@001a @#/ /rgyal tshab rjes rje'i drung du gsan pa'i tshad ma'i brjed byang chen mo bzhugs so/ / @001b @##/ /rje btsun bla ma dam pa rnams la phyag 'tshal lo/ /grol ba don gnyer gyi skyes bu rnams yang dag pa'i lam dang lam ma yin pa legs par phye nas/ thar par 'jug pa'i mig gcig du 'gran zla med pa bdag nyid chen po phyogs glang yab sras kyis mdzad pa'i rigs pa'i bstan chos gtan la dbab pa la don bzhi ste/ tshad ma'i bstan bcos brtsams pa'i dgos pa dang/ dgos pa de bstan bcos de la rag las pa'i tshul dang/ dgos pa de ldan gyi bstan bcos la gces par bzung ba dang/ bstan bcos de'i brjod bya'i yul gtan la phab pa'o/ /dang po la gnyis te/ dgos pa la log par rtog pa bsal ba dang/ yang dag pa'i dgos pa dngos so/ /dang po la gsum ste/ grol ba don gnyer la ltos te log rtog dgag pa dang/ yul gyi khyad par la ltos te dgag pa dang/ dgos pa yod kyang dman par 'dod pa dgag pa'o/ /dang po ni/ tshad ma'i bstan bcas 'di dag grol ba don gnyer la nye bar mkho ba ma yin te/ rtog ge'i bstan bcos yin pa'i phyir dang/ nang rig pa'i bstan bcas las phyi rol tu gyur pa gtan tshigs rigs pa yin pa'i phyir/ ces zer to/ /de la @002a @#/ /bshad par bya ste/ rtog ge zhes pa'i phyir rol pa rnams kyi bstan pa ni/ rang gi rtsa ba'i ston pa drang srong gling skyes la sogs pas don mtha' dag mngon du ma gyur par rtog pas btags pa tsam gyis bzhag pa dang/ de'i rjes su 'brang ba'i bstan bcos la yang rtog ge'i bstan bcos zhes pa dang/ yang rtog ge rten cing ma nges la/ ma khyab kun rdzob skye ba can/ /byis pa la ni bstan par 'dod/ /ces bshad pa ltar/ dngos po'i de kho na nyid/ don spyi tsam du bzung ba'i sgo nas/ rtog pas nges dgos kyi mngon du ma gyur pa la rtog ger byas pa gnyis las/ dang po grol ba don gnyer la mi mkho ba bden yang/ rigs pa'i bstan bcos 'di dag ni der rang nyid khas mi len cing rigs pas kyang mi 'thad de/ rang gi rtsa ba'i ston pa shes bya thams cad mngon sum du gzigs pa'i rjes su 'brang ba yin pa'i phyir ro/ /gnyis pa ltar na sbyor lam chos mchog man chad grol ba don gnyer la nyer mkho med par 'gyur te/ chas nyed rtog pa'i yul du byed dgos pa'i phyir/ nang rig pa'i bstan bcas las logs su 'dod pa yang mi rigs te/ rigs pa'i bstan bcos 'di dag gis gang zag dang chos la bdag med @002b pa'i stong pa nyid rigs pas phyin ci ma log par gtan la phab ste/ lhag pa shes rab kyi bslab pa brjod bya'i gtso bor ston pas so/ /gzhung 'dir 'khor ba 'jug ldog rgyas par gtan la phab pa'i sgo nas nang gi sems rgyud log par 'gre ba bkag nas/ yang dag pa'i lam du 'jug par byed pa'i thabs phyin ci ma log par ston pas khyed nang rig tu 'dod pa la yang de bas lhag pa'i rigs tshul yod pa 'chad dgos so/ /gtan tshigs rigs pa yin pa tsam gyis kyang grol ba don gnyer la mkho med par 'dod pa mi rigs te/ de'i don ni/ rgyu mtshan rig pa la zer la/ bstan bcos 'di dag ni gsung rab mtha' dag gi dgongs pa rgyu mtshan yang dag gi sgo nas rig par byed pa'i thabs kyi gtso bo yin pas gtan tshigs rigs pa yang yin no/ / gtan tshigs rigs pa kho na yin la nang rig pa ma yin pa ni/ dpe dang gtan tshigs dang rgol phyi rgol rtsod pa'i tshul la sogs pa tsam zhig gtan la 'bebs pa rnams so/ /gnyis pa ni/ bstan bcos 'di dag gzhan sde phyi rol pa rnams kyi log rtog dgag pa tsam gyi ched du nye bar mkho ba yin pas/ de dag med pa'i sar nyan pa sems pa sogs byed pa la dgos pa med do/ /zhes zer ba yang bstan pa'i rmang 'jig par byed cing dam pa'i chos spong bar byed pa'i log par rtog pa 'ba' zhig yin te/ gzhung 'dir skye ba snga phyi med pa dang thar pa dang thams cad mkhyen pa med pa dang/ phung po gtsang bde rtag bdag tu 'dzin pa la sogs pa'i sgro 'dogs 'gog par byed pa'i thabs rgyas par gtan la 'bebs pa yin pas/ phyir rol pa med @003a @#/ /pa'i sar rang rgyud kyi gtang bde rtag bdag tu 'dzin pa sogs kyi sgro 'dogs bsal dgos mi dgos dang/ mi rtag sdug bsngal stong bdag med dang/ skye ba snga phyi dang thar pa dang thams cad mkhyen pa sogs yod par nges pa'i nges shes 'dren dgos mi dgos kha nang du phyogs la legs par soms shing /de ltar dgos na yang rigs pa'i bstan bcos 'di dag las mchog tu gyur pa'i thabs gzhan yod pa bstan dgos sam/ bstan bcos 'di dag lan tshwa dang 'dra bar 'di nyid gtso bor nyer mkho med kyang 'di dag khong du chud na gtso bo'i don gzhan khong du chud pa la nye bar mkho ba tsam gyi sgo nas dgos pa dman par 'dod pa yang mi rigs te/ thos pa dang bsam pa dang bsgom par bya ba'i gzhi 'di nyid kyis gtan la phab pa las mchog tu gyur pa'i gzhi gzhan ma rnyed pa'i phyir ro/ /gnyis pa yang dag pa'i dgos pa dngos ni/ de la spyir grub mthas blo bsgyur ma bsgyur gnyis las/ phyi ma ni 'jig rten 'di'i rgan po rnams kyi rjes su 'brangs nas tshe 'di'i thabs tsam zhig la 'bad par byed kyi/ phyi ma phan chad kyi don gtso bor mi sgrub pa rnams yin la/ grub mthas blo bsgyur pa yang rgyang phen ni/ tshe snga phyi med par 'dod la/ de las gzhan pa'i phyi rol pa rnams ni 'jig rten phyi ma phan chad kyi don bsgrub dgos par 'dod cing/ dpyod pa pa ni phyi ma phan chad kyi mngon mtho tsam zhig yod par khas blangs nas/ thar pa dang thams cad mkhyen pa ni mi srid de/ dri ma sems kyi rang bzhin yin pas 'bral mi rung @003b ba'i phyir ro/ /zhes zer to/ /de gnyis ma gtogs pa'i gzhan sde rnams dang rang gi sde pa rnams 'di ltar sems ste/ skye ba dang 'chi ba gcig nas gcig tu brgyud pa'i sdug bsngal 'di 'gog par byed pa'i thabs yod dam 'on te med/ yod bzhin du de'i thabs la 'bad par ma byas na/ don chen po las nyams par 'gyur bas de tshol ba'i thabs la 'bad par byed/ /de la spyir rtog pa dang ldan pa zhes pa ni/ rang nyid kyi de lta bu'i don la rtog dpyod zhugs nas de lta bu'i ston pa yod med tshol bar byed cing/ gang gi rjes su 'bangs na thar 'dod mi slu ba dang/ bslu ba'i khyad par phyin ci ma log par ston pa tshol bar byed cing/ de ltar btsal na dge ba'i bshes gnyen dang phrad nas kyang sgrol ba don gnyer gyi skyes bu rnams dpyod gzhan las khyad zhugs pa dang/ gzu por gnas pa dang/ don gnyer che ba rnams ni/ bdag ni sangs rgyas phyogs mi 'dzin/ ser skya sogs la mi sdang yang/ /gang zhig rigs par ldan pa'i tshig /de nyid ston par yongs su 'dzin/ /zhes bshad pa ltar/ dang por dge ba'i bshes gnyen la brten yang phyin nas rang nyid kyis rang stobs kyis nges par byed dgos pas/ lung gang 'thad pa'i phyogs yin dpyad pa na/ thud pa sangs rgyas bcom ldan 'das kyi bstan pa nyag gcig skyon med par grub nas de nyid la ston par 'dzin par 'gyur ba yin no; ;des na rigs pa'i bstan bcos 'di dag gis kyang lung dang rtogs pa'i bstan pas bsdus pa'i chos skyon med pa dang/ de ston pa'i ston pa tshad ma'i skyes bu dang/ bstan pa'i don tshul bzhin du sgrub pa'i dge 'dun te dkon mchog gsum phyin @004a @#/ /ci ma log par rigs pas sgrub pa'i tshul phyin ci ma log par nges par byed pa ni bstan bcos kyi dgos pa'o/ /de la rgyud la skye ba'i rim pa'i dbang du byas na/ dang por mngon mtho'i go 'phang thob nas phyis nges legs thob par byed pa yin kyang/ tshad mas nges pa'i rim pa ni/ dang por thar pa tshad mas nges nas/ de'i rjes su shin tu lkog tu gyur pa'i mngon mtho nges par byed pa yin te/ gtso bo'i don la mi slu ba'i phyir/ gzhan la rjes su dpag pa nyid/ ces bshad pa ltar/ dang por bden bzhi dngos stobs kyi rigs pas nges par byas nas/ de'i rjes su ston pas ji ltar gsungs pa'i shin tu lkog tu gyur gyi don la mi slu bar rjes su dpog pa yin no/ /'phags pa lhas bzhi brgya par; sangs rgyas kyis gsungs lkog gyur la/ /gang zhig the tshom skye 'gyur pa/ /de yis stong pa nyid bstan te/ /'di nyid kho nar yid ches byas/ /zhes dang por stong pa nyid kyi don rigs pas nges par byas na/ de'i rjes su shin tu lkog gyur gyi don la mi slu bar dpog par bshad pa dang tshul mtshungs pa yin no/ /gnyis pa ni/ ji skad bshad pa'i dgos pa de dag sde bdun gyi bstan bcos la rag las pa yin te/ bstan bcos 'di nyid la brtan nas ston pa sangs rgyas dang de'i bstan pa dngos stobs kyi rigs pas nges par byed nus kyi gzhan la brten nas nges par byed pa'i thabs mchog tu gyur pa rnyed dka'o/ /gsum pa ni/ des na grol ba don du gnyer bar 'dod na bstan bcos 'di dag la gces par bzung nas/ thos pa dang/ @004b bsams pa dang sgom pa la 'bad par bya zhing/ de yang 'khor ba 'jug ldog nyid la bskor nas nyan pa de'i thabs su ji ltar 'gyur la 'bad par bya'o/ /kha gshegs 'gyed pa tsam gyi ched du mi bya ste/ rang yang nyams par 'gyur zhing/ gzhan yang bstan bcos la gus pa skye ba'i gegs byed pa'i phyir ro/ /bzhi pa bstan bcos de'i brjod bya'i lus gtan la dbab pa la/ lus ngos bzung ba dang/ de'i don gtan la 'bebs pa'i tshul lo/ /dang po ni/ kha cig gis rtog ge'i lus brgyad du byed pa ni mi 'thad de/ de dag kun kyang bsngoms na lus su 'gyur gyi /brgyad po ni lus kyi cha shas yin no/ /des na slob dpon phyogs kyi glang pos rigs pa'i skror?/ mngon sum dang ni rjes su dpag /ltar snang bcas pa bdag rig phyir/ /bsgrub pa dang ni sun 'byin dag /ltar snang bcas pa gzhan rtogs phyir/ /ces gsungs pas/ rang nyid kyis bstan pa dang ston pa tshad mar nges pa'i thabs dang/ nges nas gzhan rjes su 'dzin pa'i thabs gnyis so/ /dang po ni mngon sum dang rjes su dpag pa ste/ rang nyid kyis ji ltar gtan la phab pa ltar/ dngos po la gnas mi gnas ni/ gtan la 'bebs byed kyi blo yang dag tu song ma song la rag las pa yin pas lkog gyur nges par byed pa'i blo skyon med rjes dpag dang/ mngon gyur nges par byed pa'i thabs mngon sum tshad ma yin pas/ mngon rjes kyi tshad ma gnyis su gsungs la/ blo gzhan gyi rjes su 'brangs nas bslu bar 'gyur bas lam gyi go la sa cod pa'i yan lag tu/ ltar snang gnyis dbye ba dang bcas pa gsungs so/ /rjes dpag skyon @005a @#/ /med du 'gyur ba de'i rten gtan tshigs kyi tshul rnams par ma bcad par mngon sum la thug thug gi bar du bsgrub nus pa la rag las la/ de yang dbang po'i mngon sum dang rang rig mngon sum ni tshur mthong la dngos su 'jug ldog ston pa'i tshad mar mi rung zhing/ rnal 'byor mngon sum yang rtags kyi tshul sgrub pa'i yan lag tu mi mkho'o/ /rang nyid nges bzhin gzhan dag la/ /nges pa bskyed par bya ba'i phyir/ /rtag tu 'khrul pa med par ni/ mkhas rnams rab tu 'jug pa yin/ zhes bshad pa ltar/ rang nyid kyis nges nas gzhan rje su 'dzin pa'i yan lag tu yang dag dang/ ltar snang phyi ma bzhi gsungs so/ /de yang dgag sgrub kyi lam nas drangs nas nges par byed pas bsgrub pa dang sun 'byin gnyis gsungs pa'am/ yang na mtha' gcig tu 'dzin pa'i log rtog gi dpal gzhom pa'i phyir tu sun 'byin dang/ mtha' gnyis su dogs pa'i the tshom bcad pa'i phyir tu sgrub ngag gsungs shing/ de gnyis kyi gol sa bcad pa'i ched du ltar snang gnyis su gsungs so/ /bstan bcos kyi lus yongs su rdzogs pa yang le'u gsum du 'dus pa yin te/ rang gi ched du le'u gnyis dang/ gzhan gyi ched du le'u gcig go /kun las btus la le'u drug byung yang/ dpe brtag pa dang sel ba brtag pa rang don du 'dus shing/ ltag chod brtag pa gzhan don du 'dus pa yin no/ /rnal 'grel du le'u bzhi gsungs pa'i tshad ma grub pa'i le'u ni/ mngon sum gyi le'u'i nang du 'dus kyang gtan la dbang @005b bya'i gtso bo yin pas le'u zur du mdzad pa yin no/ /gnyis pa la/ gtan la dbab bya'i gtso bo ngos bzung ba dang/ gang gis sgo nas gtan la 'bebs pa'i tshul lo/ /dang po ni/ grol ba tsam don gnyer la ltos te/ sdug bsngal nye bar zhi ba'i thar pa dang theg pa chen po'i rigs can la ltos te thams cad mkhyen pa'i lam 'bras bu dang bcad pa'o/ /gnyis pa ni/ bstan pa dang ston pa skyon med par sgrub pa'i sgo nas yin te/ de la lung gi bstan pa ni/ 'brel pa dang ni rjes mthun thabs/ /skyes bu'i don ni rjod byed dag ;yongs brtags dbang du byas yin gyi/ /de las gzhan pa'i dbang byas min/ /zhes bshad pas/ blang bya dang dor bya dang btang snyoms su bzhag bya'i phyogs 'brel chags su ston pa dang/ skyes bu'i mngon par 'dod pa mngon mtho nges legs kyi don brjod par byed pa dang/ don de thob pa dang rjes su mthun pa'i thabs phyin ci ma log par ston pa'i lung dpyad pa gsum gyi dag par nges par bya ba rnams yin no/ /rtogs pa'i bstan pa ni lam bslab pa rin po che gsum yin la/ de'i nang nas kyang 'khor ba'i 'jug ldog phyin ci ma log par nges pa'i shes rab ste/ de skye ba'i tshul ni/ thub pa sangs rgyas bcom ldan 'das chos can/ grol ba don gnyer la tshad ma yin te/ grol ba don gnyer la gsar du bslu ba med pa'i shes pa yin pa'i phyir/ ces pa'i rtags kyis phyir khyab pa nges pa las yin no/ /de la dang por chos can gtan la 'bebs pa la dun? las btus las/ tshad mar gyur pa 'gro ba phan bzhed pa/ /ston pa bde gshegs skyob la phyag 'tshal te/ /zhes pa'i tshig @006a @#/ /gi don lugs 'byung dang lugs ldog gi bshad tshul gnyis 'byung ba'i dang po ni/ bdag cag gi ston pa lam gang nas ji ltar byon pa'i tshul ston pa yin la/ gnyis pa ni/ de ltar yin pa'i shes byed ston pa yin no; ;ston par bgrod par byed pa'i rgyu thabs shes gnyis su 'dus la/ thabs ni/ 'gro la phan bzhed pas ston te/ mtha' dag sdug bsngal las grol bar 'dod pa'i snying rje chen po dang/ byang chub mchog tu sems bskyed pa'o/ /sgrub byed thugs rje goms las de/ zhes pas ni/ theg pa chen por 'jug pa'i sgo ni sems bskyed yin par bstan cing/ snying rje dang sems bskyed sogs skye ba du mar goms par byed nus su nges pa la/ rig pa spyi'i ya mtha' dang ma mtha' thug med du nges pa'i sgo nas skye ba snga phyi yod par nges pa la rag las pas/ skye ba snga phyi sgrub byed rnams rgyas par bstan la phab la/ spyir goms su rung yang mtha' med du 'phel du mi rung ba'i log rtogs dang/ thar pa thob kyang slar ldog pa'i sgo nas thar pa la yid brtan mi rung bar 'dzin pa'i log rtog 'gog tshul rgyas par ston pa yin no/ /sems kyi sgo nas dam bcas pa'i don sgrub par byed pa'i bsgrub pa ni/ phar phyin drug tu 'dus la/ de rnams kyi gtso bo yang bdag med rtogs pa'i shes rab yin pas de nyid ston pa zhes pa'i tshig gis/ rgyu la 'bras bu'i ming gis btags nas ston pa yin/ de lta bu'i thabs shes goms par byas pa las/ don gnyis phun tshogs pa'i bdag nyid du 'khrungs pa ni/ bde gshegs skyob/ ces pas @006b bstan to/ /gnyis pa lugs las ldog pa'i tshul gyis de ltar yin pa'i shes byed ni/ sngar gyi rtags de'i phyogs chos bsgrub pa las shes par 'gyur te/ de yang grol ba don gnyer la mi slu bar song ba ni/ 'khor ba'i 'jug ldog gis bsdus pa'i 'phags pa'i bden pa bzhi yin te/ de la bden bzhi'i grangs nges pa dang/ go rims nges pa dang/ ngo bo nges pa'o/ /dang po la dngos dang/ gzhan sde rnams kyi 'gal 'du'i gtso bo ngos bzung ba dang/ 'dus byas mi rtag par sgrub pa'i rigs pa rgyas par gtan la phab pa'i dgos pa'o/ /dang po ni/ 'khor bar 'jug pa'i phyogs la nyes dmigs kyi sgo nas shes par bya ba sdug bsngal dang/ gang log pa'i stobs kyis ldog par 'gyur ba kun 'byung dang rgyu 'bras gnyis su nges shing/ rnam byang gi phyogs la yang gang mngon su bya ba sdug bsngal 'gags pa'i 'gog pa dang/ de mngon du byed pa'i thabs lam bden gnyis su nges pa'i phyir ro/ /gnyis pa ni/ thar pa khas len pa'i gzhan sngo la/ kun nas nyon mongs la brten pa'i 'gal 'du'i gtso bo ni/ skye 'chis bsdus pa'i sdug bsngal de ldog nus par yang 'dod la/ 'di'i rgyu mthar gtugs pa bdag dang/ gtso bo la sogs pa'i rtag dngos su 'dod pa ste/ de ltar na rtag dngos ldog pa mi srid pas sdug bsngal ldog par 'dod pa 'gal ba'i phyir dang/ rtag la ldog pa med pa'i phyir/ /nus pa nyid kyang ldog par dka'/ /zhes bshad pa ltar/ dang por rgyu 'bras gnyis ka ma dmigs/ de rjes rgyu dang 'bras bu gnyis ka rim can du dmigs te/ de rjes rim can du ma dmigs pa'i rgyu 'bras nges @007a @#/ /byed kyi tshad ma mi srid de/ rtag dngos yul dus 'gar yang ldog pa mi srid pa'i phyir ro/ /rnam byang la brten pa'i 'gal 'du'i gtso bo ni/ sdug bsngal 'gags pa'i thar pa thob par 'dod pa dang/ bdag 'dzin rnam pa kun spang bya man par 'dod pa ste/ de lta na gang zhig bdag mthong de la ni/ zhes pa nas/ de srid pa ni 'khor bar 'gyur zhes bshad pa ltar/ bdag 'dzin yod na sdug bsngal mi 'dod kyang nan gyis bskyed par byed pa'i phyir ro/ /gsum pa ni/ rigs pa'i bstan bcos 'dir mi rtag pa'i rigs pa rgyas par bshad pa de tsam du bdag med sgrub pa'i rigs pa mi rgyas pa ni/ 'dus byas mi rtag par nges pa nyid bdag med pa'i rgyu yongs su sbyong byed kyi thabs yin pa dang/ rtag dngos bkag pa nyid kyis gzhan 'dod pa'i bdag khas len pa'i gnas med de/ de nyid la rtag dngos kyis khyab par khas blangs pa'i phyir ro/ /gnyis pa ni/ bden pa bzhi po rgyu 'bras don gyi rim pa ltar mi ston par/ de las ldog te bstan pa'i dgos pa ci zhig yin/ bden pa bzhi ga shes par bya ba yin bzhin du/ sdug bsngal 'ba' zhig la shes bya zhes ston pa dang/ lam yang thob bya yin pa la/ 'gog pa 'ba' zhig mngon du bya ba zhes ston pa yang ji ltar yin/ 'gog pa dus gsum par ston pa yang mi rigs te/ sdug bsngal la 'bral 'dod skyes pa'i dus nyid nas/ de dang bral ba mngon du bya 'dod skye ba'i phyir ro/ /zhe na/ bshad par bya ste/ de la spyir rgyu 'bras don gyi rim pa dang/ nges dka' sla'i dbang gis bstan pa bshad pa'i rim pa sogs du ma yod kyang @007b 'dir ni yul can mngon par rtogs pa'i rim pas bstan te/ sdug bsngal mngon par rtogs pa dang por skye zhing/ lam mngon par rtogs pa mthar skye ba'i phyir ro/ /bden pa bzhi ga shes par bya ba yin mod kyang/ thog mar sdug bsngal nyes dmigs kyi sgo nas shes par ma byes na/ kun 'byung la spong 'dod sogs mi skye zhing/ de shes pa las kun 'byung la spong 'dod sogs kye dgos pa'i phyir ro/ /sdug bsngal yang spang bya yin mod kyang/ rgyu ma spangs na spong 'dod kyang mi nus pas thog mar rgyu 'gag dgos pa'i phyir/ kun 'byung la spang bya zhes bstan to/ /lam yang thob bya yin mod kyang 'gog pa mya ngan las 'das pa'i dbyings su de yang 'dor pas 'gog pa la mngon du bya ba zhes bstan to/ /'gog pa mngon du bya ba 'dod dus gnyis par skye yang mngon du bya nus su shes pa dus gsum pa las mi skye bas der bstan te/ de shes pa la kun 'byung spong nus su shes pa sngon du 'gro dgos pa'i phyir ro/ /'gog pa mngon du bya ba de yang lam goms par byas pa la rag las par mthong dgos pas lam bsten byar dus bzhi par bstan pa yin no/ /de yang/ sdug bsngal rgya mtsho 'di la mtha'/ /rnam pa kun tu yod min na/ /byis khyod 'dir ni bying ba la/ /'jigs pa ci nas skye mi 'gyur/ /zhes bshad pa ltar/ sdug bsngal gyi nyes dmigs bshags pa'i dgos pa ni/ 'khor ba'i mtshang legs par rig nas/ 'di las mi 'byung ba'i thabs mi 'dug snyams nas yid 'byung dang skyo shas drag po bskyed par byed pa yin la/ 'khor ba las 'bral 'dod @008a @#/ /skyed pa na/ tshed ma 'don pa'i tshul gyis bral bar byed mi nus shing/ rgyu bkag pa'i sgo nas 'gog dgos par mthong nas/ rgyu med pa la ni res 'ga' skye bar dmigs pas gnod pa mthong bas rgyu bcas su grub la/ rgyu de yang rtag mi rtag gnyis su kha tshon bcad nas/ rtag pa yin na log tu mi rung ste/ gang phyir de ltar rgyu gnas na/ /'bras log gzigs pa med phyir ro/ /zhes pa ltar ro/ /rgyu mi rtag pa de yang rtsa ba gang zag gi bdag tu 'dzin pa dang/ des nyon mongs gzhan rnams dang/ de dag gis las bsags nas 'khor ba 'grub pa'i sgo nas rgyu 'bras kyi 'brel pa nges par 'gyur te/ 'di ltar/ gang zag gi bdag 'dzin las bdag la chags pa'i sred pa dngos su skye la/ de las bdag gi bde ba la sred pa dang/ de las bdag gi bde ba'i sgrub byed dbang sogs bdag gi ba la sred pa skye ste/ gzhan la ltos pa med par bdag rang stobs kyis bde bar byed mi nus pa mthong ba'i phyir ro/ /de las bdag gi bde ba'i sgrub byed dbang po la sogs pa'i bdag gi ba bran lta bu'i dpe bde ba sgrub pa'i phyir tu sgo gsum gyi las mngon par 'du byed la/ las bzang ngan las bde 'gro dang ngan 'gro'i phung po 'grub pa ste/ gang zhig bdag mthong de la ni/ zhes sogs ltar ro; ;gang zag phung po la btags pa tsam du khong du chud pa la ni nyes pa 'dir thal bar mi 'gyur te/ thag khra la sbrul du bzung bas 'jigs pa bskyed kyang der brtags pa tsam du khong du chud pa las ni/ 'jigs pa mi skye ba'i phyir ro/ / @008b bdag 'dzin de nyid spong nus par 'og nas 'chad pa'i rigs pas khong du chud par 'gyur bas/ kun 'byung spang bya yin pa dus gnyis par bstan la/ de spong nus su nges pa na de'i 'bras bu sdug bsngal 'gogs nus su nges la/ de nges pa na sdug bsngal 'gags pa mngon du bya nus su nges pas 'gog pa dus gsum par bstan la/ /de yang lam goms par byas pa la ltos pas de dus bzhi par bstan to/ /gsum pa la/ sdug bsngal bden pa'i mtshan nyid/ nges byed kyi tshad ma dang/ rnam pa lhag ma rnams bdag med pa'i rnam pa sbyong byed kyi yan lag tu bstan pa dang/ bden pa gnyis kyi rnam gzhag gtan la dbab pa'o/ /dang po la/ sdug bsngal bden pa'i mtshan nyid/ nges byed kyi gnyer gyi blo mtshan nyid rdzogs par mi 'gyur ba'i tshul dang/ nges byed kyi tshad ma dngos so/ /dang po ni/ sdug bsngal du rtogs pa'i lag rjes la 'khor ba la 'bral 'dod bskyed kyang/ mi rtag pa ma rtogs na/ phung po dang mi 'bral ba'i srid pa 'gog mi nus shing/ de rtogs pa las 'bral nges su rtogs nas mi 'bral ba'i sred pa 'gog pa'i phyir ro/ /bdag med ma rtogs na dbang sogs bdag gi ba la don gnyer gyi sred pa rang gis 'dren pas mi rtag pa dang sdug bsngal du rtogs pas phung po tsam la 'bral 'dod kyi blo skyes pa ltar snang yang bdag 'dzin des bdag gi bde ba'i sgrub byed zag bcas kyi khyad par 'ga' zhig la don gnyer gyi blo nges par 'dren pa yin no/ /des na phung po mi rtag par rtogs @009a @#/ /pa'i lag rjes la/ de dang 'bral nges pa dang/ sdug bsngal du rtogs pas 'bral 'dod bskyed kyang thar pa don gnyer gyi blo mtshan nyid pa tshang ba la bdag med rtogs dgos so/ /gnyis pa la/ gang zag gi bdag med sgrub pa'i rtags dgod pa dang/ tshul bsgrub pa dang/ slob dpon gyis tshad ma grub par grol lam gyi mi mthun pa'i phyir ji ltar bstan pa'o/ /dang po ni/ rang gi phung po dang rang bzhin gcig dang tha dad gang du yang med na rang bzhin med pas khyab ste/ dper na ri bong gi rwa bzhin/ tshigs rgyun gang la yang btags pa tsam ma yin pa'i gang zag rang rkya ba de yang phung po dang rang bzhin gcig dang tha dad gang du yang ma grub bo/ /zhes bya ba ni khyab byed ma dmigs pa'i rtags las sam rang bzhin ma dmigs pa'i rtags las so/ /rang bzhin gcig dang tha dad kyis stong ba de rang bzhin med pa'i don ldog yin pas snyad bsgrub pa 'ba' zhig yin gyi don sgrub ma yin te/ rang bzhin gcig dang tha dad gang yang ma yin pa'i rang bzhin gyis grub pa phung po gsum pa'i don gyis sgro 'dogs skye ba med pa'i phyir ro/ /gnyis pa la/ khyab pa bsgrub pa dang/ phyogs chos bsgrub pa'o/ /dang po ni/ rang bzhin gcig dang tha dad phan tshun spang 'gal brten pa'i dngos 'gal du nges pa'i tshad mas dgag bya'i chos la rtags log gis khyab pa nges shing phyogs chos nges pa'i tshed ma dang gnyis bsdoms pa'i byed pa'i byed pas rtags mi mthun phyogs las ldog pa dang/ mthun phyogs kho na la yod pa'i rjes khyab @009b nges par byed yin no/ /gnyis pa la/ phung po dang gang zag rang skya ba rang bzhin tha dad du me dpa dbang po rnon po rnon pos mngon sum gyis grub cing/ dbang po rtul pos rang bzhin ma dmigs pa'i rtags la brten pa'i rjes dpag gis nges so/ /rang bzhin gcig tu ma grub par sgrub pa la rtags dgod pa ni/ rang rgyud kyi phung po ni/ gang zag rang rkya ba dang rang bzhin gcig tu med de/ mi rtag cing gzhan dbang can yin pa'i phyir/ ldog khyab yod de/ gang zag rang rkya ba yin na rtag pa dang rang dbang can yin dgos pas so/ /rtags sgrub pa ni/ de chos can/ gzhan dbang can yin te/ las nyon gyis 'dus byas pa'i phyir ro/ /de'i rtags ni sngar bshad pa'i/ /gang zhig bdag mthang? de la ni/ zhes pa'i rigs pa la brten nas nges pa yin no/ /khyab pa yod de/ rtags su bkod pa'i don de 'du byed kyi sdug bsngal gyi don ldog yin pas so/ /rtags snga ma sgrub pa la/ rtags dgod pa ni/ rang rgyud kyi phung po chos can/ mi rtag ste/ byas pa'i phyir/ de'i phyogs chos ni/ dbang po rtul po la tha snyad 'ba' zhig sgrub dang/ mkhas pa la rgyu 'bras nges byed kyi mngon sum tshad mas 'grub cing/ de yang tshe 'di'i phung po lnga phyi 'phel 'grib byed par 'jal ba'i mngon sum gyis 'grub pa yin gyi /skye ba snga ma'i las nyon sogs las skye bar rtags kyis sgrub dgos so/ / khyab pa bsgrub pa ni rjes khyab sgrub byed ltos med kyi rtags dang/ ldog khyab sgrub byed gnod pa can gyi rtags so/ /dang po la rtags dgod pa ni/ gang zhig gang gi ngo bor 'gyur pa phyis 'byung la sogs pa'i rgyu gzhan la ltos pa med par de'i ngo bor sgrub pa @010a @#/ /la de'i ngo bor nges pas khyab ste/ dper na/ nas kyi myu gu'i rgyu tshogs tha mas nas kyi myu gu skyes pa bzhin/ byas pa yang 'jig pa'i ngo bor 'gyur pa phyis 'byung la sogs pa'i rgyu gzhan la ltos pa me dpar 'jig pa'i ngo bor grub pa yin no/ /zhes bya ba'o/ /de'i khyab pa mngon sum gyis grub cing/ phyogs kyi chos ni/ phyis 'byung gi rgyus 'jig pa byas pa'i ngo bor gyur pa bskyed pa bskyed na/ rang rgyu las 'jig pa'i ngo bor grub zin la/ don gzhan byed na byas pa 'jig par ma skyed par 'gyur te/ byas pa las don gzhan pa'i 'jig pa kho na la phan btags pa'i phyir/ ces bya ba la sogs pa'i don gnod pa bstan pa las nges so/ /gnod pa can gyi rtags ni/ rtag pa chos can/ byas pas stong ste/ rim dang cig car gyi don byed pas stong pa'i phyir/ dper na 'dus byas kyi nam mkha' bzhin no/ /zhes pa'i khyab pa ni/ don byed tshul phung gsum bkag pas 'grub cing/ phyogs chos ni/ rtag pas 'bras bu thams cad cig car byed pa la 'bras bu rigs kyis skye bar mngon sum tshad mas mthong bas gnod la/ rims kyis don byed na 'bras bu rims pas byed pa'i rang bzhin snga phyi du ma khas len dgos pas mi rtag par 'gyur gyi rtag pa nyams so/ /'brel pa med par ni/ rjes su 'gro ba dang ldog pa nges pa med de/ zhes rjes su 'gro ldog gi khyab pa 'grub pa la 'brel pa grub dgos par bshad pa'i don ni/ 'di ltar yin te/ byas pa mi rtag pa las tha dad mi rtag pa log na byas pa ldog pa ni byas pa mi @010b rtag pa la 'brel pa'i don yin la/ don ldog gi zur phyi ma gnod pa can gyi rtags kyis bsgrub pa yin te/ log na ldog ces brjod kyang mi rtag pa log pa'i gzhi la byas pa ldog par grub pa'i don te/ de nges pa'i tshad ma dang/ rtags nges pa'i tshad ma gnyis la ltos nas rjes su 'gro ldog gi khyab pa nges par byed pa yin no/ /'di ltar bsam par byas te/ rtag pa la byas pas stong nges pa'i tshad ma des/ rtag pa'i gsal ba'i dbye ba mtha' dag la byas pa mi srid par nges sam ma nges/ ma nges na phyir rgol de rtag pa'i gsal ba'i dbye ba 'ga' zhig la byas pa 'jug par dog par dogs sam mi dogs/ dang po ltar na mi mthun phyogs la med nges su mi 'grub par 'gyur la/ phyi ma ltar na dogs pa gcod byed kyi tshad ma gzhan bstan dgos/ na rnyed pa ma yin zhing/ rnyed na tshad ma mtha' med bstan dgos par 'gyur ro/ /sngar gyi de nges na byas pa la mi rtag pas khyab pa nges pa'i tshad ma des/ /byas pa'i gsal ba'i dbye ba mtha' dag la mi rtag pas khyab par nges par 'gyur zhing/ de lta na sgra'i byas pa la yang rtag pas khyab pa nges pas/ bsgrub bya 'grub par 'gyur ro zhe na/ skyon med de/ gnod pa can gyi tshad ma des byas pa rtag pa'i gsal ba'i dbye ba mtha' dag la 'jug mi srid par ma nges kyang 'jug par 'dzin pa'i sgro 'dogs gcod nus shing/ rtag pa'i khyad par la blo kha phyogs pa'i tshe/ byas pas stong pa'i nges pa 'dren par byed pa yin no/ /'o na/ rjes khyab nges pa'i tshad ma des byas pa'i gsal ba mtha' dag la mi rtag pas khyab par 'dzin pa'i sgro 'dogs gcod @011a @#/ /nus par 'gyur ro/ /zhe na/ mtshungs pa ma yin te/ spyi des kyang spyis khyad par du byas pa'i bye brag mtha' dag nges pas ma khyab pa la/ spyi khegs na des khyad par du byas pa'i bye brag mtha' dag khags pa'i phyir ro; ;yang gnod pa can gyi tshad ma des rtag pa byas pa'i gsal ba'i dbye ba mtha' dag gis stong par nges sam ma nges/ dang po ltar na/ rjes khyab nges pa'i tshad ma des kyang byas pa la mi rtag pa'i gsal ba'i dbye ba mtha' dag gis khyab pa nges par 'gyur zhing/ de lta na/ khyab pa nges na bsgrub bya 'grub pa sogs kyi skyon du 'gyur la/ phyi ma ltar na/ byas pa'i gsal ba'i dbye ba 'ga' zhig rtag pa la 'jug par dogs pa sogs kyi skyon du 'gyur zhing/ de lta na/ rtags mi mthun phyogs la med nges su mi 'grub pa sogs kyi skyon du 'gyur ro/ /zhe na/ de yang mtshungs pa ma yin te/ spyi byas pa tsam gyis stong ba'i khyab pa nges na/ des khyad par du byas pa'i gsal ba'i dbye ba la mtha' dag gis stong ba'i khyab pa nges la/ mi rtag pa tsam gyis khyab pa nges kyang des khyad par du byas pa'i gsal ba mtha' dag gis khyab pa nges mi dgos pa'i phyir ro/ /des na de phyir mi rtag las sdug bsngal/ sdug bsngal las ni bdag med gsungs/ zhes phung po bdag med du nges pa la de'i snga rol tu mi rtag pa dang sdug bsngal gnyis nges dgos par gsungs pa ni/ sngar bshad pa ltar bdag med nges pa'i phyogs chos sgrub pa'i yan lag tu 'gyur pa la dgongs pa yin zhing/ rnam pa lhag ma rnams @011b bdag med pa'i rnam pa sbyong byed du bshad pa'i don yang de nyid yin te/ 'chad par 'gyur ro/ /sngar bdag med sgrub pa'i rtags su bkod pa'i phung po dang rang bzhin gcig tha dad kyis stong ba ni sdug bsngal bden pa'i khyad chos su bstan pa'i stong ba bdag med dang don gcig la/ ngo bo dang don gzhan gyi bdag tu sgro 'dogs pa'i kun brtags kyi bdag 'dzin gyi zhen yul bkag pa yin zhing/ bsgrub byar gzung ba ni bdag 'dzin lhan skyes kyi zhen yul bkag pa'i bdag med do/ /gang zag rang rkya ba chos can du 'dzin pa mi rigs te/ gzhi chos can bkag na de dang rtags chos tshogs pa yang khegs pas dam bca' la tshad mas gsal ba dang/ rtags phyogs chos mi 'grub par 'gyur ro/ /zhe na/ skyon med de/ rtags chos gnyis dang khyad chos kyi sgo nas rang gi rten du gyur pa'i chos can bkag na skyon der 'gyur ba yin gyi chos can 'ba' zhig bkag pas mi 'gyur te/ chos can 'ba' zhig pa bkag pa ni dgag bya'i chos dang tshogs pa 'gog pa'i thabs su 'gyur ba yin gyi gnod pa'i yan lag tu mi 'gyur ro/ /don de la dgongs nas slob dpon gyis/ mngon sum don dang rjes dpag dang/ /yid chos grags pas rang rten la'o/ /zhes rang gi rten zhes smos kyi/ rten tsam la'o zhes ma smos so/ /'o na rtags nges pa'i gzhi chos can mi srid pas phyogs chos mi 'grub par 'gyur ro/ /zhe na/ skyon med de/ phyir rgol gang zag rang rkya ba dang/ der snang ba gnyis gcig tu 'khrul nas shes 'dod zhugs shing/ der stong ba'i sgra don gyi steng du rtags tshad mas @0112a @#/ /'grub la/ gang zag rang rkya ba chos can du ma bzung na gang zag gi bdag rang ldog nas mi khegs shing/ phyir rgol der snang gi sra don dang gcig tu zhen nas 'jug pas sgra don chos can du mi rung ba'i skyon yang med do; ;des na rtags yang dag yin na/ shes 'dod chos can gzhi grub pas khyab kyang/ rtags yang dag gi shes 'dod chos can yin na gzhi grub mi dgos pa yin no/ /byas pa la sogs pa'i gtan tshigs la mi mtshungs te/ sgra don chos can du byas na phyogs chos mi 'grub pa'i phyir ro/ /'di dag gi don rgyas par shes 'dod na dbu ma snang ba las blta bar bya'o/ /gsum pa ni/ slob dpon gyis gzhan sdes khas blangs pa'i dbang sogs bdag gi bsdug bsngal gyi sdug bsngal du bsgom pa dang/ rang bzhin dang skyes bu dang chags bya rnams tha dad du shes par byed pa dang/ bka' lung tsam grol byed du 'dod pa dang/ dka' thub kyi las zad par byed pa grol lam du 'dod pa'i phyogs bzhi bkag med rtogs pa'i shes rab nyid srid pa las grol ba tsam don du gnyer ba'i nyan rang dang thun mong ba'i dbang du byas pa yin zhing/ der shes sgrib yang mi rtag sogs bcu drug la blo mi gsal ba'i nyon mongs can ma yin pa'i mi shes pa la bshad do/ /theg pa chen por bgrod pa'i lam gyi dmigs pa'i gtso bo chos kyi bdag med dang/ de'i dgag bya rnams ni mngon sum gyi le'u re? de'i gtan la phab pa yin no/ /gnyis pa la dngos dang/ kun mkhyen 'byung rung dpog pa'i gtan tshigs bshad pa'o/ /dang po ni/ stong @0112b nyid lta bas grol 'gyur gyi/ /bsgom pa lhag ma'ang de don yin/ /zhes bshad pas/ rnams ba lhag ma rnams ni bdag med rtogs pa'i shes rab skyed pa'i thabs kyi gyur yongs su spyod byed kyi yan lag yin te/ kun 'byung sogs la phyin ci log tu sgro 'dogs pa'i sgro 'dogs bsal nas bdag med goms par byed pa'i phyir ro/ /bden bzhi'i rnam gzhag rgyas par phye na re re la yang bzhi bzhi ste bcu drug tu yod de/ dper mtshon na kun 'byung gi rnam pa bzhi'i log phyogs rgyu med du 'dzin pa sogs de'i tha snyad kyi kun 'byung dang/ de dag gi 'bras bu sdug bsngal dang/ kun 'byung gi rnams pa bzhi rtogs pa'i ye shes lam dang/ de goms pas sgro 'dogs bzhi'i sa bon dang bral ba 'gog pa ste/ de bzhin du bden pa lhag ma rnams la'ang shes par bya'o/ /sgro 'dogs bcu drug ni sdug bsngal la gtsong bde rtag bdag tu sgro 'dogs pa bzhi dang/ kun 'byung la sdug bsngal rgyu med du 'dzin pa dang/ mi mthun pa sgyur 'dzin pa la yang rgyu gcig pu kho nar 'dzin pa dang/ sgra'i tshangs pa 'gyur bas byas par 'dzin pa dang/ dbang phug sogs kyis blo sngon du btang nas byas par 'dzin pa bzhi dang/ 'gog pa la log zhugs/ thar pa gtan med du 'dzin pa dang/ nyon mongs ma zhi ba'i zag bcas kyi khyad par 'ga' zhig thar pa 'dzin pa dang/ sdug bsngal 'gags pa las ltag pa'i thar pa yod par 'dzin pa dang/ re shig thar yang gtan du thar pa mi srid par 'dzin pa bzhi dang/ lam la yang thar lam gtan med du 'dzin pa dang/ bdag med rtogs pa'i shes rab thar lam ma yin par @013a @#/ /'dzin pa dang/ de yul gyi gnas lugs la log par zhugs par 'dzin pa dang/ des sdug bsngal gtan zad par byed mi nus par 'dzin pa bzhi'o/ /sgro 'dogs bcu drug po de dag phal cher kun brtags kyis bsdus pa yin no/ /gnyis pa ni/ bdag med rtogs pa'i shes rab chos can/ goms byed kyi yan lag dang ma bral bar byes na goms bya'i don la gsal ba mthar thug par 'gyur te/ rten brtan goms par byas zin 'bad rtsol skyer ma la mi ltos pa'i sems kyi chos yin pa'i phyir/ dper na 'dod chags bzhin/ zhes pa'i ni rang bzhin gyi rtags so/ /de'i chos can ni sngar bsgrubs zhin la/ rten brtan par gang gis 'grub na/ rten ni sems gsal rig tsam yin la/ de'i ya mtha' dang ma mtha' thug med du sgrub pa'i rig pas yin te/ 'di ltar/ skyes ma thag gi rig pa lta bu de la/ rgyu med na res 'ga' skye bar 'gal bas gnod la/ rgyu yod na rtag pa'am mi rtag pa yin/ dang po ltar na rtag dngos yin na yul dang dus dang rang bzhin gang la yang ma khyab pa mi srid pas/ 'bras bu dang rjes su 'gro ldog nges pa mi srid do/ /phyi ma ltar na bem rig gnyis su kha tshon chod la bem pos nyer len byed na dbang po dang bcas pa'am/ phyi rol gyi bem pos yin/ dang po ltar na/ dbang po kun tshogs pa gyur dgos sam/ dang po ltar na/ mig dbang ma tshang na'ang yid blo mi skye bar 'gyur la/ phyi ma ltar na mig shes bzhin du rtog pas kyang gzugs gsal bar 'dzin par 'gyur la/ phyi rol gyi bem pos nyer len byed na/ @013b yan lag cang yi rdzas kyis sam/ rdul phran gyis byed/ dang po mi rigs te/ yan lag can gyi rdzas de phyi don rags pa yang yin la rang gi bdag nyid du gyur pa'i tshe rdzas tha dad du ma med pa dang/ yan lag rnams las rdzas tha dad du khas blongs pas/ gdong gos kyis bsgribs na lus gzhan thams cad kyang gos kyis bsgribs pa dang/ gzhan ma bsgribs na bsgribs ma bsgribs cha gnyis yod par 'gyur ba dang/ bsgribs ma bsgribs kyi cha gnyis yan lag rnams la yod kyi/ yan lag can la med par 'dod na/ gso gos kyis bsgribs pa'i tshe yan lag can gyi gdong ma bsgribs par gsal bar mthong bar thal pa sogs kyis gnod do/ /rdul phran gyis nyer len byed na re re bas kyang ltos med du bskyed na/ yid rtog du ma cig car skye bar 'gyur la/ kun tshogs dgos na rdul phran gcig ma tshang na yang mi skye bar 'gyur ro/ /mtha' gzhan 'gog pa'i rigs pa de dag la brten nas/ shes pas nyer len byed pa grub la/ de la yang rang rgyud kyis bsdus pa dang gzhan rgyud kyis bsdus pa gnyis las gzhan rgyud pha ma lta bu'i shes pas dngos kyi nyer len byed na/ pha bzo mkhas pa dang blun ba las bu yang de ltar 'gyur ba sogs kyi skyon du 'gyur bas rang rgyud kyi rig pa snga ma kho nas nyer lan byed par grub la/ de ltar na rigs pa'i ya mtha' dang phyi mtha' thug pa med pa dang skye ba snga phyi yod pa legs par grub pa yin no/ /chu'i drod bzhin du rten mi brtan pa ma yin yang/ mtshongs pa bzhin du mtha' med du 'phel du mi rung ngo snyam na/ skyon med de/ mtshongs pa rang gi rigs 'dra snga ma las skye ba'i nus pa med par @014a @#/ /rtsol ba pos phan btags pa la ltos la brtse ba dang shes rab la sogs pa rang gi rigs 'dra snga ma las skye zhing goms zin yang rtsol ba skyer ma la mi ltos pa'i rtags rang ri9g mngon sum gyis 'grub pa yin no/ /yang na bden bzhi'i gnas lugs phyin ci ma log par ston pa'i ngag chos can/ mkhyen pa rnam dag sngon du song ste/ brjod pa rnam dag yin pa'i phyir/ ces pa'i rtags las 'grub ste/ gang zag brjod pa rnam dag yod pa de nyid kyi rgyud la mkhyen pa rnam dag sngon du song zhes bsgrub pa ma yin gyi /spyir sngon song bsgrub pa yis ni/ yang na thar pa dang thams cad mkhyen pa'i rang ldog nas sgrub pa'i tshul phyogs tsam bshad par bya ste/ gang rang gi rgyun la gnod byed stobs ldan yod pa de la/ rang nyid gnyen po'i stobs kyis rgyun zad pa yod pas khyab ste/ dper na/ me dang nye bas grang 'bras spu long byed zad pa mthong ba bzhin du/ sdug bsngal gyi phung po 'di'i rgyud la yang gnod byed stobs ldan dmigs so/ /zhes bya ba rang bzhin gyi rtags so/ /khyab pa mngon sum gyis 'grub cing phyogs chos sngar bshad pa ltar/ bdag 'dzin dang sdug bsngal rgyu 'bras su 'grub tshul dang/ bdag med sgrub pa'i rig pa rnams las shes par bya'o/ /rtags des grub pa'i don sdug bsngal gnyen po'i stobs kyis zad par ni thar pa zhes bya'o/ /yang gang la gnod byed stobs ldan mthong ba de la/ de gnyen po'i stobs kyis za dpa yod pas khyab ste/ dper na me dang nye bas grang reg log pa mthong ba bzhin/ gzung 'dzin rigs gsum rdzas tha dad @014b du 'dzin pa'i rtog pa la yang gnod byed stobs ldan dmigs so/ /zhes bya ba'i rtags las chos kyi bdag 'dzin zad pa'i spang ba yod par grub la/ de grub na bden bzhi'i gnas lugs rtogs pa dang lhan cig tu 'dur rung bar dngos stobs kyi rigs pas 'grub cing/ chos kyi bdag 'dzin zad pa dang tshogs pa gcig pa'i bden bzhi'i gnas lugs rtogs pa de la kun mkhyen zhes bya'o/ /tshul 'di dag ni thar pa dang thams cad mkhyen pa dngos stobs kyi sgrub pa'i tshul phyogs tsam yin te/ 'di la dpags nas mtha' dag khong sus chud par bya ba'i thar pa dang thams cad mkhyen pa ni shin tu lkog gyur to/ /zhes rdo la gtam smra bar mi bya ste/ rang gi ston pa dang bstan pa la gzhan gyis bkri bar mi nus pa'i gting tshugs pa'i nges pa mi skye bar 'gyur zhing/ dgongs 'grel mkhan po rnams kyi rigs pa'i dri ma med pa rnams la skur pa btab par 'gyur ro/ /de dag dngos stobs kyis ma grub na/ lung la brten pa'i rjes dpag gis rnam gzhag rnams kyang byar mi rung ba'i phyir ro; ;des na bdag nyid chen po yab sras rnams kyis ston pa dang bstan pa dam pa'i chos dang/ de tshul bzhin du sgrub pa'i dge 'dun rnams dngos stobs kyis sgrub pa'i tshul rgyas par gsungs pa rnams la nges pa legs par drangs nas/ rtse gcig tu blo ltas 'gel pa'i skyabs su 'gro ba byas na ma 'ongs pa na ston pa'i bstan pa la yang/ gzhan gyis mi bkri? ba the tshom las brgal ba som nyi las brgal ba sogs su 'gyur bas thar pa thob par 'dod pa rnams kyis thog mar 'di la ches @015a @#/ /cher 'bad par bya'o/ /gsum pa bden pa gnyis kyi rnam gzhag gtan la dbab pa la/ dogs pa'i gnas dgod pa dang/ de'i lan rgyas par bshad pa dang/ bden gnyis kyi rnam gzhag dngos so/ /dang po la rtog ldan la skye ba'i dogs pa'i gnas dgod pa dang/ rnam dpyod kyi blo mi zhib pa dag la skye ba'i dgos pa'i gnas dgod pa'o/ /dang po ni spyi dang bye brag dang rtags dang bsgrub bya dpe dang dgag pa dang bsgrub pa dang gcig dang tha dad la sogs pa rnams rtog pas sgro btags su bshad pa yang mthong zhing/ spyi yin na sgro btags yin pas khyab pa dang/ de bzhin du rtags sogs la'ang khyab na/ 'bras bu don gnyer la nye bar mkho ba'i don byed nus pa phal pa rnams dang mngon par 'dod pa'i don gyi gtso bo kun mkhyen la sogs pa'i rnam gzhag byas med par de'i 'gyur la/ de lta na ma rung ba chen por gyur pas rnam gzhag de dag ma 'tshol bar khas blangs pas chog pa dang/ spyi gzhi mthun sogs dngos po'i de kho na nyid du grub pa khegs pa'i gnyis tshogs de ji ltar yin snyam dang/ khyad par du bum 'dzin rtog dang/ kun mkhyen nges pa'i rtog pa la sogs pa'i nges yul rang mtshan du grub na/ rtog pa de dag ma 'khrul par 'gyur bas dgag sgrub thams cad cig car bya dgos pa dang/ des yul rang mtshan du grub pa bkag na rang mtshan de dag nges pa'i yul du 'jog tshul shin tu dka' zhing/ nges pa'i yul du ma gyur na yod nges su mi rung bas rnam gzhag thams cad byar mi rung bar 'gyur te/ de med par ni dngos po dang/ /dngos @015b med rnam gzhag gar gis nus/ zhes bshad pa ltar ro/ /des na rtog pa'i nges yul rang mtshan du ma grub pa dang/ rang mtshan rtog pa'i nges yul du bzhag pas chog pa'i rnam bzhag dang/ snang btags gcig tu bsres nas rtog pa yul la 'jug pa dang/ rang gi snang ba don med pa la don du zhen nas 'jug par lan cig ma yin par gsungs pa de'i ma rtogs pa mtha' dag rang gi gzung rnam la phyi rol tu zhen nas 'jug pa dang/ rang gi snang ba phyi rol gyi don no snyam du zhen na/ rtog pa thams cad zhen yul la 'khrul par 'gyur bas/ gang la yang yid brtan byar med par 'gyur bas/ snang ba rtags gcig tu bsre tshul sogs ji lar yin snyam pa dang/ rtog pa'i nges yul dngos po yin na/ sgra rtog yul la dgag bya bcad pa la mi ltos par 'jug par 'gyur la; de lta na/ dgag sgrub thams cad cig car du byed dgos par 'gyur bas/ de dag gi 'jog tshul phyin ci ma log pa ji ltar yin snyam du bsam mo/ /gnyis pa ni/ rtags dang bsgrub bya dang spyi gzhi mthun sogs dngos med du bshad pa yang mthong zhing de dag gi rnam dbye med par 'byed pa'i blo'i mthun dang bral bas rnam gzhag 'di ltar byed de/ rtog pa'i yul don dam par ma grub na/ don dam rtog pa'i yul du 'gal snyam nas mkhas pa la the tshom skye ba'i gnas der the tshom med pa kha tshon bcad nas/ rtog pa thams cad rlom nas 'jug pa ma gtogs dngos po'i gnas lugs yul du byed pa mi srid cing/ yul la 'jug pa'i tshe yang rang la snang ba phyi rol gyi don yin no snyam du zhen pa 'jug pas log shes 'ba' zhig yin la/ sgra rtog ma gtogs pas tha @016a @#/ /snyad bya mi nus pas/ rang mtshan gyi rnam gzhag byad pa rnams kyang thag khra sbrul 'dzin gyi ngo la ltos pa ma gtogs/ thag khra sbrul du 'jog mi nus pa bzhin du/ rtog ngo dang/ sel ngor yod pa yin zhes/ de dag dngos su ma sbyar bar/ rang lugs la rnam gzhag byas ye med pa dang/ rang mtshan gyi don ldog dang/ yul dus rang bzhin ma 'dres par gnas pa sogs kyi yul dus rang bzhin 'dres ma 'dres kyis tshigs ma phyed pa dang/ rtags yang dag sgro btags su bshad pa'i don ma rtogs pa la brten nas dngos po rang mtshan gcig snga dro yod na phyi dro yod par 'gal ba dang/ khra bo la yod na ser skya la yod par 'gal ba dang/ shar na yod na nub na yod par 'gal ba sogs su bzung nas rang mtshan gyi mtshan gzhi 'di yin/ zhes smras na rnam gzhag de dag dang 'gal bar mthong nas/ rtog ngor 'dzin pa ma gtogs bzhag mi nus pa dang/ byas pa gtan tshigs yang dag tu bshad pas don byed nus pa ma yin par 'dod pa dang/ dngos po'i ngo bo gcig nyid phyir/ ngo bo tha dad blo gang las/ zhes sogs dang/ tha dad la/ med na cig char skye 'jig 'gyur/ zhes sogs dang/ rjes 'gro de las 'bras mi 'byung/ zhes pa dang/ gsal ba rnams ni rjes mi 'gro/ rjes 'gro gzhan ni snang ba med/ / ces sogs kyi tshig gi don khong du ma chud pa la brten nas/ dngos po bum snam dang rdzas gcig na/ bum snam gnyis kyang rdzas gcig tu 'gyur ba dang/ skye 'gag gcig tu 'gyur bas/ dngos po sogs bum snam dang rdzas gcig dang tha dad gang yang ma @016b yin zhes smra zhing/ me'i dus na du ba ma skyes/ du ba'i dus na me 'gags pas mi du la sogs pa'i rgyu 'bras rdzas gcig dang tha dad gang yang ma yin zhes smra ba dang/ shes la yod pa'i don de rnams/ 'di ltar ldog pa'i ngo bo cad/ / zhes sogs kyi gzhung gi don khong du ma chud pa la brten nas/ rang mtshan yin na spyi dang gzhi mthun sogs su 'gal ba yin nam/ zhes sogs kyi rnam gzhag du ma smra bar byed do/ /de bzhin du brda dus kyi ba lang dang tha snyad kyi dus gnyis phan tshun rjes 'gro ma byad cing/ gnyis ka la rjes su 'gro ba'i ba lang rang mtshan mi srid pas/ dngos med kho na la brda sbyor ba yin gyi /rang mtshan la brda sbyor ba mi srid do/ /zhes zer to/ /de phyir dngos po thams cad kyi/ /'brel pa yang dag nyid du med/ /ces gsugns pas/ me du la 'brel pa mtshan nyid pa med cing/ byas mi rtag gi tha dad kyang rtog pas btags pa tsam yin pas tha dad mtshan nyid pa ma yin no/ /zhes smra bo/ /gnyis pa lan la/ dbu tshad gnyis ka'i skabs kyi 'khrul gzhi ngos gzung ba dang/ lan dngos so/ /dang po ni/ dbu ma'i lugs dpyod pa'i skabs su/ /myu gu sa bon las skye ba sogs rang gi ngo bos ma grub na/ myur gu skye bar ma song snyam du bsam nas myu gu skye ba sogs kyi rnam gzhag thams cad gzhan ngor min zhes smra ba ma gdogs bzhag mi nus pas/ myu gu sa bon las skye bar rang lugs la khas blangs nas/ myu gu rang gi ngo bos skye bar song snyam du bsam nas/ myu gu sa bon las skye bar khas blangs na/ rang bzhin med pa'i don dam 'jigs par byed cing/ myu gu rang bzhin med par khas blangs @017a @#/ /na 'bras bu bskyed pa'i kun rdzob 'jig par byed pa'i bden gnyis re re tshad mar bzung nas/ cig shos sun 'gyin par byed pa'i log rtog bcu drug la sogs pa mtha' yas pa 'byung ba'i 'khrul gzhi ni rtog pas btags pa tsam yin na 'bras bu bskyed pa'i byang ba byed pa 'gal snyam pa 'di nyid yin pas/ chos thams cad rang bzhin rdu la tsam yang med pa dang/ rang bzhin med pa khas blangs pa nyid la bya byed 'thad cing/ de las gzhan pa mi 'thad pa'i bden gnyis kyi rnam dbye phyin ci ma log par nges pa'i gegs ni/ sngar bshad pa'i rtog pas btags tsam dang/ bya ba byed pa gnyis 'gal bar 'dzin pa nyid yin zhing/ de bzung na slob dbon klu sgrub kyi dgongs pa mthar thug pa las phyi rol tu gyur pa yin pas/ de gnyis mi 'gal ba'i tshul la mkhas par byed dgos pa de bzhin du/ rigs pa'i bstan bstan bcos 'dir yang rtog pa'i nges yul btags pa tsam du rig pas sgrub ma shes par dngos po'i de kho na nyid du grub par bzung na/ kun rdzob la skur pa btab par 'gyur zhing/ de lta na don dam pa'i rnam gzhag kyang byar mi rung ste/ de yang bsgrub bya sgrub byed la sogs pa'i kun rdzob la brten nas rtogs dgos pa'i phyir dang/ gang zag gi bdag 'dzin yang blo ma 'khrul bar 'gyur bas thar pa thob pa yang mi srid par khas blangs dgos so/ /yang rtog pa'i ngas yul rang mtshan du grub pa 'gog pa skad byas pa dang/ rang mtshan rtog pa'i nges yul du sgrub ma bde nas/ rtog pas rlem pa tsam mo/ /sel ngor yod ces @017b khas len pa ma gtogs/ don ni bzhags me dpas don dam pa'i phyogs la skur pa btab par 'gyur bas kun rdzob mtha' dag rtog btags cim du rang lugs la legs par tshad mas grub pa dang/ dngos po thams cad rang gi mtshan nyid kyis grub par 'jig shes pa'i bden gnyis kyi rnam dbyer shes pa'i gogs ni rtogs pa'i yul rang mtshan ma yin pa dang/ rang mtshan rtog pa'i yul yin pa gnyis 'gal bar 'dzin pa nyid yin no/ /des na rtog pas ga gas tsam yin na 'bras bu skyed mi nus par khyab par bzung na/ slob dpon zla ba grags pa'i lugs kyi dbu ma'i lta ba nges pa'i gegs byed la/ rigs pa 'di'i lugs la rtog btags tsam la don byad mi nus pas khyab kyang tshad mas ma grub pas khyab par bzung na rigs pa 'da'i nges pa'i gegs kyi gtso bo yin pas/ bden gnyis kyi rnam dbye la mkhas par bya ste 'chad par 'gyur ro/ /gnyis pa la/ rtog a a yul ji ltar snang bzhing 'jug pa'i tshul dang/ rtog pa'i yul don dam par grub pa dgag pa dang/ spyi dang gzhi mthun la sogs pa'i tha snyad 'ug pa'i gzhi ngos bzung ba dang/ de dag la brten nas gzhan sal ba'i rnam gzhag rtogs par bya bya'o/ /dang po ni/ gser bum bum par 'dzin pa'i rtog pa la gser bum yang bum par snang zhing/ rang gi dngos kyi gzung cha de yang bum par snang la/ snang ba'i don de gnyis gcig tu 'dres nas snang zhing/ snang ngor so sor dbyeng med pas snang btags gcig tu bsres pa zhes bya ste/ snang ba rang mtshan dang btags pa sgra don to/ /sgra don gang la bya zhe na/ bum 'dzin rtog pa'i mdunan 'dug pa lta bur snang ba'i gser bum bum par snang ba @018a @#/ /de dang/ snang ba de nyid bum ma yin las log par snang ba gnyis ka'o/ /gser bum bum ma yin las log par snang ba dang/ snang ba de nyid bum ma yin las log par snang ba gnyis 'dres nas snang zhing snang ngor so sor mi phyed kyang de gnyis gcig go snyam du rtog pas 'dzin pa ni ma yin no/ /sgra don rang rig mngon sum tshad ma'i shugs rtogs yin yang rtog pa de la rang rig mngon sum du 'gyur ba ma yin te/ sgra don dngos por thal ba dang/ rtog pa ma 'khrul bar 'gyur bas so/ /yang rtog pa la gzung rnam phyi rol lta bar snang ba yang ma yin te/ rtog pa'i gzung rnam rtog pa yin pas de la yang gzung rnam gzhan zhig phyi rol lta bur snang dgos pas thug pa med par 'gyur ba dang/ rtog pa rang nyid kyang gzung rnam yin zhing/ rang nyid la rang nyid phyi rol lta bur snang ba yang mi srid do/ /shes pa thams cad rang gi ngo bo la rang rig mngon sum du 'dod bzhin du rtogs pa la gzung rnam phyi rol lta bur snang bar 'dod pa shin tu yang 'gal te/ don gyi rang gi ngo bo gcig /bdag nyid mngon sum yin pa la/ zhes bshad pa ltar/ rtog pa rang gi ngo bo la mngon sum yin na/ rtog pa'i rdzas cha gcig la mngon sum du song nas cha gzhin don sbyi'i tshul gyis snang ba 'gal la/ gzung rnam phyi rol don du snang na de la ltos nas 'khrul bar 'gyur te/ phyir rol ma yin pa la phyi rol tu snang ba'i phyir ro/ /gser bum bum par snang ba de nyid phyi rol gyi don dang/ bum ma yin las log pa ma yin bzhin du gnyis gcig lta bur snang yul la 'khrul ba yin no/ /yul la 'jug pa'i tshe/ gser bum @018b bum par snang ba phyi rol gyi don du med pa la don du zhen nas 'jug pa yin yang/ blo'i 'dzin stangs la gser bum bum pa'o snyam du 'dzin gyi sgra don dum pa'o snyam na/ gser bum gyi snang ba 'di nyid bum pa'i snyam du zhen pa sogs med pas zhen yul la 'khrul pa'i skyon med do/ /snang ba don med pa la don du zhen na zhen yul la ma 'khrul ba 'gal lo/ /snyam na ma yin te/ rtog pa'i dngos kyi zhen pa'i 'khrul pa don du med pa'i snang ba de nyid yin pas don med pa la don du zhen zhes bya'i don du med pa'i snang ba de dang bum pa khyad gzhi khyab chos su sbyar nas zhen pa ma yin pas zhen yul la 'khrul bar mi 'gyur ro/ /de lta ma yin na/ sgra mi rtog rtogs kyi rjes dpag tshad ma des sgra mi rtag sgrub kyi shes 'dod chos can la mi rtag par zhen zhes brjod du mi rung bar 'gyur te/ sgra mi rtag pa'o snyam du zhen pa yod kyi/ shes 'dod chos can 'di mi rtag pa'o snyam du zhen pa med pa'i phyir ro/ /khyod gzung rnam dang sgra don phyi rol tu zhen par 'dod pa rnams kyi ltar na'ang/ gser bum bum pa'o snyam du zhen pa ma gtogs sgra don 'di dang/ gzung rnam 'di bum pa'o snyam du zhen pa yod med kha nang du phyogs pa bar soms shog /des na/ rtog pa rang gi snang ba don med pa la don du zhen nas 'jug par khas blangs pa la/ zhen yul la 'khrul bar thal ba'i skyon gyi skabs cung zad kyang med cing/ gzhung de dag gi dgongs pa la rtog pa thams cad zhen yul la 'khrul bar 'dod pa ni rgya nag hA shang gi lugs gsal bar 'ongs pa yin no/ /de na/ de yi ngo bos stong de dag /de yi ngo bor zhen pa'i phyir/ ces sogs kyi dgongs pa @019a @#/ /yang sngar bshad pa nyid yin par gsal bar nges te/ sgra mi rtag pa rang mtshan yin pas stong pa'i sgra don la 'khrul nas sgra i rtag pa'o snyam du zhen pa 'dug gi /sgra don de nyid sgra mi rtag pa'o snyam du zhen pa mi 'dug pa'i phyir ro/ /bdag nyid chen po yab sras kyi rigs pa'i gsang ba zab cing gting dpag par dka' ba ma rtogs nas/ rtog pas thag bcad pa gang yin thams cad dngos po'i de khan nyid la blo kha ma phyogs bar 'dod pa ni/ mngon par dod pa'i don gyi gtso bo thar pa dang thams cad mkhyen pa/ da lta rang la lkog tu gyur pas/ rtog pa kho nas nges par bya dgos pa'i rnam gzhag thams cad la skur pa 'debs pa'i log par lta ba yin pas/ don 'di bzhin du nges par bya ste/ dper na rtog pa la gser bum bum par snang bsgra don yin yang/ snang ba de'i mtshan gzhir gser bum bzung du rung zing/ snang ba de nyid la zhen nas gser bum bum pa'o snyam du/ rtog pa des ji ltar thag bcad pa ltar/ dngos po la legs par gnas pas/ rtog pas don gyi gnas tshod yang gtan la phebs shing/ de lta na yang rang la snang ba rang mtshan du grub par mi 'gyur ba 'di nyid zhen yul la ma 'khrul ba'i rtog pa kun la shes par bya'o/ /de la dgongs nas slob dpon gyis/ de yi khyad par gyi/ rtogs 'gyur ba dag rab tu byad ces sogs kyi 'grel par/ rtog pas rang mtshan dbyis phyin pa kho nar rtogs par bshad pa yin no/ /rtog pa la bum par snang b de nyid sgra don yin yang/ bum pa'i gsal ba mtha' dag gi spyi yang yin te/ de nyid bum gsal mtha' dag la rjes su 'gro @019b zhing/ bum gsal rnams de'i bye brag yin yang sgra don bum gsal gyi spyi dang/ bum gsal sgra don gyi bye brag tu mi 'gyur zhing khas kyang mi blang ste/ rang ldog dang gzhi ldog la sogs pa'i ldog pa'i rnam dbye ba mkhas par bya dgos pa'i phyir/ bum ma yin las log pa'i rang mtshan bum gsal kun gyil rjes su 'gro ba'i spyir 'gyur ba'i tshul ni 'chad par 'gyur ro/ /sngar bshad pa de la brten nas spyi dang gzhi mthun dang bsgrub bya sgrub byed sogs la rtog pa'i rtog pa mtha' dag gi snang tshul dang 'jug tshul rnams khong du chud par bya'o/ /rtog pa la brten nas rang mtshan thob pa'i rgyu mtshan 'dzin pa'i mngon sum gyis don du zhen pa'i bag chags 'jog pa'i rgyus byas/ bag chags la brten nas don du zhen pa'i rtog pa skye zhing/ des rang mtshan la 'jug par byed cing/ zhugs pa las dan thob nus pa yin no/ /gnyis pa la/ spyi dang gzhi mthun nges pa'i yul don dam par grub pa dgag pa dang/ bsgrub bya sgrub byed nges pa'i yul don dam par grub pa dgag pa'o/ /dang po ni/ me tog gcig khyad par gyi gzhir bzung nas/ 'diu-tpa la sngon po'o snyam du nges pa'i yul don dam par grub na/ rtog pa de snang yul lam 'khrul bar 'gyur la/ de lta na/ me tog dang/ u-tpa la dang/ sngon po gsum ngo bo tha dad du snang zhing/ snang ba ltar du grub dgos la/ u-tpa la dang sngon po gnyis ngo bo rdzas tha dad pas gzhi mthun du mi 'du bar 'gyur ro/ /de bzhin du/ dkar zal la 'di ba lang ngo snyam du rtog pa'i yul don dam par grub na/ snang yul la ma 'khrul bar 'gyur la/ de lta na/ dkar zal dang ba lang gnyis @020a @#/ /rtog pa la ngo bo tha dad du mi srid par thal/ /de gnyis ngo bo tha dad ma yin pa gang zhig /rtog pa dngos po'i gnas lugs la ci lta ba bzhin du bzhugs pa'i phyir/ 'dod na/ de gnyis gcig tu 'gyur zhing/ ba lang dang nag sgur yang gcig tu khas blangs pas mthar dkar zal dang nag sgur gnyis gcig tu 'gyur zhing spyi gsal rdzas tha dad na/ bum snam bzhin du so sor dmigs dgos pa las/ ma dmigs pas gnod do/ /ldog pa tha dad yin na rtog ngor ngo bo tha dad du snang bas khyab bo/ /de yi ji ltar kun brtags pa/ /de ni dam pa'i don du med/ /gsal ba rnams ni rjes mi 'gro/ rjes 'gro rnams ni snang ba med/ /ces sogs kyi gzhung gi don gyi ldog phyogs la gnod pa ston pa'i tshul lo/ /rang mtshan sgra rtog gi yul du 'gyur ba dang/ rang mtshan don dam par rtog pa'i yul dang/ sgra dang brda rnams kyi yul ma yin pa gnyis 'gal bar mi bzung ste/ rang bzhin sgra'i brjod bya ma yin zhes smras na/ rang tshig 'gal ba dang/ don dam par sgra'i brjod bya ma yin par tshad ma'i de kho na nyid bsdus pa'i don brtag pa'i 'grel par mkhas pa'i dbang po ka ma la shrI las gsungs pa ltar yin te/ 'di ltar/ don dam par dngos po gang la yang brda de rnams yang dag par yong ba ma yin te/ de'i phyir blo dang sgra dag ni yul med pa yin no/ /sbyor ba ni/ gang dang gang du dngos po la brda bya ba ma yin pa de dag ni/ don dam pa nyid du de'i rjod byed ma yin te/ dper na/ nag la sogs dang ldan pa'i ril po la rta'i brdar byas pa ma yin pa lta'o/ /dngos po @020b thams cad sgra thams cad kyi brda byas pa yang dngos po la yod pa min no/ /zhes bya ba ni khyab par byed pa'i mi dmigs pa ste brda byas pa nyid la khyab pa'i phyir la de yang 'di la med pa yin no/ /zhes dang/ de kho na nyid ces bya ba 'dis ni kun rdzob pa'i sgra'i don ma bkag pa bstan pa yin te/ des na rang gi tshig gis gsal ba ma yin no/ /gzhan du na dam bcas pa rang gi tshig dang 'gal bar 'gyur te/ 'di ltar rang gi mtshan nyid la sogs pa de rnams sgras brjod par byed pa ni/ de rnams sgra'i don ma yin par bstan par nus pa ni ma yin te/ de brjod par 'dod pa'i sgra gang yin pas rang gi mtshan nyid la sogs pa rnams nye bar brjod pa nyid de/ de rnams sgra'i don du khas blangs par 'gyur ba yin/ dam bcas pa 'di nyid sngar yang dgag pa byed pa'i phyir rang gi tshig gsal la yin no/ des ni gsal byed kyis sgra rnams ni brjod pa ma yin nyid ces gang smras pa'i dam bca' ba dang gtan tshigs dag gsal ba'i phyir de'i yang lan du 'gyur ba yin te/ kho bo cag gi ni thams cad du sgra'i don skur ba 'debs par byed pa ma yin te/ de ni ba lang rdzi'i bar la rab tu grags pa yin pa'i phyir ro/ /zhes gsungs so/ /le'u dang po'i 'grel bshad du/ slob dpon shA-kya bloskyang de dang 'dra bar lan cig ma yin par bshad do/ /gzhan yang ba lang rang gi gsal ba rnams la rjes su 'gro ba don dam par grub na/ der 'dzin gyi blo ma 'khrul ba'i ngor chos gnyis la thun mong gcig gis khyab pa lta bur snang ba mi srid pas/ spyi gsal rdzas tha dad pa'am/ yang na gsal ba rnams rdzas gcig tu 'gyur ba yin @021a @#/ /gyi/ ba lang rang gi gsal ba rnams dang rdzas gcig na/ gsal ba nang phan tshun yang rdzas gcig tu thal ba 'phen pa ni/ lta ga chod 'ba' zhig tu zad do/ /gnyis pa ni/ de phyir dngos nges med brten can/ zhes sogs kyi gzhung gis/ dgag sgrub kyi dngos rten rang mtshan ma yin par bstan gyi/ rang mtshan dgag sgrub kyi dngos rten ma yin par ston pa yin te/ tshad mas dngos su bsgrub pa dang/ dgag pa du ma byed dgos pa'i phyir ro/ /rang mtshan dgag sgrub kyi gzhir mi rung bar smra ba'i ni rang tshig 'gal ba yin te/ de nyid kyis rang mtshan de nyid dgag sgrub kyi gzhir rung ba 'gog pa'i gzhir 'phangs pa'i phyir dang/ med ces ldog pa de nyid ni/ ji ltar med las log par 'dod/ /ces pa'i don dang yang legs par 'gal bar 'gyur ro/ /des na dgag sgrub byed pa'i rtog pa la snang tshul 'di ltar yin te/ chos can sgra nges pa'i rtog pa la/ sgra'i ngo bo sngar med gsar du grub pa ltar snang gi/ byas mi rtag gi snang la/ de nas sgra byas par nges pa'i rtog pa la/ sgra'i ngo bo grub zin pa'i rjes su byas pa'i ngo bo sngar med gsar du grub pa lta bur snang zhing/ de nyid sgra la brten par snang ba dang/ mi rtag par nges pa na yang byas pa grub zin gyi rjes su mi rtag pa'i ngo bo sngar med gsar du grub pa lta bur snang bas/ rtog pa de dag gi nges yul don dam par grub na/ sgra nges pa'i nges shes de nges yul la sgrub 'jug tu 'gyur la/ de lta na sgra nges pa'i dus nyid na sgra'i chos thams cad nges par thal ba dang/ sgra ma yin du 'dzin pa'i sgro @021b 'dogs gsal ba'i dus nyid nas/ sgra la dmigs pa'i sgro 'dogs mtha' dag gsal bar 'gyur ro/ /zhes ston pa ni/ de lta min na don rnams kyi/ zhes sogs so/ /yang nges yul don dam par grub na/ snang ba ltar grub pa dgos la/ de lta na sgra byas mi rtag pa gsum gyi ngo bo snga phyi rim can du grub par 'gyur pas/ sgra rtag pa dang ma byas par 'gyur zhing/ gzhan yang sgra nges pa'i blo de sgra'i ngo bo sngar med gsar du sgrub byed du 'gyur te/ sngar bshad pa'i snang ba de nyid ma 'khrul ba'i phyir/ don dam par ngo bo sngar med gsar du grub sgrib byed du 'gyur la/ de lta na/ rdzas la cha shas kyis bskyed pa mi srid pas/ sgra'i chos thams cad cig car du bsgrub par 'gyur ro/ /des na dgag sgrub kyi dngos rten don dam par ma grub ste/ phyi rol na sgra'i chos de rnams snga phyi rims kyis grub pa de 'drar med na'ang/ sgra gzhir bzung nas dgag sgrub byed pa'i rtog pa la de ltar snang ba'i phyir ro/ /zhes ston pa ni/ de 'dra med na'ang chos can de/ /de dag dang ni 'brel bar snang/ /zhes so/ /gzhan yang sgra byas mi rtag pa gsum dang mtshan gsum yin yang sgra shes 'dod chos can yin pa dang/ byas pa gtan tshigs yin pa dang/ mi rtag pa bsgrub bya'i chos yin pa rnams ni sgro btags yin te/ de dag don dam par grub na sgra shes 'dod chos can 'dzin pa'i rtog pa la byas pa sgra la 'khar gzhong la rgya shug brten pa ltar snang ba'i snang ba de nyid ma 'khrul par 'gyur la/ de lta na sgra dang byas pa don gzhan du 'gyur ro/ /de bzhin du gzhan la yang sbyar te/ don 'di dag la dgongs nas rjes su dpag pa dang rjes su dpag par bya ba'i tha snyad 'di @022a @#/ /thams cad ni blo la yod pa'i chos dang chos can gyi byed brag kho nas yin zhes pa dang/ chos dang chos can nyid du tha dad pa ni/ blos kun brtags pa yin gyi don ni ma yin te/ blo'i bye brag rang dga' ba rnams ni/ don gyi rten ma yin pa'i phyir ro/ /zhes bshad do/ /de bzhin du chos dang chos can rnam gzhag dang/ zhes sogs dang/ dpag bya dpog par byed pa yin/ /don gyi tha snyad gnas pa 'di/ /zhes sogs kyi don yang de bzhin du shes par bya'o/ / byas pa rang mtshan du khas blangs pa la rang gi gsal ba rnams la rjes 'gro byed pas gnod pa ni lta ga chos 'ba' zhig yin te/ rang nyid rang mtshan gyis mtshan gzhi gang 'dod thams cad la skyon de mtshungs pa'i phyir ro/ /mthar gtugs pa na rang lugs la rang mtshan gyi mtshan gzhi khas blangs sa med par rtog ngor yin zhes smra ba dang/ mdo sde pa'i nang 'gal lo/ /zhes smra ba ni bag nyid chen po yab sras kyi dri ma med pa'i rigs pa rnam dag gis seng-ge'i nga'o bsgrags pas mu stegs byed kyi wa'i tshogs skrag par byed pa'i tshul phyin ci ma log par ma rtogs nas gzhan dag gi brgal zhing brtag pa byas pa'i cha lan gdab par nus par zhum pa'i wa skad yin te/ rang mtshan rang lugs la khas len mi len mi nus na'ang de gang gi ngor 'jog pa'i rtog pa khas blangs pas de la yang/ rang nyid kyis bkod pa'i skyon de dag kun nas mtshungs pa'i phyir ro/ /de thams cad ni yul dus rang bzhin gsum po 'dres pa dang/ ma 'dres pa'i tshigs ma phyed pas nongs pa @022b yin te/ 'di ltar yul dus rang bzhin ma 'dres pa'i don rang mtshan gcig shar na yod na nub na yod par 'gal ba dang/ snga dro yod na phyi dro med pa dang/ khra bo la yod na ser skye la med pa de yin na/ yul dus rang bzhin 'dres par 'dzin pa'i rtog pa'i 'dzin stangs de ni snga dro yod pas khyab pa/ khra bo la yod na ser skya la yod pa dang/ shar na yod na nub na yod par 'dzin pa yod dgos na/ de ltar yod med kha nang du phyogs la legs par sgoms shig /des na yul dus rang bzhin 'dres par 'dzin pa'i blo la/ snga dro ka ba de nyid phyi dro yod par 'dzin pa dang/ ka ba de nyid shar nub kyi rdzas gzhan la reg pa'i tshe shar la reg pa de nyid kyis nub la yang reg par 'dzin pa dang/ ba lang rang gi gsal ba kun la rjes su 'gro ba'i tshe/ khra bo la rjes su 'gro ba de nyid ser skya la yang rjes su 'gro bar zhen pa yod pas ma 'dres pa'i don snga dro 'i ka ba phyi dro med pa dus ma 'dres pa'i don yin gyi/ ka ba snga yod na phyi dro yod par 'gal ba de'i don min zhing/ rang gis shar la reg pa des nub la ma reg pa yul ma 'dres pa'i don yin gyi/ shar la reg na nub la reg par 'gal ba de'i don min la/ khra bo'i ngo bo ser skya la med pa rang bzhin ma 'dres pa yin gyi/ khra bo dang rdzas gcig na ser skye dang rdzas gcig par 'gal ba de'i don ma yin no/ /de lta ma yin na/ khra bo yin na ngo bo gang/ /de ni ser skya la yod min/ /de 'bras can min las ldog pa/ /gnyis ka la yang yod pa yin/ /zhes pa'i gzhung snga phyi nang 'gal bar 'gyur te/ ba lang de gnyis dang rdzas gcig na/ de gnyis kyang rdzas gcig tu @023a @#/ /'gyur ba khas blangs pa'i phyir ro/ /gsum pa la/ spyi dang gzhi mthun gyi tha snyad 'jug pa'i yul dang/ brda sbyor ba'i yul gtan la phab pa'o/ /dang po ni/ ba lang ngo snyam pa dang/ 'di ba lang dkar po'i snyam pa'i blo dang de ltar brjod pa'i tha snyad 'jug pa'i gzhi ni rtog pas btags pa tsam kho na yin gyi/ rang mtshan ma yin te/ sngar bshad pa'i rigs pas gnod pa'i phyir ro/ /des na/ shes pa yod pa'i don de rnams/ /'di ltar ldog pa'i ngo bo can/ /zhes sogs dang/ de spyi khyad par can zhes bya ba'i/ /bye brag 'di ni blo don la/ /zhes sogs kyi don yang spyi dang gzhir mthun gyi tha snyad 'jug pa'i gzhi blo rtog pa'i yul du gyur pa'i sgra don du ston pa yin gyi/ de dag yin na rang mtshan yin pas khyab par ston pa ma yin te/ gsal bar rang mtshan rnams dang rjes su 'gro ba'i spyi dang dngos por gyur ba dang/ dngos med du gyur pa gnyis gnyis yod pa'i phyir te/ bum gsal rnams la rje su 'gro ba'i bum ma yin las log pa'i don gyi gzhan sel dang/ blo'i gzhan sel ba rtog pa la bum pa ma yin pa las log par snang ba sgra don gyi mtshan gzhir gyur pa gnyis so/ /rang nyid kyis spyi dngos po ba khas blangs kyang skyon med la/ grangs can sogs la gnod pa 'jug pa'i rgyu mtshan ni/ grang can gyis sngon po'i rang bzhin du gyur pa'i gtso bo de nyid ser po yi yang rang bzhin dang gnas lugs/ don dam pa'i bden pa dang/ spyir khas blangs shor ser po'i rang bzhin yang sngon po'i rang bzhin du khas blangs pa yin te/ gnod pa brjod pa'i tshe yang/ dngos po'i ngo bo gcig @023b nyid phyir/ ngo bo tha dad blo gang las/ /zhes sogs la sngo ser blo ma 'khrul par tha dad du mi 'thad par thal/ sngon po'i rang bzhin dang ser po'i rang bzhin yin pa'i phyir/ ces pa dang/ spyi de ltar khas blangs na/ cha med du 'gyur bas skye 'gag gcig par thal ba 'phen pa yin gyi/ spyir spyi gsal rdzas gcig pa khas blangs pa la gnod pa de dag 'jug pa min no/ /rjes 'gro de las 'bras mi 'byung/ /zhes sogs kyis gsal ba la rjes su 'gro ba sgro btags yin pas 'bras bu mi bskyed par bstan gyi/ khyab pa 'dzin pa ma yin no/ /de bzhin du spyi gsal rdzas gzhan du khas len pa'i bye brag pas kyang/ khra bo la rjes su 'gro ba de nyid ser skye la rjes su 'gro bar khas blangs pas cha so sor dbyer med par 'gyur zhing/ de ltar khas blangs kyang len te/ spyi cha med du khas mi len na/ phyis yod cha dang ldan pa'ang min/ zhes sogs kyi gnod pa brjod pa mi 'thad par 'gyur ro/ /gnyis pa ni/ gzhi dkar zal lta bu ba lang gi brda sbyor ba'i gzhi dang/ gcig gzhir bzung nas brda sbyar bas kun la go ba dang/ brda sbyor ba tha snyad kyi phyir tu yin par phyi nang gnyis ka mthun yang de ltar go ba'i rgyu mtshan la mi mthun te/ sangs rgyas pa ba lang ma yin pa las log pa'i gzhan sel la brda sbyor bar 'dod cing/ de nyid ba lang gi gsal ba kun la khyad par med par rjes su 'gro ba gsal ba re re nas brda sbyar mi dogs pa yin la/ gzhan sde ni brda sbyar ba'i spyi cha med gcig kun la yod pas gcig la brda sbyar ba'i rjes su gsal ba gzhan la yang spyi mthong nas ba lang du go bas gsal ba re re nas brda sbyar mi dgos @024a @#/ /zer to/ /de la spyir/ sgra rnams kyis ni brda btags ston/ /de ni tha snyad ched du byas/ /de tshe rang gi mtshan nyid med/ /des na de la brdar ma yin zhes sogs kyi don ma nges na/ dogs pa 'di ltar skye ba yod de/ brda sbyar ba'i ba lang tha snyad kyi dus su rjes su mi 'gro bas tha snyad kyi dus kyi ba lang la brda ma sbyar/ de ma sbyar na tha snyad kyi dus kyi'ang ba lang du mi go bar 'gyur/ de mi go na sngar brda byas pa yang don med de/ de ni tha snyad kyi che du byas pa'i phyir ro/ /gzhung de'i don du byas nas brda dus kyi ba lang mtshon pa la brda sbyor mi rigs par thal/ de tha snyad kyi dus su rjes 'gro mi byed pa'i phyir ro/ /zhes sbyor ba ni/ sgra don dang rang mtshan gang brda'i yul du khas blangs kyang skyon de mtshungs pas mi rigs la/ des na dkar zal la ba lang gi brda don dam par sbyor ba ma yin te/ brda dus dkar zal la tha snyad kyi dus su rjes 'gro mi byed pa'i phyir ro/ /khyab pa yod de/ de lta na dkar zla la ba lang ngo snyam pa'i blo'i yul don dam par grub par 'gyur la/ de grub na brda sbyor ba'i gzhi dkar zal dang/ brda sbyar ba ba lang ma yin pa las log pa gcig tu 'gyur bas/ de lta na/ ba lang tha snyad kyi dus su rjes 'gro mi byed par 'gyur ro/ /'o na tha snyad kyi dus kyi nag sgur la ba lang gi brda sbyar ram mi sbyar/ phyi ma ltar na go mi nus par 'gyur la/ dang po ltar na/ brda sbyor gyi rtog pa sgrub 'jug tu 'gyur ro/ /zhes na/ skyon med de/ tha snyad kyi nag sgur la rjes su 'gro ba'i ba lang la brda sbyar bas/ nag sgur mthong ba na de ba lang du go nus te/ sngar dkar zla gzhir bzung nas brda sbyar ba'i tshe/ nog sogs dang @24b ldan pa rgyu mtshan du byas nas sbyar ba'i phyir ro/ /sgra dang mi rtag pa'i tshogs don tshad ma'i zhen yul yin pa bzhin du dkar zal dang/ ba lang ma yin pa las log pa'i tshogs pa la brda sbyar ba ma yin te/ tha snyad kyi dus kyi nag sgur ba lang du go ba'i phyir tu brda byas kyi/ de dkar zal la ba lang ma yin pa las log pa'i tshogs par shes pa'i phyir tu brda ma byas pa'i phyir ro/ /'o na/ dkar zal la ba lang gi brda sbyor mi rigs par 'gyur te/ de la ba lang gi brda sbyar sa ma yin pa'i phyir snyam na/ mi 'thad de/ dkar zal la ba lang gi sgras brjod pa mi rigs par 'gyur te/ dkar zla dang ba lang gi tshogs pa ba lang zhes pa'i brjod bya ma yin pa'i phyir ro/ /brda yul gyi gtso bos sngar bshad pa ltar yin yang/ dkar zal ba lang ma yin pa las log par snang ba'i sgra'i don yang brda'i yul du 'gyur ba yin no/ /bzhi pa de dag la brten nas gzhan sel ba'i rnam gzhag rtags par bya ba la/ sgra sel ba'i yul can dang sgrub pa'i yul can du smra ba rnams kyi lugs so so brjod pa dang/ sgra rtog sel ba'i yul can du bsgrub pa dang/ zhen sel ba'i dbye ba dang/ mtshan nyid do/ /dang po ni/ de kho na nyid bsdus pa'i 'grel par/ slob dpon ka ma la shrI las/ sgra rnams kyis dngos su sgrub pa dang dgag pa sgras dngos po'i rang bzhin du sgrub par byed pa'i phyir/ bsgrub pa nyi sgra'i don yin no/ /zhes bya ba ni sgra'i don sgrub par smra ba rnams kyi lta ba'o/ /sel bar smra ba rnams ni dam pa'i don du dngos po'i rang gi ngo bo la sgra rnams kyi brjod par bya ba cung zad kyang yod pa ma yin te/ sgra'i shes pa thams cad nyid ni 'khrul pas tha dad pa'i don rnams @025a @#/ /la tha mi dad pa'i rnam pas 'jug pa yin te/ gang la brgyud pas dngos po dang 'brel ba de ni 'khrul pa nyid yin yang/ don la mi slu ba nyid yin par lta ba yin te/ de la sgro btags pa rnam par rtog pa'i blo gang yin pa des don dang tha mi dad pa'i ngo bo de las gzhin pa las ldog pa'i dngos po nyams su myong ba'i stobs las 'ongs pa yin pa'i phyir dang/ rang nyid kyang gzhan las ldog par snang ba'i phyir/ 'khrul pa yin yang gzhan las ldog par don dang lhan cig par nges pa'i phyir dang/ gzhan sel ba'i dngos po rtogs pa 'bras bu yin pa'i phyir gzhan sel bzhes brjod do/ /des na sgra'i don ni/ sel ba yin par grub bo/ /zhes gsungs pa ltar/ gzhan sde rnams kyis bum pa'i blo la dgag bya bcad ldog mi snang bar bsgrub pa rang dbang ba'i tshul gyis snang ba rgyu mtshan du byas nas de bzhin du sgra rtog thams cad dngos po'i dbang gis 'jug pas bsgrub pa kho na la 'jug pa yin gyi sel ba la 'jug pa ma yin no/ /zhes zer to/ /sgrub pa'i sgra rtog sgrub pa'i sgo nas 'jug pa la dogs pa la dogs pa shes che bas slob dpon gyis de 'gog pa'i rigs pa rgyas par gsungs la/ dgag pa'i sgra rtog la dogs ba shas chung bas/ dngos med ngo bo med pa'i phyir/ /ngo bo brjod pa dpyad bya nyid ma yin/ /zhes pa tsam las ma gsungs so/ /bum med de la ngo bo cung zad med pa'i phyir te/ rjes pa'i sgras ngo bo sgrub pa'i yul du byas sam/ dgag bya bcad pa'i sgo nas yul du dpyad par bya ba ma yin/ zhes 'chad pa ni/ gzhung de'i don du yin nas mi rang bas/ 'di ltar sbyar @025b te/ gzhan sde la bum med brjod pa'i sgra des/ bum med sgrub pa'i sgo nas yul du byas sam/ dgag bya dpyad pa'i sgo nas yul du byas snyam du dpyad nas sgrub pa'i sgo nas 'jug /ces dam 'chad bar mi rigs te/ sgras brjod tsam nyid na dgag bya bum pa'i ngo bo dbyad pa'i gzhan la nyid dngos su brjod par mthong ba'i phyir ro/ /zhes pa'i don to/ /des na bum 'dzin rtog pa sogs rigs mi mthun las log pa'i don gyi gzhan sel gyi stobs las 'ongs pa'i phyir dang/ rang dus na yang rigs mi mthun las log bar snang la/ phyis kyang rigs mthun rigs mi mthun kun las log pa'i gzhan sel thob pa'i mthar thug pa can yin pa'i phyir/ sel ba'i yul can yin no/ /zhes sol ba smra ba rnams 'dod pa yin no/ /gnyis pa la/ sel ba'i gzhi 'ding ba dang/ sel bar bsgrub pa dngos so/ /dang po ni/ rang bzhin la yang med mi 'byung/ /zhes sogs to/ byas mi rtag rang bzhin 'dres pa gong du bsgrubs zin kyang 'dir yang bkod pa ni/ sel ba'i gzhi 'ding ba'i phyir tu dog pa'i gnas la bkod pa yin te/ byas pa sgra mi rtag par sgrub pa'i dam bca' phyogs gcig rtags su bkod pa'i ma grub par 'gyur te/ byas mi rtag ngo bo dbyer med yin pa'i phyir ro/ /zhes pa la khyab pa ma grub pa'i lan gyis sgo nas rgyas par ston pa yin no/ /dngos po kun ngo bo nyid kyis rang rang gi ngo bo gzhan dang ma 'dres pa gnas pa yin pas/ rigs mthun rigs mi mthun kun las log par gnas pa yin la/ des na/ gzhi sgra lta bu la rigs mthun las log pa dang/ rigs mi mthun las log pa du ma dbyer rung la/ ldog pa de dag gi @026a @#/ /sgo nas/ sgra mi rtag pa lta bu'i rang gi mtshan nyid kyis dpyis phyin pa kho nar rtogs shing ldog chos tha dad pa de dag kyang dngos ming so sor rtog pa so so'i yul du go dgos pas dam bca'i phyogs gcig rtags su bkod par thal pa'i skyon med do/ /zhes pa'o/ /byas pa rtag mi rtag gi tha dd lta bu ni rtog pas btags pa tsam gyi tha dad yin te/ spyir tshad mas grub/ dngos po rang gi ngo bo'[i sgo nas tha dad ma yin pa'i phyir rtags ma grub na/ rdzas tha dad du 'gyur bas byas pa rtag par 'gyur ro/ /rtog pas brtags tsam yin pas tha dad mtshan nyid pa ma yin no/ /zhes smra ba ni ltag chod yin te/ byas mi rtag tha dad mtshan nyid pa 'gog pa'i rtags su gang bkod thams cad dkyon can du 'gyur te/ de'i rtags chos la 'brel pa med par khas len dgos pa'i phyir te/ tha dad mtshan nyid pa med par mtshungs par khas lan dgos pa'i phyir ro/ /des na rtog btags yin yang tha dad du 'jog nus te/ tha dad kyi don ni so so ba yin la/ byas mi rtag nges pa'i blo gnyis kyis de gnyis so sor go la/ de 'dzin stangs la gnod pa med pa'i phyir/ gzhan dag du ba'i dus na me 'gags/ me'i dus na du ba ma skyes pas/ rgyu 'bras rdzas gcig dang tha dad gang yang ma yin no/ /zhes smra ba ni/ bzhi brgya pa las/ ji ltar rgyun la blta nyas na/ /rtag pa yod ces bya bar 'gyur/ zhes bshad pa ltar tshogs rgyun 'jog mi shes pa'i log rtog 'ba' zhig yin te/ de lta na rang gi mtshan nyid kyis skye ba mi srid par thal/ bdag dang gzhan dang gnyis ka rgyu med las skye ba mi srid pa'i phyir/ gzhan skye ba med pa ma @026b grub na/ rgyu 'bras rdzas gzhan mi drid pa 'gal lo/ /gzhan yang rigs pa de tsam gyis rgyu 'bras rdzas gzhan 'gog nus na/ sngon po'i shar rdul dang nub rdul yang rdzas tha dad ma yin par 'gyur te/ shar rdul gyi gos na nub rdul med/ nub rdul gyi gos na shar rdul med pa'i phyir/ gos so son 'dras nas med kyang/ tshogs pa gcig gi steng na rdzas tha dad du yod do snyam na me du gnyis kyang dus 'dres nas med kyang/ rgyun gcig gi steng na rdzas tha dud du yod pas bskal pa'i bar du bsgre nus so/ /des na me du gnyis so so'i dus na rgyu 'bras su med kyang gnyis ka cha shas su ldan pa'i rgyun gcig gi stong na rgyu 'bras su gnas shing/ rgyu 'bras nges byed kyi mngon sum gyis kyang rgyun gyi steng nas nges dgos pa'i phyir te/ 'di ltar/ dang por me du gnyis ka dmigs rung ma dmigs/ de'i rjes su mi dmigs/ de nas du ba dmigs/ de'i rjes su me ma dmigs/ de'i rjes su du ba ma dmigs pa las 'grub dgos rgyun ldan du nges te/ du ba dmigs pa'i tshe me rgyu na ma dmigs na de'i rjes su me ma dmigs zhes brjod pa mi 'thad cing/ mi dmigs rung madmigs pa'i tshe du ba'i rgyun mi gnas na/ me ma dmigs rjes su du ba ma dmigs zhes brjod pa mi 'thad par 'gyur ro/ /rgyun la ltos nas rgyu 'bras su mi 'grub na/ dbang po'i mngon sum tshad mas rgyu 'bras su mi 'grub par 'gyur te/ de skad cig cha med rdul phran cha med la rang stobs kyis nges pa 'dren mi nus par myong bas grub pa'i phyir ro/ /mngon rtogs rgyan gyi 'grel pa don gsal gyi dgongs pa legs par 'chd mi nus pa kha cig /don smras gnyis kyi lugs la tshogs rgyun yin na kun rdzob @027a @#/ /tsam du grub par 'dod gyi bden par gyur par mi 'dod do/ /ches smra ba ni/ srid zhi mnyam nyid kyi 'grel bar/ don smra gnyis kyi lugs bkod pa'i don dam dang kun rdzob kyis tshigs ma phyed pas nongs pa yin te/ de lta na/ don smra bas dbum pa la gnyid sad pa'i tshe yang sbyin pa btang tshul khrims bsrungs pa la brten nas 'bras bu bde pa 'byin pa'i rgyu 'bras mi 'thad par thal/ de dag bden pa'i rang bzhin gyis stong pa'i phyir/ ces pa'i rtsod pa don smra rang nyid kyi rtsa ba'i grub mtha' la rang nyid kyis dngos su sun 'byin brjod par 'gyur te/ khyed ltar na don smra gnyis kyi rtsa ba'i grub mtha' a rgyu 'bras de dag bden par ma grub par 'dod pa'i phyir/ dbu ma pas thal 'gyur de logs la 'phang na don smra bas 'khor gsum ga dngos su khas len dgos 'gyur ro/ /'di la brjod bar bya ba mang du yod kyang re zhig bzhag go /dkyus kyi don bshad par bya ste/ sgra mi rtag par rang lugs la sgrub ma nus nas sgra mi rtag par sgrub pa ni sel ngor yin no/ /zhes smra ba ni 'gal ba'i rnam gzhag la blo kha ma phyogs pa yin te/ phan tshun spang 'gal la brten pa'i dngos 'gal srid de mi srid/ mi srid na rang gi 'dod pa bsgrubs pas de'i log phyogs dngos su mi khegs pa dang/ gzhan 'dod bkag pas/ de'i log phyogs dngos su sgrub mi nus par 'gyur te/ phung gsum khegs pa'i 'gal ba mi srid pa'i phyir/ de lta na/ dgag sgrub kyi tha snyad thams cad mi 'thad par 'gyur ro/ /dang po ltar na/ ya gyal rung gcig dam bcas pas chog mong sel ngor yin zhes sbyar ga la dgos/ rtag su bkod pa'i byas pa sgra yin min gang rung @027b gcig tu 'dus kyang/ 'god pa'i tshe sgrar gyur pa'am/ sgra mi yin du gyur pa'i byas pa yin pa'i phyir/ ces 'god mi dgos pa bzhin no/ /'di thams cad rtog pa 'khrul pa'i rnam gzhag tsam yin pas/ nged sgra rtag mi rtag gang yang khas mi len no/ /zhe na sgra rtag mi rtag gnyis ka khas len pa ji ltar 'gog /dngos 'gal la phung gsum mi srid pas sgra mi rtag par sgrub pa nyid rtag pa bkag pa yin pas gnyis ka khas len pa mi rigs so zhe na/ 'o na khyed la yang phan tshun spangs pa'i dngos 'gal la phung gsum mi srid pas/ sgra la rtag pa bkag pa nyid mi rtag par sgrub pa yin pas gnyis ka khas me len pa yang mi 'thad de/ /gzhan yang/ sgra yod med dris pa'i tshe/ tshad ma'i ngo bor yod do/ /zhes sbyar ba ma gtogs sbyir yod do zhes dam bca' mi nus par 'gyur ba dang/ dang po nyid nas nged ci yang khas mi len no/ /zhes smras na kun nas nyon mongs par mi 'gyur ro/ /gnyis pa ni/ don gyi rang gi ngo bo gcig /ces pa'i mtshams sbyor du/ sgra rtog sgrub pa kho na la mi 'jug pa'i sel ba la 'jug pa'i rgyu mtshan du tshad ma gzhan 'jug pa'i phyir/ ces bkod pa'i rtags la ldog na gnod pa can gyi tshad ma bstan pa ni/ sgra 'dzin mngon sum gyis drangs pa'i sgra nges pa'i nges shes sgra de sgra ma yin pa las log par ma go na sgra ma yin du 'dzin pa'i sgro 'dogs mi chod par 'gyur la/ sgra ma yin pa las log par go na sgra rtag pa las log par nges mi nges/ mi nges na sel ba'i yul can du grub la/ des na chos gcig bsgrubs pas kun bsgrub pa dang/ gcig bkag pas kun bkag par 'gyur bas sgra la @028a @#/ /ltos pa'i kun mkhyen du 'gyur te/ sgra'i steng na shes bya la srid tshad kyi grangs dang mnyam pa'i ldog pa yod la/ de dus gcig tu nges pa gcig po des myong stobs kyis rtogs pa'i phyir/ gzhung des ni sgra rtog sgrub pa kho na la 'jug na chos can 'jal ba'i tshed ma ma gtogs/ tshad ma'i tshad ma gzhan 'jug pa'i don med du bstan nas/ rjes su dpag pa las kyang dngos/ zhes pas phyogs chos 'jal ba'i rjes dpag phyi ma don med du thal ba bstan cing/ sel ba smra ba la nyes pa med de/ nges pa re res sgro 'dogs re re'i zhen yul bcad pa nges pa'i sgo nas sgro 'dogs re re kho na gcod kyi kun mi gcod pa'i phyir dang/ mngon sum la ni mi mtshungs pa ste/ mngon sum la rang gi ngo bo nyid kyis snang ba byin pa yin pas rang gi gzung ba rang mtshan dang grub bde rigs gcig pa'i dngos po kun mthong ba mi 'gal la/ rtog pa'i nges yul sgro btags yin pas sel bas 'jug dgos kyi bsgrubs pas 'jug mi nus te/ dngos po'i ngo bo nyid kyis snang ba byin pa ma yin pa'i phyir dang/ de rang mtshan yin na/ gcig nges na kun nges par 'gyur ro/ /gsum pa ni/ gal te ldog pa spangs pa yi/ /dngos po'i rjes 'gro gzhan med na/ zhes sogs kyis gzhan sel ma gtogs pa'i spyi med na rygu du mas 'bras bu gcig byed pa mi 'thad par thal/ sa bon gyi rang bzhin du gyur pa'i spyir gtso bo sogs la med cing/ de rnams la yod pa'i rang bzhin sa bon la med pa'i phyir/ des na rgyu du mas 'bras bu gcig byed pa la de rnams rang bzhin gcig yin dgos so/ /zhes @028b pa'i grangs can gyi rtsod pa bkod nas/ 'gog pa'i rims pa rgyas par gsungs pa la/ grangs can gyis gzhan sel la mtshungs par bcad pa'i mi mtshungs pa'i lan ldog pa ngo bo nyid med phyir/ ces sogs kyi 'grel bshad du/ slob dbon shA-kya blos/ sel gsum bshad do/ /de yang las bya byed gsum la sbyar nas/ 'di la gsal bar bya ba'i gzhi rdza bum bum pa ma yin pa las log pa'i gzhan sel dang/ 'di gsal ba'i rang bzhin dum ma yin rnam par bcad tsam gyi med dgag gyi gzhan sel dang/ 'dis sel bar byed pa rtog a la bum pa ma yin pa las log par snang ba'o/ /de dang rjes su mthun par tshad ma'i de kho na nyid bsdus par/ 'dir ni sel ba rnam gnyis te/ ma yin pa dang med pa'o/ /ma yin pa yang rnam gnyis te/ /blo dang don gyi dbye bas so/ /zhes pa'i 'grel par/ slo dpon ka ma la shI las/ ma yin pa dang med pa'o/ /zhes bya ba ni ma yin par dgag pa ma yin pa'i mtshan nyid dang/ med par dgag pa'i mtshan nyid kyang zhes bya ba'i don ni/ blo'i bdag nyid dang don gyi bdag nyid kyi dbye bas zhes bya ba ni/ blo'i bdag nyid dang don gyi bdag nyid kyi dbye ba las zhes bya ba'i don to/ /de la blo'i bdag nyid ni blo'i so sor snang ba la rjes su 'jug pa'i ngo bo cig car zhen ba'o/ /don gyi bdag nyid ni don gyi rang bzhin ta rigs ma 'dra ba las log pa'i don gyi mtshan nyid ces bya ba'i don to/ /de dag gi dbye ba ste rnam par dbye ba ste zhes bya bar bsdu ba'o/ /zhes pa dang/ sel ba rnam pa gsum bstan pa de nyid sgra'i don rnams la ma yin par sbyar ba'i phyir/ ces pa dang/ de ltar @029a @#/ /re zhig gzugs brnyad gyi mtshan nyid sel ba ni dngos su sgra'i bskyed pa yin pa'i phyir/ gtso bo'i sgra'i don yin no zhes bstan nas/ lhag ma phal ba'i sel ba yang sgra'i don nyid du brjod pa la/ 'gal ba med pa nyid bstan pa'i phyir/ dngos kyi zhes sogs gsungs pa dang/ don mtshungs pa yin te/ de la rdza bum la bum pa zhes brjod pa'i tshe/ rdza bum gyi steng gi med dgag gi gzhan sel sgra de'i shugs bstan dang/ blo'i sel ba dngos kyi brjod bya dang don gyi gzhan sel spyir sgra'i bstan bya yin yang/ sgra don du 'gyur ba ma yin te/ brjod bya'i gzhi ldog tsam du zad pa'i phyir ro/ /rang mtshan sgras dngos su ston nus na/ sgra'i dngos kyi brjod byar 'gyur ro/ /zhe na/ 'thad pa ma yin te/ rang mtshan rtog pa'i snang yul du thal/ rtog pa la de'i rnam pa shar ba'i phyir ro/ /ma grub ni/ dngos rtags mi rung bar 'gyur ba dang/ zla gnyis dbang shes kyi yul du 'gyur te/ dbang shes la snang ba'i phyir ro/ /sel ba dang dgag pa don gcig pas/ de la dbye na/ ma yin dgag gi gzhan sel lo/ /dang po la/ don chos dang/ blo chos gnyis las/ dang po ni bum pa ma yin pa las log pa dang/ sgra mi rtag pa ma yin pa las log pa sogs te/ sgrub byed snga ma dag gis ni/ /ma yin sgrub par byed phyir ro/ /zhes bshad pa ltar ro/ /de'i don ni/ me yod dang/ sgra mi rtag pa ma yin dgag tu ston pa ma yin te/ de ni rtags gnyis la brten pa'i dngos kyi gzhal bya yin la/ de ma yin a las log pa gnyis ni tshad ma de'i shugs kyi rtogs bya 'bras rang gi rtags gnyis kyis ma yin dgag @029b sgrub byed ces bshad pa de yin no/ /'o na/ dngos kyi bsgrub bya'i sgo nas mi ston par/ shugs kyi bsgrub bya'i sgo nas ston pa ci yin snyam na/ rtags yang dag thams cad la dgag sgubs pas khyab la/ rgyu khyab byed ma dmigs pas med dgag bsgrubs pas/ de las khyad par du bya'i phyir ma yin dgag sgrub ces bshad pa bzhin no/ /de lta na yang/ dgag rtags su thal bar mi 'gyur te/ de ni dngos kyi bsgrub bya la ltos nas bzhag pa yin la/ de lta ma yin na/ rjes dpag tshad ma mtha' dag dgag rtog tu 'gyur to/ /blo'i gzhan sel ni/ bum 'dzin rtog pa la bum pa ma yin pa las log par snang ba nyid yin gyi/ sgra don mtha' dag der mi rung ste/ gsal bya dngos su bsal ba'i sgo nas rtogs dgos pa'i nges pa med pa'i phyir ro/ /'o na/ bum 'dzin rtog pa dgag rtog tu 'gyur te/ bum ma yin las log par snang ba'i phyir dang/ de nyid dgag pa yin pa'i phyir ro/ /zhe na/ dbang po'i mngon sum gyis med dgag gzung yul du byed par 'gyur te/ rang mtshan rnam 'brel pa med par snang ba'i phyir dang/ rang mtshan 'drel ba med pa med dgag yin pa'i phyir ro/ /des blo'i snang tshul dang/ don gyi gnas tshod dang/ rang ldog dang/ gzhi ldog sogs kyi rnam dbye la mkhas par bya'o/ /bzhi pa ni/ gzhan sel tsam gyi mtshan nyid/ dgag bya dngos su gsal ba'i sgo nas rtogs par bya ba'o/ /ma yin dgag gi gzhan sel dang/ med dgag gi gzhan sel gyi mtshan nyid ni/ snga ma de gang zhig /chos gzhan 'phen pa dang mi 'phen pa'o/ /blo dang don gyi gzhan sel gyi mtshan nyid/ rim pa bzhin du ma yin dgag gi gzhan sel gang zhig /blos brtags pa tsam du @030a @#/ /gnas ba dang/ rang gi mtshan nyid kyis grub par gnas pa'o/ /bum pa rang mtshan yang gzhan sol du 'dod dgos te/ gsal bya rigs mi mthun sol ba'i phyir ro snyam du/ dgag par yang 'gyur te/ dgag bya rigs mi mthun 'gog pa'i phyir kun nas mtshungs so/ /gsum pa bden pa gnyis kyi rnam gzhag dngos la/ bden pa gnyis kyi mtshan nyid dang/ phyi rol don gyi rnam gzhag mdzad pa'i dgos pa dang/ chos kyi bdag med gtan pha phab pa'i sgo nas gsung rab kyi dgongs pa 'grel ba'i tshul dang tshad 'bras kyi rnam gzhag go /dang po ni/ don dam don byed nus pa gang/ /de 'dir don dam yod pa yin/ /gzhan ni kun rdzob yod pa ste/ de dag rang spyi'i mtshan nyid bshad ces sogs te/ skabs 'dir don sems gnyis bden gnyis kyi mtshan gzhi la mi mthun pa yod kyang/ mtshan nyid la mi mthun pa bzhag dka' bas thun mong ba'i dbang dub yas na/ gang gi rang gi ngo bo yin/ /gzhan gyi ngo bo sgrib byed pa/ sgrib byed de dag tha dad kyang/ /zhes pa'i 'gyur rnying la/ kun rdzob de dag tha dad kyang/ zhes 'byung ba ltar/ de kho nyid mthong ba la sgrib pa kun rdzob pa'i sgra bshad pa'i don du grub mtha' smra ba phal cher mthun la/ rang mtshan dngos su gzung yul du byed pa la sgrib pa'i blo kun rdzob pas bzhag pa'i don de nyid kun rdzob bden pa zhes bya ste de'i ngor bden pa'i phyir ro/ /des na kun rdzob bden pa'i mtshan nyid/ blo kun rdzob pas btags pa tsam du grub pa'i chos so/ /don dam bden pa'i mtshan nyid/ rtogs btags pa tsam ma yin par yul rang ri ngos nas grub pa/ mdzod nas bshad @030b pa'i bden gnyis dang 'jig chul mi gcig ste/ de nas bum pa la sogs pa bcom bas de'i blo 'dor du rung ba la/ kun rdzob tu bzhag la/ 'dir rang gi mtshan nyid kyis grub pa la don dam par gyur par bzhag bas/ der kun rdzob kyi mtshan nyid gzhi bshad kyang/ 'dir don dam pa'i mtshan gzhir bzhag pa yin no/ /gzhal bya gnyis phyir tshad ma gnyis/ zhes sogs kyis/ rjes dpag tshad ma'i gzhal bya yin na spyi mtshan dang/ don byed mi nas pa sogs kyis khyab pa dang/ mngon sum tshad ma'i gzhal bya le de las ldog pas khyab ltar bshad cing/ mngon sum lkog tu gyur pa las/ /gzhal bya gzhan ni yod ma yin/ /zhes pa'i skabs su yang/ lkog gyur yin na rang mtshan lta bur yang bshad par dang/ yang rang gi mtshan nyid gcig gzhal bya zhes rang mtshan kho na gzhal byar bshad pa dang/ yang gzhal bya gcig nyid tshad ma gnyis kas rtogs tshul tha dad pa'i sgo nas/ 'jal bar bshad pa sogs ji ltar yin/ /zhes gzhal bya rang mtshan gcig bur bshad pa tshad ma'i dngos kyi gzhal bya ba bsam pa ma yin te/ rtog ldan tshad ma'i sgo nas dpyod pa byed pa thams cad rang mtshan kha cig sngar ma bkag pa gsar du dgag pa ma byas na gnod pa bskyed pa dang/ sngar ma rtogs pa gsar du rtogs par byas pa las gnas skabs dang mthar thug gi phan pa bskyed par mthong nas/ dgag sgrub byed pa yin la/ phan gnod de yang rang mtshan kho nas byed pas/ rang gi mtshan nyid gcig gzhal bya zhes smos te/ de yan chad du 'bras bu med na bdag med nges pa la lang dgos pa med pa'i phyir ro/ /gzhal bya gnyis @031a @#/ /phyir ces sogs kyis/ mngon rjes gnyis kyi tshad mar song ba rang mtshan dang spyi mtshan gnyis so so kho nar nges par ston pa ma yin te/ sgro 'dogs gsar du gcod pa la rang mtshan gzung yul du byas nas gcod pa dang/ spyi mtshan gzung yul du byas nas gcod pa gnyis mthong gi/ gzhan ma mthong bas 'jal tshul gnyis khor nges pa'i don to/ /de bzhin du don byed du nus mi nus gzung yul du byed pa sogs la'ang sbyar gyi tshad mar song sa so sor ston pa ma yin no/ /tshad mar song sa so sor nges pa la bshad par gzung du dogs nas/ de ni rang gzhan ngo bo yis/ /rtogs phyir gzhal bya gnyis su bzhed/ ces bkod pa yin te/ yul rang gi thun mong ma yin pa'i ngo bo gzung yul du byas 'jal ba dang/ de las gzhan pa'i ngo bo gzung yul du byas 'jal ba gnyis yod pas/ gzhan bya gnyis phyir/ ces smros kyi/ tshad mar song ba so sor nges pa'i dbang gis ma yin te/ mngon sum tshad mas kyang spyi mtshan dang/ rjes dpag tshad mas rang mtshan 'jal ba'i phyir ro/ /gnyis pa ni/ bcom ldan 'das kyis/ bka' dang por phyi rol don gyi rnam gzhag mdzad pa ni/ gzung 'dzin rdzas tha dad bkag pa'i chos kyi bdag med re shig bstan pa'i snod du mi rung ba'i nyan thos kyi rigs can rnams rjes su bzung ba'i phyir gsungs pa yin la/ de bzhin du 'dir yang theg pa chen por bgyid pa'i lam gyi dmigs pa chos kyi bdag med gtan la 'bebs tshul dang/ nyan thos kyi rigs can rjes su bzung ba'i phyir/ phyi don 'jog pa'i rnam gzhag gnyis byas pa yin gyi/ rnam rig pa dang rang nyid tha @031b snyad du khas lan pa'i phyir/ byas pa ni ma yin te/ tha snyad pa'i tshad mas grub pa'i don la/ don dam 'jal ba'i tshad mas gnod pa mkhas pa'i dbang po su yang mi bzhed pa'i phyir/ /'o na/ nyan thos kyi lam bgrod pa phyi ci log tu 'gyur te/ phyi rol ma grub bzhin du phyi rol mi rtag par gtan la phab nas sgom pa'i phyir/ ce na/ skyon med de/ phyi rol don gyi khyad par du ma byas pa'i gzugs kyi phun po la sogs pa mi rtag sogs su gtan la phab nas goms par byed pa yin no/ /gsum pa ni/ le'u gnyis pa/ lam thun mong ba'i dbang du byas nas gang zag gi bdag med tsam zhig bstan nas/ le'u gsum par chos kyi bdag med gtan la phab ste/ de yang sher phyin gyi mdo sogs las/ gzugs nas rnam mkhyen gyi bar gyi chos thams cad rang bzhin me dpar bshad pa gang yin zhe na/ dngos rnams tha dad gnas pa 'di/ /de tha dad la brtan pa yin/ /de ni bslad pa nyid yin na/ /de dag tha dad kyang bslad 'gyur/ /gzung dang 'dzin pa'i rnam pa las/ /mtshan nyid gzhan ni yod ma yin/ /des na mtshan nyid stong pa'i phyir/ /rang bzhin med pa rab tu bshad/ /phung po la sogs pa bye grag gi/ mtshan nyid thams cad byed pa yi/ /khyad par can de'ang de nyid min/ des kyang de dag mtshan nyid bral/ /zhes sogs kyis 'grel te/ tshigs bcad dang po gnyis kyis chos thams cad rang bzhin med pa dang/ mtshan nyid med pa sogs su gsungs pa'i dgongs pa rnam rig pa'i lugs la yang mi 'gal ba'i 'grel tshul gyi gtso bo dang/ tshigs bcad gsum pas rang bzhin me dpa'i dgongs pa 'di bzhin du'ang bshad du rung ngo/ /zhes pa'i 'grel tshul gzhan 'chad pa yin gyi/ de nyid mdo sde pa la sbyor ba ni mi @032a @#/ /'thad de/ nyan thos sde pa phal cher theg pa chen po'i mdo sde bkar mi 'dod pas/ de dgongs pa mi 'chad kha med pa'i phyir dang/ des kyang de dag mtshan nyid bral/ zhes pa'i kyang gi sgras snga ma sdud pa'i phyir/ rnam rig par rang gi lugs yin no/ /des na/ tshigs bcad dang po'i don ni/ dngos rnams tha dad gnas pas te 'di ni rgyu'o/ /'di ni 'bras bu'o/ /zhes sogs gnyis chos tha dad 'byed pa thams cad kha phyir lta'i shes pas 'byed pa yin gyi/ rang rig mngon sum gyis ma yin te/ de'i ngor gnyis snang nub pa'i phyir ro/ /phyi lta'i shes pa'i nang nas kyang/ rtog pas 'byed pa yin te/ de la yul du snang ba rgyang chad pa'i tshul gyis logs su chad par snang la/ yul can yang de las tha dad du gnas pa'i gzung 'dzin rdzas tha dad lta bur snang bas khyab pa gnyis chos thams cad gzung 'dzin rdzas tha dad du snang ba la brten nas gnas pa yin la/ ji lta ji ltar don bsam pa/ zhes sogs kyi rigs pas/ gzung 'dzin rdzas tha dad du snang ba ltar ma grub par grub pas/ gzung 'dzin rdzas tha dad du snang ba 'khrul pa'i phyir/ gnyis chos thams cad so sor snang ba yang 'khrul pa yin no/ /des na mtshan mtshon du bzhag pa'i mtshon bya yang yul rgyang chad du snang ba las mtshon dgos la/ mtshon byed kyang yul can du snang ba'i gzung 'dzin rdzas tha dad kyi rnam pas te/ snang ba las gzhan pa'i mtshan mtshon so sor 'byed mi nus la/ gzung 'dzin rdzas tha dad kyis stong pa'i phyir/ mtshan nyid kyang bden pas stong pas stong pa zhes bya la/ de la dgongs nas/ rang bzhin med pa dang/ mtshan nyid med par @032b mdo las gsungs so/ /tshigs bcas gsum pa'i don ni/ gzugs kyi mtshan nyid gzugs rung ba la sogs pa mtshon bya/ bye brag so so tha dad pa rnams mtshon pa'i tshe 'dis mtshon par byed pas na/ zhes mtshon byed thams cad byed pas khyad par du byas la/ 'di mtshon par bya bas na zhes mtshon bya thams cad bya bas khyad par du byas la/ bya byed de yang mtshan nyid bden pa pas stong pa yin te/ de lta ma yin na/ mtshan nyid bye dpa las rdzas tha dad dang/ mtshon bya bya ba las rdzas tha dad du 'gyur bas so/ /bya byed bden pas stong pa la dgongs nas kyang sher phyin la sogs pa'i mdo las/ chos thams cad mtshan nyid med pa dang rang bzhin med par gsungs so/ /bzhi pa tshad 'bras kyi rnam gzhag la/ spyi'i rnam gzhag dang/ so so'i rnam gzhag go/ dang po ni/ yongs su gcad par bya thams cad yul can gnyis su 'du la/ gcod byed thams cad gzung rnam dang 'dzin rnam gnyis su 'du zhing/ bcad pa'i 'bras bu la/ rang rig dang gzhan rig gnyis su 'dus pa la/ gzhan sde rnams dang rang sde bye brag tu smra ba sogs/ tshad 'bras rdzas tha dad du 'dod pa ni mi rigs te/ 'jog byed gzhan gyi bar du chod pa'i phyir ro/ /'di ltar yul gyi rnam par shar ba med na yul rtogs nyid mi 'grub la/ rnam par shar ba yod na/ de nyid kyis yul rtogs par 'jog nus pas 'jog byed gzhan brgyud pa don med do/ /skabs 'dir tshad me zhes pa'i tha snyad tshad ma'i mtshan nyid yin pas byas pa ma yin te/ mi slu ba dang ma shes don gsal don gcig na log shes kyi gzung rnam mtha' dag kyang tshad mar thal ba dang/ yang na mi slu ba tshad ma'i mtshan nyid du don med par 'gyur ro/ /mtshon @033a @#/ /bya tshad ma'i tha snyad yin pas tshad mar bzhag pa yang ma yin te/ gzung rnam dang 'dzin rnam gnyis kyis mtshan bya 'jog mi nus par 'gyur ba dang/ sgra rtag 'dzin gyi sgro 'dogs kyang mi slu bar 'gyur te/ gzung rnam yin yin pa'i phyir ro/ /des na tshad ma'i mtshan gzhi yin pas tshad ma'i tha snyad byas pa yin te/ tshad mas bsdus pa'i gzung rnam dang 'dzin rnam gyi khyad par 'ga' zhig 'dir rang rig dang gzhan rig gnyis kyi 'jog byed du smos pa yin no/ /de la spyir tshad ma'i 'bras bu la chos pa'i 'bras bu dang ma chod pa'i 'bras bu gnyis yod pa la/ dang po ni/ blang dang dor bya'i dngos po yi/ /'jug la de gtso yin phyir dang/ zhes bshad pa ltar/ tshad mas don rtogs pa la brten nas/ rtog ldan skyes bus phan pa'i don thob pa dang/ mi phan pa'i don spangs pa gnyis yin la/ de yang yang dag shes pa la brten nas dug dang tsher ma sogs spong nus pa ni phal pa tsam yin gyi/ gtso bo ni sdug bsngal mtha' dag spangs pa dang/ thar pa'i bde ba thob pa gnyis yin te/ rnam nges las/ phan pa dang mi phan pa thob pa dang spong ba na/ nges par yang dag pa'i shes pa sngon du 'gro ba can yin pas/ de mi mkhas pa rnams la bstan pa'i don du 'di brtsams so/ /zhes gsungs pa'i don yang de bzhin du shes par bya'o/ /gnyis pa mchod pa'i 'bras bu ni yul rtogs pa nyid yin te/ tshad ma rgyud la skyes pa'i dngos kyi dgos pa de yin pa'i phyir ro/ /spyir tshad ma tsam gyi mtshan nyid dang/ tshad ma'i 'bras bu don rtogs kyi mtshan nyid gnyis sngon du gang nges pas 'gro @033b dgos snyam na/ phyi ma sngon du 'gro dgos te/ sngo snang dbang po'i mngon sum tshad ma de la sngon po rtogs par 'jog nus kyi/ sngon po'i rnam pa shar ba dang so sor nges nas de'i rjes su tshad mar 'jog pa'i 'jog byed mi slu ba de nyid rang stobs sam/ gzhan stobs kyis nges par byed dgos pa'i phyir/ /rang nges gzhan nges la yang/ sngon 'dzin mngon sum la dper brjod na/ yul sngon po la ltos te rang stobs kyis nges na rang nges dang/ gzhan stobs kyis nges na gzhan sel tshad mar 'jog pa yin nam/ yul can la ltos te mtshan mtshon gzhi gsum yod pa'i mtshan gzhi sngo 'dzin blo mngon sum la/ rang stobs kyi nges ma nges dang/ mtshon bya tshad ma rang stobs kyis nges ma nges dang/ mtshan nyid mi slu ba rang stobs kyi nges ma nges gang gi sgo nas rang nges gzhan nges 'byung ba gang yin zhe na/ mtshon bya tshad ma'i tha snyad rang stobs kyis nges par nges dang/ gzhan stobs kyis nges pa gzhan nges su 'byed pa ma yin te/ brda la ma byang ba'i byis pa'i rgyud la/ rang nges kyi tshad ma mi srid par 'gyur ba dang/ rgyang 'phen? gyi rgyud kyi rjes dpag rang nges ma yin par 'gyur ba'i phyir ro/ /yul sngon po dang yul can sngon 'dzin mngon sum gcig la bltos te 'byed pa yang ma yin te/ de gnyis rang stobs kyis nges pa'i phyir ro/ /des na/ rang las rang gi ngo bo rtogs/ /tha snyad las ni tshad ma nyid/ /ces pa ni/ mtshan gzhi la mtshan nyid nges byed kyi tshad ma ston pa'i gzhung yin pas/ mtshan gzhi sngon 'dzin mngon sum lta bu ni nges pa na mi slu bar rang stobs kyis nges na rang nges dang/ gzhan @034a @#/ /stobs kyis des dgos na gzhan nges so/ /gnyis pa la/ tshad 'bras dang po'i rnam gzhag dang/ gnyis pa'i rnam gzhag dang/ gsum pa'i rnam gzhag dang/ rnam gzhag de nyid nges par bsgrub pa'o/ /dang po ni/ sngon po gzhal bya/ rang yul gyi rnam pa shar ba'i sgo nas sngon po la gsar du mi slu ba'i shes pa tshad ma/ sngon po rtogs pa'i tshad ma 'bras bu/ zhes rnam par bzhag gi /sngon po phyi rol gyi don yin pa gzhal byar bzhag tu mi rung ste/ rnam rig pas sngon po phyi rol gyi don du mi rung ngo/ /zhes rtsod pa'i tshe/ 'bras bu rnams ldog pa'i gtan tshigs kyi sgo nas gnod pa bstan gyi/ mdo sde pas mngon sum dang 'gal ba'i gnod pa ma bstan pa'i phyir ro/ /mdo sde pa rang nyid 'dod pa'i rang rig gi tshad 'bras ni/ skabs 'dir don gyis 'phangs te/ bya byed chos gsum tshang bar stong pa'i tshe/ de yi bdag nyid 'dzin de ni/ zhes pas/ byed pa po gzhan gyi dbang du gyur pa bstan te/ gzung rnam du gyur pa'i dbang po'i mngon sum de/ byed pa po 'dzin rnam gyi gzung ba'i sgo nas yul la 'jug dgos kyi/ des ma gzung bar 'jug pa'i yul med pa'i phyir ro/ /des gzung rnam gzhal byar byas pa'i tshad 'bras 'phangs pa yin no/ /'dzin rnam byed pa por 'jog pa'i rgyu mtshan ni/ slob dpon chos mchog gis bshad pa ltar/ nges gzugs mthong ngo zhes gzugs mthong ba por zhes pa'i gzhi myong tsam gyi char gyur pa'i 'dzin rnam nyid yin no/ /gnyis pa ni/ gzung rnam tsam gzhal byar bzhag pa'i rang gi tshad 'bras ni/ mdo @034b sde pas kyang khas len pas rnam rig pa'i thun mong ma yin par mi rung bas/ phyi rol na sngon po med bzhin du der snang ba'i rnam pa lta bu'i gzhal byar byas nas 'dzin rnam dang/ rang rig 'bras bur byas pa'i tshad 'bras ni/ thun mong ma yin pa'i rnam gzhag go /shes pa mtha' dag rang gi ngo bo la rang rig mngon sum tshad mar 'dod pa ni/ 'thad par mi sems te/ de lta na/ rtog pas kyang rang gi ngo bo 'dzin rnam lta bu yongs su gcod dgos pas rtog pa'i 'dzin rnam gzhal byar byas pa la rtog pa'i rtog pa'i gzung rnam tshad ma dang/ de'i rang rig 'bras bur bzhag pa'i tshad 'bras khas len dgos par 'gyur na/ de ni mi rigs te/ gzung rnam mtha' dag phyi kho nar phyogs pa'i phyir ro/ /gsum pa ni/ kha cig /'bras rtog gsum pa'i rnam gzhag byed pa'i/ phyi rol gyi don gzhal byar byas nas/ de nyid rnam rig pa'i lugs dang sbyor ba ni rnam pa thams cad du mi rung ste/ phyi rol gyi don rang lugs khas len na/ gzung 'dzin rdzas tha dad kyis stong pa 'dod du mi rung bas rnam rig pa'i lugs yin pa nyams so/ /'on te/ rnam rig pa phyi don khas len pa ni tha snyad tsam du yin la/ de 'gog pa ni don dam du yin pas skyon med do snyam na/ tha snyad pa'i don tha snyad pa'i tshad mas grub pa la byed na/ tha snyad de'i tshad ma'i gzhal bya la don dam dpyod pa'i tshad mas gnod par 'dod cing/ tha snyad pa'i tshad ma la skur ba 'debs pa'i log rtog 'ba' zhig yin te/ tha snyad pa'i tshad mas phyi don yod par grub bzhin du/ don dam 'jal ba'i tshad mas phyi @045a @#/ /don la gnod pa mthong zhing/ de med par grub pa'i phyir/ de lta na don dam 'jal ba'i tshad ma yang mi srid par 'gyur te/ tshad ma'i mtshan nyid zhugs pa'i bye brag gcig tshad ma yin pa la gnod pa mthong ba'i phyir te/ mtshan nyid dang ldan pa gcig la gnod pa mthong na/ de'i rigs can thams cad sun phyung bas thams cad la yid brtan du med do/ /zhes bshad pa ltar ro/ /'on te/ tha snyad du yod pa'i don blo 'khrul pa'i ngor yod pa tsam la byed kyi/ rang lugs la phyi rol gyi don yod pa ma yin na/ 'on te/ chad 'bras de nyid skyon med du mi 'gyur te/ gzhal bya de la tshad ma'i gnod pa 'bab pa'i phyir ro/ /'on te/ de mdo sde pa rim gyis drang pa'i phyir tu gzhan ngor byas pa'i rnam gzhag tsam yin no snyam na/ 'o na/ rnam rig pa rang lugs 'bras rtog gsum pa'i rnam gzhag gzhan zhig btsal dgos na de yang mi rnyed do/ /'bras rtog gsum pa mi 'dod pa yang ma yin te/ sngo snang shes pa las rdzas tha dad pa'i sngon po gzhal byar byas pa'i 'bras rtog khas mi len kyang/ sngo tsam gzhal byar byas pa'i 'bras rtog dang po'i rnam gzhag gcig rang lugs la khas len zhing/ de la ltos pa'i gsum pa khas mi len na/ skabs 'di dang 'bras rtog dang po gnyis gzhal bya dang tshad ma mtshungs pa bzhin du 'bras bu mi mtshungs par 'jog pa 'gal lo/ /snyam pa'i rtsod pa spong ba mi rigs so/ /kha cig /rnam gzhag 'di mdo sde pa kho na la sbyor ba ni/ gzhung gi don ye nas ma rtogs pa'i rnam 'gyur du gsal te/ sngon po lta bu @045b gzhal byar byas pa'i tshe 'dzin rnam tshad mar thal ba dang/ tshad 'bras yul tha dad du thal ba dang/ 'bras bu 'bras rtog dang po ltar khas len pa 'gal bar thal ba'i rtsod pa khong na gnas pa gsum gyi dogs pa skye ba'i rgyu med par 'gyur te/ rang rig 'bras bu zhes pa'am/ rang gi bdag nyid du gyur pa'i yul rig pa 'bras bu zhes pa'i khyad par sbyor mi 'thad dgos pa'i phyir te/ mdo sde pas/ sngon po gzhal byar byas pa'i tshe/ rang rig 'bras bu'am/ shes par rang gi bdag nyid du 'gyur ba'i sngon po rig pa 'bras bur mi 'dod pa'i phyir ro/ /ma dpyad pa'i tshe mi 'dod kyang dpyad na de ltar 'dod do snyam na/ ma dpyad pa'i tshe sngor snang dbang shes kyis sngon po 'jal zhing dpyad pa'i tshe shes pa rang nyid 'jal bar 'dod pa ni/ tha snyad pa'i tshad ma la don dam pa'i tshad mas gnod par 'dod pa'i grub mtha' de nyid slar yang 'ongs pa yin no/ /gzhan yang/ mdo sde pas/ dpyad pa'i tshe phyi rol gyi don ma grub par 'dod par 'gyur te/ shes pa rang gi bdag nyid du gyur pa'i sngon po rig pa 'bras bur byas pa 'di de'i dpyad pa'i rnam gzhag yin pa'i phyir dang/ rnam nges su skabs 'dir phyi rol don gyi shes pa la rnam pa bkag pa yang mi 'thad par 'gyur ro/ /kha cig /rnam gzhag 'di grub mtha' smra ba bzhi po gang gi yang lugs ma yin par 'dod pa ni/ dbu ba'i rdog po la rkang pa stegs 'cha' ba dang chos mtshungs so/ /des na 'di ltar bsam par bya ste/ sngon po gzhal bya/ rang yul gyi rnam par shar ba'i sgo nas sngon po la gsar du mi slu ba'i shes pa tshad ma/ shes pa'i rang gi @036a @#/ /bdag nyid du gyur pa'i sngon po rtogs pa'i tshad ma 'bras bu'o/ /phyir rol don ni yod na yang/ zhes phyi don rang ldog nas gzhal byar byed pa ltar bshad pa'i don ni/ /gzung rnam gzhal byar byas pa'i tshe/ rang gi bdag nyid du gyur pa'i yul rig pa 'bras bu yin par mdo sde pa la yang grub zin la/ dpe de bzhin du mdo sde pa khyod rang phyi rol don du 'dod pa'i sngon po gzhal byar bzhag pa'i tshe na'ang/ rang gi bdag nyid du gyur pa'i yul rig pa 'bras bur 'dod dgos so/ /zhes ston pa yin gyi /gzhan du na/ rnam gzhag gsum pa 'di don sems gang la sbyar yang/ rigs pas gnod pa 'bab par 'gyur ba'i phyir ro/ /tshad 'bras kyi rnam gzhag 'di ltar byas pa la/ rang rig ldog nas 'bras bur bzhag 'dug snyam du bsams nas dogs pa gsum skye bar 'gyur te/ 'di ltar/ sngon sngo snang dbang shes rang nyid rig pa 'bras bu yin na/ de yong sus gcod byed 'dzin rnam yin pas/ 'dzin rnam tshad mar bzhag dgos snyam pa dang/ gzung rnam tshad ma yin na/ sta re'i byed pa seng ldeng la zhugs nas 'bras bu la shug pa dum bur song ba ltar/ tshad mas sngon po yongs su bcad nas/ de'i 'bras bu la sngor snang shes pa rig byung bas tshad 'bras gnyis yul so so la 'jug par 'gyur ro snyam pa dang/ sngon po gzhal byar byas pa'i tshe/ skabs 'dir sngo snang shes pa 'bras bur bzhag pa dang/ 'bras rtog dang por sngog po rig pa 'bras bur bzhag pa 'gal la snyam pa gsum mo/ /rang rig gi ldog pa skabs 'dir 'bras bur bzhag pa yin na/ 'dzin rnam tshad @036b mar 'dod dgos pa bden te/ rang rig ni 'dzin rnam nyid kyis bzhag dgos kyi/ gzung rnam gyis bzhag mi nus pa'i phyir te/ don sems gang gi lugs la yang kha phyi lta'i shes pa yin na/ rang rig tu 'gal ba'i phyir ro/ /de lta na yang/ 'dir ni shes pa rang gi bdag nyid du gyur pa'i sngon po rig 'bras bu yin la/ de ni sngon po'i rnam pa shar bas sgrub nus pa'i phyir ro/ /de bzhin du tshad 'bras yul tha dad pa'i skyon yang med de/ tshad mas kyang yul sngon po yongs su gcod la/ de yang rang gi bdag nyid du gyur pa'i sngon po rig pa yin pas/ yul sngon po rig pa nyid tshad ma'i 'bras bur gnas kyis/ sngor snang shes pa rig pa tshad ma de'i 'bras bu min no/ /sngar sngon po rig pa 'bras bur bzhag pa dang yang 'gal ba med de/ sngon 'dzin rang nyid kyis lag rjes la sngon po rig gi snyam pa'i nges pa 'dren pas de'i dbang du byas nas sngar sngon po rig pa'i tshad ma 'bras bur bzhag la/ rig bya de yang rang gi bdag nyid yin gyi don gzhan du med do/ /snyam du rang bzhin sems par byed pa'i chos kyi bdag med rtogs pa'i blo sngon du song ba la ltos nas/ skabs 'dir 'bras bur bshad zin pa ltar bzhag go /yang/ phyi ro don ni yod na yang/ zhes pas/ phyi rol don gyi rang ldog bstan par nges par sbyar dgos zer na yang 'di ltar sbyar te/ rnam rig pas mdo sde pa la/ khyed sngon 'dzin mngon sum gyis phyi rol don gyis bsdus pa'i sngon po gzhal bar 'dod pa'i tshe na/ de'i rgyu mtshan gang yin dris pas/ de las skyes shing de dang 'dra ba'i phyir/ ces zer ba la/ rnam rig pas/ khyed kyi don gzhan gyi sngon po rig pa'i rgyu mtshan de la @037a @#/ / gnod par 'gyur gyi /sgrub byed du mi 'gyur ro/ /sngon po'i rnam pa shar ba rang gi bdag nyid du gyur pa'i sngon po rig pa'i rgyu mtshan du 'gyur gyi don gzhan gyi sngon po rig pa'i rgyu mtshan du mi rung ba'i phyir te/ sgrub byed du bkod pa'i don dang 'dra ba zhes sam/ rnam pa zhes smos pa de shes pa dang rang gi bdag nyid yin pa'i phyir/ des na khyed kyis/ /don la skyes pa kho na rgyu mtshan du 'dod dgos te/ sngon po dang 'dra ba'am/ de las gzhan pa'i don dang 'dra yang rung/ 'dra ba rgyu mtshan gyi zur du bkod nas/ rig bya rdzas gzhan rig pa la gnod byed du 'gyur ba'i phyir ro/ /skyes pa rkyang pa sgrub byed du 'dod na ni/ mig gi dbang po'ang sngon 'dzin gyis gzung bar thal lo/ /des na mdo sde pas phyi rol don gyis bsdus pa'i sngon 'dzin gyis gzhal byar byed na/ de'i rgyu mtshan dris te/ mdo sde pa la khas blangs nang 'gal bstan nas 'gog pa yin gyi /skabs 'dir phyi rol don gzhal bya rang rgyud par rnam pa thams cad du mi rung ngo/ /'chad tshul de ltar byas nas sngar don rig 'bras bu bzhag pa ni/ rjes kyi rtog pas rang gi snang ba don med pa la/ don du zhen pa'i blo la ltos na don rig 'bras bu zhes bzhag dgos kyi/ dpyad na de 'jig ste/ don rig pa'i rgyu mtshan dris nas bkod pa de nyid don rig 'gog pa'i rgyu mtshan du song bas/ dpyad na rang gi bdag nyid rig pa 'bras bur sogs zhes pa'o/ /bzhi pa rnam gzhag de nyid nges par 'grub pa ni/ spyi dang gzhi mthun dang bsgrub bya sgrub byed dang/ chos dang chos can dang/ gcig @037b dang tha dang/ bya byed la sogs pa rang lugs kyi kun rdzob bden pa yin zhing/ de dag rdzas su ma grub par rtogs kyang de tsam gyis chos kyi bdag med rtogs par mi 'gyur te/ de ni don sems gnyis ka'i thun mong ba yin pa'i phyir ro/ /des na dbang shes la yul snang ba'i tshe las dang/ bya ba dang byed pa gsum rdzas tha dad pa lta bur snang la/ snang ba ltar gyi gzung 'dzin rig gsum rdzas tha dad pa chos kyi bdag yin la/ de med par rtogs pa ni chos kyi bdag med rtogs pa'o/ /gzung 'dzin rig gsum tha dad tsam rang lugs la tshad mas grub pas/ de chos can/ bden par med de/ bden pa'i gcig dang du ma dang bral ba'i phyir/ ces pa'i rtags dang/ sngon po chos can/ sngor snang shes pa las rdzas gzhan du med de/ de dang lhan cig dmigs nges yin pa'i phyir/ ces pa'i rtags la brten nas bsgrub bo/ /gdul bya gzhan rjes su 'dzin par byed pa gzhan don gyi skabs las/ dka' ba'i gnas kha cig la dogs pa dpyod pa ni/ yid ches dang/ grags pa'i rnam gzhag go /dang po la shin tu lkog gyur la dpyad pa'i tshul dang/ dpyod pa'i gzhi dang/ gsal ba ngos bzung ba dang/ gnod gegs ji ltar 'gyur ba'i tshul lo/ /dang po ni/ shin tu lkog gyur gyi don la 'jug ldog byas pas phan yon dang nyes dmigs chen po bshad pa yang thos la/ de la 'jug ldog ma byas na/ don chen po las kyang srid snyam zhing/ thabs gang la brten nas 'jug ldog bya snyam du sems par byed do/ /de ltar bsam pa na dngos stobs kyi gzhal bya ston pa'i lung rnams lung @038a @#/ /gnod byed du ma nges pa'i gong nas bstan bya tshad mas grub cing/ lung de yang bstan bya la mi slu bar sgrub pa yod la/ shin tu lkog gyur la de ltar bzhag pa med par mthong zhing/ 'on kyang/ shin tu lkog gyur ston pa'i lung rnams rang gi bstan bya ma nges pa'i sngon nas/ snga phyi 'gal ba dang/ dngos shugs 'gal ba med par nges pa yod par mthong nas/ rtog pa dang ldan pa dag ni lung dpyad pa gsum gyis dag ma dag la brten nas shin tu lkog gyur gyi don la 'jug ldog byed do/ /gnyis pa ni/ 'brel pa dang ni rjes mthun thabs/ zhes sogs bshad pa ltar/ khyad chos gsum gyis khyad par du byas pa'i lung ngo/ /gsum pa la/ dngos dang/ dngos stobs kyis gsal ba dang mi mtshungs pa'i rgyu mtshan no/ /dang po ni/ sbyin pa la sogs pa'i chos ni/ bde ba ster byed ma yin no/ /zhes bya ba bsal ba'i dper brjod dang/ tshad ma'i de gzhal bya 'jal byed du min no/ /zhes pa ni/ phyogs mtshon gyi dper brjod do/ /slob dpon chos mchog na re/ chos zhes dngos su khas blangs pa'i shugs la/ bde ba ster pa'i nus pa khas blangs pas sel byed sngar khas blangs nas/ de'i rjes su bde ba ster byed ma yin no/ /zhes gsal bya khas blangs/ zhes zer to/ /gnyis pa ni/ tshad ma gzhan gyis gsal ba'i dpe la gsal bya sel byed gnyis ka khas blangs pa mi dgos la/ 'dir dgos pa'i don ci yin zhe na/ gzhan ni khas blangs kyis gsal ba ma yin pas/ sgra mnyan bya ma yin pa mngon sum gsal bar 'gyur ba la sngar sgra mnyan byar khas blangs pa mi dgos shing @038b 'dir ni khas blangs kyis gsal ba yin pas gnod bya'i sngar gnod byed nges par khas blangs pa nges par dgos pas so/ /des na slob dpon phyogs kyi glang pos/ de nyid kyi phyir sngar khas blangs pa dang/ zhes bshad do/ /dam bca'i zur du byung ba'i sbyin sogs chos yin pa gcig gi sel byed du gyur pa yid chos rjes dpag gis grub pa'i don yin gyi /shes 'dod chos can du bsam par mi bya ste/ de lta bu gzhir bzung nas bde ba bskyed par sgrub pa'i rtags yang dag mi srid pa'i phyir ro/ /'o na/ sbyin sogs ni bde ba ster byed ma yin no/ /zhes pa yid chos gsal ba'i dper smos pas chog med/ chos zhes smos pa la dgos pa ci yod/ ce na/ sgra mi rtag par bsgrub pa ltar/ sbyin pa rtsod gzhir dag tu smos nas/ bde ba bskyed par sgrub pa'i yid chos kyi rtags yang dag mi srid pa'i phyir dang/ dam bca' ltar snang de la khas blangs snga phyi dngos 'gal dam bcas pa med pa'i phyir ro/ /sbyin sogs chos yin pa rtsod gzhir 'dzin na/ sgrub byed du gang bkod kyang/ phyogs chos sgrub byed du khas len dgos pa las ma 'das so/ /bzhi pa la/ gnod gegs thun mong ba'i lugs dang/ so so'i lugs so/ /dang po ni/ ji ltar bdag ni tshad min na/ /tshig ni 'jug par mi 'gyur ba/ /zhes sogs bshad pa ltar/ sgra mi rtag ces pa lta bu'i tshig bden zhen gyis smras pa'i tshe/ tshig 'di'i don kho bos ji lta ba bzhin du khong du chud nas smras pa yin no/ /snyam du smras tsam nas tshad mar khas len pa bzhin du/ shin tu lkog gyur gyi don la 'jug ldog byed pa'i thabs su/ bstan bcos khas len pa rnams kyis kyang/ de tshad mar khas @039a @#/ /len pa yin la/ tshad mar khas len pa'i rgyu mtshan yang/ sgrub byed yang dag gcig la ltos dgos par gnyis ka mthun no/ /'o na 'dir rang tshig tshad mar khas len pa rgol ba yang dag la yang sbyor dgos pas/ des sgra mi rtag ces pa'i tshig tshed mar khas blangs na/ tshad ma yin dgos la/ de ltar na phyogs tshig sgrub byed ma yin par bshad pa dang/ ji ltar mi 'gal snyam na/ skyon med de/ 'di ltar tshad mar bshad pa ni rang gi bstan bya la mi slu ba'i phyir/ don gyi sgrub byed du bshad pa min la/ mi slu ba'i don yang 'bral ba yin zhing de ni phyogs tshig la yang yod de/ rgol ba yang dag gis smras pa'i phyogs chos rjes dpag tshad ma las skye la de rang gi gzhal byar gyur pa'i phyogs tshig gi bstan bya la 'brel pa'i phyir ro/ /phyogs tshig rang gi bstan bya'i sgrub byed du mi rung ste/ gtan tshigs lta bur dngos su sgrub kyang mi nus la/ dngos kyi sgrub byed ston pa'i nus pa yang med pa'i phyir ro/ /gnyis pa la/ lung gnod byed du 'dod pa'i lugs dang/ gegs byed du 'dod pa'i lugs so/ /dang po la/ gang la gnod sgrub tu 'gyur ba dang/ gnod byed yin pa'i rgyu mtshan dang/ lung tshad ma yin na gegs byed du yang mi rigs par bstan pa'o/ /dang po ni/ sbyin pas longs spyod khrims kyi bde/ zhes pa lta bu'i lung rang gi brjod bya'i sgrub byed dang bzlog phyogs la gnod byed du 'dod pa yin gyi /lung de nyid khyad par gyi gzhir gzung nas/ rang gi bstan bya la mi slu ba dang/ tshogs pa la dpyad gsum gyis dag pa'i @039b lung tsam sgrub byed dang/ ldog phyogs la gnod byed du 'dod pa lta bu ni min no/ /gnyis pa ni/ gzhal bya'i gnas gnyis la dpyad pa rdzogs nas gnas gsum par dpyod pa 'phos pa na chos ni tshe 'phos nas bde ba ster pa dang/ sdug bsngal ster pa la 'jug ldog nges par bya dgos pa de la 'jug ldog bya ba'i gzhi nges pa sngon du 'gro dgos la/ de nges pa'i thabs kyang lung tshad ma min pa gzhan med pas 'jug ldog bya ba'i gzhi tshad mas ma nges na/ de'i steng du khyad par gyi chos la dpyod pa mi rung la/ 'jug gzhi sbyin sogs chos yin pa lta bu nges na/ de sgrub byed kyi tshad ma lung la brten pa ma gtogs/ gzhan med pas/ lung rang gi brjod bya'i sgrub byed dang/ ldog phyogs la gnod byed du grub bo/ /gsum pa ni/ lung gnod byed ma yin na/ gzhi sbyin sogs chos yin pa tshad mas mi 'grub la/ de lta rna phan tshun gegs byed kyang mi rigs te/ gegs bya ba'i gzhi med pa'i phyir ro/ /zhes zer to/ /gnyis pa la/ lung tshad mar 'gyur tshul brtags nas dgag pa dang/ phan tshun gegs byed du 'gyur ba'i tshul dang/ rang lugs kyi lung gnod sgrub tu 'jug pa'i khyad par nges par bya ba'o/ /dang po ni/ sbyin pas langs spyod khrims kyis bde/ zhes pa'i lung de ngo bo nyid kyis rang gi brjod bya ba'i tshan ma ni ma yin pas/ sgrub byed tshad mar 'gyur pa'i tshul gang yin dris pas tshad mar khas blangs pa tsam gyis yin no/ /zhe na/ de lta na rang tshig dang 'gal ba dang khas blangs dang 'gal ba gnyis gnod byed yin min mtshungs @040a @#/ /par 'gyur te/ gnod byed du 'dod pa'i sbyin sogs chos yin pa yang khas blangs tsam gyis bzhag pa'i phyir ro/ /gzhi gang gi steng du dngos shugs kyi dam bca' 'gal ba ni/ rang tshig 'gal ba yin la/ gzhi shin tu lkog gyur gyi steng du snga phyi 'gal ba ni/ bstan bcos dang 'gal ba yin no/ /gnyis pa ni/ sbyin pa'i steng du bde ba 'byin pa dang mi 'byin par dam bcas pa gnyis phan tshun gegs byed dang stobs mtshungs par ston pa ma yin te/ stobs rnam pa thams cad du mi mtshungs pa'i phyir ro/ /ya gyal gang yang tshad mas ma grub bzhin du dam bca' ba'i gang zag gi blo la ltos nas stobs mtshungs su bzhag pa yang ma yin te/ don gyi steng nas kyang stobs mtshungs nges par khas blangs dgos pa'i phyir ro/ / des na sngar gyi lung de rang gi brjod bya sgrub byed du dam bca' bzhi 'gal chos las bde ba mi ster par ston pa'i lung yang rang gi brjod bya'i sgrub byed yin par mgo legs par mtshungs pas lung gnyis po phan tshun stobs mtshungs dang gegs byed du ston pa ma yin te/ lung gnyis po de rang gi brjod bya'i sgrub byed yin par dam bca' ba'i dam bca' gnyis stobs mtshungs su ston pa yin te/ dper na/ sgra mi rtag ces pa'i tshig dang sgra rtag ces pa'i tshig gnyis dang de'i brjod bya gnyis kyang stobs mi mtshungs mod kyi tshig snga ma rang gi brjod bya'i sgrub byed du khas len na phyi ma/ rang gi brjod bya'i sgrub byed du khas len dgos par rigs pa mtshungs pa'o/ /phan tshun gegs byed du yang 'gyur te/ tshig phyi ma rang gi brjod bya'i sgrub byed yin pa ma bkag par @040b snga ma mi 'grub cing/ de ma grub na dam bca'i don nges pa la yang gegs byed pa'i phyir ro/ /gsum pa la/ gnod byed kyi lung ngos bzung ba dang/ dngos stobs dang/ yid ches dang/ grags pa'i gtan tshigs gsum gang gi sgo nas dbye ba'o/ /dang po ni/ dpyad pa gsum gyi dag pa'i lung de/ sbyin pas longs spyod khrims kyis bde/ zhes pa lta bu'i lung rang gi bstan bya la mi slu ba'i sgrub byed dang/ ldog phyogs la gnod byed du 'gyur pa yin te/ bsgrub bya de bsgrub pa la tshul gsum legs par tshang bas so; ;yid chos kyi gtan tshigs yang dag mi srid par 'dod pa dag gis/ lung rang gi brjod bya'i sgrub byed ma yi par mthong bas 'khrul gzhi byes nas/ lung yin na don sgrub tu mi 'jug pas khyab par 'dzin pa ni mi rigs te/ byas pa yin na/ sgra rtag pa la gnod byed du 'jug pas ma khyab kyang/ byas pa de la gnod byed du 'jug pa ma 'gal ba bzhin no/ /de lta bu'i yid chos kyi rtags ni rang don gyi dbang du byas pa yin gyi /gdul bya gzhan rjes su 'dzin pa'i dbang du byas na/ de la khas blangs 'bras rtags te/ zhes bshad pa ltar/ lung dang rang tshig rang gi brjod bya'i don med na mi 'byung ba'i 'bras bur gdul bya'i blo ngo la ltos nas khas blangs pa'i gtan tshigs yin gyi /rang lugs la 'bras rtags su khas blang bar 'os pa ma yin te/ de lta na bsgrub bya'i chos med dgag tu gyur pa'i 'bras rtags kyang khas blangs dgos par 'gyur bas so/ /gsung rab kyi don dpyad pa shas cher ma rdzogs pa'i gang zag gi dbang du byas nas/ rgol ba rtog ldan gyis dpyad pa gsum gyis dag pa'i lung yin @041a @#/ /na; ;rang gi brjod bya'i sgrub byed yin pas khyab par re zhig gzhan ngor khas len pa slob dpon phyogs glang gi dgongs pa yin pa la/ lung gnod byed pa'i phyogs dag gis rnam pa kun tu rang lugs la khas len pa slob dpon gyi dgongs par bsam mo/ /des na rang khas len pa'i lung dpyad pa gsum gyis dag par tshad ma'i stobs kyis nges mi nus pa'i sngar ni rang yid ches pa'i skyes bu de'i gsung yin pas snyam pa tsam la brten nas 'jug pa ma gtegs thabs gzhan med cing/ 'chad pa pos kyang de'i lnga rol tu shin tu lkog gyur tshad ma'i stobs kyis nges par bye dpa'i thabs med pa'i phyir ro/ /de la khas blangs 'bras rtags te/ zhes sogs kyi skabs nas bstan pa las ma gtogs pa'i yid ches kyi gtan tshigs skabs gang du yang ma gsungs so/ /zhe na/ de ni mi rigs te/ 'brel pa dang ni rjes mthun thabs/ /zhes sogs kyi gzhung gis khas blang spar bya ba'i lung ngos bzung ba dang/ de rang gi bstan bya la mi slu bar dpog pa'i tshul rgyas par gsungs pa rnams kyi don shes par bya dgos so/ /der ni bcom ldan 'das kyi gsung bden bzhi'i gnas lugs la mi slu ba dper byas nas/ shin tu lkog gyur gyi don la mi slu ba dpog pa'i gtan tshigs yang dag gsal por gsung zhing/ de ni yid ches pa'i gtan tshigs las ma 'das so/ /gnyis pa ni/ gtan tshigs gsum po bsgrub bya'i ngos nas dbye ba yin gyi /tshul gsum nges byed kyi tshad ma'i sgo nas ni ma yin te/ kun kyang mthar dngos stobs kyi tshad mas @041b nges pa la thub dgos pa'i phyir ro/ /nges na shin tu lkog gyur gyi don sgrub pa'i gtan tshig la yid ches kyi gtan tshigs dang/ 'dod pa tsam gyis bzhag pa'i don sgrub pa'i gtan tshigs la grags pa dang/ dngos po'i stobs kyis zhugs pa'i gtan tshigs la dngos stobs kyi gtan tshigs zhes bya'o/ /dpyad pa gsum gyis dag pa'i lung nges par byed pas shin tu lkog gyur gyi skabs su snga phyi dang dngos shugs 'gal ba med par dngos stobs kyi tshad mas nges nus kyang/ ya gyal shin tu lkog gyur gyi don dngos stobs kyis nges mi nus so/ /gnyis pa grags pa'i gtan tshigs kyi rnam gzhag ni/ de la spyir rtog pas btags pa la tshad mas grub ma grub gnyis las/ dang po la 'dod pa tsam gyi rjes su byed mi nus pa ni/ dngos po'i stobs la gnas pa ste/ byas mi rtag tha dad lta bu'o/ /'dod pa tsam gyi rjes su byed pa ni/ grags pas grub pa'i don te/ de la rtags dgod pa dang/ tshul bsgrub pa'o/ /dang po ni/ rtog pa'i yul na yod na/ zla ba'i sgras brjod du rung ste/ dper na ga bur bzhin/ ri bong can yang rtog pa'i yul na yod pa yin no/ /zhes bya ba'o/ /gnyis pa ni/ phyogs chos ni rang rig mngon sum gyi shugs la grub ste/ ri bong can 'dzin pa'i rtog pa dngos su myong ba na ri bong can rtog pa'i pa'i yul na yod pa shugs la 'grub pa'i phyir ro/ /khyab pa bsgrub pa ni/ gang 'dod pa tsam gyi rjes su byed pa de ni/ don thams cad la 'jug tu rung bas khyab ste/ dper na rnam rtog rang dga' ba bzhin/ zla ba zhes pa'i sgra yang 'dod pa tsam gyi rjes su byas pa yin no/ /zhes bya ba ste/ de'i phyogs khyab ni rang rig mngon sum gyis shugs @042a @#/ /la grub bo/ /sel byed kyi dbye ba 'chad pa'i skabs su/ /yid ches dang grags pa'i rjes dpag rjes dpag las phyi rol tu gyur pa ma yin yang/ rjes dpag tsam las tha dad du byas pa ni yul gyi khyad par bstan pa'i phyir yin te/ rjes dpag gi gzhal bya gzhir byas la/ lung la nges par ltos pa yid chos rjes dpag gi yul gyi khyad par dang/ 'dod pa tsam gyi rjes su byed pa grags pa'i rjes dpag gi yul gyi khyad par te/ de shes pa'i phyir tu/ mngon sum don dang rjes dpag dang/ yid ches grags pas rang rten la'o/ /zhes gsungs pa'o/ /'di la brjod par bya ba mang du yod na yang de tsam las ma spros so/ /sngar bshad pa'i rigs pa'i sgo phyogs tsam bstan pa 'di ni/ rnam dpyod kyi blo'i mthu chung ba gang dag /shes bya ji lta ba dang ji snyed pa'i gnas rnam par 'byed pa'i tshul la rmongs shing/ lung tsam skyabs su gyur na/ slob dpon bdag nyid chen po yab sras kyi/ dri ma med pa'i rigs pa'i tshul lugs ches cher nyams par bye dpa rnams kyi ngan rtogs gsal bar bya ba'i phyir tu/ /bdag gi bla ma mi'i sing-ge shes bya'i gnas lugs mtha' dag dri ma med pa'i rigs pa'i sgro nas gzigs pa'i spyan dang ldan zhing/ khyad par du yang phyi dang nang gi rten 'brel gyi chos rnams snang dus nyid nas/ chu nang gi zla ba'i gzugs brnyan lta bur thugs su chud pa'i skyes bu chen po blo bzang grags pa'i zhal snga nas kyi gsung gi cha rags pa blo la nges pa rnam/ rigs pa smra ba dar ma rin chen gyis brjed byang du bris pa'o/ /'di la brten nas kyang bstan pa rin po che phyogs dus kun du dar zhing rgyas la yul ring du gnas par gyur cig / bkra shes// //