@1a @#//dge 'dun nyi shu bsdus pa rjes gnang ba dang zhugs gnas
bzhugs so//

@1b @#/ /oM bde legs su gyur cig /nyan thos kyi dge 'dun la dbye
na/ chags bral sngon song gi dang/ mthar gyis pa dang/ cig car
ba'i dge 'dun dang gsum mo/ /dang po'i mtshan nyid/

mthong lam gyi sngon du 'dod pa'i sgom spang drug pa spangs pa'i
nyan thos 'phags pa slob pa gang zhig /khyod yin pa'am khyod kyi
nang tshan du gyur pa'i bcu drug pa'i rjes su 'dod pa'i sgom spang
dgu pa spangs pa med pa'o/ /

dbye na/ de'i zhugs 'bras gnyis/ dang po ni/ mthong lam gyi sngon
du 'dod pa'i sgom spang drug pa spangs shing bden pa mngon rtogs
kyi sems dang po bco lnga gang rung la gnas pa'i nyan thos/ /dbye
na de'i phyir 'ong dang

phyir mi 'ong zhugs pa gnyis/ dang po'i mtshan nyid/ spyi'i mtshan
nyid kyi steng du khyod du gyur pa'i 'dod pa'i sgom spang dgu pa
spangs pa med pa bsnan to/ /gnyis pa'i mtshan nyid/ zhugs pa
spyi'i mtshan nyid kyi drug pa

dgu pa brjes pa tsam mo/ /de gnyis ka la'ang rjes 'brang gnyis
gnyis yod do/ /de'i 'bras gnas kyi mtshan nyid/ mthong lam gyi
sngon du 'dod pa'i sgom spang drug pa spangs shing bcu drug pa
thob pa'i nyan thos slob

pa gang zhig /khyod du gyur pa'i bcu drug pa thob rjes su 'dod
pa'i sgom spang dgu pa spangs pa med pa/ dbye na/ de'i 'bras gnas
tsam po dang khyad par can gnyis/ de gnyis kyi mtshan nyid rim pa
ltar/ chags bral sngon

@2a @#/ /song gi 'bras gnas gang zhig /'bras bu phyi ma thob phyir
mi brtson pa dang brtson pa'o/ /dang po la dbye na/ de'i phyir
'ong dang/ phyir mi 'ong tsam po gnyis so/ /de gnyis kyi mtshan
nyid

rim pa ltar de'i 'bras gnas tsam po gang zhig /'dod pa'i sgom
spang dgu pa rgyud la ldan pa dang mi ldan pa'o/ /gnyis pa la
dbye na/ de'i phyir 'ong dang phyir mi 'ong gi 'bras gnas khyad
par can gnyis/ de gnyis kyi

mtshan nyid rim pa ltar de'i 'bras gnas khyad par can zhes sbyar
nas zur 'og ma tsam po bzhin bya'o/ /'bras gnas de gnyis ka la
dad thob gnyis gnyis yod do/ /gnyis pa mthar gyis pa'i dge 'dun
gyi

mtshan nyid/ 'bras bu bzhi mngon du byed tshul dang/ khams gsum gyi
sgom spang rnams spangs tshul gang rung gi sgo nas rim gyis par
bzhag pa'i nyan thos gang zhig /khyod du gyur pa'i tshogs lam pa
dang stan

gcig pa min pa'i sbyor lam pa mi srid pa/ dbye na/ spang bya dang
'bras bu mthar gyis pa gnyis/ dang po'i mtshan nyid/ nyan thos
mthar gyis pa gang zhig /khams gsum gyi sgom spang chen po'i chen
po gsum rim gyis

spangs pa'am/ spong bar 'gyur ba gang rung yin pa/ 'di spang bya
cig car bas zlas drangs pa'i mthar gyis pa yin pas/ mtshan nyid
'di chags bral sngon song dang 'bras bu mthar gyis pa gnyis ka la
yod/

@2b gnyis pa'i mtshan nyid/ rgyun zhugs zhugs pa'i rtogs pa thob
pa'i nyan thos gang zhig /rgyun zhugs thob rjes su phyir 'ong gi
'bras bu mngon du byas pa'am byed pa gang rung yin pa/ yang na
khyod du gyur pa'i cig car ba dang chags bral sngon

song mi srid pa zhes sbyar nas zur dang po sngar ltar ro/ /'di
'bras bu thod rgal bas zlas drangs pa'i mthar gyis pa'o/ /dbye
na/ de'i zhugs 'bras gnyis/ de'i zhugs pa'i mtshan nyid/ mthar
gyis pa'i nyan thos gang zhig /'bras bu bzhi gang rung

thob phyir du dngos su brtson pa/ dbye na/ de'i zhugs pa bzhi/
dang po'i mtshan nyid/ 'bras bu mthar gyis pa'i zhugs pa bzhi'i ya
gyal gang zhig /rgyun zhugs kyi 'bras bu thob phyir du dngos su
brtson pa/ lhag ma gsum yang des 'gre/ de'i 'bras gnas

kyi mtshan nyid/ zur dang po sngar dang 'dra zhing/ bcu drug pa
thob pa/ dbye na/ de'i 'bras gnas bzhi/ dang po'i mtshan nyid/
de'i 'bras gnas bzhi'i ya gyal gang zhig /'dod pa'i sgom spang
drug pa rgyud la ldan pa/ dbye na tsam khyad gnyis/ mtshan

nyid rim pa ltar/ mthar gyis pa'i rgyun zhugs 'bras gnas gang
zhig /phyir 'ong gi 'bras bu thob phyir du dngos su mi brtson pa
dang/ brtson pa'o/ /skye ba len tshul gyis phye na/ re ltar thogs
na lan bdun pa dang/ rigs nas rigs skye gnyis/

dang po'i mtshan nyid/ 'dod pa'i sgom spang gcig kyang ma spangs
pa'i rim gyis pa'i 'bras gnas gang zhig /'dod pa'i skye srid du
skye ba gcig len dgos shing/ rigs mthun skye srid brgyad pa mi
len pa/ dbye na ma nges pa dang/ nges pa'i

@3a @#/ /lan bdun pa gnyis/ dang po'i mtshan nyid/ zur dang po
sngar dang 'dra zhing/ 'dod pa'i skye srid bzhi nas drug gi bar
gang rung len dgos shing/ bdun pa mi len pa/ gnyis pa'i mtshan
nyid/ zur dang po sngar bzhin 'dod

pa'i skye srid du skye ba bdun len dgos shing/ rigs mthun brgyad
pa mi len pa'o/ /gnyis pa rigs nas rigs skye'i mtshan nyid/ 'dod
pa'i sgom spang gsum pa spangs/ lnga pa ma spangs shing 'dod par
skye srid gnyis len dgos pa'i 'bras

gnas khyad par can gang zhig /skye srid bzhi mi len pa/ dbye na/
lha dang mi'i rigs nas rigs skye gnyis/ mtshan nyid ni rim pa
ltar/ rgyun zhugs rigs nas rigs skye gang zhig /'dod pa'i lha
dang mi'i skye srid bar ma chad du len dgos

pa'o; ;khams su 'da' tshul gyi sgo nas dbye na/ khams gong ma'i
dang/ 'dod rten la 'da' ba gnyis/ gnyis pa de'i phyir 'ong 'bras
gnas kyi mtshan nyid/ 'dod pa'i sgom spang drug pa spangs pa'i
'bras bu mthar gyis pa'i 'bras gnas gang

zhig 'dod pa'i sgom spang dgu pa rgyud la ldan pa/ dbye na/ tsam
khyad gnyis/ mtshan nyid rgyun zhugs kyis 'gre/ khams su 'da' tshul
gyi dbye ba ni rgyun zhugs ltar ro/ /phyir 'ong bar chad gcig
pa'i mtshan nyid/ 'dod pa'i sgom spang brgyad

pa spangs/ dgu pa ma spangs shing zag med kyi dbang po thob pa'i
phyir 'ong khyad par can gang zhig  /'dod par skye srid gcig len
dgos shing/ rten de la 'da' ba/ 'di la chags bral sngon song zhig
kyang yod/ gsum pa de'i phyir mi 'ong 'bras

@3b gnas kyi mtshan nyid/ gang zhig sngar bzhin la 'dod pa'i sgom
spang dgu pa spangs pa'i slob pa/ dbye na tsam khyad gnyis/ mtshan
nyid gong gi 'gre'o/ /khams su 'da' tshul gyi [@#gyis] dbye na/
khams gong mar 'gro ba dang/ 'dod par 'da' ba gnyis/ dang po

la gzugs dang gzugs med nyer 'gro gnyis/ dang po'i mtshan nyid/
'dod pa'i rten can gyi phyir mi 'ong gang zhig  /gzugs khams su
skye ba gcig len dgos pa/ dbye na bar der 'da' ba/ skyes nas 'da'
ba/ gong du 'pho ba ste gsum/ dang po'i

mtshan nyid gang zhig sngar bzhin gzugs khams kyi bar srid du
skyes nas rten de la 'da' ba/ dbye na tshang chen ma gtogs pa'i
gnas gzhan gyi bar der 'da' ba bcu drug /gnyis pa'i mtshan nyid/
gang zhig sngar bzhin/ gzugs kyi skye srid

du skye ba gcig blangs nas rten de la 'da' ba/ dbye na/ skyes pa
tsam gyis dang/ 'du byed min par dang/ 'du byed dang bcas te 'da'
ba gsum/ mtshan nyid rim pa ltar/ gzugs su nyer 'gro'i skye gnas
'da' ba gang zhig /gzugs su skyes pa'i dang

po dang/ tshe dkyil dang/ tshe'i mjug tu 'da' ba/ phyi ma ni mdzod
du go ldog tu bshad pa ni/ bye brag tu smra bas kun btags pa yin
pas/ slob dpon sku mched dang mi mthun no/ /de gsum ga la tshangs
chen ma gtogs pa'i gnas gzhan gyi rten

la 'da' ba bcu drug pa re re yod do/ /gsum pa'i mtshan nyid/ gang
zhig sngar bzhin gzugs kyi skye srid du skye ba gnyis blangs nas
'da' ba/ dbye na 'og min dang/ srid rtse'i mthar thug 'gro
gnyis/ dang po'i mtshan nyid/ gzugs su nyer 'gro'i

@4a @#/ /gong 'pho gang zhig /'og min du skye ba blangs pa'i rten
la 'da' ba/ dbye ba/ 'phar ba dang/ phyed du 'phar ba dang/ gnas
thams cad du 'pho ba ste gsum mo/ /dang po'i mtshan nyid/ gzugs su
nyer 'gro gong 'pho

gang zhig  /'dod pa nas tshangs ris su skyes nas bar gyi gnas
gzhan rnams dor te 'og min gyi rten la 'da' ba/ gnyis pa'i mtshan
nyid/ gang zhig sngar bzhin 'dod pa nas tshang ris su skyes nas/
bar gyi gnas gzhan rnams dor zhing

gnas gtsang dang po gnyis gang rung du skyes nas bar pa rnams dor
te/ 'og min gyi rten la 'da' ba/ gsum pa'i mtshan nyid/ gang zhig
sngar bzhin tshangs chen ma gtogs pa'i gzugs khams gnas rigs bcu
drug tu rim gyis

brgyud nas 'og min gyi rten la 'da' ba/ tshul 'di nyid 'phar ba
gsum 'og min 'gror nges pa'i dbang du byas pa yin la/ mdzod 'grel
du/ de gsum 'og min 'gro bar ma nges par gsungs pa ltar na/ dang
po'i mtshan nyid/ 'dod pa nas

tshang ris su skyes nas bar pa rnams bor te/ gnas gtsang lnga gang
rung du skyes pa'i rten la 'da' ba/ gnyis pa'i mtshan nyid/ 'dod
pa nas tshangs ris su skyes nas bar pa rnams dor zhing/ gnas
gtsang dang po gnyis gang rung du skyes

nas bar gyi gnas gzhan 'ga' zhig brgal te gnas gtsang tha ma
gsum gang rung gi rten la 'da' ba/ gsum pa'i mtshan nyid/ tshangs
chen ma gtogs pa 'bras bu che ba man chad kyi gnas thams cad du
brgyud nas/ gnas gtsang gi

@4b rten la 'da' ba/ sngar gyi gang zhig 'di gsum ga la sbyar ro/
/gnyis pa srid rtse'i mthar thug 'gro'i mtshan nyid/ gzugs su nyer
'gro'i gong 'pho gang zhig gzugs med du skyes pa'i rten la 'da'
ba/ 'di yang srid rtser 'gror nges pa med par

gsungs so/ /gnyis pa phyir mi 'ong gi gzugs med nyer 'gro'i mtshan
nyid/ 'dod pa'i rten can gyi phyir mi 'ong gang zhig /gzugs khams
su ma skyes par gzugs med khams su skyes nas 'da' ba/ dbye na/
skyes 'da' dang/ gong 'pho

gnyis/ dang po'i mtshan nyid/ gzugs med nyer 'gro'i phyir mi 'ong
gang zhig gzugs med du skye ba blangs pa'i rten de nyid la 'da'
ba/ dbye na/ skyes pa tsam gyis 'da' ba la sogs pa gsum ste/
gzugs su nyer 'gro la bshad pa bzhin

shes par bya'o/ /gnyis pa'i mtshan nyid/ gang zhig sngar bzhin
gzugs med du skye ba blangs nas 'da' ba/ gnyis pa 'dod pa'i rten
la 'da' ba'i phyir mi 'ong dang/ mthong chos zhi gnyis don gcig
pas/ phyir mi 'ong mthong chos bzhi'i [@#zhi'i]  mtshan

nyid 'dod pa'i sgom spang dgu pa spangs shing bcu drug pa thob
pa'i nyan thos slob pa gang zhig /mthong lam dang por thob pa'i
rten de nyid la 'da' ba/ phyir mi 'ong lus mngon byed kyi mtshan
nyid/ 'gog pa'i rnam thar rgyud la ldan bzhin pa'i nyan

thos slob pa/ dbye na/ 'dod pa dang gzugs kyi rten can gnyis/
dang po la/ khams gong mar 'gro ba dang/ 'dod rten la 'da' ba
gnyis te/ phyi ma ni mthong chos zhi yin cing/ dang po la 'di
nas gzugs med du 'gro na gzugs med nyer 'gro

@5a @#/ /dang; 'gog snyoms las nyams rjes su gzugs khams su 'gro
na gzugs su nyer 'gro yin no/ /gzugs kyi rten can gyi lus mngon
byed la gzugs med du 'gro dang/ rten de la 'da' ba gnyis so/
/phyir

mi 'ong tshe gyur gyi mtshan nyid 'phags pa thob rjes su skye ba
gcig blangs pa'i phyir mi 'ong de la dbye na/ 'dod gzugs gzugs
med kyi tshe gyur gsum/ bzhi pa de'i dgra bcom 'bras gnas kyi
mtshan nyid/ gang zhig sngar bzhin/ srid rtse'i

sgom spang chung ngu'i chung ngu spangs pa'i nyan thos/ rigs kyi
sgo nas dbye na/ nyams pa'i dang/ bdag gsod pa'i dang/ rjes su
bsrung ba'i dang/ gnas pa las mi bskyed pa'i dang/ rab tu rtogs
pa'i 'os su gyur pa'i dang/ mi g.yo ba'i chos can te drug go  /

dang po'i mtshan nyid/ nyan thos dbang po rtul shos gang zhig
/mthong chos la bder gans kyi ting nge 'dzin las nyams par 'gyur
nges pa/ gnyis pa'i mtshan nyid/ dang po las dbang po rno zhing/
gsum pa las dbang po brtul ba'i dgra bcom gang

zhig /rang nyid kyis rang nyid gsod na der mi 'gyur zhing mi gsod
na 'gyur nges pa/ gsum pa'i mtshan nyid/ 'di dang 'og ma gnyis la
gang zhig skabs dang mthun par gnyis pa ltar sbyar ro/ /'dod yon
las sems bsrungs na der mi

'gyur zhing ma bsrungs na der 'gyur nges pa/ bzhi pa'i mtshan
nyid/ 'dod yon las sems ma bsrungs kyang der mi 'gyur zhing/
dbang po'ang mi 'pho ba/ lnga pa'i mtshan nyid/ mi g.yo ba'i rigs
su dbang po 'pho bar rung ba/ drug pa'i mtshan

@5b nyid; nyan thos dgra bcom dbang po rno shos gang zhig /mthong
chos la bder gnas kyi ting nge 'dzin las nyams par 'gyur mi srid
pa/ dbang po'i sgo nas dbye na/ dus sbyor dang/ dus min sbyor
gnyis/ dang po lnga ni dang po yin la/ drug pa ni gnyis

pa'o; ;yon tan gyi sgo nas dbye na/ shes rab kyi rnam grol dang/
gnyis ka'i cha las rnam grol gnyis te/ rim pa ltar 'gog pa'i
snyoms 'jug ma thob pa dang thob pa'i nyan thos dgra bcom mo/
/sngar gyi mtshan nyid drug ni kun las btus

ltar yin no/ /gsum pa/ nyan thos cig car ba'i dge 'dun gyi mtshan
nyid/ zhugs pa'i rtogs pa thob pa'i nyan thos gang zhig /khams
gsum gyi sgom spang chen po'i chen po gsum cig car du spangs pa
dang/ spong bar 'gyur ba gang rung

yin pa/ dbye na/ zhugs 'bras gnyis/ dang po'i mtshan nyid/ nyan
thos cig car ba'i dge 'dun gang zhig /rgyun zhugs dang dgra bcom
gyi 'bras bu gang rung thob phyir du brtson pa/ dbye na/ zhugs
'bras gnyis/ dang po'i mtshan nyid/ nyan

thos cig car ba'i dge 'dun gang zhig /rgyun zhugs dang dgra bcom
gyi 'bras bu gang rung thob phyir du brtson pa/ dbye na/ de'i
rgyun zhugs zhugs pa dang/ dgra bcom zhugs pa gnyis/ dang po'i
mtshan nyid/ nyan thos cig car ba'i zhugs

pa gang zhig rgyun zhugs kyi 'bras bu thob phyir du brtson pa/
gnyis pa'i mtshan nyid/ gang zhig dgra bcom gyi 'bras bu thob
phyir du brtson zhing bcu drug pa thob pa/ de'i 'bras gnas kyi
mtshan nyid/ gang zhig dang po bzhin/ bcu drug pa

@6a @#/ /thob pa/ dbye na/ rgyun zhugs dang/ dgra bcom 'bras gnas
gnyis/ dang po'i mtshan nyid/ nyan thos cig car ba'i slob pa'i
'bras gnas gang zhig /khams gsum gyi sgom spang chung ngu'i chung
ngu gsum cig car spong bar gyur

pa dbye na tsam khyad gnyis/ mtshan nyid snga ma rnams kyis 'gre/
gnyis pa'i mtshan nyid/ khams gsum gyi sgom spang chung ngu'i
chung ngu gsum cig car spangs pa'i nyan thos/ yang na/ nyan thos
kyi dge 'dun la dbye na/ de'i zhugs 'bras gnyis/

dang po'i mtshan nyid/ 'bras bu bzhi gang rung thob phyir du
brtson pa'i nyan thos gang zhig /khyod du gyur pa'i nyan thos
tshogs lam pa dang/ stan gcig min pa'i sbyor lam pa mi srid pa
dbye na/ zhugs pa bzhi/ dang po'i mtshan nyid/ nyan thos kyi

zhugs pa bzhi'i ya gyal gang zhig /rgyun zhugs kyi 'bras bu thob
phyir du brtson pa/ gnyis pa'i mtshan nyid phyir 'ong gi 'bras bu
thob phyir du brtson pa'i nyan thos zhugs pa gang zhig /khyod du
gyur pa'i rgyun zhugs zhugs pa mi srid pa/ gsum pa'i

mtshan nyid/ phyir mi 'ong gi 'bras bu thob phyir sogs gang zhig
/khyod du gyur pa'i rgyun zhugs zhugs pa dang/ phyir 'ong zhugs
pa mi srid pa/ bzhi pa'i mtshan nyid/ dgra bcom gyi 'bras bu sogs
gang zhig /khyod du gyur pa'i 'bras bu gsum

po gang rung thob phyir brtson pa med pa/ gnyis pa de'i 'bras
gnas gyi mtshan nyid/ bcu drug pa thogs pa'i nyan thos/ dbye na/
rgyun zhugs/ phyir 'ong/ phyir mi 'ong/ dgra bcom 'bras gnas
bzhi/ dang po'i mtshan nyid/ nyan thos 'bras gnas

@6b bzhi'i ya gyal gang zhig /khyod du gyur pa'i phyir 'ong
dang 'dod pa'i sgom spang dgu pa spangs pa med pa/ gnyis pa'i
mtshan nyid/ gang zhig /khyod du gyur pa'i rgyun zhugs zhugs pa
dang/ 'dod pa'i sgom spang dgu pa spangs pa med pa/ gsum pa'i

mtshan nyid/ 'dod pa'i sgom spang dgu pa spangs pa'i nyan thos
slob pa/ 'bras gnas/ bzhi pa ni bshad zin// //mkhas pa'i mkhas pa
blo bzang grags pa'i dpal gyis sbyar ba yin// ! //'dod nyon

drug pa ma spangs par [@#pa'i]/ /sbyor lam stan gcig nas bzung
ste/ /lam la rjes bzod bar dag la/ /gnas pa de ni rgyun zhugs
zhugs/ /lan bdun pa la skye 'phags gnyis/ /'phags pa la yang
nges ma nges/ /rnam gnyis nyer brgyad skye na

yang; ;bdun tshan 'dra phyir bdun zhes dang/ /dang por thob pa'i
rten de la/ /myang 'das mngon du byed pa de/ /gong 'og gnyis kyi
gzhung rnams kyis/ /sku mched gnyis kyis dgongs par bsgrubs/
/nyon mongs gsum dang skye ba gnyis/ /

rim bzhin nges spangs nges par len/ /bzhi pa spangs dang skye ba
ni/ /gsum pa blangs dang ma blangs 'dra/ /spang bya lnga pa skye
ba bzhi/ /nges par ma spangs ma blangs pa/ /rigs nas rigs skye'i
khyad chos su/ /mkhas pa rnams kyis rtogs par

bya; ;drug pa'i bar spong brtson pa dang/ /nges par drug pa spong
brtson pa/ /phyir 'ong zhugs yin zhes pa ni/ /gong 'og gnyis kyi
lugs su bshad/ /phyir 'ong bar chad gcig pa ste/ /nyon mongs bdun
nam brgyad spangs shing/ /tshe 'phos 'dod

@7a @#/ /lha'i rten dag la/ /myang 'das mngon du byed par bstan/
/gzugs su nyer 'gro rnam pa bcu/ /'dod pa'i rten la phye ba dang/
/gnas gtsang skye rgyu spel sgom lnga/ /mkhas pa'i dgongs pa ji
bzhin bshad/ /dgra bcom spangs

pa ldog ces pa'i/ /bye brag smra ba'i ngan rtog rnams/ /sangs
rgyas gnyis pas lung rigs kyis/ /legs par bkag rnams rgyas par
bkral/ /mangs kyis dogs nas shes byed rnams/ /rgyas par ma bkod
rang 'grel dang/ /'grel bshad

dgongs pa tshul bzhin du/ /phye ba yin gyi som nyi dor/ /thod rgal
ba la rdzas bdun dang/ /zhugs pa dang po rnam pa gsum/ /rgyun
zhugs sogs su 'dod pa yi/ /ngan rtog bkag nas thod rgal ba'i/
/'phags pa rnams kyi spangs rtogs dag /

ma nor bshad nas bdag gzhan rnams/ /mkhas pa'i rjes su khrid nas
ni/ /blun po'i ngan rtog bral bar byas/ /zhugs pa dang gnas pa'i
skyes bu chen po rnams kyi dka' gnas/ shar tsong kha pa blo
bzang grags pas sbyar ba'o// //

oM swa sti/ phan bde'i 'byung gnas kun mkhyen shAkya'i bstan/
/yongs 'du'i ljon pa yar zla'i 'phel bar 'gran/ /'gro kun byang
chen go 'phang la spyod phyir/ /mchod sbyin 'dzad med bstan
'gro'i gsos su spel// sarwa mang+ga laM/ /

par 'di dga' ldan phun tshogs gling du bzhugs// //

@7b [bp]