@001a @#/ /sangs rgyas sum cu so lnga'i mtshan gyi phan yon
bzhugs so/ /

@001b na ma gu ru/ sangs rgyas sum cu so lnga'i mtshan gyi phan
yon ni/ de bzhin gshegs ma shA-kya thub pa la phyag 'tshal lo/
/zhes pas/ bskal pa khri phrag gcig gi sdig pa

'dag go /rdo rje snying po de dang 'dra/ rin chen 'od 'phros
bskal pa sum khri chig stong gi sdig pa 'dag /klu dbang gi
rgyal pos bskal pa brgyad kyi sdig pa 'dag /dpa' bo'i sdes
ngag 'khyal gyi sdig pa 'dag /dpal

dgyes kyis yid kyis bsags pa'i sdig pa 'dag /rin chen mes dge
'dun gyi dkor la 'gags pa'i sdig pa 'dag /rin chen zla 'od
kyis bskal pa gcig gi sdig pa 'dag /mthong ba don yod kyis
'phags

pa la skur ba btab pa'i sdig pa 'dag /rin chen zla bas ma bsad
pa'i sdig pa 'dag /dri ma med pas pha bsad pa'i sdig pa 'dag
/dpal sbyin gyis dgra bcom pa bsad pa'i sdig pa 'dag /tshangs
pas dge 'dun

gyi dbyen byas pa'i sdig pa 'dag /tshangs pas byin gyis de
bzhin gshegs pa la ngan sems kyis khrag phyung ba'i sdig pa
'dag /chu lhas dgra bcom ma sun phyung ba'i sdig pa 'dag /chu
lha'i lhas byang chub

sems dpa' nges pa la gnas pa bsad pa'i sdig pa 'dag /dpal
bzang gis slob dpon bsad pa'i sdig pa 'dag /tsan-dan dpal gyis
dge 'dun 'du ba'i sgo bkag pa'i sdig pa 'dag /gzi brjid mtha'

@002a @#/ /yas kyis mchod rten bshig pa'i sdig pa 'dag /'od
dpal gyis zhe sdang gis kun nas bslangs pa'i sdig pa 'dag /mya
ngan med pa'i dpal gyis 'dod chags kyis kun

nas bslangs pa'i sdig pa 'dag /sred med kyi bus bskal pa
khri'i sdig pa 'dag /me tog dpal gyis bskal pa 'bum gyi sdig
pa 'dag /tshangs pa'i 'od zer gyis bskal pa stong gi sdig pa
'dag /pad-ma'i 'od

zer gyis bskal pa bdun gyi sdig pa 'dag /nor dpal gyis bag
chags kyi sdig pa 'dag /dran pa'i dpal gyis lus kyi sgo nas
byas pa'i sdig pa 'dag /mtshan dpal shin tu yongs bsgrags kyis
sangs rgyas

'byung ba la mnyes par ma byas pa'i sdig pa 'dag /dbang po'i
tog gi rgyal mtshan gyi rgyal pos phrag dog byas pa'i sdig pa
'dag /shin tu rnam par gnon pa'i dpal gyis gzhan sdig pa byed
du bcug

pa'i sdig pa 'dag /g.yul las shin tu rnam par rgyal bas nga
rgyal gyis kun nas bslangs pa'i sdig pa 'dag /rnam par gnon pa
gshegs pas phra ma byas pa'i sdig pa 'dag /kun nas snang ba

bkod pa'i dpal gyis gzhan gyis sdig pa byas pa la yi rang byas
pa'i sdig pa dag /rin chen pad-mas rnam par gnon pas chos
spong gi las byas pa'i sdig pa 'dag /rin po che'i pad-ma la
rab tu bzhugs pa sangs

@002b rgyas ri dbang gi rgyal po la phyag 'tshal lo/ /zhes pas/
dam tshig nyams pa'i sdig pa 'dag go /'di dag ni jo bo rje'i
bzhed pa yin no/ /byang chub ltung bshags 'dis sdig pa'i gnyen
po stobs bzhi tshang ba bstan te/ de yang dkon chog gsum

la skyabs su 'gro bas rten gyi stobs dang/ de bzhin gshegs pa
so lnga la phyag btsal bas/ gnyen po kun tu gcod pa'i stobs
dang/ bdag gi skye ba 'di dang zhes pa nas/ mi 'chab bo/ /zhes
pa'i bar gyis rnam par sun 'byin bzhi stobs dang/

slan chad kyang gcod cing sdom par bgyid lags so/ /zhes pas
slar ldog pa'i stobs bstan to/ /sangs rgyas bcom ldan 'das de
dag bdag la dgongs su gsol/ /zhes pa nas/ bdag gis kyang yongs
su bsngo bar bgyi/ /zhes pa'i bar gyi phyin

drug gis bsdus pa'i dge rtsa thams cad bla na med pa'i byang
chub thob pa'i rgyur bsngo ba dang/ sdig pa thams cad ni so
sor bshags/ /zhes pa nas/ bdag bla na med pa ye shes kyi mchog
thob par gyur cig /ces pa'i bar gyis gong gi

stobs bzhi po phung po gsum du bsdus nas bstan la/ mi mchog
rgyal ba gang dag da ltar bzhugs pa dang/ zhes sogs ni de gsum
brtan par byed pa'o/ /bshags pa byed pa'i tshe mdun gyi nam
mkhar rgyal ba shA-kya thub par bus dang/

gzhan rnams phyogs bzhi dang/ steng 'og rnams su bzhugs pa'i
mdun du rang nyid gnas pa mos par ba'o/ /ji snyed cig bzhugs
te dang/ 'che zhing zhes pa'i bar ni/ rim pa ltar chos longs
sprul gsum gyi sku brnyes pa'am/ dus gsum du

@003a @#/ /bzhugs pa'am/ rang dang gzhan gnyis ka'i don phun
sum tshogs pa'o/ /sdig pa mi dge ba'i las bgyis pa dang/ zhes
sogs nyes pa rang rang gi ngo bo'i sgo nas 'gyod pa bsgom pa
dang/ ye shes

su gyur pa sogs bzhi ni/ shes bya ji lta ba dang ji snyed pa
thams cad mkhyen pas ye shes su gyur pa dang/ de nas sha'i mig
gis mthong ba ltar gsal bar mkhyen pas spyan du gyur pa dang/
rang gi dge mi dge'i 'dus byas pa rnams

dbang por yod pas dbang du gyur pa dang/ rgyu mtshan de nyid
kyi phyir tshad mar gyur pa'o/ /sngar sdig pa byas pa rnams
ngag tu brjod pa'i sgo nas mthol ba dang/ lus kyi thal mo
sbyor ba dang/ phyag 'tshal ba sogs gus pa'i spyod lam gyis
bshags

pa dang/ yid kyis gsang sems med pas mi 'chab pa dang/ phyin
chad srog la bab kyang mi byed pa ni/ slan chad kyang sdom par
bgyid lags so zhes pa'o/ /sbyin pa tha na dud 'gro'i skye gnas
su skyes pa la zas kham gcig tsam skyin pas

mtshon pa'i sbyin pa btang ba dang/ mi dge bcu la sdom sems
btang ba la sogs pa'i tshul khrims bsrungs pa dang/ mi gnas
pa'i mya ngan las 'das pa ni tshangs pa yin la/ de'i rgyu byams
sogs tshad med pa bzhi bsgom pa ni/ tshangs par

spyod pa la gnas pa ste/ de yang byams sogs kyis khong khro
'dzems pas gzhan gyis gnod pa byed pa la bzod par byed la/ des
mtshon nas bzod pa bsgom pa dang/ sems can yongs su smin pa'i
ched du spre ba'i brtson 'grus brtsam

@003b pa dang/ bla na med pa'i byang chub la sems rtse gcig tu gnas
pa'i bsam gtan bsgom pa dang/ bla na med pa'i ye shes ni/ stong nyid
mngon sum du rtogs pa'i chos sku yin la/ de dang rjes su mthun pa'i
stong nyid la mnyam par bzhag pa'i shes rab bsgom pa ste/

phyin drug gis bsdus pa'i dge rtsa bsngo ba'o/ /phung po gsum
ni/ tshogs gsog pa/ sgrib pa sbyong ba/ dge rtsa spel ba yin
la/ sdig pa thams cad ni so sor bshags so/ /zhes pas gnyis pa
dang/ bsod nams thams cad la rjes su yi rang nge zhes pas

dang po dang/ bdag bla na med pa ye shes kyi mchog tu gyur cig
/ces pas gsum pa dang/ sangs rgyas thams cad la gsol ba 'debs
pa bstan te/ gong gi stogs bzhi po thams cad de gsum po der
'dus so/ /gsol ba 'debs pa la chos 'khor bskor bar gsol

ba 'debs pa dang/ mya ngan las mi 'da' bar gsol ba 'debs pa
gnyis/ bdag bla na med pa'i ye shes kyi mchog thob par gyur
cig /ces pas rdzogs byang la thob byar smon pa'i sogs bskyed
nas dge rtsa bsngo ba'o/ /de rnams brtan par byed pa ni mi

mchog rgyal ba sogs yin no/ /'di ni kun mkhyen dar ma rin chen
gyi gsung las ji ltar byung ba zin bris su bkod pa'o// //