@01a @#/ /bstan bcos chen po dbu ma la 'jug pa'i rnam bshad
dgongs pa rab gsal bzhugs so/ /

@01a @#/ /dbu ma la 'jug pa'i rgya cher bshad pa dgongs pa rab
gsal zhes bya ba/ rje btsun bla ma 'jam pa'i dbyangs dang/
'phags pa yab sras rnams kyi zhabs la gus pa chen pos phyag
'tshal zhing

skyabs su mchi'o/ /zab cing rgya che'i legs bshad kun gyi gter/
/'jig rten kun gyi ma 'dris mdza' bshes te/ /sa gsum 'gro la lam
bzang mtshon pa'i mig /thub dbang smra ba'i nyi mas rtag tu
skyongs/ /rab

'byams rgyal ba'i 'khor du zab mo'i gnas/ /yang dag phul gyi
gtam gyi seng ge'i sgra/ /kun nas sgrog la mtshungs pa ma mchis
pa'i/ /'jam dbyangs bla mas rtag tu byin gyis rlobs/ /dus gsum
bde bar gshegs

pa'i thugs kyi bcud/ /mtha' bral dbu ma rten cing 'brel 'byung
lam/ /ji bzhin 'grel par lung bstan klu sgrub la/ /snying nas
'dud do brtse ba'i lcags kyus zungs/ /mgon de'i gdams pas go
'phang mthor gshegs

nas/ /nyid kyis gzigs gang 'gro la gsal mdzad pa'i/ /legs lam
ston pa'i gtam la dbang 'byor pa/ /dpal ldan 'phags pa lha yi
zhabs la 'dud/ /rje btsun 'jam pa'i dbyangs kyi bka' grub cing/
/'phags

pa'i dgongs pa mthar thug gsal bar mdzad/ /grub pa'i rig 'dzin
gnas su gshegs gyur pa/ /sangs rgyas bskyangs kyi zhabs la mgos
phyag 'tshal/ /phra la rtogs dka' drang srong chen po'i lam/ /klu
sgrub lugs

@02a @#/ /kyi thun mong min pa'i gnad/ /yongs su rdzogs par ston
mdzad zla ba'i zhabs/ /zhi ba lha dang bcas pa'i zhabs la 'dud/
/klu sgrub 'phags pa lha yi grub pa'i mtha'/ /shing rta chen po
gsum

gyis bkral ba nyid/ /thun mong ma yin gnad don kun rdzogs par/
/dri med blo gros mig gis legs mthong zhing/ /phyogs 'dir lugs
de 'chad 'dod phal mo ches/ /bshad pa'i dri mas sbags pa bsal
phyir dang/ /gzhan

kyis bskul phyir yongs dag bshad pa yis/ /dbu ma 'jug pa'i rgya
cher bshad pa bya/ /'dir zab pa dang rgya che pa'i don gnyis/
phyin ci ma log par gtan la 'bebs pa'i bstan bcos chen po dbu ma
la 'jug pa rang gi 'grel

pa dang mthun par 'chad pa la bzhi/ mtshan gyi don/ 'gyur gyi
phyag /gzhung gi don/ mjug gi don no/ /dang po ni/ rgya gar na
skad rigs bzhi yod pa'i legs par sbyar ba'i skad du na/ bstan
bcos 'di'i mtshan ma d+hyA ma ka

a ba tA ra nA ma'o/ /de bod kyi skad du bsgyur na/ dbu ma la
'jug pa zhes bya ba'o/ /'dir gang la 'jug pa'i dbu ma ni/ dbu
ma'i bstan bcos la 'jug par bya ba'i phyir/ zhes gsungs pas dbu
ma'i bstan bcos yin la/

de yang 'di'i 'grel par rtsa she khungs su mdzad pa na dbu ma
las/ zhes mang du gsungs pa ltar rtsa she la bya'i/ dbu ma'i
gzhung gzhan dang/ dbu ma'i don gzhan la mi bya'o/ /ma d+hyA ma
ka'i skad kyi byings las brtsams

@02b nas/ dbu ma'i bstan bcos sam dbu ma'i grub mtha' la dbu mar
byas par shes rab sgron mar yang bshad pas/ dbu ma zhes pa tsam
las ma byung yang/ 'dir dbu ma'i bstan bcos la go bar bya'o/ /'o
na rtsa ba shes rab la bstan bcos

'dis 'jug tshul de ji 'dra zhig ce na/ 'di la kha cig bstan bcos
der kun rdzob dang don dam pa'i rang bzhin rgyas par ma brjod
la/ 'dir de gnyis rgyas par bstan pas de la 'jug go /zhes zer
ro/ /de kho na nyid gtan la 'bebs pa'i rigs

pa'i rnam grangs ni/ 'jug pa las rtsa ba shes rab shin tu rgyas
pas/ bshad pa de legs par ma mthong ngo/ /rang gi lugs ni rtsa
ba shes rab la 'jug pa'i tshul gnyis yod de/ zab pa dang rgya che
ba'i sgo nas so/ /de'i dang po ni rang 'grel las/

lugs 'di ni thun mong ma yin pa'o/ /zhes mkhas pa rnams kyis
nges par bya'o/ /zhes pa dang/ de nyid ma rtogs pas chos zab mo
'di spangs pas/ de'i phyir bstan bcos kyis de kho na nyid phyin
ci ma log par bstan par bya ba'i phyir/ dbu ma'i

bstan bcos la 'jug pa sbyar ba yin no/ /zhes rang gis dbu
ma'i don gtan la phab pa de/ dbu ma pa gzhan dang thun mong ma
yin par bstan pa dang/ bstan bcos kyi don rnam par rig pa tsam
dang mthun par bshad du mi rung ba la nges pa

bstan par bya ba'i phyir du dbu ma la 'jug pa brtsams par gsungs
te/ tshig gsal las brten nas btags pa'i tshul dbu ma la 'jug pa
las shes par bya bar gsungs shing/ rnam rig pa'i lugs dgag pa
rtsa she dang/ tshig gsal

@03a @#/ /du mi rgyas pa 'dir rgyas pa'i phyir ro/ /de'i phyir
gzhung 'di la brten nas dgos pa de gnyis kyi sgo nas rtsa she'i
don legs par nges pa ni/ gzhung 'dis dbu ma la 'jug pa'i tshul
gcig go /rgya che ba'i sgo nas dbu ma la

'jug tshul ni/ 'phags pa'i lugs 'dir theg pa gnyis la gnas pa la/
shin tu zab pa'i de kho na nyid rtogs pa'i shes rab yod med kyis
mi 'byed cing/ rtsa she las zab mo'i phyogs ma gtogs pa rgya
che ba'i theg chen gyi khyad chos

ma bstan kyang/ gzhung 'di ni theg pa che chung gnyis kyi nang
nas/ theg chen pa'i dbang du mdzad pa yin te/ rigs pa'i rnam
grangs mtha' yas pas chos kyi bdag med rgyas par bstan pa ni/
theg chen pa'i gdul bya kho na'i dbang du mdzad pa'i

phyir dang/ rtsa sher yang de bzhin du bstan pa'i phyir ro/ /'di
yang rang 'grel las/ chos kyi bdag med pa gsal bar bya ba'i
phyir theg pa chen po bstan pa yang rigs pa nyid de/ rgyas par
bstan pa brjod par 'dod pa'i phyir ro/ /nyan thos kyi

theg pa las ni chos kyi bdag med pa mdor mtshon pa tsam zhig tu
zad do/ /zhes shin tu gsal bar gsungs te 'og tu 'chad do/ /de
ltar na gzhung der bstan pa'i lam la theg pa chen po'i rgya che
ba'i lam gzhan 'phags pa'i man ngag

gis kha bkang na shin tu legs pas/ de skong ba la so skye'i sa'i
chos gsum dang/ 'phags pa slob pa'i sa bcu dang/ 'bras bu'i sa
dang/ sa lnga pa dang drug pa'i go rim gyis bsam gtan gyi ngo ba
zhi gnas la brten nas/ bdag

@03b med pa gnyis kyi de kho na nyid la so sor rtog pa'i shes
rab kyis dpyod pa'i lhag mthong sgom pa rnams gsungs so/ /de'i
phyir rtsa she'i don yid la byed pa'i tshe/ 'jug pa las gsungs pa
'di rnams dran nas zab pa dang rgya che ba gnyis ka tshogs pa'i
lam gyi

rim pa yid la byed pa ma byung na/ gang zag de la dbu ma la 'jug
pa brtsams pa'i dgos pa gnyis stor ba yin no/ /de'i phyir gzhung
'di la brten nas rtsa she'i lam la rgya che ba'i sgo nas 'jug pa
ni/ dbu ma la 'jug pa'i tshul gnyis pa'o/ /

gnyis pa ni/ tshig gi don go bar sla la/ 'jam dpal la phyag 'tshal
ba ni/ gzhung 'di don di pa'i chos mngon pa rnam par bzhag pa
yin pas/ shes rab kyi bslab pa gtso bor gyur pa'i phyir/ sngon
gyi bkas bcad pa dang mthun par mdzad

pa'o/ /gsum pa la bzhi/ bstan bcos rtsom pa la 'jug pa'i thabs
mchod par brjod pa/ brtsams pa'i bstan bcos kyi lus dngos/ bstan
bcos ji ltar brtsams pa'i tshul/ bstan bcos brtsams pa'i dge ba
bsngo ba'o/ /dang po

la gnyis/ snying rje chen po la so sor ma phye bar bstod pa
dang/ snying rje chen po la so sor phye ste phyag 'tshal ba'o/
/dang po ni/ dgos pa dbu ma'i bstan bcos la 'jug par bya ba'i
phyir du/ gang zag dbu ma la 'jug pa rtsom par bzhed pa

zla ba'i zhabs kyis/ gzhung gzhan las mchod brjod kyi yul du
mdzad pa'i nyan rang gnyis/ mchod brjod kyi yul du ma bkod par
ma zad/ sangs rgyas dang byang sems rnams las kyang thog mar
sangs rgyas kyi rgyu phun sum tshogs pa

@04a @#/ /dang po/ sems can 'khor ba'i brtson rar bsdams pa
skyabs med pa ma lus pa yongs su skyob pa'i mtshan nyid can/
rgyu'i gtso bo la 'bras bu'i ming gis btags pa'i bcom ldan 'das
ma/ snying rje chen po la

bstod bar 'os par bstan pa'i phyir/ nyan thos zhes sogs tshigs su
bcad pa gnyis smos so/ /'di la gnyis/ snying rje byang sems kyi
gtso bo'i rgyur bstan pa dang/ byang sems kyi rgyu gzhan gnyis
kyi yang rtsa bar bstan pa'o/ /dang po la

gsum/ nyan rang gnyis thub dbang las skyes tshul dang/ sangs
rgyas rnams byang sems las 'khrungs tshul dang/ byang chub sems
dpa'i rgyu'i gtso bo gsum bstan pa'o/ /dang po ni/ yang dag pa'i
gdams ngag gzhan las nyan nas/

bsgoms pa'i 'bras bu nyan thos kyi byang chub thob pa na/ don de
gzhan la thos par byed pas na nyan thos te/ thos par byed tshul
ni 'di ltar bya ba byas so/ /'di las srid pa gzhan mi shes so/
/zhes bya ba la sogs pa gsung rab

las mang du 'byung ba ltar ro/ /sgra bshad 'di gzugs med khams
kyi nyan thos sogs 'ga' zhig la med kyang/ skyon med de sgra
dngos ming du 'jug pa la sgra bshad pa'i rgyu mtshan yod pas ma
khyab pa ni/ dper na/ skam las

skyes pa'i pad ma la mtsho skyes kyi sgra dngos ming du 'jug pa
bzhin no/ /yang na nyan thos kyi skad dod sra ba ka ni thos
sgrogs la yang 'jug pa ltar na/ 'bras bu'i mchog gam sangs rgyas
su bgrod pa'i lam/ sangs rgyas rnams

@04b las thos nas theg pa chen po'i rigs can lam de don du gnyer
ba rnams la sgrog par byed pas na nyan thos te/ dam chos pad
dkar las/ mgon po de ring bdag cag nyan thos gyur/ /byang chub
dam pa yang dag bsgrag par bgyi/ /

byang chub pa yi sgra yang rab tu brjod/ /de bas bdag cag nyan
thos mi bzad 'dra/ /zhes gsungs te rgyu mtshan 'di gnyis byang
chub sems dpa' la ni nyan thos dang 'dra ba'i rgyu mtshan yin la/
nyan thos rnams la ni thos sgrogs kyi don

dngos so/ /kha cig rkang pa gsum pa la dam pa'i sgra med pas
byang chub snga ma ni theg chen gyi dang/ phyi ma ni nyan thos
kyi byang chub bo zhes zer mod kyang/ dang po ni theg chen gyi
byang chub dang/ gnyis pa ni byang chub der bgrod pa'i lam la
byed pa

'grel pa'i dgongs pa'o/ /byang sems rnams kyang sangs rgyas kyi
lam sangs rgyas las thos nas/ gdul bya la sgrog pas nyan thos su
'gyur ro snyam na/ nyes pa med do lam de sgrog pa byed pa nyid
yin gyi/ rjes su mthun pa tsam yang rang

gis mi sgrub pa la bsams pa yin pas so/ /sangs rgyas 'bring zhes
pa'i sangs rgyas ni/ 'grel par sangs rgyas kyi de nyid gang zag
gsum char la 'jug ste/ zhes gsungs pa'i don ni/ kha cig ta tA
bud d+hA zhes pa'i sgra gang zag gsum

ga la 'jug par 'chad pa ltar legs te/ ta twa ni de kho na nyid
do/ /bud d+ha khong du chud pa la'o/ /zhes 'byung ba ltar de nyid
rtogs pa bud d+ha'i sgra'i don du byas pa'i tshe/ don de gang zag
gsum ga la yod pas/ de nyid rtogs pa'i sgras rang

@05a @#/ /sangs rgyas kyang bsnyad ces zer rgyu yin pa la/ sangs
rgyas su bsgyur ro/ /spyir bud d+ha'i sgra sangs rgyas la bsgyur
du yod kyang/ skabs 'dir mi 'tsham mo/ /bud d+ha'i sgra ni pad
'dab rgyas pa dang/ gnyid sad pa la yang

'jug par bshad pas sangs rgyas kho na la bsgyur mi dgos so/
/'bring gi don ni/ rang rgyal rnams ni bskal pa brgyar bsod nams
dang ye shes bsten pa gong du 'phel ba'i khyad par gyis/ nyan
thos las khyad par du 'phags shing/

bsod nams dang ye shes kyi tshogs gnyis dang/ sems can thams cad
la dus thams cad du 'jug pa'i thugs rje chen po dang/ rnam pa
thams cad mkhyen pa sogs med pas rdzogs pa'i sangs rgyas las
dman pas 'bring po'o/ /kha

cig nyan thos las ye shes lhag pa'i don/ gzung don rtog pa spong
phyir dang/ zhes gsungs pa ltar yin zhes smra ba ni mi rigs te/
lugs 'dir chos thams cad rang bzhin med par rtogs pa nyan rang
gnyis ka la yod par

gsungs pa'i phyir dang/ de skad smra ba des kyang grub mtha' de
'dod par 'dug pa'i phyir ro/ /des na 'grel par ye shes gong du
'phel ba lhag par gsungs la/ gong du 'phel ba ni/ lam gyi bgrod
pa gong nas gong du je bzang du 'gro ba'o/ /de

yang bskal pa brgyar bsod nams dang ye shes la goms pa lhur len
pa yin gyi/ nyan thos lngar lam la goms pa srid mi nus pa min
pa'o/ /bsod nams dang ye shes spyi la tshegs kyi sgra tsam 'jug
pa yod kyang/ tshogs kyi sgra 'jug

@05b pa'i gtso bo ni/ 'grol pa don gsal las/ yang dag par 'grub
pa'i ngo bos byang chub chen po 'dzin par byed pa'i phyir na/
snying rje chen po la sogs pa ni tshogs yin pas/ zhes bla na med
pa'i byang chub phyin ci ma log par sgrub pa'i thabs kyis/

'bras bur 'dzin pa la gsungs pa ltar gyi don tshang ba'i bsod
nams dang ye shes so/ /don de ma tshang ba gnyis ni tshogs phal
pa'o/ /'di yang tshogs kyi skad dod saM b+ha ra la nges tshig gis
bshad pa'i don no/ /bsod nams dang ye shes kyi bgrod

pa nyan thos las ches lhag pa'i phyir/ 'dod pa khams su yang
srid pa tha ma pa'i tshe/ slob dpon gzhan gyis bstan pa la mi
ltos par dgra bcom pa'i ye shes skyed nus shing/ de yang rang
gcig pu'i phyir sangs rgyas pa ste dgra bcom thob pa dang

thob par byed pas na/ rang sangs rgyas zhes bya la rang byung
zhes kyang gsungs so/ /thub pa'i sgra ni nyan rang dgra bcom la
yang 'jug mod kyang/ thub pa'i dbang po min pas sangs rgyas nyid
la thub pa'i dbang po zhes bya ste/ nyan rang dang byang sems
rnams

las kyang gong na med pa'i chos kyi dbang phyug dam pa brnyes pa
dang/ gang zag gsum pa de sangs rgyas kyi bkas chos kyi srid la
mnga' sgyur ba'i phyir ro/ /thub dbang de rnams las nyan rang
rnams skyes pa ni de dag gis bskrun pa'o/ /thub dbang gis

nyan rang bskrun tshul ji ltar yin zhe na/ sangs rgyas 'jig rten
du byon pa na rten 'brel zab mo phyin ci ma log par ston pa la
'jug la/ tshul de nyan rang gi rigs can rnams kyis nyan pa dang/
thos pa'i don sems pa dang/ bsams pa'i don sgom

@06a @#/ /par 'gyur la/ de 'dra ba'i rim pa las kyang rang 'bras
bu gang la mos pa ji lta ba bzhin du nyan rang gnyis kyi 'dod pa
rdzogs par 'gyur ba'i phyir/ de gnyis thub dbang gis bskrun
pa'o/ /gal te nyan thos kyi rigs can

mang pos sangs rgyas las chos thos pa'i tshe de nyid la byang
chub mngon du byed kyang/ rang rgyal gyi rigs can rnams kyis tshe
de nyid la rang gi byang chub mngon du mi byed pas/ de dag gis
thub pas gsungs pa'i don la thos bsam sgom gsum

byas pas rang gi 'dod pa rdzogs pa mi 'thad do snyam na/ skyon
med de/ gal te rang rgyal gyi rigs can kha cig /ston pas/ rten
'brel gsungs pa nyan pa kho na las/ don dam pa rtogs pa la mkhas
pa byung yang/ chos thos pa'i mthong chos kyi skye ba

de kho na la/ rang rgyal gyi myang 'das mi 'thob mod kyang/
sangs rgyas kyi rten 'brel bstan pa'i rang rgyal gyi sgrub pa
pos/ myong nges kyi las bsags pas las sog pa'i tshe de nyid la
'bras bu ma myong yang/ skye ba gzhan du nges par myong ba ltar/
tshe

'dir myang 'das ma thob kyang/ tshe rabs gzhan du nges pa kho nar
myang 'das 'thob pa'i phyir dang/ sngar sangs rgyas kyis chos
bstan pa la nyan bsam bsgom gsum byas pas/ 'dod pa rdzogs par
bshad pa ni tshe de kho na la bsams nas bshad

pa min pa'i phyir ro/ /de ltar yang bzhi brgya pa las/ de nyid
shes pas gal te 'dir/ /mya ngan 'das pa ma thob kyang/ /skye ba
gzhan du 'bad med par/ /nges par thob 'gyur las bzhin no/ /zhes
dang/ dbu ma las kyang/ rdzogs sangs rgyas rnams

@06b ma byung zhing/ /nyan thos rnams kyang zad pa na/ /rang
sangs rgyas kyi ye shes ni/ /rten pa med par rab tu 'byung/
/zhes gsungs so/ /'grel par gal te yang kha cig ces sogs kyi don
la/ kha cig rten 'brel bstan yang nyan thos la sogs pa'i go

'phang ma thob pa snang bas/ rten 'brel bstan pas nyan thos la
sogs pa rnams yongs su rdzogs par mi 'gyur ro/ /zhes pa'i lan
bstan par 'dod pa dang/ gzhan dag rten 'brel skye med kyi don
nyams su blangs ma thag tu 'bras bu de 'byung

rigs pa las/ de med pas na/ phyis kyang 'bras bu de mi skyed do
zhes pa'i lan ston par 'chad pa ni/ skabs kyi don ma rtogs pa'i
bshad pa ste/ thub dbang gis rang rgyal bskrun tshul la dogs pa
che bas de la dmigs kyis bkar nas/ dogs

pa gcad dgos pa ma bcad par 'dug pa'i phyir ro/ /gnyis pa ni/
nyan rang gnyis thub dbang las skyes pa yin na/ thub pa'i
dbang po de rnams gang las bltams she na/ rdzogs pa'i sangs
rgyas rnams ni byang chub sems dpa' las 'khrungs pa yin

no/ /gal te byang sems rnams kyang sangs rgyas kyis nye bar
bstan pa las skyes pas/ rgyal ba'i sras zhes brjod pa ma yin
nam/ rgyal ba'i sras yin pa de'i phyir/ sangs rgyas rnams byang
chub sems dpa' las 'khrungs pa ji ltar rigs te/

dper na bu'i pha ni bu de las skyes pa mi rigs pa bzhin no zhe
na/ byang sems rnams rgyal ba 'ga' zhig gi sras yin pa ni bden
mod kyi/ 'on kyang rgyu mtshan gnyis kyis byang sems rnams sangs
rgyas rnams kyi rgyur 'gyur ro/ /de la gnas

@07a @#/ /skabs kyi khyad par las byang sems rnams sangs rgyas
rnams kyi rgyur 'gyur tshul ni/ de bzhin gshegs pa'i gnas skabs
ni byang chub sems dpa'i gnas skabs kyi 'bras bu yin pa'i phyir
ro/ /'dis ni sangs rgyas

kyi gnas skabs thob pa gang yin thams cad/ sngon slob lam du
byang sems kyi gnas skabs su gyur pa kho nas thob pa yin no/
/zhes sangs rgyas dang rgyud gcig pa'i brgyud pa'i nyer len gyi
rgyu'i sgo nas byang chub sems dpa' sangs rgyas

kyi rgyur bstan no/ /yang dag par 'dzin du 'jug pa las byang
sems sangs rgyas kyi rgyur 'gyur tshul ni/ rje btsun 'jam dpal
byang chub sems dpar gyur pa nyid kyis/ bdag cag gi ston pa
dang/ de las gzhan pa'i sangs rgyas rnams ches

thog ma kho nar byang chub kyi sems 'dzin du bcug par mdo sde
las 'don pa yin no/ /'dis ni byang sems gzhan gyis thob bya'i
sangs rgyas dang/ rgyud tha dad pa'i byang sems kyis sangs rgyas
de'i lhan cig byed rkyen byas pa'i sgo nas/ sangs

rgyas byang sems las 'khrungs par sgrub pa yin no/ /'dir phyogs
snga ma smra bas/ byang sems rnams rgyal ba'i sras yin pas/
byang sems rgyal ba las 'khrungs pa rigs kyi/ de las bzlog nas
smra ba mi rigs zhes brtsad pa la/ byang

sems rgyal ba'i sras yin pa bden mod kyi/ zhes rang yang de ltar
bzhed par bstan pa na/ de khas len kyang byang sems las sangs
rgyas 'khrungs pa mi 'gal ba'i rgyu mtshan bstan dgos pa ma bstan
par/ byang sems las sangs rgyas

@07b 'khrungs par sgrub pa ma rigs te/ de ltar bsgrubs pa la
yang da dung dogs pa snga ma skye bas/ dogs pa de mi chod pa'i
phyir ro snyam na/ skyon 'di med de byang sems las sangs rgyas
'khrungs par rtsa bar bstan pa'i don ni/ rgyu mtshan dang po'i
skabs

su slob lam gyi byang sems kyis/ lam nyams su blangs pa las
'bras bu sangs rgyas thob pa la bshad pa na/ byang sems des thob
pa'i sangs rgyas kyi sras byang sems de min par shes pas/ de la
bden mod kyi zhes zer ba ga la yin/ yang

bdag cag gi ston pa'i gsung las gsar du byang sems su skyes pa
de/ sangs rgyas de'i sras yin kyang byang sems de las/ sangs
rgyas de 'khrungs pa min pas rtsod pa de ni tshul de gnyis rnam
par ma phyed pa'i rtsod par/ 'grel pas lan btab

pa la brten nas/ shes rab yod na ci'i phyir mi rtogs/ de ltar
na'ang 'di la yang snying po med pa'i bshad pa mang du byung
snang ngo/ /byang sems rnams sangs rgyas kyi rgyu'i gtso bo yin
pa de nyid kyi phyir/ sangs rgyas rnams kyis byang sems la
bsngags

pa mdzad pa yin no zhes sbyar ro/ /bsngags pa mdzad pa'i dgos pa
bzhi las/ dang po ni/ sangs rgyas kyi rgyu phun tshogs ni ches
brling ba ste shin tu gces pa yin pa'i phyir ro/ /gnyis pa ni/
rgyu byang sems la mchod par brjod pa las kyang/ 'bras

bu sangs rgyas la mchod pa shugs kyis 'phangs par dgongs pa'i
phyir ro/ /gsum pa ni/ sman gyi ljon shing 'dod pa'i 'bras bu
dpag tu med pa ster ba'i shing gi myu gu dang sdong bu la sogs
pa mthong zhing/ shing gi lo ma gzhon pa 'jam po'i

@08a @#/ /gnas skabs su/ lhag par yang gces spras su byas te
skyong ba bzhin du/ sangs rgyas kyi ljon shing skye dgu thams
cad kyi gsos su gyur pa'i myu gu byang sems las dang po pa la
yang gces spras su byas te/ 'bad

pa chen pos bskyang bar bya bar bstan pa'i phyir ro/ /bzhi pa
ni/ byang sems la bsngags pa gsung ba'i dus der 'khor du nye bar
gyur cing/ theg pa gsum la bkod pa rnams theg chen nyid la nges
par sbyar bar bya ba'i phyir ro/ /dkon mchog

brtsegs pa'i mdo las kyang/ 'od srungs 'di lta ste/ dper na zla
ba tshes pa la phyag 'tshal ba ltar nya ba la ma yin no/ /'od
srungs de bzhin du gang dag nga la rab tu dad pa de dag gis/
byang chub sems dpa' rnams la phyag bya'i/ de bzhin

gshegs pa rnams la ni de ltar ma yin no/ /de ci'i phyir zhe na/
byang chub sems dpa' las ni de bzhin gshegs pa rnams 'byung ngo/
/de bzhin gshegs pa rnams las ni nyan thos dang rang sangs rgyas
thams cad 'byung ngo/ /zhes gsungs

pa lta bu'o/ /'dis ni sangs rgyas byang chub sems dpa' las
'khrungs par lung gis bsgrubs la/ rgyu mtshan snga ma gnyis kyis
ni rigs pas bsgrubs so/ /de ltar na gzhan las mchod brjod kyi
yul du grags pa'i nyan rang gnyis dang/

sangs rgyas dang byang sems la 'dir dngos su mchod brjod ma
mdzad pa ni/ de rnams kyi rtsa ba'i rgyu la mchod brjod byed pa
yin la/ de bzhi rim pa bzhin rgyu 'bras su/ nyan thos zhes pa'i
rkang pa gnyis kyis bstan pa ni/ de rnams kyi mthar gtugs

@08b pa'i rtsa ba'i rgyu ngos gzung ba'i phyir du yin no/ /de
lta na sangs rgyas kyis nye bar bstan pa las/ byang sems skye ba
yin kyang/ thub dbang skyes zhes pa'i skabs su/ de la nyan rang
ltar bshad mi dgos te/ de gnyis thub dbang las skyes par ston pa
ni/ de gnyis

kyi rtsa ba yang mthar gtugs na/ snying rje la thug par bstan
pa'i phyir yin la/ byang sems kyi rtsa ba snying rje la thug pa
ni logs su ston pa'i phyir ro/ /gsum pa ni/ gal te nyan rang
gnyis thub dbang las dang/ thub dbang rnams byang sems las
'khrungs

na/ byang sems de dag gi rgyu gang yin zhe na/ 'chad par 'gyur
ba'i snying rje'i sems dang/ dngos po dang dngos po med pa la
sogs pa'i mtha' gnyis su med pa ste gnyis dang bral ba'i don
rtogs pa'i blo shes rab dang byang chub kyi sems gsum ni/ rgyal

sras byang sems rnams kyi gtso bo'i rgyu yin no/ /byang chub kyi
sems ni 'dir 'grel par mdo drangs pa las bstan pa bzhin yin zhes
gsungs la/ mdo las ni/ rang gis chos kyi de kho na nyid rtogs
nas/ chos nyid 'di sems can rnams kyis

khong du chud par bya'o snyam nas/ sems gang skyes pa de ni
byang chub kyi sems zhes bya'o/ /zhes gsungs so/ /'di ni sems
bskyed kyi ched du bya ba'i phyogs gcig tsam la dmigs pa yin pas
mtshan nyid ma rdzogs la/ yang 'grel par bdag

gis 'jig rten 'di mtha' dag sdug bsngal nas bton te/ sangs rgyas
nyid la nges bar sbyar bar bya'o snyam du nges par sems skyed
par byed do/ /zhes gsungs pa la yang thob bya byang chub la
dmigs pa med pas mtshan nyid phyogs gcig pa'o/ /

@09a @#/ /des na 'grel par snying rje la brten nas byang chub kyi
sems skye bar ston pa'i skabs su/ dam pa'i chos kyi bdud rtsi'i
ro phul du byung ba 'byung ba'i rgyu/ phyin ci log gi rtog pa
mtha' dag log pa'i mtshan nyid/ 'gro

ba yongs kyi gnyen nyid kyi rang bzhin du gyur pa/ sangs rgyas
nyid yang dag par thob par 'dod pa yin no/ /zhes thob bya'i
byang chub la dmigs pa gsal bar bshad pas/ ched du bya ba sems
can thams cad kyi don du thob bya bla na med

pa'i byang chub thob par 'dod pa sems bskyed kyi mtshan nyid
rdzogs par 'dod par bya ste/ 'grel bshad las kyang de ltar
'byung ba legs shing/ mngon rtogs rgyan las gsungs pa dang lugs
'di la mi 'dra ba med de/ /de ltar chos gsum

po byang sems kyi rgyur 'jug pa ni/ rin chen 'phreng ba las/
bdag nyid dang ni 'jig rten 'dis/ /bla med byang chub thob 'dod
na/ /de yi rtsa ba byang chub sems/ /ri dbang rgyal po ltar
brtan dang/ /phyogs mtha' gtugs pa'i snying rje dang/ /gnyis

la mi brten ye shes lags/ /zhes gsungs pa'i lugs so/ /lung des
byang chub kyi rtsa bar brtan gyi byang sems kyi rtsa bar dngos
su ma bstan kyang/ rtsa ba ni dang po'i don dang/ de'i dus kyi
gtso bo'i rgyu gsum ston pa'i skabs yin pas/ byang sems

kyi gtso bo'i rgyu yin par skabs las shes so/ /chos gsum byang
sems kyi rgyur sten pa 'di nyan rang sangs rgyas las dang/ sangs
rgyas byang sems las 'khrungs na/ byang sems gang las 'khrungs
zhes dpyod pa'i skabs yin pas/ byang

@09b sems kyi rnam 'jog gi rgyur mi rung bas skyed byed kyi
rgyu'o/ /de ltar 'di gsum gang gi rgyur bzhag ba'i byang sems
de'i ma mtha'/ lam zhugs kyi byang sems thog ma pa la byed dam
mi byed/ byed na theg chen gyi sems bskyed de'i rgyur 'jog pa mi

'thad de/ de thob ma thag byang sems su gzhag dgos pa'i phyir
ro/ /mtha' gnyis la mi brten pa'i ye shes byang sems kyi rgyur
'jog pa yang mi 'thad de/ byang sems rnams ni thog mar kun rdzob
byang chub kyi sems bskyed nas/ de'i 'og tu byang sems

kyi spyod pa phyin drug la slob pa yin pas/ de lta bu'i sher
phyin la slob pa'i skabs nyid nas/ mtha' gnyis la mi brten pa'i
ye shes la slob pa yin pa'i phyir ro/ /mi byed na ni zla ba
tshes pa lta bu'i byang sems su bshad pa dang/ sman gyi ljon
shing gi myu gu

lta bu'i byang sems su bshad pa dang 'gal bar 'gyur ro zhe na/
ji skad bshad pa'i skyon du 'gyur ba'i phyir phyogs gnyis pa ni
khas mi len pas dang po khas len no/ /'on kyang sngar bkod pa'i
skyon ni med de/ byang sems kyi sngon du 'gro ba'i sems bskyed

pa ni/ sems bskyed sgom pa'i skabs la dgongs kyi/ bsgoms pa la
brten nas skyes pa'i sems bskyed dngos min pa'i phyir ro/ /de
yang dper na bur shing gi shun pa'i ro myong ba dang/ shun pa'i
nang gi ro myong ba dang 'dra bar sems can thams cad kyi don du

sangs rgyas thob par bya'o snyam pa tsam ni/ tshig rjes 'brangs
pa'i go ba tsam yin pas bur shing gi shun pa'i ro dang 'dra ste/
de la sems bskyed pa zer yang sems bskyed dngos min no/ /byang
chub kyi sems sbyong ba'i man ngag bzhin du sbyangs pa la

@10a @#/ /brten nas/ yid legs par 'khul thub pa'i myong ba khyad
par can skyes pa ni/ shun pa'i nang gi bur shing dngos kyi ro
dang 'dra bas/ sems bskyed mtshan nyid pa yin te/ don 'di la
dgongs nas lhag bsam bskul ba las

kyang/ ji ltar shun pa de bzhin smra ba ste/ /ro lta bu ni 'di
la don sems yin/ /zhes gsungs so/ /byang sems kyi rigs can dbang
po rnon pos sngon du de kho na nyid kyi lta ba btsal nas/ de nas
sems bskyed pa yin pas skyon gnyis pa yang med pa ni

'chad par 'gyur ro/ /gnyis su med pa'i blo ni gzung 'dzin gnyis
su snang ba med pa min gyi/ 'grel par mtha' gnyis dang bral ba'i
shes rab la bshad la/ de yang byang sems kyi sngon du 'ong ba mi
'gal lo/ /don dam pa'i sems bskyed la 'chad pa ni

shin tu ma 'brel te/ gnyis su med blo zhes pas thog mar zhugs
pa'i byang sems kyi rgyu'i shes rab kyang ston dgos pas so/
/gnyis pa ni/ byang chub kyi sems dang gnyis su med pa'i ye shes
gnyis kyi rtsa ba yang snying rje yin pas na/ de gsum gyi nang

nas snying rje gtso bo nyid du bstan par bzhed nas/ gang phyir
zhes sogs gsungs so/ /gang gi phyir snying brtse ba ni rgyal
ba'i lo tog phun tshogs 'di'i thog mar skyed pa la gal che ba sa
bon dang ni 'dra la/ bar du gong nas gong du spel ba la chu
dang 'dra

zhing/ tha mar gdul byas yun ring du longs spyod pa'i gnas la/
'bras bus smin pa lta bur 'dod par gyur pa de'i phyir/ zla ba'i
zhabs bdag gis nyan rang dang sangs rgyas dang/ byang sems dang
de'i rgyu gzhan gnyis las kyang thog mar ram/

@10b bstan bcos rtsom ba'i thog mar snying rje chen po la bstod
par bgyi'o/ /de yang da gzod bstod pa min gyi de ma thag tu
rgyal ba'i lo tog bskrun pa la/ thog mtha' bar gsum du gal che
bar bstan pa de nyid de/ /nyid kyi sgras ni dpe'i skabs su
phyi'i lo tog

la thog mtha' bar gsum du gal che ba gsum/ so so bar song ba lta
bu min par/ don gyi skabs su rgyal ba'i lo tog la snying rje kho
na thog mtha' bar gsum du gal che bar bstan no/ /thog mar gal
che ba la sa bon lta bu yin tshul ni/ 'di ltar snying

rje chen po can ni sems can gyi sdug bsngal gyis sdug bsngal
bas/ sdug bsngal can gyi sems can thams cad bskyab pa'i phyir
du/ bdag gis sems can 'di thams cad 'khor ba'i sdug bsngal nas
bton te/ sangs rgyas la nges par sbyar bar

bya'o snyam du ched du bya ba la dmigs pa'i sems bskyed la/ de
yang rang gis sangs rgyas thob pa la rag las par mthong nas/
bdag gis 'di rnams kyi don du bla med byang chub ci nas kyang
thob par bya'o snyam du/ byang chub la dmigs pa'i sems nges

par bskyed do/ /de 'dra pa'i dam bca' ba de yang gnyis su med
pa'i ye shes kyis mtshon pa'i sbyin sogs kyi spyod pa dor na mi
'grub par mthong nas/ ye shes gtso bor gyur pa'i spyod pa la
yang nges pa kho nar 'jug pas na/ sangs rgyas kyi chos kun gyi
sa

bon ni snying rje chen po yin no/ /don 'di la dgongs nas rin
chen 'phreng ba las/ theg pa chen po gang zhig las/ /snying rje
sngon btang spyod kun dang/ /ye shes dri ma med bshad pa/ /sems
yod su zhig de la smod/ ces snying rje sngon du btang 

@11a @#/ /kyis drangs pa'i spyod pa spyi dang/ khyad par du mtha'
gnyis kyi dmigs gtad kyi dri ma med pa'i ye shes kyi spyod pa
gsum gyis theg chen gyi don kun bsdus par gsungs so/ /bar du gal
che ba la chu dang 'dra tshul ni/ snying rje'i sa bon

gyis byang chub kyi sems kyi myu gu thog mar bskyed du zin
kyang/ dus phyis snying rje'i chus yang dang yang du ma bcus na/
'bras bu sangs rgyas kyi rgyur gyur pa'i tshogs gnyis yangs pa ma
bsags pa 'di/ nges par nyan rang gang rung gi mya ngan las 'das

pa mngon du byed la/ snying rje'i chus yang yang bcus na de ltar
mi 'gyur ro/ /tha mar gal che ba la smin pa dang 'dra tshul ni/
/rgyal ba'i go 'phang thob tu zin kyang snying rje'i smin pa
dang bral na/ 'khor ba ji srid kyi bar du sems can rnams kyis
nye bar

longs spyod pa'i rgyur mi 'gyur zhing/ nyan rang dang byang sems
'phags pa'i tshogs gcig nas gcig tu brgyud pa bar ma chad pa
'phel bar yang mi 'gyur la/ 'bras bu'i sar snying rje chen po
rgyun ldan du 'jug na de las bzlog ste 'byung ba'o/ /de

ltar na gang phyir zhes pa bzhi'i don bkral bas ni/ theg chen pa
byed par 'dod na thog mar yid snying rje chen po'i gzhan dbang
du gyur pa zhig dang/ de nas de la brten nas byang chub kyi sems
mtshan nyid tshang ba cig snying thag pa nas bskyed pa dang/

sems bskyed pas ni gdon mi za bar byang sems kyi spyod pa spyi
dang/ khyad par du zab mo'i lta ba phu thag gcod dgos par 'dug
snyam nas de dag la slob pa cig dgos par bstan pa la nges pa
brtan po rnyed dgos so/ /gnyis pa la gnyis/ sems

@11b can la dmigs pa'i snying rje la phyag 'tshal ba dang/ chos
dang dmigs pa med pa la dmigs pa'i snying rje la phyag 'tshal
ba'o/ /dang po ni/ ngar 'dzin gyi 'jig ltas nga yir 'dzin pa'i
'jig lta skyed pas/ sems can 'di rnams ni dang por te bdag

gi bar mngon par zhan pa'i 'jig lta'i snga rol tu/ ngar 'dzin
pa'i 'jig ltas rang bzhin gyi yod pa min pa'i bdag rang bzhin
gyis yod do snyam nas/ nga zhes pa'i don 'di nyid du ste la bden
par mngon par zhen par byed do/ /de'i 'og tu nga yir

'dzin pa'i 'jig ltas/ ngar 'dzin gyi dmigs yul las gzhan pa ste
de min pa'i gzugs dang mig la sogs pa'i dngos po la/ 'di ni bdag
gi'o zhes bdag gi ba la bden par chags pa bskyed pas/ zo chun
gyi 'phrul 'khor 'phyan pa ste 'khor

ba ltar/ rang dbang med par 'khor ba yi 'gro ba la snying rjer
gyur pa gang yin pa de la 'dud do zhes pa ni/ sems can la dmigs
pa'i snying rje la phyag 'tshal ba'i don no/ /'gro pa rnams zo
chun gyi rgyud mo dang 'dra lugs ji ltar yin snyam na/ de la
sems

can dang zo chun gyi rgyud gnyis ni 'dra ba po dang 'dra yul te
khyad par gyi gzhi'o/ /'dra tshul ni dpe la thag pas bsdams pa la
sogs pa'i khyad par gyi chos drug yod pa bzhin du/ don la'ang de
yod par phyogs gcig tu bstan na/ khyad par dang pa ni

bcud kyi 'jig rten 'di ni las dang nyon mongs pa'i thag pas ches
dam du bsdams pa'o/ /'di ni zhes pa ni 'og ma lnga la yang sbyar
ro/ /gnyis pa ni/ zo chun gyi 'phrul 'khor bskor mkhan dang 'dra
bar/ rnam par shes pas bskyed pa la rag las

@12a @#/ /par 'jug pa'o/ /gsum pa ni/ 'khor ba'i khron pa chen po
srid rtse nas/ mnar med pa la thug pa zab par bar skabs med par
'phyin pa'o/ /bzhi pa ni/ thur du ngan 'gror 'bad rtsol la mi
ltos par rang gi ngang gis 'gro

zhing gyen du bde 'gror ni 'bad pa chen pos drang bar bya ba'o/
/lnga pa ni/ ma rig pa dang sred len gyi nyon mongs pa dang/ 'du
byed dang srid pa'i las dang/ lhag ma bdun gyi skye ba'i kun nas
nyon mongs pa gsum yod kyang/ de gsum gyi snga phyi'i rim pa
mtha'

gcig tu nges par mi nus pa'o/ /drug pa ni/ nyi ma re re zhing
sdug bsngal gyi sdug bsngal dang/ 'gyur ba'i sdug bsngal dang/
khyab pa 'du byed kyi sdug bsngal gyis gcog pa'i phyir/ 'gro ba
'di ni zo chun gyi rgyud mo'i gnas skabs las ma 'das pa zhig go
/

'dir khyad par gyi chos drug gi sgo nas chos mthun sbyar ba ni/
sems can 'khor bar 'khyams tshul gyi go ba tsam zhig skyed pa'i
phyir min no/ /'o na ji ltar yin snyam na/ sngar theg chen la
'jug 'dod pas thog mar snying rje chen po skyed dgos par bstan

kyang/ ci 'dra ba zhig bsgoms pas snying rje skyed tshul sngar ma
bstan bas/ 'dir sems can rnams rang dbang med bar 'khor bar
'khyams tshul bstan pa ltar bsgoms pas/ snying rje chen po skyed
tshul ston pa yin no/ /de yang byed pa bo gang gis 'khor

du bcug na/ shin tu ma zhi zhing ma dul ba'i sems 'di nyid kyis
so/ /gnas gang du tshul ji ltar 'khor na/ srid rtse nas mnar med
kyi bar gyi gnas 'dir/ mi 'khor ba'i skabs cung zad kyang med
par ro/ /rgyu rkyen gang gis 'khor na las dang nyon

@12b mongs pa'i dbang gis so/ /de yang bsod nams ma yin pa'i las
dang/ de'i nyon mongs kyi dbang gis ngan 'gro dang/ bsod nams
dang mi g.yo ba'i las dang/ de'i nyon mongs kyi dbang gis bde
'gror 'khor la/ de'i dang po ni der skye ba'i don du 'bad ni
dgos

par ngang gis 'jug pa dang/ phyi ma ni de'i rgyu rnams 'bad pa
chen pos sgrub dgos pas dka' ba ste/ lung gzhi las/ bde 'gro
dang ngan 'gro nas 'phos te/ ngan 'gror 'gro ba ni sa chen po'i
rdul dang/ de gnyis nas 'phos te bde 'gror 'gro ba ni/ phyag sen
gyi

rtsa mos bzhes pa'i rdul dang 'dra bar gsungs pa ltar ro/ /rten
'brel tshar gcig gi nyon mongs gsum gang rung zhig gi dus su yang
tshar gzhan gyi kun nas nyon mongs gzhan gnyis 'jug pas rgyun mi
'chad pa dang/ nyin re zhing sdug bsngal gsum chu'i

gnyer ma lta bus lan gcig ma yin par mnar ba rnams sems pa'o/
/'di yang sngon du rang nyid 'khor bar 'khyams tshul bsams pa na/
yid la 'gyur ba ci yang mi thon pa cig gis/ sems can gzhan gyi
steng du bsams pa na/ de rnams kyi sdug

bsngal mi bzod pa las dang po pa la 'ong med pas/ bzhi brgya
pa'i 'grel par gsungs pa ltar sngon du rang steng du bsam mo/
/de nas sems can gzhan la bsgom par bya'o/ /'o na sems can gzhan
la 'khor bar sdug kun gyis mnar tshul bsgoms

pa nyid kyis snying rje chen po 'dren nam/ grogs gzhan cig dgos
snyam na/ 'di na dgra la sdug bsngal mthong ba na mi bzod pa med
kyi steng du dga' ba dang/ phan gnod gang yang ma byas pa sdug
bsngal bar mthong ba na/ phal cher yal bar 'dor ba ni

@13a @#/ /rang gi yid du 'ong ba med pas lan la/ gnyen gyi sdug
bsngal mthong na mi bzod pa dang/ de yang yid du 'ong tshabs ji
ltar che ba tsam gyis de'i sdug bsngal mi bzod pa shugs drag par
snang bas/ sems can shin tu gces shing yid

la phangs pa'i yid 'ong skyed pa zhig dgos pa ni gnad chen po'o/
/yid 'ong thabs gang gis skyed pa la mkhas pa'i dbang po dag gi
lugs gnyis snang ba'i dang po ni/ zla ba'i zhabs kyis bzhi brgya
pa'i 'grel par sems can rnams thog ma med

pa nas/ pha ma sogs kyi gnyen yin pa bsams na/ de rnams bsgral
ba'i phyir du 'khor bar mchong par bzod pa yin par gsungs pa
ltar/ bdag nyid chen po tsandra go mi dang/ mkhas pa'i dbang po
ka ma la shI las kyang gsungs so/ /phyogs

gnyis pa ni dpal ldan zhi ba lha'i lugs te/ de ni gzhan du bshad
zin pa las shes par bya'o/ /de ltar sems can yid la shin tu gces
pa dang/ 'khor ba na mnar ba'i tshul gnyis kyi sgo nas/ snying
rje chen po sbyong ba la 'bad pa de dag gis

ni/ zla bas mchod brjod thun mong ma yin pa mdzad pa don yod par
byas la/ de ltar ma yin na de'i mkhas par rlom pa ni/ ne tso'i
'don pa dang 'dra ste/ skabs gzhan du yang de bzhin du shes par
bya'o/ /sems can la dmigs pa'i snying rjer 'gro

tshul ni 'chad par 'gyur ro/ /gnyis pa ni/ chos la dmigs pa dang
dmigs pa med pa la dmigs pa'i snying rje yang/ dmigs pa'i sgo
nas gsal bar bya ba'i phyir 'gro ba zhes pa gnyis smos so/ /'gro
ba rlung gis g.yo ba'i chu yi nang gi zla ba

@13b ltar g.yo ba ste skad cig gis 'jig par mthong nas/ de la
snying rjer gyur pa gang yin pa de la 'dud do/ /zhes pa dang
sbyar ba ni chos la dmigs pa'i snying rje la phyag 'tshal ba'o/
/de bzhin du 'gro ba chu'i nang gi zla gzugs ltar/ rang bzhin
nyid kyis

grub par snang yang des stong par mthong nas/ de la snying rjer
gyur pa la 'dud do zhes pa dang sbyar ba ni/ /dmigs pa med pa'i
snying rje la phyag 'tshal ba'o/ /'grel par 'gro ba zhes pa bzhag
nas snying rjer gyur gang de la 'dud ces gsungs pa

ni/ dmigs pa 'og ma gnyis la 'gro ba zhes pa yod pa la dgongs
so/ /'di ltar chu shin tu dwangs pa rlung shin tu drag po min
pas/ chu'i cha shas brlabs pas khyab pa'i nang du zla ba'i gzugs
brnyan/ gzugs brnyan las sngar dmigs

pa'i rten gyi yul chu dang lhan cig tu/ nyin re re 'jig pa zla
ba rang gi dngos po mngon sum du dmigs pa lta bur shar ba na/
dam pa ste skye bo tshul de la mkhas pa dag gis skad cig re re la
mi rtag pa dang/ gang du snang ba'i zla ba'i rang bzhin gyis
stong

par mthong ngo/ /dpe de bzhin du byang sems snying rje'i dbang
du gyur pa rnams kyis kyang/ sems can 'jig lta'i mtshor de rgyas
pa'i phyir du 'bab pa'i ma rig pa'i chu sngon po rgya che ba
dang ldan pa/ tshul min yid byed kyi rnam rtog gi rlung gis
bskyod pa'i

nang na gnas pa/ nam kha'i zla ba lta bu'i rang gi las dkar nag
gi gzugs brnyan lta bur mdun na gnas pa rnams/ skad cig re re la
'jig pa'i 'du byed kyi sdug bsngal thog tu 'bab pa dang/ rang
bzhin gyis grub pas stong par mthong ba na/ de

@14a @#/ /rnams la dmigs nas snying rje chen po skye bar 'gyur
te/ de yang sems can yid du 'ong ba dang/ 'khor bar 'khyams pa'i
tshul bsams pa las skye ste sngar bshad pa bzhin no/ /'jig lta ma
rig pa yin kyang de las

ma rig pa logs su bshad pa ni/ 'jig lta 'dren byed chos kyi bdag
'dzin gyi ma rig pa la dgongs so/ /'dir 'grel par snying rje
gsum rnam pas mi 'byed par dmigs yul gyi 'byed par gsungs pas/
gsum ga'i rnam pa ni sems

can sdug bsngal dang 'bral bar 'dod pa'i rnam pa can yin pas/
sems can la dmigs pa yin pa yang 'dra ste/ snying rje dang po'i
skabs su 'gro la snying rjer gyur zhes gsungs la/ phyi ma gnyis
kyi skabs su yang 'gro ba g.yo bzhes gsungs pas/

sems can dmigs par bstan pa'i phyir ro/ /des na chos la dmigs
pa'i snying rjes ni/ sems can tsam zhig la dmigs pa min gyi/
skad cig gis 'jig pa'i sems can la dmigs pa yin pas/ skad cig gi
mi rtag pas khyad par du byas

pa'i sems can dmigs pa'o/ /sems can skad cig gis 'jig par nges
pa na/ rtag gcig rang dbang can gyi sems can yod pa blo ngo der
khegs pas/ phung po las ngo bo tha dad pa'i sems can med pa des
par nus so/ /de'i tshe sems can

ni phung po'i tshogs tsam la btags par khong du chud pas/ phung
sogs kyi chos tsam la btags pa'i sems can dmigs par 'gro bas
chos la dmigs pa zhes gsungs so/ /mi rtag pa'i sems can zhes pa
ni mtshon pa tsam ste/ rang rkya

@14b thub pa'i rdzas su med pa'i sems can dmigs par byed pa lta
bu la yang/ chos la dmigs pa zhes bya'o/ /des na chos tsam la
btags pa'i sems can la dmigs pa la chos la dmigs pa zhes pa ni/
bar gyi tshig mi mngon par byed pa'o/ /dmigs

pa med pa la dmigs pa'i snying rjes kyang sems can tsam la dmigs
pa min gyi/ dmigs pa khyad par ba rang bzhin gyis grub pas stong
pa'i sems can la dmigs so/ /dmigs pa med pa ni mtshan 'dzin gyis
bzung ba ltar gyi zhen yul med pa

bden med do/ /bden med kyis khyad par du byas pa'i sems can la
dmigs pa la/ dmigs pa med pa la dmigs pa zhes sam/ dmigs pa med
pa'i snying rje zhes bar gyi tshig mi mngon par byas pa'o/ /bod
kyi TIka byed mang pos snying rje gnyis pa nyid kyis

skad cig gis 'jig par dmigs pa dang/ snying rje gsum pa nyid
kyis rang bzhin med par dmigs zer ba ni/ 'di dag gi dmigs rnam
legs par ma rtogs pa'i bshad pa ste/ snying rje gnyis ni sems
can sdug bsngal dang 'bral 'dod kyi rnam pa can

du khas len dgos la/ skad cig ma dang rang bzhin med pa gnyis
rnam pa'i yul du 'dod na/ snying rje gcig la 'dzin stangs kyi
rnam pa mi mthun pa gnyis su 'gyur ba'i phyir ro/ /des na khyad
par gnyis kyis khyad par du byas pa'i sems can snying rje'i
dmigs

par 'jog pa la/ snying rje gnyis rgyud ldan gyi gang zag gis
sems can skad cig ma dang/ rang bzhin med par sngon du nges zin
pa la brten nas khyad chos gnyis kyi rnam pa shar ba cig dgos
kyi/ snying rjes de gnyis su dmigs pa mi dgos so/ /rtsa

@15a @#/ /'grel gnyis kar snying rje phyi ma gnyis la sngar bshad
pa'i khyad par gyis khyad par du byas pa'i sems can dmigs par
bshad la/ snying rje dang po la de 'dra ba'i khyad par gyis
khyad par du byas pa min par/ sems can ci

zhig dmigs par gsungs pas/ de la dgongs nas sems can la dmigs
pa'i snying rje zhes pa yang tha snyad bde ba'i phyir nyer
bsdu'i ming ngo/ /des na snying rje dang po 'dis rtag gcig rang
dbang can gyi sems can la dmigs dgos par 'dod pa

ni/ mi rigs par smra ba ste/ bdag med pa'i lta ba ma rnyed pa'i
rgyud kyi snying rje la yang sems can tsam la dmigs nas skye ba
du ma yod pa'i phyir dang/ gang zag gi bdag med thun mong ba
dang/ de kho na nyid kyi lta ba rnyed pa'i rgyud la yang/ sngar
bshad

pa'i khyad par gnyis gang gis kyang khyad par du ma byas pa'i
sems can la dmigs pa'i snying rje du ma yod pa'i phyir ro/ /dper
na bum pa rtag par 'dzin pa'i zhen yul sun phyungs nas/ mi rtag
par khong du chud pas kyang/ bum pa dmigs par

'jog res kyis mi rtag pas khyad par du byas pa'i bum pa dmigs
par mi 'jog pa du ma zhig 'ong la/ bum pa mi rtag par khong du
chud pas kyang/ bum pa dmigs par 'jog res kyis rtag pas khyad
par du byas pa'i bum pa dmigs par mi

'jog pa bzhin no/ /'di'i snying rje gsum ni dmigs pa gsum po
gang la dmigs kyang/ sems can thams cad sdug bsngal mtha' dag
las bskyab par 'dod pa'i rnam pa can yin pas/ nyan rang gi
snying rje dang khyad par shin tu che'o/ /de 'dra ba'i

@15b snying rje rnams bskyed pa na/ sems can gyi don du bdag gis
sangs rgyas kyi go 'phang ci nas kyang thob par bya'o snyam pa'i
byang chub kyi sems bskyed par 'gyur ro/ /mchod brjod yul du
gyur pa'i snying rje ni/ thog ma'i snying rje gtso bo yin kyang/
byang chub sems

dpa'i snying rje gzhan rnams kyang yin pas na/ skabs 'di rnams
su 'grel pas snying rje skyed pa po byang chub sems dpar gsungs
pa rnams kyang mi 'gal lo/ /'o na lam du thog mar zhugs pa'i
byang sems kyi rgyur gyur pa'i snying rje de la snying rje gsum

ga yod dam med ce na/ 'di la gnyis las theg chen gyi rigs can
chos kyi rjes 'brang ni/ yang dag pa'i de kho na nyid shes pa
tshol ba sngon du btang ste/ don dam pa legs par gtan la phab
pa'i 'og tu sems can la snying rje chen po bskyed pa la brten

nas/ sems can bskyed cing thub pa'i brtul zhugs byang sems kyi
spyod pa la slob bo/ /theg chen gyi rigs can dad pa'i rjes
'brang ni/ sngon du de kho na nyid rtogs par mi nus pas sems
bskyed pa'i 'og tu yang dag pa'i don shes pa tshol ba la sogs

pa'i spyod pa la slob ste/ dbu ma'i rgyan las/ yang dag shes
tshol sngon btang ste/ /don dam rnam par nges gyur nas/ /lta ngan
thibs gnas 'jig rten la/ /snying rje kun tu bskyed nas su/ /'gro
don byed par dpa' gyur pa/ /byang chub blo rgyas mkhas pa

ni/ /blo dang snying rjes brgyan pa yi/ /thub pa'i brtul zhugs
yang dag spyod/ /yang dag dad pas rjes 'brang ba/ /rdzogs pa'i
byang chub sems bskyed nas/ /thub pa'i brtul zhugs blangs byas
te/ /de ni yang dag shes tshol brtson/ /zhes gsungs pa ltar yin

@16a @#/ /bas snying rje gsum ga sngon du skyed pa yod do/ /sngon
du de kho na nyid kyi lta ba rnyed kyang spyod pa la slob pa'i
dus su yang/ de kho na nyid kyi don gtan la phab nas/ de la slob
pa la 'gal ba med pa tsam du ma zad tshul de nges par bya dgos pa

yin no/ /de ltar mchod par brjod nas brtsam par dam bca' ba
dngos su ma mdzad kyang skyon med de/ dbu ma rtsa ba dang rigs
pa drug cu pa bzhin no/ /de bzhin du brtsam par dam bca' mdzad
nas/ mchod brjod dngos su ma mdzad pa bshes pa'i 'phrin yig

lta bu yang yod do/ /'on kyang dbu ma la 'jug pa rtsom par 'dod
nas mchod brjod mdzad pa yin pas/ shugs la ni brtsam par dam
bca' ba yod do/ /gzhan 'jug pa'i yan lag dgos 'brel la brjod bya
ni/ zab pa dang rgya che ba gnyis yin la/ thun

mong ma yin pa'i dgos pa ni bshad zin to/ /nyid dgos la gnas
skabs pa ni bstan bcos kyi don shes pa nyams su len pa nas bzung
ste lam bzhi bgrod pa'o/ /mthar thug pa ni 'bras bu'i sa'o/
/nyid dgos dgos pa la rag las pa dang/ dgos

pa bstan bcos la rag las pa ni 'brel ba'o/ /gnyis pa la gnyis/
rgyu'i sa dang/ 'bras bu'i sa'o/ /dang po la gsum/ lugs 'di'i
lam nyams su len tshul spyir bstan pa dang/ bye brag tu so skye'i
sar nyams su len tshul bshad pa dang/ byang sems

'phags pa'i sa'i rnam gzhag bstan pa'o/ /dang po ni/ gal te
bstan bcos 'dir byang sems kyi zab pa dang rgya che ba'i lam klu
sgrub kyi rjes su 'brangs te gtan la 'bebs na/ re zhig mgon po
klu sgrub kyi lugs kyis sangs rgyas kyi sar bgrod pa'i lam

@16b gyi rim pa ci 'dra ba zhig bzhed ce na/ de la sangs rgyas
gnyis pa klu sgrub zhabs la sogs pa'i lugs thos bsam gyis gtan
la 'bebs pa ni/ rang gis yang dag pa'i lam nyams su len tshul la
nges pa chen po rnyed nas/ lam ltar snang rnams kyis

bkri bar mi nus pa'i ched du yin no/ /de'i phyir shing rta chen
po rnams kyi lugs kyi gzhung la ci tsam sbyangs kyang/ rang gi
lam nyams su len pa'i tshul la nges pa ci yang mi rnyed pa'i thos
bsam pa ni/ thos bsam byed tshul gnad du ma song ba'i phyir/

theg pa chen po la ngal bar byas kyang snying po legs par mi lon
pas na/ lam bgrod pa'i rim pa rnams shes pa la 'bad par bya'o/
/klu'i zhabs kyis lam gyi cha phyogs re bshad pa mang yang zab
pa dang rgya che ba gnyis ka las brtsams pa'i lam gyi lus

ston pa'i gzhung gsum las/ rin chen 'phreng ba las gsungs tshul
la/ de yi rtsa ba byang chub sems/ /zhes pa dang/ snying rje
sngon btang spyod kun dang/ /zhes sogs ni sngar drangs zin la/
yang de nyid las/ de la byang chub sems dpa' yi/ /yon tan

mdor bstan bya ba ni/ /sbyin dang tshul khrims bzod brtson 'grus/
/bsam gtan shes rab snying rje sogs/ /sbyin pa rang don yongs
btang ba/ /tshul khrims gzhan phan bya ba'o/ /bzod pa khro ba
spangs pa ste/ /dkar po'i chos spel brtson 'grus so/ /bsam

gtan rtse gcig nyon mongs med/ /shes rab bden don gtan la 'babs/
/snying brtse sems can thams cad la/ /snying rje ro gcig blo
gros so/ /sbyin pas longs spyod khrims kyis bde/ /bzod pas
mdangs ldan brtson pas brjid/ /bsam gtan gyis zhi

@17a @#/ /blo yis grol/ /snying brtse bas ni don kun sgrub/ /bdun
po 'di dag ma lus par/ /cig car pha rol phyin pa yis/ /ye shes
bsam gyis mi khyab yul/ /'jig rten mgon po nyid thob 'gyur/
/zhes phyin drug gi ngos 'dzin dang/ /phan

yon dang snying rje'i grogs dang bcas pa la bslab par gsungs te/
spyod pa'i rten sems bskyed pa sngon du btang ba dang/ spyod pa
des byang sems kyi sa bcu bgrod par gsungs so/ /chos dbyings
bstod pa las kyang/ skyabs su song nas sems

bskyed pa dang/ phar phyin bcus khams rgyas par byed pa dang/
byang sems kyi sa bcu gsungs so/ /lam gyi lus kyi sdom rags pa
cig mdzad pa de/ mdo kun las btus las rgyas par bshad pa na/ dal
'byor dang bstan pa la dad pa rnyed dka' ba

dang/ de dag las kyang byang chub tu sems bskyed pa rnyed dka'
bar gsungs la/ sems can rnams la snying rje che ba yang rnyed
dka' ba dang/ sngar bshad pa rnams las kyang/ byang sems la rma
'byin pa'i las sgrib dang/ de la brnyas pa'i sems dang/

bdud kyi las dang/ dam chos spong ba sogs spong ba rnyed dka' ba
sogs kyi bshad pa mang du gsungs so/ /'di snga ma gnyis la ltos
na gsal mod kyang/ da dung lam gyi rim pa rnams rtogs dka' ba
la/ slob dpon gyi lugs 'dzin chen po zhi ba lhas/

spyir bslab spyod gnyis ka dang khyad par du mdo kun btus kyi don
gyi 'grel pa bslab btus las shin tu gsal zhing rgyas par gsungs
te/ thog mar dal 'byor don che zhing shin tu rnyed dka' ba bsams
nas/ tshe 'dir snying po len pa'i phan pa sems pa

@17b dang/ de nas dad pa spyi dang khyad par du theg pa chen
po'i yon tan bsam pa'i dad pa brtan po bskyed de/ smon pa byang
chub kyi sems bskyed pa dang/ de nas 'jug pa'i sdom pa bzung ba
dang/ de nas lus dang longs spyod dge rtsa gsum btang ba dang/
bsrung ba dang/

dag par byed pa dang/ spel ba'i tshul rnams gsal bar gsungs pa
'dis/ mdo kun las btus bshad par bya'o/ /bzhi brgya par yang
zab pa dang rgya che ba'i lam gyi lus gsungs la/ dbu ma snying
po dang/ dbu ma rgyan dang/ dbu ma'i sgom rim gsum

las bsdus te gsungs pa'i lus rnams kyang 'dra bas/ 'phags pa'i
lugs 'dzin pa'i chen po thams cad lam gyi khog la 'dra'o/ /'di
rnams la nges pa bde blag tu ster ba'i thabs las dang po bas
'jug pa bde ba ni shing rta chen po'i lugs

gnyis la mkhas pa'i dpal mar me mdzad kyi gdams ngag byang chub
lam gyi rim par/ shin tu go sla ba'i 'khrid tshul bstan pa las
shes par bya'o/ /gnyis pa ni/ gal te bstan bcos 'dir byang sems
kyi lam zab pa dang rgya che ba gnyis ka dang/

des thob par bya ba'i 'bras bu gtan la 'bebs na/ byang sems la
gal shin tu che ba'i so skye'i sa'i lam gyi rim pa rnams/ mchod
brjod kyi 'og 'dir bstan dgos pa las/ der mi ston par 'phags
pa'i sa nyid nas 'chad pa ji ltar rigs snyam

na/ 'di ni mchod brjod kyi skabs nyid du bshad pas/ skabs 'dir
ma bshad do/ /de'i dgos pa ni gang bsgoms pa la brten nas byang
sems su 'gyur ba'i rgyu'i gtso bo gsum bstan pas/ theg chen du
'jug par 'dod pas de gsum thog mar nyams

@18a @#/ /su blang dgos par bstan pa'i phyir ro/ /de gsum ni
sngon du nyams su len dgos par ma zad/ byang sems su gyur nas
kyang nyams su blang dgos pa la/ gnyis la mi rten pa'i ye shes
ni spyod pa'i gtso bo yin pas/ des mtshon

nas sbyin sogs kyi spyod pa gzhan la slob pa yang go dgos so/
/de yang mdo kun las btus pa las/ byang chub sems dpa' thabs la
mkhas pa dang bral bar chos nyid zab mo la sbyar bar mi bya ste/
'di ltar thabs dang shes rab zung du 'brel ba ni/

byang chub sems dpa' rnams kyi sbyor ba yang dag pa'o/ /zhes
gsungs pa ltar tshogs gnyis zung du 'brel ba la bslab dgos kyi/
thabs shes phyogs re bas chog shes byed pa dang/ thabs shes
khyad par can gang yang med pa'i sems rtse gcig pa

tsam la yid brtan par mi bya'o/ /de kho na nyid la dpyod pa'i
rigs pas dgag bya 'gog pa'i sa mtshams ma zin par thams cad bkag
par mthong ste/ rtog pa gang yin thams cad bden 'dzin du
'khrul bas/ tha snyad kyi rnam gzhag thams cad gzhan ngo kho na
la

skyel ba dang/ 'bras bu'i skabs su ye shes kyis stong pa'i de
bzhin nyid tsam zhig gi chos sku las med cing/ gzugs kyi sku
gdul bya'i shes rgyud kyis bsdus par 'dod pa rnams la ni/ nyan
rang gnyis thub dbang las skyes pa dang/ sangs rgyas

byang sems las 'khrungs par lung rigs kyis bsgrubs pa sogs thams
cad dbu ma la 'jug pa'i lugs min par 'gyur zhing/ chos gsum
bsgom pa yang byang sems dbu ma pa'i lugs min par gzhan ngo tsam
du bzhag pa'o/ /zhes pas rang ngos

@18b nas lam nyams su blang dgos pa thams cad la skur ba btab
cing/ rang bzhin gyis grub pas stong pa'i sems can zo chun dang
chos mthun drug gis 'khor bar bshad pa rnams 'gal 'du 'ba' zhig
tu 'gyur pas 'jug pa'i mchod

brjod nas bzung ste/ gzhung gi don log par 'chad pa la zhugs par
shes par bya'o/ /sbyin sogs la slob tshul 'phags pa'i sa'i skabs
su bshad pa rnams la'ang so skye'i sa nas kyang/ nyams su blang
bya'i spyod pa mang du yod pa rnams shes par byas

nas/ de lta nas kyang nyams su blang ba la 'bad par bya'o/ /gsum
pa la gsum/ sa bcu'i thun mong gi rnam gzhag /sa so so'i rnam
gzhag /sa bcu'i yon tan bstan pa'o/ /dang po ni/ 'dir rab dga'
sogs sa bcu gcig bshad pa ni/ rin chen

'phreng ba las/ ji ltar nyan thos theg pa la/ /nyan thos sa ni
brgyad bshad pa/ /de bzhin theg pa chen po la/ /byang chub sems
dpa'i sa bcu'o/ /zhes sa bcu dang/ bcu gcig pa'i rnam gzhag rags
pa cig gsungs pa la gzhi mdzad cing/ sa bcu pa'i

mdo la yang brten nas mdzad de/ de la rab dga' sogs sa bcu la
sems bskyed pa bcur bshad pa ni/ don dam pa'i sems bskyed la
dgongs so/ /don dam sems bskyed du bzhag pa'i sa bcu'i ngo bo
ni/ 'grel pa las/ byang chub sems dpa'

rnams kyi zag pa med pa'i ye shes snying rje la sogs pas zin pa
nyid char rnam par phye ba na/ sa zhes bya ba'i ming 'thob ste
yon tan gyi gnas su 'gyur ba'i phyir ro/ /zhes sa yi ngo bo dang
gang gis yongs su zin pa dang/ sa'i ming 'thob tshul dang/ sgra'i

@19a @#/ /don bshad pa bzhis bstan no/ /zag pa med pa'i ye shes
zhes pa'i ngo bo ni/ kha cig mdzod nas bshad pa ltar gyi zag pa
rgyas su mi rung ba la zag med du 'chad pa ni/ lugs 'di'i zag
med du 'jog pa'i don thun mong ma yin

pa ma rtogs par snang bas/ rang gi lugs ni bden 'dzin gyi ma rig
pa dang/ de'i bag chags gang rung gis bslad pa ni zag bcas dang/
bslad pa de dang bral ba'i ye shes ni zag pa med pa yin te/ tshig
gsal las/ ma rig pa'i rab rib dang bral ba

dag gi ye shes zag pa med pa'i yul gyi rang bzhin la ltos nas ni
ma yin no/ /zhes gsungs pa bzhin no/ /de yang sangs rgyas kyi sa
ma thob tshun chad du ma rig pa'i bag chags kyis ma bslad pa'i
shes pa ni/ 'phags pa rnams kyi mnyam gzhag mi

rtog pa'i ye shes min pa med la/ de yang res 'jog pa ste mnyam
gzhag las langs pa na bag chags kyis bslad pa can du skye'o/ /sa
bdun pa'i bar du ni ma rig pas slad pa yod la/ sa brgyad pa nas
dang dgra bcom pa gnyis la ni/ slong byed kyi ma

rig pa zad pas/ des bslad pa med kyi ma rig pa'i bag chags kyis
bslad pa ni yod do/ /yang 'grel par sa dang po la gnyis su med
pa'i ye shes kyi ming can zhes gsungs pa ni/ yul yul can rgyangs
chad du gnyis su snang ba med pa la zer gyi/

mtha' gnyis spangs pa tsam gyi ye shes la mi bya'o/ /slob dpon
'di'i gzhung du ma rig pa'i rab rib dang bral ba'i shes rab dang
ye shes/ zhes du ma zhig gsungs pas ma rig pa dang/ de'i bag
chags rig pa'i khyab byed du byas nas/ de gnyis zad

@19b pa na ye shes kyang ldog pa slob dpon 'di'i lugs su smra ba
ni/ mu stegs dpyod pa ba dri ma zad na sems kyang zad par 'dod
pa ltar smra ba'i skur 'debs chen po yin la/ 'phags pa'i mnyam
gzhag na ye shes med zer ba yang de dang 'dra'o/ /rin chen
phreng ba

las kyang/ de phyir de ltar mthong ba grol/ /gang gis mthong bar
'gyur zhe na/ /tha snyad du ni sems la brjod/ /ces yul can gyi
byed pa ci 'dra ba zhig gis de kho na nyid mngon sum du mthong
ba dris pa'i lan du/ tha snyad du sems kyis de kho na nyid mngon
sum du mthong bar

gsungs shing/ chos dbyings bstod pa las kyang/ ji ltar me yis
dag pa'i gos/ /sna tshogs dri mas dri ma can/ /ji ltar me yi nang
bcug na/ /dri ma 'tshig 'gyur gos min ltar/ /de bzhin 'od gsal ba
yi sems/ /'dod chags las skyes dri ma can/ /

ye shes me yis dri ma sreg /de nyid 'od gsal ma yin no/ zhes
rdo rgyus kyi gos dri ma can mer bcug pa na/ mes dri ma tshig
kyang gos mi 'tshig pa ltar/ sems kyi dri ma ye shes kyi mes
bsregs pa na/ dri ma sreg pa yin gyi 'od gsal ba'i sems med

par mi 'gyur bar gsungs so/ /byang sems 'phags pa'i mnyam gzhag
ye shes dang/ nyan rang 'phags pa'i mnyam gzhag ye shes gnyis/
ma rig pa'i bag chags kyis ma bslad par chos nyid mngon sum du
rtogs par mtshungs kyang/ byang sems

'phags pa'i sar 'jog mi 'jog gi khyad par ni/ snying rje chen
po'i gzhan dbang du gyur ma gyur dang/ yon tan brgya phrag bcu
gnyis sogs kyi nus pa yod med kyi dbang gi yin no/ /gzhan yang
sngar bshad pa ltar tshogs sbyor gyi skabs su/ bdag

@20a @#/ /med gnyis kyi de kho na nyid kyi don la/ rigs pa'i rnam
grangs dpag tu med pa'i sgo nas/ zab don la blo rgyas pa dang ma
rgyas pa las de kho na nyid mngon sum du rtogs ma rtogs kyi
khyad par yang shin tu che'o/ /char phye ba na zhes

pa ni cha can zag med kyi ye shes gcig nyid kyi cha so so sor
rim gyis phye ba'i snga phyi'i cha rnams sa so sor 'gyur ba ste/
sa zhes pa ni yon tan gyi gnas sam rten byed pas/ sa dang 'dra
bas de ltar bsnyad pa'o/ /de dag gis ni don dam pa'i sa

bcu ka yang mi rtog ye shes nyid la 'jog par bstan no/ /de
mtshungs kyang rab dga' sogs sa so sor 'jog tshul ni/ bzhi'i sgo
nas 'jog pa'i khyad par dang po ni/ sa dang po la yon tan brgya
phrag bcu gnyis dang/ gnyis pa la stong phrag bcu gnyis

sogs 'chad par 'gyur ba ltar yon tan gyi grangs gong nas gong du
'phel ba'o/ /khyad par gnyis pa ni mthu phul du byung ba gong
nas gong du 'thob pa'i khyad par ro/ /de ni zhing brgya g.yo ba
dang stong g.yo ba sogs la 'chad mod kyang/ de yon tan

gyi grangs 'phel ba'i nang du song zin pas/ sa so so'i skabs kyi
dri ma sbyong ba'i stobs dang/ lam bgrod ba'i stobs gong nas
gong du 'phel ba la bya dgos pa 'dra'o/ /gsum pa ni/ sa dang por
sbyin pa'i phar phyin lhag pa dang/ gnyis par tshul khrims kyi
phar phyin

lhag pa sogs phar phyin lhag pa'i khyad par ro/ /khyad par bzhi
pa ni/ sa dang por 'dzam bu gling la dbang ba dang/ gnyis par
gling bzhi la dbang pa'i rgyal por skye ba sogs rnam smin gyi
skye ba gong nas gong du 'phel ba'o/ des na sa so so'i mi rtog
ye shes

@20b la yon tan gyi grangs la sogs pa'i nus pa dman mchog gi
khyad par chen po yod pas sa rnams so sor 'jog la/ sa so so'i
skabs kyi rjes thob kyi yon tan rnams kyang sa de dang der bsdu
dgos pas/ mnyam gzhag kho na la mi bya'o/ /sa so sor 'byed

tshul de ltar bya'i/ don dam pa'i sa 'di rnams la rang gi ngo
bo'i dmigs rnam mi 'dra ba'i khyad par gyis byas pa'i dbye ba ni
yod pa min te/ sa bcu pa'i mdo las/ ji ltar bar snang bya rjes
mkhas rnams kyis/ /brjod par nus ma yin zhing mi mthong ba/ /de
ltar

rgyal pa'i sras kyi sa kun yang/ /brjod mi nus na mnyan par ga la
nus/ /zhes bar snang gi nam mkha' la byas bgrod kyang/ bya'i
rjes 'jig rten gyi mkhas pa rnams kyis ngag gis brjod pa dang/
blos mthong ba min pa bzhin du bya lta bu'i don dam pa'i sa
rnams

kyis/ /nam mkha' lta bu'i chos nyid la bgrod kyang/ de'i bgrod
tshul 'phags pas nyams su myong ba ji bzhin pa ni/ 'chad pa po
'phags pas kyang brjod par mi nus na/ nyan pa po rnams kyis
gzigs pa ji bzhin pa mnyan par mi nus par gsungs so/ /gnyis

pa la gsum/ rab dga' sogs sa lnga bshad pa dang/ sa drug pa
mngon du gyur pa bshad pa dang/ ring du song ba sogs sa bzhi
bshad pa'o/ /dang po la lnga/ sa dang po rab tu dga' ba dang/ sa
gnyis pa dri ma med pa dang/ sa gsum pa 'od byed pa dang/ sa
bzhi pa

'od 'phro ba dang/ sa lnga pa sbyang dka' ba bshad ba'o/ /dang
po la gsum/ khyad bzhi sa'i ngo bo mdor bstan/ khyad chos
sa'i yon tan rgyas par bshad/ sa'i yon tan brjod pa'i sgo nas
mjug bsdu ba'o/ /dang po ni/ sa dang po la gnas pa'i rgyal ba'i
sras

@21a @#/ /po sngar bshad pa'i tshul gyis/ 'gro ba rang bzhin med
par mthong ba'i rang bzhin med pa snying rje'i dmigs yul gyi
khyad par du bzung ba 'di yi sems gang 'gro ba rnams/ rnam par
grol bar bya ba'i phyir du snying rje chen po'i gzhan dbang

du gyur cing/ byang sems kun tu bzang po'i smon lam gyis dge ba
rnams rab tu bsngos pa/ rab tu dga' ba zhes pa'i ming can gnyis
su snang ba med pa'i ye shes/ de'i 'bras bu yon tan kyi grangs
la sogs pas nye bar mtshon pa la/ rab tu gnas

pa'i byang sems kyi don dam pa'i sems de ni 'jig rten las 'das
pa'i sems dang po zhes bya'o/ /de la sa bcu pa'i mdo las gsungs
pa'i smon lam chen po bcu la sogs pa/ smon lam 'bum phrag grangs
med pa bcu sa dang be bas 'debs pa ni/

kun tu bzang po'i smon lam gyi nang du 'dus pas/ smon lam ma lus
pa bsdu ba'i phyir du rtsa bar kun tu bzang po'i smon lam bkod
de/ bzang po spyod pa'i smon lam mo/ /de'i nang nas kyang 'jam
dpal dpa' bo zhes pa'i tshigs bcad gnyis ni/ bsngo ba bla na med

par bslab btus las gsungs so/ /'grel par nyan thos sbyor lam pa
'bras bu dang po la zhugs par mi 'dod pa bzhin du/ sa dang por
de ma thag tu 'byung bar 'gyur ba'i byang sems kyi mos pas spyod
pa chen po'i yang chen po ni/ byang chub kyi sems ma

bskyed pa'i sa'o/ /zhes gsungs pa ni don dam pa'i sems ma bskyed
pa yin gyi/ spyir na de las dma' ba nas kyang bla med byang chub
tu sems bskyed pa dang/ byang chub sems dpa' yod par lugs 'dis
kyang bzhed pa ni/ sngar bshad zin la/ bslab btus las

@21b kyang/ so so skye bo la byang chub kyi sems bskyed pa yod
par mdo mang pos bsgrubs pas byang chub sems dpa' btags pa bar
'dod pa ni log par 'chad pa'o/ /nyan thos kyi sbyor lam stan
gcig pa nas bzung ste/ 'bras bu dang po ma thob pa'i bar rnams

rgyun zhugs zhugs par mngon pa kun las btus las bshad pas /dpe
ma grub bo snyam na/ rgyun zhugs zhugs pa 'phags lam thob pa
nyid la 'jog par mngon pa mdzod las bshad la/ kun las btus las
snga ma ltar yang bshad pas/ lugs mi

mthun pa gnyis byung ba la slob dpon 'di mngon pa mdzod ltar
bzhed do/ /'di ni mdo kun las btus las/ dad pa'i rjes su 'brang
ba 'jig rten gyi khams thams cad kyi rdul phra rab kyi rdul
snyed la/ bskal pa gang+gA'i klung gi bye ma snyed du/ nyi ma re
re zhing lha'i

zas ro brgya ba dang/ lha'i gos byin pa bas/ gzhan zhig gis chos
kyi rjes 'brang gcig la/ nyin gcig zan gcig byin na snga ma bas
bsod nams ches grangs med pa bskyed pa dang/ yang chos kyi rjes
'brang snga ma lta bu'i grangs la/ snga ma ltar sbyin pa

byin pa bas/ brgyad pa'i gang zag gcig la nyin gcig zan gcig
byin na/ snga ma bas bsod nams ches grangs med pa bskyed par
gsungs pa dang mthun pa yin te/ rjes 'brang gnyis ni tshogs sbyor
gyi skabs yin par gsal ba'i phyir ro/ /gnyis

pa la gsum/ rang gi rgyud mdzes par byed pa'i yon tan/ gzhan gyi
rgyud zil gyis gnon pa'i yon tan/ sa dang por lhag pa'i yon tan
bstan pa'o/ /dang po la gnyis/ yon tan so sor phye ste bshad pa
dang/ yon tan mdor bsdus te bstan pa'o/ /dang po

@22a @#/ /la gsum/ don ldan gyi mtshan 'thob pa'i yon tan/ rigs su
skye ba sogs bzhi'i yon tan/ sa gong ma gnon pa sogs gsum gyi
yon tan no/ /dang po ni/ sa dang po la zhugs pa de nas bzung ste
byang sems de ni don dam

pa'i sems de thob par gyur pa yis/ /so skye'i sa las 'das pa'i
skabs su don dam pa'i byang chub sems dpa' zhes bya ba'i sgra
nyid kyis bsnyad par bya ba yin gyi/ de dang mi mthun pa'i rnam
pa gzhan gyis brjod par mi bya ste/ de'i tshe de byang

sems 'phags pa yin pa'i phyir ro/ /'grel par dkon mchog sprin
drangs pa las/ sbyor lam chos mchog chen po pa la/ don dam pa'i
byang chub sems dpa'i sa ni ma thob pa yin no/ /zhes gsungs pas/
byang sems khyad par ba'i ming gis

bsnyad par shes so/ /sher phyin nyis stong lnga brgya pa las/ ji
ltar shes she na/ ma byung ba dang yang dag par ma byung ba
dang/ log pa dang/ de dag ji ltar byis pa so so'i skye bos btags
pa ma yin pa dang/ ji ltar byis pa so so skye bos rnyed pa de
ltar ma yin par

te/ de'i phyir byang chub sems dpa' zhes bya'o/ /zhes gsungs
pa'i shugs kyis chos 'di dag gi de kho na nyid 'phags pas rnyed
pa ji bzhin pa de ltar rnyed pa cig /byang chub sems dpar
gsungs pa yang don dam pa'i byang sems la dgongs kyi/ so skye la

byang sems mtshan nyid pa med par ston pa min no/ /gnyis pa ni/
gzhan yang sa dang po la gnas pa 'di ni so skye dang nyan rang
gi sa thams cad las 'das pa'i phyir dang/ sangs rgyas kyi sa'i
rjes su 'gro bar nges pa'i lam rgyud la skyes pa'i phyir de
bzhin

@22b gshegs pa rnams kyis rigs su'ang skyes pa ste/ lam gzhan du
mi 'gro bar rang gi lam du rigs nges pa yin no/ /sa dang po 'di
ni gang zag rang gi mtshan nyid kyis grub pa med pa'i gang zag gi
bdag med mngon sum du mthong bas/ 'jig lta dang phra rgyas kyi

the tshom dang/ tshul khrims dang brtul zhugs mchog 'dzin gyi kun
tu sbyor ba gsum po thams cad spangs pa yin te/ slar mi skye
ba'i phyir ro/ /des ni de gsum gyi sa bon spangs par bstan la/
'jig lta ni mthong spang du gyur pa kun brtags yin gyi lhan
skyes

yin no/ /'o na phra rgyas kyi mthong spang gzhan yang spangs pa
la/ gsum po 'di tsam smos pa ci yin snyam na/ mdo sde las 'di
ltar gsungs pa'i dgongs pa 'chad pa la lugs gnyis yod kyang/
legs pa ni mdzod las/ 'gro mi 'dod dang lam nor dang/ /

lam la the tshom de snyed cig /thar par bgrod la gegs byed pa/
/de yi phyir na gsum bstan no/ /zhes bshad pa ltar ro/ /dper na
yul gzhan du 'gro 'dod pa la bar chad kyi gtso bo gsum ste/ 'gro
mi 'dod pa dang/ lam nor ba dang/ lam la the tshom

za pa'o/ /de bzhin du thar par bgrod pa la yang bar chad kyi
gtso bo gsum ste/ dang pos ni thar pa la skrag bas der 'gro mi
'dod pa dang/ gnyis pas ni lam gzhan la brten pas lam nor ba
dang/ gsum pas ni lam la the tshom za bas gsum bstan no/ /

byang chub sems dpa' sa dang po ba de ni sngar bshad pa ltar
rigs nges pa la zhugs pas/ de'i 'bras bu'i yon tan thob pa dang/
sa'i spang bya'i skyon dang bral bas thun mong ma yin pa'i dga'
ba skyes pas/ rab tu dga' ba mang ba'i phyir/ rgyal sras de

@23a @#/ /dga' ba mchog tu gyur pa 'chang ba yang yin no/ /rab
dga' khyad par du 'phags pa yod pa'i phyir sa 'di la rab tu dga'
ba zhes kyang bya'o/ /'jig rten gyi khams mi gcig pa brgya kun
nas g.yo bar nus par gyur

pa'ang yin no/ /gsum pa ni/ sa dang po nas sa gnyis par gnon par
byed pa la spro ba shin tu che zhing/ sa gong mar rab tu 'gro
bar 'gyur ro/ /sa dang po thob pa de'i tshe byang sems 'di yi
ngan 'gror 'gro ba'i lam rnams mtha' dag 'gag pa ste zad

par 'gyur ro/ /'o na sbyor lam bzod pa thob nas ngan song du las
dbang gis 'gro mi srid pa ma yin nam/ ngan 'gro'i lam zad pa sa
'di thob pa la ltos ci dgos snyam na/ bzod pa thob nas ngan
'gror 'gro mi srid pa ni/ der 'khrid pa'i sa bon

gnyen pos bcom pa min gyi/ rkyen ma tshang bas yin cing/ 'dir ni
sa bon gnyen pos bcom pa yin la/ kun las btus las kyang ngan
'gro'i phung khams sogs mthong spang du bshad do/ /sa dang po
thob pa de'i tshe byang sems 'di yi so so skye bo'i sa

ste gnas skabs thams cad zad do/ /gnyis pa ni/ mdor na ji ltar
'bras gnas bzhi dang 'bras bu la zhugs pa bzhi'i dgra bcom nas
yas bgrangs na/ grangs brgyad pa yin pas 'phags pa brgyad pa
rgyun zhugs zhugs pa la/ 'phags pa'i chos

thob pa las rang dang rjes su mthun pa'i spangs pa dang/ rtogs
pa'i yon tan 'byung bar 'gyur ba bzhin du/ byang sems 'di yang
sa dang po thob pa las skyon zad pa dang/ yon tan 'byung ba
brgyad pa ji lta ba de ltar nye bar bstan no/ /gnyis pa la gsum

@23b sa 'dir nyan rang rnams rigs kyi sgo nas zil gyis gnon pa
dang/ sa bdun par nyan rang gnyis blo'i sgo nas zil gyis gnon pa
dang/ de ltar gsungs pas grub pa'i don bshad pa'o/ /dang po ni/
rdzogs pa'i byang chub kyi sems lta gnyis pa sogs su ma zad

sems dang po rab tu dga' ba la gnas pas kyang/ thub pa'i dbang
po'i gsung las skyes pa nyan thos dang bcas pa'i rang sangs
rgyas rnams ni/ kun rdzob byang chub kyi sems dang snying rje'i
bsod nams dag gi dbang gis pham par byas pa ste zil gyis gnon

nas/ de dag las bsod nams rnam par 'phel bar 'gyur te/ sngar
bshad pa'i yon tan gyi khyad par rnams las/ yon tan gyi khyad
par gzhan pa cig yin no/ /'di yang byams pa'i rnam par thar pa
las/ rigs kyi bu 'di lta ste dper na rgyal po'i bu skyes

nas ring po ma lon pa/ rgyal po'i mtshan dang ldan pa ni blon
po'i tshogs rgan po gtso bor gyur pa thams cad kyang/ rigs kyi
bdag nyid che ba'i dbang gis zil gyis gnon to/ /de bzhin du
byang chub sems dpa' las dang po pa byang chub tu sems bskyed
nas ring

po ma lon pa/ de bzhin gshegs pa chos kyi rgyal po'i rigs su
skyes pas kyang/ byang chub kyi sems dang snying rje'i dbang gis
nyan thos dang/ rang sangs rgyas yun ring du tshangs par spyad pa
rnams zil gyis gnon to/ /rigs kyi bu 'di lta ste/ dper na nam

mkha' lding gi dbang po chen po'i phrug gu skyes nas ring po ma
lon pa'i gshog pa'i rlung gi shugs dang/ mig yongs su dag pa'i
yon tan gang yin pa de ni/ de las gzhan pa'i bya'i tshogs ma lus
pa rgas par gyur pa thams cad la yod pa ma yin no/ /de bzhin

@24a @#/ /du byang chub sems dpa' byang chub tu sems dang po
bskyed pa/ de bzhin gshegs pa nam mkha' lding gi dbang po chen
po'i rigs kyi rgyud du yang dag par byung ba/ nam mkha' lding gi
dbang po'i phrug gu thams cad mkhyen pa nyid du sems

bskyed pa'i gshog pa'i stobs kyis pha rol gnon pa dang/ lhag
pa'i bsam pa yongs su dag pa'i mig gi yon tan gang yin pa de ni/
bskal pa brgya stong du nges par byung ba'i nyan thos dang/ rang
sangs rgyas thams cad la yod pa ma yin no zhes bya ba la sogs

pa gsungs pa bzhin no/ /'grel bshad las lung de gnyis kyi don
brda las byung ba'i sems bskyed la 'chad mod kyang/ las dang po
ba dang/ sems bskyed nas ring du ma lon pa zhes gsungs pa ni/
don dam pa'i sems bskyed la bltos nas yin la/ sngar

de bzhin gshegs pa'i rigs su skyes pa sa dang po nas yin par
gsungs pa dang/ lung snga phyi gnyis ka ni dpe so so ba tsam ma
gtogs pa don gcig yin pa'i phyir dang/ rtsa ba'i tshig rkang gsum
gyi don yang mdo de'i don bsdus par snang ba'i phyir dang/

lhag pa'i bsam pa dag pa'i sems bskyed ni sa dang po'i sems
bskyed la mdo sde rgyan la sogs pa mang po las gsungs pa'i phyir
ro/ /'o na byang sems so skye'i kun rdzob sems bskyed kyis/ nyan
rang zil gyis gnon par mi 'dod dam snyam na/ de ni

ma yin te mdo de nyid las/ rigs kyi bu 'di lta ste dper na rdo
rje rin po che ni chag kyang gser gyi rgyan khyad par du 'phags
pa thams cad zil gyis gnon cing/ rdo rje rin po che'i ming yang
mi 'dor la/ dbul ba thams cad kyang rnam par zlog go /rigs

@24b kyi bu de bzhin du thams cad mkhyen par sems bskyed pa'i
rdo rje rin po che nan tan dang bral yang/ nyan thos dang rang
sangs rgyas kyi yon tan gyi gser gyi rgyan thams cad zil gyis
gnon cing/ byang chub sems dpa'i ming yang mi 'dor la 'khor ba'i
dbul

ba thams cad kyang rnam par zlog go /zhes gsungs la mdo 'di
bslab btus las/ byang chub kyi sems spyod pa dang bral ba la
yang brnyas par mi bya ba'i shes byed du drangs pa'i phyir dang/
sa thob pa la sems bskyed spyod pa dang bral ba ni don spyod
srid pa'i phyir ro/ /

gnyis pa ni/ byang sems sa dang po ba de ni/ sa ring du song bar
son pa na/ kun rdzob byang chub kyi sems kyis zil gyis gnon par
ma zad/ don dam pa'i sems bskyed kyi blo yi stobs kyis kyang/
nyan rang rnams lhag par te zil gyis gnon par 'gyur

te/ 'di ni sa bcu pa'i mdo las/ kye rgyal ba'i sras dag 'di lta
ste/ dper na rgyal po'i rigs su skyes pa'i rgyal po'i bu rgyal
po'i mtshan dang ldan pa ni/ skyes pa tsam gyis rgyal po'i byin
gyis blon po'i tshogs thams cad zil gyis gnon gyi/

rang gi blo'i stobs kyis rnam par dpyad pas ni ma yin no/ /nam
de nar son par gyur pa de'i tshe rang gi blo'i stobs bskyed pas/
blon po'i bya ba thams cad las ni shin tu 'das pa yin no/ /kye
rgyal ba'i sras dag de bzhin du byang chub sems dpa' yang/

sems bskyed ma thag tu lhag pa'i bsam pa'i che ba nyid kyis/
nyan thos dang rang sangs rgyas thams cad zil gyis gnon gyi/
rang gi blo'i stobs kyis rnam par dpyad pa ni ma yin no/ /byang
chub sems dpa'i sa bdun pa 'di la gnas pa'i byang chub

@25a @#/ /sems dpa' ni/ rang gi yul shes pa'i che ba la gnas pas/
nyan thos dang rang sangs rgyas kyi bya ba thams cad las shin tu
'das pa yin no/ /zhes gsungs pa bzhin no/ /sems bskyed ma thag
tu zhes pa ni sa dang po'i

skabs yin pas/ lhag pa'i bsam pa dag pa'i sems bskyed pa'o/ /de
ltar na sa ring du song ba kho na nas bzung nas/ byang sems kyis
rang gi blo'i stobs bskyed pas kyang/ nyan rang rnams zil gyis
gnon gyi/ sa drug pa man chad du ni blo'i stobs

kyis zil gyis gnon pa ma yin no/ /nyan rang gi bya ba thams cad
las 'das pa'i don ni/ de gnyis blos zil gyis gnon pa'i don yin
par 'grel pa'i don bsdus las shes so/ /blo'i stobs 'chad pa na
rang gi yul shes pa'i che ba la gnas

pas/ zhes pa ni byang sems rang gi yul 'gog pa yang dag pa'i
mtha' shes pa'i che ba'o/ /don 'di la kha cig drug pa man chad
dang/ bdun pa'i ye shes kyi ngo bo la khyad med kyang/ ye shes
dang po rnams la shes sgrib spong ba'i nus pa med la/

bdun pa'i ye shes la shes sgrib spong ba'i nus pa yod pas/ blo'i
sgo nas zil gyis gnon mi gnon yod do/ /zhes pa dang/ yang bdun
pa nas ting nge 'dzin la thod rgal du 'jug nus pas zhes pa dang/
bdun pa'i ye shes de phyir mi ldog pa'i sa

brgyad pa la mngon du phyogs pa'i ye shes su 'dug pas/ blos zil
gyis gnon no zhes zer ro/ /de'i dang po ni mi rigs te lugs 'dis
ni/ gang zag bden 'dzin thams cad nyon mongs can gyi ma rig par
bzhed la/ de slar mi skye ba'i tshul

@25b gyis spong ba la/ de dag gi sa bon zad dgos shing/ spangs
pa de yang dgra bcom pa gnyis dang thun mong ba yin pas/ bden
'dzin gyi sa bon spong ba ni shes sgrib spong ba min no/ /sa bon
de las gzhan pa'i bag chags kyi sgrib pa shes sgrib tu 'jog pa

ni/ sa brgyad pa ma thob bar du spong ba min pa'i phyir ro/ /des
na lugs 'di la bden 'dzin shes sgrib tu 'jog pa'i lugs kyis/ de
la shes sgrib chung 'bring chen po dgur byas nas/ sa gnyis pa
sogs sgom lam dgus spong ba'i rnam gzhag khas mi len

te/ da dung 'chad par 'gyur ro/ gnyis pa yang mi rigs te thod
rgal zhes pa la ni/ brda rnying ba las snel zhi zhes kyang
'byung bas/ rim pa 'chol ba la zer zhing/ 'dir de'i sgo nas
ting nge 'dzin la 'jug pa drug pa man chad la med cing bdun pa
nas yod pa la

shes byed med pa'i phyir ro/ /gsum pa yang mi rigs te/ de la ni
drug pa man chad dang bdun pa la rtogs pas zil gyis gnon mi gnon
gyi rgyu mtshan la/ da dung dogs pa ma chod pas rtsod gzhi rtags
su bkod pa dang 'dra ba'i phyir ro/ /'grel bshad la

sa bdun par kho bo lam la 'jug par bya'o snyam pa'i rnam rtog
yod pas rtsol ba dang bcas la/ mdo la sogs pa'i chos kyi mtshan
ma mngon du mi byed pas/ mtshan ma med pa'i lam thob cing/ drug
pa man chad dang nyan rang rnams la mtshan med de med

pas/ blos zil gyis gnon par gsungs kyang/ 'di la de kho na nyid
kyi rtogs pa'i steng nas khyad par gzhag dgos par snang ngo/ /de
yang yang dag pa'i mtha'i de kho na nyid la 'jug ldang gi sgo
nas yin te/ sa bdun pa'i skabs su 'chad pa ltar

@26a @#/ /sems kyi skad cig re re la 'gog pa yang dag mtha' la
'jug ldang byed pa sa 'di nas nus la/ sa 'og mar mi nus par gsungs
pa yin no/ /zhes bdag gi bla ma dam pa gsung ba ltar legs te/
mos spyod du sems dang de kho

na nyid gnyis ro gcig tu ma song ba'i stong nyid kyi ting nge
'dzin la dus thung ngur 'jug ldang byed pa mi dka' yang/ sems
dang de kho na nyid gnyis chu la chu bzhag pa bzhin du song ba'i
'phags pa'i skabs su/ 'jug ldang gi tshul de shin tu dka' ba'i
phyir

ro/ /gal te sa dang po'i yon tan gyi skabs su/ sa bdun par nyan
rang blos zil gyis gnon par 'chad pa 'di skabs la ma bab po
snyam na/ skabs 'chol ba'i skyon med de/ 'dir sa dang po sogs
kyi bshad pa ni/ mdo sde sa bcu pa la brten nas

'chad la/ mdo der sa dang po la gnas pas nyan rang rnams kun
rdzob sems bskyed kyis zil gyis gnon pa dang/ don dam sems
bskyed kyi sgo nas zil gyis mi gnon pa'i khyad par legs par phye
nas gsungs la/ de'i tshe sa gang nas rtogs

pas zil gyis gnon snyam pa'i dogs pa skye ba bsal ba'i phyir du/
sa bdun pa nas rtogs pas zil gyis gnon par gsungs pa de nyid/
gzhung 'dir yang bkod pa yin pas shin tu yang skabs la bab par
shes par bya'o/ /gsum pa la

gsum/ sa bcu pa'i mdos nyan rang la chos rang bzhin med par
rtogs pa yod par bstan pa dang/ de sgrub pa'i khungs bstan pa
dang/ de ltar bstan pa la rtsod pa spang ba'o/ /dang po la
gnyis/ 'grel pa mdzad pa'i dgongs pa gsal bar bshad

@26b pa dang/ de nyid spyod 'jug gi lugs su'ang bstan pa'o/
/dang po ni/ sa bcu pa las sa drug pa man chad du rtogs pa'i sgo
nas/ nyan rang rnams zil gyis gnon mi nus par gsungs pa'i lung
'di las ni/ nyan rang rnams la yang chos rang bzhin

med par shes pa yod do/ /zhes gsal bar nges te/ de gnyis la shes
rab de med na 'jig rten pa'i lam zhi rags kyi rnam pa can gyis
srid rtse ma gtogs pa'i sa la 'dod chags dang bral ba'i drang
srong rnams bzhin du/ nyan rang dgra bcom pa

de dag kyang don dam pa'i sems dang po bskyed pas kyang/ rtogs
pa'i sgo nas zil gyis gnon par 'gyur te/ dngos po rang bzhin med
par shes pa dang bral ba'i phyir ro/ /phyi rol mu stegs byed
bzhin du nyan rang gis khams gsum na spyod pa'i nyon mongs

pa thams cad sa bon dang bcas pa spangs par yang mi 'gyur bar
gsungs pa ni/ stong nyid legs par rtogs nas goms pa med na/ nyon
mongs kyi sa bon zad par byed mi nus pa/ 'jig rten pa'i lam zhi
rags kyi rnam pa can dang 'dra bar bstan to/ /de kho na

nyid rtogs pa dang bral na/ gzugs la sogs pa'i phung po la bden
par dmigs pas/ blo phyin ci log tu gyur pa'i phyir/ gang zag gi
bdag med mtshan nyid rdzogs pa rtogs pa med par 'gyur te/ bdag
dang gang zag tu 'dogs pa'i gzhi/ phung

po la bden par dmigs pa'i yul sun phyung ba med pas phyir ro/
/'dis ni gdags gzhi phung po la bden par zhen pa'i zhen yul sun
ma phyin na/ btags chos gang zag la bden par 'dzin pa'i zhen yul
yang sun mi phyin pas/ gang zag

@27a @#/ /bden med du ma rtogs pa'i phyir/ gang zag gi bdag med
mtshan nyid rdzogs pa ma rtogs par bstan no/ /de ltar sngar bshad
pa de dag gi don shin tu rtogs dka' la/ lugs 'di dang zhi ba
lha'i gzhung la brten pa rnams

kyis kyang legs par ma shod snang bas/ 'di'i mtha' bcad pa la
dogs pa skye tshul dang/ de sil tshul gtan la phab na/ gal te gang
zag rang rkya thub pa'i rdzas yod phung po dang ngo bo gcig tu
med pa dang/ de las tha dad pas stong pa'i stong bdag

med dang/ mi rtag pa la sogs pa bcu drug tu tshad mas gtan la
phebs pa ni nges par 'ong la/ de byung ba na de'i gdul bya'i
gtso bo rnams kyis/ de la shin tu goms par byed pa yang 'ong
ngo/ /de byas na gang zag gi bdag med de mngon sum du

rtogs pa 'ong ba ni/ rnal 'byor mngon sum sgrub pa'i rigs pa
rnams kyis 'grub bo/ /de ltar na de rtogs pa'i mthong lam gyis
nyon mongs kun brtags rnams spong ba 'grub bo/ /de grub na gang
zag gi bdag med mngon sum du mthong zin goms

par byed pa'i sgom lam yang 'grub pas/ lhan skyes kyi nyon mongs
kyang spong nus pas/ nyon mongs pa'i zag pa thams cad zad pa
'grub pas stong nyid ma rtogs kyang/ khams gsum gyi phra rgyas
thams cad sa bon dang bcas pa spong bar nus

te/ ji skad bshad pa'i tshul du mthong sgom gnyis kyis spangs pa
ni/ 'jig rten las 'das pa'i lam gyi spong tshul yin pa'i phyir
ro/ /des na mi rtag sor bcu drug sgom pa'i lam gyis kyang nyon
mongs thams cad zad par nus so zhe na/ 'di la bshad

@27b par bya ste/ de kho na nyid kyi lta ba ma rnyed kyang mi
rtag sogs bcu drug tshad mas gtan la phebs pa dang/ de'i gdul bya
rnams kyis don de brtson pa chen pos sgom pa dang/ bsgoms pa las
gang zag gi bdag med rags pa mngon sum du mthong ba

dang/ mthong zin goms par byed pa ni mi 'ong zhes kho bo cag mi
smra'o/ /'o na ci zhe na/ de 'dra ba'i lam de gang zag gi bdag
med mtshan nyid rdzogs par rtogs pa min pas/ lam de mthong lam
dang 'jig rten las 'das pa'i sgom lam du mi 'dod

do/ /de'i phyir mthong spang dang/ sgom spang gang gi yang sa
bon spong mi nus pas/ lam de mthong lam dang sgom lam du bshad
pa dang/ spang bya gnyis sa bon dang bcas pa spong bar bshad pa
dang/ lam de gnyis kyi mthar dgra bcom pa 'thob par

bshad pa ni/ drang ba'i don du 'grel ba'i lugs yin te/ dper na
sems tsam pas rdul cha med dang/ de bsags pa'i phyi don dang/ de
las rdzas tha dad pa'i 'dzin pa gnyis bkag pa yang tshad mas
'grub cing/ des 'dul ba'i gdul byas ring du

goms par byas na/ don de mngon sum du mthong ba dang/ mthong zin
goms par byed pa 'grub tu chug kyang/ de'i steng nas sa bcu
dang/ lam phyi ma gsum bgrod pa dbu ma pas drang don du 'grel ba
bzhin no/ /mi rtag sogs bcu drug sgom pa yin

kyang/ sngar bshad pa'i gang zag gi bdag med rtogs pa nyid nyon
mongs las grol bar byed pa'i lam du 'dod pa yin te/ kun las btus
las/ bdag med pa'i yid byed kyis nyon mongs spong la/ rnam pa
lhag ma rnams de yongs su sbyong ba'i

@28a @#/ /thabs su gsungs pa dang/ rnam 'grel las kyang/ stong
nyid lta bas grol 'gyur gyi/ /sgom pa lhag ma de don yin/ /zhes
snga ma dang mthun par gsungs pas so/ /stong nyid lta ba zhes
pa'i tshig tsam la 'khrul nas/

rgya gar ba 'ga' zhig gis kyang de kho na nyid rtogs pa'i lta ba
la 'dod pa ni don min pas/ gang zag rang rkya thub pa'i rdzas
yod kyis stong pa'i lta ba yin no/ /lam des nyon mongs kyi sa
bon spong mi nus kyang/ nyon mongs mngon gyur ba ni re zhig

'gog nus te/ phyi rol pa dang thun mong ba'i zhi rags kyi rnam
pa can gyis/ ci yang med pa man chad kyi nyon mongs mngon gyur
spong bar mngon pa las gsungs pa ltar 'dod dgos na/ sngar gyi
lam gyis mngon gyur re zhig spong nus pa lta ci smos

pa'i phyir ro/ /nyon mongs mngon gyur spong zhes pa'i nyon mongs
kyang/ mngon pa gnyis nas gsungs pa ltar gyi dmigs rnam can gyi
nyon mongs yin gyi/ lugs 'dis bden 'dzin nyon mongs can gyi ma
rig par bshad pa dang/ de'i dbang du byas

pa'i lta ba dang lta min gyi nyon mongs mngon pa las bshad tshul
las gzhan rnams ni mngon gyur yang spong bar mi nus so/ /mngon
pa nas bshad pa'i srid rtse'i sas bsdus pa'i nyon mongs mngon
gyur/ zhi rags kyi rnam pa can gyis spong mi nus

kyang/ sngar bshad pa'i gang zag gi bdag med rags pa rtogs pa'i
lam la goms par byas pas spong nus so/ /de dag gis ni 'grel par
de kho na nyid rtogs pa dang bral ba'i nyon mongs kyi spong
gnyen du bshad pa'i lam rnams/ zhi rags kyi

@28b rnam pa can gyi lam dang 'dra ba dang/ phyi rol pa bzhin du
nyon mongs thams cad spong mi nus par gsungs pa rnams gsal bar
bstan to/ /gnyis pa ni/ 'di ni rgyal sras chen po zhi ba lha
yang bzhed de/ spyod 'jug las/ bden pa mthong bas

grol 'gyur gyi/ /stong nyid mthong bas ci zhig bya/ /zhes bden
bzhi mi rtag sogs bcu drug mthong ba'i lam gyis/ nyon mongs las
grol bar 'gyur bas/ nyon mongs zad pa'i don du rang bzhin med
pa'i stong nyid mthong ba mi dgos so/ /zhes pa'i

lan du/ gang phyir lung las lam 'di ni/ /med par byang chub med
par gsungs/ /zhes rang bzhin gyis grub pas stong par mthong ba'i
lam 'di med par/ byang chub gsum gang yang thob pa med par
gsungs te/ gsungs tshul ni spyod 'jug 'grel

chen las/ yum gyi mdo las dngos po'i 'du shes can la thar pa med
pa dang/ dus gsum ga'i rgyun zhugs nas rang rgyal gyi bar rnams
sher phyin 'di nyid la brten nas thob par gsungs pa drangs pa
ltar yin gyi/ bla na med pa'i byang chub rkyang pa

la byed pa don min no/ /de nas bstan rtsa dge slong nyid yin na/
zhes pa'i rkang pa bzhis sems bden 'dzin gyi dmigs pa dang bcas
pa'i lam gyis myang 'das mi 'thob par yang bstan no/ /de nas
nyon mongs spangs pas grol na de'i/ de ma thag

tu de 'gyur ro/ /zhes gsungs pa'i nyon mongs spangs pas grol na
zhes pa ni/ phyogs snga ma'i lugs brjod pa yin la/ de'i don ni/
bden pa mthong bas grol 'gyur gyi/ zhes bshad pa bzhin du mi
rtag sogs bcu drug gi lam bsgoms

@29a @#/ /pas/ nyon mongs spangs te grol ba 'thob na zhes bshad
rgyu yin te/ skabs 'dir mi rtag sogs cu drug gi lam tsam gyis
nyon mongs las grol ba 'thob mi 'thob la rtsod pa'i phyir dang/
bden pa mthong bas zhes sogs

kyi rtsod pa las shin tu gsal ba'i phyir ro/ /des na mi rtag
sogs bcu drug gi lam tsam gyis nyon mongs zad par nus pa khas
blangs nas/ des sdug bsngal thams cad las grol ba min no zhes
'chad pa ni 'di'i don gtan min no/ /de'i phyir lam

des nyan thos sde pa gnyis dang thun mong ba'i nyon mongs su
bzhag pa rnams/ sngar bshad pa ltar gyi lam rgyud la bskyed pas/
re zhig mngon gyur du rgyu ba med pa'i tshe/ nyon mongs zad pa'i
grol pa thob par 'jog na/ nyon mongs mngon gyur tsam re

zhig spangs pa de'i de ma thag tu zag pa thams cad zad pa'i grol
ba thob par 'gyur ro/ /zhes 'gog pa dgongs pa yin no/ /de 'dod
bar mi nus pa ni/ nyon mongs med kyang de dag la/ /las kyi nus
pa mthong ba yin/ /zhes nyon mongs mngon gyur

re zhig med kyang/ las kyi dbang gis yang srid phyi ma 'phen
pa'i nus pa mthong bas so/ /zhes pas ston no/ /gzhung de rnams
ni de ltar bshad dgos kyi/ 'grel ba 'ga' zhig dang bod rnams/
nyon mongs med kyang mau gal gyi bu dang/ 'phags pa

sor phreng can la sogs pa la sngon so skye'i dus su bsags pa'i
las kyi 'bras bus sdug bsngal 'byin pa mthong bas/ de ma thag tu
grol ba ma yin no/ /zhes pa ltar mi bya ste/ 'di ni tshe 'di'i
sdug bsngal skyed pa'i nus pa min gyi/ las kyis

@29b yang srid phyi ma 'phen pa'i nus pa mi ldog pas grol ba med
do/ /zhes ston dgos pa'i phyir te/ stong pa nyid dang bral ba'i
sems/ /'gags pa slar yang skye 'gyur te/ /'du shes med pa'i
snyoms 'jug bzhin/ /zhes gsungs te de'i don stong pa nyid

kyi rtogs pa dang bral na/ lam gzhan bsgoms pas nyon mongs dang
bcas pa'i sems re zhig 'gags kyang/ gtan nas log pa min pas slar
yang nyon mongs mngon gyur du skye bas/ las kyi dbang gis 'khor
bar 'khor ba mi chad ces pa'i

don yin pa'i phyir ro/ /nyon mongs dang bcas pa'i sems re zhig
'gags pa 'ong bar bstan pa ni/ sngar bshad pa ltar nyon mongs
mngon gyur spangs pa re zhig 'ong ba'i don no/ /las kyi nus pa
mthong ba yin/ zhes pa'i lan du/ re zhig nyer len

sred pa ni/ /med ces nges pa nyid ce na/ /zhes yang srid len
pa'i sred pa lam des zad par byed pas/ las kyi dbang gis yang
srid phyi ma mi len par nges pa nyid do/ /zhes pa'i lan du/ sred
'di nyon mongs can min yang/ /kun rmongs bzhin du ci ste med/ /

ces pha rol pos kun rmongs mi shes pa la/ mngon pa nas bshad pa
ltar gyi nyon mongs yin pa zhig dang/ de min pa gnyis 'dod pa
bzhin du/ sred pa yang mngon pa nas bshad pa ltar gyi nyon mongs
can yin pa cig dang min pa cig kyang ci'i phyir mi 'dod/

ces gsungs so/ /de ni sde pa gnyis dang theg chen pa la thun
mong du grags pa ltar gyi nyon mongs can ma yin pa'i sred pa yod
par ston gyi rang lugs kyis sred pa de/ nyon mongs can du mi
'dod pa min no/ /des na gang zag rang rkya thub pa'i rdzas yod
du 'dzin

@30a @#/ /pa'i bdag 'dzin gyis drangs pa'i sred pa mngon gyur ba
re zhig spangs kyang/ gang zag ngo bo nyid kyis grub par 'dzin
pa'i 'jig ltas drangs pa'i sred pa ci ste med ces pa yin pas/
sngar bshad pa'i mngon gyur spangs pa la

ni/ bshad ma thag pa'i 'jig lta dang sred pa mngon gyur ba yang
mi ldog go /gal te lugs de gnyis ka'i nyon mongs mngon gyur ba
spangs na/ gnyis ka'i sa bon ma spangs par ni 'dra la/ mngon
gyur yod med la khyad ma byung na/ sred pa la khyad

par phye ba don med do/ /tshor ba'i rkyen gyis sred pa yin/ /tshor
ba de dag la yang yod/ /ces gsungs pas ni lam gzhan gyis nyon
mongs mngon gyur ba gzhan spangs pa la/ sred pa mi ldog pa'i
rgyu mtshan ston te/ de kho na nyid rtogs pa'i lta ba

dang bral na/ tshor ba la bden 'dzin gyi ma rig pa cung zad kyang
mi spong la/ de lta na tshor ba bde ba skyes pa na mi 'bral bar
sred pa dang/ tshor ba sdug bsngal skyes pa na 'bral 'dod kyi
sred pa ci'i phyir mi skye ste/ mthun rkyen tshang zhing 'gal
rkyen med pa'i

rgyu las 'bras bu skye bar nges pa'i phyir ro/ /rang lugs kyi
tshor ba la sred pa ldog lugs ni/ gang tshe tshor po 'ga' med cing/
/tshor ba'ang yod pa ma yin pa/ /de tshe gnas skabs 'di mthong
nas/ /sred pa ci phyir ldog mi 'gyur/ /zhes spyod 'jug

las gsungs pa ltar yin te/ tshor ba po dang tshor ba 'ga' yang
rang bzhin gyis grub pa med par mthong ba goms na/ sred pa ldog
par bstan pas/ de 'dra ba'i lam med na sred pa thams cad ci'i
phyir ldog ces par yang ston no/ /'di ni rigs pa

@30b drug cu pa las/ gnas dang bcas pa'i sems ldan la/ /nyon
mongs dug chen cis mi 'byung/ /zhes gsungs pa'i don no/ /tshor ba
yod pa'i rgyu mtshan gyis sred pa yod par gsungs pa la/ rgyu yod
pas 'bras bu yod par sgrub mi nus pas legs

pa min zhes chad pa dang/ rtsegs dbang phyug seng ges spyod 'jug
'gog pa ni/ nyan thos la chos kyi bdag med rtogs pa yod med
gnyis bod na phyi ma grags che zhing/ lugs de la goms pa shas
che ba dang/ phyogs dang po'i lung rigs rnams la

mtha' chod par ma sbyangs pas/ rigs pa brling po'i don zhib tu
ma rnyed par mkhas pa chen po la gya tshom du skyon bzung ba'i
nor pa chen po'o/ /de bzhin du zla ba'i zhabs la bod rnams kyis
skyon bzung ba 'ga' zhig snang ba yang/ phyogs snga ma zhib

tu ye ma go bar skyon ltar snang brjod pas/ rang gi de nyid ston
pa mkhas pas mthong na shin tu ngo tsha ba'i gnas kho nar snang
ngo/ /de ltar na 'grel bshad las mi rtag sogs bcu drug gi lam
gyis nyon mongs kun brtags spong nus la/ lhan skyes

spong mi nus so zhes khyad par 'byed pa yang rigs pa ma yin te/
theg pa thun mong ba la grags pa'i nyon mongs mngon gyur tsam re
zhig spong ba la ni/ kun brtags dang lhan skyes gnyis 'dra la/
sa bon spong mi nus pa yang gnyis ka la 'dra ba'i

phyir ro/ /'dir zla ba dang zhi ba lha gnyis dgongs pa gcig tu
'chad ma shes 'dug go /phung po bden med du ma rtogs na/ gang
zag bden med du mi rtogs la/ de lta na gang zag gi bdag med mi
rtogs pa ni/ dper na phung sogs kyi chos bden pas

@31a @#/ /stong pa chos kyi bdag med du 'jog pa ltar/ gang zag
bden med kyang gang zag gi bdag med du gzhag dgos te/ rgyu mtshan
kun nas mtshungs pa'i phyir ro/ /de lta na gang zag bden par
'dzin pa gang zag gi bdag 'dzin du gzhag

dgos pas/ de ma zad bar du nyon mongs thams cad zad pa mi 'ong
ba dang/ gang zag dang chos la bden 'dzin nyon mongs su 'jog
dgos pa yin te/ zhi ba lha'i lugs la'ang 'di nyid rnam par bzhag
dgos so/ /gnyis pa la gnyis/ theg

chen gyi mdo'i shes byed dgod pa dang/ bstan bcos dang theg dman
gyi mdo'i shes byed dgod pa'o/ /dang po ni/ lhag pa'i bsam pa
bstan pas zhus pa tshig gsal du drangs pa las/ dper na mi la la
zhig gis sgyu ma mkhan gyi rol mo

byung ba'i tshe/ sgyu ma mkhan gyis sprul pa'i bud med mthong
nas/ 'dod chags kyi sems bskyed de/ de 'dod chags kyis sems
bkris nas 'khor gyis 'jigs shing bag tsha ste/ stan las langs nas
song ste de song nas kyang bud med de nyid

la mi sdug par yid la byed cing/ mi rtag pa dang sdug bsngal ba
dang/ stong pa dang bdag med par yid la byed na/ rigs kyi bu de
ji snyam du sems/ mi de yang dag par zhugs pa yin nam 'on te log
par zhugs pa yin/ gsol pa/ bcom

ldan 'das gang bud med ma mchis pa la mi sdug par yid la byed
cing/ mi rtag pa dang sdug bsngal ba dang stong pa dang/ bdag
med par yid la bgyid pa'i mi de'i mngon par brtson pa de ni log
pa lags so/ /bcom ldan 'das kyis bka'

@31b stsal pa/ rigs kyi bu 'di na dge slong dang dge slong ma
dang/ dge bsnyen dang dge bsnyen ma kha cig ma skyes shing ma
byung ba'i chos rnams la mi sdug par yid la byed cing/ mi rtag
pa dang sdug bsngal ba dang stong pa dang bdag med par yid la
byed pa gang

yin pa de dag kyang de dang 'dra bar blta bar bya'o/ /nga ni mi
blun po de dag la lam sgom pa yin no zhes mi smra ste de dag ni
log par zhugs pa zhes bya'o/ /zhes shin tu gsal bar gsungs so/
/sgyu ma'i bud med la bud med dngos su bzung nas/ de la mi

rtag sogs su yid la byed pa dang/ phung po bden par bzung nas
phung po la mi rtag pa la sogs pa sngar yid la byed pa gnyis dpe
don du sbyar ba la/ bden pa'i phung po dmigs par byas nas mi
rtag sogs su yid la byed pa cig kyang yod la/ de ni

zhen yul la 'khrul ba'i log shes rkyang pa yin pas/ tshad mas
grub pa min kyang bden 'dzin gyi yul sun phyung ba'i lta ba ma
rnyed pa'i rgyud la/ bden brdzun gang gis kyang khyad par du ma
byas pa'i phung po la dmigs nas/ de gnyis gang gis kyang

khyad par du ma byas pa'i mi rtag pa sogs su tha snyad pa'i tshad
mas grub pa du ma zhig 'ong la/ sgom pa'i tshe yang don de bsgoms
pas sngar bshad pa bzhin gyi lam rgyud la skye'o/ /yang 'phags
pa bsam gtan pa'i dpe mkhyud kyi mdo tshig gsal du

drangs pa las kyang/ 'jam dpal 'phags pa'i bden pa rnams yang
dag pa ji lta ba bzhin du ma mthong bas/ sems can phyin ci log
bzhis sems phyin ci log tu gyur pa rnams 'khor ba yang dag pa ma
yin pa 'di las 'da' bar mi 'gyur

@32a @#/ /ro/ /zhes gsungs pa la 'jam dpal gyis/ bcom ldan 'das
gang la nye bar dmigs pas sems can rnams 'khor ba las 'da' bar
mi 'gyur ba bstan du gsol/ zhes ston pas bden bzhi yang dag pa
ji lta ba

bzhin du ma shes pas/ 'khor ba las mi grol bar gsungs pa la/ rje
btsun gyis yul gang la ji 'dra ba zhig tu dmigs pas/ 'khor ba
las mi thar ba bshad pa zhus pa'i lan du/ bdag ni 'khor ba las
'da' ba dang/ myang 'das 'thob

par 'gyur ro snyam du bden par zhen pa'i tshul gyis rtog par byed
pas/ mi rtag pa la sogs pa bsgoms pa na/ bdag gis sdug bsngal
shes so/ /kun 'byung spangs so/ /'gog pa mngon du byas so/ /lam
bsgoms so snyam nas bdag

ni dgra bcom par gyur to snyam pa 'byung bar gsungs te/ sngar
bshad pa ltar gyi nyon mongs mngon gyur re zhig spangs pa na/
zag pa thams cad zad do snyam pa skyes pa'o/ /de 'chi ba'i dus
kyi tshe rang skye ba len par mthong ba na/ sangs rgyas

la the tshom zos ba'i nyes pas/ dmyal ba chen por ltung bar
gsungs so/ /de ni lam de lta bu la gnas pa 'ga' zhig la yin gyi/
thams cad la ni ma yin no/ /de nas 'jam dpal gyis 'phags pa'i
bden pa bzhi po ji ltar rtogs par

bgyi zhus pa ni/ sngar 'khor ba las grol ba la bden bzhi yang
dag pa ji lta ba bzhin shes dgos par gsungs ba de 'dir dris
pa'o/ /de'i lan du/ 'jam dpal gang gis 'du byed thams cad ma
skyes par mthong ba des ni/ sdug bsngal yongs su

@32b shes pa yin no/ /gang gis chos thams cad 'byung ba med par
mthong ba des ni kun 'byung ba spangs pa yin no/ /gang zhig chos
thams cad gtan mya ngan las 'das par mthong ba des ni 'gog pa
mngon du byas pa yin no/ /gang gis chos thams

cad shin tu ma skyes par mthong ba des ni lam bsgoms pa yin no/
/zhes gsungs nas lam des len pa med par mya ngan las 'da' bar
gsungs te/ 'dis ni bden bzhi rang bzhin gyis grub pa med par
mthong ba des/ 'khor ba las grol bar

byed la/ bden 'dzin dang ma bral ba'i lam gyis 'khor ba las mi
'da' ba shin tu gsal bar gsungs pas/ bden bzhi mi rtag sogs bcu
drug tsam gyi lam gyis nyon mongs kyi sa bon spong mi nus pa
dang/ de spong ba la yin lugs kyi don

rtogs nas sgom pa dgos par bstan no/ /'di rnams legs par ma
phyed na nyan thos la nyon mongs spong ba'i lam mi rtag sogs bcu
drug tu sgom pa tsam las med par bzung nas/ nyan thos 'phags pa
dang nyan thos dgra bcom pas 'phags pa

dang dgra bcom gyi go mi chod do/ /zhes 'phags pa la skur 'debs
kyi sdig chen po sog la/ de ltar smra ba la byang sems kyi sdom
pa yod na/ rtsa ltung yang skyed pa yin te/ bslab btus las/ slob
pa'i theg pas chags la sogs/ /spong bar 'gyur

ba min zhes 'dzin/ /pha rol dag kyang 'dzin 'jug dang/ /zhes
rtsa ltung du gsungs pa'i phyir ro/ /don 'di rdo rje gcod pa las
kyang gsal bar gsungs te/ rab 'byor 'di ji snyam du sems/ rgyun
du zhugs pa 'di snyam du bdag gis rgyun du zhugs

@33a @#/ /pa'i 'bras bu thob bo snyam du sems sam/ rab 'byor gyis
gsol pa/ bcom ldan 'das de ni ma lags so/ /de ci'i slad du zhe
na/ bcom ldan 'das de ni gang la yang zhugs pa ma mchis pa'i
slad du ste/ des na

rgyun du zhugs pa zhes bgyi'o/ /zhes dang/ bcom ldan 'das gal te
rgyun du zhugs pa de 'di snyam du bdag gis rgyun du zhugs pa'i
'bras bu thob bo snyam du sems par gyur na/ de nyid de'i bdag tu
'dzin par 'gyur ba lags so/ /sems can

du 'dzin pa dang/ srog tu 'dzin pa dang/ gang zag tu 'dzin par
'gyur lags so/ /zhes gsungs shing/ 'bras gnas phyi ma gsum la
yang de bzhin du gsungs so/ /rgyun zhugs kyi sa thob mkhan dang/
thob bya'i 'bras bu la bden par bzung nas/

bdag gis rgyun zhugs thob bo snyam du sems na/ de nyid de'i bdag
tu 'dzin par 'gyur ro/ /zhes pas ni gang zag dang 'bras bu bden
'dzin gnyis bdag 'dzin du gsungs pa'i dang po ni/ gang zag gi
bdag 'dzin dang/ gnyis pa ni chos kyi bdag

'dzin no/ /rgyun zhugs kyis bden par bzung nas bdag gis 'bras bu
thob bo snyam du mi 'dzin pa ni/ bden 'dzin gyi yul sun ma
phyung ba'i dbang du mdzad pa yin gyi/ lhan skyes kyi 'dzin pa
yang med par ston pa min no/ /des ni phyi ma rnams kyang

shes par bya'o/ /lung 'di dbu ma rang rgyud pa kha cig gzhan du
'chad kyang/ sher 'byung blo gros kyis nyan rang gi byang chub
tu bgrod pa la/ stong nyid rtogs dgos pa'i shes byed du drangs
pa ltar legs so/ /de ltar na lung de dag gis ni de kho

@33b na nyid kyi lta ba dang bral na/ 'khor ba las mi grol ba
dang/ 'khor ba las grol ba la lta ba de dgos par gsal bar bstan
la/ nyan rang dgra bcom pa 'khor ba'i 'ching ba las ma grol ba
ni/ mkhas pa su yang mi 'dod cing mi 'thad pas/ nyan rang la

chos rang bzhin gyis grub pa med pa rtogs pa yod par gsal bar
bstan no/ /gzhan yang yum chen mo sogs khungs mang mod kyang/
tshig mangs su dogs nas ma bris so/ /gnyis pa ni/ rin chen
'phreng ba las/ ji srid phung por 'dzin yod pa/ /de

srid de la ngar 'dzin nyid/ /ngar 'dzin yod na yang las te/ /de
las yang ni skye ba yin/ /lam gsum thog mtha' dbus med pa/ 'khor
ba'i dkyil 'khor mgal me yi/ /dkyil 'khor lta bu phan tshun gyi/
/rgyu can 'di ni 'khor bar 'gyur/ /de ni rang

gzhan gnyis ka dang/ /dus gsum nyid du'ang ma thob phyir/ /ngar
'dzin pa ni zad par 'gyur/ /de las las dang skye ba yang/ /zhes
gsungs so/ /de'i rkang pa dang po gnyis kyis ni phung po la bden
par 'dzin pa ji srid yod pa de srid du/ de las ngar 'dzin

pa'i 'jig lta 'byung bar bstan pas/ 'jig lta ma lus par zad pa
la phung po bden 'dzin zad dgos par bstan to/ de'i tshe nyan rang
dgra bcom pas kyang phung po bden 'dzin zad par spangs par shes
so/ /de ltar na bden 'dzin gyi zhen yul sun ma

phyung bar du/ 'jig lta'i zhen yul sun mi phyin pas/ theg pa che
chung gi grub mtha' smra ba la thun mong du grags pa'i gang zag
gi bdag med ni/ rags pa'i gang zag gi bdag tsam bkag pa yin gyi/
phra ba'i gang zag gi bdag med min par shes so/ /

@34a @#/ /de'i phyir slob dpon 'di'i lugs kyis nyan rang gis gang
zag gi bdag med rtogs tshul/ grub mtha' smra ba gzhan dang 'dra
ba bzung nas/ chos kyi bdag med rtogs pa yod med la mi mthun par
smra bas ni/ 'di'i lugs legs

par ma rtogs pa yin te/ de kho na nyid kyi lta ba dang bral ba
la gang zag gi bdag med pa rtogs par yang mi 'gyur bar 'grel pa
las gsungs pa'i phyir ro/ /de nas rkang pa gnyis kyis 'jig lta
yod pas de'i dbang gis 'khor bar 'ching ba'i las

sog pa dang/ de las las dbang gis 'khor bar skye bar gsungs te/
de yang phung po la bden 'dzin gyi zhen yul sun ma phyin pa'i
dbang du mdzad kyi/ spyir 'jig lta yod tsam la min te/ sa bdun
pa'i bar du 'jig lta yod kyang/ sa dang po nas las

dbang gis skye ba mi len pa'i phyir ro/ /gzhung de dag gis ni de
kho na nyid kyi lta ba sgom pa dang bral na/ 'jig lta zad par
byed mi nus par bstan pas/ mi rtag sogs bcu drug gi lam tsam las
med na nyon mongs zad par spong ba med par bstan no/ /

de ltar thun mong ma yin pa'i gang zag gi bdag med kyi 'jog tshul
mdzad phyin chad/ gang zag gi bdag med thun mong ba tsam gyi
dbang du mdzad nas/ 'jig lta la sogs pa'i ngos 'dzin mdzad pa'i
nyon mongs kyi rnam gzhag rnams sor bzhag tu

mdzad na/ thun mong ma yin pa'i grub mtha'/ mtha' ma chod pa'i nor
pa chen por 'gyur bas/ de la mkhas pa'i dbang po 'di 'khrul ba
ga la srid/ des na nyan rang la chos kyi bdag med rtogs pa yod
par bshad pa'i gzhung 'dzugs par ma go

@34b zhing/ nyon mongs kyi rnam gzhag la thun mong ma yin pa'i
'jog tshul yod dam med snyam pa tsam yang mi skye ba'i 'di'i rjes
'brang rnams ni/ lugs 'di la dad pa tsam du zad do/ /'dis mtshon
nas gzhan yang mang du snang ba rnams legs par

rtsad gcad par bya'o/ /lam gsum ni nyon mongs dang las dang skye
ba'i kun nyon gsum mo/ /de gsum la thog mtha' dang dbus med pa
ni nyon mongs las las dang/ de las sdug bsngal skye zhing sdug
bsngal las kyang de'i rigs 'dra dang/ nyon mongs

sogs skye ba'i phyir phar skye tshur skye byed pas/ snga phyi'i
rim pa nges pa med pa ste/ phan tshun gyi rgyu can gyi don no/
/rten 'brel de ni rang dang gzhan dang gnyis ka las skye ba med
la/ de yang dus gsum gang yang rang bzhin gyis skye ba ma thob pa
ste med

pa mthong ba'am/ ma mthong ba'i phyir te/ rgyu mtshan gyis ngar
'dzin pa'i 'jig lta zad pas 'khor bar 'khor ba ldog go /de'i 'og
tu phung khams sogs rang bzhin med par gtan la phab pa'i mthar/
de ltar yang dag ji bzhin du/ /'gro ba don med

shes nas ni/ /rgyu med pa yi me bzhin du/ /gnas med len med mya
ngan 'da'/ /zhes de kho na nyid kyi don mthong nas mya ngan las
'da' bar gsungs so/ /ci ste de ltar mthong ba de byang sems kho
na'i dbang du mdzad nas gsungs so zhe na/ de ltar gsungs

pa de nyan rang gi dbang du mdzad nas gsungs pa yin te/ mya ngan
'da' zhes pa'i mjug thogs nyid du/ de ltar byang chub sems dpas
kyang/ /mthong nas byang chub nges par 'dod/ /'on kyang de ni
snying rje yis/ /byang chub bar du srid mtshams sbyor/ /

@35a @#/ /zhes bya ba la sogs pa gsungs pa'i phyir ro/ /'grel par
drangs pa'i rin chen 'phreng ba'i gzhung rnams ni snga 'gyur mi
legs par 'dug go /nyan thos la bstan pa'i mdo las kyang/ nyan
thos rnams kyi nyon mongs

pa'i sgrib pa spang bar bya ba'i phyir/ gzugs ni dbu ba brdos pa
'dra/ /tshor ba chu yi chu bur 'dra/ /'du shes smig rgyu lta bu
ste/ /'du byed rnams ni chu shing bzhin/ /rnam par shes pa sgyu
ma ltar/ /nyi ma'i gnyen gyis bka' stsal te/ /zhes dpe

lngas 'dus byas rnams rang bzhin med par dpyad pa yin no/ /byang
chub sems 'grel las/ ston pas nyan thos rnams la phung po lnga
dang/ byang sems rnams la gzugs dbu ba sogs lnga dang 'dra bar
bshad ces khyad par phye ba ni/ re zhig de kho na

nyid rtogs mi nus pa'i nyan thos la dgongs kyi nyan thos thams
cad la min te/ de nyid las/ gang dag stong nyid mi shes pa/ /de
dag thar pa rten ma yin/ /'gro drug srid pa'i btson rar ni/
/rmongs pa de dag 'khor bar 'gyur/ /zhes gsungs pa'i phyir

ro/ /theg dman gyi sde snod du chos rang bzhin med pa'i don 'di
nyid ston par mdzad pa na/ rin chen 'phreng ba las/ theg pa che
las skye med bstan/ /gzhan gyi zad pa stong pa nyid/ /zad dang
mi skye don du ni/ /gcig pa de phyir bzod par gyis/ /zhes theg

chen gyi mdo sde las rang bzhin gyis skye ba med pa stong nyid
du bstan pa dang/ gzhan te theg dman gyi mdo las ni stong pa
nyid ston pa na/ 'dus byas zad par bstan pas stong pa nyid ston
pa gnyis don gcig pas/ theg chen las stong nyid bstan pa

@35b la mi bzod par ma byed ces gsungs so/ /'di gnyis don gcig
lugs la kha cig na re/ nyan thos pa rnams dngos po la zad pa
khas len na/ rang bzhin yod na zad pa mi rigs pas/ de khas len
na dang po nas rang bzhin med pa khas len dgos

pas de gnyis don gcig go zhes 'chad pa ni/ shin tu mi 'thad de/
de lta yin na dbu ma pas yod par 'dod pa'i myu gu la sogs pa'i
chos gang khas len pa la yang/ rgyu mtshan de yod pas myu gu la
sogs pa thams cad dang/ stong pa nyid gnyis

don gcig tu ha cang thal bar 'gyur ba'i phyir ro/ /rin chen
'phreng ba'i 'grel par skye ba med pa dang/ skad cig ma la don
gyi khyad par 'ga' yang med do/ /zhes pa yang gzhung don ma go
ba'i bshad pa'o/ /rigs pa drug cu pa'i 'grel par drangs pa'i

theg dman gyi mdo las/ gang sdug bsngal 'di ma lus par spangs
pa/ nges par spangs pa/ byang bar gyur pa/ zad pa 'dod chags
dang bral ba/ 'gog pa/ nye bar zhi ba/ nub pa/ sdug bsngal gzhan
gyi mtshams mi sbyor zhing/ mi 'byung mi skye

ba 'di ni zhi ba/ 'di ni gya nom pa ste/ 'di lta ste phung po
thams cad nges par spangs pa/ srid pa zad pa/ 'dod chags dang
bral ba/ 'gog pa/ mya ngan las 'das pa'o/ /zhes gsungs la/ de'i
don 'grel ba na sdug bsngal 'di zhes pa'i nye ba'i tshig

gis gsungs pa'i phyir/ da ltar gyi rang rgyud kyi sdug bsngal
lam phung po kho na'i dbang du mdzad nam/ ma lus par spangs pa
nas nub pa'i bar dang/ ma 'ongs pa'i sdug bsngal gyi dbang du
mdzad nas/ sdug bsngal gzhan mtshams mi sbyor ba nas/ mya

@36a @#/ /ngan las 'das pa'o zhes pa'i bar du gsungs so/ /sdug
bsngal lam phung po 'di zhes pa de gnyis kyi bye brag nyon mongs
la 'jug pa'i spyi sgra bye brag la 'jug pa'o snyam na/ de yang
mi rung ste spyi sgra ni spyi'i don la

bshad du mi rung na/ bye brag la bshad dgos mod kyang/ 'dir ni
spyi sgra'i steng nas bshad du yod pa'i phyir ro/ /de ltar byas
na dngos por smra ba rnams ltar na/ rgyud bla ma las nyon mongs
gdod nas zad phyir ro/ /zhes gsungs pa ltar phung po

gdod ma nas rang bzhin gyis skye ba med pas/ gdod ma nas zad pa
la bshad du mi rung ba'i phyir/ lam gyis ma lus par spangs pa la
bshad dgos na/ de'i tshe mngon du bya rgyu'i myang 'das yod pa na
mngon du byed mkhan med pa dang/ byed mkhan

yod pa na phung po ma zad pas mngon du bya rgyu'i myang 'das med
par 'gyur bas/ mdo 'di bshad mi nus par 'gyur ro/ /kho bo cag
ltar na/ 'di'i zad pa ni/ zad pa gnyen pos zad pa ma yin te/ de
ni gdod nas zad pas zad ces bya/ zhes gsungs

pa ltar bshad pas chog pas mdo'i don legs par bshad par nus so/
/des na mdo las 'di 'dra ba'i zad pa bstan nas/ sdug bsngal
'gags pa'i 'gog pa mya ngan las 'das pa bstan pa de dang/ rang
bzhin gyis skye ba med pa'i 'gog pa

bstan pa gnyis don gcig tu 'phags pas gsungs pa 'di ma rtogs par
snang bas zhib tu bshad do/ /rtsa she las kyang/ bcom ldan dngos
dang dngos med pa/ /mkhyen pas ka tyA ya na yi/ /gdams ngag las
ni yod pa dang/ /med pa gnyis ka'ang

@36b dgag pa mdzad/ /ces gsungs pa 'dis kyang theg dman gyi mdo
las mtha' gnyis bkag pa gsungs par ston te/ mdo 'di ni lung
phran tshegs na snang ngo/ /de dag kyang mtshon pa tsam yin gyi/
rin chen phreng ba na 'dir ma drangs pa du ma zhig dang/

rigs pa drug cu pa dang/ bstod pa'i tshogs las kyang du ma zhig
gsungs so/ /gsum pa la gnyis/ 'grel pa nas bshad pa'i rtsod pa
spang ba dang/ der ma bshad pa'i rtsod pa spang ba'o/ /dang po
ni/ 'grel pa las/ gang zhig gal te nyan thos kyi

theg pa las kyang chos la bdag med pa bstan na/ de'i tshe theg pa
chen po bstan pa don med par 'gyur ro snyam du sems pa de'i lugs
de yang 'di ltar rigs pa dang lung dang 'gal bar rtogs so/ /zhes
pa'i phyogs snga ma smra ba ni slob dpon

legs ldan yin te/ sangs rgyas bskyangs kyis rab byed bdun pa'i
'grel par theg dman gyi mdor chos thams cad bdag med par gsungs
pa'i don/ chos rnams ngo bo nyid kyis grub pa med pa'i don du
bshad pa la/ shes rab sgron mer de lta

yin na/ theg chen bstan pa don med du 'gyur ro zhes dgag pa
mdzad do/ /de la spyir theg chen bstan pa don med du 'gyur zer
ram/ theg chen du chos kyi bdag med bstan pa don med du 'gyur
zer/ dang po ltar na ni/ thal ba de la khyab pa yod na ni/

theg chen bstan pa chos la bdag med pa tsam 'ba' zhig ston par
'gyur na/ de ni ma yin te theg chen las ni/ byang sems kyi sa
rnams dang/ sbyin pa la sogs pa'i phar phyin gyi spyod pa dang/
smon lam dang bsngo ba rlabs po che rnams dang/ snying

@37a @#/ /rje chen po sogs dang/ tshogs gnyis rlabs po che dang/
byang sems kyi mthu rmad du byung ba so skye dang/ nyan rang gis
bsam gyis mi khyab pa'i chos nyid kyang ston pa'i phyir te/ rin
chen 'phreng ba las/ nyan thos theg pa de las

ni/ /byang chub sems dpa'i smon lam dang/ /spyod pa yongs bsngo
ma bshad des/ /byang chub sems dpar ga la 'gyur/ /byang chub
spyod la gnas pa'i don/ /mdo sde las ni bka' ma stsal/ /theg pa
che las bka' stsal pa/ /de phyir mkhas pa rnams

kyis gzung/ /zhes gsungs pa'i phyir ro/ /'di ni theg dman gyi
sde snod nas bshad pa'i lam nyid kyis/ sangs rgyas su bgrod nus
pas/ theg chen gzhan mi dgos so snyam pa'i log rtog sel ba la
gsungs la/ khyed ltar na theg chen las

chos kyi bdag med gsungs pas theg dman gyi gzhung nas bshad pas
mi chog ces gsung dgos pa la/ de ma gsungs par rgya che ba'i
phyogs gzhan gsungs so zhes pa'o/ /gal te phyogs gnyis pa ltar
na ni de la yang khyab pa med de/

nyan thos kyi sde snod las ni chos kyi bdag med pa mdor bsdus pa
tsam las mi ston la/ theg chen las ni chos kyi bdag med sgo du
ma nas shin tu rgyas par ston pa'i phyir ro/ /de yang 'phags
pa'i bzhed pa yin te/ 'jig rten las 'das par

bstod pa las/ mtshan ma med pa ma rtogs par/ /khyod kyi thar pa
med par gsungs/ /de phyir khyod kyis theg chen las/ /de ni tshang
bar bstan pa lags/ /zhes gsungs pa'i phyir ro/ /de'i rkang ba
dang po gnyis kyis mtshan med kyi de kho na nyid ma rtogs

@37b par nyon mongs zad pa med pas thar pa thob pa med par bstan
no/ /khyod kyi zhes sogs kyis theg chen las mtshan med chos kyi
bdag med tshang bar te rdzogs par bstan/ zhes pas theg dman du ni
chos kyi bdag med rdzogs par ma bstan par shes

so/ /'o na de phyir zhes pa rdzogs par bstan pa'i rgyu mtshan du
'gro tshul ji ltar yin snyam na/ mtshan med ma rtogs par nyon
mongs zad pa'i thar pa mi 'thob pas na/ nyan thos kyi theg par
yang chos kyi bdag med bstan dgos la/ de la theg pa che

chung gi khyad par yang dgos pa de'i phyir zhes bshad dgos so/
/de dag gis ni sun 'byin pa'i thal ba dang/ des bzlog pa 'phangs
pa gnyis la khyab byed ma nges pa'i sun 'byin ltar snang du
bstan pa ni/ rigs pa dang 'gal ba'o/ /lung dang 'gal ba

ni sngar mang du bshad zin to/ /'o na theg pa che chung gi sde
snod du chos kyi bdag med rdzogs par ston mi ston dang/ de gnyis
kyi lam du'ang chos kyi bdag med rdzogs par sgom mi sgom slob
dpon 'dis bshad pa'i don gang yin snyam na/ de ni theg chen pa

la shes bya thams cad rang bzhin gyis grub pa med par rtogs pa
yod la/ nyan rang la de med par shes bya phyogs gcig pa 'ga'
rang bzhin gyis grub pa med par rtogs pa yod ces pa ni/ gtan min
te gzhi grub pa cig gi steng du/ chos kyi bdag med

tshad mas grub pa cig byung na/ de nas gzhi gzhan la bden par yod
med kyi dpyod pa zhugs na/ rigs pa snga ma la brten nas bden med
du rtogs par nus pa'i phyir ro/ /dbu ma par 'dod pa kha cig gis
dngos po bden grub khegs pa'i lugs su byas nas/

@38a @#/ /bden stong bden grub tu 'dod pa dang/ kha cig gis chos
nyid sgrub pa rang dbang ba bden grub tu 'dod pa'i snga ma ni/
bden tshad legs por ma zin par rags pa cig las ma khegs par 'dug
pa'i skyon du snang la/ phyi ma ni dngos

po bden pa bkag par rlom yang/ tshad mas khegs par mi snang gi
dngos po la skur 'debs kyi lta bar 'dug pas/ de dag gis ma nges
pa med do/ /des na theg chen pas ni rtsa she las gsungs pa bzhin
du/ gzhi gcig bden med du sgrub pa la yang/

sgrub byed kyi rigs pa mi 'dra ba mtha' yas pas bsgrubs pas/ de
kho na nyid la blo shin tu rgyas par 'gyur la/ theg dman la ni
rigs pa mdor bsdus pa zhig gis de kho na nyid tshad mas grub na/
snga ma ltar mi byed pas de kho na nyid la blo rgyas pa

med pas rgyas bsdus dang/ bdag med sgom pa rdzogs ma rdzogs su
gsungs so/ /de ltar 'ong ba yang nyan rang rnams ni/ nyon mongs
tsam spong ba'i phyir brtson pa yin la/ de la ni de kho na nyid
kyi don mdor bsdus pa de tsam zhig rtogs pas chog

go /theg chen pa shes sgrib spong ba lhur len pas/ de la de kho
na nyid la shes rab mched nas blo shin tu rgyas pa zhig dgos pa
yin no/ /gnyis pa ni/ 'o na mngon rtogs rgyan las/ gzung don
rtog pa spong phyir dang/ /'dzin pa mi spong phyir dang ni/ /

rten gyi bse ru lta bu'i lam/ /yang dag bsdus par shes par bya/
/zhes rang rgyal gyi lam gyis gzung ba la bden zhen gyi rtog pa
spong nus kyang/ 'dzin pa la bden zhen spong mi nus par gsungs
pa dang/ yang/ nyon mongs shes bya lam gsum

@38b gyi/ /nyams phyir slob ma bse ru dang/ /rgyal sras rnams
kyi dag pa ste/ /zhes gzung ba la bden zhen shes sgrib tu gsungs
pa ji ltar drang zhe na/ de la gzung ba phyi rol la zhen pa
spong ba'i don ni/ phyi rol gyi don tshad mas grub kyang/ phyi
rol bden grub

rigs pas khegs pa dbu ma pa ltar gtan la phab ba'i don bsgoms
nas bden zhen spong ba dang/ yang na sems tsam pa ltar phyi rol
gyi don rigs bas bkag pa'i don bsgoms pa la brten nas/ phyi rol
yod par 'dzin pa spong ba gang rung gcig

las mi 'da' 'o/ /de la dang po ltar na ni mi rigs te/ phyi don
spyir yod par 'jog thub pa la/ bden yod de kho na nyid la dpyod
pa'i rigs bas khegs pa zhig yin na ni/ de nas 'dzin pa la bden pa
yod med kyi dpyod pa zhugs pa na/ rigs pa snga ma'i

mthu la brten nas bden med du rtogs par nus te/ 'phags pa lhas/
gang gis dngos gcig de bzhin nyid mthong ba/ /de yis dngos kun
de bzhin nyid du mthong/ /zhes gsungs pa'i phyir ro/ /gnyis pa
ltar 'dod pa ni slob dpon seng ge bzang po la

sogs pa'i 'grel pa'i lugs yin pas/ de'i ltar na phyi rol med par
tshad mas grub pa yin no/ /phyi rol med par grub na de 'dzin pa'i
shes pa/ gzung ba las rdzas tha dad pa med par ni/ su dbang po
rtul yang 'grub pas/ 'dzin pa la bden zhen mi

spong ba ni/ spyir shes pa bden grub tu khas len pa la byed kyi/
gzung 'dzin rdzas tha dad kyi phyed khegs shing phyed bden par
'dzin pa gtan min pas/ 'dzin pa bden par smra ba'i rang rgyal
dang/ gzung 'dzin gnyis med kyi shes pa don dam du grub par

@39a @#/ /smra ba'i rnam rig pa gnyis grub mtha' mtshungs pa mtshar
zhes pa ni/ gsal byed pa'i bzhad gad do/ /'dir rang rgyal gyi
lam theg pa 'bring du ston pa la/ gzung ba dang 'dzin pa la bden
zhen spong mi spong gi khyad par

gsungs te/ de gnyis kyis nyan thos las lhag pa dang/ theg chen
las dman pa'i phyir 'bring po'o/ /'di ni theg pa che 'bring
chung gsum gyi gang zag gsum/ dbang po rna 'bring rtul ba yin
pas/ bdag med la ltos te dbang po'i rim pa bzhag pa

ste/ theg chen la lta ba rab dbu ma'i lta ba dang/ theg 'bring
la lta ba 'bring sems tsam gyi lta ba dang/ theg chung la lta ba
tha ma gang zag gi bdag med thun mong ba'i lta ba bzhag pa yin
kyang/ der ma nges so/ /de kho na nyid kyi lta ba gsum ga la yod
pa

ltar na'ang/ de kho na nyid myur du gting dpogs mi dpogs sogs
kyi sgo nas dbang po'i rim pa gsum mi 'gal lo/ /'dzin pa shes pa
la bden zhen spong mi nus pa dman khyad du bstan pa'i phyir/
mngon rtogs rgyan nas bshad pa'i bdag med

kyi lta ba ni mngon rgyan dang/ 'byed rnam pa gnyis ltar sems
tsam la bshad du mi rung ngo/ /mngon rtogs rgyan la'ang dbu sems
su 'grel tshul rgya gar ba rnams la'ang yod pas/ de dag gi rgyu
mtshan mang du bshad dgos kyang/ tshig mangs su

dogs nas re zhig ma bris so/ /yang/ chos kyi dbyings la dbyer
med phyir/ /rigs ni tha dad rung ma yin/ /brten pa'i chos kyi
bye brag gis/ /de yi dbye ba yongs su brjod/ /ces gsungs pa 'dis
ni nyan rang rnams la'ang chos nyid rtogs

@39b pa yod par bstan no/ /de la chos kyi dbyings zhes pa ni nyi
khri snang ba las/ de la rtog pa dang rnam par rtog pa ni dngos
po dang de'i mtshan ma la mngon par zhen pa ste/ de med pa'i
phyir chags pa med pa nyid du rig par bya'o/ /yod par ma gyur pa
nyid ni chos

thams cad kyi de bzhin nyid do/ /des na 'dis ni chos kyi dbyings
nyid 'phags pa'i chos rnams kyi rgyu yin pa'i phyir/ /rang bzhin
du gnas pa'i rigs sgrub pa'i rten yin no zhes ston par byed do/
/zhes dngos po dang de'i mtshan ma la bden par zhen pa'i

chags pas bzung ba ltar yod pa min pa'i bden stong la bshad do/
/de la chos dbyings rigs yin na/ sems can thams cad rigs la gnas
par 'gyur te/ chos dbyings ni thams cad la spyir gnas pa'i phyir
ro/ /zhes pa'i rtsod pa bkod de/ rigs

la gnas pa ni lam gyi skabs kyi rigs la bsams pa'o/ /de'i lan
du/ ji ltar dmigs pa na 'phags pa'i chos rnams kyi rgyur 'gyur
ba de ltar rigs yin par brjod pa des na/ 'dir ha cang thal ba
med par gsungs te/ chos nyid yod pa tsam gyis

lam gyi skabs kyi rigs la gnas pa min gyi/ chos nyid la lam gyis
dmigs nas bsgoms pa na/ 'phags chos kyi rgyu khyad par can du
gyur pa'i tshe/ rigs khyad par can du 'jog pa'i don no/ /de lta
na'ang chos dbyings la dbye ba med pas theg pa

gsum gyi rigs ni tha dad mi rung ngo zhes pa'i lan du/ brtan
pa'i chos dmigs byed kyi lam gyi dbye bas rigs tha dad du brjod
do/ /zhes ston no/ /rten ni 'dir dmigs pa dang/ brten pa ni
dmigs byed yin la/ dmigs byed la nyan rang gi theg pa

@40a @#/ /gnyis kyang yod cing/ chos nyid la dmigs pa la de blo
ngor 'grub dgos la/ bden grub blo ngor ma bcad par/ /bden stong
blo ngor mi 'grub cing/ de ma grub na chos nyid blo ngor mi
'grub bo/ /de yang dang por gzhi chos can gcig

gi steng du nges dgos pas/ nyan rang la yang phyi nang gi chos
can la dmigs nas/ de'i chos nyid bden par med par dmigs pa yod
par bstan no/ /de ltar byas na rang rgyal la de kho na nyid kyi
don rtogs pa zhig kyang yod pas/ rang rgyal la shes pa la

bden zhen spong mi nus pas ma khyab bo/ /nyan thos la yang de
kho na nyid rtogs pa dang ma rtogs pa gnyis su dbye dgos pa'i
phyir/ mngon rtogs rgyan du yang theg dman la tshul gnyis gsungs
pas/ gzung 'dzin rdzas tha dad du bden par 'dzin pa

la/ shes sgrib tu 'jog mi 'jog gnyis nges par bya dgos so/ /gal
te theg pa gsum gyi rigs tha dad pa mi rung ngo zhes mi rtsod
kyi/ rigs bcu gsum gyi dbye ba mi rung bar rtsod pa yin snyam
na'ang mi 'thad de/ nyi khri snang bar ji skad du 'jam dpal

gal te chos kyi dbyings gcig dang/ de bzhin nyid gcig dang/ yang
dag pa'i mtha' gcig yin na/ de la ji ltar snod dang snod ma yin
par gdags so zhes gsungs pa bzhin no zhe na/ zhes mdo gzhan las
chos dbyings la dbye ba med pas/ theg chen gyi

snod dang snod ma yin par ji ltar brtag ces gsungs pa dang 'di
'dra bas/ theg pa che chung gi rigs tha dad pa mi rung ba la
rtsod rgyu yin gyi/ rigs bcu gsum la byas na snod dang snod ma
yin par rtsod pa mi rung ba'i phyir ro/ /slong dpon chen po seng
ge

@40b bzang po yang 'phags pa grol sde dang mthun par bzhed do/
/de bzhin du rgyud bla ma rtsa 'grel las kyang/ nyan rang la
chos nyid rtogs pa dang ma rtogs pa gnyis ka gsungs pa yod de
mangs pas 'jigs nas re zhig ma bris so/ /de ltar gnyis 'ong

ba ni mngon rtogs rgyan du nyan rang gi lam shes pa'i lam shes
ston pa ni/ nyan rang gi rigs can rnams rjes su 'dzin pa'i phyir
du yin pas/ rjes su gzung rgyu'i theg dman la yang zab mo'i snod
du gyur ma gyur gnyis yod cing/ de gnyis la'ang phyi

ma ches mang bas phal cher de'i lam mang du gsungs so/ /theg
chen la thog mar sems tsam la ma khrid par dbu ma'i lta ba mi
rnyed pa snang ba bzhin du/ rang rgyal la yang yod la de ni nyan
thos la'ang yod par mngon no/ /gzhan yang nyi khri snang ba
dang/

brgyad stong 'grel chen gnyis kar chos dbyings theg pa gsum ga'i
rigs su 'jog pa'i shes byed du/ 'phags pa'i gang zag thams cad
ni/ 'dus ma byas kyis rab tu phye bar gsungs pa drangs la/ de ni
rdo rje gcod pa las sangs rgyas pa'i chos

dang/ des bstan pa'i chos thams cad ma mchis so/ /zhes pa'i
sgrub byed du 'phags pa'i gang zag rnams ni 'dus ma byas kyis
rab tu phye ba'i slad du'o/ /zhes gsungs pa'i don ni theg pa che
chung gi 'phags pa'i gang zag thams cad ni chos rnams

de kho nar ma grub pa'i don dam 'dus ma byas mngon du byas pas
bzhag pa'i phyir zhes pa'o/ /de'i phyir lugs 'di dang mngon
rtogs rgyan gnyis 'gal ba ma yin no/ /des na rgyan gyi 'grel
mdzad de dag gi lugs la yang tshul gnyis shes par bya'o

@41a @#/ /spros pas chog go /gsum pa la bzhi/ sa dang po la
gnas pa'i sbyin pa bshad pa/ rten dman pa rnams kyi sbyin pa
bshad pa/ byang chub sems dpa' rnams kyi sbyin pa bshad pa/
sbyin pa'i phar phyin gyi dbye ba bstan pa'o/

dang po ni/ sa rab tu dga' ba thob pa de'i tshe byang sems de la
phar phyin bcu'i nang nas sbyin pa'i pha rol tu phyin pa nyid de
kho na/ chos lhag par yod par 'gyur te/ de la phar phyin gzhan
rnams med pa ni min no/ /'jig rten las 'das pa'i sbyin pa'i phar

phyin de yang rdzogs pa'i byang chub kyi rgyu dang po ste/ de
yang 'jig rten las 'das pa'i dbang du byas pa'o/ /spyir phar
phyin snga ma rnams las phyi ma rnams lhag pa yin kyang/ sa 'dir
sbyin pa lhag par gsungs pa ni/ sa 'dir sbyin pa nyams su

len pa la mthu phul du byung ba de'i tshod tsam tshul khrims la
sogs pa nyams su len pa la med pa'i don te/ sa dang por bdag gi
lus dang/ phyi'i yo byad gtong ba la sbyin pa'i phar phyin dang
'gal ba'i kun 'dzin gyi chags pa cung zad kyang ma 'byung

bar gsungs pa ltar spyod nus kyang/ sa gnyis par rmi lam na yang
tshul khrims kyi mi mthun phyogs 'chal khrims la gtan mi spyod pa
ltar mi nus pa'o/ /yang sa der snang du mi rung ba'i rtogs pa
sbyin pas dpog pa ni/ phyi'i yo byad ster ba la

gus bar ma zad/ slong ba la rang gi sha ster ba la'ang ches
gus par byas pa yis/ gang zag gzhan phal che ba la snang du mi
rung ba'i nang gi sa thob pa sogs dpog pa'i rgyur te gtan tshigs
su 'gyur te/ du ba sogs kyis me la sogs pa dpog

@41b pa bzhin no/ /'dis ni lus srog dang longs spyod gtong ba la
kun 'dzin gyi dri ma med par bstan te/ de ltar btang yang rgyud
rnam pa gzhan du mi 'gyur bar brtan par gnas pa'i phyir ro/
/gnyis pa la gnyis/ sbyin pas 'khor ba'i bde ba 'thob pa

dang/ sbyin pas myang 'das kyi bde ba 'thob par bstan pa'o/
/dang po ni/ skye bo 'di rnams kun ni/ bkres skom dang nad dang
tsha grang sogs kyi sdug bsngal phyir bcos pa'i bde ba thob par
mngon par 'dod cing/ mi la sogs pa rnams kyi bde ba

de'ang 'dod pa'i yul gyi longs spyod bza' btung dang/ nad gso
ba'i chas dang gos dang gnas khang sogs la/ spyad pa med par
skye ba min la/ longs spyod de rnams kyang ni sngon sbyin pa las
byung ba'i bsod nams bsags pa las 'byung bar mkhyen

nas/ 'gro ba thams cad kyi bsam pa mkhyen pa'i thub pas/ ches
dang por sbyin pa'i gtam nyid mdzad de/ thabs de la 'jug par
yang sla ba'i phyir ro/ /gal te sbyin pa btang ba las longs
spyod phun sum tshogs pa thob pa de la/ gtong ba po tshul dang

mthun pa dgos sam snyam na/ de ni mi dgos te 'di ltar/ tshong pa
bzhin du nor ches chung ngu btang ba las/ 'bras bu nor gyi
phung po ches yangs ba 'dod pas longs spyod 'dod pa'i slong mo
ba las kyang longs spyod rgya che ba 'dod pas sbyin pa byed

pa la gus kyi/ byang sems rnams ltar snying rje'i gzhan gyi
dbang gis sbyin pa'i 'bras bu don du mi gnyer ba kho nar/ sbyin
par 'dod pa'i dga' ston mngon par 'phel bar mi byed pa'i gtong
ba po snying rje dman zhing/ der ma zad sems can la

@42a @#/ /sems shin tu rtsub pa'i sems dang ldan pa/ rang gi don
mngon mtho'i bde ba tsam lhur len pa nyid du 'gyur ba ste/ gtso
bor byed pa gang yin pa de dag gi ste la yang/ longs spyod mi
gtong bar 'dzin pa'i skyon la rgyab kyis phyogs pa

rnam smin la re ba'i yon tan tsam 'dzin pa la g.yer bag thob
pa'i sbyin pa las/ longs spyod phul du byung ba phun tshogs
'byung ba'i sgo nas/ bkres skom sogs kyi sdug bsngal nye bar zhi
ba'i rgyur 'gyur ro/ /gnyis pa ni/ gang zhig snying rje dang
bral bas

rang gi sdug bsngal phyir bcos pa'i bde ba tsam la ltos pa nyid
kyis/ sbyin pa gtong pa la gus pa 'di yang/ sbyin bdag gtong ba
po'i thad du dam pa dag gis bgrod pa yin no/ /zhes gsungs pa'i
phyir/ sbyin pa gtong ba'i skabs kyis nam zhig gi tshe

'phags pa'i skye bo dang phrad pa myur du 'thob bo/ /de nas dam
pa des chos bstan pa las/ 'khor ba la yon tan med par rig cing/
'phags lam zag pa med pa mngon du byas pas ma rig pa spangs nas/
srid pa 'khor ba'i rgyun thog med nas skye 'chi

gcig nas gcig tu brgyud pa yang dag par bcad par byas te/ dam pa
dang phrad pa de yi rgyu can nyan thos sam rang rgyal gyi zhi ba
myang 'das su 'gro bar 'gyur ro/ /gsum pa la bzhi/ byang sems
kyi sbyin pa'i phan yon thun mong ma yin pa bstan pa/

rten gnyis ka la sbyin pa'i gtam gtso bor bstan pa/ byang sems
kyis sbyin pa'i tshe dga' ba ci 'dra ba 'thob pa bstan pa/ byang
sems kyis lus sbyin pa la sdug bsngal yod med bstan pa'o/ /dang
po ni/ byang sems ma yin pa rnams ni sbyin pas

@42b long ba po tshim par byas pa dang/ dus mnyam pa ste de'i
mjug thogs nyid du sbyin pa'i 'bras bu'i bde ba la nges par
longs spyod pa min no/ /des na de rnams ni sbyin pa'i 'bras bu
mngon sum du mi mthong ba'i phyir sbyin pa la mi 'jug pa yang
srid na/

'gro ba thams cad la phugs su phan pa dang/ 'phral du bde ba
sgrub par dam bcas pa'i yid can gyi byang sems rnams/ sbyin pas
ring por mi thogs par slong ba po tshim par byas pa mthong ba'i
mjug thogs nyid du/ sbyin pa'i 'bras bu dga' ba mchog

tu gyur ba 'thob cing sbyin 'bras la longs spyod pas/ dus thams
cad kyi tshe sbyin pa byed pa la dga' bar 'gyur ro/ /gnyis pa ni/
gang gi phyir sngar ji skad bshad pa'i tshul gyis brtse ba'i bdag
nyid byang sems dang/ brtse ba'i bdag nyid ma yin pa thad

kyi mngon mtho dang nges legs kyi bde ba rnams sbyin pas 'dren
pa de'i phyir/ sbyin pa'i gtam nyid gtso bo ste shin tu gal che
ba yin no/ /bshes spring las kyang/ longs spyod g.yo ba snying
po med mkhyen nas/ /dge sbyong bram ze bkren dang bshes

rnams la/ /sbyin pa tshul bzhin stsal bgyi pha rol tu/ /sbyin las
gzhan pa'i gnyen mchog ma mchis so/ /zhes gsungs so/ /gsum pa
ni/ rgyu gang las byang sems rnams sbyin pa la gus par 'gyur ba/
/slong ba rnams longs spyod kyis tshim par

byas pa na/ byang sems la dga' ba'i khyad par skye ba ko ci 'dra
zhig ci na/ ji ltar slong ba pos byin cig ces zer ba'i sgra thos
pa'i don bsams pa na/ 'di dag ni bdag la slong ba zhig go snyam
pa las/ rgyal sras la yid la bde ba yang nas yang du 'byung

@43a @#/ /ba de ltar ni/ thub pa dgra bcom pa rnams la zhi ba
myang 'das kyi dbyings su zhugs pas/ bde ba skyed par byed pa
min na/ phyi nang gi dngos po thams cad btang bas slong ba po
tshim par byed pas/ zhi ba de las lhag pa'i bde ba skyed pa

lta ci zhig smos dgos te mi dgos so/ /zhi ba des sems phrogs pa
na gzhan don la g.yel bar 'gyur la/ byang sems kyi bde ba sngar
bshad pa des sems phrogs pa nyid kyis/ gzhan don la lhag par
yang brtson par 'gyur bas mi

'dra'o/ /bzhi pa ni/ yang sbyin pa btang ba gang las bde ba phul
byung skye bar brjod pa phyi nang ge dngos po gtong ba'i byang
sems la/ lus kyi sdug bsngal yang mi 'byung ngam zhe na/ bdag
nyid chen pos thob pa'i dbang du byas nas 'dri na ni/ sems

med pa rnams la bcad pa ltar lus kyi sdug bsngal med de/ 'phags
pa nam mkha' mdzod kyi ting nge 'dzin las/ 'di lta ste/ dper na
shing sA la chen po'i tshal zhig yod la/ der 'ga' zhig 'ongs nas
sA la gcig bcad pa na/ der shing sA la

lhag ma de rnams 'di snyam du 'di ni bcad pa'o/ /bdag cag ni ma
bcad pa'o snyam du sems shing/ de dag la rjes su chags pa dang
khong khro ba med do/ /rtog pa dang rnam par rtog pa med do/
/byang chub sems dpa'i bzod pa de lta bu gang yin pa 'di

ni/ bzod pa yongs su dag pa mchog nam mkha' dang mnyam pa yin
no/ /zhes ji skad gsungs pa lta bu'o/ /rin chen 'phreng ba las
kyang/ de la lus kyi sdug bsngal med/ /yid kyi sdug bsngal ga la
yod/ /de ni snying rjes 'jig rten sdug /de nyid

@43b kyis ni yun ring gnas/ /zhes gsungs pa 'di yang sa thob pa
la dgongs so/ /yang lus dang longs spyod la kun 'dzin gyi chags
pa med pa'i sa rab tu dga' ba ma thob pa'i dbang du byas nas
'dri na ni lus gnas pa dang 'gal ba'i rkyen rang gi lus

la babs pas/ lus kyi sdug bsngal gdon mi za bar 'byung mod
kyang/ de'i tshe yang sdug bsngal de la brten nas sems can gyi
don la lhag par 'jug pa'i rgyu nyid du gnas te/ 'di ltar byang
sems rnams ni/ dmyal ba dang/ dud 'gro dang/ yi dwags

la sogs pa'i 'gro ba mi bzad par chud pa/ bar mtshams med par
sdug bsngal chen po drag pos lus 'joms pa/ rang gi lus gcod pa'i
sdug bsngal las stong 'gyur las kyang ches lhag pa'i sdug bsngal
bsran du med pa dang ldan pa dag la bltas

pa na/ slong ba po la rang lus bcad nas ster ba'i bdag gi sdug
bsngal gyis te sdug bsngal la rtsis med par byas nas/ rang gis
sdug bsngal nyams su myong ba de nyid kyi rgyu mtshan las/ sems
can gzhan dag rnams kyi dmyal ba la sogs pa'i sdug

bsngal de gcad pa'i phyir du chos myur du brtson 'grus rtsom mo/
/'di ni nag tsho'i 'gyur las/ lus ni bcad nas byin pa'i sdug
bsngal des/ /dmyal ba la sogs sdug bsngal gzhan dag la/ /bltas
nas rang gi nyams su myong de las/ /gcod pa'i don du

de ni brtson par byed/ /ces 'byung ba dang 'gyur gnyis ka la
brten pa'i bshad pa'o/ /de 'dra ba'i bsam pa'i stobs yod na lus
gtong ba yin la bsam pa de yang sa ma thob pa la 'ong ba mi
'gal bas/ sa ma thob pas kyang lus gtong ba gsungs so/ /

@44a @#/ /bzhi pa ni/ gtong ba'i sems pa'i sbyin pa 'di yang
sbyin par bya ba dang/ len pa po dang/ gtong ba por bden par
dmigs pas stong pa'i shes rab zag pa med pas zin pa ni/ 'jig
rten las 'das pa'i pha rol tu phyin

pa zhes bya'o/ /zhes shes rab kyi pha rol tu phyin pa chen mo
las gsungs te/ mi dmigs pa'i 'phags pa'i mnyam gzhag ni 'jig
rten las 'das pa yin pas des zin pa'i sbyin pa yang 'jig rten
las 'das pa'i pha rol tu phyin par

bzhag la/ mi dmigs pa des ma zin pa'i sbyin pa ni 'jig rten
pa'o/ /de gnyis kyi rnam par dbye ba ni don dam pa'i byang sems
ma thob pa dag gis mngon sum du nges par mi nus so/ /de la pha
rol ni 'khor ba'i rgya mtsho'i phar 'gram dang/ ngogs

te sgrib gnyis ma lus pa spangs pa'i sangs rgyas so/ /pha rol tu
son pa ni pha rol tu phyin pa'o/ /'dir 'grel par tshig phyi ma
yod na mi mngon par mi bya'o/ /zhes bya ba'i mtshan nyid 'dis las
kyi rnam par dbye ba mi mngon par ma byas pas gzugs su

gyur pa'am/ pr-i Sho da ra la sogs pa yin pa'i phyir ma'i mtha'
can nyid du bzhag go /zhes gsungs pa'i don paNDi ta dza ya A
n+ta 'di ltar 'chad de/ rgya gar gyi skad la pha rol la pA ra
dang/ phyin pa la i tA zhes pa yod la/ tshig gnyis sdud par
byed

pa'i dus su pA ra la rnam dbye gnyis pa'i gcig tshig am
byin/ i tA'i rjes su rnam dbye dang po'i tshig su byin te/ pA
ra ma i tA pa ra mi tA zhes tshig bsdu bar byas na/ am
dang su mi mngon par 'gro ba yin na'ang/ 'dir tshig phyi ma yod
na mi mngon

@44b par mi bya'o/ /zhes pa'i sgra'i rtsa ba'i tshig gis su mi
mngon par byed kyang am mi mngon par ma byas pa'o/ /mtshan
nyid 'dis las kyi rnam par dbye ba zhes pa ni/ rnam dbye gnyis
pa'i gcig tshig am mo/ /de mi mngon par ma byas pas pA ra mi
tA zhes

pa'i sgra'i rang bzhin du gyur pa'o/ /pr-i Sho da ra la sogs pa'i
nang na pA ra mra zhes pa'i tshig ma'i mtha' can te/ pA ram
zhes brjod pa yin pas mi mngon par mi bya'o zhes bshad de/ am
gyi a phyis mra bzhag pa la i byin pas mi tAr song zhes pa'o/ /

dang po'i tshig su ni ma dag pa 'dra bas si yin nam dpyad do/
/bod kha cig pha rol tu phyin pa'i rgya skad la pA raM i tA
zhes pa yod pa'i ra'i klad kor gral du bzhag pas pA ram i tAr
'gyur ba la/ mtshams sbyar ba'i tshe i yig gi gi gu ma la byin/
a phyis

pas mi tAr song zer ba sogs kyi mun sprul gyi bshad pa mang du
snang na yang/ paNDi ta'i bshad pa sngar bkod pa nyid legs so/
/sbyin pa sbyin bya zhes pa'i rkang pa gnyis kyis 'khor gsum mi
dmigs par rtogs pa'i shes rab bzung nas/ des zin

pa'i sbyin pa'i phar phyin bye brag tu bshad pa yin te/ des ma
zin pa'i sbyin pa la sogs pa rnams ni/ shes rab kyis zin pa'i
phar phyin dang 'dra bas phar phyin zhes bya'o/ /de yang shes
rab kyis ma zin kyang byang chub chen por bsngos pas zin pas pha
rol

tu 'gro bar nges pa la bzhag pa'i phyir/ sbyin pa'i phar phyin
gyi ming rnyed par 'gyur ro/ /des na pha rol tu phyin pa'i don
la pha rol 'dir phyin pa zhes las la sbyar na/ sangs rgyas kyi
sar phyin pa yin la/ 'dis pha rol tu phyin par byed pa zhes byed
pa la

@45a @#/ /sbyar na/ slob lam na yang phar phyin yod do/ /sbyin pa
la bshad pa des tshul khrims la sogs pa la yang sems bskyed dang/
bsngo ba dang/ shes rab kyis zin pa so so ba dang gnyis ka rig
pa bya'o/ /sbyin pa'i 'khor gsum po dag

la chags pa ste bden zhen skyes par gyur pas bcings na ni/ sbyin
pa de la 'jig rten pa'i pha rol tu phyin pa zhes mdo las bstan
no/ /de ltar bshad pa rnams la da lta nas nyams su len tshul ni/
lus gzhan la ster ba dang/ dga' ba skyed tshul khyad par

can rnams ni mos yul du byas nas sbyong la/ zang zing gi sbyin
pa gzhan rnams ni yar mar gyi zhing la brten nas/ chu yan chad
gtong ba'i sgo nas rgyun ldan du sog pa dang/ de'i tshe 'khor
gsum mi dmigs par rtogs pa'i shes rab kyis zin par bya'o/ /

de yang rang gi lus dang longs spyod dang dge rtsa gsum sems can
gyi don du bsam pas yang yang gtong ba dang/ ma btang yang de
rnams 'jig pas 'dor dgos la/ gtong tshod 'dra ba la sngon du rang
gi bsam pas gtong ba mchog yin pa rnams bsam ste/

spyod 'jug las/ lus dang de bzhin longs spyod dang/ dus gsum dge
ba thams cad kyang/ /sems can kun gyi don bsgrub phyir/ /phangs
pa med par gtang bar bya/ /zhes dang/ thams cad btang bas mya
ngan 'da'/ /bdag blo mya ngan 'das pa sgrub/ /thams cad

gtong bar chabs cig la/ /sems can rnams la btang ba mchog /ces
gsungs pa ltar bya'o/ /gsum pa ni/ de ni sngar ji skad brjod
pa'i sa rab dga' zhes pa zag med kyi shes pa'i khyad par gyis/
sa de'i yon tan mdor bsdus te brjod pa'i sgo nas

@45b bstan pa ni/ sa rab tu dga' ba 'di ni nor bu chu shel zla
ba'i dkyil 'khor bzhin du gnas so/ /'di la zla ba dang chos
mthun gsum las/ dang po gnas mthon por gnas pa ni/ sngar bshad
pa de lta bur sa'i yon tan thob pa'i rgyal ba'i sras sa

dang po ba'i yid la rab tu gnas pa'i phyir/ lam mthon por gnas
pas zla ba nam kha'i gnas mthon por gnas pa dang 'dra'o/ /sa
dang po ni byang sems de'i yid kyi cha shas shig yin pas de la
gnas zhes bya ste/ dper na mgo la mig gnas

pa bzhin no/ /sa dang po'i don dam pa'i sems de rang gang la
gnas pa'i dam pa ste mchog gi rten de'i yid de/ ye shes kyi 'od
chags pas mdzes pa rnyed par gyur pa'i phyir/ zla bas rang gi
rten gyi nam mkha' 'od dkar pos mdzes par byed pa dang

'dra'o/ /yang sa dang po ni rang gi mi mthun phyogs mthong spang
rnams las rgyal te gnas pa'i phyir/ zla bas mun pa stug po ste
'thug po thams cad rnam par bsal nas gnas pa dang 'dra'o/ /dbu
ma la 'jug pa'i rgya cher bshad pa dgongs pa rab tu

gsal ba las/ don dam pa'i sems bskyed pa dang po'i rnam par
bshad pa'o// ! //gnyis pas gnyis pa dri ma med pa bshad pa la
lnga/ sa 'dir tshul khrims yongs su dag par bstan pa dang/ tshul
khrims kyi bsngags pa bstan

pa dang/ tshul khrims kyi mi mthun phyogs dang ma 'dres pa'i dpe
bstan pa dang/ tshul khrims kyi phar phyin gyi dbye ba bstan pa
dang/ sa'i yon tan brjod pa'i sgo nas mjug bsdu ba'o/ /dang po
la bzhi/ sa 'dir tshul khrims phun sum tshogs par

@46a @#/ /bstan pa/ de la brten nas yon tan yongs su dag par
bstan pa/ sa dang po las tshul khrims lhag par bstan pa/ tshul
khrims yongs su dag pa'i rgyu gzhan bstan pa'o/ /dang po ni/ sa
gnyis pa la gnas pa de ni/ tshul

khrims rab tu gyur pa'i phun sum tshogs pa dang/ yon tan rnams
dag pa dang ldan pa'i phyir/ sad par ma zad rmi lam du yang
'chal pa'i tshul khrims kyi dri ma spangs pa ste des ma gos pa'o/
/'di ni rtsa ltung dang rang bzhin gyi kha na ma tho ba tsam

gyi 'chal khrims min gyi/ bcas pa dang 'gal ba thams cad kyi
'chal khrims kyi dri ma spangs pa'o/ /de la 'chal khrims kun nas
slong ba'i nyon mongs dang du ma len ba dang/ bcas pa dang 'gal
ba'i sdig pa'i las mi 'byung ba'i

phyir na/ bcas 'gal gyi ltung ba byung ba la 'gyod pa'i me zhi
bas bsil ba thob pa'i phyir tshul khrims te/ de'i skad dod shIl
la shI ti bsil ba dang/ la ti thob pa la 'jug pa'i phyir ro/
/yang na bde ba'i rgyu nyid kyis dam pas bsten bya

yin pa'i phyir tshul khrims te/ 'di yang nges tshig gi bshad pa'o/
/de ni ngo bo'i dbang du byas na lus ngag gi 'chal tshul bdun
spong ba'i spong bdun gyi mtshan nyid can yin la/ ma chags pa
brnab sems med pa dang/ gnod sems kyi zhe sdang med pa dang/

log lta dang bral ba'i yang dag pa'i lta ba ni/ spong bdun kun
nas slong bar byad bas na kun nas slong byed dang bcas pa'i
dbang du byas na/ nag po'i las lam bcu spong ba'i dkar po'i las
lam gyi spong ba bcu'o/ /gnyis pa ni/ yang byang sems de tshul

@46b khrims ji ltar phun sum tshogs pas/ yon tan rnams dag par
'gyur zhe na/ lus dang ngag dang yid kyi rgyu ba ste kun spyod
gsum/ sad pa dang rmi lam gyi skabs kun tu ltung ba phra mos
kyang dag par gyur bas/ dam pa ste mchog gi las lam bcu char
ma tshang ba

med par sog par byed de/ dge ba'i las lam dang po srog gcod
spong ba sogs gsum ni lus kyis dang/ bar gyi bzhi ni ngag gis
dang/ tha ma gsum yid kyis rdzogs par byed pa ni sog par byed
pa'i don no/ /de yang dgag bcas kyi mtshams las ldog par

ma zad/ tshul khrims las brtsams pa'i sgrub bcas kyi phyogs kun
rdzogs par byed pa'o/ /gsum pa ni/ yang ci las kyi lam 'di rnams
sa dang po'i byang sems kyis kyang bcu char tshang bar sog par mi
byed dam zhe na/ /des kyang sog mod kyi 'on kyang dge

ba'i las kyi lam 'di lta zhig bcu char yang/ sa gnyis pa ba de
la klags pa ste shin tu phul du byung bar dag par 'gyur ba de
ltar sa dang po ba ni ma yin no/ /'di la sa dang por sbyin pa
lhag par gsungs pa ni yar ldan du yod bas/ sbyin pa las gzhan
pa'i

phar phyin lhag ma dgu'i nang nas/ tshul khrims las brtsams pa'i
nyams len phul du byung ba'i tshod tsam bzod pa sogs la med pa'i
phyir/ tshul khrims lhag par gsungs kyi/ phar phyin lhag ma rnams
med pa ni min no/ /dge bcu smos pa ni de las brtsams

pa'i tshul khrims kyi bcas pa'i mtshon byed yin bas/ tshul khrims
kyi bcas mtshams thams cad gzung ngo/ /de 'dra ba'i tshul khrims
dag pa can de ni/ ston ka'i zla ba la tsha gdung zhi bar byed pa
dang/ dkar ba'i 'od kyis lam mer gnas pa gnyis yod pa

@47a @#/ /ltar/ rtag tu tshul khrims rnam par dag par gnas pa de/
dbang po'i sgo bsdams pa'i zhi ba dang/ lam mer gsal ba'i lus
can gyi 'od chags par de dag gis rnam par mdzes so/ /bzhi pa ni/
gang gi phyir dge slong kha cig so thar las

brtsams te/ tshul khrims ches yongs su dag pa yin kyang/ gal te
de ni chos rnams la rang bzhin gyis grub par lta ba mi spong na/
de'i phyir rgyu mtshan des dge slong de tshul khrims dag par mi
'gyur te/ tshul khrims 'chal ba tshul khrims dang ldan pa ltar

bcos pa ste/ dkon mchog brtsegs pa las/ 'od srungs 'di la dge
slong kha cig tshul khrims dang ldan pa yin te/ so sor thar pa'i
sdom pas bsdams shing gnas/ cho ga dang spyod yul phun sum tshogs
pa/ kha na ma tho ba phra rab rnams la'ang 'jig par lta

ba/ yang dag par blangs te bslab pa'i gzhi rnams la slob cing
lus dang ngag dang/ yid kyi las yongs su dag pa dang ldan par
gyur pas/ 'tsho ba yongs su dag kyang de bdag tu smra ba yin te/
'od srungs de ni tshul khrims 'chal ba tshul khrims dang ldan pa
ltar

bcos pa dang po'o zhes bya ba nas/ 'od srungs gzhan yang 'di la
dge slong kha cig sbyangs pa'i yon tan bcu gnyis yang dag par
blangs kyang/ dmigs par lta ba yin te ngar 'dzin pa dang nga yir
'dzin pa la gnas pa de ni/ 'od srungs tshul khrims 'chal ba

tshul khrims dang ldan pa ltar bcos pa bzhi pa ste/ zhes gsungs
so/ /bdag tu smra ba ni dmigs par lta ba'o/ /de yang nga dang
nga yir 'dzin pa la gnas pas bstan te/ de'i don ni thun mong
ba'i 'jig lta la mi bya'i/ nga dang nga yi ba rang gi mtshan nyid
kyis

@47b grub par 'dzin pa mi spong ba la bya'o/ /de ni zhes pa
bshad ma thag pa la snyog tu mi rung bas/ gal te rang bzhin tshul
khrims rnam dag par/ /mthong na des de tshul khrims 'chal ba yin/
/zhes nag tshos des de zhes bsgyur ba legs so/ /dmigs pa

can gyi lta ba mi spong na tshul khrims mi dag pa de'i phyir/ sa
gnyis pa ba de ni/ rtag tu sems can gang la tshul 'chal spong ba
dang/ spong gnyen gang zhig byed pa dang/ gang gis spong ba gsum
char la'ang dngos po dang dngos med la sogs pa'i gnyis kyi chos

la rang bzhin gyis grub par lta ba'i gnyis su 'dzin pa'i blo'i
rgyu ba yang dag par bral bar te spong bar byed par 'gyur ro/
/gnyis pa la lnga/ sbyin 'bras bde 'gror spyod pa tshul khrims la
rag las pa/ sbyin 'bras la skye ba brgyud mar spyod pa tshul
khrims

la rag las pa/ tshul khrims dang bral na ngan 'gro las thar pa
shin tu dka' bar bstan pa/ sbyin pa'i gtam gyi rjes su tshul
khrims kyi gtam mdzad pa'i rgyu mtshan/ mngon mtho dang nges legs
gnyis ka'i rgyur tshul khrims bsngags pa'o/ /dang po ni/ de

ltar byang sems kyi tshul khrims phun sum tshogs pa dang ldan par
brjod nas/ de'i 'og tu spyir de las gzhan pa'i tshul khrims phun
sum tshogs kyang/ sbyin sogs las yon tan shin tu che ba dang/ yon
tan phun tshogs thams cad kyi rten du gyur par ston

pa ni/ sbyin pa po tshul khrims dang ldan pas sbyin pa btang ba
las/ lha mi'i nang du khyad par du 'phags pa'i longs spyod phun
sum tshogs pa dag 'byung rgyu de ni/ 'gro ba ngan pa ngan 'gror
lhung ba'i nyi tshe ba'i dmyal ba dang/ ba lang dang rta dang
glang po che dang

@48a @#/ /spre'u dang/ klu la sogs pa dang yi dwags rdzu 'phrul
chen po la sogs par skyes pa la/ longs spyod phun sum tshogs pa
sna tshogs pa 'byung ba ni/ skye bo tshul khrims kyi rkang pa
nyams pa ste bral ba las 'byung ngo/ /de ni

tshul khrims dang bral na des sbyin pa btang ba'i 'bras bu longs
spyod rnams/ bde 'gro'i rten la mi smin par ngan 'gro'i rten la
smin par 'gyur bar bstan pas/ sbyin 'bras bde 'gro'i rten la
smin pa zhig dgos pas de 'dod na/ sngar bshad pa'i sbyin

pa gtong ba pos tshul khrims bsrung bar bya'o/ /gnyis pa ni/ tshul
khrims dang bral na sbyin 'bras ngan 'gro'i rten la smin pa
dang/ rten de la sngar gyi sbyin pa'i 'bras bu longs spyod pa
tsam yin gyi/ shin tu blun pas gsar du sbyin sogs sgrub pa med
pa'i

phyir/ skyed dang bcas pa'i dngos po 'du ba ste rtsa ba la
spyad pas yongs su zad pas na/ sngon gyi sbyin 'bras ma lus pa
longs spyod pa phyin chad nas gang zag de la longs spyod 'byung
bar mi 'gyur ro/ /de ni dper na sa bon nyung du btab pa las/
'bras bu rgya chen

po rnyed pa'i mi de slar yang 'bras bu'i ched du/ de bas kyang
ches mang ba'i sa bon 'debs pa ni/ 'bras bu'i tshogs chen po
'phel bas ma chad pa yod kyi/ gang zhig blun po nyid kyis sa
bon tsam yang mi 'debs par longs spyod pa la ni/ 'bras bu ma
chad par 'phel

ba med pa dang 'dra'o/ /gsum pa ni/ tshul khrims kyi rkang pa
chag pas longs spyod rgyun par 'phel ba rnyed dka' ba 'ba' zhig
tu ma zad kyi/ ngan 'gror song bas ngan 'gro nas thon pa yang
shin tu rnyed dka'o/ /zhes ston pa ni/ gang gi tshe dpa' bo mthun
pa'i yul

@48b na gnas pa/ 'ching ba las grol ba ltar/ gzhan la rag ma lus
par rang gi 'dod pas rang dbang du 'jug cing/ mthun pa'i yul lha
mi'i 'gro ba na gnas pa na/ gal te gang zag 'di bdag nyid ngan
'gror ltung ba las 'dzin par mi byed na/ dpa' bo bcings

nas ri sul chen por bskyur ba ltar/ ngan 'gro'i g.yang sar
lhung bas rang la dbang med par gzhan dbang gis 'jug pa'i tshe/
ngan 'gror song ba de las phyi nas te de gzod gang gis slong bar
byed de de ltar byed pa med do/ /ngan 'gro'i rten la ni dge ba
sgrub

pa shin tu dkon la/ sdig pa sog pa la shin tu thu bas na/ ngan
'gro kho nar brgyud dgos so/ /de nyid kyi phyir mdo sde las
kyang/ brgya la gal te mi rnams kyi nang du skyes na yang/ rnam
par smin pa gnyis sgrub ste/ zhes mir skye ba dka' bar gsungs
so/ /

des na da lta nas rang nyid ngan 'gror mi ltung bar gzung dgos
la/ de yang tshul khrims la 'bad pa byed pa yin bar shes par gyis
shig /bzhi pa ni/ gang gi phyir tshul khrims 'chal ba ni ngan
'gror 'khrid pa sogs nyes pa du ma'i gnas su gyur pa de'i

phyir/ sdig pa mtha' dag pham par mdzad pa'i rgyal bas/ sbyin pa
la sogs pa'i yon tan chud mi za bar bya ba'i phyir sbyin pa'i
gtam mdzad nas/ de'i mjug thogs su tshul khrims sbyin pa'i rjes
su 'gro ba ste sgrub pa'i gtam nyid mdzad pa yin no/ /de'i

rgyu mtshan ni yon tan thams cad kyi rten du gyur pa'i phyir tshul
khrims nyid zhing ngo/ /zhing der sbyin sogs kyi yon tan rnams
rnam par 'phel na/ rgyu sbyin sogs dang 'bras bu lus dang longs
spyod bzang po la nye bar spyod pa'i brgyud pa gong nas gong du
rnam

@49a @#/ /par chad pa med pa'i sgo nas/ 'bras bu'i tshogs 'phel
zhing dus ring por longs spyod par nus kyi/ de las gzhan du na
de ltar mi nus pa'i phyir ro/ /des ni sbyin pa gtong ba rnams
kyis sbyin 'bras kyi longs spyod phun tshogs 'byung

ba kho na'i rtsis mi gtang bar/ longs spyod de la gang gis spyod
pa'i lus rten phun tshogs kyi rtsis dang/ longs spyod de skye ba
du mar 'ong ba'i rtsis kyang gtang dgos la/ de'i thabs kyang
tshul khrims srung ba shin tu gal che bar shas dgos zhes pa'i don
no/ /byang

sems las dang po pas kyang sngar bshad pa ltar sbyin pa gtong ba
la brtson dgos la/ de yang ched du bya ba sems can thams cad kyi
don du/ sangs rgyas thob pa'i don du dmigs te byad dgos mod
kyang/ gnas skabs su bde 'gro'i rten la sbyin 'bras

smin pa dgos pa dang/ de yang skye ba du mar 'byung dgos la/ de
ni tshul khrims la rag las pa rnams 'dra ste/ de med na byang
sems kyi spyod pa la slob pa'i mthun rkyen mi tshang ba'i phyir
ro/ /lnga pa ni/ bde 'gro'i lus dang rten de la sbyin 'bras yun
ring du spyod

pa gnyis ka tshul khrims la rag las shing/ de nyid nges legs
'thob pa la yang med mi rung yin pa'i phyir na/ tshul 'dis so so
skye bo lam ma zhugs rnams kyi mngon mtho'i rgyu dang/ thub pa'i
gsung las skyes pa nyan thos rnams dang/ rang rgyal gyi byang
chub

kyi lam du bdag nyid nges pa rnams dang/ rgyal sras byang sems
rnams kyi nges par legs pa byang chub kyi rgyu ni/ tshul khrims
las gzhan med do/ /de'i don ni tshul khrims kho na rgyu yin zhes
rgyu gzhan gcod pa ni min te/ tshul khrims min pa'i rgyu gzhan du
ma

@49b yod pa'i phyir ro/ /des na mngon mtho khyad par can dang
nges legs 'grub pa la tshul khrims dang nges par 'brel ba dgos
kyi/ de dor na gtan mi 'grub pa'i don no/ /'di yang sa bcu pa'i
mdo las/ srog gcod sogs kyi mi dge ba bcu po re re la

chen po dang 'bring dang/ chung ngur phye ba'i re res rim pa
bzhin du dmyal ba dang/ dud 'gro dang yi dwags su 'khrid pa
dang/ mthar gal te mi'i nang du skyes na srog gcod kyis tshe
thung ba dang nad mang ba gnyis dang/ lhag ma dgu'i re res kyang
mi 'dod pa gnyis

gnyis sgrub pa dang/ dge bcus ni 'dod pa'i lha dang mir skye ba
nas srid rtse'i bar du skye ba dang/ de'i gong mar dge bcu 'di
dag rang gcig pu'i don la dmigs pa'i nyi tshe ba'i sems dang/
'khor ba la skrag pa'i yid 'byung ba dang bcas shing/ snying rje

chen po med pa dang gzhan gyi sgra'i rjes su 'brang ba'i bdag
med rtogs pa'i shes rab kyi rnam pas sbyangs na/ nyan thos kyi
theg pas nges par 'byung bar byed do/ /de'i gong mar srid pa tha
ma pa'i tshe gzhan gyi dring mi 'jog pa dang/ rang sangs rgyas
kyi byang

chub la dmigs pa dang/ snying rje chen po dang/ thabs la mkhas
pa med pa dang/ rten 'brel zab mo'i de kho na nyid khong du chud
pas sbyangs na/ rang rgyal gyi theg pas nges par 'byung bar byed
do/ /de'i gong mar shin tu rgya che zhing shin tu tshad med pa'i
snying

brtse ba dang/ snying rje dang ldan pa dang/ thabs la mkhas pas
bsdus pa dang/ smon lam rlabs chen po btab pa dang/ sems can
thams cad mi gtong ba dang/ sangs rgyas kyi ye shes shin tu
rgyas pa la dmigs pas sbyangs na/ byang sems kyis

@50a @#/ /yongs su dag pa dang/ phar phyin dag pa'i spyod pa rgya
chen po 'grub par byed par gsungs pa'i don bsdus pa'o/ /bshes
spring las kyang/ khyod kyis tshul khrims ma nyams mod mi dma'/
/ma 'dres ma spags pa dag bsten

par mdzod/ /khrims ni rgyu dang mi rgyu'i sa bzhin du/ yon tan
kun gyi gzhi rten legs par gsungs/ /zhes tshul khrims la slob pa
gal che bar gsungs so/ /des na skabs sa gnyis pa'i skabs su
gsungs kyang/ byed pa byang sems las dang po

pas kyang bya dgos pa ni/ mi dge ba bcu la kun slong nas kyang
mi rgyu bar sdom sems bsten pa'i sdom pa'i tshul khrims ni shin
tu gal che bar/ sbyin pas longs spyod dag ni/ zhes pa nas/ tshul
khrims las gzhan med/ ces pa'i bar gyis bstan

pa ltar sems pa dang/ tshul khrims la slob res kyis mi dmigs par
rtogs pa'i shes rab kyis zin pa la sbyang dgos la/ de yang go ba
tsam dang lan 'ga' zung tsam goms pas ni gar yang mi phyin
pas/ rgyun ldan du don de rnams sems dgos

so/ /rgyun ldan du goms na byang sems kyi spyod pa la slob tshul
dang po thos pa na'ang yid la gdung ba skyed pa dang/ ston pas
kyang yun ring po'i bar du sku nyams su bzhes par mi nus pa
rnams la yang/ blo rang gi ngang gis 'jug pa cig 'ong ngo/ /de
ltar

yang yon tan mtha' yas par bstod pa las/ gang zhig thos par gyur
na'ang 'jig rten 'di la gnad pa skye 'gyur dang/ /gang yang
khyod nyid kyis kyang yun ring sku nyams bzhes par mi spyod
pa'i/ /spyod pa de dag khyod la goms pas dus su rang gi ngang
nyid

@50b 'gyur/ /de slad yon tan dag ni yongs goms ma bgyis spel bar
dka' ba lags/ /zhes so/ /gsum pa ni/ ji ltar te dper na rgya
mtsho chen po ni klu gtsang sbra can rnams gnas pa'i mthus/ ro
gang yin rlangs kyis phyi rol tu 'phen pas/ ro dang lhan cig tu
mi

'grogs pa dang/ bkra shis pa'i phun tshogs dang/ rna nag ma ste
bkra mi shis pa gnyis lhan cig tu me 'grogs pa de ltar te de
bzhin tu/ tshul khrims yongs su dag pas dbang du byas pa'i bdag
nyid chen po sa gnyis pa ba de/ tshul khrims 'chal ba dang lhan

cig tu gnas par mi 'dod do/ /bzhi brgya pa'i 'grel pa las/ bkra
shis ma gang du zhugs pa'i khyim du rna nag ma yang gdon mi za
bar yod do/ /zhes gsungs pa dang 'dir bshad pa gnyis mi 'gal te/
der ni ming de dang ldan pa'i gang zag gnyis la dgongs

la/ 'dir ni rna nag ma zhes pa bkra me shis pa'i ming yin pa'i
phyir ro/ /bzhi pa ni/ gang zag gang gis spong ba dang/ spang
bya gang zhig spong ba dang/ sems can gang la spong bar byed
pa'i 'khor gsum du bden par dmigs pa'i sa bon 'gog mi nus pa yod
na/

de 'dra ba'i tshul khrims 'jig rten pa'i pha rol tu phyin pa zhes
bshad la/ tshul khrims de nyid sngar bshad pa'i 'khor gsum du
bden par dmigs pa'i chags pas stong pa ste mi dmigs par rtogs
pa'i zag med kyi shes rab kyis zin na/ 'jig rten

las 'das pa'i pha rol tu phyin pa yin pas tshul khrims la gnyis
kyi dbye ba yod do/ /lnga pa ni/ ji ltar ston ka'i dus kyi zla
'od dri ma dang bral bas/ skye bo'i gdung ba sel ba ji bzhin du/
rgyal ba'i sras sa gnyis pa ba'i zla ba las byung ba'i 'chal
khrims
@51a @#/ /kyi dri ma dang bral ba'i tshul khrims kyi 'od dang ldan
pas/ sa gnyis pa dri ma med pa zhes pa'i mtshan don dang ldan pa
'di yang/ 'chal ba'i tshul khrims kyis bskyed pa'i 'gro ba'i yid
kyi gdung ba sel bar byed pa yin no/ /sa

gnyis pa ba 'di ni 'khor bar 'khor ba'i khongs su mi gtogs pas
srid pa 'khor ba min yang/ srid pa yi dpal yin te/ yon tan phun
sum tshogs pa thams cad byang sems de'i rjes su 'gro ba'i phyir
dang/ sems can gyi don du smon lam gyi

dbang gis gling bzhi la dbang ba'i 'khor sgyur gyi rgyu phul du
byung ba thob pa'i phyir ro/ /dbu ma la 'jug pa'i rgya cher
bshad pa dgongs pa rab tu gsal ba las/ don dam pa'i sems bskyed
pa gnyis pa'i bshad pa'o// ! //

gsum pa/ sa gsum pa 'od byed pa bshad pa la bzhi/ khyad par gyi
gzhi sa'i nges tshig khyad par gyi chos sa'i yon tan/ phar phyin
dang po gsum gyi khyad par gyi chos/ sa'i yon tan brjod pa'i sgo
nas mjug bsdu ba'o/ /dang po ni/ byang sems kyi sa

ni gsum pa 'di la ni/ 'od byed pa zhes bya'o/ /ci'i phyir 'od
byed pa zhes bya zhe na/ de ni mtshan don dang mthun pa yin te/
sa gsum pa thob pa de'i tshe shes bya'i bud shing ma lus pa sreg
pa'i ye shes kyi me gnyis snang gi spros pa kun/ mnyam gzhag

tu zhi bar byed nus pa'i bdag nyid can gyi 'od 'byung ba'i phyir
ro/ /de yang/ sems gsum pa bskyed pa'i bde bar gshegs pa'i sras
po de la sa gsum pa de'i tshe/ nyi ma 'char la khad pa'i dus su/
zangs 'dri ba'i snang ba 'byung ba ltar byang sems

@51b 'di la yang ye shes kyi snang ba 'byung ngo/ /'di ni sa der
rjes thob tu 'od dmar po 'am dmar ser gyis kun tu khyab pa'i
snang ba 'byung ba'o/ /rin chen 'phreng ba las kyang/ sa gsum pa
ni 'od byad pa'o/ /ye shes zhi ba'i 'od 'byung phyir/ /bsam gtan
mngon

shes skyes pa dang/ /'dod chags zhe sdang yongs zad phyir/ /de
yi rnam par smin pas na/ /bzod dang brtson 'grus lhag par spyod/
/lha yi dbang chen mkhas pa ste/ /'dod pa'i 'dod chags zlog pa
yin/ /zhes gsungs so/ /gnyis pa la bzhi/ sa 'dir bzod

pa lhag par bstan pa/ bzod pa gzhan ji ltar bsten pa'i tshul/
bzod pa'i phar phyin gyi dbye ba/ sa 'dir 'byung ba'i dag pa'i
yon tan gzhan bstan pa'o/ /dang po ni/ ye shes kyi snang ba de
lta bu rnyed pa'i byang sems de la/ bzod pa'i phar phyin lhag
par bstan

pa'i phyir/ gal te zhes sogs smos so/ /sngar bshad pa'i sbyin pa
dang tshul khrims lhag pa ni 'di la yar ldan du yod pas/ 'dir ni
phar phyin lhag ma brgyad kyi nang nas bzod pa lhag pa'o/ /lhag
lugs ni bzod pa'i phar phyin gyi nyams len phul du byung

ba tsam/ lhag ma bdun la 'dir mi 'byung ba'o/ /de yang byang
sems sa gsum pa ba ni gzhan gyi sems bsrung ba'i phyir dang/
shes bya'i bud shing zhes par bshad pa de lta bu'i ye shes zhi
ba yod pa'i phyir/ gzhan dag gi kun nas mnar sems kyi gzhi/ 'dis

bdag dang bdag gi gnyen la gnod pa sngar byas so/ /de lta byed
do/ /ma 'ongs pa na byed par 'gyur ro zhes pa'i dogs pa can du
'gyur ba/ de lta bu'i sgo gsum gyi 'jug pa mngon du byed pa min
pa'i phyir/ khong khro ba'i gnas min pa zhes khyad par du byas
so/ /

@52a @#/ /de ltar yin kyang gal te de 'dra ba la khong 'khrugs pa
'ga' yis byang sems de'i lus las sha ni rkyang pa min par rus pa
dang bcas pa dang/ shin tu che ba mi gcod par srang re re nas/
rgyun gcig la mi gcod par sdod cing sdod cing

dus thung ba la gcod pa zin par mi byed par/ yun ring mo zhig tu
gcod par gyur kyang/ gcod pa po de la sems 'khrug pa mi 'byung
ba tsam du ma zad kyi/ sdig pa de'i rkyen gyis dmyal ba la sogs
pa'i sdug bsngal/ rigs mthun gzhan las lhag par myong

bar dmigs pa'i byang sems la/ gcod byed de la dmigs nas ches
lhag par bzod pa skye bar 'gyur ba'o/ /'di ni bzod pa lhag pa'i
lhag tshul yin pas/ rab dga' sogs sa gnyis su lus bcad pa la
rgyud mi 'khrug pa yod kyang/ bzod pa lhag par

skye ba med par gsal bas/ bzod pa lhag pa ni sa 'di nas bzung
ste 'byung bar shes par bya'o/ /dmyal ba la sogs pa'i sdug
bsngal lhag pa la dmigs nas/ bzod pa lhag par 'gyur ba 'ba' zhig
tu ma zad kyi/ gang gi phyir bdag med mthong ba'i byang chub

sems dpa' yi lus la/ gang gis gcod pa dang/ gang zhig gcad par
bya ba dang/ dus gang gi tshe tshul ji ltar gcod pa'i 'khor gsum
gyi chos rnams/ sa gsum pa ba de yis gzugs brnyan lta bur mngon
sum du mthong ba dang/ bdag dang bdag gi ba'i kun

brtags kyi 'du shes dang bral ba des kyang/ byang sems de yis
bzod par 'gyur ro/ /'grel par kyang gi sgra ni bzod pa'i rgyu
bsdu bar bya ba'i phyir ro/ /zhes mi 'khrug pa'i rgyu snga mar
ma zad/ bshad ma thag pa 'dis kyang bzod ces pa yin pa'i phyir
dang/ 'di'i phyir

@52b yang zhes gsungs pas/ mthong ba des kyang zhes bsgyur rgyu
yin no/ /gnyis pa la gnyis/ khong khro bya bar mi rigs pa dang/
bzod pa bsten par rigs pa'o/ /dang po la bzhi/ dgos pa med cing
nyes dmigs che bas khong khro bar mi rigs pa/ phyis kyi sdug
bsngal

mi 'dod ba dang gnod lan byed pa gnyis 'gal bar bstan pa/ sngar
yun ring bsags pa'i dge ba 'joms pas khong khro bar mi rigs pa/
mi bzod pa'i skyon mang po bsams nas khong khro dgag pa'o/ /dang
po ni/ bzod pa 'di byang sems sar gnas pa rnams kyi

thugs dang 'tshams pa'i chos yin pa 'ba' zhig tu ma zad kyi/ sar
gnas las gzhan pa rnams kyi yon tan mtha' dag mi 'dzad par srung
ba'i rgyu yang yin pas/ mi bzod pa dang ldan pa rnams khro ba
las ldog rigs par 'chad pa ni/ gnod pa zhes pa nas myur

bstan bya zhes pa'i bar ro/ /gal te gnod pa byas pa las der te
gnod byed la bkon pa ste khro na/ de'i tshe gnod pa byas zin pa
ldog tu med pa'i phyir/ de la bkon pa ste de la dmigs pa'i zhe
'kham pa byas pas/ gnod pa byas zin pa ldog gam ci ste mi ldog

go /de'i phyir de la bkon pa 'dir nges par don med do/ /zhe
'kham pa ni zhe la rtsub pa'i sems kar kar ba ste khro ba dang
don gcig go /de ltar dgos pa med par ma zad 'jig rten pha rol
gyi don dang yang ni 'gal bar 'gyur te/ khong khro la skabs byin
pas shi

ba'i 'og tu rnam smin yid du mi 'ong ba 'phen pa'i phyir ro/
/gnyis pa ni/ gang zhig rang gis sngon nyes spyod byas pa'i
'bras bu sdug bsngal la longs spyod bzhin du/ de la gti mug pas
gzhan gyis bdag la gnod pa byas so snyam du rtog pa de la ni/
gnod

@53a @#/ /byed la khro ba skye la/ gnod lan byas pas phyis de'i
gnod pa'i sdug bsngal mi 'byung bar 'dod pa de yang bzlog bar
bya ba'i phyir bshad pa ni/ rang gi lus la gnod pa'i sdug bsngal
chen po dgra dag gis bsgrubs pa de ni/ sngon

byas pa yi srog gcod kyi mi dge ba'i las kyi 'bras bu/ ngan song
gsum du rnam smin drag po myong zhing/ rgyu mthun gyi 'bras bu
lhag mar lus pa can rnams kyi/ rgyu mthun gyi 'bras bu yid du mi
'ong ba ma lus pa ldog pa'i rgyu gang yin pa/ las

kyi lhag ma zad par byed par brjod par 'dod pa de nyid ko ste
ni/ gzhan la gnod pa'i lan byed pa dang/ rgyud khong nas 'khrug
pa'i khro bas sdug bsngal 'dir myong ba las ches lhag pa'i sdug
bsngal/ phyir te slar yang sdug bsngal de'i sa bon te rgyu

nyid du/ ji lta bur na 'khrid par byed pa rigs te me rigs so/
/des na sman pas nad gso ba'i thabs su gyur pa gtsags bu rnon
pos gtar ba'i sdug bsngal la bzod par bya ba ltar/ phugs kyi
sdug bsngal mtha' yas pa ldog pa'i don du/ 'phral

gyi sdug bsngal chung ngu la ches shin tu bzod par rigs so/
/gsum pa la gnyis/ dkyus kyi don dang/ zhar byung gi don bshad
pa'o/ /dang po ni/ mi bzod pa ni rnam smin yid du mi 'ong ba
yangs pa 'phen pa'i rgyu yin pa 'ba' zhig tu ma zad kyi/ yun
ring

du bsags pa'i bsod nams kyi tshogs zad pa'i rgyu yang yin no/
/zhes ston pa ni/ gang gi phyir byang sems bdag nyid chen po
des/ yul de byang sems yin par ma nges pas sam/ yang na byang
sems su nges kyang nyon mongs kyi goms pa shas

@53b ches pas/ rgyal sras byang chub tu sems bskyed pa rnams la/
bden pa dang mi bden pa'i nyes pa lhag par sgro btags nas/ khong
khro ba'i bsam pa skad cig tsam zhi bskyed na yang/ de tsam gyis
kyang bskal ba brgyar bsags pa'i bsod nams kyi tshogs/

sngar bshad pa'i sbyin pa dang/ tshul khrims kyi phar phyi goms
pa las byung ba'i dge ba rnams 'joms par 'gyur na byang sems ma
yin pas/ byang sems la khong khro ba bskyed na lta ci smos te/
de'i phyir rgya mtsho chen po'i chu'i tshad srang gi grangs kyi
nges mi

nus pa ltar/ byang sems la khros pa'i rnam par smin pa'i mtshams
nges par mi nus so/ /de yi phyir de ltar na 'bras bu yid du mi
'ong ba 'phen pa dang/ dge ba la gnod pa byed pa'i sdig pa ni/
mi bzod pa khong khro las gzhan pa'i mchog tu gyur pa yod pa ma

yin no/ /bden pa'i nyes pa lhag par sgro btags pa ni/ chung ngu
la chen por sgro btags pa'o/ /zhes 'grel bshad las bshad do/
/dge rtsa 'joms par bshad pa de yang 'jam dpal rnam par rol pa'i
mdo las/ 'jam dpal khong khro ba khong khro ba zhes bya

ba ni/ bskal pa brgyar bsags pa'i dge ba nye bar 'joms par byed
pa de'i phyir/ khong khro ba zhes bya'o/ /zhes gsungs pa'o/ /mdo
de las khong khro ba'i yul rten gnyis byang sems yin min mi gsal
yang/ 'grel par yul rten gnyis ka byang sems kyi

dbang du byas par gsungs pa ni/ rnam par rol pa'i mdo de drangs
pa'i gong nyid du/ mdo kun las btus su byams pa seng ge sgra'i
mdo drangs pa las/ byang chub sems dpa' gang la la zhig gis/
stong gsum gyi stong chen po'i 'jig rten gyi khams su

@54a @#/ /gtogs pa'i sems can thams cad la spyos pa dang/ brgyad
pa dang dbyug pa dang/ khu tshur gyis brdegs pa de tsam gis byang
chub sems dpa' la rma byung zhing rmas par mi 'gyur gyi/ /byang
chub sems dpa' gang

gis byang chub sems dpa' gcig la/ tha na gnod sems dang/ tha ba
dang zhe sdang gi sems bskyed pa de tsam gyis/ byang chub sems
dpa' la rma phyung zhing rmas par 'gyur ro/ /de ci'i phyir zhe
na/ gal te des thams cad mkhyen pa yongs su ma

btang na/ byang chub sems dpa' byang chub sems dpa' cig shos la
gnod sems dang/ tha ba dang sdang ba'i sems ji snyed du bskyed
pa de snyed kyi bskal bar go cha gzod yang bgo dgos so/ /zhes
gsungs pas yul rten gnyis ka byang sems

la gsungs pa de la brten nas mdzad par mngon no/ /'o na slob
dpon dpa' bo dang/ zhi ba lhas/ bskal pa stong du bsags pa yi/
/sbyin dang bde gshegs mchod la sogs/ /legs spyad gang yin de
kun kyang/ /khong khro gcig gis 'joms

par byed/ ces bskal pa stong du bsags pa'i dge ba 'joms par byad
par gsungs pa ji ltar yin zhe na/ spyad 'jug gi 'grel pa kha cig
las/ bskal pa stong phrag du mar bsags pa'i dge ba/ sems can la
sdang bas 'joms

zhes zer mod kyang yid ches par dka'o/ /slob dpon de gnyis kyis
yul rten la gsal kha ma mdzad kyang/ /bskal pa brgya'am stong du
bsags pa'i dge rtsa 'joms pa'i khong khro'i yul la ni/ byang
sems dgos so/ /khro ba'i rten ni byang sems

@54b bdag nyid chen po zhes gsungs pa la dpags na/ yul gyi byang
sems las byang sems stobs che ba cig 'dra'o/ /de la khro ba'i
rten ni byang sems so skyer nges la/ yul la ni sa thob ma thob
gnyis su yod de/ de ltar na byang sems stobs che bas chung ba

la dang/ chung bas che ba la dang/ yul dang rten stobs mnyam pas
mnyam pa la khros pa gsum mo/ /de'i dang po la ni bskal pa brgya
yin la/ byang sems ma yin pas byang sems la khros na ni bskal ba
stong du mngon te/ gnyis pa dang gsum pa

dang/ gnyis pa'i yul gyi mchog dman gyi khyad par la brten nas
dge rtsa 'joms pa yang lung la brten nas dpyad par bya'o/ /stong
gsum gyi zhes pa nas smras par mi 'gyur ba'i bar gyis ni/ byang
sems kyis byang sems min pa la yid kyis khros

nas/ ngag gis gshe ba dang lus kyis brdeg pa bstan pa/ de yang
byang sems la rma phyung ba dang/ byang sems rmas pa dang mi
'dra bar bstan pas/ de 'dra ba la ni gzhi nas go cha bgo ba mi
dgos par shes so/ /byang sems kyis byang sems

gcig la yang lus ngag tu ma thon bar yid kyis sdang ba tsam
bskyed na ni/ sems de bskyed grangs ji tsam pa de tsam gyi bskal
bar gzhi nas go cha bgo dgos par bstan no/ /de lta bu'i yul ni
lung bstan thob pa'i sems dpa' dang/ rten ni lung

bstan ma thob par mngon te/ sdud pa las/ lung bstan ma thob
byang chub sems dpa' gang zhig gis/ /lung bstan thob la sems
khros rtsod pa rtsom byed na/ /tha ba skyon ldan sems kyi skad
cig ji snyed pa/ /de snyed bskal par gzhi nas go cha bgo/

@55a @#/ /dgos so/ /zhes gsungs pa'i phyir ro/ /gzhi nas go cha
bgo dgos pa ni/ dper na byang sems kyi tshogs lam chen po nas/
myur por sbyor lam du 'pho thub pa zhig gis/ lung bstan thob pa
la khros na/ khro

sems kyi grangs de snyed kyi bskal par sbyor lam du 'pho mi nus
par/ gzhi nas lam la slob dgos pa lta bu'o/ /'di la spyod 'jug
las/ gang zhig de 'dra'i rgyal sras sbyin bdag la/ /gal te ngan
sems skyed par byed pa de/ /ngan

sems bskyed pa'i grangs bzhin bskal par ni/ /dmyal bar gnas par
'gyur zhes thub pas gsungs/ /zhes byang sems la khong khro ba'i
sems bskyed grangs ji snyed pa de snyed kyi bskal par dmyal bar
gnas par gsungs la/ bskal

pa mang por bsags pa'i dge rtsa 'joms pa'i nyes dmigs kyang yod
la/ lung bstan thob pa la ma thob pas khros na ni dmyal bar gnas
pa bshad ma thag pa dang 'dra la/ de snyed kyi bskal par gzhi
nas go cha bgo ba dgos pa dang gnyis

yod de/ /rnam par 'thag pa bsdus pa las gsungs pa'i chos spong
byung bas lo bdun gyi bar du nyin gcig cing dus gsum du nyes pa
bshags na rnam smin dag kyang/ bzod pa 'thob pa la myur na'ang
bskal pa bcu dgos par gsungs

pa ltar/ sgo du ma nas bshags bsdam byas na/ lam bul du song ba
sor ma chud kyang/ rnam smin myong ba 'dag par 'gyur bas 'bad
par bya'o/ /gnyis pa ni/ yul rten gnyis ka byang sems min kyang/
khong khro skyes na

@55b dge rtsa 'joms pa yod de/ thams cad yod smra'i gzhung bslab
btus su drangs pa las/ dge slong dag dge slong gis 'di ltar skra
dang sen mo'i mchod rten la yan lag thams cad kyis phyag 'tshal
te/ sems dwang bar byed pa la ltos/ btsun ba de lta lags so/
/dge slong dag dge slong

'dis ji tsam zhig non pa'i 'og dpag tshad brgyad khri bzhi stong
na gser gyi 'khor lo la thug pa'i bar na/ bye ma ji snyed yod pa
de snyed du dge slong 'dis 'khor lo sgyur ba'i rgyal srid stong
'gyur du longs spyod par 'gyur ro/ /zhes bya ba nas/ de nas tshe
dang ldan pa nye bar

'khor gyis/ bcom ldan 'das ga la ba de logs su thal mo sbyar ba
btud de/ bcom ldan 'das la 'di skad ces gsol to/ /bcom ldan 'das
kyis dge slong gi dge ba'i rtsa ba de lta bur che bar gsungs na/
bcom ldan 'das dge ba'i rtsa ba de dag gang du bsrabs pa dang/
yongs su byang ba dang/ yongs su zad par 'gyur/

nye bar 'khor ji ltar tshangs pa mtshungs par spyod pa la rma
phyung ba dang/ rmas par byas pa de lta bu ni ngas ma mthong
ste/ nye bar 'khor des dge ba'i rtsa ba chen po 'di dag bsrabs
pa dang/ yongs su byang ba dang/ yongs su zad par 'gyur ro/ /nye
bar 'khor de lta bas

na ci nas 'gal ba la yang/ sems kyis gnod par mi bya na/ rnam
par shes pa dang bcas pa'i lus la lta smos kyang ci dgos zhes
gsungs pa ltar ro/ /de la bsrabs pa ni dge rtsa phun tshogs ches
che ba skyed pa chung ngu btang ba dang/ rgyun ring skyed

pa thung ngu btang ba lta bu ste/ 'bras bu thams cad ma bcom pa
zad pa chung ngu'i/ /byang ba ni zad pa 'bring po'i/ /gtugs ba
ni zad pa chen por mngon no/ /zla ba sgron ma'i mdo mdo btus su
drangs pa las kyang/ phan tshun gnod pa'i sems su gang byed pa/
/de la tshul

@56a @#/ /khrims thos pas skyob mi byed/ /bsam gtan dang ni dgon
gnas mi skyob ste/ /sbyin dang sangs rgyas mchod pa'ang skyob mi
byed/ ces gsungs te phan tshun ni grogs tshangs pa mtshungs par
spyod pa'o/ /tshul khrims

sogs drug gis mi skyob pa ni/ khong khros dge rtsa 'joms pa 'gog
mi nus pa'o/ /gzhom bya'i dge rtsa ni sngar gyi mdo las gsal bar
ma bshad la/ spyod 'jug las/ sbyin dang bde gshegs mchod pa sogs
dang/ 'jug par sbyin pa dang tshul khrims

las byung ba la bshad do/ 'grel par bsod nams kyi tshogs zhes
gsungs pas bdag med legs par rtogs pa'i dge rtsa la mi byed pa
'dra ste dpyad de/ /'o na blo gros mi zad pas bstan pa'i lung
mdo btus su drangs pa las/ rgya

mtsho chen por chu thigs lhung ba ni/ bskal pa chen po ma byung
gi bar du mi zad pa dper mdzad nas/ byang chub tu bsngos pa'i
dge rtsa yang byang chub ma thob kyi bar du mi zad par gsungs pa
dang/ sdong po bkod pa las kyang/ dngul chu'i rigs gser du

snang bzhes pa srang gcig gis/ lcags srang stong gser du bsgyur
yang/ lcags des de zad par bya mi nus pa dper mdzad nas/ byang
chub tu sems bskyed pa'i dngul chu'i khams ni/ las dang nyon
mongs pa'i lcags thams cad kyis zad

par mi nus par gsungs pas/ sems bskyed dang des zin pa'i dge ba
dang/ byang chub tu bsngos pa'i dge ba rnams khong khros 'joms
mi nus sam snyam na/ de ni min te byang sems bdag nyid chen po'i
dge rtsa rnams 'joms par gsungs

@56b pa'i phyir ro/ /des na lung snga ma'i don ni/ 'bras bu
phyung bas mi zad pa yin gyi/ /khong khros mi 'dzad pa min la/
gnyis pa'i don kyang sems bskyed la brten nas/ las nyon gtan zad
nus pa ltar las nyon gyis tshur mi nus pa'o/ /dge rtsa bcom pa'i

don la kha cig na re sngar gyi dge ba rnams kyi 'bras bu myur du
skyed pa'i nus pa bcom nas 'bras bu 'byin pa rgyang bsrings te/
sngon la zhe sdang lta bu de'i 'bras bu 'byin pa yin gyi/ da
gdod rkyen dang phrad na rang rang gi 'bras bu mi 'byin pa min
te/

'jig rten pa'i lam gang gis kyang spang bya'i sa bon spong mi
nus na/ nyon mongs pas sa bon spong ba mi srid pa'i phyir ro
zhes zer ro/ /rgyu mtshan de ni ma nges te/ so so skye bos gnyen
po stobs bzhis mi dge ba sbyangs pa'i mi dge ba yang sa bon
spangs

pa min kyang/ da gzod rkyen dang phrad kyang rnam smin 'byin pa
mi srid pa'i phyir dang/ sbyor lam rtse mo dang bzod pa thob
pa'i tshe log lta dang/ ngan 'gro'i rgyur gyur pa'i mi dge ba'i
sa bon ma spangs kyang/ rkyen dang phrad na'ang log lta dang
ngan 'gror skye ba mi

srid pa'i phyir ro/ /gzhan yang/ las kyis 'khor bar lci gang
dang/ /nye ba gang dang goms pa gang/ /sngon byas gang yin de
dag las/ /snga ma snga ma rnams smin 'gyur/ zhes mdzod 'grel du
mdo drangs pa ltar/ dge mi dge'i las gang sngon

la smin pa des/ re zhig la las gzhan de smin pa'i go bkag kyang/
de tsam gyis dge ba'am mi dge pa 'joms par gzhag mi nus shing ma
gsungs pa'i phyir ro/ /gzhan du na mi dge ba'i las stobs ldan
thams cad dge rtsa 'joms

@57a @#/ /byed du gsung dgos par 'gyur ro/ /des na 'di la dbu ma
snying po'i 'grel par/ mi dge ba stobs bzhis sbyangs pa dang/
log lta dang gnod sems kyis dge rtsa bcom pa gnyis ka/ sa bon
nyams pa rkyen dang phrad kyang myu gu mi 'byung ba ltar/

da gdod rkyen dang phrad kyang 'bras bu 'byin mi nus par gsungs
so/ /dge ba 'joms pa yang khong khro skyes ma thag rgyud la dge
ba med par 'gro ba min gyi/ 'bras bu 'byin pa'i nus pa la gnod
pa byed pa'o/ /de yang zad pa chung 'bring che gsum

bshad pa'i gang gnod pa byas tshod de slar sngon mi nus pa'o/ /de
ltar na gnod pa skyel tshul la lam gsar pa myur por skye ba'i nus
pa bcom pa dang/ bde 'gro sogs kyi 'bras bu skye ba la gnod pa
byas pa gnyis so/ /byang sems la khros pa

dang brnyas pa dang/ kun slong ngan pas smad pa la nyes pa mu
med pa mdo btus las gsungs shing/ de la byang sems su nges ma
nges dang/ khro ba'i rgyu mtshan bden mi bden gnyis 'dra bar
gsungs pas/ khong khro spyi dang khyad par du tshangs

pa mtshungs par spyod pa dang/ byang sems la dmigs pa'i khong
khro 'gog pa la nus pa ci yod kyis 'bad par bya'o/ /nam snying
gi mdor rtsa ltung rnams kyis sngon bskyed pa'i dge rtsa 'joms
pa dang/ bslab btus las/ rnyed bkur la

lhag par zhen pas khyim la lta ba dang/ mngon pa'i nga rgyal
gyis khengs pa dang chos spong bas kyang sngon bskyed pa'i dge
ba zad par byed cing/ dge ba'i chos kyis rgyas par mi 'gyur bar
gsungs pas/ dge rtsa 'joms pa'i rkyen ngo

@57b shes par byas nas/ lhag par yang spong dgos so/ /'dir ni
mdo tsam ste mdo btus dang bslab btus nges par blta bar bya'o/
/bzhi pa ni/ gzhan yang mi bzod pa nus pa med pas ni/ rang nyid
kho na 'joms la/ nus pa can snying rje med pas ni rang

gzhan gnyis ka 'joms pa 'di ni/ skyes pa nyid kyis bzhin mi sdug
pa'i gzugs su byed cing/ dam pa min par bkri bar byed pa dang/
'di ni bya ba'i tshul dang/ 'di ni bya ba'i tshul min pa'o snyam
pa'i rnam dpyod 'phrog par byed cing/ mi bzod pa khong

khro yis/ shi ba'i 'og tu myur du ngan 'gror skyur bar byed pa'i
nyes dmigs rnams bsams la/ ci nas kyang khong khro ba la skabs
mi sbyin snyam pas khong khro dgag par bya'o/ /gnyis pa la
gnyis/ bzod pa'i yon tan mang po bsam pa dang/ don

bsdus te bzod pa bsten par gdams pa'o/ /dang po ni/ gal te mi
bzod pa'i skyon de dag yin na/ de dang 'gal ba bzod pa'i yon tan
gang yin zhe na/ bzod pa bsgoms pas ni sngar bshad zin pa'i
khong khro'i skyon dang 'gal ba'i yon tan

rnams byed do/ /de yang bzod pa bsgoms pas gzugs mdzes pa thob
cing/ skye bo dam pa rnams la phangs shing gces pa dang/ lugs te
rigs pa dang lugs min pa mi rigs pa shes pa la mkhas par 'gyur
zhing/ shi ba de yi 'og

tu ni lha dang mi'i skye ba len pa dang/ khong khro ba sogs kyis
bsags pa'i sdig pa zad par 'gyur ba rnams bsams la bzod pa'i
stobs bskyed do/ /gnyis pa ni/ sngar bshad pa de ltar so so skye
bos khros pa'i skyon nyes dmigs dang/ rgyal

@58a @#/ /sras rnams kyis bzod pa'i phan yon rig par byas te/ mi
bzod pa spangs nas/ 'phags pa'i skye bo yis bsngags pa'i bzod pa
rtag tu ste dus thams cad du bsten par bya'o/ /gsum pa ni/ bzod
pa'i phar phyin la

'jig rten las ma 'das pa dang/ 'das pa gnyis su 'byed pa ni/
rdzogs sangs rgyas kyi zhes pa'i rkang pa bzhis ston te/ sngar
bshad pa las shes par nus so/ /bzhi pa ni/ sa gsum pa der rgyal
sras de la bzod pa'i phar phyin dag pa de

bzhin du/ bsam gtan dang po la sogs pa bzhi dang/ des mtshon nas
nam mkha' mtha' yas dang/ rnam shes mtha' yas dang/ ci yang med
pa'i skye mched dang/ srid rtse ste gzugs med pa'i snyoms 'jug
bzhi dang/ byams pa dang snying rje dang dga'

ba dang btang snyoms te tshad med pa bzhi dang/ rdzu 'phrul dang/
lha'i rna ba dang/ gzhan gyi sems shes pa dang/ sngon gyi gnas
dran pa dang/ lha'i mig gi mngon par shes pa lnga dag pa 'thob
par 'gyur ro/ /bsam gtan dang gzugs med pa 'di dag

la 'jug ldang byed kyang/ byang chub kyi rgyu yongs su rdzogs
par 'gyur ba mthong ba der ched du bsams te/ smon lam gyi dbang
gis skye yi/ 'jig rten pa'i bsam gtan dang gzugs med pa de dag
gi dbang gis mi skye'o/ /'di ni sa dang po nas kyang 'thob

mod kyang/ sa 'dir lhag pa'i ting nge 'dzin gyi bslab pa snga ma
rnams las ches mchog tu gyur pa 'thob pas/ de'i dbang gis
skye'am snyam pa'i dogs pa che bas smos so/ /sa 'dir 'dod chags
dang zhe sdang zad par 'gyur ba 'thob bo/ /dang gi sgra

@58b ni kyang gi don te ma smos pa gti mug zad pa yang bsdu ba'i
phyir ro/ /zad pa'i don ni gtan zad pa min te/ mdo nyid las/
'dod pa dang gzugs dang/ srid pa dang ma rig pa'i 'ching ba bzhi
thams cad bsrabs par gsungs pas so/ /de dag gi don ni

byang sa'i dgongs pa ltar na/ 'jig rten pa'i bsam gtan dang
gzugs med kyi ting nge 'dzin gyi mthus/ 'dod pa dang gzugs dang
gzugs med la chags pa dang bral ba yin te/ sngar bshad pa'i
mngon gyur spangs pa'o/ /des na bsrabs pa

zhes gsungs par mngon no/ /'ching ba yang mngon pa nas bshad par
mngon no/ /'dir mdo las/ de'i lta bar gyur pa'i 'ching ba rnams
ni snga nas spangs pa yin no/ /zhes gsungs pa'i don kha cig lta
ba tha ma gsum mthong lam du

spangs pa la 'chad mod kyang/ /lta ba kun brtags lnga sa dang
por spangs pa la bya'o/ /byang sa las ni de ni thog ma mes pas
spyod pa'i sa nyid nas chos nyid kyi de bzhin nyid la mos pa'i
phyir/ lta bar gyur pa'i 'ching ba rnams spangs pa yin no/ /

zhes bshad do/ /de'i 'og tu mdo las/ log pa'i 'dod chags dang
zhe sdang dang gti mug bskal pa khrag khrig 'bum phrag du mar
'grib par bya ba ma yin pa/ sa 'dir spong bar gsungs pa ni sa
bon spong ba la dgongs la/ de yang

sgom spang gi nyon mongs lhan skyes che 'bring drug sa gnyis pa
nas/ bdun pa'i bar gyis spong ba'i sa 'di'i spang bya la dgongs
so/ /'grel pa mdzad pas nyon mongs kun brtags sa dang po nas
dang/ lhan skyes sa gnyis pa nas spong

@59a @#/ /ba gsal bar ma gsungs kyang/ sa brgyad pa ma thob kyi
bar du nyon mongs thams cad kyi sa bon zad pa med pa dang/ bden
'dzin nyon mongs su 'jog pa dang/ bden 'dzin ma zad bar du 'jig
lta mi 'dzad pa dang/ sa dang por kun

sbyor gsum spangs pa rin chen 'phreng ba las kyang bshad pas/
spyir nyon mongs la gnyis su 'byed pa dang/ khyad par du 'jig
lta la gnyis su dbye dgos par shin tu gsal lo/ /bden 'dzin nyon
mongs su 'jog pa'i lugs 'di la/

nyon mongs zag med kyi lam gyis spong ba na/ bden 'dzin re'i sa
bon spong dgos pas sa bon de las gzhan pa'i gnyis snang 'khrul
pa'i bag chags shes sgrib tu bzhag pa'i phyogs re yang gtan zad
mi nus pas/ nyon mongs thams cad ma

zad bar du shes sgrib mi spong ba'i phyir/ shes sgrib ni dag pa
sa gsum gyi skabs su spong ngo/ /sa gsum pa de la gnas pa ni/
phal cher lha'i dbang po brgya byin du 'gyur te/ rtag tu 'jig
rten pa sems can rnams kyi ni/ 'dod pa la chags

pa'i 'dod chags 'joms par nus pa la mkhas par 'gyur zhing/ gtso
bor gyur bas sems can rnams 'dod pa'i 'dam nas 'don pa la mkhas
pa yin no/ /kyang gi sgra ni nag tsho'i 'gyur las/ 'dod pa'i
'dod chags kyang rtag tu spong

zhes 'byung ba ltar bde'o/ /gsum pa ni/ de ni phar phyin dang
po gsum gyi rten gyi khyad par dang/ tshogs kyi rang bzhin dang/
'bras bu gang 'grub pa'i rnam gzhag gsal bar ston pa ni/ byang
sems khyim pa dang rab byung gnyis sbyin sogs

@59b kyi rten yin mod kyang/ sgrub dka' sla la ltos nas ni/
byang sems khyim pa rnams la ni sbyin pa la sogs pa'i chos gsum
po de dag sgrub par sla bas/ bde bar gshegs pas de gsum rten de
la bsngags so/ /tshogs gnyis kyi nang nas bsod

nams zhes bya ba'i tshogs kyang gsum pa de dag nyid do/ /tshogs de
ni sangs rgyas kyi gzugs kyi bdag nyid kyi sku yi rgyu ste gtso
bo'i dbang du byas pa'o/ /rin chen 'phreng ba las kyang/ der ni
sbyin dang tshul khrims dang/ /bzod pa'i chos ni khyad par du/ /

khyim pa la bshad snying rje yi/ /snying po can de brtan goms
mdzod/ /ces so/ /byang sems khyim pa la chos gsum bsgrub sla
ba'i sbyin pa ni/ zang zing dang mi 'jigs pa dang/ tshul khrims
ni khyim pa'i phyogs kyi dang/ bzod pa ni chos la nges

sems gtso che'o/ /byang sems rab byung rnams la ni brtson 'grus
dang bsam gtan dang shes rab bsgrub sla ste/ de gnyis la lhag ma
gzhan med pa ni min no/ /ye shes kyi tshogs ni bsam gtan dang
shes rab yin la/ de gnyis gtso bor

chos sku'i rgyu dang/ brtson 'grus ni tshogs gnyis ka'i rgyu'o/
/bzhi pa ni/ sa 'od byed pa zhes bya ba rgyal ba'i sras po nyi
ma la gnas pa 'di ni/ rang gi rgyud du gtogs pa'i mi shes pa'i
mun pa/ don dam pa'i sa 'di 'byung ba'i gegs su gyur

pa rnams/ sa de dang po skye bzhin pa'i skabs su yang dag par
gsal bar byas nas/ rnam pa de lta bu gzhan la nye bar bstan pa
las 'gro ba gzhan rnams kyi/ sa gsum pa'i gegs byed pa'i mun pa
rnam par 'joms par mngon par 'dod do/ /

@60a @#/ /byang sems de ni sa gsum pa 'dir nyes pa'i mun pa yon
tan 'joms par byed pa bcom pas/ nyi ma ltar shin tu rno bar gyur
kyang skyon ldan gyi skye bo la khro bar mi 'gyur te/ bzod pa la
ches lhag par goms pa'i phyir

dang/ snying rjes rgyud snum par byas pa'i phyir ro/ /dbu ma la
'jug pa'i rgya cher bshad pa dgongs pa rab tu gsal ba las/ don
dam pa'i sems bskyed pa gsum pa'i rnam par bshad pa'o// ! //bzhi
pa/ sa bzhi pa 'od 'phro ba bshad pa la

gsum/ sa 'dir brtson 'grus lhag par bstan pa/ sa'i nges pa'i
tshig bstan pa/ spangs pa'i khyad par bstan pa'o/ /dang po ni/ de
ni sa 'dir phar phyin dang po gsum las/ brtson 'grus lhag
cing lhag ma drug las dman par bstan pa ni/ dge ba

la mi spro ba la ni sbyin sogs la rnam pa thams cad du 'jug pa
med pas/ yon tan gang yang 'byung ba med la/ sngar bshad pa'i
sbyin sogs kyi yon tan bsags pa'am/ sog pa la spro ba dang ldan
pa la ni/ thob pa'i yon tan 'phel ba dang/

ma thob pa thob par 'gyur bas/ yon tan ma lus pa ni brtson 'grus
kyi rjes su 'gro zhing/ bsod nams dang blo gros te ye shes kyi
tshogs ni gnyis kyi rgyu'o/ /de 'dra ba'i brtson 'grus sa gang du
lhag par 'bar ba 'chang bar gyur pa de ni/ sa bzhi

pa 'od 'phro ba zhes bya'o/ /sa gsum par lhag pa'i ting nge
'dzin gyi bslab pa sa dang po gnyis las/ ches phul du byung ba
thob pas de las skyes pa'i shin tu sbyangs pa/ le lo gtan nas
sel bar byed pa khyad par can sa 'dir thob pa'i phyir

@60b na/ brtson 'grus kyi phar phyin lhag pa'o/ /gnyis pa ni/
yang ci'i phyir sa 'di la 'od 'phro ba zhes brjod ce na/ sa gzhi
pa der ni bde bar gshegs pa'i sras po la/ rdzogs pa yi byang
chub kyi phyogs kyi chos so bdun/ sngar las lhag par bsgoms pa

las skyes pa'i ye shes kyi snang ba/ sa gsum par bshad pa'i
zangs kyi 'od dang 'dra ba las lhag pa 'byung ste/ de'i phyir
yang dag pa'i ye shes kyi me'i 'od lhag pa 'byung bas/ byang
sems kyi sa de la 'od 'phro ba zhes bya ste/ rin chen 'phreng ba
las/

bzhi pa 'od 'phro can zhes bya/ /yang dag ye shes 'od 'byung
phyir/ /byang chub phyogs mthun ma lus pa/ /khyad par du ni
bsgoms pa'i phyir/ /de yi rnam par smin pas na/ /rab 'thab bral
gnas lha rgyal 'gyur/ /'jig tshogs lta ba rab 'byung ba/ /kun

nas 'joms byed mkhas pa yin/ zhes gsungs pa bzhin 'jug par yang
bkod pa'o/ /byang phyogs so bdun ni dran pa nyer gzhag la sogs
pa lam sde tshan bdun no/ /dran pa nyer gzhag bzhi ni/ lus dang
tshor ba dang sems dang chos dran pa nyer

gzhag go /yang dag par spong ba bzhi ni dge ba'i chos ma skyes
pa skyed pa dang/ skyes pa rnams spel ba dang/ mi dge ba ma
skyes pa mi skyed pa dang/ skyes pa yang dag par spong ba'o/
/rdzu 'phrul gyi rkang pa bzhi ni/ 'dun pa dang/ brtson 'grus
dang/ sems

dang dpyod pa'i ting nge 'dzin gyi rdzu 'phrul gyi rkang pa'o/
/dbang po lnga ni/ dad pa dang brtson 'grus dang/ dran pa dang
ting nge 'dzin dang/ shes rab kyi dbang po'o/ /stobs lnga ni/
dad pa la sogs pa'i stobs so/ /byang chub kyi yan lag bdun ni/
dran pa dang

@61a @#/ /chos rab tu rnam par 'byed pa dang/ brtson 'grus dang
dga' ba dang/ shin tu sbyangs pa dang ting nge 'dzin dang/
btang snyoms yang dag byang chub kyi yan lag ste yang dag man
chad snga ma drug gi mthar yang sbyar ro/ /'phags

lam yan lag brgyad ni/ yang dag pa'i lta ba dang rtog pa dang/
ngag dang las kyi mtha' dang/ 'tsho ba dang rtsol ba dang/ dran
pa dang ting nge 'dzin yang dag 'phags pa'i lam yan lag go /yang
dag pa'i zhes pa rtog pa man chad la sbyar zhing/ yang

dag pa'i 'phags pa'i lam yan lag ces pa snga ma bdun gyi mthar
yang sbyar ro/ /de la sa dang po ni bslab pa'i rten dang/
bslab pa'i ngo bo la gnyis par lhag pa'i tshul khrims dang/
gsum par lhag pa'i sems kyi bslab pa dang/ bzhi pa

nas drug pa'i bar gsum la lhag pa'i shes rab kyi bslab pa gsum
'jog pa la/ sa 'dir byang phyogs so bdun rags pa dang phra ba
la ches mkhas pa'i shes rab kyi bslab pa can du 'gyur ro/
/gsum pa ni/ rang ste phra ba'i 'jig lta'i bdag

tu lta ba dang 'brel ba ste de sngon du 'gro ba'i bdag dang/
sems can sogs rang rkya ba'i rdzas yod du 'dzin pa rags pa'i
gang zag gi bdag dang bdag gi bar 'dzin pa dang/ phung khams
skye mched la bden par zhen pa'i chos kyi bdag 'dzin rnams

yongs su zad par 'gyur ro/ /zad pa'i don yang sa de'i spang
byar gyur pa'i bdag 'dzin gnyis kyi sa bon spangs pa yin gyi/
thams cad zad pa min no/ /mdos kyang 'jig lta lhan skyes yod
par bstan no/ /dbu ma la 'jug pa'i rgya

@61b cher bshad pa dgongs pa rab tu gsal ba las/ don dam pa'i
sems bskyed pa bzhi pa'i rnam par bshad pa'o// ! //lnga pa sa
lnga pa/ sbyang dka' ba bshad pa la gnyis/ sa lnga pa'i nges pa'i
tshig bshad pa/ bsam gtan lhag cing bden pa la

mkhas par bstan pa'o/ /dang po ni/ bdag nyid chen po sa lnga pa
sbyang dka' ba la gnas pa de ni/ 'jig rten gyi khams thams cad
na gnas pa'i lha'i bu'i bdud rnams kun gyis kyang pham par bya
bar nus pa ma yin na/ de dag las gzhan pa'i bdud

kyi bka' nyan pa bran la sogs pa rnams kyis lta ci smos/ de'i
phyir sa 'di'i ming sbyang dka' ba zhes bya'o/ /rin chen
'phreng ba las kyang/ lnga pa shin tu sbyang dka' bdud/ /kun
gyis shin tu thub dka'i phyir/ /'phags pa'i bden sogs phra
mo'i

don/ /shes la mkhas pa 'byung ba'i phyir/ /de yi rnam par smin
pas na/ /dga' ldan gnas kyi lha rgyal 'gyur/ /mu stegs byed pa
thams cad kyi/ /nyon mongs lta gnas zlog byed pa/ /zhes gsungs
so/ /gnyis pa ni/ sa lnga pa 'dir phar phyin

bcu'i nang nas bsam gtan gyi phar phyin nyid ches lhag par
'gyur ro/ /de ltar bstan pa na sbyin pa nas brtson 'grus kyi
phar phyin bzhi lhag par 'gyur ba/ sngon nyid nas thob zin par
shes pas/ lhag ma drug gi nang nas zhes shes par

'gyur ro/ /de yang bsam gtan gyi phar phyin gyi mi mthun
phyogs rnam g.yeng sogs kyi nyes pas gtan mi brdzi ba 'dir
thob pa 'dra ba/ shes rab kyi phar phyin sogs la 'dir med
pa'o/ /bsam gtan lhag par ma zad blo bzang ste 'phags pa'i

@62a @#/ /bden pa'i rang bzhin te rang gi ngo bo shes pa zhib
mos khong du chud dgos pa phra mo rtogs pa la'ang shin tu
mkhas pa 'thob pas/ 'dir bden pa rags pa dang phra ba la mkhas
pa'i lhag pa'i shes rab can du 'gyur

ro/ /'dir sa bcu pa las sa lnga pa ba des sdug kun dang/ 'gog
lam gyi bden pa bzhi la mkhas pa dang/ de nas kun rdzob dang
don dam pa'i bden pa la mkhas pa gnyis so sor gsungs pa la/
yab sras mjal ba dang/ dbu ma las kun rdzob dang don

dam pa'i bden pa gnyis su nges par gsungs pas/ bden gnyis las
tha dad par bden bzhi ga la yod/ ces pa'i lan du/ bden pa
gnyis su ma 'dus pa'i bden pa med mod kyang/ spang bya kun
nyon gyi phyogs la kun 'byung rgyu dang/ sdug bsngal

'bras bu dang/ blang bya rnam byang gi phyogs la lam bden rgyu
dang/ 'gog bden 'bras bur bstan pa'i phyir bden bzhi bshad pa
dang/ de la yang sdug kun dang lam bden kun rdzob kyi bden pa
dang/ 'gog bden don dam bden par 'grel pa

las bshad do/ /rigs pa drug tu pa'i 'grel pa las kyang/ myang
'das don dam bden pa dang/ bden pa gzhan gsum kun rdzob bden
par gsungs te myang 'das ni 'gog bden no/ /gzhan yang rigs pa
drug cu pa'i 'grel par 'gog bden mngon sum

du shes pa ston pas zhal gyis bzhes la/ dngos por smra ba
mngon sum tshad ma dngos po rang mtshan gyi yul can du 'dod pa
la de mi rung ba dang/ rang lugs la 'gog pa mngon sum du shes
pa mnyam gzhag zag med kyi ye shes kyis/ /de kho na nyid kyi

@62b don rtogs pa'i steng nas bsgrubs pas/ 'gog bden kun rdzob
kyi bden pa yin na rnam bzhag de dag gtan mi rung zhing myang
'das mngon du byas pa'i tshe yang de kho na nyid kyi don mngon
sum du rtogs dgos par 'bad pa du mas bsgrubs pas na/ 'gog

bden kun rdzob bden par smra ba ni/ mtha' ma chod pa'o/ /gzhi
'ga' zhig gi steng du dgag bya bden pa bcad pa la don dam bden
par byed kyang/ don dam bden pa yin tshad thams cad kyi dgag
bya shes bya la mi srid pas ma khyab ste/ chos dbyings bstod

pa las/ gang zhig kun tu ma shes na/ /srid pa gsum du rnam
'khor la/ /sems can kun la nges gnas pa'i/ /chos kyi dbyings
la phyag 'tshal 'dud/ /gang zhig 'khor ba'i rgyur gyur pa/ /de
nyid spyad pa byas pa las/ /dag pa de nyid myang ngan

'das/ /chos kyi sku yang de nyid do/ /zhes chos nyid dri ma
dang bcas pa'i dri ma sbyangs pa na/ myang 'das dang chos kyi
skur gsungs pa ltar/ dag pa'i chos nyid kyi dgag bya dri mar
gsungs pa du ma zhig yod pa'i phyir dang/ chos nyid dri bral
du song

pa mi srid na/ ngal ba 'bras med du 'gyur ba'i phyir dang/
srid na de'i dgag bya shes bya la yod pa'i phyir ro/ /dper na
ri bong gi rwa med pa'i dgag bya ri bong gi rwa shes bya la mi
srid kyang/ dgag bya shes bya la yod pa'i bum pa bkag pa'i bum
med

ri bong gi rwa med du 'jog nus pa bzhin no/ /dag ma dag gi
chos can spyi la khyab pa'i chos nyid kyi dbang du byas na ni/
bdag gnyis bkag pa lta bu dgag bya shes bya la mi srid pa tsam
bkag pa la byed kyang/ chos can rim gyis dri mas je dag

@63a @#/ /tu song ba na de'i chos nyid kyang dri mas je dag tu
'gro bas/ chos can khyad par can la ni chos nyid kyang dag pa
phyogs gcig pa tsam gyis mi chog gi /rang rang gi skabs kyi
glo bur gyi dri mas kyang dag pa re dgos la de nyid la 'gog

bden zer ba yin no/ /sa bcu pa las sa 'dir mtshan nyid kyi bden
pa la mkhas pa sogs kyi bden pa'i ming 'dogs mang du byung
yang/ de dag kyang bden pa gnyis su mi 'du ba min no/ /dbu ma
la 'jug pa'i rgya cher bshad pa dgongs pa rab tu gsal ba

las/ don dam pa'i sems bskyed pa lnga pa'i rnam par bshad pa'o//
! //gnyis pa/ sa drug pa mngon du gyur pa bshad pa la bzhi/ sa'i
nges tshig dang sher phyin lhag par bstan pa/ shes rab kyi phar
phyin gyi bsngags pa/ zab mo

rten 'byung gzigs pa'i de kho na nyid bshad pa/ sa'i yon tan
brjod pa'i sgo nas mjug bsdu ba'o/ /dang po ni/ sa lnga par
bsam gtan gyi phar phyin yongs su dag pa thob pas/ sa drug pa
mngon du phyogs pa ste gyur par mnyam par bzhag pa'i sems

phul du byung ba la gnas te/ de la brten nas rten cing 'brel
par 'byung ba rkyen nyid 'di pa tsam gyi zab mo'i de kho na
nyid mthong ba'i byang sems sa drug pa la gnas pas ni/ shes
rab kyi pha rol tu phyin pa phul du byung ba la gnas pas 'gog
pa thob par 'gyur

gyi/ de'i snga rol sa lnga pa sogs su ni 'gog pa thob pa min
te/ sher phyin phul du byung ba'i lhag pa med pa'i phyir te/
sbyin sogs kyi phar phyin lnga phul du byung ba tsam gyis ni
'gog pa thob par mi nus so/ /de ltar shes rab lhag pa'i sgo
nas gzugs

@63b brnyan dang 'dra ba'i chos nyid mngon du gyur pa'i phyir
dang/ sa lnga par lam gyi bden pa la dmigs pa'i phyir dang/
rdzogs pa'i sangs rgyas kyi chos 'thob pa la mngon du phyogs
pa'i phyir/ sa 'di la mngon du gyur ba zhes bya'o/ /rgyu mtshan
gnyis pa'i don

ni 'grel bshad las/ shes pa dang shes bya mi dmigs pa'i lam
mngon du gyur pa la 'chad mod kyang/ sa lnga par lam bden la
dmigs pa ni bden bzhi'i tha ma smos pas na/ der bden bzhi rags
pa dang phra ba la mkhas pa 'thob pas/ sa drug par

bden pa bzhi la mkhas pa'i shes rab rdzogs pa'i don yin la/
rgyu mtshan dang pos ni rten 'brel lugs 'byung dang lugs ldog la
mkhas pa'i shes rab kyi bslab pa rdzogs par ston pas/ shes rab
kyi bslab pa de gnyis rdzogs pa'i sgo nas/ bden

pa dang rten 'brel mngon du gyur pa'i don no/ /de ltar na sa
'dir shes rab kyi bslab pa gsum rdzogs pa dang/ zhi gnas ji
tsam khyad zhugs pa tsam gyis lhag mthong de tsam du khyad
zhugs par 'gyur la/ sa lnga par bsam gtan gyi phar phyin phul

du byung ba thob pas/ de la brten nas 'dir sher phyin phul du
byung ba yin no/ /de'i phyir 'gog pa la snyoms par 'jug pa
thun mong ma yin pa 'di nas 'thob pa yin no/ /rin chen 'phreng
ba las kyang drug pa mngon phyogs zhes bya ste/ /sangs

rgyas chos la mngon phyogs phyir/ /zhi gnas lhag mthong goms
pa yis/ /'gog pa thob pas rgyas pa'i phyir/ /de yi rnam par
smin pas na/ /lha yi rgyal po rab 'phrul 'gyur/ /nyan thos
rnams kyis mi 'phrogs pas/ /lhag pa'i nga rgyal

@64a @#/ /can zhi byed/ ces gsungs te rab 'phrul ni 'phrul dga'
'o/ /gnyis pa ni/ sher phyin las gzhan pa'i sbyin sogs kyi
tshogs rnams/ 'bras bu'i sar bgrod pa sher phyin la rag las par
bstan pa'i phyir bshad

pa/ ji ltar te dper na skyes bu mig dang ldan pa gcig gis/
long ba'i tshogs kun te mtha' dag /'gro bar 'dod pa yi yul du
bde blag tu 'khrid par byed pa de bzhin du/ lam gyi skabs 'dir
yang blo ste sher phyin gyis kyang/ de nyid lta ba'i mig

nyams pa'i sbyin sogs kyi yon tan rnams blangs pa ste yongs su
bzung ste/ rgyal ba 'bras bu nyid kyi long 'phang du 'gro ste/
sher phyin ni lam yang dag pa dang de min pa gnyis phyin ci ma
log par mthong ba yin pa'i phyir ro/ /'phags pa sdud pa las

kyang/ dmus long dmigs bu med pa bye ba khrag khrig rnams/
/lam yang mi shes grong khyer 'jug par ga la 'gyur/ /shes rab
med na mig med pha rol phyin lnga 'di/ /dmigs bu med pas byang
chub rig par nus ma yin/ /zhes dang/ rdo rje gcod

pa las kyang/ dper na mig dang ldan pa'i mi zhig mun par zhugs
nas/ ci yang mi mthong pa bzhin du gang dngos por lhung bas
sbyin pa yongs su gtong ba'i byang chub sems dpar blta bar
bya'o/ /rab 'byor 'di lta ste dper na nam langs te nyi ma shar

nas mig dang ldan pa'i mis gzugs rnam pa sna tshogs dag mthong
ba de bzhin du gang dngos por ma lhung bas sbyin pa yongs su
gtong ba'i byang chub sems dpar blta bar bya'o/ /zhes gsungs
te tshul khrims la sogs pa la yang de dang 'dra'o/ /

@64b gsum pa la lnga/ zab mo'i don bshad par dam bca' ba/ zab
mo'i don bshad pa'i snod ngos bzung ba/ de la bshad na yon tan
'byung tshul/ snod ldan gyi gang zag la nyan par bskul ba/ rten
'byung gi de nyid ji ltar bshad pa'i tshul lo/ /dang po ni/
sngar sa

drug pa pas rten 'byung mthong ba na/ 'di la brten nas 'di
'byung ba'i de kho na nyid mthong bar ji ltar 'gyur zhe na/
'di'i lan du 'grel par de'i rang gi ngo bo ni ma rig pa'i ling
tog 'thug pos/ blo'i mig ma lus par g.yogs pa'i bdag cag gi
yul

du mi 'gro yi/ drug pa la sogs pa sa gong ma la gnas pa'i yul
du 'gyur bas/ kho bo cag la dri bar bya ba min gyi/ gang dag
stong nyid legs par mthong ba'i mig sman ma rig pa'i ling tog
'joms pas bskus pa'i blo'i spyan/ ma rig pa'i rab

rib kyi ling tog dang bral ba'i sangs rgyas dang/ byang sems de
dag nyid la smra bar bya'o/ /'dis ni de kho na nyid kyi don
mngon du gyur pa la 'dri na/ de rnams la dris shig ces ston pas/
mig sman bskus pas mig gsal du 'gro yi/ mig 'don

pa min pa bzhin du stong nyid mthong ba'i mig sman bskus pas/
blo'i mig gsal du 'gro ba yin gyi/ ye shes kyi mig 'don pa min
par shes na/ 'phags pa'i mnyam gzhag tu ye shes med ces pa'i
skur 'debs kyi lta ba ngan pas mi

gos so/ /gal te yum gyi mdo dang sa bcu pa sogs kyi mdo rnams
las/ sher phyin la spyod pa'i byang sems kyis rten 'byung gi
de nyid mthong bar gsungs pa ma yin nam/ de'i phyir lung gi
rjes su 'brangs nas shod cig ce na/ lung gi dgongs

@65a @#/ /pa nges pa yang dka' ba'i phyir bdag cag 'dra bas
lung las kyang de kho na nyid bstan par mi nus so/ /rang dbang
du 'chad pa'i dbang du byas nas de skad du brjod kyi/ de kho
na nyid ston pa'i bstan pa'i bstan bcos tshad mar gyur pa'i

skyes bus byas shing/ des lung phyin ci ma log par 'chad pa
mthong ba las/ lung gi dgongs pa nges nus par ston pa ni/ sa
drug pa ba de yis ches shin tu zab pa'i chos zab mo ji ltar
rtogs pa de ltar/ 'phags pa klu sgrub kyis lung phyin ci ma

log par mkhyen nas/ dbu ma'i bstan bcos las mdo sde'i lung
dang/ der ma zad lung las gzhan yang rigs pa dag gis chos
rnams kyi de kho na nyid chos gsal bar bstan pa yin pas na/
de'i phyir 'phags pa klu sgrub kyi gzhung lugs

las/ de kho na nyid ji ltar bstan pa de kho na ltar/ zla ba'i
zhabs kyis klu sgrub des nye bar bstan pa'i lugs ji ltar gnas
pa de bzhin du brjod par bya'o/ /ci ste 'phags pa klu la nges
don gyi lung gi don phyin ci ma log par nges pa ji ltar yod

ce na/ lung las shes te lang kar gshegs pa las/ lho phyogs be
ta'i yul du ni/ /dge slong dpal ldan cher grags pa/ /de ming
klu zhes bod pa ste/ yod dang med pa'i phyogs 'jig pa/ /nga yi
theg pa 'jig rten du/ /bla med theg chen rab

bshad nas/ /rab tu dga' ba'i sa bsgrubs te/ /bde ba can du der
'gro'o/ /zhes nges don gyi theg pa yod med kyi mtha' gnyis
dang bral ba klu sgrub kyis 'grel par gsungs so/ /'di ni gser
'od dam pa nas bshad pa/ ston pa

@65b zhal bzhugs dus kyi li tsa byi gzhon nu 'jig rten thams
cad kyis mthong na dga' ba zhes bya ba de nyid skye ba bzhes
pa yin te/ sprin chen las/ gzhon nu 'di mya ngan las 'das
nas lo bzhi brgya lon pa na/ klu zhes bya ba'i dge slong du
gyur nas nga'i

bstan pa rgyas par byas te/ mthar rab tu dang ba'i 'od ces bya
ba'i zhing du/ ye shes 'byung gnas 'od ces bya ba'i rgyal bar
'gyur ro/ /zhes gsungs so/ /de'i phyir 'di la nges don gyi
lung phyin ci ma log par nges pa yod par grub bo/ /'jam dpal
gyi rtsa

ba'i rtog pa las kyang/ 'byung ba'i dus dad mtshan de dang 'dra
la/ lo drug brgya bzhugs par bshad do/ /rnga bo che'i mdo las
li tsa byi gzhon nu 'jig rten thams cad kyis mthong na dga' ba
'di/ ston pa 'das nas lo brgyad cu pa la bstan pa nyams pa'i

tshe/ ston pa'i mtshan 'chang ba'i dge slong du gyur nas bstan
pa rgyas par byas te/ lo brgya lan pa'i 'og tu 'das nas bde ba
can du skye bar gsungs so/ /'di yang slob dpon 'di'i lung
bstan du gnas brtan byang bzang dang/ jo bo chen po bzhed de
li tsa byi mthong

na dga' ba klu sgrub dang rgyud gcig tu bshad ba la brtan
pa'o/ /rnga bo che las dge slong de sa bdun pa bar bshad do/
/de ltar bshad pa dang snga ma rnams 'gal bar sgrub mi nus te/
rgyal chen 'ga' zhig lung kha cig las rgyun zhugs su bshad pa
dang/

lung gzhan du sangs rgyas su bshad pa lta bu gsung rab la du
ma zhig snang pa'i phyir ro/ /gnyis pa ni/ nges ba'i don gyi
bstan bcos de yang sngar goms par rgyud la/ stong nyid rtogs
pa'i sa bon bzhag ba rnams nyid la bstan par bya'i/ gzhan 

@66a @#/ /dag la ni ma yin te/ de dag gis stong nyid ston pa'i
gzhung nyan du zin kyang/ stong nyid la log par zhugs pa'i bsam
pa dang ldan pas/ don ma yin pa chen po dang ldan par 'gyur ba'i
phyir ro/ /don ma yin pa chen por 'gyur

tshul ni/ res 'ga' ni mi mkhas pas stong nyid spangs nas/ ngan
'gror 'gro'o/ /res 'ga' ni rang bzhin gyis ma grub pa'i stong
pa'i don ni/ chos 'di rnams med pa nyid dang/ yod pa ma yin no
snyam du phyin ci log tu nges par bzung ste/ rgyu

'bras kyi dngos po thams cad la skur pa 'debs pa'i log lta dang
por bskyed nas/ de nas de mi gtong bar gong nas gong du 'phel
bar byed do/ /stong pa nyid la blta nyes na/ /shes rab chung
rnams phung bar 'gyur/ /ji ltar sbrul la bzung nyes dang/ /

rig sngags nyes par bsgrubs par bzhin/ /zhes pa'i 'grel pa tshig
gsal las kyang/ kun rdzob pa la skur 'debs kyi mthar mi ltung ba
la/ gzugs brnyan dang 'dra ba'i las 'bras la gnod pa ma byas pa
dgos pa dang/ don dam par sgro

'dogs pa'i mthar mi ltung ba la/ dngos po rang bzhin med pa kho
na la las 'bras mthong ba dgos par gsungs shing/ de gnyis las
bzlog pa ni rtag chad kyi mthar ltung bar bshad la/ 'du byed
rnams yod pa ma yin par rtog na log

par lta bar gsungs pas/ med pa dang/ yod pa ma yin pa la tshig gi
khyad par yod kyang/ med pa'i rnam pa 'char ba la yid zhib par
gtad kyang khyad par ci yang med do/ /bzhi brgya pa'i/ gcig ni
ngan 'gro nyid 'gro la/ /tha mal ma yin zhi

@66b nyid du'o/ /zhes pa'i 'grel par dam pa ma yin pa gang zhig
bdag med pa'i chos nyan pa de ni/ spangs pa dang phyin ci log tu
rtogs pas ngan 'gro kho nar 'gro la/ zhes gnyis ka ngan 'gror
'gro bar bshad de/ phyin ci log tu rtogs pa ni stong pa'i don

yod pa ma yin pa'i don du bzung ba'o/ /des na shin tu phra ba'i
don 'byed pa'i blo'i mthu med bzhin du/ yod par mngon pa'i nga
rgyal can gyis/ rang gi dbang po dang mi 'tshams pa'i zab don gyi
tshig tsam la mos pa ltar snang shugs drag par byed pa

ni/ don ma yin pa chen po 'dren par byed pas gnas 'di dag la
gzab par bya'o/ /yang ji ltar 'di la stong pa nyid bstan par 'os
so/ /gang zag 'di la stong pa nyid bstan par mi bya'o zhes nges
par dka' ba 'di ji ltar nges par nus she na/ de ni phyi rol

gyi mtshan ma rnams kyis nges nus par ston pa ni/ so so skye bo
las dang po pa'i dus na'ang stong pa nyid kyi gtam phyin ci ma
log pa thos pa na/ de thos pa nas nang du gtam de la rab tu dga'
ba yang dang yang du 'byung pa dang/ rab tu dga' ba de las byung

ba'i mchi mas mig brlan pa dang/ lus kyi ba spu ldang ba skye
bar 'gyur ba gang yin pa de la/ rdzogs pa'i sangs rgyas kyi blo
rnam par mi rtog pa yi ye shes kyi sa bon stong nyid rtogs pa'i
sa bon zhes pa yod la/ de kho na nyid slob dpon mkhas pas

nye bar bstan pa'i snod ni gang zag de yin te/ gang zag de la
'chad par 'gyur ba'i mtshan nyid can gyi dam pa'i don gyi bden pa
bstan par bya'o/ /'di ni stong nyid kyi gtam phyin ci ma log pa
thos pa dang/ de mi go ba min pa gnyis tshogs nas lus kyi

@67a @#/ /mtshan ma de rnams skye bar snang na/ rtags mi 'khrul ba
yin gyi/ don mi go ba dang/ go yang mtshan ma de rnams mi skye na
re zhig zab mo'i snod du nges mi nus kyang/ bla ma dam pa'i bsgo
ba las mi 'da' na/ stong nyid rtogs

pa'i rigs nus mang po gsar du 'jog pa'i snod du rung ngo/ /gsum
pa ni/ sngar bshad pa'i nyan pa po de la ni stong nyid bstan pa
'bras bu med par mi 'gyur te/ de ci'i phyir zhe na/ 'di ltar
nyan pa po de la stong pa nyid du 'dzin pa phyin ci log gis

bskyed pa'i don ma yin pa dang ldan par mi 'gyur ba 'ba' zhig tu
ma zad kyi/ stong nyid kyi lta ba nyan pa de'i rjes su 'gro ba
ste 'bras bu'i yon tan rnams kyang 'byung ngo/ /'byung tshul ji
ltar zhe na/ snod ldan de stong nyid kyi lta ba nyan pa la gter
rnyed pa dang

'dra bar sems shing/ lta ba de skye ba gzhan du yang mi nyams
par bya ba'i phyir/ rtag tu tshul khrims yang dag par blangs nas
gnas par 'gyur te/ de yang bdag tshul khrims 'chal ba'i rkyen
gyis ngan 'gror lhung na/ stong nyid kyi lta ba rgyun chad pa

rang 'gyur ro snyam nas tshul khrims blangs te mi nyams par srung
ba yin no/ /tshul khrims 'chal pa la ni sngon du tshul khrims
blangs pa mi dgos kyi/ tshul khrims kyi mi mthun phyogs rang
bzhin gyi kha na ma tho ba yang tshul 'chal lo/ /bdag

tshul khrims bsrungs pas bde 'gror skyes kyang/ dbul por gyur nas
bza' btung dang sman dang gos la sogs pa'i 'tsho ba'i yo byad
kyis phongs na/ de 'tshol ba lhur len nas stong nyid kyi lta
ba nyan pa dang/ de'i don sgom pa sogs

@67b rgyun chad par 'gyur ro snyam nas/ sngar bshad pa ltar yar
mar gyi zhing la sbyin pa gtong bar 'gyur ro/ /stong nyid kyi
lta ba sngar bshad pa'i snying rje chen pos zin pa ni sangs
rgyas nyid 'dren par byed kyi/ gzhan du ni ma yin no snyam nas
rtsa ba snying rje chen po la

goms pa bsten par byed do/ /kho bas ni ngan song du 'gro ba dang
dge ba 'joms la/ mdog shin tu mi sdug pa 'thob par byed pas de'i
rkyen gyis 'phags pa rnams mnyes par mi 'gyur ro snyam nas bzod
pa sgom par byed do/ /thams cad mkhyen par yang yang

ma bsngos pa'i tshul khrims la sogs pa ni/ sangs rgyas thob pa'i
rgyu dang/ lus dang longs spyod la sogs pa'i 'bras bu dpag tu
med pa rgyun ma chad par 'byung bar mi 'gyur bas/ tshul khrims la
sogs pa de yi dge ba yang 'gro ba 'khor ba las sgrol

bar bya ba'i phyir du byang chub tu yongs su sngo bar byed do/
/byang sems ma gtogs pa nyan rang la sogs pa gzhan dag gis rten
'brel zab mo byang sems bzhin du ston mi nus par mthong nas/
rdzogs pa'i byang chub sems dpa' rnams la shin tu gus

par byed do/ /stong nyid kyi lta ba'i go ba gnad du song ba'i
theg chen pa la ni/ sngar bshad pa de lta bu'i go ba rnam dag
rnams skyes nas rgya che ba'i phyogs rnams sgrub pa la shin tu
gus par 'gyur la/ de ni shin tu bsngags pa'i gnas yin te/ byang

chub sems 'grel las/ chos rnams stong pa 'di shes nas/ /las dang
'bras bu bsten pa gang/ /ngo mtshar bas kyang 'di ngo mtshar/
/rmad byung bas kyang 'di rmad byung/ /zhes gsungs te/ snod mi
rung gnyis po mi mos nas spong ba dang/ /mos pa

@68a @#/ /ltar snang yod kyang rigs pas rgyu 'bras thams cad bkag
par go ba'i skyon gnyis spangs la/ rang bzhin med pa'i stong
nyid kyi lta ba nyid la brten nas bya byed thams cad ches 'thad
par rtogs pa zhig la 'ong ba

yin no/ /de lta ma yin na lta ba rnyed pa'i lugs su byas pa na/
tshul khrims la sogs pa'i las 'bras kyi rnam gzhag thams cad/ ri
bong gi rwa'i gnyer ma bgrang pa bzhin du song nas/ de 'dra ba
ni nges don ma go ba rnams kyi phyir yin

gyi/ nges don go ba la mi dgos te/ de dag thams cad rtog pas
byed la rtog pa thams cad bden zhen gyi mtshan 'dzin yin pa'i
phyir ro snyam du 'dzin zhing/ rgya nag gi hwa shang ltar dge ba
thams 'joms la/ kha cig 'khrul ngor re zhig la

blang dor byed zer yang/ rtog pa la bden 'dzin yin min gnyis
byed na ni/ rang bzhin gyis grub pa 'gog pa'i rigs pas yul thams
cad 'gog pa cal col yin la/ gnyis su mi byed na ni lta ba dang
spyod phyogs kyi rtog pa gnyis gcig

gis gcig la gnod pa skyel ba tsha grang ltar 'gyur ba'i phyir
dang/ gzhag sa'i 'khrul ngo dang/ 'jog mkhan dang der 'jog rgyu
rnams kyang 'jog sa med pa la de skad smra ba ni mun sprul yin
pas/ sngar gyi gzhung de rnams kyi phyogs snga ma

nyid 'dzin pa'o/ /bzhi pa ni/ de ltar gong du bshad pa ltar gyi
zab pa dang/ rgya che ba'i tshul la mkhas pa'i skye bos ni/ yun
ring por bar med par zab pa dang rgya che ba'i phyogs kyi dge
ba'i tshogs rnams so skye'i sar/ nges par bsags

@68b nas rim gyis rab tu dga' ba'i sa ni thob par 'gyur bas/ sa
rab dga' de ni don du gnyer bas 'chad par 'gyur ba'i zab mo'i
lam 'di mnyan par gyis shig ces nyan par bskul pa'o/ /de yang
bzhi brgya ba'i 'grel pa las/ rang bzhin stong pa nyid

kyi gtam la gus par 'gyur na de de dang mthun pa'i rkyen nye bar
bsgrubs pa'i sgo nas/ ji ltar stong pa nyid la dang ba 'phel bar
'gyur ba de ltar bya zhing/ snying rje che ba dang/ bcom ldan
'das de bzhin gshegs pa la byas pa gzo zhing/ bdag nyid kyi dam

pa'i chos kyi bar chad kyi rgyu mtshan g.yang sa chen po'i rgyu
yongs su spang bar 'dod pas/ ya nga ba la brten pa dang sbyin
par dka' ba yang sbyin pa dang/ bsdu ba'i dngos po bzhis kyang
bsdu ba bya ste/ dam pa'i chos 'di 'bad pa thams cad kyis skye
bo dam

pa'i chos kyi snod du gyur pa la nye bar bstan par bya'o/ /zhes
gsungs pa ltar chos 'di 'bad pa chen pos bstan dgos par gsungs
te/ snod min gyi skyon gnyis dang bral ba la'o/ /mos pa yod pa'i
ji lta ba bzhin mi go ba la yang/ rten 'brel gyi nges

pa la mi gnod pa'i thabs byas nas bshad par bya'o/ /'chad pa po
legs par shes pas nyan pa po snod rung tha ma yan chad la 'chad pa
ni bsod nams shin tu che ste/ mdo kun las btus pa las/ chos zab
mo la mos pas bsod nams thams

cad sdud pa yin te/ sangs rgyas su ma grub kyi bar du 'jig rten
pa dang 'jig rten las 'das pa'i phun sum tshogs pa thams cad
'grub par 'gyur te/ khye'u rin po ches byin pa'i mdo las byung
ba/ 'jam dpal byang chub sems dpa' thabs

@69a @#/ /la mkhas pa dang bral bas/ bskal pa brgya stong du pha
rol tu phyin pa drug la spyad pa bas/ gang gis chos kyi rnam
grangs 'di the tshom dang bcas pas nyan pa 'di/ bsod nams de bas
ches mang du skyed na gang the

tshom med par nyan pa lta ci smos/ gang yi ger bris nas lung
'bogs pa dang 'chang ba dang/ gzhan dag la yang rgya cher rab tu
ston pa lta ci smos/ zhes gsungs so/ /rdo rje gcod pa las kyang/
bcom ldan 'das kyis bka' stsal te/ rab

'byor 'di ji snyam du sems/ gang+gA'i klung gi bye ma snyed gang
ji snyed pa gang+gA'i klung yang de snyed du gyur na/ gang de
dag gi bye mar gyur pa de mang ba yin nam/ rab 'byor gyis gsol
pa/ bcom ldan 'das gang+gA'i bye ma snyed du gyur pa de dag nyid
kyang mang

ba lags na/ de dag gi bye mar gyur pa lta smos kyang ci 'tshal/
bcom ldan 'das kyis bka' stsal ba/ rab 'byor khyod la bsgo'o/
/khyod kyis khong du chud par bya'o/ /gang ga'i klung de dag gi
bye ma ji snyed pa de snyed kyi 'jig rten gyi khams/ skyes

pa'am bud med la las rin po che sna bdun gyis rab tu bkang ste/
de bzhin gshegs pa la sbyin pa byin na/ skyes pa'am bud med de
gzhi de las bsod nams mang du skyed dam/ rab 'byor gyis gsol pa/
bcom ldan 'das mang lags so/ /

bde bar gshegs pa mang lags so/ /bcom ldan 'das kyis bka' stsal
pa/ gang zhig chos kyi rnam grangs 'di las tha na tshig bzhi'i
tshigs su bcad pa tsam bzung ste/ gzhan dag la yang bstan na de
bas bsod nams ches mang du skyed

@69b do/ /zhes gsungs so zhes dang/ de bzhin gshegs pa'i mdzod
kyi mdo las mi dge bcu chen po rnams bgrangs nas/ de dag dang
ldan pas bdag med pa'i chos la 'jug cing/ chos thams cad gdod ma
nas dag par dad pa dang mos pa'i sems can de ngan

song du mi 'gro'o zhes gsungs pa dang/ bdud 'dul ba'i le'u las/
dge slong gang gis chos thams cad shin tu dul bar shes shing/
nyes pa rnams kyi thog ma'i mtha' yang rang bzhin gyis dben par
shes te/ nyes pa byung ba'i 'gyod pa sel zhing brtan por

mi byed pas mtshams med pa yang gnon na/ cho ga dang tshul khrims
la log par zhugs pa phran tshegs lta ci smos/ zhes gsungs pa
dang/ ma skyes dgra'i mdo las/ mtshams med byed pas dam pa'i chos
'di thos nas 'jug cing mos na/ de'i

las de las kyi sgrib pa yin zhes nga mi smra'o/ /zhes gsungs pa
ltar te 'chad nyan byed pa dang/ de min pa'i skabs su yang don
zab mo la mos pa dang sems pa'i phan yon no/ /bshad pa'i phan
yon legs par 'thob pa la gnyis dgos te/ rnyed bkur

dang grags pa sogs la mi lta ba'i kun slong dag pa zhig dang/
bshad rgyu'i chos de'i don log par ma bzung bar phyin ci ma log
par bshad pa cig dgos te/ skyon gnyis ka'am gang rung re dang
ldan pas bshad na/ bsod nams mang po'i bar chad

byed par gsungs pa'i phyir te/ slob dpon dbyig gnyen gyis/ de'i
phyir gang dag chos log par 'chad par byed pa dang/ sems nyon
mongs pa can rnyed pa dang bkur sti dang grags pa 'dod pas 'chad
pa de dag ni/ bdag nyid kyi bsod nams chen

@70a @#/ /po nyams par byed pa yin no/ /zhes gsungs pa ni 'dir
yang 'dra'o/ /nyan pa po la yang nyan pa'i kun slong dag pa
dang/ don log par ma bzung ba gal che bas/ gnyis kas kyang 'chad
nyan gyi dus su mtshan nyid ma

mtha' re dang ldan par bya'o/ /lnga pa la gsum/ yang dag pa'i
don lung gis bstan pa'i tshul/ lung gi don de rigs pas bsgrub pa/
des grub pa'i stong nyid kyi rab dbye bshad pa'o/ /dang po la
gnyis/ lung las gsungs pa'i tshul dgod pa dang/

de kho na nyid shes pa'i mi mthun phyogs ngos gzung ba'o/ /dang
po ni/ sa bcu pa las/ sa lnga pa ba de sa drug pa la 'jug pa na/
chos mnyam pa nyid bcus 'jug go /bcu gang zhe na/ 'di lta ste
chos thams cad mtshan ma med par mnyam pa nyid

dang/ chos thams cad mtshan nyid med par mnyam pa nyid dang/ de
bzhin du skye ba med pa dang/ ma skyes pa dang/ dben pa dang/
gdod ma nas rnam par dag pa dang/ spros pa med pa dang/ blang ba
med pa dang dor ba med par mnyam pa nyid dang/ chos

thams cad sgyu ma dang/ rmi lam dang/ mig yor dang/ brag cha
dang/ chu zla dang/ gzugs brnyan dang/ sprul pa lta bur mnyam pa
nyid dang/ chos thams cad dngos po dang dngos po med pa gnyis su
med par mnyam pa nyid de/ de chos

thams cad kyi rang bzhin da ltar rab tu rtogs pa na/ rno zhing
rjes su mthun pa'i bzod pas byang chub sems dpa'i sa drug pa
mngon du gyur pa rjes su thob ste/ zhes gsungs te/ de bzhin du
zhes pa ni chos thams cad ces pa blang dor

@70b med pa'i bar la sbyor ba'o/ /de gnyis mnyam nyid gcig dang/
sgyu ma sogs bdun ltar mnyam pa rnams mnyam pa nyid gcig tu bya
zhing/ tha ma gnyis kyang gcig tu bya'o/ /mnyam pa nyid bcu'i
ngos 'dzin ni sa bcu pa'i mdo 'grel dang/ byang sa

gnyis kyang mi mthun par snang la/ de gnyis dang lugs 'di stong
pa nyid 'grel tshul mi mthun pas 'dir gzhan du bshad do/ /de la
dang po ni mtshan ma mi 'dra bar snang ba rnams 'phags pa'i mnyam
bzhag gi don med par chos kun 'dra ba'o/ /

gnyis pa ni/ chos kun rang gi mtshan nyid kyis grub pa med par
mnyam pa ste/ de gnyis ni spyir bstan pa'o/ /gzhan brgyad ni
spyir bstan pa'i don de nyid khyad par du phye nas ston pa ste/
skye ba med pa ni ma 'ongs pa dang/ ma skyes pa ni dus gzhan gyi
dbang du byas

pa ste/ de yang chos kun la mnyam pa'am 'dra ba ni gzhan rnams
la'ang shes par bya'o/ /dben pa ni skye 'gyur dang skyes pas
stong ba ste/ de yang mnyam nyid gnyis pa'i skabs kyi rang gi
mtshan nyid kyis khyad par du byas pas dben pa'o/ /de lta bu de
yang 'phral

du lung rigs kyis byas pa min gyi/ gdod ma nas rnam par dag pa
de ltar du gnas pa ni drug pa'o/ /bdun pa la gnyis snang gi
spros pa med pa ni dang po dang sbyar la/ sgra dang rnam rtog
gis spro bar mi nus pa la ni gnyis pa'i skabs kyi khyad par
sbyar ro/ /brgyad

pa la yang khyad par de ltar sbyar ro/ /dgu pa ni sngar bshad
pa'i don de rnams nges par byed pa'i dpe'i rnam grangs mang
po'o/ /bcu pa ni chos gang la yang dngos po dang dngos por med
pa rang bzhin gyis grub pa med par 'dra ba'o/ /rno ba ni shes
rang myur

@71a @#/ /ba'o/ /rjes su mthun pa ni sa brgyad pa'i mi skye
ba'i chos la bzod pa dang rjes su mthun pa ste/ rjes su mthun
pa'i bzod pa 'di la skabs stobs kyis mi 'dra ba mang du snang
ngo/ /chos rnams kyi de kho na nyid ston pa

la lung du ma zhig yod kyang/ 'dir sa drug pa'i shes rab kyis
de kho na nyid rtogs tshul 'chad pa'i skabs yin pas/ sa drug pa
la mnyam nyid bcus 'jug par gsungs pa'i lung drangs so/ /gnyis
pa ni/ chos rnams bden med du gtan

la 'bebs pa 'di la/ bden par grub tshul de ji 'dra zhig yin pa
dang/ bden par 'dzin tshul legs par ma shes na/ de kho na nyid
kyi lta ba nges par 'phyug ste/ spyod 'jug las/ brtags pa'i
dngos la ma reg par/ /de yi dngos med 'dzin

ma yin/ /zhes brtags pa'i dngos po ste dgag bya'i spyi legs
par blo la ma shar na/ dgag bya de med pa legs par 'dzin mi
nus par gsungs pas/ med rgyu'i bden grub dang/ gang gis stong
pa'i dgag bya'i rnam pa blo yul du ji lta ba

bzhin ma shar na/ bden med dang stong pa'i ngo bo legs par
nges pa mi srid do/ /de yang grub mtha' smra bas 'phral du kun
brtags pa'i bden grub dang/ bden 'dzin ngos zin pa tsam gyis
mi chog pa'i phyir/ thog ma med pa nas rjes

su zhugs pa/ grub mthas blo bsgyur ma bsgyur gnyis ga la yod
pa'i lhan skyes kyi bden 'dzin dang/ des bzung ba'i bden grub
legs par ngos zin pa ni gnad shin tu che ste/ de ngos ma zin
par rigs pas dgag bya bkag kyang/

@71b thog ma med pa nas zhugs pa'i bden zhen la ci yang mi
gnod pas skabs don stor bar 'gyur ba'i phyir ro/ /de yang thog
mar rang gi rgyud kyi bden 'dzin ngos zin nas/ de'i yul sun
'byin pa la rigs pa rnams dngos dang brgyud pas 'gro lugs shes

dgos kyi/ kha phyir lta 'ba' zhig gi dgag sgrub ni phan shin
tu chung ba'i phyir ro/ /'di la dbu ma thal rang gnyis ka'i
lugs kyi ngos 'dzin shes na khyad par legs par phyed par 'gyur
bas/ de 'chad pa la gnyis/ dbu ma rang rgyud pa'i lugs kyi
bden 'dzin ngos gzung pa dang/ dbu

ma thal 'gyur ba'i lugs kyi bden 'dzin ngos gzung ba'o/ /dang
po la gsum/ bden grub dang bden 'dzin ngos gzung ba/ 'jig rten
pa la ltos pa'i bden rdzun sgyu ma'i dpes bstan pa/ dpe de don
la sbyar nas bshad pa'o/ /dang po ni/ rang rgyud pa'i gzhung
khungs thub gzhan las dgag bya

ngos 'dzin gsal bar mi 'byung la/ dbu ma snang ba las kun
rdzob tu yod tshul bshad pa'i bzlog phyogs kyi yod pa ni don
dam par ram bden yod du shes pas de ltar bshad na/ de nyid
las/ dngos po yang dag par ngo bo nyid med pa dag la yang de

las ldog pa'i rnam par sgro 'dogs pa'i 'khrul pa'i blo gang
yin pa de ni kun rdzob ces bya ste/ 'di'am 'dis de kho na nyid
sgrib pa lta bur byed/ 'gebs pa lta bur byed pa'i phyir ro/
/de skad du mdo las kyang/ dngos rnams skye ba kun rdzob tu/ /

dam pa'i don du rang bzhin med/ /rang bzhin med la 'khrul pa
gang/ /de ni yang dag kun rdzob 'dod/ /ces gsungs so/ /de las
byung ba'i phyir des nye bar bstan pa mthong ba'i dngos po
brdzun pa thams cad ni kun rdzob pa kho na yin zhes

@72a @#/ /bya'o/ /de yang thog ma med pa'i 'khrul pa'i bag
chags yongs su smin pa'i dbang gis byung la/ des kyang srog
chags thams cad la yang dag par dngos po'i bdag nyid lta bur
nye bar bstan pa mthong bar 'gyur te/ de'i phyir

de dag gi bsam pa'i dbang gis dngos po brdzun pa'i ngo bo
thams cad ni/ kun rdzob tu yod pa kho na'o zhes bya'o/ /zhes
gsungs so/ /de ni zhes pa yan ni don dam par rang bzhin med pa
la don dam par yod par 'khrul pa'i don no/ /kun rdzob nas
phyir

ro'i bar ni yang dag kun rdzob ces pa'i don te/ kun rdzob
sgrib byed la byas nas yang dag pa la sgrib par byed pa'o/
/bden 'dzin de las byung ba'i phyir bden 'dzin des bden par
yod pa ltar nye bar bstan pa mthong ba ni rtog pa yin gyi
dbang shes

min te/ bden gnyis kyi 'grel par dgag bya bden pa dbang shes
la mi snang bar bshad pa 'dir yang 'dra ba'i phyir ro/ /de
yang nas byung ba'i bar gyis ni bden 'dzin de lhan skyes su
ston to/ /des na srog chags thams cad la zhes smos so/ /

srog chags de dag gi bsam pa ni rtog pa kho na min gyi/ rtog
med kyi shes pa la yang bya ste/ de gnyis kyi dbang gis yod
par bzhag pa'i don dam bar yod pa min pa'i dngos po brdzun pa
rnams kun rdzob kho nar yod pa ni/ dngos rnams

skye ba kun rdzob tu/ zhes pa'i don te/ de yang bden 'dzin gyi
kun rdzob tu yod pa'i don min no/ /de ltar byas na blo la
snang ba'am blo'i dbang gis bzhag pa min par don gyi sdod lugs
su yod pa ni/ bden pa dang don dam dang yang dag par

@72b yod pa dang der 'dzin pa ni bden 'dzin lhan skyes so/ /'o
na snang ba las/ don dam par skye ba med do zhes bya ba ni/
'di dag yang dag pa'i shes pas skye ba ma grub bo zhes bshad
par 'gyur ro/ /zhes gsungs pa'i shugs kyis don dam par yod pa

dang/ skye ba ni de kho na nyid la 'jug pa'i rigs shes kyis
skye bar dang yod par grub pa la bshad pa ji ltar yin zhe na/
bden te dgag bya la don dam gyi khyad par sbyar ba'i don dam
la gnyis shes dgos te/ thos bsam sgom gsum gyi rigs shes

la don dam du byas nas/ des sngar bshad pa ltar ma grub pa gcig
dang/ blo'i dbang gis bzhag pa min par don gyi sdod lugs su
yod pa la/ don dam du yod par bzhag pa gnyis kyi dang po'i don
dam dang/ de'i ngor grub pa yang yod la/ phyi ma'i don

dam dang der yod pa gnyis ka yang mi srid do/ /des na phyi
ma'i don dam du yod pa la snga ma'i don dam du yod pas khyab
kyang/ snga ma'i yod 'dzin ni lhan skyes kyi bden 'dzin min
la/ de'i bden 'dzin la ni phyi ma'i yod 'dzin dgos so/ /'di ma
phyed

par dgag bya'i tshad 'dzin rigs pas dpyad bzod dang/ dpyad bzod
kyi dngos po la 'dzin pa mang du byung zhing/ de la brten nas
don dam bden pa gzhi ma grub dang/ bden grub tu 'dod pa'i nor
pa mang du byung snang ngo/ /'di legs par shes na gshis

lugs la dang/ don dam du med zer ba dang/ yang chos nyid yod
par 'dod cing de nyid gshis lugs dang don dam yin par smra ba
mi 'gal ba'i gnad rnams shes par 'gyur ro/ /gnyis pa ni/ blo'i
dbang gis bzhag pa dang ma bzhag pa'i

@73a @#/ /yod pa ji ltar yin shes pa la/ sgyu ma'i dpe'i steng
nas shes par byed pa bsngags pas de bshad na/ sgyu ma mkhan
gyis rde shing sogs rta glang du sprul pa na/ sgyu ma mkhan
dang mig bslad pa'i ltad mo ba dang/ mig

ma bslad pa gsum gyi dang po la/ rta glang du snang ba tsam
yod kyi der zhen pa med la/ gnyis pa la/ der snang dang der
zhen gnyis ka yod/ gsum pa la/ rta glang gi snang zhen gnyis
ka med do/ /sprul gzhi rta glang du snang ba na/ dper na thag
pa la

sprul du 'khrul pa'i tshe shes pa de'i ngor thag pa sbrul yin
gyi/ spyir sbrul min zhes zer ba bzhin du/ shes pa 'khrul ngo
tsam du rta glang du snang ba yin gyi/ spyir sprul gzhi rta
glang du mi snang zhes byar mi rung gi /khyad par de ltar ma
sbyar

yang sprul gzhi rta glang du snang bar khas blang dgos te/ da
lta ma yin na snang ba la 'khrul ba mi srid par 'gyur ba'i
phyir ro/ /des na sprul gzhi rta glang du snang bar 'jog nus
pa de/ /sgyu ma mkhan ltar na blo 'khrul pa la de ltar snang
ba'i dbang gis

'jog gi /de ltar min par sprul gzhi rang gi sdod lugs kyi dbang
gis 'jog pa min no/ /ltad mo ba la ni rta glang du snang ba de
nang gi blo'i dbang gis bzhag par mi 'char gyi/ gzhi gang du
snang ba der rta glang mtshan nyid pa gcig yul gyi go sa

mnan nas bsdad par 'dzin no/ /de ni dpe'i steng nas blo'i
dbang gis bzhag pa dang ma bzhag par 'dzin pa'i tshul te/ gzhi
der snang ba de shar ba na snang ba ltar gyi sdod lugs su 'gro
ba dang mi 'gro ba gnyis yod do/ /de legs par go na tshad

@73b ma'i dbang gis gzhal bya 'jog pa la/ tshad ma yang blo yin
pas des gzhal bya 'jog pa yang blo'i dbang gis bzhag par 'gyur
bas/ dngos por smra ba rnams kyi lugs kyis kyang bden grub khegs
par 'gyur ro snyam du/ phyogs de gnyis 'dres pa phyed par

'gyur te/ tshad ma'i dbang gis gzhal bya 'jog pa ni gzhal bya
gnyis kyi sdod lugs tshad mas rtogs pa'i don yin pas/ de dang
snga ma gnyis gtan mi 'dra ba'i phyir ro/ /de ltar sgyu ma'i
snang ba ni rnal 'byor spyod pa'i dbu ma pa ltar na rang rig
mngon sum

dang/ phyi rol khas len pa'i rang rgyud pa ltar na sa phyogs sam
bar snang lta bu'i gzhi 'dzin pa'i dbang po'i mngon sum gyis
'grub la/ snang ba ltar du med pa ni de ltar du yod na mig ma
bslad pas mthong bar 'gyur ba las/ des ma mthong ba'i phyir
zhes

sogs kyi rtags kyis khegs pa na der snang dang des stong
gnyis tshogs pa grub pa na/ grub mthar ma zhugs pa'i tha snyad
pa'i blo rang dga' ba la ltos pa'i brdzun par 'grub pas/ de
dang gzugs brnyan gang du snang bas stong pa grub pa'i blo ni
rigs shes

phra rags gang du yang mi 'ong ngo/ /tha snyad pa'i blo rang
dga' ba'i dbang du byas pa'i bden grub yin na yang/ der snang
byung na des stong mi 'ong la/ des stong byung na'ang der
snang mi 'ong bas/ /de gnyis tshogs pa byung na blo rang dga'
ba'i dbang du byas pa'i brdzun pa

kho na'o/ /gsum pa ni/ sgyu ma'i ltad mo ba mig bslad pa bzhin
du sems can rnams kyis phyi nang gi chos 'di rnams bden par
yod par snang ba na/ blo la snang ba'i dbang gis bzhag pa min
par chos de rnams kyi sdod lugs zhig yod par

@74a @#/ /'dzin pa ni/ thog ma med pa nas zhugs pa'i lhan skyes
kyi bden 'dzin no/ /rang rgyud pas 'di ltar bzhag pa ni/ thal
'gyur ba'i dgag bya 'dzin pa'i blo la ltos na shin tu rags
pas/ phra ba'i bden 'dzin lhan skyes ni

min no/ /nam zhig bden 'dzin des bzung ba'i bden grub rigs pas
khegs pa na sgyu ma mkhan bzhin du phyi nang gi chos rnams la/
nang gi blo'i dbang gis ma bzhag pa'i sdod lugs yod par mi
'dzin par/ blo'i dbang gis bzhag pa'i yod pa

tsam du shes par 'gyur ro/ /de yang tshad mas mi gnod pa'i
blo'i dbang gis bzhag pa rnams tha snyad du yod par 'dod kyi/
blo'i dbang gis gang bzhag thams cad tha snyad du yod par mi
'dod do/ /sa bon las myu gu skye ba blo'i dbang gis bzhag

kyang/ myu gu rang gi ngos nas sa bon las skye ba yang mi 'gal
ba ni/ sprul gzhi'i ngos nas kyang rta glang du snang ba dang
'dra ste/ des tha snyad du yod pa thams cad shes par bya'o/
/chos nyid kyang rang gang la snang ba'i blo'i dbang gis yod
par 'jog pas/

de tha snyad du yod par 'jog pa la ma khyab pa med do/ /des na
sgyu ma rta glang du snang yang des stong pa bzhin du/ bum
sogs thams cad bum sogs su snang yang bum sogs kyis stong pa
ni/ sgyu ma dang chos gzhan rnams dpe don du sbyor ba'i don
gtan

min te/ /de lta na chos de yin pa mi srid par 'gyur zhing/ dpe
don sbyar ba yang der snang ba yin gyi de dngos min par 'gyur
ba'i phyir ro/ /nam zhig mnyam gzhag rnam par mi rtog pa'i ye
shes skyes pa na/ de'i ngor gnyis snang thams

@74b cad nye bar zhi ba ni mig ma bslad pa la sgyu ma'i snang
zhen gnyis ka med pa dang 'dra'o/ /'og nas rang rgyud pas rigs
pas 'gog tshul thun mong ma yin pa rnams mi ston pas/ 'dir de'i
lugs kyis chos thams cad sgyu ma bzhin du 'char

tshul mdor bsdus go sla bar brjod na/ shes bya la dngos por yod
med gnyis su kha tshon chod pa'i dang por dngos po la bshad na/
dngos po la gzugs can yin min gnyis su kha tshon chod cing/
gzugs can la shar la sogs pa'i phyogs

kyi cha med dang/ shes pa la dus snga phyi'i cha med dgag pa
gzhan nas bshad pa ltar bya la/ dngos po la cha bcas kyis
khyab par bsgrub/ de nas cha dang cha can gnyis ka ngo bo tha
dad na 'brel med du 'gyur bas dgag la ngo bo gcig tu bstan/
de'i

tshe de la yid ji ltar gtad pa na/ yin tshul ngo bo gcig yin
kyang snang tshul la ngo bo tha dad du snang ba snyon du med
pas/ sgyu ma bzhin du der snang ba dang des stong pa gnyis
tshogs par gtan la dbab/ de nas de 'dra de blo la snang ba'i
dbang gis bzhag

ba'i brdzun pa'i sdod lugs la 'gal ba med kyang/ gzhi de blo
la snang ba'i dbang gis bzhag pa min pa'i sdod lugs yin na
gtan mi rigs te/ sngar bshad pa'i bden grub la gnas tshul dang
snang tshul mi mthun pa mi srid pa'i phyir te/ bden par

grub na rnam pa thams cad du brdzun pa spangs te gnas dgos
pa'i phyir dang/ ngo bo tha dad du snang ba'i blo de ma 'khrul
bar 'gro dgos pas ngo bo gcig pa la gnod pa'i phyir ro/ /de
grub na ni dngos por med pa rnams bden par grub pa yang rigs
pa de la

@75a @#/ /brten nas 'gog nus te/ 'dus ma byas kyi nam mkha' la
yang gzugs can 'ga' zhig la khyab pa khas blang dgos la/ de la
yang shar la khyab pa'i cha dang phyogs gzhan la khyab pa'i
cha khas blang dgos so/ /de bzhin du

chos nyid la yang khyab pa'i cha du ma dang/ blo snga phyi tha
dad kyis rtogs pa'i cha tha dad pa du ma yod la/ 'dus ma byas
gzhan yang de dang 'dra bas/ cha du ma dang cha can gnyis ngo
bo tha dad mi rung bas ngo bo gcig pa dang/ de brdzun pa la
rung gi bden grub

la mi rung bas/ sngar bzhin bkag pas shes bya thams cad bden
med du 'grub bo/ /de ltar byed pa zhi ba 'tsho yab sras kyi
bzhed pa yin pas/ cha dang cha can dngos po kho na la rtsi ba
ni blo gros chungs pa'i skyon no/ /grub mthas blo ma bsgyur ba

la grags pa'i brdzun pa ni dbu ma pa 'dod pa'i brdzun pa dang
don mi gcig pas blos bzhag kyang de dag la grags pa ltar yin
gyi/ rang lugs la de tsam la blos bzhag tu mi 'dod do/ /de
ltar na blo la snang ba'i dbang gis bzhag pa min pa'i

sdod lugs med kyang/ de'i dbang gis bzhag pa'i sdod lugs ming du
btags pa tsam min pa cig yod pa lugs 'di la mi 'gal bas/ dbu ma
pa gnyis kyi dgag bya la blo'i ngor mi 'dra ba chen po 'ong ngo/
/de ltar gyi gang zag la lugs

'di'i bden pa dang bden 'dzin gyi ngos 'dzin dang/ de 'gog
pa'i rigs pa mdor bsdus la legs par khrid nas/ de'i 'og tu
thal 'gyur ba'i lugs bstan na lta ba dmigs legs par phyed par
mthong nas 'dir bshad pa yin no/ /

@75b gnyis pa ni/ lugs 'di la chos rnams rtog pa'i dbang gis
bzhag pa tsam gyi 'jog tshul shes na/ de las bzlog ste 'dzin
pa'i bden 'dzin bde blag tu shes par 'gyur bas/ 'di la gnyis/
chos rnams rtog pa'i dbang gis 'jog tshul dang/ de las

bzlog ste 'dzin pa'i bden 'dzin bstan pa'o/ /dang po ni/ nye
bar 'khor gyis zhus pa las/ sna tshogs yid dga' me tog kha bye
zhing/ /gser gyi khang mchog 'bar ba yid 'ong ba/ /'di na de
la'ang byed pa 'ga' med de/ /de dag rtog pa'i dbang gis bzhag

pa yin/ /rtog pa'i dbang gis 'jig rten rnam brtags te/ zhes
chos rnams rtog pa'i dbang gis bzhag par gsungs te/ chos thams
cad rtog pas btags pa tsam dang rtog pa'i dbang gis bzhag par
gsungs pa gzhan yang mang ngo/ /rigs pa

drug cu pa las kyang/ 'jig rten ma rig rkyen can du/ /gang
phyir rdzogs pa'i sangs rgyas gsungs/ /de yi phyir na 'jig
rten 'di/ /rnam rtog yin zhes cis mi 'thad/ /ces gsungs pa'i
don 'grel par 'jig rten rnams rang gi ngo bos ma grub pa

rtog pas btags pa tsam du bshad cing/ brgya pa las kyang/ rtog
pa med par 'dod chags la/ /sogs la yod nyid yod min na/ /yang
dag don dang rtog pa zhes/ /blo dang ldan pa su zhig 'dzin/
/zhes gsungs shing de'i 'grel pa las kyang/ rtog

pa yod pa kho nas yod pa nyid dang/ rtog pa med par yod pa
nyid med pa de dag ni/ gor ma chag par thag pa bsdogs pa la
btags pa'i sbrul ltar rang gi ngo bos ma grub par nges so/
/zhes gsungs te yang dag don ni rang gi ngo bos grub pa'o/ / 

@76a @#/ /rtog pa ni de la bltos te skye ba'o/ /'grel pa der
chags sogs rnams thag pa la sbrul du btags pa ltar gsungs pa ni
mtshon pa tsam ste/ chos gzhan thams cad kyang thag pa la sbrul
du btags pa ltar rtog pas

bzhag par 'chad pa'o/ /de la khra bo'i mdog dang 'khyil lugs
sbrul dang 'dra zhing/ yul mi gsal bar snang ba na thag pa la
'di sbrul lo snyam pa 'byung ngo/ /de'i tshe thag pa la thag pa'i
tshogs pa dang cha shas sbrul gyi mtshan gzhir 'jog

rgyu cung zad kyang med pas/ de'i sbrul ni rtog pas btags pa
tsam mo/ /de bzhin du phung po la brten nas nga'o snyam pa
'byung ba na/ phung po'i steng nas snga phyi'i rgyun gyi tshogs
pa dang/ dus gcig pa'i tshogs pa dang de'i cha shas de'i mtshan
gzhir

'jog rgyu cung zad kyang med de rgyas par 'og nas 'chad de/
/de'i phyir dang phung po'i cha dang cha can las ngo bo tha dad
pa'i de'i gzhir 'dzin rgyu yang cung zad kyang med pas/ nga de
ni rtog pas phung po la brten nas bzhag pa tsam yin gyi/ rang gi
ngo bos

grub pa med do/ /'di ni rin chen 'phreng ba las kyang gsungs te/
skyes bu sa min chu ma yin/ /me min rlung min nam mkha' min/
/rnam shes ma yin kun min na/ /de las gzhan na skyes bu gang/
/zhes so/ /de la skyes bu ni gang zag dang sems can

dang nga dang bdag go /sa min nas rnam shes ma yin pa'i bar
gyis sems can gyi khams drug gi cha shas dang/ kun min gyis
khams kyi tshogs pa gang yang gang zag tu 'jog pa bkag go /tshig
tha mas khams las ngo bo tha dad pa gang zag

@76b tu 'jog pa bkag go /de lta na'ang gang zag khas mi len pa
ni min la/ kun gzhi rnam shes sogs gang zag tu bzhed pa yang min
pas/ 'grel pa mdzad pas bkral ba ltar 'phags pa yang bzhed do/
/gang zag rtog pas bzhag lugs de ltar

shes na/ chos gzhan thams cad kyang rtog pas bzhag lugs de dang
'dra ste/ ting nge 'dzin gyi rgyal po las/ ji ltar khyod kyis
bdag gi 'du shes ni/ /shes pa de bzhin kun la blos sbyar bya/
/zhes dang/ 'phags pa sdud pa las kyang/ bdag ji

'dra de de 'drar sems can thams cad shes/ /sems cad thams cad ji
'dra de 'drar chos kun shes/ zhes gsungs shing/ rin chen 'phreng
ba las kyang/ skyes bu khams drug 'dus pa'i phyir/ /yang dag ma
yin ji lta bar/ /de bzhin khams

ni re re yang/ /'dus phyir yang dag nyid du min/ /zhes gsal bar
gsungs so/ /rkang pa dang po'i don ni skyes bu khams drug 'dus
pa la brten nas btags pa'i phyir zhes pa'o/ /rkang pa gsum pa
dang bzhi pa'i don ni cha dang cha can med pa mi srid

pas/ khams re re yang rang gi cha du ma 'dus pa la brten nas
btags pa'i phyir/ yang dag tu ste rang gi ngo bos grub pa min
pa'o/ /de yang cha shas 'dus pa la brten nas btags pa yin na/
cha shas dang cha can da de'i gzhir 'jog tu mi rung la/

de gnyis las ngo bo tha dad pa yang de'i gzhir mi srid pa'o/
/bum pa la sogs pa rnams rtog pas bzhag lugs kyi cha de tsam
zhig /thag pa la sbrul du btags pa dang 'dra ba yin kyang/ bum
sogs rnams dang thag pa'i sbrul gnyis yod med

@77a @#/ /dang bya ba byed par nus mi nus sogs ni gtan mi 'dra
ste/ de gnyis kyi tha snyad nges par bya dgos mi dgos dang/ tha
snyad byed pa la gnod pa yod med sogs rnam pa thams cad du mi
mtshungs pa'i phyir ro/ /rtog pas bzhag pa de

la rang rang gi bya byed 'thad pa ni/ tshig dang don gyi 'grel
mdzad rnams kyi nang nas/ sangs rgyas bskyangs dang zhi ba lha
dang slob dpon 'di gsum gyis 'phags pa yab sras gnyis kyi 'grel
lugs thun mong ma yin pa'o/ /dbu ma'i lta ba mthar thug

pa'i dka' sa yang 'di nyid do/ /de ltar byas na rin chen 'phreng
ba las/ gzugs kyi dngos po ming tsam phyir/ /nam mkha' yang ni
ming tsam mo/ /'byung med gzugs lta ga la yod/ /de phyir ming
tsam nyid kyang med/ /tshor dang 'du shes 'du byed

dang/ /rnam shes 'byung ba lta bu dang/ /bdag bzhin du ni bsam
bya ste/ /de phyir khams drug bdag med do/ /zhes dang/ tha snyad
gdags pa ma gtogs par/ /gang zhig yod dam med 'gyur ba'i/ /'jig
rten don du ci zhig yod/ /ces don dam par

ming tsam yang med pa dang/ tha snyad du ming gi tha snyad kyi
dbang gis bzhag pa tsam ma gtogs pa ci yang med par gsungs pa
ltar ming du btags pa tsam du gnas so/ /de rnams legs par shes
na chos thams cad brten nas gzhag dgos pa dang/

brten nas btags pa dang brten nas skyes pa nyid kyis rang gi ngo
bos grub pa med pa dang/ tha snyad gzhan gyi dbang gis bzhag pa
min pa'i rang dbang ba'i ngo bo med pa dang/ ches gang yod par
'jog na'ang btags don ma btsal bar 'jog pa rnams legs

@77b par shes par 'gyur ro/ /gnyis pa ni/ sngar bshad pa'i ming
gi tha snyad kyi dbang tsam gyis bzhag pa min pa'i yod par 'dzin
pa ni/ bden pa dang don dam par dang yang dag tu grub pa dang/
rang gi ngo bos dang rang gi mtshan nyid kyis dang rang bzhin

gyis yod par 'dzin pa lhan skyes yin la/ des bzung ba'i zhen yul
ni brtag pa mtha' bzung gi bden tshad do/ /dgag bya la don dam
gyi khyad par sbyar ba'i don dam la tshul gnyis shes dgos pa ni
'dir yang 'dra la/ dbu ma rang rgyud pa rnams

bden pa sogs gsum du grub pa shes bya la mi srid par bzhed
kyang/ rang gi ngo bos grub pa sogs gsum ni tha snyad du yod par
bzhed de/ de kho na nyid shin tu phra ba re zhig la bde blag tu
rtogs mi nus pa rnams/ de la bkri ba'i thabs la mkhas

pa chen por mthong ngo/ /de ltar chos rnams kyi nge bo yul can
tha snyad kyi rtog pa gzhan la rag ma las pa ste/ de'i dbang gis
bzhag pa min pa'i rang bzhin de nyid la dgag bya'i bdag ces bya
la/ de nyid khyad gzhi gang zag gi steng du med pa

ni gang zag gi bdag med dang/ mig sna sogs chos kyi steng du med
pa ni chos kyi bdag med du gsungs pas/ rang bzhin de gang zag
dang chos kyi steng du yod par 'dzin pa ni bdag gnyis kyi 'dzin
par shugs kyis rtogs te/ brgya pa'i 'grel

pa las/ de la bdag ces bya ba ni gang zhig dngos po rnams kyi
gzhan la rag ma las pa'i ngo bo rang bzhin te/ de med pa ni bdag
med pa'o/ /de ni chos dang gang zag gi dbye bas gnyis su rtogs
te/ chos kyi bdag med pa dang gang zag gi

@78a @#/ /bdag med pa zhes bya'o/ /zhes pa ltar ste/ 'di nyid las
kyang/ chos dang gang zag dbye bas rnam gnyis gsungs/ zhes bdag
med gnyis dgag bya'i sgo nas ma phye bar gzhi chos can gyis
'byed par bshad do/ /bdag

'dzin gyi 'jig lta lhan skyes la ni rtsa bar phung po dmigs pa
yin pa bkag cing/ 'grel par brten nas btags pa'i bdag dmigs par
gsungs pas/ nga'o snyam pa tsam zhig skye ba'i dmigs pa'i nga
tsam dang/ gang zag tsam zhig la

dmigs par bya'o/ /rnam pa ni rang 'grel las/ ngar 'dzin pas yod
pa ma yin pa'i bdag yod do snyam du nye bar brtags nas/ 'di nyid
du bden par mngon par zhen cing/ zhes gsungs pas nga de bden par
grub par 'dzin pa'o/ /gzhan yang

rang 'grel las/ de la 'jig tshogs la lta ba ni nga dang nga'i
snyam pa de lta bu'i rnam par zhugs pa shes rab nyon mongs pa
can no/ /zhes gsungs pa ltar 'jig lta lhan skyes kyi dmigs pa la
nga'o snyam pa'i blo ngang gis skye ba dgos pas/

rgyud gzhan gyi gang zag rang gi mtshan nyid kyis grub par 'dzin
pa'i lhan skyes gang zag gi bdag 'dzin lhan skyes yin kyang 'jig
lta lhan skyes min no/ /nga dang nga'i snyam pa'i rnam par zhugs
zhes pas ni nga tsam dang nga yi ba tsam

'dzin stangs kyi rnam pa'i yul du ston pa min gyi/ de gnyis rang
gi mtshan nyid kyis grub par 'dzin pa'i rnam pa can du ston pa'o/
/bdag gir 'dzin pa'i 'jig lta lhan skyes kyi dmigs pa ni/ nga yi
ba nyid yin gyi/ rang gi mig sogs

@78b dmigs par mi bzung ngo/ /rnam pa ni dmigs pa de la dmigs
nas nga yi ba rang gi mtshan nyid kyis grub par 'dzin pa'o/ /'o
na bdag gi 'di zhes zhes pa'i rang 'grel las/ 'di ni bdag gi'o
snyam du ngar 'dzin pa'i yul las gzhan

pa'i dngos po'i rnam pa ma lus pa la mngon par zhen pa yin no/
/zhes mig la sogs pa'i gzhi la dmigs nas 'di ni bdag gi yin no
snyam du zhen pa bdag gir 'dzin par bshad pa ji ltar yin snyam
na/ de ni mig sogs rnams

bdag gi bar mthong nas bdag gi ba la bden par mngon par zhen
pa'i don yin gyi/ bdag gi nga'i mtshan bzhi mig sogs dmigs par
ston pa min te/ de ltar ma yin na 'jig lta dang chos kyi bdag
'dzin gnyis mi 'gal bar 'gyur ba'i

phyir ro/ /chos kyi bdag 'dzin lhan skyes kyi dmigs pa ni/ rang
gzhan gyi rgyud kyi gzugs phung sogs dang/ mig rna sogs dang/
rgyud kyis ma bsdus pa'i snod la sogs pa'o/ /rnam pa ni sngar
bshad pa ltar ro/ /de ltar bdag gnyis

su 'dzin pa de ni 'khor bar 'ching ba'i ma rig pa yin te/ stong
nyid bdun cu pa las/ rgyu dang rkyen las skyes dngos rnams/
/yang dag par ni rtog pa gang/ /de ni ston pas ma rig gsungs/
/de las yang lag bcu gnyis 'byung/ /zhes chos

kyi dngos po la dmigs nas yang dag tu grub par 'dzin pa 'khor
ba'i rtsa ba'i ma rig par gsungs te/ chos kyi bdag 'dzin de las
gang zag gi bdag 'dzin gyi ma rig pa 'byung bas/ de las bcu
gnyis 'byung bar bshad do/ /ma rig pa de ldog

@79a @#/ /pa la des ji ltar bzung bas stong pa dang/ ji ltar
bzung ba'i bdag med par mthong ba dgos te/ steng nyid bdun cu pa
las/ /yang dag mthong phyir dngos stong bar/ /legs shes ma rig
mi 'byung ba/ /de ni ma rig 'gag pa

yin/ /de phyir yan lag bcu gnyis 'gag /ces dang/ chos dbyings
bstod pa las kyang/ bdag dang bdag gi zhes 'dzin pas/ /ji srid
phyi rol rnam brtags pa/ /bdag med rnam pa gnyis mthong na/
/srid pa'i sa bon 'gag par 'gyur/ /

zhes dang/ mchog tu sems ni sbyong byed pa'i/ /chos ni rang
bzhin med pa yin/ /zhes dang/ bzhi brgya pa las kyang/ yul la
bdag med mthong na ni/ /srid pa'i sa bon 'gag par 'gyur/ /zhes
dang/ de phyir nyon mongs thams cad kyang/ /

gti mug bcom pas bcom par 'gyur/ /rten cing 'brel par 'byung ba
ni/ /mthong na gti mug 'byung mi 'gyur/ /de phyir 'bad pa kun
gyis 'dir/ /gtam de kho na bsnyad par bya/ /zhes gsungs so/ /de
ltar gsungs pa'i gti mug ni dug gsum

gyi ya gyal gyi gti mug ngos 'dzin pa'i skabs yin pas/ nyon
mongs can gyi ma rig pa yin zhing/ ma rig pa de ldog pa la stong
pa rten 'byung gi don du shar ba'i rten 'brel zab ma'i don rtogs
dgos par gsungs so/ /'grel pa mdzad pas kyang

rnal 'byor pa yis bdag ni 'gog par byed/ /ces bdag 'dzin gyi yul
sun phyung ba'i tshul gyis bdag med rtogs dgos par gsungs so/
/de'i phyir bdag 'dzin gyi yul sun ma phyung bar der yul la yid
phar 'gro ba tshur bsdus pa tsam

@79b byas kyang/ des ni bdag med la zhugs par 'jog mi nus pa'i
phyir ro/ /de'i rgyu mtshan ni yid yul la 'jug pa na dmigs pa
de bden par 'dzin pa cig dang/ bden med du 'dzin pa cig dang/ de
gnyis gang gis kyang khyad par du ma byas par

'dzin pa cig dang gsum yod pas/ bden med du ma bzung yang bden
par 'dzin mi dgos pa bzhin du/ bdag gnyis la ma zhugs kyang bdag
med gnyis la zhugs mi dgos te/ blo phung po gsum pa la gnas pa
mtha' yas pa cig yod pa'i

phyir ro/ /bdag tu 'dzin pa gnyis kyang rang rgyud kyi steng du
ngos bzung nas/ rang gang la 'khrul ba'i gzhi de nyid ji ltar
bzung ba ltar du med par gtan la 'bab dgos kyi/ de lta min par
kha phyir lta'i dgag sgrub ni/ rkun ma nags la song ba'i rjes

spang la rtsad gcod pa dang 'dra bas gnad du mi 'gro'o/ /de
ltar bden 'dzin legs par ngos zin na/ bdag 'dzin gnyis min pa'i
rtog pa du ma cig yod pa shes par 'gyur bas/ rtog pas gang bzung
gi yul thams cad de kho na nyid la

dpyod pa'i rigs pas 'gog par 'dod pa'i log rtog thams cad ldog
par 'gyur ro/ /'di dag las brtsams pa'i bshad dgos pa mang du
yod na'ang/ 'ga' zhig ni gzhan mang por bshad zin la/ 'ga' zhig
ni 'og tu 'chad par

'gyur bas 'dir ma spros so// ! //gnyis pa la gnyis/ chos kyi
bdag med rigs pas bsgrub pa dang/ gang zag gi bdag med rigs pas
bsgrub pa'o/ /dang po la bzhi/ mtha' bzhi'i skye ba bden pa
gnyis kar dgag pa/ de ltar bkag pa la

@80a @#/ /rtsod pa spang ba/ rten 'byung gi skye ba nyid kyis
mthar 'dzin gyi log rtog 'gog tshul/ rigs pas dpyad pa byas pa'i
'bras bu ngos gzung ba'o/ /dang po la gsum/ rang bzhin gyis skye
ba med pa'i dam bca' bzhag pa/ de

rigs pas sgrub pa'i sgrub byed bstan pa/ mtha' bzhi'i skye ba
bkag pas grub pa'i don no/ /dang po ni/ sngar bshad pa'i mnyam
pa nyid bcu'i nang nas rang bzhin gyis skye ba med par mnyam pa
nyid kho na rigs pas bstan pa nyid kyis/ chos

mnyam pa nyid gzhan rnams bstan pa sla bar dgongs te/ 'phags pas
dbu ma'i bstan bcos kyi dang por/ bdag las ma yin gzhan las min/
/gnyis las ma yin rgyu med min/ /dngos po gang dag gang na yang/
/skye ba nam yang yod ma

yin/ /zhes nye bar bkod do/ /nam yang dang gzhar yang ni rnam
grangs so/ /gang na yang zhes pa'i sgra/ 'gar yang gi sgra'i
rnam grangs gang du mi skye ba'i gzhi ston pa rten gyi tshig gis
ni/ yul dang dus dang grub pa'i mtha' bshad do/ /gzhi de

gsum du gang zhig mi skye ba'i gang dag gis sgra rten pa'i tshig
ni/ phyi nang gi dngos po brjod pa'o/ /des na bdag las zhes sogs
kyi gzhung gi don ni/ phyi nang gi dngos po rnams ni yul dus
grub pa'i mtha' 'gar yang bdag las skye ba srid pa

ma yin no/ /zhes 'di ltar sbyar te bshad par bya'o/ /de bzhin du
dngos po rnams ni nam yang gzhan las dang/ gnyis ka las dang
rgyu med las skye ba srid pa ma yin no/ /zhes dam bca' gzhan
gsum la yang sbyar ro/ /tshig gsal las/

@80b bdag las dngos po gang dag ces bsgyur yang 'gyur 'di legs
so/ /yul gyi dbang gis yul 'ga' zhig tu gur kum mi skye ba dang/
dus kyi dbang gis dus 'ga' zhig gi tshe lo tog mi skye ba lta bu
yin nam snyam pa/ yul dus gang na yang zhes

pas 'gog pas nam yang zhes smos pa don med pa min no/ /dbu ma
pa'i grub mtha'i dbang gis mi skye yang/ /dngos por smra ba'i
grub mtha'i dbang gis skye'o snyam pa/ grub mtha' gang na yang
zhes pas 'gog pas/ dngos por smra ba'i lugs

la mi skye zhes ston pa min no/ /rang 'grel las 'dir ma yin zhes
bya ba 'di yod pa nyid kyi sgrub byed rang las skye ba dang
'brel gyi/ yod pa dang ni ma yin te/ de dgag pa don gyis 'grub
pa'i phyir ro/ /zhes gsungs pa'i don ni rkang pa phyi ma

gnyis kyis dam bca' dang/ snga ma gnyis kyis rtags bstan par
'chad pa ltar so sor mi gcod par/ bdag las skye ba yod pa ma
yin/ zhes sbrel bar bya zhes pa ste gzhan gsum la'ang de ltar
sbrel lo/ /rang bzhin gyis skye ba yod na

de'i sgrub byed du mtha' bzhi'i skye ba gang rung khas blang
dgos pas yod pa'i sgrub byed ces smos so/ /mtha' bzhi'i skye ba
khegs na rang bzhin gyis skye ba dgag pa yang shugs kyis 'grub
pas/ de ltar sbyar ba la rang bzhin gyis skye med

mi 'grub pa'i skyon med pa ni tshig tha ma'i don no/ /des na dbu
ma snang bar bshad pa ltar mtha' bzhi'i skye ba bkag pa rtags su
byas nas/ rang bzhin gyis skye med sgrub pa mi rung zhes pa min
gyi/ sngar ltar so sor gcod pa gzhung de'i

@81a @#/ /don min zhes pa'o/ /dngos po rnams yul dus grub pa'i
mtha' 'gar yang gzhan las skye ba srid pa ma yin/ zhes sbyar ba
dang/ tshig gsal las kyang/ rkyen nyid 'di pa tsam gyis kun rdzob
grub par khas len

gyi/ phyogs bzhi khas blangs pa'i sgo nas ni ma yin te/ dngos po
rang bzhin dang bcas par smra bar thal bar 'gyur pa'i phyir
dang/ zhes gsungs pas gzhan skye ni gsung rab kyi tha snyad min
gyi grub mtha' smra ba'i tha snyad yin la/ de yang

rang gi mtshan nyid kyis grub pa'i gzhan la bsams nas byas pas/
de khas blangs na rang bzhin dang bcas par smra bar 'gyur ba'i
phyir lugs 'di la ni gzhan skye tha snyad du yang med do/ /rgyu
'bras gnyis ngo bo tha dad par tha snyad du 'dod mod

kyang de tsam gzhan skye'i don min te/ tha snyad du chos re res
kyang ngo bo gnyis gnyis 'dzin par gsungs pa ltar ngo bo grub pa
yod kyang/ rang bzhin gyis skye ba'i ngo bor mi 'dod pa bzhin
no/ /tshig gsal las dngos po bdag las skye ba med

pa'i dam bca' med dgag tu bshad pa ni/ dam bca' gzhan gsum la
yang 'dra bas/ rang bzhin med par gtan la 'bebs pa'i skabs su
bsgrub bya ni dgag bya bcad tsam gyi med par dgag pa yin te/
tshig gsal las/ 'jig

rten de na ji snyed sgra yod pa/ /thams cad dngos med ci yang
med pa zhes/ /bya ba la sogs pa 'byung bas na/ med par dgag pa
brjod par 'dod pa'i phyir/ dngos po med pa'i don ni rang bzhin
med pa'i don yin no/ /zhes gsungs pa

@81b ltar ro/ /rang 'grel las dam bca' ba bzhi po de rjes su
brjod nas rigs pas bsgrub pa'i phyir bshad pa/ zhes gsungs
shing/ 'og nas mtha' bzhi'i skye ba bkag pa rtags su byas nas/
dngos po rnams rang bzhin gyis skye ba dang bral

bar gsungs pa dang/ tshig gsal las kyang mtha' bzhi'i skye ba
bkag pa'i mthar/ de'i phyir skye ba yod pa ma yin no zhes bya ba
'di bsgrub pa yin la/ zhes gsungs pas dngos po rnams rang bzhin
gyis skye ba med pa sgrub par mi 'dod pa min

no/ /tshig gsal las/ rjes su dpag pa dag ni gzhan gyi dam bca' ba
'gog pa tsam gyi 'bras bu can yin pa'i phyir ro/ /zhes gsungs pa
ni sbyor ba rnams kyis pha rol pos rang bzhin gyis yod par dam
bcas pa 'gog pa tsam du zad

kyi/ /de las gzhan mi sgrub pa'i don yin gyi bkag pa tsam sgrub
pa 'gog pa min no/ /de bzhin du/ kho bo cag 'di med pa dang yod
par mi sgrub kyi/ gzhan gyis yod par btags pa dang med par btags
pa 'gog ste/ mtha' gnyis bsal nas dbu

ma'i lam sgrub par 'dod pa'i phyir ro/ /zhes gsungs pa yang pha
rol pos khas blangs pa'i yod mtha' dang/ med mtha' gnyis rnam
par gcod pa tsam yin gyi/ de ma gtogs pa gzhan mi sgrub ces pa'i
don no/ /mtha' gnyis bkag

pa tsam ma bsgrubs pa yang ma yin te/ mtha' gnyis bsal nas dbu
ma'i lam sgrub par gsungs pas so/ /rang bzhin gyis grub pa med
pa yang min na ni phung gsum med pas rang bzhin gyis yod pa yin
te/ rtsod zlog las/ gal te

@82a @#/ /rang bzhin med nyid kyis/ /ci ste rang bzhin med la
bzlog /rang bzhin med pa nyid log na/ /rang bzhin nyid du rab
grub 'gyur/ /zhes gsal bar gsungs pa'i phyir ro/ /de 'dra ba'i
bsgrub bya dang sgrub byed khas

len kyang rang rgyud par mi 'gyur ba'i rgyu mtshan ni/ rgyas par
gzhan du yang yang bshad zin pas ma spros so/ /'o na dgag pa
gnyis kyi mtshan nyid ji lta bu zhe na/ spyir dgag pa ni blos
dgag bya dngos su bcad nas rtogs par bya ba yin pas/ /

rang ma yin bcad pa lta bu dngos po la dgag bya bcad pa tsam
dgag pa min la/ chos nyid dang don dam bden pa lta bu sgras dgag
bya dngos su ma bcad kyang de'i don blo la 'char ba na/ spros pa
bcad pa'i rnam pa can du 'char ba rnams

dgag pa yin no/ /de la gnyis las med dgag ni blos dgag bya dngos
su bcad nas chos gzhan mi 'phen pa'am mi sgrub pa yin te/ dper
na bram zes chang 'thung du rung mi rung dris pa na/ chang mi
btung ngo zhes pa ni chang 'thung pa rnam par bcad

pa tsam zhig yin gyi/ /de las gzhan pa'i btung ba btung ngo
zhe'am mi btung ngo zhes mi sgrub pa bzhin no/ /ma yin dgag ni
blos dgag bya bcad nas chos gzhan 'phen pa'am sgrub pa yin te/
dper na skyes bu gcig dmangs rigs su ston 'dod

pa na 'di bram ze ma yin zhes pa ni/ bram ze bkag pa tsam min
gyi bram ze las gzhan pa/ de las thos pa la sogs pas dman pa'i
dmangs rigs yin par sgrub pa lta bu'o/ /chos gzhan 'phen pa la
dngos dang shugs dang

@82b skabs kyis 'phangs pa gsum ste/ dang po ni/ bdag med pa yod
ces pa lta bu ste dgag bya gcod pa dang/ chos gzhan 'phen pa
gnyis ka tshig gcig gis sgrub pa'o/ /gnyis pa ni/ mchod sbyin
tshon po nyin par mi za ba zhes pa lta bu ste don gyis

bstan pa'o/ /de gnyis ni dngos shugs la 'phangs pa re re ba yin
la/ gnyis ka ldan pa ni mchod sbyin tshon po nyin par mi za ba
rid pa min pa yod ces pa lta bu'o/ /gsum pa ni/ skyes bu zhig
rgyal rigs dang bram ze gang rung gcig tu nges shing khyad

par ma nges pa'i skabs su/ 'di bram ze ma yin zhes pa lta bu
rang gi tshig gis mi ston pa ste/ shes rab sgron ma'i 'grel bshad
du drangs pa las/ dgag pa don gyis bstan pa dang/ /tshig gcig
sgrub par byed pa dang/ /de ldan rang tshig mi

ston pa/ /ma yin gzhan pa gzhan yin no/ /zhes so/ /kha cig gzhi
sgrub pa dang tshogs na med dgag min par smra ba mi 'thad de/
bram ze sgrub pa yin pas bram zes chang mi 'thung ba dgag bya
bcad tsam yin pa mi 'gog pa'i phyir te/ dper na

sgra mngon gyur yin pas sgra mi rtag pa lkog gyur yin pa mi 'gog
pa bzhin no/ /gzhan dag gzhi dang tshogs na chos gzhan 'phangs so
zhes pa yang mi 'thad de/ bram ze lta bu ni chos gzhan 'phen mi
'phen rtsi ba'i gzhi yin gyi/ 'phangs pa'i

chos gzhan min pa'i phyir ro/ /de ltar 'phags pa'i dam bca' gzhi
'dir bkod pa ni/ 'bras bu de nyid de'i ngo bo nyid las 'byung ba
min pa dang/ rang gi mtshan nyid kyis grub pa'i rgyu gzhan dag
las lta 'byung ba ga la zhig ste de med pa dang/ rang gzhan

@83a @#/ /gnyis ka las kyang 'byung ba ma yin pa dang/ rgyu med
par ni 'byung ba ga la yod de med do/ /dngos po rang bzhin gyis
grub pa yod na mtha' bzhi'i skye ba gang rung gis khyab ste/
rang bzhin gyis skye ba la rgyu yod med

gnyis su kha tshon chod cing/ rgyu yod pa la rang gzhan re re ba
dang gnyis ka tshogs pa las skye ba gsum du kha tshon chod pas dam
bca' bzhis chog go / gnyis pa la bzhi/ bdag skye dgag pa/ gzhan
skye dgag pa/ gnyis ka las skye ba dgag pa/ rgyu med par skye ba

dgag pa'o/ /dang po la gnyis/ 'grel pa mdzad pa'i rigs pas dgag
pa/ rtsa ba shes rab kyi rigs pas dgag pa'o/ /dang po la gsum/
de kho na nyid rtogs par 'dod pa'i grub mtha' mkhan gyi lugs
dgag pa/ grub mthas blo ma

bsgyur ba'i tha snyad du yang med par bstan pa/ de ltar bkag pa
rnams kyi don bsdu ba'o/ /dang po la gnyis/ rang dang ngo bo
gcig pa'i rgyu las skye ba dgag pa/ rgyu dang 'bras bu gnyis ngo
bo gcig pa dgag pa'o/ /dang po la gsum/ ngo bo gcig

pa'i rgyu las skye na don med du thal ba dang/ ngo bo gcig pa
las skye na rigs pa dang 'gal ba dang/ de dag gi nyes spong gi
lan dgag pa'o/ /dang po ni/ dngos po rnams bdag las mi skye ba
'di rgyu mtshan gang las nges she na/ skye

bzhin pa skye ba'i bya ba'i byed pa po myu gu de ni/ de'i rang
gi ngo bo las byung na de ltar 'byung ba la 'byung dgos pa'i yon
tan lcag po 'ga' yang yod pa ma yin te/ myu gu'i rang gi ngo bo
yod pa nyid sngar rgyu'i dus nas thob zin pa'i phyir

@83b ro/ /'di la grangs can pa rnams rgyu rkyen phan tshun so so
tha dad pa rnams la 'bras bu thun mong ba gcig ni yod la/ de
yang rgyu rkyen rnams la rang bzhin gcig pa'i gtso bo gcig rjes
su 'gro ba med na mi rung bas/ rgyu nas kyi rang bzhin gang yin
pa

yang/ rkyen chu lud sogs kyi rang bzhin yin la/ de bzhin du myu
gu'i rang bzhin dang de'i rgyu rkyen gyi rang bzhin rnams phar
yin tshur yin du 'dod de/ rnam 'gyur thams cad kyi rang bzhin
rnams de ltar du 'dod do/ /de'i phyir sa myug phan tshun tha dad

pa kho nar 'dod pas myu gu myu gu las skye bar mi 'dod kyang/
myu gu ni sa bon dang de'i rang bzhin las skye bar smra ba na/
rang bzhin gnyis gcig yin pas rang gi rang bzhin las kyang skye
ba dang myu gu mi gsal ba rgyu dus na yod pa skye ba ni bdag
skye'i 'dod

tshul lo/ /grangs can gyi khyad par 'ga' zhig ni skye bar mi smra
bar rgyu las sngar mi gsal ba phyis gsal bar 'dod mod kyang don
'dra'o/ /'dis spyi gsal ngo bo gcig tu 'dod pa yang de ltar yin
gyi/ sangs rgyas pas dngos po dang bum pa ngo bo

gcig tu 'dod pa dang gtan mi 'dra'o/ /de ltar myu gu'i ngo bo'am
rang bzhin gang yin thams cad sa bon gyi dus su yod na/ myu gu'i
ngo bo las don gzhan pa'i myu gu gsal ba nyid kyang mi srid pas
rgyu dus nas myu gu'i rang bzhin nam ngo bor

ma zad/ myu gu nyid kyang yod dgos pas/ de'i tshe de grub pa'i
'og tu slar yang skye ba la don gtan med do/ /gnyis pa ni/ skyes
zin par gyur pa slar yang ste skyes zin pa'i 'og tu ldabs nas/
skye bar rigs pa ma yin pa nyid do/ /'ang gi

@84a @#/ /sgras ni rang gi rang bzhin las skye na don med du
'gyur bar ma zad pa'o/ /gal te gsal ba'i phyogs 'dzin na'ang
'bras bu gsal ba rgyu dus nas yod na ni khas blangs dang 'gal la
med na ni 'bras bu'i gsal

ba dang de'i rang bzhin gnyis gcig tha dad dpyad la dgag go
/bdag skye rigs pa dang 'gal zhes pa dam bca' tsam du zad pas de
'gog pa'i rigs pa ston pa ni/ skyes zin pa'i sa bon slar yang
ldabs nas skye bar yongs su rtog par 'gyur

ba ste 'dod na ni/ rgyu mtshan gang gis sa bon ldabs nas skye ba
bkag nas/ myu gu skye bar 'dod pa slar yang sa bon de skye ba la
gegs ci zhig yod de med pas/ myu gu dang la sogs pas sdong bu
dang sbubs 'cha' ba sogs kyi skye ba 'jig rten

'dir gtan rnyed par mi 'gyur ro/ /skyon gzhan yang sa bon de
nyid bar ma chad par srid pa'i mthar thug par rab tu skye ba
nyid du 'gyur te/ skyes zin pa de nyid slar yang skye dgos pa'i
phyir ro/ /de ni 'bras bu'i rigs 'dra rnams mi skye ba dang/
rgyu'i

rigs 'dra rnams bar ma chad du skye ba'i skyon gnyis bstan nas
rigs pa dang 'gal pa brjod pa'o/ /gsum pa ni/ ci ste myu gu skye
ba la phan 'dogs pa'i rkyen chu dang/ dpyid kyi dus la sogs pa
rnams kyis ni/ sa bon sbang ro lta bur rnam

par 'gyur ba byed cing/ myu gu skyed par byed la/ myu gu yang
rang skyed pa po sa bon dang lhan cig tu gnas par 'gal ba'i
phyir/ sa bon 'gag par byed cing 'byung bas rigs pa dang 'gal
ba'i skyon gnyis smras pa'i nyes pa'i skabs med la/

@84b sa myug kyang rang bzhin nam ngo bo gzhan ma yin pas bdag
las mi skye pa yang ma yin no snyam na/ 'di yang mi rung ste
gang gi phyir sa myug gnyis kyi rang bzhin gnyis rnam pa thams
cad du gcig yin pas ji ltar na myu gu de nyid kyis sa bon de

rnam par 'jig par byed par 'gyur te mi 'gyur te/ myu gus myu gu
'jig par mi byed pa bzhin no snyam du bsams so/ /'di 'dra ba'i
gnod pa mthong yang mi ldog pa ni/ myu gus sa bon 'jig pa ni
rnam 'gyur gyi steng nas yin pas/ rang gis

rang 'jig pa dang ga na 'dra snyam du rgol ba blun pas yin la
ngo bo'am rang bzhin thams cad phar yin tshur yin du song na rnam
'gyur so sor yang mi 'grub pas gnod pa spang mi nus so/ /gnyis
pa la gsum/ sa myug gnyis la dbyibs

sogs tha dad med par thal bas dgag /de'i nyes spong gi lan
dgag /gnas skabs gnyis kyi re rer gnyis ka 'dzin mi 'dzin
mtshungs par thal bas dgag pa'o/ /dang po ni/ skyon gzhan yang
yod de myu gu skyed par byed pa'i rgyu sa bon gyi

kha dog dang dbyibs la sogs pa las tha dad pa'i myu gu'i ring
thung sogs kyi dbyibs dang/ sngo ser sogs kyi kha dog dang/
mngar skyur sogs kyi ro dang nus mthu dang/ smin pa rnams kyi
tha dad pa khyod la med par 'gyur te/ sa myug gnyis kyi

ngo bo dang rang bzhin la rnam pa thams cad du khyad par med
pa'i phyir ro/ /de ltar thal ba las tha mi dad par dmigs pa yang
ma yin pa'i phyir/ de gnyis gyi ngo bo kun nas gcig pa yang ma
yin no zhes bzlog pa 'phen pa mdzad de/ bzlog pa

@85a @#/ /'phen pa dang bzlog pa rang rgyud 'phen pa la khyad par
shin tu che'o/ /de la nus mthu ni gzhang 'brum gyi sman lus dang
nye ba tsam gyis nad de sel ba dang/ rtsi sman sogs 'ga' zhig
bcangs pa tsam gyis nam mkha'

la 'gro ba lta bu'o/ /rnam par smin pa ni rkyen mi 'dra ba las
rdzas kyi khyad par 'gyur ba ste/ dper na 'o mas bcus pa sogs
las skyu ru ra dang/ pi pi ling sogs la ro mngar por 'gyur ba
lta bu'o/ /gnyis pa ni/ ci ste sa bon gyi gnas skabs

btang nas myu gu'i gnas skabs gzhan du gyur pas/ sa myug gnyis
gnas skabs tha dad pa tsam yin pa'i phyir sa bon de nyid myu gur
'gyur ba yin no zhe na/ gal te sngar gyi sa bon gyi bdag gi
dngos po'i gnas skabs bsal nas/

gnas skabs de las gzhan myu gu'i gnas skabs kyi ngo bor 'gyur
na/ de ltar 'dod pa de'i tshe sa bon de yi rang bzhin nyid myu
gu'i rang bzhin de nyid yin zhes ji ltar rigs par 'gyur te/ de'i
gnas skabs kyi dngos po de nyid de'i dngos po nyid

yin pa'i phyir dang/ de'i ngo bo las don gzhan pa'i de'i dngos
po med pa'i phyir ro/ /des na sa myug 'di gnyis kyi ngo bo rnam
pa thams cad du tha mi dad pa nyid nyams pa yin no/ /ci ste sa
myug gi dbyibs la sogs pa tha dad kyang/ rdzas tha mi dad

pas mi 'gal lo snyam na/ de ni mi rigs te dbyibs la sogs pa ma
bzung na sa myug gi rdzas kyang mi 'dzin pa'i phyir ro/ /gsum pa
ni/ skyon gzhan yang yod de gal te khyod kyi ltar sa bon dang
myu gu'i ngo bo gnyis la 'jig rten 'dir

@85b ngo bo gzhan pa yod pa ma yin na/ ji ltar myu gu'i gnas
skabs su sa bon gzung du med pa de bzhin du/ myu gu yang gzung
du med par 'gyur te/ 'am zhes pa yang na sa myug de dag gi ngo
bo rnam pa kun tu gcig pas ji ltar myu gu'i gnas

skabs su/ myu gu 'di gzung du yod pa de bzhin du/ sa bon de yang
dbang po'i shes pas gzung du yod par 'gyur ba las/ med pa de'i
phyir nyes pa de gnyis spong bar 'dod pas/ sa myug gnyis kyi ngo
bo la gzhan med pa 'di ni khas

blang bar mi bya'o/ /rigs pa de rnams legs par rtogs na chos can
thams cad phan tshun du ngo bo tha dad pa la/ de rnams kyi chos
nyid thams cad phar yin tshur yin gyi gcig tu 'dod pa dang/ gnas
skabs snga ma'i dus kyi chos nyid

de nyid gnas skabs phyi ma'i dus kyi chos nyid de nyid du 'dod
pa'i log rtog thams cad ldog par 'gyur ro/ /gnyis pa ni/ de'i
phyir de ltar de kho na nyid rtogs par 'dod pa'i grangs can gyi
lugs/ sangs rgyas pa'i lugs las gzhan

du brtags pa'i bdag skye bkag nas/ grub mtha'i lugs gzhan du blo
ma sbyangs pa'i 'jig rten pa'i tha snyad du yang/ bdag las skye
bar rtogs pa 'di mi 'thad do zhes ston pa ni/ gang gi phyir rgyu
sa bon zhig na'ang sa bon de yi 'bras

bu mthong ba'i phyir/ sa myug de dag ngo bo gcig pa yin zhes
'jig rten gyis kyang khas mi len no/ /gsum pa ni/ gang gi phyir
don dam pa dang 'jig rten gyi kun rdzob kyi phyogs gnyis ka ltar
yang bdag las skye ba rigs pa dang

@86a @#/ /'gal ba de'i phyir/ phyi nang gi dngos po rnams bdag
las 'byung ba yin zhes rab tu brtags pa 'di/ /de nyid don dam
dang ni 'jig rten gyi kun rdzob tu'ang rigs pa ma yin no/
/de'i phyir 'phags pas bdag skye 'gog pa

na don dam pa dang kun rdzob kyi khyad par ma sbyar bar bdag
las ma yin zhes bdag skye spyir bkag go /des na slob dpon legs
ldan 'byed kyis dngos po rnams ni don dam par bdag las skye ba
ma yin te/ yod pa'i phyir sems pa can bzhin no zhes

khyad par du byed pa de'i don dam par zhes pa'i khyad par don
med do zhes bsam par bya'o/ /gnyis pa ni/ skyon gzhan yang yod
do/ /'bras bu bdag las skye bar 'dod na/ bskyed bar bya ba
'bras bu dang/ skyed bar byed pa rgyu dang/ gang zhig bya ba'i

las dang/ gang gis byed pa'i byed pa po yang gcig nyid du
'gyur na/ de dag ni gcig nyid ma yin pas na/ bdag las skye bar
khas blang bar bya ba min te/ bstan bcos 'di dang rtsa she las
rgya cher bshad pa'i nyes bar thal bar 'gyur ba'i phyir ro/ /

de la skyon dang po ni rtsa she las/ rgyu dang 'bras bu gcig
nyid du/ /nam yang 'thad par mi 'gyur ro/ /rgyu dang 'bras bu
gcig nyid na/ /skyed dang bskyed pa gcig tu 'gyur/ zhes gsungs
te rgyu 'bras ngo bo gcig na pha dang bu dag gam/ mig dang
de'i rnam

shes dag kyang gcig nyid du 'gyur zhes pa'o/ /skyon gnyis pa
ni rtsa she las/ gal te shing de me yin na/ /byed pa po dang
las gcig 'gyur/ /zhes gsungs pa'o/ /de ltar bkag pa na pha
dang bu dang byed pa po dang las gnyis kyang ngo bo gcig tu

@86b thal zer na 'dod la/ spyir gcig tu thal zer na ma khyab
bo zhes smra mod kyang/ sngar bshad pa ltar gyi rang bzhin
gcig tu 'dod na rnam 'gyur yang gcig tu 'phul nus pa'i rigs
pas spong mi nus so/ /de'i phyir ji skad bshad pa'i skyon gyis

'jigs pas bden gnyis phyin ci ma log par rtogs par 'dod pas/
bdag skye khas blang bar mi bya'o zhes gsungs la/ bdag las
skye ba yod med kyang gcig yongs su gcod pa cig shos rnam par
bcad pa med na med pa'i dngos 'gal

yin pas bdag las skye ba med pa na nges par khas blangs gos
so/ /gnyis pa la gnyis/ /phyogs snga ma brjod pa dang/ lugs de
dgag ba'o/ /dang po ni/ rang sde dngos por smra ba rnams na
re rang las skye ba don med pas bdag skye mi rigs

shing/ de med pas gnyis ka las skye ba yang mi rigs so/ /rgyu
med ni gcig tu tha chad bas dgag par yang rigs na/ gzhan dag
las lta ga la zhig ces gzhan skye 'gog pa mi rigs te/ rang gi
mtshan nyid kyis gzhan du gyur ba'i rkyen bzhi

dngos po rnams kyi skyed byed du gsungs pa'i gsung rab la ltos
nas/ mi 'dod bzhin du yang gzhan las skye ba khas blang bar
bya'o/ /rkyen bzhi po de gang la 'jog pa la/ sde pa kha cig ni
rgyu'i rkyen ni mdzod las/ rgyu zhes bya ba rgyu lnga yin

zhes byed rgyu ma gtogs pa rgyu lnga dang/ dmigs pa'i rkyen
ni/ dmigs pa chos rnams thams cad ngo/ /zhes rnam shes drug gi
dmigs yul gyi chos thams cad dang/ de ma thag rkyen ni/ sems
dang sems byung skyes pa rnams/ /

@87a @#/ /tha ma min mtshungs de ma thag /ces lhag med du 'jug
pa las gzhan pa'i sems sems byung sngar skyes rnams dang/ bdag
po'i rkyen ni/ byed rgyu zhes bya bdag por bshad/ /ces byed
rgyu la bshad pa ltar 'dod

la/ rgyu drug ni mdzod las/ byed rgyu lhan cig 'byung ba dang/
/skal mnyam mtshungs par ldan pa dang/ /kun tu 'gro dang rnam
smin dang/ /rgyu ni rnam pa drug tu 'dod/ /ces so/ /sde pa kha
cig ni/ sgrub par byed pa ni rgyu yin zhes mtshan nyid bstan pa

las ni/ gang zhig gang gi skyed byed sa bon gyi ngo bor gnas
pa de ni de'i rgyu'i rkyen no/ /rgan po ldang ba ltar sems
sems byung skye bzhin pa rnams rten 'khar ba dang 'dra ba'i
dmigs pa gang gis skyed pa de ni de'i dmigs pa'i rkyen no/
/rgyu 'gags

ma thag pa ni 'bras bu skye ba'i de ma thag pa'i rkyen yin te/
dper na sa bon 'gags ma thag pa myu gu 'byung ba'i rkyen yin
pa bzhin no/ /rang 'grel las sa bon 'gags ma thag pa myu gu'i
mtshungs pa de ma thag pa'i rkyen yin pa lta bu'o/ /

zhes gsungs shing tshig gsal las kyang de ma thag rkyen 'gog
pa'i skabs su/ myu gu'i mtshungs pa de ma thag pa'i rkyen bkag
la/ sangs rgyas bskyangs kyang de bzhin du bzhed pas 'di ni
gzugs la yang mtshungs pa de ma thag pa'i rkyen

'dod pa'i lugs so/ /gang zhig yod na gang 'byung ba 'di ni
de'i bdag po'i rkyen no/ /tshig gsal las sngar skyes pa dang
lhan cig skyes pa dang phyis skye ba la sogs pa yang 'di dag
gi nang du 'du bar gsungs shing rang 'grel las kyang dang po
ma

@87b gtogs pa de bzhin du gsungs pa ni/ shes rab sgron ma las/
sde pa gzhan gyis brtags pa'i rkyen mdun du skyes pa dang yod
pa dang med pa rnams zhes bsgyur ba dang don gcig la 'gyur
yang de ltar legs so/ /de'i don ni 'grel bshad

las gnas brtan pa'i sde pas tha snyad btags pa mdun du skyes
pa'i rkyen ni/ dbang po rnams kyi mngon sum gyi mdun du skyes
pa dmigs rkyen no/ /yod pa'i rkyen ni rgyu dang bdag po'i
rkyen no/ /med pa'i rkyen ni de ma thag pa'i rkyen la bshad
do/ /

de 'dra ba'i tha snyad tsam mi mthun pa rnams ni mtshan nyid la
brtags na bzhi po 'dir 'du la/ dbang phyug la sogs pa ni rkyen
ma yin pas rkyen lnga pa ni yod pa ma yin no/ /zhes nges par
'dzin te mdzod las/ bzhi yis sems dang sems byung

rnams/ /gsum gyis snyoms par 'jug rnam gnyis/ /gzhan ni gnyis
po dag las skye/ /dbang phyug sogs min rim sogs phyir/ /zhes
bshad pa bzhin du 'dod do/ /gnyis pa la gnyis/ gzhan skye 'dod
pa'i phyogs spyir dgag pa dang/

sems tsam pa'i lugs bye brag tu dgag pa'o/ /dang po la lnga/
gzhan skye dgag pa dngos/ bkag pa la 'jig rten gyi gnod pa
spang ba/ de ltar bkag pa'i yon tan bstan pa/ rang bzhin gyis
skye ba 'gar yang med par bstan pa/ bden

pa gnyis char du'ang rang bzhin gyis skye ba bkag pa'i yon tan
bstan pa'o/ /dang po la gsum/ gzhan skye spyir dgag pa/ gzhan
skye bye brag tu dgag pa/ 'bras bu la mu bzhir dpyad nas gzhan
skye dgag pa'o/ /dang po la gnyis/ ha cang

@88a @#/ /thal bas dgag /skyon spong gi lan dgag pa'o/ /dang
po la gnyis/ ha cang thal ba dngos dang/ de dag gi mtha' dpyad
pa'o/ /dang po ni/ gzhan skye 'di ni gzhag par nus pa ma yin
te/ rigs pa dang lung dang 'gal ba'i

phyir ro/ /phyi ma ni sa lu ljang ba'i mdo las/ ming dang
gzugs kyi myu gu de yang bdag gis ma byas gzhan gyis ma byas
zhes pa lta bu'i lung phyi ma lta bu mang po dang 'gal ba'o/
/de la rigs pa'i dbang du byas nas brjod pa/ gal te rang gis
ngo bos grub

pa'i rgyu gzhan la brten nas rang gi ngo bos grub pa'i 'bras bu
gzhan zhig 'byung bar 'gyur na ni/ de lta yin pa 'o na sel byed
me lce rab tu 'bar ba las kyang bsal bya mun pa 'thug po 'byung
bar 'gyur zhing/ gzhan yang rgyu yin min thams cad las

kyang 'bras bu'i dngos po yin min thams cad skye bar 'gyur te/
ci'i phyir zhe na/ gang gi phyir 'bras bu de skyed par byed pa
ma yin pa ma lus pa la'ang rgyu 'bras su 'dod pa gnyis dang/
rang gi mtshan nyid kyis grub pa'i gzhan nyid mtshungs par yod
pa'i

phyir ro/ /zhes gzhan gyis khas blangs pa'i gtan tshigs la
brten pa'i ha cang thal ba gnyis so/ /thal ba de gnyis bshad
na ji ltar sa lu skyed pa'i sa bon rang 'bras sa lu'i myu gu
las/ rang gi mtshan nyid kyis grub pa'i gzhan yin pa de bzhin
du/ sa

lu'i myu gu skyed byed ma yin pa me dang sol ba dang/ nas kyi
sa bon la sogs pa yang sa lu'i myu gu las rang gi mtshan nyid
kyis grub pa'i gzhan yin pa ni gzhan skye smra ba rnams kyi
'dod tshul lo/ /gzhan yin tshul gnyis po de mtshungs par 'dod na/

@88b ji ltar sa lu'i sa bon gzhan du gyur pa las sa lu'i myu
gu skye ba de bzhin du/ me sol sogs las kyang sa lu'i myu gu
skye bar 'gyur dgos so/ /yang ji ltar sa lu'i myu gu gzhan du
gyur pa/ sa lu'i sa bon las skye ba bzhin du/ bum snam sogs
kyang sa lu'i sa

bon las skye bar 'gyur ro/ /zhes mtshungs pa byed pa'o/ /'di ni
rtsa she las/ rgyu dang 'bras bu gzhan nyid du/ /nam yang
'thad par mi 'gyur ro/ /rgyu dang 'bras bu gzhan nyid na/
/rgyu dang rgyu min mtshungs par 'gyur/ /zhes gzhan skye la ha
cang thal ba gsungs pa'i

rigs pa'o/ /thal ba gnyis ka la bzlog pa 'phen pa 'grel par
bshad do/ /gnyis pa la gnyis/ gzhan skye la ha cang thal ba
'jug pa'i rgyu mtshan/ thal ba las bzlog pa khas len pa mi 'gal
ba'o/ /dang po ni/ 'dir gzhan skye khas len pa la ha

cang thal ba'i skyon 'jug pa'i rgyu mtshan la/ bod kha cig rgyu
'bras la snga phyi bas khyab cing/ gzhan la dus mnyam dgos
pa'i gnad kyis yin zer ba ni shin tu mi rigs te/ de ltar bkag
pa'i skyon thams cad rang la mtshungs par 'jug pa'i phyir dang/

de la khas blangs med do zhes pas bsnyon na/ de'i rgyu mtshan
'tshal ba'i ngal ba don med pa'i phyir ro/ /yang bod mang pos
rtog ge bas du ba khyad par ba yod pa la me yod pas khyab pa
dang/ byas pa la mi rtag pas khyab pa sgrub pa na/ yul dus
thams cad

du mi 'khrul pa sgrub pa yin la/ de sgrub pa'i tshe ni tshang
mang dang bum pa lta bu nyi tshe ba gcig gi steng du bsgrubs
nas/ de nas de dang yul dus gzhan gyi khyab pa gnyis rigs
mtshungs pa'i rgyu mtshan gyis/ khyab pa de gnyis yul dus thams
cad kyi steng du

@89a @#/ /mi 'khrul bar sgrub par 'dod pa la/ de lta na gzhan
tsam du mtshungs pa'i rtags kyis ha cang thal ba 'phen te/ 'di
'dra ba ni ldog pa gcig pa'i dpung 'phul lo/ /zhes zer ro/
/'di yang gzhung gi don ma nges shing rtog ge'i 'jug pa

la rnam pa ma shar ba'i gtam yin te/ du ba khyad par ba dang
byas pa gnyis yul dus kyis khyad par du ma byas par/ spyir me
dang mi rtag pa la mi 'khrul bar bsgrubs pas/ me yod pa dang
mi rtag pa yin pa log kyang/ rtags su bkod pa gnyis mi

ldog pa srid dam snyam pa'i dogs pa legs par gcod nus la/ chos
de gnyis rgyu 'bras yin pa log kyang gzhan tsam yin pa zhugs
pa du ma zhig yod pas/ de gnyis mtshungs pa'i go skabs ga la
yod/ des na 'di ni dpung 'phul zhes

pa'i ming nyid kyis rigs pa mi shes pa'i sun 'byin du gsal bar
byas te gzhan du rgyas par bshad zin to/ /'o na 'di ji ltar
yin zhe na/ tshig gsal las/ rkyen nyid 'di pa tsam kyis kun
rdzob grub par khas len gyi/ phyogs bzhi khas blangs

pa'i sgo nas ni ma yin te/ dngos po rang bzhin dang bcas par
thal bar 'gyur ba'i phyir dang de yang rigs pa ma yin pa'i phyir
ro/ /rkyen nyid 'di pa tsam zhig khas blangs na ni/ rgyu dang
'bras bu gnyis phan tshun ltos ba'i phyir ngo bo nyid kyis

grub pa yod pa ma yin pas/ dngos po rang bzhin dang bcas par
snang bar 'gyur ba ma yin no/ /zhes rang gis skye ba khas len
mi len gyi khyad par gnyis dang/ de gnyis kyi rgyu mtshan du
phyogs bzhi'i skye ba khas blangs na/ rang bzhin dang bcas

@89b par smra dgos par gsungs pas/ gzhan skye khas blangs na
rang bzhin gyis skye ba khas len dgos pa dang/ rten 'brel gyi
skye ba tsam zhig khas blangs na/ rang bzhin gyis skye ba khas
len mi dgos par gsal bar gsungs so/ /de ltar na gzhan skye'i
gzhan

ni gzhan tsam zhig min gyi/ rang bzhin gyis grub pa'i gzhan
yin pas de khas len pa la ha cang thal ba 'phen gyi/ gzhan
tsam khas blangs pa la 'phen pa gtan min no/ /'og nas kyang
skad cig snga phyi tha dad kyang rgyud gcig tu 'dod pa la/
gang dag rang

mtshan nyid kyis so so ba/ /de dag rgyud gcig gtogs par rigs ma
yin/ zhes rang gi mtshan nyid kyis grub pa'i so so ba yin na/
snga phyi rgyud gcig tu gtogs pa mi rigs par gsungs pa dang
'di gnyis rigs pa 'dra'o/ /de yang rang gi mtshan nyid kyis

grub pa'i gzhan yin na ltos pa'i 'brel ba 'gog nus la/ 'brel
med don gzhan du song na 'bras bu gcig rang gi rgyu las skye
na/ rgyu min pa thams cad las kyang skye ba dang/ rgyu gcig
gis rang gi 'bras bu skyed na rang gi 'bras bu min pa'i 'bras

bu'i dngos po thams cad skyed par ha cang thal ba 'jug pa'o/
/des na 'di 'dra ba'i rigs pa legs par mi go ba ni/ sngar
bshad pa ltar gyi 'di 'dra cig 'gog pa'i dgag bya 'dzin pa'i
tshod 'dzin dang/ 'di tsam zhig khas len pa'i rten 'byung gi

rnam gzhag gnyis so sor legs par ma phyed pa'i skyon yin pas/
dgag bya 'gog pa'i skabs su dgag bya'i tshad 'dzin bshad pa
dran par bya'o/ /gnyis pa ni/ gal te sngar bshad pa'i thal ba
gnyis las bzlog pa'i don khas len na/ tshig

@90a @#/ /gsal las/ thal bar 'gyur ba bzlog pa'i don dang yang
pha rol po nyid 'brel ba yin gyi/ kho bo cag ni ma yin te/
rang la dam bca' ba med pa'i phyir ro/ /zhes dang/ rang bzhin
med par smra bas rang bzhin dang bcas

par smra ba la thal ba bsgrubs pa na/ thal ba las bzlog pa'i
don can du thal bar ga la 'gyur te/ zhes dang/ de'i phyir thal
ba sgrub pa ni pha rol po'i dam bca' ba 'gog pa tsam gyi 'bras
bu can yin pa'i phyir/ thal ba las bzlog pa'i don

du 'gyur ba yod pa ma yin no/ /zhes gsungs pa rnams ji ltar
drang snyam na/ skyon med de de ltar gsungs pa ni bdag skye
'gog pa'i skabs kho na yin pas/ dbu ma pas 'phangs pa'i thal
ba kun la min gyi/ bdag skye 'gog pa'i thal ba

gnyis la yin no/ de'i thal chos ni skye ba don med dang thug
med du thal ba tsam min gyi/ slar yang skye ba don med dang
thag med yin la/ thal chos de bzlog pa'i don slar yang skye ba
don bcas dang thug bcas ni grangs can kho na 'dod kyi/ rang

la de'i dam bca' ba med pa'i rgyu mtshan gyis/ de khas blangs
pa'i grub mtha' dang 'gal ba med ces pa'i don te lung dang
po'i don no/ /sangs rgyas bskyangs kyis kyang yang skye ba don
med ces yang gi sgra smos shing/ tshig gsal las

kyang yang gi sgra smos la/ 'dir yang slar yang skye bar yongs
su rtog par 'gyur na ni/ zhes gsungs pas yod pa dang slar yang
skye ba gnyis 'gal gyi yod pa dang skye ba mi 'gal lo/ /de
bzhin du yod pa dang slar yang skye ba thug bcas 'gal

@90b gyi/ yod pa dang skye ba thug bcas gnyis mi 'gal lo/
/lung gnyis pa'i don ni rang bzhin med par smra ba dbu ma pas/
rang bzhin dang bcas par smra ba grangs can la sngar bshad
pa'i thal ba gnyis 'phangs pa na/ rang la bzlog don 'phen pa

khas len 'dod med la/ de med kyang rang dbang med par byed par
yang min pas/ thal ba de gnyis las bzlog pa khas mi len zhes
pa'i don no/ /lung gsum pa'i don ni thal ba gnyis kyi thal
chos bzlog pa'i don slar yang skye ba don bcas

dang thug bcas kyi rtags kyis bdag skye med pa mi sgrub kyang
dgos pa med pa min te/ grangs can mi 'dod pa'i skye ba don med
dang thug med bsgrubs pas/ grangs can gyis dam bcas pa'i bdag
las skye ba rnam par bcad pa tsam zhig sgrub pa'i

dgos pa can yin pa'i phyir ro zhes pa'i don no/ /ha cang thal
ba gnyis la ni thal ba'i bzlog don rang nyid kyis khas len pas/
thal ba las bzlog pa'i don la rang gis khas len pa dang mi len
pa gnyis shes par bya'o/ /gnyis pa la

gnyis/ skyon spong gi lan/ lan de dgag pa'o/ /dang po ni/ 'dir
smras pa rgyu 'bras gnyis la rang gi mtshan nyid kyis grub pa'i
gzhan nyis kyang yod la/ thams cad las thams cad 'byung ba
yang min te/ rgyu 'bras so sor nges pa mthong

ba'i phyir ro/ /de yang 'di yin te gang gi phyir dngos po gang
zhig gang gis rab tu bya bar nus pa de nyid de yi 'bras bur
nges par brjod pa yin la/ de'i phyir 'bras bu nges so/ /de
phyir zhes pa 'grel pa dang mi mthun no/ /rgyu gang zhig 'bras
bu de 

@91a @#/ /skyed par nus pa de ni ngo bos grub pa'i gzhan yin
na'ang rgyu yin la/ de'i phyir rgyu nges so/ /des na gzhan khyad
par ba kho nas rgyu 'bras su 'jog gi /gzhan nyid kyi spyi gzhan
tsam gyis ni rgyu 'bras su mi 'jog go /gzhan

yang sa lu'i myu gu ni rang dang rgyud gcig tu gtogs pa sa lu'i
sa bon las skye'i/ rgyud mi gcig pa nas kyi sa bon sogs las mi
skye'o/ /rgyud gcig kyang skyed byed min ba skad cig ma phyi mas
snga ma mi skyed pas/ rgyud gcig pa'i snga mas phyi ma

skyed par byed pa las skye ba de yi phyir/ sa lu'i myu gu ni nas
la sogs pa las nas kyi myu gu la sogs pa skye ba de ltar skye ba
min pas thams cad las thams cad mi skye'o zhe na/ gnyis pa ni/
sa lu'i sa myug so sor nges pa 'di ko rgyu mtshan

gang las yin zhes rgyu 'bras ngo bo nyid kyis grub par smra ba
'di la 'dri bar bya'o/ /smas pa nges pa mthong ba'i phyir ro zhe
na/ yang ci'i phyir de ltar nges pa mthong zhes de ltar brgal
zhing brtags pa na/ gang gi phyir nges pa mthong ba de'i phyir
nges pa

mthong ngo zhes de tsam zhig smra ba 'dis ni nges pa'i rgyu ma
bstan par bshad zin pa'i nyes pa cung zad kyang spang bar mi nus
so/ /zhes gsungs te/ rang gi mtshan nyid kyis gzhan yin kyang
nges pa mthong ba mi 'gal ba'i rgyu mtshan ma bstan pas

skyon spong gi lan min zhes pa'o/ /gzhan yang rang mtshan gyis
grub pa'i gzhan nyid rgyu 'bras yin min kun la thun mong ba
khyad par du yongs su ma bcad pa shin tu grags pa 'di nyid/
phyir rgol 'di'i 'dod pa la gnod byed do zhes

@91b bshad pa ni/ ji ltar te dper na nas dang padma la sogs pa'i
ze'u 'bru ge sar dang keng shu ka'i me tog la sogs pa rnams
gzhan yin pa'i phyir/ sa lu'i myu gus skyed par byed par 'dod pa
min pa dang/ sa lu'i myu gu skyed ba'i nus pa dang ldan pa min
pa dang/

rgyud gcig tu gtogs pa min pa dang rigs 'dra ba'i snga ma ma yin
pa nyid de bzhin du/ sa lu'i sa bon yang ni sa lu'i myu gu de la
ltos pa yi khyad par bzhi dang ldan pa min te/ rang gi ngo bo
nyid kyis grub pa'i gzhan nyid yin pa'i phyir ro/ /'di yang
'brel

med don gzhan la khyad par bzhi yod med kyang gzhag par mi nus
pa'i rigs pa'o/ /gnyis pa la gnyis/ rgyu 'bras snga phyi ba la
gzhan skye dgag pa/ rgyu 'bras dus mnyam pa la gzhan skye dgag
pa'o/ /dang po la gnyis/ dngos kyi don dang/ bkag

pa la rtsod pa spang ba'o/ /dang po ni/ de ltar re zhig phyir
rgol gzhan la grags pa'i rang gi ngo bo nyid kyis grub pa'i
gzhan grub grub ltar brjod nas sun 'byin byas so/ /de ni rgyu
'bras gnyis la ngo bos grub pa'i gzhan mi srid par bshad pa/ 'di

na byams pa dang nyer sbas yod bzhin pa dag kho na phan tshun
ltos nas/ 'di ni 'di las zhes gzhan nyid du mthong gi /myu gu sa
bon dang ni dus mnyam du yod pa ma yin te/ sa bon rnam par ma
'gyur bar myu gu med pa'i phyir ro/ /sa bon la

myu gu las ngo bos grub pa'i gzhan nyid med la/ de med par sa
bon myu gu las gzhan pa nyid du ga la 'gyur te mi 'gyur ro/ /ngo
bos grub pa'i gzhan nyid med pa des na myu gu sa bon las skyes
pa ngo bo nyid kyis 'grub par 'gyur ba min pas

@92a @#/ /dngos po rnams gzhan las skye ba yin zhes bya ba'i
phyogs 'di gtang bar byos shig /'di ni sa bon myu gu las tha
dad pa de rang bzhin gyis grub pa yin na/ rang bzhin gyis grub
pa la dus nam yang ldog pa med

pas/ sa bon gyi dus na'ang myu gu las rdzas tha dad du 'gyur la/
de ltar de gnyis dus mnyam du 'gyur ba las de med pa'i phyir/ de
gnyis la ngo bo nyid kyis grub pa'i gzhan med ces ston pa yin
gyi/ rgyu 'bras gnyis tha snyad du ngo bo tha dad du 'dod pa

'gog pa min te/ dgag bya la gtug pa shes dgos so/ /gnyis pa ni/
myu gu sa bon dang ni dus mnyam yod pa ma yin te/ zhes smras pa
ni rigs pa ma yin te/ ji ltar te dper na srang gi mda' gnyis kyi
gcig mtho ba dang cig shos dma' ba dag

dus mnyam ma yin par ni min pa ste dus mnyam par mthong ba de
bzhin du/ bskyed par bya ba myu gu dang skyed byad sa bon dag gi
rim pa bzhin du skye ba dang 'gag pa'i bya ba gnyis dus gcig yin
pa'i phyir/ sa myug gnyis kyang dus mnyam par 'gyur

ro/ /de'i phyir gzhan nyid yod pas nyes pa med do zhe na/ srang
gi dpes sa myug gnyis kyi skye 'jig gi bya ba gnyis dus gcig tu
rtog na de ni mi rung ste/ gal te srang gi dper mgo mjug gnyis
dus gcig yin pas mtho dman gyi bya ba gnyis

gcig tshe ste dus gcig yin na/ de lta na'ang dpes mtshon pa'i don
dngos 'dir ni sa myug dus gcig pa med pas mi rigs so/ /ji ltar
med pa de ltar bstan pa'i phyir bshad pa/ gal te skye bzhin pa
zhes pa de ni/ da lta skye ba la mngon du phyogs

@92b pa yin pas/ myu gu'i ngo bor ma 'ongs pa'i phyir da lta yod
pa min zhing/ 'gag bzhin pa ni yod kyang 'jigs la mngon du
phyogs par 'dod par gyur pa'i phyir da ltar yod pa'o/ /gang gi
tshe myu gu skye ba la phyogs pa'i dus su sa bon da ltar ba

dang/ myu gu ma 'ongs pa yin pa de'i tshe/ sa myug gnyis po 'di
ni ji lta bur na srang gi mtho dman gnyis dang mtshungs par 'gyur
te mi 'gyur te/ srang gi mgo mjug gnyis ni da ltar ba yin pa'i
phyir/ de'i mtho ba dang dma' ba'i bya ba gnyis kyang

dus gcig tu yod kyi/ sa myug gnyis la ni dus gcig pa med pa'i
phyir ro/ /de dag gis ni bya ba gnyis dus gcig pas sa myug gnyis
kyang dus gcig pa dang/ de'i dper srang mda'i mtho dman gnyis
bkod pa'i dpe ma grub par bstan gyi/ bya ba

gnyis la dus gcig pa srid na dus der chos gnyis kyang nges par
dus mnyam zhes ston pa min no/ /ci ste chos sa myug gnyis lta bu
dus gcig pa med kyang de gnyis kyi bya ba la dus gcig pa yod do
snyam na/ de yang mi rung ste rgol ba de dag gis

chos las bya ba don gzhan du khas ma blangs pa'i phyir dang/ 'di
ni bya ba gnyis rang bzhin gyis grub pa 'gog pa'i skabs yin pa'i
phyir ro/ /skyon gzhan yang yod de skye ba'i bya ba la ltos pa'i
byed pa po myu gu ni/ skye ba la phyogs pa'i dus su

ma 'ongs pa yin pas/ dus der yod pa ma yin no/ /der de med na
yang rten byed pa po myu gu med par brten pa skye ba'i bya ba
'di ni yod par rigs pa'i ngo bo'ang min pas 'gag pa dang dus
gcig par med pa'i phyir/ bya ba gnyis dus gcig

@93a @#/ /par mi rigs so/ /gal te 'phags pa sa lu ljang pa'i mdo
las/ srang mda'i mtho dman gyi tshul du skad cig gang kho na la
sa bon 'gags ba de nyid la myu gu skye'o/ /zhes srang gi dpe 'di
nye bar bkod pa ma yin nam/ de'i

phyir sa myug gnyis srang mda'i mtho dman dang 'dra bar 'dod pa
'gog par mi rigs so zhe na/ bkod ba ni bden mod kyi de ni gzhan
skye dang/ rang gi mtshan nyid kyis skye ba bstan pa'i phyir yang
ma yin no/ /zhes gsungs pas/ gal te skye ba 'di ni zhes

pas skye ba bkag pa ni rang gi ngo bos grub pa'i skye ba tsam
bkag gi /sa bon las myu gu skye ba tsam 'gog pa gtan min no/ /'o
na mdo de las sa myug gnyis dus gcig ba srang mda'i mtho dman
gyi tshul du mi ston na/ dpe de dus mnyam pa ci 'dra

zhig la dgongs zhe na/ 'grel bar cig car du brten nas 'byung ba
ma brtags par grub pa sgyu ma lta bu gsal bar bya ba'i phyir du
gsungs par bshad pa'i cig car du brten nas 'byung ba zhes pa ni/
bya ba gnyis cig car du yod pa la bya

dgos te/ mdo der srang mda'i mtho dma'i dpes dus mnyam pa gcig
ston dgos pa la/ so myug gnyis dus mnyam pa la bshad du mi rung
ba'i phyir ro/ /des na bya ba gnyis gcig pa bkag ba ni/ rang
mtshan gyis grub pa'i bya ba gnyis

yin gyi/ bya ba gnyis spyir dus mnyam pa yod pa bkag pa min no/
/de la skye ba 'dod phyin chad rgyu 'gag ba dang 'bras bu skye
ba la mngon du phyogs pa gnyis dus mnyam pa zhig dgos so/ /de ni
skye ba tsam dang tha snyad du skye ba khas len pa la

@93b mi rigs pa med kyang/ don dam pa dang rang gi mtshan nyid
kyis skye ba khas len pa la 'gal ba yin te/ snga ma la ni rgyu
'bras kyi skye 'gag gi bya ba gnyis dus mnyam yang/ rgyu 'bras
gnyis dus mnyam mi dgos la/ phyi ma la ni bya ba dus mnyam na
rgyu 'bras kyang dus mnyam dgos

pa'i phyir ro/ /'di ltar 'bras bu skye ba'i bya ba ni 'di skye
zhes pa'i byed pa po myu gu sogs la brten dgos pas rten dang
brten pa'o/ /rten brten pa don dam par grub na ni rang bzhin
gzhan du 'gyur ba mi 'thad pas/ dus nam gyi tshe yang bya ba rten
dgos

bas myu gu sogs skye ba la phyogs pa'i dus su yang/ skye ba'i
bya ba'i rten du myu gu yod dgos pas rgyu 'bras gnyis dus mnyam
du 'gyur ba sogs kyis gnod bas mi 'thad do/ /tha snyad pa'i skye
ba la lan cig rten brten par song na dus thams cad du

'gro mi dgos pas mi mtshungs so/ /sa bon dang dus mnyam pa'i myu
gu skye ba'i bya ba ni/ myu gu skye ba la phyogs pa'i bya ba yin
la/ de dang myu gu gnyis spyir rten brten pa yin ba dang/ bya ba
de'i dus su myu gu med kyang bya ba yod pa mi 'gal ba ni/ dper

na spyir 'brel yul khegs na 'brel po ldog pa dang/ sa bon 'brel
yul dang myu gu 'brel po yin pa dang/ myu gu'i dus na sa bon log
kyang myu gu mi ldog pa mi 'gal ba bzhin no/ /de 'dra ba'i tshul
gyis rigs pas phar la bkag pa dang/ bkag

pa'i rigs pa rang la mi ldog pa legs par shes nas dbu ma'i lugs
skyon med 'jog shes na dbu ma pa yin gyi/ 'gog pa'i tshe ltar
snang 'ba' zhig smras nas/ de nyid tshur la bzlog pa'i tshe bsnyon
'dings pa la re na/ kho bo cag smyon pa dang

@94a @#/ /lhan cig tu mi rtsod do/ /zhes tshig gsal las gsungs pa
ltar bya'o/ /gnyis pa ni/ 'dir smras pa sa myug dus mnyam pa med
pas/ ngo bo nyid kyis gzhan nyid med pa'i phyir gzhan las skye
ba mi rigs na/ rgyu 'bras dus mnyam

pa yod pa der gzhan nyid yod pas gzhan skye yod de/ dper na mig
gi rnam shes dang de dang dus mnyam pa'i tshor ba la sogs pa
rnams lta bu'o/ /mig dang gzugs sogs dang tshor ba sogs lhan cig
'byung ba rnams dus mnyam pa kho nar mig gi rnam

shes skyed pa de bzhin du/ mig sogs dang sems kyang dus mnyam
kho nar tshor ba la sogs pa rnams kyi rkyen yin no zhes kha cig
smra'o/ /gal te mig gi blo ste rnam shes la rang gi skyed byed
rang dang dus gcig pa mig la sogs pa dang/ de dag

dang lhan cig 'byung ba'i 'du shes la sogs pa rnams rkyen nyid
du rtog na/ de'i tshe 'du shes sogs la bltos nas gzhan nyid yod
du chug kyang/ rgyu dus nas yod pa la slar yang 'byung bas dgos
pa ci zhig yod de cung zad kyang med pas skye

ba med do/ /ci ste skye ba med pa'i skyon spang bar 'dod nas
rgyu dus su 'bras bu de med do zhe na/ de'i tshe snga phyi ba 'di
la ngo bos grub pa'i gzhan med pa'i nyes pa sngar bshad zin to/
/de ltar na rigs pa 'dis ni rgyu 'bras su 'dod pa la gzhan nyid

yod kyang rang bzhin gyis skye ba mi srid la/ de'i phyir gzhan
las skye ba mi srid par ston zhing/ rigs pa snga mas ni rgyu
'bras la skye ba srid kyang rang bzhin gyis gzhan yin pa mi srid
la/ de'i phyir gzhan skye mi srid par ston to/ /des na

@94b gzhan las skye ba yod ces pa ni brjod bya'i don gyis stong
pas song song nas/ de ltar brjod pa'i sgra 'ba' zhig lhag mar
lus par 'gyur ro/ /gsum pa ni/ skyed par byed pa bskyed bya rang
las gzhan skyed pa de rgyu yin na/ rgyu des 'bras bu rang bzhin
gyis

yod pa'am/ 'on te med pa dang/ yod med gnyis ka dang/ yod med
gnyis ka dang bral ba zhig skyed grang ste brtag go /de la re
zhig 'bras bu rang bzhin gyis yod na de la skyed byed kyi rkyen
ci zhig dgos te mi dgos te/ rang bzhin gyis yod pa skye na

skyes zin slar yang skye bar 'gyur la/ de yang mi rigs par bstan
zin pa'i phyir ro/ /'bras bu med pa la'ang rkyen des ci zhig bya
ste/ bong bu'i rwa ltar med pa'i phyir ro/ /yod med gnyis ka
tshogs pa nyid la rkyen des ci zhig bya ste/ de gnyis tshogs pa

mi srid pa'i phyir ro/ /yod med gnyis ka dang bral ba de la'ang
rkyen des ci zhig bya ste/ de gnyis gang yang min pa mi srid
pa'i phyir ro/ /gnyis pa la gnyis/ 'jig rten gyi grags pas gzhan
skye khas blangs nas 'jig rten gyi gnod pa spang ba/ 'jig

rten gyi tha snyad du yang gzhan skye med pas 'jig rten gyi gnod
pa spang ba'o/ /dang po la gnyis/ 'jig rten gyis gnod pa'i rtsod
pa dang/ des mi gnod pa'i lan bstan pa'o/ /dang po ni/ gal te
gzhan skye grub pa'i phyir du rigs pa gang smras pa de ni/ bud

shing skam po mar gyis bran pa ltar khyod kyis blo gros kyi mes
ma lus par bsregs pas/ khyod kyi shes rab kyi me sbor ba'i rigs
pa'i bud shing bskul ba des chog gi da de bskul mi dgos so/ /'o
na rigs pa ma bstan par gzhan skye 'dod

@95a @#/ /pa'i don mi 'grub pa ma yin nam zhe na/ de ni ma yin te
gang zhig 'jig rten las grub pa der ni/ rigs pa gzhan gyis ci
yang bya ba med de/ 'jig rten gyi mthong ba ni shin tu stobs
dang ldan pa'i phyir ro zhes bshad

pa/ gang gis 'jig rten pa thams cad rang gi lta ba kho na la
gnas nas/ 'jig rten gyi mthong ba tshad mar 'dod pas na shin tu
stobs dang ldan zhing/ ngo bo nyid kyis grub pa'i rgyu gzhan las
'bras bu gzhan 'byung ba yang 'jig rten pa rnams kyis mngon

sum du rtogs par 'gyur te/ rigs pa'i 'thad pa yang nye bar 'god
pa na/ mngon sum du gyur ma gyur gnyis las gnyis pa la 'god pa
yin la/ dang po ni/ mngon sum tshad mas grub pa'i phyir de la
'thad pa 'god pa ma yin no/ /de'i phyir

gzhan skye yod pa 'dir ni/ de yod par sgrub pa'i rigs pa gzhan
smras pa nyid kyis lta ko ci zhig bya/ des na gzhan skye'i sgrub
byed kyi 'thad ba gzhan med par yang/ dngos po rnams gzhan las
skye ba 'grub pas/ gzhan las skye ba yod pa 'dir ni rigs pa
gzhan

bstan pas dgos pa ci zhig yod de med de/ mngon sum gyis grub
pa'i phyir ro zhe na/ gnyis pa ni/ gang zhig gsung rab kyi don
phyin ci ma log par ma rtogs shing/ 'khor ba thog ma med pa nas
dngos po bden 'dzin gyi bag chags bzhag pa smin

pa las byung ba'i dngos po la bden par mngon par zhen pa yun
ring mo nas 'dris pa'i mdza' bo dang bral ba ste/ 'bral bar byed
pa'i thabs rang bzhin med pa'i tshul yang dang yang du thos pa
dang bral ba/ 'jig rten gyi gnod pa'i rdol

@95b thabs te bla brdol la brten pa 'di ni/ 'jig rten gyi byung
tshul mang po zhig ma bshad par 'jig rten gyi gnod pa'i bla brdol
las bzlog par mi nus pas/ yul 'di 'dra ba zhig la 'jig rten gyis
gnod do zhes de'i gnod yul khyad par can dang/ yul

'di 'dra ba la 'jig rten gyis mi gnod do zhes mi gnod pa'i yul
khyad par can bsten dgos so/ /de la bden pa gnyis kyi rnam dbye
bstan pa sngon du 'gro ba dgos pa la lnga/ bden pa gnyis kyi
spyi'i rnam gzhag /skabs kyi don la sbyar ba/ bden gnyis so

so'i ngo bo bshad pa/ bkag pa la 'jig rten gyis gnod pa la gnod
byed bstan pa/ 'jig rten gyis gnod pa'i gnod tshul bstan pa'o/
/dang po la bzhi/ bden gnyis su dbye bas chos rnams la ngo bo
gnyis gnyis yod par brjod pa/ bden gnyis kyi rnam

gzhag gzhan bstan pa/ 'jig rten la ltos te kun rdzob kyi dbye ba
bshad pa/ zhen yul la 'khrul pa'i zhen yul tha snyad du yang med
par bstan pa'o/ /dang po ni/ 'di na bden gnyis kyi rang gi ngo
bo phyin ci ma log pa mkhyen pa'i bcom ldan 'das rnams

kyis 'du byed sems pa sogs nad dang myu gu sogs phyi rol gyi
dngos po kun te thams cad kyi rang gi ngo bo rnam pa gnyis ni
'dzin par 'gyur bar nye bar bsten te/ de gang zhe na/ kun rdzob
bden pa'i ngo bo dang don dam bden pa'i ngo bo'o/ /'dis ni myu
gu

lta bu gcig gi ngo bo la yang phye na kun rdzob yin pa dang/ don
dam pa'i ngo bo gnyis yod par ston gyi myu gu'i ngo bo gcig nyid
so skye dang 'phags pa la bltos nas bden pa gnyis su bstan pa
gtan min no/ /de ltar byas na ngo bo med pa'i chos

@96a @#/ /mi srid pas/ gzhi grub pa yin na ngo bo gcig dang tha
dad las mi 'da' la/ ngo bo yod pa khas len kyang rang bzhin gyis
grub pa'i ngo bo med pa mi 'gal lo/ /de la myu gu la sogs pa'i
dngos po'i ngo bo don dam pa

ni/ yang dag pa'i don mngon sum du mthong ba rnams kyi ye shes
kyi khyad par gyi yul nyid kyis bdag gi rang gi ngo bo rnyed pa
yin gyi/ rang gi bdag nyid kyis grub pa ni ma yin te/ 'di ni ngo
bo gnyis bshad pa'i gcig yin no/ /ye shes kyi khyad par

zhes pa ni 'phags pa'i ye shes gang yin gyis rnyed pa min par ye
shes kyi khyad par te bye brag pa zhig la byed de/ de yang ji lta
ba 'jal ba'i ye shes kyis rnyed pa'o/ /ye shes des rnyed pa'am
grub par bstan pa na des grub rgyu zhig byung na

bden grub bo zhes 'dzin pa dgag pa'i phyir/ rang gi bdag nyid
kyis grub pa ni ma yin no/ /zhes gsungs pas 'phags pa'i mnyam
gzhag gi ye shes kyis don dam bden pa gzhal na/ bden grub tu
'gyur bas de shes bya ma yin pa slob dpon

'di'i lugs su smra ba ni/ lugs 'dis mnyam gzhag gis rnyed kyang
bden par ma grub par bshad pa'i don yi ma rtogs bzhin du mkhas
pa'i lugs nyams su 'jug pa'o/ /don dam las gzhan kun rdzob pa'i
ngo bo ni/ so so skye bo ma rig

pa'i rab rib kyi ling tog gis blo'i mig ma lus par khebs pa
rnams kyis brdzun pa mthong ba'i stobs las bdag gi ngo bo yod pa
rnyed pa yin te/ byis pa rnams kyi mthong ba'i yul du rang gi
mtshan nyid kyis grub par snang ba de bzhin

@96b du rang gi ngo bo yod pa ni min te ngo bo gnyis kyi gcig
yin no/ /de ltar don dam bden pa rnyed pa la rnyed mkhan 'phags
par gsungs pa ni gtso bo yin pa la dgongs kyis/ so so skye bo
dbu ma'i lta ba rgyud ldan gyis kyang mi rnyed par bzhed pa min
no/ /kun

rdzob rnyed pa la rnyed mkhan so skye rang dga' ba la gsungs pa
yang/ kun rdzob pa'i mtshan gzhi phyi nang gi dngos po rnams ma
rig pa'i gzhan dbang gis mthong ba'i gtso bo la dgongs kyi/
'phags pa'i rgyud kyi tha snyad pa'i tshad mas dngos po de rnams
mi rnyed

par bzhed pa min no/ /kun rdzob kyi bden pa'i mtshan gzhi bum pa
la sogs pa rnyed pa dbu ma'i lta ba ma rnyed pa la yang yod mod
kyang/ gzhi de kun rdzob kyi bden pa yin par tshad mas rnyed pa
la ni/ sngon du dbu ma'i lta ba rnyed pa cig nges par dgos

te/ gzhi de kun rdzob bden par grub na brdzun par 'grub dgos
shing/ brdzun par dngos su 'grub pa la gzhi de la sngon du bden
grub tshad mas khegs dgos pa'i phyir ro/ /des na brdzun pa mthong
ba'i stobs las zhes pa ni/ gang zag rang dga' ba de

rnams kyis brdzun pa mthong yang de dag gis brdzun par 'grub mi
dgos te/ dper na sgyu ma'i ltad mo bas sgyu ma'i rta glang
mthong ba na brdzun par mthong yang/ snang ba de brdzun par
'grub mi dgos pa bzhin no/ /des na kun rdzob bden par 'jog byed

brdzun pa mthong bas rnyed pa'i don ni/ shes bya brdzun pa slu
ba'i don 'jal ba'i tha snyad pa'i tshad mas rnyed pa'o/ /sngar
bshad pa'i rang bzhin nam ngo bo de gnyis las kyang/ yang dag
pa'i don mthong ba ste 'jal ba'i rigs shes kyis rnyed pa'i

@97a @#/ /yul gang yin pa de ni/ de nyid de don dam pa'i bden pa
ste/ 'di ni rab rib mthu yis zhes sogs kyi skabs su bshad par
bya'o/ /shes bya brdzun pa mthong ba tha snyad pa'i tshad mas
rnyed pa ni kun rdzob kyi bden par ston pas

gsungs te/ don dam pa dang kun rdzob rnyed pa'i gzhi gnyis so
sor gsungs kyi gcig la rnyed tshul gnyis byung ba min no/ /gnyis
pa ni/ bden pa gnyis kyi dbye gzhi la 'dod tshul mi 'dra ba mang
mod kyang/ 'dir shes bya la bya ste yab sras mjal ba'i

mdo bslab btus su drangs pa las/ 'di ltar de bzhin gshegs pas
kun rdzob dang don dam pa gnyis thugs su chud de/ shes par bya
ba yang kun rdzob dang don dam pa'i bden pa 'dir zad de/ de yang
bcom ldan 'das kyis stong pa nyid du rab tu

gzigs rab tu mkhyen/ legs par mngon du byas pas de'i phyir thams
cad mkhyen pa zhes bya'o/ /zhes gsungs te/ shes par bya ba yang
zhes pas shes bya dbye gzhi dang/ 'dir zad do zhes pas bden
gnyis su grangs nges pa dang/ bden pa

gnyis ka de bzhin gshegs pas thugs su chud pa'i phyir thams cad
mkhyen par bstan to/ /des na don dam bden pa shes bya ma yin pa
dang/ blo gang gis kyang ma rtogs pa spyod 'jug gi dgongs par
'chad pa ni log par 'chad pa'o/ /kun

rdzob kyi bden pa dang don dam pa'i bden pa gnyis su 'byed pa ni
dbye pa'i ngo bo'o/ /phye ba'i don la yang mi 'dra ba du ma zhig
'dug kyang/ 'dir ni gnyis ka la ngo bo yod la/ de la ngo bo gcig
dang tha dad gang yang min pa mi srid pa'i phyir dang/ chos

@97b can rnams bden stong las ngo bo tha dad na bden grub tu
'gyur pa'i phyir/ ngo bo gcig la ldog pa tha dad pa byas pa dang
mi rtag pa lta bu ste/ byang chub sems 'grel las/ kun rdzob las
ni tha dad par/ /de nyid dmigs pa ma yin te/ /kun rdzob stong pa
nyid du bshad/ /

stong nyid kho na kun rdzob yin/ med na mi 'byung nges pa'i
phyir/ /byas dang mi rtag dag bzhin no/ /zhes gsungs so/ /rkang
pa dang po bzhi'i don ni kun rdzob las ngo bo tha dad par de kho
na nyid yod pa min te/ kun rdzob pa rnams bden pas stong pa yin
pa'i phyir dang/ bden stong nyid

kyang gzhi kun rdzob la 'jog pa'i phyir zhes pa'o/ /de nas gnyis
kyis ni de ltar yin dang med na mi 'byung ba'i 'brel pa nges la/
de yang bdag gcig pa'i 'brel pa yin pas byas mi rtag bzhin du
ngo bo gcig par bstan no/ /phye ba so so'i ngos 'dzin

ni sngar tshad ma gnyis kyis rnyed pa so so'i mtshan nyid du bshad
pa bzhin no/ /gal te 'di dang spyod 'jug gnyis mthun par 'chad
na de nyid las/ kun rdzob dang ni don dam ste/ /'di ni bden pa
gnyis su 'dod/ /don dam blo yi spyod yul min/ /blo ni kun rdzob
yin

par brjod/ ces gsungs pa 'di ji ltar bshad par bya zhe na/ de la
rkang pa dang po gnyis kyis bden gnyis kyi dbye ba bstan la/
phye ba so so'i ngo bo ngos 'dzin pa na don dam bden pa'i ngos
'dzin ni/ don dam zhes pa gcig gis dang/ kun rdzob bden

pa'i ngos 'dzin kun rdzob ces pa gcig gis ston no/ /rkang pa
snga mas don dam bden pa blo'i yul min par dam bcas pa rkang pa
phyi mas sgrub par 'dod pa ni/ gzhung de dag gi don du gtan mi
snang ngo/ /des na bden gnyis kyi ngos 'dzin 'di ni yab

@98a @#/ /sras mjal ba bslab btus su drangs pa las/ de la kun
rdzob ni 'jig rten gyi spyod par de bzhin gshegs pas gzigs so/
/don dam pa gang yin pa de ni brjod du med pa ste/ shes par bya
ba ma yin/ rnam par shes

par bya ba ma yin pa/ yongs su shes par bya ba ma yin pa/ ma
bstan pa/ zhes sogs gsungs pa'i don spyod 'jug tu bkod pa'o/ /de
la don dam bden pa shes par bya ba ma yin par bshad pa'i don ni/
'og nas bden pa gnyis la 'jug pa'i

mdo drangs pa'i don 'chad par 'gyur ba ltar du blo'i yul du mi
'gyur ba yin no/ /de ltar mi 'jog par blo gang gi yang yul min
na/ rgyal bas kun rdzob dang don dam pa stong nyid kyi rnam pa
can thams cad mngon du gyur pas thams cad mkhyen par

'jog par bshad pa dang 'gal te/ 'og tu yang mang du 'chad par
'gyur ro/ /kun rdzob bden pa'i ngos 'dzin ni blo rkyang pa der
'jog pa'i don min gyi blo'i yul yin la/ de yang 'jig rten gyi
spyod par zhes gsungs pas/ 'jig rten te tha snyad pa'i

shes pa brdzun pa 'jal ba'i spyod par te spyod yul du rnyed pa'i
don yin pas/ blo'i yul kun rdzob par 'dod pa'i don de bzhin du
bya'o/ /shes bya la bden pa gnyis su phye ba ni/ shes bya la de
gnyis su grangs nges par ston pa yin te/ 'di la lung

ni sngar drangs pa'i yab sras mjal ba dang/ 'phags pa de kho na
nyid nges par bstan pa'i ting nge 'dzin las kyang/ gang zhig kun
rdzob de bzhin don dam ste/ /bden pa gsum pa gang yang ma mchis
so/ /zhes gsal bar gsungs shing/ rang 'grel

@98b las kyang/ de bzhin du bden pa gzhan gang cung zad cig yod
pa de yang ci rigs par bden pa gnyis kyi khongs su gtogs pa kho
nar nges par bya'o/ /zhes sa bcu pa las bden pa'i ming can mang
du gsungs pa thams cad bden gnyis su 'dus par gsungs

shing/ der bshad pa'i phye ste rtogs pa'i bden pa ni phung po
dang khams dang skye mched kyi rnam par bzhag pa la bshad pa'i
phyir na/ slob dpon 'dis kyang bden pa gnyis su grangs nges par
bzhed do/ /rigs pa ni gzhi gang zhig brdzun pa slu ba'i don du
yongs

su bcad na/ mi slu ba'i de kho na nyid yin pa rnam par gcad dgos
pas/ slu mi slu ni phan tshun spangs te gnas pa'i dngos 'gal lo/
/de yin na ni shes bya thams cad la khyab par byed pas gnyis
dang gnyis ma yin gyi phung gsum sel ba yin

te dbu ma snang ba las/ phan tshun spangs te gnas pa'i mtshan nyid
kyi chos dag ni/ cig shes dgag pa gzhan sgrub pa med na med pa
yin pa'i phyir/ gnyis ka ma yin pa'i phyogs su rtog pa yang rigs
pa ma yin no/ /zhes dang/ gang zhig

yongs su gcod pa gang rnam par bcad pa med na med pa de gnyis
ni/ phan tshun spangs te gnas pa'i mtshan nyid yin no/ /gang dag
phan tshun spangs te gnas pa'i mtshan nyid yin pa de dag ni/ rnam
pa thams cad la khyab par byed pa dag yin

no/ /gang dag rnam pa thams cad la khyab par byed pa yin pa de
dag ni/ phung po gzhan sel bar byed pa dag yin te/ dper na lus
can dang lus can ma yin pa la sogs pa'i bye brag lta bu'o/ /zhes
gsungs pa ltar te/ 'di ni dngos 'gal gzhan

@99a @#/ /thams cad la yang shes par bya'o/ /phung gsum sel ba'i
dngos 'gal cig ston rgyu med na ni/ yod med dam gcig dang du ma
sogs gang 'dod ces mtha' gnyis su kha tshon bcad pa'i brtag pa
byas nas 'gog sa

med la/ yod na dngos 'gal gcig 'gog pa ni cig shos sgrub pa med
na med pa yin pas/ dbu ma thal 'gyur ba la dngos 'gal med zer ba
ni/ dgag gzhag gi rnam gzhag ma chags pa'o/ /dngos 'gal gcig
rnam par bcad na cig

shos yongs su gcod pa dang/ gcig 'gog na cig shos sgrub dgos pa
la dbu ma thal rang la khyad par yod pa ma yin no/ /gsum pa ni/
kun rdzob la yul yul can gnyis las thog mar 'jig rten pa'i shes
pa la ltos nas yul can

la yang dag pa dang log pa gnyis su ston pa ni/ shes bya la bden
pa gnyis su phye bar ma zad brdzun pa mthong pa'i yul can la'ang/
yang dag pa dang log pa gnyis su 'dod de/ dbang po gsal ba ste
'phral gyi 'khrul rgyus ma bslad pa'i dbang

po dang/ de la brten pa'i shes pa dang/ dbang po skyon ldan te
'phral gyi 'khrul rgyus bslad pa'i yul can gnyis so/ /de la
skyon dang ldan pa'i dbang po can rnams kyis bslad pa'i shes pa
ni/ dbang po lags par gyur pa ste 'phral gyi 'khrul

rgyus ma bslad pa'i shes pa la ltos nas/ log pa'i shes par 'dod
cing/ snga ma ni yul phyin ci ma log pa 'dzin par 'dod do/
/khyad par de gnyis kyang dbu ma'i lugs min gyi 'jig rten pa'i
shes pa la ltos nas yin no/ /yul can

@99b la phyin ci log ma log gnyis su phye ba de bzhin du/ yul
yang yin par ston pa ni/ 'phral gyi 'khrul rgyu'i gnod pa med
par dbang po drug gi shes pa rnams kyis gzung bar bya ba'i don
gang zhig 'jig rten gyis rtogs pa de ni/ 'jig rten nyid de kho
na

las bden pa ste yang dag pa yin gyi/ 'phags pa la bltos nas yul
de dag bden pa dang yang dag par 'jog pa ni ma yin no/ /'phags
pa zhes pa dang dbu ma'i lugs zhes pa ni 'dir don 'dra'o/ /lhag
ma ste gzugs brnyan la sogs pa gang zhig

dbang po rnams la gnod pa yod pa na yul du snang ba de ni/ 'jig
rten nyid la bltos nas log par rnam par bzhag go /nyid kyi sgras
ni shes pa de rnams 'khrul par 'jog pa la ni/ tha snyad pa'i
tshad ma nyid kyis chog gi rigs shes la mi ltos par

ston pa'o/ /de la dbang po la gnod pa'i rkyen nang na yod pa ni
rab rib dang mig ser la sogs pa dang da du ra zos pa la sogs
pa'o/ /da du ra ni thang phrom ste/ de'i 'bras bu zos na thams
cad gser du snang ba'o/ /sogs pas ni rims la sogs pa

bsdu'o/ /dbang po la gnod pa'i rkyen phyi na yod pa ni/ me long
dang brag phug la sogs pa nas sgra brjod pa dang/ sos ka'i nyi
ma'i 'od zer bye ma skye bo'i yul dang nye bar gyur pa la sogs
pa ste/ de dag ni dbang po la gnod pa'i rkyen nang na med kyang/
rim

pa bzhin du gzugs brnyan dang brag cha dang smig rgyu la chu la
sogs par 'dzin pa'i rgyur 'gyur ro/ /de bzhin du mig 'phrul
mkhan la sogs pas sbyar ba'i sngags dang sman la sogs pa yang
shes par bya'o/ /yid kyi dbang po'i gnod pa ni sngags

@100a @#/ /dang sman la sogs pa de dag dang grub mtha' log pa
dang/ gtan tshigs ltar snang dang gnyid kyi gnod pa sogs so/
/gnyid ni dbang po drug gi nang nas yid kyi gnod par gsungs pas/
rmi lam du dbang shes yod par

slob dpon 'di bzhed ces pa ni log par bshad pa chen po'o/ /de
ltar na thog ma med pa nas zhugs pa'i bdag tu 'dzin pa gnyis kyi
ma rig pa la sogs pas bslad pa'i gnod pa ni 'dir gnod pa'i rgyur
mi gzung gi /sngar bshad pa ltar gyi

'phral gyi dbang po la gnod pa'i 'khrul rgyu rnams gzung ngo/
/de lta bu'i gnod pa med pa'i shes pa drug gis gzung pa'i kun
rdzob pa'i don dang/ de las bzlog pa'i don la yang dag dang log
par 'jog pa ni 'jig rten pa'i shes pa kho na la

ltos nas yin te/ de dag ji ltar snang ba ltar gyi don du yod pa
la 'jig rten pa'i shes pas gnod pa med pa dang yod pa'i phyir
ro/ /'phags pa la ltos nas ni yang log gnyis su med de/ ji ltar
gzugs brnyan la sogs snang ba ltar gyi don du

med pa bzhin du/ ma rig pa dang ldan pa rnams la sngon po la
sogs pa rang gi mtshan nyid kyis grub par snang ba yang/ snang ba
ltar gyi don du med pa'i phyir ro/ /de'i phyir shes pa de gnyis
la 'khrul ma 'khrul yang dbyer med do/ /'o na dbang po gzugs

can la 'phral gyi gnod pa yod pas yul log par snang ba dang/ yid
kyi shes pa la gnyid la sogs pa'i gnod pa yod pas/ rmi lam du
mir snang ba sogs la mi la sogs par 'dzin pa dang/ sad dus su
sgyu ma'i rta glang gi snang ba la rta glang dang

@100b smig rgyu chur snang ba la chur 'dzin pa rnams phyin ci
log yin par/ 'jig rten pa'i blo rang dga' bas kyang rtogs mod
kyang/ yid la grub mtha' ngan pa'i gnod pa yod pas log par bzung
ba'i don rnams/ 'jig rten pa'i blo rang dga' bas phyin

ci log tu mi rtogs pas/ 'jig rten nyid las log par ji ltar bzhag
ce na/ 'dir gnod pa yod med dpyod pa'i gnod pa ni/ lhan skyes
kyis phyin ci log tu 'dzin pa'i gnod pa la mi byed pas/ grub
mtha' ngan pas btags pa ni grub mthas blo bsgyur

ba kho nas log par btags pa'i gtso bo sogs yin la/ de dag phyin
ci log tu 'jig rten pa'i blo rang dga' bas mi rtogs kyang/ de
kho na nyid la mngon du ma phyogs pa'i tha snyad pa'i tshad mas
log par rtogs na/ 'jig rten pa'i shes pas log par rtogs

pa yin no/ /bdag 'dzin lhan skyes gnyis kyis bzung ba'i don lta
bu ni/ gnod pa med pa'i dbang pos bzung ba zhes pa yin la/ 'jig
rten pa'i bsam pa rang dga' ba la bltos nas yang dag pa'am bden
pa yin mod kyang tha snyad du yang med do/ /gal te yang

dag pa'i kun rdzob mi 'dod pas yang log gnyis su mi byed kyang/
ma rig pas bslad pa'i yul dang yul can rnams log pa'i kun rdzob
tu ci'i phyir mi 'jog ce na/ kun rdzob ni tha snyad pa'i tshad
mas 'jog dgos pa'i phyir log pa'i kun rdzob

'jog na yang de la bltos nas 'jog dgos na/ ma rig pa'i bag chags
kyis bslad pa ni 'khrul par tha snyad pa'i tshad mas mi 'grub
pa'i phyir ro/ /bzhi pa ni/ da ni bshad zin pa'i yid kyi gnod
pas zhen yul la 'khrul ba spyir bstan pa'i
@101a @#/ /don de nyid/ mtshan gzhi bye brag la dper brjod pa'i
tshul gyis bstan pa'i phyir bshad pa/ mi shes pa'i gnyid kyis yid
rab tu bskyod pa'i mu stegs can yid la phyin ci log gi grub
mtha' ngan pa dang/ gtan tshigs ltar

snang gi gnod pa yod pa 'di dag ni/ de kho na nyid la 'jug par
'dod pas skye bo ma byang ba gnag rdzi dang bud med la sogs pa
yan chad la grags pa'i skye ba dang/ 'jig pa la sogs pa phyin ci
ma log pa ma bzung bar/ 'jig rten pa rnams las phul du byung

bar 'gro bar 'dod pas/ dper na shing la 'dzeg pas yal ga phyi ma
ma bzung bar snga ma btang bar ltar/ ltung ba chen pos lta ba
ngan pa'i ri sul du ltung bar 'gyur zhing/ bden gnyis legs par
mthong ba dang bral bas 'bras bu thar ba thob par mi 'gyur

ro/ /de'i phyir mu stegs can 'di rnams kyis rang rang gi gzhung
las 'byung ba'i bdag nyid ji lta ba bzhin du yon tan gsum la
sogs pa gang brtags pa ni/ 'jig rten gyi kun rdzob tu yang yod
pa ma yin no/ /'dis ni lugs 'dis blo 'khrul pa zhig gi

ngor yod pa la/ kun rdzob tu yod par 'jog zer ba legs par bkag
go /de bzhin du sgyu ma dang smig rgyu dang gzugs brnyan la
sogs pa la rta glang dang/ chu dang byed bzhin sogs su brtags pa
gang yin pa de dag kyang/ 'jig rten kun rdzob las kyang yod

pa min pa nyid do/ /de ltar na tha snyad du yod pa la ni tshad
mas grub pa zhig dgos so/ /de 'dra ba'i zhen yul rnams tha snyad
du yang med kyang snang yul la ni de ltar mi bzhed do/ /da lta
gzugs sgra sogs lnga rang gi mtshan nyid kyis grub par dbang shes

@101b la snang ba ni/ ma rig pas bslad pa yin pas shes pa de
dang/ gzugs brnyan dang brag cha sogs snang ba'i dbang shes
rnams la/ phra rags tsam ma gtogs pa snang yul la 'khrul ma
'khrul la khyad par med cing/ sngo sogs rang gi mtshan nyid kyis
grub pa dang/

gzugs brnyan byad bzhin du yod pa mi srid kyang/ byad bzhin du
med pa'i gzugs brnyan yod pa bzhin du/ rang gi mtshan nyid kyis
grub pa min kyang sngo sogs yod dgos la/ de yang phyi rol gyi
don du yod pa bzhin du gzugs brnyan yang gzugs kyi skye mched

du bzhed pa yin te/ 'og nas gzugs brnyan gyis de snang ba'i
dbang shes skyed par yang gsungs so/ /tshul de dag ni mig la rta
glang du snang ba'i sgyu ma dang brag cha sogs la yang shes par
bya ste/ lugs dam pa 'di yi rnam bzhag thun mong ma yin pa'o/ /

gnyis pa ni/ de kho na nyid kyi don tha snyad pa'i shes pas mi
'jog pa de'i phyir/ gzhan skye 'gog pa ni 'jig rten pa'i lta ba
kho na la gnas nas mi byed kyi/ 'phags pa'i de kho na nyid kyi
gzigs pa khas blangs nas don dam par 'gog pa yin no/ /gang

gi tshe gzhan skye dgag pa 'di la don dam gyi khyad par sbyor ba
yin pa de'i tshe/ ji ltar mig ni rab rib can gyi shes pas skra
shad la sogs pa dmigs pas/ rab rib kyis ma bslad pa'i shes pa la
skra shad sogs mi snang ba la gnod pa min pa

ji lta ba de bzhin du/ dri ma ste zag pa med pa'i ye shes spangs
pa ste de dang bral ba'i so skye'i blo ma rig pas bslad pas/ ma
rig pas ma bslad pa'i dri ma ste zag pa med pa'i blo la gnod pa
yod pa ma yin pas/ don dam par gzhan skye bkag

@102a @#/ /pa la 'jig rten pa'i ngor gzhan skye grub tu chug
kyang mi gnod do/ /de'i phyir pha rol po ni dam pa mkhas pa dag
gis bzhad gad du bya bar 'os so/ /gsum pa la gnyis/ kun rdzob
kyi bden pa bshad pa dang/ don dam pa'i

bden pa bshad pa'o/ /dang po la gsum/ kun rdzob pa gang gi ngor
bden la gang gi ngor mi bden pa dang/ kun rdzob tsam de gang zag
gsum la snang ba dang mi snang pa'i tshul dang/ so skye dang
'phags pa la ltos te don dam pa dang kun rdzob tu 'gyur tshul

lo/ /dang po la gnyis/ dngos kyi don dang/ nyon mongs kyi rnam
gzhag thun mong ma yin pa bshad pa'o/ /dang po ni/ 'dis sems can
rnams dngos po ji ltar gnas pa'i rang bzhin lta ba la sgrib pa
ste rmongs par byed pa'i phyir na gti mug ste/

ma rig pa dngos po'i ngo bo rang bzhin gyis yod pa ma yin pa la/
rang bzhin gyis yod par sgro 'dogs par byed pa yin lugs kyi rang
bzhin mthong ba la sgrib pa'i bdag nyid can ni kun rdzob bo/
/'di ni kun rdzob bden pa zhes pa'i bden pa/ kun rdzob

pa gang gi ngor 'jog pa'i kun rdzob ngos 'dzin pa yin gyi/ kun
rdzob pa spyi ngos 'dzin pa min no/ /ngos 'dzin de yang lang kar
gshegs pa las/ dngos rnams skye ba kun rdzob tu/ /dam pa'i don
du rang bzhin med/ /rang bzhin med la 'khrul pa gang/ /de ni

yang dag kun rdzob 'dod/ /ces don dam par rang bzhin med pa la
rang bzhin yod par 'khrul ba'i blo kun rdzob pa yin par gsungs
pa'i don no/ /kun rdzob de ni kun rdzob kyi skad 'dod sgrib byed
la yang 'jug pas sgrib byed do/ /des gang la sgrib na

@102b yang dag kun rdzob 'dod ces pas yang dag pa'i don la sgrib
pas kun rdzob bam sgrib byed du 'dod ces pa ste/ yang log gnyis
kyi nang nas yang dag kun rdzob tu ston pa min no/ /rkang pa
dang pos bstan pa'i kun rdzob dang/ rkang pa phyi ma gnyis kyis
bstan

pa'i kun rdzob gnyis gcig tu mi bya ste/ dang po ni/ rang gis
dngos po rnams skye ba sogs su gang du khas len pa'i kun rdzob
yin la/ phyi ma ni dngos po rnams gang gi ngor bden pa'i bden
'dzin gyi kun rdzob yin pa'i phyir ro/ /kun rdzob bden

'dzin de'i mthus sngon po la sogs pa gang zhig /rang bzhin gyis
grub pa med bzhin du der snang bar bcos pa'i bcos ma sems can
rnams la bden par snang ba de ni/ sngar bshad pa'i 'jig rten gyi
phyin ci log gi kun rdzob pa de'i ngor bden

pas 'jig rten gyi kun rdzob kyi bden pa zhes thub pa des gsungs
te/ gsungs tshul ni sngar gyi mdo der gsungs pa'o/ /gang zag gsum
po gang gi ngor mi bden pa'i rtog pas bcos pas bcos mar gyur
pa'i dngos po ni de'i kun rdzob pa'i ngor mi bden

pas kun rdzob tsam zhes bya'o/ /rten 'byung gzugs brnyan dang
brag cha sogs cung zad cig ni brdzun yang ma rig pa dang ldan pa
rnams la snang la/ sngon po la sogs pa'i gzugs dang sems dang
tshor ba sogs cung zad cig ni bden par snang ste/ chos rnams kyi

yin lugs kyi rang bzhin ni ma rig pa dang ldan pa rnams la rnam
pa thams cad du mi snang ngo/ /de'i phyir rang bzhin de dang
gang zhig kun rdzob tu yang brdzun pa ni kun rdzob kyi bden pa
ma yin no/ /zhes gsungs pa'i don bshad na cung zad cig

@103a @#/ /ces pa ni/ nag tsho'i 'gyur las 'ga' zhig tu bsgyur ba
ltar bde'o/ /gzugs brnyan sogs brdzun yang snang ba ni brdzun
par snang ba yin la/ de ni byad bzhin du snang ba dang des stong
pa gnyis tshogs pa'i brdzun pa yin

pas de'i bden stong ni byad bzhin du bden pas stong pa yin gyi/
gzugs brnyan rang gi mtshan nyid kyis grub pa'i bden stong gi don
med do/ /de'i phyir gzugs brnyan byad bzhin kyis stong par grub
kyang/ gzugs brnyan rang gi mtshan nyid kyis grub par

'dzin pa'i kun rdzob kyi ngor bden pa yin pa la 'gal ba ci yang
med pa'i dngos po yin pas kun rdzob kyi bden pa yin no/ /des na
gzugs brnyan kun rdzob kyi bden pa min par gsungs pa ni/ brda la
byang ba'i 'jig rten gyi kun rdzob kyi ngor byad

bzhin gyi gzugs brnyan lta bu de/ byad bzhin yin pa de brdzun
pas de la ltos pa'i kun rdzob kyi bden pa min pa la dgongs kyi/
mthong ba brdzun pa'i kun rdzob bden par gsungs/ zhes pas bshad
pa'i kun rdzob bden par mi 'jog pa ga la yin/ de

lta ma yin par kun rdzob tu bden par med na kun rdzob bden pa
yin par 'gal na/ rang gi mtshan nyid kyis grub pa tha snyad du
yang med par gsungs pa dang/ bden grub 'gags pa dang bden med
sgrub pa thams cad tha snyad du byed pa'i rnam gzhag

thams cad dang 'gal bar 'gyur ro/ /de'i phyir gzugs brnyan sogs
'jig rten pa'i shes pa rang dga' bas kyang 'phrul par shes pa'i
yul rnams kun rdzob bden pa min gyi kun rdzob tsam mo/ /zhes zer
ba ni bden gnyis kyi grangs nges

@103b dang/ 'jig rten pa la ltos pa'i bden brdzun dang/ dbu ma
pas 'jog pa'i bden brdzun la go ba ma chags pa'i gtam du snang
ngo/ /rang bzhin ni ma rig pa dang ldan pa la thams cad du mi
snang ngo zhes gsungs pa yang/ ma rig pa ma spangs pa'i 'phags

pas de kho na nyid mngon sum du rtogs par bzhed pas na/ ma rig
pas bslad pa'i shes pa la dgongs la/ 'phags pa slob pa'i rjes
thob kyi ye shes dang/ so skye'i de kho na nyid kyi lta ba
rnams/ ma rig pa dang de'i bag chags kyis bslad pa yin pas

mngon sum du mi snang yang/ spyir don dam bden pa snang bar
'dod dgos so/ /de ltar na re zhig srid pa'i yan lag gis bsdus
pas nyon mongs can gyi ma rig pa'i dbang gis/ kun rdzob kyi bden
pa rnam par gzhag go zhes gsungs pas ni/ chos rnams

bden par 'dzin pa'i ma rigs pa gang zag dang chos kyi bdag 'dzin
du grags pa ni yan lag bcu gnyis kyi ma rig par bzhed pas shes
sgrib tu mi bzhed do/ /ma rig pa bden 'dzin de'i dbang gis kun
rdzob kyi bden pa 'jog ces pa ni/ bden

pa kun rdzob pa gang gi ngor 'jog pa'i 'jog tshul ston pa yin
gyi/ kun rdzob bden pa yin pa'i bum snam sogs bden 'dzin des
'jog ces pa min te/ bden 'dzin des bzhag pa ni rang gis tha
snyad du yang mi srid par bzhed pa'i phyir ro/ /des

na kun rdzob kyi bden pa zhes pa'i zur gyi bden pa gang gi ngor
'jog pa'i kun rdzob dang/ bum sogs kun rdzob tu yod par 'jog
pa'i kun rdzob rnams ming mtshungs pas/ don yang gcig tu 'khrul
pa mang du byung snang bas legs par phyed

@104a @#/ /par bya'o/ /'o na bum sogs 'di rnams sangs ma rgyas
pa'i gang zag thams cad kyi kun rdzob kyi ngor bden pa yin nam/
gang zag 'ga' zhig gi kun rdzob kyi ngor mi bden pa yang yod ce
na/ kun rdzob kyi bden par 'jog pa'i

gzugs sgra sogs de yang/ nyan rang dang byang sems nyon mongs
can gyi ma rig pa spangs pa/ 'du byed gzugs brnyan sogs dang
'dra bar gzigs pa rnams la ni/ bcos ma'i rang bzhin yin gyi bden
pa ni ma yin te/ bden par mngon par rlom pa

med pa'i phyir ro/ /zhes gsungs pa'i don bshad na/ gang gi ngor
mi bden pa'i gang zag ni gsum ste/ nyan rang dang byang sems so/
/de yang nyan rang dang byang sems gang yin la mi byed pas khyad
par smos pa ni/ 'dus byas thams cad gzugs brnyan

bzhin du rang bzhin gyis stong yang der snang bar mngon sum du
rtogs pa ni khyad par gcig go /de tsam ni byang sems sa bdun pa
ba man chad dang/ nyan rang 'phags pa slob pa rnams la'ang yod
pas de gcad pa'i phyir du/ gang zag gsum pa la ma rig

pa spangs pa zhes gsungs pas dag pa sa'i byang sems dang/ nyan
rang dgra bcom pa gnyis la bya ste de gsum gyi ngor mi bden
pa'o/ /gang zhig mi bden pa ni de yang zhes pa phyi nang gi chos
rnams so/ /mi bden pa'i rgyu mtshan ni bden par rlom pa ste

bden zhen med pa'i phyir te/ bden 'dzin gyi ma rig pa zad pa'i
phyir ro/ /des na phyi nang gi chos rnams gang zag gsum po de'i
kun rdzob kyi ngor bden par ma grub par sgrub pa yin no/ /de
ltar 'grel pas de rnams kyi ngor kun rdzob bden pa min

@104b par yi ma bsgrubs par bden pa min zhes bsgrubs pa la/ kun
rdzob bden pa min par bsgrubs par 'dzin pa ni/ ha cang yang
blo'i 'jug pa rtsings pas slob dpon gyi dgongs pa rang gi blo'i
dri mas sbags nas 'chad pa'i lugs ngan pa'o/ /de

ltar sgrub pa yang gang zag de gsum la min gyi/ de gsum gyi ngor
bden pa min pa gang zag gzhan bdag cag rnams lta bu la sgrub pa
yin no/ /gang zag de gsum min pa'i 'og ma rnams la ni lhan skyes
kyi bden 'dzin yod pas/ de rnams kyi kun

rdzob gang yin thams cad kyi ngor gang yang bden par ma grub par
sgrub mi nus so/ /sngar bshad pa de lta min par de dag gi ngor
kun rdzob kyi bden pa min pa bsgrub na ni/ shin tu ma 'brel ba'i
sgrub byed du 'gyur te/ blo de'i ngor gzhi de kun rdzob bden

par 'grub pa la gzhi de brdzun par 'grub dgos pas de la bden
zhen med pa rgyu mtshan du 'god pa ni bzhad gang kyi gnas so/
/blo de'i ngor gzhi de kun rdzob bden par 'grub pa la gzhi de
brdzun par 'grub dgos pa'i rgyu mtshan ni/ bum sogs la

kun rdzob bden pa zhes pa'i tshig zur gyi bden pa 'jog pa na blo
dang don gnyis las/ don la bden par mi 'jog par/ bden 'dzin kun
rdzob pa'i ngo bo nyid du bden par gzhag dgos par mthong ba na/
khyad par de ma sbyar na bden par mi 'grub

cing brdzun pa yin par mthong dgos pa'i gnad kyis yin no/ /gnyis
pa ni/ lugs 'di la nyon mongs kyi ngos 'dzin mngon pa gong 'og
nas bshad pa dang mi mthun pa thun mong ma yin pa zhig yod pa de
shes pa gal che bar snang bas de

@105a @#/ /bshad na/ dngos po bden 'dzin la gang zag dang chos la
bden 'dzin gnyis yod la/ de nyid bdag 'dzin gnyis su'ang bzhed
pa ni sngar bshad zin to/ /bden 'dzin de 'jug 'grel dang/ bzhi
brgya pa'i 'grel pa

gnyis kar nyon mongs can gyi ma rig par bshad la/ ma rig pa de
nyan rang dgra bcom gyis spangs pa dang/ bzhi brgya pa'i 'grel
par mi skye ba'i chos la bzod pa thob pa'i byang sems kyis
spangs par bshad do/ /de'i phyir nyon mongs can gyi

ma rig pa ni/ bdag med pa'i de kho na nyid rig pa'i mi mthun
phyogs dang/ de yang rig pa de med pa tsam dang/ de las gzhan pa
tsam la mi byed kyi/ 'gal zla mi mthun phyogs gang zag dang chos
rang bzhin gyis grub par sgro 'dogs pa'o/ /de

ltar byas na chos kyi bdag tu sgro 'dogs pa nyon mongs can gyi
ma rig par 'jog pa dang/ nga dang nga yi ba rang gi mtshan nyid
kyis grub par 'dzin pa gnyis 'jig ltar 'jog pa rnams mngon pa ba
dang mi mthun no/ /mngon pa ba'i lugs

kyis ni mdzod 'grel gyi gnas dgu pa las bshad pa ltar/ gang
zag rang rgya thub pa'i rdzas su yod par 'dzin pa 'jig lta ngar
'dzin dang/ bdag gi ba rnams gang zag rdzas yod de'i dbang
bsgyur byar 'dzin pa ni/ 'jig lta bdag

gir 'dzin par 'jog pa yin te ches mi mthun no/ /gang zag rang
rgya thub pa'i rdzas yod du 'dzin pa ni grub mthas blo ma bsgyur
ba la yang yod mod kyang/ gang zag phung po dang mtshan nyid mi
mthun pa'i gzhan du yod par 'dzin pa ni grub

@105b mthas blo ma bsgyur ba la med do/ /de ltar na mthar 'dzin
par lta ba yang gnyis so/ /gal te gang zag dang chos rang gi
mtshan nyid kyis grub pa yod par 'dod pa'i phyogs la/ de ltar
'dzin pa de rnams nyon mongs can gyi ma rig pa dang/ bdag 'dzin

gnyis su ji ltar sgrub ce na/ gang zag dang chos rang bzhin gyis
grub pa ni/ de 'gog pa'i rigs pa rnams kyis khegs par 'gyur
zhing/ de'i tshe de ltar 'dzin pa de zhen yul la 'khrul pa'i bden
'dzin du 'grub la/ de grub na gang zag dang chos gnyis

bden grub tu 'dzin pa bdag 'dzin gnyis su 'grub bo/ /de rnams
grub na bden 'dzin de de kho na nyid kyi don rig pa'i 'gal ba mi
mthun phyogs su 'grub pas/ ma rig par 'grub cing/ de ma zad par
du 'jig lta yang mi 'dzad par sgrub nus pas/ nyon

mongs can gyi ma rig par 'grub pas nyon mongs kyi rnam gzhag
thun mong ma yin pa 'jog shes pa shin tu gal che'o/ /'dod chags
la sogs pa nyon mongs gzhan rnams kyang bden 'dzin gyi gti mug
las 'jug tshul ni/ bzhi brgya pa las/ lus

la lus dbang ji bzhin du/ /gti mug kun la gnas 'gyur te/ zhes
pa'i 'grel pa las/ gti mug ni de rnams ji ltar bden par rtogs pa
las rmongs pa nyid kyi phyir/ dngos po bden pa'i rang gi ngo bor
lhag par sgro 'dogs par rab tu 'jug go /'dod chags

la sogs pa dag kyang gti mug gis kun tu brtags pa'i dngos po'i
rang bzhin kho na la/ sdug pa dang mi sdug pa la sogs pa'i khyad
par sgro 'dogs par 'jug pa nyid kyi phyir/ gti mug las tha mi
dad par 'jug par 'gyur zhing/ gti mug la brten

@106a @#/ /par yang 'gyur te/ gti mug gtso bo nyid kyi phyir ro/
/zhes gsungs pa ltar bshad na/ 'jug go zhes pa yan gyis gti mug
bden 'dzin du ston no/ /chags sogs rnams gti mug las tha mi dad
par 'jug pa ni/ gti mug dang mtshungs

ldan du 'jug gi de dang bral bar mi 'jug pa'o/ /de'i rgyu mtshan
ni chags sogs nas 'jug pa nyid kyi phyir zhes pa yin no/ /de la
yul la yid du 'ong mi 'ong gi khyad par sgro 'dogs pa ni chags
sdang gnyis skye ba'i rgyu tshul min yid byed yin pas/ chags

sdang gnyis kyi 'dzin stangs ston pa min no/ /des na gti mug gis
kun brtags pa kho na la zhes sogs ni/ rang bzhin gyis grub pa
kho na'i yid du 'ong mi 'ong sgro btags pa la brten nas chags
sdang gnyis 'jug pa'i phyir zhes pa'o/ /gti mug gis

btags pa'i bden grub kho na chags sogs kyi dmigs rnam gnyis kyi
nang nas dmigs par ston pa min te/ bdag 'dzin lhan skyes gnyis
ka'i dmigs rnam gnyis kyi dmigs pa gzhi grub pa yin la/ chags
sogs kyang gti mug dang mtshungs

ldan yin pas dmigs pa mtshungs pa'i phyir ro/ /tshul min yid byed
de gnyis kyis drangs pa'i yul la 'dod pa'i rnam pa can dang/ mi
'dod pa rgyab kyis phyogs pa'i rnam pa can ni/ chags pa dang
sdang bar 'gyur bas/ gang zag rang skye thub pa'i

rdzas yod du 'dzin pas drangs pa'i 'dod mi 'dod kyi rnam pa can
tsam zhig /'dod chags dang zhe sdang du 'jog pa min pa'i phyir/
chags sdang gnyis kyang 'jog tshul mi 'dra'o/ /gti mug la brten
par yang 'gyur te zhes pa ni/ rang gi mtshan nyid

@106b kyis grub par 'dzin pa'i gti mug sngon du song bas chags
sogs 'dren pa'i don no/ /lus la lus dbang zhes pa'i dpe ni/
dbang po gzhan bzhi la lus dbang zur du bzhag pa'i rten med pa
bzhin du/ nyon mongs gzhan thams cad kyang gti mug la brten

nas 'jug cing/ de dang mi 'bral bar 'jug pa'i don no/ /des na
gti mug bcom pa nyid kyis nyon mongs thams cad 'joms par 'gyur
bas/ 'di'i gnyen po rten 'byung rang bzhin gyis grub pas stong
pa'i gtam nyid la gus par bya bar gsungs so/ /dngos

po bden 'dzin 'di ni 'khor ba'i rtsa ba'i ma rig par yang stong
nyid bdun cu pa las gsungs shing/ rigs pa drug cu pa las kyang/
gang yang rung ba'i gnas rnyed na/ /nyon mongs sbrul gdug g.yo
can gyis/ /zin par 'gyur ro gang gi sems/ /gnas

med de dag zin mi 'gyur/ zhes bden 'dzin gyi dmigs gtad gang
yang rung ba'i gnas shig rnyed na/ nyon mongs pa'i sbrul gyis
'dzin par gsungs shing/ yang de nyid kyi mjug thogs su/ gnas
dang bcas pa'i sems ldan la/ /nyon mongs

dug chen ces mi 'byung/ /zhes gsungs pas 'di ni 'phags pa'i
bzhed pa dam pa'o/ /rkang pa phyi ma gnyis kyi mtshams sbyor du/
gang dag gzugs la sogs pa rnams kyi rang bzhin dmigs kyang/ nyon
mongs pa rnams spong bar 'dod pa de dag la

ni/ nyon mongs pa spong ba mi srid pa nyid do zhes bsten pa'i
phyir gsungs pa zhes dang/ phyi 'grel las kyang/ dngos por dmigs
pa yin na ni 'dod chags la sogs pa'i nyon mongs pa rab 'byams
nges bar bzlog tu med pa rnams 'byung

@107a @#/ /ngo/ /ji ltar zhe na/ re zhig gal te dngos po de yid
dang mthun pa yin na ni/ de'i tshe de la rjes su chags pa bzlog
par dka'o/ /ci ste mi mthun na ni de'i tshe de la khong khro nga
dang tshig pa za ba bzlog par dka'o/ /zhes

gsungs shing/ yul de yid du 'ong mi 'ong gang yang min pa zhig
na'ang ma rig pa skye bar 'grel pa las gsungs te/ yul de rang gi
mtshan nyid kyis grub par 'dzin pa zhig rgyud la 'jug bzhin pa na/
yang na 'dod chags/ yang na zhe sdang skye de gnyis

min na'ang gti mug gi rigs 'dra 'jug par bzhed la/ spyod 'jug
las kyang/ dmigs pa dang ni bcas pa'i sems/ /'ga' zhig la ni
gnas par 'gyur/ /stong pa nyid dang bral ba'i sems/ /'gags pa
slar yang skye 'gyur te/ /'du shes med pa'i

snyoms 'jug bzhin/ /zhes gsungs te phyogs 'di la slob dpon 'di
gnyis dang sangs rgyas bskyangs gsum 'phags pa'i dgongs pa 'grel
pa la khyad par med do/ /'di'i gnad kyis mi rtag sogs bcu drug
gi lam tsam gyis mya ngan las 'da'

bar bshad pa ni dgongs pa can yin la/ lam de'i dbang du byas
pa'i nyon mongs kyi ngos 'dzin rnams kyang lhag ma dang bcas pa
yin no/ /de dag la brten nas nga rgyal sogs kyang shes par nus
la/ thun mong ma yin pa'i ma rig pa dang 'jig lta

dang mthar lta la yang kun brtags dang lhan skyes gnyis ka shes
par bya ste tshig mangs su dogs nas ma bris so/ /de bzhin du chos
rnams bden grub tu 'dzin pa'i rnam rtog la sgom spang che 'bring
dgur byas nas/ gnyen po sgom lam

@107b dgu dang sbyor ba yang/ gzung 'dzin rdzas tha dad du 'dzin
pa'i rnam rtog la sgom spang che 'bring dgur byas nas/ sgom lam
dgu dang spang gnyen du sbyor bar bshad pa bzhin du/ re zhig la
chos kyi bdag med phra rags gnyis ka rdzogs par rtogs mi nus
pa'i

gdul bya 'ga' zhig gi ngor gsungs pa'i drang pa'i don du shes
par bya'o/ /gnyis pa ni/ dngos po 'di dag kyang byis pa rnams la
ni rang bzhin med bzhin du der snang bas slu bar byed la/ de dag
las gzhan sngar bshad pa'i gang zag gsum la ni/ bcos

mar gyur pa'i dngos po'i rten cing 'brel par 'byung ba nyid kyis
ni kun rdzob tsam du 'gyur gyi bden par mi 'gyur ro/ /de yang
shes sgrib kyi mtshan nyid can gyi nyon mongs can ma yin pa'i ma
rig pa tsam kun tu spyod pa'i phyir/ ma rig pa dang de'i bag
chags

kyis bslad pa'i snang ba dang bcas pa'i spyod yul can gyi rjes
thob la gnas pa'i 'phags pa rnams la snang gi /'phags pa snang
ba med pa'i spyod yul mnga' ba mnyam gzhag la gnas pa rnams la
ni snang ba min no/ /'o na lugs 'dis shes sgrib

gang la byed ce na/ 'jug 'grel las/ de la ma rig pa'i bag chags
ni shes bya yongs su gcod pa'i gegs su gyur pa yin la/ 'dod
chags la sogs pa'i bag chags yod pa ni lus dang ngag dag gi 'jug
pa de lta bu'i rgyu yang yin te/ ma rig

pa dang 'dod chags la sogs pa'i bag chags de yang rnam pa thams
cad mkhyen pa dang/ sangs rgyas kho na la ldog par 'gyur gyi/
gzhan dag la ni ma yin no/ /zhes gsungs pa ltar te/ lus dang
ngag gi 'jug pa ni dgra bcom pa la yod

@108a @#/ /pa spre'u ltar mchong ba dang/ gzhan la rmangs mo zhes
zer ba'i lus ngag gi gnas ngan len ston pas bkag kyang ma log pa
lta bu yin no/ /yang zhes pas chags sogs kyi bag chags shes bya
gcod pa'i gegs su yang

bstan pas/ nyon mongs pa'i bag chags rnams shes sgrib yin te/
de'i 'bras bu gnyis snang 'khrul pa'i cha thams cad kyang der
bsdu'o/ /nyon mongs kyi sa bon la bag chags su bzhag pa cig
dang/ nyon mongs kyi sa bon min pa'i bag chags gnyis

las shes sgrib tu 'jog pa ni phyi ma ste/ nyon mongs kyi sa bon
thams cad zad pas bden 'dzin mi skye yang/ bag chags kyis bslad
pas snang yul la 'khrul pa'i blo skyed pa'o/ /sangs ma rgyas
pa'i 'phags pa rnams kyis ni shes sgrib kyi ma rig

pa ma spangs pas/ rjes thob kyi snang bcas kyi rtog pa dang/
mnyam gzhag tu snang med du 'gyur ba'i res 'jog yod la/ sangs
rgyas rnams kyis ni chos thams cad kyi don dam pa dang kun rdzob
pa'i rnam pa mngon par te mngon du gyur par rdzogs par

te ma lus par/ /byang chub pa ste rtogs pa'i phyir sems dang
sems byung gi rnam rtog gi rgyu ba thams cad gtan log pas/ mnyam
gzhag dang rjes thob kyi snang ba'i rtog pa yod med res 'jog pa
med do/ /gtan zhes pa'i tshig gis 'phags pa

gzhan la mnyam gzhag tu log pa ni res 'ga' bar ston la/ de'i
phyir mnyam rjes res 'jog pa yod do/ /des na shes sgrib kyi ma
rig pa spyod pa'i phyir/ zhes pa ni snang ba yod pa'i rgyu mtshan
min gyi/ mnyam rjes su snang ba yod med res

@108b 'jog tu 'byung ba'i sgrub byed do/ /sems dang sems byung
gi rgyu ba ni rnam rtog la bzhed pa yin te/ tshig gsal las/ rnam
par rtog pa ni sems kyi rgyu ba yin na de dang bral ba'i phyir/
de kho na nyid de ni rnam par rtog pa med ba yin no/ /ji skad du
mdo las/

don dam pa'i bden pa gang zhe na/ gang la sems kyi rgyu ba yang
med na/ yi ge rnams lta smos kyang ci dgos zhes gsungs so/ /zhes
bshad do/ /gsum pa ni/ de la so so'i skye bo rnams kyi don dam
pa gang yin pa de nyid de/ 'phags pa snang ba dang bcas

pa'i spyod yul can rnams kyi kun rdzob tsam yin la/ de'i rang
bzhin stong pa nyid gang yin pa de ni de rnams kyi don dam pa'o/
/zhes gsungs pa'i snga ma'i don ni/ so skyes don dam par grub
par bzung ba'i bum sogs de nyid/ /sngar bshad pa'i 'phags pa

gsum mnyam gzhag las langs pa'i rjes thob snang ba can rnams kyi
kun rdzob tsam yin par bstan pas/ de rnams kyi ngor bden pa tsam
gcod kyi kun rdzob bden pa yin pa mi gcod cing/ so skyes bum
sogs la don dam du grub par 'dzin pa'i zhen

yul 'phags pa la kun rdzob tu 'gyur bar ston pa min te de mi
srid pa'i phyir ro/ /gzhung phyi ma'i don ni rten 'brel kun
rdzob pa'i rang bzhin chos nyid 'phags pa rnams kyi don dam par
ston pas bum pa la sogs pa'i gzhi gcig nyid/ so skye la

ltos nas kun rdzob dang/ 'phags pa la ltos nas don dam mo/ /zhes
gzhung las phyin ci log tu bzlog ste smra ba ni/ blo gang gi
ngor kun rdzob bden par song ba de'i ngor bden pa khegs dgos pa
ma shes pa'i gtam mo/ /sangs rgyas rnams kyi don

@109a @#/ /dam pa ni rang bzhin nyid yin zhing/ de yang slu ba
med pa nyid kyis don dam pa'i bden pa yin la/ de ni de rnams
kyis so so rang gis rig par bya ba yin no/ /zhes gsungs so/
/rang bzhin nyid yin zhing zhes pa'i nyid kyi

sgra ni nges gzung yin la/ des gang gcod pa ni 'phags pa gzhan
rnams kyi don dam bden pa ni mnyam gzhag tu snang med kyi rang
bzhin dang/ rjes thob tu snang bcas kyi rang bzhin du 'jog pa
lta bu'i res 'jog min par/ dus rtag tu rang bzhin la

mnyam par bzhag pa'i chos nyid yin zhes pa'o/ /de yang zhes sogs
kyi don ni don dam bden pa'i bden pa de bden grub ma yin par
bstan par bzhed nas/ de kho na nyid gzigs pa'i ngor slu ba med
par gnas pa bden pa'i don du bshad do/ /gnyis

pa la gnyis/ rtsa ba'i tshig don bshad pa dang/ de la rtsod pa
spang ba'o/ /dang po ni/ de ni don dam pa'i bden pa bstan par
'dod pas/ don dam bden pa de ni sgras brjod du med pa'i phyir
dang/ sgra de'i rjes su 'brang ba'i shes pa'i yul ma yin pa nyid
kyi

phyir/ dngos su bstan par mi nus pas nyan 'dod pa rnams la de'i
rang bzhin gsal bar bya ba'i phyir du so skye rang gis myong
ba'i dpe bshad pa/ zhes gsungs pa'i shes brjod kyi yul min pa'i
don ni dngos su bstan par mi nus pas zhes gsungs

pa ltar te/ de yang nag tsho'i 'gyur las mngon sum du bstan par
mi nus zhes 'byung ba'o/ /de'i don ni de kho na nyid kyi don
gzhan las shes par bya ba min par gsungs pa'i 'grel pa tshig gsal
las/ ji ltar rab rib can dag gis skra shad la

@109b sogs pa'i ngo bo phyin ci log pa mthong ba na/ rab rib med
pas bstan du zin kyang/ rab rib med pa ltar skra shad la sogs pa
rang gi ngo bo ma mthong ba'i tshul gyis/ rtogs par bya ba ji
ltar gnas pa bzhin rtogs par mi nus kyi/ zhes rab rib can la rab

rib med pas skra shad med de zhes bstan kyang/ rab rib med pas
mthong ba 'dra ba'i skra shad med pa mi rtogs par gsungs pas/
nyan pa pos de ltar ma rtogs kyang skra shad med pa mi rtogs pa
min no/ /de dper byas nas de kho na nyid bstan pa nam

rig pa'i rab rib kyi bslad pa dang bral bas mthong ba 'dra ba
zhig mi rtogs kyang/ spyir de kho na nyid mi rtogs pa min par
bzhed pas na/ don dam bden pa ni zab mo'i don can gyi nges don
gyi lung dang/ de ltar ston pa'i ngag gis brjod mi nus pa dang/
de'i

rjes su 'brang ba'i blos kyang rtogs mi nus pa min te/ de kho na
nyid kyi don shes brjod kyi yul min par gsungs pa thams cad la
yang de bzhin du shes par bya'o/ /mig rab rib kyis bslad pa'i
mthu yis rab rib can gyis rang gi lag gi bse ru la sogs

pa'i bza' btung gi snod kyi nang du/ skra shad dang la sogs pas
sbrang ma la sogs pa mthong ba na/ skra shad dang sbrang ma sogs
yin par ngo bo log pa gang zhig rnam par brtags pa na/ de bsal
bar 'dod nas snod de la yang dang yang du bsgre bzlog byed pa'i

tshegs thob par rig ste/ mig dag pa'i rab rib med pas de'i gan du
phyin nas/ skra shad sogs de dag nyid kyi bdag nyid gzhi gang du
mthong ba der mig gtad kyang skra shad kyi rnam pa de dag ma
dmigs shing/ skra shad de'i rten can te khyad par gyi chos gang

@110a @#/ /yang rtog par mi byed do/ /yang gang gi tshe rab rib
can gyis rab rib med pa la/ skra shad mthong ngo zhes rang gi
bsam pa ston par byed pa de'i tshe/ rab rib can gyi rnam rtog
bsal bar 'dod pas de'i ngor byas nas/ 'di ni skra

shad med do zhes dgag pa lhur byed pa'i tshig smra mod kyang/
smra ba po 'di la skra shad la skur pa 'debs pa med do/ /rab rib
can gyis mthong ba'i skra shad kyi de kho na nyid ni/ rab rib
med pas mthong ba de yin gyi/ rab rib can gyis mthong ba de min
no/ /dpe

gnyis po de bzhin du don gyi skabs 'dir shes par gyis shig /shes
par byed tshul ni/ ma rig pa'i rab rib kyis gnod pa byas pa ste
blo bslad pas de kho na nyid ma mthong ba rnams kyis/ phung po
dang khams dang skye mched la sogs pa'i rang gi ngo bo dmigs

pa ni/ phung sogs de dag gi ngo bo kun rdzob pa ste rab rib can
gyis skra shad dmigs pa lta bu'o/ /phung po la sogs pa de nyid
ma mthong bas dmigs pa de dag nyid/ ma rig pa'i bag chags shes
sgrib dang bral ba'i sangs rgyas rnams kyis/ rab

rib can ma yin pa'i mig gis skra shad ma mthong ba'i tshul du/
phung sogs kyi rang bzhin gang du gzigs pa'i yul de ni sangs
rgyas de rnams kyi don dam pa'i bden pa'o/ /gnyis pa ni/ gal te
rab rib med pa'i mig gis skra shad du snang ba

tsam yang ma mthong ba bzhin du/ sangs rgyas kyis ma rig pas
bslad pa'i blo la snang ba'i phung sogs kun rdzob pa ma gzigs
na/ de rnams med par 'gyur te/ yod na ni sangs rgyas kyis gzigs
dgos pa'i phyir ro/ /phung sogs kun

@110b rdzob pa rnams med na ni sangs rgyas thob pa yang med par
'gyur te/ dang por sems bskyed ba'i gang zag ni ma rig pas bslad
pa can yin pa'i phyir ro zhe na/ skyon 'di med tshul bshad na/
sangs rgyas kyi ye shes kyis shes bya mkhyen tshul ni gnyis

te/ don dam bden pa'i shes bya thams cad mkhyen tshul dang/ kun
rdzob bden pa'i shes bya thams cad mkhyen tshul lo/ /de la dang
po ni/ phung po la sogs pa kun rdzob pa'i snang ba rnams ma
gzigs pa'i tshul gyis/ de rnams kyi de kho na nyid mkhyen

pa'o/ /gnyis pa ni/ mi snang yang rtogs pa'i shugs rtogs sangs
rgyas la gzhag tu mi rung ba'i phyir/ snang nas mkhyen dgos pas
ji snyed pa mkhyen pa'i ye shes de'i ngor/ yul dang yul can
gnyis su snang ba'i tshul gyis mkhyen pa'o/ /sangs

rgyas kyi ji snyed pa mkhyen pa de ma rig pa'i bag chags kyis
bslad nas phung sogs snang ba min kyang/ gang zag gzhan gyi shes
pa ma rig pas bslad pa la snang ba sangs rgyas la snang dgos te/
snang ba de med par mi rung la kun rdzob de yod na ji snyed pa

mkhyen pas dmigs dgos pa'i phyir ro/ /rab rib dang bral ba'i mig
shes la/ rab rib can la snang ba'i skra shad du snang ba med
kyang/ snang ba de med mi dgos pas sangs rgyas dang mi 'dra'o/
/gnyis snang 'khrul pa'i bag chags ma zad kyi bar du ji

lta ba dang/ ji snyed pa mngon sum du 'jal ba gnyis ngo bo gcig
tu skye mi nus pas/ mnyam rjes res 'jog tu 'jal dgos pas ye shes
skad cig ma gcig gi steng nas de gnyis 'jal ba mi 'ong ngo/
/'khrul pa'i bag chags ma lus pa spangs

@111a @#/ /pa na/ ye shes skad cig ma re re'i steng du yang ye
shes gnyis ngo bo gcig tu skye ba rgyun mi chad pas/ dus gcig tu
shes bya gnyis mngon sum du 'jal mi 'jal gyi res 'jog mi dgos
so/ /des na/

mkhyen pa'i skad cig gcig gis kyang/ /shes bya'i dkyil 'khor kun
khyab can/ /zhes gsungs pa yang mi 'gal lo/ /ye shes gnyis ngo
bo gcig yin kyang yul gnyis la ltos pa'i mkhyen tshul mi 'dra ba
gnyis 'ong ba la 'gal ba cung

zad kyang med pa ni/ sangs rgyas bcom ldan 'das nyag gcig gi
khyad chos su 'dug pa la/ de kho na nyid kyi mkhyen tshul gcig pu
sangs rgyas kyi mkhyen tshul du byas nas/ ji snyed pa mkhyen pa
sangs rgyas kyi thugs rgyud la med par gdul bya'i rgyud

kyis bsdus zhes/ sangs rgyas kyi ji snyed pa mkhyen pa la skur
pa 'debs pa dang/ kha cig ji lta ba mkhyen pa yang sangs rgyas
kyi thugs rgyud la med ces ye shes gnyis ka la skur ba 'debs par
snang ngo/ /'di'i lhag ma 'ga' zhig 'bras bu'i

skabs su bshad par bya'o/ /gal te gnyis snang thams cad nub pa
rnam pa de lta bu'i rang bzhin ni mthong ba med pa ma yin nam/
des na ji ltar sangs rgyas de dag gis don dam bden pa gzigs she
na/ de kho na nyid kyi gzigs ngor gnyis snang

nub pas gnyis kyi tshul gyis mi gzigs pa ni bden mod kyi/ 'on
kyang ma gzigs pa'i tshul gyis de dag gis gzigs so zhes brjod do/
/'di rtsod pa'i lan du 'gro tshul ni/ ji lta ba mkhyen pa'i ye
shes des phung sogs kyi de kho na nyid mngon

@111b sum du gzigs pa'i phyir dang/ phung sogs rnams gzigs ngo
der ma grub pa de dag gi de kho na nyid yin pa'i phyir dang/
phung sogs ma gzigs pa'i tshul gyis de dag gi de kho na nyid
gzigs dgos pa'i phyir te/ rang 'grel las/ dngos po byas pa can

la ma reg par rang bzhin 'ba' zhig mngon sum du mdzad pas/ de
nyid thugs su chud pa'i phyir sangs rgyas zhes brjod do/ /zhes
sangs rgyas kyi don dam mkhyen pa'i ye shes kyis chos can la ma
reg par chos nyid 'ba' zhig thugs su chud par gsungs

te phung sogs ma gzigs pa'i tshul gyis de dag gi de kho na nyid
gzigs par gsungs pa dang don gcig go / mthong ba med pa ni
mthong ba dam pa'o zhes gsungs pa'i don yang/ ci yang mi mthong
ba mthong bar mi bzhed kyi/ /sngar bshad pa ltar spros pa ma

mthong ba ni spros bral mthong bar 'jog pas/ mthong ma mthong
gzhi gcig la byed pa min no/ /de ltar yang sdud pa las/ gzugs
rnams mi mthong tshor ba dag kyang mi mthong zhing/ /'du shes
mthong ba med la sems pa mi mthong zhing/ /gang la rnam

par shes dang sems yid mthong med pa/ /'di ni chos mthong yin
zhes de bzhin gshegs pas bstan/ /nam mkha' mthong zhes sems can
tshig tu rab brjod pa/ /nam mkha' ji ltar mthong ste des 'di
brtag par gyis/ /de ltar chos mthong ba yang

de bzhin gshegs pas bstan/ /mthong ba dpe gzhan gyis ni bsnyad
par nus ma yin/ /zhes mi mthong ba phung po lnga dang/ mthong ba
ni chos zhes gsungs la/ de ni de kho na nyid kyi don te/ sus
rten 'brel mthong ba des chos mthong ngo zhes

@112a @#/ /gsungs pa bzhin no/ /de yang dper na nam mkha' ni
thogs pa'i reg bya bcad tsam yin la/ de mthong ngam rtogs pa ni
dgag bya sgrib thogs yod na dmigs su rung ba las ma mthong ba la
byed pa dang 'dra ste/ der yang

mthong ba'i nam mkha' dang ma mthong ba ni sgrib thogs so/ /dpe
de bzhin du mthong ba min par sngon po mthong ba bzhin du de kho
na nyid mthong ba ni rkang pa tha mas bkag go /ma gzigs pa'i
tshul gyis gzigs pa'i shes byed du bden pa gnyis la 'jug pa

las/ lha'i bu gal te don dam par na don dam pa'i bden pa lus
dang ngag dang/ yid kyi yul gyi rang bzhin du 'gyur na ni de don
dam pa'i bden pa zhes bya ba'i grangs su mi 'gro ste/ kun rdzob
kyi bden pa nyid du 'gyur ro/ /'on kyang lha'i bu don dam par na
don dam pa'i

bden pa ni tha snyad thams cad las 'das pa/ /bye brag med pa ma
skyes pa ma 'gags pa/ smra bar bya ba dang smra ba dang/ shes
par bya ba dang/ shes pa dang bral ba'o/ /zhes gsungs pa drangs
pa'i mdo snga ma'i don ni/ don dam pa gzigs pa'i ngor don

dam bden pa de/ phung sogs kun rdzob pa ma mthong ba'i tshul gyis
gzigs pa min par/ phung sogs lus kyi dang ngag gi spyod yul
dang/ yid kyi yul du 'gyur ba ltar yul du 'gyur na ni/ de kho na
nyid mngon sum du gzigs pa'i ngor spros pa dang

ma bral bas/ don dam bden par mi 'gyur gyi kun rdzob kyi spros
par 'gyur ro zhes pa ste/ de ltar byas na ma gzigs pa'i tshul
gyis gzigs pa'i shes byed du 'gro'o/ /mdo gnyis pa'i don ni don
dam pa mngon sum du gzigs pa'i ngor ni/ don dam

@112b bden pa bye brag med pa ni khyad par mi 'dra ba mang po
med pa'o/ /gzhan gsum ni go sla'o/ /gzigs ngo der smra ba'i bya
byed dang bral ba ni sla'o/ /de kho na nyid mngon sum du gzigs
pa'i ye shes de don dam shes pa dang/ don dam bden pa de'i shes
byar 'jog

thub kyang/ ye shes de'i ngor bya byed de gnyis dang bral ba mi
'gal ba ni/ bya byed gnyis ni tha snyad pa'i blo kho na'i ngor
'jog pa'i phyir te/ dper na rigs shes rjes dpag yul can dang/
don dam bden pa yul du 'jog nus kyang/ yul dang yul can

gyi bya byed gnyis rigs ngor ma 'jog pa bzhin no/ /de nas lha'i
bu don dam pa'i bden pa ni rnam pa thams cad kyi mchog dang ldan
pa thams cad mkhyen pa'i ye shes kyi yul gyi bar las 'das pa yin
te/ ji ltar don dam pa'i bden pa'o zhes brjod

pa ltar ni ma yin no/ /chos thams cad ni brdzun te slu ba'i chos
so/ /zhes drangs pa'i don ni/ yin te'i bar gyis don dam bden pa
thams cad mkhyen pa'i ye shes kyi yul las 'das par bstan pa de'i
yul las 'das tshul/ ji ltar nas ma yin

no'i bar gyis ston te/ ji ltar 'di don dam pa'i bden pa'o zhes
brjod pa na sgra de'i rjes 'brang gi rtog pa la/ yul yul can so
so ba gnyis su chad par snang ba ltar thams cad mkhyen pa'i ji
lta ba mkhyen pa de la de ltar snang ba'i tshul gyis de'i yul

las 'das pa ste/ gnyis snang gi chos thams cad ni brdzun pa slu
ba'i chos yin pas/ de kho na nyid kyi mi slu ba 'ba' zhig gzigs
pa'i ngor de med ces pa'o/ /de rnams thams cad de kho na nyid
mngon sum du gzigs pa'i ngor phung sogs kun rdzob

@113a @#/ /pa mi snang ba'i khungs so/ /de'i phyir de kho na nyid
mngon sum du gzigs pa'i ngor/ dngos po dang dngos po med pa la
sogs pa'i gnyis chos kyi spros pa thams cad srid pa ma yin te/
spros pa de dag gi rang gi ngo bo der ma

dmigs pa'i phyir ro/ /de ltar na de kho na nyid bsam pa la dngos
su na 'phags pa rnams kho na tshad ma yin gyi/ 'phags pa ma yin
pa ni dngos su tshad ma ma yin pas/ gzhan skye 'phags pa'i don
dam gyi gzigs ngor bkag pa la 'jig rten

gyis gnod pa ma yin no/ /bzhi pa ni/ ci ste gzhan skye don dam
par bkag pa la 'jig rten gyi gnod pa brjod par 'dod pas/ de kho
na nyid rnam par dpyod pa'i skabs su de kho na nyid la 'jig rten
gyi mthong ba yang tshad mar khas len na de lta yin dang

gal te 'jig rten gyi mthong ba de kho na nyid la tshad ma yin na
ni/ 'jig rten rang dga' bas de kho na nyid mngon sum du mthong
ba ste rtogs pa'i phyir dang/ de yang 'khor ba thog ma med pa
nas yin pas/ ma rig pa spangs par khas blang dgos pas de

kho na nyid mngon sum du rtogs pa la 'phags pa gzhan gyis ci
zhig dgos te mi dgos la/ 'phags pa'i lam tshol ba yis kyang ci
zhig bya ste dgos pa med do/ /'jig rten rang dga' ba'i blun po
ni/ de kho na nyid la tshad mar rigs pa'ang ma yin

no/ /de'i phyir de kho na nyid la dpyod pa'i skabs su de kho na
nyid la rnam pa kun te thams cad du 'jig rten gyi mthong ba tshad
ma min pa de yi phyir/ de kho na nyid kyi skabs su 'jig rten gyi
gnod pa med do/ /rnam kun 'jig rten tshad min zhes pas

@113b lugs 'dis tshad ma gtan mi 'dod par ston pas/ lugs de yang
dag pa ma yin no zhes smra ba dang/ kha cig lugs de legs so zhes
smra ba gnyis kas kyang slob dpon 'di'i bzhed pa ma rtogs bzhin
du smras pas/ rang gi de nyid ston pa tsam du

zad de/ 'jig rten gyi mthong ba de kho na nyid la rnam pa kun tu
tshad ma min par bstan pa la/ spyir tshad ma mi bzhed par go 'dug
pa'i phyir ro/ /tshad ma dang gzhal bya yang tshig gsal las gsungs
pa ltar ngo bo nyid kyis grub pa bkag nas/ ltos

'jog gi tshad ma dang gzhal bya 'jog par bshad pa lta bur byed
dgos te 'og tu 'chad par 'gyur ro/ /lnga pa ni/ 'o na ji ltar
'jig rten gyis gnod par 'gyur zhe na/ 'jig rten nyid las grags
shing grub pa'i don ni/ 'jig rten gyi grags pa nyid

kyis gal te sel na/ gang zag de la 'jig rten gyis gnod par 'gyur
ro/ /de ni dper na kha cig gis nga'i rdzas phrogs so zhes smras
pa dang/ gang zag gzhan cig gis de la dris pa rdzas de ci zhig
yin/ des bum pa'o zhes smras pa la/ gzhan des bum

pa ni rdzas ma yin te/ gzhal bya yin pa'i phyir rmi lam gyi bum
pa bzhin no/ /zhes sun 'byin pa de lta bu la sogs pa'i yul la
'jig rten gyis gnod kyi/ gang gi tshe 'phags pa'i don dam gyi
gzigs pa la brten te/ skye bo don dam la mkhas

pa tshad mar byas nas de kho na nyid brtan la 'bebs pa de'i tshe/
'jig rten gyi gnod pa yod pa ma yin no/ /mkhas pas phyogs 'dis
gzhan yang dpyad par bya'o zhes gsungs pa ni/ nga ni bum pa'i
bdag po dang lhas byin ni 'phrog mkhan ma yin

@114a @#/ /te/ zhes pa dang/ nga'i zhing steng du skyes so byas
pa na ci zhig skyes zhes 'dri ba la myu gu'o zhes byas pa na/
myu gu ni skye ba med de gzhal bya yin pa'i phyir zhes pa dang/
rmi lam gyi gang zag dang myu gu bzhin zhes smra ba da lta dbu

ma'i rigs pa chen por 'dod pa rnams la 'jig rten gyis gnod par
bstan no/ /gnyis pa ni/ de ltar 'jig rten gyi grags pa'i ngor
gzhan skye khas blangs nas kyang 'jig rten gyi gnod pa spangs
te/ da ni 'jig rten gyi mthong ba la yang gzhan skye

med pas 'jig rten gyi lta ba la gnas nas kyang gzhan skye dgag
par 'dod pa la 'jig rten gyi gnod pa med do/ /zhes bstan pa'i
phyir bshad pa/ rgyu mtshan gang gi phyir 'jig rten pa rnams
pho'i dbang po can 'ga' zhig ston pa na/ bu 'di bdag

gis bskyed ces smra bar byed la/ de ltar byed kyang pha 'dis
pho'i dbang po can zhig rang gi lus las bton nas/ bu de'i ma'i
khong du 'jug pa ni ma yin no/ /'o na ci zhe na/ bu de'i lus kyi
sa bon du gyur pa'i mi gtsang ba tsam zhig ma de'i mngal du

btab pa ste ldugs pa'o/ /gang gi phyir pha 'di bu de'i lus kyi
rgyu blugs nas rang gi bu ston par byed pa de'i phyir/ sa bon
dang bu gnyis rang gi mtshan nyid kyis grub pa'i gzhan du 'dzin
pa ma yin no/ /zhes bya bar 'jig rten du gsal bar nges

so/ /de'i phyir sa bon gyi mi gtsang ba dang bu gnyis dang/ nas
kyi sa bon dang myu gu gnyis la sogs pa la gzhan las skye bar
'dzin pa 'jig rten las kyang med do/ /gal te rang gi ngo bo nyid
kyis grub pa'i gzhan du 'dzin na ni/ gang zag gzhan

@114b ltar bu de bstan nas 'di ngas bskyed do zhes ston par mi
'gyur ro/ /de bzhin du shing sdong po'i sa bon tsam btab nas de
las shing sdong skyes pa na/ shing sdong 'di ngas btsugs so
snyam du rtog pa des na/ 'jig rten gyi ngor gzhan skye med pa
sogs snga ma

bzhin du sbyar ro/ /btab pa'i sa bon gnyis shing sdong dang bu ma
yin kyang/ de gnyis btab pa la brten nas shing sdong dang bu
skyes pa na/ de gnyis bstan nas 'di bdag gis bskyed ces 'jog nus
te/ na ba dang sos pa'i lag pa gang zag de ma yin

kyang/ lag pa na ba dang sos pas gang zag de na ba dang sos par
'jog nus pa bzhin no/ /de ltar 'jig rten gyi tha snyad la gzhan
skye med kyang/ gzhan skye yod pa 'jig rten gyi mthong bas 'gog
nus pa min te/ rgyu 'bras rang bzhin gyis ngo bo tha

dad pa 'gog pa ni de kho na nyid la dpyod pa'i rigs pa la nges
par ltos pa'i phyir ro/ /de'i phyir grub mtha' smra ba gzhan
gyis gzhan skye khas blangs pa'i don ni/ rang gi mtshan nyid kyis
grub pa'i gzhan skye yin gyi/ ngo bo gzhan du grub pa tsam ma

yin la/ de tsam 'jig rten gyi ngor ma grub pa yang min no/
/gzhan las skye ba 'jig rten las kyang med/ ces pa'i don ni/
'jig rten rang dga' bas sa myug la sogs pa'i nyer len gyi rgyu
'bras la rang gi mtshan nyid kyis grub pa'i gzhan du 'dzin

pa med ces pa tsam min gyi/ tha snyad du yang gzhan skye med par
ston par yang shes par bya ste/ gnyi ga las skye ba 'gog pa'i
'grel par yang/ de la ji ltar gong du bdag dang gzhan las skye
ba 'jig rten gyi kun rdzob dang don dam par yang mi

@115a @#/ /rigs so zhes bstan pa de bzhin du tshig gal gnyis su
smra ba la yang ji skad du bshad pa'i rigs pas mi srid do/ /zhes
tha snyad du yang gzhan skye med pa gsal bar gsungs pa dang/
tshig gsal las kyang/ gal te bdag

dang gzhan dang gnyi ga dang rgyu med pa las dngos po rnams skye
ba yod pa ma yin na/ ji ltar bcom ldan 'das kyis ma rig pa'i
rkyen gyis 'du byed rnams zhes gsungs/ zhes pa'i lan du/ bshad
par bya ste/ 'di ni kun rdzob yin gyi de kho na nyid

ni ma yin no/ /zhes ma rig pas 'du byed skyed pa sogs ni kun
rdzob tu yin gyi don dam par ma yin par gsungs so/ /ci kun rdzob
kyi rnam par gzhag pa brjod par bya ba yin nam zhes pa'i lan du/
rkyen nyid 'di pa tsam gyis kun rdzob grub par khas

len gyi/ phyogs bzhi khas blangs pa'i sgo nas ni ma yin te/ zhes
kun rdzob tu rkyen 'di la brten nas 'di 'byung gi skye ba khas
len pa la yang/ phyogs bzhi'i skye ba khas mi len pa gsal bar
gsungs pas/ lugs 'di la gzhan skye kun rdzob

tu mi 'gog ces pa ni/ lugs 'di legs par ma rtogs pa'i bshad
pa'o/ /gsum pa ni/ de'i phyir de ltar dngos po rang bzhin gyis
grub pa med par ji skad bshad pa'i tshul la/ rten 'byung rtag
chad med par grub pa'i sgo nas rtag chad kyi mthar

mi ltung ba'i yon tan bstan pa'i phyir bshad pa/ gal te myu gu
sa bon las rang bzhin gyis grub pa'i gzhan yin na ni/ sa myug
gnyis rgyu 'bras su mi rung ba'i phyir/ the tshom med par myu gu
yod bzhin du yang sa bon rgyun chad par 'gyur te/

@115b de la ni sa myug 'brel med du song nas/ myu gu yod kyang
sa bon gyi rigs brgyud ma chad pa la mi phan pa'i phyir te/ dper
na ba min yod pas ba lang shi nas rigs brgyud chad pa min pa la
mi phan pa dang/ so skye yod pas 'phags pa rnams

kyis rang nyid kyi srid par 'khor ba rgyun bcad pa min pa la mi
phan pa bzhin no/ /de ltar yin pa la rgyu mtshan gang gi phyir
myu gu sa bon las rang bzhin gyis grub pa'i gzhan min pa'i
phyogs la/ de gnyis rgyu 'bras su mi 'gal ba de'i phyir

myu gu yod pa'i tshe sa bon zhig pa ste de'i rigs brgyud chad pas
chad pa spangs so/ /myu gu'i dus su sa bon 'gags pa lan mang du
bshad pas/ sa bon zhig pa'i don 'grel bas sa bon rgyun chad pa
la bshad cing/ sa bon mi 'jig pa

bkag par gsungs pas/ sa bon gyi rgyun chad pa zhes pa de'i rigs
brgyud chad pa la bzhed do/ /gang gi phyir sa myug gnyis gcig
nyid du yod pa min pas sa bon de nyid myu gur 'phos pa min pa'i
phyir/ myu gu'i dus na sa bon mi 'jig pa

bkag pa de'i phyir yang/ myu gu'i tshe sa bon yod ces brjod par
mi bya bas rtag par yang bkag par 'gyur ro/ /de ltar bshad pa ni
rgya cher rol pa las/ sa bon yod na myu gu ji bzhin te/ /sa bon
gang yin myu gu de nyid min/ /de las

gzhan min de yang ma yin te/ /de ltar rtag min chad min chos
nyid do/ /zhes gsungs pa'i don no/ /de dag gi don ni sa bon yod
par gyur na sa bon gyi rgyu can myu gu yang ji lta ba bzhin du
'byung ngo/ /de 'byung ba na sa bon las 

@116a @#/ /nyid du ste nas 'byung ba mi rung bas/ sa myug gnyis
ngo bo gcig go snyam na/ myu gu sa bon las gzhan nas 'byung ba
min kyang sa bon de nyid myu gur 'phos pa min no/ /de'i rgyu
mtshan ci'i phyir zhe na/ myu gu de sa bon las

rang bzhin gyis grub pa'i gzhan dang/ rang bzhin gcig pa nyid de
yang min pa'i phyir ro/ /de 'dra ba'i phyogs gnyis car yang bkag
pa na myu gu'i rang bzhin de rtag chad dang bral ba'i chos nyid
du gsal bar byas so/ /don 'di nyid mdo de nyid las/

'du byed rnams ni ma rig rkyen can te/ /'du byed de dag de nyid
du yod min/ /'du byed ma rig 'di gnyis stong pa ste/ /rang bzhin
gyis ni g.yo ba dang bral ba/ /zhes bya bas bshad de/ rkang pa
dang pos ni 'du byed ma rig pa la brten nas 'byung ba'i gtan

tshigs dang/ gnyis pas ni 'du byed de kho na nyid du yod pa min
zhes pa'i bsgrub bya dang/ gsum pas ni rgyu 'bras gnyis ka stong
par bstan la/ bzhi bas ni stong tshul ston te/ g.yo ba ni mngon
par 'du byed pa yin la/ de dang bral ba ni 'du byed 'du byed

kyis stong pa'o/ /de yang rang bzhin gyis grub pa dang bral lo
zhes dgag bya'i khyad par bstan te/ de kho na nyid du med pa
dang don 'dra'o/ /mdo de'i don bstan bcos rtsa she las kyang/
gang la brten te gang 'byung ba/ /de ni re zhig de nyid min/ /de
las

gzhan ba'ang ma yin pa/ /de phyir rtag min chad ma yin/ /zhes
gsungs so/ /bzhi pa la gnyis/ rang gi mtshan nyid kyis grub pa
yod par 'dod pa dgag pa dang/ de ltar bkag pa la rtsod pa spang
pa'o/ /dang po la gsum/ 'phags pa'i mnyam

@116b gzhag dngos po'i 'jig rgyur thal bas dgag /tha snyad
bden pa rigs pas dpyad bzod du thal bas dgag /don dam pa'i
skye ba mi khegs par thal bas dgag pa'o/ /dang po ni/ ji ltar
rang bzhin gyis chos 'ga' yang skye ba med do zhes bya ba 'di ni
gdon

mi za bar khas blang bar bya dgos so/ /zhes gsungs pa ltar don
'di nges par khas blang dgos zhes smra bar rigs kyi/ 'di la khas
len gzhag tu mi rung ngo zhes bzlog ste smra bar mi bya'o/ /de
lta ma yin te gal te gzugs dang tshor ba la sogs pa'i

rang gi mtshan nyid de rang gi ngo bo nyid kyis grub pa'i rang
bzhin/ rgyu dang rkyen la brten nas skye bar 'gyur na ni/ rnal
'byor pas chos rnams rang bzhin gyis grub pas stong par mngon
sum du rtogs pa'i tshe/ dngos po'i rang bzhin de la skur pa btab
pa'i tshul

gyis stong pa nyid rtogs par 'gyur te/ mnyam gzhag gis gzugs
sogs rnams ma dmigs pa dgos la/ de rnams rang gi mtshan nyid kyis
grub na mnyam gzhag gis dmigs dgos pa las ma dmigs pa'i phyir/
de'i tshe dngos po de rnams med

par 'gyur ro/ /de med na ni dngos po de rnams mnyam gzhag gi
sngar yod pa phyis med pa'i 'jig pa ste zhig par 'gyur ro/ /de'i
phyir de ltar 'jig pa la mnyam gzhag nyid rgyur 'gro dgos pas/
tho ba la sogs pa bum pa la sogs pa'i 'jig rgyu

yin pa de bzhin du/ stong pa nyid mthong ba yang dngos po'i rang
bzhin 'jig pa dang de la skur ba'i rgyur 'gyur ba zhig na/ de ni
rigs pa yang min pa de'i phyir dngos po rnams kyi rang gi mtshan
nyid kyis grub pa ni yod pa min pas/ dus thams cad kyi tshe

@117a @#/ /rang bzhin gyis skye ba khas blang bar mi bya'o/ 'di
la dbu ma pa rang gi mtshan nyid kyis grub pa'i skye ba khas len
pa rnams/ rang gi mtshan nyid kyis grub kyang bden grub tu mi
'gro bar 'dod pa'i rgyu mtshan gyis/ gzugs sogs

rang gi mtshan nyid kyis grub na de kho na nyid mngon sum du
gzigs pas dmigs mi dgos so/ /zhes smra mod kyang/ de tsam nas
bden grub yin par sngar yang bshad cing/ slar yang 'chad par
'gyur ba'i rigs pas nyes pa spong mi nus so/ /'dir 'grel

pa las/ dkon brtsegs las 'od srungs gzhan yang dbu ma'i lam chos
rnams la yang dag par so sor rtog pa ni/ gang stong pa nyid kyis
chos rnams stong par mi byed de/ chos rnams nyid stong pa nyid
dang/ zhes gsungs shing/ mtshan med dang smon

med dang mngon par 'du bya ba med pa dang/ ma skyes pa dang ma
byung ba la yang de bzhin du gsungs pa drangs te/ chos rnams la
rang mtshan gyis grub pa'i rang bzhin yod na/ chos de rnams rang
ngos nas stong bar ma song bas chos rnams nyid stong pa dang
zhes

pa mi 'thad la/ rang ngos nas ngo bo nyid kyis yod pa ma bkag
par/ gzhan zhig gis stong pa'i sgo nas stong bar bstan dgos pas/
stong pa nyid kyis chos rnams stong par mi byed ces pa dang 'gal
bas dbu ma'i lam gyis chos rnams kyi rang bzhin

la so sor rtog pa na/ chos rnams rang ngos nas rang bzhin gyis
grub pas stong par ston pa yin par bstan no/ /mdo 'dis ni rnam
rig pas gzhan dbang rang gi mtshan nyid kyis grub pas mi stong ba
dang/ de gzung 'dzin rdzas tha dad pa med pas stong

@117b zhes pa yang bkag la/ brgya ba las/ stong min stong ldan
mthong min te/ /myang 'das bdag gir gyur cig ces/ log ltas mya
ngan mi 'dab bar/ /de bzhin gshegs pa rnams kyis gsungs/ /zhes
dang/ rtsa she las kyang/ stong nyid lta ba thams cad ni/ /nges
par

'byin par rgyal bas gsungs/ /gang dag stong ba nyid lta ba/ /de
dag bsgrub tu med par gsungs/ /zhes pas kyang sngar gyi mdo'i
don de nyid 'chad do/ /chos rnams rang gi ngo bos stong zhes
pa'i bsam don yang de nyid yin gyi/ bum pa bum pas mi stong bar
bden

pas stong pa ni/ gzhan stong yin pas bum pa bum pas stong pa ni
rang stong yin no zhes smra ba ni gtan nas mi rigs te/ bum pa
bum pas stong na bum pa la bum pa med dgos na/ rang la rang med
na gzhan su la yang med pas bum pa gtan med par 'gyur ro/ /

de'i tshe dngos po gzhan thams cad kyang de dang 'dra bas/ de
ltar smra mkhan yang med par 'gyur zhing/ 'dis stong pa dang
'dis mi stong zhes pa'i rnam gzhag gang yang mi srid par 'gyur
ro/ /de 'dra ba'i stong pa de kha cig yang dag tu smra la/ gzhan
dag chad stong

du 'dod pa gnyis ka yang rten 'brel rtag chad kyi mtha' dang
bral bar rgyal ba rgyal sras kyis lan cig ma yin par bsgrubs pa
las phyi rol tu gyur pa yin no/ /khyad par du kun rdzob bden pa
thams cad kho rang kho rang gis stong par gtan la 'bebs dgos zer
nas/

de chad stong du 'dod pa ni mi rigs pa kho na ste/ grub mtha'
bzhi po su yang lta ba de chad lta yin par shes nas/ de rang gi
rgyud la skyed par byed pa su yang med pa'i phyir ro/ /des na
dgag bzhi de dgag bya'i ngo bor med pa dang/ gzhi de dgag byas
stong tshul

@118a @#/ /yang yin pas stong par 'dra bzhin du/ chos rnams rang
gi mtshan nyid kyis grub pas stong pa ni rang gi ngo bos stong
pa'i don yin la/ de las gzhan pa'i stong tshul rnams rang gi ngo
bos stong pa min pa'i rgyu mtshan ni/ stong

tshul snga ma tshad mas grub zin byed pa ma nyams pa'i ring la/
grub mthas gzhi de bden pa'am de'i don du yod par 'dzin pa'i
sgro 'dogs skye mi srid la/ phyi ma rnams kyi don tshad mas grub
cing byed pa ma nyams kyang/ grub mtha' bden pa'am bden pa'i

don du sgro 'dogs pa mi 'gal ba'o/ /gnyis pa ni/ 'dir smras pa
don dam par skye ba med pas bdag dang gzhan las skye ba dgag la
rag mod/ gzugs dang tshor ba sogs tshad ma gnyis kyis dmigs pa de
dag gi rang bzhin ni gdon mi za bar gzhan

las skye bar 'gyur ro/ /ci ste de ltar mi 'dod na bden pa gnyis
su ci ste brjod de bden pa gcig kho nar 'gyur ro/ /de'i phyir
gzhan las skye ba yod do zhes zer ro/ /'di ltar rgol ba ni don
dam par skye ba med pa dang/ tha snyad du gzhan skye 'dod par
snang

bas dbu ma rang rgyud pa 'ga' zhig go /rang bzhin gyis skye
ba'i gzhan skye kun rdzob tu mi 'dod na bden pa gcig kho nar
'gyur zhes pa ni/ rang gi mtshan nyid kyis skye ba kun rdzob tu
med na yang dag kun rdzob med par 'gyur la/ de'i tshe kun rdzob
bden pa

mi srid pas don dam bden pa gcig pur 'gyur zhes pa'i don no/
/de'i lan du 'di bden mod kyi don dam par ni bden pa gnyis yod
pa ma yin te/ dge slong dag bden pa don dam pa 'di ni gcig ste/
'di lta ste mi slu ba'i chos can mya ngan las

@118b 'das pa'o/ /'du byed thams cad ni brdzun pa slu ba'i chos
can na zhes 'byung ba'i phyir ro/ /zhes gsungs so/ /de dag gi
don ni rang gis khas len pa'i bden pa'i don ni mi slu ba yin
pas/ mi slu ba'i bden pa kho nar 'gyur bas de 'dir bden mod ces
gsungs

so/ /don dam par ni zhes pa ni de kho na nyid gzigs pa'i ngor
ni/ kun rdzob dang don dam pa'i bden pa gnyis med de/ de'i ngor
ni don dam bden pa nyag gcig tu gsungs pa'i phyir zhes pa'o/
/bden pa dam pa ni don dam pa'i bden pa'o/ /ye shes de'i ngor
kun

rdzob bden pa med pa ni slu ba'i chos can du gsungs pas shes so/
/don bsdu na chos rnams rang gi mtshan nyid kyis grub na 'du byed
rnams brdzun pa slu ba'i chos can du mi 'grub pas/ kun rdzob
bden pa med pa'i phyir bden pa gnyis med par 'gyur la/ rang

gi mtshan nyid kyis grub pa med pa'i phyogs la ni/ kun rdzob dang
don dam bden pa gnyis ka yod ces pa'i don no/ /gal te sngar gyi
lung gis myang 'das gcig pu bden gyi/ 'du byed gzhan brdzun par
gsungs pas 'dus byas rnams rang gi mtshan nyid kyis

ma grub kyang/ myang 'das don dam pa'i bden pa rang gi mtshan
nyid kyis grub pa ma yin nam snyam na/ de'i bden pa ni mdo nyid
las mi slu ba'i chos can zhes gsungs pas mi slu ba'i don du
bshad kyi/ rang bzhin gyis grub pa'i bden pa ni ma yin na/ /'du
byed

thams cad ni brdzun pa slu ba'i chos can zhes gsungs pas kyang
snga ma'i bden pa mi slu ba'i don du shes so/ /rigs pa drug cu
pa'i 'grel pa las kyang/ 'dus byas log par snang nas byis pa slu
bar byad pa bzhin du/ myang 'das don dam pas de ltar

@119a @#/ /snang nas mi slu bas myang 'das bden pa dang/ gzhan
rnams mi bden par gsungs par bshad pas/ bden mi bden gnyis su
phye ba ni slu mi slu'i don yin par gdon mi za bar 'dod par
bya'o/ /rigs pa drug cu pa'i 'grel pa

las myang 'das kun rdzob tu bden par gsungs pa ni/ myang 'das
don dam pa'i bden par yod pa kun rdzob pa'i ngor 'jog pa'i don
yin gyi/ tha snyad du de bden par bzhed pa min no/ /de ltar na
kun rdzob kyi bden pa ni don dam bden pa la 'jug pa'i

thabs yin pa'i phyir/ bdag dang gzhan las skye ba ma dpyad par
'jig rten pa'i lugs kyis tha snyad byed pa bzhin du/ dbu ma pas
kyang khas len par byed do/ /'di ltar gang gi phyir gzugs dang
tshor ba la sogs pa'i dngos po 'di dag ni/ ci bdag las

skye ba zhig gam/ cig gzhan las skye ba zhig ces de lta bu la
sogs par rnam par dpyad pa na/ de kho na nyid kyi bdag nyid can
gyi don dam par ma skyes pa dang ma 'gags pa las/ tshu rol te
gzhan du gyur pa'i cha skye ba la sogs pa can la gnas pa rnyed
pa

ma yin te/ de'i phyir 'jig rten tha snyad kyi bden pa la bdag
dang gzhan las zhes bya ba de lta bu la sogs pa'i rnam par dpyad
par mi bya bar/ 'jig rten pas mthong ba 'di yod na 'di 'byung
ngo zhes bya ba 'di tsam zhig gzhan 'jig rten la rag las pa'i
tha

snyad la 'jug pa'i sgo nas khas blang bar bya ste/ 'phags pa
lhas/ ji ltar kla klo skad gzhan gyis/ /gzung bar mi nus de
bzhin du/ /'jig rten pa yi ma gtogs par/ /'jig rten gzung bar
nus ma yin/ /zhes dang/ rtsa she las kyang/ tha snyad la ni

@119b ma brten par/ /dam pa'i don ni rtogs mi 'gyur/ /dam pa'i
don ni ma rtogs par/ /mya ngan 'das pa thob mi 'gyur/ /zhes
dang/ rtsod zlog las/ tha snyad khas ni ma blangs par/ /nged cag
'chad par mi byed do/ /zhes gsungs so/ /'dir dpyad ma dpyad ni
de kho na nyid

la dpyad ma dpyad yin la/ de yang dpyod lugs ji tsam zhig nas de
kho na nyid la dpyad par 'gro ba shes pa gal che bas cung zad
bshad na thal 'gyur ba'i lugs kyis ni/ tha snyad gdags pas ma
tshim par myu gu skye zhes pa lta bu la/ de ltar btags pa'i btags

don bdag gam gzhan las skye zhes tshol ba nas de kho na nyid la
dpyod par 'jog go /de'i phyir 'jig rten gyi tha snyad kyis
gang nas 'ongs gang du 'gro zhes pa dang/ phyi dang nang gang na
yod ces sogs kyi dpyad pa rnams dang gtan mi 'dra ba shes par
bya'o/ /rang

rgyud pa rnams kyis ni de tsam nas de kho na nyid la dpyod par
mi 'jog gi /sngar bshad pa bzhin gyi shes pa la snang ba'i dbang
gis yod par bzhag gam/ de'i dbang gis bzhag pa min pa'i don gyi
sdod lugs nas grub pa yin dpyod pa nas/ de kho na nyid la

dpyod par 'gro ste/ dgag bya'i ngos 'dzin mi 'dra ba'i gnad
kyis/ de kho na nyid la dpyod mtshams kyang mi 'dra ba gnyis 'ong
ngo/ /de ltar ma go bar dper na gnas 'dir lhas byin don la ma
'ongs pa la/ dang po 'ongs par 'khrul de nas 'ongs ma 'ongs

brtags pa na/ ma 'ongs par shes pa lta bu la byas nas/ ma dpyad
pa'i rnam gzhag thams cad log pa'i don can kho na dang/ dpyad
pa'i rnam gzhag rnams ma log par 'dod pa ni dbu tshad gang gi
yang lugs ma yin te/ gnyis ka'i lugs kyis ma dpyad

@120a @#/ /pa'i rnam gzhag la tshad mas grub pa du ma zhig 'byung
ba'i phyir ro/ /rgyas par gzhan du bshad zin pas ma spros so/
/de ltar de kho na nyid la dpyod pa'i rigs pas kun rdzob pa
rnams la dpyod na ni/ 'jig rten pa'i tha snyad thams

cad nyams par 'gyur bar shes par bya'o/ /gsum pa ni/ ci ste yang
de ltar dngos po la bden par mngon par zhen pa thams cad gcod pa
na/ bred sha 'thon pa tha snyad kyi bden pa la bden par zhen pa
'di gang kun byang gnyis kyi 'ching grol gyi rgyur

'gyur ba/ rdzas te rang gi mtshan nyid kyis grub pa'i bdag nyid
'ga' zhig tu skye bar 'gyur ba cig bya dgos so zhes smra na/ de
skad du smra ba la ni tshig tsam zhig lhag mar lus par 'gyur ro/
/ci'i phyir zhe na/ ji ltar de kho na nyid don dam pa la dpyod
pa'i skabs

su/ ji skad bshad pa'i rigs pa gang zhig gis gzugs sogs bdag
dang gzhan las skye ba rigs pa min pa de bzhin du/ tha snyad du
yang rigs pa de nyid kyis skye bar rigs pa min pas/ khyod kyi
rang bzhin gyis skye ba tshad ma gang gis 'grub par

'gyur te mi 'gyur ro/ /de'i phyir rang gi mtshan nyid kyis skye
ba ni bden pa gnyis car du yang yod pa ma yin no zhes mi 'dod
bzhin du yang/ gdon mi za bar khas blang bar bya'o zhes gsungs
pas/ de kho na nyid la dpyod pa'i rigs pas tha snyad du

yang skye ba 'gog pa'i skye ba ni/ mtshams sbyor du rdzas kyi
bdag nyid kyi skye ba la bshad cing/ don bsdur sngar ltar bshad
pas rang gi mtshan nyid kyis skye ba zhes dgag bya la khyad par
sbyar ba kho na la yin gyi/ skye tsam la ni gtan min te/ tha
snyad ba'i

@120b don la don dam pa'i dpyad pa byar mi rung bar lan du mar
gsungs pa'i phyir ro/ /de kho na nyid la dpyod pa'i rigs pas tha
snyad du rang gi mtshan nyid kyis grub pa'i skye ba mi khegs na/
don dam par grub pa'i skye ba yang mi khegs par bzhed pa ni rang
gi mtshan

nyid kyis grub pa tsam nas bden grub tu 'gyur bas/ de la tha
snyad du zhes sbyar ma sbyar 'dra bar bzhed pa'o/ /de ltar na
dgag bya la rang gi mtshan nyid kyis dang/ rang bzhin gyis dang/
rang gi ngo bo nyid kyis zhes sogs kyi khyad par sbyar ba ni
mtha' yas

pa cig mdo sde dang/ yab sras gnyis dang slob dpon 'di'i gzhung
las 'byung la/ de 'dra ba de 'gog pa'i tshe dbu ma pa kha cig
phyogs sngar byas pa ni sngar bshad pa dang/ tshig gsal las
kyang/ 'di ni de kho na ltar gdon mi za bar khas blang bar bya
ste/ de

lta ma yin na kun rdzob 'thad pa dang ldan pa ma yin nam/ des na
'di de kho na nyid du 'gyur gyi kun rdzob tu mi 'gyur ro/ /zhes
tha snyad du btags pa tsam gyis mi chog par btags don btsal ba'i
dpyad pa byas nas tha snyed pa'i don 'jog pa bkag pa na/ de

lta na don dam par yod par 'gyur ba dang/ gzugs sogs kun rdzob
par mi 'gyur zhes gzugs sogs don dam du grub par khas mi len pa
dang/ kun rdzob par 'jog pa cig la 'phen la/ de yang dngos por
smra ba la min pas dbu ma rang rgyud pa

yin par shin tu gsal lo/ /'dir slob dpon gyis kha cig 'phags
pa'i zhal snga nas/ bdag las ma yin gzhan las min/ /zhes sogs
kyi gzhung gis skye ba sogs bkag pa ni/ gzung 'dzin rdzas tha
dad pa'i kun brtags kyi skye ba sogs

@121a @#/ /bkag pa yin gyi/ gzhan dbang bden pa bkag pa min par
'dod pa 'di yang/ de ltar 'grel pa'i gtan tshigs med par mi 'grub
pas/ de skad du smra ba la ni brgal zhing brtag par bya ba kho
na'o/ /zhes bshad pa'i phyogs

snga smra ba ni/ snga rabs pa kha cig slob dpon blo brtan la
sogs pa yin par smra mod kyang/ de'i gzhung na de ltar bshad pa
mi snang ngo/ /bzhi brgya pa'i 'grel par slob dpon chos skyong
gis bzhi brgya pa'i lta ba sems tsam du bkral bar bshad pas de

la sbyar na 'grig go /'o na zab mo'i mdo'i don sems tsam du
'grel pa rnams kyis 'phags pa'i gzhung rnams kyi don ji ltar du
'grel zhe na/ slob dpon dbyig gnyen la sogs pa'i chen po rnams
kyi gzhung na/ klu sgrub kyi gzhung gi don 'di

ltar 'grel pa yin zhes gsal bar mi snang yang/ rnam bshad rigs
pa la sogs par dgongs 'grel gyi mdo la brten nas sher phyin gyi
mdo drang don du 'chad par snang bas/ de bzhin du 'chad par
mngon te 'phags pa'i gzhung 'gog pa

ni mi srid la/ sgra ji bzhin par 'chad na ni sher phyin gyi mdo
sgra ji bzhin par mi 'chad pa mi mdzad cig /sgra ji bzhin pa
drang don du bshad na de'i don sems tsam du 'chad dgos pa'i
phyir ro/ /'on kyang chos thams cad don dam par ma grub

pa dang/ rang gi mtshan nyid kyis ma grub par bshad pa rnams sgra
ji lta ba bzhin du rigs pas 'grub pas/ sgra ji bzhin pa la gnod
pa med pa'i phyir/ drang don du 'grel mi nus pa la dgongs nas/
brgal zhing brtag par bya ba kho na'o zhes

@121b gsungs te/ sgra ji bzhin pa'i bzlog phyogs la gnod byed
dang/ drang thad la sgrub byed mtha' yas pa zhig ston pa ni/
gzhung gi don rnam pa gzhan du drang du mi rung bar sgrub pa yin
pas 'dir mdo tsam las ma gsungs so/ /gnyis pa ni/ gal te rang

gi mtshan nyid kyis grub pa'i skye ba bden pa gnyis car du yang
med na/ gzugs la sogs pa rnams med par 'gyur la/ de lta na gzugs
la sogs pa'i ngo bo mig la sogs pa'i shes pa la 'jig rten du
dmigs par mi 'gyur te/ de lta ma yin na

ri bong gi rwa la sogs pa yang mig la sogs pa'i shes pa la snang
bar 'gyur te/ rgyu mtshan kun nas mtshungs pa'i phyir ro zhe na/
de'i lan bshad pa/ dngos po stong pa ste brdzun pa gzugs brnyan
dang la sogs pas sgra brnyan la sogs pa rnams/ me

long dang byad bzhin dang brag phug dang/ sgra phyung ba sogs
kyi rgyu rkyen gyi tshogs pa la ltos pa ste brten nas skye ba
'jig rten na ma grags pa yang min te grags so/ /ji ltar 'jig
rten la grags pa der ni gzugs brnyan la sogs pa stong ba ste
brdzun pa

bas/ mig la sogs pa'i shes pa gzugs brnyan la sogs pa de yi rnam
pa can skye bar 'gyur ba ltar/ brdzun pa'i gzugs brnyan las
brdzun pa'i rnam pa can gyi shes pa skye ba de bzhin du/ dngos
po thams cad rang gi mtshan nyid kyis grub pas

stong na'ang/ des stong pa'i rgyu dag las des stong pa'i 'bras
bu rab tu skye bar 'gyur ro/ /'dir gzugs brnyan las ni de 'dzin
pa'i mig shes skye bar gsungs pas/ gzugs brnyan dngos po yin
zhing shes pa dang ngo bo tha dad pas ni/ phyi rol gyi don

@122a @#/ /yin la de yang mig shes kyi dmigs rkyen yin pas/ gzugs
kyi skye mched du bzhed pa yin te/ zla gnyis dang skra shad du
snang ba dang sgyu ma sogs dang/ sgra brnyan sogs la yang de
bzhin du shes par bya'o/ /de ltar

na dbang shes 'khrul pa la snang ba'i byad dang zla gnyis dang
skra shad sogs ni/ dbang po la 'phral gyi gnod pa med pa'i shes
pa lnga la snang ba'i rang gi mtshan nyid kyis grub pa dang
'dra'o/ /byad bzhin sogs mi srid kyang der snang ba ni rang gi

mtshan nyid kyis grub pa ni srid kyang der snang ba dang 'dra'o/
/gzugs brnyan dang sgra brnyan la sogs pa ni gzugs dang sgra la
sogs pa dang 'dra bas/ des na gzugs sogs lnga rang bzhin gyis
grub pa phyi rol tu mi 'jog kyang der snang ba'i

gzugs sogs phyi rol tu 'jog pa bzhin du/ gzugs brnyan sogs byad
bzhin yin pa sogs phyi rol tu mi 'jog kyang/ gzugs brnyan sogs
phyi rol tu 'jog ste de gnyis phyi rol tu 'jog mi 'jog mtshungs
pa yin no/ /gzugs

brnyan byad bzhin gyis stong pa tsam gyi brdzun pa ni/ stong nyid
ston pa'i lung rigs gang la yang blo kha ma phyogs pa'i 'jig
rten pa'i rgan po brda byang thams cad kyis 'grub pas/ de ltar
rtogs pa de rigs shes rags pa cig tu 'dod pa

ni mi rigs pa kho na'o/ /gal te de lta na ni gzugs brnyan brdzun
par grags pa de grub kyang/ dbu ma pas bzhag pa'i brdzun par mi
'grub pas/ snga ma de phyi ma'i dper ji ltar 'gyur zhe na/ skabs
'dir gzugs brnyan sogs dper

@122b bkod pa ni 'jig rten pas grub zin dper 'god pa yin gyi/
dbu ma pas brdzun par bzhag pa grub zin pa cig dper 'god pa min
no/ /de yang byad bzhin du snang ba'i gzugs brnyan lta bu de la
snang ba'i steng nas cha 'di tsam zhig byad bzhin

du snang la/ 'di tsam zhig byad bzhin du mi snang ngo zhes rnam
pa thams cad du dbye mi nus la/ byad bzhin gyi gang snang gi cha
thams cad nas snang ba ltar du yod pas stong yang/ rang gi rgyu
la brten nas skye ba mi 'gal ba dper byas nas de

bzhin du sngon po rang gi mtshan nyid kyis grub par snang ba na
yang/ sngon po'i steng nas rang bzhin gyis grub par snang mi
snang gi cha gnyis dbyer med par snang la/ de ltar snang ba yang
gang snang gi cha thams cad nas snang ba ltar du yod pas stong

yang/ rang gi rgyus bskyed pa dang rang gis 'bras bu bskyed pa
mi 'gal bar sgrub pa yin te/ byad bzhin kyi gzugs brnyan la der
gang snang gi cha thams cad nas snang ba ltar du med kyang gzugs
brnyan med par mi 'gro ba zhig 'jog shes

na/ sngon po la yang rang mtshan gyis grub par snang ba'i cha
thams cad nas snang ba ltar gyi don du med kyang/ sngon po yod
par nges par 'jog nus pa zhig 'ong ngo/ /zhib mo'i blos gzugs
sogs kyi steng nas 'di 'gog 'di mi 'gog

ces pa'i rnam pa gnyis gzugs brnyan gyi dpe steng nas phyed pa
ni/ dbu ma'i lta ba snyed pa la med mi rung du dgos pas tshim sla
mi nyan no/ /des na 'grel pa las kyang gzugs brnyan rang bzhin
med pa'i rgyu dang 'bras bu rnam par

@123a @#/ /bzhag pa yang/ shes bzhin du mkhas pa su zhig gzugs
dang tshor ba la sogs pa rgyu dang 'bras bu las tha dad pa med
par gnas pa rnams yod pa tsam zhig tu dmigs pas/ rang bzhin dang
bcas pa nges

par byed/ de'i phyir yod par dmigs kyang rang bzhin gyis skye ba
med do/ /zhes yod tsam dang rang bzhin gyis yod pa dang/ sngar
skye bar bstan la 'dir rang bzhin gyis skye ba med par bstan
pas/ skye ba dang rang bzhin gyis skye ba gnyis so

sor 'byed pa shin tu gsal bar gsungs so/ /de dag ma phyed na
dngos po yod phyin chad rang gi ngo bos yod pa dang/ rang gi ngo
bos med phyin chad ye med du song nas sgro 'dogs dang skur 'debs
kyi mtha' gnyis las mi 'da' ste/ brgya

pa'i 'grel pa las/ dngos po dngos po yod par smra ba'i ltar na
ni ji srid du dngos po de'i yod pa nyid yin pa de srid du/ de
ltar rang gi ngo bo yang yin pa nyid la/ gang gi tshe rang gi ngo
bo dang bral ba de'i tshe de la dngos po de rnam pa thams cad

du med pa'i phyir/ bong bu'i rwa dang 'dra bas gnyis su smra ba
las ma 'das pa'i phyir/ 'di'i mngon par 'dod pa thams cad 'grig
dka' bar 'gyur ro/ /zhes so/ /des na rang gi ngo bos med pas yod
mtha' thams cad dang/ de nyid la rang bzhin

med pa'i rgyu 'bras 'jog nus pas med mtha' thams cad las grol ba
ni slob dpon sangs rgyas bskyangs dang zla ba'i zhabs kyis
'phags pa'i dgongs pa bkral ba'i khyad chos su snang bas/ yod pa
gnyis dang med pa gnyis phyed pa

@123b shin tu gal che'o/ /gzugs brnyan gyi dpes gtan la 'bebs pa
ni/ yab sras mjal ba las/ me long shin tu yongs dag la/ /ji ltar
rang bzhin med pa yi/ /gzugs brnyan snang ba de bzhin du/ /ljon
pa chos rnams shes par gyis/ /

zhes gsungs te/ brdzun pa'i dpe gzhan rnams kyi dpe don sbyor
tshul yang sngar bzhin du shes par gyis shig /lnga pa la gnyis/
rtag chad kyi lta ba spang sla ba'i yon tan dang/ las 'bras kyi
'brel ba ches 'thad pa'i yon tan no/ /

dang po ni/ gong gi phyir dngos po thams cad gzugs brnyan ltar
rang bzhin gyis yod pas stong pa de nyid kyi phyir/ don dam pa
dang kun rdzob bden pa gnyis su'am gnyis car du'ang rang bzhin
gyis grub pa med pa'i phyir/ gzugs

sogs de dag rang bzhin gyis grub pa'i rtag pa ma yin la/ der ma
zad chad pa'ang min te/ chad pa ni myug tshe sa bon zhig pa med
pa'i skabs su bshad pa lta bu'i chad pa dang/ rtsa she las/
sngon byung da ltar med ces pa/ /des na chad par

thal bar 'gyur/ /zhes dngos po rang bzhin gyis grub pa khas
blangs pas sngar yod kyi dngos po phyis med pa'am/ zhig pa'i mi
rtag par 'dod na'ang chad ltar 'gyur te/ dngos po rang bzhin
gyis yod par khas len na de rtag mi rtag gang du

'dod kyang/ rtag chad kyi mthar ltung ba'i lta bar gsungs pa'i
phyir ro/ /'dir 'grel par rtsa she las/ sten pas sprul pa zhig
sprul la des kyang gzhan zhig sprul pa de bzhin du/ byed pa po
dang las dang des byas pa rnams kyang de rnams dang

@124a @#/ /'dra bar gsungs pas/ rang bzhin med pa las rang bzhin
med pa rnams skye bar bstan to/ /zhes gsungs pas ni/ rang bzhin
gyis ma grub pa la bya byed thams cad 'jog pas chad lta med par
ston pa'o/ /'dir kun

rdzob tu rang gi mtshan nyid kyis grub pa ma bkag na shin tu phra
ba'i bdag med mi rtogs pas/ shin tu phra ba'i rtag chad kyi lta
ba rgyud la mi skye ba yang bya dka' bas/ rtag chad kyi lta ba
ma lus par spong ba ni/ dgag bya de kun rdzob tu bkag pa'i yon

tan no/ /de kun rdzob tu yod pa khegs na don dam la ltos pa'i
rtag chad kyi lta bar mi ltung bar ma zad/ kun rdzob la ltos nas
rtag chad kyi lta ba'i dri mas mi gos pas na/ rtag chad kyi lta
ba spong sla ba'i yon tan yod do/ /gnyis pa la gsum/ rang

bzhin gyis grub pa mi 'dod pa la kun gzhi sogs khas blang mi
dgos par bstan pa dang/ las 'gags pa las 'bras bu 'byung ba'i
dpe bstan pa dang/ de ltar bstan pa la rtsod pa spang pa'o/
/dang po la gsum/ mtshams sbyor gyi gzhung bshad pa

dang/ rtsa ba'i tshig don bshad pa dang/ de las 'phros pa'i don
bshad pa'o/ /dang po ni/ de ltar bden pa gnyis gar yang rang
bzhin med pas rtag pa dang chad par lta ba rgyang ring du spangs
pa 'ba' zhig tu ma zad kyi/ las rnams 'gags nas yun ring

du lon yang las rnams kyi 'bras bu dang 'brel ba ni/ kun gzhi
rnam par shes pa dang sems kyi rgyun dang chung mi zab dang thob
pa la sogs par yongs su rtog pa med par yang 'thad pa yin no/
/zhes rang gi mtshan nyid kyis grub pa tha snyad du yang med

@124b pa'i phyogs la rtag chad kyi lta ba rgyang ring du bsrings
pa'i yon tan yod par ma zad kun gzhi la sogs pa khas ma blangs
kyang las 'bras kyi 'brel pa shin tu 'thad pa'i yon tan yod par
bstan no/ /'phags pa'i gzhung 'grel tshul la rang gi mtshan

nyid kyis grub pa rdul tsam med kyang/ bya byed thams cad bzhag
pas chog pa'i 'grel tshul gyi lugs thun mong ma yin pa 'di la
brten nas/ rnam par dag pa'i grub mtha' 'grel byed gzhan dang
thun mong ma yin pa mang du yod de/ de gang zhe na re zhig

gtso bo rnams brjod na/ tshogs drug las ngo bo tha dad pa'i kun
gzhi rnam shes dang/ rang rig 'gog lugs thun mong ma yin pa
dang/ rang rgyud kyi sbyor bas phyir rgol gyi rgyud la de kho na
nyid kyi lta ba skyed pa khas mi len pa gsum dang/ shes pa khas
len pa

bzhin du phyi rol gyi don yang khas blang dgos pa dang/ nyan
rang la dngos po rang bzhin med par rtogs pa yod pa dang/ chos
kyi bdag 'dzin nyon mongs su 'jog pa dang/ zhig pa dngos po yin
pa dang/ de'i rgyu mtshan gyis dus gsum gyi 'jog tshul thun

mong ma yin pa sogs yin no/ /de'i dang po ni skabs 'dir bstan
la/ rang rig khas mi len pa rang bzhin gyis grub pa mi 'dod pa
la thug tshul ni 'chad par 'gyur ro/ /rang rgyud mi bzhed pa de
la thug tshul ni rgyas par gzhan du bshad zin la/ mdor

bsdus shig 'dir yang 'chad do/ /phyi rol khas len pa 'di la thug
pa ni 'chad par 'gyur la/ lnga pa yang 'di la thug tshul ni sangs
rgyas bskyangs kyis nyan thos kyi sde snod las chos thams cad
bdag med do zhes gsungs pa'i med rgyu'i bdag

@125a @#/ /ni/ ngo bo nyid kyis grub pa la bshad pa ltar 'dir
yang bzhed de/ /de yang bdag med mtshan nyid rdzogs pa'i don
no/ de'i phyir gang zag gi bdag med mtshan nyid rdzogs pa yang
gang zag rang gi ngo bo nyid kyis grub pa

med pa la bya dgos la/ de ji bzhin du rtogs pa la ni chos kyi
bdag med ji bzhin pa yang rtogs dgos pa'i gnad do/ /de lta yin
na chos kyi bdag 'dzin nyon mongs su nges par 'dod dgos pas nyon
mongs kyi ngos 'dzin la phra rags gnyis

dang/ mi rtag sogs bcu drug gi lam tsam gyis grol mi grol gyi
'dod tshul gnyis dang/ shes sgrib mtshams gang nas spong ba mi
'dra ba sogs kyi khyad par mang po zhig yod do/ /'o na dang por
theg chen du zhugs pa'i de kho na nyid kyi lta ba

legs par gtan la phebs pa zhig dang/ nyan rang du lhung pa gnyis
gzhi mthun srid pa ni dbu ma pa gnyis kas kyang 'dod dgos la/ de
lta na de 'dra ba des chos kyi bdag med bsgoms pas mngon sum du
'gyur ba dang/ de ltar mthong zin goms

bar byed pa zhig kyang 'dod dgos so/ /de lta na lam des chos kyi
bdag 'dzin kun brtags mthong lam nas spong ba dang/ bdag 'dzin
de lhan skyes/ de'i sgom lam nas kyang spong ba 'dod dgos pas/
dngos po rang gi mtshan nyid kyis grub par

'dzin pa'i dbu ma pa'i lugs la yang chos kyi bdag 'dzin la nyon
mongs can yin min gnyis 'dod dam snyam na/ 'di la gsal bar bshad
pa mi snang yang/ rang rgyud pa de dag gis nyan rang lam de ltar
sgom pa la/ chos kyi bdag 'dzin

@125b mngon gyur re zhig spangs pa 'ong yang/ tshogs mtha' yas pa
bsags pa'i grogs med par chos kyi bdag 'dzin gnyis po gang gi
yang sa bon spangs pa mi 'ong zhes bzhed dgos pas/ shes sgrib
mngon gyur ba re zhig la spangs pa nyan rang la

srid kyang/ sa bon spangs pa mi srid par smra dgos so/ /slob
dpon 'di'i bzhed pas ni chos kyi bdag 'dzin nyon mongs yin pas/
de'i sa bon spangs pa la tshogs mtha' yas pa gsog pa'i grogs mi
dgos la/ gnyis snang 'khrul pa'i bag chags

kyi shes sgrib sbyong ba la ni/ grogs de lta bu med par sbyong
mi nus par bzhed do/ /sngar bshad pa de dag gi go ba chags na
khyad shin tu che bar snang bas bshad do/ /gnyis pa ni/ dngos po
rang bzhin gyis grub pa med par 'dod pa'i phyogs la/ kun

gzhi sogs khas ma blangs kyang las 'bras kyi 'brel pa 'thad tshul
ji ltar yin zhe na/ las dang de'i 'bras bu'i bar du yun ring por
chod pa'i dge mi dge'i las las kyang/ bde ba dang sdug bsngal
sogs kyi 'bras bu 'byung ba ni rang gi sde pa

gong 'og thams cad 'dod la/ de la las de 'bras bu 'byin pa'i
snga logs bar du gnas na ni rtag par 'gyur la/ rtag pas don byed
par mi nus pas las las 'bras bu 'byung ba'i 'brel pa mi 'thad
do/ /las de byas pa'i skad cig gnyis

par zhig na ni/ mtshams de nas 'bras bu dngos su 'byin pa'i snga
logs kyi bar du las de med la/ las zhig pa yang dngos por med
pas las las 'bras bu ji ltar 'byung bar 'gyur zhes brtsad pa'i
lan du/ las byas pa'i skad cig gnyis par

@126a @#/ /'gags zin pa'i snga logs kyi las 'gag pa la mngon du
phyogs pa'i tshe/ las kyi nus pa gzhag par bya ba'i phyir kha cig
kun gzhi rnam par shes pa rtog par byed la/ kha cig bu lon gyi
dbang rgya ste de'i yi ge dang

'dra ba'i las gnyis las don gzhan pa/ chud mi za ba zhes pa ldan
min 'du byed du gyur pa zhig 'dod do/ /kha cig ni las gnyis kyi
thob pa zhes pa de gnyis las don gzhan du gyur pa'i ldan min
zhig rtog par byed do/ /kha cig ni las kyi

bag chags kyis bsgos pa'i rnam shes kyi rgyun rtog par byed la/
de'i phyir las 'gags kyang las kyis phyis yun ring po nas 'bras
bu 'byin pa mi 'gal par 'dod de/ las kyis kun gzhi la bag chags
'jig pas bag chags de las kyi 'bras bu yin la/ de'i rigs

'dra brgyud pas mthar 'bras bu 'byin pas dang po'i las kyi 'bras
bu brgyud pa las 'byung bar 'dod pa'o/ /de bzhin du gzhan gsum
la yang shes par bya'o/ /de'i dang po ni sems tsam pa 'ga' zhig
go /gnyis pa ni bye brag tu smra ba yin

par spyan ras gzigs brtul zhugs kyis bshad de/ kha che bye brag
tu smra ba las gzhan pa zhig go /gsum pa yang bye brag tu smra
ba'i nang tshan gcig go /bzhi pa la gsal kha ma byung yang
mdzod 'grel gyi gnas dgu pa dang bstun na mdo

sde pa dang kha che bye brag tu smra ba'i yang 'dod pa yin pa
'dra'o/ /kha che bas thob pa khas len kyang thob bya'i chos las
gnyis kyis thob pa skyed par mi 'dod la 'dir ni de ltar 'dod pa
cig ste gang gi ltar na zhes pa'i don no/ /dbu ma thal

@126b 'gyur ba gang gi ltar na/ las rang gi bdag nyid kyis ma
skyes pa de'i ltar na ni/ gang gi phyir las de rang bzhin gyis
te mi 'gag pa rang bzhin gyis ma 'gags pa las kyang 'bras bu
'byung ba mi 'gal ba de'i phyir kun gzhi sogs khas ma blangs

kyang/ las las 'bras bu 'di 'byung bar nus pa'i phyir/ sems can
gyi rgyud la lar las gnyis byas pa 'gags nas yun ring po bskal
pa mang po lon pa las kyang/ las las 'bras bu yang dag pa ste
rgyu la 'bras bu mi 'khrul bar 'byung

bar rig par gyis shig /de ltar na phyogs 'di la ni las dang
'bras bu'i 'brel pa ches shin tu 'thad par 'gyur ro/ /de rnams
kyi don ni sngar bzhin brtsad pa'i lan smra ba po bzhi gas
kyang/ las la skye ba dang 'gag pa rang gi mtshan nyid kyis

grub pa khas len zhing/ las byas pa'i 'og tu 'gags pa de rang
bzhin gyis grub par 'dod do/ /de la slob dpon 'dis de 'dra ba'i
'gags pa yin kyang kun gzhi sogs khas len pas skyon med ces lan
'debs pa mi rigs te/ rang

bzhin gyis grub pa'i tshul gyis las skye ba dang 'gags pa med
pa'i phyir ro zhes 'gog pa yin no/ /lan 'debs tshul de nyid
'phags pa'i bzhed pa yin par ston pa la/ gang phyir las ni skye
ba med/ /'di ltar rang bzhin med de'i phyir/

gang phyir de ni ma skyes pa/ /de phyir chud zar mi 'gyur ro/
/zhes rtsa sher gsungs pa drangs te/ las rang bzhin gyis grub pa
med pa'i phyir rang gi bdag nyid kyis skye ba med do/ /de'i
phyir las rang bzhin gyis 'gag pa mi srid

@127a @#/ /pa'i phyir/ las byas pa'i 'og tu 'gags pa de rang
bzhin gyis grub par bzung nas chud mi za bar rtog pa rigs pa min
no/ /zhes pa'i don no/ /rigs pa de ni chud mi za ba 'gog pa la
gsungs kyang gzhan gsum 'gog pa la yang

khyad par med de rgyu mtshan kun nas mtshungs pa'i phyir ro/ /yang
mdo las/ mi yi tshe tshad lo brgya ste/ /de srid 'tsho zhes brjod
mod kyi/ /lo la phung por spungs pa med/ /sgrub pa de yang de
dang mtshungs/ /zad pa med ces gang smras dang/ /las zad ces ni
gang

smras pa/ /stong pa'i tshul du zad pa med/ /tha snyad tshul du zad
par bstan/ /zhes gsungs pa drangs te/ rang bzhin gyis grub pa'i
zad pa'am 'gag pa med pa dang/ de gnyis tha snyad kyi dbang gis
bzhag pa'i khungs so/ /nag tsho'i 'gyur las/ lo rnams phung

por spungs pa ni/ /med pa de bzhin yang dag par/ /tshogs pa 'di
yang blta bar bya/ /zhes 'byung ngo/ /de rnams ni rang bzhin
gyis te mi 'gag pa zhes dgag bya la khyad par sbyar ba'i steng
nas bshad pa'o/ /gsum pa la gnyis/ 'gag pa rang bzhin gyis

med pa kun gzhi khas mi len pa'i rgyu mtshan du 'gro tshul dang/
kun gzhi khas mi len kyang bag chags kyi gzhi 'jog pa'o/ /dang
po ni/ gal te rang bzhin gyis grub pa'i 'gag pa med kyang rang
gi lugs la yang la lar las 'gags zhes dang/ 'gags

shing rang bzhin yod min pa'i/ /zhes gsungs pas/ tha snyad tshul
du zad par bstan/ zhes pa ltar las byas pa'i 'og tu las de 'gags
pa ni 'dod dgos la/ de'i tshe 'gags pa ni dngos por med cing las
'bras kyi 'brel pa'i rten du kun gzhi

@127b sogs kyang mi 'dod na/ las 'gags nas yun ring du lon pa
las/ 'bras bu 'byung ba mi 'thad par brtsad pa son gnas pas/
sngar gyi lan de dag gis mi chog go zhe na/ skyon med de/ gang
phyir rang bzhin gyis de mi 'gag pa/ de phyir zhes pa'i rgyu
mtshan

nyid kyis las zhig pa'i zhig pa las phyis kyi 'bras bu 'byung ba
'grub pas lan zur pa ma gsungs so/ /de yang dngos po rang bzhin
gyis grub par 'dod pa'i phyogs thams cad la/ zhig pa dngos por
mi rung la rang bzhin gyis ma grub par 'dod pa'i dbu

ma'i phyogs la zhig pa dngos por grub pa'i gnad do/ /lugs dang
po la ni/ myu gu lta bu'i dngos po cig zhig pa na/ myu gu'i cha
shas kyi dngos po thams cad ni log la/ myu gu las gzhan pa bum
pa la sogs pa'i dngos po gzhan gang yang ma thob pas/

zhig pa de dngos po gtan min par 'dod de/ sngon po la sogs pa
skye mched re re ba'i dngos po dang/ bum pa la sogs pa rang gi
cha shas kyi dngos po tshogs pa gang yang zhig pa de'i mtshan
gzhir mi rung ba'i phyir dngos po min no snyam pa'o/ /lugs phyi
ma

la ni/ dper na nyer sbas kyi phung po lnga re re ba dang tshogs
pa gnyis ka dang/ de gnyis las ngo bo tha dad pa gcig nyer sbas
kyi mtshan gzhir 'jog rgyu med cing/ nyer sbas kyang de gsum gyi
mtshan gzhir mi rung la/ rang gi phung po la brten nas nyer sbas
su

btags pa dngos po yin par mi 'gal ba bzhin du/ zhig pa yang zhig
rgyu'i dngos po dang/ de dang rigs mthun pa'i dngos po gang yang
mtshan gzhir med kyang/ zhig rgyu'i dngos po la brten nas skyes
pa'i phyir dngos po'o/ /de sgrub pa la lung rigs gnyis

@128a @#/ /tshig gsal las gsungs pa'i dang po ni/ sa bcu pa las/
skye ba'i rkyen gyis rga shi zhes gsungs pa ste/ shi ba ni gang
shi ba'i sems can de zhig pa yin la/ de skye ba'i rkyen gyis
skyed par gsungs pa dang/ yang de nyid las

'chi ba yang bya ba gnyis su nye bar gnas pa yin te 'du byed
'jig par yang byed pa dang/ yongs su mi shes pa rgyun mi 'chad
pa'i rgyu yang 'byin pa'o/ /zhes 'chi bas bya ba gnyis byed par
gsungs te/ shi ba rgyus byed pa dang/ shi bas ma rig pa skyed

par yang gsungs pas/ zhig pa la skyed pa'i rgyu yod pa dang/
zhig pas 'bras bu skyed nus pa yin te/ 'di ni rgyun gyi zhig pa
yin yang skad cig ma dang po dus gnyis par zhig pa la yang 'dra
la/ skad cig ma dang po dus gnyis par zhig pa'i rgyur yang

bstan no/ /des na sems can skyes pa dang shi ba gnyis dang skad
cig ma gnyis par mi sdod pa dang/ skad cig ma gnyis par ma bsdad
pa rnams la dngos por 'jog mi 'jog dang/ rgyus skyed mi skyed
kun nas mtshungs so/ /'di la dgongs nas rtsa she

las/ dngos dang dngos med 'dus byas yin/ zhes dang/ rigs pa drug
cu pa las kyang/ rgyu zad nyid las zhi ba ni/ zad ces bya bar
dmigs pa ste/ zhes myu gu sogs kyi dngos po dang/ de zhig pa
de'i dngos por med pa gnyis ka 'dus byas dang/

snum lta bu'i rgyu zad pa ni mar me lta bu'i 'bras bu zad pa'i
rgyur gsungs pas/ 'phags pa'i bzhed par gdon mi za bar 'dod par
bya'o/ /skad cig dang po dus gnyis par zhig pa ni dngos su dgag
bya bcad nas rtogs dgos pas/ dgag pa ni yin

@128b la med dgag ni ma yin pas ma yin dgag ste/ zhig rgyu de
bcad pa tsam min gyi de bcad pa'i dngos po zhig 'phangs pa'i
phyir ro/ /sgrub byed lhag ma ni rgyas par rtsa she'i TIkka las
shes par bya'o/ /'di ni lugs 'di'i rigs pa phra la don che ba
cig/

tu 'dug go /gnyis pa ni/ gal te kun gzhi rnam shes khas mi len
kyang dge mi dge'i bag chags 'jog pa dang/ bag chags de smin pa
las 'bras bu 'byung bar 'dod dgos te/ 'jug 'grel las/ thog ma
med pa'i 'khor bar dngos po'i bag

chags bzhag pa yongs su smin pa/ dngos po la mngon par zhes pa/
zhes dang/ de 'dra ba gzhan yang mang du 'byung ba'i phyir ro/
/de yang bag chags 'jog pa'i gzhi med par mi rung bas gzhi de
gang yin zhe na/ ji ltar kun gzhi rnam shes khas

len pa rnams kyi ltar na/ nyon yid kyis nga'o snyam du dmigs
pa'i gzhir gyur pa'i kun gzhi rnam shes bag chags kyi gnas su
'dod pa de bzhin du lugs 'dis kyang nga'o snyam pa tsam gyi blo
lhan skyes kyi dmigs pa de nyid bag chags

sgo ba'i gzhir bzhed do/ /'o na 'jug 'grel las/ sems kyi rgyun
bag chags kyi gzhir gsungs pa ji ltar yin zhe na/ nga tsam de
nyid sems rnam shes la brten nas btags pa'i rgyud yin pas/ sems
kyi rgyud ces kyang bya la/ sems nyid

kyi rigs 'dral de'i rgyud ces pa ltar na/ de yang res 'ga' ba'i
bag chags sgo ba'i gzhir 'gyur ro/ /ma rig pa'i bag chags kyi
tshul ni/ 'jug 'grel las/ gang gis sems kyi rgyud 'gag par byed
cing sgo bar byed la/ rjes su bgrod par

@129a @#/ /byed pa ni bag chags te/ nyon mongs pa'i mur thug pa
dang/ goms pa dang rtsa ba dang bag chags zhes bya ba ni rnam
grangs dag go /de ni zag pa med pa'i lam gyis nyon mongs pa
spangs su zin kyang/ nyan thos dang rang sangs rgyas kyis

spang bar mi nus te/ til mar dang me tog la sogs pa bsal du zin
kyang/ bum pa dang snam bu la sogs pa rnams la de dang phrad pas
yon tan phra mo dmigs pa bzhin no/ /zhes gsungs so/ /dge mi
dge'i bag chags la sogs pa'i bag chags

gzhan la yang gzhi gnyis su 'gyur ba ji ltar rigs par sbyar ro/
/'o na mthong lam bar chad med lam gyi dus su de'i spang bya
mthong spang med mod kyang/ sgom spang gi bag la nyal yod dgos
la/ de'i tshe yid kyi shes pa ni gnyis snang 'khrul pa'i bag

chags kyis ma bslad pa'i zag med yin pas/ de'i ngo bor bag la
nyal de gnas pa mi rigs la/ dbang shes kyang de'i rten du med
cing gzugs kyang de'i rten du mi rigs la kun gzhi yang mi 'dod
pas de'i rten med par 'gyur ro snyam na/ skyon med

de'i tshe nga tsam zhig sgom spang gi bag la nyal gyi rten yin pa'i
phyir te/ spang gnyen gzhan la yang de bzhin du shes par bya'o/
/lugs 'di'i gang zag gi 'jog tshul thun mong ma yin pa shes na
nam mkha' dang rnam shes mtha' yas dang ci yang med

pa gsum du skyes pa'i 'phags pa'i rgyud la/ 'jig rten las 'das
pa zag med kyi sems mngon du gyur pa na/ 'jig rten pa'i sems
gzhan med pas de rnams kyi 'gro ba ldog par 'gyur ro/ /zhes pa
dang/ srid rtser skyes pa'i 'phags pa la

@129b ci yang med pa'i sar gtogs pa'i zag med kyi sems mngon du
gyur pa na/ srid rtse dang ci yang med pa gnyis ka'i sas bsdus
pa'i 'gro ba ldog par 'gyur te/ zag med kyi sems de'i gnas ni
'gro ba de gnyis dang/ mya ngan las 'das pa'i 'gro

bar mi rung ba'i phyir ro/ zhes gsungs pa'i rigs pa rnams kyis
kyang mi gnod par mngon te/ zag bcas dang zag med kyi sems gang
yang 'gro ba de dag gi mtshan gzhir ma bzhag kyang 'gro ba bzhag
pas chog pa'i phyir ro/ /phyogs snga ma'i lugs

ni/ lam ma zhugs dang slob pa rnams kyi 'gro ba'i ngo bo ma
sgribs lung ma bstan gyi dbang du mdzad pa'o/ /lan de dag kyang
bdag 'dra bas lugs chen po rnams la rang stobs kyis brjod par ga
la nus/ 'on kyang mgon po klu sgrub kyi dgongs pa

ji lta ba bzhin du rdzogs par 'jog shes pa'i shing rta chen po
dag gi lugs la brten nas smras pa yin no/ /de rnams la dpags na
kun gzhi sgrub pa'i rigs pa lhag ma rnams kyis kyang lugs 'di la
mi gnod par mngon te/ blo gros che zhing

zhib la rno ba rnams kyis rtsad gcad par bya'o/ /gnyis pa ni/
sngar las 'gags pa las 'bras bu 'byung bar bshad pa'i don de
nyid dpe'i sgo nas bshad pa/ rmi lam na bud med bzang mo dmigs
pa'i yul dag mthong nas ni/ de nas gnyid

sad kyang sad pa'i tshe na yang skye bo blun po la da lta 'gags
shing med pa la dmigs nas chags pa drag po skye bar 'gyur ba de
bzhin du rang bzhin gyis yod pa min pa'i las 'gags pa las kyang
ni/ las kyi 'bras bu 'byung ba yod pa yin

@130a @#/ /no/ /zhes las zhig pa las 'bras bu 'byung bar bstan
no/ /de'i shes byed du srid pa 'pho ba'i mdo las rgyal po chen
po 'di lta ste dper na mi zhig nyal ba'i rmi lam na yul gyi bud
med bzang mo dang lhan cig spyod par

rmis la/ de nyal ba las sad nas yul gyi bud med bzang mo dran
na/ rgyal po chen po 'di ji snyam du sems/ 'o na gang rmi lam
gyi yul gyi bud med bzang mo dang lhan cig yongs su spyod par
rmis la/ de nyal ba las sad nas yul gyi bud

med bzang mo dran pa'i mi de ci mkhas pa'i rang bzhin can yin
nam/ gsol pa bcom ldan 'das da ni ma lags te/ de ci'i slad du
zhe na/ bcom ldan 'das rmi lam gyi bud med bzang mo yang ma
mchis shing/ mi dmigs pa lags na/ de

dang yongs su spyod pa lta ga la mchis te/ 'di ltar mi de ni
phongs shing dub pa'i skal ba can du 'gyur lags so/ /zhes drangs
pa ni dpe ston pa'o/ /de don dang sbyor ba ni/ rgyal po chen po
de bzhin du byis pa so so'i skye bo thos pa dang mi ldan pa yang

mig gis gzugs rnams mthong nas yid bde bar 'gyur ba'i gzugs
rnams la mngon par zhen te/ mngon par zhen par gyur nas chags pa
skyed par byed do/ /chags nas 'dod chags las byung ba dang/ zhe
sdang las byung ba dang/ gti mug

las byung ba'i lus dang ngag dang yid kyis mngon par 'du byed
do/ /las de mngon par 'du byas par gyur nas 'gag go /'gags pa
na shar phyogs su brten te gnas pa ma yin pa nas/ phyogs mtshams
rnams su ma yin no zhes bya ba'i bar

@130b dang/ zhes gsungs te thos pa dang mi ldan pa ni de kho na
nyid ston pa thos pa las de nyid rtogs pa med pa'o/ /mngon par
zhen pa ni bden zhen no/ /chags pa las byung ba'i las gsum la
ni/ dge mi dge'i las gnyis ka dang/ zhe sdang las byung ba'i

las ni mi dge ba dang/ gti mug las byung ba la yang las gnyis ka
gsog pa yod do/ /las byas ma thag tu 'gags pa ni tha snyad du
dang/ lhag mas ni 'gag pa ngo bo nyid kyis grub pa bkag go /de
nas dus gzhan ci tsam zhig na 'chi ba'i dus

dang tshod nye bar gnas pa'i tshe/ de dang skal ba 'dra ba'i las
de'i tshe 'phen byed zad nas/ rnam par shes pa tha ma 'gag pa'i
tshe 'di lta ste/ dper na nyal nyal ba las sad pa'i mi'i yul gyi
bud med bzang mo lta bur yid las de nyid la mngon du

phyogs par 'gyur ro/ /zhes gsungs te/ skal pa 'dra ba ste phung
po rigs mthun tshe 'dir gnas pa'i las zad nas/ tshe 'di'i rnam
shes tha ma 'gag pa'i tshe/ chags ldan sad ma thag tu rmi lam gyi
mdzes ma dran te/ yid de la phyogs pa bzhin

du 'chi kha'i tshe tshe phyi mar gang smin pa'i las kyi nus pa sad
pa'i las de la yid phyogs par 'gyur gyi dran pa min no/ /de ltar
rnam par shes pa tha ma 'gag cing/ skye ba'i char gtogs pa'i
rnam par shes pa dang po yang na ni lha dag gi nang

du zhes bya ba nas/ yang na ni yi dwags rnams su 'byung bar
'gyur ro/ /zhes bya ba'i bar dang/ zhes gsungs te tha ma 'gag pa
ni tshe 'di'i 'o/ /skye ba'i char gtogs pa'i rnam shes dang po
'byung ba la lha dag gi nang du zhes sogs gsungs shing/

@131a @#/ /bar srid 'gro ba drug po min pas skye srid kyi rnam
shes yin te/ skye 'chi gnyis kyi bar na bar srid yod kyang ma
gsungs pa mang bar snang bas/ gtso bor skye 'chi'i dbang du byas
pa'i las 'bras bu dang 'brel tshul gtan

la dbab par bzhed pa'o/ /de nas rnam par shes pa dang po de
'gags ma thag tu gang la rnam par smin pa myong bar 'gyur bar
mngon pa de dang skal pa 'dra ba'i sems kyi rgyun 'byung ngo/
/rgyal po chen po de la chos gang yang 'jig rten 'di nas 'jig
rten

pha rol tu 'pho ba yang med la/ 'chi 'pho ba dang skye bar mngon
pa yang yod de/ rgyal po chen po de la gang rnam par shes pa tha
ma 'gags pa de ni 'chi 'pho ba zhes bya/ gang rnam par shes pa
dang po 'byung ba de ni skye ba zhes bya'o/ /rgyal po chen po
rnam par shes

pa tha ma 'gags pa'i tshe yang gang du yang mi 'gro'o/ /rnam par
shes pa skye ba'i char gtogs pa 'byung ba'i tshe yang gang nas
kyang 'ong ba med do/ /de'i ci'i phyir zhe na/ rang bzhin gyis
dben pa'i phyir ro/ /rgyal po chen po de la rnam par shes pa tha
ma ni rnams par

shes pa tha mas stong ngo/ /'chi 'pho ni 'chi 'pho bas stong
ngo/ /las ni las kyis stong ngo/ /rnam par shes pa dang po ni
rnam par shes pa dang pos stong ngo/ /skye ba ni skye bas stong
la las rnams chud mi za bar yang mngon no/ /zhes gsungs te skye
srid du nying

mtshams sbyar ba'i sngon las kyi 'bras bu bde sdug cig myong bas/
de myong ba'i rnam shes kyi rgyun skye sems dang po las skye ba
dang/ 'chi 'pho ba dang skye ba tha snyad du yod la/ don dam par
med pa dang de'i rgyu mtshan rang bzhin gyis dben zhes pa ni/
dgag

@131b bya la khyad par sbyar ba ste rnam shes tha ma sogs rang
rang gis stong par gsungs pa la sbyar bar bya'o/ /de ltar bstan
pa na las 'bras yod pa min par bzung gis dogs nas las rnams chud
mi za bar gsungs so/ /gsum pa la gnyis/ rnam smin thug med du
'byin pa'i

rtsod pa spang ba dang/ kun gzhi yod par gsungs pa'i lung dang
'gal ba'i rtsod pa spang ba'o/ /dang po ni/ gal te las rang
bzhin gyis ma skyes pa la rang bzhin gyis zad pa med pas rnam
smin 'byung bar 'dod na de bzhin du rnam par smin zin pa las
kyang yang rnam par

smin par 'gyur ba'i phyir thug pa med pa'i skyon du 'gyur ro
snyam na/ ji ltar te dper na yul ni yod pa nyid min par mtshungs
bzhin du/ rab rib can gyi mig gis yod pa min pa'i skra shad la
sogs pa'i rnam par ni mthong gi /de las gzhan pa'i dngos po'i

rnam pa bong bu'i rwa dang/ mo gsham gyi bu la sogs pa'i rnam
par mthong ba ma yin pa ltar/ de bzhin du las rang bzhin gyis
grub pa min par mtshungs bzhin du/ smin ma zin pa las smin pa
dang/ smin zin pa las slar yang smin pa min par shes par gyis

shig /dpe 'di las las rnams kyi 'bras bu nges par 'grub pa
'ba' zhig tu ma zad kyi/ dge mi dge'i las las yid du 'ong mi
'ong gi 'bras bu yang so sor nges so zhes bshad pa/ rab rib can
gyi mig gis skra shad sogs mthong ba dang/ bong bu'i rwa la

sogs pa mi mthong ba'i nges pa de'i phyir rnam smin yid du 'ong
ba ni mi dge ba las mi 'byung la/ rnam smin yid du mi 'ong ba ni
dge ba las ma yin pa'i phyir/ rnam smin mi dge ba ste yid du mi
'ong ba ni/ nag po'i las las yin la/ rnam smin dge ba ste

@132a @#/ /yid du 'ong ba ni dge ba las 'byung ba yin par mthong
zhing/ dge ba dang mi dge ba'i las med pa'i blo can te rang
bzhin gyis grub pa mi dmigs par rtogs pa ni 'khor ba las thar
bar 'gyur ro/ /de'i phyir rgyal bas so so skye bo las

kyi khyad par 'di dang 'di las 'bras bu'i khyad par 'di dang 'di
'byung ba'i rgyu mtshan 'thad sgrub kyi rigs pas zhib par nges
par dpyod par byed pa rnams la/ las dang 'bras bu la skur pa
btab pa las kun rdzob 'jig par 'gyur du 'ong snyam ste/ las
rnams

kyi 'bras bu rnam par smin pa ni bsam gyis mi khyab bo/ /zhes
las dang 'bras bu rnams la brten pa'i sems pa ste dpyad pa'ang
dgag par mdzad do/ /gzhung 'dir de 'dra ba'i sgo mang po nas las
'bras kyi nges pa stor du dwogs nas sgo du ma nas las 'bras

kyi nges pa skyed thabs mdzad pa 'di shes par gyis la/ stong pa
nyid kyi lta bas kyang de'i nges pa brtan pa'i grogs byas pa'i
steng nas/ da res rin po che'i gling du phyin pa stong log tu mi
'gro ba la 'bad par byos shig /gnyis pa la gsum/ lung 'gal

spong ba'i tshig don dngos/ yid shes las ngo bo tha dad pa'i kun
gzhi bshad ma bshad kyi tshul/ dgongs pa'i dbang gis gsungs pa'i
dpe bstan pa'o/ /dang po ni/ gal te de ltar kun gzhi med kyang
las 'bras kyi 'brel pa rnam par 'jog nus na/

'o na lang kar gshegs pa dang/ la sogs pas dgongs 'grel dang/
theg pa chen po'i chos mngon pa'i mdo las/ kun gzhi rnam par
shes pa zhes pa/ dngos po'i chos mtha' dag pa'i nus pa'i khyad
par gyi gzhi sa bon thams cad pa/ rgya mtsho

@132b las rlabs rnams 'byung ba ltar/ phyi nang gi dngos po
thams cad skye ba'i rgyur gsungs pa de/ rnam pa thams cad du
de'i rnam gzhag 'jog pa med zhig gam zhe na/ de ltar ni ma yin
te/ de skad du kun gzhi yod par bstan pas 'dul ba rnams la

de yod pa nyid du bstan pa'i phyir ro/ /'dis ni dgos pa'i
dbang gis kun gzhi gdul bya'i ngor khas len par bstan pas/ rang
gi lugs la dgongs pa can du ston pa na/ gang la dgongs nas
gsungs pa'i dgongs gzhi ni/ rang bzhin gyis grub

pas stong pa'i stong pa nyid kho na la dgongs nas/ kun gzhi
rnam shes kyi sgras bstan par rig par bya'o/ /de la kun gzhir
gsung ba ni/ rang bzhin de ni dngos po thams cad kyi rjes su
zhugs pa'i phyir ro/ /dgos pa'i dbang gis kun gzhi rnam shes

yod par ston pa 'ba' zhig tu ma zad kyi/ gang zag kyang rdzas su
yod par ston te/ des 'dul ba'i skye bo la de yod par bstan pas
rjes su 'dzin pa'i phyir ro/ /ji skad du dge slong dag phung po
lnga ni khur ro/ /khur 'khur ba ni gang zag go /zhes gsungs

pa lta bu'o/ /'di ni gang zag rang rkya thub pa'i rdzas yod du
'dzin pa rnams kyis zhus pa'i ngor de med par ma bstan par khur
'khur ba'i gang zag yod par gsungs pas/ tshig la dngos su med
kyang don ni rdzas yod do/ /yang gdul bya kha cig la ni

gang zag rdzas su med pa'i phung po tsam zhig bstan par mdzad
de/ sems zhes bya ba'am/ yid ces bya ba'am/ rnam par shes pa
zhes bya ba de ni dus ring por dad pa dang tshul khrims la sogs
pas yongs su bsgos shing/ gong du 'gro ba na phyi ma la

@133a @#/ /mtho ris su 'gro bar 'gyur ro/ /zhes bshad pa'o/ /'di
yang mtho ris dang byang grol du 'gro ba'i tshul la bden par
'dzin pa can rnams/ ji tsam zhig khas blang bar bya snyam pa la/
de'i bden zhen gyis yul ma bkag par

phung po tsam zhig yin par bstan pa na phung po bden par don
gyis ston pa'o/ /'di dag thams cad ni dgongs pa'i dbang gis
gsungs pa yin no/ /'dir gdul bya gang la dgongs te gsungs pa yin
zhe na/ de'i lan brjod par bya ste/ kun gzhi rnam

shes yod cing gang zag nyid rdzas su yod la/ phung po 'di dag
'ba' zhig ste de tsam nyid bden par yod ces bstan pa 'di ni/
sngar bshad pa de ltar te de lta bu'i ches zab pa'i don re zhig
rig pa ste rtogs par mi 'gyur ba'i gdul bya gang yin pa de

la dgongs te gsungs so/ /gdul bya gang dag yun ring por mu stegs
kyi lta ba la goms par byas pas chos nyid zab mo la 'jug par mi
nus shing/ rin chen 'phreng ba las/ bdag yod ma yin yod mi
'gyur/ /bdag gi yod min mi 'gyur zhes/ /byis

pa dag ni de ltar skrag /ces gsungs pa ltar chos nyid thog mar
bstan pa na skrag nas/ sangs rgyas kyi bstan pa la g.yang sa
dang 'dra bar sems pa de dag bstan pa la rgyab kyis phyogs shing
mi 'jug pas don chen po sgrub par mi 'gyur ro/ /de

rnams la ches thog mar zab mo'i gnas mthar thug pa ma bstan par
kun gzhi rnam shes dang/ phung po bden pa sogs bstan pas ni de
la brten nas mu stegs kyi lugs bsal nas/ de dag gi don chen po
'dren par 'gyur zhing phyi nas gsung

@133b rab kyi don legs par rig pa rnams rang nyid kyis kun gzhi
la sogs pa yod par 'dzin pa spong bar 'gyur bas/ de ltar bstan
pa la yon tan kho na 'byung gi skyon ni ma yin no/ /rim pa de
ltar bya ba la dgongs nas brgya pa las/ gang zhig gang gang

la dga' ba/ /de yi de de sngar spyad bya/ /nyams par gyur pa dam
chos kyi/ /snod ni cis kyang ma yin no/ /zhes gsungs so/ /tshogs
drug las ngo bo tha dad pa'i kun gzhi bstan dgos pa la ni/ phyi
rol dgag dgos pas gzung 'dzin rdzas gzhan gyis

stong pa'i de kho na nyid tsam zhig gi snod du rung la/ sngar
bshad pa ltar gyi kun gzhi rnam shes khas ma blangs kyang/ las
'bras kyi 'brel pa 'jog shes pa min pas/ ches zab pa'i don rig
par mi 'gyur ba la gsungs pa yin no/ /gnyis pa ni/ sher phyin

'bum pa sogs mang por rnam shes kyi grangs ston pa na/ rnam shes
tshogs drug bshad kyi de las mang ba ma bshad pa'i mdo sde du ma
zhig yod pas/ mdo sde las kun gzhi rnam shes bzhag ma bzhag gi
tshul gnyis bka' stsal pa bzhin du/ rje

btsun byams pas kyang de dag gi don rnam par 'grel ba na/ dbus
mtha' dang mdo sde rgyan dang/ chos nyid rnam 'byed du kun gzhi
rnam par bzhag pa dang phyi rol med pa'i phyogs bshad la/ mngon
rtogs rgyan dang/ rgyud bla ma las kun gzhi rnam shes rnam

par ma bzhag pa dang phyi rol ma bkag pa'i phyogs bshad de/
/slob dpon chen po thogs med kyis kyang rgyud bla ma'i dgongs pa
rnam rig tsam gyi lugs su yi ma bshad par/ dbu ma'i lugs su
bshad la/ theg bsdus su kun gzhi rnam shes

@134a @#/ /kyi sgrub byed du drangs pa'i chos mngon pa'i lung/
rgyud bla ma'i 'grel pa las/ sems can la de bzhin gshegs pa'i
khams grub pa snying por gyur pa yod mod kyi/ sems can de dag
gis shes pa ma yin no/ /zhes

gsungs so/ /de skad du/ thog ma med pa'i dus kyi khams/ /chos
rnams kun gyi gnas yin te/ /de yod pas na 'gro kun dang/ /mya
ngan 'das pa'ang thob pa yin/ /zhes sems can la chos nyid kyi
rigs yod pa'i sgrub byed du drangs pas/ slob dpon

'dis kun gzhi rnam shes kyi dgongs gzhi stong nyid du bshad pa
dang mthun pa'i phyir/ tshogs drug las ngo bo tha dad pa'i kun
gzhi gdul bya 'ga' zhig gi ngor/ dgos pa'i dbang gis gsungs par
bzhed do/ /'o na byang chub sems 'grel du/

ji ltar khab len dang nye bas/ /lcags ni myur du yongs su 'khor/
/de la sems ni yod min te/ /sems dang ldan bzhin snang bar
'gyur/ /de bzhin kun gzhi rnam shes ni/ /bden min bden pa bzhin
du ni/ /gang tshe 'gro 'ong g.yo bar 'gyur/ /de tshe

srid pa 'dzin par byed/ /ji ltar rgya mtsho la ni shing/ /sems ni
med kyang g.yo bar 'gyur/ /de bzhin kun gzhi rnam shes ni/ /lus
la brten nas g.yo ba yin/ /zhes kun gzhi rnam shes kyis srid pa
'dzin par gsungs pa ji ltar drang zhe na/

de ni sems las don gzhan pa'i phyi rol bkag nas sems tsam zhig
rang bzhin gyis grub pa ma bkag pa'i sems tsam gsungs pa ni/
byis pa thams cad stong par bstan pa la skrag pa spang pa'i
phyir yin gyi/ nges don gyi de nyid min pa

@134b dang/ rnal 'byor spyod pa ba rnams kyis gnas gyur pa'i
sems kyi dag pa rang bzhin gyis grub pa cig /so so rang gis rig
pa'i spyod yul du grub pa khas blangs pa bkag pa'i tshe/ sems
bden pa med na 'jig rten snga ma nas 'dir 'ong ba dang/

'di nas phyi mar 'gro ba'i g.yo ba'i bya ba mi 'thad do snyam
pa'i rtsod pa khong na gnas pa'i lan du/ lcags dang shing la
sems med kyang yod pa ltar g.yo ba bzhin du/ kun gzhi bden par
med kyang bden par yod pa ltar 'gro 'ong gi g.yo ba

dang bcas par snang ngo/ /zhes ston pa yin pas gzhung gzhan nas
bshad pa ltar gyi kun gzhi rnam shes rang gi mtshan nyid kyis
grub pa khas len pa ni min no/ /gal te kun gzhi rang gi mtshan
nyid kyis grub par khas mi len kyang/ tshogs

drug las ngo bo tha dad pa'i sgyu ma lta bu kun byang gi chos
kun gyi sa bon thams cad pa khas len no snyam na/ de 'dra ba'i
kun gzhi khas len na kun gzhi'i bag chags smin pa las gzugs sgra
sogs su snang ba tsam du zad kyi/ phyi rol gyi don med

par khas blang dgos na/ de nyid las/ shes pas shes bya rtogs pa
ste/ /shes bya med par shes pa med/ /de lta na ni rig bya dang/
/rig byed med ces cis mi 'dod/ /ces phyi'i shes bya dang nang gi
shes pa gnyis yod med mtshungs pas

gcig med na cig shos med par gsungs la/ 'di ni gzhung 'dir don
shes gnyis don dam du med mnyam dang tha snyad du yod mnyam yin
pas/ bden gnyis gang du yang de gnyis la yod med kyi khyad par
'byed pa mi 'thad par gsungs

@135a @#/ /pa dang khyad med pas na/ phyi rol med pa'i shes pa
yod pa slob dpon gyi bzhed pa min no/ /de'i phyir yid kyi shes
pa las ngo bo tha dad pa'i kun gzhi mi bzhed pas kun gzhi zhes
gsungs pa ni/ spyir sems rig cing

gsal tsam la kun gzhir bzhag pa dang/ khyad par du yid kyi shes
pa la yin te/ sems spyi tsam rang bzhin gyis grub pa bkag pa'i
lan du/ sems bden par med pa la bya byed rung ba'i tshul yin pa'i
phyir dang/ srid par skye ba 'dzin pa'i sems yid shes yin pa'i
phyir dang/ yid

kyi shes pa ni kun nas nyon mongs dang rnam byang thams cad kyi
gzhi yin pa'i phyir ro/ /dbu ma snying por yang kun gzhi sgra ji
bzhin pa bkag la/ slob dpon ye shes snying po yang/ phyi rol
bzhed pas kun gzhi mi bzhed do/ /phyi rol gyi don 'gog pa'i sems
tsam

pa la yang kun gzhi rnam shes 'dod mi 'dod gnyis snang la/ phyi
rol gyi don mi bzhed pa'i slob dpon kA ma la shI las kyang/
yid kyi blo kho na ni skye ba gzhan dang nying mtshams sbyor ba'i
nus pa can yin no/ /ji skad du yang/ chad dang mtshams sbyor 'dod

chags bral/ /nyams dang 'chi 'pho skye ba ni/ /yid kyi rnam shes
kho nar 'dod/ /ces mdzod las gsungs pa drangs pas/ slob dpon
chen po zhi 'tsho yang kun gzhi rnam shes mi bzhed par gsal lo/
/a b+hya kara yang de dang 'dra'o/ /theg pa chen

po'i gsung rab gzhan du kun gzhi rnam shes zhes gsungs pa yang/
ming tsam ma rtogs pa ngos 'dzin gsal bar mi snang la/ don la
dpyad pa tshogs drug las ngo bo tha dad pa mi bzhed pa kho nar
snang zhing/ lugs de yang phyi rol khas len pa'i

@135b phyogs su snang bas yid kyi rnam shes la ming de ltar
btags pa'o/ /'di rnams rgyas par gtan la 'bebs dgos mod kyang
mang bas 'jigs nas ma bris so/ /gsum pa ni/ gdul bya gzhug par
bya ba'i phyir dang po kun gzhi rnam shes la sogs

pa bstan pa 'ba' zhig tu ma zad kyi/ 'on kyang ji ltar te dper
na 'jigs tshogs la lta ba bag chags dang bcas pa dang bral bas/
nga dang nga yir 'dzin pa'i rtog pa thams cad spangs kyang/ nga
dang nga yi zhes bsnyad pa 'jig rten gyis chos kyi don khong du
chud pa'i

thabs yin pa'i phyir/ sangs rgyas bcom ldan 'das kyis nga dang
nga yi zhes ji skad bstan pa de bzhin du/ dngos po rnams rang
bzhin gyis grub pa med mod kyi ste kyang/ rang bzhin gyis yod
ces drang don nyid du bstan pa ni/ 'jig rten gyi rim gyis de kho
na nyid

khong du chud pa'i thabs yin no/ /bsdu na nga zhes pa dang nga
yi'o zhes gsung pa ltar na/ de dang de'i rtog pa yod pa ltar
snang na'ang/ rtog pa med pa nges don yin pa bzhin du chos rnams
rang bzhin gyis grub par ston pa de sangs rgyas kyi dgongs pa
ltar snang yang

chos rnams de ltar med pa de nges pa'i don no zhes pa'o/ /tha
snyad kyi rnam gzhag 'jig rten dang mthun par 'jug tshul yang
shar gyi ri bo'i sde pa dang mthun pa'i tshigs su bcad pa las/
gal te 'jig rten rnam 'dren rnams/ /'jig rten mthun par mi

'jug na/ sangs rgyas chos nyid gang yin dang/ /sangs rgyas sus
kyang shes mi 'gyur/ /phung po dag dang khams rnams dang/ /skye
mched rang bzhin gcig bzhed la/ /khams gsum po dag ston mdzad
pa/ /'di ni 'jig rten mthun 'jug yin/ /ming

@136a @#/ /med pa yi chos kyi rnams/ /bsam pa med pas ming dag
gis/ /sems can rnams la yongs brjod pa/ /'di ni 'jig rten mthun
'jug yin/ /dngos med nye bar ston mdzad cing/ /sangs rgyas rang
bzhin la bzhugs pas/ /

dngos med 'ga' yang 'dir med pa/ /'di ni 'jig rten mthun 'jug
yin/ /don dang don med mi gzigs la/ /'gog pa dang ni dam pa'i
don/ /smra ba rnams kyi mchog gsung ba/ /'di ni 'jig rten mthun
'jug yin/ /zhig pa med cing skye med la/ /

chos kyi dbyings dang mnyam gyur kyang/ /sreg pa'i bskal pa ston
mdzad pa/ /'di ni 'jig rten mthun 'jug yin/ /dus gsum dag tu
sems can gyi/ /rang bzhin dmigs pa ma yin la/ /sems can khams
kyang ston mdzad pa/ /'di ni 'jig rten

mthun 'jug yin/ /zhes rgya cher gsungs pa lta bu'o/ /de rnams
kyi sholo ka tha mas sems can rang bzhin med pa'i gang zag gi
bdag med dang/ lhag ma rnams kyi dngos po dang dngos med kyi
chos rang bzhin med pa'i chos kyi bdag med bstan la/

shar ri'i sde pa ni dge 'dun phal chen pa las rim gyis gyes pa
yin par rtog ge 'bar ba las bshad pas na/ nyan thos kyi sde snod
du chos rang bzhin med pa shin tu gsal bar ston pa cig yod par
snang ngo/ /gnyis pa sems tsam pa'i lugs

bye brag tu dgag pa la gsum/ phyi rol med pa'i shes pa rang
bzhin gyis grub pa dgag /gzhan dbang rang bzhin gyis grub pa'i
sgrub byed tshad ma dgag /sems tsam du gsungs pa'i tsam gyi
sgras phyi don 'gog pa min par bstan pa'o/ /dang po

@136b la gnyis/ gzhan lugs brjod pa dang/ lugs de dgag pa'o/
/dang po ni/ rnam par shes pa dbu ma pa'i lugs ji skad bstan pa mi
bzod cing/ rgyal ba'i dgongs pa min pas/ rang gi rnam rtog gis
sbyar ba'i lugs brjod pa'i sgo nas don 'jog par byed pa rnams
kyis/ ngang gi

gzhung las ji skad du bshad pa'i lugs gsal bar bya ba'i phyir
phyogs snga ma smras pa/ shes rab kyi pha rol tu phyin pa lhag
pa la gnas pa ste bzhugs nas de nyid sgom par byed pa'i byang
chub sems dpa' sa drug pa ba des/ rigs pa gang gis de kho na
nyid phyin ci ma log pa dang/ gzung

'dzin rdzas tha dad du lhag par sgro ma btags par rtogs pa dang
mthong ba dang/ khong du chud pa ni de nyid rtogs pa ste/ rnam
par shes pa tsam du de kho na nyid rtogs par 'gyur zhes rnam par
sbyar ro/ /de yang phyi rol gyi gzugs med pas sems dang sems
byung rnams kyang phyi rol gyi gzugs

te don med par rten 'byung gi dngos po tsam du rtogs pa'i phyir/
rnam shes tsam du de kho na nyid rtogs pa zhes bya'o/ /yang ji
ltar byang sems 'dis de kho na nyid de ltar rtogs par 'gyur zhe
na/ gang gi phyir byang sems 'dis nang gi bag chags smin pa las
gzugs sogs

'byung bar 'chad par 'gyur ba'i rigs pas sems la rang las rdzas
gzhan gyi gzung ba med par de las don gzhan pa'i de 'dzin par
byed pa ma mthong zhing/ srid pa khams gsum po ni rnam par shes
pa tsam mo zhes rab tu rtogs pas te nas/ gnyis

stong gi de kho na nyid la yun ring por goms par byed la/ de goms
pa las kyang sgras de kho na nyid du brjod du med pa'i dngos po
ste gnyis stong gi ngo po tsam zhig rang rig pas mngon sum du
mthong ste/ de'i phyir sngon du goms pa'i rim pa 'dis sa drug pa
pas

@137a @#/ /rnam shes tsam du de kho na nyid rtogs par 'gyur ro/
/gal te 'di dag phyi rol med pa'i rnam par rig pa tsam yin na/
'o na 'dir phyi rol med par de'i rnam pa can gyi sems tsam ji
ltar skye bar 'gyur zhe na/ smras pa

ji ltar te dper na rlabs kyi rten du gyur pa'i rgya mtsho chen po
ni/ rlung gis bskul ba ste kun nas bskyod pa las/ sngar gnyid
log pa lta bu'i mi g.yo bar gnas pa las chu'i rlabs rnams 'gren
pa'i sgo nas bdag gi lus rnyed pa ltar/ yongs su rgyug par

rtogs pa de bzhin du phyi nang gi dngos po kun gyi sa bon kun
gzhi rnam shes zhes bya ba las/ chags sogs dang dad sogs 'gag
bzhin pas rang dang rjes su mthun pa'i nus pa kun gzhi la bzhag
pa'i bag chags smin pa bas ma dag pa'i

gzhan dbang rnam shes tsam zhig 'byung ba de nyid la/ byis pa
rnams gzung ba dang 'dzin pa phyi nang du rgyangs chad par 'dzin
pa'i tshul gyis rtog par byed kyi rnam shes las rdzas tha dad
pa'i gzung ba ni cung zad kyang yod pa min no/ /'di ni dper

na dbang phyug la sogs pa rgyur smra pa rnams/ ba ni ba sgra
rnams kyi rgyu/ /chu shel chu rnams kyi bzhin dang/ /blag sha
yal ga rnams kyi ltar/ /de ni lus can kun gyi rgyu/ /zhes dbang
phyug la sogs pa 'gro ba'i byed pa por smra ba bzhin du/

kun gzhi rnam shes smra ba rnams kyang rnam shes dmigs pa'i
dngos po mtha' dag gi rten nyid kyis sa bon thams cad pa smra
bar byed do/ /gang dbang phyug rtag la kun gzhi rnam shes mi
rtag go zhes bya ba 'di ni khyad par ro/ /de'i phyir

@137b tshe rabs gzhan mang por mu stegs kyi lta ba goms pa rnams
ni kun gzhi bshad pas 'dul ba yin no/ /'o na 'grel par sems tsam
pa'i 'dod pa brjod pa na/ phyi rol med ces pa mang du gsungs
shing/ rnam par shes pa las tha

dad par gyur ba'i gzung ba ni cung zad kyang yod pa min zhes/
gzugs sogs kyi gzung ba med pa la rnam shes las tha dad pa'i
zhes khyad par smos pa dang/ dbang po gzugs can mig ces bya bar
rtogs zhes pa'i 'grel pa las/ rnam

par shes pa las tha dad pa'i mig gi dbang po ni yod pa ma yin
no/ /zhes dgag bya la khyad par sngar ltar sbyar ba bzhin sems
tsam gyi skabs su 'dod rgyu yin nam/ 'on te gzugs sogs lnga dang
dbang po gzugs can lnga med ces

khyad par ma sbyar bar khas blang rgyu yin snyam na/ 'grel pa
'dir khyad par sbyar ma sbyar gnyis ka 'dug kyang/ skye ba 'gog
pa la dgag bya la khyad par sbyar ba mang du byung na/ ma byung
ba'i skabs thams cad du yang de 'khyer ba bzhin

du/ 'dir yang de ltar bya ste/ 'dir phyogs snga ma brjod pa'i
gzhung theg bsdus su/ ci'i phyir len pa'i rnam par shes pa zhes
bya zhe na/ dbang po gzugs can thams cad kyi rgyu yin pa dang/
lus thams cad nye bar len pa'i gnas su

gyur pa'i phyir te/ 'di ltar tshe ji srid par rjes su 'jug gi bar
du des dbang po gzugs can lnga po dag ma zhig par nye bar bzung
ba dang/ zhes dang/ thun mong ni snod kyi 'jig rten gyi sa bon
gang yin pa'o/ /thun mong ma yin pa de ni

@138a @#/ /so so rang gi skye mched kyi sa bon gang yin pa'o/
/thun mong gang yin pa de ni tshor ba med pa 'byung ba'i sa bon
no/ /zhes kun gzhi'i steng gi snod kyi 'jig rten gyi sa bon tshor
ba med pa'i dngos po'i sa bon du gsungs

pa dang/ bsdu ba las kyang de bzhin du gsungs shing rten 'brel
mdo 'grel du/ kun gzhi rnams kyi rkyen gyis ming gzugs 'grub par
bshad pa'i ming phung po lhag ma bzhi dang/ gzugs 'byung ba
'byung 'gyur gyi gzugs la 'chad cing/

de 'dra de gzugs med na med kyang khams gzhan gnyis na yod par
bshad pa sogs sems tsam gyi lugs la gzugs khas len pa mtha' yas
pa cig snang ngo/ /de lta ma yin na sems tsam gyi skabs su gzugs
phung gi steng nas/ de

ltar gzugs sgra sogs tha snyad mdzad pa thams cad la/ gsar du ma
bcos pa tha snyad btags pa de nyid kyis tha snyad byed du mi
rung ba kho nar 'gyur bar snang la/ de 'dra ba'i tha snyad byar
mi rung bar mthong yang da dung grub mtha' 'di legs so

zhes pa ni 'phags yul gyi sangs rgyas pa su la yang mi snang
ngo/ /shes bya nang gir smra ba zhes pa'i ming don kyang shes
bya ni gzugs sgra sogs yin la/ de phyi rol tu mi 'dod kyi nang
shes pa'i dngos por smra ba la zer ba yin no/ /gal te

sems tsam pas gzugs sgra sogs khas len na/ de phyi rol yin pa
'gog pa ming tsam la rtsod par 'gyur te/ phyi rol tu snang ba'i
gzugs sogs 'di nyid la phyi rol tu 'jog pa'i phyir ro zhe na/
'di dang dbu ma pas gzugs sogs

@138b rang gi mtshan nyid kyis grub pa bkag nas gzugs sogs 'jog
pa la/ rang mtshan gyis grub par snang ba'i gzugs sogs 'di nyid
rang gi mtshan nyid kyis grub par 'jog pa'i phyir/ de yod med la
rtsod pa med la rtsod pa'o zhes pa

dang 'dra ste/ grub mtha' gnyis ka'i dka' gnas chen por snang
bas/ dbu ma'i tshul dka' bar ma zad sems tsam pa'i lugs 'di la
yang/ phyi rol bkag na gzugs sogs kyang med par 'gro zhing/
gzugs sogs bzhag na phyi rol

yang bzhag dgos par mthong bar 'dug pa'i phyir ro/ /'di dag dka'
mod kyang mangs bas 'jigs nas ma bris so/ /gang gi phyir gsung
rab kyi rnam par bzhag pa ni sngar bshad pa 'di yin par grags pa
de'i phyir gzhan gyi dbang rang

bzhin gyis grub pa'i ngo bo gang yin pa 'di ni gdon mi za bar
khas blang bar bya ste/ gang gi phyir gzung 'dzin gyi dngos po
btags par yod pa ste/ rdzas tha dad du yod par 'dzin pa sogs kyi
rtog pa'i dra ba ma lus pa'i rgyu ste gzhir 'gyur

bar 'dod pa'i phyir ro/ /thag pa'i rgyu mtshan can gyi sbrul du
'khrul ba ni thag pa med pa'i gzhir mi skye la/ bum pa la sogs
pa'i rgyu mtshan can gyi 'khrul ba ni sa la sogs pa med pa'i nam
kha'i phyogs su skye bar mi 'gyur ba

bzhin du/ phyi rol gyi don med na sngon po la sogs pa phyi rol
tu 'khrul ba'i rtog pa 'khrul gzhi ji 'dra ba zhig gi rgyu can
du 'gyur/ de'i phyir gdon mi za bar phyi rol tu 'khrul ba'i rtog
pa'i rgyu gzung 'dzin rdzas tha dad pa gnyis su snang

@139a @#/ /ba'i ma dag gzhan dbang khas blang dgos te/ snang gzhi
de nyid kun byang gi 'ching grol gnyis ka'i rgyu yin pa'i phyir
ro/ /dbu sems gang gi lugs kyis kyang de lta sems can rnams la
snang zhing/ snang ba ltar

du bden par zhen pa'i zhe na gzhi de/ zhen yul des stong par
bstan pa cig yod na/ stong nyid de rtogs pa lam du 'gro ba yin
gyi/ sems can rang dga' ba rnams kyis bden par zhen pa'i zhen
yul sun phyung ba'i stong nyid rtogs pa lam du

mi byed par stong pa gzhan zhig bden par sgrub pa ni/ thog ma med
pa nas zhugs pa'i bden zhen phra rags gang gi yang gnyen por mi
'gro bas ngal ba 'bras med do/ /de ltar na gnyis su snang ba'i
gzhan dbang gang la gzung 'dzin rdzas tha dad pa snang ba

bzhin du yod par 'dzin pa'i zhen yul gyi kun brtags gang med pa
de ni/ gzhi de dgag bya des stong par yang dag par rjes su
mthong la/ stong gzhi dang stong pa gang zhig 'dir lhag mar lus
par gyur pa de/ 'di na bden par yod pa yin no/ /zhes

yang dag pa ji lta ba bzhin du rab tu shes pas 'di ni stong pa
nyid kyi don kyang legs par gzung bar 'gyur ro/ /'dir phyogs
sngar mdzad pa ni byang sa dang dbus mtha'i 'grel pa las/ gang la
gang med pa zhes sogs kyi don sngar ltar bshad pa de yin la/

rgyud bla ma'i 'grel par gang zhig gang na med pa de ni zhes
sogs kyi don bkral ba ni/ snga ma gnyis dang gtan mi 'dra bar
dbu ma'i 'grel tshul du yod de mangs pas 'jigs nas ma bris so/
/gzhan dbang de ni phyi rol gyi gzung ba med par rang gi bag

@139b chags kho na las 'byung bar 'gyur la/ rang bzhin gyis yod
pa dang 'di'i lugs kyi don dam par sgra rtog gi spros pa kun te
thams cad kyi yul min pa'i rang bzhin can du yod de/ phyi nang
gi mngon par brjod pa ni dngos su ma brtags pa'i rnam pa 'dzin

pa'i phyir ro/ /mdor na gzhan dbang la khyad par gsum yod de/
phyi rol med par 'byung ba dang rang bzhin gyis yod pa dang/ don
dam par spros pa yin no cog gi yul ma yin pa'o/ /brtag par yod
pa'i rgyu ni rang bzhin gyis yod pa'i dngos po'i khongs

su 'du bas de ni khyad par gsum po las tha mi dad do/ /gzhan
dbang yod ces pa ni yod tsam min gyi yod pa khyad par ba yin te/
slob dpon blo brtan gyis/ yang dag ma yin kun rtog yod/ /ces bya
ba gsungs te/ rang bzhin gyis zhes bya ba tshig gi lhag

ma'o/ /zhes gsungs pa ltar yin pas/ khyad par 'di nges pa 'og tu
gal che'o/ /gnyis pa la gnyis/ dgag pa rgyas par brjod pa dang/
de ltar bkag pa'i mjug bsdu ba'o/ /dang po la gsum/ phyi rol med
pa'i shes pa rang bzhin gyis grub pa'i dpe

dgag /bag chags kyi nus pa las don gyis stong ba'i shes pa skye
ba'i don dgag /de ltar bkag pa dang mi sdug pa sgom pa gnyis mi
'gal bar bstan pa'o/ /dang po la gnyis/ rmi lam gyi dpe dgag pa/
skra shad mthong ba'i dpe dgag pa'o/ /

dang po la gsum/ rmi lam gyi dpes shes pa rang bzhin gyis yod pa
mi 'grub pa/ rmin lam gyi dpes sad dus su phyi rol med pa mi
'grub pa/ rmi lam gyi dpes dngos po thams cad brdzun par 'grub
pa'o/ /dang po ni/ sems tsam pa khyed phyi rol

@140a @#/ /med la/ rang gi mtshan nyid kyis grub pa'i sems yod par
'dod na/ dper na 'di bzhin zhes 'di'i dpe ni gang du yod ces 'di
nyid dpyad par bya'o/ /sems tsam pas smras pa/ dper na khang mig
shin tu chung

du'i nang du nyal zhing/ gnyid kyis log pas glang po che myos
pa'i khyu rmis pa'i glang po che ni/ khang mig der ji ltar yang
yod pa min te/ de'i phyir rmi lam ji lta ba bzhin du phyi rol
gyi yul med bzhin du/ rnam shes rang bzhin gyis grub pa

'di nges par khas blang bar bya'o zhe na/ 'di yang snying po med
pa nyid du bstan pa'i phyir bshad pa/ dpe de nyid 'dir bsam pa
ste dpyad par bya'o/ /yang dpyad par bya ba de ci zhig ce na/
gang gi tshe rmi lam na yang ba lang myos pa'i khyu'i rnam pa

can gyi sems rang gi mtshan nyid kyis grub pa de ni/ yul glang po
che med pa ltar nga'i lugs la yod pa min te/ ma skyes pa'i phyir
ro/ /rnam shes rang gi mtshan nyid kyis grub pa med na/ de'i tshe
gnyis ka la grub pa'i khyed kyi dpe yod pa min

pas/ phyi rol med par rnam par shes pa yod pa min no/ /'dir rmi
lam na snang ba'i glang po che med pa bzhin du yul can shes pa
yang med par ston pa ni min gyi rang bzhin gyis grub pa'i shes
pa med par ston pa la nges par 'dod dgos te/

sngar bshad pa ltar sems tsam pas phyi rol med pa'i gzhan dbang
khas blangs pa ni/ gzhan dbang rang bzhin gyis grub pa yin pa'i
phyir dang/ dgag pa 'di rnams kyis don bsdur/ mdor na ji ltar
shes bya med de bzhin/ /blo yang med/ ces

@140b pa'i 'grel par shes bya'i rnam pa can gyi blo yang rang gi
bdag nyid kyis ma skyes par rig par bya'o/ /zhes gsal bar gsungs
shing/ gzhan yang rtsa 'grel gnyis su 'di 'dra'i rigs 'gog pa'i
tshe/ dgag bya la khyad par sbyar ba du ma zhig yod

pa'i phyir dang/ slar yang de las bdag nyid chen pos sems/ /ma
rig las las skyes par ci phyir gsungs/ zhes ma rig pas 'du byed
'du byed kyis rnam shes skyed par gsungs pa rang gi'ang lugs yin
pa'i phyir na/ rnam shes med pa

'di'i lugs su smra ba la ni rtog ldan la dogs pa'i gnas med do/
/de'i phyir shes bya dang shes pa la yod med mgo mtshungs mdzad
pa thams cad ni dgag bya'i khyad par gyi steng nas shes par
bya'o/ /ci ste rmi lam na rnam par shes pa 'khrul

pa med na/ de'i sad pas rmi lam gyi dus gyi nyams su myong ba
phyis dran par mi 'gyur ro snyam na/ 'di ni shes pa rang gi ngo
bo nyid kyis grub pa med na/ shes pa ye med par bsams pa'i rtsod
pa'o/ /de ltar rtsod pa 'di yang mi rung ste/ gal te gnyid

sad pa'i tshe rmi lam gyi nyams su myong ba dran pa las/ rmi lam
gyi yid rang bzhin gyis grub pa yod na/ rmi lam gyi glang po che
la sogs pa phyi rol tu snang ba'i yul yang yid de bzhin du yod
par 'gyur te/ ci'i phyir zhe na/ ji ltar khyod kyi sad

pa'i tshe ngas rmi lam gyi dus su mthong snyam pa'i yul can gyi
dran pa yod pa las yid yod pa de bzhin du/ rmi lam gyi tshe yul
'di mthong snyam pa'i yul myong de 'dra ba phyi rol te yul la
yang dran pa yod pas/ yul yang yod pa'am yang

@141a @#/ /na rnam shes kyang yod pa min no zhes khas blang bar
bya'o/ /'o na rmi lam gyi yul dang yul can dran pa rang lugs la
yang yod pas/ de gnyis yod med ji ltar bya zhe na/ 'dir 'grel
bar rmi lam gyi myong ba dran pa dang/ rmi lam

gyi yul nyams su myong ba dran pa gnyis bshad pas/ rmi lam gyi
skabs su glang po che la sogs pa snang ba na/ dper na byad bzhin
gyi gzugs brnyan mthong ba na de snang ba'i mig shes kyis byad
bzhin myong ba min kyang/ gzugs brnyan la ltos pa'i

yul myong yod pa bzhin du rmi lam gyi tshe yang glang po che
myong ba'i yul myong med kyang/ der snang ba'i yul myong yod pas
yul dran zer yang yul de myong ba dran pa'o/ /dmigs myong so sor
'byed pa ni skabs 'ga' zhig ma gtogs pa 'di 'dra ba mang

po zhig la mi dgos so/ /de ltar na phyi rol gyis stong pa'i
gzhan dbang rang gi mtshan nyid kyis grub pa ni 'jog par mi nus
te/ dngos kyi dpe yang mi srid la skye ba snga phyi yod par
sgrub pa lta bu la dngos kyi dpe med kyang/ sbyor ba'i 'god tshul

gzhan gyis sgrub pa lta bu'i dpe yang 'di la med pas/ sems tsam
pa 'gog pa ni rigs pa shin tu stobs che bar shes par bya'o/
/gnyis pa ni/ gal te glang po che la sogs pa'i gzugs rmi lam na
yod na/ de 'dzin pa'i mig shes

kyang rmi lam na yod par 'gyur na de ni mi rigs te/ gnyid log pa
na gnyid kyis dkrugs pa la mig gi blo ste shes pa mi srid pas/
glang po che la sogs pa'i gzugs mig gi skye mched kyis gzung bar
bya ba yod pa min la/ yid kyi shes pa kho

@141b na yod do/ /de'i phyir phyi rol gyi gzugs kyi skye mched
med pa kho na yin zhing/ yid kyi rnam par shes pa la phyi rol
de'i rnam pa snang ba tsam la phyi rol nyid du mngon par zhen pa
ni bzlog tu med par 'byung ngo/ /rmi lam du phyi rol med par
rnam par

shes pa tsam 'byung ba ji lta ba de bzhin du/ sad pa'i skabs
'dir 'dod do zhe na/ 'di ni sngar gyi dpe de ma grub tu chug
kyang rmi lam gyi dpes sad pa'i skabs su phyi rol med pa'i rnam
shes 'grub bo snyam pa'o/ /de ni ma yin te rmi lam du

yid kyi rnam shes 'byung ba mi srid pa'i phyir ro/ /zhes gsungs
pa ni/ rmi lam du gzugs kyi skye mched med du chug kyang/ de med
pa'i yid kyi rnam shes rang bzhin gyis grub pa rmi lam na'ang mi
srid pas/ phyi rol med pa dang yid shes rang bzhin

gyis yod pa gnyis tshogs pa de dper mi rung zhes pa'o/ /'di ltar
ji ltar khyod kyi ltar na phyi rol gyi yul de don rmi lam du ma
skyes pa de bzhin du/ yid kyi rnam shes kyang rang bzhin gyis
skyes pa ma yin no/ /de'i phyir ji ltar sad pa'i tshe gzugs

mthong ba na/ mig dang gzugs dang yid gsum po 'dus pa de bzhin
du/ rmi lam du yang yul yongs su gcod pa na gsum 'dus par blos
dmigs pa yin no/ /ji ltar rmi lam der mig dang mig gi yul gzugs
gnyis med pa de bzhin

du/ de gnyis kyis bskyed pa'i sems mig gi rnam shes kyang yod pa
yang ma yin pas/ rmi lam gyi mig gzugs yid gsum po thams cad
kyang ni brdzun pa yin no/ /gsum po de bzhin du rna ba sogs mig
gi gsum gyi lhag ma gsum

@142a @#/ /po'ang rang bzhin gyis skye ba med do/ /'dir sogs pa'i
sgras ni sgra dang rna ba'i rnam par shes pa nas yid dang chos
kyi khams dang yid kyi rnam par shes pa'i bar bsdu'o/ /zhes
gsungs pa'i rna ba'i dbang po

nas lus dbang gi bar bzhi dang/ sgra'i nas reg bya'i skye mched
kyi bar bzhi dang/ rna ba'i rnam shes sogs bzhi ni sngar mig gi
gsum la bshad pa bzhin du/ rmi lam na de dag med kyang de dag gi
rnam par snang bas brdzun pa dang/ yid kyi gsum

ni rmi lam na yod kyang rang bzhin gyis med bzhin du der snang
bas brdzun pa'o/ /de'i phyir rmi lam na dbang shes yod pa slob
dpon 'di'i lugs su byas nas de la dgag pa byed pa ni/ blo gros
kyi 'jug pa shin tu rtsing bas/ phyogs snga'i nam ma langs

pa la dgag pa'i nyi ma shar ba yin zhes grags pa bzhin yin pas/
rgyang ring du dor bar bya ste bod kyi mkhas par rlom pa 'ga'
zhig la/ 'di 'dra ba'i grub mtha' la mkhas pa'i dbang po sems
dpa' chen po yin/ ngo shes pa rnams kyi

lugs rags pa'ang ma go bar/ de rnams bsod nams ma yin pa rgyun
ldan du gsog pa'i zhing du gzung nas/ sems can du ma zhig bsod
nams ma yin pa la sbyor bar snang bas bag yod par byos shig
/'dir sems tsam pas gal te gnyid nang

zhes sogs kyis bshad pa bzhin du rang lugs bzhag pa la/ slob dpon
legs ldan gyis kyang dpe ma grub pa'i lan mdzad pa na/ chos kyi
skye mched du gtor ba'i gzugs yid kyi shes pas gzung bar bya ba
cig /rmi lam na yod pas rnam par shes pa ni yul med par 'gar
yang yod pa ma yin no zhes smra'o/ /'di

@142b la de yang rigs pa ma yin te/ rmi lam na rnam pa thams cad
du gsum po mi srid pa'i phyir ro/ /ci ste gzhan gyi gzhung lugs
bsal bar bya ba'i phyir de ltar khas len na ni/ de'i tshe rmi lam
gyi dpe don med pa nyid du 'gyur te/ de brdzun pa ma yin pa'i
don can yin pa nyid kyis dpe las

byung ba dngos kyi don brdzun pa'i don nyid du bstan pa mi srid
pa'i phyir ro/ /zhes gsungs pa'i don ni yul dbang rnam shes gsum
rang bzhin gyis grub pa ni rmi lam na yang rnam pa thams cad du
mi srid pa'i phyir/ chos kyi skye mched kyi gzugs shes pa

las don gzhan rmi lam na yod pa mi rigs zhes bshad rgyu yin la/
de'i tshe gzugs de rang gis kyang bzhed dgos la/ de rmi lam na
yang yod pa mi 'gal bas/ gzugs de legs ldan gyis rang gi mtshan
nyid kyis grub par zhal gyis bzhes bar

gsal bas de med pa'i rgyu mtshan du bya'o/ /ci ste sems tsam pa'i
lugs phyi'i skye mched du gtogs pa'i gzugs don gzhan med pa la/
rmi lam dper 'jog pa des sel nus pas/ de bsal ba'i phyir gzugs
de rang mtshan gyis grub par khas

len na ni/ de'i tshe dbu ma pas bden med sgrub pa la rmi lam gyi
dpe bkod pa don med do/ /rmi lam de brdzun pa ma yin pa'i don
can te/ rang gi mtshan nyid kyis grub pa nyid kyis dpe las byung
ba ste/ des mtshon ba'i dngos kyi don brdzun pa nyid du grub pa
mi

srid pa'i phyir te/ rang bzhin gyis grub pa ma bkag bar du/ bden
med sgrub pa'i rtags chos dpe de la rjes su 'gro ba med pa'i
phyir ro/ /des na sngar rang gi lugs kyi rmi lam na gang snang
thams cad rang bzhin gyis ma grub pa'i lan btab pa ches legs

@143a @#/ /so/ /'o na rang lugs kyis rmi lam gyi gzugs gsal bar
snang ba rnams chos kyi skye mched pa'i gzugs su 'dod dam mi
'dod ce na/ rmi lam na dbang shes med pas yul lngar snang ba
rnams ni yid shes kho na

la snang bas na/ de la gzugs kyi skye mched sogs lnga bzhag tu
med kyang/ yid tsam gyi ngor keng rus gsal bar snang ba lta bu
chos kyi skye mched du 'jig pa dang 'dra bas/ chos kyi skye
mched kyi gzugs yin la/ de yang de'i gzugs lnga las kun

brtags pa'i gzugs yin no/ /'dis ni 'di 'dra ba mang po zhig shes
par bya'o/ /gsum pa ni/ gang gi phyir rmi lam na yul dbang rnam
shes su snang ba gsum char yang mi bden pa de'i phyir/ rmi lam
bden med du rab tu grub pa'i sgo nas chos gzhan

bden med du ma grub pa rnams bsgrub pa'i phyir/ sad pa'i tshe na
yang chos thams cad rang bzhin med pa nyid du bsgrubs par 'gyur
ro zhes bshad pa/ ji ltar rmi lam gyi yul dang dbang po dang
rnam par shes pa rnams brdzun pa de bzhin du/ sad

pa'i skabs 'dir yang dngos po rnams brdzun pa yin pas/ sems de
rang bzhin gyis yod pa ma yin la/ de bzhin du dbang po'i spyod
yul gzugs la sogs pa rnams med cing/ dbang po rnams kyang rang
bzhin gyis skye ba med do/ /de'i phyir

mdo las/ ji ltar sgyu ma'i sems can dmigs pa ltar/ /snang yang
de nyid du na yang dag min/ /sgyu ma lta bu rmi lam dang 'dra
ba/ /de lta'i chos ni bde bar gshegs pas bstan/ zhes dang/ srid
pa'i 'gro ba rmi lam lta bu ste/ /'di

@143b la mi skye su yang 'chi ba med/ /sems can mi dang srog
kyang mi rnyed de/ /chos 'di rnams ni dbu ba chu shing 'dra/
/zhes bya ba la sogs pa yang legs par bshad par 'gyur ro zhes
gsungs la/ su yang mi skye sogs ni/ de nyid du na

yang dag min/ /zhes dgag bya la khyad par mdzad pa ltar sbyar
ro/ /mdo de dag gis rmi lam gyi dpes chos thams cad de kho nar
ma grub par bshad pa de dbu ma la 'grig gi / sems tsam la mi
'grigs pas legs par bshad par 'gyur

zhes gsungs so/ /de'i phyir 'jig rten 'di na ji ltar mi shes
pa'i gnyid yod kyang/ de las tha dad pa'i tha mal pa'i gnyid
dang bral bas sad pa 'ga' zhig la/ rang gi bdag nyid kyis ma
skyes kyang ma rig pa'i gnyid kyis rmi lam rmi bzhin pas

dmigs pa'i ngor/ /gsum char yang yod pa de bzhin du ji srid du
gnyid dang ma bral ba ma sad pa rnams la yang/ de srid du de la
ste de'i ngor yul dbang rnam shes gsum po yang yod pa yin no/
/gnyid sad par gyur pa na/ rmi lam gyi gsum char

yod pa min pa ltar/ gti mug gi gnyid zad pa ste ma lus par
drungs phyung ba las/ chos kyi dbyings mngon sum du mdzad pa'i
sangs rgyas rnams la ni/ gsum char yang yod pa ma yin pas phyi
rol med pa'i rnam par shes pa med do/ /de yang

ji ltar gzigs pa'i ngor ni gsum po mi snang la/ ji snyed pa
gzigs pa'i ngor ni yul can rang nyid ma rig pa'i bag chags kyis
bslad pa'i dbang gis snang ba med kyang/ gang zag gzhan gyi shes
pa bslad pa'i dbang gis snang ba rnams/ de

@144a @#/ /la snang ba'i sgo nas sangs rgyas la snang nas mkhyen
pa yin no/ /gnyis pa ni/ 'o na rab rib can gyis yod pa ma yin
pa'i skra shad la sogs pa dmigs pa'i phyir/ phyi rol med kyang
rnam par shes pa rang bzhin gyis

yod pa yin no zhe na de yang mi 'thad do/ /ci'i phyir zhe na/
mig gi dbang po rab rib dang bcas pa la blo gang gis rab rib kyi
mthu las skra shad rnams gang mthong ba na/ gang zag de'i blo yi
mthong ba la ltos na ni/ mig shes dang skra bshad kyi rnam pa
ste skra

shad du snang ba'i yul gnyis char yang yod pa yin la/ don gsal
mthong ba ste rab rib med pa'i mig gis mthong ba la ltos na ni
skra shad du snang ba dang/ de snang ba'i shes pa gnyis ka'ang
brdzun pa ste ma skyes pa yin te/ snang ba tsam gyi yul yang

med par shes pa yod pa nges par dka' ba'i phyir ro/ /'di ni gdon
mi za bar de ltar nges par 'dod dgos so/ /de ltar ma yin te gal
te rab rib can la shes bya skra shad med par skra shad kyi rnam
pa can gyi rang bzhin gyis grub pa'i blo skye ba

yod na gang du rab rib can gyis skra shad de mthong ba'i yul der
mig ni rjes su 'brel ba ste gtad pa'i rab rib med pa la'ang rab
rib can dang 'dra bar skra shad mthong ba'i blo skye bar 'gyur
te/ yul med par mtshungs pa'i phyir ro/ /'di ni rang bzhin

gyis grub pa'i gzhan las skye na/ gzhan yin tshad thams cad las
skye bar 'phen pa bzhin du rang bzhin gyis grub pa'i shes pa zhig
skye na/ yul skra shad med par mtshungs pa la/ rab rib can la de
mthong ba skye la/ rab rib med pa la de mthong

@144b ba mi skye ba mi 'thad de/ shes pa de rab rib la mi ltos
par 'phul nus pas 'brel med du 'gro ba'i phyir ro/ /rab rib med
pa la sgra shad du snang ba'i blo skye ba de lta ma yin pa de'i
phyir phyi rol med par rang bzhin gyis grub pa'i shes pa de yod
pa

min no/ /gnyis pa la gsum/ bag chags smin ma smin nyid las don
snang gi rnam shes skye ba dang mi skye ba dgag pa/ slar yang
phyi rol med par rnam shes yod tshul brjod pa dgag pa/ sems tsam
gyi lugs bkag pa la lung gi gnod pa med par bstan

pa'o/ /dang po la gnyis/ gzhan lugs brjod pa dang/ lugs de dgag
pa'o/ /dang po ni/ gal te skra shad du snang ba'i skra shad lta
bu'i yul gyi yod pa nyid rnam shes skye ba'i rgyu yin na/ rab
rib med pa la yang skra shad snang bar 'gyur ba zhig na de ni
min no/ /'o

na ci zhe na/ rnam shes skye ba'i bag chags sngar bzhag pa de
smin pa dang ma smin pa de dag rnam par shes pa skye ba dang mi
skye ba'i rgyu yin te/ de'i phyir gang zag gang la skra'i rnam
pa can gyi shes pa snga ma gzhan gyis bzhag pa'i bag chags smin
pa yod pa

de kho na la/ skra shad kyi rnam pa can gyi shes pa 'byung gi /
gang gi phyir rab rib med par yul mthong ba dag la skra shad du
snang ba'i blo yi nus pa bag chags ni smin pa med pa de'i phyir
rab rib med pa de la skra shad mthong ba'i blo skye bar mi 'gyur
ba

yin gyi/ shes bya skra shad du yod pa'i dngos po dang bral bas
blo de mi skye ba min no zhe na/ gnyis pa la gsum/ da ltar ba la
nus pa rang bzhin gyis grub pa dgag /ma 'ongs pa'i nus pa rang
bzhin gyis grub pa dgag /'das pa la nus pa rang

@145a @#/ /bzhin gyis grub pa dgag pa'o/ /dang po ni/ gal te nus
pa zhes pa rang bzhin gyis grub pa zhig yod na ni/ de'i tshe nus
pa de smin ma smin las rnam shes 'byung mi 'byung yod du chug na
yang/ nus pa ngo bo nyid kyis grub

pa de med pas/ 'di ni 'grub pa ma yin no/ /ji ltar mi 'grub ce
na/ nus pa 'di rtog pa na rnam shes da ltar ba'i 'brel pa can
zhig gam/ rnam shes 'das pa dang ma 'ongs ba'i 'brel pa can zhig
tu 'gyur grang/ de la re zhig skyes pa ste da ltar

ba la nus pa ngo bo nyid kyis grub pa srid pa nyid yod pa ma yin
la/ ma skyes pa ma 'ongs pa'i ngo bo la yang nus pa yod pa ma
yin no/ /de la re zhig rnam shes da ltar ba la nus pa 'dod pa
na/ rnam shes dang nus pa gnyis ka dus mtshungs su 'gyur

la/ de'i tshe nus pa dang nus pa can gnyis la nus pa'i rnam shes
zhes rnam dbye drug pa yin pa de'i tshe/ de gnyis don gzhan du mi
rigs pas nus pa'i rnam shes ni nus pa nyid du yod pa mi rigs te/
yod na ni 'bras bu la rang las gzhan

pa'i rgyu med pa can du 'gyur zhing/ myu gu skyes pa na yang sa
bon mi 'jig par 'gyur ro/ /gang gi tshe nus pa dang nus pa can
gnyis la nus pa las rnam shes zhes rnam dbye lnga pa yin pa de'i
tshe ni/ rnam par shes pa skyes pa dus mnyam

pa'i nus pa las 'byung bar mi rigs te/ rgyu'i dus na 'bras bu
yang yod pa'i phyir ro/ /de ltar na re zhig rnam shes da ltar ba
la de'i rgyu'i nus pa yod pa ma yin no/ /gnyis pa ni rnam shes
ma skyes pa la nus pa yod na ni/ rnam par

@145b shes pa'i nus pa zhes sbyar ba na/ nus pa khyad par gyi
gzhi dang rnam shes khyad par gyi chos yin no/ /de la rnam shes
ma skyes pa ma 'ongs pa ni/ rnam par shes pa'o zhes sgrub pa'i
ngo bor bstan par mi nus la/ rnam par shes pa ma yin zhes

rang bzhin gyis grub pa'i dgag pa'i ngo bor bstan par mi nus so/
/gang gi tshe rnam shes ma 'ongs pa da ltar rnam shes su med pa
de'i tshe/ nus pa 'di ni rnam shes 'di'i nus pa'o zhes bya bar
gang gis nus pa khyad par du byed par 'gyur te mi

'gyur ro/ /de ltar na khyad par rnam shes med par des khyad par
du byas pa can gyi nus pa yod pa ma yin te/ de lta ma yin na mo
gsham gyi bu la'ang de'i nus pa ni yod par thal bar 'gyur ro/
/gal te rnam shes gang zhig nus pa las skye

'gyur de snying la bsams nas/ rnam shes 'di yi nus pa 'di yin
zhing nus pa 'di las rnam shes 'di 'byung bar 'gyur ro/ /zhes de
ltar khyad par dang khyad gzhi'i dngos por 'gyur te/ 'jig rten
na 'bras chan tshos shig ces pa dang/

snal ma 'di la ras yug thogs shig ces 'byung 'gyur gyi 'bras chan
dang/ snam bu la bsams nas de skad smras pa dang/ mdzod las
kyang/ mngal du 'jug pa gsum dag ste/ /'khor lo sgyur dang rang
byung gnyis/ /zhes 'khor

sgyur sogs su 'gyur rgyu zhig mngal du 'jug pa la/ de dag mngal
du 'jug par bshad pa bzhin 'byung bar 'gyur ba'i rnam shes la
bsams nas rnam shes kyi nus pa zhes bsnyad par 'dod do zhe na/
de yang snying po med de/ res

@146a @#/ /'ga' zhig tu yod par 'gyur na ni/ 'bras bu de da
gzod 'byung bar 'gyur gyi/ rtag tu dus nam gyi tshe yang mi
'byung bar nges pa mo gsham gyi bu la sogs pa dang/ 'dus ma
byas kyi nam mkha' la sogs

pa ni/ da lta dang dus phyis gang du yang mi 'byung ngo/ /de'i
phyir gal te rang bzhin gyis grub pa'i nus pa yod na rnam shes
'byung du chug kyang/ gang gi tshe da lta ma 'ongs pa'i rnam
shes rang bzhin gyis grub pa ni dus nam yang med pas/

de skyed pa'i nus pa gtan med pa de'i tshe/ mo gsham gyi bu la
sogs pa bzhin du rang bzhin gyis grub pa'i rnam shes skyed
pa'i nus pa med par rang bzhin gyis grub pa'i rnam shes 'di yi
'byung bar 'gyur ba med do/ /dbu ma pas

myu gu skye ba rang gi mtshan nyid kyis grub pa 'gog pa'i skabs
mang por/ myu gu sa bon gyi dus su med kyang skye na/ ri bong
gi rwa la sogs pa yang skye bar 'gyur ro/ /zhes ha cang thal
ba 'phen pa'i gnad ni rang mtshan gyis grub pa'i myu gu ni
skabs

gcig tu med na dus nam yang med dgos pas/ gzhi ma grub dang
khyad med du 'gro ba'i rgyu mtshan gyis yin gyi/ spyir myu gu
sa bon gyi dus na med kyang skye na/ ri bong gi rwa yang skye
bar thal zhes 'gog pa gtan min no/ /rigs pa

'dis ni 'bras chan la sogs pa yang bshad pa yin te/ rang bzhin
gyis skye ba ltar na/ 'bras chen sogs 'byung 'gyur yang gtan
med dgos pa'i phyir ro/ /gzhan yang rnam shes 'byung 'gyur yod
pa la ltos nas de'i

@146b nus pa 'jog la/ nus pa las rnam shes 'byung ngo zhes nus
pa la ltos nas rnam shes 'jog na/ phan tshun gyi don la brten
pa'i 'grub par 'gyur ro/ /de 'dod do zhe na/ de ltar na rnam
shes rang bzhin gyis grub pa min par nyid ces dam pa mkhyen
rab mnga' ba rnams kyis

gsung so/ /'grel par ring thung dang pha rol tshu rol lta bu'i
ltos 'grub rnams ni btags par yod par 'gyur gyi/ grub pa rang
bzhin pa med par gsungs pas de dag la grub pa spyir 'gog pa
min gyis rang bzhin gyis grub pa 'gog pa'i khyad par rnams
shes par bya'o/ /de ltar

smra na ni kho bo cag gi smra ba'i rjes su 'brang bar 'gyur
ro/ /de ltar na rnam shes ma 'ongs pa la yang nus pa med do/
/gsum pa ni/ da ni 'das pa la yang nus pa med do zhes bstan
pa'i phyir bshad pa/ gal te skyes nas 'gag bzhin pa'i rnam
shes kyis rang dang mthun pa'i 'bras bu'i don du/

kun gzhi rnam shes la bag chags kyi nus pa'i khyad par bzhag
pa/ rnam par shes pa 'gags pa'i nus pa smin pa las 'byung
'gyur gyi rnam shes 'byung bar 'gyur na ni/ rang bzhin gyis
grub pa'i gzhan gyi nus pa las 'bras bu'i rnam shes gzhan
'byung bar 'gyur ro/ /ci'i phyir zhe na/ gang gi phyir rgyun

can skad cig ma rnams rim can du 'byung ba der/ khyod ltar na
snga phyi phan tshun ngo bo nyid kyis tha dad pa yod pa'i phyir
ro/ /de yang rgyun gyi byings las ta nu ni rgyas pa la'o zhes
pa la rkyen byin pas brgyud pas na rgyun no/ /zhes par 'gyur
te/ chu klung gi rgyun ltar rgyun chags par rgyu dang 'bras bu
'brel par

'jug pa na/ skye 'chi brgyud pas bar stong med par rnams par ma
chad par gnas pa/ 'du byed kyi skad cig dus gsum pa'i nye bar
len pa can la bya ste/ skad cig ma rnams gang gi cha shas yin
pa'i cha can yin gyi snga phyi bar ma chad pa tsam min no/ /de
ni rgyun kyi cha shas rdzas

@147a @#/ /kyi skad cig ma rnams la yod pas na/ rgyun gyi yan
lag rdzas kyi skad cig ma rnams la rgyun can zhes brjod de/
rgyun gyi cha shas dang yan lag rnams cha can gyi rgyun de'i
yin pas rgyun la de'i nye bar len pa

zhes brjod de/ dper na bum pa ni bum pa'i mchu dang mgrin pa
la sogs pa'i nye bar len pa yin pa bzhin no/ /skad cig snga
phyi de dag phan tshun gzhan dang gzhan du tha dad cing/ rang
gi mtshan nyid kyis grub pa'i gzhan nyid du pha rol pos khas

blangs pa yin no/ /de ltar na rang bzhin gyis grub pa'i gzhan
gyi nus pa las gzhan 'byung bar 'gyur ro/ /gal te de ni 'dod
pa'i phyir skyon ma yin no snyam na/ de'i phyir dngos po thams
cad rang las gzhan pa'i dngos po kun las 'byung bar 'gyur 

ro/ /gal te yang skad cig snga phyi rim gyis 'jug pa der ni
rgyun can rdzas kyi skad cig ma rnams phan tshun ngo bo nyid
kyis grub pa'i tha dad de gzhan nyid yod mod kyi/ de lta na'ang
skad cig snga phyi bde dag la rgyun ni tha dad pa med pa ste
gcig pa kho na

yin pa de'i phyir/ thams cad thams cad las skye bar thal ba'i
nyes pa med do zhe na snga phyi rgyud gcig yin pa 'di ni gzhan
skye la ha cang thal ba spong ba'i lan dngos gzhi'o/ /snga
phyi ngo bo nyid kyis grub pa'i so so ba la rgyud gcig grub
na/ skyon

med du chug kyang rgyud gcig pa 'di ma grub pas na rgyud gcig
pa 'di ni bsgrub par bya ba zhig go /ci'i phyir zhe na/ snga
phyi ngo bo nyid kyis grub pa'i tha dad rnams la tha mi dad
pa'i rgyun te rgyud gcig pa'i go skabs mi rigs pa'i phyir te/
dper na

@147b byams pa dang nyer spas la brten pa ste rgyud du gtogs
pa ni/ gang zag so so'i gzhan nyid yin pa'i phyir na/ rgyud
gcig tu gtogs pa min pa de bzhin du/ snga phyi ba gang dag
rang gi mtshan nyid kyis grub pa'i so so ba de dag ni/ rgyud
gcig tu gtogs pa ste

gcig pa nyid rigs pa dang ldan pa ma yin no/ /de ltar na gzhan
skye la ha cang thal ba 'phangs pa'i skyon spong la/ sa lu'i
sa myug rgyud gcig yin la nas kyi sa myug dang rgyud mi gcig
pas thams cad las thams cad mi skye zhes zer bas/ /skyon spong
mi nus

pa'i gnad pha rol pos/ rang mtshan gyis grub pa'i gzhan khas
blangs pa la thug par bstan pas/ gzhan tsam la 'phen pa min
par shin tu gsal ba la ldog pa gcig pa'i dpung 'phul sogs byed
pa dang/ rang mtshan gyis grub pa'i gzhan ces

gsungs pa dgag bya'i khyad par sbyar ba ma go bas/ dpal ldan zla
ba nyid kyis skyon spong mi nus par gsungs pa'i rgyu mtshan
bzhag nas ma gsungs pa'i rtog bzo byed pa ni yang dag pa'i
grub mtha' slod pa'o/ /gnyis pa la gnyis/ gzhan gyi lugs brjod

pa dang/ lugs de dgag pa'o/ /dang po ni/ de skad bstan pa yin
dang slar yang sems tsam pas rang gi lugs brjod pa gtso bor
byas pa nyid kyis rang gi 'dod don 'grub par bsams shing smras
pa/ mig gi blo ste rnam par shes pa skye ba'i rang gi

nus pa bag chags gang zhig kun gzhi la/ rnam shes gzhan gyis
rang 'gag bzhin pa na/ de ma thag tu 'jog par byed la/ de smin
pa las dus phyis snga ma de'i rnam pa'i rjes su byed pa'i mig
gi rnam shes skye bar 'gyur zhing/ rang gi ste mig

@148a @#/ /gi rnam shes de nus pa'i skad cig bar med pa gang
zhig las skye ba'i nus pa'i skad cig par med pa rten du gyur
pa de la/ gti mug gis 'jig rten rnams dbang po gzugs can mig
yin no snyam du rtogs kyi/ rnam

shes las tha dad pa'i mig dbang ni yod pa min no/ /de bzhin du
dbang po gzugs can lhag ma la yang sbyar bar bya'o/ /de la mig
shes skye ba'i rgyu bag chags ni de'i rgyu'i rkyen yin la/ mig
gi dbang po ni mig shes kyi bdag po'i rkyen no/ /'dir mig

dbang mig shes kyi dngos rgyur bstan pa ni/ mig shes skye ba'i
bag chags smin pa'i skabs la dgongs kyi mig dbang gang yin la
min no/ /de yang dbus mtha' las/ don dang sems can bdag rnam
rig /snang ba'i rnam par shes pa ni/ /rab tu

skye bo de don med/ /ces don gzugs sogs dang/ sems can dbang
po lngar snang ba'i rnam shes skye'o/ zhes gsungs pa ni kun
gzhi rnam shes yin la slob dpon blo brtan gyis kyang dbang
po gzugs can rnams kun gzhi'i dmigs par bshad pas/

sems tsam pa kun gzhi khas len pa rnams kyis kun gzhi la dbang
po gzugs can du snang ba mig dbang sogs su 'dod do/ /rnam shes
las tha dad pa'i mig dbang sogs med par bstan nas/ gzugs kyang
rnam par shes pa las don

gzhan pa med par bstan pa'i phyir smras pa/ 'jig rten 'di na
dbang po lnga las byung ba'i rnam par rig pa lnga/ sngon po la
sogs pa'i phyi rol gyi gzung ba med par rnam shes rang gi sa
bon kun gzhi la bzhag pa smin pa las/ sngo sogs su

@148b snang ba nyid 'byung bar ma rtogs nas/ skye bos sems
sngo sogs su snang ba la phyi rol gyi gzung bar khas len pa
ste mngon par zhen no/ /de'i phyir rnam shes las don gzhan
pa'i phyi rol med do/ /bshad pa'i rnam pa gcig tu na/ rmi lam
na ni gzugs

don gzhan du gyur pa med par rang gi bag chags kyi nus pa smin
pa las/ gzugs sgra sogs de'i rnam pa can gyi sems 'byung ba ji
lta ba de bzhin du/ sad pa'i skabs la'ang 'dir phyi rol gyi
don med par yid ni yod do zhe na/ gnyis pa ni/ de ni mi rigs

te/ ji ltar mig dbang med par rmi lam du sngo sogs snang ba'i
yid shes kyi sems 'byung ba de ltar du/ mig dbang med par rnam
shes rang gi sa bon bag chags ni smin pa las/ sad pa'i long ba
la yang ma long ba lta bu'i gzugs mthong ba sogs

ci'i phyir mi skye ste rmi lam dang sad pa gnyis kar yang mig
dbang med par mtshungs pa'i phyir ro/ /'di yang phyi'i gzugs
sogs med par rnam shes rang bzhin gyis grub pa skye na/ rmi
lam dang sad pa gnyis ka la khyad med pa'i gnad kyis

yin no/ /ci ste sad pa'i long pa la yid kyi shes pa gzugs sogs
gsal bar snang ba rmi lam gyi de lta bu mi 'byung ba'i rgyu
ni/ mig med pa ma yin gyi 'o na ci zhe na/ de 'dra ba'i yid
kyi shes pa 'byung ba'i nus pa ma smin pa yin no/ /de'i phyir
nus

pa smin pa yod pa der de 'dra ba'i yid shes 'byung ba yin la
de yang gnyid kyi rkyen gyis rmi lam kho na na yod kyi sad pa la
ni ma yin no snyam na/ de ni mi rigs te/ gal te khyod ltar rmi
lam na drug pa yid shes kyi nus pa smin pa yod la/ sad pa

@149a @#/ /la med par gyur na drug pa yid shes gzugs sogs su
gsal bar snang ba'i nus pa smin pa sad pa'i skabs 'dir long ba
la med pa ji lta ba de ltar rmi lam gyi tshe med ces cis mi
rigs te rigs so/ /'di yang dgag

bya la gtugs pa'i lugs so/ /gal te rigs pa med par tshig tsam
gyis de skad smra na/ kho bo cag gis kyang sngar ltar smras
pas chog go /rmi lam mthong ba la ni sad pa'i skabs kyi long
ba ltar rnam shes kyi rten dbang po byed pa dang bral ba'i

phyir/ nus pa'i ming can gyi mig gi dbang po la rnam shes
brten pa'i rnam pa'i rjes su byed pa/ yid shes kyi nus pa smin
pa yongs su 'gyur ba las byung ba'i yid kyi rnam shes can ma
yin no/ /de'i phyir mig med pa sad pa'i long ba 'di la

don snang gi bag chags smin pa rgyu min pa ji lta ba de ltar
rmi lam du yang gnyid ni don snang gi bag chags smin pa'i rgyu
ma yin te/ phyi rol med par shes pa rang bzhin gyis grub pa
skye na bag chags smin pa la mi ltos pa'i phyir ro/ /gang gi
phyir

bag chags brdzun pa las rmi lam gyi don snang gi shes pa
brdzun pa skye ba de'i phyir/ rmi lam du yang sad pa'i skabs
de lta bu'i yul gyi dngos po gzugs sogs su snang ba'i rnam par
shes pa brdzun pa dang/ rmi lam gyi mig rtogs pa ste rnam par
shes pa'i

rgyu ste rten du gyur pa khas blang bar bya'o/ /'di ni 'grel
par rmi lam na yul yongs su gcod pa na gsum 'dus par dmigs pa
yin no/ /zhes gsungs shing/ yang rmi lam na gzugs kyi skye
mched dang mig dang/ de gnyis kyis bskyed pa'i mig gi

@149b rnam shes med par yang gsungs pa bzhin du/ rmi lam na
mig shes sogs lnga'i yul dbang rnam shes gsum med kyang/ rmi
lam rmi bzhin pa'i gang zag gi ngor de gsum du dmigs pa yod
pas rmi lam gyi mig dang/ rmi lam gyi mig shes dang/ rmi lam
gyi

gzugs gsum po khas blang par ston gyi/ de gsum mig sogs su
grub par 'dod pa min te/ sgyu ma'i rta glang dang sgyu ma'i mi
khas len kyang/ de dag rta glang dang mir 'dod mi dgos pa
bzhin no/ /de'i phyir de ltar na sems tsam pa 'di yis dbu ma

pa la lan ni gang dang gang btab pa de dang de ni/ dam bca' ba
ste bsgrub bya ma grub pa dang mtshungs par mthong bas/ rtsod
'di ste rnam par rig pa tsam du smra ba 'di sel ba ste zlog
par byad do/ /de dag dper brjod na dbu ma pas sad pa'i skabs
kyi yul

dbang rnam shes gsum rang bzhin gyis grub pas stong pa yin te/
dmigs pa yin pa'i phyir rmi lam bzhin no/ /zhes bkod pa na
sems tsam pas sad pa'i rnam shes ni phyi rol gyi don gyis
stong ste/ rnam shes yin pa'i phyir rmi lam gyi rnam

shes bzhin no/ /zhes dang/ sad pa'i skabs su dmigs pa'i yul ni
brdzun pa yin te/ yul yin pa'i phyir rmi lam gyi yul bzhin no/
/zhes dang/ de bzhin du kun byang gi gzhi gzhan dbang med na
kun byang med pa yin te/ rten med pa'i phyir/

rus sbal gyi spu'i gos bzhin no/ /zhes smra'o/ /de bzhin du
rab ri ba kyi dpes kyang brjod par bya'o/ /zhes pa rnams so/
/de la sbyor ba dang po gnyis ni/ dpe ma grub pas sgrub byed
bsgrub bya dang mtshungs pa yin te/ rmi lam na yid kyi shes pa
las

@150a @#/ /ngo bo tha dad pa'i chos kyi skye mched kyi gzugs
yod pa'i phyir ro/ /sbyor ba gsum pa ni/ kun byang gi rten
rang mtshan gyis grub pa cig sgrub 'dod pa yin pas de la ni/
rten tsam med pa ma grub pa yin la/ rang gi mtshan

nyid kyis grub pa la bsams na ni ma nges pa'o/ /gsum pa ni/ de
ltar sems tsam pa'i lugs bkag pa la rigs pas mi gnod par ma
zad/ lung gis gnod pa srid pa ma yin te/ gang gi phyir yang
dag par rdzogs pa'i sangs rgyas rnams

kyis ni/ rang gi lugs la gsung rab 'gar yang dngos po bden par
yod ces ma bstan pa'i phyir ro/ /de yang lang kar gshegs pa
las/ srid pa gsum ni btags pa tsam/ /ngo bo nyid kyis dngos po
med/ /btags pa dngos po'i ngo bor ni/ /

rtog ge ba dag rtog par 'gyur/ /rang bzhin med cing rnam rig
med/ /kun gzhi med cing dngos med na/ /byis pa ngan pa rtog ge
ba/ /ro dang 'dra bas 'di dag brtags/ /zhes gsungs so/ /rkang
pa dang pos srid gsum blos btags pa tsam du yod par

bstan la/ rkang pa gnyis pas ni de'i don bstan te/ de yang ngo
bo nyid kyis grub pa'i dngos po med par bstan pas/ ngo bo nyid
kyis grub pa med pa yin gyi dngos po ye med min zhes pa'o/ /de
ltar blos btags pa tsam la ngo bo nyid kyis grub pa'i dngos

por de kho na nyid kyi don ma rnyed pa'i rtog ge pas 'dod do
zhes pa ni/ btags pa zhes pa gnyis kyis ston no/ /ngo bo nyid
kyis grub pa med par spyir bstan pa ste/ bye brag tu phye ste
ston pa ni/ rU pa zhes pa rang bzhin dang gzugs gnyis ka la
'jug pa

@150b las 'dir gzugs can la bya ste/ rnam rig ces pa'i zla
stobs kyis so/ /dngos med ces pa'i dngos po ni shes pa dang
gzugs can gyi dngos po med par bstan zin pas/ 'dir ngo bo la
yin la de yang dngos po bden pa bkag pa'i ngo bo dang/ dngos
por

med pa gzhan rnams la bya'o/ /ro dang 'dra tshul ni de kho na
nyid dpyod nus pa'i sems med pa'o/ /lung des ni khams gsum gyi
gzhan dbang rang bzhin gyis yod par 'dod pa bkag go /gal te
lung de dag gis gcig gzhan dbang la cig shos

kun brtags gzung 'dzin rdzas tha dad kyi ngo bo nyid kyis stong
pa bstan pas mi gnod do snyam na/ de 'dra de ni yang dag pa'i
stong nyid du rigs pa ma yin te/ blo gros chen po gcig la gcig
med pa'i stong pa nyid ni stong pa nyid thams cad kyi tha shal

yin no zhes lang kar gshegs pa las gsungs pa'i phyir ro/ /ba
lang ni rta yin pas stong pa'i phyir yod pa min no zhes brjod
pa ni rigs pa yang ma yin te/ rang gi bdag nyid kyis yod pa'i
phyir/ /zhes bya ba la sogs pa brjod par bya'o zhes

'grel par gsungs so/ /bdag nyid kyis zhes pa la nag tshos rang
gi bdag nyid yod pa'i phyir ro zhes bsgyur ba legs so/ /gcig
la cig shos med pa'i stong pa 'di dper brjod de dang 'dra bar
'gyur tshul ni/ bcom ldan 'das kyi rang bzhin gyis

dben pa'i stong nyid gsungs pa ni sems can rnams thog ma med
pa nas gzugs sogs kyi dngos po la bden par grub par 'dzin pa'i
mngon zhen bzlog pa'i phyir du yin pa la/ de la gzugs sogs su
snang ba'i gzhan dbang 'di nyid bden
@151a @#/ /par ma grub par bstan dgos pa la/ de ltar mi ston par
gzhan dbang 'di gzung 'dzin rdzas tha dad par mi bden no zhes
bstan pa na/ ba lang med pa'i rgyu mtshan du ba lang ltar med ces
zer ba dang 'dra'o/ /des na dbu

sems su yi lugs la yang sems can rnams gang la mngon par zhen
pa'i gzhi/ phyi nang gi chos su snang ba 'di dag la byed pa la
ni mi 'dra ba med la/ de rnams stong par ston pa ni gzhi de la
mngon zhen zlog pa'i phyir du yin pa yang 'dra mod

kyang/ zhen tshul la mi mthun te sems tsam pas ni gzung 'dzin
gnyis phyi nang du rgyangs chad du snang ba la snang ba ltar du/
gzung 'dzin rdzas tha dad du zhen pa yin la/ de'i gnyen por
snang ba gzhan dbang pa'i chos can du bzung nas/ gzung

'dzin rdzas tha dad du yod pa 'gog pa yon pas dgag gzhi de dgag
bya de yin pa 'gog pa yin no/ /dbu ma pa ltar na zhen tshul ni
snang ba la tha snyad pa'i blos bzhag pa min pa'i bden grub tu
zhen pa yin la/ de'i gnyen por snang ba 'di chos

can du bzung nas/ de 'dra ba'i bden par med ces 'gog ste/ de
yang dgag gzhi de dgag bya yin pa 'gog pa yin te/ sems can gyis
zhen pa na gzhi de la dgag bya de don gzhan du yod par 'dzin pa
min par/ gzhi de dgag bya de'i ngo bor

zhen pa'i phyir dang/ stong pa yang ji ltar zhen pa de ltar du
yod pas stong par bstan dgos pa'i phyir ro/ /de'i phyir da ltar
gyi snang gzhi rnams bden pas stong pa chad stong du byas te/
'di dag bor nas snang ba gzhan cig la stong gzhir byas te/ dgag

@151b byad yin pas stong par mi ston par dngos po yod pas stong
par ston pa ni/ /dbu sems su'i yang lugs min la/ sems can gyi
rgyud kyi thog ma med pa'i mngon zhen la de 'dra ba'i dgag bya
'dzin pa'i blo 'dug mi 'dug kyang kha nang du log la rtogs

shig /de nas dpal ldan chos kyi grags pas/ 'di la'ang rjes su
brjod pa yod/ /des na ngan pa'i mun pas khyab/ /ces gsungs te/
'di 'dra ba rnams shin tu bdo ba'i dus su snang ba rnam dpyod
can gyis shes par bya'o/ /'dir 'grel pa las/ yab sras

mjal ba'i mdo las dbang po nyer gnyis rang bzhin med par gtan
la phab pa drangs pa las/ 'di ltar ming du gdags par bas kyi/
don dam par ni mig dang dbang po mi dmigs so/ /zhes pa dang/ de
bzhin du chos thams cad kyang ngo bo nyid kyis dmigs

su ma mchis pa ste/ zhes chos rnams ming du btags pa tsam du zad
kyi don dam par dang/ ngo bo nyid kyis ma mchis par gsungs pas/
dgag bya la khyad par sbyor ba la de gnyis rnam grangs pa dang/
rang gi rnam gzhag 'jog pa'i phyogs thams cad

ming du btags pa tsam gyis byed par gsungs shing/ rmi lam na
dga' rtsed byed pa'i yul de rnams rmi lam na yang des de dag ma
rnyed na sad pa'i tshe lta ci smos zhes gsungs shing de 'dra mang
bas rmi lam gyi mi dang/ sad dus kyi mi la mi yin min

khyad par med ces smra ba ni/ shin tu mi 'thad de dga' rtsed
kyi grogs byed pa'i sems can de rnams rmi lam gyi dus su yang
sems can de dag tu ma rnyed par gsungs shing/ sad dus su de dag
rnyed pa gzhag dgos pa'i phyir ro/ /des na rmi lam

@152a @#/ /du mig shes la sogs pa'i dbang shes yod pa 'di'i lugs
su smra ba ni nor pa chen por shes par bya'o/ /de ltar na sems
tsam pa nges don mthar thug pa rtogs pa'i shes rab kyi rtsal med
par grub pa'i mthar sbyar ba 'di bsal

bar bya ba kho na'o/ /gsum pa ni/ gal te phyi yi yul med par
gzugs sgra sogs gsal bar snang ba'i shes pa rang bzhin gyis grub
pa med na/ bla ma'i man ngag las mi sdug pa sgom pa'i rnal 'byor
pa rnams kyis/ sa gzhi keng rus kyis gang bar

mthong ba de ji ltar 'thad de/ keng rus ni med kyang rang bzhin
gyis grub pa'i rnam shes ni yod pa'i phyir ro snyam na/ mi sdug
pa sgom pa'i rnal 'byor pa yis bla ma'i man ngag las/ keng rus
kyis sa gzhi gang bar mthong ba gang yin pa der yang yul

dbang rnam shes gsum char rang bzhin gyis skye ba med par mthong
ste/ ting nge 'dzin de ni log pa ste de kho na nyid ma yin pa
yid la byed par bstan pa ste mdo las gsungs pa'i phyir ro/ /keng
rus snang ba'i shes pa rang bzhin gyis grub na/ de'i snang

ba yang de ltar 'gyur bas yid byed de de kho na nyid kyi yul can
du 'gyur ro/ /'di ni gdon mi za bar de ltar khas blang bar
bya'o/ /de lta ma yin na khyod kyi zlos gar gyi ltad mo la sogs
pa lta ba na yul der mig gtad pa rnams las ji ltar gang

zag gcig la dbang po'i blo mig gi rnam par shes pa yul de'i rnam
pa can skye ba de bzhin du ste de 'dra ba'i rnam pa can ltad mo
ba gzhan rnams la yang skye ba ji lta ba de ltar du/ mi sdug
pa'i yid can gyi rnal 'byor pa ltar cig shos te

@152b rnal 'byor pa ma yin pas/ rnal 'byor bas keng rus mthong
ba'i yul der blo gtad pa ste keng rus la sogs pa'i yul la lta
'dod pa rnams la yang keng rus rtogs pa ste mthong ba skye bar
'gyur te/ sngon po sogs kyi rnam shes bzhin no/ /'dir 'grel

pa dang bstun na/ khyod kyi dbang blo'i yul gtad ji lta ba/ /de
ltar mi sdug yid can de bzhin du/ /yul der blo gtad cig shos
rnams la yang/ /skye 'gyur de ni brdzun par yang mi 'gyur/ /zhes
pa'i 'gyur cig thob par snang ngo/ /ting nge 'dzin 'di brdzun
par te

log pa'i don yid la byed par yang mi 'gyur ro/ /rnal 'byor pa
yin min mgo mtshungs mdzad pa yang/ shes pa rang bzhin gyis grub
pa yin na keng rus kyi man ngag sgom pa la ltos pa 'gog nus pa'i
gnad kyis yin no/ /de bzhin du rab rib dang

ldan pa'i dbang po can dang mtshungs pa'i sgyu ma dang gzugs
brnyan sogs dper 'god pa la yang lan gdab tshul shes par bya la/
chu 'bab pa'i klung la yi dwags rnams la rnag khrag gi blo skye
ba la yang snga ma bzhin du shes par bya'o/ /de la chos kyi

skye mched kyi gzugs lnga ni dngos por smra ba'i grub mthas
btags pa min gyi/ mdo las gsungs shing rang nyid kyang de ltar
du bzhed do/ /de'i phyir keng rus med kyang de gsal bar snang ba
ni/ gzugs brnyan dang 'dra bar gzugs can du 'dod dgos

la/ 'di yid shes kho na la snang ba yin pas/ gzugs brnyan bzhin
du gzugs kyi skye mched min la/ skye mched gzugs can lhag ma dgu
yang min pas chos kyi skye mched kyi gzugs kun brtags pa zhes
'byung ba'o/ /mig shes la skra shad du

@153a @#/ /snang ba ni gzugs brnyan bzhin du gzugs kyi skye mched
do/ /yi dwags la chu klung rnag khrag tu snang ba ni de'i mig
shes la snang ba yin pas gzugs kyi skye mched du gzhag dgos so/
/theg bsdus las kyang/ yi dwags

dud 'gro mi rnams dang/ /lha rnams ji ltar rigs rigs su/ /dngos
gcig yid ni tha dad phyir/ /don ma grub par 'dod pa yin/ /zhes
gsungs shing/ 'di la theg bsdus su dngos po gcig gang yin dang/
so sor mthong tshul gsal bar ma bshad do/ /de'i bshad sbyor dge
bsnyen btsun pas mdzad

par/ chu klung gi dngos po la rang rang gi las kyi rnam smin gyi
dbang gis yi dwags kyis rnag la sogs pas gang bar mthong ba
dang/ de nyid la dud 'gro nya la sogs pas gnas kyi blos gnas par
byed pa dang/ mi rnams kyis ni mngar ba dang dwangs pa

dang bsil ba'i chur rtog cing khrus byed do/ /'thung ngo der
'jug go /nam mkha' mtha' yas skye mched la snyoms par zhugs pa'i
lha rnams kyis ni nam mkhar mthong ste/ gzugs kyi 'du shes rnam
par bshig pa'i phyir ro zhes bshad do/ /'di la

'di snyam du 'gro ba de dag gi mthong ba ni tha snyad pa'i tshad
ma yin la/ gzhi gcig mi mthun pa de dag tu tshad mas grub na rnag
khrag dang rnal khrag ma yin pa gnyis mi 'gal zhing/ tshad mas
grub pa la yang yid brtan med par 'gyur ro zhe na/ 'di la gzhung

don de ltar go bas de bzhin du bzhag na tshad ma la yid brtan mi
'gyur bar 'gyur na/ de yang mi rung bas ji ltar yin zhes 'dri na
rtog ldan gyi dri ba yin no/ /de ltar go ba de'i don yin par
bzung nas tshad mas grub pa la yid brtan med do zhes smra

@153b na ni/ don 'di kho bos 'di ltar rtogs so zhes pa gcig
kyang gzhag tu med cing/ tshad ma thams cad la skur pa 'debs pas
na shin tu mi 'thad pa'o/ /'o na ji ltar zhe na thog mar dpe bshad
par bya ste/ lcags gong mes bsregs pa'i dmar 'bar

ba la rag kyang mi 'tshig pa'i rig sngags dang ldan pa zhig gis/
lcags gong de lag tu blangs pa na lus shes kyis lcags de'i reg
bya 'dzin kyang/ de la reg bya de shin tu tsha zhing sreg pa'i
rnam pa can du mi skye ba ni/ rigs sngags bzlas pa'i chus lag

pa bkrus pa sogs kyi rkyen gyis yin no/ /de 'dra ba'i rig sngags
zlos pa dang bral ba la ni/ lcags gong gi reg bya de shin tu tsha
zhing sreg pa'i rnam pa can du skye'o/ /de ltar na mi sreg pa
dang sreg pa'i reg bya gnyis ka lcags gong gcig pu de'i reg byar
ni

bya dgos la/ lus shes tshad ma gnyis gcig gis grub pa'i reg bya
cig shos kyis grub pa ni min pas gnyis ka tshad mar khas blangs
kyang tshad ma gcig gis grub pa cig shos kyis 'gog pa min no/ /de
bzhin du gzhi gang du chu klung 'bab pa'i

gzhi der chu klung de'i cha shas shig yi dwags rnams la sngon
las kyi dbang gis rnag khrag tu skyes pa dang/ chu klung gi cha
shas gzhan zhig mi la sngon las kyi dbang gis rnag khrag tu mi
snang ba'i btung ba dang/ khrus kyi chur skye ba na de gnyis ka

chu klung gcig gi cha shas re yin pas/ yi dwags kyi mig shes
tshad mas grub pa'i don dang/ mi'i mig shes tshad mas grub pa'i
don gnyis kyang dngos po so so ba yin pas de gnyis gcig gis grub
pa'i don de nyid/ cig shos kyis de'i

@154a @#/ /bzlog phyogs su grub pa ga la yin/ de bzhin du bshes
springs las/ yi dwags rnams la sos ka'i dus su ni/ /zla ba'ang
tsha la dgun ni nyi ma'ang grang/ zhes gsungs pa yang yi dwags
rnams la sngon las

kyi dbang gis sos ka zla 'od reg bya shin tu tsha ba dang/ dgun
gyi tshe nyi 'od kyi rig bya grang bar skye yang/ zla nyi'i 'od
kyi steng nas mi la grang dro'i rnam pa can du skye ba mi 'gal
la/ de gnyis ni tshad ma gcig gis tsha bar gzhal ba'i reg bya
nyid/ cig

shos kyis grang bar 'jal ba min zhing/ gnyis ka'ang zla nyi gcig
gi 'od kyi reg byar 'jog pa'i phyir/ dngos po gcig ces kyang
gsungs pas gzhung don zhib tu ma dpyad par go ba rags pa re shar
ba na des tshim pa'i thag gcod ma snga zhig /gnyis pa

ni/ sngar rgyas par bshad pa rnams kyi don mdor bsdu na shes bya
rang bzhin gyis grub pa med pa ji lta ba de bzhin du shes bya'i
rnam pa can gyi blo yang rang gi bdag nyid kyis skye ba med ces
don 'di shes par gyis shing gces gsungs pas/ shes

bya dang shes pa la rang bzhin gyis yod med kyi khyad par med
par ston pa yin la/ skra shad med na der snang ba'i shes pa yang
med ces pa dang/ sgyu ma la rta glang du zhen pa'i zhen yul med
na der 'dzin pa'i shes pa yang med ces sogs ni/ slob

dpon 'di'i lugs gtan min no/ /'jig rten las 'das par bstod pa
las kyang/ ma shes par ni shes bya min/ /de med rnam par shes
med pa/ de phyir shes dang shes bya dag /rang bzhin med par
khyod kyis gsungs/ zhes pa dang/ de bzhin du/

@154b rnam shes sgyu ma dang mtshungs par/ /nyi ma'i gnyen gyis
gsungs pa yin/ /de yi dmigs pa'ang de bzhin te/ /nges par sgyu
ma'i dngos dang 'dra/ /zhes gsungs te/ shes pa 'di 'dra zhig gis
zhes 'jog rgyu med na/ shes bya yul du 'jog mi nus so/ /'dis

yul 'di 'dra zhig shes zhes 'jog rgyu med na shes par yang 'jog
mi nus pas/ shes bya de med par rnam par shes pa yang med do/
/shes pa dang shes bya ltos 'jog yin pa de'i phyir/ de gnyis ka
rang bzhin med par khyod kyis bstan zhes gsungs

pas/ de gnyis la bden gnyis gang du yang gcig med la cig shos
yod pa'i rnam dbye med pa 'phags pa'i bzhed pa'o/ /byang chub
sems 'grel las/ shes pas shes bya rtogs pa ste/ /shes bya med
par shes pa med/ /ces gsungs pa yang sngar

drangs pa'i bstod pa dang don 'dra bas don shes yod med mtshungs
pa'i khungs so/ /gnyis pa la bzhi/ gzhan dbang gi sgrub byed
rang rig dgag pa/ sems tsam pa'i lugs bden pa gnyis char las
nyams par bstan pa/ des na klu sgrub kyi lugs

kho na'i rjes su 'brang bar rigs pa/ gzhan dbang dang 'jig rten
pa'i tha snyad 'gog pa gnyis mi mtshungs par bstan pa'o/ /dang po
la bzhi/ gzhan dbang gi sgrub byed dris nas de mi 'thad par
bstan pa/ de 'thad pa'i gzhan gyi lan dgag pa/ rigs pa

gzhan gyis kyang rang rig mi 'thad par bstan pa/ gzhan dbang
rang bzhin gyis grub pa mo gsham kyi bu dang mtshungs par bstan
pa'o/ /dang po ni/ de ltar phyi rol med par rnam shes pa mi srid
par bstan nas/ da ni phyi rol med pas khyad par du ma byas

@155a @#/ /pa'i gzhan dbang gi dngos po tsam zhig rang bzhin gyis
grub pa dgag pa'i phyir bshad pa/ gal te phyi rol gyi gzung ba
med pas de las don gzhan pa'i 'dzin pa nyid dang bral zhing/
gzung 'dzin rdzas tha dad pa gnyis

kyis stong pa'i gzhan dbang gi dngos po yod na/ gzhan dbang 'di
yi yod pa de khyod kyi shes pa gang gis shes par 'gyur zhes dri
bar bya'o/ /de la shes pa de nyid kyis shes pa de nyid 'dzin par
ni mi 'thad de/ rang la rang gi byed pa 'jug pa 'gal

pa'i phyir ro/ /'di ltar ral gri'i so de nyid kyis de nyid mi
gcod la/ sor mo'i rtse mo de nyid kyis de nyid la mi reg cing/
legs par bslabs pa'i g.yer zhing yang zor can gyis kyang rang
gi phrag pa la zhon par mi nus shing/ mes rang gi bdag nyid

mi sreg la/ mig gis rang gi bdag nyid la lta ba ma yin no/ /'dir
shes pa de nyid kyis shes pa de nyid 'dzin pa mi 'thad par bshad
pa'i gzhan gyi lugs khyad par ba ni 'chad par 'gyur ro/ /shes pa
de ni rang las don gzhan pa'i shes pas

kyang 'dzin pa ma yin te/ sems tsam pa rang gi grub mtha' dang
'gal ba'i phyir te/ gal te 'bras bu'i gnas gyur ma thob pa'i
skabs su rnam par rig pa don gzhan cig rnam par rig pa'i snang
yul yin na rnam par rig pa tsam nyid du smra ba

nyams par 'gyur ro/ zhes sems tsam gyi gzhung las 'byung ba'i
phyir ro/ /de'i phyir sems tsam pa ltar byas na de ltar 'dzin pa
rnam pa thams cad du med la/ shes pas ma bzung bar yang yod ces
bya bar mi rung ngo zhes dbu ma pas

@155b smras pa na/ sems tsam pa na re/ gal te yang shes pa don
gzhan gyis mi 'dzin kyang rang rig ni yod do/ /de'i phyir rang
rig kho nas gzhan dbang de 'dzin pa'i phyir de yod do zhe na/
shes pa de nyid kyis de myong bar grub pa ma yin no/ /'dir sems
tsam pas

rang rig ji lta bu zhig khas blangs pa'i phyogs snga ma'i khungs
cung zad bshad na/ rtog ge 'bar ba las/ sems tsam pas rnam shes
ni gnyis su snang ste/ rang snang ba dang yul du snang ba'o/
/yul du snang ba'i rnam shes ni phyi rol gyi yul gyi rnam par
gyur

nas/ rang snang pa'i rnam shes kyi yul du 'gyur ro zhe na/ zhes
pa'i lan du/ yul du snang las gzhan gyur pa'i/ /sems nyid ji
'dra ba zhig snang/ /zhes yul du snang ba las gzhan pa ste de
dang bral ba'i rang nyid du snang ba ni ma mthong ngo/ /zhes

bshad pas sems tsam pas shes pa kha nang lta la gnyis su snang
ba thams cad log pa dang/ de 'dra ba'i shes pa de kho rang gis
kho rang rig pa'i rang rig tu 'dod la/ de lta na'ang shes ngo
der rig bya dang rig byed tha dad pa'i snang ba med par

'dod do/ /bden gnyis kyi rang 'grel las kyang rang rig 'gog pa
na/ shes pa ni gnyis kyis dben pa'i ngo bo rig par 'byung ba yin
pa dang/ de med par shes par 'gyur gyi de lta ma yin na mi rigs
pa'i phyir ro/ /zhes gsungs te/ sems

tsam pas gzhan dbang gzung 'dzin rdzas gzhan gyi kun brtags kyis
stong par bsgrubs pa na/ shes pa gzhan dbang ni gnyis snang gis
dben pa'i ngo bo rig par 'byung ba'i rang rig grub na/ de nas
gzhi de gzung 'dzin rdzas gzhan du med pa

@156a @#/ /shes kyi/ de ltar sngon du gzhi de rang rig gis ma
grub na/ de gzhir bzung nas kun brtags kyis stong pa mi 'grub bo
zhes bshad de/ khyod kyi ltar na gzhan dbang gi sgrub byed gnyis
snang dang bral ba'i rang rig gis grub dgos

pa la/ de mi 'grub ces bkag go /de'i phyir de 'dra ba'i rang rig
bkag pas rnal 'byor pa so so rang rang gis de kho na nyid rig
pa'i rang rig bkag pa dang/ 'jig rten pas ngas nga rang rig ces
pa'i tha snyad kyi don gyi rang rig bkag zer ba ni blun po'i
gtam

mo/ /gnyis pa la gnyis/ gzhan gyi lugs brjod pa dang/ lugs de
dgag pa'o/ /dang po ni/ 'dir kha cig gis te sems tsam pas mdo
sde pa'i phyogs khas blangs nas rang rig bsgrub pa'i phyir/ ji
ltar me ni skyes pa nyid na rang dang bum pa la sogs

pa dag rim gyis gnyis su gsal ba la mi 'jug par cig car gsal bar
byed la/ bum pa'o zhes brjod na sgra rang la dmigs pa dang/ de'i
don bum pa la dmigs pa gnyis skyed pa de bzhin du rnam shes
kyang skye ba na so sor rim gyis gnyis

su mi 'jug par rang dang yul gnyis ka cig car rig par byed do/
/de'i phyir rang rig pa ni yod pa kho na'o/ /gang zhig rang rig
mi 'dod pa des kyang nges par rang rig khas blang dgos te/ de
khas mi len na sngar don 'di mthong ngo zhes dus phyis yul

dran pa dang/ sngar ngas mthong ngo snyam du yul gyi nyams su
myong ba yul can dran par mi 'gyur ro/ /ci'i phyir zhe na/ sngar
nyams su ma myong ba la dran pa skye mi srid pas dran pa ni
sngar gyi nyams su myong ba'i yul can yin na/ khyod rang rig

@156b mi 'dod pa ltar na sngar gyi sngo 'dzin lta bu'i shes pa
yang rang dus su nyams su ma myong bas/ phyis kyi dran pa yod
bar mi 'grub bo/ /'dis ni sngar gyi sngo 'dzin de la myong ba
yod par phyis de dran pa'i rtags las sgrub pa yin te/ sngar gyi
sngo 'dzin la

rang myong ba'i rang rig yod de zhes sgrub na ni/ gzhan la grub
pa'i dpe mi rnyed pas de ltar mi sgrub bo/ /sngo 'dzin la myong
ba yod par grub na ni/ de'i myong ba la rang gis dang gzhan gyis
myong ba gnyis su kha tshon bcad nas dang po khyod la mi rung la/
gnyis

pa rang lugs kyis bkag pa na myong ba'i khyab byed khegs pa na/
myong ba tsam yang mi 'thad par 'gyur ro zhes 'gog pa yin te/
rang rig sgrub pa'i rigs pa drag shos yin no/ /sngo 'dzin de
rang las don gzhan pa'i shes pas kyang myong bar mi rigs

te/ de rigs na gnod pa gnyis las dang po thug med du thal ba ni/
sngon po yongs su gcod pa'i shes pa de rang gi mjug thogs su
'byung ba'i shes pa gzhan gyis yongs su gcod na/ de la de 'jal
byed kyi shes pa don gzhan dgos sam mi

dgos/ mi dgos na shes pa snga ma la yang mi dgos par 'gyur la/
dgos na de la yang gzhan dgos pas thug pa med pa'i skyon du
'gyur zhing/ thug med du song na ni sngo 'dzin dang po la myong
ba mi grub pa'i skyon yod do/ gnyis pa yul gzhan yongs

su mi gcod par thal ba ni/ shes pa snga ma phyi mas gcod na ni
gzugs sgra la sogs pa'i yul gzhan mi gcod pa dang/ de la mi 'pho
bar 'gyur te/ rnam par shes pa'i rgyun lugs te rgyu ba mtha' dag
shes pa snga ma gzhan de'i yul can

@157a @#/ /yin pa'i phyir ro/ /de ni khyab pa ma nges pa min te/
shes pa snga ma snga ma shes pa phyi ma phyi mas yongs su gcod
na/ snga ma de gzung don du byas nas phyi ma de skye dgos la/
de'i tshe nang gi yan lag gi nye ba'i gzung

don bor nas/ ring ba'i phyi rol la mi 'jug pa'i phyir ro/ /gal
te sngo 'dzin gyi rnam shes snga ma gcod pa'i sngo 'dzin gyi
rnam shes phyi ma dang sngon po gcod pa'i sngo 'dzin gyi rnam
shes gnyis dus gcig tu skye bas/ yul gzhan la mi 'pho

ba'i skyon med do snyam na/ de ltar na mig gi rnam shes rigs
mthun rdzas tha dad pa gnyis dus gcig tu gang zag gcig gi rgyud
la skye bar 'gyur la/ de 'dod na sems can rnams rnam par shes
pa'i rgyud gcig pa ste re re ba'o zhes gsungs pa

dang 'gal bar 'gyur ro/ /'dir 'grel pa las rnam par shes pa ud
pa la'i 'dab ma brgya 'bigs pa ltar/ rim gyis 'byung ba rnams
cig car du 'jug pa lta bur mngon pa yin no/ /zhes gsungs pa la
'grel bshad kyis/ gar mkhan

gyi khang par zhugs pa na gar mkhan gyi gdong dang glu la sogs
pa yul lnga cig car du 'dzin pa'i rnam shes lnga cig car du shes
pa mi skye zhes pa'i lan du/ yul lnga 'dzin pa'i rnam shes rnams
rim gyis 'byung yang 'jug pa myur bas cig car du

skye bar mngon pa yin no/ /zhes 'chad pa ni shin tu mi rigs te/
rang rig sgrub pa'i mdo sde pa dang sems tsam pas ni sems can
rnams ni rnam par shes pa'i rgyud re re ba'o/ /zhes gsungs pa'i
don rnam 'grel las/ de rnams rigs

@157b mthun pa nyid las/ /nus pa nges par 'gyur ba yin/ /zhes
gsungs pa ltar rnam shes rigs mthun cig car du gang zag gcig la
mi skye ba la 'dod kyi/ rigs mi mthun gyi rnam shes cig car du
mi skye ba la 'dod pa gtan min pa'i phyir ro/ /bod mang pos

za 'og la lta ba'i tshe dkar dmar sogs 'dzin pa'i shes pa du ma
cig car skye ba ma yin nam zhes pa'i lan du/ shes pa de rnams
rim gyis 'byung yang cig car du skye bar snang ba yin no zhes
zer bas ni/ rnam par shes pa'i rgyud re re ba'o zhes

gsungs pa'i don gtso bo'i rnam shes rigs mthun la dgongs pa yang
ma shes shing/ mig gi rnam shes gcig gis kha dog mi 'dra ba du
ma 'dzin pa yang ma shes par/ khra bo 'dzin pa'i mig shes kyang
ma rtogs par snang ngo/ /des na rnam

shes rigs mthun cig car du skye bar brtsad pa'i lan du/ de rnams
'jug pa myur bas rim gyis skye yang cig car du skye bar mngon
zhes 'chad dgos pa 'dra ba zhig snang yang rang rig sgrub mkhan
de gnyis kyis 'jug pa myur ba cig car du 'khrul

ba'i rgyu yin pa yang rnam 'grel du bkag pas na/ gzhung 'di de
gnyis kyi lugs su 'jog dka' bar snang ste phal cher rgya dpe ma
dag pa'i skyon yin nam 'on kyang blo gros dang ldan pa rnams
kyis dpyad par bya'o/ /de'i phyir thug pa med pa'i dang/ yul

gzhan mi gcod pa'i skyon spang ba'i phyir/ gdon mi za bar rang
rig khas blang dgos so/ /de'i phyir yul dang yul can gnyis ka
dran pa phyis skyes pa las/ sngar sngon po mthong ba'i tshe yul
myong ba dang yul can myong ba yod par dpog par byed

@158a @#/ /do/ /de ltar rang myong ba'i rang rig yod na yang
gzhan dbang yod par rang rig des 'grub pas/ 'di ni yod par gang
gis shes par 'gyur/ zhes dbu ma pas dris pa la lan 'di nye bar
bstan pa yin no/ /zhes smra'o/ /

gnyis pa la gsum/ gzhan lugs dgag pa dngos/ rang lugs la rang
rig med kyang dran pa skye ba'i tshul/ de ltar bkag pa la rtsod
pa spang pa'o/ /dang po ni/ gal te rdzas rang gi mtshan nyid kyis
grub pa'i dbang du byas nas phyis kyi dus kyi dran pa

las/ dran yul gyi shes pa snga ma rang rig par 'grub na/ phyir
rgol la rang rig ma grub pa bsgrub par bya ba'i phyir du/ brjod
pa yi dran pa rang bzhin gyis yod par ma grub pa 'di ni/ rang
rig sgrub par byed pa min te/ sgra mi rtag par sgrub pa la mig

gi gzung bya bzhin no/ /'on te 'jig rten gyi tha snyad kyi dbang
du yin na ni/ rang rig pa'i 'bras bu'i dran pa med do/ /ci'i
phyir zhe na/ gal te 'dir mi grub na du ba de'i 'bras bur shes
par 'gyur ba bzhin du/ rang rig grub na de las dran pa 'byung

ba'i 'brel pa grub na/ dran pa las rang rig yod bar nges par
'gyur ba zhig na/ rang rig de da dung du yang phyir rgol la ma
grub pas/ rang rig gi 'bras bu rang rig med par mi 'byung ba'i
dran pa ga la yod/ 'brel ba med par mi 'grub pa'i

dpe ni/ chu tsam dang me tsam mthong ba las nor bu chu shel dang
me shel dpog pa ni ma yin te/ de gnyis med par yang char la sogs
pa dang/ gtsub shing gtsub pa sogs las chu dang me dag 'byung
ba'i phyir ro/ /de bzhin du 'dir yang

@158b rang rig med par dran pa ji ltar 'byung ba ni 'chad par
'gyur ro/ /dgag pa 'di la lan du dran pa dang rang rig med du
bzhin du rgyu 'bras su bsgrubs pa'i sgo nas/ dran pas rang rig
dpog pa min gyi/ sngar bshad pa ltar dran pas sngar gyi shes pa
la myong ba yod

par dpog la/ de la rang gis dang gzhan gyis myong ba gnyis su
bcad nas bkag pa na/ rang gis rang myong ba 'grub bo zhes smra
mod kyang shes pas rig pa la mdo sde pa dang sems tsam pas bzhag
pa de gnyis su kha tshon ma chod pa'i phyir te/ mar mes rang

gis rang gsal bar mi byed kyang/ de la gsal ba mi ldog pa bzhin
du/ shes pas phyogs snga mas 'dod pa ltar du rang gis rang myong
bar mi byed kyang de la myong pa tsam mi ldog pa'i phyir ro/
/gal te mar mes rang gis rang gsal bar byed do zhe na/ de lta na

mun pas rang gis rang sgrib par 'gyur la/ de 'dod na mun khung
du bum pa mi mthong ba bzhin du/ mun pa yang mi mthong bar 'gyur
ro/ /de ltar yang rtsa she las/ mar me rang dang gzhan gyi
dngos/ /gal te snang bar byed gyur na/ /mun pa'ang rang dang
gzhan

gyi dngos/ /sgrib par 'gyur bar the tshom med/ /ces gsungs pa
ltar ro/ /ci ste de ltar rnam par dpyod pa btang nas kyang/ shes
pas rang gi bdag nyid rig pa dang/ yul rig par byed pa ni grub
la rag mod kyi ste grub tu chug kyang/ dran pa'i shes pas

yul dang yul can de dag dran pa ni rigs pa min te/ phyis kyi
dran shes dang sngar gyi yul myong gi shes pa gnyis rang bzhin
gyis grub pa'i gzhan nyid du khyed kyis khas blangs pa'i phyir
ro/ /'di ltar byams pa'i shes pa'i rang rig pa dang yul

@159a @#/ /myong ba ni/ sngar nyams su ma myong bas nyer sbas kyi
shes pas dran pa ma yin pa de bzhin du/ sngar ma shes pa ste ma
myong ba'i rgyud la skyes pa bzhin du rang bzhin gyis grub pa'i
gzhan yin pa'i phyir na/ rang gi rgyud du gtogs pa'i

rnam par shes pa dus phyis 'byung bas kyang shes pa dang don dag
nyams su ma myong ba'i phyir dran par mi 'gyur ro/ /ci ste rgyud
gcig tu gtogs pa rnams la rgyu dang 'bras bu'i dngos po gnas
pa'i phyir dran pa yod par 'gyur ro snyam du sems na/ de

yang mi rigs te gang gi phyir rang mtshan gyis gzhan yin pa'i
phyir zhes gtan tshigs 'dis ni/ rgyud gcig tu gtogs pa dang rgyu
'bras la sogs pa'i khyad par de dag kyang nye bar 'joms par byed
de/ 'di ni sngar byams pa nyer sbas la brten zhes

pa'i skabs su rgyas par bshad zin to/ /gnyis pa la gnyis/ gzhung
'di nyid nas bshad pa'i lugs dang/ gzhung gzhan nas bshad pa'i
lugs so/ /dang po ni/ gal te rang rig mi 'dod pa khyod kyi ltar
na dran pa skye lugs ji ltar yin zhe na/ gang gi phyir sngar gyi
shes

pa gang gis yul myong bar gyur pa'i shes pa de las dran pa'i
shes pa 'di rang mtshan gyis gzhan du gyur pa da'i lugs la ji
ltar yod pa min pa de ltar ni bshad zin la/ sa myug lta bu'i
nyer len gyi rgyu 'bras la rang mtshan gyis grub pa'i

gzhan du 'dzin pa/ 'jig rten gyi blo rang dga' ba la med pa yang
sngar bshad zin pas sngar gyi yul myong dang phyis kyi dran pa'i
rgyu 'bras la yang/ 'jig rten pa'i blo lhan skyes la rang mtshan
gyis grub pa'i gzhan du 'dzin pa med do/ /de med pa tsam du

@159b ma zad sngar sngo 'dzin gyis mthong ba'i yul phyis dran pa
na 'di ngas sngar yang mthong ngo zhes tha snyad byed do/ /de'i
phyir myong dran gnyis dang de'i dus kyi yul gnyis rang mtshan
gyis tha snyad du 'dzin pa 'jig rten pa rang dga' ba la med par
gsal te/ de lta ma yin

na rgyud gzhan gyi myong ba la yang rang gi dran pa skye bar
'gyur ro/ /de'i phyir sngar yul nyams myong gi shes pas myong ba
dang bcad pa de/ phyis de dran pa'i shes pas ma myong ba dang ma
bcad pa min pas/ 'di sngar yang nga yis mthong snyam du dran pa
skye bar 'gyur

te/ 'di yang 'jig rten gyi tha snyad kyi tshul gyi lugs yin gyi/
tha snyad btags pa tsam gyis ma tshim par btags don 'tshol ba'i
tshul gyis dpyad nas 'jog par ni mi bya ste/ btags don btsal na
mi rnyed ba'i brdzun ba'i don can nyid kyi 'jig rten gyi tha
snyad yin

pa'i phyir ro/ /rang 'grel las rdzas rang gi mtshan nyid kyis
grub pa'i rang rig dang dran pa bkag pa'i 'og tu/ 'on te 'jig
rten gyi tha snyad kyi dbang du yin na ni/ de lta na yang rang
rig pa'i rgyu can gyi dran pa mi srid pa nyid do/ /zhes don dam
du ma zad tha snyad

du yang rang rig bkag la/ rang rig pa med par dran pa ji ltar
'byung ba de ltar ston par 'gyur ro/ /zhes rang rig med kyang
myong ba las dran pa skye tshul skabs 'dir ston par gsungs so/
/de la ngas mthong snyam du dran pa ni yul can dran pa dang/
sngon po la

sogs pa 'di mthong snyam du dran pa ni yul dran pa'o/ /de yang
sngar nga rang gis mthong ba de nyid nga rang gis dran snyam pa
ni dran tshul khyad par ba yin la/ dran pa la de byung na sngar
byams pa lta bu mthong ba'i yul can shes pa de kho rang gis kho
rang

@160a @#/ /myong bar gsal te/ dran pa ni myong ba ji lta ba'i
rjes su byed pa'i phyir ro snyam du bsams so/ /rang lugs ni 'jig
rten na snang ba'i dran tshul de khas len kyang/ dran tshul de
ltar 'ong ba de sngar gyi yul myong ba'i shes pa de

kho rang gis kho rang rig pa'i dbang gis byung ba min gyi/ sngar
gyi myong bas bcad pa de nyid dran pas kyang gcod pa'i yul gcig
pa'i dbang gis byams ba 'di sngar yang ngas mthong zhes dran pa
skye'o/ /des na nga rang gis mthong ba nga rang gis dran zhes pa
lta bu'i

tha snyad ni rang gis kyang khas len la/ de khas blangs kyang
bkag pa'i rang rig dang mi 'dra ba yang 'di la brten nas shes
par bya'o/ /gzhan gyi lugs kyis myong dran dang de'i dus kyi yul
gnyis rang gi mtshan nyid kyis grub pa'i gzhan du 'jog pas/ myong

dran gnyis yul gcig pa dang de gnyis rgyud gcig tu 'dod mos
kyang der 'jog mi nus pa ni sngar mang du bshad zin to/ /byams
pa 'di zhes zer yang de skad smra dus kyi dus dang/ de'i dus su
gang na gnas pa'i yul gyis khyad par du byas pa'i

byams pa sngar mthong snyam du mi 'dzin par/ byams pa tsam la
'dzin pa ni rang gi blo la bltas pas shes so/ /gnyis pa ni/ rang
rig med par dran pa skye tshul gyi lugs chen po gnyis yod pa'i
dpal ldan zhi ba lha'i lugs ni/ spyod 'jug

las/ gal te rang rig yod min na/ /rnam shes dran par ji ltar
'gyur/ /zhes gsungs pa ltar ro/ /'di'i phyogs snga ma'i lugs ni
sngar rgyas par bshad pa nyid yin no/ /phyogs snga ma'i thal ba
dang bzlog pa gnyis ka la'ang khyab pa med pa'i lan 'debs

@160b pas/ rang rig med kyang dran pa skye tshul ji ltar yin zhe
na/ 'dzin pa'i shes pa las gzhan gzung bya'i dngos po yul du
gyur pa blos myong ba na/ yul myong ba'i shes pa las rnam shes
yul can dran pa 'byung bar 'gyur ro/ /gal te yul

gzhan myong ba las yul can dran pa skye ba ni rigs pa ma yin te/
ha cang thal bar 'gyur ba'i phyir ro zhe na/ nyes pa med de yul
myong ba las yul can dran pa skye ba na/ shes pa spangs nas dran
pa min gyi/ sngar gzugs 'di mthong ngo zhes

yul yul can gnyis 'brel ba las te 'brel bar dran pa'i phyir ro/
/dper na dgun gyi dus su byi bas lus la rmugs pa na/ byi dug
zhugs yod kyang rmugs pa myong gi dug ma myong ngo/ /de las dus
phyis 'brug gi sgra thos pa na rmugs pa'i tshe dug zhugs

par 'dug snyam du dran kyang/ sngar gyi tshe dug ma myong ba
bzhin no/ /de la byi bas rmugs pa ni sngo 'dzin gyis yul myong
ba bzhin no/ /rmugs pa dang dus gcig tu dug zhugs pa ni yul
bzung ba dang dus gcig tu yod pa'i yul can gyi myong ba dang
'dra'o/ /

de'i tshe yul can rang gis rang ma myong ba ni/ rmugs pa'i tshe
dug ma myong ba dang 'dra'o/ /phyis rmugs pa dran pa ni yul
myong ba dran pa dang 'dra'o/ /yul myong dran pa nyid kyis sngar
gyi yul can kho rang gis kho rang ma myong yang dran pa ni/
rmugs pa dran pa nyid

kyi mthus sngar zhugs pa'i dug ma myong ba dran pa dang 'dra'o/
/'di ni rang rig med par dran pa skye ba'i rigs pa mkhas pa'i
dbang pos mdzad pa phul du byung ba zhig snang ste/ spyod 'jug
gi bshad pa byed pa rnams kyis ji bzhin du mthon pa 'dra'o/ /'di

 @161a @#/ /ni spyir phyis kyi rnam shes kyi dran pa mi 'thad par
thal/ sngar gyi rnam shes des rang gis rang ma myong ba'i phyir/
zhes pa la khyab ma grub kyi lan btab pa yin pas/ spyod 'jug gi
dgongs pa ni tha snyad du rang rig 'gog pa min

zhes pa ni rgyal sras chen po'i bzhed pa gtan min no/ /gsum pa
la gnyis/ mngon sum gyi tshad ma gzhan dang rjes dpag la rtsod pa
spang ba dang/ yid shes gzhan gyi rtsod spang ngo/ /dang po ni/
'o na rang lugs la sngo 'dzin sogs kyi shes pa thams

cad yod par 'dod dgos la de lta na/ 'di yi yod pa gang gis shes
par 'gyur/ /ma gzung bar yang yod ces byar mi rung/ /zhes gzhan
la smras pa ltar rang la yang skyon du 'gyur te/ sngo 'dzin de
rang gis yod par shes na rang rig khas

blang dgos la/ shes pa don gzhan gyis rig pa yang mi 'thad pa'i
phyir ro zhe na/ 'di ni shin tu dka' ba'i gnas su 'dug pas bshad
par bya ste/ de ni yul dang yul can dran tshul dper blangs te
bshad na rtogs sla'o/ /de la yul dran pa nyid

kyis yul can yang dran pas/ yul can dran pa zur ba mi dgos pa
bzhin du sngo 'dzin lta bu'i yul sngon po grub pa nyid kyis
sngon po 'jal byed 'grub kyi/ sngon po 'grub tshul las gzhan pa'i
sngon po 'jal byed 'grub tshul mi dgos so/ /de

yang sngon pos sngo 'dzin la rang 'dra'i rnam pa gtad pa shar ba
nyid kyis/ sngon po 'grub pa ni lugs gzhan dang yang 'dra'o/
/'on kyang mi 'dra ba ni sngo 'dzin de 'grub pa na gnyis snang
dang bral ba'i 'dzin rnam yan gar ba myong ba'i rang rig gi sgo
nas

@161b 'grub pa yin la/ de yang shes pa thams cad la 'dra bar
lugs gzhan dag 'dod la/ 'dir ni dbu ma snying po dang bden gnyis
rtsa 'grel las gsungs pa bzhin du de 'dra ba'i 'dzin rnam yan
gar ba mi srid par bzhed pas/ de myong ba'i rang rig

gis mi 'grub kyi/ sngon po grub pa nyid kyis sngo 'dzin de 'grub
ste/ dper na yul dran pa nyid kyis yul can dran pa yin gyi/
sngar yul can kho rang gis kho rang gzhan dag 'dod pa ltar myong
ba'i dbang gis dran pa de 'byung ba min pa dang 'dra'o/ /de ltar

bya dgos pa yang tshig gsal las/ tshad ma'i grangs 'jug pa gzhal
bya'i gzhan gyi dbang yin pa'i phyir dang/ gzhal bya'i rnam pa'i
rje su byed pa tsam gyis rang gi ngo bo yod par rnyed pa'i tshad
ma dag gi rang gi ngo bo rnam par 'jog pa'i phyir/ zhes

gsal bar gsungs so/ /de dag gi don ni tshad ma gnyis su nges pa
gzhal bya gnyis su nges pa'i dbang gis 'jog pa'i phyir dang/
tshad ma la gzhal bya'i rnam pa shar ba'i dbang gis 'jal byed kyi
tshad ma'i rang gi ngo bo yod par 'jog la/ tsam

gyis zhes pa ni sems tsam pa dang mdo sde pa 'dod pa ltar tshad
ma gzhal bya ji 'dra pa de 'dra ba'i rnam pa'i rje su byed pas
gzhal bya 'grub la/ de nas tshad ma 'grub tshul ni snga ma las zur
du tshad ma rang gi ngo bo la gnyis snang dang bral ba'i 'dzin

rnam yan gar ba myong ba'i rang rig gis 'grub pa 'gog ste/ gzhal
bya 'grub pa tsam gyis 'grub pa'i don no/ /'di ni 'phags pa nyid
kyis/ gal te rang las tshad ma grub/ /gzhal bya rnams la ma ltos
par/ /khyod kyi tshad ma grub gyur 'dir/ /

@162a @#/ /gzhan la mi ltos rab grub 'gyur/ /zhes gsungs pa'i
dgongs pa yin te/ tshad ma 'grub pa la gzhal bya grub pa tsam
gyis mi chog par tshad ma rang las tshad ma 'grub pa gzhan dag
'dod pa ltar yin na/ gzhal bya la ma ltos

par tshad ma 'grub par 'gyur ro/ /de 'dod na dngos po rnams rgyu
rkyen gzhan la ma ltos par rab tu grub par 'gyur ro/ /zhes bkag
pas gzhal bya grub pa tsam gyis tshad ma grub par shugs kyis
bstan no/ /de ltar na sngo 'dzin ni gzhan lugs

ltar rang rig gis mi 'grub kyi/ dbang po'i mngon sum tshad mas
'grub par bstan te/ de yod pa ni sngo 'dzin gyis gzhal bya grub
pa de nyid kyis rtogs pa'i phyir ro/ /de'i phyir tshad ma gang
yin thams cad rang gi gzhal bya grub pa de nyid kyis 'grub

bo/ /gnyis pa ni/ 'o na lugs 'dis gzugs brnyan dang sgra brnyan
sogs kyang sngar bshad pa ltar gzugs dang sgra'i skye mched sogs
su bzhag pa dang/ tshig gsal las kyang/ zla ba gnyis la sogs pa
dag ni rab rib can ma yin pa'i shes pa

la ltos nas mngon sum nyid ma yin la/ rab rib can la sogs pa la
ltos nas ni mngon sum nyid kho na'o/ /zhes lugs 'dis gzugs sgra
la sogs pa'i yul la mngon sum gyi sgra dngos ming dang/ de dag
'dzin pa'i yul can la btags ming du

bstan pa'i skabs su zla ba gnyis snang sogs 'jig rten pa rang
dga' ba la ltos te/ gzhal bya mngon sum pa yin min gyi khyad yod
kyang/ rang gi lugs la ni zla ba gnyis snang sogs kyang gzhal
bya mngon sum pa mngon gyur du bzhed pa yin no/ /

@162b de'i phyir dbang po'i shes pa 'jig rten rang dga' ba la
ltos pa'i 'khrul ma 'khrul gang yin kyang/ rang gi gzhal bya
grub pas yul can 'grub bo/ /'on kyang rang rig khas mi len pa la
gzhi dus kyi yid shes snang ba dang/ zhen yul la 'khrul pa rnams

yod par mi 'grub ste/ de rnams la rang gi gzhal bya 'jal bas yul
can grub pa med pa'i phyir ro zhe na/ 'di la bshad par bya ste
lugs 'dis rnam shes tshogs drug las ngo bo tha dad pa'i rnam shes
mi bzhed pas/ dbang po gzugs can la dngos su brten

pa'i tshad ma dang yid kyi dbang po tsam la brten pa'i tshad ma
gnyis las ni med do/ /tshad ma yang tshig gsal las/ mngon rjes
gnyis dang lung gi tshad ma dang nyer 'jal lam dpes 'jal ba'i
tshad ma bzhi bshad pa ni rtsod zlog rtsal 'grel la brten pa'o/ /

tshad ma phyi ma gnyis ni rjes dpag tu 'du la/ bzhi brgya pa'i
'grel pa las kyang/ dngos po thams cad mngon sum du shes pas go
bar bya ba ni ma yin gyi rjes su dpag pas rtog par bya ba yang
yod do/ /zhes gsungs so/ /mngon sum tshad ma la

lugs gzhan nas bzhi bshad pa'i rang rig mngon sum bkag la yid
kyi mngon sum yang tshad ma nas bshad pa ltar mi bzhed de/ bzhi
brgya pa'i 'grel pa las/ chos mngon pa nas gzugs sogs lnga re re
zhing dbang po dang yid shes kyis shes

par bya bar gsungs pa'i don 'chad pa na/ rnam par shes pa gnyis
kyis don gcig rnam par shes pa ma yin te/ gcig ni yul gyi rnam
pa dngos su gcod par byed pa ste gang dang por skye ba'o/
/gnyis pa ni/ dngos su byed pa nyid du rnam par shes

@163a @#/ /pa ma yin te/ dbang po'i rnam par shes pa'i stobs kyis
de ltar rtog cing skye ba na/ des kyang don de rnam par shes so
zhes nye bar 'dogs so/ /zhes dang po dbang shes kyis gzugs sogs
kyi don de dngos su rig la/ yid

shes kyis dbang shes kyi stobs kyis rig gi dbang shes bzhin du
dngos su mi rig par gsungs shing dran par yang gsungs so/ /yang
bzhi brgya pa'i 'grel pa las/ tshor ba la sogs pa ltar nyams su
myong ba'i rnam pa yang ma yin la/ gzugs

dang sgra la sogs pa bzhin dbang po'i sgo nas yongs su bcad par
bya ba yang ma yin no/ /zhes gsungs pas mngon gyur du 'jal ba la
dbang shes kyis gzugs sogs gcod pa lta bu dang/ tshor ba bde sdug
la sogs pa ltar nang du nyams myong gis

yongs su gcod pa gnyis gsungs so/ /de gnyis kyi phyi ma ni gzhi
dus nas khas kyang blang dgos la/ mngon sum gyi tshad ma bzhi las
mang ba 'dir yang ma bshad pa'i phyir dang/ rnal 'byor mngon sum
dang dbang po'i mngon sum dang/ rang rig mngon

sum tshad mar gzhag tu mi rung bas/ yid kyi mngon sum du bzhag
ste/ yid kyi mngon sum tshad ma ni tshad ma ba dang mi mthun mod/
/de lta na'ang yid kyi mngon sum tshad ma mi 'dod pa ni min no/
/de ltar na tshor ba zhes pa ni byed pa po dang byed pa dang

las dang 'brel ba'i tshig yin pas gang zag 'dis tshor ba dang/
byed pa 'dis tshor ba dang/ 'di 'dra ba zhig tshor ba zhes pa
gsum du 'gyur ro/ /de'i gnyis pa ni tshad ma ste sems byung tshor
ba'o/ /gsum pa ni gzhal bya ste bde ba dang sdug bsngal

@163b dang btang snyoms so/ /'di yang yid shes kyi dbang du byas
kyi dbang shes kyi tshor ba gsum gyis gzugs sgra sogs yongs su
gcod de/ de'i 'grub tshul ni sngar bshad pa bzhin no/ /'o na yid
shes kyi tshor bas bde sdug sogs mngon gyur du gcod na rang rig

tu mi 'gyur ram snyam na/ skyon med de bkag pa'i rang rig ni
shes pa thams cad kha nang lta la rig bya dang rig byed tha dad
par snang ba nub pa'i 'dzin rnam yan gar ba yin zhing/ 'dir ni
nyams su myong ba khyad par can tshor ba'i mtshan nyid du mdo sder
gsung

la/ 'jig rten gyi tha snyad las kyang bde ba dang sdug bsngal
nyams su myong ngo zhes brjod pa'i phyir/ myong bya dang myong
byed tha dad pa nyid du snang ba'i phyir na phyogs snga ma'i
rang rig dang mi gcig go /de'i phyir bde ba sogs nyams su myong
bas grub pa nyid kyis

tshor ba grub bo/ /yid shes kyi ngor keng rus gsal snang sogs
chos kyi skye mched pa'i gzugs snang ba na/ yid shes la de rnams
kyi rnam pa shar ba'i sgo nas des de rnams grub pa na de 'dzin
gyi shes pa 'grub pa ni sngar dang 'dra ste/ yul de rnams ni

yid kyi shes pa las ngo bo tha dad pa'o/ /bdag 'dzin gnyis lta
bu'i yid shes kyi shes pa de ji ltar 'grub pa ni/ tshig gsal las/
gal te mtshan gzhi'am rang gi mtshan nyid dam spyi'i mtshan nyid
kyang rung ste/ 'jig rten na yod na ni thams

cad mngon sum du dmigs par bya ba yin pa'i phyir lkog tu ma gyur
ba yin te/ de'i phyir de'i yul can gyi rnam par shes pa dang
lhan cig tu mngon sum nyid du rnam par bzhag go / zhes gsungs pa
'dis shes par bya'o/ /de la mtshan gzhi dang

@164a @#/ /mtshon bya gnyis skad dod gcig pas lo tsA ba kha cig
gis mtshan gzhir bsgyur/ kha cig gis mtshon byar bsgyur ro/ /des
na 'dis mtshon par byed pa'i mtshan nyid dang/ 'di mtshon par bya
ba'i mtshan gzhi thams cad mngon

sum du dmigs par bya bar bshad pa ni/ tshad ma bzhir byas pa'i
mngon sum tshad ma ngos 'dzin pa'i skabs yin pa'i phyir/ thams
cad mkhyen pas mngon sum du dmigs par ston pa yang min la/ 'di
nyid kyi mjug thogs su lkog tu gyur

pa'i yul can rtags bsgrub par bya ba la mi 'khrul ba las skyes
pa'i shes pa ni rjes su dpag pa'o/ /zhes gsungs pas rang spyi
thams cad mngon gyur yin gyi/ lkog gyur min par ston pa'ang min
no/ /des na rang spyi gnyis gang la dmigs

pa'i shes pa la'ang de gnyis kyi snang ba 'byung la/ snang ba de
nyid ni shes pa de'i yul mngon sum ste de dang de'i yul can gyi
rnam shes gnyis ka mngon sum du 'jog pa ni/ yul la mngon sum gyi
sgra dngos dang yul can la btags nas 'jug

par bzhed pa'o/ /shes pa gang la gang gi rnam pa snang ba'i
snang ba thams cad shes pa de'i yul mngon sum yin na/ snang bde
shes pa de la mngon gyur yin zhing/ de yang de la mi slu ba'i
shes pa yin na 'jig rten na mi slu ba'i shes pa la tshad mar

grags pas tshad mar 'gyur ba zhig 'ong ngo/ /de'i tshe gzhal bya
snang ba de shes pa de'i grub pa na yul can 'grub pa ni sngar
bzhin yin no/ /de'i phyir bdag 'dzin gnyis lta bu la yang bdag
gnyis kyi snang ba mngon sum du 'char la/ de'i tshe gzhal bya
snang ba

@164b mngon gyur de yul can des 'grub pa sogs sngar dang 'dra
ste/ des zhen yul la 'khrul pa gzhan yang shes par bya'o/ /de
ltar shes pa rnams yul du snang ba'i snang yul mngon gyur grub
par 'dra la/ bdag gnyis dang bdag med gnyis dang/ gzugs

sogs rtag mi rtag sogs la tshad mar 'gro mi 'gro'i khyad par chen
po yod pas/ blo la tshad ma dang tshad min gyi rnam par bzhag
pa'ang 'grub bo/ /yid shes snang yul la tshad mar bshad pa de
rnams kyang yul mngon gyur de rnams la yid kyi mngon sum

tshad mar bya ste/ mtha' gzhan khegs pa'i phyir ro/ /rang rig
mngon sum tshad mar mi 'gyur te/ yul de la gnyis kyi snang ba
dang bcas pa'i phyir ro/ /mnyam gzhag gi shes pa zag pa med pa
la gnyis snang nub kyang chos nyid dang de gnyis rig bya rig

byed du 'gro ba dang/ shes pa thams cad kha nang lta la gnyis
snang log kyang rig bya rig byed du 'gro ba gnyis rnam pa thams
cad du mi mtshungs te/ phyi ma la ni grub mthas btags pa'i yul
yul can tsam ma gtogs pa rtog pas yid ci tsam gtad

kyang rig bya dang rig byed kyi snang ba gnyis mi 'char la/ snga
ma la ni yid gtad de bltas pa na yul can shes pa dang yul chos
nyid kyi rnam pa tha dad pa nges par 'char ba'i phyir ro/ /mnyam
gzhag rnam par mi rtog pa'i ye shes kyis rang gi gzhal

bya chos nyid grub pa na/ de'i stobs kyis yul can gyi ye shes
'grub pa la/ rig bya rig byed so sor snang ba'i gnyis snang log
pa dang/ gzhan lugs kyis shes pa thams cad kha nang lta la gnyis
snang log pa'i 'dzin rnam yan gar ba 'dod

@165a @#/ /pa dang mi mtshungs pa'i khyad par ni 'bras bu'i sa'i
skabs su 'chad par 'gyur ro/ /'di 'dra ba'i rnam gzhag phra mo
ni rang gis gzhan la/ 'di yi yod pa gang gis shes par 'gyur/
/zhes sogs kyi gnod pa brjod

pa tshur la bzlog pa na/ chen po rnams kyi lugs so so ba'i rnam
gzhag phra mo mi shes shing/ rang gi lugs nges don gyi lung gi
don phra mo dang/ shin tu rtogs dka' ba'i rigs lam phra mo nas
'dren mi shes pa rnams kyis/ kho bo'i phyogs

la khas len med pas skyon du mi 'gyur ro/ /zhes bsnyon 'dings pa
tsam la re ba rnams la mi dgos kyang/ skye bo mkhas pa mdzangs
shing phra ba'i blo can rigs pa'i gnad phra mos skyon yon so sor
'byed pa'i lam ma mthong bar yid mi ches

pa rnams kyi don du bsams nas/ bdag gis lugs dam pa 'di skyon
med par 'jog pa'i phyogs 'di'i sgo tsam zhig bstan pa yin no/
/'o na ngas sngon po mthong ngo zhes dran pa'i nga ni gang zag
yin la/ sngo 'dzin gyi shes pa dang de gnyis

'gal bas de ltar dran pa de sngo 'dzin dran par ji ltar 'gyur
snyam na/ sngo 'dzin gyi mig shes dang sngon po mthong mkhan gyi
gang zag gnyis 'gal yang/ shes pa des sngon po mthong ba la
brten nas ngas mthong ngo zhes 'jog pa mi 'gal ba bzhin

du sngo 'dzin gyi shes pas sngon po mthong ba dran pa la brten
nas ngas sngar sngon po mthong ngo zhes gang zag dran pa des
sngo 'dzin gyi shes pa dran pa yang ci zhig 'gal/ gsum pa ni/
gang gi phyir de lta yin pa de'i phyir rang rig yod pa ma yin
na/ sems

@165b tsam pa khyod kyi gzhan dbang shes pa gang gis 'dzin par
'gyur shing gcod pa'i byed pa po dang/ bcad pa'i las su bya ba
shing dang/ /shing gcod pa'i bya ba gsum gcig min pas shes pa de
nyid kyis de 'dzin par rigs pa ma yin no/ /'di'i gnod pa

'bab tshul ni bden gnyis rang 'grel las shes pa'i bdag nyid la
ni/ rdul phra rab dag dang gnyis po med pa'i dngos po'i ngo bo
mi snang ngo/ /mi snang ba la ni tha snyad med do zhes pa gsal
te/ sngar bshad pa ltar gyi shes pa kha nang lta la gnyis snang
med

pa'i myong tsam kho rang gi rig bya dang/ kho rang de'i rig byed
du 'jog pa la de la ji tsam gtad kyang rtog pa la yang rig bya
dang rig byed gnyis su mi snang ba de la rig bya rig byed kyi
bya byed 'jog na/ byed pa po dang las dang bya ba gzhan yang
gcig tu ha cang

thal ba 'jug pa yin no/ /des na slob dpon chen po ye shes snying
po ni/ sems tsam pa'i rang rig dang nyan thos sde pa'i rdul cha
med gnyis yod med ji lta ba bzhin mtshungs par bzhed de/ rdul cha
med la yang yul gyi go sa gnon pa ni dgos la/

de'i rnam pa shar ba na phyogs kyi cha bcas min pa 'char sa med
do/ /des na de gnyis kyi rig bya rig byed dang phyogs kyi cha
med ni grub mthas btags pa 'ba' zhig go /des na de gnyis snang
yang ma nges pa yin pa yang bkag ste/ bden gnyis rang 'grel

las/ gal te snang ba bzhin du yang de nges par mi zin snyam na/
des na ci de lta bu la ni tha snyad med do/ /snang zhes bya ba
yang yid ches pa med pa'i phyir mna' chu btung dgos so/ /zhes
snang ba la yang sgrub byed mna' tsam du zad do/ /zhes gsungs

@166a @#/ /so/ /lang kar gshegs pa las gsungs pa'i rigs pas kyang
rang rig mi rigs te/ ji ltar ral gris rang gi so/ /gcod par mi
byed sor mos ni/ /rang la reg par mi byed ltar/ /rang rig sems
kyang de bzhin no/ /zhes

gsungs so/ /bzhi pa ni/ gzhan dbang bdag dang gzhan las mi skye
bar ni sngar bstan zin la/ de 'jal ba'i rang rig kyang med bar
da lta nyid du bstan pas/ gal te rang bzhin gyis skye ba med
cing tshad mas ma shes pa'i bdag nyid can gyi gzhan dbang rang

gis ngo bos grub pa'i dngos po yod na/ rgyu mtshan gang gis na
'di yod par mi rigs pa gzhan te sems tsam pa khyod la mo gsham
gyi bus gnod pa ci zhig bskyal nas de yod par mi 'dod de yod par
'dod dgos te/ 'di ltar mo gsham gyi bu zhes bya

ba spros pa thams cad las 'das shing 'phags pa'i ye shes kyi
spyod yul du gyur pa/ brjod du med pa'i rang bzhin can zhig yod
do zhes 'di yang yod pa nyid du 'dod par gyis shig /gnyis pa
ni/ gang yang dngos po brtags par yod ba'i

rgyur 'gyur zhing/ zhes smras pa de yang gzhan dbang rang bzhin
gyis yod na rigs pa zhig na/ gang gi tshe gzhan dbang rang bzhin
gyis grub pa cung zad kyang yod pa min na/ tha snyad kun rdzob
pa'i 'khrul pa'i rgyu ste gzhi rdzas su grub par ni gang zhig

'gyur te cung zad kyang med do/ /des ni gzhan dbang don dam du
grub par 'dod pas don dam las nyams par bstan no/ /de'i phyir
sems tsam pa 'di la 'jig rten gyi tha snyad kyi rgyu gang yin pa
de rang gi ngo bo nyid kyis yod pa min pas/ kye ma

@166b kyi hud gzhan sems tsam pa'i ltar na nges don mthar thug
pa 'byed pa'i shes rab kyi rtsal med pas gzhan dbang gi rdzas
shes tsam la bden par zhen pa'i chags pa yi sgo nas/ gzhan
dbang gi bum pa so ma btang bar/ tshul min gyi dpyad

pa chu dang 'dra ba blugs nas/ rang gi blo gros kyi tshul ngan
pa'i phyir te rgyu mtshan gyis/ 'jig rten la grags pa'i rnam
gzhag 'jig rten kho na las grub pa 'dug cig song zhig byos shig
/ces pa sogs dang de bzhin du phyi'i gzugs dang

phyi'i dmigs pa las skyes pa'i tshor ba la sogs pa de dag kun
kyang brlag pa ste 'jig par byed do/ /de'i phyir sems tsam pa
'di la rgud pa 'ba' zhig srid par 'gyur gyi/ mngon par mtho ba
ste phul du byung ba'i go 'phang ni 'thob pa ma yin no/ /

phyi rol bkag na song zhig la sogs pa yang med par 'gyur ba'i
rigs pas/ de rnams phyi rol la 'brel ba'o/ /'dis ni kun rdzob
kyi bden pa las nyams par bstan pa'o/ /gsum pa ni/ de'i phyir de
ltar slob dpon phyin ci log ste drang ba'i

don la nges pa'i don du 'chad pa las/ sangs rgyas kyi dgongs par
ma song ba'i rang gi rnam par rtog pas sbyar ba'i lugs kyi lam
kho nar zhugs pa/ slob dpon 'phags pa klu sgrub zhabs kyis srol
phye ba'i lam las ni phyi rol tu gyur pa

la zhi ba myang 'das 'thob pa'i thabs kyi gtso bo med do/ /ci'i
phyir zhe na/ 'di ltar phyi rol tu gyur pa de dag ni kun rdzob
kyi bden pa dang de nyid don dam bden pa las nges par nyams par
'gyur la/ bden gnyis de las nyams pas kyang de ma btang

@167a @#/ /gi bar du thar pa 'grub pa yod pa min no/ /yang ci'i
phyir bden gnyis las nyams pas thar pa mi 'grub ce na/ tha snyad
bden pa'i rnam gzhag ma log pa ni/ don dam bden pa ji bzhin du
rtogs pa'i thabs su gyur pa

dang/ don dam bden pa ji bzhin rtogs pa ni sngar bshad pa'i
thabs las byung bar gyur pa ste/ bden pa de gnyis kyi rnam dbye
gang gis mi shes pa de ni phyin ci log gi rnam par rtog pas lam
ngan par zhugs pa'o/ /'dis ni tha snyad kyi rnam gzhag

skyon med pa zhig ma byung bar du don dam bden pa ji bzhin du mi
rtog par bstan pa'o/ /de'i phyir klu sgrub kyis srol phye ba'i
lugs kho na'i rjes su 'brang bar bya'o/ /tshul de nyid mdos sgrub
pa la de kho na nyid nges par bstan pa'i ting nge 'dzin las/

'jig rten mkhyen pas gzhan la ma gsan par/ /bden pa 'di gnyis
nyid kyis bstan par mdzad/ /gang zhig kun rdzob de bzhin don dam
ste/ /bden pa gsum pa gang yang ma mchis so/ /zhes pas ni sangs
rgyas kyis rang dbang du bden gnyis

bstan pa dang shes bya thams cad bden gnyis su grangs nges par
bstan no/ /de nas/ gang gis bde bar gshegs la 'gro ba rnams/
/bde ba'i don du dad pa skye 'gyur ba/ /rgyal bas 'gro ba rnams
kyi don slad du/ /'jig rten phan phyir kun rdzob

de bstan to/ /zhes pas ni kun rdzob bstan pa'i dgos pa bstan no/
/sems can tshogs kyi 'gro drug gang bstan pa/ /sems can dmyal
dang dud 'gro yi dwags dang/ /lha min ris dang mi dang lha yi
rnams/ /mi yi seng+ges kun rdzob btags

@167b pa mdzad/ /rigs dma' de bzhin mtho ba'i rigs rnams dang/
/phyug po'i khyim dang dbul po'i khyim rnams dang/ /bran gyi
tshogs dang de bzhin g.yog gi tshogs/ /bud med tshogs dang skyes
pa ma ning dang/ /'gro ba'i khyad par ji snyed gang yang rung/ /

mtshungs med khyod kyis 'jig rten bstan mdzad pa/ /kun rdzob bden
par mkhas pas thugs chud nas/ /'jig rten mkhyen pas mi la de
bstan to bzhes pas ni kun rdzob bstan tshul gsungs so/ /'di la
dga' ba'i 'gro ba 'khor ba na/ /'gro ba'i chos

brgyad la ni 'jug 'gyur te/ /thob dang ma thob snyan dang mi
snyan dang/ /bstod dang smad dang bde dang sdug bsngal lo/ /thob
pa rnyed na de la chags pa skye/ /ma thob gyur na des kyang
'khrug par 'gyur/ /gang gzhan ma bstan tshul 'dis shes par bya/
/nad rnams brgyad

kyis de rgyun gnod par gyur/ zhes pas ni kun rdzob pa 'di la
bden par zhen nas dga' ba ni 'jig rten gyi chos brgyad la 'jug
cing des mnar nas 'khor bar 'khor ba dang chos brgyad kyi dang
po gnyis bstan pas lhag ma mi bstan pa shes par bya

bar gsungs so/ /kun rdzob de la don dam su smra ba/ /de dag nor
pa'i blo ldan shes par bya/ /zhes pas ni kun rdzob pa 'gro ba
drug la sogs pa la don dam ste bden par grub pa zhes su smra ba
de dag phyin ci log gi blo can du shes par bya bar gsungs

pas rang sde de ltar 'dod pa rnams grub mtha' nor par gsungs
so/ /mi sdug sdug dang sdug bsngal bde ba dang/ /bdag med rang
bzhin bdag tu smra ba dang/ /mi rtag chos la rtag ces smra bgyid
cing/ /de ltar dga' ste mtshan mar gang gnas pa/ /

@168a @#/ /de dag bde gshegs gsung ni thos gyur na/ /'jigs shing
ji bzhin mi rtogs spong par bgyi/ /de dag bder gshegs gsung ni
spangs gyur nas/ /sems can dmyal bar sdug bsngal mi bzad myong/
/de dag tshul

min bde ba tshol bgyid kyang/ /sdug bsngal brgya dag byis pas
myong bar 'gyur/ /zhes pas ni phyin ci log bzhi la goms pa dang
de 'thad pa'i grub mthas bslad pa phyi rol pa rnams ni/ sangs
rgyas kyi gsung thos na spong zhing de'i mthus sems can

dmyal bar 'gro ba dang/ de dag gis thar pa'i bde ba tshul bzhin
min pa'i thabs kyis btsal yang/ de mi rnyed par ma zad sdug
bsngal du mas mnar bar 'gyur bar bstan no/ /'jig rten phan pa'i
bstan pa su zhig gis/ /ma log blo yis rnam par

rtogs gyur na/ /sbrul gyi pags pa rnying ltar rab spangs te/
/srid pa kun las 'das nas zhi bar 'gyur/ /chos 'di thams cad
rang bzhin dben pa ste/ /stong pa mtshan ma med pa don dam
zhes/ /gang gis thos nas dga' ba skye 'gyur ba/ /de dag bla med

byang chub thob par 'gyur/ /rgyal ba khyod kyis phung po dben
par gzigs/ /khams dang skye mched rnams kyang de bzhin te/
/dbang po'i grong ni mtshan mas dben pa dag /kun kyang thub pa
khyod kyis ji bzhin gzigs/ /zhes bstan pa gsung rab zab mo'i

don phyin ci ma log par rtogs na/ 'khor ba las grol par bstan
nas/ rtogs tshul de ji 'dri zhig snyam pa la/ chos 'di thams cad
rang bzhin dben pa sogs kyi gtam thos pa na dga' nas de'i don
rtogs na byang chub 'thob par gsungs

@168b te/ /sngar kun rdzob bstan la 'dis don dam pa bstan no/
/khams ni sa'i khams la sogs pa'o/ /skye mched ni gzugs sgra
sogs so/ /de'i phyir kun rdzob btags pa tsam dang rang bzhin med
pa'i don dam bden pa shes

pas dben pa rnams la thar pa lta ga la yod/ de'i phyir rnam par
shes pa tsam du smra ba de dag ni lam gol par zhugs pa kho na'o/
/'dir tha snyad kyi bden pa bstan pa ni thabs su gyur pa ste/
ting nge 'dzin gyi rgyal po las/ yi ge med pa'i chos la ni/
/nyan pa

gang dang ston pa gang/ /'gyur pa med la sgro btags pas/ /'on
kyang nyan zhing ston pa yin/ /zhes gsungs te/ rkang pa dang po
gnyis kyis ni de dag don dam par med par bstan no/ /don dam par
yi ge med pa de la la sgro btags pa ste rtog pas btags

nas nyan pa dang 'chad do zhes pa'o/ /yi ge'i skad dod ak+Shar
zhes pa yi ge dang 'gyur pa med pa gnyis ka la 'jug kyang 'dir
yi ge med la zhes bsgyur na bde'o/ /sgro btags pa ni med pa la
yod pa dang/ ma yin pa la yin zhes pa lta bu la

yang mang du bshad mod kyang/ de kho nar mi gzung gi spyir rtog
pas btags nas 'jog pa la yang bya'o/ /tha snyad kyi bden pa kho
na la gnas te don dam pa ston la/ de las kyang don dam pa khong
du chud pa las don dam pa myang ngan las 'das pa 'thob

ste/ rtsa she las/ tha snyad la ni ma brten par/ /dam pa'i don
ni bstan mi nus/ /dam pa'i don ni ma rtogs par/ /mya ngan 'das
pa thob mi 'gyur/ /zhes gsungs so/ /bzhi pa ni/ gal te khyod
kyis de skad du kho bo cag la shin tu ltos pa med par

@169a @#/ /smra na/ da ni nged cag kyang khyed la bzod pa mi byed
de/ gal te bdag nyid gzhan gyi phyogs sun 'byin pa tsam la mkhas
par mngon par byed cing/ rigs pa'i 'thad pas mi rigs pa'i phyir
gzhan dbang rang bzhin gyis

grub pa'i ngo bo sel bar byed na/ 'o na da ni bdag dang gzhan
las skye ba sogs 'gog pa'i 'thad pa kho nas/ mi rigs pa'i phyir
khyod la grags pa'i kun rdzob sel bar byed do zhe na/ gal te
khyod thog ma med pa'i dus nas dka' ba brgya phrag gis bsags

pa'i nor gyi tshogs 'phrog pa po la/ mdza' bo'i zol gyis dug bcas
kyi zas byin nas slar phrogs pas dga' ba bzhin du/ kho bo cag
gis gzhan dbang la bden par 'dzin pa'i yul phrogs pas phan btags
pa na de'i lan du kho bo cag la

gnod pa byas pas khyod dga' zhing rangs par 'gyur na 'gyur la
rag ste/ kho bo cag ni mngon par mtho zhing dag pa nyid du 'gyur
ro/ /'di ltar ji ltar sems tsam pa khyod kyis gzhan dbang dngos
por te ngo bos grub pa/ sum cu ba las/ de ma mthong

bar de mi mthong zhes gsungs pa ltar 'phags pa'i ye shes kyis
thugs su chud par byas pa zhig gi rang dbang du byas nas/ rang
lugs kyis yod do zhes 'dod pa de ltar kun rdzob kyang ni rang
bzhin gyis grub par bdag gis khas ma blangs so/ /'o na ci

zhe na/ phung po la sogs pa 'di dag rang bzhin gyis med kyang/
'jig rten kho na las grags par 'gyur bas yod do zhes 'jig rten
gyi ngo kho nar byas nas bdag gis ni smra bar byed do/ /'dir kun
rdzob pa'i phung sogs 'jig rten tha snyad kyi

@169b ngor 'jog pa la tshul gnyis te/ dbu ma rang gis kun rdzob
tu 'jog pa ni tha snyad pa'i tshad ma'i ngor khas len gyi rigs
ngor mi 'jog go /skabs 'gar dgos pa'i dbang gis phung sogs rang
bzhin gyis yod par 'jog pa ni/ rang lugs la mi 'dod

kyi gzhan ngo kho nar khas len pas de gnyis 'gog pa mi mtshungs
so/ /gzhan ngor de ltar khas len pa ni 'bras bu ste dgos pa'i
phyir yin la/ de yang gdul bya de grub mtha' ngan pa gzhan las
ldog pa dang/ rim gyis de kho na nyid rtogs pa'i thabs

yin pa'i phyir ro/ /des na gzhung des rnam gzhag thams cad
gzhan ngor byed kyi/ rang lugs la mi byed pa'i don gtan min pa
ni/ 'di'i shes byed kyi lung drangs pa nyid kyis shes so/ /lung
ni sdom pa gsum bstan pa las/ 'jig rten nga dang

lhan cig rtsod kyi/ nga ni 'jig rten dang mi rtsod de/ gang 'jig
rten na yod par 'dod pa de ni ngas kyang yod par bzhed do/ /gang
'jig rten na med par 'dod pa de ni nga yang med par bzhed do/
/zhes gsungs pa'o/ /'di ni stong nyid bdun cu pa las/ gnas

pa'am skye 'jig yod med dam/ /dman pa'am mnyam pa'am khyad par
can/ /sangs rgyas 'jig rten bsnyad dbang gis/ /gsungs kyis yang
dag dbang gis min/ /zhes yod med la sogs par 'jog pa thams cad
'jig rten na ji ltar grags

pa'i tha snyad kyi dbang gis 'jog par gsungs pa'i don no/ /ji
ste kun rdzob 'di ji ltar dgra bcom pa phung bo spangs nas lhag
med kyi zhi ba'i dbyings su zhugs pa rnams la/ kun rdzob thams
cad yod pa min pa de ltar du gal te 'jig rten

@170a @#/ /la yang kun rdzob 'di med na/ lhag med pa de bzhin du
kun rdzob pa 'di 'jig rten gyi tha snyad kyi nga la ltos nas
kyang yod ces bdag mi smra'o/ /de'i phyir gzhan 'jig rten gyi
tha snyad la rag las pa nyid kyi sgo nas bdag gis kun

rdzob khas blangs kyi/ 'jig rten gyi tha snyad la ma ltos par
rang dbang du khas blangs pa ni min no/ /thog mar 'jig rten kho
nas khas blangs pa yin te/ de'i phyir gang gis khas blangs pa de
kho na la ltos nas sel bar nus pas na bsal bar

'os pa yin te/ gzhan dbu ma pa la ltos nas ni ma yin no zhes
bshad pa kho bo cag ni kun rdzob 'khrul pa'i snang ba rang rgyud
la bzlog pa'i phyir shin tu tshogs che bas lam sgom pa la gnas
par 'gyur gyi/ gal te khyod la 'jig rten

gyis mi gnod na/ khyod kyis 'jig rten nyid la ltos nas kun rdzob
'di ni dgag par gyis shig /de khyod kyi rigs pas 'gog nus na
ngas kyang khyod la stongs gdab pa ste grogs bya'o/ /'jig rten
gyis ni gnod pa yang yin te/ de'i

phyir kho bo cag khyod kyi grogs mi byed par btang snyoms su
gnas par bya'o/ /khyod dang 'jig rten pa gnyis 'dir ni rtsod pa
gyis shig dang/ brtsad pa'i phyi nas gang stobs dang ldan pa de
la bdag gis brten par bya'o/ /de la khyod rgyal na ni

kho bo cag de 'dod pas khyed la brten par bya'o/ /'on te khyod
'jig rten gyis pham par byas na ni/ shin tu stobs dang ldan pa'i
'jig rten la brten par bya'o/ /de ltar na phyi rol med pa la tha
snyad pa'i tshad mas gnod pas phyi rol

@170b med par sgrub mi nus so/ /'o na sems tsam pas rdul cha med
med pas de bsags pa'i phyi don 'gog pa'i rigs pas/ phyogs kyi
cha med kyi phyi don mi khegs so snyam na/ de dag tshad mas ma
khegs par ma smra'i de khegs kyang phyi rol gyi don mod mi

dgos so/ /'dis ni shes pa dus kyi cha med dang de 'thud pa'i
rgyun khegs kyang shes pa mi khegs pa yang shes par bya'o/
/gzhan gyi lugs kyis ni phyi rol cha med khegs na snang ba la ma
'khrul ba'i dbang shes khegs/ dbang shes 'khrul

pas don 'jog mi nus pas phyi don khegs so snyam du bsams so/
/'dir ni dbang shes 'khrul pas gzhal bya bden pa 'jog mi nus
kyang/ gzhal bya brdzun pa 'jog pa la de grogs su song ngo snyam
du dgongs so/ /'di nyid 'phags

pa lha yang bzhed de brgya pa las/ gcig yod gcig med ces bya ba/
/de nyid min 'jig rten pa'ang min/ /zhes don shes yod med 'byed
pa bden gnyis gang gi yang rnam gzhag min par gsungs pa'i phyir
ro/ /de'i phyir de ltar 'byed pa

klu'i zhabs kyi bzhed pa yang ma yin no/ /gsum pa la gsum/ sa
bcu pa las/ sems tsam du gsungs pa'i dgongs pa bshad pa/ phyi
rol dang nang gi sems gnyis yod med mtshungs par bstan pa/ lang
kar gshegs pa las/ sems

tsam du gsungs pa'i dgongs pa bshad pa'o/ /dang po la gsum/ tsam
gyi sgras phyi rol mi 'gog pa sa bcu pa'i lung gis bsgrub pa/ don
de nyid mdo gzhan gyis kyang bsgrub pa/ tsam gyi sgras sems gtso
bo nyid du bsgrub pa'o/ /dang po ni/

@171a @#/ /gal te de kho na nyid la dspyod pa'i 'thad pa ste rigs
pas grub pa dang bral yang/ 'jig rten pa'i gnod pas 'jigs nas
khyod kyis kun rdzob khas blangs na ni/ lung gi gnod pas 'jigs
pas sems tsam du yang khas blang

dgos te/ sa bcu pa las/ de 'di snyam du sems te/ 'di ltar khams
gsum po 'di ni sems tsam ste/ zhes gsungs pa lta bu'o zhe na/
brjod pa rgyal ba'i gsung gi nor bu anda rnyil las sbyar ba'i
mdo sde'i sa gzhi bstar ba la/ anda rnyil yin

pa de ma shes par rnam par shes pa dngos por smra ba'i chu'i
rnam par yongs su 'gyur bar 'khrul ba khyod ni/ rnam par shes pa
dngos por smra ba'i chu tsam zhig bcu bar 'dod pas/ rang gi blo
gros kyi bum pa so ma btang ba bshal zhing bsdugs nas

dum bu rnam pa brgyar klog pa na/ de'i rang bzhin shes pa rnams
kyi bzhad gad du bya ba nyid du 'gyur bar byed pa yin no/ /mdo'i
dgongs pa 'di ni ji ltar khyod kyi blo la snang ba de ltar ma
yin no/ /yang 'dir mdo'i don ci yin zhe na/ de'i phyir bshad pa/

sa drug pa mngon du gyur pa chos dbyings la mngon du phyogs pa'i
byang chub thams cad mkhyen pa'i ye shes la sems pa de la yod
pas byang chub sems dpa' yis/ srid pa khams gsum rnam shes sems
tsam du rtogs par gsungs pa

gang yin pa des ni/ bdag rtag pa byed pa po bkag nas/ kun rdzob
sems tsam zhig kho na byed pa po yin par rtogs pa'i phyir/ 'jig
rten gyi byed pa po ni byang sems des sems tsam zhig yin par
rtogs te/ sa bcu pa las/ lugs su

@171b byung ba'i rnam par rten cing 'brel par 'byung ba la rab
tu rtog go /de ltar na sdug bsngal gyi phung po sdug bsngal gyi
ljon pa byed pa po dang/ tshor ba po med pa 'ba' zhig po 'di
mngon par 'grub par 'gyur ro snyam mo/ /de 'di snyam du sems te/
byed

pa po la mngon par zhen pas las rnams yod par gyur to/ /gang na
byed pa po med pa de na don dam par las kyang mi dmigs snyam mo/
/de 'di snyam du sems te/ khams gsum pa 'di ni sems tsam ste/
srid pa'i lan lag bcu gnyis po gang

dag de bzhin gshegs pas rab tu phye ste bka' stsal pa de dag
thams cad kyang sems gcig la brten pa dag go zhes rgya cher
gsungs so/ /mdo des ni byed pa po dang tshor ba po med pa'i 'ba'
zhig pa 'grub pa dang/ sems tsam gyi don bshad pa

na yan lag bcu gnyis sems gcig la brten par gsungs pas/ mdo
'di'i tsam gyi sgras don mi 'gog pa dang/ sems las gzhan pa'i
byed pa po 'gog pa yin no/ /'di'i phyogs snga ma ni theg bsdus
las/ de la lung ni bcom ldan

'das kyis sa bcu pa las/ 'di lta ste/ khams gsum po 'di ni sems
tsam mo zhes pa dang/ zhes rnam rig tsam du dpog pa la lung rigs
gnyis gsungs pa'i lung de la mdzad cing/ nyi shu pa'i rang 'grel
las kyang/ lung de drangs shing sems

zhes pa mtshungs ldan dang bcas pa la dgongs shing/ tsam smos pas
don 'gog par bshad de/ /'di sngar ltar 'gog pa ni sngon du legs
ldan gyis mdzad la/ de nas zla bas kyang mdzad do/ /gnyis pa ni/
sems tsam gyi tsam gyi sgras byed pa

@172a @#/ /po gzhan 'gog pa sa bcu pa'i don du bshad nas/ don 'di
nyid mdo gzhan gyis kyang bstan pa'i phyir bshad pa/ tsam gyi
sgras byed pa po gzhan 'gog pa sa bcu pa'i don yin pa de'i
phyir/ de kho na nyid rtogs nus pa'i blo

ldan gyi blo ni 'phel bar bya ba'i phyir/ lang kar gshegs pa'i
mdo de las kun mkhyen gyis mu stegs pa'i rgyud kyi bdag dang
gtso bo sogs 'jig rten gyi byed pa por 'dod pa'i lta ba ngan
pa'i ri bo spo mthon po 'joms pa'i ngag gi rang bzhin gyi rdo rje

'og nas 'byung ba 'di ni/ mdo gzhan du sems tsam zhes gsungs
pa'i dgongs pa gcad pa'i phyir du ston pas gsungs so/ /rdo rje
ni/ gang zag rgyun dang phung po dang/ de bzhin rkyen dang rdul
dag dang/ /gtso bo dbang phyug byed pa rnams/ /sems tsam

du ni ngas bshad do/ /zhes lang gshegs las gsungs te/ gang zag
nas dbang phyug byed pa por smra ba rnams kyi byed pa po ni/ de
rnams min gyi sems tsam zhig byed pa por nga smra'o/ /zhes
gsungs so/ /mdo 'di'i don dgrol ba'i phyir bshad

pa/ ji bzhin te ji ltar rang rang gi bstan bcos kyi grub pa'i
mtha' de dang de las/ mu stegs rnams kyis gang zag dang sogs pas
rgyun dang phung po sogs byed pa por smras pa de dag byed pa por
ma gzigs nas/ rgyal bas sems tsam zhig

'jig rten gyi byed pa por gsungs so/ /rtsa bar mu stegs rnams
kyis zhes pa ni phal che ba la bsams pa ste/ chos 'di pa sangs
rgyas pa dag gis kyang gang zag dang/ rgyun la sogs pa byed pa
por btags pa kho na'o/ /yang na gang

@172b zag sogs byed pa por rtog pa de dag kyang chos 'di pa
sangs rgyas pa ma yin te/ mu stegs ltar sangs rgyas kyi bstan
pa'i don phyin ci ma log par ma rtogs pa'i phyir ro/ /de'i phyir
mu stegs zhes pa ni khyab par byed pa'i tshig go /rin chen
'phreng

ba las kyang/ gang zag phung por smra ba yi/ /'jig rten grangs
can 'ug phrug dang/ /gos med bcas la gal te zhig /yod med 'das
pa smra na dris/ /de phyir sangs rgyas rnams kyis ni/ /bstan pa
'chi med yod med las/ /'das pa zab mo zhes

bstan pa/ /chos kyi khud pa yin zhes gyis/ /zhes gang zag dang
phung po rdzas su yod par smra ba sogs la yod med gnyis kyi
mtha' dang bral ba smra bar snang na dris shig dang/ de'i don
bshad rgyu mi 'ong ngo/ /de'i phyir bstan pa'i don yod med

gnyis kyi mtha' dang bral ba ni/ dam pa'i chos kyi khud pa ste
khyad par gyi chos gzhan la med par shes par gyis shig ces
gsungs so/ /'khor ba 'di ni thog ma med pas 'dir sngar ngan rtog
ci zhig ma byung phyis kyang ci zhig mi 'byung zhing/ 'di ltar

da lta nyid du yang spong ba dkar po la sogs pa dag la phung po
la sogs pa rdzas su yod pa byed pa po nyid du ston pa snang ngo/
/'di la dpe kha cig las spong dkar po la sogs pa zhes kyang
'byung zhing/ 'grel bshad kyi 'gyur las dge slong skye ba sing

la sogs pa zhes 'byung la/ de'i don gcer bu pa'i dge slong rnams
la 'chad do/ /spong ba pa ni bsam gtan pa'i ming yin pas bsam
gtan pa dkar po zhes pa'i rang sde phung po rdzas yod byed pa
por smra ba zhig go /gsum pa ni/ de

@173a @#/ /ltar na re zhig byed pa po sems las gzhan pa bkag pas/
tsam gyi sgra'i don byas zin pa'i phyir tsam gyi sgras shes bya
phyi rol gyi don 'gog mi nus par brjod nas/ bshad tshul de las
rnam pa gzhan sems

gtso bor gyur par bshad pa las kyang phyi rol 'gog pa mi srid
par bstan pa'i phyir bshad pa/ ji ltar de kho na nyid la blo
rgyas pa la sangs rgyas zhes bshad pa na/ tshig snga ma sangs
zhes pa mi mngon bar byas nas te mi mngon kyang/ sangs

rgyas zhes bsnyad pa yod pa ji lta ba de bzhin du/ gzugs dang
sems gnyis kyi nang nas sems tsam zhig gtso bor gyur pa la tshig
phyi ma gtso bor gyur ba mi mngon par byas nas/ mdo las 'jig
rten la ste khams gsum ni sems tsam mo

zhes gsungs par shes par bya'o/ /de'i phyir sems tsam mo zhes pa
'dir ni ste 'dis ni/ gzugs la sogs pa rnams khams gsum 'grub pa
la gtso bo yin pa sel bar byed kyi/ sems tsam zhig kho na rang
bzhin gyis grub pa

yin gyi phyi rol gyi gzugs ni med do zhes 'gog pa de ltar 'chad
pa ni mdo yi don ma yin no/ /sa bcu pa'i mdo'i don 'di ni kho bo
cag gis ji skad du bshad pa de bzhin du gdon mi za bar 'dod par
bya'o/ /khyod kyi lugs ltar na gal te

khams gsum po 'di dag rang bzhin gyis grub pa'i sems tsam mo
zhes mkhyen nas/ sa bcu pa de las phyi rol gyi gzugs nyid dgag
par mdzad na ni/ slar yang sa bcu pa de las bdag nyid chen po
sangs rgyas kyis sems te

@173b rnam shes de ma rig pa'i rkyen gyis 'du byed/ 'du byed kyi
rkyen gyis rnam shes zhes gti mug ma rig pa dang/ 'du byed las
gnyis las skyes par ci'i phyir gsungs pa rigs te mi rigs so/ /sa
bcu pa'i mdo de nyid las rnam shes ma rig pa dang 'du byed

kyi 'bras bur gsungs kyi/ rang gi mtshan nyid kyis grub par ni ma
gsungs so/ /rten 'byung du yang gsungs la rang gi mtshan nyid
kyis grub par yang gsungs na ni gsung ba po 'khrul zad la de
gnyis ka rang lugs su bzhed pa mi srid pas/ gdul

bya gzhan dkri pa'i phyir gzhan ngor zhal gyis bzhes par shes
par bya'o/ /gnyis ka rang lugs su mi rung ba ni gal te rnam par
shes pa rang gi bdag nyid kyis grub par gyur na ni/ rnam shes de
ma rig pa'am 'du byed la mi ltos par 'gyur ba

zhig na/ ltos pa yang yin te/ de'i phyir rang gi bdag nyid kyis
grub pa ni med do/ /de'i phyir rnam pa thams cad du rnam par
shes pa ni rang bzhin gyis yod pa ma yin pa kho na ste/ rab rib
can gyis dmigs pa'i skra shad la sogs pa ltar/ phyin

ci log gi rkyen yod na yod pa'i phyir la/ de kho na ltar phyin
ci log gi rkyen med na med pa'i phyir ro snyam du bsams so/
/phyin ci log ma rig pa'i rkyen yod na rnam shes yod pa ni brten
'brel lugs 'byung gis bstan la/ ma rig pa med na rnam

shes ldog pa ni lugs ldog gis bstan pa'i mthar/ de ltar 'du byed
du gyur pa nyes pa mang po'i skyon chags shing ngo bo nyid med
pa dang/ ma skyes pa la 'gags par so sor rtogs na zhes rgyas par
gsungs te/ de ltar na sems dang bcas

@174a @#/ /pa su zhig de nyid las gsungs pa'i lung mthong nas
rnam shes rdzas su yod par rtag par byed de mi byed do/ /de ltar
byad pa ni nang gi bden 'dzin gyi grub mthas byas par 'gyur ro/
/rigs pa drug cu pa las kyang/ 'jig rten ma

rig rkyen can du/ /gang phyir rdzogs pa'i sangs rgyas gsung/ /de
yi phyir na 'jig rten 'di/ /rnam rtog yin zhes cis mi 'thad/ /ma
rig 'gags par gyur na ni/ /gang zhig 'gag par 'gyur ba de/ /mi
shes pa las kun brtags par/ /ji lta bur

na gsal mi 'gyur/ /zhes gsungs te/ rang gi ngo bo nyid kyis grub
na gnas lugs su grub par 'gyur la/ de'i tshe 'khrul pa log pa na
gsal du 'gro dgos kyi/ ldog par mi 'gyur ro/ /zhes pa'i don no/
/sems gtso bo yin pa de nyid bstan pa'i phyir bshad

pa de la sems can gyi 'jig rten ni rang gi sems kyis bsags pa'i
las dang nyon mongs pas bdag gi dngos po rnyed pa yin la/ snod
kyi 'jig rten shin tu sna tshogs pa ni sems can de dag kho na'i
sems nyid kyis bsags pa'i thun mong ba'i

las kyis 'god pa ste skyed de/ rlung gi dkyil 'khor nas 'og min
gyi snod kyi mthar thug pa'o/ /de la rma bya la sogs pa'i mdongs
la sogs pa sna tshogs pa ni/ sems can de rnams kho na'i las thun
mong ma yin pas skyed pa'o/ /padma la sogs

pa'i 'dab ma dang kha dog sna tshogs pa ni/ sems can gyi thun
mong gi las kyis bskyed pa'o/ /de bzhin du gzhan la'ang shes par
bya'o/ /ji skad du/ sems can las kyi dbang gis ri/ /nag po'i dus
su skyes te dper/ /sems dmyal mtho

@174b ris 'jig rten du/ /mtshon dang rin chen shing bzhin no/
/zhes gsungs so/ /'jig rten gnyis thun mong gi las yin min gnyis
kyis bskyed pa ni/ sems tsam gyi gzhung du yang bshad pas sems
tsam gyi lugs la'ang snod kyi 'jig rten med pa

min no/ /de ltar na 'gro ba ma lus pa las las skyes par gsungs
shing/ sems spangs nas ni las kyang yod pa ma yin te sems dang
bcas pa kho nas las gsog pa'i phyir na las kyang sems la brten
pa'o/ /de ltar na sa bcu par byed pa

po dang tshor ba po med pa zhes gsungs pa la brten nas/ tsam gyi
sgras byed pa po gzhan 'gog par bstan la/ yan lag bcu gnyis po
thams cad kyang sems gcig la brten par gsungs pa la brten nas/
tsam gyi sgras sems gtso bor gyur par

bstan te/ bshad pa snga ma dgag phyogs dang phyi ma sgrub phyogs
nas yin no/ /de'i phyir 'gro ba rab tu 'jug pa la sems nyid gtso
bo'i rgyu yin gyi/ sems las gzhan pa ni gtso bo'i rgyu min pas/
mdo las sems tsam zhig gtso bor bzhag

gi gzugs ni ma yin no/ /gal te gzugs yod par 'dod mod kyi ste
kyang gzugs de la ni sems bzhin du 'gro ba'i byed pa po nyid ni
yod pa ma yin no/ /des na sems las gzhan pa'i byed pa po bzlog
pa ste bkag gi /phyi rol gyi gzugs

ni bkag pa ma yin no/ /'di na grangs can sogs kha cig ni gtso bo
la sogs pa byed pa po dang/ sangs rgyas pa kha cig gis ni sems
byed pa por 'dod la/ gzugs byed pa po min pa la ni rtsod pa med
do/ /de'i phyir gtso bo la sogs

@175a @#/ /pa gzhan gyis byed pa por dogs pa ste brtags par byas
pa/ byed pa po de'i mtshan nyid med pa gtso bo la sogs pa kho na
bsal bar bya ba'i phyir/ tha snyad du byed pa po nyid du nus par
mthong bas/ sems tsam zhig byed pa

por brjod pa na gtso bo la sogs pa byed pa po yin pa bsal nas/
gtso bo la sogs pa yul bton pa'i rtsod pa'i gnas kyi yul gnon no
zhes bya bar rigs te/ yul gcig la dbang byed par 'dod pa'i rgyal
po gnyis kyi nang nas 'gran zla gcig

bton nas/ bton pa rang gi yul 'thob cing gnyis ka la nye bar
mkho ba'i phyir skye bo phal pa la gnod pa med pa ltar de bzhin
du 'dir yang gnyis ka la nye bar mkho ba'i phyir/ gzugs la gnod
pa med pas gzugs yod pa kho na yin no zhes bya

bar nges par bya'o/ /gnyis pa ni/ de phyir de ltar sngar ji skad
bstan pa'i tshul gyis 'jig rten pa yi de nyid de rnam gzhag la
gnas pa la phyi rol gyi gzugs kyi phung po la sogs pa rnams 'jig
rten la grags te phung po lnga char yod la/ de kho

na nyid mngon sum du rtogs pa'i ye shes 'char bar 'dod pa na
rnal 'byor pa mnyam par gzhag pa la de'i ngor phung po de lnga
'byung bar mi 'gyur ro/ /gang gi phyir de lta yin pa de'i phyir
phyi rol gyi gzugs med par 'dod na ni sems yod par

ma 'dzin cig /nang gi sems yod par 'dod pa nyid yin na'ang phyi
rol gyi gzugs med par ma 'dzin cig /gang gi tshe btags don 'tshol
ba'i 'thad pas dpyad pa na phyi'i gzugs med par rtog na ni de'i
tshe phyi nang gnyis ka'i yod pa 'thad pas

@175b las 'grub pa dang bral ba'i phyir nang gi sems med par
yang rtogs par bya dgos la/ yang gang gi tshe sems yod pa nyid du
rtog na ni de'i tshe gzugs kyang rtogs par bya dgos te gnyis ka
yang 'jig rten la grags pa'i phyir ro/ /'dir sems tsam

pas gzugs dang sems gnyis la yod med kyi khyad par 'dod par
bshad pa'i gzugs med pa ni phyi rol gyi gzugs med pa yin te/
phyi gzung med par rang gi sa bon las/ /sngo sogs snang nyid
'byung bar/ zhes gsungs shing de'i 'grel pa las

kyang/ sngon po la sogs pa'i phyi rol gyi gzugs med par zhes
gzugs med pa'i dgag bya la phyi rol gyi khyad par smos shing/
yang 'grel pa las/ tsam gyi sgras shes bya 'gog par mi nus par
brjod nas rnam pa gzhan du bshad pa las kyang

phyi rol 'gog pa mi srid bar bstan pa'i phyir bshad pa zhes
gzugs 'gog pa mdo'i don min par gsungs pa'i gzugs 'gog pa phyi
rol 'gog pa la bshad pa'i phyir ro/ /de lta ma yin par tshig zin
tsam la byed na tsam gyi sgras shes bya 'gog mi

nus pa brjod nas/ zhes gsungs pas sems tsam pas tsam gyi sgras
sems kyi shes bya bkag par 'dod do zhes kyang brjod par bya'o/
/gal te sems tsam pas gzugs can khas mi len na sems tsam pas kun
gzhi sgrub pa'i rigs pa ston

pa na/ theg bsdus las/ nying mtshams sbyor ba sbrel zin pa rnams
kyi dbang po gzugs can 'dzin par byed pa yang de las gzhan rnam
par smin pa'i rnam par shes pa med par mi 'thad de zhes dang/
rnam par shes pa dang ming dang gzugs

@176a @#/ /mdung khyim ltar gcig la gcig brten pa'i tshul gyis
'jug pa gang yin pa de yang rnam par smin pa'i rnam par shes pa
med na mi rung ngo/ /zhes gsungs pa rnams 'gal ba kho nar 'gyur
te gzugs can gyi

chos khas blangs na phyi rol khas len dgos par 'dod pa'i phyir
ro/ /des na rnam par shes pa'i rkyen gyis ming gzugs skye ba
sogs khas len kyang phyi rol khas len mi dgos par 'dod pa la
bzlog nas smra bar mi bya ste/ sems tsam gyi thun

mong ma yin pa'i rnam gzhag ston pa na de ltar bshad pa shin tu
mang ngo/ /lung las kyang phyi rol gyi don dang nang gi shes pa
yod med mtshungs pa de ltar rtogs par bya ste/ 'di ltar gzugs la
sogs pa'i phung po lnga po de dag ni shes rab kyi

pha rol tu phyin pa'i tshul gyi mdor ni sangs rgyas kyis lnga
char yang mtshungs par rang bzhin gyis grub pa spangs shing ste
bkag pa yin te/ rab 'byor gzugs ni rang bzhin gyis stong ngo
zhes bya ba nas rnam par shes pa ni rang bzhin gyis stong

ngo zhes gsungs pa'i phyir ro/ /chos mngon pa las ni lnga char
yang rang dang spyi'i mtshan nyid la sogs pa'i sgo nas mtshungs
par gsungs so/ /de'i phyir pha rol gyis ni sngar bshad pa de
ltar phyi rol dang sems gnyis don dam par med

mnyam dang/ kun rdzob tu yod mnyam du lung dang rigs pas grub
pa'i bden gnyis kyi rim pa 'di dag bshig par 'gyur ro/ /de ltar
bshig nas kyang sems tsam pa khyod kyi gzhan dbang rdzas su grub
pa ni 'grub par mi 'gyur ro/ /ci'i

@176b phyir zhe na/ gang gi phyir sngar gzhan dbang rdzas su
grub pa lan du mar bkag pa de'i phyir/ khyod kyi ngal ba don med
par 'gyur ro/ /bden gnyis kyi rim pa mi 'jig pa la don dam par
med cing tha snyad du yod par 'dod dgos pa de'i phyir/ sngar
bshad

pa de lta bu'i rim pas dngos po rnams gdod ma nas de kho na nyid
du ma skyes shing/ 'jig rten gyi tha snyad du skyes bar rig par
bya'o zhes gsungs te/ 'dis ni dngos po rnams ma skyes pa don dam
dang/ skyes pa tha snyad du khas blang bar ston pas dgag

bya la khyad par nges par sbyar bar bya'o/ /gsum pa la gnyis/
phyi rol med pa'i sems tsam du gsungs pa drang don du bstan pa/
mdo'i drang nges kyi don rtogs pa'i thabs bstan pa'o/ /dang po
la gnyis/ drang don du lung gis bstan pa/ rigs pas

bstan pa'o/ /dang po la gnyis/ dngos kyi don dang/ de 'dra ba'i
mdo gzhan yang drang don du bstan pa'o/ /dang po ni/ gal te yang
sa bcu pa'i mdo'i don de ltar bshad mod kyi/ de lta na yang lung
gzhan lang gar gshegs pa las/ phyi rol snang ba yod

med de/ /sems ni sna tshogs rnams su snang/ /lus dang longs spyod
gnas 'dra ba/ /sems tsam du ni ngas bshad do/ /zhes gsungs so/
/de la lus ni mig la sogs pa'i skye mched gzugs can rnams so/
/longs spyod ni gzugs sgra sogs

yul lnga'o/ /gnas ni snod kyi 'jig rten no/ /sems las logs shig
na phyi rol yod pa ma yin pa'i phyir/ rnam par shes pa tsam zhig
kho na lus dang longs spyod dang gnas su snang ba skye ba na yul
gyi dngos por gnas pa lus rang

@177a @#/ /la sogs pa rnam par shes pa las tha dad par phyi rol
lta bur mngon pa yin no/ /de'i phyir khams gsum pa ni sems tsam
yin no zhe na/ mdo 'di yang dgongs pa can nyid du brjod pa'i
phyir bshad pa/ mdo sde

gang las phyi rol snang yod min/ /sems ni sna tshogs snang ngo
zhes gsungs pa/ /de'i dgongs pa ni 'di yin te/ gang dag gzugs la
shin tu chags pa'i rkyen can gyi rdzas su chags pa dang/ khong
khro ba dang nga rgyal la sogs pa rnams kyis 'jug

pa rang dbang med par byas par 'gyur zhing/ de la mngon par zhen
pas de dag sdig pa chen po dang sbyor la bsod nams dang ye shes
kyi tshogs bsags pa las nyams par 'gyur ba de dag la bcom ldan
'das kyis gzugs kyi rkyen can gyi nyon

mongs pa bzlog pa'i phyir/ chags pa can dag la phyi rol gyi yul
la chags pa 'joms pa'i keng rus ltar/ de lta bur gyur pa ma yin
yang de lta bu nyid du sems tsam nyid bstan pa yin no zhes bya
bar shes par bya'o/ /yang lung 'di drang

pa'i don nyid yin gyi nges don ni ma yin no zhes bya ba de ltar
gang las nges she na/ phyi rol med par sems tsam mo zhes gsungs
pa 'di ni/ ston pas drang don nyid du gsungs pas lung las drang
don du 'grub la/ mdo 'di ni drang don nyid du

rigs pas kyang 'thad pa ste 'grub bo/ /de ltar phyi rol snang ba
yod med do/ /zhes pa rnams kyis sems rtsam du bstan pa'i rtsam
gyi sgras ni sa bcu pa'i mdo las bshad pa ltar phyi rol mi 'gog
byed pa po gzhan 'gog ces slob dpon 'dis

@177b mi 'chad kyi/ de la ni tsam gyi sgras phyi rol 'gog kyang
mdo de drang don no zhes 'grel lo/ /slob dpon chen po legs ldan
gyis ni mdo des kyang sems lus dang/ longs spyod dang gnas dang
'dra ba ste de'i rnam pa grib ma lta bus kha bsgyur bar skye ba
la

'chad cing phyi rol yod min gyis kyang blos rnam med du mthong
ba 'gog par bzhed pas tsam gyi sgras phyi rol 'gog pa min par
'chad do/ /gnyis pa ni/ phyi rol snang ba yod med de/ /zhes sogs
kyis phyi rol med par sems tsam zhig

yod par bstan pa drang don yin pa 'ba' zhig tu ma zad kyi/ sngar
bshad pa rnam pa de lta bu'i mdo sde sems tsam pa rnams kyis
nges don du khas blangs pa las/ gzhan yang ni drang don nyid du
'chad 'gyur gyi lung 'dis gsal bar byed do/ /rnam

pa de lta bu'i mdo sde de yang gang yin zhe na/ dgongs pa nges
'grel las ngo bo nyid gsum bstan pa las/ kun brtags pa med pa
dang/ gzhan gyi dbang yod pa dang/ de bzhin du/ len pa'i rnam
par shes pa zab cing phra/ /sa bon thams cad chu yi rgyun

lta 'bab/ /bdag tu rtog par gyur na mi rung zhes/ /byis pa rnams
la ngas ni de ma bstan/ /zhes bya ba la sogs pa ste/ zhes 'grel
par gsungs so/ /de la mdo der kun brtags rang gi mtshan nyid kyis
med pa dang/ gzhan dbang rang gi mtshan nyid

kyis yod pa'i yod med kyi khyad par phye'o/ /bdag gnyis su kun
brtags pa lta bu dang/ chos rnams la ngo bo dang khyad par du
btags pa rang gi mtshan nyid kyis grub pa ni/ de'i lugs kyis shes
bya la mi srid kyang ngo bo dang khyad par du btags

@178a @#/ /pa'i kun brtags du ma zhig ni gzhi grub pa yin no/
/mdo der gzhan dbang dang yongs grub gnyis ka rang gi mtshan nyid
kyis grub par gsungs kyang/ 'grel par gzhan dbang tsam las ma
gsungs pa ni dbu

sems bden par yod med rtsod pa'i gzhi'i gtso bo ni gzhan dbang
yin te kun brtags 'dogs pa'i gzhi yang gzhan dbang yin la/ yongs
grub kyang gzhan dbang la brten nas gzhag dgos pa'i phyir ro/
/de ltar phye ba yang lugs

'dis drang don du 'chad do/ /yang mdo der len pa'i rnam par shes
pa zhes sogs kyis rnam shes tshogs brgyad du gsungs pa'i 'jug
shes drug las ngo bo tha dad pa'i kun gzhi rnam shes gsungs pa
yang 'dir drang don du 'chad do/

kun gzhi rnam shes med na ni nyon yid kyang gzhag tu med pa yin
no/ /la sogs pa'i sgras bsdus pa la mdo der phyi rol bkag pa
dang/ mthar thug theg pa gsum du bshad pa gnyis te/ 'dir drang
don du 'grel dgos pa bzhi yod

do/ /'di rnams la go ba mtha' chod par ma chags na spyir dbu
sems dang khyad par du lugs 'de'i gnad thun mong ma yin pa rnams
mi shes par mthong nas drang nges rnam par 'byed par zhib tu
bshad do/ /dgongs 'grel las

tshig gang gis phyi rol med par bstan pa ni/ theg bsdus las/ bcom
ldan 'das ting nge 'dzin gyi spyod yul gyi gzugs brnyan de ci
sems de las tha dad pa zhes bgyi'am tha dad pa ma lags pa zhes
bgyi/ bcom ldan 'das kyis

@178b bka' stsal pa/ byams pa tha dad pa ma yin zhes bya'o/ /de
ci'i phyir zhe na/ rnam par shes pa ni dmigs pa rnam par rig pa
tsam gyis rab tu phye ba can yin no zhes nges bshad do/ /zhes
sogs drangs pa rnams yin no/ /lugs 'dis ni sngar bshad

pa'i don tshan bzhi ga drang don du 'grel gyi/ de dag gi gseb nas
kha cig drang don dang/ kha cig nges don du 'grel ba ltar ni mi
mdzad do/ /'di la yang mthar thug theg pa gsum du bshad pa ni
'phags pa nyid kyis mdo kun las btus pa las

mthar thug theg pa gcig tu sgrub pa las go nus par dgongs nas
'jug 'grel du ma smos so/ /lhag ma gsum gyi phyi rol med par
sems tsam zhig rang bzhin gyis grub par bstan pa drang don du
lung gis gsal bar byed pa ni/ lang kar gshegs

pa las/ ji ltar nad pa nad pa la/ /sman pa sman rnams gtong ba
ltar/ /sangs rgyas de bzhin sems can la/ /sems tsam du yang rab
tu gsungs/ /zhes pa 'di yin te nad pa so so la sman ster ba ni
sman pa'i rang dbang gis ma yin gyi/ nad pa'i

nad kyi tshul dang bstun dgos pa bzhin du sems tsam du gsungs pa
yang ston pa'i rang lugs kyi dbang gis min gyi/ gdul bya'i bsam
pa'i dbang gis yin par gsungs pas lung snga ma drang don du shes
so/ /ji ltar nad pa zhes sogs kyi mjug

tu 'grel pa las/ de bzhin du bcom ldan 'das kyi mdo brjod pa las
zhes pa nas/ mngon par rdzogs par 'tshang rgya ba ji ltar 'gyur
zhes te/ zhes pa'i bar lang gshegs las gsungs pa rnam drangs pa
ni rnam rigs pas kun gzhi nges

@179a @#/ /don du khas blangs pa drang don du ston pa'i lung ngo/
/'dir 'grel bshad las de bzhin du zhes pas rtag brtan gyi snying
po gsungs pa drang don yin pa de bzhin du sems tsam du gsungs pa
yang drang don du ston pa yin zer ba ni log par smra

ba yin te/ 'grel ba las sems tsam du gsungs pa drang don yin pa
de bzhin du zhes pa'i don du gsal bar bshad pa'i phyir ro/ /des
ji ltar nad pa zhes sogs kyis sems tsam du smra ba drang don du
bshad pa bzhin du rtag brtan gyi snying po drang don du

gsungs pas kyang dgongs 'grel sogs las kun gzhi rnam shes gsungs
pa sgra ji bzhin pa min par sgrub pa yin no/ /de la ni thog mar
snying po bstan pa sgra ji bzhin pa min par shes dgos pas lang
gshegs las/ mdo sde ni sems can gyi bsam pa bzhin bstan pa don
'khrul

ba yin te/ de kho na'i gtam min no/ /dper na smig chu ni chur
med pas chur zhen pa'i ri dwags slu ba bzhin du bstan pa'i chos
kyang byis pa mgu bar byed kyi/ 'phags pa'i ye shes rnam par
dgod pa'i gtam ni min no/ /des na khyod kyis don gyi rjes su
'brang bar bya'i brjod pa la

chags par mi bya'o zhes bka' stsal pa dang/ blo gros chen pos
mdo sde las de bzhin gshegs pa'i snying po gsungs pa de rang
bzhin gyis 'od gsal ba thog ma med pa nas rnam par dag ba mtshan
so gnyis dang ldan pa sems can thams cad kyi lus kyi nang na yod
par brjod de/ /nor

bu rin po che gos dri ma can gyis dkris pa bzhin du phung
khams skye mched kyi gos kyis dkris shing dri ma can du gyur pa
rtag brtan ther zug tu brjod na snying por smra ba 'di mu stegs
kyi bdag smra ba dang ji ltar mi 'dra ba lags zhes zhus so/
/de'i lan du de ltar bstan pa

@179b de sgra ji bzhin pa min pas mu stegs kyi bdag dang mi 'dra
zhes 'chad pa na/ gang la dgongs nas gsungs pa'i dgongs gzhi ni
stong nyid dang mtshan med dang smon med ni chos kyi bdag med
pa'o/ /de la dgongs nas gsungs pa'i dgos pa ni byis

pa rnams bdag med pas 'jigs pa spang ba dang/ mu stegs byed bdag
tu smra ba la mngon par zhen pa rnams dang/ sngon de'i lta ba la
goms par byas pa rnams de kho na nyid la rim gyis drang ba'i
phyir du rtag brtan ther zug gi snying po yod par

bstan pas 'di la da ltar dang ma 'ongs pa'i byang sems kyis bdag
tu zhen par mi bya bar gsungs te sgras zin ltar gzung na mu
stegs kyi bdag la zhen pa dang 'dra bas sgra ji bzhin par zhen
par mi bya ba'i don no/ /sgra ji bzhin pa dngos la gnod byed

ni sgras zin bzhin khas len na mu stegs kyi bdag dang khyad par
med par 'gyur ba'o/ /'di dag gi don rgyas par gzhan du bshad zin
pas 'dir ma spros so/ /'grel par yang de nyid las/ blo gros chen
po stong pa nyid dang mi skye ba dang mi gnyis pa dang

rang bzhin med pa'i mtshan nyid sangs rgyas thams cad kyi mdo
sde'i nang du chud pa 'di zhes bstan to zhes drangs pa'i 'og tu/
de'i phyir de ltar na rnam pa de lta bu'i mdo sde rnam par shes
par smra pa rnams kyis nges pa'i don nyid du khas blangs pa
thams cad

drang pa'i don nyid du yin par lung 'dis mngon par gsal bar byas
nas zhes gsungs so/ /rnam pa de lta bu'i mdo sde ni drangs ma
thag pa'i lang gshegs kyi lung tshan pa gnyis min te/ de gnyis
ka rnam rig pas nges don du khas ma blangs pa'i phyir

@180a @#/ /dang/ sngar 'grel par dgongs 'grel la gsal por bshad
pa'i phyir ro/ /lung 'dis zhes pa 'grel bshad las sa bcu pa'i
mdo'i rten 'brel la rtog pa'i skabs su byed pa po bkag pa la
'chad pa ni shin tu mi rigs

te/ byed pa po gzhan bkag pa ni sa bcu pa las sems tsam mo zhes
gsungs pa'i tsam gyi sgras phyi rol mi 'gog pa'i shes byed du
gsungs kyi/ phyi rol bkag pa drang don du ston pa'i shes byed
min no/ /des na rtsa bar drang don nyid du lung 'dis

gsal bar byed cis pa'i lung la gsum las phyi rol bkag pa'i sems
tsam drang don du ston pa ni ji ltar nad pa zhes pa bzhi'o/ /kun
gzhi drang don du ston pa ni rtag brtan gyi snying po drang don
du ston pa'i lung ngo/ /rtag brtan gyi snying po yod

par bstan pa drang don yin pas kun gzhi drang don du ji ltar
'grub ce na/ rgyan stug po bkod pa las/ sa rnams sna tshogs kun
gzhi ste/ /bde gshegs snying po dge ba'ang de/ /snying po de la
kun gzhi'i sgras/ /de bzhin gshegs rnams

ston par mdzad/ /snying po kun gzhir bsgrags pa yang/ /blo gzhan
rnams kyis mi shes so/ /zhes gsungs shing lang gshegs las kyang/
de bzhin gshegs pa'i snying po kun gzhi rnam par shes par
bsgrags pa rnam par shes pa bdun dang bcas

pa zhes de gnyis ming gi rnam grangs su lan du mar gsungs so de
yang de gnyis gcig rtag la gcig mi rtag par bshad pas sgras zin
gyi don gnyis gcig tu bstan pa min yang gang la bsams nas snying
po bstan pa'i don

@180b de nyid la dgongs nas kun gzhi bstan pas dgongs pa'i don
la ltos te ming gi rnam grangs yin pas don gcig go /de ltar na
snga ma drang don du bstan pa nyid kyis phyi ma yang drang don
du 'grub bo/ /'grel pa las/ dngos po thams cad kyi rang

bzhin gyi rjes su zhugs pa'i phyir stong pa nyid kho na kun gzhi
rnam par shes pa'i sgras bstan par rig par bya'o/ /zhes gsungs
la/ 'di dang rtag brtan sogs kyi snying po drang don du bstan pa
gnyis legs par bsgrigs nas lung des

kun gzhi drang don du bstan pa rtogs dgos par yod do/ /blo gros
chen po stong pa nyid dang zhes pa nas chud pa 'di zhes pa'i
mjug thogs su mdo nyid las/ 'di ni mdo sde gang du yang rung
ste/ de dag tu don 'di nyid khong du chud par bya'o/ /

zhes gsungs pa ni ngo bo nyid dang po gnyis la rang gi mtshan
nyid kyis yod med kyi khyad par phye ba drang don du ston pa'i
lung ngo/ /gnyis pa ni/ da ni rigs pas sems tsam gsungs pa drang
don du gsal bar bya ba'i phyir bshad pa/ de la

bsod nams bsags pa rnams chos nyid la bde blag tu 'jug pa'i
thabs su ji ltar thog mar sbyin sogs kyi gtam sbyor bar mdzad pa
de bzhin du zab mo'i don rdzogs pa thog ma nas rtogs par mi nus
pa'i gdul bya rnams sangs

rgyas rnams kyis rim gyis rang bzhin med pa rtogs pa la 'dzud
par mdzad do/ /de 'dra ba la sngon du shes bya phyi rol la med pa
bstan na/ de'i 'og tu shes pa rang bzhin gyis grub pa gsal ba
ni/ bde blag tu rnyed ces sangs rgyas

@181a @#/ /rnams kyis gsungs so/ /de ltar na shes bya med pa ste
thog mar phyi rol bkag pa yang bdag med rdzogs par rtogs pa'i
thabs yin pa'i phyir/ sangs rgyas rnams kyis dang por shes bya
phyi rol dgag par mdzad pa

kho na gsungs pa yin te shes bya med na ste phyi rol gyi bdag
med pa rig pa rnams shes pa bkag pa ste de'i bdag med pa bde
blag tu 'grub pa'i phyir ro/ /phyi rol rang bzhin med par rig pa
rnams kyis ni shes pa rang bzhin gyis med par res

'ga' rang kho nas rtogs la/ res 'ga' ni gzhan gyis cung zad
bstan pa tsam gyis rtogs so/ /phyi rol med pa dang shes pa rang
bzhin gyis yod pa drang don yin par ni byang chub sems 'grel las
gsal bar gsungs te/ 'di dag thams

cad sems tsam zhes/ /thub pa yis ni gang gsungs pa/ /byis rnams
skrag pa spang don te/ /de ni de bzhin nyid ma yin/ /zhes gsungs
shing/ 'phags pa lhas kyang ye shes snying po kun las btus las
gsal bar gsungs so/ /gnyis

pa ni/ shes rab can dag gis de nyid rdzogs par dngos su mi ston
pa'i drang don gyi mdo gzhan yang de bzhin du bstan par bya'o
zhes bshad pa/ sngar bshad pa de ltar lung gi drang nges kyi lo
rgyus te rnam gzhag shes par byas te/ mdo sde gang

dag de kho na nyid kyi don ma yin pa bshad pa'i don can te brjod
bya can/ skye ba med pa la sogs pas khyad par du byas pa'i rten
'byung dngos su gsal bar mi byed pa'i drang don gsungs pa'ang
drang don du rtogs par byas nas drang bar bya zhing

@181b ste/ ji ltar rang bzhin gyis med pa rtogs pa la 'jug pa'i
rgyur 'gyur ba de ltar bshad par bya ste/ 'jig rten las 'das par
bstod pa las/ 'byung rnams mig gzugs ma yin na/ /de 'byung mig
gzung ji ltar zhes/ /gzugs la de skad gsungs

pa na/ /khyod kyis gzugs kyi 'dzin pa bzlog /ces gsungs la/ mdo
las kyang/ mi rtag don ni med don zhes gsungs so/ /lung snga ma
shes byed du 'gro tshul ni bcom ldan 'das kyis chos mngon par/
'byung ba bzhi mig gi yul min

pa'i reg bya dang/ de las byung ba'i 'byung 'gyur gyi gzugs kyi
skye mched mig gi gzung byar gsungs la/ de gnyis ka khas blang
dgos pa la de dag gi de kho na nyid ston pa na de rnams rang gi
ngo bo nyid kyis grub na 'byung ba mig gi gzung bya'am/

yang na yul gzugs mig gi gzung bya min par khas blang dgos par
shes pa na bshad tshul snga ma de rnams kyi de kho na nyid ston
pa min par shes nas de kho na nyid gsar du rtogs pa dang/ bshad
tshul snga ma de la 'jug pa'i thabs

su gsungs par shes pa'o/ /lung gnyis pa'i don ni snga ma bzhin
du dngos po rnams skye ba dang/ 'jig par bstan pa ni rang bzhin
gyis med pa'i don du yin par go ba'o/ /mdo gang las gang zag
dang chos rang bzhin gyis stong pa nyid kyi

don can te dngos su brjod par byed pa can de nges pa'i don du
shes par gyis shig /de ltar yang ting nge 'dzin rgyal po las/
stong pa bde bar gshegs pas bshad pa ltar/ /nges don mdo sde dag
gi bye brag shes/ /gang las sems

@182a @#/ /can gang zag skyes bu bstan/ /chos de thams cad drang
ba'i don du shes/ /zhes gsungs te mdo sde dag gi bye brag ni
drang don gyi mdo sde dang mi 'dra ba'i khyad par ro/ /gang zag
bstan pa ni mtshon pa tsam ste byed pa po

dang/ las su bya ba dang byed pa rnams yod par ston pa'o/ /'di
ni mdo sde la drang nges gnyis su 'jog tshul gyi khungs so/ /yang
de nyid las/ 'jig rten khams ni stong phrag tu/ /nga yis chos
rnams gang gsungs pa/ /yi ge tha dad don gcig ste/ /

yongs su bsgrag par nus ma yin/ /dngos po gcig ni bsam byas na/
/de dag thams cad bsgoms 'gyur te/ /sangs rgyas kun gyis chos
mang po/ /ji snyed rab tu bstan pa rnams/ /chos rnams kun gyi
bdag med yin/ /mi gang don la mkhas

rnams kyis/ /gnas 'di la ni bslab byas na/ /sangs rgyas chos
rnams rnyed mi dka'/ /zhes gsungs so/ /'jig rten zhes pa'i rkang
pa bzhi ni mdo sde ji snyed cig gsungs pa la don dam pa dngos su
gsal bar byed pa ni de bzhin nyid la dngos su gzhol la/ de ltar
mi ston pa'i drang don rnams kyang brgyud nas

de bzhin nyid la gzhol bas/ don dam la gzhol bar don gcig pa'o/
/de'i phyir 'jig rten gyi khams na mdo sde yod tshad lam la slob
pa'i las dang po pas rtsad gcad par mi nus pas mdo sde gang yin
pa gcig gi de kho na nyid kyi don rtsad gcad ces pa

yin te/ de kho na nyid dngos su mi ston pa rnams kyang de la
'jug pa'i rgyur bshad dgos pa'i shes byed du drangs pas shes so/
/dngos po gcig ni zhes pa gnyis ni chos can gcig gi de kho na
nyid legs par shes nas bsgoms na

@182b chos can thams cad kyi de kho na nyid bsgoms par 'gro bas
chos can re re nas kyi chos nyid so sor sgom mi dgos pa'i don
no/ /dngos po gcig bsgoms na thams cad bsgoms par 'gyur ba de
gang yin pa ston pa ni sangs rgyas kun gyis zhes pa

gsum gyis ston te/ de ltar gsungs pa ni chos kyi bdag med yin
zhes pas/ chos can rgya che ba'i spyod phyogs rnams la gcig gis
chog zer ba min no/ /zla ba sgron ma las/ grangs nges su 'jog
tshul gsungs pa de bzhin du blo gros mi zad pa

la sogs pa'i mdo sde dag las rgya cher bstan pa yang rtogs par
bya zhes gsungs te/ 'di rnams mtha' chod par drang nges rnam
'byed du bshad zin to/ /phyogs tsam zhig ni brjod par bya ste
zhes pa ni dgongs 'grel las ngo bo nyid gsum bshad pa

drang don du 'grel na rang lugs kyis de gsum gyi 'jog tshul ji
ltar yin snyam pa la de'i phyogs tsam ston pa'o/ /dper na sbrul
ni thag pa bsdogs pa'i rten 'brel la log par btags pa yin te sbrul
de thag pa de la med pa'i phyir ro/ /sbrul dngos la ni yongs su
grub pa yin te med bzhin du kun tu

ma btags pa'i phyir ro/ /de bzhin du rang bzhin gshis lugs kyang
gzhan dbang 'dus byas la ni der med bzhin du kun tu btags pa yin
te/ rtsa she las/ rang bzhin dag ni bcos min dang/ /gzhan la
ltos pa med pa yin/ /zhes gsungs pas gshis lugs kyi ngo bo nyid

ni byas pa can ma yin pa'i phyir ro/ /bzung bzhin pa ste mthong
bzhin pa'i rten 'brel byas pa can gzugs brnyan dang 'dra ba la
gshis su kun btags pa'i rang bzhin de ni sangs rgyas kyi ji lta
ba gzigs pa'i spyod yul la ni gshis lugs

@183a @#/ /dngos yin te/ der ni med bzhin du kun tu ma btags pa'i
phyir te/ dngos po rgyu rkyen gyis byas pa can la ye shes des ma
reg par rang bzhin 'ba' zhig mngon sum du mdzad pas de nyid
thugs su chud pa'i phyir sangs

rgyas zhes brjod de/ /ma rig pa'i mtha' bcad pa ni 'chad par
'gyur ro/ /de'i phyir de ltar ngo bo nyid gsum gyi rnam gzhag
rtogs par byas nas mdo'i dgongs pa bshad par bya'o zhes gsungs
te/ bshad tshul des byams zhus kyi le'ur mtshan

nyid gsum bshad pa'i dgongs pa yang shes par byas la/ /dgongs
'grel gyi ngo bo nyid gsum bshad pa'i dgongs pa drang don yin pa
yang shes par bya'o/ /sems tsam pas gdags gzhi gzhan dbang la
gzung 'dzin ngo bo tha dad pa gnyis su

btags pa kun brtags su byed pa ni bsam pa'am brtag par bya dgos
te/ gzung 'dzin gnyis ni gzhan dbang yin gyi de min pa'i gzhan
dbang ni dngos por med pa'i phyir ro/ /byams zhus nas bshad pa'i
ngo bo nyid gsum dang dgongs 'grel gyi ngo bo

nyid gsum gyi rnam gzhag mtha' chod par ni drang nges rnam 'byed
du bshad zin to/ /gsum pa ni/ de la bdag dang gzhan las skye
ba'i tshig gal gnyis su smra ba gcer bu pa rnams ni 'jim ba'i gong
bu dang dbyu gu dang 'khor lo dang skud pa dang chu dang

rdza mkhan la sogs pa dag las bum pa 'byung ba na/ rdza bum 'jim
ba'i bdag nyid du yod pa kho na skye ba de'i phyir bdag las skye
la/ rdza mkhan gyi bya ba la sogs pa gzhan du gyur pa dag rdza
bum gyi skyed par byed pa yin pa'i phyir/ gzhan las kyang

@183b skye bar sems so/ /phyi rol la ji lta ba de bzhin du nang
la yang bdag dang gzhan gnyis ka las skye bar 'gyur ro/ /de la
gang zag dang/ bdag gces pa'i srog dang/ dbang po la sogs pa
srog ma yin pa dang/ mngon mtho dang nges legs 'grub pa'i chos

dang/ de las bzlog pa'i chos min pa dang/ /nyon mongs pa'i zag
pa dang 'chal khrims 'gog pa'i sdom pa dang/ la sogs pas bde ba
dang/ sdug bsngal ba dang/ shes pa las skyed shing/ shes pa'i
rgyur gyur ba'i 'du bya ba'i byung te tshig gi don dgu'i

rnam zhag byas nas byams pa tshe rab gzhan du mang rtogs kyi bdag
nyid du yod pa kho na'i da ltar gyi skye ba mi len pa'i phyir
bdag las skye te byams pa dang srog gnyis gzhan min pa'i phyir
ro/ /srog ni skye ba gcig nas gcig tu 'gro ba

dang ldan pa'i phyir/ lha la sogs pa'i 'gro bar rgyu ba yang
gzhan gyis 'dod do/ /yang byams pa rang gi pha dang ma dang/
chos dang chos ma yin pa dang/ zag pa la sogs pa gzhan du gyur
pa las skye ba'i phyir gzhan las kyang skye'o/ /de'i phyir bdag

gzhan re re kho na las skye bar khas mi len pas sngar bdag gzhan
re re ba las skye ba bkag pa ni kho bo cag la mi gnod do zhe na/
re re ba las skye ba mi rigs par ma zad rang gzhan gnyis ka
tshogs pa las skye ba'ang rigs pa'i ngo bo ma yin te/ gang gi
phyir na

sngar re re ba la bshad zin pa'i nyes pa de dag gnyis char las
skye ba'i phyogs la yang thog tu 'bab pa nyid yin pa'i phyir te/
byams pa srog la ltos te bdag las skye bar 'dod na ni/ sngar
bshad pa'i skye ba don med sogs kyis dgag la/ pha ma

@184a @#/ /sogs la ltos te gzhan skye 'dod na ni/ ha cang thal ba
sogs kyis dgag go / gong du ji ltar bdag dang gzhan las skye ba
'jig rten gyi kun rdzob dang/ don dam par yang mi rigs so zhes
bstan pa de bzhin du 'dir

yang gnyis ka las skye ba mi srid do zhes mjug bsdu ba'i phyir
bshad pa/ bdag gzhan gnyis ka las skye ba 'di ni 'jig rten las
kyang yod pa min la/ de nyid don dam du yang 'dod pa min no/
/gang gi phyir bdag gzhan re re las ni skye ba 'grub pa yod pa

ma yin pas gnyis ka las skye ba yang rigs pa ma yin no/ /bzhi pa
ni/ 'dir ngo bo nyid las byung bar smra ba rgyang phan pa ni/
gal te skye ba rgyu las yin na 'bras bu la ltos te bdag dang
gzhan dang gnyis kar gyur pa zhig tu skye bas skyon de dag tu

'gyur na bdag gis ni rgyu las skye bar khas ma blangs pas phyogs
gsum ga la bshad pa'i nyes pa med de/ 'di ltar pad ma'i chu ba
dang de'i 'dab ma rnams kyi rtsub pa dang 'jam sha dag 'ga' zhig
gis byed par ma mthong la/ de'i 'dab ma dang

ze'u 'bru dang lte ba rnams kyi kha dog dang dbyibs sna tshogs pa
dag byed par ma mthong ngo/ /de bzhin du pa na sa dang bal po
se'u la sogs pa'i sna tshogs pa yang yin no/ /de ltar phyi rol la
bzhin du rma bya dang bya ti ti re dang bya gag la sogs

pa nang gi bdag nyid can dag la yang 'ga' zhig gis 'bad pas
gzung nas kha dog dang dbyibs la sogs pa 'god par mi dmigs so/
/de'i phyir dngos po rnams kyi skye ba ni ngo bo nyid las byung
ba kho na'o zhes smra'o/ /'di la bshad par

@184b bya ste/ gal te dngos po rnams rgyu med pa kho nar skye
bar lta zhig 'gyur na ni/ de'i tshe dngos po mtha' dag ste thams
cad las te dngos po rnams rang gi rgyu min pa las kyang skye bar
'gyur te thams cad kyang rgyu min par 'dra ba'i phyir ro/ /yang
gang zhig

a mra la sogs pa rnams kyi smin pa dus tshigs la ltos shing re
'ga' mngon pa de yang de dag la rtag tu yod pa kho nar 'gyur te/
dus tshigs la mi ltos pa'i phyir ro/ /de bzhin du bya rog la yang
rma bya'i mdongs yod pa dang/ rma bya la yang

mngal gyi gnas skabs na'ang ne tso'i sgro yod par 'gyur te/ de
dag rgyu la mi ltos pa'i phyir te de ltar rigs pa dang 'gal ba
brjod nas mthong ba dang 'gal ba brjod pa ston tog la sogs pa'i
'bras bu 'byung ba'i ched du 'jig

rten pa 'di ba yis sa bon la sogs pa ni dka' ba brgya phrag
dag gi sgo nas sdud pa ste gsog par byed par yang mi 'gyur ba
zhig na byed pa yang yin pa'i phyir skye ba ngo bo nyid las
byung ba ma yin no/ /skyon gzhan yang gal te 'gro ba rgyu yis
stong

pa ste rgyu med par 'byung bar 'gyur na 'gro ba 'di dag nam
mkha' yi udpala yi dri dang mdog ji bzhin du gzung du med pa
nyid du 'gyur ba yin na shin tu ches bkra ba'i 'jig rten 'dzin
pa'ang yin pa de'i phyir rang gi blo sngon po'i rnam pa can ni
sngon po

las skye ba de bzhin du 'jig rten mtha' dag rang gi rgyu kho na
las skye ba yin par shes par gyis shig /rgyang phan ltar na de
nyid ni bzhi ste 'gro ba sna tshogs pa mtha' dag gi rgyur gyur pa
sa dang chu dang me dang rlung zhes bya ba rnams so/ /de rnams

@185a @#/ /kyi yongs su smin pa'i khyad par las padma dang bal po
se'u la sogs pa dag dang/ rma bya dang bya gag la sogs pa dag gi
sna tshogs pa ji ltar mthong bzhin pa 'thad pa 'ba' zhig tu ma
zad kyi/ blo dngos po'i de kho na nyid sna tshogs

yongs su gcod pa por gyur pa yang de kho na las skye ba yin no/
/ji ltar chang dag la 'byung ba'i bye brag phrad pa yongs su
'gyur ba'i khyad par las srog chags rnams kyi myos pa dang
brgyal ba'i rgyu myos par 'gyur ba'i nus pa skye ba de bzhin du
nur

nur po la sogs pa'i 'byung ba chen po'i khyad par can yongs su
smin pa las blo dag skye zhing/ de dag dngos po mtha' dag yongs
su gcod par byed pa'i bar du yang 'gyur ro/ /de'i phyir phyi rol
dang nang gi dngos po rnams ni 'jig rten 'di'i rgyu las

byung ba kho na yin gyi/ gang du byas pa'i las kyi rnam par smin
pa 'dir ram/ 'dir byas pa'i rnam par smin pa 'jig rten gzhan du
'byung ba 'jig rten pha rol dag yod pa nyid ni ma yin no snyam
du sems so/ /mdzes ma legs par spyod cing

bza' bar gyis/ /lus mchog 'das gang de khyod la mi 'byung/ /lus
'di tshogs par gyur pa tsam zhig ste/ /'jigs ma song ba ldog par
mi 'gyur ro/ /zhes smra ba ste/ 'di ni bu mo la mngon par bgrod
par 'dod cing bu mo'i 'jig rten pha

rol med par rtogs par 'dod nas smras pa yin no/ /nag tshos/ 'das
pa'i 'jigs pa 'byung bar 'gyur ma yin/ /zhes bsgyur ro/ /'di la
brjod par bya ste/ khyod kyi 'jig rten pha rol med do snyam pa'i
nges pa 'di rgyu mtshan gang las yin/

@185b 'jig rten pha rol da lta mngon sum du mthong ba ma yin pa
nyid kyi phyir ro snyam na/ 'jig rten pha rol mngon sum du ma
mthong ba de mngon sum zhig gam mngon sum ma yin pa zhig yin
grang mngon sum mo zhe na/ mngon sum du mthong ba log pa

mngon sum du 'dod na dngos po med pa yang mngon sum dang mi 'gal
bar 'gyur ro/ /de'i phyir dngos po med pa yang khyod la dngos
por 'gyur te/ tshe rabs pha rol mngon sum du mthong ba log pa
mngon sum gyi dngos kyi gzhal bya mngon sum

pa yin pa'i phyir dngos po bzhin no/ /de lta na dngos po med pa
zhes pa 'ga' yang med pas dngos po yang med par 'gyur te zla bo
med pa'i phyir ro/ /de gnyis med na 'byung ba bzhi med pa dang
'jig rten pha rol med pa nyid du dam bca' ba yang nyams

par 'gyur ro/ /ci ste mngon sum ma yin na ni re zhig mngon du
gyur pa ma yin pa'i phyir/ mngon sum tshad mas ma bzung bas ji
ltar ma bzung ba de'i sgo nas 'jig rten pha rol med par dpog par
'gyur/ ci ste rjes su dpag pas bzung ba

yin no zhe na/ spyir mngon sum du ma zad rjes dpag las rab tu
grub pas kyang skyes bu'i don sgrub pa yin na rjes dpag 'di ni
khyod kyis khas blangs pa yang ma yin te/ ji tsam dbang po'i
spyod yul ba/ /skyes bu de tsam kho nar zad/ /bzang

mo mang thos gang smra ba/ /de ni spyang ki'i rjes dang 'dra/
/zhes skyes bus don rtogs pa'i tshad ma ni mig sogs kyi dbang
po'i spyod yul ji tsam mthong ba'i mngon sum de tsam du zad par
smras pa'i phyir ro/ /sa la sogs pa'i 'byung ba bzhi po de

@186a @#/ /dag khyod kyi gzhung las bshad pa'i bdag nyid gang
zhig gis ni khyod kyi blo'i yul du gyur pa de ltar de yi bdag
nyid can du ni yod pa ma yin na shin tu rags pa'i don gang la
yid kyi mun pa 'thug po 'di nyid du yod pa

des ni/ ji ltar na shin tu phra ba'i 'jig rten pha rol yod pa
dang med pa gang yang yang dag par rtogs par 'gyur te rtogs pa
med do/ /skyon gzhan yang 'jig rten pha rol 'gog par byed pa'i
dus su bdag nyid de rgyang phan ni shes bya'i rang

bzhin phyin ci log tu lta bar rtogs par bya ste/ 'jig rten pha
rol la skur pa 'debs pa de yi lta ba'i rnam pa'i rten te/ de
gnas pa'i rgyur mtshungs pa ste 'dra ba'i lus kyi khog pa dang
ldan pa nyid yin pa'i phyir/ dper na gang gi tshe 'byung ba'i

bdag nyid bden par yod pa nyid khas len pa de'i tshe bzhin no/
/ci ste 'byung ba bden par rtogs pa'i tshe yang phyin ci ma log
pas mthong ba'i dpe bsgrub bya'i chos kyis stong pa yin no snyam
na/ de yang yod pa ma yin te rang bzhin gyis ma skyes

pa dang yod pa min pa'i 'byung ba la rang bzhin gyis yod pa dang
skye ba nyid du rtogs pas phyin ci log tu lta ba nyid grub pa'i
phyir ro/ /'dis ni rang gi rtags yang dag gi sbyor ba rnams la
dper bzung ba la bsgrub bya'i chos kyis mi stong ba

dgos par bstan te/ rtags su bzung ba la yang 'dra la/ sngar sgra
mi rtag par sgrub pa la mig gis gzung bya bkod pa ma grub pa'i
rtags su yang bshad pas dam bca' rtags kyis sgrub pa la tshul
gsum dgos par bstan no/ /'byung

@186b ba rang bzhin gyis ma skyes pa de nyid bsgrub par bya dgos
so zhe na/ 'byung ba de dag ji ltar rang bzhin gyis yod pa min
pa de ltar sngar bshad zin to/ /gang gi phyir na gong du rang
dang/ gzhan las dang/ gnyis ka las skye ba dang/ rgyu med du
skye ba 'gog par byed pa na

'byung ba rang bzhin gyis skye ba yang bdag gis thun mong du ni
ste spyir bkag zin pa de yi phyir/ 'byung ba 'di dag lta zhig
ste gang yang sngar spyi'i tshul gyis bkag pas ma bshad pa yod pa
ma yin pas dpe grub bo/ /de bzhin du thams cad mkhyen pa la skur
pa 'debs

pa dang/ de las gzhan pa'i rang bzhin gyi dngos por smra ba
rnams kyi grub pa'i mtha' 'gog pa na yang/ rtogs pa phyin ci log
pa sbyar bar bya ste/ dper na rdzogs pa'i sangs rgyas 'gog par
byed pa'i dus su bdag nyid ni/ shes bya'i rang bzhin phyin ci
log tu

lta bar rtogs bya ste/ /de yi lta ba'i rnam pa'i rten mtshungs
lus dang ldan nyid phyir/ /gang tshe 'byung ba'i bdag nyid yod
nyid khas len de tshe bzhin/ zhes bya ba la sogs pa sbyar bar bya
ste/ yod pa dang med pa nyid du lta ba thams cad dgag par 'dod
pa'i

phyir ro/ /ci ste khyod la yang thal bar 'gyur ba 'di mtshungs so
snyam na de yang yod pa ma yin te/ kho bo cag phyin ci log par
sgrub pa la dpe med pa'i phyir ro/ /'jig rten gzhan gtogs yod pa
nyid du rtogs pa'i dus su bdag /shes bya'i

rang bzhin dam pa'i don ni lta bar rtogs bya ste/ /bdag gi lta
ba'i rnam pa'i rten mtshungs lus dang ldan nyid phyir/ /gang gi
tshe na bdag med rtogs par khas len de tshe bzhin/ /zhes brjod par
nus pa yang yin no/ /de bzhin du/ 'di na thams cad

@187a @#/ /mkhyen pa yod ces rtogs pa'i dus su bdag /shes bya'i
rang bzhin dam pa'i don ni lta bar rtogs bya ste/ /gtan tshigs
dang dpe dag ni de gnyis kho na'o/ /de bzhin du dngos po thams
cad zhes pa la yang sbyar par bya'o/ /

de'i phyir tshul 'dis ni/ de nyid de las 'byung min gzhan dag las
lta ga la zhig /gnyis ka las kyang ma yin rgyu med par ni ga la
yod/ ces gang dam bcas bar gyur pa bzhi po rab tu bsgrubs pa yin
no/ /zhes gsungs pas gzhan lugs bkag pa

yin gyi rang lugs ma bsgrubs so zhes smra bar mi bya'o/ /gsum pa
ni/ 'dir smras pa/ dngos po rnams bdag dang gzhan dang gnyis ka
dang rgyu med las mi skye na/ 'o na ji ltar skye zhe na bshad
pa/ gal te dngos po rnams la rang bzhin 'ga' zhig yod

na ni/ skye ba'i rnam par rtog pa gzhan mi srid pa'i phyir/ the
tshom med par de bdag gam gzhan nam gnyis ka'am rgyu med pa zhig
las skye ba'am dmigs par 'gyur ba zhig go /gang dag dbang
phyug la sogs pa dag las dngos po rnams skye bar mngon par 'dod

pa de dag gi ltar na yang/ dbang phyug la sogs pa de dag bdag tu
gyur pa'am/ gzhan du gyur pa'am/ gnyis kar gyur pa zhig tu 'gyur
bas dbang phyug la sogs pa rgyur smra ba dag kyang bshad zin
pa'i skyon las mi 'da' ste/ de'i phyir skyed par byed

pa'i rgyu'i rnam par rtog pa gzhan lnga pa yod pa ma yin no/
/de'i phyir gzhan med pa'i phyir la/ rnam par rtog pa bzhis skye
bar btags pa bkag pa'i phyir dngos po rnams kyi rang bzhin skye
ba med do zhes bstan pa'i phyir/ rgyu mtshan gang gi phyir na

@187b bdag dang gzhan dang gnyis ka las skye ba dang/ rgyu la ma
ltos par skye ba yod pa min pas dngos po rnams rang bzhin gyis
grub pa dang bral lo/ /zhes smos so/ /'dis ni mtha' bzhi'i skye
ba thal 'gyur gyis bkag kyang/ mthar rtags gang la brten

nas rjes dpag skye tshul ston te/ de yang mtha' bzhi las skye ba
med pa ni gtan tshigs so/ /dngos po rnams zhes pa ni chos can no/
/rang bzhin gyis grub pa dang bral ba ni dam bca'o/ gnyis pa la
gnyis/ dngos kyi don dang/ de'i don bsdus te

bstan pa'o/ /dang po ni/ gal te dngos po rnams rang bzhin gyis
skye ba med pa zhig yin na/ 'o na ma skyes pa sngon po la sogs
pa rnams ji ltar gzung zhe na/ sngon po la sogs pa rnams kyi
rang bzhin ji ltar yang ma rig pas bslad pa 'ga' zhig gi snang
ba'i yul nyid du 'gyur ba min pas/ de

ltar gyi mig la sogs pa'i shes pas/ sngo sogs kyi rang bzhin ni
bzung ba ma yin no/ /'o na gang zhig yang dang yang du yul gyi
ngo bo nyid du mdun du snang bar mthong ba de/ ci zhig tu 'gyur
bar 'os she na/ 'di ni phyin ci log gi dbang gis

snang bas na rang bzhin ma yin te/ ma rig pas bslad pa'i dbang
kho nas bdag nyid der dmigs pa'i phyir ro/ /zhes bstan pa'i
phyir bshad pa/ gang gis te gang gi phyir char sprin nag po'i
tshogs dang mtshungs pa'i gti mug stug po ste 'thug po

sngon po la sogs pa'i rang bzhin mthong ba g.yogs nas gnas pa
'jig rten sems can la yod pa des na/ byis pa rnams la sngon po
la sogs pa'i rang bzhin mthong ba yod pa min te/ yul rnams la
rang gi ngo bo phyin ci log pa

@188a @#/ /dag tu mngon par zhen pa'i gnas su gyur pa 'di ni/
byis pa 'di bden par zhen pa rnams la snang bar 'gyur ro/ /gal
te gti mug gis bkab pa'i phyir de kho na nyid mi mthong du chug
kyang/ phyin ci log tu mthong ba ci lam

yin zhe na/ rang gi ngo bos grub pa min bzhin du der snang ba
ni/ gti mug gi dbang gis yin no zhes phyi'i dpe'i sgo nas bstan
pa'i phyir/ ji ltar dbang po rab rib kyis bslad pa'i mthu yis
rab rib can 'ga' zhig gis skra shad dang zla ba gnyis dang

rma bya'i mdongs dang sbrang ma la sogs pa log par te med kyang
yod pa ltar 'dzin pa ste mthong bar byed pa de bzhin du/ gti mug
gi skyon gyi dbang gis mi mkhas pa so skyes sngon po sogs kyi
'dus byas lta zhig sna tshogs pa blo gros kyis te de dag

gi shes pas rtogs par te mthong bar 'gyur ro/ /'di ni rten 'brel
gyi mdo las/ ma rig pa'i rkyen gyis 'du byed rnams zhes bya ba
dang/ de bzhin du ma rig pa dang rjes su 'brel ba'i gang zag 'di
ni/ bsod nams mngon par 'du bya ba dang/

bsod nams ma yin pa mngon par 'du bya ba dang/ mi g.yo ba mngon
par 'du bya ba yang mngon par 'du byed do/ /zhes bya ba dang/ de
bzhin du ma rig pa 'gags pas 'du byed 'gag ces bcom ldan 'das
kyis gsungs pa yin no/ /de'i

phyir tshul 'dis gal te gti mug ma rig pa la brten nas 'du byed
kyi las 'byung la/ gti mug med par las de mi 'byung zhes bya bar
gsungs pa ni/ mi mkhas pa kho nas rtogs par te de'i dbang du
byas bar gor ma chag go /mkhas pa

@188b dag ni ma rig pa'i rkyen gyis 'du byed do zhes gsungs pa
mthong ba na/ 'du byed rnams rang bzhin med pa'i stong nyid
khong du chud pa 'ba' zhig tu ma zad kyi/ rten 'byung gi de nyid
rtogs pa'i blo bzang po'i nyi mas/ mun pa stug po dang 'dra ba'i
ma rig pa

rnam par bsal ba ste spong zhing/ las 'du byed dag kyang nye bar
mi len te/ las de nye bar len pa'i rgyu ma rig pa spangs pa'i
phyir ro/ /de'i phyir 'khor ba las nges par grol bar 'gyur te/
sdud pa las/ byang chub sems dpa' gang zhig rten cing

'brel 'byung la/ /skye med zad pa med par shes rab 'dis shes te/
nyi ma sprin med 'od zer 'phro bas mun bsal ltar/ /ma rig thibs
po bcom nas rang 'byung thob par 'gyur/ /zhes gsungs so/ /gal te
de ltar gzugs sogs kyi dngos po

rnams de nyid du ste don dam par rang bzhin 'ga' yang med na/ mo
gsham gyi bu ji lta ba bzhin du/ tha snyad du yang sngo sogs de
dag gi rang bzhin te ngo bo med pa nyid du 'gyur na/ gzugs sogs
kyi ngo bo ni kun rdzob tu yod pa yang yin pa de yi

phyir/ de dag gi yod pa ni rang bzhin gyis te don dam par yod pa
nyid de kho na 'o snyam na/ 'di la brjod par bya ste/ gang dag
rab rib can la sogs pa'i blo'i yul du 'gyur ba'i skra shad la
sogs pa de dag ma skyes pas na/ ma skyes par mo

gsham gyi bu dang mtshungs pa la/ ci'i phyir khyed cag gis yod pa
min pa'i yul skra shad sogs mthong la/ mo gsham gyi bu mi mthong
ba ci yin zhes/ re zhig sngon la rab rib la sogs pas mig nyams
pa de dag nyid de kho na la

@189a @#/ /brtsad par bya ste/ de'i phyi nas te rjes su ni ci'i
phyir rang bzhin gyis ma skyes par mtshungs pa la/ khyod gzugs
sogs mthong la mo gsham gyi bu mi mthong ba ci yin zhes/ ma rig
pa'i rab rib rjes su

'brel ba ste des blo mig bsgribs pa rnams la brgal zhing brtag
par bya'o/ /kho bo cag la ni 'di brgal zhing brtag par bya ba ma
yin te/ 'di ltar kho bo cag la ni rnal 'byor pa rnams kyis dngos
po dag 'di ltar gzigs shing/ gzhan

gang dag rnal 'byor ba'i ye shes thob par 'dod pa de dag gis
kyang/ chos kyi rang bzhin de skad bshad pa la lhag par mos par
bya'o zhes lung ji lta ba bzhin du rnal 'byor ba'i ye shes kyis
thugs su chud pa'i sgo nas/ dngos po rang bzhin med par

'chad par zhugs pa yin gyi/ rang gi shes pa la ltos nas ni ma
yin te/ kho bo cag ni ma rig pa'i rab rib kyis blo'i mig bsgribs
pa'i phyir ro/ /ji skad du mdo las/ phung po rang bzhin dben
zhing stong pa nyid/ /byang chub rang bzhin stong zhing dben

pa nyid/ /gang spyod de yang rang bzhin stong pa ste/ /ye shes
ldan pas shes kyi byis pas min/ /ye shes rang bzhin stong par
rig 'gyur te/ /shes bya'i rang bzhin stong par rig gyur nas/
/shes pa po dang 'dra bar rtogs gyur na/ /byang chub lam

la de dag spyod ces bya/ /zhes gsungs pa lta bu'o/ /de'i phyir
'di ni rnal 'byor pa rnams la brgal zhing brtag pa ma yin te/ de
dag gis ni kun rdzob tu yang chos 'ga' zhig la ngo bos grub pa'i
rang bzhin 'ga' yang ma gzigs la/ don dam par

@189b yang ci yang ma gzigs so/ /rab rib can la brgal zhing
brtag pa lta bar zhog cig re zhig 'di ni khyod nyid la brgal
zhing brtag par bya ba yin no zhes bshad pa/ gal te rmi lam gyi
khang khyim dang dri za'i grong khyer dang bcas pa mthong ba
dang/ mig

'phrul mkhan gyis sprul pa'i skyes pa dang bud med sogs dang/
smig rgyu la chu dang/ gzugs brnyan la byad bzhin du mthong ba
dang/ sogs kyi brag cha dang sprul pa sogs la skye med de yod pa
min pa mthong ba na yod pa nyid min par mtshungs

kyang/ khyod la ji ltar de dag mthong ba der 'gyur la/ mo gsham
gyi bu mthong ba der mi 'gyur ba de mi rigs so zhes je bdag nyid
la brgal zhing brtag par gyis la/ phyis kho bo la brgal zhing
brtag par bya'o/ /de'i phyir de kho na nyid du gzugs

sogs 'di ji ltar yang skye ba med kyang/ gang gi phyir mo gsham
gyi bu ltar 'jig rten gyi mthong ba'i yul du mi 'gyur ba ma yin
pa de yi phyir/ don dam du med na tha snyad du yang mo gsham gyi
bu bzhin mi mthong bar 'gyur ro/ /zhes smra ba

'di ni gtan tshigs ma nges pa ste/ 'khrul pa can yin no/ /bcom
ldan 'das kyis kyang/ 'gro ba dag ni rmi 'drar bshad/ /de nyid
du ni rnam ma bzhag /rmi lam gang la dngos po med/ /log pa'i
blo ldan mngon par zhen/ /dri za'i grong khyer ji ltar snang
gyur

kyang/ /grong khyer phyogs bcur yod min gzhan na'ang med/ /grong
khyer ming tsam zhig gis rab tu bzhag /de bzhin bde bar gshegs
pas 'gro 'di gzigs/ /chu yi 'du shes can gyis ni/ /mthong yang
smig rgyu la chu med/ /de bzhin yongs su rtog

@190a @#/ /pas dkrugs/ /sdug pa min par sdug par rtog /me long
shin tu yongs dag la/ /ji ltar rang bzhin med pa yi/ /gzugs
brnyan snang ba de bzhin du/ /ljon pa chos rnams shes bar gyis/
/zhes gsungs ba'i lung

las ni gzugs sogs rnams rang bzhin gyis ma skyes pa yin bzhin
du/ 'jig rten gyi 'dzin pa'i yul nyid du 'gyur la/ mo gsham gyi
bu ni ma yin pas 'di ni khyod rang nyid las ma nges pa'o/ /kho
bo cag la ni 'di brtsad du med pa

nyid de/ 'di ltar kho bo cag gis ni gzugs la sogs pa rnams kun
rdzob tu rang bzhin gyis skye bar khas blangs nas don dam par
'gog pa ma yin no/ /gnyis pa ni/ khyod kyi lugs kyis gzugs sogs
rnams kun rdzob tu rang bzhin gyis skye bar

dmigs nas/ don dam du 'gog pa min pa de ci'i phyir zhe na/ ji
ltar mo gsham gyi bu la rang gi bdag nyid kyis skye ba de kho na
nyid du med cing 'jig rten gyi tha snyad du'ang yod pa min pa de
bzhin du/ /gzugs sogs kyi dngos po 'di

kun 'jig rten gyi tha snyad dang/ de kho na nyid gnyis kar rang
gi ngo bo nyid kyis ma skyes so/ /zhes gsungs pas/ dngos po
rnams rang gi ngo bo nyid kyis skye bar 'dzin pa'i 'khrul ngor
yod pa la dbu ma pas/ kun rdzob tu yod par gtan mi

'dod la/ ngo bo nyid kyis skye ba zhes dgag bya la khyad par
gsal bar yang sbyar ba rnams dran par bya'o/ /gang gi phyir de
lta yin pa de'i phyir 'di ltar ston pa bcom ldan 'das kyis chos
rnams kun gdod ma nas zhi zhing rang bzhin

@190b gyis skye ba dang bral ba dang/ rang bzhin gyis yongs su
mya ngan las 'das pa'o zhes gsungs par gyur pa de'i phyir dus
rtag tu rang bzhin gyis skye ba yod pa ma yin no/ /gsungs tshul
ni/ dkon mchog sprin las/ chos kyi 'khor lo bskor ba na/

gdod nas zhi zhing ma skyes pa/ /rang bzhin mya ngan 'das pa yi/
/chos rnams mgon po khyod kyis bstan/ /zhes gsungs so/ /chos
rnams kyi de kho na nyid ni ye shes zhi ba'i yul yin pa'i phyir
zhi ba'o/ /de'i rgyu mtshan ni rang bzhin gyis ma

skyes pa'i phyir ro/ /de'i rgyu mtshan yang gal te 'ga' zhig la
rang bzhin te ngo bo nyid kyis grub pa yod na/ de skye bar 'gyur
na rang bzhin de yang yod pa min pas ci zhig skye bar 'gyur/
de'i phyir mya ngan las 'das pa ste rnam par dag pa'o/ /

gdod nas zhes pa ni chos de dag rnal 'byor pa'i ye shes kyi
skabs kho nar ma skyes pa ni min te/ 'o na ci zhe na/ de'i gong
rol 'jig rten pa'i tha snyad kyi skabs su yang chos de dag rang
gi bdag nyid kyis ma skyes pa'o zhes pa 'di ston par byed

de/ gdod kyi sgra ni dang po'i sgra'i rnam grangs so/ /rang gi
sde pa rnams kyis ni don dam du med na/ kun rdzob tu yang med do
zhes pa'i brgal ba 'di bya ba ma yin te/ ci'i phyir zhe na/ gang
gi phyir de dag gis khas blangs pa bum sogs 'di dag

de nyid du ste don dam par med cing 'jig rten gyi rab tu grags
pa ste tha snyad du yod pa ji bzhin pa de bzhin du/ dngos po
thams cad kyang 'gyur bas na/ don dam par med na mo gsham gyi bu
dang tshungs par thal bar mi 'gyur ro/ /'di ni mdzod

@191a @#/ /las/ gang la bcom dang blo yis gzhan/ /bsal na de blo
mi 'jug pa/ /bum chu bzhin du kun rdzob tu/ /yod de don dam yod
gzhan no/ /zhes bshad pa ltar te/ cha shas su bcom pas de'i blo
mi 'jug pa'i kun

rdzob tu yod pa ste dper na bum pa lta bu'o/ /de la ni gyo mor
bcom na bum pa'i blo mi 'jug pa'o/ /blos chos gzhan bsal na de'i
blo mi 'jug pa yang kun rdzob tu yod pa ste dper na chu lta
bu'o/ /de la ni blos gzugs la sogs pa'i

chos gzhan bsal na chu'i blo mi 'jug go /gang la bcom yang de'i
blo 'jug la/ blos chos gzhan bsal yang de'i blo 'jug pa ni don
dam par yod pa yin te/ dper na gzugs lta bu'o/ /de la ni rdul
phra rab tu bcom yang rung/ blos ro

la sogs pa'i chos gzhan bsal yang rung/ gzugs kyi rang bzhin blo
'jug pa nyid do/ /tshor ba sogs la yang de bzhin du blta bar
bya'o/ /zhes mdzod 'grel du 'chad do/ /sde pa de dag gis ni
spyir don dam du med na kun rdzob tu med

do zhes smra ba mi rigs so/ /zhes gsung ba yin gyi de dag gis
bden pa gnyis su yod tshul byas pa dang/ rang gis mdzad pa gnyis
mthun par ston pa min te/ de dag gis kun rdzob tu yod par bzhag
pa la dbu ma pas bshad pa'i don

dam du yod par 'dzin pa sha stag yin pa'i phyir ro/ /gal te bum
pa la sogs par gdags pa'i rten 'byung ba bzhi dang/ 'byung 'gyur
bzhi la sogs pa rnams rdzas grub tu yod pa'i phyir/ bum pa la
sogs par btags pa ni

@191b rgyu 'am gzhi dang bcas par rigs na dbu ma pa ltar na chos
thams cad btags pa tsam kho na yin gyi/ btags pa'i rten rdzas su
grub pa ci yang med pa la mo gsham gyi bu dang 'dra bar thal ba
ldog pa med do snyam na/ de yang mi rigs te/ btags

pa'i rten rdzas su grub par sgrub par mi nus pa'i phyir ro/
/dper na btags par yod pa byad bzhin la sogs pa'i tshogs pa la
brten nas gzugs brnyan brtags pa tsam dmigs pa dang/ btags par
yod pa ka ba sogs la brten nas khyim du btags pa

dang/ de bzhin du shing gi rten can nags btags pa dang/ ji ltar
rmi lam na ma skyes pa'i rang bzhin can gyi sa bon las ma skyes
pa'i rang bzhin gyi myu gu skye bar dmigs pa de bzhin du/ dngos
po btags par yod pa thams cad kyi gdags gzhi yang

dngos po btags par yod pa nyid du rigs so/ /gsum pa ni/ gal te
khyod kyis bdag dang gzhan dang gnyis ka dang rgyu med pa las
skye ba bden gnyis kyi phyogs gnyis kar yang bkag na/ ma rig pa
la sogs pa las 'du byed rnam par shes pa

la sogs pa dang/ sa bon la sogs pa las myu gu la sogs pa kun
rdzob tu skye ba de ji ltar nges par bya zhe na/ de la brjod par
bya ste/ gang gi phyir na sngar ji skad bshad pa'i tshul gyis/
dngos po rnams kyi skye ba rgyu med par ngo bo nyid las 'byung

ba dang/ dbang phyug gi rgyu dang la sogs pas dus dang/ rdul
dang rang bzhin dang skyes bu dang sred med kyi bu la sogs pa
rnams las kyang skye ba ma yin zhing/ bdag dang gzhan dang gnyis
ka las skye bar 'gyur ba min pa de'i phyir rgyu dang rkyen 'di

@192a @#/ /la brten nas 'bras bu 'di rab tu skye bar 'gyur ba
zhig ste/ mtha' bzhi'i skye ba spangs pa de tsam zhig la 'jig
rten gyi rgyu 'bras kyi tha snyad mi bcad pa'i don du rten no/
/ji skad du bcom ldan 'das kyis de la chos kyi

brda ni 'di yin te/ 'di lta ste 'di yod na 'di 'byung/ 'di skyes
pas 'di skye ste/ gang 'di ma rig pa'i rkyen gyis 'du byed rnams
zhes bya ba la sogs pa gsungs pa dang/ rin chen 'phreng ba las/
'di yod pas na 'di 'byung dper/ /ring po yod na

thung ngu bzhin/ /'di skyes pas na 'di skye dper/ /mar me 'byung
bas 'od bzhin no/ /zhes dang/ rtsa she las kyang/ byed po las la
brten byas shing/ /las kyang byed po de nyid la/ /brten nas
'byung ba ma gtogs par/ /'grub pa'i rgyu ni ma mthong

ngo/ /de bzhin nyer len shes par bya/ /las dang byed po gsal
phyir ro/ /las dang byed pa po dag gis/ /dngos po lhag ma shes
par bya/ /zhes 'di tsam zhig kho na gsungs kyi mtha' bzhi'i skye
ba ma gsungs so/ /de ltar rgyal bas rkyen nyid

'di pa tsam gyi skye ba gsungs pa bzhin du/ 'phags pas kyang de
ltar mdzad cing/ khyad par du byed pa po las la brten pa sogs
kyi ltos 'byung gi rten 'brel bzhed pas/ de ma gtogs pa zhes
rang dang gzhan lugs kyi skye ba'i khyad par

phye zhing/ de dngos po srid tshad la sbyor bar gsungs pa dang/
slob dpon 'dis spyir skye ba gzhag dgos pa dang/ mtha' bzhi las
mi skye ba'i phyir brten nas skye bar 'gyur ro/ /zhes 'bad pa du
mas bsgrubs pa la/ mtha' bzhi las mi skye na

@192b skye ba gtan med do zhes lugs de dag las phyin ci log tu
bzlog nas smra ba ni/ ngan rtog gi dri ma 'thug pos stong nyid
rtogs pa'i rgyu mtshan bla na med pa rten 'byung zab mo'i don/
stong pa nyid kyi don du 'char ba'i lugs bla na med pa

legs par slod pa yin par shes par gyis shig /de ltar rkyen nyid
'di pa tsam gyi rten 'brel bshad pa na/ rgyu med las skye ba la
sogs pa bzhi mi srid pa 'ba' zhig tu ma zad kyi/ rang bzhin gyis
yod par sgro 'dogs pa'i

rtag par lta ba dang/ bya byed mi 'thad pa'i chad par lta ba
dang/ dus snga ma na yod pa de nyid dus phyi ma rnams su 'ang
yod pa'i rtog pa dang/ rang bzhin gyis snga phyi so so ba'i skad
cig ma'i mi rtag pa dang/ dngos po dang dngos por med pa gnyis
ngo bo nyid kyis

grub pa la sogs par rtog pa'ang brtags pa'i yul gzhan dag kyang/
mi srid do zhes bstan pa'i phyir bshad pa/ gang gi phyir rgyu
'di la brten nas 'bras bu 'di rab tu 'byung ngo zhes bya ba'i
rigs pa 'di tsam zhig gis/ dngos po kun rdzob pa rnams kyi bdag

gi dngos po yod pa 'thob kyi gzhan du ma yin pas/ bdag gzhan las
skye ba la sogs pa'i rtog pa 'di dag brtag par mi nus pa de'i
phyir rten cing 'brel par 'byung ba rkyen nyid 'di pa nyid kyi
rigs pa 'di yis ni/ ji skad bshad pa'i bdag gzhan las skye ba la

sogs par lta ba'i lta ba ngan pa'i dra ba mtha' dag gcod par
byed pa yin no/ /'di ltar rkyen nyid 'di pa tsam zhig rten 'brel
gyi don du 'jog pa'i dbu ma pas ni/ dngos po 'ga' la yang rang
bzhin gyis grub pa khas ma blangs te/ rigs pa drug cu pa las/

@193a @#/ /de dang de rten gang 'byung ba/ /rang gi ngo bo der ma
skyes/ /rang gi ngo bor gang ma skyes/ /de ni skyes zhes ji skad
bya/ /zhes brten nas skyes pa ni rang gi ngo bo nyid kyis ma
skyes pa dang/ de lta yin na myu gu la sogs pa rang gi ngo bo
nyid

kyis skyes par ji skad du brjod par bya zhes dang/ rtsa she las
kyang/ rten cing 'brel bar 'byung ba gang/ /de ni stong pa nyid
du bshad/ /de ni rgyur byas gdags pa ste/ /de ni dbu ma'i lam
yin no/ /zhes rten 'byung yin pa nyid kyis rang bzhin gyis grub
pas stod

par gsungs shing/ mdo sde las kyang/ gang zhig rkyen las skyes
pa de ma skyes/ /de la skye ba'i rang bzhin yod ma yin/ /rkyen
la rag las gang de stong par bshad/ /gang zhig stong nyid shes
de bag yod yin/ /zhes gsungs so/ /rkyen las skyes pa ni

gtan tshigs so/ /bsgrub par bya ba ma skyes zhes pa'i don ni
rkang pa gnyis pas bstan te/ rang bzhin gyis ma skyes te zhes
pa'i don yin gyi/ dgag bya la khyad par ma sbyar ba min te/ lang
gshegs tshig gsal du drangs pa las/ blo gros chen po rang

bzhin gyis ma skyes pa la dgongs nas/ ngas chos thams cad ma
skyes pa'o/ /zhes bstan te/ zhes sangs rgyas nyid kyis rang gi
dgongs pa rang gis blangs pa'i phyir ro/ /de'i phyir rigs pa'i
rgyal po rten 'byung gi rigs pa nyid kyis/ rang bzhin

gyis skye ba 'gog pa 'di nyid bcom ldan 'das kyis gsungs pas
thugs phrogs nas/ rtsa she dang rigs pa drug cu pa la sogs pa
gzhung du mar/ 'phags pas bcom ldan 'das la rten 'byung gsung pa
nyid kyi sgo nas bstod pa mdzad pa

@193b la/ brten nas skyes pa nyid kyis ma skyes so zhes pa'i mun
sprul gang ci yang rung ba shes rab can gyis smra bar mi bya'o/
/gang gi tshe de ltar dngos po rang bzhin gyis grub pa khas ma
blangs pa de'i tshe rang bzhin med pa ni bdag gzhan las skye ba
la sogs

pa gang zhig tu 'byung bar 'gyur/ gal te rang bzhin gyis grub pa
'ga' zhig yod na ni de'i tshe skye ba ngo bo nyid las sam bdag
gzhan dang dbang phyug sogs las skye bar 'gyur zhing/ skyes zin
pa mi 'jig par gnas pas rtag pa dang/ 'jig

pas chad pa la sogs par rtog pa 'byung ba srid la/ de las gzhan
du ni ma yin no zhes bstan pa'i phyir bshad pa/ mthar 'dzin pa'i
rtog pa rnams dngos po rang bzhin gyis grub par 'dzin pa yod na
'byung bar 'gyur ba ste/ ji skad bshad pa'i

rigs pas dngos po rang bzhin gyis grub pa ji ltar yang med par
yongs su dpyad zin la/ dngos po rang bzhin gyis grub par 'dzin
pa med par mthar 'dzin gyi rtog pa 'di rnams mi 'byung ste/ dper
na rgyu bud shing med par 'bras bu me

yod pa min pa de bzhin no/ /de ltar na de kho na nyid kyi don
gtan la phab pa goms pa las/ rnal 'byor pa 'phags pa'i lam mngon
sum du mdzad pa'i mnyam gzhag gis snang ba'i spros pa ma gzigs
pa'i tshul gyis de kho na nyid gzigs

pa de dag la chos gang la yang bden par mngon par zhen pa'i rtog
pa thog ma med pa nas goms pa rnams ldog par 'gyur te/ dper na
mig sman bskus pas skra shad la sogs par snang ba log pa nyid
rab rib can la 'bras bur 'gyur

@194a @#/ /gyi/ skra shad la sogs pa rang bzhin gzhan zhig tu
song ba'i sgo nas de'i yul du 'gyur ba min pa bzhin no/ /bzhin
pa ni/ gang gi phyir so so'i skye bo chos nyid 'di sngar bshad
pa de ltar mi shes pa rnams ni gtso bor mthar

'dzin gyi rtog pas bcings pa de'i phyir chos nyid 'di de ltar
thugs su chud pas phyin ci log tu rnam par mi rtog pa na rnal
'byor pa 'phags pa rnams ni grol bar 'gyur bas de'i phyir mthar
'dzin pa'i rtog pa rnams kyi 'dzin stangs kyi yul

ma lus pa bkag pas rtog pa log par gyur pa gang yin pa de nyid
'phags pas dbu ma'i bstan bcos las bshad pa'i rnam par dpyod
pa'i 'bras bur rnam par bzhag go zhes mkhas pa rnams gsung ngo/
/brgya pa las kyang/ dngos rnams

rang bzhin gyis yod na/ /stong mthong yon tan ci zhig yod/ /rtog
pas mthong ba 'ching ba ste/ /de nyid 'dir ni 'gog pa yin/ /zhes
chos rnams rang bzhin gyis yod na de nyid gshis yin pas de
mthong ba mdzes kyi/ rang bzhin gyis stong pa

mthong ba la yon tan med do/ /de'i phyir rtog pas mthong ba ste/
rang bzhin gyis yod par bzung bas 'ching ba yin pas/ de'i zhen
yul dbu ma'i bstan bcos 'dir dgag par bya ba yin no/ /zhes
gsungs la/ de'i 'grel pa las kyang

rtog pa ni yang dag pa ma yin pa'i rang bzhin gyi don sgro 'dogs
pa ste/ zhes yang dag par yod pa ma yin pa la yang dag tu yod
par sgro 'dogs pa la bshad pas/ rtog pa gang yin thams cad la mi
byed kyi bden 'dzin gyi rtog pa

@194b dang mthar 'dzin gyi rtog pa la byed do/ /mthar 'dzin gyi
rtog pa yang mtha'i sgra don mang po la 'jug kyang mtha' bral
gyi mtha' ni dbu ma snang ba las/ gal te dbu ma la sems kyi rang
gi ngo bo'i bdag nyid kyi dngos po don dam pa ci yang rung ba
zhig yod par gyur na

ni/ de'i tshe de la yod pas rtag go zhe'am/ mi rtag go zhes bya
bar mngon par zhen pa yang ji ltar mthar 'gyur te/ dngos po'i de
kho na nyid ji lta ba bzhin gyi rjes su song zhing tshul bzhin
yid la byed pa nyid ni/ ltung ba'i gnas so zhes bya bar rigs pa
ma yin

no/ /zhes gsungs pa bzhin no/ /de yang ji ltar bzung ba de ltar
yod pa'i yul de ni 'dir mtha' min la/ blo yang tshul bzhin yid
byed yin pas mthar 'dzin min no/ /des na 'di'i mtha' ni ltung
ba'i gnas yin te/ 'jig rten na brag g.yang la mtha'

dang de la lhung ba la mtha' la ltung zhes smra ba ltar/ gang du
gzung bas 'dzin pa po phung bar 'gyur ba la mthar lhung zhes
bshad pa'o/ /de la yang dag par yod pa tha snyad du yang mi srid
pas yang dag par med pa tha snyad du yod pa'i phyir/ don dam

par med ces pa med pa'i mthar 'dzin dang/ de ltar ma yin zhes
'gog pa med mtha' 'gog pa min kyang/ dgag bya bkag pa'i med pa
yang dag par yod do zhes 'dzin na dngos po med pa'i mthar ltung
bas de 'gog pa yang med mtha' 'gog pa

yin no/ /las 'bras la sogs pa'i chos rnams tha snyad du yod
pa la tshad ma sus kyang gnod mi srid par/ de dag yod pa min
pa'am med par 'dzin pa'i yul yul can ni med mtha' dang de'i
mthar 'dzin gyi/ sangs rgyas la skyon med ces

@195a @#/ /pa lta bu rnams med mtha' dang de'i mthar 'dzin min
no/ /'di ni skur 'debs kyi med mtha' yin la snga ma ni sgro
'dogs kyi med mtha' 'o/ /de'i phyir sngar bshad pa'i bkag pa las
ma gtogs pa'i chos rnams ni/ don dam

par ram rang gi mtshan nyid kyis yod par 'dzin pa'i yul yul can
ni yod mtha' dang de'i mthar 'dzin yin gyi/ sangs rgyas la
mkhyen brtse yod ces pa lta bu rnams yod mtha' dang de'i mthar
'dzin min no/ /gzhung gi skabs 'ga' zhig tu don

dam par yod pa thams cad yod mthar bshad pa yang yod do/ /de
nyid kyi phyir 'phags pas dbu ma'i bstan bcos las/ rigs pa'i
rnam par dpyad pa shin tu mang bar mdzad pa ni/ rtsod pa la
chags pa ste gzhan zil gyis gnon par 'dod

pa'i phyir ma mdzad do zhes shes par bya ste/ rigs pa'i rnam par
dpyad pa mdzad pa na/ /dbu ma'i bstan bcos las de kho na nyid
bstan pa ni/ sems can gyis de kho na nyid 'di lta bu phyin ci ma
log par rtogs nas/ thar pa thob par gyur na ci

ma rung zhes skye bo rnams rnam par grol bar bya ba'i phyir ni
mdzad pa yin no/ /gal te khyod kyis dngos por smra ba rnams kyi
rgol ba ji ltar brtags pa thams cad bkod cing bstan bcos las
bkag pa ma yin nam/ de'i phyir bstan bcos kyi 'jug

pa ni rtsod pa'i phyir yin pas/ rtog pa ldog pa tsam zhig kho na
'bras bur ji ltar rnam par bzhag ce na/ rnam par dpyad pa 'di ni
rtsod pa'i phyir mdzad pa ma yin mod kyi/ 'on kyang de kho na
nyid nye bar bstan pa na/ gzhan phyogs rang bzhin gyis stobs

@195b chung bas gzhan gyi gzhung lugs rnams bdag nyid 'then mi
'dzugs shing/ snang ba nye ba na mun pa ltar rang nyid 'jig par
'gyur ba des na kho bo cag la skyon med pa nyid do zhes bshad
pa/ gal te de kho na nyid rnam par bshad pa na gzhan gyi gzhung
gis

btags pa rnams 'jig par 'gyur na kho bo cag la nyes pa med de/
brgya ba las/ chos 'di de bzhin gshegs rnams kyis/ /rtsod pa
mdzad phyir gsungs ma yin/ /'on kyang me yis bud shing ltar/
/'di yis phas kyi rgol ba sreg /ces me bus pa btung

ba bskol ba'i phyir du byas kyi thal ba dang sol ba'i phyir du
byas pa min kyang/ de dag kyang zhar la 'byung ba'i dpes gsungs
so/ /gal te rtsod pa la chags pa'i phyir chos nye bar bstan na
ni/ de'i tshe the tshom med par gzhan gyi phyogs skyon dang ldan
pa la

sdang zhing rigs pa dang ldan pa'i rang gi phyogs la rjes su
chags par 'gyur bas/ khro chags kyi rtog pa ldog pa med do/
/ci'i phyir zhe na/ 'di ltar rang gi lta ba la chags pa dang de
bzhin du gzhan phyogs kyi lta ba la rgyud 'khrug pa gang yin pa
de ni/ 'ching

ba'i rtog pa nyid yin pas khro chags kyi rtog pa ma log par
'phel bas bcings pa nyid du 'gyur gyi thar pa ni min no/ /gang
gi tshe chos 'di rtsod pa'i phyir du bstan pa ma yin pa de'i tshe/
de'i phyir rang phyogs la 'dod chags dang/ gzhan phyogs la

khong khro ba rnam par bsal te/ rigs pas rnam par dpyod pa ni
myur du grol bar 'gyur ro/ /rigs pa drug cu pa las kyang/ rtsod
med che ba'i bdag nyid can/ /de dag la ni phyogs med do/ /gang
rnams la ni phyogs med pa/ /de la gzhan phyogs

@196a @#/ /ga la yod/ ces dang/ brgya pa las kyang/ rang gi
phyogs la chags yod cing/ /gzhan phyogs la khyod mi dga' na/
/mya ngan 'das par mi 'gro ste/ /gnyis spyod zhi bar yod mi
'gyur/ /zhes dang/ ting nge 'dzin gyi rgyal po las

kyang/ gang zhig chos 'di thos nas chags byed cing/ /chos ma yin
pa thos nas khong khro byed/ /nga rgyal rgyags pas bcom pa log
pa ste/ /nga rgyal dbang gis sdug bsngal rjes su myong/ /zhes
gsungs so/ /bdag gzhan gyi phyogs la chags pa dang

khro ba'i phyogs lhung dor nas gzu bo'i blos ma dpyad na/ grub
mtha' la dpyod par sgom pa de nyid la brten nas 'khor bar dam du
'ching bar gsungs pa 'di nyid/ bdag cag rnams la thugs brtse bas
man ngag khyad par can byin par shes par

gyis shig /bdag skye 'gog pa nas 'di yan chad kyis chos kyi
bdag med bstan par gsungs te/ dngos po'i chos kyi bdag med bstan
pa ni shin tu mang la/ dngos med kyi chos kyi bdag med kyang bar
bar du bstan pa la dgongs so/ ! /gnyis pa

gang zag gi bdag med rigs pas bsgrub pa la gsum/ thar 'dod kyis
thog mar bdag rang bzhin gyis grub pa nyid dgag dgos par bstan
pa/ bdag dang bdag gi ba gnyis rang bzhin gyis grub pa 'gog pa'i
tshul/ bdag dang shing rta'i dpyad

pa dngos po gzhan la yang bsgre bar bstan pa'o/ /dang po ni/ de
ltar lung dang rigs pas chos kyi bdag med bstan nas/ de'i 'og tu
gang zag gi bdag med bstan pa'i phyir bshad pa/ 'di na rnal
'byor pa de kho na nyid la 'jug par 'dod

@196b cing nyon mongs pa'i skyon ma lus pa spong bar 'dod pa ni/
'khor bar 'khyam pa 'di ci 'dra ba zhig gi rtsa ba can yin snyam du
rtog par byed la/ de ltar brtags pa na nyon mongs pa ni 'dod
chags la sogs pa dang/ skyon

rnams ni skye rga na 'chi la sogs pa ste de rnams ma lus par nga
dang nga'i 'o snyam pa'i rnam pa can de gnyis rang bzhin gyis
grub par 'dzin pa'i shes rab nyon mongs pa can gyi 'jig tshogs la
lta ba las byung bar blo yis mthong bar 'gyur te/

de dag ni ma lus par 'jig tshogs la lta ba'i 'bras bu yin no/ /de
ltar mthong ba na 'jig lta spong bar 'dod pa 'byung la/ de'i tshe
shes rab can zhig yin na ni de spong ba de yang sngar chos
dbyings bstod pa dang bzhi brgya ba'i lung drangs pa

ltar 'jig ltas ji ltar bzung ba ltar gyi bdag yul steng na med
par mthong bas spong dgos par mthong nas/ 'jig ltas gzhi gang la
zhen pa 'di'i dmigs pa gang yin snyam du brtags pa na/ bdag ste
nga zhes pa'i nga ni bdag tu lta ba 'di'i yul dmigs

pa'o snyam du rtogs te/ ngar 'dzin pa ni bdag gi yul can yin
pa'i phyir ro/ /de'i tshe nyes skyon ma lus pa spong bar 'dod pas
rtsa ba 'jig lta nyid spang bar bya ba yin la/ de yang de'i
dmigs pa bdag gi bdag ste ngo bos grub pa med par khong du chud
pa

las spong bar 'gyur bas/ rnal 'byor pas gang zhig bdag tu 'dzin
pa'i yul bdag ces bya ba 'di/ ngo bo nyid kyis grub ma grub ci
'dra ba zhig ces thog mar bdag kho na la rtog par byed do/ /rnal
'byor pa yis bdag de ni rang bzhin gyis grub pa

@197a @#/ /'gog par byed pa las/ 'jig lta spangs na nyes skyon
kun ldog pas na/ bdag la rnam par dpyad pa 'di ni thar pa sgrub
pa'i thabs yin te/ bslab btus las/ gang zag stong pa nyid ni de
ltar shin tu grub pa yin na/ /de'i phyir

rtsa ba chad pas nyon mongs pa thams cad kun tu mi 'byung ngo/
/'phags pa de bzhin gshegs pa'i gsang ba'i mdo las ji skad du/
zhi ba'i blo gros 'di lta ste dper na/ shing rtsa ba nas bcad na
yal ga dang lo ma dang yal ga phra mo thams cad skam

par 'gyur ro/ /zhi ba'i blo gros de bzhin du 'jig tshogs la lta
ba nye bar zhi na/ nyon mongs pa dang nye ba'i nyon mongs pa
thams cad zhi bar 'gyur ro/ /zhes gsungs pa lta bu'o/ /zhes
gsungs so/ /'di ltar gsungs pa la mkhas pa'i dbang po rnams

dgongs pa mthun pas/ thog mar 'khor ba'i nyes dmigs legs par
shes nas sems pa dang/ de nas de'i rtsa ba gang yin ngos 'dzin
pa dang/ de nas de spong bar 'dod pa na spong thabs kyi thad du
ma 'phyugs par de'i zhen yul bkag pa'i bdag

med kyi lta ba zhig nges par rnyed nas/ de'i don la 'dris par
byed pa ni/ theg pa che chung gang la yang dgos pa shes par
bya'o/ /gal te rin chen 'phreng ba las/ ji srid phung por 'dzin
yod pa/ /de srid de la ngar 'dzin yod/ /ngar 'dzin yod na yang

las te/ /las las kyang ni skye ba yin/ /zhes phung po bden 'dzin
chos kyi bdag 'dzin 'khor ba'i rtsa bar bshad la/ 'dir 'jig lta
'khor ba'i rtsa bar bshad pa gnyis 'gal te/ 'khor ba'i rtsa ba
mi mthun pa gnyis mi 'thad pa'i phyir

@197b ro zhe na/ skyon med de 'di pa'i lugs kyis bdag 'dzin
gnyis dmigs pas so sor 'byed kyi/ 'dzin stangs kyi rnam pa mi
'dra ba med de/ gnyis ka yang rang gi mtshan nyid kyis grub par
'dzin pa'i rnam pa can yin pa'i phyir dang/ 'khor ba'i rtsa ba
gnyis 'gal

ba ni yul la 'jug pa'i 'dzin stangs mi mthun pa gnyis 'khor ba'i
rtsa bar 'jog pa la byed pa'i phyir/ /des na chos kyi bdag
'dzin 'jig lta'i rgyur ston pa na/ ma rig pa'i nang tshan gnyis
rgyu 'bras su ston zhing/ de gnyis ka nyon mongs kyi

rtsa bar ston pa na rang dang 'dzin stangs mi mthun pa'i nyon
mongs gzhan thams cad kyi rtsa bar ston pa yin la/ tshul de yang
de gnyis ka la yod pas ni/ 'gal te/ ma rig pa'i rigs 'dra snga
phyi gnyis ka 'khor ba'i rtsa bar mi 'gal ba

bzhin no/ /gnyis pa la gnyis/ bdag rang bzhin gyis grub pa dgag
pa dang/ bdag gi ba rang bzhin gyis grub pa dgag pa'o/ /dang po
la drug /gzhan sdes btags pa'i phung po las ngo bo tha dad pa'i
bdag dgag /rang sdes btags pa'i phung po nyid bdag

tu 'dod pa dgag /de gnyis kyi lhag ma'i phyogs rten dang brten
pa sogs gsum dgag /de nyid dang gzhan nyid du med pa'i gang zag
rdzas yod dgag /bdag brten nas btags pa tsam du bzhag pa dpe
dang bcas par bshad/ de ltar

bzhag pa la mthar 'dzin gyi rtog pa spang sla ba'i yon tan bstan
pa'o/ /dang po la gnyis/ phyogs snga ma brjod pa dang/ lugs de
dgag pa'o/ /dang po ni/ 'jig tshogs la lta ba'i dmigs pa bdag de
ci zhig ces de nyid mi shes pas

@198a @#/ /ston zhig ce na/ 'di la gnyis/ grangs can gyi lugs
brjod pa dang/ bye brag pa la sogs pa'i lugs brjod pa'o/ /dang
po ni/ re zhig de za ba po ste bde sdug sogs la longs spyod pa
po dang/ rtag pa'i dngos po dang rnam

'gyur rnams kyi byed pa po min pa dang/ rdul mun snying stobs
kyi rang bzhin gyi yon tan med pa dang/ khyab par byed pa nyid
yin pa'i phyir na/ bya ba med par mu stegs grangs can rnams kyis
brtags so/ /de la grangs can pa dag ni/ rtsa ba'i rang

bzhin rnam par 'gyur min la/ /chen po sogs bdun rang bzhin rnam
'gyur zhing/ /bcu drug po ni rnam par 'gyur ba ste/ /skyes bu
rang bzhin rnam 'gyur min/ /zhes smra bar byed do/ /de la 'bras
bu rab tu byed pas na rang bzhin no/ /skabs gang du byed

ce na/ skyes bu'i 'dod pa mthong ba'i dus su'o/ /gang gi tshe
sgra la sogs pa'i yul nye bar longs spyod pa'i rnam pa can gyi
'dod pa skyes pa de'i tshe skyes bu'i 'dod pa yongs su shes pa'i
rang bzhin dang skyes bu sbyor zhing/ de nas gtso bos sgra la
sogs

pa 'byin no/ /de'i tshul ni 'di yin te/ rang bzhin las ni chen
po'o/ /de las kyang nga rgyal lo/ /de las dbang po bcu gcig dang
de tsam lnga ste bcu drug po'i tshogs so/ /bcu drug po las kyang
'byung ba lnga ni de tsam lnga las te/ sgra la sogs pa lnga

las 'byung ba lnga 'byung ngo zhes bya ba ni rim pa yin no/
/rnam 'gyur min la zhes pa ni 'bras bu rab tu byed pa kho na yin
gyi/ chen po la sogs pa ltar rnam par 'gyur ba yang ni ma yin
no/ /chen po la sogs pa bdun ni rab tu byed pa'ang yin

@198b la rnam par 'gyur ba yang yin no/ /chen po la sogs pa yang
rang gi rnam 'gyur la ltos nas rang bzhin yin la/ rtsa ba'i rang
bzhin la ltos nas rnam par 'gyur ba yin no/ /blo'i dbang po la
sogs pa bcu drug ni rnam 'gyur kho na'o/ /skyes bu ni

rab tu byed pa'ang ma yin la/ rnam par 'gyur ba yang ma yin no/
/rna ba la sogs pa'i dbang po lnga yid kyis byin gyis brlabs pas
yongs su gzung ba'i yul sgra la sogs pa dag la blos zhen par
byed la/ de nas blos zhen par byas pa'i don

la skyes bus sems par byed do/ /de ltar yul la spyod 'dod pas
yul nye bar longs spyod cing/ gang gi tshe yul la chags pa chung
ba nyid kyis skyes bus yul la nyes dmigs su bltas pas/ chags pa
dang bral bar gyur pa de'i tshe rim

gyis bsam gtan sgom zhing/ de la brten nas lha'i mig gi mngon
zhes thob pa na/ mig de'i sgo nas gtso bo la lta bar byed la/
des bltas pa dang/ gtso bo de gzhan gyi bud med ltar ngo tsha
bar gyur bas/ bdag la mi 'gro zhing 'bral bar

'gyur ro/ /rnam 'gyur gyi tshogs thams cad kyang skye ba'i rim pa
las bzlog pa'i sgo nas gtso bo de nyid du rab tu thim pa'i
phyir/ mi gsal ba'i ngo bor gyur pa de'i tshe skyes bu nyag gcig
gnas te/ de'i phyir grol ba zhes bya'o/ /bdag de

ni rtag tu yan gar ba'i ngo bor gnas pa'i phyir rtag pa zhes
bya'o/ /gang zhig ni byed pa po yin la gang zhig ni byed pa po
ma yin zhe na/ 'di la rdul mun snying stobs rnams ni yon tan
gsum mo/ /de la rdul ni g.yo ba dang 'jug pa'i

@199a @#/ /bdag nyid can no/ /mun pa ni lci ba dang g.yog pa'i
bdag nyid can no/ /snying stobs ni yang ba dang rab tu gsal ba'i
bdag nyid can no/ /bde ba dang sdug bsngal dang gti mug zhes pa
ni 'di dag kho na'i rnam grangs so/ /

'di dag cha mnyam pa'i skabs ni gtso bo ste/ 'dir yon tan dag
gtsor gyur cing rab tu zhi bar gyur pa'i phyir ro/ /de dag rnam
par mi 'gyur ba'i skabs ni rang bzhin no/ /rang bzhin las ni
chen po ste/ chen po dang blo gnyis ni rnam grangs te

phyi yul dang nang gi skyes bu'i gzugs brnyan gnyis ka 'char ba
zhig go / chen po las ni nga rgyal lo/ /nga rgyal ni gsum ste
rnam par 'gyur ba can dang/ snying stobs can dang/ mun pa can
no/ /de la rnam par 'gyur ba'i nga rgyal las ni

de tsam lnga ste/ gzugs dang sgra dang dri dang ro dang reg pa
dag go /de tsam dag las ni 'byung ba rnams te/ sa dang chu dang
me dang rlung dang nam mkha' zhes bya bdag go /snying stobs
can gyi nga rgyal las ni las kyi dbang po lnga po dag dang lag

pa dang rkang pa dang rkub dang/ 'doms kyi dbang po dang/ blo'i
dbang po lnga po mig dang rna ba dang sna dang lce dang lpags
pa'am lus kyi dbang po dang/ gnyis ka'i bdag nyid can gyi yid de
de ltar na bcu gcig go /mun pa can gyi nga rgyal ni nga

rgyal gzhan gnyis ka'i 'jug par byed pa'o/ /de la chen po dang
nga rgyal dang de tsam lnga ste bdun ni rang bzhin dang rnam
'gyur gnyis ka'o/ /dbang po bcu dang yid dang 'byung ba lnga ni
rnam 'gyur kho na dang/ rtsa ba'i rang bzhin gtso bo ni

@199b rang bzhin kho na'o zhes pa ni gzhung lugs so/ /gnyis pa
ni/ ji ltar grangs can dag gis bdag khas blangs pa de bzhin du/
bdag de'i dbye ba cung zad cung zad la brten nas mu stegs can
rnams kyi lugs ni tha dad par 'gyur te/ 'di lta ste bye

brag pa rnams ni blo dang bde ba dang sdug bsngal dang/ 'dod pa
dang sdang ba dang 'bad pa dang chos dang chos ma yin pa dang
bya ba'i shugs te/ bdag gi yon tan dgu smra bar byed do/ /de la
blo ni yul 'dzin pa'o/ /bde ba ni 'dod pa'i yul nyams su

myong ba'o/ /sdug bsngal ni de las bzlog pa'o/ /'dod pa ni 'dod
par gyur pa'i dngos po la re ba 'cha' ba'o/ /sdang ba ni mi 'dod
pa'i yul la rgyab kyis phyogs pa nyid do/ /'bad pa ni don bsgrub
par bya ba la de'i mthar thug par sems kyi mkhas

pa nyid do/ /gang las mngon par mtho ba dang nges par legs pa
'grub pa de ni chos so/ /de las bzlog pa ni chos ma yin pa'o/
/shes pa las skyes shing shes pa'i rgyur gyur pa ni 'du bya ba'i
shugs so/ /bdag gi yon tan dgu po de ji

srid du bdag la 'du zhing yod pa de srid du/ de dag gis sbyar
ba'i dge ba dang mi dge ba'i las sgrub pa'i phyir 'khor bar
'gyur la/ gang gi tshe skyes bu yang dag par rtogs pa'i shes pas
blo la sogs pa'i yon tan rnams rtsa ba dang bcas

par gcod pa de'i tshe/ rang gi bdag nyid la gnas shing thar bar
'gyur ro/ /bdag de yang rtag pa dang/ 'bras bu'i byed pa po
dang/ 'bras bu la longs spyod pa'i zab po dang/ yon tan dang
bcas pa dang/ khyab pa'i phyir na bya ba med par yang

@200a @#/ /smra'o/ /bye brag pa kha cig skum pa dang/ rkyong ba
nyid kyis bya ba dang bcas par khas len no/ /rig byed du smra ba
dag ni bum pa la sogs pa tha dad pa rnams kyi nam mkha' gcig yin
pa ltar/ rten lus tha dad pas

brten pa bdag gcig nyid sna tshogs pa nyid do zhes pa la sogs par
khas len no/ /'grel par bdag gi khyad par cung zad cung zad la
brten nas mu stegs can rnams kyi lugs phan tshun tha dad par
'gyur ro/ /zhes gsungs pas gzhung

'di'i lugs kyis grangs can de'i dbye ba la brten nas/ mu stegs
kyi lugs so sor gyes par 'chad pa ni don ma go ba'o/ /gnyis pa
ni/ mu stegs can rnams kyi gzhung lugs re re las bdag mi 'dra ba
gang zhig smras pa de ni/ de dag gis ji ltar btags

pa de ltar gyur pa ste de kho na nyid du yod pa min ste/ skye ba
dang bral pa ste ma skyes pa'i phyir zhes pa'i rtags ni mu stegs
rang gi rjes su dpag pa ste khas blangs pa'o/ /dper na mo gsham
gyi bu ltar ro/ /rtags des smras pa'i chos can

bkag kyang skyon med pa ni rtags dang chos gnyis ka rnam bcad
tsam yin pa'i gnad kyis so/ /de ltar gzhan gyis brtags pa'i bdag
'di ni ngar 'dzin lhan skyes kyi rten du'ang mi rigs te/ rtags
dang dpe ni sngar bzhin no/ /ngar 'dzin gyi rten zhes ba ni
dmigs rnam gnyis kyi

nang nas dmigs pa'i yul ma yin zhes pa ste/ de'i yul ni nga tsam
dang gang zag sogs yin la/ de yang dngos por 'dod pas ma skyes
pa dang 'gal ba'o/ /rnam pa'i yul ni gang zag gi bdag yin pas de
ni tha snyad tsam du yang ma grub pa yin pas/ ma skyes pa dang
mi 'gal lo/ /de'i phyir 'di'i lugs kyi gang zag gi bdag

@200b bsnyad du yod par 'dod do zhes pa ni 'di pa'i grub mtha'i
'gangs dang/ 'jig lta'i dmigs rnam gyi yul zhib tu ma phyed par
byung rgyal du smra ba'o/ /de ltar bdag yod pa dang ngar 'dzin
gyi yul yin pa bkag pa ni dgag bya la don dam gyi khyad par
sbyar

ba'i dbang du byas pa'o/ /de kho nar ma zad kun rdzob tu yang de
gnyis 'gog pa yang shes par bya ste/ de'i che bdag yod par mi
'dod ces pa ni bdag rdzas su yod pa min pa'o/ /rtags dang dpe de
gnyis kyis dgag bya gnyis 'gog par ma zad kyi/

gzhan yang mu stegs pas btags pa'i bdag de'i khyad par kun kyang
yod pa ma yin no zhes bya bar rig par bya'o/ /de'i rgyu mtshan
gang gi phyir na grangs can gyi bstan bcos dang/ /bye brag pa
sogs kyi bstan bcos las bdag de'i khyad par gyi chos

mu stegs rnams kyis gang bstan pa de kun la ste thams cad la/ mu
stegs rang la grags pa'i ma skyes pa'i gtan tshigs kyis gnod pa
de'i phyir ro/ /de yang sngar bshad pa'i grangs can dang bye
brag pa'i bdag gi khyad par bshad pa kun kyang

yod pa ma yin no zhes dgag par bya'o/ /phyogs 'dis ni bdag tu
smra ba thams cad du ma skyes pa'i gtan tshigs dang mo gsham gyi
bu yi dpes/ de dag gis btags pa'i bdag gi ngo bo dang khyad par
rnams gsal bar rig par bya'o/ /de'i

phyir phung po las ngo bo gzhan pa'i bdag med de/ phung po bzung
ba ma gtogs par bdag de yan gar du 'dzin pa ma grub pa'i phyir
ro/ /de ni bdag phung po las ngo bo tha dad na 'brel pa gnyis ka
med pas 'brel med du 'gyur la/ de'i tshe
@201a @#/ /bum pa ma bzung bar snam bu yan gar du 'dzin pa bzhin
du 'dzin pa zhig 'ong dgos na/ de 'gar yang ma mthong ba'i
phyir zhes pa'o/ /de ltar yang rtsa she las/ bdag ni nye bar len
pa las/ /gzhan du 'thad pa nyid ma

yin/ gal te gzhan na len med par/ /gzung yod rigs na gzung du
med/ /ces dang/ gal te phung po rnams las gzhan/ /phung po'i
mtshan nyid med par 'gyur/ /zhes gsungs te nye bar len pa ni
phung po'o/ /skyon gzhan yang phung po las ngo bo

tha dad pa'i bdag 'di 'jig rten sems can gyi thog ma med pa nas
kyi ngar 'dzin gyi blo yi rten te dmigs par yang mi 'dod de/ mu
stigs kyis btags pa ltar gyi bdag de rig pa min pa ste de'i
rnam par mi 'dzin pa'ang mngon par zhen pa de khyad par

las bdag dang bdag gi zhes bdag tu lta bar 'gyur ba'i phyir ro/
/'di ni ngar 'dzin blo yi rten du'ang mi rigs zhes sngar bkag pa
dang mi zlos te/ sngar ni bdag rdzas su yod pa tsam bdag lta'i
dmigs pa yin par bkag la/ 'dir ni phung po las

ngo bo tha dad pa dmigs pa yin pa bkag pa'i phyir ro/ /ci ste
gang zag gang dag da lta bdag de rtag pa dang ma skyes pa la
sogs pas khyad par du byas pa mi shes pa de dag la yang sngon
goms pa'i dbang gis bdag de'i yul can ngar 'dzin pa'i lta ba

yod par 'gyur ro snyam na/ de ni ma yin te grub mtha' ngan pas
blo bsgyur ba kho na la/ phung po las ngo bo tha dad pa'i bdag
ngar 'dzin gyi rten du 'dzin pa yod pa yin pa'i phyir ro/ /sems
can gang dag la sngar grub mtha' ngan pa'i goms pa

@201b med pa de dag la yang 'dir ngar 'dzin 'jug par mthong ste/
'di lta ste/ sems can gang dag dud 'gror bskal ba mang por tsho
brgyal bar gyur pa sngar de tsam song du zin kyang/ da dung du
yang dud 'gro'i skye gnas las ldog par mi 'gyur ba des kyang/ mu
stegs

kyis btags pa'i ma skyes pa dang rtag pa'i bdag 'di ma mthong ba
de dag la yang/ ngar 'dzin 'jug par mthong ba ste shes nas/ shes
rab can su zhig mu stegs pas btags pa'i bdag rnam pa de lta bu
ngar 'dzin gyi rten du zhen par byed/ des na phung po

las ngo bo gzhan pa'i bdag 'ga'ang med do/ /kyang gi sgras ni
dmyal ba la sogs par skyes pa rnams sdud pa'o/ /gnyis pa la
lnga/ phung po bdag tu 'dod pa la gnod byad bstan pa/ de ltar
'dod par mi rigs pa'i sgrub byed bstan pa phung po bdag tu

smra ba la gnod byed gzhan bstan pa/ phung po bdag tu gsungs pa
sogs kyi dgongs pa bshad pa/ gzhan gyi lugs 'brel med du bstan
pa'o/ /dang po la gnyis/ dngos kyi don dang/ skyon spong gi lan
dgag pa'o/ /dang po la gnyis/ phyogs snga

ma brjod pa dang/ lugs de dgag pa'o/ /dang po ni/ 'dir rang gi
sde pa dag na re phung po las ngo bo gzhan pa'i bdag grub pa
med pa'i phyir bdag tu lta ba ste 'jig tshogs la lta ba'i dmigs
rnam gnyis kyi nang gi dmigs pa ni phung po kho na yin

te/ phung po las ngo bo tha dad pa dang nang gi phung po dmigs
par 'jog pa gnyis su nges pa las snga ma mi rung ba'i phyir ro/
/de'i phyir bdag ni rang gi phung po tsam yin no zer ro/ /phyogs
'di ni gnas ma bu'i sde pa la sogs pa 'phags pa mang po

@202a @#/ /bkur ba'i sde pa'i 'o/ /de las kyang mang bkur ba kha
cig bdag lta'i rten du ste dmigs par ni/ rang gi phung po lnga
char yang 'dod cing/ bdag tu mngon par zhen pa 'di yang phung po
lnga po de las yin no zhes smra ste/ ji skad du

bcom ldan 'das kyis dge slong dag dge sbyong ngam bram ze gang
su dag cig bdag go snyam du yang dag par rjes su lta ba de dag
ni/ nye bar len pa'i phung po lnga po 'di kho na la yang dag par
rjes su lta'o/ /zhes gsungs pa lta bu'o/ /de nyid kyi phyir

de dag la khyed cag gi lta ba 'di ni 'jig pa'i bdag nyid can gyi
tshogs pa la yin gyi bdag gam bdag gi ba la ni ma yin no/ /zhes
gsal bar mdzad pa'i slad du/ bdag dang bdag gi ba'i rnam par
zhugs pa'i lta ba la 'jig tshogs la

lta bar gsungs so/ /zhes smras te/ nyer len gyi phung po lnga la
lta'o zhes gsungs pa la brten nas bdag lta'i dmigs pa phung po
lngar khas blangs so/ /mang bkur ba kha cig ni sems gcig pu la
bdag go zhes 'dod de/ bdag nyid bdag

gi mgon yin gyi/ /gzhan ni su zhig mgon du 'gyur/ /bdag nyid
legs par thul bas ni/ /mkhas pas mtho ris thob par 'gyur/ /zhes
tshigs su bcad pa las sems la bdag gi sgrar gsungs so/ /'di gang
las she na/ phung po las tha dad

pa'i bdag med pa'i phyir dang/ mdo gzhan las kyang/ sems 'dul
bar gsungs pa'i phyir te/ sems 'dul ba ni legs pa ste/ sems 'dul
ba ni bde ba 'dren/ /zhes bya ba de las so/ /de'i phyir ngar
'dzin pa'i gzhi sems la bdag

@202b ces gdags so zhe'o/ /rtog ge 'bar ba las kyang/ 'di ltar
kho bo cag kyang tha snyad du rnam par shes pa la bdag gi sgra
dngos su 'dogs te/ 'di ltar rnam par shes pa ni yang srid pa len
pa'i phyir bdag yin no/ /zhes lus dang dbang po'i tshogs dag

la nye bar 'dogs pa'i phyir te zhes dang/ de yang mdo kha cig
las sems dul na bde ba 'thob par gsungs la/ kha cig tu bdag dul
bas mtho ris thob par gsungs pas sems la bdag tu 'jog ces lud
dang/ phung po len mkhan ni bdag yin la

rnam shes kyis yang srid len pa'i phyir rnam shes bdag tu bzhag
go zhes rigs pa'i sgrub byed smra'o/ /slob dpon 'di kun gzhi mi
bzhed pas lus len pa'i rnam shes ni yid kyi rnam shes yin te/
kun gzhi mi 'dod pa gzhan yang de dang 'dra'o/ /

kun gzhi 'dod pas kun gzhi rnam shes nyid gang zag gi mtshan
gzhir smra'o/ /de yang lugs de dag gis nyan rang gis gang zag
rdzas yod du med par rtogs par 'dod kyang/ rnam shes gnyis po
rdzas yod du med par rtogs par mi 'dod pas/ gang

zag rang rkya thub pa'i rdzas su med par smra ba ni gang zag gi
rang gi ldog pa nas 'dod pa yin gyi/ gang zag gi mtshan gzhi rnam
shes la de ltar 'dod pa min no/ /gnyis pa ni/ gal te rang rgyud
kyi phung po lnga bdag yin pa'i phyogs ltar na/ de'i

phyir phung po de mang bas gang zag gcig la yang bdag de dag
kyang mang por 'gyur ro/ /gang gi ltar na sems bdag yin pa de'i
ltar na mig la sogs pa'i rnam par shes pa'i dbye bas sam skad
cig re re la/ rnam shes du ma skye ba dang

@203a @#/ 'gag pa'i dbye bas mang ba'i phyir bdag kyang mang por
'gyur ro/ /'dir 'grel pa las/ bdag mang por thal ba phyogs snga
ma gnyis kyi dang po la 'phen pa dang/ yang na skyon gzhan yang
gnyis ka la 'phen par gsungs so/ /

'di ni mang po dang ngo bo gcig par 'dod pa tsam la 'phen du mi
rung bas/ bdag dang phung po gnyis tha dad gtan med gcig tu 'dod
pa la 'phen pa'o/ /de yang dang po nas gzhan gyis de ltar khas
ma blangs pas/ ngo bo gcig pa dang tha dad tsam yin pa

brdzun pa la skyon med kyang/ bdag phung gnyis bden par khas len
pa la ngo bo gcig na dbyer med kyi gcig tu phul nas/ de'i 'og tu
bdag mang po dang phung po lnga gcig tu thal ba 'phang ngo/ de'i
tshe 'jig rten skye ba na gang zag nyag gcig skye'o zhes bya ba'i

lung las ni/ pha rol pos bdag mang por 'dod pa yang min no/
/bdag ni rdzas su 'gyur zhing ste/ gzugs la sogs pa'i rdzas 'das
pa la sogs pa'i dbye bas/ tha dad par 'gyur ba rnams kho na la
phung po nyid du brjod pa'i phyir dang/ de rnams kho na la

bdag tu bsnyad pa'i phyir bdag rdzas su yod par 'gyur na/ dge
slong dag lnga po 'di dag ni ming tsam tha snyad tsam btags pa
tsam ste/ gang 'di lta ste/ 'das pa'i dus dang ma 'ongs pa'i dus
dang/ nam mkha' dang/ mya ngan las 'das pa dang/ gang zag

go zhes bya ba dang/ de bzhin du/ ji ltar yan lag tshogs rnams
la/ /brten nas shing rtar brjod pa ltar/ /de bzhin phung po
rnams brten nas/ /kun rdzob sems can zhes bya'o/ /zhes bya ba
'di las na pha rol pos bdag rdzas su 'dod pa yang ma yin no/ /

@203b gzhan yang phung po der lta ba'i 'jig tshogs la lta ba
rdzas la 'jug pa ste rdzas su grub pa'i yul can yin pas/ sngon
po dang ser po la sogs pa'i shes pa ltar phyin ci log nyid du mi
'gyur ro/ /de'i phyir 'jig lta spong ba na rigs 'dra rgyun mi
chad du mi 'byung

ba'i tshul gyis spangs pa min pa'am/ sngo ser sogs tsam la dmigs
pa'i shes pa ltar 'jig lta la dmigs pa'i 'dun pa'i 'dod chags
spangs pa kho nas spong bar 'gyur ro/ /gzhan yang rang gi phung
po bdag yin na khyed kyi ltar na lhag med kyi mya ngan las

'das pa'i tshe phung po lnga char chad pas/ nges par bdag chag
par 'gyur ro/ /de'i phyir mthar 'dzin gyi chad pa'i lta bar
'gyur te/ khyed cag gis gang bdag tu bzung ba de nyid la rtag
chad du 'dzin pa mthar 'dzin gyi lta bar 'dod pa'i phyir ro/
/mya ngan las 'das

par zhugs pa'i sngon gyi skad cig dag la ni/ phung po skad cig
re rer skye 'jig byed pa ltar bdag kyang skad cig re rer ngo bo
nyid kyis so so ba'i skye 'jig byed par 'gyur ro/ /de'i phyir
skye ba dran pa na ji ltar nga'i lus 'di sngon byung bar gyur
to/ /zhes bya bar

mi 'dzin pa de bzhin du/ de'i tshe de'i dus na nga rgyal po nga
las nu zhes bya bar gyur to/ /zhes bya ba 'di yang gsung bar mi
'gyur te/ de'i dus kyi bdag kyang lus ltar zhig pas/ da lta med
pa'i phyir dang/ tshe 'dir sngar gyi bdag las rang bzhin gyis tha
dad

pa'i bdag gzhan skyes bar khas blangs pa'i phyir ro/ /rtsa she
las kyang/ nye bar len nyid bdag ma yin/ /de 'byung ba dang 'jig
pa yin/ /nye bar blang ba ji lta bur/ /nye bar len po yin par
'gyur/ /zhes dang/ gal te phung po bdag yin na/ /skye dang

@204a @#/ /'jig pa can du 'gyur/ zhes gsungs so/ /skad cig snga
phyi ba rnams ngo bo nyid kyis gzhan yin na/ de'i tshe byed pa
po'i bdag med pas/ las la yang gnas pa'i rten med pa'i phyir las
kyang med pas/ las de'i 'bras bu dang

'brel ba med pa nyid du 'gyur ro/ /gal te skad cig ma snga mas
byas pa'i las kyi 'bras bu skad cig ma phyi ma rnams su longs
spyod pas skyon med do snyam na/ de'i tshe gzhan gyis bsags pa'i
las kyi rnam par smin pa gzhan gyis longs spyod pa'i phyir

rgyud gzhan gyis bsags pa'i 'bras bu la gzhan gyis za bar 'gyur
ro/ /de ltar na las byas pa chud zos pa dang/ ma byas pa dang
phrad par 'gyur ro/ /rtsa she las kyang/ gal te 'di ni gzhan
'gyur na/ /de med par yang 'byung bar 'gyur/ /de bzhin

du ni gnas 'gyur zhing/ /de ma shi bar skye bar 'gyur/ /chad
dang las rnams chud za dang/ /gzhan gyis byas pa'i las rnams ni/
/gzhan gyis so sor myong ba dang/ /de la sogs par thal bar
'gyur/ /zhes snga phyi rang bzhin gyis gzhan yin na snga

ma la ltos pa mi rung bas snga ma de med par yang 'byung ba
dang/ snga ma'i bdag de de bzhin du gnas pas/ der ma shi bar
'dir skye bar 'gyur ba sogs gsungs so/ /gnyis pa ni/ /gal te
skad cig snga phyi dag gzhan yin mod kyi/ de lta na yang

rgyud gcig yin pas skyon med do zhe na/ de kho na nyid du rgyun
can rdzas tha dad pa rnams la rgyud gcig yod pas skyon med na/
de yang mi 'thad de rang bzhin gyis tha dad pa rnams la rgyud
gcig yin pa la/ sngar rnam par dpyad pa byas pa'i tshe

@204b nyes pa bshad zin te/ byams pa nye sbas la brten chos
rnams ni/ zhes bya ba der ro/ /rtsa she las kyang/ gal te lha
las mi gzhan na/ /de lta na ni mi rtag 'gyur/ /gal te lha mi
gzhan yin na/ /rgyud ni 'thad par mi 'gyur ro/ /

zhes gsungs so/ /de'i phyir rang bzhin gyis tha dad pa rnams la
rgyud gcig pa nyid mi rigs pas/ las ma byas pa dang phrad pa
dang byas pa chud zos pa sogs kyi thal 'gyur ldog pa med do/
/de'i phyir rang gi phung po rnams dang rang gi sems rang gi

bdag nyid du 'dod pa mi rigs so/ /gnyis pa ni/ ji skad bshad
pa'i rigs pas phung po dang sems bdag min pa 'ba' zhig tu ma zad
kyi gzhan yang 'jig rten mtha' dang ldan pa nyid dang/ la sogs
pas mtha' yas

mi ldan pa dang/ gnyis ka dang gnyis ka ma yin pa dang/ 'jig
rten rtag pa dang/ mi rtag pa dang/ gnyis ka dang gnyis ka ma
yin pa dang/ de bzhin gshegs pa grongs phan chad 'byung ba dang/
mi

'byung ba dang/ gnyis ka dang gnyis ka ma yin par lta pa bcu
gnyis dang/ lus gang yin pa de nyid srog go zhes pa dang/ lus
kyang gzhan la srog kyang gzhan no zhes bya bar lta ba gnyis te
bcu bzhi po der lung bstan du med par

'dod pa'i phyir lung ma bstan gyi lta bar sde pa thams cad kyis
'dod pa'i phyir phung po bdag tu mi rigs so/ /gal te 'jig rten
gyi sgras phung po rnams 'dzin na/ de'i tshe phung po rnams skye
'jig byed pa rang gi lugs yin

@205a @#/ /pa'i phyir/ 'jig rten mi rtag par lung bstan dgos pa
dang/ mya ngan las 'das pa'i 'og rol tu khyed ltar na phung po
rnams med pas 'jig rten mtha' dang ldan pa dang/ de bzhin gshegs
pa grongs phan chad yod pa

min no zhes lung bstan dgos par yang 'gyur ro/ /de'i phyir 'jig
rten mtha' dang ldan pa la sogs pa la lan lung ston pa bkag pa'i
phyir/ phung po rnams bdag go zhes mi rigs so/ /de la srog ni
bdag gi rnam grangs so/ /'jig rten ni bdag la

brtsams nas 'dri ba'o/ /de yang nang gi byed pa'i skyes bu la
bsams nas 'dri na ni/ khyad gzhi ma grub pas khyad par gyi chos
lung bstan du med do/ /btags pa tsam gyi bdag gi sgo nas lung
bstan na ni/ de'i tshe 'dri ba po de rnams de 'dra ba'i bdag med
rtogs

pa'i skal ba dang mi ldan pas de yang lung bstan du med do/
/gsum pa ni/ skyon gzhan yang yod de/ gal te khyod kyi ltar na/
rnal 'byor pas bdag med pa mngon sum du mthong ba'i dus su/ chos
thams cad ni bdag med pa'o zhes bdag med pa'i rnam par

sdug bsngal gyi bden pa mthong ba de'i tshe/ nges par phung po'i
dngos po rnams med par mthong bar 'gyur bas bdag med pa mthong
bar 'gyur te/ phung po dang sems bdag yin pa'i phyir ro/ /de
ltar 'dod pa yang ma yin pas de'i phyir phung po rnams bdag ma

yin no/ /'o na phung po bdag tu mi 'dod pa'i lugs la yang/ gang
zag gi bdag med mngon sum du mthong ba'i tshe/ bdag gi mtshan
gzhir 'jog pa'i gang zag thams cad med par mthong dgos par 'gyur
te/ rgyu mtshan mtshungs pa'i phyir ro zhe na/ 'di

@205b la rigs pa phra mo ma rtogs na lan mi thebs pas bshad par
bya ste/ pha rol pos phung po dang sems bdag tu 'dod pa ni bdag
dang gang zag rnams tha snyad kyi dbang gis bzhag pa tsam du ma
rtogs par btags don btsal nas bzhag pa yin la/ de

ltar na phung po dang sems bdag yin pa de rang gi ngo bo nyid
kyis grub pa'i bdag tu 'gyur la/ bdag med par mngon sum du
mthong ba'i tshe bdag de rnam pa thams cad du med par rtogs dgos
pas/ pha rol po la phung po dang sems kyi dngos po bdag yin pa

de thams cad med par mthong dgos pa'i skyon 'jug la/ ming du
btags pa tsam gyis 'jog gi / btags don btsal nas 'jog par mi
'dod pa'i lugs la skyon de rnam pa thams cad du med pa'i phyir
ro/ /ci ste gang gi tshe las dang 'bras bu 'brel ba'i

dus su bdag gi sgra sbyor ba de'i tshe/ phung po las don gzhan
pa'i bdag mi srid pa'i phyir/ phung po rnams kho na la 'jug la/
gang gi tshe bdag med par mthong ba de'i tshe ni mu stegs byed
gzhan gyis kun btags pa nang gi byed pa'i skyes bu nyid la 'jug

ste/ de'i phyir bdag med par mthong ba'i dus su yang nang gi
byed pa'i skyes bu dang bral ba 'du byed tsam mthong ba yin la/
de la ni phung sogs kyi dngos po rnams mi mthong bar 'gyur ba'i
skyon med do snyam na/ gal te bdag med mthong ba'i dus su rtag

pa'i bdag nang gi byed pa'i skyes bu spong ba ste med par mthong
ba yin na ni/ de ltar 'dod pa de'i tshe skabs gzhan du bdag gi
sgra'i don gzhan la drang du mi rung ba de'i phyir/ khyod kyi
phung po dang sems bdag tu mi 'rgyur la/

@206a @#/ /de lta na ni rang phyogs nyams par 'gyur ro/ /ci ste
las 'bras kyi 'brel ba'i skabs de lta bu'i yul la ni/ mu stegs
kyi bdag gi sgra 'di 'jug par mi 'dod de/ de'i phyir rang gi
phyogs nyams pa'i skyon med do snyam na/ de yang mi rigs te/
'dir

ni nang gi byed pa'i skyes bu bdag yin la/ gzhan du las 'bras
kyi skabs su ni phung po rnams yin no zhes 'dod dgur spyod pa
la rigs pa med pa'i phyir ro/ /gal te las 'bras kyi skabs su
nang gi byed pa'i skyes bu las byed pa po dang 'bras bu myong ba
por

mi srid pa'i phyir ro snyam na/ phung po rnams la yang bdag gi
sgra 'di 'jug pa med de zhes sngar bshad zin to/ /de'i phyir gal
te chos thams cad ni bdag med pa'o zhes bya ba 'dir bdag gi sgra
phung po rnams la 'jug par mi 'dod na/ gzhan las

'bras kyi skabs su yang mi 'dod par bya dgos so/ /ci ste las
'bras kyi skabs su bdag gi sgra phung po la 'jug par 'dod na ni/
chos thams cad bdag med do zhes pa 'dir yang bdag gi sgra phung
po la 'dod par bya dgos so/ /skyon gzhan yang yod de/

khyod kyi ltar na rnal 'byor pas bdag med pa mngon sum du mthong
ba yis/ gzugs sogs kyi de kho na nyid rtogs par mi 'gyur te/ des
de'i tshe mu stegs kyis kun btags pa'i rtag pa'i bdag tsam zhig
med par mthong ba'i phyir ro/ /de'i phyir gzugs

la sogs pa la bden par dmigs nas 'jug pa'i phyir/ gzugs sogs kyi
yul can gyi 'dod chags sogs da dung yang skye bar 'gyur te/
gzugs la sogs pa de yi ngo bo ste yin lugs rtogs pa med pa'i
phyir ro/ /dper na me tog gi ze'u

@206b 'brul khu byug yod ces pa tsam gyis ze'u 'bru'i mngar po
nyid rang gis ma myongs par/ de'i mngar po dmigs pa ma yin pa de
bzhin du rnal 'byor pas phung po'i chos rnams rtag pa'i bdag
dang bral bar mthong ba tsam yod du chug kyang/ gzugs sogs de'i
rang bzhin sngar ma shes pa phyis rtogs pa ci yang

mi dmigs so/ /yang ze'u 'bru la khu byug med pa tsam gyis ze'u
'bru'i ro mngar po myangs bzhin du ro de ma dmigs pa ma yin
zhing/ der gtogs pa'i mngon zhen spong mi nus pa bzhin du/ gzugs
sogs kyi rang gi ngo bo bden par dmigs pas rtag pa'i

bdag med par mthong ba la/ gzugs sogs la dmigs pa'i chags sogs
spong ba'i rgyu ci zhig 'byung bar 'gyur te mi 'gyur ro/ /rtag
pa'i bdag med par mthong bas gzugs sogs kyi yul can gyi chags
sogs spong bar 'gyur ba/ gang zag su

yang nang gi byed pa'i skyes bu bden snyam nas bde ba myong
'gyur gyi yul sten par mi byed la/ nang rtag bde sdug bsngal bar
dogs nas mi 'dod pa'i yul dang phrad pa spong bar yang mi byed
do/ /de'i phyir chags sogs spong ba'i rgyu med pas 'khor ba las

mi grol te/ phyi rol pa bzhin no snyam pa'o/ /bzhi pa la lnga/
bdag tu gang lta ba thams cad phung po kho na la lta par gsungs
pa'i don bshad pa/ mdo gzhan la brten nas phung po tshogs tsam
bdag min par bshad pa/ phung po tshogs pa tsam

gyi dbyibs kyi bkod pa bdag yin pa dgag pa/ phung po tshogs tsam
bdag tu 'dod pa la gnod byed gzhan bstan pa/ thub pas bdag de
khams drug la sogs pa la brten nas btags par gsungs pa'o/ /dang
po la gsum/ lung gi dgongs pa dgag

@207a @#/ /bya gcod pa'i dgag phyogs nas yin par bstan pa/ sgrub
phyogs nas yin du chug kyang phung po bdag tu ston pa min pa/ de
dag la gzhan gyi rtsod pa spang ba'o/ /dang po ni/ ci ste kho bo
cag lung tshad mar byed pa la rtog ge'i tshad

mas gnad pa ma yin la/ lung gis kyang phung po kho na bdag tu
ston par byed de/ gang gi phyir ston pas dge slong dag dge
sbyong ngam bram ze gang su dag cig bdag go snyam du yang dag
par rjes su lta ba de dag ni/ nye bar len pa'i phung po lnga po
'di dag kho na la yang dag

par rjes su lta'o/ /zhes gsungs pas phung po bdag go zhes gsungs
pa de'i phyir phung po bdag tu 'dod na/ mdo de na phung po
rnams bdag tu ston pa ma yin no/ /'o na ci zhe na/ ston pa'i
dgongs pa ni phung po las ngo bo gzhan pa'i bdag bdag tu lta
ba'i

dmigs par 'dod pa ni/ kho na la zhes pa'i nges bzung gis 'gog pa
ste/ kun rdzob kyi bden pa la ltos nas mu stegs kyi gzhung dgag
pa'i phyir dang/ kun rdzob kyi bden par yod pa'i bdag phyin ci
ma log par bstan pa'i phyir ro/ /yang 'di phung po

rnams las ngo bo tha dad pa'i bdag 'gog pa yin par gang las shes
she na/ mdo gzhan las gzugs bdag min no zhes sogs kyis gzugs
sogs rnams bdag yin pa bkag par gsungs pa'i phyir ro/ /mdo gzhan
las bkag pa de ji ltar yin

zhe na/ gang gi phyir gzugs dang tshor ba bdag min pa dang/ 'du
shes kyang bdag ma yin pa dang/ 'du byed rnams kyang bdag min pa
dang/ rnam shes kyang bdag min par mdo gzhan las gsungs pa de yi
phyir nye bar len pa'i phung po lnga po 'di dag kho

@207b na la bdag go snyam du yang dag par rjes su lta'o zhes
mdor bstan pa 'di las ni/ phung po rnams bdag go zhes bzhed pa
ma yin gyi/ phung po rnams las ngo bo tha dad pa'i bdag 'dod pa
kho na'i tshig gis bkag pa kho nar nges so/ /gal te mdo des

kho na la lta zhes pas bdag don gzhan bkag mod kyang/ phung po
'di kho na la lta'o zhes phung po lnga la lta bar gsungs pas/
phung po rnams bdag lta'i dmigs par gsal bar ston pas/ mdo'i
dgongs pa phung po bdag lta'i dmigs pa yin

no snyam na/ de lta yin na mdo gzhan las phung po lnga bdag ma
yin par gsungs pa dang 'gal bar 'gyur te/ 'jig lta lhan skyes
ngar 'dzin gyi dmigs rnam gnyis kyi nang nas dmigs pa yin na
bdag yin dgos pa'i phyir ro/ /de ltar gsungs pa'i

mdo phyi ma'i don la gnod pa med la/ bzlog don la gnod pa sngar
mang du bshad cing/ da dung yang 'chad par 'gyur ba'i phyir/ mdo
snga mas phung po rnams 'jig lta'i dmigs par ston pa min no/
/de'i phyir phung po la lta'o zhes pas ni

phung po la brten nas btags pa'i bdag dmigs par ston par gsal
te/ phung po las ngo bo tha dad pa dang phung po nyid bdag tu
'dzin pa'i dmigs pa yin pa khegs pa'i phyir ro/ /mdo gang las
gzugs sogs rnams kyang bdag yin pa

bkag pa de las ni/ brten nas btags pa'i bdag 'jig lta'i dmigs pa
'dis phung po len pa'i phung ba'i nye bar len pa can rang bzhin
gyis grub pa dkag par rig par bya ste/ gzugs sogs bdag min par
gsungs ba de ni

@208a @#/ /de kho na nyid la sems pa'i skabs yin pa'i phyir ro/
/de ltar nye bar len pa po rang bzhin gyis grub pa ma dmigs na/
bdag de'i nye bar blang bar bya ba phung po yang rang bzhin gyis
yod pa ma yin no/ /zhes gzugs sogs

la yang bden par zhen pa'i 'dod chags dang bral ba 'thad pa nyid
do/ /mdo sde phan tshun gyi gung legs par bsgrigs nas phung po
las ngo bo tha dad pa dang/ phung po rnams bdag 'dzin gyi dmigs
pa yin pa bkag nas/ bdag phung po la brten

nas btags pa ming gi tha snyad kyi dbang gis bzhag pa tsam gyi
gang zag gi bdag med kyi 'jog tshul thun mong ma yin pa/ rang gi
sde pa gong 'og gi mkhas pa mdo'i dgongs pa 'grel ba du mas legs
par 'bad kyang gsal bar 'thon

pa'i mdo'i dgongs pa/ lung rigs phyin ci ma log pa'i lam nas
bton pa dang/ de la brten nas chos gzhan rnams kyang de dang
'jog tshul khyad med pa'i chos kyi bdag med gsal bar bstan nas/
sangs rgyas bcom ldan 'das kyi dgongs

pa shin tu phra ba'i gnas rnams rjen cher du ston pa'i mkhas pa'i
dbang po'i bzhed pa thun mong ma yin pa 'di rnams legs par shes
pa la 'bad par gyis shig /gnyis pa ni/ gal te nye bar len pa'i
phung po lnga po 'di dag kho na la

lta'o zhes pa 'di ni/ sgrub phyogs kyi bsgo nas phung po bdag tu
ston pa yin kyang/ phung po re re nas bdag tu stan pa min no/
/'o na ci zhe na/ 'di ltar phung po bdag go zhes brjod pa'i tshe/
phung po rnams kyi tshogs pa bdag tu brjod pa yin gyi/ phung po

@208b rnams kyi ngo bo ste re re ba bdag tu ston pa min te/ dper
na shing rnams ni nags tshal lo zhes brjod pa na/ shing gi tshogs
pa nags tshal yin gyi/ shing re re ba nags su 'gyur bas shing gi
ngo bo re re ba nags su brjod pa min pa bzhin no/ /

zhes gzhan la grub pa dper brjod pa'o/ /gal te tshogs pa bdag yin
pa 'dod do zhe na/ de lta na bdag ni mgon dang 'dul ba'am dbang
po nyid du gsungs la/ khyed ltar na tshogs pa rkyang pa de mgon
min zhing/ 'dul ba'am dbang po nyid kyang min

te/ tshogs pa tsam de ni rdzas su med pa'i phyir na/ /bdag de
phung po'i tshogs pa tsam ma yin no/ /bdag mgon la sogs par
gsungs tshul ni/ mdo las/ bdag nyid bdag gi mgon yin te/ /bdag
nyid bdag gi dgra yang yin/ /legs dang

ngan pa byas pa la/ /bdag nyid bdag gi dbang po yin/ /zhes bya
ba de las mgon nyid dang/ dbang po nyid du gsungs la/ bdag nyid
legs par dul bas ni/ /mkhas pas mtho ris thob par 'gyur/ /zhes
gsungs so/ /gsum pa ni/ ci ste tshogs

pa ni tshogs pa can las ngo bo tha dad du med pa'i phyir ro/
/'bras bu ste mgon byed pa sogs ni tshogs pa can rnams kyi yin
par rtogs par 'gyur bas/ mgon dang 'dul ba dang dbang po nyid
rigs par 'gyur ro snyam na/ bdag gi sgra res

'ga' phung po tshogs pa la byed la/ res 'ga' tshogs pa can phung
po rnams la nye bar sbyor ba 'di la/ sngar de ltar 'dod dgur
bdag gi sgra so so la sbyor ba mi 'thob bo zhes nyes pa bshad
zin pa'i phyir ro/ /skyon gzhan yang yod de/

@209a @#/ /phung po'i tshogs pa bdag tu 'dod pa de'i tshe shing rta
de yi yan lag gi tshogs pa phyogs gcig tu gnas pa rnams shing rta
nyid du 'gyur ba'i skyon yod de/ shing rta dang bdag gnyis rang
gi yan lag tshogs pa la 'jog

mi 'jog mtshungs pa'i phyir ro/ /mtshungs par bstan pa yang mdo
las/ bdag ces bya ba bdud kyi sems/ /khyod ni lta bar gyur pa
yin/ /'du byed phung po 'di stong ste/ /'di la sems can yod ma
yin/ /ji ltar yan lag tshogs rnams

la/ /brten nas shing rta brjod pa ltar/ /de bzhin phung po rnams
brten nas/ /kun rdzob sems can zhes bya'o/ /zhes gsungs so/
/gnyis pa ni/ sngar bshad pa de ltar na mdo las phung po tshogs
pa la brten nas sems can du gdags pa yin no

zhes gsungs pa de yi phyir phung po 'dus pa ste tshogs pa tsam
bdag ma yin no/ /de nyid sgrub pa'i ngag gis gsal bar byed pa
ni/ gang zhig la brten nas gang brtags pa de ni btags pa nye bar
len pa'i yan lag tshogs pa tsam ma

yin te/ brten nas btags pa'i phyir 'byung ba las gyur pa bzhin
no/ /ji ltar 'byung ba dag rgyur byas nas/ 'byung ba las gyur pa
sngon po la sogs pa dang/ mig la sogs pa btags mod kyi de gnyis
'byung ba 'dus pa tsam nyid ni ma

yin no/ /de bzhin du bdag phung po rgyur byas nas btags pa'i
rang bzhin can yang/ phung po tshogs pa tsam yin par mi rung ngo
zhes pa'o/ /gal te mdo las phung po tshogs pa la brten nas zhes
gsungs na/ tshogs pa gang zag tu mi rung yang/

@209b de bzhin phung po rnams brten nas/ zhes pa tsam las med
pas phung po tshogs pa gang zag gi rten du 'jog pa'i khungs min
no snyam na/ de ni ma yin te dpe'i skabs su/ ji ltar yan lag
tshogs rnams la/ zhes yan lag tshogs pa la brten nas

shing rtar bshad la/ de'i phyir shing rta dang dpe don du sgrig
pa na/ de bzhin phung po rnams brten nas/ zhes pa'i skabs su
tshogs pa dngos su ma brjod kyang de 'don dgos par shin tu gsal
bas mkhas pa'i dbang pos/ mdo'i tshig zur re'i nus pa 'don

lugs yin pas zhib par go na blo la dga' ba bskyed pa'o/ /bum pa
la sogs pa rnams kyis ma nges pa nyid do zhe na/ de yang yod pa
ma yin te/ bum pa la sogs pa rnams kyang gzugs la sogs pa tshogs
pa tsam nyid yin par ma grub pa'i phyir dang/ der

yang bdag dang 'dra bar brgal zhing brtag pa mtshungs pa'i phyir
ro/ /'dis ni bdag rang gi cha shas rnams tshogs pa la gzhag tu mi
rung ba bzhin du/ bum pa la sogs pa yang rang gi yan lag tshogs
pa tsam la 'jog tu mi rung ba gnyis 'dra bar bstan

no/ /gsum pa ni/ ci ste 'phang lo la sogs pa tshogs pa tsam ni
shing rta ma yin te/ 'o na ci zhe na/ gang gi tshe 'phang lo la
sogs pa tshogs pa na shing rta'i dbyibs khyad par can dang ldan
par gyur pa de'i tshe shing rta'i ming rnyed par 'gyur ro/ /de
bzhin du

sems can gyi rgyud kyi gzugs la sogs pa'i phung po rnams kyi
dbyibs kyi bkod pa tsam bdag yin no zhe na/ dbyibs de ni gzugs
can kho na la yod pa'i phyir/ khyod la phye ste ltar na gzugs
can de dag nyid de kho na bdag ces bya par 'gyur gyi/ sems

@210a @#/ /dang sogs pas sems byung gi tshogs la ni/ bdag nyid du
'jog par 'gyur ba min par 'gyur te/ gang gi phyir na sems dang
sems byung de dag la dbyibs yod pa ma yin pa'i phyir te/ gzugs
can ma yin pa'i phyir

ro snyam du bsams so/ /bzhi pa ni/ skyon gzhan yang yod de 'dis
nye bar len par byed pas na/ nye bar len pa po rang ste byas pa
po bdag dang/ 'di nye bar blang bar bya bas na nye bar len pa
ste las su bya ba phung po lnga'o/ /de gnyis gcig pa'i dngos par

rigs pa min pa ni tshogs pa tsam bdag tu 'jog par mi rigs pa'o/
/gal te gzugs sogs kyi phung po tshogs tsam bdag yin pa de lta na
ni las dang byed pa po rnams gcig nyid du 'gyur la/ 'di ni 'dod
pa yang ma yin te/ 'byung ba dang 'byung 'gyur

gyi gzugs gnyis dang/ bum pa dang rdza mkhan kyang gcig nyid du
'gyur ba'i phyir ro/ /rtsa she las kyang/ gal te shing de me yin
na/ /byed pa po dang las gcig 'gyur/ /zhes dang/ me dang shing
gis bdag dang ni/ /nye bar blang ba'i rim pa kun/ /bum snam

sogs dang lhan cig tu/ /ma lus par ni rnam par bshad/ /ces
gsungs so/ /'dir me dang bud shing dag gcig nyid du mi 'dod pa
de bzhin du/ bdag dang nye bar len pa dag la yang mi 'dod par
bya dgos te/ de gnyis mtshungs par gsungs pa'i phyir

ro/ /ci ste byed pa po nyid du 'gyur ba phung po tshogs pa nye
bar len pa po ni 'ga' yang med de/ byed pa po 'di ni nye bar len
pa las su bya ba phung po 'dus pa tsam zhig yod do snyam du blo
la sems pa yin na/ de ni de ltar ma yin te/ gang gi phyir na
byed pa po/

@210b med na rgyu med pa'i las kyang med pa'i phyir ro/ /rtsa
she las kyang/ de bzhin nyer len shes par bya/ /las dang byed po
bsal phyir ro/ /byed pa po dang las dag gis/ /dngos po lhag ma
shes par bya/ /zhes gsungs te/ las dang byed pa po rang bzhin
gyis grub pa bkag pa'i

rigs pas nye bar blang ba dang len pa po yang rang bzhin gyis
grub pa bkag pa yang shes par bya'o/ /dngos po lhag ma ni tshig
gsal las/ bskyed bya skyed byed dang 'gro ba dang 'gro ba po
dang/ blta bya lta byed dang/ mtshan nyid dang mtshan gzhi dang/
'byung bar bya ba

dang/ 'byung bar byed pa dang/ yan lag dang yan lag can dang/
yon tan dang yon tan can dang/ tshad ma dang gzhal bya la sogs
pa'i dngos po ma lus pa ngo bo nyid kyis grub pa bkag ste/ phan
tshun ltos pa'i grub pa nyid yin par shes rab can gyis

shes par bya'o/ /zhes gsungs pas bya byed spyi dang/ khyad par
du tshad ma dang gzhal bya'i bya byed rnams ngo bo nyid kyis ma
grub cing/ ltos 'grub kyi tshul gyis khas len pa yin te/ ltos
'grub 'di la gnyis ka phan tshun ltos pa'i thun mong ma yin

pa'i 'jog lugs yod pa rnams shes dgos par yod do/ /nye bar len
pa zhes pa 'dir dngos po la u pa tra zhes pa sgra'i byings la/
lU Ta'i rkyen byin na nye bar len pas na/ nye bar len pa zhes
bya ba yin la/ dngos po yang rang gi sgrub par byed pa med

par 'byung ba ma yin pas/ rang gi sgrub par byed pa nye bar
blang ba dang/ nye bar len pa po gnyis ka yang nye bar len pa
zhes par 'jog go /gal te lU Ta'i rkyen gyis 'dis nye bar len
pa'i bya ba tsam brjod pa'i phyir/ nye bar blang bar bya ba'i
las ji

@211a @#/ /ltar brjod ce na/ kri ta dang lU Ta ni phal cher
ro/ /zhes sgra'i gzhung las 'byung bas phal cher de ltar yin
kyang/ las la lU Ta'i rkyen byin pa na nye bar blang bar bya
ba'i las kyang brjod pa mi 'gal lo/ /rtsa she las kyang/ de ltar

len las gzhan ma yin/ /de ni nyer len nyid kyang min/ /bdag ni
nye bar len med min/ /med pa nyid du'ang de ma nges/ /zhes bdag
nye bar len pa las ngo bo tha dad pa dang/ nye bar len pa nyid
bdag min pa dang/ bdag ni nye bar len pa bzung ba la

ltos pa med pa'ang min pa dang/ bdag de med pa yang min par
gsungs so/ /de'i phyir byed pa po med par las kyang yod pa min
no/ /yang don dam pa stong pa nyid kyi mdo gang las byed pa po
ni ma dmigs kyi/ las kyang yod la rnam par smin pa

yang yod do zhes brjod pa'i mdo de las ni/ byed pa po rang bzhin
gyis grub pa bkag par shes par bya'i/ rten nas gdags par bya ba
tha snyad kyi yan lag tu gyur pa yang bkag go /zhes bya bar ni
shes par mi bya'o/ /de skad du yang/ ma rig pa

dang rjes su 'brel ba'i gang zag 'di ni bsod nams mngon par 'du
bya ba yang mngon par 'du byed do/ /zhes rgya che gsungs so/
/mdo gong ma ngo bo nyid med par smra ba la mi 'grig gi /sems
tsam gyi tshul la 'grig go zhes rnam bshad rigs

pa las gsungs mod kyang/ lugs mchog tu gyur pa 'di'i gang zag
'jog tshul la ni/ phung po las ngo bo tha dad pa'i byed pa po tha
snyad tsam du yang med pa dang/ tha snyad du las dang rnam smin
khas blangs pa na/ mdo phyi mas gsungs pa bzhin du las kyi

@211b byed pa po gang zag nges par 'dod dgos pas de yang nye bar
blang bya'i gseb nas mi 'jog par/ de dag gi nye par len pa po
'jog pa ni shin tu legs pa yin no/ /lnga pa ni/ phung po sogs
tshogs tsam nyid bdag tu 'dod pa la skyon gzhan yang yod de/ rgyu
mtshan gang gi

phyir thub pas yab sras mjal ba'i mdo las bdag de sa dang chu
dang me dang rlung gi khams dang/ rnam par shes pa'i khams dang/
sna'i bu ga sogs bu ga nam mkha' yi khams zhes bya ba'i khams
drug la brten nas dang/ mig gi reg pa'i skye mched dang la sogs

pas yid kyi reg pa yi skye mched drug dag la brten nas nye bar
bstan zhing/ sems dang de dag las gzhan pa'i sems byung gi chos
rnams gdags gzhir nye bar bzung ba la brten nas bdag tu 'dogs so
zhes nges par te gsal bar gsungs pa de'i phyir/

bdag de ni sa'i khams la sogs pa'i ya gyal de rnams dang/ de
nyid ma yin pa ste de rnams re re nas bdag tu mi rung la/ de
rnams kyi tshogs pa tsam nyid kyang bdag tu 'jog pa min te/ de'i
phyir thog ma med pa nas zhugs pa'i nga'o snyam du 'dzin pa'i
blos

chos de rnams kyi tshogs pa dang ya gyal rnams la dmigs par byed
pa min no/ /mdo las gsungs tshul ni/ rgyal bo chen po skyes bu
gang zag de ni khams drug dang reg pa'i skye mched drug dang/
yid kyi nye bar rgyu ba bco brgyad do/ /zhes gsungs so/ /nag

tsho'i 'gyur las/ khams drug 'dus pa/ reg pa'i gzhi drug pa/ yid
kyi nye bar spyod pa bco brgyad pa'o/ /zhes bsgyur ba legs so/
/de la skyes bu dang gang zag ni rnam grangs so/ /khams drug
'dus pa dang gzhi drug pa dang/ bco brgyad pa'o zhes pa gsum po

@212a @#/ /ni ldan pa'i chos yin pas chos de dag ni ldan chos
dang/ gang zag ni de dag gang la ldan pa'i ldan gzhi dang/ gang
la brten nas gang zag tu 'dogs pa'i gzhir gsungs so/ /yid kyi
nyer rgyu bco brgyad ni/ yul yid du 'ong ba drug

la tshor ba bde ba nye bar rgyu ba drug dang/ yid du mi 'ong drug
la tshor ba sdug bsngal nye bar rgyu ba drug dang/ bar ma drug la
tshor ba btang snyoms nye bar rgyu ba drug go /tshor ba bde sdug
btang snyoms kyi dbang gis yid gzugs sgra sogs la yang dang yang
du rgyu bar byed

pa'i phyir/ yid kyi nye bar rgyu ba zhes bya'o/ /de ltar phung
po rnams ngar 'dzin lhan skyes kyi dmigs rnam gnyis kyi nang
nas/ dmigs pa'i yul yang ma yin la/ phung po las ngo bo tha dad
pa'i de'i dmigs pa yang yod pa ma yin pa'i phyir/ ngar 'dzin gyi
dmigs

yul rang bzhin gyis yod pa ma yin pas/ rnal 'byor pas bdag rang
bzhin gyis grub pa ma dmigs pa las/ bdag gi ba yang rang bzhin
gyis grub pa'i snying po dang ldan pa ma yin pa nyid du shes
shing/ 'dus byas 'khor ba mtha' dag gi 'ching ba

bsal nas yang srid phyi ma len pa med par nges par mya ngan las
'das par thob par 'gyur te/ de'i phyir phung po lnga'i ya gyal
dang tshogs pa dang/ de dag las ngo bo tha dad pa gang yang bdag
lta'i dmigs par mi 'jog pa dang/ de lta na'ang bdag lta'i

dmigs pa gang zag legs par 'jog shes pa dang/ rgyu mtshan de dag
la brten nas gang zag rang bzhin gyis grub pas stong par 'jog
pa'i rnam par dpyod pa 'di ni/ thar pa 'dod pa'i dbang po shin
tu rnon po la ches mdzes pa yin te/ 'dis yid 'phrog

@212b pa 'dra ba grub pa'i mtha' gzhan la med pa'i phyir ro/
/lnga pa ni/ nga'o snyam du 'dzin pa'i dmigs pa'i yul bdag gi
btags don btsal ba na/ kha cig phung po lnga char dang/ kha cig
sems gcig pu yin no zhes smra ba'i phyogs ltar na/ ji srid du
rang gi rgyud la phung po rnams

'byung ba de srid du gang zag gi bdag tu 'dzin pa 'jug par 'gyur
te/ nga'o snyam pa'i nga'i btags don btsal nas 'jog pa ltar na/
de nyid gang zag gi bdag tu 'dzin pa'i gzhi ste rnam pa'i yul
gyi dngos por yod pa'i phyir ro zhes bshad pa/ gang zag gi

bdag med pa mngon sum du rtogs par 'dod pa'i tshe na/ rtag pa'i
bdag tsam zhig spong ba ste med par mthong zhing/ rtag pa'i bdag
'di ni 'jig lta lhan skyes kyi ngar 'dzin gyi rten te dmigs pa
dang rnam pa gang gi yul du'ang mi 'dod pa/ de'i phyir rtag

pa'i bdag tsam med par mthong ba'i shes pa goms pas/ thog ma
med pa nas zhugs pa'i bdag tu lta ba dpyis te drungs nas kyang
'byin zhes smra ba ni/ kye ma ma la khyod kyi 'di ni shin tu
mtshar ro/ /rtag pa'i bdag tsam med par mthong bas thog

ma med pa'i bdag 'dzin spong bar 'dod pa'i don 'di nyid/ phan
tshun 'brel pa med par 'jig rten pa'i dpe'i sgo nas gsal bar bya
ba'i phyir bshad pa/ gang zag blun po kha cig rang gi khyim gyi
rtsig phug na sbrul gnas pa mthong nas 'jigs bzhin du

gnas pa la/ gzhan zhig gis kye mi khyod ma 'jigs shig khyim 'di
na glang chen med do zhes dogs pa bsal ba na/ khyim der glang po
che med par shes pas de'i 'jigs pa ldog par ma zad sbrul gyi
'jigs pa'ang spong bar byed pa ni/ kye ma'o mkhas

@213a @#/ /pa gzhan gyi gnam por te bzhad gad du 'gyur ba nyid
do/ /de ltar sprul gyi 'jigs pa'i rkyen nye bar gnas su zin
kyang/ blun po gzhan gyi tshig las sbrul la yod pa'i 'jigs pa ma
mthong bas/ de'i 'jigs pa bzlog thabs

mi byed par glang po che med par shes pa las bag phab ste sdod
pa na sbrul gyis 'dzin par 'gyur ro/ /de bzhin du glang po che
lta bu'i rtag pa'i bdag tsam med par mthong ba goms pas/ sbrul
lta bu'i thog ma med pa nas zhugs pa'i bdag 'dzin gyi

'jigs pa ldog pa bzung nas bag phab pas ni/ phung po'i yul can
du 'dod pa'i ngar 'dzin pa'i 'jig lta bsal bar mi nus te/ de'i
phyir nges par gang zag 'di'i 'khor ba nyams bar mi 'gyur ro/
/'dis ni rang gzhan gyi sde pa dngos po'i de kho

na nyid gtan la 'bebs par 'dod pa mang pos/ lhan skyes kyi bdag
'dzin gyis ji ltar bzung ba'i yul sun 'byin pa mi shes pas/ de
dor nas de las gzhan pa'i de nyid gtan la 'bebs pa'i rnam gzhag
thams cad snying po med pa'i gnas la

ngal ba byed par bstan te/ 'di shes pa shin tu gnad che'o/ /gsum
pa la gnyis/ rten dang brten pa dang ldan pa'i phyogs dgag pa/
bkag pa rnams kyi don bsdoms te bstan pa'o/ /dang po ni/ de ltar
bdag phung po dang rang bzhin gcig dang tha dad gang du yang

ma grub par bstan nas/ bdag phung po dang phan tshun rten dang
brtan pa nyid du yang ngo bo nyid kyis grub pa med par brjod
pa'i phyir bshad pa/ phung por te de la bdag ngo bo nyid kyis
brten pa'i tshul gyis yod pa ma yin zhing/ bdag la yang phung po
de rnams ngo bo nyid kyis

@213b brten pa'i tshul gyis yod pa min te/ rgyu mtshan gang gi
phyir na phung po dang bdag 'dir ngo bo nyid kyis grub pa'i
gzhan nyid yod na/ rang bzhin gyis grub pa'i rten dang brten
pa'i rtog pa gnyis po 'dir 'gyur na/ rang bzhin gyis gzhan nyid
du grub pa de med pa de'i phyir

rten dang brten par ngo bo nyid kyis grub pa phyin ci log gi
rtog pas bzhag pa tsam ste/ dper na 'jig rten na 'khar gzhong
dang zho gnyis ngo bo tha dad pa la rten dang brten pa mthong ba
ltar phung po dang bdag gnyis la de ltar mthong ba med pas rten
dang brten pa'i ngo bor rang

bzhin gyis grub pa med do/ /phung po dang ldan pa nyid kyang
bdag la ngo bo nyid kyis ji ltar yod pa ma yin pa de ltar bstan
pa'i phyir bshad pa/ bdag ni gzugs kyi phung po dang ldan pa ngo
bo nyid kyis grub par mi 'dod de/ rgyu mtshan gang gi phyir na
bdag phung po rnams

las rang bzhin gyis gcig dang tha dad pa ni bkag zin pas yod pa
min pa de'i phyir/ bdag phung po dang ldan pa'i sbyor ba rang
bzhin gyis grub pa med de/ 'di ltar ldan pa'i rkyen yang lha
sbyin gnag ste ba lang dang ldan na zhes pa lta bu ni/ gzhan na
ste ngo bo tha dad

pa la sbyor la/ lha sbyin gzugs dang ldan zhes pa lta bu ni ngo
bo gzhan min pa la sbyor ba yin na/ bdag ni gzugs las de nyid de
gcig dang/ gzhan nyid de tha dad pa med pas/ bdag gzugs dang
ldan pa rang bzhin gyis grub pa 'di yang mi srid do/ /de dag

gis ni phung po lhag ma bzhi dang ldan pa ngo bo nyid kyis grub
pa yang bkag par shes par bya'o/ /gnyis pa ni/ da ni sngar bkag
zin pa'i phyogs rnams bsdoms te bstan pas 'jig tshogs la lta bas
phyin ci log la dmigs pas rnam pas zhugs pa'i

@214a @#/ /grangs bstan pa'i phyir bshad pa/ gzugs ni bdag ma yin
pa la bdag tu lta ba dang bdag ni gzugs dang ngo bo nyid kyis
ldan pa min pa la der lta ba dang/ gzugs la bdag dang bdag la
gzugs rang bzhin gyis yod pa min pa

la der lta ba bzhi ste/ gzugs phung la bshad pa de ltar 'jig
ltas lta ba'i tshul rnam pa bzhir tshor ba la sogs pa'i phung po
bzhi po kun la bzhi bzhir lta ba shes par bya ste/ de dag ni
bdag tu lta ba 'jig tshogs la lta ba'i cha nyi shur 'dod pa yin

no/ /gal te bdag gzugs phung dang ngo bo tha dad par lta ba
bsnan nas phung po re re la rnam par dpyad pa lnga lnga skabs su
bab la/ rtsa she las kyang/ phung min phung po las gzhan min/
/de la phung med der de med/ /de bzhin gshegs pa phung ldan

min/ /de bzhin gshegs pa gang zhig yin/ /zhes gsungs pa ma yin
nam/ de'i phyir cha nyer lngar 'gyur dgos pa la cha nyi shur ji
skad brjod ce na/ 'jig lta'i cha nyi shu po de dag ni mdo las
rnam par bzhag la/ de ltar 'jog pa'i rgyu mtshan ni sngon du

phung po rnams ma bzung bar 'jig ltas bdag tu mngon par zhen par
mi nus pas/ rnam pa bzhi bzhi'i sgo nas phung po rnams la dmigs
shing bdag la 'jug go /de'i phyir phung po rnams ma gtogs par
gzhan du bdag tu zhen pa'i gzhi lnga pa mu stegs

ma gtogs pa la mi 'byung bas/ cha lnga pa ma gsungs so/ /rtsa
she las phyogs gzhan lnga pa gsungs pa ni mu stegs pa'i lugs
dgag pa'i phyir ro/ /zhes bya bar shes par bya'o/ /de la 'jig
tshogs la lta ba'i ri'i rtse mo nyi shu mtho ba/ ye shes

@214b kyi rdo rjes bcom nas rgyun du zhugs pa'i 'bras bu mngon
du byas so/ /zhes gang lung las gsungs pa ni/ dmigs pa nga la
dmigs nas rnam pa rang bzhin gyis grub par 'dzin pa'i 'jig tshogs
la lta ba'i ri bo 'phags pa'i ye shes kyi rdo rje ma

babs pas/ nyin re zhing nyon mongs pa'i brag rdo 'phel ba/ 'khor
ba thog ma med nas 'byung ba/ dpangs khams gsum du mtho ba/
phyogs kyi ngos ma lus pa khyab pa/ ma rig pa'i gser gyi sa gzhi
las 'thon pa/ bdag med pa mngon sum du rtogs

pa'i ye shes kyi rdo rje yis bcom pa ste bshig pa na/ bcom pa'i
bdag tu lta ba gang dang lhan cig tu 'jig par 'gyur ba/ de ma
thag tu bshad pa'i rtsa ba'i 'jig tshogs la lta ba'i ri lhun stug
po la gnas pa'i rtse mo mtho bar gyur pa nyi shu ni/ sngar bshad

pa'i phung po lnga po re re la bzhi bzhir bshad pa 'di dag gi
/'dir 'grel pa'i 'gyur las/ rtse mo ches mtho ba gang dag dang
lhan cig 'jig par 'gyur ba de dag ni rtse mo yin par shes par
bya'o/ /zhes 'byung yang rtsa ba'i 'gyur ltar/ rtsa ba'i 'jig
lta

dang lhan cig ces 'byung ba ltar bya'o/ /de yang lhan skyes kyi
'jig lta ngar 'dzin sngar bshad pa'i nyi shu po gang yang min
pas/ 'jig tshogs lta ri lhun stug la gnas pa/ zhes rtse mo nyi
shu'i 'jig lta rtsa ba'i 'jig lta la gnas par gsungs so/ /gang

dang lhan cig tu nyi shu rgyun zhugs kyis spangs pa'i rtsa ba'i
'jig lta yang kun brtags yin la/ de yang de rang gi mtshan nyid
kyis grub par 'dzin pa tsam la mi byed kyi/ de'i 'dzin stangs
'thad ldan du grub mtha' ngan pa la brten nas 'dzin pa'i sa bon

@215a @#/ /rgyun zhugs kyis spangs pa'o/ /bzhi pa la gnyis/
phyogs snga ma brjod pa dang/ lugs de dgag pa'o/ /dang po ni/ de
ni 'phags pa mang pos bkur ba dag gis brtags pa'i gang zag rdzas
su yod par smra ba bsal ba'i phyir

bshad pa/ rang gi sde pa mang pos bkur ba pa kha cig ni/ phung
po ma gtogs de 'dzin ma grub phyir/ zhes pa'i rigs pas gang zag
phung po las ngo bo tha dad pa min la/ phung po'i rang bzhin can
yang min te/ yin na bdag de skye 'jig dang ldan par

'gyur ba'i phyir ro/ /de'i phyir bdag gam gang zag ni phung po
las de nyid dang gzhan nyid du brjod du med do/ /de bzhin du
gang zag ni rtag pa dang mi rtag pa la sogs pa nyid du yang
brjod du med do/ /gang zag de rdzas su yod par yang 'dod de/ las
gnyis

kyi byed pa po dang/ de gnyis kyi 'bras bu bde sdug gi za ba po
nyid du brjod pa'i phyir dang/ 'khor bar bcings pa dang myang
'das kyi skabs su thar ba po'am grol ba po yin pa'i phyir ro/
/bdag de rnam shes drug gi shes byar yang 'dod cing/ bdag

de ni ngar 'dzin pa'i gzhi ste dmigs par yang 'dod pa yin no/
/gnyis pa ni/ gang zag rdzas yod du smra ba 'di yang mi rigs pa
nyid du bshad pa/ rgyu mtshan gang gi phyir na gzugs las sems de
nyid dang gzhan gang du yang brjod du med par

mi rtogs pa ste mi 'dod pa ltar/ dngos po ste rdzas su yod pa
rnams la de nyid dang gzhan nyid du brjod du med par rtogs pa ma
yin pa nyid de/ 'di ltar gal te bdag 'ga' zhig dngos por te
rdzas su grub par gyur na/ sems ltar du grub pa'i

@215b dngos po sgo gnyis gang du brjod du med par mi 'gyur ro/
/de'i phyir tshigs su bcad pa snga mas brjod du med pa la rdzas su
yod pa mi srid par bstan nas/ gang zag btags yod du bstan pa'i
phyir bshad pa/ rgyu mtshan gang gi phyir khyod kyi ltar na bum
pa

rang rkya thub pa'i dngos por ma grub pa'i ngo bo de rang gi yan
lag gi gzugs sogs las de nyid de gcig dang ngo bo tha dad du
brjod du med par 'gyur bar 'dod pas/ de bzhin du bdag gang yin
pa de yang phung po las de nyid dang ngo bo tha dad pa'i gzhan
nyid du

brjod du med pa'i btags yod du 'gyur ba de'i phyir gang zag rang
gi ngo bo nyid kyis yod par grub par rtogs pa ste gzung bar mi
bya'o/ /de ltar tshigs su bcad pa gnyis kyis rdzas su yod pa dgag
pa dang/ btags yod du sgrub pa nye bar bstan nas/ de ni

de nyid dang gzhan gnyis dngos po'i rten nyid du brjod nas/ rten
de ma yin pa nyid kyis bdag rdzas su yod pa 'gog par rtsom pa/
gal te khyod kyi ltar bdag rdzas su yod na ni/ khyod kyi rnam
shes ni rang gi bdag nyid las gzhan ni min par 'dod pa bzhin

du/ gang zag kyang nges par rang gi bdag nyid las gzhan min pas
de nyid du brjod dgos so/ /yang khyod kyi rnam shes gzugs sogs
las gzhan pa'i dngos por 'dod pa bzhin du/ gang zag kyang phung
po las ngo bo tha dad par brjod dgos so/ /dngos po

la gcig dang tha dad kyi rnam pa de gnyis nges par mthong par
'gyur ba de'i phyir bdag rdzas su med de/ dngos po'i chos de
nyid dang gzhan gnyis su grub pa dang bral ba'i phyir ro/ /lnga
pa la bzhi/ bdag mtha' bdun du med kyang brtan nas btags pa
shing

@216a @#/ /rta dang 'dra bar bstan pa/ sngar ma bshad pa'i phyogs
lhag ma gnyis rgyas par bshad pa/ de ltar bshad pa la gzhan gyi
rtsod pa spong ba/ ming gi tha snyad kyi don gzhan yang grub par
bstan pa'o/ /dang po ni/ gang gi phyir sngar bshad

pa de ltar rnam par dpyad pa na gang zag rdzas su yod pa mi
'thad pa de'i phyir ngar 'dzin pa'i rten te dmigs pa ni/ dngos
po ste rang bzhin gyis grub pa min te/ rnam par dpyad pa na bdag
ni phung po las gzhan te ngo bo tha dad pa min la/ phung po'i
ngo bo tshogs

pa dang ya gyal gang yang bdag min pa dang/ bdag phung po rnams
kyi rten dang/ bdag 'di la phung po rten du yod pa yang min
zhing/ bdag 'di ni phung po de rnams dang ldan pa'ang ngo bo
nyid kyis yod pa min no/ /de'i phyir rang gi sde pa gang dag
bdag btags par

yod ces pa'am/ bdag don dam par ma dmigs par 'dod pas kyang rung
ste ji skad smras pa'i rnam pas bdag khas blang bar mi bya'o
zhes bshad pa ni/ bdag 'di ni phung po rnams la brten nas grub
par 'gyur ba'o/ /ji ltar 'di la brten nas 'di 'byung

zhes bya ba 'di tsam zhig kun rdzob kyi bden pa'i rnam par bzhag
pa ma chad par bya ba'i phyir khas len pa na/ rgyu med sogs bzhi
las skye ba mi 'dod pa de bzhin du/ bdag gi skabs 'dir yang
phung po la brten nas btags par 'dod pa na/ ji skad bshad

pa'i skyon dang ldan pa'i phyogs snga bsal nas/ phung po rnams
la brten nas gdags pa zhes bya ba 'di tsam zhig 'jig rten gyi
tha snyad rnam par gnas par bya ba'i phyir khas blang bar bya
ste/ bdag tu tha snyad btags pa bsnyon mi nus par mthong ba'i

@216b phyir ro/ /bdag btags pa tsam du grub par bya ba'i don du
ji skad bshad pa'i don nyid gsal bar bya ba'i phyir/ phyi rol
gyi dpe ston cing bshad pa/ shing rta rang gi yan lag las don
gzhan du 'dod pa min la/ gzhan min te gcig tu yang grub pa ma
yin

pa dang/ phung po de dang ldan pa dang/ yan lag la phar brten pa
dang/ yan lag dag bdag der brten pa rang bzhin gyis yod pa min
pa dang/ yan lag 'dus pa tsam dang yan lag gi dbyibs min pa ji
lta ba de bzhin du/ bdag dang phung po gnyis

kyang de bzhin du shes par bya'o/ /gnyis pa la gnyis/ dngos kyi
don/ rigs pa de gzhan la kha spo ba'o/ /dang po la gnyis/ tshogs
pa shing rtar 'dod pa dgag /dbyibs tsam shing rtar 'dod pa dgag
pa'o/ /dang po ni/ phyogs snga ma lnga ni sngar bstan zin

pas 'dir tshogs pa'i phyogs dang/ dbyibs kyi phyogs gnyis shing
rta yin pa 'gog pa ni bsgrub par bya dgos pas de dag ston pa
brtsam par bya ste/ gal te shing rta'i yan lag tshogs tsam shing
rtar 'gyur na ni/ shing rta bshig pa'i yan lag gsil

bur gnas pa tshogs pa la yang shing rta nyid yod par 'gyur ro/
/yan lag gi tshogs pa rang gi cha can yin pa 'gog pa 'di sngar
bshad zin kyang 'dir bkod pa ni/ sngar bstan pa las skyon gzhan
bstan pa'i phyir yin no/ /skyon gzhan yang yod de/ rgyu

mtshan gang gi phyir yan lag can med na/ yan lag dag kyang med pa
de'i phyir yan lag rnams med par 'gyur te/ shing rta la yan lag
can med par rang gi sde pa de dag gis khas blangs pa'i phyir ro/
/de dag gis kyang yan lag tshogs pa cha

@217a @#/ /shas can dang/ yan lag rnams cha shas su 'dod cing/ de
bzhin du yan lag dang yan lag can du'ang 'dod pas/ yan lag can
med par khas ma blangs so snyam na/ skyon med de rang gi lugs ni
phung po'i ya gyal dang tshogs

pa gnyis ka nye bar blang bya yin pas/ de nye bar len pa por mi
'dod pa bzhin du/ shing rta'i yan lag re re ba dang tshogs pa
gnyis ka yan lag tu 'jog gi / yan lag can du mi 'jog la/ sde pa
de dag gis kyang tshogs pa min pa'i yan lag can mi

'dod pa'i phyir dang/ de yang 'gog pa'i phyir ro/ /'ang gi
sgra ni dngos su ma brjod pa'i tshogs pa bsdu ba'i don te/ 'dus
tshul ni yan lag gi dbyibs tsam yang shing rtar rigs pa min la/
tshogs pa tsam po yang mi rigs so zhes shes par bya ba'i

phyir du'o/ /gnyis pa ni/ gzhan yang gal te khyod shing rta'i
dbyibs tsam zhig shing rtar 'dod na/ dbyibs de yan lag re re ba
dag gi yin nam/ tshogs pa'i yin par rtog grang/ dang po ltar na
sngar ma bsgrigs pa'i dbyibs kyi khyad par ma

btang ba dag gi'am/ sngar gyi dbyibs kyi khyad par btang ba dag
gi dbyibs yin/ de la gal te dang po ltar 'dod pa'ang de mi rigs
so/ /ci'i phyir zhe na/ khyod kyi ltar na shing rta'i 'phang lo
la sogs pa'i yan lag re re la sngar ma bsgrigs pa'i

dus su dbyibs ji ltar yod par gyur pa bzhin du/ phyis bsgrigs te
shing rtar rtogs pa ste grub pa'i dus su'ang snga ma de bzhin du
yod pa yin na/ ma bsgrigs pa'i byi bar gyur pa'i yan lag de dag
la ji ltar shing rta yod pa

@217b min pa bzhin du/ de ltar yan lag rnams bsgrigs pa'i tshe
yang ni shing rta yod pa ma yin par 'gyur te/ yan lag so so ba'i
dbyibs tsam la khyod shing rtar 'jog pa'i phyir dang/ snga
phyi'i yan lag so so ba'i dbyibs la khyad par med pa'i phyir ro/ /

ci ste phyogs gnyis pa ste dbyibs kyi khyad par snga ma dang mi
'dra ba gzhan zhig phyis 'byung ba de shing rtar 'gyur na/ gal
te da lta shing rta nyid du grub pa'i dus 'dir 'phang lo dang la
sogs pas srog shing dang/ gzer bu la sogs pa shing rta'i

yan lag rnams kyi dbyibs kyi khyad par so sor lham pa ste gru
bzhi dang/ ring po dang zlum po la sogs pa'i dbyibs sngar ma
bsgrigs pa'i dus dang/ mi mthun pa'i tha dad pa yod na/ yan lag
so so'i dbyibs mi mthun pa 'di mig gi shes pas

gzung du yod par 'gyur na/ de yang yod pa min te/ de'i phyir yan
lag so so'i dbyibs tsam shing rtar yod pa ma yin no/ /ci ste
'phang lo la sogs pa'i yan lag bsgrigs pa'i tshogs pa rnams kyi
dbyibs khyad par ba shing rtar 'jog go snyam

na/ de yang mi rigs so zhes bshad pa/ gal te tshogs pa zhes bya
ba dngos po ste rdzas su yod pa cung zad cig yod na ni/ de la
brten pa can gyi dbyibs su gdags par 'gyur ro/ /yan lag tshogs pa
zhes bya ba rdzas su yod pa cung zad kyang med

de/ /rgyu mtshan gang gi phyir khyod kyi ltar na tshogs pa cang
med pa ste cung zad kyang rdzas yod du med pas/ dbyibs de yan
lag tshogs pa gdags gzhir byas pa la brten nas 'dogs pa ma yin
te/ 'di 'dra ba'i btags yod rnams ni rdzas

@218a @#/ /yod rten du byas pa kho nar khyod kyis khas blangs
pa'i phyir dang/ yan lag tshogs pa yang btags yod du khas blangs
pa'i phyir ro/ /de'i phyir gang zhig ci yang ma yin pa ste cung
zad kyang rdzas su yod pa ma yin pa de gdags

gzhir byas pa la brten nas/ shing rta'i skabs 'dir ni shing rtar
'jog pa'i dbyibs su lta zhig ji ltar 'gyur te mi 'gyur ro/ /'dir
pha rol pos btags yod kyi dngos po rnams rang rkya thub pa'i
rdzas yod re gdags gzhir yod pa la brten nas

'dogs par khas len zhing/ tshogs pa dang dbyibs gnyis ka yang
btags yod du 'dod pas/ tshogs pa dbyibs kyi gdags gzhir 'dod na
'gal ba tsam las ma mdzad kyang/ skyes bu'i kha dog skyes bur
'jog tu mi rung ba bzhin du/ shing rta la

yang de'i kha dog dang dbyibs gang yang shing rtar gzhag tu mi
rung ste/ de gnyis ni shing rta'i nye bar blang bya yin pa'i
phyir zhes pa la go bar bya'o/ /gnyis pa ni/ ci ste tshogs pa mi
bden pa btags yod yin du zin kyang/ de la brten nas mi bden pa
ste

btags yod kyi dbyibs su 'gyur ro zhes 'dod na/ khyod kyis tshogs
pa btags yod la brten nas dbyibs btags yod 'jog pa 'di ni ji
ltar 'dod pa de ltar du/ ma rig pa dang sa bon lta bu'i mi bden
pa yi rgyu la brten par byas nas/ 'du byed dang

myu gu lta bu 'bras bu'i rnam pa mi bden pa'i rang bzhin nam ngo
bo can rnams skye bar shes par bya la/ de bzhin du de las gzhan
pa rgyu dang 'bras bu'i ngo bo mi bden pa'i rang bzhin can thams
cad kyang ni skye bar shes par bya ste/ 'bad

@218b rtsol brgya phrag byas kyang gang gi sha bza' bar mi nus
pa/ dngos po grib ma'i ri dwags lta bu brdzun pa la bden par
mngon par zhen pa don med pa 'dis ni ci zhig bya de la rang gi
sde pa mang pos bum pa'i gzugs la sogs pa'i

rdul brgyad de ltar 'dab 'byor du gnas pa'i tshogs pa rnams bum
pa yin pas/ de la bum pa'i blor 'gyur ro zhes smra ba de yang
shing rta'i dpe 'dis bsal bas na de ni rigs pa ma yin pa nyid
do/ /gzhan yang rang bzhin gyis skye ba med par sngar

bshad zin pas gzugs sogs kyang rang bzhin gyis yod pa min no/
/de yi phyir yang rdzas su yod pa'i nye bar len pa can du 'dod
pa bum pa la sogs pa mi rigs pas/ bum pa la sogs pa de dag gzugs
la sogs pa'i dbyibs kyi khyad par du mi rigs

so/ gsum pa ni/ 'dir smras pa gal te 'o na shing rta 'di'i
btags don/ sngar bshad pa'i tshul gyis rnam pa bdun du btsal ba
na/ yod pa ma yin pa de'i tshe shing rta med par 'gyur bas shing
rtas 'jig rten na tha snyad 'dogs pa de rgyun chad par

'gyur na/ de mi 'thad de/ shing rta 'on cig nyos shig /'chos
shig ces bya ba la sogs pa bya dgos par mthong ba yang yin no/
/de'i phyir 'jig rten la grags pa'i phyir na shing rta la sogs
pa ni yod do zhe na/ nyes pa 'di ni rang cag gnyis kyi

nang nas khyod kho na la 'jug par 'gyur bas/ nged kyis khyed la
dgod par bya ba yin no/ /ji ltar yin snyam na/ khyod kyis shing
rta'i btags don rnam par dpyad pa ste btsal nas/ shing rta 'jog
par byed cing btags don ma btsal bar 'grub pa'i thabs

@219a @#/ /gzhan khas ma blangs pa'i phyir dang/ btags don rnam
pa bdun du btsal ba na/ shing rta 'on cig ces bya ba sogs kyi
'jig rten gyi tha snyad rnams khyod la ji ltar 'grub par 'gyur
te mi 'gyur ro/ /rtsod pa de la bstan

bcos mdzad pas ni lan de ltar 'debs la/ da lta'i bod kyi thal
'gyur bar 'dod pa rnams ni/ rnam pa bdun du btsal bas ma rnyed
na shing rta 'jog mi nus so zhes rtsod pa de nyid dbu ma pa'i
lugs su smra ste/ des ni rnam par dag pa'i lugs ngan

rtog gi btsog chus 'bad nas slod par byed pa yin no/ /kho bo cag
la ni sngar bshad pa'i rtsod pa'i nyes pa de med de/ shing rta
de ni de nyid du ste don dam pa'am/ 'jig rten gyi kun rdzob tu
btags don rnam pa bdun gyis btsal ba na shing rta 'grub par

'gyur ba min mod kyi/ de lta na'ang shing rta 'di ni btags don
'tshol ba'i rnam par dpyad pa med par 'jig rten gyi tha snyad
nyid las/ sngon po dang tshor ba la sogs pa ltar 'dir ni rang gi
yan lag 'phang lo sogs la brten nas 'dogs pa yin pa

de'i phyir sa myug sogs la/ rten 'brel rkyen nyid 'di pa tsam
khas blangs pa ltar/ shing rta yang rang gi yan lag la brten nas
btags par khas blangs pa'i phyir/ kho bo cag gi phyogs la shing
rta 'on cig ces pa sogs kyi 'jig rten gyi tha

snyad mi rung bar mi 'gyur la/ pha rol pos kyang 'di khas blang
bar 'os pa yin no zhes gsungs pas shing rta'i btags don btsal
nas mi 'jog pa dbu ma pa'i lugs la/ 'jig rten gyi tha snyad khas
len pa dang/ pha rol pos kyang de khas

@219b blang dgos zhes bstan par bya'i/ phar la 'phangs pa'i
skyon tshur bzlog pa'i tshe lan ma thebs pa na khas blang med ces
smra bar mi bya'o/ /bzhi pa ni/ dbu ma pa'i phyogs 'dir 'jig
rten la grags pa'i sgo nas shing rtas tha snyad 'dogs pa ches
gsal bar

grub pa 'ba' zhig tu ma zad kyi/ shing rta'i ming gi khyad par
gzhan dag kyang btags don 'tshol ba'i tshul gyis rnam par dpyad pa
med par 'jig rten la grags pa'i sgo nas khas blang par bya'o/
/de la shing rta de nyid ni 'phang lo la sogs pa rang gi yan lag

la ltos nas yan lag can dang/ yang de 'phang lo la sogs pa'i cha
shas la ltos nas ni cha shas can dang/ shing rta de nyid 'phang
lo la sogs pa nye bar blang bar bya ba nye bar len pa'i bya ba
la ltos nas ni/ byed pa po zhes 'gro ba la bsnyad pa dang/

rang gi nye bar len pa gzugs la sogs pa'i gdags gzhi la ltos nas
ni/ skye bo rnams la len pa po nyid du yang 'grub bo/ /gang 'ga'
zhig gsung rab kyi don phyin ci log tu rtogs pas yan lag tshogs
pa tsam zhig yod kyi/ tshogs pa tsam de

min pa'i yan lag can ni rnam pa thams cad du med de/ tshogs pa de
las ngo bo tha dad par ma dmigs pa'i phyir ro/ /de bzhin du
sbyar te cha shas dang las dang nye bar len pa tshogs pa tsam
zhig yod kyi/ de min pa'i cha shas can dang byed pa po dang/

nye bar len pa po ni rnam pa thams cad du med de/ de rnams las
ngo bo tha dad par ma dmigs pa'i phyir/ zhes de lta bur rnam par
gnas pa'i 'jig rten gyi kun rdzob phyin ci log tu smra ba de'i
ltar na/ bshad ma thag pa'i yan lag can med pa'i gtan

@220a @#/ /tshigs de nyid kyis/ yan lag la sogs pa tsam yang med
par 'gyur bas 'jig rten na grags pa'i kun rdzob shing rta la
sogs pa ma brlag pa ste 'jig par ma byed cig ces 'di ni bzlog
par bya ba kho na'o/ /'dir rang gi sde pa gong

'og gzhan rnams yan lag tshogs pa la sogs pa yan lag can la sogs
par 'dod pa ni/ de rnams yan lag can la sogs par ma bzhag na de
rnams las ngo bo tha dad pa'i yan lag can la sogs pa yang med
par mthong nas bya ba byed

nus kyi yan lag can la sogs pa 'jog ma shes pas de ltar 'dod de/
de dag gis yan lag can la sogs pa'i btags don btsal nas ma rnyed
na/ de rnams 'jog mi shes pa yin no/ /de'i phyir shing rta sogs
ming du btags pa tsam

du mi 'dod pas shing rta la sogs pa rnams rang gi mtshan nyid
kyis grub par 'dod pa yin pas/ de la gsung rab kyi don phyin ci
log tu rtogs pa zhes 'grel par gsungs te/ lugs dam pa 'dis ni
yan lag tshogs tsam dang/ de'i ya gyal

sogs gang yang yan lag can la sogs pa'i mtshan gzhir ma bzung
yang/ yan lag can la sogs pa ming du btags pa tsam la bya byed
legs par 'jog nus pa gsung rab kyi don du 'grel pa/ thub pa'i
dgongs pa thun mong ma yin pa yin pas/

rnam dpyod can gyis dgongs pa 'grel lugs 'di la sbyang bar
bya'o/ /drug pa la lnga/ dngos kyi don/ de la rtsod pa spong ba/
shing rta dang bdag gi tha snyad rnams dpe don du sbyar ba/
brten nas btags pa'i bdag khas len pa'i yon tan gzhan bstan pa/
mkhas

@220b rmongs kyi 'ching grol gyi gzhi'i bdag ngos gzung ba'o/
/dang po ni/ gang gi phyir 'jig rten gyi kun rdzob 'di sngar
bshad pa de ltar btags don 'tshol ba'i rnam pa bdun du dpyad pa
na/ yod pa rnyed par mi 'gyur zhing/ ma brtags pa grags pas yod
pa de nyid kyi phyir/

rnal 'byor pas sngar bshad pa'i rim pa 'di nyid kyis bdag dang
shing rta 'di la sngar ltar rnam par dpyod pa na/ ches myur ba
kho nar de kho na nyid kyi gting dpogs par 'gyur ro/ /de ji ltar
yin zhe na/ shing rta rang bzhin gyis grub pa zhig yin na rnam
pa bdun gyis btsal

ba na nges par bdun po gang rung zhig tu rnyed dgos pa la/ rnal
'byor pas shing rta 'di'i yod pa nyid mi rnyed do/ /de'i tshe
rnam pa bdun gyis btsal ba na mi rnyed pa gang de ji lta bur na
rang bzhin gyis yod ces te med do/ /de'i phyir shing rta ngo bo
nyid kyis grub pa zhes bya

ba ni/ ma rig pa'i ling tog gis blo'i mig nyams par byas pa kho
nas brtags pa yin gyi/ rang bzhin gyis grub pa ni yod pa ma yin
no snyam pa de ltar rnal 'byor pa la nges pa skye bar 'gyur
zhing/ tshul des de kho na nyid la yang rnal 'byor pa bde blag tu
'jug par

'gyur ro/ /'ang gi sgras ni kun rdzob kyi rnam gzhag nyams par
yang mi 'gyur ba bsdu'o/ /de bas na dbu ma pa'i skabs 'dir shing
rta de'i grub pa'i tshul ni ma brtags par grub pa de bzhin du
'dod par bya'o/ /dbu ma pa'i lugs la mkhas pa dag gis sngar

bshad pa'i phyogs 'di ni skyon med cing phan yon dang bcas pa'o
snyam du bsams te nges par khas blang bar bya'o zhes gsungs pas/
'di'i lugs skyon med pa rang gi lugs la khas blang bar bya'i/
/'di la lugs yod pa min no zhes gnod bkur

@221a @#/ /bar mi bya'o/ /gnyis pa ni/ 'dir smras pa/ rnal 'byor
pas sngar ltar dpyad pa na shing rta ma dmigs pa la rag mod/
de'i yan lag tshogs pa tsam zhig dmigs pa ni rang bzhin gyis yod
do zhe na/ snam bu tshig pa'i thal

ba la snal ma tshol ba khyod ni bzhad gad du bya ba zhig ste/
shing rta rang bzhin gyis yod pa nyid min na/ de'i tshe yan lag
can ngo bo nyid kyis med pas/ de'i yan lag dag kyang ngo bo nyid
kyis med do/ /gal te shing rta so sor zhig pa na de'i 'phang lo
la sogs

pa tshogs pa dmigs pa nyid ma yin nam/ de'i phyir yan lag can med
par yan lag dag kyang med do zhes ci ste brjod ce na/ de ni de
ltar ma yin te so sor gyes pa'i yan lag shing rta'i yan lag tu
'dzin pa ni/ sngar de rnams shing rta dang 'brel

bar rig pa kho nas/ 'phang lo la sogs pa 'di dag ni shing rta'i
yan lag yin no snyam du rtogs kyi/ sngar de ltar mi shes pa
gzhan gyis ni ma yin te/ gang zag de ni 'phang lo sogs kyi rang
gi cha shas la ltos nas/ 'phang lo la sogs pa

kho na yan lag can nyid du rtogs par 'gyur ro/ /gang zag de'i
ngor 'phang lo la sogs pa shing rta dang 'brel ba yang rgyang
ring du spangs pa kho na yin pas/ de'i tshe de dag ni shing rta'i
yan lag tu mi rtogs so/ /gzhan yang shing rta rang bzhin gyis

ma grub na de'i yan lag kyang rang bzhin gyis yod pa min pa'i
don 'di ni/ dpe 'di las shes par bya ste/ dper na shing rta yan
lag can mis tshig na yan lag rnams kyang med pa ste mes 'tshig par
'gyur ba'i dpe de bzhin du/ rnam par dpyod

@221b pa'i gtsub shing gtsubs pa las byung ba'i mi dmigs pa
rtogs pa'i blo shes rab kyi mes/ yan lag can shing rta rang
bzhin gyis grub pa lus pa med par bsregs pa na/ shes rab kyi
me'i bud shing du gyur ba'i yan lag dag gis kyang bdag nyid zug

tshugs par te rang bzhin gyis grub par sdod par byed mi nus te/
shes rab kyi mes nges par bsregs pa'i phyir ro/ /gsum pa ni/ ji
ltar kun rdzob kyi bden pa mi gcad par bya ba'i phyir dang/ rnal
'byor pa rnams de kho na nyid la bde blag tu 'jug par bya ba'i
phyir

shing rta rnam par dpyad pa'i tshul la bsams te brten nas gdags
pa rnam par bzhag pa de bzhin du/ 'jig rten la grags pa'i sgo
nas nye bar len pa phung po lnga dang/ khams drug dang/ de bzhin
du skye mched drug la brten nas bdag kyang shing rta ltar

nye bar len pa po nyid du 'dod de/ de dag la brten nas bdag tu
btags pa'i phyir ro/ /de bzhin du nye bar len pa phung po ni las
yin la/ bdag 'di ni byed pa po'ang yin no zhes rnam par bzhag
go /bzhi pa ni/ bdag brten nas gdags pa la 'jog pa na/

brtan pa dang mi brtan pa la sogs pa'i mthar 'dzin gyi rtog pa'i
rten min pas mi rtag pa la sogs par ngo bo nyid kyis grub par
'dzin pa'i rtog pa bzlog par sla bar 'gyur ro zhes bshad pa/
phung po dag la brten nas btags pa'i bdag 'di ni brten

pa dang mi brtan pa nyid du rang bzhin gyis yod pa min no/ /gal
te bdag mi brtan par ngo bo nyid kyis yod na ni/ bdag dang nye
bar len pa gnyis ngo bo tha dad pa mi rung bas nye bar len pa
nyid bdag tu 'gyur la/ de lta na bdag skad cig so so la ngo bo
nyid

@222a @#/ /kyis skye 'jig so sor byed pas snga phyi 'brel med du
'gyur ba dang/ nye bar blang bar bya ba rnams de'i nye bar len
pa por 'gyur ba'i phyir mi rigs so/ /de bzhin du brtan pa ste
rtag par yang mi 'thad de/ de rtag na sngon gyi tshe

rabs su byung ba'i dus kyi bdag de nyid 'dir byung ba'i bdag yin
pa dang/ tshe snga ma dang 'di'i bdag gnyis kyi nye bar len pa'i
phung po ngo bo tha dad pa yin pas/ bdag gcig tu mi rung ste nye
bar len pa las ngo bo tha dad pa'i bdag med pa'i phyir ro/ /rtsa

sher/ gal te phung po bdag yin na/ /skye dang 'jig pa can du
'gyur/ /zhes gsungs pa 'di las na 'di ni skye 'jig min zhes pa'i
khyad par gnyis bkod pa slob dpon gyi bzhed pa yin no/ /zhes
gsungs te/ skye 'jig ni ngo bo nyid kyis grub pa'o/ /bdag 'di

la rtag pa nyid la sogs pa'i bzhi tshan yang rang bzhin gyis yod
pa min te/ rtsa she las de bzhin gshegs pa brtag pa'i thabs kyis
yongs su rtog par mdzad pa na/ rtag dang mi rtag la sogs bzhi/
/zhi ba 'di la ga la yod/ /ces bya ba la sogs

pa lta bu'o/ /bdag 'di ni de nyid de ngo bo gcig pa dang gzhan
nyid du rang bzhin gyis med do/ /de rnams kyi rgyu mtshan ni bdag
ces bya ba'i dngos po rang bzhin gyis grub pa yod pa min pa'i
phyir ro/ /ji skad du mdo las/ mi zad pa yi chos bzhi ni/ /'jig
rten mgon

gyis bstan pa ste/ /sems can nam mkha' byang chub sems/ /de
bzhin sangs rgyas chos rnams so/ /gal te de dag rdzas yod na/
/de dag yongs su zad 'gyur grang/ /med pa de dag mi zad de/ /de
phyir de dag zad med gsungs/ /zhes so/ /sems can

@222b rdzas su med pas mi zad par gsungs pa ni 'dir khungs so/
/lnga pa ni/ gang zhig btags don rnam pa bdun gyis btsal ba na/
rtag pa dang mi rtag pa nyid du mi srid cing/ bdag gang zhig
rang bzhin gyis grub pa med pa nyid ma mthong zhing/ ma rig

pa'i dbang gis rang bzhin gyis yod pa nyid du zhen nas/ 'jig
ltas bdag 'di ni rang bzhin gyis grub par mngon par zhen pa
rnams 'khor bar 'gyur la/ bdag gang zhig yongs su tshol ba na/ mu
stegs pa bdag 'tshol ba de'i rigs pas phung po

nyid bdag tu mi 'thad par mthong bas/ bdag de'i rang gi ngo bo
la phyin ci log tu gyur pa thams cad phung po las ngo bo tha dad
par zhen cing/ rang gi sde pa rnams kyis kyang phung po las ngo
bo tha dad pa'i bdag med do snyam zhing 'khrul bas/ phung po
tsam nyid

bdag tu khas blangs te/ de gnyis gang rung zhig tu khas blang
dgos snyam du bsams pa'o/ /gsung rab kyi don phyin ci ma log par
'chad pa rnams ni/ snga ma de gnyis gang du yang yod pa ma yin
no snyam du rig nas lan brgyar grol bar 'gyur ba de ni

bdag yin zhing/ 'gro ba mi dang yi dwags dang dud 'gro la sogs
par gnas pa mtha' dag rnams la/ rtag tu dmigs pa'i gzhi gang
zhig la dmigs nas ngar 'dzin pa'i blo rab tu 'byung zhing/ gang
du bdag 'di dbang byed pa nyid dam/ bdag de dang

'brel ba 'ga' zhig tu 'gyur ba bdag 'di gdags pa'i rten mig la
sogs pa nang gi bdag nyid can dang/ phyi rol gang yin pa bdag de
yi bdag gi ba gang yin pa der/ nga yi bar 'dzin pa'i blo 'byung
ba'i bdag de ni/ ma brtags pa'i grags pa'i ngor

@223a @#/ /gti mug ste mi shes pa las grub pa yin gyi rang gi ngo
bos grub pa ni ma yin no/ /gang gi phyir bdag 'di rang bzhin
gyis yod pa min mod kyi/ 'on kyang gti mug ste mi shes pa las
yod par tha snyad 'dogs pa'i phyir/

rnal 'byor pas de 'dra ba'i bdag rnam pa thams cad du ma dmigs
la/ de ma dmigs na'ang mig la sogs pa bdag rang bzhin gyis grub
pa de'i nye bar len pa rnams dmigs par mi 'gyur te/ 'di ltar
rnal 'byor pas ni bdag dang bdag gi ba'i

gzhi'i dngos po 'ga' la yang rang gi ngo bo nyid kyis grub pa
dmigs pa med de/ de'i phyir 'khor ba las grol bar 'gyur te/ rtsa
she las/ nang dang phyi rol nyid dag la/ /bdag dang bdag gi
snyam zad na/ /nye bar len pa 'gag 'gyur zhing/ /de zad pas

na skye ba zad/ ces gsungs so/ /gnyis pa ni/ yang ji ltar bdag
rang bzhin gyis med na bdag gi ba yang rang bzhin gyis med ce
na/ ji ltar byed pa po rdza mkhan med pa can gyi las su bya ba
rdza bum med pa de'i phyir bdag gi ba rang bzhin gyis grub pa
ni/

bdag rang bzhin gyis grub pa med par yod pa min no/ /de'i phyir
bdag dang bdag gi ba gnyis rang bzhin gyis grub pas stong par
lta zhing/ de'i don goms par byed pa na rnal 'byor pa de 'khor
ba las rnam par grol bar 'gyur ro/ /gzugs la sogs pa rang

bzhin gyis grub pa ma dmigs pa na/ gzugs la sogs pa rang bzhin
gyis grub par rtog pa'i chags sogs kyi nyon mongs rnams zad par
'gyur bas/ nyan rang rnams yang srid len pa med par mya ngan las
'da' la/ byang sems ni de

@223b 'dra ba'i bdag med pa mthong du zin kyang/ snying rje'i
gzhan gyi dbang gis byang chub kyi bar du srid pa'i rgyun gyi
skye ba 'dzin par byed do/ /de ltar theg pa che chung gnyis ka'i
lam gyi gnad dam pa yin pa'i phyir mkhas pas ji skad bshad pa'i
bdag med pa yongs

su btsil bar bya'o/ /gsum pa la gsum/ bum snam sogs kyi dngos po
la bsgre ba/ rgyu dang 'bras bu'i dngos po la bsgre ba/ de la
gzhan gyi rtsod pa spang ba'o/ /dang po ni/ ji ltar bdag dang
de'i nye bar len pa'i gdags pa rnams shing rta'i dpyad pa dang
mtshungs pa

de bzhin du/ dngos po gzhan rnams kyi dpyad pa yang yin no zhes
bstan pa'i phyir/ gang dag bum pa dang snam bu dang ri lde dang/
dmag dang nags tshal dang/ 'phreng ba dang ljon shing dang/ khang
khyim dang shing rta phran dang/ 'gron gnas la sogs pa'i dngos
po

de rnams shing rta'i rnam par dpyad pas/ rang rang gi btags don
rnam pa bdun du btsal ba na yod pa ma yin zhing/ btsal ba de las
gzhan du gyur par te ma dpyad par 'jig rten na grags pa'i sgo
nas yod pa yin no/ /shing rta phran la bod kyi bla ma kha cig /

sha ka kra ni 'khor lo can te shing rta'i phran ja sig gsum tsam
'gel ba ste/ de yang 'khor lo dang bar yang yod pa'i khang pa
gcig yin zer ro/ /de bzhin te de lta bu'i rigs can gyi dngos po
gzhan gang dag gi sgo nas skye bo 'dis bsnyad pa ste tha snyad
btags

pa de rnams kyang/ mi brtags pa'i grags pa kho nar yod par rtogs
par bya ste/ rgyu mtshan gang gi phyir na thub pa'i dbang po de
ni 'jig rten dang lhan cig 'jig rten la mi mthun pa'i rtsod pa
mi mdzad par gsungs pa'i phyir te/ dkon brtsegs kyi sdom

@224a @#/ /pa gsum bstan pa las/ 'jig rten nga dang lhan cig
rtsod kyi/ nga ni 'jig rten dang mi rtsod do/ /zhes 'jig rten
gyi tha snyad gnod med kyis yod par bzhag pa rnams/ thub pas
kyang zhal gyis bzhes par gsungs pas na/ /

'jig rten gyi grags pa la gnod par mi bya'o/ /gang yang 'jig
rten pa rnams dngos po gang dag gis ji ltar tha snyad 'dogs zhe
na/ de bstan pa'i phyir bshad pa/ ji ltar bum pa yan lag can
dang gyo mo la sogs pa de'i yan lag dang/ bum pa yon tan

can yin la/ me ris sngo bsangs la sogs pa de'i yon tan dang/ yid
du 'ong ba'i yul la chags pa'i sems can nam gang zag 'dod chags
kyi rten ni chags pa dang/ zag bcas kyi yul yid du 'ong ba la
dmigs nas lhag par sred pa ni 'dod

chags dang/ bum pa ni mtshan gzhi dang/ lto ba ldir ba dang mchu
'phyang ba mgrin pa ring ba la sogs pa dag de'i mtshan nyid dang/
me ni sreg par byed pa dang/ bud shing ni bsreg par bya ba la
sogs pa ni/ yan lag la brten nas yan lag can dang/

yan lag can la brten nas yan lag tu 'dogs te/ de bzhin du med
dang bud shing gi bar du phan tshun brten nas 'dogs pa'i bar
du'o/ /'di rnams kyi btags don rnam pa bdun du btsal ba na med
kyang yod par 'jog nus pa ni/ 'jig rten gyi tha

snyad kyis yin gyi/ de kho na nyid la dpyod pa'i rigs pa'i dpyad
pa mi gzhug go /gnyis pa ni/ yan lag la sogs pa rnams phan tshun
ltos pa'i grub pa yin pa 'ba' zhig tu ma zad kyi / rgyu dang
'bras bu gnyis kyang phan tshun ltos

@224b nas grub pa yin no zhes bshad pa/ gang gi phyir na gal te
rgyu yis bskyed par bya ba 'bras bu skyed pa de lta na skyed
byed de rgyu yin zhing/ gal te 'bras bu mi skyed na ni skyed pa
de med pas/ 'bras bu de rgyu med pa can du 'gyur ro/ /'bras bu
yang

ni rgyu yod par gyur na/ de las skye bar 'gyur ba de yi phyir
rgyu 'bras gnyis kyang phan tshun ltos nas yod pa yin gyi/ rang
bzhin gyis yod pa min no/ /ci ste rgyu 'bras rang gi ngo bos
grub par sems na/ kye rgyu'am 'bras bu gang la brten nas de
gnyis gang zhig

tu 'gyur ba gang zhig ste de gnyis las sngar rgyu gang zhig gam
'bras bu gang zhig 'gyur ba de smros shig de lta rang bzhin
gyis grub pa la rgyu snga ba mi rigs te/ rgyu'i dus su rgyu'i
ltos sa 'bras bu de grub dgos pas so/ /'bras bu snga ba yang mi
rigs te rgyu med du 'gyur

bas so/ /de'i phyir rgyu dang 'bras bur gdags pa yang shing rta
ltar phan tshun brten nas grub par rig par bya'i rang bzhin las
gyur pa ni ma yin no/ /gzhan yang gal te rgyu yis 'bras bu rang
bzhin gyis skyed par byed na/ 'bras bu dang phrad nas

sam ma phrad par skyed par byed/ de la gal te khyod kyi ltar na
rgyu yis 'bras bu dang phrad nas 'bras bu skyed par byed na/ de
yi tshe rgyu 'bras de dag nus pa gcig tu 'gyur te/ klung dang
rgya mtsho'i chu phrad pa bzhin no/ /gcig tu song na 'di ni rgyu
dang 'bras

bu'o zhes dbye bar mi nus te/ skyed byed dang 'bras bu tha dad
med par 'gyur ba'i phyir gang gis gang zhig skyed par gyur/ ci
ste so sor te ma phrad par skyed na ni/ 'bras bu'i rgyur 'dod pa
'di/ de'i rgyu min pa rnams dang skyed mi skyed khyad par med
par

@225a @#/ /'gyur te/ rang bzhin gyis grub pa'i so so ba rnams
'brel med don gzhan du 'gyur ba'i phyir ro/ /rgyu 'bras rang
bzhin gyis grub par smra ba la bskyed bya bskyed byed la phrad
ma phrad kyi rtog pa gnyis po 'di dag spangs nas te de

ma gtogs pa'i rtog pa gsum pa gzhan yang yod par 'gyur ba ma yin
pas rang bzhin gyis grub pa'i rgyus 'bras bu mi skyed pa kho
na'o/ /de'i phyir ci ste khyod kyi ltar rang bzhin gyis grub
pa'i rgyu yis 'bras bu skyed par mi byed pa de'i phyir 'bras bu

zhes bya ba rang bzhin gyis yod pa min la/ rgyu rgyu nyid du
'jog pa'i rgyu mtshan ni / 'bras bu 'byung ba yin na gal te 'bras
bu dang bral ba ste med par yang rgyu rgyu nyid du 'jog nus na
ni/ de'i tshe rgyu ni rgyur 'jog

pa'i rgyu mtshan med pa can du 'gyur na/ 'di ni yod pa'ang min
te/ de'i phyir rgyu 'bras gnyis rang bzhin gyis yod pa min no/
/'o na khyod kyi ltar na ji ltar yin zhe na/ rgol ba gang gi
ltar na bskyed bya skyed byed gnyis rang gi mtshan nyid kyis grub
par

'dod pa de la/ rgyus 'bras bu dang phrad ma phrad kyi brtag pa
byas nas phyogs gnyis ka la skyon du 'gyur ba yin gyi/ gang gi
phyir gang gi ltar na dngos po rnams log par kun brtags pa'i
dbang gis bskyed cing tha snyad tsam gyi rtog pas bzhag pa'i

phyir/ rgyu 'bras 'di dag gnyis car yang ni sgyu ma dang 'dra
bar rang bzhin gyis ma skyes pa yin zhing/ rang bzhin gyis grub
pa med kyang rab rim can gyis dmigs pa'i sgras shad la sogs pa
ltar/ tha snyad pa'i rnam par rtog pa tsam gyis 'jog pa'i

@225b yul du 'gyur ba la ni/ rang bzhin gyis grub pa'i rgyu
'bras khas len pa la bkod pa'i skyon mtshungs pa bsam du med pa
nyid do/ /de yi phyir bdag la ji skad bshad pa'i phrad ma phrad
kyi skyon du mi 'gyur zhing/ 'jig rten la grags pa yi dngos po
ma brtags

par grub pa rgyu 'bras dang shing rta la sogs pa rnams kyang yod
pas thams cad 'grub bo/ /'dir 'grel pas dgag bya'i khyad par
rang bzhin gyis dang rang gi ngo bos grub pa sogs kyi rgyu 'bras
la gnod pa brjod pa/ rang bzhin gyis med pa sgyu ma ltar smra ba

la tshur la bzlog na mi 'jug ces smra dgos pa yin gyi/ rang bzhin
gyis grub pa dang yod pa gnyis kyi khyad par ma phyed pa'i lan
ltar snang 'ba' zhig 'debs pa mi bya'o/ /gsum pa la gnyis/ rgyu
'bras rang bzhin gyis grub pa 'gog pa la skyon mtshungs

pa'i rtsod pa/ rang la skyon mi mtshungs pa'i lan bstan pa'o/
/dang po ni/ 'dir rgyu 'bras rang bzhin gyis grub pa bkag pa'i
lan du/ kha cig 'di skad du rgyus 'bras bu skyed pa la phrad ma
phrad kyi brtag pa byed pa ni khyed la yang mtshungs so/ /ji ltar
zhe na/

khyod kyi sun 'byin pa 'dis sun dbyung bya phrad nas sun 'byin
nam/ ma phrad par sun 'byin pa yin zhes pa'i nyes pa 'di ni
khyod la'ang 'gyur ba ma yin nam ste yin te/ 'di ltar gal te
phrad nas sun 'byin na gcig tu 'gyur bas gang gis gang

sun 'byin/ 'on te ma phrad par sun 'byin na ni/ ma phrad par
mtshungs pa thams cad kyis sun 'byin par 'gyur bas mi rigs la/
brtags pa gnyis po 'di las gzhan pa'i brtag pa gsum pa yang med
do/ /de ltar byas na khyod kyi sun 'byin pa

@226a @#/ /la sun dbyung bya sun 'byin pa'i nus pa med pas/ khyod
kyi sun 'byin nyid sun phyung ba yin pas shugs kyis na rgyu
'bras kyi dngos po yang rang bzhin gyis grub pa nyid do zhes
brtan pa'i phyir smras pa/ gang gi tshe sun 'byin ltar

snang de skad smra zhing rang gi phyogs kho na rnam par 'joms pa
de'i tshe khyod kyis gzhan gyi lugs sun dbyung bar bya ba sun ni
'byin par nus pa ma yin no/ /gzhan yang gang gi phyir na rgol ba
rang gi tshig la'ang phyir rgol gzhan la 'phangs pa'i thal ba

mtshungs pa'i ltag chod kyis te sun 'byin ltar snang gis/ rigs pa
med par dngos po mtha' dag la skur pa 'debs pa de'i phyir khyod
ni skye bo dam pas bzhed pa ste 'dod par mi 'gyur ro/ /ji ltar
zhe na/ ma phrad par skyed na ma phrad par mtshungs

pa thams cad kyis skyed dgos pa la/ de dag gis skyed pa ma yin
no zhes bya ba 'di la rigs pa ci zhig yod/ 'di ltar khab len
gyis ma phrad pa nyid du rung ba'i yul na gnas pa'i lcags 'dren
par byed kyi ma phrad pa thams cad ni mi 'dren la/

mig gis kyang ma phrad pa kho nar rung ba'i yul na gnas pa'i
gzugs mthong gis/ ma phrad pa thams cad mi mthong ba de bzhin
du/ rgyus kyang ma phrad par skyed du zin kyang ma phrad pa
thams cad skyed par mi 'gyur gyi/ 'bras bu rung ba kho na skyed
par

byed do/ /gzhan yang gang gi phyir khyod ni sun ci phyin du rgol
ba nyid du yang 'gyur te/ rang gi phyogs bzhag pa dang bral
zhing gzhan phyogs sel ba tsam la zhugs pa'i rgol ba ni sun ci
phyin du rgol ba pa zhes bya na/ khyod kyang de ltar gnas pa'i

@226b phyir ro zhe na/ gnyis pa la bzhi/ rang gi phyogs la sun
'byin dang sgrub pa 'thad tshul/ gzhan gyi thal ba mi mtshungs
pa'i rgyu mtshan gsal bar bshad pa/ rang bzhin med pa bsgrub nus
pa bzhin du gzhan gyis bzlog ste bsgrub mi nus pa/ 'dir ma bshad

pa'i sun 'byin lhag ma shes par byed tshul lo/ /dang po la gnyis/
tha snyad du gzhan phyogs sun 'byin pa khas len tshul dang/ rang
gi phyogs sgrub pa khas len tshul lo/ /dang po ni/ 'di la brjod
par bya ste/ sun 'byin pas sun dbyung bya ma phrad

par sun ni 'byin par byed dam/ 'on te phrad nas sun 'byin par
byed pa yin zhes sngar smras zin pa'i nyes pa ni/ 'dir rgol ba
gang la phyogs yod pa ste rang bzhin gyis grub pa'i don dam
'cha' ba de la skyon du 'gyur gyi/ bdag la rang bzhin kyis

grub pa'i don dam 'cha' ba'i phyogs 'di ni yod pa min pas/ phrad
ma phrad gnyis ka la skyon bstan pa'i thal bar 'gyur ba 'di ni/
bdag la srid pa ma yin te/ nged kyi ltar na sun 'byung bya dang
sun 'byin pa gnyis ka rang bzhin gyis ma grub par

khas len pa'i phyir ro/ /'grel par sngar gzhan gyi phyogs la
rgyus 'bras bu skyed pa la phrad ma phrad kyi brtag pa byas pa'i
skyon rang la mi mtshungs pa'i rgyu mtshan du/ pha rol pos rgyu
'bras rang gi mtshan nyid kyis grub par khas blangs la/

rang gis rang bzhin gyis ma grub pa'i sgyu ma bzhin du khas
blangs pa bkod do/ /skabs 'dir yang gzhan la 'phangs pa'i skyon
rang la mi 'ong ba'i rgyu mtshan du rang bzhin gyis ma grub pa'i
phyir ro/ /zhes gsungs pas rang la mi mtshungs pa'i

@227a @#/ /rgyu mtshan ni/ phyogs gnyis rang bzhin gyis grub pa
khas mi len pa yin par gdon mi za bar 'dod par bya'o/ /de'i
phyir rtsod zlog las/ gal te ngas dam bcas 'ga' yod/ /des na nga
la skyon de yod/ /nga la dam bca'

med pas na/ /nga la skyon med kho na yin/ /zhes sogs kyis dam
bca' dang phyogs med par gsungs pa thams cad kyi don yang sngar
bzhin shes par bya'o/ /ji skad du rgyal pa'i yum las/ tshe dang
ldan pa rab 'byor/ ci skyes pa'i chos kyis ma skyes pa'i thob pa
'thob par 'gyur ma/ 'on te ma skyes pa'i chos kyis ma

skyes pa'i thob pa 'thob par 'gyur/ rab 'byor gyis smras pa/ tshe
dang ldan pa shA ri'i bu kho bo ni skyes pa'i chos kyis ma
skyes pa'i thob pa 'thob par mi 'dod la/ ma skyes pas kyang ma
skyes pa'i thob pa 'thob par mi 'dod do/ /shA ri'i bus smras
pa/ tshe dang ldan

pa rab 'byor yang ci thob pa med cing mngon par rtogs pa med
dam/ rab 'byor gyis smras pa/ tshe dang ldan pa shA ri'i bu thob
pa yang yod mngon par rtogs pa yang yod mod kyi/ gnyis kyi tshul
gyis ni ma yin no/ /tshe dang ldan pa shA ri'i bu thob pa dang

mngon par rtogs pa ni 'jig rten gyi tha snyad du yin la/ rgyun
du zhugs pa dang/ lan cig phyir 'ong ba dang/ phyir mi 'ong ba
dang/ dgra bcom pa dang/ rang sangs rgyas dang/ byang chub sems
dpa' yang 'jig rten gyi tha snyad du yin gyi/ don dam par ni
thob

pa med cing mngon par rtogs pa med do zhes rgya cher gsungs pa
lta bu'o/ /de la ma skyes pa'i thob pa 'thob par mi 'dod do zhes
pa yan chad kyis/ thob bya thob byed gnyis kyi btags don btsal
ba na thob pa med par 'gyur bas/ de ltar dpyad pa'i

@227b tshe phyogs gnyis kyi sgo nas thob bya 'thob pa bkag cing/
gnyis su dpyad pa'i thob bya yang rang bzhin gyis grub pa'i
dngos po med pa la mi rigs pa'i phyir/ ma brtags par 'jig rten
gyi tha snyad du thob par khas blangs pa ni/ 'thob pa yang yod

ces pa nas gnyis kyi tshul gyis ni ma yin no/ /zhes pas bstan te/
thob pa zhes pa ni thob bya thob pa dang mngon par rtogs pa la
bya'o/ /de gnyis don dam par med pa tha snyad du khas len pa de
bzhin du/ sun 'byin byed kyis sun dbyung bya don dam

par sun mi 'byin kyang tha snyad du sun 'byin par shes par
bya'o/ /gnyis pa ni/ gzhan yang ji ltar te dper na khyod kyis
gzugs brnyan mthong ba la yang brten nas/ nyi ma'i dkyil 'khor
dang byad bzhin la yod pa'i khyad par rnams nyi ma gzas bzung

ba la sogs pa rnams kyi tshe/ mthong bar 'gyur la/ nyi ma dang
byad bzhin dang de dag gi gzugs brnyan gnyis rnam par phrad pa
dang ma phrad par skye zhes btags don 'tshol ba'i tshul gyis dpyad
pa na skye ba mi rigs mod kyi/ 'on kyang nyi ma dang byad bzhin

la brten nas tha snyad kyi dbang gis bzhag pa tsam gyis gzugs
brnyan zhig 'byung bar 'gyur zhing/ des kyang 'dod pa'i don nges
pa dang gzugs brnyan mi bden bzhin du'ang/ rang gi byad bzhin
mdzes par bsgrub par bya ba'i phyir/ gzugs brnyan de la

ni nus pa yod pa ji lta ba de bzhin du/ 'dir yang gdong pa dang
'dra ba'i shes rab kyi dri ma ma rig pa sbyang bar bya ba la/
nus pa mthong bar 'gyur ba'i gtan tshigs rten 'brel dang gcig du
bral sogs las bsgrub bya rang bzhin gyis med pa rtogs

@228a @#/ /par shes par bya'o/ /de yang rang bzhin gyis yod par
sgrub pa'i 'thad pa dang bral ba'i gtan tshigs so/ /kyang gi
sgras ni rang bzhin gyis grub pa'i 'thad pa dang bral ba'i sun
'byin gyis kyang sun dbyung bya sun 'byin nus pa'i

shes par bya'o/ /gang gi phyir ming tsam pa'i btags yod du smra
ba rnams la/ btags don 'tshol ba'i gnyis su smra ba mi rigs pa'i
phyir/ gnyis la brten nas sun 'byin pa dang lan smra bas dbu ma
pa la rnam pa thams cad du glags mi rnyed de/ brgya ba

las/ yod dang med dang yod med ces/ /gang la phyogs ni yod min
pa/ /de la yun ni ring po na'ang/ /klan ka brjod par nus ma yin/
/zhes bya ba dang/ rtsa she las kyang/ stong pa nyid kyis brtsad
byas tshe/ /gang zhig lan 'debs smra byed pa/ /de yis

thams cad lan btab min/ /bsgrub par bya dang mtshungs par 'gyur/
/zhes gsungs so/ /sun 'byin byed dang sun dbyung bya la phrad ma
phrad kyi dpyad pa bstan pa 'dis ni/ skyed par byed pa'i rgyu la
yang 'bras bu dang phrad ma phrad kyi dpyad pa byas nas 'gog par

shes par bya'o/ /'dir legs ldan gyis dbu ma'i bstan bcos 'dir
skyed byed kyi rgyu'i skabs su bab kyi/ gsal byed kyi rgyu la ni
ma yin la/ phrad pa dang ma phrad pa'i dpyad pa yang gsal byed
gyi rgyu la yin gyi skyed byed kyi rgyu la ni min pas/ kho bo
cag

gi tshig rnams la ltag gcod kyi gnas med pa nyid do/ /zhes skyed
byed kyi rgyu la gsal byed dam shes byed kyi rgyu gtan tshigs
sogs la phrad ma phrad kyi dpyad pa byed pa'i dpyad pa byar med
do zhes smra ba ni lan ma yin te gzhan gyi glags dang bcas pa
ste skyon

@228b brjod dang bcas pa'i lan brjod na/ pha rol po mi bzod la
skyed par byed pa la bden pa khas blangs na skyon 'jug pa ltar/
gsal byed kyi rgyu la'ang rang bzhin gyis grub pa khas blangs na
skyon yod pa'i phyir ro/ /gzhan yang legs ldan 'dis dbu ma'i

bstan bcos su rang bzhin med par dam bcas pa'i don sgrub pa'i
phyir du bkod ba'i sgrub byed la/ gzhan gyis sun 'byin pa bkod
pa rnams kyi skyon spong la ltag gcod kyi lan smra bar byed pas/
'di ni gzhan gyis sun dbyung bar bya pa kho na yin pas rang

bzhin gyis grub pa khas blangs na/ skyed byed dang gsal byed kyi
rgyu gnyis ka la phrad ma phrad kyi skyon mtshungs kyang/ de khas
mi len pa'i phyir skyon med do zhes pa kho po cag gis btab pa'i
lan kho na ches mdzes so/ /gnyis pa ni/ gal te rang gi

bsgrub bya go byed gtan tshigs kyi dngos po ste ngo bo dang/
dngos su go bar bya ba nyid du 'gyur ba bsgrub bya'i ngo bo rang
bzhin gyis grub pa yod par gyur na/ bsgrub bya dang sgrub byed
phrad pa dang/ la sogs pas ma phrad par sgrub pa dang sun 'byin
pa'i

rigs pa nye bar sbyor bar 'gyur ba zhig na/ rang bzhin gyis grub
pa de yang yod pa min pas ma dag pa'i phyogs la bkod pa'i skyon/
/dag pa'i phyogs la khyed kyis bkod pa 'di ni kho bo cag la don
med par yi chad pa ste yid 'byung ba 'ba'

zhig yin par rtogs te/ dper na rab rib can gyis dmigs pa'i skra
shad la sogs pa rnams kyi gcig nyid dang/ mang po nyid dang/
zlum po nyid dang/ nag po la sogs pa'i phyogs sun 'byin pas/ rab
rib med pa rnams la mi gnod pa de

@229a @#/ /bzhin du/ rang bzhin med pa'i rgyu dang 'bras bu rnam
par dpyod pa na/ khyod kyis btags don 'tshol ba'i gnyis kyi dpyad
pa bzung nas sun 'byin pa bkod pas kyang mi gnod do/ /de nyid
kyi phyir gang dag mig dang khab len la/

sogs pas ma phrad par rang gi bya ba byed par rnam par bzhag
pa'i dpe de dag kyang bkag par rig par bya ste/ rang bzhin gyis
grub par khas len na de dag la yang phrad ma phrad kyi thal ba
mtshungs pa'i phyir ro/ /gang zhig khyod rang bzhin med pa

nyid kyi lam drang po btang nas/ rtog ge ngan pa'i lam shin tu
'khyog pa/ rang gi rnam par rtogs pa'i bzo ngan pas sbyar ba/
yang dag pa'i lam 'gegs par byed pa la spro ba/ te bor te shin
tu tshogs che ba 'dis khyod la ci zhig bya/ gsum pa ni/

gzhan yang ji ltar sgyu ma dang rmi lam la sogs pa phyir rgol
rang gi phyogs la'ang grub pa'i dpe kho nas/ phyir rgol gyi 'jig
rten gyis dngos po rnams mtha' dag dbu ma pas dngos po ste rang
bzhin gyis grub pa med par rtogs su gzhug par

nus pa ni/ ches sla ba ji lta ba de ltar pha rol po las gzhan
dbu ma pa dag la dngos po rnams rang bzhin gyis grub par khong
du chud par bde blag tu ni nus pa ma yin te/ gnyis ka la bden
par grags pa'i dpe med pa'i phyir ro/ /'dis ni bden

med sgrub pa'i gtan tshigs rten 'brel lta bu la/ bden med kyis
khyab pa mthun dpe'i steng du ma nges par bden med chos can gyi
steng du tshad mas nges par byar med par gsungs so/ /de lta na
kho bos dngos por smra ba'i rtsod pa thams cad bzlog pa yin

@229b la/ chos mthun gyi lan yang sus kyang brjod par mi nus so/
/de'i phyir 'jig rten la don ma yin pa'i gnod pa bya ba'i phyir/
'dir khyod su zhig gis bcol ba ste sbad cing/ khyod 'jig rten pa
rnams rang gi nyon mongs dar gyi srin bu ltar rang gi rnam

rtog ngan pa'i sbubs kyis gtums pa'i steng du/ rtog ge ngan pa'i
srad bu bres pa'i dra bas te rgya shin tu sran te ma kun nas
'dzugs par ci ste byed/ bden 'dzin gyi rtsod pa 'di ni dor bar
bya dgos te/ /dngos po gzugs brnyan dang 'dra ba'i brdzun pa

thams cad la/ rang dang spyi'i mtshan nyid dang mngon sum mam
rjes su dpag pa'am rang bzhin gyis grub pa ci zhig yod/ /'dir ni
shes bya thams cad la mngon sum gcig kho nar zad de gang thams
cad mkhyen pa'i ye shes so/ /bzhi pa ni/ sa bon la

brten nas myu gu skye ba lta bu'i rten cing 'brel par 'byung ba
dang/ phung po la brten nas gang zag gdags pa lta bu'i brten nas
btags pa rnam par gzhag par bya ba'i skabs su/ dngos por smra
ba'i phyogs la sun 'byin gang bshad pa de nyid kyi lhag

ma rgyus 'bras bu phrad nas sam/ ma phrad par skyed ces sun
'byin pa gong du bstan pa yang ni shes par byas nas/ rgyus 'bras
bu phrad nas sam la sogs pas ma phrad par skyed ces brtags te
bkag pa'i phyogs kyi lan brjod pa'i ched du/

pha rol pos sun 'byin la phrad ma phrad kyi brtag pa gang gis
smras pa de la rtsod pa'i skabs 'dir/ de'i brtag pa rang la mi
mtshungs pa'i lan gyi sun 'byin pa gtang bar bya ste/ sngar bstan
pa de ni mtshon pa tsam du shes par bya'o/ /bstan bcos

@230a @#/ /rtsa she las ni dgag gzhag byas pa'i dgos pa/ bden
'dzin gyi rnam rtog ldog pa nyid brjod par 'dod pa yin la/ de
yang kho bo cag gis so so skye bo rnams ni rtog pas bcings/ zhes
sogs kyi skabs su bstan zin pa'i phyir/

bstan bcos la sun ci phyin du rgol ba ga la yod de/ sun ci phyin
du rgol ba ni rang gi phyogs bzhag na skyon byung gis dogs nas/
gzhan gyi phyogs sun ci phyin byed pa yin pa'i phyir ro/ /'dir
bdag gis gzhan gyi phyogs bsal ba yang don dam

par med de/ don dam par dngos po gang yang med pa'i phyir ro/
/de'i phyir sun ci phyin du rgol ba ga la yod/ gang gis na rang
gi phyogs gzhag tu med cing gzhan gyi phyogs bzlog pa don dam
par 'dod pa'i mtshan nyid byas pa 'di/ sun ci phyin du rgol

ba pa'i yang dag pa'i mtshan nyid du 'gyur ba/ dbu ma pa sus rang
gi phyogs tha snyad du ma bzhag cing/ gzhan gyi phyogs bzlog pa
don dam du 'dod pa gnyis ka med pas/ dbu ma pa la sun ci phyin
du rgol ba yang yod pa min pas/ rnam pa thams cad

du mi rigs so/ /de skad de de ltar sngar bshad pa'i sun 'byin
pa'i lhag ma ni/ de ma thag tu bshad pa'i phyogs 'di nyid kyis
rtogs par bya'o/ /de la de nyid de las 'byung min zhes bya ba
'di nas brtsams te/ rnam dpyod pa ni myur du grol bar 'gyur/

zhes bya ba'i bar 'dis ni chos kyi bdag med pa gsal bar byas so/
/nyon mongs skyon rnams ma lus 'jig tshogs la/ /lta las byung bar
zhes bya ba la sogs pa nas 'di yan chad kyis ni gang zag gi bdag
med pa gsal bar byas so// ! //

@230b gsum pa la gnyis/ stong pa nyid kyi dbye ba mdor bstan pa/
phye ba so so'i don rgyas par bshad pa'o/ /dang po ni/ stong pa
nyid kyi rab tu dbye ba brjod par 'dod nas bshad pa/ chos rnams
rang bzhin gyis grub pa med pa'i bdag med 'di ni/ /bcom ldan

'das kyis gang zag gi bdag med pa dang/ chos kyi bdag med pa'i
dbye ba rnam pa gnyis su gsungs so/ /de gnyis su 'byed tshul de
yang gzhi gang zag dang chos kyi steng du med rgyu'i bdag mi
'dra ba gnyis kyi sgo nas phye ba min te/ med rgyu'i bdag ni

rang bzhin gyis grub pa yin pas so/ /de'i phyir gzhi chos can
phung sogs kyi chos dang gang zag gi dbye bas phye ba'o/ /dgos
pa ci'i phyir de gnyis bstan zhe na/ gang zag gi bdag med ni
nyan rang gi 'gro ba rnams 'khor ba las rnam par grol

bar bya ba'i phyir bstan la/ byang sems kyi 'gro ba rnams thams
cad mkhyen pa thob pas rnam par grol bar bya ba'i phyir bdag med
gnyis ka bstan no/ /sngar bshad pa ltar nyan rang la yang rten
'brel rkyen nyid 'di pa tsam gyi de kho na nyid

mthong ba yod mod kyang/ de dag la sngar bshad pa ltar gyi chos
kyi bdag med pa rnam grangs dang/ dus kyi sgo nas yongs su
rdzogs par bsgom pa med pa ste/ 'on kyang khams gsum gyi nyon
mongs kyi sa bon spong ba'i thabs tsam zhig ni yod do/ /de dag

la gang zag rang bzhin gyis grub pa'i gang zag gi bdag med pa ma
lus par sgom pa ni yod par rnam par gzhag go /gang zag bden grub
'gog pa'i rigs pa'i rnam grangs mtha' yas pa'i shes rab mi skyed
kyang/ nyon mongs kyi sa bon gyi gnyen po rdzogs

@231a @#/ /par sgom pa yod la/ shes bya'i sgrib pa'i gnyen po
rdzogs par sgom pa ni med do/ /de ltar bdag med pa gnyis po
'di nyid ni bcom ldan 'das kyis slar yang gdul bar bya ba
rnams la de dag gi bsam pa sna tshogs pa'i dor

rnam pa mang po'i spros pa dang bcas par phye ste gsungs so/
/ji ltar zhe na/ rgyal ba'i yum las stong pa nyid bcu drug gi
dbye ba bshad nas/ slar yang mdor bsdus te bzhir bzhag cing de
dag ni theg chen du yang bzhed pa ste bshad pa yin no/ /de
ltar

na bsdus pa'i dbye ba gnyis dang/ 'bring po'i dbye ba bzhi
dang/ rgyas pa'i dbye ba bcu drug tu gsungs so/ /ji skad du/
rab 'byor gzhan yang byang chub sems dpa'i theg pa chen po 'di
lta ste/ nang stong pa nyid dang/ phyi stong pa nyid dang/
phyi nang stong pa nyid dang/ stong pa nyid stong pa

nyid dang/ chen po stong pa nyid dang/ don dam pa stong pa
nyid dang/ 'dus byas stong pa nyid dang/ 'dus ma byas stong pa
nyid dang/ mtha' las 'das pa stong pa nyid dang/ thog ma dang
tha ma med pa stong pa nyid dang/ dor ba med pa stong pa nyid
dang/ rang bzhin stong pa nyid dang/

chos thams cad stong pa nyid dang/ rang gi mtshan nyid stong pa
nyid dang/ mi dmigs pa stong pa nyid dang/ dngos po med pa'i
ngo bo nyid stong pa nyid do/ /zhes stong nyid bcu drug bstan
nas/ rab 'byor gzhan yang dngos po ni dngos pos stong ngo/
/dngos po med pa ni

dngos po med pas stong ngo/ /rang bzhin ni rang bzhin gyis
stong ngo/ /gzhan gyi dngos po ni gzhan gyi dngos pos stong
ngo/ /zhes slar yang stong pa nyid bzhi bstan no/ /stong pa
nyid 'di rnams ni theg pa chen po zhes bya'o/ /stong pa nyid
dam stong pa nyid ma yin

@231b pa rang bzhin kyis grub pa ni cung zad kyang yod pa ma
yin te/ stong pa nyid so so ba'i rnam pa de lta bus 'dul ba
kun rdzob tu yod par bsnyad par zad do/ /de skad du yang rtsa
ba shes rab las/ gal te stong min cung zad yod/ /stong pa cung
zad yod par 'gyur/ /mi stong

cung zang yod min na/ /stong pa'ang yod par ga la 'gyur/ stong
ngo zhes kyang mi brjod de/ /mi stong zhes kyang mi bya zhing/
/gnyis dang gnyis min mi bya ste/ /gdags pa'i don du brjod par
bya/ /zhes gsungs te/ snga ma dag gis ni ngo bo nyid kyis grub
pa'i phyogs

su mi brjod pa dang/ tha mas ni gdags pa'i don kun rdzob tu
yod par brjod par bya ba'i don no/ /gnyis pa la gnyis/ stong
nyid bcu drug tu phye ba rgyas par bshad pa dang/ stong nyid
bzhir phye ba rgyas par bshad pa'o/ /dang po la bzhi/ nang
stong pa nyid la sogs pa

bzhi bshad pa dang/ chen po stong pa nyid la sogs pa bzhi
bshad pa dang/ mtha' las 'das pa stong pa nyid la sogs pa bzhi
bshad pa dang/ chos thams cad stong pa nyid la sogs pa bzhi
bshad pa'o/ /dang po la gnyis/ nang stong pa nyid bshad pa
dang/ stong

nyid lhag ma gsum bshad pa'o/ /dang po la gnyis/ dngos kyi don
dang/ zhar la rang bzhin khas len tshul bstan pa'o/ /dang po
ni/ nang gi chos mig la sogs pa drug po/ rang bzhin gyis grub
pa med pa nyid gang yin pa de ni nang stong pa nyid du 'dod
do/ /de yang

mig ni mig rang gi ngo bo nyid kyis grub pas stong ste/ mig
de'i rang bzhin ni rang gi ngo bo nyid kyis grub bas stong pa
de yin pa'i phyir ro/ /mig la bshad pa de bzhin du rna ba dang
sna dang lce dang lus dang yid kyang bsnyad par bya'o/ /de
ltar stong pa'i rgyu mtshan

@232a @#/ /gang gi phyir na mig sogs de rnams ni don dam par
ther zug tu gnas pa ma yin pa dang/ 'jig pa min pa nyid kyi
phyir ro/ /'dir pa tshab kyis ther zug tu gnas pa min pa ni
rang bzhin mi 'dor pa la bya'o/ /de yang dus cung zhig gnas

nas ldog bar yang 'gyur bas 'jig pa ma yin pa nyid kyi phyir
ro/ /zhes gsungs so/ /'di skad bstan par 'gyur te dngos po
gang zhig rang bzhin dang bcas pa de nyid ni/ gor ma chag par
ther zug pa ma yin pa dang mi ldog pa zhag tu 'gyur dgos so/
/zhes

bsgyur ba ni 'gyur 'phyugs pa yin te/ de lta yin na bsgrub
bya'i chos log pa la rtags kyis khyab dgos par 'gyur ba'i
phyir ro/ /des na nag tsho'i 'gyur las/ dngos po gang zhig rang
gi ngo bo nyid kyis yod pa de ni ther zug tu gnas pa'am/ nyams
par

'gyur ba zhig tu 'gyur ro zhes bsgyur ba ltar legs pas/ snga
ma ni dgag sgra 'don lugs 'phyugs par gsal lo/ /'grel bshad
las/ ther zug gnas pa nyid dang ni/ /mi 'jig ma yin nyid kyi
phyir/ /zhes bton nas mig sogs la rang bzhin

yod na/ rang bzhin la rnam 'gyur dang 'jig pa med pas/ de
rnams la rnam 'gyur dang 'jig pa med par 'gyur ba las/ de yang
yod pa ma yin pa'i phyir de rnams rang bzhin med pa'o/ /zhes
'chad pa yang rigs pa ma yin te/ de lta yin na 'jig

pa med par 'gyur ba las 'jig pa yod pa'i phyir/ zhes bya dgos
na de ni mdo las/ 'jig pa ma yin pa nyid kyi phyir ro zhes
gsungs pa dang 'gal lo/ /ther zug tu gnas pa min pa nyid ni/
zhes pa yang nag tsho'i 'gyur las/ ther zug ni nyams

@232b pa med pa'i ngo bo nyid la brjod la/ /zhes bsgyur ba
ltar bya'o/ /da ltar ther zug tu gnas pa'i rtag pa bkag pa na/
mig sogs de yang rang dus su cung zad gnas nas/ de'i 'og tu
ldog pa'i 'jig par bden nam snyam pa 'gog pa la 'jig pa ma yin
pa

nyid kyi phyir/ zhes gsungs so/ /don bsdu na rtag mi rtag gang
du yang mi bden pa'i phyir zhes pa'i don to/ /nyi khri snang
ba las 'di las tshul gzhan du yang gsungs so/ /chos rnams kyi
rang bzhin de yang rtsa ba shes rab las/ rang bzhin rgya dang
rkyen

dag las/ /'byung bar rigs pa ma yin no/ /rgyu dang rkyen las
byung ba ni/ /rang bzhin byas pa can du 'gyur/ /rang bzhin
byas pa yin no zhes/ /ji lta bur na rung bar 'gyur/ /rang
bzhin dang ni bcos min dang/ /gzhan la ltos pa med pa yin/
/zhes gsungs

pa ltar ro/ /gnyis pa ni/ yang ci gang zhig slob dpon gyis
bstan bcos las rgyu rkyen las ma skyes pa'i rang bzhin zhes
pa'i khyad par du mdzad pa de lta bu'i rang bzhin slob dpon
gyis zhal gyis bzhes pa yod dam zhe na/ gang gi dbang du mdzad
nas bcom

ldan 'das kyis/ de bzhin gshegs pa rnams byung yang rung ma
byung yang rung/ chos rnams kyi chos nyid 'di ni gnas pa nyid
do/ /zhes gsungs pa'i chos nyid ces bya ba ni yod do/ /chos
nyid ces bya ba 'di yang ci zhig yin/ mig la sogs

pa 'di dag gi rang bzhin no/ /de dag gi rang bzhin gang zhig
ce na/ mig sogs 'di dag gi bcos ma ma yin pa dang/ skyed byed
gzhan la ltos pa med pa ste/ ma rig pa'i rab rib dang bral
ba'i shes pas rtogs par bya ba'i ngo bo zhes gsungs

@233a @#/ /so/ /'di dag gis ni slob dpon 'dis don dam bden pa
dang chos nyid yod par mi bzhed ces pa dang/ ma rig pa'i bslad
pa log na shes pa ye med par smra ba rnams legs par bkag pa
yin no/ /ji ste chos nyid de yod

dam/ de med ces su smra/ gal te de med na ni byang chub sems
dpa' rnams ci'i don du pha rol tu phyin pa'i lam sgom par
'gyur te mi 'gyur te/ don dam pa'i bden pa med na ni de rtogs
pa mthar thug par 'gro ba med la/ de med na lam sgom

pa don med par 'gyur te/ gang gi phyir chos nyid rtogs pa dang
de mthar thug par 'gro bar bya ba'i phyir/ byang sems rnams
dka' ba brgya phrag rtsom pa yin no/ /'dis ni chos nyid ces
pa'i don dam bden pa blo gang gi yang yul ma yin par

'dod bzhin du/ lam la dka' ba du ma rtsom pa ni/ /dbang po
shin tu rtul bar ston pa yin no/ /de ltar yin pa yang dkon
mchog sprin las/ rigs kyi bu don dam pa ni skye ba med pa
dang/ 'gag pa med pa dang/ 'jig pa med pa dang/ 'ong

ba med pa dang/ 'gro ba med pa dang/ yi ge rnams kyis brjod
par bya ba ma yin pa dang/ yi ge rnams kyis rab tu bsnyad du
med cing/ spros pas rtogs pa ma yin pa ste/ rigs kyi bu don
dam pa ni brjod du med cing/ zhi ba 'phags pa rnams

kyis so so rang gis rig par bya ba'o/ /rigs kyi bu don dam pa
ni de bzhin gshegs pa rnams byung yang rung ma byung yang rung
ste/ gang gi don du byang chub sems dpa' rnams skra dang kha
spu bregs nas gos ngur smrig bgos te/ yang dag par

@233b dad pas khyim nas khyim med par rab tu byung zhing/ rab
tu byung nas kyang chos nyid de thob par bya ba'i phyir/ skra
'am gos la me shor ba ltar brtson 'grus rtsom zhing gnas pa
rnam par 'jig pa med pa'o/ /rigs kyi bu gal te don dam pa yod
par ma gyur na

ni/ tshangs par spyod pa don med par 'gyur zhing/ de bzhin
gshegs pa rnams byung ba don med par 'gyur ro/ /gang gi phyir
don dam pa de yod pa de'i phyir byang chub sems dpa' rnams la
don dam pa la mkhas pa zhes bya'o/ /zhes shin tu gsal

bar gsungs so/ /brjod du med pa dang/ spros pas rtogs par bya
ba min pa ni/ rnam par mi rtog pa'i ye shes kyis don dam pa
gzigs pa bzhin du/ sgra rtog gis yul du byed mi nus pa'i don
yin gyi/ spyir rtogs mi nus pa min no/ /don dam

bden pa yod pa min pa la gnod pa bstan zhing/ de'i ldog pa
'phangs pa bstan pa na'ang yod par gsungs shing sngar yang yod
par bstan pas/ med pa dang yod pa min pa la khyad par 'byed pa
ni blo gros shin tu dman par ston pa tsam mo/ /pa

tshab kyi 'gyur gyi dpe mang po las/ byung yang rung ma byung
yang rung ste/ gang gi don du zhes 'byung yang/ nag tsho'i
'gyur las/ ma byung yang rung don dam pa ni nyams pa med pa
yin pas zhes 'byung ba ni/ sngar 'grel par mdo drangs pa las/
ma byung

yang rung chos rnams kyi chos nyid 'di ni gnas pa nyid do/
/zhes 'byung ba dang mthun pas legs pa yin no/ /'dir smras pa/
kye ma ma la gang zhig dngos po rang bzhin gyis grub pa cung
zad kyang mi 'dod cing/ glo bur du bcos ma ma yin pa dang/
gzhan

@234a @#/ /la ltos pa med pa'i rang bzhin yang 'dod pa khyod
ni/ phan tshun 'gal ba'i don brjod pa zhig go zhe na/ 'di ni
khyod kyis dbu ma'i bstan bcos kyi dgongs pa ma rig pa zhig
ste/ 'di'i dgongs pa ni gal te mig la sogs pa

rnams kyi rang gi ngo bo rten cing 'brel par 'byung ba byis
pa'i skye bos gzung bar bya ba gang yin pa 'di nyid mig la
sogs pa de rnams kyi rang bzhin yin lugs yin na ni/ rang bzhin
de phyin ci log gi blos kyang mngon sum du rtogs pa'i phyir/
tshangs par

spyod pa don med par 'gyur na/ gang gi phyir mig sogs rten
'brel yin pa 'di rang bzhin yin lugs ma yin pa de'i phyir/ de
blta ba'i don du tshangs par spyod pa don dang bcas par 'gyur
ro/ /zhes gsungs te/ rang bzhin bkag pa ni mig sogs

gshis lugs yin pa bkag pa yin la/ rang bzhin khas blangs pa ni
bkag pa de mig sogs kyi chos nyid ces pa'i rang bzhin du 'dod
pa yin pas/ dngos po rang bzhin gyis grub pa bkag pa dang/
dngos po'i chos nyid kyi rang bzhin khas len

pa la 'gal ba cung zad kyang med pa'i phyir ro/ /de 'dra ba'i
chos nyid de yang bdag gis kun rdzob kyi bden pa ste tha snyad
tsam du grub pa la ltos nas/ bcos ma min pa dang gzhan la mi
ltos par brjod do/ /gang zhig byis pa'i skye bo rang dga' bas
blta

par bya ba ma yin pa'i chos nyid de ni rang bzhin du rigs la/
de kun rdzob tu yod par khas blangs pa de tsam gyis don dam
par de dngos po dang dngos po med par rang bzhin gyis grub pa
yang ma yin te/ de ni rang bzhin gyis grub pa zhi ba nyid yin

@234b pa'i phyir/ rang bzhin chos nyid 'di ni slob dbon 'phags
pas zhal gyis bzhes pa 'ba' zhig tu ma zad kyi/ pha rol po
gzhan yang don 'di khas len du gzhug par nus pas/ rang bzhin
'di ni brtsad pa'i mthar rang gzhan gnyis ka la grub pa nyid

du yang rnam par bzhag go /zhes gsungs pa 'di khyad par du
nges par bya dgos so/ /gang dag me la sogs pa'i rang bzhin yin
lugs tsha ba la sogs par smra ba de dag gi ltar 'dod na ni/
rnam pa thams cad du de mi rung ste/ tsha ba sogs ni brten nas
skyes

pa nyid kyis bcos ma yin pa'i phyir dang/ rgyu rkyen la brten
nas skyes pa'i yod pa yin pa'i phyir/ mig sogs de bcos ma nyid
du med pa dang/ rgyu rkyen gzhan la ltos pa med pa nyid do/
/zhes brjod pa yang mi rigs te/ de la zhes bya ba 'dis mchog
tu

'dzin pa'i dngos po med pa'i phyir dang/ kun rdzob tu rnam pa
de lta bu'i don bstan pa'i phyir te/ zhes pa tshab kyi 'gyur
las 'byung la/ nag tsho'i 'gyur las/ de la 'di ltar mchog tu
'dzin pa nyid med pa'i phyir dang/ kun rdzob tu don ji lta ba
bzhin du

bsgrub pa'i phyir ro/ /zhes 'gyur ngo/ /de la 'di ltar zhes
'byung ba legs la/ lhag ma'i don ni bden par 'dzin pa'i zhen
yul gyi dngos po med pa dang/ kun rdzob tu bcos ma dang gzhan
la ltos pa'i rnam pa de lta bu'i don bstan pa'i phyir ro/ /de
ltar

slob dpon 'phags pas rang bzhin zhal gyis bzhes par bstan pa
'dis/ chos dbyings bstod pa las/ stong pa nyid ni ston pa'i
mdo/ /rgyal bas ji snyed gsungs pa kun/ /de dag kun gyis nyon
mongs ldog /khams 'di nyams par byed ma

@235a @#/ /yin/ zhes stong nyid ston pa'i mdo sdes bden 'dzin
gyi nyon mongs pa'i dmigs gtad 'jig pa yin gyi/ de'i dmigs
gtad bkag pa'i stong ba de bzhin gshegs pa'i khams nyams pa
ste med par ston pa min no/ /zhes

gsungs pa yang shes par bya'o/ /de la mig sogs rnams mig sogs
kyis stong par gsungs pas ni/ mig sogs rnams rang bzhin gyis
grub pas stong pa nyid gsal bar mdzad pa yin gyi/ mig nang gi
byed pa'i bdag dang bral ba'i stong pa'o

zhis nyan thos sde pa 'dod pa dang/ sems tsam pas mig gzung
'dzin rdzas tha dad pa tsam gyis stong ngo zhes mig sogs rang
gi ngo bo nyid kyis grub pas mi stong pa'i gcig la gcig med
pa'i stong pa nyid du 'dod pa ltar ni ma yin no/ /gnyis pa ni/

rgyud kyis ma bsdus pa'i gzugs la sogs pa'i yul drug rang
bzhin gyis grub pas stong pa'i rang bzhin med pa nyid ni/ phyi
rol gyi stong pa nyid du 'dod do/ /phyi'i gzugs ni gzugs kyi
ngo bo nyid kyis grub pas stong pa ni/ gang gi phyir gzugs
de'i

rang bzhin ni de yin pa'i phyir ro/ /sgra dang dri dang ro
dang reg bya dang chos rnams nyid kyang stong tshul de bzhin du
shes par bya'o/ /'di dang lhag ma rnams la mdor ther zug tu
gnas pa min pa dang/ 'jig pa min pa'i phyir zhes gsungs pa ni
sngar nang stong

ba nyid kyi skabs su bshad pa bzhin du shes par bya'o/ /shes
rgyud kyis bsdus pa'i dbang rten khog pa lta bu ni shes rgyud
kyis bsdus shing/ dbang pos ma bsdus pas na phyi nang gnyis
char yin la/ de rang gi ngo bo nyid kyis grub pa'i rang bzhin
med

@235b pa nyid ni/ phyi nang gi stong pa nyid de lhag ma sngar
bzhin no/ /phyi nang gi chos rnams sngar bshad pa ltar rang
bzhin kyis grub pa med pa nyid ni/ de kho na la mkhas pas rang
bzhin stong pa nyid ces bsnyad do/ /phyi nang gi chos kyi rang
bzhin stong pa nyid de yang stong nyid

kyi ngo bos grub pa'am bden pas stong par 'dod pa yin no/ /de
ltar na stong gzhi stong nyid ces bya ba'i stong nyid gang yin
pa de ni/ stong pa nyid stong pa nyid du 'dod pa ste/ stong pa
nyid bden pas stong par gsungs pa ni stong nyid dam chos nyid
la dngos po ste bden par

'dzin pa'i blo can gyi bden par 'dzin pa bzlog par bya ba'i
phyir rgyal ba'i yum las gsungs pa yin no/ /de ltar yin par
yang 'jig rten las 'das par bstod pa las/ kun rtog thams cad
bsal ba'i phyir/ /stong nyid bdud rtsi ston mdzad na/ /gang
zhig de

la zhen gyur pa/ /de nyid khyod kyis shin tu smad/ /ces gsal
bar gsungs so/ /'di dag gis ni kha cig don dam par bden pa
zhes pa bden dngos rnam par bcad tsam la byas nas de bden grub
tu smra ba dang/ gzhan dag dgag bya bcad tsam min pa'i sngo

ser ltar sgrub par rang dbang ba chos nyid du byas nas de bden
par 'dod pa gnyis ka yang rgyal bas shin tu smad par gsungs
so/ /gnyis pa ni/ shar la sogs pa'i phyogs las logs shig tu
snod bcud gnyis med pas/ sems can dang snod kyi

'jig rten ni mi lus pa la khyab par byed pa nyid yin pa'i
phyir dang/ byams sogs tshad med bzhi sgom pa na phyogs kyis
khyab pa'i sems can kun la sgom pas/ dmigs pa'i sgo nas tshad
med par bzhag pa'i phyir/ phyogs tshad med pa'i

@236a @#/ /dpe yis te tshad med pa bzhin du/ de ltar sgom pa la
yang mu mtha' ni med pa ste tshad med par bzhag pa'i phyir
phyogs bcu ni chen po nyid do/ /shar la sogs pa 'di dag bcu char
phyogs rnams kyi ngo bo nyid kyis grub pas stong pa nyid ni

gang yin pa de ni chen po stong pa nyid yin te/ phyogs rnams
chen por rang bzhin gyis grub par 'dzin pa bzlog pa'i phyir du
gsungs te/ phyogs la phyin ci log tu 'dzin pa ni mu stegs bye
brag pas phyogs rnams rtag pa'i rdzas nyid du 'dzin pa lta bu'o/
/don dam zhes pa'i don

gyi sgra ni 'di la don yod de zhes pa lta bu dgos pa la byed pa
dang/ don lnga zhes pa lta bu shes bya yul la byed pa gnyis las
'dir ni mya ngan las 'das pa chos kyi sku yin te/ myang 'das de
ni thob par bya ba'i dgos pa mchog yin pas so/ /chos sku

de ni de yi rang gi ngo bo nyid kyis grub pas stong pa nyid gang
yin pa de ni/ don dam pa stong pa nyid de/ de yang mya ngan 'das
pa chos sku de la dngos po ste bden par 'dzin pa'i blo can gyi
bden par 'dzin pa bzlog par bya ba'i phyir don dam mkhyen pa

sangs rgyas kyis don dam pa stong pa nyid ni bstan par mdzad do/
/rgyu rkyen las byung ba ste skyes pa'i phyir khams gsum po ni
'dus byas yin par nges par bsnyad do/ /khams gsum po de ni de yi
rang bzhin gyis grub pas stong pa nyid gang yin pa de ni/

'dus byas stong pa nyid du gsungs so/ /chos gang la skye ba dang
mi rtag pa ste 'gag pa'am 'jig pa dang/ gnas pa las gzhan du
'gyur ba de dag med pa ni 'dus ma byas so/ /de ni de yi rang
bzhin gyis grub pas stong pa nyid gang yin pa de ni 'dus

@236b ma byas stong pa nyid du gsungs so/ /gsum pa ni/ mtha' ni
rtag pa dang chad pa gang du bzung na log pa'i g.yang du ltung
ba yin gyi/ 'dus ma byas rtag pa dang dgra bcom pa la las dbang
gi skye 'chi brgyud pa chad par 'dzin pa lta bu ni ma yin pas/
gang du

bzung na mi mthun phyogs kyi g.yang du ltung ba'i rtag chad
dang/ rtag chad tsam gyi khyad par phyed par bya'o/ /gzhi gang
la mthar 'dzin du ltung ba'i rtag chad kyi mtha' ni yod pa min
pa de ni/ 'dir mtha' las 'das par brjod do/ /mtha' bral de ni
mtha'

bral de'i rang bzhin gyis grub pa kho nas stong pa nyid de ni/
mtha' las 'das pa stong pa nyid du bsnyad do/ /'di ni ting 'dzin
rgyal po las/ yod med dang gtsang mi gtsang gi mtha' gnyis spangs
nas/ dbus la'ang gnas par mi byed do/ /zhes gsungs

pa ltar mtha' spangs pa'i dbus bden nam snyam pa'i bden 'dzin
bzlog pa'i phyir du gsungs pa ste/ dper na sems tsam pas rang gi
lugs kyi rtag chad sogs kyi mtha' dang bral ba'i dbus sems bden
grub tu 'dod pa lta bu'o/ /'di yan chad du ma byung

la 'di nas byung zhes pa'i thog ma ste dang po dang/ 'di phyin
chad du mi 'byung zhes pa'i tha ma'i mtha' de dag med pas 'khor
ba ni thog ma dang/ tha ma med par brjod do/ /'gro 'ong rang
bzhin gyis grub pa dang bral ba'i phyir rmi lam lta bu'i srid pa
'di/ srid

pa de yi rang bzhin gyis grub pas dben pa nyid gang yin pa de
ni/ thog ma dang tha ma med pa'i stong pa nyid do zhes bstan
bcos chen po rgyal ba'i yum las ni nges par bsnyad do/ /dor ba
zhes bya ba ni 'thor ba dang 'bor ba la ni nges par brjod la/
dor ba

@237a @#/ /de med pa ni phar la gtong ba med pa ste rang gi ngo
bo 'ga' dang dus 'gar yang dor du med pa ste dor du mi rung ba
theg chen gang yin pa'o/ /dor ba med pa ni dor ba med pa de nyid
kyi rang bzhin gyis grub pas stong pa de nyid kyi

stong pa nyid gang yin pa de ni/ dor ba med pa stong pa nyid ces
bya bar brjod de/ stong nyid de dor pa med pa'i rang bzhin yin
pa de'i phyir na'o/ /'dus byas la sogs pa rnams kyi ngo bo chos
nyid ni/ rang bzhin nyid du bsnyad cing brjod pa ste/ rgyu mtshan
gang

gi phyir na 'dus byas la/ sogs pa rnams kyi ngo bo chos nyid ni/
slob ma nyan thos dang/ rang sangs rgyas dang/ rgyal sras byang
sems dang de bzhin gshegs pa rnams kyis ma mdzad cing/ de
gsal bar byed pa yin la/ gdod ma nas de dag gi gshis su

gnas pa de'i phyir ro/ /rang bzhin de nyid de nyid kyi ngo bo
nyid kyis grub pas stong pa nyid gang yin pa de ni rang bzhin
stong pa nyid do/ /'o na don 'di stong pa nyid stong pa nyid kyi
skabs su yang brjod pa ma yin nam zhe na/ bden mod 'on kyang
skabs snga mar ni phyi

nang gi chos rnams kyi stong nyid de/ de kho na nyid 'jal ba'i
rigs shes kyis grub pas bden par grub bam snyam pa bsal ba'i
phyir yin la/ 'dir ni sus kyang ma byas par gshis su grub pa'i
rang bzhin yin na/ bden par grub bam snyam pa bsal

ba'i phyir gsungs pas mi zlos so/ /dogs pa'i rgyu mtshan 'di
gnyis ka chos nyid la yod kyang bden par grub pa 'gog nus pa mi
'gal ba 'di shes na/ don dam bden pa blo gang gis kyang mi rtogs
par 'dzin pa'i log par rtog pa rnams ldog

@237b par 'gyur ro/ /bzhi pa la gsum/ chos thams cad stong pa
nyid dang/ rang gi mtshan nyid stong pa nyid dang/ mi dmigs pa
dang dngos po med pa'i ngo bo nyid stong pa nyid bshad pa'o/
/dang po ni/ chos thams cad ni mig sogs rten dbang po'i khams
drug dang/

mig gi rnam shes sogs brten pa rnam shes kyi khams drug dang/
gzugs la sogs pa dmigs pa yul gyi khams drug ste khams bco
brgyad dang/ mig gi 'dus te reg pa nas yid kyi 'dus te 'dus te
reg pa'i bar reg pa drug dang/ reg pa de

drug las byung pa'i tsher ba drug dang/ gzugs can dang gzugs can
min pa nyid dang/ de bzhin du 'dus byas dang/ 'dus ma byas kyi
chos rnams so/ /chos de dag thams cad ni de dag gi ngo bo nyid
kyis grub pas dben pa'i stong pa nyid gang yin pa 'di ni/ chos
thams cad

kyi stong pa nyid do/ /gnyis pa la gsum/ mdor bstan/ rgyas par
bshad/ don bsdu ba'o/ /dang po ni/ gzugs phung gi mtshan nyid
ni gzugs su rung ba dang la sogs pas bsdus pa rnam mkhyen gyi
bar gyi kun byang gi chos rnams kyi rang rang gi mtshan nyid
dngos

po ste rang gi ngo bo nyid kyis grub pa med pa gang yin pa de ni
rang gi mtshan nyid stong pa nyid do/ /gnyis pa la gsum/ gzhi'i
chos dang/ lam gyi chos dang/ 'bras bu'i chos kyi rang gi mtshan
nyid do/ /dang po ni/ yang gzugs la sogs pa rnams kyi rang gi
mtshan nyid

ci yin zhen/ gzugs ni gzugs su rung ba'i mtshan nyid can te/
de yang mdo las/ dge slong dag gzugs su yod cing gzugs su rung
ba de'i phyir gzugs nye bar len pa'i phung po zhes bya'o/
/zhes gsungs so/ /rang gi mtshan nyid 'di rnams don

@238a @#/ /ldog yin pa'i nges pa med par rang rang gi rang bzhin
mtshon pa'i gtso bo smos pa'o/ /tshor ba ni bde sdug btang snyoms
kyi myong ba'i bdag nyid can no/ /'du shes ni phyi'i mtshan ma
sngo ser sogs dang/ nang gi mtshan ma bde

sdug sogs kyi khyad par 'dzin pa ste/ mtshan ma ni yul gyi spu
ris so/ /'du byed ni 'dus byas mngon par 'du byed pa ste phung
po gzhan bzhi las gzhan pa'o/ gzugs sgra la sogs pa'i yul so so
la so sor rnam par rig pa ni/ rnam shes

kyi rang gi mtshan nyid do/ /phung po'i rang gi mtshan nyid sdug
bsngal dang khams rnams kyi bdag nyid de rang gi mtshan nyid ni/
sbrul gdug pas gzhan la bzung nas gnod pa skyed pa dang 'dra ba
sems can rnams 'khor bar 'dzin pa'o/ /skye

mched rnams ni sangs rgyas kyis sdug bsngal 'byung zhing/ skye
ba'i sgor gyur pa nyid du gsungs so/ /de gsum ni 'khor ba'i
phung khams dang skye mched la dgongs pa'o/ /rten cing 'brel par
'byung ba gang yin pa de'i rang gi mtshan

nyid ni rgyu rkyen gyi 'du 'phrod kyis rab tu phye ba'o/ /gnyis
pa ni/ sbyin pa'i pha rol tu phyin pa'i mtshan nyid ni/ /lus dang
longs spyod dge ba'i rtsa ba yongs su gtong pa'i sems pa'o/
/tshul khrims kyi mtshan nyid

ni nyon mongs kyi gdung ba las de med pa'i bsil ba thob pa'o/
/bzod pa'i mtshan nyid ni khro ba med pa ste de la sems kyi bsran
'dzugs nus pa'o/ /brtson 'grus kyi mtshan nyid ni/ kha na ma tho
ba med pa'i dge ba yongs su 'dzin pa la spro ba

@238b nyid do/ /bsam gtan gyi mtshan nyid ni dge ba'i chos thams
cad sdud pa'i phyir du dge ba'i dmigs pa la sems rtse gcig tu
gnas pa'i mtshan nyid can no/ /shes rab kyi mtshan nyid ni chags
pa med pa ste/ mya ngan las 'das par bgrod pa'i phyir du/ chos

'ga' la yang chags pa ste bden zhen med pa ste 'gog par byed
pa'i phyir ro/ /de ltar na pha rol tu phyin pa drug po rnams kyi
mtshan nyid ni/ sngar bshad pa 'di dag yin par mdo las brjod do/
/bsam gtan dang po la sogs pa bsam gtan bzhi rnams

dang/ byams pa tshad med la sogs pa tshad med bzhi dang/ de bzhin
du snga ma gnyis las gzhan gang nam mkha' mtha' yas la sogs pa
gzugs med pa'i snyom par 'jug pa bzhi po de dag /yang dag
mkhyen pa yi sangs rgyas kyis mi 'khrug

pa khro ba med pa'i mtshan nyid can du gsungs te/ de rnams ni
khro ba spangs pas 'thob pa'i phyir ro/ /byang chub kyi phyogs
kyi chos sum cu rtsa bdun gyi rang gi mtshan nyid ni/ gang du
nges par 'byung sa thar par nges par 'byung bar byed pa'o/ /rnam
par thar pa'i

sgo stong pa nyid kyi mtshan nyid ni bden 'dzin gyi dmigs gtad
kyi rtog pa'i dri mas ma sbags pa'i phyir rnam par dben pa'i
mtshan nyid can no/ /rnam par thar pa'i sgo mtshan ma med pa ni
mtshan ma ma dmigs pa'i sgo nas zhi ba'i mtshan nyid can no/
/rnam

par thar pa'i sgo gsum pa smon pa med pa'i mtshan nyid ni/ 'du
byed sdug bsngal gyi bdag nyid can rnams la sdug bsngal du yang
dag par rjes su lta ba dang/ de kho na nyid rtogs pa'i shes rab
kyis 'du byed kyi yin lugs la lta ba na/ srid pa'i phun tshogs

@239a @#/ /la mi smon zhing/ /'jig rten las 'das pa'i go 'phang
la yang bden par 'dzin pa'i sgo nas smon pa med pa'i phyir na/
sdug bsngal dang gti mug med pa'i mtshan nyid can no/ /rnam par
thar pa brgyad po rnams kyi mtshan nyid

ni/ snyoms 'jug gi sgrib pa las rnam par grol bar byed pa'o/
/rnam par thar pa brgyad ni nang la gzugs can du 'du shes pa ma
bshig par phyi rol gyi gzugs la lta ba dang/ nang la 'du shes de
bshig nas phyi rol gyi gzugs la lta ba'i rnam thar gnyis

ni/ sprul pa la gegs byed pa'i sgrib pa'i gnyen po'o/ /'grel
pa'i dpe mang po la gnyis pa la nang gzugs su 'du shes pa zhes
'byung ba ni ma dag pa'o/ /sdug pa'i rnam par thar pa bsam gtan
bzhi pa'i mtshan nyid can ni gsum pa ste/ gzugs

sdug pa sprul pa la dga' ba dang/ mi sdug pa sprul pa la mi dga'
ba'i kun nas nyon mongs pa'i gnyen pa'o/ /mthong chos bder gnas
kyi lam la gnyis las thar pa dang mthun par gnas pa'i lam la/
gzugs med kyi snyoms 'jug bzhi'i rnam par

thar pa dang/ zhi bar gnas pa'i lam la 'du shes dang tshor ba
'gog pa 'gog pa'i snyoms 'jug gi rnam thar gcig go /gsum pa
ni/ 'chad 'gyur gyi stobs bcu po rnams ni/ shin tu rnam par gtan
la 'bebs pa'i rang bzhin nam mtshan

nyid can du rig par bya ste/ yul rnams shin tu gtan la 'bebs pa
nyid kyis/ yul la 'jug pa la thogs pa med pa'i mtshan nyid can
yin pa'i phyir stobs zhes bya'o/ /shes bya thams cad yang dag pa
phyin ci ma log par rdzogs par te ma

@239b lus par sangs rgyas pa ste thugs su chud do/ /zhes zhal
gyis bzhes pa dang/ nga zag pa bag chags dang bcas pa zad do zhes
pa dang/ ngas chags sogs thar pa'i bar du gcod pa'i chos yin no
zhes pa dang/ sa lam 'di la nan tan du byas na sdug

bsngal zad par 'gyur ro zhes dam bcas pa bzhi la de ltar min no/
/zhes pa'i chos mthun gyi rgol ba 'ga' yang ma mthong ba'i skyob
pa'i mi 'jigs pa bzhi po rnams ni/ shin tu brtan pa'i ngo bo
nyid de mtshan nyid can yin te/ rgol ba sus kyang

gzhan du bya bar mi nus pa'i phyir ro/ /chos dang don dang nges
pa'i tshig dang spobs pa so sor yang dag par rig pa rnams ni/
spobs pa la sogs pa bzhi chad pa ste gtugs pa med pa'i mtshan
nyid can no/ /'gro ba rnams la phan pa dang bde ba nye

bar sgrub pa ni/ byams pa chen po zhes bya ba'i mtshan nyid dang/
sdug bsngal can gyi sems can rnams yongs su skyob pa ni/ thugs
rje chen po'i mtshan nyid do/ /dga' ba chen po ni rab tu ste
mchog tu dga' ba'i mtshan nyid can no/ /btang snyoms

chen po ni 'ga' zhig la rjes su chags pa dang/ /gzhan dag la
khong khro ba la sogs pa dang ma 'dres pa ste de dag dang bral
ba'i mtshan nyid can du shes par bya'o/ /sangs rgyas kyi chos
ni/ ma 'dres pa bcu dang brgyad du gang 'dod pa de dag gzhan
gyis mi 'phrogs

pa'i rang gi mtshan nyid can te/ rgyu mtshan gang gi phyir na
ston pa la ma 'dres pa'i mi mthun phyogs 'khrul ba sogs mi mnga'
bas de rnams kyis glags med pa nyid kyis mi 'phrogs ba ste/ thub
par mi nus pa de'i phyir ro/ /ma 'dres pa bco brgyad ni drug
tshan

@240a @#/ /gsum ste/ sku la 'khrul pa dang/ gsung la ca co dang/
thugs la bsnyel ba dang mnyam bar ma bzhag pa dang/ 'khor 'das
tha dad du 'dzin pa'i rtog pa dang so sor ma brtags pa'i btang
snyoms mi mnga' ba drug ni dang po'o/

'dun pa dang brtson 'grus dang dran pa dang ting nge 'dzin dang/
shes rab dang rnam par grol ba nyams pa mi mnga' ba ni gnyis
pa'o/ /lus kyi las dang ngag gi las dang/ yid kyi las thams cad
ye shes sngon du 'gro zhing/ ye shes kyi rjes su 'brang

ba dang/ 'das ma 'ongs da ltar gyi dus la ma chags pa dang ma
thogs pa'i ye shes kyi gzigs pa 'jug pa ni gsum pa'o/ /ma 'dres
pa'i nges tshig ni chos de rnams sangs rgyas kho na'i rten la yod
kyi/ rten gzhan la med pas rten ma 'dres pa'o/ /

'di dag gi bshad pa ni 'grel par gzungs kyi dbang phyug rgyal
pos zhus pa'i mdo drangs pa las shes par bya'o/ /rnam pa kun
mkhyen pa nyid kyi ye shes ni/ shes bya thams cad mngon sum du
mkhyen pa'i mtshan nyid can du 'dod de/ rnam mkhyen

de las gzhan pa'i shes ba thams cad ni yul nyi tshe ba tsam la
'jug pa nyid kyis/ /shes bya thams cad mngon sum du mkhyen pa
zhes bya bar mi 'dod do/ /de ltar gzugs nas rnam mkhyen gyi bar
gyi mtshan nyid rnams ni/ de rnams mtshon byed

kyi rang gi ngo bo tsam yin pas/ rtags kyi dgag bya'i rang gi
mtshan nyid kyis grub pa dang khyad par shin tu che'o/ /gsum pa
ni/ gang zhig 'dus byas kyi chos rnams kyi mtshan nyid dang/
'dus ma byas kyi chos rnams kyi rang mtshon byed kyi

@240b mtshan nyid gang yin pa de rnams/ de'i rang bzhin gyis
grub pa de kho nas stong pa nyid de ni rang gi mtshan nyid stong
pa nyid do/ /gsum pa ni/ de ltar byung ba 'di rang grub pa'i dus
phan chad du mi gnas shing/ byung zin 'das pa ni byung ba de
zhig pa yin pa dang

'byung 'gyur ma 'ongs pa ni 'byung 'gyur de da ltar ma skyes
pa'i phyir/ gsum po der yod pa ma yin no/ /byung zin dang 'byung
'gyur dang da ltar ba de dag rim pa bzhin du zhig pa dang ma
skyes pa'i dus gnyis dang/ rang grub pa'i 'og gang du mi dmigs
pa de

la ni mi dmigs pa zhes brjod do/ /mi dmigs pa de rang gi ngo
bo nyid kyis grub pa de yis dben pa nyid gang yin pa de ni/ ther
zug tu gnas pa min pa dang/ 'jig pa min pas na mi dmigs pa zhes
bya ba'i stong pa nyid do/ rgyu dang rkyen las byung ba'i

phyir na/ dngos po rnams la 'dus pa pa ste rgyu rkyen 'dus pa
las byung ba'i ngo bo rang bzhin gyis grub pa med pas/ de rnams
la dngos po med pa zhes bya la/ 'dus pa las byung ba de nyid kyi
ngo bo nyid kyis grub pas stong pa nyid ni/ dngos po med pa'i
ngo

bo nyid kyi stong pa nyid do/ /de ltar bcu drug tu bshad pa ni
bden grub 'gog pa'i rigs pa mi 'dra ba'i sgo nas ni min te/
thams cad la yang ther zug tu gnas pa dang 'jig pa med pa'i rigs
pas bsgrubs pa'i phyir ro/ /gang zag gcig la spyir

bden med du sgrub pa yang min te/ gzhi mig sogs nang gi chos
rnams kyi steng du bden med tshad mas grub na gzhi gzhan la blo
kha phyogs pa'i tshe/ gzhan gyis sgrub byed bkod pa la mi ltos
par rang gis rtags la brten nas the tshom chod par

@241a @#/ /'gyur ba'i phyir ro/ /de'i phyir gang zag gcig gi
dbang du byas pa dang/ gzhi so so la bden zhen shes che ba'i
gang zag so so'i dbang du byas pa gnyis ka shes par bya'o/
/gnyis pa ni/ dngos po stong pa nyid ces bya ba'i dngos

po'i sgras ni phung po lnga rnams brjod pa yin te/ de yang so
sor ma phye bar mdor bsdus nas spyir brjod do/ /phung po lnga po
de rnams de yi rang bzhin gyis grub pas stong pa nyid gang yin
pa de ni/ dngos po stong pa nyid du mdor bshad do/ /so sor ma

phye bar mdor bsdus na ni dngos po med pa ni 'dus ma byas nam
mkha' la sogs pa dang myang 'das rnams la brjod do/ /'dus ma
byas de nyid dngos por med pa de'i rang bzhin gyis grub pas
stong pa nyid ni/ dngos po med pa stong pa nyid do zhes bya'o/
/rang

bzhin ni chos nyid kyi rang bzhin la bya ste/ 'di ltar rang
bzhin de ni nyan thos la sogs pas ma byas par dngos po'i gshis
lugs su gnas pa'i phyir ro/ /rang bzhin chos nyid de rang bzhin
gyis grub pa med pa ni rang bzhin stong pa nyid do zhes bya bar

snyad do/ /sangs rgyas rnams ni byung ba'am ste 'jig rten du
'byung yang rung/ ma byung yang rung ste dngos po kun gyi rang
bzhin stong pa nyid ni/ gzhan gyi dngos po ste ngo bor rab tu
bsgrags so/ /'dir nag tsho'i 'gyur las/ ma byung yang ni rang
bzhin nyid/

ces pa dang/ gzhan gyi ngo bo stong par bsgrags/ zhes 'byung ba
ltar bde'o/ /gzhan gyi ngo bo'i skad dod ni mchog dang gzhan
dang pha rol gsum la 'jug pas/ dang po ltar na mchog tu byung
ba'i de kho na nyid do/ /mchog tu byung ba'i don ni rtag tu de

@241b kho na nyid kyi mtshan nyid las mi 'da' bar yod pa'o/
/gnyis pa ltar na gzhan ni 'jig rten pa las gzhan 'jig rten las
'das pa'i ye shes phul du byung ba rnam par mi rtog pa'i ye shes
so/ /dngos po ste ngo bo ni ye shes des rtogs par bya ba'o/ /

gsum pa ltar na pha rol na yod pa ni gzhan gyi ngo bo'o/ /de
yang 'khor ba las 'das pa'i phyir 'khor ba'i pha rol ni yang dag
pa'i mtha' ste mtha' ni 'dir 'khor ba zad pa'i myang 'das so/
/de kho na nyid kyi mtshan nyid las rnam pa gzhan du 'gyur

ba med pas de bzhin nyid do/ /de nyid ni de nyid kyi rang bzhin
gyis stong pa'i mtshan nyid can gyi stong pa nyid de ni/ gzhan
gyi dngos po ste ngo bo'i stong pa nyid ces bya'o/ /rang bzhin
stong pa nyid la sogs pa sngar bshad kyang 'dir bshad pa mi zlos
pa ni/ 'dir dbye

sgo 'bring po'i dbang du mdzad pa'o/ /bshad pa phyi ma gnyis
rgyas 'bring gnyis ka'i skabs su yang yang 'byung ba ni/ chos
nyid de dngos po'i gshis yin pa dang/ rtag tu yod pa dang/ mi
rtog ye shes kyi gzhal byar yod par khas len na bden par

grub bo snyam pa'i dogs pa gcad pa'i don yin pas de rnams mi
'gal bar shes par bya'o/ /de 'dra ba'i stong pa nyid de dag ni
shes rab kyi pha rol tu phyin pa'i tshul rgyal ba'i yum las dbye
ba dang stong tshul de dag 'dir bshad pa de skad du rab tu
bsgrags

pa ste bshad do/ /bzhi pa ni/ de ni sher phyin la lhag par mos
pa'i byang sems kyi thun mong ma yin pa'i yon tan brjod pa'i sgo
nas/ sher phyin gyi skabs rdzogs par bya ba'i phyir du bshad pa
sngar bshad pa'i rnam pa de ltar rnam par dpyad pa

@242a @#/ /las byung ba'i blo gros kyi 'od zer gyis de kho na
nyid mthong ba la gegs byed pa'i mun pa 'joms pa'i snang ba gsal
bar byas pa'i byang sems rang gi lag na gnas pa'i skyu ru ra
rlon pa'i 'bras su bzhin

du/ srid pa gsum po 'di dag ma lus pa gdod ma nas rang bzhin
gyis skye ba med par mngon sum du rtogs pa de yang ni/ tha snyad
pa kun rdzob bden pa'i stobs kyis te kun rdzob tu 'gog par 'gro
ba ste de la snyoms par 'jug go /'gog pa'i ngo

bor son kyang 'gro ba skyob pa'i bsam pa 'dor ba yang ma yin no
zhes bshad pa/ byang sems sa drug pa ba de rtag tu 'gog pa 'od
gsal du gtogs pa'i bsam pa dang ldan pa yin mod kyi/ 'gro ba
mgon med pa rnams la 'di yi snying rje'ang

skyed par byed pa ste 'phel bar 'gyur ro/ /de'i phyir 'di'i
sbyor ba ni 'khor bar gtogs pa dang/ bsam pa ni mya ngan las
'das par gtogs so/ /sa drug pa ba 'dis sa drug pa de'i gong du
ste phyi nas bder gshegs gsung skyes nyan thos rnams

sangs rgyas 'bring po rang rgyal dang bcas pa ma lus pa rnams ni
blo yi stobs kyis pham par byed pa ste zil gyis gnon pa'ang yin
no/ /kun rdzob rgya che ba'i lam gyi rim pa dang/ de kho na nyid
zab mo'i lam gyi rim pa'i g.yas g.yon gyi

gshog pa yangs pa dkar po rgyas par gyur pa'i ngang pa'i rgyal
po sa drug pa ba de ni/ gdul bya'i skye bo'i ngang pa phul du
byung ba skyed pa rnams kyis mdun du bdar nas/ sngon lan mang du
bsags pa'i dge ba'i rlung gi shugs chen po'i stobs

@242b kyis/ /rgyal ba sangs rgyas kyi yon tan gyi rgya mtsho chen
po'i pha rol mchog tu 'gro bar 'gyur bas/ de'i rjes su slob par
'dod pa rnams kyis kyang lam rim pa gnyis ka'i gshog pas bgrod
dgos kyi/ gshog pa gnyis gang yang med pa dang/ phyogs re ba'i

lam gshog pa gcig chag pa lta bus mi tshim par/ thabs dang shes
rab gnyis ka tshang ba'i lam gyis sangs rgyas kyi sar bgrod par
bya'o/ /dbu ma la 'jug pa'i rgya cher bshad pa dgongs pa rab tu
gsal ba las/ don dam pa'i sems bskyed pa drug

pa'i bshad pa'o// ! //gsum pa ring du song ba sogs sa bzhi bshad
pa la bzhi/ sa bdun pa dang/ sa brgyad pa dang/ sa dgu pa dang/
sa bcu pa bshad pa'o/ /dang po ni/ sa bdun pa ring du song ba
'dir ni/ sa drug par thob

pa'i 'gog pa de la skad cig dang/ skad cig ste skad cig re re la
byang sems 'di snyom par 'jug par 'gyur te/ 'gog pa la 'jug pa
ni yang dag pa'i mtha' la snyoms par 'jug pa yin pas/ de bzhin
nyid la 'gog pa zhes brjod de/ 'phags

pa'i mnyam gzhag gi skabs su de bzhin nyid 'dir gnyis snang gi
spros pa thams cad 'gog par 'gyur ba'i phyir ro/ /de skad du sa
bcu pa las/ kye rgyal ba'i sras dag byang chub sems dpa'i sa
drug pa yan chad/ byang chub sems dpa'i 'gog pa

la snyoms par 'jug pa ste/ byang chub sems dpa'i sa bdun pa 'di
la gnas pa'i byang chub sems dpa' ni/ sems kyi skad cig sems kyi
skad cig la yang 'gog pa la snyoms par 'jug cing ldang ste/ 'gog
pa mngon sum du byas zhes ni

@243a @#/ /mi bya'o zhes rgyas par gsungs so/ /sa 'dir thabs
mkhas kyi pha rol tu phyin pa legs par 'bar ba ste ches yongs su
dag par yang 'gyur te/ dag tshul ni sngar sa gzhan la bstan pa'i
rigs pas shes par bya'o/ /

sher phyin nyid rnam pa khyad par can du zhugs pa la phar phyin
phyi ma bzhir bzhag go / chos rab tu rnam par 'byed pa'i gnas
skabs nyid ni sher phyin zhes brjod kyi rnam pa gzhan ni ma yin
no/ /thabs mkhas kyi phar phyin du 'jog pa'i thabs

la mkhas pa ni byang sa las/ drug tshan gnyis gsungs pa'i dang po
nang gi sangs rgyas kyi chos 'grub pa las brtsams pa'i thabs
mkhas pa drug ni/ byang sems kyis sems can thams cad la snying
rje dang ldan par lta ba dang/ 'du byed thams cad kyi

rang bzhin yang dag pa ji lta ba bzhin du shes pa dang/ bla na
med pa'i byang chub kyi ye shes 'dod pa dang/ sems can la lta ba
la brten nas 'khor ba mi gtong ba dang/ 'du byed ji lta ba bzhin
shes pa la brten nas nyon mongs pa can ma yin pa'i sems

kyis 'khor bar 'khor ba dang/ sangs rgyas 'dod pa la brten nas
brtson 'grus 'bar ba'o/ /phyi'i sems can smin par bya ba las
brtsams pa'i thabs mkhas drug ni/ byang sems rnams kyis sems can
gyi dge ba'i rtsa ba chung ngu rnams 'bras

bu tshad med par sgyur bar byed pa dang/ de bzhin du tshogs chung
ngus dge rtsa che ba dag sgrub par byed pa dang/ bstan pa la zhe
'gras pa rnams kyi khong khro sel bar byed pa dang/ bstan pa la
yid bar mar gnas pa rnams de la 'dzud pa dang/ zhugs pa

@243b rnams smin par byed pa dang/ smin pa rnams grol bar byed
pa ste thabs la mkhas pa bcu gnyis so/ /dbu ma la 'jug pa'i rgya
cher bshad pa dgongs pa rab tu gsal ba las/ don dam pa'i sems
bskyed pa bdun pa'i bshad pa'o// ! //

gnyis pa la gsum/ sa 'dir smon lam lhag cing 'gog pa las slong
tshul/ nyon mongs thams cad zad par bstan pa/ dbang bcu thob par
bstan pa'o/ /dang po ni/ byang sems sa bdun pa ba de ni yang
dang yang du sngar gyi dge ba las

lhag pa thob par bya ba'i phyir du/ sa gang du byang sems de
phyir mi ldog pa nyid du 'gyur bas brgyad pa mi g.yo ba de la/
byang sems bdag nyid chen po de 'jug go /de la yang dang yang
du sngar sa bdun pa man chad kyi dge ba las lhag pa thob lugs
ni/

sa bcu pa las/ kye rgyal ba'i sras 'di lta ste/ dper na rgya
mtsho chen por 'gro ba'i gru bo che ni/ rgya mtsho chen po la ma
thug gi bar du ched du bskyod cing 'gro bar bya ba yin te/ gang
gi tshe rgya mtsho chen po la phyin ma thag tu rlung gi dkyil
'khor gyis bskyod

nas/ ched du bskyod mi dgos par 'gro ste/ des rgya mtsho chen po
la nyin gcig chod pa de ni sngon ched du bskyod cing 'gro bas/
lo brgyar yang de srid du tshad med par phyin par mi nus so/ /kye
rgyal ba'i sras de bzhin du byang chub sems dpa' dge ba'i rtsa

ba'i tshogs shin tu bsags pa/ theg pa chen po yang dag par bsgrub
pa yang/ byang chub sems dpa'i spyod pa'i rgya mtshor phyin nas
lhun gyis grub pa'i ye shes kyis yud tsam zhig la/ thams cad
mkhyen pa'i ye shes ji tsam gnon pa de ni/

@244a @#/ /sngon gyi ched du bya ba'i las kyis bskal pa 'bum du
yang/ de snyed du dpag tu med pa gnon par mi nus so/ /zhes gsungs
pa lta bu'o/ /de la rgya mtshor ma phyin pa'i bar ni sa bdun pa
man chad kyi dpe'o/ /rgya mtshor zhugs

nas 'gro ba ni sa brgyad pa thob nas lam bgrod pa'i dpe'o/ /sa
brgyad pa ba 'di yi smon lam sngon 'jig rten las 'das pa'i sems
dang po bskyed pa na/ smon lam chen po bcu la sogs pa'i smon lam
'bum phrag grangs med pa phrag bcu btab pa de

dag /sa 'di la shin tu dag pa ste smon lam gyi phar phyin sa
'dir ches lhag par 'gyur ro/ /sa 'di ni gzhon nu'i sar gzhag
ste/ dgu par rgyal tshab 'thob la/ bcu par ni 'khor los sgyur ba
ltar rgyal ba rnams kyis dbang bskur ro/ /sa mi g.yo bar

'gog pa chos nyid la zhugs pa na/ rgyal ba rnams kyis 'gog pa la
zhugs pa de las slong bar yang mdzad de/ sa bcu pa las/ kye
rgyal ba'i sras dag de ltar byang chub sems dpa'i sa mi g.yo ba
'di la gnas pa'i byang chub sems dpa' sngon

gyi smon lam gyi stobs bskyed pa dang/ chos kyi sgo'i rgyun de
la gnas pa de la sangs rgyas bcom ldan 'das rnams de bzhin
gshegs pa'i ye shes nye bar sgrub par mdzad de/ de la 'di skad
ces kyang bka' stsal to/ /rigs kyi bu legs so legs

so/ /sangs rgyas kyi chos rjes su rtogs par bya ba la 'di ni don
dam pa'i bzod pa yang yin no/ 'on kyang rigs kyi bu gang nged
kyi stobs bcu dang/ mi 'jigs pa bzhi la sogs pa sangs rgyas kyi
chos ma 'dres pa phun sum tshogs pa

@244b de khyod la med kyi/ sangs rgyas kyi chos phun sum tshogs
pa de yongs su btsal ba'i phyir sbyor ba byos shig /brtson
'grus rtsoms shig /bzod pa'i sgo 'di nyid kyang ma 'dor cig /
rigs kyi bu khyod kyis de ltar zhi ba'i rnam par thar pa la gnas

pa thob kyang/ byis pa so so'i skye bo ma zhi ba rab tu ma zhig
ba/ nyon mongs pa sna tshogs kun tu byung bar gyur pa/ rnam par
rtog pa sna tshogs kyis yid g.yon spyo ba 'di dag la soms shig /
gzhan yang rigs kyi bu sngon gyi smon lam dang/

sems can gyi don thob par bya ba dang/ ye shes kyi sgo bsam gyis
mi khyab pa dran par gyis shig /yang rigs kyi bu 'di ni chos
rnams kyi chos nyid do/ /de bzhin gshegs pa rnams byung yang
rung ma byung yang rung chos kyi dbyings 'di ni

gnas pa nyid do/ 'di ltar chos thams cad stong pa nyid dang/
chos thams cad dmigs su med pa'o/ /'dis ni de bzhin gshegs pa
rnams nyi tshe rab tu dbye bar bya ba ma yin gyi/ nyan thos dang
rang sangs rgyas thams cad kyis kyang rnams

par mi rtog pa'i chos nyid 'di 'thob bo/ /zhes dang/ gal te
sangs rgyas bcom ldan 'das de dag gis byang chub sems dpa' de la
thams cad mkhyen pa'i ye shes mngon par sgrub pa'i sgo rnams su
gzhug pa ma mdzad du zin na/ de de nyid kyi

tshe yongs su mya ngan las 'da' bar 'gyur te/ sems can thams cad
kyi don bya ba yang rgyun chad par 'gyur ro/ /zhes gsungs so/
/de dag gis ni sa brgyad par rnam par mi rtog pa'i ye shes la
dbang sgyur thob nas/ de tsam la mnyam par

@245a @#/ /bzhag pa na/ de las bslangs nas sangs rgyas kyi stobs
la sogs pa thob pa'i rgyur rjes thob tu tshogs gsog pa la bskul
zhing/ chos nyid mngon sum du rtogs pa'i mi rtog ye shes nyan
rang gis kyang 'thob par gsungs pas/

de kho na nyid kyi rtogs pa yod na tshogs gzhan gsog pa la 'bad
pa mi dgos kyi/ de nyid la goms pas chog go zhes pa ni mi mkhas
pa'i bab col du smra ba'o/ gnyis pa ni/ gang gi phyir sa brgyad
pa 'dir rgyal ba rnams kyis 'gog pa las slong ba

de'i phyir sa 'dir/ chags pa med pa'i blo ste ye shes ni chags
sogs nyon mongs pa'i skyon rnams dag dang lhan cig tu mi gnas
pa'i phyir/ sa brgyad pa la ni rnam par mi rtog pa'i ye shes kyi
nyi ma shar bas/ mun pa lta bu'i dri ma ste nyon mongs

pa sngar byung ba 'khor bar skye ba'i rgyur gyur ba/ khams gsum
na spyod pa de dag thams cad kyang rtsa ba ste sa bon dang bcas
pa nye bar zhi ba ste spangs par 'gyur zhing/ de ltar nyon mongs
pa thams cad zad cing sa gsum ste khams gsum gyi bla

mar gyur kyang/ byang sems 'dis nyon mongs zad pa'i gnas skabs
der/ sangs rgyas rnams kyi ni yon tan gyi 'byor ba mkha' ltar
mtha' dang bral ba ma lus pa 'thob par nus pa ma yin pas/ de
thob par bya ba'i phyir sa brgyad pa ba 'dis

bsgrim par bya dgos so/ /'o na sa 'dir nyon mongs thams cad zad
par cis shes she na/ sa bcu pa las/ 'dir de nyid kyi tshe yongs
su mya ngan las 'da' bar 'gyur te/ zhes gsungs pa'i phyir/ sa
'dir khams gsum las sems

@245b 'dod chags dang bral ba nyid yod pa yin te/ nyon mongs
chad pa'i 'dod chags dang ma bral ba la mya ngan las 'das pa
mngon du byed nus pa med pa'i phyir ro/ /gsum pa ni/ gal te sa
'dir khams gsum la 'dod chags dang bral na

'khor bar skye ba 'gag pas/ ji ltar na 'di yis sangs rgyas kyi
rgyu'i chos ma lus pa yongs su rdzogs pa byed par 'gyur zhe na/
sa brgyad pa ba 'di yi las nyon gyi dbang gis 'khor bar 'khor ba
ni 'gags med kyang/ sa 'di thob pa na

ye shes la dbang ba sogs kyi dbang rnam pa bcu po thob par 'gyur
zhing/ dbang bcu po de dag gis byang sems 'dis dpal 'phreng gi
mdo las bshad pa ltar gyi yid kyi rang bzhin gyi lus kyi sgo
nas/ srid pa'i 'gro ba rnams su rang gi bdag

nyid kyi lus sna tshogs pa ston par byed par 'gyur bas/ 'di'i
tshogs yongs su rdzogs par 'gyur ba mi 'gal lo/ /dbang bcu ni
bskal pa brjod du med pa'i yang brjod du med par tshe'i tshad byin
gyis rlob pas tshe la dbang ba 'thob bo/ /ting nge 'dzin nges par

sems pa dpag tu med pa'i ye shes kyi 'jug pas sems la dbang ba
'thob bo/ /'jig rten gyi khams thams cad rgyan bkod pa du mas
rab tu brgyan pa'i byin gyis brlabs kun tu ston pas yo byad la
dbang ba 'thob bo/ /las kyi rnam

par smin pa byin gyis brlabs kyis dus ji lta ba bzhin du ston
pas las la dbang ba 'thob bo/ /'jig rten gyi khams thams cad du
skye ba kun tu ston pas skye ba la dbang ba 'thob bo/ /sangs
rgyas kyi zhing dang/ dus gang du ci dga' bar

@246a @#/ /mngon par rdzogs par byang chub pa kun tu ston pas
smon lam la dbang pa 'thob bo/ /'jig rten gyi khams thams cad
sangs rgyas kyis rab tu gang ba kun tu ston pas mos pa la dbang
ba 'thob bo/ /sangs rgyas kyi zhing

thams cad du rdzu 'phrul gyi rnam par 'phrul ba kun tu ston pas
rdzu 'phrul la dbang ba 'thob bo/ /de bzhin gshegs pa'i stobs
dang/ mi 'jigs pa dang/ sangs rgyas kyi chos ma 'dres pa dang/
mtshan dang/ dpe byad bzang po dang/ mngon par

rdzogs par byang chub pa kun tu ston pas ye shes la dbang ba
'thob bo/ /mtha' dang dbus med pa'i chos kyi sgo snang ba kun tu
ston pas chos la dbang ba 'thob bo/ /zhes sa bcu pa las rgya
cher gsungs pa lta bu'o/ /dbu ma la 'jug pa'i rgya cher

bshad pa dgongs pa rab tu gsal ba las/ don dam pa'i sems bskyed
pa brgyad pa'i bshad pa'o// ! //gsum pa ni/ sa dgu ba la ni
byang sems de'i stobs lta zhig ste stobs kyi pha rol phyin pa
mtha' dag rdzogs par dag par

'gyur ro/ /stobs kyi phar phyin la stobs bcu bshad pa ni thub pa
dgongs rgyan las/ de la bsam pa'i stobs ni nyon mongs pa kun tu
spyod pa med pa'i phyir ro/ /ltag pa'i bsam pa'i stobs ni sa'i
ye shes yongs su sbyangs ba nyid kyi phyir ro/ /gzungs kyi

stobs ni chos mi brjed pa nyid gyi phyir ro/ /ting nge 'dzin gyi
stobs ni rtag tu rnam par g.yengs pa med pa nyid kyi phyir ro/
/yang dag par 'byor ba'i stobs ni mtha' yas shing mur thug pa
med pa'i 'jig rten gyi khams kyi spyod pa rnam par dbye ba la
mkhas pa

@246b nyid kyi phyir ro/ /dbang gi stobs ni yid la re ba thams
cad yongs su rdzogs pa thob pa'i phyir ro/ /spobs pa'i stobs ni
sangs rgyas kyi chos thams cad rnam par spyod pa rnam par dbye
ba la mkhas pa nyid kyi phyir ro/ /smon lam gyi stobs ni sangs
rgyas thams

cad kyi spyod pa la sbyor ba mi gtong ba'i phyir ro/ /pha rol tu
phyin pa'i stobs ni bdag nyid kyis sangs rgyas kyi chos yongs su
smin par byed pa dang/ sems can yongs su smin par byed pa dang/
sems can thams cad la phan pa'i spyod pa mi gtong ba'i phyir

ro/ /byams pa chen po'i stobs ni sems can thams cad bskyab pa la
mchog tu sbyor ba mi gtong ba'i phyir ro/ /snying rje chen po'i
stobs ni sems can thams cad kyi sdug bsngal thams cad sel bar
byed pa'i phyir ro/ /chos nyid kyi stobs ni sgyu ma lta bu

la sogs pa'i chos nyid mngon du byed pa'i phyir ro/ /de bzhin
gshegs pa thams cad kyis byin gyis rlob pa'i stobs ni rnam pa
thams cad pa'i thams cad mkhyen pa'i ye shes la mngon du phyogs
par gyur pa nyid kyi phyir ro/ /zhes pa mdo sder bstan

pa'i stobs rnams so/ /zhes gsungs pa ltar ro/ /stobs kyi phar
phyin rdzogs pa de bzhin du so so yang dag par rig pa'i chos kyi
rang gi yon tan yongs su dag pa bzhi'ang 'thob ste/ chos dang/
don dang/ nges pa'i tshig dang/ spobs pa so so

yang dag par rig pa bzhi'o/ /de la dang pos ni chos rnams kyi
rang rang so so'i mtshan nyid rab tu shes so/ /gnyis pas ni chos
thams cad kyi rnam pa'i dbye ba shes so/ /gsum pas ni chos rnams
ma 'dras par so sor ston pa shes so/ bzhi

@247a @#/ /pas ni chos rnams kyi mthun pa'i rgyu rgyun chad pa
med pa rab tu shes par rang 'grel las gsungs so/ /gzhung gzhan
las ming gi rnam grangs kyi chos dang/ brjed bya'i don dang/
sgra'i nges pa'i tshig dang/ spobs pa mi

zad pa rig pa la bshad do/ /dbu ma la 'jug pa'i rgya cher bshad
pa dgongs pa rab tu gsal ba las/ don dam pa'i sems bskyed pa dgu
pa'i bshad pa'o// ! //bzhi pa ni/ sa bcu pa la gnas pa'i byang
sems de yis phyogs bcu

kun nas/ sangs rgyas rnams las 'od zer chen po'i dbang bskur ba
dam pa ste mchog 'thob bo/ /'thob tshul ni byang sems 'dis ting
nge 'dzin grangs med pa 'bum phrag bcu thob pa'i tha ma la/
thams cad mkhyen pa'i ye shes dang khyad par

med par dbang bskur ba dang ldan pa zhes bya ba'i ting nge 'dzin
mngon du 'gyur ro/ /de nas de ma thag tu stong gsum 'bum phrag
bcu'i gtos dang mnyam pa'i rin po che chen po'i padma rin po che
rnam pa thams cad kyi mchog dang ldan pa zhes bya ba nas/

rgyas par stong gsum 'bum phrag bcur tshad pa'i rdul phra rab kyi
rdul snyed kyi padma'i 'khor dang ldan pa 'byung bar 'gyur te/
byang sems de'i lus kyang de dang 'tsham par gnas so/ /ting nge
'dzin de thob ma thag tu padma de la 'dug par kun tu snang ngo/
/de de

la 'dug pa dang/ sangs rgyas sangs rgyas kyi zhing kun nas gdan
'dzom pa rnams kyi mdzod spu nas/ 'od zer byung nas byang sems de
la dbang bskur bar mdzad do/ /zhes bya ba'i bar du sa bcu pa las
gsungs pa lta bu'o/ /byang sems

@247b 'di la phar phyin bcu'i nang nas ye shes kyi phar phyin
lhag par mchog tu byung ba ste dag par 'gyur ba'ang yin no/ /ye
shes kyi ngos 'dzin dang de dang shes rab kyi phar phyin gyi
khyad par ni/ /byang sa las/ chos thams cad la ji lta ba bzhin
du rnam

par bzhag pa shes pa ni/ ye shes kyi pha rol tu phyin pa'o/ /de
la don dam pa 'dzin pa la zhugs pa'i shes rab ni/ shes rab kyi
pha rol tu phyin pa'o/ /kun rdzob 'dzin pa la zhugs pa ni ye
shes kyi pha rol tu phyin pa ste/ 'di gnyis kyi bye brag ni

de yin no/ /zhes gsungs so/ /char sprin rnams las 'jig rten pa
rnams kyi lo tog spel ba'i slad du chu char 'bab pa ji lta ba de
bzhin du/ gdul bya'i 'gro ba rnams kyi dge ba'i lo tog spel ba'i
ched du/ rgyal sras sa bcu pa ba 'di las kyang

lhun gyis grub par dam pa'i chos kyi char mngon par 'bab pa ste
'bebs so/ /de'i phyir sa 'di la chos kyi sprin zhes gsungs so/
/dbu ma la 'jug pa'i rgya cher bshad pa dgongs pa rab tu gsal ba
las/ don dam pa'i sems bskyed pa bcu

pa'i bshad pa'o// ! //gsum pa sa bcu'i yon tan bstan pa la gsum/
sa dang po'i yon tan bshad pa/ sa gnyis pa nas bdun pa'i bar gyi
yon tan bshad pa/ dag pa sa gsum gyi yon tan bshad pa'o/ /dang
po ni/ don

dam pa'i sems bskyed pa sa dang po thob pa de'i tshe sa dang po
ba 'dis ni/ /skad cig thang cig yud tsam cig la sangs rgyas
brgya mthong ba dang/ sangs rgyas brgya po de dag gis rang byin
gyis brlabs kyang ste brlabs pa yang byang sems 'di yis

@248a @#/ /rtogs pa dang/ sa dang po la gnas pa de nyid kyi tshe
na bskal pa brgyar gnas par byed pa dang/ bskal ba brgya la
sngon dang phyi ma'i mthar yang yang dag par 'jug go /de'i don
ni sngon dang phyi ma'i mtha'i bskal pa brgyar yang

ye shes kyi mthong ba 'jug pa'o/ /blo ldan te byang sems 'dis
ting nge 'dzin brgya phrag gcig la snyoms par 'jug cing gtong ba
ste ldang bar yang byed do/ /byang sems 'di yis 'jig rten gyi
khams brgya kun nas g.yo bar byed pa dang/ 'jig

rten gyi khams brgya snang bar byed nus pa dang/ de bzhin du
rdzu 'phrul gyis byang sems des sems can brgya phrag gcig smin
par byed pa dang/ brgya phrag gi grangs dang rjes su 'brel ba
ste grangs dang ldan pa'i sangs rgyas kyi zhing dag tu yang 'gro
bar

'gyur ba dang/ byang sems des ni chos kyi sgo rnams te brgya
yang dag par 'byed par byed pa dang/ thub dbang gi sras po 'dis
rang gi lus la lus brgya rnams kun nas ston par byed pa'ang yin
pa dang/ lus ni brgya po re re zhing yang rgyal ba'i sras po

brgya phrag re re dag dang rjes su 'brel ba'ang ston pa'i rang
gi 'khor dang bcas pas mdzes shing 'byor ba'o/ /gnyis pa ni/ blo
ldan sa rab tu dga' bar gnas pas yon tan brgya phrag bcu gnyis
po de dag ni thob par gyur nas/ sa gnyis par 'phos

pa nas dang po la bshad pa de bzhin kho nar sa dri ma med pa la
gnas pas/ yon tan sde tshan bcu gnyis po de dag ni stong du byas
pa yang dag par 'thob par 'gyur ro/ /yon tan sde tshan bcu gnyis
po de dag nyid sa gsum pa/ bzhi pa lnga pa drug pa bdun

@248b pa ste sa lnga po 'di dag rnams la byang chub sems dpa'
lnga po yis ni/ rim pa bzhin du 'bum phrag bcu gnyis dang/ bye
ba phrag brgya pa bcu gnyis dang/ bye ba phrag stong bcu gnyis
dang/ bye ba brgya phrag stong bcu gnyis dang/ bye ba phrag
khrag khrig phrag brgyar

rdzogs par bsgyur ba ste bye ba 'bum pa bcu gnyis dang/ slar
yang stong phrag tu yang dag par ni bsgyur ba mtha' dag ste
khrag khrig 'bum phrag bcu gnyis rab tu 'thob par 'gyur ro/
/gsum pa ni/ sa brgyad pa nas yon tan de rnams grangs kyi gnas

kyis bgrang bar mi nus pas/ rdul phra rab rnams kyis yongs su
bgrang bar bshad pa/ mi g.yo ba'i sa sa brgyad pa la gnas pa/
gang zag dang chos la bden 'dzin gyi rnam rtog med pa des stong
gsum brgya phrag stong bsdoms pa ste/ stong gsum

gyi 'jig rten gyi khams gsum gyi 'jig rten na rdul gyi grang ba
tshad ji snyed yod pa de rnams dang grangs mnyam pa'i yon tan sde
tshan dag ni 'thob par 'gyur ro/ /sa dgu pa legs pa'i blo gros
kyi sa la gnas pa'i byang chub sems dpa' des/ /

yon tan sngar bstan pa'i sde bcu gnyis dag grangs med brgya
phrag stong du yang dag par bsdoms pa phrag bcu ste/ /stong gsum
gyi 'jig rten gyi khams grangs med pa 'bum phrag bcu'i rdul phra
rab gyi grangs kyi tshad dang mnyam pa thob par 'gyur ro/ /sa
bcu

pa 'dir sa de'i yon tan ni/ sngar bshad pa'i sde tshan bcu gnyis
po dag gi spyod yul las ches 'das bar 'gyur zhing/ dag gi spyod
yul ma yin pa bsdoms pa ste sangs rgyas kyi zhing brjod du med
pa'i yang brjod du med pa'i rdul gyi grangs dag

@249a @#/ /ji snyed yod pa de snyed kyi grangs dang mnyam pa
'thob par 'gyur ro/ /re zhig gi sgras ni sa bcu pa ba la yon tan
'dir brjod pa de tsam du zad pa min no/ /zhes re zhig sngon la
'di brjod ces 'og nas yon tan gzhan ston

pa'i go rim brjod pa'o/ /gzhan yang byang sems 'dis ni sprul pa
ston pa la rtog pa'i kun slong rgyu ba med pa rang gi lus kyi ba
spu'i khung bu re rer byang chub sems dpa' rnams dang rdzogs
pa'i sangs rgyas kyi sku grangs las 'das pa re re zhing/

byang sems gzhal gyis mi lang ba'i 'khor rnams dang lhan cig pa
rnams dang skad cig skad cig la ni rim pa gzhan dang gzhan du
yang ston par nus la/ de bzhin du de dag las gzhan 'gro ba
lnga'i 'khor ba lha dang lha min dang mi la sogs

pa'i dbye bas tha dad pa yang ma 'dres par ba spu'i khung bu re
rer skad cig re re la ston par nus so/ /kyang gi sgra ni ma smos
pa bsdu pa'i don du ste/ ma smos pa gang sdud na brgya byin
dang/ tshangs pa dang/ 'jig rten skyong ba dang/ mi'i rgyal po
dang/ nyan

thos dang/ rang sangs rgyas dang/ de bzhin gshegs pas gdul ba'i
sems can rnams la brgya byin la sogs pa'i gzugs bzung nas lhun
gyis grub par chos ston par nus so/ /zhes bya ba la sogs pa'i
bar gyi don sdud pa'o/ /rgyas par ni

sa bcu pa las shes par bya'o/ /gnyis pa 'bras bu'i sa la lnga/
dang por sangs rgyas pa'i tshul/ sku dang yon tan gyi rnam gzhag 
/sprul pa'i sku bstan pa/ theg pa gcig tu bsgrub pa/ mngon par
byang chub pa dang bzhugs pa'i dus kyi

@249b bshad pa'o/ /dang po la gnyis/ dngos kyi don dang/ rtsod
pa spang ba'o/ /dang po ni/ ji ltar te dper na zla ba'i snang
bas na mkha' dri ma med pa la 'gro ba ma lus pa gsal bar nus pa
de bzhin du/ sangs rgyas kyi chos rnams 'thob pa la gegs byed

pa'i mun pa sbyong bar mdzad pa thugs bskyed pa bcu pa brnyes
pas/ rang gis sangs rgyas kyi chos rnams brnyes nus par mkhyen
nas/ slar yang stobs bcu pa sangs rgyas kyi sa bskyed pa'i sngon
gyi sa bcu pa der sangs rgyas kyi sa 'thob pa la

'bad pa mdzad pa'am brtsams par gyur cing/ gang gi don du 'bad
pa 'di brtsams par gyur pa'i go 'phang mchog zhi ba bla na med
pa'i ye shes de yang/ bcom ldan 'das kyis 'og min du ni ste gnas
de kho nar khyod kyis brnyes par gyur to/ /ye shes

de ni yon tan mtha' dag gi mthar thug pa ste/ dran pa nyer gzhag
la sogs pa'i yon tan mtha' dag 'dir mthar thug cing phul du
byung ba'i phyir ro/ /de ni mtshungs pa med pa yang yin te/ de
dang 'dra ba med pa'i phyir dang/ gong na med pa'i phyir

ro/ /tshig rkang dang po'i 'gyur ni 'grel pa dang bstun na sngar
bshad pa ltar 'ong dgos la/ tshig rkang gnyis pa la nag tsho'i
'gyur las/ slar yang stobs bcu bskyed pa'i sngon gyis der 'bad
ba mdzad gyur pa/ zhes 'byung ba ltar legs so/ /'og

min kho nar zhes gsungs pas ni sngar sangs ma rgyas pa gsar du
'tshang rgya ba'i rten la 'og min pa dgos par ston la/ sngon
sangs rgyas zin gsar du 'tshang rgya ba'i tshul ston pa 'dod pa
khams su mdzad pa yin te/ pha rol tu phyin pa'i theg pa'i

@250a @#/ /lugs so/ /'og min du dang por 'tshang rgya ba na/ bcom
ldan 'das kyis skad cig gcig kho na la thams cad mkhyen pa'i ye
shes brnyes par ston pa ni/ ji ltar te dper na bum pa dang 'khar
gzhong la sogs pa'i snod kyi

mi 'dra ba'i dbye ba du ma yod kyang/ mi 'dra ba'i dbye ba de
yis snod de dag tu gtogs pa ste der khyab pa'i nam mkha' la ni/
sgrib pa thams cad bkag tsam du mtshungs pa'i phyir/ de las gzhan
pa'i dbye ba med pa de ltar du gzugs dang tshor ba la sogs

pa la dngos po ste rang gi rgyu rkyen gyis byas pa'i dbye ba mi
'dra ba du ma yod kyang/ de dag tu gtogs pa de rang bzhin gyis
grub pa'i skye ba med pa'i de kho na nyid la/ dngos pos byas
pa'i dbye ba 'ga' yang med pa de'i phyir de kho na nyid ni ro
mnyam pa ste ro

gcig kho nar shes par bya'o/ /ro mnyam de yang mkhyen pa'i skad
cig gcig kho nas yang dag par thugs su chud par mdzad par gyur
pas na/ mkhyen pa bzang po can khyod kyis skad cig gis ni shes
bya thams cad thugs su chud pa'i ye shes

brnyes so/ /gnyis pa la gnyis/ phyogs snga ma dgod pa dang/ lugs
de dgag pa'o/ /dang po ni/ rang bzhin gyis skye ba med pa ni
gzugs la sogs pa rnams kyi de kho na nyid do/ /zhes rnam par
'jog cing de yang blos shes pa yin no zhes 'jog

na/ gang gi tshe rang bzhin gyis skye ba zhi ba ni/ de kho na
nyid do zhes rnam par 'jog pa de'i tshe/ yul de la rnam pa thams
cad du blo gros te shes rab mi 'jug par khas blang dgos te/ 'di
ltar rang bzhin gyis skye ba med pa'i de kho na nyid la blo

@250b de 'jug pa na/ blo de yul ci'i rnam pa can cig tu 'gyur te
mi 'gyur ro/ /de'i phyir yul gyi rnam pa gang yang 'char ba med
pas de kho na nyid la blo mi 'jug go /yul can gyi blo yul la ma
zhugs par ni shes bya'i yul blos nges par rigs

pa'ang ma yin pas/ de kho na nyid kyi don 'di yongs su shes par
'gyur bar ji ltar 'os/ yongs su shes pa med pa ni de kho na nyid
shes pa'o/ /zhes bya bar mi rigs pa'i phyir te/ yul kun nas shes
pa med par ni shes par ji ltar 'gyur te

'gal bar 'gyur ba'i phyir ro/ /de kho na nyid la 'jug pa'i sems
skye ba ste 'byung ba med na yang/ de kho na nyid mkhyen pa po
med par 'di lta bu'i mtshan nyid can gyi de kho na nyid ngas
thugs su chud do zhes khyed kyis gdul bya gzhan dag la su zhig

gis ston par byed pa rigs te mi rigs so zhe na gnyis pa la
gnyis/ de kho na nyid rtogs pa mi 'thad pa'i rtsod pa spang ba/
mkhyen pa po mi 'thad pa'i rtsod pa spang ba'o/ /dang po ni/
'jig rten 'di na shes pa yul de'i rnam pa'i rjes su byed pa nyid
'dzin

pa na/ shes pa des yul de rig par brjod de/ /ji ltar te dper na
sems ni yul sngon po gang gi rnam pa can du skye bar 'gyur ba
na/ sems de yis yul sngon po de yongs su shes so zhes brjod pa
de bzhin du yul can gyi shes pa yul de kho na nyid ji 'dra ba

de 'dra ba'i rnam pa can du skye ba na/ tha snyad gyi bden pa la
brten nas de kho na nyid rig pa yin no zhes nye bar gdags so/
/shes pa de kho na nyid kyi rnam pa'i rjes su byed tshul ni/ gang
gi tshe rang bzhin gyis skye ba med pa yul gyi de kho na nyid yin
zhing ste yin pa
@251a @#/ /bzhin du/ de'i yul can gyi blo yang rang bzhin gyis
skye ba dang bral ba'i rnam pa can du chu la chu bzhag pa bzhin
du zhugs pa de'i tshe/ yul de'i rnam pa sten pa ste 'dzin pa nyid
las/ de kho na nyid rtogs par 'jog pa'i phyir sngar

gyi rtsod pa'i skyon med do/ /nag tsho'i 'gyur las/ de tshe de'i
de nyid rtogs pa de'i rnam pa 'dzin pa nyid yin te/ zhes 'byung
ba ltar lta bu med pa dag pa yin no/ /'dir rang 'grel las/ de'i
phyir btags pa las de kho na nyid rtogs so zhes rnam par bzhag

gi /dngos su na 'ga' zhig 'ga' zhig gis shes pa ni ma yin te/
shes pa dang shes bya gnyis ka yang ma skyes ba nyid kyi phyir
ro/ /zhes gsungs pa'i btags pa las zhes gsungs pa'i don ni/ tha
snyad brten nas rig pa yin/ zhes gsungs

pa ltar rang gi ngo bo nyid kyis rig pa min par btags pa tsam
las rig par 'jog pa'i don yin gyi/ de kho na nyid rig pa btags
pa bar 'jog pa min no/ /dngos su na zhes sogs kyi don ni spros
bral gyi rnam pa shar ba tsam las rig pa min par sngo

ser sogs kyi rnam pa 'dra ba zhig shar nas rig pa min te/ yul de
kho na nyid ma skyes pa yin pa bzhin du/ yul can yang rang bzhin
gyis ma skyes pa'i rnam pa can yin pas so zhes pa'i don no/ /de
ltar na phyogs snga ma smra ba pos blo la de kho

na nyid kyi rnam pa 'char rgyu med pa dang/ yul de'i rnam pa ma
shar na blo yul la mi 'jug pa dang/ ma zhugs na yul de mi shes
pa dang/ ma shes na yul can de shes par 'gal lo zhes smra ba'i
yul gyi rnam pa ma shar na blo mi 'jug pa la

@251b sogs pa rnams rang yang de ltar 'dod pas/ de la lan mi
'debs pas blo la don dam bden pa'i rnam pa 'char rgyu med pa
bkag nas/ de'i rnam pa blo la 'char ba dang/ de shar ba las yul
de rtogs par 'jog ces dpe dang bcas par gsungs pas/ lugs

'di la don dam bden pa rtogs pa'i mi rtog ye shes med par smra
ba ni/ 'phags pa'i rtogs pa mchog la skur ba 'debs pa yin no/
/'dir skad cig gis ni shes bya thugs su chud/ ces skad cig gcig
kho nas thams cad mkhyen pa'i ye shes brnyes

pa dang/ ji lta ba mkhyen pa'i ye shes kyis rig bya rig byed
dngos su tha dad pa'i tshul du snang nas mi mkhyen par gsungs pa
rnams la/ sangs rgyas kyis ji lta ba dang ji snyed pa mkhyen
tshul legs par shes dgos par snang bas/ mdor bsdus pa zhig

brjod par bya'o/ /'di la sangs rgyas ma thob par du blo gcig gis
skad cig ma gcig la chos can so sor snang ba dang/ chos nyid
gnyis ka dngos su mkhyen pa mi 'ong bas de gnyis mkhyen pa res
'jog tu 'ong ngo/ /bden 'dzin gyi bag chags

ma lus pa zad de sangs rgyas pa nas dus rtag tu don dam bden pa
mngon sum du rtogs pa'i mnyam gzhag la bzhugs pas/ de las
bzhengs pa'i mnyam rjes res 'jog med pa'i phyir dang/ bden gnyis
rang 'grel las/ mkhyen pa'i skad

cig gcig gis ni/ /shes bya'i dkyil 'khor kun khyab can/ /zhes
gsungs pa ltar yin pas mnyam gzhag gi ye shes de las ngo bo tha
dad pa'i ji snyed pa mkhyen pa'i rjes thob kyi ye shes med pa'i
phyir na/ ye shes gcig gis bden pa

@252a @#/ /gnyis kyi shes bya thams cad mkhyen par 'dod dgos so/
/gang gi tshe chos nyid la ltos te ji lta ba mkhyen pa'i ye shes
su song ba de'i tshe blo de'i ngor gnyis su snang ba thams cad
nye bar zhi bas ye shes de chu la chu bzhag pa bzhin

du ro gcig tu zhugs pa yin la/ gang gi tshe chos can la ltos te
ji snyed pa mkhyen par song ba de'i tshe/ yul yul can so sor
snang ba'i gnyis snang yod kyang/ gnyis snang 'khrul ba'i bag
chags drungs phyung bas snang yul la ma 'khrul ba'i gnyis snang

yin gyi 'khrul ba'i gnyis snang min te/ 'di ma 'khrul ba'i tshul
gzhan du legs par bshad zin to/ /sangs rgyas kyi sar mnyam gzhag
dang rjes thob kyi ye shes gnyis ka yod par ni rgyud bla ma las/
shes rab ye shes rnam grol rnams/ /gsal dang 'phro dang

dag phyir dang/ /tha dad med phyir 'od dang zer/ /nyi ma'i dkyil
'khor rnams dang mtshungs/ /zhes pa'i 'grel bar de la sangs rgyas
kyi rgyud la mnga' ba'i 'jig rten las 'das pa rnam par mi rtog
pa'i shes rab ni/ shes bya'i de kho na nyid dam pa'i mun

pa sel bar nye bar gnas pa'i phyir/ /'od gsal ba dang chos
mtshungs so/ /de'i rjes la thob pa shes bya thams cad kyi ye shes
ni shes bya'i dngos po ma lus pa rnam pa thams cad la 'jug pas
ni 'od zer gyi dra ba 'phro ba dang chos mtshungs

so/ /zhes gsungs so/ /'jig rten las 'das pa rnam par mi rtog
pa ni mnyam gzhag yin la/ de yang de kho na nyid la ltos nas
'jog pa ni de kho na nyid dam pa zhes sogs kyi don no/ /rjes
la thob pa zhes pa'i rjes kyi don ni/ mnyam bzhag

@252b las langs pa'i rjes zhes dus snga phyi'i rjes min gyi/
mnyam gzhag de'i stobs kyis thob pa'am byung ba'i don no/ /shes
bya zhes sogs kyi don ni rjes thob kyi ye de shes bya ji snyed
pa thams cad la 'jug pa'i sgo nas 'jog pa'o/ /des na chos can

la ltos te ji lta ba mkhyen pa min la/ chos nyid la ltos te ji
snyed pa mkhyen pa min no/ /don 'di legs par shes na bden gnyis
las brtags pa'i ngo bos dben pa yis/ /ji ltar snang ba 'di kho
na/ /brten te skyes pa thams cad ni/ /thams cad mkhyen

pas mngon sum gzigs/ /zhes dang/ gang tshe shes dang shes bya
dang/ /bdag nyid rjes su mi mthong ba/ /de tshe mtshan ma mi
'byung phyir/ /gnas pa brtan phyir mi bzhengs so/ /zhes sangs
rgyas kyis snang ba ji snyed pa thams cad mngon sum du mkhyen pa
dang/ yang gnyis su snang ba'i tshul

gyis shes pa dang shes bya gang yang mi mthong bar gsungs pa
dang/ chen po gzhan dag gis kyang de dang 'dra bar gsungs pa
rnams la/ shes pa dang shes bya gang yang mi mthong ba sangs
rgyas rang snang gi dbang du byas shing/ shes bya thams cad
mngon sum du gzigs pa gdul bya gzhan snang gi mkhyen tshul yin
pas/ sangs rgyas kyi sas bsdus pa'i

ye shes med ces zer mi dgos par ye shes gcig nyid yul gnyis la
ltos te/ mkhyen tshul mi 'dra ba gnyis 'ong ba la 'gal ba cung
zad kyang med par shes pa'i phyir ro/ /'o na dngos kun yang dag
brdzun pa mthong ba yis/ /zhes sogs kyis

bden pa gnyis kyi mtshan nyid bstan pa dang/ rnam gzhag 'di gnyis
'gal bar 'gyur ro snyam na/ mi 'gal te bden gnyis kyi mtshan nyid
sngar bshad pa ni spyir btang la dgongs la/ sangs rgyas kyi ye
shes kyi mkhyen tshul ni sa bcu pa man chad

@253a @#/ /dang/ thun mong ma yin pa dmigs bsal gyi dbang du byas
pa yin pa'i phyir ro/ /de'i phyir sangs rgyas kyi mkhyen tshul
yang bsdus pa'i dbang du byed na ni yang dag pa mthong ba'i rigs
shes tshad mas rnyed pa dang/ yul de la

rigs shes tshad ma yin pa ni/ don dam bden pa'i mtshan nyid yin
la/ des kun rdzob bden pa'i mtshan nyid kyang shes par bya'o/ /de
bzhin du ji lta ba mkhyen pa'i ye shes kyis rnyed cing yul de la
ji lta

ba mkhyen pa'i ye shes su song ba dang/ ji snyed pa mkhyen pa'i
ye shes kyis rnyed cing yul de la ji snyed pa mkhyen par song
ba'i sgo nas/ yul so so la ltos nas kun rdzob dang don dam
mkhyen tshul yang shes par bya'o/ /'dir sngar rang rig 'thad

mi 'thad dpyad pa byas pa'i rang lugs kyang dran par bya'o/
/gnyis pa la gnyis/ dngos kyi don dang/ de'i 'thad pa dngos
bstan pa'o/ /dang po ni/ gang yang khyod kyi lugs ltar na mkhyen
pa po med par gdul bya gzhan la de kho na nyid ni 'di lta bu'o

zhes su zhig gis ston zhes brjod pa de la yang lan brjod par bya
ste/ sangs rgyas kyi sa'i de kho na nyid 'jal ba'i shes pa 'di
yul rang bzhin gyis skye ba med pa'i don dam dang ro gcig tu
zhugs pa bden mod kyang/ /'jig rten na de kho na

nyid rtogs pa mi srid pa yang min no/ /de ji ltar zhe na/ rtsod
pa 'di'i don ni de kho na nyid la ro gcig pa'i tshul gyis rtag tu
bzhugs pa yin na/ chos ston pa'i kun slong gi rnam rtog dang
bcas pa'i ston pa po med la/ de med na chos ston pa

@253b med ces pa'i don yin te/ 'di'i 'og nyid nas rnam rtog med
kyang chos ston pa 'thad pa'i lan gsungs pa'i phyir/ rtsod ba
'di la lan brjod par bya ste/ sangs rgyas rnams gzugs kyi sku
gang la bzhugs nas chos kyi dbyings chos kyi sku mngon sum du
mdzad

ba'i sangs rgyas de yi gzugs kyi sku ni/ bsod nams kyi tshogs
brgya phrag du mas zin pa ste mngon par 'du byas pa'i bsam gyis
mi khyab pa sna tshogs pa'i gzugs mnga' ba/ byang sems rnams kyi
chos kyi longs spyod kyi rgyur gyur pa'i longs spyod

rdzogs pa'i sku yin pas/ sku de las sgra gang zhig 'byung ba
chos kyi de kho na nyid ston pa de las 'jig rten te gdul bya
chos de lta bu nyan pa'i snod du gyur pas kyang de kho na nyid
phyin ci ma log par rig par 'gyur ro/ /bsod nams brgyas bskyed
pa'i

sku las de ltar 'byung ba lta zhog /longs sku de'i byin rlabs
kyis sprul pa dang/ de tsam du ma zad kyi gzhan yang sprul pa de
yi mthus nam mkha' dang/ gzhan rtswa dang shing dang rtsig pa
dang brag la sogs pa sems med pa las sgra gang zhig chos

kyi de nyid ston pa 'byung ba de las kyang gdul bya rnams kyis
de kho na nyid rig par 'gyur ro/ /gnyis pa ni/ yang ji ltar sems
dang sems byung gi rnam rtog med pa ni/ de ltar ston pa'i dus da
lta kun slong gi bya ba mi srid kyang/ chos ston pa'i

bya ba 'byung ba'i rgyur 'gyur snyam na/ de bstan pa'i phyir dpe
dgod pa ni/ ji ltar te dper na 'jig rten 'dir rdza mkhan stobs
chen pa dang ldan pas 'bad pa chen pos bskor ba'i 'khor lo ni/
de 'das nas yun ring du song bas rdza

@254a @#/ /mkhan de'i 'khor lo bskor ba'i 'bad rtsol da lta skyes
pa med bzhin du'ang/ 'khor lo de 'khor zhing rdza bum la sogs
pa'i rgyur mthong ba ltar/ de bzhin du sangs rgyas pa'i tshe da
lta skyes pa'i 'bad rtsol gyi rtog pa med

bzhin du/ chos kyi sku'i bdag nyid can nyid la bzhugs pa'i sangs
rgyas de'i 'phrin las 'jug pa ni/ yid bzhin gyi nor bu dang dpag
bsam gyi shing dang 'dra bar/ sangs rgyas las de 'dra ba'i chos
thos par 'gyur ba'i las yongs su smin pa'i

dge ba gdul bya'i skye bos bsags pa dang/ sangs rgyas kyis sngon
byang sems gyi skabs su smon lam khyad par can btab pa'i mthus
'phangs pa ste shugs las yin pas/ ches shin tu bsam gyis mi
khyab pa yin no/ /smon lam ji lta

bu zhe na/ ji ltar 'tsham par sems can gyi don sgrub pa lhur
mdzad cing/ chos kyi dbyings las skad cig kyang mi bskyod la/
sems can gdul ba'i dus las kyang mi 'da' ba de 'dra bar bdag
kyang gyur cig /ces pa'o/ /'dir de'i shes byed kyi

mdo drangs pa nag tsho'i 'gyur las 'byung ngo/ /gnyis pa la
gnyis/ sku'i rnam gzhag dang/ stobs kyi yon tan gyi rnam gzhag
go /dang po la gsum/ chos kyi sku dang/ longs spyod rdzogs pa'i
sku dang/ rgyu mthun pa'i sku bshad pa'o/ /dang po ni/ de

ni chos kyi sku'i dbang du byas nas bshad pa/ yul can ye shes
kyi rang bzhin te bdag nyid can gyi sku gnyis su snang ba'i shes
bya'i yul bud shing skam po dang 'dra ba ma lus pa/ ye shes me
dang 'dra bas bsregs pa las/ shes bya rang bzhin gyis

@254b skye ba med pa ji 'dra ba de 'dra ba'i rnam ba can du
zhugs pas/ shes pa rang bzhin gyis ma skyes pa de'i rnam pa can
dang ldan par gyur ba'i de kho na nyid zhi ba de ni rgyal ba
rnams kyi chos kyi sku'o/ /'di nyid kyi dbang du mdzad nas rdo
rje gcod pa las/ sangs

rgyas rnams ni chos nyid lta/ /'dren pa rnams ni chos kyi sku/
/chos nyid shes bya ma yin te/ /de ni shes par nus ma yin/ /zhes
sangs rgyas rnams ni dus kun tu chos nyid la lta ba ste de la
mnyam par bzhag pa dang/ 'dren pa rnams kyi don dam pa'i

sku ni chos kyi sku dang/ chos nyid de mkhyen pa na'ang gnyis su
snang ba'i tshul gyis shes par bya ba min par gsungs so/ /de kho
na nyid kyi chos kyi sku 'di ni/ de'i tshe skye ba med cing 'gag
pa med pa ste 'di'i dbang du mdzad nas/ 'jam dpal skye ba med

cing 'gag pa med pa zhes bya ba 'di ni/ de bzhin gshegs pa'i
tshig bla dwags so zhes mdo sde las gsungs so/ /de ltar na
sangs rgyas kyi sar ye shes kyi yul de kho na nyid kyi don la/
rnam pa thams cad du de'i yul can gyi sems dang sems las

byung ba'i rnam rtog 'gags shing mi 'jug pas/ rnam par mi rtogs
pa'i ye shes dang de kho na nyid gnyis chu la chu bzhag pa bzhin
du dbyer med par zhugs so/ /de'i phyir go 'phang de ni dang por
longs spyod rdzogs pa'i sku yis mngon sum du

mdzad pa ste brnyes bar kun rdzob tu rnam par bzhag go /nag
tsho'i 'gyur las/ de'i shes byed du phyir mi ldog pa'i 'khor lo'i
mdo drangs pa snang ngo/ /sems 'gags pa zhes gsungs pa'i don ni/
tshig gsal las/ mdo las/ don dam pa'i

@255a @#/ /bden pa gang zhe na/ gang la sems kyi rgyu ba yang med
na/ /yi ge rnams lta smos kyang ci dgos/ /zhes gsungs so/ /de
ltar na rnam par rtog pa med pa yin no/ /zhes sems kyi rgyu ba
rnam rtog med pa la gsungs pa dang/ 'dir rang

'grel las kyang/ zhi ba'i don sems sems byung dang bral ba la
bshad nas/ zhi ba de yin yang sems can gyi don mdzad nus pa gsal
bar byed pa'i dper/ dpag bsam gyi shing dang yid bzhin gyi nor
bu bkod pa'i mthar/ 'di rnam par mi rtog pa yin

du zin kyang/ dpag bsam gyi shing dang yid bzhin gyi nor bu
ltar/ /zhes rnam rtog gi sems sems byung dang bral ba la gsal
bar gsungs pas/ sangs rgyas la ye shes med pa'i khungs su 'dren
pa ni gzhung gi don ma rtogs pa'i skur 'debs chen

po'o/ /gnyis pa ni/ sku gang gis chos sku mngon du mdzad pa'i
longs sku 'di ni/ sems sems byung gi rtog pa dang bral bas na
zhi ba'i sku'o/ /de ltar rnam par mi rtog pa yin yang sems can
gyi don mdzad par nus pa gsal bar byed pa ni/ dpag bsam

gyi shing lta bu dang/ yid bzhin gyi nor bu ji bzhin du rnam par
mi rtog par gdul bya'i 'dod pa'i don sgrub pa'i rgyu nyid du
'gyur ro/ /sku 'di ni 'gro ba thams cad grol grol gyi bar du
gdul bya'i 'jig rten gyi 'byor ba'i slad du/ rtag tu yun ring
por gnas pa

yin no/ /de'i phyir 'jig rten ji srid pa dang na mkha' ji srid
pa de srid du sangs rgyas rnams tshul 'dis/ /sems can gyi don kho
na mdzad cing rnam par bzhugs so/ /longs sku 'di ni byang sems
spros pa dang bral ba ste/ rang gi tshogs gnyis las shes rab dri
ma

@255b med pa'i me long thob pa'i sa thob pa rnams kho na la
snang bar 'gyur gyi/ spros pa dang bcas pa so skye rnams la ni
dngos su snang ba ma yin no/ /skyabs 'gro bdun cu pa las kyang/
sangs rgyas nyid kyi gzugs kyi sku/ /mtshan dang dpe byad dag gis
'bar/ /'gro ba

rang gi mos pa yis/ /dbang gis sna tshogs sku 'dzin gang/ /bsod
nams tshogs ni tshad med las/ /'khrungs pa de ni rgyal ba'i sras/
/sa bcu la ni gnas rnams kyis/ /mthong bar gyur na sku de yis/
/chos kyi rdzogs longs spyod 'di ni/ /rgyal ba rnams kyi spyod

pa yin/ /zhes gsungs so/ /gsum pa la gsum/ sku dang ba spu'i
khung bu gcig tu rang gi spyod pa kun ston tshul dang/ gnas der
gzhan gyi spyod pa kun ston tshul dang/ bzhed pa la mnga' bsgyur
ba phun sum tshogs pa bshad pa'o/ /dang po na/ chos kyi sku 'am

sngar bshad pa'i gzugs sku'i mthu las byung ba yang rung ste/
sngar bshad pa'i longs sku las gzhan du gyur pa sprul pa'i sku'i
ngo bo nyid chos longs kyi rgyu mthun pa ste 'bras bu'i sku gang
dag /sems can 'dul ba'i rgyus byung ba de dag la yang mthu'i
khyad

par bsam gyis mi khyab pa brjod pa'i phyir bshad pa/ thub pa'i
dbang pos chos longs kyi sku de'i rgyu mthun pa'i gzugs sku gcig
la/ 'khor ba thog ma med pa nas kyi rang gi skye ba'i gnas skabs
da lta 'gags zin pa sngon gyi byung ba'i mtha' ma lus

pa bstan pa'i phyir/ gsal ba dang ma 'chol ba ste phan tshun ma
dres par/ sngar gyi byung tshul ni ma lus pas bkra ba mtha' dag
/me long shin tu dag pa la gzugs brnyan ltar dus gcig kho nar
lhun gyis grub par ston par mdzad do/ /

@256a @#/ /bcom ldan 'das kyis sngon sbyin pa'i phar phyin la
spyod pa na/ sangs rgyas gang la bsnyen bkur gang mdzad pa dang/
sangs rgyas kyi zhing baiDU r+ya la sogs pa'i rin po che'i rang
bzhin can chu zheng kun nas zlum pa dang/ de la brten pa'i

bcud kyi sems can gyis mdzes pa ji 'dra ba zhig na/ thub pa'i
dbang po bltams pa sogs ston par mdzad pa dang/ sangs rgyas de
dag gi sku dang spyod pa'i mthu dang stobs phul du byung ba ji
'dra ba dang/ de dag gi 'khor nyan thos kyi dge 'dun 'dus

pa ji snyed pa dang/ chos la nan tan gang byas pas dge 'dun der
gyur pa ji lta ba ste ji 'dra ba dang/ sangs rgyas kyi zhing der
byang chub sems dpa' rnams gzugs mtshan dpes spras pa dang/ chos
gos dang zas dang gnas la sogs pa nye bar spyod

pa dang ldan pa ji 'dra ba dang/ theg pa gcig dang gsum la
brtsams nas chos ji 'dra ba bstan pa dang/ zhing der bdag nyid
bram ze la sogs pa'i rigs su skyes pa blo dang ldan pa khyim pa
dang/ rab byung du gyur pa ji 'dra ba dang/ chos thos nas bslab

pa'i gzhi ma rdzogs pa dang rdzogs pa'i bslab pa khas blangs te/
byang sems kyi spyod pa gang la spyad pa dang/ sangs rgyas dang
byang sems dang nyan thos de dag la bza' ba dang chos gos dang
rin po che'i rgyan la sogs pa'i sbyin pa gang dus ji

tsam zhig tu dang/ tshad ji tsam zhig phul ba de ni ma lus par
sku gcig la ston par mdzad do/ /de ltar sbyin pa'i phar phyin
las brtsams pa'i byung ba'i mtha' ston par mdzad pa de bzhin du/
tshul khrims dang bzod pa dang/ brtson 'grus

@256b dang bsam gtan gyi ting nge 'dzin dang/ shes rab kyi phar
phyin la sngon spyod pa'i tshe'i sngar gyi gnas skabs gang ma
tshang ba med pa de dag sku gcig la ston par mdzad do/ /zhes gong
du sbyin pa la bshad pa dang sbyar bar bya'o/ /sku gcig la cig
car du gnas

skabs thams cad ston pa lta zhog gi /'on kyang sngon gyi nyid
kyi spyod pa kun sku yi ba spu'i khung bur 'ang gsal bar ston
par mdzad do/ /gnyis pa ni/ sangs rgyas gang dag sngar 'das ba
dang/ ma 'ongs pa na 'byung bar 'gyur ba gang dang/ sangs

rgyas gang dag da ltar nam mkha'i mthar thug par gsung gi gdangs
mthon pos chos ston pas/ sdug bsngal gyis bzung ba ste gzir pa'i
'gro ba rnams dbugs 'byin zhing 'jig rten na bzhugs pa dang/
dang po'i thugs bskyed pa bzung ba nas byang

chub kyi snying po'i bar dus gsum gyi rgyal ba de dag gi spyod
pa kun/ bdag gi spyod tshul kun ston pa de bzhin du/ ba spu yi
khung bu gcig tu dus gcig la ni gsal bar ston par nus te/ mig
'phrul mkhan tha mal pa 'ga' zhig gis sngags

dang rdzas kyi mthu tsam zhig gis kyang/ rang gi lus la snod
bcud kyi rnam pa sna tshogs pa ston par nus na/ sangs rgyas dang
byang sems dngos po rnams kyi rang bzhin mig 'khrul gyi rang
bzhin dang bden brdzun khyad par med par mkhyen nas de bskal pa
du

mar goms par mdzad pa rnams kyis/ rnam 'phrul de rnams mdzad mi
nus par 'gyur ram ste mi 'gyur ro/ /de'i phyir mkhas pa su zhig
de 'dra ba de mi rtog pa dang/ rtogs kyang the tshom za bar 'gyur
te mi 'gyur te/ dpe 'di'i sgo nas lhag par mos

@257a @#/ /bar bya'o/ /ji ltar nyid kyi spyod pa dang sangs rgyas
gzhan gyi spyod pa rnams dus gcig tu ba spu'i khung bur ston par
mdzad pa de bzhin du/ dus gsum gyi byang chub sems dpa' dang/
dus gsum gyi rang rgyal 'phags pa dang nyan thos

ma lus pa'i spyod pa dang/ de rnams kyi lhag ma so so skye bo'i
gnas skabs kyi spyod pa thams cad ni/ pa spu'i khung bu gcig tu
dus gcig gi tshe ston par nus so/ /gsum pa ni/ de ltar sku gsum
phun sum tshogs pa brjod nas rnam rtog mi mnga' yang bzhed pa

la mnga' 'am dbang bsgyur ba phun sum tshogs par bstan pa'i phyir
bshad pa/ dri ma ma lus pas dag pa'i sangs rgyas kyi mdzad pa
'di ni/ bzhed pa tsam gyi 'jug pa yis te de'i sgo nas nam mkha'
yi mthas gtugs pa'i 'jig rten rnams rdul phra rab gcig

gi yul gyi khyon la ston par nus la/ 'jig rten mtha' yas pa ste
ma lus pa'i rten gyi khyon/ rdul phra rab gcig gis khyab pa yang
ston par mdzad pa na/ rdul gcig po de rags pa che bar yang mi
'gyur la/ 'jig rten phra ba ste chung bar yang mi 'gyur

ro/ /de bzhin du rnam par rtog pa mi mnga' ba khyod kyis srid pa
'khor ba'i mtha'i bar du/ skad cig de re re la spyod pa sna
tshogs pa ji snyed ston pa de snyed kyi grangs ni/ 'dzam bu gling
ma lus pa na rdul phra rab kyi grangs gang ji snyed yod pa de
snyed kyi grangs la

med do/ /snga ma ni yul gyi dbang du byas la/ 'di ni dus kyi
dbang du byas pa'o/ /gnyis pa la bzhi/ stobs bcu mdor bstan pa
de rnams rgyas par bshad/ yon tan kun brjod mi nus pa'i tshul/
/yon tan gnyis shes pa'i phan yon bstan pa'o/ /dang po

@257b ni/ sangs rgyas kyi sa ni stobs bcus rab tu phye ba'i
phyir na/ de'i rnam par dbye ba cha tsam zhig bstan pa'i phyir
bshad pa/ thub pa'i stobs la ni/ gnas dang gnas min mkhyen pa'i
stobs dang/ de bzhin du las kyi rnam

par smin pa blo ste mkhyen pa'i stobs dang/ mos pa sna tshogs pa
thugs su chud pa'i stobs dang/ khams ni sna tshogs pa mkhyen pa'i
stobs dang/ de bzhin du dbang po mchog dang/ mchog ma yin pa
mkhyen pa'i stobs dang/

thams cad du 'gro ba'i lam mkhyen pa'i stobs dang/ bsam gtan
dang rnam par thar pa dang ting nge 'dzin dang snyoms par 'jug
pa sogs blo ste mkhyen pa'i stobs dang/ sngon gyi gnas rjes su
dran pa mkhyen pa'i stobs dang/ de bzhin du 'chi 'pho ba dang

skye ba dang gnas pa blo ste mkhyen pa'i stobs dang/ zag pa
rnams zad pa mkhyen pa'i stobs ste/ stobs ni bcu po 'di dag tu
yod do/ /gnyis pa la gnyis/ gnas dang gnas min mkhyen pa sogs
kyi stobs lnga bshad pa dang/ thams cad du 'gro

ba'i lam mkhyen pa sogs kyi stobs lnga bshad pa'o/ /dang po ni/
rgyu gang zhig las 'bras bu gang zhig nges par skye bar 'gyur
ba'i rgyu de ni 'bras bu de yi gnas su de ltar mkhyen pa'i sangs
rgyas rnams kyis gsungs te/ dper na mi dge ba las rnam smin

yid du mi 'ong ba 'byung ba dang/ 'phags pa slob pa'i lam las
myang 'das 'thob pa la sogs pa'o/ /de ltar bshad pa las bzlog pa
ni gnas min pa zhes bya ste/ dper na dge ba las rnam smin yid du
mi 'ong ba 'byung ba dang/ mthong lam thob pas las

@258a @#/ /dbang gis srid pa brgyad pa 'grub pa ni gnas ma yin
zhing go skabs med pa lta bu'o/ /de 'dra ba'i gnas dang gnas ma
yin pa'i shes bya mtha' yas pa mkhyen pa la thogs pa spangs pa
ste thogs pa med pa de ni gnas dang gnas ma yin pa mkhyen

pa'i stobs su bshad do/ /'dod pa ste dge ba dang mi 'dod pa ste
las mi dge ba ste ma 'dres pa gnyis dang/ de gnyis las bzlog pa
ste las 'dres ma dang/ zag bcas kyi las ngan pa zad par byed
pa'i zag med kyi dngos po'i las rnams dang/ lam de'i rnam smin

shin tu mi 'dra ba sna tshogs pa la'ang/ mkhyen pa nus mthu thogs
pa med par so sor 'jug par 'gyur ba/ dus gsum gyis bsdus pa'i
las dang de'i 'bras bu'i shes bya kun la khyab par mdzad pa de
ni las kyi 'bras bu mkhyen pa'i stobs su 'dod do/ /'dod

chags dang des mtshon nas zhe sdang la sogs pa'i nyon mongs dang/
sogs kyis bsdus pa dad pa la sogs pa rnams kyi 'byung ba ste sa
bon gyi stobs kyis bskyed pa'i 'dod pa ni/ shin tu mi 'dra ba
sna tshogs pa dman ba dang/ 'bring dang gang yang khyad

par du 'phags pa'i 'dod pa dang/ mos pa de las gzhan pa'i chos
kun tu spyod pa rnams kyis sngar bshad pa'i mos pa'i sa bon
g.yogs pa ste bsgribs pa'i mos pa la'ang/ mkhyen pa dus gsum du
'gro ba ste 'jug pas mos pa'i shes bya ma lus pa

khyab pa ni/ mos pa sna tshogs pa mkhyen pa'i stobs zhes bya'o/
/sangs rgyas khams mtha' dag gi rnam par dbye ba la mkhas pa
rnams kyis/ mig dang sogs kyis bsdus pa rna ba nas yid kyi bar
drug dang/ gzugs nas chos kyi bar drug dang/ mig

@258b gi rnam shes nas yid kyi rnam shes kyi bar drug dang/ de
dag rnams kyi rang bzhin nang stong pa nyid la sogs pa gang yin
pa de khams su gsungs pa'i khams kyi rab dbye rnam pa kun gyi
khyad par rnams la rdzogs pa'i sangs rgyas rnams kyi

mkhyen pa mtha' yas pa 'dug pa ni/ khams sna tshogs pa mkhyen
pa'i stobs su 'dod do/ /yang dag min pa lhag par sgro 'dogs pa'i
kun tu rtog pa ni/ chags sogs skyed pa de dbang byed pas na
dbang po'o/ /sogs

kyis bsdus pa dad pa'i dbang po sogs chos rno ba nyid ni mchog
tu bzhed la/ dbang po 'bring gi gnas skabs dang/ dbang po rtul
ba nyid chung ngu'i gnas skabs ni mchog min par bshad pa dang/
mig la sogs pa'i dbang po nyer gnyis dang/ dbang po rnams

kyi phan tshun 'bras bu chub pa ste sgrub nus pa'i rang gi ngo bo
re re la rnam pa thams cad mkhyen pa'i chags pa ste thogs pa med
pa de ni/ dbang po mchog dang mchog ma yin pa mkhyen pa'i stobs
su gsungs so/ /gnyis pa ni/ lam 'ga' zhig rgyal ba

nyid du 'gro ba dang/ lam 'ga' zhig rang rgyal gyi byang chub
dang/ 'ga' zhig nyan thos kyi byang chub tu 'gro ba dang/ yi
dwags dang dud 'gro dang lha dang mi dang dmyal ba rnams su 'gro
ba dang/ sogs kyis ni yang dag pa dang log par nges pa'i lam la
sogs

pa rnam pa sna tshogs pa ston ta/ de rnams la mkhyen pa chags
thogs med pa ni mtha' yas pa ste thams cad du 'gro ba'i lam
mkhyen pa'i stobs su 'dod do/ /'jig rten mtha' yas pa na yod
pa'i rnal 'byor pa'i bye brag la ste khyad par gyis

@259a @#/ /rab tu dbye ba tha dad pa mtha' yas pa bsam gtan bzhi
dang/ rnam par thar pa brgyad dang/ gang zhi gnas gang dag ste
ting nge 'dzin dang/ snyoms 'jug gi khyad par gang dag gcig dang
brgyad du gyur pa ste mthar gyis gnas pa'i

snyoms par 'jug pa dgu dang/ kun byang de dag la mkhyen pa thogs
pa med pa 'di ni/ kun nas nyon mongs pa dang rnam par byang ba
mkhyen pa'i stobs su bshad do/ /ji srid gti mug de srid pa ste
gcig nas gcig tu brgyud pa thog ma med pa'i srid par gnas

pa na/ 'das pa'i dus su bdag dang sems can gzhan re re yi srid
pa'i sems can ni/ ji snyed pa de snyed kyi sems can mtha' yas
pa/ gzhi ste rgyu dang bcas par dran pa dang/ rang dang gzhan
rnams kha dog 'di 'dra bar gyur zhes dran pa ni rnam pa dang
bcas par

dran pa dang/ 'di 'dra zhi gnas 'di 'dra zhig tu skyes so zhes
dran pa ni/ yul phyogs dang bcas par dran pa ste dran pa'i yul
de rnams la blo thogs pa med pa gang dang gang yin pa de ni/
sngon gyi gnas rjes su dran pa mkhyen pa'i stobs su bshad do/
/sems

can rnams kyi sems can re re'i 'chi 'pho ba dang/ phung po nying
mtshams sbyor ba'i skye ba gang nam mkha'i mthar thug pa'i 'jig
rten la gnas pa sna tshogs pa'i las kyi bzo bos bkra bar byas pa
mang po de la dus der mkhyen pa rnam pa kun yongs su dag

pas ma chags pa ste ma thogs par 'jug pa yis/ yul mtha' yas pa
mkhyen pa 'chi 'pho ba dang skye ba mkhyen pa'i stobs su 'dod
do/ /rnam pa kun mkhyen pa'i rgyal ba rnams kyi stobs kyis chags
sogs nyon mongs pa dag ni/ bag chags dang

@259b bcas pa thams cad 'jig pa ste bcom pa'i 'gyur ba dang/
slob ma nyan thos dang la sogs pas bsdus pa rang rkyal ba rnams
kyis nyon mongs pa rnams blo ste zag med kyi shes rab kyis 'gog
pa ste spangs pa gang yin pa de la mkhyen pa chags pa ste thogs

pa med pa ni/ mtha' yas pa zag pa zad pa mkhyen pa'i stobs su
'dod do/ /myur du zhes pa ni bag chags lhag ma shin tu phra ba
sangs rgyas kyi ye shes skad cig ma gcig gis spangs par ston
pa'o/ /'dir nyon mongs pa'i bag chags ni/ 'grel pa las/

gang gis sems kyi rgyud 'bags par byed cing bsgo bar byed la/
rjes su bgrod par byed pa de ni bag chags te/ nyon mongs pa'i
mur thug pa dang/ goms pa dang/ rtsa ba dang/ bag chags zhes bya
ba ni rnam grangs dag go /zhes gsungs shing/ nyan rang

dgra bcom pas nyon mongs spangs kyang bag chags de spong mi nus
par gsungs la/ yang de nyid las/ de la ma rig pa'i bag chags ni
shes bya yongs su gcod pa'i gegs su gyur pa yin la/ zhes shes
sgrib tu yang gsungs so/ /lugs

'di la chos kyi bdag 'dzin ni nyon mongs su bzhed pas/ shes
sgrib kyi gtso bo ni gnyis snang 'khrul pa'i bag chags la bya
dgos te/ 'di ni 'phags pa yab sras kyis gzhan du shes sgrib kyi
ngos 'dzin gsal bar ma gsungs pas/ 'dir gsungs

pa nyid la brtan par bya'o/ /yang 'grel pa las/ ma rig pa dang/
'dod chags la sogs pa'i bag chags de yang rnam pa thams cad
mkhyen pa dang/ sangs rgyas kho na la ldog par 'gyur gyi/ gzhan
dag la ni ma yin no/ /zhes gsungs pas nyan

@260a @#/ /rang dgra bcom pa dang/ sa brgyad pa nas nyon mongs
kyi sa bon zad par gsungs pa'i nyon mongs kyi sa bon ni/ 'dir
bshad pa'i nyon mongs kyi bag chags dang mi gcig go /bag chags
'di shin tu phra ba ni sa bcu rgyun gyi

tha ma'i bar chad med lam skye ba la phyogs pa dang/ shin tu
phra ba 'gag pa la phyogs pa gnyis dus mnyam la/ de thog mar
spangs pa'i rnam grol lam ni sangs rgyas kyi ye shes skad cig ma
dang po yin no/ /de'i phyir rnam pa kun mkhyen pa'i

stobs kyis 'jig par gsungs so/ /de ltar stobs rnams kyis shes
bya mtha' dag mkhyen par gsungs pa ni mngon gyur du yin la/
sangs rgyas kyi mngon sum la shugs rtogs mi rung bas snang bas
mkhyen dgos so/ /de yang rnam pa ma

shar bar mkhyen pa 'di'i lugs min pa ni rigs pa drug cu pa'i
'grel pa las gsal bar bshad do/ /de'i phyir da ltar ba mngon sum
du 'jal ba'i shugs la 'das ma 'ongs gnyis 'jal ba yang min no/
/'di yang nyi ma de ring lta bu'i

dus da lta ba 'di'i dus su/ de la ltos pa'i 'das ma 'ongs gnyis
med pas dus der de gnyis ma gzhal yang/ de ring gi dus mkhyen
pa'i ye shes de nyid kyis 'das ma 'ongs thams cad mkhyen pa mi
'gal te/ dper na sa bon gyi

dus kyi myu gu sa bon gyis mi skyed kyang/ sa bon gyis myu gu
skyed pa mi 'gal ba bzhin no/ /gsum pa ni/ sangs rgyas kyi yon
tan mtha' dag pa ni/ sangs rgyas nyid kyis bskal pa grangs med
par sku tshe byin gyis brlabs shing/ 'phrin

@260b las gzhan mi 'da' bar skyen pa skyen par gsungs kyang/ yon
tan rdzogs par mi 'gyur na/ byang sems rnams kyis ci zhig smos/
des na rang sangs rgyas dang nyan thos rnams kyis yon tan mthar
phyin par shes pa'am brjod par nus pa lta

smos kyang ci zhig dgos/ don 'di nyid dpe'i sgo nas bshad pa/
'di ltar na mkha' 'dab gsheg yangs pa'i rlung gi shugs kyis/ pha
rol gnon pa yang nam mkha' la 'phur ba na/ nam mkha' med pa ste
zad pas 'dab chags kyi dbang po de ldog par mi

'gyur gyi 'dir ni 'dir 'phur 'phur bas nam zhig na rang gi mthu
stobs zad pas ldog par 'gyur ba de bzhin du/ slob ma nyan thos
dang de dang bcas pa'i rang sangs rgyas dang/ sangs rgyas kyi
sras sa chen po la bzhugs pa rnams kyis kyang sangs rgyas kyi
yon tan

nam mkha' ltar mtha' yas pa ma brjod par ldog par 'gyur ba ni/
yon tan rdzogs pas ma yin gyi rang gi blo'i stobs nyams pas yin
no/ /sangs rgyas kyi yon tan rdzogs par brjod mi nus pa de'i
phyir 'grel pa mdzad pa bdag 'dra bas sangs

rgyas khyod kyi yon tan 'di dag ni ci shes pa dang ni brjod par
nus par 'gyur ram ci ste mi nus so/ /de ltar bdag la rang stobs
kyis sangs rgyas kyi yon tan shes tsam zhig shes pa'ang med pa
'on kyang/ bdag gis dogs pa spangs pa ste tsham

tshom med par yon tan cung zad tsam zhig smras pa ni/ yon tan de
dag 'phags pa klu sgrub kyis bshad pa'i phyir te de la brten nas
yin no/ /bzhi pa ni/ mdor bsdus na bstan bcos 'di las sangs
rgyas kyi yon tan zab pa dang rgya che ba gnyis

@261a @#/ /bstan pa'i zab mo ni stong pa nyid chos kyi sku dang/
gzhi dang lam gyi stong pa nyid do/ /de las gzhan pa sa bcu gcig
gi yon tan dang stobs la sogs pa bshad pa rnams ni rgya che ba'i
yon tan no/ /de 'dra ba'i zab

pa dang rgya che ba'i yon tan gyi tshul legs par shes pas ni/ don
de gnyis shes nas bsgoms pas sangs rgyas kyi yon tan gnyis po
'di dag 'thob par 'gyur ro/ /gsum pa ni/ da ni sprul pa'i sku
nyan rang dang byang sems rnams kyi don dang thabs

thun mong ba 'byung zheng/ so skye rnams kyi don yang ci rigs
par 'byung ba/ bde 'gro la sogs pa'i sgrub byed du gyur pa'i
dbang du byas nas bshad pa/ chos kyi sku brnyes su zin kyang
slar yang de kho na nyid la mnyam par bzhag pa las mi g.yo ba'i
sku

mnga' pa khyod kyis sa 'og sa steng sa bla'i srid pa gsum du
byon nas/ sprul ba'i sku rnams kyis dga' ldan nas mi yul du
gshegs pa dang ni/ bltams pa la sogs pas yab yum dang sras dang
'grel bar ston zhing/ byang chub pa zhi ba myang 'das

kyi grong khyer du 'jug pa'i chos kyi 'khor lo'ang dbang po dang
'tsham par ston par mdzad do/ /de ltar khyod kyis 'jig rten te
sems can gyi khams spyod pa sna tshogs pa can re ba ste sred pa'i
zhags pa ni mang pos bcings pa ma lus pa grags

pa dang phan lan bzhed pa sogs la mi ltos pa'i thugs rje chen
pos mya ngan las 'das par bkri ba ste 'god par mdzad do/ /g.yo
bag spyod can zhes pa la 'grel bshad kyi 'gyur la/ sna tshogs
spyod can zhes 'byung ba 'grel pa dang mthun no/ /

@261b bzhi ba ni/ de ltar sku gsum gyi rnam gzhag bshad nas/
theg pa gcig la theg pa gsum du bstan pa dgongs pa can du bshad
pa/ rgyu mtshan gang gi phyir na 'di na chos rnams kyi de kho na
nyid shes pa las gzhan sgrib gnyis kyi dri ma mtha' dag

sel pa ni/ lhur byed pa ste gtso bor gyur pa med la/ chos rnams
kyi de kho na nyid kyang mi 'dra ba'i rnam 'gyur gyi dbye ba
sten pa'ang min zhing ste min pas/ de kho na nyid kyi yul can
gyi blo gros te ye shes 'di yang yul 'jal ba'i rnam pa tha dad
pa mi

'dra bar 'gyur ba yang ma yin pa de yi phyir na/ thub pa khyod
kyis gdul bya'i 'gro ba la theg pa gzhan gang dang yang mi mnyam
pa dbyer med pa'i theg pa gcig bstan te/ ji skad du/ 'od srungs
chos thams cad mnyam pa nyid du rtogs na mya ngan

las 'da' ba yin la/ de yang gcig yin gyi gnyis dang gsum ni ma
yin no/ /zhes 'byung ba'i phyir ro/ /'phags pas kyang/ chos kyi
dbyings la dbyer med phyir/ /khyod la theg pa'i dbye ba med/
/theg pa gsum du bstan pa ni/ /sems can

rnams ni gzhug phyir ro/ /zhes 'jug pa dang mthun par gsungs so/
/de dag gis ni de kho na nyid ma rtogs par nyon mongs thams cad
zad par mi nus pa la/ chos rnams kyi de kho na nyid la mi mthun
pa chen po med pa'i phyir na/ mya ngan las 'das par

bgrod dang la/ de kho na nyid rtogs ma rtogs kyi rgyu'i theg pa
mi 'dra ba bshad pa dang/ nyon mongs zad pa'i myang 'das tsam
thob nas/ theg pa gzhan du mi 'gro ba'i 'bras bu'am theg pa 'ga'
zhig bshad pa ni/ gdul bya re zhig drang ba'i phyir gsungs

@262a @#/ /par bstan pa 'di/ legs par rtogs na theg dman la chos
kyi bdag med rtogs pa med par bshad pa rnams kyi dgongs pa rtogs
par 'gyur ro/ /gal te gang thob nas lam gzhan du 'gro mi dgos
pa'i mya ngan las 'das pa gcig kho na

yin la/ nyan rang gi theg pas kyang mya ngan las 'da' bar bstan
pa ji ltar yin zhe na/ de ltar bstan pa 'di dgongs pa can du
bshad pa/ gang gi phyir 'gro ba rnams la nyes pa ste nyon mongs
shas chen po skyed par byed pa'i rgyur gyur pa lus sems las

su mi rung bar byed pa'i sems can dang skal ba dang nyon mongs
pa dang lta ba dang tshe'i snyigs ma lnga po 'di dag ni yod par
'gyur ba/ de dag gis lhag par mos pa khyad par du 'phags pa
'joms par byed pas/ sangs rgyas kyi ye shes la don gnyer byed pa

'gog par byed pa de'i phyir 'jig rten te gdul bya sangs rgyas
kyi spyod yul zab pas gting dpag dka' pa la 'jug par mi 'gyur
zhing/ gang gi phyir bde bar gshegs pa khyod la gdul bya 'dul
ba'i thabs la mkhas pa'i mkhyen rab dang/ de dag gi don

la bsnyel ba mi mnga' ba'i thugs rje'i thabs dang lhan cig pa
mnga' ba dang/ gang gi phyir sngon byang sems kyi dus su bdag
gis sems can thams cad dgrol bar bya'o zhes khyed kyis zhal gyis
bzhes pa de nyid thabs kyi rnam pa gzhan gyis nges par

bsgrub dgos so/ /gang gi phyir 'gro ba rnams theg chen la 'jug
pa la gegs mang po yod cing/ 'gro ba rnams kyang myang 'das la
nges par dgod dgos pa de'i phyir/ pad dkar las gsungs pa ltar
ded dpon mkhas pas rgya mtsho na gnas pa'i rin

@262b po che'i gling du chas pa'i tshe skye bo'i tshogs kyis/ yun
ring por bgrod ba'i ngal ba nye bar sel ba'i phyir du rin po
che'i gling du ma slebs pa'i bar du grong khyer yid du 'ong ba
rnam par bkod pa ste sprul pa ltar du/ bcom ldan 'das khyod kyis
kyang theg pa chen po'i tshu

rol tu theg chen de thob pa'i thabs su gyur pa 'di ni/ nye bar
zhi ba'i tshul gyi bde ba la yid sbyar ba'i phyir du/ slob ma nyan
thos dang des mtshon pa'i rang rgyal la nyan rang gi theg pa gnyis
gsungs shing/ de nas 'khor ba'i nyon mongs kyis rnam par dben

pa'i blo sbyangs pa rnams la logs su ste phyi nas theg pa chen
po kho na gsungs la/ de rnams kyis kyang sangs rgyas rnams ltar
tshogs rdzogs par byas nas/ gdon mi za par sangs rgyas thob par
bya dgos so/ /theg pa gcig tu sgrub pa 'di mdo kun

las btus pa las/ theg pa gcig tu zad par ni mdo sde du ma las
gsungs pa'i phyir ro/ /zhes sogs kyis gsungs pa las shes par
bya'o/ /lnga pa la gnyis/ mngon par byang chub pa'i dus kyi
dbang du byas pa'i bshad pa dang/ bzhugs pa'i dus kyi

dbang du byas pa'i bshad pa'o/ /dang po ni/ phyogs bcu'i zhing
ma lus pa sangs rgyas kyi yul du gyur pa dag ji snyed pa de na/
rdul phra rab kyi rdul gyi grangs rnams bdog par gyur pa ji
snyed pa bde bar gshegs pa khyod byang chub kyi mchog rab dam

bar gshegs pa'i bskal pa yang de snyed do/ de ltar yin pa 'on
kyang sngon dge rtsa ma bsags pa rnams mos par dka' ba'i phyir/
khyod kyi gsang ba 'di ni bsnyad par bgyi ba ma lags so/ /de la
lhag par mos pa rnams la ni bsod nams

@263a @#/ /gzhal du med pa bsag par bya ba'i phyir 'dir bshad do/
/'di la 'grel bshad byed pas 'di yang sangs rgyas thams cad kyi
chos kyi sku gcig yin pas de ltar brjod pa yin gyi/ gzhan du na
sangs rgyas gzhan 'byung bar

mi 'gyur bas so/ /zhes 'chad pa ni mi 'thad de/ 'grel pa las
sprul pa'i sku 'byung ba'i dbang du byas par gsungs pa'i phyir
ro/ /sprul pa'i sku 'byung ba'i rgyu zhes pa chos kyi sku la
dgongs zhes 'chad pa yang mi rigs te/ chos kyi skur gshegs pa'i
tshad

de tsam du 'dod na gang zag gzhan sangs rgya ba'i skabs med pa'i
skyon der yang 'jug pa'i phyir dang/ sangs rgyas thams cad kyi
chos sku gcig yin na sangs rgyas snga ma rnams sangs rgyas pa'i
tshe/ sngar sangs ma rgyas pa dang 'tshang rgya rgyu'i chos sku
yang

sngon du thob zin pa shin tu 'gal ba'i phyir ro/ /des na byang
chub kyi snying por gshegs pa'i tshad ston pa yin la/ de yang
sngon du sangs rgyas nas kyi yun tshad ston pa ma yin pas/ sangs
rgyas nas slar yang byang chub kyi snying por sprul sku'i 'tshang
rgya

tshul ston pa'i grangs tshad ston pa yin no/ /de ltar nag tsho'i
'gyur las/ sangs rgyas yul gyur zhing rnams phyogs bcu ma lus
na/ /phra rab rdul ni ji snyed yod pa de snyed du/ /bde bar
gshegs pa mchog gyur khyod kyi byang chub kyang/ /'byung

'gyur zhes 'byung ba ltar legs so/ /de ltar ma byas par 'grel
bshad ltar bshad na/ rtsa ba las gsang ba 'di bshad par mi bya
bar gsungs pa'i yul du 'gro ba yin no/ /gnyis pa ni/ rgyal ba'i
ma 'ongs pa'i sku tshe'i tshad ni ji srid du 'jig rten

@263b gdul bya mtha' dag go 'phang mchog tu rab tu zhi bar 'gro
ba min pa lte sangs rgyas su ma rgyur pa'i bar dang/ ji srid du
'dus ma byas kyi nam mkha' rnam par 'jig par 'gyur ba min pa de
srid du yin te/ sangs rgyas ni shes rab kyi pha rol tu phyin
pa'i

yum gyis bskyed nas thugs brtse ba chen po yi ma ma la gtad pa
las sngar bshad pa'i tshul lugs 'di byed pas/ de 'dra ba khyod la
zhi pa phyogs gcig par 'gyur ba ga la mnga' ste mi mnga' ba'i
phyir ro/ /gang gis sems can thams cad kyi don

bsgrub par bya ba'i phyir du mu mtha' med par sems can 'di dag
gso bar byed pa sangs rgyas rnams kyi thugs rje de ji 'dra ba
zhig ce na/ bden 'dzin gyi gti mug gi skyon gyi dbang gis 'jig
rten pa rnams kha zas te 'dod yon lnga la mngon par zhen

pas zos pas/ sdug bsngal rgya chen po'i rgyu byed pa'i phyir dug
dang bcas pa za ba po yi skye bo nyid kyi nang mi ste bdag gi
bar byas pa de rnams la khyod brtse ba skye ba ji lta ba de ltar
du dug zas nas nyen pa'i bu gcig bu la ma yi sdug bsngal gyi yid
skye ba

min te/ de bas na mgon po sangs rgyas rnams mchog tu rab tu zhi
ba phyogs gcig par gshegs par 'gyur ba ma lags so/ /gang gi
phyir na de kho na nyid kyi don la mi mkhas pas dngos po la bden
par mngon par zhen pa'i blo can las 'bras la

yid ches pas lha dang mir skye ba yod par lta ba rnams kyis ni/
skye ba dang 'jig pa'i gnas skabs te 'chi ba'i sdug bsngal nges
par 'theb cing/ yul sdug pa dang bral ba dang/ mi sdug pa dang
phrad pa yis bskyed pa'i sdug bsngal myong bar 'gyur

@264a @#/ /la/ rgyu 'bras kyi dngos po med par zhen pa'i blo can
log par lta ba dang ldan pas ni/ sdig to can gyi 'gro ba dmyal
ba la sogs pa'i ngan 'gro dang/ sngar bshad pa'i sdug bsngal
yang 'thob pa de'i phyir dang/ 'jig rten gyi skye

bo de rnams thugs brtse ba chen po'i yul du rab tu dong ba ste
song bas na/ thugs rje chen pos bcom ldan 'das khyod kyi thugs
zhi ba phyogs gcig pa la gzhol ba las bzlog pas khyod la zhi ba
phyogs gcig pa'i mya ngan las 'das pa mi mnga'

bar 'jig rten du bzhugs so/ /gsum pa bstan bcos ji ltar brtsams
pa'i tshul ni/ mgon po klu sgrub kyi dgongs pa phyin ci ma log
par 'grel pa'i lugs 'di dge slong dpal ldan zla grags kyis/ dbu
ma'i bstan bcos rtsa ba shes rab sogs las btus

nas/ nges don gyi mdo sde rnams lung ji lta ba bzhin dang/
'phags pa klu sgrub kyi man ngag ni ji lta ba bzhin du brjod pa
yin no/ /ji ltar dbu ma'i gzhung lugs 'di las ma gtogs par bstan
bcos gzhan na stong pa nyid ces bya ba'i chos 'di ni/ phyin ci
ma log

par brjod pa med pa de bzhin du/ kho bo cag gis 'dir lugs gang
zhig brgal lan dang bcas par bsnyad pa 'dir 'byung ba'i lugs
kyang/ stong pa nyid kyi chos ltar bstan bcos gzhan na ni med do
zhes mkhas pa rnams kyis nges par mdzad du gsol lo/ /

de'i phyir dbu ma pa kha cig gis mdo sde pa rnams dang/ bye brag
tu smra ba rnams kyis gang don dam par smras pa de nyid/ dbu ma
pa rnams kyis kun rdzob tu 'dod do zhes smras pa de ni/ dbu ma'i
bstan bcos kyi de kho na nyid ma shes pas smras pa yin te/ 'jig
rten

@264b las 'das pa'i chos ni 'jig rten pa'i chos dang mtshungs par
mi rigs pa'i phyir ro/ /zhes rang 'grel las gsungs so/ /'dis ni
rang gis tha snyad du rnam par bzhag pa khas blangs pa thams cad
rang mtshan gyis grub pa med pa nyid la 'jog pas/ rang gi mtshan

nyid kyis grub pa kho na'i steng nas rnam gzhag byas pa'i don
smra gnyis la sogs pa'i grub mtha' rnams rang lugs kyi don dam
du ma zad tha snyad du yang grub pa med par 'dod pa'i lugs so/
/des na rang gi lugs 'di sems tsam pa dang yang thun mong

ma yin par ma zad/ mgon po klu sgrub dang 'phags pa lha'i dgongs
pa 'grel ba'i dbu ma pa gzhan gyi lugs dang yang thun mong ma
yin par shes par gyis shig ces 'doms pa'o/ /de la slob dpon
sangs rgyas bskyangs kyi 'grel ba ni tshad mar slob dpon

'di bzhed pas/ de la zur za ba min la/ rgyal sras zhi ba lha'i
lugs dang yang slob dpon 'di'i lugs gnyis shin tu mthun par
snang ngo/ /tha snyad du yang rang gi mtshan nyid kyis grub pa
med pa'i steng nas/ bden gnyis kyi rnam gzhag mdzad pa 'di la
brten

nas rang rgyud kyi grub mtha' dang/ kun gzhi mi bzhed pa sogs
kyi bshad srol thun mong ma yin pa mang du yod pa ni/ drang nges
rnam 'byed la sogs par rgyas par bshad pas 'dir ma smos so/ /kha
cig 'jig rten las 'das pa na 'jig rten gyi tha

snyad las 'das pa gzhan lugs dang/ 'jig rten pa ni rang gi lugs
so zhes zer ba ni/ 'grel pa las 'jig rten las 'das pa'i chos 'di
yongs su spangs pas zhes gsungs pa dang 'gal bas na/ bzlog ste
bya dgos la 'jig rten pa dang de las

@265a @#/ /'das pa'i don ni/ de kho na nyid ji bzhin ma rtogs pa
dang rtogs pa'i lugs so/ /'phags pa'i dgongs pa 'chad lugs 'di
ni thun mong ma yin pa yin pa'i phyir/ 'phags pa'i thugs dgongs

mi shes shing/ gsung rab kyi de kho na nyid nges pa med par/
stong pa nyid ston pa rnams kyi yi ge tsam la 'jigs pa rnams
kyis/ 'jig rten las 'das pa'i chos 'di spangs pas/ de'i phyir
dbu ma'i bstan bcos kyi

don gyi de kho na nyid phyin ci ma log par bstan par bya ba'i
phyir/ dbu ma la 'jug pa 'di sbyar ba yin no zhes bshad pa 'phags
pa klu sgrub kyi zab mo rtogs pa'i blo'i rgya mtsho shin tu rgya
che la gting dpag par dka' ba'i ngam

gnag pa'i kha dog gis 'jigs pas/ sems tsam du smra ba la sogs
pa'i skye bos klu sgrub kyi lugs bzang po gang dag rgyang ring
du spangs mod kyang/ dbu ma'i gzhung gi tshig le'ur byas pa kha
'bus pa'i ku mu da kha

phye ba'i chus ku mu da kha 'byed byed zla ba grags pa da lta
yid la re ba rnams skong bar byed do/ /gal te de lta yin na gnas
brtan dbyig gnyen dang/ phyogs kyi glang po dang/ chos skyong la
sogs pa bstan bcos rnams kyi mdzad

pa po byon zin par gyur pa de dag gis kyang yi ge tsam thos pas
'jigs te/ rten cing 'brel bar 'byung ba'i don phyin ci ma log
par ston pa 'di yongs su spang sam zhe na/ de skad du smra'o/
/de ltar gsungs pa la dbyig gnyen

@265b dang phyogs glang gi gzhung rtsod med rnams nas ni/ rnam
par rig pa tsam gyi lugs su bkral mod kyang/ slob dpon de dag gi
bzhed pa ji ltar yin pa ni bdag cag 'dra ba rnams kyis shin tu
rtogs par dka' 'o/ /yang zab mo'i don

'di su zhig gis rtogs par 'gyur zhe na/ de kho na nyid kyi don
zab mo sngar bshad zin pa 'jigs su rung ba 'di ni skye bo yis/
/sngon tshe rabs gzhan du stong pa nyid la lhag par mos pa'i bag
chags goms pa nyid las nges par rtogs par

'gyur ba snang ngo/ /'dir nag tsho'i 'gyur las/ mu stegs kyi
gzhung lugs dman par gyur pa 'di bden par lta ba can dag las
kyang/ rgyu'i stobs kyis stong pa nyid rtogs par gyur pa mthong
ba yin no/ /zhes 'byung ba pa tshab kyi 'gyur

las legs par snang ngo/ /ji ltar gzhan sde sngon sems rgyud la
stong nyid la lhag par mos pa'i bag chags ma bzhag pa rnams kyis
mngon pa nas bshad pa ltar srid rtse ma gtogs pa'i khams gsum
gyi nyon mongs mngon gyur re zhig

spangs shing/ grub pa'i mtha' gzhan nye bar sbyor nus par mthong
yang/ sangs rgyas kyis gsungs pa'i don dam pa stong pa nyid ston
pa la lhag par mos mi nus pa de bzhin du/ slob dpon de dag la
gsung rab mang du gsan pa rgya che pa mnga'

ba yin yang/ zab mo'i don 'di ni gzhan gyis thugs su chud par mi
'gyur ro/ /de'i phyir dbu ma'i lugs las gzhan pa'i don dam pa
ston pa'i tshul lugs sangs rgyas kyi dgongs par ma song bas rang
gi blos sbyar ba 'di dag mthong

@266a @#/ /ba ste bltas nas/ gang zag gi bdag tu brjod pa ste de
gsal bar byed pa'i gzhung lugs rnams la bya ba ltar/ slob dpon
gzhan gyi lugs kyi bzhed pa'i gzhung dbu ma'i lugs 'di las gzhan
pa rnams

la dga' ba'i blo dor bar bya ba ste/ lugs gzhan rang gi blos
sbyar ba la ya mtshan par mi bya'i/ rang gi stong pa nyid kyi lta
ba la lhag par mos pa kho na la ya mtshan par bya'o/ /bzhi pa
bstan bcos brtsams pa'i dge ba bsngo ba ni/ slob dpon chen po

'phags pa klu sgrub kyi dbu ma'i lugs bzang po lung dang rigs
pa'i tshogs shin tu gsal bas/ bsnyad pa ste bshad pa las byung
ba'i bdag gis phyogs kyi mthar khyab pa'i rgya che ba'i bsod
nams bsags pa/ yid kyi nam mkha'i nyon mongs pa'i tshogs

kyis sngo zhing gnag par byas pa'i dkyil du/ ston ka'i rgyu skar
ltar shin tu dkar ba'am/ rtsom pa po'i sems kyi sbrul la ste gyi
gdengs ka'i nor bu dang 'dra ba gang zhig thob pa de yi mthus/
sems can gyi 'jig rten ma lus pas zab mo'i de kho

na nyid ji lta ba bzhin du rtogs nas/ myur du bde bar gshegs
pa'i sa kun tu 'od ces bya bar bgrod par shog cig /nag tsho'i
'gyur las/ klu sgrub lugs mdzes phyogs su grags pa brjod las
thob pa'i bsod nams gang/ zhes 'byung ngo/ /bzhi

pa mjug gi don la gnyis/ slob dpon gang gis mdzad pa dang/ lo
paN gang gis bsgyur ba'o/ /dang po ni/ dbu ma la 'jug pa klu'i
lugs kyi zab pa dang rgya che ba'i tshul gsal bar byed pa yul sa
maNTar sku 'khrungs pa'i slob dpon chen po dpal

@266b ldan zla ba grags pa rig pa 'dzin pa dang/ sgyu ma lta
bu'i ting nge 'dzin brnyes par grags pa theg pa bla na med pa'i
mchog la thugs rang tu gzhol ba/ mi mthun pa'i phyogs kyis mi
'phrogs pa'i mkhyen rab dang thugs rje phul du byung ba mnga'

ba/ ri mor bris pa'i pa drus ma la 'o ma bzhos pas sems can gyi
bden par zhen pa zlog par mdzad pas sbyar ba rdzogs so/ /gnyis
pa ni/ kha che'i yul gyi grong khyer dpe med kyi dpung ste dbus/
rin chen sbas pa'i gtsug lag

khang du kha che'i rgyal po dpal 'phags pa lha'i sku ring la/
rgya gar gyi mkhan po ti la ka ka la sha ste thig le bum pa
dang/ bod kyi lo tsA ba pa tshab nyi ma grags kyis kha che'i dpe
dang mthun par bsgyur/ phyis ra sa ra mo cher rgya gar gyi mkhan
po ka na karma ste gser

gyi go cha dang/ lo tsA ba de nyid kyis nyi 'og shar phyogs
pa'i dpe dang gtugs shing/ legs par bcos nas 'chad nyan gyis
gtan la phab pa'o/ /! 'dir 'grel pa'i mdzad byang dang/ 'gyur
byang gi steng nas thun mong ba rnams bkod pa ni/ rtsa ba logs
su bsgyur

ba dang 'grel pa'i nang gi rtsa ba gnyis sbyar nas zhus dag byas
pa'i dbang du byas pa yin no/ /rgyal ba'i gsung rab kun gyi
snying po mchog /zab mo dbu ma mtha' bral rten 'byung lam/
/mtha' gnyis spangs te ston par lung bstan bzhin/ /ji bzhin
'grel mdzad

'phags mchog klu sgrub zhabs/ /de yi ring lugs dam pa 'phags pa
lha'i/ /dgongs pa 'grel ba'i mkhas pa'i lugs mang yang/ /yongs
rdzogs 'grel mdzad dpal ldan sangs rgyas bskyangs/ /zla ba'i
zhabs dang zhi ba lha yi lugs/ /grub pa'i dbang

@267a @#/ /phyug gsum gyi bzhed pa'i sgo/ gcig tu dril nas gnad
rnams mtha' chod par/ /tshig zur phyin par legs par bshad pa yis/
/thal 'gyur lugs mchog dri ma med par byas/ /byang phyogs 'di na
lugs 'dir mos rnams kyang/ /shin tu phra ba'i

rigs lam mi byed cing/ /zab mo'i don la skal ba dman pa rnams/
/rang gis ma rtogs lugs mchog 'dir smod pa/ /mang du mthong ba'i
dri ma bsal phyir dang/ /skal bzang 'ga' la zab lam gsal phyir
dang/ /bdag kyang skye ba kun tu lam gyi mchog /'di

dang mi 'bral phyir du 'bad pa byas/ /der ngal ba las byung ba'i
dge ba yis/ /'gro kun zab mo'i gnad rnams kun rtogs nas/ /nyin
mtshan kun tu sgrub pa lhur len pas/ /rtag tu sras bcas rgyal ba
mnyes byed shog /ces dbu ma la 'jug pa'i rgya cher bshad

pa dgongs pa rab gsal zhes bya ba 'di ni/ dge ba'i bshes gnyen
lhu la dka' bcu pa lags pa dpal gyis dngul srang bzhi bcu'i
maNDal phul te nan cher bskul ba dang/ gzhan yang dge ba'i
bshes gnyen chos 'di la shin tu mos shing/

don rtogs pa'i blo'i nus pa mi dman pa mang po zhig gis 'grel
pa'i dka' gnad rnams kyi bshad pa rnams tshang ba/ tshig don gsal
zhing spyi don gyi mtha' gcod pa rgyas pa zhig gyis shig ces nan
tan gyis bskul ba'i don du/ dbu ma chen po'i

rnal 'byor pa mang du thos pa'i dge slong shar tsong kha pa blo
bzang grags pa'i dpal gyis/ 'brog ri bo che dge ldan rnam par
rgyal pa'i gling du sbyar ba'o// //