@#/ /byang chub lam gyi rim pa bzhugs so/ /

001 @##/ /rje btsun dam pa thugs rje chen po dang ldan pa rnams
kyi zhabs la gus pas phyag 'tshal lo/ /mi mjed zhing gi dbang
phyug bcom ldan 'das/ /rgyal ba'i rgyal tshab byams

mgon chos kyi rje/ /bde gshegs kun gyi yab gcig 'jam pa'i
dbyangs/ /rgyal bas lung bstan klu sgrub thogs med la/ /gus pas
btud nas zab mo lta ba dang / /rgya chen spyod pa'i lam gyi

rim pa la/ /bde blag nyid du 'jug phyir slar yang ni/ /mdor
bsdus tshul gyis 'dir ni bshad par bya/ /'dir rgyal ba'i gsung
rab thams cad kyi gnad bsdus pa/ shing rta chen po klu sgrub

dang thogs med gnyis kyi lam srol/ rnam pa thams cad mkhyen pa'i
sar 'gro ba'i skye bo mchog gi chos lugs/ skyes bu gsum gyi
nyams su blang ba'i rim pa thams cad ma tshang ba med

@002a @#/ /par bsdus pa/ byang chub lam gyi rim pa'i sgo nas skal
ba dang ldan pa sangs rgyas kyi sar 'khrid pa'i tshul ni gang
bshad par bya ba'i chos so/ /de la dpal bi ka ma la shI la'i
mkhas pa

rnams ni/ chos rtsom pa po'i che ba dang / chos kyi che ba dang
/ de ji ltar bshad cing nyan pa'i tshul gsum sngon du gal che bar
bzhed pa ltar byang chub lam gyi rim pa'i 'khrid la bzhi/ chos
khungs btsun par

bstan pa'i phyir mdzad pa po'i che ba bstan pa dang / gdams ngag
la gus pa bskyed pa'i phyir chos kyi che ba bstan pa dang / che
ba gnyis dang ldan pa'i chos la nyan bshad ji ltar bya ba dang /
gdams pa

dngos kyis slob ma ji ltar bkri ba'i rim pa'o/ /dang po mdzad pa
po ni/ gdams ngag 'di spyir rje btsun byams mgon gyi mngon par
rtogs pa'i rgyan gyi gdams ngag yin la/ khyad par du 'di'i
gzhung ni

byang chub lam gyi sgron ma yin pas de mdzad pha po nyid 'di'i
yang mdzad pa po'o/ /de yang slob dpon chen po dI paM ka ra
shrI dznyA na mtshan gzhan dpal ldan a ti sha zhes yongs su
grags pa ste/ de'i che ba la

@002b gsum/ rigs phun sum tshogs par skye ba bzhes pa'i tshul/
rten de la yon tan brnyes pa'i tshul/ brnyes nas bstan pa la bya
ba mdzad ba'i tshul lo/ /dang po ni/ lo tsA ba'i bstod pa las/
shar phyogs za hor yul mchog

na; ;de na grong khyer chen po yod/ /bi kra ma ni pu ra yin/ /de
yi dbus na rgyal po'i khab/ /pho brang shin tu yangs pa yod/
/gser gyi rgyal mtshan can zhes bya/ /longs spyod mnga' thang
'byor pa ni/ /rgya nag stong khun rgyal po 'dra/ /

yul de'i rgyal po dge ba'i dpal/ /btsun mo dpal mo 'od zer can/
/yab yum gnyis la sras gsum mnga'/ /padma'i snying dang zla ba'i
snying/ /dpal gyi snying po zhes bya'o/ /rgyal bu padma'i snying
po la/ /btsun mo lnga yod

sras ni dgu/ /sras kyi thu bo bsod nam dpal/ /da lta'i dus na
mkhas pa che/ /d+han shrI zhes bya ra grags/ /chung ba dpal gyi
snying po ni/ /dge slong birya tsandra yin/ /'phring po zla ba'i
snying po ni/ /da lta bla ma rje btsun yin/ zhes 'byung

ba ltar ro/ /yon tan brnyes pa'i tshul la gnyis/ mang du mkhyen
pa lung gi yon tan brnyes pa'i tshul/ tshul bzhin bsgrubs pa rtogs
pa'i yon tan brnyes pa'i tshul lo/ /dang po ni/ lo nyer gcig tshun
la phyi pa dang nang pa'i rig

pa'i gnas thun mong ba skra dang gtan tshigs rig pa/ bzo dang gso
ba rig pa bzhi la sbyangs pas mkhas pa'i phul du phyin par gyur
to/ /khyad par du lo bco lnga bzhes pa'i tshe rigs thigs tshar
gcig gsan nas phyi rol pa'i rtog

@003a @#/ /ge pa mkhas par grags pa gcig dang brtsad de de pham
par mdzad pas/ snyan pa'i grags pa kun tu rgyas so zhes gro lung
pa chen po gsung ngo/ /de nas ri nag po'i gtsug lag khang gi
rnal 'byor gyi dbang phyug dpal

kyai rdo rje'i zhal gzigs shing rdo rje mkha' 'gro ma'i lung
bstan pa thob pa'i bla ma rA hu la gupta la dbang yongs su
rdzogs par zhus shing/ gsang mtshan ye shes gsang ba'i rdo rje
zhes bya bar btags te/ dgung lo nyer dgu tshun la

dngos grub brnyes pa'i bla ma du ma'i spyan sngar rdo rje theg
pa la sbyangs pas gzhung dang gdams ngag ma lus pa la mkhas par
gyur te/ gsang sngags la nga nyid mkhas so snyam du dgongs pa
byung ba na/ DA ki ma rnams kyis sngags kyi glegs

bam sngar mthong ma myong ba mang po mnal lam du bstan nas thugs
rgyal bcag go /de nas bla ma dang yi dam rnams kyis dngos dang
rmi lam ci rigs par rab tu byung na bstan pa dang 'gro ba mang
po la phan pa rgya chen po 'byung bar bskul ba

la brten nas/ phal chen sde pa'i gnas brtan 'dul ba 'dzin pa
chen po shI la rak+Shi ta zhes bya ba sbyor ba'i lam gyi de kho
na nyid kyi phyogs gcig la zhugs pa'i ting nge 'dzin brnyes pa
cig la mkhan po mdzad nas rab tu byung

ste mtshan dpal mar me mdzad ye shes zhes btags so/ /de nas lo
sum cu rtsa gcig gi bar du mtshan nyid kyi theg pa'i nang rig
pa'i sde snod gong 'og rnams la sbyangs shing/ khyad par du bye
brag tu bshad pa chen

@003b po la bla ma d+harmA rak+Shi ta'i spyan sngar o tanta pu
rir lo bcu gnyis su gsan no/ /rtsa ba'i sde bzhi'i gzhung la
shin tu mkhas pas sde pa tha dad pa rnams kyi byin len la sogs
pa blang dor gyi cha phra mo rnams kyang ma 'dres par

mkhyen no/ /gnyis pa ni/ spyir rgyal ba'i lung gi bstan pa thams
cad sde snod rin po che gsum du 'du bas/ rtogs pa'i bstan pa
yang bslab pa rin po che gsum du 'du'o/ /de la tshul khrims kyi
bslab pa ni ting nge 'dzin

dang shes rab kyi bslab pa la sogs pa'i yon tan thams cad kyi
rten du gsung rab dgongs 'grel dang bcas pa las lan du mar
bsngags pas na/ thog mar tshul khrims kyi bslab pa'i dbang du
byas pa'i rtogs pa'i yon tan dang ldan dgos

so; ;de la gsum las so sor thar pa'i sdom pa mchog dang ldan
pa'i tshul ni/ dge slong gi sdom pa mnos nas rnga rtsid la chags
pa'i g.yag gis/ rnga ma nyag ma re re shing la thogs pa na
rngon pas srog dang 'phral bar mthong

yang srog dang bsdos te rnga ma mi gcod par bsrung ba ltar/ khas
blangs pa'i bslab pa'i gzhi chen po lta ci smos/ bslab pa'i gzhi
phra mo re re yang srog dang bsdos te bsrungs pas gnas brtan
'dul ba 'dzin pa chen por gyur

to zhes 'byung ngo/ /byang sems kyi sdom pa dang ldan pa ni/
byams pa dang snying rje'i rtsa ba can gyi byang chub kyi sems
sbyong ba'i gdams pa mang po dang / khyad par du gser gling pa
bsten nas rje btsun byams pa dang / 'jam

@004a @#/ /dbyangs nas thogs med dang zhi ba lha las brgyud pa'i
gdams pa mchog la ring du sbyangs pas/ bdag pos gzhan gces pa'i
byang chub kyi sems thugs la 'khrungs shing/ smon pa'i sems des

drangs pa'i 'jug pa'i sems byang chub sems dpa'i spyod pa rlabs
che ba la slob par khas blangs par rjes su 'gro ba'i bslab pa la
slob pa'i spyod pa bzang pos rgyal sras rnams kyi bcas pa'i
mtshams las mi 'da' bar mdzad

do; ;rdo rje theg pa'i sdom pa dang ldan pa ni/ rang gi lus lhar
gzigs pa'i bskyed pa'i rim pa dang / rdo rje'i thugs rdzogs pa'i
rim pa'i ting nge 'dzin dang ldan pas rnal 'byor pa'i gtso bor
gyur pa dang / khyad par du bcas

mtshams las mi 'da' bar dam tshig tshul bzhin du bsrung bar mdzad
do/ /sdom pa gsum gyi tshul khrims kyi bslab pa rnams khas len pa
la dpa' ba tsam min par ji ltar khas blangs pa'i rjes su 'brangs
te bcas pa'i mtshams

las mi 'da' bar bsrung zhing/ brgya la cung zad 'das na'ang myur
ba myur bar rang rang gi phyir bcos kyi tshogs dag par mdzad do/
/ting nge 'dzin gyi bslab pa dang ldan pa la gnyis las/ thun
mong ba ni/ zhi gnas kyi sems las

su rung ba brnyes shing/ thun mong ma yin pa ni/ bskyed pa'i rim
pa shin tu brtan pa mnga' ste/ de yang rig pa brtul zhugs kyi
spyod pa lo drug gam gsum du mdzad do/ /shes rab kyi bslab pa
dang ldan pa la thun mong ba ni/ zhi lhag

@004b zung du 'brel ba'i lhag mthong gi ting nge 'dzin brnyes
shing/ thun mang ma yin pa ni/ rdzogs pa'i rim pa'i ting nge
'dzin khyad par can brnyes pa'o/ /bstan pa la bya ba mdzad pa la
gnyis/ rgya gar du mdzad tshul dang / bod du mdzad tshul

lo; ;dang po ni/ rdo rje'i gdan byang chub chen po'i pho prang
du mu stegs kyi smra ba ngan pa lan gsum du chos kyis pham par
mdzad nas sangs rgyas kyi bstan pa bzung zhing/ rang gi sde pa
gong 'og gi bstan pa la yang ma rtogs pa dang log

par rtog pa dang the tshom gyi dri ma ngan pa rnams bsal nas
bstan pa rgyas par mdzad pas/ sde pa thams cad kyis kyang phyogs
ris med bar gtsug gi rgyan du 'dzin to/ /bod du mdzad tshul ni/
lha bla ma khu dbon gyis lo tsA ba rgya brtson

seng dang nag tsho tshul khrims rgyal ba gnyis/ rim pa bzhin rgya
gar du brdzangs te 'bad pa chen pos yang dang yang du spyan
'dren btang bas/ byang chub 'od kyi ring la spyan 'drongs te
mnga' ris stod du phebs nas/ sangs rgyas kyi

bstan pa'i dag ter mdzad par gsol ba btab pa la brten nas/ mdo
sngags kyi gnad thams cad bsdus te nyams su len pa'i rim par
dril ba'i gzhung byang chub lam gyi sgron ma mdzad pa la sogs
pa'i sgo nas bstan pa

rgyas par mdzad de/ de yang mnga' ris su lo gsum/ snye thang du
lo dgu/ dbus gtsang gzhan du lo lnga'i bar du skal ba dang ldan
pa rnams la mdo sngags kyi gzhung dang gdams ngag ma lus pa
bstan nas bstan

@005a @#/ /pa'i srol nub pa rnams gsar du btsugs/ srol cung zad
yod pa rnams 'phel bar mdzad/ log par rtog pa'i dri mas sbags pa
rnams legs par bsal te bstan pa rin po che dri ma dang bral

par mdzad do/ /de ltar thub pa'i dgongs pa gsal bar byed pa'i
gzhung rtsom pa la yang phun sum tshogs pa'i rgyu gsum yod de/
'di ltar shes bya rig pa'i gnas lnga la mkhas pa dang / de dag
gi don nyams su len

pa'i gnad kyi gdams pa yang dag par rdzogs pa'i sangs rgyas nas
bzung ste/ dam pa bar ma chad pa las brgyud pa'i man ngag dang
ldan pa dang / yi dam gyi lha'i zhal gzigs nas gsung gi gnang ba
thob pa'o/ /'di

dag re res kyang gzhung rtsom par nus na gsum ga tshang na ches
phun sum tshogs par 'gyur ro/ /slob dpon chen po 'di la ni gsum
ga mnga'o/ /de la yi dam gyis rjes su bzung ba ni/ bstod pa las/
dpal ldan dgyes

pa'i rdo rje dang / /dam tshig bkod pa'i rgyal po dang / /dpa' bo
'jig rten dbang phyug dang / /jo mo rje btsun sgrol ma sogs/
/zhal gzigs gnang ba thob pas na/ /rmi lam na'am mngon sum du/
/zab pa dang ni rgya che ba'i//

dam chos rtag tu gsan pa lags/ zhes gsungs pa ltar ro/ /bla ma
brgyud pa la theg pa thun mong ba dang / theg pa chen po'i
brgyud pa gnyis/ de la pha rol tu phyin pa dang / gsang sngags
gnyis las/ dang po

@005b la lta ba'i brgyud pa dang / spyod pa'i brgyud pa gnyis/
phyi ma la byams pa nas brgyud pa dang / 'jam dbyangs nas brgyud
pa ste brgyud pa gsum mo/ /gsang sngags la yang brgyud pa lugs
lnga dang / gzhan yang grub

mtha'i brgyud pa dang / byin rlabs kyi brgyud pa dang / gdams pa
sna tshogs pa'i brgyud pa la sogs pa brgyud pa du ma dang ldan
zhing/ dngos su gsan pa'i bla ma ni/ bstod pa las/ rtag tu bsten
pa'i bla ma ni/ shAnti

pa dang gser gling pa/ /b+ha dra bo d+hi dznyA na shrI/ /dngos
grub thob pa mang po dang / /khyad par du ni klu sgrub nas/
/gcig nas gcig tu brgyud pa yi/ /zab pa dang ni rgya che ba'i/
/gdams pa khyod la mnga' ba yin/ zhes gsungs pa

ltar te dngos grub brnyes pa'i bla ma bcu gnyis yod par grags
shing gzhan yang mang ngo/ /rig pa'i gnas lnga la mkhas pa ni
bshad zin to/ /de'i phyir slob dpon 'dis rgyal ba'i dgongs pa
legs par gtan la 'bebs nus

so; ;de lta bu'i slob dpon 'di la rgya gar kha che ayon bal po
bod rnams na slob ma bsam gyis mi khyab pa zhig yod kyang/ gtso
bo ni rgya gar na jo bo dang mkhyen pa mnyam pa'i paNDi ta chen
po bi to pa/ d+harma a ka ra ma ti/ dbu

ma seng ge /sa'i snying po ste bzhi/ kha cig bshes gnyen gsang
ba dang lngar byed do/ /mnga' ris nas lo tsA ba rin chen bzang
po/ nag tsho lo tsA ba/ lha bla ma byang chub 'od/ gtsang nas
'gar dge ba dang 'gos khug pa lhas

@006a @#/ /btsas/ lho brag nas chags pa khri mchog dang dge ba
skyong/ khams nas rnal 'byor pa chen po/ dgon pa ba/ shes rab
rdo rje/ phyag dar ston pa/ dbus nas khu rdog 'brom gsum byung
ngo/ /de dag gi nang nas kyang

bla ma nyid kyi 'phrin las rgyas par byed pa'i rgyud 'dzin chen
po ni/ sgrol mas lung bstan pa'i 'brom ston pa rgyal ba'i 'byung
gnas so/ /'di dag ni mdzad pa po'i che ba mdor sdus pa ste rgyas
par ni rnam thar gyi yi ge chen mo rnams

su shes par bya'o/ /gnyis pa la/ chos ni gdams ngag 'di'i gzhung
byang chub lam gyi sgron ma'o/ /jo bos mdzad pa'i gzhung mang du
yod kyang rtsa ba lta bu yongs su rdzogs pa ni lam sgron yin te/
mdo sngags gnyis ka'i gnang

bsdus nas ston pas brjod bya yongs su rdzogs pa dang /sems 'dul
ba'i rim pa gtso bor byas pas lag tu blang bde ba dang shing rta
chen po gnyis kyi lugs la mkhas pa'i bla ma gnyis kyi gdams pas
brgyan pas

lugs gzhan las khyad par du 'phags so/ /gzhung de'i gdams ngag
gi che ba la bzhi las/ dang po bstan pa thams cad 'gal med du
rtogs pa'i che ba ni/ rgyal bas gsungs pa ji snyed pa thams cad/
'dir gang zag

gcig 'tshang rgya ba'i lam du go ba ste/ de yang kha cig ni lam
gyi gtso bo/ kha cig ni lam gyi yan lag ci rigs par 'gyur ba'o/
/de la byang chub sems dpa' rnams kyi bzhed don ni 'jigs rten
gyi don sgrub pa yin la/ gdul

@006b bya yang rigs can gsum ga rjes su 'dzin 'dgos pas de dag gi
lam la bslab dgos te/ theg pa gsum gyi lam shes pa ni byang chub
sems dpa'i bzhed don sgrub byed kyi thabs yan par rje btsun
byams pas gsungs pa'i phyir

ri; ;thag chen gyi lam la thun mong ba yin min gnyis kyi dang bo
ni/ theg dman gyi sde snod nas 'byung ba rnams yin la/ de yang
rang gcig pu zhi bde don gnyer la sogs pa'i bsam pa thun mong ma
yin pa dang bcas pa

thun mong ma yin pa sogs ma gtogs pa'o/ /gzhan yang yang dag par
rdzogs pa'i sangs rgyas ni skyon phyogs re zad pa dang / yon tan
phyogs re rdzogs pa min gyi/ skyon gyi rigs thams cad zad cing
yon tan gyi

rigs mtha' dag rdzogs pa yin la/ de sgrub pa'i theg pa chen po
yang skyon mtha' dag 'gog cing yon tan mtha' dag bskyed pas na/
theg pa gzhan thams cad kyi spangs rtogs kyi yon tan gyi rigs
thams cad theg

pa chen po'i lam du 'du ba yin no/ /de'i phyir sangs rgyas sgrub
pa'i theg chen gyi lam gyi yan lag tu gsung rab thams cad 'du
ste/ skyon sna re zad par byed pa'am yon tan sna re bskyed pa
min pa'i thub pa'i gsung

med pa'i phyir dang /de thams cad kyang theg chen pas mi sgrub
pha med pa'i phyir ro/ /gal te pha rol tu phyin pa'i theg pa la
de ltar yin kyang/ rdo rje theg par 'jug pa la de ltar ma yin no
snyam na/ phar phyin gyi theg pa

@007a @#/ /ltar sbyin sogs kyi gsal ba'i bye pa mtha' yas pa la
slob pa'i tshul sngags dang mi 'dra yang/ spyod pa'i rten sems
bskyed pa dang /spyod pa phyin drug la slob pa'i lam gyi lus
rags pa la 'dra

bas de tsam zhig ni thun mong ba yin te/ rdo rje mo las/ 'tsho
ba'i srog gi phyir yang ni/ /byang chub sems ni dro mi bya/ zhes
dang /pha rol phyin drug spyod pa ni/ /nam yang dor bar mi
bya'o/ zhes gsung shing/

gzhan yang sngags kyi gzhung du mar gsungs so/ /rnal 'byer bla
med kyi dkyil tshog khungs thub du mar yang thun mong ba dang
thun mong ma yin pa'i sdom pa gnyis gnyis bzung dgos par gsung
pa'i snga ma ni byang sems kyi sdom pa

yin pa'i phyir ro/ /ston pa rin po che'i zhal nas kyang/ bstan
pa thams cad gru bzhi lam gyis 'khyer shes pa nga'i bla ma/ zhes
gsung ste tshig 'di dpyad gzhi che ba yin no/ /gnyis pa gsung rab
thams cad gdam ngag

tu 'char ba'i che ba ni/ gang yang gzhung chen mo rnams la nyams
len gyi gnang med pa'i bshad chos su byas shing/ nyams len gyi
gnad snying po'i don ston pa'i man ngag zur du yod par go nas/
dam pa'i chos rang la

bshad pa dang sgrub pa'i chos logs lags pa gnyis yod par 'dzin
pa ni/ dri ma med pa'i mdo rgyud dang dgongs 'grel gyi bstan
bcos la gus chen po skye ba'i gegs byed cing/ de dag la nang gi
don mi ston pa'i phyi'i go rgya

@007b tsam gcod pa'o zhes brnyas pa'i gnas su 'dzin ba'i chos
spong ba'i las kyi sgrib pa gsog par shes par bya'o/ /des na
thar 'dod rnams la mi slu ba'i gdams pa mchog ni gzhung chen mo
rnams yin mod / 'on kyang rang

nyid blo zhan pa la sogs pa'i rgyu mtshan gyis gdams pa'i mchog
tu gzhung de tsam la brten nas des mi nus bas/ dam pa'i man ngag
la brten nas de dag la nges pa btsal bar bya'o snyam du man ngag
'tshol dgos pa yin gyi/

gzung rnams ni phyi rgya gcod pa tsam yin pas snying po med la/
man ngag rnams ni nang gi don ston pas mtsheg go skam du mi bzung
ngo/ /rnal 'byor pa chen po byang chub rin chen gyi zhal nas/
gdams ngag la nang byan

tshud pa ni/ be'u bum lag mthil tsam zhig la nges pa rnyed pa la
mi gzer gyi/ gsung rab thams cad gdams ngag tu go ba la zer zhes
pa dang /jo bo chen po'i slob ma sgom pa rin chen bla mas kyang/
a ti sha'i gdams

ngag la stan thog gcig tu lus ngag yid gsum rdul du ba rlags
pas/ da gzhung thams cad gdams ngag tu go ba zhig byung gsung ba
ltar go dgos pa yin no/ /ston pa rin po che'i zhal nas/ chos
mang du bslabs

nas chos byed lugs gzhan du rtsad dgos pa byung na nor ba yin
gsung ba ltar/ yun ring por chos mang du bslabs kyang chos byed
lugs ye mi shes par chos byed 'dod byung ba na rtsad gzhan nas
gcod dgos ba rnams/

@008a @#/ /kyang sngar bshad pa star ma go bas nongs te/ 'di ltar
bstan pa ni mdzod las/ ston pa'i dam chos rnam gnyis te/ /lung
dang rtogs pa'i bdag nyid do/ zhes gsungs pa ltar lung rtogs kyi
bstan pa gnyis las

med la/ lung gi bstan pa ni chos lag tu len pa'i tshul sgrub pa
byed lugs gtan la 'bebs pa yin la/ rtogs pa'i bstan pa ni gtan
la phebs pa na/ ji ltar gtan la pheb pa ltar sgrub ba yin pas de
gnyis rgyu 'bras

su 'gro ba yin te/ dper na rta rgyug pa na sngon la rta la dkyu
sa ston pa dang bstan zin nas der rgyug pa lta bu yin no/ /dkyus
gzhan du bstan nas rgyug sa gzhan du byed na bzhad gad du 'gyur
ba ltar/ thos bsam gyis gzhan zhig

gtan la phab nas sgrub pa na gzhan zhig bsgrub tu ga la rung/ de
ltar yang sgom rim tha ma las/ yang thos pa dang bsam pa las
byung ba'i shes rab kyis rtogs pa gang yin pa de nyid bsgoms pa
las byung ba'i shes rab kyis

bsgom par bya'i gzhan du ma yin te/ rta dkyus kyi sa bstan nas
rgyug pa bzhin no/ zhes gsungs so/ /de ltar na gdams pa 'dis
bshes gnyen bsten tshul nas/ zhi gnas dang lhag mthong gi par
gsung rab dgongs

'grel dang bcas pa'i lam gyi gnad thams cad tshab bar bsdus nas/
de dag thams cad la 'jog sgom dgos pa rnams la 'jog sgom byed/
dpyad sgom dgos pa rnams la so sor rtog pa'i shes rab kyis dpyad

@008b de nyams len gyi rim par dril nas 'khrid pas na/ gsung rab
thams cad gdams ngag tu shar nas de dag la gdams pa'i mchog tu
'dzin pa'i nges pa skyes te/ de rnams gdams ngag dngos min pa'i
chos rgyu

tsam du 'dzin pa'i log rtog rnams lhag ma med par ldog par 'gyur
ro/ /gsum pa rgyal ba'i dgongs pa bde blag tu rnyed pa'i che ba
ni/ gsung rab dgongs 'grel dang bcas pa'i gzhung che ba rnams
gdams pa'i mchog

yin kyang/ yongs su ma sbyangs pa'i gang zag las dang po pas ni/
dam ba'i man ngag la ma brten par de dag la zhugs kyang dgongs
pa mi rnyed la/ rnyed du chug kyang dus shin tu ring ba dang
tshegs shin tu che ba la ltos

so; ;bla ma'i man ngag 'di dang 'di 'dra pa la brten na ni bde
blag tu rtogs par 'gyur ro/ /bzhi pa nyes spyod chen po rang
'gags su 'gro ba'i che ba ni/ padma dkar po dang bden po'i le'u
nas bshad pa ltar sangs rgyas kyi

bka' thams cad dngos dang brgyad pas 'tshang rgya ba'i thabs ston
par ma go bar 'ga' zhig 'tshang rgya ba'i thabs dang / 'ga' zhig
'tshang rgya ba'i gegs su bzung nas bzang ngan dang rigs mi rigs
dang theg pa che chung

du phye ste/ byang sems kyis 'di la slob dgos la 'di la slob mi
dgos so zhes dor byar bzung na chos spong bar 'gyur ba dang
/chos spong gi las sgrib ni shes dka' ba'i phra bar rnam par
'thag pa thams cad

@009a @#/ /bsdus pa'i mod las gsungs so/ /chos spangs na nyes
dmigs shin tu che ba ni/ ting 'dzin rgyal po las/ gang gis
dzambu'i gling 'dir ni/ /mchod rten thams cad bshig byed pas/
/gang gis mdo

sde spong byed pa'i/ /sdig pa de ni ches khyad 'phags/ /gang gis
gang ganggI bye snyed kyi/ /dgra bcom bsad par gyur pa bas/
/gang gis mdo sde spong byed pa'i/ /sdig pa 'di ni ches khyad
'phags/ zhes gsungs so/ /spyir

chos spong 'byung ba la sgom du snang na'ang sngar bstan pa'i
sgo 'di che shos su snang bas 'bad pas spang bar bya'o/ /de yang
sngar bstan pa ltar gyi nges pa rnyed pa tsam gyis ldog bar
'gyur bas nyes spyod rang 'gags su

'gro ba'o/ /nges pa de ni bden pa po'i le'u dang dam pa'i chos
padma dkar po mang du bltas pa las btsal bar bya zhing/ chos
spong ga sgo gzhan rnams ni rnam par 'thag pa bsdus pa'i mdo las
shes par bya'o/ /gsum pa

la gsum/ nyan pa'i tshul/ bshad pa'i tshul/ mjug tu thun mong du
bya ba'i tshul lo/ /dang po la gsum/ chos thos pa'i phan yon bsam
pa/ chos dang chos smra ba la rim gro bskyed pa/ nyan tshul dngos
so/ /dang po ni/ thos

pa'i tshoms las/ thos pas chos rnams shes par 'gyur/ /thos pas
sdig las ldog par byed/ /thos pas don ma yin pa spong/ /thos pas
mya ngan 'das pa 'thob/ ces pa bzhis/ thos pa la brten nas rim
pa

@009b bzhin blang dor gyi gnas shes pa dang / shes nas nyes
spyod las ldog pa'i tshul khrims dang / de nas don ma yin pa las
log nas/ dge ba'i dmigs pa la sems ji ltar 'dod par gnas pa'i
ting nge 'dzin skye ba dang /de

nas bdag med pa'i de nying rtogs pa'i shes rab kyi bslab pas/
'khor bar 'ching ba'i rtsa ba bcad nas rnam grol 'thob par
gsungs so/ /skyes rabs las kyang/ gang zhig thos pas yid ni dang
gyur nas/ /legs par dga'

la brtan pa nyid du 'gyur/ /shes rab skye zhing gti mug med par
'gyur/ /rang gi shes kyang de ni nyo ba'i rigs/ /thos pa gti mug
mun sel sgron me yin/ /rkun po la sogs mi 'khyer nor gyi mchog
/kun tu rmongs

pa'i dgra 'joms mtshon cha yin/ /thabs tshul man ngag ston pas
grogs kyi mchog /phongs par gyur kyang mi 'gyur mdza' bo yin/
/gnod pa med pa mya ngan nad kyi sman/ /nyes pa chen po'i dpung
'joms dpung gi

mchog /grags dang dpal dang gter gyi mchog kyang yin/ /ya rabs
rnams dang phrad na skyes kyi mchog /tshogs kyi nang na mkhas pa
mgu bar 'gyur/ zhes dang / thos pa'i rjes 'jug sgrub pa snying
por byed/ /skye

pa'i rdzong las tshogs chung thar bar 'gyur/ zhes gsungs pa la
sogs pa'i thos pa'i phan yon rnams yang dang yang du bsams la
snying thag pa nas mos pa bskyed do/ /gnyis pa ni/ sa'i snying
po'i mdo las/

@010a @#/ /gcig tu dad cing gus pas chos mnyan gyi/ /de la 'phya
zhing skur bar mi bya'o/ /chos smra ba la mchod pa bya ba ni/
/sangs rgyas 'dra bar de la 'du shes bskyed/ ces gsungs pa ltar
sangs rgyas dang 'dra

bar bltas la seng ge'i khri la sogs pa'i bkur sti dang rnyed pas
mchod de ma gus pa spang zhing/ byang sa las/ khengs pa dang
chos dang chos smra ba la khyad du gsod pa dang bral zhing/ de
gnyis la gus par bya bar

gsungs pa dang / skyes rabs las kyang/ rab tu dma' ba'i stan la
'dug /dul ba'i dpal ni rnam par bskyed/ /dga' dang ldan pa'i mig
gis blta/ /tshig gi bdud rtsi 'thung ba bzhin/ /gus pa bskyed
cing rtse gcig

btud/ /rab tu dang la dri med yid/ /nad pas sman pa'i tshig nyan
bzhin/ /rim gro bskyed de chos nyon cig /ces gsungs so/ /gsum pa
la gnyis/ snod kyi skyon gsum spang ba/ 'du shes drug bsten
pa'o//

dang po ni/ snod kha bub pa dang / kha gyen du bzed kyang mi
gtsang ba dang / gtsang du zin kyang zhabs brdo lan der ltas
char phab kyang nang du mi 'gro ba dang / song yang mi gtsang
bas sbags pas 'thung ba la sogs pa'i dgos pa

mi 'grub pa dang / mi gtsang bas ma bslad kyang nang du mi gnas
par zags nas 'gro ba'o/ /de bzhin du chos 'chad pa'i grwar bsdad
du zin kyang rna legs par mi gtod pa dang / gtad du zin kyang
log par bzung pa'am/ kun slong

@010b skyon chags pa la sogs pa dang / skyon de dag med kyang
nyan pa'i dus su bzung ba'i tshig dang don brtan par ma byas par
brjed pa la sogs pas nyams par gyur na chos thos pa dgos pa chen
por mi 'gyur bas de dag dang bral

dgos te/ de gsum gyi gnyen por mdo las/ legs par rab tu nyon la
yid la zungs shig /ces tshig gsum gsungs shing/ byang sa las
kyang/ ku shes par 'dod pa dang rtse gcig pa dang rna blags pa
dang yid btud pa

dang sems thams cad kyis bsams nas nyan par gsungs so/ /gnyis pa
la drug /rang la nad pa lta bu'i 'du shes gzhag pa/ chos smra ba
la sman pa lta bu'i 'du shes gzhag pa/ rjes su bstan pa la sman
gyi 'du shes bskyed

pa; nan tan nyams su blang ba la nad 'tsho ba'i 'du shes bskyed
pa/ de bzhin gshegs pa la skyes bu dam pa'i 'du shes gzhag pa
chos kyi tshul la ring du gnas pa'i 'du shes bskyed pa'o/ /dang
po ni/ spyod 'jug las/

tha ma la nad kyis btab pa yang/ /sman pa'i ngag bzhin bya dgos
na/ /'dod chags la sogs nyes brgya yi/ /nad kyis rtag btab smos
ci dgos/ zhes gsungs pa ltar rgyun ring pa gso dka' ba sdug
bsngal drag po bskyed

pa'i nad chags sogs nyon mongs pas dus rtag tu na ba yin pas de
la der ngo shes pa byed dgos/ karma pa'i zhal nas/ don la mi na
na de ltar sgom pa phyin ci log tu 'gro ste/ dug gsum gyi gcod
nad chen pos thebs

@011a @#/ /nas nad tshabs shin tu che ba la 'o skol gyis na bar ye
ma shes gsung/ gnyis pa ni/ dper na rlung mkhris la sogs pa'i
nad tshabs po ches btab pa na sman pa mkhas pa 'tshol/ de dang
phrad pa na dga'

ba chen po skye ci zer nyan/ gus pas bsnyen bkur ba ltar chos
ston pa'i bshes gnyen la yang de ltar 'tshol ba dang / rnyed nas
khur du mi 'gro bar rgyan du 'dzin te ci gsung bsgrub cing gus
pas bsnyen bkur bar byed pa'o//

gsum pa ni/ nad pas sman pas sbyar ba'i sman la gces spras chen
po byed pa ltar chos smra bas gsungs pa'i gdams ngag dang rjes
su bstan pa la gal po cher mthong nas 'bad pa du mas gces spras
su 'dzin cing

brjed pa la sogs pa'i sgo nas chud 'dza' bar mi byed pa'o/ /bzhi
pa ni/ nad pas sman pas sbyar ba'i sman ma 'thungs na nad zhi mi
nus par mthong nas 'thung ba ltar/ chos smra bas bstan ba'i
gdams pa nyams

su ma blangs na chags sogs gzhom mi nus par mthong nas nan tan
gyis nyams su len par byed kyi/ nyams len med par rnam grangs
mang po gsog pa'i tshig lhur mi len pa'o/ /de yang mdze can lag
pa dang rkang

pa ched pa la sman thun re re gnyis gnyis bsten pas cir yang mi
'gyur ba ltar/ 'o skol thog ma med pa nas nyon mongs pa'i nad
gzhi tshabs can gyis thebs pa la/ gdams ngag gi don lan re re
gnyis gnyis tsam

@011b nyams su blangs pas mi chog pas lam gyi cha thams cad
rdzogs pa la so sor rtog pa'i shes rab kyis dpyad cing/ chu bo'i
rgyun bzhin du 'bad 'tshal te/ bshags bstod las/ der yang rgyun
du sems ni rnam rmongs la/ /yun ring

dus su nad gzhi sten byed cing/ /mdze can rkang pa lag pa chad
pa la/ /thang 'ga' sman bsten pa yis ci bgyir mchis/ zhes gsungs
pa ltar ro/ /de ltar na rang la nad pa lta bu'i 'du shes shin tu
gal che ste/ de yod na gzhan

rnams kyang 'byung la/ de tshig tsam du song na nyon mongs pa
bsal ba'i phyir du gdams pa'i don mi bsgrub par nyan pa tsam
zhig tu 'gyur bas/ sman pa btsal nas sman mi 'thung bar sman
sbyor ba kho na lhur blangs na nad pa nad las

mi thar ba dang 'dra bar ting nge 'dzin rgyal po las gsungs
shing/ yang der/ ngas ni rab tu bzang po'i chos bshad kyang/
/khyod kyis thos nas yang dag ma spyad na/ /nad pa sman gyi
rkyal pa thogs pa dag /bdag gi nad ni gso bar mi

nus bzhin/ zhes dang / spyod 'jug las kyang/ lus kyis 'di dag
sbyad par bya/ /tshig tsam brjod pas ci zhig 'grub/ /sman dpyad
klags pa tsam gyis ni/ /nad pa dag la phan 'gyur ram/ zhes
gsungs so/ /des na nan

tan la ni nad sel ba'i 'du shes bskyed par bya'o/ /zhes gsungs
pa'i nan tan ni/ bshes gnyen gyi gdams pa'i blang dor gyi gnas
rnams la lag len du byed pa ste/ de yang byed pa la shes dgos
shing/ de la

@012a @#/ /thos dgos pa dang thas nas shes par byas pa'i dgos pa
yang byed pa yin pas/ thos pa'i don la nus pa dang bstun pa'i
lag len re gnad du che'o/ /de lta ma yin na 'chi ba'i tshe sgrub
pa ma byas pa la

'gyod pa skye ba dang / zlos gar mkhan gzhan gyi lang mo byed pa
dang / bu ram don du gnyer bas bur shing tsam za ba dang 'dra
ste/ lhag bsam bskul ba las/ bdag ni sgrub nyams da ni ci bya
zhes/ /'chi ba'i dus tshe byis

pa mya ngan byed/ /gting rnyed mgyur shin tu sdug bsngal 'gyur/
/smra la dga' ba'i nyes pa 'di dag go /zhes dang / gar la lta
ba'i khrod na 'dug pa zhig /dpa' bo gzhan gyi yon tan brjod pa
bzhin/ /bdag nyid nan

tan nyams par 'gyur ba ste/ /smra la dga' ba'i nyes pa 'di dag
go /zhes dang / bu ram shing shun snying po ci yang med/ /dga'
bar bya ba'i ro ni nang na 'dug /shun pa zos pas mis ni bu ram
ro/ /zhim po rnyed

par nus pa ma yin no/ /ji ltar shun pa de bzhin smra ba ste/ /ro
lta bu ni 'di la don sems yin/ /de lta bas na smra la dga'
spongs te/ /rtag tu bag yod byos la don soms shig /ces gsungs
so/ /lnga pa ni/ chos

gsung ba po bcom ldan 'das rjes su dran nas gus pa bskyed pa'o/
/drug pa ni/ chos 'di lta bu mnyan pa la brten nas rgyal ba'i
bstan pa 'jig na ring du gnas na ci ma rung snyam du sems pa'o/
/gzhan yang chos

@012b 'chad pa'am nyan pa na rang gi rgyud logs su gzhag /chos
logs su bshad pa nges ci bshad kyang gnad du mi 'gro bas/ rang
gi rgyud gtan la dbab pa'i ched du nyan pa zhig dgos so/ /dper
na byad bzhin gyi nag

nog la sogs pa'i dri ma yod med rtog par 'dod pa na/ me long la
bltas nas shes par byas te dri ma sel ba ltar/ rang gi spyod pa
skyon chags pa rnams kyang chos nyan pa na chos kyi me long du
'char la/ de'i tshe bdag gi

rgyud 'di lta bur song ngo/ zhes yid la gdung ba skyes te/ de
nas skyon sel zhing yon tan sgrub pa la 'jug pas chos kyi rjes
su slob pa zhig dgos te/ skyes rabs las/ bdag gi spyod pa ngan
pa'i gzugs/ /chos kyi

me long gsal mthong na/ /yid la gdung ba rab skyes te/ /bdag ni
chos la phyogs par 'gyur/ zhes su ta sa'i bus rgyal sras zla ba
la chos ston pa'i phyir zhus pa na/ byang chub sems dpas de'i
bsam pa chos nyan pa'i snod

du gyur par mkhyen nas chos gsungs pa ltar ro/ /mdor na bdag gis
sems can thams cad kyi don du sangs rgyas thob par bya/ de thob
pa la de'i rgyu la bslab dgos/ de la chos thos pa dgos par snang
bas/ chos mnyan

par bya'o snyam du byang chub kyi sems bskyed/ thos pa'i phan
yon dran par byas te spro sing ba byas nas snod kyi skyon spong
ba sogs byas te mnyan no/ /gnyis pa la bzhi/ chos bshad pa'i
phan yon bsam pa/ ston pa dang

@013a @#/ /chos la rim gro bskyed pa/ bsam pa dang sbyor ba ji
lta bus bshad pa/ yul gang la bshad pa dang mi bshad pa'i khyad
par ro/ /dang po ni/ mdzod las chos sbyin nyon mongs can min
pas/ /mdo sogs yang dag ji

bzhin ston/ zhes dang / de'i rang 'grel las/ de'i phyir gang dag
chos log par 'chad par byed pa dang / sems nyon mongs pa can
rnyed pa dang / bkur sti dang / grags pa 'dod pas 'chad pa de
dag ni bdag nyid kyi bsod nams

chen po nyams par byed pa yin no/ zhes gsungs pas chos ston pa'i
kun slong dag pa shin tu gal che la/ de yang sngar sgom pas kho
bos ni mi rtag pa thun re sngon du ma bsgoms par chos bshad ma
myong gsung ba ltar sngon du kun slong

'chos pa gnad che'o/ /rnyed bkur sogs la lta ba'i zang zing med
pa'i chos kyi sbyin pa byin pa la phan yon nyi shu pa tshan pa
gnyis 'byung bar lhag bsam bskul ba las gsungs la/ drag shul can
las kyang/ khyim pas zang zing

dpag tu med pa byin pa bas/ rab tu byung bas chos tshigs su bcad
pa gcig tsam byin pa bsod nams lhag par gsungs so/ /gnyis pa ni/
rgyal ba'i yum gsung ba na ston pa nyid kyis gdan bsham pa sogs
mdzad pa ltar/

chos ni sangs rgyas rnams kyi'ang bkur ba'i zhing yin pas chos
dang / ston pa'i yon tan dang bka' drin dran te gus pa bskyed
par bya'o/ /gsum pa la gnyis/ bsam pa dang / sbyor ba'o/ /dang
po ni/ blo gros rgya mtshos zhus pa las

@013b gsungs pa'i 'du shes lnga bzhag ste/ rang la sman pa dang
/ chos la sman dang / chos nyan pa la nad pa dang / de bzhin
gshegs pa la skyas bu dam pa dang / chos kyi tshul la ring du
gnas pa'i 'du shes bskyed pa dang / 'khor la byams pa

bsgom/ gzhan mtho bar dogs pa'i phrag dog dang phyi shol byed
pa'i le lo dang / yang yang 'chad pas ngal ba'i skye ba dang /
bdag nyid sgrogs shing gzhan gyi skyon gleng ba dang / chos la
dpe mkhyud byed pa dang zas gos la

sogs pa'i zang zing la lta ba spangs te/ rang gzhan gyis sangs
rgyas thob pa'i phyir du bstan pa'i bsod nams de nyid bdag gi
bde ba'i yo byad do snyam du bsam pa'o/ /gnyis pa ni/ khrus byas
shing gtsang sbra dang ldan pas

gos gtsang ma bgos te/ gtsang zhing yid du 'ong pa'i sa phyogs
su chos kyi khri dang stan la 'khod nas/ bdud tshar bcad pa'i
sngags kha ton du bton na de'i khor yug dpag chad brgya tshun
chad du bdud dang bdud kyi ris kyi lha

rnams mi 'ong la/ 'ongs kyang par chad bya mi nus par blo gros
rgya mtshos zhus pa las gsungs pas sngags de gdon la/ bzhin gyi
mdangs rab tu gsal bas des pa'i yan lag dpe dang gtan tshigs dang
lung dang ldan par bshad

do; ;bzhi ba ni/ 'dul ba'i mdo las/ ma gsol bar mi bya'o/ zhes
gsungs pa ltar gsol ba ma btab par mi 'chad cing/ gsol ba 'debs
pa la yang snod brtag pa dang snod du shes na ma gsol bar yang
bshad du rung

@014a @#/ /ba ni ting nge 'dzin rgyal po las gsungs la/ kun spyod
gzhan rnams ni 'dul ba'i mdo las gsungs so/ /gsum pa ni/ de ltar
bshad pa dang mnyan pa'i dge rtsa rnams bzang po spyod pa la
sogs pa'i smon lam rnam

par dag pas rgyas gdab par bya'o/ /de lta bu'i tshul gyis chos
bshad cing nyan na thun re tsam la yang ji skad gsungs pa'i phan
yon rnams gdon mi za bar 'byung la/ chos nyan bshad gnad du song
ba la brten nas/ chos dang chos smra ba la

ma gus pa la sogs pa'i las kyi sgrib pa sngar bsags pa thams cad
kyang dag cing/ gsar du gsog pa thams cad 'phro 'chad pa dang
nyan pa'i tshul gnad du song bas bshad pa'i gdams ngag gis kyang
rgyud la phan thogs par

'gyur bar gzigs nas/ sbyir ni dam pa snga ma thams cad de la nan
tan mdzad cing/ khyad par du gdams ngag 'di'i bla ma gong ma
rnams nan tan shin tu che bar mdzad do/ /de ni gdams ngag chen
por snang ste/ 'di la nges pa ma rnyed cing blo snam 'gyur

bas chos zab la rgya che ba ci tsam bshad kyang/ lha bdud du
babs pa ltar gyur nas chos de nyid nyon mongs pa'i grogs su 'gro
ba ches mang bar snang ngo/ /de bas tshes gcig nas 'phyugs na bco
lnga'i bar zhes zer ba ltar yin pas nyan pa

dang bshad pa lam du gtong chul 'di la blo dang ldan pa rnams
kyis 'bad nas 'chad pa dang nyan pa byung res kyis ma mtha' re
dang ldan par bya ste/ gdams pa ston pa'i sngon 'gro'i mchog ni
'di yin pa'i phyir ro/ /bzhi pa la

@014b gnyis/ lam gyi rtsa ba bshes gnyen bsten pa'i tshul/ bsten
nas blo ji ltar sbyang ba'i rim pa'o/ /dang po la gnyis/ nges pa
bskyed pa'i phyir cung zad spros te bshad pa/ skyong tshul mdor
bsdus te bstan pa'o/ /dang po ni/

slob ma'i rgyud la yon tan sna gcig skye ba dang skyon sna gcig
'grib pa yan chad bde legs thams cad kyi rtsa ba dam pa'i bshes
yin pas thog mar de'i bsten tshul gal che'o/ /de la drug /bsten
bya dge ba'i bshes gnyen gyi

mtshan nyid/ sten byed slob ma'i mtshan nyid/ des de ji ltar bsten
pa'i tshul/ bsten pa'i phan yon/ ma bsten pa'i nyes dmigs/ de dag
gi don bsdu ba'o/ /dang bo ni/ spyir gsung rab dgongs 'grel dang
bcas pa nas theg

pa so so'i dbang du byas pa mang po zhig gsungs kyang/ 'dir
skyes bu gsum gyi lam la rim gyis khrid nas/ sangs rgyas kyi lam
theg pa chen po la 'khrid pa'i dge ba'i bshes gnyen zhig ston pa
yin no/ /de ni mdo sde'i rgyan las/

bshes gnyen dul ba zhi zhing nyer zhi ba/ /yon tan lhag pa
brtson bcas lung gis phyug /de nyid rab tu rtogs pa smra mkhas
ldan/ /rtse ba'i bdag nyid skyo ba spangs la brten/ zhes bshes
gnyen chos bcu dang ldan pa zhig la

slob mas brten dgos par gsungs so/ /de yang rang ma dul bas
gzhan 'dul ba gnas med par gsungs pas/ gzhan 'dul ba'i bla ma
des thog mar rang gi rgyud btul ba zhig dgos so/ /'o na ji ltar
btul ba zhig dgos

@015a @#/ /snyam na/ gang byung byung gi sgrub pa byas nas rtogs
pa'i yon tan du ming btags pa re rgyud la yod pas mi phan pas/
rgyal ba'i bstan pa spyi dang mthun pa'i rgyud 'dul lugs shig
dgos te/ de ni bslab par ni

po che gsum du nges pas dul ba la sogs pa gsum gsungs so/ /de la
dul ba ni tshul khrims kyi bslab pa ste so sor thar pa las/ rtag
tu 'bad pas bda' ba yi/ /sems rta kha blan dka' ba la/ /mthun
pa'i gzer rnon brgya pa

yi; ;srab ni so sor thar 'di yin/ zhes gsungs pa ltar/ rta dmu
rgod 'dul sbyong mkhan gyis srab bzang pos 'dul ba ltar/ dbang
po log pa'i yul gyi rjes su 'brang ba rta dmu rgod lta bu bya ba
ma yin pa la 'jug na tshar

gcod cing/ 'bang pa du mas bya bar 'os pa'i phyogs la 'jug par
byed pa'i tshul khrims la bslabs pas sems kyi rta thul bar byas
pa'o/ /zhi ba ni de ltar legs par spyad pa dang nyes par spyad
pa'i 'jug ldog la dran pa

dang shes bzhin bstan pas/ sems nang du zhi bar gnas pa'i ting
nge 'dzin gyi bslab pa skyes pa'o/ /nye bar zhi ba ni sems las
su rung ba'i zhi gnas la brten nas yang dag pa'i don la so sor
dpyad pas shes rab kyi bslab

pa skyes pa'o/ /de ltar bslab pa gsum gyis rgyud dul bar byas
pa'i rtogs pa'i yon tan tsam dang ldan pas mi chog gi /lung gi
yon tan dang yang ldan dgos pas lung gis phyug ces pa ni/ sde
snod gsum la sogs pa

@015b la mang du thos pa dang ldan pa'o/ /dge bshes ston pa'i
zhal nas/ theg chen gyi bla ma bya ba bshad pa na 'byams klas
par go ba skyed la/ lag tu len pa na bstan pa'i tha ma la gang
phan dang / thad kar don du gang 'gyur ston

pa zhig dgos gsung ngo/ /de nyid rtogs pa ni shes rab kyi bslab
pa khyad par can chos bdag med pa rtogs pa'am/ yang na de kho na
nyid mngon du gyur pa gtso bor gzung ste/ de med na'ang lung
rigs kyis rtogs pas kyang

'grub ces gsung ngo/ /de ltar lung rtogs dang ldan yang slob ma
las dman pa dang mnyam pas mi chog pas yon tan lhag pa zhig dgos
te/ tshoms las/ dman pha bsten pas mi dag nyams 'gyur zhing/
/thang

kar bab pa bsten pas so na gnas/ /gtso bo bsten pas dam pa thob
'gyur ba/ /de phyir bdag pas gtsor gyur bsten par bya/ /tshul
khrims nye bar zhi ba dang / /shes rab ches mchog ldan pa yi/
/gtso bo gang yin de

bsten na/ /gtso bo bas kyang ches gtsor 'gyur/ zhes gsungs pa'i
phyir ro/ /phu chung bas/ dam pa rnams kyi lo rgyus gsan tsan de
la ni nga yar lta ba yin gsung ba dang / mtha' bzhi'i zhal nas/
nga ni ra sgreng ba'i rgad po de rnams la mig

rten byed gsung ba ltar/ yon tan lhag pa la mig yar lta ba zhig
dgos so// de ltar chos drug po de ni rang gis thob pa'i yon tan
no/ /lhag ma ni gzhan rjes su 'dzin ba'i yon tan te/ de yang ji
skad du/ thub rnams sdig pa chu yis mi 'khru

@016a @#/ /zhing ; ;'gro ba'i sdug bsngal phyag gis mi sel la/
/nyid kyi rtogs pa gzhan la spo min te/ /chos nyid bden pa bstan
pas grol bar mdzad/ ces gsungs pa ltar gzhan la lam ma nor ba
bstan nas rjes

su 'dzin pa ma gtogs pa sdig pa chus 'khru ba sogs byar med do/
/de la chos bzhi las/ smra mkhas pa ni ji ltar bkri ba'i rim pa
la mkhas shing don gdul bya'i blo la skyel ba la bzo ba'o/
/brtse ba ni chos ston pa'i kun slong dag

pa ste; rnyed bkur sogs la mi lta bar snying rjes kun nas bslang
ste ston pa'o/ /po to ba'i zhal nas/ spyan snga ba la li mo'i bu
ji tsam pa'i chos bshad cig byas te legs so zhig kyang bdag gir
byed ma myong / 'gro ba nyam thag pa

min pa med gsung ba 'dra ba zhig dgos pa yin par gda'/ brtson
bcas ni gzhan gyi don la spro ba brtan pa'o/ /skyo ba spangs pa
ni yang yang 'chad pas mi ngal ba ste 'chad pa'i dka' spyad bzod
pa'o/ /po to ba'i zhal nas/ bslab

pa gsum dang de nyid rtogs pa dang snying brtse ba dang lnga
gtso bo yin/ nged kyi slob dpon zhang btsun kun la mang du thos
pa yang med/ skyo ba bzod pa yang med pas/ gla'o drin du gcags
pa re byed pa yang med de/ snga ma lnga yod pas

drung na su yod pa la phan gnyan ston la smra mkhas pa ye med
yon bshad re byed pa yang 'di kun gyis da res mi go snyam pa las
mi shes te lnga po yod pas su nye ba la phan gsung ngo / /de
'dra ba'i mtshan nyid rdzogs par tshang

@016b ba dus kyi dbang gis rnyed dka' na'ang / skyon shas che ba
dang skyon yon cha mnyam pa la mi brten pa dang / yon tan lhag
pa zhig la brten dgos par gsungs so/ /de ltar rnam grol sgrub
pa'i bla ma ni gtan gyi mdun ma'i rtsa ba yin

pas; bla ma bsten par 'dod pa rnams kyis ni de dag shes par byas
la mtshan nyid dang ldan pa 'tshol ba la 'bad par bya zhing / slob
ma bsten 'dod pa rnams kyis kyang mtshan nyid de dag dang ldan
par bya ba la 'bad do/ /gnyis

pa ni; bzhi brgya pa las/ gzur gnas blo ldan don gnyer pa/ /nyan
po snod ces bya bar bshad/ /smra po yon tan rnam gzhan du/ /mi
'gyur nyan pa po la'ang min/ zhes chos gsum dang ldan pa zhig
nyan pa'i snod du rung ba dang de gsum

tshang na chos smra ba po'i yon tan yon tan du snang gi /skyon du
mi snang la der ma zad nyan pa po'i yon tan rnams kyang gang zag
de la yon tan du snang gi skyon du mi snang bar gsungs te/ snod
kyi mtshan nyid rnams ma tshang na chos smra ba

po'i bshes gnyen ches yongs su dag kyang nyan pa po'i skyon gyi
dbang gis skyon can du 'dzud la/ 'chad pa po'i skyon yang yon
tan du 'dzin par 'grel pa las gsungs so/ /de la gzu bor gnas pa
ni phyogs lhung med pa ste/ de yang na

des bsgribs nas yon tan mi mthong bas legs par bshad pa'i don mi
rnyed de dbu ma snying po las/ phyogs su lhung bas sems gdungs
pas/ /zhi ba nam yang rtogs mi 'gyur/ zhes gsungs pa ltar ro/
/phyogs lhung ni rang gi

@017a @#/ /lugs la chags pa dang gzhan gyi lugs la sdang ba'o/
/de 'dra ba de rang rgyud la brtags te dor dgos so/ /de tsam
gyis chog gam snyan na gzu bor gnas kyang legs bshad lam yang
dag dang / nyes bshad

lam ltar snang gnyis 'byed pa'i blo'i mthu med na snod du mi
rung bas de gnyis go ba'i blo dang ldan pa dgos so/ /de gnyis
tsam gyis chog gam snyam na de gnyis yod kyang ri mo'i chos nyan
ltar song na snod du mi rung bas don gnyer chen

po dang ldan dgos so/ /'grel pa las/ chos dang chos smra ba la
gus pa dang yid gtod pa gnyis bsnan te lngar gsungs so/ /de ltar
na chos la don gnyer che ba/ nyan pa'i tshe yid legs par gtod pa/
chos dang chos smra pa la

gus pa chen po 'jog pa/ nyes bshad dor nas legs bshad 'dzin pa
ste bzhi'o/ /bzhi pa de'i mthun rkyen ni blo dang ldan pa yin la
'gal rkyen 'dor ba ni gzu bor gnas pa'o/ /bla mas dkrir rung
ba'i chos de rnams tshang ma tshang

brtags la tshang na dga' ba bsgom/ mtshang na phyi ma tshun chad du
tshang ba'i rgyu la 'bad par bya'o/ /gsum pa ni/ de ltar snod
dang ldan pa des bla ma mtshan nyid dang ldan mi ldan sngar bshad
pa lta /rtag la/ mtshan nyid dang ldan pa la

chos kyi bka' drin nod par bya'o/ /de ltar bka' drin mnos pa
sbyi dang khyad par du yongs su rdzogs pa'i gdams ngag gis blo
legs par 'khrid pa'i bshes gnyen de bsten pa'i tshul la gnyis/
bsam pas bsten pa'i tshul/ sbyor bas

@017b bsten pa'i tshul lo/ /dang po la gnyis/ rtsa ba dad pa
sbyang ba/ bka' drin rjes su dran te gus par bya ba'o/ /dang po
ni/ dkon mchog ta la'i gzungs las/ dad pa sngon 'gro ma ltar
skyed pa ste/ /yon tan thams cad srung zhing 'phel bar

byed; ces dad pas yon tan ma skyes pa skyed pa dang / skyes zin
gnas pa dang gong nas gong du spel bar gsungs la/ chos bcu pa
las kyang / gang gis 'dren pa des 'byung la/ /dad pa theg pa'i
mchog yin te/ /de phyir blo dang ldan

pa'i mis/ /dad pa'i rjes su 'brang ba bsten/ /ma dad pa yi mi
dag la/ /dkar po'i chos rnams mi skye ste/ /sa bon me yis tshig
pa la/ /myu gu sngon po ji bzhin no/ zhes rjes su 'gro ldog gi
sgo nas dad pa yon tan thams cad kyi gzhir

gsungs so/ /de la sbyir dkon mchog dang las 'bras dang bden bzhi
la dad pa mang du yod kyang 'dir ni bla ma la dad pa'o/ /de yang
bla ma la ji ltar lta ba ni/ lag na rdo rje dbang bskur ba'i
rgyud las/ gsang ba pa'i bdag po slob dpon la

slob mas ji ltar blta bar bya zhe na/ sangs rgyas bcom ldan 'das
la ji lta ba de bzhin du'o/ zhes gsungs la/ theg pa chen po'i
mdo sde dang 'dul ba las kyang de ltar gsungs pa yod do/ /de dag
gi don ni ji ltar sangs rgyas yin

par shes na de la skyon rtog gi blo mi 'byung zhing yon tan sems
pa'i blo 'byung ba ltar/ bla ma la yang ched du byas te skyon
rtog pa rnam pa thams cad du 'dor zhing yon tan rtog pa'i blo
sbyong ba'o/ /de yang rgyud der/ slob dpon gyi ni yon tan

@018a @#/ /gzung / /skyon ni nam yang gzung mi bya/ /yon tan
gzung na dngos grub thob/ /skyon rnams gzung na dngos mi 'grub/
ces gsungs pa ltar bya ste/ 'di ltar bla ma yon tan shas che ba
yin yang de'i skyon cung zad yod

pa'i ngos nas brtags na rang la dngos grub kyi gegs su 'gyur la/
skyon shas che yang skyon gyi ngos nas ma brtags par yon tan gyi
ngos nas dad pa sbyangs na dngos grub 'byung ba'i rgyur 'gyur
ro/ /de'i phyir rang gi bla ma yin na skyon che

chung ci yod kyang de'i ngos nas rtog pa'i nyes dmigs bsams la
spong sems mang du byas te dgag par bya'o/ /gal te bag med pa'am
nyon mongs mang ba sogs kyis skyon rtog pa byung ba'i tshe na'ang
bshags bsdam la 'bad

par bya'o/ /de ltar goms pa na skyon than thun yod par mthong
yang blos yon tan gyi phyogs 'dzin pas dad pa la gegs su mi 'gro
ste/ dper na jo bo chen po lta ba dbu ma 'dzin cing gser gling
pa lta ba sems tsam rnam bden

'dzin pas lta ba'i sgo nas mchog dman yod kyang theg pa chen
po'i lam gyi rim pa spyi dang / byang chub kyi thugs khong la
brten nas rnyed pas gser gling pa bla ma rnams kyi 'gran gyi do
med du 'dzin pa bzhin no/ /gnyis pa ni/

chos bcu pa las/ bdag yun ring du 'khor bar 'khyams pa 'tshol bar
byed pa dang / yun ring du gti mug gis bsgribs pas shing gnyid
log pa'i sad byed dang / srid pa'i rgya mtsho'i nang du bying
ba'i 'byin byed dang / lam ngan

@018b phar zhugs pa la lam bzang po ston byed dang / srid pa'i
btson rar bcings pa 'grol byed dang / yun ring por nad kyis nyam
thag pa'i sman pa dang / bdag 'dod chags la sogs pa'i mes kun tu
'bar ba zhi bar byed pa'i char

sprin gyi 'du shes bskyed do/ zhes gsungs shing / sdong po bkod
pa las kyang / 'di ni bdag gi dge bshes chos smra ba/ /chos kun
yon tan yongs su ston byed de/ /byang chub sems dpa'i spyod lam
yongs ston pa/ /yin ces

sems gcig bsams nas 'dir 'ongs so/ /'di dag skyed pas bdag gi ma
lta bu/ /yon tan 'o ma ldud pas ma ma 'dra/ /byang chub yan lag
yongs su sbyod ba yin/ /dge bshes 'di dag gnod pa rnam par zlog
/rga shi thar byed sman

pa lta bu ste/ /bdud rtsi'i char 'bebs lha dbang brgya byin
'dra/ /zla nya lta bur dkar po'i chos kyis rgyas/ /zhi ba'i
phyogs ston nyi ma gsal ba 'dra/ /dgra dang grogs la ri bo 'dra
ba ste/ /rgya mtsho bzhin du mi 'khrug sems dang ldan/ /yongs

su skyong dang mnyan pa 'dra ba zhes/ /da 'dra'i sems kyis nor
bzang 'dir 'ongs so/ /byang chub sems dpa' bdag gi blo skyed pa/
/sangs rgyas sras po byang chub skyed byed pa/ /'di dag bdag
bshes sangs rgyas bsngags pa zhes/ /de ltar

dge ba'i sems kyis 'dir 'ongs so/ /'jig rten skyob pas dpa' bo
lta bu ste/ /ded dpon mgon dang skyabs skyabs su gyur pa yin/
/'di dag bdag la bde stob mig yin zhes/ /de 'dra'i sems kyis dge
bshes bsnyen bkur byed/ ces gsungs

@019a @#/ /pa ltar tshigs su bcad pa'i dbyangs kyis kyang dran par
bya ste nor bzang ni rang la 'dun pa bsgyur ro/ /gnyis pa ni/
bla ma lnga bcu pa las/ 'dir mang smos pas ci zhig dgos/ /bla ma
dgyes byed gang yin bya/ /mi

mnyes byed kun spang ba ni/ /de dang de la 'bad de brtag /dngos
grub slob dpon rjes 'brang zhes/ /rdo rje 'dzin pa nyid gsung
bar/ /shes nas dngos po thams cad kyis/ /bla ma yongs su mnyes
par bya/ zhes gsungs pa ltar

mdor bsdu na mnyes pa sgrub pa dang mi mnyes pa spong ba la 'bad
par byed pa'o/ /mnyes pa sgrub pa ni sgo gsum ste/ zang zing
dbul ba dang lus ngag gis bsnyen bkur ba dang bka' bzhin du
sgrub pa'o/ /de yang mdo sde'i rgyan

las; bkur sti rnyed pa dag dang ri ma gro dang / /sgrub pa'i sgo
nas bshes gnyen bsten par bya/ zhes so/ /de la dang po ni lnga
bcu pa las/ rang gi dam tshig slob dpon ni/ /sbyin min bu dang
chung ma dang / /rang srog gis rtag

bsten bya na/ /longs spyod g.yo bas smos ci dgos/ zhes dang /
de byin sangs rgyas thams cad la/ /rtag tu phul ba nyid du
'gyur/ /de phul bsod nams tshogs yin te/ /tshogs las dngos grub
mchog tu 'gyur/ zhes gsungs

pa ltar ro/ /gnyis pa ni khrus bsku ma nye dril phyis dang
bsnyun g.yog sogs dang de'i yon tan brjod pa sogs so/ /gsum pa
ni ji ltar gdams pa las mi 'gal bar sgrub pa yin pa de nyid gtso
bo yin te/ skyes rabs las/

@019b phan pa'i lan du mchod pa bya ba ni/ bsgo ba'i tshig bzhin
nyams su len pa yin/ zhes gsungs so/ /bzhi pa ni/ sangs rgyas
kyi go 'phang la nye ba dang rgyal ba rnams dgyes pa dang / dge
ba'i bshes gnyen gyis mi phongs pa dang / ngan 'gror mi ltung ba
dang las ngan

pa dang nyon mongs pas thub par dka' ba dang / byang sems kyi
spyod pa dang mi 'gal zhing de la dran pa dang ldan pas yon tan
gyi tshogs kyis je mtho je mthor 'gyur zhing gnas skabs dang
mthar thug gi don thams cad 'grub par gsungs

pa dang / gzhan yang bshes gnyen bsnyen bkur bas ni ngan 'gro
myong ba'i las rnams tshe 'di la lus sems la gnod pa phra mo tsam
mam/ rmi lam du myong bas kyang las de 'drongs nas zad par 'gyur
ba dang / sangs rgyas dpag

tu med pa la yon phul pha sogs kyi dge rtsa rnams zil gyis gnon
pa sogs kyi phan yon shin tu che bar gsungs so/ /lnga pa ni/
bshes gnyen du byas nas bsten tshul log na tshe 'dir nad dang gdon
du mas 'tshe ba dang phyi mar

ngan 'gro'i sdug bsngal dpag tu med pa myong bar 'gyur te/ lnga
bcu pa las/ nam yang slob dpon dag gi ni/ /kun tu sems dkrug mi
bya ste/ gal te rmongs pas byas gyur na/ /dmyal bar nge par
'tshed par 'gyur/

mnar med la sogs 'jigs rung ba'i/ /dmyal ba bstan pa gang yin
pa/ slob dpon la ni smod pa rnams/ /der ni gnas par yang dag
bshad/ ces dang / dgra nag gi dka' 'grel du drangs pa las kyang
/ tshigs

@020a @#/ /bcad gcig tsam mnyan pa la/ /gang gis bla mar mi 'dzin
pa/ /khyi yi skye gnas brgyar skyes nas/ /sme sha can du skye
bar 'gyur/ zhes gsungs so/ /gzhan yang yon tan ma skyes pa rnams
mi skye la/ skyes

pa rnams kyang nyams nas 'gro zhing / mi dge ba'i bshes gnyen
dang sdig grogs bsten na'ang yon tan 'grib cing skyon 'phel nas
mi 'dod pa skyes pas rnam pa thams cad du spang bar bya bar
gsungs so/ /drug pa ni/ de ltar

na bla ma'i rnal 'byor zhes yongs su grags pa'i gdams pa yang
sngar bshad pa ltar go dgos kyi dmigs pa thun re tsam gyis mi
chog la/ snying thag pa nas chos shig byed na ni ma nor bar
'khrid pa'i bshes gnyen gcig la

rgyun ring du brten dgos la/ de'i tshe yang 'chad kha ba'i zhal
nas bla ma bsten bdo tsa na spangs dogs yod gsung ba ltar/ bsten
tshul ma shes na ni khe med par gyong 'byung bas bshes gnyen
bsten pa'i chos skor 'di rnams gang las

kyang gal che ba gtan gyi mdun ma'i rtsa bar snang ngo / /'o
skol nyon mongs rags la bshes gnyen bsten tshul mi shes shing
shes kyang mi byed par du ma la chos nyan pa rnams la bla ma la
brten pa'i kha na ma tho ba mang po 'byung

zhing ; de la yang bshags pa dang sdom pa sogs kyi blo 'byung
dka' bas sngar bshad pa ltar phan yon dang nyes dmigs rnams shes
par byas te bsten tshul ji lta ba bsten tshul ji lta ba bzhin ma
byung ba rnams bsam pa thag pa nas bshags

@020b shing sdom sems mang du bya'o/ /de ltar byas na ring por
mi thogs par rgyal sras rtag tu du dang bshes gnyen tshol bas
ngoms mi shes pa gzhon nu nor bzang lta bur 'gyur ro/ /gnyis pa
la gnyis/ skyong tshul dngos/ skyong tshul gnyis

kyis bskyang dgos pa'i rgya mtshan no/ /dang po la gnyis/ thun
gyi ngo bo la ji ltar bya ba dang / thun mtshams su ji ltar bya
ba'o/ /dang po la gsum/ sbyor ba/ dngos gzhi/ mjug tu ji ltar
bya ba'o/ /dang po ni/ sbyor ba'i

chos drug ste/ gser gling pa'i rnam thar yin pas/ gnas khang byi
dor byas la sku gsung thugs kyi rten dgram/ mchod pa g.yo med
cing bkod pa mdzes par bsham/ stan bde ba la lus drang por
bsrang ste/ skyil mo krung ngam

skyil mo krung phyed du yang rung ba'i spyod lam gyis 'khod nas
skyabs 'gro sems bskyed rgyud dang 'dres nges pa cig bya/ mdun
gyi nam mkhar rgya chen spyod pa dang zab mo lta ba'i brgyud
pa'i bla ma dang / sangs rgyas byang sems

'phags pa nyan rang bka' sdod dang bcas pa dpag tu med pa bzhugs
par bsam ste tshogs zhing gsal gdab/ lam rgyud la skye ba'i mthun
rkyen tshogs bsag pa dang / 'gal rkyen sgrib pa sbyong ba gnyis
med na lam shin tu

skye dka' bas bsag sbyang gi gnad bsdus pa'i yan lag bdun pas
rgyud sbyang ba dgos so/ /de la phyag 'tshal ba'i yan lag la sgo
gsum bsdoms pa'i phyag ni/ ji snyed su dag ces pa'i tshigs bcad
gcig ste 'jig rten gyi

@021a @#/ /khams phyogs re ba dang / dus re re'i sangs rgyas ma
yin gyi phyogs bcu ga dang / dus gsum gar bzhugs pa'i rgyal ba
thams cad la dmigs nas/ bsam pa thag pa nas sgo gsum gus pas
phyag 'tshal ba'o//

sgo gsum so so'i phyag la lus kyi phyag ni/ bzang po spyod pa'i
zhes sogs tshigs bcad gcig ste/ phyogs dang dus kyis bsdus pa'i
rgyal ba thams cad yid kyi yul du mngon sum pa ltar dmigs la/
rang gi lus rdul phra rab dang

grangs mnyam par sprul te phyag bya'o/ /de yang yul rnams kyi
bzang po'i spyod pa la dad pa'i stobs bskyed pa la des kun nas
bslang ste'o/ /yid kyi phyag ni/ rdul gcig steng na zhes pa'i
tshigs bcad gcig ste/ rdul phra rab re

re'i steng na yang rdul thams cad kyi grangs dang mnyam pa'i
sangs rgyas la byang sems kyis bskor ba'i dbus na bzhugs pa la/
de dag gi yon tan rjes su dran pa'i mos pa skyed pa'o/ /ngag gi
phyag ni/ de dag bsngags ba zhes

sogs tshigs bcad gcig ste/ yul rnams kyi yon tan gyi bsngags pa
zad mi shes pa rnams lus re re la mgo bo dpag tu med pa dang /
mgo bo re re la'ang lce dpag tu med par sprul nas snyan pa'i
dbyangs kyis brjod pa'o//

'dir dbyangs ni bstod pa yin la de'i yan lag ni rgyu ste lce'o/
/rgya mtshon ni mang po'i tshig go/ /mchod pa la bla na yod pa'i
mchod pa ni/ me tog dam pa zhes sogs tshigs bcad gnyis te/ me tog
dam pa ni lha dang mi'i me tog

@021b rmad du byung ba'i sil ma rnams so/ / phreng ba ni me tog
sna tshogs spel te brgyus pa ste/ de gnyis ka'ang dngos dang bcos
ma thams cad do/ /sil snyan ni rol mo rgyud can la sogs pa'i
sgra'o/ /byug pa ni spos zhim po'i lde gu'o/ /gdugs

mchog ni gdugs rnams kyi mchog go /mar me ni spos mar la sogs pa
dri zhim la 'od gsal ba dang / rin po che 'od gsal ba 'o/ /bdug
pa ni bdug spos sbyar ba dang sna gcig pa'o/ /na bza' dam pa ni
gos kyi mchog go/ /dri mchog/

ni; stong gsum du dri dang ldang pa'i dris bsgos pa'i chu la
sogs pa'o/ /phye ma phur ma ni/ spos zhim po'i phye ma gtor
zhing bdug tu rung ba thum por byas pa'am/ dkyil 'khor bris pa'i
tshon phye spel ba'i rim pa rgya dang rngams ri rab

dang mnyam pa'o/ /bkod pa ni gong ma kun gyi mthar sbyor ba ste
phal che ba dang spras pa dang sna tshogs pa la bya'o/ /mchod pa
bla na med pa ni/ mchod pa gang rnams zhes sogs tshigs bcad gcig
ste/ bla na yod pa ni 'jig rten

pa'i mchod pa yin pas/ 'dir ni byang chub sems dpa' la sogs pa
mthu chen rnams kyis bzang dgu sprul pa'o/ /tshig rkang tha ma
gnyis ni gong ma de gnyis ma tshang ba thams cad la sbyar te
phyag dang mchod pa rnams kyi kun slong

dang yul ston pa'o / /sdig pa bshags pa ni/ 'dod chags zhes sogs
tshigs bcad gcig ste/ rgyu dug gsum la brten nas gzhi lus la sogs
pa gsum gyis/ rang bzhin ni bdag gis bgyis pa ste de yang rang
gis

@022a @#/ /dngos su byas pa dang / gzhan byed du bcug pa dang /
gzhan gyis byas pa la yi rang ba'o/ /de dag thams cad spyir
bsdus pa ni ci mchis pa zhes pa ste de dag gi nyes dmigs dran
nas snga ma la 'gyod

cing phyi ma bsdam pa'i sems kyis snying thag pa nas bshags na
sngar byas 'phel ba 'chad cing phyi ma rnams 'phro chad do/
/rjes su yi rang ni/ phyogs bcu'i rgyal ba zhes sogs tshigs bcad
gcig ste/ gang zag lnga

po de'i dge ba'i phan yon dran nas dga' ba bsgrom pa'o/ /chos
'khor bskor bar bskul ba ni/ gang rnams phyogs bcu'i zhes sogs
tshigs bcad gcig ste/ phyogs bcu'i zhing du byang chub tu rnam
par sangs rgyas te

ma chags shing thogs pa med pa'i mkhyen pa brnyes nas rang du ma
lon pa rnams la lus kyang de snyed du sprul nas chos ston par
skul ma gdab bo/ /gsol ba 'debs pa ni/ mya ngan 'da' ston zhes
sogs tshigs bcad gcig ste/ phyogs

bcu'i zhing du mya ngan las 'da' tshul ston pa rnams la/ 'gro ba
rnams la phan pa dang bde ba bskyed pa'i phyir du/ zhing gi rdul
phra rab kyi grangs dang mnyam pa'i bskal par mya ngan mi 'da'
bar bzhugs par gsol ba gdab pa 'o/ /bsngo

pa'i yan lag ni/ phyag 'tshal pa dang zhes sogs tshigs bcad gcig
ste/ gong gi yan lag drug gi dge bas mtshon nas dge rtsa thams
cad sems can thams cad dang thun mong du byas te rdzogs pa'i
byang chub kyi rgyur 'dun pa drag

@022b pos bsngos pas nam yang mi 'dzad pa'o/ /de ltar tshig de
dag gi don go bar byas la yid gzhan du ma yengs par dal bus ji
skad bstan pa bzhin byas na bsod nams kyi phung po dpag tu med
pa 'dzin no/ /de ltar na phyag mchod

pa; bskul ba/ gsol gdab/ yi rang lnga ni tshogs bsag yin la/
bshags pa ni sgrib sbyong dang / yi rang gi phyogs gcig rang gi
dge ba la dga' bsgom pa ni dge ba spel ba dang / bsngo bas ni
bsags pa dang sbyangs pa dang

spel ba'i dge ba rnams nyung du yang mang por por spel ba dang /
gnas skabs su 'bras bu phyung nas zad par 'gyur ba rnams kyang
nam yang mi zad par byed pa ste bsdu na bsag pa/ sbyang ba/ spel
zhing mi zad par byed pa gsum mo// de

nas dmigs pa gsal bar byas te maNDal phul la/ bshes gnyen la ma
gus pa sogs phyin ci log gi blo sna mtha' dag 'gag pa dang /
bshes gnyen la gus pa sogs phyin ci ma log pa'i blo sna thams
cad bde blag tu skye ba dang /

phyi nang gi bar chad thams cad nye bar zhi bar phyin gyis brlab
tu gsol zhes 'dun pa drag pos lan mang du gsol ba gdab bo/
/gnyis pa la gnyis/ spya'i skyong tshul/ skabs 'di'i sbyong tshul
lo/ /dang po ni/ 'chad par 'gyur ba

ltar gyi lam sgom pa 'di ni/ dge ba'i dmigs pa la ji ltar 'dod
du bkol du rung bar byed pa'i ched yin la/ de yang gang zin zin
nas dmigs pa la bskyangs na rang ji ltar 'dod pa ltar dge ba'i
dmigs pa grangs 'di tsam

@023a @#/ /dang go rim 'di bzhin btang snyam nas btang yang 'gror
mi nyan cing/ dang po nas lang du song bas tshe hril po'i dge
sbyor skyon can du 'gro'o/ /des na thog mar gang bskyang rgyu'i
dmigs pa rnams kyi grangs dang go rim

nges nges bya/ de nas ji ltar nges par byas pa de las gzhan du
mi btang snyam pa'i 'phen pa drag po btang la/ ji ltar nges par
byas pa las lhag chad med par dran shes dang ldan pas bskyang
bar bya'o/ /gnyis pa ni/ dang

por bsten pa'i phan yon dang / ma bsten pa'i nyes dmigs rnams
bsam/ de nas bla ma'i skyon rtog pa'i blo ye ma shor ba bya
snyam pa'i sdom sems mang du btang la/ tshul khrims dang ting nge
'dzin la sogs pa'i yon tan rang

gis gang rtogs pa rnams bsams te sems dang ba'i rnam pa can gyi
dad pa ma skyes bar du bsgom/ de nas rang la phan btags pa dang
'dogs par 'gyur ba'i bka' drin rnams sngar mdo sde drangs pa
ltar bsams te snying

thag pa nas gus pa ma skyes kyi bar du bsgom mo/ /gsum pa ni/
bsags pa'i dge ba rnams bzang po spyod pa dang / smon lam bdun
cu pa la sogs pa'i sgo nas gnas skabs dang mthar thug gi smon
gnas rnams su 'dun ba

drag pos bsngo bar bya'o/ /de lta bu des tho rangs/ snga dro /
phyi dro/ srod de thun bzhi la bsgom par bya ste/ de yang dang
por yun rings na bying rgod kyi dbang du 'gro sla zhing/ de la
goms na blo 'chos dka' bas thun chung la grangs mang bar

@023b bya; sgom 'dod pa'i 'phro la bcad kyin byas na phyi ma res
kyang 'jug snying 'dod/ gzhan du na mal mthong ba'i tshe skyug
log log 'ong gsung ba ltar ro/ chung zad brtan du song ba na
thun bsrid de thams cad la yang sbyor ba ha cang/

dam drags pa dang lhod pa'i skyon dang bral bar bskyang ste/ des
ni gegs nyung zhing ha cang dub pa dang bying rmugs sogs zhi bar
'gyur ro/ /gnyis pa ni/ spyir phyag dang skor ba dang kha ton
sogs du ma zhig yod kyang gtso bo ni/

thun gyi ngo bo la 'bad nas thun btang ba'i mtshams su bskyad
rgyu'i dmigs rnam la dran shes ma bsten par rgya yan du btang na
skyed shin tu chung bas thun mtshams su yang de ston pa'i chos
rnams blta ba dang / yang yang dran par

bya yon tan skye ba'i mthun rkyen tshogs sgo du ma nas gsog cing/
'gal rkyen sgrib pa sbyong ba yang sgo du ma nas bya/ thams cad
kyi gzhi khas blangs pa'i tshul khrims la sdom sems mang du
bya'o/ /gzhan yang zhi gnas dang

lhag mthong gi lam bde blag tu skye ba'i rgyu tshogs bzhi la
bslab ste/ de la dbang po'i sgo sngom pa ni/ yul dang dbang bo
la brten nas rnam shes drug skyes pa'i mjug tu/ yid shes yul yid
du 'ong ba drug dang mi 'ong

drug la chags sdang skye ba de las mi skye bar srung ba'o/ /shes
bzhin du spyod pa ni / spyod 'jug las/ lus dang sems kyi gnas
skabs la/ /yang dang yang du brtag bya ba/ /de de kho na mdor na
ni/ /shes bzhin bsrung ba'i

@024a @#/ /mtshan nyid do/ zhes gsungs pa ltar/ lus la sogs pa'i
bya ba gang dang gang la 'jug pa na bya ba dang bya ba ma yin pa
shes par byas nas spyod pa'o/ /zas kyi tshod rig pa ni / zas ha
cang mang nyung du zas ba sbangs te dge

ba'i bya ba la mi gnod pa'i tshod tsam du za ba'o/ /de yang kha
zas la sred pa'i nyes dmigs bsgoms nas/ nyon mongs can ma yin pa
dang / sbyin pa po la phan gdags pa dang / lus kyi srin bu da
lta zang zing gis bsdus la ma 'ongs

pa na chos kyis bsdu snyam pa dang / sems can thams cad kyi don
bsgrub ba snyam pa'i bsam pas bza' bar gsungs pa yang dran par
bya'o/ /bshes springs las kyang/ kha zas sman dang 'dra bar rigs
pa yis/ 'dod chags zhe sdang

med par bsten bgyi ste/ /rgyags phyir ma lags snyems pa'i phyir
ma lags/ /mtshag phyir ma lags lus gnad 'ba' zhig phyir/ zhes
gsungs so/ /mi nyal bar rnal 'byor la brtson zhing nyal ba'i tshe
ji ltar bya ba ni/ bshes

springs las/ rigs pa'i bdag nyid nyin par mtha' dag dang /
/mtshan mo'ang thun gyi stod smad bzlas nas ni / /mnal tshe'ang
'bras bu med par mi 'gyur bar/ /dran dang ldan par de dag bar du
ma mnol/ zhes gsungs pas nyin mo hril

po dang mtshan mo'i cha stod smad gnyis thun mtshams su ji ltar
bya ba bstan pas 'chag pa dang / 'dug nas sgrib pa lnga las sems
yongs su sbyangs pas don ldan du bya'o/ /nyal ba'i kun sbyod ni/
thun mtshams

@024b yin pas de yang don med du mi gtang ngo/ /de la lus kyi
spyod lam ni/ mtshan mo la cha gsum du byas pa'i cha bar pa'i
tshe/ glo g.yas pa phab ste rkang pa g.yon pa g.yas pa'i steng
du bzhag nas seng ge ltar nyal pa'o//dran pa ni nyin

par gang goms pa shas che ba'i dge ba'i bya ba la dran pa gnyid
du ma song gi bar du rjes su 'brang bar bsten pa'o/ /des ni
gnyid log pa'i tshe yang gnyid ma log pa dang 'dra bar ting de
'dzin la sogs pa'i dge sbyor skyong nus so/ /

shes bzhin ni/ dran pa bsten pa'i tshe nyon mongs pa gang rung
byung na de shes par byas nas dang du mi len par spong ba'o/
/ldang ba'i 'du shes ni 'di tsam zhig na ldang bar bya'o/ snyam
pa'i 'phen pa gtong ba'o/ /de ltar na dngos gzhi'i

skabs kyi skyong tshul thun mong ma yin pa ma gtegs pa sbyor ba
dang dngos gzhi dang mjug dang thun mtshams su ji ltar bya ba
rnams ni/ 'di nas bzung ste lhag mthong gi bar gyi dmigs rnam
gang skyong thams cad la sbyar bar bya'o/

gnyis pa ni/ mdo sde'i rgyan las/ 'di na dang por thos la brten
nas tshul bzhin yid la byed pa 'byung/ /tshul bzhin yid la byed pa
las kyang yang dag de na yul ye shes 'byung/ zhes thos pa'i don
rnams bsam byung gi

shes rab kyis tshul bzhin du yid la byas pa las/ yang dag pa'i
don mngon sum du rtogs pa'i bsgoms byung 'byung bar gsungs la/
mngon rtogs rgyan las kyang/ nges 'byed yan lag dang mthong
ba'i/ /lam dang sgom pa'i lam nyid

@025a @#/ /la; ;yang dang yang du sems pa dang / /'jal dang nges
rtog sgom pa'i lam/ zhes theg chen 'phags pa'i sgom lam yin pa'i
yang yang sems pa dang 'jal ba dang nges par rtog pa yod par
gsungs pa dang /

bslab btus las kyang/ de lta bas na lus dang longs spyod dan
bsod nams rgyun mi 'chad par btang ba dang bsrung ba dang / dag
pa dang spel ba ci rigs par bsgom par bya'o/ zhes lus longs
spyod dge rtsa gsum re

re la btang bsrung dag spel bzhi bzhi byed pa thams cad bsgom
par bya bar gsungs pa'i sgom la so sor rtog pa'i shes rab kyis
dpyad nas skyong ba'i dpyad sgom dang / mi dpyod par rtse gcig
tu 'jog pa'i 'jog pa'i 'jog sgom

gnyis ka yod do/ /'o na lam ji 'dra ba zhig dpyad sgom yin la ji
'dra ba zhig 'jog sgom yin zhe na/ bshes gnyen la dad pa sgom pa
dang dal 'byor don che zhing rnyed dka' ba dang / 'chi ba mi
rtag pa dang las 'bras dang

'khor ba'i nyes dmigs dang byang chub kyi sems sgom pa lta bu la
ni dpyad sgom dgos so/ /'di ltar de dag la ni blo shugs drag la
rgyun ring ba'i yid 'khrul nus pa ra dgos te de med na de dag gi
zlog phyogs ma gus pa sogs

'gog mi nus pa'i phyir dang / blo de lta bu skyed pa'i yang dang
yang du so sor rtog pas dpyad nas sgom pa kho na la rag las ba'i
phyir ro/ /dper na chags yul la sdug pa'i mtshan ma sgro btags
nas sgom pa mangs na 'dod

@025b chags drag po skye ba dang /dgra la yid du mi 'ongs ba'i
mtshan mang du bsams na zhe sdang drag po skye ba bzhin no/ /des
na lam de dag sgom pa la ni yul gyi rnam pa gsal mi gsal 'dra yi
blo yi 'dzin stangs shugs drag la rgyun

ring pa dgos pas dpyad sgom bya'o/ /sems dmigs pa gcig la gnas
su mi btub pa dmigs pa gcig la ji ltar 'dod 'dod du bzhag pas
chog pa'i las rung du byed pa zhig nas sgrub pa la sogs pa'i
skabs su ni yang yang

dpyad na sems gnas skye mi nyan pas de la ni 'jog sgom bya dgos
so/ /tshul de ltar mi shes par mkhas pa yin na dpyad sgom kho na
bya la/ ku sa lis ni 'jog sgom kho na bya'o/ zhes smra ba yang
ma yin te/ re res kyang gnyis ka

bya dgos pa'i phyir te/ mkhas pas kyang zhi gnas sogs sgrub dgos
la/ ku sa lis kyang bshes gnyen la dad pa shugs drag pa sogs
sgrub dgos pa'i phyir ro/ /des na so sor rtog pa'i shes rab kyis
yang yang dpyod pa ni thos

bsam gyi skabs yin te nyams len gyi skabs min no snyam du 'dzin
pa mi rigs la/ rtog pa thams cad mtshan mar 'dzin pa yin pas
'tshang rgya ba la gegs byed pa'o snyam du 'dzin ba ni/ tshul min
yid byed bden 'dzin

gyi rtog pa dang / tshul bzhin yid byed yang dag pa'i rtog pa
gnyis ma phyed pa'i skyon no/ /gdams ngag 'dir sems dmigs pa
gcig la ji ltar 'dod 'dod du bzhag pas chog pa'i mi rtog pa'i
ting nge 'dzin bsgrub

@026a @#/ /dgos la/ snga rol tu dpyad sgom mangs na ting nge
'dzin skye ba'i gegs su 'gyur ro snyam du mi gzung ste/ 'di
ltar dper na gser dang dngul ni mgar ba mkhas pas yang dang
yang du mer bsregs shing chur bkrus

na dri ma thams cad sbyangs te/ shin tu mnyen cing las rung du
'gyur bas de nas rna rgyan la sogs pa'i rgyan cha ci 'dod 'dod
du bsgyur bas chog pa bzhin du/ sngon la nyon mongs dang nye
ba'i nyon mongs pa dang nyes spyod rnams la nag

po'i las 'bras dang 'khor ba'i nyes dmigs sgom pa la sogs pa'i
skabs nas 'byung ba ltar/ so sor rtog pa'i shes rab kyis de'i
nyes dmigs yang yang sgom pa sems kun tu gdung bar 'gyur
ba'am/ skyo bar 'gyur ba'i

yid byed kyis gser mer bsregs pa bzhin du nag phyogs rnams las
yid phyir phyogs par byed cing dri ma de dag sbyong la/ bshes
gnyen gyi yon tan dang dal 'byor don che ba dang / dkon mchog
gsum gyi yon tan dang dkar po'i

las 'bras dang byang chub sems kyi phan yon sogs kyi skabs nas
'byung ba ltar/ so sor rtog pa'i shes rab kyis de dag gi yon
tan yang yang sgom pa sems brlan par 'gyur ba'am/ dad par
'gyur ba'i yid byed kyis gser

chur 'khru ba ltar dkar phyogs rnams la yid mngon du phyogs pa
dang dga' bar byas nas/ dge ba'i chos kyis sems brlan par byed
do/ /de ltar gyur na zhi lhag gang sgrub par 'dod pa de la yid
gtad pa na tshegs med par 'grub

@026b pas; de lta bu'i dpyad sgom ni mi rtog pa'i ting nge
'dzin sgrub pa'i thabs mchog yin pa'i phyir ro/ /de ltar yang
'phags pa thogs med kyis/ dper na mgar ba'am mgar ba'i slob ma
mkhas pa zhig gis gang gi tshe gser ram dngul

zhig dri ma dang snyigs ma thams cad sbyang ba'i phyir/ dus
dus su mer bsregs shing chus bkrus na rgyan de dang de dag tu
bya ba mnyen cing las su rung ba'i tshul gyis mngon sum du byas
par 'gyur te/ de la mgar ba'am mgar ba'i

slob ma mkhas pa de dang mthun pa'i bzo shes pa des mgar spyad
kyis rgyan gyi rnam pa ci 'dod pa der sgyur bar byed pa de
bzhin du/ rnal 'byor pas kyang gang gi tshe sems de brnab sems
la sogs pa'i dri ma dang snyigs ma la mi phyogs

pa nyid kyis skyo bar byas la nyon mongs pa can gyi yid mi bde
ba la mi phyogs pa nyid dang / dge ba'i phyogs la mngon par
dga' ba la mngon du phyogs pa nyid kyis mngon par dga' bar
byas na/ rnal 'byor pa des sems de zhi gnas

kyi phyogs sam lhag mthong gi phyogs gang dang gang dag la
nges par sbyor bar byed pa de dang de dag la shin tu nye bar
'byor pa dang shin tu rnal du 'bab pa dang / mi g.yo ba dang
mi 'gul bar 'gyur zhing/ ji ltar bsams pa'i don yang

dag par 'grub pa'i phyir 'gro bar yang 'gyur ro/ zhes gsungs
so/ /gzhan yang sems dmigs pa gcig la brtan chags par gnas
pa'i 'gal rkyen gyi gtso bo ni gnyis te bying ba dang rgod
pa'o/ /de la dkon mchog la sogs

@027a @#/ /pa'i yon tan mthong ba'i blo shugs drag la rgyun
ring ba yod na bying pa gcod par shin tu sla ste/ de'i gnyen
po ni yon tan mthong ba'i sgo nas sems gzengs bstod pa yin par
tshad ldan du mas gsungs pa'i phyir ro/ /

mi rtag pa dang sdug bsngal la sogs pa'i nyes dmigs mthong
ba'i blo shugs drag la rgyun ring ba yod na rgod pa gcod par
shin tu sla ste/ rgod pa ni 'dod chags kyi char gtogs pa'i
sems g.yeng ba yin pas de'i gnyen po la skyo shas

bsngags par gzhung du ma nas gsungs pa'i phyir ro/ /gnyis pa
la gnyis/ dal ba'i rten la snying po blang ba'i phyir du bskul
ba dang / snying po ji ltar len pa'i tshul lo/ /dang po la
gsum/ dal 'byor ngos gzung ba dang / de don che ba

bsam pa dang / rnyed dka' ba bsam pa'o/ /dang po la gnyis/ dal
ba dang / 'byor pa'o/ /dang po ni/ sdud pa las/ khrims kyis
dud 'gro'i 'gro ba du ma'i ngo bo dang / /mi khom brgyad spong
de yis dal ba rtag tu rnyed/ ces

gsungs pa ltar mi khom pa brgyad dang bral ba ni dal ba'o/ /mi
khom pa brgyad ni/ 'khor rnam bzhi mi rgyu ba'i yul mtha'
'khob pa dang / glen lkugs dang yan lag dang rna ba sogs ma
tshang ba'i dbang po ma tshang ba dang / tshe snga phyi

dang las 'bras dang dkon mchog gsum med par 'dzin pa'i log lta
can dang / sangs rgyas 'byung ba med pa'i rgyal ba'i bka' med
pa bzhi ni mi'i mi khom pa yin la/ ngan song gsum dang lha tshe
ring po ni mi ma yin pa'i mi

@027b khom pa'o/ /lha tshe ring po ni/ bshes springs 'grel bar/
'du shes med pa ba dang gzugs med pa gnyis la bshad pa'i dang
po ni/ bsam gtan bzhi pa'i gnas 'bras bu che ba'i phyogs gcig
na grong las dgon pa'i tshul du yod la/

phyi ma ni gzugs med du skyes pa'i so skye'o/ /mi khom pa
brgyad kyi gtam las/ 'dod pa'i bya bas rtag tu g.yengs pa'i
'dod lha lha tshe ring por bshad do/ /gnyis pa la gnyis las/
rang 'byor lnga ni/ mi nyid dbus skyes dbang po

tshang; ;las mtha' ma log gnas la dad/ ces pa'o/ /de la dbus su
skyes pa ni 'khor rnam bzhi rgyu ba yod sar skyes pa'o/ /dbang
po tshang ba ni glen lkugs su ma song zhing yan lag nying lag
mig rna sogs tshang ba'o/ /las mtha'

ma log pa ni/ mtshams med byas sam byed du bcug pa ma yin pa'o/
/gnas la dad pa ni 'jig rten dang 'jig rten las 'das pa'i dkar
chos thams cad skye ba'i gnas 'dul ba la dad pa ste/ 'dul ba
ni 'dir sde snod

gsum ga la bya'o/ /lnga po de rang rgyud kyis bsdus shing chos
sgrub pa'i cha rkyen yin pas rang 'byor zhes bya'o/ /gzhan
'byor lnga ni/ sangs rgyas byon dang dam chos ston/ /bstan pa
gnas dang de rjes 'jug /gzhan phyir snying

ni brtse ba'o/ zhes pa'o/ /de la sangs rgyas byon pa'am 'byung
ba ni bskal pa grangs med pa gsum gyis tshogs bsags nas mngon
par rdzogs par 'tshang rgya ba'o/ /dam chos ston pa ni sangs
rgyas sam de'i nyan thos kyis chos

@028a @#/ /ston pa'o/ /chos bstan pa gnas pa ni sangs rgyas
shing chos bstan pa nas mya ngan las ma 'das bar du don dam
pa'i chos mngon du byed pa'i tshul gyis sgrub pa'i chos mnyams
pa'o/ /chos gnas pa rjes

su 'jug pa ni chos rtogs pa de nyid kyis skye bo rnams la dam
chos mngon sum du bya ba'i mthu yod par rig nas/ ji ltar rtogs
pa ltar bstan pa la rjes su 'jug pa'o/ /gzhan gyis phyir
snying brtse bar byed pa ni sbyin pa po

dang sbyin bdag gis chos gos sogs ster ba'o/ /de lnga ni gzhan
rgyud la yod cing chos sgrub pa'i cha rkyen yin pas gzhan
'byor ro/ /gnyis pa ni/ gtan gyi bde ba'i phyir du chos rnam
dag sgrub pa zhig ma byung na ma shi tshun gyi bde

ba sgrub cing sdug bsngal sel ba tsam la brtson pa ni dud 'gro
la yang yod pas bde 'gror skyes kyang dud 'gro dang 'dra la/
theg chen gyi lam sgrub pa la ni sngar bshad pa'i rten de lta
bu zhig dgos te/ slob springs las kyang

bder gshegs lam brten 'gro ba 'dren par chas gyur cing/ /sems
kyi stobs chen mi yis rnyed pa gang yin pa/ /lam de lha dang
klu yis rnyed min lha min dang / /mkha' lding rig 'dzin mi'am
ci dang lto 'phyes min/ zhes

gsungs so/ /gzhan yang sngon mi'i rten la lam la sbyangs pa'i
bag chags 'thug po'i 'dod lha kha cig dang por bden pa ma
thong ba'i rten du rung yang khams gong gi rten la dang por
'phags lam thob pa mi srid

@028b cing; 'dod lta phal cher yang sngar bshad pa ltar mi
khom pa'i gnas su gsungs pas lam dang por sgrub ba'i rten la
mi mchog tu gyur pa yin no/ /de yang sgra mi snyan pa sngom
pa'i rten du mi rung bas gling gsum gyi

rten bsngags la de'i nang nas kyang 'dzam bu gling pa bsngags
so/ /des na 'di 'dra ba'i rten bzang po thob ba 'di bdag gis
ci'i phyir 'bras bu med bar bya/ 'di don med du byas na ni
rang gis rang bslus ba dang rmongs tshabs 'di las

che ba ci zhig yod/ ngan 'gro la sogs pa'i mi khom pa'i gnas
kyi 'phrang mang po la brgyud brgyud nas lan cig tsam thar pa
'di don med du btang na gnas de dag tu log nas 'gro na ni rig
sngags kyis rmongs pa bzhin du bdag

ni sems med par gyur pa'o snyam pha sogs kyi sgo nas yang yang
bsgom par bya ste/ spyod 'jug las/ 'di 'dra'i dal ba rnyed
gyur nas/ /bdag gis dge goms ma byas pa/ /'di las bslus pa
gzhan med de/ /'di las rmongs

pa'ang gzhan med do/ zhes dang / shin tu rnyed dka' phan pa'i
sa/ /ci zhig ltar te rnyed gyur nas/ /bdag nyid shes dang ldan
bzhin du/ /phyir yang dmyal ba der khrid na/ /sngags kyis
rmongs bar byas pa bzhin/ /bdag la 'dir

sems med du zad/ /cis rmongs bdag kyang ma shes te/ /bdag gi
khong na ci zhig yod/ ces gsungs so/ /de ltar mthar thug la
ltos te don che bar ma zad gnas skabs la ltos nas kyang mngon
mtho'i lus longs spyod 'khor

@029a @#/ /phun tshogs kyi rgyu sbyin pa tshul khrims bzod pa
sogs rten 'dis bde blag tu sgrub nus lugs kyang bsam mo/ /don
che ba'i rten des de gnyis kyi rgyu la nyin mtshan du ma 'bad
na/ rin po che'i gling nas lag stong du

ldog pa lta bur snang ngo/ /gsum pa ni/ lung gzhi las/ ngan
'gro dang bde 'gro nas shi 'phos te ngan 'gror 'gro ba ni sa
chen po dang / de nas bde 'gror skye ba ni phyag sen gyi rtse
mos bzhes pa'i rdul dang 'dra bar gsungs pas

bde 'gro dang ngan 'gro gnyis ka nas rnyed dka'o/ /de tsam du
rnyed dka' ba ci yin snyam na bzhi brgya pa las/ phal mo cher
nas mi rnams ni/ /dam pa ma yin phyogs yongs 'dzin/ /des na so
so skye bo rnams/ /phal cher nges par ngan

'gror 'gro /zhes gsungs pa ltar mi la sogs pa yang phal cher
mi dge bcu la sogs pa'i phyogs 'dzin pa mang la des kyang ngan
'gror 'gro ba'i phyir dang / gzhan yang byang chub sems dpa'
la khong khro lta bu skad cig ma

re res kyang bskal par mnar med du gnas dgos na/ skye ba du
mar bsags pa'i sdig pa 'bras bu ma phyung zhing gnyen pos ma
bcom pa rang rgyud la yod pa rnams kyis ngan song du bskal pa
du mar gnas dgos pa smos ci dgos

de lta na'ang ngan 'gro'i rgyu sngar bsags 'dag nges su sbyong
zhing / gsar du 'jug pa'i sgo sngom par byed na bde 'gro mi
dkon na'ang de lta bu ni shin tu yang dkon no/ /de ltar ma
byas na ngan 'gror 'gro la/ ngan song du song na dge

@029b ba mi byed la sdig pa rgyun du byed pas bskal pa du mar
bde 'gro'i ming tsam yang mi thos par spyod 'jug las gsungs
so/ /po to ba'i zhal nas/ 'phan yul na rma'i phywa mkhar bya
ba gdos can cig yod pa dgras phrogs nas yun ring

kha nyen por song bas/ rgad po gcig mkhar des gdungs yod pa la
lan cig mkhar de thob zer ba thos pas 'gro mi nus bzhin du
mdung zhig bzung nas bshal drud byed cing rma'i phywa mkhar
thob pa 'di rmi lam min na rung ste zer ba ltar/

dal 'byor thob pa la yang de lta bu'i dga' ba rnyed nas chos
sgrub dgos/ zhes gsungs pa ltar blo de lta bu rnyed rnyed du
bsgom par bya'o/ /de ltar dal ba'i rten la snying po len 'dod
mtshan nyid tshang ba zhig skyed pa la chos bzhi bsam

dgos so/ /de la sgrub dgos pa ni/ sems can thams cad bde ba
'dod pa dang sdug bsngal mi 'dod pa kho na yin la bde ba sgrub
pa dang sdug bsngal sel ba yang dam pa'i chos kho na la rag
las pa'i phyir ro/ /sgrub nus pa ni/

phyi'i rkyen bshes gnyen dang nang gi rkyen dal 'byor dang
ldan pa'i phyir ro/ /de yang tshe 'dir sgrub dgos pa ni/ 'dir
ma bsgrubs na skye ba du mar dal 'byor rnyed dka' ba'i phyir
ro/ /da lta nyid nas sgrub dgos pa ni/ nam 'chi la

nges pa med pa'i phyir ro/ /de la gsum pas ni skye ba rting ma
rnams su chos bya'o snyam nas 'dor ba'i le lo 'gog la/ bzhi
pas ni tshe 'dir sgrub dgos kyang lo zla ba zhag snga ma rnams
la ma grub kyang phyi ma phyi ma la bsgrubs

@030a @#/ /pas chog snyam nas mi 'jug pa'i le lo 'gog pas/ de
gnyis myur du sgrub par bsdus nas gsum du byas kyang chog go
/de ltar na 'chi ba dran pa ni 'dir yang 'brel mod/ 'on kyang
tshig tshegs che

bas 'og tu bshad par bya'o/ /de ltar sgo sna tshogs nas bsams
na blo'i 'khul che bas sngar bshad pa ltar bsam/ de tsam mi
nus na/ dal 'byor gyi ngo bo ji lta bu yin pa dang gnas skabs
dang mthar thug gi sgo nas

don che lugs dang rgyu dang 'bras bu'i sgo nas rnyed dka' tshul
du bsdus te/ ji ltar 'tsham pa re sngar bshad pa nas blangs la
bsgom mo/ /de la rgyu'i sgo nas rnyed dka' ba ni/ spyir bde
'gro tsam zhig thob pa la yang tshul

khrims la sogs pa'i dge ba rnam dag sna gcig byed dgos pa dang
/ khyad par du dal 'byor tshang ba thob pa la tshul khrims rnam
par dag pas gzhi bzung sbyin sogs kyis grogs byas/ smon lam
dri ma med pas

mtshams sbyor ba sogs dge rtsa mang po zhig dgos na/ rgyu de
lta bu sgrub pa yang shin tu nyung bar snang bas de la dpags
nas/ 'bras bu bde 'gro'i rten spyi dang khyad par rnyed dka'
bar sems pa'o/ /'bras bu'i sgo

nas rnyed dka' ba ni/ rigs mi mthun ngan 'gro rnams la bltos
te bde 'gro tsam yang srid mthar snang la/ rigs mthun bde 'gro
la bltos te yang dal ba khyad par can ni ches dkon par sgom
pa'o/ /dge bshes

@030b dol phas 'di la nan cher mdzad pas chos gzhan kun des
sna drangs nas byung gsung ba ltar yin pas 'bad par bya'o/
/gnyis pa la gnyis/ lam spyi'i rnam gzhag la nges pa bskyed
pa/ de la snying po len tshul dngos so/ /

dang po la gnyis/ skyes bu gsum gyi lam du gsung rab thams cad
'du ba'i tshul/ skyes bu gsum gyi sgo nas rim pa bzhin du
'khrid pa'i rgyu mtshan bstan pa'o/ /dang po ni/ sangs rgyas
kyis thog mar thugs bskyed

pa dang bar du tshogs bsags pa dang mthar mngon par rdzogs par
sangs rgyas pa thams cad sems can kho na'i don du yin pas/
chos gsungs pa thams cad kyang sems can gyi don kho na sgrub
par byed pa'o/ /de ltar na

bsgrub bya sems can gyi don ni gnyis te gnas skabs mngon mtho
dang mthar thug nges legs so/ /dang po sgrub pa las brtsams te
ji snyed gsungs pa thams cad ni/ skyes bu chung du dngos sam
chung du dang thun mong ba'i chos skor

du 'du ste/ skyes bu chung du khyad par can ni tshe 'di la ched
cher mi byed par tshe phyi ma'i mtho ris kyi phun tshogs don du
gnyer zhing/ de'i rgyu rnams sgrub pa la 'jug pa'i phyir te/
lam sgron las/ gang zhig thabs ni gang dag gis//

'khor ba'i bde ba tsam dag la/ /rang nyid don du gnyer byed
pa/ /de ni skyes bu tha mar shes/ zhes so/ /nges legs la gnyis
'khor ba las grol ba tsam gyi thar pa dang / thams cad mkhyen
pa'o/ /de la nyan rang gi theg pa las 

@031a @#/ /brtsams te ji snyed gsungs pa thams cad ni skyes bu
'bring dngos sam de dang thun mong ba'i chos skor du 'du ste/
skyes bu 'bring ni srid pa mtha' dag la skyo ba bskyed nas srid
pa las grol ba'i thar pa rang gi don du thob byar

byas te/ de'i thabs bslab pa gsum la 'jug pa yin pa'i phyir te/
lam sgron las/ srid pa'i bde la rgyab phyogs shing / /sdig pa'i
las las ldog bdag nyid/ /gang zhig rang zhi tsam don gnyer/
/skyes bu de ni 'breng zhes bya/

zhes so/ /rnam mkhyen sgrub pa'i thabs ni gnyis te/ gsang sngags
dang par phyin gyi theg chen no/ /de gnyis ni skyes bu chen po'i
chos skor du 'du ste/ skyes bu chen po'i gzhan dbang du gyur pas
sems can gyi sdug

bsngal thams cad zad par bya ba'i phyir du sangs rgyas thob byar
byas te/ phyin drug dang rim gnyis sogs la slob pa yin pa'i
phyir te/ lam sgron las/ rang rgyud gtogs pa'i sdug bsngal gyis/
/gang zhig gzhan gyi sdug bsngal

kun; ;yang dag zad par kun nas 'dong / /skyes bu de ni mchog
yin no/ zhes gsungs shing skyes bu des byang chub sgrub pa'i
thabs la phar phyin dang sngags gnyis ka 'og nas gsungs pa'i
phyir ro/ /skyes bu gsum gyi tha snyad

ni gtan la dbab pa bsdu ba dang mdzod 'grel sogs mang por gsungs
so/ /skyes bu chung du la tshe 'di lhur len pa dang phyi ma lhur
len pa gnyis yod kyang 'dir ni gnyis pa ste/ de yang mngon
mtho'i thabs ma nor ba la zhugs

@031b pa gzung ngo / /gnyis pa la gnyis/ skyes bu gsum gyi lam
gyi sgo nas 'khrid pa'i don gang yin pa/ rim pa de ltar 'khrid
pa'i rgyu mtshan bstan pa'o/ /dang po ni/ de ltar skyes bu gsum
du bshad kyang skyes bu chen po'i lam du

gzhan gnyis kyi lam yang 'du bas de gnyis theg chen gyi lam gyi
yan lag yin par slob dpon rta dbyangs kyis gsungs so/ /des na
'dir srid pa'i bde ba tsam la thob byar byed pa'i skyes bu chung
du dang / 'khor ba las thar pa tsam

rang don du thob byar byed pa'i skyes bu 'bring gi lam du 'khrid
pa min gyi de gnyis dang thun mong ba'i lam 'ga' zhig skyes bu
chen po'i lam la 'khrid pa'i sngon 'gror byas nas/ skyes bu chen
po'i lam sbyong ba'i yan lag tu byed pa yin no//

gnyis pa la gnyis/ rgyu mtshan dngos dang / dgos pa'o/ /dang po
ni/ theg chen du 'jug pa'i 'jug sgo ni byang chub mchog tu sems
bskyed pa nyid yin te/ de rgyud la skyes na/ spyod 'jug las/
byang chub sems skyes gyur na

skad cig gis/ /'khor ba'i btson rar bsngams pa'i nyam thag
rnams/ /bde gshegs rnams kyi sras zhes brjod bya zhing / zhes
gsungs pa ltar byang chub sems dpa' zhes pa'i ming thob nas rten
de theg chen par tshud la/ de

nyams na theg chen pa'i gseb nas 'thon par 'gyur ba'i phyir ro/
/des na theg chen du 'jug 'dod pa rnams kyis ni sems de sgo du
ma nas 'bad de bskyed dgos la/ de skyed pa la ni sngon du sems
de bskyed pa'i phan

@032a @#/ /yon bsgoms nas phan yon la spro shugs 'phel ba zhig
dang / yan lag bdun pa skyabs 'gro dang bcas pa dgos par bslab
btus dang spyod 'jug las gsungs so/ /de ltar gsungs pa'i phan
yon yang

bsdu na gnyis gnas skabs dang mthar thug gi phan yon no/ /dang
po la yang ngan 'gror mi ltung ba dang bde 'gror skye ba gnyis
te/ sems de skyes na ngan song gi rgyu sngar bsags 'dag pa dang
phyis gsog pa rgyun 'chad la/

bde 'gro'i rgyu sngar bsags rnams des zin pas rgya cher 'phel ba
dang gsar du byed pa rnams kyang des kun nas slong bas zad pa'i
mtha' med do/ /mthar thug gi don thar pa dang thams cad mkhyen
pa rnams kyang sems

de la brtan nas bde blag tu 'grub pa la/ sngon du gnas skabs
dang mthar thug gi phan yon la thob 'dod bcos ma min pa zhig med
na/ phan yon de rnams sems bskyed las 'byung bas sems de skyed
pa la 'bad

par bya'o zhes smras kyang tshig tsam yin pa rang rgyud la brtags
na shin tu gsal lo/ /de la sngon du mngon mtho nges legs kyi
phan yon gnyis po de la thob 'dod skyed pa la skyes bu chung
'bring dang thun mong ba'i bsam pa skyong

dgos so/ /de ltar phan yon gnyis la thob 'dod bskyed nas phan
yon can gyi sems sgom pa na/ sems de'i rtsa ba byams pa dang
snying rje bskyed dgos la/ de yang rang bde bas phongs shing
sdug bsngal gyis mnar ba'i

@032b 'khor bar 'khyams tshul bsams pa na ba spu g.yo 'gul med
pa zhig la/ sems can gzhan bde bas phongs shing sdug bsngal gyis
mnar ba la mi bzod pa 'od sa med de/ spyod 'jug las/ sems can de
dag rnams la

sngon; ;rang gi don du'ang 'di 'dra'i sems/ /rmi lam du yang ma
rmis na/ /gzhan gyi don du ga la skye/ zhes gsungs so/ /de'i
phyir skyes bu chung du'i skabs su rang la ngan song gi sdug
bsngal gyi gnod pa 'bab tshul dang / 'bring

gi skabs su mtho ris na yang sdug bsngal zhing zhi bde med tshul
bsams nas/ de nas gnyen du gyur ba'i sems can rnams la yang rang
nyams la dpags nas bsgoms pas byams pa dang snying rje skye ba'i
rgyur 'gyur zhing /

de las byang chub kyi sems skye bas chung 'bring dang thun mong
ba'i bsam pa sbyong ba ni/ byang chub kyi sems bcos ma yin pa
skye ba'i thabs yin no/ /de bzhin du de gnyis kyi skabs su
skyabs 'gro dang las 'bras bsams pa sogs

kyi sgo nas bsag sbyang gi sgo du ma la 'bad pa ni/ byang chub
kyi sems kyi sngon 'gro rgyud sbyong ba'i thabs yan lag bdun pa
skyabs 'gro dang bcas pa rnams ci rigs su 'gyur bas de dag kyang
sems de skye ba'i thabs su go bar bya'o//

'dir chung 'bring gi chos skor rnams byang chub kyi sems skye
ba'i yan lag tu 'gro lugs rnams bla mas kyang brda sprad/ slob
mas kyang de la nges pa rnyed par byas la skyong res kyis de dag
dran par byas nas sbyong ba shin tu gces te/

@033a @#/ /de ltar ma byas na skyes bu chen po'i lam dad lam so
so ba 'brel med du 'gyur zhing / skyes bu chen po'i lam dngos la
ma sleb bar du byang chub kyi sems la nges pa mi rnyed pas sems
de skye ba'i gegs sam/ de'i bar du

don chen po las nyams nas 'gro bas 'di la nan tan bya'o/ /de
ltar sbyangs nas byang chub kyi sems bcos ma ma yin pa rgyud laM
ci skye bya/ de nas sems de brtan par bya ba'i phyir du skyabs
'gro thun mong ma yin pa sngon du btang nas

smon pa'i chog bya/ smon pa chogs bzung nas de'i bslab bya rnams
la bslab/ de nas spyod pa phyin drug dang bsdu bzhi sogs la slob
'dod pa'i slob 'dod mang du sbyang la/ snying thag pa nas slob
'dod byung ba na/ 'jug sdom rnam dag

cig blang / de nas rtsa ltung gis ma gos pa la srog bsdos bya/
zag ba chung 'bring dang nyes byas rnams kyis kyang ma gos pa la
'bad cing ci ste gos na'ang / ltung ba'i phyir bcos ji ltar
gsungs pa'i sgo nas legs par sbyang / de nas

phyin drug spyi la bslab cing / khyad par du sems dge ba'i dmigs
pa la ji ltar 'dod 'dong du bkol rung du bya ba'i phyir zhi gnas
kyi ngo bo bsam gtan la bslab bo/ /lam sgron las mngon shes
skyed pa'i phyir du zhi gnas la bslab par

gsungs pa ni mtshon pa tsam ste/ jo bo nyid kyis skabs gzhan du
lhag mthong skyed pa'i phyir du yang gsungs pas de'i phyir du
yang zhi gnas bsgrub bo/ /de nas bdag gnyis su 'dzin pa'i 'ching
ba gcad pa'i phyir du stong nyid kyi

@033b don lta bas thag chod par byas pa la sgom tshul ma nor bar
bskyangs nas shes rang gyi ngo bo lhag mthong bsgrub par bya'o/
/de ltar na zhi lhag sgrub pa ma gtogs pa'i 'jug sdom gyi bslab
bya la slob pa man chad ni tshul khrims kyi bslab pa dang /

zhi gnas ni sems kyi bslab pa dang / lhag mthong ni shes rab kyi
bslab par lam sgron 'grel par gsungs so/ /gzhan yang zhi gnas
man chad thabs dang bsod nams kyi tshogs dang kun rdzob bden pa
la brten pa'i lam dang rgya che

ba'i lam rim yin la/ shes rab khyad par can gsum skyed pa ni
shes rab dang ye shes kyi tshogs dang don dam bden pa la brten pa
dang zab mo'i lam ring yin pas/ de dag gi go rim dang grangs des
pa dang thabs shes ya bral gyis

byang chub mi 'grub pa la nges pa chen po bskyed par bya'o/ /de
ltar lam thun mong bas rgyud sbyangs nas ni nges par sngags la
'jug dgos te de la zhugs na myur du tshogs gnyis rdzogs par 'gyur
ba'i phyir ro/ /gal te de tsam las

mi lcogs pa'am rigs nus chung bas mi spron lam rim de nyid je
rgyas su gtong ba tsam bya'o/ /sngags la 'jug na ni spyir theg
pa thams cad dang khyad par du sngags nas nan cher gsungs pas/
bshes gnyen bsten tshul sngon

las khyad par du gyur pa zhig bya/ de nas rgyud sde rnam dag nas
'byung ba'i dbang gis rgyud smin par byas nas de'i dus su thob
pha'i dam tshig dang sngom pa srog bsdos byas te bsrung / khyad
par du rtsa ltung phog na slar blang du yod kyang

@034a @#/ /rgyud chud zos te yon tan skye dka' bas des ma gos par
byed/ yan lag gi ltung ba rnams kyis kyang ma gos pa byed cing
gos na'ang ji mi snyam par mi 'jog par bshags bsngam gyis dag
par bya'o/ /de nas rgyud sde 'og

ma ltar na mtshan bcas dang / gong ma ltar na bskyed rim gyi rnal
'byor gang rung zhig la 'khrid/ de brten nas rgyud sde 'og ma
ltar na mtshan med kyi rnal 'byor dang / gong ma ltar na rdzogs
rim gyi rnal 'byor gang rung la bslab

bo; ;de lta bu'i lam gyi rnam gzhag gi lus ni lam sgron lam
gsungs te lam rim gyis kyang de bzhin du 'khrid pa'o/ /gnyis pa
ni/ gal te skyes bu chung 'bring gi chos skor rnams skyes bu
chen po'i sngon 'gro yin na/

skyes bu chen po'i lam rim du byas pas tshog mod 'bring dang thun
mong ba'i lam rim zhes tha snyad bya ci dgos she na/ skyes bu
gsum so sor phye ste khrid pa la dgos pa chen po gnyis yod de/
'di ltar skyes bu chung 'bring dang

thun mong ba'i blo ma skyes par yang rang nyid skyes bu chen por
khas 'che ba'i nga rgyal gzhom pa dang /blo rab 'bring tha gsum
la phan che ba'o/ /che lugs ni skyes bu gong ma gnyis la'ang
mngon mtho dang thar pa don gnyer dgos

pas bkri bar bya ba'i gang zag che 'bring gnyis la yang de gnyis
kyi bsam pa sbyong ba bstan pa skyon du mi 'gyur zhing yon tan
bskyed pa'i phyir dang / gang zag tha ma zhig yin na ni gong ma
nas sbyangs kyang gsam pa gong ma

@034b mi skye la/ 'og ma dor bas gang yang mi skye ba'i phyir
ro/ /gzhan yang gong ma'i skal ba can la lam thun mong ba bstan
te sbyangs pas sngar skyes zin pa'am ma skyes kyang myur du yon
tan de dag skye bar 'gyur bas 'og ma 'og ma skyes pa na

gong ma gong mar khrid pas chog pas rang lam las 'gyang ba med
do/ /blo rim gyis bskyed dgos pa ni/ gzungs kyi dbang phyug
rgyal pos zhus pa las/ nor bu mkhan mkhas pas nor bu rim gyis
sbyong ba'i dpe don du sbyar nas bka' stsal to/ /mgon

po klu sgrub kyis kyang / dang por mngon par mtho ba'i chos/
/phyis ni nges par legs 'byung ba/ /gang phyir mngon par mtha
thob nas/ /rim gyis des phar legs pa 'ong / zhes mngon mtho des
legs kyi lam la rim can du

'khrid par gsungs pa dang / 'phags pa thogs med kyis kyang /
yang byang chub sems dpa' ni/ rim gyis dge ba'i phyogs yang dag
par 'grub par bya ba'i phyir/ sems can byes pa'i shes rab can
rnams la thog mar sla ba'i

chos ston par byed cing / sla ba'i gdams ngag dang rjes su bstan
pa rjes su 'jug par byed do/ /de dag shes rab 'bring dang ldan
par gyur par rtogs nas chos bstan pa 'bring dang gdams ngag dang
rjes su bstan pa 'bring

rjes su 'jug par byed do/ /de dag shes rab rgya chen po dang
ldan par gyur par rtogs nas chos zab mo ston cing gdams ngag
dang rjes su bstan pa phra ba rjes su 'jug par byed de/ 'di ni
de'i sems can rnams la don

@035a @#/ /spyong pa go rim du 'bab pa yin no/ zhes gsungs pa
dang / 'phags pa lhas kyang spyod bsdus sgron mer sngon du phar
phyin gyi theg pa'i bsam pa la sbyangs nas/ de nas sngags la
'jug tshul rim can dgos

par bsgrubs shing / de'i don bsdus te/ sems can dang po'i las
can rnams/ /dam pa'i don la 'jug pa na/ /thabs 'di rdzogs pa'i
sangs rgyas kyis/ /skas kyi rim pa lta bur gsungs/ zhes so/
/gnyis pa la gsum/

skyes bu chung du dang thun mong ba'i lam gyi rim pa la blo
sbyang ba dang / 'bring dang thun mong ba'i lam gyi rim pa la
blo sbyang ba dang / skyes bu chen po'i lam gyi rim pa la blo
sbyang ba'o/ /dang po la gsum/ chung du'i bsam pa sbyong ba
dngos

bsam pa de skyes pa'i tshad/ de la log rtog bsal ba'o/ /dang po
la gnyis/ 'jig rten phyi ma don gnyer gyi blo skyong pa/ 'jig
rten phyi mar bde ba'i thabs bsten pa'o/ /dang po la gnyis/ 'jig
rten 'dir ring du mi gnas pa

'chi ba rjes su dran pa bsam pa/ 'jig rten phyi mar ji ltar
'gyur ba 'gro ba gnyis kyi bde sdug bsam pa'o/ /dang po la bzhi/
'chi ba dran pa ma bsgoms pa'i nyes dmigs/ bsgoms pa'i phan yon/
'chi ba dran pa'i blo ji

lta bu zhig bskyad pa/ 'chi ba dra na pa bsgom pa'i tshul lo/
/dang po ni/ da gzod mthar 'chi ba zhig 'ong snyam pa kun la yod
kyang nyi ma re re zhing de ring mi 'chi de ring yang mi 'chi
snyam du blos mi 'chi ba'i phyogs 'dzin pa 'chi ba ma tshun

@035b la 'byung ngo / /de'i gnyen po yid la ma byas par de lta
bu'i blo des bsgribs na/ tshe 'dir sdod pa'i blo skyes nas 'di
dang / /'di dgos so zhes tshe 'di tsam gyi bde ba sgrub pa dang
sdug bsngal sel thabs 'ba' zhig sems sems nas/ tshe phyi

ma dang thar pa dang thams cad mkhyen pa sogs don chen po la
dpyod pa'i blo mi skye bas chos la 'jug tu mi ster la/ brgya la
thos bsam sgom pa sogs la zhugs kyang tshe 'di pa tsam gyi ched
du song nas dge ba ci byas mthu chung zhing / de yang

nyes spyong sdig ltung dang 'brel bar 'jug pas ngan 'gro'i rgyu
dang ma 'dres pa dkon no/ /gal ta 'jig rtan phyi ma la dmigs nas
sgrub tu chug kyang / phyi nas bsgrub bo snyam pa'i phyi shol
gyi le lo 'gog mi nus shing gnyid rmugs dang bre

mo'i gtam dang / bza' btung sogs kyi rnam g.yeng gis dus 'da'
bas brtson pa chen pos tshul bzhin du sgrub pa mi 'ong ngo / /de
tsam du ma zad tshe 'di'i phun tshogs lhur blangs pas nyon mongs
dang des drangs pa'i nyes spyod rnams je

rgyas su song nas chos kyi bdud rtsi las rgyab kyis phyogs te
ngan song du 'khrid par byed pas da las ma rungs pa zhig yod/
bzhi brgya pa las kyang / gang la 'jig rten gsum mnga' bdag
/rang nyid 'chi bdag byed po med/ /yod

des rnal bzhin gnyid log na/ /de las ma rungs gzhan ci yod/ ces
gsungs pa dang / spyod 'jug las kyang / thams cad bor te cha
dgos par/ /bdag gis de ltar ma shes nas/ /mdza' dang mi mdza'i
don gyi phyir/ /sdig

@036a @#/ /pa rnam pa sna tshogs byas/ zhes gsungs so/ /gnyis pa
ni/ 'chi ba dran pa'i blo rnal ma zhig skyes na/ dper na de
ring sang rang 'chi bar thag chod pa na/ chos kyi go ba than
thun yod pa yan chad la gnyen la sogs pa dang

'grogs su med par mthong nas/ de la sred pa ldog cing gtong ba
la sogs pa'i sgo nas snying po len 'dod phal cher la ngang gis
'byung ba ltar/ rnyed bkur sogs 'jig rten gyi chos kyi phyir
'bad pa thams cad snying po med par

mthong nas nyes spyod las ldog cing skyabs 'gro dang / tshul
khrims la sogs pa'i las bzang po gsog pas go 'phang dam par
rang nyid 'dzegs te 'gro ba rnams kyang der 'khrid pas na/ de
las don che ba ci zhig yod/ de'i phyir

dpe du mas kyang bsngags te mya ngan 'das chen las/ zhing rmo
ba thams cad kyi nang na ston gyi log mchog go /rjes thams cad
kyi nang na ba lang gi rjes mchog go /'du shes thams cad kyi
nang na mi rtag pa dang 'chi ba'i 'du shes

mchog yin te/ 'di dag gis ni khams gsum gyi 'dod pa dang ma
rig pa dang nga rgyal thams cad sel to/ zhes so/ /de bzhin du
nyon mongs dang nyes spyod thams cad cig car 'joms pa'i tho ba
dang / dge legs thams cad cig

car sgrub pa'i sgor gyur pa la sogs pas bsngags pa'o/ /mdor na
skyes bu'i don sgrub pa'i dus ni/ rten khyad par can thob dus
'di kho na yin la/ 'o skol phal cher ngan 'gror bsdad cing bde
'gror lan re tsam 'ongs kyang mi

@036b khom pa'i gnas su shas che bas der chos sgrub pa'i skabs
ma rnyed la/ bsgrubs pas chog pa'i rten re thob pa na yang
chos tshul bzhin du mi sgrub pa ni/ da dung mi 'chi snyam pa
'di la thug 'dug pas na/ blos mi 'chi ba'i phyogs

'dzin pa ni rgud pa kun gyi sgo dang / 'chi ba dran pa ni phun
tshogs thams cad kyi sgo'o/ /de'i phyir 'di lta bu la chos zab
mo gzhan sgom rgyu med pa rnams kyi nyams len no snyam pa dang
/ bsgom bya yin kyang dang por cung zad sgom gyi rgyun

du nyams len du mi 'os so snyam du mi bzung bar/ thog mtha'
bar gsum du dgos lugs la nges pa snying thag pa nas bskyed de
bsgom par bya'o/ /gsum pa ni/ gnyen la sogs pa dang bral gyis
dgos nas skrag pa ni/ lam

la ma sbyangs pa'i 'chi ba la skrag lugs yin pas 'dir de skyad
pa min no/ /'o na gang snyam na/ las nyon gyi dbang gis lus
blangs pa thams cad 'chi ba las ma 'das pas de la skrag pa
bskyed kyang re zhig la dgag mi nus mdo/ 'on

kyang ngan 'gro'i rgyu 'gog pa dang mngon mtho nges legs kyi
rgyu ma bsgrubs par 'chi ba la 'jigs par bya ste/ de la ni des
skrag pa bsams na de bsgrub tu yod pas/ 'chi khar mi skrag par
byar yod la/ don de ma bsgrubs na spyir

'khor ba las mi thar zhing/ khyad par du ngan 'gror ltung bas
'jigs nas 'chi ba'i tshe 'gyod pas gdung bar 'gyur ro/ /bzhi pa
ni/ rtsa ba gsum rgyu mtshan dgu thag bcad pa gsum gyi sgo nas
bsgom par bya'o/ /de la gsum

@037a @#/ /nges par 'chi ba bsam pa dang / nam 'chi nges med
bsam pa dang / 'chi ba'i tshe chos ma gtogs pa gang gis kyang
mi phan pa bsam pa'o/ /dang po la gsum/ 'chi bdag nges par
'ong la de yang rkyen gyis

bzlog tu med ba bsam pa/ tshe la snon pa med cing 'brid byed
bar ma chad du yad pa bsam pa/ gson pa'i tshe yang chos bya
ba'i long med par nges par 'chi ba bsam pa'o/ /dang po ni/ lus
ji 'dra zhig blangs pa dang / yul gang du bsdad

pa dang / dus nam yang 'chi bas 'joms par tshoms las gsungs la/
de ltar 'ong ba de yang mgyogs pas 'bros pa'am stobs dang nor
dang rdzas dang sngags dang sman gyis bzlog tu med par rgyal
po la gdams pa las gsungs

so; ;ka ma pa'i zhal nas/ da lta 'chi bas 'jigs pa zhig dgos/
'chi bar mi mtsher ba zhig dgos te/ 'o skol de las bzlog nas da
lta mi 'jigs 'chi khar brang la sen mo 'debs gsung ngo/ /gnyis
pa ni/ mngal 'jug

las gsungs pa ltar tshe tshad lo brgya thub pa ni srid mthar
snang la/ de thub tu chug kyang de'i bar gyi lo ni zla ba zhag
dang zhag nyin mtshan song bas 'dzad la/ de yang snga dro sogs
song bas 'dzad pas na/ tshe'i spyi tshad de yang

sngar du ma zhig zad snang zhing / lhag la yang snon pa med
par 'brid byed bar ma chad du yod pa'i phyir te/ spyod 'jug
las/ nyin mtshan sdod pa yod med par/ /tshe 'di rtag tu god
'gyur zhing/ /snen pa gung nas 'ong med

@037b na; ;bdag lta 'chi bar cis mi 'gyur/ zhes so/ /de yang
tha ga pa thags 'thag pa dang gsad bya gsod sar gom pa re res
nyer song ba dang phyugs rdzis phyugs rang dbang med par rang
gnas su skyel pa sogs dpe du

ma'i sgo nas bsam zhing/ rgya cher rol pa las kyang/ srid gsum
mi rtag sten ka'i sprin dang 'dra/ /'gro ba'i skye 'chi gar la
lta dang mtshungs/ /'gro ba'i tshe 'gro nam mkha'i glog 'dra
ste/ /ri gzar 'bab chu lta bur myur

mgyogs 'gro /zhes dpe du mas gsungs so/ /des na nang du bsams
pa'i 'phrig tshud pa zhig la phyi'i dngos po thams cad kyis mi
rtag pa mi ston pa med gsung ba ltar yin pas sgo du ma nas lan
mang du bsams na nges pa

skye; cung zad re la ma byung byas pas mi phan te/ ka ma ba'i
zhal nas/ bsams pas ma byung zer te khyed kyis nam bsams nyin
mo ni yeng yeng byed mtshan mo ni gnyid log kyin 'dug na rdzun
ma zer gsung ba ltar ro/ /tshe'i

mthar 'chi bdag gis bcom ste 'jig rten pha rol tu 'gro bar ma
zad de'i bar skabs su yang tshe bri nas mi 'gro ba'i skabs ye
med pas/ mngal du zhugs pa nas bzung ste skad cig tsam yang mi
sdod par phyi mar 'gro bar

kha bltas pa yin no/ /des na bar gyi gson pa yang na rga'i phe
nyas khrid nas 'chi ba'i phyir du 'gro ba kho nar zad pas gson
pa'i skabs la 'jig rten phyi mar mi 'gro ba'i sdod par bzung
nas dga' bar mi bya ste/ dper na

@038a @#/ /brag mthen po'i rtse mo nas lhung ba'i tshe sa la ma
lhung ba'i bar snang la 'gro ba'i skabs la dga' bar mi 'os par
gsungs pa bzhin no/ /de yang bzhi brgya pa'i 'grel par drangs
pa las/ mi yi dpa' bo

thog ma'i mtshan mor ni/ /gang na 'jig rten mngal na gnas gyur
pa/ /de nas brtsams te de ni nyin re zhing/ /'bros bshol med
par 'chi bdag drung du 'gro /zhes so/ /gsum pa ni/ de tsam
thub tu chug kyang long yod

byar mi rung ste/ mngal 'jug las gsungs pa ltar/ dang po byis
pa'i dus lo bcur ni chos sgrub pa'i bsam pa mi rnyed cing/
mthar rgas pa'i skabs lo nyi shu ni chos sgrub pa'i mthu med
la/ de'i bar gyi dus su yang gnyid

kyis phyed 'khyer zhing/ nad sogs kyis kyang dus du ma zhig
zad nas chos byed pa'i skabs cung zad las med do/ /de ltar na
tshe 'di'i phun tshogs thams cad ni rmi lam thun gcig la bde ba
spyad pa sad nas dran pa ltar/ 'chi

ba'i dus su dran pa'i yul tsam du 'gyur la/ 'chi ba'i dgra ni
nges par 'ong na/ tshe 'di'i blo brid la ci'i phyir dga' bar
bya snyam du bsam ste/ chos nges par bya dgos pa la thag bcad
cing zhe dam mang du bya ste/ skyes

rabs las/ kye ma'o 'jig rten nyon mongs dag /gnas pa mi brtan
dga' mi 'gyur/ /ku mu da yi dpal 'di yang/ /dran par bya ba
nyid du 'gyur/ zhes so/ /gnyis pa ni/ de ring phan brgya tshun
la 'chi ba 'ong bar nges

@038b shing de'i bar du zhag gang la 'ong ma nges pas/ de ring
lta bu 'chi mi 'chi gang du yang thag mi chod mod/ 'on kyang
blos 'chi ba'i phyogs bzung nas de ring 'chi snyam pa'i blo
bskyed dgos te/ de ring mi 'chi snyam du blos mi 'chi ba'i

phyogs bzung na/ tshe 'di'i sdod grabs byed byed nas phyi ma'i
grabs byed pa mi 'ong bas/ de'i bar du 'chi bdag gis bzung ste
mya ngan dang bcas bzhin du 'chi dgos so/ /nyi ma re re zhing
'chi grabs byas na phyi ma'i don mang po 'grub

pas ma shi yang de byas pa legs la/ shi na ni khyad par du
yang de dgos so/ /'di la gsum/ 'dzam bu gling pa'i tshe la nges
pa med pas nam 'chi nges med bsam pa/ 'chi rkyen shin tu
mang zhing gson rkyen nyung ba bsam pa/

lus shin tu nyam chung bas nam 'chi nges med bsam pa'o/ /dang
po ni/ sbyir sgra mi snyan pa'i tshe ni nges kyi gzhan rnams
kyis rang rang gi tshe tshad thub pa'i nges pa med na'ang
phal cher nges pa mang la/ 'dzam bu gling pa ni shin tu ma

des pa yin te/ dang por lo dpag med thub pa'ang byung la/ dag
dod la bcu la ring mtha' byed dgos shing da lta yang rgan
gzhon par ma gang la 'chi nges pa mi snang ngo/ /de ltar yang
mdzod las/ 'di na ma nges tha mar ni/ /lo

bcu dang po dpag tu med/ ces so/ /bla ma'am grags la sogs pa
tshe mthar ma phyin par/ glo bur du phyi nang gi 'chi rkyen
gyis shi ba rnams yid la byas la/ bdag kyang de lta bu'i chos
can no snyam du yang yang bsam mo/ /gnyis pa

@039a @#/ /ni; srog 'di la sems yod med kyi gnod pa mang ste/
'di ltar mi dang mi ma yin pa gdon rigs kyis 'tshe ba dang /
dud 'gro'i rigs lus srog la gned pa du mas 'tshe tshul dang / de
bzhin du nang gi nad dang phyi'i

'byung ba rnams kyis gnod tshul zhib tu bsam mo/ /gzhan yang
rang gi lus 'byung ba bzhi las grub dgos la/ de dag kyang phan
tshun gcig la gcig gnod pa byed pas 'byung ba'i khams cha ma
snyoms par 'phel 'grib tu gyur na

nad skyed de/ srog 'phrog pas de dag ni rang dang lhan skyes
su yed pas lus srog brtan brtan ltar snang yang yid brtan med
de/ 'das chen las/ 'chi ba'i 'du shes ni srog 'di rtag tu gra
sdang ba du mas bskor te skad cig re rer

nyams par byed cing 'phel bar byed pa ni gang yang med do/
zhes dang / rin chen 'phreng ba las kyang/ 'chi ba'i bdag
rkyen gyi nang gnas pa/ /rlung dmar nang 'dug mar me bzhin/
zhes so/ /gzhan yang gson pa nyid 'chi ba'i don

du zhugs ba yin pas gson rkyen mang yang de la yid brtan mi
rung ste/ rin chen 'phreng ba las/ 'chi ba'i rkyen ni mang ba
ste/ /gson pa yi ni nyung zad cig /de dag rnams kyang 'chi
ba'i yang/ /de bas rtag tu chos mdzod cig /

ces gsungs so/ /gsum ba ni/ lus chu'i dbu ba ltar shin tu nyam
chung bas gnod pa chen po mi dgos par tsher ma zug pa lta bu re
res kyang snyad 'dogs byas nas srog 'jig pas na/ 'chi rkyen
thams cad kyis

@039b gzhom pa yang shin tu sla ste/ bshes springs las/ sa
dang lhun po rgyu mtsho nyi ma bdun/ /'bar bas bsregs pa'i lus
can 'di dag kyang/ /thal ba yang ni lus bar mi 'gyur na/ /shin
tu nyam chung mi lta smos ci 'tshal/ zhes

so; ;de ltar bsams pa'i mthar 'chi bdag gis lus srog nam 'joms
nges pa med pas long yong mi bya bar da lta nyid nas chos bya
bar thag gcod pa'i zhe dam mang du bya ste/ shrI dza ka ta mi
tras/ sa bdag ji ltar g.yar

po'i lus/ /nad med rgud med bder gnas pa/ /de nyid tshe na
snying bo blang/ /na 'chi rgud pas 'jigs med bgyi/ /gang tshe
na rgas rgud sogs na/ /dran yang de tshe ci bgyir mchis/ zhes
gsungs ba ltar ro/ /rtsa ba gsum gyi

nang nas gal che shos nam 'chi nges med bsam pa 'di nyid yin
pas 'bad bar bya'o/ /gsum pa ni/ de ltar 'jig rten pha rol tu
'gro dgos par mthong ba na/ de'i tshe gnyen nam bshes brtse
zhing gdung ba che bas mtha' bskor

yang gcig kyang 'khrid sa med/ yid du 'ong ba'i nor gyi phung
po ji snyed yod kyang rdul phran tsam yang 'khyer du med de
lhan cig skyes pa'i sha rus kyang 'dor na gzhan lta ci smros/
des na tshe 'di'i phun tshogs thams cad kyis

kyang bdag 'dor la/ bdag gis kyang 'di dag dor nas 'jig rten
gzhan du 'gro ba zhig nges bar 'ong de yang de ring 'ong snyam
du bsam la/ gnyen dang lus dang longs sbyod sogs kyi rkyen
dbang du mi gtang bar chos bya

@040a @#/ /bar thag gcod mang du bya'o/ /des na skye dka' se
byung yang lam gyi gzhi yin pas 'bad dgos te/ po to ba'i gsung
nas nged kyi snang sel mi rtag pa sgom pa 'di yin te nye 'brel
dang yo byad sogs

tshe 'dis snang ba kun bsal nas rang gcig pu gnyis su med par
tshe pha rol tu phyad kyis 'gro bar shes nas chos min pa cis
kyang byar med snyam nas tshe 'di la ma chags pa zhig gdod
'ong/ 'di slo lam skyes bar du

chos thams cad kyi lam 'gags nas 'dug pa yin gsung/ dol ba'i
zhal nas kyang zhar la tshogs bsag pa dang sgrib pa sbyong/ lha
dang bla ma la gsol ba 'debs shing rus shing dang bcas nas nan
tan gyis bsams

na lo brgyar yang mi skye snyam pa zhig kyang 'dus byas so na
mi sdong pas ci zhig ltar la skye ba yin gsung ngo/ /ka ma pa
la dmigs pa spo bar zhus pa na snga ma skyor skad/ 'phro nas
zhus tsa na 'phro ye ma thod pa zhes gsung

so; ;de ltar na bshes gnyen bsten pa dang dal 'byor dang mi
rtag pa'i skor rnams gsung rab dgongs 'grel dang bcas pa gang
na 'dug kyang skabs de dang de'i nyams len du shes nas
bskyangs na rgyal ba'i dgongs pa

bde blag tu rnyed par 'gyur te/ skabs gzhan du yang de ltar
shes par bya'o/ /gnyis pa ni/ de ltar myur du 'chi bar nges
pas tshe 'dir bsdad long med cing shi ba'i 'og tu med de mi
'gro bar skye ba blang dgos so/ /de

@040b yang 'gro ba gnyis las gzhan skye sa med pas bde 'gro'am
ngan 'gror skye'o/ /de yang rang dbang med cing las kyi gzhan
dbang can yin pas/ las dkar nag gis ji ltar 'phangs pa bzhin
skye'o/ /de ltar na bdag ngan song du

skyes na bdag ji 'dra zhig tu 'gyur snyam du ngan 'gro'i sdug
bsngal bsam ste/ klu sgrub kyis/ rab tu tsha zhing grang ba yi/
/dmyal ba nyi ma gcig bzhin dran/ /bkres skom dag gis rid pa
yi/ /yi dwags dag kyang dran par bya/ /

rmongs pa'i sdug bsngal rab mang ba'i/ /phyol song lta zhing
dran par bya/ /de'i rgyu rnams spang bde rgyu sbyad/ /thob
dka' 'dzam gling mi yi lus/ /de thob dus su ngan song rgyu/
/rab tu bsgrims te gcang bar bya/ zhes so/ /de la

'khor ba spyi dang khyad par du ngan 'gro'i sdug bsngal sgom
pa shin tu gnad che ste/ 'di ltar rang nyid sdug bsngal gyi
mtshor lhung ba la bsams na ni yid 'byung bas nga rgyal dang
dregs pa ldog pa dang / sdug bsngal de mi dge ba'i

'bras bur mthong nas sdig ltung la ches shing tu 'dzem pa dang
sdug bsngal mi 'dod pas ni bde ba 'dod la/ de yang dge ba'i
'bras bur mthong nas dge ba sgrub pa la dga' ba dang / rang
nyams la dpags te gzhan la snying rje skye

zhing 'khor ba la yid byung nas thar pa la don gnyer dang /
sdug bsngal gyis 'jigs nas skyabs 'gro shugs drag pa sogs
nyams len gyi gnad du ma zhig 'dus pa'i sdom chen po'o/ /sdug
bsngal gyi yon tan de rnams spyod 

@041a @#/ /'jug tu rang rgyud la byung ba'i sdug bsngal gyi dbang
du byas nas gsungs kyang / sdug bsngal myong bar 'gyur ba la
yang 'dra ba yin no/ /de ltar na ngan 'gro'i sdug bsngal bsam pa
la gsum/ dmyal ba/ dud 'gro/

yi dwags kyi sdug bsngal bsam pa'o/ /dang po la bzhi/ sems can
dmyal ba chen po/ nye 'khor ba'i dmyal ba/ grang ba'i dmyal ba/
nyi tshe ba'i dmyal ba'o/ /dang po ni/ 'di nas dpag tshad sum khri
nyis stong gi 'og na yang

sos yod la/ de nas dpag tshad bzhi stong bzhi stong gis chod pa
na gzhan bdun yod do/ /de ltar brgyad las dang po yang sos ni/
sems can de dag phan tshun 'dus nas las kyi dbang gis byung ba'i
mtshon sna tshogs kyis gcig

la gcig bsnun par byed do/ /de nas brgyal te sa la 'gyel pa na
nam mkha' las khyed rnams yang sos par gyur cig ces sgra 'byung
ngo / /de nas yang langs te sngar bzhin bsnun pas sdug bsngal
dpag tu med pa nyams su

myong ngo / /thig nag ni/ sems can der skyes pa rnams dmyal
srungs rnams kyis zur bzhi la sogs pa du mar thig nag po btab
nas de'i steng du mtshon gyis gsheg pa sogs kyi sdug bsngal myong
ngo / /bsdus 'joms ni/

sems can de rnams gcig tu 'dus pa'i tshe dmyal srungs rnams kyis
lcags kyi ri ra la sogs pa'i gdong pa lta bu gnyis kyi bar du
'tshang ngo / /de nas de ma thag tu de gnyis kyis 'tshir la de'i
tsha sgo thams cad nas khrag

@041b gi klung 'bab bo/ /du 'bod ni/ sems can de dag gnas 'tshol
zhing lcags kyi khang pa'i nang du 'jug go /zhugs pa dang me kun
tu 'bar nas sreg go/ /du 'bod chen po ni/ snga ma dang 'dra ba
la khyad bar ni lcags khang nyis rim mo//

tsha ba ni/ sems can de dag dmyal srungs rnams kyis lcags zangs
dpag tshad du ma yod pa shin tu tsha zhing 'bar bar bcug ste nya
bzhin bsreg cing / lcags kyi gsal shing rab tu 'bar bas 'phongs
nas phug ste spyi bor 'byin pa dang /

kha; mig; sna; rna ba'i bu ga gnyis gnyis dang ba spu'i khung bu
thams cad nas me rab tu 'bar ba dang / lcags kyi sa gzhi 'bar ba
la gan rgyal lam kha spub tu bzhag ste lcags kyi tho ba me rab
tu 'bar bas rdung zhing dmyal bar byed

do; ;rab tu tsha pa ni/ lcags kyi gsal shing rtse gsum pa 'phongs
su bcug ste rtse g.yas g.yon gnyis phrag pa gnyis dang dbus ma
spyi bo nas 'byin to/ /de la brten nas kha la sogs pa'i sgo
rnams su me lce 'bar ba 'byung ngo //

lcags glebs pa tsha zhing rab tu 'bar bas lus dkri zhing lcags
zangs 'gyur byed 'bar bas gang ba'i nang du spyi'u tshugs byas
nas bskol ba na steng 'og thad ka rnams su 'gro'o/ /de'i tshe
phags ba dang sha khrag rnams zhig nas

keng rus 'ba' zhig lus pa'i cho/ yang phyung nas lcags kyis gzhi
la 'grems so/ /de nas pags pa dang sha khrag skyes pa na yang
nang du 'jug go /lhag ma ni tsha ba dang 'dra'o/ /mnar med na ni/
shar phyogs nas sa gzhi dpag

@042a @#/ /tshad brgya phrag du ma yod pa kun tu 'bar zhing mched
pa las me 'bar ba'i shugs 'ong ste/ des sems can de dag gi pags
pa/ sha; rgyus ba; rus pa rnams rim gyis bshig nas rkang la thug
par byed do/ /mar

me'i snying po bzhin du lus thams cad me lce 'bar bas khyab bo/
/phyogs gzhan gsum yang de dang 'dra ste/ phyogs bzhi nas me
'ongs ba der 'dres pas sdug bsngal bar ma chad du myong bas nyam
thag pa'i skad 'byin pas sems

can du shes pa tsam mo/ /lcags kyi zhi ba ma'i nang du lcags kyi
me mdag rab tu 'bar pa 'khrab tu 'jug go /lcags kyis gzhir lcags
kyi ri chen po rnams la 'bab 'dzeg byed du 'jug cing / kha nas
lce phyung ste phur pa brgyas

brgyangs nas glang gi ko pa la byed pa bzhin thang bcad de gnyer
ma dang kham khum med par byed do/ /yang lcags kyi sa gzhi la
gan rkyal du bzhag nas lcags kyi 'byed spyad kyis kha phye nas
lcags kyi thu lum 'bar ba khar 'jug cing /

zangs bskol ba khar blugs nas kha dang lkog ma dang rgyu ma
rnams tshig ste ro smad nas 'byung ngo / lhag ma gzhan ni rab tu
tsha ba bzhin no/ /sdug bsngal de rnams yun ji tsam du myong ba
ni bshes springs las/ de ltar sdug bsngal

shin tu mi bzad lo/ /bya ba phrag brgyar nyams su myong yang ni/
/ji srid mi dge de zad ma gyur pa/ /de srid srog dang 'bral bar
mi 'gyur ro/ /zhes gsungs pa ltar ro/ /de yang mi lo lnga bcu la
rgyal chen rigs bzhi pa'i zhig gcig/

@042b de sum cu la zla ba/ de bcu gnyis la lor byas pa'i lo lnga
brgya ni rgyal chen ris bzhi pa'i tshe tshad yin la/ de thams cad
la zhag gcig/ de sum cu la zla ba/ de bcu gnyis la lor byas pa'i
lo lnga brgya ni dmyal ba yang sos pa'i tshe

tshad do/ /de bzhin du mi lo brgya dang / nyis brgya dang / bzhi
brgya dang / brgyad brgya dang / stong drug brgya ni sum cu rtsa
gsum pa nas gzhan 'phrul dbang byed pa'i bar gyi rim pa bzhin
zhag gcig yin la/ tshe tshad ni lha'i lo stong / nyis

stong ; bzhi stong / brgyad stong / khri drug stong thob bo/ /de
dag ni rim pa ltar thig nag nas tsha ba'i bar gyi zhag re rer
byas pa'i rang lo stong nas khri drug stong gi bar thub la/ rab
tu tsha ba bas ni bar bskal phyed dang / mnar med pas

ni bar bskal gcig thub par mdzod dang sa'i dngos gzhi las gsungs
so/ /gnyis pa ni/ dmyal ba brgyad po de re re la yang rtsig ngos
bzhi bzhi dang sgo bzhi bzhi yod la/ de dag gi phyi rol tu ni
lcags kyi ra bas bskor zhing ra ba

de la yang sgo bzhi bzhi yod do/ /sgro de re re na sems can
dmyal ba lhag pa bzhi bzhi yod da me ma mur gyi 'obs/ ro myags
kyi 'dam mam phyi sa'i 'dam ro ltar mnam pa/ spu gri'i lam sogs
dang / chu klung rab med do/ /de la

dang po ni me mur bus nub tsam yod la sems can de dag gnas 'tshol
du 'gro ba na der rkang pa bzhag pa'i tshe pags pa ngang sha
khrag kun 'jig la bteg pa'i tshe de dag slar skya'o/ /gnyis pa ni
de dang 'dabs chags pa na phyi sa'i

@043a @#/ /'dam ro ltar mnam pa yod pa la sems can gnas 'tshol ba
dag gis brgal ba dang der 'gyel nas mgo man chang bying ste 'dug
go/ /'dam de na 'bu chu rnon zhes bya ba yod pas de dag gis pags
pa dang sha dang

rgyus pa dang rus pa rnams 'bigs shing rkang la gtugs shing 'bru
bar byed do/ /gsum pa ni 'dam de dang 'dabs chags pa na spu
gri'i so gtams pa'i lam yod do/ /sems can gnas 'tshol ba dag der
song ba dang rkang pa bzhag

na ni pags pa dang sha dang khrag gcod la bteg na de dag slar
skye'o/ /de dang 'dabs chags pa na nags tshal ral gri lo ma can
yod de/ /sems can gnas 'tshol ba dag deng song ste de'i grib ma
la brten cing 'khod pa na shing

las ral gri lhags te de dag gis yan lag dang nyid lag gsheg go/
de dag der 'gyel ba na khyi sre po dag 'ongs nas rgyab nas 'thog
cing za'o/ /de dang 'dabs chags pa na lcags kyi shing shal ma
li'i tshal yod do/ /sems can

gnas 'tshol ba dag der song ba dang de la 'dzeg tu 'jug ste/
'dzeg pa'i tshe tsher ma'i rtse kha thur du lta la/ 'bab pa'i tshe
kha gyen du blta ste/ de dag gis yan lag dang nying lag gsheg
go/ /de na khwa lcags kyi mchu can bya ba

yod pas des phrag pa'am mgo po la bsdad nas mig 'bras 'thog cing
za'o/ /de dag ni mtshon cha'i gnod par 'dra bas gcig tu bya'o/
/bzhi pa ni/ shal ma li dang 'dabs chags pa na chu klung rab med
ces bya ba 'gyur byed kyi chu bskol

@043b bas gang ba yod de/ sems can gnas 'tshol ba dag der ltung
nas steng 'og tu 'gro zhing 'tshed pa ni/ dper na zangs chus
bkang ba me chen po sbar ba'i nang du sran ma sogs blugs pa
bzhin no/ /chu klung de'i 'gram gnyis na

lag na dbyug pa dang mchil pa dang rgya bzung ba dag bsdad nas/
phyir 'byung du yang mi ster la mchil pa'am rgyas phyir phyung
nas sa gzhi chen po 'bar ba la gan rkyal du bzhag ste ci 'dod
ces 'dri'o/ /de dag gis bdag gis

ci yang mi shes mi mthong ste/ 'on kyang bkres so skom mo zer ba
na lcags kyi thu lum me rab tu 'bar ba khar 'jug cing zangs
bskol ba khar ldugs so/ /nye 'khor ba dang nyi tshe ba gnyis la
tshe tshad des med du sa'i dngos gzhir bshad

do; ;'on kyang sdug bsngal de dag myong ba'i las kyi nus pa ma
zad pa de srid du sdug bsngal myong bar 'gyur ro/ /gsum pa ni/
sems can dmyal ba chen po brgyad kyi thang so dpag tshad khri
phrag re'i pha rol na yod cing 'di nas

dpag tshad sum khri nyis stong gi 'og na chu bur can yod la/ da
nas dpag tshang nyis stong nyis stong gis chod pa na gzhan bdun
yod do/ /de la brgyad las chu pur can ni/ lhags pa chen pos btab
pas lus thams cad chu bur byung ba bzhin

du 'khums pa'o/ /chu bur rdol ba ni/ chu bur rdol ba bzhin du
'khums ba'o/ /so tham tham pa dang / kyi hud zer ba dang / a
chu zer ba ni/ tshig 'don lugs las btags pa'o/ /utpal ltar gas
pa ni/ ltags pa chen

@044a @#/ /pos btab pas kha dog sdo zhing kha lnga'am drug tu gas
pa'o/ /padma ltar gas pa ni/ sngon po las 'das te dmar por gyur
te kha bcu'am de las mang bar gas pa'o/ /padma ltar cher gas pa
ni/ pags

pa shin tu dmar bar gyur nas kha brgya'am de las kyang mang bar
gas pa'o/ /de dag ni sa'i dngos gzhir bshad do/ /tshe tshad ni/ ma
ga d+ha'i til gyi sbyang khal brgyad cu pa zhig til gyis byur bur
bkang ste/ de nas lo brgya brgya na

til re re phyung bas til de ma lus par zad pa las/ chu bur can
gyi tshe ches ring ba dang / 'og ma rnams kyi tshe ni snga ma snga
ma las nyi shu 'gyur du gsungs so/ /nyi tshe ba'i dmyal ba ni/
tsha dmyal dang grang dmyal gyi nye 'khor na yod cing mi'i

yul na'ang yod par sa'i dngos gzhir gsungs shing / mtsho chen
po'i 'gram dang nye ba na yod par yang lung gzhi las gsungs te
dge 'dun srungs kyi rtogs brjod las 'byung ba bzhin no/ /de ltar
na de dag tu skye ba'i rgyu ni 'og nas

'chad pa ltar shin tu 'byung nye bas nyi ma re re zhing yang
mang po gsog la/ sngar bsags kyang da dung dpag tu med pa yod
pas yid bde bar sdod pa mi rigs pas de dag bsams la 'jigs par
bya ste/ de dag dang bar na dbugs gyu

gyu ba 'di las med pa'i phyir te/ sbyod 'jug las/ dmyal ba yi ni
las byas nas/ /ci phyir 'di ltar bde bar gnas/ zhe dang / bshes
sbrings las kyang / sdig can dbugs 'byung 'gag pa tsam zhig gi
/dus kyi bar du chod

@044b rnams dmyal ba yi/ /sdug bsngal gzhal yas thos nas rnam
stong du/ /mi 'jigs gang lags rdo rje'i rang bzhin no/ /dmyal ba
bris pa mthong dang thos pa dang / /dran dang klags dang gzugs
su bgyis rnams kyang / /'jigs pa skyed

par gyur na mi bzad pa'i/ /rnam smin nyams su myong rnams smos
ci 'tshal/ zhes so/ /sdug bsngal drag pa yang bshes springs las/
bde ba kun gyi nang na sred zad pa/ /bde ba'i bdag po bgyis pa
ji lta bar/ /de bzhin sdug bsngal

kun gyi nang na ni/ /mnar med dmyal ba'i sdug bsngal rab mi
bzad/ /'di na nyin gcig mdung thung sum brgya yis/ /rab tu drag
btab sdug bsngal gang lags pa/ /des ni dmyal ba'i sdug bsngal
chung du la'ang/ /'ol yang mi dbyi

char yang mi phod do/ zhes so/ /de lta bu'i sdug bsngal skyed
pa'i rgyu ni rang gi nyes spyod kho na yin par shes par byas la/
nyes spyod chung dus kyang ma gos pa la rtsal ci yod kyis 'bad
de/ de nyid las/ mi dge'i 'bras 'di rnams

kyis bon ni/ /lus ngag yid kyi nyes spyod khyod kyis ni/ /ci nas
de rdul tsam yang ma mchis pa/ /de ltar nyid kyi rtsal gyis 'bad
par mdzod/ ces so/ /gnyis pa ni/ dud 'gro rnams mthu che bas
chung ba gsod pa dang lha mi'i yo byad

du gyur te/ rang dbang med cing gzhan dbang du gyur pas gsod pa
dang rdag pa dang gnod pa byed la lha mi dang lhan cig rgyu bas
gnas gzhan med par sa'i dngos gzhir bshad/ de dag gi gnas kyi
rtsa brgya mtsho chen po dang gzhan

@045a @#/ /rnams ni de las 'phros pa yin par mdzod 'grel las
bshad do/ /gzhan yang mun pa dang chur skyes shing de dag tu
rgas te 'chi ba dang khur lci bas ngal ba dang rmo ba dang spu
breg pa dang bda' ba dang / gsong lugs kyang

mi 'dra ba du mas nyam thag par byas te/ gsod pa dang / bkres
skom dang nyi lhags kyis gzir ba dang rngon pa sogs kyis sgo du
ma nas gtse bas de dag la dus nam yang 'jigs ye re bas sdug
bsngal ba'i tshul rnams bsams

te skyo zhing yid 'byung bar bya'o/ /tshe tshad ni mdzod las/ dud
'gro rnams/ mchog ring bskal pa'o/ zhes tshe ring bas bskal pa
tsam thub cing thung ba nges med du bshad do/ /gsum pa ni/ ser
sna shas cher bsten pa rnams yi

dwags su skye la/ de dag kyang bkres skom dang ldan pa/ pags pa
dang sha khrag skams sdong dum tshig pa lta bu gdong skras khebs
pa/ kha shin tu skams shing lces ldag pa'o/ /'di la gsum/ zas
skom la phyin sgrib pa yod pa/ zas

skom la nang gi sgrib pa yod pa/ zas skom nyid la sgrib pa yod
pa'o/ /dang po ni/ de dag chu mig dang mtsho dang mtshe'u rnams su
rgyu ba na der sems can ral gri dang mdung dang mdung thung
bzung ba dag gis phyir 'gog par byed pa

dang chu yang rnag khrag tu mthong nas 'thung bar mi 'dod pa'o/
/gnyis pa ni/ kha khab mig tsam yod pa la kha 'bar ba dang wa ba
can dang gsus pa che ba ste/ gzhan gyis gegs ma byas par rang
gis zas skom rnyed du

@045b zin kyang bza' btung mi nus pa'o/ /gsum pa ni/ me lce'i
phreng ba can zhes bya bas ni zos pa dang 'thungs pa thams cad
mer 'bar nas 'tshig la/ ldan ljin za ba zhes bya bas ni bshang
gci za zhing 'thung ba dang mi gtsang

zhing mnam la dring ba dang gnod pa dang smad par bya ba tsam la
bza' btung byed do/ /kha cig ni rang gi sha la bcad cing za la
gtsang ma dang bzang po'i bza' btung sbyod mi nus so/ /gnas ni/
rgyal po'i khab 'jam bu'i gling

'di'i 'og dpag tshad lnga brgyas bcad pa na yod cing/ gzhan ni de
las 'phros par mdzod 'grel las bshad do/ /tshe tshad ni sa'i dngos
gzhi dang mdzod las/ mi rnams kyi zla ba gcig la zhag gcig tu
byas pa'i rang

lo lnga brgya thub par gsungs la/ bshes springs las/ bar chad
med par sdug bsngal bsten gyur pa/ /nyes par spyad pa'i las kyi
zhags pa ni/ /sra bas bcings pa'i lus can kha cig lo/ /lnga
stong dag dang khrir

yang 'chi mi 'gyur/ zhes gsungs te ye dwags kha cig gi tshe tshad
lo lnga stong dang / kha cig gi lo khri yin par 'grel par bshad
do/ /ngan song gsum ga la lus kyi tshad des pa med de/ mi dge
ba'i dbang gis che chung sna tshogs

su sa'i dngos gzhir gsungs so/ /de ltar na ngan 'gro'i sdug
bsngal de rnams pas mas pa na/ da lta me ma mur du lag pa ba cug
nas zhag gcig sdod pa dang / dgun lhags sgang la 'khyags sbubs
su gos med par de tsam du

@046a @#/ /sdod pa dang / zhag kha yar bza' btung med pa dang /
lus la sbrang bu sogs kyis so btab pa tsam yang bzod dka' na/
tsha dmyal/ grang dmyal/ yi dwags/ dud 'gro gcig gis gcig gson
por ming pa'i sdug

bsngal sogs bdag gis ji ltar bzod snyam du/ da ltar gyi nyams la
dpags nas shin tu 'jigs shing skrag pa'i yid kyi 'gyur pa ma
thon bar du bsgom par bya'o/ /da lta rten bzang bas de ltar
bsams na sngar bsags spyong ba

dang phyi ma la 'jug pa nyung du 'gro zhing/ dge ba sngar bsags
'dun pa drag po'i smon lam gyis kha bsgyur bas mang por spel ba
dang / gsar du 'jug pa'i sgo du ma zhig la zhugs pas chog pas
nyi ma re re la yang dal ba don can du byar

yod la/ da lta de rnams ma bsams na ngan 'grong lhung ba'i tshe
'jigs pa de dag skyob pa'i skyabs btsal yang mi rnyed cing de'i
tshe bya ba dang bya ba ma yin pa'i 'dor len la blo'i mthu med
par spyod 'jug las gsungs so/ /gnyis pa

la gnyis/ bstan pa la 'jug pa'i sgo dam pa skyabs 'gro sbyang
ba/ bde legs thams cad kyi rtsa ba yid ches kyi dad pa bskyed
pa'o/ /dang po la bzhi/ gang la brten nas skyabs su 'gro ba'i
rgyu/ de la brten nas skyabs su 'gro ba'i

yul; ci tsam gyis skyabs su song ba'i tshul/ skyabs su song nas
bslab bar bya ba'i rim pa'o/ /dang po ni/ sbyir rgyu mang yang
'dir ni sngar bshad pa ltar tshe 'dir mi sdod par myur du 'chib
dang / shi ba'i 'og tu yang gang du skye la rang

@046b dbang med cing las kyi gzhan dbang can yin la/ las kyang
spyod 'jug las/ ji ltar mtshan mo mun nag sprin rum na/ /glog
'gyu skad cig rab snang ston pa ltar/ /de bzhin sangs rgyas mthu
yis brgya lam na/ /'jig rten bsod nams

blo gros thang 'ga' 'byung/ /de ltas dge ba nyam chung nyid la
rtag /sdig pa stobs chen shin tu mi bzad pa/ zhes gsungs pa ltar
dkar po'i las stobs chung zhing nag po'i las shin tu stobs che
bas ngan 'gror ltung ba'i tshul bsams

pas ngan 'gras 'jigs shing dkon mchog la de las skyob pa'i nus
pa yod ches pa gnyis yin no/ /des na de gnyis tshig tsam du song
na skyabs 'gro yang de dang 'dra la/ de gnyis shugs drag la
brtan pa zhig yod na skyabs

'gro yang yid 'khul ba zhig 'ong bas rgyu gnyis la 'bad par
bya'o/ /gnyis pa la gnyis/ yul ngos bzung ba/ de skyabs su 'os
pa'i rgyu mtshan no/ /dang po ni/ bstod pa brgya lnga bcu pa las/
gang zhig la ni nyes pa kun//gtan

nas yod ye mi mnga' zhing/ /gang la rnam pa thams cad du/ /yon
tan thams cad gnas gyur pa/ /gal te sems shig yod na ni/ /de
nyid la ni skyabs 'gro zhing/ /de bstod de ni bkur ba dang / /de
yi bstan la gnas pa'i rigs/

zhes gsungs pa ltar skyabs dang skyabs ma yin pa 'byed pa'i blo
zhig yod na ni slu pa med pa'i skyabs sangs rgyas bcom ldan 'das
la skyabs su 'gro bar rigs so/ /des ni chos dang dge 'dun dkon
mchog kyang mtshon pa yin te/ skyabs

@047a @#/ /'gro bdun cu pa las/ sangs rgyas chos dang dge 'dun
ni/ /thar pa 'dod pa rnams kyi skyabs/ zhes so/ /gnyis pa ni/
rang nyid 'jigs pa thams cad las 'grol/ gzhan 'jigs pa las sgrol
ba'i thabs la

mkhas/ kun la thugs rje chen po nye ring med par 'jug /phan
btags ma btags thams cad kyi don mdzad pa zhig skyabs su 'os la/
de yang sangs rgyas kho na la yod kyi dbang phyug sogs la med
pas de nyid skyabs yin la/

de'i phyir des bstan pa'i chos dang nyan thos kyi dge 'dun yang
skyabs su 'os so/ /des na bsdu ba nas gsungs pa 'di rnams la
nges pa drangs nas rtse gcig pa'i blo ltos 'cha' nus na mi skyob
pa mi srid pas snying thag pa nas

nges pa bskyed par bya ste/ rang skyob pa la rgyu gnyis las
phyi'i rgyu ma tshang ba med par ston pas bsgrubs zin kyang nang
gi rgyu blo bkal nas skyabs su 'dzin pa ma byung bas sdug bsngal
ba yin pa'i phyir ro/ /gsum pa la bzhi/

yon tan shes pa/ khyad par shes pa/ khas blangs pa/ gzhan du mi
smra bas skyabs su song ba'o/ /dang po ni/ skyabs kyi yon tan
dran dgos pas de la gsum/ sangs rgyas kyi yon tan/ chos dang
/dge 'dun gyi yon tan

no; ;dang po la bzhi/ sku'i yon tan/ gsung gi yon tan/ thugs kyi
yon tan/ 'phrin las kyi yon tan no/ /dang po ni/ sangs rgyas kyi
mtshan dang dpe byad rnams dran par byed pa ste dpe la bstod pa
las/ khyod sku mtshan

@047b gyis spras gyur pa/ /mdzes gyur mig gi bdud rtsi ni/
/sprin med ston gyi nam mkha' la/ /skar ma'i tshogs kyis spras pa
'dra/ /thub pa gser gyi mdog ldan pa/ /chos gos kyis g.yogs
mdzes gyur pa/ /gser gyi ri bo'i

rtse mo ni/ /mtshams kyi sprin gyis dkris pa 'dra/ /mgon khyod
rgyun gyis ma brgyan yang/ /zhal gyi dkyil 'khor mdangs gang
yin/ /zla ba'i dkyil 'khor rgyas gyur pa/ /sprin dang bral
la'ang de ma mchis/ /khyod kyi zhal gyi padma

dang; ;padma nyi mas kha bye ba/ /bung bas mthong na padmar ni/
/the tshom dpyang thag la 'jug 'gyur/ /khyod zhal gser gyi mdog
ldan par/ /tshems dkar mdzes par gyur pa ni/ /gser gyi ri gseb
ston ka yi/ /zla brer dri med

zhugs pa 'dra/ /mchod 'os khyod kyi phyag g.yas ni/ /'khor lo'i
mtshan gyis mdzes gyur pa/ /'khor bas skrag pa'i mi rnams la /
/phyag gis dbugs 'byin mdzad pa lags/ /thub khyod gshegs par
gyur pa'i tshe/ /zhabs

gnyis dpal gyi padma 'dras/ /sa gzhi 'di ni bris gyur pa/ /padma
can gyi ji ltar mdzes/ zhes gsungs pa ltar dran par bya'o/
/gnyis pa ni/ 'jig rten gyi khams kyi sems can gang yong kyis
dus gcig tu dri pa mi 'dra ba re re

nas dris kyang sems kyi skad cig gcig dang ldan pa'i shes rab
kyi bzung nas/ gsung gcig gis dri ba thams cad kyi lan mdzad
cing/ de rnams kyis kyang rang rang gi skad du go bar 'gyur ba
shin tu rmad du byung ba'i tshul

@048a @#/ /sems pa ste/ bden pa po'i le'u las/ 'di ltar sems can
kun gyis nges pa'i tshig /mang po dag gis dus gcig zhu zhus na/
/sems kyi skad cig gcig la thugs chud nas/ /gsung dbyangs gcig
gis

so sor lan kyang 'debs/ /de lta bas na 'dren pa 'jig rten na/
/tshangs pa'i sgra dbyangs gsung sgrog mkhyen par mdzod/ /de ni
lha mi sdug bsngal mthar 'byin pa'i/ /chos kyi 'khor lo rab tu
bskor ba mdzad/ ces gsungs pa'i

tshul gyis sems pa'o/ /gsum pa la gnyis/ mkhyen pa'i yon tan/
brtse ba'i yon tan no/ /dang po ni/ shes bya ji ltar ba dang ji
snyed pa thams cad la lag mthil du skyu ru ra bzhag pa ltar
mkhyen pa thogs pa mi mnga' bar 'jug

pas; shes bya mtha' dag la thub pa'i mkhyen pas khyab kyi de las
gzhan pa rnams kyi ni shes pya rgya che la/ shes pa rgya chung
bas ma khyab pa yin no/ /de yang bsngags 'os bsngags bstod las/
khyod 'ba' zhig gi ye shes kyis//

shes bya mtha' dag khyab lags kyi/ /khyod las gzhan pa thams cad
kyi/ /shes bya kho na lhag pa lags/ zhes dang / bcom ldan dus
kun rtogs pa'i chos/ /rnam kun 'byung gnas thams cad ni/ /phyag
mthil skyu ru ra lta bur//

khyod kyi thugs kyi spyod yul gyur/ /chos rnams g.yo dang mi
g.yor bcas/ /gcig dang sna tshogs so so la/ /mkha' la rlung dag
rgyu ba bzhin/ /khyod kyi thugs dag thogs mi mnga'/ zhes gsungs
pa ltar bsam pa'o/ /gnyis pa ni/

@048b sems can rnams nyon mongs pas rang dbang med par bcings pa
bzhin du thub pa yang snying rje chen pos rang dbang med par
bcings bas 'gro ba rnams sdug bsngal ba gzigs pa na thugs rje
chen po rgyun chad med par skye ste/ brgya lnga

bcu pa las/ 'gro ba 'di dag thams cad ni/ /khyad med nyon mangs
rnams kyis bcings/ khyod ni 'gro ba'i nyon mongs dag /dgrol slad
yun ring thugs rjes bsngams/ /dang por khyod la phyag bgyi'am/
/'on te gang gis 'khor bar khyod/ /

skyon mkhyen yun ring de lta bur/ /bzhugs mdzad thugs rje che la
bgyi/ zhes dang /bden pa po'i le'u las kyang/ gti mug mun pa mun
nag gis rtag tu/ /sems ni bsgribs par gyur pa'i skye dgu dang /
/'khor ba'i btson rar chung

par rnam gzigs na/ /drang srong dam pa de ni thugs rje skye/
zhes gsungs pa ltar dran pA/ /bzhi pa ni/ sku gsung thugs kyi
'phrin las lhun gyis grub pa dang rgyun mi 'chad pa gnyis kyis
sems can thams cad la phan 'dogs

par mdzad pa'o/ /de yang gdul bya'i bas nas bkrir rung na thub
pas gdul bya de phun tshogs dang ma sprad pa dang rgyud pa las ma
drangs pa med pas/ bgyi bar 'os pa thams cad nges par mdzad par
gsungs so/ /po to ba'i zhal nas/

yang yang bsams na yid je ches dang rgyud je dag tu song nas
byin rlabs 'byung/ de la nges shes rnyed pas snying thag pa nas
skyabs su song ste de'i bslab bya la slob tsam na ci byas thams
cad sangs rgyas kyi chos bya ba zhig tu 'gyur ba

@049a @#/ /yin te/ 'o skol sangs rgyas kyi mkhyen pa la mo ma rno
shos tsam du yang mi rtsi gsung ngo/ /mo ma rno shos gcig gis da
lo khyod la rtsub chags me dang shes zer na bde 'bol gyis 'gro
/de na red lo chags che 'di

tsug gyis 'di ma byed zer na 'bad nas sgrub/ ma grub na 'di skad
zer ba ngas ma grub snyam nas blo mi bde pa byed/ sangs rgyas
kyis 'di dang 'di gyis 'di dang 'di bsgrub po zhes bcas pa la
blo 'gel lam ma grub na blo mi bde pa 'ong ngam/

chos nas de skad bshad de da lta yul dus kyis de tsug mi btub
'di tsug byed dgos zer nas/ sangs rgyas kyi gsung ras su bor nas
rang shes shig gi thog tu 'gro ba yin gsung ste/ ma brtags nyams
dga' ba tshig tsam la 'khrul

ba min pa yid nang du log nas zhib tu brtags na shin tu mad par
snang ngo/ /des na sangs rgyas kyi yon tan yang yang bsams la
snying thag pa nas nges pa ci 'drongs la 'bad de de byung na/ de
gang las byung ba'i chos dang chos de sgrub

pa'i dge 'dun la yang nges pa de dang 'dra ba re 'ong bas skyabs
'gro gnad du 'gro la/ de min na ni lam gzhan lta zhog skyabs su
'gro ba yid 'khul ba 'ong sa med do/ /gnyis pa ni/ sangs rgyas
la gus pa rgyu mtshan du byas te/

sangs rgyas yon tan mtha' yas pa can 'di ni lung rtogs kyi chos
'gog pa dang lam gyi bden pa skyon spang pa dang yon tan sgrub
pa'i bdag nyid can mngon du byas pa dang bsgoms pa las byung
pa'o/ /snyam du dran par byas te/ chos

@049b yang dag par sdud pa'i don no/ /gsum pa ni/ gtso bo 'phags
pa'i gang zag rnams yin la/ de yang chos kyi yon tan dran te de
tshul bzhin du sgrub pa'i sgo nas dran par byed de chos yang dag
par sdud pa'i don no/ /gnyis pa ni/

bsdu pa nas 'byung ba ltar dkon mchog gsum nang phan tshun gyi
khyad par shes nas skyabs su 'gro ba'o/ /gsum pa ni/ sangs rgyas
la skyabs ston pa dang chos myang 'das la skyabs dngos dang /
dge 'dun la skyabs sgrub

pa'i grogs su bzung ba'i sgo nas skyabs su 'gro pa ste 'dul ba
rgya cher 'grel las 'byung ba ltar ro/ /bzhi pa ni/ nang pa dang
phyi pa'i ston pa dang bstan pa dang de la slob ba rnams kyi
mchog dman shes nas dkon mchog

gsum kho na la skyabs su 'dzin gyi de dag dang mi mthun pa'i
ston pa sogs la skyabs su mi 'dzin pa'o/ /de gnyis kyi khyad par
la ston pa'i khyad par ni/ sangs rgyas ni skyon med cing yon tan
rdzogs la/ gzhan gyi ston pa

ni de las bzlog pa ste/ khyad par 'phags bstod las/ bdag ni ston
pa gzhan spangs nas/ /bcom ldan khyod la bdag skyabs mchis/ /de
ci'i slad du zhe na khyod/ /skyon mi mnga' la yon tan ldan/ zhes
dang /mu stegs

gzhan gyi gzhung lugs la/ /ji lta ji ltar rnam bsams pa//de lta
de ltar mgon khyod la/ /bdag gi sems 'di dad par gyur/ /de ltar
thams cad mkhyen min pa'i/ /grub mtha'i skyon gyis brlag sems
ldan/ /bsam brlag

@050a @#/ /rnams kyis skyon med pa'i/ /ston pa khyod kyang mi
mthong ngo/ /zhes gsungs pa ltar ro/ /bzhi pa la gnyis/ so so'i
bslab bya/ thun mong gi bslab bya'o/ /dang po la gnyis/ dgag pa
dang /sgrub pa'i bslab

bya'o; ;dang po ni/ myang 'das las/ gang zhig gsum la skyabs
'gro ba/ /de ni yang dag dge bsnyen te/ /nam du'ang lha ni gzhan
dag la/ /skyabs su song ba ma yin no/ /dam pa'i chos la skyabs
'gro pa/ /'tshe zhing gsod

pa'i sems dang bral/ /dge 'dun la yang skyabs 'gro ba/ /mu stegs
can dang 'grogs pa min/ zhes gsungs pa ltar lha gzhan la skyabs
su mi 'gro ba dang /sems can la gnod 'tshe spong ba dang /mu
stegs can dang mi 'grogs

pa gsum mo/ /de la dang po ni/ 'jig rten pa'i lha drag po dang
khyab 'jug sogs la'ang phugs kyi skyabs su mi 'dzin na/ yi dwags
su gyur pa'i gzhi bdag dang klu la lta ci smos/ de yang skyabs
gsum la yid ma ches nas de dag la

blo 'gel na mi rung ba yin gyi/ de dag la 'phral gyi chos ldan
gyi bya ba 'ga' zhig gi grogs 'chol ba mi rung ba min no/ /dper
na sbyin bdag la 'tsho ba'i grogs 'chol ba dang /sman pa la nad
gsol ba'i re ltos 'cha' ba bzhin

no; ;gnyis pa ni mi dang dud 'gro sogs la rdeg pa 'ching ba go
rer gzhug pa/ sna 'bugs pa mi theg bzhin du 'gel ba sogs bsam pa
dang sbyor bas gnod 'tshe spong pa'o/ /gsum pa ni dkon mchog gsum
la skyabs su

@050b yid mi ches shing skur bar byed pa rnams dang mthun par mi
byed pa'o/ /gnyis pa ni/ sangs rgyas kyi sku gzugs ri mor bris
pa legs nyes ci 'dra zhig la'ang dpyas mi gdags shing 'o brgyal
sar mi gzhag /gta' mar

'jog pa sogs mi gus pa dang brnyas thabs spangs nas/ ston pa
ltar bkur ba'i zhing du bzung ste bshes springs las/ ji ltar bde
gshegs sku gzugs shing las kyang/ /bgyis pa ci 'dra'ang rung ste
mkhas pas mchod

ces gsungs so/ /lung rnam 'byed las/ shed bu ser skyas slob pa
dang mi slob pa'i dge 'dun rnams la glang po'i mgo can khyod
kyis chos sam chos ma yin pa ci shes zhes pa sogs ngan smras mi
'dra ba bco brgyad byas pas/

mgo brnyan mi 'dra ba bco brgyad yod pa'i chu srin nya'i rigs su
skyes te/ ston pa 'od srungs kyi dus nas shAkya'i rgyal po'i
bar du dud 'gror bsdad par gsungs pa dang / lung phran tshegs
las/ ston pa 'khor ba 'jig mya ngan

las 'das rjes su/ rgyal po mdzes ldan gyis mchod rten chen po
zhig byed du bcug pa na gla mi zhig gis 'di lta bu'i mchod rten
chen po nam zin par 'gyur ma shes so zhes lan gnyis su 'phyas pa
la/ phyis legs par zin pa

na 'gyod de/ gal rngan gyis gser gyi dril bu byed du bcug ste
mchod rten la btags pas/ mdog ngan zhing lus chung la skad snyan
pa'i snyan pa bzang ldan du skyed par gsungs pas/ skur gzugs la
'di ni 'di 'dra'o zhes mi smra zhing sku

@051a @#/ /gzugs rgyu bzang po dang chen po sgrub pa la 'phya
ba dang / de las ldog pa'i kha gtogs sogs byar mi rung ngo/
/rnal 'byor pa chen pos jo bo la 'jam dbyangs kyi sku zhig
gzigs su phul nas 'di

legs nyes ci 'dra legs na rong pa 'gar dges byin pa'i gser zho
bzhin byin nas len pa lags zhus pas/ jo bo'i zhal nas rje
btsun gyi sku la mi legs pa med lha bzo ni 'bring gsung nas
spyi bor bzhag /bzo

zin pa kun la'ang de ltar mdzad skad/ chos tshig bzhi pa zhig
yan chad la yang ma gus pa spang zhing glegs bam gta' mar 'jug
pa/ zong du byed pa sa sgre bo dang 'o brgyal sar 'jog pa/
lham dang sbrags te 'khur ba dang

'gom yugs sogs spangs te chos dkon mchog ltar gus par byed do/
/dge bshes spyan snga pa gsung rab gdan drangs pa mthong pa na
thal mo sbyar nas ldang / phyis lngang ma nus pa na thal mo
sbyor skyad/ jo bo mnga' ris

su byon pa na sngags pa zhig khong la chos mi nyan pa la/ yig
mkhan zhig gis so drag gis chos la skud pa gzigs nas jo bos ma
bzod par a tsam mi rung mi rung gsungs pas sngags pa de dang
de chos nyan skad/

sha ra ba'i zhal nas rang cag chos la rtsed mo ci yang byed
par 'dug ste/ chos dang chos smra ba la ma gus pa shes rab
'chal ba'i rgyu yin/ rmongs pa da lta'i 'dis chog 'di las
rmongs pa na ci btub gsung ngo //

@051b dge 'dun nam rab byung gi rtags tsam 'dzin pa la yang mi
gshe zhing mi brnyas pa dang / khyed dang nged kyi tsho zhes
ris su bcad nas dgrar lta ba rnam pa thams cad du mi bya bar
dge 'dun dkon mchog ltar gus par

byed de lhag bsam bskul ba las/ yon tan 'dod pa nags na gnas
pa yis/ /pha rol dag gi skyon la brtag mi bya/ /bdag ni khyad
par 'phags shing bdag mchog ces/ /de snyam du ni sems bskyed
mi bya'o/ /rgyags

'di bag med kun gyi rtsa ba ste/ /dge slong dman la brnyas par
yong mi bya/ /bskal pa gcig gis thar pa thob mi 'gyur/ /'di ni
bstan pa 'di la go rim yin/ zhes so/ /dge bshes ston pa dang
rnal 'byor pa chen pos lhan

pa ser po re 'gom pa'i sar yod pa yang mi 'gom par sbrugs nas
gtsang sar skyel ba'i phyag len ltar bslab ste/ rang nyid dkon
mchog la gus pa de tsam du 'gro ba rnams kyang rang la ches
cher gus par 'gyur ba'i phyir te/ ting

'dzin rgyal po las/ ci 'dra ba yi las byas pa/ /'bras bu de
'dra thob par 'gyur/ zhes so/ /gnyis pa la drug /dkon mchog
gsum gyi khyad par dang yon tan rjes su dran pas yang du
skyabs su 'gro ba/ bka'

drin chen po rjes su dran pas dus rtag tu mchod pa la brtson
zhing bza' ba dang bca' ba'i phud kyang dbul ba/ snying rje
chen po rjes su dran pas 'gro ba gzhan yang tshul 'di lta bu la
'god pa/ bya ba gang byed pa dang dgos

@052a @#/ /pa ci yod pa na dkon mchog gsum la mchod nas gsol ba
'debs shing 'jig rten pa'i thabs gzhan sbong ba/ phan yon shes
nas nyin lan gsum mtshan lan gsum du skyabs su 'gro ba/ dkon
mchog

gsum srog gam bzhad gad kyi phyir yang mi gtong zhing srung
ba'o/ /dang po ni/ sngar bshad pa ltar phyi nang dang dkon
mchog gsum nang phan tshun gyi khyad par dang de dag gi yon tan
yang yang sems pa'o/ /gnyis pa

ni; rang la bde legs gang byung thams cad dkon mchog gi drin
du shes par byas la byas pa gzo ba'i bsam pas mchod par bya'o/
/bza' btung rgyun du bya dgos pas de'i tshe de dag gi phud kyis
mchod pa ma chag

na'ang tshogs mang po tshegs chung dus rdzogs pas chu yan chad
gang la longs spyod pa'i phud kyis kyang snying thag pa nas
mchod par bya'o/ /de yang sha ra ba'i zhal nas/ thud kyi sngo
sa dang lo ma'i ser sa lta bu nas ma yin gyi gang

bzang ba nas bya dgos la/ ja phud sun re la 'bul ba kun gyis
kyang rdul sel ba 'dra ba ras mi 'ong zhes gsung ngo/ /dper na
zhing sa gshin pa zhig la sa bon 'debs dus su ma btab par ldus
pa 'dran de 'jog mi phod

pa ltar/ 'di phyi'i bde legs thams cad 'byung ba'i zhing sa dam
pa dus bzhi thams cad du rgyun chad med par bde legs ki sa bon
btab pas chog pa 'di la yang dad pa'i gshol gyis bsod nams kyi
zhing rmed par gyur

@052b cig cas mdo las gsungs pa ltar bya rgyu ma byung na ches
shin tu phangs pas/ zhing gi mchog la tha mal pa'i zhing gi
mthong tsam yang med pa 'di'o skol stangs bzang bar mi 'dug
pas dkon mchog mchod pa la dus thams cad du

brtson par bya'o/ /de ltar byas na zhing dam pa la dge rtsa
bskrun pa'i mthu las lam gyi rim pa rnams la blo'i mthu je
rgyas su 'gro bas mnyan na tshig mi zin bsams na don mi go
/bsgoms na rgyud la mi skye ba'i blo mthu shin tu chung

ba'i dus su zhing gi mthu la brten pa ni man ngag yin no/
/mchod pa yang dngos po la ma 'thogs rang gi dad pa la 'thogs
pa yin gsung ba ltar dad pa yod na maNDal dang chu dang blos
ma bzung ba'i mchod pa sogs kyis mchod

pas chog pas zang zing med kyang de ltar bya/ yod bzhin du
gtong mi nus par/ bdag ni bsod nams mi ldan bkren chen te/
/mchod pa'i nor gzhan bdag la cang ma mchis/ zhes zer ba ni/
po to ba'i zhal nas/ dung por

dri ma can cig tu spang spos re btab nas tsan dan ga pur spos
kyi chu/ zhes dmus long gis mig ldan la mgo skor byed gsung ba
dang 'dra'o/ /phu chung ba'i zhal nas ngas dang po spang spos
sna tsha ting nge ba phul/ de nas reng bu bzhi sbyor

mngar sing ba dbul rgyu byung/ da lta a ka ru dang du ru ka
sogs dri bsung ching de ba 'bul gsung ba ltar mchod pa chung
du la brnyas nas ma phul na tshe rangs po de 'dra zhig tu 'gro
la/ chung rim nas nan tan bskyed na je bzang du 'gro

@053a @#/ /bas khong gi phyag len ltar bslab ste/ khong gis res
gcig la gser srang nyi shu rtsa gnyis kyi spos sbyar skad/ yo
byad la dbang thob pa'i sems dpa' chen po rnams kyis lus 'bum
phrag du mar sprul pa dang /

lus re re la yang lag pa brgya stong la sogs par sprul te
zhing thams cad du byon nas rgyal ba rnams la bskal pa du mar
mchod pa mdzad na/ yon tan ltar snang res chog shes pa dag kho
bo ni de lta bu la byang chub mi re zhes

smra ba ni chos rgyus shin tu chung ba'i cal col lo/ /dkon
mchog sprin las/ mdo sde rnams las mchod pa dang rim gro bya
ba rgya chen po gang yin pa de lta bu dag mnyan cing de dag
snying thag pa nas lhag pa'i bsam pa mchog gis sangs

rgyas dang byang chub sems dpa' rnams la bsngo'o/ zhes gsungs
pa ltar bya'o/ /gsum pa ni/ sems can gzhan yang cu nus kyis
skyabs su 'gro ba la brtse bas 'god pa'o/ /bzhi pa ni/ bya ba
ci 'dra zhig byed pa dang dgos 

pa ci 'dra ba zhig mthong yang dkon mchog gsum la brten pa
dang / de dag dang rjes su mthun pa'i dkon mchog mchod pa sogs
bya yi/ de dag dang mi mthun pa'i bon la sogs pa la rnam pa
thams cad du brten du

mi rung bas dus thams cad du dkon mchog la blo khel bar bya'o/
/lnga pa la brgyad/ nang pa sangs rgyas par tshud pa/ sdom pa
thams cad kyi rten du 'gyur ba/ sngon bsags pa'i las sgrib
rnams bsrabs shing zad par

@053b 'gyur ba/ bsod nams rgya chen po gsog pa/ ngan 'gror mi
ltung ba/ mi dang mi ma yin gyi bar chad kyis mi tshugs pa/ ci
bsams pa thams cad 'grub pa/ myur du 'tshang rgya ba'o/ /dang
po ni/ spyir phyi nang la 'jog tshul

mang du snang na'ang jo bo dang shAnti pa skyabs 'gros 'byed
par grags pas skyabs 'gro thob la ma btang ba la bya'o/ /des
nas sangs rgyas par tshud pa la dkon mchog gsum la snying thab
pa nas ston pa la sogs

par 'dzin pa dgos kyi de med na dge ba gang byas kyang sangs
rgyas par mi tshud do/ /gnyis pa ni/ mdzod 'grel las/ skyabs su
'gro ba rnams ni sdom pa yang dag par blang ba thams cad la
sgor gyur pa yin no/ zhes

dang ; skyabs 'gro bdun cu pa las kyang/ dge bsnyen gsum la
skyabs 'gro ba/ /de ni sngom brgyad rtsa ba yin/ zhes gsungs
te skyabs 'gros myang 'das kyi bsam pa brtan par byed cing de
las sdom pa skye ba la dgongs

so; ;gsum pa ni/ bslab btus su skyabs 'gros sdig pa 'dag par
ston pa'i skabs su 'dir phag gi rtogs brjod dper bya'o/ zhes
gsungs pas phag tu skye bar 'gyur ba'i lha'i bus skyabs 'gro
byas pas der ma skyes

pa lta bu'o/ /gang dag sangs rgyas skyabs dong ba/ /de dag
ngan 'gror 'gro mi 'gyur/ /mi yi lus ni spangs nas su/ /de dag
lha yi lus 'thob bo/ /zhes chos dang dge 'dun la yang de ltar
gsungs so/ /bzhi pa ni/ phar phyin bsdus

@054a @#/ /pa las/ skyabs song bsod nams gzugs yod na/ /khams
gsum 'di yang snod du tshungs/ /rgya mtsho chen po chu yi gter/
/phul gyis bcal bar gzhal mi nus/ zhes gsungs pa ltar ro/
/lnga pa

ni; snga mas shes par bya'o/ /drug pa ni/ go sla'o/ go sla'o/
/bdun pa ni/ chos ldan gyi bya ba gang sgrub pa'i thog mar
dkon mchog la mchod de skyabs su song nas gsol ba btab pa de
blag tu 'grub pa'o/ /brgyad pa ni/ seng ges

zhus pa las/ dad pas mi khom spong bar 'gyur/ zhes gsungs pa
ltar dal pa khyad par can rnyed cing skyabs dang mjal nas lam
khyad par can la slob la/ des ni ring po mi thogs par 'tshang
rgya'o/ /de lta bu'i phan yon

dran pas nyin lan gsum mtshan lan gsum du skyabs 'gro bya'o/
/drug pa ni/ lus srog longs spyod ni gdon mi za bar 'bral bas
de dag gi phyir du dkon mchog btang na ni tshe rabs kun tu sdug
bsngal brgyud mar 'byung ba'i

phyir ci la bab kyang skyabs mi btang ngo snyams dam 'cha'
zhing/ bzhad gad tsam gyi phyir du yang skyabs gtong ba'i tshig
smra bar mi bya'o/ /phyogs gar 'gro yang de'i de bzhin gshegs
pa la skyabs su 'gro ba la bslab ces pa'i

bslab bya zhig gong ma rnams gsung ste khungs ma mthong ngo/
/de ltar thun mong gi bslab bya drug ni lam sgron 'grel par
'byung ba bzhin yin la/ so so'i bslab bya dang po gsum ni mdo
sde las bshad cing phyi ma gsum ni skyabs

@054b 'gro yan lag drug pa las 'byung ngo/ /bslab bya de dag
dang 'gal pa la nyams pa dang gtong ba'i rgyur 'gyur tshul ni/
srog gi phyir yang mi gtong ba dang 'gal ba ni skyabs 'gro
gtong ba dngos yin la/ de bzhin du dkon

mchog gsum ma btang yang de dag dang mi mthun pa'i ston pa
sogs gsum la gnyis 'dzin byed na yang gzhan du mi smra ba dang
'gal zhing skyabs la blo ma khel bas gtong la/ de dag ma byung
na bslab bya dang 'gal ba tsam

yin gyi gtong ngo rgyu min par sems so/ /de ltar na skyabs su
'gro ba ni sangs rgyas kyi bstan pa la 'jug pa'i sgo chen po
yin zhing/ skyabs 'gro chig tsam min pa yod na mthu phul du
byung ba la brten pa yin pas phyi nang gi bar

chad kyi mi rje ba dang / yon tan gyi khyad par rnams bskyed
sla zhing nyams dka' bas gong nas gong du 'phel bar 'gyur bas
sngar bshad pa ltar 'jigs pa dang yon tan dran pa sogs kyi sgo
nas/ skyabs su bzung zhing

de'i bslab bya las mi 'da' bal 'bad pa gnad du che'o/ /gnyis pa la
gsum/ las 'bras spyir bsam pa/ bye brag tu bsam pa/ bsam nas 'jug
ldog bya tshul/ dang po la gnyis/ spyir bsam tshul dngos/ so

sor phye ste bsam pa'o/ /dang po la bzhi/ las nges pa'i tshul/
las 'phel che ba/ las ma byas pa dang mi phrad pa/ las byas pa
chud mi za pa'o/ /dang po ni/ so so skye bo dang 'phags pa
gang yin kyang tshor pa sim

@055a @#/ /pa'i rnam pa can gyi bde ba tha na sems can dmyal
bar skyes pa na rlung bsil ba langs pa la brten nas skyes pa
yan chad thams cad ni sngon dge ba'i las bsags pa las 'byung
gi /mi dge ba'i las las

bde ba 'byung ba ni gnas med la/ tshor ba gdung ba'i rnam pa
can gyi sdug bsngal tha na dgra bcom pa'i rgyud la skyes pa
man chad thams cad sdon mi dge ba bsags pa las 'byung gi dge
ba'i las las sdug bsngal 'byung

ba ni gnas med de/ rin chen phreng ba las/ mi dge ba las sdug
bsngal kun/ /de bzhin ngan 'gro thams cad do/ /dge las bde
'gro thams cad dang / /skye ba kun tu bde ba dag /ces so/
/de'i phyir bde sdug rnams ni rgyu

med dang gtso bo dang dbang phyug sogs mi mthun pa'i rgyu las
byung ba yang min par dge mi dge'i las spyi las bde sdug spyi
dang / bde sdug gi khyad par sna tshogs pa rnams kyang las
gnyis kyi khyad par sna tshogs las

cung zad kyang ma 'chol bar so sor 'byung ba'i las 'bras nges
can nam mi slu ba la nges pa rnyed pa ni/ sangs rgyas pa thams
cad kyi yang dag pa'i lta bzhes pa dkar chos thams cad khyi
gzhir bsngags pa'o/ /gnyis

pa ni; las dge ba chung du las kyang 'bras bu bde bshin tu che
ba 'byung la/ las mi dge ba chung du las kyang 'bras bu sdug
bsngal shin tu chen po 'byung bas nang gi rgyu 'bras kyi 'phel
'dra ba ni phyi rol gyi rgyu 'bras la med do//

@055b de yang tshoms las/ sdig pa chung du byas pas kyang/
/'jig rten pha rol 'jigs chen dang / /phung krol chen po byed
'gyur te/ /khong par song ba'i dug bzhin no/ /bsod nams chung
du byas pas kyang/ /'jig rten pha rol bde

chen 'dren/ /don chen dag kyang byed 'gyur te/ /'bru rnams
phun tshogs smin pa bzhin/ zhes so/ /gsum pa ni/ bde sdug myong
ba'i rgyur gyur pa'i las ma bsags na las de'i 'bras bu bde
sdug gtan mi myong ba ste/ ston

pas tshogs grangs med pa bsegs pa'i 'bras bu la spyod pa rnams
kyis kyang de'i rgyu thams cad bsag mi dgos kyang cha gcig
bsag dgos so/ /bzhi pa ni/ las dge mi dge byas pa rnams kyis
yid du 'ong mi 'ong

gi 'bras bu 'byin pa ste/ khyad par 'phags bstod las/ bram ze
rnams ni dge sdig dag /byin pa len bzhin 'pho bar smra/ /khyod
kyis byas chud mi za dang / /ma byas pa dang 'phrang med
gsungs/ zhes dang /ting

'dzin rgyal po las kyang/ de yang byas nas rag par mi 'gyur
min/ /gzhan gyis byas pa tshor bar 'gyur ba'ang med/ ces dang /
lung las kyang/ las rnams bskal pa brgyar yang ni/ /chud mi za
ba'ang tshogs dang dus//

rnyed na lus can rnams la ni/ /'bras bu dag tu 'gyur ba nyid/
ces gsungs so/ /gnyis pa la gnyis/ las lam bcu gtso bor bstan
pa/ las dang 'bras bu gtan la dbab pa'o/ /dang po ni/ de ltar
bde sdug gi rgyu 'bras 

@056a @#/ /so sor nges pa dang las 'phel che ba dang / ma byas pa
dang mi 'phrad cing byas pa chud mi za bar rig pa des las dang
'bras bu'i tshul ji 'dra zhig la thog mar nges pa bskyed nas
glang dor bya zhe na/ spyir legs

spyad nyes spyad kyi spyod pa 'jug pa'i sgo ni gsum du nges la/
sgo gsum gyi dge mi dge thams cad las lam bcur ma 'dus kyang dge
mi dge'i che long ngam rags pa kha na ma tho ba'i gzhi che ba
rnams bcom ldan 'das gyis

gnad bsdus nas nag po li las lam bcur gsungs shing / de dag
spangs na don shin tu che ba'i gnad rnams kyang bcur 'du bar
gzigs nas dkar po'i las lam bcur gsungs te/ mdzod las/ de las
che long

bsdus nas ni/ /dge dang mi dge ci rigs par/ /las kyi lam ni bcur
gsungs so/ zhes dang / lung rnam 'byed las kyang / ngag rnams
bsrungs shing yid kyis rab bsngams te/ /lus kyis mi dge ba dag
mi byed

cing ; ;las lam gsum po 'di dag rab sbyangs na/ /drang srong
gsungs pa'i lam ni 'thob par 'gyur/ zhes gsungs so/ /de'i phyir
sa bcu pa'i mdo nas mi dge bcu spong gi tshul khrims la bsngags
pa'i don

dbu ma la 'jug pa las kyang / so so skye po rnams dang gsung
skyes dang / /rang byang chub la bdag nyid des rnams dang /
/rgyal sras rnams kyi nges par legs pa dang / /mngon mtho'i rgyu
ni tshul khrims las gzhan

@056b med /ces bsdus nas gsungs so/ /de ltar khrims sna re la
yang sdom sems yang yang bsten nas srung rgyu med kyang kho bo
ni theg chen pa'o zhes smra na shin tu smad de sa'i snying po'i
mdo las/ dge ba'i lam bcu po 'di

dag gis sangs rgyas su 'gyur gyi/ gang ji srid 'tsho'i bar du tha
na dge ba'i las kyi lam gcig cam yang mi srung la/ 'on kyang
tshig 'di skad du nga ni theg pa chen po pa ste nga bla na med pa
yang dag par rdzogs pa'i byang chub 'tshol

lo zhes zer na/ gang zag de ni shin tu chul 'chos pa brdzun chen
po smra ba sangs rgyas bcom ldan 'das thams cad kyi spyan sngar
'jig rten la slu bar byed pa chad par smra ba ste/ de rmongs
bzhin du 'chi ba'i dus byed cing log

par ltung bar 'gro'o/ zhes gsungs so/ /log par ltung ba ni thams
cad du ngan 'gro'i ming gi rnam grangs su go bar bya'o/ /gnyis
pa la gsum/ nag po'i las 'bras/ dkar po'i las 'bras/ las kyi
rnam dbye gzhan

bstan pa'o/ /dang po la gsum/ nag po'i las lam dngos/ lci yang
gi khyad par/ de dag gi 'bras bu bstan pa'o/ /dang po ni/ de la
srog gcod kyi gzhi ni sems can pha rol po'o/ /bsam pa la gsum
las 'du shes

ni bzhi ste gzhi sems can lta bu la der 'du shes ba dang sems
can min par 'du shes pa dang / sems can min pa la sems can min
par 'du shes ba dang sems can du 'du shes pa bzhi ste 'du shes
pa dang po dang gsum

@057a @#/ /pa ni ma 'khrul pha dang gnyis pa dang bzhi pa ni
'khrul pa'o/ /'di la kun slong bye brag pa dper na lha sbyin kho
na gsod snyam nas sbyor ba brtsams pa na mchod sbyin du nor nas
bsad na dngos gzhi'i sdig med

pas; de lta bu la 'du shes ma 'khrul ba dgos shing sbyor ba'i
dus su gang byung yang gsod snyam pa kun slong spyi zhugs yod na
ma 'khrul ba mi dgos so/ /tshul 'di ni lhag ma dgu la'ang ci rigs
par shes par bya'o/ /nyon

mongs ni dug gsum gang rung ngo/ /kun slong ni gsod par 'dod
pa'o/ /sbyor ba rang gis sam gzhan byed du 'jug pa gnyis 'dra
ste/ sbyor ba'i ngo bo ni mtshon nam dug gam rig sngags kyi sgo
nas byas pa gang rung ngo / /mthar thug

sbyor ba de'i rkyen gyis de'i tshe'am gzhan gyi tshe rang gi snga
rol tu shi ba'o/ /ma byin len gyi gzhi ni/ gzhan gyi yongs su
bzung ba'i rdzas gang rung ngo / /bsam pa la gsum las 'du shes
dang nyon mongs ni sngar bzhin no/ /kun slong

ni ma gnang yang pha rol las dbral bar 'dod pa'o/ /sbyor ba la
sbyor ba po ni sngar dang 'dra la/ sbyor ba'i ngo bo ni mthus
'phrog pa dang 'jabs nas rku ba gang byed kyang 'dra'o/ /de yang
bu lon dang bcol ba la g.yo byas ba dang g.yo

thabs gzhan gyis kyang ma byin par len pa dang rang ngam gzhan
don nam pha rol la gnod pa sogs kyi phyir byed na'ang ma byin
len no/ /mthar thug ni thob blo skyes pa'o/ /de yang 'phrog tu
'jug pa'am rkur 'jug na de la skyes

@057b pas chog ste dper na rang gis ma shes kyang mngags pas pha
rol po bsang na de nam shi ba dang gsod du 'jug mkhan la dngos
gzhi'i sdig pa 'byung ba bzhin no/ /log g.yem gyi gzhi la bzhi
las bgrong bya min pa ni/ ma la

sogs pa dang mas bsrungs pa sogs kyi bud med dang skyes pa thams
cad dang ma ning dang rab byung ma'o/ /yan lag min pa ni mngal
sgo ma gtogs pa'i kha la sogs pa'o/ /gnas min pa ni bla ma lta
bu rnams kyi nye 'khor dang mchod

rten gyi gnas sogs so/ /dus min pa ni sbrum ma dang bsnyen gnas
la gnas pa la sogs pa'o/ /bsam pa la gsum las 'du shes ni/ bsdu
ba las de la der 'du shes pa zhes ma 'khrul ba dgos par gsungs
la/ 'dul ba

las mi tshangs spyod kyi pham pa la 'du shes 'khrul ma 'khrul
'dra bar gsungs so/ /mdzod 'grel las rang gi yin pa'i 'du shes
kyis gzhan gyi chung ma'i gan du song na las lam du mi 'gyur ba
dang / gzhan zhig gi chung ma la

de las gzhan pa'i chung mar 'du shes nas zhugs pa la 'gyur ba
dang mi 'gyur ba'i tshul gnyis bshad do/ /nyon mongs ni dug gsum
gang rung ngo / /kun slong ni mi tshangs par spyod pas bgrod par
'dod pa'o/ /sbyor pa ni de'i

don la rtsol ba'o/ /mthar thug ni gnyis kyis gnyis sprad pa'o/
/brdzun du smra ba'i gzhi la gnyis las brjod pa'i gzhi ni mthong
ba thos pa bye brag phyed pa/ rnam par shes pa bzhi dang de las
ldog pa bzhi'o/ /go bya'i

@058a @#/ /yul ni pha rol pos don go ba'o/ /bsam pa la gsum las
'du shes ni mthong ba la ma mthong bar bsgyur ba sogs so/ /nyon
mongs ni gsum mo/ /kun slong 'du shes bsgyur te smra 'dod pa'o/
/sbyor ba

smra ba'am cang mi smra bas dang du len pa'am lus bsgyur ba'i
mtshan mas ston pa'o/ /de yang dgos pa rang gzhan ji 'dra zhig gi
phyir du smras kyang 'dra bar gsungs so/ /'dir ni brdzun phra ma
tshig rtsub pa gsum la bcol

bas kyang de gsum du 'gyur bar gsungs shing mdzod rtsa 'grel du
ngag gi bzhi ka bcol bas las lam du 'gyur bar bshad do/ /'dul ba
las ni de dag gi mthar thug gi ltung ba skyed pa la rang gis
smras pa dgos par

gsungs so / /mthar thug ni pha rol pos go ba'o/ /ma go na ngag
bkyal pa tsam du 'gro bar mdzod 'grel las bshad do/ /de ni phra
ma dang tshig rtsub la yang 'dra'o/ /phra ma'i gzhi ni sems can
mthun pa dang mi mthun pa rnams

so; ;bsam pa la gsum las 'du shes dang nyon mongs ni sngar bzhin
no/ /kun slong ni sems can mthun pa la dbye 'dod dang / mi mthun
pha la mi 'dam par 'dod pa'o/ /sbyor ba ni bden pa dang mi bden
ba'i tshig gang

rung gis brjod bya snyan mi snyan gang rung brjod pa dang /
/dgos pa rang gzhan gang rung gi phyir smra ba'o/ /mthar thug ni
'byed pa'i tshig smras pa go ba'o/ /tshig rtsub po'i gzhi ni/ kun
nas mnar sems skye ba'i gzhir gyur

@058b pa'i sems can no/ /bsam pa la 'du shes dang nyon mongs ni
sngar bzhin no/ /kun slong ni ngag rtsub pos smra 'dod pa'o/
/sbyor ba ni bden mi bden gang rung gis ris sam lus sam tshul
khrims sam kun sbyod kyi skyon las brtsams te

mi snyan pa smra ba'o/ /mthar thug ni gang la smra ba'i yul des
don go ba'o/ /ngag bkyal pa'i gzhi ni/ don med pa dang ldan pa'i
don no/ /bsam pa la gsum las 'du shes ni/ de la der 'du shes
pa'o zhes pa tsam las ma gsungs kya ngo 'dir

ni brjod 'dod pa'i don de nyid la der 'du shes nas smra ba yin
te 'di la go bya'i yul mi dgos pa'i phyir ro/ /nyon mongs ni
gsum po gang rung ngo / /kun slong ni ma 'brel ba'i byung rgyal
smra 'dod pa'o/ /sbyor ba ngag bkyal smra bar rtsom

pa'o; ;mthar thug ni ngag bkyal smras zin pa'o/ /brnab sems kyi
gzhi ni/ gzhan gyi nor dang yo byad do/ /bsam pa la gsum las 'du
shes ni gzhi de la der 'du shes pa'o/ /nyon mongs ni gsum po
gang rung ngo / /kun slong ni bdag

gir bya bar 'dod pa'o/ /sbyor ba ni bsams pa'i don de la rtsel
ba byed pa'o/ /mthar thug ni nor la sogs pa de bdag gir gyur cig
snyam pa'o/ /gnod sems kyi gzhi dang 'du shes dang nyon mongs ni
tshig rtsub ba ji lta ba bzhin no/ /kun

slong ni rdeg pa la sogs par 'dod pa ste gsad pa dang bcings pa
dang gzhan nam rang gi ngang gis longs sbyod rgud na ci ma rung
snyam pa sogs so/ /sbyor ba ni bsam pa de la sbyor ba byas pa'o/
/mthar thug ni rdeg pa sogs bya bar thag bcad

@059a @#/ /pa'o; ;log lta'i gzhi ni yod pa'i don no/ /bsam pa la
gsum las 'du shes ni skur pa 'debs pa'i don la bden par 'du shes
pa'o/ /nyon mongs ni gsum po gang rung ngo / /kun slong ni skur
ba 'debs 'dod pa'o//

sbyor ba ni bsam pa de la sbyong ba brtsams pa'o/ /de yang bzhi
ste rgyu la skur ba ni/ legs spyad nyes spyad sogs med do zhes
pa'o/ /'bras bu la skur ba ni/ de gnyis kyi rnam smin med do
zhes pa'o/ /byed pa la skur ba la gsum las

sa bon 'debs pa dang 'dzin pa'i byed pa la skur ba ni/ phas sa
bon btab pa dang mas sa bon bzung ba med do zhes pa'o/ /'gro
'ong gi byed pa la skur ba ni 'jig rten snga ma nas 'dir 'ong ba
dang 'di nas phyi mar 'gro ba med do zhes

pa'o; ;skye bar 'gyur ba'i byed pa la skur ba ni sems can brdzus
tshe skye ba bar do med do zhes pa'o/ /yod pa'i dngos po la skur
ba ni/ dgra bcom pa sogs med do zhes pa'o/ /mthar thug ni skur
ba gdab par nges pa'o/ /de dag las

yid las sems pa ni las yin la las kyi lam min no/ /lus ngag gi
las bdun ni las kyang yin la sems pa 'jug pa'i gzhi yang yin pas
las kyi lam yang yin no/ /brnab sems sogs gsum ni las kyi lam
yin gyi

las min no/ /gnyis pa la gnyis/ las lam bcu'i lci yang dang /
zhar la stobs ldan gyi las kyi sgo bsdus te bstan pa'o/ /dang po
ni/ sa'i dngos gzhi las lci ba'i tshul drug gsungs ste/ mngon par
'du byed pa ni dug

@059b gsum mam de gsum med pa drag pos las kun nas slong ba'o/
/goms pa ni dge mi dge'i las gnyis yun ring po nas kun tu bsten
goms lan grangs mang du byas pa'o/ /ngo bo nyid ni lus ngag gi
bdun phyi ma phyi ma las

snga ma snga ma lce zhing / yid kyi gsum ni snga ma snga ma las
phyi ma phyi ma lci ba'o/ /gzhi ni sangs rgyas chos dge 'dun bla
ma lta bu rnams la phan gnod byed pa'o/ /mi mthun pa'i phyogs
gcig tu nges pa ni ji srid 'tsho'i bar du

gcig tu nges par mi dge ba'i las blangs te 'dug la/ dge ba ni
gcig kyang mi byed pa'o/ /mi mthun phyogs sel ba ni/ mi dge ba'i
phyogs spangs te 'dod chags dang bral nas dge ba'i las sbyong
ba'o/ /bshes sbrings

las kyang / rtag dang mngon par zhen dang gnyen po med/ /yon tan
gtso ldan gzhi las byung ba'i las/ /dge dang mi dge rnam lnga
chen po ste/ /de las dge ba spyod la brtson par gyis/ zhes so/
/de yang dkon mchog la

sogs ba yon tan dang ldan pa'i gzhi dang pha ma sogs phan 'dogs
pa'i gzhi gnyis su phye bas lnga'o/ /gnyis pa la bzhi/ zhing gi
sgo nas stobs che ba/ rten gyi sgo nas stobs che ba/ dngos po'i
sgo nas stobs che ba/

bsam pa'i sgo nas stobs che ba'o/ /dang po ni/ dkon mchog gsum
dang bla ma dang bla ma dang 'dra ba dang pha ma sogs te 'di dag
la ni bsam pa shugs drag po med cing phan gnod chung du zhig
byas kyang bsod nams dang

@060a @#/ /kha na ma tho ba che ba'i phyir ro/ /de yang dran pa
nyer gzhag las/ dkon mchog gsum gyi rdzas chung du yang ma byin
pa blangs pa las slar phul na sangs rgyas dang chos kyi ni 'dag
cing / dge 'dun gyi ni tshor ba ma

myong bar du mi 'dag la/ de yang zhal du 'du ba'i sgo yin na
dmyal ba chen po dang / gzhan yin na mnar med kyi 'khor mun nag
chen por skye bar gsungs so/ /byang chub sems dpa' ni dge mi
dge'i zhing shin tu stobs che

ste; dad pa'i stobs skyed pa la 'jug pa'i phyag rgya'i mdo las/
'ga' zhig khros nas phyogs bcu'i sems can thams cad btson ra mun
nag tu bcug pa bas khros te byang sems la rgyab kyis phyogs te
'dug nas na

rungs pa 'di mi blta'o zhes zer na sdig ches grangs med pa skyed
pa dang / mchod rten gangA'i klung gi bye ma snyed bshig pa
dang bsregs pa las byang sems la khong khro dang gnod sems la
bskyed cing mi snyan pa smras na sngar

ltar gsungs pa dang / nges pa dang ma nges pa la 'jug pa'i phyag
rgya'i mdo las/ phyogs bcu'i sems can gyi mig phyung ba la byams
pa'i sems kyis mig slar bskyed pa dang / sems can snga ma rnams
brtson ra nas

bton te 'khor sgyur ram tshangs pa'i bde ba la bkod pa bas theg
chen la mos pa'i byang sems la dang bas lta ba dang dang bas lta
'dod cing de'i bsngags pa brjod na bsod nams ches grangs med pa
skyed par gsungs pa

@060b dang ; rab tu zhi ba rnam par nges pa'i cho 'phrul gyi mdo
las kyang / 'dzam bu gling gi sems can thams cad kyi srog bcad
dam/ bdog pa thams cad phrogs pa las byang sems kyis tha na dud
'gro la zan changs gcig sbyin

pa'i dge ba la bar chad byas na sdig pa ches grangs med pa skyed
par gsungs pas gnas 'di la ni shin tu gzab par bya'o/ /gnyis pa
ni/ lcags kyi gong bu chung yang gting du 'bying la de nyid snod
du byas pa ni che yang steng du 'phyo

ba bzhin du/ mi mkhas pa dang mkhas pas byas pa'i sdig pa yang
lci ba dang yang bar gsungs so/ /de yang snga ma la 'gyod la
phyi ma sdom zhing sdig pa mi gsang bar de'i gnyen po dge ba
byed pa'i mkhas pa la yang bar gsungs kyi/

de dag mi byed par khyad gsod kyi sgo nas shes bzhin du 'jug
pa'i mkhas par rlom pa la ni lci ba yin no/ /rin po che'i phung
po'i mdo las kyang / stong gsum gyi sems can thams cad theg chen
la zhugs te 'khor sgyur gyi rgyal

srid dang ldan pas/ re res kyang mar me'i snod rgya mtsho tsam la
snying po ri rab cam gyi mar mes sangs rgyas kyi mchod rten la
mchod pa bas byang sems khyim nas byung bas mar me'i snying po
'bru mar gyis bskus pa mchod rten gyi drung du

'dzin pa'i bsod nams kyi brgya'i char yang mi phod par gsungs
te/ 'di ni bsam pa dang zhing la khyad med cing dngos po la
khyad par shin tu che yang rten gyi stobs su gsal lo/ /'di'i
rigs pas sdom pa yod med dang yod pa la

@061a @#/ /yang gcig ldan dang gnyis ldan dang gsum ldan gyi
rten gyis lam sgom pa yang snga ma snga ma rnams las phyi ma
phyi ma sa chod che bar gsal zhing/ khyim pa lta bus sbyin
gtong sogs byed pa'i tshe yang bsnyen gnas

'dra ba'i sdom pa dang ldan pa'i steng nas byed pa dang / sdom
pa med par byed pa gnyis dge rtsa stobs che chung shin tu che
bar gsal lo/ /tshul khrims 'chal nga tshar gcod pa'i mdo las/ mi
dge bcu dang ldan pa'i mi zhig rgyun

du bar chad med par lo brgya'i bar du sdig bsags pa las/ dge
slong tshul khrims ral bas drang srong gi rgyal mtshan gyis
g.yogs nas dad pas byin pa la zhag gcig longs spyad na mi dge
ba ches mang bar gsungs pa yang

rten gyi sgo nas sdig pa stobs che ba'o/ /lung rnam 'byed las
kyang/ lcags gong me lce 'bar ba dag /zos par gyur pa mchog
yin gyi/ /tshul 'chal yang dag mi sdom pas/ /yul 'khor bsod
snyoms za ba min/ zhes tshul

'chal dang bslab pa la lhod pa gnyis ka la gsungs so/ /ston
pa'i gsung nas chos la brten pa'i sdig pa'i gam na mi dge ba
bcu sdig pa brud brud yin gsung ste mad par snang ngo/ /gsum
pa ni/ sems can la sbyin pa gtong

pa'i chos kyi spyan pa dang sangs rgyas mchod pa la sgrub pa'i
mchod pa ni zang zing gi sbyin pa dang mchod pa las ches phul
du byung ba ste des mtshon nas gzhan yang shes par bya'o/ /bzhi
pa ni rin po che'i phung po las/ stong

@061b gsum gyi sems can thams cad so so nas sangs rgyas kyi
mchod rten ri rab tsam byed la /de dag la yang bskal pa bye
bsnyed du bsti stang du bya ba thams cad kyis bsti stang du
byed pa las/ byang sems kyis thams cad mkhyen pa'i

sems dang ma bral bas me tog gcig tsam dor ba bsod nams mang
bar gsungs te/ de bzhin du thob bya mchog dman dang rang gzhan
gyi don la dmigs pa sogs bsam pa'i khyad par dang / de yang
shugs drag gzhan dang

rgyun ring thung sogs kyi sgo nas shes par bya'o/ /nyes spyod
la yang nyon mongs pa'i bsam pa shugs drag pa dang rgyun ring
pa stobs che la/ de'i nang nas kyang khong khro shin tu stobs
che ste/ spyod 'jug las/ bskal pa stong du

bsags pa yi/ /sbyin dang bder gshegs mchod la sogs/ /legs
spyad gang yin de kun yang/ /khong khro gcig gis 'joms par
byed/ ces so/ /de yang tshangs pa mtshungs par spyod pa dang /
de las kyang rgyal sras

la khro ba ni shin tu lci ste/ ting 'dzin rgyal po las/ gcig
la gcig kyang gnod sems byas na ni/ /de la tshul khrims thos
pas skyob mi nus/ /bsam gtan mi skyob dgon gnas skyob mi nus/
/sbyin pas mi skyob

sangs rgyas mchod pas min/ zhes so/ /gsum pa la gsum/ rnam
smin gyi 'bras 'u/ rgyu mthun gyi 'bras bu/ bdag po'am dpang
gi 'bras bu'o/ /dang po ni/ las lam bcu po re re yang gzhi dug
gsum chung 'bring che

@062a @#/ /gsum la brten pas gsum gsum mo/ /de la srog gcod
sogs chen po bcu po re res dmyal ba/ 'bring bcu po re res yi
dwags/ chung du bcu po re res dud 'gror skye bar sa'i dngos
gzhir gsungs la/

sa bcu pa'i mdo las ni chung 'bring gnyis kyi 'bras bu ldog
ste gsungs so/ /gnyis pa ni/ ngan 'gro nas mir skyes kyang rim
pa ltar tshe thung ba dang longs spyod kyis phongs pa dang
chung ma ma bsrungs par 'gyur pa dang skur pa

mang ba dang mdza' bo dang 'bye ba dang yid du mi 'ong ba'i
sgra thos pa dang / gzhan gyis tshig mi nyan pa dang chags
sdang rmongs gsum shas che ba'o/ /gsum pa ni/ srog gcod pa'i
ni phyi'i 'jig rten gyi bza' btung dang sman

dang 'bras bu segs mthu chung ba sogs so/ /ma byin len gyi ni
than pa dang char ches pa dang 'bras bu nyung ba sogs so/ /log
g.yem gyi ni 'dam rdzab dang ljan ljin mang ba dang nyams mi
dga' ba sogs so/ /brdzun du

smra ba'i ni zhing las dang gru spyod pa'i las kyi mtha' rgyas
par mi 'gyur ba sogs so/ /pha ma'i ni sa phyogs 'bar 'bur dang
mtho dman dang bgrod dka' ba sogs so/ /ngag rtsub po'i ni sa
phyogs dong du ma dang tsher

ma dang rdo dang gseg ma dang gyo mo mang ba sogs so/ /tshig
bkyal pa'i ni 'bras bu'i ljon shing la 'bras bu mi chags pa
dang dus ma yin par yang 'bras bu chags pa sogs so/ /brnab
sems kyi ni phun tshogs thams

@062b cad lo dang zla ba dang zhag re rer yang nyams pa sogs
so/ /gnod sems kyi ni yams dang gnod pa dang nad 'go ba dang
'khrug pa dang pha rol gyi dmag tshogs las 'khrug long mang ba
sogs so/ /log lta'i ni snod

kyi 'jig rten na 'byung khungs mchog nub pa sogs so/ /gnyis pa
la gnyis/ dkar po'i las dang / 'bras bu'o/ /dang po ni/ srog
gcod pa dang ma byin par len pa dang log g.yem la nyes dmigs
kyi bsam pa

can dge ba'i sems dang ldan pas/ de dag yang dag par sdom pa'i
sbyor ba byas pa dang bsdams pa mthar thug par byas pa'i lus
kyi las so/ /de bzhin du ngag gi bzhi dang yid kyi gsum la
yang sbyar te khyad par ni ngag gi

las dang yid kyi las zhes bya'o zhes sa'i dngos gzhir gsungs
pas gzhi dang bsam pa dang sbyor ba dang mthar thug rnams ci
rigs par sbyar te/ srog gcod spong ba'i las lam la sbyar na
gzhi ni sems can gzhan no/ /bsam pa ni

nyes dmigs mthong nas spong 'dod pa'o/ /sbyor ba ni gsod pa
yang dag par bsdams pa'i 'du byed do/ /mthar thug ni yang dag
par bsdams pa rdzogs pa'i lus kyi las so/ /tshul des gzhan yang
shes par bya'o/ /gnyis pa la

gsum/ rnam smin ni/ dge ba'i las chung du dang 'bring dang
chen pos mi dang 'dod lha dang khams gong ma gnyis kyi lhar
skye'o/ /rgyu mthun dang / bdag 'bras ni/ mi dge ba las bzlog
ste sbyar ro/ /gsum pa la gnyis las 'phen

@063a @#/ /rdzogs kyi dbye ba ni/ bde 'gro 'phen pa'i las ni
dge ba dang / ngan 'gro 'phen pa'i las ni mi dge ba yin la
rdzogs byed la nges pa med de bde 'gro yang yan lag dang nying
lag dang dbang po ma tshang ba dang mdog mi sdug

pa dang / tshe thung ba dang nad mang ba dang dbul ba sogs ni
mi dge bas byed la dud 'gro dang yi dwags la yang dpal 'byor
phun tshogs yod pa ni dge bas byed pa'o/ /de ltar na 'phen byed
dge bas 'phangs pa la rdzogs byed kyang dge

bas rdzogs pa dang mi dge bas rdzogs pa gnyis dang / 'phen
byed mi dge bas 'phangs pa la rdzogs byed mi dge bas rdzogs pa
dang dge bas rdzogs pa gnyis te mu bzhi'o/ /myong bar nges pa
dang ma nges pa la myong nges ni bsams

bzhin du byas pa dang bsags pa'o/ /myong bar ma nges pa ni
bsams bzhin du byas la ma bsags pa'o/ /byas pa dang bsags pa'i
khyad par la byas pa ni bsams pa'am bsams nas kyang lus ngag
gis kun nas bslang

ba'o; ;bsags pa ni rmi lam du byas pa sogs bcu po ma gtogs
pa'i las so/ /ma bsags pa ni rmi lam du byas pa sogs rnam pa
bcu po'o/ /myong nges la 'bras bu myong ba'i dus kyi sgo nas
gsum mo/ /de la

mthong chos la myong ba ni las de'i 'bras bu tshe de la myong
ba'o/ /skyes nas myong 'gyur ni tshe gnyis pa la 'bras bu myong
ba'o/ /lan grangs gzhan la myong ba ni tshe gsum pa phan chad
du myong ba'o/ /gnyis pa ni/ mi dge

@063b bcu spong gis kyang rten bzang po zhig rnyed mod kyang
rnam mkhyen sgrub pa'i rten mtshan nyid tshang pa zhig grub na
lam sgom pa'i sa chod gzhan dang mi 'dra bas rten de bsgrub
par bya'o/ /'di la gnyis/ rnam smin gyi yon tan dang byed

las; rnam smin gyi rgyu'o/ /dang po la brgyad/ tshe phun sum
tshogs pa/ /ba ngog phun tshogs/ rigs phun tshogs/ dbang phyug
phun tshogs/ tshig btsun pa/ dbang che bar grags pa/ skyes pa
nyid dang / stobs dang ldan pa'o/ /dang po ni/ sngon

gyi 'phen pas tshe ring du 'phen zhing 'phangs pa ltar gnas
pa'o/ /des ni rang gzhan gyi don las brtsams te yun ring por
dge ba mang po gsog go /gnyis pa ni/ kha dog dang dbyibs legs
la dbang po mtshang ba med

pas chu zheng gab pa'o/ /des ni mthong ba tsam gyis gdul bya
dga' nas 'du zhing de'i tshig nyan no/ /gsum pa ni/ 'jig rten
pas bkur zhing grags pa'i rigs mthon por skyes pa'o/ /des ni
bsgo ba las mi 'da'

par sgrub bo/ /bzhi pa ni/ longs spyod dang gnyen dang 'khor
phal che ba'o/ /des ni sems can rnams bsdus te smin par byed
do/ /lnga pa ni/ lus ngag gis gzhan mi slu bas sems can rnams
kyis tshig 'dzin pa'o/ /des

ni bsdu bzhis sems can sdud cing smin par byed do/ /drug pa
ni/ sbyin pa la brtson pa sogs kyi yon tan dang ldan pas skye
bo chen po rnams kyi mchod gnas su gyur pa'o/ /des ni bya ba
thams cad kyi grogs byas pas byas pa

@064a @#/ /gzo zhing bsgo ba myur du nyan no/ /bdun pa ni/ pho
dbang dang ldan pa'o/ /des ni yon tan thams cad kyi snod dang
'dun pa dang rtsol bas shes rab yangs pa'i snod du 'gyur la/
'khor du mi 'jigs

pa dang sems can thams cad dang lhan cig 'gro ba'am/ dben par
gnas pa la gegs byed med do/ /brgyad pa ni/ sngon gyi las kyi
mthus rang bzhin gyis gnod pa chung zhing nad med la tshe 'di'i
rkyen las byung ba'i spro ba

che ba'o/ /des ni rang gzhan gyi don gang la yang mi skyo
zhing spro shugs che la brtan pas so sor rtog pa'i stobs thob
nas mngon shes myur ro/ /gnyis pa la brgyad las dang po ni/
sems can la mi 'tshe ba dang mi 'tsho

ba'i bsam pa bsten pa'o/ /gzhan yang/ /gsod sar chung ba legs
btang dang / /de bzhin srog gis phan btags shing/ /srog chags
'tshe ba las ldog pas/ /tshe ring ba ni thob par 'gyur/ /nad
pa'i bsnyen bkur

byas sman pa/ /sman ni rab tu byin pa dang / /srog chags bod
ba dbyig sogs kyis/ /'tsho ba med las nad med yin/ zhes so/
/gnyis pa ni/ mar me la sogs pa'i snang ba dang gos gsar pa
sbyin pa'o/ /gzhan

yang; khro ba med la brten pa dang / rgyan byin pa yis gzugs
bzang nyid/ /phrag dog med pa'i 'bras bu ni/ /skal ba bzang
por rab tu bshad/ ces so/ /gsum pa ni/ nga rgyal bcom nas bla
ma la sogs pa

@064b dang gzhan la bran ltar gus par bya'o/ /bzhi pa ni/ zas
gos sogs slong ba la sbyin zhing mi slong yang phan 'dogs pa
dang sdug bsngal ba dang yon tan gyi zhing yo byad med pa la
phar sbyin pa'o/ /lnga pa ni/ ngag gi mi dge ba

bzhi spong ba la goms pa'o/ /drug pa ni/ phyi ma la rang la
yon tan sna tshogs sgrub par smon lam 'debs shing dkon mchog
gsum dang pha ma dang nyan rang dang mkhan slob dang bla ma la
mchod par byed pa'o/ /bdun pa ni/ skyes

pa'i yon tan la dga' zhing bud med la mi dga' bar nyes dmigs
su lta la/ bud med kyi lus 'dod pa rnams 'dun pa zlog pa dang
pho dbang gcod pa rnams thar par byed pa'o/ /brgyad pa ni/
gzhan gyis gtan mi nus

nga rang gis byed pa dang rang dang bsdoms pas nus pa la gogs
byed pa dang bza' btung ster ba'o/ /rgyu brgyad po de rgyu
gsum dang ldan na rnam par smin pa rnams phul du byung bar
'gyur ro/ /rgyu gsum la sems rnam par

dag pa la rang la ltos pa gnyis ni/ rgyu bsgrub pa'i dge ba
rnams bla med byang chub tu bsdo ba ni rnam smin pa mi re
ba'o/ /snying thag pa nas rgyu rnams sgrub pa'i shugs drag
pa'o/ /gzhan la ltos pa gnyis ni/ chos mthun

pa rab 'bring tha gsum mthong na/ phrag dog 'gran sems brnyas
pa spangs nas rjes su yi rang dang / de dag ltar ma nus na'ang
nyin re bzhin sbyad byar lan mang du rtog pa'o/ /sbyor ba dag
pa la rang la ltos nas ni/ dus ring

@065a @#/ /ba dang bar ma chad pa dang shugs drag pa'o/ /gzhan
la ltos pa ni yang dag par ma blangs pa len du gzhug pa dang /
blangs pa rnams dga' ba bskyed pa'i phyir bsngags pa brjod pa
dang rgyun mi 'chad par

byed pa dang mi 'dor par byed pa'o/ /zhing dag pa ni bsam
sbyor de gnyis nyid 'bras bu mang zhing bzang ba ster bas na
zhing du 'dra bas so/ /gsum pa la gnyis/ spyir bstan pa dang /
khyad par du stobs bzhis sbyang

tshul lo/ /dang po ni/ spyod 'jug las/ mi dge ba las sdug
bsngal 'byung/ /de las ji ltar nges thar zhes/ /nyin mtshan
rtag tu bdag gis ni/ /'di nyid 'ba' zhig bsam par rigs/ zhes
dang / dge ba'i

phyogs ni thams cad kyi/ /rtsa ba mos par thub pas gsungs/
/de'i yang rtsa ba rtag tu ni/ /rnam smin 'bras bu sgom pas
so/ zhes gsungs pa ltar/ dkar nag gi las 'bras shes par byas
nas yang dang yang du bsgom par

bya ste 'di shin tu lkog tu gyur bas nges pa ches rnyed dka'
ba'i phyir ro/ /de yang ting 'dzin rgyal po las/ zla ba skar
mar bcas pa gnas ltung zhing/ /ri dang grong du byas pa'i sa
zhig la/ /nam mkha'i khams ni rnam pa gzhan gyur

yang; ;khyod ni mi bden pa yi tshig mi gsung/ zhes gsungs pa
ltar/ de bzhin gshegs pa'i gsung la yid ches par byas la
bskyang ste/ 'di la bcos min gyi nges pa ma rnyed na chos gang
la yang rgyal ba dgyes pa'i nges

@065b pa mi rnyed do/ /kha cig stong pa nyid la nges pa rnyed
pa skad zer nas las 'bras la nges pa med cing de la mi rtsi ba
ni stong nyid kyi go ba phyi ci log tu song ba ste/ stong nyid
go na ni de nyid rten 'drel gyi don du mthong las las 'bras la
nges/

pa skye ba'i grogs su 'gyur ba'i phyir te/ mod de nyid las/
sgyu ma chu bur smig rgyu glog 'dra zhing/ /chos rnams thams
cad chu yi zla ba bzhin/ /shi nas 'jig rten pha rol 'gro ba
yi/ /sems can shed las skyes pa mi dmigs kyang/ /

las rnams byas pa med par mi 'gyur te/ /dkar nag ji bzhin
'bras bu smin par byed/ /rigs pa'i tshul gyi sgo 'di bzang po
ste/ /phra zhing mthong dka' rgyal ba'i slod yul yin/ /zhes
so/ /des na las gnyis rgyu dang 'bras bur

bcas pa la nges pa skyed cing nyin mtshan kun tu sgo gsum la
rtog pa zhig gis ngan 'gro gcod kyi thog mar rgyu 'bras kyi
rnam dbye la mi mkhas shing cung zad shes kyang sgo gsum bag
yengs su 'jug pa ni ngan 'gro'i sgo

'byed pa kho na ste rgya mchos zhus pa las/ klu'i bdag po
byang chub sems dpa' rnams kyi chos gcig gis ngan song ngan
'gro log par ltung bar skye ba yang dag par gcod do/ /chos
gcig po gang zhe na/ 'di lta ste bdag ji ltar

gyur cing nyin mtshan rnams 'da' zhing 'dug snyam du dge ba'i
chos rnams la so sor rtog pa ste/ zhes gsungs pa'i phyir ro/
/de ltar bsams nas kyang nyes spyod las ldog pa'i tshul ni bden
pa po'i le'u las/ rgyal 

@066a @#/ /po khyod ni srog gcod ma mdzad cig /skye bo kun la
srog ni rab tu phangs/ /de bas yun ring tshe bsrung su 'dod pas/
/yid kyi dgu la'ang srog gcod mi bsam mo/ zhes gsungs pa ltar mi
dge bcu la

sogs pa'i kha na ma tho ba rnams la kun slong tsam yang mi rgyu
bar sdom sems mang du bsten goms par bya'o/ /phu chung ba la
kham lung pas/ dge bshes pa ni las 'bras kho na gal che bar
gsung ba la/ da lta

bshad pa dang nyan pa dang sgom rin med par byed de/ 'di kho na
nyams su blang dka' 'am snyam gsungs pas/ phu chung ba yang de
tsug lags gsung ba dang / ston pa'i zhal nas/ jo bo ba snying
kham cher mi rung rten 'brel

'di phrag gsung ba dang / phu chung ba'i zhal nas/ da ni rgas
khar mrdzangs blun la kha lhan song gsung ba dang / sha ra ba'i
zhal nas/ sangs rgyas kyis nyes skyon ci byung yang phyogs ngan
dang mkhar len la le lan ma bdas

par las 'di byas pas 'dir skyes bya ba sha stag gsungs gsung
ngo/ /gnyis pa ni/ de ltar nyes spyod kyis ma gos pa la 'bad
kyang bag med pa dang nyon mongs mang ba la sogs pa'i dbang gis
nyes pa byung na ji mi snyam

par gzhag tu mi rung bas/ ston pa thugs rje can gyis phyir bcos
pa'i thabs gsungs pa rnams la 'bad dgos so/ /de yang ltung ba
phyir bcos tshul ni sdom pa gsum so so nas gsung ba ltar bya la/
sdig pa phyir bcos

@066b pa ni stobs bzhis bya'o/ /de la stobs dang po sun 'byin
pa'i stobs ni/ thog ma med pa nas mi dge ba byas pa la 'gyod pa
mang ba yin te/ 'di skye ba la rnam smin sogs kyi 'bras bu gsum
skyed tshul bsgom dgos so//

lag len gyi che gser 'od dam pa'i bshags pa dang sangs rgyas so
lnga'i sgo nas kyi bshags pa gnyis kyis bya'o/ /gnyis pa gnyen
po kun tu spyod pa'i stobs la drug /mdo sde zab mo la brten pa/
stong nyid la mos ba/

bzlas pa la brten pa/ sku gzugs la brten pa/ mchod pa la brten
pa/ mtshan la brten pa'o/ /dang po ni/ sher phyin la sogs pa'i
mdo sde'i tshig len pa dang 'dzin pa dang klog pa sogs so/ /gnyis
pa ni/ bdag

med cing 'od gsal ba'i chos nyid la 'jug cing gdod ma nas dag
par yid ches pa'o/ /gsum pa ni/ yi ge brgya pa sogs kyi gzungs
khyad par can rnams cho ga bzhin zlos pa'o/ /dpung bzang gis
zhus pa las/ so ka

nags me mched pa'i me lce yis/ /ma bsgrims bzhin du tshang tshing
kun sreg ltar/ /bzlas brjod me la tshul khrims rlung gis sbar/
/brtson 'grus chen po'i me lces sdig pa sreg /ji ltar gangs la
nyi ma'i 'od zer gyis/ /gdungs

na gzi brjid mi bzod 'ju ba bzhin/ /tshul khrims nyi ma'i 'od zer
bzlas brjod kyis/ /gdungs na sdig pa'i gangs kyang zad par
'gyur/ /mun nag smag la mar me phyung ba yis/ /mun nag ma lus
sel bar byed pa

@067a @#/ /bzhin/ /tshe rabs stong nas bsags pa'i sdig pa'i mun/
/bzlas brjod mar mes myur du sel bar byed/ ces so/ /de yang sdig
pa byang ba'i mtshan ma mthong gi bar du'o/ /mtshan ma ni rmi lam
na zas ngan

skyug pa dang / zho dang 'o ma sogs 'thung ba dang skyug pa dang
/ nyi zla mthong ba dang nam mkha' la 'gro ba dang / me 'bar ba
dang ma he dang mi nag po thub pa dang / dge slong dang dge
slong ma'i dge 'dun mthong ba dang 'o ma 'byung

ba'i shing dang glang po dang khyu mchog dang ri dang seng ge'i
khri dang khang bzang gi steng du 'dzeg pa dang / chos nyan pa
rmis pa yin par skul byed kyi gzungs las gsungs so/ /bzhi pa ni/
sangs rgyas la dad pa rnyed nas sku

gzugs byed pa'o/ /lnga pa ni/ sangs rgyas dang de'i mchod rten
la mchod pa rnam pa sna tshogs byed pa'o/ /drug pa ni/ sangs
rgyas dang rgyal sras chen po rnams kyi mtshan kyi mtshan thos
shing bzung ba'o/ /'di dag ni bslab btus

su dngos su byung ba tsam ste gzhan yang mang ngo/ /gsum pa nyes
pa las slar ldog pa'i stobs ni/ mi dge bcu yang dag par sdom pa
ste 'dis ni srog gcod sogs kyi sgo nas sgo gsum gyi las nyon
dang chos kyi sgrib

pa byas pa byed du bcug pa/ rjes su yi rang sngon ci byas pa
thams cad 'joms par nyi ma'i snying po las gsungs so/ /zhe thag
pa nas kyi sdom sems med pa'i bshags pa tshig tsam du 'gro ba la
dgongs nas/ phyin chad

@067b sdom ma ma zhes lung las gsungs par rgya cher 'grel las
bshad do/ /de'i phyir phyin chad mi byed pa'i sngom sems gal che
la de skye ba yang stobs dang po la rag las so/ /bzhi pa rten
gyi stobs ni/ skyabs 'gro dang byang chub kyi

sems bsgom pa'o/ /de la spyir rgyal bas las dang po pas sdig pa
sbyong ba'i sgo sna tshogs shig gsungs kyang gnyen po yongs su
rdzogs pa ni stobs bzhi tshang ba'o/ /sdig pa 'dag lugs ni ngan
'gro sdug bsngal chen por skye ba'i

rgyu rnams sdug bsngal chung bar skye ba'i rgyur 'gyur ba'am/
ngan 'gror skyes kyang de'i sdug bsngal mi myong ba'am da lta'i
rten la mgo bo na ba tsam gyis dag nas 'gro ba dang / de bzhin
du rgyun ring por myong dgos pa rnams yun thung du'am/

gtan myong mi dgos par 'gyur te de yang sbyong mkhan stobs che
chung dang gnyen po stobs bzhi rdzogs ma rdzogs dang shugs drag
mi drag dang rgyun ring thung sogs kyi sgo nas yin pas mtha'
gcig tu nges pa med do/ /mdo sde dang 'dul ba nas/ las rnams
bskal

pa brgyar yang ni/ /chud mi za zhes gsungs pa ni stobs bzhi'i
gnyen po sgom pa med pa la dgongs kyi/ stobs bzhi'i gnyen pos
bshad pa ltar sbyangs na ni myong nges kyang 'dag par brgyad
stong 'grel par gsungs so/ /de ltar

bshags pa dang bsngams pa la sogs pas rnam smin 'byin pa'i nus
pa nyams par byas pa rnams ni/ rkyen gzhan dang phrad kyang/
rnam smin 'byin par mi 'gyur la/ de bzhin du log lta dang /
khong khros dge rtsa bcom pa

@068a @#/ /la yang 'dra bar rtog ge 'bar ba las gsungs so/
/bshags bsdam gyis lhag ma ma lus par 'dag tu chug kyang/ dang
po nas nyes pas ma gos pa'i dag pa dang / bshags nas dag pa

gnyis khyad par che ste/ dper na/ byang sa las rtsa ltung byung
ba la byang sems kyi sdom pa blangs pas phyir 'chos nus kyang/
tshe de las dang po thob mi srid par gsungs pa dang / rnam par
'thag pa bsdus pa'i mdo

las kyang/ mdo de nas bshad pa'i chos spong gi sdig pa byung ba
zhig gis lo bdun gyi bar du/ nyin re zhing/ dus gsum du bshags
na sdig pa 'dag kyang/ ji ltar myur yang / bzod pa thob pa la
bskal pa

bcu dgos par gsungs so/ /des na ma lus par dag pa'i don ni/
'bras bu yid du mi 'ong ba 'byin pa ma lus par dag pa yin gyi/
lam gyi rtogs pa skye ba sogs ni ches ring du 'gro ba yin pas/
dang po nas ma

gos pa la 'bad par bya'o/ /de'i phyir yang/ 'phags pa rnams srog
gi phyir yang/ sdig ltung phra mo la yang/ shes bzhin du mi 'jug
par gsungs te/ bshags pas dag ba dang / dang po nas ma byung ba
gnyis

khyad med na de ltar bya mi dgos pa'i phyir ro/ /'jig rten na
yang/ rkang lag sogs bsnad pa phyir bcos su yod kyang/ dang po
nas ma bsnad pa dang mi 'dra ba bzhin no/ /gnyis pa ni/ sngar
'jig rten 'di don

@068b gnyer bcos ma min pa yod la/ 'jig rten phyi ma'i don gnyer
tshig rjes 'brangs pa'i go ba tsam du 'gyur ba de go sa 'phos te/
phyi ma'i don gnyer gtso bor song zhing/ 'jig rten 'di zhar
byung tsam du song na/ skyes pa

yin la/ 'on kyang brtan par byed dgos pas de byung nas kyang
'bad de sbyang bar bya'o/ /gsum pa ni/ gsung rab las/ 'khor ba'i
phun tshogs thams cad la/ yid phyir phyogs dgos par gsungs pas
'khrul gzhi

byas pa kha cig /lus dang longs spyod sogs phun sum tshogs pa'i
mngon mtho ni 'khor ba yin pas/ de la don gnyer skyed pa mi rigs
so snyam na/ don du gnyer bya la gnas skabs dang / mthar thug gi
don du

gnyer bya gnyis las/ 'khor ba'i lus sogs kyi phun tshogs ni/ grol
ba don gnyer gyis kyang gnas skabs su don du gnyer dgos te/ rten
de rim par brgyud pa las/ mthar nges legs thob bar bya ba yin
pa'i phyir

ro; ;lus longs spyod/ 'khor phun tshogs kyi mdon mtho gang yin
thams cad 'khor bas bsdus pa ma yin te/ lus la sogs pa phun
tshogs mthar phyin pa ni gzugs sku dang / de'i zhing gi 'byor pa
dang / de'i

'khor rnams yin pa'i phyir ro/ /de la dgongs nas mdo snge'i
rgyan las/ phar phyin dang po bzhis lus/ longs spyod/ 'khor
rtsom pa phun tshogs kyi mngon mtho sgrub par gsungs shing /
gzhung mang po nas/ de dag

@069a @#/ /gis gzugs sku sgrub par gsungs pas so/ /skyes bu chung
du dang thun mong ba'i lam gyi rim pa la blo sbyang ba bshad zin
to// <<~>> //de ltar 'chi ba rjes su dran pa dang / shi nas ngan
'gror

ltung ba'i tshul bsams te/ 'jig rten 'di las blo log nas/ phyi
ma'i bde 'gro don gnyer skyes te/ skyabs 'gro thun mong ba dang
/ dkar nag gi las 'bras nges pa'i sgo nas sdig pa spong/ dge ba
sgrub pa la 'bad pas/ bde

'gro'i go 'phang 'thob mod kyang/ 'dir ni de tsam gyis chog par
mi 'dzin gyi/ skyes bu chung du dang thun mong ba'i bsam pa de
skyes pa dang / 'bring dang thun mong ba 'khor ba mtha' dag la
zhen pa log pa'i bsam pa bskyed

nas; de la brten nas byang chub tu sems bskyed de/ skyes bu chen
por 'khrid pas/ skyes bu 'bring gi bsam pa sbyang dgos te/ 'di
ltar lha mi'i go 'phang thob kyang/ 'du byed kyi sdug bsngal las
ma 'das pas de la

rang bzhin gyis bde bar 'dzin pa phyin ci log yin pas/ yang dag
par na bde ba med la/ slar yang ngan 'gror nges par ltung bas
mtha' ngan pa'i phyir ro/ /de'i phyir skyes bu 'bring dang thun
mong ba'i lam gyi rim pa blo

sbyang ba la bzhi/ bsam pa sbyang ba dngos/ de skyes ba'i tshad/
de la log rtog bsal ba/ thar par bgrod pa'i lam gyi rang bzhin
gtan la dbab pa'o/ /dang po la gnyis/ thar pa don gnyer gyi blo
ngos gzung

@069b ba; de skyed ba'i thabs so/ /dang po ni/ thar pa zhes pa
ni bcings la las grol ba ste/ de yang las nyon gnyis ni 'khor
bar 'ching byed yin la/ de gnyis kyi dbang gis/ khams kyi dbang
gis 'dod khams sogs gsum dang / 'gro

bas phye na lha la sogs pa lnga'am drug dang / skye gnas kyi sgo
nas mngal la sogs pa bzhir phung po nying mtshams sbyar ba ni
bcings pa'i ngo bo yin pas/ de las grol ba ni thar pa'o/ /de
thob par 'dod pa ni thar pa don gnyer gyi

blo'o/ /gnyis pa ni/ dper na skom pa'i sdug bsngal zhi ba la
thob 'dod 'byung ba de skom pas gdungs pa la mi 'dod par mthong
ba la rag las ba bzhin du/ nyer len gyi phung po'i sdug bsngal
nye bar zhi ba'i thar pa la thob 'dod 'byung

ba yang/ nyer len gyi phung po sdug bsngal gyi rang bzhin can
gyi nyes dmigs mthong ba la rag las pas/ srid pa'i nyes dmigs
bsgoms nas de la 'dor 'dod kyi blo ma skyes na sdug bsngal de
zhi ba la thob 'dod mi 'byung ste/ bzhi brgya

pa las/ gang la 'dir skyo yod min pa/ /de la zhi gus ga la yod/
ces gsungs pa'i phyir ro/ /des na de la gnyis/ sdug bde 'khor
ba'i nyes dmigs bsam pa/ kun 'byung 'khor ba'i 'jug rim bsam
pa'o/ /dang po la gnyis

sdug bden bden bzhi'i thog mar gsungs pa'i dgongs pa bstan pa/
sdug bsngal sgom pa dngos so/ /dang po ni/ kun 'byung ni rgyu
dang / sdug bden ni de'i 'bras bu yin pas/ kun 'byung snga la/
sdug bsngal 'phyi ba yin na/

@070a @#/ /ci'i phyir/ bcom ldan 'das kyis rim pa de dang mi
mthun par/ dge slong dag /'di ni sdug bsngal 'phags pa'i bden
pa'o/ /'di ni kun 'byung 'phags pa'i bden pa'o/ zhes gsungs she
na/

de la ston pas rgyu 'bras kyi rim pa las bzlog ste gsungs pa la
ni/ nyams len gyi gnad chen po yod pas skyon med do/ /de yang
gang zhe na/ 'di ltar gdul bya rang nyid la thog mar 'khor ba
las thar 'dod phyin ci

ma log pa zhig ma skyes na/ rtsa ba chad pas de thar par ji ltar
'khrid/ des na thog mar gdul bya ma rig pa'i mun pas bsgribs nas
'khor ba'i phun tshogs sdug bsngal ba la bde bar 'dzin pa'i phyin
ci log gis

bslus pa la/ bzhi brgya pa las/ sdug bsngal rgya mtsho 'di la
mtha'/ /rnam pa kun tu yon min na/ /byis khyod 'dir ni bying ba
la/ /'jigs pa cis na skye mi 'gyur/ zhes gsungs pa ltar/ 'di ni
yang dag par

na bde ba min gyi/ sdug bsngal lo/ zhes sdug bsngal gyi rnam pa
du ma gsungs nas skyo ba skyed dgos pas sdug bden thog mar
gsungs so/ /de nas rang sdug bsngal gyi rgya mtshor lhung ba
mthong nas de las thar

bar 'dod pa na/ sdug bsngal de bzlog dgos par mthong la/ de yang
rgyu ma bzlog na/ mi ldog bar shes nas/ de'i rgyu ji lta bu zhig
yin snyam du kun 'byung bden pa shes par byed pas/ de'i 'og tu
kun 'byung

@070b bden nga gsungs so/ /de nas 'khor ba'i sdug bsngal zag
bcas kyi las dang / las de nyon mongs kyis bskyed cing/ de'i
rtsa ba bdag 'dzin du shes pa'i kun 'byung bden pa shes pa skyes
shing/ bdag 'dzin yang

bzlog nus su mthong ba na/ sdug bsngal 'gags pa'i 'gog pa mngon
du bya bar yi dam 'cha' bas/ de'i 'og tu 'gog bden gsungs so/
/'o na sdug bden bstan pa na thar pa la 'dod pa skye bas/ sdug
bden gyi

'og tu 'gog bden ston par rigs so zhe na/ skyon med de de'i tshe
sdug bsngal zhi ba'i 'gog pa la thob na snyam pa'i thar 'dod yod
kyang/ sdug bsngal gyi rgyu ngos ma zin cing/ rgyu de bzlog nus
su ma mthong bas/ 'gog

pa mngon du bya'o/ /snyam du thar pa la thob byar mi 'dzin pa'i
phyir ro/ /de ltar thar pa 'gog pa mngon du bya'o/ snyam du
'dzin pa na/ der 'gro ba'i lam gang yin snyam du/ lam bden la
'jug pas lam bden tha mar

gsungs so/ /de ltar na bden bzhi ni theg pa che chung kun tu lan
du mar gsungs shing/ 'khor bar 'jug pa dang / de las bzlog pa'i
gnad rnams bde bar gshegs pas bsdus pa yin pas/ rnam grol sgrub
pa

la shin tu gal che zhing/ nyams len gyi 'gag bsngoms che bas rim
pa de ltar du slob ma 'khrid dgos te/ sdug bden bsams pa'i sgo
nas 'khor ba la zhen log rnal ma zhig med na thar pa thob 'dod
tshig tsam du 'gro

@071a @#/ /bas; ci byas kun 'byung du 'gro la/ kun 'byung bsams
pa'i sgo nas 'khor ba'i rtsa ba las nyon rnams legs par mi shes
na/ 'bem ma mthong ba'i mda' brdeg pa ltar lam gyi gnad rnams
chad cing /

srid pa las grol ba'i lam ma yin pa la yin par bzung nas ngal ba
'bras bu med par 'gyur ba'i phyir dang / spang bya sdug kun ma
shes na/ de nye bar zhi ba'i thar pa yang ngos mi zin pas thar
pa don gnyer yang rlom pa

tsam du zad pa'i phyir ro/ /gnyis pa la gnyis/ 'khor ba spyi'i
sdug bsngal bsam pa/ so so'i sdug bsngal bsam pa'o/ /dang po la
gnyis/ sdug bsngal bsam brgyad bsam pa/ sdug bsngal drug bsam
pa'o/ /dang po

ni; 'bring dang thun mong ba'i dmigs skor skyong ba thams cad la
yang / thun mong ba rnams ni chung du'i skabs su bshad pa rnams
'dir yang blang bar bya zhing / thun mong ma yin pa'i skyong
rgyu rnams la ni/ blo'i mthu

yod na ji ltar bris pa ltar bskyang la/ blo'i mthu chung na lung
'dren dor nas skabs su gang bab pa'i don gyi ngo bo tsam bskyang
bar bya'o/ /'di rnams dpyad sgom yin yang / sgom rgyu'i dmigs pa
de dag las gzhan pa'i

dge mi dge lung ma bstan gang la yang mi gtang bar/ sems dmigs
pa la rgod pa sogs dgag /gnyid rmugs dang / bying ba'i dbang du
mi gtang bar/ shes pa cher gsal zhing dwangs pa'i ngang nas
breng

@071b chags su bsgom ste/ spyod 'jug las/ bzlas brjod dang ni
dka' thub sogs/ /yun ring dus su spyad byas kyang / /sems gzhan
g.yengs pas byas pa ni/ /de nyid rig pas don med gsungs/ zhes
yid gzhan du

yengs pa'i dag sbyor thams cad 'bras bu chung bar gsungs pa'i
phyir dang / theg pa chen po la dad pa sgom pa'i mdo las kyang /
rigs kyi bu/ rnam grangs 'dis kyang 'di ltar byang chub sems
dpa' rnams kyi theg pa chen

po la dad pa/ theg pa chen po las 'byung ba gang ci yang rung /
de thams cad ni rnam par ma g.yengs pa'i sems kyis don dang
chos yang dag par bsams pa las 'byung bar rig par bya'o/ zhes
gsungs pa'i phyir ro/ /

de la rnam par ma g.yengs pa'i sems ni/ dge ba'i dmigs pa las
gzhan du mi g.yeng ba yin la/ don dang chos ni don dang tshig
ste/ yang dag par bsams pa ni/ so sor rtog pa'i blos dpyad cing
sems pa'o/ /

des ni yon tan gyi chos sgrub pa thams cad la de gnyis dgos par
bstan to/ /des na theg pa gsum gyi yon tan sgrub pa thams cad la
sems dge ba'i dmigs pa de las gzhan du mi g.yeng bar gnas pa'i
rtse gcig pa zhi

gnas dngos sam/ de dang rjes su mthun pa gcig dang / dge pa'i
dmigs pa la so sor dpyod pa'i/ ji lta pa dang ji snyed pa 'byed
pa'i lhag mthong dngos sam/ de dang rjes su mthun pa gcig ste/
gnyis dgos par

@072a @#/ /gsungs so/ /de ltar yang dgongs 'grel las/ byams pa/
yang nyan thos rnams kyi'am/ byang chub sems dpa' rnams kyi'am/
de bzhin gshegs pa rnams kyi dge ba'i chos 'jig rten pa'am/ 'jig
rten

las 'das pa thams cad kyang / zhi gnas dang lhag mthong gi 'bras
bur rig par bya'o/ zhes gsungs so/ /'di la zhi lhag dngos dang /
rjes mthun pa gnyis ma byas na/ theg pa gsum gyi yon tan thams
cad zhi lhag

dngos kyi 'bras bur 'ong ba'i nges pa med do/ /'dir sdug bsngal
brgyad kyi dang po skye ba'i sdug bsngal bsam pa la lnga las/
skye ba sdug bsngal dang ldan pas sdug bsngal ba ni/ sems can
dmyal ba pa dang / mtha'

gcig tu sdug bsngal ba'i yi dwags rnams dang / mngal skyes rnams
dang / sgong skyes te bzhi po de dag ni skye ba na sdug bsngal
gyi tshor ba drag po mang po dang bcas te skye'o/ /skye ba gnas
ngan len dang ldan pas ni/ nyon

mongs skye ba dang / gnas pa dang / 'phel ba'i sa bon rjes su
'brel bas/ dge ba la bkol bzod pa'i las rung yang med cing /
'dod 'dod du dbang bsgyur du yang mi rung ba'o/ /skye ba sdug
bsngal gyi

gnas su gyur pas ni/ khams gsum du skye ba blangs pa de la brten
nas/ rga ba dang na ba dang 'chi ba la sogs pa'i sdug bsngal
rgyas par 'gyur ba'o/ /skye ba nyon mongs kyi gnas su gyur pas
ni/ 'khor bar skyes pa na/ chags

@072b pa dang sdang ba dang rmongs par 'gyur ba'i yul rnams la
dug gsum skye zhing / de las kyang lus sems rab tu ma zhi bas
sdug bsngal nas bde ba la mi gnas te/ nyon mongs bas sgo sna
tshogs nas lus sems gdung ba'o/ /skye ba mi 'dod

bzhin du 'bral ba'i chos nyid yin pas sdug bsngal ba ni/ skyes
pa thams cad kyi mtha' 'chi ba las ma 'das shing / de yang mi
'dod la/ des kyang sdug bsngal kho na myong bar byed pa de rnams
yang yang sems pa'o/ /gnyis pa rga ba'i

sdug bsngal bsam pa la lnga las/ gzugs bzang po yongs su nyams
pa ni/ rked pa gzhu ltar dgu ba dang / mgo spra ba'i me tog ltar
dkar ba dang / dpral ba dras stan ltar gnyer mas khebs pa sogs
kyis lang tsho nyams te mi sdug

par gyur pa'o/ /mthu stobs nyams pa ni/ 'dug nas sgye thag pa
chad pa 'dra ba dang / ldan na shing rtsa gnam du 'don pa 'dra
ba dang / smra na ldib cing / 'gro na 'bub pa sogs byed pa'o/
/dbang po nyams pa ni/ mig la sogs pas gzugs

sogs gsal bar mi mthong ba dang / brjed ngas che ba sogs kyis
dran pa la sogs pa'i mthu bri ba'o/ /yul la longs spyod pa nyams
pa ni/ bza' btung sogs 'ju dka' zhing / gzhan 'dod yon rnams la
longs spyod par mi

nus pa'o/ /cho yongs su nyams pa'i sdug bsngal ni/ tshe phal cher
zad pas 'chi pa la phyogs pa ste/ de rnams yang dang yang du
sems pa'o/ /spyan snga'i zhal nas/ 'chi ba'i sdug bsngal thu
ste/ yun thung / rgas pa 'di ka thu

@073a @#/ /gsung ngo/ /ka ma ba'i zhal nas/ rgas pa khad kyis
khad kyis 'ong bas drag /dus gcig la 'ong na bsran thabs med
gsung ngo/ /gsum pa na ba'i sdug bsngal bsam pa la lnga las/ lus
kyi rang

bzhin 'gyur ba ni/ lus kyi sha zhu pags pa bskams pa sogs so/
/sdug bsngal dang yid mi bde 'phel zhing de la shas cher gnas pa
ni/ lus kyi chu la sogs pa'i khams rnams cha mi mnyam par shas
che chung du

'khrugs pas lus la gdung ba skyed cing / des sems la mi bde ba
skyed pas nyin mtshan 'da' dgos pa'o/ /yul gyi longs spyod yid du
'ong ba mi 'dod pa ni/ yid du 'ong ba'i yul rnams la nad la gned

zer nas 'dod bzhin du spyad dbang med pa ste/ de bzhin du spyod
lam gang 'dod pa yang byar med pa'o/ /yul gyi longs spyod yid du
mi 'ong ba la mi 'dod bzhin du spyad dgos pa ni/ sman dang bza'
btung sogs

yid du mi 'ong pa nan gyis spyad dgos shing / de bzhin du mes
sreg pa mtshon gyis 'bugs pa sogs dpyad rtsub po rnams bsten dgos
pa'o/ /sdog dang 'bral bar 'gyur ba ni/ nad mi 'tsho bar mthong
nas sdug

bsngal skyed pa ste de rnams la zhib tu sems pa'o/ /bzhi pa 'chi
ba'i sdug bsngal bsam pa la lnga las/ longs spyod/ rtsa 'jing /
'khor/ lus sdug pa phun sum tshogs pa bzhi dang 'bral ba dang /
'chi ba'i tshe

@073b sdug bsngal dang yid mi bde drag po myong ba ste/ de rnams
la yid skyo bar ma gyur gyi bar du yang yang sems pa'o/ /snga ma
bzhi sdug bsngal du 'gro tshul ni bzhi po de dag dang 'bral bar
mthong nas sdug bsngal ba'o/ /lnga pa mi

sdug pa dang phrad pa'i sdug bsngal la lnga ste/ dgra lta bu
dang phrad pa tsam gyis sdug bsngal dang yid mi bde skye ba dang
/ des chad pas gcod pa'i 'jigs pa'i gnas su gyur pa dang / gtam
ngan pas 'jigs pa dang / nyam nga

bzhin du 'chi bas 'jigs pa dang / chos dang 'gal bas shi ba'i
'og tu ngan 'grong song ngogs nas 'jigs pa ste de dag la sems
pa'o/ /drug pa sdug pa dang bral ba'i sdug bsngal la lnga ste/
ches phangs pa'i

gnyen la sogs pa dang bral ba na des sems la mya ngan skye ba
dang / ngag tu smre sngags 'dan pa dang / lus la gnod pa skyed
pa dang / yul de'i yon tan dran zhing 'dod pas yid gdung ba dang
/ de'i longs spyod ma tshang ba

ste; ;de rnams sems pa'o/ /bdun pa 'dod pa btsal te ma rnyed
pa'i sdug bsngal bsam pa la lnga ste/ sdug pa dang bral ba dang
'dra'o/ /'dod pa btsal te ma rnyed pa ni so nam byas kyang ston
thog ma grub pa dang / tshong byas

kyang khe spogs ma thon pa sogs te/ gang la re ba de 'bad nas
btsal yang ma rnyed pas yid chad pa'i sdug bsngal lo/ /brgyad pa
mdor na nye bar len pa'i phung po lnga sdug bsngal zhes gsungs
pa'i don bsam pa la

@074a @#/ /lnga ste; mngon par 'grub pa'i sdug bsngal gyi snod
dang / mngon par grub pa la brten pa'i sdug bsngal gyi snod dang
/ sdug bsngal gyi sdug bsngal gyi snod dang / 'gyur ba'i sdug
bsngal gyi snod dang / 'du byed kyi sdug

bsngal gyi rang bzhin du gyur pa ste de dag la yang yang sems
pa'i/ /de la dang po ni nyer len gyi phung po 'di blangs pa la
brten nas skye ba phyi ma phan chad kyi sdug bsngal rnams 'dren
la'o/ /gnyis pa ni phung po grub zin la

brten pa'i na rga sogs kyi rten du gyur pa'o/ /gsum pa dang bzhi
pa ni sdug bsngal gnyis po de'i gnas ngan len rjes su 'brel bas
de gnyis skyed pa'o/ /lnga ba ni nyer len gyi phung po grub tsam
gyis 'du byed kyi sdug

bsngal gyi rang bzhin du skye ste/ las nyon snga ma'i gzhan
dbang du gyur pa'i 'du byed thams cad 'du byed kyi sdug bsngal
yin pa'i phyir ro/ /nyer len gyi phung po'i rang bzhin gyi 'khor
ba la skyo ba rnal ma zhig ma skyes na

thar pa don gnyer gyi blo rnal ma skye sa med cing sems can
'khor bar 'khyams pa la snying rje chen po yang skye thabs med
pas/ theg pa che chung gang du 'jug kyang bsam pa 'di shin tu
gal che'o/ /gnyis pa ni/ bshes

sbrings las/ nges pa med pa dang / ngoms mi shes pa dang / lus
yang dang yang du 'der ba dang / yang dang yang du nying mtshams
sbyor ba dang / yang dang yang du mtho dman du 'gyur ba dang /
grogs med pa'i nyes pa drug

@074b gsungs pa ni/ gsum du 'du ste/ 'khor ba la yid brtan byas
med pa dang / de'i bde ba la ji tsam spyad kyang ngoms pa'i
mtha' med pa dang / thog ma med pa nas zhugs pa'o/ /dang po la
bzhi las/ lus thob pa la

yid brtan mi rung ba ni yang dang yang du lus 'dor ba'o/ /phan
gnod byed pa la yid brtan mi rung ba ni pha bu dang / ma chung
mar 'gyur ba dang / dgra bshes su 'gyur ba sogs nges pa med
pa'o/ /phun tshogs thob pa la yid

brtan mi rung ba ni mtho sa nas dma' sar ltung ba'o/ /'grogs pa
la yid brtan mi rung ba ni/ grogs med par 'gro ba'o/ /gsum pa ni
yang yang nying mtshams sbyor ba ste skye ba brgyud pa'i mtha' mi
mngon pa ste/ de

ltar yang yang bsam par bya'o/ /gzhan yang chags pa rgyas par
'gyur ba'i da lta'i tshor ba bde ba phal mo che ni/ sdug bsngal
phyir bcos pa la bde ba'i blo skyes pa yin gyi/ sdug bsngal bsal
ba la mi ltos pa'i ngo bo

nyid kyis bde ba ni med de/ dper na 'gro ba drag pas sdug bsngal
ba na/ bsdad pas bde ba'i blo 'byung ba de snga ma'i sdug bsngal
che rim nas 'gags pa'i che bde ba rim gyis skyes par snang ba
yin gyi/ ngo bo nyid kyis bde ba ni min te/ slar

yang bsdad drags na sngar ltar sdug bsngal skyed ba'i phyir ro/
/ngo bo nyid kyis bde ba'i rgyu yin na sdug bsngal gyi rgyu ji
ltar bsten pa tsam gyis sdug bsngal je 'phel du 'gro ba bzhin du
'gro 'dug nyal ba dang / bza' btung dang /

@075a @#/ /nyi ma dang / grib ma bsten pa sogs kyang ji tsam ring
du bsten pa de tsam du bde ba je 'phel du 'gro dgos pa la/ ring
drags na sdug bsngal 'ba' zhig bskyed par snang ngo/ /de dag
kyang mngal 'jug dang / bzhi brgya pa rtsa

'grel las gsungs so/ /gnyis pa la bzhi/ ngan song gsum gyi sdug
bsngal/ mi'i sdug bsngal/ lha ma yin gyi sdug bsngal/ lha'i sdug
bsngal bsam pa'o/ /dang po ni bshad zin to/ /gnyis pa ni/ bkres
skom dang / tsha grang

gi reg pa yid du mi 'ong ba dang / tshol kro dang / ngal ba'i
sdug bsngal dang / gzhan yang skye rga na 'chi sogs bdun ni
sngar bshad pas shes par bya'o/ /gzhan yang tshogs kyi gtam las/
ngan 'gro'i sdug bsngal ma lus pa/ /mi rnams

la yang yod par snang/ /sdug bsngal gzir bas dmyal ba mtshungs/
/dbul bas gshin rje'i 'jig rten pa/ /'di yi dud 'gro'i sdug
bsngal yang/ /mthu ldan stobs kyis mthu med pa/ /rnam par gnon
zhing 'tshe ba dag /chu bo lta bu

nyid yin no/ zhes dang / bzhi rgya pa las kyang / mchog la yid
kye sdug bsngal te/ /tha ma la rnams la lus skyes so/ /sdug
bsngal gnyis kyis 'jig rten 'di/ /nyin re nyin re 'joms par
byed/ ces gsungs pa ltar

bsam mo/ /gsum pa ni/ lha ma yin rnams lha'i dpal 'byor mi bzod
pa'i phrag dog gis yid gdung la/ de la brten nas lha dang 'thab
pa na lus bcad pa dang / dral ba sogs kyi sdug/ bsngal du ma
myong ba dang / de rnams shes

@075b rab dang ldan yang rnam smin gyi sgrib pa can yin pas rten
de la bden pa mthong du mi rung bar gsungs so/ /bzhi pa la
gnyis/ 'dod lha'i sdug bsngal/ khams gong gi lha'i sdug bsngal
lo/ /dang po la gsum ste/ 'chi 'pho ba dang

lhung ba'i sdug bsngal/ spa gong ba'i sdug bsngal/ bcad pa dang
dral ba dang gsod pa dang sbyug pa'i sdug bsngal lo/ /dang po la
gnyis/ 'chi 'pho ba'i sdug bsngal/ gnas 'og mar ltung ba'i sdug
bsngal lo/ /dang po ni/ sngar

lta'i 'dod pa la longs spyad pa las byung ba'i bde ba las 'chi
'pho ba'i che 'chi ltas lnga mthong ba na de las byung ba'i sdug
bsngal ches che ba 'byung ba'o/ /'chi ltas lnga ni/ lus kyi kha
dog mi sdug pa dang / stan la mi dga'

ba dang / me tog gi phreng ba brnyings pa dang / gos la dri ma
chags pa dang / lus la sngon med pa'i rdul 'byung ba'o/ /gnyis
pa ni/ bshes springs las/ lha yi 'jig rten dag nas 'phos pa la/
/gal te dge ba'i lhag

ma 'ga' med na/ /de nas dbang med dud 'gro yi drags dang /
/dmyal bar gnas pa gang yang rung bar 'gyur/ zhes gsungs pa ltar
ro/ /gnyis pa ni/ bsod nams kyi phung po ches rgya chen po dang
ldan pa'i lha rnams la/

'dod yon ches phul du byung ba 'byung la/ de lha'i bu bsod nams
chung ba rnams kyis mthong ba na spa gong bar 'gyur zhing gzhi
de las sdug bsngal dang yid mi bde chen po myong ba'o/ /gsum pa
ni/ lha rnams lha ma yin dang 'thab

@076a @#/ /pa na yan lag dang nying lag bcad pa dang / lus dral
ba dang / gsod pa'i sdug bsngal myong ste/ mgo bcad na ni 'chi
la/ yan lag dang nying lag lhag ma bcad cing dral ba rnams
phyir skye zhing 'tsho'o/ /spyug

pa ni; lha ches stobs dang ldan pa rnams 'khrugs na/ lha'i bu
ches mthu chung ba rnams rang gi gnas nas skrod par byed pa'o/
/gnyis pa ni/ khams gong ma gnyis kyi lha rnams la sdug bsngal
gyi sdug bsngal med kyang /

nyon mongs pa dang ldan zhing sgrib pa dang bcas la/ 'chi 'pho
ba dang gnas pa la rang dbang med pas gnas ngan len gyis ni
sdug bsngal lo/ /gzhan yang tshogs kyi gtam las/ gang zhig
gzugs can gzugs med pa/

sdug bsngal sdug bsngal las 'das shing/ /ting 'dzin bde ba'i
bdag nyid can/ /bskal par g.yo ba med par gnas/ /de yang shin
tu nges grol min/ /de las slar yang ltung bar 'gyur/ /ngan
'gro'i sdug bsngal rab klong

las; ;'das pa lta bur byung gyur la/ /'bad kyang ji ltar ring
mi gnas/ /mkha' la lding ba'i bya dang mtshungs/ /byis pa'i
stobs kyis mda' 'phangs ltar/ /de ni ltung ba'i mtha' can yin/
/mar me ring du 'bar ba dag /

skad cig re rer 'jig pa ltar/ /'du byed yongs 'gyur zhes pa
yi/ /sdug bsngal dag gis nye bar gtses/ zhes so/ /gnyis pa la
gsum/ nyon mongs skye ba'i chul/ des las gsog tshul/ 'chi 'pho
ba dang nyid

@076b mtshams sbyor ba'i tshul lo/ /dang po ni/ 'khor ba 'grub
pa'i rgyul las nyon gnyis dgos kyang/ nyon mongs gtso bo yin
te/ nyon mongs med na sngar bsags kyi las bgrangs las 'das pa
yod kyang / rlan dang sa la sogs

pa med pa'i sa bon gyis myu gu mi 'grub pa bzhin du las la
lhan cig byed rkyen med pas sdug bsngal gyi myu gu mi 'grub
pa'i phyir dang / nyon mongs yod na las sngar bsags med kyang
/ de ma thag gsar du bsags nas

phung po phyi ma len pa'i phyir ro/ /de ltar yang rnam 'grel
las/ srid pa'i sred las rnam brgal ba'i/ /las gzhan 'phen nus
ma yin te/ /ltan cig byed pa zad phyir ro/ zhes dang / sred pa
ni/ yod na slar yang 'byung

phyir ro/ zhes gsungs pa'i phyir ro/ /de'i phyir nyon mongs
pa'i gnyen po bsten pa gal che la/ de yang nyon mongs shes pa
la rag las pas nyon mongs rnams la mkhas par bya'o/ /'di la
gsum/ nyon mongs ngos gzung

pa; ji ltar skye ba'i rim pa/ nyon mongs pa'i nyes dmigs so/
/dang po la bcu las/ 'dod chags ni/ phyi'am nang gi yul sdug
pa yid du 'od ba la dmigs nas rjes su chags pa ste/ dper na
ras la snum zhugs

pa dbyung dka' ba bzhin du 'di yang rang gi dmigs pa la zhen
cing mched pa ni dmigs pa de dang dbral dka' ba'o/ /khong khro
ba ni/ sems can rnams dang sdug bsngal dang / mtshon dang /
tsher ma sogs sdug

@077a @#/ /bsngal gyi gnas rnams la dmigs nas kun nas mnar sems
pa/ sems rtsub mo/ yul de rnams la gnod pa bya bar sems pa'o/
/nga rgyal ni/ 'jig lta la brten te phyi 'am nang gi mtho dman
dang /

bzang ngan la dmigs nas sems khengs bste/ mtho ba'i rnam pa
can du 'jug pa'o/ /ma rig pa ni/ bden bzhi dang / las 'bras
dang / dkon mchog gi rang bzhin la blo mi gsal bas mi shes
pa'i nyon mongs can

no; ;the tshom ni/ bden pa sogs gsum la dmigs nas yod dam med
yin nam min snyam pa'o/ /'jig tshogs la lta ba ni/ nyer len gyi
phung po la dmigs nas nga dang nga'i zhes/ bdag dang bdag gir
lta

ba'i shes rab nyon mongs can no/ /de la 'jig pa ni mi rtag pa
dang / tshogs pa ni du ma yin pas/ 'dis gang la blta ba'i gzhi
ni mi rtag pa dang / du ma'i chos tsam yin gyi/ rtag pa dang
gcig pu'i gang zag ni med do/

zhes bstan pa'i phyir du 'jig tshogs la lta ba zhes ming btags
so/ /mthar 'dzin pa'i lta ba ni/ 'jig ltas gang gzung ba'i
bdag de la dmigs nas rtag pa ther zug pa'am/ 'di nas phyi mar
nying mchams sbyor ba med

pa'i chad par lta ba'i shes rab nyon mongs can no/ /lta ba
mchog tu 'dzin pa ni/ 'jig lta/ mthar lta/ log lta gsum gang
rung dang / de dag gang la brten nas 'byung ba'i lta ba po'i
phung po la dmigs nas mchog tu 'dzin/

@077b pa'i shes rab nyon mongs can no/ /tshul khrims dang /
brtul zhugs mchog 'dzin ni/ 'chal tshul spong ba'i tshul khrims
dang / cha byad dang tshul dang lus ngag gi 'jug pa nges par
byed pa'i brtul zhugs dang / gang la brten nas de

dag 'byung ba'i phung po la dmigs nas sdig pa 'dag pa dang /
nyon mongs las grol ba dang / 'khor ba las nges bar 'byin par
lta ba'i shes rab nyon mongs can no/ /log lta ni/ tshe snga
phyi dang / las 'bras sogs med ces skur

pa 'debs pa dang / dbang phyug dang / gtso bo sogs 'gro ba'i
rgyur 'dzin pa'i sgro 'dogs kyi shes rab nyon mongs can no/
/de rnams ni grub mtha' gong 'og thun mong gi dbang du byas
pa'i nyon mongs pa'i ngos 'dzin yin gyi/

dbu ma thal 'gyur ba'i lugs ni 'og tu 'chad par 'gyur ro/
/gnyis pa ni/ 'jig lta dang ma rig pa so sor 'dod pa ltar na/
dper na thag pa bsngogs pa la mun pa cung zad babs te/ thag
pa'i gnas lugs mi gsal ba na/

de la sbrul 'dzin gyi blo skye ba ltar/ phung po'i gnas lugs
gsal ba la sgrib pa'i ma rig pa'i mun pa las phung po la bdag
tu 'khrul pa skye la/ de las nyon mongs gzhan rnams skye'o/
/de gnyis gcig tu 'dod pa ltar na

'jig lta nyid nyon mongs kyi rtsa ba'o/ /de yang 'jig ltas
bdag tu bzung ba na rang gzhan so so bar ris su gcod par byed
la/ de ltar rang da nas rang phyogs la chags pa dang / gzhan
phyogs la zhe sdang 'byung / bdag

@078a @#/ /la dmigs nas khengs pa yang skye la/ bdag de nyid la
rtag cad du 'dzin zhing bdag tu lta ba sogs dang / de dang
'brel ba'i spyod pa ngan pa la mchog tu 'dzin pa skye'o/ /de
bzhin du bdag med ston pa'i

ston pa dang / des bstan pa'i las 'bras dang / bden bzhi dang
/ dkon mchog sogs la de dag med do/ /zhes pa'i log lta 'am/
yang ne da lta pu yod dam med/ yin nam min snyam du the tshom
skyed de/ rnam

'grel las/ bdag yod na ni gzhan du shes/ /bdag gzhan cha las
'dzin dang sdang/ /'di dag dang ni yongs 'brel las/ /nyes pa
thams cad 'byung bar 'gyur/ zhes gsungs so/ /gsum pa ni/ mdo
sda'i rgyan las/

nyon mongs rnams kyis bdag 'joms sems can 'joms shing tshul
khrims 'joms/ /nyams bcas rnyed pas dman zhing bsrung dang de
bzhin ston pas smad/ /rtsod pa mi snyan de ni gzhan du mi khom
gnas su

skye; ;thob dang ma thob nyams pas yid la sdug bsngal chen po
'thob/ ces so/ /spyod 'jug las kyang / zhe sdang sred sogs
dgra rnams ni/ /rkang lag la sogs yod min la/ /dpa' mdzangs
min yang ji zhig

ltar; ;de dag gis bdag bran bzhin byas/ /bdag gi sems la gnas
bzhin du/ /dga' dgur bdag la gnod byed pa/ /de la'ang mi khro
bzod pa ni/ /gnas min bzod pa smad pa'i gnas/ /gal te lha dang

@078b lha min rnams/ /thams cad bdag la dgrar langs kyang/ /de
dag gis kyang mnar med pa'i/ /me nang 'khrid cing 'jug mi nus/
/nyon mongs stobs can dgra 'dis ni/ /gang dang phrad na ri rab
kyang / /thal ba yang ni

mi lus pa/ /der bdag skad cig gcig la 'dor/ /bdag gi nyon
mongs dgra po gang / /dus ring thog mtha' med pa ltar/ /dgra
gzhan kun kyang de lta bur/ /yun ring thub pa ma yin no/
/mthun par rim gro bsten

byas na/ /thams cad phan dang bde byed na/ /nyon mongs rnams
ni bsten byas na/ /phyir zhing sdug bsngal gnod pa byed/ ces
gsungs pa'i nyes dmigs rnams bsam par bya'o/ /dgon pa ba'i
zhal nas/ nyon

mongs spong ba la nyon mongs pa'i nyes dmigs dang / mtshan nyid
dang / gnyen po dang / skye ba'i rgyu rnams shes dgos/ nyes
dmigs shes par byas nas skyon du blta dgrar gzung / nyes dmigs
ma shes

na dgrar mi go bas/ mdo snge rgyan dang / spyod 'jug nas
gsungs pa ltar sems pa yin gsung ba dang / nyon mongs kyi
mtshan nyid shes pa la yang chos mngon pa mnyan/ ma mtha'
na'ang phung po lnga'i rab byed mnyan

la; rtsa ba dang / nye nyon rnams ngo shes bar byas nas chags
sdang la sogs pa gang rung rgyud la skyes tsa na 'di de yin
ang/ kho byung ngo snyam du ngos bzung yin / nyon mongs dang
'thab pa yin no/ /gsung ba ltar go

@079a @#/ /dgos so/ /gnyis pa la gnyis/ bsag par bya ba'i las
ngos bzung ba/ de ji ltar gsog pa'i tshul lo/ /dang po ni/ sems
pa'i las ni rang dang mtshungs par ldan pa'i sems yul rnams la
g.yo

zhing skul bar byed pa'i sems byung yid kyi las so/ /bsam pa
ni/ sems pa des kun nas bslang ba'i lus ngag gi las te/ de la
rig byed dang rig byed ma yin pa gnyis su byas nas gzugs can
kho nar bye brag tu

smra ba 'dod pa la/ slob dpon dbyig gnyen gyis bkag nas/ lus
ngag gi rig byed dang mnyam du 'jug pa'i sems pa la bzhed pas/
las gnyis ka sems par bshad do/ /de la mi dge ba'i las ni bsod

nams ma yin pa'i las yin la/ bsod nams kyi las ni 'dod pa
khams kyis bsdus pa'i dge ba'i las so/ /mi g.yo ba'i las ni
gzugs gzugs med kyi sas bsdus pa'i dge ba zag pa dang bcas
pa'i las

so; ;gnyis pa ni/ bdag med mngon sum du rtogs nas ni las nyon
gyi dbang gis 'khor bar skye ba yod kyang 'phen byed kyi las
gsar du mi gsog pas 'khor bar 'phen byed kyi las gsog pa po ni
theg chen spyor

lam chos mchog chen po la gnas pa man chad kyi so skye thams
cad do/ /de yang rten des sgo gsum pos srog gcod sogs mi dge
ba 'du byed na bsod nams ma yin pa'i las gsog la/ 'dod khams
kyi dge ba sbyin

@079b gtong dang tshul khrims bsrung ba sogs 'du byed na bsod
nams kyi las dang / bsam gtan dang gzugs med kyi sas bsdus
pa'i zhi gnas sogs sgom na mi g.yo ba'i las gsog go/ /gsum pa
la lnga/ 'chi ba'i

rkyen/ 'chi ba'i sems/ drod gang nas sdud pa/ shin nas bar do
'grub lugs/ de nas skye srid du skye ba len tshul lo/ /dang po
ni/ tshe zad pas 'chi ba ni sngon las kyis ji ltar 'phangs pa'i
tshe thams cad zad de dus la

bab ste 'chi ba'o/ /bsod nams zad nas 'chi ba ni yo byad med
de 'chi ba lta bu'o/ /ya nga ba ma spangs par 'chi ba ni 'chi
ba'i rgyu rkyen kha zas tshod mi zin par za bsogs dgu mdo nas
gsungs pa lta bu'o/ /gnyis pa ni/

dad sogs dge ba dang / chags sogs mi dge ba'i sems gnyis ni/
rang gis sam/ gzhan gyis dran du bcug pa la brten nas 'du byed
rags pa 'jug pa'i bar du sems la 'byung la/ lung ma bstan gyi
sems dang

ldan par 'chi ba ni/ dge mi dge'i sems gnyis rang gis ma dran
la gzhan gyis kyang dran par ma byas pa'o/ /de la dge ba byed
pa ni mun khrod nas snang bar 'gro ba dang 'dra la/ 'chi pa'i
tshe rmi lam lta bu'i gzugs yid

du 'ong ba sna tshogs 'byung zhing bde bar 'chi la gnad gcod
kyang shin tu tshabs chung ngo/ /mi dge ba byed pa ni snang ba
nas mun khrod du 'gro ba dang 'dro la/ 'chi ba'i tshe rmi lam
lta bu'i gzugs mi sdug pa sna tshogs

@080a @#/ /snang zhing sdug bsngal gyi tshor ba drag po 'byung
la/ gnad gcong kyang shin tu tshabs che'o/ /gnad gcod ni lha
dang dmyal ba ma gtogs pa'i skye gnas thams cad la yod do/
/lung ma bstan gyi sems dang

ldan pa la ni sngar bshad pa'i bde sdug gnyis ka mi 'byung ngo
/'tshi ba'i tshe dge mi dge'i sems gnyis ni gang goms pa che
bste mngon du 'gyur gyi sems gzhan rjes su mi 'jug la/ gnyis
ka la goms pa mnyam na ni/

dang por gang dran pa de mngon du 'gyur la/ gzhan rjes su mi
'jug go/ /sems cha phra mor rgyu ba'i tshe ni dge mi dge'i sems
gnyis ldog cing lung ma bstan gyi sems su 'gyur ro/ /thams cad
kyang 'chi ba'i tshen 'du shes mi gsal

ba la ma sleb pa'i bar du yun ring mo nas goms pa'i bdag la
chags pa 'byung ngo/ /de'i 'og tu bdag la chags pa'i dbang gis
bdag ni med par 'gyur ro snyam nas lus la dga' bar 'gyur te/
de ni bar do 'grub pa'i rgyu'o/ /rgyun

zhugs dang phyir 'ong la yang bdag chags 'byung mod gyi/ shes
rab kyis brtags nas spong gi dang du mi len te/ dper na mi
stobs ldan gyis stobs chung du brdung ba dang 'dra'o/ /phyir
mi 'ong la ni bdag chags de mi 'byung ngo/ /gsum

pa ni; mi dge ba byed pa ni thog mar ro stod nas drod bsdus te
snying ga bar du 'dor la dge ba byed pa ni dang por ro smad
nas drod bsdus nas snying ga bar du 'dor la snying gnas rnam
shes 'pho'o/ /dang po khu khrag gi dbus su rnam shes

@080b gang zhugs pa de snying gar 'gyur zhing / tha mar phyogs
gang nas 'pho pa de nyid du thog mar 'jug pa yin no/ /bzhi pa
ni/ sngar bshad ba ltar rnam shes gang nas 'phos pa'i phyogs
de nas bar mchad par srad mda'i mtho dman bzhin

du shi ba dang bar do 'grub ste/ bar do de yang mig sogs dbang
po tshang ba/ gang du skye 'gyur gyi 'gro ba de'i lus kyi rnam
pa can skye ba ma blangs bar du mig ni lha'i mig ltar thogs pa
med cing lus kyang rdzu 'phrul dang ldan pa bzhin du

thogs pa med do/ /bar do ris mthun dang bsgoms pa las byung
ba'i lha'i mig skyon dang bral pas mthong la/ 'gro ba gang yin
pa'i bar do grub na/ de nas skye ba gzhan du bzlog tu med par
mdzod las gsungs mod kyang / kun

las btus su ldog pa yang bshad do/ /mi dge ba byed pa'i bar
srid ni/ phyar ba nag po'am/ mtshan mo mun nag tu snang ba lta
bu dang / dge ba byed pa'i bar srid ni snam bu dkar po'am zla
ba'i 'od dang bcas pa'i mtshan mo'i snang

ba lta pu'o/ /rang dang rigs mthun pa'i bar do dang / de dang
rang gi skye gnas kyang mthong ngo/ /dmyal ba'i bar do ni
sdong dum tshig pa dang / dud 'gro'i bar do ni du ba dang / yi
dwags kyi bar do ni chu dang / 'dod lha dang ma'i

par do ni gser lta bu dang / gzugs khams pa'i bar do ni dkar
par mngal 'jug las gsungs so/ /gzugs med nas khams 'og ma
gnyis su skye na par do yod la/ di gnyis nas gzugs med du
skyen/ gang du shi 

@081a @#/ /ba der gzugs med kyi phung po 'grub kyi bar do med do/
/lha'i bar do ni gyen du'o/ /mi'i ni thad kar 'gro'o/ /nyes pa'i
las byed pa rnams kyi ni mig thur du byas te spyi'u tshugs su
'gro bar gsungs te ngan song

gsum ga la dgongs pa 'dra'o/ /tshe tshad ni skye ba'i rkyen ma
rnyed na re ltar thogs na'ang zhag bdun du gnas so/ /rkyen rnyed
na ni nges pa med do/ /ma rnyed na'ang lus brjes nas zhag bdun
phrag bdun tshun chad du gnas kyi/ de tshun

chad du nges par skye ba'i rkyen rnyed pas de phan chad mi gnas
so/ /lha'i bar do lta bu de zhag bdun gyis shi 'phos nas lha'i
bar do de'am/ yang na mi la sogs pa'i bar do 'grub ste/ las
gzhan gyi bya ba 'gyur bas bar do'i

sa bon 'gyur bar byed pa'i phyir ro/ /gzhan la yang de ltar ro/
/lnga pa ni/ mngal du skye na pha ma'i khu khrag la phyin ci log
tu mthong ba skye ste/ de'i tshe pha ma nyal po byed pa med bzhin
du nyal po byed pa sgyu ma bzhin du mthong

ste de la chags par/ sa mang po pa las gsungs la/ mdzong 'grel
las/ pha ma nyal po byed pa mthong bar bshad do/ /de yang mar
skye na bud med dang 'bral 'dod cing skyes pa la chags te nyal
'dod do/ /phor skye na

ni skyes pa dang 'bral 'dod cing bud med la chags te nyal 'dod
do/ /de lta bu'i 'dod pa skyes nas ji ltar nye bar phyogs pa de
ltar skyes pa dang bud med de'i yan lag gzhan gang yang mi snang
bar pho mo'i mtshan ma gnyis

@081b tsam zhig mthong ngo/ /de la khros te bar srid de 'chi
'pho zhing skye'o/ /de yang pha ma gnyis chags pa drag po'i
skabs su bab pa na mjug kho nar khu ba bska ba 'byung la/ de'i
rjes la gnyis ka las khu khrag gi thigs pa

gnyis gdon mi za bar 'byung ste/ de gnyis ma'i skye gnas su
'dres nas/ dper na 'o ma skol ba grangs pa'i spris ma bzhin du
chags par gyur pa de dang lhan cig tu bar srid de 'gag par 'gyur
la/ de 'gags pa dang dus

gcig tu nyid mtshams sbyar ba'i rnam shes kyi mthus/ de las gzhan
pa'i dbang po'i 'byung ba chen po cha phra ba dang 'dres pa de
dang mthun pa'i khu khrag 'dus pa dbang po dang bcas pa gzhan
'byung ste/ de'i dus su zhugs pa'i

rnam shes ni kun gzhi khas len pa rnams kun gzhir 'dod la/ kun
gzhi khas mi len pa rnams yid kyi rnam shes kyis nying mtshams
sbyor bar 'dod do/ /skye gnas su 'gro 'dod med na mi 'gro la ma
song na der mi skye bas dmyal

bar skye ba'i las byas shing bsags pa lug gsod pa'am bya ba'am
phag 'tshong sogs sdom min can rnams kyi bar srid na skye gnas su
lug la sogs pa rmi lam bzhin du mthong nas sngon goms pa'i dga'
bas der rgyug go/

de nas skye gnas kyi gzugs de la khros nas bar srid 'gag cing
skye srid du skye ste/ de bzhin du dmyal ba dang yi dwags wa ba
can sogs su skye ba yang de dang 'dra'o/ /dud 'gro /yi dwags mi/
'dod pa dang gzugs na spyod pa'i ltar

@082a @#/ /skye na ni skye gnas su rang dang rigs mthun pa dga'
bar 'gyur ba'i sems can mthong zhing/ de nas der dga' ba dang /
'dod pa bskyed de song ba dang / skye gnas la khros nas bar srid
'gag cing skye srid du skye bar sa'i

dngos gzhir gsungs so/ /sdom min can bya pa dang phag 'tshong
sogs min pa'i dmyal bar skye tshul yang 'di dang 'dra bar bya'o/
/mdzod du/ dri dang gnas la mngon 'dod bzhin/ zhes drod gsher
las skye na dri dang / brdzus te skye na gnas

'dod nas skye bar gsungs la/ de yang tsha dmyal du skye na dro ba
dang / grang dmyal du skye na bsil ba 'dod nas bar srid 'gro bar
'grel pa las bshad do/ /sgong skyes kyang mngal skyes dang 'dra
bar mdzod 'grel las bshad do/ /gnyis

pa ni; de ltar sdug kun gnyis kyi sgo nas 'khor ba'i mtshan nyid
zhi ba tu shes par byas pa na de 'dor 'dod pa dang / de rnams
nye bar zhi pa la thob 'dod byang ba tsam nas nges 'byung gi
bsam pa yin mod kyang de tsam gyis mi chog

pas; me 'bar ba'i khyim du tshud pa dang / btson rar tshud ba'i
btson gnas de la mi 'dod cing de nas thar par 'dod pa'i blo ci
tsam skye ba de lta bu'i blo'i tshod tsam du bskyed par bya
zhing/ de nas kyang je 'phel du btang dgos

so; ;bsam pa 'di sha ra ba gsung ba ltar sing skyur la btab pa'i
phye bzhin kha na phar yam me ba zhag las mi 'dug na 'khor ba'i
rgyu kun 'byung la mi 'dod par lta ba yang de 'dra zhig las mi
'ong/ de ltar na sdug kun

@082b 'gags pa'i 'gog pa thar pa don gnyer yang de dang 'dra/
de'i phyir thar pa'i lam la sgrub ba byed par 'dod pa yang tshig
tsam du 'gro zhing/ sems can gzhan 'khor bar 'khyams pa'i sdug
bsngal ma bzod pa'i snying rje yang

'ong sa med la/ bla med byang chub kyi sems ma bcos pa yid bskul
nus pa'i shugs can yang mi skye bas theg chen pa yang tshig rjes
'brangs pa'i go ba tsam du 'gyur bas yang dang yang du bsgom par
bya'o/ /gsum pa ni/

gal te 'khor bas yid shin tu 'byung zhing skyo ba bsgoms na nyan
thos ltar 'khor bar zhugs pa la mi dga' ba'i phyir zhi ba'i
mthar ltung bas skyo ba sgom pa theg dman la mdzes kyi/ byang
sems la ni de sgom par mi

rigs te/ de ltar gsang ba bsam gyis mi khyab pa las bshad pas so
snyam na/ 'di ltar byang sems 'khor ba la skrag par mi bya/ zhes
gsungs pa'i don ni/ las nyon gyi dbang gis srid par 'khyams pa'i
skye rga na

'chi sogs kyi sdug bsngal la yid 'byung mi bya bar ston pa min
gyi/ byang sems kyis smon lam dang snying rje'i dbang gis srid
par sems can gyi don du skye ba 'dzin pa la skrag par mi bya/
zhes pa'i don no/ /des na las

nyon gyi dbang gis srid par 'khyams na sdug bsngal du mas mnar
nas rang don yang mi nus na gzhan don lta ci smos/ de ni rgud pa
kun gyi sgo yin pas theg dman las ches shin tu skyo bar byas la
dgag dgos shing/ smon lam

@083a @#/ /dang snying rje'i dbang gis srid par skye ba 'dzin pa
la ni dga' bar bya dgos so/ /de ltar yang mdo de nyid las/ byang
chub sems dpa' rnams ni sems can yongs su smin pa de nyid nye
bar bzung

nas 'khor ba la phan yon du lta ba de ltar ni yongs su 'das pa
chen po la ma lags so/ /zhes gsungs so/ /de ltar ma phyed par
sngar ltar smra na ni smra ba po de la byang sems kyi sdom pa
yod na nyes byas nyon mongs can zhig skyed

par byang sa las gsungs so/ /'khor ba la yid 'byung bar byas nas
sems can de rnams rang gi gnyen du mthong ste de dag gi don du
byang chub tu sems bskyed pa ni bzhi brgya pa'i dgongs pa yin
zhing gsal bar slob dpon chen pho zla ba

grags pas de'i 'grel par gsungs so/ /bzhi pa ni/ sngar bshad pa
ltar srid pa'i nyes dmigs bsgoms pas 'khor ba las nges par
'byung 'dod drag po skyes pa des 'khor ba bzlog dgos pas/ de la
gnyis/ rten ji

lta bus 'khor ba bzlog pa/ lam ji 'dra zhig bsgoms pas bzlog
pa'o/ /dang po ni bshes springs las/ skye ba zhes bgyi mi khom
skyon brgyad po/ /de dag dang bral khom pa rnyed nas ni/ /skye
ba bzlog pa'i slad du 'bad par

mdzod/ ces gsungs pa ltar dal 'byor thob pa'i dus 'dir bzlog
dgos ta/ mi khom par ni bzlog pa'i skabs med pa'i phyir te sngar
bshad zin to/ /rnal 'byor ba chen po'i zhal nas/ da res phyugs
las bye brag 'byed

@083b pa'i dus yin no gsung/ po to ba'i zhal nas kyang/ sngar de
tsam zhig 'khyams pa la rang log ma byung tsa na da yang rang
log mi 'ong bas bzlog dgos/ bzlog dus kyang da res dal 'byor
thob pa'i dus 'dir yin gsung

ngo; ;de las kyang khyim na gnas pa ni chos sgrub pa'i bar chad
mang zhing nyes pa du ma'i skyon chags la/ rab tu byung ba ni de
las bzlog pas na/ 'khor bzlog pa'i rten ni rab byung mchog tu
gyur pas/ mkhas pas rab tu byung

ba la mngon par dga' bar bya'o/ /drag shul can gyis zhus pa las/
byang sems khyim na gnas pas rab byung la smon pa bya bar gsungs
te/ 'dis ni gtso bor bsnyen par rdzogs pa la smon par gsungs so/
/mdo sde'i

rgyan las kyang/ rab tu byung ba'i phyogs dag ni/ /yon tan tshad
med rnams dang ldan/ /de ltas sdom brtson khyim pa yi/ /byang
chub sems dpa' las khyad 'phags/ zhes gsungs so/ /de ltar na
'khor ba las

thar pa'i rnam grol sgrub pa la rab byung bsngags par ma zad/
phar phyin dang sngags kyi sgo nas rnam mkhyen sgrub pa la yang
rab byung rten mchog tu gsungs la/ rab byung gi sdom pa ni sdom
pa gsum gi nang

nas so sor thar pa nyid yin pas bstan pa'i rtsa ba so sor thar
pa la gus par bya'o/ /gnyis pa ni/ bshes springs las/ mgo 'am
gos la glo bur me shor na/ /de dag phyir bzlog bgyi ba btang nas
kyang/ /yang srid med

@084a @#/ /par bgyi slad 'bad 'tshal te/ /'di las ches mchog dgos
pa gzhan ma mchis/ /tshul khrims dag dang shes rab bsam gtan
gyis/ /mya ngan 'das zhi dul ba dri med pa'i/ /go 'phang mi rga
mi 'chi zad

mi 'tshal/ /sa chu me rlung nyi zla bral thob mdzod/ ces gsungs
pa ltar lam bslab pa rin po che rnam pa gsum la bslab dgos so/
/'dir skyes bu 'bring gi lam rang dga' ba la 'khrid na bslab pa
gsum la 'khrid lugs

rgyas par dgos na'ang de min pas shes rab lhag mthong dang sems
kyi bslab pa zhi gnas skyed lugs ni skyes bu chen po'i skabs su
'chad pas 'dir tshul khrims la bslab tshul mdor bsdus shig brjod
par bya'o/ /

de la thog mar ni/ tshul khrims kyi phan yon yang yang bsams nas
snying thag pa nas spro shugs 'phel bar bya ste/ bshes springs
las/ khrims ni rgyu dang mi rgyu'i sa bzhin du/ / yon tan kun
gyi gzhi rten lags par

gsungs/ zhes dang / dpung bzang gis zhus ba las kyang/ ji ltar
lo tog thams cad sa la ni/ /brten nas skyon med par ni skye ba
ltar/ /de bzhin tshul khrims brten nas chos dkar mchog /snying
rje'i chus brlan pas ni

rnam par skye/ zhes gsungs pa ltar bsam mo/ /khas blangs nas
bsrungs na phan yon shin tu che ba bzhin du ma bsrungs na yang
nyes dmigs che ste/ dge slong la rab tu gces pa'i mdo las/ la
la'i tshul khrims bde ba ste//

@084b la la'i tshul khrims sdug bsngal yin/ /tshul khrims ldan pa
bde ba ste/ /tshul khrims 'chal pa sdug bsngal lo/ zhes dang /
'jam dpal rtsa rgyud las kyang/ zlos pa 'di la tshul khrims
nyams/ /de la grub pa mchog med

cing; ;grub pa 'bring yang yod med de/ /grub pa tha ma'ang yod
ma yin/ /tshul khrims 'chal la thub dbang gis/ /sngags 'grub par
ni ma gsungs te/ /mya ngan 'das grong 'gro ba yi/ /yul dang
phyogs kyang ma yin no/ /byis pa

ngan pa 'di la ni/ /sngags 'grub pa ni ga la yod/ /skye bo tshul
khrims 'chal 'di la/ /de la bde 'gro ga la yod/ /mtho ris su
yang mi 'gyur zhing/ /bde ba mchog tu'ang mi 'gyur na/ /rgyal
bas gsungs pa'i sngags rnams ni//

'grub par 'gyur ba smos ci dgos/ zhes gsungs pa ltar ma bsrungs
pa'i nyes dmigs yang yang bsam par bya'o/ /ting 'dzin rgyal po
las/ khyim pa skya bo'i gos gyon la/ /ngas ni bslab pa gang
bshad pa/ /de tshe dge slong

de dag la/ /bslab pa de yang med par 'gyur/ zhes gsungs pa ltar
dge bsnyen la gsungs pa'i bslab pa'i gzhi lnga yongs su rdzogs
par srung ba dge slong la yang med par gsungs pa'i dus 'dir
bslab pa la brtson pa ni lhag

par yang 'bras bu che bas 'bad par bya ste/ de nyid las/ bskal
pa bye ba ganggA'i bye snyed du/ /dang pa'i sems kyi zas dang
skom rnams dang / /gdugs dang ba dan mar me'i phreng ba yis/
/sangs rgyas bye pa khrag khrig rim gro byas//

@085a @#/ /gang gis dam chos rab tu 'jig pa dang / /bder gshegs
bstan pa 'gag par 'gyur ba'i tshe/ /nyin mtshan du ni bslab pa
gcig spyod pa/ /bsod nams 'di ni de bas bye brag 'phags/ zhes
gsungs so/ /

ji ltar bslab pa'i tshul ni/ ltung ba 'byung ba'i rgyu bzhi las
mi shes pa'i gnyen por ni bslab bya rnams mnyan nas shes par
bya'o/ /bag med pa'i gnyen por ni blang dor gyi dmigs rnam ma
brjed pa'i dran pa dang / 'phral

'phral du sgo gsum la so sor rtog cing legs nyes gang la 'jug
shes par byed pa'i shes bzhin dang / bdag gam chos kyi dbang du
byas nas nyes pa la 'dzem pa'i ngo tsha shes pa dang / gzhan gyis
smad du 'ong snyam nas

'dzem pa'i khrel yod dang / nyes spyod kyi rnam smin la 'jigs
nas bag 'khums pa sogs la bslab po/ /ma gus pa'i gnyen por ni
ston pa dang / de'i bcas pa dang / tshangs pa mtshungs par spyod
pa rnams la gus

par bya'o/ /nyon mongs mang ba'i gnyen por ni rgyud la brtags te
nyon mongs gang shas che ba la gnyen po 'bad nas bsten no/ /de
ltar mi 'bad bar 'di tsam las 'gal yang skyon chung ngo snyam du
bsams te/ bcas

pa la bag yongs su 'jug pa ni sdug bsngal 'ba' zhig 'thob ste/
lung rnam 'byed las/ gang zhig ston pa thugs rje'i bstan pa la/
/yang bar sems shing cung zad 'da' byed pa / /de ni las sdug
bsngal

@085b gzhan dbang 'thob/ /smig tshal bregs pas a mra'i tshal
nyams bzhin/ /'di na la la rgyal po'i tshig chen yang / /'das na
lan 'ga' chad pa thob mi 'gyur/ /thub pa'i bka' lung tshul min
'das byas na/ /dud 'gror 'gro

'gyur e la'i 'dab klu bzhin/ zhes gsungs pa'i phyir ro/ /de bas
na nyes ltung gis ma ges pa la 'bad cing/ brgya la gos na yang /
ji mi snyam par mi 'jog par ltung ba dang / sdig pa'i phyir bcos
la ji ltar gsungs pa ltar 'bad

par bya'o/ /de lta bu'i tshul gyis bsrung ba ni so thar gyi sdom
ldan yin na sngags la yang 'dra ba yin te/ dpung bzang gis zhus
pa las/ rgyal ba ngas gsungs so sor thar pa yi/ /tshul khrims
rnam dag 'dul ba ma lus las/ /

sngags pa khyim pas rtags dang cho ga spang/ /lhag ma rnams ni
nyams su blang bar bya/ zhes sngags pa khyim pas kyang rab byung
gi rtags kyi skor dang las kyi chog dang / bcas pa rkyang pa'i
chog 'ga' zhig ma gtogs pa

'dul ba nas 'byung ba bzhin bya dgos na sngags pa rab byung la
smos ci dgos pa'i phyir ro/ /kham lung pa'i zhal nas kyang/ mu
ge byung tsa na thams cad nas kyi steng du 'ong/ de bzhin du
thams cad tshul khrims kyi steng du kor kor

'od bas 'di la 'bungs shig /tshul khrims dag pa'ang las 'bras ma
bsams pa la mi 'ong bas/ des na 'di sems pa man ngag yin gsung
ba dang / shar ba'i zhal nas kyang/ spyir legs nyes ci byung
yang chos la brten
 
@086a @#/ /pa; de'i nang nas kyang 'dul ba nas ji ltar 'byung ba
la brten na/ lnga ba rkyang mi dgos pa/ zhe gcang ba/ brtag thub
pa/ nyams dga' ba/ mtha' bzang ba yin/ gsung ba dang / dge bshes
ston pa'i zhal nas

kyang ; tshan gcig gis 'dul ba la brten nas bsngags ca 'byid/
sngags la brten nas 'dul ba ca 'byid de/ 'dul ba sngags kyi
grogs/ sngags 'dul ba'i grogs su song ba nga'i bla ma'i bka'
rgyud min pa la med/ gsung ba dang /

jo bo'i zhal nas kyang / nged rgya gar na do gal chen po'am/ bya
ba glo bur ba byung na sde snod 'dzin pa rnams 'tshogs nas sde
snod gsum nas ma bkag gam/ sde snod gsum dang mi 'gal lam/ zhes
gtan la phab nas de'i steng du

'jog pa yin/ nged bri ka ma la shI la ba la/ de'i steng du
byang sems kyi spyod pa nas ma bkag gam/ de dang mi 'gal lam bya
ba zhig yod la/ mdun ma'i zhabs 'dul ba 'dzin pas 'jug pa yin
gsung ngo/ /skyes bu 'bring dang

thun mong ba'i lam gyi rim pa la blo sbyang ba bshad zin to//
<<~>> //de ltar 'khor ba'i nyes dmigs sgo sna tshogs nas rgyun
ring du bsgoms pa las/ srid pa thams cad me 'bar ba'i rlubs ltar
mthong ste/ nyon

mongs dang sdug bsngal nye bar zhi ba'i thar pa la thob 'dod
kyis yid kun tu gdungs pa des/ lam bslab pa gsum la bslabs na
'khor ba las grol ba'i thar pa 'thob cing/ de yang mtho ris kyi
dpal ltar slar ldog pa

@086b yang ma yin mod/ 'on kyang skyon bad pa dang yon tan thob
pa phyogs re ba yin pas rang don ma rdzogs la/ de nyid kyis na/
gzhan don yang nyi tshe bar zad cing/ mthar sangs rgyas kyis
bskul nas theg chen du 'jug dgos pas na/

blo dang ldan pa rnams kyis ni thog ma nas theg chen du 'jug par
rigs te phar phyin bsdus pa las/ 'jig rten don sgrub tshul la
mthu med pa'i/ /theg pa gnyis po gtan du spangs byas shing /
/thub rgyal theg pa snying rjes

bstan pa la/ /gzhan phan ro gcig rang bzhin de dag 'jug /ces so/
/'di na skyes pu rnams kyi bde ba dang brjid bag dang / skyes
bu'i rtsal ni/ gzhan don khur du khyer ba la bya bar rigs te/
rang don tsam la dmigs pa ni dud 'gro

dang yang thun mong ba yin pa'i phyir ro/ /de'i phyir chen po
rnams kyi ngang tshul ni/ gzhan gyi phan bde la mtha' gcig tu
gzhol ba yin te/ slob springs las/ shin tu rnyed sla'i rtswa
kham 'ga' lta phyugs kyang rang nyid za/ /shin

tu skom pas gdungs pa'ang chu zhig rnyed na dga' mgur 'thung/
/'di na skyes bu gzhan don byed par brtson pa gang yin pa/ /de
'di'i brjid bag yin te de bde skyes bu'i rtsal de 'phags/ /nyi
ma rlabs chen rta zhon rgyu ba snang

byed gang yin dang / /khur la mi rtsag sa yis 'jig rten 'degs pa
gang yin de/ /rang don 'ga' med chen po rnams kyi rang bzhin de
'dra ste/ /de dag 'jig rten phan dang bde ba'i ro la gcig tu
gzhol/ zhes so/ /de ltar

@087a @#/ /'gro ba sdug bsngal gyis kun tu gdungs par mthong nas/
de'i don du brel ba la skyes bu zhes bya la/ mkhas ba zhes kyang
de la bya ste/ de nyid las/ 'jig rten ma rig dud sbrin 'khrigs
pas 'gro ba 'khrugs gyur

pa; ;sdug bsngal me rab 'bar ba'i nang du dbang med lhung mthong
nas/ /thod la me mched 'bar ba lta bur yid brel brtson pa gang /
/'di na de dag skyes bu yin te mkhas pa'ang de dag yin/ zhes so/
/de'i phyir rang gzhan gyi

legs pa thams cad kyi 'byung gnas/ rgud pa thams cad sel ba'i
sman/ mkhas pa'i skye bo kun gyis bgrod ba'i lam chen po/ mthong
thos dran reg gis kyang 'go ba kun kyi gsos su gyur pa/ gzhan
don du zhugs pas rang don

ma tshang ba med par zhar la 'grub pa'i thabs mkhas chen po dang
ldan pa'i theg chen la 'jug tu yod pa ni/ kye ma'o bdag gis
rnyed pa legs par rnyed do/ /snyam du bsams la skyes bu'i rtsal
ci yod kyis theg pa'i mchog

'dir 'jug par bya'o/ /de ltar na skyes bu chen po'i lam gyi rim
pa la blo sbyang ba la gsum/ theg chen gyi 'jug sgo sems bskyed
kho nar bstan pa/ sems de ji ltar bskyed pa'i tshul/ sems bskyed
nas sbyod pa la slob

tshul lo/ /dang po ni/ de ltar theg chen la 'jug dgos na 'jug sgo
gang nas yin snyam na/ de la rgyal bas phar phyin dang sngags
kyi theg chen gnyis gsungs kyi de las gzhan pa'i theg chen ni
med do/ /de gnyis gang gi sgor

@087b 'jug kyang 'jug sgo ni byang chub kyi sems kho na yin te/
de rgyud la nam skyes pa na gzhan gang yang ma skyes kyang theg
chen par 'jog la/ de dang nam bral ba na/ stong nyid rtogs pa
sogs kyi yon tan ci yod kyang nyan thos la

sogs pa'i sar ltung zhing theg chen las nyams par theg pa chen
po ba'i gzhung du ma las gsungs shing/ rigs pas kyang 'grub pa
yin no/ /des na theg chen pa ni sems de yod med kyi rjes su 'gro
ldog byed do/ /de ltar

yang spyod 'jug las/ sems de skyes ma thag tu rgyal sras su 'gro
bar gsungs la/ byams pa'i rnam thar las kyang/ rigs kyi bu/ 'di
lta ste/ dper na rdo rje rin po che ni chag kyang gser gyi rgyan
khyad par du 'phags

pa thams cad zil gyis gnon zhing/ rdo rje rin po che'i ming yang
mi 'dor la/ dbul ba thams cad kyang rnam par zlog go /rigs kyi
bu de bzhin du thams cad mkhyen par sems bskyed pa'i rdo rje rin
po che nan tan dang bral yang / nyan

thos dang rang sangs rgyas kyi yon tan gyi gser gyi rgya na
thams cad zil gyis gnon zhing/ byang chub sems dpa'i ming yang
mi 'dor la/ 'khor ba'i dbul ba thams cad kyang rnam par zlog go
/zhes sbyod pa la ma bslabs kyang sems de

yod na byang chub sems dpar gsungs so/ /des na chos theg chen
pa'i chos yin pas mi chog gi gang zag de theg chen par tshud pa
zhig gal che'o/ /theg chen par byed pa yang byang chub kyi sems
nyid la rag las pas na/ sems de go ba

@088a @#/ /tsam las med na theg chen pa yang de dang 'dra la/
sems de mtshan nyid tshang ba zhig yod na theg chen pa yang rnam
dag cig 'ong bas/ 'di la 'bad par gya'o/ /'di la sdong po bkod
pa las/ rigs kyi bu byang chub kyi

sems ni sangs rgyas kyi chos thams cad kyi sa bon lta bu'o/ zhes
gsungs pa la nges pa rnyed dgos pas de bshad par bya'o/ /de la
chu lud drod dang / sa la sogs pa ni 'bras kyi sa bon dang tshogs
na 'bras kyi myu gu'i rgyu byed la/ gro

dang sran ma la sogs pa'i sa bon dang tshogs na yang de dag gi
myu gu'i rgyu byed pas de dag ni rgyu thun mong ba yin no/ /nas
kyis bon ni rkyen su dang tshogs kyang 'bras la sogs pa'i myu
gu'i rgyur mi rung bas nas kyi myu gu'i rgyu thun mong min

pa yin la/ des zin pa'i chu lud sogs kyang nas kyi myu gu'i
rgyur 'gyur ba de bzhin du bla med byang chub kyi sems ni sangs
rgyas kyi myu gu'i rgyu'i nang nas sa bon lta bu thun mong ma
yin pa'i rgyu yin la/ stong nyid rtogs pa'i shes rab ni chu

lud sogs dang 'dra bar byang chub gsum ga'i rgyu thun mong ba
yin no/ /de'i phyir rgyud bla las kyang / theg mchog la mos sa
bon shes rab ni/ /sangs rgyas chos skyeng ma dang / zhes theg pa
mchog la mos pa ni pha'i sa bon dang / bdag med

rtogs pa'i shes rab ni ma lta bur gsungs te/ dper na pha bod la
bu rgya hor sogs skye mi srid pas/ pha ni bu'i rigs nges pa'i
rgyu yin la/ ma bod la ni bu sna tshogs pa skye bas thun mong gi
rgyur 'gyur ba bzhin no/ /klu sgrub kyis

@088b kyang ; sangs rgyas rang sangs rgyas rnams dang / /nyan
thos rnams kyis nges bsten pa/ /thar pa'i lam ni gcig nyid
khyod/ /gzhan dag med ces bya bar nges/ zhes sher phyin la bstod
pas/ nyan rang rnams kyang de la brtan

des na sher phyin la yum zhes kyang gsungs pas theg pa che chung
gnyis ka'i sras kyi yum yin pas/ stong nyid rtogs pa'i shes rab
kyis theg pa che chung 'byed pa min gyi/ byang chub kyi sems
dang spyod pa rlabs che ba rnams kyis 'byed pa yin

te; rin chen 'phreng ba las/ nyan thos theg pa de las ni/ /byang
chub sems dpa'i smon lam dang / /spyod pa yongs bsngo ma bshad
des/ /byang chub sems dpar ga la 'gyur/ zhes lta bas ma phye
zhing spyod pas phye bar

gsungs so/ /de ltar stong nyid rtogs pa'i shes rab kyang theg
chen gyi lam thun mong ma yin par mi 'gyur na/ de las gzhan pa'i
lam rnams lta smos kyang ci dgos/ de'i phyir byang chub kyi sems
gdams pa'i mthil du

bzung nas sbyong dgos so/ /gnyis pa la gsum/ byang chub kyi sems
sbyang ba'i rim pa/ skyes pa'i tshad/ cho gas gzung ba'i tshul lo/
/dang po ni/ jo bo chen po nas brgyud pa la man ngag rgyu 'bras
bdun ma dang / rgyal sras

zhi ba lha'i gzhung nas 'byung ba la brten nas sbyong ba gnyis
snang ngo/ /rgyu 'bras bdun ni rdzogs pa'i sangs rgyas byang
chub kyi sems las 'byung la/ sems de lhag bsam las dang / bsam
pa de snying rje las dang / snying

@089a @#/ /rje byams pa las dang / byams pa drin du gzo ba las
dang / drin du gzo ba drin dran pa las dang / drin dran pa ni
mar mthong ba las 'byung ste bdun no/ /'di la gnyis/ rim pa la
nges pa bskyed pa/ rim can du sbyang ba

dngos so/ /dang po la gnyis/ theg chen gyi lam gyi rtsa ba
snying rjer bstan pa/ rgyu 'bras gzhan rnams de'i rgyu 'bras su
'gyur tshul lo/ /dang po la gsum/ thog mar gal che ba/ bar du gal
che ba/ tha mar gal che ba'o/ /dang po ni/ snying

rje chen pos yid bskyod na sems can thams 'khor pa las gdon pa'i
phyir nges bar dam 'cha' bar 'gyur la/ snying rje dman na de
ltar byed pa mi 'ong bas 'gro ba ma lus pa sgrol ba'i khur
'khyer ba ni de la rag las pa'i phyir

dang / khur de mi 'dzin na theg chen par mi tshud pa'i phyir
snying rje ni thog mar gal che'o/ /blo gros mi zad pas bstan pa
las/ btsun ba shA ra dwa ti'i bu/ gzhan yang byang chub sems
dpa' rnams kyi snying rje chen po mi zad do//

de ci'i phyir zhe na sngon du 'gro ba'i phyir ro/ /btsun pa shA
ra dwa ti'i bu/ 'di lta ste/ dper na dbugs phyi nang du rgyu ba
ni mi'i srog gi dbang po'i sngon du 'gro ba yin no/ /de bzhin du
byang chub sems dpa'i snying rje chen po ni theg pa chen

po yang dag par 'grub pa'i sngon du 'gro ba yin no/ zhes dang /
ga ya go ri las kyang / 'jam dpal byang chub sems dpa' rnams kyi
spyod pa'i rtsom pa ni ci/ gnas ni gang / 'jam dbal gyis smras
pa/ lha'i bu/ byang

@089b chub sems dpa' rnams kyi spyod pa'i rtsom pa ni snying rje
chen po'o/ /gnas ni sems can no/ zhes so/ /gnyis pa ni/ de ltar
lan cig sems de lta bu skyes nas zhugs kyang / sems can grangs
mang zhing byed ngan

pa dang / bslab bya yang shin tu bya dka' zhing mtha' yas pa
dang / dus kyang dpag med dgos par mthong ba na zhum nas theg pa
dman par ltung ba la/ snying rje chen po lan cig bskyed pa tsam
min par je 'phel du goms par

byas pas/ rang gi bde sdug la mi lta zhing gzhan don la mi skyo
bas tshogs thams cad bde blag tu rdzogs par byed do/ /gsum pa ni/
sangs rgyas rnams 'bras bu brnyes pa'i tshe yang theg dman bzhin
zhi bar mi gnas par

nam mkha' ji srid du 'gro ba'i don mdzad pa yang snying rje chen
po'i mthu ste/ de med na nyan thos ltar 'gyur ba'i phyir ro/
/dper na lo tog la thog mar sa bon dang / bar du chu dang /tha
mar smin pa gal che ba ltar/

sangs rgyas kyi lo tog la yang thog mtha' bar gsum du gal che ba
snying rje yin par/ dpal ldan zla ba grags bas gsungs so/ /des
na zhang sna chung ston pas/ jo bo le gdams ngag zhus kyang /
'jig rten blos thong/ byang

chub kyi sems sgoms bya ba zhig las mi 'ong byas pa la/ dge
bshes ston pas khrel nas/ de jo bo'i gdams ngag gi mthil phyung
ba la/ gsungs te chos kyi gnad mkhyen pa yin no/ /nges pa rnyed
pa yang 'di kho na dka' bas/ yang

@090a @#/ /yang bsag sbyang dang / sdong po bkod pa sogs kyi
gsung rab dang / dgongs 'grel rnams bltas nas nges pa brtan po
btsal dgos te/ dpal ldan ma khol gyis/ khyod kyi thugs ni rin po
che/ /rdzogs pa'i byang chub

sa bon de/ /dpa' khyod kho nas snying por mkhyen/ /de gzhan skye
bos 'ol mi dbyi/ zhes pa ltar ro/ /gnyis pa la gnyis/ mar shes
nas byams pa'i bar rgyur 'gyur tshul/ lhag bsam dang sems bskyed
'bras bur

'gyur chul lo/ /dang po ni/ spyir sdug bsngal dang 'bral 'dod
tsam zhig ni sems can de'i sdug bsngal yang yang bsams na skye
mod kyang/ blo de skye sla ba dang /shugs drag la brtan por skye
ba la ni/ sngon du sems

can de yid du 'ong zhing gces la phangs pa'i rnam pa can zhig
dgos te/ gnyen la sdug bsngal byung na mi bzod la/ dgra la sdug
bsngal byung na dga' zhing/ dgra gnyen bar ma la sdug bsngal
byung na phal cher yal bar

'dor ba'i btang snyoms skye ba bzhin no/ /de la dang po ni/ yid
du sdug pa yod pas yin la/ de yang ji tsam gces pa de tsam du
sdug bsngal la mi bzod pa yang de tsam du skye ste/ gces pa
chung 'bring la mi bzod ba shas

chung la/ shin tu gces na sdug bsngal phra mo la yang mi bzod pa
chen po skye bas so/ /dgra la sdug bsngal mthong na 'bral 'dod
mi skye bar ma zad/ da dung de las che ba dang / de dang ma bral
na snyam pa skye ba ni yid du mi

@090b 'ong bas lan la/ de yang yid du mi 'ong ba shas che chung
gis sdug bsngal byung ba la dga' ba shas che chung du 'gyur ro/
/dgra gnyen bar ma'i sdug bsngal la mi bzod pa yang med la/ dga'
ba yang med la/ dga' ba yang med pa ni/ yid du 'ong mi 'ong gang
yang

med pas lan no/ /de ltar byas na sems can gnyen du sgom pa ni
yid 'ong bskyed pa'i ched yin la/ gnyen gyi mthar thug ni ma yin
pas/ mar sgom pa dang / de'i drin dran pa dang / drin lan gzo ba
gsum ni yid du 'ong zhing gces pa

sgrub byed yin la/ sems can la bu gcig pa ltar snying du sdug
par 'dzin pa'i byams pa ni/ de gsum gyi 'bras bu yin te/ des
snying rje skyed par byed do/ /bde ba dang phrad 'dod kyi byams
pa dang / snying rdzel rgyu 'bras kyi nges

pa mi snang ngo/ /sems bskyed skye ba'i rgyur sems can rnams
gnyen du sgom pa 'di ni/ slob dpon zla grags dang / btsun pa zla
ba dang / slob dpon ka ma la shI la rnams kyis bshad do/ /gnyis
pa ni/ de ltar blo rim gyis

sbyangs pas snying rje skyes pa na/ sems can kyi don du sangs
rgyas la thob 'dod skye bas/ de tsam gyis chog mod/ bar der lhag
bsam bcug pas ci bya snyam na/ sems can bde ba dang phrad pa
dang / sdug bsngal dang

bral na snyam pa'i byams pa dang / snying rje tshad med pa ni
nyan rang la yang yod kyang / sems can thams cad la bde ba sgrub
pa dang / sdug bsngal sel ba khur du bzhes pa ni theg chen pa
min pa la med bas/ snying stobs

@091a @#/ /kyi bsam pa lhag pa'i lhag bsam skyed dgos te/ rgyud
bla'i 'grel bar/ blo gros rgya mtshos zhus pa'i mdo drangs ba
las shes so/ /de ltar sems can sgrol ba'i blo skyes pa na rang
gi gnas skabs 'di lta

bus ni sems can gcig gi don yang rdzogs par bya mi nus la/ der
ma zad dgra bcom pa gnyis kyi go 'phang thob kyang/ sems can
nyung zad re dang / de'i don yang thar pa tsam sgrub par nus
kyi/ thams cad mkhyen pa la dgong mi

nus pas/ sems can mtha' yas pa dang / de dag gi gnas skabs
dang mthar thug gi don thams cad rdzogs par su zhig gis nus
snyam du bsams pa na/ sangs rgyas nyag gcig la nus pa de yod
par shes nas sems

can gyi don du sangs rgyas thob 'dod skyed do/ /gnyis pa la
gsum/ gzhan don don gnyer gyi blo sbyang ba/ sbyangs pa'i
'bras bu sems bskyed ngos gzung ba'o/ /dang po la gnyis/ blo
de skye ba'i

gzhi bsgrub pa dang / blo de bskyed pa dngos so/ /dang po la
gnyis/ sems can la sems snyoms pa bsgrub pa dang / thams cad
yid 'ong gi rnam pa can du bsgrub pa'o/ /dang po ni/ sngar
skyes bu chung 'bring gi skabs su bshad

pa ltar sngon 'gro la sogs pa'i rim pa rnams 'dir yang blangs
la bskyang bar bya'o/ /de la thog mar sems can kha cig la
chags/ kha cig la sdang ba'i phyogs ris su gcod pa bkag nas
sems snyoms pa ma bsgrubs na byams

@091b pa dang snying rje gang skye ba de phyogs ris can du
skye'i/ phyogs ris med pa la dmigs nas mi skye bas btang
snyoms bsgom par bya'o//de la yang sems can rnams la chags
sdang la sogs pa'i nyon mongs med pa sgrub pa'i rnam pa can

zhig dang / rang nyid sems can la chags sdang dang bral nas
sems snyoms pa gnyis gsungs pa las 'dir phyi ma'o/ /'di sgom
pa'i go rim ni skye sla bas thog mar phan gnod gang yang ma
byas pa'i bar ma zhig la dmigs

rten byas nas/ rjes su chags pa dang khong khro ba bsal te
sems snyoms pa bsgrub par bya'o/ /de la sems snyoms pa grub
na/ de nas mdza' bshes la sems snyoms ba bsgrub ste/ de la
sems ma snyoms pa ni chags sdang

gis ris su gcod pa'am/ chags pa che chung gis ma snyoms pa'o/
/de la snyoms na dgra la sems snyoms pa bsgom ste/ de la ma
snyoms ba ni mtha' gcig tu mi mthun par bltas nas zhe sdang
ba'o/ /de la snyoms nas

sems can thams cad la sems snyoms pa bsgom mo/ /de yang gnyis
te/ sems can gyi ngos nas ni thams cad bde ba 'dod sdug bsngal
mi 'dod par mtshungs pas na/ kha cig la nye bar bzung nas phan
'dogs shing/ kha

cig la ring bar bzung nas gnod pa byed pha'am/ phan ba mi byed
pa mi rigs so snyam pa dang / rang gi ngos nas ni thog ma med
pa nas 'khor ba na sems can brgyar bdag gi gnyen du ma gyur pa
ni gang yang med

@092a @#/ /pas; gang la ni chags par bya la/ gnag la ni sdang
bar snyam du sems pa'o/ zhes sgom rim bar pa las gsungs so/
/yang gnyen la chags pa la ni/ /bu mo zla ba mchog gis zhugs
pa las/ bdag

gis sngon chang khyed rnams thams cad bsad/ /bdag kyang khyed
kyis sngon chad gshags shing gtu bas/ /kun kyang phan tshun
dgra dang gsod pa yin/ /khyed cag ji ltar 'dod chags sems
kyang skye/ zhes gsungs pa dang /

sngar nges med kyi nyes pa'i skabs su bshad pa ltar dgra gnyen
thams cad myur du 'gyur nas 'gro ba'i tshul bsam ste/ des ni
khro chags gnyis ka ldog go /'di dgra'am gnyen khyad gzhir
bzung nas byed dgos pas/

dgra gnyen gyi blo ldog mi dgos kyi/ dgra gnyen yin pa rgyu
mtshan du byas nas chags sdang gis ris su gcod pa'i blo 'gog pa
yin no/ /gnyis pa la gsum/ mar bsgom pa/ drin dran pa/ drin du
gzo ba bsgom pa'o/ /

dang po ni/ 'khor ba la thog ma med pas rang gi skye ba la
yang thog ma med pas na skye shi brgyud mar byas te 'khor ba
na lus 'di ma blangs bya ba dang / phyogs 'dir ma skyes bya ba
ni ye med la/ ma la sogs pa'i gnyen du yang

ma gyur pa med par mdo las gsungs so/ /de yang sngar ma byas
par ma zad ma 'ongs pa na byed par yang 'gyur bas/ de ltar
bsams la rang gi ma byas pa la nges pa brtan po btsal bar bya
ste/ 'di skyes na de'i drin dran

@092b pa sogs skye bla la/ 'di ma skyes na de'i drin dran pa
sogs kyi gzhi med pa'i phyir ro/ /gnyis pa ni/ sems can thams
cad mar bsgoms pa'i 'og tu thog mar tshe 'di'i ma la bsgoms na
skye myur bar po tob bzhed pa ltar bsgom

par bya ste/ mdun du ma rnam pa gsal po zhig bsams la/ da ltar
du ma zad 'khor ba thog ma med pa nas/ 'dis bdag gi ma bgrang
las 'das pa byed byed pa yin snyam du lan 'ga' zhig bsam mo/
/de ltar des ma byas

pa'i dus su gnod pa thams cad las bskyabs phan bde thams cad
bsgrubs/ khyad par du tshe 'dir yang dang por mngal du yun ring
por bzung/ de nas btsas pa'i dus su spu ser zing nge ba zhig
sha'i drod la bcar/ sor mo bcu'i kha la

g.yengs/ nu zho bsnun/ nom bu khas bsnyod/ snabs khas phyis/
mi gtsang ba lag pas phyis kyin thabs sna tshogs kyis skyo ngal
ngal med par gsos/ de yang bkres skom gyi dus su bza' btung
dang / 'khyags pa'i dus su gos dang /

phongs pa'i dus su nor rang gis spyad mi bra ba rnams byin/ yo
byad de rnams kyang bde blag tu rnyed nas min gyi/ sdig sdug
gtam ngan dang bsres kyin sha thang thang du btsal nas byin pa
yin/ bu la na tsha sogs sdug bsngal byung na bu 'chi

ba bas/ rang 'chi ba dang / bu na ba las rang na ba sogs la
bsam pa thag pa nas 'dam zhing/ sbyor bas de bsal ba'i thabs
byed pa yin/ mdor na rnag gis shes tshad dang nus tshad kyis
phan bde gang yin sgrub/ gnod pa dang

@093a @#/ /sdug bsngal sel bar byed pa'i tshul rnams la rtse
gcig tu sems pa'o/ /de ltar bsgoms pas drin dran pa'i blo tshig
tsam ma min pa zhig skyes pa na/ de nas pha la sogs pa'i mdza'
bshes gzhan la yang mar shes

par byas la bsgom/ de nas bar ma rnams kyang mar shes par byas
la bsgom/ de la mdza' bshes 'dra pa'i blo skyes pa na dgra
rnams kyang mar shes par byas pa la bsgom/ de la ma dang 'dra
ba'i blo skyes pa na sems can thams cad la

mar shes pa sngon du btang la/ rim gyis rgya je che je cher
btang la bsgom mo/ /gsum pa ni/ de ltar skye shi 'phos pas ngo
ma shes pa tsam ma gtogs pa bdag gi ma drin can sdug bsngal
zhing skyabs med pa de rnams gtsigs med du

dor nas/ rang nyid 'khor ba las ci thar byed na de las khrel
chung ba med de/ slob springs las/ nye du 'khor ba'i rgya
mtsho'i khongs su chud gyur pa/ /glong gi nang du lhung ba lta
bu ra snang bzhin du/ /skye shi 'phos pas ngo ma shes pa de
bor

nas; ;gal te gcig thar byed de las khrel bor med/ ces so/ /des
na de lta bu'i drin can 'dor ba ni ma rabs rnams la'ang mi
rigs na/ bdag gi tshul dang ga la mthun snyam du bsams nas drin
las bskor ba'i khur gzung ngo/ /'o

na phan lan byed pa de ji lta bu zhig bya snyam na/ ma rnag
gis kyang 'khor ba'i bde 'byor ci tsam zhig thob ste/ de dag
thams cad kyis ma bslus pa med/ des na bdag gis sdod chad nyon
mongs pa'i gdon gyis brlams pa'i dbang gis rmas

@093b nas rma drag po byung zin pa la/ ba tsha la sogs pa'i
'gyur byed 'debs pa dang 'dra bar rang bzhin gyis sdug bsngal
bar gyur pa rnams la slar yang sdug bsngal sna tshogs bskyed pa
dang / byams pas phan btags pa de rnams

ni thar pa mya ngan las 'das pa'i bde ba la dgod par bya'o/
snyam du phan lan bya dgos so/ /mdor bsdu na rang gi ma dran
pa rnal du mi gnas par smyo zhing mig long ba long khrid med
pa/ gom pa re re nas brdeg 'cha' zhing g.yang

kha 'jigs su rung ba la mngon par phyogs nas 'gro na ma des
kyang bu la mi re na su la re/ bu de la yang ma de 'jigs pa de
las sgrol ba mi 'bab na su la 'bab pas de las sgrol dgos/ de
bzhin du mar gyur pa'i sems can

rnams kyang nyon mongs pa'i gdon gyis sems rnal du gnas ba
dkrugs pas shes pa la rang dbang ma thob pas ni smyo/ mngon
mtho des legs kyi lam lta ba'i mig dang ni bral/ yang dag pa'i
bshes kyi long khrid ni med/ skad

cig re re zhing nyes spyod kyis dbyen bcos pas ni brdeg 'cha'/
spyir 'khor ba dang / khyad par du ngan 'gro'i g.yang sa
'grim pa mthong na/ ma de yang bu la re dgos la/ bu la yang ma
de 'don pa 'bab pas/ de ltar bsams

nas 'khor ba las nges par 'don pa'i drin gzo bya ste/ bslab
btus las/ nyon mongs kyis smyo gti mug ldongs/ /g.yangs mang
po'i lam du ni/ /gom pa re re brdeg 'cha' ba/ /bdag dang gzhan
rtag mya ngan gzhi/ /'gro

@094a @#/ /ba rnams ni sdug bsngal mtshungs/ zhes de ltar bltas
nas gzhan la skyon btsal bar mi rigs shing yon tan sna re
mthong na ngo mtshar bar gzung zhes gsungs mod kyang/ 'dir yang
nyam thag pa'i tshul sbyar du

rung ngo/ /gnyis pa la gsum/ byams pa/ snying rje/ lhag bsam
bsgom pa'o/ /dang po ni/ byams pa'i dmigs pa ni bde ba dang mi
ldan pa'i sems can no/ /rnam pa ni bde ba dang phrad na ci ma
rung/ bde ba dang phrad par

gyur cig snyam pa dang / bde ba dang phrad par bya'o snyam
pa'o/ /phan yon ni/ ting nge 'dzin rgyal po las/ bye ba khrag 
khrig dkrigs pa'i zhing dag na/ /mchod pa rnam mang dpag med
ji snyed pa/ /skyes mchog rnams la de yis

rtag mchod pas/ /byams pa'i sems kyi grangs dang char mi phod/
ces dngos bo shin tu rgya che bas/ yul mthar thug pa'i zhing
la/ dus rtag tu mchod pa byed pa las bsod nams ches che bar
gsungs pa dang / 'jam dpal

gyi zhing bkod las kyang/ byang shar gyi mtshams na sangs rgyas
dbang phyug chen po'i rgyal po'i 'jig rten gyi khams stong gis
brgyan pa zhes bya ba de na/ dge slong 'gog pa la zhugs pa'i
bde ba bzhin du sems can rnams kyang

bde ba dang ldan no/ /der lo bye ba brgya stong du tshangs
spyod spyad pa bas ni zhing 'dir tha na se gol gtogs pa'i yun
tsam du sems can thams cad la byams pa'i sems bskyed na snga
ma las bsod nams ches mang du skyed

@094b na nyin mtshan du gnas pa lta ci smos/ zhes bshad pa dang
/rin chen phreng ba las kyang/ rdzi'u tshos sum brgya'i kha zas
dag /nyin re dus gsum sbyin pas kyang/ /byams pa yud tsam
thang cig gi /bsod nams dag la char mi

phod; ;lha mi byams par 'gyur ba dang / /de dag kyang ni
bsrung ba dang / /yid bde ba dang bde mang dang / /dug dang
mtshon gyis gnod med dang / /'bad pa med par don 'thob dang /
/tshangs pa'i 'jig rten skye 'gyur te/ /gal te

grol bar ma gyur kyang/ /byams chos yon tan brgyad 'thob bo/
zhes gsungs te/ byams pa yod na lha mi byams shing ngang gis
'du ba dang / rgyal bas kyang bdud sde byams pa'i stobs kyis
pham par mdzad pas bsrung ba'i

mchag tu 'gyur ba sogs so/ /byams pa sgom pa'i rim ba ni thog
mar mdza' bshes dang / de nas bar ma dang / de nas dgra la
bsgom par bya zhing/ de nas sems can thams cad la rim pa bzhin
du bsgom mo/ /sgom tshul

ni ji ltar sems can sdug bsngal gyis sdug bsngal ba'i tshul
yang yang bsams na snying rje skye ba ltar/ sems can la zag
bcas zag med kyi bde ba med cing/ bde bas phongs lugs rnams
yang yang bsam ste/ de goms

pa na bde ba dang phrad 'dod ngag gis 'byung la/ de yang bde
ba sna tshogs pa rnams yid la byas nas de dag sems can rnams la
bstab par bya'o/ /gnyis pa ni/ snying rje'i dmigs pa ni sdug
bsngal gsum gyis ci rigs par/

@095a @#/ /sdug bsngal ba'i sems can no/ /rnam pa ni sdug
bsngal de dag dang bral na snyam pa dang / bral bar gyur cig
snyam pa dang / bral bar bya'o snyam pa'o/ /sgom pa'i go rim
ni/ thog mar mdza' bshes dang / de nas par ma

dang; de nas dgra dang / de nas phyogs bcu'i sems can thams
cad la yang bsgom mo/ /de ltar btang snyoms dang / byams pa
dang / snying rje la yul la so sor phye nas rim can du sgom pa
de ni chos mngon pa'i mdo'i rjes su 'brangs

nas slob dpon ka ma la shI las mdzad pa yin la/ de ni gnad
shin tu che ste/ so sor ma phye bar dang po nas spyi la dmigs
nas sbyangs pa la skye ba ltar snang yang/ re re nas bsams na
gang la yang mi skye bar snang la/ re re nas

yid 'gyur ba'i myong ba sngar bshad ba ltar bton nas je mang
du btang ste/ mthar spyi la dmigs nas bskyangs na tshogs ba
dang / so so ba gang la dmigs kyang rnam dag skye ba'i phyir
ro/ /sgom tshul ni mar gyur pa'i sems can

de rnams srid par lhung nas spyi dang so so'i sdug bsngal ji
ltar nyams su myong ba rnams sems pa ste/ sdug bsngal ni bshad
zin to/ /snying rje skyes pa'i tshad ni/ sgom rim dang po las/
gang gi tshe yid du 'ong ba'i bu mi bde ba

bzhin du sems can thams cad la yang sdug bsngal gtan nas byang
bar 'dod pa'i rnam pa'i snying rje rang gi ngang gis 'jug ba
bdag nyid kyis mtshungs par 'jug par 'gyur ba de'i tshe/ de
rdzogs pa yin pas snying rje chen po'i

@095b ming 'thob ste/ zhes bu chung du snying du ches sdug
bsngal bar gyur ba la/ ma de snying rje ji tsam skye ba de
tsam pa'i blo'i tshod cig /sems can thams cad la snying rje
rang gi ngang gis skye ba na snying rje chen po'i mtshan nyid
tshang bar

gsungs so/ /'dis byams pa chen po skyes pa'i tshad kyang rig
par bya'o/ /gsum pa ni/ de ltar byams pa dang snying rje
bsgoms pa'i mthar/ kye ma bdag la sdug cing yid du 'ong ba'i
sems can 'di dag 'di ltar bde bas

phongs pa dang sdug bsngal gyis mnar na 'di dag gi ji ltar bde
ba dang phrad pa dang / sdug bsngal las thar bar bya snyam du
sems shing /de dag sgrol ba'i khur 'khyer ba la tha na tshig
tsam gyis kyang blo sbyang ngo/ /'di drin lan gzo ba'i

skabs su yang cung zad byung mod kyang 'dir bstan pa ni bde ba
dang phrad na dang / sdug bsngal dang bral na snyam pa'i byams
snying rjes mi chog gi /sems can la bdag gis phan bde bsgrub
bo stam pa'i bsam pa 'dren nus pa'i byams snying

rje bskyed dgos par bstan pa'i phyir ro/ /de dag kyang thun
gyi ngo bo tsam la min gyi/ thun rjes sogs kyi spyod lam thams
cad du dran par byas nas rgyun ldan du bskyang bar sgom rim
bar pa las gsungs so/ /gnyis pa ni/ sngar bshad

pa'i rim pas bdas nas gzhan don la byang chub dgos par mthong
na/ de thob par 'dod pa skyed pa yang yin mod/ 'on kyang de
tsam gyis mi chog pas sngar skyabs 'gro'i skabs su bshad pa
ltar/ sku gsung thugs phrin las kyi yon 

@096a @#/ /tan rnams bsams pa'i sgo nas thog mar dad pa ci 'phel
bya/ de nas dad pas 'dun pa'i rten byed par gsungs pas/ yon tan
de dag la snying thag pa nas thob 'dod bskyed de/ rang don la
yang rnam mkhyen thob pa med du

mi rung ba la nges pa drang ngo/ /gsum pa ni/ spyi'i mtshan nyid
ni/ mngon rtogs rgyan las/ sems bskyed pa ni gzhan don phyir/
/yang dag par rdzogs pa'i byang chub 'dod/ ces gsungs pa ltar
yin la/ dbye ba ni/ sdong po bkod pa'i

mdo'i rjes su 'brangs nas/ spyod 'jug las/ 'gro bar 'dod dang
'gro ba yi/ /bye brag ji ltar shes pa ltar/ /de bzhin mkhas pas
'di gnyis kyi/ /bye brag rim bzhin shes par bya/ zhes smon 'jug
gnyis su

gsungs so/ /'di la mi mthun pa mang du snang na yang/ sems can
gyi don du sangs rgyas su gyur cig snyam pa'i sems ni smon sems
yin la/ sdom pa bzung nas sems de 'jug pa sems bskyed du sgom
rim dang po las

gsungs so/ /gnyis pa zhi ba lha'i gzhung la brten nas sbyong ba
la gsum/ bdag gzhan brjes pa dang ma brjes pa'i phan yon dang
nyes dmigs bsam pa/ sems de goms na bskyed nus su bstan pa/ bdag
gzhan

brje tshul sgom pa'i rim pa'o/ /dang po ni/ spyod 'jug las/ gang
zhig bdag dang gzhan rnams ni/ /myur du bskyab par 'dod pa des/
/bdag rang gzhan du brje bya ba/ /gsang ba'i dam pa spyad par
bya/ zhes dang

@096b 'jig rten bde ba ji snyed pa/ /de kun gzhan bde 'dod las
byung/ /'jig rten sdug bsngal ji snyed pa/ /de kun bdag bde 'dod
las byung/ /mang du bshad lta ci dgos te/ /byis pa rang gi don
byed dang / /thub pa gzhan gyi

don mdzad pa/ /'di gnyis kyi ni khyad par ltos/ /bdag bde gzhan
gyi sdug bsngal dag /yang dag brje bar ma byas na/ /sangs rgyas
nyid du mi 'grub cing/ /'khor ba na yang bde ba med/ ces gsungs
pa ltar bdag

gces 'dzin ni rgud pa kun gyi sgo dang / gzhan gces 'dzin ni
phun tshogs thams cad kyi gnas su bsam mo/ /gnyis pa ni/ sngar
rang gi dgra byed pa ming thos na yang 'jigs pa skye ba zhig
phyis mthun par byas nas mdza'

ba na; de med na mi dga' ba chen po skye ba ltar/ blo goms pa'i
rjes su byed pas na bdag la gzhan bzhin dang / gzhan la bdag
bzhin du lta ba yang go mas na skye ste/ de nyid las/ dka' las
phyir zlog mi bya ste/ /'di

ltar goms pa'i mthu yis ni/ /gang gi ming thos 'jigs pa yang/
/de nyid med na mi dgar 'gyur/ zhes dang / bdag gi lus ni gzhan
dag tu/ /bzhag pa de ltar dka' ba med/ ces so/ /gal te gzhan gyi
lus bdag

gi lus min pas de la rang gi blo 'dra ba ji ltar bskyed du rung
snyam na/ lus 'di yang pa ma'i khu khrag las grub pa yin zhing/
gzhan gyi lus kyi cha shas las grub pa yin yang sngon goms pa'i
dbang gis ngar 'dzin skye ba

@097a @#/ /ltar; gzhan lus la yang rang gi bzhin gces 'dzin goms
na skye ste/ de nyid las/ de bas ji ltar gzhan dag gi /khu ba
khrag gi thigs pa la/ /khyod kyis ngar 'dzin byas pa ltar/ /de
bzhin gzhan

la'ang goms par gyis/ zhes so/ /de ltar phan yon nyes dmigs legs
par bsams pas ni snying thag pa nas de sgom pa la spro shugs
skye la/ goms par byas na bskyed nus su mthong nas sgom mo/
/gsum pa

la gnyis/ gegs bsal ba dang / sgom tshul dngos so/ /dang po ni/
bdag gzhan brje zhes pa dang bdag gzhan du bya zhing/ gzhan bdag
tu bya zhes gsungs pa ni gzhan la nga'o snyam du dang / de'i mig
sogs la nga'i

'o snyam pa'i blo sbyong ba min gyi/ rang gces 'dzin dang /
gzhan yal bar 'dor ba'i blo gnyis go sa brjes te/ gzhan la rang
ltar gces par 'dzin zhing/ rang la gzhan ltar yal bar 'dor ba'i
blo skyed pa'o/ /de'i phyir

bdag gi bde ba dang / gzhan gyi sdug bsngal brje bar gsungs pa
yang bdag gces 'dzin la dgrar bltas nas bdag gi bde ba la ched
ched byed pa 'gog cing/ gzhan gces 'dzin la yon tan du bltas
nas/

gzhan gyi sdug bsngal yal bar 'dor ba bkag nas/ de sel ba la
ched cher byed ba ste/ mdor na rang gi bde ba la mi lta bar
gzhan gyi sdug bsngal bsal ba'i don du 'jug pa'o/ /blo de sbyong
ba na gegs gnyis te/ rang

@097b gzhan gyi bde sdug gi rten bdag gzhan gnyis sdo ser ltar
so so bar ris su bcad nas grub par 'dzin zhing de nas de la
brten pa'i bde sdug la yang 'di ni nga'i yin pas bsgrub pa'am
bsal par bya'o/ /'di ni gzhan gyi yin

pas snyam nas yal bar 'dor bas/ de'i gnyen por bdag gzhan ngo bo
nyid kyis so sor ris su chad pa med de/ phan tshun ltos nas bdag
la yang gzhan gyi blo skye la gzhan la yang bdag gi blo skye
ba'i phyir te pha ri tshu ri bzhin no/ /dper

na pha ri la 'di ngos nas pha ri'i blo skye yang/ pha rir phyin
na tshu ri'i blo skye ba bzhin no/ /des na sngon po kha dog su la
ltos kyang sngon po nyid kyi blo skye yi/ kha dog gzhan gyi blo
mi skye ba dang mi 'dra'o/ /de ltar yang bslab btus las/

bdag gzhan mnyam nyid goms byas pas/ /byang chub sems ni brtan
par 'gyur/ /bdag dang gzhan nyid ltos pa ste/ /pha rol tshu rol
ji bzhin brdzun/ /dogs te rang gis pha rol min/ /gang la ltos
nas tshu rol 'gyur//

bdag nyid rang gis ma grub na/ /gang la ltos te gzhan du 'gyur/
zhes bltos sa la ltos nas bzhag pa tsam yin gyis/ rang gi rang
gi ngo bos grub pa med par gsungs so/ /yang gzhan gyi sdug
bsngal gyis bdag la mi gnod pas

de sel ba'i don du mi 'bad do snyam pa'i gegs bsal ba ni/ de lta
na rgyas pa'i tshe sdug bsngal bar dogs nas gzhon dus su nor gsog
pa med par 'gyur te/ rgas pa'i sdug bsngal gyis gzhon pa la mi
gnod pa'i phyir

@098a @#/ /ro; ;de bzhin du rkang pa'i sdug bsngal yang lag pas
mi sel bar 'gyur te gzhan yin pa'i phyir ro/ zhes gsungs so/ /de
ni mtshon pa tsam yin gyi snga dro phyi dro sogs la'ang sbyar ro/
/gal te rgan gzhon

rgyud gcig yin zhing/ rkang lag tshogs pa gcig yin pas rang gzhan
gnyis dang mi 'dra'o snyam na/ rgyun dang tshogs pa ni skad cig
mang po dang / tshogs pa can mang po la btags pa tsam yin gyi/
rang rkya ba'i ngo bo med la

rang gi bdag dang / gzhan gyi bdag kyang tshogs rgyun de la 'jog
dgos pas/ bdag gzhan ltos bzhag tsam min pa'i rang gi ngo bos
grub pa med do/ /'on kyang thog ma med pa nas gces 'dzin goms
pa'i dbang gis rang gi sdug

bsngal byung ba la mi bzod pa yin pas/ gzhan la yang gces 'dzin
goms na de'i sdug bsngal la yang mi bzod pa skye ba yin no/
/gnyis pa ni/ bdag la chags pa'i dbang gis rang gces par bzung
ba 'dis 'khor ba thog med

nas da bar du mi 'dod pa sna tshogs bskyed la/ rang phun tshogs
shig byed par 'dod kyang rang don gtso bor bzung ste thabs ma
yin pa la zhugs pas/ bskal pa bgrang las 'das pa mang po song
yang rang gzhan gyi don gang yang ma

grub; ma grub pa tsam du ma zad sdug bsngal 'ba' zhig gis mnar
bar gyur/ rang don gyi bsam pa de gzhan la spos nas zhugs na
ches shin tu snga bar sangs rgyas nas/ rang gzhan gyi don thams
cad phun sum tshogs par

@098b 'gyur bar gdon mi za ba la de ltar ma byas pas dka' la don
med pas dus 'das so/ /da ni de ltar shes par byas la/ dgra'i
mchog bdag gces 'dzin 'di dran shes bsten nas 'bad pa du mas ma
skyes pa mi skye ba dang /

skyes pa rgyun 'thud du mi gzhug go snyam pa'i nges pa brtan par
byas na lan du mar goms par byed pa'o/ /de bzhin du gzhan gces
'dzin gyi phan yon yang yang bsams la snying thag pa nas spro
shugs bskyed de/ gzhan

yal bar 'dor ba'i blo ma skyes pa mi skyed pa dang / skyes pa
rgyun 'thud du mi gzhug cing/ gzhan la phangs pa dang / sdug pa
dang / yid du 'ong ba ci skye'i sgo nas sngar rang la gces par
'dzin pa bzhin gzhan la gces par

'dzin pa'i blo bskyed par bya'o/ /jo bo'i zhal nas/ byams pa
dang / snying rje sbyong mi shes pa'i byang chub sems dpa' bod
kyis shes pa gsung/ 'o na ci tsug byed na/ dang po nas go rim du
bslabs nas byed pa zhig

dgos gsung glang ri thang pa'i zhal nas/ sha bo ba dang / nged
gnyis la mi thabs bco brgyad/ rta thabs gcig dang bcu dgu yod/
mi thabs ni byang chub mchog tu sems bskyed nas ci byed sems can
gyi don du slob pa

de yin/ rta thabs ni byang sems ma skyes pa mi skyed/ skyes pa
mi gnas shing 'phel du mi ster ba bdag gces 'dzin yin pas/ 'di
la zur bstan nas ci gnod du sbyong/ sems can la thel bstan nas
ci phan du sbyong

@099a @#/ /ba yin gsungs/ kham lung pa'i zhal nas/ rang cag gis
jo bo sems can la yol le phyod de byas pas/ sems can gyis kyang
'u cag la de ltar 'ong gsung ngo/ /theg pa chen po'i rtsa ba
tshugs mi tshugs

dang; theg chen pa'i gseb tu tshud mi chud thams cad 'di la thug
pas/ dus thams cad du 'di la blo bskyed ci byung ba ltas la
skyes na ni legs/ ma skyes na'ang de ltar mi bsdad par de ston
pa'i dge bshes bsten nas/ de

ltar blo sbyong ba'i grogs dang rtag tu 'grogs/ de lta bu ston
pa'i gsung rab dgongs 'grel blta/ de'i rgyur tshogs gsog /sgrib
pa sbyong/ rang yang de ltar blo sbyangs na sa bon tshang bar
thebs nges pas/ las don mi

chung zhing dga' bar rigs te/ jo bo chen pos/ theg chen chos
sgor 'jug 'dod pas/ /mun sel gdung ba zhi byed pa/ /nyi zla lta
bu'i byang chub sems/ /bskal par 'bad pas skye yang rung/ zhes
gsungs pa ltar ro/ /

gnyis pa ni/ sngar bshad zin pa las shes par bya'o/ /gsum pa la
gsum/ ma thob pa thob par byed pa/ thob pa mi nyams par bsrung
ba/ nyams na phyir bcos pa'i thabs so/ /dang po la gsum/ gang
las blang

pa'i yul/ gang gis len pa'i rten/ ji ltar blang pa'i cho ga'o/
/dang po ni/ gong ma rnams smon sems dang ldan zhing de'i bslab
bya la gnas pas mi chog gi 'jug sdom dang ldan pa dgos par bzhed
de/ dgra las rnam

@099b rgyal dang mthun no/ /gnyis pa ni/ lha klu sogs lus dang
bsam pa'i sgo nas smon sems skyer rung ba thams cad 'di'i rten
du rung yang/ 'dir ni lam sgron 'grel par/ 'khor bas yid 'byung
la 'chi ba dran pa/ shes rab

dang snying rje che ba/ zhes 'byung ba ltar sngar bshad pa ltar
gyi lam rim la blo sbyangs pas byang chub kyi sems la yid 'gyur
ba'i nyams myong cung zad rnyed pa zhig la byed pa yin no/ /gsum
pa la gsum/ sbyor ba'i chog /dngos

gzhi'o cho ga/ /ma jug gi cho ga'o/ /dang po la gsum/ skyabs
'gro khyad par can bya ba/ tshog bsag pa/ bsam pa spyang ba'o/
/dang po la gsum/ gnas brgyan cing rten bkram nas mchod rdzas
bsham pa/ gsol pa gdab

cing skyabs su 'gro ba/ skyabs su song ba'i bslab bya brjod
pa'o/ /dang po ni/ dpen pa'i sa phyogs byi dor byas par/ ba
byung lngas byug pa byas la/ tsan dan la sogs pa'i dri'i chu
phul du byung bas kyang byug cing/ dri

zhim pa'i me tog sil ma gtor la/ dkon mchog gsum gyi gzugs
brnyan lugs ma la sogs pa dang / po ti sogs dang / byang chub
sems dpa'i sku gzugs rnams khri'u 'am khri'u 'am stegs bu bzang
po la gzhugs

su gzhug bla re dang me tog sogs mchod pa'i yo byad ci 'byor
dang / rol mo dang zhal zas sogs sta gon bya/ dge ba'i bshes
gnyen bzhugs pa'i gdan khri me tog gis brgyan pa yang bsham mo/
/gong ma rnams ni dge 'dun

@100a @#/ /gyi bsnyen bkur dang / 'byung po'i gtor ma btang ba'i
sgo nas tshogs gsog pa dang / mchod pa yang med na bskal bzang
las gsungs pa ltar ras kyi kha tshar phul ba sogs kyis kyang
'grub la/ yod na

g.yo med par nan tan chen pos bcal nas grogs po'i blor mi shong
ba tsam bsham dgos te/ jo bo la/ bod ston rnams kyis mang yul
dang bsam yas su sems bskyed zhus dus su mchod pa ngan pas mi
skye gsung skad/

rten yang bstan pa'i gtso bo'i sku rab gnas can zhig med thabs
med/ glegs bam yang sdud pa yan sher phyin la bya gsung ngo/ /de
nas 'phags pa'i tshogs spyan drang/ slob ma khrus byas/ gos bzang
po bgos/

thal mo sbyar ba la bla mas/ tshogs zhing rnams kyi yon tan la
snying thag pa nas dang ba skyed du bcug la/ sangs rgyas byang
sems re re'i mdun na rang nyid 'dug par bsams nas/ dal bus yan
lag bdun pa

byed du gzhug go /gnyis pa ni/ de nas bla ma la ston pa'i 'du
shes bskyed la/ phyag 'tshal te yon tan dang maNDal phul la/ bus
mo g.yas pa'i lha ngas la btsugs te thal mo sbyar nas/ byang
chub kyi sems

kyi don du gsol ba gdab pa ni/ ji ltar sngon gyi de bzhin gshegs
pa dgra bcom pa yang dag par rdzogs pa'i sangs rgyas rnams dang
/ byang chub sems dpa' chen pos chen pos chen po la bzhugs pa
rnams kyis dang por bla na

@100b med pa yang dag par rdzogs pa'i byang chub tu sems bskyed
pa de bzhin du bdag ming 'di zhes bgyi ba yang/ slob dpon gyis
bla na med pa yang dag par rdzogs pa'i byang chub tu sems bskyed
du gsol/ zhes lan gsum gyi bar

du brjod do/ /de nas yul sangs rgyas dang / chos 'gog pa gtso
bor byas pa'i lam bden dang / dge 'dun phyir mi ldog pa'i byang
sems 'phags pa la dus da nas bzung ste byang chub ma thob kyi
bar du ched du bya ba

sems can thams cad bskyab pa'i phyir/ sangs rgyas la skyabs ston
pa dang / chos la skyabs dngos dang / dge 'dun la skyabs sgrub
pa'i grogs zhu snyam pa'i bsam pa spyi dang / khyad par du de
lta bu'i bsam

pa las dus thams cad du mi ldog par bya'o snyam pa'i 'dun pa
drag po byas la/ spyod lam sngar bshad pa dang 'dra bas skyabs
'gro bya ste/ slob dpon dgongs su gsol/ bdag ming 'di zhes bgyi
ba dus 'di

nas bzung nas ji srid byang chub snying po la mchis kyi bar du
rkang gnyis rnams kyi mchog sangs rgyas bcom ldan 'das rnams la
skyabs su mchi'o/ /slob dpon dgongs su gsol/ bdag ming 'di zhes
bgyi

pa dus 'di nas bzung nas byang chub snying po la mchis kyi bar
du chos rnams kyi mchog zhi ba 'dod chags dang bral ba'i chos
nal skyabs su mchi'o/ /slob dpon dgongs su gsol/ bdag ming 'di
zhes ba gyi ba dus

@101a @#/ /'di nas bzung nas ji srid byang chub snying po la
mchis kyi bar du tshogs rnams kyi mchog 'phags pa byang chub
sems dpa' phyir mi ldog pa'i dge 'dun rnams la skyabs su
mchi'o/ zhes lan gsum

brjod do/ /dkon mchog re re'i skyabs 'gro la dgongs gsol re
dang / chos kyi skyabs 'gro'i tshig gzhan dang mi 'dra yang/ jo
bos mdzad pa'i chog ji lta ba bzhin no/ /gsum pa ni/ sngar
skyes bu chung du'i skabs su bshad pa'i

bslab bya rnams 'dir yang slob dpon gyis brjod par bya'o/
/gnyis pa ni/ dngos brgyud kyi bla ma rnams dang / sngar bshad
pa'i tshogs zhing gi spyan sngar yan lag bdun pa sngar bzhin
bya'o/ /gsum pa ni/ sngar bshad pa

ltar byams snying rje'i dmigs rnam gsal gdab bo/ /gnyis pa ni/
slob dpon gyi mdun du pus mo g.yas pa'i lha nga sa la btsugs
pa'am tsog pu yang rung bas 'dug la/ thal mo sbyar nas sems
bskyed par bya'o/ /

gzhan don du sangs rgyas thob par bya'o snyam du sems bskyed
pa tsam min gyi/ sems de bskyed pa la dmigs nas byang chub ma
thob par du mi btang ngo/ /snyam du dam bca' ba yin pas/ de'i
bsam pa chog la brten

nas bskyed par bya'o/ /de lta bu ni smon sems kyi bslab bya la
slob mi nus na mi bya la/ sems can thams cad kyi don du bdag
sangs rgyas su 'gyur par bya'o/ /snyam pa tsam tshogs skyed na
ni sems bskyed kyi bslab

@101b bya la slob nus mi nus thams cad la byas pas chog go
/smon sems la de ltar gnyis rung gi 'jug sems chogs len pa la
bslab bya la mi slob na byar mi rung bas/ klu sgrub dang /
thogs med nas brgyud pa sdom pa'i cho

ga mang po la byar rung ba dang / mi rung ba'i khyad par 'dod
pa ni mi rigs so/ /gsal rgyal la gdams pa las kyang/ sbyin
sogs kyi bslab bya la slob mi nus na sems bskyed pa tsam la
yang bsod nams mang po 'grub pa khungs

su mdzad nas/ gang pha rol tu phyin pa rnams la rnam pa thams
cad du thams cad kyis slob par mi nus pa des kyang 'bras bu
che ba'i phyir/ thabs kyis yongs su zin par byang chub tu sems
bskyed par bya ste/ zhes sgom rim dang po

las gsungs pas/ sbyin sogs kyi bslab bya la mi slob pa la sems
bskyed byar rung ba dang / sdom pa gzung du mi rung bar ches
gsal lo/ /sems bskyed gzung ba'i chog ni/ phyogs bcu rnams na
bzhugs pa'i sangs rgyas dang byang

chub sems dpa' thams cad bdag la dgongs su gsol/ slob dpon
dgongs su gsol/ /bdag ming 'di zhes bgyi bas skye ba 'di dang
/ skye ba gzhan dang gzhan dag tu sbyin pa'i rang bzhin dang /
tshul khrims kyi rang bzhin

dang ; bsgoms pa'i rang bzhin gyi dge ba'i rtsa ba bdag gis
bgyis pa dang / bgyid du bstsal ba dang bgyid pa la rjes su yi
rang ba'i dge ba'i rtsa ba des/ ji ltar sngon gyi de bzhin
gshegs pa dgra bcom pa yang dag par rdzogs

@102a @#/ /pa'i sangs rgyas rnams dang sa chen po la rab tu
bzhugs pa'i byang chub sems dpa' chen po rnams kyis bla na med
pa yang dag par rdzogs pa'i byang chub tu thugs bskyed par
mdzad pa de bzhin du bdag ming 'di zhes

bgyi bas kyang dus 'di nas bzung nas/ ji srid byang chub
snying po la mchis kyi bar du/ bla na med pa yang dag par
rdzogs pa'i byang chub chen por sems bskyed par dgyi'o/ /sems
can ma bsgral ba rnams bsgral phar bgyi'o/ /ma

grol ba rnams grol bar bgyi'o/ /dbugs ma phyin pa rnams dbugs
dbyung bar bgyi'o/ /yongs su mya ngan las ma 'das pa rnams
yongs su mya ngan las bzal bar bgyi'o/ zhes lan gsum brjod do/
/skyabs 'gro'i chog dang / 'di

gnyis la slob dpon gyi rjes su bzlas dgos pa'i gsal kha ma
byung yang dgos pa yin no/ /de dag ni slob dpon yod pa'i lugs
yin la/ slob dpon ma rnyed na ji ltar bya ba ni/ sems bskyed
kyi chog jo bos mdzad pa las/ de ltar

slob dpon med kyang bdag nyid byang chub tu sems bskyed pa'i
chog ni/ de bzhin gshegs pa shAkya thub pa dang / phyogs
bcu'i de bzhin gshegs pa thams cad yid la bsams te phyag 'tshal
ba dang / mchod pa'i chog la

sogs pa byas nas gsol ba gdab pa dang / slob dpon zhes bya
ba'i tshig spangs pa'i skyabs su 'gro ba la sogs pa'i go rim
snga ma bzhin bya'o/ zhes gsungs pa ltar ro/ /gsum pa ni/ slob
dpon gyis smon sems

@102b kyi bslab bya rnams slob ma la brjod par bya'o/ /gnyis
pa la gnyis/ tshe 'dir sems bskyed mi nyams pa'i rgyu la bslab/
skye ba gzhan du yang de dang mi 'bral ba'i rgyu la bslab
pa'o/ /dang po la bzhi/ sems bskyed la spro

shugs 'phel ba'i phyir du phan yon dran pa la bslab pa dang /
sems bskyed dngos 'phel ba'i phyir du lan drug tu bskyed pa la
bslab/ gang gi don du sems bskyed pa'i sems can blos mi spang
ba la bslab/ bsod

nams dang ye shes kyi tshogs bsag pa la bslab pa'o/ /dang po
ni/ mdo sde blta ba'am bla ma las mnyan te byang chub sems kyi
phan yon rnams sems pa ste/ sdong po bkod pa las rgyas par
gsungs pas der blta

dgos shing/ de las kyang sngar drangs pa'i sangs rgyas kyi
chos thams cad kyis bon lta bur gsungs pa dang / byang chub
sems dpa'i spyod pa dang / smon lam thams cad bsdus pa'i
phyir/ mdor bstan pa lta bu'o/ zhes

yan lag rgyas bshad la mtha' yas pa zhig yod kyang/ mdor bstan
du thams cad 'dus pas/ mdor bstan de de'i sdom yin pa ltar/
byang sems kyi lam thams cad kyi gnad bsdus pa'i sdom du
gsungs so/ /byangs las

phan yon gsungs pa ni smon sems kyi yin pas/ de las dang po
sems bskyed pa brtan po bskyed pa la phan yon gnyis gsungs te/
zhing dam par 'gyur ba dang / gnod pa med pa'i bsod nams yongs
su 'dzin pa'o/ /dang

@103a @#/ /po ni; 'jig rten lha mir bcas pas phyag byar 'gyur/
zhes gsungs pa ltar sems bskyed ma thag nas/ sems can thams
cad kyi yon gnas su 'gyur ba dang / sems bskyed ma thag nas
dgra bcom pa bdag

nyid chen po rnams kyang rigs kyi sgo nas zil gyis gnon par
gsungs pa ltar/ bla ma'am gong mar 'gyur ba dang / bsod nams
bya ba chung du zhig byas kyang 'bras bu mtha' yas pa 'byin
pas bsod nams kyi zhing dang / 'jig

rten thams cad brten pas sa lta bu'o/ zhes gsungs pa ltar skye
dgu rnams kyi pha dang 'dra bar 'gyur ba'o/ /gnyis pa ni 'khor
los sgyur rgyal srung ba'i srungs ma nyis 'gyur gyis rtag tu
bsrungs pas gnyid log

gam; myos sam/ bag med par gyur pa na yang/ gnod sbyin nam/ mi
ma yin gnyug mar gnas pa rnams kyis gtse mi nus pa'o/ /gsang
sngags dang / rig sngags kyi tshig yams dang / gnod pa dang /
nad 'go ba zhi bar byed

pa; sems can gyi lag na 'dug pa ma grub pa rnams kyang/ 'di'i
lag tu 'ongs na 'grub par 'gyur na grub pa dag lta ci smos/
'dis ni zhi sogs kyi las tshogs kyang/ sems bskyed brtan na
'grub sla bar bstan pas/

thun mong gi dngos grub sgrub pa la yang 'di yod na myur ba'o/
/gang na gnas pa der yang 'jigs pa dang / mu ge dang / mi ma
yin gyi gnod pa ma byung ba rnams mi 'byung ba sogs dang / tshe
'phos pa'i 'og tu yang

@103b gnod pa nyung zhing/ nad med pa sogs dang / bzod pa dang
/ nges pa dang ldan pas tshur gnod pa byas pa bzod cing/ phar
gnod pa mi byed pa sogs dang / ngan song du yang skye dka'
zhing/ skyes na'ang myur du thar pa dang / der

yang sdug bsngal chung zhing/ des rkyen byas nas 'khor ba la
shin tu skyo ba dang / sems can de dag la yang snying rje
skye'o/ /byang chub sems kyi bsod nams gzugs su grub na nam
mkhar yang mi shong ba dang / sangs rgyas zang

zing gis mchod pas cha tsam du yang mi chog pa ni/ dpal byin
gyis zhus pa las/ byang chub sems kyi bsod nams gang / /de la
gal te gzugs mchis na/ /nam mkha'i khams ni kun bkang ste/ /de
ni de bas lhag par 'gyur/

gadgA'i bye ma'i grangs snyed kyi/ sangs rgyas zhing rnams mi
gang gis/ /rin chen dag gis kun bkang ste/ /'jig rten mgon la
phul ba bas/ /gang gis thal mo sbyar bgyis de/ /byang chub tu
ni sems btud na/ /mchod pa 'di ni

khyad par 'phags/ /de la mtha' ni ma mchis so/ /zhes so/ /jo
bo chen po rdo rje gdan la skor ba mdzad nas/ ji ltar byas na
myur du rdzogs pa'i byang chub 'thob dgongs pa na/ sku gzugs
chung ba rnams bzhengs

nas che ba rnams la myur du 'tshang rgya bar 'dod pas gang la
bslab par bya/ zhes dris pa na byang chub kyi sems la bslab
par bya'o/ zhes pa dang / gand+ho la'i steng gi nam mkha' la
bud med rgan pa zhig la gzhon pa zhig

@104a @#/ /gis dris pa la yang lan sngar ltar mdzad pa gsan pas
byang chub kyi sems la thugs des cher song skad/ de ltar na
theg chen gyi man ngag thams cad kyi gnad bsdus pa/ dngos grub
thams cad kyi

gter chen po/ theg dman las 'byed pa'i theg chen gyi khyad
chos/ rgyal sras rnams spyod pa rlabs po che la bskul ba'i
rten dam pa ni byang chub kyi sems su shes par byas la/ de
sgom pa la spro shugs je 'phel

du btang nas skom pas chu'i gtam thos pa ltar bya ste/ bskal
ba du ma'i bar du rmad du byung ba'i mkhyen rab kyis ches phra
bar byas te/ lam rnams la dpyad pa na 'di nyid 'tshang rgya
ba'i thabs dam par rgyal ba

sras bcas kyis gzigs pa'i phyir ro/ /de ltar yang spyod 'jug
las/ bskal pa du mar rab dgongs mdzad pa yi/ /thub dbang rnams
kyis 'di nyid phan par gzigs/ zhes so/ /gnyis pa la gnyis/
smon sems

bskyed pa mi gtong pa dang / spel ba la bslab pa'o/ /dang po
ni/ de ltar sangs rgyas byang sems bshes gnyen dpang du byas
te/ de'i spyan sngar sems can ma bsgral ba bsgral ba sogs kyi
dam bca' byas nas/ sems

can grangs mang zhing byed ngan pa'am/ bskal pa du mar 'bad
dgos pa'i dus ring po'am/ tshogs gnyis mtha' yas shing bya dka'
ba rnams la bslab dgos par mthong bas zhum pa'i rkyen byas te/
sems bskyed kyi

@104b khur bzhag na so thar gyi pham pa las kyang sdig che bar
sdud par gsungs shing/ khas blangs pa'i sems dor na ngan 'gror
ring du 'khyam dgos par spyod 'jug las gsungs la/ yang de nyid
las/ long bas phyag dar phung po

las; ;ji ltar rin chen rnyed pa ltar/ /de bzhin ci zhig ltar
stes na/ /byang chub sems ni bdag la skyes/ zhes gsungs pa
ltar/ 'di 'dra ba bdag gis rnyed pa ni shin tu ya mtshan no/
/snyam du bsams la/ rnam pa

thams cad du mi gtang bar bya ste/ de nyid la dmigs nas skad
cig kyang mi 'dor ba'i zhe dam mang du bya'o/ /gnyis pa ni/ de
ltar ma btang ba tsam gyis mi chog pas/ nyin lan gsum mtshan
lan gsum du 'bad pa chen pos

spel bar bya'o/ /de yang sngar bshad pa'i cho ga rgyas pa grub
na de ltar bya/ ma grub na tshogs zhing gsal btab la mchod pa
phul nas/ byams pa dang snying rje sogs sbyangs te/ lan drug
gzung bar bya'o/ /de'i chog ni

sangs rgyas chos dang tshogs kyi mchog rnams la/ /byang chub
bar du bdag ni skyabs su mchi/ /bdag gis sbyin sogs bgyis pa
'di dag gis/ 'grol phan phyir sangs rgyas 'grub par shog/ ces
pa ste lan gsum gsum mo//

gsum pa ni/ sems can blos spangs pa'i tshad ni/ mi 'thad pa
byas pa la sogs pa'i rkyen 'ga' zhig la brten nas/ da ni dus
nam yang 'di'i don mi bya'o snyam pa skyes pa'o/ /bzhi pa ni/
smon sems cho gas bzung

@105a @#/ /nas zhag re re zhing byang chub kyi sems 'phel ba'i
rgyur dkon mchog pa sogs tshogs gsog pa la 'bad pa'o/ /gnyis pa
la gnyis/ nyams par byed pa nag po'i chos bzhi spang ba dang
mi nyams

par byed pa dkar po'i chos bzhi blang ba la bslab pa'o/ /dang
po ni/ de lan ga chos bzhi las/ mkhan po dang / slob dpon dang
/ bla ma dang / sbyin gnas slu ba la yul ni/ mkhan slob go sla
la/ bla ma ni phan par 'dod

pa dang / sbyin gnas ni snga ma gnyis kyi grangs su ma gtogs
kyang yon tan dang ldan pa'o/ /de la ci zhig byas na nag chos
su 'gro snyam na/ yul de dag gang rung la rang gis shes bzhin
du dbu skor thabs byas na nag chos

so; ;'on kyang brdzun min ba'i g.yo sgyu ni 'og tu ston pas
brdzun gyis dbu bskor ba zhig dgos te/ bslab btus su nag po'i
chos rnams spong ba dkar po'i chos yin par gsungs la/ 'di'i
gnyen po ni dkar chos

bzhi'i dang po yin pa'i phyir ro/ /gzhan 'gyod pa med pa la
'gyod pa nye bar bsgrub pa la yul ni/ gang zag gzhan dge ba
byed pa 'gyod pa dang mi ldan pa'o/ /de la ci zhig byas pa ni
'gyod du gzhug pa'i bsam pas

'gyod pa'i gnas ma yin pa la 'gyod pa skyed pa'o/ /de gnyis la
slu thub mthub dang 'gyod pa skyes ma skyes ni 'dra'o/ /theg
chen la zhugs pa'i sems can la mi bsngags pa sogs smra ba la
yul ni/ byang chub

@105b tu sems bskyed cing da lta de dang ldan pa'o/ /de la ci
zhig byas pa ni/ zhe sdang gis kun nas bslang ste mi snyan pa
brjod pa'o/ /yul gang la smras pa ni don go ba la'o/ /'di
'byung yang nye/ nyes dmigs kyang shin tu che

ste; sngar mdor bsdus brjod zin la/ gzhan yang byang chub sems
la brnyas pa'i sems bskyed na yang/ de snyed kyi bskal bar
byang sems de dmyal bar gnas dgos pa dang / byang chub sems
dpa' la skur ba btab

pa ma gtogs pa las gzhan gang gis kyang byang chub sems dpa'
ngan 'gror ltung mi nus par rab tu zhi ba rnam par nges pa'i
cho 'phrul gyi mdo las gsungs la/ sdud pa las kyang/ lung
bstan ma thob pa'i byang

chub sems dpas lung bstan thob pa'i byang sems la khros te
rtsod pa byed na/ khong khro'i sems ci tsam skyes pa de tsam
gyi bskal bar gzhi nas lam bgrod dgos par gsungs so/ /de'i
phyir khong khro rnam pa thams cad

du dgag cing/ byung na yang de ma thag bshags pa dang / sdom
pa la 'bad dgos par yang/ de nyid las gsungs so/ /sgyu dang
g.yos nye bar spyod kyi lhag bsam gyis ma yin pa la yul ni/
sems can gzhan

gang yang rung ba'o/ /de la zhig byas pa ni/ g.yo sgyus spyod
pa'o/ /de la g.yo ni bre srang la sgyu byed pa sogs dang /
rgyal ba ye 'byung gis rag mar gtong ba la/ stod lungs su
gtong byas nas/ phyis rag ma ci bder khas 

@106a @#/ /blangs pa lta bu yin gsungs ngo/ /sgyu ni yon tan
med bzhin du yod pa ltar ston pa dang / g.yo ni rang gi nyes
pa thabs kyis mi mngon par byed pa la/ kun las btus las gsungs
so/ /gnyis pa ni/ dkar chos

dang po'i yul ni/ sems can yin no cog go /bya ba ni de la srog
gam tha na bzhad gad kyi phyir yang shes bzhin du brdzun du
smra ba spong ba ste/ de ltar byas na rang gi mkhan slob sogs
yul khyad par can la brdzun gyis mgo bskor ba

yi 'byung ngo/ /dkar chos gnyis pa'i yul ni sems can thams cad
do/ de la g.yo sgyu med par lhag pa'i bsam pas gnas pa ste/
bsam pa drang pos gnas pa'o/ /'di ni nag chos bzhi pa'i gnyen
po'o/ /dkar ches

gsum pa'i yul ni byang sems thams cad do/ /bya ba ni ston pa
dang 'dra ba'i 'du shes skyed cing / de dag gi don gnas kyi
bsngags pa phyogs bzhir brjod pa'o/ /shar ba'i zhal nas 'o
skol dge ba 'dra ba brad brud byed par 'dug

kyang / 'phel rtags med par/ zang rtags mang ba de/ byang sems
dang / grogs la zho sdang dang / brnyas pa byas shing rma
phyung bas zad/ des na 'di dang byang sems la rma 'byin pa
spong ba gnyis thub na/ bslab btus nas

gang zag la brten pa'i gnod 'gyur gsungs pa thams cad mi 'ong
gsung ste/ byang sems gang na yod mi shes pas/ 'od srungs kyis
zhus pa ltar sems can kun la ston pa'i 'du shes bskyed nas/
dag snang spyod

@106b ba'i dbang du byas pa yin no/ /yon tan brjod pa yang
nyan pa po skabs la bab pa na yin gyi/ phyogs bzhir song nas
ma brjod na nyes par 'gyur ba min no/ /'di ni nag chos gsum
pa'i gnyen po'o/ /dkar chos bzhi pa'i yul

ni rang gis smin par byed pa'i sems can na/ /de la bya ba ni
nyi tshe ba'i theg pa mi 'dod par rdzogs pa'i byang chub 'dzin
du 'jug pa'o/ /de yang rang ngos nas gdul bya de la sbyar ba
dgos kyi/ gdul bya de la bsam pa de ma skyes na

nyes par 'gro ba ma yin te/ sgrub par mi nus pa'i phyir ro/
/'dis nag chos gnyis pa spong ste/ gzhan bde ba thams cad kyi
mthar thug pa la snying thag pa nas 'jog 'dod yod na/ gzhan la
yid mi bde ba'i 'gyod pa tsam

zhig bskyed pa'i ched du/ yid mi bde skyed pa'i sbyor ba ched
du mi sgrub pa'i phyir ro/ /ser ges zhus pa las kyang / skye
ba kun tu byang chub sems/ /rmi lam na yang sems 'di ni/ /'dor
mi 'gyur na ma nyal tshe/ /smos ci 'tshal bar gang gis 'gyur/
/bka'

stsal pa/ grong ngam grong khyer rnams su'am/ /gang du gnas
pa'i yul rnams su/ /byang chub la ni yang dag 'dzud/ /des na
sems 'dor mi 'gyur ro/ zhes gsungs so/ /gzhan yang nga rgyal
dang / phrag dog dang /

ser sna spangs pa dang / gzhan gyi 'byor pa mthong na yid dga'
ba bzhi dang ldan na/ smon lam mi 'dor bar 'jam dpal gyi zhing
bkod las gsungs pa dang / dkon brtsegs las/ spyod lam thams
cad du byang chub

@107a @#/ /kyi sems spyod ba dang / dge ba ci byed kyi sngon du
byang chub kyi sems gtong ba byas na/ skye ba gzhan du yang
sems rin po che dang mi 'bral ba ni/ ji lta ji ltar mang du
mis brtags na/ zhes sogs

kyis gsal bar gsungs so/ /gsum pa ni/ smon sems gtong ba dang
/ sems can blos mi gtong ba gnyis ma gtogs pa'i bslab bya
rnams dang 'gal na byang sems kyi sdom pa dang mi ldan gyi bar
du byang sems kyi dbang

du byas pa'i ltung ba med kyang / bar ma dge ba khas blangs
pa'i bslab bya dang 'gal ba yod bas nyes spyod du 'gyur bas/
stobs bzhis bshags par bya'o/ /gsum pa la gsum/ sems bskyed
nas bslab pa la slob dgos

pa'i rgyu mchan/ thabs shes re re ba la bslabs pas sangs rgyas
mi 'grub par bstan pa/ bslab pa la slob pa'i rim pa nyid bshad
pa'o/ /dang po ni/ de ltar smon sems bskyed nas sbyin sogs kyi
bslab bya la mi slob pa de

yang byams pa'i rnam thar gyi lung sngar drangs pa ltar/ phan
yon che mod kyang / byang sems kyi bslab pa la sgrub pa snying
por ma byas na 'tshang rgya ba mi srid pas spyod pa la bslab
par bya ste/ ting nge 'dzin rgyal po las/ de bas

na sgrub pa snying por bya'o/ /de ci'i phyir zhe na/ gzhon nu
sgrub pa snying por byed pa la bla na med pa yang dag par
rdzogs pa'i byang chub rnyed dka' ba ma yin pa'i phyir ro/
zhes dang / sgom rim dang po las kyang / de ltar sems bskyed

@107b pa'i byang chub sems dpa' bdag ma dul bar gzhan mi 'dul
bar shes nas/ bdag nyid sbyin pa la sogs pa'i sgrub pa la rab
tu sbyor ro/ /sgrub pa med par byang chub mi 'thob bo/ zhes
gsungs so/ /sgrub pa yang sdom pa

bzung nas de'i bslab pa la slob pa nyid yin no/ /gnyis pa ni/
sangs rgyas sgrub pa'i thabs la 'jug pa de yang thabs ma nor
ba zhig dgos te/ nor ba'i lam la ji tsam 'bad kyang 'bras bu
mi 'byung ste/ 'o ma bzho bar

'dod pas rwa la 'then pa bzhin no/ /mnor du zin kyang cha ma
tshang na 'bad kyang 'bras bu mi 'byung ste/ sa bon dang / chu
dang / sa la sogs pa gang rung zhig ma tshang na myu gu mi skye
ba dang 'dra bar sgom rim bar pa las gsungs

so; ;'o na rgyu rkyen tshang la ma nor ba gang zhe na/ rnam
snang mngon byang las/ gsang ba ba'i bdag po thams cad mkhyen
pa'i ye shes de ni snying rje'i rtsa pa las byung ba yin/
byang chub kyi sems kyi rgyu las byung ba yin/ thabs kyis

mthar phyin pa yin/ zhes so/ /de la snying rje ni bshad zin
to/ /byang chub kyi sems ni kun rdzob dang / don dam pa'i
byang chub kyi sems gnyis dang / thabs ni sbyin pa la sogs pa
yongs su rdzogs pa la/ shing rta chen po

ka ma la shI las bshad do/ /de lta bu'i lam la phyin ci log
tu rtog pa rgya nag hwa shang la sogs pa kha cig na re/ rnam
rtog yin phyin chad ngan rtog yin na lta ci smos te bzang rtog
yin na yang 'khor bar 'ching bas/ de'i

@108a @#/ /'bras bu 'khor ba las mi 'da' ste/ gser sgrog dang
thag sgrog gis bcings pa dang / sprin dkar nag gnyis kas nam
mkha' la sgrib pa dang / khyi dkar nag gang gis phug kyang
sdug bsngal skyed pa dang

'dra'o/ /des na cir yang mi rtog par bzhag pa nyid 'tshang rgya
ba'i lam yin la/ sbyin pa dang tshul khrims sogs ni de lta bu'i
nges don sgom mi nus pa'i skye bo blun po'i don du gsungs pa
yin pas/ nges don rnyed nas spyod

pa de dag la 'jug pa ni/ rgyal po dmangs su babs pa'am/ glang
po rnyed nas glang po'i rjes tshol ba dang 'dra bar smra'o/ /de
la hwa shang gis ni/ cir yang mi rtog pa la bsngags pa mdzad
pa'i mdo'i khungs brgyad cu

drangs nas bsgrubs so/ /'dis ni thabs cha thams cad sangs
rgyas kyi lam rnal ma min no/ zhes skur pa chen po btab cing /
rgyal ba'i bstan pa'i snying po bdag med la so sor rtog pa'i
shes rab kyis spyod pa bkag

pas; don dam pa'i tshul rgyang ring du spangs pa 'di ni/ ka ma
la shI las/ lung rigs dri ma med pas legs par bkag nas rgyal
ba dgyes pa'i lam bzang po rgyas par mdzad mod kyang / da dung
yang kha cig ni bsrung

sdom sogs spyod phyogs rnams khyad du bsad nas/ lam sgom pa'i
tshe de dag 'dor ba sogs snga ma bzhin byed cing / la la ni
thabs cha la skur ba ma gtogs pa lta ba'i go lugs dang / gzhan
dag ni so sor rtog

@108b pa'i shes rab kyis de kho na nyid kyi lta ba 'tshol ba
dor nas ci yang mi sems pa'i rgya nag gi sgom de legs par 'dod
par snang ngo/ /de ni stong nyid sgom pa'i phyogs na'ang mi
snang la/ stong nyid sgom pa yin du chug kyang

stong nyid kyi don legs par sgom pa rnams kyis stong nyid kho
na sgom par bya la/ spyod phyogs kun rdzob pa'i yul can rnams
sgom mi dgos zhes pa ni gsung rab mtha' dag dang 'gal zhing /
rigs pa'i lam las

'das pa kho nar snang ste/ theg chen pa rnams kyi bsgrub bya
ni/ mi gnas pa'i myang 'das yin la/ de la 'khor ba la mi gnas
pa ni/ de kho na nyid rtogs pa'i shes rab dang / don dam pa la
brten pa'i lam rim dang / zab mo'i

lam zhes pa dang / ye shes kyi tshogs dang / shes rab kyi cha
zhes pa rnams kyis sgrub pa yin la/ zhi ba myang 'das la mi
gnas pa ni/ ji snyed pa rig pa'i shes rab dang / kun rdzob
bden pa la brten pa'i lam rim dang /

rgya che ba'i lam dang / bsod nams kyi tshogs dang / thabs kyi
cha zhes pa rnams kyis sgrub dgos pa'i phyir ro/ /de skad du
yang gsang ba bsam gyis mi khyab pa'i mdo las/ ye shes kyi
tshogs ni nyon mongs pa thams cad

spong bar 'gyur ba lags so/ /bsod nams kyi tshogs kyis ni sems
can thams cad nye bar 'tsho bar 'gyur ba lags so/ /bcom ldan
'das de lta lags pas/ byang chub sems dpa' sems dpa' chen pos
bsod  

@109a @#/ /nams dang ye shes kyi tshogs la brtson par bgyi'o/
zhes dang / dri ma med par grags pas bstan pa'i mdo las kyang
/ byang chub sems dpa' rnams kyi 'ching ba ni gang / thar pa
ni gang / zhes dris

pa'i lan du thabs kyis ma zin pa'i shes rab ni 'ching ba'o/
/thabs kyis zin pa'i shes rab ni thar pa'o/ /shes rab kyis ma
zin pa'i thabs ni 'ching ba'o/ /shes rab kyis zin pa'i thabs
ni thar pa'o/ zhes

dang ; ga ya go ri las/ byang chub sems dpa' rnams kyi lam ni
mdor bsdu na 'di gnyis te/ gnyis gang zhe na/ 'di lta ste/
thabs dang / shes rab bo/ zhes so/ /de rnams kyi don lam sgron
las kyang / shes

rab pha rol phyin sbyor dang / /bral bas sgrib pa zad mi
'gyur/ /de phyir nyon mongs shes bya'i/ /sgrib pa ma lus spang
ba'i phyir/ /shes rab pha rol phyin rnal 'byor/ /rtag tu thabs
bcas bsgom par bya/ /thabs

dang bral ba'i shes rab dang / /shes rab bral ba'i thabs kyis
kyang / /gang phyir 'ching ba zhes gsungs pa/ /de bas gnyis ka
spang mi bya/ zhes dang / shes rab pha rol phyin spangs pa'i/
/sbyin pa'i pha rol phyin la sogs

dge ba'i tshogs rnams thams cad dag /rgyal ba rnams kyis thabs
su bshad/ /thabs goms dbang gis bdag nyid kyis/ /gang zhig
shes rab rnam sgom pa/ /nges ni byang chub myur du 'thob/
/bdag med gcig pu

@109b bsgoms pas min/ /phung po khams dang skye mched rnams/
/skye ba med par rtogs gyur pa'i/ /rang bzhin stong nyid shes
pa ni/ /shes rab ces ni yongs su bshad/ ces gsal bar gsungs
shing / gtsug na rin

po che'i mdo las/ sbyin pa la sogs pa'i thabs kyi cha thams
cad tshang ba'i/ rnam pa thams cad kyi mchog dang ldan pa'i
stong nyid sgom dgos par gsungs la/ rnam par 'thag pa bsdus pa
las kyang / byang chub

sems dpa' rnams kyis byang chub kyi phyir du phyin drug sgrub
pa la mi blun po dag sher phyin kho na la bslab par bya yi/
lhag ma rnams kyis ci zhig bya/ zhes sun 'byin par sems so/
zhes dang / yang mi blun

po dag /tshul gcig kho nas byang chub pa ste/ stong ba nyid kyi
tshul gyis so zer te/ de dag ni spyod pa yongs su ma dag par
'gyur ro/ zhes so/ /gal te sbyin pa la sogs pa'i spyod pa
rnams la slob pa ni/ stong

nyid kyi rtogs pa brtan po med na yin gyi/ yod na des chog go
snyam na/ de lta yin nas dang po sogs thob pa'i rgyal sras
rnams dang / khyad par du mi rtog ye shes la dbang thob pa'i
sa brgyad pa'i rgyal sras la spyod

pa mi dgos par 'gyur na/ de ni rigs pa ma yin te/ sa bcu po re
re la yang sbyin sogs gtso por gyur pa re re yin yang / lhag
ma rnams kyang mi spyod pa ma yin no/ zhes sa bcu pa las
gsungs pas/ sa re re na

@110a @#/ /phar phyin drug drug gam/ bcu bcu spyod par gsungs
shing / khyad par du sa brgyad pa'i skabs su nyon mongs thams
cad zad pas/ spros pa thams cad zhi ba'i don dam pa la gnas
pa'i tshe/ sangs rgyas rnams

kyis stong nyid kyi rtogs pa 'di tsam gyis 'tshang rgya bar mi
nus te/ nyan rang rnams kyis kyang 'di 'thob pas so/ /nged kyi
sku dang / ya shes ngang zhing la sogs pa tshad med pa 'di dag
la ltos shig /nged kyi stobs la sogs

pa yang khyed la med kyi/ de'i phyir brtson 'grus rtsoms shig
/sems can ma zhi ba nyon mongs sna tshogs kyis dkrugs pa la
soms shig /bzod pa 'di yang ma 'dor zhig /ces sogs kyis bskul
nas byang sems kyi spyod

pa la slob dgos par bshad na/ gzhan la lta ci smos pa'i phyir
ro/ /sngags bla med kyi lam mthon po'i skabs su 'di dang mi
'dra ba yod mod kyang / spyir sngags dang phar phyin gnyis la
byang chub tu sems bskyed pa gnyis dang

pha rol tu phyin pa drug la slob pa'i lam gyi lus thun mong ba
rags pa zhig la 'dra bar ni sngar bshad zin to/ /gal te sbyin
pa la sogs pa mi dgos par mi 'dod kyi/ cir yang mi sems pa de
la de dag tshang ste/ sbyin bya/ sbyin byed/

sbyin rdzas su mi zhen pas dmigs med kyi sbyin pa tshang la/ de
bzhin du lhag ma rnams kyang tshang zhing / mdo las kyang re
re'i nang du drug drug 'dus par gsungs pa'i phyir ro snyam na/
de tsam gyis tshang bar 'gyur na/ mu

@110b stegs can gyi sems rtse gcig pa'i zhi gnas rnams la yang
/ mnyam par bzhag pa'i dus na/ de ltar du zhen pa med pas phar
phyin thams cad tshang bar 'gyur la/ khyad par du sa bcu pa las
gsungs pa ltar/

nyan rang la yang chos nyid la rnam par mi rtog ba'i ye shes
yod la/ de la mnyam par bzhag pa'i tshe byang sems kyi spyod pa
thams cad tshang bar 'gyur bas theg chen par 'gyur ro/ /re re'i
nang du drug drug 'dus

par gsungs pas de tsam gyis chog par 'dod na/ mANDal dbul ba
la yang / ba yi lci ba chur bcas sbyin pa sta/ zhes sogs kyis
drug ga yod par gsungs pas/ de kho na bya bar rigs so/ /des na
lta bas zin pa'i

spyod pa dang / thabs kyis zin pa'i shes rab ni/ dper na bu
sdug pa shi ba'i mya ngan gyis mnar ba'i ma de gzhan dang smra
ba sogs la 'jug pa'i tshe blo ci skyes kyang / mya ngan gyi
shugs kyis ma btang yang blo thams cad

mya ngan gyi blo min pa bzhin du stong nyid rtogs pa'i shes
rab shugs drag na sbyin pa gtong ba dang / phyag dang / skor
ba sogs byed pa'i tshe/ de dag la dmigs pa'i blo de rnams stong
nyid rtogs pa min yang / de'i

shugs dang ldan par 'jug pa mi 'gal la/ thun mgo lta bu la
byang chub kyi sems shugs drag pa sngon du btang na/ stong
nyid kyi ting nge 'dzin la bzhag pa'i tshe/ byang chub kyi sems
de dngos su med kyang / de'i 

@111a @#/ /rtsis zin pa mi 'gal te/ thabs shes ma bral ba'i tshul
yang de ltar ro/ /bsod nams kyi tshogs kyi 'bras bu 'khor ba'i
lus dang / longs spyod dang / tshe ring ba sogs su gsungs pa la
yang

'khrul bar mi bya ste/ thabs shes dang bral na de ltar yin yang
/ des zin na thar pa dang / thams cad mkhyen pa'i rgyur shin tu
rung ste/ rin chen phreng ba las/ gzugs kyi sku ni mdor bsdu na/
/rgyal po gsod

nams tshogs las 'khrungs/ zhes gsungs pa ltar te/ lung mtha' yas
so/ /gzhan yang / khyed res 'ga' ni/ ngan 'gro'i rgyur 'gro ba'i
nyes spyod dang / nyon mongs thams cad kyang / sangs rgyas kyi
rgyur sgyur

nus par smra la/ res 'ga' ni mngon mtho'i rgyur 'gyur ba'i sbyin
pa dang tshul khrims la sogs pa'i dge ba rnams kyang 'khor ba'i
rgyu yin gyi/ byang chub kyi rgyur mi 'gyur zer bar snang bas
sems rnal du zhog la

smros shig /yang mdo las/ sbyin sogs drug la mngon par zhen pa
bdud kyi las so/ zhes dang / phung po gsum pa las kyang / dmigs
par lhung bas sbyin pa byin pa dang / tshul khrims mchog 'dzin
gyis

tshul khrims bsrungs pa sogs la de dag so sor bshags par bgyi'o/
zhes bshad pa dang / tshangs pas zhus pa las/ spyod pa ji snyed
pa de thams cad ni rtog pa'o/ /yongs su mi rtog pa ni byang chub
bo/ zhes

@111b gsungs pa rnams la 'khrul bar mi bya ste/ dang po'i don ni
bdag gnyis su phyin ci log tu zhen pas kun nas bslangs pa'i
sbyin sogs ni ma dag pas bdud las su bshad kyi/ sbyin sogs bdud
las su ston pa

min te/ de lta ma yin na dmigs par lhung nas sbyin pa stsal ba/
zhes dmigs par lhung pa mi dgos par/ spyir sbyin pa btang ba
bshags so/ zhes gsungs rigs pa las/ de ltar ma gsungs pa'i phyir
ro/ /sgom rim

tha ma las/ lan 'debs tshul 'di ltar mdzad pa 'di shin tu gnad
che ste/ 'di phyin ci log tu go nas/ spyod phyogs thams cad gang
zag gam/ chos kyi bdag gi mtshan 'dzin du byas nas/ mtshan bcas su
'dod pa'i phyir

ro; ;rdzas 'di gtong ngo snyam pa'i gtong sems dang / nyes spyod
'di bsngam mo snyam pa'i sdom sems dang / de 'dra ba'i dge ba'i
rtog pa thams cad 'khor gsum du 'dzin pa'i chos kyi bdag 'dzin
yin na/ chos kyi

bdag med kyi lta ba rnyed pa rnams kyis zhe sdang dang / nga
rgyal la sogs pa bzhin du rnam pa thams cad du dgag par rigs
kyi/ de ched du byas nas bsten du mi rung ngo/ /'di 'di'o snyam
pa'i rtog pa thams cad 'khor

gsum du rtog pa'i chos kyi bdag 'dzin du byas na/ bshes gnyen
gyi yon tan dang / dal 'byor don che sogs sems pa dang / 'chi ba
dran pa dang / ngan 'gro'i sdug bsngal sems pa dang / skyabs
'gro dang / las

@112a @#/ /'di las 'bras bu 'di 'byung dang / byams pa dang /
snying rje dang / byang chub kyi sems sbyong ba dang / 'jug sems
kyi bslab bya la slob pa thams cad la 'di ni 'di'o/ /'di las 'di
'byung ngo/ /'di

la yon tan dang / nyes dmigs 'di yong bo snyam du bsams nas/
nges pa drang dgos pa sha stag yin pas/ de la ji ltar nges pa
che ba tsam du chos kyi bdag 'dzin je 'phel du 'gro la/ yang
chos kyi bdag med la nges ba

ji tsam che bar bskyangs pa las/ lam de dag gi nges pa je chung
du 'gro bas/ spyod pa dang lta ba'i phyogs gnyis tsha grang ltar
'gal 'dur song nas/ gnyis ka la nges shes shugs drag la rgyun
ring ba bskyed sa med par

'gro'o/ /de'i phyir 'bras bu'i gnas skabs na chos sku thob byar
'jog pa dang / gzugs sku thob byar byed pa gnyis mi 'gal ba
ltar/ lam dus su yang bdag gnyis su mtshan mar 'dzin pa'i dmigs
gtad rdul

tsam yang ma lus pa'i spros bral la yang nges shes 'dren pa dang
/ 'di las 'di 'byung dang / 'di la skyon yon 'di yod la yang
nges shes 'dren pa gnyis mi 'gal bzhig dgos so/ /de yang gzhi'i
lta ba bden gnyis

gtan la 'beb tshul la rag las pas/ lung rigs kyis/ 'khor 'das kyi
chos thams cad la rang gi sdod lugs sam yin tshul la rang bzhin
rdul tsam yang ma grub par gtan la 'bebs pa'i don dam pa rnam
par 'jog

@112b pa'i tshad ma dang / rgyu 'bras kyi chos cung zad kyang ma
'chol bar so sor nges pa'i rgyu 'bras rnam par 'jog pa'i tha
snyad pa'i tshad ma gnyis pa na tshun gnod bya gnod byed du 'gro
ba lta ci smros te/ gcig gcig gi grogs su

'gyur ba la res pa rnyed na/ de nas bden pha gnyis kyi don rtogs
pa dang / rgyal ba'i dgongs pa rnyed pa zhes bya ba'i grangs su
'gro ba yin no/ /lung gsum pa'i don ni/ mdo de'i skabs de skye
ba sogs dpyod pa'i skabs

yin pas/ sbyin sogs de kho nar ma skyes bar ston pa la rtog
pa'o/ zhes rtog pas btags pa tsam du ston gyi/ de dag mi bsten
par dor byar ston pa min phar sgom rim tha ma las gsungs so/
/lam phyogs re bas mi

chog pa ni/ mdo kun las btus ba las kyang / thabs mkhas pa dang
bral ba'i byang chub sems dpas chos zab mo nyid la mngon par
brtson par mi bya'o/ zhes gsal bar gsungs shing/ gsang ba bsam
gyis mi

khyab pa las kyang / rigs kyi bu 'di lta ste/ dper na me ni rgyu
las 'bar te rgyu med na zhi bar 'gyur ro/ /de bzhin du dmigs pa
las sems 'bar gyi/ dmigs pa med na sems zhi bar 'gyur ro/ /de
thabs la mkhas

pa'i byang chub sems dpa' shes rab kyi pha rol tu phyin pa yongs
su dag pas dmigs pa nye bar zhi bar yang shes la dge ba'i rtsa
ba la dmigs pa'ang nye bar zhi bar mi byed/ nyon mongs pa la
dmigs pa'ang 'byung bar

@113a @#/ /mi byed la/ pha rol tu phyin pa'i dmigs pa la'ang 'jog
par byed/ stong pa nyid kyi dmigs pa la yang so sor rtog la/
sems can thams cad la snying rje chen pos dmigs pa la'ang lta'o/
zhes

dmigs pa med lugs dang / dmigs pa yod lugs so sor gsungs pa
rnams phyed dgos so/ /de bzhin du nyon mongs dang mtshan mar
'dzin pa'i 'ching ba lhod dgos la/ bslab pa'i thag pas dam du
bsngam dgos

pa dang / kha na ma tho ba gnyis zhig dgos la/ dge ba'i bya ba
rnams ma zhig dgos pas bslab pas bsngam pa dang / mtshan 'dzin
gyis bcings pa gnyis mi gcig cing bsrung sngom lhod pa dang /
bdag tu 'dzin pa'i

'ching ba lhod pa gnyis kyang mi gcig pas zhig po dang / rang
grol sogs kyi don yang legs par dpyad par bya'o/ /slob dpon ka
ma la shI las/ yid la mi byed pa bkag pa'i tshul ni yin lugs kyi
don gtan la phab pa'i

lta thog tu bzhag nas gzhan gang yang yid la mi byed par rtse
gcig tu bzhag nas sgom pa bkag pa ma yin gyi/ lta bas yin lugs
kyi don gtan la phab pa'i don la 'jog rgyu med par sems cir yang
mi rtog par 'jog pa'i

tsom 'jog stong nyid sgom pa'i sgom du byed pa 'gog pa yin no/
/de ni sngags dang pha rol tu phyin pa gnyis ka la 'dra'o/ /'on
kyang de gnyis kyi lugs la so sor rtog pa'i shes rab kyis dpyad
nas skyong ba la 'dra mi 'dra'i tshul ji

@113b ltar yod pha sogs ni 'chad par 'gyur ro/ /gsum pa la
gnyis/ theg chen spyil bslab tshul/ khyad par du rdo rje theg pa
la bslab tshul lo/ /dang po la gsum/ byang sems kyi bslab pa la
slob 'dod sbyang ba dang / sbyangs nas

rgyal sras kyi sdom pa gzung ba/ bzur nas ji ltar bslab pa'i
tshul lo/ /dang po ni/ 'dul ba dang sngags gnyis la/ dang por
rang rang gi sngom pa ma bzung bar/ bslab bya rnams nyan du mi
rung yang / 'di ni de dag dang

mi 'dra ste/ sngon du bslab bya rnams shes par byas te rgyud
sbyangs nas/ de nas 'dzin par spro ba na sdom pa 'bogs pa yin
no/ /des na bslab bya rnams shes par byas te yid yul du byas
nas/ de dag la snying thag pa nas

slob 'dod sbyangs te sngom pa blangs na shin tu brtan pas/ 'di
ni thabs bzang po'o/ /gnyis pa ni/ tshul khrims le'u'i 'grel par/
dang por ji ltar len lugs dang / de ma thag nas rtsa lhung dang
/ nyes byas kyi ltung ba

rnams bsrung tshul dang / nyams na phyir bcas lugs rnams rgyas
par gtan la bab zin pas/ sdom pa len pa'i snga rol du nges par
lta dgos pas der shes par bya'o/ /gsum pa la gsum/ gang la bslab
pa'i gzhi/ der

bslab pa rnams 'du tshul/ de la ji ltar bslab pa'i rim pa'o/
/dang po ni/ gsal ba'i dbye ba mtha' yas kyang / rigs bsdu na/
phyin drug tu byang sems kyi bslab bya thams cad 'du bas/ phyin
drug ni/ byang sems kyi lam

@114a @#/ /gyi gnad mtha' dag bsdus pa'i sdom chen po'o/ /gnyis
pa la gnyis/ dngos kyi don grangs nges pa/ zhar la go rim nges
pa'o/ /dang po ni/ bcom ldan 'das kyis phyin drug gi sdom tsam
mdzad pa la/ rgyal tshab

dam pas/ de ltar mdzad pa'i rgyu mtshan gyi gnad rnams dgongs pa
bzhin bkral nas/ nges shes bskyed pa ni/ grangs nges tshul 'di
rnams yin pas/ 'di dag la yid 'phrog pa'i nges pa rnyed na/
phyin drug gi nyams len la

gdams pa'i mchog tu 'dzin no/ /'di la drug /mngon mtho la ltos
pa'i dang / don gnyis sgrub pa la ltos pa'i dang / gzhan don
rnam pa thams cad pa rdzogs par sgrub pa la ltos pa'i dang /
theg chen thams cad sdud pa la

ltos pa'i dang / lam mam thabs kyi rnam pa thams cad pa'i dbang
du mdzad pa'i dang / bslab pa gsum la ltos pa'i grangs nges
pa'o/ /dang po ni/ byang chub kyi spyod pa rlabs che ba rnams
rdzogs pa la/ tshe rabs mang por

brgyud dgos la/ der yang lam gyi sa chod 'ong ba la/ rten mtshan
nyid yongs rdzogs re med par/ da lta'i rten 'di 'dra ba cha re
re tsam yod pas bsgrubs kyang bogs ci yang mi thon pas/ rten cha
thams cad nas phun tshogs

shig dgos so/ /de yang gang la spyod pa'i longs spyod/ gang gis
spyod pa'i lus/ gang dang lhan cig tu spyod pa'i 'khor dang /
las kyi mtha' gang brtsams pa rnams 'grub pa'i phun tshogs bzhi
ldan zhig dgos so/ /de

@114b dag phun sum tshogs pa tsam gyis kyang nyon mongs kyi rkyen
du 'gro ba mang bas/ de yang nyon mongs kyi dbang du mi 'gro ba
dang / des kyang mi chog pas/ blang dor gyi gnas rnams la phyin
ci ma log par 'jug cing ldog pa'i dmigs legs

par phyed pa zhig dgos te/ gzhan du na smig ma dang chu shing
rang gi 'bras bu chags pa dang / dre'u mo sbrum pas brlag pa
ltar/ phun tshogs de nyid kyis brlag par 'gyur ba'i phyir ro/
/shes rab yod na sngar gyi bzang pho'i las

kyi 'bras bur shes nas slar yang rgyu rnams la 'bad de je 'phel
du 'gro la/ shes rab med na sngar bsags kyi 'bras bu longs spyad
pas ni zad/ gsar du ni mi sbel bas/ phyi ma la sdug bsngal ba'i
mgo tshugs par 'gyur

ro; ;des na skye ba gzhan du de drug 'byung ba yang / rgyu med
dang mi mthun pa'i rgyu las mi 'byung zhing/ rjes mthun gyi rgyu
yang rim pa bzhin phyin drug tu nges so/ /lam gyi skabs kyi
longs spyod sogs ni gnas skabs kyi mngon mtho

yin la/ lus phun tshogs sogs mthar phyin pa'i mngon mtho ni sangs
rgyas kyi sa na yod do/ /de ltar yang mdo sde'i rgyan las/ longs
spyod dang lus phun sum tshogs pa dang / /'khor rtsom phun sum
tshogs pa mngon mtho dang/

rtag tu nyon mongs dbang nyid mi 'gro dang / /bya ba rnams la
phyin ci ma log pa'o/ zhes so/ /gnyis pa ni/ de ltar rten de lta
bus byang sems kyi spyod pa la slob ba na byang sems kyi bya ba
ni gnyis su zad de/ rang dang gzhan gyi don sgrub

@115a @#/ /pa'o; ;de yang gzhan don sgrub pa la thog mar zang
zing gis phan 'dogs dgos la/ de la sems can la gnod 'tshe dang
bcas pa'i sbyin pas cir yang mi 'gyur bas/ gzhan gnod gzhi bcas
las legs par

ldog pa nyid gzhan don chen po yin pas tshul khrims dgos so/ /de
mthar 'byin pa la yang tshur gnod ma bzod par gcig lan dang gnyis
lan byas na tshul khrims dag po mi 'ong bas tshur gnod la ji mi
snyam pa'i bzod pa dgos

so; ;'dis lan ma byas pas gzhan gyis sdig gsog pha du ma khegs
shing / des 'dun nas dge ba la sbyar du yod pas gzhan don chen
po'o/ /rang don ni shes rab kyi mthus rnam grol gyi bde ba 'thob
pa yin na/ de yang sems

g.yengs pha la mi 'ong bas bsam gtan gyis sems mnyam par bzhag
ste/ dmigs pa la ji ltar 'dod 'dod du gnas pa'i las rung thob
dgos/ de le lo can la mi skye bas nyin mtshan kun tu mi ngal ba'i
brtson 'grus rtsem

dgos pas de ni de dag gi gzhi'o/ /des na don gnyis po de sgrub
pa la phyin drug tu nges te/ sems can don la rab brtson pa/
/gtong dang mi gnod bzod pas byed/ /gnas dang grol ba gzhir bcas
pas/ /rang don rnam pa thams

cad spyod/ ces te 'di la gzhan don rnam pa thams cad pa med do/
/gnas dang grol ba zhes sems dmigs pa la gnas pa bsam gtan gyi
lag rjes dang / 'khor ba las grol ba shes rab kyi lag rjes su
gsungs pa 'di gnyis so sor phyed

@115b na zhi gnas la lhag mthong du mi 'khrul lo/ /gsum pa ni/
thog mar zang zing btang bas de'i phongs pa sel/ de nas sems can
gang la yang phar gnod mi byed/ der ma zad tshur gnod bzod par
byas/ kho'i grogs byas pas

mi skyo ba'i brtson 'grus brtsams shing/ bsam gtan la brten nas
rdzu 'phrul sogs kyis yid 'dun par byas te snod rung du song ba
na shes rab la brten nas legs par bshad de the tshom bcad pas
grol bar byed ba'i phyir phyin

drug tu nges te/ mi phongs pa dang rnam par mi 'tshe dang / /rnam
'tshe bzod dang bya bas mi skyo dang / /dga' byed legs par brjod
pa de yi phyir/ /gzhan gyi don ni rang gi don yin no/ /zhes so/
/bzhi pa ni/ 'di ltar longs spyod

rnyed pa la mi chags shing ma rnyed pa don du mi gnyer bas longs
spyod la mi lta ba dang / de yod na bslab pa bsrung nus pas tshul
khrims len cing de la gus pa dang / sems can dang sems can ma
yin pa la brten nas byung ba'i

sdug bsngal la bzod pas mi skyo ba dang / dge ba'i bya ba ci
'dra la spyor yang spro bas des mi skyo ba dang / zhi gnas dang
lhag mthong gi rnal 'byor mi rtog pa sgom pa drug gis ni/ 'dis
'gro ba'i theg chen thams cad bsdus la/ de dag kyang phyin

drug gis rim par sgrub cing de las mang mi dgos pa'i phyir te/
longs spyod mngon bar mi dga' dang / /rab gus gnyis la mi skyo
dang / /rnal 'byor rnam par mi rtog pa/ /theg chen mtha' dag
'dir zad do/ zhes so/ /lnga pa ni/ thob zin

@116a @#/ /gyi yul gyi longs spyod la ma chags pa'i lam mam thabs
ni sbyin pa ste/ gtong ba la goms pas de la chags pa dang bral
ba'i phyir ro/ /yul ma thob pa 'thob pa'i don du rtsol ba'i rnam
g.yeng sdom pa'i thabs ni tshul

khrims te/ dge slong gi sdom pa la las kyi mtha'i rnam g.yeng
thams cad mi 'byung ba'i phyir ro/ /sems can mi gtong ba'i thabs
ni bzod pa ste/ gnod pa byed pa'i sdug bsngal thams cad kyis yid
mi 'byung ba'i phyir ro/ /dge

ba 'phel ba'i thabs ni brtson 'grus te/ brtson 'grus brtsams pa
las de 'phel bas so/ /sgrib pa rnam par sbyong ba'i thabs ni
phar phyin tha ma gnyis te/ bsam gtan gyis nyon mongs dang /
shes rab kyis shes sgrib rnam

par sbyong ba'i phyir ro/ /de'i phyir phyin drug tu nges te/ yul
rnams la ni ma chags lam/ /de thob rnam g.yeng sdom pa gzhan/
/sems can mi gtong 'phel ba dang / /sgrib pa rnam par sbyong ba
gzhan/ zhes so/ /drug pa ni/ tshul

khrims kyi bslab pa'i ngo bo ni tshul khrims yin la/ de yang
longs spyod la mi lta ba'i sbyin pa yod na len pas de ni tshul
khrims kyi tshogs so/ /blangs pa yang gshe ba la slar mi gshe ba
sogs bzod pas srung bas de ni de'i 'khor

ro; ;bsam gtan ni sems kyi bslab pa yin la/ shes rab ni shes rab
kyi bslab pa yin no/ /brtson 'grus ni bslab pa gsum ga la gtogs
pas phyin drug tu nges te/ bslab gsum dbang du mdzad nas ni/
/rgyal bas pha

@116b rol phyin pa drug /yang dag bshad de dang po gsum/ /tha ma
gnyis kyi rnam pa gnyis/ /gcig ni gsum char la yang gtogs/ zhes
so/ /de ltar na rten phun tshogs ji 'dra zhig gis rang gzhan gyi
don ji 'dra zhig yongs su rdzogs

pa theg pa gang la gnas nas thabs kyi rnam pa ji snyed dang ldan
pas/ bslab pa gang sgrub pa'i rten dang / don dang / theg chen
dang / thabs dang / bslab pa rnams yongs su rdzogs par byed pa
dang / sdud par byed pa ni phyin drug

nyid du shes par byas la/ byang sems kyi nyams len gyi gnad
thams cad kyi sdom yin pa la nges pa chen po ma rnyed bar du
bsam par bya'o/ /gnyis pa la gsum/ skye ba'i rim pa/ dman mchog
gi rim pa/ phra rags kyi rim pa'o/ /

dang po ni/ longs spyod la mi lta zhing ma chags pa'i sbyin pa
yid na/ tshul khrims len cing / nyes spyod sdom pa'i tshul khrims
dang ldan na gnod pa la bzod par 'gyur ro/ /dka' spyad la mi
skyo ba'i bzod pa yod na ldog rkyen nyung bas

brtson 'grus rtsom nus so/ /nyin mtshan du brtson 'grus brtsams
na sems dge ba la bkol rung ba'i ting nge 'dzin skye'o/ /sems
mnyam par bzhag na yang dag pa ji lta ba bzhin rtogs pa 'byung
ngo/ /gnyis pa ni/ snga ma

snga ma dman la phyi ma phyi ma mchog go/ /gsum pa ni/ snga ma
rnams phyi ma rnams las 'jug pa dang / bya ba sla bas rags la/
phyi ma rnams snga ma rnams las 'jug pa dang bya ba dka' bas
phra ba ste/ mdo sde'i rgyan las/ snga

@117a @#/ /ma la brten phyi ma skye/ /dman dang mchog tu gnas
phyir dang / /rags pa dang ni phra ba'i phyir/ /de dag rim par
bstan pa yin/ zhes so/ /gsum pa la gnyis/ spyod pa spyi la bslab
tshul/ khyad par du phar

phyin tha ma gnyis la bslab tshul lo/ /dang po la gnyis/ rang gi
sangs rgyas kyi chos smin par byed pa phar phyin/ gzhan rgyud
smin par byed pa bsdu bzhi la bslab pa'o/ /dang po la drug /
/sbyin pa/ tshul khrims/ bzod pa/

brtson 'grus/ bsam gtan/ shes rab la bslab tshul lo/ /dang po la
gsum/ sbyin pa'i ngo bo/ rab dbye/ rgyud la skyed tshul lo/ /dang
po ni/ gtong ba'i sems pa dge ba dang / des kun nas bslang ba'i
lus ngag

gi las te/ de ni lus ngag sbyin pa la 'jug bzhin pa'i dus kyi
sems pa'o/ /de la sbyin pa'i phar phyin rdzogs pa ni sbyin bya'i
rdzas gzhan la btang bas 'gro ba rnams kyi dbul ba bor ba la mi
ltos kyi/ ser sna'i 'dzin

pa bcom nas btang ba'i 'bras bu dang bcas pa gzhan la gtong ba'i
blo goms pa yongs su rdzogs pa las sbyin pa'i phar phyin du
'gyur ro/ /gnyis pa la gnyis/ rten so so la ltos pa'i rab dbye/
sbyin pa rang gi

ngo bo'i rab dbye'o/ /dang po ni/ spyir zang zing gi sbyin pa
khyim pa'i byang sems kyis byed la/ byang sems rab byung gis
chos kyi sbyin pa bya yi/ zang zing gi sbyin pa mi bya bar byang
sems kyi so thar las gsungs so/ /de yang

@117b thos pa la sogs ba'i bar chad du 'gyur ba la dgongs par
bslab btus las gsungs te/ rab byung gis zang zing ched du
bsgrubs nas sbyin gtong byed pa bkag gi /rang gi dge ba'i bya ba
la mi gnod par sngon gyi bsod nams

kyi mthus mang du rnyed na zang zing gtong dgos par gsungs so/
/shar pa'i zhal nas/ nga ni khyed la gtong ba'i phan yon mi
brjod kyi/ 'dzin pa'i nyes dmigs brjod pa yin gsung ste/ rab
byung gis sha thang thang du nor btsal zhing bsags

nas tshul khrims la rma mang du phyung ste sbyin pa gtong ba la
ma dgyes pa'i gtam mo/ /gnyis pa la chos gyi sbyin pa ni/ dam
pa'i chos phyin ci ma log par ston pa dang / bzo la sogs pa'i
'dzin gyi las kyi mtha' kha

na ma tho ba med pa rigs par ston pa dang / bslab pa'i gzhi
'dzin du 'jug pa'o/ /mi 'jigs pa'i sbyin pa ni/ rgyal po dang
chom rkun sogs mi'i 'jigs pa dang / seng ge dang stag sogs mi ma
yin dang / chu dang me

sogs 'byung ba'i 'jigs pa las yongs su skyob pa'o/ /zang zing gi
sbyin pa ni zang zing gzhan la gtong ba'o/ /gsum pa ni/ lus
longs spyod la ser sna ma lus par bcom pa tsam gyis ni sbyin
pa'i phar phyin tu mi

'gyur te/ ser sna ni 'dod chags kyi char gtogs pa yin pas theg
dman dgra bcom pa gnyis kyis kyang sa bon dang bcas pa ma lus
par spangs pa'i phyir ro/ /de'i phyir gtong ba'i gegs ser sna'i
kun 'dzin

@118a @#/ /bsal ba tsam du ma zad/ bdog pa thams cad gzhan la
gtong ba'i bsam ba snying thag pa nas skyed dgos so/ /de la
yongs su gzung ba'i nyes dmigs dang btang ba'i phan yon sgom pa
gnyis dgos pa'i dang

po ni zla ba sgron me las gsungs pa ltar/ lus mi gtsang ba dang
/ srog ri gzar gyi chu ltar g.yo ba dang / lus srog gnyis ka
las kyi gzhan dbang can yin pas/ rang dbang ba'i bdag med pa
dang / rmi lam dang sgyu ma lta bur brdzun

par bltas nas de la chags pa dgag dgos te/ de ma log na chags
pa'i dbang du song ste/ nyes spyod chen po rnams bsags nas ngan
'gror 'gro par gsungs pa dang / gnyis pa ni/ bslab btus las/ 'di
ltar bdag

gi lus dang sems/ /skad cig re res 'gro ba nyid/ /gal te mi rtag
dri 'bab pa'i/ /lcas kyis rtag cing dri med pa'i/ /byang chub
thob par 'gyur na ni/ /de ni rin med rnyed min nam/ zhes gsungs
pa ltar ro/ /skyed tshul dngos

ni; spyod 'jug las/ lus dang de bzhin longs spyod dang / /dus
gsum dge ba thams cad kyang / /sems can kun gyi don bsgrub
phyir/ /phangs pa med par gtang bar bya/ zhes gsungs pa ltar lus
longs spyod dge rtsa gsum

dmigs yul du byas nas sems can thams cad la gtong ba'i bsam pa
yang yang goms bar bya'o/ /da lta mos pa ma smin zhing stobs
chung bas sems can la bsam pas lus byin zin yang sha la sogs ba
dngos su

@118b mi ster mod/ 'on kyang lus srog gtong ba'i bsam pa ma
sbyangs na goms pa med pas/ dag zod kyang lus srog gtong mi nus
par bslab btus las gsungs bas/ da lta nas bsam pa sbyang dgos
so/ /de ltar bsam pa thag pa nas

sems can la btang ba'i zas gos sogs la sbyod pa na/ gzhan don du
'di dag sbyad par bya'o snyam pa'i bsam pa brjed nas rang don du
sred pas spyod na nyon mongs can dang / sred pa ni med la sems
can thams cad la dmigs pa'i

'du shes brjed ba'am/ sems can gzhan zhig gi phyir chags na ni
nyon mongs can ma yin pa'i ltung ba'o/ /gzhan la bsngos pa de
dag la gzhan gyi rdzas su 'du shes nas rang gi phyir spyod na ma
byin lan du 'gyur zhing / rin thang

tshang na so thar gyi pham par 'gyur ba dang / sems can kho rang
gi longs spyod spyad la kho'i don gya'o snyam du spyod na nyes
med du bslab btus las gsungs so/ /pham pa 'ong tshul ni mi'i 'gro
ba pa la bsam pa thag pa nas bsngos

shing des kyang de rig nas bdag tu bzung ba'i skabs su gzhan gyi
yin par 'du shes nas rang don du len pa la rin thang tshang na
pham pa 'ong sa yod pa la dgongs so/ /gzhan yang snying thag pa
nas dang bas/ sbyin bya'i chos

sna tshogs pa dpag med rtog pas sbrul nas sems can la byin par
mos ba'i mos pa sbyong ba ni tshegs chung dus bsod nams dpag med
'phel ba dang / de yang byang sems shes rab can gyi sbyin bar
byang la las gsungs

@119a @#/ /so; ;sbyin pa'i phar phyin la slob pa'i tshe yang pha
rol tu phyin pa drug ldan du byas te slob pa byung na stobs
che'o/ /de yang de'i tshe nyan rang gi yid byed sdom pa'i tshul
khrims dang / rnam mkhyen gyi chos la

mos shing bzod la/ gzhan gyis gshe ba bzod pa dang / de nyid
gong nas gong du 'phel ba'i phyir 'dun pa skyed ba'i brtson
'grus dang / theg dman dang ma 'dres pa'i sems rtse gcig pas dge
ba de rdzogs byang du bsngo ba'i

bsam gtan dang / sbyin bya sbyin byed len pa po rnams la sgyu ma
lta bur shes pa'i shes rab ste drug tshang bar byed pa'o/ /gnyis
pa la gsum/ tshul khrims kyi ngo bo/ rab dbye/ rgyud la skyed
tshul lo/ /dang po ni/ gzhan

la gnod pa gzhi dang bcas pa las yid phyir log pa'i spong ba'i
sems pa ni tshul khrims te/ sdom pa'i tshul khrims gtso bo yin
pa'i dbang du byas so/ /sems pa de'i goms pa gong nas gong du
yongs su rdzogs pas

tshul khrims kyi phar phyin du 'gyur gyi/ phyi rol tu sems can
gnod 'tshe ma lus pa dang bral ba la bkod pa'i sgo nas ma yin te/
sbyod 'jug las/ spong ba'i sems ni thob pa las/ /tshul khrims pha
rol phyin

par bshad/ ces so/ /gnyis pa la gsum las/ sdom pa'i tshul khrims
ni/ kun slong dang bcas ba'i dbang du byas na mi dge bcu spong
ba'i spong ba bcu yin la/ rang gi ngo bo'i dbang du byas na mi
dge ba bdun spong ba'i

@119b lus ngag gi spong bdun no/ /'di la byang sa las/ byang
sems kyi rgyud kyi sdom pa'i tshul khrims so thar ris bdun la
gsungs pa'i dgongs pa ni/ so thar gyi sdom ldan byang sems kyi
sdom ldan yin na ni/ khyim pa'am rab byung

gi phyogs kyi so thar gyi sdom pa dngos dang / de'i rgyud kyi de
dag dang thun mong ba'i spong sdom ni sdom pa'i tshul khrims yin
la/ so thar gyi sdom pa'i rten du mi rung ba'i byang sems kyi
sdom ldan yin na so thar dang thun mong ba'i rang

bzhin gyi kha na ma tho ba dang bcas pa'i kha na ma tho ba ci
rigs par spong ba'i spong ba'i spong sdom ni sdom pa'i tshul
khrims so/ /byang sems kyi rgyud kyi so thar gyi sdom pa ni
byang chub sems dpa'i rgyud kyi tshul khrims kyi sdom pa yin yang
byang

sems kyi sdom pa dngos min la/ lhag ma la ni byang sems kyi sdom
pa dang gzhi mthun pa yod do/ /dge ba chos sdud kyi tshul khrims
ni/ phyin drug la sogs pa'i dge ba la dmigs nas rang rgyud la ma
skyes pa de skyed cing skyes zin mi nyams

pa dang gong nas gong du spel bar byed pa'o/ /sems can don byed
kyi tshul khrims ni/ tshul khrims kyi sgo nas sems can gyi 'di
dang phyi ma'i don kha na ma tho ba med par ji ltar rigs par
sgrub pa'o/ /gsum pa ni/ tshul khrims dag pa

ni 'jug ldog la ji ltar bcas pa ltar lag tu len pa la rag las
la/ de yang srung 'dod shugs drag cing brtan pa'i rjes su byed
la/ de skye ba la ma bsrungs pa'i nyes dmigs dang bsrungs ba'i
phan yon ring du sgom dgos so/ /

@120a @#/ /de ni sngar skyes bu 'bring gi skabs su bshad la/
gzhan yang phar phyin bsdus pa las/ tshul khrims nyams pas rang
don mi nus na/ /gzhan don tshul la mthu yo dag las 'ong / /de
phyir gzhan don legs par brtson pa

yis; ;'di la rim gro glod par rigs pa min/ zhes dang / tshul
khrims de ni khyad par 'thob pa'i lam/ /snying rje'i ngang can
rnams dang mnyam par sgrub/ /ye shes gtsang ma phul gyi rang
bzhin te/ /skyon bral rgyan du 'gyur ba'i mchog

ces bya/ /khams gsum kun tu yid 'ong dri bsung ste/ /rab tu
byung dang mi 'gal byug pa yin/ /cha lugs mthun yang tshul khrims
ldan gyur na/ /mi yi nang na de ni 'phags par 'gyur/ zhes 'di la
brten nas rgyud gong nas

gong du 'gro ba dang / snying rje'i dang can sems dpa' chen po
rnams dang bslab pa mtshungs par 'gyur ba dang / nyes spyod kyi
sa bon thams cad spangs pa'i ye shes gtsang ma 'thob pa dang /
rgyan gzhan ni ha cang gzhon ba

dang rgan pa la mi mdzes kyang / tshul khrims kyi rgyan ni rgan
gzhon bar ma su la ldan yang thams cad dga' ba skyed pas rgyan
mchog dang / dri bzang po gzhan ni rdzi phyogs su 'gro yang rdzi
phyogs min par mi 'gro bas

phyogs re ba yin la/ tshul khrims kyi grags ba'i dri ni phyogs
thams cad la 'gro ba dang / tsha gdung sel ba'i tsandan sogs kyi
lde gu'i byug pa ni rab byung la 'gal yang / nyon mongs kyi tsha
gdung skyob ba'i byug pa ni rab byung

@120b la mi 'gal zhing mthun pa dang / rab byung gi rtags tsam
ldan par 'dra yang tshul khrims kyi nor dang ldan pa ni gzhan las
phul du byung bar gsungs so/ /yang de nyid las/ tshig tu ma brjod
tshegs su ma gyur kyang / /nyams su mkho

ba'i longs spyod rim gro 'du/ /bsdigs pa med par 'jig rten kun
'dud de/ /chags med ma bsgrubs dbang phyug thob par 'gyur/
/brjod du ma 'os rigs su 'byung ba dang / /phan zhing dben pa
gang yang ma byas shing / /sngan

chad mi bshes skye bo thams cad kyang / /tshul khrims ldan pa'i
skye bo de la 'dud/ /rkang pas bkra shis gyur pa'i rdul dag
kyang / /spyi gtsug dam pas blangs shing lha dang mi/ /phyag
'tshal mgos gtugs thob pa kun tu 'khyer/

zhes gsungs pa ltar bsam par bya'o/ /de ltar tshul khrims gsum
yod kyang sdom pa'i tshul khrims so thar gyi bcas pa dngos sam de
dang thun mong ba la 'jug ldog byed pa nyid byang chub sems dpa'
la yang thog mar gal che

ste; de bsrungs na gzhan dag kyang bsrungs par 'gyur la/ de ma
bsrungs na gzhan dag kyang ma bsrungs bar 'gyur bas byang sems
kyi sdom pa'i tshul khrims nyams na sdom pa thams cad nyams pa
yin par bsdu pa las gsungs

so; ;de'i phyir so thar gyi sdom pa nyan thos kyi yin no snyam
du bzung nas de'i 'jug ldog gi bcas pa rnams dor te/ byang sems
kyi bslab bya gzhan zhig la slob dgos zer ba ni byang sems kyi
tshul khrims kyi bslab pa'i gnad

@121a @#/ /ma zin pa yin te/ sdom pa'i tshul khrims ni tshul khrims
phyi ma gnyis kyi gzhi dang gnas su lan du mar gsungs pa'i phyir
ro/ /sdom pa'i tshul khrims kyi gtso bo yang rang bzhin gyi kha
na ma thob ba rnams spong ba

yin la/ rang bzhin rnams kyi yang nyes dmigs che ba'i gnad bsdus
pa ni mi dge bcu spong yin pas de la kun slong tsam yang mi rgyu
ba'i sdom sems yang yang bya ste/ phar phyin bsdus pa las/ mtho
ris thar pa'i bde

lam gyur pa ste/ /las lam bcu po 'di las nyams mi bya/ /'di la
gnas pas 'gro la phan bsams pa'i/ /bsam pa'i khyad par 'bras bu
yod par 'gyur/ /ngag lus yid rnams yang dag bsdam bya ba/ /mdor

bsdus tshul khrims yin zhes rgyal bas gsungs/ /tshul khrims ma lus
'du ba'i gzhi yin pas/ /de phyir 'di dag rnam par sbyang bar
gyis/ zhes so/ /mdor na de gzhir byas nas rang gis gang khas
blangs pa'i tshul

khrims kyi bslab pa la slob pa'i sdom sems sogs yang yang sbyong
ba ni tshul khrims kyi nyams len no/ /pha rol tu phyin pa drug
ldan du bya ba ni/ rang tshul khrims la gnas nas gzhan de la 'god
pa ni sbyin pa yin la/

lhag ma ni snga ma bzhin no/ /gsum pa la gsum/ bzod pa'i ngo bo/
rab dbye/ rgyud la skyed tshul lo/ /dang po ni/ gnod pa byed pa
dang sdug bsngal byung bas mi brdzi bar sems rnal du gnas pa
dang/ chos la mos

@121b pa shin tu gnas pa'o/ /de'i mi mthun phyogs ni zhe sdang
dang/ sro shi ba dang/ ma mos shing mi 'dod pa'o/ /de la bzod
pa'i phar phyin rdzogs ma ni rang gi khro ba sogs 'gog pa'i sems
kyi goms pa rdzogs pa tsam yin gyi/ sems

can mi bsrun pa dang bral ba la mi ltos so/ /gnyis pa ni/ gzhan
gyis gnod pa byas pa la ji mi snyam pa dang/ rang rgyud la sdug
bsngal byung ba dar len dang/ chos la nges sems kyi bzod pa'o/
/gsum pa ni/ bzod pa'i phan yoH

dang mi bzod pa'i nyes dmigs sgom dgos pas dang po ni/ phyi ma
la dgra nyung ba dang/ mdza' bo dang mi 'byed ba dang/ bde ba
dang yid bde mang ba dang/ 'gyod pa med par 'chi ba dang/ lus
zhig nas lha'i nang du skye bar 'gyur

ro; ;snyam du sems pa dang/ phar phyin bsdus pa las/ gzhan don
'dor ba'i yid dang ldan pa la/ /tshul gyi dam pa bzod pa yin zhes
gsungs/ /'jig rten legs ba phun sum tshogs pa dag /khro ba'i
skyon las bzod pas

yongs su skyob/ /mthu ldan rnams kyi rgyan gyi dam pa ste/ /dka'
thub tshul 'chang rnams la stobs kyi phul/ /gnod sems 'brog gi me
la chu yi rgyun/ /'di dang gzhan la gnod dgu bzod pas sel/ /skye
bo mchog gi bzod pa'i

go cha la/ /mi bsrun skye bo'i tshig gi mda' rdugs pas/ /de dag
bstod pa'i me tog bzang gyur cing/ /grags pa'i phreng ba yid du
'ong bar 'gyur/ zhes dang/ yon tan mdzes ldan mtshan rab brgyan
pa yi/ /gzugs sgrub bzo

@122a @#/ /yi gnas kyang bzod pa yin/ zhes gsungs pa ltar phan
yon la nges pa shugs drag la brtan pa ma rnyed bar du bsgom mo/
/gnyis pa ni/ spyod 'jug las/ bskal pa stong du bsags pa yi/
/sbyin dang bder gshegs

mchod la sogs/ /legs sbyad gang yin de kun yang/ /khong khro
gcig gis 'joms par byed/ ces gsungs pa ste/ 'di ni 'phags pa
dpa' bos mdzad pa ji lta ba bzhin bkod par snang ngo/ /'jam dpal
rnam par

rol ba'i mdo las ni bskal pa brgyar bsags pa'i dge ba 'joms par
gsungs so/ /yul la ni/ kha cig byang sems dgos par 'chad la/ kha
cig yul spyi la bzhed pa'i snga ma ni/ 'jug pa las/ gang phyir
rgyal sras

rnams la khres pa yis/ /sbyin dang khrims byung dge ba bskal pa
brgyar/ /bsags pa skad cig gis 'joms/ zhes gsungs pa dang mthun
na/ /khong khro skye ba'i rten ni byang sems kyis khros na yang
dag rtsa 'joms na/ byang sems ma

yin pas byang sems la khros na lta ci smos pa dang/ yul de byang
sems su nges ma nges dang khro ba'i rgyu mchan gyi skyon mthong
ba bden mi bden ni sngar bshad pa ltar gyi dge ba 'joms pa la
'dra bar 'jug 'grel las gsungs

so; ;sbyir dge rtsa 'joms pa la byang sems la khros pa mi dgos
te/ bslab btul su thams cad yod smra'i gzhung drangs pa las/ dge
slong gis dbu skra dang sen mo'i mchod rten la sems dang bas yan
lag thams cad

@122b kyis phyag 'tshal ba na/ gser gyi sa gzhi la thug gi bar
dus ji tsam non pa'i rdul ji snyed pa de snyed kyi 'khor sgyur
gyi rgyal srid stong 'gyur longs sbyod par 'gyur ro/ /zhes
gsungs shing/ yang dge rtsa de tshangs pa mtshung par spyod

pa la rma phyung ba dang/ rmas par byas na 'dzad par 'gyur ra/
/de bsan mgal dum la yang mi khron rnam shes dang bcas pa'i lus
la lta ci smos/ zhes gsungs pa ltar ro/ /dge rtsa bcom pa'i don
ni/ sngar gyi dge ba rnams kyi

'bras bu myur du skyed pa'i nus pa bcom nas 'bras bu 'byin pa
rgyang bsrings te/ sdon la zhe sngad lta bu de'i 'bras bu 'byin
pa yin gyi/ da gdod rkyen dang phrad na rang rang gi 'bras bu mi
'byin pa min te/ 'jig rten pa'i lam

gang gis kyang spang bya'i sa bon spong mi nus na/ nyon mongs
pas sa bon spong mi srid pa'i phyir ro/ zhes mkhas pa 'ga' zhig
gsung ngo/ /rgyu mchin de ni ma nges te/ so skyes gnyen po stobs
bzhis mi dge ba sbyangs ba'i

dag pa yangs bon spangs pa min yang da gzod rkyen dang phrad
kyang rnam smin 'byin pa mi srid par byed pa'i phyir dang/ sgyor
lam rtse mo dang bzod pa thob pa'i tshe log lta dang dan 'gro'i
rgyur gyur pa'i mi dge ba'i sa bon ma

sbangs kyang rkyen dang phrad na'ang log lta dang ngan 'gror
skye mi srid pa'i phyir ro/ /las kyis 'khor bar lci gang dang /
zhes gsungs pa ltar/ dge mi dge'i las gang ston la smin pa des
re zhig la las gzhan de smin pa'i

@123a @#/ /go skabs med pa dang/ de tsam gyis dge ba'am mi dge ba
'joms par gzhag mi nus shing ma gsungs pa'i phyir/ re zhig rnam
smin rgyang bsrings pa tsam dge rtsa bcom pa'i don du mi rung
ste/ gzhan du na mi dge

ba'i las stobs lngan thams cad dge rtsa 'joms byed du gsung dgos
par 'gyur ro/ /des na 'di la slob dpon legs ldan 'byed kyis ni/
sngar bshad pa ltar mi dge ba stobs bzhis sbyangs pa dang/ log
lta dang gnod

sems kyis dge rtsa bcom pa gnyis ka sa bon nyams pa rkyen dang
phrad kyang myu gu mi 'byung ba ltar/ da gdod rkyen dang phrad
kyang 'bras bu 'byin mi nus par gsungs so/ /de yang sngar bshad
pa ltar sdig pa bsags pa stobs

bzhis sbyangs pas 'dag kyang/ lam gong ma skye ba bul du song ba
mi 'gal ba ltar/ kha cig la sbyin pa btang ba dang tshul khrims
bsrungs pa'i 'bras bu longs spyod dang lus phun tshogs 'byung ba
lta bu zhig bco ma yang/

gtong ba dang sbong sems la goms pa'i byed ba rgyu mthun gyis
slar yang sbyin pa dang tshul khrims kyi dge rtsa skye sla ba
'joms mi nus pa dang/ kha cig la ni nang gi tshul khrims la sogs
pa'i byed pa rgyu mthun rigs 'dra rgyu na

chags su 'byung ba bcom nas/ lus longs spyod sogs phun tshogs
'byung ba mi 'joms pa dang/ kha cig la sngar bshad pa ltar lung
bstan thob pa'i byang sems la khong khro ma skyes na/ bskal pa
gcig gis rdzogs

@123b par bgrod nus pa'i lam gyi rtogs pa 'ga' zhig khong khro'i
bsam pa gcig skyes na lam de rgyud la yod pa ma btang yang bskal
pa gcig gis lam bgrod pa pul du song ba lta bu ste/ mdor na mi
dge ba 'dag pa la yang de'i

byed pa gang yin thams cad 'dag mi dgos pa dang 'dra bar dge ba
bcom pa la yang de'i byed pa gang yin thams cad 'joms mi dgos
sam snyam mo/ /'on kyang 'di gal che zhing sangs rgyas nyag gcig
gi lung dang/ de la brten

pa'i rigs pa la brten nas dpyad dgos pa kho nar snang bas/ legs
par gsung rab bltas la dpyad par bya'o/ /de ltar na rnam smin
yid du mi 'ong ba ches drag pa 'phen pa dang/ gzhan gyi rnam
smin ches yid du 'ong ba 'byin pa

'gag pa ni ma mthong ba'i nyes dmigs so/ /mthong chos kyi nyes
dmigs ni/ yid zhi zhing nges pa nyams su mi myong ba dang/ dga'i
ba dang bde ba sngar yod 'jig cing phyi ma mi 'thob pa dang/
gnyid mi phebs shing sems rnal du

mi gnas pa dang/ zhe sdang che na sngar drin gyis bskyangs pas
kyang drin brjed nas gsod pa dang/ mdza' bshes kyis kyang sun
nas spong ba dang/ sbyin pas bsdus kyang mi sdod pa sogs spyod
'jug las gsungs so/ /yang spyod

'jug las/ zhe sdang lta bu'i sdig pa med/ /bzod pa lta bu'i dka'
thub med/ /de bas bzod la nan tan du/ /sna tshogs tshul gyis bsgom
par bya/ zhes gsungs pa ltar phan yon dang nyes dmigs bsams la/
sgo du ma

@124a @#/ /nas bzod pa sgom pa la 'bad do/ /rnam smin tshabs che
ba dang dge rtsa 'joms pa gnyis ka tshogs pa'i nyes spyod ni zhe
sdang kho nar ma nges te/ skur 'debs kyi log lta dang/ dam chos
spong ba dang/ byang sems

dang bla ma sogs la khyad du gsod cing nga rgyal skyed pa sogs
te/ bslab btus las shes par bya'o/ /gnod byed la ji mi snyam
pa'i bzod pa sgom tshul ni/ gnod byed des gnod pa mi byed pa la
rang dbang yod med brtags

pa na rang dbang yod bzhin du gnod pa byas pa ma yin te/ 'di
ltar sngon goms pa'i nyon mongs kyis bon dang tshul min yid byed
sogs kyi rgyu rkyen gyis gnod pa byed 'dod skyed la/ des kyang
gnod pa byed pa'i sbyor ba

rnams skyed cing des gzhan la sdug bsngal skyed pa'i phyir te/
kho nyid kyang nyon mongs kyi gzhan dbang du gyur pas bran ltar
song ba'i phyir ro/ /rang dbang med par gzhan gyis bskul nas
gnod pa byas pa yin na'ang

khro bar mi rigs te/ dper na gdon gyis brlams nas de'i dbang du
song ba 'ga' zhig rang de las thar bar byed pa'i phan 'dogs
mkhan la gnod pa byed 'dod cing/ brdeg pa sogs byed kyang 'di ni
gdon gyis

rang dbang med par byas pas de ltar byed do snyam nas de la cung
zad kyang mi khro bar gdon de dang ci phrel la 'bad pa bzhin du
byang sems kyis kyang de ltar byed dgos pa'i phyir te/ bzhi
brgya pa las/ khro yang 'byung pos bzung pa la/ /sman

@124b pa 'khrug pa min de ltar/ /thub bas nyon mongs dag gzigs
kyi/ /nyon mongs dang 'brel gang zag min/ zhes dang/ slob dpon
zla ba grags pas kyang/ 'di 'dir sems can skyon min gyi/ /'di ni
nyon mongs rnams skyon zhes/ /rnam par

dbyad nas mkhas pa rnams/ /sems can dag la 'khrug mi byed/ ces
gsungs pa ltar ro/ /gzhan yang gnod byed kyis bskyed pa'i sdug
bsngal myong ba ni/ rang gi sngar bsags pa'i las ngan gyi 'bras
bu myong ba yin zhing/ de la brten

nas las de zad par 'gyur la/ de la bzod pa bsgoms na phyi mar
sdug bsngal myong ba'i rgyu gsar du mi gsog cing/ khros na ni de
las kyang ches che ba'i sdug bsngal myong dgos so/ /des na nad
chen po gso ba'i thabs su gtar sreg

byed pa bzod pa ltar sdug bsngal chen po ldog pa'i phyir du sdug
bsngal chung du la bzod par shin tu rigs so/ /sdug bsngal dang
len gyi bzod pa sgom tshul ni sdug bsngal byung ba de slar bcos
su 'dug na ni yid mi dga' pa bya

mi dgos la/ bcos su mi rung na ni mi dga' ba byas kyang phan ba
med pas dgos nus med cing nyes dmigs kyang yod de/ bze re chen
sdug bsngal phra mo'ang shin tu bzod bka' la/ bze re chung na
sdug bsngal chen po yang bsran

nus pa'i phyir ro/ /blos sdug bsngal gyi phyogs 'dzin tshul ni
'di ltar/ sdug bsngal med na 'khor ba las nges par 'byung 'dod
mi skye bas/ thar pa la yid bskul ba'i yon tan dang/ sdug bsngal
gyis thebs na rlom pas

@125a @#/ /mtho ba 'jig pas dregs pa sel ba'i yon tan dang/ sdug
bsngal gyi tshor ba drag po myong na de mi dge ba las byung bas
'bras bu de mi 'dod na rgyu las ldog dgos pas sdig la 'dzem pa'i
yon tan dang/ sdug bsngal

gyis gdungs pa ni bde ba 'dod pas de dgos na dge ba sgrub dgos
pas dge ba sgrub pa la dga' ba'i yon tan dang/ rang nyams la
dpags nas gzhan yang sdug bsngal lo/ /snyam nas 'khor ba pa la
snying rje skye ba shes par byas

la; sdug bsngal 'di ni 'dod pa'i gnas so snyam du yang yang blo
sbyang ngo/ /de yang/ goms na sla bar mi 'gyur ba'i/ /dngos de
gang yang yod ma yin/ /de bas gnod pa chung goms pas/ /gnod pa
chen po'ang bzod par bya/ zhes

gsungs pa ltar sdug bsngal dang len gyi bsam pa'i go cha bzung
nas sdug bsngal chung rim dang bsres kyin byas na sdug bsngal
dang len stobs je rgyas su 'gyur ro/ /chos la nges sems la mos
pa'i bzod pa sgom tshul ni/ dang ba'i

yul dkon mchog gsum dang/ mngon du bya yul bdag med gnyis dang/
'dod pa'i yul sangs rgyas byang sems kyi mthu chen po dang/
blang dor gyi yul legs sbyad nyes spyad kyi rgyu dang/ de dag gi
'pras bu dang/ bsgom pa'i

yul thob bya'i don byang chub dang/ de 'thob pa'i thabs byang
sems kyi bslab pa'i lam dang/ thos bsam gyi yul gsung rab yan
lag bcu gnyis sogs kyi dam chos te/ de rnams la phyogs ris med
par mos pa spyod

@125b pa'o; ;bzhi pa la gsum/ brtson 'grus kyi ngo bo/ rab dbye/
rgyud la skyed tshul lo/ /dang po ni/ dge ba bsdu ba dang / sems
can gyi don bya ba'i phyir du sems mngon par spro ba dang/ des
bslangs pa'i sgo gsum gyi las g.yo

ba la byang sar bshad do/ /gnyis pa la gsum las/ go cha'i brtson
'grus ni/ byang sems brtson 'grus rtsom pa na sbyor ba'i snga
rol nas sems kyi spro ba sngon du 'gro ba'i bsam pa'i go cha
bskal chen grangs med gsum bye ba

phrag 'bum 'gyur gyis sems can gcig gi sdug bsngal bsal ba'i
phyir du dmyal ba kho nar gnas nas sangs rgyas 'thob par 'gyur
na yang spro bar byed de/ rdzogs byang gi phyir du brtson par
byed la/ brtson 'grus la zhugs

pa yang mi gtong na dus kyi yun de las thung ba dang/ sdug
bsngal ches chung bas lta ci smos snyam du bsam pa'i go cha gyon
pa'o/ /dge ba'i chos sdud pa'i brtson 'grus ni/ phyin drug 'grub
par bya ba'i phyir de dag la sbyor ba'o/ /

sems can don byed kyi brtson 'grus ni/ sngar dang 'dwa'o/ /gsum
pa rgyud la skyed tshul ni/ brtson 'grus brtsams pa'i phan yon
ni/ mdo rgyan las/ dge ba'i tshogs kyi nang na brtson 'grus mchog
/'di ltar de la brten

nas de rjes 'thob/ /brtson 'grus kyis ni mod la bde gnas mchog
/dngos grub 'jig rten 'das dang 'jig rten gtogs/ /brtson 'grus
kyis ni srid spyod 'dod pa 'thob/ /brtson 'grus kyis ni dag par
rab

@126a @#/ /'gyur ldan/ /brtson 'grus kyis ni 'jig tshogs 'das
nas grol/ /brtson 'grus kyis ni byang chub mchog 'tshang rgyas/
zhes dang / phar phyin bsdus pa las kyang/ yongs su skyo med
brtson 'grus

tshe ldan na/ /mi 'thob mi 'grub rnam pa gang yang med/ ces
dang / mi min kun kyang de la phan par dga'/ /ting nge 'dzin
rnam pa kun kyang thob par 'gyur/ /nyin mtshan dus rnams 'bras
bu yod par 'da'/ /yon tan

tshogs kyis dma' bar 'gyur ba med/ /mi yi chos las 'phags pa'i
don rnams kyis/ /me tog utpal bzhin rnam par 'phel/ zhes so/
/ma brtsams pa'i nyes dmigs ni/ blo gros rgya mtshos zhus pa
las/ le

lo can la ni byang chub shin tu ring zhing rnam par ring ngo/
/le lo can rnams la ni sbyin pa med pa nas shes rab kyi bar du
med do/ /le lo can rnams la ni gzhan gyi don med do/ zhes dang
/dran pa nyer gzhag las kyang/ nyon mongs

rnams kyi gzhi gcig ni/ /le lo yin te gang la yod/ /gang la le
lo gcig yod pa/ /de la chos kun med pa yin/ zhes gsungs pa
ltar bsam mo/ /brtson 'grus skyed tshul dngos kyi 'gal rkyen la
gnyis te/ dge

ba'i chos sgrub nus su mthong yang mi 'jug pa dang / bdag gis
de 'dra sgrub ga la nus snyam ste zhum pa'o/ /dang po la'ang
gnyis te/ da dung long yod snyam ste phyi bshol byed pa dang
/de min yang bya ba ngan pa rnams la

@126b chags pas zil gyis non pa'o/ /dang po'i gnyen por ni lus
thob pa myur du 'jig pa dang /shi ba'i 'og tu ngan 'gror ltung
ba dang /slar yang rten bzang po 'di rnyed dka' ba gsum sgom pa
ste sngar zin to/ /chags

pa'i gnyen por ni/ dam chos ni 'di phyir dga' ba mtha' yas pa
'byung ba'i rgyu min pa dang / don med kyi cal col smra ba
dang / rgod pa sogs kyi rnam g.yeng rnams ni 'dir don chen po
nyams par byed pa dang / phyi mar sdug

bsngal du ma skyed pa'i gnas su mthong nas 'gog pa'o/ /zhum pa
la'ang gsum ste/ thob bya sangs rgyas kyi yon tan mtha' yas
pas/ de bdag gis 'thob par mi nus snyam pa dang / thabs rkang
lag gtong ba sogs bya

dka' ba dpag tu med pas/ de bdag gis sgrub mi nus snyam pa
dang / gnas 'khor bar skye ba mtha' yas pa len dgos la/ de'i
tshe 'khor ba'i sdug bsngal gyis gnod pas snyam du zhum pa'o/
/dang po'i gnyen por/ sngar

sangs rgyas pa rnams kyang dang po nas lam mthon po thob zin
min gyi/ bdag 'drwa ba zhig kho na lam je mthor gshegs te
sangs rgyas pa yin zhing/ bcom ldan 'das kyis kyang/ bdag las
ches dman pa rnams kyis kyang sangs rgyas

'thob par gsungs pas/ bdag gis kyang brtson pa ma btang na
ci'i phyir mi 'thob snyam du bsam mo/ /gnyis pa'i gnyen por
lus la sogs pa gtong ba yang / bya dka' pa'i 'du shes skye
ba'i ring la mi gtong la/ gtong ba'i tshe tshod

@127a @#/ /ma sogs ster ba dang 'dra bar mi dka' bas so snyam
du bsam mo/ /gsum pa'i gnyen por ni/ byang sems kyis sdig pa
sbangs pas/ de'i 'bras bu tshor ba sdug bsngal mi 'byung la/
'khor ba rang bzhin med pa sgyu

ma ltar rtogs pa brtan pas/ sems la sdug bsngal med cing lus
sems bde bas rgyas na 'khor bar sdod kyang skyo don med snyam
du bsams nas zhum pa 'gog pa'o/ /brtson 'grus kyi mthun rkyen
bsten pa la bzhi las mos pa'i

stobs ni/ las 'bras bsgoms te 'dor len byed pa la 'dun pa
bskyed pa'o/ /brtan ba'i stobs ni/ ma brtags par ci rung rung
du mi 'jug la/ brtags nas zhugs pa de mthar 'byin pa'o/ /dga'
ba'i stobs ni/ byis ba rtsed mo

la 'jug pa ltar 'phro mi gcod par ngoms pa med par brtson
'grus rtsom pa'o/ /ngor ba'i stobs ni/ brtson 'grus brtsams
pas lus sems dub pa na ngal bsos te yang sos ma thag nas rtsom
pa'o/ /de ltar 'gal rkyen 'gog

pa dang mthun rkyen bsten pa la brten nas lus sems ldang ba
yang ba shing bal gyi 'dab ma rlung gis bskyod pa ltar song
song gi bar du brtson 'grus rtsom mo/ /brtsan 'grus la srob
pa'i tshe phar phyin drug ldan du bya ba ni//

rang brtson 'grus la gnas nas gzhan de la 'god pa ni brtson
'grus kyi sbyin pa yin la/ lhag ma snga ma bzhin no/ /lnga pa
la gsum/ bsam gtan gyi ngo bo/ rab dbye/ rgyud la skyed tshul
lo/ /dang po

@127b ni; sems dge ba'i dmigs pa gang yang rung zhig la rtse
gcig tu gnas pa'o/ /gnyis pa ni/ ngo bo'i sgo nas/ 'jig rten
dang 'jig rten las 'das pa gnyis dang / phyogs kyi sgo nas/
zhi gnas dang / lhag mthong dang /

de gnyis zung 'brel gyi phyogs gsum dang / byed las kyis phye
na/ tshe 'di la lus sems bde bar gnas par byed ba dang / yon
tan mngon par sgrub pa dang / sems can gyi don byed ba'i bsam
gtan no/ /dang bo ni/ gang

la mnyam par bzhag na lus sems shin tu sbyangs ba skyed pa'i
bsam gtan no/ /gnyis pa ni/ mngon shes/ rnam thar/ zad par/
zil gnon sogs/ nyan thos dang thun mong ba'i yon tan sgrub
pa'i bsam gtan no/ /gsum

ba ni; bsam gtan gyis don bya ba bcu gcig gi don rnams sgrub
pa'i bsam gtan no/ /gsum pa ni/ bsam gtan bsgoms pa'i phan yon
dang / ma bsgoms pa'i nyes dmigs sems ba sogs te/ zhi gnas kyi
skabs

su 'chad par 'gyur ro/ /bsam gtan la phar phyin drug ldan du
slob ba'i sbyin pa ni rang bsam gtan la gnas nas gzhan de la
'god ba yin la/ lhag ma rnams ni snga ma bzhin no/ /drug pa la
gsum/ shes rab

kyi ngo bo/ rab dbye/ rgyud la skyed tshul lo/ /dang bo ni/
spyir shes rab ni brtags pa'i dngos po la chos rab tu rnam par
'byed yin la/ 'dir ni rig pa'i gnas lnga la mkhas pa sogs kyi
shes rab bo/ /gnyis pa ni/

@128a @#/ /don dam rtogs pa dang / kun rdzob rtogs pa dang /
sems can gyi don bya ba rtogs pa'i shes rab gsum mo/ /dang po
ni/ bdag med kyi de kho na nyid don spyi'i sgo nas 'jal ba
dang / mngon du gyur pa'i sgo nas

'jal ba'o/ /gnyis pa ni/ rig pa'i gnas lnga la mkhas pa'i shes
rab bo/ /gsum pa ni/ sems can gyi 'di phyi'i don kha na ma tho
ba med par sgrub tshul shes pa'o/ /gsum pa ni shes rab bskyed
ma bskyed kyi phan yon

dang nyes dmigs sems pa yin la/ dang po ni/ shes rab brgya pa
las/ mthong dang ma mthong yon tan 'di/ /kun gyi rtsa ba shes
rab yin/ /de ltar gnyis ka bsgrub pa'i phyir/ /shes rab yongs
su gzung bar bya/ zhes

sogs byang chub sems dpas slong ba po la sha byin yang/ sman
gyi sdong bo las blangs pa ltar nga rgyal dang zhum pa sogs
kyi rnam rtog gis mi 'gyur ba ni/ shes rab kyis de kho na nyid
mngon du gyur ba las yin la/ srid

zhi'i rgud pa mthong ba'i shes rab kyis/ tshul khrims gzhan don
du bsgrubs pas/ tshul khrims dag par byed pa dang / mi bzod pa
dang bzod pa'i skyon yon shes rab kyis rtogs nas sems btul
bas/ log sgrub dang sdug

bsngal gyis mi 'phrogs pa dang / shes rab kyis brtson 'grus
rtsom pa'i gzhi legs par shes nas de la brtson pas lam gyi
chod che ba dang /de kho na nyid kyi don la gnas pa'i bsam
gtan gyi dga' bde mchog ni rigs

@128b pa'i tshul la brten pa'i shes rab kyis sgrub par byed pas
sbyin sogs phar phyin dang po lnga yongs su dag par byed pa ni
shes rab la rag las so/ /'gal bar snang ba'i yon tan gnyis
shes rab dang ldan pas mi 'gal

bar sgrub pa ni/ byang sems gling bzhi la dbang ba'i 'khor
sgyur gyi rgyal por gyur pa na 'dod yon gyi dbang du mi 'gro
du mi 'gro ba ni/ shes rab kyi blon po dang ldan ba'i mthu yin
la/ de bzhin du sems can yid 'ong du mthong ba'i

byams pa shugs drag kyang/ 'dod chags cung zad kyang mi 'dra
ba dang / sems can gyi sdug bsngal la mi bzod pa'i snying rje
shugs drag la rgyun ring ba yod kyang/ mya ngan gyis non nas
dge ba la mi spro ba'i le lo med pa dang /

dga' ba chad med dang ldan yang/ sems dmigs pa las g.yeng
ba'i ya ya bo med pa dang / btang snyoms chen po dang rgyun du
ldan yang/ 'gro ba'i don la skad cig kyang mi g.yel ba ni
shes rab kyis byed de/ de dag

stobs mtshungs su sgrub pa'i gegs/ shes rab kyis 'gog pa'i
phyir ro/ /bsngags 'os bsngags bstod las/ chos nyid 'dor bar
mi mdzad la/ /kun rdzob dang yang rjes su mthun/ zhes gsungs
pa ltar/ mtshan 'jin

gyi dmigs gtad byas rdul tsam yang ma grub pa la nges pa chen
po rnyed pa'i chos nyid 'dor mi dgos pa dang / phyi nang gi
rgyu rgyen las 'bras bu so sor 'byung ba la nges ba gting thag
ba nas rnyed pa'i kun rdzob dang yang mi 'gal

@129a @#/ /zhing rjes su mthun pa/ blo'i mthu med pa la ches
shin tu 'gal ba yang/ shes rab can la mi 'gal zhing mthun pa
dang / yang de nyid las gnang ba dang ni bkag pa la/ khyod
bka' la lar gcig

tu nges/ /la la ra nges pa ma lags la/ /phan tshun 'gal ba'ang
ma mchis so/ zhes gsungs pa ltar/ theg pa gong 'og dang / mdo
sngags gnyis la gnang bkag mi 'dra ba mang du yod pa dang / de
rnams gang zag

gcig gis nyams su len pa gnyis gsung rab rab 'byams kyi dgongs
pa 'tshol ba la/ blo'i mthu med pa la 'gal yang/ mkhas pa la mi
'gal ba yang shes rab kyis byed ba yin no/ /nyes dmigs ni shas
rab dang

bral na sbyin sogs lnga dang / lta pa dag par mi 'gyur ba ni/
phar phyin bsdus pa las/ shes rab med na 'bras bu don gnyer
la/ /sbyin pa bdag nyid rnam par dag mi 'gyur/ /gzhan don
btang ba sbyin pa'i mchog

ces gsungs/ /lhag ma nor spel don gyi sbyor ba yin/ zhes dang
/ shes rab snang bas mun pa ma bsal na/ /tshul khrims dag dang
ldan par de mi 'gyur/ /phal cher shes rab med pas tshul khrims
dag /shes pa'i skyon

gyis nyon mongs rnyog bcas 'gyur/ zhes dang / shes rab log
pa'i skyon gyis sems brnyogs na/ /bzong pa'i yon tan de la
gnas mi mos/ /legs nyes rtog la mi dge'i tshul 'chang zhing/
/yon tan med pa'i rgyal la

@129b grags pa bzhin/ zhes dang / mkhas pa rnams la phul du
bsngags gyur cing/ /de las phra zhing zab pa gzhan med pa/
/'dod pa'i skyon gyis yongs su ma bsgribs pa'i/ /yid lam drang
por shes rab med mi 'gro /zhes dang / shes rab tshul

la brtson med blo 'chang na/ /de yi lta ba yongs su dag mi
'gyur/ zhes so/ /de la rgyal la grags pa ni/ yon tan med pa'i
rgyal po la grags pa lan cig byung yang nyams nas 'gro ba'o/
/des na shes rab skyed dgos la/ de'i rgyu yang

rnam par dag pa'i gzhung la blo nus dang bstun nas thos pa
byed ba ste/ phar phyin bsdus pa las/ thos nyud dmus long sgom
pa'i tshul mi shes/ /de med des ko ci zhig bsam par bya/ /de
bas thos la brtson bya de rgyu las/ /bsam

bzhin bsgoms las shes rab yangs pa 'byung/ zhes so/ /rje btsun
byams pas kyang/ 'khor gsum rnam par rtog pa gang/ /de ni shes
bya'i sgrib par 'dod/ /ser sna la sogs rnam rtog gang/ /de ni
nyon mongs sgrib

bar 'dod/ /shes rab las gzhan 'di dag ni/ /spong rgyu gzhan
med de yi phyir/ /shes rab mchog yin de gzhi ni/ /thos pa de
phyir thos pa mchog /ces gsungs so/ /bslab btus las kyang/
bzod bya thos pa btsal bar bya/ /de

nas nags su gnas par bya/ /mnyam par bzhag la brtson bya
zhing/ zhes so/ /dam pa snga ma rnams kyi zhal nas kyang/
sngar thos pa'i chos rnams blo la rug ge yod par byas la/ yang
dang yang du sems par bye/ 'jal par

@130a @#/ /byed; rtog par byed dgos/ chos brjed du bcug nas
sems 'dzin rkyang pa re la slob pa de la grog med/ sgom chen
rab la ston pa rab/ sgom chen 'bring la ston pa 'bring 'ong ba
yin/ ji tsam bsgoms pa de

tsam du chos shes pa je cher 'gro ba zhig dgos/ de ltar bsams
pas nges shes brtan na/ dge mi dge'i bsam pa thams cad rtog pa
yin pas sbang bya yin/ zhes sdig grogs kyis zer ba na/ chos
nas de ltar ma gsungs/

dge ba'i bshes gnyen yang de ltar mi bzhed snyam nas kho'i kha
la mi nyan pa zhig 'ong/ de med na dad pa ni bag re yod/ shes
rab med pa de la du ba'i kha la bltas na du bro/ dgod pa'i kha
la bltas na dgod bro/ chu sna bzhin

du ci zer la bden snyam nas gar khrid sar 'gro gsung ngo/
/shes rab la slob pa'i tshe/ phar phyin drug ldan du bya ba ni/
rang shes rab la gnas nas gzhan shes rab la 'god pa ni shes
rab kyi sbyin pa yin la/ lhag ma ni snga

ma bzhin no/ /gnyis pa ni/ sbyin pa ni/ sngar phar phyin gyi
skabs su bshad pa dang 'dra la/ snyan smra ni gdul bya la phar
phyin rnams ston pa'o/ /don spyod ni/ ji ltar bstan pa'i don
de rnams la gdul bya spyod du 'jug

pa'am/ yang dag par len du 'jug pa'o/ /don mthun ni/ gzhan
rnams don gang la sbyar ba de la ring gnas nas de dang mthun
par slob pa ste/ mdo sde rgyan las/ spyin mtshungs de ston len
'jug dang / /bdag nyid

@130b rjes su 'jug rnams kyis/ /nyan par smra dang don spyod
dang / don mthun nyid du 'dod pa yin/ zhes so/ /ci'i phyir
bsdu bzhir nges she na/ 'khor dge ba la sbyar ba'i phyir sdud
pa la ni thog mar de dga' dogs la/ de yang zang

zing gi sbyin pa byin nas lus la phan 'dogs pa la ltos so/ /de
ltar dga' nas lam la 'jug pa la thog mar des ji ltar bya tshul
shes dgos la/ de yang snyan phar smra bas chos bshad pas/ mi
shes pa dang the tshom za ba dor nas

don phyin tsam log par 'jin du 'jug pa'i phyir ro/ /de ltar
shes pa na don spyod pas dge ba sgrub pa la 'jug par byed la/
de yang rang gis ma bsgrubs na gzhan la 'jug ldog 'di ltar bya
dgos so zhes bshad pa na/ khyod

rang yang don de mi sgrub na gzhan la de sgrubs zhes ci'i
phyir smra/ khyod kyang da dung gzhan gyis bcos dgos so/ zhes
zer nas sgrub tu mi nyan la/ rang gis sgrub pa zhig yin na
bdag gang la btsud pa'i dge ba de la

khong rang yang gnas par byed pas na/ 'di bsgrubs na bdag la
phan pa dang bde bar 'gyur nges snyam nas gsar du 'jug cing/
zhugs zin rnams kyang mi ldog par brtan pas de la ni don mthun
dgos so/ /

gdul bya kun gyi don kun 'grub pa dang / thabs bzang phor
sangs rgyas rnams kyis gsungs pas na/ 'khor sdud pa rnams kyis
'di la brten dgos te/ 'khor sdud pa dang ldan pa rnams/ /tshul
'di la ni yang 

@131a @#/ /dag brten/ /kun gyi don kun 'grung byed cing/ /thabs
bzang yin par rab tu bsngags/ zhes so/ /de dag la mnyam rjes
su ji ltar sgrub pa'i tshul ni/ jo bo chen pos/ byang chub sems
dpa'i

spyod pa ni/ /rlabs chen pha rol phyin drug sogs/ /mnyam gzhag
langs pa'i rnal 'byor gyis/ /tshogs kyi lam 'di brtan par
bsgrub/ ces gsungs pa ltar/ rgyal sras kyi sdom pa bzung ba'i
byang sems las

dang po pa tshogs kyi lam la gnas pa des mnyam rjes gang byed
kyang phyin drug las mi 'da' bas phyin drug la la mnyam gzhag
tu bskyang zhing/ la la rjes thob tu bskyang ste/ bsam gtan
gyi ngo bo zhi gnas dang /

sher phyin gyi ngo bo lhag mthong 'ga' zhig mnyam gzhag tu
bsgom la/ phar phyin dang po gsum dang / bsam gtan dang shes
rab kyi cha 'ga' zhig rjes thob tu bskyang ngo/ /brtson 'grus
ni mnyam rjes gnyis kar

'od la/ bzod pa'i phyogs gcig chos zab mo la nges par sems pa
'ga' zhig ni mnyam gzhag tu yang 'byung ngo/ /jo bo chen pos/
mnyam gzhag langs pa'i dus dag tu/ /sgyu ma'i dpe brgyad lta
bur ni/ /chos

kun lta ba goms byas pas/ /rjes kyi rtog pa sbyang ba dang /
/thabs la slob pa gtso bor bya/ /mnyam par bzhag pa'i dus dag
tu/ /zhi gnas lhag mthong cha mnyam zhing/ /de rgyun rtag tu
goms par bya/ zhes so//

@131b de lta bu'i spyod pa rmad du byung ba bya dka' pa blo ma
sbyangs pas thos na yid la gdung ba skyed pa rnams ni/ byang
sems rnams kyis kyang dang po nas nyams su bzhes mi nus kyang
shes par byas nas smon yul tshun chad du goms

par byas pa na/ phyis ni 'bad pa la mi ltos par rang gi ngang
gis 'jug pa 'ong bas goms pa gal che ste/ dngos su 'jug mi nus
par mthong nas de dag la blo sbyong ba'i goms pa yang dar na
lam rnam dag las ches shin

tu 'gyang ba'i phyir te/ yon tan mtha' yas par bstod pa las/
gang zhig thos par gyur na'ang 'jig rten 'di la gnod pa skye
'gyur dang / /gang yang khyod nyid kyis kyang yun ring sku
nyams bzhes par mi spyod pa'i/ /spyod

pa de dag khyod la goms pas dus su rang gi ngang nyid 'gyur/
/de slad yon tan dag ni yongs goms ma bgyis spel bar dka' ba
lags/ zhes so/ /de'i phyir byang sems kyi sdom pa bzung ba
rnams kyis ni spyod pa

la mi slob pa'i thabs med la/ 'jug sems cho gas ma bzung ba
rnams kyis kyang slob 'dod spyod ba la 'bad nas/ spyod pa la
spro shugs 'phel ba na sdom pa bzung na shin tu brtan pas 'bad
par bya'o/ /skyes bu chen

po'i lam rim las smon sems sbyang ba dang rgyal sras kyi spyod
pa spyi la bslab pa'i lam rim bshad zin to// ! //khyad par du
phar phyin tha gnyis la bslab pa ni/ zhi lhag sgom pa'i tshul
te/ de gnyis rim

@132a @#/ /pa ltar bsam gtan dang / sher phyin gyis bsdus pa'i
phyir ro/ /'di la drug /zhi lhag bsgom pa'i phan yon/ de gnyis
ting nge 'dzin kun gyi sdud byed du bstan pa/ zhi lhag gi ngo
bo/ gnyis ka sgom

dgos pa'i rgyu mtshan/ go rim nges tshul/ so so'i bslab tshul lo/
/dang bo ni/ theg pa che chung gi yon tan 'jig rten dang 'jig
rten las 'das pa thams cad zhi lhag gi 'bras bu yin par dgongs
'grel las gsungs so//

zhig lhag ni bsgoms byung thob pa'i rgyud kyi yon tan ma yin
nam/ yon tan de dag thams cad da gnyis kyi 'bras bur ji ltar
'thad snyam na/ zhig lhag dngos ni 'chad pa ltar dang bsgoms
byung thob pa'i rgyud kyi yon tan yin pas/

theg pa che chung gi yon tan thams cad de gnyis kyi 'bras bu
min yang/ dge ba'i dmigs pa la sems rtse gcig pa yan chad kyi
ting nge 'dzin rnams zhi gnas kyi phyogs su 'dul/ ji lta ba'am
ji snyed pa'i don so sor

'byed pa'i shes rab dge ba rnams lhag mthong gi phyogs su 'du
bas/ de la dgongs nas theg pa gsum gyi yon tan thams cad zhi
lhag gi 'bras bur gsungs pas 'gal ba med do/ /yang dgongs
'grel las/ skye ba

po yis lhag mthong dang / /zhi gnas goms par byas na ni/ /gnas
ngan len gyi 'ching ba dang / /mtshan ma'i 'ching las rnam grol
'gyur/ zhes pa'i don/ gnas ngan len ni yul can phyin ci log
gong du skyed

@132b pa'i nus pa sems rgyud la gnas pa'i bag chags dang /
mtshan ma ni yul phyin ci log la zhen pa snga phyir 'byung ba
bag chags de gso ba dang / snga ma lhag mthong dang / phyi ma
zhi gnas kyis spong bar sher phyin man ngag tu bshad

do; ;de dag ni zhi lhag gi tha snyad btags pa'i phan yon yin
gyi/ zhi lhag gi tha snyad ma btags kyang don 'dra ba/ bsam
gtan dang shes rab kyi phan yon gsungs pa rnams kyang 'di
gnyis kyi phan yon du shes par bya'o/ /gnyis

ba ni; theg ba che chung gi ting nge 'dzin mtha' yas ba bka'
stsal pa thams cad kyang zhi lhag gis bsdus par dgongs 'grel
las gsungs pas na ting nge 'dzin don du gnyer ba rnams kyis
gsal ba'i dbye ba mtha' yas pa

rtsad gcad mi nus pas/ ting nge 'dzin kun gyi spyi chings zhig
lhag gi skyong tshul legs par rtsad bcad do/ /gsum pa la zhi
gnas kyi ngo bo ni/ dgongs 'grel las/ de gcig pu dben par 'dug
ste nang du yang dag bzhag

nas ji ltar legs par bsams pa'i chos de dag nyid yid la byed
cing/ sems gang gis yid la byed pa'i sems de nang du rgyun
chags su yid la byed bas yid la byed do/ /de ltar zhugs shing
de la lan

mang du gnas pa de la lus shin tu sbyangs pa dang / sems shin
tu sbyangs pa 'byung ba gang yin pa de ni zhi gnas zhes bya
ste/ zhes gsung la/ de'i don sems gzhan du mi g.yang bar
rgyun chags su yid la byas

@133a @#/ /pas; sems dmigs pa la rang gi dang gis gnas te/ lus
sems shin tu sbyangs pa'i dga' bde skyes pa na/ ting nge 'dzin
de zhi gnas su 'gyur te/ 'di ni sems dmigs pa las mi g.yeng
bar nang du bzung ba tsam

las skye bar 'gyur gyi/ dngos bo'i de nyid khong du chud pa la
mi ltos so/ /lhag mthong gi ngo bo ni/ mdo de nyid las/ de lus
shin tu sbyangs pa dang / sems shin tu sbyangs pa de thob nas/
de nyid la gnas te sems kyi rnam pa

spangs nas/ ji ltar bsams pa'i chos de dag nyid nang du ting
nge 'dzin gyi spyod yul gzugs brnyan du so sor rtog par byed/
mos par byed do/ /de ltar ting nge 'dzin gyi spyod yul gzugs
brnyan de dag la shes bya'i don de rnam par 'byed

pa dang / rab tu rnam par 'byed ba dang / yongs su rtog pa
dang / yongs su dpyod pa dang / bzod pa dang / 'dod pa dang /
bye brag 'byed pa dang / lta ba dang / rnam par rtog pa gang
yin pa de ni lhag mthong zhes bya ste/

de ltar na byang chub sems dpa' lhag mthong la mkhas pa yin
no/ zhes so/ /de la rnam par 'byed pa ni ji snyed pa dang /
rab tu rnam par 'byed pa ni ji lta ba 'byed pa dang / rtog pa
ni rtsing bar rtog pa yin la/ dpyod pa

ni zhib bar dpyod pa'o/ /dkon mchog sprin las/ zhi gnas ni
sems rtse gcig pa'o/ /lhag mthong ni so sor rtog pa'o/ zhes
dang / rje btsun byams pas kyang/ chos kyi ming ni bsdoms
pa'ang 'di/ /zhi gnas lam

@133b du shes par bya/ /lhag mthong lam ni de don rnams/ /rnam
par dpyod par shes par bya/ zhes dang / yang dag gnas pa la
brten nas/ /sems la sems ni 'jog phyir dang / /chos rab rnam
par 'byed pa'i phyir/ /zhi gnas dang ni

lhag mthong yin/ zhes yang dag pa'i ting nge 'dzin la brten
nas sems 'jog pa zhi gnas dang / chos rab tu rnam par 'byed
pa'i shes rab la lhag mthong du gsungs so/ /byang sa las kyang
de bzhin du gsungs shing/

sgom rim bar pa las kyang/ phyi rol gyi yul la rnam par
g.yeng ba zhi nas/ nang du dmigs pa la rgyun du rang gi ngang
gis 'jug pa la dga' ba dang / shin tu sbyangs pa dang ldan
pa'i sems nyid la gnas pa ni zhi gnas

zhes bya'o/ /zhi gnas de nyid la gnas pa'i tshe/ de kho na la
rnam par dpyod pa gang yin pa de ni lhag mthong yin te/ zhes
dang / sher phyin man ngag las kyang de bzhin du bshad pas/ sa
sde dang / sher phyin man ngag las

gsungs pa ltar/ zhi lhag re re la yang ji lta ji snyed gnyis
ka la dmigs pa yod ba'i phyir/ zhi lhag gnyis dmigs yul gyi
sgo nas so sor mi phyed cing/ stong nyid rtogs pa'i zhig gnas
kyang yod la/ stong nyid ma rtogs pa'i

lhag mthong yang yod do/ /de yang sems phyi rol gyi yul la
rgyug ba zhi nas/ nang du dmigs pa la gnas pas na zhig gnas
zhes bya la/ lhag ba ste khyad par du mthong bas na/ lhag
mthong zhes bya'o/ /gang dag sems mi

@134a @#/ /rtog par gnas pa/ rig pa'i gsal cha'i ngar med pa
zhi gnas dang / gsal cha'i ngar yod pa lhag mthong du 'dod pa
ni mi rigs te/ sngar bshad pa thams cad dang 'gal ba'i phyir
dang / khyad par de ni ting nge

'dzin bying ba yod med kyi khyad par tsam yin pa'i phyir te/
zhi gnas kyi ting nge 'dzin thams cad la yang bying ba sangs
pa nges par dgos la/ bying ba dang bral ba'i ting nge 'dzin
thams cad la sems kyi gsal cha nges par 'ong

pa'i phyir ro/ /des na stong nyid la dmigs pa'i ting nge 'dzin
dang shes rab yin min ni yul bdag med gnyis gang yang rung ba
blo des rtogs ma rtogs kyi sgo nas ngos gzung dgos te/ yul de
kho na nyid la blo kha ma phyogs

pa'i bde gsal mi rtog pa'i ring nge 'dzin dpag med yod pa'i
phyir ro/ /'di ltar yin lugs rtogs pa'i lta ba ma rnyed kyang
sems cir yang mi rtog par bzung bas chog pa mngon sum gyis
'grub pas/ stong nyid ma go yang mi/

rtog pa'i ting nge 'dzin skye ba la 'gal ba cung zad kyang med
la/ de'i sgo nas sems ring du zin na sems zin pa'i mthus rlung
las rung skye la/ de skyes pa na lus sems la dga' bde skye ba
chos nyid yin pas bde ba skye

ba mi 'gal zhing/ de skyes pa na dga' bde'i tshor ba rnam pa
gsal ba'i mthus sems la gsal cha 'ong bas na/ bde gsal mi rtog
pa'i ting nge 'dzin thams cad kyis de kho na nyid rtogs par
'jog mi nus so/ /des

@134b na stong nyid rtogs pa'i ting nge 'dzin la yang bde gsal
mi rtog pa 'ong la/ stong nyid la blo kha ma phyogs pa'i ting
nge 'dzin la yang bde gsal mi rtog pa 'byung ba mang bas/ de
gnyis kyi khyad phyed dgos so/ /bzhi pa ni/ ci'i

phyir zhi gnas dang lhag mthong re re ba bsgoms pas mi chog
par gnyis ka sgom dgos pa yin snyam na/ dper na mtshan mo logs
ris blta ba'i don du mar me sbar ba na mar me shin tu gsal ba
dang / rlung gis mi g.yo ba gnyis

dang ldan na bris sku rnams shin tu gsal bar mthong la/ mar me
mi gsal ba'am/ gsal yang rlung gis bskyod na gzugs rnams gsal
bar mi mthong ba bzhin du zab mo'i don lta ba lta ba la yang
de kho na nyid kyi don phyin ci ma log

par nges pa'i shes rab dang / sems dmigs pa la ji ltar 'dod pa
bzhin du gnas pa'i mi g.yo ba gnyis dang ldan na de kho na
nyid gsal bar mthong gi /sems gzhan du mi 'phro bar gnas pa'i
mi rtog pa'i ting nge 'dzin

yod kyang/ yin lugs rtogs pa'i shes rab med na ting nge 'dzin
la ji tsam goms kyang/ yin lugs rtegs pa mi srid la/ bdag med
khong du chud pa'i lta ba yod kyang sems rtse gcig tu gnas pa
brtan pa'i ting nge 'dzin

med na/ yin lugs kyi don gsal bar mtheng ba mi srid pa'i
phyir/ zhi lhag gnyis ka dgos pa yin te/ sgom rim bar ba las/
zhi gnas dang bral ba'i lhag mthong 'ba' zhig gis ni rnal
'byor ba'i sems yul la

@135a @#/ /rnam par g.yeng bar 'gyur gyi/ rlung gi nang na
'dug pa'i mar me bzhin du brtan par mi 'gyur ro/ /de bas na ye
shes kyi snang ba shin tu gsal ba mi 'byung ste/ de lta bas na
gnyis ka 'dra bar bsten par

bya'o; zhes dang / zhig gnas kyi stobs kyis ni mar me rlung
med par bzhag pa bzhin du rnam par rtog pa'i rlung rnams kyis
sems g.yo bar mi 'gyur ro/ /lhag mthong gis ni lta ba ngan
pa'i dra ba mtha' dag sbangs pas

gzhan dag gis mi phyed de/ zla ba sgron ma'i mdo las ji skad
du/ zhi gnas stobs kyis g.yo ba med bar 'gyur/ /lhag mthong
gis ni ri dang 'dra bar 'gyur/ zhes gsungs pa lta bu'o/ zhes
so/ /de ltar sems bying

rgod kyis mi mnyam ba med pa'i zhi gnas kyi mnyam gzhag dang
ldan pa'i shes rab kyis brtags na/ yang dag pa'i don shes par
'gyur ba la dgongs nas/ chos yang dag par sdud pa las/ sems
mnyam par bzhag na

yang dag pa ji lta ba bzhin shes par 'gyur ro/ zhes gsungs te/
sgom rim dang po las/ sems chung bzhin du g.yo ba'i phyir/
zhig gnas kyi gzhi med par gnas pa med de/ mnyam par ma bzhag
pa'i sems kyis ni yang

dag pa ji lta ba bzhin shes bar mi nus te/ bcom ldan 'das kyis
kyang mnyam par bzhag pas yang dag pa ji lta ba bzhin du rab
tu shes so/ /zhes bka' stsal to zhes so/ /zhi gnas grub na
bdag med la tshul bzhin

@135b du dpyod pa'i shes rab kyi g.yo ba'i skyon ldog par ma
zad mi rtog pa dang / las 'bras dang / 'khor ba'i nyes dmigs
dang /byams pa dang /snying rje dang /byang chub kyi sems
sbyang ba la sogs pa'i so sor rtog pa'i shes rab

kyis dpyad sgom byed pa thams cad kyang/ dmigs pa la g.yeng
ba'i skyon log nas rang rang gi dmigs pa gang yin la gzhan du
mi g.yeng par 'jug pas/ dge ba gang byed thams cad stobs che
la/ zhi gnas ma rnyed pa'i sngon du ni shas

cher dmigs pa gzhan la g.yeng bas dge sbyor byas pa thams cad
stobs chung ste/ spyod 'jug las/ sems ni rnam par g.yeng pa'i
mi/ /nyon mongs mche ba'i phrag na gnas/ zhes dang / bzlas
brjod dang ni dka' thub sogs/ yun

ring dus su spyad byas kyang/ /sems gzhan g.yengs bas byas pa
ni/ /de nyid rig pas don med gsungs/ zhes gsungs pa ltar ro/
/lnga pa ni/ spyod 'jug las/ zhi gnas rab tu ldan pa'i lhag
mthong gis/ /nyon mongs rnam par

'jems par shes byas te/ /thog mar zhi gnas btsal bya/ zhes
gsungs pa ltar sngon la zhi gnas bsgrubs nas/ de la brten nas
lhag mthong sgom pa yin no/ /de la 'di snyam du/ sgom rim dang
po las/ de'i dmigs pa la

nges pa med do/ zhes zhi gnas kyi dmigs pa la nges pa med par
gsungs shing/ sngar bshad pa ltar zhi gnas kyi dmigs pa la
chos can dang chos nyid gnyis yod pas/ dang po bdag med pa'i
don go bar byas nas de la dmigs te 

@136a @#/ /bsgoms pas/ sems gzhan du mi g.yeng ba'i zhi gnas
dang / stong nyid la dmigs pa'i lhag mthong gnyis ka dus gcig tu
bskyed pas chog mod/ ci'i phyir sngon la zhi gnas btsal nas/ de
nas lhag mthong sgom

par byed ce na/ de la zhi gnas lhag mthong gi sngon du 'gro lugs
ni/ bdag med rtogs pa'i lta ba'i go ba skye ba la zhi gnas sngon
du 'gro mi dgos te/ zhi gnas med pa la yang lta ba skye ba
mthong ba'i phyir ro/ /lta ba de la yid

'gyur ba'i myong ba skye ba la yang zhi gnas sngon du 'gro mi
dgos te/ zhi gnas med kyang so sor rtog pa'i shes rab kyis yang
yang dpyad de goms par byas pas yid 'gyur ba skye bar mi 'gal
ba'i phyir te/ 'gal na mi

rtag pa dang 'khor ba'i nyes dmigs dang byang chub kyi sems
sbyang ba la yang yid 'gyur ba'i myong ba skye ba zhi gnas la
rag las par ha cang thal bar 'gyur te rgyu mtshan mtshungs pa'i
phyir ro/ /'o na zhi gnas lhag mthong gi

sngon du 'gro lugs de gang yin snyam na/ 'dir lhag mthong skyed
pa ni sgom byung gi rtogs pa sngar ma skyes pa gsar du skyed pa
so skye'i skabs yin zhing / de la yang stod nyid rtogs pa'i yul
can khyad par can gyis bdag med

sgom pa'i tshul 'og nas 'chad pa'i dmigs bsal can ma gtogs pa/
phar phyin gyi theg pa dang rgyud sde 'og ma gsum gyi skabs su
ni/ bdag med pa'i don la so sor rtog pa'i shes rab kyis dpyad
nas skyong ba'i dpyad

@136b sgom ma byas par lhag mthong bsgoms byung gi rtogs pa mi
skye bas dpyad sgom dgos so/ /de la ni zhi gnas ma grub ba'i
sngon du bdag med pa'i go ba btsal nas de'i don la yang yang
dpyod par byed na ni sngon du zhi gnas ma grub

pas de la brten nas zhi gnas 'grub mi srid la/ mi dpyod par 'jeg
sgom byed na ni de la brten nas zhi gnas 'grub kyang / zhi gnas
kyi skyong tshul las ma gtogs pa'i lhag mthong skyong tshul med
pas phyi nas lhag mthong btsal

dgos ba'i phyir/ zhi gnas sngon du btsal nas de la brten nas
lhag mthong sgom pa'i rim pa las ma 'das so/ /des na lugs 'di la
lhag mthong skyed tshul ni so sor rtog pa'i dpyad sgom gyis shin
sbyangs skyed pa la mi byed

na; zhi gnas sngon du btsal ba la brten nas lhag mthong sgom pa
la rgyu mtshan yang dag med la/ rim pa de ltar sgom par mi byed
na yang ches mi rigs te/ dgongs 'grel nas zhi gnas thob pa la
brten nas lhag mthong

sgom par sngar ltar gsungs shing / snga ma la brten phyi ma
skye/ zhes phyin drug gi bsam gtan dang / shes rab kyi rim pa
dang lhag pa ting nge 'dzin gyi bslab pa la brten nas shes rab
kyi bslab pa skye ba'i rim pa rnams zhi

gnas sngon du bsgoms nas lhag mthong phyis sgom pa'i rim pa yin
la/ byang sa dang / nyan sa las kyang zhi gnas la brten nas lhag
mthong sgom par gsungs shing / dbu ma snying po dang / sbyod
'jug /sgom rim gsum/

@137a @#/ /ye shes grags pa/ shAnti ba rnams kyis sngon du zhi
gnas btsal nas lhag mthong sgom ma par gsungs pa'i phyir ro/
/des na rgya gar ba'i slob dpon kha cig zhi gnas zur du mi 'tshol
bar dang po nas so sor rtog

pa'i shes rab kyis dpyad pa las lhag mthong skyed par bzhed pa
ni shing rta chen po rnams kyi gzhung dang 'gal bas glo dang
ldan pa rnams kyis yid brtan pa'i gnas su mi rung ngo/ /zhi lhag
gi go rim de yang dang por gsar du

skyed pa'i tshe de ltar byed kyi/ phyis ni lhag mthong sngon du
bsgoms nas zhi gnas sgom pa yang byed pas go rim nges pa med do/
/'o na kun las btus las/ la la ni lhag mthong thob pa yin gyi/
zhi gnas ni ma thob pa ste/ de lhag

mthong la brten nas zhi gnas la brtson par byed do/ zhes gsungs
pa ji ltar yin zhe na/ de ni bsam gtan dang po'i nyer bsngogs
kyis bsdus pa'i zhi gnas ma thob pa min gyi/ bsam gtan dang po'i
dngos gzhi yan chad kyi

zhi gnas ma thob pa ste/ de yang bden pa bzhi mngon sum du rtogs
nas/ de la brten nas bsam gtan dang po yan chad kyi zhi gnas
sgrub pa ste/ sa'i dngos gzhi las/ gzhan yang sdug bsngal nas
lam gyi bar du yang / yang

dag pa ji lta ba bzhin du rab tu shes la bsam gtan dang po la
sogs pa ni mthob pa ste/ de 'dug ma thag tu sems 'jog ste/ sems
rnam par 'byed par mi byed do/ /de lhag pa'i shes rab de nyid la
brten nas lhag pa'i sems la

@137b sbyor bar byed do/ zhes gsungs pa'i phyir ro/ /spyir tha
snyad zor yang ba'i phyir du sems dgu la zhi gnas dang / rnam
par 'byed pa sogs bzhi la lhag mthong du gsungs pa yod kyang zhi
lhag dngos ni 'chad pa ltar shin sbyangs skyes pa

nas gzhag dgos so/ /drug pa la gsum/ zhi gnas la bslab tshul/
lhag mthong la bslab tshul/ de gnyis zung du 'brel tshul lo/ /dang
po la gsum/ zhi gnas kyi tshogs bsten pa/ de la brten nas zhi
gnas sgom tshul/ bsgoms

pas zhi gnas grub pa'i tshad do/ /dang po la drug las/ mthun pa'i
yul na gnas pa ni/ yon tan lnga dang ldan pa'i yul te/ zas gos
sogs tshegs med du rnyed pas rnyed sla ba dang / gcan gzan sogs
skye bo mi bsrun pa dang / dgra

la sogs pa mi gnas pas gnas bzang ba dang / nad mi skyed pa'i sa
yin pas sa bzang ba dang / tshul khrims dang lta ba ma tshungs
pa'i grogs dang ldan pas grogs bzang ba dang / nyin mo skye bo
mang po med cing mtshan mo sgra chung bas legs

par ldan pa'o/ /mdo sde rgyan las kyang / blo ldan gang du sgrub
pa'i yul/ legs par rnyed dang gnas bzang dang/ /sa bzang ba dang
grogs bzang dang / /rnal 'byor bde ba'i yo byad ldan/ zhes
gsungs so/ /'dod pa chud pa ni/ chos

gos sogs bzang po'am mang po la lhag par chags pa med pa'o/
/chog shes pa ni/ chos gos sogs ngan ngon tsam rnyed pas rtag tu
chog shes pa'o/ /bya ba mang po yongs su spangs pa ni nyo tshong
sogs kyi bya ba ngan pa dang / khyim

@138a @#/ /pa dang rab byung rnams dang ha cang 'dris bshes byed
pa dang / sman byed pa dang / skar ma rtsi ba sogs yongs su
spangs pa'o/ /tshul khrims rnam par dag pa ni/ so thar dang /
byang sems kyi sdom pa gnyis ka la

rang bzhin dang bcas pa'i kha na ma tho ba'i bslab pa'i gzhi mi
'dral ba dang / bag med pas ral na yang skyen par 'gyod pas chos
bzhin du phyir 'chos pa'o/ /'dod pa la sogs pa'i rnam rtog yongs
su spangs pa ni/ 'dod

pa rnams la gsod pa dang 'ching ba sogs tshe 'di dang / ngan
'gror 'gro ba sogs phyi ma'i nyes dmigs bsgoms nas sam/ yang na
'khor ba'i dngos po yid du 'ong mi 'ong thams cad ni 'jig pa'i
chos can mi rtag pa ste/ nges par

de dag thams cad dang bdag ring por mi thogs par 'bral bar 'gyur
na/ bdag de la ci zhig lhag par chags pa la sogs par 'gyur snyam
du bsgoms la 'dod pa'i rnam rtog thams cad spang bar bya'o/ /lam
sgron las

kyang ; zhi gnas yan lag rnam nyams pas/ /rab tu 'bad de sgom
byas kyang / /lo ni stong phrag dag gis kyang / ting 'dzin 'grub
par mi 'gyur ro/ /zhes gsungs pas/ zhi lhag gi ting nge 'dzin
snying thag pa

nas sgrub 'dod pa rnams kyis zhi gnas kyi tshogs nyan sa nas
gsungs pa'i bcu gsum sogs la 'bad pa gal che'o/ /gnyis pa la
gnyis/ sbyor ba/ dngos gzhi'o/ /dang po ni/ sngar bshad pa'i
sbyor ba'i

@138b chos drug dang byang chub kyi sems yun ring du sgom zhing
/ de'i yan lag tu skyes bu chung 'bring dang thun mong ba'i
dmigs pa'i ngo bo rnams kyang sbyang bar bya'o/ /gnyis pa la
gnyis/ lus kyi spyod lam ci 'dra bas sgom pa/ sgom

pa'i rim pa nyid bshad pa'o/ /dang po ni/ sgom rim las gsungs pa
ltar/ stan shin tu 'jam zhing bde ba la lus kyi kun spyod chos
brgyad dang ldan par bya'o/ /de la rkang pa ni skyil krung yongs
su rdzogs pa'am/ skyil krung phyed

pa yang rung ste de ltar bya'o/ /mig ni ha cang phye ba dang
btsums pa min par sna rtser gtad do/ /lus ni ha cang dgye ba
dang dgu ba min par drang por bsrangs la dran pa nang du bzhag
ste 'dug par bya'o/ /phrag pa ni thad kar mnyam

par bzhag go /mgo ni mi mtho mi dma' zhing phyogs gcig tu ma yo
bar bzhag ste sna nas lte bar drang por bzhag go /so dang mchu
ni rang lugs su tha mal par bzhag go /lce ni ya so'i drung du
gzhar ro/ /dbugs ni phyi nang

du rgyu ba sgra can dang rngams pa dang rgod bag can du mi btang
gi ci nas kyang phar rgyu tshur rgyu mi tshor bar dal bu dal bus
'bad pa med par 'jug pa de ltar bya'o/ /de ltar na thog mar lus
kyi kun spyod brgyad dang khyad par du rlung cham

la dbab pa ji ltar bshad pa bzhin bsgrub par bya'o/ /gnyis pa
ni/ lam rim phal mo cher dbus mtha' nas gsungs pa'i nyes pa lnga
sbong ba'i 'du byed brgyad kyi sgo nas zhi gnas bsgrub par
gsungs la/ dge bshes

@139a @#/ /lag sor ba nas brgyud pa'i gdams ngag rnams las de'i
steng du nyan sa las bshad pa'i stobs drug dang / yid byed bzhi
dang sems dgus sgrub dgos par bshad do/ /rje btsun byams pas
kyang / mdo

sde'i rgyan dang dbus mthar sems gnas pa'i thabs dgu dang / /
spong pa'i 'du byed brgyad gsungs la/ de'i rjes su 'brangs nas
slob dpon seng ge bzang po/ ka ma la shI la/ shAnti pa la sogs
pa'i rgya gar gyi mkhas

pa rnams kyis kyang ting nge 'dzin sgrub pa'i rim pa mang du
mdzad de/ de rnams ni sngags kyi theg pa la yang shes dgos la/
de la brten nas sems gnas skye ba'i rim pa'o/ /dang po la gsum/
sems dmigs pa la gtad pa'i

sel ba'i tshul ni mdo sde'i phyogs rnams rgyas par snang do/
/'dil gnyis/ ting nge 'dzin skyon med skyed pa'i tshul/ de la
brten nas sems gnas skye ba'i rim pa'o/ /dang po la gsum/ sems
dmigs pa la gtad pa'i

sngon du ji ltar bya ba/ dmigs pa la gtad pa'i dus su ji ltar
bya ba/ dmigs pa la gtad pa'i 'og tu ji ltar bya ba'o/ /dang po
ni/ ting nge 'dzin sgom pa la mi spro zhing de'i mi mthun phyogs
la dga' ba'i le lo 'gog ma nus

na dang po nas ting nge 'dzin la 'jug tu mi ster zhing lan cig
thob kyang rgyun 'thud mi nus pas myur du nyams par 'gyur ro/
/de'i phyir thog mar le lo 'gog pa gnad du che'o/ /de la lus
sems dga' ba des rgyas pa'i shin

@139b sbyangs thob na nyin mtshan kun tu dge ba la sbyor ba la
skyo dub mi 'byung bas le lo ldog go /de skyed pa la shin
sbyangs skyed pa'i rgyu ting nge 'dzin la brtson 'grus rgyun
ldan du rtsom nus pa dgos so/ /de skyed pa la ting nge 'dzin la
don gnyer gyi

'dun pa drag po rgyun ldan pa dgos so/ /de'i rgyur ting nge
'dzin gyi yon tan mthong bas yid phrogs pa'i dad pa brtan po
dgos pas ting nge 'dzin gyi yon tan sems pa'i dad pa yang yang
bsgom par bya ste/ dbus mtha' las/

gnas dang de la gnas pa dang /rgyu dang 'bras bu nyid du'o/ zhes
so/ /de la gnas ni 'dun pa ste rtsol ba'i gnas so/ /gnas pa ni
rtsol ba'am brtson 'grus so/ /'dun pa'i rgyu ni yon tan la yid
ches pa'i dad pa'o/ /rtsol

pa'i 'bras bu ni shin sbyangs so/ /'dir bsgom par bya ba'i ting
nge 'dzin gyi yon tan ni zhi gnas grub na sems la dga' ba dang
lus la bde ba rgyas pas/ mthong chos la bde bar gnas pa dang /
lus sems shin sbyangs rnyed

pas sems dge ba'i dmigs pa la gang 'dod du bkol du rung ba dang
/ rang dbang med par phyin ci log gi yul la g.yeng bzhi pas
nyes spyod mang po mi 'byung zhing dge ba gang byed stobs che ba
dang / zhi gnas la brten nas mngon shes

dang rdzu 'phrul sogs kyi yon tan rnams sgrub nus pa dang /
khyad par du de la brten nas stong nyid rtogs pa'i lhag mthong
gi rtogs pa skye bas/ 'khor ba'i rtsa ba myur du gcod nus pa
sogs kyi yon tan gang bsams na ting nge

@140a @#/ /'dzin sgom pa la spro shugs 'phel bar 'gyur ba rnams
shes par byas la bsgom ste/ 'di skyes na nang nas ting nge 'dzin
sgom pa la rgyun du bskul bas ting nge 'dzin thob sla zhing/
thob nas kyang yang yang sgom pa la

'jug pas nyams par dga' 'o/ /gnyis pa la gnyis/ sems gang la
'jog pa'i gzhi dmigs pa ngos gzung ba/ de la sems ji ltar gtod
pa'i tshul lo/ /dang po la gnyis/ dmigs pa spyi'i rnam gzhag
/skabs su

bab pa'i dmigs pa ngos gzung ba'o/ /dang po la gnyis/ dmigs pa
dngos bstan pa/ gang zag gang gis gang la dmigs par bya ba bstan
pa'o/ /dang po ni/ bcom ldan 'das kyis rnal 'byor ba'i dmigs pa
bzhi gsungs

pa la khyab pa'i dmigs pa ni bzhi ste/ mi dpyod par 'jog pa dang
/ dpyod pa'i dmigs pa gnyis dang / ji lta ji snyed kyi dngos
bo'i mtha' dang / sgom tshul snga ma gnyis kyi sgo nas ji lta ji
snyed kyi don la dmigs nas bsgoms

pas gnas sgyur thob pa ni dgos pa grub pa ste bzhi'o/ /spyad pa
rnam sbyong gi dmigs pa la ni tshe snga mar 'dod chags dang / zhe
sdang dang / gti mug dang / nga rgyal dang / rnam rtog la shas
cher sbyad pa'i gnyen por rim pa

bzhin du mi sdug pa dang / byams pa dang / rten 'brel dang/
khams kyi rab dbye dang/ dbugs 'byung rdub sgom pa'i dmigs pa
lnga'o/ /mkhas pa'i dmigs pa'ang lnga ste/ phung po dang / khams
dang / skye mched

@140b dang ; rten 'brel bcu gnyis dang / gnas dang gnas ma yin
pa la mkhas pa'i dmigs pa'o/ /nyon mongs pa sbyong ba'i dmigs pa
ni gnyis te/ sa gong 'og gi zhi rags dang / bden bzhi'i mi rtag
la sogs bcu drug go/

de la spyad pa rnam sbyong gi dmigs pa rnams ni chags sogs lhag
par spyad pa rnams kyi chags sogs ldog sla zhing de la brten nas
ting nge 'dzin ni thob sla bas dmigs pa khyad par can yin la/
mkhas pa'i dmigs pa

rnams ni chos de dag las ma gtogs pa'i gang zag gi bdag 'gog pas
bdag med rtogs pa'i lhag mthong skye ba dang rjes su mthun pas
zhi gnas kyi dmigs pa bzang zhing / nyon mongs sbyong ba'i dmigs
pa rnams ni

nyon mongs spyi'i gnyen por 'gro bas don che'o/ /khyab pa'i
dmigs pa ni dmigs pa snga ma de dag las zur na med do/ /de'i
phyir dgos pa khyad par can dang ldan pa'i zhi gnas kyi dmigs pa
la brten nas ting nge 'dzin sgrub dgos

pas rde'u ngang shing bu sogs la dmigs rten byas nas ting nge
'dzin sgrub pa ni ting nge 'dzin gyi dmigs pa'i rnam gzhag mi
shes par gsal lo/ /gnyis pa ni/ 'dod chags shas che ba nas rnam
rtog shas che ba'i bar gyi gang zag

yin na ni nam grus zhus pa las gsungs pa ltar/ rim pa bzhin du
mi sdug pa nas dbugs 'byung rdub kyi bar la so sor nges pa'i
dmigs rten bya dgos par gsungs so/ /cha mnyam par spyad pa dang
/nyon mongs chung ba'i

@141a @#/ /gang zag yin na ni sngar bshad pa'i dmigs pa de dag
las gang la dga' ba zhig la sems bzung bas chog gi nges can mi
dgos so/ /de la chags sogs lnga shas che pa ni skye ba snga mar
chags sogs lnga goms par

byas pas chags sogs lnga'i yul chung du la yang chags sogs lnga
rgyun ring skye ba'o/ /cha mnyam par spyod pa ni skye ba snga
mar chags sogs goms par ma byas kyang de dag la nyes dmigs su ma
bltas pas/ de dag gi yul la

chags sogs shas chen po rgyun ring mi skye yang mi 'byung ba min
pa'o/ /nyon mongs chung ba ni skye ba gzhan du chags sogs goms
par ma byas shing nyes dmigs su lta ba sogs byas pas chags sogs
kyi yul chen po dang mang po

la chags sogs bul bar skye la/ yul 'bring dang chung du la mi
skye ba'o/ /de yang chags sogs lnga shes che bas ni yun ring po
dang cha mnyam par spyad pas ni ha cang yun ring po min pa dang
/ nyon mongs chung bas ni myur bar sems

gnas 'grub bo/ /gnyis pa ni/ 'dir dmigs pa gang la brten nas zhi
gnas bsgrub snyam na/ spyir ni gang zag so so'i dmigs pa sngar
bshad pa ltar yin la/ khyad par du rnam rtog shas che bas ni
rlung sgom pa gnang

che'o; ;gzhan yang da ltar gyi sangs rgyas mngon sum du bzhugs
pa'i ring nge 'dzin dang / ring de 'dzin rgyal po'i rjes su
'brangs nas sgom rim bar pa dang tha ma las/ de bzhin gshegs
pa'i sku la dmigs nas ting nge

@141b 'dzin sgrub pa gsungs la/ slob dpon byang chub bzang pos
kyang sku la dmigs nas ting nge 'dzin sgrub par gsungs pa lam
sgron 'grel pa drangs so/ /de la sangs rgyas kyi sku la sems
'dzin pa ni/ sangs rgyas rjes su dran

pa yin pas bsod nams mtha' yas pa skye ba dang / sku de rnam pa
gsal zhing brtan na phyag dang mchod pa dang smon lam sogs tshogs
gsog pa'i zhing dang bshags bsdam sogs sgrib pa sbyong ba'i
zhing dmigs par byed pa la khyad che

ba dang / 'chi ba'i tshe sangs rgyas rjas dran las mi nyams pa
sogs kyi yon tan dang / sngags kyi lam sgom na lha'i rnal 'byor
la khyad che ba sogs kyi dgos pa mang po snang ngo/ /ting nga
'dzin rgyal po las/ gser gyi kha dog lta bu'i

sku lus kyis/ /'jig rten mgon po kun tu mdzes pa ste/ /dmigs pa
de la gang gi sems 'jug pa/ /byang chub sems dpa' de mnyam gzhag
ces bya/ zhes gsungs pa lta bu la dmigs rten bya'o/ /de yang
blos gsar

du bskyed pa dang rang bzhin gyis bzhugs pa gsal 'debs pa gnyis
las/ phyi ma ni dad pa skye ba la khyad che zhing theg pa thun
mong ba'i skabs dang mthun pas phyi ma ltar bya'o/ sngon du sems
gang la 'dzin pa'i gzhi

dmigs rten tshol ba na bris sku dang lugs ma sogs ston pa'i sku
legs ba zhig btsal la yang yang blta zhing de'i mtshan ma bzung
nas yid yul du 'char ba la goms su gzhug /yang na bla mas brda
sprad pa thos pa'i don

@142a @#/ /bsam zhing yid ngor 'char du bcug la dmigs rten btsal
lo/ /dmigs rten yang bris sku dang lugs ma sogs kyi rnam pa mi
bya bar sangs rgyas dngos kyi rnam pa can du 'char ba la bslab
bo/ /kha cig

sku gzugs mdun du bzhag pa la mig gis bltas nas har sgom byed ba
slob dpon ye shes sdes bkag pa ni shin tu rigs te/ ting nge
'dzin dbang shes la mi sgrub kyi yid shes la sgrub ba yin pas /
ting nge 'dzin gyi dngos kyi dmigs

pa ni yid shes kyi dngos yul yin pas de la sems gzung dgos pa'i
phyir dang / /sngar bshad pa ltar dmigs yul dngos kyi don
spyi'am gzugs brnyan shar ba la dmigs dgos par gsungs pa'i phyir
ro/ /sku'i cha

phra rags gnyis kyang dang po rags pa la dmigs nas de la brtan
pa na phyis phra ba la dmigs dgos par phyogs gzhan nas gsungs
shing/ myong ba la yang rags pa shin tu 'char sla bas sku'i rags
rim nas dmigs

rten bya dgos la/ khyad par du zhi gnas mtshan nyid tshang ba zhig
ma grub bar du sgrub pa yin na ni dmigs pa rigs mi mthun mang po
la spos nas byed pa mi rung ste/ dmigs pa mi 'dra ba mang po la
'phos kyin ting nge

'dzin bsgoms na zhi gnas 'grub pa'i gegs chen por 'gyur pa'i
phyir te/ 'phags pa dpa' bos/ dmigs pa gcig la brtan tshul du/
/yid kyi bsam pa brtan par bya/ /dmigs pa mang po rgyud pa las/
/

@142b yid ni nyon mongs 'khrug par 'gyur/ zhes dang / lam sgron
las kyang/ dmigs pa gang rung gcig dag la/ /yid ni dge la gzhag
par bya/ zhes gcig dag la zhes nges gzung gi chig gis gsungs so/
/de ltar thog

mar sems gang la 'dzin pa'i dmigs rten rnyed pa'i tshad ni/ dbu
dang phyag gnyis dang sku'i khog gzhan dang zhabs gnyis rim pa
bzhin du lam 'ga' zung gsal gdab la/ de'i mthar sku'i spyi yid
la byas pa na yid ngor

yan lag rags pa rnams cha phyed tsam 'char thub pa byung na 'od
dang bcas ba'i gsal po ma byung yang de tsam gyis chog shes byas
nas de la sems gzung ste/ 'di ltar de tsam gyis chog shes byas
nas sems mi 'dzin par

de las kyang gsal ba zhig 'dod nas yang yang gsal btab na dmigs
pa gsal du 'gro yang / ting nge 'dzin brtan po mi rnyed par ma
zad rnyed pa'i gegs su 'gyur la/ dmigs pa char mi gsal yang cha
phyed tsam de nyid

la sems bzung na ting nge 'dzin myur du rnyed cing de nas gsal
ba la pogs bton pas gsal cha bde blag tu 'grub pa'i phyir ro/
/'di ni slob dpon ye shes sde'i gdams pa las 'byung ste gal
che'o/ /de yang byung tshad kyis

sku'i spyi la gzung zhing/ sku de'i cha shas 'ga' zhig gsal bar
snang na de la gzung/ de migs la bar song na yang spyi la gzung
ngo/ /de'i tshe ser po sgom 'dod pa la dmar po shar ba sogs kha
dog dang / bzhugs pa'i

@143a @#/ /dbyibs can sgom 'dod pa la bzhengs pa sogs dbyibs dang
/ gcig sgom 'dod pa la gnyis shar ba sogs grangs dang / che ba
sgom 'dod pa la chung ba shar ba lta bu che chung ma nges pa
byung na de dag gi rjes

su 'brang du mi rung bas rtsa ba'i dmigs pa gang yin pa de kho
na la dmigs rten bya'o/ /gsang sngags kyi lha'i rnal 'byor sgrub
pa'i skabs yin na lha'i rnam pa gsal po sgrub dgos pas de ma
shar bar du thabs du mas

de skyed thabs bya dgos kyi/ 'dir ni lha'i rnam pa 'char dka' na
sngar bstan pa'i dmigs pa gang rung zhig gam/ de kho na nyid
nges pa'i lta thog tu bzhag ste sems bzung nas ting nge 'dzin
bsgrubs pas kyang chog ste/ zhi

gnas grub pa dgos pa'i gtso bo yin pa'i phyir ro/ /gnyis pa la
gsum/ skyon med pa'i lugs bzhag pa/ skyon dang bcas pa'i lugs
bsal pa/ thun gyi tshad bstan pa'o/ /dang po ni/ 'dir bsgrub par
bya ba'i ting nge 'dzin

ni khyad par gnyis dang ldan pa zhig yin te/ 'di ltar sems shin
tu gsal ba'i gsal cha'i ngar dang ldan pa dang / dmigs pa la
rtse gcig tu gnas pa'i mi rtog ba'i gnas cha dang ldan pa'o/
/'di la kha cig bde ba bsnan nas gsum du byed la/ gzhan

dag dwangs pa bsnan te bzhir byed kyang/ dwangs pa la gnyis te/
yul can gyi dwangs pa ni dri ma med pa'i shel gyi snod du dri ma
med pa'i chus bkang ste/ sprin med pa'i nyi 'od kyis phog pa las
kyang dwangs pa snyam byed pa dang / ka

@143b ba sogs yul gyi rnam pa shar ba na de dag gi rdul phra rab
la thug gi bar bgrang thub pa snyam byed pa'i dwangs pa 'byung
la/ de gnyis kyang bying pa phra mo nas bcad pa'i gsal cha'i
ngar bskyed de bskyangs pa las 'byung bas dang po

las zur du smos mi dogs la/ tshor ba sim ba'i rnam ba can gyi
dga' ba de ni skabs 'dir bsgrub par bya ba'i ting nge 'dzin gyi
'bras bu la 'byung yang bsam gtan dang po'i nyer bsdogs kyis
bsdus pa'i ting nge 'dzin dang mtshungs

ldan du mi 'byung bas 'dir ma bgrangs so/ /de lta bu'i gsal
cha'i ngar thon pa la ni bying bas bar du gcod la/ rtse gcig
ba'i mi rtog pa la ni rgod pas bar du gcod pas bying rgod gnyis
ting nge 'dzin rnam dag 'grub pa'i

gegs kyi gtso bor 'ong pa'i rgyu mtshan nyid ni de'o/ /des na
bying rgod phra rags rnams legs par ngos zin pa zhig dang / de
gnyis 'gog pa'i ting nge 'dzin gyi skyong lugs rnam dag cig mi
shes na lhag mthong lta ci

smos; zhi gnas kyang skye ba mi srid pas ting nge 'dzin don du
gnyer ba'i blo ldan rnams kyis tshul de la mkhas par bya'o/ /de
la bying rgod gnyis ni zhi gnas 'grub pa'i 'gal rkyen yin zhing
'gal rkyen ngos 'dzin pa dang 'gog tshul

dngos ni 'og tu ston pas 'dir ni zhi gnas 'grub pa'i mthun rkyen
ting nge 'dzin skyed tshul brjod par bya'o/ /'di la ting nge
'dzin ni sems dmigs pa la rtse gcig tu gnas pa'i cha yin la de
yang dmigs pa la rgyun ldan du sdod pa

@144a @#/ /zhig dgos so/ /de la ni sems rtsa ba'i dmigs pa las
g.yeng bar mi byed pa'i thabs cig dang / g.yeng bar 'gyur mi
'gyur ji lta ba bzhin shes pa gnyis dgos pa'i dang po ni dran pa
dang / gnyis pa ni shes

bzhin yin te/ mdo rgyan 'grel pa las dran pa dang shes bzhin ni
nye bar gtod par byed pa ste/ gcig gis sems dmigs pa las mi
'phro bar byed pa'i phyir dang / gnyis pas sems 'phro ba rab tu
shes pa'i phyir ro/

zhes gsungs so/ /dran pa nyams nas dmigs pa brjed na yengs nas
de ma thag tu dmigs pa stor bar 'gyur bas dmigs pa ma brjed pa'i
dran pa rtsa ba yin no/ /dran pa des sems dmigs pa la nye bar
gtod tshul ni/

sngar bshad pa ltar dmigs rten gsal btab nas ma mtha' zhig shar
byung ba na de shes pas gzung ba'i 'dzin stangs shugs can zhig
bskyed la/ sems 'phang mtho bar byas te gsar du gang la yang mi
dpyod par 'jog go/

dran pa ni kun las btus las/ dran pa gang zhe na/ 'dris pa'i
dngos po la sems kyi brjed pa med pa ste/ rnam par mi g.yeng
ba'i las can no/ zhes khyad par gsum dang ldan par gsungs so/
/de la yul gyi khyad par ni sngar

ma 'dris pa'i yul la dran pa mi skyebs 'dris pa'i dngos po la
zhes gsungs te/ skabs 'dir ni sngar nges par byas pa'i dmigs
rten gyi rnam pa shar ba'o/ /'dzin stangs kyi khyad par ni sems
kyi brjed pa med pa

@144b zhes pa yul de sems kyis ma brjed pa'i cha ste skabs 'dir
ni dmigs rten ma brjed pa'o/ /ma brjed tshul ni gzhan gyis dris
pa dang / rang gis de la rtog pa bcug pa na dmigs rten de ni 'di
'dra ba yin no zhes bla mas bstan

pa dran thub pa tsam la mi zer gyi/ sems dmigs pa la btags pa de
thur re dran nas cung zad kyang mi yengs pa ste/ yengs na de
byung tsam gyis dran pa stor ba yin no/ /des na sems dmigs rten
la bzhag zin pa dang 'di

ltar dmigs pa la btags so snyam pa zhig bskyed la/ de nas gsar
du mi rtog par/ blo de nyid kyi shugs ma chad par/ rgyun skyong
ba ni dran pa bsten tshul gyi gnad dam pa yin no/ /byed las kyi
khyad par ni/ dmigs

pa las sems gzhan du mi g.yeng bar byed pa'o/ /de ltar sems
dmigs pa la btags te 'dul ba ni glang po che 'dul ba'i dpes
gsungs te/ dper na sdong po'am ka ba shin tu brtan pa la thag pa
sra ba du mas/ mi bsrun

pa'i glang po btags te/ glang rdzis ji ltar bslabs pa ltar byed
na legs/ mi byed na lcags kyu rnon pos yang yang btab nas tshar
bcad de 'dul ba ltar/ sems glang po che ma dul pa dang 'dra ba
'di yang/ sngar bshad

pa'i dmigs pa'i ka ba brtan po la dran pa'i thag pas bcing
zhing/ de la sdod du ma btub na/ shes bzhin gyi lcags kyus
gtsags nas khad kyis khad kyis dbang du bya ste/ dbu ma snying
po las/ yid kyi glang po log

@145a @#/ /'gro ba/ /dmigs pa'i ka ba brtan po la/ /dran pa'i
thag pas des bcings nas/ /shes rab lcags kyus rim dbang bya/
zhes dang / sgom rim bar pa las kyang/ dran pa dang shes bzhin
gyi thag pas/ yid

kyi glang po che dmigs pa'i sdong po de nyid la gdags par bya'o/
zhes so/ /dran pa la brten nas ting nge 'dzin 'grub par gsungs
pa dang / dran pa thag pa ltar sems dmigs pa la rgyun ldan du
'dogs byed du gsungs

pas; ting nge 'dzin sgrub byed kyi gtso bo'i skyong tshul ni dran
pa'i skyong tshul yin la/ dran pa yang nges pa'i rnam pa can gyi
'dzin stangs can yin pas/ ting nge 'dzin skyong ba na nges shes
kyi 'dzin stangs dam po med par

'jog pa la sems dwangs pa'i gsal cha 'ong yang/ nges shes kyi
ngar thon pa'i gsal cha mi thon pas dran pa stobs can mi skye
zhing/ bying ba phra mo yang mi khegs pas ting nge 'dzin skyon
can du 'gyur ro/ /lha sku sogs kyi

dmigs rten gzhan mi 'jog par sems mi rtog pa tsam skyong bas
kyang sems yul gang la yang mi rtog par gzhag par bya'o zhes
dran nas/ de nas sems mi 'phro ba la ma yengs par bya la/ ma
yengs pa

yang dmigs pa ma brjed pa'i dran pa dang don gcig pas dran pa'i
skyong tshul las ma 'das pas de ltar sgom pa des kyang nges shes
kyi shugs thon pa'i dran pa bsten no/ /gnyis pa ni/ gsal bya'i
log rtog 'di lta

@145b bu yod de/ sngar bshad pa ltar shes pa 'phang bstod de
bsgrims nas mi rtog bar bzhag pa na bying ba med kyang rgod pa
shas che bas gnas cha rgyun 'thud thub pa mi 'ong ba mthong ste/
rig pa'i gzengs yang smad/ bsgrims pa

ha cang glod pas gnas cha myur por skye ba mthong ste thabs
bzang po'o snyam du bzung nas glod rab la sgom rab ces smra ba
mang yang/ 'di ni bying ba skyes pa dang / sgom skyes pa gnyis
ma phyed pa yin pas/ ting nge 'dzin skyon

med ni sngar bshad pa ltar khyad par gnyis ldan dgos kyi/ sems
mi rtog pa'i gnas cha gcig pus mi chog go/ /gal te de 'dra ba de
la sems nyog nyog por song pa'i thibs po yod na bying ba yin
yang/ de med par sems

dwangs pa'i gsal cha yod pas ting nge 'dzin skyon med do snyam
na/ de ni rmugs pa dang bying pa ma phyed par snang bas 'di
rnams 'og tu 'chad do/ /des na bsgrims drags pa'i rig pa ngar
ldan du byas pa na gsal cha yod kyang rgod

shas che bas gnas cha skyed dka' la/ de ha cang glod nas
bskyangs pa na gnas cha yod kyang bying shas che bas ngar thon
pa'i gsal ba med do/ /grims lhod ran pa'i mtshams zin pa'ang dka'
bas bying rgod dang bral ba'i ting nge 'dzin

skye dka' ba la dgongs nas tsandra gau mis/ brtson pa bsten na
rgod pa 'byung 'gyur zhing/ /de spangs na ni zhum pa skye bar
'gyur/ /'di yis rigs par mnyam 'jug rnyed dka' na/ /bdag gis
sems dkrugs pas ni ci zhig bgyi/

@146a @#/ /zhes dang / 'bad pas 'jug na rgod pa 'phyung 'gyur
zhing/ /de glod na ni zhum pa skye bar 'gyur/ /'di yis dbu mar
sgrub pa'ang rnyed dka' na/ /bdag gis sems dkrugs bas ni ci
zhig bgyi/ zhes 'bad pas

bsgrims te brtson pa bsten na ni rgod pa 'byung la/ de mthong
nas 'bad pas 'jug pa'i sems glod cing rtsol ba spangs na ni
sems nang du zhum pa'i bying ba skye bas/ bying rgod kyi mtha'
gnyis dang bral ba'i dbu ma ste cha mnyam

du gnas pa'i sems mnyam 'jug rnyed dka' 'o/ zhes gsungs pas/
glod pa rab byed na dga' rgyu ci yang med cing/ de las bying
ba skye bar gsungs pas tshul des ting nge 'dzin sgrub pa mi
rigs so/ /grims lhod ran pa'i

mtshams ni rang gis brtags pa na rig pa 'phang 'di tsam zhig
bstod na rgod pa skye nges par 'dug snyam pa'i tshad de las ni
lhod la/ 'di tsam zhig la bzhag na bying ba skye sla bar 'dug
snyam pa'i tshad de las kyang 'phang

mtho ba'i 'jog tshul la bya'o/ /'phags pa thogs med kyis kyang
de la 'jog par byed pa dang yang dag par 'jog par byed pa la
ni bsgrims te 'jug pa'i yid la byed pa yod do/ zhes sems dang
po gnyis kyi skabs su gsungs

shing ; sgom rim dang po las kyang bying ba bsal la/ dmigs pa
de nyid dam du bzung ngo/ zhes bshad do/ /dran pa'i bsten lugs
sngar ltar ma shes par bskyangs na sgom ji tsam mang du byas
pa tsam du brjed ngas tshe ba dang/ chos

@146b rab tu rnam 'byed kyi shes rab rtul du 'gro ba sogs kyi
skyon mang po 'byung ngo/ /'o na dran pas sems dmigs pa la
btags pa de'i tshe dmigs pa legs par 'dzin nam mi 'dzin gyi bya
ra byed pa'i rtog pa bskyed du rung ngam snyam na/ 'di

ni bya dgos par sgom rim par pa las gsungs so/ /de yang ting
nge 'dzin btang nas de ltar lta ba min gyi/ ting nge 'dzin la
gnas bzhin pa'i ngang nas rtsa ba'i dmigs pa la sngar bzhag pa
ltar gnas mi gnas dang / mi gnas na

bying rgod gang du song lta ba tsam byed pa ste/ ting nge
'dzin la bzhag nas ha cang thung ba dang/ ha cang ring ba ma
yin par/ bar bar du bya ra byed do/ /blo snga ma'i shugs ma
zad tsam nas 'di byas pa na blo de'i ngar skyes nas/ ngar ldan
la

gnas pa'i yun ring ba dang/ bying rgod myur du rtogs pa'i dgos
pa yod do/ /de bzhin du bar bar du dmigs pa snga ma dran tsam
dran tsam byas nas skyong ba yang dran pa stobs che ba dang/
rgyun ldan du 'jug pa'i rgyur dgos pas/ dran

pa'i skyong tshul de ni nyan sa las gsungs la/ dbus mtha'i
'grel bshad las/ dran pa ni dmigs pa ma brjed pa'o/ zhes bya
ba ni sems gnas par bya ba'i gdams ngag yid kyis brjod pa'o
zhes gsungs pa ni/ dran pa

bsten pa ni dmigs pa las yengs nas dmigs pa brjed pa 'gog pa'i
ched yin pas dmigs pa ma brjed pa ni yid kyis dmigs pa brjed
pa ste yang yang dmigs pa yid la byed pa'o/ /dper na shes pa'i
don 'ga' zhig

@147a @#/ /brjed kyis dogs nas yang yang dran par byas na brjed
dka' ba dang 'dra'o/ /gsum pa ni/ 'o na dran pas sems dmigs pa
la btags pa la 'di tsam bar du 'jog /ces pa'i thun tshad nges
pa yod dam

med cen/ 'di la nyan sa la sogs pa'i gzhung che ba rnams nas
thun tshad gsal bar bzung ba mi snang yang sgom rim tha ma las/
de lta bu'i rim pa 'dis chu tshong gcig gam me la tshe thun
phyed dam/ thun gcig gam ji srid

nus pa de srid du 'dug par bya'o/ zhes gsungs la/ 'di zhi gnas
grub zin nas lhag mthong sgom pa'i dus kyi thun tshad kyi skabs
su gsungs snang yang/ thog mar zhi gnas grub pa'i sgabs su
yang 'dra bar mngon no/ /de yang

sngar bshad pha ltar dran shes skyong lugs par bar du dmigs pa
dran pa dang/ bar bar du byang byed na thun cung ring yang
skyon med mod/ /'on kyang las ngang po pa phal che ba la thun
rings na/ yang na brjed ngas skyes te yengs nas

'gro zhing de'i tshe bying rgod gang byung yang yun ring pho
nas ngo shes pa tsam ma gtogs pa myur por ngos mi zin la/ dran
pa ma brjed kyang bying rgod kyi dbang du 'gro sla zhing/
bying rgod byung ba myur por ngos mi zin na/ /de gnyis kyi
snga

mas ni dran pa stobs ldan skye ba la bar du gcod la/ phyi mas
shes bzhin stobs ldan skye ba la bar du gcod pas phying rgod
gcod pa dka' 'o/ /khyad par du dmigs pa brjed nas yengs te
bying rgod byung ba ngos mi zin pa

@147b ni; dmigs pa ma brjed pa'i ngang nas bying rgod byung ba
myur por ngos mi zin pa las ches ngan pas/ yengs nas dran pa
nyams pa 'gog pa'i gnyen por sngar bshad pa lta bu'i dran pa
skyong tshul gal che'o/ /yengs nas 'gro

ba'i brjed ngas che ba dang/ bying rgod myur por ngos mi zin
pa'i shes bzhin mthu chung na/ thun chung dgos la/ brjed ngas
skye dka' zhing bying rgod myur por rtogs nus par snang na/
thun cung ring yang skyon med pa la dgongs nas chu

tshod gcig la sogs pa'i yun tshad ma nges par gsungs shing/ mdor
na rang gi blo nus dang bstun dgos pas ji srid nus pa de srid
du zhes gsungs so/ /gzhan yang lus sems la glo bur ba'i gnod
pa ma byung na mnyam

par 'jog la/ byung na u tshugs byas te mi bsgom par khams kyi
bar chad bsal te sgom pa ni mkhas pa rnams kyi dgongs pa yin
pas/ de ltar byed pa yang thun tshad kyi yan lag tu shes par
bya'o/ /gsum pa la gnyis

bying rgod byung dus ji ltar bya ba/ bying rgod dang bral dus
ji ltar bya ba'o/ /dang po la gnyis/ bying rgod dos mi zin
pa'i gnyen po bsten pa/ ngos zin kyang de spong ba'i phyir du
mi rtsol ba'i gnyen po bsten pa'o/ /dang po

la gnyis/ bying rgod kyi mtshan nyid gtan la dbab pa/ sgom pa'i
dus su de rtogs pa'i shes bzhin skyed thabs so/ /dang po la
rgod pa ni/ kun las btus las/ rgod pa gang zhe na/ sdug pa'i
mtshan ma'i rjes su

@148a @#/ /'jug pa'i 'dod chags kyi char gtogs pa'i sems rnam
par ma zhi ba ste zhi gnas kyi bar du gcod pa'i las can no/
zhes gsungs pa ltar te/ 'di la gsum las/ dmigs pa ni yul yid
du 'ong zhing

sdug pa'o/ /rnam pa ni sems rnam par ma zhi zhing phyir la
'phro ba ste 'dod chags kyi cha shas shig yin pas yul la sreng
ba'i rnam pas 'jug pa'o/ /byed las ni sems dmigs pa la gnas
pa'i bar chad byed pa'o/ /

sems nang du dmigs pa la btags pa na gzugs sgra sogs la chags
pa'i rgod pas dbang med du yul de dag la sems 'dren zhing
g.yeng ste/ bshags bstod las/ ji lta ji ltar zhi gnas la
dmigs shing/ /de

dang der yid yang yang gtad pa na/ /de dang de las nyon mongs
zhags pa ni/ /yul la chags pa'i thag pas dbang med drangs/
zhes gsungs pa ltar ro/ /bying ba ni/ 'gyur mang po las zhum
par yang bsgyur ro/ /'di la kha cig

yul gzhan la 'phro ba med par gnas shing gsal dwangs med pa'i
sems rmugs pa la bying bar 'dod pa ni mi rigs te/ sgom rim bar
pa dang/ dgongs 'grel las/ rmugs pa las bying ba skye bar
gsungs pa'i

phyir ro/ /kun las btus las kyang/ bying ba nye nyon gyi rnam
g.yeng gi skabs su bshad mod kyang/ der bshad pa'i rnam
g.yeng la dge ba yang byung bas nyon mongs can du ma nges so/
/des na rmugs pa ni/ kun las

@148b btus dang / mdzod 'grel las/ gti mug gi cha shas lus
sems lci zhing las su mi rung ba zhig la gsungs so/ /bying ba
ni sems kyis dmigs pa 'dzin pa'i 'dzin stangs lhed nas/ dmigs
pa gsal ba'am dam

par mi 'dzin pas dwangs cha yod kyang dmigs pa'i 'dzin stangs
gsal ba med na bying bar 'gro ste/ sgom rim bar pa las/ gang
gi tshe dmus lod lta bu'am mi mun par zhugs pa lta bu'am/ dmigs
btsums pa lta bur sems

kyis dmigs pa gsal bar mi mthong ba de'i tshe bying bar gyur
par rig par bya'o/ zhes so/ /gzhung che ba gzhan nas bying
ba'i mtshan nyid gsal bar bzung bar bzung ba ma mthong ngo/
/bying ba la dge ba dang / lung ma bstan gnyis

yod la/ rmugs pa ni mi dge ba dang / bsgribs la lung ma bstan
gang rung dang / gti mug gi cha shas kho na'o/ /gzhung che ba
rnams nas bying ba sel ba la sku gzugs sogs dga' ba'i yul dang
/ snang ba bsgoms nas

sems gzengs bstod dgos par gsungs bas/ sems la mun pa babs pa
lta bu'i yul mi gsal ba dang / blo'i 'dzin stangs dma' ru song
ba bkag nas/ dmigs pa gsal ba dang 'dzin stangs kyi grims cha 

gnyis ka dgos so/ /rgod pa rig sla la bying ba khungs thub kyi
gzhung che ba las gsal bar ngos ma bzung bas shes dka' zhing
gal yang che ste/ 'di la ting nge 'dzin skyon med du 'khrul sa
che bas so/ /de'i phyir blo

@149a @#/ /zhi ba mos nyams myong gi sted nas sgom rim du
gsungs pa ltar legs bar brtags la ngos zin par bya'o/ /gnyis
pa ni/ bying rgod kyi go ba yod tsam gyis mi chog gi /bsgoms
pa'i tshe na bying rgod

byung ma byung ji bzhin du shes pa'i shes bzhin skyed thub pha
zhig dgos so/ /de yang shes bzhin stobs ldan rim gyis bskyed
pas bying rgod byung ba'i de ma thag tu de ngos zin pa'i shes
bzhin skyed thub pa lta ci smos/ dngos su

ma skyes par skye ba'i grabs byed pa nas rig pa'i shes bzhin
skyed dgos te/ sgom rim phyi ma gnyis las/ sems bying ngam
byid du dgos par mthong na/ zhes dang / sems rgod pa'am rgod
du dogs par mthong

ba; zhes gsungs ba'i phyir ro/ /de lta bu'i shes bzhin zhig ma
skyes bar du 'di nas 'di'i bar la bying rgod med pa'i sgom
skyon med byung ngo zhes thag bcad kyang steng du mi 'gro ste/
bying rgod byung yang nges par mi

nus pa'i phyir te shes bzhin stobs ldan ma skyes pa'i phyir
ro/ /de ltar yang dbus mtha' las/ bying dang rgod ba rtogs ba
dang / zhes bying rgod rtogs pa la shes bzhin dgos bar gsungs
pa'i phyir ro/ /de ltar

na bying rgod byung na mi rig pa mi srid pa'i shes bzhin ma
skyes na dus ring por sgom lo byas kyang bying rgod byung
bzhin du mi tshor bar bying rgod phra mos dus 'da'o/ /'o na
shes bzhin de ji ltar bskyed snyam na/ 'di la sngar

@149b bstan pa'i dran pa'i skyong lugs de rgyu gal che shos
gcig yin te/ 'di ltar dran pa rgyun ldan pa de skyed nus na
dmigs pa brjed nas yengs 'gro ba dgag nus pas/ bying rgod
skyes pa yun ring por mi tshor ba ldog pas

bying rgod rtogs sla ba'i phyir te/ dran pa nyams pa'i dus kyi
bying rgod rig pa dang / ma nyams pa'i dus kyi bying rgod rig
pa'i dus ring thung gnyis myong ba la bskor nas bltas na ches
gsal lo/ /de la dgongs nas spyod 'jug

las kyang / gang tshe dran pa yid sgo nas/ /bsrung ba'i don du
gnas gyur pa/ /de tshe shes bzhin 'ong 'gyur zhing/ zhes dang /
dbus mtha'i 'grel bshad las kyang dran pa shes bzhin gyi rgyur
gsungs so/ /rgyu cig ni sems

lha sku sogs gzung ba'i rnam pa la dmigs pa'am myong ba rig
tsam gsal tsam sogs 'dzin rnam la dmigs nas/ sngar bshad pa
ltar dran pa bsten pa'i ngang nas de las gzhan du 'phro mi
'phro la bya ra thu re byas nas

sems 'dzin pa yin te 'di ni shes bzhin skyong ba'i gnad du
gzung ngo / /de ltar yang spyod 'jug las/ lus dang sems kyi
gnas skabs la/ /yang dang yang du brtag bya ba/ /de de kho na
mdor na ni/ /shes bzhin srung ba'i mtshan

nyid do/ /zhes gsungs pa ltar ro/ /des na 'dis ni bying rgod
skye ba'i grabs byed pa nas rig pa'i shes bzhin skyed la dran
pa bsen tshul gyis ni yengs nas 'gro ba'i brjed ngas 'gog pas
legs par dmigs phyed dgos

@150a @#/ /so; ;gnyis pa ni/ sngar bshad pa ltar dran pa dang
shes bzhin gyi skyong lugs legs phar byas pas dran pa stobs
ldan skyes te bying rgod phra mo yang shes bzhin gyis rig nus
pas/ bying rgod byung ba ngos mi

zin pa'i skyon med kyang / de gnyis byung ma thag nas 'gog
pa'i rtsol ba mi bsten par dang du len pa'i mi rtsol ba'am 'du
mi byed pa ni ting nge 'dzin gyi skyon chen po yin pas de'i
gnyen por 'du byed pa'am rtsol ba zhes

btags pa'i sems pa bsgom mo/ /'di la gnyis/ sems pa ngos gzung
zhing bying rgod 'gog pa'i tshul/ gang la brten nas rgod skye
ba'i rgyu ngos gzung ba'o/ /dang po ni/ kun las btus las/ sems
pa gang zhe

na; sems mngon par 'du byed pa yid kyi las te dge ba dang mi
dge ba dang lung du ma bstan pa rnams la sems 'jug par byed
pa'i las can no/ zhes pa'i don ni rdo khab len gyi dbang gis
lcags rang dbang med

par g.yo ba ltar/ sems dge mi dge lung ma bstan gsum po gang
rung la g.yo zhing bskul ba'i sems byung ni sems pa yin pas/
'dir ni bying rgod gang rung byung na de spong ba la sems
mngon par 'du phyed pa'i

sems pa gzung ngo / /'o na bying rgod 'gog tshul ji 'dra byed
ce na/ sems bying ba ni ha cang nang du bsdus drags nas dmigs
pa'i 'dzin stangs shor ba yin pas/ de la ni sems phyir 'phro
ba'i rgyu dga' ba'i dngos

@150b po yid la bya ste/ de yang sangs rgyas kyi sku lta bu
yin gyi nyon mongs skye ba'i dga' ba min no/ /yang na nyi 'od
sogs snang ba'i mtshan ma yid la byas la bying ba sangs ba na
de ma thag nas dmigs pa'i 'dzin stangs dam par

byas la bskyang bar sgom rim dang po las gsungs so/ /'di la
skyo ba'i dmigs pa bsgom par mi bya ste/ skyo shas ni sems
nang du sdud pa'i rgyu yin pa'i phyir ro/ /so sor rtog pa'i
shes rab kyis gang la dpyod 'dod pa'i

yul la dpyad nas spros na yang bying ba ldag ste/ phar phyin
bsdus pa las/ lhag mthong brtson pa'i stobs kyi mthus/ /zhum
par gyur na gzengs kyang bstod/ ces so/ /de ltar bying ba'am
zhum pa ni dmigs pa'i 'dzin stangs

'phang dma' ru song bas bying ba dang / ha cang nang du bsdus
pas na zhum pa yin pas/ 'dzin stangs bstod pa dang / dmigs pa
rgya bskyed nas spros pas ldog ste/ dbu ma snying po las/ zhum
pa dmigs pa rgya chen dag/

bsgoms pas yangs pa nyid du bya/ zhes dang / zhum pa yang ni
brtson 'grus kyi/ /phan yon mthong bas gzengs bstod bya/ zhes
so/ /bying ba 'gog pa'i gnyen po gal che shos ni/ dkon mchog
gsum dang byang chub sems kyi

pan yon dang dal ba thob ba don che ba sogs kyi yon tan bsams
pa na gnyid yur ba'i gdong du chu grang btab na rigs pa sing
yer gyis 'gro ba ltar 'gro thub ba zhig dogs te/ 'di ni phan
yon gyi phyogs rnams la so sor 

@151a @#/ /rtog pa'i dpyad sgom gyis myong ba thon pa la rag las
so/ /gang la brten nas bying ba skye ba'i rgyu rmugs pa dang
gnyid dang / de gnyis 'dren pa'i chos sems mun pa'i rnam pa can
la snang ba sgom pa'i gnyen po

bsten na yang de dag la brten pa'i bying ba mi skye zhing skyes
pa ldog go/ /'di la spyod lam 'chag pa dang snang pa'i mtshan ma
yid la bzung nas yang yang goms par byed pa dang / dkon mchog
gsum dang tshul khrims dang gtong

nga dang lha rjes su dran pa drug gang rung ngam/ de las gzhan
pa'i dang bar 'gyur ba'i dmigs pa rnams kyis sems gzengs bstod
pa dang / rmugs gnyid kyi nye sa dmigs ston pa'i chos kha ton
byed pa dang phyogs dang bla skar

la lta ba dang gdong chus 'khru ba sogs bya bar nyan sa las
bshad do/ /de yang bying ba shin tu srab pa dang lan re tsam las
mi 'ong na sems kyi 'dzin stangs grims par byas te bsgom la/
bying ba 'thug pa dang yang yang 'do na

sgom pa'i 'phro bshol te gnyen po de rnams ci rigs par bsten la
bying ba sangs pa dang bsgom mo/ /sems gang la bzung ba'i dmigs
pa mi gsal bar sems la mun pa babs pa lta bu'i rnam pa srab
'thug gang

rung byung na de'i gnyen por mar me dang me dang nyi 'od sogs
kyi snang ba'i mtshan ma bzung nas yang yang goms par byas na
sems kyi gsal dwangs chen po skye'o/ /rgod pa ni chags pa'i sgo
nas gzugs sgra sogs kyi

@151b yul la sems rgyug pa yin pas de la ni sems nang du sdud
pa'i rgyu yid 'byung ba'i dos po yid la bya la/ des rgod pa zhi
ma thag yang mnyam par 'jog go /dbu ma snying po nas/ rgod pa mi
rtag la sogs pa/ /yid

la byed pas zhi bar bya/ zhes dang / g.yengs pa g.yengs pa'i
mtshan ma la/ /nyes dmigs lta bas bsdu bar bya/ zhes so/ /rgod pa
shugs drag pa'am rgyun ring byung na re zhig sgom pa glod la/
skyo shas sgom pa gnad du

'gro ba yin gyi/ sems 'phro res kyis bkug cing 'jog pa min no/
/rgad pa de cam shas mi che ba la ni 'phros pa de bkug nas dmigs
pa la gdags te/ phar phyin bsdus pa las/ rgad par gang tshe gyur
pa'i yid/ /zhi

gnas tshul gyis bzlog par bya/ zhes so/ /sems rgod pa la ni dang
zhing dga' ba'i yul yid la mi bya ste de ni phyi rol tu g.yeng
ba'i rgyu yin pa'i phyir ro/ /gnyis pa ni/ bying rgod gnyis ka'i
rgyu thun mong ba ni/ dbang

po'i sgo ma bsrungs pa dang / zas kyi tshod ma zin pa dang / nam
gyi cha stong smad la mi nyal ba'i sbyor ba la mi brtson pa dang
/ shes bzhin ma yin par gnas pa yin zhing / bying ba'i rgyu ni
gnying che ba dang / sems dmigs

pa 'dzin pa la ha cang glad pa dang / zhi lhag cha ma mnyam par
zhi gnas bsten drags pa dang / sems mun pa ltar 'dug pa dang /
dmigs pa la gtod par mi dga' bo'o/ /rgod pa'i rgyu ni skyo shas
chung ba dang / sems

@152a @#/ /dmigs pa la ha cang dam drags pa dang / brtson pa la
goms par ma byas pa dang / nye du la rtog pa sogs kyis sems rnam
par g.yengs pa la bshad do/ /des na bying rgod cha phra mo yang
shes bzhin

gyis rig par byas la thams cad du dgag dgos pas rgod pa dang
rnam g.yeng so gas phra mo rnams thog ma'i dus su bcad kyang mi
chod pas snyam nas 'dor ba dang / de rnams shugs drag pa dang ha
cang rgyun ring pa'i

lu gu rgyud med na rgyun thung de ba dang shugs zhan pas las mi
gsog pas bcad mi dgos so snyam pas ni ting nge 'dzin rnam dag
sgrub mi shes te/ rje btsun byams pa sogs kyis ting nge 'dzin
sgrub pa'i tshul gtan la

phab pa las phyi rol tu gyur pa'i phyir ro/ /des na 'phro rgod
las sems glan te nang du dmigs pa la btags la gnas cha btsal/
gnas cha byung res kyis bying zon byas te gsal ba'i dar gdon/ de
gnyis re mos su

byas nas ting nge 'dzin skyon med bsgrub kyi/ 'dzin stangs kyi
ngar dang ldan pa'i gsal cha med pa'i dwangs pa btsam la yid
brtan mi bya'o/ /gnyis pa ni/ sngar bshad pa ltar bying rgod
phra mo yang bcad de bsgoms pas yang na bying ba dang

yang na rgod par 'gyur ba'i mi mnyam pa med par sems mnyam pa
nyid du 'jug pa'i tshe 'du byed pa'am rtsol na ting nge 'dzin gyi
skyon yin pas de'i gnyen por btang snyoms bsgom par bya'o/ /'du
byed pa'am rtsol ba

@152b byas pas skyon du 'gyur lugs ni sems nang du 'gugs pa dang
bying na gzengs bstod de bsgoms pas thun 'tsham pa re la bying
rgod mi 'ong ba'i gdeng thob pa'i dus su thog ma'i dus bzhin
bying zon dang rgod zon chen

po byas shing skyong ba yin te/ de ltar byas na sems g.yeng bar
'gyur bas de'i tshe glod shes dgos so/ /de yang rtsol ba glod pa
yin gyi 'dzin stangs kyi ngar gtong ba min no/ /des na btang
snyoms sgom pa 'di bying rgod ma

byung ba'i skabs thams cad du byed pa min gyi bying rgod kyi
dbal chogs pa nas yin te/ bying rgod kyi dbal ma chogs pa'i dus
su btang snyoms nyid med pa'i phyir ro/ /'o na btang snyoms de
gang snyam na/ tshor ba dang / tshad

med dang / 'du byed btang snyoms gsum las 'di ni tha ma yin la/
de'i ngo bo ni nyan sa las/ zhi lhag gi phyogs kyi dmigs pa la
sems mnyam pa nyid dang rnal du 'bab pa dang rang gi ngang gis
'jug pa dang las su

rung ba thob pa la bshad pa ltar yin la/ de 'dra ba'i btang
snyoms thob pa'i tshe ting nge 'dzin sgom pa na bying rgod ma
byung ba'i dus su btang snyoms de mngon du byas la rtsol ba mi
drag par bzhag go /de rnams

ni dbus mtha' las/ der gnas las su rung ba nyid/ /don rnams
thams cad 'byor par 'gyur/ /nyes pa lnga spong 'du byed brgyad/
/bsten pa'i rgyu las byung ba'o/ /le lo dang ni gdams ngag
rnams/ /brjed dang bying

@153a @#/ /dang rgod pa dang / /'du mi byed dang 'du byed de/
/'di dag nyes pa lngar 'dod do/ /gnas dang de la gnas pa dang /
/rgyu dang 'bras bu nyid du'o/ /dmigs pa brjed par ma gyur dang
/ /bying dang rgod pa rtogs pa

dang ; ;de spong mngon par 'du byed dang / /zhi tshe rnal du 'jug
pa'o/ zhes gsungs pa ltar yin te/ de la der gnas ni/ mi mthun
phyogs bsal ba'i don du brtson 'grus rtsom pa der gnas pa ste de
las sems

las rung gi ring nge 'dzin skye'o/ /de yang mngon shes la sogs
pa'i don thams cad 'grub par byed pa'i rdzu 'phrul gyi rkang
pa'am gnas yin pas don rnams 'byor par byed pa'o/ /de 'dra ba'i
ting nge 'dzin ni nyes pa

lnga spong ba dang 'du byed brgyad bsten pa'i rgyu las skye'o/
/nyes pa lnga ni sbyor pa'i tshe na le lo nyes pa yin te/ ting
nge 'dzin la mi sbyor ba'i phyir ro/ /ting nge 'dzin la brtson
pa'i tshe gdams ngag brjed pa nyes pa yin te

dmigs pa brjed na sems dmigs pa la mnyam par bzhag pa med pa'i
phyir ro/ /mnyam par bzhag pa la bying rgod nyes pa ste/ de
gnyis kyis sems las rung med par byed pa'i phyir ro/ /bying rgod
byung ba'i tshe

mi rtsol ba nyes pa ste/ des de gnyis zhi bar mi byed pas so/
/bying rgod dang bral ba'i tshe 'du byed pa'i sems pa ste/ bying
srgod gnyis gcig tu byas na lnga yin la so sor phye nas drug tu
yang sgom rim rnams

@153b las gsungs so/ /de dag gi gnyen po spong ba'i 'du byed
brgyad las le lo'i gnyen po bzhi ste/ dad pa dang 'dun pa dang
rtsol ba dang shin sbyangs so/ /de nas brjed ngas dang bying
rgod dang 'du mi byed rgod dang 'du mi byed pa dang 'du byed
pa'i gnyen por

rim pa ltar/ dran pa dang shes bzhin dang 'du byed pa'i sems pa
dang rnal du 'jog pa'i btang snyoms te/ de dag ni sngar bshad
zin to/ /'di ni sems rtse gcig pa'i ting nge 'dzin dran pa dang
shes bzhin gyis bying rgod dang

bral bar byas te skyong ba'i gdams ngag thams cad kyi thun mong
ba yin pas mtshan nyid theg pa'i sgos chos yin gyi sdags la mi
dgos so snyam du mi gzung ste/ rnal 'byor bla med kyi rgyud sde
du mar yang gsungs pa'i phyir

ro; ;gnyis pa la gsum/ sems gnas skye ba'i rim pa dngos/ de
stobs drug gis 'grub lugs/ de la yid byed bzhi yod tshul lo/
/dang po la dgu las/ de dang de la sems 'jog pa ni/ phyi rol gyi
dmigs pa

thams cad las sems bsdus nas nang du dmigs pa la gtod pa ste/
mdo rgyan las/ dmigs pa la ni sems gtad nas/ zhes so/ /rgyun du
'jog pa ni/ dang por gtad pa'i sems de nyid gzhan du mi g.yengs

par dmigs pa de la rgyun du 'jog pa ste/ de rgyun rnam par
g.yeng mi bya/ zhes so/ /glan te 'jog pa ni/ brjed ngas kyis
yengs te phyi rol tu g.yengs na de shes par byas nas slar yang
dmigs pa de nyid la 'dogs pa

@154a @#/ /ste; rnam g.yeng myur du rtogs byas nas/ /de la slar
ni glan par bya/ zhes so/ /nye bar 'jog pa ni/ sher phyin man
ngag las/ sems rang bzhin gyis rgya che ba las yang yang bsdus
te phra bar byas nas

gong nas gong du 'jog pa la bshad de/ blo ldan gong nas gong du
yang / /sems ni nang du bsdu bar bya/ zhes gsungs pa dang mthun
no/ /dul bar byed pa ni/ ting nge 'dzin gyi yon tan bsams nas
ting nge 'dzin la dga' ba ste/

de nas yon tan mthong ba'i phyir/ /ting nge 'dzin la sems 'dul
lo/ zhes so/ zhi bar byed pa ni/ rnam g.yeng la skyon du bltas
nas ting nge 'dzin la mi dga' ba zhi bar byed pa ste/ rnam
g.yeng nyes pa mthong ba'i

phyir; ;de la mi dga' zhi bar bya/ zhes so/ /rnam par zhi bar
byed ba ni/ chags sems dang yid mi bde dang rmugs pa dang gnyid
la sogs pa byung ba rnams zhi bar byed pa ste/ chags sems yid mi
bde la sogs//

langs pa de bzhin zhi bar bya/ zhes so/ /rtse gcig tu byed pa
ni/ 'bad med du 'jug pa'i phyir du 'bad pa ste/ de nas sdom
brtson can gyis ni/ /sems la mngon par 'du byed bcas/ /rang gi
ngang gis 'byung ba

thob; ces so/ /mnyam par 'jog pa ni/ sems mnyam par gyur pa na
btang snyoms su byed pa la sgom rim las gsungs la/ rgyud gcig tu
byed pa goms pas lhun grub tu rang gi ngang gis 'jug cing rang

@154b dbang thob pa la sher phyin man ngag tu gsungs so/ /de
ltar yang / de goms pa las 'du mi byed/ ces so/ /sems dgu'i ming
'dogs de dag ni sgom rim dang po las/ zhi gnas kyi lam 'di ni
shes rab kyi pha rol tu phyin pa la

sogs pa las bshadde zhes sogs drangs pa ltar byas pa'o/ /gnyis
pa ni/ stobs nidrug ste/ thos pa dang bsam pa dang dran pa dang
shes bzhindang brtson 'grus dang yongs su 'dris pa'i stobs so/
/de dag gis

sems gang 'grub tshul ni/ thos pa'i stobs kyis ni 'jog pa'i sems
'grub ste/ sems dmigs pa la 'jog pa'i gdams ngag gzhan las thos
pa tsam gyi rjes su 'brangs nas/ dang por dmigs pa la btags pa

tsam yin gyi rang gis yang yang bsams nas goms pa min pa'i phyir
ro/ /bsam pa'i stobs kyis ni rgyun du 'jog pa'i sems 'grub ste/
dang por dmigs pa la btags pa de'i rgyun yang yang bsams nas
bskyangs pa

las rgyun cung zad 'thud nus pa thog mar 'thob pa'i phyir ro/
/dran pa'i stobs kyis ni glan te 'jog pa dang / nye bar 'jog
pa'i sems gnyis 'grub ste/ dmigs pa las yengs nas g.yengs pa na
sngar gyi dmigs pa

dran nas nang du sdud pa dang / dang po nas dran pa'i shugs
bskyed de dmigs pa las g.yeng bar mi byed ba'i phyir ro/ /shes
bzhin gyi stobs kyis ni dul bar byed pa dang zhi bar byad pa'i
sems gnyis 'grub ste/ rnam

@155a @#/ /rtog dang nye nyon gyi mtshan ma la 'phro ba'i nyes
dmigs shes bzhin gyis rig nas nyes dmigs su bltas pas de gnyis
la 'phror mi ster bar byed pa'i phyir ro/ /brtson 'grus kyi
stobs kyis ni rnam par

zhi bar byed pa dang rtse gcig tu byed pa'i sems gnyis 'grub
ste/ rnam rtog dang nye nyon byung ba phra mo yang rtsol bas
spong bas dang du mi len zhing / de ltar byas pas bying rgod la
sogs pas ting nge 'dzin la bar gcod mi

nus par rgyun chags su skye ba'i ting nge 'dzin 'grub pa'i phyir
ro/ /'dris pa'i stobs kyis ni mnyam par 'jog pa'i sems 'grub
ste/ snga ma rnams la goms pa ches pa'i stobs kyis 'bad med du
ngang gis 'jug

pa'i ting nge 'dzin skye ba'i byir ro/ /de dag ni nyan sa'i
dgongs pa ji lta ba bzhin yin pas de las gzhan du 'chad pa la
yid brtan mi bya'o/ /de la sems dgu pa thob na ni dper na gzhung
la sogs pa 'don pa la ches shin tu

goms na/ dang por 'don pa'i kun slong byung nas bton na bar
skabs su sems gzhan du g.yengs kyang kha ton de nyid mi 'chad
par rtsol med du 'ong ba ltar/ dang por sems dmigs pa la gtod
pa'i dran pas lan cig

mnyam par bzhag na/ de nas dran shes na re rgyun ldan du bsten
pa ma byung yang ting nge 'dzin de 'phro mi 'chad par rgyun
chags su rgyun ring por 'jug thub pa zhig 'byung ngo / /dran
shes rgyun ldan na re bsten pa'i rtsol ba

@155b mi dgos pa la mngon par 'du byed pa'am 'bad rtsol med pa
zhes zer ro/ /de skye ba la sngon du dran pa dang shes bzhin
rtsol bas na re bsten na/ bying rgod sogs kyi mi mthun phyogs
kyis bar gcod mi nus par thun ring po 'khyongs pa'i

ting nge 'dzin zhig skye dgos la de yang sems brgyad pa yin te/
'di dang dgu pa gnyis bying rgod la sogs pa'i ting nge 'dzin gyi
mi mthun phyogs kyis bar gcod mi nus par 'dra yang / 'di la dran
shes bar ma chad du bsten dgos

pas mngon par 'du byed pa'am 'bad rtsol dang bcas pa zhes zer
ro/ /de skye ba la bying rgod sogs phra mo yang skyes tsam nas
dang du mi len par 'gog pa zhig dgos pas sems bdun pa dgos so/
/de skye ba la rnam rtog dang

nye nyon gyis g.yeng ba la nyes dmigs su shes nas de dag la mi
'phro bar bya ra byed pa'i shes bzhin stobs ldan dgos pas sems
lnga pa dang drug pa dgos te/ de gnyis shes bzhin stobs su gyur
pas bsgrubs pa'i phyir

ro; ;de 'dra ba de skye ba la yang dmigs pa las yengs na yang
dmigs pa myur du dran pa dang / dang po nas dmigs pa las g.yeng
bar mi byed pa'i dran pa dgos pas sems gsum pa dang bzhi ba dgos
te/ de gnyis ni dran

pa de gnyis kyis bsgrubs pa yin pa'i phyir ro/ /de skye ba la
yang thog mar sems dmigs pa la 'dogs pa dang btags pa de'i rgyun
mi g.yeng ba dgos pas sems dang po gnyis sngon du skye ba yin
no/ /de ltar na mdor bsdu na

@156a @#/ /dang por gdams ngag thos pa'i rjes su 'brangs la sems
mnyam par 'jog tshul legs par bya/ de nas de ltar bzhag pa de
yang yang bsams la rgyun chung zad 'thud thub pa'i sgo nas rgyun
bskyang/ de nas dran

pa nyams nas g.yengs na myur du bsdus la dmigs pa brjed pa myur
du dran pa dang / de nas kyang dran pa shugs can bskyed la/ dang
po nas dmigs pa las mi yengs pa'i dran pa'i stobs bskyed/ dran
pa stobs can grub pa

dang dmigs pa las gzhan du g.yeng ba'i bying rgod sogs kyi
skyon mthong ba'i sgo nas bya ra byed pa'i shes bzhin drag po
bskyed/ de nas brjed ngas phra mos g.yengs na yang de ma thag
rig nas rgyun gcod pa dang / bcad nas

mi mthun phyogs kyis bar ma bcad pa'i rgyun je ring du gtong
ba'i rtsol ba'i stobs bskyed/ de skyes pa na 'bad nas bsgoms pas
goms pa klod du gyur nas 'bad rtsol med par ting nge 'dzin du
'gro ba'i sems dgu

pa 'grub bo/ /des na sems dgu pa ma thob pa'i gong du rnal 'byor
pas sems ting nge 'dzin la 'jog pa'i rtsol ba phar bya dgos la/
sems dgu pa thob nas ched du mnyam par 'jog pa'i rtsol ba ma
byas kyang/ sems

ting nge 'dzin du hril hril 'gro'o/ /de lta bu'i sems dgu pa 'di
thob kyang shin sbyangs pa ma thob na 'og nas 'chad pa ltar da
dung zhi gnas thob par yang mi 'jog na lhag mthong thob pa lha
ci smos/ gsum pa ni/

@156b nyan sa las/ sems gnas dgu la yid byed bzhi yod par bshad
pa ltar bshad na/ sems dang po gnyis kyi dus su 'bad pas sgrim
dgos pas bsgrims te 'jug pa dang / de nas sems lnga'i skabs su
ni bying

rgod kyis bar du bcad nas thun ring po skyong mi nus pas skabs
su chad cing 'jug pa dang / de nas sems brgyad pa la ni bying
rgod kyis bar gcod mi nus par thun ring po skyod thub pas skabs
su chad pa med par 'jug

pa dang / de nas sems dgu pa la ni bar yang mi 'chad cing rtsol
ba yang rgyun par bsten mi dgos pas rtsol ba med par 'jug pa'i
yid byed 'jog go /'o na sems dang po gnyis kyi skabs su 'chad
cing 'jug pa

yod la/ sems bar pa lnga'i skabs su yang sgrim dgos pa yod pa
la/ dang po gnyis la 'chad cing 'jug pa'i yid byed yod par mi
'chad pa dang / bar pa lnga la bsgrims te 'jug pa'i yid byed yod
par mi 'chad

pa ci zhe na/ sems dang po gnyis la ni sems ting nge 'dzin du
'gro ba dang/ der mi 'gro ba gnyis phyi ma ches ring la/ bar pa
lnga la ni ting nge 'dzin la gnas pa ches ring bas phyi ma la
ting nge 'dzin gyi bar bcad pa'i

tha snyad mdzad la/ snga ma la ma mdzad do/ /de'i phyir de gnyis
ka la bsgrims te 'jug pa yod par 'dra mod kyang skabs su chad
cing 'jug pa yod med mi 'dra bas/ bsgrims te 'jug pa yod pa'i
yid byed du sems

@157a @#/ /lnga po de ma bzhag go/ /de yang phar phyin bsdus pa
las/ rgyun mi 'chad pa'i rnal 'byor gyis/ /bsam gtan bsgrub la
brtson par bya/ /yang dang yang zhing ngal bso na/ /gtsubs pas
mi phyin mi 'gyur te/ /

rnal 'byor tshul la'ang de bzhin du/ /khyad par ma thob gtang mi
bya/ zhes gsungs pa ltar bsgrub bo/ /gsum pa la gsum/ zhi gnas
grub pa dang ma grub pa'i sa mtshams bstan pa/ zhi gnas la brten
nas lam bgrod

tshul sbyir bstan pa/ khyad par du 'jig rten pa'i lam bgrod tshul
bstan pa'o/ /dang po la gnyis/ dngos kyi don bstan pa/ yid byed
dang ldan pa'i rtags dogs gcod pa dang bcas pa'o/ /dang po la
gnyis/ shin sbyangs rdzogs par

thob ma thob kyi sgo nas zhi gnas thob ma thob tu bstan pa dang
/ shin sbyangs rdzos par thob nas zhi gnas 'grub lugs bstan
pa'o/ dang po ni/ sngar bshad pa ltar sems dgu pa bying rgod
phar mo dang bral bar thun ring po skyong nus shing/ de

yang dran shes rgyun ldan du bsten pa'i 'bad rtsol la mi ltos
par lhu grub tu 'jug pa'i ting nge 'dzin thob na zhi gnas thob
pa yin nam min snyam na/ ting nge 'dzin 'di thob pa la shin
sbyangs thob ma thob gnyis su

yod pas shin sbyangs ma thob na zhi gnas rjes mthun pa yin gyi/
zhi gnas dngos min te/ dgongs 'grel las/ bcom ldan 'das byang
chub sems dpa' de ji srid du sems la dmigs pa'i sems nang du yid

@157b la bgyid pa na lus shin tu sbyangs pa dang sems shin tu
sbyangs pa ma thob pa de'i bar du yid la bgyid pa de la ci zhes
bgyi/ byams pa/ zhi gnas ni ma yin te zhi gnas kyi rjes su mthun
pa'i mos pa dang mtshungs par

ldan pa yin par brjod par bya'o/ zhes gsungs shing/ mdo rgyan
las kyang/ de goms pa las 'du mi byed/ /de nas de yi lus dang
sems/ /shin tu sbyangs pa che thob nas/ /yid la byed dang bcas
zhes bya/ zhes

te yid la byed pa ni skabs 'dir zhi gnas so/ /sgom rim bar pa
las kyang/ de ltar zhi gnas goms par byas pa de'i lus dang sems
gang gi tshe shin tu sbyangs par gyur pa dang ji ltar 'dod pa
bzhin du dmigs pa

la sems dbang du gyur pa de'i tshe zhi gnas grub pa yin par rig
par bya'o/ zhes gsal bar gsungs so/ /sher phyin man ngag las
kyang/ 'di na byang chub sems dpa' gcig pu dben par gnas bcas la
ji ltar

bsams pa'i don yid la bya ste/ yid kyi brjod pa spangs nas sems
nyid de ltar snang ba la lan mang du yid la bya ste ji srid du
lus dang sems shin tu sbyangs pa ma skyes kyi bar du zhi gnas
dang rjes su mthun pa'i yid

la byed pa yin la/ gang gi tshe skyes pa de'i tshe zhi gnas yin
no/ zhes gsungs so/ /'o na shin tu sbyangs pa ma skyes pa'i gong
gi ting nge 'dzin de sa gang gis bsdus pa yin zhe na/ 'dod pa'i
sas bsdus so/ /de la de

@158a @#/ /'dra ba'i sems rtse gcig pa yod kyang mnyam par ma
bzhag pa'i sa yin gyi mnyam par bzhag pa'i sa zhes mi 'jog pa
ni/ 'gyod pa med pa dang dga' bde mchog dang shin sbyangs kyis
ma bsgrubs pa'i rgyu

mtshan gyis yin par sa'i dngos gzhi las bshad do/ /de ltar na
shin sbyangs ma thob na dran pa nar mar ma bsten yang sems mi
rtog par rang shugs kyis 'gro zhing de yang 'gro 'chag nyal 'dug
gi spyod lam thams

cad dang 'dre thub pa ltar snang ba'i ting nge 'dzin ni 'dod
sems rtse gcig pa zhes bya ba yin gyi zhi gnas dngos min no/
/gnyis pa ni/ 'o na shin sbyangs thob lugs de ci 'dra zhig yin/
de thob nas zhi gnas su 'gro lugs

kyang ji 'dra yin snyam na/ de la shin sbyangs ni kun las btus
las/ shin tu sbyangs pa gang zhe na/ lus dang sems kyi gnas ngan
len rnams kyi rgyun gcod pa'i phyir lus dang sems las su rung ba
nyid de sgrib pa

thams cad sel ba'i las can no/ zhes so/ /lus sems kyi gnas ngan
len ni lus sems dge ba'i bya ba la ji ltar 'dod 'dod du bkol du
mi rung ba yin la/ de'i gnyen po lus sems shin sbyangs ni lus
sems

kyi gnas ngan len gnyis dang bral bas lus sems dge ba'i bya ba
la dge ba'i bya ba la bkol pa la shin tu las su rung pa'o/ /de
yang nyon mongs spong ba la dga' ba la bar du gcod cing/ nyon
mongs kyi phyogs su gyur pa'i lus

@158b kyi gnas ngan len nyon mongs spong ba la rtsol ba na lus
lci ba sogs kyi las su mi rung ba dang bral nas ldang ba yang ba
ni lus las rung ngo/ /de bzhin du nyon mongs spong ba la dga' ba
la bar du gcod byed nyon mongs kyi

phyogs su gyur pa'i sems kyi gnas ngan len nyon mongs spong ba'i
phyir du rtsol ba na/ sems dge ba'i dmigs pa la gtong ba la dga'
'gur 'jug tu mi rung ba dang bral nas/ sems dmigs pa la thogs pa
med

par 'jug pa ni sems las rung ngo/ /de ltar yang slob dpon blo
brtan gyis/ de la lus las su rung ba ni/ lus kyi rang gi bya ba
rnams la ldang ba yang ba gang las 'byung ba'o/ /sems las su
rung ba ni yang dag par

yid la byed pa la zhugs pa'i sems kyi sim pa dang yang bar 'gyur
ba'i rgyu sems las byung ba'i chos gzhan du gyur pa gang yin pa
ste/ de dang ldan na dmigs pa la thogs pa med par 'jug pas de'i
phyir sems

las su rung ba zhes bya'o/ zhes gsungs te/ mdor na shin sbyangs
thob na nyon mongs spong ba la rtsol bar 'dod kyang/ las la ngan
rang gi bya ba la 'jug pa ltar mtsher snang gis 'jug par dka'
ba'i lus sems

las su mi rung ba log nas lus sems shin tu bkol bde ba dang ldan
par 'gyur ro/ /de lta bu'i lus sems las rung yongs su rdzogs pa
de yang ting nge 'dzin thob ma rnyed pa nas cha phra mo re
'byung bas/ je cher song

@159a @#/ /ba las mthar shin sbyangs dang rtse gcig pa'i zhi gnas
su 'gyur la/ de yang dang po phra bas rig dka' zhing phyi nas ni
rig sla ba 'byung bar nyam sa las gsungs so/ /mtshan nyid yongs
su rdzogs

shing brtag par sla ba'i shin sbyangs de skye ba'i snga ltas ni/
ting nge 'dzin sgom pa la brtson pa'i gang zag de'i klad pa lci
bem pa snyam byed pa skye ste/ mi bde ba'i lci ba ni min no/ /de
skyes ma thag tu nyon mongs spong

ba la dga' ba'i bar chad byed pa'i sems kyi gnas ngan len dang
bral bar 'gyur zhing de'i gnyen po sems shin sbyangs sngon la
skye ste nyan sa las/ ji tsam na de'i rags shing brtag par sla
ba'i sems rtse gcig pa

nyid dang / sems dang lus shin tu sbyangs pa ring po mi thogs
par skye bar 'gyur ba'i snga ltas su de'i klad pa lci bar snang
ba skye bar 'gyur te/ de yang gnod pa'i mtshan nyid ni ma yin no/
/de skyes ma thag tu spong ba

la dga' ba'i bar chad byed pa/ nyon mongs pa rnams kyi phyogs su
gyur pa/ sems kyi gnas ngan len gang yin pa de spong bar 'gyur
zhing de'i gnyen po sems las su rung ba dang sems shin tu
sbyangs pa yang skye

bar 'gyur ro/ zhes so/ /de nas sems las rung gi shin sbyangs de
skyes pa'i mthu la brten nas lus shin sbyangs skye ba'i rgyur
gyur pa'i rlung lus la rgyu'o/ /rlung de lus kyi cha rnams la
khyab par brgyus pa na lus

@159b kyi gnas ngan len dang bral bar 'gyur zhing lus kyi gnas
ngan len gyi gnyen po lus shin sbyangs skye ste/ de yang lus
thams cad rgyas nas las su rung ba'i rlung gi mthus gang ba
bzhin du snang bar 'gyur te/ nyan sa las/

de skyes pas lus shin tu sbyangs pa skye ba dang mthun pa 'byung
ba chen po'i rlung dag lus la rgyu bar 'gyur te/ de dag rgyu
ba'i dus na spong ba la dga' ba'i bar gcod byed pa nyon mongs
pa'i phyogs su gyur pa lus kyi gnas

ngan len gang yin pa de dang 'bral bar 'gyur zhing de'i gnyen po
lus shin tu sbyangs pa lus thams cad rgyas te gang ba bzhin du
snang bar 'gyur ro/ zhes so/ /de la lus shin sbyangs ni lus kyi
nang gi reg bya ches yid du 'ong

ba zhig yin gyi sems byung ni min te/ slob dpon blo brtan gyis/
lus kyi reg bya'i khyad par dga' bas zin na lus shin tu sbyangs
par rig par bya ste/ yid dga' na lus shin tu sbyangs par 'gyur
ro zhes mdo las 'byung

ba'i phyir ro/ zhes so/ /de ltar lus shin sbyangs thog mar skyes
pa'i tshe na rlung gi mthus lus la bde nyams chen po skyes pa la
brten nas sems la yang dga' ba de'i nyams ches phul du byung ba
'byung ngo/ /de'i rjes su shin

sbyangs thog mar skyes pa'i shugs de rim gyis chung du 'gro ste/
de yang shin sbyangs zad nas 'gro ba min gyi rags pa des sems ha
cang g.yo bas de log nas grib ma ltar srab pa'i shin sbyangs mi
g.yo ba ting nge 'dzin dang

@160a @#/ /mthun pa 'byung ngo/ /sems dga' yal yal ba de yang log
nas de nas sems dmigs pa la brtan par gnas shing dga' ba chen
pos bskyod pa'i ma zhi ba dang bral ba'i zhi gnas 'thob pa yin
te/ nyan sa

las; dang por de skyes par gyur pa de'i tshe na sems dga' ba dang
sems shin tu nyams bde ba dang sems mchog tu dga' ba dang ldan
pa la dmigs pa dang mngon par dga' ba dang bcas par yang snang
bar 'gyur ro/ /de'i

'og tu shin tu sbyangs pa'i shugs dang po skyes pa gang yin pa
de khad kyis khad kyis shin tu phra bar 'gyur zhing lus la shin
tu sbyangs pa grib ma lta bu dang ldan par 'gyur ro/ /sems dga'
ba gang yin pa de yang spong bar

'gyur zhing/ sems zhi gnas kyis nye bar brtan zhing rab tu zhi
ba'i rnam pas dmigs pa la 'jug par 'gyur ro/ zhes so/ /de lta bu
byung na yid byed dang bsam gtan dang po'i nyer bsngogs kyis
bsdus pa'i zhi gnas thob

pas mnyam par bzhag pa'i sa pa'i yid byed chung du thob par nyan
sa las bshad do/ /gnyis pa la gnyis/ yid byed dang ldan pa'i
rtags dngos/ dogs gcod bshad pa'o/ /dang po ni/ rang gzhan gyis
yid byed thob pa

rig par bya ba'i mtshan ma ni/ de lta bu thob pa nges gzugs kyis
sa bsdus pa'i sems dang / lus dang / sems shin sbyangs dang /
rtse gcig pa bzhi po chung du thob pa dang zhi rabs sam bden
pa'i rnam pa can gyi lam gyis

@160b nyon mongs sbyong pa la nus pa dang ldan pa dang / nang du
mnyam par bzhag pa na myur ba myur bar lus sems shin sbyangs
skye ba dang / 'dod pa la 'dun pa dang gnyid la sogs pa'i sgrib
pa lnga phal cher mi 'byung ba dang / mnyam

gzhag las langs pa'i tshe yang lus sems shin sbyangs 'ga' re dang
ldan par nyan sa las gsungs so/ /rtags de dag dang ldan pa'i yid
byed de thob nas ni zhi gnas gyi lam dag par 'gyur bsla ste/
sems rtse gcig

pa'i zhi gnas la mnyam par bzhag pa'i mjug tu/ myur por lus sems
shin sbyangs 'dren nus pas shin sbyangs 'phel bar 'gyur la/ shin
sbyangs ji tsam 'phel ba tsam gyis kyang zhi gnas 'phel bas phan

tshun gcig gis gcig spel bar nyan sar bshad do/ /mdor na sems las
su rung ba na rlung ba na rlung las rung du 'gyur la/ de'i tshe
lus shin sbyangs khyad par can 'byung zhing de byung na ting nge
'dzin khyad par can skye ba dang /

des kyang rlung las rung khyad par can du bsgrubs pas lus sems
shin sbyangs 'dren no/ /gzhan yang nyan sa las/ mtshan ma thams
cad la mi phyogs shing/ rnam par g.yeng ba med par bya ba'i
phyir/ dang po nas nye bar

gtong pas ni dran pa med cing yid la byed pa med par byed do/
zhes dang por sems rtse gcig tu 'jog pa'i tshe dran pa dang yid
la byed pa gzhan gang yang med par 'jog par bshad la/ de ltar
goms par byas na nyan sa

@161a @#/ /las; khyod kyis ci nas kyang rtse gcig pa nyid la
nye bar gtod pa dang / nang gi sems kyi zhi gnas la nye bar
gtod pa'i rim gyis/ sems kyi rgyud dang sems kyi rgyun thams
cad mtshan ma med pa dang /

rnam par rtog pa med pa dang nye bar zhi bar 'gyur ba de lta
de ltar sems gtad par gyis shig /de ltar zhi gnas kyi sems
thob pa na/ gal te brjed ngas pa dang ma goms pa'i nyes pas
mtshan ma dang rnam par rtog pa

dang; nye ba'i nyon mongs pa dag gis snang par 'gyur/ sgo ston
par 'gyur/ dmigs par byed par 'gyur na/ de dag byung ngo cog
la 'di lta ste/ nyes dmigs sngar mthong ba de nyid kyi dbang
du byas te/ dran pa med

pa dang / yid la byed pa med par bya ste/ de ltar dran pa med
pa dang / yid la byed pa med pas dmigs pa de rnam bar bshig
cing rnam par bsal na snang ba med pa nyid la nye bar bzhag
par 'gyur ro/ /bzhin bzang dmigs pa de ni phra

ba dang rtogs par dka' ba yin pas khyod kyis de rtogs par bya
ba'i phyir 'dun pa dang 'bad pa drag tu bya'o/ zhes ting nge
'dzin skye tshul gsungs so/ /de la gyis shig ces pa yan gyis ni
snga ma ltar bskyangs

pa las/ mtshan ma med pa sogs gsum rim gyis skye tshul bstan to/
/de nas med par bya ste zhes pa yan gyis ni zhi gnas grub
kyang de la goms pa chen po med pa sogs la brten nas blo nas
blo la mtshan ma sogs

@161b snad bar gyur na/ sems de dag gi dbang du song ba'i nyes
dmigs dran par byas la de dag gi rjes su mi 'brang bar ci yang
mi bsam par 'jog dgos par bshad do/ /de nas 'gyur ro zhes pa
yan gyis ni de ltar goms par

byas bas mtshan ma la sogs pa gsum po gang byung ba de cir yang
mi sems pa'i goms shugs kyis ched du gtad pa la ma ltos par
rang zhir song nas /gsum po de snang ba med pa la gnas nas/ de
dag gis mi 'phrogs

par bshad la/ lhag mas ni zhi gnas de phra ba dang/ de'i bshad
pa rtogs dka' bar bstan to/ /de la mtshan ma ni gzugs sogs yul
lnga'i dang/ dug gsum gyi dang/ skyes pa dang bud med kyi
mtshan ma bcu la

bshad la/ de med par 'gyur tshul ni dang por gzugs sogs yul gyi
mtshan ma sna tshogs shig 'char la/ shar ma thag rang zhi rang
dag tu 'gro zhing/ mthar mnyam par bzhag pa na gzugs sgra sogs
kyi mtshan ma mi

'char bar sems rig cing gsal ba dang bde sing nge ba tsam gyi
rnam pa 'ba' zhig 'tshar ro/ /de nas rnam rtog med par 'gyur
tshul ni sngar ltar dran pa dang yid byed med par bzhag bas
rnam rtog gang skyes pa rnams

chu las chu bur byung bzhin du 'phro cher 'thud mi thub par
rang zhir 'gro zhing de nas sngar ltar bskyangs pas myong rig
dang bde bde bar snang ba de yang ched du bkag pa min bar shar
ma thag nas shun pa bud pa bzhin du/

@162a @#/ /gtad mi bzod par rang zhi rang dag tu 'gro ste/ bde
ba dang myong rig rnams phra ru song ba'o/ /de'i dus su mnyam
par bzhag pa'i tshe rang gi lus la sogs pa'i snang ba gang yang
mi 'char la/ sems ni

nam mkha' dang dbyer med par song ba lta bu'i nyams 'char
zhing/ de las langs pa na lus glo bur du byung ba lta bu'i
nyams 'char ro/ /rjes kyi tshe yang zhe sdang la sogs pa'i nyon
mongs kyi rnam rtog skyes pa rnams

kyang sngar dang ye mi 'dra bar shugs zhan pa dang rgyun chen
po 'thud mi thub bo/ /de rnams kyi skabs ni nye bar zhi bar
'gyur ba zhes pa'i skabs yin te/ gsal nyams che ba la khang
pa'i ka ba dang rtsig pa sogs kyi rdul

phra rab rnams kyang bgrang thub pa snyam byed pa dang / gnas
cha 'thug pas gnyid kyi tshe yang sngar ting nge 'dzin ma thob
pa'i dus bzhin gyi gnyid mi 'ong bar ting nge 'dzin dang 'dres
pa snyam 'byung la/ rmi lam gyi snang ba

mang po dag pa sogs kyang 'byung ngo/ /gnyis pa ni/ sngar
bshad pa'i ting nge 'dzin de 'dra ba de thob na lam lnga'i
skabs gang du 'jog snyam na/ sngar bshad pa de bdag med pa'i
lta ba phyin ci ma log par nges nas/

lta thog tu bzhag nas bsgoms pa'i ting nge 'dzin yin na/ so
skye'i skabs kyi thar lam du 'jog nus kyang/ de 'dra ba de min
par bskyangs pa'i sgom yin ni/ nyan sa las/ bsam gtan dang
po'i dngos gzhi sgrub

@162b pa'i zhi rags kyi rnam pa can du lta ba'i 'jig rten pa'i
lam rnams kyang ting nge 'dzin 'di la brten nas sgrub par
gsungs pa'i phyir/ phyi rol pa'i drang srong 'jig rten pa'i
lam gyis ci yang med pa man chad kyi sa 'og ma

la chags pa dang 'bral bar byed pa rnams kyis kyang 'di la
brten nas lam gong mar bgrod dgos pas phyi nang gnyis ka'i
ting nge 'dzin thun mong ngo/ /gzhan yang bdag med phyin ci ma
log par rtogs pa'i lta ba dang / srid

pa mtha' dag gi skyon legs par rtogs nas 'khor ba las yid
'byung zhing/ thar pa don gnyer gyi nges 'byung gi bsam pas
zin na thar lam du 'gyur zhing/ byang chub kyi sems kyis zin
na ni theg chen gyi lam du yang

'gyur te/ dper na dud 'gro la zan changs gcig ster ba'i sbyin
pa dang tshul khrims sna gcig bsrung ba yang bsam pa des zin
na/ rim pa ltar thar pa dang thams cad mkhyen pa'i lam gyi
tshogs su 'gyur ba dang 'dra'o/ /

'on kyang 'dir ni lam gzhan zhig gis zin pa'i sgo nas thar pa
dang kun mkhyen gyi lam du 'gro mi 'gro dpyod pa min gyi/ ting
nge 'dzin de rang gi ngo bo'i sgo nas lam gang du 'gro dpyod
pa yin no/ /des na dran pa med

pa dang / yid la mi byed pa'i sgom la blos ma bcos pa dang /
'dzin med du ming btags pa'i bde gsal mi rtog pa la ni/ de kho
na nyid kyi don la mnyam par bzhag pa'i stong nyid kyi sgom
yin min gnyis yod

@163a @#/ /pas legs par phyed pa shin tu gal che ste/ de kho na
nyid kyi don ma rtogs pa la'ang rtogs par 'khrul sa shin tu
che ba'i phyir ro/ /sngar bshad pa ltar ma phyed na ni chos
'di pa dang gzhan pa thun mong

pa'i ting nge 'dzin la yang rnal 'byor bla med kyi rdzogs rim
gyi gtso bor 'dzin pa 'ong bas zhib tu brtag par bya'o/ /gnyis
pa ni/ de ltar sngar bshad pa'i mi rtog pa'i ting nge 'dzin
yid la byed pa thob pa des

gsal ba dang mi rtog pa la sogs pa'i khyad par can gyi mi rtog
pa de tsam zhig bskyang bar bya'am zhe na/ 'di 'dra ba'i ting
nge 'dzin rgyud la skyed pa ni/ nyon mongs 'joms pa'i lhag
mthong bskyed pa'i phyir yin

pas de la brten nas ltag mthong ma skyes na/ ting nge 'dzin de
la ji tsam goms kyang 'dod khams kyi nyon mongs rnams kyang
spong mi nus na/ nyon mongs thams cad spong ba lta ci smos/
de'i phyir lhag mthong sgom

dgos so/ /de yang nyon mongs mngon gyur spong ba'i 'jig rten
pa'i lam gyis bgrod pa'i lhag mthong dang/ nyon mongs kyis bon
rtsa ba nas spong ba'i 'jig rten las 'das pa'i lam gyis bgrod
pa'i lhag mthong

gnyis yod la/ snga ma ni sa 'og ma la rags pa dang gong ma la
zhi bar lta ba'i zhi rags kyi rnam pa can dang/ phyi ma ni
bden bzhi la mi rtag sogs bcu drug gi rnam pa can du lta ba'i
sgom gnyis nyan sar gsungs

@163b pa'i gtso bo ni gang zag gi bdag med rtogs pa'i lta
ba'o/ /de ltar na phyi rol pa zhi rags kyi rnam pa can gyi lam
bsgoms nas nyon mongs mngon gyur spong ba dang / nang pa sangs
rgyas pa bdag med pa'i don bsgoms

nas nyon mongs rtsa ba nas spong ba gang yin yang/ thog mar
sngar bshad pa'i zhi gnas da ni phyi nang gnyis ka'i rnal
'byor pa rnams kyi nyon mongs spong ba'i gzhir dgos la/ der ma
zad theg pa che chung gnyis kyi rnal

'byor pa gang gis kyang ting nge 'dzin de sgrub dgos shing/
theg chen pa la yang sdags dang phar phyin theg pa'i rnal
'byor pa thams cad kyis kyang zhi gnas de sgrub dgos pas/ zhi
gnas 'di ni rnal 'byor pa thams

cad kyi lam bgrod pa'i gzhir gal che'o/ /sangs rgyas pa la ni
lhag mthong gnyis kyi snga ma ni med mi rung min la/ phyi ma
bdag med rtogs pa'i lhag mthong ni med mi rung gi yan lag go/
/de yang sngar bshad pa'i

zhi gnas bsam gtan dang po'i nyer bsngogs kyis sa bsdus pa
zhig thob na/ de yan chad kyi bsam gtan nam/ gzugs med kyi
zhig gnas ma thob kyang de la brten nas lhag mthong bsgroms
bas 'khor ba'i

'ching ba mtha' dag las grol ba'i thar pa 'thob nus la/ bdag
med pa'i de nyid ma rtogs shing ma bsgoms na sngar bshad pa'i
zhig nas dang / de la brten nas 'jig rten pa'i lhag mthong gis
ci yang med pa

@164a @#/ /man chad kyi nyon mongs mngon gyur thams cad spangs
pa'i srid rtse'i sems thob kyang 'khor ba las mi thar ba'i
phyir te/ bsngags 'os bsngags bstod las/ khyod kyi chos la mi
phyogs pa'i/

skye bo gti mug gis ldongs pa/ /srid rtse'i bar du song nas
kyang/ /sdug bsngal yang 'byung srid pa sgrub/ /khyod kyi
bstan pa'i rjes 'gro ba/ /bsam gtan dngos gzhi ma thob kyang/
/bdud kyi mig ras btsa' bzhin du/

srid pa dag ni zlog par bgyid/ ces so/ /de'i phyir rnal 'byor
bla med pa'i rnal 'byor pas kyang zhi rags kyi rnam pa can gyi
ji snyed pa la dmigs pa'i lhag mthong dang / des bsgrub pa'i
zhi gnas mi skyed kyang zhi

gnas shig skyed dgos te/ de yang thog mar skye mtshams ni
bskyed rim gyi skabs su skye ba yin no/ /gsum pa ni/ 'dir sems
dgu pa nas bzung ste yid byed ma thob pa'i bar du ni yid la
byed pa'i las dang po

pa yin la/ yid byed thob nas nyon mongs sbyong 'dod pas mtshan
nyid so sor rig pa'i yid byed sgom pa ni nyon mongs rnam
sbyong gi las dang po par nyan sar bshad do/ /nyan sa nas
bshad pa 'di legs par ma

nges na/ bsam gtan dang gzugs med kyi lam gyi dma' shos ni
bsam gtan dang po'i nyer bsngogs yin la/ de la yid byed drug
bshad pa'i thog ma mtshan nyid so sor rig pa yin pas/ nyer pa
sngogs

@164b kyis bsdus pa'i sems thog mar skye ba ni mtshan nyid so
sor rig pa yin no snyam du 'khrul pa skye bar 'gyur ro/ /de
ltar bzung na mi 'thad de/ 'di ltar zhi gnas ma thob par bsam
gtan dang po'i nyer bsdogs skyes med la/

nyer bsdogs de ma thob na zhi gnas mi 'thob pa'i phyir dang/
mtshan nyid so sor rig pa dpyad sgom yin pas de bsgoms pas zhi
gnas sngar ma thob gsar du sgrub mi nus pa'i phyir ro/ /des na
nyer bsngogs dang po'i yid byed

drug gi thog ma ni nyer bsngogs kyis bsdus pa'i lhag mthong
sgom pa'i mgo yin gyi/ nyer bsdogs dang po tsam gyi thog ma
min te/ de'i gong du nyer bsngogs kyis bsdus pa'i zhi gnas
'gro dgos pas so/ /nyer bsdogs dang

pos bsdus pa'i ting nge 'dzin ma thob gong gi ting nge 'dzin
thams cad 'dod sems rtse gcig pa yin pas/ gzhung che ba rnams
dang bstun na zhi gnas thob pa yang shin tu nyung bar snang
ngo/ /'dir nyer bsdogs kyi yid byed

drug gis 'dod pa la chags pa dang bral bar byed tshul ni tshig
mangs su dogs pas ma bris so// ! //gnyis ba lhag mthong la
bslab pa'i tshul la bzhi/ lhag mthong gi tshogs bsten pa/ lhag
mthong gi rab dbye/

lhag mthong sgom pa'i tshul/ bsgoms ma pas lhag mthong grub
pa'i tshad do/ /dang po la gnyis/ lhag mthong gi tshogs bsten
tshul spyir bstan/ khyad par du lta ba gtan la 'bebs tshul lo/
/dang po ni/ skyes bu dam pa la

@165a @#/ /brten pa dang / de las chos thos pa btsal ba dang /
tshul bzhin du sems pa ste/ lhag mthong gi tshogs gsum sgom rim
bar pa las gsungs so/ /de yang gsung rab kyi gnad phyin ci ma
log par mkhyen

pa'i mkhas pa la brten nas/ dri ma med pa'i gzhung nyan te
thos bsam gyi shes rab kyis de nyid rtogs pa'i lta ba skyed pa
ni/ lhag mthong gi rgyu'i tshogs med mi rung yin te/ yin lugs
kyi don la phu thag chod pa'i

lta ba med na/ ji lta ba rtogs pa'i lhag mthong gi rtog pa
skye ba mi srid pa'i phyir ro/ /de 'dra ba'i lta ba yang drang
don la mi rton/ nges don la rton pa zhig gis bcal dgos pas/
drang nges kyi khyad bar shes nas nges

don gyi gsung rab kyi don khong du chud dgos la/ 'di yang tshad
mar gyur pa'i shing rta'i srol 'byed chen po zhig gis dgongs
pa bkral ba'i bstan bcos la ma brten na/ dmus long long khrid
med par nyam pa pa'i phyogs

su 'gro ba dang 'dra bas/ dgongs 'grel phyin ci ma log pa la
brten par bya'o/ /ji 'dra zhig la brten snyam na/ bcom ldan
'das nyid kyis bstan pa'i snying po yod med kyi mtha' thams
cad dang bral ba'i zab

mo'i don 'grel bar mdo rgyud du ma nas/ shin tu gsal bar lung
bstan pa'i 'phags pa klu sgrub ces sa gsum na yongs su grags
pa de yin pas/ de'i gzhung la brten nas stong nyid rtogs pa'i
lta ba btsal

@165b par bya'o/ /'di la 'phags pa lha ni slob dpon sangs
rgyas bskyangs dang/ legs ldan 'byed dang/ zla ba grags pa
dang/ zhi ba 'tsho la sogs pa'i dbum pa chen po rnams kyis
kyang/ slob dpon dang 'dra bar tshad

mar mdzad pas yab sras gnyis ka dbu ma pa gzhan rnams kyi
khungs yin pas/ snga rabs pa rnams de gnyis la gzhung phyi
mo'i dbu ma pa zhes dang/ gzhan rnams la phyogs 'dzin pa'i dbu
ma pa zhes tha snyad

byed do/ /snga rabs pa'i bshes gnyen kha cig na re/ tha snyad
'jog tshul gyi sgo nas ming btags pa'i dbu ma pa ni gnyis te/
tha snyad du phyi rol yod par 'dod pa mdo sde spyod pa dang/
tha snyad du phyi rol med par

'dod pa rnal 'byor spyed pa'i dbu ma pa'o/ /don dam 'dod tshul
gyi sgo nas ming btags pa yang gnyis te/ myu gu la sogs pa'i
chos can dang bden med kyi snang ba tshogs pa don dam bden par
'dod pa sgyur ma rigs

grub pa dang/ snang ba la spros pa rnam par bcad pa'i yongs
gced don dam bden par 'dod pa rab tu mi gnas par smra ba'o/
/de gnyis kyi snga ma ni slob dpon zhi ba 'tsho dang/ ka ma la
shI la sogs yin par 'dod la/

sgyu ma lta bu dang rab tu mi gnas pa'i tha snyad ni rgya gar
ba kha cig kyang 'dod do/ /don dam 'dod tshul gyi sgo nas gnyis
su bzhag pa ni rmongs pa ngo mtshar skyed pa'i rnam gzhag go/
/zhes lo tstsha ba chen po gsung ngo/ /'di

@166a @#/ /la slob dpon ye shes sde na re/ 'phags pa yab sras
kyis dbu ma'i bstan bcos mdzad pa las phyi don yod med kyi
tshul gsal bar ma mdzad la/ de'i 'og tu slob dpon legs ldan
'byed kyis

rnam rig tsam gyi lugs sun phyung ste tha snyad du phyi don
yod pa'i lugs bzhag go /de nas slob dpon zhi 'tshos rnal 'byor
spyod pa'i gzhung la brten nas tha snyad du phyi don med pa
dang/ don dam par sems rang bzhin

med par ston pa'i dbu ma'i tshul mi 'dra ba zhig mdzad pas dbu
ma pa rnam pa gnyis su byung zhing snga ma la mdo sde pa'i dbu
ma pa zhes dang/ phyi ma la rnal 'byor spyod pa'i dbu ma pa
zhes btags so/ /zhes 'chad pa ni

bstan bcos chen pos gsal bar byas pa'i byung rim de ltar du
mngon no/ /'on kyang slob dpon zla ba grags pa ni tha snyad du
phyi don yod par bzhed kyang grub mtha' smra ba gzhan dang sgo
mi bstun pas mdo sde spyod pa zhes

byar mi rung la/ bye brag smra ba dang mthun par 'dod pa yang
mi rigs so/ /gangs ri'i khrod kyi phyi dar gyi mkhas pa rnams
dbu ma pa la thal rang gnyis kyi tha snyad byed pa ni tshig
gsal dang mthun no/ /des na tha snyad du phyi

rol 'dod mi 'dod gnyis su nges la/ stong nyid nges pa'i lta ba
rgyud la skyed tshul gyi sgo nas ming 'dogs na yang thal rang
gnyis su nges so/ /'o na slob dpon de dag su'i rjes su 'brangs
nas 'phags pa yab sras

@166b kyi dgongs pa 'tshel snyam na/ jo bo chen po slob dpon
zla ba grags pa'i lugs la gtso bor mdzad pa'i rjes su 'brangs
nas gdams ngag 'di'i bla ma gong ma chen po rnams kyang lugs
de gtso bor 'dzin no/ /slob dpon

zla bas ni rtsa she'i 'grel byed rnams kyi nang nas/ slob dpon
sangs rgyas bskyangs kyis 'phags pa'i dgongs pa rdzogs par
bkral bar gzigs nas lugs de gzhir 'jog cing/ slob dpon legs
ldan 'byed

kyi'ang legs bshad mang po blangs la/ cung zad mi 'thad par
snang ba rnams sun phyung nas 'phags pa'i dgongs pa 'grel lo/
/slob dpon 'di gnyis kyi 'grel ba rnams ni 'phags pa yab sras
kyi gzhung 'chad

pa la ches phul du byung bar mthong bas na/ 'dir ni slob dpon
sangs rgyas bskyangs dang zla ba'i zhabs kyi rjes su 'brangs
nas 'phags pa yab sras kyi dgongs ba gtan la dbab bo/ /gnyis
pa la gsum/ nyon mongs

can gyi ma rig pa nges gzung ba/ de 'khor bar 'khor ba'i rtsa
bar bstan pa/ bdag 'dzin de spong bar 'dod pas bdag med kyi
lta ba bcal ba'o/ /dang po ni/ rgyal bas chags sogs nyon mongs
gzhan gyi gnyen

po gsungs pa ni phyogs re'i gnyen po yin la/ ma rig pa'i gnyen
po gsungs pa ni mtha' dag gi gnyen por 'gyur bas ma rig pa ni
nyes skyon thams cad kyi gzhi yin te/ tshig gsal las/ sangs
rgyas rnams

@167a @#/ /kyis mod yi sde sogs bden pa gnyis brten bstan pa
rnam pa dgu/ /'jig rten rnams kyi spyod ngor rgya che gang
zhig 'dir ni yang dag bsgrags gyur pa/ der ni 'dod chags bsal
phyir gsungs

pas zhe sdang zab par byed mi 'gyur/ /zhe sdang bsal bar bya
phyir gsungs pas kyang ni 'dod chags zad par byed 'gyur min/
/gang zhig nga rgyal sogs zad bya phyir gsungs pa des kyang
dri ma gzhan mi 'joms/ /de phyir

de ni ches khyab ma yin gsung de dag dang de dag don chen min/
/gti mug zad par bya phyir gsungs pa gang yin des ni nyon
mongs ma lus 'joms/ /nyon mongs mtha' dag gti mug la ni yang
dag brten par rgyal ba rnams

kyis gsungs/ zhes so/ /de ltar na ma rig pa'i gnyen por de kho
na nyid sgom dgos la/ de yang ma rig pa ngos ma zin na de'i
gnyen po sgom mi shes pas ma rig pa ngos 'dzin pa shin tu gal
che'o/ /de la ma rig pa ni rig

pa'i bzlog phyogs yin la/ rig pa yang gang rung rung la mi
bya'i/ bdag med pa'i de kho na nyid rig pa'i shes rab bo/
/de'i bzlog phyogs ni shes rab de med pa tsam dang de las
gzhan pa tsam la mi rung bas de'i 'gal

zla'o; ;de ni bdag tu sgro 'dogs pa yin la/ de yang chos dang
gang zag gi bdag tu sgro 'dogs pa gnyis yin pas chas kyi bdag
'dzin dang gang zag ge bdag 'dzin gnyis ka ma rig pa'o/ /des
sgra 'dogs lugs ni

@167b chos rnams la rang gi ngo bos sam/ rang gi mtshan nyid
kyis sam/ rang bzhin gyis grub pa yod par 'dzin pa'o/ /de yang
nye bar 'khor gyis zhus pa las/ sna tshogs yid dga' me tog kha
bye zhing/ /gser gyi khang mchog 'bar

ba yid 'ong ba/ /'di na de la'ang byed pa 'ga' med de/ /de dag
rtog pa'i dbang gis bzhag pa yin/ /rtog pa'i dbang gis 'jig
rten rnam btags te/ zhes chos rnams rtog pa'i dbang gis bzhag
par gsungs pa dang/

rigs ba drug cu pa las kyang/ 'jig rten ma rig rkyen can du/
/gang phyir rdzogs pa'i sangs rgyas gsungs/ /de yi phyir na
'jig rten 'di/ /rnam rtog yin zhes cis mi 'thad/ ces gsungs
pa'i don 'grel bar 'jig

rten rnams rang gi ngo bos ma grub pa/ rtog pas btags pa tsam
du bshad cing/ brgya ba las kyang/ rtog pa med par 'dod chags
la/ /sogs la yid nyid yod min na/ /yang dag don dang rtog pa
zhes/ /blo dang ldan pa

su zhig 'dzin/ zhes gsungs shing/ de'i 'grel ba las kyang/
rtog pa yod pa kho nas yod pa nyid dang/ rtog pa med par yod
pa nyid med pa de dag ni/ gor mchog par thag pa bsdogs pa la
btags pa'i sbrul ltar

rang gi ngo bos ma grub par nges so/ zhes rang gi ngo bos ma
grub bzhin du btags ba'i cha nas/ chags sogs rnams thag pa la
sbrul du btags pa dang 'dra bar bshad de/ /de dang chags sogs
rnams tha snyad

@168a @#/ /du yod med mtshungs pa ni min no/ /rgyu mtshan de
rnams kyis na dgag bya bden par 'dzin pa'i tshul ni/ thog ma
med pa'i rtog pa'i dbang gis bzhag pa min pa rang gi ngo bo'i
sgo nas yul steng

du grub par 'dzin pa yin la/ de'i zhen yul la bdag gam rang
bzhin zhes zer ro/ /de nyid khyad gzhi gang zag gi steng du
med pa ni gang zag gi bdag med dang/ mig rna sogs chos kyi
steng du med pa ni chos kyi bdag

med du gsungs bas/ rang bzhin de gang zag dang chos kyi steng
du yod par 'dzin pa ni/ bdag gnyis kyi 'dzin par shugs kyis
rtogs so/ /brgya pa'i 'grel pa las/ de la bdag ces bya ba ni
gang zhig dngos po rnams kyi

gzhan la rag ma las pa'i ngo bo rang bzhin te/ de med pa ni
bdag med pa'o/ /de ni chos dang gang zag gi dbye bas gnyis su
rtogs te/ chos kyi bdag med pa dang gang zag gi bdag med ba
zhes bya'o/ /zhes pa ltar ro//

gang zag gi bdag 'dzin gyi dmigs pa la mang pos bkur ba'i sde
ba kha cig phung po lnga char dang/ kha cig sems gcig pu bdag
lta'i rten nam dmigs par 'dod par 'jug pa las bshad cing/ sems
kyang

sems tsam pa dang dbu ma pa kun gzhi rnam shes 'dod pa kha cig
kun gzhi rnam shes dang/ de mi 'dod pa'i legs ldan la sogs
pa'i dbu ma pa kha cig dang/ nyan thos sde pa mang po yid kyi
rnam shes dmigs par

@168b 'dod pa yod la/ 'di dag gi lugs la yang lam sgom pa po
dang/ 'khor bar 'khor mkhan sogs kyi gang zag gi tha snyad
'jug pa'i don ni/ /da tsam dang/ nga de'i mtshan gzhir kun gzhi
sogs 'jog pa'i tshul gnyis

shes dgos so/ /bdag 'dzin gyi 'jig lta lhan skyes la ni/ 'jug
par phung bo dmigs pa yin pa bkag cing 'grel bar brten nas
btags pa'i bdag dmigs par gsungs la/ phung po tshogs tsam yang
tha snyad pa'i

bdag min par gsungs pas/ dus gcig pa'i tshogs pa dang/ dus snga
phyi'i phung po'i rgyun gyi tshogs pa gang yang dmigs pa min
gyi/ nga'i snyam pa tsam zhig skye ba'i dmigs pa'i nga tsam
dang/ gang zag tsam zhig la

dmigs par bya la/ nga de'i mtshan gzhir ni phung po kha yar ba
dang tshogs pa gnyis gang yang mi 'jog go/ /'di yang lugs 'di'i
khyad chos bla na med pa ste rgyas par gzhan du bshad zin to/
/'jig lta lhan skyes kyi dmigs

pa la nga'o snyam pa'i blo ngang gis skye ba dgos pas/ rgyud
gzhan gyi gang zag rang gi mtshan nyid kyis grub par 'dzin pa'i
lhan skyes gang zag gi bdag 'dzin lhan skyes yin yang/ gang
zag de'i 'jig lta lhan skyes

min no/ /bdag gir 'dzin pa'i 'jig lta lhan skyes kyi dmigs pa
ni/ /nga yi'o snyam pa'i blo lhan skyes kyi dmigs pa nga yi ba
nyid yin gyi/ rang gi mig sogs dmigs par mi gzung ngo/ /rnam
pa ni dmigs pa de

@169a @#/ /la dmigs nas/ nga yi ba rang gi mtshan nyid kyis grub
par 'dzin pa'o/ /chos kyi bdag 'dzin lhan skyes kyi dmigs pa
ni/ rang gzhan gyi rgyud kyi gzungs phung sogs dang/ mig rna
sogs dang/ rgyud

kyis ma bsdus pa'i snod la sogs pa'o/ /rnam pa ni sngar bshad
pa ltar ro/ /'jug 'grel las/ gti mug ste ma rig pa dngos po'i
rang gi ngo bo yod pa ma yin pa sgro 'dogs par byed pa/ rang
bzhin mthong ba la sgrib

pa'i bdag nyid can ni kun rdzob bo/ /zhes dang/ de ltar na
srid pa'i yan lag gis yongs su bsdus pa nyon mongs pa can gyi
ma rig pa'i dbang gis/ zhes gsungs pas yul la bden par 'dzin
pa ma rig pa dang/ de

nyid nyon mongs can gyi ma rig par bzhed pas chos kyi bdag
'dzin la nyon mongs dang shes sgrib tu 'jog pa'i tshul gnyis
yod pa las/ 'dir ni snga ma ltar ro/ /de ni 'phags pa yab sras
kyis kyang gsungs

te; stong nyid bdun cu pa las/ rgyu dang rkyen las skyes dngos
rnams/ /yang dag par ni rtog pa gang/ /de ni ston pas ma rig
gsungs/ /de las yan lag bcu gnyis 'byung/ /yang dag mthong
phyir dngos stong

par; ;legs shes ma rig mi 'byung ba/ /de ni ma rig 'gag pa
yin/ /de phyir yan lag bcu gnyis 'gag /ces gsungs te dngos po
la yang dag par rtog pa ni de la yang dag par grub pa'am bden
par 'dzin

@169b pa'o; ;'di ni rin chen phreng ba las/ ji srid phung por
'dzin yod pa/ /de srid de la ngar 'dzin yod/ ces phung po bden
'dzin ma log bar du 'jig lta mi ldog par gsungs pa dang yang
don 'dra'o/ /bzhi brgya pa las

kyang; lus la lus dbang ji bzhin du/ /gti mug kun la gnas
'gyur te/ /de phyir nyon mongs thams cad kyang/ /gti mug bcom
pas bcom par 'gyur/ /rten cing 'brel bar 'byung ba ni/ /mthong
na gti mug

'byung mi 'gyur/ /de phyir 'bad pa kun gyis 'dir/ /gtam de kho
na bsnyad par bya/ zhes gsungs la/ de ltar gsungs pa'i gti mug
ni dug gsum gyi ya gyal gyi gti mug nges 'dzin pa'i skabs yin
pas/ nyon

mongs can gyi ma rig pa yin zhing/ ma rig pa de ldog pa la/
stong pa'i don rten 'byung gi don du shar ba'i rten 'brel zab
mo'i don rtogs dgos par gsungs pas/ nyon mongs can gyi gti mug
ni gzhung de'i

'grel par/ dngos po bden par sgro 'dogs pa la bshad pa ltar
bya dgos so/ /tshul 'di ni budd+ha pA li ta las 'phags pa'i
dgongs pa bkral ba'i rjes su zhugs nas/ zla ba'i zhabs kyis
gsal bar gsungs

pa'o; ;gnyis pa ni/ de ltar bdag gnyis su 'dzin pa'i ma rig pa
sngar bshad pa de yang/ phyi nang gi grub mtha' smra ba rnams
kyi 'dod pa thun mong ma yin pas btags pa'i gang zag rtag gcig
rang dbang

@170a @#/ /can dang/ gzung ba phyir rol gyi don shar la sogs
pa'i phyogs kyi cha med kyi rdul phra rab dang/ de bsags pa'i
rags pa dang/ 'dzin pa nang shes rig snga phyi la sogs pa'i
dus kyi cha med pa'i shes pa

skad cig cha med dang/ de 'thud pa'i shes pa'i rgyun dang/ de
'dra ba'i gzung 'dzin gyis stong ba'i gnyis med kyi rang rig
bden par 'dod pa'i kun brtags kyi gang zag dang/ chos kyi bdag
'dzin min gyi/ grub mthas

blo bsgyur ma bsgyur thams cad la thun mongs du yod pa/ grub
mthas blo bslad pa la mi ltos par thog ma med pa nas rjes su
zhugs pa lhan skyes kyi bdag 'dzin gnyis yin la/ de nyid 'dir
'khor ba'i rtsa bar gzung

ste; 'jug pa las/ gang dag dud 'gror bskal mang bskyal gyur
pa/ /des kyang ma skyes rtag 'di ma mthong la/ /ngar 'dzin de
dag la yang 'jug mthong ste/ zhes gsungs pa'i rigs pas sems
can thams cad

'khor bar 'ching ba ni lhan skyes kyi ma rig pa yin pa'i phyir
dang/ kun brtags kyi ma rig pa ni grub mtha' smra ba de dag
kho na la yod pas 'khor ba'i rtsa bar mi 'thad pa'i phyir ro/
/'di la nges pa dmigs phyed par

rnyed pa shin tu gal che ste/ de ltar ma shes na ni lta bas
gtan la 'bebs pa'i dus su lhan skyes kyi ma rig pas ji ltar
bzung ba'i don med par gtan la 'bebs pa gtso bor bzung nas
de'i yan lag tu kun brtags

@170b kyi 'dzin pa'i yul rnams sun 'byin pa mi shes par lhan
skyes kyi ma rig pa'i 'dzin stangs sun 'byin pa dor nas bdag
gnyis 'gog pa na sngar bshad pa ltar gyi grub mtha' smra ba
rnams kho nas btags pa rnams

bkag pa'i bdag med tsam zhig gtan la 'bebs pas/ sgom pa'i tshe
yang de tsam zhig sgom dgos te/ lta bas gtan la phab pa ni
sgom pa'i don du yin pa'i phyir ro/ /de'i phyir bsgoms nas
mngon du gyur pa dang/

goms pa de mthar thug na yang de tsam zhig tu zad la/ de ltar
kun brtags kyi 'dzin pas btags pa tsam gyi bdag gnyis med par
mthong bas/ lhan skyes kyi nyon mongs rnams ldog par 'dod na
ha cang thal te/ 'jug

pa las/ bdag med rtogs tshe rtag pa'i bdag don 'di nyi dpe'i sgo
nas gsal bar bya ba'i phyir bshad pa/ rang khyim rtsig phug
sbrul gnas mthong bzhin du/ /'di na kyang 'byin zhes smra ba
shin tu tshar/ /zhes gsungs shing 'grel

pa spong bar byed pa ni/ /kye ma gzhan gyi gnam por 'gyur nyid
do/ /zhes gsungs te/ 'di gang zag gi bdag med la gsungs kyang
chos kyi bdag med la yang mtshungs te/ bdag med rtogs tshe kun
brtags bdag spong
 
@171a @#/ /zhing; ;'di ni ma rig rten du'ang mi 'dod pa/ /de
phyir bdag med shes pas ma rig pa/ /dpyis kyang 'byin zhes smra
ba shin tu mtshar/ zhes sbyar ro/ /gal te rin chen phreng ba las/
ji srid phung por

'dzin yod pa/ /de srid de la ngar 'dzin yod/ /ngar 'dzin yod na
yang las te/ /las las kyang ni skye ba yin/ zhes phung po bden
'dzin chos kyi bdag 'dzin 'khor ba'i rtsa ba'i rtsa bar bshad
la/ 'jug pa las/ nyon mongs skyon

rnams ma lus 'jig tshogs la/ /lta las byung bar blo yis mthong
gyur cing/ /zhes 'jig lta 'khor ba'i rtsa bar bshad pa gnyis
'gal te/ 'khor ba'i rtsa ba mi mthun pa gnyis mi 'thad pa'i
phyir ro zhe na/ skyon med de/ 'di

pa'i lugs kyis bdag 'dzin gnyis dmigs pas so sor 'byed kyi/
'dzin stangs kyi rnam pa mi 'dra ba med de/ gnyis ka yang rang
gi mtshan nyid kyis grub par 'dzin pa'i rnam pa can yin pa'i
phyir dang / 'khor ba'i

rtsa ba gnyis 'gal ba ni yul la 'jug pa'i 'dzin stangs mi mthun
pa gnyis 'khor ba'i rtsa bar 'jog pa la byed pa'i phyir ro/ /des
na chos kyi bdag 'dzin 'jig lta'i rgyur ston pa na/ ma rig pa'i
nang tshan

gnyis rgyu 'bras su ston zhing/ de gnyis ka nyon mongs kyi rtsa
bar ston pa na rang dang 'dzin stangs mi mthun pa'i nyon mongs
gzhan thams cad kyi rtsa bar ston pa yin la/ tshul de yang de
gnyis ka la yod pas mi

@171b 'gal te/ ma rig pa'i rigs 'dra snga phyi gnyis ka 'khor
ba'i rtsa bar mi 'gal ba bzhin no/ /zla ba'i zhabs kyis 'jig lta
la sgos su ma rig par gsal bar bshad pa ma byung yang/ gang zag
dang chos so sor

ma phye bar spyir dngos po bden 'dzin nyon mongs can gyi ma rig
par gsungs shing/ gang zag gi bdag 'dzin yang gang zag rang gi
mtshan nyid kyis grub par 'dzin par bzhed la/ 'jig lta lhan skyes
kyang 'khor

ba'i rtsa bar mang du bshad pa dang / bden 'dzin gyi ma rig pa
las don gzhan du bzhed na/ 'khor ba'i rtsa ba 'dzin stangs mi
mthun pa gnyis 'jog pa 'gal bas/ gnyis ka ma rig par bya'o/
/sngar bshad

pa'i ma rig pa lhan skyes kyis sgro btags pa'i yul de nyid la
lhan skyes dang kun brtags kyi nyon mongs gzhan thams cad kyis
yul gyi khyad par re re bzung nas 'jug pas/ mig sogs kyi dbang
po gzhan bzhi

ga lus dbang la brten nas gnas kyi/ de las yul rang dbang du mi
gnas pa bzhin du/ nyon mongs gzhan thams cad kyang lhan skyes
kyi ma rig pa la brten nas 'jug pas/ gti mug gtso bo yin par
gsungs te/

lus la lus dbang ji bzhin du/ /gti mug kun la gnas 'gyur te/
zhes pa'i brgya pa'i 'grel pa las/ 'dod chags la sogs pa dag
kyang gti mug gis kun tu btags pa'i dngos po'i rang bzhin kho na
la/

@172a @#/ /sdug pa dang mi sdug pa la sogs pa'i khyad par sgro
'dogs par 'jug pa nyid kyi phyir gti mug las tha mi dad par 'jug
par 'gyur zhing/ gti mug la brten par yang 'gyur te/

gti mug gtso bo nyid kyi phyir ro/ zhes gsungs so/ /des na gti
mug gis yul rnams la rang gi mtshan nyid kyis grub par bzung ba
na/ bzung ba'i yul de rang gi yid dang mthun pa zhig yin na/ de
la dmigs nas

'dod chags dang / gal te rang gi yid dang mi mthun par snang na
ni de la khong khro skye la/ ci ste yul de yid dang mthun mi
mthun gang du yang mi snang ba tha mal pa bar mar gnas pa zhig
yin na ni/ de la dmigs

nas gzhan gnyis mi skye yang gti mug gi rigs 'dra phyi ma skye
ste/ rigs pa drug cu pa las/ gnas bcas sems dang ldan rnams la/
/nyon mongs dug chen cis mi 'byung/ /gang tshe tha mal 'dug pa
yang

nyon mongs sprul gyis zin par 'gyur/ zhes gsungs te/ de'i 'grel
par sngar bzhin bshad do/ /phung po bden 'dzin las 'jig lta skye
ba rin chen phreng ba'i yang dgongs par snang zhing/ nyon mongs
lhag

ma'i skye tshul ni skyes bu 'bring gi skabs su bshad pa las
dpags nas shes par bya'o/ /yang rnam 'grel las/ gang zhig bdag
mthong de la ni/ nga zhes rtag tu zhen par 'gyur/ /zhen pas bde
la sred

@172b 'gyur te/ /sred pas skyon rnams sgrib par byed/ /yon tan
mthong bas yongs sred pa/ /nga yi zhes de'i sgrub byed len/ /des
na bdag la mngon chags pa/ /de srid de ni 'khor bar 'gyur/ zhes
gsungs pa ltar yang shes

par bya ste/ 'di'i lugs dang sngar bshad pa'i bdag 'dzin gnyis
'jog tshul mi 'dra yang/ nyon mongs skye tshul gyi rim pa 'di la
brten nas shes par byar yod do/ /de yang dang por nga'o snyam
pa'i dmigs pa nga

rang gi mtshan nyid kyis grub par bzung ba na/ bdag la chags pa
skye/ des ni bdag gi bde ba la sred pa skyed la/ bdag gi bde ba
yang bdag gi ba rnams la ma ltos par rang med pas bdag gi ba la
srid la/ des

ni de'i skyon bsgribs nas de la yon tan mthong du 'jug go /de
nas ni bdag gi ba rnams bdag gi bde ba sgrub byed du len no/ /de
ltar skyes pa'i nyon mongs kyis ni las 'du byed la/ las kyis
kyang 'khor bar nyid

mtshams sbyor te/ stong nyid bdun cu pa las/ las ni nyon mongs
rgyu mtshan can/ /'du byed nyon mongs las bdag nyid/ /lus ni las
kyi rgyu mtshan can/ /'du byed nyon mongs las bdag nyid/ /lus ni
las kyi rgyu mtshan can/ /gsum gAng ngo bo nyid kyi stong/ zhes
gsungs so/ /

de lta bu'i tshul gyis 'khor bar 'khor ba'i rim pa la nges pa
rnyed rnyed du sbyang ngo/ /gsum pa la gnyis/ ma rig pa de spong
'dod na bdag med rtogs pa'i lta ba 'tshol dgos pa'i rgyu mtshan/
bdag med rtogs pa'i

@173a @#/ /lta ba skyed ba'i tshul lo/ /dang po ni/ /dang po ni/
sngar bshad pa'i ma rig pa bdag 'dzin gnyis spangs te zad pa
zhig ni 'dod dgos kyang dgos la 'dod kyang 'dod par snang ngo/
/de lta na'ang de ltar 'dod bzhin

du bdag 'dzin 'khor ba'i rtsa bar 'gro tshul shes pa la mi 'bad
pa dang / de'i phyogs mthong yod kyang/ bdag 'dzin gyis gzung
ba'i yul nges don gyi lung rigs kyis legs par bkag nas/ bdag med
kyi lta ba

rnam dag rgyud la bskyed pa'i don du mi 'bad pa ni/ dbang po
shin tu rtul ba yin te/ thar pa dang thams cad mkhyen par bgrod
pa'i lam gyi srog stor yang ji mi snyam par 'jog pa'i phyir ro/
/des na/ dpal ldan

chos grags kyis/ 'di yul sun phyung med par ni/ /de spong bar ni
nus ma yin/ /de spong bar ni nus ma yin/ /yon tan skyon dang
rjes 'brel ba'i/ /'dod dang sngang sogs spong ba ni/ /de dag yul
la ma mthong bas/ /yin gyi phyi tshul dag gis

min; zhes phyi rol gyi spang bya tsher ma zug pa lta bu de 'don
pa na/ nges ji ltar bzung ba'i yul sun 'byin pa la mi ltos par
khab lta bus rtsa ba nas 'don pa ltar/ nang sems kyi steng gi
spang bya spong ba na de ltar byed pa

min gyi/ 'on kyang bdag 'dzin lta bu des yul la ji ltar bzung
ba'i don de med par mthong nas spong dgos par gsungs so/ /dpal
ldan zla bas kyang/ chags sogs nyon mongs dang / skye rga sogs
kyi skyon thams

@173b cad bdag 'dzin las 'byung bar mthong ba na/ de 'gog cing
spong 'dod 'byung la/ de'i tshe bdag 'dzin gyi sgro btags pa'i
yul gang zag gi bdag rnal 'byor pas rigs pas 'gog par gsungs te/
'jug pa

las; nyon mongs skyon rnams ma lus 'jig tshogs la/ /lta las byung
bar blo yis mthong gyur cing/ /bdag ni 'di yi yul du rtogs byas
nas/ rnal 'byor pa yis bdag ni 'gog par byed/ ces gsal bar

gsungs so/ /de yang de kho na nyid sgom pa pos bya dgos pas/
rnal 'byor pas zhes gsungs so/ /tshul 'di ni mgon po klu sgrub
kyi'ang dgongs pa dam pa yin te/ rigs pa drug cu pa las/ de ni
lta ba kun gyi rgyu/ /

de med nyon mongs mi skye ste/ /de phyir de ni yongs shes na/
/lta dang nyon mongs yongs su 'byang/ /gang gis de shes 'gyur
snyam na/ /brten nas 'byung ba mthong ba ste/ /brten nas skyes
pa ma skyes par/ /de nyid mkhyen

pa'i mchog gis gsungs/ zhes lta ba nyon mongs can dang / nyon
mongs gzhan kun gyi rgyur gyur pa'i dngos por khas len zhes pa'i
bden 'dzin de/ brten nas 'byung ba'i rgyu mtshan gyis rang bzhin
gyis ma skyes

pa'i dngos po'i de nyid rtogs pas spong bar bstan la/ rang bzhin
de med par mthong ba ni/ dngos po rang bzhin gyis grub par 'dzin
pa'i yul sun phyung pa med par mi 'byung ba'i phyir ro/ /'di
dang mthun par

@174a / /'phags pa lhas gsungs pa ni sngar drangs zin la/ yang
bzhi brgya pa las/ yul la bdag med mthong na ni/ /srid pa'i sa
bon 'gag par 'gyur/ zhes bdag 'dzin gyis gzung ba'i dmigs

yul gyi bdag med par mthong bas srid pa'i rtsa ba ma rig pa gcod
par gsungs so/ /rje btsun zhi ba lhas kyang/ gang zag stong pa
nyid ni de ltar shin tu grub pa yin no/ /de'i phyir rtsa ba chad
pas nyon mongs pa thams

cad kun tu mi 'byung ngo/ /'phags pa de bzhin gshegs pa'i gsang
ba'i mdo las ji skad du/ zhi ba'i blo gros/ 'di lta ste dper na
shing rtsa ba nas chad na yal ga dang lo ma dang yal ga phra mo
thams cad bskams

par 'gyur ro/ /zhi ba'i blo gros/ de bzhin du 'jig tshogs la lta
ba nye bar zhi na nyon mongs pa dang nye ba'i nyon mongs pa
thams cad zhi bar 'gyur ro zhes gsungs pa lta bu'o/ zhes gang
zag rang bzhin gyis grub pas

stong pa'i stong pa nyid rtogs pa bsgoms pas 'jig lta ldog pa
dang / de log na nyon mongs gzhan thams cad ldog par gsungs la/
gang zag gi bdag 'dzin gyi yul sun ma phyung bar bdag med rtogs
pa mi srid

ba'i phyir ro/ /lung des ni 'jig lta nyon mongs gzhan thams cad
kyi rtsa bar bstan te/ de ma rig pa las don gzhan yin na 'khor
ba'i rtsa ba mi mthun pa gnyis yod par 'gyur bas de yang ma rig
par bya'o/ /mdor na zab

@174b mo'i gsung rab kyi don 'grel ba'i mkhas mchog du mas/ de
kho na nyid kyi don gtan la 'bebs pa na lung rigs du mas rnam
par dpyod pa ni/ phyin ci log gi 'dzin pas ji ltar bzung ba'i
bdag de med pa dang / bdag des

stod bar ma mthong bar bdag med dang / stong nyid rtogs mi nus
par gzigs nas de ltar mdzad pa 'di la nges pa rnyed pa gal
che'o/ /'di ltar 'khor bar 'ching ba'i rtsa ba'i phyin ci log gi
yul bkag pa'i don ma bsgoms na/

de las gzhan pa'i don zab par 'dod pa bsgoms kyang bdag 'dzin la
ci yang mi gnod de/ blo bdag med dang stong pa nyid kyi de kho
na la ma zhugs par bdag 'dzin ldog ba mi srid pa'i phyir dang /
bdag 'dzin gyi yul sun ma

phyung bar de'i yul la yid phar 'gro ba tshur bsdus pa tsam byas
kyang/ des ni bdag med la zhugs par 'jog mi nus pa'i phyir ro/
/de'i rgyu mtshan ni yid yul la 'jug pa na dmigs pa de bden par
'dzin pa zhig dang /

bden med du 'dzin pa zhig dang / de gnyis gang gis kyang khyad
par du ma byas par 'dzin pa zhig dang gsum yod pas/ bden med du
ma bzung yang bden par 'dzin mi dgos pa bzhin du bdag gnyis la
ma zhugs kyang/

bdag med gnyis la zhugs mi dgos te/ blo phung po gsum pa la gnas
pa mtha' yas pa zhig yod pa'i phyir ro/ /bdag tu 'dzin pa gnyis
kyang gtso bor gang zag dang chos kyi dngos po la dmigs nas 'jug
pas/

@175a @#/ /gang la 'khrul ba'i gzhi de nyid ji ltar bzung ba ltar
du med par gtan la dbab dgos te/ de lta ma yin na rkun ma nags
la song ba'i rjes spang la rtsad gcod pa dang 'dra'o/ /des na de
ltar gtan la

phab pa'i don bsgoms pas 'khrul pa zad par byed pas/ de 'dra
ba'i stong pa nyid kho na nyid kyi don mchog yin gyi/ de ngor
ba'i de kho na nyid kyi don logs shig tu gtan la phab pa ni/
'dod pas btags pa tsam

du zad pas gsung rab kyi don las phyi rol tu gyur par zungs shig
/de ltar na skyes pa dang bud med sogs gang zag dang / gzugs
tshor sogs chos kyi spros pa la bden par 'dzin pa'i ma rig pa ni/
bdag

med pa'i stong nyid rtogs pa'i lta ba rnyed nas de bsgoms pas
ldog la/ de log na bden 'dzin gyi yul la dmigs nas sdug mi sdug
sogs kyi mtshan ma sgro 'dogs pa'i tshul min yid byed kyi rnam
rtog ldog

go ;de log na 'jig lta'i rtsa ba can gyi chags sogs nyon mongs
gzhan rnams ldog go /de log na des kun nas bslangs pa'i las ldog
go /de log na las kyis 'phangs pa'i 'khor bar rang dbang med par
skye

ba ldog pas/ thar pa thob po snyam du nges pa brtan po bskyed
la/ de nas de kho na nyid kyi lta pa phu thag tshong par btsal
te/ rtsa she las/ las dang nyon mongs zad pas mthar/ / las dang
nyon mongs rnam rtog

@175b las; ;de dag spros las spros pa ni/ /stong pa nyid kyis
'gag par 'gyur/ zhes so/ /de ltar 'khor ba ldog 'jug gi rim pa
shes nas/ de kho na nyid kyi don rtogs pa la gces spras su byed
pa dgos kyi/ dmigs

legs par ma phyed pa'i tom 'jug gis mi 'ong ngo/ /gnyis pa la
gsum/ bdag med kyi lta ba gnyis skyed pa'i rim pa dang / lta ba
gnyis rim can du bskyed pa dngos/ kun rdzob dang don dam gyi
bden pa rnam par

bzhag pa'o/ /dang po ni/ bdag 'dzin gnyis kyi skye rim la chos
kyi bdag 'dzin gyis gang zag gi bdag 'dzin skyed pa yin yang/
bdag med kyi de nyid la 'jug pa na/ sngon du gang zag gi bdag
med kyi lta ba bskyed nas/

de'i 'og tu chos kyi bdag med rtogs pa'i lta ba skyed dgos so/
/de yang rin chen 'phreng ba las/ skyes bus min chu ma yin/ /me
min rlung min nam mkha' min/ /rnam shes ma yin kun min na/ /de
las gzhan na skyes

bu gang/ /skyes bu khams drug 'dus pa'i phyir/ /yang dag ma yin
ji lta bar/ /de bzhin khams ni re re yang/ /'dus phyir yang dag
nyid du min/ zhes sngon du gang zag dang / de nas der btags pa'i
gzhi sa las sogs

pa'i khams rnams rang bzhin med par gsungs pa ltar ro/ /tshig
gsal dang bud ng+ha pA li ta las kyang/ de kho na nyid la 'jug
pa na/ thog mar gang zag gi bdag med nas 'jug par bshad pa'i
phyir dang / /zhi ba

@176a @#/ /lhas kyang de bzhin du gsungs pa'i phyir ro/ /de
ltar bya dgos pa'i rgyu mtshan ni/ gzhi gang zag dang chos kyi
steng du nges rgyu'i bdag med la phra rags med kyang/ khyad
gzhi'i gnad kyis gang zag gi

steng du nges sla la/ chos kyi steng du nges dka' ba'i phyir
te/ dper na chos kyi bdag med de mig rna sogs kyi steng du
nges dka' zhing/ gzugs brnyan sogs kyi steng du nges sla bas/
de rnams snga ma'i steng du bdag

med gtan la 'bebs pa'i dper 'jog pa bzhin no/ /don 'di la
dgongs nas ting nge 'dzin rgyal po las kyang/ ji ltar khyod
kyis bdag gi 'du shes ni/ /shes pa de bzhin kun la blos sbyar
bya/ /chos rnams

thams cad de yi ngo bo nyid/ /yongs su dag pa nam mkha' lta bu
yin/ /gcig gis kyang ni thams cad shes/ /gcig gis kyang ni
thams cad mthong/ zhes nga'o snyam pa'i bdag gi 'du shes gang
la 'jug pa'i

nga'i gnas lugs legs par shes pa na/ mig rna sogs nang dang/
bum pa sogs phyi'i chos kun la de'i rigs pa sbyar nas/ de dang
mtshungs par shes par bya bas na/ chos gcig gi ngang tshul shes
shing

mthong bas chos gzhan thams cad kyi rang bzhin yang shes pa
dang mthong bar nus par gsungs so/ /gnyis pa la gnyis/ gang
zag gi bdag med gtan la dbab pa dang/ chos kyi bdag med gtan
la dbab

@176b pa'o; ;dang po la gnyis/ gang zag ngos gzung ba dang/ de
rang bzhin med par gtan la dbab pa'o/ /dang po ni/ gang zag
ces pa ni lha la sogs pa rigs drug gi gang zag dang/ so skye
dang 'phags pa'i gang zag

sogs yin la/ de yang dkar nag gi las gsog pa po dang/ de'i
'bras bu myong ba po dang/ 'khor bar 'khor mkhan dang/ thar
pa'i don du lam sgom pa po dang/ thar pa thob pa po sogs so/
/'di yang 'jug

'grel sogs su mdo drangs pa las/ bdag ces bya ba bdud kyi
sems/ /khyod ni lta bar gyur pa yin/ /'du byed phung po 'di
stong ste/ /'di la sems can yod ma yin/ /ji ltar yan lag tshogs
rnams la/

brten nas shing rtar brjod pa ltar/ /de bzhin phung po rnams
brten nas/ /kun rdzob sems can zhes bya'o/ zhes tshigs bcad
dang pos don dam par gang zag med pa'i gang zag gi bdag med
bstan te/ rkang pa

dang pos gang zag gi bdag 'dzin bdud kyi sems su dang/ gnyis
pas de ltar 'dzin mkhan lta ngan gyi dbang du gyur pa dang/
gsum pa dang bzhi pas phung po gang zag gi bdag gis stong bar
gsungs la/ tshigs

bcad gnyis pas gang zag tha snyad du yod par ston te/ de yang
rkang pa dang po gnyis kyis dab dang/ tha ma gnyis kyis don du
sbyar nas gang zag phung po la brten nas btags pa tsam du
bstan to/ /mdo 'dis phung

@177a @#/ /po'i tshogs pa gang zag gi gdags gzhir gsungs shing/
gdags gzhi btags chos su mi 'thad la/ phung po'i tshogs pa ni
dus gcig dang snga phyi ba'i tshogs pa gnyis ka la bya dgos
pas/

phung po'i tshogs rgyun gang zag tu 'jog pa mi 'thad la/ tshogs
pa gdags gzhir 'jog pa na/ tshogs pa can yang gdags gzhir 'jog
pas/ de gnyis ka yang gang zag tu mi rigs te/ 'jug pa las/ mdo

las phung po brten nas yin gsungs pa/ /da phyir phung po 'dus
tsam bdag ma yin/ zhes dang/ gang phyir ston pas phung po bdag
go zhes/ /gsungs pa de phyir phung po bdag 'dod na/ /de ni
phung las gzhan bdag

'gog pa ste/ /gzugs bdag min sogs mdo gzhan gsungs phyir ro/
zhes gsungs pas dge sbyong dang bram ze gang dag bdag dang
bdag gir lta ba ni phung po lnga bo 'di kho na la lta ba'o/
zhes gsungs pas kyang

phung po las ngo bo tha dad pa'i bdag ngar 'dzin lhan skyes
kyi dmigs par yod pa ni kho na'i sgras bkag la/ de bkag nas
phung po ngar 'dzin gyi dmigs par ston pa yang min te/ yin na
ni mdo gzhan las phung

po lnga bdag yin pa bkag pa dang 'gal bar 'gyur te/ ngar 'dzin
gyi dmigs rnam gnyis kyi nang nas dmigs pa'i yul yin na/ bdag
tu gzhag dgos pas so/ /des na mdo las phung po la lta bar
gsungs

@177b pa'i don ni/ phung po la btags pa'i bdag la dmigs par
byed pa la bshad dgos so/ /de'i phyir nga tsam la bdag tu byas
pa tha snyad du yod pa dang/ gang zag rang bzhin gyis grub pa
la bdag tu byas pa ni tha snyad tsam

du'ang med par gsungs pa so sor phyed par bya yi/ lugs 'dis
gang zag gi bdag tha snyad du yod par 'dod ces mi bya'o/ /de
'dra ba'i gang zag gi ngos 'dzin ni lugs bla na med pa 'di'i
khyad chos te/ 'di legs

par nges pa ni thun mong min pa'i gang zag gi bdag med rtogs
pa'i thabs bzang po zhig go/ /gnyis pa la gsum/ nga rang bzhin
med par gtan la dbab pa dang/ nga yi ba rang bzhin med par
gtan la dbab pa dang/ de la

brten nas gang zag sgyu ma lta bur 'char tshul bstan pa'o/
/dang po ni/ 'di la gnad bzhi yod pa'i dang po ni rang rgyud
la brtags te gang zag gi bdag tu 'dzin lugs ngos zin par bya
ba yin te/ de ni sngar bshad do/ /

gnyis pa ni gang zag de rang bzhin gyis grub na phung po dang
ngo bo gcig dang tha dang gang rung du grub dgos kyi/ de gnyis
las gzhan du grub thabs med par thag bcad pa'o/ /de ni spyir
bum pa dang ka bzhes pa lta bu zla

bcas su tshur yongs su gcod pa na/ zla med yin pa phar rnam par
gcod cing/ bum pa zhes pa lta bu zla med du tshung yongs su
gcod pa na/ zla bcas yin pa phar rnam par gcod pa myong bas
grub pas/ gcig dang du ma

@178a @#/ /gang yang min pa'i phung gsum med la/ de'i phyir ngo
bo gcig dang tha dad gnyis gang yang min pa yang mi srid par
nges par byed pa'o/ /gsum pa ni gang zag dang phung po gnyis
rang bzhin gyis grub pa'i ngo bo

gcig yin pa la gnod pa mthong ba'o/ /bzhi pa ni de gnyis rang
bzhin gyis grub pa'i tha dad yin pa la gnod byed legs par
mthong ba'o/ /de ltar bzhi tshang na de nas gang zag gi bdag
med pa'i de kho na nyid rtogs pa'i lta ba

rnam dag skye'o/ /de la bdag phung gnyis rang bzhin gyis grub
pa'i ngo bo gcig yin na/ skyon gsum yod pa'i gnod byed dang po
bdag khas blangs pa don med pa ni/ de gnyis ngo bo gcig pa de
rang bzhin gyis grub na de bya ba

gtan med pa'i gcig tu 'gyur te/ ngo bo gcig pa don dam du grub
na de gnyis blo gang la snang yang tha dad du mi snang dgos
pa'i phyir ro/ /de'i rgyu mtshan ni rdzun pa kun rdzob pa la
snang tshul dang gnas tshul mi mthun pa 'ong ba mi 'gal

yang; bden par grub pa la de gnyis 'gal dgos pa'i phyir te/
bden grub gang la snang ba'i blo de la de'i gnas tshul ji lta
ba bzhin snang dgos pa'i phyir ro/ /de ltar na bdag ngo bo
nyid kyis grub par khas blangs pa ni phung po

'dor len byed pa po sgrub pa'i don du yin la/ phung po dang
gcig tu song na de mi rung ba'i phyir ro/ /de ni rtsa she las
kyang/ nye bar len pa ma gtogs pa'i/ /bdag yod ma yin byas
pa'i tshe/ /nye bar len nyid bdag

@178b yin na/ /khyod kyi bdag ni med pa yin/ zhes gsungs so/
/gnyis pa bdag mang por 'gyur ba ni/ bdag phung po rnams dang
gcig tu grub na gang zag gcig la yang phung po du ma yod pa
bzhin du bdag kyang mang po

yod par 'gyur la/ bdag gcig las med pa bzhin du phung po rnams
kyang gcig tu 'gyur ba'i skyon yod de/ 'jug pa las/ gal te
phung po bdag na de phyir de/ /mang bas bdag de dag kyang mang
por 'gyur/ zhes gsungs

so; ;gsum pa bdag skye 'jig can du 'gyur ba ni/ rtsa she las/
gal te phung po bdag yin na/ /skye dang 'jig pa can du 'gyur/
zhes gsungs te/ phung po skye 'jig byed pa bzhin du bdag kyang
skye 'jig byed par

'gyur te/ de gnyis gcig yin pa'i phyir ro/ /bdag gam gang zag
skad cig re re la skye 'jig byed pa ni 'dod pa yin no snyam
na/ tha snyad du de ltar 'dod pa tsam la skyon med kyang/ pha
rol pos gang zag rang

mtshan gyis grub par khas blangs pas/ de lta na gang zag de
rang gi ngo po nyid kyis grub pa'i skye 'jig byed par 'dod
dgos la/ de la ni skyon gsum 'jug 'grel las gsungs pa'i dang
po ni/ 'jug pa las/ gang dag

rang mtshan nyid kyis so so ba/ /de dag rgyud gcig gtogs par
rigs ma yin/ zhes gsungs pas rang gi ngo bo nyid kyis grub
pa'i snga phyi so so ba rnams la/ phyi ma snga ma la ltos pa'i
'brel ba mi 'thad de/ snga phyi rnams

@179a @#/ /rang dbang can gyi tshugs thub tu grub pas gzhan la
rag las pa mi rung ba'i phyir ro/ /de ltar rgyud gcig pa mi
'thad na nga de'i tshe de'i dus na 'di 'dra zhig tu gyur to/
zhes skye ba dran ba mi rigs te/

rgyud so so ba lha sgyin gyis skye ba dran pa na/ nga mchod
sbyin du gyur to snyam du mi dran pa bzhin no/ /rang gi lugs
la skad cig re re la 'jig pa yin yang snga phyi rgyud gcig pa
mi 'gal bas skye ba dran pa 'thad do/ /'di'i

don ma rtogs pa rnams la mdo sde las/ nga ni sngon 'dir gyur
ces mang du gsungs pas/ sangs rgyas pa'i dus kyi gang zag
dang/ de'i sngon gyi skabs kyi gang zag gnyis gcig yin no/ /de
yang 'dus byas yin na skad

cig gis 'jig pas gcig tu mi rung ba'i phyir/ de gnyis ka rtag
pa'o/ zhes sngon gyi mtha' la brten pa'i lta ba ngan pa bzhi
gsungs pa'i log lta dang po skyed par byed do/ /der ma lhung
bar byed pa la ni skye ba dran

pa'i dus su yul dang dus dang rang bzhin bye brag pas khyad
par du ma byas par sbyir nga zhes dran pa'i dran tshul khyad
par ba legs par shes dgos so/ /gnyis ba las byas pa chud zos
pa'i nyes pa ni/ las byed pa po

dang 'bras bu myong ba po gnyis gzhi nga tsam gcig gi steng du
'dur mi rung ba'o/ /las ma byas pa dang phrad pa'i nyes pa ni
rgyud tha dad pa gzhan gyis gang bsags pa'i las kyi 'bras bu
kun yang/ rgyud cig shos kyis

@179b myong bar 'gyur ba'i ha cang thal ba'o/ /nyes pa 'di
gnyis 'jug pa yang sngar bshad pa ltar gang zag ngo bo nyid
kyis grub na/ skad cig snga phyir rnams rgyud gcig pa mi rung
ba'i gnad kyis yin te/ rtsa she las kyang/

gal te lha mi gzhan yin na/ /rgyud ni 'thad par mi 'gyur ro/
zhes gsungs so/ /ci ste bdag dang phung po gnyis rang bzhin
gyis grub pa'i tha dad du 'dod na skyon ci yod snyam na/ rtsa
she las/ gal te phung po rnams las

gzhan/ /phung po'i mtshan nyid med par 'gyur/ zhes pa'i skyon
gsungs so/ /de la bdag phung po las ngo bos grub pa'i tha dad
par yod na ni/ phung po 'dus byas su mtshon pa'i mtshan nyid
skye 'jig gnas pa dang mi ldan par

'gyur te/ dper na rta ba lang las don gzhan du grub pas ba
lang gi mtshan nyid dang mi ldan pa bzhin no/ /de lta yin mod
snyam na/ 'o na de lhan skyes kyi 'dzin pas bdag tu tha snyad
'dogs pa'i gzhi'i dmigs par mi

'thad de/ 'dus ma byas yin pa'i phyir/ dper na nam mkha'i me
tog gam myang 'das bzhin no/ /gzhan yang phung sogs kyi mtshan
nyid gzugs su rung ba sogs las rang bzhin tha dad du yod na/
de ltar du dmigs dgos

te/ dper na gzugs sems tha dad du dmigs pa bzhin no/ /de ltar
'dzin pa yang med pas bdag don gzhan du med de/ rtsa she las/
bdag ni nye bar len pa las/ /gzhan du 'thad pa nyid ma yin/
/gal te gzhan

@180a @#/ /na len med par/ /gzung yod rigs na gzung du med/ ces
dang/ 'jug pa las kyang/ de phyir phung po las gzhan bdag med
de/ /phung po ma gtogs de 'dzin ma grub phyir/ zhes gsungs so/
/de lta

bu'i rigs pa rnams kyis bdag phung po las ngo bo tha dang du
yod pa la gnod byed mthong ba'i nges pa brtan po rnyed rnyed
du sbyang bar bya ste/ gcig pa dang tha dad pa'i phyogs 'di
gnyis la gnod byed kyi nges pa rnam dag ma

'drongs na/ gang zag rang bzhin med par thag bcad kyang dam
bca' tsam du 'gro bas lta ba rnam dag mi rnyed pa'i phyir ro/
/gnyis pa ni/ de ltar bdag la rang bzhin gyis grub pa yod med
rigs pas btsal ba na/ gcig

dang du ma gang du yang ma rnyed pas bdag la rang bzhin khegs
pa de'i tshe de kho na nyid la dpyod pa'i rigs pas bdag gi ba
rang bzhin gyis grub pa rnyed par mi 'gyur te/ mo gsham gyi bu
ma dmigs na de'i bdag gi ba

mig sogs mi dmigs pa bzhin no/ /rtsa she las kyang/ bdag nyid
yod pa ma yin na/ /bdag gi yod par ga la 'gyur/ zhes dang/
'jug pa las kyang/ gang phyir byed po med can las med pa/ /de
phyir bdag gi

bdag med par yod min/ /de phyir bdag dang bdag gi stong lta
bas/ /rnal 'byor pa de rnam par grol bar 'gyur/ zhes so/ /de
ltar rang rgyud kyi nga'o snyam du 'dzin pa'i nga'am bdag gam
gang zag de rang gi ngo bo nyid kyis ma

@180b grub par gtan la 'bebs pa'i rigs pa des/ dmyal ba nas
sangs rgyas kyi bar gyi gang zag dang de'i bdag gi pa thams
cad kyang/ gdags gzhi zag bcas dang zag med kyi phung po gang
yin pa de dang ngo bo gcig

pa dang ngo bo tha dad par rang bzhin gyis grub pa med pa'i
gang zag gi bdag med kyi de kho na nyid kyi don thams cad
kyang rtogs par bya zhing/ des kyang de rnams kyi bdag gi ba
thams cad kyang rang bzhin med par 'grub

tshul shes par bya'o/ /gsum pa la gnyis/ sgyu ma lta bur gsungs
pa'i don bstan pa/ thabs gang la brten nas sgyu ma lta bur
'char tshul lo/ /dang po la gnyis/ sgyu ma bzhin du 'char tshul
phyin ci ma log pa dang/ sgyu

ma bzhin du 'char tshul ltar snang bstan pa'o/ /dang po ni/
ting nge 'dzin rgyal po las/ ji ltar smig rgyu dra za'i grod
khyer dang/ /sgyu ma ji bzhin rmi lam ji lta bur/ /mtshan ma
sgom pa ngo bo nyid kyis stong/ /chos rnams

thams cad de bzhin shes par gyis/ zhes dang/ rgyal ba'i yum
las kyang/ gzugs nas rnam mkhyen gyi bar gyi chos thams cad
sgyu ma dang rmi lam bzhin du gsungs so/ /de ltar gsungs pa'i
sgyu ma lta bu'i don ni

gnyis te/ don dam bden pa sgyu ma lta bur gsungs pa lta bu yod
tsam du grub kyang bden pa khegs pa la byas pa dang/ stong
bzhin du snang ba'i snang ba sgyu ma lta bu gnyis las 'dir ni
phyi ma'o/ /'di la ni der snang ba 

@181a @#/ /dang snang ba ltar gyi don yod pas stong pa gnyis dgos
kyi/ ri bong gi rwa dang mo gsham gyi bu ltar snang ba tsam du
yang gtan med pa dang/ snang yang snang ba ltar gyi don yod pas
stong par mi 'char na yang

snang ba sgyu ma lta bu'i don blo la mi 'char ro/ /des na sgyu
ma'i dpe dang 'dra bar chos gzhan rnams shes par byad tshul ni/
dper na sgyu ma mkhan gyis sprul pa'i sgyu ma de/ rta glang gis
gdod ma nas stongs kyang rta glang du snang ba

bsnyon mi nus par 'char ba bzhin du/ gang zag la sogs pa'i chos
rnams kyang yul steng na rang gi ngo bos grub pa'i rang bzhin
gyis gdod ma nas stongs kyang/ der grub par snang ba la bsnyon
mi nus par shes pa'o/ /de ltar lha

dang mi la sogs par snang ba ni gang zag dang/ gzugs sgra la
sogs par snang ba'i don ni chos su 'jog pas/ gang zag dang chos
rnams la rang gi mtshan nyid kyis grub pa'i rang bzhin rdul tsam
yang med kyang/ las gsog pa

po la sogs pa dang/ blta ba dang mnyan par bya ba sogs rten
'brel gyi bya byed thams cad kyang 'thad do/ /bya byed thams cad
'thad pa'i phyir chad stong min la/ chos rnams ye gdod ma nas de
ltar stong ba la stong bar shes

pa tsam yin pas blos byas kyi stong ba'ang min zhing/ shes bya
thams cad de ltar 'dod pas nyi tshe ba'i stong ba'ang min pas/ de
bsgoms pas bden 'dzin gyi mngon zhen mtha' dag gi gnyen por yang
'gro'o/ /zab mo'i don

@181b de blo gang gi yang yul du mi rung ba min gyi/ yang dag
pa'i lta bas gtan la phebs pa dang/ yang dag pa'i don sgom pa'i
sgom pas yul du byed nus pas/ lam dus su nyams su len mi nus pa
dang/ rig rgyu dang rtogs rgyu ci

yang med pa'i stong ba yang min no/ /'o na gzugs brnyan la sogs
pa 'di dag gang du snang bas stong par nges pa 'di de dag gi
rang bzhin med par rtogs pa yin na/ so skye'i mngon sum gyis
rang bzhin med pa rtogs par

'gyur bas de dag 'phags par 'gyur ro/ /min na 'di rnams rang
bzhin med pa'i dper ji ltar rung snyam na/ 'di la bzhi brgya ba
las/ dngos po gcig gi lta po gang/ /de ni kun gyi lta por bshad/
/gcig gi stong nyid gang

yin pa/ /de ni kun gyi stong nyid yin/ zhes dngos po gcig gi
stong nyid lta ba po'am rtogs pa po des dngos po gzhan rnams kyi
stong nyid kyang rtogs nus par bshad la/ byad bzhin gyi gzugs
brnyan byad bzhin gyis stong bar

rtogs pas ni/ gzugs brnyan rang gi ngo bo nyid kyis grub par
'dzin pa'i bden 'dzin gyi yul la ci yang mi gnod cing/ de'i yul
sun phyung ba med par gzugs brnyan rang bzhin gyis grub pas
stong ba'i stong nyid ma rtogs

pa'i phyir/ blo des gzugs brnyan gyi de nyid rtogs pa min no/
/'dis ni sgyu ma rta glang gis stong ba dang/ rmi lam gyi snang
ba sogs gang du snang ba des stong bar rtogs kyang/ sgyu ma dang
rmi lam lta bur rtogs pa'i

@182a @#/ /dbu ma pa'i lta ba rnyed pa min no/ /'on kyang 'di dag
dper len pa ni gzugs sgra sogs kyi chos gzhan rnams las/ 'di
rnams rang bzhin med par rtogs sla ba'i rgyu mtshan gyis yin la/
'di rnams do

bo nyid gyis grub pa'i rang bzhin gyis stong bar ni/ yul bden
par grub na rang gi gnas tshul gang yin pa de las rnam pa gzhan
du blo la 'char du mi rung bas/ de gnyis la 'gal ba bstan nas
grub pa yin no//

'jig rten rdzun par grags pa'i dpe 'di rnams thog mar rang bzhin
med par rtogs su bcug nas/ de nas 'jig rten na rdzun par ma
grags pa'i chos gzhan rnams rang bzhin med par rtogs pa skyed
dgos

shing; de gnyis la snga phyi'i rim pa dgos pas chos gcig gi
stong nyid rtogs pa na/ chos gzhan thams cad kyi stong nyid
dngos su rtogs pa min gyi/ chos gzhan bden par yod med la blo
kha

phyogs pa na rtogs nus pa'i don no/ /de ltar na rmi lam la der
shes nas skyes pa bud med sogs su snang ba nges stong bar rtogs
pa dang/ mngon rtogs rgyan las/ rmi lam na yang chos rnams kun/
/rmi lam

lta bur lta la sogs/ zhes rmi lam na chos thams cad rmi lam lta
bur lta bar gsungs pa gnyis kyang don mi gcig go /de bzhin du
ting nge 'dzin bsgoms pa'i nyams kyi snang ba la/ bum snam sogs
su

@182b snang ba rnams gang du snang ba des stong par rtogs pa
dang / de rnams rang bzhin gyis ma grub pa'i sgyu ma dang rmi
lam lta bur rtogs pa gnyis kyang don mi gcig pas/ nges don gyi
gsung rab dang/ bstan bcos nas sgyu

ma dang rmi lam bzhin du rtogs par bya bar gsungs pa'i sgyu ma
bzhin du 'char tshul thun mong ma yin pa rnams legs par rtsad
gcad par bya'o/ /de ltar byas na brtan lam byang ba'i byis pas
me long gi gzugs brnyan la

byad bzhin sogs su 'dzin pa dang/ sgyu ma'i rgyus med pa'i ltad
mo bas sgyu ma'i snang ba la rta glang sogs su 'dzin pa dang/
rmi lam la der ma shes pas dar snang ba'i ri khang khyim sogs la
de rnams dngos yin par 'dzin

pa rnams kyang 'dra la/ yang rgan po brda la byang ba dang/ sgyu
ma sprul mkhan dang/ rmi lam la rmi lam du shes pa rnams kyis
snang ba de dang de rnams su mi bden par shes pa rnams kyang
'dra ste/ gnyis kas kyang de khon

nyid kyi lta ba rnyed pa min no/ /gnyis pa ni/ sngar bshad pa'i
dgag bya'i tshad legs par ma zin par/ yul la rigs pas dpyad de
gsil ba na yul de mi 'dug pa snyam pa dang por 'byung zhing/ de
nas dpyad mkhan

la yang de dang 'dra bar mthong nas/ med par nges mkhan yang yod
pa ma yin pas gang la yang 'di yin 'di min gyi nges pa byas med
par song nas/ snang ba ban bun du song ba'i snang ba 'char ba
yang rang bzhin yod med

@183a @#/ /dang; yod med tsam ma phyed pa la brten nas byung ba
yin pas/ de 'dra'i stong ba yang rten 'brel bshig pa'i stong pa
yin la/ des na de rtogs pas drangs pa'i snang ba ban bun du shar
ba yang sgyu ma lta bu'i

don gtan min no/ /des na rigs pas dpyad pa na gang zag sogs la
rang gi ngo bos grub pa'i yul steng du sdod tshul cung zad kyang
mi 'dug go snyam pa dang/ de la brten nas snang ba 'di rnams
kyang ban bun du 'char ba tsam dka'

pa min gyi/ de 'dra de dbu ma'i grub mtha' la mos shing rang
bzhin med pa'i tshul ston pa'i chos than thun thos pa thams cad
la 'ong yang/ dka' sa ni rang gi ngo bos grub pa'i rang bzhin ma
lus par khegs pa dang/ rang

bzhin med pa'i gang zag la sogs pa de nyid las gsog pa po dang/
'bras bu myong ba po la sogs par 'jog pa la des pa gting nas
'drongs te/ de rnams su 'jog thub pa'i gnyis tshogs de srid mtha'
tsam du

song bas dbu ma'i lta ba shin tu rnyed dka' ba yin no/ de'i
phyir de kho na nyid la dpyod pa'i rigs pas dpyad pa'i tshe/ skye
ba la sogs pa ma rnyed pas ni/ rang bzhin gyis skye ba sogs 'gog
gi /skye 'gag sogs gang

yin kun mi 'gog pa dang/ de bkag na don byed pa thams cad kyis
stong ba'i ri bong gi rwa dang mo gsham gyi bu bzhin du 'gyur
gyi/ snang ba sgyu ma lta bu tsam zhig lhag mar lus pa la/ rten
'brel gyi bya byed thams

@183b cad 'thad pa med pa'i skyon gsungs te/ bzhi brgya pa las/
de lta yin na ji lta bur/ /srid pa sgyu ma 'dra ma yin/ zhes
pa'i 'grel par/ rten cing 'brel par 'byung ba ji lta ba bzhin
mthong ba na/ sgyu ma byas pa lta bur 'gyur gyi/

mo gsham gyi bu lta bu ni ma yin no/ /gal te rnam par dpyad pa
'dis skye ba rnam pa thams cad du bkag pa las/ 'dus byas skye ba
med par bstan par 'dod na ni/ de'i tshe de sgyu ma lta bu nyid du
mi 'gyur gyi/ mo gsham

gyi bu la sogs pa dag gis nye bar gzhal bar 'gyur ba zhig nas/
rten cing 'brel bar 'byung ba med par thal bar 'gyur ba'i 'jigs
pas/ de dag dang bstun par mi byed kyi/ de dang mi 'gal ba sgyu
ma la sogs pa

dag dang ni byed do/ zhes dang/ de'i phyir de ltar yongs su
dpyad pa na dngos po rnams kyi rang bzhin 'grub par mi 'gyur bas
so so nas dngos po rnams la sgyu ma lta bu de nyid lhag mar lus
par 'gyur ro/ zhes gsungs

so; ;de'i phyir snang ba sgyu ma lta bu'i rten 'brel yod ba tsam
du 'dzin pa skyon can gyi sgyu 'dzin min gyi/ sgyu ma lta bu'i
snang ba ngo bo nyid kyis grub pa dang bden par 'dzin na skyon
no/ /ting nge 'dzin gyi rgyal po las kyang/ srid

pa'i 'gro ba rmi lam lta bu ste/ /'di la mi skye su yang 'chi ba
med/ /sems can mi dang srog kyang mi rnyed de/ /chos 'di rnams
ni dbu ba chu shing 'dra/ /sgyu ma lta bu nam mkha'i glog 'dra
ste/ /chu yi zla ba 'dra zhing smig rgyu bzhin/

@184a @#/ /mi 'ga' 'jig rten 'dir yang shi nas ni/ /'jig rten
gzhan du 'pho zhing 'gro med kyang/ /las byas rnams ni nam yang
chud mi za/ /'khor ba na yang dkar nag 'bras bu smin/ zhes de
kho na nyid la dpyod pa'i

rigs pas btsal ba na/ skye ba dang 'chi 'pho ba'i gang zag la
sogs pa dpyad bzod pa rdul tsam yang mi rnyed kyang/ chos rnams
sgyu ma lta bu la dkar nag gi 'bras bu rnams 'byung bar gsungs
pa lta bu'i go ba chags pa

dgos so/ /gzhan yang mnyam gzhag tu yin lugs phu thag chod pa'i
lta thog tu bzhag nas bskyangs pa min par/ sems gang du yang mi
'dzin pa'i rtse gcig pa tsam brtan po rnyed pa'i mthus/ de las
langs na ri la sogs

pa'i snang pa rnams/ sngar sra 'thas su 'char ba bzhin min par
'ja' tshon nam/ du ba srab mo bzhin du bkrag med du 'char ba yang
gsung rab nas bshad pa'i sgyu ma bzhin du shar ba min te/ de ni
thogs bcas rags pa zhig

gis stong bar snang ba yin gyi/ yul snang de rnams rang bzhin
gyis grub pas stong bar snang ba min pa'i phyir dang/ thogs bcas
sra 'thas par med pa/ rang bzhin med pa'i stong pa'i don du gtan
mi rung ba'i phyir ro/ /

de lta ma yin na 'ja' tshon sogs khyad gzhir bzung ba'i tshe bden
'dzin skyer mi rung ba dang/ thogs bcas khyad gzhir bzung ba'i
tshe bden med rtogs pa'i shes pa bskyed du mi rung ba'i skyon du
'gyur ro/ /gnyis pa ni/

@184b 'on ji ltar byas na sgyu ma'i don phyin ci ma log par
'char snyam na/ dper na sgyu ma'i rta glang mig gi shes pas
mthong ba dang/ snang ba ltar gyi rta glang med par yid shes
kyis nges pa la brten nas/ rta glang du snang ba de sgyu ma'am

rdzun pa'i snang bar nges pa skye ba de bzhin du/ gang zag la
sogs pa tha snyad pa'i shes pa la bsnyon med du snang ba dang/
de nyid rang gi ngo bos grub pa'i rang bzhin gyis stong bar rigs
shes kyis nges pa gnyis la brten

nas; gang zag de sgyu ma'am rdzun pa'i snang bar nges pa skye ba
yin no/ /de'i gnad kyis mnyam gzhag tu mtshan 'dzin gyi dmigs
gtad rdul tsam yang med pa'i nam mkha' lta bu'i stong nyid sgom
pa gnad du song na/ de

las langs nas yul snang 'char ba la bltas na rjes thob tu sgyu
ma lta bu'i stong pa 'char ro/ /de bzhin du chos rnams la rang
gi ngo bos grub pa yod med dpyod pa'i rigs pas mang du dpyad
nas/ rang bzhin med pa la

nges pa shugs drag bskyed pa'i rjes su/ snang ba shar ba la
bltas na sgyu ma lta bur 'char ba yin gyi/ sgyu ma lta bu'i
stong pa logs su gtan la 'bebs tshul med do/ /des na phyag skor
ba sogs kyi spyod phyogs la

'jug na yang sngar ltar dpyad pa'i nges pa'i rtsis zin par byas
nas/ de dag la zhugs pas sgyu ma lta bur 'char ba la bslab ste/
de'i ngang nas de dag bya'o/ /de la byang nas ni lta ba dran
tsam gyis kyang de rnams sgyu ma

@185a @#/ /bzhin du 'char ro/ /nges pa de'i 'tshol lugs go bde bar
brjod na/ sngar bshad pa ltar rigs pa'i dgag bya'i legs par
'char du gzhug la/ rang rgyud kyi ma rig pas rang bzhin ji ltar
sgro

btags pa rnams legs par bsams la ngos zin par bya/ de nas rang
bzhin de 'dra yod na gcig tha las mi 'da' ba'i tshul dang / de
gnyis kar khas blangs pa la gnod byed yong lugs dmigs phyed par

bsams la gnod byed mthong ba'i nges pa drang zhing / mthar gang
zag la rang bzhin gyis grub pa cung zad kyang med do snyam pa'i
nges pa brtan par bya ste/ stong phyogs la de 'dra mang du
sbyang / de nas gang zag gi tha snyad

bsnyon mi nus par snang ba rnams blo'i yul du 'char du gzhug la/
de las gsog pa po dang 'bras bu myong ba por 'jog pa'i rten
'brel gyi phyogs rnams yid la bya zhing / rang bzhin med pa la
rten 'brel 'thad lugs

rnams la nges pa rnyed par bya'o/ /de gnyis 'gal par snang ba'i
tshe na gzugs brnyan sogs dper blangs nas mi 'gal ba'i tshul bsam
te/ 'di ltar byad bzhin gyi gzugs brnyan mig rna sogs gang du
snang ba rnams

kyis stong kyang / byad dang me long la brten nas skye ba dang /
rkyen de dag 'ga' zhig log pa'i tshe 'jig pa gnyis bsnyon mi nus
par gzhi mthun du 'du ba bzhin du/ gang zag la yang rang bzhin
gyis grub pa rdul tsam

@185b med kyang / las gsog pa po dang / 'bras bu myong ba po
dang / sngon gyi las nyon sogs la brten nas skye ba yang mi 'gal
lo snyam du sbyang bar bya ste/ 'di lta bu ni 'di 'dra thams cad
kyi skabs su shes par bya'o/ /gnyis

pa ni; gang zag tu gdags pa'i gzhi phung po lnga dang sa'i khams
la sogs pa khams drug dang / mig sogs skye mched drug la sogs pa
ni chos yin la/ de rang gi ngo bos grub pa'i rang bzhin gyis
stong ba ni chos de dag

gi bdag med pa yin no/ /de gtan la 'bebs pa'i tshul la gnyis/
sngar bshad pa'i rigs pa kha spos nas 'gog pa dang / sngar ma
bshad pa'i rigs pa gzhan gyis dgag pa'o/ /dang po ni/ phung po
dang khams

dang skye mched kyi dngos po la gnyis las/ gzugs can rnams ni
rang gi shar la sogs pa'i phyogs kyi cha rnams dang / cha can
gnyis dang / shes pa rnams ni rang gi snga phyi la sogs pa'i dus
kyi cha rnams dang / cha can

gnyis ngo bo nyid kyis grub pa'i gcig tha dad gang du grub
brtags nas/ sngar bzhin 'gog pa yin te/ 'di ni/ ji ltar khyod
kyis bdag gi 'du shes ni/ /shes pa de bzhin kun la blos sbyar
bya/ zhes gsungs pa'i

mdo sngar drangs pa'i don no/ /gnyis pa la gnyis/ rtan 'byung gi
gtan tshigs bstan pa / de dang rigs pa snga mas 'dus ma byas
kyang bden med du 'grub tshul lo/ /dang po ni/ rten 'brel gyi
gtan tshigs ni/ blo gros

@186a @#/ /rgya mtshos zhus pa las/ gang rnams rten cing 'brel
bar 'byung/ /de rnams ngo bo nyid kyis med/ ces rten 'byung gi
rtags kyis/ rang bzhin gyis grub pa 'gog pa gsal bar gsungs
shing/ ma dros

pas zhus pa las kyang/ gang zhig rkyen las skye ba de ma
skyes/ /de la ngo bo nyid kyis skye ba med/ /gang zhig rkyen
la ltos pa de stong gsungs/ /gang gis stong nyid shes de bag
yod yin/ zhes gsal bar gsungs te/ 'di

ni gsung rab rin po cha rnams na shin tu mang ngo/ /de yang
rkang pa dang pos ma skyes zhes gsungs pa'i don ni/ rkang pa
gnyis pas ngo bo nyid kyis skye ba med ces bshad pas/ skye ba
'gog pa la dgag bya'i khyad par sbyar ba

yin la/ lang gshegs las/ rang bzhin gyis ma skyes pa la dgongs
nas/ ngas chos thams cad ma skyes pa'o/ zhes gsungs so/ zhes
pa tshig gsal du drangs pa las kyang/ khyad par ma sbyar bar
skye ba med par

gsungs pa rnams skye ba gang yin thams cad med par bzung dogs
nas/ ston pa nyid kyis mdo sde'i dgongs pa blangs te rang
bzhin gyis skye ba med pa'i don du bshad do/ /de nas rkang pa
gsum pas rkyen la rag las

shing ltos pa/ ngo bo nyid kyis grub pas stong ba'i don du
gsungs pas ni/ rang bzhin gyis grub pas stong ba rten 'byung
gi don yin gyi/ skye tsam bkag pa'i don byed pas stong ba min
par bstan to/ /rtsa she las  

@186b kyang; rten cing 'byung ba gang yin pa/ /de ni ngo bo nyid
kyis zhi/ zhes brten nas 'byung ba'i rgyu mtshan gyis/ ngo bo
nyid kyis grub bas zhi ba'am stong par gsungs pas/ dbu ma pa'i
lugs kyis ni/ brten nas skye ba nyid

kyis; ma skyes zhes smra bar bya dgos so zhes sogs kyi/ mun
sprul gang ci'ang rung smra ba/ /de dag kyang ni bsal ba yin/
zhes shes par bya'o/ /de 'dra ba'i rten 'byung gi gtan tshigs
la ni shin tu bsngags te/ ma dros pas

zhus pa las/ mkhas pas rten 'byung chos rnams rtogs 'gyur te/
/mthar lta ba la brten par yong mi byed/ ces rten 'byung ji
bzhin du rtogs pas mthar 'dzin gyi lta ba la mi rten par
gsungs pa'i don/ 'jug

pa las/ gang phyir dngos po brten nas rab 'byung bas/ /rtog pa
'di dag brtag par mi nus pa/ /de phyir rten 'byung rigs pa 'di
yis ni/ lta ngan dra ba mtha' dag gcod par byed/ ces gsungs
te/ 'di ni bdag

nyid chen po klu sgrub yab sras kyi khyad chos bla na med
pa'o/ /de'i phyir 'dir rigs pa rnams kyi nang nas rten 'byung
gi rigs pa brjod par bya'o/ /'dir lta ba rnam dag gi gegs gol
sa'i gtso po ni gnyis te/ gcig ni chos

rnams la bden par 'dzin pa'i bden 'dzin gyi dmigs gtad can gyi
rtag lta dang sgro 'dogs kyi lta ba'o/ /gnyis pa ni dgag bya'i
tshad ma zin par thal drags nas/ rgyu 'bras rten 'byung gi nges
pa rang lugs la drang du

@187a @#/ /med par song nas/ 'di yin dang 'di ma yin gyi ngos
gzung bya sa med pa/ chad lta dang skur 'debs kyi lta ba'o/
/de gnyis ni rgyu rkyen 'di las 'bras bu 'di 'byung la nges pa
drangs pa'i gtan tshigs la brten

nas rang bzhin gyis grub pa bkag pa na ma lus par spong ba yin
te/ gtan tshigs kyi nges pas ni chad lta dang / dam bcas pa'i
don nges pas ni rtag lta rtsa ba nas sun 'byin pa'i phyir ro/
/des na myu gu la sogs

pa phyi dang / 'du byed la sogs pa nang gi dngos po rnams rim
pa bzhin du sa bon la sogs pa dang / ma rig pa la sogs pa la
brten nas 'byung la/ de lta yin na de dag la rang gi mtshan
nyid kyis grub pa mi

'thad de/ rang gi ngo bo nyid kyis grub na ni/ rang la rang
dbang ba'i tshugs thub kyi rang bzhin grub dgos pas/ rgyu rkyen
la rag las pa 'gal ba'i phyir te/ brgya pa las/ gang la brten
nas 'byung yod pa/ /de ni rang

dbang mi 'gyur ro/ /'di kun rang dbang med pa ste/ /des na
bdag ni yod ma yin/ zhes so/ /'dis ni gnag zag dang bum pa
sogs kyang rang gi tshogs pa la brten nas btags pa yin pas/
rang bzhin gyis

grub pa med par shes par bya ste/ rten 'byung gi gtan tshigs
kyi rnam gzhag gnyis so/ /brten nas skyes pa dang brten nas
btags pa yin na/ gang la brten pa de dang ngo bo nyid kyis
grub pa'i gcig tu med de/

@187b gcig tu yod na bya byed thams cad gcig tu 'gyur ro/ /de
gnyis ngo bo nyid kyis grub pa'i gzhan du'ang med de/ yon na
ni 'brel pa 'gog nus pas/ de la ltos pa 'gal ba'i phyir ro/
/rtsa she las kyang/ gang

la brten te gang 'byung ba/ /de ni re zhig de nyid min/ /de
las gzhan pa'ang ma yin te/ /de phyir chad min rta ga ma yin/
zhes dang/ 'jig rten las 'das par bstod pa las kyang/ sdug
bsngal rang gis byas

pa dang / /gzhan gyis byas dang gnyis kas byas/ /rgyu med par
ni rtog ge 'dod/ /khyod kyis brten nas 'byung bar gsungs/
/rten cing 'brel bar gang 'byung ba/ /de nyid khyod ni stong
par bzhed/ /dngos pho rang dbang

yod min zhes/ /mnyam med khyod kyis seng ge'i sgra/ zhes rten
'brel gyi gtan tshigs kyis gcig dang tha dad dang rtag chad kyi
mtha' dang / skye ba'i mtha' bzhir 'dzin pa 'gog par gsungs
so/ /de ltar mtshan 'dzin kyi

dmigs gtad mtha' dag gis stong ba'i stong nyid kyi nges pa
drangs nas/ las 'bras kyi 'brel ba'i nges pa mi 'dor bas/ 'dor
len bsten pa la shin tu bsngags te/ byang chub sems 'grel las/
chos rnams

stong pa 'di shes nas/ /las dang 'bras bu bstan pa gang/ /ngo
mtshar bas kyang 'di ngo mtshar/ /rmad byung bas kyang 'di rmad
byung/ zhes gsungs so/ /de ltar 'ong ba la ni rang bzhin gyis
yod pa dang/ yod tsam dang/

@188a @#/ /rang gi mtshan nyid kyis med pa dang/ med pa'i khyad
par phyed dgos te/ 'jug 'grel las/ gzugs brnyan rang bzhin med
pa'i rgyu dang 'bras bu'i rnam par bzhag pa yang shes bzhin
du/ mkhas pa su

zhig gzugs dang tshor ba la sogs pa rgyu dang/ 'bras bu las tha
dang med par gnas pa rnams yod tsam zhig tu dmigs pas/ rang
bzhin dang bcas par nges par byed/ de'i phyir yod par dmigs
kyang rang bzhin

gyis skye ba med do/ zhes gsungs pa ltar ro/ /de dag ma phyed
na dngos po yod phyin chad rang gi ngo bos yod pa dang / rang
gi ngo bos yod pa dang/ rang gi ngo bos med phyin chad ye med
du song nas/ sgro 'dogs dang skur 'debs kyi mtha' gnyis las

mi 'da' ste/ brgya ba'i 'grel pa las/ dngos po dngos po yod
par smra ba'i ltar na ni/ ji srid du dngos po de'i yod pa nyid
yin pa de srid du de ltar rang gi ngo bo yang yod pa nyid yin
la/ gang gi tshe rang gi ngo bo dang bral

pa de'i tshe de la dngos po de rnams pa thams cad du med pa'i
phyir bong bu'i rwa dang 'dra bas/ gnyis su smra ba las ma
'das pa'i phyir 'di'i mngon par 'dod pa thams cad 'grig dka'
bar 'gyur ro/ zhes so/ /des na rang

gi ngo bos med pas yod mtha' thams cad dang / de nyid la rang
bzhin med pa'i rgyu 'bras 'jog nus pas med mtha' thams cad las
grol/ mtha' la rnam bshad rigs pa las/ /mtha' ni zad dang 'jug
cha dang / /nye

@188b dang phyogs dang smad pa la'o/ zhes gsungs pa ltar gyi
mtha' rnams rang lugs la'ang khas len mod kyang/ mtha' bral
zhes pa'i lta ba'i gol sa'i mtha' ni/ dbu ma snang ba las/ gal
te dbu ma la sems kyi/ rang gi

ngo bo'i bdag nyid kyi dngos po don dam pa ba ci yang rung ba
zhig yod par gyur na ni/ de'i tshe de la de yod pas rtag go
zhe'am mi rtag go zhes bya bar mngon par zhen pa yang ji ltar
mthar 'gyur te/ dngos bo'i de kho na nyid ji

lta ba bzhin gyi rjes su song zhing tshul bzhin yid la byed pa
nyid ni ltung ba'i gnas so/ zhes bya bar rigs pa ma yin no/
zhes ji ltar gnas pa'i don la/ de ltar du yid la byed pa ni/
lhung ba'i gnas min pas mthar

'dzin min par gsungs pa ltar yin pas/ 'jig rten na brag
g.yang la mtha' dang / de la lhung ba la mtha' la lhung zhes
smra ba bzhin du/ chos rnams bden par 'dzin pa dang / cir yang
ma grub pa dang yod pa min par

'dzin pa ni/ yang dag pa'i don gyi bzlog phyogs kyi rtag chad
kyi mthar lhung ba yin gyi/ chos rnams don dam par med pa dang
/ las 'bras sogs tha snyad du yod par 'dzin pa sogs ni mthar
'dzin min te/ bzung ba ltar

du yul de de ltar gnas pa'i phyir te/ rtsod zlog las/ rang
bzhin med pa nyid log na/ /rang bzhin nyid du rab grub 'gyur/
zhes don dam par med pa ma yin na der yod par gsungs pa dang /
tha snyad khas ni ma blangs

@189a @#/ /par; ;nged cag 'chad par mi byed do/ zhes dang /
stong nyid bdun cu pa las/ 'di brten 'di 'byung zhes bya ba'i/
/'jig rten tshul 'di 'gog mi mdzad/ ces gsungs pa'i phyir ro/
/des na gzhi de yod pa

min pa dang / yod pa gnyis dang / med pa min pa dang / med ces
pa'i khyad 'byed ni/ smra lugs kyi khyad par tsam du zad kyi/
gnyis ka'i don blo la 'char tshul la ji tsam brtags kyang khyad
par ci yang med pa'i phyir na/

tshul des mthar ltung mi ltung du smra ba ni tshig tsam la 'tshol
bar zad do/ /gnyis pa ni de ltar gang zag dang chos 'dus byas
rnams sngar bshad pa'i rigs pa rnams kyis bden med du grub na/
nam mkha' dang / so sor

brtags pa'i 'gog pa dang / so sor brtags min gyi 'gog pa dang
/ de bzhin nyid la sogs pa'i 'dus ma byas rnams bden med du
tshegs chung dus 'grub pa la dgongs nas/ rtsa she las/ 'dus
byas rab tu ma

grub pas/ /'dus ma byas ni ji ltar 'grub/ ces gsungs so/
/'grub sla lugs ni 'dus byas rang bzhin gyis grub pa sngar
ltar bkag pa na/ rang bzhin gyis ma grub kyang de rnams la
'ching grol dang / rgyu 'bras

dang / gzhal bya 'jal byed sogs bya byed bzhag pas chog pa
'grub la/ de grub na 'dus ma byas chos nyid dang brtags 'gog
lta bu la yang bden par ma grub kyang/ lam gyi thob bya dang
gzhal bya dang / gdul bya'i

@189b skyabs gnas chos dkon mchog tu 'jog pa sogs kyi rnam
gzhag rnams legs par bzhag pas chog pas/ de rnams bden bar
khas ma blangs na/ de rnams gzhag dgos pa'i rnam gzhag 'di mi
'thad ces gang yang

smrar med pas de rnams bden par khas len pa'i don med do/ /de
rnams bden par 'dod pas kyang de dag gi mtshan mtshon dang /
bral rgyu dang / bral 'bras dang / tshad ma 'dis gzhal ba sogs
kyi rnam gzhag rnams 'dod

dgos kyang dgos la/ 'dod kyang 'dod do/ /de'i tshe de rnams
rang gi thab bya dang mtshan nyid dang 'jal byed sogs la ma
'brel na ni/ 'brel med thams cad mtshan mtshon sogs su 'gyur ba
bzlog mi nus la/ 'brel ba

'dod na ni rang bzhin gyis grub pa'i bden grub la gzhan la
ltos pa mi rung bas/ 'brel pa 'jog mi nus so/ /de bzhin du
gcig dang tha dad brtags nas kyang dgag par bya ste/ rigs pa'i
dpyod pa 'dis da dag bden grub

tu 'dod pa dgag mi nus na/ 'dus byas la'ang rnam pa kun tu
mtshungs pas bden pa cung zad kyang 'gog mi nus par 'gyur ro/
/gal te 'dus byas rang bzhin gyis grub pa'i rang gi ngo bos
stong zhes pa'i don ni/ chos

de la de'i ngo bo med pa'i don yin pas/ chad pa'i stong pa yin
gyi/ da bzhin nyid la ni rang gi ngo bo yod pas bden par yod
do snyam na/ de ni 'dus byas rang bzhin gyis grub pas stong
par gtan la 'bebs pa'i phyin ci

@190a @#/ /log gi gol sa mthar thug pa 'dus byas kyi rten 'brel
la sgur 'debs kyi lta ba yin zhing/ phyi ma ni rang gi ngo bo
yod na bden grub tu sgro 'dogs kyi rtag lta mi bzad pa yin pas
yang dag pa'i stong nyid kyi don

la log par zhugs pa'o/ /gal te rang bzhin gyis grub pa'i rang
gi ngo bos stong pa ni kho rang la kho rang med pa yin na/
rang la med pa ni 'gar yang yod pa mi srid pas chos 'ga' zhig
bden par dam 'cha' mkhan dang / de sgrub

pa'i lung rigs la sogs pa rnams kyang rang bzhin gyis grub
pa'i rang gi ngo bos stang ba yin pas gzhi ma grub pas chos
'ga' zhig bden pa'i grub mtha' 'jog pa ni ma brtags par byung
rgyal du smra ba'o/ /chul 'di'i rigs

pa'i 'gres rnams legs bar mthong nas 'phags yul gyi rang sde
chos bden grub tu smra ba thams cad nges par dngos po bden
grub tu smra bas de dag la dngos por smra ba zhes zer la dngos
po bden med du smra phyin chad chos gang

yang bden grub tu mi 'dod pa ni phyogs 'di'i mu cor smra ba
rnams las ches char khyad par du 'phags pa'i rtags su snang
ngo/ /'di na de kho na nyid la mi mthun pa gnyis su smra ba
rnams kyang kun rdzob pa rang bzhin gyis

grub pa'i rang gi ngo bos stong ba'i tshul snga ma lta bu la
blo mthun byas nas don dam pa don dam du grub ma grub la rtsod
pa'i tshul rnams ji ltar du song ba yang sngar bshad pas legs
par shes dgos te/ rigs

@190b pas chos rnams la bden pa khegs nas dngos po dang chos
kun la bden pa khas mi len pa dang / stong pa'i go lugs nyes
pa'i chad stong la brten nas dngos po dang/ chos kun bden med
du smra ba gnyis rnam pa thams

cad du mi mtshungs pa'i phyir ro/ /gal te/ 'dus byas rab tu ma
grub pas/ 'dus ma byas ni ji ltar 'grub/ ces pa'i don sngar
ltar yin na rigs pa drug cu pa las/ mya ngan 'das pa bden gcig
pur/ /rgyal

ba rnams kyis nam gsungs pa/ /de tshe lhag ma log min zhes/
/mkhas pa su zhig rtog par byed/ ces myang 'das gcig pu bden
gyi gzhan rnams mi bden par gsungs pa dang / chos dbyings
bstod pa las kyang/ stong

pa nyid ni ston pa'i mdo/ /rgyal bas ji snyed gsungs pa de/
/de dag kun gyis nyon mongs bzlog /khams 'di nyams par byed ma
yin/ zhes rang bzhin med pa'i stong nyid ston pa'i mdo sde
rnams ni/ nyon mongs

spong ba'i don du yin gyi/ rang bzhin rnam dag gi khams med
par ston pa min par ston pa min zhes gsungs pa dang ji ltar mi
'gal snyam na/ de dag ni lung gi don la log par zhugs pa yin
te/ 'di ltar lung snga ma'i don ni/ bcom ldan

'das kyis/ dge slong dag bden pa dam pa 'di ni gcig ste/ 'di
lta ste mi slu ba'i chos can mya ngan las 'das pa'o/ /'du byad
thams cad ni rdzun pa slu ba'i chos can no/ zhes gsungs pa'i
don yin la/ mdo des 

@191a @#/ /kyang myang 'das bden pa dang 'du byed thams cad
brdzun par gsungs la/ bden pa'i don ni mdo snga mas mi slu ba
dang / rdzun pa'i don ni mdo phyi mas slu ba la shin tu gsal bar
bshad la/ de yang

myang 'das ni don dam bden pa la rigs pa drug cu pa'i 'grel pas
bshad pa ltar yin pas/ de mngon sum du mthong ba'i blo de'i ngor
rang bzhin gyis ma grub bzhin du der snang ba'i slu ba med la/
lhag ma 'du byed

rnams ni rang mngon sum du snang ba'i blo'i ngor rang bzhin gyis
ma grub bzhin du der snang ba'i slu ba yod pas bden par grub ma
grub dpyod pa'i rigs pas dpyad pa na dpyad bzod kyi bden par
grub ba min pas don la

zhib tu ma bsams par ming tsam la chags pas ci zhig bya/ gzhan
yang/ rigs pa drug cu pa las/ srid pa dang ni mya ngan 'das/
/gnyis po 'di ni yod ma yin/ /srid pa yongs su shes pa nyid/
/mya ngan 'das zhes bya bar

brjod/ ces srid zhi gnyis ka rang bzhin gyis yod pa min pa dang
/ srid pa rang bzhin gyis grub pa med par shes pa'i yul nyid la
myang 'das 'jog par bshad pas 'khor ba bden pa med pa'i stong ba
chad stong du

'dod pa'i phyogs ga la yin/ bstod pa'i lung don yang rang bzhin
gyis grub pa med pa'i stong nyid ston pa'i mdo rnams kyis nyon
mongs gzhan thams cad kyi rtsa ba dngos po bden 'dzin bzlog pa'i
don du de'i zhen yul

@191b med par ston pa yin gyi/ bden 'dzin gyi yul bdag gnyis
bkag pa'i rang bzhin rnam dag gi khams stong nyid med par ston
pa min no/ zhes pa yin la/ stong nyid de yod kyang bden par grub
ba min pas lung de dgag

bya bden pa bkag pa'i stong nyid kyang yod pa min zhes smra ba
dang/ nyon mongs zad par spong ba la don dam pa'i de kho na nyid
kyi stong nyid rtogs mi dgos zhes smra ba 'gog pa la khungs su
'gyur ro/ /des na bstod pa de nyid las/

mi rtag stong pa sdug bsngal zhes/ /bya ba gsum pos sems sbyong
byed/ /mchog tu sems ni sbyong byed pa'i/ /chos ni rang bzhin
med pa yin/ zhes dang/ chos rnams rang bzhin med pa nyid/ /chos
kyi dbyings su bsgom par

bya; zhes chos 'di rnams rang bzhin gyis grub pa'i rang bzhin
med pa nyid bsgom bya'i chos kyi dbyings dang/ de sgom pa nyid
sems sbyong ba'i mchog tu gsungs pas/ 'di ltar snang ba'i chos
rnams rang bzhin gyis

grub pa med pa'i stong pa chad stong yin pas de las logs pa'i
stong pa nyid bden par grub pa zhig bsgom bya'i stong nyid du
'jog pa'i phyogs la ji ltar drang du rung/ de ni shar phyogs na
sbrul med bzhin du yod par bzung

nas 'jigs pa'i sdug bsngal sel pa la shar phyogs na sbrul med
par ston pa de'i gnyen por mi 'gro yi/ nub phyogs na shing sdong
yod ces bstan dgos zhes smra ba dang 'dra ste/ sems can rnams
'di ltar snang ba

@192a @#/ /la bden par zhen nas sdug bsngal sel ba la gang la
bden par bzung ba'i gzhi de bden med du rtogs pa gnyen por mi
'gro yi/ gzhi gzhan don med cig bden par yod par bstan dgos zhes
smra ba'i

phyir ro/ /gsum pa la bzhi/ bden gnyis gang las 'byed pa'i gzhi/
ji ltar du phye ba'i grangs/ de ltar du phye ba'i don/ phye ba
so so'i don bshad pa'o/ /dang po ni/ bden gnyis kyi dbye gzhi la
snga ma rnams la 'dod

tshul mang du yod kyang/ 'dir ni bslab btus las/ shes par bya ba
yang kun rdzob dang don dam pa'i bden pa 'dir zad do/ zhes
gsungs pas shes bya ni dbye gzhi'o/ /gnyis pa ni/ rtsa she las/
'jig rten kun rdzob

bden pa dang / /dam pa'i don gyi bden pa'o/ zhes gsungs pa ltar
kun rdzob dang don dam pa'i bden pa gnyis su dbye'o/ /gsum pa
ni/ gnyis su phye ba gnyis ni tha dad pa dgos pas tha dad tshul
ji ltar yin snyam na/

'di la snga rabs pa mang po bum pa dang snam bu lta bu ngo bo
tha dad pa dang / byas pa dang mi rtag pa lta bu ngo bo gcig la
ldog pa tha dad pa gnyis ni/ tha dad rgyu gnyis ka dngos po yin
la/ gang rung gcig dngos por med

pa'i tha dad ni gcig pa bkag pa'i tha dad gsum yod pas/ bden
gnyis ni gcig pa bkag pa'i tha dad du smra la/ kha cig ni de
gnyis ngo bo gcig la ldog pa tha dad du 'dod do/ /dbu ma snang
ba las/ bdag

@192b gcig pa'i 'brel pa ni/ dngos por med pa la'ang mi 'gal bar
gsungs pa ltar legs pas tha dad rgyu gnyis ka dngos por med pa
dang / gang rung gcig dngos por med pa gnyis car la'ang ngo bo
gcig la ldog pa tha dad

mi 'gal lo/ /'jug 'grel las/ dngos po thams cad kyi rang gi ngo
bo rnam pa gnyis nye bar bstan te/ 'di lta ste kun rdzob dang
don dam pa'o/ zhes gsungs pas chos can re re'i ngo bo la kun
rdzob dang don dam pa'i ngo

po gnyis gnyis yod pa'i phyir dang / bden gnyis ngo bo gcig min
na ngo bo tha dad du shin tu yang mi rigs pas de gnyis la ngo bo
med pas med par 'gyur te/ yod pa la ngo bo gcig dang du mar yod
pa gang rung gis khyab pa'i

phyir ro/ /byang chub sems 'grel las kyang/ kun rdzob stong pa
nyid du bshad/ /stong nyid kho na kun rdzob yin/ /med na mi
'byung nges pa'i phyir/ /byas dang mi rtag dag bzhin no/ zhes
gsungs la/ myu gu lta bu de rang

gi don dam dang ngo bo tha dad yin na de rang gi bden stong dang
yang ngo po tha dad pas myu gu bden grub tu 'gyur bas ngo bo tha
dad min pas ngo bo gcig pa yin no/ /myu gu ni rang gi don dam
bden pa

ni min no/ /gzhung 'ga' zhig las bden gnyis gcig dang tha dad
gang yang min par gsungs pa'i kha cig ni rang bzhin gyis grub
pa'i gcig tha dad la dgongs la/ kha cig ni ngo bo tha dad pa
dang ldog pa gcig

@193a @#/ /pa gnyis kar min pa la dgongs so/ /bzhi pa la gsum/
kun rdzob bden pa dang / don dam bden pa dang/ bden gnyis kyi
grangs nges bstan pa'o/ /dang po la gsum/ kun rdzob dang bden
pa'i sgra don bshad

pa; kun rdzob bden pa'i mtshan nyid/ kun rdzob kyi dbye ba'o/
/dang po ni/ tshig gsal las/ kun rdzob la de kho na nyid la sgrib
pa dang / phan tshun brten pa'i don dang / 'jig rten gyi tha
snyad gsum bshad cing / phyi ma ni

brjod bya dang rjod byed dang / shes pa dang shes bya la sogs
pa'i mtshan nyid can du bshad pas/ yul can gyi tha snyad shes
brjod tsam min la/ shes bya dang brjod bya gang yin thams cad
kyang kun rdzob bden par mi gzung ngo//

de la gzugs sogs rnams shes pa kun rdzob pa gang gi ngor bden
par 'jog pa'i kun rdzob pa ni gsum gyi dang po yin la/ de yang
chos rnams la rang bzhin gyis grub pa'i rang gi ngo bo med pa la
yod par sgro 'dogs

pa'i ma rigs pa yin te/ don la bden par grub pa mi srid pas bden
par 'jog pa ni blo'i ngor yin la/ bden 'dzin min pa'i blo'i ngor
bden par bzhag tu med pa'i phyir ro/ /de ltar yang 'jug pa las/
gti mug rang bzhin

sgrib phyir kun rdzob ste/ /de gang bcos ma bden par snang de
ni/ /kun rdzob bden zhes thub pa des gsungs te/ /bcos mar gyur
pa'i dngos ni kun rdzob tu'o/ /zhes so/ /'dir 'jug 'grel la/ de
ltar re zhig srid

@193b pa'i yan lag gis yongs su bsdus pa nyon mongs pa can gyi
ma rig pa'i dbang gis kun rdzob kyi bden pa rnam par bzhag go
/de yang nyan thos dang rang sangs rgyas dang byang chub sems
dpa' nyon mongs pa can gyi ma rig pa

spangs pa/ 'du byed gzugs brnyan la sogs pa'i yod pa nyid dang
'dra bar gzigs pa rnams la ni bcos ma'i rang bzhin yin gyi/ bden
pa ni ma yin te bden par mngon par rlom pa med pa'i phyir ro/
/byis pa rnams la ni

slu bar byed pa yin la/ de las gzhan pa rnams la ni sgyu ma la
sogs pa ltar rten cing 'brel par 'byung ba nyid kyis kun rdzob
tsam du 'gyur ro/ zhes gsungs pas ni kun rdzob bden pa yod par
'jog pa rnams ma rig pas

yod par 'jog pa dang / nyon mongs can gyi ma rig pa spangs pa'i
nyan rang dang byang sems kyi dor kun rdzob kyi bden pa mi 'jog
par ston pa min no/ /de la dang po'i rgyu mtshan ni sngar bshad
pa ltar/ nyon mongs pa can gyi ma rig pa

ni bden 'dzin yin pas/ des bzung ba'i don tha snyad du yang mi
srid pa'i phyir dang / kun rdzob bden pa yin na tha snyad du yod
pas khyab pa'i phyir ro/ /des na chos rnams kun rdzob tu yod par
'jog pa'i 'jog sa'i kun rdzob yin na

ni; nyon mongs can gyi ma rig pa la kun rdzob tu byas pa de ma
yin dgos so/ /gnyis pa'i rgyu mtshan ni nyon mongs can gyi ma rig
pa'i kun rdzob spangs pa rnams la gang gi ngor bden par 'jog
pa'i bden zhen gyi kun rdzob med

@194a @#/ /pa'i rgyu mtshan gyis 'du byed rnams de dag gi ngor mi
bden par bsgrubs kyi/ kun rdzob bden pa ma yin par ma bsgrubs
pa'i phyir ro/ /des na de dag gi ngor 'du byed rnams kun rdzob
tsam du gsungs pas ni/ de'i ngor kun

rdzob dang bden pa gnyis kyi nang nas bden par gzhag tu med pas/
tsam gyi sgras ni bden pa gcod kyi kun rdzob bden pa mi gcod pas
kun rdzob tsam dang kun rdzob bden pa gnyis gsungs pa'i dgongs
pa de bzhin du shes par

bya'o; ;tshig gsal las/ 'jig rten gyi kun rdzob tu bden pa ni/
'jig rten kun rdzob bden pa ste/ zhes gsungs pa ni 'jug 'grel
las/ kun rdzob des gang zhig bden par snang zhing rang bzhin med
bzhin du rang bzhin du so sor

snang ba de ni 'jig rten phyir ci log tu gyur pa'i kun rdzob tu
bden pas 'jig rten gyi kun rdzob bden pa ste/ zhes sngar bshad
pa'i kun rdzob de'i dor bden pa la gsal bar gsungs pa ltar bya
yi/ tha snyad

du bden par grub pa la mi bya ste/ gzhan du na rang gi mtshan
nyid kyis grub pa tha snyad du yang mi srid pa'i lugs dang 'gal
ba'i phyir dang/ bden grub 'gog pa dang bden med sgrub pa rnams
tha snyad du byed pa'i phyir ro/ /

tshul 'dis slob dpon ye shes snying pos kun rdzob tu bden par
gnas par bshad pa'ang shes par bya'o/ /'o na chos nyid dang bdag
gnyis bden 'dzin kun rdzob pa'i ngor bden pas kun rdzob bden par
'gyur ro

@194b snyam na/ bden 'dzin kun rdzob pa'i ngor bden pa tsam zhig
la kun rdzob bden par 'jog na de ltar 'gyur mod kyang de ltar ni
mi smra'i kun rdzob bden pa'i bden pa de kun rdzob pa gang gi
ngor bden pa'i kun rdzob pa dang de'i

ngor bden tshul bshad pa tsam mo/ /gnyis pa ni/ phyi nang gi
dngos po 'di rnams re re la yang don dam pa dang kun rdzob pa'i
ngo bo gnyis gnyis yod de/ de yang myu gu lta bu zhig la mtshon
na shes bya yang dag pa de kho na'i don gzigs

pa'i rigs shes kyis rnyed pa'i myu gu'i ngo po dang / shes bya
rdzun pa slu ba'i don 'jal ba'i tha snyad pa'i shes pas rnyed
pa'i myu gu'i ngo bo'o/ /de'i snga ma ni myu gu'i don dam bden
pa'i ngo bo yin la/ phyi ma ni myu gu'i kun rdzob bden

pa'i ngo bo'o/ /de ltar yang 'jug pa las/ dngos kun yang dag
rdzun pa mthong ba yis/ /dngos rnyed ngo bo gnyis ni 'dzin par
'gyur/ /yang dag mthong yul gang de de nyid de/ /mthong ba rdzun
pa kun rdzob bden par gsungs/

zhes so/ /'dis ni myu gu'i ngo bo la bden gnyis kyi ngo bo gnyis
yod pa'i don dam ni shes pa snga ma dang/ kun rdzob ni shes pa
phyi mas rnyed par ston gyi/ myu gu'i ngo bo gcig nyid shes pa
snga phyi gnyis la ltos nas bden pa

gnyis su ston pa min te/ 'jug 'grel las/ dngos po thams cad kyi
rang gi ngo bo rnam pa gnyis nye bar bstan te/ 'di lta ste kun
rdzob dang don dam pa'o/ zhes dngos po re re'i ngo bo la gnyis
gnyis su phye nas don

@195a @#/ /dam pa ni yang dag pa'i don gzigs pa'i shes pa dang/
kun rdzob ni rdzun pa mthong ba'i shes pas rnyed par gsungs so/
/kun rdzob bden pa ni don la mi bden gyi bden 'dzin gyi ngo tsam
du bden pa yin pas de'i

don ldog nges pa la rdzun par nges dgos so/ /mtshan gzhi bum pa
lta bu zhig shes bya rdzun pa slu ba'i don du nges pa la gzhi de
la bden par 'dzin pa'i zhen yul rigs shes kyis sun phyung ba'i
lta ba rnyed dgos te/ bden

pa rigs pas ma khegs par rdzun pa tshad mas mi 'grub pa'i phyir
ro/ /bum snam la sogs pa kun rdzob bden pa yin yang de dag blos
grub pa na kun rdzob bden pa'i don blos grub mi dgos te/ bum
snam sogs rang bzhin

med bzhin du snang ba'i sgyu ma lta bu yin yang/ de dag grub
pa'i blos sgyu ma lta bu'i don grub mi dgos pa bzhin no / /de'i
phyir dbu ma'i lta ba med pa'i so skye'i shes ngo la ltos te bum
snam sogs kun rdzob bden pa dang/ 'phags

pa la ltos te don dam bden par 'jog pa 'di'i lugs su smra ba ni
rigs pa min te/ 'jug 'grel las/ de la so so'i skye bo rnams kyi
don dam pa gang yin pa de nyid/ 'phags pa snang ba dang bcas
pa'i spyod yul can

rnams kyi kun rdzob tsam yin la/ de'i rang bzhin stong ba nyid
gang yin pa de ni de rnams kyi don dam pa'o zhes gsungs pa las
bzlog nas smra ba yin pa'i phyir ro/ /so so skye bo rnams kyis
ni bum pa sogs la bden par

@195b 'dzin la/ de nyid don dam par yod par 'dzin pa yang yin
pas/ de dag gi shes ngo de la ltos te bum sogs rnams don dam par
grub pa yin gyi/ kun rdzob pa'i don min no/ /de dag gi ngor don
dam par gyur ba'i gzhi bum sogs

rnams 'phags pa'i rgyud kyi snang ba sgyu ma lta bu 'jal ba'i ye
shes kyi gzigs pa la ltos nas kun rdzob pa yin no/ /shes pa de
la ltos na bden par gzhag tu med pas kun rdzob tsam zhes gsungs
so/ /de lta na'ang de dag

gi rang bzhin don dam bden par gsungs pas bum sogs kun rdzob
dang/ de dag gi rang bzhin 'phags pa'i don dam mo zhes phye nas
brjod par bya yi/ bum sogs 'phags pa la don dam mo zhes smra bar
mi bya ste/ de'i yang

dag pa'i don mthong ba'i rigs shes kyis bum sogs ma rnyed pa'i
phyir dang/ yang dag pa'i don mthong ba'i rigs shes kyis rnyed
pa don dam bden pa'i don du gsungs pa'i phyir ro/ /gsum pa ni/
dbu ma rang rgyud pa dag shes pa rang

gi mtshan nyid kyis grub par snang ba ni snang ba ltar du yod par
nges pas/ yul can la yang log gnyis mi 'byed par yul du snang ba
la ji ltar snang ba ltar gyi rang gi mtshan nyid kyis yod med
'byed pa rnams ni/ bden gnyis

las; snang du 'dra yang don byed dag /nus pa'i phyir dang mi nus
phyir/ /yang dag yang dag ma yin pa'i / /kun rdzob kyi ni dbye
ba byas/ zhes gsungs pa ltar bzhed do/ /lugs 'di ni ma rig pa
dang ldan pa la rang gi mtshan

@196a @#/ /nyid kyis grub par gang snang ba thams cad shes pa de
ma rig pas bslad pa'i snang bar bzhed pas/ kun rdzob pa'i don la
yang log gnyis su mi 'byed do/ /'dir 'jug 'grel las/ gang zhig
kun rdzob tu yang

rdzun pa de ni kun rdzob kyi bden pa ma yin no/ zhes gsungs pa
ni brda la byang ba'i 'jig rten pa'i kun rdzob kyi ngong byad
bzhin gyi gzugs brnyan lta bu de byad bzhin du mi bden pas/ de
la ltos pa'i kun rdzob bden pa min

no; ;de lta na'ang shes bya rdzun ba slu ba'i don mthong bas
rnyed pa'i don ni yin pas kun rdzob bden pa'o/ /gzugs brnyan
snang ba'i shes pa snang yul la 'khrul ba bzhin du ma rig pa
dang ldan pa rnams la sngon po la sogs pa'i rang

gi mtshan nyid kyis grub par snang ba yang snang yul la 'khrul
par mtshungs so/ /gzhal bya bden pa 'jog na de ltar 'khrul pa des
'jog pa 'gal yang/ gzhal bya rdzun pa 'jog pa la de nyid grogs
su 'gro ba yin no/ /de lta ma yin

na tha snyad du bden par ma grub na/ kun rdzob bden par 'jog mi
nus pas/ sgyu ma lta bu'i rdzun pa rnams tha snyad du 'jog na/
kun rdzob bden pa gzhag mi nus par 'gyur ro/ /thal 'gyur ba'i
lugs kyis ni/ 'phral gyi 'khrul

rgyus ma bslad pa'i shes pa drug dang/ de las bzlog pa'i shes pa
drug dang / shes pa snga ma drug gis bzung ba'i yul drug dang /
phyi ma drug gis bzung ba'i yul drug ste/ log pa'i yul yul can
drug log pa'i kun rdzob

@196b dang; ma log pa'i yul yul can drug yang dag kun rdzob tu
'jog la/ de yang 'jig rten pa'am tha snyad pa'i tshad ma nyid la
ltos nas yang dag dang log pa'i kun rdzob tu 'jog gi /'phags
pa'i gzigs pa'i rjes su 'brang

ba'i rigs shes la ltos nas min pas/ dbu ma pa rang gi lugs la ma
rig pa dang ldan pa la gzugs brnyan sogs dang / sngo sogs snang
ba gnyis la snang yul la ltos te 'khrul ma 'khrul gnyis med pa'i
phyir/ yang dag

dang log pa'i kun rdzob gnyis su mi byed de/ 'jug pa las/ gnod
pa med pa'i dbang po drug rnams kyis/ /bzung ba gang zhig 'jig
rten gyis rtogs te/ /'jig rten nyid las bden yin lhag ma ni/
/'jig rten nyid

las log par rnam par bzhag/ /ces so/ /gang zag dang chos rang gi
mtshan nyid kyis grub par 'dzin pa la gnyis yod pa'i rang gi grub
mtha' ngan pas 'phral du yid bslad pa las byung ba lta bu'i
'dzin stangs kyi bzlog

phyogs ni tha snyad pa'i tshad mas mi 'grub pas dmigs bsal lo/
/gzhan yang ma rig pa'i bag chags kyis slod pa'i rgyu mtha' dag
dang bral ba'i ji snyed pa mkhyen pa'i ye shes la gnyis su snang
ba shar ba yang/ snang yul

la 'khrul ba ni min te/ rgyu mtshan ni gzhan du bshad zin to/
/gnyis pa la gsum/ don dam dang bden pa'i don bshad pa/ don dam
bden pa'i mtshan nyid bshad pa/ don dam pa'i dbye ba bshad pa'o/
/dang po ni/ tshig

@197a @#/ /gsal las/ don yang de yin la dam pa yang yin pas na
don dam pa'o/ /de nyid bden pa yin pas don dam bden pa'o/ zhes
gsungs pas don dang dam pa gnyis ka don dam bden pa nyid la
bzhed do/ /don

dam bden pa'i bden tshul ni mi slu ba yin la/ de yang gnas tshul
gzhan du gnas shing snang tshul gzhan du snang nas 'jig rten la
mi slu ba'i phyir/ don dam bden par 'jig rten gyi tha snyad kyi
dbang gis yod par bzhag

pa tsam yin par rigs pa drug cu pa'i 'grel pa las gsungs so/
/des na kub rdzob bden pa'i bden pa ni bden 'dzin gyi ngor bden
pa dang / don dam bden pa gnyis sgra don mi 'dra'o/ /gnyis pa la
gnyis/ dngos kyi

don dang / rtsod pa spang ba'o/ /dang po ni/ don dam bden pa'i
mtshan nyid ni 'jug pa las/ shes bya yang dag pa'i don mthong bas
rnyed pa la gsungs pa sngar bshad pa ltar yin la de'i 'grel ba
las/ de la don dam pa ni yang

dag pa gzigs pa rnams kyi ye shes kyi khyad par gyi yul nyid
kyis/ bdag gi rang gi ngo bo rnyed pa yin gyi/ rang gi bdag nyid
kyis grub pa ni ma yin te 'di ni ngo bo gcig yin no/ zhes de kho
na nyid 'jal ba'i zab med

kyi ye shes kyis rnyed la/ rang gi ngo bos ma grub par gsungs
pas/ mnyam gzhag zag med kyis rnyed rgyu zhig byung na bden par
grub pa yin no/ zhes smra ba bkag pa yin no/ /ye shes kyi khyad
par zhes gsungs bas ni 'phags

@197b pa rnams kyi ye shes gang yin gyis rnyed pas mi chog gi
/ye shes kyi khyad par ji lta ba mkhyen pa'i ye shes kyis rnyed
pa zhig don dam bden par ston pa'o/ /rnyed pa'i don ni shes pa
des de ltar grub pa'i don yin te/ kun rdzob la

yang 'dra'o/ /yang des ji ltar rnyed pa'i tshul ni rab rib can
gyi mig gis bar snang gi gzhir skra shad 'dzag par mthong ba na
rab rib med ba'i mig gis gzhi der skra shad 'dzag pa'i snang ba
tsam yang ma mthong ba bzhin du ma rig

pa'i rab rib kyis gnod pa byas pa rnams kyis phung po la sogs
pa'i rang gi ngo bo dmigs pa de nyid ma rig pa'i bag chags ma
lus par zad pa dang / 'phags pa slob pa'i mnyam gzhag zag med
kyi ye shes kyis de kho na

nyid gzigs tshul gyi dbang du byas na rab rib med pa'i mig bzhin
du gnyis snang phra mo yang ma gzigs pa'i tshul gyis rang bzhin
gang gis gzigs pa ni don dam bden pa ste/ 'jug pa las/ rab rib
mthu yis skra

shad la sogs pa/ /ngo bo log pa gang zhig rnam brtags pa/ /de
nyid bdag nyid gang du mig dag pas/ /mthong ste de nyid de bzhin
'dir shes gyis/ zhes gsungs shing de'i 'grel pa las kyang /
phung po la sogs pa de

dag nyid ma rig pa'i bag chags dang bral ba sangs rgyas bcom
ldan 'das rnams kyis rab rib can ma yin pas skra shad mthong
ba'i tshul du rang bzhin gang gis gzigs pa de ni de dag gi don
dam pa'i bden pa'o/ zhes

@198a @#/ /gsungs so/ /de ltar gzigs pa'i don dam pa ni/ chos can
re re la ngo bo gnyis gnyis yod ba'i don dam gyi ngo bo yin la/
de yang chos can rnams rang bzhin gyis grub pas stor ba'i rang
bzhin

rnam dag gi myang 'das dang / de nyid dri ma'i sa bon ci rigs pa
dang bral ba'i 'gog bden gyi myang 'das gnyis yin pas/ rigs pa
drug cu pa'i 'grel pa las/ ci mya ngan las 'das pa yang kun
rdzob bden pa yin nam zhe na/

'di ni de bzhin te/ zhes dang / de'i phyir mya ngan las 'das pa
ni kun rdzob kyi bden par yongs su brtags pa kho na yin no/ zhes
gsungs pa'i don ni/ myang 'das don dam bden pa yod par 'jog pa
yang kun rdzob bden

pa tha snyad pa'i shes ngor yod pa tsam du 'jog gi /lugs 'dis
myang 'das kun rdzob bden par bzhed pa min te/ 'grel pa de nyid
las kyang / bden pa gsum kun rdzob bden pa dang / myang 'das don
dam bden par bshang

cing; 'jug 'grel las kyang / bden pa gzhan gsum kun rdzob dang /
'gog bden don dam bden par gsungs pa'i phyir dang / myang 'das
kun rdzob tu yod par 'jog na don dam bden par gsungs pa dang
'gal

bar brtsad pa'i lan du 'jig rten gyi tha snyad kho nas don dam
pa'i bden bar gsungs so/ zhes gsungs pa'i phyir ro/ /de'i phyir
yod par 'jog pa thams cad 'jig rten gyi tha snyad kyi dbang gis
'jog ste/ sher phyin

@198b 'bum pa las/ chos 'di thams cad ni 'jig rten gyi tha snyad
la brten nas btags kyi don dam par ni ma yin no/ /zhes gsuns
shing/ /stong nyid bdun cu pa las kyang/ gnas pa'am skye 'jig
yod med dam/ /dman pa'am

mnyam pa'am khyad par can/ sangs rgyas can/ sangs rgyas 'jig
rten snyd dbang gis/ /gsungs kyi yang dg dbang gis min/ zhes
skye 'jig gnas gsum dang/ dam na mchog 'bring gsum dang/ 'di yid
'di med kyi rnam gzhag ji snyed

cig gsungs pa thams cad rgyal pas 'jig rten gyi tha snyad kyi
dbang gis bzhag pa tsam du gsungs kyi/ tha snyad kyi dbang gis
bzhag pa tsam min pa'i yang dag pa'i gnas tshod kyi dbang gis
bzhag pa min par gsungs s

slob dpon ye shes snying pos don dam par bden pas don dam bden
pa'o/ zhes bshad pa yang/ des rigs shes kyang don dam du bshad
pas/ de'i ngor mi slu ba la bden par gsungs pa yin gyi/ dpyad
bzod kyi bden grub la dgongs pa min te/

gzhung der chos thams cad bden par grub pa bkag pa'i phyir ro/
/de'i phyir don dam don dam du mi bden na/ kun rdzob kun rdzob
tu mi bden no zhes smra ba ni 'dod pa yin la/ snga ma snga mar
ma grub na phyi ma phyi mar ma grub bo zhes

smra na ni/ bden pa bkag pa bden par ma grub na dgag gzhi chos
can rnams bden grub tu 'gyur ro zhes par 'gyur te/ don dam bden
pa ni dgag gzhi chos can la bden pa bkag pa tsam la 'jog pa'i
phyir dang / chos

@199a @#/ /can rnams kun rdzob tu ma grub par 'phen pa ni rdzun
par ma grub par 'phen pa'i phyir ro/ /de lta na ni shin tu yang
ma 'brel bar 'gyur te/ chos can snang ba rnams bden grub tu med
pa bden par ma grub pa nyid

kyis dgag gzhi rnams rdzun par 'grub dgos pa'i phyir ro/ /des na
tha snyad du yod par 'jog pa la de kho na nyid kyi rigs shes
kyis 'grub mi dgos kyang / tha snyad pa dang rigs shes kyi tshad
ma gang gis kyang mi gnod pa zhig

dgos te/ rigs pa drug cu pa'i 'grel pa las/ nyer len gyi phung
po mi rtag sogs bzhir kun rdzob tu gnas pas de bzhir 'dzin pa de
la ltos te phyin ci ma log pa dang / phung po rtag sogs bzhir
kun rdzob tu yang gnas pa med

pas de bzhir 'dzin pa de la ltos te phyin ci log tu bshad cing/
'jug pa las/ mi shes gnyid kyis rab bskyod mu stegs can/ /rnams
kyis bdag nyid ji bzhin btags pa dang / /sgyu ma smig rgyu sogs
la btags pa gang/ /

de dag 'jig rten las kyang yod min nyid/ ces mu stegs kyis kun
btags pa'i bdag dang gtso bo sogs dang / sgyu ma'i rta glang
sogs su zhen pa'i yul rnams tha snyad du yang med par gsungs pas
blo 'khrul pa zhig gi

ngor yod cam la kun rdzob tu yod par 'jog pa thal 'gyur ba'i
lugs su smra ba ni snying po med pa'i gtam yin la/ dbu ma pa
chen po gzhan sus kyang mi 'dod do/ /'jug pa las yul yul can la
yod med mgo mtshungs

@199b mdzad pa yang spyir yod med tsam min gyi/ de gnyis rang
bzhin gyis yod med la de ltar mdzad pa'o/ /des na tha snyad du
yod par 'jog pa rnams ming gi tha snyad kyi dbang gis yod par
bzhag pa yin yang de'i dbang gis gang

bzhag thams cad tha snyad du yod par mi 'dod la/ tha snyad kyi
dbang gis bzhag pa tsam du 'dod kyang tsam gyi sgras ni yul can
gyi tha snyad min pa'i don yin pa gcod pa dang / 'jog pa'i don
de tshad mas grub pa gcod pa

gtan min te/ 'di ltar tha snyad btags pa'i dbang gis 'jog pas ma
tshim par de tsam min pa'i btags don don la ji ltar yod btsal nas
rnyed na yod par 'jog la/ ma rnyed na med par 'jog pa ltar lugs
'dis mi byed

kyi; tshol lugs des btsal nas rnyed rgyu byung na bden grub tu
'gyur bar bzhed pas de 'dra ba'i dpyad nas yod par rnyed pa tha
snyad du yang mi 'dod la/ de kho na nyid la dpyad ma dpyad kyi
sa mtshams kyang de nas 'jog pas

rang gi mtshan nyid kyis grub pa yod na yul can gyi tha snyad kyi
dbang gis bzhag pa tsam min pa'i don rang gi ngo bos yod par
'gyur bar gzigs nas rang bzhin gyis sam/ rang gi mtshan nyid kyis
sam/ rang gi ngo bo nyid

kyis yod pa tha snyad du yang mi bzhed de rgyas par gzhan du
bshad zin to/ /gnyis pa ni/ gal te sangs rgyas kyi ji lta ba
mkhyen pa'i ye shes kyis don dam pa'i bden pa rnyed na/ 'jug
'grel las/ gal te rnam pa de lta bu'i

@200a @#/ /rang bzhin mthong ba med ba nyid ma yin nam/ de'i
phyir ji ltar de dag gis gzigs she na/ bden mod kyi 'on kyang ma
gzigs pa'i tshul gyis/ de dag gis gzigs so zhes brjod do/ zhes ci
yang ma gzigs pa

la de kho na gzigs par bshad cing / de'i shes byed du don dam
bden pa thams cad mkhyen pa'i ye shes kyi yul las kyang 'das par
bshad pa drangs pa dang / sangs rgyas kyi sa la sems sems byung
gi rgyu ba gtan log

par bshad ba dang / sangs rgyas kyis phung sogs ma gzigs na
stobs bcu'i skabs su chos thams cad mkhyen par bshad pa ji ltar
mi 'gal zhe na/ ma gzigs pa'i tshul gyis gzigs zhes pa ni/ yul
gang yin

thams cad ma mthong ba la mi byed kyi/ ma rig pa'i rab rib kyi
mthus dmigs pa 'di rnams de kho na nyid du yod na/ 'phags pa'i
mnyam gzhag zag pa med pa'i ye shes kyis dmigs dgos pa las/ de
rnams ci yang ma

gzigs pa'i sgo nas de dag gi de kho na nyid gzigs bar ston pa
yin te/ dgag bya yod na dmigs su rung ba las ma dmigs pa nyid
las dgag bya bkag pa rtogs par 'jog pa'i phyir ro/ /mthong ba
med pa ni mthong ba dam

pa'o; zhes gsungs pa'i don yang de bzhin du shes par bya'o/ /de
ltar yang sdud pa las/ gzugs rnams mi mthong tshor ba dag kyang
mi mthong zhing/ /'du shes mthong ba med la sems pa mi mthong
zhing/ /gang la rnam par

@200b shes dang sems yid mthong med pa/ /'di ni chos mthong yin
zhes de bzhin gshegs pas bstan/ /nam mkha' mthong zhes sems can
tshig tu rab brjong pa/ /nam mkha' ji ltar mthong ste des 'di
brtag par gyis/ /de ltar

chos mthong ba yang de bzhin gshegs pas bstan/ /mthong ba dpe
gzhan gyis ni bsnyad par nus ma yin/ zhes mi mthong pa phung po
lnga dang / mthong ba ni chos zhes gsungs la/ de ni de kho na
nyid kyi don te sus rten 'brel mthong ba

des chos mthong ngo/ zhes gsungs pa bzhin no/ /de yang dper na
nam mkha' ni thogs pa'i reg bya bcad tsam yin la/ de mthong ngam
rtogs pa ni dgag bya sgrib thogs yod na dmigs su rung ba las ma
mthong ba la byed pa dang

'dra ste/ der yang mthong ba ni nam mkha' dang ma mthong ba ni
sgrib thogs so/ /dpe de bzhin du mthong ba min par sngon po
mthong ba bzhin du de kho na nyid mthong ba ni rkang pa tha ma
gnyis kyis bkag go /phung po lnga mi mthong bar gsungs

pas ni zag med kyi mnyam gzhag gis de kho na nyid gzigs pa'i
ngor chos can mthong ba min par bstan to/ /bden pa gnyis la 'jug
pa las/ lha'i bu dag /don dam pa'i bden pa ni rnam pa thams cad
kyi mchog dang

ldan pa thams cad mkhyen pa'i ye shes kyi yul gyi bar las 'das
pa yin te ji ltar don dam pa'i bden pa'o zhes brjod pa ltar ni
ma yin no/ zhes don dam bden pa'o zhes brjod pa'i tshe na/ blo la
yul yul can gnyis so

@201a @#/ /sor snang ba ltar mi mthong ba la bshad pas gnyis
snang log pa'i khungs yin gyi/ sangs rgyas kyis don dam ma rtogs
pa'i khungs min no/ /'jug 'grel las kyang / dngos po byas pa can
la ma reg par rang

bzhin 'ba' zhig mngon sum du mdzad pas de nyid thugs su chud
pa'i phyir sangs rgyas zhes brjod do/ zhes sangs rgyas kyi ji
lta ba mkhyen pa'i ye shes byis de kho na nyid gzigs pa'i ngor
gzhan dbang la ma reg par chos nyid

'ba' zhig thugs su chud par gsungs so/ /sems sems byung gi rgyu
ba log ba ni/ de kho na nyid mngon du gyur pa'i tshe rnam rtog gi
rgyu ba log pa'i don yin gyi/ sems dang sems byung med par ston
pa min te/ tshig gsal

las; rnam par rtog pa ni sems kyi rgyu ba yin na de dang bral
ba'i phyir/ de kho na nyid de ni rnam par rtog pa med pa yin no/
/ji skad du mdo las/ don dam pa'i bden pa gang zhe na/ gang la
sems kyi rgyu ba yang med na yi ge

rnams lta smos kyang ci dgos/ zhes gsungs so/ zhes sems kyi rgyu
ba med par gsungs pa'i don rnam rtog gi rgyu ba med pa la bshad
do/ /de yang 'phags pa slob pa'i mnyam gzhag gi dus su gtan log
pa min gyi/ sangs

rgyas pa'i dus su gtan log par 'jug 'grel las gsungs so/ /gzhan
yang 'jug 'grel las/ rang bzhin de yod pa min na de rtogs pa'i
phyir du byang sems rnams dka' ba spyod pa don med par shes byed
dang bcas pas

@201b bsgrubs te/ ji skad du de dag gi rang bzhin yang gang zhig
ce na/ de dag gi bcos ma ma yin pa dang / gzhan la ltos pa med
pa gang yin pa ste/ ma rig pa'i rab rib dang bral ba'i shes pas
rtogs par bya ba'i rang gi ngo bo'o/ /ci de

yod dam med do zhes ji skad du su smra/ gal te med na ni ci'i
don du byang chub sems dpa' rnams pha rol tu phyin pa'i lam sgom
par 'gyur te/ gang gi phyir chos nyid de rtogs par bya ba'i
phyir byang chub sems dpa' rnams de ltar

dka' ba brgya phrag rtsom pa yin no/ zhes gsungs shing / de'i
shes byed du/ rigs kyi bu gal te don dam pa yod par ma gyur na
ni tshangs par spyod pa don med par 'gyur zhing/ de bzhin gshegs
pa rnams 'byung ba don med par 'gyur

ro; ;gang gi phyir don dam pa yod pa de'i phyir byang chub sems
dpa' rnams la don dam pa la mkhas pa zhes bya'o/ zhes don dam
bden pa yod pa min na mthar thug gi myang 'das kyi tshangs pa'i
don du spyad pa sbyod pa don med pa dang gdul

byas de rtogs pa mi srid pas/ des de rtogs bar bya ba'i dor du
sangs rgyas 'jig rten du byon pa don med pa dang / rgyal sras
chen po rnams don dam bden pa la mkhas pa min par 'gyur bas don
dam bden pa yod par bsgrubs pa'i

mdo sde drangs pas na slob dpon chen po 'di'i lugs kyis don dam
bden pa shes bya min pa dang / 'phags pa'i mnyam gzhag na de kho
na nyid rtogs pa'i ye shes ming par smra ba ni log par smra ba
kho na yin no/ /gzhan yang 'jug

@202a @#/ /'grel las/ de'i phyir btags pa las de kho na nyid
rtogs so zhes rnam par bzhag gi /dngos su ni 'ga' zhig gis shes
pa ni ma yin te/ shes pa dang shes bya gnyis ga yang ma skyes pa
nyid kyi

phyir ro/ zhes gsungs pa'i dang po'i don ni ye shes dang de kho
na nyid gnyis yul yul can so so ba gnyis su byas nas/ de kho na
nyid rtogs par 'jog pa ni/ tha snyam pa'i shes ngo tsam du 'jog
gi/ /ye shes de'i ngor mi 'jog

pa'i don yin la/ shes pa ma skyes zhes pa ni rang bzhin gyis ma
skyes pa'i don la chu la chu bzhag pa bzhin du gyur ces pa'o/
/ye shes kyi yul de kho na nyid la sems sems byung mi 'jug pas/
sku kho nas mngon sum du

mdzad; ces gsungs pa ni/ mngon du bya rgyu'i las su bya ba ni de
kho na nyid dang / yul can gyi ye shes ni de mngon du byed pa'i
byed pa dang / longs spyod rdzogs pa'i sku ni de mngon du byed
pa'i byed pa po ste/ mkhyen pa po'o/ /des de mngon

du byed tshul ni/ sngar bshad pa ltar sems sems byung gi kun rtog
gi rgyu ba log pa'i tshul gyis yin te/ 'grel pa las/ sku gang gis
de nyid mngon du mdzad pa'i sku de sems sems byung dang bral bas
zhi ba'i rang bzhin can du bshad pas

shes so/ /sangs rgyas kyis phung sogs ma gzigs na ji snyed pa
mkhyen pa dang / ji snyed pa'i don thams cad la skur pa 'debs
par 'gyur te/ yod pa dang sangs rgyas kyis mi mkhyen pa gnyis
'gal ba'i phyir ro/ /des

@202b na ji snyed pa mkhyen pa la ji snyed pa'i don rnams snang
dgos shing/ rnam med du mkhyen pa 'di pa'i lugs min pas rnam par
shar nas so/ /snang yul ji snyed pa yang ma rig pa'i bag chags
kyis ma bslad pa'i sangs rgyas kyi mtshan

dpe sogs dang / ma rig pa'i bag chags kyis bslad pa'i ma dag
pa'i snod bcud la sogs pa gnyis so/ /de'i dang po ni sangs rgyas
kyi sar ldog pa'i don med la/ gnyis pa ni sa der rgyu log pas
ldog pa yin no/ /snang tshul ni

sangs rgyas kyi mtshan dpe ma rig pa ma spangs pa'i gang zag la
snang ba na/ rang gi mtshan nyid kyis ma grub bzhin du der snang
ba ni/ yul de ma rig pa'i bag chags kyi dbang gis byung ba'i
rgyu mtshan gyis min gyi/ yul can de ma rig pa'i bag

chags kyis bslad pa'i dbang gis snang ba yin te/ de ni gang zag
gzhan la de ltar snang ba tsam gyi ngos nas yul can de la snang
ba min par rang ngos nas de ltar snang ba yin pa'i phyir ro/
/sangs rgyas kyi ji snyed pa mkhyen pa'i ye shes la/ ma

rig pa ma spangs pa'i ngor gzugs sgra sogs rang gi mtshan nyid
kyis ma grub bzhin du der snang ba'i don rnams snang ba ni/ ma
rig pa'i bslad pa yong ba'i gang zag la de dag snang ba kho na'i
sgo nas sangs rgyas la snang ba yin gyi/ gzhan

la de ltar snang ba la ma ltos par sangs rgyas kyi rang ngos nas
snang ba min no/ /de'i phyir gzugs sogs rang bzhin gyis ma grub
bzhin du der snang ba sangs rgyas kyis mkhyen pa yang ma rig pa
dang ldan pa de ltar snang ba'i ngos nas/

@203a @#/ /yin gyi/ gang zag de la der snang ba la ma ltos par
sangs rgyas rang gi ngos nas de ltar snang ba'i tshul gyis mkhyen
pa min pas/ der snang bas 'khrul bar 'gyur ba'i don med de/ de
ni ye shes la bslad pa yod nas snang

ba min yang ye shes des shes bya thams cad mkhyen dgos pa'i
gnang kyis yin pas so/ /de ltar na ji snyed pa mkhyen pa'i rang
ngos nas ni/ dngos po thams cad bdag med pa dang rang bzhi gyis
med pa'i ngo bor snang bas rdzun pa sgyu ma

bzhin du snang gi/ /bden par mi snang la/ ma rig pa dang ldan pa
rnams la snang ba'i cha nas ye shes de la snang ba na/ gang zag
gzhan de la bden par snang bar shar btsam mo/ /rigs pa drug cu
pa las kyang/ dngos la mkhas pa

rnams kyis ni/ /dngos po mi rtag slu ba'i chos/ /gsog dang stong
pa bdag med pa/ /rnam par dben zhes bya bar mthong/ zhes gsungs
la/ de'i 'grel bar yang/ mdzad pa mthar phyin pas de ltar gzigs
par gsungs so/ /de

ltar na bden gnyis las/ brtags pa'i ngo bos dben pa yi/ /ji ltar
snang ba 'di kho na/ /brten te skyes pa thams cad ni/ /thams cad
mkhyen pas mngon sum gzigs/ zhes ji snyed pa thams cad mngon sum
du sa le gzigs pa

dang; gang tshe shes dag shes bya dang / /bdag nyid rjes su mi
mthong ba/ /de ni mtshan ma mi 'byung ba'i/ /gnas pa brtan phyir
mi bzhengs so/ zhes gnyis snang nye bar zhi ba'i ting nge 'dzin
las dus nam yang mi bzhengs par bshad pa gnyis

@203b ka'i chul gsungs pa rnams kyang/ ji bzhin du ma go ba la
de gnyis gang rung gcig ma gtog pa/ gnyis ka khas len pa 'gal
bar snang yang 'gal ba ni med de/ de kho na nyid gzigs pa dang /
ji snyed pa gzigs pa'i ye shes gnyis

ngo bo gcig yin yang/ yul so so la ltos te rigs shes dang / tha
snyad pa'i shes pa gnyis su 'gro ba cung zad kyang mi 'gal ba'i
phyir ro/ /'di yang gzhi'i lta ba'i skabs su chos can gcig gi
steng nas rigs shes dang tha snyad pa'i tshad

ma gnyis kyis rnyed tshul mi 'dra ba gnyis 'ong yang/ 'gal pa
cung zad kyang med pa legs par shes pa la rag las so/ /'bras
bu'i skabs su ye shes gnyis kyis yul 'jal ba na/ de tsam du ma
zad yul de la tshad ma

gnyis gang du song legs par shes na/ yul so sor ma nges kyang
yul can gnyis gzhi mthun du mi 'ong ba yang shes par nus te/
'dis ni bden pa gnyis kyi mtshan nyid kyi zhi ba 'chAng shes par
bya'o/ /gsum pa ni/ don dam bden

pa la dbye na/ 'jug 'grel las/ stong pa nyid la rgyas par phyed
na/ stong pa nyid bcu drug dang / 'bring du phye na dngos po
dang / dngos med dang / rang dang / gzhan gyi ngo bo stong pa
nyid de bzhi dang / bsdus na gang zag dang / chos kyi

bdag med gnyis su gsungs pa ltar ro/ /gzhung gzhan las ni don
dam pa dngos dang / mthun pa'i don dam gnyis gsungs te/ dbu ma
snang ba las/ skye ba med pa 'di yang don dam pa dang mthun pa'i
phyir don dam pa zhes bya yi/

@204a @#/ /dngos su ni ma yin te/ dngos su na don dam pa spros pa
thams cad las 'das pa'i phyir ro/ zhes dang / dbu ma rgyan las
kyang/ dam pa'i don dang mthun pa'i phyir/ /'di ni dam pa'i don
zhes bya/ /yang dag tu na spros

pa yi; ;tshogs rnams kun las de grol yin/ zhes dang / bden gnyis
las kyang de bzhin du gsungs shing/ bden gnyis rang 'grel dang
rgyan las don dam par skye sogs bkag pa kun rdzob par bshad do/
/de rnams

kyi don ni sngon gyi mang pos rnam grangs pa yin min gyi don dam
bden pa gnyis byas nas/ gzugs sogs la don dam par skye sogs bkag
pa'i stong nyid snga ma yin zhing/ de don dam bden pa btags pa
ba/ kun rdzob bden

pa mtshan nyid pa dang / phyi ma ni blo gang gis kyang yul du bya
ma nus pas shes bya min par 'dod do/ /de ni de rnams kyi don min
pas 'di ltar bshad de/ yul chos nyid la don dam par bya dgos mod
kyang yul can rigs shes la

yang der bshad pa mang ste/ bden gnyis las/ slu ba med pas rigs
pa ni/ /don dam yin te/ zhes dang / dbu ma snang ba las kyang/
gang yang don dam par skye ba med ces bya ba la sogs pa smras pa
de la yang don ni 'di yin par

'dod de/ yang dag pa'i thos pa dang bsam pa dang bsgoms pa las
byung ba'i shes pa thams cad ni/ phyin ci ma log pa'i yul can
yin pa'i phyir/ don dam pa zhes bya ste/ 'di'i don dam pa yin
pa'i phyir/ zhegs gsungs pa

@204b ltar ro/ /rigs shes la gnyis las 'phags pa'i mnyam gzhag
mi rtog ye shes rtog med dang / rtags la brten nas de kho na
nyid 'jal ba'i rigs shes rtog bcas la sogs pa'o/ /rtog ge 'bar
ba las/ don dam la mi rtog

ye shes dang / de dang rjes su mthun pa'i shes rab gnyis bshad
pa'i dgongs pa dang / dbu ma snang ba las don dam gnyis bshad pa
gnyis ni dgongs pa gcig yin pas/ don dam gnyis bshad pa ni yul
can la mi byed par yul gyi

don dam kho na la byed pa ni gzhung gi don min no/ /de la dang
po ni de kho na nyid la 'jug pa ni/ bden pa dang gnyis snang gi
spros pa cig car rang gi yul du gcod nus pas don dam pa dngos
yin te/ spros pa thams cad las 'das zhes

pa'i don yang de'i/ /gnyis pas ni rang gi yul du bden pa'i spros
pa 'gog nus kyang/ gnyis snang gi spros pa gcod mi nus pas/ 'jig
rten las 'das pa'i don dam dang rnam pa rjes su mthun pas mthun
pa'i don dam mo/ /gzugs

sogs la don dam par skye sogs bkag pa'i yul gyi don dam la yang
tshul gnyis bshad dgos la/ de la ni yul gyi stong nyid de rigs
shes rtog med kyi ngor ni spros pa gnyis car dang bral ba'i don
dam dngos yin la/ rigs shes

rtog bcas kyi ngor ni spros pa phyogs gcig tsam dang bral bas/
spros pa phyogs gcig tsam dang bral bas/ spros pa gnyis car dang
bral ba'i don dam dngos min gyi/ spyir don dam bden pa dngos min
zer ba min no/ /des na blo 'ga' zhig gi ngor gnyis snang gi
spros pa

@205a @#/ /thams cad dang bral ba ma gtogs pa/ bden stong de
snang ba'i spros pa thams cad dang bral ba mi srid pas/ don dam
bden pa yin na gnyis snang gi spros pa thams cad dang bral dgos
pa ni gzhung gi don min

no; ;des na sgyu ma rigs grub pas gzhi phung po lta bu dang bden
stong gi snang ba gnyis tshogs pa rigs shes rjes bpag gis grub
pa'i don tsam don dam bden par 'dod pa ni/ mthun pa'i don dam du
'gyur gyi don dam bden

pa min no/ /bden pa'i gcig dang du bral gyi snang bas myu gu
sogs bden med kyi snang bar sgrub pa yang/ gzhi de bden par yod
med the tshom mchod pa'i gang zag rtogs ldan la ni de ltar sgrub
pa'i don med la/ the tshom chod pa

la ni rtags de rtags yang dag tu mi 'gyur ba dang / dbu ma snang
ba las gcig du bral gyi rtags chos gnyis ka rnams cad tsam du
gsungs shing/ gcig dang du ma min pa dang / de gnyis su med pa
gang rtags su byas kyang 'dra bar

gsungs pa ni/ ma yin dgag la mi byed par de nyid kyi dper brjod
las shes pas/ slob dpon zhi ba 'tsho yab sras dang / slob dpon
seng ge bzang po'i bzhed pa gtan min no/ /snang ba la dgag bya'i
spros pa rnam par bcad pa

la rnams cad dang longs gcod gnyis su byas pa'i phyi ma rjes
dpag gis gzhal ba'i don tsam don dam bden par 'dod pa yang dbu
ma pa chen po su yang mi bzhed do/ /tshul 'dis lam rim rgyas par
'di dag gi rnam

@205b gzhag bshad pa yang zhib tu shes par bya'o/ /skyes sogs
bkag pa mthun pa'i don dam du bshad pa'i 'phro la/ bden gnyis
rang 'grel las/ gzhan dag ni yang dag pa kho nar 'dzin pas/ yang
zhes bya ba bsdu ba'i don no/ /de yang

rig pas dpyad na kun rdzob kho na ste/ ci'i phyir zhe na/ dgag
bya yod pa ma yin pas/ /yang dag tu na bkag med gsal/ zhes gzhan
dag sems tsam pa dgag gzhi la chos bdag bkag pa'i dgag pa'i
stong nyid yang dag tu grub

par 'dod pa dang / rang lugs kyis dgag bya chos bdag med pas de
bkag pa'i dgag pa yang dag par ma grub/ ces gsungs pas/ don dam
par skye sogs bkag pa kun rdzob par bshad pa ni kun rdzob tu yod
pa'i don yin

gyi; kun rdzob yin par ston pa min no/ /yang de nyid las/ yang
dag pa'i skye sogs/ dngos po snang ba na mi snang bas/ log pa'i
kun rdzob yin pa bzhin du/ yang dag pa'i skye sogs bkag pa yang
log pa'i kun rdzob tu

'gyur te/ de ni dgag gzhi'i dngos po snang ba mi snang ngo/ zhes
pa'i lan du mi snang ba ma yin te/ dngos po ngo bo dang tha mi
dad pa'i phyir ro/ zhes sngon po lta bu snang ba na/ de'i bden
stong snang bar bshad pa ni/ bden pa med

par bkag pa'i rnam bcad tsam mig shes sogs la snang ba min gyi/
ma yin dgag la dgongs pas/ de 'dra de kun rdzob mtshan nyid pa
yin kyang/ bden pa bcad tsam gyi stong pa don dam bden par mi
'gal lo/ /dbu ma rgyan

@206a @#/ /las; don dam par skye ba sogs bkag pa yang dag kun
rdzob tu gtogs pa yin yang don dam pa dang mthun pas der bshad
la/ don dam pa ni dngos po yod med sogs kyi spros pa'i dra ba
mtha' dag spangs

par gsungs pa'i spros pa'i dra ba ni/ bden gnyis rang 'grel
las/ de nyid phyir na de stong min/ /mi stong ma yin yod med
min/ /mi skye ma yin skye min zhes/ /de la sogs pa bcom ldan
gsungs/ zhes dang / de ci'i phyir

zhe na; de ni spros pa med pa yin/ /de kho na ni rtog pa'i dra
ba thams cad dang bral ba'o/ zhes rtog pa'i dra ba la spros
pa'i dra bar bshad pa ltar yin la/ de yang de kho na nyid
mngon sum du rtogs ba'i ngor zlog pas/ de ni don

dam dngos dang / de ltar ma gyur pa'i rigs shes yul bcas ni
snga ma'i rjes mthun pa yin pa sogs ni sngar bzhin no/ /yang
dag pa'i skye sogs bkag pa la yang / 'dis bkag pa'i rigs shes
dang / de'i gzhal bya

gnyis yod pas/ yang dag pa'i kun rdzob tu gtogs tshul yang de'i
steng nas shes par bya'o/ /bden gnyis kyi spros pa yin no cog
gi dra ba dang bral bar bshad tshul de ni skabs mang po zhig tu
nye bar mkho'o/ /gsum pa ni/ gzhi

gang zhig rdzun pa slu ba'i don du yongs su bcad na/ mi slu
ba'i don yin pa rnam par bcad dgos pas/ slu mi slu ni phan
tshun spangs te gnas pa'i 'gal ba'o/ /de ni shes bya thams cad
la phan tshun spangs pa'i tshul gyis khyab

@206b byed du 'jug pas phung po gsum pa yang zlog go /de'i
phyir shes bya la bden gnyis su grangs nges par shes par
bya'o/ /yab sras mjal ba las kyang / 'di ltar de bzhin gshegs
pas kun rdzob dang don dam pa'i bden pa gnyis

thugs su chud de/ shes par bya ba yang kun rdzob dang don dam
pa'i bden pa 'dir zad do/ zhes shes bya thams cad bden pa
gnyis su zang par gsungs la/ 'phags pa de kho na nyid nges par
brtan pa'i ting nge 'dzin las kyang /

gang zhig kun rdzob de bzhin don dam ste/ /bden pa gsum pa
gang yang ma mchis so/ zhes bden gnyis su grangs nges par gsal
bar gsungs so/ /bden gnyis kyi rnam dbye shes na thub pa'i
bka' la mi rmongs pa dang / mi shes na

ni bstan pa de nyid mi shes par gsungs la/ de yang mgon po klu
sgrub kyis ji ltar gtan la phab pa ltar shes dgos te/ 'jug pa
las/ slob dpon klu sgrub zhabs kyi lam las ni/ /phyi rol gyur
la zhi ba'i thabs med de/ /de dag

kun rdzob de nyid gdan las nyams/ /de las nyams pas thar pa
grub yod min/ /tha snyad bden pa thabs su gyur pa dang / /don
dam bden pa thabs byung gyur pa ste/ /de gnyis rnam dbye gang
gis mi shes pa/ /de ni rnam rtog log pas

lam ngan zhugs/ zhes gsungs pas thar pa 'dod pa rnams kyis
bden gnyis la mkhas par bya ba shin tu gal cha'o/ /gnyis pa
ni/ sngar bshad pa ltar gyi lhag mthong gi chogs bsten pa las
bdag med gnyis rtogs pa'i

@207a @#/ /lta ba rnyed pa na lhag mthong bsgom par bya'o/ /'o
na lhag mthong du zhig yod snyam na/ 'dir ni sa mthon po'i
lhag mthong rnams gtso bor mi ston gyi/ so skye'i dus kyi
bsgom par bya ba'i lhag mthong gtso bor ston no//

de'i lhag mthong gi dbye ba rdzogs par byas na/ ngo bo nyid
bzhi'i dang / sgo gsum gyi dang / tshol ba drug gi lhag mthong
ngo/ /bzhi ni dgongs 'grel las gsungs pa'i rnam par 'byed pa
sogs bzhi'o/ /de la rnam par 'byed pa ni ji snyed

pa la dmigs ba'o/ /rab tu rnam par 'byed pa ni ji lta ba la
dmigs pa'o/ /dang po la yongs su rtog pa dang yongs su dpyod
pa gnyis yod la/ gnyis pa la yang rtog pa dang dpyod pa gnyis
yad de/ don rags pa dang phra ba rnams

'byed pa'o/ /de bzhi'i ngos 'dzin ni nyan sa dang sher phyin
man ngag sogs las gsungs so/ /sgo gsum ni dgongs 'grel las/
mtshan ma las byung ba dang / yongs su tshol ba las byung ba
dang / so sor rtog pa las byung ba gsum

gsungs pa'o/ /de gsum gyi ngos 'dzin ni bdag med pa'i don lta
bu zhig la mtshon na/ dang po ni bdag med nges zin la dmigs nas
de'i mtshan ma yid la byed kyi/ gtan la 'bebs pa mang du mi
byed pa'o/ /gnyis pa ni sngar ma

nges pa des par bya ba'i phyir du gtan la 'bebs pa'o/ /gsum pa
ni nges zin gyi don la sngar bzhin du dpyod par byed pa'o/
/tshol ba drug ni don dang dngos po dang mtshan nyid dang phyogs
dang dus dang rigs pa yongs su tshol

@207b bar byed cing btsal nas kyang so sor rtog pa'o/ /de la
don tshol ba ni tshig 'di'i don ni 'di yin no zhes tshol ba'o/
/dngos po tshol ba ni 'di ni nang gi'o/ /'di ni phyi'i dngos
po'o zhes tshol ba'o/ /mtshan nyid tshol ba ni gnyis te

'di ni rang gi mtshan nyid do/ /'di ni spyi'i mchan nyid do/
zhes pa'am/ thun mong ba dang thun mong ma yin pa tshol ba'o/
/phyogs tshol ba ni nag phyogs skyon dang nyes dmigs kyi sgo
nas dang / dkar phyogs ni yon tan dang phan yon

gyi sgo nas tshol ba'o/ /dus tshol ba ni 'das pa'i dus na 'di
ltar byung ngo/ /ma 'ongs pa'i dus na 'di ltar 'byung ngo/ /da
ltar ba'i dus na 'di ltar yod do zhes tshol ba'o/ /rigs pa tshol
ba ni rigs pa bzhi las/ ltos pa'i

rigs pa ni 'bras bu rnams 'byung ba rgyu dang rkyen la ltos
pa'o/ /'di yang kun rdzob dang don dam dang de dag gi gzhi
rnams so so'i sgo nas tshol ba'o/ /bya ba byed pa'i rigs pa ni
mes sreg pa'i bya ba byed pa sogs chos rnams

kyis rang rang gi bya ba byed pa'o/ /'di yang 'di ni chos so/
/'di ni byed pa'o/ /chos 'dis ni bya ba 'di byed do/ zhes tshul
ba'o/ /'thad pas sgrub pa'i rigs pa ni tshad ma dang mi 'gal
bar don sgrub pa'o/ /'di yang ci 'di la

mngon sum dang rjes dpag dang yid ches pa'i lung gi tshad ma
gsum po yod dam med snyam du tshol ba'o/ /chos nyid kyi rigs pa
ni me tshab dang chu rlan pa sogs la de dag gi chos nyid du
'jig rten na grags pa'i chos nyid

@208a @#/ /dang; bsam gyis mi khyab pa'i chos nyid dang / gnas
pa'i chos nyid la mos par byed cing de ltar yin pa'i rgyu
mtshan gzhan sems par mi byed de/ de ltar tshol ba'o/ /de ltar
drug tu bzhag pas ni rnal

'byor pas shes par bya ba ni gsum du nges te/ smras pa'i don
dang shes bya ji snyed pa ngang ji lta ba'o/ /de la dang po'i
dbang du byas nas tshol ba dang po'o/ /gnyis pa'i dbang du byas
nas dngos po tshol ba dang rang gi mtshan

nyid tshol ba gnyis so/ /gsum pa'i dbang du byas nas lhag ma
gsum dang spyi'i mtshan nyid tshol ba bzhag go /dang por bshad
pa'i lhag mthong bzhi'i sgo ni gsum yin la/ tshol lugs ni drug
tu gsungs pas sgo gsum

dang tshol ba drug ni snga ma bzhir 'du'o/ /sngar bshad pa'i
bsgrims te 'jug pa'i yid byed la sogs pa bzhi yang zhi lhag
gnyis ka'i thun mong ba yin par nyan sar gsungs pas lhag
mthong la yang yid byed bzhi yod do/ /gsum

pa la gsum/ zhi gnas la brten nas lhag mthong bsgom par gsungs
pa'i don bstan pa/ lugs de theg pa che chung gang gi lam gang
gi dbang du byas pa zhi gnas la brten nas lhag mthong sgom
tshul dngos bstan pa'o/ /

dang po ni/ dgongs 'grel las sngon du zhi gnas grub par byas
nas/ phyis lhag mthong bsgom par gsungs pa bzhin du/ rje btsun
gyi gzhung dang / byangs dang / nyan sa dang / legs ldan 'byed
dang / zhi ba lha dang / ka

@208b ma la shI la'i sgom rim gsum dang / sher phyin man ngag
sogs gzhung du ma zhig las kyang gsungs so/ /'di rnams kyi
dgongs pa ni sngon du bdag med kyi don la ma dmigs par dmigs
pa gang rung zhig la dmigs pa'i zhi gnas

bskyed nas/ phyis bdag med la dmigs te skyong ba nyid la lhag
mthong du byed pa ni min te/ zhi lhag gnyis dmigs pa'i sgo nas
'byed pa min pa'i phyir dang / sher phyin man ngag las kyang /
gzung 'dzin gnyis stong gi de nyid la dmigs

nas sngon du zhi gnas bskyed pa'i 'og tu/ dmigs pa de nyid la
dmigs nas dpyad sgom gyis lhag mthong bskyed par bshad pa'i
phyir dang / 'phags pa thogs med kyis kyang / ji snyed pa la
dmigs pa'i lhag mthong bshad cing

sngon du zhi gnas bskyed zin pa'i rjes su/ de la brten nas zhi
rags kyi rnam pa can gyi lhag mthong bsgom par gsungs pa'i
phyir dang / de yang phyi nang gnyis dang skye 'phags gnyis
ka'i thun mong gi lam du gsungs pa'i phyir

ro; ;des na zhi gnas sngar ma thob pa gsar du sgrub na ni/
dmigs pa gang rung la rtse gcig tu bzhag nas sgrub pa ma gtogs
pa/ rang gi dmigs pa la rnam pa du mar dpyad nas sgrub tu mi
rung ste/ snga ma ltar byas na 'grub kyi/ phyi ma

ltar byas na zhi gnas 'grub mi srid pa'i phyir ro/ /zhi gnas
sngon du grub zin gyis ni/ sngar bzhin 'jog sgom tsam zhig la
goms pa srid pa las/ ji lta ba'am ji snyed pa'i don skabs su
gang bab la shes rab kyis so sor 'byed

@209a @#/ /pa'i dpyad sgom byas na/ de'i mthar rtse gcig pa'i
ting nge 'dzin khyad par can 'dren thub pas/ des ni rtse gcig
pa'i ting nge 'dzin shin tu stobs che ba 'grub pa 'dra ba snga
mas mi nus pas dpyad sgom bsngags

so; ;sgrub tshul de nyid zhi gnas sngon du btsal ba la brten
nas/ phyis lhag mthong sgrom pa'i tshul yin pas/ bdag med lta
bu'i dmigs pa gcig yin yang / zhi lhag gnyis kyi skyong tshul
mi 'dra ba gnyis 'ong ba'i rgyu

mtshan spyi ni de yin no/ /bye brag tu khams gong 'og gi skyon
yon so sor 'byed pa'i zhi rags kyi rnam pa can dang / bdag med
pa'i don la so sor rtog pa'i shes rab kyis dpyad nas skyong
ba'i bdag med kyi rnam pa can gyi lhag

mthong sgom pa ni/ nges pa shugs drag la brtan pa skye ba la
dgos pas/ so so'i spang bya spong ba la mthu che ba yin no/
/ji snyed pa la dmigs pa'i lhag mthong ni/ nyon mongs mngon
gyur spong ba'i zhi rags kyi rnam pa can du

sgom par ma zad/ sher phyin man ngag tu bshad pa ltar khams
bco brgyad kyi mtshan nyid rnam par 'byed pa'i dpyad sgom yang
yin pas/ des mtshon nas ji snyed pa'i don rnam par phye nas
sgom pa'i lhag mthong gzhan

yang shes par bya'o/ /sher phyin man ngag las ji lta ba la
dmigs pa'i zhi lhag gnyis skyed pa'i sngon du/ ji snyed pha la
dmigs pa'i rnal 'byor gyi sa'i zhi lhag gnyis skyed pa sngon
du gtong bar bshad kyang / 'dir ni

@209b zhi ba lha dang ka ma la shI la sogs kyi bzhed pa ltar/
sngon du zhi gnas gang rung zhig bskyed nas lhag mthong skyed
pa yin la/ de yang ji lta ba la dmigs pa'i lhag mthong nyid
ston no/ /gnyis pa ni/ 'o na de 'dra ba'i zhi lhag rim

can du skyed tshul de/ theg pa che chung dang mdo sngags gang
gi dbang du byas pa yin zhe na/ 'di ni nyan rang dang pha rol
tu phyin pa'i theg chen pa gnyis dang / de yang grub mtha'
bzhi'i mthun mong ba yin la/ sngags kyi rgyud

sde gsum la'ang 'dra bar rgyung so so dang de dag gi 'grel
mdzad chen po'i bzheng par sngags kyi lam gyi rim par bshad
zin to/ /rnal 'byor bla med la ni/ sher phyin man ngag las/
rang gi sems ni brtags pa na/ /chos

kun rang gi sems la gnas/ /chos 'di nam mkha'i rdo rjer gnas/
/chos dang chos nyid med pa'o/ zhes gsang 'dus las gsungs pas
kyang / lang gshegs las/ sems tsam la ni brten nas su/ /phyi
rol don

la mi brtag go /zhes sogs kyis bstan pa'i sems tsam la dmigs
pa dang / de bzhin nyid la dmigs pa dang / snang med kyi rnal
'byor gyi sa gsum ston par 'chad cing / sa dang po gnyis la
'jog sgom dang dpyad

sgom gyis zhi lhag sgrub tshul sngar bzhin 'chad par snang bas/
ji lta ba la dmigs pa'i rgyud la skyed tshul 'dra bar bzhed do/
/rang gi lugs ni rnal 'byor bla med kyi skabs su yang lta ba'i
go ba skyed lugs dbu ma'i gzhung

@210a @#/ /nas 'byung ba ltar bya dgos la/ skyong lugs la
bskyed rim dang rdzogs rim gyi rjes thob kyi skabs 'ga' zhig
tu de kho na nyid la dpyad nas yid la byed pa yod kyang / lus
la gnad du bsnun pa'i nus

pa thob pa'i rdzogs rim pas mnyam gzhag tu de kho na nyid
skyong ba na lta thog tu bzhag nas sgom pa nges par dgos
kyang / lhag mthong gi dpyad sgom gzhung gzhan nas 'byung ba
ltar mi byed do/ /des na skabs der dpyad sgom

'jog pa'i zhar la lta thog nas rtse gcig pa'i de kho na nyid
sgom pa ma 'jog cig /de ltar byas pas chog pa'i rgyu mtshan
rnams 'dir gsal bar ston pa skabs su ma bab pas/ 'dir lam
gzhan rnams la de ltar byed

pa'i rgyu mtshan rnams bshad do/ /gsum pa ni/ bdag med pa'i lta
ba ma rnyed na sgom lugs gang byas kyang sgom de de kho na
nyid kyi don la gnas pa min pas/ lta ba de rnyed dgos la/ lta
ba'i go ba yong kyang de kho na nyid

sgom pa'i tshe lta ba dran te/ de'i steng du bzhag nas ma
bsgoms na de kho na nyid bsgoms par mi 'gyur bas/ lta ba'i
dpyad pa tshar re sngon du btang ba'i mthar yid la ci yang mi
sems par 'jog pa yang de kho na nyid

skyong ba min no/ /lta ba dran nas de'i steng du bzhag pa tsam
zhig la goms pa yang sngar gyi zhi gnas kyi kyong tshul nyid du
zad pas/ de las zur pa'i lhag mthong skyong tshul bshad pa'i
gzhung gi don min no/ /de'i phyir bdag

@210b med pa'i don la sngar bshad pa ltar shes rab kyis so sor
dpyad nas bsgyang bar bya'o/ /dpyad pa'i sgom gcig pu byas
na'ang sngar bskyed pa'i zhi gnas nyams par 'gyur bas/ zhi
gnas kyi rta la bskyon nas dpyad de skyong ba dang /

bar bar du 'jog sgom spel mar bya'o/ /de yang dpyad sgom mangs
pas gnas cha chung du song na 'jog sgom mang du byas la gnas
cha sor gzhug /'jog sgom mngas pas dpyod snying mi 'dod pa
dang / dpyad kyang 'gro mi nyan par

sems gnas cha la hril hril 'gro na dpyad sgom mang du byas te
zhi lhag gnyis cham nyam gyin bsgoms na stobs che bas de ltar
bya ste/ sgom rim tha ma las/ yang gang gi tshe lhag mthong
bsgoms pas shes rab shin tu shas che

bar gyur pa de'i tshe zhi gnas chungs pa'i phyir/ mar me rlung
la bzhag pa bzhin du sems g.yo bas/ de kho na shin tu gsal
bar mi mthong bar 'gyur te/ de'i phyir de'i tshe zhi gnas bsgom
par bya'o/ /zhi gnas kyi shas che na yang

gnyid kyis log pa'i mi bzhin du/ de kho na shin tu gsal phar
mthong bar mi 'gyur te/ de lta bas na de'i tshe'ang shes rab
bsgom par bya'o/ zhes so/ /de ltar dpyad nas skyong ba la rtog
pa gang yin thams cad bden par 'dzin

pa'i mtshan 'dzin du bzung nas 'gog pa ni mi 'thad de/ bden
'dzin gyi rtog pa ni rtog pa'i phyogs gcig tsam yin par sngar
mang du bsgrubs pa'i phyir ro/ /rtog pas gang du bzung ba la
rigs pa'i gnod pa 'bab

@211a @#/ /par mthong ba ni/ rigs pa'i dgag bya thal ches pa'i
skur 'debs yin zhing/ lung gi don yang min par bsgrubs la/ chos
can gzhan la de ltar mi 'dod kyang chos nyid la blos gang du
bzung ba thams cad

bden zhen gyi mtshan 'dzin no snyam na/ de yang 'dzin tshul nyes
pa'i skyon yin gyi/ gang bzung thams cad la min te/ tshur mthong
grol ba don gnyer gyis lung rigs kyi sgo du ma nas de kho na
nyid rtsad gcod dgos par gsungs

pa'i phyir ro/ /'dir de kho na nyid sgom pa ni mi rtog pa bskyed
pa'i phyir yin na/ so sor rtog pa las ni de mi skye ste/ rgyu
'bras gnyis rjes su mthun dgos pa'i phyir ro snyam na/ 'di la ni
bcom ldan 'das nyid kyis

lan gsal bar gsungs te/ 'od srungs le'u las/ 'od srungs/ 'di lta
ste/ dper na shing gnyis rlung gis drud pa de las me 'byung ste/
byung nas shing gnyis sreg pa de bzhin du/ 'od srungs yang dag
par so sor rtog

pa yod na 'phags pa'i shes rab kyi dbang po skye ste/ de skyes
pas yang dag par so sor rtog pa de nyid sreg par byed do/ zhes
so sor rtog pa las 'phags pa'i shes rab skye bar gsungs la/ sgom
rim bar pa las kyang/

des de ltar shes rab kyis rnam par dpyad de gang gi tshe rnal
'byor pas dngos po gang gi ngo bo nyid don dam par nges par mi
'dzin pa de'i tshe rnam par mi rtog pa'i ting nge 'dzin la 'jug
go /chos thams cad kyi ngo bo nyid

@211b med pa nyid kyang rtogs so/ /gang zhig shes rab kyis dngos
po'i ngo bo nyid so sor brtags nas mi sgom gyi/ yid la byed pa
yongs su sbangs pa tsam 'ba' zhig sgom par byed pa de'i rnam par
rtog pa nam yang mi zlog cing/ ngo bo

nyid med pa nyid nam yang rtogs bar mi 'gyur te/ shes rab kyi
snang ba med pa'i phyir ro/ /'di ltar yang dag par so sor rtog
pa nyid las yang dag pa ji lta ba bzhin du shes pa'i me byung na
gtsub shing gtsubs pa'i me bzhin du

rtog pa'i shing sreg go /zhes bcom ldan 'das kyis bka' stsal te/
zhes so/ /de lta ma yin na zag bcas las zag med 'byung ba dang /
'jig rten pa las 'jig rten las 'das pa dang / sems can las sangs
rgyas

dang ; so skye las 'phags pa 'byung ba sogs mi srid par 'gyur
te/ rgyu 'bras gnyis mi 'dra ba'i phyir ro/ /byang chub sems
'grel las/ gang du rnam rtog snang gyur pa/ /der ni stong nyid
ga la yod/ /brtag bya rtog byed

rnam pa'i sems/ /de bzhin gshegs rnams kyis ma gzigs/ /gang na
brtag bya rtog byed yod/ /der ni byang chub yod ma yin/ zhes
gsungs pa ni brtag bya dang rtog byed du bden par 'dzin pa la
byang chub 'thob pa

med par ston gyi/ so sor rtog pa'i shes rab 'gog pa dang / brtag
bya dang rtog byed tsam 'gog na/ gzhung der so sor rtog pa'i
dpyad pa'i sgo du mas de kho na nyid gtan la phab pa dang 'gal
zhing/ de gnyis sangs rgyas

@212a @#/ /kyis ma gzigs na med par 'gyur ba'i phyir ro/ /yang de
nyid las/ skye med dang ni stong nyid dang / /bdag med ces byar
stong pa nyid/ /bdag nyid dman par gang sgom pa/ /de de sgom par
byed pa min/ zhes

gsungs pa yang rang bzhin gyis skye ba med pa'i stong nyid bdag
med la dmigs nas sgom pa mi 'gog gi /de dag tu bden par bzung
ba'i bdag nyid dman pa ste/ smad pa'i stong nyid sgom pa 'gog pa
yin te/ 'jig rten

las 'das par bstod pa las/ kun rtog thams cad bsal ba'i phyir/
/stong nyid bdud rtsi ston mdzad na/ /gang zhig de la zhen gyur
pa/ /de nyid khyod kyis shin tu smad/ ces gsungs pa ltar ro/ /de
bzhin du rin chen phreng

pa las kyang/ de ltar bdag dang bdag med pa/ /yang dag ji bzhin
dmigs su med/ /bdag dang bdag med lta ba dag /de phyir thub pa
chen pos bzlog /ces gsungs pa yang bdag dang bdag med gnyis ka
yang dag par

ma grub pas/ de gnyis yang dag par yod par lta ba bzlog pa yin
gyi/ bdag med par lta ba mi 'gog ste/ sngar rtsod zlog drangs pa
ltar rang bzhin gyis grub pa'i rang bzhin med pa ma yin na/ rang
bzhin gyis grub

pa yod par 'gyur ba'i phyir ro/ /de dag ni sdud pa las/ phung
'di stong zhes rtog na'ang byang chub sems dpa' ni/ /mtshan ma la
spyod skye med gnas la dad ma yin/ zhes gsungs pa dang / yum
chen mo las gzugs

@212b stong pa dang bdag med ces bya bar spyod na mtshan mas kyi/
shes rab kyi pha rol tu phyin pa la mi spyod do/ zhes gsungs pa
rnams kyi don yang stong nyid sogs bden par bzung ba la bya ste/
de lta ma yin na/ skye med gnas la dad

ma yin/ zhes pa'ang mi rigs te/ de la dad pa yang mtshan ma la
spyod par 'gyur pa'i phyir dang / mdo de nyid las chos rnam rang
bzhin med par yongs su shes gyur pa/ /'di ni shes rab pha rol
phyin mchog spyod pa yin/ /

zhes dang / gang tshe 'dus byas 'dus ma byas dang dkar nag chos/
/shes rab rnam par ba shig na rdul tsam mi dmigs tshe/ /'jig rten
dag na shes rab pha rol phyin grangs 'gro /zhes dang / ting
'dzin rgyal po las kyang/ gal te

chos la bdag med so sor rtog /so sor brtags nas gang zhig de
sgom pa/ /'bras bu mya ngan 'das 'thob rgyu de yin/ /rgyu gzhan
gang yin des ni zhir mi 'gyur/ zhes gsungs pa dang / shes rab
kyi pha rol tu phyin pa'i snying po las kyang/

shA ri'i bus/ byang sems sher phyin zab mo la spyod par 'dod
pas/ ji ltar bslab par bya/ zhes dris pa'i lan du spyan ras
gzigs kyis/ phung po lnga po de dag kyang rang bzhin gyis stong
par rnam par yang dag par rjes su

blta'o/ zhes sogs mang du gsangs pa dang 'gal par 'gyur ro/ /des
na chos dbyings bstod pa las/ mchog tu sems ni sbyong byed pa'i/
/chos ni rang bzhin med pa yin/ zhes dang / bdag dang bdag gi
zhes 'dzin pas/ /ji

@213a @#/ /srid phyi rol rnam btags pa/ /bdag med rnam pa gnyis
mthong na/ /srid pa'i sa bon 'gag par 'gyur/ zhes dang / 'jug pa
las kyang/ de phyir bdag dang bdag gi stong lta bas/ /rnal 'byor
ba de

rnam par grol bar 'gyur/ zhes gsungs pa ltar shes par bya ste
bdag med pa dang rang bzhin med pa'i nges pa'i rgyun bskyang bar
bya'o/ /'dir sgom rim dang po las/ rnam par mi rtog par 'jug
pa'i gzungs las/ yid

la mi byed pas gzugs la sogs pa'i mtshan ma spong ngo/ zhes
gsungs pa gang yin pa de yang shes rab kyis brtags na mi dmigs
pa gang yin pa de der ying la mi byed par dgongs kyi/ yid la
byed pa med pa tsam ni

ma yin te/ 'du shes med pa'i snyoms par 'jug pa ltar thog ma med
pa'i dus nas/ gzugs la sogs pa la mngon par zhen pa yid la byed
pa spangs pa tsam gyis spong pa ni ma yin no/ zhes gsung rab las

yid la mi byed pa bsgoms pas mtshan 'dzin spong par gsungs pa
rnams kyang/ tshul bzhin du dpyod pa'i shes rab kyis brtags nas
bden 'dzin gyi dmigs gtad rdul tsam yang mi dmigs par rtogs pa'i
don la

mnyam par 'jog pa la dgongs par gsungs la/ sgom rim bar pa las
kyang/ sems gang yin pa de yang bcal na stong par rtogs so/
/sems gang gis rtogs pa de yang ngo bo nyid kun tu btsal na
stong par

@213b rtogs te de ltar rtogs pas mtshan ma med pa'i rnal 'byor la
'jug go /zhes 'byung ngo/ /'dis ni yongs su rtogs pa sngon du
gtong ba nyid mtshan ma med pa nyid la 'jug par bstan te/ yid la
byed pa yongs su stong ba

tsam dang / shes rab kyis dngos po'i ngo bo nyid mi dpyod pa
rnam par mi rtog pa nyid du 'jug mi srid par shin tu gsal bar
bstan pa yin no/ zhes dkon mchog sprin las de ltar gsungs pa
des/ sngon du tshul bzhin du

dpyad pas de kho na nyid kyi lta ba brnyed pa med na de kho na
nyid kyi don la mi rtog par 'jug pa mi srid par gsungs pa dang /
sgom rim tha ma las/ bsam gyis mi khyab pa dang blo las 'das pa
sogs gsungs pa der ni zab mo'i

don thos pa dang sems pa tsam gyis rtogs par rlom pa dgag pa'i
phyir/ de rnams 'phags pa'i so so rang gis rig par bya ba yin
pas/ gzhan gyis bsam mi khyab pa la sogs par ston pa dang / yang
zab mo'i don

la bden par bzung nas chul bzhin ma yin par sems pa dgag pa'i
phyir gsungs kyi/ so sor rtog pa'i shes rab kyis tshul bzhin du
dpyod pa 'gog pa min pa dang / de 'gog na rigs pa dang lung shin
tu mang po dang

'gal bar gsungs pa dang / de rnam par rtog pa'i ngo bo nyid yin
du zin kyang tshul bzhin yid la byed pa'i ngo bo nyid yin ba'i
phyir/ rnam par mi rtog pa'i ye shes 'byung bar 'gyur bas na/ ye
shes de 'dod pas de la brten

@214a @#/ /par bya'o/ zhes gsungs pa rnams kyis/ rgya nag gi
mkhan pos lung rigs la brten nas de kho na nyid gtan la phab
pa'i lta ba ma rnyed kyang/ ci yang yid la mi byed par mnyam par
bzhag pas/ de kho na nyid

rtogs par 'gyur ro/ zhes smra ba 'gog pa'i tshul rnams shes pa
shin tu gal che'o/ /sgom tshul de dag ni lam rim gyi gdams ngag
snga ma rnams las kyang 'byung ste/ po to ba'i be'u bum las/ kha
cig thos bsam dus na

rigs pas/ /rang bzhin med pa gtan la phab la/ /sgom dus mi rtog
'ba' zhig sgom zer/ /de lta na ni 'brel med stong nyid/ /logs su
bsgoms phyir gnyen por mi 'gyur/ /de lta bas na sgom dus nyid
na'ang/ /gcig dang du bral

rten 'brel la sogs/ /gang la goms pas so sor brtag cing/ /cung
zad mi rtog nyid du'ang gnas bya/ /de ltar bsgoms na nyon mongs
gnyen bo/ /lha gcig rjes su 'brang bar 'dod cing/ /pha rol phyin
lugs spyod par 'dod

bas; ;shes rab sgom pa'i lugs ni de yin/ /de yang gang zag bdag
med goms pas/ /de nas de ltar rjes su 'jug bya/ zhes 'byung ba
ltar ro/ /'di yang jo bos/ stong nyid gang gis rtogs she na/ /de
bzhin gshegs

pas lung bstan cing/ /chos nyid bden pa gzigs pa yi/ /klu sgrub
slob ma zla grags yin/ /de las brgyud pa'i man ngag gis/ /chos
nyid bden pa rtogs par 'gyur/ zhes gsungs shing/ de'i 'khrid
tshul yang jo

@214b bos dbu ma'i gdams ngag tu gsungs pa dang / slob dpon ka
ma la shI la'i dgongs pa gnyis 'dra bar snang brgyas su btang
ba yin no/ /de ltar lhag mthong skyong ba la sbyor ba'i chos
drug bsten pa dang / thun gyi dngos gzhi dang /

thun rjes dang / thun mtshams su ji ltar bya dang / khyad par du
bying rgod dang bral bar skyeng tshul rnams sngar bzhin shes par
bya'o/ /bzhi pa bsgoms pas lhag mthong grub pa'i chad ni/ de
ltar so sor rtog pa'i shes rab kyis dpyad

nas bsgoms pa na sngar bshad pa'i shin sbyangs de ma skyes tshun
chad du lhag mthong rjes mthun pa yin la/ de skyes nas lhag
mthong mchan nyid pa yin te/ shin sbyangs kyi ngo bo dang skye
lugs ni sngar bshad pa ltar ro/ /'di yang

zhi gnas grub pa ma nyams par yod pa des drangs pa'i shin
sbyangs kyang yod pas na/ shin sbyangs yod pa tsam min no/ /'o
na gang yin snyam na dpyad sgom byas ba de'i rang stobs kyis
shin sbyangs 'dren thub pa na/ de nas

lhag mthong du 'gyur ro/ /de ni ji snyed pa la dmigs pa dang /
ji lta ba la dmigs pa'i lhag mthong gnyis ka la 'dra'o/ /de ltar
yang dgongs 'grel las/ bcam ldan 'das byang chub sems dpa' de ji
srid du

lus dang sems shin tu sbyangs pa ma thob kyi bar du/ ji ltar
legs par bsams pa'i chos de dag la ting nge 'dzin gyi spyod yul
gzugs brnyan nang du yid la bgyid pa'i yid la ci zhes bgyi/
byams

@215a @#/ /pa lhag mthong ni ma yin te/ lhag mthong dang rjes su
mthun pa'i mos pa dang mtshungs par ldan pa yin par brjod par
bya'o/ zhes dang / sher phyin man ngag las kyang/ des lus dang
sems shin tu

sbyangs pa thob pa de nyid la gnas te ji ltar bsams pa de nyid
kyi don nang gi ting nge 'dzin gyi gzugs brnyan gyi spyod yul la
lhag par mos pas so sor brtag par bya ste/ ji srid du lus dang
sems shin tu sbyangs pa ma

skyes pa de srid du ni/ lhag mthong dang rjes su mthun pa'i yid
la byed pa yin la/ gang gi tshe skyes pa de'i tshe lhag mthong yin
no/ zhes so/ /shin sbyangs rang stobs kyis 'dren thub na sems
rtse gcig pa yang 'dran nus

pas na/ so sor rtog pa'i dpyad sgom gyis rang stobs kyis zhi
gnas 'dren pa 'di ni sngon du zhi gnas grub pa'i yon tan no/ /de
ltar zhi gnas legs par grub pa zhig gis dpyad sgom byas pas
kyang

zhi gnas ches pul du byung bar 'gro bas na/ so sor rtog pa'i
dpyad sgom byas na gnas cha chung du 'gro'o snyam du mi gzung
ngo/ /gsum pa zhi lhag zung du 'brel tshul ni/ de gnyis grub pa'i
tshad kyi skabs

su bshad pa ltar zhi lhag gnyis ma thob na zung du sbrel rgyu mi
'ong bas/ zung 'brel la ni de gnyis nges par thob dgos so/ /'di
yang nam lhag mthong thob pa'i thog ma nas zung 'brel thob par
'gyur bas/ de'i tshul ni

@215b lngar gyi gnas la brten nas dpyad sgom byas pa'i mthus/
sngar zhi gnas kyi skabs su bshad pa bzhin du/ mngon par 'du
byed pa med par rang gi ngang gis 'jug pa'i yid byed thob pa na
zung 'brel du 'gro ste/ nyan sa

las; de la ci tsam gyis na zhi gnas dang lhag mthong 'dres par
gyur cing mnyam par zung du 'jug pa dang / gang gis na zung du
'brel bar 'jug pa'i lam zhes bya zhe na/ smras pa/ sems gnas pa
rnam pa dgu po dag

las; 'di lta ste/ mnyam par bzhag pa'i rnam pa dgu pa gang yin
pa thob par gyur cing ting nge 'dzin yongs su grub pa de la
brten nas lhag pa'i shes rab chos rnam par 'byed pa la rab tu
brtson par byed de/ de'i tshe na

chos rnam par 'byed pa de'i lam rang gi ngang gis 'jug par dang
rtsol ba med par 'jug par 'gyur zhing/ zhi gnas kyi lam ji lta
ba bzhin du mngon par 'du byed pa med pas lhag mthong yongs su
dag pa dang / yongs su

byang ba dang / zhi gnas kyi rjes su song ba dang / nyams bde
bas yongs su zin par 'gyur te/ de'i phyir/ de'i zhi gnas dang
lhag mthong gnyis 'dres par gyur cung mnyam par 'jug pa dang /
zhi gnas dang lhag mthong zung

du 'brel bar 'jug pa'i lam zhes bya'o/ zhes dang / sgom rim tha
ma las kyang/ ji ste gang gi tshe bying ba dang rgod pa las dben
pa'i phyir/ mnyam par zhugs shing rang gi ngang gis 'jug pas de
kho na nyid la sems

@216a @#/ /shin tu gsal ba byung bar gyur pa de'i tshe/ rtsol ba
glod pas btang snyoms su bya ste/ de'i tshe zhi gnas dang lhag
mthong zung du 'brel ba'i lam grub pa yin par rig par bya'o/
zhes gsungs pa ltar te/ lha

mthong mtshan nyid pa thob pa'i mtshams nas yin no/ /sher phyin
man ngag las kyang/ de'i 'og tu rnam par rtog pa dang bcas pa'i
gzugs brnyan de nyid la dmigs te/ sems de nyid la gang gi tshe
rgyun mi 'chad

pa dang bar ma chad pa'i yid la byed pa'i rgyun gyis gnyis ka
nyams su myong ba de'i tshe zhi gnas dang lhag mthong zung du
'brel ba'i lam zhes brjod de/ de la zhi gnas dang lhag mthong ni
zung yin la 'brel pa ni ldan

ste phan tshun bcings nas 'jug pa'o/ zhes gsungs te bar ma chad
pa ni dpyad sgom de nyid kyi 'phro bzhag nas/ mi rtog par gzhag
mi dgos par dpyad sgom de nyid kyis mi rtog pa 'dren pa'o/
/gnyis ka nyams su

myong ba ni mi rtog pa'i gzugs brnyan la dmigs pa'i zhi gnas
dang rnam par rtog pa dang bcas pa'i gzugs brnyan la dmigs pa'i
lhag mthong gnyis ka nyams su myong ba'o/ /rgyun gyis zhes pa ni
dpyod pa'i lha

mthong dang dpyad mthar gnas pa'i zhi gnas gnyis dus gcig tu mi
'byung ba'i dbang du byas kyi/ dpyad stobs kyis zhi gnas dngos
drangs pa'i zhi gnas kyi dus su ni/ ji lta ba la dmigs pa'i chos
rab tu rnam 'byed

@216b kyi lhag mthong dang ji lta ba la rtse gcig tu brtan par
gnas pa'i ting nge 'dzin gyi zhi gnas gnyis mtshungs ldan du 'jug
go/ /de 'dra ba'i tshe ni zhi lhag gnyis 'dres pa ste mnyam par
'jug pa'o/ /de la ni sgom byung gi

rtogs pa thob dgos pas/ chu mi g.yo bar gnas pa'i steng na phar
nye'u chung 'phyo ba bzhin du gnas cha brtan po'i mi rtog pa'i
rtsi ma zhig pa'i ngang nas bdag med pa'i don la so sor dpyad
pas chog pa'i gnyis tshogs la

zhi lhag rjes mthun par 'jog na ma gtogs pa zhi lhag dngos kyi
zung 'brel gyi don med do/ /de ltar zhi lhag zung du 'brel ba'i
tshul ni/ gzhung khungs ma de dag nas 'byung ba bzhin du shes par
bya yi/ de las gzhan du sgro

btags nas 'chad pa la yid brtan par mi bya'o/ /byang chub lam
gyi'i ma pa'i rigs pa'i mtha' gcod dang / shes byed kyis lung
dang / sgom pa'i tshul rgyas par ni/ lam rim rgyas pa las shes
par bya'o/ /da ni lam

spyi'i don bsdu ba cung zad brjod par bya ste/ thog mar lam gyi
rtsa ba bshes gnyen bsten tshul la thug pas/ de'i bdar sha bcad
de/ de nas dal ba la snying po len 'dod bcos ma min pa skyes na
des sgrub pa la nang nas

bskul bas/ de bskyed pa'i ched du dal 'byor gyi skor rnams
bsgom/ de nas tshe 'di don gnyer gyi blo ma log na 'jig rten phyi
ma la don gnyer drag po mi 'byung bas/ lus thob pa ring du mi
sdod pa'i mi rtag pa dang / shi nas

@217a @#/ /ngan 'gror 'khyam tshul sgom pa la 'bang/ de'i tshe
'jigs pa dran pa'i blo rnal ma skye bas/ skyabs gsum gyi yon tan
la snying thag pa nas nges pa bskyed la/ skyabs 'gro thun mong
ba'i sdom pa la gnas shing de'i bslab bya la bslab/

de nas dkar chos thams cad kyi gzhi las 'bras la yid ches pa'i
dang pa sgo du ma nas bskyed la brtan par byas te/ dge mi dge'i
'jug ldog la 'bad cing stobs bzhi'i lam du rgyun du zhugs pa
zhig bya/ de ltar skyes bu chung du'i

chos skor rnams tshags su tshud pa na/ 'khor ba spyi dang bye brag
gi nyes dmigs mang du bsams la 'khor ba spyi las blo ci ldog
bya/ de nas 'khor ba gang las 'byung ba'i rgyu las nyon ngos
bzung nas de spong 'dod bcos min bskyed/ 'khor

ba las grol ba'i lam bslab gsum spyi dang / khyad par du rang
gis gang khas blangs pa'i so thar la 'bang do/ /de ltar skyes bu
'bring gi chos skor rnams tshags su tshud pa na rang srid mtshor
lhung ba ji 'dra ba de bzhin du ma rnams

kyang de 'dra bar song ba yid la byas te byams snying rje'i rtsa
ba can gyi byang chub kyi sems sbyangs la ci skye la 'bad dgos
te/ de med na phyin drug dang rim gnyis sogs rmang med pa'i thog
byed pa dang 'dra bas so/ /de la myong ba'i rnam pa

than thun skyes na/ cho gas bzung la de'i bslab bya la 'bad de
smon sems ci brtan bya/ de nas spyod pa rlabs che ba rnams mnyan
la/ ldog 'jug gi mtshams rnams shes pa dang de la slob 'dod
bskyed/ de skyes pa na 'jug sdom chogs

@217b bzung la/ rang rgyud smin byed phyin drug dang / gzhan
rgyud smin byed bsdu bzhi sogs la bslab/ khyad par du rtsa ltung
la srog bsdos bya/ zag pa chung 'bring dang nyes byas rnams kyis
mgos pa la 'bad/ gos na'ang phyir bcos la 'bad

do; ;de nas phar phyin tha ma gnyis la khyad par du bslab dgos
pas/ bsam gtan skyong lugs la mkhas par byas la ting nge 'dzin
bsgrub/ bdag med gnyis kyi lta ba rnam dag cig rgyud la ci skye
bya ste rnyed pa dang lta thog tu bzhag

nas skyong ba'i tshul shes par byas la bskyang ngo/ /de 'dra ba'i
bsam gtan dang shes rab gnyis la zhi lhag gi ming btags pa yin
gyi/ de gnyis las zur pa zhig med pas byang sems kyi sdom pa
bzung nas de'i bslab bya la slob pa'i gseb

nas 'ong ngo/ /'di yang lam 'og ma bsgoms kyin gong ma la thob
'dod cher 'gro ba dang / gong ma mnyan pa na 'og ma la bsgrub
'dod je cher 'gro ba zhig dgos so/ /de rnams sgom pa'i tshe yang
rtog pa sbyang bar byas nas blo cha mnyam

dgos te/ 'di ltar lam la 'khrid pa'i shes gnyen la gus pa chung
bar snang na legs tshogs kyi rtsa ba 'chad pas bsten tshul la
'bad/ de bzhin du sgrub pa la spro shugs chung na dal 'byor gyi
skor dang / tshe 'di la mngon zhen cher

song na mi rtag pa dang ngan 'gro'i nyes dmigs sgom pa la gtso
bor bya/ khas blangs pa'i bcas mtshams la g.yel bar snang na las
'bras sgom pa la gtso bor bya/ 'khor ba la skyo shas chung na
thar pa don gnyer tshig tsam du

@218a @#/ /'gro bas 'khor ba'i nyes dmigs bsam/ ci byed sems can
gyi don du byed pa'i blo shugs drag mi snang na theg chen gyi
rtsa ba 'chad pas smon sems rgyu dang bcas pa la sbyang/ rgyal
sras kyi sdom pa blangs nas spyod pa la slob pa

na mtshan 'dzin gyi 'ching bshugs drag par snang na mtshan 'dzin
gyi dmigs gtad rigs shes kyis bshig la nam mkha' lta bu dang
sgyu ma lta bu'i stong nyid la sbyang/ sems dmigs pa la mi sdod
par rnam g.yeng gi bran

du gyur par snang na rtse gcig pa'i gnas cha la gtso bor sbyong
bar gong ma rnams gsung ste/ des mtshon nas ma bshad pa rnams
kyang shes par bya la/ mdor na phyogs re bar ma song bar rgyud
dge ba'i phyogs thams cad la bkol

rung zhig dgos so/ /gnyis pa khyad par du rdo rje theg pa la
bslab pa'i tshul ni/ de ltar mdo sngags gnyis ka'i lam thun mong
ba rnams la spyangs pa'i 'og tu ni/ gdon mi za bar sngags la
'jug par bya ste/ lam de ni chos

gzhan rnams las ches dkon pa dang / myur du tshogs gnyis rdzogs
par byed pa'i phyir ro/ /de la 'jug na ni lam sgron las gsungs
pa ltar/ thog mar bla ma mnyes par bya ba sngar bshad pa las
kyang lhag pa zhig bya dgos te/ de yang de las

bshad pa'i mtshan nyid ma mtha' tshang ba zhig la de ltar byed pa
yin no/ /de nas thog mar rgyud sde khungs ma nas bshad pa'i
dbang zhig gis rgyud smin par bya/ de nas de'i tshe bzung ba'i
dam tshig dang sdom pa rnams mnyan nas

@218b shes par byas la bsrung ste/ rtsa lhung phog na slar blang
du yod kyang lam gyi yon tan rgyud la skye ba la ches 'gyangs
pas des ma gos pa la 'bad/ spom po'i ltung bas ma gos pa la 'bad
cing/ brgya la gos na'ang/ slar 'chos pa'i

thabs rnams bya ste/ 'di dag ni lam sgom pa'i gzhi yin pas de
dag med na 'gram rtsa zags pa'i khang rul ltar 'gyur pa'i phyir
ro/ /'jam dpal gyi rtsa ba'i rgyud las/ tshul khrims 'chal la
thub dbang gis/ /sngags

'grub par ni ma gsungs te/ zhes sogs kyis grub pa rab 'bring tha
gsum gang yang med par gsungs shing/ rnal 'byor bla med kyi
rgyud du yang dam tshig mi srung ba dang / dbang bskur dman pa
dang / de nyid mi shes pa gsum

gyis bsgrubs kyang ci yang mi 'grung pa gsungs pas na dam tshig
dang sdom pa srung ba med pa'i lam sgom pa skad byed pa ni
sngags kyi tshul las rnam par 'khyams pa'o/ /de ltar dam tshig
dang sdom pa srung ba des sngags kyi lam

bsgom par bya ba la/ rgyud sde 'og ma gsum ltar na mtshan ma yod
med kyi rnal 'byor gnyis la rim gyis dang / gong ma ltar na rim
pa gnyis kyi rnal 'byor la rim can du bslab bo/ /'di dag ni 'dir
ming tsam gyi sgo nas

sngags la 'jug pa'i phyogs tsam zhig bstan pa yin pas/ rgyas par
ni sngags kyi lam gyi rim pa rnams las shes dgos so/ /de lta
bu'i tshul gyis bslabs na mdo sngags kyi gnad thams cad bsdus
pa'i lam gyi lus

@219a @#/ /yongs su rdzogs pa la bslabs par 'gyur bas dal ba thob
pa don ldan du byed cing rgyal ba'i bstan pa rin po che rang
gzhan gyi rgyud la rgyas par byed nus pa yin no// //rgyal bas
mdo dang rgyud sde'i lam gyi tshul/ /rnam

gnyis gsungs pa'i mdo sde'i phyogs rnams kyi/ /gsung rab bstan
bcos kun gyi lam la ni/ /mi 'jigs spobs pa byin pas gzhung bzang
rnams/ /bde blag nyid du gdams par 'char ba dang / /rgyud sde
nas bshad theg chen

thun mong lam/ /ma lus gsal byed rgyud ni sbyong byed mchog
/lhag par phyi rol pa dang nang pa dang / /theg pa che chung
theg chen rnam gnyis dang / /rgyud sde gong 'og rim pa rnam
gnyis kyi/ /skabs su skye ba'i ting 'dzin thun mong ba/ /shin

tu gsal bar mkhas mang gzhung bzhin du/ /legs par bshad pas rnal
'byor lhur len gyi/ /lam gyi gol sa legs par rtogs 'gyur ba'i/
/byang chub lam gyi rim pa bsdus pa 'di/ /slar yang thar 'dod
rnams kyi don du sbyar//

zab mo'i lta ba rgya chen spyod pa'i lam/ /rgyal tshab byams pa
rje btsun 'jam dbyangs nas/ /mgon po klu sgrub thogs med zhi ba
lha'i/ /brgyud pa'i chu bo rnam pa gsum 'dres pa/ /dpal ldan a
ti sha yi gdams pa mchog /'dir

'bad pa las thob pa'i dge ba yis/ /skye dgu'i phan bde'i rtsa ba
rgyal ba'i bstan/ /dri ma bslad ring du rgyas par shog /ces
rgyal ba'i gsung rab thams cad kyi gnad bsdus pa/ shing rta chen
po klu sgrub dang thogs med

@219b gnyis kyi lam srol/ rnam pa thams cad mkhyen pa'i sar
bgrod pa'i skye bo mchog gi chos lugs/ skyes bu gsum gyi nyams
su blang ba'i rim pa thams cad tshang bar ston pa'i byang chub
lam gyi rim pa dgon pa pa nas sne'u zur pa

la brgyud pa dang / spyan snga ba nas brgyud pa gnyis dang / po
to ba nas sha ra ba la brgyud pa dang / po to ba nas dol pa la
brgyud pa'i gdams ngag thos pa rnams kyi don/ lam rim rgyas pa
las slar yang bsdus pa 'di ni/ mang du thos

pa'i dge slong spong ba pa shar tsong kha pa blo bzang grags
pa'i dpal gyis ri bo dge ldan du sbyar ba'o/ /mangga laM//