bdag

gzhan brje ba'i tshul bsgom pa'i rim pa ni/ bdag gzhan brje zhes
pa dang bdag gzhan du bya zhing gzhan bdag tu bya/ zhes gsungs
pa ni gzhan la nga'o snyam du dang de'i mig la sogs pa la
nga'i'o snyam pa'i blo sbyong ba min gyi/

rang la gces par 'dzin pa dang gzhan yal bar 'dor ba'i blo gnyis
gos brjes te gzhan la rang ltar gces par 'dzin cing rang la
gzhan ltar yal bar 'dor ba'i blo bskyed pa'o/ /de'i phyir bdag
gi bde ba dang gzhan gyi sdug bsngal

@203b brje bar gsungs pa'ang bdag gces 'dzin la dgrar bltas nas
bdag gi bde ba la ched cher byed pa 'gog cing/ gzhan gces 'dzin
la yon tan du bltas nas gzhan gyi sdug bsngal yal bar 'dor ba
bkag nas de sel ba la ched

cher byed pa ste/ mdor na rang gi bde ba la mi blta bar gzhan
gyi sdug bsngal bsal ba'i don du 'jug pa'o/ /blo de sbyong ba na
gegs ni gnyis te/ rang dang gzhan gyi bde sdug gi rten bdag dang
gzhan gnyis sngo ser ltar so so bar ris

su bcad nas grub par 'dzin cing/ de nas de la brten pa'i bde
sdug la'ang 'di ni nga'i yin pas bsgrub pa'am bsal bar bya'o/
/'di ni gzhan gyi yin pas snyam nas yal bar 'dor bas de'i gnyen
por ni bdag dang gzhan ngo bo

nyid kyis so sor ris su chad pa med de/ phan tshun ltos nas bdag
la'ang gzhan gyi blo skye la gzhan la'ang bdag gi blo skye ba'i
phyir te pha ri tshu ri bzhin no/ /dper na pha ri la 'di ngos nas
pha ri'i blo skye yang pha rir phyin na tshu ri'i blo skye

ba bzhin no/ /des na sngon po kha dog su la ltos kyang sngon po
nyid kyi blo skye yi/ kha dog gzhan gyi blo mi skye ba dang mi
'dra'o/ /de ltar yang bslab btus las/ bdag gzhan mnyam nyid goms
byas pas/ /byang chub sems ni

brtan par 'gyur/ /bdag dang gzhan nyid ltos pa ste/ /pha rol tshu
rol ji bzhin brdzun/ /ngogs te rang gis pha rol min/ /gang la
ltos na tshu rol 'gyur/ /bdag nyid rang gis ma grub na/ /gang la
ltos te gzhan du 'gyur/ /zhes bltos sa la

@204a @#/ /ltos nas bzhag pa tsam yin gyi/ rang gi ngo bos grub
pa med par gsungs so/ /yang gzhan gyi sdug bsngal gyis bdag la
mi gnod pas de sel ba'i don du mi 'bad do snyam pa'i gegs bsal
ba

ni; de lta na rgas pa'i tshe sdug bsngal bar dogs nas gzhon pa'i
tshe nor gsog pa med par 'gyur te/ rgyas pa'i sdug bsngal gyis
gzhon pa la mi gnod pa'i phyir ro/ /de bzhin du rkang ba'i sdug
bsngal yang lag pas mi sel bar 'gyur

te gzhan yin pa'i phyir ro/ /zhes gsungs so/ /rgan gzhon dang
skye ba snga phyi mtshon pa tsam yin gyi/ nyi ma snga rting ngam
snga dro dang phyi dro sogs la'ang spyar ro/ /gal te rgan gzhon
rgyud gcig yin la rkang lag tshogs pa gcig yin pas rang gzhan

gnyis dang mi 'dra'o snyam na/ rgyun dang tshogs pa ni skad cig
mang po dang tshogs pa can mang po la btags pa yin gyi rang rkya
ba'i ngo bo med la/ rang gi bdag dang gzhan gyi bdag kyang tshogs
rgyun de la 'jog dgos pas bdag

dang gzhan ltos nas bzhag pa tsam min pa'i rang gi ngo bos grub
pa med do/ /'on kyang thog ma med pa nas gces 'dzin goms pa'i
dbang gis rang gi sdug bsngal byung ba la mi bzod pa yin pas
gzhan la'ang gces 'dzin

goms na de'i sdug bsngal la'ang mi bzod pa skye ba yin no/ /de
ltar bdag gzhan brje ba'i gegs bsal nas bsgom pa'i tshul dngos
ni/ bdag la chags pa'i dbang gis rang gces par bzung ba 'dis
'khor ba thog med

@204b nas da bar du mi 'dod pa sna tshogs bskyed la/ rang phun
sum tshogs pa zhig byed par 'dod kyang rang gi don gtso bor bzung
ste thabs ma yin pa la zhugs pas bskal pa bgrang las 'das pa
song yang rang dang gzhan gyi don gang

yang ma grub/ ma grub pa tsam du ma zad sdug bsngal 'ba' zhig
gis mnar bar gyur/ rang don gyi bsam pa de gzhan la spos nas
zhugs na ches shin tu snga bar sangs rgyas nas rang gzhan gyi
don thams cad phun sum tshogs

par 'gyur ba gdon mi za ba la de ltar ma byas pas dka' la don
med pas dus 'das so/ /da ni de ltar shes par byas la dgra'i
mchog bdag gces par 'dzin pa 'di dran pa dang shes bzhin bsten
nas 'bad pa du mas ma skyes

pa mi skye ba dang skyes pa rgyun 'thud du mi gzhug go snyam
pa'i nges pa brtan par byas nas lan du mar 'gog par byed pa ste/
spyod 'jug las/ 'di yis brgya phrag thams cad du/ /'khor bar
bdag la gnod

pa byas/ /yid khyod rang don byed 'dod pas/ /bskal pa grangs med
'das gyur kyang/ /ngal ba chen po de lta bus/ /khyod kyis sdug
bsngal 'ba' zhig bsgrubs/ /zhes dang/ gal te khyod kyis snga dus

su; ;las 'di byas par gyur na ni/ /sangs rgyas phun sum bde min
pa/ /gnas skabs 'di 'drar 'gyur mi srid/ /ces so/ /de ltar rang
gi kha mi 'dzin phyogs mi skyor bar rang gi lus dang longs spyod
dge rtsa

@205a @#/ /rnams ltos pa med par sems can la gtong ba'i blo yang
yang sbyang ba dang gang la btang ba de'i don bya dgos shing/ de
la log par bsgrub pa mi rigs pas lus la sogs pa de dag la rang
gi

don du dmigs pa'i blo dgag par bya ste/ bdag ni gzhan gyi dbang
gyur ces/ /yid khyod nges par shes gyis la/ /sems can kun don ma
gtogs par/ /de ni khyod kyis gzhan mi bsam/ /gzhan dbang mig la
sogs

pa yis/ /rang don bsgrub par rigs ma yin/ /de don mig la sogs pa
yis/ /de la log par bya mi rigs/ /zhes so/ /lus la sogs pa la
gzhan don du dmigs pa shor te rang gi don la dmigs pa'am lus
ngag dang

yid kyis gzhan la gnod pa'i rkyen byed par snang na 'dis sngar
yang mtha' med pa'i gnod pa la sbyar/ da dung yang phan pa ltar
bcos pa la 'khrul nas de'i dbang du song na sdug bsngal shin tu
mi bzad pa bskyed do snyam

nas dgag par bya ste/ khyod kyis kho bo gar brlag pa'i/ /sngon
gyi dus de gzhan yin te/ /ngas mthong khyod da gang du 'gro/
/khyod kyi dregs pa kun gzhom bya/ /da dung bdag la rang gi don/
/yod snyam sems pa de dor zhig  /

bdag gis gzhan la khyod btsongs kyis/ /skyo bar ma sems zho sha
phul/ /gal te bag med gyur nas khyod/ /sems can rnams la ma byin
na/ /khyod kyis kho bo dmyal ba yi/ /srung ma rnams la byin du
nges/ /

@205b de ltar khyod kyis re lta zhig  /kho bo byin pas yun ring
sdug  /da ni khon rnams dran byas te/ /khyod kyis rang don sems
pa gzhom/ /zhes so/ /de bzhin du gzhan la gces par 'dzin pa'i
phan yon yang yang bsams nas snying

thag pa'i spro shugs bskyed de gzhan yal bar 'dor ba'i blo ma
skyes pa mi bskyed pa dang skyes pa rgyun 'thud du mi gzhug
cing/ gzhan la phangs pa dang sdug pa dang yid du 'ong ba ci
skye'i sgo nas sngar rang la gces par 'dzin pa bzhin

gzhan la gces par 'dzin pa'i blo bskyed par bya ste/ gzhan rnams
bdag bzhin gzung bar bya/ /zhes so/ /de ltar sems can gces par
'dzin pa skye ba'i rgyur ni de'i drin dran ba'am des rang la
phan 'dogs par mthong ba dgos la/

de yang sa bon grung po btab pa las ston thog mang zhing bzang
ba 'byung bar mthong na zhing sa gshin po la gces spras su 'dzin
pa skye ba ltar/ sems can gyi zhing las kyang sbyin pa la sogs
pa'i sa bon btab pa las gnas

skabs dang mthar thug gi bde legs thams cad 'grub pa la nges pa
rnyed na gces par 'dzin pa skye bas de dag bsam par bya ste/
spyod 'jug las/ sems can rnams dang rgyal ba las/ /sangs rgyas
chos 'grub 'dra ba la/ /rgyal la gus

byed de bzhin du/ /sems can la min ci yi tshul/ /zhes so/ /de
yang sems can gyi srog bcad na ngan 'gro gsum du 'khrid cing/
srog gcod pa thar bar byas na bde 'gro dang der yang tshe ring ba
dang/ de la ma byin par blangs pa dang longs spyod byin pa dang

@206a @#/ /zhe sdang bskyed pa dang byams pa dang snying rje
bsgoms pa las kyang ngan 'gro dang bde 'gror 'khrid pa sogs
dang/ khyad par du de dag la dmigs nas sems bskyed pa dang de
dag gi don du spyod pa rnams bsgrub pas sangs

rgyas kyang de la rag las shing/ sems can la brten nas sbyin
pa sogs yongs su rdzogs par sems can mgu bar bya ba'i tshigs su
bcad pa las gsungs pa ltar bsam par bya'o/ /byang chub sems
'grel las kyang/

'jig rten bde 'gro ngan 'gro yi/ /'dod dang mi 'dod 'bras bu
de/ /sems can rnams la phan pa dang/ /gnod pa las ni 'byung
bar 'gyur/ /sems can brten nas sangs rgyas kyi/ /go 'phang bla
med rnyed 'gyur na/ /lha dang

mi yi longs spyod gang/ /tshangs dang dbang po drag po dang/
/'jig rten skyong bas bsten de dag  /sems can phan pa tsam zhig
gis/ /ma drangs pa ni 'gro gsum 'dir/ /'ga' yang med la mtshar
ci yod/ /sems dmyal dud 'gro yi

dwags su/ /sdug bsngal rnam pa du ma'i dngos/ /sems can rnams
kyis myong ba gang/ /de ni sems can gnod las byung/ /bkres
skom phan tshun brdeg pa dang/ /gzir ba yi ni sdug bsngal nyid/
/bzlog par dka' zhing zad med de/ /sems

can gnod pa'i 'bras bu'o/ /zhes gsungs so/ /nyan thos rnams
'bras bu dman pa ni sems can gyi don ched cher ma byas pa las
yin la/ sangs rgyas rnams 'bras bu mthar thug pa brnyes pa ni
sems can gyi don la ched cher byas pa

@206b las byung bas tshul de bsams nas rang gi don la skad cig
kyang chags par mi bya bar gsungs te/ de nyid las/ sems can
rnams la chags bral ba/ /dug bzhin 'bad pas spang bar bya/
/nyan thos rnams ni chags bral bas/ /byang

chub dman pa thob min nam/ /sems can yongs su ma dor bas/
/rdzogs sangs rgyas kyis byang chub thob/ /de ltar phan dang
mi phan pa'i/ /'bras bu 'byung bar bcad pa na/ /de dag skad
cig gcig kyang ni/ /rang don chags shing ji ltar

gnas/ /zhes so/ /des na gzhan gyi don la gcig tu gzhol ba dang
'bras bu byang chub ni byang chub kyi sems kyi myu gu las
'byung bar shes shing de'i rtsa ba ni snying rjer gzigs nas
rgyal sras rnams de bsgom pa lhur len la/ ches goms pas

de dag brtan par gyur pa na shin tu bya dka' ba'i rlabs chen
po'i spyod pa la rang dbang med par 'jug pa yin te/ de nyid
las/ snying rje brtan pa'i rtsa ba can/ /byang sems myu gu las
byung ba/ /gzhan don gcig 'bras byang

chub ni/ /rgyal ba'i sras rnams sgom par byed/ /gang zhig goms
pas brtan pa ni/ /gzhan gyi sdug bsnga gyis bred rnams/ /bsam
gtan bde ba dor nas kyang/ /mnar med par yang 'jug par byed/
/'di ni ngo mtshar   

'di bsngags 'os/ /'di ni dam pa'i tshul lugs mchog  /ces so/ /da
ni tshul de dag la dam pa rnams kyi gsung sgros kyis kyang nges
pa bskyed par bya ste/ jo bo'i zhal nas/ byams pa dang snying
rje sbyong mi shes pa'i byang chub

@207a @#/ /sems dpa' bod kyis shes pa gsung/ 'o na ci tsug byed
na dang po nas go rim du bslabs nas byed pa zhig dgos gsung/
glang ri thang pa'i zhal nas/ shwa bo ba dang nged gnyis la mi
thabs bco brgyad rta

thabs gcig dang bcu dgu yod/ mi thabs ni byang chub mchog tu
sems bskyed nas ci byed sems can gyi don du slob pa de yin/
rta thabs ni byang sems ma skyes pa mi skye skyes pa mi gnas
shing 'phel du mi ster ba bdag gces

'dzin yin pas 'di la zur bstan nas ci gnod du sbyong/ sems can
la mthil bstan nas ci phan du sbyong ba yin gsung/ dge bshes
ston pa la rnal 'byor pa chen pos kho bo la rlung mnyam 'jug
la sogs pa'i ting nge 'dzin

'di dang 'di yod byas pas/ khyod la rna rtsar rnga po che
brdungs kyang mi shigs pa'i sgom yod kyang byams pa dang
snying rje byang chub kyi sems med na nyin mtshan du bshags pa
bya dgos pa'i sar skye ba yin no gsung ste/ gzugs

med kyi so so skye bo la sogs pa mi khom pa'i gnas su skye
ba'i rgyur 'gro sa yod pa la dgongs par snang ngo/ /kham lung
pa'i zhal nas/ rang cag gis jo bo sems can la yo le phyod de
byas pas sems can

gyis kyang 'o cag la de ltar 'ong gsung ngo/ /theg pa chen
po'i rtsa ba tshugs mi tshugs dang theg chen pa'i gseb tu bcos
ma min par tshud thams cad 'di la thug 'dug pas dus thams cad
du 'di la blo skyed ci byung bltas la skyes

@207b na ni legs/ ma skyes na'ang de ltar mi bsdad par de lta
bu ston pa'i dge bshes la rtag tu brten/ de ltar blo sbyong
ba'i grogs dang rtag tu 'grogs/ de lta bu ston pa'i gsung rab
dang dgongs 'grel la blta/ de'i rgyur tshogs

gsog  /de'i gegs kyi sgrib pa sbyong/ rang yang de ltar du blo
sbyangs na sa bon tshang bar thebs nges pas las don mi chung
zhing dga' bar rigs te/ jo bo chen pos/ theg chen chos sgor
'jug 'dod pas/ /mun sel gdung ba zhi byed

pa; ;nyi zla lta bu'i byang chub sems/ /bskal par 'bad pas
skye yang rung/ /zhes gsungs pa ltar ro/ /sems de skyes pa'i
tshad ni sngar bshad zin pa las shes par bya'o/ /bzhi pa tshogs
bzung ba ni/ jo bo chen pos/ de bskyed sbyong bar

'dod pa yis/ /byams sogs tshangs pa'i gnas bzhi po/ /'bad pas
ring du bsgoms byas pas/ /chags dang phrag dog bsal bya zhing/
/yang dag cho ga byas pas skye/ /zhes gsungs pa ltar/ blo
sbyangs nas sems bskyed pa la  

nges pa brtan pa na de bzung ba'i cho ga bya'o/ /'di la gsum/ ma
thob pa thob par byed pa/ thob pa mi nyams par bsrung ba/
nyams na phyir bcos pa'i thabs so/ /dang po la gsum/ gang la
blang ba'i yul/ gang gis len pa'i rten/ ji

ltar blang ba'i cho ga'o/ /dang po ni/ bla ma'i bya ba'i rim
pa las/ mtshan nyid dang ldan pa'i slob dpon/ zhes pa las jo
bos gsal kha ma mdzad la/ gong ma rnams smon sems dang ldan
zhing de'i bslab bya la gnas pas mi chog gi/ 'jug

@208a @#/ /sdom dang ldan pa dgos par bzhed de/ dgra las rnam
rgyal gyis/ dge ba'i bshes gnyen byang chub sems dpa'i sdom pa
dang ldan pa'i thad du song nas/ zhes gsungs pa dang mthun par
snang ngo/ /chos bcu

par gzhan gyis 'dzin du bcug nas sems bskyed pa la nyan thos
bshad pa ni des bskul zhing skyo bar byas nas 'dzin du bcug pa
la gsungs pas des cho ga byas par mi snang ngo/ /len pa'i rten
ni/ spyir jo ta ris/ rigs

kyi bu'am rigs kyi bu mo rten dang bsam pa phun sum tshogs pa
dang ldan pas/ zhes gsungs pa ltar/ lha dang klu la sogs pa
lus dang bsam pa'i sgo nas smon sems skyer rung ba thams cad
'di'i rten du rung yang/

'dir ni lam sgron 'grel pa las/ 'khor bas yid 'byung la 'chi
ba dran pa shes rab dang snying rje che ba/ zhes 'byung ba
ltar/ sngar bshad pa ltar gyi lam gyi rim pa la blo sbyangs
pas byang chub kyi sems la yid 'gyur ba'i

nyams myong cung zad rnyed pa zhig la byed pa yin no/ /ji ltar
len pa'i cho ga la gsum las/ sbyor ba'i cho ga la gsum/ skyabs
'gro khyad par can bya ba dang/ tshogs bsag pa dang/ bsam pa
sbyang ba'o/ /dang po lo

gsum/ gnas brgyan cing rten bkram nas mchod rdzas bsham pa
dang/ gsol ba gdab cing skyabs su 'gro ba dang/ skyabs su song
ba'i bslab bya brjod pa'o/ /dang po ni/ sdig pa can gyi skye
bos dben pa'i sa phyogs su

@208b sa gzhi legs par byas shing gtsang ba der/ ba byung
lngas bskyang nul dang byug pa byas la tsan-dan la sogs pa'i
dri'i chu phul du byung bas kyang byug cing dri zhim po'i me
tog sil ma gtor la/ dkon mchog gsum gyi gzugs

brnyan lugs ma la sogs pa dang po ti la sogs pa dang byang
chub sems dpa'i sku gzugs rnams khri'am khri'u'am stegs bu
bzang po la bzhugs su gzhug  /bla re la sogs pa dang me tog la
sogs pa'i mchod pa'i

yo byad ji ltar 'byor pa dang rol mo dang zhal zas dang rgyan
la sogs pa rnams sta gon bya/ dge ba'i bshes gnyen bzhugs pa'i
gdan khri me tog gis brgyan pa'ang bsham mo/ /gong ma rnams ni
sngon du dge 'dun gyi bsnyen

bkur dang 'byung po'i gtor ma btang ba'i sgo nas tshogs gsog pa
dang/ mchod pa'ang med na bskal bzang las gsungs pa ltar ras
kyi kha tshar phul ba sogs kyis kyang 'grub la/ yod na g.yo
med par nan tan chen pos

btsal nas grogs po'i blor mi shong ba tsam bsham dgos te/ jo
bo la bod ston rnams gyis mang yul dang bsam yas su sems
bskyed zhus dus su mchod pa ngan pas mi skye gsung skad/ rten
yang bstan pa'i gtso bo'i sku rab gnas can zhig

med thabs med glegs bam yang sdud pa yan chad sher phyin la
bya gsung ngo/ /de nas bla ma'i bya ba'i rim pa las bshad pa
ltar 'phags pa'i tshogs spyan drangs shing mchod pa'i sprin gyi
gzungs tshar gsum gdon zhing bstod pa bya'o/ /de

@209a @#/ /nas slob mas khrus byas gos bzang po bgos thal mo
sbyar ba la/ bla mas tshogs kyi zhing rnams kyi yon tan la
snying thag pa nas dang ba bskyed du bcug la sangs rgyas dang
byang chub sems dpa' re re'i mdun na

rang nyid 'dug par bsams nas dal bus yan lag bdun pa byed du
gzhug go/ /de la snga ma phal mo che klu sgrub dang zhi ba lha
nas brgyud pa la yan lag bdun pa dang byams pa dang thogs med
nas brgyud pa la phyag dang mchod

pa gnyis tsam bya'o/ /de yang sdig pa bshags pa byed na 'gyod
dgos pas yid mi dga' la byang chub kyi sems yid dga' spro dang
ldan pa la skye dgos pas zhes smra ba ni ma yin te/ jo bo chen
pos sems bskyed dang sdom pa'i

cho gar phyag 'tshal ba dang mchod pa'i chog la sogs pa zhes
sogs kyis bsdus la/ bla ma'i bya ba'i rim pa las yan lag bdun
ka sems bskyed pa'i sngon du bya bar gsal por gsungs pa'i
phyir dang rgyu mtshan de ltar yin na

ni klu sgrub dang zhi ba lha'i lugs la'ang mi skye bar khas
blang dgos so/ /gnyis pa ni/ de nas bla ma la ston pa'i 'du
shes bzhag dgos par gsungs pas sangs rgyas su mos pa byas la
phyag 'tshal te yon dang maNDal phul la pus mo

g.yas pa'i lha nga sa la btsugs nas thal mo sbyar te byang
chub kyi sems kyi don du gsol ba gdab bo/ /ji ltar sngon gyi
de bzhin gshegs pa dgra bcom pa yang dag par rdzogs pa'i sangs
rgyas rnams dang byang chub sems dpa' chen po

@209b sa chen po la bzhugs pa rnams kyis dang por bla na med
pa yang dag par rdzogs pa'i byang chub tu thugs bskyed pa de
bzhin du/ bdag ming 'di zhes bgyi ba'ang slob dpon gyis bla na
med pa yang dag par rdzogs pa'i byang chub tu sems

bskyed du gsol/ zhes lan gsum gyi bar du brjod do/ /de nas
skyabs 'gro khyad par can bya ste/ 'di ltar yul sangs rgyas
bcom ldan 'das dang chos theg chen gyi 'gog pa gtso bor byas
pa'i lam gyi bden pa dang dge

'dun phyir mi ldog pa'i byang sems 'phags pa la/ dus da nas
bzung ste snying po byang chub ma thob kyi bar du ched du bya
ba sems can thams cad bskyab pa'i phyir sangs rgyas la skyabs
ston pa dang chos la skyabs dngos dang dge 'dun la 

skyabs sgrub pa'i grogs zhu snyam pa'i bsam pa spyi dang/
khyad par du lam sgron las/ mi ldog pa yi sems dag gis/ /zhes
gsungs pas/ de lta bu'i bsam pa las dus thams cad du mi ldog
par bya'o snyam pa'i 'dun pa

drag po byas la spyod lam sngar bshad pa dang 'dra bas skyabs
su 'gro ba bya ste/ slob dpon dgongs su gsol/ bdag ming 'di
zhes bgyi ba dus 'di nas bzung nas ji srid byang chub snying
po la mchis kyi bar du rkang gnyis rnams kyi

mchog sangs rgyas bcom ldan 'das rnams la skyabs su mchi'o/
/slob dpon dgongs su gsol/ bdag ming 'di zhes bgyi ba dus 'di
nas bzung nas ji srid byang chub kyi snying po la mchis kyi
bar du chos rnams kyi mchog zhi ba 'dod chags dang

@210a @#/ /bral ba'i chos rnams la skyabs su mchi'o/ /slob dpon
dgongs su gsol/ bdag ming 'di zhes bgyi ba dus 'di nas bzung
nas ji srid byang chub snying po la mchis kyi bar du tshogs
rnams kyi

mchog 'phags pa byang chub sems dpa' phyir mi ldog pa'i dge
'dun rnams la skyabs su mchi'o/ /zhes lan gsum brjod do/ /dkon
mchog re re'i skyabs 'gro la dgongs gsol re dang chos kyi
skyabs 'gro'i

tshig gzhan dang mi 'dra yang jo bos mdzad pa'i cho ga ji lta
ba bzhin yin no/ /skyabs su song ba'i bslab bya ni/ sngar
skyes bu chung ngu'i skabs su bshad pa'i bslab bya rnams 'dir
yang slob dpon gyis brjod par bya'o/ / 

tshogs bsag pa ni/ sems bskyed pa'i cho gar skabs 'dir yang
phyag dang mchod pa sogs byed par bshad cing/ 'grel pa las/
yan lag bdun pa dang sangs rgyas dang byang chub sems dpa'
dang sngon dang da ltar gyi

bshes gnyen rnams yid la dran par byas nas byed par bshad pa
ltar bya ste/ bla ma rnams la mchod pa ni mchod pa snga ma'i
dus su'ang shes par bya'o/ /yan lag bdun pa ni/ bzang spyod
dang spyod 'jug gi gzhung gang rung

gis bya'o/ /sems sbyang ba ni/ lam sgron nas byams pa'i sems
sngon du btang nas sems can sdug bsngal ba la bltas te sems
bskyed par gsungs pas sngar bshad pa ltar byams pa dang snying
rje'i dmigs

@210b rnam gsal gdab bo/ /dngos gzhi'i cho ga ni/ slob dpon
gyi mdun du pus mo g.yas pa'i lha nga sa la btsugs pa'am
tsog pu'ang rung bas 'dug la thal mo sbyar nas sems bskyed par
bya'o/ /de yang lam sgron las/

ldog pa med par dam 'cha' ba'i/ /byang chub sems ni bskyed par
bya/ /zhes pa dang/ cho ga las kyang byang chub snying po'i
bar du zhes gsungs pas/ gzhan don du sangs rgyas thob par
bya'o snyam du sems bskyed pa tsam

min gyi/ sems de bskyed pa la dmigs nas byang chub ma thob kyi
bar du mi gtang ngo snyam du dam 'cha' ba yin pas de'i bsam pa
cho ga la brten nas bskyed par bya'o/ /de lta bu ni smon sems
kyi bslab bya la slob par  

mi nus na mi bya la/ sems can thams cad kyi don du bdag sangs
rgyas su 'gyur bar bya'o snyam pa tsam cho gas bskyed na ni
sems bskyed kyi bslab bya la slob par nus mi nus thams cad la
byas pas chog go  /smon sems

la de ltar gnyis rung gi 'jug sems cho gas len pa la bslab bya
la ye mi slob pa la rnam pa thams cad du byar mi rung bas klu
sgrub dang thogs med nas brgyud pa la sdom pa'i cho ga mang po
la byar rung ba dang mi rung ba'i

khyad par 'dod pa ni ma go ba chen po'o/ /gzhan yang kha cig
gis las dang po pa'i chos spyod du 'jug sdom 'dzin pa'i cho
gas yang yang 'dzin par bshad nas bslab bya spyi dang khyad
par du rtsa ltung ye mi shes pas ji ltar bya ba'i khyad 

@211a @#/ /par ma bstan pa ni don ma yin pa chen po la sbyor ba
yin no/ /gsal rgyal la gdams pa las kyang/ sbyin pa la sogs pa'i
bslab bya la bslab par mi nus na byang chub kyi sems tsam bskyed
pa

la'ang bsod nams mang po 'grub par gsungs pa khungs su mdzad
nas/ gang pha rol tu phyin pa rnams la rnam pa thams cad kyi
thams cad du slob mi nus pa des kyang 'bras bu che ba'i phyir
thabs kyis yongs su zin par byang

chub tu sems bskyed par bya ste/ zhes sgom rim dang po las
gsungs pas/ sbyin sogs kyi bslab bya la mi slob pa la sems
bskyed byar rung ba dang sdom pa bzung du mi rung bar ches gsal
ba yin no/ /sems

bzung ba'i chog ni/ phyogs bcu rnams na bzhugs pa'i sangs rgyas
dang byang chub sems dpa' thams cad bdag la dgongs su gsol/ slob
dpon dgongs su gsol/ bdag ming 'di zhes bgyi bas skye

ba 'di dang skye ba gzhan dang gzhan dag tu sbyin pa'i rang
bzhin dang tshul khrims kyi rang bzhin dang bsgoms pa'i rang
bzhin gyi dge ba'i rtsa ba bdag gis bgyis pa dang bgyid du
bstsal ba dang bgyid pa la rjes su yi rang

ba'i dge ba'i rtsa ba des/ ji ltar sngon gyi de bzhin gshegs pa
dgra bcom pa yang dag par rdzogs pa'i sangs rgyas rnams dang sa
chen po la rab tu bzhugs pa'i byang chub sems dpa' chen po rnams
kyis bla na med

@211b pa yang dag par rdzogs pa'i byang chub tu thugs bskyed par
mdzad pa de bzhin du/ bdag ming 'di zhes bgyi bas kyang dus 'di
nas bzung nas ji srid byang chub snying po la mchis kyi bar du
bla na med pa yang dag par rdzogs pa'i

byang chub chen po la sems bskyed par bgyi'o/ /sems can ma
bsgral ba rnams bsgral bar bgyi'o/ /ma grol ba rnams grol bar
bgyi'o/ /dbugs ma phyin pa rnams dbugs dbyung bar bgyi'o/ /yongs
su mya ngan

las ma 'das pa rnams mya ngan las 'da' bar bgyi'o/ /zhes pa ste
lan gsum brjod par bya'o/ /skyabs 'gro'i cho ga dang 'di gnyis
la slob dpon gyi rjes su bzlas dgos pa'i gsal kha ma byung yang
dgos pa yin no/ /

de dag ni slob dpon yod pa'i lugs yin la slob dpon ma rnyed na
ji ltar bya ba ni/ sems bskyed pa'i cho ga jo bos mdzad pa las/
de ltar slob dpon med kyang bdag nyid byang chub tu sems bskyed
pa'i cho ga ni/ de bzhin

gshegs pa shAkya thub pa dang phyogs bcu'i de bzhin gshegs pa
thams cad yid la bsams te phyag 'tshal ba dang mchod pa'i cho ga
la sogs pa byas nas/ gsol ba gdab pa dang slob dpon zhes bya
ba'i tshig spangs pa'i

skyabs su 'gro ba la sogs pa'i go rim gong ma bzhin du bya'o/
/zhes gsungs pa ltar bya'o/ /mjug gi cho ga ni/ slob dpon gyis
smon sems kyi bslab bya rnams slob ma la brjod par bya ba'o/
/gnyis pa thob pa mi

@212a @#/ /nyams par bsrung ba la bslab bya shes par bya dgos pas
de bshad par bya'o/ /'di la gnyis/ tshe 'dir sems bskyed mi nyams
pa'i rgyu la bslab pa dang/ skye ba gzhan du'ang de dang mi
'bral

ba'i rgyu la bslab pa'o/ /dang po la bzhi/ sems bskyed la spro
shugs 'phel ba'i phyir du phan yon dran pa la bslab pa dang/
sems bskyed dngos 'phel ba'i phyir du lan drug tu bskyed pa la
bslab pa dang/ gang gi

don du sems bskyed pa'i sems can blos mi spang ba la bslab pa
dang/ bsod nams dang ye shes kyi tshogs bsag pa la bslab pa'o/
/dang po ni/ mdo sde blta ba'am bla ma las mnyan te byang chub
kyi sems kyi phan yon

rnams sems pa ste/ sdong po bkod pa las rgyas par gsungs pas der
blta dgos shing/ de las kyang sngar drangs pa'i sangs rgyas kyi
chos thams cad kyi sa bon lta bur gsungs pa dang/ byang chub
sems dpa'i spyod pa dang smon lam

thams cad bsdus pa'i phyir mdor bstan pa lta bu'o/ /zhes yan lag
rgyas par bshad pa la mtha' yas pa zhig yod kyang mdor bstan du
thams cad 'dus pas mdor bstan de de'i sdom yin pa ltar byang
sems kyi lam thams cad kyi gnad bsdus

pa'i sdom du gsungs so/ /byang sa ? las phan yon gsungs pa ni
smon sems kyi yin pas de las dang po sems bskyed pa brtan po
bskyed pa la phan yon gnyis gsungs te/ zhing dam par 'gyur ba
dang gnod pa med pa'i bsod

@212b nams yongs su 'dzin pa'o/ /dang po ni/ 'jig rten lha mir
bcas pas phyag byar 'gyur/ /zhes gsungs pa ltar/ sems bskyed ma
thag nas sems can thams cad kyi yon gnas su 'gyur ba dang/ sems
bskyed ma thag

nas dgra bcom pa bdag nyid chen po rnams kyang rigs kyi sgo nas
zil gyis gnon par gsungs pa ltar bla ma'am gong mar 'gyur ba
dang/ bsod nams bya ba chung ngu zhig byas kyang 'bras bu mtha'
yas pa 'byin pas bsod

nams kyi zhing dang 'jig rten thams cad brten pas sa lta bu'o/
/zhes gsungs pa ltar/ skye dgu rnams kyi pha dang 'dra bar 'gyur
ba'o/ /gnyis pa ni/ 'khor los bsgyur rgyal bsrung ba'i srung ma
nyis 'gyur gyis rtag tu bsrung

bas; gnyid log gam myos sam bag med par gyur pa na'ang gnod
sbyin nam mi ma yin gnyug mar gnas pa rnams kyis gtse mi nus
pa'o/ /gsang sngags dang rig sngags kyi tshig /yams dang gnod pa
dang nad 'go ba zhi

bar byed pa sems can gyi lag na 'dug pa ma grub pa rnams kyang
'di'i lag tu 'ongs nas 'grub par 'gyur na grub pa dag lta ci
smos/ 'dis ni zhi ba la sogs pa'i las tshogs kyang sems bskyed
brtan na 'grub sla bar

bstan pas thun mong gi dngos grub bsgrub pa la'ang 'di yod na
myur ba'o/ /gnas gang na gnas pa der yang 'jigs pa dang 'jigs
par 'gyur ba dang mu ge dang mi ma yin gyi gnod pa ma byung ba
rnams mi 'byung zhing byung ba rnams zhi bar

@213a @#/ /'gyur ro/ /tshe 'phos pa'i 'og tu yang gnod pa nyung
zhing rang bzhin gyis nad med pa dang gnod pa byung na'ang yun
ring po dang drag pos mi 'debs pa dang/ chos ston pa sogs sems
can gyi don

la 'jug pa na lus mi ngal zhing brjed ngas pa dang sems nyams
par mi 'gyur ro/ /byang sems rigs la gnas pa ni rang bzhin gyis
kyang gnas ngan len nyung ba yin la sems bskyed na ni lus dang
sems kyi gnas ngan

len shin tu chung bar 'gyur ro/ /bzod pa dang des pa dang ldan
pas tshur gnod pa byas pa bzod cing phar gnod pa mi byed la gzhan
gyis gzhan la gnod pa byed pa mthong na'ang shin tu mi dga' ba
dang/ khong khro ba dang phrag dog dang g.yo dang

'chab pa la sogs pa rnams kyang res 'ga' tsam las mi skye zhing
skyes na'ang shugs mi drag la ring du mi gnas par myur du 'bral
bar 'gyur ro/ /ngan song du'ang skye dka' zhing skyes na'ang
myur du thar ba dang der yang sdug bsngal chung

ba dang des rkyen byas nas 'khor ba la shin tu skyo ba dang sems
can de dag la'ang snying rje skye'o/ /byang chub kyi sems kyi
bsod nams gzugs can du grub na nam mkhar yang mi shong ba dang
sangs rgyas zang zing gis mchod pas cha

tsam du'ang mi chog pa ni/ dpa' byin gyis zhus pa las/ byang
chub sems kyi bsod nams gang/ /de la gal te gzugs mchis na/ /nam
mkha'i khams ni kun bkang ste/ /de ni de bas lhag par 'gyur/ /

@213b ganggA'i bye ma'i grangs snyed kyi/ /sangs rgyas zhing
rnams mi gang gis/ /rin chen dag gis kun bkang ste/ /'jig rten
mgon la phul ba bas/ /gang gis thal mo sbyar bgyis te/ /byang
chub tu ni sems btud na/ /mchod pa 'di ni

khyad par 'phags/ /de la mtha' ni ma mchis so/ /zhes so/ /jo bo
chen po rdo rje gdan la skor ba mdzad nas ji ltar byas na myur
du rdzogs pa'i byang chub 'thob snyam du dgongs pa na sku gzugs
chung ba rnams bzhengs nas che ba rnams

la myur du 'tshang rgya bar 'dod pas gang la bslab par bya zhes
dris pa na byang chub kyi sems la bslab par bya'o/ /zhes pa
dang/ gan d+ho la'i steng gi nam mkha' la bud med rgan pa zhig la
gzhon pa zhig gis dris pa

la'ang lan sngar ltar mdzad pa gsan pas byang chub kyi sems la
thugs nges che bar song skad/ de ltar na theg pa chen po'i man
ngag thams cad kyi gnad bsdus pa dngos grub thams cad kyi gter
chen po theg dman las 'byed

pa'i theg chen gyi khyad chos rgyal sras rnams spyod pa rlabs po
che la bskul pa'i rten dam pa ni/ byang chub kyi sems su shes
par byas la de bsgom pa la spro shugs je 'phel du btang nas skom
pas chu'i gtam thos

pa ltar bya ste/ bskal pa du ma'i bar du rmad du byung ba'i
mkhyen rab kyis ches phra bar byas te lam rnams la dpyad pa na
'di nyid 'tshang rgya ba'i thabs dam par rgyal ba sras bcas kyis
gzigs pa'i phyir ro/ /de ltar

@214a @#/ /yang spyod 'jug las/ bskal pa du mar rab dgongs mdzad
pa yi/ /thub dbang rnams kyis 'di nyid phan bar gzigs/ /zhes so/
/sems bskyed pa dngos 'phel ba'i phyir du lan drug tu sems
bskyed pa la

bslab pa la gnyis/ smon sems bskyed pa mi gtong ba dang/ spel ba
la bslab pa'o/ /dang po ni/ de ltar sangs rgyas dang byang sems
dang bshes gnyen dbang du byas te de'i spyan sngar sems can ma
brgal ba rnams bsgral ba

sogs kyi dam bca' ba byas nas/ sems can grangs mang zhing byed
ngan pa'am bskal pa du mar 'bad dgos pa'i dus ring ba'am tshogs
gnyis mtha' yas shing bya dka' ba rnams la slob dgos par mthong
bas zhum pa'i rkyen byas

nas sems bskyed pa'i khur bzhag ? na/ so thar gyi pham pa las
kyang sdig che ste/ sdud pa las/ gal te bskal pa bye bar dge
ba'i las lam bcu/ /spyod kyang rang rgyal dgra bcom nyid la 'dod
bskyed na/ /de tshe tshul khrims

skyon byung tshul khrims nyams pa yin/ /sems bskyed de ni phas
pham pas kyang shin tu lci/ /zhes byang sems de'i tshul khrims
'chal bar gsungs te/ nyan rang gi yid byed sdom pa ni byang sems
kyi tshul khrims

mchog yin pas de nyams na tshul khrims ral ba yin la/ de ma dor
na 'dod yon la 'dzem med du spyod kyang byang sems kyi thun mong
ma yin pa'i sdom sems ma ral ba yin pa'i phyir ro/ /de nyid las/
gal

@214b te byang chub sems dpa' 'dod yon lnga spyod kyang/ /sangs
rgyas chos dang 'phags pa'i dge 'dun skyabs song ste/ /sangs
rgyas 'grub bya snyam du kun mkhyen yid byed na/ /mkhas pas tshul
khrims pha rol phyin gnas rig par

bya; ;zhes so/ /de ltar khas blangs pa'i sems dor na ngan 'gror
ring du 'khyam dgos te/ spyod 'jug las/ dngos po phal pa cung
zad la/ /yid kyis sbyin par bsams byas nas/ /mi gang sbyin par
mi

byed pa/ /de yang yi dwags rgyur gsungs na/ /bla na med pa'i bde
ba la/ /bsam pa thag pas mgron gnyer nas/ /'gro ba thams cad
bslus byas na/ /bde 'gror ci ga ? 'gro 'gyur ram/ /zhes gsungs
so/ /des na de nyid las/

long bas phyag dar phung po las/ /ji ltar rin chen rnyed pa
ltar/ /de bzhin ji zhig ltar stes nas/ /byang chub sems ni bdag
la skyes/ /zhes gsungs pa ltar/ 'di 'dra ba bdag gis rnyed pa ni
shin tu ya mtshan no snyam du bsams

la rnam pa thams cad du mi btang bar bya ste/ de yang de nyid la
bye brag tu dmigs nas skad cig kyang mi 'dor ba'i zhe dam mang
du bya ba'o/ /gnyis pa ni/ de ltar ma btang ba tsam gyis mi chog
pas nyin lan gsum mtshan lan

gsum du 'bad pa chen pos spel bar bya'o/ /de yang sngar bshad
pa'i cho ga rgyas pa grub na de ltar bya/ ma grub na tshogs kyi
zhing gsal gdab la mchod pa phul nas byams pa dang snying rje
sogs sbyangs te lan drug gzung bar

@215a @#/ /bya'o; ;de'i cho ga ni/ sangs rgyas chos dang tshogs
kyi mchog rnams la/ /byang chub bar du bdag ni skyabs su mchi/
/bdag gis sbyin sogs bgyis pa 'di dag gis/ /'gro la phan phyir
sangs

rgyas 'grub par shog /ces pa ste lan gsum gsum mo/ /sems can
blos mi spang ba la bslab pa ni/ lam sgron dang sems bskyed pa'i
cho ga'i bslab bya'i skabs su ma byung yang/ lam sgron 'grel pa
las/ de ltar sems

can rjes su gzung bar bya zhing mi btang bas byang chub kyi sems
kyi dmigs pa dang de'i phan yon dang de bskyed pa'i cho ga dang
thun mong gi spel ba dang mi brjed par bya ba'i phyir bsrung ba/
zhes pa'i skabs su bgrangs byung la/ rtsa ba'i

dgongs pa dang yang mi 'gal bar snang bas de la'ang bslab bo/
/blos spangs pa'i tshad ni/ mi 'thad pa byas pa la sogs pa'i
rkyen 'ga' zhig la brten nas da ni dus nam du'ang 'di'i don mi
bya'o snyam pa skyes pa'o/ /tshogs

gnyis bsag pa la bslab pa ni/ smon sems cho gas bzung ba nas
zhag re re bzhin byang chub kyi sems 'phel ba'i rgyur dkon mchog
mchod pa la sogs pa'i tshogs gsog pa la 'bad pa'o/ /'di gong ma
rnams gsung

ba ma gtogs pa khungs dag po ni ma mthong mod/ 'on kyang phan
che bar snang ngo/ /gnyis pa skye ba gzhan du'ang de dang mi
'bral ba'i rgyu la bslab pa la gnyis/ nyams par byed pa nag po'i
chos bzhi spang ba dang/ mi nyams

@215b par byed pa dkar po'i chos bzhi blang ba la bslab pa'o/
/dang po ni/ dkon mchog brtsegs pa'i 'od srungs kyi le'u las
skye ba gzhan du sems bskyed brjed pa'am mngon du mi 'gyur ba la
chos bzhi dang/ byang chub ma thob kyi bar

du bar ma dor byang chub kyi sems mi brjed pa'am mngon du gyur
pa la chos bzhi dang ldan pa gsungs pa de smon sems kyi bslab
byar mdzad pa'o/ /de la nag po'i chos bzhi las/ mkhan po dang
slob dpon dang bla ma dang sbyin

gnas la bslu ba ni gnyis kyis shes par bya ste/ yul ni mkhan
slob go sla la bla ma ni phan par 'dod pa dang sbyin gnas ni
grangs su ma gtogs kyang yon tan dang ldan pa'o/ /zhes 'od
srungs le'u'i 'grel pa las bshad do/ /

yul de la bya ba ci zhig byas na nag po'i chos su 'gro snyam na/
yul de dag gang rung la rang gis shes bzhin du bslus na nag po'i
chos so/ /bslu lugs ni yul de dag gis snying brtse bas ltung ba
glengs pa na brdzun gyi tshig gis mgo

rmongs par byed pa la 'grel pas bshad la/ bla ma rnams ni bslu
ba'i sems kyis dbu bskor thabs byas pa thams cad la mdzad do/
/'on kyang brdzun min pa'i g.yo sgyu ni 'og tu ston pas brdzun
byas nas dbu bskor ba

zhig dgos te/ bslab btus su nag po'i chos rnams spong ba dkar
po'i chos yin par gsungs la/ 'di'i gnyen po ni dkar chos bzhi'i
dang po yin pa'i phyir ro/ /de yang bla ma la gros gzhan zhig
zhu/ lkog

@216a @#/ /tu gros gzhan zhig byas nas dge bshes kyis gsan du
'ong ngo zer te/ slob ma snying rag mas bla ma'i dbu g.yog
gsung/ gzhan 'gyod pa med pa la 'gyod pa nye bar bsgrub pa
la'ang gnyis

las; yul ni gang zag gzhan dge ba byed pa 'gyod pa dang mi ldan
pa'o/ /de la ci zhig byas pa ni/ 'gyod du gzhug pa'i bsam pas
'gyod pa'i gnas ma yin pa la 'gyod pa bskyed pa'o/ /'grel pas
tshangs pa mtshungs

par spyod pa yang dag pa'i bslab pa la gnas pa rnams g.yo sgyus
bslab tshig la mgo rmongs par byed pa la bshad do/ /de gnyis la
bslu thub ma thub dang 'gyod pa skyes ma skyes 'dra bar bzhed de
'grel pa dang yang mthun par snang ngo/ /

'on kyang 'grel pas phyi ma yang mgo rmongs par byed pa la byas
so/ /theg pa chen po la yang dag par zhugs pa'i sems can rnams
la mi bsngags pa sogs smra ba la/ yul ni cho gas sems bskyed
bzung nas ldan pa la

kha cig bzhed/ kha cig sngar sems bskyed na da lta mi ldan yang
'dra bar 'dod de/ de ni mdo dang 'gal bas mi 'thad do/ /'grel pa
nas byang chub sems dpa' zhes pa tsam las gsal kha ma byung ngo/
/skabs gzhan

du byang chub sems dpa'i sdom ldan bslab pa la slob pa la theg
chen la yang dag par zhugs par bshad pa mang po snang na'ang
sems bskyed pa dang ldan pa nas bzung dgos sam snyam mo/ /de la
ci zhig byas pa ni/ mi

@216b bsngags pa sogs smras pa'o/ /zhe sdang gis kun nas bslangs
nas brjod pa dgos par bzhed pa ni 'grel pa dang mthun no/ /yul
gang la smras pa la byang sems la chos don du gnyer ba rnams
theg chen la mos pa'am bsgrub par 'dod

pa bzlog pa'i phyir du de dag la smras pa la 'grel pas bshad
kyang don go ba zhig gis chog pa 'dra'o/ /de la bsngags pa ma
yin pa'i sgra ni ngang tshul ngan pa can zhes bya ba lta bu nyes
pa'i dmigs ma phye bar brjod pa'o/ /mi snyan

pa'i sgra ni mi tshangs par spyad do zhes pa lta bu dmigs kyis
phye nas brjod pa'o/ /brjod pa ma yin pa ni rnam pa 'di dang
'dis mi tshangs par spyad ces pa lta bu rnam par phye nas brjod
pa dang tshigs bcad ma yin pa snga ma gsum gyi

mthar sbyar te 'grel pa las bshad do/ /'di rang cag la 'byung
yang nye nyes dmigs kyang shin tu che ste sngar mdor bsdus brjod
zin la/ gzhan yang byang sems la brnyas pa'i sems bskyed na'ang
de snyed kyi

bskal par byang sems de dmyal bar gnas dgos pa dang/ byang chub
sems dpa' la skur pa btab pa ma gtogs par las gzhan gang gis
kyang byang chub sems dpa' ngan 'gror ltung mi nus par rab tu
zhi ba rnam

par nges pa'i cho 'phrul gyi mdo las gsungs la/ sdud pa las
kyang/ lung bstan ma thob byang chub sems dpa' gang zhig gis/
/lung bstan thob la sems khros rtsod pa rtsom byed na/ /tha ba
skyon ldan sems kyi skad cig

@217a @#/ /ji snyed pa/ /de snyed bskal par gzhi nas go cha bgo
dgos so/ /zhes de lta bu'i khong khro'i bsam pa ci tsam skyes pa
de tsam gyi bskal par gzhi nas lam bgrod dgos par gsungs te
byang chub

las shin tu ring bar 'gyur ba'o/ /de'i phyir khong khro rnam pa
thams cad du dgag pa dang byung na'ang de ma thag bshags pa
dang
sdom pa la 'bad dgos te/ de nyid las/ sems 'di bzang ba min
snyam dran pa skyed byed cing/ /

so sor 'chags par byed cing phyis kyang sdom byed la/ /dga' bar
mi byed de ni sangs rgyas chos 'dir slob/ /ces so/ /zhe sdang la
skabs phye na byams pa dang snying rje sdar yod mthu chung du
'gro zhing ring du sbyangs kyang sngar med gsar du

bskyed dka' bar 'gro bas byang chub sems kyi rtsa ba 'chad la/
'gal rkyen zhe sdang bkag nas sngar bshad pa ltar sbyangs na je
bas je cher 'phel nas tshad med par 'gro ste/ rnam 'grel las/ mi
mthun phyogs kyi

gnod med na/ /sems la de bdag nyid du 'gyur/ /zhes dang/ gang
phyir rigs mthun snga ma yi/ /sa bon las ni 'phel ba can/ /brtse
ba la sogs blo de dag /goms par gyur na gang na gnas/ /zhes
gsungs

so; ;sgyu dang g.yos gzhan la nye bar spyod kyi lhag pa'i bsam
pas ma yin pa la/ yul ni sems can gzhan gang yang rung ba'o/ /de
la ci zhig byas pa ni g.yo sgyus spyod pa'o/ /lhag bsam ni bsam
pa rang bzhin

@217b pa la 'grel pas bshad do/ /g.yo sgyu ni bre srang la sgyu
byed pa sogs dang/ rgyal ba ye 'byung gis rag mar gtong ba la
sngon la stod lungs su gtong byas nas phyis rag ma ci bder khas
blangs pa lta bu yin gsung ngo/ /kun

las btus las ni gnyis ka rnyed bkur la chags pa'i dbang gis
byung ba dang 'dod chags dang gti mug gang rung gi char gtogs
par 'dra ba la/ sgyu ni yon tan med bzhin du yod pa ltar ston pa
dang g.yo ni rang gi nyes pa sgyong ba

la gsungs te/ sgyong ba ni rang gi nyes pa thabs kyis mi mngon
par byed pa'o/ /dkar po'i chos bzhi las/ dkar chos dang po'i yul
ni sems can yin no cog go/ /bya ba ni de la srog gam than bzhad
gad kyi phyir yang shes bzhin

du brdzun smra ba spong ba ste de ltar byas na rang gi mkhan
slob sogs yul khyad par can la brdzun gyis mgo bskor ba mi
'byung ngo/ /dkar chos gnyis pa'i yul ni/ sems can thams cad do/
/bya ba ni de la g.yo sgyu med par lhag

pa'i bsam pas gnas pa ste bsam pa drang pos gnas pa'o/ /'di ni
nag chos bzhi pa'i gnyen po'o/ /dkar chos gsum pa'i yul ni byang
sems thams cad do/ /bya ba ni ston pa dang 'dra ba'i 'du shes
bskyed cing de dag gi

don gnas kyi bsngags pa phyogs bzhir brjod pa'o/ /'o skol dge ba
'dra ba brad brud byed par 'dug kyang 'phel rtags med par zad
rtags mang ba de byang sems dang grogs la zhe sdang dang brnyas
pa byas shing rma phyung bas zad/

@218a @#/ /des na 'di dang byang sems la rma 'byin pa spong ba
gnyis thub na bslab btus nas gang zag la brten pa'i gnod 'gyur
gsungs pa thams cad mi 'ong gsung ste/ byang sems gang na yod mi
shes pas

'od srungs kyis zhus pa ltar sems can kun la ston pa'i 'du shes
bskyed nas dag snang sbyong ba'i dbang du mdzad pa yin no/ /yon
tan brjod pa'ang nyan pa po skabs la bab pa na yin gyi/ phyogs
bzhir song nas ma brjod na nyes par

'gyur ba ni min no/ /'di ni nag chos gsum pa'i gnyen po'o/ /dkar
chos bzhi pa'i yul ni rang gis smin par byed pa'i sems can no/
/de la bya ba ni nyi tshe ba'i theg pa mi 'dod par rdzogs pa'i
byang chub 'dzin du 'jug

pa'o; ;de yang rang gi ngos nas gdul bya de la sbyar ba dgos
kyi/ gdul bya de la bsam pa de ma skyes na nyes par 'gro ba ma
yin te/ bsgrub par mi nus pa'i phyir ro/ /'dis nag chos gnyis pa
spong ste/ gzhan bde

ba thams cad kyi mthar thug pa la snying thag pa nas 'jog 'dod
yod na/ gzhan la yid mi bde ba'i 'gyod pa tsam zhig bskyed pa'i
ched du yid mi bde bskyed pa'i sbyor ba ched du mi bsgrub pa'i
phyir ro/ /seng ges zhus pa

las kyang/ skye ba kun tu byang chub sems/ /rmi lam na yang sems
'di ni/ /'dor mi 'gyur nam nyal tshe/ /smos ci 'tshal bar gang gis
'gyur/ /bka' stsal pa/ grong ngam grong khyer rnams su 'am/
/gang du gnas pa'i yul

@218b rnams su/ /byang chub la ni yang dag 'dzud/ /des na sems
'dor mi 'gyur ro/ /zhes gsungs so/ /gzhan yang nga rgyal bcom pa
dang phrag dog dang ser sna spangs ba dang gzhan gyi 'byor pa
mthong na yid dga' ba bzhi dang ldan na smon lam mi

'dor bar 'jam dpal zhing bkod las gsungs pa dang/ dkon mchog
sprin las/ spyod lam thams cad du byang chub kyi sems sbyong ba
dang dge ba ci byed kyi sngon du byang chub kyi sems gtong ba
byas na skye ba gzhan du'ang sems

rin po che dang mi 'bral ba ni/ ji lta ji ltar mang du mis
brtags na/ /zhes sogs kyis gsal bar bstan to/ /gsum pa nyams na
phyir bcos pa'i tshul la/ nag po'i chos bzhi dang sems can blos
spong dang lnga'am/ ngas

sangs rgyas bsgrub par mi nus snyam nas sems bskyed dor ba dang
drug la thun tshod 'das na smon sems gtong la/ thun tshod kyi nang
du 'gyod pas sleb na nyams pa'i rgyur 'gyur zhing/ lan drug len
pa dang tshogs gnyis la slob pa

nyams na'ang nyams pa tsam gyi rgyu yin pas gtong rgyu byung na
smon sems len pa'i cho ga skyor la/ nyams rgyu tsam la ni cho ga
bskyar mi dgos bshags pas chog go zhes mang po de skad du
smra'o/ /de la ngas sangs rgyas bsgrub par mi

nus snyam nas sems bskyed bzhag na de la ni de ma thag nas gtong
gi thun tshod la bltos gtan nas mi dgos pas rnam pa thams cad du
mi 'thad do/ /nag po'i chos bzhi ni tshe 'dir sems bskyed gtong
ba'i rgyu min gyi/ skye

@219a @#/ /ba gzhan du sems bskyed mngon du mi 'gyur ba'i rgyu
yin pas tshe 'dir 'gog pa yin te/ lam sgron las/ 'di ni skye ba
gzhan du'ang dran don du/ /ji skad bshad pa'i bslab pa yongs su
bsrung/ /zhes

gsungs te/ ji skad bshad pa ni 'od srungs kyis zhus pa las ji
skad bshad pa'o/ /mdo nyid kyi don yang de yin te/ 'od srungs
byang chub sems dpa' chos bzhi dang ldan pa skye ba thams cad du
skyes ma thag tu byang chub kyi sems mngon

du 'gyur te byang chub kyi snying po la 'dug gi bar du bar ma
dor brjed par mi 'gyur ro zhes dkar chos bzhi'i skabs su gsal
bar gsungs pas/ nag chos bzhi'i skabs su tshe 'di phyi'i gsal kha
med kyang phyi ma'i dbang

du byas par shes so/ /'on kyang tshe 'dir yang nag chos rnams
bsten na sems bskyed mthu chung du 'gro bar 'gyur ro/ /de lta ma
yin na byang sems kyi sdom ldan gyis bzhad gad kyi phyir brdzun
cung zad smras pa dang sems

can la g.yo sgyu cung zad bgyis pa dang/ byang sems la zhe
sdang gis ngan smras cung zad brjod pa dang gzhan gyi dge rtsa
byas pa la 'gyod pa cung zad bskyed nas 'gyod pa med par thun
tshod 'das na byang sems kyi sdom

pa gtong bar 'gyur te/ de dag gis smon sems gtong la smon sems
btang na sdom pa gtong bar byang sa dang bslab btus gnyis ka nas
gsungs pa'i phyir ro/ /de ltar 'dod na ni de dag kyang rtsa
ltung du bzhag dgos na de 'dra ba ni

@219b gang nas kyang ma bshad la mi 'thad pa'i phyir ro/ /gzhan
yang thun tshod brtsi ba ni nye bar 'khor gyis zhus pa la brten
par snang na de ni mdo'i don gtan ma yin par tshul khrims le'u'i
rnam bshad las bdag gis rgyas par gtan la

phab zin pas 'dir yang mi bshad do/ /sems can blos spong ba ni
sems can spyi la dmigs nas sems can 'di tsam gyi don bdag gis mi
nus so snyam nas blos spong na ni smon sems btang ba nyid du
gsal la/ sems can bye brag pa la

dmigs nas 'di'i don dus nam yang mi bya'o snyam pa'i sems bskyed
na ni ya gyal zhig na tshogs pa 'jig pa ltar sems can yin no cog
thams cad kyi phyir du sems bskyed pa 'jig ste/ de lta ma yin na
sems can gnyis pa dang

gsum pa dang bzhi pa sogs du ma zhig dor zhing lhag ma rnams kyi
don du sems bskyed pas kyang byang chub kyi sems yongs su rdzogs
pa skye bar 'gyur dgos so/ /de ltar sems bskyed kyi bslab bya
'di la lam sgron 'grel pa nas rgyal

po indra b+hU ti dang klu sgrub dang thogs med dang dpa' bo
dang zhi ba lha dang tsandra gau mi dang zhi ba 'tsho la sogs
pa lugs tha dad par gyur te/ kha cig ni/ sems dang po bskyed pa
dang spyod pa la zhugs pa gnyis kyi bslab bya ji snyed yod pa

rnams so zhes bzhed do/ /la las ni mdo las gsungs pa thams cad
bsrung bya yin no zhes bzhed do/ /la las ni tshogs lam pa'i bslab
bya ji snyed yod pa'o zhes bzhed do/ /gzhan dag ni bslab pa 'di
dang 'di lta bu'o zhes mi bzhed

@220a @#/ /do; ;kha cig ni skyabs 'gro'i bslab bya'i steng du
sems mi brjed pa dang brjed par 'gyur ba'i chos brgyad bsrung
bar bya'o zhes bkod nas/ slob dpon de dag gi lugs de mdo nas
kyang gsungs pas

rang rang gi bla mas gang gnang ba'i lugs gzung bar bya'o zhes
bdag gi bla ma gsung ngo zhes 'chad cing/ de thams cad kyang
mdo'i don yin par 'dod par snang ngo/ /spyir 'grel pa 'di dge
bshes ston pa nas brgyud pa'i bshes gnyen

chen po rnams jo bo'i 'grel par mi mdzad la/ nag tsho nas brgyud
pa rnams jo bos mdzad par bzhed cing nag tsho'i sbas chos su 'dod
do/ /'on kyang snga ma rnams la grags pa la pu rangs su 'grel pa
bsdus pa zhig mdzad/ de nas

bsam yas su phebs pa na de la lo tstsha bas snon pa zhus nas
rgyas su btang zer ba 'dug pas jo bos 'grel pa bsdus pa zhig
mdzad pa la/ gsung sgros la gzhi blangs pa'i bshad pa re mang
zhig bsnan pa'i rigs su 'dug

pas nor bar mngon pa 'ga' zung snang zhing gzhung gi don legs
por shod pa'ang mang po snang bas/ bdag gis kyang ma nor ba
rnams skabs gzhan dang lam rim du drangs nas bshad do/ /'di'i
bslab bya sngar bshad pa

rnams la ni yid brtan mi snang ste sems bskyed pa zhes pa 'jug
sems kyi bslab bya la byed na ni skyabs 'gro'i bslab bya'i steng
du dkar nag gi chos brgyad la 'jug ldog byed pa tsam gyis chog
pa mi srid bas mi 'thad la/

@220b smon sems rkyang pa la byed na ni de'i bslab bya la mdo
las gsungs pa thams cad dang spyod pa la zhugs pa man chad kyi
bslab bya la slob pa mi dgos te/ gzhan du na sdom pa'i bslab bya
dang khyad med par 'gyur ba'i phyir ro/ /sngar bshad

pa'i bslab bya gnyis ma gtogs pa'i bslab bya ni lam sgron dang
sems bskyed pa'i cho ga ltar yin la/ chos bdun pa'i mdo la bslab
par gsungs pa ni mngon shes myur bar 'dod pas bya'o zhes gsungs
pas/ sems bskyed kyi sgos

kyi bslab byar mi snang bas ma bris so/ /de ltar na rang gi lugs
ni/ smon sems mi gtong ba dang sems can blos mi gtong ba ma
gtogs pa'i bslab bya rnams dang 'gal na/ byang sems kyi sdom pa
dang mi ldan pa'i bar du byang

sems kyi dbang du byas pa'i ltung ba med kyang bar ma dge ba
khas blangs pa'i bslab bya dang 'gal ba yod pas nyes spyod du
'gyur bas stobs bzhis bshags par bya'o/ /byang sems kyi sdom pa
thob nas ni sdom pa'i bslab bya dang

'gal ba'i ltung bar 'gyur bas ltung ba'i phyir bcos ji ltar
gsungs pa ltar byas pas chog pas 'jug sems kyi bslab bya'i nang
du 'dus kyi de las gzhan du med do/ /'on kyang lan drug sems
bskyed pa ni smon pa'i bslab

bya thun mong min pa'o/ /gsum pa sems bskyed nas spyod pa la
slob tshul la gsum/ sems bskyed nas bslab pa la slob dgos pa'i
rgyu mtshan/ thabs shes re re ba la bslabs pas sangs rgyas mi
'grub par bstan pa/

@221a @#/ /bslab pa la slob pa'i rim pa nyid bshad pa'o/ /dang po
ni/ de ltar smon pa'i sems bskyed nas sbyin pa la sogs pa'i
bslab par bya ba la mi slob pa de yang byams pa'i rnam par thar
pa'i lung

sngar drangs pa ltar phan yon che mod kyang/ byang chub sems
dpa'i bslab pa la sgrub pa snying por ma byas na 'tshang rgya ba
mi srid pas spyod pa la bslab par bya ste/ gA ya gau ri las/
byang chub ni sgrub pa snying por byed pa'i byang chub sems

dpa' chen po rnams kyis yin gyi/ log par sgrub pa snying por
byed pa rnams kyis ni ma yin no/ /zhes dang/ ting nge 'dzin
rgyal po las/ de bas na sgrub pa snying por bya'o/ /de ci'i
phyir zhe na/ gzhon nu/ sgrub pa snying por

byed pa la bla na med pa yang dag par rdzogs pa'i byang chub
rnyed dka' ba ma yin pa'i phyir ro/ /zhes gsungs te/ sgrub pa ni
sangs rgyas bsgrub pa'i thabs byang sems kyi bslab pa la slob pa
yin pa'i phyir ro/ /sgom rim dang po

las kyang/ de ltar sems bskyed pa'i byang chub sems dpa' bdag ma
dul bar gzhan mi 'dul bar shes nas bdag nyid sbyin pa la sogs pa
bsgrub pa la rab tu sbyor ro/ /sgrub pa med par byang chub mi
'thob bo/ /zhes dang/

rnam 'grel las kyang/ brtse ldan sdug bsngal gzhom pa'i phyir/
/thabs rnams la ni mngon sbyor mdzad/ /thabs byung de rgyu lkog
gyur bas/ /de 'chad pa ni dka' ba yin/ /zhes gsungs te/ gzhan la
brtse

@221b ba chen po yod na ni de'i sdug bsngal bsal dgos la/ de sel
ba la sdug bsngal dang bral na snyam pa'i sems bzang bas mi chog
gi/ de'i thabs la 'jug dgos so/ /de yang sngon du rang nyid
thabs de la ma zhugs par ni

gzhan sgrol bar mi nus pas gzhan gyi don bsgrub par 'dod pas
sngon du rang nyid gdul bar bya'o/ /de la ni sgrub pa snying por
bya dgos par gsungs shing sgrub pa'ang sdom pa bzung nas de'i
bslab pa la slob par

gsungs pas sgrub pa snying por byed pa'i byed sa ma 'phyugs pa
gal che'o/ /gnyis pa ni/ de ltar sangs rgyas thob par 'dod pas
mi chog gi sangs rgyas bsgrub pa'i thabs la 'jug pa de yang
thabs ma nor ba zhig dgos

te; nor ba'i lam la ci tsam 'bad kyang 'bras bu mi 'byung ste 'o
ma bzho bar 'dod nas rwa la 'then pa bzhin no/ /ma nor du zin
kyang cha ma tshang na 'bad kyang 'bras bu mi 'byung ste/ sa bon
dang chu dang sa la sogs pa gang

rung zhig ma tshang na myu gu mi skye ba bzhin no/ /des na sgom
rim par pa las/ rgyu nor ba la nan tan byas na yun shin tu ring
mo zhig gis kyang 'dod pa'i 'bras bu 'thob pa med de/ dper na
rwa las 'o ma bzho ba bzhin no/ /rgyu mtha'

dag ma spyad pa las kyang 'bras bu 'byung ba med de sa bon la
sogs pa gang yang rung ba zhig med na myu gu la sogs pa'i 'bras
bu mi 'byung ba'i phyir ro/ /de lta bas na 'bras bu de la 'dod
pas rgyu dang rkyen ma nor ba dang mtha' dag

@222a @#/ /la brten par bya'o/ /zhes so/ /'o na rgyu rkyen tshang
la ma nor ba gang zhe na/ rnam snang mngon byang las/ gsang ba
pa'i bdag po/ thams cad mkhyen pa'i ye shes de ni snying rje'i
rtsa ba las byung ba yin

byang chub kyi sems kyi rgyu las byung ba yin thabs kyis mthar
phyin pa yin no/ /zhes so/ /de la snying rje ni bshad zin to/
/byang chub kyi sems ni kun rdzob dang don dam pa'i byang chub
kyi sems gnyis dang thabs ni sbyin pa la sogs

pa yongs su rdzogs pa la shing rta chen po kA ma la shI las
bshad do/ /de lta bu'i lam la phyin ci log tu rtog pa rgya nag
hwa shang la sogs pa kha cig na re/ rnam par rtog pa zhig yin
phyin chad ngan rtog yin na lta ci

smos te bzang rtog yin na'ang 'khor bar 'ching bas de'i 'bras bu
'khor ba las mi 'da' ste/ gser sgrog dang thag sgrog gis bcings
pa dang/ sprin dkar nag gnyis kas nam mkha' la bsgribs pa dang/
khyi

dkar nag gang gis phug kyang sdug bsngal bskyed pa dang 'dra'o/
/des na cir yang mi rtog par bzhag pa nyid 'tshang rgya ba'i lam
yin la/ sbyin pa dang tshul khrims bsrung ba sogs ni de lta bu'i
nges don bsgom par

mi nus pa'i skye bo blun po'i don du gsungs pa yin pas/ nges don
de rnyed nas spyod pa de dag la 'jug pa ni rgyal po dmangs kyi
sar bab pa'am/ glang po rnyed nas glang po'i rjes tshol ba dang
'dra bar smra'o/ /de la hwa shang gis

@222b ni cir yang mi rtog pa la bsngags pa mdzad pa'i mdo'i
khungs brgyad cu drangs nas bsgrubs so/ /'dis ni thabs kyi cha
thams cad sangs rgyas kyi lam rnal ma min no zhes kun rdzob la
skur pa chen po btab cing/ rgyal ba'i bstan

pa'i snying po bdag med pa'i de kho na nyid la so sor rtog pa'i
shes rab kyis dpyod pa bkag pas don dam pa'i tshul rgyang ring du
spangs te/ ji ltar khyad zhugs kyang zhi gnas kyi phyogs tsam du
bsdur rung ba'i sems tsom 'jog

cig la lam gyi dam par bzung ba'i log lta rnams kyi tha chad 'di
ni/ byang chub sems dpa' chen po kA ma la shI las lung dang
rigs pa dri ma med pa'i tshogs kyis legs par bkag nas rgyal ba
dgyes pa'i lam

bzang po rgyas par mdzad mod/ 'on kyang bstan pa nub pa la nye
bar sleb pa dang lam gyi gnad yongs su rdzogs pa nges pa'i don
gyi lung dang dri ma med pa'i rigs pas mtha' chod par nges pa'i
dam pa rnams zad pa dang/

sems can bsod nams shin tu dman zhing chos la dad pa cung zad
yod kyang shes rab kyi stobs shin tu chung ba mngas pas/ da dung
yang kha cig ni bsrung sdom la sogs pa'i spyod phyogs rnams
khyad du bsad nas lam

bsgom pa'i tshe de dag 'dor ba la sogs pa hwa shang ji lta ba
bzhin byed cing/ la la ni thabs kyi cha la skur ba de ma gtogs
pa lta ba'i go lugs hwa shang gi de legs par 'dod la/ gzhan dag
ni so sor rtog pa'i shes rab dor nas ci

@223a @#/ /yang mi sems pa'i hwa shang gi sgom de legs par 'dod
par snang ngo/ /de dag gi lam de ni stong pa nyid bsgom pa'i
phyogs dang yul na'ang mi snang mod/ gal te stong pa nyid bsgom
pa yin du chug

kyang; stong pa nyid kyi don phyin ci ma log pa rnyed nas bsgom
lugs ma nor bar bsgom pa'i rtogs pa yod pa rnams kyis stong pa
nyid kho na bsgom par bya ba yin la/ spyod phyogs kun rdzob pa'i
yul can rnams mi bsgom zhes pa'am

yang na de rnams mthil du bzung nas sgo du ma nas 'bad mi dgos
so zhes smra na ni gsung rab mtha' dag dang 'gal zhing rigs pa'i
lam las 'das pa kho nar snang ste/ theg pa chen po pa rnams kyis
bsgrub par bya ba ni mi gnas pa'i

mya ngan las 'das pa yin la/ de la 'khor ba la mi gnas pa ni de
kho na nyid rtogs pa'i shes rab dang don dam pa la brten pa'i
lam gyi rim pa dang zab mo'i lam zhes pa dang ye shes kyi tshogs
dang shes rab kyi cha zhes pa

rnams kyis bsgrub pa yin la/ zhi ba myang 'das la mi gnas pa ni
ji snyed pa rig pa'i shes rab dang kun rdzob kyi bden pa la
brten pa'i lam gyi rim pa dang rgya che ba'i lam dang bsod nams
kyi tshogs dang thabs kyi cha zhes pa rnams kyis

bsgrub dgos pa'i phyir ro/ /de skad du yang gsang ba bsam gyis
mi khyab pa'i mdo las/ ye shes kyi tshogs ni nyon mongs pa thams
cad spong bar 'gyur ba lags so/ /bsod nams kyi tshogs kyis ni
sems can thams cad nye bar 'tsho

@223b bar 'gyur ba lags so/ /bcom ldan 'das de lta lags pas
byang chub sems dpa' sems dpa' chen pos bsod nams dang ye shes
kyi tshogs la brtson par bgyi'o/ /zhes dang/ 'phags pa nam mkha'i
mdzod las

kyang; de shes rab kyi shes pas ni nyon mongs pa thams cad yongs
su 'dor ro/ /thabs kyi shes pas ni sems can thams cad yongs su
mi gtong ngo/ /zhes dang/ 'phags pa dgongs 'grel las kyang/ sems
can

gyi don la shin tu mi phyogs pa dang 'du byed mngon par 'du bya
ba thams cad la shin tu mi phyogs pa ni bla na med pa yang dag
par rdzogs pa'i byang chub tu ngas ma bstan to/ /zhes so/ /dri
ma med par grags pas bstan

pa'i mdo las kyang/ byang chub sems dpa' rnams kyi 'ching ba ni
gang/ thar pa ni gang zhe na/ thabs med par srid par 'gro ba
yongs su 'dzin pa ni byang chub sems dpa'i 'ching ba'o/ /thabs
kyis srid pa'i

'gro bar 'gro ba ni thar pa'o/ /shes rab med par srid par 'gro
ba yongs su 'dzin pa ni byang chub sems dpa'i 'ching ba'o/ /shes
rab kyis srid pa'i 'gro ba ni thar pa'o/ /thabs kyis ma zin pa'i
shes rab ni

'ching ba'o/ /thabs kyis zin pa'i shes rab ni thar pa'o/ /shes
rab kyis ma zin pa'i thabs ni 'ching ba'o/ /shes rab kyis zin
pa'i thabs ni thar pa'o/ /zhes rgya cher gsungs so/ /des na
'bras bu sangs rgyas 'dod

@224a @#/ /phyin chad lam gyi tshe na thabs dang shes rab gnyis
char la brten dgos kyi ya bral gyis mi 'grub ste/ gA ya gau ri
las/ byang chub sems dpa' rnams kyi lam ni mdor bsdu na 'di
gnyis te/

gnyis gang zhen 'di lta ste/ thabs dang shes rab bo/ /zhes pa
dang/ dpal mchog dang po las kyang/ shes rab kyi pha rol tu
phyin pa ni ma yin no/ /thabs la mkhas pa ni pha yin no/ /zhes
dang/ 'od srungs kyis zhus pa

las kyang/ 'od srungs/ 'di lta ste dper na/ blon pos zin pa'i
rgyal po rnams dgos pa thams cad byed pa de bzhin du/ byang chub
sems dpa'i shes rab thabs mkhas pas yongs su zin pa'ang sangs
rgyas kyi mdzad pa thams

cad byed do/ /zhes gsungs so/ /de'i phyir sbyin pa la sogs pa'i
thabs kyi cha thams cad tshang ba'i rnam pa thams cad kyi mchog
dang ldan pa'i stong pa nyid bsgom par bya yi/ stong pa rkyang
pas ni theg chen gyi lam gar yang

mi phyin te/ gtsug na rin po che'i mdo las/ de byams pa'i go cha
bgos shing snying rje chen po'i gnas la gnas nas rnam pa thams
cad kyi mchog dang ldan pa'i stong pa nyid mngon par bsgrubs pa
bsam gtan du byed

do; ;de la rnam pa thams cad kyi mcheg dang ldan pa'i stong pa
nyid gang zhe na/ gang sbyin pa dang ma bral ba dang tshul khrims
dang ma bral ba dang bzod pa dang ma bral ba brtson 'grus dang
ma bral ba bsam gtan dang ma bral ba shes

@224b rab dang ma bral ba thabs dang ma bral ba/ zhes rgyas par
bka' stsal zhing/ de'i don rgyud bla mar yang/ de rnams 'dri
byed gang dag yin/ /sbyin dang tshul khrims bzod la sogs/ /rnam
pa kun gyi mchog ldan pa/ /stong

pa nyid ni gzugs su brjod/ /ces kha cig gis mgo 'dri shes kyi
gzhan mi shes/ kha cig gis lag pa shes kyi gzhan mi shes pa la
sogs pa'i ri mo mkhan mang po 'tshogs nas rgyal po'i gzugs 'dri
na/ ri mo mkhan gcig ma

tshang na'ang yongs su mi rdzogs pa dper byas nas rgyal po'i
gzugs ni stong nyid dang ri mo mkhan rnams ni sbyin sogs dang
'dra bar gsungs te/ sbyin pa la sogs pa'i thabs rnams ma tshang
na mgo rdum dang lag rdum la sogs pa'i

gzugs dang 'dra ba yin no/ /gzhan yang stong pa tsam la bsgom
rgyur bzung nas gzhan bsgom mi dgos zhes zer ba ni bcom ldan
'das nyid kyis phyogs snga mar blangs nas bkag cing/ de lta yin
na byang chub sems dpa'i

dus su bskal pa du mar sbyin pa btang ba dang tshul khrims
bsrungs pa la sogs pa rnams ni nges don ma go ba'i shes rab
'chal bar gsungs te/ rnam par 'thag pa bsdus pa las/ byams pa/
byang chub sems dpa'

rnams kyi pha rol tu phyin pa drug yang dag par bsgrub pa 'di ni
rdzogs pa'i byang chub kyi phyir yin na/ de la mi blun po de dag
'di skad du byang chub sems dpas shes rab kyi pha rol tu phyin
pa kho na la bslab par bya yi/ pha rol tu phyin

@225a @#/ /pa lhag ma rnams kyis ci zhig bya zhes zer zhing de
dag pha rol tu phyin pa gzhan dag la sun 'byin par sems so/ /ma
pham pa/ 'di ji snyam du sems/ ka shi'i rgyal por gyur pa gang
yin pa

des phug ron gyi phyir rang gi sha khra la byin pa de shes rab
'chal ba yin nam/ byams pas gsol pa/ bcom ldan 'das de ni ma
lags so/ /bcom ldan 'das kyis bka' stsal pa/ byams pa nga byang
chub sems dpa'i spyad pa spyod

pa na pha rol tu phyin pa drug dang ldan pa'i dge ba'i rtsa ba
gang dag bsags pa'i dge ba'i rtsa ba de dag gis nga la gnod par
gyur tam/ byams pas gsol pa/ bcom ldan 'das de ni ma lags so/
/bcom ldan 'das kyis

bka' stsal pa/ ma pham pa/ khyod kyis kyang bskal pa drug cur
sbyin pa'i pha rol tu phyin pa yang dag par bsgrubs/ bskal pa
drug cur tshul khrims kyi pha rol tu phyin pa/ bskal pa drug cur
bzod pa'i pha rol tu phyin pa/

bskal pa drug cur brtson 'grubs kyi pha rol tu phyin pa/ bskal
pa drug cur bsam gtan gyi pha rol tu phyin pa/ bskal pa drug cur
shes rab kyi pha rol tu phyin pa yang dag par bsgrubs na/ de la
mi blun po de dag

'di skad du/ tshul gcig kho nas byang chub ste 'di lta ste stong
pa nyid kyi tshul gyis so zer te de dag ni spyod pa yongs su ma
dag par 'gyur ro/ /zhes so/ /des na stong nyid kyi rtogs pa yod
na thabs kyi cha la 'bad pa chen pos

@225b bsgom mi dgos so zhes smra ba ni/ rang gi ston pa'i sngon
gyi skyes rabs bzang po rnams la de dag ni nges don ma go ba'i
dus yin no zhes skur pa 'debs pa yin no/ /gal te sbyin pa la
sogs pa'i spyod pa rnams la sgo sna tshogs

nas bsgrub pa ni stong nyid kyi rtogs pa brtan po med na yin
gyi/ yod na des chog go snyam pa'ang log lta chen po yin te/ 'di
ltar de yang dag pa yin na ni don dam pa'i bden pa mngon sum du
rtogs pa'i mi rtog ye shes

thob pa'i sa chen por chud pa'i rgyal sras rnams dang/ khyad par
du mi rtog ye shes la dbang thob pa'i sa brgyad pa'i byang sems
rnams la spyod pa mi dgos par 'gyur na de ni rigs pa ma yin te/
sa bcu po re re la'ang

sbyin pa la sogs pa gtso bor gyur pa re re yin kyang lhag ma
rnams kyang mi spyod pa ma yin no zhes sa bcu pa las gsungs pas
sa re re na phar phyin drug drug gam bcu spyod par gsungs shing/
de dag gi don rje btsun ma pham

pa dang klu sgrub dang thogs med rnams kyis kyang de ltar bkral
bas rnam pa gzhan du drang bar mi nus pa'i phyir ro/ /khyad par
du sa brgyad pa'i skabs su ni nyon mongs thams cad zad pas spros
pa thams cad zhi ba'i don dam pa la

gnas pa'i tshe sangs rgyas rnams kyis de la stong pa nyid kyi
rtogs pa 'di tsam gyis ni 'tshang rgya bar mi nus te/ nyan thos
dang rang sangs rgyas rnams kyis kyang rnam par mi rtog pa 'di
thob pas so/ /nged kyi sku dang ye shes dang zhing la

@226a @#/ /sogs pa tshad med pa 'di dag la ltos shig /nged kyi
stobs la sogs pa'ang khyed la med kyi/ de'i phyir brtson 'grus
rtsoms shig /sems can ma zhi ba nyon mongs sna tshogs kyis dkrugs
pa la soms shig /

bzod pa 'di yang ma 'dor zhig ces sogs kyis bskul nas byang sems
kyi spyod pa la slob dgos par bshad na/ ting nge 'dzin phra mo
res chog shes byas nas gzhan rnams 'jog pa ni mkhas pa'i bzhad
gad kyi gnas yin no/ /de skad du yang sa bcu

pa las/ kyai rgyal ba'i sras byang chub sems dpa'i sa mi g.yo
ba 'di la gnas pa'i byang chub sems dpa' ni sngon gyi smon lam
gyi stobs bskyed pa dang chos kyi sgo'i rgyun de la gnas pa de
la sangs rgyas bcom ldan 'das rnams de bzhin

gshegs pa'i ye shes nye bar sgrub par mdzad do/ /de la 'di skad
ces kyang bka' stsal to/ /rigs kyi bu legs so legs so/ /sangs
rgyas kyi chos thams cad rjes su rtogs par bya ba la 'di ni don
dam pa'i bzod pa'ang yin na 'on kyang nged kyi

stobs bcu dang mi 'jigs pa la sogs pa sangs rgyas kyi chos phun
sum tshogs pa de khyed la med kyi/ sangs rgyas kyi chos phun sum
tshogs pa de yongs su btsal bar bya ba'i phyir brtson 'grus
rtsoms shig /bzod pa'i sgo 'di

nyid kyang ma 'dor zhig /rigs kyi bu khyod kyis de ltar zhi ba
rnam par thar pa thob kyang byis pa so so'i skye bo ma zhi ba
nyon mongs pa sna tshogs kun tu 'byung bar 'gyur ba rnam pa sna
tshogs kyis dbye na spyo ba 'di dag la soms shig /

@226b yang rigs kyi bu sngon gyi smon lam dang sems can gyi don
thob par bya ba dang ye shes kyi sgo bsam gyis mi khyab pa dran
par gyis shig /yang rigs kyi bu 'di ni chos rnams kyi chos nyid
do/ /de bzhin gshegs pa rnams byung yang

rung ma byung yang rung chos kyi dbyings 'di ni gnas pa nyid de
'di ltar chos thams cad stong pa nyid dang chos thams cad dmigs
su med pa'o/ /'dis ni de bzhin gshegs pa rnams nyi tshe rab tu
dbye bar bya ba ma yin gyi/

nyan thos dang rang sangs rgyas thams cad kyis kyang rnam par mi
rtog pa'i chos nyid 'di 'thob bo/ /yang rigs kyi bu nged kyi sku
tshad med pa dang ye shes tshad med pa dang sangs rgyas kyi zhing
tshad med pa dang ye shes mngon par

bsgrub pa tshad med pa dang 'od kyi dkyil 'khor tshad med pa dang
dbyangs kyi yan lag rnam par dag pa tshad med pa la ltos la khyed
kyis kyang de bzhin du bsgrub pa skyed cig /ces so/ /yang dper
na/ gru bo che ni rgya mtshor

zhugs nas mthun pa'i rlung gis bskyod nas 'gro ba'i tshe nyi ma
gcig la ji tsam chod pa de rgya mtshor ma zhugs pa'i sngon du
ched du 'bad nas bskyod dgos pa'i tshe/ lo brgyar yang mi chod pa
bzhin du/ sa brgyad par sleb nas

'bad pa chen po la mi ltos par yud tsam zhig la thams cad mkhyen
pa'i lam ji tsam gcod pa de tsam ni/ sa de ma thob pa'i sngon du
bskal pa 'bum du lam la 'bad pas kyang mi nus par sa bcu pa las
gsungs pa'i phyir myur

@227a @#/ /lam yod pa skad zer nas byang chub sems dpa'i spyod pa
la mi slob pa ni rang gis rang bslu ba'o/ /gal te sbyin pa la
sogs pa mi dgos par mi 'dod kyi/ 'on kyang cir yang mi sems pa
de la

de dag tshang ste sbyin bya sbyin byed dang sbyin rdzas su mi
zhen pas dmigs med kyi sbyin pa tshang la/ de bzhin du lhag ma
rnams kyang tshang zhing mdo las kyang re re'i nang du drug drug
'dus par gsungs pa'i phyir ro snyam na/ de tsam

gyis tshang bar 'gyur na mu stegs can gyi sems rtse gcig pa'i zhi
gnas rnams la'ang mnyam par bzhag pa'i dus na de ltar du zhen pa
med pas phar phyin thams cad tshang bar 'gyur la/ khyad par du
sngar drangs pa ltar

nyan rang la'ang chos nyid la rnam par mi rtog pa'i tshe byang
chub sems dpa'i spyod pa thams cad tshang bar 'gyur bas theg chen
par 'gyur ro/ /re re'i nang du drug drug 'dus par gsungs pas de
tsam gyis chog par 'dod na 'o na

maNDal 'bul ba la'ang/ ba yi lci ba chur bcas spyin pa ste/
/zhes sogs kyis drug ka yod par gsungs pas de kho na bya bar
rigs so/ /des na lta bas zin pa'i spyod pa dang thabs kyis zin
pa'i shes

rab ni/ dper na/ bu sdug pa shi ba'i mya ngan gyis mnar ba'i ma
de gzhan dang smra ba la sogs pa la 'jug pa'i tshe blo ci skyes
kyang mya ngan gyi shugs des ma btang yang blo de rnams thams
cad mya ngan gyi blo

@227b yin mi dgos pa bzhin du/ stong pa nyid rtogs pa'i shes rab
shugs drag na sbyin pa gtong ba dang phyag dang skor ba dang
bzlas rjod byed pa'i tshe de dag la dmigs pa'i blo de rnams stong
nyid rtogs pa ma yin

kyang de'i rtsi'am shugs dang ldan par 'jug pa mi 'gal la/ thun
'go lta bu la byang chub kyi sems shugs drag pa sngon du btang
na stong pa nyid kyi ting nge 'dzin la bzhag pa'i tshe byang chub
kyi sems de dngos su med kyang de'i rtsis

zin pa mi 'gal lo/ /des na de 'dra ba la dmigs pa med pa'i sbyin
pa zhes bya yi/ gtong ba'i sems pa gtan med pa la sbyin pa mi
btub la de bzhin du lhag ma la'ang shes par bya'o/ /thabs shes
ma bral ba'i tshul yang de ltar

shes par bya'o/ /bsod nams kyi tshogs rnams kyi 'bras bu 'khor
ba'i lus dang longs spyod dang tshe ring ba sogs su gsungs pa
la'ang 'khrul bar mi bya ste thabs la mkhas pa dang shes rab
dang bral na de ltar yin yang

de dag gis zin na thar pa dang thams cad mkhyen pa'i rgyur shin
tu rung ste/ rin chen phreng ba las/ gzugs kyi sku ni mdor bsdu
na/ /rgyal po bsod nams tshogs las 'khrungs/ /zhes gsungs pa ltar
te lung mtha'

yas so/ /gzhan yang khyed/ res 'ga' ni ngan 'gro'i rgyur 'gro
ba'i nyes spyod dang nyon mongs thams cad kyang sangs rgyas kyi
rgyur bsgyur nus par smra la/ res 'ga' ni mngon mtho'i rgyur
'gyur ba'i sbyin pa dang

@228a @#/ /tshul khrims la sogs pa'i dge ba rnams kyang 'khor ba'i
rgyu yin gyi/ byang chub kyi rgyur mi 'gyur zer ba snang bas
sems rnal du zhog la smros shig/ yang mdo las/ sbyin sogs drug
la

mngon par zhen pa bdud kyi las so/ zhes pa dang/ phung po gsum
pa las/ dmigs par lhung bas sbyin pa byin pa dang tshul khrims
mchog 'dzin gyis tshul khrims bsrungs pa sogs la de dag thams cad
so sor bshags

par bgyi'o/ /zhes bshad pa dang/ tshang pas zhus pa las/ dpyod pa
ji snyed pa de thams cad ni rtog pa'o/ /yongs su mi rtog pa ni
byang chub bo/ /zhes gsungs pa rnams la'ang 'khrul bar mi bya
ste/ dang po'i don

ni bdag gnyis su phyin ci log tu zhes pas kun nas bslangs pa'i
sbyin sogs ni ma dag pas bdud kyi las su bshad kyi/ sbyin sogs
bdud las su ston pa min te/ gzhan du na drug ka la gsungs pas
bsam gtan dang shes

rab kyang bdud las su 'dod par gyis shig /lung gnyis pa'i don
yang phyin ci log tu mngon par zhen pas kun nas bslangs pas ma
dag pa la de ltar bshad kyi/ sbyin sogs rnams mi bsten par ston
pa min te/ de lta

ma yin na dmigs par lhung nas sbyin pa bstsal ba zhes dmigs par
lhung ba mi dgos par spyir sbyin pa btang ba bshags so/ /zhes
gsung rigs pa las de ltar ma gsungs pa'i phyir ro/ /sgom rim tha
ma nas

@228b lan 'debs tshul 'di ltar mdzad pa 'di gnad shin tu che ste
'di phyin ci log tu go nas spyod phyogs thams cad gang zag gam
chos kyi bdag gi mtshan 'dzin du byas nas mtshan bcas su 'dod pa'i
phyir ro/ /rdzas

'di gtang ngo snyam pa'i gtong sems dang nyes spyod 'di bsdam mo
snyam pa'i sdom sems dang de 'dra ba'i dge ba'i rtog pa thams
cad 'khor gsum du 'dzin pa'i chos kyi bdag 'dzin yin na/ chos
kyi bdag med kyi lta

brnyed pa rnams kyis zhe sdang dang nga rgyal la sogs pa bzhin
du rnam pa thams cad du dgag par rigs kyi/ de ched du byas la
bsten du mi rung ngo/ /'di 'di'o snyam pa'i rtog pa thams cad
'khor gsum du rtog pa'i

chos kyi bdag 'dzin du byas na/ bshes gnyen gyi yon tan sems pa
dang dal 'byor dang 'chi ba dang ngan 'gro'i sdug bsngal sems pa
dang skyabs 'gro dang las 'di las 'bras bu 'di 'byung dang/
byams pa dang snying rje

dang byang chub kyi sems sbyong ba dang 'jug sems kyi bslab bya
la sbyong ba thams cad la 'di ni 'di'o 'di las 'di 'byung ngo
'di la yon tan dang nyes dmigs 'di yod snyam du bsams nas nges
pa drang dgos pa sha stag yin

pas; de dag la ji ltar nges pa che ba tsam du chos kyi bdag
'dzin je 'phel du 'gro la/ yang chos kyi bdag med la nges pa ji
tsam che bar bskyangs pa de tsam du lam de dag gi nges pa je
chung du 'gro bas/ spyod pa dang

@229a @#/ /lta ba'i phyogs gnyis tsha grang ltar 'gal 'dur song
nas gnyis ka la nges shes shugs drag la rgyun ring ba bskyed sa
med par 'gro'o/ /de'i phyir 'bras bu'i gnas skabs na chos sku
thob

byar 'jog pa dang gzugs sku thob byar byed pa gnyis mi 'gal ba
ltar/ lam gyi tshe yang bdag gnyis su mtshan mar 'dzin pa'i dmigs
gtad rdul tsam yang ma lus pa'i spros bral la'ang nges shes
'dren pa

dang; 'di las 'di 'byung dang 'di la skyon yon 'di yod la'ang
nges shes 'dren pa gnyis mi 'gal ba zhig dgos so/ /de yang
gzhi'i lta ba bden gnyis gtan la 'bebs tshul la rag las pas/ lung
dang rigs pas 'khor

'das kyi chos thams cad la rang gi sdod lugs sam yin tshul la
rang bzhin rdul tsam yang ma grub par gtan la 'bebs pa'i don dam
pa rnam par 'jog pa'i tshad ma dang/ rgyu dang 'bras bu'i chos
cung zad kyang ma 'chol bar so sor

nges pa'i rgyu 'bras rnam par 'jog pa'i tha snyad pa'i tshad ma
gnyis phan tshun du gnod bya gnod byed du 'gro ba lta ci smos te/
gcig gcig gi grogs su 'gyur ba la nges pa rnyed na de nas bden
pa gnyis kyi don rtogs pa dang rgyal

ba'i dgongs pa rnyed pa zhes bya ba'i grangs su 'gro ba yin te/
tshul 'di ni lhag mthong gi skabs su bshad par bya'o/ /lung gsum
pa'i don ni/ mdo de'i skabs de skye ba la sogs pa dpyod pa'i
skabs yin pas sbyin pa la sogs

@229b pa de kho nar ma skyes par ston pa la rtog pa'o zhes rtog
pas btags pa tsam du ston gyi/ de dag mi bsten par dor byar ston
pa min no/ /de'i phyir sangs ma rgyas kyi bar du spyod pa de
rnams la slob mi dgos pa'i skabs med pas/ pha rol

tu phyin pa drug la sogs pa'i spyod pa rnams la bslab dgos
shing/ de yang da lta snying thag pa nas 'bad nas bsgrubs na
'grub pa rnams 'bad pas bsgrub/ re zhig la byar mi nus pa rnams
kyang smon pa'i yul du byas nas de dag nyams

su len nus pa'i rgyur tshogs gsog sgrib pa sbyong smon lam mang
du byas na ring por mi thogs par nyams su longs par 'gyur ro/
/de ltar mi byed par rang gis mi shes pa dang mi byed pa'i
phyogs bzung nas de dag la bslab mi dgos

so zhes smra na ni/ rang yang phung la gzhan yang phung bar byed
cing bstan pa nub pa'i yang rkyen du 'gro bas mi bya ste/ mdo
kun las btus pa las/ 'dus ma byas la'ang so sor rtog la 'dus
byas kyi dge bas kyang yongs su skyo ba

ni bdud kyi las so/ /byang chub kyi lam yang rab tu shes la pha
rol tu phyin pa'i lam yang yongs su mi tshol na bdud kyi las so/
/zhes dang/ thabs la mkhas pa dang bral ba'i byang chub sems
dpas chos zab mo nyid la mngon par

brtson par mi bya'o/ /zhes dang/ gsang ba bsam gyis mi khyab pa
las/ rigs bu 'di lta ste dper na/ me ni rgyu las 'bar te rgyu
med na zhi bar 'gyur ro/ /de bzhin du dmigs pa las sems 'bar
gyi/ dmigs pa med

@230a @#/ /na sems zhi bar 'gyur ro/ /de thabs la mkhas pa'i
byang chub sems dpa' shes rab kyi pha rol tu phyin pa yongs su
dag pas dmigs pa nye bar zhi bar yang shes la/ dge ba'i rtsa ba
la dmigs

pa'ang nye bar zhi bar mi byed/ nyon mongs la dmigs pa'ang
'byung bar mi byed la/ pha rol tu phyin pa'i dmigs pa la'ang
'jog par byed/ stong pa nyid kyi dmigs pa la'ang so sor rtog la/
sems can thams cad la snying rje

chen pos dmigs pa la'ang blta'o/ /zhes dmigs pa med lugs dang
dmigs pa yod lugs so sor gsungs pa rnams phyed dgos so/ /de
bzhin du nyon mongs pa dang mtshan mar 'dzin pa'i 'ching ba lhod
dgos la bslab

pa'i thag pas dam du bsdam dgos pa dang kha na ma tho ba gnyis
zhig dgos la dge ba'i bya ba rnams ma zhig dgos pas/ bslab pas
bsdams pa dang mtshan 'dzin gyis bcings pa gnyis mi gcig cing/

bsrung sdom lhod pa dang bdag tu 'dzin pa'i 'ching ba lhod pa
gnyis kyang mi gcig go/ /thams cad mkhyen pa ni rgyu du ma las
'grub pa yin gyi/ re re bas mi chog pas bya brgya 'ur rdo gcig
gis 'ded pa skad zer nas

dal ba'i rten bzang po thob nas sgo sna tshogs nas snying po
blangs pas chog pa la lam gyi cha shas re re las gzhan la mi
sbyong ba ni tshogs gnyis kyi sgo 'gog byed kyi mi dge ba'i bshes
su rig par bya'o/ /theg pa che chung

@230b yang nyams len gyi dus su tshogs mtha' yas pa la slob mi
slob nyid yin te/ nyi tshe ba'i theg pa dang theg pa chung ngu
gnyis ming gi rnams grangs yin la nyi tshe ba'i don ni phyogs re
ba yin pa'i phyir ro/ /da ltar gyi 'bras bu

dman pa bza' btung sogs la'ang rgyu rkyen du ma zhig gis bsgrub
dgos par snang na/ skyes bu'i don gyi mchog sangs rgyas bsgrub
pa la phyogs res chog par 'dzin pa ni mi rigs te/ 'bras bu
rgyu'i rjes su byed pa rten 'brel

gyi chos nyid yin pa'i phyir ro/ /'di la dgongs nas snying rje
padma dkar po las kyang nyi tshe bas nyi tshe ba 'grub pa dang
mtha' dag pas mtha' dag pa 'grub par gsungs so/ /de bzhin gshegs
pa skye ba 'byung ba'i mdo las

kyang; gang de bzhin gshegs pa rnams 'byung ba de ni rgyu gcig
pus ma yin no/ /de ci'i phyir zhe na/ kyai rgyal ba'i sras de
bzhin gshegs pa rnams ni yang dag par 'grub pa'i rgyu tshad med
pa 'bum phrag bcus yang

dag par 'grub ste/ bcu gang zhe na/ 'di lta ste/ bsod nams dang
ye shes kyi tshogs tshad med pas mi ngoms pa yang dang pa'i rgyu
dang/ zhes rgya cher bshad pa dang/ dri ma med par grags pas
bstan pa las kyang/ kyai grogs

po dag de bzhin gshegs pa'i sku ni bsod nams brgya las nges par
skyes pa'o/ /dge ba'i chos thams cad las nges par skyes pa'o/
/dge ba'i lam tshad med pa las nges par skyes pa'o/ /zhes rgyas
par bshad do/ /mgon

@231a @#/ /po klu sgrub kyis kyang/ gang tshe sangs rgyas gzugs
sku yi/ /rgyu yang de ltar 'jig rten bzhin/ /gzhal med de tshe
chos sku yi/ /rgyu lta ji ltar gzhal du yod/ /ces gsungs so/
/'di lta bu'i

thabs dang shes rab pha rol tu phyin pa drug gis bsdus pa la
slob pa ni sngar bshad pa ltar sngags dang pha rol tu phyin pa
gnyis ka'i thun mong ba yin te/ sngags kyi gzhung che ba du ma
nas gzhal yas khang dang lha'i bkod pa ji

snyed cig 'byung ba thams cad nang gi sems kyi yon tan la
bshad pa'i tshe/ phyin drug dang byang phyogs so bdun dang
stong nyid bcu drug la sogs pa'i pha rol tu phyin pa'i lam
yongs su rdzogs pa la yang dang yang du bshad pa'i phyir

ro; ;des na gang zag gi khyad par 'ga' zhig la 'dod yon lam du
byed pa sogs pha rol tu phyin pa nas bshad pa 'ga' zhig gi
'dor len ma gtogs pa rnams thun mong ba kho nar shes par
bya'o/ /gong du bshad pa la sa

bon byas te legs par bsams nas lam phyogs re ba min pa'i cha
tshang ba la nges pa ma rnyed na theg pa chen po spyi'i lam gyi
rkang mi zin par snang bas/ shes rab dang ldan pa rnams kyis
de la nges pa brtan po bskyed la

sgo du ma nas theg pa mchog gi rigs kyi nus pa je rgyas su
gtang bar bya'o/ /gsum pa bslab pa la slob pa'i rim pa nyid
bshad pa la gnyis/ theg pa chen po spyi la bslab tshul dang/
khyad par du rdo rje'i theg pa la slob pa'i

@231b tshul lo/ /dang po la gsum/ byang sems kyi bslab pa la
slob 'dod sbyang ba dang/ sbyangs nas rgyal sras kyi sdom pa
gzung ba dang/ bzung nas ji ltar bslab pa'i tshul lo/ /dang po
ni/ 'dul ba dang sngags gnyis

la dang po rang rang gi sdom pa ma bzung bar bslab bya rnams
mnyan du mi rung yang 'di ni de dag dang mi 'dra ste sngon du
bslab bya rnams legs par shes par byas/ rgyud sbyangs nas de
nas 'dzin par spro ba na sdom pa 'bogs pa yin pa'i phyir

ro; ;de ltar yang byang sa las/ byang chub sems dpa'i tshul
khrims kyi sdom pa yang dag par blang bar 'dod pa la snga nas
byang chub sems dpa'i mdo sde'i sde snod kyi ma mo 'di las
byang chub sems dpa'i bslab pa'i gzhi dang

nyes pa'i gnas gang dag bstan pa de dag bsgrag par bya ste/
gal te snying nas brtags shing shes rab kyis so sor brtags nas
spro bar gyur la pha rol gyis yang dag par 'dzin du bcug pa'i
phyir yang ma yin pha rol

dang 'gran pa'i phyir yang ma yin na ni/ byang chub sems
dpa' brtan po yin par rig par bya ste tshul khrims kyi sdom pa
yang dag par blang ba 'di cho ga bzhin du des kyang nod par
bya zhing de la dbog par yang bya'o/ /

zhes so/ /des na bslab bya rnams shes par byas nas yid yul du
byas te de dag la snying thag pa nas slob 'dod sbyangs nas
sdom pa blangs na shin tu brtan par 'gyur bas 'di ni thabs
bzang ngo/ /de yang skabs

@232a @#/ /'di dang 'og gnyis kar bshad na tshig gi khur ches
par 'gyur bas 'og tu bstan par bya'o/ /gnyis pa ni/ tshul
khrims le'u'i 'grel par dang po ji ltar len lugs dang de ma
thag

nas rtsa ltung dang nyes byas kyi ltung ba rnams bsrung tshul
dang nyams na phyir bcos lugs rnams rgyas par gtan la phab zin
pas sdom pa len pa'i snga rol tu nges par blta dgos pas der
shes par bya'o/ /gsum pa la gsum/

gang la bslab pa'i gzhi dang/ der bslab pa rnams 'dus tshul
dang/ de la ji ltar bslab pa'i rim pa'o/ /dang po ni/ gsal
ba'i dbye ba mtha' yas kyang rigs bsdu na pha rol tu phyin pa
drug tu byang chub sems dpa'i bslab bya rnams

'du bas phyin drug ni byang sems kyi lam gyi gnad mtha' dag
bsdus pa'i sdom chen po'o/ /bsdu ba bzhi yang der 'du ste
sbyin pa 'du ba ni sla la/ tshig snyan pa ni phyin drug las
brtsams te gdul bya la 'doms pa yin zhing/ don spyod pa

ni gdams pa'i don de la gzhan bkod pa yin la/ don mthun pa ni
rang gis kyang gdul bya dang 'dra bar bsgrub pa yin pa'i phyir
ro/ /de yang tshogs gnyis dang bslab pa gsum la sogs pas kyang
byang sems kyi lam thams cad

bsdus mod kyang phyin drug gis go ba bskyed pa ltar sdud byed
gzhan gyis de ltar mi nus pas phyin drug la bsdu ba'i gzhi
byed pa mchog yin no/ /gnyis pa la gnyis/ dngos kyi don grangs
nges pa dang/ zhar la go rim nges pa bstan

@232b pa'o; ;dang po ni/ bcom ldan 'das kyis phyin drug gi
sdom tsam mdzad pa la rgyal tshab dam pas de ltar mdzad pa'i
rgyu mtshan gyi gnad rnams dgongs pa bzhin bkral nas nges shes
bskyed pa ni grangs nges tshul 'di rnams yin

pas; 'di dag la yid 'phrog pa'i nges pa rnyed na phyin drug gi
nyams len la gdams pa'i mchog tu 'dzin pa 'byung bas nges pa
rnyed par bya'o/ /'di la drug las/ mngon mtho la ltos pa'i
grangs nges ni/ byang chub kyi spyod

pa rlabs che ba rnams rdzogs pa la tshe rabs dpag tu med pa
brgyud dgos la/ der yang lam gyi sa chod 'ong ba la rten mtshan
nyid yongs su rdzogs pa re med par da lta'i rten 'di 'dra ba
cha re re tsam yod pas bsgrubs kyang bogs ci

yang mi thon pas rten cha thams cad nas phun sum tshogs pa zhig
dgos so/ /de yang gang la spyod pa'i longs spyod dang gang gis
spyod pa'i lus dang gang dang lhan cig tu spyod pa'i 'khor
dang las kyi mtha' gang brtsams pa rnams

'grub pa'i phun sum tshogs pa bzhi ldan zhig dgos so/ /de dag
phun sum tshogs pa tsam gyis kyang nyon mongs pa'i rkyen du
'gro ba mang bas de yang nyon mongs kyi dbang du mi 'gro ba
dang/ des kyang mi chog pas blang dor gyi

gnas rnams la phyin ci ma log par 'jug cing ldog pa'i dmigs
legs par phyed pa zhig dgos te/ gzhan du na smyig ma dang chu
shing rang gi 'bras bu chags pa dang dre'u mo sbrum pas brlag
pa ltar phun tshogs de nyid kyis

@233a @#/ /brlag par 'gyur ba'i phyir ro/ /shes rab yod na
sngar gyi bzang po'i las kyi 'bras bur shes nas slar yang rgyu
rnams la 'bad de je 'phel du 'gro la/ shes rab med na sngar
bsags kyi

'bras bu la longs spyad pas ni zad/ gsar du ni mi spel bas
phyi ma la sdug bsngal ba'i 'go tshugs par 'gyur ro/ /des na
skye ba gzhan du de drug 'byung ba'ang rgyu med dang mi mthun
pa'i rgyu las mi 'byung zhing rjes su mthun pa'i

rgyu yang phyin drug tu nges pas tshe 'dir phyin drug kun tu
bsten goms lan mang du bya ste/ rgyu la ci tsam khyad zhugs pa
de tsam du 'bras bu la khyad par rnams 'byung ba'i phyir ro/
/de dag ni gnas skabs kyi mngon mtho yin la

lus phun sum tshogs pa sogs mthar phyin pa'i mngon mtho ni
sangs rgyas kyi sa na yod do/ /de ltar yang mdo sde'i rgyan
las/ longs spyod dang lus phun sum tshogs pa dang/ /'khor rtsom
phun sum tshogs pa mngon mtho

dang; ;rtag tu nyon mongs dbang nyid mi 'gro dang/ /bya ba
rnams la phyin ci ma log pa'o/ /zhes so/ /de ltar rten de lta
bus byang sems kyi spyod pa la slob pa na byang sems kyi bya
ba ni gnyis su zad de rang gi don dang

gzhan gyi don bsgrub pa'o/ /de'i phyir don gnyis bsgrub pa la
ltos pa'i grangs nges ni/ de la gzhan gyi don bsgrub pa la
thog mar zang zing gis phan gdags dgos la de yang sems can la
gnod 'tshe dang bcas

@233b pa'i sbyin pas cir yang mi 'gyur bas/ gzhan gnod gzhi
dang bcas pa las legs par ldog pa nyid gzhan don chen po yin
pas tshul khrims dgos so/ /de mthar 'byin pa la'ang tshur gnod
ma bzod par gcig

lan dang gnyis lan byas na tshul khrims dag po mi 'ong bas tshur
gnod la ji mi snyam pa'i bzod pa dgos so/ /'dis lan ma byas
pas gzhan gyis sdig gsog pa du ma khegs shing des 'dun nas dge
ba la sbyar du

yod pas gzhan don chen po'o/ /rang gi don ni shes rab kyi
mthus rnam par grol ba'i bde ba thob pa yin na de yang sems
rnam par g.yengs pa la mi 'ong bas bsam gtan gyis sems mnyam
par bzhag ste dmigs

pa la ji ltar 'dod 'dod du gnas pa'i las rung thob pa dgos/ de
le lo can la mi skye bas nyin mtshan kun tu mi ngal ba'i brtson
'grus rtsom dgos pas de ni de dag gi gzhi'o/ /des na don gnyis
po de bsgrub pa la

phyin drug tu nges te/ sems can don la rab brtson pa/ /gtong
dang mi gnod bzod pas byed/ /gnas dang grol ba gzhir bcas pas/
/rang don rnam pa thams cad spyod/ /ces te/ 'di la gzhan don
rnam pa thams

cad pa med do/ /gnas dang grol ba zhes sems dmigs pa la gnas pa
bsam gtan gyi lag rjes dang 'khor ba las grol ba shes rab kyi
lag rjes su gsungs pa 'di gnyis so sor phyed na zhi gnas la lhag
mthong du mi

@234a @#/ /'khrul lo/ /de ltar na sems 'dzin zab par 'dod pa
rnams kyang 'di'i bsam gtan gyi cha shas rer 'gyur bas phyin
drug gi lus rdzogs pa la nges pa rnyed dgos so/ /gzhan don
rnam pa

thams cad pa rdzogs par bsgrub pa la ltos pa'i grangs nges ni/
thog mar zang zing btang bas de'i phongs pa sel/ de nas sems
can gang la'ang phar gnod mi byed/ der ma zad tshur gnod bzod
par byas/ kho'i grogs byas

pas mi skyo ba'i brtson 'grus brtsams shing/ bsam gtan la
brten nas rdzu 'phrul sogs kyis yid 'dun par byas te/ snod
rung du song ba na shes rab la brten nas legs par bshad de the
tshom bcad pas grol bar

byed pa'i phyir phyin drug tu nges te/ mi phongs pa dang rnam
par mi 'tshe dang/ /rnam 'tshe bzod dang bya bas mi skyo dang/
/dga' byed legs par brjod pa de yi phyir/ /gzhan gyi don ni
rang gi don yin no/ /zhes so/ /de gnyis kyis

ni rang dang gzhan gyi don byed pa la phyin drug la mi brten
du mi rung bar gsungs te/ rang gzhan gyi don rnams de las
'grub lugs la nges pa rnyed na de bsgrub pa la gus par 'gyur
ro/ /theg chen thams cad sdud pa la

ltos pa'i grangs nges ni/ 'di ltar longs spyod rnyed pa la mi
chags shing ma rnyed pa don du mi gnyer bas longs spyod la mi
blta ba dang/ de yod na bslab pa bsrung bar nus pas tshul
khrims len cing de la gus pa dang/ sems

@234b can dang sems can ma yin pa la brten nas byung ba'i sdug
bsngal la bzod pas mi skyo ba dang/ dge ba'i bya ba ji 'dra ba
la sbyor yang spro bas des mi skyo ba dang/ zhi gnas kyi rnal
'byor mi rtog pa dang/ lhag mthong gi rnal 'byor

mi rtog pa bsgom pa drug gis ni 'dis 'gro ba'i theg chen thams
cad bsdus la de dag kyang phyin drug gis rim par bsgrub cing
de las mang mi dgos pa'i phyir te/ longs spyod mngon par mi
dga' dang/ /rab gus gnyis la mi skyo dang/ /

rnal 'byor rnam par mi rtog pa/ /theg chen mtha' dag 'dir zad
do/ /zhes so/ /de ltar na theg chen la 'jug par 'dod pa dang
phyin drug nyams su mi len par 'dor ba ni 'gal ba'o/ /lam mam
thabs kyi rnam pa thams cad pa'i

dbang du mdzad pa'i grangs nges ni/ thob zin pa'i yul gyi
longs spyod la ma chags pa'i lam mam thabs ni sbyin pa ste
gtong ba la goms pas de la chags pa dang bral ba'i phyir ro/
/yul ma thob pa de thob pa'i don du rtsol

ba'i rnam g.yeng sdom pa'i thabs ni tshul khrims te dge slong
gi sdom pa la gnas pa la las kyi mtha'i rnam g.yeng thams cad
mi 'byung ba'i phyir ro/ /sems can mi gtong ba'i thabs ni bzod
pa ste gnod pa byed pa'i sdug bsngal

thams cad kyis yid mi 'byung ba'i phyir ro/ /dge ba 'phel ba'i
thabs ni brtson 'grus te brtson 'grus brtsams pa las de 'phel
bar 'gyur ba'i phyir ro/ /sgrib pa rnam par sbyong ba'i thabs
ni phar phyin tha ma gnyis

@235a @#/ /te; bsam gtan gyis nyon mongs pa dang shes rab kyis
shes sgrib rnam par sbyong ba'i phyir ro/ /de'i phyir phyin
drug tu nges te/ yul rnams la ni ma chags lam/ /de thob rnam
g.yeng sdom pa

gzhan/ /sems can mi gtong 'phel ba dang/ /sgrib pa rnam par
sbyong ba gzhan/ /zhes so/ /'dod yon gyi rnam g.yeng byung
ba'i dbang du mi 'gro ba la ma chags pa'i sbyin pa dang/ sngar
ma byung ba 'gog pa la don med pa dang

don ma yin pa'i rnam g.yeng sdom pa'i tshul khrims dang/ sems
can byed ngan pa grangs mang zhing 'byung nye ba la brten nas
de'i don las phyir ldog pa'i gnyen por ni bzod pa la goms pa
stobs can dang/ dge ba grangs

mang zhing dus ring por bsgrubs pa'i sgo nas 'phel ba la de
dag gi phan yon sogs bsams pa'i sgo nas spro ba drag la ring
ba'i brtson pa dang/ nyon mongs mgo gnon pa la bsam gtan dang/
de'i sa bon dang shes sgrib 'joms

pa la shes rab dgos par bstan pa 'dis ni phyin drug la nges pa
chen po ster ro/ /bslab pa gsum la ltos pa'i grangs nges ni/
tshul khrims kyi bslab pa'i ngo bo ni tshul khrims yin la de
yang longs spyod la mi blta ba'i sbyin pa

yod na yang dag par len pas de ni tshul khrims kyi tshogs so/
/yang dag par blangs pa'ang gshe ba la slar mi gshe ba la sogs
pa'i bzod pas bsrung bas de ni de'i 'khor ro/ /bsam gtan ni
sems kyi bslab pa yin la/ shes

@235b rab ni shes rab kyi bslab pa yin no//brtson 'grus ni
bslab pa gsum ga la gtogs pas phyin drug tu nges te/ bslab
gsum dbang du mdzad nas ni/ /rgyal bas pha rol phyin pa drug
/yang dag bshad de dang po gsum/ /tha ma gnyis kyi

rnam pa gnyis/ /gcig ni gsum char la yang gtogs/ /zhes so/ /de
ltar na rten phun sum tshogs pa ji 'dra ba zhig gis rang dang
gzhan gyi don yongs su rdzogs pa ji 'dra ba zhig theg pa gang
la gnas nas thabs kyi rnam pa ji snyed dang

ldan pas/ bslab pa gang bsgrub pa'i rten dang don dang theg
chen dang thabs dang bslab pa rnams yongs su rdzogs par byed
pa dang sdud par byed pa ni phar phyin drug nyid du shes par
byas la/ byang sems kyi nyams len gyi gnad thams cad kyi sdom

yin pa la nges pa chen po ma rnyed kyi bar du bsam par bya'o/
/gzhan yang dang po nas 'khor ba las mi 'da' ba'am mi 'phags
pa'i rgyu ni gnyis te/ longs sbyod la chags pa dang khyim la
chags pa'o/ /de'i gnyen por ni sbyin pa

dang tshul khrims so/ /lan cig 'phags kyang mthar mi phyin par
slar ldog pa'i rgyu ni gnyis te/ sems can gyi log sgrub kyis
sdug bsngal ba dang dge phyogs la yun ring por sbyor bas yongs
su skyo ba'o/ /de'i

gnyen por ni bzod pa dang brtson 'grus te/ sdug bsngal dang
gnod pa la ji mi snyam pa dang dus dpag tu med pa la'ang nyi
ma gcig lta bur blta ba'i spro ba rnams kyi skyong tshul shes
nas sgo du ma nas sbyangs na ldog pa'i

@236a @#/ /rgyu'i gnyen po byed nus pa'i bzod pa dang brtson
'grus skye bas gnad du che'o/ /de tsam pa'i byang chub sems
dpa'i spyod par ma zad da lta'i dus kyi dge sbyor la'ang dka'
spyad than thun la bzod bsran

chung ba dang/ gang bsgom pa'i lam la spro shugs chungs pa'i
rgyu mtshan gyis dang por zhugs pa mang yang bar du ma log pa
chen po mi 'ong bar snang ste/ bzod pa dang brtson 'grus kyi man
ngag la ma sbyangs pas lan no/ /bar du ma log

kyang chud za ba'i rgyu ni gnyis te/ sems dge ba'i dmigs pa la
mi gnas pa'i rnam par g.yeng ba dang shes rab 'chal ba'o/ /de'i
gnyen por ni bsam gtan dang shes rab ste/ sems gzhan du g.yengs
ba'i bzlas

brjod sogs kyang don med par gsungs shing nang rig pa'i sde snod
kyi don la rab tu rnam 'byed kyi shes rab ma rgyas na 'jug ldog
gi gnas rags pa la'ang 'khrul nas log par spyod pa'i phyir ro/
/de ni mi mthun pa'i

phyogs spong ba'i gnyen po'i dbang du byas pa'i grangs nges so/
/sangs rgyas kyi chos thams cad 'grub pa'i gzhi'i gnas kyi
grangs nges ni/ phar phyin dang po bzhi ting nge 'dzin gyi tshogs
su 'gyur bas de bzhi

kas mi g.yeng ba'i phar phyin bsam gtan 'grub la/ de la brten
nas lhag mthong bsgoms na de kho na nyid rtogs par 'gyur ba'i
phyir ro/ /sems can smin ba dang rjes su mthun pa'i dbang du
byas pa'i grangs nges ni/

@236b sngar bshad pa'i gsum pa dang don 'dra'o/ /'di ni 'phags
pa thogs med kyi bzhed pa slob dpon seng ge bzang pos bkod pa
ltar bshad pa ste phyin drug la nges pa skye ba la gnad che bar
snang ngo/ /gnyis pa zhar la go rim nges

pa la gsum las/ skye ba'i rim pa ni/ longs spyod la mi blta
zhing ma chags pa'i sbyin pa yod na tshul khrims len par byed la/
nyes spyod legs par sdom pa'i tshul khrims dang ldan na gnod pa
la bzod par 'gyur ro/ /dka'

spyad la mi skyo ba'i bzod pa yod na ldog pa'i rkyen nyung bas
brtson 'grus rtsom par nus so/ /nyin mtshan du brtson 'grus
brtsams na sems dge ba'i dmigs pa la bkol ba la las su rung ba'i
ting nge 'dzin skye'o/ /sems

mnyam par bzhag na yang dag pa ji lta ba bzhin rtogs pa 'byung
ngo/ /dman mchog gi rim pa ni/ snga ma snga ma dman la phyi ma
phyi ma mchog go/ /rags phra'i rim pa ni/ snga ma rnams phyi ma
rnams las 'jug pa dang bya sla

bas rags la phyi ma rnams snga ma rnams las 'jug pa dang bya bar
dka' bas rang rang gi snga ma las phra ba ste/ mdo sde'i rgyan
las/ snga ma la brten phyi ma skye/ /dman dang mchog tu gnas
phyir dang/ /rags pa dang ni phra ba'i phyir/ /

de dag rim par bstan pa yin/ /zhes so/ /gsum pa de la slob pa'i
rim pa la gnyis/ spyod pa spyi la slob pa'i tshul dang/ khyad par
du phar phyin tha ma gnyis la bslab tshul lo/ /dang po la gnyis/
rang gi sangs rgyas kyi chos smin par byed pa

@237a @#/ /phar phyin dang/ gzhan gyi rgyud smin par byed pa bsdu
ba bzhi la bslab pa'o/ /dang po la drug  /sbyin pa dang/ tshul
khrims dang/ bzod pa dang/ brtson 'grus dang/ bsam gtan dang/
shes rab

la bslab pa'i tshul lo/ /dang po la bzhi/ sbyin pa'i ngo bo/ de
bskyed pa la 'jug pa'i thabs/ sbyin pa'i rab tu dbye ba/ de dag
gi don bsdu ba'o/ /dang po ni/ byang sa las/ sbyin pa'i ngo bo
nyid gang zhe na/ yo byad thams cad dang rang gi lus la

mi blta ba'i byang chub sems dpa'i ma chags pa dang lhan cig
skyes pa'i sems pa gang yin pa dang des kun nas bslangs pa sbyin
par bya ba'i dngos po yongs su gtong ba'i lus dang ngag gi las
dang/ zhes gsungs pa ltar/ gtong

ba'i sems pa dge ba dang des kun nas bslangs pa'i lus ngag gi
las so/ /de la sbyin pa'i phar phyin rdzogs pa ni sbyin bya'i
rdzas gzhan la btang bas 'gro ba rnams kyi dbul ba bor ba la mi
bltos te/ de lta ma yin na

da dung 'gro ba bkren po du ma yod pas sngar byon pa'i rgyal ba
rnams sbyin pa mthar ma phyin par 'gyur ro/ /des na lus dang
ngag mi gtso yi/ sems gtso bor gyur pa ste 'di ltar rang la bdog
pa'i lus dang logs sbyod dge

rtsa thams cad la ser sna'i 'dzin pa bcom nas gzhan la bsam pa
thag pa nas gtong zhing/ de tsam du ma zad btang ba'i 'bras bu
rnams kyang sems can la bdar ba'i blo goms pa yongs su rdzogs pa
las sbyin pa'i

@237b phar phyin du 'gyur ba'i phyir ro/ /de ltar yang/ spyod
'jug las/ gal te 'gro ba dbul bor ba/ /sbyin pa'i pha rol phyin
yin na/ /da dung 'gro bkren yod na sngon/ /skyob pa ji ltar pha
rol phyin/ /bdog pa thams cad 'bras

bcas te/ /skye bo kun la btang sems kyis/ /sbyin pa'i pha rol
phyin gsungs te/ /de ltas de ni sems nyid do/ /zhes so/ /des na
sbyin pa'i phar phyin gyi nyams len ni/ dngos su rdzas gzhan la
gtong ba med kyang gtong ba'i sems

pa sgo du ma nas bskyed cing je 'phel du gtong ba yin no/ /gnyis
pa ni/ lus dang longs spyod la ser sna ma lus par bcom pa tsam
gyis ni sbyin pa'i phar phyin du mi 'gyur te/ ser sna ni 'dod
chags kyi char gtogs pa yin pas theg

dman gyi dgra bcom pa gnyis kyis kyang sa bon dang bcas pa ma
lus par spangs pa'i phyir ro/ /de'i phyir gtong ba'i gegs ser
sna'i kun tu 'dzin pa bsal ba tsam du ma zad bdog pa thams cad
gzhan la gtong ba'i bsam pa snying thag

pa nas bskyed dgos so/ /de la yongs su bzung ba'i nyes dmigs
dang btang ba'i phan yon bsgom dgos pas de brjod par bya'o/ /zla
ba sgron ma las/ rul bar gyur pa'i lus 'di dang/ /srog kyang
g.yo ba dbang med cing/ /rmi lam sgyu

ma 'dra ba la/ /byis pa 'di dag chags pas na/ /shin tu ma rungs
las byas te/ /sdig pa'i dbang du song ba dang/ /mi mkhas 'chi
bdag bzhon pas song/ /de dag mi bzad sems dmyal 'gro/ /zhes lus
mi gtsang ba dang srog ri

@238a @#/ /gzar gyi chu ltar g.yo ba dang lus srog gnyis ka las
kyi gzhan dbang can yin pas rang dbang ba'i bdag med pa dang/
rmi lam dang sgyu ma lta bur brdzun par bltas nas de la chags pa
dgag dgos te/ de

ma log na chags pa'i dbang du song ste nyes spyod chen po rnams
bsags nas ngan 'gror 'gro bar gsungs pa dang/ sgo mtha' yas pa
sgrub pa'i gzungs las kyang/ sems can gang dag kha cig rtsod
'gyur ba/ /de yi gzhi rtsa

yongs su 'dzin pa ste/ /de ltas gang la sred par 'gyur ba
spongs/ /sred pa spang ba byas na gzungs su 'gyur/ /zhes dang/
bslab btus las kyang/ 'di ltar bdag gi lus dang sems/ /skad cig
re res 'gro ba nyid/ /gal te mi

rtag dri 'bab pa'i/ /lus kyis rtag cing dri med kyi/ /byang chub
'thob par 'gyur na ni/ /de ni rin med rnyed min nam/ /zhes dang/
skyes rabs las kyang/ bdag med 'jig la snying po med pa'i lus/
/sdug bsngal drin med

rtag tu mi gtsang ba'i/ /lus kyis gzhan la phan thogs 'gyur ba
la/ /dga' bar mi 'gyur de ni mkhas ma yin/ /zhes gsungs pa ltar/
'bad pa du mas bsrungs kyang nges par 'dor dgos pa'i snying po
med pa'i lus

gzhan la bsam pas btang bas rang gzhan gyi don mang po 'grub pa
la de ltar blo mi sbyong ba ni bdag blun pa'o snyam du bsams nas
lus la sogs pa gzhan la gtong ba'i blo ci skye bya'o/ /spyod
'jug las kyang/ thams cad

@238b btang bas mya ngan 'da'/ /bdag blo mya ngan 'das pa sgrub/
/thams cad gtong bar chabs gcig la/ /sems can rnams la btang ba
mchog  /ces so/ /phar phyin bsdus pa las kyang/ longs spyod rnam
pa mi rtag

mthong gyur cing/ /snying rje chen po rang gi ngang gyur na/
/byin pa bdag gi khyim bzhag gzhan gyi bar/ /shin tu rigs pa'i
tshul gyis rtogs par 'gyur/ /gang byin de las 'jigs pa skye mi
'gyur/ /khyim na gang bzhag de las

'jigs pa 'byung/ /mi chog thun mong rtag tu bsrung dgos te/
/byin na nyes pa de dag gnod mi 'gyur/ /byin pas 'jig rten pha
rol bde ba 'grub/ /ma byin tshe 'di nyid la'ang sdug bsngal
bskyed/ /mi yi nor rnams skar mda'i rang

bzhin ltar/ /yongs su ma btang de dag med par 'gyur/ /ma byin
nor rnams mi rtag med 'gyur te/ /byin pas de dag yod pa'i gter
du 'gro/ /sems can phan par gzhol bas gang byin pa'i/ /nor rnams
snying po med pa'ang yod par

'gyur/ /gang zhig yongs su gtong ba mkhas pas bsngags/ /skye bo
byis pa de dag gsog la dga'/ /yongs su bzung bas mi 'bral gang
yang med/ /byin pas rtag tu phun sum tshogs pa 'byung/ /btang bas
nyon mongs

yongs su 'dzin mi 'gyur/ /'jungs pa 'phags pa'i lam min nyon
mongs bskyed/ /gang zhig byin pa de ni lam gyi mchog  /de las
gzhan gyur 'phags pas lam ngan gsungs/ /zhes so/ /dge ba'i rtsa
ba'ang che chung gang byas

@239a @#/ /thams cad sems can la gnas skabs dang mthar thug tu
phan bde rgya chen 'grub pa'i don du bsam pa thag pa nas bsngos
shing sbyin par btang na sems can re re la brten pa'i bsod nams

de snyed 'thob pas tshogs bde blag tu rdzogs te/ rin po che'i
phreng ba las/ de skad brjod pa'i bsod nams gang/ /gal te de ni
gzugs can gyur/ /ganggA'i bye ma snyed kyi ni/ /'jig rten khams
su shong mi 'gyur/ /de ni

bcom ldan 'das kyis gsungs/ /gtan tshigs kyang ni 'di la snang/
/sems can khams ni tshad med la/ /phan 'dod de ni de 'dra'o/
/zhes so/ /gzhan yang gtong ba 'phel ba la bar du gcod pa dang
ser sna 'phel ba

dang gtong sems ma skyes pa mi skye ba dang skyes pa nyams par
byed pa'i 'khor dang yo byad rnams sngar yod mi gzung zhing
gzhan gyis byin na'ang blang bar mi bya ste/ phar phyin bsdus pa
las/ ser sna'i skyon ni gang gis

'phel 'gyur ram/ /yongs su gtong sems 'phel bar mi 'gyur ba'i/
/yongs 'dzin gegs su 'gyur ba'i bslu ba dag  /byang chub sems
dpas ma lus yongs su spang/ /gang zhig gtong sems gnyen por

'gyur ba dag  /yang dag byang chub lam la sgrib byed na/ /de
'dra'i nor ram rin chen rgyal srid kyang/ /byang chub sems dpas
blang bar 'os pa min/ /zhes so/ /de ltar byed pa'i tshe ser snas
yo byad la chags par gyur

@239b na; thub pas bdog pa thams cad btang nas byang chub
bsgrubs pa dang/ bdag kyang de'i rjes su slob par dam bcas pa
dran par byas te bdag gis sngar lus longs spyod dge ba thams cad
sems can la btang nas/ de yang

longs spyod la chags par byed na bdag gi spyod pa ni/ glang po
che nyi mas gdungs pa na chur zhugs nas khrus byed cing skam la
sleb pa na sa la 'gre ldog byas pas lus la sas gos pa mthong nas
slar yang chur 'jug de

nas yang sngar bzhin byed pa dang 'dra'o snyam du bsams nas ma
chags par bya ste/ de nyid las/ thub pa rnams kyi spyod mchog
dran byas shing/ /de gzhol rang gi dam bcas bsam bya ste/ /yongs
'dzin chags pa

rnam par bsal ba'i phyir/ /sems la rtog pa'i dam pa 'di dag
rtogs/ /'gro ba kun la bdag gis lus btang ste/ /de btang chos
kyang bdag gis spangs byas na/ /phyi rol dngos la bdag gis chags
bya ba/ /glang po'i

khrus bzhin bdag la rigs pa min/ /zhes so/ /de ltar btang ba'i
phan yon mang du bsam nas brod pa chen po dang yongs su bzung
ba'i nyes dmigs bsams pa'i sgo nas 'jigs pa chen po bskyed nus
na gtong ba'i

blo ngang gis skye'o/ /de bzhin du byams pa dang snying rje
sbyang ba dang rgyal ba sras bcas kyi rnam par thar pa la sogs
pa bsams pa'i mthar yang gtong sems bskyed par bya'o/ /bskyed
tshul ni spyod 'jug las/ lus dang

@240a @#/ /de bzhin longs spyod dang/ /dus gsum dge ba thams cad
kyang/ /sems can kun gyi don sgrub phyir/ /phangs pa med par
gtang bar bya/ /zhes gsungs pa ltar/ lus longs spyod

dge rtsa gsum dmigs yul du byas nas sems can thams cad la bsam
pas gtong ba'o/ /de ltar bdog pa thams cad la rang gir 'dzin
pa'i sred pa bzlog nas gzhan la gtong ba'i sems pa yang dang
yang du sbyong ba

la byang chub sems dpa' zhes bya ste/ phar phyin bsdus pa las/
'di dag thams cad khyed kyi dngos yin te/ /'di la bdag gi nga
rgyal bdag la med/ /de 'dra rmad byung rnam rtog yang dang yang/
/rdzogs pa'i sangs

rgyas yon tan rjes 'brang ba/ /gang la yod pa byang chub sems
dpa' zhes/ /sangs rgyas bsam gyis mi khyab skyes mchog gsung/
/zhes so/ /da lta mos pa ma smin cing stobs chung bas sems can
rnams la bsam pas

lus byin zin kyang sha la sogs pa dngos su mi ster mod/ 'on
kyang lus srog gtong ba'i bsam pa ma sbyangs na goms pa med pas
da gdod kyang lus srog gtong mi nus par bslab btus las gsungs
pas da lta nas bsam

pa sbyang dgos so/ /de ltar bsam pa thag pa nas sems can la
btang ba'i zas gos dang gnas khang sogs la spyod pa na gzhan don
du 'di dag spyad par bya'o snyam pa'i bsam pa brjed nas rang don
du sred pas spyod na

@240b nyon mongs can gyi ltung ba dang/ sred pa ni med la sems
can thams cad la dmigs pa'i 'du shes 'jog pa brjed pa'am sems
can gzhan zhig gi phyir chags na ni nyon mongs can ma yin pa'i
ltung ba'o/ /gzhan la

bsngos pa de dag la gzhan gyi rdzas su 'du shes nas rang gi
phyir spyod na ma byin len du 'gyur zhing rin thang tshang na so
thar gyi pham par 'gyur bar bslab btus las gsungs so/ /'di la
kha cig sems can thams can la bsngos pa yin

pas sems can gcig la rin thang tshang ba mi srid pas pham pa mi
'ong zhes 'dod la/ gzhan dag sems can re re la'ang yo byad ril
po bsngos pas de mi 'thad par smra zhing/ la la gzhan la bsngos
kyang des bdag tu bzung

ba med pas pham pa med do zhes smra'o/ /dgongs pa ni mi'i 'gro
ba pa la bsam pa thag pa nas bsngos shing des kyang de rig nas
bdag tu bzung ba'i skabs su gzhan gyi yin par 'du shes nas rang
don du len pa la rin thang tshang na

pham pa 'ong bas de la dgongs so/ /de'i phyir sde pa gzhan gyi
lugs su smra ba'ang mi 'thad do/ /sems can kho rang gi longs
spyod spyad la kho'i don bya'o snyam nas spyod na nyes pa med
de/ bslab btus las/ bdag po dang bcas

pa'i longs spyod rnams kyis bdag po dang bcas pa'i lus bsrung
ngo snyam pas spyad na nyes pa med de/ bran rtag tu rje bo'i las
byed pa gang gis 'tsho ba bdag gi rdzas yod pa ni ma yin no/
/zhes so/ /gal te yo byad de sems can

@241a @#/ /la bsngos zin pas des ma gnang bar spyad na nyes par
'gyur ro snyam na de'i skyon med de/ de nyid las/ shin tu rje
bo'i don la brtson pa'i bran gyis rje bo na ba la sogs pas
rmya ba'i blo can

gyis gnang ba med par spyad kyang nyes pa med do/ /zhes so/
/dngos su sems can la thams cad mi ster na blos btang ba de
brdzun du snang bas de 'dra ba la snying po med do snyam du ma
dad par mi bya ste/ de nyid las/ de ltar spyod pa'i byang

chub sems dpa'i thad du 'ga' zhig gis de kho na ma rig par ma
dad par bya bar ni mi rigs te/ gtong ba'i sems ngo mtshar chen
po can yongs su shes pa'i phyir ro/ /tshul 'di la ni 'ga' zhig
gis the tshom bya bar mi rigs so/ /

zhes so/ /gsum pa sbyin pa'i rab tu dbye ba la gsum/ rten
thams cad kyis ji ltar bya ba dang/ rten so so la ltos pa'i
rab dbye dang/ sbyin pa rang gi ngo bo'i rab tu dbye ba'o/
/dang po la dam pa drug ldan du bya ba'i rten dam pa ni/

byang chub kyi sems la brten pa ste des kun nas bslangs nas
byed pa'o/ /dngos po dam pa ni/ spyir sbyin pa'i dngos po ma
lus pa spyod pa yin la khyad par rnams la 'jug pa na'ang de'i
bsam pa ma dor ba yod do/ /ched du bya ba dam

pa ni; sems can thams cad la 'phral du bde ba dang phugs su
phan pa'i phyir du gtong ba'o/ /thabs mkhas pa dam pa ni/ rnam
par mi rtog pa'i ye shes kyis zin pa la gsungs te las dang po
pas ni chos rang bzhin med rtogs

@241b kyi shes rab kyis zin pa la bya'o/ /bsngo ba dam pa ni/
btang ba'i dge ba rdzogs byang du bsngo ba'o/ /rnam par dag pa
dam pa ni/ nyon mongs dang shes sgrib 'gog pa ste theg pa chen
po bsdus pa las bshad do/ /phar phyin drug ldan

du bya ba ni/ chos sbyin lta bu zhig byed pa na nyan rang gi
yid byed sdom pa'i tshul khrims dang/ rnam mkhyen gyi chos la
mos shing bzod la gzhan gyis gshe ba bzod pa dang/ de nyid
gong nas gong du 'phel ba'i phyir 'dun pa bskyed pa'i

brtson 'grus dang/ theg dman dang ma 'dres pa'i sems rtse gcig
pas dge ba de rdzogs byang du bsngo ba'i bsam gtan dang/ sbyin
bya sbyin byed len pa po rnams la sgyu ma lta bur shes pa'i
shes rab ste drug tshang bar byas na shin

tu stobs che ste/ de dag ni brgyad stong pa'i 'grel chen las
gsungs so/ /gnyis pa ni/ spyir zang zing gi sbyin pa khyim
pa'i byang sems kyis byed la byang sems rab byung gis chos kyi
sbyin pa bya bar gsungs te/ byang sems kyi

so sor thar pa las/ shA ri'i bu byang chub sems dpa'i khyim
pa gang gis sangs rgyas kyi zhing ganggA'i klung gi bye ma
snyed dag rin po che sna bdun gyis rab tu bkang ste de bzhin
gshegs pa dgra bcom pa yang dag par rdzogs pa'i

sangs rgyas rnams la dbul ba phul ba las/ shA ri'i bu rab tu
byung bar gyur pa'i byang chub sems dpa' gang gis tshig bzhi
pa'i tshigs su bcad pa zhig bstan na 'di ni de bas ches bsod
nams mang du bskyed de/ shA

@242a @#/ /ri'i bu de bzhin gshegs pas ni rab tu byung bas ni
zang zing gi sbyin pa bya bar ma gnang ngo/ /zhes so/ /de yang
thos pa la sogs pa'i bar gcod du 'gyur ba la dgongs par bslab
btus su gsungs te rab

byung gis zang zing ched du bsgrubs nas sbyin gtong byed pa
bkag gi/ rang gi dge ba'i bya ba la mi gnod par sngon gyi bsod
nams kyi mthus mang du rnyed na zang zing gtong dgos par
gsungs so/ /shar ba'i zhal nas kyang/ ngas ni khyed

la gtong ba'i phan yon mi brjod kyi 'dzin pa'i nyes dmigs
brjod pa yin gsung ste/ rab byung gis sha thang thang du nor
btsal zhing bsags nas tshul khrims la rma mang du phyung ste
sbyin pa gtong ba la ma dgyes pa'i gtam mo/ /sbyin

pa'i ngo bo'i dbye ba la gsum las/ chos kyi sbyin pa ni/ dam
pa'i chos phyin ci ma log par ston pa dang bzo la sogs pa 'jig
rten gyi las kyi mtha' kha na ma tho ba med pa slob pa rigs
par ston pa dang bslab pa'i gzhi 'dzin

du 'jug pa'o/ /mi 'jigs pa'i sbyin pa ni/ rgyal po dang chom
rkun la sogs pa mi'i 'jigs pa dang/ seng ge dang stag dang chu
srin la sogs pa mi ma yin pa'i 'jigs pa dang/ chu dang me la
sogs pa 'byung ba'i

'jigs pa las sems can yongs su skyob pa'o/ /zang zing gi sbyin
pa la gnyis/ zang zing dngos su gtong ba'i sbyin pa dang/ bsam
pa tsam gyi sbyin pa'o/ /dang po la gsum/ zang zing gtong ba'i
tshul/ gtong

@242b bar ma nus na ji ltar bya ba/ sbyin pa'i gegs kyi gnyen
po bsten pa'o/ /dang po la bzhi/ gang la gtong ba'i zhing/
gang gis gtong ba'i bsam pa/ ji ltar gtong ba'i sbyor ba/ gang
gtong ba'i dngos po'o/ /dang po ni bcu

ste; rang la phan 'dogs pa'i mdza' bshes dang gnod pa byed
pa'i dgra bo dang phan gnod gang yang mi byed pa'i tha mal pa
dang tshul khrims la sogs pa'i yon tan can dang tshul 'chal la
sogs pa'i skyon can dang rang las dma'

ba dang rang dang mnyam pa dang rang las lhag pa dang 'byor
zhing skyid pa dang sdug cing phongs pa'o/ /bsam pa la gnyis
las/ bsam pa ji lta bu dang ldan pa dgos pa ni/ 'di la brten
nas bla na med pa'i byang chub kyi tshogs

sbyin pa'i phar phyin rdzogs par bya'o snyam pa dgos pa la
dmigs pa dang/ dang po nas byang chub sems dpas bdog pa thams
cad sems can la btang zin pas bcol ba len pa ltar gtang bar
bya ba'i rang gi rdzas la gzhan  

gyi yin no snyam pa dngos po la dmigs pa dang/ slong ba dang
mi slong ba'i zhing rnams la 'di dag bdag gi sbyin pa'i phar
phyin rdzogs par byed pas bdag gi dge ba'i bshes so snyam pa
zhing la dmigs pa ste bsam pa gsum

dang ldan pa dgos te/ phar phyin bsdus pa las/ slong ba mngon
du 'ongs na rgyal sras des/ /rdzogs pa'i byang chub tshogs ni
spel ba'i phyir/ /des gzhan 'du shes bdag la bzhag byas shing/
/dge ba'i bshes

@243a @#/ /gnyen 'du shes de la bskyed/ /ces so/ /dngos po re
re gtong ba la dgos pa 'di dang 'di'i phyir gtang bar bya'o
snyam pa'i dgos pa la dmigs pa'i bsam pa rgyas par ni lag
bzang gis zhus pa

dang phar phyin bsdus pa las shes par bya'o/ /sngar bshad pa'i
zhing la dmigs pa'i bsam pa ni thams cad la bya dgos pas
spyi'i bsam pa yin la/ bsam pa bye brag pa ni gnod pa byed pa
la byams pa'i sems dang sdug

bsngal ba la snying rje'i bsam pa dang yon tan can la dga'
ba'i bsam pa dang phan 'dogs pa rnams la btang snyoms kyi bsam
pa bzhag nas sbyin par bya ba'o/ /zhing rnams la'ang sems
snyoms par bya dgos shing

sbyin pa btang pa'i dge ba'i 'bras bu yang slong ba po la sogs
pa'i sems can la gtong ba dang khyad par du sdug bsngal ba'i
zhing la brtse bar bya ste/ zla ba grags pas/ sbyin gang ser
sna dang bral ba/ /snod dam snod min de

dag la/ /mnyam par sems snyoms pas gtong ba'i/ /sbyin de sbyin
pa po las dag /brtse bas sbyin dang sbyin pa'i 'bras/ /gnyis
ka'ang cig car don gnyer la/ /gtong ba'i sbyin gang ser sna
med/ /de ni dam pa rnams kyis

bsngags/ /zhes pa dang/ yon tan mtha' yas par bstod pa las
kyang/ gang zhig skye ba dman dang phongs pa re ba'i bsam ldan
mthong na yang/ /brtse med 'bras bu 'dod pas snod gzhan yon
tan dag dang ldan 'tshol ba/ /bsam

@243b brlag de ni sbyin pa byed kyang slong bdag dang mtshungs
so zhes/ /de slad khyod ni thugs rjes slong ba rnams la sbyin
par bzhed la zhugs/ /zhes so/ /bsam pa ci 'dra ba spangs pa
dgos pa la/ lta ngan mchog tu 'dzin pa'i bsam pa

med pa ni/ sbyin pa la 'bras bu med do snyam pa dang gnod
'tsho'i sbyin pas chos su 'gyur ro snyam pa dang dge mtshan dang
bkra shis dang sbyar te sbyin pa dang sbyin pa rdzogs pa tsam
gyis 'jig rten dang 'jig rten las 'das pa'i chags

bral du 'gyur ro snyam nas mi sbyin pa'o/ /khengs pa'i bsam pa
med pa ni/ slong ba po la brnyas pa dang gzhan la 'gran pa
dang byin nas kyang bdag ni gtong phod pa yin gyi/ gzhan ni de
lta min no zhes rlom sems su mi byed pa'o/ /las

kyi sgrib pa rnam par dag pa'i mdo las kyang/ so so skye bo
rnams sbyin pa gtong ba'i che ser sna can rnams la mi dad par
byed cing des kyang khong khro bskyed nas dmyal bar 'gro bas
sbyin pa la sgrib par gsungs pa dang/ tshul khrims bsrung

ba'i tshe yang tshul 'chal la mi snyan pa smras pas skye bo mang
po mi dad par byed cing ma dad pa des ngan 'gror ltung ba
dang/ bzod pa sogs la gnas nas de dag gi mi mthun phyogs la
gnas pa la mi bsngags pa brjod pa'i tshul khrims

la sogs pa sgrib pa'o/ /zhes bshad do/ /des na yon tan mtha'
yas par bstod pa nas 'byung ba ltar bya ste/ khyod kyis thos
dang blo gros che ba'i tshe na bdag bstod ma mdzad la/ /'gro ba
yon tan chung ba gzhan rnams kyang ni

@244a @#/ /mthon por bkur bar gyur/ /yon tan tshogs la gnas tshe
nyid kyi spyod pa nyes pa chung ngu'ang bzung/ /zhes pa ltar
ro/ /rten pa'i bsam pa med pa ni/ snyan grags 'ong du re nas
sbyin pa min pa'o//

zhum pa'i bsam pa med pa ni/ ster ba'i sngon nas kyang yid
dga' zhing sbyin pa'i tshe dwang bar byed la byin nas kyang
'gyod pa med pa dang/ byang sems kyi sbyin pa shin tu rgya che
ba rnams thos na'ang yid zhum par mi byed cing

bdag la khyad du gsod par mi byed par spro ba spel ba'o/
/rgyab kyis phyogs pa'i bsam pa med pa ni/ dgra gnyen tha mal
pa rnams la phyogs ris med par snyoms pa'i snying rjes sbyin
pa'o/ /lan la blta ba'i bsam pa med pa ni/ pha

rol pos phan 'dogs su re nas gtong ba min pa ste/ skye bo
rnams bde bas phongs pa dang sred pa'i mes tshig pa dang sdug
bsngal sel ba'i mthu med pa dang rang bzhin gyis sdug bsngal
bar mthong ba'i phyir ro/ /rnam smin la blta ba'i

bsam pa med pa ni/ phyi ma la longs spyod dang lus phun sum
tshogs pa'i rnam smin la re ba med de/ 'du byed thams cad ni
snying po med pa dang bla na med pa'i byang chub la phan yon
du mthong ba'i phyir ro/ /gnas skabs

su 'bras bu de dag la re ba 'gog pa min gyi/ srid pa'i lus
dang longs spyod tsam la thob byar 'dzin pa 'gog pa'o/ /gzhan
yang sbyin pa btang na rgyal po sogs kyis gtong phod can du
shes nas bkur sti byung na snyam

@244b du log 'tsho'i bsam pa med pa dang/ dbul por 'gyur du
dogs nas mi sbyin pa dang/ slong ba po la bslu ba'i bsam pa
dang yid mi dga' ba dang khros pa dang sems rnam par g.yengs
pa med pa dang/ slong ba po'i log

sgrub sna tshogs kyis skyo ba med pa dang rang bslu ba la sogs
pa'i slong ba po'i skyon mthong yang gzhan la sgrog pa'i bsam
pa med pa dang/ gzhan gyis kha drang du mi thub par sbyin pa
so so las 'bras bu so so 'byung bar yid ches nas sbyin

pa'o; ;ji ltar gtong ba'i sbyor ba la gnyis las/ sbyor ba ji
'dra bas mi gtong ba ni/ myur por mi ster bar bgyangs te ster
ba dang/ nyon mongs par byas nas de nas ster ba dang/ chos sam
'jig rten gyi tshul dang mi mthun pa'i

las byed du bcug nas ster ba dang/ sngar 'di tsam ster ro zhes
dam bcas pa las phri nas ngan pa'am nyung du ster ba dang/
drin bgrang gi na ster ba dang/ dus gcig tu byin pas chog pa
la bsris te nyung du nas ster ba

dang; rgyal por gyur pa na gzhan gyi bu dang chung ma phrogs
te ster ba dang/ pha ma dang bran la sogs pa'i yo byad nan
gyis blangs te gzhan la ster ba dang/ gzhan la gnod par 'gyur
ba'i thabs kyis sbyin pa gtong

pa dang/ rang nyid snyom las su bsdad de gzhan la byed du 'jug
pa dang/ slong ba la smod pas 'phya ba dang zur gyis smod pa'i
bsting ba dang ngag rtsub pos spa bkong bar byas nas ster ba
dang/ sangs rgyas kyis bcas pa'i bslab

@245a @#/ /pa dang 'gal bar byas te ster ba dang/ longs spyod
'phral la ji ltar byung ba bzhin du mi gtong bar yun ring por
bsags nas ster ba ni spang bar bya ba'i sbyor ba yin pas de
dag 'dor

par bya'o/ /de yang byang sems kyis bsags pa'i sbyin pa ni kha
na ma tho ba dang bcas pa dang longs spyod ji ltar byung ba
bzhin du sbyin pa ni kha na ma tho ba med par mthong ste 'di
ltar bsags nas dus gcig tu gtong ba la

bsod nams lhag pa med pa dang/ gsog pa'i ring la yo byad slong
ba du ma zhig phyir bzlog ste kun nas mnar sems bskyed nas da
gdod ma blangs pa kha cig la ster ba'i phyir ro/ /de ltar
byang sar gsungs pa 'di gal te de'i ring

la ser sna la sogs pa'i nyon mongs du ma bskyed pa dang bsrung
ba la sogs pa'i tshogs kyis dge ba'i bya ba mang po'i bar gcod
du 'gyur ba dang/ phal cher bar skabs su brlag par 'gyur bas
mtha'i sbyin pa'ang mi 'grub par

mthong ba'i phyir ro/ /sbyor ba ji lta bus btang ba ni/ bzhin
gyi mdangs gsal zhing 'dzum pa sngar byed la gsong por smra ba
dang ldan pas zhing ci 'dra zhig la'ang gus pa dang rang gi
lag gis dang dus su dang gzhan la mi

gnod pa dang dka' spyad kyi sdug bsngal bsran nas sbyin pa'o/
/de dag gi 'bras bu ni/ bden pa po'i le'u las/ rim gror bgyis
te bstsal bas ni gnyen la sogs pas rim gro bgyid par 'gyur/
lag bdar te bstsal

@245b bas ni rim gro ba thob par 'gyur/ dus su bstsal bas ni
don rnams dus su 'grub par 'gyur/ zhes dang/ gzhan la mi gnod
par bstsal bas ni longs spyod brtan pa dag 'thob par 'gyur/ mi
bde ba bzod pas bstsal

bas ni 'khor snying nye bar 'gyur/ zhes gsungs pa ltar ro/
/mdzod las lag bdar te byin pas longs spyod rgya chen po rnyed
par gsungs so/ /longs spyod brtan pas ni longs spyod la gzhan
gyis bar du mi chod cing me la sogs

pas med par mi 'gyur bar mdzod 'grel nas bshad pa ltar ro/
/gzhan yang gzhan gyi sbyin pa'i grogs byed pa'i sbyor ba ni/
rang la yo byad yod na ser sna can lan 'ga' yang sbyin pa
gtong ma myong ba rnams kyi khyim du song nas

mgu zhing bag phebs par byas te/ 'di skad du nga'i gan na yo
byad rgya chen po yod deng sbyin pa'i phar phyin rdzogs pa'i
phyir du slong ba po 'dod pas/ khyed slong ba dang phrad na
bzlog ste ma gtong bar yang na nga'i nor las longs la

de dag la byin cig /yang na de nga'i thad du khrid de shog cig
/nga'i sbyin pa la yi rang ba'ang gyis shig ces bsgo'o/ /des
kyang nor god pa med cing dga' bas de bzhin du byed do/ /de
ltar na de dag la ser sna'i dri ma bsal ba'i sa

bon btab pa yin te/ rim gyis goms pa las rang nyid kyis kyang
nor nyung du ster zhing ma chags pa chung ngu la brten nas
'bring dang de la brten nas chen po 'thob bo/ /de bzhin du
rang gi mkhan slob dang slob ma dang grogs 

@246a @#/ /brkam chags can gtong mi nus pa'am de min kyang yo
byad med pa rnams la yo byad byin te dkon mchog gsum la sbyin
pa byed du 'jug cing rang nyid mi byed do/ /'dis ni rang gi
bsod nams

shin tu mang po bskyed la gzhan kha cig gi nyon mongs btul ba
dang kha cig gi chos 'dod pa rdzogs par byas pa dang sems can
bsdus pa dang smin par byas par yang 'gyur ro/ /de bzhin du
rang la yo byad med na bzo dang las kyi

gnas kyis nor bsgrubs te ster ba dang/ yang na dbul po dang
ser sna can rnams kyang sbyin 'dod pa'i chos kyi gtam gzhan la
byed do/ /yang na slong ba byung ba rnams dad pa can 'byor pa
dang ldan pa'i khyim du gtong ba dang rang

yang der song nas ci nus kyis sbyin pa gtong ba'i grogs byed
do/ /gzhan yang sbyin bya'i rdzas rnams la 'dams te bzang rim
nas ster ba dang sbyin par bya ba'i rdzas bshams pa rnams
yongs su rdzogs par sbyin par byed do/ /

dngos po la gnyis/ gtong ba dang mi gtong ba'i dngos po mdor
bstan pa dang/ rgyas par bshad pa'o/ /dang po ni/ dngos po
gang btang ba des 'phral du ngan 'gro'i rgyu dang bral ba'i
tshor ba bde ba bskyed la phugs su

phan pa sdig spong ba'am dge ba la 'god pa dang 'phral du bde
bar mi 'gyur yang phugs su phan na ni byang sems kyis gzhan la
gtang bar bya la/ gang btang ba des 'phral du gdung ba bskyed
la phugs su gnod par 'gyur

@246b ba dang 'phral bde yang phugs su gnod na gzhan la gtang
bar mi bya'o/ /gnyis pa la/ nang gi dngos po gtong mi gtong
dang/ phyi'i dngos po gtong mi gtong rgyas par bshad pa'o/
/dang po ni/ nang gi dngos po mi gtong ba'i

tshul shes na de las ldog pa rnams gtang byar shes pas thog mar
mi gtong ba'i tshul bshad par bya'o/ /'di la gsum las/ dus kyi
sgo nas gtang du mi rung ba ni/ byang sems kyis dang po nas
lus la sogs pa sems can la

bsam pa thag pa nas btang mod kyang/ lus kyi sha la sogs pa
slong ba'i dka' spyad kyis yid 'byung bar mi 'gyur ba'i snying
rje chen po'i bsam pa ma rgyas kyi bar du slong yang gtang bar
mi bya ste/ bslab btus las/ gang

gis skyo bar 'gyur ba'i brtson 'grus de ci 'dra ba zhig yin
zhe na/ gang 'di stobs chung ba las lci ba'am dus yun ring por
rtsom pa'am mos pa yongs su ma smin pa rnams bya dka' ba'i las
rnams rtsom pa ste/ dper na/

rang gi sha sbyin pa la sogs pa lta bu'o/ /'dis sems can rnams
la lus byin zin mod kyi/ 'on kyang dus ma yin par yongs su
spyod pa las ldog par zad de/ gzhan du na sems can de dag la
byang chub sems

dpa' skyo bar gyur pas byang chub kyi sems kyi sa bon chud za
ba'i phyir 'bras bu'i phung po chen po chud za bar 'gyur ro/
/de'i phyir 'phags pa nam mkha'i mdzod kyi mdo las/ dus ma yin
par 'dod pa ni bdud kyi las

@247a @#/ /so; ;zhes gsungs so/ /zhes dang/ spyod 'jug las
kyang/ snying rje'i bsam pa ma dag par/ /lus ni gtang bar mi
bya ste/ /ci nas 'di dang gzhan dag tu/ /don chen bsgrub pa'i
rgyur btang ngo/ /

zhes so/ /dgos pa'i sgo nas gtang du mi rung ba ni/ dgos pa
phran tshegs kyi phyir du lus mi gtang ste/ de nyid las/ dam
pa'i chos ni spyod pa'i lus/ /phran tshogs ched du gnod mi bya/
/de ltar byas na sems can gyi/ /

bsam pa myur du rdzogs par 'gyur/ /zhes so/ /rang ngos nas ser
sna la sogs pa sbyin pa'i gegs dang bral zhing gzhan ngos nas
lus ma btang na sems can mang po'i don 'grub pa'i dgos pa che
ba'i tshe/ yan lag

la sogs pa slong yang mi sbyin la/ srog gcod sogs gzhan dang
rang la gnod pa'i nyes spyod byed du gzhug pa'i phyir du slong
na ni re zhig tsam yang rang nyid gzhan la sbyin par mi bya'o/
/slong ba po'i sgo nas sbyin du

mi rung ba ni/ bdud ris kyi lha dang des brlams pa'i sems can
gyis mtho 'tshams pa'i bsam pas yan lag la sogs pa slong na mi
sbyin te/ de dag nyid la gnod pa'i phyir ro/ /smyon pa dang
sems 'khrugs pa rnams kyis

slong na'ang mi ster te/ 'di dag ni bsam pa thag pa nas slong
ba ma yin gyi/ bla brdol tsam du zad pa'i phyir ro/ /de dag ni
ma byin na ltung ba med par ma zad kyi/ byin na ltung bar
'gyur ba'o/ /de dag ma gtogs pa'i skabs su lus

@247b slong ba la sbyin par bya ste/ de yang yan lag la sogs
pa gses nas gtan du sbyin pa dang gzhan gyi chos ldan gyi dgos
pa sgrub pa'i phyir bran du 'gro ba sogs gnas skabs dbang byar
sbyin pa gnyis so/ /phyi'i dngos po gtong mi

gtong rgyas par bshad pa la gnyis/ phyi'i dngos po mi gtong
ba'i tshul dang/ phyi'i dngos po gtong ba'i tshul lo/ /dang po
la lnga las dus kyi sgo nas sbyin du mi rung ba ni/ dper na/
rab byung dang bsnyen gnas can la phyi dro'i kha zas

ster ba lta bu'o/ /sbyin bya'i yul gyi sgo nas sbyin du mi
rung ba ni/ sdom brtson can la zas skom lhag mar gyur pa ster
ba dang/ bshang gci dang mchil snabs dang skyug pa dang rnag
khrag gis 'bags shing gos pa'i

bza' btung ster ba dang/ sgog btsong dang sha mi za zhing
chang mi 'thung ba dang de dag la bza' btung byed par 'dod
kyang de dag la longs spyod du mi rung ba'i sdom pa dang ldan
pa la sgog pa la sogs pa dang de dag gis

'bags pa ster ba dang/ gtong ba la legs par brda sprad cing
dga' bar gyur kyang mi mdza' ba dang gnod sbyin dang srin po
rnams dang drag shul gyis gnon pa'am byas pa mi gzo ba brjed
ngas pa rnams kyis slong ba la bu dang bran  

la sogs pa ster ba dang/ bza' btung mi 'phrod pa dang 'phrod
kyang tshod mi zin par slong ba'i nad pa la de dag ster ba
dang/ ha cang sred pa che zhing 'grangs pas kha zas bsod pa
slong ba la de dag ster ba dang/ mu stegs can klan

@248a @#/ /ka tshol ba dang glegs bam gyi don shes par 'dod pa
ma yin pa nor gyi 'du shes can gyis slong ba la glegs bam ster
ba lta bu'o/ /byang sar de ltar gsungs pa 'di rgyas par byang
sa'i rnam

par gtan la dbab pa bsdu ba las 'byung ba bzhin du rig par bya
ste/ ji skad du/ gal te chos kyi glegs bam bris zin pa slongs
mo pa byis pa'i shes rab can rnams la sbyin par byed na kha na
ma tho ba dang bcas

par 'gyur ro/ /de dag la sbyin pa'i phyir gzhan dag la slong
bar byed na yang kha na ma tho ba dang bcas par 'gyur ro/ /gal
te bdag gis 'di chos zab mo rnams 'dzin du gzhug pa dang mos
par bya nus so snyam pa de lta bu

kho na'i sems kyis sbyin par byed na ni kha na ma tho ba med
do/ /gal te dam pa'i chos ltar bcos pa'i glegs bam mam mu
stegs can gyi bstan bcos kyi glegs bam la dad pa'i sems can
rnams la de yi ger 'brir bcug

nas sam/ bris zin pa lag na bdog pa sbyin par byed dam gzhan
las bslangs te sbyin par byed na kha na ma tho ba dang bcas
par 'gyur ro/ /byang chub sems dpas glegs bam bris zin pa lag
na bdog pa de yang

phyis te sangs rgyas kyi gsung rab yi ger 'brir gzhug pa'am
bdag nyid kyis kyang snying po med pa kho nar yongs su shes
par bya zhing gzhan dag la'ang legs pa kho nar bsgrag par
bya'o/ /gal te glegs bam ma bris pa slong

@248b ba zhig 'ongs na byang chub sems dpas de la 'dis khyod
la ci zhig bya zhes yongs su dri bar bya ste gal te btsongs la
yongs su longs spyad par bya'o zhes zer na/ byang chub sems
dpas gal te glegs bam de chos

kyi sta gon byas pa zhig yin na ni de la sbyin par mi bya bar
rin bdog na rin sbyin par bya'o/ /gal te rin mi bdog na gnyis
ka ma byin kyang kha na ma tho ba med do/ /gal te chos kyi don
du sta gon byas pa ma yin na ni ci nas kyang

de bde bar yongs su longs spyod par bya ba'i phyir glegs bam
de nyid sbyin par bya'o/ /de bzhin du gal te gzhung shin tu
ngan pa 'bri bar 'dod pa'i phyir slong ba la ma byin kyang kha
na ma tho ba med do/ /gzhung shin tu ngan pa 'bri

bar 'dod pa la ji lta ba bzhin du gzhung 'bring 'bri bar 'dod
pa la'ang de bzhin no/ /gzhung khyad par du 'phags pa 'bri bar
'dod pa'i phyir slong ba la ma byin na ni kha na ma tho ba
dang bcas par rig par bya'o/ /zhes so/ /rten gyi

sgo nas sbyin du mi rung ba ni/ rang nyid glegs bam gyi dgos
pa bsgrubs zin pa'ang min la de la ser sna'i dri ma yang med
pa'i tshe shes par 'dod nas slong ba la glegs bam ster ba lta
bu'o/ /'di sbyin du mi rung ba'i rgyu mtshan ni chos  

kyi sbyin pa 'di lta bu sbyin pa ni dgos pa gsum gang rung
bsgrub pa'i phyir yin na ma byin pa la dgos pa phyi ma gnyis
lhag po yod kyi/ byin pa la lhag po med pa'i phyir dang dgos
pa dang po bsgrub mi dgos pa'i phyir te/ 'di

@249a @#/ /ltar rang la ser sna'i dri ma med pas ser sna'i nyon
mongs bsal mi dgos pa dang ma byin na ye shes kyi tshogs mang
du mthong la byin na chen por mi 'gyur ba dang/ ma byin na
sems can thams

cad la phan pa dang bde ba'i phyir ye shes kyi tshogs bsgrubs
pas sems can 'di dang sems can gzhan thams cad dga' bar byed
nus kyi/ byin na 'di gcig pu dga' ba tsam yin pa'i phyir ro/
/byang sar dgos pa che

chung de ltar gsungs shing/ spyod 'jug las kyang/ chung ngu'i
phyir du che mi btang/ /zhes gsungs pas ma byin na nyes pa med
pa tsam ma yin no/ /mi sbyin pa'i tshul ni/ 'di khyod la mi
sbyin no zhes tshig brlang pos byed pa ma yin

gyi; thabs mkhas pas brda sprad nas gtong ba'o/ /thabs mkhas
pa ni 'di yin te/ byang sems kyis dang po nas phyogs bcu'i
sangs rgyas byang sems la yo byad thams cad bsam pa dag pas
bsngos te/ dper na/ dge

slong gis mkhan slob la chos gos la sogs pa rnam brtags byas
nas bsngos te 'chang ba bzhin no/ /de ltar bsngos pas yo byad
bsags pa yin kyang 'phags pa'i rigs la gnas pa'i byang sems
zhes bya ste bsod

nams dpag tu med pa 'phel lo/ /des yo byad de dag kyang sangs
rgyas byang sems rnams kyis bcol ba dang 'dra bar 'chang ngo/
/gal te slong ba po 'ongs shing yo byad de yang de la sbyin
par 'os pa zhig yin na sangs

@249b rgyas byang sems kyis sems can la ma btang ba'i yo byad
gang yang med do snyam du byas nas ster la/ 'os pa ma yin na
ni rnam brtags kyis cho ga bzhin du de dag la bsngos pa la
brten nas bzhin bzang/ 'di ni gzhan gyi yin

te; khyed la ngas sbyin du med do zhes tshig 'jam pos go bar
byed do/ /yang na glegs bam de'i rin nyis 'gyur ram sum 'gyur
du sbyin te ci nas kyang des byang sems la 'di sred pa che nas
mi sbyin pa ma yin gyi/ glegs bam 'di sbyin

pa'i dbang med pa zhig yin nges snyam du 'gyur ba de ltar byed
pa ste shes rab can gyi sbyin pa'o/ /dngos po'i sgo nas sbyin
du mi rung ba ni/ rang gi pha ma dang srog chags dang bcas
pa'i bza' btung dang/ brda ma sprad pa dang sprad kyang ster

ba la mi mos pa'i bu dang chung ma dang bran la sogs pa dang
bu dang chung ma skyid lobs can gyi rigs kyi mi lta bu'o/ /'di
bran gyi don du mi ster ba la gsungs kyang dngos po gtso che
bar snang bas dngos po'i nang du bgrangs so/ /byang sa'i

gtan la dbab pa bsdu bar ni/ chos gos gsum dang de las gzhan
pa'i yo byad lhag pa sangs rgyas kyis rjes su gnang ba rnams
la ser sna'i bsam pa med cing dge ba'i phyogs la nye bar mkho
ba yin na slong ba la ma

byin kyang nyes pa med par gsungs te/ ji skad du/ byang chub
sems dpa' rab tu byung bas chos gos gsum ma gtogs pa yo byad
lhag pa sangs rgyas kyis rjes su gnang ba lus kyi longs spyod
dang bde ba la reg par gnas

@250a @#/ /pa'i rjes su mthun par 'gyur ba dag gal te slongs mo
pa 'dod pa rnams la so sor brtags te sbyin par byed na kha na
ma tho ba med do/ /gal te dge ba'i phyogs la ltos pa'i phyir
yin

gyi; 'dod pa'i khongs su gtogs pa ma yin pas sbyin par mi byed
na'ang kha na ma tho ba med pa kho na yin no/ /zhes so/ /byang
chub sems dpa'i so sor thar pa las ni/ shA ri'i bu gal te
byang chub sems dpa' chos gos

gsum yongs su btang ste slong ba po gtso bor byed par gyur na
des 'dod pa chung ba bsten pa ma yin no/ /zhes gsungs pas/
chos gos gsum byin na ni byang sems rab byung la ltung bar
'gyur ro/ /dgos pa'i sgo nas sbyin du

mi rung ba ni/ rang ngam gzhan la gnod pa'i phyir du slong ba
la dug dang mtshon dang me dang chang ster ba dang ngan 'gror
'gro ba'i rgyu gsog pa'i dgag bya dang ldan pa'i dga' zhing
rtsed mo rtse ba'i dngos po slong ba la de dag sbyin pa dang

rgya dang sa mda' la sogs pa sems can la gnod pa'i phyir du
slob pa dang slong ba la de dag slob pa dang sbyin pa lta bu
ste/ 'dis ni srog chags kyi lus srog dang longs spyod la gnod
pa bskyal ba'i phyir du de dag gi man ngag slob pa'ang

mi rung bar bstan pa yin no/ /gzhan yang skam mam gsher la
gnas pa'i srog chags la gnod pa bskyal ba'i phyir du sa phyogs
dang chu slong ba la de dag sbyin pa dang yul mi de'am gzhan
la gnod pa bskyal ba'i phyir

@250b du rgyal srid slong ba la de dag sbyin pa dang mi mdza'
ba rnams kyis slong ba la de'i dgra ster ba lta bu'o/ /phyi'i
dngos po gtong ba'i tshul ni/ rten de la ston pas ma bkag pa'i
dus dang gang zag de la sbyin par bya ba gtong ba

de mi 'os pa ma yin zhing de dang 'tsham pa yin na ster dgos pa
dang/ rten yang sngar bshad pa las ldog pa glegs bam la ser
sna dang ldan pa yin na glegs bam gyi bya ba byas ma zin kyang
slong ba po shes 'dod can

la sbyin dgos te/ de yang dpe gnyis pa yod na de ster dgos la
med na dpe 'bri ba'i rin ster dgos so/ /de yang med na bdag
gis/ 'di byin pas tshe 'di la lkugs bar gyur kyang bla yi/ ser
sna dang du blang bar mi bya'o snyam

du bsams la nges par sbyin no/ /dngos po yang sngar bshad pa
las ma gtogs pa rnams dang rgyal po byed pa'i tshe gzhan gyi bu
dang chung ma la sogs pa bdag po dang kha phral nas sbyin du
mi rung yang grong la sogs pa dang bcas

te slong ba la sbyin no/ /de bzhin du ngan 'gro'i rgyur mi
'gyur ba'i dga' rtsed kyi dngos po dang gzhan la mi gnod pa'i
rgya la sogs pa dang/ srog chags la mi gnod na srog chags gnas
pa'i skam dang gsher gyi sa phyogs

dang srog chags med pa'i bza' btung rnams slong ba la sbyin
dgos la/ rang ngam gzhan la phan pa'i phyir du slong na dug
dang mtshon dang me dang chang yang sbyin no/ /de ltar zang
zing sbyin pa'i tshe slong ba po bkren pa dang 'byor pa can 

@251a @#/ /gnyis byung na ji ltar bya zhe na/ 'di la dang po nas
slong ba po de gnyis byung na gnyis ka'i 'dod pa rdzogs par nus
na ni gnyis ka'i 'dod pa bskang bar bya la ma nus na ni bkren
pa'i 'dod pa rdzogs par

bya'o snyam pa sngon du btang nas byed pa yin pas gnyis ka'i
'dod pa skong ma nus pa'i tshe/ bzhin bzang/ ngas yo byad 'di
dang po nas bkren pa 'di la bsngos zin pas khyod do bzlog go
snyam du ma sems shig ces tshig 'jam pos

go bar byas nas 'byor pa dang mi ldan pa'i 'dod pa rdzogs par
bya'o/ /de lta bu'i sbyin pa la slob tshul 'di dag ni byang sems
kyi sdom pa bzung ba'i las dang po ba la shin tu gal che bar
snang bas bris pa ste dmigs bsal

med pa rnams ni byang sa'i dgongs pa bzhin du bshad pa'o/ /gnyis
pa gtong bar ma nus na ji ltar bya ba ni/ slong ba pos bslangs
pa'i tshe ser snas non na 'di snyam du dngos po 'di dang bdag
gdon mi za bar 'bral

te 'dis kyang bdag 'dor bdag gis kyang 'di 'dor ro/ /des na 'di
btang la yid dga' ba dang snying po blangs te 'chi ba'i dus
bya'o/ /'di btang na 'chi ba'i dus kyi tshe nor la chags par mi
'gyur zhing 'gyod pa med la

dga' zhing rangs pa skye'o snyam du bsam mo/ /de ltar bsams
kyang gtong ma nus na bdag ni da dung mthu chung zhing dge
rtsa
ma smin te theg chen la las dang po ba dang mi gtong ba'i sems
kyi dbang du gyur pa dang nye bar len pa'i lta

@251b ba dang bdag dang bdag gir 'dzin pa la gnas pa lags kyis/
skyes bu dam pa bzod par mdzad cing gdung bar mi mdzad du gsol/
ji ltar khyod dang sems can thams cad kyi bsam pa rdzogs par
'gyur ba

de ltar bdag gis bgyi'o zhes slong ba po la go bar bya ba gsum
gyis go bar bya bar drag shul can gyis zhus pa las gsungs so/
/'di ni phan tshun du ma dad pa'i nyes pa gzhan spang ba'i phyir
yin gyi/ ser sna'i nyes pa med pa ni ma yin

te; byang sems la ser sna smad par bslab btus las gsungs so/
/'on kyang 'di ltar byas na ser snas chos nor mi ster ba'i pham
pa khegs pa 'dra'o/ /phar phyin bsdus pa las kyang/ ji ste slong
ba mngon du 'ongs gyur kyang/ /

shin tu mthu chung sbyin par ma nus na/ /ci nas slong ba dma'
bab ma gyur par/ /'jam pa'i tshig gis de yi yid kyang bzho/
/phyin chad slong ba drung du 'ongs gyur na/ /ci nas yi chad
dma' bar mi 'gyur bar/ /'jungs pa'i

skyon rnams rnam par bsal bar bya/ /sred pa yongs su spang phyir
nan tan bya/ /zhes so/ /sbyin pa'i gegs kyi gnyen po bsten pa
la/ gegs ni bsdu ba las 'byung ba ltar bzhi ste/ ma goms pa
dang/ rgud pa dang/

chags pa dang/ 'bras bu ma mthong ba'o/ /de la dang po ni/ sbyin
par bya ba'i rdzas yod bzhin du slong ba po la sbyin mi 'dod pa
ste/ de'i gnyen por ni nyes pa 'di ni bdag sngon sbyin pa la
goms par ma byas pas lan par

@252a @#/ /nges so snyam du myur bar rig par byas nas/ de yang
sbyin pa ma btang na skye ba phyi ma la'ang sbyin pa la mi dga'
bar 'gyur ro snyam du so sor brtags te sbyin par byed kyi/ ma
goms pa'i nyes pa'i

dbang du mi gtong ba'o/ /gnyis pa ni/ longs spyod ha cang chungs
pa la brten nas gtong ba'i sems mi skye ba ste/ de'i gnyen por
ni 'di snyam du bdag 'khor ba na 'khor ba'i cse pha rol la phan
ma btags par sngon gyi las

sam gzhan gyi dbang du gyur pas bkres skom la sogs pa'i sdug
bsngal bzod dka' ba mang po myong na/ gal te gzhan la phan btags
pa la brten nas byung ba'i tshe 'di'i sdug bsngal des bdag 'chi
yang bdag la ni sbyin pa

kho na legs kyi/ slong ba po phyir bzlog pa ni de lta ma yin te/
longs spyod de med kyang sngo rngad ci yang rung ba tsam gyis
'tsho'o snyam du bsams nas phongs pa'i sdug bsngal de dang du
blangs te sbyin par byed pa'o/ /gsum pa ni/ sbyin bya'i

rdzas shin tu yid du 'ong zhing mchog tu gyur pa la chags nas
slong ba la gtong ba'i sems mi skye ba ste/ de'i gnyen por ni
chags pa'i nyes pa de myur bar rig par byas nas bdag sdug bsngal
ba la bde'o snyam du 'du shes

phyin ci phog tu 'dzin pa 'di ni phyi ma la sdug bsngal bskyed
pa yin no snyam du shes nas de spangs te dngos po de sbyin par
byed pa'o/ /bzhi pa ni/ sbyin pa btang ba la brten nas rdzogs
pa'i byang chub 'byung ba'i phan yon ma

@252b mthong bar longs spyod chen po'i phan yon la bltas nas
gtong ba'i sems skye ba ste/ de'i gnyen por ni nyes pa de myur
bar rig par byas nas spyir 'du byed thams cad skad cig re re nas
'jig pa dang khyad par du longs spyod

'jig cing 'bral bar bltas nas sbyin pa gang gtong thams cad
byang chub chen por yongs su bsngo bar byed pa'o/ /longs spyod
la sogs pa'i rnam smin tsam la blta ba ni/ rin gyi phyir yo byad
thams cad phangs pa med

par gzhan la gtong ba'i tshong pa la khe tsam thob kyi/ bsod nams
mi 'thob pa bzhin du/ longs spyod chen po thob kyi/ thar pa ni
mi 'thob ste/ bzhi brgya pa las/ 'dir byin pa yi sbyin pa la/
/'bras bu chen po 'byung

'gyur zhes/ /len dang yongs su gtong ba ni/ /tshong spogs bzhin
du smad par 'gyur/ /zhes so/ /gnyis pa bsam pa tsam gyi sbyin pa
ni/ dben par song ste yid nang du bsdus nas bsam pa dag cing
snying thag pa nas dang bas sbyin par

bya ba'i chos sna tshogs pa rgya chen po dpag tu med pa rtog pas
sprul nas sems can rnams la byin par mos pa byed pa'o/ /des
tshegs chung ngus bsod nams dpag tu med pa 'phel ba dang de yang
byang chub sems dpa' shes

rab can gyi sbyin par byangs las gsungs so/ /'byor pa ? dang mi
ldan pas 'di bya bar lag bzang gis zhus pa las gsungs kyang/
'byor ldan gyis kyang byar mi rung ba ma yin no/ /longs spyod
med pa'i tshe sbyin pa ji ltar

@253a @#/ /byed pa'i shes rab can gyi sbyin pa rnams ni/ lhag
bsam rnam par dag pa'i sa sa dang po mthob bar du yin gyi/ sa de
thob nas ni longs spyod kyis phongs pa mi srid de/ byang sa las/
de ltar na

byang chub sems dpa' ni ji srid bsam pa rnam par dag pa ma thob
kyi bar du longs spyod de dag med de mi bdog bzhin du shes rab
can gyi sbyin pa sbyin par byed pa yin no/ /byang chub sems dpa'
lhag pa'i bsam pa dag pa ni ji lta

bus ngan song las yang dag par 'das pa thob par 'gyur ba de lta
bur tshe rabs thams cad du longs spyod zad mi shes pa thob par
'gyur ro/ /zhes gsungs pas so/ /bzhi pa de dag gi don bsdu ba
ni/ byang sems kyi sdom pa

bzung nas sa mthon po'i sbyin pa la slob tshul rnams smon pa'i
yul du byas nas sbyong ba dang sngar bshad pa lta bu'i sbyin
gtong la da lta nas 'jug pa rnams kyi gnang bkag shes par byas
nas slob pa dang/ khyad par du lus

dang longs spyod dang dge rtsa la ser sna'i gnyen po bsten zhing
gtong ba'i blo je rgyas su gtong ba la 'bad par byas nas de ltar
nyams su lon pa la dga' ba bsgom pa dang blo de ltar ma sbyangs
pa la yid gdung ba bskyed dgos

te; de ltar byas na lag bzang gis zhus pa las gsungs pa ltar che
rabs gzhan du tshegs chung ngus sbyin pa'i phar phyin rdzogs par
byed nus kyi/ de dag thams cad dor nas bzhag na ni tshe 'dir yang
nyes pa shin tu lci ba

@253b rnams kyis rgyun du gos par 'gyur la tshe rabs gzhan du'ang
'jug snying mi 'dod pas byang chub sems dpa'i spyod pa la 'jug
pa shin tu dka' bar 'gyur ba'i phyir ro/ /gzhan yang phar phyin
bsdus pa las/ sbyin pa

de 'dra'i rtsa ba byang chub sems/ /de 'dra'i sbyin pa gtong
'dod de mi btang/ /'jig rten nang na gtong 'dod sems ldan pa/
/gtong ba'i nang na mchog ces rgyal bas gsungs/ /zhes gsungs pa
ltar/ spyod pa'i rten byang chub kyi sems rjes

su dran cing bsgom pa dang/ byang chub tu smon zhing smon lam
'debs pa ni gtong ba thams cad kyi rtsa ba dang gtong ba thams
cad kyi mchog yin pas de la 'bad par bya ste 'di ni lag bzang
gis zhus pa'i don bsdus pa'i gnad dam pa'o/ /

gnyis pa tshul khrims kyi phar phyin la lnga/ tshul khrims kyi ngo
bo/ de bsgom pa la 'jug pa'i thabs/ tshul khrims kyi rab tu dbye
ba/ de dag bsgrub pa'i tshe ji ltar bya ba/ de dag gi don bsdu
ba'o/ /dang po ni/ gzhan la gnod pa gzhi

dang bcas pa las yid phyir log pa'i spong sems ni tshul khrims
yin pas sems de'i goms pa gong nas gong du yongs su rdzogs pas
tshul khrims kyi pha rol tu phyin par 'gyur ba yin gyi/ phyi rol
tu sems can gnod 'tshe

ma lus pa dang bral ba la bkod pa'i sgo nas tshul khrims kyi phar
phyin rdzogs par 'gyur ba ma yin te/ de lta ma yin na da dung
sems can rnams gnod 'tshe dang ma bral bas sngar byon pa'i rgyal
ba rnams tshul khrims kyi phar

@254a @#/ /phyin ma rdzogs par 'gyur ba dang/ sems can de dag
kyang gnod 'tshe dang bral ba'i phyogs su bkri bar mi nus pa'i
phyir ro/ /des na phyi rol tu sems can thams cad gnod 'tshe dang
bral lam

ma bral yang bla yi/ rang gi rgyud steng du de dag la gnod pa
las ldog pa'i spong sems goms par byed pa nyid tshul khrims kyi
nyams len yin te/ spyod 'jug las/ nya la sogs pa gang zhig tu/
/de dag gsod mi 'gyur bar

bskrad/ /spong ba'i sems ni thob pa las/ /tshul khrims pha rol
phyin par bshad/ /ces so/ /tshul khrims la gsum du yod mod kyi
'dir gtso bo sdom pa'i tshul khrims kyi dbang du byas nas spong
ba'i sems su bshad de/ de

yang kun slong dang bcas pa'i dbang du byas na mi dge bcu spong
ba'i spong ba bcu yin la/ rang gi ngo bo'i dbang du byas na mi
dge ba bdun spong ba'i lus ngag gi las kyi rang bzhin gyi spong
ba bdun yin te/ 'jug 'grel las/ de la

nyon mongs pa dang du mi len pa'i phyir dang sdig pa mi 'byung
ba'i phyir sems la yid gcags pa'i me zhi bas bsil ba nyid kyi
phyir ram bde ba'i rgyu yin pa nyid kyis dam pa dag gis bsten
par bya ba nyid yin pa'i phyir na tshul

khrims te/ de yang spong ba bdun gyi mtshan nyid can no/ /chos
gsum po ma chags pa dang zhe sdang med pa dang yang dag pa'i lta
ba ni de dag kun nas slong bar byed pa yin te/ de'i phyir kun
nas slong bar byed pa dang bcas pa'i

@254b tshul khrims kyi dbang du byas nas las kyi lam bcu rnam par
bshad do/ /zhes so/ /gnyis pa ni/ de ltar sems bskyed nas spyod
pa la slob par khas blangs pa des ni sems can thams cad rdzogs
pa'i sangs rgyas kyi

tshul khrims kyi rgyan dang ldan par bsgrub par khas blangs pa
yin pas de'i don bsgrub dgos la/ de yang sngon du rang gi tshul
khrims yongs su dag pa'i stobs bskyed dgos te rang gi tshul
khrims ma dag pa dang nyams na ngan

'gror ltung bas gzhan gyi don lta zhog rang gi don yang mi 'grub
pa'i phyir ro/ /de'i phyir gzhan gyi don la brtson pas ni tshul
khrims la gces spras bya ba la lhod par mi bya bar bsrung sdom
la shin tu grims dgos te/ phar phyin

bsdus pa las/ rdzogs pa'i sangs rgyas tshul khrims rgyan ldan
par/ /'gro ba thams cad bsgrub don gang brtson pas/ /rang gi
tshul khrims thog mar yongs su sbyang/ /tshul khrims dag pa'i mthu
yi stobs kyang bskyed/ /ces dang/

tshul khrims nyams pas rang don mi nus na/ /gzhan don tshul la
mthu yod ga las 'ong/ /de phyir gzhan don legs par brtson pa
yis/ /'di la rim gro glod par rigs pa min/ /zhes so/ /de ltar
tshul khrims yongs

su dag pa'ang 'jug ldog gi gnas rnams ji ltar bcas pa ltar lag
tu len pa la rag las la/ de yang bsrung bar 'dod pa'i blo shugs
drag cing brtan pa'i rjes su byed pas ma bsrungs pa'i nyes dmigs
dang

@255a @#/ /bsrungs pa'i phan yon ring du bsgoms pa'i sgo nas
bsrung 'dod bskyed par bya'o/ /dang po ni de nyid las/ de bas mi
bzad 'jigs pa mthong bya zhing/ /spang 'os chung yang rnam par
spang bar gyis//

zhes pa ltar/ nyes dmigs kyis 'jigs nas kha na ma tho ba chung
ngu'ang 'bad pas spong ba ste tshul khrims kyi mi mthun phyogs
kyi rags shos mi dge bcu'i nyes dmigs rnams sngar bshad zin pa
ltar bsam

mo; ;phan yon ni/ sngar yang bshad cing/ dpal ldan dpa' bos
gsungs pa ni/ de nyid las/ lha rdzas dga' rgyu mi yi longs spyod
dang/ /bde mchog ro mchog lha yi phun sum tshogs/ /tshul khrims
rgyus

byung ci zhig ngo mtshar che/ /sangs rgyas chos rnams de las
byung ba ltos/ /zhes dang/ gzhan yang 'di la brten nas rgyud
gong nas gong du khyad par du 'gro ba dang snying rje'i ngang
can sems dpa' chen po rnams dang bslab pa mtshungs

par 'gyur ba dang nyes spyod kyi sa bon thams cad spangs pa'i ye
shes gtsang ma 'thob pa dang/ rgyan gzhan ni ha cang gzhon pa
dang ha cang rgan pa la btags na 'phyas kyi gnas su 'gyur bas mi
mdzes kyang/ tshul

khrims kyi rgyan ni rgan gzhon bar ma su la ldan kyang thams cad
dga' ba bskyed pas rgyan gyi mchog dang/ dri bzang po gzhan ni
rdzi phyogs su 'gro yang rdzi phyogs ma yin par mi 'gro bas
phyogs re ba yin la/ tshul khrims

@255b kyi grags pa'i dri ni phyogs thams cad du 'gro ba dang/
tsha gdung sel ba'i tsandan la sogs pa'i lde gu'i byug pa ni rab
byung la 'gal yang/ nyon mongs pa'i tsha gdud skyob pa'i byug pa
ni rab byung la mi 'gal zhing

mthun pa dang/ rab tu byung ba'i rtags tsam ldan par 'dra yang
tshul khrims kyi nor dang ldan pa ni gzhan las phul du byung bar
'gyur te/ de nyid las/ tshul khrims de ni khyad par thob pa'i
lam/ /snying rje'i ngang can rnams dang mnyam

par bsgrub/ /ye shes gtsang ma phul gyi rang bzhin te/ /skyon
bral rgyan du 'gyur ba'i mchog ces bya/ /khams gsum kun tu yid
'ong dri bsung ste/ /rab tu byung dang mi 'gal byug pa yin/ /cha
lugs mthun yang tshul khrims

ldan gyur na/ /mi yi nang na de ni 'phags par 'gyur/ /zhes dang/
gzhan yang gcam gsag gi tshig ma brjod cing 'bad rtsol gyis tshegs
kyis ma bsgrubs kyang nye bar mkho ba'i longs spyod ngang gis
'du ba dang drag po'i las

kyis bsdigs pa med kyang skye bo kun 'dud pa dang rang gi gnyen
la sogs pa'i rigs su smos su med pa dang/ sngar phan ma btags pa
dang ngo mi shes pa'i skye bo rnams kyang ngang gis byams pa
dang rkang pa'i rjes kyi sa rdul

yang lha dang mi rnams kyi spyi bos gtug cing thob pa rnams
mchod pa'i zhing du 'khyer bar byed pa'i phan yon rnams kyang
tshul khrims las 'byung ste/ de nyid las/ tshig tu ma brjod tshegs
su ma gyur kyang/ /nyams

@256a @#/ /su mkho ba'i longs spyod rim gro 'du/ /bsdigs pa med
par 'jig rten kun 'dud de/ /tshegs med ma bsgrubs dbang phyug
'thob par 'gyur/ /brjod du ma 'os rigs su 'byung ba dang/ /

phan zhing dben pa gang yang ma byas shing/ /sngon chad mi
bshes skye bo thams cad kyang/ /tshul khrims ldan pa'i skye bo
de la 'dud/ /rkang pas bkra shis gyur pa'i rdul dag kyang/
/spyi gtsug dam pas blangs shing lha dang mi/ /phyag

'tshal mgos gtugs thob pa kun tu 'khyer/ /de phyir tshul khrims
dang ldan rigs mchog yin/ /zhes so/ /de ltar phan yon dang
nyes dmigs legs par bsams pa'i mkhas pas/ de nyid las/ byang
chub sems

dpas bsrung 'os tshul khrims dag /rang gi bde la brkam pas dral
mi bya/ /zhes dang/ rang dbang gyur pas nyams su bde ba dang/
/mkhas pas bsngags pa'i rgyan ldan tshul khrims bsrungs/ /bslab
pa'i gnas rnams tshang

bar yongs rdzogs pas/ /kun rdzogs bsnyems med tshul khrims yang
dag bsten/ /zhes gsungs pa ltar bsrung dgos la/ de yang rang
ngan song gis 'jigs pa tsam dang lha dang mi'i phun sum tshogs
pa tsam la smon

pa bsal nas sems can thams cad tshul khrims la dgod pa'i phyir
du bsrung bar bya ste/ de nyid las/ gang zhig 'jig rten dpag
yas sems can dag /mtha' dag tshul khrims dag la dgod mos shing/
/'jig rten

@256b phan phyir tshul khrims sten byed pa/ /de ni tshul khrims
pha rol phyin par gsungs/ /de bas ngan song 'jigs dang rgyal
srid dang/ /mtho ris phun sum tshogs la smon bsal te/ /tshul
khrims dri med yang dag bsrung bya zhing//

'jig rten don la brtson pas tshul khrims bsten/ /zhes so/ /gsum
pa tshul khrims kyi dbye ba ni gsum ste/ sdom pa'i tshul khrims
dang/ dge ba'i chos sdud pa'i tshul khrims dang/ sems can gyi
don byed pa'i tshul khrims so/ /de

la dang po ni/ byang sar so sor thar pa ris bdun la gsungs bas
so thar gyi sdom ldan byang chub sems dpa'i sdom pa la gnas pa
yin na ni/ khyim pa'am rab byung gi phyogs kyi so thar gyi
sdom pa dngos dang de dag dang thun mong ba'i

spong sdom ni sdom pa'i tshul khrims yin la/ so thar gyi sdom
pa'i rten du mi rung ba'i byang chub sems dpa'i sdom ldan yin
na so thar dang thun mong ba'i rang bzhin gyi kha na ma tho ba
dang bcas pa'i kha na ma tho ba ci rigs par spong ba'i spong

sdom ni sdom pa'i tshul khrims so/ /dge ba chos sdud ni/ phyin
drug la sogs pa'i dge ba la dmigs nas rang rgyud la ma skyes
pa bskyed cing skyes zin mi nyams pa dang gong nas gong du
spel bar byed pa'o/ /sems can don byed

ni; sems can rnam pa bcu gcig gi don la dmigs nas de dag gi
'di dang phyi ma'i don rnams kha na ma tho ba med par ji ltar
rigs par bsgrub pa ste/ 'di rnams rgyas par tshul khrims le'u'i
rnam bshad du bdag gis

@257a @#/ /gtan la phab zin pas de nges par yang dang yang du
blta dgos so/ /des na so sor thar pa'i bcas pa rnams ni byang
chub sems dpa'i sdom ldan rab tu byung ba'i bslab bya'i phyogs
gcig yin

pas byang chub sems dpa'i bslab bya las zur na yod pa ma yin
la/ tshul khrims gsum gyi nang nas kyang sdom pa'i tshul khrims
so thar gyi bcas pa dngos sam de dang thun mong ba la 'jug
ldog byed pa nyid byang chub sems dpa'

la'ang thog mar gal che bas de nyid la bslab par bya ste/
byang sa'i gtan la dbab pa bsdu ba las/ tshul khrims rnam pa
gsum po de dag las 'di lta ste sdom pa'i tshul khrims 'di ni
sdud par byed pa dang 'byor bar byed pa yin

te; de bsdams shing bsrungs na de las gzhan pa dag kyang bsdam
zhing bsrung bar 'gyur la/ de ma bsdams shing ma bsrungs na de
las gzhan pa dag kyang mi bsdam zhing mi bsrung bar 'gyur bas/
de'i phyir byang chub sems

dpa'i sdom pa'i tshul khrims nyams na sdom pa thams cad nyams
pa yin par brjod par bya'o/ /zhes gsungs pa'i phyir ro/ /de'i
phyir so sor thar pa'i sdom pa nyan thos kyi yin no snyam du
bzung nas de'i 'jug ldog gi

bcas pa rnams dor te byang chub sems dpa'i bslab bya gzhan
zhig la slob rgyu yin pa skad zer ba ni byang chub sems dpa'i
tshul khrims kyi bslab pa'i gnad ma zin pa yin te/ sdom pa'i
tshul khrims ni tshul khrims phyi ma

@257b gnyis kyi gzhi dang gnas su lan du mar gsungs pa'i phyir
ro/ /sdom pa'i tshul khrims kyi gtso bo yang rang bzhin gyi kha
na ma tho ba rnams spong ba yin la/ rang bzhin rnams kyi yang
nyes dmigs che ba'i gnad rnams bsdus pa

ni theg pa gong 'og thams cad du gsungs pa'i mi dge bcu spong
yin pas de dag la kun slong tsam yang mi rgyu ba'i sgo nas sgo
gsum yang dag par sdom dgos te/ phar phyin bsdus pa las/ mtho
ris thar pa'i bde lam gyur

pa ste; ;las lam bcu po 'di las nyams mi bya/ /'di la gnas pas
'gro la phan bsams pa'i/ /bsam pa'i khyad par 'bras bu yod par
'gyur/ /ngag lus yid rnams yang dag bsdam bya ba/ /mdor bsdus
tshul khrims

yin zhes rgyal bas gsungs/ /tshul khrims ma lus 'du ba'i gzhi
yin pas/ /de phyir 'di dag rnam par sbyad bar gyis/ /zhes
gsungs shing/ slob dpon zla ba grags pas kyang/ tshul khrims
kyi phar phyin gyi skabs su mi

dag bcu spong la bshad la/ sa bcu pa la sogs pa'i mdo sde du
mar yang de ltar 'byung pas thog mar 'di la sngar ltar sdom
sems sbyangs na tshul khrims lhag ma rnams kyang bde blag tu
'grub par 'gyur ro/ /de dag ji ltar

bsgrub pa ni/ dam pa drug ldan dang phar phyin drug ldan du
bsgrub pa ste phar phyin drug ldan du bsgrub pa'i tshe rang
tshul khrims la gnas nas gzhan tshul khrims la 'god pa tshul
khrims kyi sbyin pa yin la lhag ma rnams ni sngar

@258a @#/ /bzhin no/ /lnga pa de dag gi don bsdu ba ni/ spyod
pa'i rten byang chub kyi sems mi nyams shing je 'phel du gtong
ba ni tshul khrims la sogs pa'i spyod pa la 'jug pa'i rtsa ba
yin zhing sems can

thams cad la gnod pa las ldog pa'i yang mchog yin la/ sa mthon
po'i tshul khrims kyi nyams len rnams smon pa'i yul du byas nas
sbyong ba dang las dang po pa'i tshul khrims las brtsams pa'i
'jug ldog gi gnas

rnams la bsam pa thag pas da lta nas slob pa dang/ khyad par
du mi dge bcu la sogs pa'i rang bzhin dang bcas pa'i kha na ma
tho ba gang shes pa la nyi ma re re bzhin sdom sems mang du
btang zhing/ de dag gi nang nas kyang

sdom pa gang khas blangs pa'i rtsa ltung rnams la sdom sems
yang dang yang du gtong ba la 'bad par bya'o/ /de ltar byas na
byed pa rgyu mthun gyi 'bras bus skye ba gzhan du'ang tshegs
chung ngu dang sdug bsngal chung ngus byang chub

sems dpa'i bslab pa rnams rdzogs par byed nus kyi/ da lta de
rnams yal bar dor na ni shin tu lci ba'i nyes ltung gis rgyun
du gos par 'gyur zhing skye ba du mar yang byang chub sems
dpa'i bslab pa la slob mi nus par 'gyur

bas da lta nas 'bad par bya'o/ /bzod pa'i phar phyin la lnga/
bzod pa'i ngo bo/ de bsgom pa la 'jug pa'i thabs/ bzod pa'i
rab tu dbye ba/ de bsgrub pa'i tshe ji ltar bya ba/ de dag gi
don bsdu ba'o/ /dang po ni/ gzhan gnod pa

@258b byed pa la ji mi snyam pa dang/ rang gi rgyud la sdug
bsngal byung ba la dang du len pa dang/ chos la nges par sems
ba la mos pa shin tu gnas pa'o/ /de dag gi mi mthun pa'i
phyogs kyang gsum las/ dang po ni zhe

sdang dang/ gnyis pa ni zhe sdang dang zhum nas sro shi ba
dang/ gsum pa ni ma mos shing mi 'dod pa'o/ /de la bzod pa'i
phar phyir rdzogs pa ni rang gi khro ba la sogs pa 'gog pa'i
sems kyi goms pa yongs su rdzogs pa

tsam yin gyi/ sems can thams cad mi bsrun pa dang bral ba la
ltos mi dgos te/ bsgrub par mi nus pa'i phyir dang rang gi
sems btul ba nyid kyis dgos pa 'grub pa'i phyir te/ spyod 'jug
las/

sems can mi bsrun nam mkha' bzhin/ /de dag gzhom gyis yongs mi
lang/ /khro ba'i sems 'di gcig bcom na/ /dgra de thams cad
choms dang 'dra/ /sa steng 'di dag kos g.yog tu/ /de snyed ko
bas ga la

lang; ;lham mthil tsam gyi ko bas ni/ /sa steng thams cad
g.yogs dang 'dra/ /de bzhin phyi rol dngos po yang/ /bdag gis
phyir bzlog mi lang gis/ /bdag gi sems 'di phyir bzlog bya'i/
/gzhan rnams bzlog

go ci zhig dgos/ /zhes so/ /gnyis pa de bsgom pa la 'jug pa'i
thabs ni/ sgo mang du yod kyang re zhig bzod pa'i phan yon
dang mi bzod pa'i nyes dmigs bsgom pa bshad par bya'o/ /de la
phan yon ni/ /byang sa las/ byang chub

@259a @#/ /sems dpa' ni thog ma kho nar bzod ba la phan yon du
blta ba yin te/ gang zag bzod pa can ni phyi ma la dgra mang
bar mi 'gyur ba dang 'bye ba mang bar mi 'gyur ba dang/ bde ba
dang yid bde ba

mang bar 'gyur ba dang 'gyod pa med par 'chi ba'i dus byed par
'gyur ba dang lus zhig nas kyang bde 'gro mtho ris kyi 'jig
rten du lha rnams kyi nang du skye bar 'gyur ro snyam ste/ de
de ltar phan yon du blta bas bdag nyid kyis

kyang bzod cing gzhan yang bzod pa yang dag par 'dzin du 'jug
la bzod pa'i bsngags pa'ang brjod cing gang zag bzod pa can
mthong na yid dga' zhing kun tu dga' bar 'gyur ba yin no/
/zhes dang/ phar phyin bsdus pa

las kyang/ gzhan don 'dor ba'i yid dang ldan pa la/ /tshul gyi
dam pa bzod pa yin zhes gsungs/ /'jig rten legs pa phun sum
tshogs pa dag /khro ba'i skyon la bzod pas yongs su skyob/
/mthu ldan rnams kyi rgyan

gyi dam pa ste/ /dka' thub tshul 'chang rnams la stobs kyi
phul/ /gnod sems 'brog gi me la chu yi rgyun/ /'di dang gzhan
la gnod dgu bzod pas sel/ /skye bo mchog gi bzod pa'i go cha
la/ /mi bsrun skye bo'i

tshig gi mda' rdugs pas/ /de dag bstod pa'i me tog bzang gyur
cing/ /grags pa'i phreng ba yid du 'ong bar 'gyur/ /zhes dang/
yon tan mdzes ldan mtshan rab brgyan pa yi/ /gzugs sgrub bzo yi
gnas kyang bzod

@259b pa yin/ /zhes sems can gyi log sgrub kyis gzhan don las
mi ldog pa dang dge rtsa du ma 'joms pa'i khro ba'i dgra las
skyob pa dang gnod byed mthu chung ngu la'ang bzod pas yid
'phrog pa'i rgyan dang/ nyon mongs gdung bar

byed pa'i dka' thub pa rnams kyi stobs dam pa dang gnod sems
kyi me chen po 'joms pa'i chu'i rgyun dang mi bsrun pa rnams
kyi log sgrub kyi mdas mi phigs pa'i go cha dang/ gser gyi
mdog can 'gro ba'i mig dang yid 'phrog

pa'i gzugs bzang po sgrub pa'i bzo bo mkhas pa la sogs pa'i
phan yon du ma'i sgo nas bsngags pa'o/ /spyod 'jug las kyang/
gang zhig bsgrims te khro 'joms pa/ /de ni 'di dang gzhan du
bde/ /zhes gsungs pa

ltar; bzod pa rgyun ldan du bsten na ni yid kyi dga' ba mi
nyams pas tshe 'dir yang dus thams cad du bde la/ phyi ma la
ngan 'gro 'gog cing bde 'gro khyad par can dang mthar nges
legs ster bas 'di phyi kun tu bde ba'o/ /

de dag la sogs pa'i phan yon rnams bzod pa las byung ba'i rgyu
'bras kyi 'brel pa la nges pa shugs drag la brtan pa ma rnyed
kyi bar du bsgom par bya'o/ /khro ba'i nyes dmigs lam mthong
ba'i nyes dmigs ni/ spyod 'jug

las; bskal pa stong du bsags pa yi/ /sbyin dang bder gshegs
mchod la sogs/ /legs spyad gang yin de kun kyang/ /khong khro
gcig gis 'joms par byed/ /ces gsungs pa ste/ 'di ni 'phags pa
dpa' bos mdzad

@260a @#/ /pa ji lta ba bzhin spyod 'jug tu bkod par snang ngo/
/'jam dpal rnam par rol pa'i mdo las ni bskal pa brgyar bsags
pa'i dge ba 'jogs par gsungs la/ 'jug par yang bskal pa

brgyar bsags pa'i sbyin pa dang tshul khrims kyi phar phyin la
goms par byas pa'i dge ba rnams khong khro'i bsam pa skad cig
tsam zhig skyes pas kyang 'joms par gsungs so/ /yul ji 'dra
zhig la khros pa dgos pa ni/ kha cig

byang sems dgos par 'chad la/ kha cig yul spyi la bzhed pa'i
snga ma ni/ 'jug pa las/ gang phyir rgyal sras rnams la khros
pa yis/ /sbyin dang khrims byung dge ba bskal pa brgyar/
/bsags pa skad cig

gis 'joms/ zhes gsungs pa dang mthun par snang ngo/ /khong
khro skye ba'i rten ni byang sems kyis khros na'ang dge rtsa
'joms na byang sems ma yin pas byang sems la khros na lta ci
smos par 'jug 'grel las gsungs shing/

yul de byang sems su nges ma nges dang khro ba'i rgyu mtshan
gyi skyon mthong ba bden mi bden ni sngar bshad pa ltar gyi
dge ba 'joms pa la 'dra bar gsungs so/ /spyir dge ba'i rtsa ba
'joms pa la byang sems la khros pa mi dgos

te; bslab btus las/ 'phags pa thams cad yod par smra ba'i
gzhung las kyang/ dge slong dag dge slong gis 'di ltar skra
dang sen mo'i mchod rten la yan lag thams cad kyis phyag 'tshal
te sems dang bar byed pa

@260b la ltos/ btsun pa de ltar lags so/ /dge slong dag 'dis
sa ji tsam zhig non pa'i 'og dpag tshad brgyad khri bzhi stong
na gser gyi 'khor lo rnams la thug pa'i bar na bye ma ji snyed
yod pa de snyed du dge slong

'dis 'khor los bsgyur ba'i rgyal srid stong 'gyur du longs
spyod par 'gyur ro zhes bya ba nas/ de nas tshe dang ldan pa
nye bar 'khor gyis bcom ldan 'das ga la der logs su thal mo
sbyar ba btud de bcom ldan 'das la

'di skad ces gsol to/ /bcom ldan 'das kyis dge slong gi dge
ba'i rtsa ba de lta bur che bar gsungs na bcom ldan 'das dge
ba'i rtsa ba de dag gang du zad pa dang bsrabs pa dang yongs
su byang ba dang yongs su zad par 'gyur/

nye bar 'khor ji ltar tshangs pa mtshungs par spyod pa la rma
phyung ba dang smas par byas pa de lta bu ni ngas ma mthong
ste/ nye bar 'khor des dge ba'i rtsa ba chen po 'di dag bsrabs
pa dang yongs su byang ba dang yongs su zad par 'gyur

ro; ;nye bar 'khor de lta bas na ci nas 'gal pa la'ang sems
kyis gnod par mi bya na rnam par shes pa dang bcas pa'i lus la
lta smos kyang ci dgos zhes 'don no/ /zhes so/ /dge rtsa bcom
pa'i don ni sngar gyi

dge ba rnams kyi 'bras bu myur du bskyed pa'i nus pa bcom nas
'bras bu 'byin pa rgyang bsrings te sngon la zhe sdang lta bu
de'i 'bras bu 'byin pa yin gyi/ da gdod rkyen dang phrad na
rang rang gi 'bras bu mi 'byin 

@261a @#/ /pa min te/ 'jig rten pa'i lam gang gis kyang spang
bya'i sa bon spong mi nus na nyon mongs pas sa bon spong ba mi
srid pa'i phyir ro zhes mkhas pa 'ga' zhig gsung ngo/ /rgyu
mtshan de ni ma nges par snang ste/ so

so skye bos gnyen po stobs bzhis mi dge ba sbyangs pa'i dag
pa'ang sa bon spangs pa min kyang da gzod rkyen dang phrad kyang
rnam smin 'byin pa mi srid pa'i phyir dang/ rang rang gi rnam
smin phyung nas zad pa'i las dge mi dge yang sa bon spangs pa
min

kyang phyin chad rkyen dang phrad kyang rnam smin de 'byung mi
srid pa'i phyir dang/ sbyor lam rtse mo dang bzod pa thob pa'i
tshe log lta dang ngan 'gro'i rgyur gyur pa'i mi dge ba'i sa bon
ma spangs kyang rkyen dang phrad na'ang log lta dang ngan 'gror
skye ba mi

srid pa'i phyir ro/ /gzhan yang sngar drangs pa'i las kyis 'khor
bar lci gang dang/ zhes gsungs pa ltar/ dge mi dge'i las gang
sngon la smin pa des re zhig la las gzhan de smin pa'i go skabs
bkag kyang de tsam gyis dge

ba'am mi dge ba 'joms par bzhag mi nus shing ma gsungs pa'i
phyir/ re zhig rnam smin rgyang bsrings pa tsam dge rtsa bcom
pa'i don du mi rung ste/ gzhan du na mi dge ba'i las stobs ldan
thams cad dge rtsa 'joms byed du

gsung dgos par 'gyur ro/ /des na 'di la slob dpon legs ldan
'byed kyis ni sngar bshad pa ltar mi dge ba stobs bzhis sbyangs
pa dang log lta dang gnod sems kyis dge rtsa bcom pa gnyis ka
/sa bon nyams pa

@261b rkyen dang phrad kyang myu gu mi 'byung ba ltar da gdod
rkyen dang phrad kyang 'bras bu 'byin mi nus par gsungs so/ /de
yang sngar bshad pa ltar sdig pa bsags pa stobs bzhis sbyangs
pas 'dag kyang lam gong ma skye ba bul du song ba mi

'gal ba ltar/ kha cig la sbyin pa btang ba dang tshul khrims
bsrungs pa'i 'bras bu longs spyod dang lus phun sum tshogs pa
'byung ba lta bu zhig bcom yang gtong ba dang spong sems la goms
pa'i byed pa rgyu mthun gyis

slar yang sbyin pa dang tshul khrims kyi dge rtsa skye sla ba
'joms mi nus pa dang/ kha cig la nang gi tshul khrims la sogs
pa'i byed pa rgyu mthun rigs 'dra rgyun chags su 'byung ba bcom
nas lus dang longs spyod sogs phun

sum tshogs pa 'byung ba mi 'joms pa dang/ kha cig la sngar bshad
pa ltar lung bstan thob pa'i byang sems la khong khro ma skyes
na bskal ba gcig gis rdzogs par bgrod nus pa'i lam gyi rtogs pa
'ga' zhig khong

khro'i bsam pa gcig skyes na lam de rgyud la yod pa ma btang
yang bskal pa gcig gi yun gyis lam bgrod pa bul du song ba lta
bu ste/ mdor na mi dge ba 'dag pa la'ang de'i byed pa gang yin
thams cad 'dag mi

dgos pa dang 'dra bar dge ba bcom ba la'ang de'i byed pa gang
yin thams cad 'joms mi dgos sam snyam mo/ /'on kyang 'di lag che
zhing sangs rgyas nyag gcig gi lung dang de la brten pa'i rigs
pa la brten nas dpyad dgos

@262a @#/ /pa kho nar snang bas legs par gsung rab bltas la dpyad
par bya'o/ /de ltar na rang gi rnam smin yid du mi 'ong ba ches
drag pa 'phen pa dang/ gzhan gyi rnam smin ches yid du 'ong ba
'byin pa dpag tu

med pa 'gog pa ni ma mthong ba'i nyes dmigs so/ /mthong chos kyi
nyes dmigs ni/ yid zhi zhing nges pa nyams su mi myong ba dang
dga' ba dang bde ba sngar yod 'jig cing phyi ma mi 'thob pa dang
gnyid mi phebs shing sems rnal du

gnas pa'i brtan pa nyams pa dang/ zhe sdang chen sngar drin gyis
bskyangs pas kyang drin brjed nas gsod pa dang mdza' bshes kyis
kyang sun nas spong ba dang sbyin pas bsdus kyang mi sdod pa la
sogs pa ste/ spyod 'jug las/

zhe sdang zug rngu'i sems 'chang na/ /yid ni zhi ba nyams mi
myong/ /dga' dang bde ba'ang mi 'thob la/ /gnyid mi 'ong zhing
brtan mi 'gyur/ /gang dag nor dang bkur sti yis/ /drin byin de
la brten gyur pa/ /de dag kyang ni sdang

ldan pa'i/ /rje dpon de la gsod par rgol/ /de yis mdza' bshes
skyo bar 'gyur/ /sbyin pas bsdus kyang sten mi byed/ /mdor na
khro ba bder gnas pa/ /de ni 'ga' yang yod ma yin/ /zhes so/
/skyes rabs las kyang/ khro

ba'i me yis bzhin mdog nyams gyur na/ /rgyan gyis brgyan yang
bzang por yong mi snang/ /mal stan bzang po dag la nyal gyur
kyang/ /khro ba'i zug rngus sems ni sdug bsngal 'gyur/ /bdag la
phan pa'i don 'grub brjed 'gyur

@262b te; ;khro bas gdungs nas lam ngan 'gro bar byed/ /grags
dang don grub pa las nyams par 'gyur/ /zla ba mar gyi ngo bzhin
dpal yang nyams/ /mdza' bshes dag gis rab tu gcugs gyur kyang/
/khro bas mi rigs g.yang sar

ltung bar 'gyur/ /phan dang gnod par sems la blo nyams nas/
/phal cher 'gal zhing sems ni rmongs par 'gyur/ /khro bas sdig
pa'i las ni goms byas pas/ /ngan song dag tu lo brgyar sdug
bsngal myong/ /gnod pa chen po

byas pas shar gnyer ba'i/ /dgras kyang de las lhag pa ci byar
yod/ /khro ba 'di ni nang gi dgra/ /bdag gis de ltar shes nas
ni/ /de yi mthu ni 'phro ba dag  /skyes bu su zhig bzod par
byed/ /ces gsungs so/ /de dag la sogs

pa'i nyes dmigs rnams khro ba las 'byung ba la nges pa brtan po
rnyed rnyed du bsgom par bya'o/ /de ltar na spyod 'jug las/ zhe
sdang lta bu'i sdig pa med/ /bzod pa lta bu'i dka' thub med/ /de
bas bzod la nan tan du/ /sna tshogs tshul

gyis bsgom par bya/ /zhes gsungs pa ltar/ phan yon dang nyes
dmigs mthong ba sngon du btang la sgo du ma nas bzod pa bsgom
pa
la 'bad do/ /rkang ba dang po'i rgyu mtshan ni/ 'jug 'grel las/
rgya mtsho chen po'i chu'i tshad srang grangs kyis

nges par mi nus pa ltar der rnam par smin pa'i mtshams nges par
mi nus so/ /de'i phyir de ltar 'bras bu yid du mi 'ong ba 'phen
pa dang dge ba la gnod pa byed pa'i sdig pa ni mi bzod pa las
gzhan mchog tu byung ba yod pa ma yin no/ /zhes

@263a @#/ /gsungs pa ltar yin te/ rnam smin yid du mi 'ong ba
ches che ba 'byin kyang dge rtsa mi 'joms na de tsam du sdig che
ba min pa'i phyir ro/ /'on kyang rnam smin tshabs che ba 'byin pa
dang dge rtsa 'joms pa

gnyis ka tshogs pa'i nyes spyod ni zhe sdang las gzhan pa'ang
mang ste/ rgyu 'bras la skur pa 'debs pa'i log lta dang dam pa'i
chos spong ba dang byang sems dang bla ma la sogs pa la ches
cher khyad du gsod cing nga rgyal bskyed pa sogs

te bslab btus las shes par bya'o/ /bzod pa'i rab dbyed la gsum/
gnod byed la ji mi snyam pa dang/ sdug bsngal dang du len pa
dang/ chos la nges sems kyi bzod pa'o/ /dang po gnod byed la ji
mi snyam pa'i

bzod pa bskyed pa la gnyis/ gnod byed kyis gnod pa byas pa la mi
bzod pa dgag pa dang/ gnod byed 'byor pa la mi dga' zhing rgud
pa la dga' ba dgag pa'o/ /dang po la gnyis/ bde ba'i gegs byas
pa dang

sdug bsngal bar byas pa la mi bzod pa dgag pa dang/ bkur ba sogs
kyi gegs byas pa dang brnyas pa sogs gsum byed pa la mi bzod pa
dgag pa'o/ /dang po la gnyis/ khro bar bya ba mi rigs par bstan
pa dang/

brtse bar bya ba rigs par bstan pa'o/ /dang po la gsum/ yul
dang/ yul can dang/ rten la brtags na mi rigs pa'o/ /dang po la/
rang dbang yod med brtags na mi rigs pa ni/ gnod byed la khro
bar rigs pa'i

@263b rgyu mtshan gang yin snyam du brtag par bya'o/ /de ltar
brtags pa na des rang la gnod pa byed 'dod kyi bsam pa sngon du
btang nas sbyor bas rang gi bde ba bkag pa'am lus dang sems la
yid du mi 'ong ba'i sdug bsngal bskyed

pas so snyam na/ gal te des rang la gnod pa mi byed pa la rang
dbang yod bzhin du gnod pa bskyal bas khro ba yin nam de la rang
dbang gtan med de gzhan gyis dbang med du bskul nas gnod pa byas
pa yin pas khro ba yin/ dang po

ltar na khro bar mi rigs te des gnod pa byed pa de la rang la
rang dbang med pa'i phyir te/ 'di ltar sngon goms pa'i nyon
mongs kyi sa bon yod pa dang yul nye ba dang tshul bzhin ma yin
pa yid la byed pa'i rgyu dang rkyen rnams tshogs

pa na gnod pa'i sems de bskyed do snyam du ma bsams kyang rgyu
rkyen de dag gis bskyed par 'gyur ba'i phyir dang/ rgyu rkyen de
dag ma tshang na bskyed do snyam du bsams kyang gtan mi skye ba'i
phyir ro/ /de ltar rgyu rkyen de dag gis gnod pa

byed 'dod bskyed la des kyang gnod pa byed pa'i sbyor ba rnams
bskyed cing des gzhan la sdug bsngal bskyed pa'i phyir na gang
zag de la rang dbang cung zad kyang med do/ /kho nyid kyang
nyon
mongs pa'i gzhan gyi dbang du gyur pas de'i bran

ltar song ba'i phyir ro/ /rang la rang dbang gtan med par gzhan
gyis dbang med du bskul nas gnod pa byas pa yin na ni shin tu
yang khro bar mi rigs te/ dper na/ gdon gyis brlams nas de'i
dbang du song ba 'ga' zhig

@264a @#/ /rang de las thar bar byed pa'i phan 'dogs mkhan la
gnod pa byed 'dod cing brdeg pa sogs byed kyang/ 'di ni gdon
gyis rang dbang med par byas pas de ltar byed do snyam nas de la
cung zad kyang mi

khro bar gdon dang ci phrel phrel la 'bad pa bzhin du/ byang
sems kyis kyang gnod byed kyis gnod pa byed pa na 'di ni nyon
mongs pa'i gdon gyis rang dbang med par byas pas de ltar byed pa
yin no snyam du bsams nas/ gang zag

de la cung zad kyang mi khro bar 'di nyon mongs pa de dang dbral
ba'i phyir du bdag gis byang sems kyi spyod pa la 'bad do snyam
du sems bskyed dgos so/ /de ltar yang bzhi brgya pa las/ khro
yang 'byung pos bzung ba las/ /sman pa

'khrug pa min de ltar/ /thub pas nyon mongs dag gzigs kyi/ /nyon
mongs dang 'brel gang zag min/ /zhes dang/ slob dpon zla ba
grags pas kyang/ 'di 'dir sems can skyon min gyi/ /'di ni nyon
mongs rnams

skyon zhes/ /rnam par dpyad nas mkhas pa rnams/ /sems can dag la
'khrug mi byed/ /ces gsungs pa ltar ro/ /spyod 'jug nas rigs pa
mang du gsungs kyang 'di nyid nges pa skye sla zhing khro ba'i
gnyen por 'gyur

tshabs che bar snang la/ byang sar yang chos tsam gyi 'du shes
bsgoms nas gnod pa bzod par gsungs pa'ang 'di dang don gcig pas
'di la nges pa rnyed rnyed du bsgom par bya'o/ /gal te sems can
de dag la

@264b rang dbang yod na ni 'ga' yang sdug bsngal bar mi 'gyur te
sdug bsngal de mi 'dod pa'i phyir dang de la'ang rang dbang yod
pa'i phyir ro/ /gzhan yang de dag nyon mongs drag po bskyod pa
na ches shin tu sdug cing phangs pa'i rang

la'ang 'gag pa dang g.yang du mchong pa dang/ tsher ma dang
mtshon la sogs pas gnod pa byed cing kha zas gcod pa sogs byed na
gzhan la gnod pa lta ci smos snyam du bsams nas kyang khro ba
dgag par bya'o/ /spyod 'jug

las; de ltar thams cad gzhan gyi dbang/ /de yi dbang gis de
dbang med/ /de ltar shes nas sprul lta bu'i/ /dngos po kun la
khro mi 'gyur/ /zhes dang/ de bas dgra 'am mdza' yang rung/ /mi
rigs byed pa mthong gyur

na; ;'di 'dra'i rkyen las gyur to zhes/ /de ltar soms te bde bar
mnos/ /gal te rang dgas 'grub 'gyur na/ /'ga' yang sdug bsngal
mi 'dod pas/ /lus can dag ni thams cad kyang/ /su la'ang sdug
bsngal

'byung mi 'gyur/ /zhes dang/ gang tshe nyon mongs dbang gyur pas/
/bdag sdug nyid kyang gsod byed pa/ /de tshe de dag gzhan lus
las/ /gnod mi byed par ji ltar 'gyur/ /zhes gsungs so/ /glo bur
ba dang rang bzhin gang

yin brtags na mi rigs pa ni/ gzhan la 'tshe ba byed pa'i skyon de
sems can gyi rang bzhin yin min gnyis las mi 'da' bas rang bzhin
yin na ni khro bar mi rigs te me tsha zhing bsreg pa la khro bar
mi rigs pa bzhin no/ /'on

@265a @#/ /te glo bur ba yin na'ang khro bar mi rigs te du ba la
sogs pa nam mkha' la snang ba na de'i skyon gyi dbang gis nam
mkha' la khro bar mi rigs pa bzhin no snyam du bsams la khro ba
dgag ste/

spyod 'jug las/ gal te gzhan la 'tshe byed pa/ /byis pa rnams kyi
rang bzhin na/ /de la khro bar mi rigs te/ /bsreg pa'i rang
bzhin me bkon 'dra/ /'on te skyon de glo bur la/ /sems can rang
bzhin nges pa na/ /

'o na'ang khro bar mi rigs te/ /mkha' la dud 'thul bkon pa
bzhin/ /zhes so/ /dngos dang brgyud pa gang gis gnod pa la
brtags na mi rigs pa ni/ dngos su gnod pa bskyed pa'i gnod byed
la khro na ni dbyug pa sogs

la gang zag bzhin du khro dgos la/ brgyud nas gnod pa skyel ba'i
gnod byed la khro na ni dbyug pa sogs skyes bus rbad pa bzhin du
skyes bu yang gnod pa byed pa la zhe sdang gis rbad pas zhes
sdang la khro dgos te/

dbyug pa la sogs dngos bkol te/ /gal te 'phen pa la khro na/ /de
yang zhe sdang gis rbad pas/ /nyis na zhe sdang la khro rigs/
/zhes so/ /des na dbyug pa la mi khron 'phen mkhan la'ang khro
bar mi rigs la

'phen mkhan la khron zhe sdang la'ang khro bar rigs pa la de
ltar mi 'dzin pa ni/ blo mi rigs pa'i lam du song ba yin pas
rigs pa rnam pa thams cad du mtshungs pa la nges pa drang la
dbyug pa ltar gang zag

@265b la'ang mi khro bar bya ba'i phyogs su yid drang ste/ 'di
la'ang dbyug pa dang 'phen pa po la gnod sems yong med kyis mi
phyed pa ni sngar bstan pa'i rang dbang 'gog pa'i rigs pas shes
par bya'o/ /gnod byed

bskul ba'i rgyu la brtags na khro bar mi rigs pa ni/ gnod byed
kyis bskyed pa'i sdug bsngal myong ba ni rgyu med pa dang mi
mthun pa'i rgyu las mi 'byung bas rjes su mthun pa'i rgyu las
'byung ba yin la/ de yang sngon gyi mi dge ba'i

las yin pa'i phyir na rang gi las kyi dbang gis gnod byed rang
dbang med par bskul ba yin no/ /de'i phyir rang gis lan pa la
gzhan la khro bar mi rigs so snyam du rang la le lan ded nas
khro ba rnam pa thams cad du dgag

par bya ste/ dper na/ sems can dmyal ba'i srung ma rnams rang gi
las ngan gyis bskyed nas rang la gnod pa byed pa bzhin te/ bdag
gis sngon chad sems can la/ /'di 'dra ba yi gnod pa byas/ /de
bas sems

can 'tshe byed pa/ /bdag la gnod pa 'di 'byung rigs/ /zhes dang/
byis pa sdug bsngal mi 'dod cing/ /sdug bsngal rgyu la brkam pas
na/ /rang gi nyes pas gnod 'gyur na/ /gzhan la bkon du ci zhig
yod/ /dper na

dmyal ba'i srang ma dang/ /ral gri lo ma'i nags tshal ltar/ /rang
gi las kyis 'di bskyed na/ /gang zhig la ni khro bar bya/ /bdag
gi las kyis bskul byas nas/ /bdag la gnod byed rnams 'byung ste/
/de yis sems

@266a @#/ /can dmyal 'dong na/ /bdag gis de dag ma brlag gam/
/zhes so/ /shwa bo ba'i zhal nas kyang/ ngas ma lan zer tsan
don du na chos kyi bag zhad kyang med bya bar bstan gsung lo/
/yul can la brtags

na khro bar mi rigs pa ni/ gnod byed la khro ba bskyed pa ni
sdug bsngal ma bzod pas yin na de ni 'gal ba yin te/ da lta'i
sdug bsngal phra mo zhig la mi bzod nas ngan 'gro'i sdug bsngal
dpag tu med pa'i rgyu nan gyis bskyed

pa'i phyir ro/ /des na bdag ni shin tu blun pa'o snyam du rang
gis rang la khrel ded de khro ba ma shor ba la 'pad par bya ste/
da lta'i sdug bsngal 'di tsam la'ang/ /bdag gis bzod par mi nus
na/ /des na dmyal

ba'i sdug bsngal rgyu/ /khro ba ci ste zlog mi byed/ /ces so/
/de la gnod pas bskyed pa'i sdug bsngal ni sngon gyi las ngan
gyi 'bras bu yin pas de myong bas ni sngon gyi las ngan 'dzad la
bzod par byas na ni/ sdig gsar

du mi gsog cing bsod nams mang po 'phel bas kho rang gi chos
nyams pa la'ang mi blta bar rang gi sdig pa sbyang ba'i phyir du
zhugs pa 'dra ba'i gnod byed la drin du blta dgos te/ skyes rabs
las/ gang zhig rang gi

chos nyams mi sems par/ /bdag gi sdig sbyang phyir ni zhugs 'dra
la/ /'di la'ang bdag gis bzod par mi byed na/ /de las gzhan pa
drin med ci 'dra zhig  /ces dang/ 'jug pa las kyang/ sngon byas

@266b pa yi mi dge'i las kyi 'bras bu gang/ /zad par byed par
brjod par 'dod pa de nyid ko/ /gzhan la gnod pa dang ni khro bas
sdug bsngal phyir/ /sa bon nyid du ji lta bur na 'khrid par
byed/ /ces so/ /des na nad chen

po gso ba'i thabs su gtar sreg byed pa la bzod pa ltar sdug
bsngal chen po bzlog pa'i phyir du sdug bsngal chung ngu la bzod
par shin tu rigs so/ /rten la brtags na khro bar mi rigs pa la/
gnod pa'i rgyu dang

skyon can skyon med la brtag pa ni/ de yi mtshon dang bdag gi
lus/ /gnyis ka sdug bsngal rgyu yin te/ /des mtshon bdag gis lus
phyung na/ /gang zhig la ni khro bar byed/ /shu ba mi yi gzugs
'dra ba/ /reg

tu mi bzod sdug bsngal can/ /sred mdongs bdag gis bzung gyur na/
/de la gnod pa su la khro/ /zhes dang/ la la rmongs pas gnod pa
byed/ /la la rmongs te khro gyur na/ /de la skyon med gang gis
bya/ /skyon dang bcas

de gang zhig yin/ /zhes so/ /rang gis khas blangs pa la brtag pa
ni/ nyan thos bdag gcig pu'i don du zhugs pa la'ang mi bzod par
khro bar mi rigs na/ bdag ni sems bskyed pa'i dus nas sems can
thams cad kyi phan bde

bsgrub par khas blangs shing gzhan gyi don du zhugs nas sems can
thams cad yongs su bzung ba la lta ci smos snyam du bsams nas
bzod pa'i bsran bskyed pa'o/ /po to ba'i zhal nas kyang/ sangs
rgyas kyi bstan pa la sdig mi

@267a @#/ /byed pa yin te/ gnod pa bag tsam byung na bzod pa mi
bsgom par 'dis bstan pa rtsa ba nas bshig zer brubs byed/ des ni
sdom pa gtong ba yin/ bstan pa rtsa ba nas des bshig pa yin
spyi'i

bstan pa 'o cag la med rang gi sdom pa shor na sgos nub yin
gsung ba dang/ sga bog pa'i g.yag gis mjug ma bsdams nas 'phags
pas sgas rkang pa brdung la/ glod na rmed lhung nas bde ba ltar
gnod byed la ma glod par

de'i zla byas pas je mi bder 'gro gsung ngo/ /gnyis pa brtse bar
bya bar rigs pa ni/ sems can thams cad thog ma med pa nas 'khor
ba na rang gi pha ma la sogs pa'i gnyen dang mdza' bor ma gyur
pa med pa dang mi rtag cing srog

dang 'bral la sdug bsngal gsum gyis sdug bsngal par gyur ba
dang/ nyon mongs pa'i gdon gyis smyo nas rang gi 'di dang phyi
ma'i don rnams kyang 'jig par byed pa la bdag brtse ba bskyed
dgos kyi/ khro ba dang gnod lan

byed du ga la rung snyam du snying thag pa nas sems pa'o/ /bkur
ba sogs kyi gegs byas pa dang brnyas pa sogs gsum byed pa la mi
bzod pa dgag pa la gnyis las/ bstod pa sogs gsum gyi gegs byas
pa la mi bzod pa

dgag pa la gsum/ bstod pa sogs la yon tan med pa'i tshul bsam pa
dang/ skyon yod tshul bsam pa dang/ des na de dag 'gog pa la dga'
bar bya ba'o/ /dang po ni/ gzhan gyis rang la bstod pa dang rang
gi grags pa

@267b rgyas pa la tshe ring ba dang nad med pa sogs tshe 'di dang
bsod nams 'thob pa sogs skye ba gzhan gyi don gnyis po gang yang
med pas de dag nyams pa la mi dga' ba ni/ gnas khang gi dgos pa
gang yang mi 'grub pa'i bye ma'i

khang bu rdib pa na byis pa chung ngu rnams du ba dang bdag cag
gnyis khyad med do snyam du rang la smad nas chags par mi bya
ste/ bstod dang grags pa'i rim gro ni/ /bsod nams mi 'gyur tsher
mi 'gyur/ /bdag stobs mi 'gyur nad

med min/ /lus bde bar yang mi 'gyur ro/ /bdag ni rang don shes
gyur na/ /de la rang don ci zhig yod/ /ces dang/ bye ma'i khang
bu rdib gyur na/ /byis pa rnams ni ga chad du/ /de bzhin bstod
dang grags nyams na/ /rang gi sems

ni byis pa bzhin/ /zhes so/ /gnyis pa ni/ bstod pa la sogs pa ni
sems don ma yin pa la g.yeng ba dang skyo shas 'jig pa dang yon
tan can la phrag dog bskyed pa dang dge ba'i bya ba rnams nyams
par byed do snyam du bsams nas  

de dag la yid 'byung ba bskyed par bya ste/ bstod sogs bdag ni
g.yeng bar byed/ /des ni skyo ba'ang 'jig par byed/ /yon tan
ldan la phrag dog dang/ /phun sum tshogs pa'ang 'jig par byed/
/ces so/ /gsum pa ni/ de ltar

na bdag gi bstod pa dang grags snyan dang rnyed bkur nyams par
byed pa ni bdag ngan 'gror 'gro ba srung byed dang chags ba'i
'ching ba gcod byed dang sdug bsngal la 'jug par 'dod pa'i sgo
'gegs byed sangs rgyas kyi byin rlabs lta bur

@268a @#/ /gyur pa yin no snyam du bsams nas snying thag pa nas
khro bdag gcing dga' ba bskyed par bya ste/ de phyir bdag gi
bstod sogs ni/ /gzhig phyir gang dag nyer gnas pa/ /de dag bdag
ni ngan song du/ /

ltung ba bsrung phyir zhugs min nam/ /bdag ni grol ba don gnyer
la/ /rnyed dang bkur sti'i 'ching mi dgos/ /gang dag bdag bcings
grol byed pa/ /de la bdag ni ji ltar khro/ /bdag ni sdug bsngal
'jug 'dod la/ /sangs rgyas

kyis ni byin brlabs bzhin/ /mi gtong sgo 'phar nyid gyur pa/ /de
la bdag ni ji ltar khro/ /zhes so/ /gnyis pa brnyas pa sogs gsum
byed pa la mi bzod pa dgag pa ni/ sems ni lus can min pas dngos
su

gzhan gyis gnod pa bya bar mi nus la lus la dngos su gnod pa las
brgyud nas sems la gnod pa yin na/ brnyas pa la sogs pas ni lus
la'ang gnod par mi nus pas lus sems gnyis ka la mi gnod pas dga'

bar bya'o snyam du bsams nas yid mi bde dgag ste/ de khegs na
zhe sdang mi skye ba'i phyir ro/ /de ltar yang/ yid ni lus can
ma yin pas/ /sus kyang gang du'ang gzhom mi nus/ /lus la mngon
par zhen pas na/ /lus ni

sdug bsngal dag gis gnod/ /brnyas dang tshig rtsub smra ba dang/
/mi snyan pa yi tshig de yis/ /lus la gnod par mi 'gyur na/ /sems
khyod ci phyir rab tu khro/ /zhes so/ /shar ba'i zhal nas/ kham
lungs pa/ sne'u zur pa/ grab pa

@268b gsum la snyan du ci tsam gsol yang sa rdol smra ba dang
khyad med pas bde bar byung/ phyi ma kun snyan khung srab pas ma
bde bar byung gsung ba dang/ gshen ston la 'di 'di skad ces zer
byas na/ lkog kha btsad po la'ang gtong bya ba

yin khyod rang phra ma byas pa'i bshags pa gyis gsung ba dang/
rnal 'byor pa shes rab rdo rje la/ 'o skol la 'gab ma yang grags
zer nas mis smra yin 'dug byas pas/ lags mi'i smra gzhi mi la
byed pa las 'o na ci la byed gsungs pas/

de nas phra ma skyel 'phro rbad kyis chod gsung/ gal te brnyas
pa sogs byas pa na gang zag gzhan rang la mi dga' bas de'i phyir
mi dga'o snyam na/ gzhan bdag la mi dga' bas bdag la gnod na
bden du chug kyang/ des ni rang la  

cir yang mi 'gyur bas mi dga' ba spang ste/ gzhan dag bdag la mi
dga' ba/ /des ni tshe 'di'am tshe gzhan la/ /bdag la za bar mi
byed na/ /bdag ni ci phyir de mi 'dod/ /ces so/ /mi dga' bas
bdag la mi gnod mod 'on

kyang de la brten nas de dag las rnyed pa 'thob pa'i bar chad
byed pas brnyas pa dang smad pa dang mi snyan pa smra ba la
khro'o snyam na/ rnyed pa thob kyang 'dir bzhag dgos la de la
khros ba'i sdig pa rjes su 'brang bas rnyed pa med par myur du

shi ba dang log 'tshos ring du gson pa gnyis snga ma bzang ngo/
/rnyed pa thob ste ring du gnas kyang 'chi ba las mi thar bas
'chi dgos la/ 'chi ba'i tshe na sngar lo brgyar bde ba spyad pa
dang lo gcig tsam bde ba spyad pa gnyis 'dra ste

@269a @#/ /gnyis ka dran pa'i yul tsam du zad kyi de'i tshe bde
sdug gi khyad par ci yang med pa'i phyir ro/ /dper na/ rmi lam
du lo brgyar bde ba myong ba dang yud tsam zhig bde ba myong ba
gnyis sad pa'i tshe bde mi

bde la khyad par ci yang med pa bzhin no/ /de ltar bsams la
rnyed bkur la chags pa ldog na brnyas pa dang mi snyan pa sgrogs
pa sogs la yid mi bde bar mi 'gyur te/ gzhan gyi ngor rang nyid
khyad par can du grub pa la don gnyer

med pas ma grub kyang yid bde ba mi ldog pa'i phyir ro/ /de ltar
yang/ rnyed pa'i bar chad byed pa'i phyir/ /gal te 'di bdag mi
'dod na/ /bdag gi rnyed pa 'dir 'dor gyi/ /sdig pa dag ni brtan
par gnas/ /bdag nyid deng

ni shi yang bla'i/ /log 'tshos yun ring gson mi rung/ /bdag lta
yun ring gnas gyur kyang/ /'chi ba'i sdug bsngal de nyid yin/
/rmi lam lo brgyar bde myong nas/ /sad par gyur pa gang yin
dang/ /gzhan zhig yud tsam bde

myong nas/ /sad par gyur pa gang yin pa/ /sad pa de dag gnyis ka
la'ang/ /bde ba de ni phyir 'ong med/ /tshe ring tshe thung gnyis
ka yang/ /'chi ba'i dus su de 'drar zad/ /rnyed pa mang po thob
gyur te/ /yun ring dus su bde spyad

kyang; ;chom pos phrogs pa ji bzhin du/ /sgren mo lag pa stong
par 'gro/ /zhes so/ /gnyis pa dgra 'byor pa la mi dga' zhing
rgud pa la dga' ba dgag pa ni/ sems can gyi phan bde bsgrub pa'i
phyir du byang chub tu sems

@269b bskyed nas sems can kho rang gis bde ba rnyed pa la khro
ba dang/ sems can thams cad 'tshang rgya bar 'dod zer nas de dag
la rnyed bkur dman pa tsam byung ba la yid mi bde ba ni shin tu
'gal lo snyam nas gzhan ci 'dra zhig

gi 'byor pa la'ang phrag dog spangs te bsam pa thag pa nas yid
dga' ba bskyed dgos te/ de lta ma yin na byang chub kyi sems
dang sems can la phan bde bsgrub pa rnams ming tsam du 'gyur
ba'i phyir te/ sems can thams cad

bder 'dod pas/ /byang chub tu ni sems bskyed nas/ /sems can rang
gis bde rnyed na/ /de ko ci ste khro bar byed/ /'jig rten gsum
mchod 'tshang rgya bar/ /sems can rnams ni 'dod ce na/ /bsnyen
bkur ngan don tsam

mthong nas/ /ci phyir de la gdung bar byed/ /gso bya gang zhig
khyod gso ba/ /khyod nyid kyis ni sbyin bya ste/ /gnyen gyis
'tsho ba rnyed gyur na/ /dgar mi 'gyur bar slar khro 'am/ /de ci
'gro la mi 'dod na/ /de la byang chub 'dod

gang yin/ /gang zhig gzhan 'byor khro de la/ /byang chub sems de
ga la yod/ /gal te des de las rnyed dam/ /sbyin bdag khyim na
gnas gyur pa/ /kun tu de khyod la med na/ /byin ma byin rung des
ci bya/ /zhes so/ /dgra rgud pa la

dga' ba dang brlag na snyam pa'i bsam pa ngan pa rnams kyang de
tsam gyis dgra la mi gnod pas rang sdug bsngal ba tsam du zad la
gnod na'ang rang gzhan phung bar 'gyur ba'i nyes dmigs bsams nas
rnam pa thams cad du dgag

@270a @#/ /par bya ste/ gal te dgra zhig mi dga' na/ /de la khyod
dgar ci zhig yod/ /khyod kyi yid smon tsam gyis ni/ /de la gnod
pa'i rgyur mi 'gyur/ /khyod kyi 'dod pas sdug bsngal de/ /grub
na'ang khyod

dgar ci zhig yod/ /gal te 'tshengs par 'gyur zhe na/ /de las
phung ba'ang gzhan ci yod/ /nyon mongs nya pas btab pa yi/
/mchil ba 'di ni mi bzad gzeb/ /des bzung sems dmyal bum par
yang/ /dmyal ba'i srung mas

bdag 'tshed nges/ /zhes so/ /de ltar rang dang rang gi gnyen
bshes kyi 'dod pa'i gegs byed pa dang mi 'dod pa'i phyogs bsgrub
pa dang rang gi dgra'i phun sum tshogs pa la mtha' gcig tu mi
'dod pa'i rnam par bltas

na de las yid mi bde skye la/ de 'phel na zhe sdang bskyed cing
mtha' gcig tu mi dga' ba log na yid mi bde ldog la/ de log na
zhe sdang mi skye bas sngar bstan pa'i rigs pa rnams kyis de dag
la mtha' gcig tu mi dga'

brnam par bzlog la sgo du ma nas khong khro dgag par bya ste/
nyes dmigs shin tu che ba'i phyir ro/ /'gog pa'i gdams ngag
kyang sngar bstan pa'i rgyal sras rnams kyi rigs pa rang gi nyon
mongs pa dang brgal lan byas nas

kha nang du log ste dgra'i mchog khong khro 'joms par byed
pa'i tshul 'di dag yin pas/ so sor rtog pa'i shes rab kyis legs
par dpyad nas rigs pa'i sgo du ma nas bkag na khong khro'i
nang tshan gyi rigs du ma khegs shing bzod

@270b pa sgo du ma nas skye la/ yang dag pa'i lung gi don dri
ma med pa'i rigs pas rnyed pa'i go ba gting tshugs pa las skyes
pa'i myong ba yin pas bag chags shin tu brtan pa yin no/ /so
sor rtog pa'i shes rab kyis dpyad sgom 'dor ba

rnams ni 'di dag la sogs pa'i byang sems kyi spyod pa rlabs
chen po thams cad dor ba yin pas/ rang dang gzhan rnams kyi
dal ba'i rten la snying po lon pa'i gegs bla na med pa yin par
shes par byas la dug bzhin du spang

bar bya'o/ /gnyis pa sdug bsngal dang du len pa'i bzod pa
bskyed pa la gsum/ sdug bsngal dang len nges par dgos pa'i
rgyu mtshan dang/ de bskyed pa'i thabs dang/ gzhi yi sgo nas
rgyas par bshad pa'o/ /dang po ni/ spyod

'jug las/ bde ba'i rgyu ni res 'ga' zhig  /sdug bsngal rgyu ni
shin tu mang/ /zhes gsungs pa ltar/ rang cag la sdug bsngal
gang yang rung ba zhig rgyun du 'byung bas de lam du 'khyer
shes pa zhig med du mi rung ste/ de lta ma

yin na des bslab btus su gsungs pa ltar yang na zhe sdang
bskyed la yang na lam bsgom pa la sro shi ba'i zhum pa bskyed
nas dge ba la sbyor ba'i bar chad du 'gyur ba'i phyir ro/ /de
yang sdug bsngal kha cig ni gzhan gyis byas pa'ang

yod; kha cig ni lam la brtson par byas ma byas gang la'ang
sngon gyi las kyis bskyed pa'ang yod/ kha cig ni 'og nas 'chad
pa ltar dge ba'i bya ba de la zhugs na 'byung lam zhugs na mi
'byung ba'ang yod do/ /de ltar sngon gyi 

@271a @#/ /las dang 'phral gyi rkyen gyi dbang gis nges par skye
ba de dag ni re zhig bzlog mi nus kyi/ byung yang de la dang du
len pa zhig dgos te/ de med na sdug bsngal gnyug ma de'i steng
du rang gi rtog pas bskyed

pa'i sems khral gyi sdug bsngal bsnan nas shin tu bzod dka' bar
'gyur la/ dang len yod na sdug bsngal gzhi bzhag de ma log kyang
de la dmigs nas yid mi bde byed pa'i sems khral gyi sdug bsngal
de gtan mi

'byung la/ sdug bsngal gzhan de la'ang lam du 'khyer thabs byas
pas sdug bsngal ches chung bar 'gyur bas bzod par nus pa'i phyir
ro/ /des na sdug bsngal dang len gyi bzod pa bskyed pa gnad
che'o/ /gnyis pa la gnyis/ sdug

bsngal byung ba la mtha' gcig tu mi dga' bar 'dzin pa dgag pa
dang/ sdug bsngal de dang du blang bar 'os par bstan pa'o/ /dang
po ni/ sdug bsngal byung ba de slar bcos su 'dug na ni yid mi
dga' ba bya mi dgos la/ bcos su

mi rung na ni mi dga' ba byas kyang phan pa med pas dgos nus med
cing nyes dmigs kyang yod de/ bze re che na sdug bsngal phra mo
shin tu bzod dka' la/ bze re chung na sdug bsngal chen po yang
bsran nus pa'i phyir te/ gal te

bcos su yod na ni/ /de la mi dga' ci zhig yod/ /gal te bcos su
med na yang/ /de la mi dgar byas ci phan/ /zhes dang/ tsha grang
char dang rlung tshogs dang/ /nad dang 'ching dang brdeg sogs la/
/bdag gis bze re mi bya ste/ /de

@271b ltar byas na gnod pa 'phel/ /zhes so/ /gnyis pa la gsum/
sdug bsngal rang gi yon tan bsam pa dang/ sdug bsngal gyi dka'
spyad bzod pa'i yon tan bsam pa dang/ chung rim nas goms na mi
dka' ba'i tshul lo/ /dang po ni/

yon tan lnga ste/ 'di ltar sdug bsngal med na de la nges par
'byung 'dod mi skye bas thar pa la yid bskul ba'i yon tan dang/
sdug bsngal gyis thebs pa na rlom pas mtho ba 'jig pas dregs pa
sel ba'i yon tan dang/ sdug

bsngal gyi tshor ba drag po myong ba na de mi dge ba las byung
bas 'bras bu de mi 'dod na rgyu las ldog dgos pas sdig la 'dzem
pa'i yon tan dang/ sdug bsngal gyis gdungs pa ni bde ba 'dod pas
de dgos na rgyu dge ba bsgrub dgos

pas dge ba bsgrub pa la dga' ba'i yon tan dang/ rang gi nyams la
dpags nas sems can gzhan yang 'di ltar sdug bsngal lo snyam nas
'khor ba na 'khyam pa rnams la snying rje skye ba'o/ /de dag
dang des mtshon nas rang gis

kyang yon tan gzhan shes par byas la sdug bsngal 'di ni 'dod
pa'i gnas so snyam du blo yang yang sbyang ste/ sdug bsngal med
par nges 'byung med/ /de bas sems khyod brtan par mnos/ /zhes
dang/ gzhan yang

sdug bsngal yon tan ni/ /skyo bas dregs pa sel bar byed/ /'khor
ba pa la snying rje skye/ /sdig la 'dzem zhing dge la dga'/
/zhes so/ /gnyis pa la gnyis/ thar pa la sogs pa'i don che ba'i
phan yon bsam pa

@272a @#/ /dang; sdug bsngal dpag tu med pa ldog pa'i phan yon
bsam pa'o/ /dang po ni/ bdag sngon 'khor ba na 'khor ba'i tshe
dgos pa dman pa 'dod pa cung zad re'i phyir du sdug bsngal
'byung bar

shes kyang/ sdug bsngal du ma khyad du bsad nas phyi ma la sdug
bsngal dpag tu med pa myong ba'i rgyur gyur pa'i don med pa'i
sdug bsngal du ma dwang du blangs na/ da ni bdag rang gzhan gyi
phan bde dpag tu med pa bsgrub pa'i

dge ba la zhugs par shes bzhin du snga ma las bye ba phrag 'bum
'gyur du sdug bsngal dang du blang bar rigs na de bas chung ba
la lta ci smos snyam du yang yang blo brtan par bya'o/ /spyod
'jug las kyang/ 'dod pa'i don du bsreg

la sogs/ /dmyal bar stong phrag myong gyur kyang/ /bdag gis rang
gi don dang ni/ /gzhan gyi don yang ma byas so/ /'di ni de tsam
gnod min la/ /don chen dag kyang 'grub 'gyur bas/ /'gro ba'i
gnod sel sdug

bsngal la/ /dga' ba 'ba' zhig 'dir bya rigs/ /zhes gsungs pa
ltar/ sngar rang gzhan gyi don gang yang ma grub pa'i dka' spyad
de tsam byas pa la bsams nas da ni don chen po 'grub pa'i sdug
bsngal

ci'i phyir mi bzod/ des na sdug bsngal yod kyang 'di lta bu byar
yod pa ni bdag gis legs pa rnyed do snyam du sems 'phangs mtho
ba bskyed pa'o/ /gzhan yang bshes gnyen ngan pas bslus nas don
med pa'i

@272b lam ngan pa la'ang mdung rtse gsum la mchong ba dang me
lnga bsten pa sogs kyi dka' spyad bzod par byed pa dang/ 'jig
rten pa'i dgos pa dman pa'i ched du zhing las dang tshong dang
g.yul 'gyed pa sogs kyi sdug

bsngal du ma la bsran 'dzugs pa rnams bsams la dka' spyad kyis
mi 'jigs pa bskyed par bya'o/ /sdug bsngal dpag med ldog pa'i
phan yon bsam pa ni/ gsod pa'i mi zhig lag pa'i sor mo tsam bcad
nas

gsod pa las thar na dga' ba chen po skye ba ltar/ mi'i dka'
spyad kyi sdug bsngal phra mo 'di 'dras spyir 'khor ba mtha' med
dang khyad par du dmyal ba la sogs pa'i ngan 'gro'i sdug bsngal
gtan bzlog nus pa ni shin tu

legs so snyam du 'phral dang yun gyi sdug bsngal gnyis kyi khyad
par rnams legs par bsams na dka' spyad la mi 'jigs pa'i snying
stobs skye ste/ gsod pa'i mi zhig lag bcad de/ /gal te thar na
cis ma legs/ /

gal te mi yi sdug bsngal gyis/ /dmyal ba bral na cis ma legs/
/zhes so/ /chung rim nas goms na mi dka' ba ni/ goms na sla bar
mi 'gyur ba'i/ /dngos de gang yang yod ma yin/ /de bas gnod pa
chung bsgoms

pas; ;gnod pa chen po'ang bzod par bya/ /zhes gsungs pa ltar/
/sdug bsngal dang du len pa'i bsam pa'i go cha bzung nas sdug
bsngal chung rim dang bsres kyin byas na sdug bsngal dang du len
pa stobs je rgyas su

@273a @#/ /'gyur ro/ /bslab btus las kyang/ de la sdug bsngal
chung ngu la goms pa sngon du btang na dka' ba dang shin tu dka'
ba la goms pa 'grub ste/ dper na/ goms pa'i dbang gis sems can

thams cad sdug bsngal la bde bar 'du shes pa de bzhin du/ sdug
bsngal byung ba thams cad la bde bar 'du shes nye bar bzhag pa
goms pas bde ba'i 'du shes nyid du nye bar gnas par 'gyur ro/
/zhes so/ /de dag

'ong ba yang drag shul can gyis zhus pa las/ shing bal gyi 'dab
ma lta bu'i sems dang bral bar bya'o/ /zhes dang/ sdong po bkod
pa las kyang/ bu mo khyod kyis nyon mongs thams cad gzhom pa'i
phyir thub par dka'

ba'i sems bskyed par bya'o/ /zhes gsungs pa ltar/ sems shin tu
brtan tshugs pa'i snying stobs dgos kyi sems srab mos mi 'ong
ngo/ /des na dang po nas snying stobs ma chungs par bskyed na
sdug bsngal chen po yang

grogs su 'gro ste/ dper na/ dpa' bo 'ga' zhig g.yul du zhugs pa
na rang gi khrag bo ba mthong na des snying stobs skye ba'i rgyu
byed pa bzhin no/ /dang po nas 'di lta bu ma thos shing thos
kyang ngas de 'dra ba mi 'ong zer nas rang

khyad du bsad na ni sdug bsngal chung ngus kyang lam las ldog
pa'i rkyen du 'gyur te/ dper na/ sdar ma 'ga' zhig gzhan gyi
khrag mthong na'ang bog nas 'gyel 'gro ba bzhin te/ la la bdag
gi khrag mthong na/ /dpa'

@273b brtan lhag par skye 'gyur yod/ /la la gzhan gyi khrag
mthong yang/ /bog cing brgyal bar 'gyur ba yod/ /de ni sems kyi
dang brtan dang/ /sdar ma'i tshul las gyur pa yin/ /zhes gsungs
pa ltar ro/ /gzhi'i sgo nas

rgyas par bshad pa ni/ sdug bsngal byung ba dang du len dgos na/
ji 'dra ba las byung ba'i sdug bsngal dang du blang snyam na/
'di la brgyad las/ gnas la brten pa ni/ chos gos dang bsod
snyoms dang mal cha dang stan dang

na ba'i gsos sman dang yo byad de dag ni tshangs spyod 'phel ba'i
gnas so/ /de rnams ngan pa dang nyung ba rnyed pa dang pha rol
pos ma gus pa dang yun ring du bgyangs nas byin pa la mi dga' ba
dang yi chad pa med cing de dag las byung ba'i

sdug bsngal dang du len pa'o/ /'jig rten gyi chos la brten pa
ni/ ma rnyed pa dang mi snyan pa dang smad pa dang sdug bsngal
ba dang 'jig pa zad pa rga ba na ba 'chi ba'i chos can rnams
'jig pa nas 'chi ba ste dgu ni 'jig rten gyi

chos yin la/ de thams cad dam re re la brten pa'i sdug bsngal
rnams la so sor brtags nas dang du len pa'o/ /spyod lam la brten
pa ni/ 'chag pa dang 'greng ba dang 'dug pa dang nyal ba ni
spyod lam bzhi yin la/ de'i dang

po dang gsum pas sgrib pa rnams las nyin mtshan du sems sbyong ba
na de las byung ba'i sdug bsngal dang du len gyi/ dus ma yin par
khri'am khri'u'am rtswa bting ba'am lo ma bting ba la glos 'bebs
par mi byed pa'o/ /chos

@274a @#/ /yongs su 'dzin pa la brten pa ni/ dkon mchog gsum la
mchod cing rim gro byed pa dang/ bla ma la mchod cing rim gro
byed pa dang/ chos rnams bzung ba dang/ bzung ba rnams gzhan la
rgya cher ston pa dang/ gsangs

bstod de kha ton du bya ba dang/ gcig pu dben par gnas te yang
dag par sems pa dang/ rnal 'byor yid la byed pas zin pa'i zhi
lhag bsgom pa ste chos 'dzin pa bdun no/ /de dag la rtsol ba na
sdug bsngal byung ba de dwang

du len pa'i/ /slongs mos 'tsho ba la brten pa ni/ skra dang kha
spu bregs pa la sogs pas gzugs mi sdug pa nyams su blang ba
dang/ gos dras pa dang kha dog ngan pa nyams su blang ba dang/
'jig rten pa'i spyod pa thams

cad las bsdams nas gnas pas tshul gzhan bya ba dang/ zhing la
sogs pa spangs te gzhan las rnyed pas 'tsho bas gzhan la rag las
pa'i 'tsho ba can dang/ rnyed pa rnams gsog cing mi spyod pas ji
srid 'tsho ba'i

bar du gzhan las chos gos la sogs pa 'tshol ba dang/ mi tshangs
spyod spangs pas ma shi'i bar du mi'i 'dod pa rnams las ldog par
bya ba dang/ gar dang bzhad gad sogs spangs pas mdza' po dang
snying du sdug

pa dang chung po grogs la sogs pa dang dga' mgur spyad pa spangs
pa'i phyir ma shi'i bar du mi'i dga' rtsed las ldog pa ste
slongs mos 'tsho ba bdun no/ /de dag la brten nas sdug bsngal
byung ba dang du len pa'o/ /mngon par

@274b brtson pas dub pa la brten pa ni/ dge phyogs la brtson pa
la lus dang sems kyi dub pa dang 'khrug pa ngal ba'i gzhi las
byung ba'i sdug bsngal rnams dang du len pa'o/ /sems can gyi don
byed pa la brten pa ni/ don

bya ba bcu gcig ste/ de las sdug bsngal byung ba'ang dang du len
pa'o/ /'phral gyi bya ba la brten pa ni/ lhung bzed dang chos
gos kyi las la sogs pa rab tu byung ba dang kha na ma tho ba med
pa'i zhing las dang tshong dang rgyal

po la zho shas 'tsho ba la sogs pa khyim pa'i 'phral gyi bya ba
ste de las byung ba'i sdug bsngal dang du len pa'o/ /de ltar
gzhi brgyad las byung ba'i sdug bsngal gang yang rung bas thebs
kyang so so'i brtson 'grus mi gtong zhing

byang chub la 'jug pa dang zhugs nas bzlog pa'i gegs su mi 'gyur
la yid mi dga' ba med par 'jug go/ /gsum pa chos la nges par
sems pa la mos pa'i bzod pa bskyed pa la mos pa'i yul ni brgyad
de/ dang ba'i

yul ni/ dkon mchog gsum gyi yon tan no/ /mngon du bya ba'i yul
ni/ bdag med pa gnyis kyi de kho na nyid do/ /'ded pa'i yul ni/
sangs rgyas dang byang chub sems dpa' rnams kyi mthu chen po ste
de yang mngon par

shes pa'i mthu dang phar phyin drug gi mthu dang lhan cig skyes
pa'i mthu gsum mo/ /blang dor gyi yul ni/ legs par spyad pa dang
nyes par spyad pa'i rgyu dang de dag gi 'bras bu 'dod pa dang mi
'dod pa ste 'di gnyis su

@275a @#/ /bya'o; ;bsgom pa'i yul ni/ thob bya'i don byang chub
dang de thob pa'i thabs byang sems kyi bslab pa'i lam thams cad
de 'di yang gnyis su bya'o/ /thos bsam gyis rjes su bsgrub pa'i
yul ni/

shes bya'i spyod yul de mi rtag pa la sogs pa la gro lung pa
bzhed do/ /stobs kyi rigs kyi le'ur ni gsung rab yan lag bcu
gnyis la sogs pa'i dam pa'i chos la brgyad par gsungs pas de
bzhin du bya dgos sam snyam

mo; ;mos pa'i tshul ni/ yul de dag ji ltar yin pa la nges pa
rnyed nas mi mthun pa med par 'dzin cing yang dang yang du sems
pa'o/ /sdug bsngal dang len dang chos la nges sems brgyad tshan
gnyis ni/ byang sa las

gsungs pa bkod pa ste khyad par du chos la nges sems 'di rgyas
par snang ngo/ /de dag bsgrub pa'i tshe ji ltar bya ba ni/ bzod
pa gang yang rung ba zhig bsgrub pa na'ang dam pa drug dang ldan
pa dang phar phyin drug tshang bar byas nas

bsgrub pa ste/ gzhan bzod pa la 'god pa bzod pa'i sbyin pa yin
pa ma gtogs pa sngar bshad pa dang 'dra'o/ /lnga pa de dag gi
don bsdu ba ni/ spyod pa'i rten sems bskyed pa rjes su dran
zhing bsgom pa ni/ sems can thams

cad zag pa zad pa'i bzod pa la 'god par 'dod pa'i rtsa ba yin
pas/ de je 'phel du btang nas sa mthon po'i bzod pa rnams kyang
smon pa'i yul du byas nas sbyong ba dang/ las dang po pa'i bzod
pa'i bslab bya rnams

@275b dmigs phyed par byas nas tshul bzhin du de la slob pa dang/
ji skad bshad pa'i mtshams las 'das na'ang phyir 'chos pa la
brtson pa dgos kyi/ de dag nyams len gyi tshe yal bar dor na kha
na ma tho ba chen po du mas rgyun du gos

par 'gyur zhing/ skye ba gzhan du'ang byang sems kyi spyod pa
rmad du byung ba rnams la nyams su len pa ches shin tu dka' bar
'gyur la/ lam gyi gnad dam par bltas nas nus pa rnams da lta nas
bsgrub cing mi nus pa rnams

la'ang bsam pa sbyangs na/ lag bzang gis zhus pa las gsungs pa
ltar tshegs chung ngu dang sdug bsngal tshung ngus bzod pa'i phar
phyin yongs su rdzogs par byed pa yin no/ /brtson 'grus kyi phar
phyin la bslab pa la lnga/ brtson

'grus kyi ngo bo/ de nyams su len pa la 'jug pa'i thabs/ brtson
'grus kyi rab tu dbye ba/ bsgrub pa'i tshe ji ltar bya ba/ de dag
gi don bsdu ba'o/ /dang po ni/ dmigs pa dge ba la dmigs nas rnam
pa mngon par spro ba ste/

spyod 'jug las/ brtson gang dge la spro ba 'o/ /zhes so/ /byang
sa las ni dge ba bsdu ba dang sems can gyi don bya ba'i phyir du
sems mngon par spro ba phyin ci ma log pa dang des bslangs pa'i
sgo gsum gyi las g.yo ba la bshad do/ /

gnyis pa ni/ brtson 'grus brtsams pa'i phan yon dang ma brtsams
pa'i nyes dmigs mang du sems pa ste de la goms na brtson 'grus
bskyed par 'gyur ba'i phyir ro/ /de la phan yon ni/ lhag bsam
bskul ba las/ sdug bsngal

@276a @#/ /kun dang mun pa sel byed cing/ /ngan song yongs su
spong ba'i gzhir gyur pa/ /sangs rgyas kun gyis bsngags pa'i
brtson 'grus 'phags/ /gang yin de ni rtag tu brten par gyis/
/'jig rten 'di na

bzo gang ci yod dang/ /'jig rten 'das bzo gang dag ci yod pa/
/brtson 'grus brtsams la rnyed par mi dka' na/ /mkhas pa su dag
brtson 'grus stobs kyis skyo/ /gang dag sangs rgyas byang chub
zhugs gyur pa/ /de dag rmugs

gnyid skyon rnams mthong nas ni/ /rtag tu brtson 'grus rtsom la
gnas par byed/ /'di ni nga yis de dag bskul byas yin/ /zhes
dang/ mdo sde'i rgyan las kyang/ dge ba'i tshogs kyi nang na
brtson 'grus mchog  /'di ltar de la

brten nas de rjes 'thob/ /brtson 'grus kyis ni mod la bde gnas
mchog  /dngos grub 'jig rten 'das dang 'jig rten gtogs/ /brtson
'grus kyis ni srid spyod 'dod pa 'thob/ /brtson 'grus kyis ni
dag pa rab 'gyur ldan/ /

brtson 'grus kyis ni 'jig tshogs 'das nas grol/ /brtson 'grus
kyis ni byang chub mchog sangs rgyas/ /zhes dang/ brtson 'grus
ldan pa longs spyod kyis pham med/ /brtson 'grus ldan pa nyon
mongs kyis pham med/ /brtson 'grus

ldan pa skyo bas pham pa med/ /brtson 'grus ldan pa thob pas
pham pa med/ /ces dang/ byang sa las kyang/ gang gi phyir byang
chub sems dpa'i dge ba'i chos de ltar yang dag par 'grub par bya
ba'i rgyu'i gtso bo dang mchog ni brtson 'grus

@276b kho na yin gyi/ gzhan ni de lta ma yin pa de'i phyir/
brtson 'grus ni bla na med pa yang dag par rdzogs pa'i byang
chub thob par byed pa'o zhes de bzhin gshegs pa rnams bstan pas
ston pa mdzad do/ /zhes dang/ phar phyin bsdus pa

las kyang/ yongs su skyo med brtson 'grus che ldan na/ /mi 'thob
mi 'grub rnam pa gang yang med/ /ces dang/ mi min kun kyang de
la phan par dga'/ /ting 'dzin rnam pa kun kyang 'thob par 'gyur/
/nyin mtshan dus rnams 'bras bu

yod par 'da'/ /yon tan tshogs kyis dma' bar 'gyur ba med/ /mi yi
chos las 'phags pa'i don rnams kyis/ /me tog utpa la bzhin rnam
par 'phel/ /zhes so/ /nyes dmigs ni/ blo gros rgya mtshos zhus pa
las/ le lo can la ni

byang chub shin tu ring zhing rnam par ring ngo/ /le lo can
rnams la ni sbyin pa med pa nas shes rab kyi bar du med do/ /le
lo can la ni gzhan gyi don med do/ /zhes dang/ dran pa nyer
gzhag las kyang/ nyon mongs rnams kyi gzhi gcig ni/ /le

lo yin te gang la yod/ /gang la le lo gcig yod pa/ /de la chos
kun med pa yin/ /zhes gsungs pa ltar/ brtson 'grus med na le
lo'i dbang du song nas dkar chos kun gyis phongs par 'gyur bas
gnas skabs dang mthar thug gi skyes bu'i

don thams cad las nyams par 'gyur ro/ /brtson 'grus kyi rab dbye
la gnyis/ rab dbye dngos dang/ brtson 'grus bskyed pa'i thabs
so/ /dang po ni gsum ste/ go cha'i brtson 'grus dang/ dge ba'i
chos sdud kyi brtson 'grus dang/ sems

@277a @#/ /can don byed kyi brtson 'grus so/ /dang po ni/ byang
sems rnams brtson 'grus rtsom pa na sbyor ba'i snga rol nas sems
kyi spro ba sngon du 'gro ba'i bsam pa'i go cha 'di lta bu gyon
par byed de/ bdag ni bskal pa

chen po stong dang yun mnyam pa'i nyin zhag bsags pa'i bskal pa
chen po grangs med pa gsum bye ba phrag 'bum 'gyur gyis sems can
gcig gi sdug bsngal bsal ba'i phyir du/ sems can dmyal ba kho
nar gnas nas

sangs rgyas 'thob par 'gyur na'ang spro bar byed de rdzogs byang
gi phyir du brtson par byed la brtson 'grus la zhugs pa'ang mi
gtong na/ dus kyi yun de las thung ba dang sdug bsngal ches
chung bas lta ci smos snyam pa de lta bu ni go cha'i

brtson 'grus so/ /byang sems gang brtson 'grus de 'dra ba la mos
pa tsam dang dad pa tsam bskyed pa de yang brtan po yin te/ bla
med byang chub kyi phyir du brtson 'grus rtsom pa dpag tu med
pa'i rgyu rtas par byed na brtson 'grus de

dang ldan pa lta ci smos/ de la ni byang chub dang gzhan gyi
phyir du las gang la sems zhum pa'am dka' ba spyad dgos pa'i bya
dka' ba ci yang med par byang sa las gsungs te/ 'di 'dra ba'i
bsam pa la goms par byas na theg pa

chen po'i rigs kyi nus pa sad nges pa'i rgyur 'gro bas sbyang
bar bya'o/ /phar phyin bsdus pa las kyang/ snga phyir 'khor ba'i
mtha' dang mnyam tsam du/ /rgya che ring ba'i nyin dang mtshan
gyur la/ /de 'dra bsags pas lor gyur

@277b dus ring ba'i/ /bskal pa rgya mtsho'i chu thigs grangs
snyed kyis/ /byang chub mchog gi sems shig skye 'gyur la/ /de
'dra'i rnam pas tshogs gzhan re re zhing/ /bsgrub dgos gyur kyang
snying rjes skyo ba med/ /byang chub dam pa sgyid

lug med par bsgrub/ /'khor tshe rang gi sdug bsngal sems btang
zhing/ /go cha brtan pa dpag yas de bskyed na/ /brtul zhugs dpa'
bo snying rje'i ngang can la/ /yang dag blangs pa dang po yin
par brjod/ /ces gsungs pa'ang go cha'i

brtson 'grus so/ /gzhan yang 'khor ba thog med nas da lta yan
chad la zhag gcig tu byas pa'i zhag sum cu la zla ba dang de bcu
gnyis la lor byas pa'i lo 'bum song ba na byang chub kyi sems
gcig skye zhing/ sangs rgyas gcig

mthong la de 'dra ba ganggA'i klung gi bye ma'i grangs dang
mnyam pa gcig gis sems can gcig gi sems dang spyod pa shes la/
de lta bu'i tshul gyis sems can thams cad kyi sems dang spyod pa
shes par bya dgos kyang mi zhum pa'i

go cha la go cha mi zad par blo gros mi zad pas zhus pa las
gsungs te gong na med pa'i go cha'i brtson 'grus so/ /mdor na
'di 'dra ba'i bsam pa re bskyed nus na tshogs mtha' yas pa bde
blag tu rdzogs shing sgrib pa dpag tu

med pa 'dag la phyir mi ldog pa'i rgyu mchog tu 'gyur zhing/ yun
ji ltar ring ba la dga' ba de tsam du myur du 'tshang rgya la/
spyod pa mtha' yas pa dang dus ches ring ba sogs la spro ba ci
yang med par dus thung ngus 'tshang rgya

@278a @#/ /bar 'dod pa ni sangs rgyas la ches ring bar 'gyur ba
yin te/ rgyal sras rnams kyi snying stobs rmad du byung ba skye
ba la gegs su 'gyur ba'i phyir ro/ /de lta bu'i go cha gyon nas
gang gi don du brtson

'grus rtsom pa la gnyis las/ dge ba'i chos sdud pa'i brtson
'grus ni/ phyin drug yang dag par 'grub par bya ba'i phyir de
dag la sbyor ba'o/ /sems can gyi don byed pa'i brtson 'grus ni/
don bya ba bcu gcig la ji ltar rigs

par sbyor ba'i brtson 'grus so/ /gnyis pa brtson 'grus bskyed
pa'i thabs ni/ sngar bshad pa ltar tshogs gnyis kyi dkar chos
thams cad skye ba dang gnas pa dang 'phel ba 'di la rag las pas
'di bskyed pa'i nyams len ni shin tu

gal che'o/ /de yang mkhas grub chen po zhi ba lha'i gzhung nyid
go sla zhing skyong bde la yongs su rdzogs par mthong bas de'i
lugs brjod par bya'o/ /'di la bzhi/ brtson 'grus kyi gegs 'gal
rkyen spang ba dang/ mthun rkyen dpung gi tshogs bsag pa dang/

de gnyis la brten nas brtson 'grus rtsom pa lhur blang ba dang/
de las lus dang sems las su rung bar bya tshul lo/ /dang po la
gnyis/ mi mthun phyogs ngos bzung ba dang/ de spong ba'i thabs
bsten pa'o/ /dang po ni/ lam la mi 'jug pa la

gnyis te/ sgrub nus par mthong yang mi 'jug pa dang bdag gis de
'dra ba sgrub ga la nus snyam ste zhum nas mi 'jug pa'o/ /sgrub
nus mi nus la blo kha ma phyogs nas mi bsgrub pa'ang yod mod
kyi/ 'dir ni grol ba don gnyer la 'chad pas

@278b skabs min no/ /dang po la gnyis yod de/ da dung long yod
snyam nas phyi bshol byed pa'i le lo can dang/ de min kyang bya
ba dman pa tha mal pa'i bya ba rnams la chags pas zil gyis non
pa'o/ /de ltar yang spyod 'jug las/ de yi

mi mthun phyogs bshad bya/ /le lo ngan la zhen pa dang/ /sgyid
lug bdag nyid brnyas pa'o/ /zhes so/ /le lo skye ba'i rgyu ni/
snyom las dang bde ba dman pa'i ro la chags pa dang gnyid kyi
bde ba la sred pa dang 'khor ba la skyo shas med pa

rnams te/ snyom las bde ba'i ro myang dang/ /gnyid la brten pa'i
sred pa yis/ /'khor ba'i sdug bsngal mi skyo las/ /le lo nye bar
skye bar 'gyur/ /zhes so/ /kha cig rkang pa dang po gnyis kyis
rnam pa ji ltar du skye ba bstan par 'dod do/ /

de spang ba'i thabs bsten pa la gsum las/ phyi ba shol gyi le lo
'gog pa la gsum/ lus thob pa 'di myur du 'jig pa/ shi ba'i 'og
tu ngan 'gror ltung ba/ slar yang rten bzang po 'di rnyed dka'
ba gsum bsgoms nas long yod du 'dzin

pa'i le lo bkag nas long med rgyud la bskyed pa'o/ /de gsum ni
sngar skyes bu chung ngu'i skabs su bshad zin to/ /bya ba ngan
pa la chags pa dgag pa ni/ dam pa'i chos ni 'di phyir dga' ba
mtha' yas pa 'byung ba'i rgyu yin pa dang/ don med pa'i cal

col smra ba dang rgod pa sogs kyi rnam g.yeng rnams 'di'i don
chen po nyams par byed pa dang/ phyi mar don ma yin pa sdug
bsngal du ma bskyed pa'i gnas su mthong nas bsgoms la dgag par
bya ste/ dga' ba'i rgyu ni mtha' yas pa'i/ /

@279a @#/ /dam chos dga' ba'i mchog spangs nas/ /sdug bsngal rgyu
ni rnam g.yeng dang/ /rgod sogs la khyod ci phyir dga'/ /zhes
so/ /sgyid lug pa'am bdag nyid brnyas pa dgag pa ni/ de ltar
phyi bshol dang bya ba

ngan zhen bkag nas dam pa'i chos la spro ba byung yang de tsam
gyis mi chog gi/ theg pa chen po la slob dgos pas de la bdag
'dra bas bsgrub mi nus so snyam du zhum na de bsal bar bya'o/
/'di la gsum/ thob bya la sgyid lug pa dgag pa dang/

de thob pa'i thabs la sgyid lug pa dgag pa dang/ gang du gnas
nas bsgrub pa'i gnas la zhum pa dgag pa'o/ /dang po ni/ thob bya
sangs rgyas ni skyon mtha' dag zad pa dang yon tan mtha' dag
rdzogs pa yin na/ bdag gis ni yon tan sna re

bsgrub pa dang skyon sna re 'gog pa'ang ches dka' bar snang bas
bdag 'dra bas ni 'bras bu de 'dra ba thob par ga la nus snyam
pa'i zhum pa dngos su byung na ni sems bskyed gtong bas nyes
dmigs che la/ ma byung yang dang po nas de'i mtha'

dgag dgos so/ /'gog tshul ni/ bcom ldan 'das bden pa dang yang
dag pa gsung gi/ brdzun dang log pa mi gsung ba'i tshad ma'i
skyes bu des sbrang bu sogs kyis kyang byang chub 'thob par
gsungs na/ bdag ni mir skyes

pas rten bzang la/ blang dor la dpyod pa'i blo'i mthu yod pas
bdag gis brtson pa ma btang na ci'i phyir mi 'thob snyam du
gzengs bstod de/ bdag gis byang chub ga la zhes/ /sgyid lug par
ni mi bya ste/ /'di ltar de bzhin

@279b gshegs pa ni/ /bden pa gsung bas bden 'di gsungs/ /sbrang
bu sha sbrang bung ba dang/ /de bzhin srin bur gang gyur pa/
/des kyang brtson pa'i stobs bskyed na/ /byang chub 'thob dka'
bla med 'thob/ /bdag lta rigs

kyi mir skyes la/ /phan dang gnod pa ngo shes nas/ /byang chub
spyod pa ma btang na/ /bdag gis byang chub cis mi 'thob/ /ces
so/ /gzhan yang sngon sangs rgyas te 'das pa dang da ltar sangs
rgyas te bzhugs pa dang ma 'ongs pa

na 'tshang rgya ba de dag kyang sangs rgyas zin zhig gis lam
bsgrubs pa min gyi/ bdag cag 'dra ba zhig kho na yar la je mthor
gshegs nas sangs rgyas pa dang rgya ba'o snyam du bsams nas zhum
pa dgag ste/ dkon mchog sprin

las; byang chub sems dpas ni 'di ltar de bzhin gshegs pa dgra
bcom pa yang dag par rdzogs pa'i sangs rgyas gang dag mngon par
rdzogs par sangs rgyas pa de dag dang/ gang dag mngon par
rdzogs
par 'tshang rgya ba de dag dang/ gang dag

mngon par rdzogs par 'tshang rgya bar 'gyur ba de dag kyang/ tshul
'di 'dra ba dang lam 'di 'dra ba dang brtson 'grus 'di 'dra bas
mngon par rdzogs par sangs rgyas/ mngon par rdzogs par 'tshang
rgya/ mngon par rdzogs par 'tshang rgya

bar 'gyur/ zhes bya ba nas de bzhin gshegs pa de dag kyang de
bzhin gshegs par gyur pa sha stag las mngon par rdzogs par sangs
rgyas pa ma yin gyi/ bdag kyang ci nas bla na med pa yang dag
par rdzogs pa'i byang

@280a @#/ /chub mngon par rdzogs par 'tshang rgya bar 'gyur bar
sems can thams cad dang thun mong gi brtson 'grus dang sems can
thams cad la dmigs pa'i brtson 'grus kyis bdag gis kyang de lta
de ltar btsal

lo 'bad do/ /zhes dang/ yon tan mtha' yas par bstod pa las
kyang/ gang su la la dag gis bder gshegs go 'phang brnyes pa de
dag kyang/ /'di bas shin tu smad pa'i gnas skabs dag tu lhung ba
byung ngo zhes/ /de slad

khyod kyis nyam ngar lhung ba'i tshe yang bdag nyid smad ma
mdzad/ /bdag la smod pa mi rung skyes bu dar bzhum par bgyid pa
lags/ /zhes so/ /zhum pa skye ba de yang sangs rgyas yon tan
mtha' yas shing 'bras bu rgyu'i rjes su

byed pas lam gyi tshe yon tan sgo mtha' yas pa nas bsgrub pa
dang/ skyon sgo mtha' yas pa nas dgag dgos par legs por go nas
de nas rang steng du bltas pa na zhum pa skye ba yin gyi/ sangs
rgyas yon tan mtha' yas pa de nyams

len gyi dus su yon tan gyi cha phra mo re la rkyang 'ded dang
phur tshugs byas pas 'grub snyam du lam gyi go ba phyin ci log tu
song na da lta'i dus bzhin du zhum pa gtan mi skye'o/ /'on kyang
de bzang rtags min gyi/ lam gyi 'gro tshul la

nges pa ma rnyed pa'am go ba thar thor yod kyang rang gis lag tu
ma blangs pas sla sla 'dra ba zhig gis bsgribs pas lan pa yin
te/ nyams len la gtugs pa na lam gyi 'go mjug rang rim bsgrigs
pa'i lus tshang ba tsam

@280b re bstan pa na'ang de tsam dgos na sus nus zer nas legs
par spong bar snang ba'i phyir ro/ /sha ra ba'i zhal nas kyang/
lag len la ma zhugs pa'i byang chub sems dpa'i spyod pa kun mda'
'phen mig la sla bar song nas zhum pa

tsam mi 'ong da lta chos legs por tshang ba rang med pas zhum pa
dang rang khyad du gsod pa'i sar phyin par mi 'dug ste/ legs par
tshang na zhum pa dang khyad gsod 'byung nyen che gsung ste shin
tu mad pa yin no/ /de thob pa'i thabs la

zhum pa dgag pa ni/ sangs rgyas bsgrub pa la rkang lag la sogs
pa btang dgos la/ de 'dra ba bdag gis mi nus so snyam na de tsam
gyi sdug bsngal ni bzod dgos te/ spyod pa rnams la ma zhugs par
rang dgar bsdad pa la'ang 'khor

bar 'khor ba na lus bcad pa dang dral ba dang phug pa dang
bsregs pa la sogs pa'i sdug bsngal brjod las 'das pa myong la
der yang rang gi don ma grub cing/ byang chub kyi phyir du dka'
ba spyod pa'i sdug bsngal la ni sdug

bsngal snga ma'i cha tsam yang med la/ rang gzhan gyi don 'grub
pa'i dgos pa'ang che ba'i phyir te/ 'on te rkang lag la sogs pa/
/gtang dgos bdag ni 'jigs she na/ /lci dang yang ba ma dpyad
par/ /rmongs pas bdag ni

'jigs par zad/ /bskal pa bye ba grangs med du/ /lan grangs du
mar bcad pa dang/ /dbug dang bsreg dang gsheg 'gyur gyis/ /byang
chub 'thob par mi 'gyur ro/ /bdag gi byang chub bsgrub pa yi/
/sdug bsngal 'di ni tshod

@281a @#/ /yod de/ /zug rngu khong brlag gnod bsal phyir/ /lus
rma btod pa'i sdug bsngal bzhin/ /sman pa kun kyang gsor byed
kyi/ /mi bde ba yis nad med byed/ /de bas sdug bsngal mang po
dag  /gzhom phyir

mi bde chung bzod bya/ /zhes so/ /lus gtong ba ni dang po nas
'jigs pa'i tshe mi gtong gi/ sbyin pa la rim gyis bslabs pas
rang lus la chags pa log cing/ snying rje chen po'i stobs
rgyas pa'i tshe don chen por 'gyur na gtong bas

gtong ba'i dus su ni dka' ba med de/ gso dpyad phal pa 'di
'dra ba'ang/ /sman pa mchog gis ma mdzad de/ /cho ga shin tu
'jam po yis/ /nad chen dpag med gso bar mdzad/ /tshod ma la
sogs sbyin pa la'ang/ /'dren pas thog mar

sbyor bar mdzad/ /de la goms nas phyis nas ni/ /rim gyis rang
gi sha yang gtong/ /gang tshe rang gi lus la ni/ /tshod sogs lta
bu'i blo skyes pa/ /de tshe sha la sogs gtong ba/ /de la dka'
ba ci zhig yod/ /ces so/ /des na kha cig pha

rol tu phyin pa'i theg pa pas lus srog gtong dgos pas gdung ba
bskyed cing/ bya dka' ba'i lam mo zer ba ni gzhung 'dis legs
par bkag snang ste/ bya dka' ba'i 'du shes skye ba'i ring la
mi gtong la/ tshod ma sogs ster ba dang 'dra bar

shin tu sla ba'i tshe gtong ba yin pa'i phyir ro/ /gang du gnas
nas lam bsgrub pa'i gnas la zhum pa dgag pa ni/ sangs rgyas
bsgrub pa ni 'khor bar skye ba mtha' yas pa blangs nas byed
dgos la/ de'i tshe 'khor ba'i sdug bsngal gyis gnod

@281b pas de lta bu de mi nus so snyam na/ byang sems kyis
sdig spangs pas rgyu log pas 'bras bu tshor ba sdug bsngal mi
'byung la/ 'khor ba rang bzhin med pa sgyu ma ltar rtogs pa
brtan pas sems la sdug bsngal med cing lus sems bde bas

rgyas na 'khor bar sdod kyang skyo don med pas de ltar bsam
ste/ sdig pa spangs phyir sdug bsngal med/ /mkhas pa'i phyir
na mi dga' med/ /'di ltar log par rtog pa dang/ /sdig pas sems
dang lus la gnod/ /bsod nams kyis ni

lus bde la/ /mkhas pa yis ni sems bde na/ /gzhan don 'khor bar
gnas kyang ni/ /snying rje can dag ci ste skyo/ /zhes dang/ de
bas skyo ngal kun sel ba'i/ /byang chub sems kyi rta zhon nas/
/bde nas bde bar 'gro ba la/ /sems shes su

zhig sgyid lug 'gyur/ /zhes so/ /de bzhin du dus dpag tu med
pa 'gor bas kyang yid zhum par mi bya ste dus ring ba tsam
skyo ba'i rgyu min pa'i phyir ro/ /'di ltar sdug bsngal tshabs
shin tu che na dus thung yang skyo la/ sdug bsngal med cing

bde na dus ring ba yang mi skyo ba'i phyir te/ rin chen phreng
ba las/ sdug bsngal ba la dus thung yang/ /bzod dka' yun ring
smos ci dgos/ /sdug bsngal med cing bde ba la/ /mtha' yas dus
kyang ci zhig gnod/ /de la lus kyi sdug bsngal

med; ;yid kyi sdug bsngal ga la yod/ /de ni snying rjes 'jig
rten sdug  /de nyid kyis na yun ring gnas/ /de bas sangs rgyas
ring thogs zhes/ /blo dang ldan pa sgyid mi lug  /nyes zad yon
tan don du ni/ /'di la rtag tu 'bad par bya/ /

@282a @#/ /zhes so/ /yang 'tshang rgya ba la tshogs mtha' yas pa
rdzogs dgos la/ de shin tu dka' bas mi nus so snyam du zhum
par mi bya ste/ ched du bya ba sems can mtha' yas pa'i phyir
du thob bya sangs rgyas kyi

yon tan mtha' yas pa thob par 'dod pas kun nas bslangs te/ dus
dpag tu med par gnas pa la dmigs nas tshogs mtha' yas pa bsgrub
par bya'o snyam nas sdom pa bzung ba na/ gnyid log ma log dang
sems gzhan du

g.yengs ma g.yengs thams cad du bsod nams nam mkha' dang
mnyam pa sdom pa yod pa de srid du rtag tu gsog pas tshogs
mtha' yas pa rdzogs par mi dka' ba'i phyir te/ de nyid las/
phyogs rnams kun tu nam mkha' dang/ /

sa dang chu dang me dang rlung/ /ji ltar mtha' yas de bzhin
du/ /sdug bsngal sems can mtha' yas 'dod/ /sems can mtha' yas
de dag ni/ /byang chub sems dpa' snying brtse bas/ /sdug
bsngal dag las drangs byas te/ /sangs  

rgyas nyid la dgod par nges/ /de ltar brtan par gnas de ni/ /mi
nyal ba'am nyal yang rung/ /yang dag blangs pa nas bzung ste/
/bag med gyur kyang sems can rnams/ /mtha' yas phyir na sems can
bzhin/ /bsod nams mtha'

yas rtag gsog 'gyur/ /mtha' yas des na sangs rgyas nyid/
/mtha' yas 'thob mi dka' zhes bya/ /gang zhig dpag med dus
gnas te/ /lus can dpag tu med don du/ /byang chub dpag tu med
'dod cing/ /dge ba dpag tu

@282b med byed pa/ /des ko byang chub dpag med kyang/ /dpag tu
med pa rnam bzhi yis/ /tshogs kyis ring por mi thogs par/ /ji
lta bur na 'thob mi 'gyur/ /zhes so/ /des na byams pa dang
snying rje dang byang chub kyi sems ches shin

tu shugs drag nas yid bskyod pas sems can gyi don du sangs
rgyas dus thung ngu zhig la thob na snyam pa yin na shin tu
ngo mtshar yang/ de dag gi phyogs na med pa'i tshe dus shin tu
ring ba dang spyod pa mtha' yas pa la slob dgos

pa dang dka' spyad mang du dgos pa rnams mthong ba na/ de ltar
song na sus nus snyam nas nye lam 'tshol ba skad byed na ni
smon sems la brgyud nas gnod cing/ 'jug sems la dngos su gnod
la/ theg chen gyi rigs kyi

nus pa je dman du song nas 'tshang rgya ba la ches ring du 'gro
ste/ byang chub kyi sems kyi stobs ches cher rgyas par byed
pa'i tshul/ rgyal ba'i dgongs pa klu sgrub dang thogs med kyis
gtan la phab pa dang legs par 'gal ba'i

phyir ro/ /de ltar na zhum nas bsdad pas ni ci la yang mi phan
zhing je zhum du 'gro bas byang chub bsgrub pa'i thabs rnams
legs par shes par byas nas blo gzengs bstod na don rnams 'grub
pa lag na yod pa dang 'dra ste/ skyes

rabs las/ zhum pas phongs las thar la mi phan gyi/ /de bas mya
ngan gdung bar ma byed par/ /dgos pa'i don bsgrub mkhas la
brten byas na/ /rab tu dka' ba'ang sla bas thar bar 'gyur/ /de
bas 'jigs shing mi dga' ma byed par/ /

@283a @#/ /ji ltar bya ba'i thabs kyis dgos pa sgrubs/ /mkhas
pa'i gzi brjid brtan pas gzengs bstod na/ /don rnams thams cad
'grub pa lag na yod/ /ces so/ /'phags pa thogs med kyis rgya
chen

po la slob tshul rnams legs par shes kyang zhum pa med pa dang/
yon tan ngan ngon tsam gyis chog shes mi byed pa gnyis dang
ldan pa zhig dgos par yang yang gsungs pa la/ da lta ni yon
tan ltar snang re'am yon tan

mtshan nyid pa yin kyang phyogs gcig tsam zhig skyes na lam gyi
sa chen po zhig bcad do snyam zhing de ka goms pas chog par
'dzin la/ lam gyi gnad la mkhas pa zhig gis lung rigs kyi rkya
bar nas bton nas de yang yon

tan cha gcig yin mod/ 'on kyang de tsam gyis gar yang mi phyin
no zhes brda sprad de go rgyu zhig byung na yid shin tu zhum
nas 'gro bar snang bas yon tan phyogs res chog par mi 'dzin
par gong ma'i khyad par 'tshol ba dang/

bslab bya mtha' yas pa la slob dgos kyang zhum pa med pa shin
tu dkon par snang ngo/ /gnyis pa mthun rkyen dpung gi tshogs
bsag pa la bzhi/ mos pa dang/ brtan pa dang/ dga' ba'i stobs
bskyed pa dang/ dor ba'i stobs

so; ;dang po ni/ 'dun pas brtson 'grus kyi rten byed par
gsungs pas 'dir mos pa ni 'dun pa'o/ /de bskyed dgos pa ni/
bdag ni sngon dang da ltar yang/ /chos la mos dang bral ba
yis/ /phongs pa 'di 'dra byung bar gyur//

@283b su zhig chos la mos pa gtong/ /dge ba'i phyogs ni thams
cad kyi/ /rtsa ba mos par thub pas gsungs/ /zhes pa ltar ro/
/mos pa ji ltar bskyed pa ni/ de'i yang rtsa ba rtag tu ni/
/rnam smin 'bras bu bsgoms pas so/ /zhes

dkar gnag gi las las 'bras bu yid du 'ong mi 'ong 'byung ba'i
tshul bsgom pa la bshad de/ dad pas 'dun pa'i rten byed par
gsungs pas yid ches kyi dad pa gnyis kyis spang ba dang blang
bar 'dod pa gnyis bskyed pa'i phyir

ro; ;de yang las 'bras spyi dang khyad par du byang sems kyi
spyod pa rnams kyi phan yon dang/ de dag las 'das pa'i nyes
dmigs kyi rgyu 'bras sems pa yin te skabs kyis shes so/ /de
ltar theg chen la mos nas de'i sgor zhugs pa

ni rang gzhan gyi nyes pa mtha' dag bsal ba dang yon tan mtha'
dag bsgrub par khas blangs pa yin la/ nyes pa re re bag chags
dang bcas pa dag par byed pa dang yon tan re re mthar thug par
rgyas par byed pa la bskal pa du ma

zhig goms dgos na/ bdag la ni de dag sel ba dang bsgrub pa'i
brtson 'grus kyi cha shas re yang mi snang bas bdag gis dal ba
don med du btang 'dug go snyam du bsams nas rang la rang gis
bskul dgos te/ bdag dang gzhan

gyi nyes pa ni/ /dpag med bdag gis gzhom bya ste/ /gang du
nyes pa re re la'ang/ /bskal pa rgya mtshor zad gyur pa/ /nyes
zad rtsom pa de yi ni/ /cha yang bdag la ma mthong na/ /sdug
bsngal dpag tu med pa'i gnas/ /bdag ko cis te snying

@284a @#/ /ma gas/ /bdag dang gzhan gyi yon tan ni/ /mang po
bdag gis bsgrub bya ste/ /de la yon tan re re la'ang/ /bskal
pa rgya mtshor goms 'gyur ba/ /bdag ni yon tan cha tsam la'ang/
/goms pa nam yang

ma skyes te/ /ci zhig ltar rnyed skye ba ni/ /bdag gis don med
byas pa mtshar/ /zhes so/ /brtan pa'i stobs ni/ gang la brtson
'grus brtsams pa de las mi ldog par mthar 'byin pa'o/ /de yang
dang po ci rung rung du mi 'jug par legs

par brtags la nus pa lta na 'jug la/ mi nus na mi 'jug pa dang
zhugs nas bar skabs su 'dor ba las dang po nas mi rtsom pa
mchog yin no/ /de'i rgyu mtshan ni/ dam bcas pa bar ma dor 'dor
ba la goms na skye ba gzhan du

yang de'i rgyu mthun gyis bslab pa khas blangs pa sogs 'dor
bas tshe der sdig 'phel ba dang/ skye ba gzhan du de'i 'bras bu
sdug bsngal 'phel ba dang snga ma de bya bar bsams pas dge ba
gzhan mi 'grub pa dang/ snga ma de las log

pas de'i 'bras bu dman pa dang snga ma de nyid kyang mthar ma
phyin pas rdzogs par mi 'grub pa'i phyir te/ mdor na gang bya
bar yi dam bcas pa de yang mgo mi thon la gzhan 'grub pa'i
yang gegs su 'gyur zhing rgyu mthun gyis sdom pa

khas blangs pa'i dam bca' yang mi brtan pa'o/ /de ltar yang/
dang po sbyor ba brtags nas ni/ /brtsam mam yang na mi brtsam
bya/ /ma brtsams pa ni mchog yin gyi/ /brtsams nas ldog par mi
bya'o/ /skye ba gzhan du de goms shing/ /sdig

@284b dang sdug bsngal 'phel 'gyur te/ /gzhan dang 'bras bu'i
dus kyang ni/ /dman gyur de yang 'grub mi 'gyur/ /zhes so/
/des na dam bca' mthar phyin par 'dod pas nga rgyal gsum bsgom
par bya ste/ las dang nyon mongs

nus pa ste/ /gsum po dag la nga rgyal bya/ /zhes so/ /de la
las kyi nga rgyal ni/ gzhan su la yang rang gi lam bsgrub pa'i
grogs kyi bltos pa mi 'cha' bar rang kho nas bsgrub pa ste/
bdag nyid gcig pus bya'o zhes/ /'di ni las kyi

nga rgyal nyid/ /ces dang/ bshes springs las kyang/ thar pa
bdag la rag las 'di la ni/ /gzhan gyis grogs bgyir ci yang ma
mchis kyi/ /zhes pa ltar ro/ /'di ni gzhan la mi re bar bdag
gcig pus bsgrub bo snyam pa la nga

rgyal dang 'dra ba yod pas der btags pa'o/ /nus pa'i nga rgyal
ni/ 'gro ba rnams ni nyon mongs kyi dbang du gyur pas rang gi
don yang bsgrub par mi nus na gzhan gyi don lta ci smos/ bdag
gis ni rang gzhan gyi don bsgrub par nus so

snyam nas bsgrub pa ste/ nyon mongs dbang med 'jig rten 'dis/
/rang don bsgrub par mi nus pas/ /'gro bas bdag ltar mi nus
te/ /de bas bdag gis 'di bya'o/ /zhes so/ /gzhan yang 'di dag
kyang dman pa'i las la rtsol ba mi gcod

na bdag 'bras bu gya nom pa bsgrub pa'i las ci'i phyir mi byed
snyam du bsams nas bsgrub pa ste/ gzhan dag dman pa'i las byed
na/ /bdag nyid kyang ni ji ltar 'dug  /ces so/ /'on kyang de
gnyis bsgrub pa na gzhan khyad du bsad nas rang

@285a @#/ /la rlom pas bsgrub pa min gyi/ brtse ba'i rnam pa can
du bltas nas nga rgyal dang ma 'dres par bya ste/ nga rgyal gyis
'di mi byed de/ /bdag la nga rgyal med pa mchog /ces so/ /gzhan
gyis mi nus

pa bdag gis nus snyam pa yang nga rgyal dang chos mthun pas nga
rgyal du btags so/ /nyon mongs pa'i nga rgyal ni/ nyon mongs pa
rnam pa thams cad du khyad du bsad nas bdag 'di dag las rgyal
bar bya yi/ 'di dag

bdag las nam yang rgyal bar mi bya'o snyam du mi mthun pa'i
phyogs 'joms pa la blo'i dpa' bskyed nas brtan par byed pa ste/
bdag gis kun las rgyal bya ste/ /bdag las su yang rgyal mi bya/
/rgyal ba seng ge'i sras dag pas/ /

nga rgyal 'di la gnas par bya/ /zhes so/ /de ltar ma byas par
sro shi na mi mthun phyogs chung ngus kyang gnod par nus pa ni/
shi ba'i sbrul dang phrad gyur na/ /kha yang mkha' lding lta bur
spyod/ /gal te bdag nyid nyam chung na/ /ltung ba

chung ngu'ang gnod par byed/ /zhum bcas rtsol la ba dor ba la/
/phongs las thar ba yod dam ci/ /zhes so/ /sha ra ba'i zhal nas/
chos bor ba'i bde ba la sngar gyi bde ba las lhag pa yang med
la/ 'dir chos bor na phyi ma phan chad

du sdug bsngal mu mtha' med pa nyams su blang dgos pa yang bsam/
rang gis rtsol ba ma byas na nyon mongs pas kyang snying rje mi
blta/ gnyen po yang khyod kyis bsgom mi nus pas nged rang rdzogs
par byed zer nas mi 'ong/ sangs

@285b rgyas dang byang chub sems dpa' dag gis kyang bskyab par
mi nus gsung ngo/ /snga ma lta bu'i nga rgyal byas na mi mthun
phyogs chen pos kyang bar du gcod mi nus pas/ des na nga rgyal
de bskyed dgos pa ni/ nga rgyal rtsol ba bskyed pas

ni; ;chen po yis kyang thub par dka'/ /de bas sems ni brtan po
yis/ /ltung ba rnams ni gzhom bya ste/ /zhes so/ /de lta ma yin
par sgrub pa po ltung bas pham par byas na khams gsum gyi nyon
mongs las rgyal bar 'dod pa ni

mkhas pas khrel ba'i gnas yin te/ bdag ni ltung bas pham byas
na/ /khams gsum rgyal 'dod bzhad gad 'gyur/ /zhes so/ /de ni
nyon mongs la khyad gsod byas nas 'joms par 'dod pas nyon mongs
pa'i nga rgyal zhes btags

so; ;rnam bshad mdzad pa rnams de dang mi 'dra bar 'chad mod/
gzhung la snga ma 'grig gam snyam mo/ /de ltar na gzhan la re ba
bkag nas rang gcig pus byed par go bgo/ de yang gzhan gyis rang
ltar bya bar mi nus kyi/ rang gis

nus so snyam du gdeng 'cha'/ de ltar mthong nas bsgrub pa'i tshe
yang nyon mongs phar la gzhom gyi/ des tshur la nam yang 'joms mi
nus par byed pa'i blo'i brtan pa bskyed cing dam bca' bar skabs
su 'dor ba'i nyes dmigs

bsams la/ legs par brtags nas gang bya bar yi dam bcas pa thams
cad la mthar 'byin 'dod kyi blo brtan po ma rnyed kyi bar du
sbyang bar bya'o/ /dga' ba'i stobs bskyed pa ni/ de ltar 'dun pa
drag po'i mos pa'i stobs

@286a @#/ /kyis brtson 'grus ma skyes pa bskyed cing skyes zin mi
ldog pa'i rgyur brtan pa'i stobs sam nga rgyal gyi stobs bsgrubs
nas dang por 'jug pa'i tshe yang dga' bzhin du 'jug pa dang/
zhugs pa'i tshe

yang las de'i 'phro gcod par mi 'dod pas mi ngoms pa'i bsam pa
ni dga' ba'i stobs yin pas de bskyed par bya'o/ /de la mi ngoms
pa'i tshul ji 'dra ba zhig bskyed pa ni/ rtsed mo'i bde 'bras
'dod pa ltar/ /'di yis bya

ba'i las gang yin/ /las de la ni zhen bya ste/ /las des mi ngoms
dga' bar bya/ /zhes gsungs pa ltar/ byis pa rnams rtsed mo'i las
la ngoms pa med par 'jug pa dang 'dra ba'i blo skyes skyes su
'bad pa'o/ /de yang 'bras bu

bde bas mi ngoms pa bzhin du de'i rgyu'i las kyis kyang mi ngoms
dgos te/ tha mal pa rnams 'bras bu bde ba 'thob mi 'thob the
tshom za ba la yang 'bad nas 'jug na/ las gang spyad na 'bras bu
bde ba 'byung bar nges pa la smos su

med pa'i phyir te/ bde ba'i don du las byas kyang/ /bde 'gyur mi
'gyur gtol med kyi/ /gang gi las nyid bde 'gyur ba/ /de las mi
byed ji ltar bde/ /zhes so/ /rgyu mtshan 'dis kyang ngoms par mi
rigs te/ spu gri'i sor chags

sbrang rtsi lta'i/ /'dod pa rnams kyis mi ngoms na/ /rnam smin
bde la zhi ba yi/ /bsod nams kyis lta ci ste ngoms/ /zhes gsungs
pa ltar/ mngar ba'i ro cung zad myang rgyu yod kyang bldags na
lce gshog pa'i spu gri rnon po'i so

@286b la chags pa'i sbrang rtsi dang 'dra bar 'phral bde cung
zad yod kyang/ 'di phyir sdug bsngal tshabs che ba ster ba'i 'dod
pa'i yon tan yid du 'ong ba spyad pa la yang ngoms pa mi snang
na/ kha na ma tho ba med pa'i 'phral dang yun

gyi bde ba mtha' yas pa ster ba'i tshogs kyis ci ste ngoms par
rigs snyam du bsams la mi ngoms pa'i bsam pa bskyed par bya'o/
/des na gang la 'jug pa'i dge ba'i las rnams yongs su rdzogs par
bya ba'i phyir/ de dag

la 'jug pa na nyi mas gdungs pa'i glang chen nyi ma phyed kyi
dus su yid du 'ong ba'i pad mtshor 'jug pa lta bu'i blo ma skyes
kyi bar du sbyang bar bya ste/ de lta'i las tshar phyin bya'i
phyir/ /nyi ma phyed dus gdungs pa yi/ /glang chen

mtshor phrad mtshor 'jug ltar/ /las de la yang 'jug par bya/ /zhes
so/ /dor ba'i stobs ni/ brtson 'grus brtsams pas lus sems dub na
re zhig ngal bso dgos te/ de lta ma yin na shin tu skyo zhing
sun pas phyis brtson

pa'i bar chad du 'gyur ba'i phyir ro/ /ngal sos ma thag yang
brtson 'grus brtsam zhing snga ma legs par mthar thon na de tsam
gyis chog shes mi bya bar gong ma gzhan zhig bya ba la brtson
'grus brtsam dgos te/ stobs nyams pa dang

rjes 'brel na/ /slar bya'i don du dor bar bya/ /legs par zin na
phyi ma dang/ /phyi ma 'dod pas de spang bya/ /zhes so/ /phyi ma
'di gal che ste/ yon tan snga ma res chog shes byas na khyad par
gong ma mang po 'thob pa la gegs chen

@287a @#/ /por 'gyur ba'i phyir ro/ /'dis ni brtson 'grus rtsom
lugs bstan te ha cang brtun ngas te rtsol ba drags pa dang ha
cang lhod pa gnyis ka spangs nas chu bo'i rgyun bzhin du na re
ba zhig dgos te/ dpal

ldan ma khol gyis/ khyad par 'phags par bgyi ba la/ /khyod la
thang lhod 'ga' ma byung/ /de slad khyod kyi khyad par rnams/
/thog drung rim pa dbyer ma mchis/ /zhes so/ /po to ba'i zhal
nas kyang/ se mo gru pa'i ra mda' lta bus mi

'ong; byang pa'i ra mda' dang po sos bdal nas jag pa ma sleb bar
du 'ded/ de bzhin du sos bdal yun bsrings nas byed dgos/ dper
na/ shig gis sos bdal nas ma bsdad par phyin pas myur du phyin/
lji bas thebs re

mchongs shing bsdad pas ma phyin pa lta bu'o/ /zhes gsung ngo/
/de ltar brtson 'grus kyi 'gal rkyen gsum ngos bzung nas gnyen
po bsten te nyams smad ma skyes pa skye ba'i mthun rkyen mos pa
dang zhugs zin mi ldog pa'i rgyu brtan

pa dang las de la 'jug pa na yang 'phro gcod par mi 'dod pa dga'
ba'i stobs bskyed cing/ dor ba'i stobs kyis brtson 'grus rtsom
lugs la mkhas pa na/ brtson 'grus la lhur blang ba'i stobs
bskyed dgos pas de

bshad par bya'o/ /de la spang bya spong ba'i brtson 'grus rtsom
pa'i tshe ji ltar bya ba ni/ 'thab rnying dgra dang lhan cig tu/
/g.yul ngor ral gar lhags pa bzhin/ /nyon mongs mtshon las bzur
bya zhing/ /nyon mongs dgra rnams 'jebs

@287b par btang/ /ces gsungs pa ltar/ dper na/ 'thab mo ba
rnying pa/ las de la goms pa'i mkhas pa ni dgra dang ral ga sogs
'gyed pa'i tshe pha rol 'joms pa gcig pu'i rtsis mi byed kyi/
rang la tshur mtshon gyi gnod pa

'bab pa las bzur ba la mkhas pa dang/ phar la 'joms pa gnyis
ka'i las bsgrub pa bzhin du/ sgrub pa po yang nyon mongs dang
'thab pa'i tshe nyon mongs kyis tshur sems la rma 'byin pa la zon
byed cing bzur ba dang/ phar la gnyen po

bsten nas 'joms pa gnyis ka la mkhas par byas nas brtson pa bya
dgos te/ de lta ma yin na nyon mongs cha gcig gi byed pa zhig
gnyen pos bkag kyang nyon mongs gzhan zhig gis kyang dge ba'i
cha 'ga' zhig 'phrog

pa'am/ yang na sems la kha na ma tho ba che ba zhig bskyed pas
gnyis ka mnyam por song nas dge sbyor la skyed 'ong bar dka'
ba'i phyir ro/ /de ni dper brjod na chos byed pa la shes pa gal
che bar 'dug snyam nas shes pa tsam la snying por

bzung nas rtsad bcad pa na mi shes pa'i rmongs pa thos pas bsal
yang nyon mongs gzhan la zon ma byas pas de'i ring la nyes spyod
du mas gos nas rgyud ches ma rungs par 'gyur ba dang/ shes pa
las kyang rgyud 'dul ba gal che

bar 'dug snyam nas bsgom pa gtso bor byas te/ rmongs pa'i dgra
la zon byed pa dor nas chos ma nyan cing ma bslabs pas rang gis
khas blangs pa'i sdom pa rnams kyi bcas pa'i 'jug ldog la ches
rmongs nas rgyun du ltung bas 'joms pa

@288a @#/ /lta bu'o/ /de ltar nyon mongs dang 'thab pa'i tshe yang
g.yul 'gyed pa'i dus su lag nas ral gri lhung na bsad kyis dogs
pa'i 'jigs pas long yod mi byed par de ma thag tu len pa ltar/
spang blang

gi 'jug ldog gi dmigs rnam ma brjed pa'i dran pa'i mtshon shor na
ngan 'gror ltung ba'i 'jigs pas de ma thag tu dran pa bsten dgos
te/ g.yul du ral gri lhung gyur na/ /'jigs pas myur du len pa
ltar/ /de bzhin dran

pa'i mtshon shor na/ /dmyal ba'i 'jigs dran myur du blang/ /zhes
so/ /dran pa shin tu gal che ba 'di mgon po klu sgrub kyis kyang
gsungs te/ dbang phyug lus gtogs dran pa bder gshegs kyis/
/bgrod pa gcig pa'i

lam du nye bar bstan/ /de ni bsgrims nas mngon par bsrung bgyi
ste/ /dran pa nyams pas chos kun 'jig par 'gyur/ /zhes so/ /gang
la dran pa bsten pa'i yul la yang shes rab kyis legs par phye ba
zhig dran pas 'dzin pa yin

gyi; dran pa la rang dbang du yul 'byed rgyu med do/ /shes rab
kyis ji lta bu zhig phye ba dgos na spyir gsung rab nas bshad
pa'i 'jug ldog gi gnas thams cad dang khyad par du rang rang gis
khas gang blangs pa'i sdom pa rnams kyi spang

blang rnams yin pas de dag la dran pa dang shes bzhin bsten na
nyams len rdzogs par 'gyur gyi/ sems dmigs pa la 'dogs pa gcig
pu la dran shes bsten pa tsam gyis ni gar yang mi phyin no/ /de
yang g.yul du ral gri dang

@288b po nas ma shor ba la 'bad pa dang/ brgya la shor na yang
de ma thag len pa ni bsad kyis dogs pa'i 'jigs pa tshig tsam min
pa zhig yod pa la thug pa ltar/ lam bsgom pa pos kyang dang po
nas spang blang ma brjed pa'i dran pa shor

dogs byed pa dang/ shor na yang de ma thag tu bsten pa ni dran
pa nyams pa'i tshe nyes ltung gis gos pa'i 'bras bu ngan song du
ltung ba la 'jigs pa tshig tsam ma yin par rgyud la skyes pa la
thug go/ /de yang las 'bras la

mthil du byas nas skyong ba la rag las pas 'o skol de dag la
gdams pa zab mo yin snyam pa'i blo mi skye ba rnams la lam gyi
rkang dam pa mkhas pa mgu ba'i sgrub pa'i yon tan rnams kyi rtsa
ba chad pa yin no/ /'on nyes spyod chung ngu tsam

la yang 'jigs par bltas nas rgyun 'thud du mi 'jug par de ma
thag nas dgag dgos pa ci yin snyam na/ dper na/ dug mdas lus la
rma cung zad cig btod na de la brten nas rang por mi thogs par
lus thams cad la dug rgyas

par 'gyur bas rma de bcad nas 'bor dgos pa ltar/ nyes spyod kyis
kyang sems la rma cung zad cig las ma btod kyang de yal bar dor
na myur du sems la khyab par byed pas chung ngur mi 'gyur gyi/
chen por 'gyur bas dang po nas mi

'byung bar 'gog pa dang gal te byung na yang de ma thag tu rgyun
bcad dgos te/ ji ltar khrag la brten bcas nas/ /dug ni lus la
khyab 'gyur ba/ /de bzhin glags ni rnyed gyur na/ /nyes pas sems
la khyab par 'gyur/ /zhes so/ /

@289a @#/ /'o na nyon mongs kyi g.yul las rgyal bar 'dod pas
dran pa dang shes bzhin ji ltar bsten snyam na/ nyungs mar bkang
ba'i snod bskur la/ /ral gri thogs pas drung bsdad de/ /bon gsod
bsdigs

'jigs pa ltar/ /brtul zhugs can gyis de bzhin bsgrim/ /zhes pa
ltar bsgrim dgos te/ 'di kA tyA ya na'i byung ba'i mtha'/ lung
nas gsungs pa las shes par bya'o/ /de ltar bsgrims pa'i tshe
spyir nyes spyod dang

khyad par du gnyid la sogs pa le lo'i rgyu 'ong bar snang na
dang du mi len par gdong nas bzlog dgos te/ de bas pang du sbrul
'ongs na/ /ji ltar rings su ldang ba ltar/ /de bzhin gnyid dang
snyom 'ongs na/ /myur du de dag

bzlog par bya/ /zhes so/ /de yang 'phro gcod pa tsam min gyi/
nyes pa byung ba de la yid mi dga' ba bskyed dgos pas/ bdag
sngon yang 'di ltar song bas da bar du 'khor bar 'khyams/ khyad
par du byang chub sems dpa'i sdom

pa bzung nas de'i bslab bya'i mi mthun phyogs la gnas pa ni shin
tu smad pa'i gnas so snyam du bsam pa dang/ da phyin chad nyes
pa 'di ye mi 'byung ba zhig bya'o snyam du phyin chad sdom pa'i
'phen pa gnyis ka mang du gtang ste/ nyes

pa byung ba re re bzhin/ /bdag la smad nas ci nas kyang/ /bdag
la phyis 'di mi 'byung ba/ /de ltar bya zhes yun ring bsam/
/zhes so/ /de lta bu'i rtsa ba dran pa stobs ldan rgyun chags su
'byung ba'i rgyu gang zab pa la 'bad par bya

@289b ste; dam pa'i bshes dang dam pa'i grogs dang 'grogs pa
dang/ de'i rgyu mang du thos pa sogs kyi las la brten par bya'o/
/de ltar yang/ ji ltar gnas skabs 'di dag la/ /dran pa goms pa
nyid 'gyur zhes/ /rgyu 'di

yis ni phrad pa'am/ /rigs pa'i las ni 'dod par bya/ /zhes so/
/de ltar na mdor bsdu na byang sems kyi bslab pa'i spang blang
legs par dmigs phyed pa'i thos pa byas nas/ shes pa'i don de
rnams la spyod lam

thams cad du dran pa rgyun chags su bsten pa la brtson 'grus
rtsom dgos pas brtson sa ma 'phyugs pa gal che'o/ /bzhi pa de
las lus sems las su rung bar bya ba'i tshul ni/ dbang du gyur
pa'i stobs te/ de yang bag yod le'u

nas bshad pa ltar byang sems kyi bslab bya la bslab dgos pa'i
dgos lugs dang/ khas blangs nas ma bslabs na nyes dmigs shin tu
che ba dang nyon mongs la dgrar blta lugs dang/ de'i tshe dka'
spyad la khur du mi 'dzin par

rgyan du blta ba'i sems kyi stobs bskyed tshul rnams las de la
'jug pa'i sngon du bsgoms nas lus sems dge ba la bkol du mi rung
ba'i mtsher snang thams cad bzlog nas/ byang sems kyi spyod pa la
slob pa la ldang ba yang bar

bya ste; ci nas las byung sngon rol nas/ /thams cad la ni mthu
yod pa/ /de ltar bag yod gtam dran te/ /bdag nyid ldang ba yang
bar bya/ /zhes so/ /de ltar 'bad pas brtson 'grus ji lta bu zhig
skye bar 'gyur snyam na/ shing bal gyi 'dab

@290a @#/ /ma phar la 'gro ba dang tshur la 'ong ba la rlung gis
dbang bsgyur ba bzhin du/ rang gi lus sems la dge ba la spro
ba'i spro shugs kyis dbang bsgyur zhing/ de'i rjes su byed pa na
brtson 'grus legs par grub

pa yin la/ de skyes na de nas tshogs thams cad bde blag tu 'grub
par 'gyur te/ ji ltar rlung ni 'gro ba dang/ /'ong bas shing bal
dbang bsgyur ba/ /de bzhin spro bas dbang bsgyur te/ /de lta na
ni 'grub par 'gyur/ /zhes so/ /de lta

bu rnams bya dka' yang dor du mi rung gi 'bad dgos te/ dpal ldan
ma khol gyis/ dka' spyad las ni ma bgyis par/ /go 'phang rnyed
dka' mi 'thob ces/ /de slad nyid la'ang ma gzigs par/ /khyod
kyis brtson 'grus legs

par spel/ /zhes so/ /de dag bsgrub pa'i tshe ji ltar bya ba ni/
brtson 'grus gang rtsom yang dam pa drug ldan du bya ba dang
phyin drug dang 'brel bar bsgrub dgos te/ brtson 'grus kyi sbyin
pa ni rang de la gnas nas gzhan de la 'god pa

yin la/ lhag ma rnams sngar bshad pa bzhin no/ /lnga pa de dag
gi don bsdu ba ni/ spyod pa'i rten byang chub kyi sems rjes su
dran cing bsgom pa ni/ sems can thams cad brtson 'grus la 'god
pa'i don du slob pa la skul

byed yin pas/ de je 'phel du gtong zhing de nas sa mthon po'i
brtson 'grus rtsom lugs rnams smon pa'i yul du byas te sbyong
la/ las dang po pa'i brtson 'grus la bslab lugs rnams la yang
nus pa dang bstun nas 'bad pa

@290b dang; khyad par du thun mong ma yin pa'i brtson 'grus kyi
spang bya zhum pa rnams legs par 'gog pa dang/ thob bya byang
chub dang ched du bya ba sems can thams cad kyi bde sdug bsgrub
cing sel ba dang/ dus ches ring ba dang tshogs

mtha' yas pa dang dka' spyad dpag tu med pa la spro ba'i go
cha'i brtson 'grus bsam pas gyon pa la ni/ de 'dra ba'i bsam pa
shin tu rlabs che ba bskyed pa tsam gyis bsod nams rlabs che ba
gsog par lag bzang gis zhus pa

las gsungs pas 'bad par bya ste/ de ltar ma byas na rigs kyi nus
pa gtan mi rgyas shing nyes spyod du mas kyang rgyun du gos la
tshe rabs gzhan du'ang byang sems kyi spyod pa la slob pa ches
dka' bar 'gyur zhing/ de lta bu rnams

shes par byas te ji lta ba bzhin nyams su ma lon kyang blos de'i
phyogs bzung nas ci nus pa'i brtson 'grus brtsams na lag bzang
gis zhus pa nas gsungs pa ltar/ skye ba gzhan du tshegs chung
ngus sdug bsngal med par

myur du brtson 'grus kyi pha rol tu phyin pa rdzogs par byed par
gsungs pa'i phyir ro/ /bsam gtan gyi phar phyin la bslab pa la
lnga/ bsam gtan gyi ngo bo/ de bsgom pa la 'jug pa'i thabs/ bsam
gtan gyi rab dbye/

bsgrub pa'i tshe ji ltar bya ba/ de dag gi don bsdu ba'o/ /dang
po ni/ dmigs pa las gzhan du mi g.yeng bar gnas pa'i sems rtse
gcig ba dge bste/ byang sa las/ byang chub sems dpa'i sde snod
thos pa dang bsam pa sngon du

@291a @#/ /'gro ba'i byang chub sems dpa' rnams kyi 'jig rten
dang 'jig rten las 'das pa'i sems rtse gcig pa dge ba sems gnas
pa/ zhi gnas kyi phyogs sam lhag mthong gi phyogs sam zung du
'brel

bar 'jug pa'i lam de gnyis ka'i phyogs gang yin pa ste/ 'di ni
byang chub sems dpa' rnams kyi bsam gtan gyi ngo bo nyid du rig
par bya'o/ /zhes dang/ spyod 'jug las kyang/ de ltar brtson
'grus bskyed nas ni/ /yid

ni ting nge 'dzin la bzhag /ces so/ /gnyis pa ni/ bsam gtan
bsgoms pa'i phan yon dang ma bsgoms pa'i nyes dmigs sems pa ste
zhi gnas kyi skabs su 'chad par 'gyur ro/ /rab dbye ni/ sngar
drangs pa ltar ngo bo'i sgo

nas phyen 'jig rten pa dang de las 'das pa gnyis dang phyogs kyi
sgo nas gsum yod kyang/ byed las kyis phyen tshe 'di la lus sems
bde bar gnas par byed pa'i bsam gtan dang/ yon tan mngon par
bsgrub pa'i bsam

gtan dang/ sems can gyi don byed pa'i bsam gtan no/ /de la dang
po ni/ gang la mnyam par bzhag na lus dang sems shin tu sbyangs
pa bskyed pa'i bsam gtan rnams so/ /gnyis pa ni/ mngon shes dang
rnam thar

dang zad par dang zil gnon sogs nyan thos dang thun mong ba'i
yon tan bsgrub pa'i bsam gtan rnams so/ /gsum pa ni/ don bya ba
bcu gcig gi don rnams bsgrub pa'i bsam gtan no/ /ji ltar bya ba
ni/ ting nge 'dzin dge

@291b ba ji 'dra zhig bsgrub pa na'ang dam pa drug ldan du
bsgrub pa dang phar phyin drug dang 'brel bar bsgrub pa ste/
rang bsam gtan la gnas nas gzhan de la 'god pa ni bsam gtan gyi
sbyin pa yin la/ de ma gtogs pa rnams sngar

bshad pa ltar shes par bya'o/ /don bsdu ba ni/ spyod pa'i rten
sems bskyed rjes su dran zhing bsgom pa ni sems can thams cad
zag med kyi bsam gtan la 'god pa'i phyir du slob pa la skul byed
yin pas/ de brtan par spel

nas bsam gtan gong ma rnams kyang smon pa'i yul du byas nas
sbyong ba dang/ bsam gtan rdzogs pa bskyed ma nus na'ang dus dus
su sems rtse gcig pa'i ting nge 'dzin la ci nus su slob pa'i
brtson pa mi gtong ba la 'bad dgos te/

de ltar ma byas na bslab bya dang 'gal ba'i nyes pas rgyun du
gos par 'gyur ba dang/ tshe rabs gzhan du yang byang sems rnams
kyi ting nge 'dzin gyi sgo du ma la 'jug pa'i bslab bya la slob
par ches shin tu dka' bar 'gyur la

de ltar byas na ni tshe 'dir yang sems gzhan du g.yeng ba dze
chung du 'gro bas dge ba bsags pa rnams mthu che zhing phyi mar
yang lag bzang gis zhus pa las gsungs pa ltar/ lus sems bde ba
dang yid bde ba dang ldan

pas bsam gtan gyi phar phyin rdzogs par sla ba'i phyir ro/ /'di
shin tu rgyas par zhi gnas kyi skabs su 'chad par 'gyur bas 'dir
ma spros so/ /shes rab kyi phar phyin la bslab pa la lnga/ shes
rab kyi ngo bo/ de bskyed

@292a @#/ /pa la 'jug pa'i thabs/ shes rab kyi rab tu dbye ba/
bsgrub pa'i tshe ji ltar bya ba/ de dag gi don bsdu ba'o/ /dang
po ni/ spyir shes rab ni brtags pa'i dngos po la chos rab tu
rnam par 'byed par

byed pa yin la/ skabs 'dir ni rig pa'i gnas lnga la mkhas pa la
sogs pa'i shes rab ste/ byang sa las/ shes bya thams cad la 'jug
pa dang shes bya thams cad la zhugs pa chos rab tu rnam par
'byed pa gang yin pa

rig pa'i gnas lnga po nang gi rig pa dang/ gtan tshigs kyi rig pa
dang gso ba'i rig pa dang sgra'i rig pa dang bzo dang las kyi
gnas kyi rig pa la dmigs nas 'jug pa 'di ni byang chub sems dpa'
rnams kyi shes rab kyi ngo bo nyid yin par

rig par bya'o/ /zhes gsungs so/ /de la 'jug pa'i shes rab ni sa
ma thob pa'i gong gi yin la zhugs pa ni sa thob nas yin no/
/gnyis pa ni/ shes rab bskyed pa'i phan yon dang ma bskyed pa'i
nyes dmigs sems

pa yin la/ de yang ji lta ba bdag med pa'i shes rab yod med kyi
phan yon dang nyes dmigs ni lhag mthong gi skabs nas 'chad par
'gyur bas 'dir mi spro la lhag ma cung zad brjod par bya'o/
/thog mar phan yon

ston pa la/ 'di dang phyi ma'i yon tan thams cad kyi rtsa ba yin
pa ni/ mgon po klu sgrub kyis/ mthong dang ma mthong yon tan
'di/ /kun gyi rtsa ba shes rab yin/ /de ltar gnyis ka bsgrub
pa'i phyir/ /shes rab yongs su gzung

@292b bar bya/ /chos don 'dod dang thar pa yi/ /'byung gnas chen
po rig pa yin/ /de ltar dang po gus pa yis/ /shes rab yum chen
gzung bar bya/ /zhes so/ /shes rab sbyin sogs snga'i mig dang
'dra ba ni/ sdud pa las/

gang tshe shes rab kyis ni yongs su zin gyur pa/ /de tshe mig
rnyed gyur cing 'di yi ming 'thob bo/ /dper na ri mo'i las ni
yongs zin mig med pa/ /ji srid mig ma bris par rngan pa mi 'thob
bzhin/ /zhes so/ /yon tan

gzhan la dgos tshul ni/ dper na/ gser bzang po las bsgrubs pa'i
rgyan khyad par du 'phags pa la rin po che in+dra nI la la
sogs pa'i 'phras spras na sngon las kyang ches shin tu yid
'phrog pa bzhin du/ sbyin pa nas bsam

gtan gyi bar lnga po'i gser gyi rgyan yang rigs pa dang mi rigs
pa rnam par 'byed nus pa'i shes rab kyi 'phra dang 'brel na shin
tu rmad du byung bar 'gyur te/ 'dis sbyin sogs lnga po ches rnam
par dag par sgrub par byed

pa'i phyir te/ mig la sogs pa'i dbang po lnga'i yul la yid kyi
shes pas skyon yon so sor phye nas 'jug ldog byed pa dang
'dra'o/ /de yang dpal ldan dpa' bos/ sbyin la sogs pa'i bsod
nams 'di dag ni/ /shes rab

mgon bcas lhag par mthu ldan 'gyur/ /gser gyi rgyan bzang rnam
pa sna tshogs la/ /rin chen 'phra bkod 'od kyis gsal ba bzhin/
/so so'i don la de dag yon tan mthu/ /shes rab 'di ni rgya chen
sgrub par byed/ /dbang po rang rang

@293a @#/ /yul gyi bye brag la/ /mthu gzhan yid kyis gsal bar
bstan pa bzhin/ /zhes so/ /de bzhin du dad sogs kyi dbang po
gzhan rnams la'ang shes rab nyid gtso bo yin la/ shes rab kyi
mgon yod na

sbyin pa dang dad pa la sogs pa rnams kyi ser sna la sogs pa'i
skyon dang yon tan legs par shes nas nyon mongs zad pa dang yon
tan 'phel ba'i thabs la mkhas par 'gyur te/ dad la sogs pa'i
dbang po'i rnam pa

yang; ;dbang po gzhan la blo bzhin shes rab gtso/ /de yi mgon
ldan yon tan skyon shes pas/ /nyon mongs zad pa'i tshul la mkhas
par 'gyur/ /zhes so/ /byang chub sems dpas slong ba po la sha
byin kyang sman gyi

sdong po las blangs pa ltar nga rgyal dang zhum pa la sogs pa'i
rnam rtog gis mi 'gyur ba ni/ shes rab kyis de kho na nyid mngon
du gyur pa las yin la/ srid zhi'i rgud pa mthong ba'i shes rab
kyis tshul khrims gzhan gyi don

du bsgrubs pas tshul khrims rnam par dag par byed pa dang/ mi
bzod pa dang bzod pa'i skyon yon shes rab kyis rtogs nas sems
btul bas log sgrub dang sdug bsngal gyis mi 'phrog pa dang/ shes
rab kyis gang la brtson

'grus rtsom pa'i gzhi legs par shes nas de la brtson pas lam gyi
chod che ba dang/ de khon nyid kyi don la gnas pa'i bsam gtan
gyi dga' bde mchog ni rigs pa'i tshul la brten pa'i shes rab kyis
sgrub par byed pas

@293b sbyin sogs lnga po yongs su dag par byed pa ni shes rab la
rag las te/ shes rab mig gsal rnam par phye gyur na/ /byang chub
sems dpas rang gi sha byin kyang/ /sman gyi shing ltar rnam par
mi rtog par/ /mtho 'am dma'

par 'gyur ba de la med/ /ces dang/ rang gi don du tshul khrims mi
bsgrub na/ /blo ldan srid pa'i brtson ra'i skyon mthong zhing/
/de nas 'jig rten ma lus gdon mos pa/ /srid pa'i don du mi
bsgrub smos ci dgos/ /zhes dang/

shes rab ldan pa rnams la gnod pa dag /bzod pa'i yon tan yod pas
gnod mi 'gyur/ /shin tu dul ba'i glang po'i mchog rnams la/ /las
kyi khyad par rnam mang bzod pa bzhin/ /brtson 'grus gcig pu
byas pa ngal ba'i mtha'/ /

shes rab grogs kyis bskyangs na don chen 'grub/ /ces dang/ de
'dra'i bsam gtan bde dga' mchog ldan pa/ /skyon bsags nyes pa
chen pos sbags gyur pa'i/ /lam gol rigs pa'i tshul la brten pa
yi/ /skye bo ma rabs yid

la ji ltar 'grub/ /ces so/ /'gal bar snang ba'i yon tan gnyis
shes rab dang ldan pas mi 'gal bar bsgrub pa ni/ byang sems
gling bzhil dbang ba'i 'khor bsgyur gyi rgyal por gyur pa na/
'dod yon gyi dbang du mi 'gro ba ni

shes rab kyi blon po dang ldan pa'i mthu yin la/ de bzhin du
sems can yid 'ong du mthong ba'i byams pa shugs drag kyang 'dod
chags cung zad kyang mi 'dre ba dang/ sems can gyi sdug bsngal
la mi bzod pa'i snying rje shugs

@294a @#/ /drag la rgyun ring ba yod kyang mya ngan gyis non nas
dge ba la mi spro ba'i le lo med pa dang/ dga' ba tshad med pa
dang ldan yang sems dmigs pa las g.yeng ba'i ya ya po med pa
dang/ btang snyoms

chen po dang rgyun du ldan yang 'gro ba'i don la skad cig kyang
mi g.yel ba ni shes rab kyis byed de/ de dag stobs mtshungs su
bsgrub pa'i gegs shes rab kyis 'gog pa'i phyir ro/ /de ltar
yang/ dbang po'i yul rnams lha rdzas 'dra

bdog pa'i/ /rgyal srid che ldan byang chub sems dpa' dag /rang
bzhin tshul min 'gyur ba med pa yang/ /shes rab yon tan blon po
ldan pa'i mthu/ /gzhan la phan byed ro gcig byams pa la/ /'dod
chags 'go ba yongs

su spangs pa dang/ /gzhan gyi sdug bsngal mi bzod snying rje la/
/mya ngan khur gyis le los mi dma' dang/ /dga' mchog dang ldan
yang dag g.yeng med dang/ /'gro don mi g.yel btang snyoms chen
po dang/ /yon tan de dang de

dag gnyen po'i lam/ /shes rab chen pos bkag pas rnam par mdzes/
/zhes so/ /gzhan yang/ bsngags 'os bsngags bstod las/ chos nyid
'dor bar mi mdzad la/ /kun rdzob dang yang rjes su mthun/ /zhes
gsungs pa

ltar; mtshan mar 'dzin pa'i dmigs gtad byas rnams rdul tsam yang
ma grub pa la nges pa chen po rnyed pa'i chos nyid 'dor mi dgos
pa dang/ phyi nang gi rgyu rkyen las/ 'bras bu so sor 'byung ba
la nges pa gting thag pa

@294b nas rnyed pa'i kun rdzob pa dang yang mi 'gal zhing rjes
su mthun pa/ gzhan la ches shin tu 'gal ba'ang shes rab can la
mi 'gal zhing mthun pa dang/ yang de nyid las/ gnang ba dang ni
bkag pa la/ /khyod bka' la lar

gcig tu nges/ /la lar nges pa ma lags la/ /phan tshun 'gal ba'ang
ma mchis so/ /zhes gsungs pa ltar/ theg pa gong 'og dang mdo
sngags gnyis la gnang bkag mi 'dra ba mang du yod pa dang/ de
rnams gang zag gcig gis

nyams su len pa gnyis gsung rab rab 'byams kyi dgongs pa tshol ba
la blo'i mthu med pa'i rmongs pa la 'gal yang mkhas pa la mi
'gal ba'ang shes rab kyis byed pa yin no/ /de ltar shes rab med
pa la 'gal ba shes rab

can la mi 'gal ba mtha' yas kyang/ bden gnyis kyi rnam gzhag
dang gsung rab phan tshun la gnang bkag mang du yod kyang
dgongs
pa mi 'gal bar shes rab kyis 'byed pa 'di ni shes rab kyi
bsngags pa bla na med pa yin

no; ;mdor na yon tan thams cad shes rab las 'byung ba ni/
bu la byams pa'i ma 'dra shes rab las/ /de 'dra'i phun sum
tshogs 'byung ci mtshar gyi/ /bder gshegs stobs bcu stobs kyi
phul byung ba/ /mtshungs med

mchog tu bya ba thams cad dang/ /yon tan tshogs gzhan ma lus
thams cad kyang/ /de 'dra'i shes rab rgyu la brten cing 'byung/
/'jig rten dag na rgyu rtsal gter mchog dang/ /gtsug lag mig
'dra ji snyed yod pa dang/ /yongs

@295a @#/ /su skyob byed blo dang sngags la sogs/ /rnam bkod chos
kyi khyad par tha dad dang/ /rnam grangs rnam mang rnam thar
sgo
dag dang/ /'jig rten phan pa'i rnam pa de dang des/ /rgyal sras
mthu chen rnam

par ston byed pa/ /de dag thams cad shes rab mthu las 'byung/
/zhes so/ /shes rab med pa'i nyes dmigs la/ shes rab med na
sbyin sogs rnams mig dang bral ba ltar 'gyur ba ni/ sdud pa las/
dmus long dmigs bu

med pa bye ba khrag khrig rnams/ /lam yang mi shes grong khyer
'jug par ga la 'gyur/ /shes rab med na mig med pha rol phyin
lnga 'di/ /dmigs bu med pas byang chub reg par nus ma yin/ /zhes
so/ /de'i phyir sbyin sogs

rnams dag par mi 'gyur zhing yang dag pa'i lta ba yang mi rnyed
de/ shes rab med na 'bras bu don gnyer la/ /sbyin pa bdag nyid
rnam par dag mi 'gyur/ /gzhan don btang ba sbyin pa'i mchog ces
gsungs/ /lhag ma nor

spel don gyi sbyor ba yin/ /zhes dang/ shes rab snag bas mun pa
ma bsal na/ /tshul khrims dag dang ldan par de mi 'gyur/ /phal
cher shes rab med pas tshul khrims dag /shes pa'i skyon gyis nyon
mongs rnyog

bcas 'gyur/ /zhes dang/ shes rab log pa'i skyon gyis sems
brnyogs na/ /bzod pa'i yon tan de la gnas mi mos/ /legs nyes
rtog la mi dga'i tshul 'chang zhing/ /yon tan med pa'i rgyal la
grags

@295b pa bzhin/ /zhes dang/ mkhas pa rnams la phul du bsngags
gyur cing/ /de las phra zhing zab pa gzhan med pa/ /'dod pa'i
skyon gyis yongs su ma bsgribs pa'i/ /yid lam drang por shes rab
med mi 'gro/ /zhes dang/

shes rab tshul la brtson med blo 'chang na/ /de yi lta ba yongs
su dag mi 'gyur/ /zhes so/ /de la rgyal la grags pa ni/ yon tan
med pa'i rgyal po la grags pa lan cig byung yang nyams nas 'gro
ba'o/ /de ltar na

gti mug rmongs pa'i mun pa ni shes rab kyi 'od chen ma shar bar
du mi ldog la/ de nam shar ba na ldog pas shes rab bskyed pa la
nus pa dang mthu ci yod kyis 'bad dgos te/ nyi ma 'od chen shar
bar gyur bzhin

du; ;'gro ba'i rgyud rnams mun nag gang 'gebs pa/ /shes rab 'od
kyi mthun chen 'byung bas na/ /thams cad pas la 'gyur ming tsam
'ba' zhig lus/ /zhes dang/ de bas rang gi mthu rnams kun gtugs
te/ /de

'dra'i shes rab tshul la brtson par bya/ /zhes so/ /rmongs pa'i
rgyu ni/ grogs ngan pa bsten pa dang le lo dang snyoms las drang
gnyid che ba dang so sor rtog cing dpyod pa la mi dga' ba dang
rgya chon po la mi mos pa dang/ mi shes

bzhin du shes so snyam pa'i nga rgyal dang log lta che ba dang
bdag 'dra bas mi nus snyam du zhum nas mkhas pa bsten pa la mi
dga' pa yin te/ le lo snyom dang bsten ngan bsten pa dang/
/gnyid kyi dbang gyur mi rtog dang tshul

@296a @#/ /dang; ;thub pa'i ye shes mchog la mos med dang/ /log
pa'i nga rgyal non pas don 'dri dang/ /dma' sems bdag la zhen
pas byung ba'i rgyus/ /mkhas pa'i skye bo bsten par ma dad dang/
/log pa'i

rnam rtog dug che log lta dag /gti mug rgyu yin/ zhes gsungs so/
/des na/ bsten 'os bla ma rim gro bsnyen bkur te/ /shes rab
bsgrub phyir thos pa btsal bar bya/ /zhes gsungs pa ltar/ mkhas
pa bsten nas nus pa

dang bstun pa'i thos pa re bya dgos te/ de med na thos pa las
byung ba dang bsams pa las byung ba'i shes rab mi skye la/ de
lta na ci zhig bsgom pa mi shes pa'i phyir dang/ thos pa byas na
de'i don bsams pas bsam byung gi

shes rab skye la/ de las bsgoms byung gi shes rab yangs pa
'byung ba'i phyir ro/ /de yang/ dpal ldan dpa' bos/ thos nyung
dmus long bsgom pa'i tshul mi shes/ /de med des ko ci zhig bsam
par bya/ /de bas thos

la brtson bya de rgyu las/ /bsams bzhin bsgoms pas shes rab
yangs pa 'byung/ /zhes so/ /rje btsun byams pas kyang/ 'khor
gsum rnam par rtog pa dag /de ni shes bya'i sgrib par 'dod/ /ser
sna la sogs rnam

rtog gang/ /de ni nyon mongs sgrib par 'dod/ /shes rab las gzhan
'di dag ni/ /spong rgyu gzhan med de yi phyir/ /shes rab mchog
yin de gzhi ni/ /thos pa de phyir thos pa mchog /ces gsungs so/
/bslab btus las kyang/

@296b bzod bya thos pa btsal bar bya/ /de nas nags su gnas par
bya/ /mnyam par bzhag la brtson bya zhing/ /zhes gsungs la/ de'i
rang 'grel las kyang/ mi bzod pa ni skyo ba na sron mi nus pa'i
phyir thos pa la sogs pa la

brtson pa nyams par 'gyur zhing/ thos pa dang mi ldan pas ni
bsam gtan gyi thabs dang nyon mongs pa rnam par sbyong ba'i
thabs kyang mi shes te/ de bas na skyo ba med par thos pa btsal
bar bya/ zhes dang/ sred med kyi bus zhus pa

las kyang/ 'di ltar rigs kyi bu thos pa dang ldan na shes rab
'byung bar 'gyur ro/ /shes rab dang ldan na nyon mongs pa rab tu
zhi bar 'gyur ro/ /nyon mongs pa med pa la bdud kyis glags mi
rnyed do/ /zhes gsungs so/ /de ltar na chos

tshul bzhin du bsgrub par 'dod pa rnams la lam gyi srog dam pa
chos rab tu rnam 'byed kyi shes rab bskyed pa'i rgyu bla na med
pa/ dri ma med pa'i gsung rab dang bstan bcos la mang du thos pa
dgos so/ /zhes lung dang rigs pas

bsgrubs kyang/ de dgos par 'dug snyam du mi 'grub pa 'di ni/
nyams len gyi tshe so sor rtog pa'i shes rab kyi dpyad sgom dgos
pa la nges pa ma rnyed cing/ mi dgos par 'dug snyam pa'i phyin
ci log gi nges pa rnyed pa 'ba'

zhig gi skyon yin pas/ bdag legs su 'dod pas ni de 'dra ba de
dug bzhin du spang bar bya'o/ /rnal 'byor pa chen po'i zhal nas/
jo bo pa rnam pa thams cad mkhyen pa'i sangs rgyas bsgrub pa la/
po ti mdzo khal tsam pa la bya ba ma

@297a @#/ /byas par lag mthil tsam pa zhig ston pa tsug /sbed pa
tsug byas pas gar yang mi phyin gsung/ phu chung ba bka' pod
zhal phye ba sngas na bzhag nas/ kho bo cag ni slob pa bya ba
yin pas blta ba ma

byung yang 'di kun la zhe bsngags byed lags/ chos mi shes par
byed zer na ji ltar byed dam gsung skad/ spyan snga'i grwa pas
po to ba la skyel thung byas pa'i dus su/ khyed skyid ces lan
gsum gsungs nas/ nga'i dge bshes gnam gyis

sa bkab pa 'dra ba la brten du yod pas gzhan la ni 'gram chu mi
ldang/ rtsa 'grel dmar shig shig pa blta mi dgos pas ni las
chung/ rgyu 'bras ma bsams pas ni blo bde/ sngags kyi 'dis las
'di 'grub mang

pos ni zhe 'grangs gsung/ sha ra ba'i zhal nas/ 'tshang ma rgyas
bar du slob gnyer la tshar ba med sangs rgyas tsa na tshar ba yin
gsung/ ka ma ba'i zhal nas/ chos byed na shes ci dgos byas na
rang nyid nyams nas 'gro ba

'di nged thos chung la 'byung nye/ nan tur byas na shes ci dgos
zer nyen che/ chos nan tur byed na shes dgos te tshe thung 'di la
mi rdzogs pas dal 'byor gyi ang ka ma 'khrugs par byas la
thos pa rgyun ma chad du bya snyam du bsam/

sgom pa po la mi dgos bshad pa po la dgos snyam ste/ 'chad pa po
la sdig tu 'gro ba'i nyen che/ sgom pa po kho na la dgos gsung
ngo/ /de ltar bsgrub pa la shes rab dang de'i rgyur thos pa med
du mi rung ba la nges pa chen po

@297b rnyed dgos te/ 'di yang nyams len gyi dus su dpyad sgom
dgos pa la nges pa ma rnyed na shin tu 'ong dka'/ drag par 'dod
pa'i sde snod 'dzin pa zhig gis kyang nyams len gyi sngon 'gro
tsam mam/ gdams pa dngos su mi

'gro bar rgyab ri 'dra ba zhig tu go nas 'ong/ de'i rgyu mtshan
gyis rang myur du 'tshang rgya ba la sgrub pa dgos/ sangs rgyas
kyi bstan pa la thos pa dgos zhes bstan pa la phan pa dang/
sgrub pa byed pa gnyis so sor 'dzin pa'i cal

col chen po'i 'gal 'du smra ste/ bstan pa la lung gi bstan pa
dang/ sgrub pa'i bstan pa gnyis las med la/ snga ma ni sgrub pa
byed lugs shes par byed pa yin zhing/ phyi ma ni shes nas lag
len la bkal ba yin pas

sgrub pa ma nor ba zhig byed na de nyid bstan 'dzin gyi mchog
yin pa'i phyir dang/ sgrub pa'i bstan pa ma nor bar 'dzin pa
lung gi bstan pa mnor bar go ba la rag las pa'i phyir ro/ /des
na sngar chos mang du shes na nyams

len gyi tshe de dag gi don nyid bsgrub dgos pas brjed du gzhug tu
mi rung la/ dang po nas mi shes na yang zhum par mi bya bar blo
dang bstun pa'i thos pa che chung gang 'thad re la 'bad/ de yang
thos pa logs su byed sgrub pa logs

shig la byed pa min gyi/ gang la bsgrub pa'i gnas de nyid la
thos bsam bya dgos pas phyogs re bar ma song ba'i lam gyi cha
yongs su rdzogs pa'i byang sems las dang po pa'i nyams len lam
gyi rim pa re la nges par brten dgos

@298a @#/ /la; blo'i mthu chung na de tsam la goms su gzhug
/blo'i mthu che ba'am/ dang po chung yang goms pas che bar song
ba'i tshe/ lam gyi rim pa de nyid je rgyas su btang bas gsung rab
dang dgongs

'grel dri med thams cad dang 'brel nas 'gro bas zur du thos pa
btsal mi dgos so/ /de'i phyir gdams pa ma nor ba'i cha tshang
zhig yin na/ mdor bsdus kyang mdo sngags dang theg pa gong 'og
gi lam gyi 'gag thams cad

tshang ba la rgyas par bkral na/ bstan pa mtha' dag la 'gro thub
pa zhig dgos pas de 'dra zhig ma rnyed par du nyams len gyi
phyogs re tsam la brod pa rnyed pa srid kyi/ bstan pa'i lus
yongs su rdzogs pa'i nyams len gyi

gnad la nges pa rnyed mi srid pas dam pa'i bshes dang grogs la
brten/ khas blangs pa'i tshul khrims dag pa gzhir bzung gdams pa
yang dang yang du mnyan nas thun bzhir bcad de dmigs rnam
bskyang/ lha dang bla ma la

gsol ba drag tu btab nas tshogs bsag pa dang sgrib pa sbyang ba'i
sgo du ma nas 'jug pa'i rgyu cha tshang re la 'bad na/ de nas blo
la khyad par gong nas gong du 'phel ba'i nges pa gting tshugs pa
skye ba yin no/ /dam pa snga ma rnams

kyi zhal nas kyang/ sngar thos pa'i chos rnams blo la rug ge yod
par byas la yang dang yang du sems par byed 'jal bar byed rtog
par byed dgos/ chos brjed du bcug nas sems 'dzin rkyang pa re la
slob pa de la grog

@298b med; sgom chen rab la ston pa rab/ sgom chen 'bring la
ston pa 'bring 'ong ba yin/ ji tsam bsgoms pa de tsam du chos
shes pa je cher 'gro ba zhig dgos/ de ltar bsams pas nges shes
brtan na dge mi dge'i bsam

pa thams cad rtog pa yin pas spang bya yin zhes sdig grogs kyis
zer ba na/ chos nas de ltar ma gsungs dge ba'i bshes gnyen yang
de ltar mi bzhed snyam nas kho'i kha la mi nyan pa zhig 'ong/ de
med na dad pa ni bag re yod

shes rab med pa de la du ba'i kha la bltas na du bro/ rgod pa'i
kha la bltas na rgod bro/ chu sna bzhin du ci zer la bden snyam
nas gar khrid sar 'gro gsung ngo/ /gsum pa shes rab kyi rab tu
dbye ba ni gsum ste/ don dam rtogs pa

dang; kun rdzob rtogs pa dang/ sems can gyi don bya ba rtogs
pa'i shes rab bo/ /dang po ni/ bdag med pa'i de kho na nyid don
spyi'i sgo nas 'jal ba dang mngon du gyur pa'i sgo nas 'jal
ba'o/ /gnyis pa ni/ rig pa'i gnas lnga la

mkhas pa'i shes rab ste/ mdo sde'i rgyan las/ rig pa'i gnas lnga
dag la brtson par ma byas par/ /'phags mchog gis kyang thams cad
mkhyen nyid mi 'gyur te/ /de lta bas na gzhan dag tshar gcad rjes
gzung dang/ /bdag

nyid kun shes bya phyir de la de brtson bya/ /zhes gsungs pa
ltar/ bstan pa la mi mos pa rnams tshar bcad pa'i phyir sgra dang
gtan tshigs rig pa dang/ mos pa rnams la phan gdags pa'i phyir
bzo dang gso ba rig pa dang/

@299a @#/ /rang nyid kun shes par bya ba'i phyir nang rig pa tshol
ba ni dgos pa bye brag pa yin la/ de thams cad kyang sangs rgyas
'thob pa'i phyir du tshol ba ni bye brag med pa'o/ /gsum pa ni/
sems can

rnams kyi 'di dang phyi ma'i don kha na ma tho ba med par bsgrub
pa'i tshul shes pa'o/ /bsgrub pa'i tshe ji ltar bya ba ni/ shes
rab de gsum bskyed pa'i tshe na dam pa drug ldan du bya ba dang
phyin drug dang 'brel bar byed pa ste/

rang de la gnas nas gzhan shes rab la 'god pa ni shes rab kyi
sbyin pa yin la gzhan sngar bshad pa bzhin no/ /lnga pa de dag
gi don bsdu ba ni/ stong pa nyid mngon du gyur pa'i shes rab yod
kyang byang chub kyi sems

med na de byang sems kyi spyod par mi 'gyur bas spyod pa'i rten
sems bskyed je 'phel du btang nas/ sa mthon po'i shes rab kyi
phar phyin rnams kyang smon pa'i yul du byas nas sbyong ba dang/
ye shes kyi tshogs

chen po gong na med pa rdzogs par byed pa'i thabs shes rab gsum
bskyed pa la da lta nas 'bad cing thos pa tshol dgos te/ de ltar
ma byas na bslab bya'i gtso bo dang 'gal nas nyes ltung gis
'joms pa dang/ tshe rabs

gzhan du'ang mang du thos pa la mi dga' bas byang sems kyi bslab
bya rnams la slob par mi nus la/ tshe 'dir shes rab bskyed pa'i
thabs rnams la 'bad na 'dir ma bslabs pa'i ltung ba khegs shing/
tshe gzhan du

@299b yang lag bzang gis zhus pa las gsungs pa ltar shes rab kyi
phar phyin bde blag tu rdzogs par byed nus pa'i phyir ro/ /de
ltar mdo sngags gnyis ka'i lam gyi gzhung shing phar phyin drug
la bsam gtan la nyams len gyi

rim pa cung zad snang la/ gzhan lnga la nyams su len pa'i rim pa
nub snang bas de dag gi nyams len gyi gnad bsdus pa dang nges
shes bskyed pa'i thabs cung zad bshad pa yin te/ ji lta ba dang
ji snyed pa la dmigs pa'i

shes rab kyi ngo bo lhag mthong ji ltar nyams su blang ba'i rim
pa dang/ bsam gtan gyi ngo bo zhi gnas nyams su len pa'i rim pa
gzhung che ba rnams nas 'byung ba'i don rgyas par ni 'og nas
ston par 'gyur ro/ /byang chub sems

dpa' 'tshang gang rgya thams cad phyin drug la brten nas 'tshang
rgya bar/ byang sa las phyin drug re re'i mthar nan tan du
gsungs pas/ 'das pa dang ma 'ongs pa dang da ltar byung ba'i
byang chub sems dpa' rnams kyi bgrod

pa gcig pa'i lam du shes par bya ba dang/ 'di drug dkra chos
thams cad kyi rgya mtsho chen po yin pas nyams len gyi gnad sdom
bla na med pa yin te/ byang sa las/ pha rol tu phyin pa drug po
'di dag gis bla na med pa

yang dag par rdzogs pa'i byang chub yang dag par thob par byed
pa'i byang chub sems dpa' rnams ni dkar po'i chos kyi chu chen
po dang dkar po'i chos kyi rgya mtsho chen po zhes bya ste/ sems
can thams cad kyi rnam pa thams

@300a @#/ /cad phun sum tshogs pa'i rgyu rin po che chen po sbyin
pa yin no/ /de ltar de dag gis bsod nams dang ye shes kyi tshogs
yang dag par 'grub pa dpag tu med pa de'i 'bras bu ji ltar bla
na med pa

yang dag par rdzogs pa'i byang chub dang mthun pa lta bu gzhan
ni med do/ /zhes so/ /gnyis pa gzhan gyi rgyud smin par byed pa
bsdu ba bzhi la lnga/ bsdu bzhi'i ngo bo/ bzhir bzhag pa'i rgyu
mtshan/ bsdu bzhi'i byed las/

'khor sdud pas de la brten dgos pa/ cung zad rgyas par bshad
pa'o/ /dang po ni/ sbyin pa ni sngar phar phyin gyi skabs su
bshad pa dang 'dra la/ snyan par smra ba ni gdul bya la phar
phyin rnams ston pa'o/ /don spyod pa ni

ji ltar bstan pa'i don de rnams la gdul bya spyod du 'jug pa'am
yang dag par len du 'jug pa'o/ /don mthun pa ni gzhan rnams don
gang la sbyar ba de la rang yang gnas nas de dang mthun par slob
pa ste/ mdo sde'i rgyan

las; sbyin mtshungs de ston len 'jug dang/ /bdag nyid rjes su
'jug rnams kyis/ /snyan par smra dang don spyod dang/ /don mthun
nyid du 'dod pa yin/ /zhes so/ /gnyis pa ni/ ci'i phyir bsdu ba
bzhir nges she na/ 'khor

dge ba la sbyar ba'i phyir sdud pa la ni thog mar de dga' dgos
la/ de yang zang zing gi sbyin pa byin nas lus la phan 'dogs pa
la ltos so/ /de ltar dga' nas lam la sbyor ba la thog mar des ji
ltar bya tshul shes dgos la/

@300b de yang snyan par smra bas chos bshad pas mi shes pa dang
the tshom za ba dor nas don phyin ci ma log par 'dzin du 'jug
pa'i phyir ro/ /de ltar shes pa na don spyod pas dge ba bsgrub
pa la 'jug par byed la/ de yang rang gis

ma bsgrubs na gzhan la 'jug ldog 'di ltar bya dgos so zhes bshad
pa na/ khyod rang yang don de mi bsgrub na gzhan la de sgrubs
zhes ci'i phyir smra/ khyod kyang da dung gzhan gyis bcos dgos
so zhes zer nas bsgrub tu mi nyan la/

rang gis bsgrub pa zhig yin na/ bdag cag gang la btsud pa'i dge
ba de la khong rang yang gnas par byed pas na 'di bsgrubs na
bdag cag la phan pa dang bde bar 'gyur nges snyam nas/ gsar du
'jug cing zhugs zin pa rnams

kyang mi ldog par brtan par 'gyur bas de la ni don mthun pa dgos
pa'i phyir te/ phan par byed pa'i thabs dang ni/ /'dzin par byed
dang 'jug byed dang/ /de bzhin rjes su 'jug byed pa/ /bsdu ba'i
dngos po bzhir shes bya/ /zhes

so; ;gsum pa ni/ bsdu ba bzhi po 'dis gdul bya la ci zhig byed
pa yin zhe na/ sbyin pas ni chos nyan pa'i snod du rung bar byed
de/ 'chad pa po la dga' bar byed pa'i phyir ro/ /snyan smras ni
bstan bya'i chos de la mos par byed de/

don de bye brag tu shes par byed cing the tshom gcod pa'i phyir
ro/ /don spyod pas ni bstan pa bzhin sgrub par byed do/ /don
mthun pas ni zhugs pa de mi ldog par yun ring por sgrub par byed
pa'i phyir te/ dang pos snod 'gyur             

@301a @#/ /dngos po ste/ /gnyis pa yis ni mos pa yin/ /gsum pa
yis ni sgrub pa ste/ /bzhi pas rnam par sbyong ba'o/ /zhes so/
/bzhi pa ni/ gdul bya kun gyi don kun 'grub pa dang thabs bzang
por sangs rgyas

rnams kyis gsungs pas na/ 'khor sdud pa rnams kyis 'di la brten
dgos te/ 'khor sdud pa dang ldan pa rnams/ /tshul 'di la ni yang
dag bsten/ /kun gyi don kun 'grub byed cing/ /thabs bzang yin
par rab tu bsngags/ /

zhes so/ /lnga pa ni/ snyan smra la gnyis las/ 'jig rten gyi
tshul dang ldan pa'i snyan smra ni/ khro gnyer med cing bzhin gyi
mdangs gsal bar 'dzum pa sngon du btang ste/ khams 'dri ba la
sogs pa 'jig rten gyi tshul gyis

sems can rnams dga' bar byed pa'o/ /yang dag pa'i chos bstan pa
dang ldan pa'i snyan smra ni/ dad pa dang tshul khrims dang thos
pa dang gtong ba dang shes rab bskyed pa sogs las brtsams nas/
phan pa dang bde ba'i phyir

du sems can la chos ston pa'o/ /rang gsod pa'i dgra la skyon med
pa'i sems kyis phan pa'i tshig brjod pa dang/ dbang po shin tu
rtul ba la yi chad pa med par skyo ba dang du blangs nas chos
kyi gtam brjod cing dge

ba 'dzin du 'jug pa dang/ sems can g.yo sgyu can mkhan slob
sogs la bslu zhing log zhugs byed pa la zhe sdang ba med par
phan pa'i tshig brjod pa'i snyan par smra ba ches dka' ba rnams
la yang slob pa dang/ rgyud

@301b ma smin pa la sgrib pa spang ba dang bde 'gror skye ba'i
phyir du snga rol tu bya ba'i chos sbyin pa dang tshul khrims kyi
gtam byed pa dang/ rgyud smin pa sgrib pa dang bral zhing sems
nyams bde ba dang ldan pa la/ yang dag phul gyi chos 'phags

pa'i bden pa bzhi ston pa dang/ khyim pa dang rab tu byung ba
bag med pa rnams bag yod la dgod pa'i phyir bskul ba dang the
tshom byung ba rnams bsal ba'i phyir du chos 'chad cing 'bel gtam
byed pa ni snyan par smra ba'i sgo'o/ /

don spyod ni ma smin pa smin bar byed pa dang/ smin pa rnams
grol bar byed pa gnyis so/ /de gsum las tshe 'di'i don 'dzin du
'jug pa ni/ longs spyod rnams bsgrub pa dang bsrung ba dang spel
ba'i thabs chos dang mthun pas byed

du 'jug pa'o/ /tshe phyi ma'i don 'dzin du 'jug pa ni/ longs
spyod spangs nas slong mos 'tsho ba'i rab byung la 'god pa ste/
'dis phyi ma la bde bar nges kyang 'dir ma nges so/ /tshe 'di
phyi gnyis ka'i don 'dzin du 'jug

pa ni; khyim pa'am rab byung la 'jig rten pa dang 'jig rten las
'das pa'i chags bral 'dzin du 'jug pa ste/ 'dis tshe 'di la lus
sems shin tu sbyangs pa bskyed la/ phyi ma rnam par dag pa'i lha
dang mya ngan las

'das pa 'thob pa'i phyir ro/ /don spyod pa ches dka' ba la'ang
'jug ste/ sngon dge rtsam bsags pa la dge ba 'dzin du 'jug dka'
ba dang/ longs spyod phun tshogs chen po can rnams ni bag med
pa'i gzhi chen po la

@302a @#/ /gnas pas de dag la don spyod pa dka' ba dang/ mu stegs
kyi lta ba la goms goms pa rnams ni bstan pa 'di la sdang zhing
blun pas rigs pa mi go bas de dag la don spyod pa dka' ba'o/ /

don spyod pa'i rim pa yang byis pa'i shes rab can rnams thog mar
sla ba'i gdams ngag la 'jug /de nas blo 'bring du song ba na
'bring gi gdams ngag dang/ shes rab rgya chen por song ba na
chos zab mo dang gdams

ngag phra mo la 'jug par byed do/ /don mthun pa ni/ pha rol gang
la dgod pa de dang mtshungs pa'am lhag pa la rang gnas par byed
pa'o/ /de ltar na thog mar ci byed sems can gyi don la dmigs
nas/ bsam pa gzhan don dang ma bral

ba dgos kyang sbyor bas rang 'dul dgos te/ yon tan mtha' yas par
bstod pa las/ 'ga' zhig rang nyid ma dul bzhin du rigs par ldan
pa'i tshig smra yang/ /rang gi tshig dang 'gal bar byed pas gzhan
dag gdul bar mi nus

zhes; ;khyod kyis dgongs nas de slad 'gro ba mtha' dag thugs la
bzhag mdzad nas/ /re zhig bdag nyid ma dul ba nyid 'dul bar
mdzad phyir brtson pa lags/ /zhes so/ /bsdu ba bzhi yang zang
zing gis bsdu ba dang/ chos kyis

bsdu ba gnyis su 'du ste/ zang zing gi sbyin pa ni dang po yin
la/ lhag ma gsum ni chos kyi bsdu bas bsdus pas so/ /de yang
dmigs pa'i chos dang sgrub pa'i chos dang de rnam par sbyong
ba'i chos te/ zang zing dang ni chos kyis

@302b te; ;dmigs pa'i chos la sogs pa yis/ /bsdu ba gnyis kyi
sgo nas ni/ /bsdu ba'i dngos po bzhir 'dod do/ /zhes so/ /'di
yang dus gsum gyi byang sems thams cad kyi gzhan don mdzad tshul
yin pas bgrod pa gcig

pa'i lam yin te/ bsdus dang sdud par 'gyur ba dang/ /gang dag da
ltar sdud byed pa/ /de kun de 'dra de lta bas/ /'di ni sems can
smin byed lam/ /zhes so/ /de la spyir byang sems kyi spyod pa la
mtha' yas

kyang sdom che ba ni phar phyin dang bsdu bzhi yin te/ byang
sems la rang gi sangs rgyas kyi rgyu tshogs smin par bya ba dang
sems can gyi rgyud smin par bya ba gnyis las med la/ de gnyis
phar phyin dang bsdu bas bsgrub pa'i phyir ro/ /de ltar yang
byang sa las/ pha

rol tu phyin pa rnams kyis ni bdag gi sangs rgyas kyi chos yongs
su smin par byed do/ /bsdu ba'i dngos po rnams kyis ni sems can
thams cad yongs su smin par byed de/ mdor bsdu na/ byang chub
sems dpa' rnams kyi dge ba'i chos

rnams kyi las ni de yin par rig par bya'o/ /zhes so/ /de'i phyir
'dir yang de gnyis bkod pa yin te/ rgyas par shes par 'dod na
byang sa las btsal bar bya'o/ /de dag la mnyam rjes su ji ltar
bsgrub pa'i tshul ni/ jo bo chen   

pos; byang chub sems dpa'i spyod pa ni/ /rlabs chen pha rol
phyin drug sogs/ /mnyam gzhag langs pa'i rnal 'byor gyis/ /tshogs
kyi lam 'di brtan par bsgrub/ /ces gsungs pa ltar/ rgyal sras
kyi sdom pa bzung ba'i

@303a @#/ /byang sems las dang po pa tshogs kyi lam la gnas pa des
mnyam rjes gnyis gang byed kyang phyin drug las mi 'da' bas
phyin drug la la mnyam gzhag tu bskyang zhing/ la la rjes thob
tu bskyang ste/

bsam gtan gyi ngo bo zhi gnas dang sher phyin gyi ngo bor gyur
pa'i lhag mthong 'ga' zhig mnyam gzhag tu bsgom la/ phar phyin
dang po gsum dang bsam gtan dang shes rab kyi cha 'ga' zhig rjes
thob tu bskyang ngo/ /brtson 'grus

ni mnyam rjes gnyis kar 'ong la/ bzod pa'i phyogs gcig chos zab
mo la nges par sems pa 'ga' zhig ni mnyam gzhag tu yang 'byung
ngo/ /jo bo chen pos/ mnyam gzhag langs pa'i dus dag tu/ /sgyu
ma'i dpe brgyad lta

bur ni/ /chos kun lta ba goms byas pas/ /rjes kyi rtog pa sbyang
ba dang/ /thabs la slob pa gtso bor bya/ /mnyam par bzhag pa'i
dus dag tu/ /zhi gnas lhag mthong cha mnyam zhing/ /de rgyun
rtag tu goms par bya/ /zhes so//

de lta bu'i spyod pa shin tu rmad du byung ba bya dka' ba blo ma
sbyangs pas thos pa na yid la gdung ba bskyed pa rnams ni/ byang
sems rnams kyis kyang dang po nas nyams su bzhes mi nus kyang
shes par byas nas smon pa'i yul

tshun chod du goms par byas pa na/ phyis nas ni 'bad pa la mi
ltos par rang gi ngang gis 'jug pa 'ong bas goms pa gal che ste/
dngos su 'jug mi nus par mthong nas de dag la blo sbyong ba'i
goms pa'ang dor na/ lam

@303b rnam par dag pa las ches shin tu 'gyang ba'i phyir te/ yon
tan mtha' yas par bstod pa las/ gang zhig thos par gyur na'ang
'jig rten 'di la gnod pa skye 'gyur dang/ /gang yang khyod nyid
kyis kyang yun ring sku nyams bzhes

par mi spyod pa'i/ /spyod pa de dag khyod la goms pas dus su
rang gi ngang nyid gyur/ /de slad yon tan dag ni yongs goms ma
bgyis spel bar dka' ba lags/ /zhes so/ /de'i phyir byang chub
sems dpa'i sdom pa bzung ba rnams

kyis spyod pa la mi slob pa'i thabs med la/ 'jug sems chogs ma
bzung ba rnams kyis kyang slob 'dod sbyong ba la 'bad nas spyod
pa la slob pa'i spro shugs 'phel ba na/ sdom pa bzung na shin tu
brtan par 'gyur bas 'bad

par bya'o/ /skyes bu chen po'i lam gyi rim pa las/ smon sems
sbyang ba dang rgyal sras kyi spyod pa spyi la bslab pa'i lam
gyi rim pa bshad zin to// ! //rje btsun dam pa thugs rje chen po
dang ldan pa rnams kyi zhabs

la gus pas phyag 'tshal lo/ /khyad par du phar phyin tha ma gnyis
la bslab pa ni/ zhi gnas dang lhag mthong bsgom pa'i tshul te/ de
gnyis rim pa ltar bsam gtan dang shes rab kyi phar phyin gyis
bsdus pa'i

phyir ro/ /'di la drug /zhi gnas dang lhag mthong bsgoms pa'i
phan yon/ de gnyis ting nge 'dzin kun gyi sdud byed du bstan pa/
zhi gnas dang lhag mthong gi ngo bo/ gnyis ka bsgom dgos pa'i
rgyu mtshan/ go

@304a @#/ /rim nges pa'i tshul/ so so'i bslab tshul lo/ /dang po
ni/ theg pa che chung gi yon tan 'jig rten pa dang/ 'jig rten
las 'das pa thams cad zhi gnas dang lhag mthong gi 'bras bu yin
te/

'phags pa dgongs pa nges 'grel las/ byams pa/ yang nyan thos
rnams kyi'am/ byang chub sems dpa' rnams kyi'am/ de bzhin gshegs
pa rnams kyi dge ba'i chos 'jig rten pa dang 'jig rten las 'das
pa

thams cad kyang zhi gnas dang lhag mthong gi 'bras bu yin par
rig par bya'o/ /zhes gsungs pa'i phyir ro/ /zhi gnas dang lhag
mthong ni bsgoms byung thob pa'i rgyud kyi yon tan ma yin nam/
yon tan de dag thams cad

de gnyis kyi 'bras bur ji ltar 'thad snyam na/ zhi gnas dang
lhag mthong dngos ni 'chad par 'gyur ba ltar bsgoms byung thob
pa'i rgyud kyi yon tan yin pas theg pa che chung gi yon tan
thams cad de gnyis kyi 'bras bu

ma yin kyang/ dge ba'i dmigs pa la sems rtse gcig pa yan chad
kyi ting nge 'dzin rnams zhi gnas kyi phyogs su 'du la/ ji lta
ba'am ji snyed pa'i don so sor 'byed pa'i shes rab dge ba rnams
lhag mthong gi phyogs

su 'du bas/ de la dgongs nas theg pa gsum gyi yon tan thams cad
zhi lhag gi 'bras bur gsungs pas 'gal ba med do/ /de la dgongs
nas theg pa chen po la dad pa bsgoms pa'i mdo las kyang/

@304b rigs kyi bu rnam grangs 'dis kyang 'di ltar byang chub
sems dpa' rnams kyi theg pa chen po la dad pa theg pa chen po
las 'byung ba gang ci yang rung/ de thams cad ni rnam par ma
g.yengs pa'i sems kyis don dang

chos yang dag par bsams pa las byung bar rig par bya'o/ /zhes
gsungs te/ ma g.yengs pa'i sems ni zhi gnas kyi phyogs sems
rtse gcig pa yin la/ don dang chos yang dag par sems pa ni lhag

mthong gi phyogs so sor rtog pa'i shes rab bo/ /des na theg pa
gnyis kyi yon tan thams cad so sor rtog pa'i shes rab kyis dpyad
nas skyong ba dang/ dmigs pa la sems rtse gcig pa gnyis kyis
bsgrub dgos

pa yin gyi/ 'jog sgom dang dpyad sgom phyogs re bas bsgrub pa
min no/ /yang dgongs 'grel las/ skye ba po yis lhag mthong dang/
/zhi gnas goms par byas na ni/ /gnas ngan len gyi 'ching ba
dang/ mtshan ma'i

'ching las rnam grol 'gyur/ /zhes gsungs so/ /de la gnas ngan
len ni/ yul can phyin ci log gong nas gong du bskyed pa'i nus pa
sems rgyud la gnas pa'i bag chags dang mtshan ma ni yul phyin ci
log la mngon

par zhen pa snga phyir 'byung ba bag chags de gso ba dang/ snga
ma lhag mthong gis spong la/ phyi ma zhi gnas kyis spong bar
sher phyin man ngag tu bshad do/ /de dag ni zhi lhag gi tha
snyad btags pa'i phan yon yin gyi/

@305a @#/ /zhi lhag gi tha snyad ma btags kyang don 'dra ba bsam
gtan dang shes rab kyi phan yon gsungs pa rnams kyang 'di gnyis
kyi phan yon du shes par bya'o/ /gnyis pa ni/ dper na/ shing
sdong po

la yal ga dang 'dab ma dang me tog dang 'bras bu mtha' yas pa
zhig yod kyang/ de dag gang la 'dus pa'i gnad ni rtsa ba yin pa
ltar/ theg pa che chung gi ting nge 'dzin mtha' yas pa zhig bka'
bstsal pa thams cad kyang/ gang

du 'dus pa'i gnad dam pa ni zhi gnas dang lhag mthong yin te/
dgongs 'grel las/ ngas nyan thos rnams dang byang chub sems dpa'
rnams dang de bzhin gshegs pa rnams kyi ting nge 'dzin rnam pa
du ma bstan pa gang yin

pa de dag thams cad zhi gnas dang lhag mthong gis bsdus par rig
par bya'o/ /zhes gsungs so/ /des na ting nge 'dzin don du gnyer
ba rnams kyis gsal ba'i dbye ba mtha' yas pa rtsad bcad par mi
nus pas ting nge 'dzin kun gyi

spyi chings zhi lhag gnyis kyi skyong tshul legs par rtsad bcad
la dus kun tu bsten par bya ste/ sgom rim tha ma las/ de la bcom
ldan 'das kyis byang chub sems dpa' rnams kyi ting nge 'dzin tha
dad pa tshad med pa dpag tu med pa

la sogs pa bstan du zin kyang/ zhi gnas dang lhag mthong gnyis
kyis ting nge 'dzin thams cad la khyab pas na/ zhi gnas dang
lhag mthong zung du 'brel bar 'jug pa'i lam de nyid brjod par
bya'o/ /zhes pa dang/ sgom rim

@305b bar pa las/ de gnyis kyis ting nge 'dzin thams cad bsdus
pa'i phyir rnal 'byor pa thams cad kyis dus thams cad du nges
par zhi gnas dang lhag mthong bsten par bya ste/ zhes gsungs pa
ltar ro/ /gsum pa la zhi gnas

kyi ngo bo ni/ dgongs 'grel las/ de gcig pu dben par 'dug ste/
nang du yang dag bzhag nas ji ltar legs par bsams pa'i chos de
dag nyid yid la byed cing/ sems gang gis yid la byed pa'i sems
de nang du rgyun chags

su yid la byed pas yid la byed do/ /de ltar zhugs shing de la
lan mang du gnas pa de la lus shin tu sbyangs pa dang sems shin
tu sbyangs pa 'byung ba gang yin pa de ni zhi gnas zhes bya ste/
de ltar na byang chub sems dpa' zhi

gnas yongs su tshol bar byed pa yin no/ /zhes gsungs pa ltar ro/
/de'i don gsung rab yan lag bcu gnyis kyi don gang nges par byas
pa phung po la sogs pa'i don gang yang rung ba zhig dmigs yul du
byas nas/ de la

dmigs pa'i sems de gzhan du mi g.yeng bar dran shes kyis rgyun
chags su dmigs pa de la btags pas sems dmigs pa la rang gi ngang
gis gnas te/ lus sems shin tu sbyangs pa'i dga' bde skyes pa na
ting nge 'dzin

de zhi gnas su 'gyur te/ 'di ni sems dmigs pa las mi g.yeng bar
nang du bzung ba tsam las skye bar 'gyur gyi/ dngos po'i de kho
na nyid khong du chud pa la mi ltos so/ /lhag mthong gi ngo bo
ni/ mdo de nyid las/ de lus

@306a @#/ /shin tu sbyangs pa dang sems shin tu sbyangs pa de
thob nas de nyid la gnas te sems kyi rnam pa spangs nas/ ji ltar
bsams pa'i chos de dag nyid nang du ting nge 'dzin gyi spyod yul
gzugs brnyan

du so sor rtog par byed mos par byed do/ /de ltar ting nge 'dzin
gyi spyod yul gzugs brnyan de dag la shes bya'i don de rnam par
'byed pa dang rab tu rnam par 'byed pa dang/ yongs su rtog pa
dang yongs su dpyod pa dang/

bzod pa dang 'dod pa dang bye brag 'byed pa dang lta ba dang
rnam par rtog pa gang yin pa de ni lhag mthong zhes bya ste/ de
ltar na byang chub sems dpa' lhag mthong la mkhas pa yin no/
/zhes gsungs par ltar ro/ /mdo

'dis lhag mthong so sor rtog pa'i shes rab la bsnyon sa med par
shin tu gsal bar bshad pa 'di mthong nas/ rgya nag gi mkhan po
hwa shang gis 'di mdo sde e yin mi shes zhes smras nas rkang
pas dril zhes grags

te; des ni rtog pa gang yin thams cad mtshan 'dzin du bzung nas
so sor rtog pa'i shes rab dor te ci yang yid la mi byed pa zab
mo'i don bsgom par 'dod pa dang ma mthun pas de ltar byas pa'o/
/lugs 'di yi rjes

su 'brang ba ni shin tu mang bar snang ngo/ /de la rnam par
'byed pa ni ji snyed pa 'byed pa'o/ /rab tu rnam par 'byed pa ni
ji lta ba 'byed pa'o/ /shes rab dang ldan pa'i yid byed rtog pa
dang bcas pas mtshan mar 'dzin

@306b pa'i tshe ni yongs su rtog pa dang/ yang dag par rtog pa'i
tshe ni yongs su dpyod pa yin par 'phags pa thogs med kyis bshad
de/ rtog pa ni rtsing bar rtog pa yin la/ dpyod pa ni zhib par
dpyod pa'o/ /mtshan mar 'dzin pa

ni bden 'dzin ma yin gyi/ yul gyi spu ris 'byed pa'o/ /de ltar
na ji lta ji snyed 'byed pa re re la yongs su rtog pa dang dpyod
pa gnyis gnyis yod do/ /dgongs 'grel dang mthun par/ 'phags pa
dkon mchog sprin las

kyang; zhi gnas ni sems rtse gcig pa'o/ /lhag mthong ni yang dag
par so sor rtog pa'o/ /zhes gsal bar gsungs so/ /rje btsun byams
pas kyang mdo sde'i rgyan las/ chos kyi ming ni bsdoms pa'ang
'di/ /zhi gnas

lam du shes par bya/ /lhag mthong lam ni de don rnams/ /rnam par
dpyod par shes par bya/ /zhes dang/ yang dag gnas pa la brten
nas/ /sems la sems ni 'jog phyir dang/ /chos rab rnam par 'byed
pa'i phyir/ /

zhi gnas dang ni lhag mthong yin/ /zhes yang dag pa'i ting nge
'dzin la brten nas sems 'jog pa zhi gnas dang/ chos rab tu rnam
par 'byed pa'i shes rab la lhag mthong du gsungs te/ mdo nas de
ltar gsungs pa'i

dgongs pa de bzhin du bkral bas mdo sde'i don gzhan du drang du
mi rung bar mdzad do/ /byang chub sems dpa'i sa las kyang/ brjod
du med pa'i dngos po tsam dang don tsam gyi dmigs pa la sems
nges par gtad nas/

@307a @#/ /spros pa thams cad dang bral ba dang/ sems yongs su
g.yeng ba thams cad dang bral ba'i 'du shes yid la byed pas
dmigs pa thams cad la mos pa na/ nang gi ting nge 'dzin gyi
mtshan ma rnams

la sems 'jog pa dang bsdus te 'jog pa nas rgyas par rgyud gcig
tu byed pa dang ting nge 'dzin du byed pa'i bar 'di ni zhi gnas
zhes bya'o/ /lhag mthong gang zhe na/ zhi gnas yongs su bsgoms
pa'i yid la byed pa de nyid

kyis ji ltar bsams pa'i chos de dag nyid kyi mtshan ma yid la
byed cing 'byed pa dang rab tu rnam par 'byed pa dang chos rab
tu rnam par 'byed pa nas rgyas par mkhas pa dang shes rab kyis
'jug pa'i bar gang yin pa

'di ni lhag mthong zhes bya'o/ /zhes snga ma rnams dang mthun
par gsungs te/ 'dis ni mdo dang rje btsun gnyis ka'i dgongs pa
sngar bzhin bkral nas sngar gyi zhi lhag gi ngos 'dzin la nges
pa brtan par mdzad do/ /

sgom rim bar pa las kyang/ phyi rol gyi yul la rnam par g.yeng
ba zhi nas/ nang du dmigs pa la rgyun du rang gi ngang gis 'jug
pa la dga' ba dang shin tu sbyangs pa dang ldan pa'i sems nyid
la gnas pa ni

zhi gnas zhes bya'o/ /zhi gnas de nyid la gnas pa'i tshe de kho
na la rnam par dpyod pa gang yin pa de ni lhag mthong yin te/
zhes pa dang/ sher phyin man ngag las kyang/ de la ji snyed yod
par gyur pa dang/ ji

@307b lta ba bzhin du gyur pa la rnam par mi rtog pa'i gzugs
brnyan du gyur pa ni zhi gnas kyi dmigs pa'o/ /ji snyed yod par
gyur pa dang ji lta ba bzhin du gyur pa la rtog pa dang bcas
pa'i gzugs brnyan du gyur pa ni lhag

mthong gi dmigs pa'o/ /zhes ji lta ba dang ji snyed pa'i don la
mi rtog par 'jog pa ni zhi gnas dang/ yul de gnyis la rnam par
dpyod pa ni lhag mthong du gsungs te/ dgongs 'grel las kyang/
bcom ldan 'das

du zhig zhi gnas kyi dmigs pa lags/ bka' stsal pa gcig ste/ 'di
lta ste/ rnam par mi rtog pa'i gzugs brnyan no/ /du zhig lhag
mthong gi dmigs pa lags/ bka' stsal pa gcig kho na ste/ rnam par
rtog pa

dang bcas pa'i gzugs brnyan no/ /du zhig de gnyis ka'i dmigs pa
lags/ bka' stsal pa gnyis te/ 'di lta ste/ dngos po'i mtha' dang
dgos pa yongs su grub pa'o/ /zhes gsungs pa'i dgongs pa yin

no; ;kun las btus las dngos po'i mtha' la ji lta ba dang ji
snyed pa gnyis su gsungs pas/ shAnti pas sngar bshad pa ltar
zhi gnas dang lhag mthong re re la'ang ji lta ji snyed gnyis ka
la dmigs pa yod pa'i phyir

zhi lhag gnyis dmigs yul gyi sgo nas so sor mi phyed cing stong
nyid rtogs pa'i zhi gnas kyang yod la/ stong nyid ma rtogs pa'i
lhag mthong yang yod do/ /de yang sems phyi rol gyi yul la rgyug
pa zhi nas nang du

@308a @#/ /dmigs pa la gnas pas na zhi gnas zhes bya la/ lhag pa
ste khyad par du mthong bas na lhag mthong zhes bya'o/ /gang dag
sems mi rtog par gnas pa rig pa'i gsal cha'i ngar med pa zhi

gnas dang/ gsal cha'i ngar yod pa lhag mthong du 'dod pa ni rigs
pa ma yin te/ rgyal ba'i bka' dang rgyal tshab kyi bstan bcos
dang/ thogs med kyi gzhung dang/ bsgom pa'i rim pa la sogs pa'i
gzhung zhi gnas dang

lhag mthong gi mtshan nyid rgya cher gtan la 'bebs pa rnams las
sems dmigs pa la rtse gcig pa'i ting nge 'dzin la zhi gnas dang/
shes bya'i don yang dag par rab tu 'byed pa'i shes rab la lhag
mthong du gsungs

pa dang 'gal ba'i phyir dang/ khyad par du sems mi rtog pa rig
pa'i gsal cha'i ngar yod med ni ting nge 'dzin bying ba yod med
kyi khyad par yin gyi/ zhi lhag gi khyad par du gtan nas mi rigs
te/ zhi gnas

kyi ting nge 'dzin thams cad la'ang bying ba sangs pa nges par
dgos la/ bying ba dang bral ba'i ting nge 'dzin thams cad la
sems kyi dwangs cha nges par 'ong ba'i phyir ro/ /des na ji
lta ba la dmigs pa'i ting nge 'dzin dang

shes rab ni yul bdag med pa gnyis gang yang rung ba blo des
rtogs ma rtogs kyi sgo nas ngos gzung bar bya yi/ sems bde gsal
dang bcas pa'i mi rtog par gnas mi gnas kyi sgo nas ngos zin par
mi 'gyur te/

@308b yul bdag med pa'i de kho na nyid la blo kha ma phyogs pa'i
bde gsal mi rtog pa'i ting nge 'dzin dpag tu med pa yod pa'i
phyir ro/ /'di ltar yin lugs rtogs pa'i lta ba ma rnyed kyang
sems cir yang mi rtog par bzung bas

chog pa mngon sum gyis 'grub pas stong nyid ma go yang mi rtog
pa'i ting nge 'dzin skye ba la 'gal ba cung zad kyang med la/
de'i sgo nas sems ring du zin na sems zin pa'i mthus rlung las
su rung ba skye la/ de skyes

pa na lus dang sems la dga' bde skye ba chos nyid yin pas bde ba
skye ba mi 'gal zhing/ de skyes pa na dga' bde'i tshor ba rnam pa
gsal ba'i mthus sems la gsal cha 'ong bas na/ bde gsal mi rtog
pa'i

ting nge 'dzin thams cad kyis de kho na nyid rtogs par bsgrub pa
la shes byed yang dag pa ci yang med do/ /des na stong nyid
rtogs pa'i ting nge 'dzin la'ang bde gsal mi rtog pa 'ong la
stong nyid la blo kha ma phyogs pa'i ting nge 'dzin la'ang

bde gsal mi rtog pa 'byung ba ches mang bas de gnyis kyi khyad
par phyed dgos so/ /bzhi pa zhi lhag gnyis ka bsgom dgos pa'i
rgyu mtshan ni/ ci'i phyir zhi gnas dang lhag mthong re re bsgoms
pas mi chog par gnyis ka bsgom dgos

pa yin snyam na/ bshad par bya ste/ dper na/ mtshan mo logs ris
blta ba'i don du mar me sbar ba na/ mar me shin tu gsal ba dang
rlung gis mi g.yo ba gnyis dang ldan na bris sku rnams shin tu
gsal bar mthong la/ mar

@309a @#/ /me mi gsal ba'am gsal yang rlung gis bskyod na gzugs
rnams gsal por mi mthong ba bzhin du/ zab mo'i don lta ba la'ang
de kho na nyid kyi don phyin ci ma log par nges pa'i shes rab
dang

sems dmigs pa la ji ltar 'dod pa bzhin du gnas pa'i mi g.yo ba
gnyis dang ldan na de kho na nyid gsal bar mthong gi/ sems gzhan
du mi 'phro bar gnas pa'i mi rtog pa'i ting nge 'dzin yod kyang
yin lugs rtogs

pa'i shes rab med na de kho na nyid lta ba'i mig dang bral bas
ting nge 'dzin la ji tsam goms kyang yin lugs rtogs pa mi srid
la/ bdag med pa'i de kho na nyid khong du chud pa'i lta ba yod
kyang sems rtse gcig tu

gnas pa brtan pa'i ting nge 'dzin med na/ rang dbang med par
g.yo ba'i rnam rtog gi rlung gis dkrugs pas yin lugs kyi don
gsal bar mthong ba mi srid pa'i phyir zhi lhag gnyis ka dgos pa
yin te/

sgom rim bar pa las/ zhi gnas dang bral ba'i lhag mthong 'ba'
zhig gis ni rnal 'byor pa'i sems yul la rnam par g.yeng bar
'gyur gyi/ rlung gi nang na 'dug pa'i mar me bzhin du brtan par
mi 'gyur

ro; ;de bas na ye shes kyi snang ba shin tu gsal bar mi 'byung
ste/ de lta bas na gnyis ka 'dra bar bsten par bya'o/ /de'i
phyir 'phags pa yongs su mya ngan las 'das pa chen po'i mdo las
kyang/ nyan thos rnams kyis

@309b ni de bzhin gshegs pa'i rigs ma mthong ste ting nge 'dzin
shas che ba'i phyir dang shes rab chung ba'i phyir ro/ /byang
chub sems dpa' rnams kyis ni mthong mod kyi/ mi gsal te shes rab
kyis shas che ba'i phyir dang ting nge

'dzin chung ba'i phyir ro/ /de bzhin gshegs pas ni thams cad
gzigs te zhi gnas dang lhag mthong mtshungs par ldan pa'i phyir
ro/ /zhes bka' stsal te/ zhi gnas kyi stobs kyis ni mar me rlung
med par bzhag pa bzhin du

rnam par rtog pa'i rlung rnams kyis sems g.yo bar mi 'gyur ro/
/lhag mthong gis ni lta ba ngan pa'i dra ba mtha' dag spangs pas
gzhan dag gis mi phyed de/ zla ba sgron ma'i mdo las/ ji skad
du/ zhi gnas stobs kyis

g.yo ba med par 'gyur/ /lhag mthong gis ni ri dang 'dra bar
'gyur/ /zhes gsungs pa lta bu'o/ /zhes so/ /des na sems dmigs pa
las mi g.yeng bar gar bzhag tu lhan lhan sdod pa ni zhi gnas
kyi lag rjes yin la/

bdag med pa'i de kho na nyid rtogs nas bdag tu lta ba la sogs
pa'i lta ba ngan pa rnams spangs te phas kyi rgol bas bsgul mi
nus pa'i ri dang 'dra ba ni lhag mthong gi lag rjes yin pas de
rnams so sor phyed par bya'o/ /zhi

gnas ma grub pa'i sngon du ni so sor rtog pa'i shes rab kyis
bdag med pa'i don la dpyad kyang rlung nang gi mar me bzhin du
sems ha cang g.yo bas bdag med pa'i don gyi spyi yang gsal bar
mi 'gyur la/ gang gi tshe zhi gnas

@310a @#/ /grub pa'i tshe dpyad na ni ha cang g.yo ba'i skyon
ldog pas bdag med pa'i don spyi gsal bar 'gyur bas lhag mthong
gi sems mi g.yo ba'i cha mi rtog pa'i zhi gnas las skye ba yin
gyi/ yin

lugs rtogs pa'i cha zhi gnas las skye ba min te/ dper na/ mar
me'i gzugs gsal bar byed pa'i cha sdong bu dang me snga ma las
skye yi/ rlung skyob pa'i yol ba sogs las mi skye yang mar me mi
g.yo ba'i

brtan pa'i cha de yol ba sogs las skye ba bzhin no/ /de ltar
sems bying rgod kyis mi mnyam pa med pa'i zhi gnas kyi mnyam
gzhag dang ldan pa'i shes rab kyis brtags na yang dag pa'i don
shes par

'gyur ba la dgongs nas/ chos yang dag par sdud pa las/ sems
mnyam par bzhag na yang dag pa ji lta ba bzhin shes par 'gyur
ro/ /zhes gsungs te/ sgom rim dang po las/ sems chu bzhin du
g.yo

ba'i phyir zhi gnas kyi gzhi med par gnas pa med de mnyam par ma
bzhag pa'i sems kyis ni yang dag pa ji lta ba bzhin du shes par
mi nus te/ bcom ldan 'das kyis kyang mnyam par bzhag pas yang
dag pa ji lta

ba bzhin du rab tu shes so zhes bka' stsal to/ /zhes so/ /zhi
gnas grub na bdag med pa la tshul bzhin du dpyod pa'i shes rab
kyi g.yo ba'i skyon ldog par ma zad mi rtag pa dang las 'bras
dang 'khor ba'i nyes

@310b dmigs dang byams pa dang snying rje dang byang chub kyi
sems sbyong ba la sogs pa'i so sor rtog pa'i shes rab kyis dpyad
sgom byed pa thams cad kyang/ dmigs pa la g.yeng ba'i skyon log
nas rang rang gi dmigs pa gang

yin la gzhan du mi g.yeng bar 'jug pas dge ba gang byed thams
cad shin tu stobs che la/ zhi gnas ma rnyed pa'i sngon du ni
shas cher dmigs pa gzhan la g.yeng bas dge sbyor byas pa thams
cad stobs chung ste/ spyod 'jug

las; sems ni rnam par g.yengs pa'i mi/ /nyon mongs mche ba'i
phrag na gnas/ /zhes dang/ bzlas brjod dang ni dka' thub sogs/
/yun ring dus su spyad byas kyang/ /sems gzhan g.yengs pas byas
pa ni/ /de nyid rig pas

don med gsungs/ /zhes gsungs pa ltar ro/ /de ltar na dmigs pa
gcig la sems gzhan du mi g.yeng bar mi rtog par 'jog pa'i ting
nge 'dzin bsgrubs pa'i dgos pa ni sems dge ba'i dmigs pa la ji
ltar 'dod 'dod du

bkol du rung ba'i las rung bsgrub pa'i phyir yin la/ de yang
sems dmigs pa gcig la btags na'ang sdod thub la/ btang na'ang
yur ba bde mo la chu drangs pa ltar dge ba'i dmigs pa mtha' yas
pa la ji ltar 'dod pa ltar 'gro ba

zhig yin pas/ zhi gnas grub nas ji lta ba dang ji snyed pa'i yul
la dmigs pa'i shes rab dang gtong ba'i sems dang sdom sems dang
bzod pa dang brtson 'grus dang dad pa dang skyo shas la sogs pa
mtha' yas pa'i dge ba sdud pa

@311a @#/ /dang mtha' yas pa'i skyon bzlog pa'i dmigs rnam skyong
dgos pa yin gyi/ dus rgyun du dmigs pa gcig la btags nas 'jog
pas ni zhi gnas bsgrubs pa'i dgos pa ma shes pas dge sbyor la

bogs chen po mi 'byung bar shes par bya'o/ /de ltar spyod phyogs
dang/ lta ba'i phyogs kyi so sor rtog pa'i shes rab kyis dpyad
sgom dor na sems rtse gcig pa'i ting nge 'dzin bsgom pa shin tu
bogs chung la/ khyad par du

bdag med pa'i don la nges pa shugs drag la rgyun ring ba bskyed
pa'i thabs so sor rtog pa'i shes rab kyis dpyad nas skyong ba'i
ji lta ba la dmigs pa'i lhag mthong med na/ zhi gnas la yun ji
tsam goms par byas kyang

nyon mongs mngon gyur 'go gnon pa tsam srid kyi/ de'i sa bon
rtsad nas spong ba mi srid pas zhi gnas tsam bsgom par mi bya
yi/ lhag mthong yang bsgom dgos te/ sgom rim bar pa las/ zhi
gnas tsam 'ba' zhig goms

par byas pas ni rnal 'byor pa rnams kyi sgrib pa ni mi spongs
kyi/ re zhig nyon mongs rnam par gnon pa tsam du zad de/ shes
rab kyi snang ba byung ba med par bag la nyal legs par choms par
mi 'gyur ro/ /de

bas na 'phags pa dgongs pa nges par 'grel ba de nyid las/ bsams
gtan gyis ni nyon mongs pa rnam par gnon no/ /shes rab kyis ni
bag la nyal legs par 'joms par byed do/ /zhes bka' stsal to/ /

@311b 'phags pa ting nge 'dzin gyi rgyal po las kyang/ ting nge
'dzin de sgom par byed mod kyi/ /des ni bdag tu 'du shes 'jig mi
byed/ /de yi nyon mongs phyir zhing rab 'khrug ste/ /lhag spyod
'di na ting 'dzin bsgom pa bzhin/ /

gal te chos la bdag med so sor rtog  /so sor de brtags gal te
bsgom pa ni/ /de ni mya ngan 'das thob 'bras bu'i rgyu/ /rgyu
gzhan gang yin des ni zhir mi 'gyur/ /zhes gsungs so/ /byang
chub sems dpa'i sde snod

las kyang/ gang dag byang chub sems dpa'i sde snod kyi chos kyi
rnam grangs 'di mthos/ 'phags pa'i chos 'dul ba ma thos par ting
nge 'dzin tsam gyis chog par 'dzin pa thob pa ni nga rgyal gyi
dbang gis mngon pa'i nga rgyal du lhung zhing/

skye ba dang rga ba dang na ba dang 'chi ba dang mya ngan dang
smre sngags 'don pa dang sdug bsngal ba dang yid mi bde ba dang
'khrug pa las yongs su mi grol/ 'gro ba drug gi 'khor ba las
yongs su mi grol/ sdug bsngal gyi phung po

las kyang yongs su mi grol te/ de la dgongs nas de bzhin gzhegs
pas 'di skad ces gzhan las rjes su mthun pa thos pa ni rga shi
las grol bar 'gyur ro zhes bka' stsal to/ /zhes gsungs so/ /de
lta bas na sgrib pa

mtha' dag spangs nas yongs su dag pa'i ye shes 'byung bar 'dod
pas zhi gnas la gnas nas shes rab bsgom par bya'o/ /de skad du
'phags pa dkon mchog brtsegs pa las kyang bka' stsal te/ tshul
khrims la ni

@312a @#/ /gnas nas ting nge 'dzin 'thob ste/ /ting nge 'dzin
thob nas kyang shes rab sgom par byed/ /shes rab kyis ni ye shes
rnam par dag pa 'thob/ /ye shes rnam par dag pas tshul khrims
phun

sum tshogs/ /zhes bka' stsal to/ /'phags pa theg pa chen po la
dad pa bsgom pa'i mdo las kyang/ rigs kyi bu shes rab nye bar mi
gnas na byang chub sems dpa' rnams kyi theg pa chen po la dad pa
theg pa chen po

la ji ltar yang 'byung bar nga mi smra'o zhes bka' stsal to/
/zhes gsungs pa'i phyir ro/ /go rim nges pa'i tshul ni/ spyod
'jug las/ zhi gnas rab tu ldan pa'i lhag mthong gis/ /nyon mongs
rnam par 'joms par

shes byas nas/ /thog mar zhi gnas btsal bya/ zhes gsungs pa
ltar/ sngon la zhi gnas bsgrubs nas de nas de la brten te lhag
mthong bsgom pa yin no/ /de la 'di snyam du sgom rim dang po
las/ de'i dmigs

pa la nges pa med do/ /zhes zhi gnas kyi dmigs pa la nges pa med
par gsungs shing/ sngar bshad pa ltar zhi gnas kyi dmigs pa la
chos can dang chos nyid gnyis yod pas dang po bdag med pa'i don
go bar

byas nas de la dmigs te bsgoms pas/ sems gzhan du mi g.yeng
ba'i zhi gnas dang stong nyid la dmigs pa'i lhag mthong gnyis ka
dus gcig tu bskyed pas chog mod/ ci'i phyir sngon la zhi gnas
btsal nas

@312b de nas lhag mthong sgom par byed ce na/ de la zhi gnas
lhag mthong gi sngon du 'gro lugs ni/ bdag med rtogs pa'i lta
ba'i go ba skye ba la zhi gnas sngon du 'gro mi dgos te/ zhi
gnas med pa la'ang lta ba skye bar mthong

pa'i phyir ro/ /lta ba de la yid 'gyur ba'i myong ba skye ba
la'ang zhi gnas sngon du 'gro mi dgos te/ zhi gnas med kyang so
sor rtog pa'i shes rab kyis yang yang dpyad de goms par byas pas
yid 'gyur ba skye bar mi

'gal ba'i phyir te/ 'gal na mi rtag pa dang 'khor ba'i nyes
dmigs dang byang chub kyi sems sbyong ba la'ang yid 'gyur ba'i
myong ba skye ba zhi gnas la rag las par ha cang thal bar 'gyur
te rgyu mtshan kun nas mtshungs

pa'i phyir ro/ /'o na zhi gnas lhag mthong la dgos lugs de gang
yin snyam na/ 'di la dgongs 'grel nas/ so sor rtog pa'i shes rab
kyis rnam par 'byed pa dang rab tu rnam par 'byed pa'i bsgom pa
de ji srid du

lus sems shin tu sbyangs pa bskyed par mi nus pa de srid du lhag
mthong dang rjes su mthun pa'i yid byed yin la/ de las shin
sbyangs skyes pa na lhag mthong du gsungs pas/ zhi gnas mthob na
so sor rtog pa'i shes

rab kyis dpyad sgom ji tsam byas kyang des mthar lus sems shin
tu sbyangs pa'i dga' bde bskyed par mi nus la/ zhi gnas thob nas
ni so sor rtog pa'i shes rab kyi dpyad sgom gyis kyang rang gi
mthar shin sbyangs

@313a @#/ /skyed par byed pas de la zhi gnas rgyur dgos te 'og tu
bshad par bya'o/ /des na so sor rtog pa'i shes rab kyis dmigs pa
gcig la ma bzhag par dpyad pa'i stobs kyis shin sbyangs

bskyed nus pa na lhag mthong du 'gyur bas/ yul stong pa nyid la
dmigs kyang sems dmigs pa gcig la bzhag pa'i dbang gis shin
sbyangs bskyed pa ni zhi gnas bsgrub lugs las mi 'da' bas de
tsam gyis lhag mthong thob par mi

'jog ste/ 'di ltar dang por bdag med pa'i go ba btsal nas de'i
don la yang dang yang du dpyod par byed na ni sngon du zhi gnas
ma grub pas de la brten nas zhi gnas 'grub mi srid la/ mi dpyod
par 'jog sgom byed na ni de la brten

nas zhi gnas 'grub kyang zhi gnas kyi skyong tshul las ma gtogs
pa'i lhag mthong gi skyong tshul med pas phyi nas lhag mthong
btsal dgos pas/ zhi gnas sngon du btsal nas de la brten nas lhag
mthong bsgom pa'i rim pa las

ma 'das pa'i phyir ro/ /de ltar na lhag mthong bskyed pa'i tshul
ni so sor rtog pa'i dpyad sgom gyis shin sbyangs bskyed pa la mi
byed na zhi gnas sngon du btsal nas de la brten nas lhag mthong
bsgom pa la rgyu mtshan yang dag

cung zad kyang med la/ rim pa de ltar sgom par mi byed na'ang
ches mi rigs te/ dgongs 'grel nas/ zhi gnas thob pa la brten nas
lhag mthong bsgom par sngar drangs pa ltar gsungs shing/ snga ma
la brten phyi ma skye/ /zhes

@313b phyin drug gi bsam gtan dang shes rab kyi rim pa dang lhag
pa ting nge 'dzin gyi bslab pa la brten nas lhag pa shes rab kyi
bslab pa skye ba'i rim pa rnams zhi gnas sngon la bsgoms nas
lhag mthong phyis bsgom pa'i rim pa

yin la/ sngar byangs drangs pa ltar dang/ nyan sa las kyang zhi
gnas la brten nas lhag mthong bsgom par gsungs shing/ dbu ma
snying po dang spyod 'jug dang sgom rim gsum dang ye shes grags
pa dang shAnti pa rnams kyis sngon

du zhi gnas btsal nas lhag mthong bsgom par gsungs pa'i phyir
ro/ /des na rgya gar ba'i slob dpon kha cig zhi gnas zur du mi
'tshol bar dang po nas so sor rtog pa'i shes rab kyis dpyad pa
las lhag mthong bskyed par bzhed

pa ni; shing rta chen po rnams kyi gzhung dang 'gal bas blo dang
ldan pa rnams kyis yid brtan pa'i gnas su mi rung ngo/ /zhi gnas
dang lhag mthong gi go rim de yang dang por gsar du bskyed pa'i
tshe de ltar byed kyi/ phyis ni lhag mthong

sngon du bsgoms nas zhi gnas sgom pa'ang byed pas go rim nges pa
med do/ /'o na kun las btus las/ la la ni lhag mthong thob pa
yin gyi/ zhi gnas ni ma thob ste/ de lhag mthong la brten nas
zhi gnas la brtson par byed do/ /zhes  

gsungs pa ji ltar yin zhe na/ de ni bsam gtan dang po'i nyer
bsdogs kyis bsdus pa'i zhi gnas ma thob pa min gyi/ bsam gtan
dang po'i dngos gzhi yan chad kyi zhi gnas ma thob pa ste/ de
yang bden pa bzhi mngon sum du rtogs

@314a @#/ /nas de la brten nas bsam gtan dang po yan chad kyi zhi
gnas bsgrub pa ste/ sa'i dngos gzhi las/ gzhan yang sdug bsngal
nas lam gyi bar du'ang yang dag ba ji lta ba bzhin du rab tu
shes la bsam gtan

dang po la sogs pa ni ma thob ste/ de 'dug ma thag tu sems 'jog
ste chos rnam par 'byed par mi byed do/ /de lhag pa'i shes rab
de nyid la brten nas lhag pa'i sems la sbyor bar byed do/ /zhes
gsungs pa'i phyir ro/ /spyir tha snyad

zor yangs par bya ba'i phyir du sems dgu la zhi gnas dang rnam
par 'byed pa sogs bzhi la lhag mthong du gsungs pa yod kyang zhi
lhag dngos ni 'chad par 'gyur ba ltar/ shin sbyangs skyes pa nas
bzhag dgos so/ /so so'i bslab

tshul la gsum/ zhi gnas la bslab tshul/ lhag mthong la bslab tshul/
de gnyis zung du 'brel ba'i tshul lo/ /dang po la gsum/ zhi gnas
kyi tshogs bsten pa/ de la brten nas zhi gnas bsgom pa'i tshul/
bsgoms pas zhi gnas

grub pa'i tshad do/ /dang po ni rnal 'byor pas thog mar bde zhing
myur du zhi gnas 'grub par 'gyur ba'i rgyu zhi gnas kyi tshogs la
brten par bya'o/ /'di la drug las/ mthun pa'i yul na gnas pa ni/
yon tan lnga dang ldan pa'i yul

te; zas gos la sogs pa tshegs med par rnyed pas rnyed sla ba
dang/ gcan gzan la sogs pa'i skye bo mi bsrun pa dang dgra la
sogs pa mi gnas pas gnas bzang ba dang/ nad mi bskyed pa'i sa
yin pas sa bzang ba dang/ tshul

@314b khrims dang lta ba mtshungs pa'i grogs dang ldan pas grogs
bzang ba dang/ nyin mo skye bo mang po med cing mtshan mo sgra
chung bas legs par ldan pa'o/ /mdo sde'i rgyan las kyang/ blo
ldan gang du bsgrub pa'i yul/ /legs par rnyed dang

gnas bzang dang/ /sa bzang ba dang grogs bzang dang/ /rnal 'byor
bde ba'i yo byad ldan/ /zhes gsungs so/ /'dod pa chung ba ni/
chos gos la sogs pa bzang po'am mang po la lhag par chags pa med
pa'o/ /chog shes pa ni/

chos gos la sogs pa ngan ngon tsam rnyed pas rtag tu chog shes
pa'o/ /bya ba mang po yongs su spangs pa ni/ nyo tshong la sogs
pa'i bya ba ngan pa dang khyim pa dang rab byung rnams dang ha
cang 'dris bshes byed pa dang sman byed pa dang

skar ma brtsi ba sogs yongs su spangs pa'o/ /tshul khrims rnam
par dag pa ni/ so thar dang byang sems kyi sdom pa gnyis ka la
rang bzhin dang bcas pa'i kha na ma tho ba'i bslab bya'i gzhi mi
'dral ba dang bag med pas ral

na'ang skyen par 'gyod pas chos bzhin du phyir 'chos par byed
pa'o/ /'dod pa la sogs pa'i rnam rtog yongs su spangs pa ni/
'dod pa rnams la gsod pa dang 'ching ba la sogs pa tshe 'di'i
nyes dmigs dang ngan 'gror

'gro ba sogs phyi ma'i nyes dmigs bsgoms nas sam/ yang na 'khor
ba'i dngos po yid du 'ong mi 'ong thams cad ni 'jig pa'i chos
can mi rtag pa ste nges par de dag thams cad dang bdag ring por
mi thogs par 'bral

@315a @#/ /bar 'gyur na bdag de la ci zhig lhag par chags pa la
sogs par 'gyur snyam du bsgoms la 'dod pa'i rnam rtog thams cad
spang bar bya'o/ /'di dag ni sgom rim bar pa'i dgongs pa ltar
bshad

pa ste; rgyas par ni nyan thos kyis las shes par bya'o/ /de lta
bu'i chos drug ni ting nge 'dzin bzang po gsar du skye ba dang
skyes zin pa mi nyams par gnas pa dang gong nas gong du 'phel
ba'i rgyu rkyen gyi gnad bsdus pa ste/ khyad par

du tshul khrims dag pa dang 'dod pa la nyes dmigs su blta ba dang
mthun pa'i yul na gnas pa gtso bo yin no/ /dge bshes ston pa'i
zhal nas/ rang cag man ngag kho nas lan snyam yin man ngag kho
na btsal bas ting nge

'dzin skyer mi 'dod pa de tshogs la gnas pa med pas lan pa yin
gsung ste/ tshogs ni sngar bshad pa drug la sogs pa yin no/
/gzhan yang phar phyin dang po bzhi ni lnga pa bsam gtan gyi
tshogs su 'gro ba yin te/

sgom rim dang po las/ zhi gnas ni rnyed pa la sogs pa 'dod pa la
mi blta zhing tshul khrims la legs par gnas la sdug bsngal la
sogs pa dang du len pa'i ngang tshul can du gyur la brtson 'grus
brtsams na myur du

'grub bo/ /de bas na 'phags pa dgongs pa nges par 'grel ba la
sogs pa las kyang sbyin pa la sogs pa gong ma gong ma'i rgyu
nyid yin par bstan to/ /zhes gsungs so/ /lam sgron las kyang/
zhi gnas yin

@315b lag rnam nyams pas/ /rab tu 'bad de bsgoms byas kyang/ /lo
ni stong phrag dag gis kyang/ /ting 'dzin 'grub par mi 'gyur ro/
/zhes gsungs pas/ zhi lhag gi ting nge 'dzin snying thag pa nas
bsgrub par 'dod pa

rnams kyis zhi gnas kyi yan lag gam tshogs nyan sa nas gsungs
pa'i bcu gsum la sogs pa la 'bad pa shin tu gal che'o/ /de la
brten nas zhi gnas bsgom pa'i tshul la gnyis/ sbyor ba dang/
dngos gzhi'o/ /

dang po ni/ sngar bshad pa'i sbyor ba'i chos drug dang khyad par
du byang chub kyi sems ring du bsgom zhing de'i yan lag tu skyes
bu chung 'bring dang thun mong ba'i dmigs pa'i ngo bo rnams
kyang sbyang bar bya'o/ /gnyis pa la gnyis/ lus

kyi spyod lam ji 'dra bas bsgom pa dang/ bsgom pa'i rim pa nyid
bshad pa'o/ /dang po ni/ sgom rim par pa dang tha ma las gsungs
pa ltar stan shin tu 'jam po bde ba la lus kyi kun spyod chos
brgyad dang ldan par

bya'o; ;de la rkang pa ni rje btsun rnam par snang mdzad kyi
skyil mo krung lta bu skyil mo krung yongs su rdzogs pa'am yang
na skyil krung phyed pa'ang rung ste de ltar bya'o/ /mig ni ha
cang yang mi dbye ha cang yang mi zum par sna'i rtse mor

gtad do/ /lus ni ha cang yang rgyab tu mi dgye ha cang yang mdun
du mi dgu bar drang por bsrangs la dran pa nang du bzhag ste
'dug par bya'o/ /phrag pa ni thad kar mnyam par bzhag go/ /mgo
ni mi mtho mi dma' zhing phyogs   

@316a @#/ /gcig tu ma yo bar bzhag ste sna nas lte bar drang por
bzhag go/ /so dang mchu ni rang lugs su tha mal par bzhag go/
/lce ni ya so'i drung du gzhar ro/ /dbugs ni phyi nang du rgyu
ba sgra can dang rngams pa dang rgod/

bag can du mi btang gi/ /ci nas kyang phar rgyu tshur rgyu mi
tshor bar dal bu dal bus 'bad pa med par 'jug pa de ltar bya'o/
/nyan sar sangs rgyas kyis gnang ba'i khri'am khri'u'am rtswa
bting ba'i steng du skyil mo krung bcas te 'dug

pa la rgyu mtshan lnga gsungs te/ lus legs par bsgrims na spyod
lam de shin tu sbyangs pa skye ba dang rjes su mthun pas myur ba
myur bar shin tu sbyangs pa skye ba dang/ 'dug pas dus yun ring
po 'da' bar byed nus shing spyod

lam des de'i lus shin tu ngal bar mi 'gyur ba dang/ spyod lam de
mu stegs dang phas kyi rgol ba dag dang thun mong ma yin pa
dang/ gzhan gyis spyod lam des 'dug pa mthong na shin tu dang ba
skye ba dang/ spyod lam de

sangs rgyas dang sangs rgyas kyi nyan thos rnams kyis gnang
zhing bsten pa ste rgyu mtshan de lnga mthong nas skyil mo krung
bcas te gnas par gsungs so/ /lus drang por bsrang ba ni rmugs pa
dang gnyid mi 'byung ba'i don du gsungs

so; ;de ltar na thog mar lus kyi kun spyod brgyad dang khyad
par du rlung cham la dbab pa ji ltar bshad pa bzhin bsgrub par
bya'o/ /bsgom pa'i rim pa nyid bshad pa ni/ lam rim phal mo cher
dbus mtha' nas gsungs

@316b pa'i nyes pa lnga spong ba'i 'du byed brgyad kyi sgo nas
zhi gnas bsgrub par gsungs la/ dge bshes lag sor pa nas brgyud
pa'i gdams ngag rnams las de'i steng du nyan sa nas bshad pa'i
stobs drug dang yid byed bzhi

dang sems dgus bsgrub dgos par bshad cing/ mkhas pa yon tan
grags kyis ni sems gnas pa'i thabs dgu yid la byed pa bzhir
bsdus pa dang/ nyes pa drug dang de'i gnyen po 'du byed brgyad
po 'di ni ting nge 'dzin

thams cad kyi thabs yin par/ mdo sde du ma dang mdo sde rgyan
dang dbus mtha' dang 'phags pa thogs med kyi sa sde dang dbu ma
sgom rim gsum la sogs pa bsam gtan gyi thabs ston pa thams cad
las mthun par

gsungs te/ dang po ting nge 'dzin gyi tshogs la gnas pas thabs
'di dag gis 'bad na ting nge 'dzin nges par 'thob par 'gyur ro/
/deng sang bsam gtan gyi man ngag zab par grags pa dag la thabs
'di dag gi ming

tsam yang mi snang ste ting nge 'dzin gyi tshogs dang mi ldan pa
dang thabs 'di dag med par ni yun ring por 'bad kyang ting nge
'dzin 'grub par ma gsungs so zhes rang gi lam rim las 'chad de/
'di ni gzhung chen mo

rnams kyi ting nge 'dzin bsgrub tshul la nges pa rnam par dag pa
rnyed pa'i gtam du snang ngo/ /de la spyir theg pa gsum gyi lam
gyi rim pa'i 'khrid tshul rnams ni 'phags pa thogs med kyis sa
sde lngar rgyas par gtan la phab

@317a @#/ /pas nyams len ston pa'i gzhung ni de shin tu rgyas so/
/der yang gzhung gcig tu rgyas par bshad pa gzhung gzhan du
rgyas par mi 'chad pas zhi gnas dang lhag mthong gnyis ni

gtan la dbab pa bsdu ba las nyan thos kyi sa las shes dgos par
gsungs pas nyan sa shin tu rgyas pa yin no/ /rje btsun byams pas
kyang mdo sde'i rgyan dang dbus mthar sems gnas pa'i thabs dgu
dang spong

ba'i 'du byed brgyad gsungs la/ de rnams kyi rjes su 'brangs nas
slob dpon seng ge bzang po dang kA ma la shI la dang shAnti
pa la sogs pa'i rgya gar gyi mkhas pa rnams kyis kyang ting nge
'dzin bsgrub pa'i rim pa mang du mdzad

de; lha sku dang thig le dang yi ge sogs la dmigs pa'i dmigs pa
mi 'dra ba ma gtogs pa ting nge 'dzin gyi spyi'i khog rnams ni
sngar gyi gzhung chen mo de dag nas bshad pa dang sngags nas
bshad pa rnams shin tu mthun la/

khyad par du ting nge 'dzin gyi nyes pa lnga la sogs pa'i skyon
rnams dang de rnams ji ltar sel ba'i tshul rnams ni mdo sde'i
phyogs rnams shin tu rgyas par snang ngo/ /'on kyang gzhung che
ba rnams kyi steng nas nyams su len shes pa nyin mo'i

skar ma ltar snang bas rang gi blo skyon gyi dri ma gzhung de
dag la bkal nas de rnams phyi'i go rgya gcod pa tsam yin gyi
snying po'i don ston pa'i gdams ngag zur du yod par bzung nas de
dag nas bshad pa'i ting nge 'dzin bsgrub pa'i rim

@317b pa la nyams su len pa'i tshe na ji ltar yin gyi the tshom
yang mi skye bar snang ngo/ /gdams ngag 'di ni dbu zhabs kyi
nyams len thams cad gzhung chen mo rnams nas 'byung ba kho na
la
rtsigs su byed pas 'dir yang ting nge 'dzin gyi bsgrub tshul
rnams

gzhung che ba rnams nas blangs te bshad par bya'o/ /'di la
gnyis/ ting nge 'dzin skyon med bskyed pa'i tshul dang/ de la
brten nas sems gnas skye ba'i rim pa'o/ /dang po la gsum/ sems
dmigs pa la gtod pa'i sngon du ji ltar bya ba dang/

dmigs pa la gtod pa'i dus su ji ltar bya ba dang/ dmigs pa la
gtad pa'i 'og tu ji ltar bya ba'o/ /dang po ni/ ting nge 'dzin
bsgom pa la mi spro zhing de'i mi mthun phyogs la dga' ba'i le
lo 'gog ma nus na dang po nas ting nge 'dzin la 'jug tu mi ster

zhing lan cig thob kyang rgyun 'thud mi nus pas myur du nyams
par 'gyur ro/ /de'i phyir thog mar le lo 'gog pa gnad du che'o/
/de la lus dang sems dga' bdes rgyas pa'i shin tu sbyangs pa
thob na nyin mtshan kun tu dge ba la sbyor ba la skyo dub mi

'byung bas le lo ldog go/ /de bskyed pa la shin sbyangs bskyed
pa'i rgyu ting nge 'dzin la brtson 'grus rgyun ldan du rtsom nus
pa dgos so/ /de bskyed pa la ting nge 'dzin la don du gnyer ba'i
'dun pa drag po rgyun ldan pa dgos so/ /de'i rgyur ni ting nge
'dzin

gyi yon tan mthong bas yid 'phrog pa'i dad pa brtan po dgos pas
thog mar ting nge 'dzin gyi yon tan sems pa'i dad pa yang dang
yang du bsgom par bya'o/ /'di dag gi go rim ni nyams su blangs
nas bltas na ches shin tu gsal bar nges

@318a @#/ /pas gnad dam par bzung ste/ dbus mtha' las/ gnas 
dang de la gnas pa dang/ /rgyu dang 'bras bu nyid du'o/ /zhes 
gsungs so/ /de la gnas ni 'dun pa ste rtsol ba'i gnas so/ /gnas
pa ni

rtsol ba'am brtson 'grus so/ /'dun pa'i rgyu ni yon tan la yid
ches pa'i dad pa'o/ /rtsol ba'i 'bras bu ni shin tu sbyangs
pa'o/ /'dir bsgom par bya ba'i ting nge 'dzin gyi yon tan ni/
zhi gnas grub na sems la dga' ba

dang lus la bde ba rgyas pas mthong chos la bde bar gnas pa dang
lus sems shin tu sbyangs pa rnyed pas sems dge ba'i dmigs pa la
gang 'dod du bkol du rung ba dang/ rang dbang med par phyin ci
log gi yul la g.yeng ba zhi

bas nyes spyod mang po mi 'byung zhing dge ba gang byed stobs
che ba dang zhi gnas la brten nas mngon shes dang rdzu 'phrul
sogs kyi yon tan rnams bsgrub nus pa dang/ khyad par du de la
brten nas ji lta ba rtogs pa'i lhag mthong gi rtogs

pa skye bas 'khor ba'i rtsa ba myur du gcod nus pa sogs kyi yon
tan gang bsams na ting nge 'dzin bsgom pa la spro shugs 'phel
bar 'gyur ba rnams shes par byas la bsgom ste/ 'di skyes na nang
nas ting nge 'dzin bsgom pa la

rgyun du bskul bas ting nge 'dzin thob par sla zhing thob zin
nas kyang yang yang bsgom pa la 'jug pas nyams par dka' ba yin
no/ /gnyis pa la gnyis/ sems gang la 'jog pa'i gzhi dmigs pa
ngos bzung ba dang/ de

@318b la sems ji ltar gtod pa'i tshul lo/ /dang po la gnyis/
dmigs pa spyi'i rnam par bzhag pa dang/ skabs su bab pa'i dmigs
pa ngos bzung ba'o/ /dang po la gsum/ dmigs pa dngos bstan pa
dang/ gang zag

gang gis gang la dmigs par bya ba bstan pa dang/ dmigs pa'i rnam
grangs bstan pa'o/ /dang po ni/ bcom ldan 'das kyis rnal 'byor
ba'i dmigs pa bzhi gsungs te/ 'di ltar khyab pa'i dmigs pa dang/
spyad

pa rnam par sbyong ba'i dmigs pa dang/ mkhas pa'i dmigs pa dang/
nyon mongs pa rnam par sbyong ba'i dmigs pa'o/ /de la khyab pa'i
dmigs pa la ni bzhi yod de/ rnam par rtog pa dang bcas pa'i
gzugs brnyan dang/ rnam

par rtog pa med pa'i gzugs brnyan dang/ dngos po'i mtha' dang/
dgos pa yongs su grub pa'o/ /de la dmigs byed kyi sgo nas bzhag
pa ni gzugs brnyan gnyis te/ dang po ni lhag mthong gi dmigs pa
yin la/ gnyis

pa ni zhi gnas kyi dmigs pa'o/ /gzugs brnyan ni gang la dmigs
pa'i dmigs pa rang mtshan pa de dngos min par de'i rnam pa blo la
snang ba'o/ /de la dmigs nas dpyod par byed pa'i tshe dpyod byed
kyi rnam rtog yod pas rnam

rtog dang bcas pa'i gzugs brnyan no/ /yang de la dmigs nas mi
dpyod par sems 'jog pa'i tshe dpyod byed kyi rtog pa med pas rnam
par mi rtog pa'i gzugs brnyan zhes bya'o/ /gzugs brnyan de dmigs
pa gang gi gzugs

@319a @#/ /brnyan yin snyam na/ spyad pa rnam sbyong gi dmigs pa
lnga dang mkhas pa'i dmigs pa lnga dang nyon mongs pa rnam par
sbyong ba'i dmigs pa gnyis kyi gzugs brnyan nam rnam pa yin no/
/dmigs bya

yul gyi sgo nas bzhag pa ni dngos po'i mtha' yin te/ 'di tsam du
zad kyi 'di las gzhan pa med do zhes pa'i ji snyed pa'i dngos
po'i mtha' dang/ 'di kho na ltar gnas kyi gzhan du mi gnas so
zhes pa'i ji lta ba'i dngos po'i

mtha' gnyis so/ /de la ji snyed pa ni phung po lngar 'dus byas
thams cad dang khams bco brgyad dang skye mched bcu gnyis su
chos thams cad dang bden bzhir shes bya'i dngos po thams cad
'dus kyi/ de phan chad du gzhan med pa'o/ /ji

lta ba ni dmigs pa de dag gi yang dag pa nyid dang de bzhin nyid
rigs pas grub pa'i don no/ /'bras bu'i sgo nas bzhag pa ni dgos
pa yongs su grub pa ste/ dmigs pa de dag gi gzugs brnyan la zhi
lhag gis dmigs pa'i yid

la byed pa de kun tu bsten/ goms par byas/ lan mang du byas pa'i
mthus rang rang gi gnas ngan len dang bral nas gnas gyur pa'o/
/spyad pa rnam par sbyong ba ni/ 'dod chags sogs la shas cher
spyad pa rnam par sbyong ba'i

dmigs pa ste/ mi sdug pa dang byams pa dang rten 'brel dang
khams kyi rab dbye dang dbugs 'byung rngub ? ste lnga'o/ /de la
mi sdug pa la dmigs pa ni/ skra dang spu la sogs pa so drug ni
nang gi mi sdug pa dang rnam par sngos pa la

@319b sogs pa ni phyi rol gyi mi sdug pa ste mi gtsang ba'i mi
sdug pa'i rnam pa blo la shar ba la sems 'dzin pa'o/ /mdza' bo
dang dgra bo dang bar ma gsum la dmigs nas mnyam par bzhag pa'i
sa pa'i phan bde sgrub pa'i

bsam pa ni byams pa ste/ byams pa'i 'dzin stangs de'i sgo nas
sems dmigs pa de dag la 'dzin pa la byams pa la dmigs pa zhes
yul dang yul can gnyis ka la byams par gsungs pa'o/ /rten 'brel

la dmigs pa ni/ dus gsum du 'byung ba'i rten 'brel gyi chos tsam
la brten nas chos tsam gyi 'bras bu 'byung ba tsam du zad kyi/
de dag las ma gtogs pa'i las byed pa po dang 'bras bu nyams su
myong ba po med

pa'i don la de ltar dmigs te sems 'dzin pa'o/ /khams kyi rab
dbye la dmigs pa ni/ sa dang chu dang me dang rlung dang nam
mkha' dang rnam shes kyi khams drug gi cha rnams so sor phye ste
de rnams la dmigs nas sems

'dzin pa'o/ /dbugs 'byung rngub ? la dmigs pa ni/ rlung phyi
nang du 'gro ba la bgrang ba dang lta ba'i sgo nas sems gzhan du
mi g.yeng bar dmigs pa'o/ /mkhas pa'i dmigs pa'ang lnga ste/
phung po dang khams dang skye

mched dang rten 'brel dang gnas dang gnas ma yin pa la mkhas
pa'o/ /de la phung po ni gzugs kyi phung po sogs lnga yin la/ de
la mkhas pa ni phung po las ma gtogs pa'i bdag dang bdag gi ba
med par shes pa'o/ /

@320a @#/ /khams ni mig la sogs pa'i khams bco brgyad yin la/ de
la mkhas pa ni khams de rnams rang rang gi sa bon las 'byung
ba'i rgyu'i rkyen shes pa'o/ /skye mched ni mig la sogs pa'i
skye mched bcu

gnyis yin la/ de la mkhas pa ni nang gi skye mched drug ni rnam
shes drug gi bdag po'i rkyen dang phyi'i skye mched drug ni
dmigs pa'i rkyen dang 'gags ma thag pa'i yid ni de ma thag pa'i
rkyen du shes pa'o/ /rten 'brel ni yan lag

bcu gnyis yin la/ de la mkhas pa ni de dag la mi rtag pa dang
sdug bsngal ba dang bdag med par shes pa'o/ /gnas dang gnas ma
yin pa ni dge ba las rnam smin yid du 'ong ba 'byung ba gnas yin
la/ mi dge ba las

rnam smin yid 'ong 'byung ba gnas min pa sogs yin la de la mkhas
pa ni de ltar shes pa'o/ /'di ni rten 'brel la mkhas pa'i bye
brag yin te khyad par ni 'dis mi 'dra ba'i rgyu rnams shes par
byed do/ /'di dag zhi gnas

kyi dmigs par byed pa'i tshe ni phung po la sogs pa de dag gang
du nges pa'i 'dzin stangs gcig gi sgo nas sems 'dzin pa'o/ /nyon
mongs pa rnam par sbyong ba ni nyon mongs kyi sa bon nyams smod
par byed pa tsam dang sa bon rtsad

nas spong ba ste/ dang po'i dmigs pa ni 'dod pa'i sa nas ci yang
med pa'i skye mched kyi bar gyi sa 'og ma'i rags pa dang gong
ma'i zhi ba yin la/ gnyis pa'i dmigs pa ni bden pa bzhi'i mi
rtag pa la sogs pa bcu drug go/ /

@320b 'di dag kyang zhi gnas kyi dmigs par byed pa'i tshe ni mi
dpyod par yul de dag gi rnam pa shar ba la sems kyi nges pa gang
yang rung ba zhig gi sgo nas sems 'dzin pa'o/ /sgom rim bar pa
las dmigs pa gsum gsungs

te; gsung rab yan lag bcu gnyis po thams cad de bzhin nyid la
gzhol ba dang 'bab pa dang bab pa'o zhes thams cad bsdus te de
la sems 'jog pa dang/ ji tsam gyis chos rnams bsdus par 'gyur
ba'i phung po sogs

la dmigs pa dang mthong ba dang thos pa'i sangs rgyas kyi sku
gzugs la sems 'jog pa'o/ /phung po sogs la 'jog tshul ni 'dus
byas thams cad phung po lngar 'du lugs shes par byas la de nas
de dag gi nang du rim gyis

bsdus zin pa dang de la dmigs nas sems 'dzin pa ste/ ji ltar so
sor 'byed pa la goms na so sor rtog pa'i shes rab skye ba ltar
sdud pa la goms par byas na'ang yul gzhan la mi 'phro bar dmigs
pa la sems sdud pa'i ting nge

'dzin skye'o/ /'di ni chos mngon pa'i man ngag go/ /de bzhin du
chos thams cad khams dang skye mched du 'du tshul shes par byas
la der bsdus zin pa dang sems 'dzin pa'o/ /de la spyad pa rnam
sbyong gi dmigs pa rnams ni

'chad pa ltar chags sogs lhag par spyad pa rnams kyi chags sogs
ldog sla zhing de la brten nas ting nge 'dzin 'thob par sla bas
dmigs pa khyad par can yin la/ mkhas pa'i dmigs pa rnams ni chos
de dag las

@321a @#/ /ma gtogs pa'i gang zag gi bdag 'gog pas bdag med rtogs
pa'i lhag mthong skye ba dang rjes su mthun pas zhi gnas kyi
dmigs pa shin tu bzang zhing/ nyon mongs sbyong ba'i dmigs pa

rnams ni nyon mongs spyi'i gnyen por 'gro bas don che ba yin no/
/khyab pa'i dmigs pa ni dmigs pa snga ma de dag las zur na med
do/ /de'i phyir dgos pa khyad par can dang ldan pa'i zhi gnas
kyi dmigs pa la brten nas ting nge

'dzin bsgrub dgos pa yin pas/ gang dag rde'u dang shing bu sogs
la dmigs rten byas nas ting nge 'dzin bsgrub pa ni ting nge
'dzin gyi dmigs pa'i rnam par bzhag pa mi shes pa yin par gsal
lo/ /kha cig dmigs

pa'i gtad so byas nas de la sems bzung na mtshan 'dzin du 'gro
snyam nas de lta bu'i dmigs pa'i yul la mi gtod par rten med du
'jog pa nyid stong nyid bsgom par 'dod pa ni stong nyid bsgom
tshul gtan ma go ba'i rnam 'gyur

yin te/ 'di ltar de'i tshe shes pa med na ni stong nyid bsgom
pa'i ting nge 'dzin yang med par 'gyur la/ yod na ni ci zhig
shes pas shes par 'jog pa'i shes bya 'dod dgos so/ /shes bya yod
na ni de nyid blo de'i

dmigs pa yin te yul dang dmigs pa dang shes bya rnams don gcig
pa'i phyir ro/ /de ltar na ting nge 'dzin de yang mtshan 'dzin du
'dod dgos pas lugs de ni rigs pa ma yin no/ /gzhan yang stong pa
nyid kyi sgom du

@321b 'gro mi 'gro ni yin lugs rtogs pa'i lta ba'i thog tu bzhag
nas bsgom mi bsgom gyis 'jog pa yin gyi/ yul la cir yang mi rtog
pa dang rtog pa'i sgo nas 'jog pa min te rgyas par 'og nas ston
no/ /dmigs yul med par

'jog par 'dod pa des kyang rang gi sems 'di ci nas kyang yul
gang la'ang mi 'phro ba de ltar bzung ngo snyam pa sngon du
btang nas sems 'dzin dgos pas/ dmigs pa sems tsam zhig la dmigs
nas rnam pa gang du'ang mi

'phro bar 'dzin pa nges par bya dgos pas dmigs pa med par 'dod
pa rang gi myong ba dang 'gal ba yin no/ /des na ting nge 'dzin
bsgrub pa'i gzhung che ba rnams nas dmigs pa mang du bshad la de
dag gi dgos pa'ang sngar bshad pa

ltar yin pas sems 'jog pa'i dmigs rten la mkhas par bya'o/ /sgom
rim las/ zhi gnas kyi dmigs pa la nges pa med par bshad pa dang/
lam sgron las/ dmigs pa gang rung gcig dag la/ /zhes gsungs pa

ni dmigs pa bye brag pa zhig nges gzung du mi dgos zhes pa'i don
yin gyi/ dmigs pa gang 'dug tshad la bya bar ston pa min no/
/gang zag gang gis gang la dmigs par bya ba bstan pa ni/ 'dod
chags shas che ba nas rnam rtog

shas che ba'i bar gyi gang zag yin na ni/ nam grus zhus pa nyan
sar drangs pa las/ nam gru gal te dge slong rnal 'byor pa rnal
'byor spyod pa de 'dod chags spyad pa kho na zhig yin na ni
dmigs pa mi sdug pa la sems nye bar gtod

@322a @#/ /par byed do/ /zhe sdang spyad pa zhig yin na ni byams
pa la'o/ /gti mug spyad pa zhig yin na ni rkyen 'di nyid kyi
rten cing 'brel bar 'byung ba la'o/ /nga rgyal spyad pa zhig yin
na ni khams kyi rab tu dbye

ba la sems nye bar gtod par byed do/ /zhes dang/ rnam par rtog
pa spyad pa kho na zhig yin na ni dbugs rdub pa dang dbugs
'byung ba dran pa la sems nye bar gtod par byed de/ de ltar na
de rjes su mthun pa'i dmigs pa la sems

nye bar gtod par byed pa yin no/ /zhes gsungs shing/ nyan sa las
kyang/ de la gang zag gang 'dod chags dang zhe sdang dang gti
mug dang nga rgyal dang rnam par rtog pa spyad pa de dag gis ni
re zhig dang po kho nar spyad pa rnam par

sbyong ba'i dmigs pa la spyad pa rnam par sbyang bar bya ste/
de'i 'og tu sems gnas pa rtogs par 'gyur zhing de dag gi dmigs
pa de yang so sor nges pa kho nar 'gyur bas na de dag gis ni
gdon mi za bar dmigs pa des brtson par bya'o/ /

zhes gsungs pas nges par dmigs pa de dag la brtson par bya'o/
/cha mnyam par spyad pa dang nyon mongs pa chung ba'i gang zag
yin na ni sngar bshad pa'i dmigs pa de dag las gang la dga' bar
'gyur ba zhig la sems bzung bas

chog gi/ nges pa can mi dgos te/ nyan sa las/ cha mnyam par spyad
pa des ni sems gnas pa nyi tshe tsam gyi phyir gang la dga' bar
'gyur ba de la brtson par bya yi/ spyad pa rnam par sbyang ba'i
phyir ni ma yin no/ /cha mnyam

@322b par spyad pa ji lta ba bzhin du nyon mongs pa chung ba'ang
de bzhin du rig par bya'o/ /zhes gsungs so/ /de la chags sogs
lnga shas che ba ni skye ba snga mar chags sogs lnga kun tu
bsten/ goms par byas/ lan mang du byas pas chags

sogs lnga'i yul chung ngu la'ang chags sogs lnga drag po dang
rgyun ring skye ba'o/ /cha mnyam par spyod pa ni skye ba snga ma
rnams su chags sogs kun tu ma bsten/ goms par ma byas/ lan mang
du ma byas kyang de dag la nyes dmigs

su ma bltas/ sun ma phyung bas de dag gi yul la chags sogs shas
chen po dang rgyun ring mi skye yang chags sogs lnga mi 'byung
ba ma yin pa'o/ /nyon mongs pa chung ba ni skye ba gzhan du
chags sogs kun tu bsten pa sogs ma

byas shing nyes dmigs su blta ba sogs byas pas chags sogs kyi
yul chen po dang mang po dang lhag pa la chags sogs bul bar skye
la yul 'bring dang chung ngu la gtan mi skye ba'o/ /de yang
chags sogs lnga shas che bas ni yun ring po

dang; cha mnyam par spyad pas ni ha cang yun ring po ma yin pa
dang/ nyon mongs pa chung bas ni myur ba myur bar sems gnas pa
rtogs par 'gyur ro/ /mkhas pa'i dmigs pa la gang zag gang gis
brtson pa'ang/ nam grus zhus pa

las; nam gru gal te dge slong rnal 'byor pa rnal 'byor spyod pa
de 'du byed thams cad kyi rang gi mtshan nyid la kun tu rmongs
pa'am bdag dang sems can dang srog dang skye ba po dang gso ba
dang gang zag gi dngos po la kun tu rmongs

@323a @#/ /pa zhig yin na ni phung po la mkhas pa la sems nye bar
gtod par byed do/ /rgyu la kun tu rmongs pa zhig yin na ni khams
la mkhas pa la'o/ /rkyen la kun tu rmongs pa zhig yin na ni skye
mched la mkhas pa la'o/ /

mi rtag pa dang sdug bsngal ba dang bdag med pa la kun tu rmongs
pa zhig yin na ni rten cing 'brel bar 'byung ba la mkhas pa
dang/ gnas dang gnas ma yin pa la sems nye bar gtod par byed do/
/zhes gsungs pa ltar te/

dmigs pa 'di lnga kas gtso bor rmongs pa zlog par byed do/ /nyon
mongs pa rnam par sbyong ba'i dmigs pa la gang zag gang gis sems
gtod pa'ang/ mdo de nyid las/ 'dod pa'i khams kyi 'dod chags
dang 'bral bar

'dod pa zhig yin na ni 'dod pa rnams kyi rags pa nyid dang gzugs
rnams kyi zhi ba nyid la'o/ /gzugs rnams las 'dod chags dang
'bral bar 'dod pa zhig yin na ni gzugs rnams kyi rags pa nyid
dang gzugs med pa rnams

kyi zhi ba nyid la sems nye bar gtod par byed do/ /'jig tshogs
thams cad las sems skyo bar 'dod cing rnam par grol bar 'dod pa
zhig yin na ni bden pa sdug bsngal dang bden pa kun 'byung dang
bden pa 'gog pa dang

bden pa lam la sems nye bar gtod par byed do/ /zhes gsungs so/
/dmigs pa 'di rnams ni lhag mthong gis dpyad sgom byed pa dang
zhi gnas kyis 'jog sgom byed pa gnyis ka'i dmigs par 'gro bas
zhi gnas kho na'i dmigs pa

@323b ma yin kyang/ kha cig ni zhi gnas gsar du bsgrub pa'i
dmigs par rung la/ kha cig ni zhi gnas grub zin khyad par can du
byed pa'i dmigs par 'gyur bas zhi gnas kyi dmigs pa'i skabs su
bshad pa yin no/ /dmigs pa'i rnam

grangs bstan pa ni/ gang la sems bzung ba'i gzhi ting nge 'dzin
gyi dmigs rten sngar bshad pa'i dmigs pa rnams kyi gzugs brnyan
nam rnam pa blo la snang ba de'i ming gi rnam grangs ni/ nyan sa
las/ gzugs brnyan de yang gzugs

brnyan zhes kyang bya ting nge 'dzin gyi mtshan ma dang ting nge
'dzin gyi spyod yul gyi yul dang ting nge 'dzin gyi thabs dang
ting nge 'dzin gyi sgo dang yid la byed pa'i rten dang nang du
rnam par rtog pa'i lus dang snang brnyan zhes kyang bya ste/ de
dag ni

shes bya'i dngos po dang mthun pa'i gzugs brnyan de'i ming gi
rnam grangs yin par rig par bya'o/ /zhes gsungs pa ltar ro/
/skabs su bab pa'i dmigs pa ngos bzung ba ni/ 'o na dmigs pa du
ma bshad pa de dag las 'dir

dmigs pa gang la brten nas zhi gnas bsgrub snyam na/ de ni sngar
drangs pa'i mdo sde ltar gcig tu ma nges te gang zag gi bye brag
gis dmigs ba so so la bya dgos la/ khyad par du zhi gnas ma
mtha' zhig nges par bsgrub na 'dod chags

shas che ba la sogs pa yin na ni dmigs pa nges pa can la bya
dgos te/ de ma byas na zhi gnas rjes mthun pa'i ting nge 'dzin
thob pa srid kyang zhi gnas dngos mi 'thob pa'i phyir te/ spyad
pa rnam sbyong gi dmigs pa la sbyangs kyang yun

@324a @#/ /shin tu ring po ma gtogs par zhi gnas mi 'grub par
gsungs na spyad pa rnam sbyong gi dmigs pa dor bas mi 'grub pa
lta ci smos pa'i phyir ro/ /khyad par du rnam rtog shas che bas
ni nges par rlung bsgom

par bya dgos so/ /gang zag cha mnyam par spyad pa'am nyon mongs
chung ba'i gang zag yin na ni sngar bshad pa ltar dmigs pa sngar
bshad pa rnams kyi nang nas yid gang spro ba la dmigs rten
bya'o/ /gzhan yang da ltar gyi

sangs rgyas mngon sum du bzhugs pa'i ting nge 'dzin dang ting
nge 'dzin gyi rgyal po'i rjes su 'brangs nas/ sgom rim bar pa
dang tha ma las/ de bzhin gshegs pa'i sku la dmigs nas ting nge
'dzin bsgrub pa gsungs la/

slob dpon byang chub bzang pos kyang/ 'dir zhi gnas ni gnyis te
kha nang du bltas pas 'thob pa dang kha phyir bstas pa la dmigs
pa'o/ /de la kha nang du bltas pa la'ang gnyis te lus la dmigs
pa dang lus la brten

pa la dmigs pa'o/ /de la lus la dmigs pa la'ang gsum ste/ lus
nyid la lha'i rnam par dmigs pa dang/ keng rus la sogs pa mi
sdug par dmigs pa dang/ kha TrAM ga la sogs pa mtshan ma khyad
par can la

dmigs pa'o/ /lus la brten pa la'ang lnga ste/ dbugs la dmigs pa
dang mtshan ma phra mo la dmigs pa dang thig le la dmigs pa dang
'od zer gyi yan lag la dmigs pa dang dga' ba dang bde ba la
dmigs pa'o/ /

@324b kha phyir bltas pa la dmigs pa la gnyis te khyad par can
dang phal pa'o/ /de la khyad par can la gnyis te sku la dmigs pa
dang gsung la dmigs pa'o/ /zhes mang po zhig bshad de/ lam sgron
'grel par yang de drangs so/ /

de la sangs rgyas kyi sku la sems 'dzin pa ni sangs rgyas rjes
su dran pa yin pas bsod nams mtha' yas pa skye ba dang/ sku de
rnam pa gsal zhing brtan na phyag dang mchod pa dang smon lam
la
sogs pa tshogs gsog pa'i zhing

dang bshags bsdam la sogs pa sgrib pa sbyong ba'i zhing dmigs
par byed pa la khyad shin tu che ba dang/ sngar ting nge 'dzin
gyi rgyal po'i mdo drangs pa ltar 'chi ba'i tshe sangs rgyas rjes
su dran pa las mi nyams pa la sogs

pa'i yon tan dang/ gsang sngags kyi lam bsgom na lha'i rnal
'byor la shin tu khyad che ba la sogs pa'i dgos pa mang po snang
ste/ 'di'i phan yon dang sangs rgyas yid la bya tshul rgyas par
da ltar gyi sangs rgyas mngon sum du bzhugs

pa'i ting nge 'dzin gyi mdo na ches gsal bar bzhugs pas/ sgom
rim tha ma las gsungs pa ltar nges par der shes par bya yi/ 'dir
ni tshig mngas su dogs nas ma bris so/ /des na ting nge 'dzin
yang 'grub la dgos pa

khyad par can gzhan yang zhar la 'thob pa'i dmigs rten 'tshol ba
ni thabs la mkhas pa yin no/ /de bzhin gshegs pa'i sku ji 'dra
ba zhig la dmigs pa'i rten byed ce na/ sgom rim tha ma las/ de
la rnal 'byor pas thog

@325a @#/ /mar de bzhin gshegs pa'i sku gzugs ji ltar mthong ba
dang ji ltar thos pa la sems bzhag nas zhi gnas bsgrub par bya
ste/ de bzhin gshegs pa'i sku gzugs de yang gser btso

ma'i mdog bzhin du ser la mtshan dang dpe byad bzang pos brgyan
pa 'khor gyi nang na bzhugs shing thabs sna tshogs kyis sems can
gyi don mdzad par rgyun du yid la byed pas/ de'i yon tan la 'dod
pa bskyed cing bying ba dang rgod pa

la sogs pa zhi bar byas la ji srid du de mdun na bzhugs pa bzhin
du gsal bar mthong bar gyur pa de srid du bsam gtan bya'o/ /zhes
gsungs shing/ ting nge 'dzin rgyal po las kyang/ gser gyi kha
dog lta bu'i sku lus kyis/ /

'jig rten mgon po kun tu mdzes pa ste/ /dmigs pa de la gang gi
sems 'jug pa/ /byang chub sems dpa' de mnyam bzhag ces bya/
/zhes gsungs pa lta bu la dmigs pa'i rten bya'o/ /de yang gsar
du blos bskyed pa dang

rang bzhin gyis bzhugs pa gsal 'debs pa gnyis las/ phyi ma ni
dad pa skye ba la khyad che zhing theg pa thun mong ba'i skabs
dang yang mthun pas rang bzhin gyis grub zin gsal 'debs pa'i
rnam par bya'o/ /sngon du sems

gang la 'dzin pa'i gzhi dmigs rten tshol ba na bris sku dang lugs
ma la sogs pa'i ston pa'i sku shin tu legs pa zhig btsal la yang
yang blta zhing de'i mtshan ma bzung nas yid kyi yul du 'char ba
la goms su gzhug /yang

@325b na bla mas legs par brda sprad pa thos pa'i don bsam zhing
yid ngor 'char du gzhug la dmigs rten btsal bar bya'o/ /dmigs
rten yang bris sku dang lugs ma sogs kyi rnam pa mi bya bar
sangs rgyas dngos kyi rnam pa can du

'char ba la bslab bo/ /kha cig sku gzugs mdun du bzhag pa la mig
gis bltas nas har sgom byed pa/ slob dpon ye shes sdes bkag pa
ni shin tu legs te/ ting nge 'dzin dbang po'i shes pa la mi
bsgrub kyi yid kyi

shes pa la bsgrub pa yin pas ting nge 'dzin gyi dngos kyi dmigs
pa ni yid kyi shes pa'i dngos kyi yul yin pas de la sems bzung
dgos pa yin pa'i phyir dang/ sngar bshad pa ltar dmigs yul dngos
kyi don spyi'am

gzugs brnyan shar ba la dmigs dgos par gsungs pa'i phyir ro/
/sku'i cha phra rags gnyis kyang dang por rags pa la dmigs nas
de la brtan pa na phyis phra ba la dmigs dgos par phyogs gzhan
nas gsungs shing myong ba

la'ang rags pa shin tu 'char sla bas sku'i rags rim nas dmigs
rten bya dgos la/ khyad par du gal che ba ni 'chad pa ltar gyi
ting nge 'dzin 'dod 'dra zhig ma grub par du dmigs pa rigs mi
mthun mang po la spos nas ting nge 'dzin

byed pa rnam pa thams cad du mi rung ste/ dmigs pa mi 'dra ba
mang po la 'phos kyin ? ting nge 'dzin bsgoms na zhi gnas 'grub
pa'i gegs chen por 'gyur ba'i phyir ro/ /de bas na ting nge
'dzin bsgrub pa'i gzhung tshad ldan sa sde dang sgom rim gsum

@326a @#/ /la sogs par thog mar ting nge 'dzin bsgrub pa'i tshe
dmigs pa gcig kho na'i dbang du byas nas bsgrub par bshad kyi/
dmigs pa mang po la spo bar ma gsungs so/ /'phags pa dpa' bos
kyang

gsal bar gsungs te/ dmigs pa gcig la brtan tshul du/ /yid kyi
bsam pa brtan par bya/ /dmigs pa mang po brgyud pa las/ /yid
ni nyon mongs 'khrug par 'gyur/ /zhes bsam gtan bsgrub pa'i
skabs su

gsungs la/ lam sgron las kyang/ dmigs pa gang rung gcig dag
la/ /yid ni dge la bzhag par bya/ /zhes gcig dag la zhes
gsungs pa'i nges bzung gi tshig gis gsungs so/ /des na dang po
dmigs pa gcig la dmigs

nas zhi gnas rnyed nas phyis ni mang po la yang dmigs pa yin
te/ sgom rim dang po las/ gang gi tshe yid la byed pa khugs par
byed pa de'i tshe phung po dang khams la sogs pa'i bye brag gis
rgyas par dmigs par byed pa kho na ste/

de skad du dgongs pa nges par 'grel pa la sogs pa las kyang/
rnal 'byor pa rnams kyis stong pa nyid bco brgyad la dmigs pa
la sogs pa'i bye brag gis dmigs pa'i rnam pa mang du bka'
stsal to/ /zhes gsungs so/ /

de ltar thog mar sems gang la 'dzin pa'i dmigs rten rnyed pa'i
tshad ni/ dbu dang phyag gnyis dang sku'i khog gzhan dang zhabs
gnyis rim pa bzhin du lan 'ga' zung gsal gdab la/ de'i mthar
sku'i spyi ? yid

@326b la byas pa na yid ngor yan lag rags pa rnams cha phyed
tsam zhig 'char thub pa byung na 'od dang bcas pa'i gsal po ma
byung yang de tsam zhig gis chog shes byas nas de la sems
bzung dgos so/ /de'i rgyu mtshan ni 'di

ltar de tsam gyis chog shes byas nas sems mi 'dzin par de las
kyang gsal ba zhig 'dod nas yang yang gsal btab na dmigs pa
cung zad gsal du 'gro yang sems gnas cha'i ting nge 'dzin mi
rnyed par

ma zad rnyed pa'i gegs su 'gyur la/ dmigs pa cher mi gsal yang
cha phyed tsam gyi dmigs pa de nyid la sems bzung na ting nge
'dzin myur du rnyed cing/ de nas gsal ba la pogs bton pas gsal
cha bde

blag tu 'grub pa'i phyir ro/ /'di ni slob dpon ye shes sde'i
gdams pa las 'byung ste gal che bar snang ngo/ /dmigs rten
'char lugs la mu bzhi tshan gnyis kyi rnam gzhag mdzad pa snang
mod kyang gang zag gi

rigs kyis rnam pa 'char dka' sla dang shar ba la yang gsal mi
gsal dang de gnyis kyang brtan mi brtan sna tshogs pa zhig
snang bas nges pa med do/ /gsang sngags kyi lha'i rnal 'byor
bsgrub pa'i skabs yin na lha'i

rnam pa gsal po nges par bsgrub dgos pas de ma shar gyi bar du
thabs du ma nas de bskyed pa'i thabs bya dgos kyi/ 'dir ni
lha'i rnam pa ches 'char bar dka' na sngar bstan pa'i dmigs pa
gang rung gcig la byas

@327a @#/ /nas sems bzung bas chog ste/ zhi gnas kyi ting nge
'dzin tsam zhig grub pa dgos pa'i gtso bo yin pa'i phyir ro/
/'dir yang lha sku la dmigs nas bsgrub na ni de'i rnam pa ma
shar yang sems

bzung na 'dod don mi 'grub pas rnam pa shar ba'i steng du sems
bzung dgos la/ de yang byung tshad kyis sku'i spyi la bzung
zhing sku de'i cha shas 'ga' zhig ches gsal bar snang na de la
bzung/ de mi gsal bar song na yang

spyi la bzung ngo/ /de'i tshe ser po bsgom 'dod pa la dmar po
shar ba lta bu'i kha dog ma nges pa dang/ bzhugs pa'i dbyibs
can bsgom 'dod pa la bzhengs pa'i dbyibs shar ba lta bu'i
dbyibs ma nges pa dang/ gcig

bsgom par 'dod pa la gnyis shar ba lta bu'i grangs ma nges pa
dang/ che ba bsgom par 'dod pa la shin tu chung ba shar ba lta
bu'i che chung ma nges pa byung na/ de dag gi rjes su 'brang
du ye mi rung bas rtsa ba'i dmigs pa gang

yin pa de kho na la dmigs rten bya dgos so/ /gnyis pa de la
sems ji ltar gtod pa'i tshul la gsum/ skyon med pa'i lugs bzhag
pa dang/ skyon dang bcas pa'i lugs bsal ba dang/ thun gyi tshad
bstan

pa'o; ;dang po ni/ 'dir bsgrub par bya ba'i ting nge 'dzin ni
khyad par gnyis dang ldan pa zhig yin te/ 'di ltar sems shin
tu gsal ba'i gsal cha'i ngar dang ldan pa dang dmigs pa la
rtse gcig tu gnas pa'i

@327b mi rtog pa'i gnas cha dang ldan pa'o/ /'di la kha cig
bde ba bsnan nas gsum du byed la/ gzhan dag dwangs pa yang
bsnan nas bzhir byed kyang dwangs pa ni khyad par dang por
'dus pas zur du smos mi dgos la/ tshor ba

sim pa'i rnam pa can gyi dga' bde ni skabs 'dir bsgrub par bya
ba'i ting nge 'dzin gyi 'bras bu la 'byung yang/ bsam gtan
dang po'i nyer bsdogs kyis bsdus pa'i ting nge 'dzin dang
mtshungs ldan du mi 'byung zhing/ theg

pa gsum ga'i yon tan bsgrub pa'i rten la mchog tu gsungs pa'i
bsam gtan bzhi pa'i ting nge 'dzin kyang lus bde dang sems bde
gang dang yang mtshungs ldan du mi 'byung bas 'dir ma bgrangs
so/ /gsal cha'i ngar che

ba yang gzugs med kyi sas bsdus pa'i ting nge 'dzin 'ga' zhig
la med kyang/ mdo sde'i rgyan las/ gzugs med spangs pa'i bsam
gtan dang/ /zhes gsungs pa ltar/ byang sems dbang thob pa 'ga'
zhig ma gtogs

pa'i byang sems rnams bsam gtan gyi sas bsdus pa'i ting nge
'dzin la brten nas yon tan bsgrub par gsungs pas gsal ba'i
khyad par bshad pa la skyon med do/ /de lta bu'i gsal cha'i
ngar thon pa la ni bying bas bar du

gcod la/ rtse gcig pa'i mi rtog pa la ni rgod pas bar du gcod
pas/ bying rgod gnyis ting nge 'dzin rnam dag 'grub pa'i gegs
kyi gtso bor 'ong ba'i rgyu mtshan ni de yin no/ /des na bying
rgod phra rags rnams legs par

@328a @#/ /ngos zin pa zhig dang ngos zin nas de gnyis 'gog par
byed pa'i ting nge 'dzin gyi skyong lugs rnam dag cig mi shes
na/ lhag mthong lta ci smos te zhi gnas kyang skye ba mi srid
pas ting nge 'dzin don du

gnyer ba'i blo ldan rnams kyis tshul de la mkhas par bya'o/ /de
la bying rgod ni zhi gnas 'grub pa'i 'gal rkyen yin zhing/
'gal rkyen ngos 'dzin pa dang 'gog tshul dngos ni 'og tu ston
pas 'dir ni zhi gnas

'grub pa'i mthun rkyen ting nge 'dzin bskyed tshul brjod par
bya'o/ /'di la ting nge 'dzin ni sems dmigs pa la rtse gcig tu
gnas pa'i cha yin la de yang dmigs pa la rgyun ldan du sdod pa
zhig dgos so/ /de la ni sems rtsa

ba'i dmigs pa gang yin pa de las g.yeng bar mi byed pa'i
thabs gcig dang/ g.yengs ma g.yengs dang g.yeng bar 'gyur
mi 'gyur ji lta ba bzhin shes pa gnyis dgos pa'i dang po ni
dran pa dang gnyis pa ni shes bzhin yin te/

mdo sde'i rgyan gyi 'grel pa las/ dran pa dang shes bzhin ni
nye bar gtod par byed pa ste gcig gis sems dmigs pa las mi
'phro bar byed pa'i phyir dang/ gnyis pas sems 'phro ba rab tu
shes pa'i phyir ro/ /zhes

gsungs so/ /dran pa nyams nas dmigs pa brjed na yengs nas de
ma thag tu dmigs pa stor bar 'gyur bas dmigs pa ma brjed pa'i
dran pa rtsa ba yin no/ /dran pa des sems dmigs pa la nye bar
gtod tshul ni

@328b sngar bshad pa ltar dmigs rten gsal btab nas ma mtha'
zhig shar byung ba na de shes pas tshir gyis bzung ba'i 'dzin
stangs shugs can zhig bskyed la/ sems kyi 'phangs mtho bar
byas te gsar du gang la yang mi dpyod

par 'jog pa'o/ /dran pa ni kun las btus las/ dran pa gang zhe
na 'dris pa'i dngos po la sems kyi brjed pa med pa ste rnam
par mi g.yeng ba'i las can no/ /zhes khyad par gsum dang ldan
par gsungs so/ /de la

dmigs pa yul gyi khyad par ni/ sngar ma 'dris pa'i yul la dran
pa mi skye bas 'dris pa'i dngos po la zhes gsungs te/ skabs
'dir ni sngar nges par byas pa'i dmigs rten gyi rnam pa shar
ba'o/ /rnam pa'am 'dzin

stangs kyi khyad par ni/ sems kyi brjed pa med pa zhes pa yul
de sems kyis ma brjed pa'i cha ste/ skabs 'dir ni dmigs rten
ma brjed pa'o/ /ma brjed pa'i tshul ni gzhan gyis dris pa dang
rang gis de la rtog pa bcug

pa na dmigs rten de ni 'di 'dra ba yin no/ /zhes bla mas bstan
pa dran thub pa tsam la mi zer gyi/ sems dmigs pa la btags pa
de thur re dran nas cung zad kyang mi yengs pa ste/ yengs na
nam de byung tsam gyis dran pa stor ba yin

no; ;des na sems dmigs rten la sngar ltar bzhag zin pa dang
'di ltar du dmigs pa la btags so snyam pa zhig bskyed la/ de
nas gsar du mi rtog par blo de nyid kyi shugs ma chad par
rgyun skyong ba ni dran pa bsten tshul gyi gnad dam pa

@329a @#/ /yin no/ /byed las kyi khyad par ni/ dmigs pa las
sems gzhan du mi g.yeng bar bya ba'o/ /de ltar sems dmigs pa
la btags te 'dul ba ni glang po che 'dul ba'i dpes gsungs te/
dper  

na; sdong po'am ka ba shin tu brtan pa la zhags thag shin tu
sra ba du mas mi bsrun pa'i glang po btags te glang rdzis ji
ltar bslabs pa ltar byed na legs/ mi byed na lcags kyu rnon
pos yang yang btab nas tshar bcad de

'dul ba ltar/ sems glang po che ma dul ba dang 'dra ba 'di
yang sngar bshad pa'i dmigs pa'i ka ba brtan po la dran pa'i
thag pas bcing zhing/ de la sdod du ma btub na shes bzhin gyi
lcags kyus gtsags nas khad

kyis khad kyis dbang du bya ste/ dbu ma snying po las/ yid kyi
glang po log 'gro ba/ /dmigs pa'i ka ba brtan po la/ /dran
pa'i thag pas nges bcings nas/ /shes rab lcags kyus rim dbang
bya/ /zhes gsungs shing/ sgom rim

bar pa las kyang/ dran pa dang shes bzhin gyi thag pas yid kyi
glang po che dmigs pa'i sdong po de nyid la gdags par bya'o/
/zhes gsungs so/ /lung snga ma las shes bzhin lcags kyu dang
'dra bar gsungs la/ lung phyi

mas thag pa dang 'dra bar gsungs pa ni mi 'gal te/ sems dmigs
pa la rgyun ldan du 'dogs pa dngos ni dran pa yin la/ shes
bzhin yang brgyud nas sems dmigs pa la gtod byed yin te/ bying
ba dang rgod pa

@329b dngos sam bying rgod du 'gyur ba shes bzhin gyis rig pa
la brten nas de dag gi dbang du mi gtong bar rtsa ba'i dmigs
pa la 'jog pa'i phyir dang/ sngar drangs pa ltar slob dpon
dbyig gnyen gyis kyang/ dran shes gnyis ka

dmigs pa la nye bar gtod byed du gsungs pa'i phyir ro/ /dran
pa la brten nas ting nge 'dzin 'grub par gsungs pa dang/ dran
pa thag pa dang 'dra bar sems dngos su dmigs pa la rgyun ldan
du 'dogs byed du gsungs

pas; ting nge 'dzin gyi sgrub byed kyi gtso bo'i skyong tshul
ni dran pa'i skyong tshul yin la/ dran pa yang nges pa'i rnam
pa can gyi 'dzin stangs can yin pas ting nge 'dzin skyong ba
na nges shes kyi 'dzin stangs dam po med par had de

'jog pa la sems dwangs pa'i gsal cha 'ong yang/ nges shes kyi
ngar thon pa'i gsal cha mi thon pas dran pa stobs can skye bar
mi 'gyur la/ de'i phyir bying ba phra mo yang mi khegs pas
ting nge 'dzin skyon can kho nar 'gyur

ro; ;lha sku la sogs pa'i dmigs rten gzhan mi 'jog par sems mi
rtog pa tsam skyong bas kyang sems yul gang la yang cir yang
mi rtog par gzhag par bya'o/ /zhes pa'i gdams ngag dran nas de
nas sems mi 'phro

ba la ma yengs par bya dgos la/ ma yengs pa de yang dmigs pa
la brjed pa'i dran pa dang don gcig yin pas dran pa'i skyong
tshul las ma 'das pas de ltar bsgom pa des kyang nges shes kyi
shugs thon pa'i dran pa bsten

@330a @#/ /dgos pa yin no/ /skyon dang bcas pa'i lugs bsal ba
la/ bsal bya'i log rtog 'di lta bu yod de/ sngar bshad pa ltar
shes pa 'phangs legs par bstod de bsgrims nas mi rtog par

bzhag pa na bying ba'i skyon cung zad kyang med mod kyi/ rgod
shas che bas gnas cha rgyun 'thud thub pa mi 'ong ba mthong
nas rig pa'i gzengs kyang smad/ legs par bsgrim pa yang glod
pas gnas cha myur por skye ba mthong nas thabs  

de ni gdams ngag chen po yin no snyam du nges pa rnyed nas
glod pa rab la sgom rab ces skad gsangs mthon pos sgrog par
snang ngo/ /'di ni bying ba skyes pa dang sgom skyes pa gnyis
ma phyed pa'i gtam yin te/ 'di ltar ting

nge 'dzin skyon med ni sngar bshad pa ltar khyad par gnyis
dang ldan pa dgos kyi/ sems mi rtog pa'i gnas cha brtan pa
gcig pus mi chog go/ /gal te de 'dra ba de la sems nyog nyog
por song ba'i 'thibs pa yod na

bying ba yin kyang/ de med par sems dwangs pa'i gsal cha yod
pas ting nge 'dzin skyon med yin no snyam na/ de ni rmugs pa
dang bying ba gnyis ma phyed pa'i gtam du snang bas 'di rnams
rgyas par 'og tu bstan par bya'o/ /

des na bsgrims drags pa'i rig pa ngar ldan du byas pa na gsal
cha yod kyang rgod shas che bas gnas cha skye dka' la/ de ha
cang glod nas bskyangs pa na gnas cha yod kyang bying shas che
bas ngar thon pa'i gsal ba med do/ /

@330b grims drags pa dang lhod drags pa gang du yang ma song
ba'i dam lhod ran pa'i mtshams kyang shin tu zin dka' ba'i
phyir/ bying rgod dang bral ba'i ting nge 'dzin skye dka' ba
la dgongs nas/ slob dpon tsandra gau mis/ brtson pa

bsten na rgod pa 'byung 'gyur zhing/ /de spangs na ni zhum pa
skye bar 'gyur/ /'di yi rigs par mnyam 'jug rnyed dka' na/
/bdag gis sems dkrugs pas ni ci zhig bgyi/ /zhes gsungs te/
brtson pa bsten pa ni bsgrims drags pa

ste de byas na ni rgod pa 'byung la/ bsgrim pa de spangs shing
glod drags na sems nang du sdod pa'i zhum pa skye bar snang
bas bying rgod dang bral nas cha mnyam par gnas pa'i sems rigs
par mnyam du 'jug pa rnyed dka'o zhes pa'i don no/ /

de ltar yang de'i 'grel pa sangs rgyas zhi bas mdzad pa las/
brtson pa ni 'dir dge ba'i phyogs la mngon par spro bas
bsgrims te 'jug pa la bya yi/ zhes dang/ rgod par 'gyur ba'i
nyes pa mthong nas brtson pa de spangs te rtsol

ba btang bar gyur na sems nang du zhum zhing/ zhes gsungs pas
so/ /yang bshags bstod las/ 'bad pas 'jug na rgod pa 'byung
'gyur zhing/ /de glod na ni zhum pa skye bar 'gyur/ /'di yi
dbu mar bsgrub pa'ang rnyed dka' na/ /bdag

gi sems dkrugs pas ni ci zhig bgyi/ /zhes gsungs shing/ de'i
'grel par yang/ shin tu 'bad pas bsgrims te 'jug cing rtsol ba
na ni sems de rgod cing g.yeng ba 'byung bar 'gyur bas bcom
pas rtsol ba las kyang 

@331a @#/ /sems gnas pa mi rnyed la/ de ltar de nyes pa nyid yin
pas de bzlog pa'i phyir 'bad pas 'jug pa'i sems de glod cing
rtsol ba btang bar gyur na ni dmigs pa'i yul brjed pa la sogs
pa'i

skyon gyis sems nang du zhum zhing bying ba skye zhing 'byung
bar 'gyur bas/ zhes gsal bar gsungs so/ /des na bying rgod kyi
mtha' gnyis dang bral ba'i dbu mar bsgrub pa'am rigs par mnyam
'jug gi ting nge 'dzin rnyed

dka'o zhes gsungs pas/ glod pa rab ? byas pas chog na dka' rgyu
ci yang med pa'i phyir dang de las bying ba skye bar gsungs pas
tshul des ting nge 'dzin bsgrub pa mi rigs par gsal lo/ /shin tu
glod pa'i sems dwangs pa tsam

gyi gsal chas mi chog par 'dzin stangs kyi grims cha dgos par
ni/ 'phags pa thogs med kyis/ de la 'jog par byed pa dang yang
dag par 'jog par byed pa la ni bsgrims te 'jug pa'i yid la byed
pa yod do/ /zhes

sems gnas pa'i thabs dgu'i sems dang po gnyis kyi skabs su de
ltar gsungs shing/ sgom rim dang po las kyang/ bying ba bsal la
dmigs pa de nyid dam du bzung ngo/ /zhes dang/ sgom rim bar pa
las kyang/

de nas bying ba zhi bar byas nas ci nas kyang dmigs pa de nyid
sems kyis shin tu gsal bar mthong bar 'gyur ba de ltar bya'o/
/zhes gsungs so/ /sems kyis gsal bar mthong ba zhes gsungs bas
yul gsal

@331b ba tsam la mi zer gyi/ blo'i 'dzin stangs shin tu gsal
zhing dam pa la zer ba yin no/ /dran pa'i bsten lugs 'di shin tu
gal che ste/ 'di ma shes par bskyangs pa'i rtags su sgom ji tsam
mang du byas pa tsam du brjed ngas che ru 'gro

ba dang chos rnams so sor 'byed pa'i shes rab rtul du 'gro ba
sogs kyi skyon shin tu mang po 'dug pa la/ ting nge 'dzin brtan
po yod par rlom pa byed par snang ngo/ /de ltar sngar bshad pa
ltar dran pas sems dmigs pa la btags

pa de'i tshe dmigs pa legs par 'dzin nam mi 'dzin gyi byar byed
pa'i rtog pa bskyed du rung ngam snyam na/ 'di ni bya dgos pa
yin te/ sgom rim bar pa las/ de ltar gang la 'dod pa'i dmigs pa
de la sems bzhag nas de

nyid la phyir bzhin rgyun du sems gzhag par bya'o/ /de la nye
bar bzhag nas sems la 'di ltar dpyad par bya ste ci dmigs pa la
sems legs par 'dzin tam 'on te bying ngam 'on te phyi rol gyi
yul la rnam par 'char bas rnam par

g.yengs sam snyam du brtag par bya'o/ /zhes gsungs pa'i phyir
ro/ /'di yang ting nge 'dzin btang nas de ltar blta ba min gyi/
ting nge 'dzin la gnas bzhin pa'i ngang nas rtsa ba'i dmigs pa
la sngar bzhag pa ltar gnas mi gnas dang

mi gnas na bying rgod gang du song blta ba tsam byed pa ste/
ting nge 'dzin la bzhag nas ha cang thung ba'i dus kyang ma yin
ha cang ring ba yang ma yin par bar bar du bya ra byed pa yin
no/ /blo snga ma'i shugs dang ngar ma zad tsam nas 'di byas

@332a @#/ /pa na blo de'i ngar skyes nas ngar ldan la gnas pa'i
yun ring du 'gro ba dang bying ba dang rgod pa myur du rtogs
pa'i dgos pa yod do/ /de bzhin du bar bar du dmigs pa snga ma
dran tsam dran tsam byas nas

skyong ba la yang dran pa stobs che ba dang rgyun ldan du 'jug
pa'i rgyur dgos pas dran pa'i skyong tshul yin te/ nyan sa las/
de la sems rtse gcig pa nyid gang zhe na/ smras pa/ yang dang
yang du rjes su dran pa dang cha mthun pa la

dmigs pa dang rgyun dang ldan pa dang kha na ma tho ba med pa
dang dga' ba dang ldan pa'i sems kyi rgyun gang yin pa ste/ de
ni ting nge 'dzin ces kyang bya/ dge ba'i sems rtse gcig pa nyid
ces kyang bya'o/ /de la ci zhig yang dang yang du

rjes su dran par byed ce na/ smras pa/ chos gang dag bzung zhing
mnyan pa dang bla ma dag las gdams shing rjes su bstan pa thob
pa gang yin pa de'i dbang du byas nas mnyam par bzhag pa'i sa
pa'i mtshan ma mngon du bya

ste; dmigs pa de la rgyun dang ldan pa'i dran pas rjes su 'jug
par byed cing nye bar gtod par bya ba'o/ /zhes dang/ dbus mtha'i
'grel bshad las kyang/ dran pa ni dmigs pa ma brjed pa'o/ /zhes
bya ba ni sems gnas

par bya ba'i gdams ngag yid kyis brjod ces bya ba'i tha tshig go/
/zhes gsungs pas/ dran pa bsten pa ni dmigs pa las g.yeng ba'i
brjed ngas 'gog pa'i ched du yin pas de 'gog pa'i dmigs pa ma
brjed pa ni yid

@332b kyis dmigs pa brjod pa ste/ yang yang dmigs pa yid la byed
pa'o/ /dper na/ shes pa'i don 'ga' zhig brjed kyis dogs pa na/
yang yang yid la dran par byas na brjed dka' ba dang 'dra'o/
/des na dmigs pa bar bar

du dran par byed pa ni dran pa stobs ldan skye ba la dgos la/
sems dmigs pa las gzhan du mi g.yeng bar tshir re bzung nas bya
ra byed pa ni bying rgod rtogs pa'i shes bzhin mthu ldan du 'gro
ba'i thabs yin pas/

de 'dra ba de la yang rtog pa yin snyam nas bkag na dran pa dang
shes bzhin stobs ldan skye bar shin tu dka' bar shes par bya'o/
/gsum pa thun gyi tshad bstan pa ni/ 'o na dran pas sems dmigs pa
la btags

pa de la 'di tsam bar du 'jog ces pa'i thun tshad nges pa yod dam
med ce na/ 'di la bod kyi brgyud pa so so'i bla ma gong ma thams
cad thun chung la grangs mang bar bya dgos gsung ngo/ /de'i rgyu
mtshan yang kha cig na re/

thun chung nge ba'i sgom dang bzang gyes byas na rting ma res
kyang bsgom pa la brod la thun rings na sun par 'gyur bar 'dod
cing/ gzhan dag ni thun rings na bying rgod kyi dbang du 'gro
sla bas ting nge 'dzin skyon med skye

dka' bar bzhed do/ /nyan sa la sogs pa'i gzhung che ba rnams nas
thun gyi tshad gsal bar bzung ba mi snang yang/ sgom rim tha ma
las/ de lta bu'i rim pa 'dis chu tshod gcig gam mel tshe thun
phyed dam thun gcig

@333a @#/ /gam ji srid nus pa de srid du 'jug par bya'o/ /zhes
gsungs la/ 'di zhi gnas grub zin nas lhag mthong bsgom pa'i dus
kyi thun tshad kyi skabs su gsungs snang yang/ thog mar zhi gnas
bsgrub pa'i

skabs su yang 'dra bar mngon pas de ltar bya'o/ /de yang sngar
bshad pa ltar gyi dran pa dang shes bzhin gyi skyong lugs dmigs
pa dran pa dang bya ra byed pa'i lta rtog bar bar du byed na
thun cung ring yang skyon du mi 'gyur

mod; 'on kyang las dang po pa phal che ba la thun rings na/ yang
na brjed ngas skyes nas yengs nas 'gro zhing de'i tshe sems bying
ba'am rgod pa gang byung yang yun ring po zhig nas ngo shes pa
tsam ma gtogs pa myur por ngos

mi zin la/ yang na dran pa ma brjed kyang bying rgod kyi dbang
du 'gro sla zhing bying rgod byung ba rnams myur por ngos mi zin
par snang ngo/ /de gnyis kyi snga mas ni dran pa stobs ldan skye
ba la bar du gcod par 'gyur la/ phyi mas ni shes

bzhin stobs ldan skye ba la bar du gcod pas bying rgod gcod pa
shin tu dka' bar 'gyur ro/ /khyad par du dmigs pa brjed nas
yengs te bying rgod byung ba ngos mi zin pa ni/ dmigs pa ma
brjed pa'i ngang nas bying rgod myur por

ngos mi zin pa las ches shin tu ngan pa yin pas yengs nas 'gro
ba'i dran pa nyams pa 'gog pa'i gnyen po sngar bshad pa ltar gyi
dran pa skyong tshul gal che ba yin no/ /yengs nas 'gro ba'i
brjed ngas che ba dang bying rgod myur por ngos

@333b mi zin pa'i shes bzhin mthu chung na thun chung ngu dgos
la/ brjed ngas skye dka' zhing bying rgod myur du rtogs nus par
snang na/ thun cung ring yang skyon med pa la dgongs nas chu
tshod gcig la sogs pa'i yun tshad ma nges par gsungs shing/

mdor na rang gi blo'i nus pa dang bstun dgos pas ji srid nus pa
de srid du zhes gsungs pa yin no/ /gzhan yang lus dang sems la
glo bur ba'i gnod pa ma byung na mnyam par 'jog la/ byung na u
tshugs byas te mi bsgom par de ma

thag bzhag nas khams kyi bar chad bsal te bsgom pa ni mkhas pa
rnams kyi dgongs pa yin pas de ltar byed pa'ang thun ji tsam gyi
bar du bsgom pa'i yan lag tu shes par bya'o/ /gsum pa dmigs pa
la gtad pa'i 'og tu ji ltar

bya ba la gnyis/ bying rgod byung ba'i dus su ji ltar bya ba
dang/ bying rgod dang bral ba'i dus su ji ltar bya ba'o/ /dang
po la gnyis/ bying rgod ngos mi zin pa'i gnyen po bsten pa dang/
ngos zin kyang de spong ba'i phyir du mi rtsol ba'i gnyen po
bsten pa'o/ /

dang po la gnyis/ bying rgod kyi mtshan nyid gtan la dbab pa
dang/ bsgom pa'i dus su de rtogs pa'i shes bzhin bskyed pa'i
thabs so/ /dang po la rgod pa ni/ kun las btus las/ rgod pa gang
zhe na sdug pa'i mtshan ma'i rjes su 'jug

pa'i 'dod chags kyi char gtogs pa'i sems rnam par ma zhi ba ste
zhi gnas kyi bar du gcod pa'i las can no/ /zhes gsungs pa ltar
te/ 'di la gsum las/ dmigs pa ni/ yul yid du 'ong zhing sdug
pa'o/ /rnam

@334a @#/ /pa ni; sems rnam par ma zhi zhing phyir la 'phro ba
ste 'dod chags kyi cha shas cig yin pas yul la sred pa'i rnam
pas 'jug pa'o/ /byed las ni/ sems dmigs pa la gnas pa'i bar gcod
byed

pa'o; ;sems nang du dmigs pa la btags pa na gzugs sgra sogs la
chags pa'i rgod pas dbang med du yul de dag la sems 'dren zhing
g.yeng bar byed de/ bshags bstod las/ ji lta ji ltar zhi gnas
la dmigs shing/ /

de dang der yid yang yang gtad pa na/ /de dang de las nyon mongs
zhags pa ni/ /yul la chags pa'i thag pas dbang med drangs/ /zhes
gsungs pa ltar ro/ /'o na nyon mongs gzhan gyi sgo nas sems
dmigs pa las gzhan du g.yeng bar

byed pa'i 'phro ba dang de bzhin du dge ba'i dmigs pa gzhan la
'phro ba de rgod pa yin nam zhe na/ rgod pa ni 'dod chags kyi
cha shas cig yin pas nyon mongs gzhan gyi sgo nas g.yeng ba ni
rgod pa min gyi/ nye nyon nyi shu'i nang tshan

gyi sems byung rnam g.yeng yin no/ /dge ba'i dmigs pa la 'phro
ba ni dge ba'i sems dang sems byung ci rigs su 'gro bas 'phro ba
thams cad rgod pa min no/ /bying ba ni/ 'gyur mang po las zhum
pa zhes par yang bsgyur

te; yi shi ba'i zhum pa dang ni mi gcig go/ /de'i mtshan nyid la
gangs ri'i khrod kyi bsam gtan pa phal mo che rnams ni/ yul
gzhan la 'phro ba med par gnas shing gsal dwangs ni med pa'i
sems rmugs pa zhig la

@334b bying bar 'dod par snang ngo/ /'di ni rigs te/ rmugs pa ni
bying ba'i rgyur gsungs pas de gnyis so so yin pa'i phyir te/
sgom rim bar pa las/ de la gal te rmugs pa dang gnyid kyis non
nas sems bying ngam bying du dogs

par mthong na/ zhes gsungs pa'i phyir dang/ dgongs 'grel las
kyang/ gal te rmugs pa dang gnyid kyis bying ba'am snyoms par
'jug pa'i nye ba'i nyon mongs pa gang yang rung bas nyon mongs
par gyur na de ni nang du sems rnam

par g.yeng ba yin no/ /zhes rmugs pa dang gnyid kyi mthus sems
bying na nang gi rnam g.yeng du gsungs pa'i phyir ro/ /kun las
btus las kyang/ bying ba nye nyon gyi rnam g.yeng gi skabs su
bshad mod kyang/ der bshad pa'i

rnam g.yeng la dge ba yang byung bas nyon mongs can du ma nges
so/ /des na rmugs pa ni/ kun las btus las/ rmugs pa gang zhe na/
gti mug gi char gtogs pa'i sems las su mi rung ba nyid de/ nyon
mongs pa dang nye ba'i

nyon mongs pa thams cad kyi grogs byed pa'i las can no/ /zhes
gsungs pas/ gti mug gi cha shas lus dang sems lci zhing las su
mi rung ba yin te/ mdzod 'grel las/ rmugs pa gang zhe na/ lus
lci ba nyid dang sems lci ba nyid de lus

las su mi rung ba nyid dang sems las su mi rung ba nyid gang yin
pa'o/ /zhes gsungs so/ /bying ba ni/ sems kyis dmigs pa 'dzin
pa'i 'dzin stangs lhod nas dmigs pa shin tu gsal ba'am dam par
mi 'dzin pa yin pas dwangs cha yod kyang

@335a @#/ /dmigs pa'i 'dzin stangs shin tu gsal ba med na bying
bar 'gro ste/ sgom rim bar pa las/ gang gi tshe dmus long lta
bu'am/ mi mun par zhugs pa lta bu'am/ mig btsums pa lta bur sems
kyis

dmigs pa gsal bar mi mthong ba de'i tshe bying bar gyur bar rig
par bya'o/ /zhes gsungs pa'i phyir ro/ /gzhung che ba gzhan nas
bying ba'i mtshan nyid gsal bar bzung ba ma mthong ngo/ /bying ba
la ni dge ba dang lung ma bstan

gnyis yod la/ rmugs pa ni mi dge ba dang bsgribs la lung ma
bstan gang rung dang gti mug gi cha shas kho na yin no/ /gzhung
che ba rnams nas kyang/ bying ba sel ba la sangs rgyas kyi sku
gzugs la sogs pa dga' ba'i yul yid

la bya ba dang snang ba bsgoms nas sems gzengs bstod dgos par
gsungs pas sems la mun pa bab pa lta bu'i yul mi gsal ba dang
blo'i 'dzin stangs 'phangs dma' ru song ba rnams bkag nas/ dmigs
pa gsal ba

dang 'dzin stangs kyi grims cha gnyis char dgos kyi/ yul gsal ba
tsam dang yul can gyi dwangs cha tsam gyis mi chog go/ /rgod pa
rig par sla la/ bying ba khungs thub pa'i gzhung che ba rnams
nas gsal bar ngos ma bzung

bas shes dka' bar snang zhing shin tu gal yang che bar snang
ste/ 'di la ting nge 'dzin skyon med du 'khrul sa che bar snang
ba'i phyir ro/ /de'i phyir blo zhib mos nyams myong gi steng nas
sgom rim du gsungs pa ltar legs par brtags

@335b la ngos zin par bya'o/ /bying rgod rtogs pa'i shes bzhin
bskyed pa'i thabs ni bying rgod kyi go ba yod pa tsam gyis mi
chog gi/ bsgoms pa'i tshe na bying rgod byung ma byung ji lta ba
bzhin shes pa'i shes bzhin bskyed thub pa zhig

dgos so/ /de yang shes bzhin stobs ldan rim gyis bskyed pas
bying rgod byung ba'i de ma thag tu de ngos zin pa'i shes bzhin
skye thub pa lta ci smos te/ dngos su ma skyes par skye ba'i
grabs byed pa nas rig pa'i shes bzhin skye dgos

te; sgom rim phyi ma gnyis las/ sems bying ngam bying du dogs
par mthong na/ zhes pa dang/ sems rgod pa'am rgod du dgos par
mthong ba/ zhes gsungs pa'i phyir ro/ /de lta bu'i shes bzhin
zhig ma skyes kyi bar du 'di nas 'di'i bar la

bying rgod med pa'i sgom skyon med byung ngo zhes thag bcad
kyang steng du mi 'gro ste/ bying rgod byung yang nges par mi
nus pa'i phyir te shes bzhin stobs ldan ma skyes pa'i phyir ro/
/de ltar yang dbus mtha' las/ bying dang rgod pa rtogs pa dang/
/

zhes bying rgod rtogs pa la shes bzhin dgos par gsungs ba'i
phyir ro/ /de ltar na bying rgod byung na mi rig pa mi srid pa'i
shes bzhin ma skyes na dus ring bor bsgom lo byas kyang bying
rgod byung bzhin du mi tshor bar bying rgod phra mos dus

'da' ba yin no/ /'o na shes bzhin de ji ltar bskyed snyam na 'di
la sngar bstan pa'i dran pa'i skyong lugs de rgyu gal che shos
cig yin te/ /'di ltar dran pa rgyun ldan pa de bskyed nus na
dmigs pa brjod nas yengs te 'gro ba dgag par

@336a @#/ /nus pas bying rgod skyes pa yun ring por mi tshor ba
ldog pas bying rgod rtogs sla ba'i phyir te/ dran pa nyams pa'i
dus kyi bying rgod rig pa dang ma nyams pa'i dus kyi bying rgod
rig pa'i dus ring thung gnyis

myong ba la bskor nas bltas na ches gsal lo/ /de la dgongs nas
spyod 'jug las kyang/ gang tshe dran pa yid sgo nas/ /bsrung ba'i
don du gnas gyur pa/ /de tshe shes bzhin 'ong 'gyur zhing/ /zhes
pa dang/ dbus mtha'i 'grel

bshad las kyang/ shes bzhin ni dran pa ma brjed par gyur na
bying ba dang rgod pa rtogs pa'o/ /zhes bya ba ni dran pa nye
bar gnas pa shes bzhin dang ldan par 'gyur ro/ /de'i phyir dran
pa ma brjed par gyur na zhes bya ba smos te/ zhes

gsungs so/ /rgyu gcig ni shes bzhin gyi skyong lugs thun mong ma
yin pa yin te/ de ni sems lha sku sogs gzung ba'i rnam pa la
dmigs pa'am myong ba rig tsam gsal tsam sogs 'dzin pa'i rnam pa
la dmigs nas

sngar bshad pa bzhin dran pa bsten pa'i ngang nas/ de las gzhan
du 'phro mi 'phro la bya ra thu re byas nas sems 'dzin pa yin te
'di ni shes bzhin skyong ba'i gnad du bzung ngo/ /de ltar yang
spyod 'jug las/ lus dang sems kyi gnas

skabs la/ /yang dang yang du brtag bya ba/ /de de kho na mdor na
ni/ /shes bzhin bsrung ba'i mtshan nyid do/ /zhes gsungs pa ltar
ro/ /des na 'dis ni bying rgod skye ba'i grabs byed pa nas rig
pa'i shes bzhin bskyed la/ dran pa bsten

@336b tshul gyis ni yengs nas 'gro ba'i brjed ngas 'gog pa yin
pas legs par dmigs phyed pa zhig dgos so/ /de lta ma yin par blo
de rnams thams cad gcig tu 'dres nas dmigs phyed pa'i go ba med
par deng sang skyong ba bzhin du

bskyangs na/ rgyu tham thom gyis bsgrubs pa'i 'bras bu ting nge
'dzin kyang de 'dra zhig byung du dogs so/ /des na gzhung khungs
thub chen mo re dang bstun te shin tu zhib pa'i rnam dpyod kyis
dpyad nas nyams len gyis gtan la phab pa

zhig shin tu gal che yi/ snying rus tsam la re bar mi bya ste/
phar phyin bsdus pa las/ brtson 'grus gcig pu byas pa ngal ba'i
mtha'/ /shes rab grogs kyis bskyangs na don chen 'grub/ /ces
gsungs pa'i phyir ro/ /gnyis pa ngos

zin kyang de spong ba'i phyir du mi rtsol ba'i gnyen po bsten pa
ni/ sngar bshad pa ltar dran pa dang shes bzhin gyi skyong lugs
legs par byas pas dran shes shin tu stobs dang ldan pa skyes te/
bying rgod shin tu phra ba'ang shes

bzhin gyis rig par nus pas bying rgod byung ba ngos mi zin pa'i
skyon med kyang/ de gnyis byung ma thag nas 'gog pa'i rtsol ba
mi bsten par dang du len pa'i mi rtsol ba'am 'du mi byed pa ni
ting nge 'dzin gyi skyon shin tu che ba

yin te/ de ltar byas na blo lang du song nas bying rgod dang
bral ba'i ting nge 'dzin bskyed par shin tu dka' ba'i phyir ro/
/des na bying rgod byung ba spong ba la 'du mi byed pa'i gnyen
por 'du byed pa'am rtsol ba zhes btags pa'i

@337a @#/ /sems pa bsgom par bya'o/ /'di la gnyis/ sems pa ngos
bzung zhing bying rgod 'gog pa'i tshul dang/ gang la brten nas
bying rgod skye ba'i rgyu ngos bzung ba'o/ /dang po ni/ kun las
btus las/ sems

pa gang zhen/ sems mngon par 'du byed pa yid kyi las te/ dge ba
dang mi dge ba dang lung du ma bstan pa rnams la sems 'jug par
byed pa'i las can no/ /zhes gsungs pa ltar shes par bya'o/ /de
yang dper na rdo khab

len gyi dbang gis lcags rang dbang med par g.yo ba ltar/ sems
dge mi dge lung ma bstan gsum po gang rung la g.yo zhing skul
bar byed pa'i sems byung ni sems pa yin pas/ 'dir ni bying rgod
gang rung byung ba na de spong ba la

sems mngon par 'du byed pa'i sems pa bzung ngo/ /'o na de ltar
bying rgod spong ba la sems mngon par bskul nas bying rgod 'gog
tshul ci 'dra ba zhig byed ce na/ 'di la sems bying ba ni ha cang
nang du bsdus drags nas

dmigs pa'i 'dzin stangs shor ba yin pas de la ni sems phyir la
'phro ba'i rgyur gyur pa dga' ba'i dngos po yid la bya ste/ de
yang sangs rgyas kyi sku shin tu mdzes pa lta bu yin gyi/ nyon
mongs skye ba'i dga' ba min no/ /

yang na nyi 'od la sogs pa'i snang ba'i mtshan ma yid la byas la
bying ba sangs pa na de ma thag nas dmigs pa'i 'dzin stangs dam
par byas la bskyang ste/ sgom rim dang po las/ ji ste gang gi
tshe rmugs pa dang gnyid kyis

@337b non te dmigs pa 'dzin pa la mi gsal zhing sems bying bar
gyur pa de'i tshe/ snang ba'i 'du shes bsgom pa'am mchog tu dga'
ba'i dngos po sangs rgyas la sogs pa'i yon tan yid la byed pas
bying ba bsal la dmigs pa de

nyid dam du bzung ngo/ /zhes gsungs pa ltar ro/ /'di la skyo
ba'i dmigs pa bsgom par mi bya ste/ skyo shas ni sems nang du
sdud pa'i rgyu yin pa'i phyir ro/ /so sor rtog pa'i shes rab
kyis gang la dpyod par 'dod pa'i yul la

dpyad nas spros na'ang bying ba ldog ste/ phar phyin bsdus pa
las/ lhag mthong brtson pa'i stobs kyi mthus/ /zhum par gyur na
gzengs kyang bstod/ /ces gsungs so/ /de ltar bying ba'am zhum pa
ni dmigs pa'i 'dzin stangs

'phangs dma' ru song bas bying ba dang ha cang nang du bsdus pas
na zhum pa zhes bya ba yin pas/ 'dzin stangs bstod pa dang dmigs
pa rgya bskyed nas spros pas ldog pa yin te/ dbu ma snying po
las/ zhum pa dmigs pa rgya chen dag /

bsgoms pas yangs pa nyid du bya/ /zhes dang/ zhum pa yang ni
brtson 'grus kyi/ /phan yon mthong bas gzengs bstod bya/ /zhes
dang/ bslab btus las kyang/ de la yid zhum na dga' ba bsgoms nas
gzengs bstod par bya'o/ /zhes

mkhas grub chen po rnams kyis mthun par gsungs pas bying ba 'gog
pa'i gnyen po gal che shos ni/ dkon mchog gsum dang byang chub
kyi sems kyi phan yon dang dal ba thob pa don che ba sogs kyi
yon tan bsams pa na/ gnyid yur

@338a @#/ /ba'i gdong du chu grang mo btab na rig pa sing yer
gyis 'gro ba ltar 'gro thub pa zhig dgos te/ 'di ni phan yon gyi
phyogs rnams la so sor rtog pa'i dpyad sgom gyis myong ba thon
pa la rag las so/ /gang la brten

nas bying ba skye bar 'gyur ba'i rgyu rmugs pa dang gnyid dang
de gnyis 'dren pa'i chos sems mun pa'i rnam pa can du snang ba
goms pa'i gnyen po bsten na'ang de dag la brten pa'i bying ba mi
skye zhing skyes pa ldog par 'gyur ro/ /'di la spyod

lam ni 'chag pa dang snang ba'i mtshan ma legs par yid la bzung
nas yang dang yang du goms par byed pa dang/ sangs rgyas dang
chos dang dge 'dun dang tshul khrims dang gtong ba dang lha rjes
su dran pa drug gang rung ngam/ de las

gzhan pa'i dang bar 'gyur ba'i dmigs pa rnams kyis sems yang dag
par gzengs bstod pa dang/ rmugs gnyid kyi nyes dmigs ston pa'i
chos rnams kha ton du 'don pa dang phyogs rnams dang zla skar
la
blta ba dang gdong chus

'khru ba sogs bya bar nyan sa las bshad do/ /de yang bying ba
shin tu srab pa dang lan re tsam las mi 'ong na sems kyi 'dzin
stangs grims par byas te bsgom par bya la/ bying ba 'thug pa
dang yang yang 'ong bar snang na ting nge

'dzin bsgom pa'i 'phro bshol la gnyen po de rnams ci rigs par
bsten nas bying ba sangs pa dang bsgom par bya'o/ /sems gang la
bzung ba'i kha nang blta dang phyir blta'i dmigs pa mi gsal bar
sems la mun pa bab pa lta

@338b bu'i rnam pa srab 'thug gang rung snang na de ma bsal bar
bsgoms na bying ba bcad dka' bas de'i gnyen por 'od kyi snang ba
yang yang bsgom par bya ste/ nyan sa las/ snang ba dang ldan pa
dang 'od dang ldan pa dang 'od gsal ba dang mun

pa med pa'i sems kyis zhi gnas dang lhag mthong yang dag par
sgoms shig /khyod de ltar zhi gnas dang lhag mthong gi lam la
snang ba'i 'du shes bsgom pa na/ gal te dang po nyid nas dmigs
pa la mos pa rnam par mi

gsal zhing snang ba chung bar gyur na yang bsgom pa goms par
byas pa'i rgyu de dang rkyen des dmigs pa de la mos pa rnam par
gsal ba dang snang ba chen po nyid du 'gyur ro/ /gal te dang po
nyid nas rnam par gsal ba dang

snang ba chen por gyur pa yin na ni/ de phyir zhing rgya cher
shin tu rnam par gsal ba dang shin tu snang ba chen po nyid du
yang 'gyur ro/ /zhes thog ma nas dmigs pa gsal na'ang bsgom par
bya bar gsungs na mi gsal na lta

ci smos pa'i phyir ro/ /snang ba'i mtshan ma ji 'dra ba zhig
bzung ba yang/ de nyid las/ mar me'i 'od las sam me'i phung po'i
'od las sam nyi ma'i dkyil 'khor las snang ba'i mtshan ma zungs
shig /ces gsungs pa ltar ro/ /snang

ba'i mtshan ma bsgom pa 'di ni ting nge 'dzin gyi dus kho nar ma
zad pas gzhan du yang bya'o/ /rgod pa ni chags pa'i sgo nas
gzugs sgra sogs kyi yul la sems rgyug pa yin pas/ de la ni yid
nang du sdud pa'i rgyu yid 'byung

@339a @#/ /ba'i dngos po yid la bya la/ des rgod pa zhi ma thag
sngar gyi dmigs pa la sems mnyam par bzhag ste/ sgom rim dang po
las/ gang gi tshe sngon rgod pa dang rtses pa la sogs pa dran
zhing bar

bar du sems rgod par mthong ba de'i tshe mi rtag pa la sogs pa
yid 'byung bar 'gyur ba'i dngos po yid la byed pas rgod pa zhi
bar bya'o/ /de nas yang dmigs pa de nyid la sems mngon par 'du
byed pa med par 'jug pa

la 'bad par bya'o/ /zhes dang/ dbu ma snying po las kyang/ rgod
pa mi rtag la sogs pa/ /yid la byed pas zhi bar bya/ /zhes dang/
g.yengs pa g.yengs pa'i mtshan ma la/ /nyes dmigs blta bas bsdu
bar bya/ /zhes dang/ bslab

btus las kyang/ rgod par gyur na mi rtag pa yid la bya bas rab
tu zhi bar bya'o/ /zhes gsungs pas/ rgod pa shugs drag pa'am
rgyun ring ba byung na re zhig la bsgom pa glod la skyo shas
bsgom pa gnad du 'gro ba yin gyi/

sems 'phros res kyis bkug cing 'jog pa min no/ /rgod pa de tsam
du shas mi che ba la ni 'phros pa de bkug nas dmigs pa la gdags
par bya ste/ phar phyin bsdus pa las/ rgod par gang tshe gyur
pa'i yid/ /zhi gnas

tshul gyis bzlog par bya/ /zhes dang/ mdo las sems rab tu 'jog go
zhes gsungs pa rgod pa'i gnyen por sa sde las gsungs pas so/
/spyi tsam nas sems rgod na dmigs pa la rab tu 'jog pa dang sems
bying na dga'

@339b ba'i yul la rab tu 'dzin pa gnyis gsungs te/ nyan sa las/
de ltar sems nang du mngon par bsdus pa na de zhum par gyur
pa'am zhum par dogs par mthong ba de'i tshe na rab tu 'dzin pa'i
mtshan ma dang bar 'gyur ba gang

yang rung bas rab tu 'dzin par byed cing rab tu dga' bar byed pa
ste de ni sems rab tu 'dzin par byed pa yin no/ /ji ltar na rab
tu 'jog par byed pa yin zhe na rab tu 'dzin pa'i dus na sems
rgod pa'am rgod par dogs par mthong

ba de'i tshe na'ang sems nang du mngon par sdud par byed cing zhi
gnas la rab tu 'jog par byed pa yin no/ /zhes gsungs so/ /sems
rgod pa la ni dang zhing dga' ba'i yul yid la mi bya ste/ de ni
phyi rol tu g.yeng ba'i rgyu yin pa'i

phyir ro/ /bying rgod skye ba'i rgyu ngos bzung ba ni/ sa'i
dngos gzhi las/ bying ba'i mtshan ma gang zhen/ dbang po'i sgo ma
bsrungs pa dang kha zas kyi tshod ma zin pa dang nam gyi cha stod
dang nam gyi cha smad la mi nyal ba'i sbyor ba la mi brtson

pa dang shes bzhin ma yin par gnas pa dang/ gti mug spyod pa
dang gnyid che ba dang thabs mi shes pa dang le lo dang ldan
pa'i 'dun pa dang brtson 'grus dang sems dang dpyod pa dang zhi
gnas la goms pa dang/ zhi gnas yongs

su byang bar ma byas pa'i zhi gnas kyi phyogs gcig yid la byed
pa dang sems mun pa lta bur 'dug pa dang dmigs pa la gtod par mi
dga' ba'o/ /zhes gsungs te/ bying ba'i mtshan ma ni 'dir bying
ba'i rgyu la go bar bya'o/ /de la le lo

@340a @#/ /dang ldan pa zhes pa ni brtson 'grus dang sems dang
dpyod pa gsum la yang sbyar ro/ /yang de nyid las/ rgod pa'i
mtshan ma gang zhe na/ snga ma bzhin du dbang po'i sgo ma bsrungs
pa la sogs pa bzhi dang/

'dod chags la spyod pa dang nye bar ma zhi ba'i tshul can dang
sems skyo ba med pa dang thabs mi shes pa dang/ snga ma bzhin du
ha cang rab tu 'dzin pa dang ldan pa'i 'dun pa la sogs pa dang/
brtson pa la ma goms pa dang rab

tu 'dzin pa la byang bar ma byas pa'i de'i phyogs gcig bsgoms pa
dang/ nye du la rtog pa la sogs pa rgod pa dang mthun pa'i chos
gang yang rung bas sems rnam par g.yengs pa'o/ /zhes gsungs te/
rgod pa'i mtshan ma ni

rgod pa'i rgyu'o/ /ha cang rab tu 'dzin pa ni dga' ba'i yul la
sems bzung drags pa ste/ de dang ldan pa'i 'dun pa sogs sngar
bshad pa bzhi'o/ /de ltar na sngar thun mtshams kyi nyams len gyi
skabs su bstan pa'i dbang po'i

sgo sdom pa sogs bzhi ni bying rgod gnyis ka 'gog pa la gal che
zhing/ gzhan yang rgyu de rnams shes par byas nas de dag 'gog pa
la brtson par byas na bying rgod gcod pa la shin tu phan che bar
gsal lo/ /des na bying rgod

cha phra mo yang shes bzhin gyis rig par bya la de gnyis ji 'dra
zhig yin kyang dang du mi blang bar rnam pa thams cad du dgag
dgos te/ de ma byas na mngon par 'du mi byed pa zhes pa'i ting
nge 'dzin gyi skyon yin par dbus mtha'

@340b las gsungs pa'i phyir ro/ /des na rgod pa dang rnam par
g.yeng ba sogs phra mo rnams thog ma'i dus su bcad kyang mi
chod pas gcad par mi bya'o snyam nas yal bar 'dor ba dang/ de
rnams shugs drag pa dang ha cang rgyun ring ba'i

lu gu rgyud med na/ shugs zhan pa dang rgyun thung nge bas ni
las mi gsog pas bcad mi dgos so snyam nas/ de dag spong ba'i
phyir du mngon par 'du mi byed pa de dag gis ni ting nge 'dzin
rnam dag bsgrub pa'i tshul mi shes bzhin du

shes par bcos nas ting nge 'dzin don du gnyer ba rnams bslu ba
yin te/ rje btsun byams pa la sogs pas ting nge 'dzin bsgrub
pa'i tshul gtan la phab pa'i lugs las phyi rol tu gyur pa'i phyir
ro/ /de ltar bying rgod 'gog

pa la yang phal che ba la thog mar rgod pa dang rnam par g.yeng
bas bar du gcod pas de gcod pa la 'bad dgos la/ de ltar 'bad pas
rgod pa dang g.yeng ba rags pa zhig log pa na gnas cha cung zad
rnyed par 'gyur zhing de'i tshe

ni bying ba'i zon bya ba la 'bad do/ /rig pa la shugs bton nas
bying zon byas pa na slar yang rgod pa sngar las phra ba zhig
gis gnas pa la bar du gcod par 'gyur bas/ de gcod pa la 'bad
cing de log pa na gnas cha che ru 'gro la/

de'i tshe yang bying ba skye bar 'gyur bas bying ba gcod pa la
'bad do/ /mdor na 'phro rgod las sems blan te/ nang du dmigs pa
la gdags la gnas cha btsal/ gnas cha nam byung res kyis bying
zon chen po byas te gsal

@341a @#/ /ba'i ngar gdon/ de gnyis re mos su byas nas ting nge
'dzin skyon med bsgrub par bya yi/ 'dzin stangs kyi ngar dang
ldan pa'i gsal cha med pa'i dwangs pa tsam gyis gnas cha la re
bar mi bya'o/ /

gnyis pa bying rgod dang bral ba'i dus su ji ltar bya ba ni/
sngar bshad pa ltar bying rgod phra mo yang bcad de bsgoms pas
yang na bying ba dang yang na rgod par 'gyur ba'i mi mnyam pa
med par sems mnyam pa nyid du 'jug par 'gyur

ba'i tshe/ 'du byed pa'am rtsol na ting nge 'dzin gyi skyon yin
pas de'i gnyen por btang snyoms bsgom par bya'o/ /de ltar yang
sgom rim bar pa las/ gang gi tshe bying ba dang rgod pa med par
gyur te dmigs pa de la sems

rnal du 'dug par mthong ba de'i tshe rtsol ba glod la btang
snyoms su bya zhing de'i tshe ji srid 'dod kyi bar du 'dug par
bya'o/ /zhes so/ /'o na 'du byed pa'am rtsol ba byas pas skyon
du 'gyur lugs de ji 'dra yin zhe na/ 'di ni

sems rgod na nang du 'gugs pa dang bying na gzengs bstod de
bsgoms pas thun 'tsham pa re la bying rgod mi 'byung ba'i gdeng
thob pa'i dus su thog ma'i dus bzhin du bying zon dang rgod pa'i
zon chen po byas shing skyong ba yin te/

de ltar byas na sgom rim phyi ma gnyis las/ gal te sems mnyam
par zhugs pa la rtsol ba byas na de'i tshe sems rnam par g.yeng
bar 'gyur ro/ /zhes gsungs pa ltar g.yeng bar 'gyur bas de'i
tshe glod shes dgos so/ /

@341b de yang rtsol ba glod pa yin gyi 'dzin stangs kyi ngar
gtong ba min no/ /des na btang snyoms bsgom pa 'di bying rgod ma
byung ba'i skabs thams cad du byed pa min gyi bying rgod kyi
dbal chogs pa nas yin gyi/ bying rgod kyi dbal ma chogs

pa'i dus su btang snyoms nyid med pa'i phyir ro/ /'o na btang
snyoms de ji 'dra zhig yin snyam na/ spyir btang snyoms la tshor
ba btang snyoms dang tshad med bzhi'i ya gyal gyi btang snyoms
dang 'du byed kyi btang snyoms gsum gsungs

pa las 'di ni 'du byed btang snyoms yin la/ de'i ngo bo ni nyan
sa las/ de la btang snyoms gang zhe na/ zhi gnas dang lhag mtong
gi phyogs kyi dmigs pa la sems kun nas nyon mongs pa med pa'i
sems mnyam pa nyid dang

rnal du 'bab pa dang rang gi ngang gis 'jug pa dang sems nyams
bde ba dang sems las su rung ba'i rjes su rtsol ba med pa'i bya
bas gtong ba gang yin pa'o/ /zhes gsungs pa ltar shes par bya'o/
/de 'dra ba'i btang snyoms

thob pa'i tshe ting nge 'dzin bsgom pa na bying rgod ma byung
ba'i skabs su btang snyoms de mngon du byas la rtsol ba mi drag
par gzhag par bya'o/ /'di'i dmigs pa'i mtshan ma ni/ de nyid las/
de la btang snyoms kyi mtshan ma

gang zhe na/ dmigs pa gang gis sems btang snyoms su byed pa dang
dmigs pa de nyid la brtson 'grus ha cang lhag par rtsom par mi
byed pa gang yin pa'o/ /zhes gsungs pa ltar ro/ /btang snyoms
bsgom pa'i dus kyang/

@342a @#/ /de nyid las/ de la btang snyoms kyi dus gang zhe na/
zhi gnas dang lhag mthong gi phyogs la sems bying ba dang rgod
pa med pa'i tshe ste/ zhes gsungs pa ltar ro/ /de ltar ting nge
'dzin

skyon med bskyed ba'i tshul bshad pa de rnams ni dbus dang mtha'
rnam par 'byed pa las rje btsun byams pas gsungs pa ltar yin te/
ji skad du/ der gnas las su rung ba nyid/ /don rnams thams cad
'byor par 'gyur/ /nyes

pa lnga spong 'du byed brgyad/ /bsten pa'i rgyu las byung ba'o/
/le lo dang ni gdams ngag rnams/ /brjed dang bying dang rgod pa
dang/ /'du mi byed dang 'du byed de/ /'di dag nyes pa lngar 'dod
do/ /gnas dang de la gnas pa dang/ /rgyu dang

'bras bu nyid du'o/ /dmigs pa brjed par ma gyur dang/ /bying
dang rgod pa rtogs pa dang/ /de spong mngon par 'du byed dang/
/zhi tshe rnal du 'jug pa'o/ /zhes gsungs so/ /de la der gnas ni
mi mthun phyogs bsal ba'i don du

brtson 'grus rtsom pa der gnas pa ste de la sems las su rung
ba'i ting nge 'dzin skye'o/ /de yang mngon shes la sogs pa'i don
thams cad 'grub par byed pa'i rdzu 'phrul gyi rkang pa'am gnas
yin pas don rnams thams cad 'byor

bar byed pa'o/ /de 'dra ba'i ting nge 'dzin de ji ltar byas pas
bskyed na/ nyes pa lnga spong ba'i phyir du 'du byed pa'i 'du
byed brgyad bsten pa'i rgyu las skye'o/ /nyes pa lnga ni/ sbyor
ba'i tshe na le lo nyes pa yin te/ ting nge 'dzin la mi sbyor
ba'i phyir ro/ /

@342b ting nge 'dzin la brtson pa'i tshe na gdams pa brjed pa
nyes pa ste/ dmigs pa brjed na sems dmigs pa la mnyam par bzhag
pa med pa'i phyir ro/ /mnyam par bzhag pa la bying rgod nyes pa
ste/ de gnyis kyis sems las su rung ba med

bar byed pa'i phyir ro/ /bying rgod byung ba'i tshe mi rtsol ba
nyes pa ste/ des de gnyis zhi bar mi byed pas so/ /bying rgod
dang bral ba'i tshe 'du byed pa'i sems pa nyes pa yin te/ bying
rgod gnyis gcig tu byas na lnga yin la so sor

phye nas nyes pa drug tu yang sgom rim rnams nas gsungs so/ /de
dag gi gnyen po spong ba'i 'du byed brgyad las le lo'i gnyen por
bzhi ste/ dad pa dang 'dun pa dang rtsol ba dang shin sbyang so/
/de nas brjed ngas dang bying rgod

dang 'du mi byed pa dang 'du byed pa'i gnyen por ni rim pa ltar
dran pa dang bying rgod rtogs pa'i shes bzhin dang 'du byed pa'i
sems pa dang rnal du 'jog pa'i btang snyoms yin te/ de dag ni
sngar rgyas par bshad zin to/ /'di

dag ni ting nge 'dzin bsgrub pa'i gdams pa mchog yin pas/ slob
dpon chen po kA ma la shI la'i sgom rim gsum dang gzhan yang
rgya gar gyi mkhas pa chen po rnams kyis ting nge 'dzin bsgrub
pa'i skabs du mar bshad cing/

lam sgron gyi 'grel par yang zhi gnas bsgrub pa'i skabs su bshad
pas/ lam rim pa'i bla ma gong ma rnams kyis kyang rags rim re
bshad snang na'ang bsam gtan bsgom par 'dod pa rnams kyis ji
ltar byed mi shes par snang

@343a @#/ /bas rgyas par gtan la phab pa yin no/ /'di ni sems
rtse gcig pa'i ting nge 'dzin dran pa dang shes bzhin gyis bying
rgod dang bral bar byas te skyong ba'i gdams ngag thams cad kyi
thun mong ba yin

pas mtshan nyid kyi theg pa'i sgos chos yin gyi/ sngags la mi
dgos so snyam du gzung bar mi bya ste/ rnal 'byor bla na med
pa'i rgyud sder yang gsungs pas thun mong ba yin pa'i phyir ro/
/de skad du yang/ dpal sambu Ti'i

brtag pa dang po'i rab byed gnyis pa las/ 'dun pa'i ting nge
'dzin spong ba'i 'du byed dang ldan pa'i rdzu 'phrul gyi rkang
pa dben pa la gnas pa/ 'dod chags dang bral ba la gnas pa 'gog
pa la gnas pa yang dag par spong

bas yongs su bsgyur ba ste/ 'dun pa des shin tu zhum pa dang
gzengs mtho ba ma yin par bsgom pa dang/ zhes brtson 'grus dang
dpyod pa dang sems kyi ting nge 'dzin gsum la yang de ltar
gsungs so/ /sngar bshad pa'i ting nge

'dzin las su rung ba de nyid rdzu 'phrul la sogs pa'i yon tan
bsgrub pa'i gzhir gyur pas rkang pa dang 'dra bas rdzu 'phrul
gyi rkang pa yin la/ de 'grub pa la sgo bzhi ste 'dun pa drag
pos thob pa dang brtson 'grus rgyun ring pos thob pa

dang dmigs pa rnam par 'byed pas ting nge 'dzin thob pa la 'dun
pa'i ting nge 'dzin nas brtson 'grus dang dpyod pa'i ting nge
'dzin zhes zer la/ sngon gyi ting nge 'dzin gyi sa bon sems la
yod pa la brten nas sems rtse gcig

@343b pa thob pa la sems kyi ting nge 'dzin zhes bya bar dbus
mtha'i 'grel bshad sogs las bshad do/ /shin tu zhum pa ni glod
drags pa yin la/ shin tu gzengs mtho ba zhes sbyar ba ni bsgrims
drags pa ste de gnyis dang bral

bar bskyang dgos pa'i don no/ /gnyis pa de la brten nas sems
gnas skye ba'i rim pa la gsum/ sems gnas skye ba'i rim pa dngos/
de stobs drug gis 'grub lugs/ de la yid la byed pa bzhi yod pa'i
tshul lo/ /dang po la sems

dgu las/ de dang de la sems 'jog pa ni/ phyi rol gyi dmigs pa
thams cad las sems yang dag par bsdus te nang du dmigs pa la
gtod par byed pa ste/ mdo sde'i rgyan las/ dmigs pa la ni sems
gtad nas/ /zhes

gsungs so/ /rgyun du 'jog pa ni/ dang por gtad pa'i sems de nyid
gzhan du mi g.yeng bar dmigs pa de la rgyun du 'jog pa ste/
de'i rgyun rnam par g.yeng mi bya/ /zhes so/ /blan te 'jog pa
ni/ brjed ngas kyis yengs te

phyi rol du g.yengs na de shes par byas nas slar yang dmigs pa
de nyid la 'dogs pa ste/ rnam g.yeng myur du rtogs byas nas/
/de la slar ni blan par bya/ /zhes so/ /nye bar 'jog pa ni/ sgom
rim dang po las/ sems snga ma

g.yeng ba shes nas spong ba dang sems 'di rnam g.yeng spangs
nas dmigs pa de nyid la 'bad pas 'jog pa la bshad la/ sher phyin
man ngag las/ sems rang bzhin gyis rgya che ba las yang dang
yang du bsdus te phra bar byas nas

@344a @#/ /gong nas gong du 'jog pa la bshad de/ blo ldan gong
nas gong du yang/ /sems ni nang du bsdu bar bya/ /zhes gsungs pa
dang mthun no/ /nyan sa las/ dang por dran pa nye bar bzhag ste
sems phyi rol

tu mi g.yo ba la bshad de/ dran pa'i stobs bskyed nas brjed
ngas kyis phyi rol tu g.yeng bar mi byed pa'o/ /dul bar byed pa
ni/ ting nge 'dzin gyi yon tan bsams nas ting nge 'dzin la dga'
bar byed pa ste/ de nas yon tan

mthong ba'i phyir/ /ting nge 'dzin la sems 'dul lo/ /zhes gsungs
so/ /nyan sa las ni gzugs sogs yul lnga dang dug gsum dang skyes
pa dang bud med kyi mtshan ma gang rung gis sems g.yengs na dang
po nas de dag

la nyes dmigs su bzung nas mtshan ma bcu po de dag gis sems
'phror mi ster ba la bshad do/ /zhi bar byed pa ni/ rnam g.yeng
la skyon du bltas nas ting nge 'dzin la mi dga' ba zhi bar byed
pa ste/ rnam g.yeng nyes pa

mthong ba'i phyir/ /de la mi dga' zhi bar bya/ /zhes so/ /nyan
sa las ni 'dod pa'i rnam rtog pa sogs pa'i rnam rtog dang 'dod
pa la 'dun pa'i sgrib pa la sogs pa'i nye ba'i nyon mongs kyis
sems 'khrugs na/ dang po nas

de la nyes dmigs su bzung nas rnam rtog dang nye nyon de dag la
sems 'phror mi ster ba la bshad do/ /rnam par zhi bar byed pa
ni/ chags sems dang yid mi bde dang rmugs pa dang gnyid la sogs
pa byung ba rnams nye bar

@344b zhi bar byed pa ste/ chags sems yid mi bde la sogs/ /langs
pa de bzhin zhi bar bya/ /zhes so/ /nyan sa las ni brjed ngas
skyes nas sngar bshad pa'i rnam rtog dang nye nyon byung na
byung ngo cog dang du mi len par spong ba la bshad do/ /

rtse gcig tu byed pa ni/ 'bad med du 'jug pa'i phyir du 'bad par
byed pa ste/ de nas sdom brtson can gyis ni/ /sems la mngon par
'du byed bcas/ /rang gi ngang gis 'byung ba 'thob/ /ces so/ /de
yang nyan sa las mngon

par 'du byed pa dang bcas pas bar du chad pa med pa dang/ rgyun
chags par ting nge 'dzin gyi rgyun la 'jog par byed de/ de ltar
na rgyud gcig tu byed pa yin no/ /zhes gsungs pa ltar shes par
bya zhing/ sems brgyad

pa'i ming 'dogs kyang rgyud gcig tu byed pa zhes gsungs te/ ming
gis don go sla bar snang ngo/ /mnyam par 'jog pa ni/ sems mnyam
par gyur pa na btang snyoms su byed pa la sgom rim nas gsungs
la/ rgyud gcig

tu byed pa goms pas lhun grub tu rang gi ngang gis 'jug cing
rang dbang thob pa la sher phyin man ngag las gsungs so/ /de
ltar yang/ de goms pa las 'du mi byed/ /ces so/ /nyan sar ting
nge 'dzin du byed pa zhes gsungs

shing; de'i don yang de nyid las/ kun tu bsten cing goms par
byas lan mang du byas pa'i rgyus lhun gyis grub par 'jug pa dang
rang gi ngang gis 'jug pa'i lam thob cing/ mngon par 'du byed pa
med pa dang lhun gyis grub

@345a @#/ /ba de nyid kyis de'i sems rnam par g.yeng ba med pa'i
ting nge 'dzin gyi rgyun la 'jug par 'gyur te/ de ltar na ting
nge 'dzin du byed pa yin no/ /zhes gsal bar gsungs so/ /sems
dgu'i ming

'dogs de dag ni/ sgom rim dang po las/ zhi gnas kyi lam 'di ni
shes rab kyi pha rol tu phyin pa la sogs pa las bshad de/ zhes
sogs drangs pa ltar byas pa'o/ /de stobs drug gis 'grub lugs ni/
stobs ni drug ste/ thos

pa'i stobs dang bsam pa'i stobs dang dran pa'i stobs dang shes
bzhin gyi stobs dang brtson 'grus kyi stobs dang yongs su 'dris
pa'i stobs so/ /de dag gis sems gang 'grub pa'i tshul ni/ thos
pa'i stobs kyis ni 'jog pa'i

sems 'grub ste/ sems dmigs pa la 'jog pa'i gdams ngag gzhan la
thos pa tsam gyi rjes su 'brangs nas dang por dmigs pa la btags
pa tsam yin gyi/ rang gis yang yang bsams nas goms pa min pa'i
phyir ro/ /

bsam pa'i stobs kyis ni rgyun du 'jog pa'i sems 'grub ste/ dang
por dmigs pa la btags pa de'i rgyun yang yang bsams nas bskyangs
pa las/ rgyun cung zad 'thud par nus pa thog mar thob pa'i phyir
ro/ /dran pa'i stobs kyis ni blan te 'jog

pa'i sems dang nye bar 'jog pa'i sems gnyis 'grub ste/ dmigs pa
las yengs nas g.yengs pa na sngar gyi dmigs pa dran nas nang du
sdud pa dang/ dang po nas dran pa'i shugs bskyed de dmigs pa las
g.yeng bar mi byed pa'i phyir

@345b ro; ;shes bzhin gyi stobs kyis ni dul bar byed pa'i sems
dang zhi bar byed pa'i sems gnyis 'grub ste/ rnam rtog dang nye
nyon gyi mtshan ma la 'phro ba'i nyes dmigs shes bzhin gyis rig
nas nyes dmigs su bltas pas de gnyis la 'phror

mi ster ba'i phyir ro/ /brtson 'grus kyi stobs kyis ni rnam par
zhi bar byed pa dang rtse gcig tu byed pa'i sems gnyis 'grub
ste/ rnam rtog dang nye nyon byung ba phra mo yang rtsol bas
spong bas dang du mi len cing/ de ltar byas pas bying rgod la

sogs pas ting nge 'dzin la bar bcad par mi nus par rgyun chags
su skye ba'i ting nge 'dzin 'grub pa'i phyir ro/ /'dris pa'i
stobs kyis ni mnyam par 'jog pa'i sems 'grub ste/ snga ma rnams
la goms pa ches pa'i stobs kyis 'bad med du ngang

gis 'jug pa'i ting nge 'dzin skye ba'i phyir ro/ /de dag ni nyan
sa'i dgongs pa ji lta ba bzhin yin pas/ de las gzhan du 'chad pa
snang yang yid brtan par mi bya'o/ /de la sems dgu pa thob na ni
dper na gzhung la sogs pa 'don pa la ches shin tu goms

na dang por 'don pa'i kun slong byung nas bton na bar skabs su
sems gzhan du g.yengs kyang/ kha ton de nyid mi 'chad par rtsol
med du 'ong ba ltar/ dang por sems dmigs pa la gtod pa'i dran
pas lan cig mnyam par bzhag na de nas dran shes na re

rgyun ldan du bsten pa ma byung yang/ ting nge 'dzin de 'phro mi
'chad par rgyun chags su rgyun ring por 'jug thub pa zhig 'byung
ngo/ /dran shes rgyun ldan na re bsten pa'i rtsol ba mi dgos pas
mngon par 'du byed pa'am 'bad rtsol med pa zhes zer ba

@346a @#/ /yin no/ /de skye ba la sngon du dran pa dang shes
bzhin rtsol bas na re bsten na/ bying rgod sogs kyi mi mthun
phyogs kyis bar gcod mi nus par thun ring po 'khyongs pa'i ting
nge 'dzin zhig skye dgos la/ de yang sems

brgyad pa yin te/ 'di dang dgu pa gnyis bying rgod la sogs pa'i
ting nge 'dzin gyi mi mthun phyogs kyis bar gcod mi nus par 'dra
yang/ 'di la dran pa dang shes bzhin bar ma chad du bsten dgos
pas mngon par 'du byed pa'am 'bad rtsol dang

bcas pa zhes zer ba yin no/ /de skye ba la bying rgod sogs phra
mo yang skyes tsam nas dang du mi len par 'gog pa zhig dgos pas
sems bdun pa dgos so/ /de skye ba la rnam rtog dang nye nyon
gyis g.yeng ba la nyes dmigs su shes nas de dag la mi

'phro bar bya ra byed pa'i shes bzhin stobs ldan dgos pas sems
lnga pa dang drug pa dgos te/ de gnyis ni shes bzhin stobs su
gyur pas bsgrubs pa'i phyir ro/ /de 'dra ba de skye ba la yang
dmigs pa la yengs na'ang myur du dmigs

pa dran pa dang dang po nas dmigs pa las g.yeng bar mi byed
pa'i dran pa dgos pas sems gsum pa dang bzhi pa dgos te/ de
gnyis ni dran pa de gnyis kyis bsgrubs pa yin pa'i phyir ro/ /de
skye ba la yang thog mar sems dmigs pa la

'dogs pa dang/ btags pa de'i rgyun mi g.yeng ba dgos pas sems
dang po gnyis sngon du skye ba yin no/ /de ltar na mdor bsdu na
dang por gdams ngag thos pa'i rjes su 'brangs la sems mnyam par
'jog tshul legs par

@346b bya; de nas de ltar bzhag pa de yang yang bsams la rgyun
cung zad 'thud thub pa'i sgo nas rgyun bskyang/ de nas dran pa
nyams nas g.yengs na myur du bsdu la dmigs pa brjed pa myur du
dran pa dang/ de nas kyang dran pa shugs can bskyed la

dang po nas dmigs pa las mi yengs pa'i dran pa'i stobs bskyed/
dran pa stobs can grub pa dang dmigs pa las gzhan du g.yeng
ba'i bying rgod sogs kyi skyon mthong ba'i sgo nas bya ra byed
pa'i shes bzhin drag po bskyed/ de nas

brjed ngas phra mos g.yengs na'ang de ma thag rig nas rgyun
gcod pa dang bcad nas mi mthun phyogs kyis bar ma bcad pa'i
rgyun je ring du gtong ba'i rtsol ba'i stobs bskyed/ de skyes pa
na 'bad nas bsgoms pas goms pa klong du

gyur nas 'bad rtsol med par ting nge 'dzin du 'gro ba'i sems dgu
pa 'grub pa yin no/ /des na sems dgu pa ma thob pa'i gong yan
chad du rnal 'byor pas sems ting nge 'dzin la 'jog pa'i rtsol ba
phar bya dgos la sems dgu pa thob nas ched du

mnyam par 'jog pa'i rtsol ba ma byas kyang sems ting nge 'dzin
du hril hril 'gro bar 'gyur ro/ /de lta bu'i sems dgu pa 'di
thob kyang shin sbyangs ma thob na 'og nas 'chad pa ltar da dung
zhi gnas thob par yang mi 'jog na lhag mthong thob

pa lta ci smos/ 'on kyang 'di 'dra'i ting nge 'dzin bde gsal mi
rtog pas brgyan pa zhig rnyed na mnyam gzhag dang rjes thob
'dres pa'i rnam par mi rtog pa'i ye shes skyes par 'dod cing/
khyad par du nyan thos kyis nas bshad pa'i sems

@347a @#/ /dgu pa 'di la rnal 'byor bla med kyi rdzogs rim yongs
su rdzogs pa byung bar 'dod pa shin tu mang bar snang ste 'og tu
bshad par bya'o/ /de la yid byed bzhi yod pa'i tshul ni/ nyan sa
las/ de la sems gnas pa

dgu po de dag la yid la byed pa bzhi yod par rig par bya ste/
bsgrims te 'jug pa dang bar du chad cing 'jug pa dang skabs su
chad pa med par 'jug pa dang lhun gyis grub par 'jug pa'o/ /de
la 'jog par byed pa dang yang dag par

'jog par byed pa la ni bsgrims te 'jug pa'i yid la byed pa yod
do/ /bsdus te 'jog par byed pa dang nye bar 'jog par byed pa
dang dul bar byed pa dang zhi bar byed pa dang nye bar zhi bar
byed pa la ni skabs su chad cing 'jug pa'i

yid la byed pa yod do/ /rgyud gcig tu byed pa la ni skabs su
chad pa med par 'jug pa'i yid la byed pa yod do/ /ting nge 'dzin
du byed pa la ni rtsol ba med par 'jug pa'i yid la byed pa yod
do/ /zhes sems dang po gnyis kyi dus su

ni 'bad pas bsgrim dgos pas bsgrims te 'jug pa dang/ de nas sems
lnga'i skabs su ni bying rgod kyis bar du bcad nas thun ring po
skyong mi nus pas skabs su chad cing 'jug pa dang/ de nas sems
brgyad pa la ni

bying rgod kyis bar gcod mi nus par thun ring po skyong thub pas
skabs su chad pa med par 'jug pa dang/ de nas sems dgu pa la ni
bar yang mi chad cing rtsol ba yang rgyun par bsten mi dgos pas
rtsol ba med par

@347b 'jug pa'i yid byed 'jog go/ /'o na sems dang po gnyis kyi
skabs su chad cing 'jug pa yod la/ sems bar pa lnga'i skabs su
yang bsgrim dgos pa yod pa la dang po gnyis la chad cing 'jug
pa'i yid byed yod par mi

'chad pa dang/ bar pa lnga la bsgrims te 'jug pa'i yid byed yod
par mi 'chad pa ci zhe na/ sems dang po gnyis la ni sems ting
nge 'dzin du 'gro ba dang der mi 'gro ba gnyis/ phyi ma ches
ring la bar pa lnga la ni ting nge

'dzin la gnas pa ches ring bas phyi ma la ting nge 'dzin gyi bar
bcad ba'i tha snyad mdzad la snga ma la ma mdzad do/ /de'i phyir
de gnyis ka la bsgrims te 'jug pa yod par ni 'dra mod kyang
skabs su chad cing 'jug pa yod med mi 'dra bas

bsgrims te 'jug pa yod pa'i yid byed du sems lnga po de ma bzhag
go/ /de ltar na sngar bshad pa'i tshogs la gnas par byas nas ting
nge 'dzin bsgrub pa'i brtson 'grus rgyun ldan du bsten na zhi
gnas 'grub kyi/ lan re re gnyis

gnyis tsam bsgrubs nas slar yang sbyor ba dor na mi 'grub par
gsungs te/ phar phyin bsdus pa las/ rgyun mi 'chad pa'i rnal
'byor gyis/ /bsam gtan bsgrub la brtson par bya/ /yang dang yang
zhing ngal bso na/ /gtsubs pas me phyin mi

'gyur te/ /rnal 'byor tshul la'ang de bzhin du/ /khyad par ma
thob gtang mi bya/ /zhes gsungs so/ /bsgoms pas zhi gnas grub
pa'i tshad la gsum/ zhi gnas grub pa dang ma grub pa'i sa mtshams
bstan pa dang/ zhi gnas la brten

@348a @#/ /nas lam bgrod tshul spyir bstan pa dang/ khyad par du
'jig rten pa'i lam bgrod tshul bstan pa'o/ /dang po la gnyis/
dngos kyi don bstan pa dang/ yid byed dang ldan pa'i rtags dogs
gcod dang bcas

pa'o; ;dang po ni/ sngar bshad pa de ltar ting nge 'dzin skyong
tshul legs par shes nas bskyangs pas sems dgu rim pa bzhin skyes
te sems dgu pa bying rgod phra mo dang bral bar thun ring po
skyong nus shing/ de yang dran pa dang shes bzhin

rgyun ldan du bsten pa'i 'bad rtsol la mi bltos pa'i lhun grub
tu 'jug pa'i ting nge 'dzin thob na zhi gnas thob pa yin nam min
snyam na/ bshad par bya ste/ ting nge 'dzin 'di thob pa la shin
tu sbyangs pa thob pa dang ma thob pa gnyis su

yod pas gal te shin sbyangs ma thob na zhi gnas rjes mthun pa
yin gyi/ zhi gnas dngos min pas zhi gnas dang rjes su mthun pa'i
yid la byed pa zhes bya ste/ dgongs 'grel las/ bcom ldan 'das
byang chub sems dpa' de ji srid du sems

la dmigs pa'i sems nang du yid la bgyid pa na lus shin tu
sbyangs pa dang sems shin tu sbyangs pa ma thob pa de'i bar du
yid la bgyid pa de la ci zhes bgyi/ byams pa/ zhi gnas ni ma yin
te zhi gnas kyi rjes su mthun pa'i mos pa dang

mtshungs par ldan pa yin par brjod par bya'o/ /zhes gsal bar
gsungs shing/ mdo sde'i rgyan las kyang/ de goms pa las 'du mi
byed/ /de nas de yi lus dang sems/ /shin tu sbyangs pa che thob
nas/ /yid la byed dang bcas zhes

@348b bya; ;zhes gsungs te/ yid la byed pa ni skabs 'dir zhi
gnas la zer ba yin te/ nyan sa nas gsungs pa 'og tu 'chad pa
ltar ro/ /sgom rim bar pa las kyang/ de ltar zhi gnas goms par
byas pa de'i lus dang sems gang gi tshe shin tu

sbyangs par gyur pa dang ji ltar 'dod pa bzhin du dmigs pa la
sems dbang du gyur pa de'i tshe de'i zhi gnas grub pa yin par rig
par bya'o/ /zhes dmigs pa la gnas pa la rang dbang thob pa dang
shin tu sbyangs pa gnyis dgos par

gsungs so/ /de'i phyir sgom rim dang po las/ gang gi tshe dmigs
pa de nyid la mngon par 'du byed pa med par ji srid 'dod pa'i
bar du sems 'jug par 'gyur ba de'i tshe zhi gnas rdzogs pa yin
par rig par bya ste/ zhes

gsungs pa yang shin sbyangs yod pa la dgongs pa yin te/ sgom rim
bar pa las gsal bar gsungs pa'i phyir ro/ /gzhan yang dbus mtha'
nas spong ba'i 'du byed brgyad bshad pa'i btang snyoms ni 'di'i
sems dgu

pa dang gnad gcig yin la/ de tsam gyis mi chog par de las shin
sbyangs kyang gsungs pa'i phyir ro/ /sher phyin man ngag las
kyang/ 'di ni byang chub sems dpa' gcig pu dben par gnas bcas la
ji ltar bsams pa'i

don yid la bya ste/ yid kyi brjod pa spangs nas sems nyid de
ltar snang ba la lan mang du yid la byas te/ ji srid du lus dang
sems shin tu sbyangs pa ma skyes kyi bar du zhi gnas dang rjes
su mthun pa'i yid la byed pa yin la/ gang

@349a @#/ /gi tshe skyes pa de'i tshe zhi gnas yin no/ /zhes shin
tu gsal bar gsungs te/ de dag thams cad kyang mdo sde dgongs
'grel gyi don gtan la phab pa'o/ /'o na shin tu sbyangs pa ma
skyes pa'i gong gi

ting nge 'dzin de sa gang gis bsdus pa yin zhe na/ ting nge
'dzin de ni 'dod pa khams kyi sas bsdus pa yin te/ khams gsum
gyi sa dgu gang rung gis bsdus la bsam gtan dang po'i nyer
bsdogs yan chad ma yin pa'i phyir te/

nyer bsdogs thob na zhi gnas nges par thob dgos pa'i phyir ro/
/'dod pa'i sa la de 'dra ba'i ting nge 'dzin yod kyang mnyam par
ma bzhag pa'i sa yin gyi/ mnyam par bzhag pa'i sa zhes mi 'jog
pa'i rgyu mtshan ni/ 'gyod pa med

pa dang dga' bde mchog dang shin tu sbyangs pas ma bsgrubs pa'i
phyir ro/ /de ltar yang sa'i dngos gzhi las/ ci'i phyir de kho
na la mnyam par bzhag pa'i sa zhes bya la gang 'dod pa'i khams
kyi rtse gcig pa nyid ni ma yin zhe na/

'di ltar ting nge 'dzin de ni 'gyod pa med pa dang mchog tu dga'
ba dang shin tu sbyangs pa dang bde bas mngon par bsgrubs pa yin
la/ 'dod pa na sbyod pa ni de lta ma yin te 'dod pa'i khams na
yang dag pa'i chos nye bar sems pa med pa ni ma yin

no; ;zhes gsungs so/ /de ltar na shin tu sbyangs pa ma thob na
dran pa nar mar ma bsten yang sems mi rtog par rang shugs kyis
'gro zhing/ de yang 'gro 'chag nyal 'dug gi spyod lam thams cad
dang 'dre thub pa ltar snang ba'i ting nge 'dzin ni

@349b 'dod sems rtse gcig pa zhes bya ba yin gyi/ zhi gnas dngos
su 'jog tu mi rung bar shes par bya'o/ /'o na shin tu sbyangs pa
thob lugs de ci 'dra zhig yin/ de thob nas zhi gnas su 'gro lugs
kyang ji 'dra yin snyam na/ de la shin

tu sbyangs pa ni/ kun las btus las/ shin tu sbyangs pa gang zhe
na/ lus dang sems kyi gnas ngan len rnams kyi rgyun gcod pa'i
phyir lus dang sems las su rung ba nyid de sgrib pa thams cad
sel ba'i las can no/ /zhes

gsungs pa ltar shes par bya'o/ /lus dang sems kyi gnas ngan len
ni lus dang sems dge ba'i bya ba bsgrub pa la ji ltar 'dod pa
ltar du bkol du mi rung ba yin la/ de'i gnyen po lus dang sems
shin tu sbyangs pa ni lus

sems kyi gnas ngan len gnyis dang bral bas lus dang sems dge
ba'i bya ba la bkol ba la shin tu las su rung ba'o/ /de yang
nyon mongs spong ba la dga' ba la bar du gcod cing nyon mongs
pa'i phyogs su gyur pa'i lus kyi

gnas ngan len nyon mongs spong ba la rtsol ba na/ lus lci ba la
sogs pa'i las su mi rung ba dang bral nas lus ldang ba yang ba
ni lus las su rung ba'o/ /de bzhin du nyon mongs spong ba la
dga' ba la bar du gcod byed nyon mongs

kyi phyogs su gyur pa'i sems kyi gnas ngan len nyon mongs spong
ba'i phyir du rtsol ba na/ dge ba'i dmigs pa la gtod pa la dga'
mgur 'jug tu mi rung ba dang bral nas sems dmigs pa la thogs pa
med par 'jug pa ni

@350a @#/ /sems las su rung ba'o/ /de ltar yang slob dpon blo
brtan gyis/ de la lus las su rung ba ni lus kyi rang gi bya ba
rnams la ldang ba yang ba gang las 'byung ba'o/ /sems las su
rung ba ni yang dag par

yid la byed pa la zhugs pa'i sems kyi sim pa dang yang bar 'gyur
ba'i rgyu sems las byung ba'i chos gzhan du gyur pa gang yin pa
ste/ de dang ldan na dmigs pa la thogs pa med par 'jug pas de'i
phyir sems las su rung ba zhes

bya'o; ;zhes gsungs te/ mdor na shin sbyangs thob na nyon mongs
spong ba la rtsol bar 'dod kyang/ las la ngan rang gi bya ba la
'jug pa ltar mtsher snang gis 'jug par dka' ba'i lus sems las su
mi rung ba log nas/

lus sems shin tu bkol bde ba dang ldan par 'gyur ro/ /de lta
bu'i lus dang sems las su rung ba yongs su rdzogs pa de yang
ting nge 'dzin thog ma rnyed pa nas cha phra mo re 'byung bas de
je cher song ba las mthar shin tu sbyangs

pa dang rtse gcig pa'i zhi gnas su 'gyur la/ de yang dang po
phra bas rig dka' zhing phyis nas ni rig par sla ba 'byung ste/
nyan sa las/ de'i dang po kho nar yang dag pa'i sbyor ba la
rtsom pa'i tshe sems shin tu sbyangs pa dang lus shin

tu sbyangs pa dang sems dang lus las su rung ba 'byung ba ni
phra ba ste brtag par dka' ba yin no/ /zhes dang/ de'i sems rtse
gcig pa nyid dang sems dang lus shin tu sbyangs pa de nyid mngon
par 'phel ba na/ 'di lta ste/ rgyu gcig

@350b nas gcig tu brgyud de len pa'i tshul gyis rags shing brtag
par sla ba'i sems rtse gcig pa nyid dang sems dang lus shin tu
sbyangs pa 'dren par byed de/ zhes gsungs so/ /mtshan nyid yongs
su rdzogs shing brtag par sla

ba'i shin sbyangs de skye ba'i snga ltas ni/ ting nge 'dzin
bsgom pa la brtson pa'i gang zag de'i klad pa lci bem pa snyam
byed pa skye ste/ mi bde ba'i lci ba ni ma yin no/ /de skyes ma
thag tu nyon mongs spong ba la dga' ba'i bar gcod byed

pa'i sems kyi gnas ngan len dang bral bar 'gyur zhing/ de'i
gnyen po sems shin tu sbyangs pa sngon la skye ste/ nyan sa las/
ji tsam na de'i rags shing brtag par sla ba'i sems rtse gcig pa
nyid dang sems dang lus shin

tu sbyangs pa ring po mi thogs par skye bar 'gyur ba'i snga ltas
su de'i klad pa lci bar snang ba skye bar 'gyur te/ de yang gnod
pa'i mtshan nyid ni ma yin no/ /de skyes ma thag tu spong ba la
dga' ba'i bar gcod byed pa nyon mongs pa

rnams kyi phyogs su gyur pa sems kyi gnas ngan len gang yin pa
de spong bar 'gyur zhing/ de'i gnyen po sems las su rung ba dang
sems shin tu sbyangs pa yang skye bar 'gyur ro/ /zhes gsungs so/
/de nas sems las su

rung ba'i shin tu sbyangs pa de skyes pa'i mthu la brten nas lus
shin tu sbyangs pa skye ba'i rgyur gyur pa'i rlung lus la rgyu
bar 'gyur ro/ /rlung de lus kyi cha rnams la khyab par brgyus pa
na/ lus kyi gnas ngan len dang bral bar

@351a @#/ /'gyur zhing lus kyi gnas ngan len gyi gnyen po lus
shin tu sbyangs pa skye ste/ de yang lus thams cad rgyas nas las
su rung ba'i rlung gi mthus gang ba bzhin du snang bar 'gyur te/
nyan sa las/ de

skyes pas lus shin tu sbyangs pa skye ba dang mthun pa 'byung ba
chen po'i rlung dag lus la rgyu bar 'gyur te/ de dag rgyu ba'i
dus na spong ba la dga' ba'i bar gcod byed pa nyon mongs pa'i
phyogs su gyur pa lus kyi gnas ngan len

gang yin pa de dang 'bral bar 'gyur zhing/ de'i gnyen po lus
shin tu sbyangs pa lus thams cad rgyas te gang ba bzhin du snang
bar 'gyur ro/ /zhes gsungs so/ /de la lus shin tu sbyangs pa ni
lus kyi nang gi reg bya ches

yid du 'ong ba zhig yin gyi sems byung ni min te/ slob dpon blo
brtan gyis/ lus kyi reg bya'i khyad par dga' bas zin na lus shin
tu sbyangs par rig par bya ste/ yid dga' na lus shin tu sbyangs
par 'gyur ro/ /zhes

mdo las 'byung ba'i phyir ro/ /zhes gsungs so/ /de ltar lus shin
sbyangs thog mar skyes pa'i tshe na rlung gi mthus lus la bde
ba'i nyams chen po skyes pa la brten nas sems la yang dga' bde'i
nyams ches phul du

byung ba 'byung bar 'gyur ro/ /de'i rjes su shin sbyangs thog
mar skyes pa'i shugs de rim gyis chung du 'gro ste/ de yang shin
sbyangs zad nas 'gro ba min gyi/ rags pa des sems ha cang g.yo
bas de log nas grib ma ltar

@351b srab pa'i shin tu sbyangs pa mi g.yo ba ting nge 'dzin
dang mthun pa 'byung ba yin no/ /sems dga' yal yal ba de yang
log nas/ de nas sems dmigs pa la brtan par gnas shing dga' ba
chen pos bskyod pa'i ma zhi ba dang bral

ba'i zhi gnas 'thob pa yin te/ nyan sa las/ dang por de skyes
par gyur pa de'i tshe na sems dga' ba dang sems shin tu nyams bde
ba dang sems mchog tu dga' ba dang ldan pa la dmigs pa dang
mngon par dga' ba dang

bcas par yang snang bar 'gyur ro/ /de'i 'og tu shin tu sbyangs
pa'i shugs dang po skyes pa gang yin pa de khad kyis khad kyis
shin tu phra bar 'gyur zhing/ lus la shin tu sbyangs pa grib ma
lta bu dang ldan par 'gyur ro/ /sems dga'

ba gang yin pa de yang spong bar 'gyur zhing sems zhi gnas kyis
nye bar brtan cing rab tu zhi ba'i rnam pas dmigs pa la 'jug par
'gyur ro/ /zhes gsungs so/ /de lta bu byung nas zhi gnas thob
pa'am/ yid la byed dang

bcas zhes bya/ /zhes gsungs pa ltar yid la byed pa thob pa zhes
pa'i grangs su chud par 'gyur te/ bsam gtan dang po'i nyer
bsdogs kyis bsdus pa'i zhi gnas thob pas mnyam par bzhag pa'i sa
pa'i yid byed chung shos

thob pa'i phyir ro/ /de ltar yang nyan sa las/ de'i 'og tu rnal
'byor pa las dang po pa de yid la byed pa dang bcas pa yin te/
yid la byed pa dang bcas pa zhes bya ba'i grangs su 'gro'o/ /de
ci'i phyir zhen/ des dang por

@352a @#/ /gzugs na spyod pa mnyam par bzhag pa'i sa pa'i yid la
byed pa chung ngu thob pa'i phyir te/ des na yid la byed pa dang
bcas pa zhes bya'o/ /zhes gsungs so/ /mnyam par bzhag pa'i sa ni
khams gong ma

gnyis kyi sa'i ming gi rnam grangs so/ /gnyis pa la yid byed
dang ldan pa'i rtags ni/ gang dang ldan na yid byed thob pa'o/
/zhes rang dang gzhan gyis rig par bya ba'i rtags dang mtshan ma
ni de lta bu thob pa des gzugs kyi

sas bsdus pa'i sems dang lus dang sems shin tu sbyangs pa dang
sems rtse gcig pa bzhi po chung ngu thob pa dang/ zhi rags kyi
rnam pa can nam bden pa'i rnam pa can gyi lam gyis nyon mongs pa
rnam par sbyong ba la nus pa

dang ldan par 'gyur ba dang/ nang du mnyam par bzhag pa na myur
ba myur bar lus sems shin sbyangs skye bar 'gyur ba dang 'dod pa
la 'dun pa la sogs pa'i sgrib pa lnga phal cher mi 'byung ba
dang/ mnyam gzhag las langs pa'i tshe yang

lus sems shin sbyangs 'ga' re dang ldan pa rnams yin no/ /de
ltar yang nyan sa las/ las dang po pa yid la byed pa dang bcas
pa de'i rtags ni 'di dag yin te/ des gzugs na spyod pa'i sems
chung ngu thob pa dang lus shin tu sbyangs pa

dang sems shin tu sbyangs pa dang sems rtse gcig pa chung ngu
thob pa dang nyon mongs pa rnam par sbyong ba'i dmigs pa la
sbyor ba'i skal ba ? yod cing/ nus pa dang de'i sems kyi rgyud
'jam par 'gyur ba dang zhi gnas kyis nye bar

@352b dkris pa dang/ zhes dang/ de nang du yang dag 'jog la 'dug
ste/ sems gtod par byed pa na myur ba myur bar sems dang lus
shin tu sbyangs par 'gyur ba dang/ lus kyi gnas ngan len dag gis
shin tu gnod par mi 'gyur ba

dang sgrib pa rnams shas cher kun tu mi rgyu pa dang/ zhes pa
dang/ langs te rgyu ba na yang lus dang sems shin tu sbyangs pa
kha cig dang ldan par 'gyur ba dang de lta bu dang mthun pa dag
ni yid la byed pa dang bcas pa'i rtags dang mtshan

ma yongs su byang ba dag yin par rig par bya'o/ /zhes gsungs so/
/de ltar rtags de dag dang ldan pa'i yid byed de thob nas ni zhi
gnas kyi lam yongs su dag par 'gyur ba ches sla ste/ 'di ltar
sems rtse gcig pa'i zhi gnas

la mnyam par bzhag pa'i mjug tu myur por lus dang sems shin tu
sbyangs pa 'dren par nus pas shin tu sbyangs pa 'phel bar 'gyur
la/ shin sbyangs ji tsam 'phel ba tsam gyis kyang rtse gcig pa'i
zhi gnas 'phel bas phan

tshun gcig gis gcig spel bar byed pa'i phyir ro/ /de ltar yang
nyan sa las/ ji lta ji ltar de'i lus dang sems shin tu sbyangs
pa rnam par 'phel ba de lta de ltar dmigs pa la sems rtse gcig
pa nyid rnam par 'phel bar

'gyur la/ ji lta ji ltar sems rtse gcig pa nyid rnam par 'phel
ba de lta de ltar lus dang sems shin tu sbyangs pa yang rnam par
'phel bar 'gyur te/ chos gnyis po 'di lta ste/ sems rtse gcig pa
nyid dang shin tu sbyangs

@353a @#/ /pa de dag ni gcig la gcig brten pa dang gcig la gcig
rag las pa yin no/ /zhes gsungs so/ /mdor na sems las su rung ba
na rlung sems 'jug pa gcig tu song bas rlung las su rung

bar 'gyur la/ de'i tshe lus shin tu sbyangs pa khyad par du 'phag
pa 'byung zhing/ de byung ba na sems kyi steng du ting nge 'dzin
khyad par can skye ba dang/ des kyang rlung las su rung ba khyad
par can du bsgrubs pas lus dang

sems shin sbyangs 'dren pa ste sngar bshad pa ltar ro/ /dogs pa
bcad pa ni/ de ltar dran pa dang shes bzhin la rgyun pa'i 'bad
rtsol ma byas kyang/ sems ting nge 'dzin du 'gro ba'i mi rtog
pa'i sems dgu pa'i skabs

su bshad pa dang/ de yang bying ba ? phra mo nas kyang bkag pa'i
gsal cha'i ngar dang ldan pa dang sngar lus shin sbyangs kyi
skabs su bshad pa ltar rlung las su rung ba'i mthus lus dang
sems la phul du byung ba'i bde ba ster

ba'i ting nge 'dzin sngar rtags kyi skabs su bshad pa ltar/ 'dod
pa la 'dun pa sogs kyi nye ba'i nyon mongs rnams kyang phal cher
mi rgyu ba dang mnyam gzhag las langs pa'i tshe yang shin tu
sbyangs pa dang mi

'bral ba'i yon tan dang ldan pa de skyes pa na lam lnga'i skabs
gang du 'jog ce na/ 'di 'dra ba'i ting nge 'dzin skyes na ni
sbyir theg pa chen po'i lam du 'jog cing/ khyad par du shin
sbyangs skye ba dang rjes su mthun

@353b pa'i rlung gis lus thams cad bde bas gang ba ltar snang ba
la brten pa'i lus dang sems la bde nyams chen po skye ba dang de
yang mi rtog pa dang ches gsal ba'i khyad par dang ldan par
mthong nas rnal 'byor bla med kyi

rdzogs rim mtshan nyid yongs su rdzogs pa'i rnal 'byor du 'dod pa
sngon dang da ltar gyi dus na shin tu mang bar byung zhing snang
ngo/ /'on kyang rje btsun ma pham pa dang 'phags pa thogs med la
sogs pa'i gzhung che ba dang/ dbu

ma'i sgom rim la sogs pa'i ting nge 'dzin gyi rim pa gsal bar
ston pa'i tshad ldan gyi gzhung la brten nas dpyad na ni 'di 'dra
ba'i ting nge 'dzin de theg pa chen po lta ci smos/ theg pa dman
pa'i lam du yang bzhag par

mi nus te/ nyan thos kyi sa las/ bsam gtan dang po'i dngos gzhi
bsgrub pa'i zhi rags kyi rnam pa can du lta ba'i 'jig rten pa'i
lam rnams kyang ting nge 'dzin 'di la brten nas bsgrub par
gsungs pa'i phyir ro/ /de'i phyir

phyi rol pa'i drang srong 'jig rten pa'i lam gyis ci yang med pa
man chad kyi sa 'og ma la chags pa dang 'bral bar byed pa rnams
kyis kyang 'di la brten nas lam gong mar bgrod dgos pas phyi pa
dang nang pa gnyis ka'i

ting nge 'dzin thun mong ba yin no/ /'di yang bdag med pa phyin
ci ma log par rtogs pa'i lta ba dang srid pa mtha' dag gi skyon
legs par rtogs nas 'khor ba la yid 'byung zhing thar pa don
gnyer gyi nges 'byung gi

@354a @#/ /bsam pas zin na thar pa'i lam du 'gyur zhing/ byang
chub kyi sems rin po ches zin na ni theg pa chen po'i lam du
yang 'gyur te/ dper na/ dud 'gro la zan changs gcig ster ba'i
sbyin pa dang tshul

khrims sna gcig bsrungs pa yang bsam pa de dag gis zin na rim pa
ltar thar pa dang thams cad mkhyen pa'i lam gyi tshogs su 'gyur
ba dang 'dra'o/ /'on kyang 'dir ni lam gzhan zhig gis zin pa'i
sgo nas thar pa dang thams

cad mkhyen pa'i lam du 'gro mi 'gro dpyod pa min gyi/ ting nge
'dzin de rang gi ngo bo'i sgo nas lam gang du 'gro dpyod pa yin
no/ /dbu ma pa dang sems tsam pa yang lhag mthong gi lta ba'i
yul ji ltar gtan la 'bebs pa la mi mthun pa yod

kyang; spyir zhi lhag gi ngos 'dzin dang de dag gi rtogs pa
rgyud la bskyed lugs kyi spyi la mi mthun pa med do/ /des na
'phags pa thogs med kyis byang sa dang gtan la dbab pa bsdu ba
dang kun las btus dang nyan thos kyis

rnams su zhi gnas dang lhag mthong gnyis so sor byas pa'i nang
nas zhi gnas bsgrub pa na sems dgu'i rim pas bsgrub par gsungs
shing/ de yang nyan thos kyi sar rgyas par gtan la phab pa yin
pas ting nge 'dzin de dag  

lhag mthong gi sgrub lugs su mi bzhed de/ gzhung de dag tu lhag
mthong sems dgu las logs su bshad cing de'i sgrub lugs kyang
nyan sar zur du bshad pa'i phyir ro/ /de bzhin du dbu ma'i sgom
rim rnams dang sher phyin

@354b man ngag las kyang/ sems dgu zhi gnas kyi lam dang lhag
mthong gi lam zur du gsungs la/ byams chos nas gsungs pa rnams
kyang thogs med kyis bkral pa las logs na med pas shing rta chen
po thams cad 'di la

dgongs pa gcig tu snang ngo/ /gal te nyan sa nas bshad pa de la
bde ba dang gsal ba 'ong du chug kyang/ mi rtog pa zab mo med
pas zhi gnas tsam yin la/ mi rtog pa yod na ni stong pa nyid kyi
ting nge 'dzin du 'gyur ro snyam

na; mi rtog pa zab mo zhes pa'i zab mo'i don gang yin so sor
rtog pa'i shes rab kyis lta ba'i phu thag bcad nas/ de nas de'i
steng du mi rtog par bzhag pa la byed dam gang du yang mi rtog
mi dpyod par bzhag pa tsam la byed/

dang po ltar na de 'dra ba de stong pa nyid kyi ting nge 'dzin
du kho bo cag kyang 'dod do/ /khyed de ltar 'dod na ni yin lugs
kyi lta ba'i go ba yod pa dang med pa gnyis so sor phye la/ lta
ba yod pa'i gang zag lta thog tu bzhag nas mi rtog bskyong

ba rnams ni zab mo stong pa nyid kyi ting nge 'dzin bsgom pa yin
no/ /lta ba'i go ba med pa'i gang zag cir yang mi rtog par bsgom
pa rnams kyi sgom ni zab mo stong pa nyid bsgom pa ma yin no
zhes so sor phye nas sgrog par rigs kyi/ ci

yang mi sems par bsgom tshad thams cad dmigs med dam mtshan med
dam stong pa nyid la bsam gtan pa'o zhes smra bar mi bya'o/ /gal
te stong pa nyid khong du chud pa'i lta ba yod dam med kyang sla
yi/ sems cir yang mi rtog cir yang

@355a @#/ /mi dpyod par 'jog pa'i sgom thams cad stong pa nyid
kyi ting nge 'dzin du 'dod na ni/ sngar bshad pa'i nyan thos kyi
sar gsungs pa'i zhi gnas kyi phyogs kyi ting nge 'dzin 'di rnams
kyang mi 'dod bzhin du stong pa

nyid kyi ting nge 'dzin du khas blang dgos te/ de dag kyang ting
nge 'dzin la bzhag pa'i tshe na dran pa dang shes bzhin mthu
chung du song na bya ra byed pa sogs kyi skabs 'ga' zhig ma
gtogs pa 'di ni 'di yin no 'di ni 'di min no/ /

zhes cung zad tsam yang mi rtog par skyong ba yin pa'i phyir ro/
/des na zhi gnas bsgrub pa'i ting nge 'dzin rnams rnam par rtog
pa med pa'i gzugs brnyan la dmigs par dgongs 'grel las gsungs
so/ /nyan sa las

kyang; de de'i tshe na rnam par rtog pa med pas gzugs brnyan de
la dmigs par byed cing/ de dmigs pa de la phyogs gcig kho nas
dran pa rtse gcig tu 'jog par byed kyi/ rnam par lta bar mi byed
cing rnam par

'byed par mi byed rab tu rnam par 'byed par mi byed yongs su
rtog par mi byed yongs su dpyod par mi byed pa yin no/ /zhes zhi
lhag gnyis kyi nang nas zhi gnas la de ltar bshad pa'i phyir
dang/ yang de nyid las

de ltar zhi gnas kyi sems thob pa dang gal te brjed ngas pa dang
ma goms pa'i nyes pas mtshan ma dang rnam par rtog pa dang nye
ba'i nyon mongs pa dag gis snang bar 'gyur sgo ston par 'gyur
dmigs par byed par 'gyur na/ de

@355b byung ngo cog la 'di lta ste/ nyes dmigs sngar mthong ba
de nyid kyi dbang du byas te dran pa med pa dang yid la byed pa
med par byas te/ de ltar dran pa med pa dang yid la byed pa med
pas dmigs pa de rnam par bshig cing/ rnam

par bsal na snang ba med pa nyid la nye bar bzhag par 'gyur ro/
/zhes gsungs te/ 'di ni zhi gnas tsam zhig bsgrub pa'i skabs su
gsungs la/ zhi gnas bsgrub pa'i skabs su ni dpyad nas skyong ba
med par 'jog pa'i sgom nyid

du gzhung tshad ldan rnams nas gsungs pas cir yang mi rtog pa'i
sgom thams cad stong pa nyid bsgom pa'i nyams len du 'dod pa ni
mkhas pa'i bzhad gad kyi gnas yin la/ khyad par du dran pa med
cing yid la bya ba med pa'i

sgom du gsungs pa gang yin thams cad stong nyid bsgom par 'dod
pa'ang/ nyan sa'i lung des legs par bkag pa yin no/ /gzhan yang
sgom rim dang po las/ zhi gnas kyi ngo bo nyid ni sems rtse gcig
pa tsam du zad pa'i phyir ro/ /

'di ni zhi gnas thams cad kyi spyi'i mtshan nyid yin no/ /zhes pa
dang/ sher phyin man ngag las kyang/ sna tshogs snang ba'i sems
de nyid la dmigs nas yid kyi brjod pa spangs la zhi gnas bsgom
par bya ste/ zhes gsungs te/

yid kyi brjod pa ni 'di ni 'di'o zhes rnam par rtog pa'o/ /gzhan
yang sngar dkon mchog sprin las/ zhi gnas sems rtse gcig pa nyid
la bshad pa la sogs pa mdo dang shing rta chen po'i gzhung mang
du drangs nas zhi gnas ni cir   

@356a @#/ /yang mi rtog pa la lan mang du bshad zin to/ /des na
stong pa nyid bsgom pa'i mi rtog pa zhig dang stong pa nyid cung
zad kyang ma rtogs pa'i mi rtog pa gnyis yod pas/ bde gsal mi
rtog pa byung tshad thams

cad stong pa nyid kyi sgom du gzung bar mi bya'o/ /de ltar na
'di rnams kyang phyogs tsam bstan pa ste/ legs par 'bad nas
byams pa dang thogs med la sogs pas bkral ba'i zhi gnas dang
lhag mthong gi sgrub lugs shes par bya ste/

de ltar ma byas na zhi gnas su yang ma sleb pa'i mi rtog par
'jog pa'i ting nge 'dzin 'ga' zhig la srid pa'i rtsa ba gcod
pa'i lhag mthong du 'khrul nas/ de la dmigs med du rlom nas dus
rnams 'das pas rang gzhan bslu bar gdon mi

za'o; ;mkhas grub tshad ldan rnams kyi gzhung nas zhi gnas gsar
du bsgrub pa na 'jog sgom mi rtog par 'jog pa kho na dang/ lhag
mthong dang por bsgrub pa na so sor rtog pa'i shes rab kyis so
sor phye nas dpyad de bsgom par gsungs snang

ba la; rtog pa thams cad bden 'dzin du bzung nas de thams cad
dor te/ gzhung tshad ldan rnams las legs par go bzlog nas bdag
med pa'i lta ba ma nor ba ma rnyed kyang/ cir yang mi rtog pa
lhag mthong zab mo'i don sgom par byed pa ni/

rgya nag gi mkhan po hwa shang gi lugs gzhan dang ma 'dres pa
kho nar snang ste/ sgom rim gsum zhib tu ltos shig dang shes par
'gyur ro/ /gnyis pa zhi gnas la brten nas lam bgrod pa'i tshul
spyir bstan pa ni/ de ltar sngar bshad

@356b ba'i mi rtog pa'i ting nge 'dzin yid la byed pa thob pa
des gsal ba dang/ mi rtog pa la sogs pa'i khyad par can gyi mi
rtog pa de tsam zhig bskyang bar bya'am zhe na/ 'di 'dra ba'i
ting nge 'dzin rgyud la bskyed pa ni nyon mongs pa 'joms

pa'i lhag mthong bskyed pa'i phyir yin pas de la brten nas lhag
mthong ma bskyed na ting nge 'dzin de la ci tsam goms par byas
kyang/ 'dod pa'i khams kyi nyon mongs rnams kyang spong bar mi
nus na nyon mongs pa thams cad spong ba lta

smos kyang ci dgos/ de'i phyir lhag mthong bsgom par bya dgos
so/ /de yang nyon mongs mngon gyur spong ba'i 'jig rten pa'i lam
gyis bgrod pa'i lhag mthong dang/ nyon mongs kyi sa bon rtsa ba
nas spong ba'i 'jig rten las 'das pa'i lam

gyis bgrod pa'i lhag mthong gnyis las gzhan pa'i lam gong du
bgrod thabs med de/ nyan sa las/ de ltar yid la byed pa thob
pa'i rnal 'byor pa spong ba'i dga' ba chung ngu la zhugs pa de'i
gong du bgrod par bya ba ni gzhan med de/

gnyis kho nar zad do/ /gnyis gang zhe na 'di lta ste 'jig rten
pa'i dang/ 'jig rten las 'das pa'i'o/ /zhes gsungs so/ /de ltar
zhi gnas sam yid byed thob pa des 'jig rten pa'i lam gyi lhag
mthong ngam/ 'jig rten las 'das

pa'i lam gyis 'gro ba'i lhag mthong gang bsgom yang de bsgom
'dod pa des/ sngar thob pa'i zhi gnas de la lan mang du sgom par
byed la/ de ltar bsgoms pa na shin tu sbyangs pa dang sems rtse
gcig pa de shin tu 'phel zhing zhi gnas de yang

@357a @#/ /shin tu brtan par 'gyur ro/ /gzhan yang zhi lhag gi
mtshan ma rnams la yang mkhas par byed la/ de'i 'og tu lam gnyis
gang yang rung bas 'gro 'dod pa de la rtsom par byed de/ nyan sa
las/ de la

las dang po pa'i rnal 'byor pa yid la byed pa dang bcas pa de ni
bdag 'jig rten pa'am 'jig rten las 'das pa'i bgrod pas 'gro bar
bya'o snyam nas yid la byed pa de nyid la lan mang du byed do/
/ji lta ji ltar lan mang du byed pa de lta

de ltar nyin mtshan de dang de dag 'das pas de'i shin tu sbyangs
pa dang sems rtse gcig pa nyid de 'phel zhing rgyas pa dang
yangs par 'gyur ro/ /gang gi tshe de yi yid la byed pa dam zhing
brtan la sra ba dang dmigs pa yongs su dag pa

la mos pa 'jug par 'gyur ba dang zhi gnas dang lhag mthong gi
phyogs kyi mtshan ma rnams kyang yongs su zin par gyur pa de'i
tshe na/ de 'jig rten pa'i lam mam 'jig rten las 'das pa'i lam
gang gis 'gro bar 'dod pa de

la sbyor ba rtsom par byed do/ /zhes gsungs so/ /de la 'jig rten
pa'i lhag mthong ni sa 'og ma la rags pa dang/ sa gong ma la zhi
bar lta ba'i zhi rags kyi rnam pa can gyi sgom mo/ /'jig rten
las 'das pa'i lhag mthong nyan

sar gsungs pa ni bden bzhi la mi rtag pa la sogs pa bcu drug gi
rnam pa can du blta ba'i sgom ste/ gtso bo ni gang zag gi bdag
med rtogs pa'i lta ba'o/ /de ltar sngar bshad pa'i zhi gnas kyi
yid byed de thob pa tshe de la 'jig

@357b rten las 'das pa'i lam gyis mi 'gro la/ 'jig rten pa'i lam
gyis 'gro ba'i gang zag ji 'dra yod pa ni/ nyan sa las/ de la
gang dag tshe 'di la 'jig rten pa'i lam kho nas 'gro bar 'gyur
zhing 'jig rten las 'das pa'i lam

gyis ma yin pa'i gang zag du yod ce na/ smras pa/ bzhi ste/ 'di
lta ste/ 'di las phyi rol pa thams cad dang chos 'di pa yin
kyang/ sngon zhi gnas spyod spyod pa dbang po rtul po dang de
bzhin du dbang po rno yang dge ba'i rtsa ba yongs

su ma smin pa dang/ byang chub sems dpa' phyi ma la byang chub
thob par 'dod cing tshe 'di la ma yin pa ste/ zhes gsungs pa ltar
ro/ /de la phyi rol pa'i rnal 'byor pa sngar bshad pa'i zhi gnas
thob pa thams cad ni gang zag gi

bdag med pa la so sor rtog pa'i shes rab kyis dpyad nas skyong
ba med de/ de dag bdag med pa la mi mos pa'i phyir ro/ /de'i
phyir yang na zhi gnas mi rtog pa de nyid tsam zhig skyong la/
yang na zhi rags kyi rnam pa can gyi lhag mthong

bsgom pa tsam byed pas 'jig rten pa'i lam kho nas 'gro ba'o/
/chos 'di pa sangs rgyas pa yin kyang sngon zhi gnas kyi 'jog
sgom tsam zhig la goms pa shas cher bsten bsten pa'i dbang po
rtul po yin na ni/ so sor

rtog pa'i shes rab kyis bdag med pa'i don la dbyad ? nas bsgom
pa la mi dga' ba'am/ dga' yang bdag med pa'i don go mi nus pas
tshe de la 'jig rten pa'i lam kho nas 'gro ba yin te/ yang na
gnas cha de kho na skyong bar

@358a @#/ /byed la/ yang na ni zhi rags kyi rnam pa can gyi lhag
mthong tsam zhig bsgom pa'i phyir ro/ /nang pa sangs rgyas pa
dbang rnon bdag med pa'i don khong du chud kyang bden pa
mngon
sum du rtogs

pa'i dge rtsa ma smin pa yin na'ang tshe de la 'jig rten las 'das
pa'i zag med kyi 'phags lam bskyed mi nus pas 'jig rten pa'i lam
kho nas 'gro ba zhes bya yi/ bdag med pa la dmigs pa'i lhag
mthong bsgom par mi nus

pa min no/ /byang sems 'tshang rgya ba la skye ba gcig gis thogs
pa yang srid pa tha ma pa skye ba phyi ma'i dus der sbyor lam
nas bzung ste lam bzhi rgyud la bskyed kyi/ skye ba gcig gis
thogs pa'i dus su 'phags lam mi bskyed

pas tshe de la 'jig rten pa'i lam gyis 'gro ba zhes bya yi/ bdag
med pa'i don ma rtogs pa min no/ /'di ni mdzod las/ ston dang
bse ru byang chub pa/ /bsam gtan mtha' rten gcig la kun/ /de yi
sngon du thar cha

mthun/ /zhes gsungs pa dang mthun pa'i theg dman gyi gzhung gi
'tshang rgya tshul yin gyi/ slob dpon 'phags pa thogs med rang gi
bzhed pa min no/ /de ltar na phyi rol pa zhi rags kyi rnam pa
can gyi lam bsgoms nas

nyon mongs mngon gyur spong ba dang/ nang pa sangs rgyas pa
bdag
med pa'i don bsgoms nas nyon mongs rtsa ba nas spong ba gang yin
kyang thog mar sngar bshad pa'i zhi gnas kyi ting nge 'dzin de
thob dgos pas sngar bshad

@358b pa'i zhi gnas de ni phyi nang gnyis ka'i rnal 'byor pa
rnams kyi nyon mongs spong ba'i gzhir dgos la/ der ma zad theg
chen pa dang theg dman pa gnyis kyi rnal 'byor pa gang gis kyang
ting nge 'dzin de bsgrub dgos shing/ theg

chen pa la'ang sngags dang phar phyin theg pa'i rnal 'byor pa
thams cad kyis kyang zhi gnas bsgrub dgos pas zhi gnas 'di ni
rnal 'byor pa thams cad kyi lam bgrod pa'i gzhir shin tu gal
che'o/ /sngags kyi gzhung rnams nas

bshad pa'i zhi gnas kyang lha'i sku la dmigs pa'am phyag mtshan
nam yi ge la sogs pa la dmigs nas skyong ba la sogs pa dmigs
pa'i khyad par dang bskyed pa'i thabs 'ga' zhig gi khyad par ma
gtogs pa ting nge 'dzin

gyi skyon le lo la sogs pa lnga spong dgos pa dang/ de dag gi
gnyen po dran pa dang shes bzhin la sogs pa bsten tshul dang/ de
nas sems dgu pa 'thob pa dang de las shin sbyangs skye ba la
sogs pa thams cad thun mong ba yin

pas ting nge 'dzin 'di ni shin tu rgya che ba yin no/ /de la
dgongs nas mdo sde dgongs 'grel las/ theg pa che chung gi ting
nge 'dzin thams cad zhi lhag gi ting nge 'dzin du 'du bar gsungs
pas ting nge 'dzin la mkhas par 'dod

pas zhi lhag gnyis la mkhas par bya'o/ /de 'dra ba'i ting nge
'dzin zhi gnas kyi yid byed de bskyed pa'i dgos pa shin tu mang
yang gtso bo'i dgos pa ni lhag mthong gi rtogs pa bskyed pa'i
ched yin la/ lhag mthong la yang nyon

@359a @#/ /mongs mngon gyur tsam zhig spong ba'i zhi rags kyi
rnam pa can phyi rol pa dang nang pa thun mong ba dang nang pa'i
yang theg pa che chung thun mong ba'i lhag mthong zhig dang
nyon
mongs pa'i sa bon gtan nas

spong ba'i bdag med pa'i de kho na nyid kyi rnam pa can gyi lhag
mthong nang pa sangs rgyas pa kho na'i khyad chos su gyur pa
gnyis yod pa las/ snga ma ni phun sum tshogs pa'i yan lag yin gyi
med mi rung min la/ phyi ma ni med du mi rung

ba'i yan lag yin pas rnam grol don du gnyer bas ni bdag med pa'i
de kho na nyid khong du chud pa'i lhag mthong bskyed par bya'o/
/de yang 'di ltar sngar bshad pa ltar gyi zhi gnas bsam gtan
dang po'i nyer bsdogs kyi sas bsdus pa

zhig thob na de yan chad kyi bsam gtan nam gzugs med kyi zhi
gnas ma thob kyang/ de la brten nas lhag mthong bsgoms pas 'khor
ba'i 'ching ba mtha' dag las grol ba'i thar pa 'thob par nus la/
bdag med pa'i de kho na

nyid ma rtogs shing ma bsgoms na sngar bshad pa'i zhi gnas dang
de la brten nas 'jig rten pa'i lhag mthong gis ci yang med pa
man chad kyi nyon mongs mngon gyur thams cad spangs pa'i srid
rtse'i sems thob kyang 'khor ba

las mi thar ba'i phyir ro/ /de ltar yang/ bsngags 'os bsngags
bstod kyi lan mi ldon par bstod pa las/ khyod kyi chos la mi
phyogs pa'i/ /skye bo gti mug gis ldongs pa/ /srid rtse'i bar du
song nas kyang/ /sdug

@359b bsngal yang 'byung srid pa bsgrub/ /khyod kyi bstan pa'i
rjes 'gro ba/ /bsam gtan dngos gzhi ma thob kyang/ /bdud kyi mig
ras btsa' bzhin du/ /srid pa dag ni bzlog par bgyid/ /ces gsungs
so/ /des na rgyun zhugs

dang phyir 'ong thams cad kyi 'phags pa'i lam 'thob pa'i lhag
mthong gi rten du gyur pa'i zhi gnas ni sngar bshad pa'i zhig
gnas bsam gtan dang po'i nyer bsdogs kyis bsdus pa de yin la/ de
bzhin du cig car ba'i

dgra bcom pa thams cad kyang sngar bshad pa'i zhi gnas de la
brten nas lhag mthong bsgoms pas dgra bcom pa thob pa kho na yin
par shes par bya'o/ /sngar bshad pa'i zhi gnas kyi ting nge
'dzin rgyud la sngon du ma thob na ji

lta ba'am ji snyed pa la dmigs pa'i lhag mthong gi rtogs pa
dngos ni skye mi srid par 'og tu ston par 'gyur ro/ /de'i phyir
rnal 'byor bla na med pa'i rnal 'byor pas kyang zhi rags kyi
rnam pa can gyi ji snyed pa la dmigs

pa'i lhag mthong dang des bsgrubs pa'i zhi gnas mi bskyed kyang
zhi gnas cig bskyed dgos te/ de yang thog mar skye ba'i mtshams
ni bskyed pa'i rim pa dang rdzogs pa'i rim pa gnyis kyi rim pa
dang po'i skabs su skye ba

yin no/ /mdor bsdu na sngon du zhi gnas cig bskyed nas de nas de
la brten nas zhi rags kyi rnam pa can gyi lhag mthong gis srid
rtse'i bar du lam rim can du bgrod pa dang/ bdag med pa'i de kho
na nyid kyi rnam pa can gyi

@360a @#/ /lhag mthong gis thar pa'am thams cad mkhyen pa'i lam
lnga bgrod dgos pa ni rgyal ba'i bstan pa spyi'i phyag rgyas
btab pa yin pas rnal 'byor pa gang gis kyang 'da' bar bya ba ma
yin no/ /

zhes bya ba ni zhi gnas la brten nas lam gong nas gong du bgrod
pa'i tshul spyir bstan pa'o/ /gsum pa khyad par du 'jig rten pa'i
lam bgrod tshul bstan pa la gnyis/ zhi rags kyi rnam pa can gyi
lam bgrod pa'i sngon du

zhi gnas 'thob dgos par bstan pa dang/ zhi gnas la brten nas
'dod pa la chags pa dang bral bar byed pa'i tshul lo/ /dang po
ni/ mtshan nyid so sor rig pa'i sgo nas zhi rags kyi rnam pa can
gyi lam bsgoms pas ni sngon du

zhi gnas sngar bshad pa de thob pa zhig dgos te/ mdo sde'i rgyan
las/ de yis de ni spel byas nas/ /'phel ba ring du 'gro ba yis/
/dngos gzhi'i gnas pa des 'thob bo/ /zhes sngar bshad pa'i sems
dgu pa shin

sbyangs dang bcas pa thob pa des ting nge 'dzin de spel ba la
brten nas dngos gzhi bsgrub par gsungs pa'i phyir ro/ /de yang
sems dgu pa nas bzung ste yid byed ma thob pa'i bar du ni yid la
byed pa'i las dang po pa yin la/

yid byed thob nas nyon mongs sbyong bar 'dod pas mtshan nyid so
sor rig pa'i yid byed bsgom pa ni nyon mongs rnam par sbyong
ba'i las dang po par gsungs pas/ mtshan nyid so sor rig pa bsgom
pas sngon du yid byed thob

@360b pa yin te/ nyan sa las/ de la yid la byed pa'i las dang po
pa ni rtse gcig tu bya ba nyid la ji srid du yid la byed pa ma
thob cing/ sems rtse gcig pa nyid la ma reg gi bar du las dang
po pa yin no/ /de la nyon mongs rnam par sbyong ba'i

las dang po pa ni/ yid la byed pa thob pa nyon mongs pa rnams
las sems sbyong bar 'dod pa'i mtshan nyid so sor rig pa'i yid la
byed pa gang yin pa la brtsams shing/ len pa la goms pa gang yin
pa ste/ zhes gsungs shing/

rnal 'byor gyi gnas bzhi pa'i 'gor yang yid byed thob nas 'jig
rten pa dang 'jig rten las 'das pa'i chags bral gyi lam bsgom
par gsungs pas so/ /sngar bshad pa'i zhi gnas des sngon du
bsgrubs nas/ de nas 'jig rten

pa dang 'jig rten las 'das pa'i lhag mthong bsgrubs nas nyon
mongs spong ba'i tshul shin tu rgyas par bshad pa 'di mngon pa'i
bstan bcos gzhan rnams su yang gsal bar ma byung bas/ sngon gyi
chos mngon pa gong 'og la

mkhas par sbyangs pa'i gong ma rnams kyis kyang rtse gcig pa'i
zhi gnas sngon du bsgrub pa dang/ de la brten nas nyon mongs
spong ba'i tshul 'di gsal bar ma thon snang ngo/ /des na nyan sa
nas bshad pa 'di legs par ma nges na/ bsam

gtan dang gzugs med kyi lam gyi dma' shos ni bsam gtan dang po'i
nyer bsdogs yin la/ de la yid byed drug bshad pa'i thog ma mtshan
nyid so sor rig pa yin pas/ nyer bsdogs kyis bsdus pa'i sems
thog mar skye ba ni

@361a @#/ /mtshan nyid so sor rig pa yin no snyam du 'khrul pa
skye bar 'gyur ro/ /de ltar bzung na shin tu mi 'thad de/ 'di
ltar zhi gnas ma thob par bsam gtan dang po'i nyer bsdogs skyes
med la/ nyer

bsdogs de ma thob na zhi gnas mi 'thob pa'i phyir dang mtshan
nyid so sor rig pa dpyad sgom yin pas/ de bsgoms pas zhi gnas
sngar ma thob pa gsar du bsgrub par mi nus pa'i phyir ro/ /sngar
sa'i dngos gzhi'i lung drangs pa ltar

'dod pa'i rtse gcig pa la shin sbyangs med la shin sbyangs ma
thob na zhi gnas ma grub par dgongs 'grel la sogs pa las gsungs
pa'i phyir nyer bsdogs dang po ma thob na zhi gnas mi 'thob bo/
/des na nyer bsdogs dang po'i yid byed drug

gi thog ma ni nyer bsdogs kyis bsdus pa'i lhag mthong bsgom pa'i
'go yin gyi/ nyer bsdogs dang po tsam gyi thog ma min te/ de'i
gong du nyer bsdogs kyis bsdus pa'i zhi gnas 'gro dgos pas so/
/nyer bsdogs dang pos bsdus pa'i

ting nge 'dzin ma thob gong gi ting nge 'dzin thams cad 'dod
sems rtse gcig pa kho na yin pas/ gzhung che ba rnams nas bshad
pa dang bstun na lhag mthong lta zhog zhi gnas 'thob pa yang
shin tu nyung bar snang ngo/ /zhi gnas la brten nas

'dod pa la chags pa dang bral bar byed pa'i tshul ni/ sngar bshad
pa'i zhi gnas gsal ba dang mi rtog pa la sogs pa'i khyad par du
ma dang ldan pa de tsam zhig la goms par byas nas lhag mthong
gnyis gang yang ma bsgoms na/

@361b 'dod pa khams kyi nyon mongs mngon gyur pa yang re zhig la
'gog par mi nus na nyon mongs pa'i sa bon dang shes bya'i sgrib
pa spong ba lta ci smos/ de'i phyir 'dod pa las chags pa dang
bral ba'i bsam gtan dang po 'thob par 'dod

na zhi gnas de la brten nas lhag mthong bsgom par bya'o/ /'o na
sngar zhi gnas tsam la goms par byas na nyon mongs pa mngon
gyur
'go gnon par bshad pa dang ji ltar mi 'gal zhe na/ skyon med de
sngar gyi de ni 'jig rten pa'i

lhag mthong zhi gnas kyi khongs su bsdus pa'i dbang du byas la/
'dir ni lhag mthong gnyis ka'i sngon du 'gro ba'i nyer bsdogs
dang pos bsdus pa'i zhi gnas kyi dbang du byas pa'i phyir ro/
/chags bral bsgrub pa'i lhag

mthong de la yang bden pa'i rnam pa can dang zhi rags kyi rnam
pa can gnyis kyis chags pa dang bral bar byed pa'i tshul gnyis
las 'dir ni lam phyi ma'i sgo nas chags bral bsgrub tshul ston pa
yin no/ /'di la rten ni/

bdag med kyi lta ba cung zad kyang med pa'i phyi rol pa dang/
chos 'di pa bdag med pa'i lta ba dang ldan pa gnyis kas bsgom pa
yod do/ /des lam ji 'dra zhig bsgoms pas nyon mongs spong ba ni/
nyan sa las/ de la 'dod

pa'i 'dod chags dang bral bar bya ba'i phyir rab tu brtson pa'i
rnal 'byor pa ni yid la byed pa rnam pa bdun gyis 'dod pa'i 'dod
chags dang bral ba rjes su 'thob bo/ /bdun po de dag kyang gang
zhe na/ smras pa/ mtshan nyid

@362a @#/ /so sor rig pa dang mos pa las byung ba dang rab tu
dben pa dang dga' ba sdud pa dang dpyod pa'i yid la byed pa dang
sbyor ba mthar thug pa dang sbyor ba mthar thug pa'i 'bras bu
yid la byed pa'o/ /zhes

gsungs pa ltar ro/ /de la tha ma ni 'dod pa la chags pa dang
bral nas dngos gzhi la zhugs pa'i dus kyi yid byed yin pas
bsgrub bya yin la/ snga ma drug ni sgrub byed yin no/ /gal te
'dir bdag med pa'i don bsgoms nas

nyon mongs spong bar mi byed na ji 'dra ba zhig gtan la phab nas
de'i don bsgoms te nyon mongs spong ba yin zhe na/ de la lam
'dis 'dod pa khams kyi nyon mongs mngon gyur pa gzhan yang
spong
mod kyang/ 'dod pa la chags pa

dang bral bar byed pa zhes gsungs pas gtso bor 'dod chags kyi
gnyen po'i sgo nas spong ba yin no/ /de yang 'dod chags ni 'dir
'dod pa'i yon tan lnga la 'dun zhing chags pa yin pas/ de'i
gnyen por 'dod yon la

sgo du ma nas nyes dmigs su bltas te/ 'dod chags de yi 'dzin
stangs kyi ldog phyogs bzung ba'i sgo nas goms par byas pas 'dod
pa las chags pa dang 'bral bar byed pa'o/ /'di yang 'dod pa'i
skyon dang

bsam gtan dang po'i yon tan phyin ci ma log par so sor rig pa
mtshan nyid so sor rig pa'i nges pa brtan po yod kyang/ sngon du
zhi gnas grub pa med na skyon yon de gnyis dpyod pa la ji tsam
goms par byas

@362b kyang nyon mongs spong mi nus la/ yang zhi gnas grub kyang
so sor rig pas dpyod pa ma byas na de la ji tsam bsgoms kyang
nyon mongs spong mi nus pas zhi lhag gnyis ka bsgoms pa'i sgo
nas spang dgos pa yin te/ 'di ni nyon mongs

spong ba thams cad kyi rnam par bzhag pa'o/ /de ltar nas gong
'og gi skyon yon so sor 'byed pa'i mtshan nyid rab tu rig pa ni
res 'ga' thos pa dang res 'ga' bsam byung du 'gyur bas thos bsam
'dres ma'o/ /de ltar goms

las thos bsam las 'das nas bsgom pa'i rnam pas mtha' gcig tu zhi
rags kyi don de la mos par byed pa ni mos pa las byung ba'i yid
byed do/ /'dir nyan sa las/ mtshan ma de nyid la dmigs nas zhi
gnas dang lhag

mthong sgom par byed do/ /zhes gsungs shing/ yid byed drug pa'i
skabs su yang zhi lhag bsgom par gsungs la/ yid byed dang po'i
skabs su don la sogs pa'i gzhi drug la dmigs par gsungs pa de/
skabs gzhan du lhag

mthong du lan mang por gsungs pas 'di dag bdag med pa'i lta ba
bsgom pa min yang lhag mthong du mi 'gal lo/ /des na yid byed
'di rnams kyi skabs su zhi lhag gnyis kyi tshul du bsgoms nas/
nyon mongs spong ba yin pas de'i bsgom

tshul ni/ zhi rags so sor phye ba'i don de nyid la yang dang yang
du dpyod pa ni lhag mthong bsgom pa yin la/ yang dpyad pa'i
mthar zhi rags kyi don de la rtse gcig tu 'jog pa ni zhi gnas
bsgom pa'o/ /de ltar bsgom pa'i yid byed gnyis pa

@363a @#/ /dang dang po ni sun 'byin pa'i gnyen po'o/ /de ltar
zhi lhag gnyis re mos su bsgom pa goms pa la brten nas 'dod pa'i
nyon mongs chen po'i gnyen po skyes pa na rab tu dben pa'i yid
byed ces bya'o/ /

yang zhi lhag spel mar bsgoms pas nyon mongs 'bring spong bar
nus pa na dga' ba sdud pa'i yid byed do/ /de nas dge ba la sbyor
ba la gegs byed pa'i 'dod pa'i nyon mongs ting nge 'dzin la gnas
pa dang/ de las langs pa'i skabs

su mi rgyu bar mthong ba na da ni kho bos nyon mongs spangs so
snyam du rtog pa rtsing po mi byed par dpyod par byed de/ ci
bdag 'dod pa la 'dun pa'i chags pa dang ma bral bzhin du mi rgyu
ba yin nam/ 'on te chags pa dang bral nas mi rgyu ba

yin snyam nas de sad pa'i phyir du chags yul shin tu sdug pa
zhig la dmigs pa na chags pa skye bar mthong nas/ de sbang ba'i
phyir du bsgom pa la dga' bar byed pa ni dpyod pa'i yid byed do/
/'dis ni ma spangs pa la spangs so snyam pa'i

nga rgyal spong ngo/ /de nas yang sngar ltar zhi rags kyi don la
so sor dpyod pa dang dpyad pa'i mthar rtse gcig tu 'jog pa gnyis
ka byas shing bsgoms pas/ 'dod pa'i nyon mongs chung ngu'i gnyen
por skyes pa na sbyor ba mthar

thug pa'i yid la byed pa zhes bya'o/ /yid byed gsum pa dang bzhi
pa dang drug pa ni nyon mongs spong ba'i gnyen po'o/ /de ltar
nyon mongs pa chung ngu spangs pa na 'dod pa'i nyon mongs
mngon
gyur thams cad bcom nas re zhig la cung zad

@363b kyang mi rgyu bar byed de/ sa bon gtan bcom pa ni min no/
/tshul 'dis ci yang med pa man chad la chags pa dang bral bar
byed la/ srid rtse'i nyon mongs ni mngon gyur kyang 'gog mi nus
pas 'khor ba las brgal bar mi nus so/ /'on

kyang bsam gtan la brten nas mngon par shes pa lnga yang 'thob
par byed de/ 'di dag ni tshig mangs pas 'jigs pas ma bris te/
rgyas par nyan sa na bzhugs pas der blta bar bya'o/ /bsam gtan
la sogs pa'i dngos gzhi bsgrub tshul 'di

rnams da lta med pas de dag gis gol sar 'khrid sa med mod kyang/
'di rnams la tshig spyi tsam du ma song ba'i go ba skyes na ting
nge 'dzin gzhan gyi gol sa gcod pa la shin tu phan par snang
ngo/ /de lta bu'i bsam gtan bzhi dang gzugs med bzhi'i

ting nge 'dzin dang mngon par shes pa lnga ni phyi rol pa dang
thun mong ba yin pas de 'dra ba'i ting nge 'dzin khyad par can
thob kyang/ de tsam gyis 'khor ba las mi grol bar ma zad/ de dag
gis kyang 'khor bar 'ching bas zhi gnas tsam gyis

chog shes mi bya bar so sor rtog pa'i lhag mthong bdag med pa'i
lta ba btsal bar bya'o/ /bsam gtan dang po la sogs pa'i dngos
gzhi bsgrub lugs rnams rgyas par ma shes na'ang/ sngar bshad
pa'i zhi gnas sam yid la byed pa zhes bya

ba de'i bsgrub lugs shin tu zab pa'i mdo shes rab kyi pha rol tu
phyin pa la sogs pa nas sems 'jog tshul dgu gsungs pa dbu ma'i
sgom rim du bkod pa sngar drangs pa dang/ de'i dgongs pa mdo
sde'i rgyan du bkral ba dang/ 'phags pa

@364a @#/ /thogs med kyis byang sa dang mngon pa gong ma dang
gtan la dbab pa bsdu bar mdor bsdus te gsungs shing/ bsdu ba las
zhi lhag gnyis nyan sa la zhal 'phangs mdzad pa ltar/ nyan sa na
rgyas par bkral

ba dang/ de rnams kyi don dbu ma'i sgom rim dang/ sher phyin man
ngag tu gsungs pa dang/ gzhan yang dbus mtha' nas spong ba'i 'du
byed brgyad/ nyes pa lnga spong tshul dang bcas pas zhi gnas
bsgrub lugs gsungs pa rnams kyi

snying po rnams legs par brtags te rang bzo dang bral bar bsten
pa tsam re nges par shes par bya dgos te/ 'di rnams bsam gtan pa
kha cig la ni ming tsam yang mi 'dug la/ kha cig la sngon gzhung
che ba la sbyangs pa'i

dus su tshig tsam yod kyang/ don legs par ma go bas phyis nyams
len gyi tshe/ dgos pa med par mthong nas rtsis med du dor te
bskyangs pas/ go ba legs par dmigs ma phyed pa'i rtags su zhi
gnas kyi phyogs su bsdur

rung ba'i ting nge 'dzin re thob pa na/ stong pa nyid kyi ting
nge 'dzin du 'dzin par snang la/ phyi nang gnyis ka'i ting nge
'dzin thun mong ba sems dgu pa tsam zhig thob na/ rnal 'byor bla
med kyi rdzogs rim mtshan nyid tshang ba byung bar 'dod

pa dang/ mnyam rjes 'dres nas mi rtog pa'i ye shes rgyun mi
'chad du 'dod pa mang ngo/ /sngar bshad pa rnams la nges pa legs
par rnyed na ni dmigs med dang/ mtshan med dang nges don bsgom
pa
la sogs pa'i ming snyan snyan

@364b btags pa tsam gyis mi 'khrul bar/ ting nge 'dzin de'i don
gang du song shes nas lam gyi gol sa dang ma gol sa shes par
'gyur bas/ gzhung tshad ldan de dag nas gsungs pa'i ting nge
'dzin gyi bsgrub pa'i rim pa la mkhas par

bya'o; ;'dir smras pa/ mdo dang dgongs 'grel bstan bcos chen mo
las/ /legs gsungs ting 'dzin bsgrub pa'i rim pa ni/ /rjod byed
brling bas blo gros chung rnams kyis/ /ji bzhin ma rtogs rang gi
blo yi skyon/ /gzhan la

bsgos pas gzhung bzang de dag la/ /mi rtog skyong ba'i gdams pa
med snyam nas/ /yod pa'i gzhung du ma btsal med pa'i sar/ /'bad
pa du mas tshol zhing rnyed par sems/ /de 'dras phyi rol pa dang
nang pa yi/ /ting 'dzin rnams

kyang phyed par mi 'gyur na/ /theg pa mchog dang theg pa dman pa
dang/ /rdo rje'i theg dang pha rol phyin pa yi/ /ting nge 'dzin
gyi khyad par gang yin pa/ /ji bzhin phyed par 'gyur ba smos ci
dgos/ /tshul de mthong nas gzhung lugs chen mo

yi; ;ting 'dzin skyong tshul go sla'i ngag gis bshad/ /gzhung
lugs che la lo mang sbyangs pa yi/ /grogs dag rang gi nor bu rin
po che/ /dor nas gzhan gyi mching bu ma len par/ /rang la rin
chen yod pa mkhyen par mdzod/ /khyed kyis sbyangs pa'i

gzhung las gdams pa'i don/ /logs su med pa gzigs nas thub dbang
gis/ /mang du thos pa nags na bde 'o zhes/ /gsungs pa de yi don
la'ang dpyod par rigs/ /cir yang mi rtog 'jog pa'i zhi gnas lam/
/dang por bsgrub pa'i

@365a @#/ /tshul dang grub pa'i tshad/ /legs par dmigs phyed go ba
ma rnyed kyang/ /snying rus tsam la re ba'i bsam gtan pa/ /de
dag gis kyang da dung mkhas pa la/ /brten nas skyong tshul ji
bzhin shes par mdzod/ /de lta

min na rgyal ba'i bstan pa la/ /re zhig ngal bso byas na gnod pa
chung/ /de ltar byams pa thogs med kyi/ /gzhung gis zhi gnas
bsgrub pa'i tshul/ /bshad pa 'di yang rgyal ba yi/ /bstan pa ring
du gnas phyir ro/ /skyes bu chen po'i lam

gyi rim pa las/ byang chub sems dpa'i spyod pa la slob pas/ bsam
gtan gyi ngo bo zhi gnas la ji ltar bslab pa'i tshul bshad zin
to// ! //de ltar bshad zin pa ltar sems dmigs pa gcig la ji ltar
'dod pa ltar bzhag pas

gar bzhag tu sdod pa'i mi rtog pa dang/ de yang bying ba dang
bral ba'i gsal ba dang/ phan yon gyi khyad par dga' bde dang
bcas pa'i zhi gnas de tsam gyis chog shes mi bya bar/ de kho na
nyid kyi don phyin ci ma log par nges pa'i shes rab

bskyed nas lhag mthong bsgom par bya dgos te/ de lta ma yin na
ting nge 'dzin de tsam ni mu stegs dang yang thun mong ba yin
pas de tsam la goms par byas kyang de rnams kyi lam bzhin du
nyon mongs pa'i sa bon mi spong bas srid pa las

grol bar mi 'gyur ba'i phyir ro/ /de ltar yang sgom rim dang po
las/ de ltar dmigs pa la sems brtan par byas nas shes rab kyis
rnam par dpyad par bya ste/ 'di ltar shes pa'i snang ba byung
bas kun tu rmongs pa'i sa

@365b bon shin tu spong bar 'gyur ro/ /de lta ma yin na mu stegs
can rnams bzhin du ting nge 'dzin tsam gyis nyon mongs pa spong
bar mi 'gyur ro/ /mdo sde las ji skad du/ 'jig rten dag ni ting
'dzin sgom byed kyang/ /de ni bdag tu 'du shes

'jig mi byed/ /de ni nyon mongs phyir zhing rab 'khrug ste/
/lhag spyod kyis ni ting 'dzin 'dir bsgoms bzhin/ /zhes gsungs
pa lta bu'o zhes gsungs so/ /de la ting 'dzin sgom byed kyang
zhes pa ni sngar bshad pa'i mi rtog pa dang gsal

ba la sogs pa'i khyad par dang ldan pa'i ting nge 'dzin no/ /de
bsgoms kyang bdag 'dzin spong mi nus pa ni/ de ni bdag tu 'du
shes 'jig mi byed/ /ces pa'o/ /bdag 'dzin ma spangs pas da gdod
yang nyon mongs skye bar 'gyur ba ni/ nyon mongs phyir

yang rab tu 'khrug  /ces pa'o/ /'o na ji 'dra zhig bsgoms pas
thar pa 'thob snyam na/ lung de'i 'jug de ma thag nyid du sngar
drangs pa ltar/ gal te chos la bdag med so sor rtog  /ces sogs
te gal te bdag med pa'i chos la so sor

brtags nas bdag med kyi don go ba'i shes rab bskyed pa dang/ so
sor de brtags gal te bsgom pa ni/ /zhes bdag med pa'i lta ba
rnyed nas lta ba de skyong zhing bsgom pa ni/ de ni mya ngan
'das thob 'bras bu'i rgyu/ /zhes mya ngan las 'das

pa'am; thar pa'i 'bras bu thob pa'i rgyu de yin no zhes pa'o/
/'o na de bsgoms pas thar pa 'thob pa ltar/ de med par gzhan
zhig bsgoms pas kyang thar pa 'thob bam snyam na/ rgyu gzhan
gang yin des ni zhir mi 'gyur/ /zhes de las gzhan pa'i

@366a @#/ /lam bsgoms kyang de med na sdug bsngal dang nyon mongs
zhi bar mi 'gyur ro zhes/ bdag med pa'i shes rab kho na srid
pa'i rtsa ba gcod byed du shin tu gsal bar bstan pa 'di dbu ma'i
sgom rim du'ang/ hwa

shang la gnod byed du drangs pas 'di la nges pa rnyed dgos te/
mu stegs kyi drang srong rnams la'ang ting nge 'dzin dang mngon
par shes pa la sogs pa'i yon tan du ma yod kyang bdag med pa'i
lta ba med pas 'khor ba las cung zad

kyang brgal mi nus pa'i phyir ro/ /de bzhin du sngar drangs pa'i
byang chub sems dpa'i sde snod las kyang gsung rab nas bshad
pa'i de kho na nyid mi shes par ting nge 'dzin tsam gyis chog
shes byas nas de la zab mo'i don

bsgom pa'i lam du mngon pa'i nga rgyal byas pas 'khor ba las mi
grol ba dang/ ngas de la dgongs nas gzhan las thos pa ni rga shi
las grol bar 'gyur ro zhes bka' stsal to/ /zhes ston pa rang gis
rang gi dgongs pa blangs

nas gsal bar bshad de/ gzhan las thos pa ni gzhan las bdag med
'chad pa thos pa'o/ /des na phyi nas bshes gnyen dam pa la bdag
med pa'i don nyan pa'i thos bsam ma byas par nang nas skye'o
snyam du 'dzin pa dgag

pa'i phyir du gzhan las thos pa ni zhes sogs gsungs par gdon mi
za'o/ /spyir rgyal ba'i gsung rab thams cad ni la las dngos su
de kho na nyid ston/ dngos su mi ston pa rnams kyang brgyud nas
de la gzhol zhing 'bab

@366b pa kho na yin la de kho na shes pa'i snang ba ma byung bar
du rmongs pa'i mun pa mi ldog cing/ byung na ldog pas sems rtse
gcig pa'i zhi gnas tsam gyis ni ye shes dag par mi 'gyur la/
rmongs pa'i mun pa'ang mi ldog go / /de'i phyir de kho na nyid
bdag

med pa'i don nges pa'i shes rab btsal bar bya'o snyam du shes
rab gdon mi za bar btsal bar bya dgos te/ sgom rim bar pa las/
de nas zhi gnas grub nas lhag mthong bsgom par bya ste 'di snyam
du bsam par bya'o/ /bcom ldan

'das kyi bka' thams cad ni legs par gsungs pa ste/ mngon sum
du'am/ brgyud pas de kho na mngon du gsal bar byed pa dang de
kho na la gzhol ba nyid do/ /de kho na shes na snang ba byung
bas mun pa bsal ba bzhin du lta ba'i dra

ba thams cad dang bral bar 'gyur ro/ /zhi gnas tsam gyis ni ye
shes dag par mi 'gyur zhing/ sgrib pa'i mun pa'ang sel bar mi
'gyur gyi/ shes rab kyis de kho na legs par bsgoms na ye shes
rnam par dag par 'gyur/ /de kho na

rtogs par 'gyur/ shes rab kho nas sgrib pa yang dag par spong
bar 'gyur te/ de lta bas na bdag gis zhi gnas la gnas te shes
rab kyis de kho na yongs su btsal bar bya'o/ /zhi gnas tsam gyis
ni chog par 'dzin par mi bya'o/ /de kho na

ji lta bu zhe na/ don dam par dngos po thams cad gang zag dang
chos kyi bdag gnyis kyis stong pa nyid de/ zhes so/ /de kho na
nyid de yang phar phyin rnams kyi nang nas sher phyin gyis rtogs
pa yin gyi/ bsam gtan la sogs pas

@367a @#/ /rtogs par mi nus pas bsam gtan tsam la sher phyin du
ma 'khrul par byas nas shes rab bskyed dgos te/ dgongs 'grel
las/ bcom ldan 'das byang chub sems dpas chos rnams kyi ngo bo
nyid ma

mchis pa nyid pha rol tu phyin pa gang gis 'dzin pa lags/ spyan
ras gzigs dbang phyug shes rab kyi pha rol tu phyin pas 'dzin
no/ /zhes so/ /de la dgongs nas sngar drangs pa ltar theg pa
chen po la dang ba bsgom pa'i mdo las kyang/

shes rab mi gnas na byang sems rnams kyi theg chen la dad pa
theg chen la ji ltar byas kyang nges par 'byung ba rang mi
smra'o/ /zhes gsungs pa yin no/ /de ltar na gnyis pa lhag mthong
la bslab pa'i tshul la bzhi/ lhag mthong

gi tshogs bsten pa dang/ lhag mthong gi rab tu dbye ba dang/ lhag
mthong bsgom pa'i tshul dang/ bsgoms pas lhag mthong grub pa'i
tshad do/ /dang po ni/ gsung rab kyi gnad phyin ci ma log par
mkhyen pa'i mkhas pa

bsten nas dri ma med pa'i gzhung lugs mnyan te/ thos pa dang
bsams pa'i shes rab kyis de kho na nyid rtogs pa'i lta ba bskyed
pa ni lhag mthong gi rgyu'i tshogs med du mi rung ba yin te/ yin
lugs kyi don la phu thag chod

pa'i lta ba med na ji lta ba rtogs pa'i lhag mthong gi rtogs pa
skye ba mi srid pa'i phyir ro/ /de 'dra ba'i lta ba'ang drang
don la mi rton nges don la rton pa zhig gis btsal dgos pas drang
nges kyi khyad par shes nas nges don gyi gsung

@367b rab kyi don khong du chud dgos la/ 'di yang tshad mar gyur
pa'i shing rta'i srol 'byed chen po zhig gis dgongs pa bkral
ba'i bstan bcos lam brten na dmus long long khrid med par nyam
nga ba'i phyogs su 'gro ba dang 'dra bas dgongs

'grel phyin ci ma log pa la brten par bya'o/ /ji 'dra ba zhig la
brten par bya ba'i dgongs pa 'grel pa ni/ sangs rgyas bcom ldan
'das nyid kyis bstan pa'i snying po yod med kyi mtha' thams cad
dang bral ba'i zab mo'i

don 'grel bar mdo rgyud du ma nas shin tu gsal bar lung bstan
pa'i 'phags pa klu sgrub ces sa gsum na yongs su grags pa de yin
pas/ de'i gzhung la brten nas stong nyid rtogs pa'i lta ba btsal
bar bya'o/ /'di la

gsum/ drang don dang nges don gyi gsung rab ngos bzung ba dang/
klu sgrub kyi dgongs pa 'grel ba'i tshul ji ltar byung ba dang/
stong pa nyid kyi lta ba gtan la 'bebs pa'i tshul lo/ /dang po
ni/ de kho na nyid rtogs par 'dod pa

rnams kyis ni rgyal ba'i gsung rab la brten dgos la/ gsung rab
kyang gdul bya sna tshogs kyi bsam pa'i dbang gis sna tshogs pa
yin pas na ji 'dra ba zhig la brten nas zab mo'i don btsal bar
bya snyam na/

nges pa'i don gyi gsung rab la brten nas de kho na nyid rtogs
par bya dgos so/ /'o na ji 'dra ba zhig nges don dang ji 'dra ba
zhig drang don yin snyam na/ 'di ni brjod bya'i sgo nas bzhag
ste/ don dam pa ston pa ni nges

@368a @#/ /pa'i don dang kun rdzob ston pa ni drang ba'i don gyi
gsung rab tu bzung ngo/ /de ltar yang blo gros mi zad pas bstan
pa las/ nges pa'i don gyi mdo sde ni gang drang ba'i don gyi mdo
sde ni gang zhe

na; mdo sde gang dag kun rdzob sgrub pa bstan pa de dag ni drang
ba'i don zhes bya'o/ /mdo sde gang dag don dam pa sgrub pa bstan
pa de dag ni nges pa'i don zhes bya'o/ /mdo sde gang dag tshig
dang yi ge sna tshogs bstan

pa de dag ni drang ba'i don zhes bya'o/ /mdo sde gang dag zab mo
blta dka' ba rtogs par dka' ba bstan pa de dag ni nges pa'i don
zhes bya'o/ /zhes so/ /'o na kun rdzob bstan pas drang don du
'gro ba'i kun rdzob ston lugs

de ji 'dra zhig yin la/ don dam bstan pas nges don du 'gro ba'i
don dam ston lugs kyang ji ltar bstan pa zhig yin snyam na/ 'di
yang mdo de las shin tu gsal bar bstan te/ de nyid las/ mdo sde
gang dag bdag

dang sems can dang srog dang gso ba dang skyes bu dang gang zag
dang shed las skyes pa dang shed bu dang byed pa po dang tshor ba
po skad sna tshogs kyis bshad par bya ba bdag po med pa la bdag
po lta bur bstan pa de dag ni drang ba'i

don zhes bya'o/ /mdo sde gang dag stong pa nyid dang mtshan ma
med pa dang smon pa med pa dang mngon par 'du byed pa med pa
dang skye ba med pa dang ma skyes pa dang sems can med pa dang
srog med pa dang gang zag med pa dang bdag po med pa rnam

@368b par thar pa'i sgo ston pa de dag ni nges pa'i don zhes
bya'o/ /zhes bdag med pa dang skye ba med pa sogs spros pa rnam
par bcad pa'i tshul gyis ston pa rnams nges don dang bdag la sogs
pa ston pa drang don du gsungs pas/ bdag med pa

dang skye ba med pa sogs don dam dang/ skye ba sogs kun rdzob
yin par shes par bya'o/ /ting nge 'dzin gyi rgyal po las kyang/
stong pa bde bar gshegs pas bshad pa ltar/ /nges don mdo sde dag
gi bye brag shes/ /gang las

sems can gang zag skyes bu bstan/ /chos de thams cad drang ba'i
don du shes/ /zhes gsungs so/ /dbu ma snang ba las kyang/ de lta
bas na don dam pa brjod pa kho na nges pa'i don yin la/ bzlog pa
ni drang ba'i don yin no zhes

bya bar kheng du chud par bya'o/ /'phags pa sangs rgyas thams
cad kyi yul la 'jug pa ye shes snang ba'i rgyan las kyang/ nges
pa'i don gang yin pa de ni don dam pa'o/ /zhes gsungs la/ skye
ba med pa la sogs pa'ang 'phags

pa blo gros mi zad pas bstan pa las nges pa'i don no zhes bstan
te/ de lta bas na skye ba med pa la sogs pa kho na don dam pa'o
zhes bya bar nges so/ /zhes gsungs so/ /de'i phyir dbu ma rigs
pa'i tshogs dgongs 'grel dang

bcas pa rnams ni nges pa'i don ji lta ba bzhin ston par bzung
ste/ skye 'gag la sogs pa'i spros pa'i tshogs thams cad dang bral
ba'i don dam pa rgyas par gtan la 'bebs pa yin pa'i phyir ro/
/ci'i phyir de ltar ston pa de gnyis la

@369a @#/ /drang ba'i don dang nges pa'i don zhes bya snyam na
'di'i don gzhan du drang bar mi nus pas na/ nges pa'i don nam
don nges pa zhes bya ste/ don de de kho na nyid kyi don yin pas
gtan la dbab bya'i mthar thug pa'i

phyir; de phan chad du drang du med pa dang de las gzhan du gang
zag gzhan gyis drang du mi rung ste sgrub byed tshad ma dang ldan
pa'i phyir ro/ /de ltar yang dbu ma snang ba las/ nges pa'i don
yang gang la bya zhe na/ tshad ma dang bcas pa dang don dam

pa'i dbang du mdzad nas bshad pa gang yin pa ste/ de ni de las
logs shig tu gzhan gyis gang du'ang drang bar mi nus pa'i phyir
ro/ /zhes so/ /de ltar gsungs pa'i shugs kyis ni drang ba'i don
shes par nus te/ 'di'i don ji ltar

bstan pa ltar bzung du mi rung bar dgongs pa bshad nas don gzhan
la drang dgos pa'am/ sgra ji bzhin par bzung bas chog kyang de
tsam zhig ni mthar thug pa'i de kho na nyid ma yin gyi/ de las
gzhan du da dung de'i de kho na

nyid btsal dgos pas na drang ba'i don nam don drang dgos pa'o/
/nges don gyi mdo sde rnams sgra ji bzhin pa yin pas mdo sde de
las skye ba med pa dang gang zag med pa sogs byung na skye ba
dang gang zag ye med du gzung

dgos te/ de lta ma yin na sgra ji bzhin pa ma yin par 'gyur bas
drang don du thal lo zhes zer ba'ang 'thad par mi snang ste/ de
ltar gsung ba po'i ston pas skye ba sogs 'gog pa na don dam pa'i
khyad par sbyar ba'i nges don gyi

@369b mdo sde du ma snang la/ khyad par sbyar ba gcig byung na/
ma byung ba'i skabs su yang thun mong gi chos yin pas sbyar dgos
la/ de yang chos de'i de kho na nyid yin pas de ltar ston pa de
nges don min par ga la 'gyur/ de lta ma yin na

skye ba'i spyi khegs pas khyad par tshig kyang khegs dgos pas de
ltar ston pa'i nges don gyi mdo nyid kyang rnam par bzhag mi nus
pa'i phyir ro/ /des na mdo'am bstan bcos de'i spyi'i lugs gong
'og tu smos pa mi sbyor bar

tshig cung zad re'i ngo gdong gi bstan tshod sgra ji bzhin par
bzung du mi rung bas nges don gyi gsung rab yin pa mi 'jig la/
tshig de'i bstan tshod sgra ji bzhin par bzung du rung bas kyang
drang don ma yin par mi 'gyur

bar shes par bya'o/ /gnyis pa klu sgrub kyi dgongs pa 'grel ba'i
tshul ji ltar byung ba ni/ de ltar chos thams cad la rang bzhin
gyis skye ba dang 'gag pa sogs ci yang med par ston pa'i sher
phyin gyi mdo la sogs

pa'i gsung rab phyin ci ma log par 'grel ba'i klu sgrub kyi
dgongs pa 'grel ba'i rim pa ji ltar byung snyam na/ 'di la
'phags pa lha ni slob dpon sangs rgyas bskyangs dang legs ldan
'byed dang zla ba grags

pa dang zhi ba 'tsho la sogs pa'i dbu ma pa chen po rnams kyis
kyang slob dpon dang 'dra bar tshad mar mdzad pas/ yab sras gnyis
ka dbu ma pa gzhan rnams kyi khungs yin pas snga rabs pa rnams
de gnyis la

@370a @#/ /gzhung phyi mo'i dbu ma pa zhes dang/ gzhan rnams la
phyogs 'dzin pa'i dbu ma pa zhes tha snyad byed do/ /de la snga
rabs pa'i dge ba'i bshes gnyen kha cig na re/ tha snyad 'jog
tshul gyi sgo

nas ming btags pa'i dbu ma pa ni gnyis te/ tha snyad du phyi rol
yod par 'dod pa mdo sde spyod pa'i dbu ma pa dang/ tha snyad du
phyi rol med par 'dod pa rnal 'byor spyod pa'i dbu ma pa'o/ /don
dam 'dod tshul gyi sgo nas

ming btags pa'ang gnyis te/ snang stong gnyis tshogs don dam bden
par 'dod pa sgyu ma rigs grub pa dang snang ba la spros pa rnam
par bcad pa tsam don dam bden par 'dod pa rab tu mi gnas par
smra ba'o/ /de gnyis

kyi snga ma ni slob dpon zhi ba 'tsho dang kA ma la shI la la
sogs pa yin par 'dod la/ sgyu ma lta bu dang rab tu mi gnas pa'i
tha snyad ni rgya gar ba'i slob dpon kha cig kyang 'dod do/
/spyir dbu ma par khas 'che ba'i rgya bod kyi

slob dpon 'ga' re de ltar du 'dod pa yod mod kyang/ slob dpon
klu sgrub kyi rjes su 'brang ba'i dbu ma pa chen po rnams kyi
lugs ji ltar yin gtan la dbab par bya yi/ phra mo rnams su zhig
gis bshad par nus/ gzhan yang don

dam 'dod tshul gyi sgo nas gnyis su bzhag pa ni rmongs pa de
mtshar bskyed pa'i rnam gzhag go zhes lo tstsha ? ba chen po blo
ldan shes rab gsung ba ni shin ? tu legs te/ de dag gi 'dod pa
ni rigs shes rjes dpag gis gzhal ba'i

@370b don tsam don dam bden par 'dod par snang la/ rigs shes kyi
gzhal bya ni don dam bden pa dang mthun pas don dam zhes btags
par dbu ma rgyan dang snang ba gnyis ka nas gsungs pa'i phyir
ro/ /dbu ma pa chen po

gzhan rnams kyang rigs pas spros pa bcad pa'i don de tsam ni don
dam bden par mi bzhed pas legs pa ma yin no/ /'di la slob dpon
ye shes sde na re/ slob dpon 'phags pa yab sras kyis dbu ma'i
bstan

bcos mdzad pa las phyi'i don yod med kyi tshul gsal bar ma mdzad
la/ de'i 'og tu slob dpon legs ldan 'byed kyis rnam par rig pa
tsam gyi lugs sun phyung ste/ tha snyad du phyi'i don yod pa'i
lugs rnam par bzhag go / /de

nas slob dpon zhi ba 'tshos rnal 'byor spyod pa'i gzhung la brten
nas tha snyad du phyi rol med pa dang don dam par sems rang
bzhin med par ston pa'i dbu ma'i tshul mi 'dra ba zhig mdzad pas
dbu ma pa rnam pa gnyis su byung zhing/

snga ma la mdo sde spyod pa'i dbu ma pa zhes pa dar phyi ma la
rnal 'byor spyod pa'i dbu ma pa zhes btags so zhes 'chad pa ni
byung ba'i rim pa de ltar du mngon no/ /'on kyang slob dpon zla
ba grags pa ni tha snyad du phyi rol yod par bzhed

kyang grub mtha' smra ba gzhan dang sgo mi bstun pas mdo sde
spyod pa zhes byar pa zhes byar mi rung la/ de bzhin du bye brag
tu smra ba dang mthun par 'dod pa'ang shin tu mi rigs so/ /gangs
ri'i khrod kyi phyi dar gyi mkhas pa rnams dbu ma pa la thal

@371a @#/ /'gyur ba dang rang rgyud pa gnyis kyi tha snyad byed
pa ni tshig gsal dang mthun pas rang bzor mi bsam mo/ /des na tha
snyad du phyi rol 'dod mi 'dod gnyis su nges la don dam pa stong
pa nyid nges

ba'i lta ba rgyud la bskyed tshul gyi sgo nas ming 'dogs na'ang
thal rang gnyis su nges pa yin no/ /'o na slob dpon de dag su yi
rjes su 'brangs nas 'phags pa yab sras kyi dgongs pa 'tshol snyam
na/ jo bo chen po slob

dpon zla ba grags pa'i lugs la gtso bor mdzad par snang ba'i
rjes su 'brangs nas gdams ngag 'di'i bla ma gong ma chen po
rnams kyang lugs de la gtso bor 'dzin pa yin no/ /slob dpon zla
ba grags pas ni rtsa

she'i 'grel byed rnams kyi nang nas slob dpon sangs rgyas
bskyangs kyis 'phags pa'i dgongs pa yongs su rdzogs par bkral
bar gzigs nas/ lugs de gzhir 'jog cing slob dpon legs ldan 'byed
kyi'ang

legs bshad mang po zhig blangs la cung zad mi 'thad par snang ba
rnams sun phyung nas 'phags pa'i dgongs pa 'grel bar mdzad do/
/slob dpon 'di gnyis kyi 'grel pa rnams ni 'phags pa yab sras
kyi gzhung

'chad pa la ches phul du byung bar mthong bas na/ 'dir ni slob
dpon sangs rgyas bskyangs dang dpal ldan zla ba grags pa'i rjes
su 'brangs nas 'phags pa'i dgongs pa gtan la dbab par bya'o/
/gsum pa stong pa

@371b nyid kyi lta ba gtan la 'bebs pa'i tshul la gnyis/ de kho
na nyid la 'jug pa'i rim pa dang/ de kho na nyid gtan la dbab pa
dngos so/ /dang po ni/ 'dir thob par bya ba'i de kho na nyid mya
ngan las 'das pa ni gang yin/ de thob par byed

pa'i thabs de kho na nyid la 'jug pa'ang ji 'dra zhig gi sgo nas
'jug pa yin snyam na/ phyi dang nang gi chos sna tshogs pa de kho
na ma yin bzhin du de kho nyid du snang ba 'di thams cad bag
chags dang bcas pa nye bar zhi bas bdag dang

bdag gir 'dzin pa rnam pa thams cad du zad pa ni 'dir thob par
bya ba'i de kho na nyid chos kyi sku'o/ /de kho na nyid la ji
ltar 'jug pa'i rim pa ni dang por 'khor ba'i nyes skyon bsams
nas yid sun te/ de la 'dor 'dod skyes

pa zhig dgos/ de nas de rgyu ma log na mi ldog par mthong nas
'khor ba'i rtsa ba gang yin snyam ste de'i rtsa ba rtsad bcad
pas/ 'jig lta'am ma rig pa 'khor ba'i rtsa bar 'gro lugs la nges
pa gting thag pa nas 'drongs

nas de spong bar 'dod pa bcos ma ma yin pa skyes pa zhig dgos/
de nas 'jig lta ldog pa de des bzung ba'i bdag med pa rtogs pa'i
shes rab skye ba la rag las par mthong nas bdag de dgag dgos par
mthong

ste; bdag de yod pa la gnod byed dang med pa'i sgrub byed kyi
lung dang rigs pa la brten nas nges pa rnyed pa zhig thar pa don
du gnyer na med pa'i thabs med do/ /de ltar bdag dang bdag gi ba
la rang bzhin cung zad kyang med

@372a @#/ /par nges pa'i lta ba rnyed nas de'i don goms par byas
pas chos kyi sku thob par 'gyur ba yin no/ /de yang tshig gsal
las/ gal te nyon mongs pa rnams dang las dang lus rnams dang

byed pa po dang 'bras bu rnams te/ 'di dag thams cad de kho na
nyid ma yin gyi/ 'on kyang dri za'i grong khyer la sogs pa ltar
de kho na nyid ma yin bzhin du byis pa rnams la de kho na nyid
kyi rnam par snang ba yin na/ yang 'dir de kho na nyid ni gang

zhig yin la de kho na nyid la 'jug pa'ang ji ltar yin zhe na/
brjod par bya ste/ nang dang phyi'i dngos po ma dmigs pas nang
dang phyi la bdag tu 'dzin pa dang bdag gir 'dzin pa rnam pa
thams cad du zad pa 'di ni 'dir de kho na nyid do/ /de kho na

nyid la 'jug pa ni/ nyon mongs skyon rnams ma lus 'jig tshogs la/
/lta las byung bar blo yis mthong gyur cing/ /bdag ni 'di yi yul
du rtogs byas nas/ /rnal 'byor pa yis bdag ni 'gog par byed/
/ces bya ba la sogs pas

dbu ma la 'jug pa las btsal bar bya'o zhes pa dang/ 'di na rnal
'byor pa de kho na nyid la 'jug par 'dod cing nyon mongs pa dang
skyon ma lus pa rab tu spong bar 'dod pa ni 'khor ba 'di ci'i
rtsa ba can yin zhes de ltar nye bar rtog par

byed la/ de de ltar nye bar rtog pa na 'khor ba 'jig tshogs la
lta ba'i rtsa ba can nyid du mthong zhing bdag ni 'jig tshogs la
lta ba de'i dmigs pa yin par mthong la bdag ma dmigs pas 'jigs
tshogs la lta ba spong zhing de

@372b spangs pas nyon mongs pa dang skyon ma lus pa ldog par
mthong bas/ gang zhig bdag tu 'dzin pa'i yul bdag ces bya ba 'di
ci zhig ces ches thog mar bdag kho na la nye bar rtog par byed
do zhes gsungs so/ /chos can so

so ba dpag tu med pa la rang bzhin 'gog pa'i rigs pa du ma
gsungs kyang/ rnal 'byor pas 'jug pa'i tshe ni mdor bsdus nas
bdag dang bdag gi ba la rang bzhin med par gtan la phab nas
bsgom pa 'di ni rtsa she'i rab byed

bco brgyad pa'i don yin par slob dpon sangs rgyas bskyangs kyis
gsungs pa la brten nas slob dpon zla ba grags pas mdzad pa yin
te/ dbu ma la 'jug pa'i gang zag gi bdag med ston pa rnams kyang
rab byed bco brgyad pa nyid

rgyas par 'chad pa yin no/ /gal te 'dir ni theg chen pa'i de kho
na nyid la 'jug pa'i tshul ston pa ma yin nam/ des na bdag dang
bdag gir 'dzin pa zad pa tsam ni thob bya'i de kho na nyid du mi
rigs shing/ bdag dang bdag gi ba la rang bzhin

med par gtan la phab pa tsam la'ang chos kyi bdag med gtan la
phab pa med pas de kho na nyid la 'jug pa'i lam du mi rigs so
snyam na skyon med de/ bdag dang bdag gir 'dzin pa rnam pa thams
cad du zad pa la gnyis las nyon

mongs slar mi skye ba'i tshul gyis gtan spangs pa ni theg dman
la'ang yod mod kyang/ phyi dang nang gi chos kyi spros pa'i
mtshan ma thams cad gtan ma dmigs pas spangs pa ni chos kyi sku
yin pa'i phyir dang/ bdag la rang bzhin med

@373a @#/ /par rtogs pa na de'i yan lag tu gyur pa'i phung po
rnams la'ang rang bzhin yod par 'dzin pa ldog par 'gyur ba'i
phyir te/ shing rta tshig na 'khor lo la sogs pa de'i yan lag
rnams kyang 'tshig

pa bzhin no/ /de yang tshig gsal las/ brten nas brtags pa ma rig
pa'i phyin ci log dang ldan pa rnams bdag tu mngon par zhen pa'i
gzhir gyur pa phung po lnga po 'di dag gang gi nye bar len pa
nyid du snang ba 'di ci phung po'i

mtshan nyid yod pa zhig gam/ 'on te phung po'i mtshan nyid med pa
zhig ces thar pa 'dod pa rnams kyis rnam par dpyod pa yin no/
/rnam pa thams cad du dpyod pa na thar pa 'dod pa rnams kyis ma
dmigs pa de'i phyir de rnams

la; bdag nyid yod pa ma yin na/ /bdag gi yod par ga la 'gyur/
/bdag ma dmigs pa'i phyir bdag tu gdags pa'i gzhi bdag gi ba
yang shin tu ches dmigs par mi 'gyur ro/ /ji ltar shing rta tshig
na de'i yan

lag dag kyang tshig pas ma dmigs pa de bzhin du/ rnal 'byor pa
dag gis gang gi tshe bdag med par rtogs pa de nyid kyi tshe phung
po'i dngos po bdag gi ba yang bdag med par rtogs par 'gyur ro
zhes bdag la rang bzhin med

par rtogs pa'i tshe bdag gi ba phung po la'ang bdag ste rang
bzhin med par rtogs par gsungs so/ /'jug 'grel las kyang/ gzugs
la sogs pa'i rang gi ngo bo la dmigs pas phyin ci log tu gyur
pa'i phyir gang zag gi

@373b bdag med pa rtogs par yang mi 'gyur te/ bdag tu gdags pa'i
gzhi phung po la dmigs pa'i phyir ro/ /ji skad du/ ji srid phung
por 'dzin yod pa/ /de srid de la ngar 'dzin yod/ /ces phung po
rang bzhin med par ma rtogs na gang zag

gi bdag med mi rtogs par gsungs pa'i phyir ro/ /gal te gang zag
la rang bzhin med par rtogs pa'i blo de nyid kyis/ phung po rang
bzhin med par rtogs pa yin na bdag med gnyis rtogs pa'i blo
gnyis gcig tu 'gyur ba'i skyon

yod do/ /chos dang gang zag gnyis so so ba yin pas de gnyis rang
bzhin med par rtogs pa'i blo gnyis kyang so so ba yin te/ dper
na bum pa dang ka ba mi rtag par rtogs pa'i blo bzhin no/ /gang
zag rang bzhin med par rtogs pa'i blo

de nyid kyis phung po rang bzhin med par ma rtogs na gang zag gi
bdag med rtogs pa'i tshe/ phung po rang bzhin med par rtogs par
ji ltar 'jog snyam na/ dri ba dang po khas mi len pas dri ba 'og
ma bshad par bya'o/ /gang zag rang

bzhin med par rtogs pa'i blo de nyid kyis phung po rang bzhin
med do snyam du mi 'dzin kyang blo des gzhan la ltos med du
phung po rang bzhin med par nges pa'i nges shes 'dren nus pas na
phung po la rang bzhin sgro 'dogs pa'i sgro 'dogs

gcod par nus pa yin no/ /de'i phyir gang zag rang bzhin med par
rtogs pa'i tshe/ phung po'ang rang bzhin med par rtogs par gsungs
so/ /'di yang budd+ha pA li ta las/ 'di ltar bdag ces bya ba
gang yin pa de bdag gi zhes bya na/

@374a @#/ /bdag de yang med de/ de med na de'i 'di yin no zhes
bya bar ji ltar 'thad par 'gyur/ zhes gsungs pa ltar shes par
bya ste/ dper na/ mo gsham gyi bu mi srid par nges pa na blo des
de'i rna ba la

sogs pa med do snyam du mi 'dzin kyang de'i rna ba yod par 'dzin
pa'i sgro 'dogs gcod nus pa ltar/ bdag de kho nar med par nges
na de'i mig la sogs pa de kho nar yod par 'dzin pa ldog par
'gyur ba'i phyir ro/ /'o na rang sde gang zag

btags yod du 'dod pa'i dngos por smra ba rnams kyis kyang gang
zag don dam par grub par mi 'dod pas de dag gis kyang mig la
sogs pa rnams rang bzhin med par rtogs par 'gyur ro zhe na/ de
lta na mig dang myu gu la sogs pa'i rags pa

rnams de dag gis btags yod du 'dod pas rang bzhin med par rtogs
par 'gyur ro/ /de lta'o snyam na/ de ltar 'dod na rang gi khas
blangs pa dang yang 'gal la/ myu gu la sogs pa rnams bden med du
bsgrub mi dgos par 'gyur ba

dang; dge mi dge'i las lam yongs su rdzogs pa'ang rgyun la 'jog
cing/ rgyun yang rang bzhin med par 'dod na/ 'grel pa don gsal
las/ rmi lam dang 'dra ba nyid yin na mi dge ba bcu dang sbyin
pa la sogs pa med pas gnyid ma log

pa'i gnas skabs na'ang gnyid log pa'i gnas skabs bzhin du 'gyur
ba ma yin nam/ zhes de dag rmi lam dang 'dra ba'i bden med du
dbu ma pas smras pa la rgol ba'i don med do/ /des na dngos por
smra ba rnams kyi rang lugs kyi don

@374b dam dang kun rdzob tu grub ma grub dang dbu ma pa'i lugs
kyi kun rdzob dang don dam du grub ma grub rnams ches mi mthun
pas/ de dag gis kun rdzob tu 'dod pa rnams dbu ma pas gzhal na
don dam du grub pa dang/ de dag gis don dam

par grub par 'dod pa rnams dbu ma pa ltar na kun rdzob tu grub
par 'gyur ba la 'gal ba ci yang med pas de rnams phyed par
bya'o/ /gzhan yang de dag gi gang zag btags yod dang slob dpon
'di'i gang zag btags yod gnyis

ming 'dra yang don mi 'dra ste/ slob dpon 'di ni de dag la gang
zag gi bdag med rtogs pa'i lta ba med par bzhed pa'i phyir te/
chos kyi bdag med ma rtogs na gang zag gi bdag med mi rtogs par
bzhed pa'i phyir ro/ /des na phung po rdzas

yod kyi grub mtha' ma dor bar du gang zag kyang rdzas yod du
'dzin par slob dpon 'di bzhed pas de dag gis gang zag don dam
par med par rtogs pa min no/ /gnyis pa de kho na gtan la dbab pa
dngos la gsum/ rigs

pa'i dgag bya ngos bzung ba dang/ de 'gog pa de thal rang gang
gis byed pa dang/ byed pa de la brten nas lta ba rgyud la bskyed
pa'i tshul lo/ /dang po la gsum/ dgag bya legs par ngos zin dgos
pa'i rgyu mtshan dang/ dgag bya ngos ma

zin par 'gog pa'i gzhan lugs dgag pa dang/ rang gi lugs kyi dgag
bya ngos 'dzin pa'i tshul lo/ /dang po ni/ dper na/ gang zag 'di
mi 'dug snyam du nges pa la med rgyu'i gang zag de shes dgos pa
ltar/ bdag med pa

@375a @#/ /dang rang bzhin med pa zhes pa'i don nges pa la'ang
med rgyu'i bdag dang rang bzhin de legs par ngos zin dgos te/
dgag par bya ba'i spyi legs par ma shar na de bkag pa'ang phyin
ci ma log par

mi nges pa'i phyir te/ spyod 'jug las/ btags pa'i dngos la ma
reg par/ /de yi dngos med 'dzin ma yin/ /zhes gsungs pa'i phyir
ro/ /de la dgag bya'i mi 'dra ba'i khyad par ni mtha' yas kyang
dgag bya mdor bsdus pa'i rtsa

ba nas bkag na dgag bya thams cad kyang khegs par 'gyur ro/ /'di
yang dgag bya'i gnad mthar gtugs pa'i phra ba nas ma khegs par
lhag ma lus na yod pa'i mthar ltung zhing/ dngos por mngon par
zhen pa bskyed

pas srid pa las grol bar mi nus so/ /ha cang thal ches nas dgag
par bya ba'i tshod ma zin par bkag na ni rgyu 'bras rten 'brel
gyi rim pa sun phyung bas chad pa'i mthar ltung zhing lta ba de
nyid kyis ngan 'gror 'khrid par byed

do; ;de'i phyir dgag bya legs par ngos zin pa gal che ste/ 'di
ngos ma zin na yang na rtag lta dang yang na chad lta gdon mi za
bar bskyed pa'i phyir ro/ /gnyis pa dgag bya ngos ma zin par
'gog pa'i gzhan lugs

dgag pa la gnyis/ dgag bya ngos 'dzin ha cang khyab ches pa dgag
pa dang/ dgag bya ngos 'dzin khyab chungs pa dgag pa'o/ /dang po
la gnyis/ 'dod pa brjod pa dang/ de mi 'thad par bstan pa'o/
/dang po

@375b ni; da lta dbu ma'i don smra bar 'dod pa phal mo chen re/
skye ba la sogs pa de kho na nyid du grub ma grub dpyod pa'i
rigs pas ni gzugs nas rnam mkhyen gyi bar gyi chos thams cad
khegs pa yin te/ ji 'dra zhig khas blangs

pa la'ang rigs pas dpyad pa byas na brtag bzod pa rdul tsam yang
med pa'i phyir dang/ yod med la sogs pa'i mu bzhi po thams cad
bkag pas na der ma 'dus pa'i chos med pa'i phyir ro/ /gzhan yang
de kho na nyid gzigs

pa'i 'phags pa'i ye shes kyis skye 'gag dang bcings grol sogs ci
yang med par gzigs pas na des gzhal ba ltar yin dgos pas skye ba
sogs med do/ /gal te skye ba sogs 'dod na de la de nyid dpyod
pa'i rigs pas

dpyad bzod dam mi bzod/ bzod na ni rigs pas dpyad bzod kyi dngos
po yod pas bden dngos su 'gyur ro/ /dpyad mi bzod na ni rigs pas
khegs pa'i don yod pa ji ltar 'thad/ de bzhin du skye ba la sogs
pa yod par 'dod na

tshad mas grub bam ma grub/ dang po ltar na de kho na nyid gzigs
pa'i ye shes kyis ni skye ba med par gzigs pas des grub par mi
'thad la/ tha snyad pa'i mig gi shes pa la sogs pas grub par
'dod na ni de dag tshad

ma yin pa bkag pa'i phyir de dag sgrub byed kyi tshad mar mi
'thad de ting nge 'dzin gyi rgyal po las/ mig dang rna ba sna
yang tshad ma min/ /lce dang lus dang yid kyang tshad ma min/ /gal
te dbang po 'di dag tshad yin na/ /

@376a @#/ /'phags pa'i lam gyis su la ci zhig bya/ /zhes dang/
'jug par yang/ rnam kun 'jig rten tshad min zhes gsungs pa'i
phyir ro/ /tshad mas ma grub kyang yod par 'dod pa ni rang yang
mi 'dod cing rigs

pa'ang min pas mi 'thad do/ /gal te skye ba khas len na don dam
par mi 'dod pas kun rdzob tu 'dod dgos na de ni mi rigs te/ 'jug
pa las/ de nyid skabs su rigs pa gang zhig gis/ /bdag dang gzhan
las skye ba rigs

min pa'i/ /rigs des tha snyad du yang rigs min na/ /khyod kyi
skye ba gang gis yin par 'gyur/ /zhes don dam par skye ba 'gog
pa'i rigs pas tha snyad du'ang 'gog par gsungs pa'i phyir ro/
/gzhan yang bdag gzhan la sogs

pa bzhi po gang rung las mi skye yang skye bar 'dod na ni don
dam par skye ba 'gog pa la mu bzhir brtags nas bkag pas mi khegs
par 'gyur te/ de dag gang yang min pa'i skye ba yod pa'i phyir
ro/ /mu bzhi gang rung las skye na gzhan

gsum mi 'dod pas gzhan las skye dgos na de ni mi rigs te/ 'jug
pa las/ gzhan las skye ba 'jig rten las kyang med/ /ces gsungs
pas so/ /de'i phyir skye ba 'gog pa la don dam pa'i khyad par
yang sbyar bar mi bya ste/

tshig gsal las don dam pa'i khyad par sbyor ba bkag pa'i phyir
ro/ /'di la'ang kha cig ni skye ba la sogs pa tha snyad du'ang
mi 'dod zer la/ kha cig ni tha snyad du yod par 'dod cing/ thams
cad kyang 'di skad du rigs

@376b pas chos rnams la rang gi ngo bos grub pas rang bzhin 'gog
pa ni slob dpon 'di yi lugs la bsnyon du med de/ bden pa gnyis
char du rang bzhin gyis grub pa bkag pa'i phyir ro/ /de ltar
rang bzhin med na de nas ci zhig

yod; de'i phyir dgag bya la don dam gyi khyad par sbyor ba ni
dbu ma rang rgyud pa kho na'i lugs yin no zhes mgrin pa bsal nas
'chad par byed do/ /gnyis pa de mi 'thad par bstan pa la gnyis/
lugs des dbu ma'i thun mong

ma yin pa'i khyad chos bkag par bstan pa dang/ gnod byed brjod
pa rnams kyis sun mi phyin par bstan pa'o/ /dang po la gsum/ dbu
ma pa'i khyad chos ngos bzung ba dang/ lugs des de ji ltar bkag
pa'i tshul dang/ de la dbu ma

pas lan ji ltar btab pa'o/ /dang po ni/ rigs pa drug cu pa las/
dge ba 'di yis skye bo kun/ /bsod nams ye shes tshogs bsags te/
/bsod nams ye shes las byung ba'i/ /dam pa gnyis ni thob par
shog  /ces gsungs pa

ltar; theg pa mchog gis 'gro ba'i gdul bya rnams kyis 'bras bu'i
skabs su chos sku dam pa dang gzugs sku dam pa gnyis 'thob pa
ni/ lam gyi skabs su sngar bshad pa ltar thabs dang shes rab ya
ma bral ba'i bsod nams

dang ye shes kyi tshogs dpag tu med pa bsags pa la rag las la/ de
yang kun rdzob pa'i rgyu 'bras rnams kyi rgyu 'di las phan yon
dang nyes dmigs kyi 'bras bu 'di dang 'di 'byung ba'i rgyu 'bras
kyi 'brel pa la nges pa gting thag

@377a @#/ /pa nas 'drongs pa ji snyed pa la nges pa thob pa dang/
chos thams cad la rang gi ngo bos grub pa'i rang bzhin rdul tsam
yang med par nges pa gting nas rnyed pa'i ji lta ba la nges pa
thob pa la nges par ltos te/ 'di gnyis

ka med na thabs dang shes rab gnyis ka'i lam cha tshang ba la
snying thag pa nas slob pa mi 'byung ba'i phyir ro/ /de ltar
'bras bu'i skabs su sku gnyis 'thob pa'i rgyu lam gyi gnad mi
'phyug pa gzhi'i lta ba gtan la 'bebs tshul la rag

las pa'i lta ba gtan la 'bebs tshul ni de ma thag tu bshad pa'i
bden gnyis la nges pa rnyed pa 'di yin no/ /'di ni dbu ma pa ma
gtogs pa gang zag gzhan su'i ngor yang 'gal ba 'du bar mthong
nas mi 'gal bar 'chad mi

shes pa la phra zhing mdzangs la shin tu rgya che ba'i rnam
dpyod dang ldan pa'i mkhas pa dbu ma pa zhes pa des/ bden pa
gnyis rtogs pa'i thabs la mkhas pas 'gal ba'i dri tsam yang med
par gtan la phab nas rgyal ba'i dgongs pa'i

mthar thug pa rnyed de/ de la brten nas rang gi ston pa dang
bstan pa la shin tu gus pa rmad du byung ba skyes pas drangs
pa'i ngag tshig rnam par dag pas/ shes ldan dag rang bzhin gyis
stong pa'i stong pa nyid kyi don ni rten cing

'brel par 'byung ba'i don yin gyi/ don byed pa'i nus pas stong
pa'i dngos po med pa'i don ni ma yin no zhes skad gsangs mthon
pos yang dang yang du sgrogs par mdzad do/ /rang gi sde pa dngos
por smra ba'i mkhas pa rig gnas du ma la ches

@377b shin tu sbyangs pa rnams kyang dbu ma'i lta ba khas mi len
cing dbu ma pa la rtsod pa ni chos thams cad la rang gi ngo bos
grub pa'i rang bzhin ci yang med pa'i stong pa yin na/ bcings
grol sogs 'khor 'das kyi rnam gzhag thams cad

'jog sa med snyam pa 'di kho na yin te/ rtsa she las/ gal te 'di
dag kun stong na/ /'byung ba med cing 'jig pa med/ /'phags pa'i
bden pa bzhi po rnams/ /khyod la med par thal bar 'gyur/ /zhes
rang bzhin gyis stong na skye 'jig dang bden

bzhi mi 'thad par 'gyur zhes pa dang/ rtsod zlog las/ gal te
dngos po thams cad kyi/ /rang bzhin kun la yod min na/ /khyod
kyi tshig kyang rang bzhin med/ /rang bzhin bzlog par mi nus so/
/zhes tshig la rang bzhin med na rang bzhin 'gog

pa dang rang bzhin med pa bsgrub par mi nus so zhes rang bzhin
med na bskyed bya skyed byed dang 'gog pa dang bsgrub pa'i bya
byed mi 'thad do snyam nas rtsod pa byed de/ 'dis ni rang bzhin
'gog pa'i rigs pas bya byed thams cad bkag par go

nas rtsod pa'o/ /des na dngos por smra ba dang dbu ma pa gnyis
grub mtha' thun mong ma yin pa la rtsod pa na rang bzhin gyis
stong pa la 'khor 'das kyi rnam gzhag thams cad bzhag tu rung mi
rung 'di kho na la rtsod pas na/ rang gi ngo bos grub pa'i

rang bzhin rdul tsam med pa la bskyed bya dang skyed byed dang
'gog pa dang bsgrub pa sogs 'khor 'das kyi rnam gzhag thams cad
khas blangs pas chog pa ni dbu ma pa'i khyad chos yin te/ rtsa
she'i rab byed nyer bzhi pa las/ skyon du

@378a @#/ /thal bar 'gyur ba ni/ stong la 'thad pa ma yin pas/
/khyod ni stong nyid spong byed pa/ /gang de nga la mi 'thad do/
/gang la stong pa nyid rung ba/ /de la thams cad rung bar 'gyur/
/gang la stong nyid mi rung ba/ /de la

thams cad mi rung 'gyur/ /zhes/ gal te 'di dag kun stong na/
/zhes sogs kyi skyon rang bzhin med par smra ba la mi 'byung bar
ma zad rang bzhin gyis stong pa'i phyogs la skye 'jig sogs rung
la/ rang bzhin gyis mi stong pa'i phyogs la mi

rung bar gsungs so/ /de ltar yang/ tshig gsal las/ kho bo cag gi
phyogs la ni ci skad smras pa'i skyon du thal ba mi 'jug pa 'ba'
zhig tu ma zad kyi/ 'on kyang bden pa la sogs pa rnam par bzhag
pa thams cad ches shin tu 'thad

pa yin no zhes bstan pa'i phyir gsungs pa/ gang la stong pa nyid
rung ba/ /zhes sogs kyi gzhung bkod nas bshad pa mdzad do/ /dbu
ma rtsa bar rab byed nyer drug pas rten 'brel bcu gnyis kyi lugs
'byung gi skye rim dang lugs ldog

gi 'gag rim bstan la/ rab byed nyer lngas gtso cher rang bzhin
'gog par mdzad do/ /rab byed nyer bzhi pa 'phags pa'i bden pa
brtag pas rang bzhin gyis mi stong pa la 'byung 'jig sogs 'khor
'das kyi rnam gzhag

thams cad mi rung ba'i tshul dang rang bzhin gyis stong pa la de
dag thams cad rung ba'i tshul rgyas par gtan la phab pas na/ rab
byed 'di rab byed gzhan thams cad la 'khyer shes dgos pa yin no/
/des na da lta dbu

@378b ma'i don smra bar 'dod pa rnams rang bzhin med pa la
bskyed bya skyed byed sogs kyi rgyu 'bras mi rung bas khyab par
smra ba ni dngos por smra ba'i lugs yin pas/ mgon po klu sgrub
kyi bzhed pa rgyu dang rkyen 'di dang 'di la brten nas 'bras bu
'di dang 'di skye ba dang

'gag pa'i rgyu 'bras kyi rnam gzhag nyid la brten nas rang bzhin
gyis stong pa dang dbu ma'i lam btsal dgos pa yin te/ rab byed
nyer bzhi pa las/ rten cing 'brel bar 'byung ba gang/ /de ni
stong pa nyid du bshad/ /de ni brten nas gdags pa ste/ /

de nyid dbu ma'i lam yin no/ /gang phyir rten 'byung ma yin
pa'i/ /chos 'ga' yod pa ma yin pa/ /de phyir stong pa ma yin
pa'i/ /chos 'ga' yod pa ma yin no/ /zhes rten 'byung la rang
bzhin gyis stong pas khyab par gsungs pa 'di la/ rgyu rkyen la

brten nas skye ba la rang bzhin gyis grub pas khyab bo zhes
bzlog nas ma smra zhig  /de bzhin du rtsod zlog las kyang/ gang
la stong nyid 'di srid pa/ /de la don rnams thams cad srid/
/gang la stong nyid mi srid pa/ /de la ci yang mi srid do/ /gang

zhig stong dang rten 'byung dang/ /dbu ma'i lam du don gcig par/
/gsung mchog mtshungs pa med pa yi/ /sangs rgyas de la phyag
'tshal lo/ /zhes dang/ stong nyid bdun cu pa las kyang/ dngos po
thams cad rang bzhin gyis/ /stong pa

yin pas dngos rnams kyi/ /rten 'byung phyir ni de bzhin gshegs/
/mtshungs pa med pas nye bar bstan/ /zhes dang/ rigs pa drug cu
pa las kyang/ gang dag gis ni ma brten par/ /bdag gam 'jig rten
mngon zhen pa/ /de dag kye ma rtag

@379a @#/ /mi rtag  /la sogs lta bas 'phrog pa yin/ /gang dag
brten nas dngos po rnams/ /de nyid du ni grub 'dod pa/ /de dag
la yang rtag sogs skyon/ /de dag ji ltar 'byung mi 'gyur/ /gang
dag brten nas dngos po rnams/ /chu yi zla

ba lta bur ni/ /yang dag ma yin log min par/ /'dod pa de dag
ltas mi 'phrog  /ces dang/ 'jig rten las 'das par bstod pa las
kyang/ /sdug bsngal rang gis byas pa dang/ /gzhan gyis byas dang
gnyis kas byas/ /rgyu med rtog ge pa yis

'dod/ /khyod kyis rten cing 'brel bar gsungs/ /rten cing 'brel
bar gang byung ba/ /de nyid khyod ni stong par bzhed/ /dngos po
rang dbang yod min zhes/ /mnyam med khyod kyi seng ge'i sgra/
/zhes rten 'brel yin pa'i rgyu mtshan gyis rang bzhin gyis  

stong pa kho nar gsungs te/ rten 'brel gyi don rang bzhin med
pa'i stong nyid kyi don du 'char ba 'di ni mgon po klu sgrub kyi
lugs thun mong ma yin pa'o/ /des na rang bzhin med pa'i stong
nyid dbu ma pa'i ngos nas byed cing rten 'brel rgyu 'bras kyi

rnam gzhag rang gi lugs la byar ma bde nas gzhan ngo la sogs pa
la skyel ba ni rten 'brel gyi don ma yin te/ gang la stong pa
nyid rung ba/ /de la/ zhes rang bzhin med pa gang gi lugs yin
pa'i lugs de la 'khor 'das kyi rten 'brel thams cad

'thad par gsungs pa'i phyir ro/ /'o na stong nyid 'dod pa'i
phyogs la 'khor 'das thams cad rung lugs ji 'dra yin snyam na/
dngos po thams cad rang bzhin gyis stong pa nyid du smra bas ni
rgyu rkyen la brten nas 'byung ba'i rgyu mtshan gyis

@379b der smra ste 'di 'chad par 'gyur ro/ /de lta na de la rten
'brel 'thad la/ de 'thad na sdug bsngal yang 'thad de rgyu rkyen
la brten nas 'byung ba la sdug bsngal bzhag dgos kyi/ brten nas
ma byung ba la sdug bsngal mi rung ba'i phyir ro/ /

sdug bden yod na de gang las byung ba'i kun 'byung dang sdug
bsngal de 'gags pa'i 'gog pa dang der 'gro ba'i lam 'thad pas
bden bzhi yod do/ /bden bzhi yod na de dag shes pa dang spong ba
dang mngon sum du byed pa dang lam

bsgom pa rung la/ de dag yod na dkon mchog gsum la sogs pa thams
cad rung ngo/ /de ltar yang/ tshig gsal las/ gang la dngos po
thams cad rang bzhin gyis stong pa nyid 'di rung ba de la ji
skad smras pa de dag thams cad rung

bar 'gyur ro/ /ji ltar 'gyur zhe na/ gang gi phyir kho bo cag ni
rten cing 'brel par 'byung ba la stong pa nyid ces smra ste de'i
phyir gang la stong pa nyid 'di rung ba de la rten cing 'brel
par 'byung ba rung la/ gang la rten cing 'brel par 'byung ba
rung

ba de la 'phags pa'i bden pa bzhi rnams rigs par 'gyur ro/ /ji
ltar zhe na gang gi phyir rten cing 'brel par 'byung ba nyid
sdug bsngal du 'gyur gyi/ rten cing 'brel par mi 'byung ba ni ma
yin no/ /de ni rang bzhin med pas stong par 'gyur ro/ /

sdug bsngal yod na ni sdug bsngal kun 'byung dang sdug bsngal
'gog pa dang sdug bsngal 'gog par 'gro ba'i lam rung bar 'gyur
ro/ /de'i phyir sdug bsngal yongs su shes pa dang kun 'byung
spang ba dang/ 'gog pa mngon du bya ba

@380a @#/ /dang lam bsgom pa'ang rung ngo/ /sdug bsngal la sogs
pa'i bden pa yongs su shes pa la sogs pa yod na ni 'bras bu
rnams rung bar 'gyur ro/ /'bras bu rnams yod na 'bras bu la gnas
pa dag rung ngo/ /

'bras bu la gnas pa dag yod na ni zhugs pa dag rung bar 'gyur
ro/ /'bras bu la gnas pa dang zhugs pa dag yod na ni dge 'dun
rung ngo/ /'phags pa'i bden pa rnams yod na dam pa'i chos kyang
rung bar 'gyur ro/ /dam pa'i chos

dang dge 'dun yod na ni sangs rgyas kyang rung bar 'gyur ro/
/de'i phyir dkon mchog gsum yang rung bar 'gyur ro/ /'jig rten
pa dang 'jig rten las 'das pa'i dngos po thams cad khyad par du
rtogs pa thams cad kyang rung la/ chos dang

chos ma yin pa dag dang de'i 'bras bu dang 'jig rten pa'i tha
snyad thams cad kyang rung bar 'gyur ro/ /de'i phyir de ltar na/
gang la stong pa nyid rung ba de la thams cad rung bar 'gyur ro/
gang la stong pa nyid mi rung ba de la ni rten cing 'brel

par 'byung ba med pas thams cad mi rung bar 'gyur ro/ /zhes
gsungs pas/ rung mi rung ni de dag yod pa dang med pa la go bar
bya'o/ /sngar drangs pa'i rtsod zlog gi rtsod pa de'i lan du'ang
rang bzhin med pa la bya byed 'thad pa'i lan slob

dpon gyis gsal bar mdzad de/ rtsod zlog las/ dngos rnams brten
nas 'byung ba gang/ /de ni stong nyid ces bya dang/ /gang zhig
brten nas 'byung ba de/ /rang bzhin med nyid yin par smra/ /zhes
gsungs shing/ de'i

@380b rang 'grel las kyang/ khyod kyis ni dngos po rnams kyi
stong pa nyid kyi don khong du mchud par khyod kyi tshig rang
bzhin med pa yin pa'i phyir/ dngos po rnams kyi rang bzhin 'gog
pa mi 'thad do zhes klan ka tshol ba smra bar byed de/

'dir ni dngos po rnams brten nas byung ba gang yin pa de ni
stong pa nyid yin no/ /ci'i phyir zhe na/ rang bzhin med pa nyid
yin pa'i phyir ro/ /dngos po gang dag rten cing 'brel par 'byung
ba de dag ni rang bzhin dang bcas pa ma yin te/

rang bzhin med pa'i phyir ro/ /ci'i phyir zhe na/ rgyu dang
rkyen la ltos pa dang bcas pa'i phyir ro/ /gal te dngos po rnams
rang bzhin gyis yod na ni rgyu dang rkyen med kyang yod par
'gyur ba zhig na/ de lta yang ma yin pa de'i phyir rang bzhin

med pa yin te/ des na stong pa'o zhes bya bar 'chad do/ /de
bzhin du nga'i tshig kyang rten cing 'brel par 'byung ba yin te
de'i phyir rang bzhin med do/ /rang bzhin med pa nyid yin pa'i
phyir stong pa'o zhes bya ba 'thad pa yin no/ /ji ltar bum pa

dang snam bu la sogs pa rten cing 'brel par 'byung ba nyid yin
pa'i phyir rang bzhin stong pa yin kyang sbrang rtsi dang chu
dang 'o thug 'dzin pa dang len pa dang grang ba dang rlung dang
nyi ma yongs su skyob par nus pa de bzhin du/ nga'i tshig kyang
rten 

cing 'brel par 'byung ba yin pa'i phyir rang bzhin med pa yin
kyang dngos po rnams rang bzhin med par rab tu bsgrub par nus pa
yin pas/ de la khyod kyi tshig rang bzhin med pa nyid yin pa'i
phyir/ dngos po thams cad kyi rang

@381a @#/ /bzhin 'gog pa 'thad pa ma yin no zhes smras pa gang
yin pa de mi rung ngo/ /zhes rang bzhin gyis grub na rgyu rkyen
la mi ltos pa dang/ rgyu rkyen la ltos na rang bzhin med pas
khyab pa'i rjes su 'gro ldog dang/ rang

bzhin med pa'i tshig gis dgag sgrub kyi bya ba byed nus par shin
tu gsal bar gsungs so/ /rgyu rkyen la brten nas kun nas nyon
mongs dang rnam par byang ba'i chos skye ba dang 'gag pa'i rten
'brel dang rang bzhin med pa gnyis gzhi mthun du 'du

ba lta ci smos te/ de 'dra ba'i rten 'brel de nyid rang bzhin
med par rtogs pa'i rgyu mtshan bla na med par 'gro ba 'di ni
mkhas pa dbu ma pa kho na'i khyad chos su shes par bya yi/ brten
nas skye ba dang brten nas 'gag pa la rang gi ngo bos grub pas

khyab par bzung nas/ rang bzhin 'gog pa'i rigs pas skye ba dang
'gag pa'i rten 'brel bkag na ni lha bdud du babs pa ltar gyur
nas dbu ma'i don ji lta ba bzhin rnyed pa'i gegs chen por 'gyur
pa yin no/ /de ltar na chos rnams la rang

gi ngo bos grub pa'i rang bzhin rdul tsam yang med pa'i nges pa
drangs pa na rgyu 'bras kyi 'brel pa la rang lugs kyi nges pa
drangs med par gzhan ngo sogs la skyel dgos shing/ rgyu 'bras la
rang lugs kyi nges pa legs par drangs pa na rang

bzhin med pa la rang lugs kyis nges pa drangs med par song nas/
rang bzhin med pa la dgongs pa len pa skad byed na/ da dung dbu
ma'i lta ba ma rnyed par shes par gyis la/ lta ba rnyed pa'i
rgyur khas blangs pa'i tshul khrims

@381b dag par bsrung ba gzhir bzhag nas tshogs bsag pa dang sgrib
pa sbyang ba'i sgo du ma la 'bad pa dang mkhas pa bsten nas thos
pa dang bsam pa la brtson par bya'o/ /de 'dra ba'i snang stong
la nges pa 'dren pa gnyis tshogs de srid mtha' tsam

du song bas dbu ma'i lta ba shin tu rnyed dka' ba la dgongs nas/
rtsa she'i rab byed nyer bzhi pa las/ de phyir zhen pas chos 'di
yi/ /gting rtogs dka' bar mkhyen gyur nas/ /thub pa'i thugs ni
chos bstan las/ /rab tu log

par gyur pa yin/ /zhes dang/ rin chen phreng ba las kyang/ re
zhig lus 'di mi gtsang nyid/ /rags shing mngon sum spyod yul ba/
/rtag tu snang ba'ang gang gi tshe/ /sems la gnas pa ma yin pa/
/de tshe dam chos gnas

med pa/ /phra zab mngon sum ma yin pa/ /zab mo de ko ji lta bur/
/sems la bde blag 'jug par 'gyur/ /chos 'di zab phyir skye bo
yis/ /shes par dka' bar thugs chud de/ /des na thub pa sangs
rgyas nas/ /chos bstan pa

las log par gyur/ /zhes bstan bcos dang gsung rab rnams nas shin
tu rtogs dka' bar gsungs pa yin no/ /de lta ma yin par gzhung
tshad ldan kha cig nas bum pa la sogs pa rang gi yan lag dang
gcig tha dad dpyod pa'i rigs

pas rang bzhin med pa gtan la 'bebs par gsungs pa'i don la
'khrul nas/ bum pa la sogs pa rnams mchu dang mgrin pa la sogs
pa rang gi yan lag gang yin dpyad pa na de dag gang du'ang ma
rnyed pa na bum pa mi 'dug go snyam du nges

@382a @#/ /pa 'dren la/ de nas dpyod mkhan la'ang de ltar dpyad
pa na dpyod mkhan yang mi 'dug go snyam du nges par 'gyur ro/
/de'i tshe dpyod mkhan mi rnyed na bum pa la sogs pa med do snyam
du su zhig gis shes snyam

nas; yod pa'ang ma yin med pa'ang ma yin zhes zer ba ltar gyi
rigs pa ltar snang res nges pa phyin ci log tu drangs pa la lta
ba rnyed par 'jog na 'di sla shos cig tu snang ngo/ /de'i phyir
blo gros dang ldan pa dag gis ni nges don gyi gsung rab dang

de'i dgongs 'grel gyi bstan bcos dbu ma'i gzhung rnam par dag pa
rnams nas stong pa nyid kyi don rten 'brel gyi don du gsungs pa
mkhas pa dbu ma pa'i khyad chos khyad par du slob dpon sangs
rgyas bskyangs dang dpal ldan zla ba grags

pas 'phags pa yab sras kyi dgongs pa lhag ma ma lus par bkral
ba'i phra ba'i gnas/ rten 'brel la brten nas rang bzhin med pa
la nges pa ster lugs dang rang bzhin gyis stong pa'i dngos po
rnams rgyu 'bras su 'char tshul la gzhan

gyis bkri bar mi nus pa'i nges pa drang bar bya'o/ /gnyis pa
lugs des de ji ltar bkag pa'i tshul ni/ de ltar mgon po klu sgrub
kyi lugs/ chos rnams la rang gi ngo bos grub pa'i rang bzhin
rdul tsam yang med pa dang/ rang bzhin gyis grub na

'khor 'das kyi rnam gzhag thams cad byar med pa dang/ rnam gzhag
de mi byar mi rung bas bcings grol la sogs pa'i rnam gzhag thams
cad 'jog pas nges par rang bzhin med pa khas blang dgos pa la/
khyed cag dngos po rnams la rang gi ngo bos

@382b grub pa'i rang bzhin med na gzhan ci zhig yod/ des na
bcings grol dang skye 'gag sogs 'gog pa la don dam pa sogs kyi
khyad par sbyor mi dgos par rang bzhin 'gog pa'i rigs pas 'gog
pa yin no zhes smra ba na/ rang bzhin

med pa la bcings grol dang 'byung 'jig sogs bzhag pas chog pa ji
ltar ma bkag pa sogs shig  /gal te slob dpon gyi bzhed pa ni/
bcings grol sogs 'khor 'das kyi rnam gzhag rnams tha snyad du
yin la/ kho bos kyang tha snyad

du de dag 'dod bas skyon med do snyam na/ de ni rigs pa ma yin
te/ 'di ltar slob dpon zla ba'i bzhed pa ni/ tha snyad du'ang
chos rnams la rang gi ngo bos grub pa'i rang bzhin med pa yin
par khyed kyang 'dod la/ de ltar na rang bzhin 'gog pa'i

rigs pas tha snyad du'ang rang bzhin de dgag dgos pa'i phyir
dang/ rang bzhin 'gog pa'i rigs pas bcings grol sogs kyang 'gog
par 'dod pa'i phyir tha snyad du'ang bcings grol sogs bkag par
shin tu gsal lo/ /mdor na rang bzhin

med pa dang bcings grol dang skye 'gag sogs 'gal bar 'dod na/
rang bzhin gyis stong pa'i stong pa la 'khor 'das kyi rnam gzhag
thams cad 'thad pa bden pa gnyis gang du'ang mi rung bas dbu ma
pa'i khyad chos gcig pu de khyed

kyis bkag pa yin no/ /de dag 'gal bar mi 'dod na ni rang bzhin
'gog pa'i rigs pas dgag bya la khyad par ci yang sbyar mi dgos
par skye 'gag dang bcings grol sogs 'gog par 'dod pa la rgyu
mtshan yang dag pa ci yang med do/ /des na rang

@383a @#/ /bzhin 'gog pa'i rigs pas rgyu 'bras 'gog na ni rang
bzhin med pa la 'byung 'jig sogs mi rung bar 'dod pa yin pas de
lta na/ gal te 'di dag kun stong na/ /'byung ba med cing 'jig pa
med/ /'phags pa'i

bden pa bzhi po rnams/ /khyod la med par thal bar 'gyur/ /zhes
sogs rab byed nyer bzhi pa nas dngos smra'i rtsod pa bkod pa
dang/ gal te dngos po thams cad kyi/ /rang bzhin kun la yod min
na/ /khyod kyi tshig kyang rang bzhin

med; ;rang bzhin ldog par mi nus so/ /zhes rtsod zlog nas dngos
por smra ba'i rtsod pa bkod pa dang khyad par ci yang med pa
shin tu gsal ba yin no/ /gal te rang bzhin gyis stong mi stong
gnyis ka la 'byung 'jig sogs mi

rung la/ kho bo cag rang bzhin gyis stong mi stong gang du'ang
khas mi len pas skyon med do snyam na/ de ni gzhung gi don du
gtan mi rung ste/ 'grel pa tshig gsal las/ kho bo cag la 'byung
'jig sogs mi 'thad pa'i skyon

med par ma zad bden pa bzhi la sogs pa 'thad pa yin no zhes
bsgrubs shing/ rtsa bar yang rang bzhin gyis stong pa'i phyogs
la de dag rung ba dang mi stong pa'i phyogs la mi rung bar legs
par phye nas gsungs pa'i phyir dang/ dbu ma la

'jug pa las kyang/ dngos po stong pa gzugs brnyan la sogs pa/
/tshogs la ltos rnams ma grags pa yang min/ /ji ltar der ni gzugs
brnyan sogs stong las/ /shes pa de yi rnam pa skye 'gyur ltar/
/de bzhin dngos

@383b po thams cad stong na yang/ /stong nyid dag las rab tu
skye bar 'gyur/ /zhes gsungs pa'i phyir ro/ /gzhan yang bcings
grol sogs rigs pas 'gog na don dam du dgag pa byed ba mi rung
bas kun rdzob tu dgag dgos la/ de'i tshe tha

snyad du yang 'khor 'das kyi rnam gzhag thams cad 'gog pa de
'dra ba'i dbu ma pa de ni sngon med pa zhig go/ /gsum pa de la
dbu ma pas lan ji ltar btab pa ni/ dngos po rang bzhin gyis
stong na 'khor 'das kyi rgyu 'bras bzhag tu mi

rung bar rtsod pa 'di la/ mgon po klu sgrub ni dbu ma pas phar
la 'phang rgyu'i skyon tshur la 'phangs pa yin pas bzlog nas
skyon 'phen par bzhed pa yin te/ rtsa she'i rab byed nyer bzhi
pa las/ khyod ni rang gi skyon rnams ni/ /nga la

skyon du sgyur byed pa/ /rta la mngon par zhon bzhin du/ /rta
nyid brjed par gyur pa bzhin/ /gal te dngos rnams rang bzhin
las/ /yod par rjes su lta byed na/ /de lta yin na dngos po kun/
/rgyu rkyen med par khyod lta'o/ /zhes dang/

gal te 'di kun mi stong na/ /'byung ba med cing 'jig pa med/
/'phags pa'i bden pa bzhi po rnams/ /khyod la med par thal bar
'gyur/ /zhes sogs kyis gsungs so/ /des na rang gi ngo bos grub
pa'i rang bzhin med na

gzhan ci zhig yod ces smra ba 'dis ni gdon mi za bar myu gu rang
bzhin med pa dang myu gu med pa gnyis kyi khyad par ma phyed par
gsal la/ de'i phyir myu gu yod pa dang myu gu rang gi ngo bos
grub pa gnyis kyang mi phyed pas yod na rang

@384a @#/ /gi ngo bos yod pa dang/ rang gi ngo bos grub pa med
par 'dod par gsal te/ de lta ma yin na rang gi ngo bos grub pa
'gog pa'i rigs pas yod tsam dang skye ba dang 'gag pa tsam la
sogs

pa ci'i phyir 'gegs par smra/ de ltar ji srid du myu gu la sogs
pa rnams yod par 'dod pa de srid du rang gi ngo bos grub pa'i
yod par smra la/ rang gi ngo bos grub pa gtan med na gtan med du
smra na ni mtha' gnyis su ltung bar gdon

mi za bas dngos por smra ba'i go lugs dang khyad med pa yin te/
bzhi brgya pa'i 'grel pa las/ dngos po yod par smra ba'i ltar na
ji srid du dngos po de'i yod pa nyid yin pa de srid du rang gi
ngo bo yang yin pa nyid la/ gang gi tshe rang

gi ngo bo dang bral ba de'i tshe de la dngos po de rnams rnam pa
thams cad du med pa'i phyir bong bu'i rwa dang 'dra bas gnyis su
smra ba las ma 'das pa'i phyir 'di'i mngon par 'dod pa thams cad
'grig dka' bar 'gyur ro/ /zhes gsal

bar gsungs pa'i phyir ro/ /rang bzhin yod med dang yod med bzhi
po 'di dpal ldan zla ba grags pas phye ba 'di ma rtogs phyin
chad gdon mi za bar mtha' gnyis su ltung bas mtha' bral dbu ma'i
don mi rtogs pa yin te/

'di ltar rang gi ngo bos grub pa ye med du nam song ba na chos
de ye med du 'grol de lta na rang bzhin gyis stong pa'i stong pa
la rgyu 'bras bzhags gtan med pas chad pa'i mthar ltung la/ yang
chos de yod par 'dod phyin chad

@384b rang gi ngo bos grub par khas blang dgos par 'gyur la de
lta na rgyu 'bras rang bzhin med bzhin du der snang ba'i sgyu ma
lta bur byas mi 'ong bas rtag pa'i mthar ltung ba yin no/ /des
na chos thams cad la rang gi ngo bos grub pa rdul tsam yang gdod

ma nas med par rtogs pas yod mthar mi ltung ba yin la/ de lta
na'ang myu gu la sogs pa'i dngos po rnams don byed pa'i nus pas
stong ba'i dngos med du mi 'gro bar rang rang gi bya ba byed pa
la mthu yod par nges pa'i nges shes 'drongs

na med pa'i mtha' spong ba yin no/ /rang bzhin med pa dang med
pa gnyis gsal bar 'byed pa/ tshig gsal las kyang gsungs te/ ji
skad du/ gal te de ltar khyod kyis dngos po rnams rang bzhin med
par rnam par bzhag na/

'o na ni gang bcom ldan 'das kyis rang gi byas pa'i las kyi rnam
par smin pa ni rang nyid kyis myong bar 'gyur ba yin no/ /zhes
gsungs pa de thams cad tshul 'dis bsal bar 'gyur la las dang
'bras bu la skur pa btab

pa'i phyir na khyod med pa pa'i gtso bor gyur pa yin no/ /brjod
par bya ste/ kho bo cag med pa pa ma yin te/ kho bo cag ni yod
pa dang med pa gnyis su smra ba bkag nas gnyis su med pa'i lam
mya ngan las 'das pa'i grong khyer du 'gro

ba gsal bar byed pa yin no/ /kho bo cag ni las dang byed pa po
dang 'bras bu la sogs pa med do zhes smra ba'ang ma yin te/ 'o
na ci zhe na/ 'di dag rang bzhin med do zhes rnam par 'jog pa
yin no/ /ci ste rang bzhin med pa

@385a @#/ /rnams la bya ba byed pa mi 'thad pa'i phyir nyes pa so
na 'dug pa nyid do snyam na/ de yang yod pa ma yin te/ rang
bzhin dang bcas pa rnams kho na la bya ba ma mthong ba'i phyir
dang/ rang bzhin med pa rnams kho na la bya

ba mthong ba'i phyir ro/ /zhes gsungs so/ /de la rang bzhin med
pa yin na rang bzhin 'gog pa des las las rnam smin 'byung ba
bsal bar 'gyur ro zhes dngos smra bas smras pa ni rang bzhin
'gog pa'i rigs pas rgyu 'bras bkag par 'dod pa

dang 'dod pa khyad med par song ba'o/ /rgyu 'bras bkag na chad
lta ba'i gtso bor 'gyur ro zhes pa ni dbu ma pa dang dngos por
smra ba gnyis kas 'dod par 'dra yang/ dbu ma pa ni rgyu 'bras
bkag pa mi 'dod la/ dngos smra bas ni rang bzhin

'gog na rgyu 'bras kyang nges par 'gog dgos snyam nas dbum pa la
med pa pa'am chad lta ba zhes zer ro/ /bod kyi dbu ma par khas
'che ba phal che ba ni rang bzhin 'gog na rigs pa des rgyu 'bras
kyang dag dgos par 'dod pa dngos

smra ba rnams dang mthun par snang la/ 'on kyang rgyu 'bras rigs
pas 'gog pa dbu ma'i lugs su byas nas de la mos par snang ngo/
/rtsod pa de'i lan du kho bo cag ni med pa pa ma yin te/ yod med
gnyis su smra ba

bsal nas thar pa'i lam gsal bar byed pa yin no zhes gsungs na
yod med du smra ba sel tshul ni lhag mas bstan to/ /de la kho bo
cag ni las 'bras sogs med do zhes mi smra zhes pas ni med par
smra ba sel ba yin te/

@385b las 'bras sogs med par 'dod na med pa par 'gyur ba las kho
bo ni de mi 'dod ces pa'o/ /'o na ci smras zhes 'dri ba la/ las
'bras sogs 'di dag rang bzhin med do zhes 'jog pa'am 'dod pa yin
no zhes smras pas ni yod

par smra ba sel ba yin no/ /rang bzhin med pa la bya byed mi
'thad pas nyes pa so na 'dug go zhes pa ni khyod kyis med par mi
smra yi/ rang bzhin med par smra'o zhes smras kyang sngar bkod
pa'i skyon rang bzhin med na rgyu 'bras mi 'thad

pa da dung spong mi nus zhes dngos por smra bas rtsod pa ste/
kho'i lugs la rang bzhin med pa dang med pa gnyis khyad med pas
de ltar rtsod pa'o/ /de'i lan du rgyus 'bras bu bskyed pa sogs
kyi bya byed rnams rang bzhin yod pa la mi rung ba dang rang

bzhin med pa kho na la de dag rung bar gsungs so/ /bzhi brgya
pa'i 'grel pa las kyang/ bdag ni dngos po med par smra ba ma yin
te/ rten cing 'brel par 'byung ba smra ba yin pa'i phyir ro/ /ci
khyod dngos por smra ba zhig gam zhe na/

ma yin te/ rten cing 'brel bar 'byung ba smra ba yin pa nyid kyi
phyir ro/ /khyod ci smra ba zhig ce na/ rten cing 'brel par
'byung ba smra ba'o/ /yang rten cing 'brel bar 'byung ba'i don
gang zhig ce na/ rang bzhin med pa'i don de rang bzhin gyis

ma skyes pa'i don dang sgyu ma dang smig rgyu dang gzugs brnyan
dang dri za'i grong khyer dang sprul pa dang smi lam dang
mtshungs pa'i rang bzhin can gyi 'bras bu 'byung ba'i don dang
stong pa nyid dang bdag med pa'i don no zhes rten 'brel du 'dod
pas

@386a @#/ /dngos po yod med kyi mtha' gnyis su smra ba sel tshul
bstan to/ /de yang rten 'brel gyi don rang bzhin gyis ma skyes
pa la bshad pas ni dngos po yod par smra ba sel la/ sgyu ma la
sogs pa dang 'dra ba'i

'bras bu 'byung ba rten 'brel gyi don du bstan pas ni dngos po
med par smra ba sel ba yin no/ /des na dngos po ni rang bzhin la
byed pa dang don byed nus pa la byed pa gnyis las/ dngos po yod
par smra ba'i dngos po ni rang bzhin gyis

grub pa kho na la bya la/ dngos po med par smra ba'i dngos po ni
don byed pa'i dngos po la bya ste/ de gnyis sel ba na rang bzhin
bkag cing sgyu ma lta bu'i rgyu 'bras yod par bstan pa'i phyir
ro/ /gzhan yang bzhi brgya pa'i 'grel pa las/

yang ci 'das pa'i yul can gyi dran pa med dam/ med do zhes de
skad du su smra/ kho bo cag ni rten cing 'brel par 'byung ba sel
ba ma yin no/ /de ji ltar yod pa de ltar ni nges na/ dran pa
zhes bya log pa yi/ /don la log pa kho na 'byung/ /zhes

slob dpon nyid rnam par 'jog par mdzad do/ /de'i phyir dran pa'i
dmigs pa ni 'das pa'i dngos po yin no/ /gal te rang gi ngo bos
yod na ni de'i dran pa de yod pa'i don la dmigs pa'i phyir rang
gi ngo bos grub pa zhig na gang

gi tshe 'das pa'i dngos po de rang bzhin med pa de'i tshe de la
dmigs pa'i dran pa'ang rang bzhin med pa yin te/ de'i phyir log
pa yin no zhes bya bar grub bo/ /log pa zhes bya ba ni rang
bzhin med pa dang rten cing 'brel par 'byung

@386b ba zhes bya ba dang don gzhan ma yin pa ste dngos po med
pa'i don ni log pa'i don ma yin no/ /'das pa'i dngos po rnam pa
thams cad du med pa ni ma yin te/ dran par bya ba yin pa'i phyir
dang de'i 'bras bu mthong ba'i phyir ro/ /rang gi

ngo bos yod pa'ang ma yin te/ rtag pa nyid du thal ba'i phyir
dang dngos su 'dzin par thal ba'i phyir ro zhes 'das pa la sogs
pa 'di dag ye med kyang min la rang gi ngo bos grub pa'ang min
pa dang log pa'am rdzun pa'i don rten

'brel gyi don yin gyi/ dngos po med pa'i don min par gsungs pas/
chos 'di rnams rang gi ngo bos grub par 'dod na dngos por smra
ba'am yod pa'i mthar ltung ba yin gyi/ de dag yod pa tsam du
smra ba ni dngos por smra ba'am

yod smra ba min no/ /de bzhin du phyi nang gi dngos po rnams don
byed pa'i nus pas stong pa'i dngos med du 'dod na dngos po med
par smra ba'am med mthar ltung ba yin gyi/ de dag la rang bzhin
med par smras pas med mthar ltung ba min no/ /de

ltar ye med pa dang rang bzhin med pa dang rang gi ngo bos grub
pa dang yod pa tsam gyi khyad ma phyed par yod med kyi mthar
ltung ba 'gegs pa na kho bo cag med par mi smra yi yod pa ma yin
zhes zer ro/ /yod par mi smra yi med pa ma yin

zhes zer ba yin no zhes smra ba tsam la re bas ni 'gal 'du sha
stag smra zhing dbu ma'i don yang cung zad kyang mi shod de/
gzhan la dgag pa byed pa'i tshen rang bzhin yod med gnyis la sogs
pa'i brtag pa byas nas 'gog pas de

@387a @#/ /gnyis su kha tshon chod dgos par rang nyid kyis khas
blangs bzhin du de gnyis gang yang min pa'i don 'dod pa'i phyir
ro/ /'di ltar gzhi gang yang rung ba zhig la rang bzhin yod dam
med ces brtag pa

byed pas ni de gnyis su kha tshon chod par 'dod dgos te/ der ma
'dus pa'i phung gsum yod na rang bzhin yod pa dang med pa gnyis
gang yin zhes brtag pa bya bar mi rigs te/ dper na/ kha dog tu
yod na sngon por yod

dam ser por yod ces 'dri ba dang 'dra'o/ /de ltar rang bzhin yod
med gnyis su kha tshon chod pa'ang spyir shes bya la yod med
gnyis su kha tshon chod pa la rag las te/ dper na/ bden pa la
bden pa'i gcig dang du ma'i kha tshon chod pa

spyir gcig dang du ma gnyis su kha tshon chod pa la ltos pa bzhin
no/ /de ltar kha tshon chod na ni phung gsum ldog dgos pas de
gnyis gang yang min pa'i chos 'dod pa ni bab col te/ rtsod zlog
las/ rang bzhin med pa nyid log

na; ;rang bzhin nyid du rab grub 'gyur/ /zhes gsungs pa'i phyir
ro/ /gzhan yang de ltar 'dod pa des ni chos gang la'ang phung
gsum ldog pa'i grangs nges bzos med pas the tshom za ba kho nar
'gyur te yod med la sogs pa'i gcig

rnam par bcad pas cig shos yongs su mi gcod pa'i phyir ro/ /yin
min la sogs pa 'ga' zhig la phung gsum med par 'dod na ni yod
med la'ang kun nas mtshungs par 'gyur ba'i phyir ro/ /de 'dra ba
de ni dbu ma'i gzhung las

@387b yod min med min zhes gsungs pa'i tshig tsam la 'khrul bar
snang bas de 'dod na ni yod pa'am med pa zhes smrar mi rung ba
bzhin du/ yod min med min yang smra bar mi rigs te mu bzhi ka la
de ltar gsungs pa'i phyir ro/ /des na rtsa she las/

yod ces bya ba rtag par 'dzin/ /med ces bya ba chad par lta/ /de
phyir yod med gnyis ka la/ /mkhas pas gnas par mi bya'o/ /zhes
gsungs pa'ang yod med tsam la mi zer gyi/ dngos po rnams rang
bzhin gyis grub par khas blangs pa la rtag chad

kyi lta bar 'gyur bar gsal bar gsungs te/ tshig gsal las/ gzhung
snga ma'i yod med du 'dzin pa dngos po yod med du lta ba la
bshad nas de'i 'og tu/ yang ci'i phyir dngos po dang dngos po
med par lta ba yod na rtag pa dang chad par lta bar

thal bar 'gyur zhe na 'di ltar/ gang zhig rang bzhin gyis yod
pa/ /de ni med pa min pas rtag /sngon byung da ltar med ces pa/
/des na chad par thal bar 'gyur/ /gang zhig rang bzhin gyis yod
par brjod pa de ni rang bzhin la ldog pa med pas

nam yang med pa ma yin te/ de lta na'ang rang bzhin yod pa nyid
du khas blangs pas rtag par lta bar thal bar 'gyur la/ dngon
gnas pa'i skabs su dngos po'i rang bzhin khas blangs nas da ltar
de phyis zhig pas med do zhes khas blangs pas chad

par lta bar thal bar 'gyur ro/ /zhes rang bzhin gyis yod pa khas
blangs pa la rtag lta dang sngar gyi rang bzhin de nyid phyis
zhig par 'dod na med ltar gsungs kyi/ yod pa tsam dang zhig pa
tsam la ma gsungs so/ /bud d+ha ? pA li ta las kyang/

@388a @#/ /yod ces bya ba dang med ces bya ba rtag chad du lta
bar bshad pa de dag nyid gang zhig rang bzhin gyis yod pa zhes
sogs kyis rtag chad du 'gro lugs bstan par gsal bar bshad do/
/mdor na rang bzhin med

pa'i stong nyid ni stong pa nyid dam pa ma yin no zhes smra
zhing de 'gog na sher phyin spangs pa'i chos spong gis ngan
'gror 'gro la/ rang bzhin med pa la mos na'ang rang bzhin med na
ci zhig yod snyam nas chos thams cad gtan yod pa ma yin par

'dod na'ang chad lta'i g.yang du ltung bar 'gyur ro/ /de ltar
yang/ stong pa nyid la lta nyes na/ /shes rab chung rnams phung
bar 'gyur/ /zhes pa'i 'grel pa tshig gsal las/ re zhig gal te
thams cad stong pa ste thams cad yod pa ma

yin no zhes rtog na de'i tshe 'di log par lta bar 'gyur te/ ji
skad du/ chos 'di log par bzung gyur na/ /mi mkhas rnams ni chud
kyang 'dza'/ /'di ltar med par lta ba yi/ /mi gtsang der ni
bying bar 'gyur/ /zhes bshad do/ /

ci ste yang thams cad la skur pa 'debs par mi 'dod na ni de'i
tshe ji ltar dngos po 'di dag dmigs su zin kyang stong pa nyid du
'gyur te/ de'i phyir rang bzhin med pa'i don ni stong pa nyid
kyi don ma yin no/ /zhes 'di nges par stong

pa nyid spong bar 'gyur te de ltar spangs nas chos kyis phongs
par 'gyur ba'i las kyis nges par ngan 'gror 'gro bar 'gyur ro/
/ji skad du/ rin po che'i phreng ba las/ gzhan yang 'di ni log
bzung na/ /blun po mkhas pa'i nga

@388b rgyal can/ /spong bas ma rungs bdag nyid can/ /mnar med
par ni spyi'u tshugs 'gro/ /zhes bshad do zhes gsungs pa'i phyir
ro/ /gal te kho bo cag dngos po rnams sngar khas blangs nas
phyis med par lta na med lta bar 'gyur yang

kho bo cag ni gdod ma nas de dag yod par mi 'dod pas ci zhig
chad pa'i chad lta bar 'gyur te/ sngon byung da ltar med ces pa/
/des na chad par thal bar 'gyur/ /zhes de 'dra ba la chad lta
bar gsungs shing/ tshig gsal

las kyang/ rnal 'byor pa kun rdzob kyi bden pa mi shes pa tsam
gyis bskyed pa rang bzhin med par rtogs nas de'i stong pa nyid
don dam pa'i mtshan nyid can rtogs pa ni mtha' gnyis su ltang bar
mi 'gyur te/ gang zhig da lta

med par gyur pa de'i tshe na ni ci zhig yod par 'gyur zhes de
ltar sngar dngos po'i rang bzhin ma dmigs pas phyis kyang med pa
nyid du mi rtogs la/ zhes gsungs pa'i phyir ro snyam na/ de ni
rigs pa ma yin te/ chad lta ba la gang

chad rgyu'i dngos po sngar khas blangs pa dgos na ni 'jig rten
rgyang phan pas kyang tshe snga phyi dang las 'bras sogs sngar
khas blangs nas phyis med par mi smra yi/ de dag gdod ma nas yod
par mi 'dod pas chad lta ba ma yin par

thal ba'i phyir ro/ /des na/ sngon byung da ltar med ces pa/
/des na chad par thal bar 'gyur/ /zhes gsungs pa ni/ dngos po la
rang gi ngo bos grub pa'i rang bzhin 'dod pa'i dngos smra ba la
rtag chad kyi lta ba gdon mi za bar 'byung ba'i

@389a @#/ /don yin te/ rang bzhin de dus kun tu mi 'gyur bar 'dod
na ni rtag ltar 'gyur la/ dus snga ma na yod pa dus phyi mar
zhig par 'dod na ni chad ltar 'gyur ba'i phyir ro/ /de'i phyir
dus snga mar yod pa'i

rang bzhin dus phyi mar zhig par 'dzin pa'i chad lta med par
ston pa na dngos po rnams la rang gi ngo bos grub pa'i rang
bzhin rdul tsam yang khas mi len pa rgyu mtshan du 'gro ba yin
gyi/ chad lta thams cad des spong ba min no/ /

las 'bras med par 'dod pa'i chad lta ba dang mi 'dra ba'i tshul
gzhan ni tshig gsal las rgyas par gsungs te/ 'di ltar chad lta ba
ni las 'bras dang 'jig rten pha rol med par 'dod la dbu ma pa ni
de dag rang bzhin med par

'dod pas dam bca' la khyad par yod do/ /dbu ma pa ni las 'bras
sogs de dag rten 'brel yin pa'i rgyu mtshan gyis rang bzhin med
par smra la/ med pa pas ni las 'bras sogs de dag rten 'brel yin
par mi 'dod

pas de rgyu mtshan du mi byed kyi/ da ltar gyi sems can 'di 'jig
rten snga ma nas 'dir 'ong ba dang 'di nas phyi mar 'gro ba ma
mthong ba rgyu mtshan du byas nas med par smra bas rgyu mtshan la
khyad par che ste/ tshig gsal las/

'dir kha cig dbu ma pa ni med pa pa dang khyad par med pa yin
te/ gang gi phyir dge ba dang mi dge ba'i las dang byed pa po
dang 'bras bu dang 'jig rten thams cad rang bzhin gyis stong par
smra ba yin la/ med pa pa dag

@389b kyang de dag med do zhes smra bar byed pa yin pa de'i
phyir dbu ma pa ni med pa pa dang khyad par med do zhes rgol bar
byed do/ /de ltar yang ma yin te/ dbu ma pa dag ni rten cing
'brel par 'byung ba smra ba yin la/ rten cing 'brel bar

'byung ba'i phyir 'jig rten 'di dang 'jig rten pha rol la sogs
pa thams cad rang bzhin med par smra bar byed do/ /med pa pa dag
gis ni de ltar rten cing 'brel par 'byung ba yin pa'i phyir rang
bzhin gyis stong pa nyid kyi sgo

nas 'jig rten pha rol la sogs pa dngos po med par rtogs pa ma
yin te/ 'o na ci zhe na/ 'jig rten 'di'i dngos po'i rnam pa rang
bzhin gyis dmigs nas de 'jig rten pha rol nas 'dir 'ong ba dang
'jig rten 'di nas pha

rol tu 'gro ba ma mthong nas 'jig rten 'dir dmigs pa'i dngos po
dang 'dra ba'i dngos po gzhan dag la skur pa 'debs par byed pa
yin no/ /zhes gsungs so/ /gal te dbu ma pa dang chad lta ba
gnyis rgyu mtshan mi mtshungs pa de lta

na'ang las 'bras dang 'jig rten snga phyi la rang gi ngo bos
grub pa'i rang bzhin med par rtogs par 'dra ba'i phyir rang
bzhin med pa'i lta ba 'di mtshungs so snyam na 'di yang mi 'dra
ste/ kho yis rang bzhin med pa ni ye med du 'dod pas bden

gnyis gang du'ang khas mi len la/ dbu ma pas ni las 'bras sogs
de dag yod par kun rdzob tu khas len pa'i phyir te/ tshig gsal
las/ gal te de lta na'ang de dag gis dngos po'i rang gi ngo bo
yod pa ma yin pa nyid la med pa

@390a @#/ /nyid du rtogs pa'i phyir re zhig lta ba 'di'i sgo nas
mtshungs pa yod do zhe na/ med de/ dbu ma pa dag gis kun rdzob tu
yod par khas blangs pa'i phyir la de dag gis khas ma blangs pa'i
phyir mi mtshungs

pa nyid do/ /zhes gsungs so/ /des ni kun rdzob tu yang las 'bras
sogs khas mi len pa'i dbu ma par 'dod pa ni 'jig rten rgyang
phan pa dang lta ba 'dra bar bstan to/ /'dir slob dpon gyis chad
lta ba dang mi 'dra ba'i rgyu mtshan

du de la khas len yod la kho bo la med pas zhes kyang ma gsungs
la/ de dag med par 'dod la kho bo cag de ltar med par mi smra
yi/ yod pa ma yin par 'dod ces mi gsung bar rang bzhin med par
smras pa dang de'i rgyu mtshan du

rten 'brel 'god pa dang rnam gzhag de rnams yod par kun rdzob tu
bzhed par gsungs pa yin no/ /gal te las 'bras sogs la rang gi
ngo bos grub pa'i rang bzhin med par ni 'thad la/ chad lta bas
kyang de dag med par

'dod pa na de dag la rang bzhin med par 'dod pas na rang bzhin
med pa'i cha nas dbu ma pa dang mtshungs so snyam na/ 'di yang
ches shin tu mi 'dra ste/ dper na/ nor brkus pa'i mi zhig la
gcig gis ni des brkus

par mi shes bzhin du 'dis brkus so zhes brdzun gyi sgo nas smra
la/ gcig gis ni rkun ma des nor brku ba mthong nas 'dis brkus so
zhes smra ba na de gnyis kas nor 'di brkus so zhes smras pa ltar
du rkun ma des kyang

@390b brkus mod kyang/ gcig ni brdzun smra la cig shos ni bden
par smra bas mi mtshungs pa bzhin no/ /de yang tshig gsal las/ gal
te dngos po mtshungs so zhe na/ gal te yang dngos po ma grub par
mtshungs pa de lta yin na'ang rtogs

pa po tha dad pas mi mtshungs pa nyid do/ /dper na/ brku byas
pa'i mi gcig la gcig gis ni yang dag par mi shes bzhin du de
dang mi mdza' bas sbud nas 'dis brkus so zhes de la log par smra
bar byed la/ gzhan ni de dngos su

mthong nas sun 'byin par byed do/ /de la dngos po tha dad pa med
pa de lta na'ang rtogs pa po tha dad pas gcig la ni de brdzun du
smra ba zhes brjod la/ gzhan la ni bden par smra ba zhes bya'o/
/gcig la ni yang dag par brtags pa na

grags pa ma yin pa dang kha na ma tho bar 'gyur la/ gzhan la ni
ma yin pa de bzhin du/ 'dir yang dngos po'i rang gi ngo bo ji
lta ba bzhin rig pa rnams khong du chud pa dang smra ba na med
pa pa ? dngos po'i rang gi ngo bo ji lta ba bzhin rig

pa ma yin pa dag dang lhan cig shes pa dang brjod pa dag mtshungs
pa ma yin no/ /zhes gsungs so/ /'dis ni kha cig rang bzhin med
par go ba na las 'bras sogs rigs pas bkag par go nas rgyu 'bras
rang lugs la bzhag tu med pa de yang snang

phyogs kun rdzob pa la log par zhugs pa yin kyang/ stong phyogs
kyi lta ba ma nor ba rnyed par smra ba'ang legs par bkag pa yin
no/ /des na stong pa don byed nus stong gi stong par ma song bar
rang bzhin med kyang rgyu 'bras kyi rten

@391a @#/ /'brel 'jogs yod pa zhig dgos te/ bzhi brgya pa'i 'grel
pa las/ de ltar na yang don gang zhig  /skyes pa la ni 'ong ba
dang/ /de bzhin 'gags la 'gro ba med/ /de la nges par rang bzhin
med do/ /gal te

de la rang bzhin med na ci zhig yod ce na brjod par bya ste/
gang kun nas nyon mongs pa dang rnam par byang bas rgyu byas
pa'i ngo bo rten cing 'brel par 'byung ba de yod la/ zhes gsungs
te/ 'dis ni rang bzhin med na de nas ci zhig yod

ces pa'i lan gsal bar mdzad do/ /slob dpon sangs rgyas bskyangs
kyis kyang yod pa dang ngo bos grub pa'i khyad par gsal bar phye
nas lan mdzad de/ rab byed nyi shu pa'i 'grel pa las/ smras pa/
gal te dus kyang med rgyu

dang 'bras bu dang tshogs pa'ang med na gzhan ci zhig yod de lta
bas na de ni med pa par smra ba nyid yin no/ /bshad pa ma yin te
ji ltar khyod dus la sogs pa dag ngo bo nyid las yod par yongs
su rtogs par byed pa de ltar mi

'thad par zad kyi/ de dag brten nas gdags par ni grub bo zhes
dngos por smra ba 'dod pa ltar gyi rang gi ngo bos grub pa mi
'thad do zhes bkag pa yin gyi/ brten nas gdags par ni grub bo
zhes rten 'brel yod par gsungs

pa'i phyir ro/ /de ltar na rang bzhin yod med dang yod med bzhi
po de phyed na log rtog dpag tu med pa ldog par 'gyur zhing rang
bzhin yod pa 'gog pa'i rigs pa rnams la yod pa tsam 'gog par
'khrul pa mi skye bas/ dngos

@391b por smra ba mkhas pa rnams la dbu ma pas lan 'debs pa'i
gtso bo ni gzhi po de'i sgo nas yin pas cung zad bshad pa yin
no/ /gnyis pa gnod byed brjod pa rnams kyis sun mi phyin par
bstan pa la bzhi/ rigs pas dpyad

bzod mi bzod brtags nas bkag pas sun 'byin mi nus pa dang/ tshad
mas grub ma grub brtags nas 'gog pas sun 'byin mi nus pa dang/
mu bzhi'i skye ba yin min brtags nas 'gog pas sun 'byin mi nus
pa dang/ dngos

po yod med sogs kyi mu bzhi ka 'gog pa gnod byed du mi rung bar
bstan pa'o/ /dang po ni/ gzugs la sogs pa'i chos 'di dag don yin
lugs la yod dam med skye'am mi skye zhes pa la sogs pa'i sgo nas
tshul bzhin du

dpyod pa ni/ de kho na nyid la dpyod pa'i rigs pa dang mthar
thug dpyod pa'i rigs pa zhes bya ba yin la/ rigs pa des gzugs
sogs kyi skye ba dpyad bzod par ni kho bo cag mi 'dod pas bden
dngos su thal ba'i skyon med

do; ;gal te de dag rigs pas dpyad mi bzod na rigs pas khegs pa'i
don yod par ji ltar 'thad snyam na/ 'di ni rigs pas dpyad mi
bzod pa dang rigs pas gnod pa gnyis gcig tu 'khrul ba ste de
'dra ba mang po zhig na re/

de nyid dpyod pa'i rigs pas 'gog mod 'on kyang skye ba sogs yod
do zhes smra ba ni bab col yin pas kho bo cag mi 'dod do/ /rigs
pas dpyad bzod mi bzod kyi don ni de kho na nyid la dpyod pa'i
rigs pa des rnyed ma rnyed yin la/ de

@392a @#/ /yang bzhi brgya pa'i 'grel pa las/ kho bo cag gi rnam
par dpyod pa ni rang bzhin tshol ba lhur byed pa nyid kyi phyir
ro/ /zhes gsungs pa ltar/ gzugs sogs la skye 'gag la sogs pa'i
rang bzhin

yod med 'tshol ba yin no/ /de lta na gzugs la sogs pa la rang gi
ngo bos grub pa'i skye 'gag yod med btsal ba yin gyi/ rigs pa
des skye 'gag tsam tshol ba min no/ /des na rigs pa de la de nyid
la dpyod pa zhes bya ste de kho na

nyid du skye 'gag sogs grub ma grub dpyod pa yin pa'i phyir ro/
/de lta bu'i rigs pa des dpyad pa'am btsal ba na skye ba la sogs
pa cung zad kyang ma rnyed pa la dpyad mi bzod pa zhes zer la
rigs pa des ma rnyed pa tsam gyis khegs pa min

gyi; yod na rigs pa des 'grub dgos pa las des ma grub na khegs
pa yin no/ /gzugs la sogs pa'i skye 'gag rnams kyang tha snyad
pa'i shes pas 'grub pa yin gyi/ de dag yod kyang rigs shes kyis
mi 'grub pas des ma rnyed pas de

dag ji ltar khegs te/ dper na/ mig gi shes pas sgra ma rnyed
kyang des mi khegs pa bzhin no/ /des na skye 'gag la sogs pa
rang gi ngo bos grub ba'am de kho nar grub na rigs pa des de
rnyed dgos te/ rigs pa des gzugs sogs

la rang gi ngo bos grub pa'i skye 'gag yod med tshul bzhin du
dpyod pa yin pa'i phyir ro/ /de lta bu des skye ba sogs ma rnyed
pas rang gi ngo bos grub pa'am de kho nar grub pa'i skye 'gag
sogs 'gog pa yin te/ rang gi ngo bos grub na des

@392b rnyed dgos pa las ma rnyed pa'i phyir ro/ /dper na/ shar
phyogs su bum pa yod na rnyed par nges pa'i 'tshol mkhan gyis
shar du bum pa btsal ba'i tshe ma rnyed na des shar na bum pa yod
pa khegs pa yin gyi/ bum pa yod pa tsam des ji

ltar khegs/ de bzhin du rang gi ngo bos grub pa'i skye ba yod na
rnyed par nges pa'i dbu ma pa'i rigs pas btsal ba na skye ba ma
rnyed pa des rang bzhin nam rang gi ngo bos grub pa'i skye ba
khegs pa yin gyi/ skye ba tsam ji ltar khegs/ de ltar yang

bzhi brgya pa'i 'grel pa las/ de'i phyir de ltar rigs pas rnam
par dpyad pa na dbang po dang yul dang rnam par shes pa rnams la
yod pa'i ngo bo med pas rang gi ngo bos grub pa med do/ /gal te
'di rnams rang gi ngo bos grub par

'gyur na ni de'i tshe 'thad pas rnam par dpyad pa na ches gsal
bar ji ltar gnas pa'i rang gi ngo bos yod pa nyid du dmigs par
'gyur na dmigs pa'ang ma yin te/ de'i phyir rang bzhin gyis
stong ngo zhes bya bar grub bo/ /zhes

gsal bar gsungs so/ /gzugs sgra la sogs pa kun rdzob pa 'di
rnams yod du chug kyang de kho na la dpyod pa'am rang bzhin yod
med dpyod pa'i rigs pas gtan mi 'grub pas sa de dag la rigs pa'i
brtag pa mi 'jug go

zhes slob dpon 'dis yang yang gsungs shing/ rigs pa'i dpyad pa
byas nas rigs pa des ma rnyed pa na kun rdzob pa de dag 'jig pa
la kun rdzob 'jog pa la mi mkhas pa zhes mang du gsungs pa yin
no/ /gal te rang bzhin yod

@393a @#/ /med dpyod pa'i rigs pas 'di dag dgag par nus na gzugs
dang tshor ba la sogs pa'i kun rdzob pa 'di dag la rigs pa'i
brtag pa shin tu gzhug dgos pa yin na/ de 'dra ba ni slob dpon
'di'i gzhung

las rnam pa thams cad du bkag pas na rang bzhin yod med dpyod
pa'i rigs pas ma rnyed pa'i don rigs pas gnod pa'i don du 'dod
pa ni dbu ma'i tshul las ches cher 'khyams pa yin no/ /de bzhin
du 'phags pa'i mnyam gzhag

gis kyang gzugs sogs kyi skye 'gag ma gzigs pa yin gyi/ des skye
'gag sogs med par gzigs pa ga la yin/ rang bzhin yod med dpyod
pa'i rigs pas kyang skye ba la sogs pa ma rnyed pa yin gyi/ skye
'gag sogs med par

'jal ba min no/ /de'i phyir rigs pas dpyad mi bzod pa dang rigs
pas gnod pa gnyis dang 'phags pa'i mnyam gzhag gi ye shes kyis
skye 'gag ma gzigs pa dang med par gzigs pa dang med par gzigs
pa gnyis dang/ rang bzhin yod med dpyod

pa'i rigs shes kyis skye 'gag ma rnyed pa dang skye 'gag med par
rnyed pa gnyis ma phyed par gcig tu bzung ba 'dis da lta ba
rnams lta ci smos te/ sngon gyi mkhas pa 'ga' re la'ang 'khrul
pa bskyed snang bas blo gros dang ldan pa

rnams kyis zhib tu dpyod la de dag phyed par gyis shig/ de ltar
na kho bo ni don dam pa'i yul can gyi tshad ma las tha snyad pa'i
shes pa rnams stobs che ba dang tha snyad pa'i shes pas don dam
pa'i yul can gyi tshad ma la gnod par 'dod

@393b pa ma yin no/ /'on kyang de kho na la dpyod pa'i rigs pas
tha snyad pa'i gzugs tshor la sogs pa la dpyad nas des ma rnyed
pa na rigs pa de dag gis khegs par 'dod na ni des phar la mi
khegs par ma zad de ltar 'gog mkhan la

'jig rten grags pa'i tshad mas gnod pa yin te/ dbu ma la 'jug pa
las/ gal te khyod la 'jig rten mi gnod na/ /'jig rten nyid ltos
'di ni dgag par gyis/ /khyod dang 'jig rten 'dir rtsod gyis shig
dang/ /phyi nas stobs ldan bdag

gis bsten par bya/ /zhes gsungs shing/ de'i 'grel par yang/ kho
bo cag ni 'jig rten gyi kun rdzob bzlog par bya ba'i phyir shin
tu tshegs che bar gnas par gyur gyis khyod kyis 'jig rten gyi kun
rdzob sol cig  /gal te khyod la 'jig rten gyis

gnod par mi 'gyur na ngas kyang khyod la stongs gdab par bya'o/
/'jig rten gyis ni gnod pa'ang yin te/ zhes gsungs pa'i phyir
ro/ /de la kho bo cag ni 'jig rten gyi kun rdzob bzlog pa'i
phyir du shin tu tshogs che bar gnas zhes pa ni/

mig gi shes par la sogs pa'i yul can 'khrul pa dang gzugs la
sogs pa'i yul gyi 'khrul snang 'di sbyang ba'i phyir du lam la
'bad pa la zer bas de dag rigs pa'i dgag byar mi 'dod kyi/ lam
goms pa'i dgag byar byed

pa'o; ;khyod kyis 'jig rten gyi kun rdzob sol cig ces sogs ni/
dbu ma pas gzhan dbang rdzas yod 'gog na ngas kyang khyod kyi
kun rdzob rigs pas dgag go zhes mgo bsgre byas pa la kho bos
gzhan dbang gi rang bzhin 'gog nus pa

@394a @#/ /ltar; khyod kyis kun rdzob rigs pas 'gog nus na kho
bos kyang khyod la de'i grogs bya'o zhes pa ste/ 'dis ni rigs
pas khegs na kho bo 'di bzlog pa'i phyir du lam bsgom pa'i dka'
spyad mi

dgos pas 'dod pa yin no zhes ston pas na kun rdzob pa rnams rigs
pas mi khegs par bstan to/ /mi khegs par ma zad bkag na 'jig
rten gyi grags pas gnod do zhes gsungs pas de 'dra ba'i rigs pa
ltar snang la ni tha snyad

pa'i shes pas gnod pas de dag las stobs che ba'ang 'dod pa yin
no/ /des na dngos por smra ba rnams kyis kyang rigs pa'i dpyad
pa bcug nas phyi rol gyi don la sogs pa'i kun rdzob pa rnams
bkag pa na rigs pa des mi rnyed pa

yin gyi khegs pa ni ma yin no/ /kha cig gzugs sogs tha snyad du
mi 'gog pa'i don gnag rdzi la sogs pa 'jig rten pa rang dga'
ba'i ngor mi 'gog pa yin gyi/ de nyid la dpyod pa'i rigs pas
'gog par smra ba ni

shin tu mi 'thad de/ rtog ldan la de nyid dpyod pa'i rigs pas
'gog mi 'gog la dogs pa yod kyi/ grub mthas blo ma bsgyur ba'i
ngor mi 'gog pa la dogs pa med pa'i phyir dang/ de nyid dpyod
pa'i rigs pas 'gog na

dgag pa de tha snyad du bya dgos pa'i phyir ro/ /de nyid dpyod
pa'i rigs pas skye ba thams cad mi 'gog pa ni slob dpon zla ba
grags pas kyang gsal bar gsungs te/ bzhi brgya pa'i 'grel pa
las/ gal te rnam par dpyad pa 'dis skye

@394b ba rnam pa thams cad du bkag pa las 'dus byas skye ba med
par bstan par 'dod na ni de'i tshe de sgyu ma lta bu nyid du mi
'gyur gyi/ mo gsham gyi bu la sogs pa dag gis nye bar gzhal bar
'gyur ba zhig na/ rten cing 'brel par 'byung

ba med par thal bar 'gyur ba'i 'jigs pas de dag dang bstun par
mi byed kyi/ de dang mi 'gal ba sgyu ma la sogs pa dag dang ni
byed do/ /zhes gsal bar gsungs so/ /rnam par dpyod pa 'dis zhes
pa ni de kho na nyid la dpyod

pa'i rigs pa'o/ /skye ba rnam pa thams cad du bkag pa zhes pa ni
dga' bya la khyad par ma sbyar bar skye ba yin tshad thams cad
bkag ces pa'o/ /mo gsham zhes sogs kyi don ni skye ba thams cad
bkag na mo gsham gyi bu dang ri bong gi rwa

la sogs pa bzhin du/ don byed pa thams cad kyis stongs pa'i
dngos med du 'gyur la de lta na rten 'brel med pa'i skyon du
'gyur ba'i 'jigs pas don byed pa'i nus pa thams cad dang bral
ba'i mo gsham gyi bu la sogs pa'i skye ba med

pa dang mi 'dra yi/ sgyu ma la sogs pa dang 'dra bas na bden
pa'am rang bzhin gyis skye ba 'gog ces pa'o/ /yang bzhi brgya
pa'i 'grel pa las/ gal te mig la sogs pa rnams mi srid na de'i
phyir ji ltar mig la sogs pa'i dbang po

'di rnams las kyi rnam par smin pa'i ngo bor rnam par bzhag ce
na/ ci kho bo cag gis 'di rnams kyi rnam par smin pa'i ngo bo
nyid bkag gam/ gal te mig la sogs pa rnams 'gog par bsgrub pas
de ji ltar ma bkag ce na/ kho bo cag gi

@395a @#/ /rnam par dpyod pa ni rang bzhin tshol ba lhur byed pa
nyid kyi phyir ro/ /kho bo cag ni 'dir dngos po rnams rang gi
ngo bos grub pa 'gog gi/ mig la sogs pa byas shing rten cing
'brel par 'byung ba'i

las kyi rnam par smin pa nyid ni mi 'gog go / /de'i phyir de yod
pas gang zhig rnam par smin pa nyid du bsnyad pa mig la sogs pa
yod pa nyid do zhes rigs pas 'di tsam zhig 'gog la/ 'di tsam
zhig mi 'gog ces

shin tu gsal bar gsungs pas 'di ltar 'byed pa ni skabs gcig tu
gsungs na/ ma gsungs pa thams cad la'ang 'dra bas ci nas kyang
sbyar dgos so/ /des na rang gi ngos nas btsal ba yul steng du
yod pa'i rang gi ngo

bos yod pa rigs pas 'gog la/ yod pa tsam mi 'gog pa ni rigs pa
rnams rang bzhin tshol ba lhur byed par gsungs pas/ rigs pa ni
rang bzhin yod med 'tshol ba yin pas des bkag pa'ang rang bzhin
bkag ces

pa'i don yin pas 'di gnyis phyed par bya'o/ /de 'dra ba'i las
'bras rnams mi 'gog par ma zad dbu ma pas de khas blang dgos par
gsungs te/ lung de'i 'phros nyid nas/ de'i phyir mkhas pas 'jig
rten pa'i don la ji

skad bshad pa'i rnam par dpyad pa de kho na nyid mthong ba dang
rjes su mthun pa ma bcug par las rnams kyi rnam par smin pa bsam
gyis mi khyab pa nyid du khas blangs te/ sprul pa las sprul pa
'byung ba'i tshul du 'jig rten pa

@395b thams cad khas blang bar bya'o/ /zhes so/ /de ltar na rang
gis bden pa gnyis kyi rnam par bzhag pa byas pa'i don dam gtan
la 'bebs pa'i rigs pas kun rdzob pa'i rnam par bzhag pa la gnod
na ni bden pa gnyis rnam par

'jog pa'i rnam gzhag la nang 'gal byung ba yin pas/ bden pa
gnyis rnam par 'jog pa la phul du byung ba'i mkhas par ji ltar
rung/ rnam gzhag de gnyis la nang 'gal cung zad kyang med na ni
don dam gtan la 'bebs pa'i rigs

pas kun rdzob pa'i rnam par bzhag pa sun 'byin pa 'gal ba yin
no/ tshig gsal las kyang/ khyod ni don dam pa dang kun rdzob kyi
bden pa la mi mkhas pas la lar 'thad pa bcug nas rigs pa ma yin
pa las de rnam par 'jig

par byed pa yin no/ /kho bo ni kun rdzob kyi bden pa rnam par
'jog pa la mkhas pa'i phyir 'jig rten pa'i phyogs nyid la gnas
te/ kun rdzob gyi phyogs gcig bsal ba'i phyir bkod pa'i 'thad pa
gzhan 'thad pa gzhan gyis zlog par byed

cing; 'jig rten pa'i rgan rabs ltar 'jig rten pa'i chos lugs las
nyams pa khyod kho na zlog par byed pa yin gyi/ kun rdzob ni ma
yin no zhes kun rdzob las nyams pa'i grub mtha' smra ba kho na
'gog gi/ kun rdzob mi 'gog go zhes

gsungs shing/ de nyid la dpyod pa'i rigs pa'i dpyad pa bcug nas
kun rdzob pa rnams 'jig pa la bden gnyis 'jog pa la mi mkhas par
gsungs pas/ kun rdzob pa'i gzugs sogs rigs pas 'gog pa ni slob

@396a @#/ /dpon 'di'i dgongs pa gtan ma yin no/ /mdor na dbu ma
par ma zad rang sde bden pa gnyis kyi rnam par bzhag pa byed
pa'i 'phags yul gyi grub mtha' smra ba rnams kyi lugs la/ gang
zag gzhan

gyis kho'i bden gnyis kyi rnam gzhag la 'gal 'du bsgrigs pa yod
mod kyang/ kho rang gis rnam gzhag byas pa'i bden pa gnyis kyi
don dam pa'i phyogs kyi rigs pas kun rdzob pa'i don rnams sun
'byin par 'dod pa ni gcig

kyang yod pa ma yin no zhes kho bo cag smra'o/ /gnyis pa tshad
mas grub ma grub brtags nas 'gog pas sun 'byin mi nus pa ni/
gzugs la sogs pa khas len pa ni tshad mas ma grub par mi 'dod kyi
tshad mas grub pa yin

no; ;'o na/ rnam kun 'jig rten tshad min zhes gsungs pa ji ltar
'thad snyam na/ 'dis ni 'jig rten pa'i mig la sogs pa'i shes pa
rnams de kho na nyid la tshad ma yin pa bkag gi yul thams cad la
tshad ma yin pa bkag

pa min no/ /de ltar yang/ 'jug 'grel las/ de ltar na de kho na
nyid bsam pa la 'phags pa rnams kho na tshad ma yin gyi/ 'phags
pa ma yin pa dag ni ma yin no/ /ci ste 'jig rten gyi gnod pa
brjod par 'dod pas de kho

na nyid rnam par dpyod pa la 'jig rten gyi mthong ba'ang tshad
mar khas len na de lta yin dang/ gal te 'jig rten tshad ma yin na
ni/ /'jig rten de nyid mthong bas 'phags gzhan gyis/ /ci dgos
'phags pa'i lam

@396b gyis ci zhig bya/ /blun po tshad mar rigs pa'ang ma yin no/
/zhes gsungs la/ de'i phyi 'grel du mig la sogs pa dag kho nas
de kho na nyid nges pa'i phyir 'phags pa'i lam khong du chud par
bya ba'i phyir tshul khrims dang thos pa dang

bsam pa dang bsgom pa la sogs pa la bsgrim pa 'bras bu dang bcas
pa ma yin par 'gyur ba zhig na de ni de ltar yang ma yin no/
/de'i phyir/ rnam kun 'jig rten tshad min de yi phyir/ /de nyid
skabs su 'jig rten gnod pa med/ /ces

gsungs pas so/ /rigs pa drug cu pa'i 'grel pa las kyang/ de
rnams kyi yod pa nyid du lta ba ni de nyid mthong ba ma yin no
zhes bya bar grub bo/ /de nyid kyi phyir bcom ldan 'das kyis/
mig dang rna ba sna yang tshad ma min/ /zhes

sogs drangs pas na yul khyad par can de kho na nyid la tshad ma
yin pa bkag gi yul gzhan la ma yin pa ches shin tu gsal bar
snang ngo/ /de ltar ma byas na 'brel med du'ang 'gyur te mig la
sogs pa'i shes pa 'di dag

tha snyad pa'i don gzugs sgra sogs la tshad ma yin na de kho na
nyid blta ba'i phyir du 'phags lam btsal mi dgos par thal lo
zhes smra na ni mig gi shes pas gzugs shes na sgra nyan pa la
rna ba don med du thal zhes pa dang

'dra la gzugs sgra sogs blta ba'i phyir du 'phags lam 'tshol ba
don med du thal zer na ni shin tu 'dod pas des mi 'dod pa ci
zhig bsgrub/ 'o na bzhi brgya ba'i 'grel pa las/ gang yang 'dis
dbang po'i rnam par

@397a @#/ /shes pa 'di mngon sum nyid du sgro btags nas gzhan
tshad ma nyid du rtogs par byed pa de yang ches shin tu ma 'brel
ba zhig go  /mi slu ba'i shes pa ni 'jig rten na tshad ma nyid du
mthong na

rnam par shes pa'ang bcom ldan 'das kyis 'dus byas yin pa'i
phyir brdzun pa bslu ba'i chos can dang sgyu ma lta bur gsungs
so/ /gang zhig brdzun pa bslu ba'i chos can dang sgyu ma lta bu
yin pa de ni mi slu ba ma

yin te rnam pa gzhan du gnas pa'i dngos po la rnam pa gzhan du
snang ba'i phyir ro/ /de ltar gyur pa ni tshad ma nyid du brtag
par rigs pa ma yin te/ rnam par shes pa thams cad kyang tshad ma
nyid du thal bar 'gyur ba'i phyir ro/ /

zhes mig la sogs pa'i shes pa rnams tshad ma yin pa spyir bkag 
pa ji ltar drang snyam na 'di ni/ mig dang rna ba sna yang tshad
ma min/ /zhes sogs dang mi 'dra bar dogs pa'i gnas shin tu che
bas zhi ba tu bshad par

bya'o; ;de ltar mig gi shes pa la sogs pa rnams mngon sum yin
pa dang tshad ma yin pa bkag pa ni rtog ge pa'i 'dod pa bkag pa
yin pas thog mar de'i 'dod lugs brjod na/ bzhi brgya pa'i 'grel
pa las/

rtog ge pa 'di ni 'jig rten pa'i don la gtan ma byang ba'i phyir
byis pa gzhon nu ltar je dang po kho na nas sbyang bar bya bar
'gyur ba yin pas de bstan par bya ba'i phyir khyod kyi mngon sum
gang zhig yin zhes

@397b brgal zhing brtag par bya'o/ /smras pa/ shes pa mngon sum
yin no/ /shes pa ji 'dra ba zhig /gang rtog pa dang bral ba'o/
/rtog pa'ang ci zhig /gang don la ming dang rigs su lhag par
sgro 'dogs par zhugs pa'i 'du

shes g.yer po ste de dang bral ba'i phyir dbang po'i rnam par
shes pa lnga ni yul gyi rang gi mtshan nyid brjod du med pa tsam
zhig la 'jug pa'i phyir mngon sum gyi sgras brjod par bya ste/
zhes gsungs pa ltar/ rtog pa dang

bral zhing ma 'khrul ba'i shes pa ni mngon sum nyid du 'dod do/
/de la ma 'khrul ba ni yul gyi rang gi mtshan nyid ji ltar gnas
pa ltar 'dzin par byed pas dbang po'i shes pa'i mngon sum lnga
kas rang mtshan 'jal bas na

gzugs sgra la sogs pa'i rang gi mtshan nyid ni mngon sum lnga po
de dag gi gzhal bya yin pas/ de dag tshad mar 'gro sa yang yul
lnga po de'i rang gi mtshan nyid yin par 'dod do/ /slob dpon 'di
ni 'chad par 'gyur ba ltar rang gi ngo bos

grub pa'am rang gi mtshan nyid kyis grub pa ni tha snyad du'ang
mi bzhed pas dbang po'i shes pa de rnams rang mtshan la tshad mar
ga la bzhed/ des na 'dir de dag tshad ma yin pa bkag pa ni de
rnams yul lnga'i rang gi mtshan nyid la tshad

mar 'do pa 'gog pa yin la/ 'gog tshul ni bcom ldan 'das kyis rnam
shes rnams brdzun pa bslu bar gsungs pa des 'gegs so/ /de yang
bslu bar gsungs pas mi slu ba bkag nas tshad ma yin pa 'gog ste
mi slu ba ni tshad ma'i

@398a @#/ /mtshan nyid yin pa'i phyir ro/ /'o na bslu lugs gang
yin snyam na/ rnam pa gzhan du gnas pa'i dngos po la rnam pa
gzhan du snang ba zhes gsungs pa 'di yin te/ dbang shes rnams la
gzugs sgra

sogs yul lnga po de rnams rang gi mtshan nyid kyis ma grub bzhin
du rang gi mtshan nyid du snang bas na de dag rang gi mtshan nyid
la tshad ma ma yin no zhes pa ste/ mdor na dbang po'i shes pa de
dag yul lnga'i rang mtshan

la tshad ma ma yin te/ yul lnga'i rang mtshan snang ba la ltos te
bslu ba'i phyir te yul lnga rang gi mtshan nyid kyis stongs bzhin
du rang mtshan du snang ba'i phyir/ dper na/ zla gnyis snang ba'i
shes pa bzhin snyam du dgongs pa'o/ /'di

la dngos por smra bas ni gzugs sgra sogs la rang gi mtshan nyid
du grub pa'i rang bzhin med na de dag don byed pa'i nus pa thams
cad kyis stong pa'i dngos med du 'dod pas/ yul lnga'i rang mtshan
la mngon sum tshad mar ma

song na yul lnga la tshad mar 'gro sa med la/ yul lnga la tshad
mar song na'ang de'i rang gi mtshan nyid la tshad mar 'gro bar
'dod do/ /slob dpon 'di ni rang gi mtshan nyid dam ngo bos grub
na bden par 'gyur bas yul bden par grub pa

rnam par 'jog pa'i tshad ma la rang mtshan la tshad mar song ba
dgos kyang yul ni brdzun pa yin pas de rnam par 'jog pa'i tshad
ma la rang gi mtshan nyid la tshad mar song ba mi dgos te/ bzhi
brgya pa'i 'grel pa las/ 'jig rten

@398b pa'i mthong bas de kho na nyid mthong ba bsal ba rigs
pa'ang ma yin te/ de ni 'jig rten kho na las tshad ma nyid yin
pa'i phyir dang des dmigs pa'i don yang brdzun pa bslu ba'i chos
can nyid du bsgrub pa'i phyir ro/ /zhes so/ /de'i phyir rang

mtshan la tshad ma yin pa bkag pas tshad ma tsam khegs mi dgos pas
na tha snyad pa'i shes pa rnams la tshad ma spyir 'gog pa ma yin
no/ /de lta ma yin na mi slu ba'i shes pa ni 'jig rten na tshad
ma nyid du mthong na zhes gsungs pa mi

rigs te/ tha snyad pa'i shes pa gang yin thams cad la tshad ma
khegs pa'i phyir dang/ tshig gsal las kyang/ de'i phyir de ltar
tshad ma bzhi las 'jig rten gyis don rtogs par rnam par 'jog pa
yin no zhes mngon sum dang rjes dpag dang

lung dang nyer 'jal gyi tshad ma'i rnam gzhag mdzad pa dang 'gal
bar 'gyur ba'i phyir ro/ /tshad ma dang gzhal bya ngo bo nyid
kyis grub pa bkag gi/ tshad ma dang gzhal bya ltos nas bzhag pa'i
rten 'brel mi 'gog ste/ de nyid las/ de dag kyang

phan tshun ltos pas 'grub par 'gyur te tshad ma dag yod na gzhal
bya'i don dag tu 'gyur la gzhal bya'i don dag yod na tshad ma dag
tu 'gyur gyi/ tshad ma dang gzhal bya gnyis ngo bo nyid kyis grub
pa ni ma yin no/ /zhes gsungs so/ /des na rab

rib la sogs pa'i phyi nang gi 'khrul rgyus bslad pa'i gnod pa
med na ma rig pas bslad pa'i dbang gis dbang shes la sogs pa
rnams rang bzhin med bzhin rang bzhin yod pa'i yul 'dzin par
snang ba'i 'khrul pas ni tha snyad pa'i phyin ci ma log

@399a @#/ /pa la mi gnod do/ /'jug pa las kyang/ mthong ba brdzun
pa'ang rnam pa gnyis 'dod de/ /dbang po gsal dang dbang po skyon
ldan no/ /skyon ldan dbang can rnams kyi shes pa ni/ /dbang po
legs gyur shes ltos

log par 'dod/ /gnod pa med pa'i dbang po drug rnams kyis/ /bzung
ba gang zhig 'jig rten gyis rtogs te/ /'jig rten nyid las bden
yin lhag ma ni/ /'jig rten nyid las log par rnam par bzhag /ces
tha snyad pa'i shes pa dang

yul la tha snyad pa'i shes pa nyid la ltos te phyin ci log ma
log gnyis gnyis su bzhag go  /dbang po la gnod pa'i rgyu nang na
yod pa ni/ 'jug 'grel las/ de la rab rib dang mig ser la sogs pa
dang dA d+hu ra zos pa la sogs pa

rnams ni dbang po la gnod pa'i rkyen nang na yod pa yin no/
/zhes gsungs pa ltar ro/ /phyi rol na yod pa ni/ de nyid las/
til mar dang chu dang me long dang phug la sogs pa nas brjod
pa'i sgra la sogs pa rnams dang nyi ma'i 'od zer yul

dang dus khyad par can nye bar gyur pa la sogs pa rnams ni/
dbang po la gnod par byed pa'i rkyen phyi rol na yod pa yin te/
de dag ni dbang po la gnod par byed pa nang na yod pa dag med
par gzugs brnyan dang brag cha dang smig rgyu la chu la

sogs par 'dzin pa'i rgyur 'gyur ro/ /de bzhin du mig 'phrul
mkhan la sogs pas rab tu sbyar ba'i sngags dang sman la sogs pa
dag kyang shes par bya'o/ /yid kyi gnod par byed pa ni de dag
dang/ yang dag pa ma yin par byas pa'i grub

@399b pa'i mtha' la sogs pa dag dang rjes su dpag pa ltar snang
ba dag ste/ zhes grub mtha' ngan pa dang gtan tshigs ltar snang
rnams yid kyi shes pa slod pa'i rgyur gsungs te/ rmi lam la sogs
pa'i yid slod pa'i rgyu gnyid la

sogs pa'ang yin no/ /des na ma rig pa'i 'dzin stangs kyi yul ni
'og nas 'chad pa ltar tha snyad du'ang med mod kyang ma rig pas
bslad pa'i gnod pa ni 'dir gnod pa'i rgyur mi bzung ngo/ /gal te
dbang po'i shes pa lnga po 'khrul rgyu

gzhan gyi gnod pa med pa 'di dag tha snyad du ma 'khrul na 'di
dag la snang ba'i rang gi mtshan nyid tha snyad du yod dgos la/
de yang slob dpon 'di bzhed pa ma yin no/ /des na 'khrul bar
'dod dgos la de lta na shes pa de dag gzugs sgra

sogs tha snyad du rnam par 'jog pa'i tshad mar mi 'thad de/ tha
snyad du gzugs sogs la 'khrul ba'i phyir ro zhe na/ brjod par
bya ste/ 'di la slob dpon legs ldan 'byed ni gzugs sogs la tha
snyad du rang gi mtshan nyid kyis grub

pa'i ngo bo yod par bzhed pa yin te/ sems tsam pas kun brtags la
rang gi mtshan nyid du grub pa'i ngo bo med pas mtshan nyid ngo bo
nyid med par 'dod pa 'gog pa na/ kun brtags la 'dogs byed dang
btags pa gnyis kyi brtag pa byas nas ngo bo

dang khyad par du 'dogs pa'i sgra dang blo la tha snyad du rang
gi mtshan nyid kyi ngo bo nyid med par 'dod na/ gzhan dbang gi
dngos po la skur ba btab par 'gyur ro zhes bkag pas na gzhan
dbang la tha snyad du rang gi mtshan nyid kyis grub pa'i ngo bo
bzhed par

@400a @#/ /gsal lo/ /de ltar yang rab byed nyer lnga pa'i shes
rab sgron me las/ 'dir gal te gzugs zhes bya bar yid la brjod pa
dang tshig tu brjod pa'i kun brtags pa'i ngo bo nyid gang yin pa
de med do zhe na ni

dngos po la skur pa 'debs pa yin te/ yid la brjod pa dang tshig
tu brjod pa la skur pa 'debs pa'i phyir ro/ /zhes gsungs shing/
de'i 'grel bshad du spyan ras gzigs brtul zhugs kyis 'dis ni
rnal 'byor spyod pa pa dag kun brtags

pa'i ngo bo nyid ni mtshan nyid ngo bo nyid med pa nyid kyis ngo
bo nyid med do zhes zer ba de/ gal te gzugs zhes bya bar ngo bo
nyid dang khyad par du yid la brjod pa rnam par rtog pa dang
tshig tu brjod pa tha snyad 'dogs pa'i ngo bo nyid gang yin

pa de mtshan nyid ngo bo nyid med pa nyid kyis ngo bo nyid med do
zhe na ni/ kun rdzob tu gzhan gyi dbang gi dngos po la skur pa
'debs pa yin pas mi rung bar ston te/ zhes sgra dang blos bsdus
pa'i gzhan dbang la tha snyad du mtshan nyid

ngo bo nyid med do zhes 'dod na skur 'debs su gsungs pa'i phyir
ro/ /de la mtshan nyid ngo bo nyid med pa'i mtshan nyid ni rang gi
mtshan nyid dam rang bzhin yin la sems tsam pas de med pa de kun
brtags la 'dod kyi/ gzhan

dbang la mtshan nyid de yod pas rang bzhin yod la/ 'on kyang
gzhan las skye bas rang las skye ba'i ngo bo nyid med pas ngo bo
nyid med pa zhes bya'o zhes 'dod pa yin no/ /mdo dgongs 'grel
las kyang de bzhin du bshad nas chos

@400b thams cad ngo bo nyid med pa dgongs pa can du gsungs pa
la/ slob dpon kA ma la shI las ni mdo des ngo bo nyid med pa
gsum gyi dgongs pa bstan pas dbu ma'i lam mtha' gnyis dang bral
ba rab tu bstan pa'i phyir nges pa'i don

kho na gzhung 'dzugs par mdzad pa yin no/ /zhes gzhan dbang la
don dam par ngo bo nyid sgro btags pa kun brtags yin pas de med
pa dang tha snyad du gzhan dbang la rang gi mtshan nyid yod pas
des skur 'debs sel bas dbu ma'i don

bstan par bzhed de/ slob dpon 'di yang tha snyad du rang gi
mtshan nyid yod par bzhed pa'o/ /'jug 'grel du ni/ dper na/ sbrul
de thag pa la kun brtags yin la sbrul dngos la yongs grub tu
'gro ba dang 'dra bar/ rang bzhin yang rten

'brel byas pa can gyi gzhan dbang la kun brtags yin la sangs
rgyas kyi yul du ni yongs grub tu 'jog pa'i ngo bo nyid gsum gyi
rnam gzhag shes par byas nas mdo'i dgongs pa bshad par bya'o
zhes/ mdo gang de nyid ma yin bshad don can/ /

drang don gsungs pa'ang rtogs nas drang bya zhing/ /zhes pa'i
'grel par gsungs pas/ mdo dgongs 'grel gyi ngo bo nyid gsum gyi
rnam gzhag drang don du bzhed par gsal la/ rang lugs kyi kun
brtags ni gzhan dbang la rang bzhin

yod pa la mdzad pas gzhan dbang la tha snyad du rang gi mtshan
nyid kyis grub pa'i rang bzhin mi bzhed pa yin no/ /sems tsam pa
rnams kyis kun brtags ma gtogs pa gzhan dbang dang yongs grub
gnyis mtshan nyid ngo bo nyid med par mi 'dod 

@401a @#/ /pas de gnyis la rang gi ngo bos grub pa'i mtshan nyid
dam rang bzhin 'dod pa ni mdo dgongs 'grel la gtso bor brten par
snang la/ de'i phyir de gnyis don dam par grub par 'dod pa la/
slob dpon sangs rgyas bskyangs

dang slob dpon zla ba grags pa ni rang gi mtshan nyid kyis grub
pa'i ngo bo yod na bden par grub par bzhed la/ slob dpon legs
ldan 'byed la sogs pas ni de tsam gyis don dam par grub par mi
'gyur bar bzhed pa yin no/ /gzhan yang

sems tsam pas rdul phra rab re re ba dbang shes kyi yul ma yin
te/ mi snang ba'i phyir zhes pa dang/ du ma 'dus pa'ang de'i
yul ma yin te/ rdzas su med pa'i phyir/ zla ba gnyis su snang
ba bzhin no zhes smras pa'i lan du/ rtog ge 'bar ba las/ ma

bsags pa'i phra rab 'ba' zhig pa dbang po'i yul min par bsgrub
na grub pa la bsgrub pa yin zhes gsungs nas/ phyi ma'i lan du
yang gal te rigs gcig pa'i rdul phra rab 'dus pa phyogs su
byas nas de ni rgyu ma yin te/ rdzas su med pa'i phyir ro

zhes bya ba'i gtan tshigs smra bar byed na ni gtan tshigs gzhan
la ma grub pa nyid yin te/ gang 'di ltar rigs gcig pa'i phra
rab kyi ngo bo gzhan dang gzhan gyis de la phan btags pa'i
sbyor ba dang ldan pas de yul gyi ngo bo'i yan lag

tu byas nas rdul phra rab tu 'dus par snang ba'i rnam pa can
gyi blo 'byung ba yin te/ rigs gcig pa'i phra rab tu bsags pa
nyid las bum pa la sogs pa'ang rdzas su bdag cag 'dod de phra
rab bzhin no/ /gang gi phyir phra rab kyang rdzas

@401b brgyad 'dus pa'i bdag nyid yin la/ de rdzas nyid du
mngon par 'dod pa ltar 'dus pa'i bdag nyid kyi bum pa la sogs
pa'ang rdzas nyid yin te 'ba' zhig ni ma grub pa nyid do zhes
rdul phra rab bsags pa'i re re nas dbang shes kyi rgyu dang

de yang rdzas yod du bzhed pa dang rdul phra ba'i yang mthar
thug par yang bzhed par snang bas rdul cha med dmigs rkyen du
bzhed do/ /de'i phyir dbang po'i shes pa phyi nang gi 'khrul
rgyu sngar bshad pa rnams kyis ma bslad pa ma 'khrul bar bzhed

cing tha snyad du mdo sde pa dang mthun pa'i dmigs rkyen bzhed
pa yin no/ /'jug 'grel las ni kha cig gis mdo sde pa rnams kyi
lugs gang zhig don dam par smras pa de nyid dbu ma pa rnams
kyi kun rdzob tu 'dod do zhes smras pa gang

yin pa de ni dbu ma'i bstan bcos kyi de kho na nyid mngon par
mi shes pa kho nas smras pa yin no zhes bya bar shes par
bya'o/ /yang gang dag bye brag tu smra ba rnams kyis gang don
dam par smras pa de dbu ma pa rnams kyi kun rdzob tu yin no

snyam du sems pa de dag gis kyang bstan bcos kyi de nyid yongs
su ma shes pa kho na ste/ 'di ltar 'jig rten las 'das pa'i
chos rnams ni 'jig rten pa'i chos dang mtshungs par mi rigs
pa'i phyir te/ lugs 'di ni thun mong ma yin pa'o

zhes mkhas pa rnams kyis nges par bya'o zhes gsungs pas/ sde
pa de dag gi grub mtha' thun mong ma yin pas btags pa'i gzung
'dzin cha med sogs tha snyad du'ang mi bzhed do/ /bzhi brgya
pa'i 'grel pa las kyang/ bye brag pa ltar rang gi

@402a @#/ /sde pa rnams kyis rdzas kyi rdul phra rab khas blang
bar mi rigs so zhes rdul cha med khas mi blang bar gsungs so/
/sde pa gnyis kyis don dam du 'dod pa rnams dbu ma pas kun
rdzob tu khas mi len pa ni cha med la

sogs pa'i dngos po la bya yi/ de gnyis kyis bden par gang 'dod
dbu ma pas kun rdzob tu khas mi blang bar ston pa min te/
gzugs sgra la sogs pa de dag gis bden par 'dod kyang dbu ma
pas kun rdzob tu 'dod pa bzhin no/ /bzhi

brgya pa'i 'grel pa las/ dbang po'i rdul phra rab tshogs pa'i
skabs kyi re re nas dbang shes kyi rgyur 'dod pa bkag cing
dbang po rnams kyang rdul phra rab dang de nyid dang gzhan du
ma grub pas de dag la brten nas btags pa rnam shes kyi

rten yin la/ de bzhin du yul rnams kyang brten nas btags pa'i
btags yod dbang shes kyi yul du gsungs shing/ shes pa rnams
mngon sum btags pa ba dang yul rnams mngon sum mtshan nyid par
bzhed pas slob dpon

'di dang slob dpon legs ldan 'byed gnyis phyi rol gyi don
bzhed par 'dra yang dbang po dang yul rnams kyi 'jog tshul mi
'dra bar snang ngo/ /sngar dbang shes rang gi mtshan nyid la
tshad ma yin pa 'gog pa'i skabs su/ rnam pa

gzhan du gnas pa'i dngos po la rnam pa gzhan du snang ba'i
phyir ro zhes gsungs pas/ dbang po'i shes pa la gzugs sgra
sogs rang gi mtshan nyid kyis grub par snang la snang ba ltar
gyi rang gi mtshan nyid tha snyad du yang med pas na

@402b slob dpon 'di tha snyad du yang 'di dag 'khrul par bzhed
pa yin no/ /de lta na'ang dbang po'i shes pa rnams tha snyad
du gzugs sgra la sogs pa'i yul rnams rnam par 'jog pa'i tshad
mar mi 'thad pa med de/ de rnams 'khrul par 'jog

pa'i rgyu mtshan snang ba ltar gyi rang gi mtshan nyid kyis grub
pa'i don med pa ni rang bzhin yod med dpyod pa'i rigs pa'i
shes pas 'grub pa yin gyi/ tha snyad pa'i tshad mas gtan mi
'grub pas tha snyad pa'i shes pa la ltos te 'khrul pa ma

yin no/ /zla ba gnyis snang dang gzugs brnyan la sogs pa snang
ba'i shes pa ni snang ba ltar gyi don zla ba gnyis dang byad
bzhin la sogs pa med par tha snyad pa'i tshad ma nyid kyis rigs
pa'i shes pa la ltos med du 'grub pas na/ de

dag dang snga ma rnams la yang dag dang log pa'i kun rdzob kyi
rnam dbye yang 'thad pa yin no/ /gal te rigs pa'i shes pa dang
tha snyad pa'i tshad ma la brten nas 'khrul par rtogs pa'i
khyad par yod du chug kyang byad bzhin la sogs par

snang ba'i don med pa ltar rang gi mtshan nyid du snang ba'i
don yang med la/ rang gi mtshan nyid kyis stong pa'i gzugs sogs
yod pa ltar/ byad bzhin la sogs pas stong pa'i gzugs brnyan la
sogs pa'ang yod do/ /de'i phyir de dag la

tha snyad pa'i blo rang dga' ba la ltos nas kyang phyin ci log
ma log gi khyad par med do snyam na/ 'o na rang gi mtshan nyid
kyis grub pa'i ngo bo dang byad bzhin du snang ba ltar gyi don
gnyis ka tha snyad du med par 'dra la/ gzugs sogs dang gzugs

@403a @#/ /brnyan sogs gnyis ka tha snyad du yod par 'dra ba
la/ 'jug 'grel las/ brten nas 'byung ba gzugs brnyan dang brag
cha la sogs pa cung zad cig ni brdzun yang ma rig pa dang ldan
pa rnams la snang la/

sngon po la sogs pa gzugs dang sems dang tshor ba la sogs pa
cung zad cig ni bden par snang ste/ rang bzhin ni ma rig pa
dang ldan pa rnams la rnam pa thams cad du mi snang ngo/ /de'i
phyir de dang gang zhig kun

rdzob tu yang brdzun pa ni kun rdzob kyi bden pa ma yin no/
/zhes sngon po la sogs pa kun rdzob bden par 'jog pa dang
gzugs brnyan sogs kun rdzob bden par mi 'jog pa'i khyad par mi
'thad do zhes brjod na lan ci

yod; de gnyis ka tha snyad pa'i shes pa la snang bar 'dra yang
gzugs brnyan la sogs pa ni 'jig rten pa'i shes pa nyid kyis
brdzun par rtogs pas 'jig rten kun rdzob kyi bden par mi 'jog
la/ sngon po la sogs

pa ni brdzun pa yin kyang de brdzun par 'jig rten pa'i shes
pas khong du chud par mi nus pas 'jig rten kun rdzob kyi bden
par 'jog go snyam na/ de ltar yul de gnyis la tha snyad pa'i
shes pa la ltos te bden brdzun

'thad pa bzhin du yul can gnyis kyang tha snyad pa'i shes pa
la ltos te phyin ci log ma log 'thad pa yin no/ /gal te tha
snyad pa'i shes pa la ltos te phyin ci ma log pa yin na tha
snyad du 'khrul pa dang 'gal lo snyam na

@403b tha snyad du 'khrul ba'i 'khrul sa'i tha snyad dang shes
pa gang la ltos nas phyin ci ma log par bzhag pa'i tha snyad
pa'i shes pa gnyis gcig yin na 'gal ba yin kyang tha snyad de
gnyis ni so so ba yin pas ci zhig 'gal/ 'di

ltar gzugs sogs la rang gi ngo bos grub pa'i rang bzhin rigs
pas 'gog pa ni don dam du mi rung bas tha snyad du bya dgos
la/ de 'dra ba'i tha snyad pa'i shes ngo der ni dbang po'i
shes pa rnams 'khrul ba yin la/ de las

gzhan pa'i tha snyad pa'i shes pa rang dga' ba rnams kyi ngor
ni 'khrul pa ma yin pas mi 'gal te/ dper na/ 'jig rten pa'i
tha snyad la mi la la yod mi la la med ces pha bzhin te/ la la
zhes pa'i tshig gcig yin kyang yod pa'i

la la dang med pa'i la la gnyis don gcig la mi 'jog pa bzhin
no/ /de yang ma 'khrul ba ni 'jig rten pa'i shes pa rang dga'
ba la ltos nas 'jog gi dbu ma pas ma 'khrul bar mi 'dod de/
'jig rten nyid las bden yin/

zhes sogs gsungs pa ltar ro/ /de'i phyir dbu ma pas de dag
'khrul par 'jog la de lta na'ang yul brdzun pa 'jog pa mi 'gal
te/ yul bden pa 'jog na ni yul can 'khrul pas 'jog par 'dod pa
'gal ba yin no/ /tha snyad

du chos thams cad sgyu ma lta bur 'dod pas na tha snyad du
brdzun pa yin kyang kun rdzob bden par 'jog pa'ang mi 'gal te/
ma rig rang bzhin sgrib phyir kun rdzob ste/ /zhes gsungs pa'i
ma rig pa'i kun rdzob de'i ngor bden pa dang chos rnams la
rang gi ngo bos

@404a @#/ /grub pa 'gog pa gang gi ngor bzhag pa'i kun rdzob pa
de'i ngor brdzun pa gnyis mi 'gal ba'i phyir ro/ /kun rdzob tu
yang brdzun pa de kun rdzob bden pa ma yin no zhes gsungs pa
ni tha snyad pa'i tshad mas brdzun par

rtogs pa la bya yi/ tha snyad du brdzun pa yin pa tsam la byar
mi rung ngo/ /de ltar dbu ma pas tha snyad du rang gi lugs la
'khor 'das kyi rnam gzhag mang po zhig 'jog pa dang/ dngos por
smra ba rnams kyis rang gi 'dod pa thun mong ma yin pas

btags pa'i don rnams tha snyad du yod pa'i 'gog tshul 'di dag
shin tu dka' bas bden pa gnyis kyi rnam par bzhag pa phyin ci
ma log par rtogs pa srid mthar snang ngo/ /'di ltar dngos smra
ba'i 'dod pa rnams kun rdzob tu yod pa

'gog pa na rigs pa'i dpyad pa byas nas dgag dgos la/ rang gis
kun rdzob tu skye 'gag la sogs pa yod par khas len pa la'ang
rtog ldan gyis khas len mi len ni sgrub byed yod med yin la/
de yang rigs pa'i rjes su 'brangs

pa la ltos so snyam nas rigs pas dpyad pa na rang gis khas
blangs pa'i kun rdzob pa rnams dang/ dngos po smra ba rnams
kyis kun brtags pa gnyis rigs pas gnod na gnod mnyam dang mi
gnod na mi gnod mnyam du song nas/

dbang phyug dang gtso bo la sogs pa tha snyad du med par 'dod
na gzugs la sogs pa'ang med par khas blang dgos pa dang/ de
dag tha snyad du yod na dbang phyug la sogs pa'ang yod par
khas len dgos pa gnyis mtshungs par

@404b mthong ste/ chos gang la'ang rang gi lugs kyis 'di yin
dang 'di min gyi ngos gzung dam khas len ci yang byar mi rung
ba la dbu ma'i de kho na nyid rnyed par rlom zhing de 'dra
ba'i go ba de dang rjes su mthun pa'i cir yang mi 'dzin par
'jog

pa la lta ba rnam par dag pa'i don bsgom par 'dod pa shin tu
mang bar snang ngo/ /'di 'dra ba 'di dag ni mkhas pa mgu bar
byed pa'i gtam du mi snang ste/ sngar bshad pa ltar rigs pa'i
dgag bya ngos ma zin par rang bzhin 'gog pa'i

rigs pas tha snyad pa'i rnam par bzhag pa thams cad 'jig par
byed pas yang dag pa'i lta ba dang log pa'i lta ba rnams nor
na nor mnyam dang ma nor ba mnyam por song ba'i phyin ci log
gi lta ba chen po yin pa'i phyir ro/ /

des na 'di 'dra ba la ring du goms kyang yang dag pa'i lta ba
la cung zad tsam yang nye ru mi 'gro bar ma zad ring du 'gro
ste/ 'khor 'das kyi rten 'brel gyi rnam par bzhag pa thams cad
rang gi lugs la rung ba'i rten 'byung gi lam

dang ches shin tu 'gal ba yin pa'i phyir ro/ /de'i phyir dbu
ma la 'jug pa las/ mi shes gnyid kyis rab bskyod mu stegs can/
/rnams kyis bdag nyid ji bzhin btags pa dang/ /sgyu ma smig
rgyu sogs la btags pa gang/ /de dag 'jig rten

las kyang yod min nyid/ /ces mu stegs pa'i 'dod pa thun mong
ma yin pa dang sngar drangs pa ltar rang sde dngos por smra ba
rnams kyi 'dod pa thun mong ma yin pas btags pa rnams rang gi
kun rdzob tu yang med do zhes gsungs pa'i don bshad par bya'o/

@405a @#/ /de la tha snyad du yod par 'dod pa dang med par 'dod
pa ni ci 'dra ba zhig gi sgo nas 'jog pa yin snyam na/ tha
snyad pa'i shes pa la grags pa yin pa dang ji ltar grags pa'i
don de la tha snyad pa'i tshad

ma gzhan gyis gnod pa med pa dang/ de kho na nyid la'am rang
bzhin yod med tshul bzhin du dpyod pa'i rigs pas gnod pa mi
'bab pa zhig ni tha snyad du yod par 'dod la/ de dag las ldog
pa ni med par 'dod do/ /de la tha

snyad pa'i shes pa ni chos gang la'ang ji ltar snang ba ltar
gyi rjes su 'jug pa tsam yin gyi/ snang ba'i don de blo la de
ltar snang ba tsam yin nam/ 'on te don gyi yin tshul la de ltar
grub pa yin snyam du mi dpyod pa'i shes pa ma

brtags par 'jug pa rnams so/ /de nyid la ma dpyad pa'i shes pa
zhes bya yi/ brtag pa ye mi byed pa ni min no/ /'di ni 'jig
rten pa'am tha snyad pa'i shes pa la ji ltar snang zhing grags
pa ltar 'jug gi/ yin lugs

ji ltar yin dpyad nas 'jug pa min pa'i phyir 'jig rten gyi
grags pa zhes bya ba'ang yin pas 'di 'dra'i shes pa ni grub
mthas blo bsgyur ma bsgyur thams cad la 'ong bas ji 'dra zhig
gi rgyud la 'dug kyang 'jig rten pa'i

grags pa'am ma dpyad pa'i shes pa zhes bya yi/ grub mthas blo
ma bsgyur ba'i 'jig rten pa kho na'i rgyud la yod par mi bzung
ngo/ /grub mthas blo bsgyur ba la'ang ji ltar tha snyad du
grags pa ltar ram 'on te de kho na nyid du de ltar

@405b gnas sam zhes dpyod pa'i blo mang po yod kyang de'i shes
pa thams cad yin tshul ji ltar yin dpyod pa'i shes pa yin ga la
dgos/ des na 'jig rten gyi grags pa ji ltar yin ni 'jig rten
gyi rgan po grub mtha' dang bral ba kho na la

'dri ba ma yin gyi/ rgol phyi rgol gyi rgyud kyi ma dpyad pa'i
blo'i 'jug tshul la ji ltar 'dug bltas pas chog pa yin no/
/shes pa de la grags pa ni snang ba'am myong ba'i tha snyad
'dogs pa'i gzhir gyur pa rnams so/ /las 'bras dang

sa lam la sogs pa phal pa lam grags pa rnams kyang thos pa
dang myong ba la sogs pas yul du byas pa'i tshe yin tshul la ji
ltar yin mi dpyod pa'i shes pa rang dga' ba la'ang snang ba
yin pas 'jig rten gyi grags pa ma yin

pa'i skyon med do/ /tha snyad pa'i tshad ma gzhan gyis gnod pa
ni/ dper na/ thag pa la sbrul lo snyam pa dang smig rgyu la
chu'o snyam du 'dzin pa na yin lugs la ji ltar yin dpyod pa
med pa'i blos bzung ba yin mod kyang/ des bzung

ba'i don la tha snyad pa'i tshad mas gnod pas de dag tha snyad
du'ang med pa yin no/ /rang bzhin yod med tshul bzhin du dpyod
pa'i rigs pas gnod pa mi 'bab pa mi tha snyad du 'jog pa'i don
rnams tha snyad pa'i tshad mas grub dgos

kyang; rang bzhin yod med tshul bzhin du dpyod pa'i rigs pa'i
shes pas ni rnam pa thams cad du mi gnod pa nges par dgos kyi/
rigs pa des yod par grub na ni rang gi ngo bos yod par grub pa
yin pas tha snyad pa'i don yin par 'gal ba yin no// 

@406a @#/ /de'i phyir rigs shes kyis mi gnod pa dang des grub pa
gnyis gcig tu bzung nas tha snyad du dge sdig las bde sdug
'byung ba dang/ dbang phyug dang gtso bo las bde sdug 'byung ba
gnyis yin na yin mnyam

dang min na min mnyam du 'dzin pa'i log rtog gi gnas med de/
dbang phyug dang gtso bos bde sdug bskyed pa dang dge mi dges
bde sdug bskyed pa gnyis rang bzhin yod med tshul bzhin du dpyod
pa'i rigs pas mi 'grub

par mtshungs kyang/ rigs pas gnod mi gnod rnam pa thams cad du mi
mtshungs pa'i phyir ro/ /de la rang gzhan gyi sde pa dngos por
smra ba rnams kyi 'dod pa thun mong ma yin pas kun brtags pa'i
gzung 'dzin cha med dang bdag

dang gtso bo dang dbang phyug la sogs pa rnams ni/ de dag gis
rnam par 'jog pa na de 'dra ba'i rang gi ngo bos grub pa yin min
rigs pas dpyad nas de nas de ltar dpyod pa'i rigs pas don de dag
rnyed par bsams nas bzhag pa

yin pas/ de 'dra de la rang bzhin yod med dpyod pa'i rigs pa'i
dpyad pa gzhan gyis byas pa khas blang dgos pa yin te/ don de
rigs pas dpyad bzod du 'dod pa'i phyir ro/ /de ltar dpyad pa na
rigs pa dri ma med pa'i brtag

pa'i khur bzod pa mi 'byung bas de dag rigs pas ma rnyed pa na
khegs par 'gyur te/ de dag yod na rigs pa de dag gis rnyed dgos
pa'i phyir ro/ /gzugs sgra la sogs pa rnams ni tha snyad pa'i
shes pa phyi nang gi 'khrul rgyu'i gnod pa

@406b med pa rnams la ji ltar grags pa de ltar bzhag pa tsam yin
gyi/ de dag la ci 'di dag tha snyad tsam mam ? 'on te don gyi
yin tshul la de ltar grub pa ma snyam du dpyad nas de ltar dpyod
pa des rang gi ngo bos grub pa'i rang bzhin rnyed pa'i lugs su

byas nas khas blangs pa min pas/ de dag la rang bzhin yod med
dpyod pa'i rigs pa'i dpyad pa byar med de/ don de dag rigs pas
dpyad bzod du mi 'dod pa'i phyir ro/ /dper na/ 'di lug yin no
zhes smras pa na 'o na rta yin nam glang po yin zhes

dpyod du mi rung ba dang 'dra ba yin no/ /'jig rten na thog ma
med pa nas grags pa'i don yin kyang rigs pas gnod pas na tha
snyad du'ang med pa ni ma rig pas dngos po rnams la rang gi ngo
bo sgro btags pa dang/ 'jig ltas rang gi ngo bos grub pa'i nga

dang nga yi ba 'dzin pa dang/ kha sang gi ri de ring gi ri yin
par 'dzin pa sogs kyi yul rnams yin pas 'jig rten na gang grags
thams cad dbu ma pas kun rdzob tu 'dod pa min no/ /kha cig gzugs
sgra sogs dang mu stegs kyis btags

pa rnams tha snyad du yod med mi mtshungs pa'i rgyu mtshan du snga
ma 'jig rten thams cad la grags pa dang phyi ma grub mtha' smra
ba kho na la grags pa'i phyir ro zhes smra ba ni rnam par ma
phyed pa yin te/ gzhan du na tha snyad du gzugs sogs

sgyu ma lta bu yin pa med dgos la rang gi ngo bos grub pa yod
dgos par 'gyur ba sogs mang la/ rigs pa drug cu pa'i 'grel pa
las kyang/ de yang phyin ci log ni bde ba la sogs pa nyid du
'dzin pa gang yin pa ste/ kun rdzob tu yang bdag nyid

@407a @#/ /der dngos po de rnam par mi gnas pa yin pa nyid kyi
phyir ro/ /phyin ci ma log pa ni sdug bsngal la sogs pa nyid du
'dzin pa ste/ dngos po de kun rdzob tu bdag nyid der yod pa nyid
kyi phyir ro/ /zhes rtag sogs bzhi

po 'jig rten la thun mong du grags kyang der 'dzin pa kun rdzob
tu phyin ci log tu bshad la/ mi rtag sogs bzhi po 'jig rten kun
la ma grags kyang der 'dzin pa phyin ci ma log par gsungs so/
/de ltar phung po mi rtag sogs su 'dzin pa'i rtog

pa ni snang yul la 'khrul yang nges pa'i 'dzin stangs la tshad
ma'i gnod pa med pas phyin ci ma log pa'am ma 'khrul ba zhes bya
la/ dbang po'i shes pa rnams ni snang yul la 'khrul zhing ma
'khrul ba'i cha gzhan yang med pas ma

'khrul ba zhes mi bya'o/ /dbang shes rnams snang ba la 'khrul
bar 'dra yang 'jig rten pa'i ngor snang ba dang rjes su mthun
pa'i don yod pa dang med pa'i sgo nas gzugs brnyan sogs snang
ba'i dbang shes rnams log pa'i kun rdzob yin la/

de las gzhan pa'i dbang shes gnod med rnams yang dag kun rdzob
yin no/ /phung po rtag pa la sogs par 'dzin pa'i rtog pa'i 'dzin
stangs kyi yul ni tha snyad du med pas 'gog par nus kyang mi
rtag pa la sogs par 'dzin pa'i yul ni

tha snyad du yod pas rigs pas dgag par mi nus so/ /don dam par
ram rang gi ngo bos grub pa'i rtag sogs bzhi mi srid pa bzhin du
de gnyis su grub pa'i mi rtag sogs bzhi yang mi srid pas de kho
na la ltos nas ni de brgyad yod par

@407b 'dzin pa la phyin ci log ma log gi rnam dbye med pa la
dgongs nas/ gzugs rtag mi rtag dang bde sdug dang bdag yod med
gang la spyod na'ang mtshan ma la spyod par gsungs so/ /gal te
dngos po rnams la rang bzhin sgro 'dogs pa'i ma

rig pa'i 'dzin stangs rigs pas sun 'byin pa dang tha snyad pa'i
don rnams mi 'gog pa gnyis 'gal te/ 'jug pa las/ gti mug rang
bzhin sgrib phyir kun rdzob ste/ /des gang bcos ma bden par
snang de ni/ /kun rdzob bden zhes thub pa

des gsungs te/ /zhes gzugs sgra sogs ma rig pa'i dbang gis kun
rdzob kyi bden par 'jog par gsungs pa'i phyir ro zhe na skyon
med de/ gzugs sgra sogs kun rdzob bden par 'jog pa'i bden pa ni
bsam pa'i dbang gis bden pa

yin la/ bsam pa de yang bden 'dzin la bya dgos pas rang bzhin
sgro 'dogs pa'i ma rig pa'i ngor bden pa yin no/ /des na nyon
mongs can gyi ma rig pa spangs pa'i dgra bcom gnyis dang sa
brgyad pa yan chad kyi byang sems rnams la ni

snang ba 'di dag bcos ma'i rang bzhin yin gyi/ bden par ni ma
yin te/ bden par mngon par rlom pa med pa'i phyir ro zhes bden
'dzin med pa rnams la kun rdzob tsam du gsungs pa'i rgyu mtshan
ni de yin no/ /de'i phyir gzugs sgra sogs

bden pa de ma rig pa'i ngor yin kyang gzugs sgra sogs ma rig pa
des 'jog pa min te/ dper na/ thag pa la sbrul 'dzin gyi log shes
kyi ngo na thag pa de sbrul yin kyang log shes des thag pa rnam
par 'jog pa min pa bzhin no/ /gzugs sgra sogs

@408a @#/ /rnam par 'jog pa'i blo ni gnod pa med pa'i mig la sogs
pa'i shes pa drug po rnams yin pas 'di dag gis grub pa'i don tha
snyad du yod pas rigs pas mi 'gog la/ ma rig pas ji ltar bzung
ba ltar kun rdzob tu yang

med de/ 'di ni dngos po rnams la rang gi ngo bos grub pa'i rang
bzhin sgro 'dogs pa yin la/ de 'dra ba'i rang bzhin ni tha snyad
du'ang med pa'i phyir ro/ /de'i phyir rigs pas kyang tha snyad
du 'gog ste 'di rigs pas ma khegs na tha snyad du dngos po rnams

sgyu ma lta bur mi 'grub bo/ /gti mug 'dis sgro btags pa'i rang
bzhin la sdug mi sdug la sogs pa'i khyad par rnams sgro btags
nas 'dod chags dang zhe sdang la sogs pa skye bar 'gyur bas 'di
dag gi 'dzin stangs kyang rigs pas sun

dbyung bar nus pa yin no/ /de ltar yang/ bzhi brgya pa'i 'grel
pa las/ 'dod chags la sogs pa dag kyang gti mug gis kun tu btags
pa'i dngos po'i rang bzhin kho na la sdug pa dang mi sdug pa la
sogs pa'i khyad par sgro 'dogs par

'jug pa nyid kyi phyir/ gti mug las tha mi dad par 'jug par
'gyur zhing gti mug la brten par yang 'gyur te gti mug gtso bo
nyid kyi phyir ro/ /zhes gsungs so/ /de ltar nyon mongs de dag
ni thog ma med pa nas zhugs pa'i lhan skyes yin

kyang 'dzin stangs rigs pas sun dbyung bar nus pas de dag gi
zhen yul tha snyad du'ang med do/ /de'i phyir lhan skyes kyi
blo'i yul la rigs pas dgag nus mi nus gnyis yod de/ gzugs sgra
la sogs pa 'di dag rnam par 'jog pa'i

@408b tha snyad pa'i tshad ma lhan skyes 'di dag gi yul ni tha
snyad du yod pas rigs pas 'gog pa min no/ /de ltar na slob dpon
sangs rgyas bskyangs dang slob dpon zla ba grags pa'i lugs la
tha snyad du'ang rang gi ngo bos grub pa'i rang bzhin 'gog

pas na/ tha snyad pa'i don rnams rnam par 'jog pa ches dka' bar
snang zhing de dag gnod med du legs par 'jog mi shes na spyod
phyogs la nges pa legs por rnyed pa mi 'ong bas/ phal cher skur
'debs kyi lta bar 'gyur bar snang

bas blo gros dang ldan pa rnams kyis 'di pa'i lugs kyi kun rdzob
rnam par 'jog tshul la mkhas par bya ste/ 'dir ni tshig mangs su
dogs nas de tsam las ma spros so/ /gsum pa mu bzhi'i skye ba yin
min brtags nas 'gog pas

sun 'byin mi nus par bstan pa ni/ rang gzhan dang gnyis ka dang
rgyu med las skye ba bkag pas skye ba khegs na mu bzhi'i skye ba
'di pa'i lugs la tha snyad du'ang med pas skye ba 'gog pa la
khyad par sbyar mi dgos la/ mi khegs na mu

bzhi'i skye ba bkag pas don dam gyi skye ba'ang mi khegs par
'gyur ro zhes smra ba'i snga ma mi 'dod pas phyi ma'i lan bshad
par bya ste/ don dam gyi skye ba khas len na de nyid dpyod pa'i
rigs pas dpyad bzod du 'dod dgos la/ de'i tshe

rigs pas bdag dang gzhan la sogs mu bzhi gang las skye dpyad
dgos pas don dam gyi skye ba 'dod pas mu bzhi gang rung gi dpyad
pa nges par khas blang dgos so/ /rgyu dang rkyen 'di la brten
nas 'di 'byung gi skye ba tsam zhig 'dod pas ni de kho

@409a @#/ /na'i skye ba khas ma blangs la/ de ma blangs pas de
kho na nyid la dpyod pa'i rigs pas bdag dang gzhan la sogs pa
gang las skye zhes ji ltar dpyod de rigs pas dpyad bzod du 'dod
mi dgos pa'i phyir ro/ /gzhan

yang brten nas skye ba nyid kyis mu bzhi'i skye ba 'gog pa yin
te/ 'jug pa las/ gang phyir dngos po brten nas rab 'byung bas/
/rtog pa 'di dag brtag par mi nus pa/ /de phyir rten 'byung rigs
pa 'di yis ni/ /lta ngan dra ba mtha' dag gcod

par byed/ /ces gsungs pa'i phyir ro/ /des na zla ba grags pa ni
brten nas skye ba mu bzhi'i skye ba 'gog byed du bzhed la/ khyed
ni mu bzhi gang las kyang mi skye na skye ba tsam yang med do
zhes 'dod pas zla grags gang bzhed pa las ldog nas smra

bar snang ngo/ /yang de nyid las/ gang phyir rgyu med pa dang
dbang phyug gi/ rgyu la sogs dang bdag gzhan gnyis ka las/
/dngos rnams skye bar 'gyur ba ma yin pa/ /de phyir brten nas
rab tu skye bar 'gyur/ /zhes gsungs pa'ang khyed ltar na

'gal ba smras par 'gyur ro/ /des na brten nas skyes pa'i rten
'brel ni mtha' bzhi dang bral ba yin pas mtha' dang bral ba de
mtha' bzhi'i gang yin zhes ma 'dri zhig  /'di dag kyang rang
bzhin gyis ma skyes pa dang ma skyes pa

gnyis kyi khyad ma phyed pas nongs so/ /'o na/ de nyid skabs su
rigs pa gang zhig gis/ /bdag dang gzhan las skye ba rigs min
pa'i/ /rigs des tha snyad du yang rigs min na/ /zhes gsungs pa
ji ltar yin zhe na/ 'di ni rdzas su

@409b grub pa'am rang gi mtshan nyid kyis grub pa'i skye ba khas
len na tha snyad du'ang rigs pa de dag gis 'gog par ston pa yin
gyi/ skye ba tsam 'gog pa gtan min te/ gzhung de'i mtshams sbyor
du/ gang zhig kun nas nyon mongs pa dang rnam

par byang ba'i rgyur gyur pa rdzas kyi bdag nyid skye bar 'gyur
bar bya dgos so zhes smra na/ de lta na'ang de skad du smra ba
la tshig tsam zhig lhag ma lus par 'gyur ro/ /ci'i phyir zhe na/
de nyid skabs su zhes sogs drangs nas/ de'i

'grel par yang de'i phyir rang gi mtshan nyid kyis skye ba ni
bden pa gnyis char du yang yod pa ma yin no zhes mi 'dod bzhin
du'ang khas blang bar bya'o zhes gsungs pa'i phyir ro/ /des na
rang gi ngo bos grub pa'i skye ba ni don dam pa'i skye ba

yin pas de 'dod na tha snyad du 'dod kyang rung ste don dam pa'i
skye ba 'gog pa ltar dgag dgos pa ni slob dpon 'di'i bzhed pa
dam pa yin pas tha snyad du'ang rang gi ngo bos grub pa'i skye
ba khas blang bar mi bya ste/ 'jug pa las/ mo

gsham bu la rang gi bdag nyid kyis/ /skye ba de nyid du med 'jig
rten du'ang/ /yod min de bzhin dngos 'di kun ngo bo/ /nyid kyis
'jig rten de nyid du ma skyes/ /zhes gsungs pas so/ /rang bzhin
gyis ma skyes pa'am skye ba'i rang bzhin med pa

la skye ba med pas khyab par bzung nas brten nas skye ba dang
rang bzhin gyis ma skyes pa gnyis 'gal bar brtsad pa la rna ba
dang snying med pa zhes gsungs te/ rang bzhin gyis ma skyes zhes
brjod pa'i rang bzhin zhes pa de ma thos par ma skyes par

@410a @#/ /bzung 'dug pa la dgongs nas rna ba med pa dang/ rang
bzhin zhes pa'i tshig de'i don la go rgyu ma byung ba la dgongs
nas snying med pa zhes gsungs pa'o/ /de ltar yang rigs pa drug
cu pa'i/ brten nas skyes pa ma

skyes par/ /de nyid mkhyen pa'i mchog gis gsungs/ /zhes pa'i
'grel par/ rten cing 'brel bar 'byung ba mthong na dngos po
rnams rang bzhin du dmigs par mi 'gyur te/ gang brten nas skyes
pa de ni gzugs brnyan bzhin du rang bzhin

gyis ma skyes pa'i phyir ro/ /gal te brten nas skyes pa gang yin
pa de ni skyes pa kho na ma yin nam de ji ltar ma skyes pa'i
sgras brjod par bya bar 'gyur/ ci ste ma skyes so zhes brjod na
'on te brten nas skye'o zhes brjod par mi bya'o/ /de'i

phyir phan tshun 'gal ba nyid kyi phyir 'di mi rigs so zhe na/
kye ma kyi hud rna ba dang snying med pas kyang brgal bar 'gyur
ba 'di ni kho bo cag la dka' ba zhig bab bo/ /gang gi tshe kho bo
cag gis gang brten nas skye ba de gzugs brnyan

bzhin du rang bzhin gyis ma skyes so zhes smras pa de'i tshe rgol
ba'i go skabs ga la yod ces gsungs pas khyad par de dag phyed pa
gces so/ /ma dros pas zhus pa las kyang/ gang zhig rkyen las
skyes pa de ma skyes/ /de la skye ba'i rang

bzhin yod ma yin/ /rkyen la rag las gang de stong par bshad/
/gang zhig stong nyid shes de bag yod yin/ /zhes rkang pa dang
pos/ rkyen las skyes pa de ma skyes/ /zhes gsungs nas ma skyes
lugs ston pa ni rkang pa gnyis pas/ de la skye

@410b ba'i rang bzhin yod ma yin/ /zhes dgag bya la khyad par
sbyar ba ste rang bzhin gyis ma skyes pa'o/ /de lta bu mi shes
shing tshig de dag thos pa 'ga' zhig skyes pa kho nas ma skyes la
brten pa kho nas ma brten pa'o zhes pa'i tshul gyi 'gal 'du

'ba' zhig smra ba'i smra kham gang che la lta ba mtho bar byed
par snang ngo/ /tshig gsal du drangs pa'i lang gshegs las kyang/
blo gros chen po rang bzhin gyis ma skyes pa la dgongs nas ngas
chos thams cad ma skyes pa'o/ /zhes

gsungs zhes shin tu gsal bar gsungs so/ /skye ba sogs 'gog pa la
don dam gyi khyad par sbyor mi sbyor gyi lan yang don gyis song
mod kyi/ 'on kyang de la dmigs kyis phye ba'i lan ni 'og nas
ston no/ /de dag gis ni sun 'byin

de dag thams cad kyis rang bzhin med pa la rgyu 'bras sogs rnam
par 'jog pa'i tshul sun 'byin mi nus par bstan pa yin la/ spyir
sun 'byin ltar snang gi mthar thug pa ni rang gis pha rol po la
dgag pa ji ltar byas pa'i

dpyad pa de dag sun 'byin byed la'ang lhag ma med par 'jug pa
zhig la byed pa yin pas/ khyed cag gis bkod pa ni sun 'byin ltar
snang gi mthar thug pa yin te/ rigs pas gnod mi gnod la sogs
pa'i brtag pa byas nas

gzhan gyi phyogs ji ltar 'gog pa bzhin phyir la bzlog nas de
ltar sun 'byin pa'i rigs pa'ang dgag par bya ba yin pa'i phyir
ro/ /gal te khyod ni gzugs la sogs pa yod par khas len pas de la
dpyad pa de dag 'jug pa yin gyi/ kho bo cag

@411a @#/ /la rang lugs kyi phyogs med pas dpyad pa de dag mi
'jug go snyam na/ 'dis skyon de dag spong mi nus pa ni thal
'gyur dang rang rgyud gang gis gtan la 'bebs pa'i skabs nas ston
par 'gyur ro/ /bzhi pa

dngos po yod med sogs kyi mu bzhi ka 'gog pa gnod byed du mi
rung bar bstan pa ni/ dbu ma'i gzhung rnams nas dngos po'am rang
bzhin yod pa dang med pa dang gnyis ka dang gnyis ka min pa'i mu
bzhi thams cad bkag la/ der ma

'dus pa'i chos kyang med pas rigs pas thams cad 'gog go snyam
na/ 'di ni sngar bstan pa ltar dngos po la gnyis las rang gi ngo
bos grub pa'i dngos po ni bden pa gnyis gang du yod par 'dod
kyang 'gog la/ don byed nus

pa'i dngos po ni tha snyad du 'gog pa ma yin no/ /dngos po med
pa'ang 'dus ma byas rnams la rang gi ngo bos grub pa'i dngos med
du 'dod na ni de 'dra ba'i dngos med kyang 'gog go/ de bzhin du
de 'dra ba'i dngos po yod med gnyis char

yang 'gog la/ gnyis ka ma yin pa rang gi ngo bos grub pa'ang
'gog pas mu bzhi 'gog tshul thams cad ni de ltar du shes par
bya'o/ /de 'dra ba'i khyad par sbyar rgyu med par mu bzhi ka
'gog na dngos po yod pa dang dngos po med pa

'gog pa'i tshe de gnyis ka ma yin te zhes bkag nas/ slar yang
gnyis ka ma yin pa'ang ma yin zhes bkag na ni khas blangs dngos
su 'gal ba yin la/ de ltar yin kyang skyon med do zhes bsnyon na
ni kho bo cag bsnyon pa dang lhan cig tu mi

@411b rtsod do/ /gzhan yang phung po la rang gi ngo bos grub
pa'i rang bzhin nam bdag bkag pa na rang bzhin nam bdag med do
snyam pa'i shes rab skye la/ shes rab de'i yul rang bzhin med pa
de yang 'gog na ni dbu ma pa'i lta ba sun 'byin pa yin te/

chos rnams rang bzhin med par rtogs pa'i shes rab kyi yul sun
'byin pa'i phyir ro/ /rang bzhin yod med gnyis ka sun 'byin par
'dod pa de la 'di dri bar bya ste phung po la rang bzhin med do
snyam du nges pa'i shes rab kyi yul rang bzhin

med pa de ji ltar byas pas sun 'byin pa smros shig  /rtsa she
las/ gal te stong min cung zad yod/ /stong pa'ang cung zad yod
par 'gyur/ /mi stong cung zad yod min na/ /stong pa'ang yod par
ga la 'gyur/ /zhes gsungs pas/ mi stong pa ci yang

med pas rang bzhin med pa'i stong pa'ang yod pa ma yin no snyam
na/ 'dir stong mi stong ni rang bzhin gyis stong mi stong la
gzhung gi 'go mjug thams cad du mdzad do/ /de lta na rang bzhin
gyis mi stong pa ni rang bzhin gyis grub pa yin la/

rang bzhin gyis grub pa cung zad kyang med pas rang bzhin gyis
grub pa med pa'i stong pa'ang med do zhes smra ba 'di las bzhad
gad che ba ci zhig yod/ gzhan yang myu gu lta bu la rang gi ngo
bos grub pa'i rang bzhin med do snyam du 'dzin pa'i nges

pa des ni myu gu la rang bzhin mi 'dug go snyam du 'dzin gyi/
rang bzhin med pa de 'dug go zhe'am mi 'dug go snyam pa gnyis
gang du'ang mi 'dzin pa ni mig tshums la kha nang du phyogs par
gyis la rtogs shig dang ches rig par sla'o/ /de lta na rang
bzhin

@412a @#/ /med pa la yod par bzung du mi rung ba yin pas rang
bzhin med pa yod par 'dzin pa bzlog pa'i phyir du rigs pas stong
nyid yod pa 'gog pa de 'thad pa zhig yin na'ang blo gzhan zhig
gis rang bzhin med

pa yod par bzung ba'i blo de'i yul 'gog par 'dod dgos kyi/ myu
gu la rang bzhin med par rtogs pa'i shes rab kyi yul 'gog pa ni
ches shin tu mi 'thad do/ /kho bo cag ni myu gu la rang gi ngo
bos grub pa'i rang bzhin bkag pa

na rang bzhin med do snyam du nges par 'gyur la/ de nas blo
gzhan zhig gis rang bzhin med pa de nyid yod do snyam du 'dzin
pa na'ang de'i yul rigs pas 'gog pa min gyi/ stong nyid de rang
gi ngo bos grub par 'dod na 'gog pa yin no/ /'o

na rang bzhin med pa de la rang bzhin yod do snyam du 'dzin pa
ji ltar skye snyam na/ myu gu'i rang bzhin med pa la dmigs nas
myu gu'i rang bzhin du ma grub kyang myu gu rang bzhin med pa
de'i rang bzhin du yod do snyam du 'dzin pa skye ste/

dper na/ bum pa med pa la bum pa yod par bden snyam pa mi skye
yang bum med du bden snyam pa skye ba bzhin no/ /de ltar byas na
rang bzhin gyis mi stong pa cung zad kyang med pas myu gu'i rang
bzhin med pa'i stong pa la yang rang gi ngo

bos grub pa med do zhes brjod na rgyu mtshan yang dag tu 'gro ba
yin no/ /bzhi brgya pa'i 'grel par yang/ stong pa nyid rang gi
ngo bos grub pa 'gog pa yin par gsungs te/ ji skad du/ gal te
stong pa nyid ces bya ba rang gi ngo bos grub

@412b pa 'ga' zhig yod na ni dngos po rnams rang bzhin dang bcas
par 'gyur na yod pa ni ma yin no zhes bstan pa'i phyir bshad pa/
stong min med par stong pa ni/ /gang las 'byung ba nyid du
'gyur/ /ji lta bur na cig shos ni/ /med par gnyen

po 'byung bar 'gyur/ /zhes gsungs so/ /de lta ma yin par rang
bzhin med pa'i stong nyid yod pa 'gog na rang bzhin med pa med
par 'gyur la de lta na rang gi ngo bos grub pa'i rang bzhin yod
par 'gyur pas rang bzhin rnam pa thams cad du

'gog tu mi rung ngo/ /de ltar yang/ rtsod zlog las/ gal te rang
bzhin med nyid kyis/ /ji ste rang bzhin med la bzlog  /rang
bzhin med pa nyid log na/ /rang bzhin nyid du grub par 'gyur/
/zhes pa'i rang 'grel las/ ji ltar sgra ma 'byin zhes

bya ba lta bu sgras sgra zlog par byed pa de bzhin du gal te
tshig rang bzhin med pa nyid kyis dngos po rang bzhin med pa
rnams la zlog par byed na ni des na dpe 'di 'thad par yang 'gyur
ba zhig na/ 'di ni tshig rang bzhin med pa nyid kyis dngos po

rnams kyi rang bzhin 'gog par byed do/ /gal te tshig rang bzhin
med pa nyid kyis dngos po rnams kyi rang bzhin med pa nyid 'gog
par byed na ni rang bzhin med pa nyid bkag pa nyid kyi phyir
dngos po rnams rang bzhin dang bcas par 'gyur la/

rang bzhin dang bcas pa'i phyir stong pa ma yin par 'gyur ro/
/zhes shin tu gsal bar gsungs pa'i phyir ro/ /des na sngar rtsa
she'i lung/ stong pa yod par ga la 'gyur/ /zhes pa'i de ma thag
tu/ rgyal ba rnams kyis stong pa nyid/ /lta kun nges par

@413a @#/ /'byin par gsungs/ /gang dag stong pa nyid lta ba/ /de
dag bsgrub tu med par gsungs/ /zhes pa'i stong pa nyid du blta
ba zhes pa'ang rang bzhin gyis stong ngo snyam du lta ba la mi
zer gyi/ rang bzhin gyis stong pa'i

stong pa la bden par bzung ba'am dngos por lta ba la gsungs pa
yin te/ bud d+ha pA li ta las/ gang dag dngos po rnams rang gi
ngo bo nyid kyis yod pa yin no zhes mngon par zhen pa de dag la
stong pa nyid ces brjod pa rten cing

'brel par 'byung ba 'dis rgyu dang rkyen gyi dbang gis dngos por
gdags pa yin gyi/ dngos po rnams ngo bo nyid kyis yod pa ma yin
no zhes dngos po rnams kyi ngo bo nyid stong pa nyid du rab tu
bstan pa na mngon par zhen pa de bzlog

par nus kyi/ gang dag stong pa nyid la dngos po nyid du mngon
par zhen pa de dag la ni gzhan gang gis kyang mngon par zhen pa
de bzlog par mi nus te/ dper na/ ci yang med do zhes smras pa na
ci yang med pa de nyid byin cig ces

zer ba gang yin pa de la med pa nyid 'dzin du gzhug par ji ltar
nus pa bzhin te/ zhes dpe dang bcas te gsal bar gsungs pa'i
phyir ro/ /de ltar ma byas na dpe yang mi 'grig ste kha cig gis
'ga' la nor bslang zhes brjod pa na

nor med ces brjod pa'i tshe 'di la nor mi 'dug go snyam du 'dzin
pa skyon ma yin gyi/ nor med pa de la nor du bzung na de'i tshe
nor med par nges pa skyes med pa ltar dngos po rnams la rang
bzhin yod med 'dri ba la rang bzhin med do

@413b zhes brjod pa na rang bzhin med do snyam du bzung na smra
ba pos de bskyed par 'dod pas de skyon ga la yin/ 'on kyang
dngos po'i rang bzhin med pa de nyid la rang bzhin du bzung na
skyon yin no/ /khyed ltar na nor med ces brjod pa'i tshe nor med
snyam

du bzung na'ang dgag dgos zhes par 'gyur pas kho bo cag gis
brjod pa la brten na mdzes so/ /tshig gsal du'ang stong nyid la
dngos por zhen pa la gsungs pas na stong pa nyid 'gog pa'ang ma
yin la/ stong pa nyid du blta ba tsam la

skyon yod pa'ang ma yin no/ /des na sdud pa las/ phung 'di stong
zhes rtog na'ang byang chub sems dpa' ni/ /mtshan ma la spyod
skye med gnas la dad ma yin/ /zhes pa dang/ rin chen phreng ba
las kyang/ bdag dang bdag med blta ba dag  /de

phyir thub pa chen pos bzlog  /ces gsungs shing/ gzhan yang
gsung rab dang bstan bcos nas stong pa dang bdag med par blta ba
rnams mi rung bar gsungs pa rnams kyang sngar bshad pa ltar shes
dgos te/ de lta ma yin

na; shA ri'i bus spyan ras gzigs la sher phyin zab mo la spyod
par 'dod pas ji ltar bslab par bya ba dris pa'i lan du/ phung po
lnga po de dag kyang rang bzhin gyis stong par rnam par yang dag
par rjes su blta'o zhes dang/

sdud pa las kyang/ chos rnams rang bzhin med par yongs su shes
gyur pa/ /'di ni shes rab pha rol phyin mchog spyod pa yin/
/zhes dang/ 'jug pa las kyang/ de phyir bdag dang bdag gis stong
lta bas/ /rnal 'byor pa de rnam

@414a @#/ /par grol bar 'gyur/ /zhes gsungs pa sogs shin tu mang
bas de dag dang 'gal bar 'gyur ro/ /des na rgud pa thams cad kyi
rtsa ba ni rang bzhin sgro 'dogs pa'i ma rig pa yin la/ de

dang 'dzin stangs dngos su 'gal ba'i sgo nas de drungs 'byin pa
ni rang bzhin med pa'am bdag med pa rtogs pa'i shes rab nyag
gcig yin na de'i 'dzin stangs sun 'byin na de kho na nyid kyi
lta ba bkag pa ni mi 'dod

bzhin du'ang khas blang dgos te/ zhi sgo gnyis pa med pa dang/
/zhes pa'i bzhi brgya pa'i 'grel pa las/ chags pa yongs su zad
pa ni mya ngan las 'das pa 'thob pa'i rgyu yin la/ rang bzhin
med par blta ba las ma gtogs

par chos 'ga' zhig de ltar chags pa yongs su zad pa'i rgyu yod
pa ma yin no/ /de nyid kyi phyir rang bzhin med pa'i mtshan nyid
can gyi bdag med pa 'di ni zhi ba'i sgo gnyis pa med par 'gyur
te/ mya ngan las 'das pa'i grong

khyer du 'jug par bya ba la 'di gcig pu kho na zla med pa'i sgo
yin no/ /gal te yang stong pa nyid dang mtshan ma med pa dang
smon pa med pa zhes bya ba rnam par thar pa'i sgo gsum yod mod
kyi/ de lta na'ang bdag med par blta ba kho na gtso bo

yin te/ chos ma lus pa bdag med par rig cing dngos po thams cad
la chags pa ma lus par zad pa la 'gar yang 'ga' zhig gi don du
gnyer ba'am mtshan mar dmigs pa ga la yod/ de'i phyir bdag med pa

@414b 'di ni zhi ba'i sgo gnyis pa med pa kho na yin no/ /de
nyid kyi phyir byang chub kyi tshogs las/ rang bzhin med pas
stong la stong pa ni/ /yin dang mtshan mas ci zhig byed par
'gyur/ /mtshan ma thams cad log par 'gyur ba'i phyir/ /mkhas pas

ci ste smon lam 'debs par 'gyur/ /zhes bshad do/ /zhes rnam par
thar pa'i sgo gsum bshad pa dang rang bzhin gyis stong par blta
ba'i lta ba nyag gcig thar pa'i sgor bshad pa'i 'gal ba spangs
nas lung dang rigs pas de nyid thar

pa'i sgor bsgrubs so/ /rang bzhin rnam par bcad pa tsam gyis yul
de sun dbyung yang ci dgos te/ de ltar rtogs pa de ni bdag gnyis
su mtshan mar 'dzin pa'i gnyen po yin gyi/ de la mtshan mar 'dzin
pa'i dri tsam yang med pa'i phyir

ro; ;'di 'dra ba'i rtog pa la'ang skyon du bltas nas bzang rtog
dang ngan rtog gang yin kyang 'gog na ni rgya nag gi mkhan po
hwa shang gi gzhung 'dzugs 'dod par gsal ba yin no/ /gnyis pa
dgag bya ngos 'dzin khyab chungs pa dgag pa

pa ni; kha cig na re/ dgag bya ni rang bzhin yin la de yang
khyad par gsum dang ldan pa ste ngo bo rgyu dang rkyen gyis ma
bskyed pa dang gnas skabs gzhan du mi 'gyur ba dang rnam 'jog
gzhan la mi ltos pa'o/ /de yang dbu ma'i rtsa ba

las; rang bzhin rgyu dang rkyen las ni/ /'byung bar rigs pa ma
yin no/ /rgyu dang rkyen las byung na ni/ /rang bzhin byas pa
can du 'gyur/ /rang bzhin byas pa can zhes byar/ /ji lta bur na
rung bar 'gyur/ /rang bzhin dag ni bcos min dang/ /

@415a @#/ /gzhan la ltos pa med pa yin/ /zhes gsungs pa'i phyir
ro zhes zer ro/ /spyir myu gu la sogs pa'i phyi nang gi dngos po
rnams rang bzhin de 'dra ba zhig tu grub par 'dod na dbu ma pas
dgag

par bya dgos mod kyang 'dir dgag bya ngos 'dzin pa ni/ gang zhig
bkag na chos rnams rang bzhin med pa nyid du rtogs pa'i dbu ma'i
lta ba rgyud la skye ba'i dgag bya'i rtsa ba de ngos 'dzin pa
yin no/ /de ltar na 'dus byas rnams rgyu rkyen

gyis bskyed pa dang gzhan du 'gyur ba ni rang gi sde pa rnams
kyis grub zin pas de dag la rang bzhin med pa bsgrub mi dgos par
'gyur ba dang/ de dag gis kyang dngos po rnams rang bzhin med
par rtogs par 'gyur ba sogs

kyi skyon yod pas de thun mong ma yin pa'i dgag bya ga la yin/
rang gi ngo bos grub pa'i rang bzhin du grub na rgyu rkyen la mi
ltos pa dang gzhan du mi 'gyur ba sogs su 'gyur dgos so zhes
'phangs pa ni dbu ma'i gzhung rnams su du ma

zhig yod kyang de dag ni khyab byed kyi ngos nas skyon brjod pa
yin gyi/ dgag bya rang gi ngo bo'i sgo nas ngos bzung ba min no/
/gzhan yang don dam par dang yang dag par grub pa dang bden par
grub na'ang rgyu rkyen gyis ma bskyed pa sogs su 'gyur dgos

na'ang de dag ni don dam par grub pa sogs kyi don min te/ dper
na/ bum pa la mi rtag pas khyab kyang mi rtag pa bum pa'i don du
mi rung gi/ lto ldir pa de'i don du bzhag dgos pa bzhin no/ /de
bzhin du don dam par grub pa sogs yin na cha med

@415b pa'i dngos por 'gyur dgos na'ang cha med kyi dngos po 'dir
rtsa ba'i dgag byar mi 'dod de/ de ni grub mtha' smra ba rnams
kyis thun mong ma yin pa'i 'dzin pas btags pa tsam yin pas 'dzin
pa de lus can 'khor bar 'ching ba'i rtsa ba

min pa'i phyir dang/ de dag rang bzhin med par gtan la phab nas
bsgoms kyang thog ma med pa'i ma rig pa'i 'dzin pa la ci yang mi
gnod pas de dag gi don mngon sum du rtogs pa mthar thug kyang
lhan skyes kyi nyon mongs rnams ldog

par mi 'gyur ba'i phyir ro/ /des na lta bas gtan la 'bebs pa'i
dus su lhan skyes kyi ma rig pas ji ltar bzung ba'i don med par
gtan la 'bebs pa gtso bor bzung nas/ de'i yan lag tu kun brtags
kyi 'dzin pa'i yul rnams

sun 'byin pa ma shes par lhan skyes kyi ma rig pa'i 'dzin stangs
sun 'byin pa dor nas gang zag gi bdag 'gog pa na rtag gcig rang
dbang can gyi bdag dang/ chos kyi bdag 'gog pa na gzung brdul
phran cha med dang 'dzin pa skad

cig cha med dang rang bzhin khyad par gsum ldan la sogs pa grub
mtha' smra ba kho nas btags pa rnams 'gog pa ni rnam pa thams
cad du mi rung ste/ de lta min na lta bas gtan la 'bebs pa'i dus
su de tsam zhig las gtan la ma phab

pas bsgom pa'i tshe yang de tsam zhig bsgom dgos te/ lta bas gtan
la 'bebs pa ni bsgom pa'i don du yin pa'i phyir ro/ /de'i phyir
bsgoms nas mngon du gyur pa dang goms pa de mthar thug na'ang
de
tsam zhig tu zad la/ de ltar kun brtags kyi

@416a @#/ /'dzin pas btags pa tsam gyi bdag gnyis med par mthong
bas lhan skyes kyi nyon mongs rnams ldog par 'dod na ha cang
thal te/ 'jug pa las/ bdag med rtogs tshe rtag pa'i bdag spong
zhing/ /'di ni

ngar 'dzin rten du'ang mi 'dod pa/ /de phyir bdag med shes pas
bdag lta ba/ /dpyis kyang 'byin zhes smra ba shin tu mtshar/
/zhes gsungs shing/ 'grel pa las kyang/ phan tshun 'brel pa med
pa'i don 'di nyid dpe'i sgo nas gsal

bar bya ba'i phyir bshad pa/ rang khyim rtsig phug sbrul gnas
mthong bzhin du/ /'di na glang chen med ces dogs bsal te/ /sbrul
gyi 'jigs pa spong bar byed pa ni/ /kye ma gzhan gyi gnam por
'gyur nyid do/ /zhes gsungs te/ 'di gang

zag gi bdag med la gsungs kyang chos kyi bdag med la'ang mtshungs
te/ bdag med rtogs tshe kun brtags bdag spong zhing/ /'di ni ma
rig rten du'ang mi 'dod pa/ /de phyir bdag med shes pas ma rig
pa/ /dpyis kyang 'byin zhes smra ba

shin tu mtshar/ /zhes sbyar ro/ /'o na slob dpon gyis sngar bshad
pa ltar ma bcos pa dang gzhan la ltos pa med pa rang bzhin gyi
mtshan nyid du gsungs pa de brtag pa mtha' bzung gi sgo nas
gsungs sam rang bzhin de 'dra ba zhig

yod pa yin zhe na/ 'di ni chos rnams kyi chos nyid ces gsungs pa
de la rang bzhin zhes bzhag pa yin te bcos ma min pa dang gzhan
la rag las pa min pa'o/ /de ni yod de/ 'jug 'grel las/ khyad par
du mdzad pa rnam pa de lta bu'i rang

@416b bzhin slob dpon gyis zhal gyis bzhes pa zhig yod dam zhe
na/ gang gi dbang du mdzad nas bcom ldan 'das kyis de bzhin
gshegs pa rnams byung yang rung ma byung yang rung chos rnams
kyi chos nyid 'di ni gnas pa nyid do zhes rgyas par gsungs pa

chos nyid ces bya ba ni yod do/ /chos nyid ces bya ba 'di yang
ci zhig /mig la sogs pa 'di dag gi rang bzhin no/ /de dag gi
rang bzhin yang gang zhig ce na/ de dag gi bcos ma ma yin pa
nyid dang gzhan la ltos pa med pa gang yin pa ste ma

rig pa'i rab rib dang bral ba'i shes pas rtogs par bya ba'i rang
gi ngo bo'o/ /ji de yod dam med do zhes de skad su smra/ gal te
med na ni ci'i don du byang chub sems dpa' rnams pha rol tu
phyin pa'i lam sgom par 'gyur te/ gang gi phyir chos nyid

rtogs par bya ba'i phyir byang chub sems dpa' rnams de ltar dka'
ba brgya phrag rtsom pa yin no zhes mdo'i shes byed dang bcas
pas bsgrubs so/ /'o na sngar chos thams cad la rang bzhin grub
pa ma bkag gam snyam na/ nang gi blos btags pa

min pa'i chos rnams la rang gi ngo bos grub pa'i rang bzhin ni
rdul tsam yang med do zhes kho bo cag gis lan du mar ma smras
sam/ des na de 'dra ba'i rang bzhin du ni chos gzhan rnams lta
ci smos/ chos nyid don dam pa'i bden pa de yang grub pa

cung zad kyang med de/ tshig gsal las/ dus gsum du'ang me la mi
'khrul ba gnyug ma'i ngo bo ma bcos pa gang zhig sngar ma byung
ba las phyis 'byung ba ma yin pa gang zhig /chu'i tsha ba'am tshu
rol dang pha rol lam ring po dang thung ngu ltar rgyu dang
rkyen

@417a @#/ /la ltos pa dang bcas par ma gyur pa gang yin pa de
rang bzhin yin par brjod do/ /ci me'i rang gi ngo bo de lta bur
gyur pa de yod dam zhe na de ni rang gi ngo bos yod pa'ang ma
yin la med pa'ang ma yin no/ /de lta yin mod kyi

'on kyang nyan pa po rnams kyi skrag pa spang bar bya ba'i phyir
sgro btags nas kun rdzob tu de yod do zhes brjod par bya'o/
/zhes rang bzhin de yang rang gi ngo bos grub pa bkag nas tha
snyad du yod par gsungs so/ /gal te nyan pa po'i skrag pa spang

ba'i phyir du sgro btags nas bstan par gsungs pas yod par mi
bzhed do snyam na de ni rigs pa ma yin te/ dgos pa de'i phyir du
btags nas gsungs pa ni chos gzhan rnams kyang yin pas de dag
kyang med par 'gyur ro/ /gong du drangs

pa ltar don de med na tshangs spyod don med du thal ba'i gnod pa
brjod nas bsgrubs shing/ yang 'jug 'grel las/ rang bzhin 'di ni
slob dpon gyis zhal gyis bzhes pa 'ba' zhig tu ma zad kyi/ gzhan
yang don 'di khas len du

gzhug par nus pas rang bzhin 'di ni gnyis ka la grub pa nyid
du'ang rnam par bzhag go  /zhes gsungs pa'i phyir ro/ /gzhan du
na dbu ma pa'i lugs la grol ba thob pa mi srid par 'dod dgos te/
mya ngan las 'das pa thob pa ni

myang 'das de mngon sum du byas pa yin la/ myang 'das de yang
'gog pa'i bden par bshad cing de yang don dam pa'i bden par
gsungs pa'i phyir dang don dam pa'i bden pa med pa'i phyir ro/
/myang 'das thob pa'i tshe ni don dam

@417b pa 'gog pa'i bden pa mngon sum du bya dgos par rigs pa
drug cu pa'i 'grel par 'bad pa du mas bsgrubs so/ /de ltar na
mig la sogs pa'i 'dus byas 'di dag ni rang gi ngo bos grub pa'i
rang bzhin du'ang ma grub la/ chos nyid la

rang bzhin du bzhag pa der yang ma grub pas rang bzhin gang
du'ang ma grub pa dang don dam pa'i bden pa ni chos nyid la rang
bzhin du bzhag pa der grub kyang rang bzhin der 'jog byed bcos
ma min pa dang/ gzhan la mi ltos pa ni rang

gi ngo bos grub pa'i rang bzhin der cung zad kyang med pas tha
snyad du grub pa tsam mo/ /bcos ma ni sngar med gsar du 'byung
ba'i byas pa dang gzhan la ltos pa ni rgyu rkyen la ltos pa'o/
/gzugs sogs rnams rang bzhin gnyis gang

du'ang ma grub pas chos nyid la rang bzhin du byas pa'i rang
bzhin de blta ba'i phyir du lam sgom pas na tshangs spyod kyang
don med du mi 'gyur bar gsungs shing/ chos rnams la rang gi ngo
bos grub pa'i rang bzhin gtan mi 'dod pa

dang glo bur du rang bzhin khas blangs pa gnyis mi 'gal bar
bshad de/ 'jug 'grel las/ kye ma ma la gang zhig dngos po cung
zad kyang mi 'dod cing glo bur du bcos ma ma yin pa dang gzhan
la ltos pa med pa'i rang bzhin yang

'dod pa khyod ni phan tshun 'gal ba'i don brjod pa zhig go  /
brjod par bya ste/ khyod kyis bstan bcos kyi dgongs pa ma rig pa
zhig ste 'di yi dgongs pa ni gal te mig la sogs pa rnams kyi
rang gi ngo bo rten cing 'brel bar 'byung ba

@418a @#/ /byis pa so so'i skye bos gzung bar bya ba gang yin pa
'di nyid de rnams kyi rang bzhin yin na ni/ rang bzhin de phyin
ci log tu gyur pas kyang rtogs pa'i phyir tshangs par spyod pa
don med par 'gyur na

gang gi phyir 'di nyid rang bzhin ma yin pa de'i phyir de blta
ba'i don du tshangs par spyod pa don dang bcas par 'gyur ro/ /de
yang bdag gis kun rdzob kyi bden pa la ltos nas bcos ma min pa
dang gzhan la mi ltos pa nyid

du brjod do/ /gang zhig byis pa'i skye bos blta bar bya ba ma
yin pa de nyid ni rang bzhin yin par rigs la de tsam gyis don
dam pa dngos po ma yin zhing dngos po med pa'ang ma yin te de ni
rang bzhin gyis zhi ba nyid yin

ba'i phyir ro/ /zhes gsungs so/ /'dir dngos po yod med ni sngar
gnyis su smra ba'i skabs su bshad pa ltar rang gi ngo bos yod pa
dang ye med yin no/ /da lta chos rnams la rang gi ngo bos grub
pa'i rang bzhin du grub pa rdul tsam

yang med par gtan la phab pa'i rang bzhin gyis stong ba'i stong
nyid ni/ gzugs sogs kyi chos 'di dag khyad gzhir byas pa'i steng
du khyad chos su yod pas blo gcig gi yul na de gnyis ka yod pa
mi 'gal zhing gnyis

snang de ma log pas stong nyid de don dam bden pa btags pa bar
'gyur ro/ /gang gi tshe rang bzhin med par rtogs pa'i lta ba de
nyid goms pas don de mngon sum du rtogs pa'i ngor ni rang bzhin
med bzhin du rang bzhin du snang ba'i

@418b 'khrul snang thams cad ldog pas na chos nyid de mngon sum
du byas pa'i shes pas chos can gzugs sogs de mi dmigs pas/ de
lta bu'i chos nyid dang chos can gnyis blo de'i don med pas de
gnyis chos nyid dang chos can du 'jog

pa ni tha snyad pa'i blo gzhan zhig gi ngos nas bzhag dgos so/
/de ltar na don dam pa'i bden pa ni rang gi ngo bos grub pa'i
spros pa thams cad zhi ba'i steng du rang bzhin med bzhin du der
snang ba'i 'khrul snang gi spros pa thams cad kyang

rnam par log pa tsam la 'jog pas de khas blangs kyang rang gi
ngo bos grub pa'i rang bzhin khas blang ga na dgos/ tshig gsal
las kyang/ dngos po'i rnam pa ma rig pa'i rab rib kyi mthus
dmigs pa ni ma gzigs pa'i tshul

gyis bdag nyid gang gis 'phags pa ma rig pa'i rab rib dang bral
ba rnams kyi yul du 'gyur te ngo bo de nyid de dag gi rang bzhin
du rnam par bzhag go/ zhes dang/ dngos po rnams kyi rang bzhin
du gyur pa skye ba med pa de yang ci yang ma

yin pa nyid kyis dngos po med pa tsam yin pas ngo bo med pa'i
phyir dngos po'i rang bzhin du yod pa ma yin no/ /zhes gsungs
so/ /gang dag don dam pa'i bden pa dgag bya bdag gnyis la sogs
pa'i spros pa rnam par bcad pa

tsam la mi 'jog par sngo ser la sogs pa ltar/ yin lugs rtogs
pa'i blo ma 'khrul ba'i yul du rang dbang du grub pa'i tshul gyis
'char ba dang de ltar yod par nges pa ni zab mo'i don rtogs pa'i
lta ba yin par 'dod cing/ sems

@419a @#/ /can rnams kyis gang la bdag gnyis su zhen pa'i gzhi
phyi nang gi chos 'di rnams rang bzhin med par rtogs pa ni/ yang
dag pa'i lta ba'i gol sar 'dod pa ni theg pa che chung gi gsung
rab thams

can las phyi rol tu gyur pa yin te/ sems can thams cad 'khor bar
'ching ba'i rtsa ba bdag tu 'dzin pa ldog dgos par ni 'dod la/
des bdag tu bzung ba'i gzhi de rang bzhin med par rtogs pas de
mi ldog par de dang

'brel med kyi chos gzhan zhig bden par yod par rtogs pas bdag tu
'dzin pa ldog par 'dod pa'i phyir ro/ /'di ni dper na/ shar
phyogs na sbrul med bzhin du yod par bzung nas skrag ste sdug
bsngal bar gyur pa'i sdug bsngal ldog pa

la shar phyogs su sbrul cung zad kyang ma grub bo snyam du bzung
bas sbrul 'dzin de mi ldog gi/ nub phyogs na shing sdong yod do
snyam du zungs shig dang des sbrul 'dzin dang sdug bsngal de
ldog par 'gyur ro zhes zer ba dang khyad par

ci yang mi snang ngo/ /de ltar na bdag legs su 'dod pa dag gis
ni de 'dra ba de rgyang ring du spangs nas 'khor bar 'ching byed
rgud pa thams cad kyi rtsa ba ma rig pa'i 'dzin stangs sun 'byin
pa'i thabs nges pa'i don gyi gsung

rab dang/ de'i don gzhan du drang du mi rung bar nges pa gting
tshugs par byed pa'i rigs pa'i tshogs rgya che ba gsal bar gsungs
pa'i 'phags pa klu sgrub yab sras kyi gzhung la brten nas srid
pa'i rgya mtsho'i pha rol tu 'gro bar

@419b gyis shig /dgag bya la log rtog 'gog pa de dag ni dbu ma'i
lta ba rnyed pa'i gol sa gcod pa la shin tu gnad che ba yin pas
spros te bshad pa yin no/ /gsum pa rang lugs kyi dgag bya ngos
bzung ba la gsum/ dngos kyi don dgag

bya ngos bzung ba dang/ de dgag bya gzhan la sbyor mi sbyor gyi
tshul dang/ dgag bya la don dam gyi khyad par sbyor mi sbyor
bshad pa'o/ /dang po ni/ spyir dgag bya la lam gyi dgag bya dang
rigs pa'i dgag bya gnyis yod do/ /de la dang po ni

dbus mtha' las/ nyon mongs pa yi sgrib pa dang/ /shes bya'i
sgrib pa nyid du bstan/ /der ni sgrib pa thams cad de/ /de zad
nas ni grol bar 'dod/ /ces gsungs pa ltar/ nyon mongs pa dang
shes bya'i sgrib pa gnyis so/ /'di ni shes

bya la yod pa'i dgag bya yin te/ 'di med na lus can thams cad
'bad med du grol bar 'gyur ba'i phyir ro/ /rigs pa'i dgag bya
ni/ rtsod zlog las/ yang na kha cig sprul pa yi/ /bud med la ni
bud med snyam/ /log 'dzin 'byung

ba sprul pa yis/ /'gog byed 'di ni de lta yin/ /zhes pa'i rang
'grel las/ yang na skyes bu kha cig sprul pa'i bud med rang
bzhin gyis stong pa yin la don dam par bud med do snyam du log
par 'dzin par 'gyur ro/ /de'i phyir de

log par 'dzin pa des 'dod chags bskyed pa la/ de bzhin gshegs
pa'am de bzhin gshegs pa'i nyan thos kyis sprul pa zhig sprul la
des de'i log par 'dzin pa de zlog par byed do/ /de bzhin du
nga'i tshig stong pa sprul pa lta bus

@420a @#/ /dngos po thams cad la rang bzhin med pa stong pa/
sprul pa'i bud med dang 'dra ba dag la rang bzhin yod par 'dzin
pa gang yin pa de zlog par byed do/ /zhes gsungs pa ltar/ phyin
ci log gi 'dzin pa la

dgag byar gsungs pa dang des bzung ba'i rang bzhin yod pa la
dgag byar mdzad pa gnyis yod do/ /'on kyang dgag bya'i gtso bo
ni phyi ma yin te/ yul can phyin ci log ldog pa la des bzung
ba'i yul thog mar dgag dgos

pas so/ /'di yang rten 'brel gyis gang zag dang chos kyi steng
du rang gi ngo bos grub pa'i rang bzhin yod pa 'gog pa lta bu
rnams yin no/ /dgag bya 'di ni shes bya la med pa zhig dgos te/
yod na dgag par mi nus pa'i phyir ro/ /de lta

yin na'ang yod par 'dzin pa'i sgro 'dogs skye bas dgag dgos la/
'gog pa'ang tho bas bum pa bshig pa lta bu min gyi/ med pa la
med par ngo shes pa'i nges shes bskyed pa ste med par nges pa
skyes na yod par 'dzin pa'i

'khrul shes ldog pa yin no/ /de bzhin du rigs pas bsgrub pa'ang
sa bon gyis myu gu bskyed pa ltar don sngar med cig gsar du
bsgrub pa min gyi/ chos de ji ltar yin pa la de ltar yin par ngo
shes par byed pa'i nges shes bskyed pa yin no/ /

rtsod zlog las kyang/ tshig med par yang med pa yi/ /'gog pa
'grub par 'gyur zhes pa/ /de la tshig ni med ces par/ /go bar
byed kyi sel byed min/ /zhes gsungs shing/ de'i rang 'grel las
kyang/ khyod kyis tshig dag med par yang ste/ tshig ma gtogs

@420b par yang med pa'i 'gog pa 'grub na de ci dngos po thams
cad la rang bzhin med pa yin no zhes smras pa'i khyod kyi tshig
des ci zhig byed ces smras pa gang yin pa 'di la bshad par bya
ste/ dngos po thams cad rang bzhin med

pa'o zhes bya ba'i tshig 'di ni dngos po rnams rang bzhin med pa
nyid du byed pa ma yin gyi/ 'on kyang rang bzhin med pa la dngos
po rnams rang bzhin med pa'o zhes go bar byed pa yin no/ /dper
na/ 'ga' zhig na re lhas byin khyim na

med bzhin du lhas byin khyim na yod do zhes zer ba dang/ de med
pa la kha cig na re med do zhes zer ba na tshig des lhas byin med
par mi byed kyi/ lhas byin khyim na mi srid par ston pa 'ba'
zhig tu zad do/ /de bzhin du dngos po

rnams kyi rang bzhin med do zhes bya ba'i tshig de yang dngos po
rnams kyi rang bzhin med pa nyid du byed pa ma yin gyi/ 'on
kyang dngos po thams cad rang bzhin med pa sgyu ma'i skyes bu
ltar skyes bu yang dag pa'i ngo bo dang bral ba

rnams la rmongs pa'i phyir/ byis pa skye bo ma rig pas rmongs pa
rnams kyis rang bzhin dang bcas pa nyid du sgro btags pa rnams
la rang bzhin yod pa ma yin par go bar byed pa yin pas/ de la
rang bzhin yod pa ma yin na tshig

med pa'ang tshig ma gtogs par yang rang bzhin yod pa ma yin par
rab tu grub pa yin na/ rang bzhin med do zhes bya ba'i tshig des
ci zhig byed ces smras pa gang yin pa de rigs pa ma yin no zhes
gsal bar gsungs pa ltar shes par bya'o/ /

@421a @#/ /de'i phyir yod na 'gog mi nus la med na dgag mi dgos
pas dgag sgrub dang bral ba yin pas dgag sgrub kyi rigs pa'i
dpyod pa mang po byed pa ni/ tha snyad kyi tshig tsam la 'byams
par 'dod pa ni rigs

pa dang lam gyi dgag sgrub gang la'ang don spyi ma shar bzhin du
'gal 'du'i bab col smra ba yin te/ rang gis yod na dgag mi nus
pa dang med na dgag mi dgos pa'i rgyu mtshan bstan nas pha rol po
dgag sgrub kyi dpyad pa byed pa 'gog

bzhin du dgag sgrub bya mi nyan par 'dod pa'i phyir dang/ rgyu
mtshan bkod pa des kyang pha rol po dgag sgrub bya dgos par 'dod
pa la dgag pa bya bar mi rigs te/ yod na dgag mi nus la med na
dgag mi dgos pa'i phyir ro/ /

rigs pa dam pas 'gog pa ni phyin ci log gi 'khrul pa'i rtog pa
ldog pa'i phyir yin la/ rigs pas bsgrub pa ni phyin ci ma log
pa'i nges pa bskyed pa'i thabs yin pas phyin ci log gi blo sna
ldog par 'dod pa dang phyin ci ma log pa'i

blo sna bskyed par 'dod pas klu sgrub la sogs pa'i rigs pa'i
tshogs kyi rjes su 'brangs nas dgag sgrub phyin ci ma log par
nges pa'i blo bskyed par bya'o/ /de ltar rigs pa rnams kyis 'gog
pa ni phyin ci log gi 'dzin stangs sun phyung ba'i sgo

nas phyin ci ma log pa'i nges pa bskyed pa'i phyir yin na blo ji
'dra zhig gi 'dzin stangs kyi yul rigs pas sun 'byin pa yin zhe
na/ spyir dgag bya 'dzin pa'i rtog pa la mtha' yas pa zhig yod
kyang nyes skyon thams cad kyi rtsa bar gyur pa'i

@421b phyin ci log gi rtog pa gang yin pa de legs par ngos bzung
nas de'i zhen yul sun dbyung bar bya ste/ de log na nyes skyon
thams cad ldog par 'gyur ba'i phyir ro/ /de yang 'dod chags la
sogs pa gzhan gyi gnyen po gsungs

pa ni phyogs re'i gnyen po yin la ma rig pa'i gnyen po gsungs pa
ni mtha' dag gi gnyen por 'gyur bas ma rig pa ni nyes skyon
thams cad kyi gzhi yin te/ tshig gsal las/ sangs rgyas rnams kyi
mdo yi sde sogs bden pa

gnyis brten bstan pa rnam pa dgu/ /'jig rten rnams kyi spyod
ngor rgya che gang zhig 'dir ni yang dag bsgrags gyur pa/ /der
ni 'dod chags bsal phyir gsungs pas zhe sdang zad par byed mi
'gyur/ /zhe sdang bsal bar bya

phyir gsungs pas kyang ni 'dod chags zad par byed 'gyur min/
/gang zhig nga rgyal sogs zad bya phyir gsungs pa des kyang dri
ma gzhan mi 'joms/ /de phyir de ni ches khyab ma yin gsung de
dag dang de dag don chen

min; ;gti mug zad par bya phyir gsungs pa gang yin des ni nyon
mongs ma lus 'joms/ /nyon mongs mtha' dag gti mug la ni yang dag
brten par rgyal ba rnams kyis gsungs/ /zhes so/ /'o na gti mug
de ji 'dra zhig yin snyam

na; phyi nang gi chos rnams rang gi mtshan nyid kyis grub par
'dzin pa'i rang bzhin sgro 'dogs pa'i blo ni 'dir ma rig pa ste/
bzhi brgya pa'i 'grel pa las/ rnam par shes pa dngos po'i rang
gi ngo bos lhag par sgro 'dogs par byed

@422a @#/ /pa nyon mongs pa can gyi mi shes pa'i dbang gis dngos
po rnams la chags pa dang ldan zhing 'khor bar 'jug pa'i sa bon
du gyur pa rnam pa thams cad du 'gags pa las 'khor ba ldog par
rnam par

bzhag go zhes bstan pa'i phyir bshad pa/ srid pa'i sa bon rnam
shes te/ /yul rnams de yi spyod yul lo/ /yul la bdag med mthong
na ni/ /srid pa'i sa bon 'gag par 'gyur/ /ji skad bshad pa'i
tshul gyis yul rang bzhin

med par mthong bas chags pa'i rgyu rnam par shes pa srid pa'i sa
bon du gyur pa rnam pa thams cad du ldog pa las nyan thos dang
rang sangs rgyas dang mi skye ba'i chos la bzod pa thob pa'i
byang chub sems dpa' rnams la 'khor ba

ldog par rnam par bzhag gi/ zhes gsungs so/ /de nyid bden 'dzin
zhes pa'ang yin te/ lus la lus dbang ji bzhin du/ /gti mug kun
la gnas 'gyur te/ /de phyir nyon mongs thams cad kyang/ /gti mug
bcom pas bcom

par 'gyur/ /zhes pa'i bzhi brgya pa'i 'grel pa las/ gti mug ni
de rnams la ji ltar bden par rtog pa las rmongs pa nyid kyi
phyir dngos po bden pa'i rang gi ngo bor lhag par sgro 'dogs par
rab tu 'jug go zhes so/ /de ltar ma

rig pa 'khor ba'i rtsa ba yin na/ 'jug pa dang tshig gsal du 'jig
lta 'khor ba'i rtsa bar bshad pa mi 'thad de/ gtso bo'i rgyu
gnyis med pa'i phyir ro zhe na/ ma rig pa dang 'jig lta'i bzhed
tshul slob dpon gzhan gyi bzhed

@422b pa ni skyes bu 'bring gi skabs su bshad zin pas/ 'dir slob
dpon zla ba grags pa'i bzhed pa ni dbu ma pa gzhan rnams shes
sgrib tu bzhed pa'i dngos po bden par 'dzin pa ni ma rig par
bzhed la/ de yang nyon mongs can gyi

ma rig par bzhed de sngar drangs pa ltar bzhi brgya pa'i 'grel
pa las nyon mongs can du bshad cing/ 'jug 'grel las kyang/ 'dis
sems can rnams ji ltar gnas pa'i dngos po lta ba la rmongs par
byed pas na gti mug ste ma rig

pa dngos po'i rang gi ngo bo yod pa ma yin pa sgro 'dogs par
byed pa rang bzhin mthong ba la sgrib pa'i bdag nyid can ni kun
rdzob bo/ /zhes dang/ de ltar na srid pa'i yan lag gis yongs su
bsdus pa nyon mongs pa can gyi ma rig pa'i

dbang gis kun rdzob kyi bden pa rnam par bzhag go/ /zhes rten
'brel bcu gnyis kyi yan lag dang por bshad pas na nyon mongs yin
gyi shes sgrib min no/ /'o na shes bya'i sgrib pa gang la byed
ce na/ 'di ni 'og tu ston par 'gyur

ro; ;des na yan lag bcu gnyis kyi dang po'i ma rig pa 'di 'khor
ba'i rtsa ba yin pa la 'jig lta yang 'khor ba'i rtsa ba yin par
bshad pa ni ma rig pa spyi dang 'jig lta bye brag yin pas 'gal
ba med do/ /de la ma rig pa ni rig pa'i

bzlog phyogs yin la rig pa'ang gang rung rung la mi bya yi bdag
med pa'i de kho na nyid rig pa'i shes rab bo/ /de'i bzlog phyogs
ni shes rab de med pa tsam dang de las gzhan pa tsam la mi rung
bas de'i 'gal zla 'dzin pa'o/ /de ni

@423a @#/ /bdag tu sgro 'dogs pa yin la de yang chos kyi bdag tu
sgro 'dogs pa dang gang zag gi bdag tu sgro 'dogs pa gnyis yin
pas chos kyi bdag 'dzin dang gang zag gi bdag 'dzin gnyis ka ma
rig

pa yin no/ /de'i phyir 'jig lta nyon mongs gzhan thams cad kyi
rtsa bar bstan pa na ma rig pa rtsa bar ma bstan pa ma yin la/
ji srid phung por 'dzin yod pa/ /de srid de la ngar 'dzin yod/
/ces chos kyi bdag tu rmongs pa'i

ma rig pa gang zag gi bdag tu rmongs pa'i rgyur bstan pa na ma
rig pa'i nang tshan gnyis rgyu 'bras su 'gro tshul ston pas na/
'jig lta ma rig pa las gzhan pa'i nyon mongs pa thams cad kyi
rtsa bar bstan pa la 'gal ba med

do; ;slob dpon gyi dgongs pa de ltar bshad mi shes na 'khor ba'i
rtsa ba gnyis su bshad pa'i 'gal ba spang shin tu dka'o/ /de lta
bu'i ma rig pa ngos 'dzin lugs de ni mgon po klu sgrub kyi bzhe
dpa yin te/ stong nyid bdun

cu pa las/ rgyu dang rkyen las skyes dngos rnams/ /yang dag par
ni rtog pa gang/ /de ni ston pas ma rig gsungs/ /de las yan lag
bcu gnyis 'byung/ /yang dag mthong phyir dngos stong par/ /legs
shes ma rig mi 'byung

ba; ;de ni ma rig 'gag pa yin/ /de phyir yan lag bcu gnyis 
'gag /ces gsungs shing/ rtsa she'i rab byed nyer drug pa las 
kyang/ ma rig 'gags par gyur na ni/ /'du byed rnams kun 'byung
mi 'gyur/ /ma rig 'gags par

@423b 'gyur ba ni/ /shes pas de nyid bsgoms pas so/ /de dang de
ni 'gags gyur pas/ /de dang de ni mngon mi 'gyur/ /sdug bsngal
phung po 'ba' zhig pa/ /de ni de ltar yang dag 'gag  /ces gsungs
pa dang yang mthun la/ ji srid phung

por 'dzin yod pa/ /zhes phung por 'dzin pa 'khor ba'i rtsa bar
gsungs pa dang shin tu 'grig pa yin no/ /'phags pa lha'i bzhed
pa yin par ni/ lus la lus dbang ji bzhin du/ /zhes sogs dang/
'khor ba'i rtsa ba rnam

shes te/ /zhes sogs sngar drangs pas gsal bar bstan to/ /slob
dpon gyis dbu ma'i bstan bcos su dgag bya 'gog pa'i rigs pa ji
snyed cig gsungs pa thams cad kyang gti mug gis chos rnams la
rang gi ngo bos grub

par sgro btags pa'i rang bzhin de bkag nas chos rnams kyi rang
gi ngo bo nyid med pa ston par mdzad pa yin pas/ ma rig pa'i
'dzin stangs sun dbyung ba kho na'i don du rigs pa sna tshogs pa
gsungs pa yin par/ bud d+ha pA li ta

las; ci rten cing 'brel par 'byung ba rjes su bstan pa la dgos
pa ci yod ce na/ bshad pa/ slob dpon thugs rje'i bdag nyid can
gyis sems can rnams sdug bsngal sna tshogs kyi nyen par gzigs nas
de dag rnam par grol

bar bya ba'i phyir dngos po rnams kyi yang dag pa ji lta ba nyid
rab tu bstan par bzhed pas rten cing 'brel par 'byung ba rjes su
bstan par brtsams te/ yang dag ma yin mthong ba 'ching/ /yang
dag mthong ba rnam par grol/ /

@424a @#/ /zhes gsungs pa'i phyir ro/ /dngos po rnams kyi yang
dag pa ji lta ba nyid gang yin bshad pa/ ngo bo nyid med pa nyid
de mi mkhas pa gti mug gi mun pas blo gros kyi mig bsgribs pa ni
dngos

po rnams la ngo bo nyid du rnam par rtog pa na de dag la 'dod
chags dang zhe sdang dag skyed par byed do/ /gang gi tshe rten
cing 'brel par 'byung ba shes pa'i snang bas gti mug gi mun pa
bsal zhing shes rab kyi mig gis dngos po

rnams kyi ngo bo nyid med pa nyid mthong ba de'i tshe na gnas med
pa la de'i 'dod chags dang zhe sdang dag mi skye'o/ /zhes gsungs
shing/ rab byed nyer drug pa'i mtshams sbyor du/ 'dir smras pa/
khyod kyis theg pa chen po'i gzhung

lugs kyis don dam pa la 'jug pa ni bshad zin na/ da khyod kyis
nyan thos kyi gzhung lugs kyis don dam pa la 'jug pa ston cig
/'dir bshad pa/ ma rig bsgribs pas yan gsrid phyir/ /zhes sogs
gsungs shing/ rab

byed nyer bdun pa'i mtshams sbyor du'ang/ /'dir smras pa/ da
khyod kyis nyan thos kyi theg pa dang mthun pa'i mdo sde'i mtha'
la brten nas lta ba'i rnam pa mi srid pa ston cig  /'dir bshad
pa/ 'das pa'i dus na byung zhes dang/ /zhes

sogs gsungs pas na/ slob dpon sangs rgyas bskyangs kyang yan lag
bcu gnyis kyi dang po'i ma rig pa dngos po la rang bzhin sgro
'dogs pa la bzhed pa dang nyan rang la'ang chos kyi bdag med
rtogs pa bzhed par gsal lo/ /des

@424b na nyan rang la chos rang bzhin med pa rtogs pa'i sgrub
byed chen po ni chos kyi bdag 'dzin yan lag bcu gnyis kyi ma rig
par 'gyur ba 'di yin par shes par gyis shig  /bzhi brgya pa las/
rtog pas mthong ba 'ching ba ste/ /de

ni 'di ru dgag par bya/ /zhes gsungs pa'i rtog pa'ang rtog pa
gang yin thams cad la byed pa ma yin gyi/ chos rnams la rang gi
ngo bos grub par sgro 'dogs pa'i rtog pa yin te/ de'i 'grel pa
las/ rtog pa ni yang dag pa ma yin pa'i

rang bzhin gyi don sgro 'dogs pa ste zhes gsungs shing/ de yang
nyon mongs can gyi ma rig par bzhed pas 'di 'di'o snyam du gang
rtog thams cad kyi yul rigs pas 'gog par 'dod pa ni zhib mor ye
ma brtags pa'o/ /de lta ma yin

na so so'i skye bo la de kho na nyid kyi don lkog tu gyur pas
stong pa nyid kyi don rtog pa min pas 'dzin pa'i thabs ni med
la/ rtog pa gang yin thams cad kyi yul la rigs pas gnod na nges
shes kyi yul la'ang 'khrul ba'i log shes rang

bzhin sgro 'dogs pa ltar 'gyur ro/ /de lta na ni mya ngan las
'das pa'i sar 'khrid pa'i yang dag pa'i lta ba med par 'gyur
dgos pas dbu ma'i gzhung rnams la thos bsam la sogs pa byed pa
thams cad don med du 'gyur te/

bzhi brgya pa las/ bdag ni mya ngan 'das 'gyur zhes/ /stong min
stong ltar mthong min te/ /log ltas mya ngan mi 'da' bar/ /de
bzhin gshegs pa rnams kyis gsungs/ /zhes gsungs pas so/ /sngar
bshad pa'i ma rig pa'i

@425a @#/ /'dzin stangs kyi zhen yul de nyid gzhir bzhag nas rang
dang gzhan gyi sde pa dngos por smra ba rnams kyis khyad par du
ma zhig sgro btags pa grub mtha'i dbang gis bzhag pa thams cad
ni/ ma rig pa'i

'dzin stangs kyi yul de nyid sun phyung ba na rtsa ba chad pa'i
ljon pa ltar mtha' dag ldog par 'gyur pas ?/ shes rab can gyis
ni lhan skyes kyi ma rig pa'i zhen yul dgag bya'i rtsa bar shes
par bya yi/ kun brtags grub mtha'

smra ba 'ba' zhig gis btags pa tsam dgag pa la lhur blang bar mi
bya ste/ 'di ltar dgag bya 'gog pa ni bya bas phongs nas byed pa
min gyi/ dgag bya de'i yul can gyi log rtog des sems can 'khor
bar 'ching bar mthong

nas de'i yul sun 'byin pa yin la/ sems can thams cad 'khor bar
'ching ba ni lhan skyes kyi ma rig pa yin pa'i phyir dang/ kun
brtags kyi ma rig pa ni grug mtha' smra ba de dag kho na la yod
pas 'khor ba'i rtsa bar mi

'thad pa'i phyir ro/ /'di la nge spa dmigs phyed par rnyed pa
shin tu gal che'o/ /de ltar dgag bya 'dzin pa'i log rtog mthar
gtugs pa ni yan lag bcu gnyis kyi dang po lhan cig skyes pa'i ma
rig pa yin la/ kun brtags kyi

dgag bya rnams kyang snga ma gzhir byas nas sgro 'dogs pa kho na
yin pas na dbang shes la sogs pa rtog med kyi shes pa'i 'dzin
stangs thams cad ni nam yang rigs pas sun 'byin pa min no/ /de'i
phyir rigs pas 'dzin

@425b stangs sun dbyung bar bya ba'i blo ni yid shes rtog pa kho
na dang de yang bdag tu 'dzin pa gnyis sam de dag gis btags pa'i
yul la khyad par sgro 'dogs pa'i rtog pa rnams yin gyi/ rtog pa
gang yin thams cad la mi bya'o//

'o na ma rig pa des rang bzhin sgro 'dogs pa'i tshul de ji 'dra
ba zhig yin snyam na/ spyir slob dpon 'di'i gzhung nas kun rdzob
tsam du grub pa'i don rnams la'ang rang bzhin nam rang gi ngo bo
zhes pa la sogs pa'i tha snyad mdzad pa

mang du snang na'ang 'dir ni gang zag gam chos gang yang rung
ba'i yul rnams la blo'i dbang gis bzhag pa min par chos de rnams
la rang rang gi ngos nas gnas tshul lam sdod tshul cig yod par
'dzin pa 'di yin la/ des

ji ltar bzung ba'i zhen yul chos rnams kyi rang rang gi sdod
lugs de la ni bdag gam rang bzhin zhes brtag pa mtha' bzung gi
sgo nas ngos gzung bar bya ste/ 'di kun rang dbang med pa ste/
/des na bdag ni yod ma yin/ /zhes

pa'i bzhi brgya pa'i 'grel pa las/ 'di na gang rang gi ngo bo
dang rang bzhin dang rang dbang dang gzhan la rag ma las pa
nyid
yin pa de la ni/ zhes de dag rnam grangs su gsungs pa ltar ro/
/de la gzhan la rag ma las zhes pa ni

rgyu rkyen la rag ma las pa ma yin gyi yul can tha snyad pa'i
shes pa la gzhan zhes bya ste de'i dbang gis bzhag pa min pas
gzhan la rag ma las pa'o/ /des na rang dbang bzhes bya ste yul
de dag gi rang rang gi gnas lugs sam sdod lugs

@426a @#/ /thun mong min pa'i ngo bo'o/ /de nyid la rang gi ngo
bo dang rang gi rang bzhin zhes bya'o/ /de yang dper na/ thag pa
la sbrul du btags pa de sbrul 'dzin gyi blo'i ngos nas ji ltar
btags pa de bzhag nas sbrul

de rang gi ngo bo'i sgo nas ji ltar yin dpyad pa na yul steng du
sbrul nyid ma grub pas de'i khyad par dpyad du med pa de bzhin
du/ chos 'di rnams kyang tha snyad pa'i blo'i ngo na ji ltar
snang ba'i snang tshul la dpyad pa bzhag nas chos de

rnams kyi rang gi gnas lugs ji lta bu yin snyam du yul steng du
dpyad pa na cir yang ma grub pa yin pa la/ de ltar du mi 'dzin
par tha snyad pa'i shes pa'i dbang gis bzhag pa min par chos de
dag la rang rang gi ngos nas

gzhal ba'i gnas lugs re yod par 'dzin pa ste/ bzhi brgya pa'i
'grel pa las/ rtog pa yod pa kho nas yod pa nyid dang rtog pa
med par yod pa nyid med pa de dag ni gor ma chag par thag pa
bsdogs pa la btags pa'i

sbrul ltar rang gi ngo bos ma grub par nges so/ /zhes rang gi
ngo bos ma grub pa'i tshul de ltar gsungs so/ /des na nang gi
blo'i dbang gis bzhag pa min par rang gi ngo bo'i sgo nas yul
gyi steng du grub pa de la bdag gam rang

bzhin zhes zer la/ de nyid khyad par gyi gzhi gang zag gi steng
du med pa ni gang zag gi bdag med dang/ mig sna la sogs pa'i
chos kyi steng du med pa ni chos kyi bdag med du gsungs pas/
rang bzhin de gang zag dang chos kyi

@426b steng du yod par 'dzin pa ni bdag gnyis kyi 'dzin par
shugs kyis rtogs par nus so/ /bzhi brgya pa'i 'grel pa las/ de
la bdag ces bya ba ni gang zhig dngos po rnams kyi gzhan la rag
ma las pa'i ngo bo rang bzhin te de med

pa ni bdag med pa'o/ /de ni chos dang gang zag gi dbye bas gnyis
su rtogs te chos kyi bdag med pa dang gang zag gi bdag med pa
zhes bya ba'o/ /zhes gsungs pa ltar ro/ /gal te gang zag rang gi
mtshan nyid kyis grub par 'dzin pa de

gang zag gi bdag tu 'dzin pa yin pa mi rigs te/ gzhan du na gang
zag gzhan la dmigs nas rang gi mtshan nyid kyis grub par 'dzin
pa'ang gang zag gi bdag 'dzin du 'gyur la/ de 'dod na ni 'jig
tshogs la lta bar 'gyur

dgos na de la ni nga'o snyam du mi 'dzin pas 'jig ltar mi rigs
pa'i phyir ro zhe na/ gang zag la rang bzhin yod par 'dzin pa ni
sngar bshad pa ltar gang zag rang bzhin yod pa gang zag gi bdag
tu gsungs pas gang zag gi bdag 'dzin

du 'dod dgos so/ /'on kyang gang zag gi bdag tu 'dzin pa la 'jig
ltas ma khyab pa yin no/ /'o na 'jig lta'i bdag 'dzin la ji 'dra
zhig dgos snyam na/ 'jig lta kun brtags kyi bdag 'dzin la mang
pos bkur ba'i sde pa 'ga' zhig

gis phung po la dmigs nas bdag tu 'dzin pa ltar nges pa mi snang
yang/ 'jig lta lhan skyes ni 'jug par phung po dmigs pa yin pa
bkag cing 'grel par brten nas btags pa'i bdag dmigs par gsungs
pas phung po la dmigs par mi

@427a @#/ /byed kyi/ gang zag tsam zhig dmigs pa'o/ /de yang
nga'o snyam pa'i 'dzin pa skye ba'i gzhir gyur pa'i gang zag cig
dgos pas rgyud gzhan gyi gang zag ni dmigs pa ma yin no/ /dmigs
pa de la ji ltar

'dzin pa'i rnam pa ni/ 'jug 'grel las/ de la 'jig tshogs la lta
ba ni nga dang nga yi snyam pa de lta bu'i rnam par zhugs pa/
zhes gsungs pas/ rang gi mtshan nyid kyis grub pa'i rang bzhin
yod pa tsam du 'dzin pa min gyi/

nga'o snyam du 'dzin pa zhig dgos so/ /yang 'jug 'grel las/ 'jig
tshogs la lta ba kho na spang bar bya ba yin la/ de yang bdag gi
bdag med pa nyid khong du chud pa las spong bar 'gyur bas zhes
dmigs par gyur pa'i

bdag de'i bdag med pa ste rang bzhin med pa rtogs pas 'dzin
stangs 'gal ba'i sgo nas spong bar gsungs pas shes rab de'i ldog
phyogs 'dzin dgos so/ /de yang gang zag rang gi ngo bo nyid kyis
grub par 'dzin pa

yin pas rang gi mtshan nyid kyis grub pa'i nga'o snyam du 'dzin
pa'o/ /nga yir 'dzin pa'i 'jig lta yang des mtshon nas shes par
bya'o/ /nga dang nga'i 'o snyam du mi 'dzin pa'i gang zag rdzas
su yod par 'dzin pa ni gang zag gi

bdag tu rmongs pa'i ma rig pa yin pas nyon mongs ma yin par mi
'gyur ro/ /de ltar na rang gi ngo bos grub pa'i rang bzhin tsam
la bdag tu bzhag pa dang nga'o snyam pa tsam gyi blo'i yul la
bdag tu byas pa gnyis las/ dang po ni

@427b rigs pa'i dgag bya yin la phyi ma ni tha snyad du 'dod pas
mi 'gog go/ /des ni 'jig lta lhan skyes kyi dmigs pa mi 'gog par
ston gyi de'i rnam pa'i 'dzin stangs ni rang gi ngo bos grub
pa'i nga yin pas de mi 'gog pa min te/ dper

na sgra rtag 'dzin gyi dmigs pa sgra mi 'gog kyang de'i zhen yul
sgra rtag pa 'gog pa mi 'gal ba bzhin no/ /de ltar na 'phags pa
yab sras dang slob dpon gnyis kyi gzhung nas rang bzhin gyis yod
na dang/ rang gi ngo bos yod na dang

rang gi mtshan nyid kyis yod na dang/ rdzas su yod na zhes dgag
pa gsungs pa'i rang bzhin la sogs pa ni sngar bstan pa de ltar
du rig par bya la/ de dag med par ston pa'i tshig rnams kyi don
yang ma rig pas zhen pa ltar gyi

don med par ston pa de ltar du go bar bya'o/ /gnyis pa de dgag
bya gzhan la sbyor ba dang mi sbyor ba'i tshul ni/ ri bong gi rwa
dang mo gsham gyi bu la sogs pa gtan med pa rnams med do zhes
smra ba na khyad par de sbyor mi dgos pa de bzhin du/

shes bya la yod kyang yul dus 'ga' zhig na yod pa 'ga' zhig na
med pa rnams kyang yul dus de dang der med par brjod pa na'ang
khyad par de sbyar mi dgos so/ /gzhan yang dbu ma pas tha snyad
du grub par mi 'dod pa rang gzhan

gyi sde pa dngos por smra ba'i 'dod pa thun mong ma yin pas sgro
btags pa rnams 'gog pa na'ang de dag la bsam ngo na sbyar dgos
pa'i skabs 'ga' re ma gtogs pa don la ni rang gi ngo bos grub
pa'i rang bzhin zhes pa'i khyad par gsar

@428a @#/ /du sbyar mi dgos te/ de dag la don de grub mtha' smra
ba de dag gis khas blangs zin pa'i phyir ro/ /'di dag las gzhan
pa dbu ma pas tha snyad du rnam par 'jog pa'i don rnams la ni ji
'dra zhig yin kyang

de dag 'gog pa'i skabs su ni khyad par de ma sbyar na/ 'gog
mkhan gyi rigs pa nyid la'ang skyon mtshungs par 'jug pas sun
'byin ltar snang 'ba' zhig tu 'gyur bas sbyar dgos so/ /gzhan
yang sngar bshad pa ltar dbu ma

pas tha snyad du 'jog pa'i don rnams la rang bzhin yod med dpyod
pa'i rigs pa dang tha snyad pa'i tshad mas mi gnod pa dgos te/ de
lta ma yin na dbang phyug la sogs pa tha snyad du khas mi len la
gzugs sgra la sogs pa khas

len pa'i khyad par gtan mi rung bas/ 'di 'dra ba ni lam yin no/
/'di 'dra ba ni lam ma yin no/ /grub mtha' 'di ltar du 'thad do/
/'di ltar du mi 'thad do zhes pa la sogs pa'i 'jig rten pa dang
'jig rten las 'das pa'i

rnam gzhag gang yang byed thabs med pas rang bzhin gyis stong pa
la 'khor 'das kyi rnam gzhag thams cad 'thad pa'i khyad chos mi
rung ba'i phyir ro/ /de ltar tshad mas mi gnod kyang de 'gog par
'dod na ni mkhas pa'i bzhad gad

kyi gnas yin no/ /des na de dag 'gog par gsungs pa'i skabs su ni
gdon mi za bar khyad par de sbyar bar bya'o/ /'di yang bzhi
brgya pa'i 'grel pa dang rigs pa drug cu pa'i 'grel par ni dgag
bya 'gog pa na khyad par de sbyar ba

@428b ches mang bar snang la/ rtsa she'i gzhung dang/ bud d+ha
pA li ta dang/ tshig gsal dang/ 'jug pa rtsa 'grel du'ang sbyar
ba'i skabs du ma snang bas tshig tshogs che ba la gzigs pa dang ma
sbyar yang sbyar ba de rnams kyi gnad kyis rtogs sla

ba la dgongs nas ma sbyar ba'i skabs su'ang sbyar dgos pa yin
te/ de dag la sbyor mi sbyor gyi khyad cung zad kyang med pa'i
phyir ro/ /gzhan yang rnam par dpyad pa na yod pa ma yin no zhes
rnam par dpyad pa'i khyad par sbyar ba'ang mang du 'byung ste/

de yang sngar bshad pa ltar rang gi ngo bos grub na yin tshul
dpyod pa'i rigs pas rnyed dgos pa las ma rnyed pas rang gi ngo
bos grub pa'i don med ces pa yin pas rang gi ngo bos grub pa'i
rang bzhin med ces pa dang gnad gcig tu rtogs par

bya ste; bzhi brgya pa'i 'grel pa las/ gal te dngos po 'di dag
mgal me'i 'khor lo dang sprul pa la sogs pa ltar bslu bas dngos
po med par mi 'gyur na ni/ de'i tshe nges par 'thad pas rnam par
dpyad pa na sa le sbram la sogs pa ltar

rang gi ngo bo ches gsal bar dmigs par 'gyur na de dag ni phyin
ci log tsam gyi rgyu can yin pas rnam par dpyod pa'i mes bsregs
pa na rang gi ngo bo med par mi 'gyur ba ma yin no/ /zhes gsungs
pa ltar ro/ /gsum pa dgag bya la don

dam gyi khyad par sbyor mi sbyor bshad pa ni/ dgag bya la don
dam gyi khyad par sbyor ba dbu ma rang rgyud pa kho na'i lugs su
smra ba ni ches mi rigs te/ 'jug 'grel du rgyal ba'i yum drangs
pa las/ tshe dang ldan pa rab 'byor yang ci thob pa

@429a @#/ /med cing mngon par rtogs pa med dam/ rab 'byor gyis
smras pa/ tshe dang ldan pa shA ri'i bu thob pa'ang yod mngon
par rtogs pa'ang yod mod kyi gnyis kyi tshul gyis ni ma yin no/
/tshe dang ldan pa shA ri'i bu thob

pa dang mngon par rtogs pa ni 'jig rten gyi tha snyad du yin la/
rgyun du zhugs pa dang lan cig phyir 'ong ba dang phyir mi 'ong
ba dang dgra bcom pa dang rang sangs rgyas dang byang chub sems
dpa' yang 'jig rten gyi tha snyad du yin gyi/ don

dam par ni thob pa med cing mngon par rtogs pa med do/ /zhes
gsungs pa ltar du khas blang dgos par 'jug 'grel las gsungs pa
de rang rgyud pa'i mdo yin zhes smra'am/ de bzhin du nges don
gyi mdo rnams nas don dam pa'i khyad par

sbyar ba shin tu mang bar snang ngo/ /stong nyid bdun cu pa las
kyang/ gnas pa'am skye 'jig yod med dam/ /dman pa'am mnyam pa'am
khyad par can/ /sangs rgyas 'jig rten snyad dbang gis/ /gsungs
kyi yang dag dbang gis

min; ;zhes dang/ rin chen phreng ba las/ bdag dang bdag gir yod
ces pa/ /'di ni dam pa'i don du med/ /ces pa dang/ gang gi sa
bon brdzun pa de'i/ /skye ba bden pa ga la zhig /ces dang/ de
bzhin sgyu 'dra'i 'jig rten la/ /skye dang

'jig pa nyid snang yang/ /dam pa'i don du skye ba dang/ /'jig pa
nyid ni yod ma yin/ /zhes don dam pa dang bden pa dang yang dag
pa dgag bya la sbyar nas gsungs pa mang la/ de dag ma sbyar ba'i
tshe yang rang gi ngo bo dang rang bzhin dang rang

@429b gi mtshan nyid kyis grub pa med pa'i khyad par sbyar ba ni
shin tu mang ngo/ /bud d+ha pA li ta las kyang/ sangs rgyas
rnams kyis chos bstan pa/ /bden pa gnyis la yang dag brten/
/'jig rten kun rdzob bden pa dang/ /dam pa'i don gyi bden pa'o/
/

zhes 'byung bas/ de la 'jig rten gyi kun rdzob kyi bden pa gang
gis bum pa yod do sab ma yod do zhes brjod pa de nyid kyis bum
pa chag go sab ma tshig go zhes de dag mi rtag par yang brjod do/
/gang gi tshe de kho na bsam pa brtsam pa de'i tshe ni

bum pa dang sab ma dag brten nas gdags par bya ba yin pas mi
'thad na de dag chag pa dang tshig pa lta 'thad par ga la 'gyur/
gzhan yang de bzhin gshegs pa'ang 'jig rten gyi kun rdzob kyi
dbang gis de bzhin gshegs pa bgres

so de bzhin gshegs pa mya ngan las 'das so zhes mi rtag par yang
brjod do/ /gang gi tshe don dam pa bsam pa de'i tshe ni de bzhin
gshegs pa nyid mi 'thad na bgres pa dang mya ngan las 'das pa
dag lta 'thad par ga la 'gyur te/

zhes gsungs so/ /slob dpon zla ba grags pas kyang bden pa'i skye
ba 'gog pa yin gyi/ skye ba tsam 'gog pa min par gsungs te/ rigs
pa drug cu pa'i 'grel pa las/ rnam pa gang du gzugs brnyan dmigs
pa brten nas skyes

pa brdzun par gyur pa kho na dmigs bzhin pa de ma skyes par kho
bo cag mi smra'o/ /'on kyang bdag nyid gang du de 'byung ba med
par rnam par bzhag pa de nyid du de ma skyes par smra'o/ /de
bdag nyid gang du skye ba med par rnam par bzhag ce

@430a @#/ /na; bden par gyur par mngon par 'dod pa'i rang bzhin
du yin gyi/ brdzun pa'i ngo bor ma yin te de ni ngo bo der rten
cing 'brel par 'byung bar khas blangs pa'i phyir ro/ /zhes
brdzun pa sgyu ma lta bu'i

skye ba mi 'gog pa dang bden pa'i skye ba 'gog pas brten nas
skyes pa dang rang bzhin gyis ma skyes pa gnyis mi 'gal bar
gsungs te/ de nyid las/ de'i phyir de ltar na skyes pa dang ma
skyes pa 'di gnyis yul tha dad pa nyid kyi

phyir phan tshun 'gal bar ga la 'gyur/ zhes pa dang/ gang gi tshe
kho bo cag gis gang brten nas skyes pa de gzugs brnyan bzhin du
rang bzhin gyis ma skyes so/ /zhes smras pa de'i tshe rgol ba'i
go skabs ga la yod ces brten

nas skyes pa dang rang bzhin gyis ma skyes pa 'gal bar brtsad
pa'i lan du gsungs so/ /'jug pa las kyang/ de phyir de lta'i rim
pas dngos gdod nas/ /de nyid ma skyes 'jig rten skyes rig bya/
/zhes ma skyes pa la de kho na

nyid kyi khyad par sbyar ba dang/ bum sogs 'di dag de nyid du
med cing/ /'jig rten rab tu grags par yod ci bzhin/ /de bzhin
dngos po thams cad 'gyur bas na/ /mo gsham bu dang mtshungs par
thal mi 'gyur/ /zhes phyi nang

gi dngos po thams cad de kho nar med pa dang tha snyad du yod
par gsungs pas dgag bya la don dam gyi khyad par ma sbyar ba ma
yin no/ /mdor na/ dgag bya la don dam gyi khyad par sbyor ba
gtan mi 'dod na don dam par 'di dang

@430b 'di yin la kun rdzob tu 'di dang 'di'o zhes pa'i bden
gnyis kyi rnam dbye byar med par 'gyur bas/ de 'dra ba'i dbu ma
pa ni gang nas kyang ma bshad pas log par rtog pa kho na'o/
/tshig gsal las/ dgag bya la don dam gyi khyad

par sbyor ba bkag pa ni bdag skye 'gog pa la yin gyi/ skye ba
tsam la min pa ni 'grel pa de na shin tu gsal la/ 'jug 'grel las
kyang/ slob dpon gyis khyad par ma mdzad par/ bdag las ma yin/
zhes spyir skye ba bkag pa

yin no/ /gang zhig dngos po rnams ni don dam par bdag las skye
ba ma yin te/ yod pa'i phyir/ sems pa can bzhin no/ /zhes khyad
par du byed pa de'i don dam par zhes bya ba'i khyad par don med
do zhes bya bar bsam par bya'o

zhes gsungs pa ltar yin no/ /des na dbu ma rang rgyud pa dang
thal 'gyur ba gnyis dgag bya la don dam gyi khyad par sbyor mi
sbyor gyi sgo nas mi phyed kyang rang gi ngo bos grub pa'i rang
bzhin tha snyad du 'gog mi 'gog gi khyad yod pas/ rang gi ngo
bos

grub pa'i rang bzhin phyi nang gi chos rnams la 'gog pa na thal
'gyur ba ltar na don dam par ram yang dag par ram bden par zhes
pa'i khyad par gsar du bsnan mi dgos te/ rang gi ngo bos grub
pa'i rang bzhin yod na don dam pa

sogs su grub dgos pas so/ /rang rgyud pa rnams ltar na de dag la
don dam par sogs ma sbyar na dgag mi nus pas don dam pa'am yang
dag pa'am bden par zhes sbyor ba yin no/ /'on kyang skye 'gag
dang bcings grol sogs la

@431a @#/ /don dam pa'am rang gi ngo bos grub pa sogs kyi khyad
par gang yang ma sbyar bar dgag nus pa ni dbu ma pa gnyis ka mi
'dod do/ /'o na don dam par med pa'i don gang yin snyam na/ de
la don ni shes

bar bya ba'o/ /dam pa ni mchog ces bya ba ste gnyis ka gzhi
mthun no/ /yang na dam pa ni mi rtog ye shes yin la de'i don nam
yul yin pas don dam mo/ /yang na don dam pa mngon sum du rtogs
pa'i mi rtog ye shes de dang

rjes su mthun pa'i shes rab la don dam pa zhes bya ste/ 'dir ni
sa la sogs pa dag /don dam par ni 'byung ba min/ /zhes pa'i
'grel par/ rtog ge 'bar ba las/ don dam pa zhes bya ba la don
zhes bya ba ni shes par bya

ba yin pa'i phyir don te brtag par bya ba dang go bar bya ba
zhes bya ba'i tha tshig go  / /dam pa zhes bya ba ni mchog ces
bya ba'i tshig gi sgra yin no/ /don dam zhes bsdu ba ni de don
yang yin la dam pa'ang yin pas don dam pa'o/ /yang

na dam pa'i don te rnam par mi rtog pa'i ye shes dam pa'i don
yin pas dam pa'i don no/ /yang na don dam pa dang mthun pa ste
don dam pa rtogs pa dang rjes su mthun pa'i shes rab la don dam
pa de yod pas don dam pa dang

mthun pa'o zhes gsungs la/ don dam pa der yod pa ma yin zhes
pa'am med do zhes brjod pa'i don dam pa ni phyi ma de yin te/ de
nyid las/ 'o na don dam pa ni gang dag blo thams cad las 'das pa
yin la/ dngos po'i

@431b ngo bo nyid dgag pa ni yi ge'i yul yin pas de'i phyir dgag
pa med par mi 'gyur ram zhe na/ don dam pa ni rnam pa gnyis te/
de la gcig ni mngon par 'du byed pa med par 'jug pa'i 'jig rten
las 'das pa zag pa med pa spros pa

med pa'o/ /gnyis pa ni mngon par 'du byed pa dang bcas par 'jug
pa bsod nams dang ye shes kyi tshogs kyi rjes su mthun pa dag pa
'jig rten pa'i ye shes zhes bya ba spros pa dang bcas pa ste
'dir de dam bca' ba'i khyad par nyid du

bzung bas nyes pa med do/ /zhes gsungs pas/ de kho na nyid la
tshul bzhin du dpyod pa'i thos bsam gyi shes rab yan chad la
bzung gi /'phags pa'i rjes thob kho na la mi bya'o/ /dbu ma
snang ba las kyang/ gang yang don dam par

skye ba med ces bya ba la sogs pa smras pa de la'ang don ni 'di
yin par 'dod de/ yang dag pa'i thos pa dang bsams pa dang bsgoms
pa las byung ba'i shes pa thams cad ni phyin ci ma log pa'i yul
can yin pa'i phyir don dam

pa zhes bya ste 'di'i don dam pa yin pa'i phyir ro/ /mngon sum
dang brgyud pas byas pa'i khyad par ni yod de/ de dag gi dbang
gis dngos po 'di dag thams cad ma skyes pa kho nar shes so/ /des
na 'di skad du don dam par skye ba med do

zhes bya ba ni 'di dag yang dag pa'i shes pas skye bar ma grub
pa yin no zhes bshad par 'gyur ro/ /zhes gsungs pa dang mthun
par snang ngo/ /dbu ma rgyan gyi dka' 'grel las kyang/ 'o na ji
ltar rang bzhin med pa nyid yin snyam pa la

@432a @#/ /yang dag par na zhes bya ba smos te yang dag pa zhes
bya ba'i sgras ni dngos po'i stobs kyis zhugs pa'i rjes su dpag
pas rtogs par bya ba de kho na nyid kyi ngo bo la bya ste/ de
kho na nyid kyis rnam par dpyad

na stong zhes bya ba'i tha tshig go  /'dis ni de kho na nyid du
dang don dam par zhes bya ba la sogs pa rnam par bshad do/ /yang
na yang dag pa'i shes pa kho na yang dag pa la sogs pa'i sgrar
brjod de/ de'i dmigs pa yin pa'i phyir

ro; ;yang dag pa'i shes pa'i bsam pa'i dbang gis rang bzhin med
pa yin gyi/ kun rdzob kyi shes pa'i dbang gis ni ma yin no zhes
bya ba'i tha tshig go  /zhes gsungs te/ rang bzhin med pa la yang
dag pa sogs kyi khyad par sbyor ba

ni; shes rab sgron me dang/ rtog ge 'bar ba gnyis su yang mang
du gsungs la/ khyad par du rab byed bco lnga pa'i 'grel pa shes
rab sgron me las/ 'dir yang gal te ngo bo nyid med pa yin na ni
ji ltar dngos po yin ji ste dngos

po yin na ni ngo bo nyid med pa ma yin pas dam bcas pa la de
nyid kyis don de la skur pa btab pa'i skyon yod do/ /zhes dngos
po rnams ngo bo nyid med do zhes dam bcas pa la rang gi tshig
dang 'gal ba'i skyon yod par brtsad pa'i

lan du/ de nyid las/ don dam par dngos po rnams ngo bo nyid yod
pa nyid du khas blangs nas ngo bo nyid med pa nyid du dam ma
bcas pa'i phyir/ des na dam bcas pa'i don la skur pa ma btab pas
gtan tshigs kyi don ma grub

@432b pa nyid ma yin pas 'di la skyon med do/ /zhes dngos po
rnams don dam par ngo bo nyid med pa nyid du 'dod pas/ skur pa
ma btab par bzhed pa'i phyir na tha snyad du rang gi ngo bos
grub pa'i ngo bo nyid med na skur 'debs su bzhed par

gsal lo/ /yang de nyid las/ don dam par nang gi dngos po rnams
ngo bo nyid med pa nyid de byas pa'i phyir dang/ brjod pa khyad
par can brten pa nyid la bltos pa dang bcas pa'i phyir/ dper na/
sgyu ma mkhan gyis sprul pa'i mi la

sogs pa bzhin no/ /zhes rang bzhin 'gog pa la don dam pa'i khyad
par nges par sbyor ba'i phyir ro/ /de la don dam par med ces
pa'i don ni yin tshul la ji ltar yin/ tshul bzhin du dpyod pa'i
rigs pas rnam par dpyad na

des yod par ma grub pa la byed pa ni slob dpon 'di thams cad
mthun pa yin no/ /des na slob dpon 'di'i gzhung rnams su'ang de
kho na nyid mthong ba dang rjes su mthun pa'i dpyad pa ma bcug
par zhes kun rdzob 'jog pa na de ltar

gsungs la/ rang bzhin 'gog pa'i tshe rigs pas rnam par dpyad pa
na med de zhes gsungs pa mang bas na de dag dang snga ma rnams
'dra'o/ /'on kyang rang gi ngo bos grub pa la yin tshul dpyod
pa'i rigs pas dpyad bzod du khas

len dgos mi dgos mi mthun te/ slob dpon 'di gnyis kyis rang gi
ngo bo nyid kyis grub pa la de kho na nyid la dpyod pa'i rigs
pas dpyad bzod kyis khyab pas na don dam du grub pas kyang khyab
par bzhed de sngar mang du bshad pa ltar ro/ /

@433a @#/ /dgag bya 'gog pa de thal rang gang gis byed pa la
gnyis/ thal rang gi don ngos bzung ba dang/ de gnyis su'i rjes
su 'brangs nas lta ba rgyud la bskyed pa'o/ /dang po ni/ slob
dpon sangs rgyas bskyangs kyi

'grel par thal 'gyur dang rang rgyud gnyis su phye nas thal
'gyur mdzad pa'i gsal kha ni med la/ 'on kyang/ bdag las ma yin
gzhan las min/ /gnyis las ma yin rgyu med min/ /dngos po gang
dag gang na yang/ /skye ba nam yang yod

ma yin/ /zhes pa'i 'grel pa mdzad pa na gzhan lugs la gnod byed
brjod pa'i sgo nas skye ba bzhi dgag pa mdzad do/ /de la slob
dpon legs ldan 'byed kyis rang phyogs bsgrub pa dang gzhan
phyogs sun 'byin pa gang gi yang nus pa med

pa'i skyon bkod nas sun phyung ngo/ /de lta bu'i skyon de sangs
rgyas bskyangs kyi lugs la mi 'jug pa'i rgyu mtshan rgyas par
'grel pa na slob dpon zla ba grags pas pha rol po la dbu ma pas
dbu ma'i lta ba rgyud la bskyed pa'i thabs su thal

'gyur bya dgos kyi/ rang rgyud mi 'thad do zhes dgag pa mdzad
nas thal 'gyur gyi phyogs gsal bar mdzad do/ /de 'dra ba'i thal
rang gnyis kyi 'jog tshul la gnyis/ gzhan lugs dgag pa dang/ rang
gi lugs bzhag pa'o/ /dang po

la gnyis/ 'dod pa brjod pa dang/ de dgag pa'o/ /dang po ni/ thal
'gyur dang rang rgyud la 'jog tshul du ma zhig snang mod/ 'on
kyang de dag thams cad su zhig gis bshad par nus/ de'i phyir de
dag las 'ga' zhig brjod par bya'o/ /'di

@433b la dzA ya A nanta ni 'di ltar smra ste/ 'jug pa'i
'grel bshad las/ de la 'ga' zhig na re gal te thal 'gyur gtan
tshigs su 'dod na de tshad mas grub pa yin nam 'on te ma grub pa
yin/ de la gal te phyogs dang po ltar na de'i tshe

gnyis ka la'ang grub pa yin pas gzhan gyis khas blangs pa zhes
ji ltar brjod/ phyogs gnyis pa ltar na gzhan gyis khas len par
mi 'os pa nyid yin pas gzhan gyis khas blangs pa zhes ji ltar
brjod ce na/ de la lan ni tshad

mas grub pa gang yin pa de gnyis ka la grub pa yin no/ /zhes pa
de nyid kho bos mi shes te 'di ltar rgol bas sgrub byed bkod
pa'i dus na gang gtan tshigs 'god pa de la tshad mas grub pa yin
kyang gzhan la tshad mas grub par des ji

ltar shes te/ gzhan gyi sems kyi khyad par mngon sum dang rjes
su dpag pa'i yul ma yin pa'i phyir ro/ /rang nyid la'ang tshad
mas grub par ji ltar shes te 'khrul ba'i rgyu mtshan gyis dus
ring po nas bzung ba'i phyir bslu ba ? srid pas

so; ;de'i phyir rgol ba dang phyir rgol ba dag gis tshad ma nyid
du khas blangs pa'i stobs kyis dngos po rnams kyi rang bzhin
khas len pa yin no/ /des na gzhan gyis khas blangs pa'i sgo nas
gzhan gyi phyogs sun 'byin pa yin no zhes

zer te/ phyi rgol la rtags tshad mas grub ma grub snga rgol gyis
mi shes te de'i bsam pa ni snga rgol gyi tshad ma gnyis kyis mi
'grub pas so/ /rang gis kyang rtags tshad mas grub par mi shes te
rang gis tshad mas grub par thag bcad

@434a @#/ /kyang bslu ba srid pas so/ /de'i phyir gnyis ka la
tshad mas grub pa'i rtags med pas tshad mar khas blangs pa la thug
pas na tshad mas ma grub kyang khas blangs pa'i sgo nas sun 'byin
'thad pa yin no/ /

zhes 'chad do/ /yang de nyid las gzhan yang rang rgyud kyi gtan
tshigs kyi phyogs la gal te gtan tshigs dang bsgrub par bya ba dag
la tshed mas khyab pa grub na de'i tshe rang rgyud sgrub byed du
'gyur ba yin la/ 'on kyang khyab pa ma grub

ste 'di ltar khyab pa sgrub bar byed pa'i tshad ma ni mngon sum
mam rjes su dpag pa yin no/ /de la re zhig mngon sum gyis khyab
pa mi 'grub ste/ 'di ltar tshang mang du mngon sum dang mi dmigs
pa dag gis me dang du ba dag la 'di yod

na 'di yod la 'di med na 'di med do zhes med na mi 'byung ba
rtogs kyi/ yul thams cad na yod pa la ni ma yin no/ /rjes su
dpag pas kyang ma yin te/ de yang yul nges pa can yin pas so/
/'di ltar rjes su dpag pa'i yul ni

thams cad ma yin te/ gang gi phyir gang na bsgrub par bya ba
dang 'brel ba'i rtags yod pa de kho nar mi rtag pa la sogs pa
shes pa skye bar 'gyur ba yin gyi/ yul dang dus thams cad du ni
ma yin no/ /des na 'jig rten pa'i

khas blangs pa tsam gyi sgo nas khyab pa grub pa yin gyi/ tshad
mas ni ma yin pas thal 'gyur gyi gtan tshigs kyis gzhan gyi
phyogs sun 'byin pa ji ltar mi rigs zhes pa'o zhes du ba yod pa
la me yod pa dang/ byas pa la mi rtag

@434b pas khyab pa tshad mas grub na rang rgyud 'thad kyang mi
'grub ste/ tshad mas 'grub na ni yul dus thams cad kyi du ba dang
byas pa la me yod pa dang mi rtag pas khyab pa grub dgos pa la
khyab pa bsgrub pa'i mngon sum dang rjes dpag gis tshad mad

dang bum pa'i steng tsam du 'grub pas na nyi tshe ba yin pa'i
phyir ro/ /des na khyab pa'ang khas blangs pa tsam gyis 'grub
dgos pa yin no zhes zer te/ 'dis ni tshul gsum tshad mas grub pa'i
rtags kyis byed na rang rgyud dang/ tshul gsum khas blangs

kyi mthar thug pa tsam gyis byed na thal 'gyur du 'dod par snang
ngo/ /paNDi ta de'i slob ma lo tstsha ba dag kyang 'di skad
du dbu ma pa la gzhan gyi 'dod pa 'gog pa tsam ma gtogs pa'i
rang gi dam bca' ba med cing chos can la sogs pa gnyis

ka la grags pa'i thun mong ba ma grub pas rang rgyud mi 'thad
do/ /rigs pas rnam par dpyad pa'i 'bras bu yang gzhan gyi grub
mtha' 'dor ba tsam zhig yin la/ de las gzhan pa'i rang 'dod med
pas rang rgyud kyi gtan tshigs rnam pa thams

cad du brjod par mi bya'o/ /des na thal 'gyur kho na yin la de
la'ang bsgrub pa'i thal 'gyur ni rang rgyud kyi mthar thug pas
sun 'byin gyi thal ba kho na'o/ /'di yang rtags dang khyab pa
gnyis khas blangs pa'am khas blangs pa'i mthar thug pa'i

thal ba yin pas yang dag pa'i tshad ma ma yin no/ /'di la brten
nas gzhan gyi khas len nam spros pa gcod pa ni bzhi'i sgo nas
byed de/ de la 'gal ba brjod pa'i thal 'gyur ni pha rol po skye
ba don bcas dang thug bcas su 'dod cing bdag skye

@435a @#/ /'dod pa la bdag las skye na yod pa skye bas skye ba
don med dang thug med du 'gyur bas don bcas dang thug bcas 'dod
pa mi rigs la/ der 'dod na bdag las skye ba 'dod pa mi rigs so
zhes 'gal 'du

brjod pa na pha rol pos der shes nas grub mtha' 'dor ba tsam gyi
'bras bu can no/ /gzhan grags kyi rjes dpag ni bdag las skye bar
'dod pa'i myu gu ni bdag las skye ba med de/ rang gi bdag nyid
du yod pa'i phyir ro/ /zhes gzhan la

grags pa'i chos can dang rtags la sogs pa brjod nas pha rol bo
'gog pa'o/ /bdag las skye ba med de zhes smras kyang gzhan gyi
bdag skye 'gog pa tsam yin gyi/ rang gis bdag las skye ba med pa
mi bsgrub pas dam bca' med do/ /sgrub

byed bsgrub bya dang mtshungs pa ni pha rol pos rang gi phyogs
bsgrub pa'i phyir du dpe rtags gang bkod pa thams cad snga ma
dang 'dra bar ma grub par 'gyur ba'o/ /rgyu mtshan mtshungs pa'i
mgo snyoms ni 'di khas len na 'di khas len zhes rgyu mtshan khyad
par med

pa'i sgo nas mgo snyoms pa'o/ /'o na khyod la pha rol po'i khas
len 'gog 'dod yod dam med yod na de nyid dam bca' yin pas de
bsgrub pa'i rang rgyud kyi rtags yod par 'gyur ro/ /med na gzhan
gyi khas len 'gog pa'i rigs pa brjod pa

mi 'thad do zhe na/ don dam la dpyod pa'i skabs su rang bzhin
med pa'am skye ba med pa zhes pa'i bsgrub bya 'dod na rang rgyud
kyi dam bca' dang rtags 'dod dgos pa las de mi 'dod pas skyon
med do/ /'dod pa yod pa tsam gyis dam bca'

@435b yod na thams cad du dam bca' yod par 'gyur ro zhes 'chad
do/ /'dis ni rang la phyogs bsgrub rgyu med kyang gzhan phyogs
'gog pa tsam dang 'dod pa yod kyang dam bca' med pa dang rang
phyogs med pa yang don dam pa la dpyod pa'i skabs

su rang bzhin med pa la sogs pa'i dam bca' mi 'jog pa la byed
kyi/ khas len gang yin thams cad med par ni mi 'dod pas don dam
pa la dpyod pa'i skabs su rang bzhin med pa'i bsgrub bya khas
blangs nas de rang lugs su bsgrub

pa ni rang rgyud pa dang/ de ltar khas mi len par gzhan gyi 'dod
pa 'gog pa tsam byed pa ni thal 'gyur bar byed par snang ngo/
/da lta dbu ma thal 'gyur bar 'dod pa dag ni don dam pa dang tha
snyad pa gang las brtsams pa'i khas len ni tha snyad

du yang rang lugs la med de/ gal te de 'dra ba'i dam bca' yod na
de sgrub byed kyi dpe dang rtags kyang 'dod dgos la de ltar na
rang rgyud par 'gyur ro/ /des na thal 'gyur ba la rang lugs gang
yang med de/ rtsod zlog las/ gal te ngas dam

bcas 'ga' yod/ /des na nga la skyon de yod/ /nga la dam bca' med
pas na/ /nga la skyon med kho na yin/ /gal te mngon sum la sogs
pa'i/ /don gyis 'ga' zhig dmigs na de/ /bsgrub pa'am bzlog par
bya na de/ /med phyir nga la klan ka med/ /

ces dang/ rigs pa drug cu pa las kyang/ che ba'i bdag nyid can
de dag/ rnams la phyogs med rtsod pa med/ /gang rnams la ni
phyogs med pa/ /de la gzhan phyogs ga la yod/ /ces dang/ bzhi
brgya pa las kyang/ yod dang med dang yod med ces/

@436a @#/ /gang la phyogs ni yod min pa/ /de la yun ni ring po
na'ang/ /klan ka brjod par nus ma yin/ /zhes dbu ma pa la
phyogs dang dam bca' med par gsungs pa'i phyir ro/ /tshig gsal
las/ dbu ma pa yin na ni

rang gi rgyud kyi rjes su dpag pa bya bar rigs pa yang ma yin
te/ phyogs gzhan khas blangs pa med pa'i phyir ro/ /zhes dang/
thal bar 'gyur ba bzlog pa'i don dang yang pha rol po nyid
'brel ba yin gyi/ kho bo cag ni ma yin te rang la dam

bca' ba med pa'i phyir ro/ /zhes dang/ 'jug pa las kyang/ sun
'byin pas sun dbyung bya ma phrad sun ni 'byin byed dam/ /'on
te phrad nas 'byin zhes smras zin nyes pa 'dir gang la/ /nges
par phyogs yod de la 'gyur gyi bdag la

phyogs 'di ni/ /yod pa min pas thal bar 'gyur ba 'di ni srid
ma yin/ /zhes rang la phyogs med pas skyon mi 'jug par gsungs
pa'i phyir ro/ /des na rnam gzhag de dag thams cad ni dbu ma
pas gzhan gyi ngor byas pa'i rnam

gzhag tsam ste/ 'jug pa las/ ji ltar khyod kyis gzhan dbang
dngos 'dod ltar/ /kun rdzob kyang ni bdag gis khas ma blangs/
/'bras phyir 'di dag med kyang yod do zhes/ /'jig rten ngor
byas bdag ni smra bar byed/ /ces gsungs

la; rtsod zlog las kyang/ dgag bya ci yang med pas na/ /nga ni
ci yang mi 'gog go/ /de phyir 'gog par byed do zhes/ /skur pa
de ni khyod kyis btab/ /ces gzhan phyogs bkag pa yang med par
gsungs pa'i phyir ro zhes smra bar byed do/ /

@436b sngon gyi dbu ma pa slob dpon zla ba'i rjes su 'brang
ba'i bod kyi mkhas pa kha cig ni de ltar dbu ma pa la rang
lugs kyi phyogs dang de dag sgrub byed kyi tshad ma med par
'dod pa'i lugs rnams legs par sun phyung nas/ rang gi lugs

ni; rigs pas rnam par dpyad pa'i rang gi mtshan nyid kyis gzhal
bya dang tshad ma'i rnam gzhag khas len pa'i dngos po stobs
zhugs kyi tshad ma mngon rjes gnyis ka bkag nas/ tha snyad du
ma dpyad pa'i 'jig rten grags pa'i tshad ma dang

gzhal bya khas blangs nas dbu ma pa rang gis phyi rgol la
bsgrub pa'i ngag bkod pa'i sgo nas gtan tshigs yang dag gis
bden par med pa'i don sgrub par byed do/ /de lta na yang rang
rgyud par mi 'gyur ba ni ma dpyad pa'i 'jig rten grags

pa'i tshad ma'i sgo nas 'jog pa'i phyir ro zhes 'chad do/
/gnyis pa de dgag pa la bzhi las/ lugs dang po dgag pa ni/
'jug pa'i 'grel bshad kyi lugs rtags khyab tshad mas ma grub
pa'i rtags tshad mas ma grub pa'i rgyu mtshan

de ni rigs pa ma yin te/ 'di ltar rtags rgol phyi rgol gnyis
kas tshad mas grub zin dgos so zhes 'dod pa'i lugs la yang phyi
rgol la grub pa snga rgol gyis ma shes na rtags su mi 'dod pa
ma yin pas rgyu mtshan des phyi rgol

la tshad mas grub pa dgos pa mi khegs pa'i phyir dang/ phyi
rgol gyi gzhan sems mi shes pas gzhan la tshad mas grub pa mi
shes par 'jog na gzhan gyis don de khas blangs par yang mi
shes pas pha rol po'i khas blangs kyi sgo nas

@437a @#/ /'gog pa sogs kyang mi 'thad pa'i phyir te/ pha rol
pos kho bo 'di ltar 'dod do/ /zhes pa'i tshig mngon sum du nges
kyang ji ltar smras pa ltar khas len par ma nges pa'i phyir
dang gzhan sems mi shes

pa'i phyir ro/ /khyab pa tshad mas ma grub pa'i rgyu mtshan yang
mi 'thad de/ tshang mang gi steng du du yod la me yod kyis
khyab pa bsgrub pa na rtogs par bya ba'i gzhi ni tshang mang
yin la/ de'i steng du rtogs par bya ba'i don ni du yod la me

yod kyis khyab pa tsam yin gyi/ tshang mang gi du yod la tshang
mang gi me yod kyis khyab par 'dzin pa gtan min pas yul dus
phyogs re ba'i khyab pa bzung ba ga la yin/ de lta ma yin na
de 'dra ba'i khyab pa de nges pa'i gzhi tshang

mang du mi rung bas gzhi 'di'i steng du nges dgos pa'i gzhi
bstan dgos so/ /dper na/ sgra'i steng du nges par bya rgyu'i
bsgrub bya'i chos mi rtag pa de sgra bum gnyis ka la rjes su
'gro ba dgos kyi/ sgra'i cha shas su gyur pa'i mi

rtag par bzhag tu mi rung ba dang 'dra'o/ /rigs pa des khyab
pa bsgrub pa'i rjes dpag la'ang tshad ma med par 'dod pa mi
rigs par shes par bya'o/ /de ltar tshad mas ma grub pas rgol
phyi rgol gyis khas blangs pa tsam gyis 'grub pa yin

zhes smra ba yang rigs pa ma yin te/ khas blangs pa tsam rgyu
mtshan du byed na pha rol po mi khegs par 'gyur te/ de'i khas
blangs pas ni don de mi 'grub pa la tshad ma ni rang gzhan
gnyis ka la med pa'i phyir ro/ /'on te khas blangs la khyad
par phye

@437b nas 'di 'dra bas 'grub la 'dis mi 'grub ces 'byed na ni
de ltar 'byed pa'ang khas blangs kyi rgyu mtshan gyis 'byed na
ni bsgrub bya dang mtshungs la/ tshad ma yod med kyis 'byed na
ni tshad ma med par 'dod pa nyams so/ /lugs gnyis pa dgag

pa ni; de kho na nyid la dpyod pa'i skabs su rang bzhin med
pa'i dam bca' khas mi len pa rang rgyud kyi dam bca' mi 'jog
pa'i don du 'dod pa de/ rang bzhin yod med dpyod pa'i rigs
shes kyis dam bca' de mi 'grub pas dam bca' de

khas mi len pa yin nam/ 'on te de kho na nyid la dpyod pa'i
skabs yin pa'i phyir zhes rtags su bkod nas dam bca' khas mi
len par 'dod pa yin/ dang po ltar na rang bzhin med par dam
bcas pa'i don de rigs shes kyis mi

'grub na rang bzhin yod par dam bcas pa'i don de yang rigs
shes kyis mi khegs par 'gyur te/ rgyu mtshan mtshungs pa'i phyir
ro/ /gal te de kho na nyid la dpyod pa'i skabs su rang bzhin
yod par dam bcas pa'i don yang mi khegs so

snyam na de ni shin tu mi rigs te/ sngar rigs pa rnams kyis
rnam par dpyad pa de gzhan lugs 'gegs pa yin no zhes smras
pa'i phyir dang/ ma dpyad pa'i shes pas gzhan gyi lugs rnams
dgag par mi nus pa'i phyir dang/ gzhan du na rang lugs kyi

dam bca' mi 'dod ces dmigs kyis bsal ci dgos te/ gzhan lugs
'gog pa'i thal 'gyur yang mi 'dod pa'i phyir ro/ /gzhan gyi
grub mtha' la sun 'byin pa'i thal 'gyur byed na ni rang bzhin
yod pa bkag pa nyid rang bzhin med pa bsgrubs

@438a @#/ /pa yin par sngar rtsod zlog rtsa 'grel nas gsungs pa
ltar yin pas de la phung gsum med do/ /de lta min na rang
bzhin med pa bsgrubs pa yin gyi/ rang bzhin yod pa bkag pa min
no zhes bzlog nas smras na lan

ci yod/ rang bzhin med pa yongs su gcod na rang bzhin gdon mi
za bar rnam par bcad dgos pas so snyam na/ de lta na rang
bzhin yod pa rnam par bcad na'ang gdon mi za bar rang bzhin
med pa yongs su gcod dgos pa mtshungs pa yin

no; ;gal te de kho na nyid la dpyod pa'i skabs yin pa'i phyir
na rang bzhin med pa sogs kyi dam 'cha' ba mi rung ngo snyam
na de'i rgyu mtshan da dung smros shig  /ci ste de kho na nyid
la dpyod pa'i skabs su grub na ni don dam par grub dgos pa'i

phyir khas mi len no snyam na de ni rigs pa ma yin te/ 'di
ltar de kho na nyid la dpyod pa'i skabs kyang mi 'dod na ni/
dbu ma pa'i rigs pas rnam par dpyod pa'i dus mi srid par 'dod
dgos la/ skabs de 'jog na ni dpyod pa po dang

dpyod pa'i rigs pa dang dpyod pa'i gzhi dang gang dang lhan
cig dpyod pa'i phyi rgol sogs kyang nges par 'dod dgos pas
de'i skabs su grub pa thams cad don dam par grub ga la dgos/
thal btsam ni gzhan gyis khas blangs pa'am khas

blangs pa'i mthar thug pa yin pas tshad ma med kyang thal ba
byed do zhes smra ba yang yid tshim par byed pa ma yin pas
sngar lugs dang por bkag pa bzhin du dgag par bya ba yin no/
/gzhan yang de kho na nyid la dpyod pa'i skabs su khas

@438b len med la tha snyad du khas len yod do zhes rnam par
'jog na'ang 'thad pa ma yin te/ de kho na nyid la dpyod pa'i
skabs ni don dam du mi rung bas tha snyad du bya dgos pas de
ni 'gal ba'i phyir dang/ de kho na nyid la dpyod pa'i skabs su
med

pa don dam du med pa'i don yin na don dam du khas len yod par
'dod pa'i dbu ma pa su yang med pas de thal 'gyur ba'i khyad
chos su mi rung ba'i phyir ro/ /lugs gsum pa dgag pa ni/ dbu
ma pa la tha snyad du'ang khas len med do zhes

smra ba ni sngar bshad pa ltar rigs pa'i dgag bya legs par
ngos ma zin pas rang bzhin 'gog pa'i rigs pa rnams kyis phar
la bkag pa na/ tshur la bzlog pa'i tshe rang gi lugs la'ang ji
lta ba bzhin mtshungs par 'jug par mthong

ste; rang gi lugs bzhag na skyon spong ye ma shes pas 'khor
'das kyi rten 'brel thams cad dbang phyug dang yod med 'dra
bar song ba yin no/ /de'i phyir de ni dbu ma pa la skur pa
'debs shing shin tu tha chad pa yin la/ de dgag pa'ang

sngar mang du bshad zin to/ /dbu ma pa la khas len yod med
dpyod pas ni dbu ma zhes pa gang dang ldan na dbu ma par 'jog
pa khas blang dgos pas don dam par rdul tsam yang ma grub pa
dang/ tha snyad du thams cad sgyu ma lta bu'i rten 'brel gyi

don rtogs pa 'dod dgos pas khas blang bar bya ba yod la/ de
yang de gnyis kyi ldog phyogs don dam par yod pa dang tha
snyad du med par 'dod pa'i smra ba ngan pa bkag nas bzhag dgos
pas/ dgag sgrub kyi don rtogs pa'i tshad ma yod

@439a @#/ /pa dang rang gis rtogs pa ltar gzhan la phyin ci ma
log par ston pa'i dbu ma pa'i ngag dmigs pa'i phyir dang/ de
dag rnam par bzhag pa la rgol ba rnams kyis chos dang mthun
pa'i klan ka cung zad kyang med

pas lugs 'di ni ches yongs su dag pa yin no/ /de lta na mkhas
pa dbu ma pa'i skyon dang bral ba'i lugs rang gis 'jog ma shes
na'ang de med ces skur pa mi gdab par rten cing 'brel par
'byung ba'i rigs pa khas blangs pa nyid  

kyis lta ngan gyi dra ba mtha' dag gcod pa la/ khongs gzo ba'i
blo gros can rnams kyis ni dbu ma pa'i lugs rnam par bzhag nas
'gal 'du thams cad dang bral bar bya yi/ bsnyon 'dings pa la
re bar mi bya'o/ /tshig

gsal las kyang/ de ltar kho bo cag gi phyogs ches yongs su dag
cing rnam par bzhag pa thams cad dang mi 'gal bar rnam par
gnas pa yin dang rang gi phyogs rags pa shin tu nye ba skyon
dang ldan pa de dag dang 'gal ba la

shin tu blun pas skyon dang yon tan ji ltar gnas pa dag ma
mthong ba/ khyod ni rang gi skyon rnams ni/ /zhes sogs sngar
drangs pa ltar gsungs pa'i dbu ma pa'i lugs don dam pa gtan la
'bebs pa'i tshad ma dang tha snyad pa'i tshad

ma'i lam nas 'ongs pa'i rnam gzhag skyon gdags su med pas ches
dag cing 'khor 'das kyi rnam gzhag thams cad bzhag pas chog pa
la nges pa rnyed par bya'o/ /de lta ma yin par dbu ma pa la
rang gi lugs med do zhes smra ba la

@439b skyon gdags su med na tshig smras pa gang yin pa de thams
cad ni brdzun gyi tshig yin no/ /zhes pa la yang sun cung zad
kyang 'byin par mi nus par 'gyur te/ rgyu mtshan thams cad nas
mtshungs pa'i phyir ro/ /khas len med par smras pa la

khas len yod pa'i dpyad pa byar med pas da'i phyir skyon dgal
du med de ci yang khas ma blangs pa'i phyir ro zhes kyang smra
mi nus te/ de lta na smra ba thams cad brdzun yin no zhes
smras pa la'ang tshig thams cad brdzun yin no/ /zhes smras

pas tshig de nyid bden tshig yin pa'i dpyad pa byar med pas rang
tshig gi 'gal ba bstan par mi nus pa'i phyir dang/ 'jug pa las/
gal te bdag 'ga' dngos por 'grub 'gyur na/ /sems ltar grub
dngos brjod du med mi 'gyur/ /

zhes gnas ma bu pas phung po dang gcig tha dad gang du'ang
brjod du med pa'i bdag rdzas yod khas blangs pa la yang rdzas
yod yin na phung po dang gcig tha dad gang rung du smra dgos
kyi/ de dag tu brjod du med pa mi 'thad ces sun

'byin par mi nus te/ kho bo cag gis de nyid dang gzhan du
brjod du med pa'i bdag rdzas su yod ces smras pa la de nyid
dang gzhan gang rung du brjod du yod dgos so/ /zhes pa'i dpyad
pa byar med pa'i phyir ro zhes lan btab pas chog pa'i

phyir ro/ /gang zag rdzas su yod ces smra na phung po dang/ de
nyid dang gzhan du med pa 'gal bas de dag tu brjod du med pa
mi 'thad pas dpyad pa de 'jug go zhes smra na ni/ ci yang khas
mi len med do zhes pa'ang zhe bas

@440a @#/ /smra ba mi rung bar kun nas mtshungs so/ /kho bo la
nor med do zhes smras pa na nor med pa'i nor de byin cig ces
pa dang/ kho bo la khas len med do zhes smras pa na khas len
med pa de nyid khas len no zhes smra ba

gnyis kyang mtshungs so zer ba ni phyogs snga ma mgo bar smra
ba yin te/ 'di ltar kho bo cag khas len med pa de nyid khas
len no zhes mi smra'o/ /'o na ci zhig smras snyam na/ khas len
med do zhes zhe bas smra ba des khas len med par khas

blang dgos so/ /zhes ston pa yin pas rang tshig gi bsal ba
spong bar mi nus so/ /khyod kyis smras pa de 'dra ba de dbu ma
pa'i lugs min na ni 'phags pa yab sras la sogs pa'i lung
drangs nas bsgrub pa 'gal zhing zla grags kyi lugs

su yang bzhag tu med la/ sangs rgyas pa gzhan gyi lugs su'ang
mi rung bas chos 'di las phyi rol tu 'gyur ro/ /dbu ma pa dang
de'i nang nas kyang zla ba grags pa'i lugs su smra na ni de
dag la rang lugs med pa 'gal ba yin no/ /de

bzhin du khas blangs las grol du re nas rnam gzhag rnams gzhan
ngo kho nar 'jog par smra ba'ang mi rigs te/ gzugs la sogs pa
yod pa gzhan ngo tsam du khas blang dgos so/ /zhes pa la yang
gzugs sogs yod pa des khas

mi len kyang gzhan ngor bzhag pa ni shin tu yang khas blang
dgos pa'i phyir khas blangs las grol ba med do/ /de'i tshe gang
gi ngor bzhag pa'i gzhan dang 'jog ba po rang la sogs pa rnams
khas blang dgos pas gzhan ngo tsam du khas

@440b blangs so/ /zhes smras pas ni rang lugs med pa la mi
phan par ma zad gnod pa yang yin no/ /gal te rang lugs med pa
dang gzhan ngo tsam du khas blangs so zhes pa'ang kho bos de
ltar ma smras kyi/ khyed cag gi ngo na snang ba yin no/ /zhes

'jig rten rgyang phan pas kyang bsnyon par mi nus pa'i mngon
sum la bsnyon na ni khyed rang gis gang smras mi tshor la kho
bo cag gis thos pa la sogs pa khyed kyis rig pa de ni ngo
mtshar ro/ /de lta yin na khas len med pa sogs kyi tshig nges pa
can

ci zhig bya dgos te ji 'dra zhig smras kyang mthar de la
bsnyon pas chog pas skyon dgal du med pa'i phyir ro/ /gal te
thal 'gyur yang gzhan ngo tsam du 'jog gi/ rang gi lugs la mi
'dod do zhes smra na ni rang rgyud kyi lugs bkag nas thal

'gyur gyi gzhung 'dzugs pa'i zla ba grags pa'i lugs la dad pas
ci zhig bya ste/ rang rgyud rang lugs la mi rung ba bzhin du
thal 'gyur yang mi rung la/ thal 'gyur gzhan ngor rung ba
bzhin du rang rgyud kyang dgos pa'i dbang gis gzhan

ngor byed pa 'ong ba'i phyir ro/ /gang zhig sems tsam gzhan
ngor 'dod kyi/ rang lugs la mi 'dod pa de ni sems tsam par
bzhag tu mi rung ba bzhin du dbu ma'i don thal 'gyur gyis gtan
la 'bebs pa'i thal 'gyur rang gi lugs la

mi rung la/ gzhan ngo tsam du 'jog pa de yang thal 'gyur bar
mi rung zhing rang rgyud pa'ang min pas kho bo cag ni dbu ma
pa ma yin no zhes gsal bar bstan pa yin no/ /'bras phyir 'di
dag med kyang yod do zhes/ /'jig rten ngor byas 

@441a @#/ /bdag ni smra bar byed/ /ces pa'i don yang rnam gzhag
thams cad gzhan ngor byed pa'i khungs su mi rung ste/ chos rnams
la rang gi ngo bos grub pa'i rang bzhin med pa ni rang bzhin yod
med tshul bzhin du dpyod

pa'i rigs pa'i shes ngor 'jog gi/ tha snyad pa'i shes pa rang
dga' ba'i ngor mi 'jog pa'i phyir te/ des rang bzhin med pa
'grub na rigs shes don med du thal bar 'gyur ba'i phyir dang/
gzhung nyid las kyang/ yod do zhes/ /'jig rten ngor

byas zhes gsungs pas/ gzugs la sogs pa rnams yod par 'jog pa
'jig rten pa'i ngor 'jog par gsungs pa'i phyir ro/ /kun rdzob
khas ma blangs zhes gsungs pa ni sems tsam pas gzhan dbang khas
blangs pa ltar ma blangs zhes

ba'i don yin gyi/ kun rdzob de rang lugs la khas mi len zhes pa
min te/ ji ltar khyod kyis gzhan dbang dngos 'dod ltar/ /zhes
gsungs pa'i phyir ro/ /gzhung de'i mtshams sbyor du yang/ khyod
kyis 'thad pa'am rigs pas gzhan

dbang sel na khyed rang gi rigs pa rnams kyis ngas kyang khyed
kyi kun rdzob sel lo zhes brtsad pa'i lan yin pas/ gzhan dbang
rigs pas dpyad bzod kyi dngos por khyed 'dod pa ltar kun rdzob
pa rnams de ltar nged mi 'dod pas rigs pas

'gog nus mi nus mi mtshungs so zhes pa'i don yin pa'i phyir ro/
/'jig rten gyi ngor byas zhes pa ni rang lugs min pa'i gzhan ngo
la zer ba ma yin gyi/ tha snyad pa'i shes pa gnod med rnams la
byed pa yin te/ kun rdzob pa'i don rnams

@441b yod par 'jog pa thams cad ni de'i ngor bzhag dgos pa'i
phyir dang/ dbu ma pa rang gi rgyud la yang tha snyad 'jog pa'i
tshad ma de rnams yod pa'i phyir ro/ /des na med kyang zhes pa ni
rang gi mtshan nyid kyis med pa la bya'o/ /rang gi mtshan nyid

kyis med kyang der yod do zhes bya ba dang/ med kyang yod do
zhes ni byar mi rung ste/ 'di ni rang gi tha snyad pa'i don
rnams kyi 'jog tshul yin la/ rang gi mtshan nyid kyis grub pa tha
snyad du'ang med pa'i phyir dang/ 'di'i 'grel par de'i shes byed

du 'jig rten na yod pa dang med par 'dod pa ni nga yang de ltar
'dod ces drangs pas na med par mi rung ba'i phyir ro/ /des na
don dam du med kyang tha snyad du yod do zhes mang du 'byung
ba
ltar yin pas/ med kyang yod do zhes pa don tha dad du

song ba la skyon ci yang med do/ /'o na rtsod zlog nas/ phyogs
dang dam bca' med par bshad pa'i don gang yin pa'ang bshad dgos
la/ myu gu rang gi ngo bos grub pa'i rang bzhin med do zhes dam
'cha' na ni/ rten 'brel yin pa'i phyir zhes

pa'i gtan tshigs dang/ dper na gzugs brnyan bzhin zhes pa'i dpe
yang 'dod dgos la/ de ltar phyogs chos dang khyab pa'i tshul
gnyis kyi gtan tshigs dang des bsgrub par bya ba'i bsgrub bya
dang de rtogs pa'i rjes dpag sbyor ba'i

ngag la brten nas phyi rgol la bskyed par 'dod na de'i tshe rang
rgyud kyi ming la sdang ba tsam du zad pas rang rgyud 'gog pa'i
ngal bas ci bya snyam na/ de la dam bca' dang phyogs med par
bshad pa'ang khyed cag gis drangs pa ltar yang yod la/

@442a @#/ /khas blangs bzhag dgos pa yang du ma zhig gsungs yod
pas de tsam zhig drangs nas phyogs med par bsgrub ga la nus/ 'on
kyang rang bzhin med pa'i dam bca' yod na rang rgyud par 'gyur
ro zhes pa'i

dogs pa skye ba ni shin tu bden pa zhig ste/ 'di ni ches shin tu
phra ba'i dka' gnas su snang ba'i phyir ro/ /de'i lan ni rang
lugs 'jog pa'i skabs su 'chad par 'gyur ro/ /de la rtsod zlog
las dam bca' med par gsungs pa

ni; dngos po rang bzhin med do zhes dbu ma pas smras pa la dngos
smra bas de ltar dam 'cha' ba'i tshig de la rang bzhin yod na
dngos po thams cad la rang bzhin med pa mi 'thad la/ rang bzhin
med na rang bzhin yod pa 'gog

mi nus so zhes brtsad pa las 'phros pa yin la/ rang bzhin med pa
la yang dgag sgrub kyi bya byed 'thad par sngar rtsod zlog rtsa
'grel drangs pa ltar yin no/ /des na dam bca' yod med ni spyir
yod med rtsod pa ma yin gyi/

dngos po thams cad la rang bzhin med do zhes dam bcas pa'i tshig
la rang bzhin yod med rtsod pa yin pas/ de 'dra ba'i dam bcas
pa'i tshig de la rang bzhin yod par khas blangs na dngos po thams
cad rang bzhin med par dam

bcas pa dang 'gal ba'i skyon nged la yod na'ang/ nged de ltar mi
'dod pas skyon de nga la med ces pa'i don yin pas dam bca' med
pa'i sgrub byed du mi rung ste/ rang bzhin med pa dang med pa
gnyis khyad par shin tu che ba'i phyir

@442b ro; ;gal te mngon sum la sogs pa'i/ /zhes sogs kyis mngon
sum la sogs pas 'ga' yang dmigs pa med par gsungs pa'ang/ sngar
tshig gsal gyi lung drangs pa ltar tshad ma dang gzhal bya la rang
gi ngo bos grub pa'i dmigs

bya dang dmigs byed med par ston pa yin gyi/ rten 'byung gi tshad
ma dang gzhal bya med par ston pa min no/ /de yang kho'i bsam pa
la dngos po'i rang gi mtshan nyid mngon sum gyis grub nas 'gog na
'thad na'ang/ dbu ma pas dngos po

thams cad rang bzhin gyis stong pa'o zhes smra ba na/ mngon sum
dang des yul 'jal ba yang dngos po'i nang du 'dus pas rang bzhin
gyis stong dgos la/ de lta na med pa yin pas des mi 'gog go
snyam du bsams pa yin te

gzhung de ni/ rtsod zlog las/ re zhig dngos po mngon sum gyis/
/dmigs nas zlog par byed yin na/ /gang gis dngos rnams dmigs
'gyur ba/ /mngon sum de ni med pa yin/ /zhes pa de'i lan yin la/
de'i 'grel par yang

gal te khyod kyis dngos po thams cad mngon sum gyis dmigs nas
dngos po thams cad stong pa'o/ /zhes zlog par byed na ni rung na
de yang 'thad pa ma yin te/ ci'i phyir zhe na dngos po thams cad
kyi nang du ni mngon sum gyi tshad ma'ang

'dus pa'i phyir stong pa yin la/ dngos po la dmigs par byed pa
gang yin pa de yang stong pa yin no/ /de'i phyir tshad mas dmigs
pa med do/ /mi dmigs na 'gog par yang mi 'thad pas/ de la dngos
po thams cad ni stong pa'o/ /zhes

@443a @#/ /smras pa gang yin pa de 'thad pa ma yin no/ /zhes
gsungs pa'i phyir ro/ /bzhi brgya pa las/ yod dang med dang yod
med ces/ /zhes sogs gsungs pa ni de'i 'grel pa las/ stong pa
nyid du smra

ba la yun ring pos kyang sun 'byin brjod mi nus par bstan la/
khyed ni stong pa nyid du'ang mi 'dod do zhes smra bas na/ 'dod
pa gang yang med pa'i khungs su ji ltar rung/ 'jug 'grel las/
gang gi phyir btags par yod par smra

ba rnams la gnyis su smra ba 'di mi rigs pa de nyid kyi phyir/
gnyis la brten nas sun 'byin pa dang lan smra bas dbu ma pa la
rnam pa thams cad du glags mi rnyed do/ /ji skad du/ 'phags pa
lhas/ yod dang med dang/ zhes sogs

rkang pa bzhi drangs so/ /de ltar rang gi ngo bos grub pa'i
rdzas yod khegs pa'i btags yod du 'dod pa rnams la dngos po yod
par smra ba rang gi ngo bos grub par 'dod pa dang/ dngos po med
par smra ba gzugs sogs kyi dngos po rnams

kyi don byed pa thams cad khegs par 'dod pa gnyis kyis sun mi
phyin pa'i shes byed du drangs pas na rang lugs med pa'i khungs
su mi rung la/ yod med la sogs pa'i phyogs kyang gnyis su smra
ba'i phyogs lta bu yin par

shin tu gsal bas sngar mu bzhi 'gog pa dang yod med du smra ba
sel tshul gyi skabs su bshad pa bzhin yin no/ /rigs pa drug cu pa
las gsungs pa ni lung de'i 'grel par/ gang gi tshe de ltar dngos
po med pas bdag dang

@443b gzhan gyi phyogs mi srid pa de'i tshe de ltar mthong ba
rnams kyi nyon mongs pa rnams nges par 'gag par 'gyur ro/ /zhes
phyogs med pa'i rgyu mtshan du dngos po med pa gsungs la/ de yang
rang gi mtshan nyid dam rang bzhin la dngos por

bzhag pa yin te/ don byed pa la byas na de med par mthong bas
nyon mongs 'gag par gsungs pa dang 'gal bas so/ /des na rang
bzhin gyis dngos po khas len pa'i phyogs med pa la phyogs med
par gsungs pa yin te/ lung de'i gong

du rigs pa drug cu pa'i 'grel pa las/ gang dag rten cing 'brel
par 'byung ba'i chos nyid 'di gting ma dpogs shing dngos po
rnams kyi rang gi mtshan nyid yongs su rtog par byed pa de dag la
dngos por khas len yod na ni/ nges

pa kho nar/ 'dod chags zhe sdang 'byung ba yi/ /lta ba mi bzad
ma rungs 'dzin/ /de las byung ba'i rtsod par 'gyur/ /zhes dngos
po la rang gi mtshan nyid sgro 'dogs pa la dngos por khas len du
gsungs pa'i phyir ro/ /des na lung

de dag gis dbu ma pa la rang lugs med par ston pa ma yin pas/
rtsod zlog dang bzhi brgya pa drangs nas phyogs gzhan khas
blangs pa med pa'i phyir ro/ /zhes tshig gsal las gsungs pa'i don
ni de ltar du shes par bya'o/ /dgag

bya ci yang med pas na/ /nga ni ci yang mi 'gog go/ /zhes gsungs
pa ni dgag bya la gnyis las/ rang bzhin yod par sgro 'dogs pa'i
yul gyi dgag bya la byas na/ de med pa rgyu mtshan du byas nas mi
'gog par gsungs pa mi

@444a @#/ /rigs pas/ yul can gyi dgag bya sgro 'dogs la bya'o/
/de'i 'grel par 'gog byed kyang yod pa ma yin par gsungs pas de
gnyis med pa ni rang gi mtshan nyid kyis grub pa'i dgag bya

dang 'gog byed med pa la de ltar yod par bzung nas 'dis 'di bkag
go/ /zhes khyod kyis skur pa btab bo zhes gsungs pa yin gyi/ de
gnyis sgyu ma lta bu mi bzhed pa ma yin te/ rtsod zlog las/
sprul pa yis

ni sprul pa dang/ /sgyu ma yi ni skyes bu yis/ /sgyu mas sgyu ma
'gog byed ltar/ /'gog pa 'di yang de bzhin 'gyur/ /zhes dang/
gal te 'dzin de rang bzhin yod/ /brten nas 'byung bar mi 'gyur
ro/ /'dzin pa gang zhig

brten nas 'byung/ /de nyid stong nyid ma yin nam/ /gal te 'dzin
pa rang bzhin yod/ /'dzin pa de la su yis bzlog  /lhag ma rnams
la'ang tshul de yin/ /de phyir klan ka de med do/ /zhes smig rgyu
la chur 'dzin pa la

rang bzhin yod na rang gi rgyu rkyen la brten nas 'byung ba mi
rung ba dang/ 'dzin pa de sus kyang bzlog tu mi rung bar gsungs
pa'i phyir ro/ /tshig gsal las/ rang la dam bca' ba med pa'i
phyir ro/ /zhes gsungs pa'ang rang lugs

med pa'i khungs ma yin te/ de ni rang rgyud kyi dam bca' med
pa'i don yin pa'i phyir ro/ /'jug pa las phyogs med par gsungs
pa ni/ rang lugs la sun dbyung bya dang 'byin byed gnyis ka rang
bzhin gyis ma grub par 'dod pas

@444b khyed rgyu 'bras rang bzhin gyis grub par 'dod pa la phrad
nas sam/ ma phrad par rgyus 'bras bu bskyed ces rigs pa'i brtag
pa byas nas/ bkag pa'i sun 'byin kho bo cag la mi 'jug ste/ rigs
pas brtag bzod du 'dod mi dgos

pa'i phyir ro zhes pa'i don yin gyi/ rang lugs med pa ni gtan ma
yin te/ lung de'i 'grel pa las/ kho bo cag gi phyogs la mtshungs
par thal bar mi 'gyur te/ gang gi phyir kho bo cag gi phyogs la
ni sun 'byin pas sun

dbyung bar bya ba phrad nas kyang sun 'byin par mi byed pa nyid
la sun 'byin pas sun dbyung bar bya ba ma phrad par yang sun
'byin par mi byed de/ sun dbyung ba dang sun 'byin pa gnyis ka
rang bzhin gyis ma grub pa'i phyir ro/ /de'i phyir phrad

pa dang ma phrad pa'i bsam pa mi byed do/ /zhes dngos smra bas
bkod pa'i rigs pa'i brtag pa mi 'jug pa'i rgyu mtshan du rang
bzhin gyis ma grub pa bkod kyi/ khas len med pa ma bkod pa'i
phyir dang/ de'i shes byed du yum gyi mdo

drangs pa las/ shA ri'i bus rab 'byor la skyes pa dang ma skyes
pa'i chos gang gis ma skyes pa'i chos thob pa 'thob ces dpyad
nas dris pa na/ de gnyis kas 'thob pa bkag pa na/ shA ri'i bus
'o na thob pa dang rtogs pa med dam

zhes dris pa na/ sngar drangs pa ltar de gnyis yod mod kyi gnyis
kyi tshul gyis ni ma yin no/ /de yang tha snyad du yin gyi don
dam par med do zhes gsungs pa dper mdzad nas de ltar khas blang
bar gsungs te/ 'jug 'grel las/ 'dis

@445a @#/ /ji ltar gnyis su thal bar 'gyur ba'i phyir skyes pa'am
ma skyes pa'i chos kyis thob pa 'thob par bkag cing/ gnyis kyang
dngos po med pa la mi rigs pa'i phyir ma brtags par 'jig rten
gyi tha snyad du thob par

khas blangs pa de bzhin du sun dbyung bar bya ba dang sun 'byin
pa dag kyang phrad pa'am ma phrad par ma yin mod kyi/ 'on kyang
tha snyad du sun 'byin pas sun dbyung ba sun 'byin par byed do
zhes shes par bya'o/ /zhes phrad ma phrad kyi

rigs pa'i brtag pa byas na de gnyis gang la yang sun 'byin pa
med kyang des sun 'byin pa yod pa mi khegs pas tha snyad du
gzhan phyogs sun 'byin pa khas blang dgos par gsal bar gsungs
pa'i phyir ro/ /der ma zad gtan

tshigs kyis bsgrub bya 'grub pa'ang bzhed pa yin te/ sngar drangs
pa'i de ma thag tu gzhan yang/ ji ltar khyod kyis nyi ma'i dkyil
'khor la yod khyad par rnams/ /gzugs brnyan la yang gzas bzung
la sogs rnams tshe

mthong 'gyur la/ /nyi ma dang ni gzugs brnyan rnam par phrad
dang ma phrad par/ /mi rigs mod kyi brten nas tha snyad tsam
zhig 'byung 'gyur zhing/ /mi bden bzhin du'ang rang gi byad
bzhin mdzes par bsgrub bya'i phyir/ /de ni yod

pa ji ltar de bzhin 'dir yang shes rab gdong/ /sbyang bar bya la
nus pa mthong bar gyur pa'i gtan tshigs ni/ /'thad pa dang bral
las kyang bsgrub bya rtogs zhes shes par bya/ /ji ltar gzugs
brnyan zhes bya ba cung zad cig yod pa ma

@445b yin pa'i phyir na nyi ma'i dkyil 'khor dang phrad pa'am ma
phrad par skye zhes bya ba'i rtog pa rnam pa thams cad du mi
srid mod kyi/ 'on kyang rkyen gzugs nye ba las gzugs brnyan du
dmigs pa na rtogs par 'dod pa'i don nges par byed pa de

bzhin du rang bzhin gyis stong pa'i sun 'byin pas sun dbyung bya
sun 'byin pa dang/ rang bzhin gyis stong zhing 'thad pa dang
bral ba'i gtan tshigs kyis bsgrub par bya ba bsgrub pa yin la/
gnyis su thal bar yang mi 'gyur bas rang gi tshig la'ang

thal ba mtshungs par mi rigs so zhes shes par bya'o/ /zhes rang
la phar bkag pa'i rigs pa'i mgo bsgre mi 'jug pa'i lan de ltar
gsungs kyi/ rang lugs med do zhes ma gsungs so/ /gzhan yang rgyu
'bras rang bzhin gyis grub

par 'dod pa la rgyus phrad nas sam/ ma phrad par 'bras bu bskyed
ces brtag pa byas nas bkag pa'i skyon rang la mi 'jug pa yang
rang bzhin med par 'dod pa rgyu mtshan du byas nas spong ba yin
gyi/ rang lugs med ces byas nas spong

ba min te/ 'jug 'grel las/ khyod kyis ji ltar zhe na/ gang phyir
'di dag gnyis char yang ni sgyu ma dang 'dra de yi phyir/ /bdag
la skyon du mi 'gyur 'jig rten pa yi dngos po rnams kyang yod/
/gang gi ltar na rang gi mtshan nyid bskyed

par bya ba nyid dang skyed par byed pa nyid yin pa de la rnam
par dpyad par 'gyur gyi/ gang gi ltar na dngos po rnams log par
kun brtags pas bskyed pa nyid kyis sgyu ma ltar ma skyes pa'i
rang bzhin yin zhing rang bzhin med kyang rab rib

@446a @#/ /can gyis dmigs pa'i skra shad la sogs pa ltar rnam par
rtog pa'i yul du 'gyur ba de la ni bsam du med pa nyid de/ de'i
phyir bdag la ji skad bshad pa'i skyon gyi skabs yod pa ma yin
zhing 'jig

rten pa'i dngos po ma brtags par grub pa rnams kyang yod pa yin
pas thams cad 'grub bo/ /zhes gzhan la skyon 'jug pa'i rgyu
mtshan du rang mtshan khas blangs pa bkod cing rang la skyon de
med pa'i rgyu mtshan du sgyu ma lta bur 'dod pa

gsungs pas/ de ltar shes nas dbu ma'i lugs skyon dang bral ba
'jog shes par gyis shig /spyir nges don gyi gsung rab dang dbu
ma'i bstan bcos rnams nas 'di ni 'di ltar yin la 'di ni 'di ltar
min no 'di dang 'di med do

'di dang 'di yod do zhes mtha' yas pa zhig gsungs pas/ de dag
rtsom pa po de dag gi bzhed pa yin pa la dmigs bsal can gyi lung
drangs nas bsgrub ga la dgos/ de lta ma yin na 'di ltar 'dod do
khas len no zhes ma

gsungs pa'i gzhung de dag gi skabs su de dag gi don rnam par
'chad pa na 'di ni rtsom pa po de'i lugs sam de'i bzhed pa'o/
/'di ni de ltar min no zhes rnam par dbye mi nus par 'gyur ba'i
phyir ro/ /gal te 'dod ces pa dang khas

blangs zhes pa dang dam bca' ba zhes pa'i tshig khyad par ba dgos
na'ang mang du gsungs te/ rtsod zlog las/ tha snyad khas ni ma
blangs par/ /nged cag 'chad par mi byed do/ /zhes dang/ rigs pa
drug cu pa las kyang/ dngos po byung

@446b ba zhig pa la/ /ji ltar 'gog par btags pa ltar/ /de bzhin
dam pa rnams kyis kyang/ /sgyu ma byas lta'i 'gog pa bzhed/ /ces
dang/ gang dag brten nas dngos po rnams/ /chu yi zla ba lta bur
ni/ /yang dag ma yin log min par/ /'dod pa

de dag ltas mi 'phrog /ces dang/ 'jig rten las 'das par bstod pa
las kyang/ gang dag rgyu las byung ba rnams/ /de med par ni yod
min pas/ /gzugs brnyan nyid dang mtshungs pa ru/ /gsal bar ci yi
phyir mi 'dod/ /ces

dang; tshor bya med par de med pas/ /tshor ba nyid ni bdag med pa/
/tshor ba de yang rang bzhin gyis/ /yod pa min par khyod kyis
bzhed/ /ces dang/ byed pa po dang las nyid kyang/ /tha snyad du
ni khyod kyis bstan/ /phan tshun ltos pa can

nyid du/ /grub par khyod kyis bzhed pa lags/ /zhes dang/ re zhig
zhig pa'i rgyu las kyang/ /'bras bu 'byung bar mi rigs la/ /ma
zhig las min rmi lam dang/ /'dra ba'i skye ba khyod nyid bzhed/
/ces dang/ rten cing 'brel par

gang 'byung ba/ /de nyid khyod ni stong par bzhed/ /ces gsungs
so/ /'jug 'grel las kyang/ mkhas pa dag gis phyogs 'di ni skyon
med cing phan yon dang bcas pa'o snyam du bsams te gdon mi za
bar khas blang bar bya'o/ /zhes

dang; de'i phyir rten cing 'brel par 'byung ba rkyen nyid 'di pa
tsam khas blangs pa ltar brten nas btags pa khas blangs pa'i
phyir kho bo cag gi phyogs la tha snyad thams cad chad par thal
bar mi 'gyur la/ pha rol pos kyang 'di nyid khas

@447a @#/ /blang bar 'os pa yin no/ /zhes nges par khas blang
dgos par gsungs shing de 'dra ba gzhan yang mang ngo/ /yang 'jug
'grel las/ dam bca' ba bzhi po de rjes su brjod nas de rigs pas
bsgrub

pa'i phyir bshad pa/ de nyid de las 'byung min gzhan dag las lta
ga la zhig /gnyis ka las kyang ma yin rgyu med par ni ga la yod/
/ces dam bca' bzhi bshad la/ tshig gsal las kyang de dang 'dra
bar gsungs pas na/ mgon

po klu sgrub dang zla ba grags pa'i lugs la rang 'dod dang khas
len dang dam bca' ni yod pa yin no/ /lugs bzhi pa dgag pa ni/
'dis ni tha snyad du rang gi mtshan nyid yod kyang rang mtshan
rigs pas dpyad bzod tha snyad du 'gog par snang

ba mi legs pa ni sngar bshad zin la/ dbu ma pas phyi rgol dngos
por smra ba la gzhan don rjes dpag gis bsgrubs pa'i gnyis ka'i
lugs la grub pa'i tshul gsum pa'i rtags slob dpon zla ba grags
pa'i lugs su 'dod pa ni

rigs pa ma yin te/ de 'dra ba de la tshig gsal nas dmigs kyis
phye ba'i dgag pa mdzad pa'i phyir dang/ de 'dra de 'dod na de
la dngos po stobs zhugs kyi rtags kyi tha snyad mi sbyor du chug
kyang rang rgyud kyi rtags yin pa bzlog

tu med pa'i phyir ro/ /'di dag ni da dung yang 'chad par 'gyur
bas 'dir de tsam las mi spro'o/ /gnyis pa rang gi lugs bzhag pa
ni/ thal 'gyur bas rang rgyud pa'i lugs sun phyung nas rang gi
lugs bzhag pa nyid brjod na gnyis

@447b ka rtogs par 'gyur bas de brjod par bya'o/ /'di la tshig
gsal las mang du gsungs kyang tshig mangs pas 'jigs nas 'dir ni
gtso bo rnams ston pa yin pas de la gnyis/ rang rgyud sun dbyung
ba dngos dang/ de rang la mi mtshungs pa'i

tshul lo/ /dang po la gnyis/ gzhi chos can ma grub pa'i phyogs
kyi skyon bstan pa dang/ skyon des gtan tshigs kyang ma grub par
bstan pa'o/ /dang po la gnyis/ 'dod pa brjod pa dang/ de dgag
pa'o/ /dang po ni/ skabs 'di

rnams tshig gsal las gsungs pa rnams kyi nang nas kyang shin tu
rtogs dka' bar snang bas tshig gsal gyi tshig drangs te bshad na/
ji skad du/ ci ste ji ltar sgra mi rtag ces bya ba la chos dang
chos can gnyis spyi nyid bzung ba yin gyi

khyad par ni ma yin te/ khyad par 'dzin na ni rjes su dpag pa
dang rjes su dpag par bya ba'i tha snyad med par 'gyur ro/ /'di
ltar gal te 'byung ba chen po bzhi las gyur pa'i sgra 'dzin na
ni de pha rol po la ma grub bo/ /'on te nam

mkha'i yon tan 'dzin na ni de rang nyid sangs rgyas pa la ma
grub pa yin no/ /de bzhin du bye brag pa sgra mi rtag par dam
'cha' ba na'ang byas pa'i sgra 'dzin na de gzhan la ma grub bo/
/'on te mngon par gsal bar bya ba yin na ni de rang la ma grub

pa yin no/ /de bzhin du ci rigs par 'jig pa'ang gal te rgyu dang
bcas pa yin na ni de sangs rgyas pa rang la ma grub pa yin la/
'on te rgyu med pa yin na ni de pha rol po la ma grub pa yin no/
/de'i phyir ji ltar 'dir chos dang chos can spyi tsam zhig

@448a @#/ /'dzin pa de bzhin du 'dir yang khyad par dor ba'i chos
can tsam zhig 'dzin par 'gyur ro zhe na/ zhes pa'o/ /'di'i don
ni sangs rgyas pas bye brag pa la sgra mi rtag ces dam 'cha' ba
na 'byung 'gyur gyi sgra zhes

chos can du bzung na bye brag pa la mi 'grub la/ nam mkha'i yon
tan gyi sgra zhes chos can du byas na rang la mi 'grub bo/ /de
bzhin du bye brag pas kyang gsal byed pa la sgra mi rtag par dam
'cha' ba na byas pa'i sgra zhes chos can du bzung

na gsal byed pa la mi 'grub la/ sngar yod rkyen gyis gsal bar
byed pa'i sgra zhes chos can du bzung na rang la mi 'grub bo/
/des na so so'i 'dod pa thun mong min pa chos can du bzung du mi
rung ste/ chos can ni rgol ba gnyis kas khyad par

gyi chos dpyod pa'i gzhi yin pas gnyis ka'i mthun snang du grub
pa zhig dgos pa'i phyir ro/ /ji ltar chos can mthun snang du
grub pa dgos pa de bzhin du chos mi rtag pa'ang khyad par du ma
byas pa'i spyi tsam zhig gnyis kas grub dgos

te; de yang dper gang bkod pa la mthun snang du grub pa zhig
bsgrub bya grub pa'i sngon du dgos pa yin no/ /dpe de bzhin du
dbu ma pas mig la sogs pa nang gi skye mched dam gzugs la sogs
pa phyi'i skye mched rnams bdag

las skye ba med par gzhan sde la sgrub pa dang/ gzhan las skye
ba med par rang sde dngos por smra ba la sgrub pa na bden pa'i
mig la sogs pa zhes chos can du bzung na rang la mi 'grub la/
brdzun pa'i mig la sogs pa zhes

@448b chos can du bzung na pha rol po la mi 'grub pas khyad par
de 'dra ba dor te/ mig dang gzugs tsam zhig chos can du 'jog ste
dbu ma pa dang dngos por smra ba gnyis kyis bdag las skye ba yod
med la sogs pa'i khyad par gyi chos dpyod pa'i

gzhi yin pas gnyis ka'i mthun snang du grub dgos pa'i phyir ro
snyam du bsams pa'o/ /mthun snang du grub pa'i don yang phyi
rgol la tshad ma ji 'dra ba zhig gis grub pa'i tshad ma de 'dra ba
zhig gis snga rgol la'ang grub pa'o/ /gnyis pa de dgag

pa la gnyis/ don mi 'thad pa dang/ dpe bkod pa dang mi 'dra
ba'o/ /dang po ni/ tshig gsal las/ de ni de ltar ma yin te 'di
ltar gang gi tshe 'dir skye ba bkag pa bsgrub par bya ba'i chos
su 'dod pa de'i tshe de kho nar de'i rten chos can phyin ci

log tsam gyis bdag gi dngos po rnyed pa ni nyams par gyur par
'dis rang nyid kyis khas blangs pa nyid do/ /phyin ci log dang
phyin ci ma log pa dag ni tha dad pa yin no/ /de'i phyir gang gi
tshe rab rib can gyis skra shad la sogs pa ltar phyin ci

log gis yod pa ma yin pa yod pa nyid du 'dzin pa de'i tshe ni yod
par gyur pa'i don cha tsam yang dmigs par ga la 'gyur/ gang gi
tshe rab rib can ma yin pas skra shad la sogs pa ltar phyin ci ma
log pas yang dag pa ma yin pa

sgro mi 'dogs pa de'i tshe na'ang gang gis na de kun rdzob tu
'gyur ba yod pa ma yin par gyur pa'i don cha tsam yang dmigs pa
ga la yod/ de nyid kyi phyir slob dpon gyi zhal snga nas kyis/
gal te mngon sum la sogs pa'i/ /don gyis

@449a @#/ /'ga' zhig dmigs na ni/ /bsgrub pa'am bzlog par bya na
de/ /med phyir nga la klan ka med/ /ces gsungs so/ /gang gi
phyir de ltar phyin ci log pa dang phyin ci ma log pa dag tha
dad pa de'i phyir phyin ci ma

log pa'i gnas skabs na phyin ci log yod pa ma yin pa'i phyir na/
gang zhig chos can nyid du 'gyur ba'i mig kun rdzob pa ga la
yod/ de'i phyir gzhi ma grub pa'i phyogs kyi skyon dang gzhi ma
grub pa'i gtan tshigs kyi skyon ldog pa med pas 'di

lan ma yin pa nyid do/ /zhes pa'o/ /'di ni gzugs kyi skye mched
ni bdag las skye ba med de/ yod pa'i phyir/ mdun na gsal ba'i
bum pa bzhin no/ /zhes pa'i sbyor ba la mtshon na rtogs sla bas
de'i steng nas bshad par bya'o/ /lan gyi

gzhung de dag gis ni chos can mthun snang du mi 'grub lugs ston
la/ de yang ji ltar yin snyam na/ 'dir phyi rgol gang dang mthun
snang du grub pa'i chos can mi 'grub pa'i mi 'grub lugs ston
pa'i phyi rgol de ni tshig gsal las gsungs pa'i

skabs 'dir ni bdag skye 'gog pa'i phyi rgol yin yod kyang/ spyir
ni dngos po rnams la don dam par rang bzhin yod par 'dod pa'i
dngos por smra ba dang tha snyad du de dag la rang gi mtshan nyid
kyis grub pa'i rang bzhin yod par 'dod pa'i

rang rgyud pa gnyis ka yin no/ /dbu ma rang rgyud pa la'ang ngo
bo nyid med par smra ba zhes zer mod kyang 'dir ni tshig tshogs
bskyung ba'i phyir du rang bzhin med par smra ba zhes pa ni thal
'gyur ba la go bar bya la/ rang bzhin yod par smra

@449b ba zhes pa ni dngos por smra ba dang rang rgyud pa gnyis
ka la go bar bya'o/ /gzugs kyi skye mched chos can du bzhag pa
de 'grub lugs ni de 'dzin pa'i mig gi shes pa'i mngon sum tshad
mas 'grub dgos la/ de yang ma 'khrul bar de dag gis

ma grub na don bsgrub pa'i mngon sum du mi rung bas ma 'khrul ba
dgos so/ /rtog med ma 'khrul bar 'grub pa ni de dag gi lugs la
gang la ma 'khrul bar song sa de'i rang gi mtshan nyid kyis grub
pa de snang zhing snang ba ltar yod pa la nges

par ltos so/ /de ltar na phyi rgol la tshad ma ji 'dra ba zhig
gis chos can grub pa'i tshad ma de ni snga rgol la mi rung ste/
chos gang la'ang rang gi mtshan nyid kyis grub pa'i ngo bo tha
snyad du'ang med pas de sgrub byed kyi tshad ma med pa'i phyir ro
snyam du

slob dpon 'dis dgongs nas rang rgyud 'gog pa yin no/ /de yang
pha rol po la dngos po rnams rang bzhin med par rtogs pa'i lta
ba gsar du bskyed pa'i yan lag tu rang rgyud dgos pa 'gog pa'i
tshul 'chad pa yin gyi/ dbu ma thal

'gyur ba nang phan tshun du ji snyed pa'i don 'ga' zhig rtogs
pa'i rjes dpag bskyed pa'i yan lag tu rang rgyud dgos mi dgos
kyi dpyad pa ni re zhig bzhag go/ /de gzhung dang sbyar nas
bshad na/ gang gi tshe zhes pa nas khas blangs pa nyid

do zhes pa'i don ni bsgrub bya'i chos kyi rten chos can mig gam
gzugs la sogs pa ni de kho nar nyams par gyur pa ste ma grub par
legs ldan 'byed 'dis rang nyid kyis khas blangs pa yin no/ /chos
can ji 'dra ba snyam na ma rig

@450a @#/ /pas bslad pa'i phyin ci log tsam gyis bdag gi dngos po
rnyed pa ste/ mig gi shes pa la sogs pa'i tha snyad pa'i shes pa
tsam gyis grub pa'i don no/ /khas blangs lugs ni don dam par
skye ba bkag pa de chos

can de dag la bsgrub bya'i chos su brten pa de'i tshe ste/ de'i
phyir te de kho nar grub na de brten pa 'gal ba'i phyir ro/ /'o
na de ltar khas len mod des cir 'gyur snyam na/ de kho nar ma
grub cing de kho na nyid kyi don yang ma yin pa'i gzugs

la sogs pa de dag ni ma 'khrul ba'i shes pas rnyed pa'i don du
mi rung bas yul can brdzun pa 'dzin pa'i tha snyad pa'i shes pas
rnyed pa yin pas de dag kyang ma rig pas bslad pa'i 'khrul pa
yin no/ /des na ma 'khrul bas rnyed

pa'i don 'khrul shes la mi snang la/ 'khrul shes la snang ba'i
don ma 'khrul ba'i shes pas rnyed pa ma yin te/ phyin ci log
'khrul shes dang phyin ci ma log pa ma 'khrul ba'i shes pa gnyis
rang rang gi yul phan tshun

spangs pa'i sgo nas yul la 'jug pa'i tha dad pa yin pa'i phyir
ro/ /zhes pa ni phyin ci log dang phyin ci ma log pa dag ni tha
dad pa nyid do zhes gsungs pa'i don no/ /de nyid 'chad pa ni/
gang gi tshe zhes pa nas dmigs pa ga la yod

ces pa'i bar ro/ /de la phyin ci log ces pa ni mig la sogs pa'i
shes pa tha snyad pa ma rig pas bslad pa rnams so/ /de dag gis
yod pa ma yin pa yod pa nyid du 'dzin pa zhes pa ni/ gzugs sgra
sogs la rang gi ngo bo nyid kyis

@450b grub pa'i mtshan nyid med bzhin du dbang po'i shes pas yod
par bzung ba ste/ rtog med kyi shes pas bzung ba ni snang ba
tsam la bya dgos pas rang gi mtshan nyid du gzugs sogs snang
ba'o/ /de'i tshe ni yod par gyur pa'i don cha tsam

yang dmigs par ga la 'gyur/ zhes pa ni de ltar rang mtshan med
bzhin du snang ba'i phyir na shes pa de dag gis rang gi mtshan
nyid kyis yod pa'i don phra mo yang 'grub par ga la 'gyur zhes
pa'i don no/ /rang gi mtshan nyid

kyis grub pa'i don med bzhin du snang ba'i dpe ni/ skra shad la
sogs pa ltar zhes pa'o/ /de dag gis ni gzugs sgra sogs snang
ba'i dbang shes rnams 'khrul pa yin pas don rang gi mtshan nyid
sgrub byed du mi rung bar gsungs so/ /ma

'khrul ba'i shes pas ni gzugs sgra sogs 'ga' yang mi 'dzin no
zhes ston pa ni/ gang gi tshe rab rib can ma yin pas zhes sogs
so/ /de la phyin ci ma log pa ni ma 'khrul ba'i shes pa'o/ /de
ni de kho na nyid mngon sum du

mdzad pa la yod kyi gzhan la med do/ /des yang dag pa ma yin pa
sgro mi 'dogs pa ni de kho na nyid kyi don du mi rung ba'i gzugs
sgra sogs sgro mi 'dogs pa ste yod par mi 'dzin pa'o/ /dper na/
rab rib dang bral ba'i

mig shes kyis skra shad 'dzag pa'i snang ba ma dmigs pa ltar ro/
/kun rdzob tu 'gyur ba ni gzugs sgra sogs brdzun pa'i don no/
/yod pa ma yin pa ni rang gi mtshan nyid kyis ma grub pa'o/ /de
'dra ba de ma 'khrul ba'i shes pa de kho na

@451a @#/ /nyid kyi yul can des cha tsam yang mi 'grub ste/ de
dag des ma gzigs pa'i phyir ro zhes pa'i don no/ /don de dag la
mgon po klu sgrub kyi gzhung gi shes byed bkod pa ni/ gal te
zhes sogs te/

'dis mngon sum la sogs pa'i tshad ma bzhis rang gi mtshan nyid
kyis grub pa'i don 'ga' yang ma grub par gsungs pa 'dir khungs
su mdzad pa yin no/ /gang gi phyir de ltar zhes sogs ni sngar
bshad pa'i don sdud pa yin la/ gang

zhig chos can nyid du 'gyur ba'i mig kun rdzob pa ga la yod ces
pa ni kun rdzob pa'i mig la sogs pa'i chos can med par ston pa
min gyi/ sngar bshad pa ltar rang gi mtshan nyid kyis grub pa'am
mngon sum ma 'khrul bas grub

pa'i gzugs chos can du tha snyad du'ang ma grub ces pa'i don no/
/de'i phyir zhes sogs kyi don ni rang gi ngo bos grub pa'i rang
bzhin med par smra ba dang dngos por smra ba gnyis la gzugs kyi
skye mched chos can du bzhag pa'i tshe ma

'khrul pa'i mngon sum mthun snang du ma grub pas/ gnyis ka'i
lugs la mthun snang du grub pa'i chos can sgrub byed kyi tshad ma
med pas rang rgyud rtags kyis phyi rgol la bsgrub par bya ba'i
phyogs skyon med bzhag tu med ces pa'i

don no/ /gal te tha snyad du yang rang gi ngo bos grub pa'i rang
bzhin med pa'i phyogs la de ltar yin mod kyang/ kho bo chag ni
tha snyad du de ltar mi 'dod pas rang rgyud kyi chos can la sogs
pa yod pa'i phyir phyogs skyon med yod do

@451b snyam na/ tha snyad du de 'dra ba'i rang bzhin yod pa mi
'thad pa ni sngar yang bshad cing da dung yang 'chad pas lan de
ni rigs pa ma yin no/ /gnyis pa dbe bkod pa dang mi 'dra ba ni/
tshig gsal las/ dpe la yang 'dra ba yod pa ma

yin no/ /der ni sgra'i spyi dang mi rtag pa nyid kyi spyi khyad
par brjod par mi 'dod pa gnyis ka la yang yod na/ de bzhin du
mig gi spyi ni stong pa nyid dang stong pa nyid ma yin par smra
ba dag gis kun rdzob tu yang khas ma blangs la/ don dam

par yang ma yin pas dpe la 'dra ba yod pa ma yin no/ /zhes
pa'o/ /'di'i don ni 'byung gyur dang nam mkha'i yon tan gnyis
dang byas pa dang sngar yod rkyen gyis gsal bar byed pa gnyis
gang yang min pa'i sgra dang rgyu la ltos mi

ltos gang yang min pa'i mi rtag pa spyi tsam pa zhig yod la/
bden rdzun gang yang min pa'i mig la sogs pa med ces ston pa min
te/ de ni rgol ba de dag gis mi 'dod pa'i phyir dang de lta na
dpe don de gnyis mi mtshungs par sus

kyang bsgrub par mi nus pa'i phyir ro/ /'o na gang yin snyam na
'byung gyur gyi sgra zhes pa'am nam mkha'i yon tan gyi sgra zhes
pa'i khyad par gang rung gis khyad par du ma byas par sgra yod
par nges pa ni rgol ba gnyis po de dag gi lugs la

byar yod la/ rang bzhin gyis stong par smra ba dang rang bzhin
gyis mi stong par smra ba gnyis kyi lugs la ma 'khrul ba'i shes
pas grub pa'ang ma yin/ 'khrul ba'i shes pas grub pa'ang ma yin
pa'i tshad mas grub pa'i mig gam

@452a @#/ /gzugs kyi spyi med cing/ 'khrul ba'i shes pas grub pa
ni phyi rgol la ma grub la/ ma 'khrul ba'i shes pas rnyed pa ni
snga rgol gyi tshad mas mi 'grub pas dpe dang 'dra ba yod pa ma
yin no zhes

pa'i don no/ /ma 'khrul ba ni spyir ni don dam bden pa mngon sum
du 'jal ba'i mnyam gzhag yin mod kyang/ 'dir ni snang yul rang
mtshan la ma 'khrul ba'i mngon sum tshad ma dang zhen yul rang
mtshan la ma 'khrul ba'i rjes

dpag tshad ma gnyis ka la bya dgos la/ chos can dang rtags kyi
tshul gsum bsgrub pa'i tshad ma de 'dra ba gtan med pas ma 'khrul
ba'i shes pas rnyed pa'i don chos can du mi rung ba'o/ /'dir
rang gi mtshan nyid ces pa ni rtog ge pa

dag 'dod pa ltar don byed pa kho na la byed pa min gyi/ dngos
po'am dngos med gang la rang rang gi rang bzhin khas len pa'i
rang bzhin sngar bshad pa lta bu la byed pas/ rang bzhin yod par
smra ba rnams kyis ni dngos med 'jal ba'i

rjes dpag kyang de 'dra ba'i rang bzhin gyi zhen yul la ma
'khrul bar 'dod pa yin no/ /de lta bu'i rang bzhin la ma 'khrul
ba'i shes pa yin na snang yul dang zhen yul gang la ma 'khrul ba
yin kyang de kho na'i don la ma 'khrul bar 'gro

bas rang gi lugs kyi tshad ma de 'dras chos can la sogs pa ma
grub par 'dod kyi/ rgol ba gnyis ka'i rgyud la mig dang gzugs la
sogs pa 'jal ba'i tha snyad pa'i tshad ma med par 'dod pa min no/
/phyi rgol gyi rgyud kyi'ang dbang

@452b po'i shes pa sngar bshad pa lta bu'i gnod med kyis drangs
pa'i gzugs la sogs pa yod tsam du nges pa'i nges shes kyi yul la
ni rigs pa'i gnod pa med de/ de yang zhib tu bshad na myu gu yod
par 'dzin pa lta bu la 'dzin tshul gsum

ste; myu gu la rang gi ngo bos grub pa'i rang bzhin yod par
'dzin pa bden par yod par 'dzin pa dang/ myu gu rang gi ngo bos
grub pa med kyang sgyu ma ltar du yod par 'dzin pa brdzun par
yod par 'dzin pa dang/ bden brdzun de dag gang gis

kyang khyad par du ma byas par spyir yod pa tsam zhig tu 'dzin
pa'o/ /myu gu rtag mi rtag la sogs pa'i tshul du yod par 'dzin
pa'ang yod mod kyi/ 'di gsum gang yang rung ba zhig gi 'dzin
tshul med par 'dzin pa med pas de dag 'dir

bshad mi dgos so/ /de la dngos po rang bzhin med par rtogs pa'i
lta ba rgyud la ma skyes pa'i sems can rnams la ni yod tsam du
'dzin pa dang bden par yod par 'dzin pa gnyis yod kyi/ rang gi
ngo bos med pa'i sgyu ma lta bur yod par

'dzin pa mi 'byung ngo/ /chos rnams sgyu ma lta bu'i lta ba ma
rnyed gong gi sems can rnams kyi rtog pas yod par gang bzung
thams cad bden 'dzin du byed pa rnams thams cad du mi rung ba
ni/ sngar tha snyad pa'i tshad ma bshad pa'i skabs dang

rang bzhin yod med dang yod med bzhi khyad phye ba'i skabs su
mang du bshad zin to/ /de lta ma yin par rang bzhin med pa'i lta
ba ma go ba'i gong gi rtog pas tha snyad gang byed thams cad
bden 'dzin yin na/ 'jig rten pa'i tha snyad rang

@453a @#/ /dga' ba sngar bshad pa'i 'khrul rgyus ma bslad pas
rnam par bzhag pa'i don tha snyad du dbu ma pas 'dod dgos pa
thams cad la rigs pa'i gnod pa 'bab pas/ dbang phyug dang yod
med khyad

par med par song nas phyin ci log gi lta bas dbu ma'i don rtogs
pa'i gegs chen por 'gyur ba'i phyir ro/ /'di 'dra ba'i sgo nas
stong pa nyid log par go ba'i rtags su sngar rtog pas bya dgos
pa'i dge sbyor spyod phyogs

mang du byed pa rnams phyis lta ba rnyed pa'i lugs su byas pa
na/ snga ma thams cad mtshan mar 'dzin pa 'khor bar 'ching byed
du mthong nas dge sbyor de dag ni 'di 'dra ba'i nges don gyi lta
ba ma rnyed pa rnams la gsungs pa'o snyam

pa'i go ba skyes nas rtog pa thams cad la skyon du blta ba'i log
rtog gis chos mang du spong ba rgya'i mkhan po ltar gyur pa mang
du snang ngo/ /de la rang bzhin med pa'i lta ba ma rnyed gong du
gang zag de dag gis yod pa tsam dang rang gi

mtshan nyid kyis grub pa'i yod pa gnyis so sor phyed pa mi srid
de/ yod pa gang yin la sngar bzhi brgya pa'i 'grel pa drangs pa
ltar rang gi ngo bos grub pa'i yod pas khyab par 'dzin pa'i
phyir ro/ /de'i gnad kyis rang bzhin

med pa la'ang med pas khyab par bzung nas rang bzhin gyis stong
pa la rgyu 'bras bzhag tu mi rung ngo zhes mang du rgol ba yin
no/ /rang bzhin med rtogs kyi lta ba rgyud la skyes pa'i rgyud
la ni yod par 'dzin tshul gsum ga

@453b 'byung ste/ 'on kyang lta ba de skyes nas ji srid de'i 'du
byed ma nyams pa de srid du rigs pas rnam par dpyad nas rang gi
ngo bos grub ma grub bsams pa'i tshe/ rang gi ngo bos grub pa
khas len pa'i bden 'dzin re zhig mi skye ba yin gyi/ de la

lhan skyes kyi bden 'dzin mi skye ba min no/ /des na rang gi ngo
bos grub pa'i rang bzhin med rtogs kyi lta ba skyes nas ma nyams
pa'i rgyud kyi myu gu yod 'dzin thams cad kyang sgyu ma lta bur
yod par 'dzin pa ma yin te/ de ltar ma yin na de

dag la bden par yod par 'dzin pa mngon gyur pa skye mi srid par
thal ba'i phyir ro/ /slob dpon legs ldan 'byed la sogs pa chos
rnams la rang gi ngo bos grub pa'i rang gi mtshan nyid tha snyad
du bzhed pa'i dbu ma pa rnams/ rang

rgyud kyi rtags rang gi lugs la zhal gyis bzhes pa'i rgyu mtshan
yang tha snyad du rang gi ngo bos grub pa'i rang mtshan yod pa
'di yin pas rang rgyud kyi rtags rang lugs la 'jog mi 'jog ni
dgag bya shin tu phra ba 'di la thug pa

yin no/ /des na khong rnam pa'i lugs la rang gi ngo bos grub
pa'i rang bzhin snang ba'i dbang shes gnod med rnams kyang tha
snyad du snang yul la ma 'khrul la/ de lta bu'i rang bzhin myu
gu sogs la yod par 'dzin pa'i rtog pa'ang

zhen yul la ma 'khrul ba yin te/ de lta ma yin par de dag 'khrul
par bzhed na dngos por smra ba rnams dang gnyis ka'i lugs la
mthun snang du grub pa'i tshad ma gang yod/ zla ba grags pa bzhed
pa ltar rang mtshan snang ba ltar

@454a @#/ /gyi rang bzhin med kyang der snang ba'i dbang shes
rnams kyis dngos por smra ba la bsgrub na ni/ chos can nam grub
pa na rang bzhin med pa grub zin pas rang rgyud rtags kyis ci
zhig byed/ 'on te pha rol

po rang la grub bas chog pa yin gyi/ dbu ma pa dang gnyis ka la
mthun snang du grub mi dgos so snyam na/ de ni rang yang mi 'dod
cing rigs pa'ang ma yin te/ de lta na bsgrub pa'i rtags sbyor
thams cad gzhan grags tsam du 'gyur

bas thal ba pa'i rjes su zhugs pa yin pa'i phyir ro/ /slob dpon
zhi ba 'tshol sogs pa phyi rol gyi don tha snyad du med par bzhed
pa rnams kyang sngon po la sogs pa rnam bden pa 'dod pa ltar tha
snyad du shes pa'i rdzas su bzhed pas/ de

dag snang ba'i dbang shes rnams de dag la ltos te rang gi mtshan
nyid kyis grub pa'i don 'dzin pa yin pas sngo tsam la ltos nas
'khrul pa ma yin no/ /mig la sogs pa lkog tu gyur pa'i don chos
can du bzhag pa der ni mngon sum

gyis de dngos su mi 'grub kyang/ de sgrub byed kyi rtsa ba mthar
gtugs pa na mngon sum zhig la thug dgos pa ni grub mtha' smra ba
rnams 'dod pa yin te/ rjes dpag long ba brgyud pa lta bu yin
pa'i phyir/ de'i rtsa ba'i sgrub

byed kyang mngon sum la thug par 'dod pas so/ /de'i tshe rtsa
ba'i mngon sum de ni yang na gzhan rig ma 'khrul ba dang yang na
rang gi ma 'khrul ba zhig la 'dod la/ de yang sngar bshad pa
ltar rang gi mtshan nyid kyis grub pa'i don

@454b snang la snang ba ltar yul steng du grub dgos pa la de dag
gis 'dod pas na/ de dag dang rang gi ngo bos grub pa'i rang
bzhin med par smra ba'i dbu ma pa'i lugs gnyis la mthun snang du
grub pa'i mngon sum ma 'khrul ba med pa

yin no/ /de ltar mngon sum la ma gtugs kyang lan gdab par nus
te/ 'di ltar rang bzhin yod par smra bas ni 'dus byas 'dus ma
byas gang la yang de dag tshad mas grub pa'i don ni/ de dag gi
rang rang gi sdod lugs kyi ngo bo

zhig yul steng du yod pa'i don 'grub dgos pa yin na/ de ni rigs
pas dgag par nus pa'i phyir sgrub byed kyi tshad mar mi rung ngo/
/gnyis pa skyon des gtan tshigs kyang ma grub par bstan pa ni/
tshig gsal las/ gzhi ma

grub pa'i phyogs kyi nyes pa brjod pa'i tshul gang yin pa 'di
nyid ni yod pa'i phyir zhes bya ba'i gtan tshigs 'di la ma grub
pa'i skyon brjod pa la'ang sbyar bar bya'o/ /zhes gsungs pa 'dis
bstan pa yin no/ /de la sngar rang gi ngo bos grub

pa'i rang bzhin gyis stong mi stong gi rgol ba gnyis kyi lugs la
mthun snang du grub pa'i chos can sgrub byed kyi tshad ma med
pas/ rang rgyud rtags kyi chos can gzugs kyi skye mched dang
bdag las skye ba med pa'i chos gnyis bsdoms pa'i phyogs

sam; bsgrub bya med par bshad pa'i rigs pa des yod pa'i phyir/
zhes pa'i gtan tshigs kyang de gnyis kyi lugs la mthun snang du
grub pa'i sgrub byed kyi tshad ma med pas rtags ma grub par 'gyur
tshul rnams sngar bshad pa bzhin

@455a @#/ /du shes par bya'o/ /'dir tshig gsal las/ de lta bu de
ni 'di ltar yin te/ gang gi phyir ji skad bsnyad pa'i don 'di ni
rtog ge pa 'dis rang nyid kyis khas blangs pa yin no/ /ji ltar
zhe na/ nang gi

skye mched rnams skyed par byed pa rgyu la sogs pa ni yod pa kho
na yin te/ de ltar de bzhin gshegs pas gsungs pa'i phyir ro/
/gang de bzhin gshegs pas ji skad du gsungs pa de ni de bzhin
te/ dper na mya ngan las 'das pa ni

zhi ba'o zhes bya ba bzhin no/ /zhes bya ba gzhan gyis bkod pa'i
sgrub byed 'di la 'dir khyod kyis gtan tshigs kyi don du 'dod pa
gang yin/ de bzhin gshegs pas kun rdzob tu de skad gsungs pa'i
phyir ram/ 'on te don dam par

gsungs pa'i phyir/ gal te kun rdzob tu na ni rang la gtan tshigs
kyi don ma grub pa nyid do/ /zhes dang/ don dam par bsgrub par
bya ba dang sgrub par byed pa nyid ma grub pa'i phyir gtan tshigs
ma grub pa'i don nyid dang 'gal ba'i

don nyid do/ /zhes 'dis skyon 'di smras pa yin no/ /gang gi
phyir de ltar 'dis rang nyid kyis tshul 'dis gtan tshigs ma grub
par khas blangs pa de'i phyir dngos po'i chos gtan tshigs su bkod
pa'i rjes su dpag pa thams cad

la gtan tshigs la sogs pa rang la ma grub pa'i phyir sgrub par
byed pa thams cad rnam par 'jig par 'gyur ro/ /zhes gsungs pa
'di'i don la zla ba grags pa'i rjes su 'brang bar 'dod pa dag na
re/ sa ni don dam par sra ba'i ngo bo

@455b ma yin te/ 'byung ba yin pa'i phyir/ rlung bzhin no zhes
rtog ge 'bar ba sogs su bkod pa la/ don dam du 'byung ba yin
pa'i phyir zhes 'god na rang gis ma grub la/ kun rdzob tu 'byung
ba yin pa'i phyir zhes 'god na phyi

rgol dngos por smra ba la ma grub bo/ /des rtags ma grub par mi
'jog na de gnyis kyi sgo nas ma grub pa la rtags ma grub pas
khyab par rang gis khas blangs pa dang 'gal lo zhes zer la/ kha
cig ni 'byung ba tsam zhig 'god

na rigs shes kyis ma grub pas 'gog pa yin no zhes zer ro/ /'di
'dra ba'i tshul gyis sun 'byin pa ni/ tshig gsal gyi dgongs pa
gtan ma yin cing slob dpon de yang de ltar du bzhed pa'ang ma
yin pas lugs gnyis ka

la phyin ci log tu smra ba yin no/ /'o na ji ltar yin snyam na/
gang gi phyir ji skad bsnyad pa'i don 'di ni 'dis rang nyid kyis
khas blangs pa yin no/ /zhes gsungs pa'i ji skad bshad pa ni
sngar bshad pa'i chos can ma grub pa'i tshul

dang de gtan tshigs la'ang sbyor bar gsungs pa de yin te/ de'i de
ma thag tu gzhung de gsungs pas so/ /de lta na 'dir 'gyur te
chos can dang gtan tshigs bsgrub pa'i mngon sum lta bu de 'khrul
ma 'khrul gnyis las mi 'da' la/

'khrul pas rnyed pa'i don gtan tshigs la sogs par 'jog na dngos
por smra ba la ma grub la/ ma 'khrul bas rnyed pa'i don de dag
tu 'jog na rang gi tshad mas mi 'grub pas rang rgyud kyi rtags
dang chos can la sogs pa ma grub par sngon

@456a @#/ /du bshad pa ni ji skad bsnyad pa zhes pa'i don no/ /de
'dra ba'i sgo nas ma grub par 'jog pa de legs ldan 'byed kyis ji
ltar khas blangs pa ston pa ni de ltar de bzhin gshegs pas
gsungs

pa'i phyir/ zhes pa la bden gnyis kyi sgo nas brtag pa mdzad pa
la zer ba yin no/ /de'i don ni de bzhin gshegs pas kun rdzob tu
gsungs pa'i phyir zhes rtags su 'god dam/ don dam du gsungs pa'i
phyir zhes rtags su

'god ces brtag pa byed pa ni ye ma yin te/ sngar phyogs snga
bslangs pa ltar chos can bden brdzun gang gis kyang khyad par du
ma byas par bzhag dgos kyi/ gzhan du na rgol phyi rgol gang rung
gcig la ma grub par 'gyur bar 'dod

pa bzhin du gtan tshigs dang dpe la sogs pa'ang de ltar 'dod pas
rags pa de 'dra ba'i ltag chod la yongs su rdzogs pa'i paNDi ta
'di 'khrul ba ga la srid/ des na de bzhin gshegs pas gsungs pa'i
phyir/ zhes pa'i rtags

kyi don de bden gnyis gang yin zhes 'dri ba yin pas kun rdzob pa
yin na ni rang nyid de ltar mi 'dod pas rang la ma grub la/ don
dam par yin na nged kyis don dam du 'bras bu yod pa dang med pa
dang gnyis ka rgyu las skye ba

bkag pas nged la mi 'grub cing/ bden gnyis gang du'ang med pa'i
don ni mi 'dod pas de gsal bar mdzad mi dgos so/ /de la 'byung
ba yin pa'i phyir/ zhes bkod pa na rtags su bkod pa'i 'byung ba
de bden gnyis gang

@456b yin zhes 'dri na snga ma dang 'dra ba yin gyi/ bden gnyis
kyi 'byung ba gang rtags su 'god ces smra na phyogs snga gtan
mgo ba'o/ /de ltar bden gnyis gang yin dris nas don dam yin na
rang la ma grub pa yin kyang/ kun rdzob pa yin na

gzhan la ma grub ces ji ltar brjod du rung ste/ de lta ma yin na
chos can du bzhag pa'i nang gi skye mched kyang kun rdzob tu yod
pa'i phyir/ phyir rgol de dag gis ma grub par 'gyur ba'i phyir
ro/ /'o na ji skad bsnyad pa de legs ldan 'byed

kyis rtags la bden gnyis kyi brtag pa byas pa des khas blangs
lugs ji ltar yin snyam na/ bshad par bya ste/ 'dir slob dpon
gyis ma 'khrul ba'i shes pas rnyed pa de don dam pa dang/ 'khrul
ba'i shes pas rnyed pa de kun rdzob pa

yin pa la dgongs nas bden gnyis gang yin zhes pa de/ de gnyis
gang gis rnyed pa yin zhes pa dang gnad gcig tu 'gro dgos pa la
bsams pa ste/ 'di ltar rtags su bkod pa'i don de kun rdzob pa
dang don dam pa gang yang ma yin

na rtags de ma grub par 'gyur dgos pa dang/ rtags su bkod pa'i
don de ma 'khrul ba dang 'khrul ba'i shes pa gnyis gang rung gis
rnyed pa'i don min na rtags su bkod pa'i don de ma grub par
'gyur ba rgyu mtshan mtshungs pa

la; 'dis rang gis khas blangs zhes gsungs pa yin gyi dngos su
khas blangs pa min no/ /de'i phyir dngos po'i chos gtan tshigs su
bkod pa rnams/ zhes dngos po'i chos dmigs kyis bkar nas gsungs
so/ /slob dpon legs ldan

@457a @#/ /'byed ni rang gis bkod pa'i rtags de dag kha cig ni
mngon sum ma 'khrul bas dngos su dang/ kha cig ni mthar gtugs
pa'i sgrub byed mngon sum ma 'khrul ba la bzhed mod kyang/ slob
dpon 'dis de 'gog

pa yin no/ /'di yang sngar drangs pa ltar dbu ma pa yin na
phyogs gzhan khas blangs pa med pa'i phyir/ zhes rang gi mtshan
nyid kyis grub pa'i don khas blang bar mi rigs pa'i sgrub byed
du/ gal te mngon sum la sogs pa'i/ /zhes

sogs drangs nas rang mtshan 'jal ba'i tshad ma med par gsungs pa
rnams kyis/ slob dpon legs ldan 'byed kyi phyogs 'dzin pa la
bsgrubs pa'i phyir ro/ /gnyis pa rang la mi mtshungs pa'i tshul
ni/ gal te gzhan gyi

rjes dpag la chos can dang rtags ma grub pa la sogs pa'i skyon
brjod pa rnams rang gi rjes dpag la'ang skyon du 'gyur ba ma yin
nam/ des na gzhan la brgal bar mi bya'o snyam na/ gzhan la skyon
de dag 'ong ba ni rang rgyud kyi rjes dpag

khas blangs pas 'byung la/ kho bo cag ni rang rgyud kyi rjes
dpag khas mi len pas skyon de dag med par gsungs te 'dir rjes
dpag rnams ni sbyor ba la bya'o/ /rang rgyud khas len na rang
mtshan la tshad mar gyur pa'i tshad ma rgol ba gnyis

ka'i mthun snang du khas blangs nas des grub pa'i tshul gsum
gnyis ka la grub pas bsgrub bya bsgrub dgos la/ de ltar na tshad
ma de med pas chos can la sogs pa rnams ma grub par 'gyur ro/
/rang rgyud khas mi len na pha rol dngos

@457b por smra ba rang la tshad ma de 'dra bas grub pas chog gi/
rang la tshad ma des grub mi dgos so/ /des na gzhung nas 'byung
ba'i rjes dpag rnams kyang gzhan gyi dam bca' ba 'gog pa tsam
gyi dgos pa can gzhan la grags pa'i rjes dpag

yin gyi rang rgyud min no/ /'di ni dper na/ rtsa she'i rab byed
gsum pa las/ lta de rang gi bdag nyid ni/ /de la lta ba ma yin
nyid/ /gang zhig bdag la mi blta ba/ /de gzhan dag la ji ltar
blta/ /zhes rang la mi blta ba rtags

su byas nas mig gzhan la mi blta bar bsgrub pa lta bu'o/ /'di ni
rtags rang gis kyang 'dod la dam bca' gzhan la blta ba rang gi
ngo bos grub pa med pa'ang dbu ma pas 'dod pas sbyor ba 'di 'dra
rnams la gzhan la grags

pa'i rjes dpag ces zer ba yin no/ tshig gsal las/ kho bo cag ni
rang rgyud kyi rjes su dpag pa mi sbyor te/ rjes su dpag pa dag
ni gzhan gyi dam bca' ba 'gog pa tsam gyi 'bras bu can yin pa'i
phyir ro/ /zhes sbyor ba

bkod pa rnams rang rgyud min pa dang gzhan gyi dam bca' ba 'gog
pa tsam gyi dgos pa can du bzhed pas sbyor ba mi 'god pa min no/
/sbyor ba bkod nas de'i dam bca' sel tshul yang lung de'i mjug
nyid nas/ 'di ltar gzhan mig

blta'o zhes bya bar rtog pa de ni mig la rang gi bdag nyid mi
blta ba'i chos kyang 'dod la/ gzhan blta ba'i chos med na mi
'byung ba nyid du'ang khas blangs pa yin te/ de'i phyir gang
dang gang la rang gi bdag nyid blta ba med pa de dang de la ni

@458a @#/ /gzhan blta ba'ang yod pa ma yin te/ dper na bum pa
bzhin no/ /mig la'ang rang gi bdag nyid mi blta ba yod pa yin te
de'i phyir gzhan la blta ba'ang 'di la med do/ /de'i phyir rang
gi bdag nyid mi blta ba

dang 'gal ba sngon po la sogs pa gzhan la blta ba rang la grags
pa'i rjes su dpag pa dang 'gal ba yin no/ /zhes de la grub pa'i
rjes su dpag pas sel bar byed pa yin no/ /zhes gsungs te/ phyi
rgol rang la grags pa dang snga

rgol dbu ma pa la ltos te gzhan la grags pa gnyis gnad gcig go/
/rang gis gzhan grags kyi sbyor ngag bkod nas log rtog bzlog
lugs 'di gal che bas zhib tu bshad na de la grub pa zhes pa ni
chos can mig dang dpe

bum pa dang rtags rang la mi blta ba dang bsgrub bya'i chos
sngon po la sogs pa la mi blta ba rnams rang lugs la khas mi len
cing/ gzhan gyis khas len pa tsam yin pas rtags dang khyab pa la
sogs pha rol po kho na la grub pa

zhes bya ba ni don min no/ /'o na ji ltar yin snyam na de dag
rang lugs la'ang khas len mod kyang de dag bsgrub pa'i tshad ma
rang gi ngo bos grub pa'i gzhal bya 'jal ba ni rang lugs la tha
snyad du'ang med la/ rang bzhin yod par

smra ba la de dag 'grub pa ni tshad ma de grub pa la nges par
ltos pas gnyis ka la mthun snang du grub pa'i rang gi ngo bos
grub pa'i 'jal ba'i tshad ma med pas gnyis ka la grub pa ma yin
pa dang gzhan la grags pa'am

@458b gzhan la grub pa zhes zer ba yin no/ /'o na de 'dra ba'i
tshad ma tha snyad du'ang med pas des grub par 'dod pa ni rang
bzhin sgro 'dogs pa ltar rigs pas gnod pas na sgrub byed de dag
la brten nas dbu ma'i lta ba ji ltar rnyed/

tshad mas gnod pa'i rgyu mtshan la brten nas lta ba ma nor brnyed
na ni grub mtha' phyin ci log thams cad kyis kyang rnyed par
'gyur ba'i phyir ro zhe na/ phyi rgol 'dis chos can mig dang
rtags rang la mi blta ba dang dpe bum pa dang

chos sngon po sogs la mi blta ba yod par 'dzin pa'i yul rnams ni
rang gi lugs kyis kyang tha snyad du yod par 'dod pas de dag la
rigs pas gnod pa ma yin no/ /'on kyang phyi rgol des de dag rang
gi ngo bos yod pa dang

yod pa gnyis so sor mi phyed pas de rnams rang gi ngo bos grub
pa'i gzhal bya 'jal ba'i tshad mas grub par rlom pa'i yul la rigs
pas gnod kyang/ kho'i rgyud kyi tha snyad pa'i shes pa gnod pa
med pa rnams kyis grub

pa rigs pas ga la 'gog  /des na kho'i lugs dang rang gi lugs
gnyis la rang gi ngo bos grub pa'i gzhal bya 'jal ba'i tshad ma
mthun snang du grub pa khas blangs ma byung bas rang rgyud kyis
mi bsgrub par kho rang gi khas

blangs la 'gal ba ston pa tsam byed pa yin no/ /de'i tshul ni
sngar bkod pa'i gzhan grags kyi sbyor ba de la mtshon na chos can
mig de la rang la mi blta ba'i rtags ni tha snyad du yod la/
sngo sogs la blta ba rang gi ngo bos grub

@459a @#/ /pa ni de la tha snyad du'ang med pas snga ma de phyi
ma 'gog byed du rung gi/ mig la rtags de dang dgag bya'i chos de
gnyis yod na yod mnyam dang med na med mnyam du song na de
gnyis
gnod byed

dang gnod byar ga la rung/ des na gzhan grags kyi sbyor ba'i
chos can dang chos dang rtags rnams tha snyad du yod pa zhig
dgos kyi/ khos yod par khas blangs pa tsam gyis mi chog go/ chos
can mig la sogs pa de dag

ni yod par kho rang gis khas len pas dbu ma pas de dag bsgrub ga
la dgos/ gal te de la'ang bsnyon nas kho bo cag la ma grub pas
sgrubs shig ces zer na ni mi bsnyon pa 'ga' yang med pas de dag
dang brtsad pa la 'bras

bu med pas de'i zla bo su zhig gis byed/ 'dir kha cig na re gal
te pha rol pos rang la mi blta ba dang sngo sogs la blta ba rang
gi ngo bos grub pa'i rang bzhin yod par 'dod pa la 'gal ba ston
na 'gal bar cis shes/ 'gal ba

yin par tshad mas grub na ni gnyis ka la 'grub dgos pas gzhan la
grags pa zhes mi bya'o/ /khas blangs pas 'gal bar 'jog na ni
rang la mi blta ba dang gzhan la blta ba gnyis pha rol pos ni mi
'gal bar 'dod

bas de'i khas blangs kyis 'gal bar 'jog pa mi 'thad la/ rang gis
'gal bar khas blangs pas 'jog na ni ha cang thal te/ phyi rgol
la khyed kyis 'di mi 'gal bar 'dod pa mi rigs te/ kho bos 'di
'gal bar khas blangs pa'i

@459b phyir ro/ /zhes ji ltar smrar rung snyam na skyon de ni
med de/ rang la mi blta na rang gi ngo bos grub pa'i rang bzhin
yod par 'gal ba ni tshad mas grub pas khas blangs tsam gyis mi
'jog go/ /'o na tshad ma de pha rol po la bstan nas 'gal

ba nges par byas pas chog mod/ kho'i khas blangs la brten pa ci
dgos snyam na/ dngos smra ba'i ngor 'gal ba sgrub byed kyi tshad
mar 'grub pa ni rang gi ngo bos grub pa'i gzhal bya 'jal ba grub
pa la ltos shing/ de yang med na

rang gis de khas blangs nas ji ltar 'gal ba bsgrub/ gzhal bya la
rang gi ngo bos grub pa'i rang bzhin med kyang/ tshad mar 'jog pa
mi 'gal ba kho la grub zin nas de 'dra ba'i tshad mas sgrub na ni
chos rnams rang bzhin med par rtogs

pa'i lta brnyed pa yin pas/ de la rang la mi blta ba yin na rang
gi ngo bos grub pa'i lta ba yod par 'gal ba yin no zhes bsgrub
ci dgos/ des na zla ba'i zhabs kyi lugs rtogs par 'dod na de dag
la zhib tu dpyod la khong du chud par

gyis shig  /'o na kho rang la grags pa la brten nas rang la mi
blta ba la gzhan la blta ba rang gi ngo bos grub pa med pas
khyab lugs ji ltar ston snyam na/ bud d+ha pA li ta'i 'grel pa
bzhin bshad par bya'o/ /dper na/ chu dang ldan

pas sa la rlan dang/ me dang ldan pas chu la tsha ba dang/ sna
ma'i me tog dang ldan pas gos la dri zhim pa dmigs pa ni/ chu la
sogs pa gsum po de la rlan la sogs pa gsum po de dmigs pa la
ltos dgos par mthong zhing/ khyed rang yang

@460a @#/ /'dod pa de bzhin du/ dngos po rnams la rang gi ngo bos
grub pa'i rang bzhin 'ga' zhig yod na'ang rang bzhin de rang la
dmigs nas de nas de dang ldan pas gzhan la yang dmigs dgos pa
yin no/ /gal te de

thog mar rang la ma dmigs na de dang ldan pa na gzhan la yang
ji
ltar mthong bar 'gyur te/ dper na/ sna ma'i me tog la dri mi
zhim pa ma dmigs na de dang ldan pa'i gos la yang dring ba mi
dmigs pa bzhin no/ /zhes phyi rgol rang

la grags pa'i 'thad pas rjes su 'gro ldog nges su bcug nas de
nas skabs kyi don la sbyor ba ni/ de'i phyir mig la'ang lta ba'i
rang bzhin yod na thog mar rang la blta ba dmigs nas de nas
gzugs la sogs pa dang tshogs

pa na gzugs la blta ba yang dmigs par 'thad pa zhig na/ mig la
rang la blta ba med pa'i phyir gzhan la blta ba yang med do zhes
ston pa yin no/ /bzhi brgya pa las kyang/ dngos po kun gyi rang
bzhin ni/ /thog mar

bdag la snang 'gyur na/ /mig nyid la yang mig gis ni/ /ci yi
phyir na 'dzin mi 'gyur/ /zhes gsungs pa ltar ro/ /gal te mes
rang mi bsreg kyang gzhan bsreg pa bzhin du mig gis rang la mi
blta yang gzhan la blta ba

mi 'gal lo snyam du sesm na/ spyir mes bud shing bsreg pa dang
mig gis gzugs la blta ba tsam 'gog pa ma yin gyi/ mig la gzhan
la blta ba ngo bos yod pa 'gog pa yin no/ /de lta yin dang mes
bud shing bsreg pa

@460b ngo bo nyid kyis grub pa dper byed dgos pas de'i tshe dpe
yang bsgrub bya bzhin du mi 'thad de/ 'di ltar me dang bud shing
gnyis la rang gi ngo bos grub pa'i rang bzhin yod na rang bzhin
gcig dang tha dad gnyis las mi 'da' bas de gnyis

gang yin/ gcig yin na ni mes rang nyid bsreg par 'gyur la/ gzhan
yang me sreg byed dang bud shing bsreg byar ji ltar 'gyur/ 'gyur
na ni kho bos kyang me ni bsreg bya'o/ /bud shing ni sreg byed
do zhes smras na lan ci zhig yod/

gal te rang bzhin so so ba yin na ni bud shing med par yang me
dmigs par 'gyur te/ rta med par ba lang dmigs pa bzhin no/ /bzhi
brgya pa las kyang/ mes ni tsha ba nyid bsreg ste/ /tsha ba ma yin
ji ltar bsreg  /des na bud shing

zhes bya med/ /de ma gtogs par me yang med/ /ces gsungs pa ltar
ro/ /de ltar bsreg pa la rang gi ngo bos grub pa'i rang bzhin
khas len na ni rang mi bsreg na gzhan yang mi bsreg par 'gyur ba
ltar/ mig la blta ba'i rang bzhin

khas len na'ang rang la mi blta na gzhan la yang mi blta bar
'dod dgos pas skyon snga ma mi g.yo'o/ /de ltar rang bzhin khas
blangs pa la gnod byed bstan pa rnams mthong ba na/ rang gi ngo
bos grub pa'i rang bzhin yod par 'dzin

pa'i grub mtha' 'dor bar 'gyur la/ de nas rang bzhin med pa la
bya byed 'thad pa yang rtogs par nus pas rang bzhin med pa dang
med pa so sor phyed par 'gyur la/ de'i phyir rang bzhin yod pa
dang yod pa yang so sor phyed par 'gyur bas

@461a @#/ /rang bzhin med pa'i gzhal bya la rang bzhin med pa'i
tshad mas 'jal ba la sogs pa yang rtogs par 'gyur ba yin no/ /'o
na 'dis me dang bud shing rang bzhin med par rtogs pa'i tshad ma
de mngon

sum du mi 'thad pas rjes dpag tu 'dod dgos na/ de lta na de'i
rten gtan tshigs ji ltar yin snyam na/ rang bzhin yod na gcig
dang tha dad las mi 'da' bar mthong nas gcig tha dad kyi rang
bzhin khegs pa na rang bzhin

med pas khyab par mthong bas/ tshul gnyis 'grub la/ gcig dang tha
dad pa'i rang bzhin med par nges pa ni/ phyogs chos kyi tshul yin
pas tshul gsum pa'i rtags yod la/ de la brten nas me dang bud
shing la rang bzhin

med do snyam du nges pa ni rjes dpag go / /'dis ni sngar bkod
pa'i gzhan grags kyi sbyor ba la'ang tshul gsum dang rjes dpag
skye tshul shes par bya'o/ /thal 'gyur ni me dang bud shing la
rang bzhin yod na rang bzhin gcig dang tha

dad gang rung du 'gyur ro/ /zhes pa dang gcig yin na mes rang
nyid bsreg par 'gyur ro/ /zhes sogs gzhan gyis khas blangs pa
rtags su bkod nas pha rol po la mi 'dod pa 'phen pa 'di 'dra
rnams yin pas des

mtshon nas thal ba gzhan rnams kyang rtogs par bya'o/ /de lta na
phyi rgol des ji srid du dngos po smra ba'i grub mtha' ma dor ba
de srid du rang gi ngo bos grub pa'i gzhal bya 'jal ba grub pa
la ltos nas don 'grub byed kyi tshad

@461b mar 'grub pa yin la/ gang gi tshe dngos po 'ga' zhig rang
gi ngo bos grub pa med par tshad mas rtogs pa nas dngos por smra
ba'i grub mtha' btang ba yin no/ /tshig gsal las kyang/ yang ci
gang yang rung ba la grub pa'i

rjes su dpag pa'i sgo nas kyang rjes su dpag pas gnod pa yod dam
zhe na yod de/ de yang rang nyid la grub pa'i gtan tshigs nyid
kyis yin gyi/ gzhan la grub pas ni ma yin te/ 'jig rten nyid du
mthong ba'i phyir ro/ /'jig rten

na ni res 'ga' dbang po rgol ba dang phyi rgol gnyis kyis tshad
mar byas pa'i tshig gis rgyal ba'am pham par 'gyur la/ res 'ga'
ni rang gi tshig kho nas 'gyur gyi/ gzhan gyi tshig gis ni rgyal
ba'am pham par 'gyur ba ni ma yin

no; ;'jig rten na ji ltar yin pa de bzhin du rigs pa la'ang yin
te/ 'jig rten pa'i tha snyad kho na rigs pa'i bstan bcos su
skabs su bab pa yin pa'i phyir ro/ /zhes gzhan la grags pa rtags
su rung ba'i dpe dang shes byed

rnams gsungs shing/ rtog ge ba rnams phyi rgol la tshad ma gang
gis tshul gsum la sogs pa grub pa'i tshad ma des snga rgol la yang
grub dgos pas rgol phyi rgol gnyis ka la grub dgos par 'dod pa
'gog pa'ang gsungs te/

de nyid las/ gang zhig gang gnyis ka la nges pa brjod pa de ni
sgrub pa'am sun 'byin pa yin gyi/ gang yang rung ba la grub
pa'am the tshom za ba smra ba ni ma yin no snyam du sems pa des
kyang/ 'jig rten gyi rnam par bzhag pa la brten

@462a @#/ /nas rjes su dpag pa la ji skad smras pa'i tshul 'di
nyid khas blang bar bya'o/ /'di ltar lung gis gnod pa ni gnyis
ka la grub pa'i lung kho na'i sgo nas ma yin te/ 'o na ci zhe na
rang la grub pa'i sgo

nas kyang yin no/ /rang gi don gyi rjes su dpag par ni thams cad
du rang la grub pa nyid brling ba yin gyi/ gnyis ka la grub pa
ni ma yin no/ /de nyid kyi phyir rtog ge'i mtshan nyid brjod pa
ni dgos pa med pa yin te/ sangs rgyas

rnams kyis rang la ji ltar grags pa'i 'thad pas de kho na ma
shes pa'i gdul bya'i skye bo la phan btags pa'i phyir ro/ /zhes
gsungs so/ /de ltar na sngar bshad pa lta bu'i tshad mas rgol ba
gnyis ka la grub pa'i rtags kyis bsgrub bya

bsgrub pa la rang rgyud kyi rtags dang/ des mi 'grub par phyi
rgol gzhan la grags pa'i tshul gsum gyis bsgrub bya 'grub pa la
thal 'gyur bar 'jog pa 'di ni slob dpon gyi dgongs par shin tu
gsal ba yin no/ gnyis pa de gnyis su'i

rjes su 'brangs nas lta ba rgyud la bskyed pa ni/ de ltar 'phags
pa yab sras kyi rjes su 'brang ba'i dbu ma pa chen po de dag la
thal rang gi lugs mi 'dra ba gnyis yod na/ de dag gang gi rjes
su 'brang snyam na/ 'dir ni thal 'gyur ba'i lugs

kyi rjes su 'jug pa yin no/ /'di yang sngar bshad pa ltar tha
snyad du rang gi ngo bo nyid kyis grub pa'i rang bzhin 'gog pa
dang/ de bkag pa la 'khor 'das kyi rnam gzhag thams cad legs par
rung ba zhig dgos pas tshul de gnyis la nges pa

@462b rnyed par bya'o/ /dngos po rnams la rang gi ngo bos grub
pa'i rang bzhin khas len na yin tshul dpyod pa'i rigs pa'i brtag
pa 'jug par slob dpon 'di gnyis kyi gzhung las mang du gsungs pa
rnams 'phags pa yab sras kyi gzhung

rnams dang shin tu 'grig par mthong bas lugs de khas len la/ de
lta yin na sngar bshad pa ltar nges par thal 'gyur gyi phyogs
khas blang dgos par snang ngo/ /gsum pa byed pa de la brten nas
lta ba rgyud la bskyed pa'i tshul la

gsum/ gang zag gi bdag med gtan la dbab pa dang/ chos kyi bdag
med gtan la dbab pa dang/ lta ba de dag goms pas sgrib pa spong
ba'i tshul lo/ /dang po la gsum/ bdag rang bzhin med par gtan la
dbab pa dngos/

des bdag gi ba yang rang bzhin med par 'grub par bstan pa/ rigs
pa de rnams gzhan la'ang sbyar ba'i tshul lo/ /dang po la gnyis/
dpe dgod pa dang/ don la sbyar ba'o/ /dang po ni/ 'jug 'grel du
mdo drangs pa las/ bdag ces bya

ba bdud kyi sems/ /khyod ni lta bar gyur pa yin/ /'du byed phung
po 'di stong ste/ /'di la sems can yod ma yin/ /ji ltar yan lag
tshogs rnams la/ /brten nas shing rtar brjod pa ltar/ /de bzhin
phung po rnams brten nas/ /kun rdzob

sems can zhes bya'o/ /zhes rang gi yan lag 'khor lo la sogs pa
la brten nas shing rtar 'dogs pa dper mdzad nas/ phung po rnams
la brten nas kyang bdag gam sems can gdags par gsungs pas thog
mar shing rta'i dpe bshad par

@463a @#/ /bya'o; ;'di la bzhi/ shing rta rang bzhin med pa'i
btags yod du bstan pa/ de la rtsod pa spang ba/ ming gi khyad
par gyi sgo nas grub pa'i tshul/ de la brten nas myur du lta ba
rnyed pa'i phan yon no/ /dang po ni/

'jug pa las/ shing rta rang yang lag las gzhan 'dod min/ /gzhan
min ma yin de ldan yang min zhing/ /yan lag la min yan lag dag
der min/ /'dus pa tsam min dbyibs min ji bzhin no/ /zhes shing
rta rang gi yan

lag las gcig dang tha dad sogs bdun du med pas btags pa tsam yin
pa bzhin du/ bdag dang phung po gnyis kyang de dang 'dra bar
gsungs so/ /'dir shing rta la rang gi ngo bos grub pa'i rang
bzhin yod na gdon mi za bar gcig dang

tha dad sogs rnam pa bdun gang rung du rang bzhin yod med
dpyod
pa'i rigs pas 'grub dgos pa las/ bdun po de dag gang du yang des
ma grub pa'i phyir rang bzhin med do/ /de la shing rta'i yan lag
ni srog shing dang 'khor lo dang gzer

bu la sogs pa'o/ /shing rta ni yan lag de dag dang rang bzhin
gcig ma yin te/ gcig yin na yan lag de rnams du ma yin pa bzhin
du shing rta yang du mar 'gyur ba dang/ shing rta gcig yin pa
bzhin du yan lag rnams kyang gcig tu 'gyur

ba dang/ byed pa po dang bya ba'i las kyang gcig tu 'gyur ba
sogs kyi skyon yod do/ /rang gi yan lag rnams dang ngo bos grub
pa'i so so ba'ang min te/ yin na bum pa dang snam bu bzhin du
yan gar bar so sor dmigs par 'gyur ba las ma dmigs

@463b pa'i phyir dang gdags pa'i rgyu med par 'gyur pa'i phyir
ro/ /rten dang brten pa'i phyogs gnyis ni 'khar gzhong la zho
gnas pa ltar/ rang gi yan lag rnams kyi rten du med la/ re lde
la lhas byin gnas pa ltar yan lag rnams la brten nas kyang

med de/ de gnyis ni rang gi ngo bo nyid kyis so so bar yod na
'grub pa las de med pa'i phyir ro/ /'dir phan tshun yod pa tsam
mi 'gog gi /rten dang brten pa rang gi mtshan nyid kyis grub pa
'gog pa'o/ /dper brjod gnyis gsungs pa de

yang pha rol po la de dag rang gi mtshan nyid kyis rten brten par
grub pa'i gzhan grags 'god pa ste/ 'di 'dra thams cad la de
bzhin du shes par bya'o/ /ldan pa'i phyogs kyang mi 'thad de/
'di ltar lhas byin don gzhan du gyur pa'i ba lang

dag dang ldan pa bzhin du/ shing rta yang rang gi yan lag dang
ldan par 'dod na ni ba lang dang lhas byin so sor 'dzin pa de ji
'dra ba de bzhin du shing rta yang rang gi yan lag las so so bar
'dzin dgos pa las mi 'dzin pa'i phyir de ltar ldan pa med do/ /

lhas byin rna ba dang ldan no/ /zhes pa ltar shing rta yan lag
dang ldan pa yang mi rigs te/ rang bzhin tha dad pa bkag pa'i
phyir na rang gi ngo bo nyid kyis grub pa la ldan tshul de ni
rang bzhin gcig pa'i phyogs yin la/ de yang sngar bkag pa'i
phyir ro/ /'di yang lhas byin

rna ba dang ldan pa tsam tha snyad du yod pa mi 'gog pa ltar/
shing rta la yang yin pas/ rang gi mtshan nyid kyis grub pa'i
ldan pa 'gog go / /phyogs lhag ma gnyis ni/ gal te tshogs tsam
shing rtar 'gyur na ni/ /sil bur gnas la shing rta 'dir yod
'gyur/ /gang phyir

@464a @#/ /yan lag can med yan lag dag  /med pas dbyibs tsam shing
rtar rigs pa'ang min/ /zhes pa ltar/ yan lag tshogs pa tsam dang
yan lag gi dbyibs khyad par ba shing rtar 'jog pa gnyis so/ /

de la shing rta ni rang gi yan lag tshogs pa tsam du yang mi
'thad do/ /'di la gnyis las/ rigs pa dang 'gal ba ni/ yan lag
'khor lo la sogs pa phral nas sil bur gnas pa rnams ma tshang ba
med par tshogs pa na'ang shing

rta yod par 'gyur te/ yan lag tshogs pa tsam shing rta yin pa'i
phyir ro/ /khas blangs dang 'gal ba ni/ 'dir rang sde dngos por
smra ba dag yan lag can ni med kyi/ yan lag 'dus pa tsam zhig
'dod pas de ltar na yan lag kyang

med par 'gyur te/ yan lag can med pa'i phyir ro/ /des na yan lag
'dus pa yang med pas yan lag gi tshogs ba shing rtar mi 'gyur ro/
/shing rnya rang gi yan lag tshogs pa tsam yin pa 'gog pa la slob
dpon 'di'i

bzhed pas khyad par sbyar mi dgos te/ tshogs pa shing rta'i gdags
gzhi yin pa'i phyir te/ phung po tshogs pa bdag gi gdags gzhi yin
pas bdag tu mi rung bar gsungs pas so/ /gal te yan lag tshogs pa
tsam shing rtar mi 'dod

kyi; yan lag de rnams bsgrigs pa'i dus kyi dbyibs khyad par ba
de shing rtar 'jog go snyam na/ 'di la sngar bshad pa ltar yan
lag can med par 'dod pas yan lag kyang med par 'gyur ba'i phyir/
yan lag gi dbyibs

@464b tsam shing rtar 'jog pa mi rigs so/ /zhes pa'i skyon ni
khas blangs dang 'gal ba'o/ /'ang gi sgra ni tshogs pa tsam shing
rtar mi rung bar ma zad ces pa'o/ /gzhan yang de 'dra ba'i
dbyibs shing rtar 'dod na yan lag so

so ba'i dbyibs yin nam/ yan lag tshogs pa'i dbyibs shing rtar
'dod/ dang po ltar na sngar ma bsgrigs pa'i dus kyi dbyibs dang
khyad med pa'i dbyibs yin nam/ sngar gyi dbyibs dang mi 'dra
ba'i dbyibs gzhan zhig

yin; dang po ltar na/ khyod dbyibs yan lag re re sngar yod gyur/
/ji ltar shing rtar gtogs la'ang de bzhin na/ /bye bar gyur pa
de dag la ji ltar/ /de ltar yang ni shing rta yod ma yin/ /zhes
gsungs pa'i skyon ston no/ /de yang sngar

ma bsgrigs pa dang phyis bsgrigs pa'i dus kyi 'phang lo la sogs
pa'i dbyibs la mi 'dra ba'i khyad par med pas/ phral ba'i tshe
shing rta med pa ltar bsgrigs pa'i tshe yang shing rta med par
'gyur ba'o/ /gal te sngar ma bsgrigs pa'i dus

kyi 'phang lo la sogs pa las/ phyis bsgrigs pa'i tshe yan lag
snga ma de dag gi dbyibs dang mi 'dra ba gzhan zhig 'byung ba la
shing rtar 'jog na ni/ da lta gal te shing rta nyid dus 'dir/
/'phang lo sogs la dbyibs tha dad yod na/ /

'di bzung gyur na de yang yod min te/ /de phyir dbyibs tsam
shing rtar yod ma yin/ /zhes gsungs pa'i skyon yod de/ snga
phyi'i 'phang lo dang srog shing sogs la dbyibs mi 'dra ba'i
khyad par gzhan zhig yod na de dmigs dgos

@465a @#/ /pa las ji ltar bltas kyang de 'dra ba dmigs pa med pas
dbyibs snga ma dang mi 'dra ba'i phyis kyi dbyibs shing rtar mi
rigs so/ /gal te yan lag so so ba'i dbyibs so so ba shing rtar
mi 'dod kyi/

yan lag tshogs pa'i dbyibs kyi spyi la shing rtar 'jog go snyam
na/ gang phyir khyod kyi tshogs pa cang med pas/ /dbyibs de yan
lag tshogs kyi ma yin na/ /gang zhig ci yang ma yin de brten nas/
/'dir ni dbyibs su lta zhig ji

ltar 'gyur/ /zhes gsungs pa'i skyon yod do/ /'di ltar tshogs pa
la brten pa'i dbyibs shing rtar mi rigs te/ tshogs pa rdzas su ma
grub pas tshogs pa la brten nas dbyibs su 'dogs pa mi 'thad pa'i
phyir te/ btags yod

thams cad 'dogs pa'i gzhi rnams rdzas yod du khas blangs pa'i
phyir ro/ /yan lag tshogs pa la rang gi ngo bos grub ba'i rang
bzhin nam rdzas su med pa ni rang bzhin yod na tshogs pa can yan
lag rnams dang rang bzhin gcig tha dad

gang rung las mi 'da' la/ de dag gang 'dod na'ang sngar shing
rta la bshad pa bzhin du dgag par nus pa'i phyir ro/ /btags yod
kyi gdags gzhi la rdzas yod mi 'dod pa'i rang lugs la yang yan
lag tshogs pa'i dbyibs shing

rta'i gdags gzhi yin la/ shing rta ni de la btags pa'i btags
chos yin pas de tsam shing rtar mi 'dod do/ /de'i phyir tshogs
pa'i dbyibs shing rta yin pa 'gog pa'i dgag bya la yang khyad
par sbyar mi dgos so/ /gal te bden pa

@465b med pa'i tshogs pa la brten nas bden med kyi dbyibs su
'dogs pa mi 'thad pa med par 'dod na/ 'o na ma rig pa dang sa
bon la sogs pa mi bden pa'i rgyu la brten nas 'du byed dang myu
gu la sogs pa 'bras bu bden par med pa

thams cad kyang skye ba la mi 'thad pa med par 'dod dgos te/
khyod kyis 'di ni ji ltar 'dod de ltar/ /mi bden pa yi rgyu la
brten byas nas/ /'bras bu'i rnam pa mi bden rang bzhin can/
/thams cad kyang ni skye bar shes par gyis/ /zhes

gsungs pa ltar ro/ /shing rta'i dpe 'dis ni gzugs la sogs pa'i
rdul brgyad 'dus pa tsam la bum pa la sogs par 'jog pa yang bsal
ba yin la/ gzhan yang rdul brgyad rdzas su grub pa la brten nas
bum pa la sogs pa rnams

'dogs pa dang bum pa la sogs pa rnams rdzas su grub pa'i gzugs
la sogs pa'i dbyibs khyad par ba la 'dod pa yang bkag ste/ gzugs
la sogs pa la rang bzhin gyis skye ba med pas de dag rang bzhin
med pa yin pa'i phyir na

rdzas su grub par mi 'thad pa'i phyir ro/ /de ltar yang 'jug pa
las/ 'dis ni gzugs sogs de ltar gnas rnams la/ /bum blo zhes
bya'ang rigs pa ma yin nyid/ /skye ba med pas gzugs sogs kyang
yod min/ /de yi phyir yang de

dag dbyibs mi rigs/ /zhes so/ /gal te shing rta ltar bum pa rang
gi yan lag 'dus pa'i dbyibs ma yin na/ lto ldir ba la sogs pa
de'i mtshan nyid ma yin par 'gyur te/ de dag ni dbyibs yin pa'i
phyir ro snyam na/ gang gi lto ba ldir

@466a @#/ /ba dang mgrin pa ring ba sogs de ni bum pa yin par
'dod kyi/ lto ba ldir ba sogs kyi dbyibs bum par mi 'dod de/
gzhan du na lto ba dang mgrin par yang 'dod dgos par 'gyur ro/
/de la rtsod pa spang

ba ni; 'dir dngos smra ba dag na re/ rang bzhin yod med dpyod
pa'i rigs pas ji skad bshad pa'i tshul du rnam pa bdun gyi sgo
nas shing rta btsal ba na des ma rnyed na shing rta med dgos la/
de lta na 'jig rten na shing rta'i tha snyad

'dogs pa rnams byar med par 'gyur na/ de yang mi 'thad de/ shing
rta 'on cig  /nyos shig  /hos shig  /ces bya ba sogs mthong ba
yang yin no/ /de'i phyir shing rta la sogs pa ni yod pa nyid do
zhe na/ 'di'i lan du 'jug 'grel

las skyon de dngos por smra ba kho na la yod pa dang/ rang la
med pa'i tshul gnyis gsungs te/ dang po ni/ shing rta 'on cig
/ces bya ba la sogs pa'i 'jig rten pa'i tha snyad rnams khyed
ltar na med par 'gyur dgos te/ khyed kyis dngos

po yod par 'jog pa rnams rang bzhin yod med tshol ba'i rigs pas
rnam par dpyad nas 'jog par byed la/ rigs pa des btsal ba na
bdun po de gang du yang shing rta mi rnyed pa'i phyir dang/
dngos po 'grub pa'i thabs gzhan yang khas ma

blangs pa'i phyir na shing rta med par 'gyur bas so/ /rang bzhin
yod med tshol ba'i rigs pas btsal ba'i tshe/ des shing rta ma
rnyed pa na shing rta yod pa min no/ /zhes bya ba'i dngos por
smra ba'i rtsod pa 'di ni da lta dbu ma'i don smra bar 'dod

@466b pa rnams dbu ma pa'i lugs su 'dod par snang ngo/ /des na
'di ltar 'dod pa rnams la gdon mi za bar tha snyad pa'i rnam
gzhag thams cad byar med pa'i skyon du 'gyur ro/ /rang la nyes
pa med pa'i tshul ni/ de ni de nyid du 'am 'jig

rten du/ /rnam pa bdun gyis 'grub 'gyur min mod kyi/ /rnam dpyod
med par 'jig rten nyid las 'di/ /rang gi yan lag brten nas 'dogs
pa yin/ /zhes pa 'dis bstan par bzhed do/ /de'i don ni rang
bzhin yod med tshol ba'i rigs

pas btsal ba na/ shing rta de rnam pa bdun po de gang du yang mi
rnyed pa ni bden pa gnyis char du yin pas de bdun du rigs pa des
ma rnyed pas shing rta khegs pa ga la yin/ de lta na yang shing
rta khas len pa ni rang bzhin yod med dpyod pa'i

rigs pas 'grub pa min gyi/ rigs pa'i rnam par dpyad pa de dor
nas 'jig rten pa ste tha snyad pa'i shes pa rang dga' ba gnod
med tsam gyis grub pa yin no/ /des na de'i 'jog tshul ni rang gi
yan lag rnams la brten nas btags

pa'i btags yod du 'grub pa yin no/ /gal te rnal 'byor pas de
ltar rnam par dpyad pa na rigs pa des shing rta ma rnyed pas de
la rang gi ngo bos grub pa'i rang bzhin med mod kyang de'i yan
lag rnams la ni rang bzhin yod do snyam na/

snam bu tshig pa'i thal ba la snal mtshol ba khyod ni bzhad gad du
bya ba zhig ste/ shing rta yod nyid min na de yi tshe/ /yan lag
can med de'i yan lag kyang med/ /ces gsungs pa ltar/ yan lag can
med na yan lag kyang med pa'i

@467a @#/ /phyir ro/ /gal te de ni mi 'thad de/ shing rta zhig pa
na 'phang lo la sogs pa'i yan lag tshogs pa dmigs pa'i phyir ro
snyam na de ni de lta ma yin te/ sngar shing rta mthong ba kho
nas 'phang lo la sogs pa de

dag shing rta'i yin no snyam du 'dzin gyi/ gzhan gyis ni mi
'dzin to/ /shing rta zhig pa de'i tshe ni 'phang lo la sogs pa
rnams shing rta dang 'brel ba med pas shing rta'i yan lag min
no/ /de'i phyir yan lag can shing rta med kyang shing rta'i yan

lag yod pa ma yin no/ /de'i tshe shing rta'i sgo nas yan lag dang
yan lag can gnyis gang yang med kyang/ 'phang lo la sogs pa
rnams rang gi cha shas rnams la bltos nas yan lag can yin la/
cha shas de rnams de'i yan lag

yin pas yan lag can med pa'i yan lag 'jog par mi nus so/ /gzhan
yang yan lag can med na yan lag med pa'i don 'di ni/ shing rta
tshig na yan lag med dpe bzhin/ /blo mes yan lag can bsregs yan
lag go/

zhes gsungs pa'i dpe de bzhin du shes par bya'o/ /gsum pa ming
gi khyad par gyi sgo nas grub pa'i tshul ni/ 'jug 'grel las/
phyogs 'dis 'jig rten la grags pa'i sgo nas shing rta'i tha
snyad 'dogs pa ches gsal bar grub

pa 'ba' zhig tu ma zad kyi/ 'di'i ming gi khyad par gang dag yin
pa de dag kyang rnam par dpyad pa med par 'jig rten la grags
pa'i sgo nas khas blang bar bya'o/ /'di lta ste/ de nyid yan lag
can te cha shas can/ /shing rta de nyid byed

@467b po zhes 'gror bsnyad/ /skye bo rnams la len po nyid du
grub/ /ces gsungs pa ltar ro/ /de yang shing rta ni 'phang lo la
sogs pa yan lag dang cha shas la ltos nas yan lag can dang cha
shas can zhes pa'i tha snyad kyi don du grub bo/ /de

bzhin du 'phang lo la sogs pa nye bar len pa'i bya ba la ltos
nas byed pa po dang/ nye bar len pa la ltos nas nye bar len pa
po'i ming gi tha snyad kyang gdags par bya'o/ /rang sde 'ga'
zhig yan lag dang cha shas 'dus pa tsam yod

kyi; de dag las tha dad par ma dmigs pa'i phyir yan lag can dang
cha shas can med par smra ba dang/ de bzhin du las 'ba' zhig yod
kyi/ byed pa po med pa dang/ nye bar len pa las tha dad par ma
dmigs pa'i phyir nye bar

len pa yod kyi/ nye bar len pa po med do zhes smra ba de dag ni
'jig rten pa'i kun rdzob la phyin ci log tu smra ba yin te/ de
ltar na yan lag la sogs pa rnams kyang med par 'gyur ba'i phyir
ro/ /de la dgongs nas 'jug par/ 'jig rten

grags pa'i kun rdzob ma brlag cig  /ces gsungs so/ /des na don
dam par ni yan lag can la sogs pa med pa ltar yan lag la sogs pa
yang med la/ kun rdzob tu ni yan lag la sogs pa yod pa ltar yan
lag can la sogs pa

yang yod par smra ba ni bden pa gnyis kyi tshul las ma nyams pa
yin no/ /bzhi pa de la brten nas lta ba myur du rnyed pa'i phan
yon ni/ 'jug 'grel las/ gang gi phyir 'jig rten gyi kun rdzob
'di de ltar rnam par dpyad pa na yod par mi 'gyur

@468a @#/ /zhing ma brtags par grags pas yod pa de nyid kyi
phyir/ rnal 'byor pas rim pa 'di nyid kyis 'di la rnam par dpyod
pa na ches myur ba kho nar de kho na nyid kyi gting dpogs par
'gyur ro/ /ji ltar zhe na/ rnam bdun gyis

med dgong de ji lta bur/ /yod ces rnal 'byor pas 'di'i yod mi
rnyed/ /des de nyid la'ang bde blag 'jug 'gyur bas/ /'dir de'i
grub pa de bzhin 'dod par bya/ /zhes shing rta'i dpyad pa de
'dra ba des ni de kho na nyid rang bzhin med pa'i don gyi

gting myur du dpogs par gsungs pas 'di ni shin tu gnad che bar
snang ngo/ /'di ltar yin tshul rnam par dpyod pa'i rnal 'byor pas
gal te shing rta zhes bya ba rang bzhin gyis grub pa zhig yod na
ni the tshom med par gcig dang tha

dad la sogs pa'i rnam pa bdun po de'i sgo nas rang bzhin yod med
tshol ba'i rigs pas btsal ba na/ bdun po de dag gang rung zhig tu
rnyed par 'gyur na de dag gang du yang mi rnyed do/ /de ltar ma
rnyed kyang shing rta'i tha snyad bsnyon mi nus

par snang ba na/ shing rta zhes bya ba ni ma rig pa'i ling thog
gis blo'i mig nyams par byas pa dag kho nas btags pa yin gyi/
rang bzhin gyis grub pa ni ma yin no snyam du nges pa skye bar
'gyur zhing/ rnal 'byor pa de de kho na nyid la bde

blag tu 'jug par 'gyur ro/ /des de nyid la'ang zhes pa'i 'ang gi
sgras ni kun rdzob nyams par yang mi 'gyur bar ston pa'o/ /shing
rta la rang bzhin yod pa 'gog pa'i mtha' gcod lugs ni rnam pa
bdun du brtag pa byed pa 'di rnam pa

@468b gsal zhing 'gog pa'i rigs pa yang ches gsal bas 'di la
brten nas shing rta rang bzhin med pa rtogs par sla ba yin no/
/mdor na shing rta la brtsams nas sngar bshad pa lta bu'i rnam
gzhag byas pa 'di la yon tan gsum yod de/

chos rnams la rang bzhin sgro 'dogs pa'i rtag lta dgag sla ba'i
yon tan dang/ rang bzhin med pa la rten 'brel mi 'thad snyam
pa'i chad lta dgag sla ba'i yon tan dang/ yon tan de gnyis dpyod
tshul ji lta bu zhig byas pas 'grub pa'i

rnal 'byor pas nye bar brtag pa'i rim pa'o/ /dang po ni/ gcig
tha dad tsam 'gog pa'i rang bzhin yod pa 'gog tshul shin tu bsdus
na rtogs par dka' la/ ha cang mangs na tshegs su 'gyur bas rnam
pa bdun gyis dpyod pa ni shin

tu 'tsham pa'o/ /gnyis pa ni/ dang por 'gog pa'i dus na dgag bya
la khyad par sbyar te bkag pas/ de'i sgo nas rang bzhin yod pa
khegs kyang tha snyad du bya byed yod pa la mi gnod pa'o/ /gsum
pa ni/ khyab bya rang bzhin gyis

grub na khyab byed gcig tha dad la sogs pa'i rnam pa bdun las mi
'da' ba'i nges pa drangs nas de nas de dag re re la gnod byed
bstan pa na/ bdun po de dag gang la yang gnod pa 'bab par mthong
ba na/ khyab byed khegs pas khyab

bya yang khegs pa thog mar byas nas rang bzhin med pa la thag
chod kyi nges pa mang du drang/ de'i rjes su de ltar rang bzhin
med kyang shing rta'i tha snyad bsnyon mi nus par mthong ba na/
e ma'o las dang nyon mongs pa'i sgyu ma mkhan gyis byas

@469a @#/ /pa'i shing rta la sogs pa'i sgyu ma 'di ni shin tu ya
mtshan te/ 'di ltar rang rang gi rgyu dang rkyen las cung zad
kyang ma 'chol bar 'byung la/ rang rang gi ngo bos grub pa'i
rang bzhin yang cung zad kyang med pa'i phyir snyam du

rten cing 'brel par 'byung ba'i don rang bzhin gyis ma skyes pa
la nges pa rnyed par 'gyur ba'i phyir ro/ /bzhi brgya pa'i 'grel
pa las kyang/ bum pa la sogs pa rnams rang gi rgyu las de nyid
dang gzhan du rnam pa lngar dpyad pa na yod pa ma

yin mod/ de lta na yang brten nas btags pas sbrang rtsi dang chu
dang 'o ma 'dzin pa dang 'chu ba la sogs pa'i bya ba la rung bar
'gyur ba 'di ci ngo mi mtshar ba zhig gam/ zhes dang/ gang zhig
rang bzhin med la dmigs pa yang yin

pa de ni mgal me'i 'khor lo ltar rang bzhin gyis stong pa yin
no/ /zhes gsungs pa ltar ro/ /gnyis pa don la sbyar ba la gnyis/
rang bzhin med pa'i tshul don la sbyar ba dang/ ming gi khyad par
gyi sgo nas grub tshul don la sbyar ba'o/ /

dang po la bzhi/ bdag phung po dang gcig pa'i phyogs dgag pa
dang/ bdag phung po dang tha dad pa'i phyogs dgag pa dang/ des
phyogs lhag ma rnams kyang khegs par 'gyur ba dang/ de la brten
nas gang zag sgyu ma lta bur 'char ba'i tshul

lo; ;dang po ni/ spyir chos de zla bcas su blos yongs su bcad pa
na zla med yin pa rnam par gcod la/ zla med du yongs su bcad na
yang zla bcas rnam par gcod par 'jig rten na mthong ngo/ /des
spyir gcig dang tha dad dam/ gcig dang du

@469b ma la phung gsum sel ba yin te/ zla bcas zla med ni gcig
dang du ma yin pa'i phyir ro/ /spyir gcig dang gcig min gnyis su
kha tshon chod pa na bye brag tu rang gi ngo pos grub pa'i gcig
dang tha dad la yang kha tshon chod par 'gyur ro/ /de ltar

na bdag gam gang zag la yang rang gi ngo bo nyid kyis grub pa'i
rang bzhin yod na gcig dang tha dad las mi 'da' bas/ ci bdag 'di
phung po dang ngo bos grub pa'i gcig yin nam/ ngo bos grub pa'i
tha dad yin snyam du dpyad par

bya'o; ;de la thog mar bdag dang phung po gnyis rang bzhin gcig
tu grub na gnod pa ci zhig yod snyam du/ rnal 'byor pas gcig
pa'i phyogs la gnod byed gang yod pa btsal bar bya'o/ /'di la
slob dpon sangs rgyas bskyangs kyis

gnod byed gsum gsungs te/ bdag tu smra ba don med pa dang bdag
mang por 'gyur ba dang skye 'jig can du 'gyur ba'o/ /de la dang
po ni bdag dang phung po gnyis rang bzhin gcig tu 'dod na bdag
khas blangs pa'i don med de/ phung

po'i rnam grangs tsam du 'gyur pa'i phyir te/ dper na/ zla ba
dang ri bong can bzhin no/ /'di ni rtsa sher yang gsungs te/ rab
byed nyer bdun pa las/ nye bar len pa ma gtogs pa'i/ /bdag yod
ma yin byas pa'i tshe/ /nye bar len nyid

bdag yin na/ /khyod kyi bdag ni med pa yin/ /zhes so/ /gnyis pa
ni/ bdag phung po rnams dang rang bzhin gcig tu grub na gang zag
gcig la yang phung po du ma yod pa bzhin du bdag kyang mang po
yod par 'gyur la/ bdag gcig las med pa

@470a @#/ /bzhin du phung po rnams kyang gcig tu 'gyur ba'i skyon
yod de/ 'jug pa las kyang/ gal te phung po bdag na de phyir de/
/mang bas bdag de dag kyang mang por 'gyur/ /zhes gsungs so/
/gsum pa ni/ rab byed bco brgyad pa

las; gal te phung po bdag yin na/ /skye dang 'jig pa can du
'gyur/ /zhes dang/ rab byed nyer bdun pa las/ nye bar len nyid
bdag ma yin/ /de 'byung ba dang 'jig pa yin/ /zhes gsungs te/
nye bar len pa ni 'dir phung po la go bar

bya'o; ;de ltar bdag skad cig gis skye ba dang 'jig pa can du
'gyur ba 'dod na skyon ci yod snyam na/ 'di la 'jug pa rtsa
'grel du skyon gsum gsungs te/ skye ba dran pa mi 'thad pa dang/
las byas pa chud zos pa dang/ las ma byas pa dang

phrad pa'i skyon no/ /dang po ni/ bdag skad cig gis skye ba dang
'jig na bdag rang gi ngo bos grub pa'i skye 'jig yin pas bdag
snga phyi rnams rang gi mtshan nyid kyis so so bar 'gyur ro/ /de
lta na de'i tshe de'i dus na nga rgyal po nga las nu

zhes bya bar gyur to/ /zhes mi gsungs par 'gyur te/ nga las nu'i
bdag dang ston pa'i bdag gnyis rang gi mtshan nyid kyis grub pa'i
so so ba yin pa'i phyir te/ dper na/ lhas byin gyis skye ba dran
pa na nga mchod sbyin du gyur to snyam

du mi dran pa bzhin no/ /de lta ma yin par rang gi mtshan nyid
kyis gzhan du grub kyang sngar myong ba'i don de phyi mas dran
pa mi 'gal na lhas byin gyis myong ba mchod sbyin gyis dran pa
mi srid pa la mi 'dra ba'i rgyu mtshan bstan dgos na

@470b de yang rnyed pa ma yin no/ /'di ni sa myug gnyis rang gi
ngo bo nyid kyis grub pa'i rang bzhin du yang 'dod la/ rgyu
'bras su yang gzhan dag 'dod pa la de 'dra ba la rgyu 'bras rung
na me lce las kyang mun pa skye bar 'gyur ba'i gzhan skye 'gog
pa'i

rigs pa dang 'dra ste/ tha dad pa tsam zhig tu 'dod pa la de
ltar mgo snyoms byed pa min no/ /'o na ston pa dang nga las nu
gnyis mdo des gcig tu ston nam snyam na/ bka' 'dis ni rgyud
gzhan 'gog pa yin gyi/ gcig tu ston pa min no/ /

des na mdo de las/ de'i tshe na che ge mo de gzhan zhig yin snyam
na de ltar mi blta ste/ zhes gsungs pa yin par slob dpon zla
ba'i zhabs bzhed pa yin no/ /de ltar gsungs pa'i mdo la 'khrul
ba kha cig na re/ sangs rgyas dang de rnams kyi

sngon gyi skye ba'i sems can rnams gcig yin te/ mdo las nga ni
sngon tshe 'dir gyur ces de gnyis gcig tu gsungs la/ de yang 'dus
byas yin na skad cig gis 'jig pas gcig tu mi rung ba'i phyir de
gnyis ka rtag pa'o zhes smra ba

ni; sngon gyi mtha' la brten pa'i lta ba ngan pa bzhi bka' stsal
ba'i dang po yin la/ de 'gog pa yang mgon po klu sgrub kyis rab
byed nyer bdun pa las/ 'das pa'i dus na byung gyur ces/ /bya ba
de ni mi 'thad do/ /sngon tshe rnams su gang byung ba/ /de

nyid 'di ni ma yin no/ /zhes gsungs te/ de lta yin na 'gro ba
gcig kyang 'gro ba drug kar 'gyur te/ de rnams kyis rigs drug tu
rim pa bzhin du lus blangs pa'i phyir dang/ snga phyi de rnams
kyang rtag pa'i gcig yin pa'i phyir ro/ /de bzhin du snga phyi
de dag

@471a @#/ /rang gi ngo bos grub pa'i so so bar 'dod pa la yang
dgag pa gsungs te/ 'di yang bdag la rang bzhin yod na snga phyi
de rnams yang na rang gi ngo bos gcig tu 'gyur la/ de'i tshe rtag
par 'gyur ro/ /yang na rang

gi ngo bos tha dad du 'gyur la/ de'i tshe chad par lta bar 'gyur
bas mkhas pas ni bdag la rang bzhin khas blang bar mi bya'o/
/las byas pa chud za ba'i nyes pa ni/ bdag skad cig re re rang
gi mtshan nyid kyis grub pa'i skye

'jig byed na bdag snga mas byas pa'i las kyi 'bras bu bdag phyi
mas longs spyod par 'dod na ni 'og tu 'gog pas 'dir ni las sngar
bsags pa'i 'bras bu myong ba med par 'gyur te/ las byed pa po'i
bdag 'bras bu ma myong ba'i

gong du zhig pa'i phyir dang bdag gzhan yang med pa'i phyir ro/
/de yang snga phyi'i dngos po la rang gi ngo bos gzhan du grub
pa med pas snga ma las ngo bo tha dad pa'i phyi ma'i bdag med
la/ snga mas kyang 'bras bu ma myong na 'bras bu myong ba med

dgos pa yin no/ /rgyud gcig yin pa'i lan kyang 'og tu 'gog pas
na las byas pa chud zos par 'gyur ba spong bar mi nus so/ /las
ma byas pa dang phrad pa'i nyes pa ni/ gal te snga ma'i bdag
zhig kyang bdag phyi mas 'bras bu la longs spyod

pas byas pa chud zos pa'i skyon med do snyam na/ de lta na las
de'i 'bras bu myong ba'i rgyur gyur pa'i las cung zad kyang ma
bsags pa'i gang zag gzhan gyis/ gang zag gzhan gyis bsags pa'i
las kyi 'bras bu la longs spyod par 'gyur te/

@471b rang gi ngo bos grub pa'i gang zag gzhan gyis bsags pa'i
'bras bu la de dang rang gi ngo bos tha dad pa'i gang zag gzhan
gyis longs spyod pa'i phyir ro/ /de ltar yang 'jug pa las/ mya
ngan 'das sngon skad cig nyid la ni/ /skye 'jig byed po med

pas de 'bras med/ /gzhan gyis bsags la gzhan gyis za bar 'gyur/
/zhes gsungs so/ /'jug pa las skyon gzhan gsum yang gsungs mod
kyang/ rang sde kho na'i 'dod pa 'gog par snang zhing 'dir thun
mong du 'gog par 'dod pas

ma bkod do/ /rigs pa de gnyis kyang rab byed nyer bdun pa las/
gal te 'di ni gzhan 'gyur na/ /de med par yang 'byung bar 'gyur/
/de bzhin der ni gnas 'gyur zhing/ /der ma shi bar skye bar
'gyur/ /chad dang las rnams chud za dang/ /

gzhan gyis byas pa'i las rnams ni/ /gzhan gyis so sor myong ba
dang/ /de la sogs par thal bar 'gyur/ /zhes gsungs te/ las chud
za ba sogs gnyis po de zla ba grags pas bkod pa'o/ /gal te 'di
ni gzhan 'gyur na/ /zhes pa ni

sngon gyi tshe rabs kyi dus kyi bdag dang da lta'i bdag gnyis
rang gi ngo bos tha dad na zhes pa'o/ /de lta na snga ma la ci
yang rag mi las pas snga ma de la brten pa med par yang 'byung
ba dang/ bum pa byas pa'i tshe snam bu mi 'jig pa ltar bdag phyi
ma

skyes pa na snga ma mi 'jig par gnas par 'gyur ba dang/ sngar ma
shi bar 'dir skye bar 'gyur zhes pa'i don no/ /gal te skye ba
snga phyi'i bdag rnams rang gi ngo bos grub pa'i so so ba yin
kyang las chud zos pa dang ma byas pa dang phrad pa'i skyon med
de/

@472a @#/ /rgyud gcig yin pa'i phyir ro zhe na/ 'di yang rang gi
mtshan nyid kyis so so ba ma grub pas bsgrub dgos pa dang 'dra
ste/ rang gi ngo bos tha dad na ni rgyud gcig pa yang mi 'thad
de/ dper na/ byams pa dang nyer sbas bzhin no/ /de

ltar yang 'jug pa las/ de nyid du rgyud yod na skyon med na/
/sngar rnam dpyod tshe rgyud la nyes bshad zin/ /zhes gsungs
shing/ sngar ji ltar dpyod pa ni de nyid las/ byams pa nyer sbas
la brten chos rnams ni/ /gzhan nyid phyir na rgyud gcig gtogs

min te/ /gang dag rang mtshan nyid kyis so so ba/ /de dag rgyud
gcig gtogs par rigs ma yin/ /zhes rang gi mtshan nyid kyis so so
bar grub na rgyud tha dad pa gnyis bzhin du rgyud gcig tu bzhag
tu med pa yin no/ /rab byed nyer bdun pa las kyang/

gal te lha mi gzhan yin na/ /rgyud ni 'thad par mi 'gyur ro/
/zhes gsungs so/ /mdor na rang gi ngo bos grub pa'i gzhan yin na
yin tshul dpyod pa'i rigs pas dpyad bzod du 'dod dgos la/ rigs pa
de 'dra bas zhib tu dpyad pa na yang dpyad

bzod pa'i dngos po rdul tsam yang med pas rang gi ngo bos tha
dad pa'i snga mas bsags pa'i las phyi mas myong na/ rgyud tha
dad pa la yang kun nas mtshungs pas dbye bar mi nus pa 'di ni 'di
'dra'i skabs thams cad du shes par gyis shig  /

'o na snga dus kyi myong mkhan dang phyi dus kyi dran mkhan
gnyis gcig ma yin pas rang gi lugs la'ang rgyud tha dad pa bzhin
du sngar myong ba dran pa dang sngar bsags pa'i las kyi 'bras bu
la phyis longs spyod pa mi 'thad do zhe na skyon med de/

@472b 'dir ni rgyud gcig yin pa mi 'gal la/ gzhan gyi lugs la
rgyud gcig pa mi rung ba'i phyir ro/ /dper na/ zhos bkang ba'i
snod khang pa na gnas pa'i thog rtswa las byas pa'i steng na
gnas pa'i phug ron skya bo'i rkang pa zho'i snod du ma zhugs
kyang de'i

rkang rjes der dmigs pa bzhin du/ tshe 'di'i gang zag gis skye ba
snga ma'i dus su ma phyin kyang sngar gyi myong ba rnams 'dir
dran par yang mi 'gal te/ bzhi brgya pa'i 'grel pa las/ rgyu
dang 'bras bu dag de nyid dang gzhan nyid du rtog pa spangs
shing/

rgyu'i khyad par gyis gsal bar gyur pa 'du byed kyi rgyun mi
rtag pa kho nar yod na ni/ de'i nye bar len pa can btags par yod
pa'i bdag gis skye ba rjes su dran no zhes bya bar rigs so/
/dngos po rnams rang gi mtshan nyid kyis ma grub pa ste/ de rnams

la rnam pa de lta bu'i rkyen nye bar lhags pa yod pa dang/ gzhan
du 'gyur ba nyid mi rigs pa ma yin te/ de'i phyir dngos po rang
gi mtshan nyid kyis ma grub pa'i rgyu can bya ba'i khyad par bsam
gyis mi khyab pa yongs su brtag par bya'o/ /'di ltar

'dam bzhin du zho'i snod khang ba'i nang na gnas pa dag la rtswa
thog ches mang pos g.yogs pa'i steng na gnas pa'i phug ron skya
bo'i rkang rjes dmigs mod kyi/ de'i rkang pa zhugs pa ni ci nas
kyang srid pa ma yin no/ /zhes gsungs te/ rgyas

par 'jug pa las btsal bar bya'o/ /da ni dkyus ma'i don bshad de/
de ltar bdag phung po dang gcig tu 'dod pa la rab byed nyer bdun
pa las/ nye bar blang ba ji lta bur/ /nye bar len po yin par
'gyur/ /zhes gsungs pa 'di ni gnod byed chen po yin

@473a @#/ /no; ;de la gang zag 'dis lus 'di blangs so zhes tha
snyad byed pas na phung po ni nye bar blang bar bya ba yin la/
bdag ni de len pa po'o/ /de gnyis gcig tu 'dod na bya ba'i las
dang byed pa po rnams

gcig tu 'gyur bas gcod pa po dang gcad bya dang bum pa dang rdza
mkhan dang med dang bud shing la sogs pa rnams kyang gcig tu
'gyur te/ rab byed bcu pa las kyang/ bud shing gang de me yin
na/ /byed pa po dang las gcig 'gyur/ /

me dang shing gis bdag dang ni/ /nye bar blang ba'i rim pa kun/
/bum snam sogs dang lhan cig tu/ /ma lus par ni rnam par bshad/
/ces dang/ 'jug pa las kyang/ len po rang nyer len gcig rigs
dngos min/ /de lta na las

byed po gcig nyid 'gyur/ /zhes so/ /de lta na bdag phung po dang
gcig yin na bdag tu khas blangs pa don med pa dang/ bdag mang
por 'gyur ba dang bya ba dang byed pa po gcig tu 'gyur ba dang
las byas pa chud zos pa dang ma

byas pa dang phrad pa dang skye ba dran pa'i tshig gsungs pa mi
'thad pa ste drug yod pas gcig tu khas blang bar mi bya'o/
/gnyis pa tha dad pa'i phyogs dgag pa ni/ ci ste bdag dang phung
po gnyis rang bzhin gcig ma yin

mod; rang bzhin tha dad par 'dod na skyon ci yod snyam na/ 'di
la rab byed bco brgyad pa las/ gal te phung po rnams las gzhan/
/phung po'i mtshan nyid med par 'gyur/ /zhes pa'i skyon gsungs
so/ /de la bdag phung po las

@473b ngo bos grub pa'i tha dad par yod na ni/ phung po'i mtshan
nyid skye 'jig gnas pa dang mi ldan par 'gyur te/ dper na/ rta
ba lang las gzhan du grub pa ba lang gi mtshan nyid dang ldan pa
min pa bzhin no/ /de lta yin mod snyam na/ 'o na de

bdag tu tha snyad 'dogs pa'i gzhi dang bdag tu 'dzin pa'i yul du
med de/ 'dus ma byas yin pa'i phyir/ dper na/ nam mkha'i me tog
gam mya ngan las 'das pa bzhin/ zhes gzhan grags kyi sbyor ba
bya ste tshig gsal las gsungs

so; ;bdag skye 'jig gi mtshan nyid dang mi ldan na rtag par 'gyur
la/ de'i tshe rtag pa 'gyur ba med pa la ci yang byar med pas
bdag tu btags pa don med par 'gyur te/ 'jug ldog gang yang mi
rung ba'i phyir/ zhes slob dpon sangs

rgyas bskyangs gsung ngo/ /gzhan yang phung po'i mtshan nyid
gzugs su rung ba sogs las rang bzhin tha dad par yod na de ltar
du dmigs dgos te/ dper na/ gzugs dang sems tha dad du dmigs pa
bzhin no/ /de ltar 'dzin pa yang med

pas bdag don gzhan du med de/ rab byed nyer bdun pa las/ bdag ni
nye bar len pa las/ /gzhan du 'thad pa nyid ma yin/ /gal te
gzhan na len med par/ /gzung yod rigs na gzung du med/ /ces
dang/ 'jug pa las kyang/ de phyir phung po las

gzhan bdag med de/ /phung po ma gtogs de 'dzin ma grub phyir/
/zhes gsungs so/ /des na mu stegs pa rnams phung po las don
gzhan pa'i bdag sgro 'dogs pa ni bdag ming tsam du ma rtogs
shing/ phung po dang gcig yin pa yang mi 'thad

@474a @#/ /par mthong nas grub mtha'i dbang gis sgro 'dogs pa yin
gyi/ de dag gi rgyud kyi tha snyad pa'i shes pa rang dga' bas de
ltar mthong ba min no/ /de lta bu'i rigs pa rnams kyis bdag
phung po las

rang gi ngo bos tha dad du yod pa la gnod byed mthong ba'i nges
pa brtan po rnyed rnyed du sbyang bar bya ste/ gcig pa dang tha
dad pa'i phyogs 'di gnyis la gnod byed kyi nges pa rnam dag ma
'drongs na/ gang zag rang bzhin med par thag

bcad kyang dam bca' tsam du 'gro bas lta ba rnam dag mi rnyed
pa'i phyir ro/ /de ltar gang zag de kho na nyid du grub ma grub
dpyad par 'dod nas gang zag de kho nar yod na phung po dang gcig
tha dad kyi dpyad pa byas te/ gcig tu

'dod na gnod byed mthar gtugs pa me dang bud shing la sogs pa'i
byed pa po dang las gcig tu 'gyur ba 'di 'dra ba rnams yin la/
de dag gcig tu 'dod na ni 'jig rten gyi mthong ba'i tshad ma 'dis
dgag dgos kyi/ rgol

phyi rgol gnyis kyi grub mtha' thun mong ma yin pa rnams gnod
byed du mi 'gyur ro/ /de bzhin du tha dad du yod pa la yang de
ltar yod na gzugs dang sems bzhin du so sor mthong dgos pa las/
de ltar ma mthong bas zhes

shes pa rang dga' bas mi 'dzin pa'i gnod byed 'di ston gyi/ grub
mtha' thun mong ma yin pa gnod byed du mi 'gyur ro/ /des na de
kho na nyid la dpyod pa'i skabs su yang gnod byed thams cad
mthar gtugs pa'i rtsa ba ni

@474b rgol phyi rgol gyi rgyud kyi tha snyad pa'i shes pa gnod
pa med pa la thug pa yin pas/ de nyid skabs su 'jig rten gnod pa
med/ /ces gsungs pa yang sngar bshad pa ltar de kho na nyid la
tshad ma min zhes bzhed pa yin gyi/

de kho na nyid la dpyod pa'i skabs rnams su tha snyad pa'i shes
pa gnod pa med pa rnams gnod byed du mi bzhed pa min te/ de lta
ma yin na so so'i 'dod pa thun mong ma yin pa rnams gnod byed du
bstan sa med cing/ lung yang khas

len mi len sna tshogs yod la/ khas len pa rnams kyang drang nges
la mi mthun pas de yang rigs pas bsgrub dgos na rigs pa gzhan ci
zhig ston/ pha rol po'i khas blangs la 'di khas len na 'di yang
khas blang dgos so

zhes pa dang/ 'di khas mi len na 'di yang khas ma len cig ces
ston pa yang de ltar yin pa'i rgyu mtshan gyi rigs pa med par ji
ltar nges par byed/ des na gnod byed dang sgrub byed kyi rtsa ba
thams cad mthar gtugs

pa na; rgol phyi rgol gyi tha snyad pa'i shes pa gnod pa med pa
la thug cing/ de dang 'gal ba khas blangs na rang gi myong bas
gnod par mthong nas/ de las mi 'da' ba 'di ni dbu tshad thams cad
kyi lugs yin no/ /de

lta na'ang tha snyad pa'i shes pa nyid kyis rang bzhin med pa la
sogs pa 'grub par 'gyur ba'i skyon med de/ sgra byas pa yin pa
mngon sum gyis grub kyang mi rtag pa mngon sum gyis grub mi dgos
pa bzhin te/ mdor na sgrub

@475a @#/ /byed dang gnod byed kyi rtsa ba mthar gtugs pa mngon
sum la thug kyang/ rtsa ba'i bsgrub bya mngon sum gyis grub ga
na dgos/ gsum pa des phyogs lhag ma rnams kyang khegs par 'gyur

ba ni; rang bzhin tha dad du yod na 'khar gzhong na zho yod pa
ltar/ phung po la bdag dang bdag la phung po brten nas yod pa'i
rten dang brten pa'i phyogs gnyis yod pa las/ rang bzhin gzhan
du med pas rten dang

brten par med pa ni shing rta la bshad pa bzhin no/ /'jug pa las
kyang/ phung por bdag yod ma yin bdag la yang/ /phung po de
rnams yod min gang phyir 'dir/ /gzhan nyid yod na rtog pa 'dir
'gyur na/ /gzhan

nyid de med de'i phyir 'di rtog pa'o/ /zhes so/ /bdag dang phung
po ldan pa'i phyogs kyang shing rta la bshad pa dang 'dra bas de
bzhin du shes par bya ste/ de nyid las/ bdag ni gzugs ldan mi
'dod gang phyir bdag  /

yod min de phyir ldan don sbyor ba med/ /gzhan na gnag ldan
gzhan min gzugs ldan na/ /bdag ni gzugs las de nyid gzhan nyid
med/ /ces so/ /gnag ldan ni lhas byin ba lang dang ldan pa lta
bu'o/ /gzugs

ldan ni lhas byin gzugs dang ldan pa lta bu'o/ /'o na phung po
'dus pa tsam bdag yin nam snyam na de yang mi rigs te/ phung po
lnga la brten nas bdag tu 'dogs par gsungs pas na/ gdags gzhi
btags

@475b chos su mi 'thad pa'i phyir ro/ /de yang 'jug pa las/ mdo
las phung po brten nas yin gsungs pa/ /de phyir phung po 'dus
tsam bdag ma yin/ /zhes so/ /gzhan yang phung po tshogs tsam bdag
yin na las dang byed pa po

gcig tu 'gyur ba'i skyon/ 'jug pa rtsa 'grel du gsungs te/ phung
po re re nas bdag gi nye bar blang byar 'dod pas ni phung po
lnga ka nye bar blang bar bya bar 'dod dgos la/ de lta na phung
po rnams kyi tshogs pa yang nye bar

blang byar 'gyur dgos pa'i phyir ro/ /tshogs pa bdag gi gdags
gzhi yin gyi/ bdag ma yin par gsungs pa 'dis phung po'i rgyun la
yang de ltar 'dod dgos par gsal lo/ /gal te de dag bdag ma yin
kyang/ dper

na; shing rta'i 'phang lo dang srog shing la sogs pa rnams
bsgrigs pa'i tshe dbyibs khyad par brnyed pa na shing rtar 'jog
pa bzhin du/ gzugs la sogs pa tshogs pa dbyibs khyad par ba la
bdag tu 'jog go snyam na/

'o na dbyibs ni gzugs can kho na la yod pas na/ sems la sogs pa
la bdag bzhag tu med par 'gyur te/ 'jug pa las/ dbyibs zhe na de
gzugs can la yod phyir/ /khyod la de dag nyid bdag ces 'gyur

gyi; ;sems sogs tshogs ni bdag nyid 'gyur min te/ /gang phyir de
dag la dbyibs yod ma yin/ /zhes so/ /des na shing rta rang bzhin
rnam pa bdun po de gang du yang med pa dang/ de lta na'ang rang
gi yan lag

@476a @#/ /la brten nas 'dogs pa ltar bdag kyang phung po dang
gcig dang tha dad la sogs pa'i rang bzhin bdun po gang du yang
med pa dang/ 'on kyang phung po la brten nas 'dogs pa gnyis 'dra

ba'i phyir de gnyis dpe don du mdzad nas mdor gsungs pa grub pa
yin no/ /bzhi pa de la brten nas gang zag sgyu ma lta bur 'char
ba'i tshul ni/ sgyu ma'i don la gnyis gsungs te/ don dam bden pa
sgyu ma lta bur

gsungs pa lta bu yod pa tsam du grub kyang bden pa khegs pa la
byas ba dang/ gzugs sogs la sgyu mar gsungs pa rang gi rang
bzhin gyis stong bzhin du gzugs sogs su snang ba'i snang ba sgyu
ma lta bu gnyis las/

'dir ni phyi ma ste/ de yang phyi ma la snga ma'i sgyu ma'i don
yang yod la/ snga ma la phyi ma'i sgyu ma'i don yod pa'i nges pa
med do/ /phyi ma de'i 'grub lugs ni snang ba 'dzin pa dang stong
pa nges pa'i blo gnyis la brten nas

'grub ste/ dper na/ sgyu ma'i rta glang snang ba mig gi shes pas
mthong ba dang/ snang ba ltar gyi rta glang med par yid kyi shes
pas nges pa la brten nas rta glang du snang ba de sgyu ma'am
brdzun pa'i snang bar nges pa skye ba de bzhin

du; gang zag la sogs pa tha snyad pa'i shes pa la bsnyon du med
par snang ba dang/ de nyid rang gi ngo bos grub pa'i rang bzhin
gyis stong bar rigs shes kyis nges pa gnyis la brten nas gang
zag de sgyu ma'am brdzun

@476b pa'i snang bar nges pa skye ba yin no/ /'di la snang ba
yod par rigs shes kyis mi 'grub la/ rang bzhin gyis stong bar
tha snyad pa'i tshad mas mi 'grub pas rang bzhin yod med tshol
ba'i rigs pa'i shes pa dang gzugs

sogs yod par 'dzin pa'i tha snyad pa'i blo gnyis dgos pa'i rgyu
mtshan ni de yin no/ /des na gzugs sogs sgyu ma bzhin du 'char du
ma 'dod na de dag 'dzin pa'i tha snyad pa'i blo ngang gis yod
pas de bskyed pa'i thabs la

'bad mi dgos pas/ de rnams la rang bzhin yod med dpyod pa'i rigs
pas mang du dpyad nas rang bzhin khegs pa la nges pa drag po
bskyed nas/ de nas snang ba shar ba la bltas na sgyu ma lta bur
'char ba yin gyi/ sgyu

ma lta bu'i stong pa logs su gtan la 'bebs tshul med do/ /rigs
pa'i shes pas chos can snang ba la skye 'gag sogs kyi rang bzhin
rnam par bcad pa tsam gyi stong pa la nam mkha' lta bu'i stong
nyid dang/ de nas

rang bzhin gyis stong yang rang bzhin du snang ba'i gzugs sogs
kyi snang ba 'char ba la sgyu ma lta bu'i stong nyid ces sngon
gyi mkhas pa rnams gsung ngo/ /de bzhin du phyag skor ba bzlas
brjod sogs kyi spyod phyogs la 'jug

pa na yang/ sngon du de dag rang bzhin yod med dpyod pa'i rigs
pas rnam par dpyad nas rang bzhin dgag la/ de'i nges pa'i rtsis
zin par byas nas de dag la zhugs pas sgyu ma lta bur 'char ba la
bslab ste de'i ngang

@477a @#/ /nas de dag bya'o/ /'di'i gnad shes na mnyam gzhag tu
nam mkha' lta bu'i stong nyid bsgoms pas/ de'i stobs kyis rjes
thob tu sgyu ma lta bu'i stong nyid 'char ba'i tshul rnams legs
par shes par

'gyur ro/ /'di la yang sngar bshad pa ltar du dgag bya'i tshad
legs par ma zin par gcig tha dad sogs la rigs pas brtags pa na/
de dag la gnod pa mthong ba'i tshe gang zag la sogs pa ni ye mi
'dug go snyam pa dang/

gang zag la sogs pa'i dngos po rnams ri bong gi rwa la sogs pa
ltar don byed pa thams cad kyis stong pa'i dngos po med pa'o
snyam pa byung na ni chad lta chen po yin pas yang dag pa'i lta
ba'i gol sar shes par bya ste/ de lta

yin na ji lta bur/ /srid pa sgyu ma 'dra ma yin/ /zhes pa'i bzhi
brgya pa'i 'grel par/ rten cing 'brel par 'byung ba ni ji lta ba
bzhin mthong ba na sgyu ma byas pa lta bur 'gyur gyi/ mo gsham
gyi bu lta bu ni ma yin no/ /gal te rnam par dpyad

pa 'dis skye ba rnam pa thams cad du bkag pa las/ 'dus byas skye
ba med par bstan par 'dod na ni de'i tshe de sgyu ma lta bu nyid
du mi 'gyur gyi/ mo gsham gyi bu la sogs pa dag gis nye bar
gzhal bar 'gyur ba zhig na/ rten

cing 'brel par 'byung ba med par thal bar 'gyur ba'i 'jigs pas
de dag dang bstun par mi byed kyi/ de dang mi 'gal ba sgyu ma la
sogs pa dag dang ni byed do/ /zhes gsungs pas so/ /des na rang
bzhin yod med tshol ba'i

@477b rigs shes kyis sgyu ma tsam gyi don yod par bzung na'ang
skyon yin gyi/ rigs pa des rnam par dpyad nas rang bzhin khegs
pa'i shul du dngos po rnams la sgyu ma tsam gyi don nyid yod par
'dzin pa ni nges par skye dgos pas

skyon min te/ bzhi brgya pa'i 'grel pa las/ de'i phyir de ltar
yongs su dpyad pa na/ dngos po rnams kyi rang bzhin 'grub par mi
'gyur bas so so nas dngos po rnams la sgyu ma lta bu de nyid
lhag mar lus par 'gyur ro/ /zhes

sgyu ma'i don lhag mar lus dgos par gsungs pa'i phyir ro/ /'di
yang myu gu de'i rang gi ngo bos grub pa'i rang bzhin khegs pa
na/ rigs pa de'i 'du byed ji srid ma nyams pa de srid du rigs
pas 'thad mi 'thad dpyad nas myu gu la rang bzhin

yod par 'dzin pa mi skye yang/ myu gu la rang bzhin med pa der
bden snyam pa dang rang bzhin gyis stong pa'i snang ba sgyu ma
lta bur bden snyam na rigs pas dgag dgos pa'i 'dzin pa skyon can
yin gyi/ de dag med pa'i sgyu ma lta bu'i don yod par

'dzin pa la yang sgyu 'dzin gyi mngon zhen yod pas 'dor dgos so
snyam du 'dzin pa ni ye mi nyan te/ de lta ma yin na rten 'brel
gyi nges pa thams cad byar med pa'i skyon chen por 'gyur ba'i
phyir te sngar mang du bshad zin to/ /'di yang

sgyu ma lta bu'i don yod pa dang bden par yod pa gnyis ma phyed
pa yin par gdon mi za'o/ /gzhan yang yul dpyad de rigs pas gsil
ba na mi 'dug snyam pa dang por 'byung zhing/ de nas dpyod mkhan
la yang de dang 'dra bar mthong

@478a @#/ /nas med par nges mkhan yang yod pa min pas gang la
yang 'di yin 'di ma yin gyi nges pa byas med par song nas snang
ba ban bun du song ba'i snang ba 'char ba yang/ rang bzhin yod
med dang yod med

tsam ma phyed par rigs pas thams cad bkag pa la brten nas byung
ba yin pas de 'dra'i stong pa yang rten 'brel bshig pa'i stong
pa yin la/ des na de rtogs pas drangs pa'i snang ba ban bun du
shar ba yang sgyu ma lta bu'i don gtan

min no/ /des na rigs pas rnam par dpyad pa na/ gang zag la sogs
pa la rang gi ngo bos grub pa'i yul steng du sdod tshul cung zad
kyang mi 'dug go snyam pa dang/ de la brten nas snang ba 'di
rnams kyang ban bun du 'char ba tsam

dka' ba min gyi/ de 'dra de dbu ma'i grub mtha' la mos shing
rang bzhin med pa'i tshul ston pa'i chos than thun thos pa thams
cad la 'ong yang/ dka' sa ni rang gi ngo bos grub pa'i rang
bzhin ma lus par khegs pa dang rang

bzhin med pa'i gang zag la sogs pa de nyid las gsog pa po dang
'bras bu myong ba po la sogs par 'jog pa la nges pa gting nas
'drongs te/ de rnams su 'jog thub pa'i gnyis tshogs de srid mtha'
tsam du song bas

dbu ma'i lta ba shin tu rnyed dka' ba yin no/ /de 'dra zhig ma
rnyed na lta ba'i nges pa che ba tsam du spyod phyogs la nges pa
chung du 'gro la/ spyod phyogs la nges pa ji ltar che ba tsam du
lta ba'i nges pa chung du 'gro bar gdon mi za bas

@478b gnyis ka la stobs mtshungs su nges pa chen po skye ba'i
thabs med do/ /de'i phyir nges par yang na rang gi ngo bos grub
par 'dzin pa'i sgro 'dogs dang/ rtag lta dang dngos po yod par
lta ba'i mthar ltung la/ yang na dngos po rnams don

byed pa thams cad kyis stong par 'dzin pa'i skur 'debs dang chad
lta dang dngos po med par lta ba'i mthar ltung ba yin no/ /de
lta na ting nge 'dzin gyi rgyal po las/ de'i tshe sdig med stobs
bcu ldan pa yi/ /rgyal ba des ni ting 'dzin mchog

'di 'chad/ /srid pa'i 'gro ba rmi lam lta bu ste/ /'di la mi
skye su yang 'chi ba med/ /sems can mi dang srog kyang mi rnyed
de/ /chos 'di rnams ni dbu ba chu shing 'dra/ /sgyu ma lta bu
nam mkha'i glog 'dra ste/ /chu yi zla ba 'dra zhing smig rgyu

bzhin/ /mi 'ga' 'jig rten 'dir yang shi nas ni/ /'jig rten gzhan
du 'pho zhing 'gro med kyang/ /las byas rnams ni nam yang chud
mi za/ /'khor ba na yang dkar nag 'bras bu smin/ /rtag par ma
yin chad par mi 'gyur te/ /las bsags

med cing gnas pa dag kyang med/ /de yang byas nas reg par mi
'gyur min/ /gzhan gyis byas pa tshor bar 'gyur ba'ang med/ /ces
skye ba dang 'chi 'pho ba'i gang zag rigs pas mi rnyed kyang
chos rnams sgyu ma lta bu la dkar gnag gi

'bras bu rnams 'byung bas/ las byas nas 'bras bu reg pa ste
myong bar mi 'gyur ba min la/ gzhan gyis byas pa'i las kyi 'bras
bu gang zag gzhan gyis tshor ba'am myong ba'i ma byas pa dang
phrad pa med par gsungs pa lta bu'i

@479a @#/ /nges pa rnyed par bya'o/ /nges pa de tshol lugs ni
sngar bshad pa ltar rigs pa'i dgag bya'i spyi legs par 'char du
gzhug la/ rang rgyud kyi ma rig pas rang bzhin ji ltar sgro
btags pa rnams legs par bsams

la ngos zin par bya/ de nas rang bzhin de 'dra yod na gcig tha
dad las mi 'da' ba'i tshul dang/ de gnyis char khas blangs pa la
gnod byed yod lugs dmigs phyed par bsams la/ gnod byed mthong
ba'i nges pa drangs shing mthar gang

zag la rang bzhin cung zad kyang med do snyam pa'i nges pa brtan
par bya ste stong phyogs la de 'dra mang du sbyang/ de nas gang
zag gi tha snyad bsnyon mi nus par snang ba rnams blo'i yul du
'char du gzhug la/ de las gsog pa po dang 'bras

bu myong ba por 'jog pa'i rten 'brel gyi phyogs rnams yid la bya
zhing/ rang bzhin med pa la rten 'brel 'thad pa'i 'thad lugs
rnams la nges pa rnyed par bya'o/ /de gnyis 'gal bar snang ba'i
tshe na gzugs brnyan la sogs pa

dper blangs nas mi 'gal ba'i tshul bsam ste/ 'di ltar byad bzhin
gyi gzugs brnyan ni mig dang rna ba la sogs pa gang du snang ba
rnams kyis stong yang byad dang me long la brten nas skye ba
dang/ rkyen de dag 'ga' zhig log pa'i

tshe 'jig pa gnyis bsnyon mi nus par gzhi mthun du 'du ba bzhin
du/ gang zag la yang rang bzhin rdul tsam med kyang las gsog pa
po dang 'bras bu myong ba po dang sngon gyi las dang nyon mongs
sogs la brten nas skye ba yang mi 'gal lo

@479b snyam du sbyang bar bya ste/ 'di lta bu ni 'di 'dra thams
cad kyi skabs su shes par bya'o/ /'o na gzugs brnyan la sogs pa
'di dag gang du snang bas stong par nges pa 'di de dag gi rang
bzhin med pa rtogs pa yin na so so skye bo'i mngon sum gyis rang
bzhin med

pa rtogs par 'gyur bas de dag 'phags par 'gyur ro/ /min na 'di
rnams rang bzhin med pa'i dper ji ltar rung ste/ dpe de dag
kyang rang bzhin med par rtags la brten nas rtogs dgos na/ de'i
dper gang 'jog la sogs pa'i tshul gyis brtags na thug

med du brgyud dgos so snyam na/ 'di la snga ma kha cig gzugs
brnyan la sogs pa rnams ni rang bzhin med par mngon sum du rtogs
kyang 'phags par mi 'gyur te/ chos can nyi tshe ba'i stong nyid
tsam zhig rtogs pa'i phyir ro/ /'phags par 'gyur ba la ni

chos thams cad kyi rang bzhin med pa mngon sum du rtogs dgos pa
yin no zhes smra mod kyang/ rigs pa ma yin te/ bzhi brgya pa
las/ dngos po gcig gi lta po gang/ /de ni kun gyi lta por brjod/
/gcig gi stong nyid gang yin pa/ /de ni kun gyi stong pa

yin; ;zhes chos gcig gi rang bzhin med pa'i stong nyid rtogs
pas/ chos kun gyi stong nyid rtogs nus par gsungs pa'i phyir ro/
/des na gzugs brnyan byad bzhin gyis stong par rtogs pas byad
bzhin du bden par mi 'dzin yang gzugs brnyan

bden par yod par 'dzin pa la 'gal ba ci zhig yod/ 'di yang brda
la ma byang pa'i byis pa chung ngu rnams byad bzhin gyi gzugs
brnyan mthong ba na de la rtse ba sogs byed pas de dag gis ni
byad bzhin du bden par 'dzin la/ rgan po brda la byang ba

@480a @#/ /rnams kyis ni de dag byad bzhin du med bzhin du byad
bzhin gyis stong par nges kyang/ byad bzhin du snang ba'i gzugs
brnyan de nyid rang gi ngo bos grub pa'i yod par 'dzin pa ni
bden 'dzin yin la/ de yang rang

rgyud la yod par myong bas 'grub po/ /de lta yin na'ang rang
bzhin med pa'i dper rung lugs ni gang du snang ba de'i ngo bos
stong pas/ gang du snang ba de'i rang bzhin med pa ni mngon sum
gyis grub pas de nyid dper byed pa yin no/ /gang du

snang ba de'i rang bzhin gyis stong pa de myu gu la sogs pa'i
steng du tshad mas grub na ni/ myu gu'i rang bzhin med pa rtogs
pa yin pas gzugs brnyan sogs dang mi 'dra'o/ /'dis ni/ bum sogs
'di dag de nyid du med cing/ /'jig rten

rab tu grags par yod ji bzhin/ /zhes bum pa sogs rang bzhin med
pa'i dper dngos por smra ba la bkod pa yang gzugs brnyan la sogs
pa ltar nyi tshe ba'i stong pa yin gyi/ de dag gi rang bzhin med
pa min te sngar bshad pa ltar shing

rta la sogs pa de dag la rang bzhin med par bsgrub pa du ma
gsungs pa'i phyir ro/ /de bzhin du sgyu ma la yang ltad mo ba
'gas rta glang sogs su bden par 'dzin cing/ sgyu ma mkhan gyis
rta glang brdzun par shes pa yang nyi tshe ba'i stong pa'o/ /rmi

lam du snod bcud kyi dngos po dmigs pa la yang/ sad pa'i skabs
su de dag ji ltar snang ba des stong pa'i brdzun par 'dzin pa
dang gnyid log pa'i tshe de ltar 'dzin pa gang yin yang rmi lam
gyi skyes pa bud med du snang ba de skyes pa dang bud med

@480b gzhan gyis stong par 'dzin pa yin na'ang/ rmi lam rang
bzhin med par rtogs pa ma yin te/ dper na/ gzugs brnyan la sogs
pa la byad bzhin med par nges pa dang 'dra'o/ /sngar/ sgyu ma
smig rgyu sogs la btags pa gang/ /de dag 'jig rten las kyang

yod min/ zhes drangs pa ltar/ smig rgyu dang sgyu ma dang rmi
lam la chu dang rta glang dang skyes pa bud med sogs yod par
'dzin pa la/ tha snyad pa'i tshad ma rang dga' bas gnod pas de
dag gis zhen pa ltar gyi don med par shes pa ni chos rang bzhin
med par rtogs pa'i

lta ba min no/ /de ltar sngar bshad pa'i sgyu ma'i don de rnams
mdo sde zab mo'i tshigs su bcad pa'i dbyangs ngag tu brjod nas
kyang bsam par bya'o/ /de ni ting nge 'dzin gyi rgyal po las
gsungs pa ltar bya ste/ ji skad du/ ji ltar smig rgyu dri za'i
grong

khyer dang/ /sgyu ma ji bzhin rmi lam ji lta bur/ /mtshan ma
bsgom pa ngo bo nyid kyis stong/ /chos rnams thams cad de bzhin
shes par gyis/ /ji ltar nam mkha' dwangs par zla shar ba/ /de yi
gzugs brnyan dwangs pa'i mtshor snang ste/ /zla ba chu yi

nang du 'phos pa med/ /chos kun mtshan nyid de 'drar shes par
gyis/ /ji ltar mi dag nags ri'i khrod 'dug nas/ /glu len smra
dang rgod dang ngu ba las/ /brag cha thos kyang snang ba med pa
ltar/ /chos rnams thams cad de bzhin shes par gyis/ /glu dang

rol mo de bzhin du ba yang/ /de la brten nas brag cha 'byung mod
kyi/ /sgra la dbyangs de nam yang yod ma yin/ /chos rnams thams
cad de bzhin shes par gyis/ /ji ltar rmi lam na yang 'dod bsten
pa/ /skyes bu sad par gyur nas mi mthong ste/ /

@481a @#/ /byis pa shin tu 'dod la chags shing zhen/ /chos rnams
thams cad de bzhin shes par gyis/ /sgyu ma byed pa dag gis gzugs
sprul te/ /rta dang glang po shing rta sna tshogs byas/ /de la ji
ltar snang ba

gang yang med/ /chos rnams thams cad de bzhin shes par gyis/ /ji
ltar bu mo gzhon nu'i rmi lam na/ /bu pho byung zhing shi ba des
mthong nas/ /byung nas dga' zhing shi nas mi dga' ltar/ /chos
rnams thams cad de bzhin shes par

gyis; ;ji ltar mtshan mo chu yi zla ba dag  /dwangs shing rnyog pa
med pa'i chu nang snang/ /chu zla stong pa gsog ste gzung du
med/ /chos rnams thams cad de bzhin shes par gyis/ /ji ltar sos
ka'i nyi ma phyed dus na/ /skyes bu skom pas gdungs shing

'gro ba yis/ /smig rgyu dag la chu yi phung por mthong/ /chos
rnams thams cad de bzhin shes par gyis/ /smig rgyu la yang chu
ni yongs med na/ /sems can rmongs pa de la 'thung 'dod de/ /mi
bden chu ni btung bar yongs mi nus/ /chos rnams thams

cad de bzhin shes par gyis/ /ji ltar chu shing rlon pa'i sdong
po la/ /snying po 'dod phyir skyes bus de gshags kyang/ /nang
dang phyi rol kun na snying po med/ /chos rnams thams cad de
bzhin shes par gyis/ /zhes so/ /gnyis pa ming gi khyad par

gyi sgo nas 'grub tshul don la sbyar ba ni/ ji ltar 'phang lo la
sogs pa la brten nas shing rtar btags pa na/ yan lag de rnams
nye bar blang bar bya ba yin la/ shing rta nye bar len pa po yin
pa de bzhin du phung po lnga dang khams drug dang skye

@481b mched drug la brten nas bdag tu 'dogs pa na/ de dag nye
bar blang bya dang bdag ni nye bar len pa po dang shing rta dang
de'i yan lag rnams byed pa po dang las su 'jog pa bzhin du/
/bdag ni phung po sogs len pa'i bya ba byed pas byed pa po dang
phung

po la sogs pa ni des blang bar bya ba'i las yin pas bya ba yin
te/ 'jug pa las/ de bzhin 'jig rten grags pas phung po dang/
/khams dang de bzhin skye mched drug brten nas/ /bdag kyang nye
bar len po nyid du 'dod/ /nyer len las yin

'di ni byed po'ang yin/ /zhes so/ /'di yang shing rta ltar de
kho na nyid la dpyod pa na rnam pa bdun po gang du yang bdag de
rnyed par mi 'gyur bas/ rang bzhin cung zad kyang med kyang ma
dpyad par kun rdzob tu yod do/ /gnyis pa des bdag gi ba

yang khegs par bstan pa ni/ de ltar bdag de rang bzhin yod med
tshol ba'i rigs pas btsal ba na bdun po de gang du yang ma rnyed
pas/ bdag la rang bzhin khegs pa de'i tshe rigs pas 'di ni bdag
de'i mig la sogs pa'o zhes ji ltar rnyed

par 'gyur/ de ltar na bdag gi ba la yang rang bzhin med de/ rnal
'byor pas bdag dang bdag gi ba'i rang bzhin 'ga' yang ma dmigs
pa na 'khor ba las rnam par grol bar 'gyur te 'di ni 'chad par
'gyur ro/ /rab byed bco brgyad pa

las; bdag nyid yod pa ma yin na/ /bdag gi yod par ga la 'gyur/
/zhes dang/ 'jug pa las kyang/ gang phyir byed po med can las
med pa/ /de phyir bdag gi bdag med par yod min/ /de phyir bdag
dang bdag gi stong lta bas/ /

@482a @#/ /rnal 'byor pa de rnam par grol bar 'gyur/ /zhes so/
/bdag la rang bzhin med par rtogs pa'i mthus bdag gi ba yang
rang bzhin med pa rtogs par 'gyur ba dogs gcod dang bcas pa ni
sngar brjod

zin pa las shes par bya'o/ /gsum pa rigs pa de rnams gzhan la
yang sbyar ba'i tshul ni/ ji ltar bdag dang phung po'i dpyad pa
shing rta'i dpyad pa dang mtshungs pa de bzhin du bum pa dang
snam bu la sogs pa rnams kyang shes par bya

ste; bum pa la sogs pa rnams rang gi gzugs la sogs pa rnams dang
gcig tha dad la sogs pa'i dpyad pas rang bzhin yod med tshol ba'i
rigs pas rnam pa bdun du btsal ba na/ de dag tu bden gnyis gang
du'ang mi rnyed

cing ma dpyad pa'i tha snyad pa'i shes ngo na 'jog pa yin te/
'phags pa sdom pa gsum bstan pa las/ 'jig rten nga dang rtsod
kyi/ nga ni 'jig rten dang mi rtsod de/ 'jig rten na gang yod pa
dang med par 'dod pa de nga yang de ltar

'dod do/ /zhes gsungs pas na/ 'jig rten gyi grags pa rigs pas mi
'gog par zhal gyis bzhes pa'i phyir ro/ /de ltar yang 'jug pa
las/ bum pa snam bu re lde dmag dang nags tshal phreng ba ljon
shing dang/ /khang khyim shing rta phran

dang 'gron gnas la sogs dngos rnams gang dag dang/ /de bzhin
gang dag sgo nas skye 'dis bsnyad pa de rnams rtogs bya ste/
/gang phyir thub dbang de ni 'jig rten lhan cig rtsod mi mdzad
phyir ro/ /yan lag yon tan 'dod chags mtshan

@482b nyid dang ni bud shing la sogs dang/ /yon tan can yan lag
can chags dang mtshan gzhi me la sogs don dag  /de rnams shing
rta'i rnam dpyad byas pas rnam pa bdun du yod min zhing/ /de las
gzhan du gyur par 'jig rten grags pa'i sgo

nas yod pa yin/ /zhes gsungs so/ /de la gang gi sgo nas skye bo
'jig rten pa 'dis bsnyad pa de rnams kyang ma brtags par yod pa
kho nar rtogs par bya ste/ de yang gang zhe na/ yan lag dang yan
lag can la sogs pa ste 'di dag ni bum pa la

mtshon na/ bum pa ni yan lag can dang yon tan can dang mtshan gzhi
yin la/ gyo mo la sogs pa'i yan lag dang sngon po la sogs pa ni
yon tan dang/ lto ldir ba dang mchu 'phyang ba dang mgrin pa
ring ba sogs ni mtshan nyid yin te/ snam bu

sogs la yang de bzhin du sbyar ro/ /'dod chags ni lhag par zhen
pa dang chags pa ni de'i rten te/ de yang chags can gyi gang zag
la 'grel bshad las bshad do/ /me ni sreg byed/ bud shing ni
bsreg bya'o/ /de la yan lag la brten nas yan

lag can 'dogs la/ yan lag can la brten nas kyang yan lag 'dogs
pa nas me la bltos nas bud shing dang bud shing la bltos nas mer
'dogs pa'i bar du sbyar ro/ /rab byed brgyad pa las kyang/ byed
po las la brten byas shing/ /las

kyang byed po de nyid la/ /brten nas 'byung ba ma gtogs pa/
/grub pa'i rgyu ni ma mthong ngo/ /zhes dang/ byed pa po dang
las dag gis/ /dngos po lhag ma shes par bya/ /zhes gsungs pas/
bskyed bya skyed byed dang 'gro ba dang 'gro ba po dang

@483a @#/ /blta bya lta byed dang tshad ma dang gzhal bya la sogs
pa thams cad ngo bo nyid kyis ma grub cing/ phan tshun bltos pa'i
grub pa tsam du shes par bya'o/ /de ltar na bdag lta bu gcig la
ji ltar dpyad pas rang bzhin gyis

stong pa dang rang bzhin med pa la bya byed 'thad pa'i bden
gnyis kyi 'jog tshul shes na/ de chos thams cad la khyer nas
thams cad kyi rang bzhin med pa bde blag tu rtogs par nus pas
sngar bshad pa'i dpe don gnyis la nges pa thob

par bya'o/ /de ltar yang ting nge 'dzin gyi rgyal po las/ ji
ltar khyod kyis bdag gi 'du shes ni/ /shes pa de bzhin kun la
blos sbyar bya/ /chos rnams thams cad de yi ngo bo nyid/ /rnam
par dag pa nam mkha' lta bu yin/ /gcig gis kyang

ni thams cad shes/ /gcig gis kyang ni thams cad mthong/ /ji
snyed mang po bshad byas kyang/ /de la dregs pa skye ba med/
/ces gsungs pa ltar ro/ /gnyis pa chos kyi bdag med gtan la dbab
pa ni/ gang zag tu gdags pa'i gzhi phung

po lnga dang sa'i khams la sogs pa khams drug dang mig la sogs
pa'i skye mched drug la sogs pa ni chos yin la/ de rang gi ngo
bos grub pa'i rang bzhin gyis stong ba ni chos de dag gi bdag
med pa yin no/ /de gtan la 'bebs tshul

mang du yod kyang 'jug par/ mu bzhi'i skye ba bkag nas dngos po
la rang bzhin med par gtan la phab pa de nyid 'grel par chos kyi
bdag med du gsungs pas 'dir de mdor bsdus te brjod par bya'o/
/rab byed dang po las/ bdag las

@483b ma yin gzhan las min/ /gnyis las ma yin rgyu med min/
/dngos po gang dag gang na yang/ /skye ba nam yang yod ma yin/
/zhes so/ /phyi nang gi dngos po gang dag bdag las gang na yang
skye ba nam yang yod ma yin zhes pa dang/ de bzhin

du dam bca' gzhan gsum la yang sbyar bar bya'o/ /de ltar bdag
las skye ba thal 'gyur gyis 'gog pa ni/ de ltar dam bcas kyang
de la sgrub byed kyi dpe rtags mi brjod par dam bca' de dag las
ldog pa la gnod pa ston pa'o/ /'dir rang

bzhin gyis skye na rgyu la bltos mi bltos gnyis su kha tshon chod
pas rgyu la bltos pa la yang 'bras bu dang rgyu gnyis rang bzhin
gcig dang tha dad gnyis su kha tshon chod pa yin no/ /de la rgyu
'bras rang bzhin gcig pa'i skye ba ni/ bdag skye dang

rang bzhin tha dad pa'i skye ba ni gzhan skye yin pas/ de dag la
yang bdag gzhan re re ba dang bdag gzhan tshogs pa las skye ba
gnyis su nges la/ re re ba la bdag skye dang gzhan skye gnyis
yin pas mu bzhi'i skye ba tsam zhig 'gog pa'i

mtha' gzhan sel lugs ni de ltar du yin no/ /myu gu ni myu gu'i
rang gi bdag nyid las skye na skye ba don med par 'gyur te/ skye
ba ni gang du skye bar bya ba de'i bdag nyid thob par bya ba'i
phyir yin na/ myu gu rang gi bdag nyid thob zin pa'i

phyir ro/ /dper na/ mngon par gsal ba'i myu gu bzhin no/ /skye
ba thug med du yang 'gyur te/ skyes zin pa'i sa bon slar yang
skye na ni/ sa bon de nyid yang dang yang du skye dgos pas so/
/de lta na sa bon tsam zhig rgyun du skye bas myu gu la

@484a @#/ /sogs pa skye ba'i go skabs mi rnyed pa'i skyon du
'gyur ro/ /rab byed nyi shu pa las kyang/ rgyu dang 'bras bu
gcig nyid na/ /bskyed bya skyed byed gcig tu 'gyur/ /zhes so/
/'jug pa las kyang/ de ni

de las 'byung na yon tan 'ga' yang yod ma yin/ /skyes par gyur
pa slar yang skye ba rigs pa'ang ma yin nyid/ /skyes zin slar
yang skye bar yongs su rtog par 'gyur na ni/ /de phyir myu gu
sogs kyi skye ba 'dir rnyed mi 'gyur zhing/ /

zhes dang/ de phyir dngos po bdag las 'byung zhes rab tu btags
pa 'di/ /de nyid dang ni 'jig rten du yang rigs pa ma yin no/
/zhes so/ /ci ste gzhan du gyur pa'i rkyen bzhi las 'bras bu
skye bar gsungs pa'i phyir gzhan las skye'o

snyam na/ rang bzhin tha dad pa'i rgyu las 'bras bu skye na/ me
lce las kyang mun pa 'thug po 'byung bar 'gyur te/ gzhan yin
pa'i phyir ro/ /gzhan yang rgyur gyur ma gyur thams cad las
'bras bu yin min thams cad skye bar 'gyur te/

gzhan nyid mtshungs pa yin pa'i phyir ro zhes pa'o/ /'di'i don ni
sa myug la rang gi ngo bos grub pa'i rang bzhin khas len na/ sa
lu'i myu gu de rang gi skyed byed du mi rung ba'i me la sogs pa
las rang gi ngo bo'i sgo nas rang bzhin tha

dad du song ba'i song lugs de dang/ rang gi rgyu sa lu'i sa bon
las rang bzhin tha dad du song ba'i song lugs gnyis char rnam pa
thams cad du mtshungs par snang ngo/ /de lta na ji ltar skyed
byed du mi rung ba las rang bzhin tha dad par snang ba 'char

@484b ba'i tshe/ tha dad rang dbang ba rag ma las 'char ba bzhin
du rang gis lu'i sa bon las tha dad pa snang ba'i tshe yang tha
dad kyi cha ni de ltar snang ngo/ /tha dad du snang ba'i tshul de
de dag gi rang gi ngo bo'i sgo nas grub pa'i rang bzhin yin na
me la sogs pa las mi

skye ba dang sa lu'i sa bon las skye ba'i khyad par rnam pa
thams cad du 'byed mi nus pa yin no/ /gal te skye mi skye'i
khyad par 'byed na ni/ rang bzhin tha dad pa'i tha dad tshul de
la yang khyad par phye zhig ces 'gal ba ston pa yin no/ /de ltar
yang 'jug

'grel las/ ji ltar skyed par byed pa'i sa lu'i sa bon rang gi
'bras bu sa lu'i myu gu las gzhan nyid yin pa de bzhin du skyed
par byed pa ma yin pa me dang sol ba dang nas kyi sa bon la sogs
pa yang gzhan yin no/ /yang ji ltar sa lu'i sa bon

gzhan du gyur pa las sa lu'i myu gu skye ba de bzhin du me dang
sol ba dang nas kyi sa bon la sogs pa dag las kyang 'gyur ro/
/yang ji ltar sa lu'i myu gu gzhan du gyur pas lu'i sa bon las
'byung ba de bzhin du bum pa dang snam bu la sogs pa rnams

kyang 'gyur ba zhig na de ni mthong ba ma yin te/ de'i phyir 'di
yod pa ma yin no/ /zhes gsal bar gsungs pas/ ldog pa gcig pa'i
dpung 'phul gyis khyab pa de bsgrub par 'dod pa ni slob dpon gyi
bzhed pa min zhing/ de'i gnod byed kyang tshang mang gi

steng du du yod tsam la me yod tsam gyis khyab pa mi 'grub pa
dgag pa'i skabs su bshad zin to/ /rab byed nyi shu pa las kyang/
rgyu dang 'bras bu gzhan nyid na/ /rgyu dang rgyu min mtshungs
par 'gyur/ /zhes dang/ 'jug pa las kyang/ gzhan la brten

@485a @#/ /nas gal te gzhan zhig 'byung bar 'gyur na ni/ /'o na
me lce las kyang mun pa 'thug po 'byung 'gyur zhing/ /thams cad
las kyang thams cad skye bar 'gyur te gang gi phyir/ /skyed par
byed pa ma yin ma lus la yang

gzhan nyid mtshungs/ /zhes gsungs so/ /de 'dra ba'i thal 'gyur de
la rgyud gcig tu gtogs mi gtogs la sogs pas lan mi thebs te/
rang bzhin tha dad pa'i gzhan yin na rgyud gcig tu gtogs pa nyid
mi 'grub pa snga ma dang 'dra ba'i phyir ro//

skye ba dang mi skye ba'i nges pa mthong ba yang lan du mi rung
ste/ tha dad tha snyad pa'i blos bzhag pa min par rang gi ngo
bo'i sgo nas yul steng du grub na nges pa mthong ba de yang ji
ltar 'thad ces dpyod pa'i skabs yin pa'i phyir ro/ /gnyis las
skye ba

smra ba rnams ni/ rdza bum 'jim pa las skye ba de bdag las skye
ba yin la/ rdza mkhan la sogs pa las skye ba de gzhan las skye
bar smra'o/ /nang la yang lhas byin tshe rabs gzhan du yang srog
gi bdag nyid du yod pa kho nas skye ba 'di len

pas lhas byin dang srog gnyis gcig yin pa'i phyir bdag las skye
la/ pham dang las dkar gnag las skye ba ni gzhan skyer smra'o/
/bdag kho na las kyang mi skye la/ gzhan kho na las kyang mi
skye bas gnyis ka tshogs pa las skye ba'o/ /

'di ni sngar bshad pa'i rigs pa nyid kyis khegs te/ bdag las
skye ba'i cha ni bdag skye 'gog pa'i rigs pas dgag la/ gzhan las
skye ba'i cha ni gzhan skye 'gog pas dgag go /'jug pa las kyang/
gnyis las skye ba'ang

@485b rigs pa'i ngo bo ma yin gang gi phyir/ /bshad zin nyes pa
de dag thog tu 'bab pa yin phyir ro/ /'di ni 'jig rten las min
de nyid du yang yod min te/ /gang phyir re re las ni skye ba
'grub pa yod ma yin/ /zhes so/ /ngo bo nyid las

byung bar smra ba rnams ni pad ma'i rtsa ba'i rtsub pa dang 'dab
ma'i 'jam pa rnams ni 'ga' zhig gis 'bad nas byed pa ma mthong
ngo/ /de bzhin du rma bya la sogs pa 'ga' zhig gis bzung nas kha
dog dang dbyibs rnams 'god

pa ma mthong ngo/ /de'i phyir dngos po rnams kyi skye ba ni ngo
bo nyid las byung ba kho na'o zhes smra'o/ /'di mi 'thad de/
rgyu med las skye na yul dang dus gcig na yod pa'i skye ba de
yul dus thams cad na yod dgos la/ yang na

'gar yang med dgos te/ yul dus 'dir 'byung la 'dir mi 'byung
ba'i rgyu mtshan de dag gi rgyu yod med bstan du med pa'i phyir
ro/ /rma bya'i mdongs kyang bya rog la yang yod pa la sogs par
'gyur te/ mdor na/ gcig skyes na

thams cad las skye ba'am yang na nam yang skye bar mi 'gyur ba
dang/ 'bras bu 'thob pa'i phyir du 'jig rten rnams de'i rgyu la
'bad pa du ma byed pa thams cad don med par 'gyur ro/ /'jug pa
las kyang/ gal te rgyu med kho nar

skye bar lta zhig 'gyur na ni/ /de'i tshe mtha' dag rtag tu thams
cad las kyang skye 'gyur zhing/ /'bras 'byung ched du 'jig rten
'di yis sa bon la sogs ni/ /brgya phrag dag gi sgo nas sdud par
byed par yang mi 'gyur/ /zhes so/ /de ltar mu

@486a @#/ /bzhi'i skye ba la gnod pa mthong ba la brten nas mtha'
bzhi las skye ba med pa 'grub la/ de la ni rang bzhin gyis skye
ba med pas khyab pa sngar mtha' gzhan 'gog pa'i skabs su bshad
pa ltar 'grub

bo; ;de'i phyir dngos po rnams la rang bzhin med pa yang de la
brten nas nges par 'gyur te/ 'di ni thal 'gyur byas pa'i tshe
de'i byed pa la brten nas rjes dpag skyes pa yin gyi/ dngos su
dam bca' bsgrub pa'i sbyor ngag med do/ /

'jug pa las/ gang gi phyir na bdag dang gzhan dang gnyis ka las
skye dang/ /rgyu la ma bltos yod pa min pas dngos rnams rang
bzhin bral/ /zhes skye ba'i mtha' bzhi la gnod byed brjod pa
rnams kyi don bsdus nas gsungs pa ni/

thal ba bkod pa'i 'bras bu la rtags la brten nas rjes dpag ji
ltar skye ba'i tshul bstan pa yin gyi/ dang po nas phyi rgol la
gzhan grags de ltar bkod pa min no/ /de ltar rang bzhin gyis
skye ba bkag pa la brten nas dngos po rnams

rang bzhin med pa'i nges pa rnyed na/ dngos po med pa la yang
rang bzhin med par nges pa rnyed par sla bas chos thams cad rang
bzhin gyis stong par rtogs pa dbu ma'i lta ba bde blag tu rnyed
do/ /gzhan yang rab byed bdun pa las/ rten cing

'byung ba gang yin pa/ /de ni ngo bo nyid kyis zhi/ /zhes dang/
'jug pa las kyang/ gang phyir dngos po brten nas rab 'byung bas/
/rtog pa 'di dag brtag par mi nus pa/ /de phyir rten 'byung rigs
pa 'di yis ni/ /lta ngan dra ba mtha' dag gcod

@486b par byed/ /ces gsungs pa ltar/ rten 'brel gyi rtags la
brten nas myu gu la sogs pa rang bzhin gyis stong pa la nges pa
rnyed na ni gol sa gcod pa blo la shin tu rnam pa gsal bas cung
zad brjod par bya'o/ /'dir myu gu ni rang gi ngo

bos grub pa'i rang bzhin med de/ rang gi rgyu rkyen la brten nas
'byung ba'i phyir/ dper na gzugs brnyan bzhin/ zhes gzhan grags
kyi rjes dpag bya'o/ /dper na/ byad bzhin gyi gzugs brnyan snang
ba na byis pa chung ngu rnams mig

rna segs su snang ba de ni de 'dra ba'i blo'i ngo na de ltar yin
gyi/ ji ltar snang ba ltar gyi don rang gi gnas tshul min no
snyam du mi 'dzin par don de rang gi gnas lugs sam sdod lugs su
'dzin pa bzhin du sems can rnams kyang myong ba

dang snang ba'i chos rnams la/ de ltar snang ba'i blo'i dbang
gis bzhag pa min par/ don de dag la ji ltar snang ba ltar gyi
rang gi ngo bo'i sgo nas yul steng du sdod tshul yod par 'dzin pa
ni rang bzhin yod par sgro btags tshul yin la/ de'i

yul gyi rang bzhin de 'dra ni rang gi ngo bo dang rang bzhin
dang rang dbang ba'i don yin pas de 'dra ba yod na ni rgyu rkyen
gzhan la rag las pa 'gal te/ mi 'gal na ni grub zin pa'i bum pa
slar yang rgyu rkyen las skye mi dgos pa khas blang du mi

rung ba yin no/ /de ltar yang bzhi brgya ba las/ gang la brten
nas 'byung yod pa/ /de ni rang dbang mi 'gyur ro/ /'di kun rang
dbang med pa ste/ /des na bdag ni yod ma yin/ /zhes gsungs
shing/ de'i 'grel pa las kyang/ 'di na gang

@487a @#/ /rang gi ngo bo dang rang bzhin dang rang dbang dang
gzhan la rag ma las pa nyid yin pa de la ni rang las grub pas
rten cing 'brel par 'byung ba yod pa ma yin na/ 'dus byas thams
cad rten cing 'brel par 'byung ba

yang yin no/ /de ltar dngos po gang la brten nas 'byung ba yod
pa de ni rang dbang du mi 'gyur te/ rgyu dang rkyen la rag las
te skye ba'i phyir/ 'di kun rang dbang med pa ste/ de'i phyir
dngos po gang la yang bdag ste rang bzhin yod pa ma

yin no/ /zhes gsungs so/ /rang dbang ba ni rang gi ngo bos grub
par snang ba'i tshe na shes pa de dag la gzhan la rag ma las su
snang zhing/ snang ba ltar yang grub pa'i don no/ /'on kyang
rgyu rkyen gzhan la rag ma las la byas nas de bkag na

ni rang sde la bsgrub mi dgos pa dang/ de khegs kyang dbu ma'i
lta ba rnyed par 'jog mi nus pas yul steng du rang gi ngo bo'i
sgo nas rang tshugs thub pa'i sdod lugs la rang dbang bar bya'o/
/des na rang bzhin gyis stong pa'i don ni rang

dbang ba'i ngo bo de dang bral ba la byed kyi/ don byed pa'i
dngos po med pa la mi byed pas/ rten 'brel yin pa'i rgyu mtshan
gyis rang bzhin dgag nus pa yin te/ lung snga ma'i mjug nyid
nas/ de'i phyir 'dir rten cing 'brel par 'byung

ba rang dbang ba'i ngo bo dang bral ba'i phyir/ rang dbang ba'i
ngo bo dang bral ba'i don stong pa nyid kyi don yin gyi/ thams
cad dngos po med pa'i don ni ma yin no/ /zhes gsungs so/ /des na
don byed pa'i dngos po med par lta ba ni kun byang gi rten 'brel
sgyu ma lta bu la skur 'debs

@487b yin pas phyin ci log yin la/ rang bzhin gyis grub pa'i
dngos po yod par lta ba yang phyin ci log ste/ rang bzhin de
'dra ba gang la yang med pa'i phyir ro/ /de ltar yang de ma thag
gi lung de'i mjug nas/ de'i phyir 'di la rten cing 'brel

par 'byung ba byas shing sgyu ma dang 'dra ba kun nas nyon mongs
pa dang rnam par byang ba'i rgyu la skur pa btab pas de med par
lta ba phyin ci log yin la/ rang bzhin yod pa ma yin pa'i phyir
na dngos por lta ba yang phyin ci log yin no/ /de'i

phyir de ltar na dngos po rang bzhin dang bcas par smra ba rnams
la rten cing 'brel par 'byung ba med pa dang/ rtag pa dang chad
par lta ba'i skyon du 'gyur ro/ /zhes gsungs so/ /des na rtag
chad kyi lta ba dang bral bar 'dod pas rang bzhin

med pa dang kun byang gi rten 'brel sgyu ma lta bu khas blang
bar bya'o/ /gal te rang dbang ba'i ngo bo don byed pa'i rten
'brel gyis bkag nas rang dbang dang bral ba'i don rten 'brel gyi
don yin na/ khyod kyis nged la ci zhig bkag ste/ kho bo cag

kyang don byed pa'i rten 'brel 'dod pas so/ /de'i phyir khyed
dang nged la khyad med do snyam na/ khyed kyis rten 'brel rgyu
'bras khas blangs kyang byis pa chung ngu byad bzhin gyi gzugs
brnyan la byad bzhin du bden par 'dzin pa ltar/ rten 'brel

de la rang bzhin gyis grub par sgro btags nas dngos po'i rang gi
ngo bo nyid du brjod pas na rten 'brel ji bzhin ma rtogs pa dang
ji bzhin min par brjod la/ kho bos ni rang bzhin med par 'dod
cing de ltar smra bas khyad par ni de'o/ /de ltar

@488a @#/ /yang de ma thag gi lung de'i mjug nas/ ci ste gal te
rang dbang med pa'i don rten cing 'brel par 'byung ba'i don yin
na ni/ 'o na/ gang khyed kyis nged cag la gnod par 'gyur ba
khyod dang nged cag la khyad par ci

yod snyam du sems na/ bshad par bya ste/ gang khyod kyis rten
cing 'brel par 'byung ba'i don ji lta ba bzhin rtogs pa dang
brjod mi shes pa 'di ni khyad par ro/ /ji ltar byis pa gzhon nu
tha snyad la ma byang bas gzugs brnyan la bden par

gyur par lhag par sgro btags pas ji lta ba bzhin gnas pa'i rang
bzhin stong pa nyid bsal nas rang bzhin dang bcas par rtog pa na
gzugs brnyan rtog mi shes pa de bzhin du/ khyod kyis kyang rten
cing 'brel par 'byung ba khas

blangs kyang gzugs brnyan dang mtshungs pa'i rten cing 'brel par
'byung ba rang bzhin gyis stong pa nyid du gyur kyang/ rang gi
ngo bo ji ltar gnas pa bzhin khong du chud par mi shes te/ rang
bzhin med pa la rang bzhin med pa nyid du mi 'dzin

pa'i phyir dang/ yod pa ma yin pa'i rang gi ngo bo la yod pa'i
rang gi ngo bo nyid du lhag par sgro btags nas 'dzin pa'i phyir
ro/ /brjod kyang mi shes te/ rang bzhin med pa nyid du mi brjod
pa'i phyir dang/ dngos po'i rang gi ngo bo nyid du

brjod pa'i phyir ro zhes so/ /rgyu 'bras kyi rten 'brel khas
blangs par 'dra yang/ rang bzhin med pa dang rang bzhin yod par
smra ba'i sgo nas rten 'brel ji bzhin du rtogs ma rtogs dang/
brjod shes mi shes kyi khyad par bstan pa

@488b 'dis ni don byed pa'i dngos po khas len na dngos por smra
ba rnams de la bden par grub pa zhes smra bas bden par yod med
la rtsod pa ni ming la rtsod pa'o snyam pa dang/ de bzhin du tha
snyad du don byed pa'i dngos po 'dod na tha snyad du rang gi
mtshan

nyid kyis grub pa'i rang bzhin yod med la rang rgyud pa dang
rtsod pa ni ming tsam la rtsod pa ste/ rang rgyud pas kyang de
la rang gi mtshan nyid kyis grub par smra bas so snyam du 'dzin
pa rnams gsal bar bkag go/ /de 'dra ba ni dper na/ grangs

can yang nyan shes kyi yul na grags pa'i don 'di la rtag par
smra bas/ nyan shes kyi yul du grags pa'i don 'di 'dod na sgra
rtag pa 'gog pa ni ming tsam la sdang ba'o zhes smra ba dang
'dra bar snang ngo/ /sems can gzhan rnams ni

rgyu dang rkyen la brten nas skye bar bzung ba na/ de la brten
nas rang gi ngo bo nyid kyis grub pa'i rang bzhin yod par 'dzin
pas 'ching bar 'gyur pa la/ mkhas pa dag la ni rgyu mtshan de la
brten nas rang bzhin yod pa 'gog cing rang bzhin

med pa la nges pa drangs te/ mthar 'dzin gyi lta ba'i 'ching ba
gcod pas na/ rten 'brel gyi rtags kyis rang bzhin med pa 'grub
pa 'di ni rmad du byung ba'i thabs la mkhas pa chen po'o/ /don
gyi dbang 'di gzigs nas bcom ldan

'das kyis/ gang zhig rkyen las skyes pa de ma skyes/ /de la skye
ba'i rang bzhin yod ma yin/ /rkyen la rag las gang de stong par
bshad/ /gang zhig stong nyid shes de bag yod yin/ /zhes rkang pa
dang po gnyis kyis rkyen las skyes pa la

@489a @#/ /rang bzhin gyis ma skyes pas khyab par gsungs nas/
rkang pa gsum pas rkyen la rag las pa'i rten 'brel gyi don rang
bzhin gyis stong pa'i don du gsungs shing/ rkang pa bzhi pas ni
stong nyid de ltar

rtogs pa'i phan yon bstan to/ /de bzhin du/ mkhas pas rten
'byung chos rnams rtogs gyur te/ /mthar lta ba la brten par yong
mi byed/ /ces rten 'brel rtogs pas mthar 'dzin gcod par gsungs
so/ /gzhan yang rang gi ngo

bos grub pa'i rang bzhin yod na rgyal ba nyan thos dang bcas pas
de ltar gzigs dgos pa las ma gzigs pa dang/ rang bzhin de la
rkyen gyis ci yang byar med pas mtshan mar 'dzin pa'i spros pa'i
dra ba bcad du med pas grol

ba med par 'gyur te/ glang po'i rtsal gyi mdo las/ gal te chos
rnams rang bzhin yod gyur na/ /rgyal ba nyan thos bcas pas de
mkhyen 'gyur/ /ther zug chos ni mya ngan 'da' mi 'gyur/ /mkhas
rnams nam yang spros

dang bral mi 'gyur/ /zhes gsungs pa ltar ro/ /rab byed gsum pa
dang bzhi pa dang lnga pa nas skye mched dang phung po dang
khams la rang bzhin yod pa 'gog pa'i rigs pa rnams kyis chos la
bdag med pa gtan la phab na'ang

shin tu legs mod kyi/ tshig mangs pas 'jigs nas ma spros so/
/gsum pa lta ba de dag goms pas sgrib pa spong ba'i tshul ni/ de
ltar bdag dang bdag gi ba la rang bzhin gyis grub pa rdul tsam
yang med par mthong nas/

@489b de'i don goms par byas pas bdag dang bdag gir 'dzin pa'i
'jig lta ldog la/ de log na 'dod pa nye bar len pa sogs sngar
bshad pa'i len pa bzhi ldog cing/ de log na len pa'i rkyen gyis
srid pa 'byung ba med pas srid

pa'i rkyen gyis phung po nying mtshams sbyor ba'i skye ba zad pas
thar pa 'thob ste/ rab byed bco brgyad pa las/ bdag dang bdag gi
zhi ba'i phyir/ /ngar 'dzin nga yir 'dzin med 'gyur/ /zhes dang/
nang dang phyi rol dngos dag la/ /bdag

dang bdag gi snyam zad na/ /nye bar len pa 'gag 'gyur zhing/ /de
zad pas na skye ba zad/ /ces gsungs so/ /de ltar byas na nye bar
len pa ni nyon mongs dang/ srid pa ni las yin pas skye ba'i rgyu
las dang nyon mongs pa zad pas thar

bar 'gyur te/ de nyid las/ las dang nyon mongs zad pas thar/
/zhes so/ /las nyon yang gang zad pas zad par 'gyur ba yang de
nyid las/ las dang nyon mongs rnam rtog las/ /de dag spros las
spros pa ni/ /stong pa

nyid kyis 'gag par 'gyur/ /zhes gsungs so/ /de la skye shi'i
'khor ba brgyud pa 'di ni las skye la/ nyon mongs ba can gyi
sems dang ldan pa'i sgo gsum gyi 'du byed kho na 'khor ba 'grub
pa'i las yin pas/

las ni nyon mongs las skye'o/ /yul rnams la sdug mi sdug la sogs
pa'i mtshan ma sgro 'dogs pa'i tshul bzhin ma yin pa'i rnam par
rtog pa ma bcug par 'jig lta'i rtsa ba can gyi nyon mongs rnams
mi skye bas/ chags

@490a @#/ /sdang sogs kyi nyon mongs 'jig lta'i rtsa ba can de
dag tshul bzhin ma yin pa'i rnam rtog las skye'o/ /'jig rten chos
brgyad dang skyes pa bud med dang bum pa dang snam bu dang
gzugs
dang tshor

ba sogs la 'di bden no snyam du mngon par zhen pa dag kho nas
tshul min yid byed kyi rnam par rtog pas yul de dag la rtog par
byed pa'i phyir/ rnam rtog de ni bden 'dzin gyi spros pa las
skye ste/ tshig gsal las/ 'jig rten

pa'i spros pa de yang ma lus par stong pa nyid kyis te/ dngos po
thams cad stong pa nyid du lta bas 'gag par 'gyur ro/ /ji ltar
zhe na/ gang gi phyir dngos por dmigs pa yod na ni/ ji skad du
bshad pa'i spros pa yod par 'gyur gyi/

mo gsham gyi bu mo ma dmigs par ni chags pa can dag de'i yul can
spros pa 'jug par mi byed do/ /spros pa ma bcug na ni/ de'i yul
tshul bzhin ma yin par rnam par rtog pa 'jug par mi 'gyur ro/
/rnam par rtog pa ma bcug par

yang nga dang nga'i zhes mngon par zhen pa las nyon mongs pa'i
tshogs 'jig tshogs la lta ba'i rtsa ba can skyed par mi byed do/
/nyon mongs pa'i tshogs 'jig tshogs la lta ba'i rtsa ba can ma
bskyed par ni las dag byed par mi 'gyur la/

las dag mi byed pa rnams ni skye ba dang rga shi zhes bya ba'i
'khor ba nyams su myong bar yang mi 'gyur ro/ /zhes so/ /stong
pa nyid rtogs pas de dag bzlog par 'gyur tshul yang de nyid las/
gang gi phyir de ltar stong pa nyid spros pa ma

@490b lus pa nye bar zhi ba'i mtshan nyid can la brten nas spros
pa dang bral bar 'gyur zhing/ spros pa dang bral bas kyang rnam
par rtog pa ldog cing/ rnam par rtog pa log pas nyon mongs pa
ldog la/ las dang nyon mongs pa log pas skye ba ldog

pa de'i phyir stong pa nyid kho na spros pa thams cad ldog pa'i
mtshan nyid can yin pas/ mya ngan las 'das pa zhes bya'o zhes
shin tu gsal bar gsungs te/ 'dis ni stong pa nyid kyi lta ba
srid pa'i rtsa ba gcod byed dang/ thar pa'i lam gyi

srog dang 'dra bar sgrub byed yang dag pas bstan pa yin pas 'di
la nges pa brtan po rnyed pa dgos so/ /de ltar na/ slob dpon
'phags pa'i gzhung de dag gis ni nyan rang la yang chos thams
cad rang bzhin med par rtogs pa yod par

gsal bar gsungs te/ 'khor ba las grol ba rang bzhin med pa'i
stong pa nyid kyi lta bas sgrub par gsungs pa'i phyir ro/ /lta
ba 'di yang nyan rang rnams rang gi nyon mongs ma zad bar du
bsgom zhing/ nyon mongs zad pa na de tsam gyis chog

par bzung nas dus ring por sgom par mi byed pas shes bya'i sgrib
pa spong bar mi nus so/ /byang chub sems dpa' rnams ni nyon
mongs zad pa tsam gyi sgo nas rang 'khor ba las grol ba tsam
gyis chog par mi 'dzin par/ sems can

thams cad kyi don du sangs rgyas don du gnyer bas shes bya'i
sgrib pa zad zad du bsgom pas/ ches dus ring ba dang tshogs mtha'
yas pas brgyan te bsgom pa yin no/ /de ltar sgrib pa gnyis ka'i
sa bon drungs 'byin pa'i gnyen po

@491a @#/ /ni sngar bshad pa'i stong pa nyid kyi lta ba yin mod
kyang/ dus ring du bsgoms ma bsgoms kyi sgo nas nyon mongs pa'i
sgrib pa tsam spong nus kyi/ shes bya'i sgrib pa mi spong ba ni/
dper na/ bdag med pa'i rtogs

pa gcig nyid mthong spang dang sgom spang gnyis ka'i gnyen po
yin mod kyang/ bdag med mngon sum du mthong ba tsam gyis
mthong
spang spong nus kyi/ sgom spang spong mi nus pas sgom spang
spong ba la ring du bsgom dgos pa dang 'dra'o/ /de lta

na'ang shes sgrib spong ba la ni dus ring bar de tsam zhig
bsgoms pas kyang spong bar mi nus kyi/ spyod pa rlabs chen po
gzhan mang po la bslabs pa la yang ltos so/ /shes sgrib kyi
gnyen por bsgom pa med cing/ nyon sgrib spong

ba'i thabs tsam du bsgom pas nyan rang la chos kyi bdag med
rtogs pa yongs su rdzogs par bsgom pa med par gsungs pa yin te/
'jug 'grel las/ nyan thos dang rang sangs rgyas rnams kyis kyang
rten cing 'brel par 'byung

ba'i rkyen nyid 'di pa tsam mthong mod kyi/ de lta na yang de
dag la chos kyi bdag med pa yongs su rdzogs par bsgom pa med de/
khams gsum na spyod pa'i nyon mongs pa spong ba'i thabs shig ni
yod do/ /zhes gsungs so/ /de ltar na dbu

ma pa gzhan gyis chos kyi bdag 'dzin du bzhed pa slob dpon 'dis
nyon mongs can gyi ma rig par bzhed pa dang/ de zad par spong
ba'i chos kyi bdag med bsgom pa yod kyang/ chos kyi bdag med
rdzogs par bsgom pa med par gsungs pa

@491b rnams sngar dang skabs 'dir bshad pa bzhin du shes par
gyis shig  /'o na 'di pa'i lugs la shes sgrib gang la byed snyam
na/ shes sgrib ni thog ma med pa nas rang bzhin yod par zhen
pa'i dngos po la mngon par zhen pa'i sgo byed kyis

sems rgyud la bag chags brtan par bzhag pa'i bag chags kyi dbang
gis rang bzhin med bzhin du rang bzhin yod par snang ba'i gnyis
snang gi 'khrul pa rnams yin te/ 'jug 'grel las/ de yang nyan
thos dang rang sangs rgyas dang

byang chub sems dpa' nyon mongs pa can gyi ma rig pa spangs pa
'du byed gzugs brnyan la sogs pa'i yod pa nyid dang 'dra bar
gzigs pa rnams la ni bcos ma'i rang bzhin yin gyi/ bden par ni
ma yin te/ bden par mngon par

rlom pa med pa'i phyir ro/ /byis pa rnams la ni slu bar byed pa
yin la/ de las gzhan pa rnams la ni/ sgyu ma la sogs pa ltar
rten cing 'brel par 'byung ba nyid kyis kun rdzob tsam du 'gyur
ro/ /de yang shes bya'i sgrib pa'i mtshan nyid

can ma rig pa tsam kun tu spyod pa'i phyir/ snang ba dang bcas
pa'i spyod yul can gyi 'phags pa rnams la snang gi/ snang ba med
pa'i spyod yul can mnga' ba rnams la ni ma yin no/ /zhes gsungs
pa ltar ro/ /byang sems nyon mongs

can gyi ma rig pa spangs pa ni/ sngar bzhi brgya pa'i 'grel pa
drangs pa las/ mi skye ba'i chos la bzod pa thob pa'i byang sems
la gsungs pas/ sa brgyad pa thob pa la bya'o/ /de'i phyir theg
dman gyi dgra bcom dang sa brgyad pa thob

@492a @#/ /pa'i byang sems la gnyis snang gi 'khrul pa'i bag
chags gsar du 'jog byed zad pa yin yang/ sngon ring mo nas des
bzhag pa'i gnyis snang gi bag chags sbyang rgyu ni du ma zhig
yod pas de

nas kyang ring du sbyang dgos pas/ de dag sbyangs te 'khrul pa'i
bag chags ma lus par log pa na sangs rgyas pa yin no/ /'phags pa
yab sras kyi bzhed pas theg dman dang theg chen gnyis ka'i nges
don gyi lta ba 'dra bar bstan pa

'di la ni/ rmad du byung ba'i nges pa gnyis drang rgyu yod de/
'di ltar sangs rgyas lta zhog  /'khor ba las grol ba tsam zhig
la yang chos thams cad rang bzhin med par rtogs pa'i lta ba med
pa'i thabs med par nges pa drangs nas/

thabs du ma'i sgo nas 'bad pa chen pos lta ba dri ma med pa de
ci rnyed byed pa dang/ theg pa che chung gi thun mong ma yin
pa'i 'byed byed kyi khyad chos ni/ byang chub kyi sems rin po
che dang byang sems kyi spyod pa rlabs che ba rnams yin pa la
nges

pa gting thag pa nas 'drongs nas spyod phyogs rnams la lhag par
yang gdams pa'i mthil du bzung ste/ rgyal sras kyi sdom pa bzung
nas spyod pa la slob pa'o/ /'dir smras pa/ ri dbang bya rgod
phung po zhes grags pa'i/ /rmad byung sa

'dzin mchog der mngon gshegs nas/ /sa chen rnam pa drug tu g.yo
mdzad cing/ /zhing brgya 'od kyis 'gengs pa'i cho 'phrul gyis/
/thub pas dpal gyi mgur nas bka' stsal pa/ /mdo sngags gnyis
ka'i lam gyi srog lta bu/ /'phags

@492b pa'i sras kun skrun pa'i yum chen mo/ /legs bshad zla med
shes rab pha rol phyin/ /lung bstan brnyes pa'i dpa' bo klu
sgrub kyis/ /ji bzhin bkral ba'i gzhung gi mchog gyur pa/ /de ni
dpal ldan rtsa ba'i shes rab ces/ /nyi ltar grags

pa'i rnam bshad zla med pa/ /rgyal ba'i myu gu sangs rgyas
bskyangs kyi gzhung/ /de yis legs par bshad la legs bshad du/
/legs par rtogs nas rgyas par bkral ba ni/ /zla ba'i gzhung
bzang tshig don gsal ba'o/ /de dag rnams

kyi dri ma med pa'i lugs/ /rang bzhin med pa sgyu 'dra'i dngos
po la/ /'khor 'das rten 'brel bya byed 'thad pa'i tshul/ /cung
zad tsam zhig go sla'i ngag gis bshad/ /zab mo dbu ma'i gzhung
la sbyangs ba'i grogs/ /khyed kyi blo ngor rang

bzhin med pa la/ /rgyu 'bras rten 'brel 'jog pa dka' mod kyang/
/de 'dra dbu ma'i lugs ni yin no zhes/ /de skad smra ba'i tshul
la brten na mdzes/ /de lta min par gzhan la bkod pa'i skyon/
/rang gis ji bzhin spong bar ma nus nas/ /

lugs med pa la re na da dung slobs/ /de ltar 'phags pa yab sras
kyi/ /gzhung gis lta ba 'tshol ba'i tshul/ /legs par bshad 'di'ang
rgyal ba yi/ /bstan pa ring du gnas phyir ro/ /gnyis pa lhag
mthong gi rab tu dbye ba

ni; de ltar skyes bu dam pa la brten pa dang mang du thos pa
yongs su btsal ba dang tshul bzhin du sems pa ste/ lhag mthong gi
tshogs gsum sgom rim bar pa las gsungs pa de rnams bsten pa la
brten nas bdag med pa gnyis

@493a @#/ /rtogs pa'i lta ba rnyed pa na lhag mthong bsgom par
bya'o/ /'o na bsgom par bya ba'i lhag mthong du zhig yod snyam
na/ 'dir ni sa mthon po'i lhag mthong rnams re zhig gtso bor mi
ston gyi/ so so skye bo'i dus

kyi bsgom par bya ba'i lhag mthong gtso cher ston pa yin no/ /de
yi lhag mthong yongs su rdzogs pa ni rnam pa bzhi dang rnam pa
gsum dang rnam pa drug gi lhag mthong bsgom pa'o/ /rnam pa bzhi
ni/ dgongs 'grel las gsungs

pa'i rnam par 'byed pa sogs bzhi'o/ /rnam par 'byed pa ni/ ji
snyed pa la dmigs pa'o/ /rab tu rnam par 'byed pa ni ji lta ba
la dmigs pa'o/ /dang po la yongs su rtog pa dang yongs su dpyod
pa gnyis yod la/ gnyis

pa la yang rtog pa dang dpyod pa gnyis yod de/ don rags pa dang
phra ba rnams 'byed pa'o/ /de ltar yang/ nyan sa las/ de la lhag
mthong rnam pa bzhi gang zhe na/ 'di la dge slong/ 'di lta ste
nang gi sems kyi zhi gnas

la brten nas chos rnams rnam par 'byed pa dang/ rab tu rnam par
'byed par byed pa dang/ yongs su rtog par byed pa dang/ yongs su
dpyod par byed pa'o/ /de la ji ltar rnam par 'byed par byed ce
na/ dpyad pa rnam par sbyong

ba'i dmigs pa dang mkhas pa'i dmigs pa dang nyon mongs pa rnam
par sbyong ba'i dmigs pa dag la ji snyed yod pa nyid kyis rnam
par 'byed par byed do/ /ji lta ba bzhin yod pa nyid kyis ni rab
tu rnam par 'byed par byed pa

@493b yin no/ /shes rab dang ldan pa'i yid la byed pa rnam par
rtog pa dang bcas pas mtshan mar 'dzin par byed pa'i tshe na ni
yongs su rtog par byed pa yin no/ /yang dag par rtog par byed
pa'i tshe na ni yongs su dpyod par byed do/ /zhes so/ /

kun las btus las kyang/ lhag mthong gi lam la bzhi po der gsungs
shing/ sher phyin man ngag tu'ang de dag gi ngos 'dzin nyan sa
ltar gsungs so/ /rnam pa gsum yang mdo sde dgongs 'grel las/
bcom ldan 'das/ lhag

mthong la rnam pa du mchis/ byams pa/ rnam pa gsum ste mtshan ma
las byung ba dang/ yongs su tshol ba las byung ba dang/ so sor
rtog pa las byung ba'o/ /mtshan ma las byung ba gang zhe na/ ting
nge 'dzin gyi spyod yul rnam par rtog pa dang bcas

pa'i gzugs brnyan 'ba' zhig yid la byed pa'i lhag mthong gang
yin pa'o/ /yongs su tshol ba las byung ba gang zhe na/ de dang
der shes rab kyis shin tu legs par ma rtogs pa'i chos de dag
nyid shin tu legs par rtogs par bya ba'i

phyir; yid la byed pa'i lhag mthong gang yin pa'o/ /so sor rtog
pa las byung ba gang zhe na/ de dang der shes rab kyis shin tu
legs par rtogs pa'i chos rnams la rnam par grol bas shin tu legs
par bde ba la reg par bya ba'i phyir/

yid la byed pa'i lhag mthong gang yin pa'o zhes gsungs so/ /'di
la nyan sar/ thos pa dang bzung ba'i chos sam gdams ngag la
mnyam par bzhag pa'i sa pa'i yid la byed pas yid la byed cing
sems par mi byed la/ rtog pa dang 'jal ba

@494a @#/ /dang nye bar rtog par mi byed pa ni mtshan ma tsam gyi
rjes su zhugs pa dang/ gang gi tshe sems pa nas nye bar rtog par
byed pa de'i tshe ni yongs su btsal ba'i rjes su zhugs pa dang/
de ltar gtan la phab pa

la de bzhin du so sor rtog par byed pa ni yongs su btsal ba la
so sor rtog pa'i rjes su zhugs pa ste/ de gsum ni lhag mthong gi
sgo gsum du gsungs so/ /don de dag mdor bsdus na/ dang po ni/
bdag med pa'i don lta bu la dmigs

nas de'i mtshan ma yid la byed pa yin gyi/ gtan la 'bebs pa mang
du mi byed pa'o/ /gnyis pa ni/ sngar ma nges pa nges par bya
ba'i phyir du gtan la 'bebs pa'o/ /gsum pa ni/ nges zin pa'i don
la sngar bzhin du dpyod par byed pa'o/ /

rnam pa drug ni/ gzhi drug la dmigs pa ste/ de yang yongs su
tshol ba pa'i lhag mthong gi tshol lugs so/ /'di yang don dang/
dngos po dang/ mtshan nyid dang/ phyogs dang/ dus dang/ rigs pa
yongs su tshol bar byed cing btsal

nas kyang de dag la so sor rtog pa'o/ /de la don tshol ba ni/
tshig 'di'i don ni 'di yin no zhes tshol ba'o/ /dngos po tshol ba
ni/ 'di ni nang gi'o/ /'di ni phyi'i dngos po zhes tshol ba'o/
/mtshan nyid tshol ba ni gnyis te/ 'di ni rang gi mtshan

nyid do/ /'di ni spyi'i mtshan nyid do/ /zhes pa'am/ thun mong ba
dang thun mong ma yin pa tshol ba'o/ /phyogs tshol ba ni/ nags
phyogs skyon dang nyes dmigs kyi sgo nas tshol la/ dkar phyogs ni
yon tan dang phan yon gyi sgo nas tshol ba'o/ /

@494b dus tshol ba ni/ 'das pa'i dus na 'di ltar byung ngo/ /ma
'ongs pa'i dus na 'di ltar 'byung ngo/ /da ltar ba'i dus ni 'di
ltar yod do zhes tshol ba'o/ /rigs pa tshol ba ni/ rigs pa bzhi
las bltos pa'i rigs pa ni 'bras bu rnams 'byung

ba rgyu dang rkyen la bltos pa'o/ /'di yang/ kun rdzob dang don
dam dang de dag gi gzhi rnams so so'i sgo nas tshol ba'o/ /bya ba
byed pa'i rigs pa ni mes sreg pa'i bya ba byed pa sogs chos
rnams kyis rang rang gi bya ba byed pa'o/ /'di yang/

'di ni chos so 'di ni byed pa'o chos 'dis ni bya ba 'di byed do
zhes tshol ba'o/ /'thad pas bsgrub pa'i rigs pa ni tshad ma dang
mi 'gal bar don bsgrub pa'o/ /'di yang/ ci 'di la mngon sum dang
rjes dpag dang yid ches pa'i lung gi

tshad ma gsum po yod dam med snyam du tshol ba'o/ /chos nyid kyi
rigs pa ni/ me tsha ba dang chu rlan pa sogs la de dag gi chos
nyid du 'jig rten na grags pa'i chos nyid dang/ bsam gyis mi
khyab pa'i chos nyid dang/ gnas pa'i chos

nyid la mos par byed cing/ de ltar yin pa'i rgyu mtshan gzhan
sems par mi byed de/ de ltar tshol ba'o/ /de ltar drug tu bzhag
pa ni rnal 'byor pas shes par bya ba ni gsum du nges te/ smras
pa'i don dang shes bya ji snyed pa dang ji

lta ba'o/ /de la dang po'i dbang du byas nas tshol ba dang po'o/
/gnyis pa'i dbang du byas nas dngos po tshol ba dang rang gi
mtshan nyid tshol ba gnyis so/ /gsum pa'i dbang du byas nas lhag
ma gsum dang spyi'i mtshan nyid tshol ba bzhag

@495a @#/ /go; ;nyan sa las/ de ni lhag mthong gi sgo gsum dang
gzhi rab tu dbye ba rnam pa drug la dmigs pa yin te/ mdor bsdu
na/ des ni lhag mthong thams cad yang dag par bsdus pa yin no
zhes der

bshad pa de dag gis lhag mthong thams cad bsdus par gsungs so/
/de yang/ dang por bshad pa'i lhag mthong bzhi'i sgo ni gsum yin
la/ de gsum gyi yongs su btsal ba'i rjes su zhugs pa'i tshol lugs
drug tu gsungs pas

sgo gsum dang tshol ba drug ni snga ma bzhir 'du bar snang ngo/
/sngar bshad pa'i bsgrims te 'jug pa'i yid byed la sogs pa bzhi
yang zhi lhag gnyis ka'i thun mong ba yin par nyan sar gsungs
pas lhag mthong la yang yid la byed pa

bzhi yod do/ /des na sher phyin man ngag las/ de ltar lhag
mthong rnam pa bzhi bsgom pa yongs su rdzogs pas ni gnas ngan
len gyi 'ching ba las grol ba yin la/ zhi gnas rnam pa dgu'i
bsgom pa yongs su rdzogs pas ni mtshan

ma'i 'ching ba las grol bar 'gyur te/ zhes gsungs pa ltar/
gzhung che ba mang po nas gsungs pas lhag mthong bsgom pa ni
mdo
sde dgongs 'grel nas bshad pa ltar gyi rnam par 'byed pa sogs
bzhi'i sgo nas yin la/ zhi gnas

bsgom pa ni cir yang mi rtog par 'jog pa'i sems dgu'i sgo nas
yin no/ /gsum pa lhag mthong bsgom pa'i tshul la gnyis/ lugs
gzhan dgag pa dang/ rang gi lugs bzhag pa'o/ /dang po la bzhi
las/ gzhan lugs dgag pa dang

@495b po ni; kha cig na re bdag med par rtogs pa'i lta ba gang
yang ma rnyed kyang sems cir yang mi rtog par bzung na des yin
lugs kyi don bsgoms par 'gyur ba yin te/ yin lugs stong pa nyid
de 'di yin 'di ma yin gyi ngos bzung

thams cad dang bral ba yin pas/ de ltar 'jog pa'i tshul de gnas
lugs dang mthun par zhugs pa yin pa'i phyir te/ yul cir yang ma
grub pa la blos kyang cir yang mi 'dzin pa'i phyir ro/ /zhes
smra'o/ /'di la brjod par bya ste/

de ltar bsgom mkhan des yul rnams cir yang ma grub pa la ma grub
par shes nas/ de nas de dang rjes su mthun par blos kyang cir
yang mi 'dzin par 'jog pa zhig dgos sam/ de ltar ma shes kyang
yul gyi gnas lugs de gang

du'ang ma grub pa yin pas blos kyang cir yang ma bzung ba'i tsom
'jog byas na de'i gnas lugs bsgoms pa yin/ dang po ltar na des
lta ba ma rnyed pa 'gal ba yin te/ khyed rang de nges don gyi
lta bar 'dod pa'i phyir ro/ /kho bo

cag gi ltar na de 'dra ba de rigs pa'i dgag bya'i mtshams ma zin
pas gang khas blangs kyang rigs pas gnod par mthong nas de nas
cir yang ngos bzungs ma byung ba la byed na ni skur 'debs kyi
lta ba yin pas de'i steng du bzhag

pa yang stong nyid phyin ci ma log pa bsgom pa ma yin te/ sngar
mang du bshad zin to/ /ci ste chos 'di dag yin tshul dpyod pa'i
rigs pas rnam par dpyad pa na/ de dag gi dngos po dang dngos po
med pa sogs gang yang rigs pa des

@496a @#/ /yod par mi 'grub pas/ de rnams don dam par spros pa
thams cad dang bral ba yin pa la bsams nas gang zag des de ltar
ma rtogs kyang de ltar 'jog pa'i tshul de/ de dang mthun par 'dug
pa

la stong nyid bsgom par 'dod na ni ha cang thal bar 'gyur te/
dbang po'i shes pa thams cad kyis kyang 'di ni 'di'o/ /'di ni
'di min no snyam pa gang du yang mi 'dzin pa'i phyir/ yul gyi
gnas lugs dang mthun par 'gyur bas

de thams cad kyang yin lugs bsgom pa'i sgom du 'gyur ba dang/
sngar bshad pa ltar mu stegs byed kyi zhi gnas cir yang mi rtog
pa thams cad kyang stong pa nyid kyi sgom du 'gyur ba sogs shin
tu mang ngo/ /gzhan yang/ yul

gyi gnas lugs dang blo'i 'jog tshul de gnyis mthun pa de gang zag
gzhan zhig gis shes pas chog na ni/ mu stegs byed la sogs pa
yang der 'gyur ba bzlog tu med la/ ci ste de dang mi 'dra ste/
'dir ni gang zag des de

gnyis mthun par shes nas de nas bzhag pa yin no snyam na/ de
'dra ba'i mthun lugs de shes na lta ba rnyed pa yin pas/ lta ba
ma go yang cir yang mi 'dzin par bzhag pa tsam gyis stong nyid
bsgoms par 'dod pa 'gal ba

yin no/ /gal te gang du rtog kyang rtog pa de thams cad kyis
'khor bar 'ching bas tsom 'jog gi mi rtog par 'jog pa grol byed
kyi lam mo snyam na/ 'di ni sngar mang du bkag zin la/ de lta na
hwa shang gi lugs la yang skyon 'dogs

@496b rgyu cung zad kyang med par 'gyur te/ sgom rim tha ma las/
gang zhig sems kyi rnam par rtog pas bskyed pa'i dge ba dang mi
dge ba'i las kyi dbang gis sems can rnams mtho ris la sogs pa'i
'bras bu myong zhing 'khor ba na

'khor ro/ /gang dag ci yang mi sems ci yang mi byed pa de dag ni
'khor ba las yongs su thar bar 'gyur ro/ /de lta bas na ci yang
mi bsam mo/ /sbyin pa la sogs pa dge ba spyad par mi bya'o/
/sbyin pa la sogs pa spyad pa ni skye bo

blun po'i dbang du mdzad nas bstan pa kho na yin no snyam du
sems shing/ de skad kyang smra ba des ni theg pa chen po mtha'
dag spangs pa yin no/ /theg pa thams cad kyi rtsa ba ni theg pa
chen po yin pas de spangs na theg pa thams cad

spangs par 'gyur ro/ /'di ltar ci yang mi bsam mo zhes smra ba
na/ yang dag par so sor rtog pa'i mtshan nyid kyi shes rab spangs
par 'gyur ro/ /yang dag pa'i ye shes kyi rtsa ba ni yang dag par
so sor rtog pa yin pas de spangs na rtsa ba

bcad pa'i phyir/ 'jig rten las 'das pa'i shes rab spangs par
'gyur ro/ /sbyin pa la sogs pa spyad par mi bya'o zhes smras pas
kyang sbyin pa la sogs pa thabs shin tu zur phyin par spangs pa
yin no/ /mdor na 'di lta ste/ shes rab  

dang thabs ni theg pa chen po'o/ /de skad du 'phags pa gA ya
gau rI las kyang gsungs te/ byang chub sems dpa' rnams kyi lam
ni mdor bsdu na gnyis te/ gnyis gang zhe na/ 'di lta ste/ thabs
dang shes rab bo zhe'o/ /'phags pa de bzhin

@497a @#/ /gshegs pa'i gsang ba las kyang bka' stsal te/ thabs
dang shes rab 'di gnyis kyis ni byang chub sems dpa'i lam thams
cad bsdus par 'gyur ro zhes 'byung ste/ de'i phyir theg pa chen
po spong

ba ni las kyi sgrib pa chen po byas par 'gyur ro/ /de lta bas
na/ theg pa chen po spong ba thos pa nyung ba/ bdag gi lta ba
mchog tu 'dzin pa skye bo mkhas pa la bsnyen bkur ma byas pa de
bzhin gshegs pa'i gsung rab kyi tshul ma rtogs

pa; bdag phung bar byas nas gzhan phung bar byed pa/ rigs pa
dang lung dang 'gal ba'i dug gis btab pa'i tshig ni mkhas pa bdag
la legs su 'dod pas zas dug can bzhin du rgyang ring du yongs su
spang bar bya'o/ /zhes

hwa shang gi 'dod pa bkod nas/ de ltar 'dod na theg chen thams
cad spangs par 'gyur lugs rnams gsal bar gsungs pa'i phyogs snga
ma de ngo shes par gyis shig  /gal te/ kho bo cag sbyin pa la
sogs pa'i spyod pa rnams byed pas

de dang mi 'dra'o snyam na/ sbyin pa la sogs pa'i spyod pa tsam
gyi sgo nas kho dang khyad 'byed dgos par byung na/ kho bo cag
dang hwa shang gnyis nges don gyi lta sgom 'dra ba yin no zhes
bstan pa yin te/ de lta ma yin na cir yang mi rtog pa'i

ting nge 'dzin la yang khyad par dbye bar rigs so/ /gzhan yang
rtog pa gang yin thams cad kyis 'khor bar 'ching na khyed 'khor
ba las grol ba don du gnyer ba ma yin nam/ de don du gnyer na
sbyin pa gtong ba dang tshul khrims bsrung

@497b pa la sogs pa yang rtog pas bya dgos pas de dag byas pa la
dgos pa ci zhig yod sngar mang du bshad zin to/ /des na rtog pa
gang yin thams cad 'khor bar 'ching byed du 'dod na hwa shang gi
de legs pa yin gyi/ khyed ltar na 'gal ba'i

khur gyis non par 'gyur ba yin no/ /yang de'i rjes su phyogs pa
kha cig 'di snyam du/ bdag gnyis su mtshan mar 'dzin pa'i yul la
dpyod pa mang du byas nas/ de nas yul can gyi 'dzin pa de bzlog
pa ni/ khyi rdo phyir 'brangs pa

dang 'dra bar spros pa phyi chod yin pas/ dang po nas sems gang
du yang mi 'phro bar 'dzin pa ni/ rdo 'phen pa'i lag mgo nas
'dzin pa dang 'dra bar de byas pa nyid kyis mtshan mar 'dzin pa'i
yul de dag la mi 'phro ba ni spros pa thams

cad nang nas gcod pa yin no/ /des na lta ba gtan la 'bebs pa'i
lung rigs rnams la sbyong ba ni tha snyad pa'i tshig tsam la
'byams pa'o zhes smra'o/ /'di ni sangs rgyas kyi gsung rab dang
rgyan drug la sogs pa'i mkhas pa'i gzhung

thams cad spong ba'i log rtog gi tha chad yin te/ de dag gis ni
rigs pa dang lung gis don de gtan la 'bebs pa kho na mdzad pa'i
phyir ro/ /gzhan yang bdag gnyis su mtshan mar bzung ba'i blos ji
ltar bzung ba de ji 'dra ba zhig

yin pa de legs par dpyad nas rnam par dag pa'i lung rigs kyis/
khos bzung ba ltar med pa la nges pa drangs pa'i sgo nas 'khrul
ba'i brdzun phugs rdib pa zhig dgos kyi/ de 'dra ba'i nges pa ci
yang ma rnyed par sems bzung ba

@498a @#/ /tsam ni de'i tshe bdag gnyis kyi yul la mi 'phro ba yin
du chug kyang de tsam gyis bdag med pa'i don rtogs pa ma yin te/
de lta ma yin na gnyid 'thug po log pa dang brgyal ba la sogs
pa'i tshe yang de dag la sems 'phro ba med

pas; de dag gis kyang bdag med rtogs par ha cang thal bar 'gyur
ro/ /'di ni dper na mtshan mo rgyus med pa'i brag phug tu srin po
yod dam med snyam du 'jigs pa na/ sgron me bteg nas der 'dug mi
'dug legs par rtsad

bcad nas 'jigs pa de mi sel bar srin po la rtog pa'i rtog pa de
'phror ma 'jug par sems zungs shig zer ba dang 'dra ba yin no/
/sgom rim tha ma las ni/ g.yul 'gyed pa'i tshe mig phye nas dgra
gang na 'dug legs par

bltas te/ der mtshon 'gyed pa'i dpa' bo ltar mi byed par/ dgra
stobs ldan mthong ba na mig btsums nas sdod pa'i sdar ma dang
'dra par gsungs te/ ji skad du/ 'phags pa 'jam dpal rnam par rol
pa'i mdo las kyang

bka' stsal te/ bu mo ji ltar na byang chub sems dpa' g.yul las
rnam par rgyal ba yin/ gsol pa/ 'jam dpal rnam par brtags na
chos thams cad mi dmigs pa gang lags pa'o zhes 'byung ngo/ /de
lta bas na rnal 'byor pas

ye shes kyi mig phye la/ shes rab kyi mtshon gyis nyon mongs pa'i
dgra rnams pham par bya ste/ 'jigs pa med par gnas par bya yi/
mi sdar ma bzhin du mig gzum par mi bya'o/ /zhes gsungs so/ /des
na thag pa la sbrul du

@498b 'khrul nas skrag pa na 'khyil ba de thag pa yin gyi/ sbrul
ma yin par 'dug go snyam pa'i nges pa bskyed nas 'khrul pa dang
skrag pa'i sdug bsngal de ldog dgos pa bzhin du/ bdag gnyis yod
par bzung nas 'khrul ba dang/ 'khrul

pa des bskyed pa'i 'khor ba'i sdug bsngal yang bdag 'dzin gyi
yul med par thag gcod pa'i lung rigs kyi nges pa drangs nas bdag
'dzin de 'khrul par go ba dang/ de nas de'i don goms pas ldog
la/ de log na des bskyed pa'i

'khor ba'i sdug bsngal thams cad ldog pas na/ dbu ma rigs tshogs
la sogs par yul rnams la dpyad nas 'gog pa'i rgyu mtshan de ltar
yin te/ 'phags pa lhas/ yul la bdag med mthong na ni/ /srid pa'i
sa bon 'gag par

'gyur/ /zhes dang/ 'jug pa las kyang/ rtog rnams dngos po yod na
'gyur ba ste/ /dngos po ji ltar med par yongs dpyad zin/ /zhes
mthar 'dzin gyi rtog pas dngos po yod par bzung ba na de rnams
skye bas/ de dag gi yul med

par rnam pa du mar dpyad par gsungs shing/ bdag ni 'di yi yul du
rtogs byas nas/ /rnal 'byor pa yis bdag ni 'gog par byed/ /ces
gsungs so/ /rigs pa'i dbang phyug gis kyang/ 'di yul sun phyung
med par ni/ /de spong

bar ni nus ma yin/ /yon tan skyon dang rjes 'brel ba'i/ /'dod
dang sdang sogs spong ba ni/ /de dag yul la ma mthong bas/ /yin
gyis phyi tshul dag gis min/ /zhes du ma zhig gsungs so/ /rtog pa
gang yin thams cad 'khor bar

@499a @#/ /'ching byed yin pas stong nyid bsgom pa'i tshe/ rtog pa
thams cad dgag go zhes smra ba de la 'di ltar yang dpyad par bya
ste/ ci so so skye bo stong ba nyid sgom pa po de la stong nyid
bdag med pa'i don de mngon

gyur yin nam lkog gyur yin/ dang po ltar na gang zag de 'phags
par 'gyur te/ bdag med pa'i don mngon sum du rtogs pa'i phyir
ro/ /ci ste bdag med pa'i don mngon sum du rtogs kyang so so
skye bor mi 'gal bar khyed smra na ni

kho bo cag gis kyang bdag med pa'i don lkog gyur du song ba'i
gang zag yin kyang 'phags pa yin pa mi 'gal lo zhes smra bar bya
ste/ kun nas mtshungs pa'i phyir ro/ /yang de 'dra ba'i gang zag
de kho na nyid mngon sum du rtogs

pa des rang gi yul de/ de kho na nyid kyi don yin par mi shes
pas/ gang zag gzhan gyis de la lung gi rtags kyis de kho na nyid
bsgrub pa'i ngo sprod dgos pa ni mkhas pa'i bzhad gad kyi gnas
yin te/ slob mas mngon sum gyis

grub pa la slob dpon gyis rjes dpag gi sgo nas bsgrub par 'dod
pa'i phyir ro/ /de'i phyir gtam de 'dra ba ni rigs pa shes pa
rnams kyi mdun du smra bar mi bya'o/ /de kho na nyid kyi don
mngon sum gyis grub kyang tha snyad rtags kyis

bsgrub pa yin no zhes kyang smra mi nus te/ rigs pa'i dbang
phyug gis/ de ni shin tu rmongs don te/ /gnag rdzi mo bar grags
phyir ro/ /zhes don grub na tha snyad 'dogs shes pa'i gnag
rdzi'i bar la grags pa'i don la yang

@499b rmongs pa la rtags de 'god par gsungs pas/ de 'dra ba'i
rmongs pas kyang de kho na nyid mngon sum du rtogs par 'dod na/
de kho na nyid ma rtogs pa'i blun po ji 'dra zhig yod pa yang
brjod par gyis shig  /de kho na nyid yin du chug

kyang; dper na/ dkar zal ba lang yin kyang ba lang gi mtshan nyid
du mi rung ba bzhin du mngon sum du mthong ba de tsam de kho na
nyid rnam par 'jog pa'i mtshan nyid du mi 'thad cing/ rang gis
khas blangs pa dang yang 'gal bas tha

snyad bsgrub tu smra ba ni zer rgyus phongs par gsal te mi
spro'o/ /gal te stong nyid sgom pa po de la bsgom bya bdag med
pa stong pa nyid kyi don de lkog tu gyur pa yin na ni/ lkog gyur
gyi don rtog bral gyi shes pas 'dzin par 'dod pa ni

bzhad gad kyi gnas so/ /mdor na/ stong pa nyid bsgom pa'i so so
skye bo'i blo de/ yul bdag med la blo kha ma phyogs na stong
nyid bsgom par 'gal la/ de la blo kha phyogs na yang yul de
mngon lkog gang rung gcig tu nges

shing; de la bdag med mngon gyur yin na 'phags par 'gyur bas so
skye la bdag med pa'i don lkog gyur du 'dod dgos na/ de'i tshe
bdag med pa'i don de don spyi'i tshul gyis rtogs pa yin pas rtog
bral 'gal ba yin no/ /gzhan

yang; sbyor lam chos mchog chen po bas kyang bdag med pa'i don
de don spyi'i tshul gyis rtogs par 'dod bzhin du da lta'i las
dang po pas stong nyid bsgom pa'i blo rtog bral du 'dod pa shin
tu 'gal lo/ /bdag med pa'i don la

@500a @#/ /rtog bral yin na ni/ ma 'khrul ba de las kyang 'grub
par sla bas rnal 'byor mngon sum du 'gyur te/ bdag med pa'i don
la rtog bral ma 'khrul ba'i shes pa yin pa'i phyir ro/ /des na
bdag tu 'dzin

pa'i yul rigs pas sun phyung ba'i yang dag pa'i lta ba ma rnyed
par bdag gnyis la sogs pa la 'phro ba'i sems mi 'phro bar bzung
ba tsam gyis bdag med pa'i don bsgom par 'dod pa dang so so skye
bos bdag med rtog bral gyi shes

pas bsgom par 'dod pa ni/ lung dang rigs pa'i lam las ches cher
'khyams pa'o/ /gzhan lugs dgag pa gnyis pa ni/ kha cig na re/
bdag med pa'i stong pa nyid kyi lta ba ma rnyed par cir yang mi
rtog par 'jog pa

tsam ni/ stong nyid bsgom par mi rigs pa kho bo cag kyang 'dod
pas snga ma mi rigs mod/ 'on kyang bdag med pa'i nges don gyi
lta ba rnyed phyin chad gang zag des mi rtog par bzhag pa thams
cad stod nyid bsgoms pa yin

no zhes smra'o/ /'di ni mi rigs pa yin te/ gang zag des nges don
gyi lta ba rnyed pa yin pas khos mi rtog pa gang bsgoms pa thams
cad nges don gyi lta bas gtan la phab pa'i don bsgoms par 'gyur
na/ de 'dra ba'i gang zag

des byang chub kyi sems bsgoms pa de nges don gyi lta ba bsgoms
par mi 'gyur ba'i rgyu mtshan ci yin smros shig  /gal te byang
chub kyi sems bsgom pa de nges don gyi lta ba rnyed pa'i gang
zag gi sgom yin kyang/ lta ba de de'i

@500b tshe dran par byas nas de'i steng du bzhag nas bsgom pa min
pas so snyam na/ 'o na ni gang zag des nges don gyi lta ba rnyed
kyang bsgom pa'i tshe/ lta ba de nyid dran par byas nas lta thog
tu bzhag pa'i sgom yin na stong nyid bsgom pa

yin du chug kyang/ des mi rtog par gang bzhag thams cad lta ba
bskyangs par ji ltar 'gyur/ des na lta ba rnyed kyang skyong
ba'i tshe na sngar gyi lta bas gtan la phab pa'i don dran par
byas nas stong pa nyid bsgom dgos kyi/ cir

yang mi rtog pa'i tsom 'jog tsam zhig byas pas stong nyid bsgom
par mi 'gro'o/ /'dir rang gi lugs kyi cir yang mi rtog pa zhes
sngar zhi gnas dang skabs 'di dag tu mang du 'byung ba ni/ 'di
ni 'di'o 'di ni 'di min no  

zhes mang du mi dpyod par dmigs pa zhig bzung nas gnas pa la
byed kyi/ rtog bral du 'dod pa min no/ /gzhan lugs dgag pa gsum
pa ni/ kha cig na re/ lta ba ma rnyed pa'i mi rtog par 'jog pa
stong nyid sgom par byed pa'i dang po yang

mi 'dod la/ lta ba rnyed nas mi rtog par gang bzhag kyang stong
nyid bsgom par mi 'dod kyi/ 'on kyang cir yang mi rtog par
skyong res kyis de'i sngon rol du so sor rtog pa'i shes rab kyis
dpyad pa tshar gcig btang na de'i 'og tu mi

rtog par gang bzhag thams cad stong nyid kyi don bsgoms par
'gyur ro zhes smra'o/ /'di yang mi 'thad de/ de lta na gnyid log
khar lta ba'i dpyad pa tshar gcig byas nas de'i rjes su gnyid
'thug po log pa'i mi rtog pa yang stong

@501a @#/ /nyid bsgom par ha cang thal bar 'gyur te/ lta ba'i
dpyad pa sngon du song bar gnyis ka la mtshungs la/ rang dus na
lta ba'i steng du bzhag pa'i sgom yin mi dgos par snang ba'i
phyir ro/ /des na lta

ba'i dpyad pa byas nas rang bzhin med par gtan la phab pa'i don
la bzhag pa yin kyang/ de nas cung zad song ba na lta thog tu
bzhag pa shor nas spyir blo ci la yang mi rtog par gnas pa ni
stong pa nyid kyi sgom ma yin pas rtog

pa spyang bar byas te/ lta thog tu gnas mi gnas byar thu re byas
nas skyong dgos so/ /gzhan lugs dgag pa bzhi pa ni/ kha cig na
re/ de ltar snga ma gsum mi 'dod kyi/ stong nyid bsgom pa'i tshe
stong nyid la nges pa drangs

te; de nas de'i don de la sems bzung nas de las gzhan du mi
dpyod par 'jog pa ni stong nyid phyin ci ma log par bsgom pa yin
te/ lugs dang po ltar stong nyid la blo kha ma phyogs pa'ang med
la/ lugs gnyis pa

ltar mi rtog par skyong ba'i tshe stong nyid kyi lta ba dran par
mi byed pa yang min zhing/ lugs gsum pa ltar lta ba'i dpyad pa
sngon du btang yang de nas lta thog tu mi gnas pa'i mi rtog pa
yang min pa'i phyir ro snyam na/ 'di ni lta

ba'i dpyad pa byas zer ba'i don lta ba dran tsam byas nas/ lta
thog tu 'jog sgom kho na byed pa la stong nyid bsgom par 'dod pa
yin pas rigs pa ma yin te/ de lta na de la stong nyid la 'jog
sgom byed pa'i zhi gnas tsam yod

@501b kyi; dpyad sgom lhag mthong gi skyong tshul med pas zhi
lhag gnyis 'brel bar skyong ba med pa'i phyogs gcig pa yin pa'i
phyir ro/ /gnyis pa rang gi lugs ni/ bdag med pa'i nges don gyi
lta ba ma rnyed na de'i rgyud kyi sgom thams cad bdag

med la blo kha ma phyogs par 'gyur bas bdag med pa'i lta ba
rnyed pa zhig dgos/ de yang go ba tsam yod pas mi chog pas
skyong ba'i tshe lta ba dran nas dpyod pa dang dpyad pa'i don de
nyid la bsgom pa zhig dgos la/ de la ni bdag

med pa'i don la mi dpyod par 'jog pa dang so sor rtog pa'i shes
rab kyis dpyad nas bsgom pa gnyis ka dgos kyi/ phyogs re bas mi
chog go / /'di la gsum/ 'jog sgom dang dpyad sgom gnyis ka dgos
pa'i rgyu mtshan/ de

la rtsod pa spang ba/ skyong tshul gyi gnad cung zad bshad pa'o/
/dang po ni/ bdag med pa'i don la phu thag chod pa'i lta ba'i
nges pa med na lhag mthong gi rtogs pa mi skye ste/ de ni de'i
rgyur gsungs pa'i phyir dang/ lta ba de 'chad pa'i gtam

ma thos pa lhag mthong gi gegs su gsungs pa'i phyir te/ dgongs
'grel las/ bcom ldan 'das/ zhi gnas dang lhag mthong rgyu gang
las byung ba lags/ byams pa/ tshul khrims rnam par dag pa'i rgyu
las byung ba dang thos

pa dang bsams pa las byung ba'i lta ba rnam par dag pa'i rgyu
las byung ba yin no/ /zhes dang/ 'phags pa'i gtam 'dod pa bzhin
ma thos pa ni lhag mthong gi gegs yin no zhes gsungs pa'i phyir
dang/ sred med kyi

@502a @#/ /bus zhus pa las/ thos pa las shes rab 'byung zhing
shes rab kyis nyon mongs pa spong ba sogs sngar du ma zhig
drangs pa ltar gsungs pa'i phyir ro/ /lta ba de las lhag mthong
skye lugs ni/

dang po gtan la 'bebs pa'i tshe lung rigs kyi sgo du ma nas rnam
par dpyad nas gtan la 'bebs shing/ gtan la phebs pa'i tshe so sor
rtog pa'i shes rab kyis yang dang yang du dpyad de/ mi skyong
bar 'jog sgom tsam

zhig byas pas skye ba min pas zhi gnas grub nas sgom par byed
pa'i tshe dpyad nas skyong dgos so/ /'di la kha cig /dang po nas
mi dpyod par mi 'dod kyang thos bsam gyis gtan la phab zin nas
bsgom pa'i tshe/ dpyad sgom

byas na rtog pa rnams mtshan 'dzin yin snyam du bzung ste/ de
ltar mi skyong na ni rtog pa gang yin mtshan 'dzin yin pa dang so
so skye bos rtog bral gyi shes pas bdag med bsgom par 'dod pa
mang du bkag pas mi 'thad

do; ;gzhan yang/ rtog pa de dag thams cad bden 'dzin yin pas
bsgom pa'i tshe 'gog na gtan la 'bebs pa'i tshe yang rtog pas de
dag bya dgos pas dgag dgos par 'gyur zhing/ slob ma la 'chad pa
dang rtsod

pa dang rtsom pa dang lta rtog byed pa sogs thams cad kyang
khyed kyis rtog pas bya dgos pas de'i tshe yang 'gog dgos par
'gyur te/ bden 'dzin sgom byed dus dgag dgos la/ dus gzhan gyi
tshe mi dgos pa'i khyad par

@502b cung zad kyang med pa'i phyir ro/ /gal te de ltar mi 'dod
kyi/ 'on kyang lung dang rigs pas sgo du ma nas dpyod pa ni bdag
med pa'i don ma rtogs pa rtogs par bya ba'i phyir yin la/ lta ba
yang rnyed zin pas bsgom pa'i tshe mi dgos so snyam

na; de lta na mthong lam du bdag med pa mngon sum du rtogs pa
yin pas/ de nas bdag med mthong zin pa de bsgoms pa don med par
'gyur ro/ /gal te de ni bsgom dgos te sgom spang rnams goms pas
spong gi/ mthong ba tsam

gyis mi spong ngo snyam na mtshungs te/ 'dir yang sngar thos bsam
gyis gtan la phab pas nges zin kyang gtan la 'bebs pa la goms
par bya dgos pa'i phyir te/ ji tsam du gtan la 'bebs pa de goms
par byas pa de tsam du nges

pa de shugs drag pa dang rgyun ring ba dang rnam pa gsal ba dang
brtan par 'gyur ba sogs su mthong ba'i phyir ro/ /des na rnam
'grel las/ nges pa dang ni sgro 'dogs yid/ /gnod bya gnod byed
ngo bo'i phyir/ /zhes gsungs pa ltar/ de

gnyis gnod bya gnod byed yin pas nges pa ji ltar brtan pa dang
shugs drag pa sogs su song ba de tsam du sgro 'dogs la gnod pas/
'dir yang rang bzhin med pa'i nges pa je 'phel du btang dgos la/
de yang gnod byed dang sgrub

byed du ma'i sgo nas bsam dgos pa'i phyir ro/ /de lta ma yin na
mi rtag pa dang las 'bras dang 'khor ba'i nyes dmigs dang byang
chub kyi sems dang byams pa dang snying rje sogs la'ang de dag
gi go ba rnyed ba nas mi dpyod bar bdag

@503a @#/ /ni 'chi'o snyam pa tsam gyi 'dzin stangs gcig kho na
bzung nas bskyang dgos par 'gyur te/ rgyu mtshan kun nas mtshungs
pa'i phyir ro/ /des na nges pa rnam dag 'dren pa la ni bdag ni
'chi'o snyam pa dang

sems can gyi don du sangs rgyas thob par bya'o snyam pa dang
sems can snying re rje snyam pa tsam re la sogs pa dam bca' tsam
res mi chog gi/ rgyu mtshan sgo du ma nas bsam dgos pa bzhin du
rang bzhin med pa'i nges pa brtan pa dang

shugs drag pa sogs kyang dam bca' tsam zhig bzung bas mi chog
gi/ gnod byed dang sgrub byed sgo ma du ma nas bsam dgos te/
skyes bu chung ngu'i skabs su yang mang du bshad zin to/ /de
ltar yang sgom rim gsum gar zhi

gnas grub nas bsgom pa'i tshe dpyad pa mang du byas nas bsgom par
gsungs shing/ 'jug pa las kyang/ rnal 'byor pa yis bdag ni 'gog
par byed/ /ces sogs kyis bsgom pa'i tshe dpyad pa de dag byed par
gsungs te/

rnal 'byor pa ni zhi lhag gang rung rnyed pa zhig la byed pa'i
phyir dang zhi gnas ma grub pa'i sngon du lta ba'i go ba mi
'tshol ba ma yin pa'i phyir dang/ bsam gtan gyi 'og shes rab kyi
skabs su lta ba'i dpyad pa rnams gsungs pas

de'i rim pa'i gnad kyis bsam gtan bsgrubs nas bdag med gnyis la
dpyod pa dgongs pa yin la/ dbu ma snying po las kyang/ blo gros
mnyam gzhag 'og tu ni/ /tha snyad sgo nas gzung bya ba'i/ /chos
rnams dngos po 'di dag

@503b la; ;shes rab kyis ni 'di ltar brtag /ces gsungs shing/
'grel par ting nge 'dzin skyes pa'i 'og tu lta ba'i dpyad pa
rnams bya bar gsungs pa dang/ spyod 'jug las kyang/ zhi gnas
bsam gtan le'ur 'byung ba bzhin

bsgrubs nas/ de nas shes rab bsgom pa na rigs pa'i dpyad pas
bsgom par gsungs pa'i phyir ro/ /des na phar phyin tha ma gnyis
kyi rim pa dang bslab pa phyi ma gnyis kyi rim pa thams cad ting
nge 'dzin sngon du bsgrubs nas shes

rab bsgom pa'i rim pa yin la/ shes rab de'i bsgom tshul la ji lta
ba dang ji snyed pa la dpyod pa'i sgo nas gsungs pa thams cad
bsgom pa'i rim pa yin pas log par brtag par mi bya'o/ /de dag tu
ma zad gzhung che ba du ma nas

de ltar gsungs pas bsgom pa'i tshe dpyod par gdon mi za'o/ /de
ltar na zhi gnas grub pa'i 'og tu lhag mthong bsgom pa'i tshe
dpyad sgom 'ba' zhig byas na sngar gyi zhi gnas 'jig la/ gsar du
yang ma bsgrubs pa'i phyir zhi

gnas med par 'gyur la/ de'i phyir lhag mthong yang mi skye ste
sngar bshad pa ltar ro/ /des na sngar gnas pa grub pa'i zhi gnas
kyang bskyang dgos la/ dpyad sgom yang bya dgos pas gnyis ka
dgos so/ /de yang lhag mthong gi

dpyad sgom byas pa'i mthar/ don de la 'jog sgom byas pas bdag
med pa la dmigs pa'i zhi lhag zung 'brel 'grub pa yin no/ /sgom
rim par pa las/ 'phags pa dkon mchog sprin las kyang bka' stsal
te/ de ltar

@504a @#/ /skyon la mkhas pa des spros pa thams cad dang bral bar
bya ba'i phyir stong pa nyid bsgom pa la rnal 'byor du byed do/
/de stong pa nyid bsgom pa mang bas gnas gang dang gang du sems
'phro zhing/ sems

mngon par dga' ba'i gnas de dang de dag gi ngo bo nyid yongs su
btsal na stong par rtogs so/ /sems gang yin pa de yang btsal na
stong par rtogs so/ /sems gang gis rtogs pa de yang ngo bo nyid
kun tu btsal na stong par rtogs

te; de ltar rtogs pas mtshan ma med pa'i rnal 'byor la 'jug go
zhes 'byung ngo/ /'dis ni yongs su rtog pa sngon du gtong ba
nyid mtshan ma med pa nyid la 'jug par bstan te/ yid la byed pa
yongs su spong ba tsam dang shes

rab kyis dngos po'i ngo bo nyid mi dpyod par rnam par mi rtog pa
nyid du 'jug mi srid par shin tu gsal bar bstan pa yin no zhes
gsungs so/ /lung des ni sems 'phro ba'i yul dang 'phro mkhan gyi
sems rnams brtags pa na stong

par rtogs pa dang stong par rtogs pa'ang btsal ba'am dpyad pa na
stong par rtogs pa dang de dag kyang stong nyid bsgom pa'i tshe
byed par gsungs shing dpyad nas stong par rtogs pa des mtshan med
kyi rnal 'byor la 'jug par gsungs

pas; yongs su dpyod pas 'tshol ba'i rigs pa'i dpyad pa sngon du
ma btang bar hwa shang 'dod pa ltar sems 'phro ba bsdus pa'i
yid la byed pa spangs pa tsam gyis mtshan med dam mi rtog par
'jug pa mi srid par gsal bar

@504b bstan to/ /des na sngar bshad pa ltar chos rnams la bdag
gnyis kyi ngo bo rdul tsam yang ma grub par rigs pa'i mtshon gyis
bshig la/ bdag med pa la nges pa drang/ de ltar bdag gnyis kyi
dngos po med pa na/ de bkag pa'i

dngos po med pa'ang yang dag par grub pa ci zhig yod de/ mo
gsham gyi bu med pa'i dngos med yod par 'dzin pa ni mo gsham
dang bu dmigs pa la bltos te de gnyis nam yang ma dmigs na/ mo
gsham gyi bu med pa bden

par yod par 'gas kyang tha snyad mi 'dogs pa ltar/ dngos po bden
pa ba 'ga' yang gzhi 'gar yang ma dmigs na/ de'i dngos med bden
pa ba yod par 'dzin pa'i rtog pa yang skye bar mi 'gyur ro/ /des
na mtshan mar

'dzin pa'i rtog pa thams cad ldog par 'gyur te/ bden 'dzin gyi
rtog pa yin na dngos po'am dngos mad bden par 'dzin pa'i rtog pa
gang rung yin pas khyab byed log na khyab bya yang ldog par sgom
rim du gsungs pa'i phyir ro/ /de

ltar dngos po yod med gang la yang bden par grub pa rdul tsam
yang med par nges pa gting nas 'drongs pa'i nges pa bskyed pa
dang des thag bcad pa'i don la 'jog pa gnyis re mos su byed pa
ni rnam par mi rtog pa'i ye shes

bsgrub pa yin gyi/ yul la ci yang mi dpyod par yid byed bsdus pa
tsam gyis ni bsgrub par mi nus te/ bden par 'dzin pa spong bar
mi nus pa'i phyir te/ de ni bden par yod par mi rtog pa tsam yin
gyi/ bden med rtogs pa

@505a @#/ /min pa'i phyir ro/ /de bzhin du bdag yod par mi rtog
pa tsam yin gyi/ bdag med rtogs pa min pas de bsgoms pas bdag
'dzin la ci yang mi gnod pa'i phyir ro/ /des na bden par yod pa

dang bdag gnyis su yod par mi rtog pa dang bden med dang bdag
med gnyis rtogs pa phyed par bya dgos pa 'di gnad kyi don du
zungs shig /gnyis pa rtsod pa spang ba ni/ gal te bdag med pa'i
don la so sor dpyod pa rtog pa

yin pas de las rnam par mi rtog pa'i ye shes skye ba 'gal te/
'bras bu dang rgyu gnyis rjes su mthun pa dgos pa'i phyir snyam
na/ 'di la ni/ bcom ldan 'das nyid kyis dpe dang bcas pas gsungs
te/ 'od srungs kyi

le'u las/ 'od srungs/ 'di lta ste/ dper na/ shing gnyis rlung
gis drud pa de las me 'byung ste/ byung nas shing gnyis sreg pa
de bzhin du/ 'od srungs/ yang dag par so sor rtog pa yod na
'phags pa'i

shes rab kyi dbang po skye ste/ de skyes pas yang dag par so sor
rtog pa de nyid sreg par byed do zhes so sor rtog pa las 'phags
pa'i shes rab skye bar gsungs la/ sgom rim bar pa las kyang/ des
de ltar shes rab

kyis rnam par dpyad de gang gi tshe rnal 'byor pas dngos po gang
gi ngo bo nyid don dam par nges par mi 'dzin pa de'i tshe rnam
par mi rtog pa'i ting nge 'dzin la 'jug go /chos thams cad kyi
ngo bo nyid med pa nyid kyang rtogs so/ /

@505b gang zhig shes rab kyis dngos po'i ngo bo nyid so sor
brtags nas mi bsgom gyi/ yid la byed pa yongs su spangs pa tsam
'ba' zhig sgom par byed pa de'i rnam par rtog pa nam yang mi
ldog cing ngo bo nyid med pa nyid nam yang rtogs par

mi 'gyur te/ shes rab kyi snang ba med pa'i phyir ro/ /'di ltar
yang dag par so sor rtog pa nyid las yang dag pa ji lta ba bzhin
du shes pa'i me byung na gtsub shing gtsubs pa'i me bzhin du
rtog pa'i shing bsreg go zhes bcom

ldan 'das kyis bka' stsal to/ /zhes so/ /de lta ma yin na lam
zag bcas las zag med kyi lam 'byung ba yang mi srid pas so so
skye bos 'phags pa thob pa med par 'gyur te/ rgyu 'bras gnyis mi
'dra ba'i phyir ro/ /de

bzhin du sa bon skya bo las myu gu sngon po skye ba dang/ me las
du ba skye ba dang/ bud med las skyes pa skye ba sogs rnam pa mi
'dra ba'i rgyu 'bras mtha' yas pa zhig snang ngo/ /'phags pa'i
rnam par mi rtog pa'i ye shes ni bdag

gnyis su 'dzin pa'i yul gyis stong pa'i bdag med pa'i don mngon
sum du rtogs pa yin la/ de skye ba la da lta nas bdag tu 'dzin
pa'i yul la so sor dpyad nas de med par rtogs pa'i sgo nas bsgom
dgos pas de ni rtog pa

yin kyang mi rtog ye shes dang shin tu rjes su mthun pa'i rgyu
yin te/ ting nge 'dzin rgyal po las/ gal te chos la bdag med so
sor rtog /ces sogs sngar drangs pa ltar ro/ /des na sgom rim tha
ma las kyang/ de rnam

@506a @#/ /par rtog pa'i ngo bo nyid yin du zin kyang tshul bzhin
yid la byed pa'i ngo bo nyid yin pa'i phyir rnam par mi rtog
pa'i ye shes 'byung bar 'gyur bas na ye shes de 'dod pas de la
brten par

bya'o; ;zhes gsungs so/ /gal te shes rab kyi pha rol tu phyin 
pa las/ gzugs la sogs pa rnams stong pa dang bdag med pa'o 
snyam du spyod na mtshan ma la spyod par gsungs pas stong pa 
nyid la so sor rtog pa mi 'thad

do snyam na/ 'di 'dra ba rnams ni stong nyid la bden par bzung
ba la byed kyi/ stong pa'o snyam du bzung ba tsam la ma yin pa
ni sngar mang du bshad zin to/ /de lta ma yin na mdo sde de dag
las/ byang chub sems dpa' sems

dpa' chen po shes rab kyi pha rol tu phyin pa la spyod cing/
shes rab kyi pha rol tu phyin pa la bsgom pas 'di ltar nye bar
brtag cing 'di ltar nges par bsam par bgyi ste/ shes rab kyi pha
rol tu phyin pa 'di gang yin/

shes rab kyi pha rol tu phyin pa 'di gang gi yin/ ci chos gang
med pa dang mi dmigs pa de shes rab kyi pha rol tu phyin pa yin
nam zhes/ gal te de ltar nye bar brtags/ de ltar nges par bsams
pa na/

zhes sher phyin bsgom pa'i tshe dpyod par gsungs pa dang/ shes
rab snying po las/ sher phyin zab mo la ji ltar spyad pa dris
pa'i lan du/ phung po lnga po de dag kyang rang bzhin gyis stong
par rnam par yang dag par rjes su  

@506b blta'o/ /zhes pa dang/ sdud pa las kyang/ gang tshe 'dus
byas 'dus ma byas dang dkar nag chos/ /shes rab rnam par bshig
nas rdul tsam mi dmigs tshe/ /'jig rten dag na shes rab pha rol
phyin grangs 'gro/ /zhes shes rab

kyis chos rnams la dpyad pas rdul tsam yang mi dmigs par mthong
na sher phyin du 'gro bar gsungs te/ de 'dra ba'i rigs so sor
brtag dgos pa du ma gsungs pa dang ji ltar mi 'gal/ de ltar mi
'dod na chos rnams

la rnam par mi brtag par gsungs pa de la rgyu mtshan ci yod pa
yin/ hwa shang ltar rtog pa gang byas thams cad kyis 'khor bar
'ching bar 'dod na ni/ mi rtog pa de'i gdams ngag zhu'o de bsgom
mo snyam pa la sogs pa

thams cad kyis kyang 'ching bar 'dod dgos shing/ de dgag pa
sngar yang mang du song ngo/ /des na de dag la bden par mi 'dzin
pa lung gi don yin la/ bden par 'dzin pa'i rtog pa 'gog na ni/
dper na/ thag pa la sbrul du

'khrul nas sdug bsngal bskyed pa na/ blo des ji ltar bzung ba
ltar gyi sbrul med par nges nas 'khrul pa de bzlog pa yin gyi/
gzhan thabs med pa ltar bden par bzung ba'i yul bden pa ba de
med par rgyu mtshan yang dag

gis nges nas de'i don la 'dris par byed pa dgos kyi/ bden par
'dzin pa'i sems tshur la bkug pa tsam gyis 'gog par mi nus so/
/gzhan yang bden 'dzin de 'khrul pa yin par 'dod dgos te/ ma
'khrul na 'gog

@507a @#/ /pa'i don med pa'i phyir ro/ /blo de 'khrul par 'dod
na'ang khos bzung ba'i yul de med par ma shes na 'khrul par ji
ltar shes te/ blo 'khrul ma 'khrul ni bzung ba ltar gyi yul yod
med kho ?

na la thug ba'i phyir ro/ /bden 'dzin gyis ji ltar bzung ba'i
yul de med pa yang dam bca' tsam gyis mi 'grub pas/ de bsgrub
pa'i lung dang rigs pa'i tshogs dri ma med pa rnams la bltos pa
yin no/ /de ltar byas nas bden med

gtan la phab ste/ de nas bden par mi rtog par 'jog na ni kho bo
cag 'di 'dod pa yin pas/ so sor rtog pa'i shes rab kyi dpyad pa
sngon du song ba'i mi rtog pa dgos kyi/ mi rtog pa tsam gyis
chog pa ma yin no/ /sgom

rim tha ma las kyang/ de lta bsan dam pa'i chos las dran pa med
pa dang yid la byed pa med pa 'byung ba de yang yang dag par so
sor rtog pa sngon du 'gro ba yin par blta bar bya ste/ gang gi
phyir yang dag par so sor rtog

pa nyid kyis dran pa med pa dang yid la byed pa med par byed nus
kyi/ gzhan du ma yin no/ /zhes dang/ lhag mthong ni yang dag par
so sor rtog pa'i ngo bo nyid yin par 'phags pa dkon mchog sprin
dang dgongs pa nges par

'grel ba la sogs pa las kyang bka' stsal to/ /'phags pa dkon
mchog sprin las bka' stsal pa/ lhag mthong gis brtags nas ngo bo
nyid med par rtogs pa ni mtshan ma med pa la 'jug go/ /zhes
'byung ngo/ /

@507b 'phags pa lang kar gshegs pa las kyang/ blo gros chen po
gang gi phyir blos brtags na rang dang spyi'i mtshan nyid mi
rtogs te/ des na chos thams cad ngo bo nyid med pa zhes bya'o
zhes bka' stsal to/ /gal te yang dag par

so sor rtog pa la mi bya na/ de ltar bcom ldan 'das kyis mdo sde
de dang de dag las yang dag par so sor rtog pa rnam pa du ma
bka' stsal pa de dang 'gal bar 'gyur ro/ /de lta bas na bdag ni
shes rab chung du brtson 'grus

chung ngu ste/ mang du thos pa yongs su tshol mi nus so zhes de
skad bya ba'i rigs kyi bcom ldan 'das kyis mang du thos pa
bsngags pa'i phyir dus thams cad du'ang de spang bar ni mi rigs
so/ /zhes gsungs pa ltar shes par bya'o//

de bzhin du gzugs nas rnam mkhyen gyi bar gang la yang blos mi
gnas par gsungs pa rnams kyang de dag gnas par bya ba'i yul du
bden par bzung du mi rung ba yin gyi/ de lta ma yin na pha rol
tu phyin pa drug la sogs

pa la yang de ltar gsungs pas de dag la yang mi gnas par bya
dgos par 'gyur ro/ /bden par bzung nas gnas su mi rung ba yang
sngar bshad pa ltar/ de dag bden par med par rtogs pa la rag las
pas/ de 'dra

ba'i mi gnas pa dang mi rtog par gsungs pa thams cad yul rnams
rang bzhin gyis grub pa'am bden pa 'gog pa'i yang dag pa'i so
sor rtog pa sngon du 'gro ba kho na la gsungs pa yin par shes
par gyis shig /des na

@508a @#/ /gsung rab las bsam gyis mi khyab pa dang blo las 'das
pa la sogs pa gsungs pa der ni zab mo'i don thos pa dang sems pa
tsam gyis rtogs par rlom pa dgag pa'i phyir de rnams

'phags pa'i so so rang gis rig par bya ba yin pas gzhan gyis
bsam gyis mi khyab pa la sogs par ston pa dang/ yang zab mo'i
don la bden par bzung nas tshul bzhin ma yin par sems pa dgag
pa'i phyir gsungs kyi/

so sor rtog pa'i shes rab kyis tshul bzhin du dpyod pa 'gog pa
min par shes par bya ste/ sgom rim tha ma las/ de ltar gang dang
gang du bsam gyis mi khyab pa la sogs pa'i tshig thos na/ de dang
der thos pa dang

sems pa tsam kho nas de kho na rtogs par gang dag sems pa de dag
gi mngon pa'i nga rgyal dgag pa'i phyir chos rnams so so rang
gis rig par bya ba nyid du ston par byed do/ /tshul bzhin ma yin
pa'i sems pa yang

dag par dgag par byed par khong du chud par bya yi/ yang dag par
so sor rtog pa dgag pa ni ma yin no/ /de lta ma yin na rigs pa
dang lung shin tu mang po dang 'gal bar 'gyur te zhes pa ltar
ro/ /lung mang po

dang 'gal bar 'gyur tshul ni/ 'od srungs kyi le'u las/ 'od
srungs/ dbu ma'i lam chos rnams la yang dag par so sor rtog pa
gang zhe na/ 'od srungs/ gang la bdag med par so sor rtog pa
dang sems can med

@508b pa dang srog med pa dang gso ba med pa dang skyes bu med
pa dang gang zag med pa dang shed las skyes med pa dang shed bu
med par so sor rtog pa ste/ 'od srungs/ 'di ni dbu ma'i lam chos
rnams la yang dag par so sor rtog

pa zhes bya'o zhes gsungs pa la sogs pa 'di 'dra ba rnams dang
'gal ba'o/ /sgom rim dang po las kyang/ rnam par mi rtog par
'jug pa'i gzungs las/ yid la mi byed pas gzugs la sogs pa'i
mtshan ma spong

ngo zhes gsungs pa gang yin pa de yang/ shes rab kyis brtags na
mi dmigs pa gang yin pa de der yid la mi byed par dgongs kyi/
yid la byed pa med pa tsam ni ma yin te/ 'du shes med pa'i
snyoms par 'jug

pa ltar thog ma med pa'i dus nas gzugs la sogs pa la mngon par
zhen pa yid la byed pa spangs pa tsam gyis spong ba ni ma yin
no/ /zhes gsungs te/ gzungs 'di yi 'grel pa slob dpon 'dis mdzad
pa na yang gsal bar

yod do/ /mdor na theg pa chen po la 'phags pa klu sgrub dang
'phags pa thogs med kyi gzhung gis rgyas par bkral ba'i lta ba'i
tshul gnyis las gzhan pa'i lta ba ni med la/ rgya bod kyi mkhas
grub dam pa rnams kyang de gnyis kyis

bkral ba ltar gyi lta ba gnyis gang rung la nges par brten par
snang bas/ gdon mi za bar de gnyis gang rung gi lta ba rang rang
gi gzhung nas 'byung ba ltar btsal bar bya'o/ /de yang/ 'phags
pa yab sras kyi gzhung la brten  

@509a @#/ /nas 'tshol lugs ni sngar bshad la/ 'phags pa thogs med
kyi rjes su 'brang na'ang de kho nar gzung ba dang 'dzin pa
rdzas tha dad pas rnam pa thams cad du steng yang/ byis pa rnams
la

de dag rdzas tha dad pa bzhin du snang ba 'di ji ltar snang ba
ltar du bden par 'dzin pa'i yul kun btags rnams gzhan dbang gi
steng du lung dang rigs pas mtha' dag par bkag pa'i gnyis su med
pa'i don yongs grub

la nges pa brtan po rnyed par byas nas lta ba de'i steng du
bzhag pa'i 'jog sgom dang/ so sor rtog pas dpyad nas bsgom pa
gnyis bya dgos pa yin gyi/ de 'dra ba zhig gi go ba yod kyang
bsgom pa'i tshe lta ba de'i steng

du ma bzhag pa'i mi rtog pa tsam gyis stong nyid de bsgoms par
mi 'gro'o/ /lugs de'i lta ba gtan la 'bebs tshul shin tu gsal ba
dang gtan la phab pa'i don zhi gnas dang lhag mthong so so'i
skyong tshul dang zung

'phrel du 'jug tshul ni sher phyin man ngag na ches gsal bar yod
pas der blta bar bya'o/ /lugs 'di legs par rtogs nas de'i gzhung
nas 'byung ba ltar sgom par byed na'ang shin tu ya mtshan pa yin
no/ /

theg pa chen po'i gsung rab rnams nas zab mo'i don bsdus pa re
yan chad bstan pa shin tu mang zhing/ 'on kyang ma bstan pa'ang
re mang yod pas ma bstan pa der bstan pa'i gzhung nas drang dgos
la/ mi rgyas pa dar

@509b yang rgyas pa nas drang dgos so/ /de bzhin du rgya che
ba'i phyogs la'ang shes par bya dgos kyi/ zab pa'am rgya che ba
gang rung med pa'i phyogs re pa la de ltar bzung du mi rung ngo/
/'di la dgongs nas lam ston pa'i bla ma'i mtshan nyid yongs

su rdzogs pa la theg pa thams cad la mkhas pa mang du gsungs so/
/gsum pa skyong tshul gyi gnad bsdus ba ni/ sngar bshad pa ltar
nges don gyi lta ba rnyed pa des nga dang nga'i'o snyam pa'i
'dzin pa gang la skye ba'i gzhi bdag dang

bdag gi ba la rang bzhin med par gtan la 'bebs pa'i dus dang
'dra bar so sor rtog pa'i shes rab kyis mang du dpyad nas mthar
de'i don la nges pa'i shugs bskyed de/ mi 'phrong bar 'dzin pa'i
'jog sgom dang so sor rtog pa'i

shes rab kyis dpyod pa spel mar bya'o/ /de'i tshe dpyad sgom
mangs pas gnas cha chung du song na 'jog sgom mang du bya la/
gnas cha sor gzhug /'jog sgom mang du byas pa'i mthus gnas cha
che bar song nas dpyod snying mi

'dod pas ma dpyad de na de kho na nyid la nges pa brtan la shugs
drag pa mi 'ong zhing/ de ma byung na nges pa'i ldog phyogs bdag
gnyis yod par 'dzin pa'i sgro 'dogs la de tsam du mi gnod pas
dpyad sgom mang du byas pa'i

sgo nas zhi lhag gnyis cha mnyam la bsgom ste/ sgom rim tha ma
las/ yang gang gi tshe lhag mthong bsgoms pas shes rab shin tu
shas che bar 'gyur pa de'i tshe zhi gnas chungs pa'i phyir mar me
rlung la bzhag pa bzhin du 

@510a @#/ /sems g.yo bas de kho na shin tu gsal bar mi mthong
bar 'gyur te/ de'i phyir de'i tshe zhi gnas bsgom par bya'o/ /zhi
gnas kyi shas che na'ang gnyid kyis log pa'i mi bzhin du de kho
na shin 

tu gsal bar mthong bar mi 'gyur te/ de lta bas na de'i tshe'ang
shes rab bsgom par bya'o zhes so/ /sbyor ba dang mjug dang thun
mtshams su ji ltar bya ba ni skyes bu chung ngu'i skabs su bshad
pa bzhin du shes par bya'o/ /de 

ltar bdag med pa'i don bsgom pa'i tshe na bying ba dang rgod pa
byung ba ngos bzung ba dang/ de gcod pa'i dran pa dang shes
bzhin bsten lugs dang/ bying rgod kyis mi mnyam pa med par ngang
gis 'jug pa'i btang snyoms thob 

pa na rtsol ba glod lugs la sogs pa ni sngar zhi gnas kyi skabs
su bshad pa dang 'dra bar shes par bya'o/ /sher phyin man ngag
las ni gang bsgom par bya ba'i yul de nyid la zhi gnas kyi
skyong tshul byas nas shin sbyangs bskyed 

pa dang/ yang de la lhag mthong gi dpyad sgom byas nas shin
sbyangs bsgrubs nas/ de dag so sor grub pa na zung du sbrel bar
gsungs te/ 'di ltar na dpyod pa dang 'jog pa gnyis rgyun gcig la
byed pa'i nges pa mi snang 

bas; thun so so la byas pas kyang chog par bzhed do/ /'dir gal
che ba ni rang gi ma rig pas ji ltar sgro btags pa'i 'dzin
stangs sun phyung ba'i sgo nas de'i ldog phyogs rang bzhin gyis
stong pa'i stong pa nyid kyi steng du nges pa 

@510b shugs drag bskyed nas stong nyid bsgom dgos pa yin gyi/
bdag 'dzin dang ma rig pa'i 'dzin stangs sun ma phyung bar stong
nyid zur pa zhig la byas nas bsgoms kyang bdag 'dzin gnyis la ci
yang mi gnod pas/ 'dre shar sgor 

gnod pa la glud nub sgor gtong ba dang 'dra'o zhes gong ma
rnams
yang yang gsungs pa ni shin tu mad par snang ngo/ /de ltar sngar
bshad pa 'di dag ni rags pa tsam yin gyi/ bsgom pa'i skabs kyi
phra mo'i skyon yon rnams ni bshes 

gnyen mkhas pa dag la brten te/ rang gis kyang bsgoms nas shes
par bya dgos pas ma spros so/ /bsgom tshul de dag ni lam rim gyi
gdams ngag snga ma rnams la gzhi byas nas rgyas su btang ba yin
te/ po to ba'i be'u bum 

las; kha cig thos bsam dus na rigs pas/ /rang bzhin med pa 
gtan la phab la/ /bsgom dus mi rtog 'ba' zhig bsgom zer/ /de 
lta na ni 'brel med stong nyid/ /logs su bsgoms phyir gnyen por
mi 'gyur/ /de lta bas na 

bsgom dus nyid na'ang/ /gcig dang du bral rten 'brel la sogs/
/gang la goms pas so sor brtag cing/ /cung zad mi rtog nyid
du'ang gnas bya/ /de ltar bsgoms na nyon mongs gnyen po/ /lha
gcig rjes su 'brang bar 'dod 

cing; ;pha rol phyin lugs spyod par 'dod pas/ /shes rab bsgom
pa'i lugs ni de yin/ /de yang gang zag bdag med goms pas/ /de
nas de ltar rjes su 'jug bya/ /zhes 'byung ba ltar ro/ /'di'ang
jo bos/ stong nyid gang 

@511a @#/ /gis rtogs she na/ /de bzhin gshegs pas lung bstan
cing/ /chos nyid bden pa gzigs pa yi/ /klu sgrub slob ma zla
grags yin/ /de las brgyud pa'i man ngag gis/ /chos nyid bden pa

rtogs par 'gyur/ /zhes gsungs shing/ de'i 'khrid tshul yang jo
bos dbu ma'i gdams ngag tu gsungs pa ltar dpyad sgom dang de
ltar dpyad pa'i don la 'jog pa'i sgom spel mar gsungs pa de yin
no/ /de ni

slob dpon kA ma la shI la'i lugs dang khyad med la/ sngar
bshad pa ltar dbu ma 'jug pa dang dbu ma snying po dang slob
dpon zhi ba lha rnams kyi dgongs pa'ang de ltar yin zhing/ byams
chos dang 'phags pa thogs med

kyi gzhung rnams su yang mang du bshad cing/ de'i lugs phyin ci
ma log par 'dzin pa'i mkhas pa shAnti pas sher phyin man ngag
tu yang gsal bar bkral bas na/ lhag mthong skyong tshul ni klu
sgrub dang thogs med gnyis

nas brgyud pa'i gzhung dang gdams ngag rnams mthun par snang
ngo/ /bzhi pa bsgoms pas lhag mthong grub pa'i tshad ni/ de ltar
so sor rtog pa'i shes rab kyis dpyad nas bsgoms pa na/ sngar
bshad pa'i shin tu sbyangs pa de

ma skyes tshun chod du lhag mthong rjes mthun pa yin la/ shin tu
sbyangs pa skyes pa nas lhag mthong mtshan nyid pa yin te/ shin
sbyangs kyi ngo bo dang skye lugs ni sngar bshad pa ltar ro/
/'di yang sngar zhi gnas grub pa ma

@511b nyams par yod pa des drangs pa'i shin sbyangs kyang yod
pas na/ spyir shin sbyangs yod pa tsam min no/ /'o na gang yin
snyam na/ dpyad sgom byas pa de'i rang stobs kyis shin sbyangs
'dren thub pa na de nas lhag mthong du 'gyur

ro; ;de ni ji snyed pa la dmigs pa dang ji lta ba la dmigs pa'i
lhag mthong gnyis ka la 'dra ba yin no/ /de ltar yang mdo sde
dgongs 'grel las/ bcom ldan 'das/ byang chub sems dpa' de ji
srid du lus dang sems

shin tu sbyangs pa ma thob kyi bar du ji ltar legs par bsams
pa'i chos de dag la ting nge 'dzin gyi spyod yul gzugs brnyan
nang du yid la bgyid pa'i yid la bgyid pa de la ci zhes bgyi/
byams pa/ lhag mthong ni ma yin

te; lhag mthong dang rjes su mthun pa'i mos pa dang mtshungs par
ldan pa yin par brjod par bya'o/ /zhes dang/ sher phyin man ngag
las kyang/ des lus dang sems shin tu sbyangs pa thob pa de nyid
la gnas te/ ji ltar bsams pa

de nyid kyi don nang gi ting nge 'dzin gyi gzugs brnyan gyi
spyod yul la lhag par mos pas so sor brtag par bya ste/ ji srid
du lus dang sems shin tu sbyangs pa ma skyes pa de srid du ni
lhag mthong dang rjes su mthun pa'i yid la

byed pa yin la/ gang gi tshe skyes pa de'i tshe lhag mthong yin
no/ /zhes gsungs shing/ ji snyed pa la dmigs pa'i zhi gnas dang
lhag mthong dang zung 'brel du 'gyur tshul rnams ji lta ba la
dmigs pa rnams dang 'dra bar

@512a @#/ /gsungs so/ /shin sbyangs rang stobs kyis 'dren thub na
sems rtse gcig pa'ang des 'dren par nus pas na/ so sor rtog pa'i
dpyad sgom gyis rang stobs kyis rtse gcig pa 'dren pa 'di ni

zhi gnas grub pa'i yon tan yin no/ /de ltar zhi gnas legs par
grub pa zhig gis dpyad sgom byas pas kyang zhi gnas kyi grogs su
'gro ba yod pas so sor rtog pa'i dpyad sgom byas na gnas cha
chung ngu 'gro'o snyam

du mi bzung ngo/ /ji lta ba la dmigs pa'i 'jog sgom dang dpyad
sgom byed pa'i lhag mthong bsgom par 'gro mi 'gro'i tshad ni bdag
med pa gnyis kyi lta ba gang yang rung ba la ma nor ba'i go ba
rnam par dag pa rnyed nas

de la dmigs te bsgom pa yin min gyis 'byed dgos kyi/ gzhan gang
gis kyang 'byed par mi nus so/ /ji 'dras 'byed par mi nus snyam
na/ bsgoms pas yul yul can gnyis su snang ba'i snang ba rags pa
rnams

'gags nas/ nam mkha' g.ya' dag pa lta bu la sems rig cing gsal
la dwangs pa'i khyad par dang ldan pa mar me rlung gis ma bskyod
pa lta bu ring du gnas pa dang/ phyi dang nang gi yul snang
rnams yid ngo na 'ja'

tshon nam du ba srab mo'i rnam pa 'dra bar 'char zhing de la ring
du gnas pa dang/ yid shes kyi ngo na bzung ba'i yul du gang
'char ba thams cad la sems kyis gtad pa na gtad cung zad kyang
mi bzod par zhig nas dag

@512b 'gro zhing/ de yang dang por gzugs sgra la sogs pa'i phyi
rol gyi don rags pa la de ltar 'char la/ goms na mthar yul can
rig pa dang myong ba la'ang sngar gyi rigs pa'i rnam pa de bud
pa bzhin du 'gro zhing de la'ang

sems kyis gtad pa na gtad cung zad kyang mi bzod par 'gyur ba la
sogs pa byung yang/ des ni gnyis med kyi de kho na nyid rtogs
pa'i lta ba rnyed pa dang snang ba ban bun shar ba de rnams
kyang dbu ma nas bshad pa'i sgyu ma lta

bu'i don rtogs par cung zad kyang 'jog par mi nus te/ lta ba la
blo kha ma phyogs pas kyang gnas cha ring du bskyangs pa na/ de
lta bu 'char ba du ma yod pa'i phyir ro/ /'di ltar sgyu ma lta
bu'i don ni sngar bshad pa ltar rang gi ngo bos

grub pa med par thag gcod pa'i rigs shes kyi nges pa dang snang
ba bsnyon du med par tha snyad pa'i tshad mas grub pa gnyis la
brten nas 'char dgos la/ yid ngon gzugs sogs rnams 'ja' tshon
dang 'dra bar srab cing shin tu

dwangs pa'i rnam par 'char ba ni thogs rdugs kyi reg bya dang
bral ba dang/ thogs rdugs can du med kyang snang ba lam me ba'i
gnyis tshogs tsam yin pas/ de ltar nges pa de la rang bzhin med
par nges pa gtan med pa'i phyir

dgag bya rang bzhin dang thogs pa'i reg bya gnyis gcig tu bzung
nas rang bzhin med pa'i ming 'dogs pa yin pa'i phyir ro/ /de lta
ma yin par de 'dra ba de dbu ma nas bshad pa'i sgyu ma dang
brdzun pa'i don du 'dod na/ 'ja'

@513a @#/ /dang du ba srab mo khyad par gyi gzhir yod par bzung
nas de dag la rang bzhin yod par 'dzin pa'i rtog pa mi skye bar
'gyur te/ khyad gzhi yod par nges pa de nyid snang la rang bzhin
med pa

nges pa yin pa'i phyir ro/ /yang thogs pa'i reg bya khyad gzhir
bzung nas de la rang bzhin med pa'i nges pa drang du med de/
khyad gzhi nges pa de nyid rang bzhin yod par 'dzin pa yin pa'i
phyir ro/ /des na gzugs sogs

de ltar shar ba'i tshe na srab cing dwangs pa'i rnam par shar ba
de nyid yul de dag gi sdod tshul gyi gnas lugs su 'dzin pa'i yul
cung zad kyang sun phyung ba'i rnam pa med par 'char bas na sgyu
ma lta bu'i don min la/ sngon

lta ba rnam dag rnyed nas ma brjed pa la ni de dag sgyu ma lta
bur 'char ba yod de/ sngar bshad zin to/ /dge bshes dgon pa ba
nas brgyud pa'i lam rim rnams nas stong nyid kyi rtogs pa de'i
skye tshul ni 'di ltar 'dod de/

dang por gang zag gi bdag med bsgom/ de nas chos kyi bdag med
kyi don la dran pa dang shes bzhin gyis zin par byas nas bsgom
ste/ de yang thun rings na dran shes kyis mi zin pas res bying
res rgod par 'gro

bas bogs chung/ des na snga dro dang phyi dro dang srod dang tho
rangs kyi thun bzhi po re re la thun bzhi bzhir byas nas zhag
gcig la thun bcu drug tu byas te bsgom/ gsal ba'am nyams su
myong ba snyam byed pa nas 'phro

@513b bcad la bya/ de ltar bsgoms pas yun ring ma bsgoms snyam
nas bltas tsa na nam dang nyi ma 'ud 'ud bcad nas snang na sems
zin pa yin la/ ring rab bsgoms snyam nas bltas pa na ci yang ma
song snang na sems ma zin pa

yin; sems zin pa'i tshe ni rgyud la nyon mongs chung ba dang
gnyid kyang skye ba la mi 'ong ngam snyam pa 'ong/ de nas snga
dro la sogs pa thun re la 'khyongs pa na mtshan nyid bzhi ldan du
skye ste/ mi rtog pa ni mnyam par bzhag pa na dbugs

phyi nang du rgyu ba'ang mi tshor bar dbugs dang rtog pa phrar
song ba'o/ /gsal ba ni ston dus kyi nyi ma phyed kyi dus kyi nam
mkha'i dkyil gsal ba dang khyad med pa'o/ /dwangs pa ni ting
tsang ma'i nang du chu blugs nas nyi ma la bzhag

nas bltas pa'i dwangs pa dang 'dra ba 'ong ba'o/ /phra ba ni
mtshan nyid gsum po de'i ngang nas bltas pa na dngos po spu'i
rtse mo gshags pa'i cha gcig byung ba'ang mthong ba 'ong ba'o/
/de 'dra ba de mi rtog ye shes skye ba'i rjes su

mthun la/ mi rtog ye shes la bltos na rang gi ngo bo rtog pa yin
pas phyin ci log ces gsungs te/ dbu mtha' las/ rjes su mthun la
phyin ci log /ces gsungs pa yin par 'chad do/ /dbus mtha' nas
gsungs pa ltar

so so skye bo'i stong nyid kyi sgom bzang shos rnams kyang/ rjes
su mthun le phyin ci log ces par bzhag dgos la/ mtshan nyid gzhan
rnams ma byung yang sngar bshad pa ltar lta ba ma nor ba'i don
bsgom na bdag med pa'i don

@514a @#/ /bsgom pa yin la/ lta ba ma nor bar gtan la phab pa'i
don bsgom pa ma yin na/ mtshan nyid bzhi po de byung yang nges
pa'i don bsgom par 'jog mi nus/ de'i phyir ji lta ba'i don bsgom
pa

yin min ni sngar bshad pa bzhin yin la/ de bsgoms nas de'i rjes
su sgyu mar 'tshar tshul yang sngar bshad pa bzhin du shes par
bya'o/ /gsum pa zhi lhag de gnyis zung du 'brel ba'i tshul ni/ de
gnyis grub pa'i tshad

kyi skabs su bshad pa ltar zhi lhag gnyis ma thob na zung du
sbrel rgyu mi 'ong bas zung 'brel la ni de gnyis nges par thob
pa dgos so/ /'di yang/ nam lhag mthong thob pa'i thog ma nas
zung 'brel 'thob par 'gyur bas de'i

tshul ni sngar gyi zhi gnas la brten nas dpyad sgom byas pa na
bsgrims te 'jug pa la sogs pa'i yid byed bzhi'i rim pas skye ba
'di la'ang gsungs pas yid byed bzhi pa sngar bshad pa ltar skyes
pa'i tshe na zung 'brel du 'gro

ste; de yang dpyad sgom byas pa'i mthar 'jog sgom byas shing
bskyangs pa de zhi gnas thob pa ji 'dra ba de 'dra ba'i 'jog
sgom du gyur pa na yin no/ /de ltar yang nyan sa las/ de la ji
tsam gyis na zhi gnas dang lhag

mthong 'dres par gyur cing mnyam par zung du 'jug pa dang gang
gis na zung du 'brel bar 'jug pa'i lam zhes bya zhe na/ smras
pa/ soms gnas pa rnam pa dgu po dag las 'di lta ste/ mnyam par
bzhag pa'i rnam pa dgu pa

@514b gang yin pa thob par gyur cing ting nge 'dzin yongs su
grub pa de la brten nas lhag pa'i shes rab chos rnam par 'byed
pa la rab tu brtson par byed de/ de'i tshe na chos rnam par 'byed
pa de'i lam rang gi ngang gis 'jug pa dang rtsol

ba med par 'jug par gyur cing/ zhi gnas kyi lam ji lta ba bzhin
du mngon par 'du byed pa med pas lhag mthong yongs su dag pa
dang yongs su byang ba dang zhi gnas kyi rjes su song ba dang
nyams bde bas yongs su zin par 'gyur

te; de'i phyir de'i zhi gnas dang lhag mthong gnyis 'dres par
gyur cing mnyam par 'jug pa dang zhi gnas dang lhag mthong zung
du 'brel bar 'jug pa'i lam zhes bya'o/ /zhes dang/ sgom rim tha
ma las kyang/ ji ste gang gi

tshe bying ba dang rgod pa las dben pa'i phyir mnyam par zhugs
shing rang gi ngang gis 'jug pas de kho na nyid la sems shin tu
gsal ba byung bar gyur pa de'i tshe rtsol ba glod pas btang
snyoms su bya ste/ de'i tshe zhi gnas dang lhag

mthong zung du 'brel ba'i lam grub pa yin par rig par bya'o/
/zhes gsungs so/ /'o na de 'dra ba de la ci'i phyir zung du
'brel ba zhes bya zhe na/ de 'dra ba de ma thob pa'i gong du so
sor rtog pa'i dpyad sgom gyi rang stobs kyis

mi rtog pa'i gnas cha 'dren mi nus pas/ dpyad sgom dang 'jog
sgom gnyis rtsol ba so so so sor bsgom dgos pa la/ de gnyis thob
nas ni so sor rtog pa'i dpyad sgom byas pa nyid kyis zhi gnas
'dren par nus pas na zung du

@515a @#/ /'brel ba'o/ /'di yang dpyod pa ni lhag mthong yin la/
dpyad mthar gnas pa ni zhi gnas khyad par can stong nyid la
dmigs pa'o/ /sher phyin man ngag las kyang/ de'i 'og tu rnam par

rtog pa dang bcas pa'i gzugs brnyan de nyid la dmigs te/ sems de
nyid la gang gi tshe rgyun mi 'chad pa dang bar ma chad pa'i yid
la byed pa'i rgyun gyis gnyis ka'ang nyams su myong ba de'i tshe
zhi gnas dang lhag mthong

zung du 'brel ba'i lam zhes brjod de/ de la zhi gnas dang lhag
mthong ni zung yin la/ 'brel ba ni ldan pa ste/ phan tshun bcings
nas 'jug pa'o zhes gsungs te/ bar ma chad pa ni dpyad sgom de
nyid kyi 'phro

bzhag nas mi rtog par bzhag mi dgos par dpyad sgom de nyid kyis
mi rtog pa 'dren pa'o/ /gnyis ka nyams su myong ba ni mi rtog
pa'i gzugs brnyan la dmigs pa'i zhi gnas dang rnam par rtog pa
dang bcas pa'i

gzugs brnyan la dmigs pa'i lhag mthong gnyis ka nyams su myong
ba ste/ de yang dus gcig min gyi/ bsgom pa'i yid byed de nyid
kyi bar ma bcad pa'i rgyun gyis myong ba'o/ /'o na sngar zhi
gnas grub nas so sor

rtog pa'i dpyad sgom gyis gnas cha 'grub par bshad pa dang 'gal
lo snyam na/ de ni zhi gnas ma grub pa'i sngon du yang dang yang
du dpyad pa'i mthar 'jog pa'i spel ma byas na zhi gnas 'grub mi
srid la/ zhi gnas

@515b rnyed nas ni de ltar byas nas bsgoms pas zhi gnas 'grub
pa'i khyad bstan pa yin pas 'gal ba med cing/ gzhan yang lhag
mthong 'grub pa'i snga rol de ma thag gi dpyad sgom gyis rtse
gcig pa 'dren par nus pa'i skabs

gcig yod pas de la'ang bsams pa ste/ lhag mthong ma grub pa'i
sngon du yang dang yang du dpyad pa'i mthar 'jog pa'i spel ma
byas na zhi gnas 'grub mi srid la/ zhi gnas rnyed nas ni dpyad
sgom gyis mi rtog pa 'dren

mi nus par gong du bshad pa 'di ni dmigs bsal de dor ba'i de'i
sngon du mi 'grub pa'i dbang du byas pa'o/ /mdor na zhi gnas ma
grub pa'i sngon du 'jog res kyis dpyad pa'i mthar 'jog pa'i 'jog
sgom byas pas zhi

gnas 'grub mi srid la/ zhi gnas grub nas ni lhag mthong ma grub
pa'i sngon du dpyad sgom gyis rtse gcig pa'i gnas cha brtan po
rang stobs kyis drangs pa mi 'ong bas so sor rtog pa'i shes rab
kyis mang du dpyad pa'i

dpyad pa de nyid kyis gnas cha brtan po rnyed pa ni lhag mthong
thob nas 'ong bas zung 'brel yang de nas 'jog pa yin no/ /de'i
phyir chu mi g.yo bar gnas pa'i steng na phar nye'u chung 'phyo
ba bzhin du gnas cha brtan po'i mi rtog

pa'i rtsi ma zhig pa'i ngang nas bdag med pa'i don la so sor
dpyad pas chog pa'i gnyis tshogs la zhi lhag zung 'brel du 'khrul
bar mi bya'o/ /de ltar zhi lhag zung du 'brel ba'i tshul ni
gzhung khungs ma de dag nas 'byung ba bzhin

@516a @#/ /du shes par bya yi/ de las gzhan du sgro btags nas
'chad pa la yid brtan par mi bya'o/ /'di dag gi sgo nas zhi lhag
gi skyong tshul la'ang khyad par du ma zhig dbye dgos par snang
mod

kyang tshig mangs pas 'jigs nas ma bris so/ /da ni lam spyi'i don
bsdu ba cung zad brjod par bya ste/ thog mar lam gyi rtsa ba
bshes gnyen bsten tshul la thug pas de'i bdar sha bcad/ de nas
dal ba la

snying po len 'dod bcos ma min pa bskyed na des rgyun du bsgrub
pa la nang nas bskul bas de bskyed pa'i phyir du dal 'byor gyi
skor rnams bsgom/ de nas tshe 'di don du gnyer ba'i blo sna ma
log na 'jig rten phyi ma la don

gnyer drag po mi 'byung bas lus thob pa ring du mi sdod pa'i mi
rtag pa dang shi nas ngan 'gror 'khyam tshul bsgom pa la 'bad/
de'i tshe 'jigs pa dran pa'i blo rnal ma skye bas skyabs gsum gyi
yon tan la snying thag pa nas nges

pa bskyed la skyabs 'gro thun mong ba'i sdom pa la gnas shing
de'i bslab bya la bslab/ de nas dkar chos thams cad kyi gzhi
chen po las 'bras la yid ches pa'i dad pa sgo du ma nas bskyed
la brtan par byas te/ dge mi

dge bcu'i 'jug ldog la 'bad cing stobs bzhi'i lam du rgyun du
zhugs pa zhig bya/ de ltar skyes bu chung ngu'i chos skor rnams
tshags su tshud pa na 'khor ba spyi dang bye brag gi nyes dmigs
mang du bsams la/ 'khor

@516b ba spyi las blo ci ldog bya/ de nas 'khor ba gang las
'byung ba'i rgyu las dang nyon mongs pa'i ngo bo ngos bzung nas
de spong 'dod bcos ma min pa bskyed/ 'khor ba las grol ba'i lam
bslab pa gsum spyi la nges pa drang zhing khyad

par du rang gis gang khas blangs pa'i so sor thar pa la 'bad par
bya'o/ /de ltar skyes bu 'bring gi chos skor rnams tshags su tshud
pa na/ rang nyid srid mtshor lhung ba ji 'dra ba de bzhin du/ ma
rnams kyang de 'dra bar song ba yid la

byas te/ byams pa dang snying rje'i rtsa ba can byang chub kyi
sems sbyangs la 'di ci skye la 'bad dgos te/ de med na spyod pa
phyin drug dang rim gnyis sogs rmang med pa'i thog byed pa dang
'dra bar 'gyur ba yin no/ /de la

myong ba'i rnam pa than thun rgyud la skyes na cho gas bzung la/
de'i bslab bya la 'bad nas smon pa ci brtan bya/ de nas byang
sems kyi spyod pa rlabs che ba rnams mnyan la/ ldog 'jug gi
mtshams rnams shes pa dang de

la slob 'dod drag po bskyed/ blo de dag skyes pa na 'jug pa'i
sdom pa chogs bzung la/ rang rgyud smin par byed pa'i phyin drug
dang gzhan rgyud smin byed kyi bsdu bzhi sogs la bslab/ khyad
par du rtsa ltung la 'bad pa drug pos

srog bsdos bya/ zag pa chung 'bring dang nyes byas rnams kyis ma
gos pa la 'bad cing gos na'ang phyir 'chos pa la 'bad do/ /de
nas phar phyin tha ma gnyis la khyad par du bslab dgos pas bsam
gtan skyong lugs la mkhas par

@517a @#/ /byas la ting nge 'dzin bsgrub/ bdag med pa gnyis kyi
lta ba rtag chad dang bral ba'i rnam dag cig rgyud la ci skye
byas te/ rnyed pa dang lta thog der bzhag nas skyong ba'i skyong
tshul rnam dag shes

par byas la bskyang ngo/ /de 'dra ba'i bsam gtan dang shes rab
gnyis la zhi lhag gi ming btags pa yin gyi/ phar phyin tha ma
gnyis las zur pa zhig med pas byang sems kyi sdom pa bzung nas
de'i bslab bya la slob pa'i gseb

nas 'ong ba yin no/ /'di yang 'og ma 'og ma bsgoms kyin gong ma
gong ma la thob 'dod cher 'gro ba dang gong ma gong ma mnyan
pa
na 'og ma 'og ma la bsgrub 'dod je che je cher 'gro ba zhig
byung na gnad du song ba yin gyi/

snga ma rnams ci yang med par sems kyi gnas cha re tsam dang lta
ba'i go ba tsam re la nus pa sprug lo byas kyang gnad du 'gro
shin tu dka' bas lam gyi lus yongs su rdzogs pa zhig la nges pa
'drongs dgos pa yin no/ /de

rnams bsgom pa'i tshe yang rtog pa sbyang bar byas nas blo rnams
cha mnyam dgos te/ 'di ltar lam la 'khrid pa'i bshes gnyen la
gus pa chung bar snang na legs tshogs thams cad kyi rtsa ba 'chad
pas bsten tshul la

'bad/ de bzhin du bsgrub pa la spro shugs chungs na dal 'byor
gyi skor dang tshe 'di la mngon zhen che bar song na mi rtag pa
dang ngan 'gro'i nyes dmigs bsgom pa la gtso bor bya dgos/ khas
blangs pa'i bcas pa rnams la g.yel bar

@517b snang na las 'bras la nges pa chung ba yin snyam du bsams
la/ las 'bras bsgom pa la gtso bor bya/ 'khor ba mtha' dag la
skyo shas chungs na thar pa don gnyer gyi blo tshig tsam du 'gro
bas 'khor ba'i nyes dmigs rnams

bsam/ ci byed sems can gyi don du byed pa'i blo shugs drag mi
snang na theg chen gyi rtsab 'chad pas smon sems rgyu dang bcas
pa la mang du sbyang/ rgyal sras kyi sdom pa blangs nas spyod pa
la slob pa na'ang mtshan mar 'dzin pa'i 'ching

ba shugs drag par snang na rigs shes kyis mtshan mar 'dzin pa'i
blos bzung ba'i dmigs gtad thams cad bshig la/ nam mkha' lta bu
dang sgyu ma lta bu'i stong nyid la blo sbyang/ sems dge ba'i
dmigs pa la mi sdod pa'i rnam

g.yeng gi bran du gyur par snang na rtse gcig pa'i gnas cha la
gtso bor skyong bar gong ma rnams gsung ste/ des mtshon nas ma
bshad pa rnams kyang shes par bya la/ mdor na phyogs re bar ma
song bar rgyud dge ba'i phyogs thams cad la

bkol du rung ba zhig dgos so/ /skyes bu chen po'i lam gyi rim pa
las/ byang chub sems dpa'i spyod pa la slob pas shes rab kyi ngo
bo lhag mthong la ji ltar bslab pa'i tshul bshad zin to// //gnyis
pa khyad par du rdo rje'i

theg pa la bslab pa'i tshul ni/ de ltar mdo sngags gnyis ka'i lam
thun mong ba rnams la sbyangs pa'i 'og tu ni gdon mi za bar
gsang sngags la 'jug par bya ste/ lam de ni chos gzhan rnams las
ches shin tu dkon pa dang myur

@518a @#/ /du tshogs gnyis rdzogs par byed pa'i phyir ro/ /de la
'jug na ni/ lam sgron las gsungs pa ltar thog mar bla ma bsnyen
bkur dang bka' bsgrub pa sogs kyis mnyes par bya ba sngar bshad
pa

las kyang lhag pa zhig bya dgos te/ de yang/ de las bshad pa'i
mtshan nyid ma mtha' tshang ba zhig la de ltar byed pa yin no/ /de
nas thog mar smin byed kyi dbang rgyud sde khungs ma nas bshad
pa zhig gis rgyud smin par bya/ de

nas de'i tshe bzung ba'i dam tshig dang sdom pa rnams mnyan nas
shes par byas la bsrung ste/ rtsa ba'i ltung bas phog na slar
blang du yod kyang/ lam gyi yon tan rgyud la skye ba la ches
'gyang bas des ma gos pa la 'bad pa

drag po bya/ sbom po'i ltung bas ma gos pa la 'bad cing brgya la
gos na'ang slar 'chos pa'i thabs rnams bya ste/ 'di dag ni lam
bsgom pa'i gzhi yin pas de dag med na 'gram rtsa zags pa'i khang
pa hrul po ltar 'gyur ba'i

phyir ro/ /'jam dpal rtsa ba'i rgyud las/ tshul khrims 'chal la
thub dbang gis/ /sngags 'grub par ni ma gsungs te/ /zhes sogs
kyis grub pa rab 'bring tha gsum gang yang med par gsungs shing/
rnal 'byor bla med kyi

rgyud du'ang dam tshig mi bsrung ba dang dbang bskur dman pa
dang
de nyid mi shes pa gsum gyis bsgrub kyang ci yang mi 'grub par
gsungs pas na/ dam tshig dang sdom pa bsrung ba med pa'i lam
bsgom pa skad byed pa ni/ sngags kyi

@518b tshul las rnam par 'khyams pa yin no/ /de ltar dam tshig
dang sdom pa bsrung ba des sngags kyi lam bsgom par bya ba la
thog mar bskyed pa'i rim pa lha'i 'khor lo tshang ba rgyud sde
khungs ma nas bshad pa zhig bsgom dgos

te; sngags kyi lam gyi thun mong ma yin pa'i spang bya ni phung
po dang khams dang skye mched la rang dga' bar zhen pa'i tha mal
pa'i rnam rtog 'di yin la/ de spong ba'ang gnas dang lus dang
longs spyod rnams khyad par can gyi

snang bar sgyur bar byed pa'i bskyed rim nyid yin pa'i phyir ro/
/de ltar tha mal gyi rnam rtog sbyangs pa de rgyal ba sras bcas
kyis dus kun tu byin gyis rlob cing bsod nams kyi tshogs mtha'
yas pa bde blag tu rdzogs par byed pas

na; rdzogs pa'i rim pa'i snod du rung ba yin pas/ de nas rdzogs
pa'i rim pa rgyud sde khungs ma nas 'byung ba rnams bsgom dgos
kyi/ rim pa dang po dor ba'i phyi ma'i khongs su 'du ba tsam gyi
lam gyi cha shas re re tsam la sbyong

ba ni rgyud sde dang de dag gi dgongs 'grel gyi mkhas pa rnams
kyi bzhed pa ma yin no/ /de'i phyir rnal 'byor bla na med pa'i
lam gyi lus rdzogs pa'i rim pa gnyis kyi gnad zin par bya'o/
/'di dag ni 'dir ming tsam gyi sgo nas

sngags la 'jug pa'i phyogs tsam zhig bstan pa yin pas/ rgyas par
ni sngags kyi lam gyi rim pa rnams las shes dgos so/ /de lta
bu'i tshul gyis bslabs na mdo sngags kyi gnad thams cad bsdus
pa'i lam gyi lus yongs

@519a @#/ /su rdzogs pa la bslab par 'gyur bas dal ba thob pa don
dang ldan par byed cing/ rgyal ba'i bstan pa rin po che rang
dang gzhan gyi rgyud la rgyas par byed nus pa yin no// //thub
pa'i gsung rab

rab 'byams rnams la blta ba'i mig gcig gcig gis kyang ni gzhung
lugs kun/ /ji bzhin legs shes shes ldan rnams la dga' ba skyed
'di 'di 'dra'i tshul la rab sbyangs pa'i/ /bshes gnyen bsten dang
dang po'i sangs

rgyas 'jam pa'i dbyangs gang gang gis skyabs su legs bzung ba/
/de yi mthus yin yin tshul rnam par 'byed la rab mkhas mkhas pa'i
mchog des rtag skyongs shig /'dzam gling mkhas pa yongs kyi
gtsug gi rgyan/ /snyan

pa'i ba dan 'gro na lhang nge ba/ /klu sgrub thogs med gnyis las
rim bzhin du/ /legs brgyud byang chub lam gyi rim pa ni/ /skye
dgu'i 'dod don ma lus skong bas na/ /gdams pa rin chen dbang gi
rgyal po ste/ /gzhung lugs stong

gi chu bo 'du ba'i phyir/ /dpal ldan legs par bshad pa'i rgya
mtsho'ang yin/ /gal de paN chen mar me mdzad kyis ni/ /gangs ri'i
khrod du gsal bar mdzad pa las/ /phyogs 'dir rgyal ba'i lam
bzang lta ba'i mig /dus

mang zhig tu zum par ma gyur to/ /de nas bstan pa'i gnad rnams
ma lus pa/ /ji bzhin mkhyen pa'i mkhas rnams zad pa na/ /lam
bzang 'di yang ring mo zhig nas nyams/ /tshul de mthong nas bstan
pa rgyas phyir du/ /rgyal bas

@519b chos tshul ji snyed gsungs pa kun/ /theg pa mchog gi bzhon
pas 'gro ba yi/ /skal bzang gcig gi lam gyi rim pa ru/ /legs par
bsdus nas nyams su len pa'i tshul/ /ha cang rgyas min don gyi
gnad rnams kun/ /ma tshang

med cing blo gros chung ngus kyang/ /bde blag rtogs par nus 'di
lung rigs kyis/ /tshul bzhin dpyod pa'i lam nas bdag gis drangs/
/rgyal sras 'jug ngogs shin tu rtogs par dka'/ /bdag ni byis
pa'i nang na'ang byis

pa ste; ;de slad 'dir ni nongs par gyur pa gang/ /ji bzhin gzigs
rnams spyan sngar bdag 'chags so/ /der ni ring du 'bad las tshogs
gnyis ni/ /mkha' ltar yangs pa gang zhig bsags pa des/ /blo mig
ma rig gis

ldongs 'gro ba kun/ /rnam 'dren rgyal ba'i dbang por bdag gyur
cig /der ma son pa'i tshe rabs kun tu yang/ /'jam pa'i dbyangs
kyis brtse bas rjes bzung ste/ /bstan pa'i rim pa kun tshang lam
gyi mchog /rnyed nas bsgrub

pas rgyal rnams gnyes byed shog /rang gi ji bzhin rtogs pa'i lam
gyi gnad/ /shugs drag brtse bas drangs pa'i thabs mkhas kyis/
/'gro ba'i yid kyi mun pa bsal byas nas/ /rgyal ba'i bstan pa
yun ring 'dzin

gyur cig /bstan pa rin chen mchog gis ma khyab pa'am/ /khyab
kyang nyams par gyur pa'i phyogs der ni/ /snying rje chen pos
yid rab bskyod pa yis/ /phan bde'i gter de gsal bar byed par
shog /sras bcas rgyal

@520a @#/ /ba'i rmad byung 'phrin las las/ /legs grub byang chub
lam gyi rim pas kyang/ /thar 'dod rnams kyi yid la dpal ster
zhing/ /rgyal ba'i mdzad pa ring du skyong gyur cig /lam bzang

bsgrig pa'i mthun rkyen sgrub byed cing/ /'gal rkyen sel byed mi
dang mi min kun/ /tshe rabs kun tu rgyal bas bsngags pa yi/ /rnam
dag lam dang 'bral bar ma gyur cig /gang tshe theg pa mchog la
chos spyod bcus//

tshul bzhin bsgrub la brtson pa de yi tshe/ /mthu ldan rnams kyis
rtag tu grogs byed cing/ /bkra shis rgya mtshos phyogs kun khyab
gyur cig /ces rgyal ba'i gsung rab thams cad kyi gnad bsdus pa
shing rta chen po klu sgrub

dang thogs med gnyis kyi lam srol rnam pa thams cad mkhyen pa'i
sar bgrod pa'i skye bo mchog gi chos lugs/ skyes bu gsum gyis
nyams su blang pa'i rim pa thams cad tshang bar ston pa'i byang
chub lam gyi rim pa 'di/

rgyal sras chen po rngog blo ldan shes rab kyi rgyal tshab chen
po nang rig pa'i sde snod la mkhas par sbyangs nas de'i don
bsgrub pas tshul bzhin du thugs nyams su bzhes te/ 'gro ba du
ma'i 'dren pa mdzad pa'i sgo nas bstan pa rin po

che'i rtsa lag dam par gyur pa dkon mchog tshul khrims dang/
sngon dus kyi sdom brtson rnams kyis mtha' gcig tu yongs su
bsngags pa'i dam pa bya 'dul ba 'dzin pa'i rgyal tshab mkhyen pa
dang brtse ba la sogs pa'i rtogs pa

@520b dang lung gi yon tan rin po che du mas brgyan pas gangs
ri'i khrod kyi sdom brtson rnams kyi khrod na rgyal mtshan gyi
tog ltar mngon par mtho ba'i sdom brtson chen po mkhan chen zul
phu ba dkon mchog dpal bzang po dang/ gzhan

yang don gnyer can mang pos snga nas bskul zhing/ dus phyis mdo
sngags kyi gzhung rab 'byams la mkhas par sbyangs pas gzhung
lugs pa rnams kyi gtso bor gyur cing bslab pa rin po che gsum la
ches cher gces spras

su mdzad pa/ gcig tu bstan pa rin po che'i khur 'khur pa la zla
dang bral ba'i skad gnyis smra ba yongs su rdzogs pa'i bshes
gnyen sems dpa' chen po skyabs mchog dpal bzang po zhes/ yongs
su grags pa'i dam pa des

nye bar bskul ba'i bka' stsal dang du blangs nas/ rje btsun dam
pa nam mkha'i mtshan can la dgon pa ba nas sne'u zur ba la brgyud
pa dang/ spyan snga pa nas brgyud pa'i lam gyi rim pa thos
shing/ rje btsun dam pa bzang po'i

mtha' can la/ po to bas shar ba la brgyud pa dang/ po to ba nas
dol pa la brgyud pa'i lam gyi rim pa thos pa rnams kyi don gdams
ngag 'di'i gzhung/ lam sgron gyi skyes bu gsum gyi spyi'i mtshan
nyid ston pa tsam ma gtogs

pa'i tshig rnams sla ba la bsams nas ma drangs par/ lotstsha ba
chen po dang gro lung pa yab sras kyi lam rim gyi khog rnams la
gzhi byas nas lam rim du ma nas gnad rnams bsdus te/ lam gyi cha
tshang la 'khyer bde

@521a @#/ /zhing; go rim ma 'khrugs par bkod pa 'di ni/ gangs
ri'i khrod kyi shing rta chen po/ gsung rab rab 'byams la mi
'jigs pa'i spobs pa dge ba can gzhung lugs chen mo rnams kyi

don tshul bzhin du bsgrubs pas/ rgyal ba sras bcas dgyes pa
bskyed pa'i rmad du byung ba'i sems dpa' chen po rje btsun dam
pa red mda' pa la sogs pa'i bla ma dam pa rnams kyi zhabs kyi
rdul spyi bos

len pa/ mang du thos pa'i dge slong spong ba pa shar tsong kha
pa blo bzang grags pa'i dpal gyis byang rwa sgreng rgyal ba'i
dben gnas kyi yang dgon brag seng ge'i zhol gyi ri khrod du legs
par sbyar ba'i yi ge pa ni

bsod nams dpal bzang po'o/ /'dis kyang bstan pa rin po che sgo
thams cad nas phyogs kun tu rgyas par byed nus par gyur cig/ //
! oM swa sti/ blo chen blo yi li khri'i sa 'dzin mkhas btsun

bzang po'i dpal gyis sgeg  /'jigs bral 'jigs med stobs bcu'i
rtsal gyis thub bstan snying po 'dzin pa la/ /rgyal dang rgyal
sras bye ba'i dbus na snying stobs cher grags snyan pa can/
/'jam mgon

'jam dpal snying po'i zhabs sen byang chub bar du gtsug gi
rgyan/ /mchog rab rtse mor yongs bsngags yum mdo'i don/ /mchog
gyur zab dang rgya che'i tshul gnyis srol/ /mchog tu 'byed mkhas
sngon med

@521b dzahnus/ /mchog gi gsos su legs skyugs lam gsum 'gro/
/'jam dbyangs zhal lung zla zer bye ba brgyas/ /'phyur ba'i blo
gter thugs bcud chu klung dang/ /lhan cig 'grogs pa'i legs bshad

nyal 'gro'i gter/ /ngo mtshar che ba bzhi ldan gdams pa'i phul/
/srid gsum 'di na rnyed dka'i sgron me mchog  /rnam grol zung
'jug nor bu'i lding khang cher/ /bgrod byed rin chen 'phrul gyi
them skas te/ /dge

legs srog zungs brtas byed bdud rtsi'ang yin/ /de phyir 'dzad
med par gyi ka la sha/ /lhag bsam sna tshogs las kyis nyer bskrun
pa'i/ /legs byas zla ba'i 'khri shing 'dzum pa'i rlabs/ /'chi
med lam gyi

pha mthar rtsen pa'i mthus/ /don gnyis 'bras bu'i dog pas rab
lci ba'i/ /gser 'od 'phro ba'i lugs bzang yongs 'du'i ljon/
/bshad sgrub lo 'dab phyogs su grol ba'i gzis/ /dbyig 'dzin
khyon kun

ci yang mdzes gyur cig  /dpag yas thub gzhung pad tshal yangs
pa'i ngogs/ /bslab gsum rtsal gyis snyems pa'i rkang drug khyu/
/rnam dag 'chad rtsod rtsom pa'i mgrin rnga'i dbyangs/ /ma lus
srid gsum

khong na snyan gyur cig  /cher snyigs rgud pa'i yams nad drungs
'byin cing/ /kun dga'i re khA g.yas su legs 'khyil ba'i/ /dga'
ldan lugs zung chab srid bkra shis dung/ /sde bzhi'i dbyangs
snyan 'jo bas snyems

@522a @#/ /gyur cig  /tshul 'dir 'brel thogs kyis mtshon 'gro ba
kun/ /tshe rabs dam pa'i bshes kyis rjes bzungs nas/ /lam 'dir
thos bsam sgom pas rab rtsen te/ /rnam gsum lam

gyi bdad rtsis phyug gyur cig  /gnas skabs phun tshogs steng
'thung grol ba'i rtser/ /dge legs ro mngar stong gi bcud 'dzin
pa'i/ /rnam grol sbrang rtsi gsar pa'i dga' ston che/ /yid can
bung ba'i nyer 'tshor

'dzum gyur cig  /'jig rten khams su nad mtshon mu ge'i zhugs/
/gzhil byed bsod nams sprin gyi me tog gis/ /bde skyid gser gyi
snye ma g.yur za ba'i/ /rdzogs ldan gsar pa'i rtse dga' bzhad
gyur

cig ;ces dad stobs lhag bsam dge ba ta dang brgya dpon tshe brtan
rnam rgyal nas bstan 'gro yongs la sman pa rgya cher 'byung slad
dang/ tshe 'das rdo rje tshe ring/ mdon grub sgrol ma/ bu mo 'chi
med dbyangs can bcas dang/ tshe dang ldan pa ma byams pa chos

'dzoms/ khyim 'dzin bsod nams sgrol mas gtsos 'das gson rnams
kyi dge rtsa'i ched lcags stag lor byang chub lam rim chen mo'i
par gzhi gsar bskrun bya rgyu'i thebs dmigs snga phyi bsdoms
dngul srang nyi khri lnga stong tham pa dang/ mar 'degs khal

bco lnga bcas phul te bskul 'debs byung ba ltar 'jam mgon bla
ma'i gsung gsang rmad du byung ba 'di nyid skal ldan gyi gdul
bya mchog dman kun la lta sgom spyod pa'i skabs gang du'ang med
du mi rung ba'i legs bshad zla med par song gshis 'di ga'i

@522b bkod 'brel gzhung gnas nas par gzhi gsar bskrun gyi 'gan
blangs thog  /gam bcar gzim dpon blo gling byams pa chos bzang
nas kyang stag pang spus ldan gyi par shing ngo grangs lnga
brgya sum cu so brgyad 'bul sbyor byung ba ltar par

brko'i do dam par gzim zur dar rgan ye shes chos grags bsko
bzhag gis thog mtha' bar gyi gla phogs sogs gang na ci dgos gya
nom par bstabs shing/ 'di'i ma phyi sku 'bum par ma gzhir
bzungs/ bkra shis 'khyil gyi par ma

lam rim chen mo mchan bzhi sbrags gcig dang/ 'jam bzhad kyi
mchan rkyang yod pa gcig  /bkras lhun par ma/ 'bras spungs hor
mi tshan du yod pa'i par ma/ dga' ldan par rnying bcas phan tshun
zhib bsdur gyis yi ge'i gcod

mtshams dang/ tshig sna 'dra min yod rigs rnams kyang par ma
khungs ldan sor bzhag las/ rang bzo'i lhad ma zhugs par zhus dag
pa ldan chos 'khor dgon gyi grwa rigs dge slong blo bzang rdo
rjer ma dper zhu gtugs zhib 'jug sogs

lta rtog zhib tu bgyid bcug thog  /par yig 'dri mi snye mo yon
bdag rgan pa dbu drung phun tshogs don ldan dang/ gzhon pa dbu
drung dam chos sogs mi brgyad dang/ par brko ba dbu drung bsod
nams dbang rgyal/ dbu chung phun tshogs blo ldan/ dbu

chung padma tshe ring/ byings dkyus nyer gsum bcas nas bzo ris
bkod legs rung dwang blangs kyis par gzhi gsar bskrun legs grub
kyi par byang smon tshig cig dgos zhes rgyu sbyor gong gsal nas
lha reg dang/ maNDal rten gsum gyis

@523a [dd] @#/ /mtshon pa'i bdog pa'i rkyen dang bcas te bskul ba
dang/ rang nyid kyang lam [dd] 'di nyid la mchog tu mos pas
mtshams sbyar te shAkya'i ring lugs 'dzin pa pad dkar 'chang

ba'i skye phreng bcu bzhi pa ngag dbang blo bzang bstan 'dzin
rgya mtsho srid gsum dbang bsgyur mtshungs pa med pa'i sder 'bod
pas dwang bas sbyar ba blo bzang rgyal bstan dar zhing rgyas la
yun ring

du gnas pa'i rgyur gyur cig  / // ? par 'di lha sa rtse zhol
bka' 'gyur par khang gangs can phan bde'i gter mdzod gling du
bzhugs pa 'gro don 'phel// //

sarba mangga laM//  //[dd]

@523b [bp]