@001a @#/ /rnam bshad snying po rgyan bzhugs so/ /

@001b @##/ /rje btsun dam pa thugs rje chen po dang ldan pa rnams
kyi zhabs la dus thams cad du gus pas phyag 'tshal lo/ /shes rab
kyi pha rol tu phyin pa'i man ngag gi bstan bcos mngon

par rtogs pa'i rgyan gyi 'grel ba don gsal ba'i rnam bshad
snying po'i rgyan ces bya ba/ mkhas mchog bye bas bgrod pa'i
lam/ /pha rol phyin pa'i tshul lugs mchog /gang gi drin gyis gsal
mdzad pa

rje btsun bla ma de la 'dud/ /thub bsten rdzogs pa'i lam gyi
gnad/ /ji bzhin gzigs shing mnga' brnyes nas/ /'gro la brtse bas
'doms mdzad pa/ /bla ma'i zhabs la spyi bos 'dud/ /zab cing rgya
che ji lta

ji snyed don/ /ma lus gzigs shing thugs rje'i gzhan dbang gyur/
/rgyal tshab dam pa 'jam pa'i dbyangs la sogs/ /brgyud pa'i bla
ma rnams la phyag 'tshal lo/ /snga phyi'i go rims nges pa'i
mtshams sbyar

dang; ;rtsa bshad sbyor mtshams snying por byed pa yis/ /lugs
'di'i phyogs tsam rtogs par ma mthong nas/ /gzhung 'di 'byed la
cung zad spro ba skyes/ /dri med rigs pa'i mig dang mi ldan
zhing/ /bshes gnyen

@002a @#/ /dam pa'i dmigs bu dang bral bas/ /kun mkhyen rgyal
ba'i grong khyer 'jug 'dod kyang/ /log pa'i lam nas gyi nar 'jug
par zad/ /zab mo'i lam 'di shin tu rtogs dka' na'ang/ /rang nyid

tshe rabs kun tu 'dris phyir dang/ /lha dang bla ma'i byas shes
drin gzo'i ched/ /bshad par bya yis rtse gcig gus pas nyon/ /de
la 'dir 'o skol gyis shin tu rnyed par dka' ba dang/ rnyed na
don shin tu che ba'i dal 'byor

thob pa'i dus 'dir 'jig rten pa'i rgan po rnams kyi lugs las
khyad zhugs pa'i 'jig rten phyi ma phan chad kyi gnas skabs dang
mthar thug gi skyes bu'i mngon par 'dod pa'i don gyi gzhi legs
par mtshugs par tshe 'di

tsam gyi rnyed pa dang bkur sti sogs kyi ched du 'bad pa ni
'bras bu med pa'i spun pa 'phyar ba dang 'dra zhing/ dud 'gro'i
kun spyod las ma 'das par shes par byas la dal 'byor la snying
po legs par len pa la 'bad par

bya'o; ;de la 'gro ba mtha' dag la gcig tu phan par mdzad pa
sangs rgyas bcom ldan 'das kyis chos kyis 'khor lo rim pa gsum
du bskor bar mdzad pa las dus gsum gyi 'phags pa rnams gshegs
shing rjes su gshegs

@002b par 'gyur ba'i lam 'bras bu dang bcas pa tshad mar gyur
pa'i skyes bu rnams kyis lung dang rigs pa'i tshogs rgya chen pos
gtan la phab pa'i lugs kyi rjes su zhugs nas de dag gi don khong
du chud par byas te bslab pa rin po

che rnam pa gsum gyi sgo nas tshul bzhin du nyams su len pa las
rgyal ba dgyes pa'i thabs mchog tu gyur pa gzhan med par shes
par byas nas/ de yang slob dpon 'phags pa thogs med ces bya ba
sngon rgyal ba du ma la lhag

par bya ba byas shing/ dge ba'i rtsa ba rgya chen po bskyed pa/
de ltar yang sangs rgyas dang byang chub sems dpa'i mgon gyis
yongs su bzung ba blo gros kyi mthu gzhan las khyad zhugs pa/
thub pa sangs rgyas bcom ldan 'das

kyi bstan pa'i khur bzhes pa'i smon lam legs par grub cing/
drang des kyi mdo sde'i dgongs pa rdzogs par 'grel bar lung
bstan pa des/ phyi rabs kyi gdul bya rnams kyis theg pa chen
po'i sde snad rgya mtsho lta bu blta

ba la 'gron po phyogs bslad pa bzhin du gyur te/ tshig snga
phyi'i 'brel yang khong du chud par dka' na don mchog tu zab pa
lta ci smos par gzigs shing/ rang nyid kyang de bzhin gshegs
pa'i gsang ba'i gnas thams

cad la lkog tu gyur par mkhyen nas/ thub pa'i gsung gi gsang ba
thams cad la lkog tu ma gyur pa'i spyan mnga' brgyal tshab dam pa
de mnyes par byas na ci 'dod pa'i don 'grub bo snyam du dgongs
nas sgrub pa la zhugs

@003a @#/ /pas zhal mngon sum du gzigs te/ bcom ldan 'das kyi
rdzu 'phrul la brten nas dga' ldan du byon te chos gsan pas
gsung rab mtha' dag gi dgongs pa yongs su rdzogs par rtogs

par gyur to/ /'dzam bu gling pa'i phyi rabs kyi gdul bya rnams
rjes su bzung ba'i ched du dam pa'i chos kyi skyes kyang gnang
ste/ de yang rnam 'byed rnam pa gnyis dang/ rgyan rnam pa gnyis
dang/ theg pa chen po rgyud bla ma'i

bstan bcos te bstan bcos chen po lnga'o/ /de la spyir bcom ldan
'das kyi gsung rab las drang don dang nges don 'byed pa'i tshul
gnyis gsungs te/ 'phags pa blo gros mi zad pa'i mdo dang/ ting
nge 'dzin rgyal po'i

mdo las gsungs pa sogs dang/ don zab dgongs pa nges par 'grel
ba'i mdo las gsungs pa'o/ /dang po ni/ chos thams cad rang gi
mtshan nyid kyis grub pas stong par ston pa ngas pa'i don dang/
gang zag dang

phung po la sogs pa tshig dang yi ge sna tshogs kyis ston pa drang
pa'i don du bstan la/ mdo sde phyi mas ni kun btags rang gi
mtshan nyid kyis ma grub pa dang/ gzhan dbang dang yongs grub
rang gi mtshan nyid kyis grub

par bstan nas thams cad rang gi mtshan nyid kyis ma grub par
phyogs gcig tu ston pa dang/ phyogs gcig tu rang gi mtshan nyid
kyis grub par ston pa drang don dang/ rang gi mtshan nyid kyis
grub pa dang ma grub pa'i

@003b sa tshigs gsal bar phye nas ston pa nges pa'i dan du gsungs
so/ mdo snga ma'i rjes su 'brangs nas mgon po klu sgrub kyis
drang dan dang nges dan 'byed pa'i shing rta'i sral legs par
phye bas mad gnyis pa drang ba'i don du 'bad pa med par grub

par mdzad do/ /de la slob dpon 'phags pa thogs med kyis ni/ rnam
'byed rnam pa gnyis dang/ theg pa chen po mdo sde rgyan gyi rjes
su 'brangs nas mdo sde phyi ma'i drang nges 'byed pa'i tshul la
brten te/ gtso bor rnam par rig pa tsam gyi shing

rta'i srol lags par phye zhing/ theg pa chung ngu'i sde snod
rnams kyi dgongs pa yang 'grel par mdzad do/ /de la chos dang
chos nyid rnam par 'byed pa las gzung 'dzin gnyis su snang ba'i
gzhan dbang bden par grub pa 'khor ba 'grub pa'i gzhi

chos dang/ gang la dmigs nas goms pas thar pa thob pa'i rten
gzung 'dzin rdzas tha dad kyis stong pa chos nyid du bstan la/
dbus dang mtha' rnam par 'byed pa las ni/ gnyis snang bden par
grub pa gzhir byas nas mtshan nyid gsum du phye ste/

theg pa thun mong dang thun mong ma yin pa'i gzhi dang lam dang
'bras bu rnam bzhag par mdzad do/ /theg pa chen po mdo sde'i
rgyan las ni/ gnyis snang bden par grub pa ma bkag par theg pa
chen po'i rigs sed par byed pa'i thabs nas bzung ste/ byang chub

sems dpa' rang nyid rtogs pa gong nas gang du khyad par du 'gro
ba'i tshul dang/ gdul bya gzhan rjes su 'dzin pa'i thabs rgyas
par gtan la 'bebs shing/ gzhung gsum po de dag gis ni gdul bya'i
bsam pa la ltos pa'i don dam pa tsam zhig

@004a @#/ /bstan gyi/ chos thams cad rang bzhin gyis grub pas stong
pa'i don dam pa gsal bar ma mdzad do/ /bstan bcos gsum po de dag
gi rjes su 'brangs nas mdo sde dgongs 'grel du drang nges 'byed
pa'i tshul dang

mthun par slob dpon gyis sa sde lnga sdom rnam gnyis la sogs par
rnam par rig pa tsam gyi shing rta'i srol legs par phye zhing/
theg pa dman pa'i sde snod kha cig tu bse ru lta bu'i rang sangs
rgyas dang/ theg pa chen po'i rigs can tshogs

lam du bskal ba brgya dang/ bskal pa grangs med gsum du tshogs
bsags nas sbyor lam drod yan chad stan gcig la bgrod pa'i tshul
gsungs pa yang nyan thos kyi sar gsungs so/ /theg pa chen po
rgyud bla ma'i bstan bcos las ni rnam par

rig pa tsam gyi tshul la goms pas rgyud smin par byas pa rnams la
yang dus phyis bstan par bya zhing/ theg pa chen po'i rigs can
dbang po mchog tu gyur pa rnams la dang po nyid nas bstan par
bya ba nyan thos kyi byang chub dang/ rang sangs rgyas kyi

byang chub thob pa la yang nges par rtogs dgos pa'i lam gyi
dmigs pa chos thams cad bden pas stong pa don dam pa'i bden pa
spros pa thams cad dang bral ba mdo rgyas 'bring bsdus gsum
dang/ de bzhin gshegs pa'i snying po'i mdos khyad par

med par gsal bar ston par 'chad la/ de nyid slob dpon thogs med
kyis/ de'i 'grel par/ dgongs pa ji lta ba bzhin du gsal bar
mdzad pas drang nges 'byed tshul dang po la ltos pa'i shing rta'i
srol 'byed mgon po klu sgrub las log su bsam

@004b par mi bya ste/ de nyid kyi rjes su 'brang ba'i phyir ro/
/slob dpon gyis rgyud bla ma rnam par rig pa tsam gyi tshul du
bkral bar bzhed pa ni mi 'thad de/ 'grel pa der/ mthar thug theg
pa gcig tu bsgrubs shing/ stong nyid phra mo rgyas par gtan la
phab pa

dang/ ne tu 'gal ba'i phyir ro/ /bstan bcos mngon par rtogs pa'i
rgyan 'dir ni stong pa nyid kyi lta ba mthar thug pa yang dang
yang du gsungs mod kyi/ gtan la dbab bya'i gtso bo ni/ rigs can
gsum gyi mngon par rtogs pa'i rim pa/ ngo bo nges pa dang/

grangs nges pa dang/ go rims nges pa gsum gyi sgo nas ji ltar
nyams su len pa'i tshul mdo rgyas 'bring bsdus gsum gyi sbras don
khong na gnas pa gsal bar ston par byed do/ /mngon par rtogs
pa'i rgyan 'grel pa dang bcas pa 'chad pa 'di la

don gsum ste/ mtshan gyi don dang/ gzhung gi don dang/ mjug gi
don to/ /dang po la/ dngos dang/ zhar byung ngo/ /dang po la/
mtshan skyur ba dang/ mtshan bshad pa'o/ /dang po ni/ rgya gar gyi
skad du bstan bcos 'di'i ming la/ a b+hi nas pri ti'i bar ro/
/de bod kyi skad

du shes rab ces sogs te/ de yang a b+hi sa ma ya ni mngon par
rtogs pa a lam ka ra ni rgyan/ na ma ni zhes bya ba/ pra dznya
pa ra mi ta ni sher phyin/ u pa d+he sha ni man ngag /sha-sta ni
bstan bcos/ pri ti ni 'grel pa'o/ /gnyis pa ni/ sher

phyin na rtsa ba'i mdo dang/ lam dang 'bras bu'o/ /dbye ba dang
bcas pa bsdus don gyi skabs su 'chad par 'gyur ro/ /man ngag ni
mdo'i don bde blag tu rtogs par byed pa'o/ /'chos skyob kyi yon
tan gnyis dang ldan pas bstan bcos/ mngon du phyogs

@005a @#/ /pa'am mngon sum du rtogs pas mngon rtogs dang/ rang
bzhin gyi rgyan gzugs bzang po la mdzes byed kyi rgyan gdu bu la
sogs pas spras pa gsal byed med long la sogs pa'i nang du shar
ba mthong na skye bo rnams

dga' ba skyed pa ltar/ rang bzhin gyi rgyan yum gyi lus bzang po
la mdzes byed kyi rgyan don bdun cus bkra ba/ gsal byed bstan
bcos 'dir snang bas na/ mkhas pa rnams dga' ba skyed pa'i phyir/
rgyan dang ming de skad sgrogs par byed pas

zhes bya ba dang/ rtsa ba'i don 'grel par byed pas 'gral pa'o/
/gnyis pa la/ bam po'i grangs dang/ 'gyur gyi phyag go /dang po
ni/ bam po zhes pa gzhung gi cha mang po phyogs gcig tu bsdoms
pa'i ming ngo/ /gnyis pa na/ sangs

rgyas dang byang chub sems dpa' thams cad la phyag 'tshal lo/
/zhes pa gnas skabs dang mthar thug gi 'dod don du ma 'grub pa'i
ched du lo tstsha bas bked pa'o/ /gnyis pa la gsum/ bshad pa la
'jug pa dang/ bshad pa nyid dgod pa dang/

bshad pa mthar phyin pa'i tshul lo/ /dang po la gsum/ mchod par
brjod cing bshad par dam bca' ba dang/ 'grel pa rtsam rigs par
sgrub pa dang/ khengs skyung zhing spro ba skye ba'i rgyu mtshan
no/ /dang po ni/ gus phyag 'tshal lo/ /gang lan

gzhung lam 'bras bu'i shes rab kyi pha rol tu phyin pa la/
gzhung smos pas gzhan gnyis kyang 'grub mod kyi 'dir ni gsum ka
bzung bar bya'o/ /dgos pa ci'i don du na yum de'i rgyan gyi tshig
le'ur byas pa dag yum gsum po kun gyi rgyan

@005b du 'gyur bar ni 'grel pa 'dis rnam par dbye phyir tu'o/
/'grel pa rtsom pa'i thog mar bshad par dam bcas pa la dgos pa
yod de/ rtsom pa mthar phyin pa'i ched yin pa'i phyir/ mchod
brjod byas pa la dgos pa yod de/ gnas skabs dang mthar

thug gi don du ma 'grub pa'i ched yin pa'i phyir/ dgos sogs bzhi
don gyis bstan pas 'grel pa 'di chos can/ brjod bya yod de/ mdo
dang rtsa ba'i bstan bcos kyi don ston pa'i phyir/ dgos pa yod
de/ khyed la brten nas rtsa ba'i bstan bcos

yum gsum gyi rgyan du 'gyur bar go pa'i ched yin pa'i phyir/
nyid dgos yod de/ khyod kyi dgos pa de la brten nas mthar rnam
mkhyen thob pa'i phyir/ 'brel pa yod de/ chos gsum phyi ma phyi
ma snga ma la 'brel ba'i phyir/ snying po bsdu ba ni/ tshegs

bcad 'dis/ bstan pa la 'jug pa'i sgo dam pa skyabs su 'gro ba
bstan pa yin te/ 'bras bu'i sher phyin gyis bsdus pa'i sangs
rgyas dkon mchog dang/ lam sher phyin gyis bsdus pa'i chos dkon
mchog skyabs 'gro'i yul du bstan pa na/ de

tshul bzhin du sgrub pa'i 'phags pa'i dge 'dun yang skyabs su go
bar 'gyur bas/ dkon mchog gsum la skyob pa'i nus pa yod par yid
ches pa dang/ 'khor ba'i sdug bsngal gyis 'jigs pa gnyis kyi
rgyu las tshig tsam ma yin par skyabs

su 'gro ba'i blo bskyed par bya'o/ /thos bsam sgom gsum sogs
chos ldan gyi bya ba gang byed pa'i thog mar skyabs su 'gro ba
sngon du 'gro dgos par shes pa'i ched du bstan bcos mdzad pa
rnams kyis mchod brjod thog mar bkod par shes

@006a @#/ /par bya'o/ /bstan bcos kyi don ji ltar nyams su len
pa'i tshul bar bar du yang 'chad par 'gyur la/ phyogs gcig tu
dril nas nyams su len pa'i tshul ni gzhung logs su rtsom par 'dod
pas der blta bar bya'o/ /gnyis

pa la gsum/ phyi'i rkyen dge ba'i bshes gnyen gyi man ngag dang
ldan par sgrub pa dang/ nang gi rkyen bstan bcos kyi don mtha'
dag rtogs pa'i shes rab dang ldan par sgrub pa dang/ des na
'grel pa rtsom pa rigs pa'o/ /dang po la bzhi las/ slob dpon

snga mas byas pa'i 'grel pa yod dam med/ yod na zlos par 'gyur
la/ med na man ngag med pas rtsom mi rigs so zhe na/ slob dpon
snga ma'i 'grel pa la brten pa'i man ngag yod cing/ yum kun gyi
rgyan du 'grel pas zlos pa'i skyon yang med pa

la; dang po slob dpon thogs med kyis rnam bshad mdzad tshul ni/
rnam bshad mdzad gang gi na sgra bshad du yod pas bstan bcos
chen po mdo'i/ gang gis na 'phags pa thogs med kyis so/ /de'i
yon tan ni bsam pa phun tshogs snying rjes

rgyud lnga'i 'gro ba la chags pas kun tu ste/ lhag par chags par
mdzad pa dang sbyor ba phun tshogs gzhan sdug bsngal las skyob pa
nyid kyis mi pham mgon la gsan nas ni'o/ /thogs med kyis sher
phyin gyi mdo'i rnam bshad mdzad rigs te/

rje btsun la yum gyi mdo'i tshig don rdzogs par gsan nas thugs su
chud pa'i phyir/ sku mched gnyis lta ba mtshungs par smra bas ni/
theg pa chen po rgyud bla ma'i bstan bcos kyi 'grel pa la zhib
tu bsam par bya ba kho na'o/ /gnyis pa dbyig

@006b gnyen gyis bgrol tshul ni/ rnam par bgrol lo/ /gang na
sngar ltar ro/ /gang gis na/ 'gro ba'i don mngon mtho nges legs
gyi rtsa lag tu gyur pas dbyig gi gnyen des so/ /gang du na nyi
khri gzhung 'grel du'o/ /ji ltar na gzugs la sogs pa'i

shes bya nang gi bdag nyid yin pa la yang dag par brten nas sems
tsam gyi tshul du'o/ /des yang dag par bshad pa yin nam zhe na/
gnyis stong bden grub la zhen pas rang gi mos pa gtsor byed pas
yin gyi snying po'i don ni de las gzhan du

mtha' bral dbu mar gnas pa'o/ /gsum pa 'phags pas phye tshul ni/
rnam par phye'o/ /gang na yum gyi mdo dang rgyan no/ /'og ma la
yang shes par bya'o/ /gang gis na mthong lam thob pas/ 'phags
pa'i khongs su gtogs pa yi/ rnam par grol

ba zhes bya bas so/ /kyang ni snga ma gnyis su ma zad pa'o/
/gang du na nyi khri 'grel par ro/ /ji ltar na snying po'i don
mtha' bral dbu mar gnas pa la de ltar khong du chud pa'i blos
kun nas bslangs nas dbu ma'i tshul du'o/ /de ltar 'grel pa'i rgyu
mtshan

ni/ dbyig gnyen des snying po'i don sems tsam gyi tshul du byas
pa bzhed pa ji lta ba bzhin du byas pa min par mthong nas so/
/dpon slob gnyis theg pa chen po'i lam gyi rim pa spyi'i lus la
grangs dang go rims dang skye tshul sogs mthun par

shes par bya'o/ /bzhi pa btsun pa grol sdes rnam bshad byas tshul
ni/ rnam bshad byas so/ /gang gis na rnam grol sde dad pa'i sa
tshogs lam la gnas pa de yis so/ /dus ni 'phags pas mdzad pa de'i
'og tu'o/ /gang du na nyi khri rnam 'grel

@007a @#/ /du'o; ;ji ltar na bstan bcos rgyas 'bring bsdus pa
mtha' dag gis mngon par rtogs pa brgyad kyi rim pa tshang bar
stan pa ma rnyed par rang gis ji ltar rnyed pa dang rjes su
mthun par nyi khri 'ba' zhig dang sbyar nas byas so/ /

gnyis pa ni/ ji skad bshad pa'i tshul de ltar mkhas pa bzhis tshig
don ci rigs snang bar byas shing sangs rgyas gnyis pa ltar grags
pa dbyig gnyen la sogs pa 'ga' zhig kho nas dgongs pa'i don ji
lta ba bzhin du ma rnyed pa'i bstan bcos rgyas

'bring bsdus pa mtha' dag 'di snying po'i don mthar thug pa dang
mngon par rtogs pa'i rim pa tshang bar ston cing de nyid rgyan
gyis 'grel pa de ltar bdag gis rnyed pa gang de ya mtshan no zhes
pa rang nyid skal pa dang ldan zhing shes rab khyad par can dang

ldan par ston pa'o/ /'dis ni 'grel pa snga ma rnams dang zlos
pa'i skyon spangs par yang shes par bya'o/ /gsum pa ni/ sngar
bshad pa'i mkhas pa de lta bus kyang ma rnyed pas shin tu rnyed
par dka' ba zab mo'i lam mngon par rtogs pa brgyad

kyi rim pa dang stong pa nyid kyi don 'di ci zhig ltar sangs
rgyas kyi byin rlabs kyi dbang gis rnyed pa ni skal pa khyad par
can dang ldan pas bdag dang mtshungs pa'i mkhas pa gzhan rnams
kyis kyang sangs rgyas la byas pa shes shing drin gzo ba'i ched
du

dbye bar rigs so/ /slob dpon bzhi'i bshad pa'i tshul gyis ni yang
dag par rdzogs pa'i sangs rgyas nas bzung ste dam pa bar ma chad
pa'i man ngag dang ldan par bstan pa yin la/ de yang 'grel pa
gcig la brten nas rdzogs par ma rnyed kyang cha la

@007b la 'grel pa gzhan la brten pa dang sangs rgyas la yun ring
du gsal ba btab pa'i thugs rje'i mthu las rnyed pa ni theg pa
chen po'i lam gyi rim pa mtha' dag rnyed nas lam rim gyis bgrod
pa ni lam gyi rtsa ba dge ba'i bshes gnyen mnyes par

byas pa la rag las par shes pa'i ched du slob dpon gyis bkod pa
yin pas phyi rabs kyi gdul bya rnams kyis kyang bshes gnyen tshul
bzhin du bsten pa la 'bad par bya'o/ /de ltar zhes pa'i rkang pa
bzhis/ dge ba'i bshes gnyen gyi byin

rlabs la brten nas yum gsum ga'i rgyan du shes shing/ tshig don
mtha' dag rtogs pa'i shes rab khyad par can dang ldan pas slob
dpon rang nyid dga' ba chen po skyes par bstan to/ /rkang pa tha
ma bzhis 'grel pa rtsom pa'i phyi nang gi rkyen ma lus

pa tshang bas 'grel pa rtsom rigs pa'i dam bca' bstan pa yin no/
/des na slob dpon 'dis 'grel pa rtsom par rigs te/ de rtsom pa'i
phyi nang gi rkyen ma lus pa tshogs pa'i phyir ces pa'o/ /des na
chos nyan bshad byed 'dod pa rnams kyis kyang

sngar bshad pa ltar dkon mchog gsum la skyabs su 'gro ba yid
'khul nus pa re dang/ rang gi dge ba'i bshes gnyen bstan tshul
phyin ci ma log pa ma byung na lha bdud du babs pa ltar 'gyur
zhing/ lam gyi bag chags 'jog mi nus pas gnas

'di la gzab par bya'o/ /gsum pa ni/ dge ba'i bshes gnyen gyi
byin rlabs kyi mthus rnyed pa ma gtogs rang dbang du sher phyin
gyi don rnam pa kun tu seng bzang bdag gi ni blo'i spyod yul min
yang rgyan gyi 'grel pa rtsom pa la spro ba skyes so/ /ci'i

@008a @#/ /ched du zhen rang nyid bag chags bzhag cing brjed
byang du bya ba dang theg pa chen po'i rigs dang ldan pa gzhan
la yang rtogs pa bskyed pa'i sgo nas rang gzhan la phan gdags
par 'dod pas so/ /de la brten nas rang gzhan

la phan gdags nus te/ 'grel pa 'di lta bu rtsom pa ni rnam
mkhyen gyi ched du sbyin sogs kyi bsod nams dag sgrub pa dang
rjes su mthun pa'i thabs dam pa yin pa'i phyir/ rnam 'grel las/
'brel ba dang ni rjes mthun thabs/ /skyes bu'i den ni

rjod byed dag /ces bshad pa ltar/ mngon mtho nges legs kyi thabs
rdzogs par ston pa'i bstan bcos 'di lta bu don de dag sgrub pa'i
thabs dam pa'o/ /slob dpon nyid kyis theg pa chen po'i lam gyi
rim pa rnams rigs pa'i lam nas legs

par drangs nas 'grel pa 'di mdzad pa yin pas/ tshig snga ma ni
khengs skyung ba la sbyar ba la kha na ma tho ba med do/ /gnyis
pa bshad pa nyid dgod pa la gsum/ mchod brjod dang/ rgyas pa la
dad pa'i gang zag la phye ste bshad pa dang/ bsdus don

gzhan bshad pa'o/ /dang po la gsum/ mtshams sbyar ba dang/ rtsa
ba dang/ 'grel pa'o/ /dang po ni/ 'phags pa byams pas rang nyid
dam pa'i spyod pa dang mthun par rab tu ston pas rtsom pa'i bya
ba rim can du ma yod pa'i nang nas/ re

shig dang por yum la phyag 'tshal ba ni rang don gyi dgos pa'o/
/gzhan don gyi dgos pa ni gdul bya gzhan dag ldog tu med pa'i
rab tu dang ba bskyed pa'i ched du'o/ /de'i dgos pa ni/ zhugs
shig ces dngos su ma bskul yang don gnyer

@008b shugs drag po skyes nas don gyis 'jug par bya ba'i phyir
gang la dang ba skye zhing 'jug na yon tan bla na med pa mang
po'i 'byung gnas su gyur pa bcom ldan 'das ma yon tan rin po che
phul du dbyung du med cing dpag tu med pa'i sras bzhi'i bzhed

don sgrub pa'i 'byung gnas te rgyu la'o/ /ji ltar na/ nyer zhir
khrid pa sogs yon tan yod pa ji lta ba bzhin brjod pa sngon du
'gro ba can gyi sgo nas so/ /dang ba la brten nas zhugs pa la
dgos pa ci yod ce na/ shes rab kyi pha rol tu phyin

pa'i yul can gyi rab tu dang ba ni gnas skabs dang mtha'i legs
pa thams cad 'thob pa'i dang po'i rgyu'i gtso bo yin no/ /zhes
bya bar tshad mas grub nas gdul bya gzhan rnams kyang dad pa la
brten nas byang chub thob par dgongs pa'o/ /

tshad ma gang gis grub na 'phags pa byams pa'i mnyam gzhag so so
rang gis rig pa'i ye shes kyis rtogs shing des drangs pa'i rjes
thob kyis nges par bzung nas so/ /rje btsun la rang don don
gnyer med par 'dod pa sogs ni theg

pa chen po'i gzhung la ngal ba zhib tu ma byas pa yin te/ rje
btsun mngon par rdzogs par sangs rgyas pa'i dbang du byed na
thun mong dang thun mong ma yin pa'i skabs ma phyed pa yin la/
byang chub sems dpa'i dbang du byed na ni rang don yongs su
rdzogs

pa la chos sku dgas par ma mthong na/ rang don du zhi ba rkyang
pas chog par 'dzin pa ldog mi nus la/ de ma ldog na theg pa chen
po'i sems bskyed kyi mtshan nyid mi rdzogs par 'gyur te/ rang don
chos sku la don gnyer sa bcu pa'i gnas skabs su

@009a @#/ /mi dgos pa'i phyir/ sangs rgyas kyi sku la rang don
gyi sku dang gzhan don gyi sku gnyis su phye ba yang dgos pa med
par 'gyur ro/ /snying po bsdus te bstan pa ni/ rje btsun gyis
'dir mchod brjod mdzad pa'i dgos pa/ dad pa

sngon 'gro ma ltar bskyed pa ste/ zhes sogs dang/ dad pa'i rtsa
ba rab brtan bya/ zhes gsungs pa ltar/ dad pa thams cad kyi
sngon du 'gro ba yin te/ theg pa chen po'i gzhung lam 'bras bu
dang bcas pa la dad pa shugs drag po yod na/ des 'dun pa

shugs drag drangs nas thos bsam sgom gsum sogs la 'jug par 'gyur
ba yin la/ dad pa sngon du ma song na/ 'jig rten phyi ma phan
chad kyi ched du theg pa chen po'i lam nyams su len pa'i blo
rnal ma mi skye bar gzigs nas lam la 'jug

par 'dod pa rnams kyis thog mar mtha'i 'bras bu'i sangs rgyas
dkon mchog dang mkhyen pa gsum gyis bsdum pa'i chos dkon mchog
dang/ de tshul bzhin du sgrub pa'i dge 'dun dkon mchog rnams la
ldog tu med pa'i dad pa bskyed par bya'o

snyam du dgongs pa yin no/ /'og nas ji tsam gyis mngon par rtogs
pa'i lam gyi rim pa nyams su len pa la mkhas pa yin snyam pa la
dad sogs yul lnga la mkhas dgos par bstan la/ de yang sangs
rgyas sogs dmigs dad pa dang/

zhes pas theg pa chen po thun mong ma yin pa'i skyabs su 'gro ba
bstan pa yin no/ /gzhung 'og ma rnams su yang tshig don bshad pa
gtso bor mi byed kyi/ ji ltar nyams su len pa'i tshul rnams dus
gsum gyi sangs rgyas thams cad kyi ngo

@009b bo rje rin po che nyid kyi man ngag la brten nas 'chad pa
yin no/ /gnyis pa la/ tshig don dang/ brgal lan gyis gtan la dbab
pa'o/ /dang po la/ bstod pa dang/ phyag 'tshal ba'o/ /dang po la/
mkhyen gsum gyi yon tan gyi sgo nas bstod pa dang/

'phags bzhi'i yum byed pas bstod pa'o/ /dang po ni gzhi shes kyi
sgo nas bstod pa khrid par mdzad pa gang yin pa de la phyag
'tshal lo/ /gang zhig na nyan thos rang sangs rgyas sdug bsngal
dang kun 'byung nye bar zhi ba tshol ba rnams so/ /gang

gis na gang zag gi bdag med mngon sum du rtogs pa'i kun shes
nyid kyis so/ /gang du na 'bras bu nyer zhir khrid par mdzad pa
dang/ lam shes kyi sgo nas bstod pa ni/ sgrub par mdzad pa gang
yin pa de la phyag 'tshal lo/ /rten gang gis na 'gro ba

la gnas skabs dang mthar thug gi phan pa sgrub par byed pa byang
chub sems dpa' rnams so/ /thabs gang gis na/ lam gsum bdag med
par shes pa'i lam shes nyid kyis so/ /don gang sgrub na/ 'jig
rten rigs can gsum gyi don sgrub par

mdzad pa'o/ /rnam mkhyen gyi sgo nas bstod pa ni/ gsung par
mdzad pa de la phyag 'tshal lo/ /gang zag gang gis ni thub pa
sangs rgyas bcom ldan 'das rnams so/ /thabs gang gis na rnam pa
ma lus pa bdag med par mkhyen pa'i rnam mkhyen gang dang

yang dag par ldan pas so/ /'bras bu gang na theg pa gsum gyi lam
yongs su rdzogs pas brjod bya rnam pa kun dang ldan pa'i mdo sde
rin po che sna tshogs pa 'di'o/ /gang zhes pa spyi'i sgra yin
yang mkhyen gsum la bstod pa'i skabs dang/ gzhan

@010a @#/ /gnyis la bstod zin pas shugs dang/ thub pa'i tshig dang
'brel bas rnam mkhyen kho na la go bar 'gyur ro/ /gnyis pa ni/
nyan thos 'phags pa dang byang chub sems dpa'i 'phags pa'i tshigs
dang bcas pa'i

sangs rgyas kyi ni yum de la phyag 'tshal lo/ /gnyis pa ni/ de la
phyag 'tshal zhes te gus pas 'dud pa'i tshul ston pa de dag gi don
sngar bshad zin to/ /gnyis pa la/ go rims nges pa dang/ grangs
nges pa dang/ yum sras kyi don dang/ bstod

yul gyi mkhyen gsum ngos bzung ba'o/ /dang po ni/ bstan bcos rin
chen sgron ma nas bshad pa ltar/ mdo'i gleng gzhi'i go rims dang
mthun par bshad pa yin no zer ba mi 'thad de/ mchod brjod dang
gleng gzhi/ slob dpon dang 'phags pa gnyis

kas ma sbyar zhing/ slob dpon gyis gleng gzhi'i bshad pa gzhan
du mdzad pa'i phyir ro/ /kha cig nyan thos kyi rigs can theg pa
gsum la rim gyis gzhug pa'i ched du dang por gzhi shes la bstod
pa yin no/ /zhes zer ba ni/ bstan bcos 'di'i

ched du bya ba'i gdul bya gang yin ma rtogs pa yin te/ 'dir ni
theg pa chen po'i rigs can 'ba' zhig yum la dad pa bskyed nas
thos sogs kyis 'jug par bya ba'i ched yin la/ bstan bcos 'di'i
ched du bya ba'i gdul bya la rigs can gsum

ka yod na theg pa thun mong ba'i bstan bcos su 'gyur dgos pa'i
phyir/ yang gdul bya theg pa gsum la rim gyis gzhug pa'i ched du
yin no zhes zer pa yang don ma yin te/ spyir de lta bu'i gdul
bya srid kyang skabs 'dir ni theg pa chen por rigs

@010b nges pa'i gang zag lam la 'jug pa'i rim pa ston pa skabs
su bab cing/ dang por nyan thos kyi lam nas 'jug pa'i tshul mchod
brjod kyi skabs nyid nas bstan pa la dgos ba cung zad kyang med
pa'i phyir ro/ /des na 'grel chen gyi chos sku'i mtshams

sbyor du mngon rtogs brgyad kyi rim pa ston pa'i skabs su thams
cad shes pa nyid kyi sgo nas 'jug par byed pa dang/ zhes sogs
gsungs pa ltar rgyan gyi ched du bya ba'i gdul bya nyid lam la
'jug pa'i rim pa dang mthun par bstod pa yin te/ de

yang skabs gsum pa'i skabs su gtan la phab pa'i skyes bu 'bring
gi lam gyi rim pa la bsam pa legs par ma sbyangs na snying rje
chen po mtshan nyid yongs su rdzogs pa mi skye zhing de lta na
theg pa chen po'i sems bskyed mtshan nyid rdzogs

pa dang/ lam shes sogs kyang mi skye bas skyes bu chen po'i lam
gyi rim pa rgyud la bskyed pa la skyes bu 'bring gi bsam pa
sbyang ba sngon du 'gro dgos par shes pa'i ched du yin no/ /'di
dag la brjod bya ba mang ste/ bar bar du 'chad cing rgyan

gyi lam gyi rim pa ji ltar nyams su len pa'i tshul legs su yang
'chad par 'gyur ro/ /gnyis pa ni/ gdul bya rigs can gsum ka rjes
su 'dzin par 'dad pa'i theg pa chen po'i gang zag gis nyams su
blang bar bya ba'i lam gyi rim pa

'di tsam kho nas phun sum tshogs par 'gyur bas mang ba yang ma
yin nyung ba yang ma yin/ nyan thos kyi rigs can rjes su bzung
bar 'dod cing rang gi lam yongs su rdzogs par bya bar 'dod pas
thog mar sngar bshad pa ltar skyes bu 'bring

@011a @#/ /dang thun med pa'i bsam pa la goms par bya'o/ /gsum pa
ni/ mkhyen pa snga mas 'phags pa phyi ma bskyed cing nyer zhi la
sogs pa'i bzhed don sgrub par byed pas yum dang sras ni bskyed
bya skyed byed du shes par bya'o/ /

bzhi pa ni/ gzhi shes kyang 'og nas mdo'i dris lan gyi don
bsdu'i skabs nas bshad pa ltar mi rtag sogs bcu drug gi rnam pa
can yin no/ /nges mtshon nas gzhan gnyis kyang shes par bya
zhing/ 'og de ma thag tu mkhyen pa gsum ka la skye med

kyi rnam pa can du bshad pa ni/ yum gyi ldog pa ngos bzung ba'i
ched du yin te/ ma ni shes rab pha ni thabs/ zhes bshad pa ltar/
bshes rab kyi cha thun mong ba'i rgyu de la ma dang/ thabs kyi
cha thun mong ma yin pa'i rgyu la pha zhes brjod pas/ yum gyi
ldog

pa ngos bzung bzhed nas/ shes rab kyi gtso bo bdag med rtogs
pa'i shes rab de nyid bstan pa yin gyi/ yum dang mkhyen pa la
des khyab par ston pa ma yin no/ /gsum pa la/ bsdus pa'i don
dang/ dgos pa'i don dang/ rtsod pa spang ba dang/ tshig

gi don to/ /dang po ni/ rtsa ba'i tshigs su bcad pa 'dis ni chos
can yum 'di'i che ba'i bdag nyid phul du byung ba dang ldan pa
brjod de/ mkhyen pa gsum gyi sgo nas yum la bstod pa brjod pa'i
phyir/ gnyis pa la/ rgyas par bshad pa dang/ don bsdu ba'o/ /

dang po la/ dad pa skye tshul dang/ de las don gnyer gyi 'dun pa
skye ba dang/ de las zhugs nas 'bras bu thob pa'i tshul lo/ /dang
po la/ dbang rtul dad pa skye tshul dang/ dbang rnon dad pa skye
tshul lo/ /dang po ni/ tshigs bcad de thos nas dus re shig rgyan
gyi

@011b gdul bya dad pa'i rjes su 'brang ba rnams ni chos can/ yum
'di la rab tu dad pa skye'o/ /yon tan de lta bu yod nges snyam
du the tshom med par myur du dad pa shugs drag po skye ba'i
phyir/ gnyis pa ni/ rgyan gyi ched du bya ba'i gdul bya dbang
rnen chos kyi rjes su

'brang ba rnams kyang chos can/ tshigs bcad de thos pas rkyen
byas nas yum de la rab tu dang bskyed par byed pa nyid do/ /des
rkyen byas nas gzhi dang lam dang rnam pa skye ba med par yongs
su shes pa'i ye shes tshigs su bcad pa'i brjod bya'i don gyi

mtshan nyid kyi yum yod pa la gnod pa yod med legs par brtags
pa'i tshe de 'dra yod pa la gnod pa ma mthong nas dang ba skye
bas so/ /gong du 'di dang 'dir de zhes smos pa ni/ mchod brjod
la nye ring gis yin gyi/ gzhan gyi bshad pa'i tshig don lam

zhugs so/ /dang bskye ba'i tshul ji lta bu zhe na/ shes rab kyi
pha rol tu phyin pa thams cad mkhyen pa nyid gsum gyi bdag nyid
lam gyi tshul lugs gsum pa can ni gdon mi za bar srid do zhes ngo
bo la dang ba skye ba dang/ sangs rgyas la sogs pa

'phags pa bzhi bskrun par mdzad pa ni gdon mi za bar srid pa
nyid do zhes nges par bzung ste nus pa la dang bskye ba'o/
/dbang rnon dad pa skye ba rgyu mtshan la ltos pas gnod pa ma
mthong ba nyid rgyu mtshan yin gyi/ mchod brjod kyi lung rgyu
mtshan du byar mi

rung ste/ dbang rnon lung don la dpyad pa dag nas sgrub byed du
khas len pa yin la skabs 'dir de mi 'thad pa'i phyir ro/ /kha
cig dbang rnon la dad pa skye tshul ston pa yin gyi/ dad pa skye
ba'i rgyu mtshan cung zad kyang ma bstan par 'dod pa mi 'thad de/
tshigs

@012a @#/ /bcad de thos pas rkyen byas nas dbang rnam dad pa ma
skyes pa'am 'on te rgyu med rkyen med du skyes pa'am rgyu rkyen
yod kyang 'dir ma bstan pa gang yang mi 'thad cing/ gzhung 'di'i
don dang 'gal ba shin tu rtogs par sla'o/ /dbang

rnon gyi skabs 'dir/ gzhi lam rnam gsum skye med du tshod mas
legs par grub nas de'i don goms par byas pas goms bya'i don
mngon sum du rtogs pa'i 'phags pa'i go 'phang yod par tshad mas
grub par khas blangs na yang nyes pa ci

yod/ de lta na/ dang ba skyes pa las thos bsam sgom gsum la rims
gyis 'jug par bshad pa dang 'gal lo zhe na/ 'o na gcig dang du
gral gyi gtan tshigs kyis phyogs chos dang khyab pa bsgrub nus
shing dam bca'i don goms pa las

gsal snang 'byung ba sgrub nus na mngon par rtogs pa'i rgyan
legs par shes par khas len dgos par 'gyur ro/ /gzhi lam rnam
gsum skye med du tshad ma gang gis grub ce na/ gcig dang du ma'i
ngo bo nyid dang bral ba'i phyir ces bya ba

dang rdo rje gzigs ma'i gtan tshigs la sogs pa'i rtags la brten
pa'i tshad mas dang por tshogs lam gyi gnas skabs su grub cing/
de'i don goms par byas pa las lam shes dang rnam mkhyen thob par
'gyur ba yin no/ /mkhyen pa phyi

ma gnyis kyis chos gsum ga bden pa'i skye med du rtogs kyang/
chos kyi bdag med phra mo rtogs pas khyad par du byas pa'i gzhi
shes skabs 'dir dngos su ston pa ma yin mod kyi/ gzhi skye ba
med par shes pa zhes bshad pa ni/ yum gyi ldog

@012b pa ngos bzung ba'i ched du gang zag gi bdag gis skye ba
med par shes pa'i don du bzung bar bya'o/ /'di dag gis 'khrul
gzhi bskyed nas/ gzhi shes dang lam shes la bdag med rtogs pa'i
khyab pa khas len bdag kyang snang la/ rang gi steng du 'gal
ba'i

khur shin tu lci bas yun ring po nas non pa mi shes pa kha cig
ni/ tshig rkang snga mas dngos su bstan pa'i gzhi shes theg dman
pa 'ba' zhig la yod par 'dod cing/ 'dir bshad pa dang don khyad
par med par 'dod bzhin du gcig du bral gyi rtags las

gzhi bden pa'i skye med du grub pa'i don du 'chad cing/ nyan
thos 'phags pa la chos kyi bdag med phra mo rtogs pa yod par
'dod pa la than? mthong ba ltar byed pa dag snang ngo/ /dbu ma
pa bzhed pa'i gtan tshigs du ma yod kyang/ 'dir ni gcig dang du

bral gyi gtan tshigs tsam zhig bshad par bya ste/ de la slob dpon
nyid bzhed pa'i dgag bya'i chos ngos bzung ba dang/ de gzhi
gzhan gyi steng du 'gag pa'i gtan tshigs so/ /dang po ni/ dper na
sgyu ma mkhan gyis sprul pa'i tshe rde'u shing bu sogs rta

glang du snang ba na/ snang ba de nyid blo 'khrul pa'i dbang gis
bzhag pa ma yin par/ rde'u shing bu sogs kyi ngos nas yod na/ de
dag gi rigs 'dra snga mas bzhag pa'i lag rjes su 'gyur bas/ mig
ma bslang ba rnams kyis kyang mthong dgos pa bzhin du

gang zag dang phung po blo la snang ba'i dbang gis bzhag pa ma
yin par yul rang gi thun mong ma yin pa'i sdong lugs kyi ngos
nas grub na/ don dam dpyad byed kyi rigs pas dpyad bzod cing
'phags pa'i mnyam gzhag gis gzigs dgos pa

@013a @#/ /sogs su 'gyur ro/ /des na blo la snang ba'i dbang gis
bzhag pa min par/ yul gyi thun mong ma yin pa'i sdod lugs kyi
ngos nas grub pa ni dgag bya'i chos so/ /gnyis pa la/ rtags dgod
pa dang/ tshul bsgrub

pa'o/ /dang po ni/ bden pa'i gcig dang du ma gang du yang ma
grub na/ bden par med pas khyab ste/ dper na gzugs brnyan bzhin/
gzhi lam rnam pa gsum po yang bden pa'i gcig dang du mar ma grub
bo zhes bya ba khyab byed ma dmigs pa'i

gtan tshigs so/ /gnyis pa la/ phyogs chos bsgrub pa dang/ khyab
pa bsgrub pa'o/ /dang po la/ bden pa'i gcig bral du bsgrub pa
dang/ du bral du bsgrub pa'o/ /dang po ni/ de chos can/ bden
pa'i gcig tu ma grub ste/ cha bcas yin pa'i phyir/

rtsod gzhi bum pa lta bu'i steng du rtags de mngon sum gyis grub
la/ rtsod gzhi mngon sum gyis ma grub pa'i steng du cha med shes
bya la srid pa 'gog pa'i tshad ma dang/ cha yod med dngos 'gal du
nges pa'i tshad ma gnyis la brten nas grub bo/ /de'i

khyab pa bsgrub pa la tshad ma gsum dgos kyang/ rtags dang dgag
bya'i chos kyi gzhi mthun 'gog pa rtogs par dka' bas de brjed na
cha bcas kyang yin/ bden pa'i gcig tu grub pa yang yin pa'i gzhi
mthun du grub na/ cha dang cha can gnyis snang

lugs ngo bo tha dad du snang yang sdod lugs ngo bo gcig tu yod
dgos te/ gzhan du na cha bcas mi srid par 'gyur ba'i phyir ro/
/snang lugs ngo bo tha dad du snang yang sdod lugs ngo bo gcig
tu grub pa de/ rdzun pa'i sdod lugs la mi 'gal yang

@013b bden par grub pa'i sdod lugs la 'gal ba yin te/ de yang
cha can de dang/ cha du ma chos can/ tha dad med par thal/ tha
dad du yod na 'phags pa'i mnyam gzhag gis gzigs dgos pa las/ tha
dad du 'phags pa'i mnyam gzhag gis ma gzigs

pa'i phyir/ 'dod na/ cha can de chos can/ du mar thal/ grub cing
cha du ma tha dad med pa'i phyir/ 'dod na/ gcig tu 'jal ba'i
tshad mas gnod do/ /che du ma chos can/

gcig tu thal/ grub cing cha can dang tha dad med pa'i phyir/
'dod pa la du mar 'jal ba'i tha snyad pa'i tshad mas gnod cing/
de dag la brten nas cha du ma dang cha can tha dad med pa khegs
la/ de khegs pas thal ba'i rtags de khegs shing/ de yang yi gyal

bkag nas tshogs pa khegs pa yin pas rtags zur phyi ma khegs pa mi
'thad cing/ snga ma khegs pas rtags de khegs par khas len dgos
la/ cha dang cha can tha dad du yod na 'phags pa'i mnyam gzhag
gis gzigs ngor khegs pas cha bcas dang

bden pa'i gcig grub kyi gzhi mthun khegs pa yin no/ /gnyis pa
bden pa'i du thal du bsgrub pa ni/ gzhi lam rnam gsum chos can/
bden pa'i du mar ma grub ste/ bden grub kyi gcig med pa'i phyir/
sngar bden pa'i gcig tu ma grub pa bsgrubs pas

'dir bden pa'i gcig med pa rtags su 'god pa ci yin zhe na/ rtags
'di'i khyab pa bsgrub pa la nye bar mkho zhing de'i rtags ni cha
med khegs pa dang bden pa'i gcig tu grub na cha med kyi gcig tu
grub dgos pa gnyis la brten nas grub pa yin

@014a @#/ /no; ;gnyis pa khyab pa sgrub pa ni/ de la rtags kyi
mtshan gzhi nges pa'i tshad ma dang/ bsgrub bya'i chos dang dgag
bya'i chos dngos 'gal du nges pa'i tshad ma dang/ rtags dang dgag
bya'i chos kyi gzhi mthun 'gog pa'i

tshad ma gsum dgos kyang snga ma gnyis rtogs sla bas phyi ma ni/
gzhi gzugs brnyan gyi steng du gcig dang du ma phan tshun spang
'gal gyi dngos 'gal du nges pa'i tshad ma des/ gcig dang du ma'i
phung gsum mi srid par rtogs pa ni/ gzhi

gzugs brnyan gyi steng du bden grub kyi gcig dang du ma'i phung
gsum mi srid par rtogs pas nges pa yin no/ /rigs pa'i rnam gzhag
ma byang ba kha cig /yod na gcig dang du ma gang rung du nges pa
des/ bden par yod na bden pa'i

gcig dang du ma gang rung gis ma khyab par 'dzin pa'i sgro 'dogs
gcod pa yin no zhes zer to/ /de lta na/ byas na mi rtag pa'i
khyab pa nges pa'i chad ma des/ sgra byas na sgra mi rtag pas ma
khyab par 'dzin pa'i sgro 'dogs gcod dgos

pas; rtags de la brten pa'i rjes dpag gis sgro 'dogs gsar du mi
gcod par 'gyur ro/ /brjod par bya ba mang ste re shig bzhag go
/gnyis pa ni/ yum la dad pa skyes pa la dgos pa khyad par can
yod de/ yum de la rab tu dang

bas kyang de'i yon tan 'phags bzhi'i bzhed don bsgrub pa sogs
mngon par 'dod pa'i gang zag rgyan gyi gdul bya dbang po rno
rtul gnyis ka yang sher phyin de dang de brjod byar yod pa la
brten pa'i gsungs rab rgyas 'bring bsdus pa rnams

@014b la shin tu gus par byed cing don gnyer gyi 'dun pa skye
ba'i phyir/ gang gi don du zhe na/ brjod bya yongs su rdzogs pa
dang bcas pa la rnam pa thams cad du tsheg bzung ba la sogs pa'i
thos bsam sgom gsum gyi shes rab bskyed pa'i don du'o/ /

gsum pa ni/ don gnyer chen po skyes pa dgos pa khyad par can
dang bcas pa yin te/ de skyes pa de nas de la brten nas legs
pa'i mchog bla na med pa'i byang chub thob par 'gyur ba'i phyir/
don gnyer skyes ma thag thob pa ma yin te/ thos

pa las byung ba la sogs pa'i shes pa gsum skye ba'i rim gyis
thob dgos pa'i phyir/ de dag gis ni lam gyi rim pa rje btsun gyi
thugs rgyud la 'khrungs pa'i rjes 'gro dngos su bstan nas ldog
pa shugs la 'phen par byed pa yin no/ /gnyis

pa ni/ bcom ldan 'das ma la rab tu dang ba'i dad pa ni chos can/
legs pa thams cad 'thob pa'i rgyu'i gtso bo yin te/ de ltar rgyu
'bras nges byed kyi tshad ma'i sgo nas bstan zin pa de'i phyir/
gsum pa ni/ bstan bcos rtsom pa'i thog mar

sher phyin la bstod pa de mtha' dag la'am phyogs gcig kho na la
yin/ dang po ltar na/ sbyor bzhi dang chos sku la ma bstod pas/
grangs nyungs par 'gyur la/ gnyis pa ltar na/ gsum po gang rung
ngam/ gtso bo rnam mkhyen gcig pu la bstod

pas chog gi /gsum char bstod pa'i yul du smos pas ci bya zhe na/
phyogs phyi ma khas mi len zhing snga mkhas len la/ de yang gsum
po nyid dngos su smos pa la rgyu mtshan dang dgos pa khyad par
can yod pas/ grangs nyungs bar mi 'gyur ro/ /

@015a @#/ /de la mkhyen pa gsum gyi sgo nas bstod pa'i rgyu mtshan
yod de/ rje btsun don brgyad ka la bstod bzhed cing/ thams cad
mkhyen pa nyid gsum gyis ni don brgyad bsdus la bsdus pa de ltar
thugs la bzhag nas thams

cad mkhyen pa nyid gsum gyi yon tan gyi sgo nas shes rab kyi pha
rol tu phyin pa la bstod pa'i phyir/ mkhyen gsum gyi sgo nas yum
la bstod pa la dgos pa yod de/ mkhyen gsum gyis bsdus pa'i don
brgyad po de dag kyang shes rab kyi pha rol

tu phyin pa rdzogs pa yin zhing/ mkhyen pa gsum po des kyang
'chad par 'gyur ba'i tshul gyis 'phags pa rnams kyi bzhed pa'i
don thams cad phun sum tshogs pa yin no zhes shes par 'gyur ba'i
phyir/ kyang snga ma gsum du brgyad 'dus pas

brgyad pa de dag kyang bstod pa'i yul du bzhed ces pa'o/ /gsum
gyis brgyad bsdus pa'i tshul ni/ rgya che bas chung ba bsdus pa
dang/ rang bzhin gyis gnas skabs bsdus pa dang/ sdud byed kyi
mkhyen gsum dang/ bsdu bya'i mkhyen gsum

tha dad du 'chad pa sogs ni rigs pas dpyad mi bzod pas re shig
bzhag la/ don ni/ mkhyen gsum rdzogs par nyams su blang na don
brgyad po mtha' dag nyams su blangs par 'gyur bas/ mkhyen pa
gsum rdzogs pa 'dod bya'i yon tan can du mthong nas don brgyad
ka de ltar

ma mthong pa mi srid cing/ mkhyen pa gsum la bstod bzhed nas/
don mngon par rtogs pa brgyad la bstod mi bzhed pa mi srid pa
dang/ mkhyen pa gsum tsam zhig tshig gis zin par bstan pa'i dgos
pa ni/ rigs can gsum gyi

@015b bzhed don sgrub bzhed pa dag de gsum gyi lam ma 'dres pa
so sor shes par bya ba'i phyir ro/ /don bsdus na/ mdon par rtogs
pa brgyad po gang rung gcig yin na/ mkhyen pa gang rung gcig gi
bsgom bya'i rnam pa yin pas khyab cing/ tshul

de ltar nyams su len pas gsum gyis brgyad bsdus pa'o/ /bzhi pa
la/ yon tan so so'i sgo nas bstod pa dang/ bsdus te phyag 'tshal
lo/ /dang po la gsum gyi dang po gzhi shes kyis nyer zhir khrid
pa'i tshul ni thob par mdzad pa gang

yin pa dang zhes so/ /gang zag gang gis na/ nyan thos dang der
ma zad rang sangs rgyas kyang ste 'bras bu rang don du mya ngan
las 'da' bar 'dod pa rnams kyis so/ /rang rgyal tshig gang gis ji
ltar bstan ce na/ nyan thos de'i phyogs su

bslan nas shugs la bstan pas so/ /de yang gzhi shes kyi yon tan
brjod pa'i tshig gi rim pa gcig gis bstan pa'o/ /nyan thos kyi
phyogs su bslan nas/ bstan yang khyad par med pa ma yin te/
gzhan la sgra med du chos ston/ gzung

rtog spangs srid pa tha ma'i tshe slob dpon gyi man ngag la mi
ltos pa sogs rnam par thar pa cung zad tsam zhig gis lhag pa'i
phyir/ thabs gang gis na/ /gzhi thams cad gang zag gi bdag gis
skye ba med par yongs su shes pa nyid kyis

so/ /'bras bu gang na/ nyon mongs zad par spangs kyang snga ma'i
las nyon gyi 'bras bu sdug bsngal gyi phung po dang bcas pa'i
myang 'das dang/ phung po de med pa'i mtshan nyid kyi mya ngan
las 'das pa rnam pa gnyis so/ /'dir ltag med

@016a @#/ /kyi myang 'das bem rig rgyun chad pa'i myang 'das la
'dod pa mi rigs te/ de nyan thos sde pas btags pa 'ba' zhig yin
pa'i phyir dang/ slob dpen rang nyid kyis rigs pa'i lam nas
drangs pa'i dman pa'i myang 'das

kyi rnam gzhag byed pa skabs su bab pa'i phyir ro/ /gnyis pa lam
shes kyis 'jig rten gyi don sgrub pa'i tshul ni/ rten gyi gang
zag byang chub sems dpa' 'khor ba ji srid par 'gro ba'i don byed
pa rnams kyis thabs lam thams cad

bden pa'i skye ba med par rtogs pa'i ngo bo nyid kyis 'bras bu
'gro ba rigs can gsum po mtha' dag gi don bsgrub par mdzad pa
gang yin pa dang/ gsum pa rnam mkhyen gyis chos 'khor bskor ba'i
tshul ni/ bskor bar mdzad gang

gis na/ sangs rgyas sgo gsum mi mthun phyogs las yang dag par
bsdams pa'i sku can zhi lhag zung 'brel gyi rnal 'byor can gyi
dbang phyug nyan rang dag las chos kyi dbang phyug phyug phun
sum tshogs pa mnga' zhing/ de dag bkas mnga' bsgyur

bas na gtso bo rnams kyis so/ /thabs gang gis na/ chos rnams kyi
rgyu 'bras ngo bo'i rnam pa thams cad skye ba med par thugs su
chud pa'i rnam mkhyen gang dang ldan na ste de yis so/ /'bras bu
gang na/ gdul bya rnams kyi nyon mongs kyi spyod pa

brgyad khri bzhi stong gi gnyen por chos phung brgyad khri bzhi
stong gi rang bzhin gyi chos kyi 'khor lo ma lus pa brjod bya
thabs kyi rnam pa yongs su rdzogs pa'i rnam pa thams cad bskor
ba'o/ /de la bcom ldan 'das kyis gdul bya'i rgyud kyi mi

@016b mthun pa'i phyogs bcad pa'i ched du gsungs pa'i lung dang
mngon par rtogs pa'i chos ji snyed pa de thams cad chos kyi
'khor lo yin la ci'i phyir 'khor lo zhes bya zhe na/ 'khor los
bsgyur ba'i rgyal po'i 'khor lo rin po che yul gzhan dang gzhan
du

rim gyis 'pho ba dang/ de'i dbang gis mi mthun pa'i phyogs las
rgyal bar byed pa ltar/ de yang gdul bya'i rgyud la rim gyis
'pho ba dang/ 'dod chags sogs mi mthun pa'i phyogs las rgyal bar
byed pas 'khor lo dang chos mthun pa'i

phyir 'khor lo zhes bya'o/ /chos kyi 'khor lo thor bu thor bur
gsungs pa rnams kyi don phyogs gcig tu go slar bsdus na/ chos
kyi 'khor lo rim pa gsum gyi ming gi tha snyad kyis dngos su
gsungs pa don zab dgongs pa nges par 'grel ba las

'byung ba dang/ ming gi tha snyad dngos su ma gsungs kyang gdul
bya bkri ba'i rim pa gsum gyi sgo nas ston par 'phags pa gzungs
kyi dbang phyug rgyal po'i mdo las 'byung ba'o/ /dang po ni/ mdo
de las/ bcom ldan 'das kyis dang por yul wa ra

na ser drang srong smra ba ri dwags kyi nags su/ nyan thos kyi
theg pa la yang dag par zhugs pa rnams la 'phags pa'i bden pa
bzhi'i rnam pa bstan pas/ chos kyi 'khor lo ngo mtshar rmad du
byung ba/ sngon lhar gyur pa'am/ mir gyur pa sus kyang mthun

par 'jig rten du ma bskor ba zhig rab tu bskor te/ bcom ldan
'das kyis chos kyi 'khor lo rab tu bskor ba de yang bla na mchis
pa skabs mchis pa drang ba'i ngon rtsod pa'i gnas su gyur pa
lags/ bcom ldan 'das kyis chos rnams kyi ngo bo

@017a @#/ /nyid ma mchis pa nyid las brtsams/ skye ba ma mchis pa
dang 'gag pa ma mchis pa dang gzod ma nas zhi ba dang/ rang
bzhin gyis yongs su mya ngan las 'das pa nyid las brtsams nas
theg pa chen po la yang dag

par zhugs pa rnams la stong pa nyid smos pa'i rnam pas ches ngo
mtshar rmad du byung ba'i chos kyi 'khor lo gnyis pa bskor te/
bcom ldan 'das kyis chos kyi 'khor lo bskor ba de yang bla na
mchis pa skabs mchis pa drang ba'i don rtsod pa'i

gzhi'i gnas su gyur pa lags kyi/ bcom ldan 'das kyis chos rnams
kyi ngo bo nyid ma mchis pa nyid las brtsams/ skye ba ma mchis
pa dang/ 'gag pa ma mchis pa dang gzod ma nas zhi ba dang/ rang
bzhin gyis yongs su mya ngan las

'das pa nyid las brtsams nas/ theg pa thams cad la yang dag par
zhugs pa rnams la legs par rnam par phye ba dang ldan pa ngo
mtshar rmad du byung ba'i chos kyi 'khor lo gsum pa bskor te/
bcom ldan 'das kyis chos kyi 'khor

lo bskor ba 'di ni bla na ma mchis pa skabs ma mchis pa nges
pa'i don lags te/ rtsod pa'i gzhi'i gnas su gyur pa ma lags so/
/zhes gsungs so/ /mdo sde 'di'i don la shing rta chen po rnams
kyi bzhed pa mi 'dra ba du ma byung ste/

slob dpon 'phags pa thogs med kyis theg pa chen po'i rigs can du
ma rjes su bzung ba'i ched du/ rnam par rig pa tsam gyi shing
rta'i srol phye ba ltar na/ mdo sde 'di nas 'khor lo gsum gyi
drang nges 'di ltar phye ba dang/ mthar thug

@017b theg pa gsum du gsungs pa rnams sgra ji bzhin par mdzad
la/ de yang 'khor lo gnyis pa'i mtshan gzhi sher phyin gyi mdo
rgyas 'bring bsdus pa gsum drang ba'i don du 'chad tshul ni/ mdo
'di'i gong du byang chub sems dpa' don dam yang

dag 'bags kyis/ drang nges zhus pa'i lan du ston pas/ kun brtags
rang gi mtshan nyid kyis ma grub pa dang/ gzhan dbang dang yongs
grub gnyis rang gi mtshan nyid kyis grub la/ de yang kun brtags
mtshan nyid ngo bo nyid med pa dang/

gzhan dbang skye ba ngo bo nyid med pa dang/ don dam pa ngo bo
nyid med pa dang/ yongs grub don dam pa ngo bo nyid med pa'i
tshul gsum la dgongs nas/ chos thams cad ngo bo nyid med par
bshad do zhes gsung pa ltar ngo bo nyid gsum gyi

ngo bo nyid med pa'i tshul rnam pa gsum dgongs gzhing byas nas
chos thams cad ngo bo nyid med do zhes gsungs pas yum gyi mdo
sgra ji bzhin pa ma yin la/ drang ba'i don yin yang rnam par mi
rtog pa'i ye shes kyi dmigs pa 'gyur

ba med pa'i yongs grub kyis bsdus pa'i stong pa nyid rgyas par
gtan la 'bebs pa mdo sde rnams kyi gtso bo yin zhing de'i ched
du bya ba'i gdul byas ni mdo sde gzhan gyis dgongs pa bkral ba
la ltos mi dgos par dgongs pa rdzogs

par rtogs shing sgra ji bzhin par mi 'dzin no/ /mdo dgongs 'grel
lta bus de'i dgongs pa gsal bar phye nas bstan dgos pa'i rigs
can rnams ni theg pa chen po'i rigs can yin yang snga ma las
dbang po dman pa yin la/ dbu sems

@018a @#/ /kyi shing rta chen po rnams yum gyi mdo drang nges kyi
khyad par mi 'dra yang/ 'dir bshad pa'i 'khor lo gnyis pa'i
mtshan gzhir bzhed pa la ni 'dra'o/ /'dir bshad pa'i 'khor lo
dang po ni go bar zad la/ 'khor lo

tha ma gang yin nges don du byas nas de'i mtshan gzhir/ mdo sde
'di nyid dang/ de bzhin gshegs pa'i snying po'i mdo la sogs pa
yin no zhes bod kha cig 'dod cing/ yang kha cig mdo de dag gis
don dam pa'i bden pa bsgrub pa rang dbang

ba'i rtag pa dang/ kun btags dang gzhan dbang 'khrul ba'i blos
rloms te bzhag cing/ rang gi ngo bos grub pa cung zad kyang med
par bstan to zhes smra zhing/ khyad par du phyi ma nyid sher
phyin gyi mdos brjod bya'i gtso bor bstan par 'dod

pa dag ni/ mdo dang dgongs 'grel gyi don rags pa tsam yang 'byed
pa'i nus pa med pa yin te/ mdo sde 'di nyid du gzhan dbang dang
yongs su grub bden par grub pa dang/ mthar thug theg pa gsum du
bstan la/ de bzhin gshegs

pa'i snying po'i mdo dang/ 'phags pa dpal phreng gi mdo la sogs
par chos thams cad bden pas stong zhing dri ma glo bur ba yin pa
dang/ mthar thug theg pa gcig tu bstan par theg pa chen po rgyud
bla mas legs par bsgrubs pas de

dag gi don gcig yin min bsam par bya ba yin no/ /yang gnas lugs
kyi don rtogs pa'i tshul rgyud bla ma'i 'grel par sher phyin gyi
mdo la zhal 'phangs mdzad cing/ de nas rang stong 'ba' zhig
bstan la/ snying po'i mdo las

@018b don dam bden grub bstan pa rgyud bla mas 'grel par 'dod pa
yang 'gal 'du 'ba' zhig tu shes par bya ste/ ches shin tu rags
pa'i log rtog gi gnas su snang bas de tsam las ma spros so/
/yang kha cig 'di ni bla na ma mchis pa zhes nye tshig smos

pa'i mtshan gzhir mdo sde dgongs pa nges 'grel ril 'dzin pa yang
mi 'thad de/ der sa bcu'i dbang phyug gi byang chub sems dpa'
bcus/ ston pa la dri ba mi 'dra ba re re mdzad pa'i dris lan
gzhan rnams 'di'i mtshan gzhir 'brel pa med pa'i

phyir ro/ /des na byang chub sems dpa' don dam yang dag 'phags
kyis/ drang don dang nges don zhus pa'i lan ston pas bka' stsal
pa de nyid yin la/ sngar drangs pa'i mdo 'di ni/ ston pas gsungs
pa'i lan de'i don bsdus na bdag gis 'di

ltar go'i? zhes don dam yang dag 'phags kyis bsdus nas zhus
pa'o/ /'khor lo bar tha gnyis kyi drang nges kyi tha snyad sor
bzhag byas nas mdo'i mtshan gzhi go bzlog pa ni don la cung zad
kyang ma dpyad pa tshig 'ba' zhig la brten par gsal

lo; ;slob dpon 'phags pa thogs med kyis/ rgyud bla ma'i 'grel
par bkral ba'i don la dpyad pa dang/ slob dpon sangs rgyas
bskyangs dang/ slob dpon zla ba grags pas slob dpon klu sgrub
kyi dgongs pa bkral ba ltar na/ dgongs 'grel nyid sgra ji

bzhin pa ma yin pa drang ba'i don dang/ 'dir bshad pa'i 'khor lo
gnyis pa yum gyi mdo nges pa'i don du bzhed cing/ 'khor lo dang
por yang mi rtag sogs bstan pa drang ba'i don yin yang gang zag
dang chos la bdag med pa'i stong pa nyid phra mo

@019a @#/ /bstan pa rnams ni nges pa'i don dang/ chos kyi 'khor
lo dang po bskor ba'i tshe/ wa sde dang/ lha brgyad khri sogs
kyis kyang/ bdag med phra mo de nyid mngon sum du rtogs par
bzhed la/ rigs pa drug cu pa dang/ dbu ma rin

chen phreng bar yang thag pa dman pa'i sde snod du bdag med phra
mo de nyid bstan pa dang/ gdul bya de dag gis kyang dgra bcom
pa'i 'bras bu thob pa la de nyid rtogs dgos par sgrub pa yin no/
/slob dpon legs ldan 'byed la sogs pa dang

por rang rgyud kyi tshul la brten pa'i stong pa nyid kyi don
rtogs pa'i tshul la ring du 'dris par byas shing/ rgyud smin pa
na de ma thag stong nyid phra mo thugs su chud par 'gyur ba'i
skyes bu chen po rnams kyi zer zlos tsam thos pa la brten nas
nyan thos

'phags pa la bdag med phra mo rtogs pa mi srid do zhes smra ba
dag ni/ wa skyes glang po che la stobs 'gran pa dang mtshungs pas
bdag legs su 'dod pa rnams kyis gnas 'di la gzab par bya ste/
dal 'byor yang myur du 'jig par 'gyur zhing

tshe 'di'i phun tshogs kyang snying po shin tu chung ba'i phyir
ro/ /byang chub sems dpa' kA ma la shI la'i zhal snga nas ni/
gzhan gyis gang zag dang phung po la sogs pa bden par btags pa
nyid kun btags pa yin la/ de la ngo bo cung zad kyang med pa

nyid kun btags mtshan nyid ngo bo nyid med pa'i don du dgongs
'grel las gsungs shing/ gzhan dbang bden par grub pa bkag pa na/
yongs grub bden par grub pa yang zhar la khegs pas/ sher phyin
gyi mdor chos thams cad bden par

@019b med par gsungs pa de nyid des don du sgrub pa'i ched du/
mdo dgongs 'grel gyis de'i gzhung bcugs par bzhed do/ /'phags pa
gzungs kyi dbang phyag rgyal pos zhus pa'i mdo las/ 'khor lo
gsum gyi tha snyad ma gsungs kyang/ nor bu

mkhan mkhas pas nor bu sbyong ba'i tshul dper blangs nas gdul bya
bkri ba'i rim pa gsum mdzad de/ dang por mi rtag pa dang/ sdug
bsngal ba dang/ bdag med pa dang/ me gtsang ba yid 'byung ba'i
gtam gyis 'khor ba la skyo ba bskyed nas

'phags pa'i chos 'dul ba la 'dzud par mdzad pa dang/ de'i 'og tu
stong pa nyid dang/ mtshan ma med pa dang/ smon pa med pa'i gtam
gyis de bzhin gshegs pa'i tshul rtogs par mdzad pa dang/ de'i 'og
tu phyir mi ldog pa'i chos kyi 'khor lo'i

gtam 'khor gsum yongs su dag pa'i gtam gyis rang bzhin sna tshogs
kyi rgyu can gyi sems can de bzhin gshegs pa'i yul la 'dzud par
mdzad pa'o/ /'dis ci bstan ce na/ gdul bya theg pa gsum la rim
gyis gzhug pa dang/ theg pa chen

por rigs nges pa gnyis ka'i lam bgrod pa'i rim pa bstan pa yin
te/ theg pa dman par rigs nges pa yin na yang rim pa dang pos
rgyud smin par bas nas rim pa gnyis pas srid pa la grol bar
mdzad de rim pa gsum pa'i sgo nas theg

pa chen po'i lam du bkri bar mdzad la theg pa chen por rigs nges
pa yin na yang/ rim pa dang pos rgyud smin par byed pa sngar
dang 'dra la/ de nas rim pa gnyis pa'i don nyams su len cing/
de'i rjes su stong nyid rtogs pa'i shes rab de nyid

@020a @#/ /thabs kyi cha rgya chen pos yongs su bzung nas nyams
su len pa'i tshul rim pa gsum pas bstan to/ /rim pa dang po'i
bdag med ni rags pa'i bdag med yin la/ rim pa gnyis pas bstan pa
ni shin tu phra ba'o/ /'on

de rim pa gnyis par sgom pa mi 'thad de/ stong nyid rtogs pa'i
shes rab kyi sngon du thabs kyi cha 'gro dgos pa'i phyir ro/
/zhe na skyon med de/ dbu ma rgyan gyi 'grel pa las gsungs pa
ltar/ theg pa chen po'i rigs can dbang po rnon pos byang

chub kyi mchog tu sems bskyed pa'i snga rol tu stong pa nyid
rtogs pa 'gro dgos pa'i phyir dang/ rim pa 'di yang gtso bo'i
gdul bya'i dbang du byas nas gsungs pa'i phyir ro/ /'di'i ltar
na/ de bzhin gshegs pa'i snying po'i mdo yang rim pa gsum

pa 'di'i mtshan gzhir bzung bar bya ste/ theg pa chen po rgyud
bla ma'i bstan bcos kyi skabs dang po'i mjug dgos pa stan pa'i
gzhung gi don du ches shin tu gsal ba'i phyir ro/ /de dag gi don
ni/ bstan bcos de'i rnam bshad du rgyas par

bshad zin pa las shes par bya'o/ /chos kyi phung po'i ched dang/
nyan thos sde pa'i 'dod tshul la sogs ni go bar zad do/ /gnyis pa
ni/ sangs rgyas nyan thos dang byang chub sems dpa' la sogs pas
yongs su bskor ba'i bzhed don de sgrub

par byed pa nyid kyi yum de la phyag 'tshal lo/ /gnyis pa rgyas
pa la dad pa'i gang zag la phye ste bshad pa la/ bstan bcos kyi
dgos pa'i don dang/ bsdus pa'i don dang/ tshig gi don to/ /dang
po la/ bstan bcos brtsams pa dgos med kyi

@020b dogs pa so sor spangs nas brjod bya mkhyen gsum spyi'i
rnam gzhag bshad pa dang/ mdo dang zlos pa'i skyon spangs nas
dgos pa yod par bsgrub pa'o/ /dang po la/ rtsod pa dang/ lan no/
/dang po ni/ ci rtsod pa'i don 'di dag khas len pa dngos su yod

pa'am/ 'on te med kyang dogs pa kheng na gnas pa bsu ba yin/
dang po ltar na/ yum gyi mdo'am bstan bcos la rtsod/ dang po
ltar na ni/ mdo las/ mkhyen pa gsum la sogs pa khyad gzhir bzung
nas stong pa nyid rgyas par gtan la

phab pas gzhi kho na ston nam snyam pa sogs kyi dogs pa med la/
gnyis pa ltar na/ bstan bcos rdzogs par mthong nas sam/ 'on te
mchod brjod tsam zhig mthong nas yin/ cung zad kyang ma mthong
na ni/ slob dpon gyis de ltar phyag

'tshal ba dang/ zhes sogs 'brel med du 'gyur ro/ /dang po ltar na/
brjod bya gang ston shes mod/ ci'i phyir rtsod pa byed/ gnyis pa
ltar na/ rje btsun gyis mchod brjod kyi tshigs bcad tsam zhig bris
tshar ma thag de lta bu'i dogs pa skyes

pa'i gang zag de su zhig yin/ mkhyen gsum gyi sgo nas yum la
bstod pa mthong ba na mchod brjod nas ji ltar 'byung ba dang
mthun par bstan bcos kyi lus rdzogs dgos pa'i nges pa cung zad
kyang med la/ gal te yod na yang mkhyen gsum

gtan la 'bebs par rtogs zin nas yang gang zhig brjod byar byed
snyam pa rtog pa dang mi ldan pa'i dri ba yin pas/ de lta bu'i
brgal lan bstan bcos 'dir byed don med la/ 'on te de lta bu 'dod
pa su yang med kyang/ mtha' gzhan du srid

@021a @#/ /pa'i dogs pa bcad pa'i ched du slob dpon gyis bkod pa
yin na/ 'grel chen dang 'gal bas/ ji ltar yin brjod par bya dgos
shing/ brgal ba 'di gang las 'phros pa yang brjod par bya dgos
so zhe na/ bden

mod kyi/ mkhyen gsum brjod byar byas pa'i bstan bcos rtsom zhes
shugs la dam bcas pa la rtsod pa yin zhes zer ba yang 'thad par
dka' ste/ de ltar nges bzhin du/ gang brjod byar byed ces 'dri
ba byis pa'i dri ba yin pa'i phyir/

bstod yul gyi yon tan dang mthun par bstan bcos rtsom zhes shugs
la dam 'cha' ba yang 'brel pa nges pa med pa'i phyir ro/ des na/
de ltar rgol ba'i gang zag dngos su yod na/ mkhyen gsum gtan la
'babs pa yid dpyod kyi sgo

nas des nas de gtan la 'bebs pa la de dag gi dmigs pa gzhi dang
lam dang rnam pa gsum ma rtogs par yul can gsum po rtogs par
byar med pas de'i dmigs pa gsum po thog mar gtan la dbab dgos
la/ de lta na 'og nas

'chad pa'i skyon du 'gyur ro zhes pa dang/ dogs pa skye ba'i
gzhi ni mched brjod do/ /de lta na yang/ rtog ldan gyi dri ba'i
lan 'debs pa skabs su bab pas/ rtog ldan la mchod brjod kyi ngag
la brten nas dogs pa de 'dra skye ba bcad par dka' bas

des na dogs pa'i gtso bo ni mkhyen pa gsum gi brjod byar byed
na/ mdo dang zlos pas/ mngon rtogs rgyan brtsams pa dgos pa med
par thal ba'i rtsod pa dgos 'brel gyi mtshams sbyar du 'byung ba
de nyid yin la/ de'i mtha' gcod pa la/ ya

@021b gyal re re brjod byar byed pa la rtsod pa spang ba 'di
nyid yin pas phyogs snga khong na gnas pa slob dpon gyis bsu
ba'i don du gsal la/ 'grel chen dang yang mi 'gal te/ de lta bu
'dod pa byung na/ 'dir brgal ba'i skabs su bstan pa'i sun

'byin 'di dag 'phen pa'i don yin la/ 'dir bshad pa ltar/ ya gyal
re re kho na ston na nyes pa 'di dag tu 'gyur ro zhes pa yang de
ltar khas len na bden yang/ de ltar khas mi len no zhes khong na
gnas pa slob dpon gyis blangs pa yin no/ /

brgal lan 'di dag mchod brjod la 'phros pa la bsams nas/ mchod
brjod kyi rtsed lan gyi don tshan du sdud cing/ skye bo blo gros
dman pa dag ces sogs dgos 'brel gyi rtsed lan la 'chad pa ni/
don legs par ma rtogs pa'i rnam 'gyur

du gsal te/ mngon rtogs rgyan brtsams pa dgos pa yod par sgrub
pa'i ched du/ dgos med kyi dogs pa spangs nas bstan bcos kyi
brjod bya mkhyen gsum spyi'i rnam gzhag ston par ches shin tu
gsal lo/ /rtsod lan snga phyi mchod brjod

dang dgos 'brel gyi don tshan so sor byed pa mi 'thad pa yang
'chad par 'gyur ro/ /des na de ltar phyag 'tshal ba dang bstod pa
sngon du 'gro ba'i bstan bcos mngon par rtogs pa'i rgyan rtsom
na/ chos rab tu rnam 'byed kyi shes rab bskyed pa'i

ched du gzhi dang mi mthun phyogs spang ba'i ched du gnyen po
dang/ shes bya ma lus pa shes pa'i ched du rnam pa rnams las
gang yang rung ba zhig brjod byar bsdus pa mdzad brtags na de
thams cad mi rigs te/ phyogs dang po ltar na ni/ bstan

@022a @#/ /bcas 'di rtsom pa'i 'bad pa don med pa yin te/ chos
mngon pa dang zlos pa'i phyir/ 'di ltar shes rab kyi pha rol tu
phyin pa mngon rtogs rgyan 'di las ni chos rnams kyi rang spyi'i
mtshan nyid gtan la 'bebs

pa'i mtshan nyid kyi bstan bcos mngon pa'i bstan bcos dag las mi
smos pa'i gzhi gang yin pa de 'byung ba ni med pa'i phyir/
phyogs gnyis pa ltar na yang gnyen po rnam par byang ba'i dngos
po tsam zhig brjod byar bsdus pa'i phyir/ spang

bya kun nas nyon mongs pa'i dngos po brjod byar ma bsdus pas
bstan bcos 'di la brten nas gnyen po 'di spang bya gang gi gnyen
po yin pa khong du chud par mi 'gyur ro/ /phyogs gsum pa ltar na
yang rnam pa gzhi dang bcas nas ston

nam; gzhi dang ma 'brel bar ston/ dang po ltar na/ mngon pa dang
zlos pa'i nyes pa de nyid du 'gyur la/ phyi ma ltar na/ rnam pa
gzhi med pa tsam zhig brjod byar bsdus pa'i phyir/ 'jug yul don
gnyer gyi skyes bu la mkho ba'i don cung

zad kyang ma bshad par thal/ phung po mi rtag pa dang bdag med
pa sogs kyis mtshon pa'i gzhi dang 'brel ba'i don bstan bcos 'di
la brten nas cung zad kyang rtogs pa med pas so/ /'dod na bstan
bcos 'di brtsams pa don med

par thal/ skyes bu la nye bar mkho ba'i don cung zad kyang ma
bshad pa'i phyir/ des na bstan bcos brtsams pa dgos pa med pa
yin no snyam du rtog ldan gzhan dag sems par 'gyur ba ma yin nam
zhe na/ gnyis pa la bzhi/ lan

@022b dngos; shes byed kyi lung dgod/ lung ga don bshad/ don
bsdu ba'o/ /dang po ni/ mngon rtogs rgyan chos can/ gzhi gnyen
rnam pa gang rung re re kho na brjod byar bsdus pa'i sgo nas
skyon yod pa de ni ma yin te/ gang gi phyir na khyod kyis gzhi

gnyen rnam pa gsum ka brjod byar gtan la 'bebs la/ gzhi gnyen
rnam pa'i phyogs gsum char gyis kyang mkhyen gsum mtshen pa'i
tshul gyis khyod kyi brjod byar bsdus pa'i phyir ro/ /mkhyen gsum
gtan la 'bebs pa'i rgyu

mtshan yod de/ 'phags pa'i mngon rtogs mtha' dag gtan la 'bebs
'dod pas so/ /de yang nyan thos dang rang sangs rgyas dang/
byang chub sems dpa' dang/ bla na med pa'i sangs rgyas rnams kyi
mngon par rtogs pa mtha' dag

go rims ji lta ba bzhin du gzhi shes dang/ lam shes dang/ rnam
mkhyen dang/ thams cad mkhyen pa nyid gsum gyis bsdus pas na'o?/
/kha cig 'phags bzhi'i mngon rtogs brjod byar bsdus te/ mkhyen
gsum brjod byar bsdus pa'i

phyir/ khyab ste/ mkhyen gsum gyis 'phags bzhi'i mngon rtogs
bsdus pa'i phyir/ ces smra ba ni/ rjod byed sel bas 'jug pa'i
rnam dbye ma shes par 'gyur bas bzhag go/ /gzhi gnyen rnam pa
gsum dang/ mkhyen pa gsum

ni; skabs 'dir gcig la brten nas cig shos mtshon par byar yod de/
khyad gzhi khyad chos bsdoms na/ gzhi bden bzhi'i steng du bdag
med gnyis 'khor dang bcas pa rtogs pa'i ye shes kyi bye brag ces
par 'gyur la/

@023a @#/ /so sor phral na gzhi gnyen rnam pa gsum gces par 'gyur
ro/ /de yang 'og gi gzhi shes pa'i bye brag rnams zhes sogs nas
shes par 'gyur ro/ /de la skabs 'dir sngon gyi bod mkhas pa kha
cig gis kyang

gsum ka brjod byar bsdus na/ bstan bcos brtsams pa dgas med du
thal ba'i rtsod pa/ dgos 'brel gyi mtshams sbyar nas 'byung ba de
ma rtogs par/ 'dir de'i rtsod lan shugs la bstan par bsams nas/
gsum ga bsdus na

bstan bcos kyi lus gsum du thal zhes pa'i rtsod pa bkod nas/
gang zag gcig 'tshang rgya ba'i cha rkyen ston pa yin pas/ lus
gsum du mi 'gyur zhes pa'i lan du/ 'o na mkhyen gsum gang zag
gcig kho na'i mngon rtogs su 'gyur

ro zhe na/ gang zag gcig gi cha rkyen du gtan la 'bebs pa yin
yang/ mkhyen gsum gang zag so so'i mngon rtogs yin pa 'di ltar
zhes 'chad do/ /de ni shin tu mi 'thad de/ ya gyal re re'i rtsod
pa spang ba phal pa yin pa'i phyir dang/

gsum ka bsdus na bstan bcos brtsams pa dgos med du thal ba rtsod
pa'i gtso bo yin pas/ de 'grel pa 'di'i shugs bstan gyi don du
'chad pa mi rigs pa'i phyir ro/ /des na rtsod spang 'di dag ni
bstan bcos kyi brjod bya spyi'i

rnam gzhag dang/ mngon par rtogs pa'i rgyan brtsams pa la dgos
pa yod par sgrub pa'i ched du yin no/ /gnyis pa la/ yum bar ma
dang/ bsdus pa'i shes byed dgod pa dang/ rgyas pa'i shes byed
kha 'phang pa'o/ /dang po la/

@023b mdor bstan dang/ rgyas bshad do/ /dang po ni/ mkhyen gsum
gyis 'phags bzhi'i mngon rtogs bsdus pa'i rgyu mtshan/ 'di ltar
rgyal ba'i yum bar ma las rab 'byor/ zhes bos nas/ thams cad
shes pa nyid ni rnam gzhag gi rten dang/

skye ba'i rten las/ dang po'i dbang du byas nas/ nyan thos dang
rang sangs rgyas rnams kyi mngon par rtogs pa yin no/ /lam shes
pa nyid ni snga ma dang 'dra bar mngon rtogs rigs so sor 'byed
pa'i rnam gzhag gi rten gyi dbang du byas na byang chub

sems dpa' rnams kyi mngon par rtogs pa yin no/ /rnam pa thams
cad mkhyen pa nyid ni rnam gzhag dang skye ba'i rten gnyis ka
ltar yang/ de bzhin gshegs pa dgra bcom pa yang dag par rdzogs
pa'i sangs rgyas rnams kyi mngon par rtogs

pa yin no/ /de la kha cig gis gzhi shes nyan rang kho na dang/
lam shes byang chub sems dpa' kho na'i rgyud la yod par 'dod pa
ni/ bstan bcos kyi dgongs pa ye? nas ma yin te/ 'grel ched du/
ji skad du bshad pa'i brjod par bya ba 'phags pa

shes rab kyi pha rol tu phyin pa stong phrag brgya pa la sogs
pa'i mdo'i don/ byang chub kyi sems dang gdams ngag la sogs pa
sgrub pa'i rang bzhin/ gnas skabs brgyad kyi dbye bas phye ba
thams cad ces dang/ gzhan yang gzhi med 'gro med skye med

dang du/ zhes pa'i skabs kyi 'grel pa dang/ chos sku'i 'grel par
yang lan du mar gsungs pas/ skabs brgyad kyi brjod bya'i gtso bo
brgyad rnam mkhyen mtshon byed chos bcu lam gyi gzhir bzung nas/
de'i gnas skabs brgyad du phye ba/ theg pa

@024a @#/ /chen po'i gang zag gis nyams su blang bar bya ba dang/
'grel chung 'dir yang/ mngon par rtogs pa brgyad kyi bdag nyid/
byang chub sems dpas nyams su myong byar gsungs pas/ khyed ltar
na gzhi shes skabs

gsum pa'i brjod bya'i gtso bor ma bstan par khas len dgos par
'gyur ro/ /chos sku'i 'grel par yang/ rnam pa thams cad mkhyen
pa nyid dang/ zhes pa'i dang gi sgras/ lam shes dang gzhi shes
bstan par bshad pa sogs dang 'gal

ba'i phyir ro/ /yang sngon gyi kha cig /byang chub sems dpa'i
rgyud la/ gzhi shes dang lam shes gnyis ka skye yang ngo bo tha
dad pa dang/ sangs rgyas kyi rgyud la mkhyen pa gsum ga ngo bo
tha dad par skye la/ de yang rnam mkhyen gyis rnam pa

ma lus pa mngon sum du shes pa yin yang/ sangs rgyas kyi mkhyen
pa gzhan gnyis kyi mi shes pa'i phyir ro/ /lam shes kyis lam
spyi'i mtshan nyid mngon sum du shes kyang/ gzhi shes kyis mi
shes la/ des na kun mkhyen

gsum du phye ba'i gzhi shes kyis gzhi rkyang pa dang/ lam shes
kyis gzhi dang lam rkyang pa shes pas/ mkhyen pa gsum ngo bo tha
dad pa kho na'o zhes zer to/ /de la kha cig gis/ rnam mkhyen
gyis gzhi ma rtogs na de la brten pa'i rnam pa

rtogs par 'gal la/ gzhi rtogs na gzhi shes dang ngo bo gcig ma
yin pa nyams so zhes zer ba ni/ sun 'byin yang dag tu 'gyur ba
dka' zhing/ 'on kyang sangs rgyas la rtag pa dang rtog med
'khrul pa gang yang mi mnga' bas/ sangs

@024b rgyas kyi thugs rgyud kyi gzhi shes de rtog med ma 'khrul
bar khas len dgos la/ de lta na/ gzhi snang ba na/ de la rnam pa
yang snang dgos shing/ mngon sum du snang yang mi gzigs pa'i blo
sangs rgyas la med de/ 'khrul pa'i sa bon mtha' dag

zad par spangs pa'i phyir dang/ slob dpon seng ge? bzang pos/
sangs rgyas kyi mig gi shes pas kyang shes bya thams cad mkhyen
par gsungs pa ltar khas len dgos pas/ sangs rgyas kyi mkhyen
gsum ngo bo tha dad pa bzhag par dka'o/ /skabs

'dir gzhi shes nyan rang gi mngon rtogs su bshad pa ji ltar zhe
na/ rnam gzhag gi rten tha dad pa tsam du zad de/ nyan rang
'phags pa rnams kyis nyer zhi tsam bsgrub pa la gzhi shes dgos
shing/ gzhi shes tsam gyis nus pa'i phyir dang/ byang chub sems

dpas rnam mkhyen skyed pa la lam gsum shes dgos shing/ de tsam
gyis skyed nus pa'i phyir dang/ chos kyi 'khor lo ma lus pa
bskor ba la rnam mkhyen nges par dgos pas mkhyen pa so so'i lag
rjes mi 'dra ba'i rnam gzhag tha dad pa'o/ /

gnyis pa la gsum gyi dang po/ gzhi shes kyis nyan rang gi mngon
rtogs bsdus tshul la zhu ba ni/ bcom ldan 'das rgyu mtshan dang
dgos pa ci'i slad du thams cad 'tshal ba nyid nyan thos dang rang
sangs rgyas rnams kyi mngon rtogs lags

zhes so/ /gnyis pa la ni/ rab 'byor zhes bos nas gzhi thams cad
ni phyi dang nang gi chos skye mched bcu gnyis po rnams ji snyed
pa 'di tsam yin la/ de dag kyang nyan thos dang rang sangs rgyas
rnams kyis mi rtag sogs bcu drug gi

@025a @#/ /khyad par du byas nas mngon sum du shes pas gzhi shes
yod kyi lam gsum po thams cad kyis kyang nges par 'byung bzhin
pa ma yin pas lam shes med la rnam pa thams cad mngon sum du
rtogs pa yang

ma yin pas rnam mkhyen med pa de'i phyir nyan thos dang rang
sangs rgyas rnams kyi mngon rtogs ni thams cad shes pa nyid kyis
bsdus pa nyid ces bya'o/ /'dis nyan rang la gzhi shes yod pa
dang lam shes dang rnam mkhyen med par

bstan pa yin gyi/ gang zag gzhan gnyis la gzhi shes med pa cung
zad kyang ma bstan no/ /gnyis pa lam shes kyis byang sems kyi
mngon rtogs bsdus tshul la gnyis kyi dang po zhu ba ni/ bcom ldan
'das ci'i slad du lam gsum gyi

rnam pa 'tshal ba nyid byang chub sems dpa' rnams kyi mngon rtogs
lags zhes pa'o/ /gnyis pa lan la/ tshig don dang mtha' dpyad
pa'o/ /dang po ni/ shes rab rnam par dag pa dang ldan pas gdams
pa rab 'byor byang chub sems

dpa' rnams kyis ni nyan thos kyi lam gang yin pa gang zag gi
bdag med rtogs pa'i ye shes dang/ rang sangs rgyas kyi lam gang
yi pa gzung 'dzin rdzas tha dad kyis stong par rtogs pa'i ye
shes dang/ sangs rgyas kyi lam gang yin pa chos thad? bden med
du

rtogs pa'i lam gsum po thams cad dang por rgyud la bskyed par
bya zhing de nas lam thams cad mngon sum du shes par bya'o/ /lam
gsum po de dag kyang spang rtogs kyi sgo nas yongs su rdzogs par
bya zhing lam gsum po de dag gi lam gyi bya ba sems can smin pa
yang bya ba de ltar

@025b byed pa de'i phyir byang chub sems dpa' rnams kyi mngon
rtogs ni lam gyi rnam pa shes pa nyid ces bya'o/ /byang chub
sems dpa' 'phags pa chos can/ shes rab rnam par dag pa dang ldan
te/ lam gsum gyi spang rtogs kyi rigs rdzogs par rgyud

la bskyed pa la mkhas pa'i phyir/ 'og ma la thabs rnam dag dang
ldan te/ yang dag pa'i mtha' mngon du byed pa'i dus dang dus ma
yin pa la mkhas pa'i phyir/ lam gsum gyi bya ba mtha' dag bya'am
zhe na/ lam gsum po de dag gi yang dag

pa'i mtha' mngon sum du ni mi bya'o/ /de dag gis zhes brtson nas
gzhung ma dag pa la bshad pa phyin ci log byed pa du ma snang
ngo/ /dus thams cad du'am zhe na sprul sku'i dbang du byas na/
rgyal ba 'od dpag med kyis bdag sangs rgyas ba'i zhing der

mngon par shes pa dang mi ldan pa med par ma gyur pa de srid du
bdag 'tshang mi rgya'o zhes dam bcas pa lta bu sprul sku'i zhing
khyad par can gyi gdul bya'i ched du dam bcas pa dang/ longs
sku'i dbang du byas nas 'khor du theg pa chen po'i 'phags

pa sha stag 'byung ba'i nus pa ma rdzogs pa de srid du 'tshang mi
rgya bar dam bcas shing de ltar smon pa'i smon lam yongs su
rdzogs par ma byas pa dang/ dus gcig tu zhing bye ba phrag
brgyar sku'i bkod pa grangs de snyed dang re re 'khor du yang
sems

can grangs med pa 'phags pa'i lam la 'god pa'i sems can ji snyed
pa de snyed rnag smin pa btol pas chog pa lta bu'i sems can
rnams yongs su smin par ma byas pa dang/ longs sku'i zhing dang/
sprul sku'i zhing khyad par can bang ba can lta bu

@026a @#/ /'grub pa'i rgyu'i dge ba'i rtsa ba yongs su rdzogs
pa'i sgo nas/ sangs rgyas kyi zhing yongs su ma sbyangs par zhi
ba'i dbyings su bskal pa la sogs pa'i bar du snyoms par zhugs
pa'i tshul gyis yang dag pa'i mtha' mngon du mi

bya'o/ /smon lam rdzogs pa'i tshad chos nyid la mnyam par bzhag
bzhin du gzhan don 'bad med lhun grub tu byed nus pa la 'chad pa
ni/ chos sku ma thob par du chos sku mngon du mi bya'o zhes par
'gyur bas dogs pa'i gnas med la/ sems can

smin pa'i tshad byang chub sems dpa'i lam gyi gdul bya rdzogs pa
la byed pa yang snga ma dang 'dra zhing bsgrub bya 'ba' zhig go/
/yang sangs rgyas rang snang la zhing dag pa 'ba' zhig gzigs pa
dang/ ma dag pa'i zhing gdul bya'i gzhan snang nas 'jog

pa skad byed pa ni sangs rgyas rang rgyud kyis bsdus pa'i ji
snyed pa mkhyen pa'i ye shes skyon med 'jog mi shes shing/ thams
cad mkhyen pa'i gzigs pa log pas ni thams cad du med pa go bar
byed do/ /zhes pa'i rigs pa'i rnam gzhag khong du

ma chud pa'i log par rtog pa 'ba' zhig yin te/ sangs rgyas rang
gi snang ba la ma dag pa'i zhing gi snang ba ma shar na/ ma dag
pa'i zhing sangs rgyas kyis mngon sum du ma gzigs shing shugs la
rtog pa yang mi 'thad pas med nges su 'gyur

dgos so/ /des na snga ma ni sngar bshad pa ltar yin la/ bar pa
ni/ zhing bye ba phrag brgyar sku'i bkod pa grangs de snyed
dang/ sku'i bked pa re re'i 'khor du sems can grangs las 'das pa
la tshigs su bcad pa re res 'phags pa'i go 'phang la

@026b 'god nus pa ni/ ji srid kun slong gi rtog pa yod pa de
srid du mi nus pas de 'dra dus gcig tu lan cig byed pa yang 'bad
med lhun grub tu 'gyur ba la rag las shing/ ma rig bag chags
kyis dang/ zag pa med pa'i las kyang spangs nas slar mi ldang

ba'i tshul gyi zhi ba'i dbyings su snyoms par 'jug pa la ltos pa
yin no/ /de 'dra'i gdul bya de nyid smin grol gnyis kyi nang nas
smin lam la bkod zin na/ yang dag pa'i mtha' mngon du bya bar
shugs la bstan pa yin no/ /zhing yongs su sbyangs

ba'i chad kyang/ zhing gang yang rung ba ma yin gyi/ longs sku'i
zhing dang/ sprul sku'i zhing khyad par can 'grub pa'i dge ba'i
rtsa ba'i nus pa yongs su rdzogs pa'o/ /gnyis pa la spyir btang
dmigs bsal gyi? tshul ngos bzung ba dang/ byang chub sems dpas
nyan

rang gi spang rtogs rdzogs par bya bar gsungs pa'i don bshad pa
dang/ yang dag pa'i mtha' ngos bzung nas de mngon du byed pa'i
tshul bshad pa'o/ /dang po ni/ spyir gtang dang dmigs bsal gyi
brda sgras zin 'ba' zhig gi brda yin pas

shugs bstan la sbyor ba mi 'thad la/ skabs 'dir dngos bstan gyi
dbang du byed na/ de dag kyang yongs su rdzogs par bya zhing/ de
dag gi lam gyi bya ba yang bya la/ zhes spyir btang nas/ lam gyi
bya ba thams cad rdzogs par bya'am snyam na/ de dag

gi yang dag pa'i mtha' mngon sum du ni mi bya'o/ /zhes pa dmigs
bsal te/ dogs pa'i gnas chung bas de tsam las ma spros so/
/gnyis pa ni/ kha cig /nyan rang gi rtogs pas dang por rdzogs
la/ spangs pas brgyad par rdzogs shing

@027a @#/ /phyi ma'i rgyu mtshan du nyon yid gnas gyur pa dang/
nyon sgrib ma lus par spangs pa la byed pa ni slob dpon gyi
bzhed pa ma yin te/ 'grel chen du/ khams gsum gyi sgom spangs
nyon mongs bcu drug gi dbye ba mdzad

nas/ de yang 'grel chen du/ mthong ba dang sgom pa'i lam la
yongs su sbyong ba'i chos kyi dbye bas rab tu dga' ba la sogs
pa'i sa bcur rnam par bzhag go /zhes gsungs pas/ sa bcu pa'i
gnas skabs na yang nyon sgrib yod par bshad

do/ /kha cig lugs de bkag nas/ spangs rtogs gnyis kas dang por
rdzogs la/ spangs pa rdzogs pa'i don 'khor bar 'ching byed kyi
nyon sgrib sa dang po nas kyang spangs la/ bag la nyal gyi nyon
sgrib nyan rang dgra bcom pas kyang ma spangs te/

ma rig bag chags kyi rgyu las yid kyi rang bzhin gyi lus len pas
so/ /des na spangs rtogs gnyis ka sa dang por rdzogs so zhes
smra bas ni/ spang gnyen gyi rnam gzhag dang/ spang bya spong
tshul phyin ci log tu smra ba 'ba' zhig yin te/

nyan rang dgra bcom pas nyon sgrib kyi sa bon zad par ma spangs
pa shing rta chen po gang gis kyang ma gsungs shing/ legs par
bkag pa'i phyir dang/ rigs pas kyang mi 'thad pa'i phyir ro/ /de
lta na nyan thos kyi mthong lam du nyon sgrib

kun btags kyi sa bon zad par ma spangs pas/ 'phags pa'i gang zag
slob pa rnams dge 'dun dkon mchog tu bzhag tu mi rung bar 'gyur
te/ khyod ltar na mthong lam thab ma thag nas skyabs gnas yang
dag la the tshom za ba'i sa bon

@027b mthong lam nas zad par ma spangs pa'i phyir/ ma grub na
nyan rang dgra bcom pas nyon sgrib zad par ma spangs pa 'gal la/
ma rig bag chags kyis la brten nas yid kyi rang bzhin gyi lus
len pa rgyu mtshan du bkod pa 'brel med yin te/ ma rig bag

chags kyi sa zhes bshad pa nyan rang dgra bcom pa dang/ dbang
thob pa'i byang chub sems dpa'i rgyud la yod par ni shing rta
chen po rnams kyis shas sgrib tu mdzad cing nyon sgrib tu ma
mdzad pa'i phyir/ kho bo cag kyang bag la nyal gyi nyon sgrib
shes sgrib tu

'dod do zhe na/ de bas chos 'di ngo mtshar che/ sa dang por nyan
rang gi spangs pa rdzogs ma rdzogs dpyod pa'i spang byar shes
sgrib rnam pa thams cad du mi rung ba'i phyir ro/ /des na wa
skyes rgyal por bskos pa ltar/ sangs rgyas kyi bstan pa'i nang
du zhugs nas de sun

'byin par mi bya'o/ /des na nyi khri snang bar/ gzhan yang rgyun
tu zhugs pa nas rang sangs rgyas kyi bar gyi shes pa dang/ spong
ba gang yin pa de ni mi skye ba'i chos la bzod pa thob pa'i
byang chub sems dpa'i bzod pa yin no zhes gsungs pa yin no/
/bzod pa

gang yin zhe na/ sdug bsngal la chos shes pa'i bzod pa'o/ /'di
gang? las shes zhe na/ lam gzhan khyad par yod pa yin na/ rigs
dang dbang po dang tshogs khyad zhugs par 'gyur ba'i phyir ro/
/byang chub sems dpa'i bzod pa'i byed par gzhan rnams kyi rtog

pa'i byed pa ma lus pa 'dus par gyur pa'i phyir/ de dag gi shes
pa dang spangs pa gang yin pa de de'i bzod pa yin gyi/ rtogs
pa'i tshad 'di tsam ma yin no zhes bya ba ni rnam grangs gzhan
yin no/ /zhes gsungs pa'i don ltar bshad de byang sems mthong

@028a @#/ /lam pa'i sdug bsngal la chos shes pa'i bzod pa'i byed
par nyan rang rnams kyi gang zag gi bdag med rtogs pa'i byed pa
ma lus pa 'dus pa la dgongs nas nyan rang gi spangs rtogs byang
chub sems dpa'i bzod pa der

'dus pa'i don yin gyi/ gang zag gi bdag med rtogs pa'i nus pa ma
lus pa mthong lam du rdzogs pa'i don ni ma yin no/ /zhes pa'i
don du gsungs pas nyan rang gi spangs pa dang rtogs pa gnyis
ka'am/ gang rung re res dang por rdzogs pa

de'i bzhed pa ma yin gyi/ 'o na ci zhe na/ nyan rang ltar nyon
sgrib dang shes sgrib gzung rtog rang sangs rgyas kyi thun mong
ma yin pa'i spang byar bstan pa de zad par spong 'dod na mthong
lam gyi gnas skabs su spong nus pa'i nus pa yod pa la dgongs

nas byang chub sems dpa'i bzod pa'i byed par gzhan rnams kyi
rtogs pa'i byed pa 'dus par bshad do/ /nus pa de 'dra yod pa'i
rgyu mtshan gong du lam gzhan chos thams cad bden stong du
mngon
sum du rtogs pa'i ye shes nyan rang las

khyad zhugs pa yod pa yin na/ de'i steng du theg pa chen po'i
rigs dang ldan pa dang/ dad sogs kyi dbang po shin tu rno ba
dang/ bsod nams kyi tshogs rgya chen po'i sgo nas nyan rang las
khyad zhugs pa'i phyir ro zhes rgyu mtshan bkod pa'i/ /

bla ma lo tstsha ba chen po ni/ rgyud bla ma'i 'grel par rnam par
mi rtog pa'i ye shes kyis bsdus pa'i lam shes pa nyid sa brgyad
par rang gi dad gis 'byung bar gsungs pa la brten nas/ nyan thos
dang rang sangs rgyas kyi lam sa

@028b brgyad par gzugs brnyan gyi tshul du bskyed pa yin gyi/ de
man chad du ma yin te/ nyan rang du ltung ba'i dogs pa yod pa'i
phyir ro/ /'on na bzod pa gang zhe na/ sdug bsngal la chos shes
pa'i bzod pa'o/ /zhes bshad pa ji lta bu zhe na/ de ni shes bya
nyan

thos kyi lam gyis bsdus pa'i bzod pa bstan pa yin gyi/ shes byed
byang chub sems dpa'i thun mong ma yin pa'i bzod pa ston pa ma
yin pas/ nyan rang gi spangs rtogs sa brgyad par rdzogs par
bzhed do/ /nyi khri snang ba'i lung 'di'i don ni/ byang

chub sems dpa' sbyor lam bzod pa la gnas pa lta bus nyon sgrib
kyi sa bon spong ba la gtsor bor 'bad na/ mthong lam thob pa'i
tshod du nyon sgrib zad par spong nus shing de spangs pa'i rnam
grol lam thob nus pas/ theg pa chen po'i mthong lam

chos bzod la gnas pa des kyang de ltar 'bad na sngar bshad pa
ltar thob pa'i rtag pa mtha' bzung gi tshul gyi lam gyi nus mthu
bstan pa yin gyi/ de lta min par dman lam sngon du ma song ba'i
byang chub sems dpa' 'phags pas/ nyon sgrib kyi sa bon

zad par spangs pa dang/ de'i rnam grol lam sangs rgyas ma thob
par du mi 'byung ba slob dpon gyi yang bzhed pa yin no/ /gsum pa
ni/ de la yang dag pa'i mtha' ni gang/ de mngon du byed pa'i
tshul ji lta bu zhe na/ yang dag pa'i mtha' de bzhin nyid tsam la

byas nas/ de mngon du bya'i don de la slar mi ldang ba'i tshul du
mnyam par bzhag pa la byed pa dang/ chos nyid dri bral gyi 'gog
pa yang dag pa'i mthar byas nas/ de thob pa la mngon du byas par
bzhed pa rnams ni/ sangs rgyas ma thob bar du? sangs

@029a @#/ /rgyas mngon du mi bya'o/ /zhes pa'i don du 'gyur bas
'thad par dka'o/ /chad pa'i myang 'das la byed pa yang rdzogs
smin sbyangs nas mngon du bya bar don gyis bstan pa dang 'gal
ba'i phyir ro/ /kha cig de bzhin nyid tsam la mi

ldang ba'i tshul du mnyam par 'jog pa dang/ dri bral gyi de bzhin
nyid la mi ldang ba'i tshul gyis mnyam par bzhag nus mi nus kyi
khyad par 'byed pa skad byed pa ni bzhad gad bya bar rigs so/
/des na gdams ngag 'di theg pa chen por rigs nges pa'i

gang thag la gtso bor gdams pa yin la/ de yang byang chub kyi
mchog tu sems bskyed pa nas bzung ste/ dmigs bsal gsum po ma
rdzogs pa'i skabs gang du yang yang dag pa'i mtha' mngon du mi
bya'o zhes gdams pa yin la/ gdul bya phal

pa'i dbang du byas na nyan rang dgra bcom pa zhi ba'i dbyings
las langs nas theg pa chen por sems bskyed pa nas bzung ste/
dmigs bsal gsum po ma rdzogs pa'i bar skabs gang du yang/ deng
phyin chad yang dag pa'i mtha' mngon du mi bya'o

zhes gdams pa yin no/ /dus de'i bar du su gang gis kyang yang
dag pa'i mtha' mngon du byed nus pa mi srid na/ skabs 'dir de
lta bu'i gdams ngag bshad pa la dgos pa med par shes par bya'o/
/de lta na yang dag pa'i mtha' gang/ de mngon du

byed pa'i tshul ji lta bu zhe na/ spyir de bzhin nyid kyang yang
dag pa'i mtha' yin zhing/ byang chub sems dpa' 'phags pa rnams
kyis yang dag pa'i mtha' mngon du byas na/ de bzhin nyid la
mngon sum du mnyam par bzhag dgos mod kyi/ 'dir ni

@029b khyab pa 'du byed kyi sdug bsngal nye bar zhi ba'i dbyings
de nyid yin la/ nyan rang dgra bcom pa zhi ba'i dbyings su
snyoms par zhugs pa rnams kyis kyang snyoms par 'jug pa'i snga
rol tu zhi ba'i bde ba des thugs phrogs nas bsam ngo la ltos
nas/

slar mi ldang ba'i tshul du bskal ba'i bar du zhi ba'i dbyings su
snyoms par zhugs pa ni/ theg pa dman pa'i rigs can nyid kyi
dbang du byas nas yang dag pa'i mtha' mngon du byas pa'i don yin
no/ /de lta bu'i gdul bya theg pa dman par rigs

nges pa ni/ dang po nas sngar bshad pa'i gdams pa byin na dman
pa'i rigs las kyang nyams par 'gyur ba yin no/ /zhi ba'i dbyings
las langs nas byang chub kyi mchog tu sems bskyed pa'i gang zag
de sngon goms pa'i shugs kyis/

yang dang yang du snyoms 'jug de la snyoms par zhugs par 'gyur
mod kyi/ theg chen sems bskyed gtong ba'i dri tsam yang med par
dpyod ldan rnams kyis shes par bya'o/ /'gog bden don dam pa'i
bden par bzhed pa'i shing rta chen po rnams

kyi bzhed pa ltar na ni/ sher phyin gyi mdo'i skabs 'dir bstan
pa'i yang dag pa'i mtha' de bzhin nyid 'ba' zhig la bshad par
bya ba kho na'o/ /'grel pa mdzad pa'i slob dpon 'di'i bzhed pa
ni/ sngar bshad pa ltar slob dpon chos kyi

bshes gnyen yang bzhed de/ de kho na nyid mngon sum du mi byed
pa'i rten can zhes pa'i thad du/ gang zag la bdag med pa'i mtha'
zhi ba nyid de zhes yang dag pa'i mtha' ngos bzung ba dang/ de'i
shes byed du sgom lam mi ston pa'i rgyu mtshan

@030a @#/ /gyi gzhung drangs pa rnams ni slob dpon gyi dgongs pa
legs par rtogs pa yin la/ chos kyi bshes gnyen yang dag mtha'
chad pa'i myang 'das la 'dod zer ba ni ma brtags pa'o/ /byang
chub sems dpa' dman lam

sngon du ma song ba rnams kyis chos gsum po ma rdzogs par du
yang dag pa'i mtha' mngon du byed nus sam mi nus/ mngon du byas
na tshul ji lta bu zhe na/ mngon du byed 'dod na/ theg pa chen
po'i mthong lam thob ma thag pa'i rjes nas nus na/ sa

brgyad pa bas lta ce smos/ 'on kyang sa bdun pa man chad du mdon
du byed pa'i dogs pa chung la/ sa brgyad par dogs pa che bas sa
brgyad pa thob nas rgyal ba rnams kyis 'gog pa las slong bar
mdzad do/ /de yang rtag pa mtha' bzung tsam yin gyi/

sa brgyad pa thob nas chos gsum ma rdzogs pa'i bar du yang dag
pa'i mtha' mdon du byed pa gal srid/ gal te mngon du byed na de
bzhin nyid kyi steng du khyab pa 'du byed kyi sdug bsngal nya
bar zhi ba'i bde ba des thugs legs par drangs nas/ zhi

ba'i dbyings su bskal pa la sogs par snyoms par 'jug pa'i don
to/ /dmigs bsal gsum rdzogs nas ni yang dag pa'i mtha' mngon du
byed kyang/ zhi ba des thugs phrogs nas de'i gzhan dbang du
'gyur ba'i dogs pa ga la yod/ nyan rang zhi

ba'i dbyings las langs na theg pa chen por zhugs pa rnams bar
bar du yang dag pa'i mtha' mngon du byed kyang/ goms pa'i dbang
tsam du zad kyi 'di la dus yun ring du mnyam par bzhag par bya'i
snyam pa'i 'phen pa ni cung zad kyang med do/ /gnas

@030b 'di dag shin tu rtogs par dka' bas dpyad ldan rnams kyis
the tshom skye rigs pa'i skabs der thag gcod mi bya bar legs par
dpyad par bya rigs pa kho na'o/ /gsum pa rnam mkhyen gyis sangs
rgyas kyi mngon rtogs bsdus tshul la gnyis kyi dang po zhu ba ni

bcom ldan 'das zhes so/ /gnyis pa lan ni/ rab 'byor zhes bos
nas/ rnam pa ngo bo gang dag dang/ rtags 'bras bu gang dag dang/
mtshan ma rgyu gang dag gis gzugs nas rnam mkhyen gyi bar gyi
chos rnams rab tu brjod cing tha snyad 'dogs pa'i

rnam pa sogs de dag de bzhin gshegs pas thugs su chud de/ rgyu
mtshan de'i phyir ces so/ /gnyis pa ni/ yum bar ma las/ mkhyen
gsum gyis 'phags bzhi'i mngon rtogs bsdus tshul gsungs pa de
bzhin du mdor bsdus pa brgyad stong pa las

kyang gsungs te/ de las nyan thos kyi sa la slob par 'dod pas
kyang yum la bslab ces bya ba la sogs pa gsungs pa'i phyir/ gsum
pa ni/ rgyas pa las kyang gsungs te/ rgyun tu zhugs pa'i sa la
slob par 'dod pas kyang zhes sogs rgya cher gsungs

pa'i phyir ro/ /gsum pa ni/ mkhyen pa gsum bstan pa de la thams
cad shes pa nyid ni khyad par gsum dang ldan te/ dmigs pa gzugs
la sogs pa'i chos la rnam pa mi rtog pa la sogs pa'i rnam pa bcu
drug gi rten can bral ba'i 'bras bu gang

zag gi bdag tu rmongs pa spangs pa can yin pa'i phyir ro/ lam
shes pa nyid ni chos can/ thabs shes rab khyad par can dang ldan
te/ theg pa gsum po thams cad kyis nges par 'byung ba'i shes rab
dang/ dus ma yin par da kho na nyid mngon sum du mi

@031a @#/ /byed pa'i rten can gyi thabs dang/ skyes bu byed pa'i
'bras bus sems can ma bsdus pa sdud pa la sogs par byed pa can
yin pa'i phyir ro/ /rnam pa thams cad mkhyen pa nyid ni don
gnyis mthar phyin te/ dmigs pa

chos thams cad rnam pa don dam par skye ba med pa'i rten can
'bras bu gzhan don nam mkha'i khams kyi mthas gtugs par sems can
gyi don rgyun ma 'chad pa dang rang don yang dag pa nyid kyi
mtha' slar mi ldang ba'i tshul gyis mngon sum du rtogs pa

dang nyon mongs pa can ma yin pa'i ma rig pa'i bag chags kyi
rigs 'dra phyi ma mtshams sbyor ba nyid spangs pa can yin pa'i
phyir ro/ /bzhi pa ni/ mkhyen gsum gyis 'phags bzhi'i mngon
rtogs mtha' dag bsdus pa de lta bas na mngon par rtogs

pa'i rgyan ni chos can/ 'phags bzhi'i mngon par rtogs pa ril?
rdzogs par bstan pa yin no zhes bya ba 'di 'thad pa yin no/
/gzhi dang gnyen po dang rnam pa mtha' dag bsdus pas so/ /gnyis
pa mdo dang zlos pa'i skyon spangs nas dgos pa yod par

sgrub pa la/ dgas pa bkod nas mtshams sbyar ba dang/ rtsa ba
dang/ 'grel pa'o/ /dang po ni/ gzhi gnyen rnam pa mtha' dag gtan
la 'bebs na/ mkhyen gsum rgyas par gtan la 'bebs dgos la/ de lta
na/ sher phyin gyi mdo dang zlos pas

mngon rtogs rgyan brtsams pa dgos pa med par 'gyur ro zhe na
dogs pa'i gtso bo spong ba/ 'dir dngos su bkod nas mngon rtogs
rgyan brtsams pa la dgos pa khyad par can yod par sgrub pa la
mtha' gcod pa'i yan lag yin no/ /mdo

@031b dang bstan bcos kyi thun mong ma yin pa'i dgos pa'i khyad
par mi shes pa'i skye bo blo gros dman pa dag gi dogs pa bsal
ba'i phyir tu byams pa rang gi bstan bcos kyi brjod par bya ba
dang/ dgos pa dang/ dgos pa'i yang dgos pa dngos su bstan

pa dang/ 'brel pa khong na yod pa rnams gsungs te/ ji ltar dogs
na/ bcom ldan 'das 'phags pa ma rgyal ba las rgyal bas yang
mngon rtogs brgyad kyi rim pa de bstan pa la dgos pa'i don ci
zhig yod/ med do snyam du'o/ /log par rtog pa'i

rgyu mtshan ni/ dbang po rno 'bring rtul po gang gi dbang du byas
kyang bcom ldan 'das rgyal ba dang 'bring dang mdor bsdus pa la
dang pa'i sems can la phan 'dogs par bzhed pa thugs rje can nyid
kyis shes rab kyi pha rol tu phyin pa'i don mtha'

dag gsal bar mdzad pa ma yin nam/ mdzad zin pa'i phyir/ gang las
na/ rgyal ba'i yum gsum po de dang de las so/ /don gang na/
mngon par rtogs pa brgyad kyi rim pa'o/ /log rtog bsal nas dgos
'brol gyi ngag bkod pa la dgos pa yod de/

bstan bcos 'di la 'jug pa'i thabs kyi yan lag yin pa'i phyir/
dgos 'bral gyi ngag bkod pas 'jug par 'gyur te/ ngag 'di la
brten nas dgos pa shas cher yod snyam pa'i don la the tshom
bskyed pa nyid kyis 'jug pa'i phyir ro/ /dogs

pa snga ma ni/ phyin ci log la shes cher phyogs pa yin pas/ the
tshom bsal nas the tshom bskyed ces pa'i don du mi gzung ngo/
/mdor na bstan bcos 'di brtsams pa la skyes bu'i gnas skabs
dang/ mthar thug gi don 'grub pa'i dgos pa phal

@032a @#/ /cher med snyam pa dang/ dgos pa yod kyang skyes bu'i
don du gnyer bya ma yin snyam pa dang/ de yin yang dgos pa de
sgrub mi nus snyam pa dang/ spyir bsgrub nus kyang 'dir bstan
pa'i thabs dang ma 'brel snyam pa'i don du mi

'gyur ba'i the tshom dang 'gal ba dgos sogs bzhi la don 'gyur gyi
the tshom bskyed pa'i 'jug pa'i yan lag ston pa yin no/ /gnyis pa
ni/ bstan bcos 'di brtsams pa la yum gyi mdo dang zlos pa'i
skyon med de/ 'di la brten nas yum

gyi mdo'i don bde blag tu ni rtogs pa zhes bya ba bstan bcos 'di
rtsom pa'i dgos pa yin pa'i phyir ro/ /mdo'i don bde blag tu
rtogs pa la dgos pa yod de de la brten nas rnam mkhyen mtshon
byed kyi sems bskyed pa sogs chos spyod bcu'i

bdag nyid kyi mdo'i don blo dang ldan pa byang chub sems dpas
mngon sum du mthong bar 'gyur ba'i phyir/ mdo'i don mngon sum du
mthong ba'i thabs med pa ma yin te/ thos bsam gyis dran pa la
bzhag nas goms par byas pas mngon du 'gyur

ba'i phyir/ bstan bcos 'di rtogs par bya ba'i don khyad par can
dang ldan pa yin te/ rnam pa thams cad mkhyen pa nyid kyis mngon
sum du gzigs shing/ der bgrod pa'i lam chos bcu gnas skabs
brgyad kyis phye ba ston pas yum

gsum po 'di las bshad pa gang yin pa de brjod byar gtan la 'bebs
pa'i phyir/ mngon par rtogs pa brgyad kyi rim pa de chos can/
gang zag gang yang rung bas rdzogs par nyams su myong ba ma yin
te/ phyi rol pa dang nyan rang sogs

@032b gzhan gyis myong ngam yin pa'i phyir/ rkang pa dang po
gnyis kyis brjod bya'i ngo bo dang/ de nas gcig gis khyad par
dang/ de nas gsum gyis nyid dgos dang/ tha ma gnyis kyis dgos pa
bstan nas 'brel pa don gyis 'phangs so/ /gsum pa la/

dgos pa dang/ nyid dgos dang/ brjod bya'o/ /dang po ni/ bstan
bcos 'di brtsams pa la dgos pa yod de/ rgyan gyi ched du bya
ba'i gdul bya rnams kyis yum gyi don bde blag tu rtogs par 'gyur
ba ni bstan bcos 'di rtsom pa'i dgos pa yin no/ /

gang bde blag tu rtogs pa zhe na/ shes rab kyi pha rol tu phyin
pa'i mdo'i don byang chub kyi sems dang bsgrub pa la sogs pa'i
mtshan nyid chos bcu gzhir byas nas mngon par rtogs pa brgyad kyi
rim par phye ba'o/ /gnyis pa ni/ dgos pa'i yang dgos pa'i

ched du mngon par 'dod pa'i don ni nyid dgos so/ /nyid dgos med
pa ma yin te/ dgos pa 'di la brten nas chos kyi dbyings chos can
thams cad la kun tu 'gro ba rtogs pa'i mtshan nyid sa rab tu dga'
ba la sogs pa rtogs shing thob pa'i rim pas

mngon par rtogs pa'i rim pa mtha' dag rnam pa thams cad du mngon
sum du byed par 'gyur ba zhes bya ba 'thob pa'i phyir/ nyid dgos
mngon du 'gyur ba'i thabs gang zhe na/ dran pa'i shes pa la legs
par bzhag nas phyis mngon sum du byed par

'gyur ro/ /gang bzhag na shes rab kyi pha rol tu phyin pa'i
mdo'i don ma lus pa byang chub kyi sems dang sbyin pa la sogs pa
rnam mkhyen mtshon byed kyi chos bcu po spyod pa'i rten sems
bskyed dang/ spyod pa nyams su len pa'i sgrub pa'i spyod pa
dang/

@033a @#/ /thob bya'i 'bras bu bsdus pa rnams so/ /de yang skabs
brgyad kyis gtan la dbab bya'i gtso bo'i dbang du byas nas mngon
par rtogs pa brgyad kyi bdag nyid du phye ba'o/ /dran shes kyi
khyad par ji lta bu zhe na/ mngon par rtogs

pa'i rim pa rnams thos pa'i don la rigs pas legs par bsams nas
ji ltar 'dod par nges shes 'dren nus pa'i nyams su myong ba shin
tu gsal bas bzhag pa'i bag chags las byung ba'i dran pa'o/ /gang
gis thog mar thos bsam gyis

nyams su myong nas mthar mngon sum du byed par 'gyur zhe na/
byang chub sems dpa' rang dang gzhan gyi don phun sum tshogs pa
sgrub pa de lta bu'i lam la nges par 'jug cing gzhan gyi dring
la mi 'jog pas na ci yang ma rag par chas shing

brtsams pa dag kho nas myong bar 'gyur/ 'di dag gis skabs gsum
pa'i gtan la dbab bya'i gtso bo nyan rang rang rgyud kyi gzhi
shes su 'dod pa legs par bkag pa yin no/ /gsum pa ni/ rgyal ba'i
yum rnam pa gsum char las brjod

par bya ba nyid du bstan pa gang yin pa de bstan bcos kyi brjod
bya yin no/ /gang gis bstan na bcom ldan 'das rdzu 'phrul gyi
cho 'phrul dang/ thugs kun brjod pa'i cho 'phrul dang/ rjes
bstan gyi cho 'phrul rnam pa gsum gyis 'gro ba mtha'

dag la theg pa gsum gyi lam rjes su ston par mdzad pa de nyid
kyis so/ /brjod bya gang na/ brjod bya khyad par can dang ldan
te/ rnam pa thams cad mkhyen pa nyid ni gang zhig mngon sum du
rtogs pas rnam mkhyen du 'jog pa'i sangs rgyas

@033b nyid kyi lam sems bskyed nas sgrub pa'i bar te/ de gzhir
bzung nas gnas skabs brgyad du phye bas mngon par rtogs pa
brgyad po thams cad nye bar mtshon pa chos bcu ston pa des lhur
len pa yin no/ /mdor na mngon rtogs brgyad do/ /brjod

bya'i khyad par ni/ seng ge dang/ 'phrog byed dang/ dbyig gi
snying po la sogs pa'i rjes su 'brang ba'i phyir rol pa dang cig
shos kyi 'dod chags dang bral ba nyan rang la sogs pa chos thams
cad dang bral ba la goms

par ma byas pa rnams kyis thos pa las byung ba la sogs pa'i shes
pa'i rim gyis ma myangs pa de brjod bya yin no/ /de dag gis ma
myangs pa'i rgyu mtshan yod de/ brjod par byed pa yum gyi mdo
rgyan dang bcas pa dang/ brjod par bya ba mngon

rtogs brgyad po dag thabs dang thabs kyi sgrub par byed pa'i
tshul gyis 'brel par mdzad pa yin pa'i phyir/ khyab ste/ de rnams
kyis shin tu rgyas pa'i sde snod dang/ de'i dgongs 'grel gyi
bstan bcos la thos bsam sgom gsum gang yang ma

byas pa'i phyir/ theg pa chen po ba dmigs pa che bas kyang khyad
par du 'phags pa yin no/ /gzhung 'di 'brel pa khong na gnas pa
slob dpon gyis gsal bar mdzad pa la yang bshad do/ /des na brjod
bya'i ngo bo ni/ 'grel chen du/ de la 'bras bu

bstan pas byang chub don du gnyer ba'i byang chub sems dpa' sems
bskyed pa la sogs pa rnams pa thams cad yongs su shes par byed
pa'i phyir na/ dang po rnam pa thams cad mkhyen pa nyid brjod
do/ /zhes gsungs pas/ rnam pa thams cad mkhyen

@034a @#/ /nyid lam ni/ rnam mkhyen du bgrod par byed pa'i lam
gtso bor bstan pa la bya'o/ /mchod brjod dang dgos 'brel ni/ 'og
nas 'chad par 'gyur ba'i bsdus don gzhan gnyis la yang sbyar
dgos par shes par bya'o/ /

gnyis pa bsdus don la/ mtshams sbyar ba dang/ ngag nye bar dgod
pa dang/ bsdus te bshad pa dang rgyas par ma bkrol ba'i rgyu
mtshan no/ /dang po ni/ 'brel ba rtsa bas dngos su ma bstan pas
dogs pa bcad bzhed nas/ thog mar 'brel ba smos

pa'o; ;de ltar 'brel pa la sogs pa bsnyad nas shes rab kyi pha
rol tu phyin pa'i lus rnam par bzhag pa gsungs te/ nyan pa po la
ltos pa'i dgos pa ni/ gdul bya nyan pa po rnams kyis yan lag
rgyas bshad kyi rim pa bde blag tu rtogs par bya

ba'i phyir dang/ 'chad pa po la ltos pa ni bstan bcos kyi don
mdo tsam rnam par dbye ba byas pa yang yan lag rgyas bshad kyi
rim pa ma 'dzings pa nyid kyis bshad par bya sla bar gzigs nas
mdzad pas so/ /lus kyi bsdus don ni/ tshig le'ur byas

pa bco lngas mdo dang rgyas par bstan pas so/ /gnyis pa la/ lus
mdor bstan pa dang/ rgyas par bshad pa'o/ /dang po la/ bshad bya
'chad byed mdor bstan pa dang/ 'chad byed kyi rkang grangs so/
/dang po la tshig don dang/ mtha' dpyad pa'o/ /dang

po ni/ gzhung shes rab kyi pha rol tu phyin pa rgyas 'breng
bsdus pa gsum ni gtan la dbab bya'o/ /gang gis ni bstan bcos
'dis so/ /ji ltar na/ rjod byed skabs brgyad du phye ba dang/
brjod bya'i don gyi dngos po yang mngon rtogs brgyad du phye ba
nyid kyis

@034b yang dag pa phyin ci ma log par rdzogs par bshad do/
/gnyis pa la slob dpon gyi bzhed pa dgod pa dang/ gzhan gyis log
par bshad pa dgag pa'o/ /dang po ni/ 'grel chen las/ de ltar na
dang po thos pa dang bsam pa dang sgom pa'i rang bzhin can

gyi shes pa skye ba'i rim gyis rnam pa thams cad mkhyen pa'i ye
shes rtogs pa'i phyir/ pha rol te rab kyi mthar 'gro ba yin pas
na pha rol tu phyin pa'o/ /de yang shes rab ces bya ba chos rab
tu rnam par 'byed pa'i mtshan nyid shes rab kyi pha rol tu phyin

pa ni shes rab kyi pha rol tu phyin pa ste/ sangs rgyas bcom
ldan 'das kyi gnyis su med pa'i ye shes sgyu ma lta bu ni dngos
yin la/ de 'thob pa dang rjes su mthun pa nyid kyis na tshig dang
ngag gi tshogs kyi gzhung dang/ mthong ba la sogs pa'i mtshan

nyid can gyi lam la yang shes rab kyi pha rol tu phyin pa zhes
bya ba ni btags pa'o/ /de yang slob dpon phyogs kyi glang po'i
zhal snga nas kyis/ shes rab pha rol phyin gnyis med/ /ye shes
de ni de bzhin gshegs/ /bsgrub bya don de dang ldan pas/ /

gzhung lam dag la de sgra yin/ /zhes bshad pa yin no/ /de'i
phyir de dang 'brel bas gzugs brnyan dang bral ba rnam pa gsum
ga yang shes rab kyi pha rol tu phyin pa nyid do/ /zhes nges par
bzung ba yin te/ gtso bo las dbang du byas pa yin

no/ /de rnams nyid kyi ni ma yin te/ 'di med na mi 'byung bas
byang chub gsum ga'i dbang du byas pa'i phyir re/ /de yang 'di
nyid las nyan thos kyis la slob par 'dod pas kyang shes rab kyi
pha rol tu phyin pa 'di mnyan par bya'o zhes bya ba la sogs

@035a @#/ /pa 'chad par 'gyur ba yin no zhes bshad do/ /de'i don
ni khyad chos gsum mam bzhis khyad par du byas pa'i sangs rgyas
kyi ye shes kho na sher phyin dngos yin la/ lam sher phyin dang
gzhung sher phyin btags pa ba

yin no/ /dngos btags kyi khyad par la slob dpon phyogs kyi glang
po'i gzhung drangs pa yin gyi kun tu mtshungs pa ma yin te gnyis
stong gi shes pa bden par grub pa las khyad par du mdzad bzhed
nas sgyu ma lta bu zhes smos so/ /rten gyi gang zag

theg pa chen po ba dang 'brel bas sher phyin gyi gzugs brnyan
dang bral ba'i sher phyin gsum ga yang sher phyin nyid do zhes
slob dpon phyogs glang gis nges par bzung ba nyid do zhes pa'i
don to/ /theg pa chen po'i gzhung lam 'bras gsum 'ba'

zhig ston pa ci yin zhe na/ gtan la dbab bya'i gtso bo'i dbang
du byas pa yin gyi/ de kho nar zad pa ma yin te/ nyan rang gi
lam gtan la phab pa med na/ theg pa chen po'i gzhung dang lam
yang mi 'byung bas/ byang chub gsum ga'i lam gyi dbang du

byas nas gtan la 'bebs pa'i phyir ro/ /gnyis pa ni/ kha cig gtso
bo las dbang du byas pas so zhes pa 'dis/ sher phyin gsum gyi
gtso bo 'bras bu sher phyin gyi dbang du byas nas bstan par 'dod
pa ni log par bshad pa yin te/

slob dpon phyogs glang gi gzhung 'dis dngos su theg pa chen po'i
gzhang lam 'bras gsum bstan pa yin la/ de bsgrub pa ni/ lam sher
phyin gyi gzugs brnyan bden 'dzin gyi bcings pa'i mi rtag sogs
rtogs pa'i ye shes dang/

@035b de tsam gyis thob par bya ba'i 'bras bu sher phyin gyi
gzugs brnyan dang/ de dag gtso bor gtan la 'bebs pa'i gzhung
sher phyin gyi gzugs brnyan dang bral ba theg pa chen po'i chos
gsum sher phyin no zhes gzhung ngas bstan pa yin la/ de

yang gtan la dbab bya'i gtso bo yin zhes pa'i don yin gyi/ 'bras
bu sher phyin gtso bor bstan pa la dogs pa'i gnas med pa'i phyir
ro/ /sher phyin 'di med na byang chub gsum ga mi 'byung bas gsum
ga'i lam ston te/ gang du zhe na/ nyan thos

kyi sa la slob par 'dod pas kyang zhes sogs 'og tu 'chad par
'gyur ro/ /de yang theg pa gsum char thob pa'i rgyu zhes par ro/
/gzhung dang lam sher phyin gnyis ni sher phyin btags pa yin te/
'dogs pa'i rgyu mtshan 'bras bu sher phyin brjod

byar ston pa'i phyir dang/ de thob pa'i thabs yin pa'i phyir ro/
/btags pa'i dgos pa ni/ 'bras bu thob par 'dod pas gzhung la
thos bsam dang/ lam nyams su lon dgos par shes pa'i

phyir ro/ /dngos ma yin te/ shes rab kyi mthar phyin pa med pa'i
phyir ro/ /kha cig sher phyin la shes rab kyis khyab par 'dod pa
ni/ sgra bshad pa dang 'jug pa'i khyad par ma

phyed pa dang/ byang chub sems dpa'i thugs rgyud kyi sbyin pa'i
pha rol tu phyin pa sogs la 'dis shes rab kyi pha rol tu phyin
par byed pas sher phyin zhes pa'i sgra bshad du yod pa'i phyir
ro/ /des na gzhung sher phyin ni/

@036a @#/ /theg pa chen po'i lam 'bras bu dang bcas pa gtso bor
gtan la 'bebs pa'i rjod byed gzhung gi tshogs rnams yin la/ lam
sher phyin ni stong nyid rtogs pa'i shes rab dang/ thabs snying
rje chen pos dngos su zin pa'i byang

chub sems dpa'i thugs rgyud kyi lam rnams so/ /'bras bu'i sher
phyin ni/ sngar bshad pa ltar khyad chos bzhis khyad par du byas
pa'i mthar phyin pa'i ye shes so/ /gnyis pa la/ lam spyi'i rnam
gzhag dang/ so so'i ngo bo bshad pa'o/ /dang po

la; slob dpon snga ma'i lugs dgod pa dang/ de 'thad mi 'thad
dpyad pa dang/ rang gi lugs so/ /dang po ni/ kha cig na re
mkhyen pa gsum ni/ dus gsum gyi 'phags pa thams cad kyi rgyud la
bskyed par bya ba'i mngon rtogs spyi gtan la 'bebs

pa yin la/ sbyor bzhi dang chos sku ni da ltar gyi rgyan gyi
ched du bya ba'i gdul bya'i rgyud la bskyed par bya ba'i lam
tsam ston pa yin pas/ spyi dang bye brag dang khyab che chung
yod par 'dod la/ yang kha cig /mkhyen gsum ni ral gri thang la
bzhag pa dang

'dra bas sa mtshams med la/ sbyor bzhi dang chos sku ral gri lag
tu blangs pa dang 'dra bas sa mtshams bzhag tu yod do zhes zer ba
yang/ snga ma las khyad par cher med la/ yang kha cig mkhyen pa
gsum gyi skabs ni/ thos bsam gyis gtan la

dbab par bya ba de nyid gtso bor ston pa yin la/ sbyor bzhi dang
chos sku sgom byung gis nyams su len pa'i lam gyi rim pa ston pa
yin no zhes zer to/ /zer rgyus phongs pa kha cig /skabs dang po
gsum gyis lta ba ston la/ bar pa bzhis bsgom pa

@036b dang spyod pa ston/ thams 'bras bu ston par 'dod do/ /yang
kha cig /lam rkyang pa'i lugs su byas nas rnam mkhyen tshogs
sbyor gyi gnas skabs su bsgom par bya ba yin la/ lam shes sa
dang po nas drug pa'i bar dang/ gzhi shes sa bdun dang/

sbyor bzhi dag pa sa gsum la rim can du sgom la/ chos sku sangs
rgyas kyi sar skyed do zhes zer to/ /yang slob dpon chos kyi
bshes gnyen na re/ skabs gnyis pa'i skabs nas bstan pa'i nyan
thos kyi lam dang/ rang sangs rgyas kyi lam dang

skabs gsum pa dang bzhi pa'i skabs nas bstan pa'i theg pa dman
pa'i lam rnams rim gyis bskyed nas dgra bcom pa'i 'bras bu mngon
du byas te zhi ba'i dbyings su snyoms par zhugs nas/ de las
langs te skabs dang po'i skabs nas bstan

pa'i sems bskyed dang po dang gnyis pa dang/ skabs bzhi pa'i
skabs nas bstan pa'i thar pa cha mthun rgyud la bskyed cing/
theg pa chen po'i lam du 'jug par byed pa yin no zhes zer to/
/gnyis pa ni/ de dag phal cher bzhag par dka' ste/

dus gsum gyi 'phags pa lam shes dang rnam mkhyen rgyud la bskyed
pa rnams kyis sbyor bzhi dang chos sku rgyud la mi bskyed pa ni
mi srid cing/ 'dir gtan la phab pa na yang/ 'di ni dus gsum ga'i
lam bstan pa'o/ /'di ni da ltar ba 'ba'

zhig gi lam bstan pa'o zhes so sor 'byed pa'i nges byed kyi tshad
ma cung zad kyang med pa'i phyir dang/ de las go ldog ste gzhan
gyis khas blangs na yang gnod pa bstan par shin tu dka' ba'i
phyir ro/ /lugs gnyis pa yang mi 'thad de/ gang zag

@037a @#/ /su'i rgyud la bskyed kyang mngon par rtog pa brgyad la
sa mtshams nges par bzhag dgos te/ gzhan du na dang por 'di sgom
la de'i rjes su 'di sgom pa'i lam gyi go rims mi shes pas/ lam
'chad pa po dang/ nyan

pa po kun rmongs par 'gyur pa'i phyir ro/ /lugs gsum pa ni/ thos
bsam gyis gzhan zhig gtan la phab nas/ bsgoms pas nyams su len
pa'i tshe de dang 'brel med gzhan zhig bsgom pa ni/ shin tu tha
tshad pa yin te/ rta rgyug pa la skyus

kyis bstan nas/ rgyugs sa gzhan du byed pa ltar 'brel med du
'gyur ro/ /des na/ thos bsam gyis gang gtan la phab pa de nyid
bsgoms pas nyams su len dgos pa yin la/ gang bsgom par bya ba'i
don de nyid thos bsam gyis gtan la ma phab

na; bsgom pa phyin ci log tu 'gyur ba'i phyir ro/ /gdon mi za
bar de gnyis bstan bcos kyis so sor bstan pa dgos na/ skabs lhag
ma lngas thos bsam gyis gtan la 'bebs pa ston la/ dang po gsum
gyis sgoms pas nyams su len

pa snyon par khas blangs na yang/ gnod pa cung zad kyang bstan
rgyu med par 'gyur ba'i phyir ro/ /sbyor bzhi nyams su len pa'i
gang zag des sems bskyed nas sdub pa'i bar la sogs pa nyams su
mi len na/ sbyor bzhi nyams su len par 'gal

la; len na ni/ skabs dang po'i skabs nas bstan pa ltar nyams su
len dgos pas/ thos bsam dang nyams len gyi gzhung so sor gcod pa
shin tu mi rigs pa'i phyir ro/ /'di rnams la go ba gting tshugs
pa ma rnyed pa'i rtags su mi

@037b tshe hril po sde snod la legs par sbyangs pa zhig kyang/ de
gdod sgrub pa byed 'dod skyes pa'i tshe nyams len byas par ming
btags pa'i ci yang mi shes pa zhig gi rjes su 'brang ba mang bar
snang ba'i phyir ro/ /go ba cung zad chags pa rnams kyang thos

bsam byed pa'i tshe na yang/ lam blo'i ngo bor ma bskyed par
blo'i dmigs pa 'ba' zhig tu byas pa'i rtags su 'chad pa po rnams
kyang 'chad pas yid sun/ nyan pa po rnams kyang nyan pas phal
cher yid sun par snang ba'i phyir ro/ /lugs bzhi pa ni/

mi 'thad pa rtogs par sla ste/ bstan bcos spyi'i rnam gzhag tsam
yang mi shes par gsal lo/ /lugs lnga pa ni/ slob dpon gyis sdud
'grel du/ de rang lugs su bzhag pa ltar snang yang/ 'grel pa don
gsal 'dir de la dmigs phug pa'i dgag

pa 'og nas mdzad pa'i phyir ro/ /go rims la log rtog 'gog pa'i
tshul ston pa ma go bar lam gsum btags pa bar ston pa'i gzhung
zhes 'chad pa dag kyang snang ngo/ /lugs tha ma dpyad par bya
ste/ rgyan gyi ched du bya ba'i gdul bya des nges par

dman pa'i lam sngon du btang nas theg pa chen po'i lam du 'jug
dgos so zhes 'dod pa yin na/ dbang po rtul po 'ga' zhig rnam
mkhyen du bgrod pa'i lam nye ba por nas lam ring ba la 'jug pa
yod kyang/ bstan bcos 'di'i ched du bya ba'i gdul

bya la de mi srid pa'i phyir ro/ /theg pa gsum gyi lam la rim
gyis 'jug pa'i gang zag srid pa'i dbang du byed na/ theg pa chen
por rigs nges pa'i gang zag gi lam gyi rim pa ston pa'i skabs
su/ de dor nas/ 'brel med gzhan ston pa mi rigs

@038a @#/ /pa'i phyir ro/ /yang kha cig skabs dang po gsum du
theg pa chen po'i gang zag gi 'jug yul ston pa yin la/ skabs bar
pa bzhis de la 'jug pa'i rnal 'byor ston cing/ tha mas zhugs
pa'i 'bras bu ston par 'dod bzhin

du/ gzhi shes nyan rang kho na dang/ lam shes sangs rgyas la med
par 'dod pa yang bsam par bya ba kho na'o/ /gsum pa ni/ dgos
'brel gyi skabs nas bstan pa ltar/ mngon par rtogs pa brgyad ka
thos bsam gyis bde blag tu rtogs pa dgos pa

yin la/ thos bsam gyis dran pa'i yul du byas pa de nyid bsgoms
pas nyams su blangs pa las sa bcu bgrod par gsungs pas/ skabs
brgyad mngon par rtogs pa brgyad kyi sgo nas phye ba yin la/ de
yang sems bskyed kyi sgo nas dam

bsam gyis gtan la phab pa'i don de nyid bsgoms pas nyams su len
pa yin pas/ nyams su len pa'i tshul yan brgyad kas bstan pr shes
par bya'o/ /'grel chen du/ byang chub kyi sems dang gdams ngag
la sogspa'i sgrub pa'i rang bzhin

gnas skabs brgyad kyi dbye bas bye pa thams cad/ ces rnam mkhyen
mtshon byed kyi chos bcu po de nyid lam gyi gzhir bzung nas/ de
la gnas skabs brgyad mngon par rtogs pa brgyad kyi sgo nas phye
ba yin la de yang sems bskyed kyi sgo nas dam

bcas pa'i don de nyid sgrub pa'i ched du lam nyams su len pa la/
sgrub pa nyams len ces rnam par bzhag cing/ sems bskyed kyi
sngon du snying rje chen po 'gro dgos shing/ de la sngon du
skabs gsum par gtan la phab pa'i mi rtag sogs bcu drug gi

@038b lam skyes bu 'bring gi bsam pa sbyang ba sngon du 'gro
dgos shing/ de la brten nas byang chub kyi mchog tu sems bskyed
pas kun nas bslangs shing/ stong nyid mngon sum du rtogs pa'i
shes rab kyis zin pa'i mi rtag sogs mngon sum du rtogs pa'i lam
skabs

gnyis pa'i skabs nas bstan pa de nyid la nyan thos kyi lam shes
pa dang/ de bzhin du rang rgyal gyi lam shes pa'i tshul yang
skyar bar bya la/ srid zhi'i mtha' 'gog pa'i lam gnyis ka byang
chub sems dpas mngon sum du shes pa na/ byang chub sems

dpa'i lam shes pa zhes bya zhing/ de dag la nan tan gyis brtson
'grus rtsom pas khyad par du byas pa'i lam yin pa'i sgo nas/
bsgrub pa zhes tha snyad du bya'o/ /bsgrub pa de nyid mkhyen pa
gsum ga'i rnam pa yongs su rdzogs par sgom zhing de yang zhi
gnas

dang lhag mthong gnyis gzung du sprel nas nyon mongs dang
rnam
rtog 'joms par byed pa'i rnal 'byor de nyid la sbyor ba zhes bya
la/ de nyid gnas skabs dang sgom tshul gyi sgom nas sbyor ba
bzhir dbye'o/ /sbyor ba dang ngo bo gcig pa'i bsgrub pa la bzhir
dbye ba yang

theg pa chen po'i lam nyams su len pa la bsam pa rgya chen po la
brtson 'grus rtsom pa sngon du btang dgos la/ de la brten nas
sbyor ba lag len rgya chen po 'byung zhing/ bsam sbyor rgya chen
po la brten nas rnam mkhyen gyi rgyu'i tshogs rgya chen po gsog
nus

la; de ltar na gdon mi za bar rnam mkhyen du nges par 'byung nus
pas bsgrub pa bzhir dbye la/ de la yang/ ched du bya ba gsum gyi
don du dmigs pa bcu gcig la dmigs pa sngon du btang dgos pas so/
/rigs sbyor lam gyi skabs der bshad kyang/

@039a @#/ /sems bskyed rgyud la ma skyes pa'i gong du theg pa
chen po'i rigs sad pa dgos la/ de la nyan sa nas bshad pa ltar
gyi rigs gang dang ldan rtog pa'i thabs dang/ mdo rgyan dang
byang sa nas bshad pa ltar rigs

sad pa'i rtags rnams shes par bya dgos pas/ gdul bya bkri ba'i
rim pa ltar na snying rje chen po la 'khrid pa'i snga rol nas
rigs nas 'khrid dgos so/ /sgrub pa'i gdams dag gi skabs su don
tshan bcu'i ldog pa las ma gsungs kyang/ theg

pa gsum gyi lam 'bras bu dang bcas pa ma lus pa'i gdams ngag nod
dgos la/ tshogs lam gyi skabs su stong pa nyid kyi don bsgoms pas
de sgom byung du gyur pa'i thog ma'i sa mtshams sbyor lam bstan
la/ de la dgos pa khyad par can

gzhan yod pa ni 'chad par 'gyur ro/ /mngon par rtogs pa'i rim pa
rnams ji ltar nyams su len pa'i tshul na logs su 'chad par 'gyur
bas 'dir de tsam las ma spos so/ /gnyis pa la/ mkhyen pa gsum
dang sbyor ba bzhi dang/ chos kyi

sku'o; ;dang po la gsum gyi dang po rnam mkhyen la/ mtshan nyid
ni sems bskyed la sogs pa'i chos bcu mngon sum gyis rtogs pa
mthar thug pa'i ye shes 'di'i rnam mkhyen bden gnyis mkhyen pa
tsam gyi sgo nas bzhag pa ni slob dpon gyi bzhed

pa ma yin te/ rang gi thob bya'i rnam mkhyen de'i rtogs bya
bstan pa nyid kyis theg pa chen po'i lam spyi'i lus blo yul du
'char ba zhig dgos pa yin no/ /mtshon bya ni/ rnam kun mkhyen
nyid ces so/ /mtshan gzhi ni/ spyir dbye ba'i dbang du byas na/

@039b shes bya'i rnam pa thams cad mkhyen pa dang/ rgyu 'bras
gtso bo'i don bcu mngon sum du mkhyen pa'i ye shes gnyis las
'dir ni phyi ma'o/ /sa mtshams sangs rgyas kyis sa kho na na yod
do/ /gnyis pa lam shes la mtshan nyid ni/ rang rgyud ldan gyi
gang

zag de'i rgyud kyi stong nyid mngon sum du rtogs pa'i shes rab
kyis zin pa'i theg pa chen po'i gang zag gi mngon par rtogs
pa'o/ /kha cig /lam gsum bden stong du mngon sum du rtogs pa'i
ye shes lam shes kyi mtshan nyid du 'dod pa mi 'thad de/ nyan
thos

kyi lam shes pa'i lam shes kyis mi rtag sogs bcu drug mngon sum
du ma rtogs par 'gyur la/ de lta na byang chub sems dpas shes
mthong gis bltas nas 'da' bar bya ba'i mngon rtogs theg pa chen
po'i mthong lam gyi dus na bskyed pa mi rigs par

thal ba dang/ nyan thos kyi rigs can rjes su bzung ba'i ched du
lam shes gsum gyi dang po bsgom pa ma yin par thal ba dang/ mi
rtag sogs mngon sum du rtogs pa de nyid kyis spros bral mngon
sum du rtogs pa yin na ni/ slob lam na bden gnyis ngo

bo tha dad du 'dzin pa'i dri ma zad par spangs pa yod par thal
ba dang/ mnyam rjes ngo bo gcig tu yod par thal pa sogs so/
/gzhan yang lam shes la zhi ba'i mtha' 'gog pa'i snying rje chen
po lam shes kyis bsdus pa med par thal ba dang/ byang chub

sems dpa'i thugs rgyud kyi dmigs pa med pa'i snying rjes kyang
stong nyid mngon sum du ma rtogs na/ lam shes la des khyab par
'dod pa ni mi rigs pa kho na'o/ /mtshan bya ni/ lam shes nyid ces
so/ /mtshan gzhi ni/ nyan thos kyi lam

@040a @#/ /shes pa'i lam shes sogs stong nyid mngon sum du rtogs
pa'i shes rab kyis zin pa'i theg chen 'phags pa'i mngon rtogs
mtha' dag go /sa mtshams theg chen gyi mthong lam nas sangs rgyas
kyi sa'i bar ro/ /gsum pa

gzhi shes la mtshan nyid ni/ rang rgyud ldan gyi gang zag de'i
rgyud kyi gang zag gi bdag med mngon sum du rtogs pa'i shes rab
kyis zin pa'i ye shes gang zhig nyan thos kyi mngon rtogs kyi
rigs su gnas pa'o/ /mtshan bya ni/ de nas thams cad

shes pa nyid ces so/ /mtshan gzhi ni/ mi rtag sogs bcu drug mngon
sum du rtogs shing de'i rigs su gnas pa mtha' dag go /gzhi bden
stong spros bral du mngon sum du rtogs pa'i ye shes la gnyen po
gzhi shes zhes tha snyad 'dogs pa ni/

slob dpon gyi 'grel pa che chung gang na yang med do/ /sa mtshams
ni/ 'phags pa'i gang zag mtha' dag la'o/ /gnyis pa la bzhi'i
dang po rnam rdzogs sbyor ba la/ mtshan nyid ni/ mkhyen gsum gyi
rnam pa sgom pa'i shes rab kyis zin pa'i

sems dpa'i rnal 'byor ro/ /mtshan bya ni/ rnam kun mngon rdzogs
rtogs pa dang zhes so/ /dbye ba ni/ mkhyen gsum gyi rnam pa sgom
pa'i byang chub sems dpa'i rnal 'byor brgya dang bdun cu rtsa
gsum yod do/ /sa mtshams theg chen gyi tshogs

lam nas rgyun mtha'i bar ro/ /gnyis pa rtse sbyor la mtshan nyid
ni/ stong pa nyid la dmigs pa'i sgom byung gi shes rab kyis zin
pa'i sgo nas/ mkhyen pa'i rnam pa bsgom pa rab tu gyur ba'i sems
dpa'i rnal 'byor ro/ /mtshon bya ni/ rtse mor phyin

@040b dang zhes so/ /dbye ba bsdus na bzhi dang/ rgyas par na
brgya bdun cu rtsa gsum mo/ /sa mtshams theg chen gyi sbyor lam
drod nas sa bcu rgyun mtha'i bar ro/ /gsum pa mthar gyis sbyor
ba la mtshan nyid ni/ mkhyen pa gsum gyi rnam pa brten pa thob
phyir

tu rims gyis sgom pa'i sems dpa'i rnal 'byor ro/ /mtshon bya ni/
mthar gyis pa zhes so/ /dbye ba bcu gsum mo/ /sa mtshams theg
chen tshogs lam nas rgyun mtha'i snga logs par ro/ /bzhi ba skad
cig sbyor la mtshan nyid ni/ mthar gyis sbyor

ba'i stobs las byung ba'i sems dpa'i rnal 'byor mthar thug go
/mtshon bya ni/ skad cig gcig mngon rdzogs byang chub ces so/
/dbye na bzhi/ sa mtshams rgyun mtha' kho na na yod do/ /gsum pa
chos kyi sku la mtshan nyid ni/ mkhyen gsum gyi

rnam bsgom pa'i stobs kyis thob pa'i 'bras bu mthar thug go/
/mtshon bya ni/ chos kyi sku dang zhes so/ /dbye na sku bzhi'o/
/sa mtshams sangs rgyas kyi sa kho na na yod do/ /de rnams kyi
grangs bsdus pa ni de rnams brgyad ces so/ /de la mkhyen pa gsum
gyi

grangs nges pa'i tshul ni/ thar pa tsam don du gnyer ba dang/
thams cad mkhyen pa don du gnyer ba kun gyis thog mar shes par
bya zhing/ gtan la dbab par bya ba'i gzhi 'phags pa'i bden pa
bzhi mi rtag sogs rnam pa bcu drug gi sgo nas bsgom

pa ni/ nyan thos dang rang sangs rgyas rnams kyi dgra bcom pa'i
'bras bu thob par byed pa la nges par dgos shing/ de tsam gyis
dgra bcom pa'i 'bras bu thob par byed nus pa dang/ byang chub
sems dpa' rnams kyis kyang lam shes sgom pa'i sngon

@041a @#/ /du rnam pa bcu drug bsgom pa sngon du 'gro dgos shing/
de yang nyan thos kyi rigs can rjes su bzung bar bya ba dang/
rang nyid 'khor ba mtha' dag la yid 'byung bskyed pa'i phyir tu
gzhi de lta bu shes pa dgos shing/ med

na ma 'byung ba dang/ byang chub sems dpas rnam mkhyen du bgrod
pa'i lam legs par shes pa zhes pa'i tha snyad 'thob pa dang/
'jig rten mtha' dag gi don sgrub pa la theg pa gsum gyi lam shes
pa dgos shing med na mi nus pa dang

rigs can gsum ga la chos kyi 'khor lo rdzogs par bskor ba la
rnam mkhyen nges par dgos shing de med na mi nus pas/ 'phags pa
bzhi'i bzhed don sgrub pa'i cha nas kyang/ mkhyen pa gsum du
grangs nges la/ theg pa chen po pas nyams

su blang bar bya ba'i mkhyen pa la yang gsum ngas par dgos shing
de las mang ba mi dgos pa'i phyir ro/ /slob dpon 'phags pas/
byang chub sems dpas nyan thos kyi lam shes mthong gis bltas nas
'da' ba'i don bshad pa dang/ theg pa

gsum char 'thob pa'i rgyu zhes sogs las na/ gzhi shes dang lam
shes sa so skye bo la med pa ltar mngon no/ /sbyor ba bzhi'i
grangs nges pa ni/ nyon mongs pa dang shes bya'i sgrib pa ma lus
pa 'joms par byed pa la/ mkhyen gsum gyi rnam

pa rdzogs par sgom dgos la/ de la yang goms pa dbang gyur thob
pa'i ched du dang/ goms pa rab kyi mthar phyin pa'i sgom tshul
gnyis su 'dus pas/ sbyor ba dang po gnyis dang/ chos thams cad
skad cig ma gcig la mngon par rdzogs

@041b pa byang chub pa'i chos sku dngos su thob par byed pa la/
de'i sbyor ba'i skabs su mi rtag pa lta bu gcig yid la byas pa
na/ gzhan rnams yid la byed pa'i rtsol ba mi dgos par/ mkhyen
gsum gyi rnam pa mtha' dag yid yul du 'char ba dgos la/ de la

sngon du rtsol bas rim can du goms par byed pa dgos pas brtan pa
thob pa'i yan lag sbyor ba phyi ma gnyis su nges pas/ sbyor ba
bzhir nges so/ /de'i 'bras bu mthar thug pa la chos kyi sku zhes
bya'o/ /mngon par rtogs pa brgyad kyi go rims nges pa ni/

'grel chen gyi chos sku'i mtshams sbyar du/ gang gi cha sgyu dang
g.yo thams cad rnam par spangs pa la sogs pa'i yid la byed pa
rnams kyis ji skad du bshad pa'i rim gyis shes rab kyi pha rol
tu phyin pa 'di la chos thams cad sgyu ma dang 'dra ba nyid du

rnam pa thams cad mkhyen pa nyid kyis rjes su rig par byed pa
dang/ lam gyi rnam pa shes pa nyid kyis rnam par dpyod pa dang/
thams cad shes pa nyid kyis 'jug pa dang/ rnam pa kun mngon par
rdzogs par rtogs pas rtogs par byed pa dang/ rtse

mo'i mngon par rtogs pas sems pa dang/ mthar gyis pa'i mngon par
rtags pas 'jal ba dang/ skad cig ma gcig pa'i mngon par rtogs
pas nye bar rtogs par 'gyur ba dang/ chos kyi sku mngon par
rdzogs par byang chub pas kyang bsgom par

'gyur ba de'i tshe byang chub sems dpa' 'di la chos kyi sku'i
rang bzhin gyi yon tan thams cad dang/ longs spyod rdzogs pa'i
sku'i mtshan nyid kyi sangs rgyas kyi zhing dang/ sprul pa'i
sku'i rang gi ngo bo sangs rgyas kyi chos bla na med pa 'phrin
las dang

@042a @#/ /bcas pa yongs su rdzogs pa rnyed dka' bar mi 'gyur ro/
/zhes bya ba ni tshig gi don yin no zhes bshad pas/ mkhyen pa
gsum ni bshad pa'i rim pa yin la/ 'dir bshad pa ni theg pa chen
po pa'i gang zag gi nyams

su len pa'i rim pa bshad pa yin pas thog mar rnam pa bcu drug
bsgom pa sngon du 'gro zhing/ de nas lam shes skye la/ de'i rjes
su chos bcu mngon sum du rtogs par 'gyur bas so/ /sbyor ba dang
po gnyis kyang skye rim dang phyi ma gnyis kyang skye ba'i

rim pa yin no/ /sbyor ba dang po dang gsum pa yang skye ba'i rim
pa dang/ mkhyen gsum dang sbyor bzhi ni bshad pa'i rim pa'o/
/mngon par rtogs pa brgyad du nges pa ni sbyor ba bzhis bsgom
par bya ba ni/ mkhyen pa gsum gyi rnam par nges la/ de

sgom tshul sbyor ba bzhir nges shing/ 'bras bu chos skur nges
pa'o/ /gnyis pa rgyas bshad la/ mkhyen pa gsum gyi lus bshad pa
dang/ sbyor ba bzhi'i lus bshad pa dang/ chos sku'i lus bshad
pa'o/ /dang po la/ rnam mkhyen gyi lus dang

lam shes kyi lus dang/ gzhi shes kyi lus bshad pa'o/ /dang po
la/ chos bcu'i rang bzhin/ des rnam mkhyen mtshen tshul/ go rims
nges pa/ bstan bshad sbyar ba'o/ /dang po la/ bsam pa dam bca'
dang/ de'i don sgrub pa'i thabs

ston pa gdams ngag dang/ dam bca'i don sgrub byed kyi bsgrub
pa'o/ /dang po theg chen sems bskyed la mtshan nyid ni 'chad par
'gyur ro/ /mtshon bya ni/ sems bskyed pa dang dbye ba ni nyi shu
rtsa gnyis so/ /sa mtshams theg chen gyi

@042b tshogs lam chung ngu nas sangs rgyas kyi sa'i bar ro/
/gnyis pa ni/ mtshan nyid theg chen sems bskyed kyi ched du gnyer
bya thob pa'i thabs ma nor bar 'doms pa'i rjod byed do/ /mtshon
bya theg chen gyi gdams ngag dang/ dbye na bcu'o/ /sa

mtshams theg chen gyi tshogs lam du ma zhugs pa'i snga rol nas
kyang yod cing sangs rgyas kyi sa'i bar yod la/ 'dir bstan pa'i
gtso bo ni sangs rgyas kyi gsung ngo/ /gsum pa la/ steng nyid
rtogs pa'i sgom byung gi bsgrub pa thog ma ngos

bzung ba dang/ bsgrub pa spyi'i rnam gzhag go/ /dang pa theg
chen nges 'byed yan lag gi mtshan nyid thar pa cha mthun gyi rjes
su skyes pa'i theg chen gyi mngon rtogs gang mos spyod kyi sas
bsdus pa'o/ /dbye na rnam bzhi dang/ gnyis pa la/ sgrub pa'i
rten

dang; brten pa bsgrub pa'o/ /dang po theg chen bsgrub pa yin ni
rten du gyur pa'i chos kyi dbyings kyi rang bzhin du gnas pa'i
rigs kyi mtshan nyid chos dbyings gang zhig /theg chen sgrub pa'i
rten gzhi byed pa/ rten chos kyi sgo nas dbye na/ 'dir smos bcu

gsum dang theg chen gyi tshogs lam mo/ /sa mtshams 'dir dngos su
bstan pa dred nas dang/ spyir tshogs lam nas rgyun mtha'i bar ro/
/gnyis pa la/ sgrub pa'i dmigs pa dang/ ched du bya ba dang/
sgrub pa'i dbye ba'o/ /dang po de'i mtshan nyid ni/

sgrub pa'i sgro 'dogs bcad par bya ba'i gzhi'o/ /mtshon bya dmigs
pa dag dang/ dbye na bcu gcig go /gnyis pa la mtshan nyid ni/
gang gi ched du bsgrub pa la 'jug pa'i 'bras bu mthar thug /dbye
na chen po gsum/ sa mtshams sangs rgyas kyi

@043a @#/ /sa'o; ;gnyis pa la/ theg chen sgrub pa'i mtshan nyid
ni/ theg chen sems bskyed la brten nas chen po gsum sgrub pa'i
bya ba'o/ /go cha'i sgrub pa'i mtshan nyid phar phyin re re'i
nang du drug drug tshang bar bsdus nas nyams

su len pa'i byang sems kyi bya ba'o/ /dbye na drug /sa mtshams
theg chen gyi tshogs lam nas rgyun mtha'i bar ro/ /'jug pa'i bya
ba'i sgrub pa'i mtshan nyid ni/ theg pa chen po'i rgyu 'bras kyi
chos ci rigs pa sbyor ba gtso bor byur pa'i sgo nas nyams

su len pa'i bya ba'o/ /dbye na dgu /sa mtshams mos spyod kyis nas
rgyun mtha'i bar ro/ /tshogs kyi sgrub pa'i mtshan nyid ni/ rang
'bras byang chen dngos su 'byin pa'i bya ba'o/ /dbye na bcu
bdun/ sa mtshams chos mchog chen po nas rgyun mtha' bar ro/ /

nges par 'byung ba'i sgrub pa'i mtshan nyid ni rnam mkhyen du
gdon mi za bar nges par 'byin pa'i dag sa'i rnal 'byor/ dbye na
brgyad/ sa mtshams dag pas gsum na'o/ /bcas rnams zhes pa bcu po
der 'dus pa'i don to/ /gnyis pa ni/ rgyus 'bras bu

mngon pa'i tshul la yang cung zad bshad du yod kyang/ slob dpon
gyi bzhad pa ni/ 'gral chen du/ yul gyis yul can mtshon par shin
tu gsal te/ da'i dgos pa yang don du gnyer bya'i rnam mkhyen
de'i rang bzhin ni/ chos bcu pa 'di mngon sum

du rtogs pa'o zhes bshad pa na/ de rtogs pa'i tshul yang dang por
byang chub kyi mchog tu sems bskyed de/ bsgrub pa bzhi'i rim pas
nyams su myang nas mthar chen po gsum mngon sum du gyur par
bstan pas/ rnam mkhyen de mngon sum du rtogs

@043b par bya ba'i chos bcu po bstan pa tsam gyis theg pa chen
po'i lam spyi'i lus blo yul du shar nas/ thob bya'i 'bras bu'i
rang bzhin shes pa'i ched du yin no/ /gsum pa ni/ dgos pa'i
dbang gis sgrub pa'i rten par du bstan yang/ skye rim gyi dbang
du

byas na dang por rigs sad de/ byang chub kyi mchog tu sems
bskyed/ sgrub pa'i gdams ngag nyan/ gdams pa'i don nyams su
blangs pas stong nyid la dmigs pa'i sgom byung gi bsgrub pa
rgyud la skyes la/ de yang dmigs pa bcu gcig la dmigs

shing; ched du bya ba chen po gsum gyi ched du yin la/ nyams su
len pa'i rim pa yang bsgrub pa bzhi'i rim pas nyams su blangs
pas/ chos bcu mngon sum du rtogs pa'i rnam mkhyen thob par 'gyur
ba yin no/ /bzhi ba ni/ rten gyi gang zag

thub pa'i mngon rtogs rnam kun mkhyen pa nyid do/ /gnyis pa la/
chos bcu gcig gis lam shes mtshon pa dang/ bstan bshad sbyang
ba'o/ /dang po la/ lam shes kyi yan lag dang/ yan lag can gyi
lam shes so/ /dang po ni/ lam shes

skye ba'i rten gegs dang bral ba de bzhin gshegs pa'i 'od kyi
rang bzhin gyi 'od kyis/ 'dod gzugs kyi lha'i rnam smin gyi 'od
mog mog por byed pas nga rgyal sel ba dang/ la sogs pas lhan cig
byed rkyen sems bskyed dang/ rgyu rigs dang/

rang bzhin dang byed las rnams kyis lam shes kyi rgyu dang ngo
bo dang 'bras bu rnams bshad do/ /gnyis pa la gsum gyi dang po/
slob ma nyan thos kyi lam shes pa'i lam shes kyi mtshan nyid
khyad chos gsum gyis khyad par du byas pa'i mi rtag

@044a @#/ /sogs mngon sum du rtogs pa gang zhig /nyan thos kyi
rigs can rjes su bzung ba'i ched du shes par bya ba'i mngon
rtogs so/ /gnyis pa bse ru'i lam rang sangs rgyas kyi lam shes
pa'i lam shes kyi mtshan

nyid gzhan 'dra ba la/ gzung bya phyi rol don gyis dben par
rtogs pa'i ye shes zhes pa dang/ rang sangs rgyas kyi rigs can
rjes su bzung ba'i ched du zhes so/ /gsum pa byang chub sems
dpa'i lam shes la gnyis kyi dang po 'di dang gzhan pa'i

yon tan gyi phan yon che ba theg pa chen po'i mthong ba'i lam
gyi mtshan nyid srid zhi gnyis ka'i mthar 'gog byed kyi bden pa
mngon rtogs so/ /gnyis pa la gnyis kyi dang po theg chen sgom
lam gyi byed pa'i mtshan nyid de bsgoms stobs kyis

thob pa'i phan yon no/ /gnyis pa la/ zag bcas sgom lam dang/ zag
med sgom lam mo/ /dang po la gsum gyi dang po/ mos pa sgom lam
gyi mtshan nyid yum don gsum gyi 'byung gnas su yid ches pa'i
rjes la mngon rtogs so/ /sa

mtshams dang po nas bcu ba'i bar ro/ /dbye na nyer bdun/ de'i
phan yon/ bstod dang bkur dang bsngags pa gsum ni/ sangs rgyas
dang byang sems gong ma rnams mos pa gsum sgom pa'i byang sems
la cha de nas thugs dgyes pa'i cha dang

dngos gnas kyi yon tan brjod pa'i cha gang rung ngo/ /gnyis pa
bsngo ba yid la byed pa bla na med pa'i sgom lam gyi mtshan nyid/
rang gzhan gyi dge rtsa rdzogs pa'i byang chub kyi yan lag tu
sgyur bar byed pa'i zag pa dang bcas pa'i theg chen gyi

@044b rjes la mngon rtogs/ dbye na bcu gnyis/ sa mtshams snga ma
ltar ro/ /gsum pa rjes su yi rang ba yid la byed pa bla na med
pa'i sgom lam gyi mtshan nyid rang gzhan gyi dge ba la mngon par
dga' ba/ zag pa dang bcas pa'i theg chen gyi rjes la mngon

rtogs so/ /dbye na gnyis/ sa mtshams sngar ltar ro/ /gnyis pa la
gnyis kyi dang po/ bsgrub pa sgom lam gyi mtshan nyid zag pa med
pa'i theg chen gyi rjes la mngon rtogs gang/ rtogs pa mthar thug
pa'i lag rjes 'jog byed/ dbye na lnga/ gnyis pa

shin tu rnam par dag pa zhes bya ba'i sgom pa'i lam gyi mtshan
nyid/ de gang spangs pa mthar thug pa'i lag rjes 'jog byed/ dbye
na dgu/ gnyis ka'i sa mtshams sa dang po nas bcu pa'i bar ro/
/gnyis pa ni/ byang chub sems dpa' 'phags pa

mkhas rnams kyi mngon rtogs lam shes nyid na de 'drar bshad do/
/lam shes yul gyi sgo nas dang/ ngo bo'i sgo nas mtshon pa ci
rigs su bstan to/ /de yang rnam mkhyen du bgrod pa'i lam legs
par shes pa zhes pa ni/ theg pa gsum ga'i lam

legs par shes pa zhes pa ni/ theg pa gsum ga'i lam legs par shes
na de'i grangs su 'gro ba yin gyi/ lam nyi tshe ba 'ba' zhig
bsgom pa ni rnam mkhyen gyi rgyur 'gyur yang/ ring ba'i lam du
shes par bya'o/ /gsum pa la/ gzhi shes mtshon byed

kyi chos dang/ bstan bshad sbyar ba'o/ /dang po la/ 'bras yum la
nye ring gi rgyu mtshan dang/ rgyu mtshan de nyid bsgrub pa dang/
mi mthun pa dang gnyen po'i phyogs kyi dbye ba dang/ gzhi shes
kyi sbyor ba'o/ /dang po la srid mtha' la mi gnas pa'i lam ni/

@045a @#/ /thabs snying rje chen pos zin cing mi rtag sogs mngon
sum du shes pas srid mtha' 'gog par byed pa ni/ srid la mi gnas
pa'i lam shes so/ /'di dag sngar byang sems kyi mthong sgom gyi
lam srid zhi'i mtha'

'gog byed du bstan pa na de dag 'gog byed kyi lam gang yin snyam
pa la dogs pa bcad nas mtshon bya'i don gzhi shes dang/ mtshon
byed kyi don gnyis po lam shes kyi khyad par yin pas snying rjes
zhi la mi gnas pa'i gzhi shes zer ba ni tha snyad leg par sbyar
ba'o/ /snying rjes

zhi la mi gnas pa'i lam shes kyi mtshan nyid kun rdzob pa la ltos
pa'i zhi ba'i mtha' 'gog byed kyi rigs su gnas pa'i theg chen
'phags pa'i mngon rtogs/ de gnyis ka sa dang po yan chad nas so/
/shes pas zhes pa/ stong nyid rtogs pa'i shes

rab 'ba' zhig la sbyar ba mi 'thad de/ de'i don 'grel chen du
shes rab kyis 'khor ba'i skyon mthong ba dang/ zhes gsungs la/
'khor ba'i skyon tha snyad pa'i shes pas mthong ba yin gyi/ don
dam la dmigs pa'i rigs shes kyis mthong ba mi srid pa'i

phyir ro/ /gnyis pa ni/ thabs ma yin pas ring ba'i gzhi shes kyi
mtshan nyid mi rtag sogs mngon sum du rtogs pa'i ye shes gang/
snying rje chen po dang bral zhing bden 'dzin gyis bcings pa'o/
/thabs kyis ring ba ma yin pa'i gzhi shes kyi mtshan nyid de
gang/

snying rje chen po dang stong nyid rtogs pa'i shes rab kyis zin
pa'o/ /mi rtag sogs rtogs pa'i ye shes de nyid thabs shes khyad
par can dang bral ma bral gyi dbye ba'i sgo nas mtshon par byed
pa yin no/ /mtshon byed kyi chos gnyis po 'di yang lam shes

@045b kyi skabs? la dogs pa gcod par byed pa yin no/ /gsum pa
ni/ gzhi shes de nyid thabs shes khyad par can de dang phral?
ba dang/ des zin pa'i sgo nas mi mthun phyogs kyi gzhi shes
dang/ gnyen po'i phyogs kyi gzhi shes dag tu phye ba yin gyi/
snga ma bden 'dzin

du 'dod pa ni rigs pa'i rnam gzhag mi shes shing/ lam bgrod pa'i
rim pa la mi mkhas pas dor bar bya ba ste/ nyan thos kyi yin
pa'i phyir/ 'dod na gsal snang med pas/

nyon sgrib kyi sa bon gyi dngos gnyen byed par 'dod pa nyams so/
/gzhan yang log rtog tu thal/ snga ma de'i phyir/ 'dod na zhen
yul la 'khrul bas gang zag gi bdag 'dzin dang/ nyams su blang
bya yin min khyad par cung zad kyang med par 'gyur

ro; ;thabs shes khyad par can gyis zin pa'i gzhi shes de nyid la
gnyen po'i phyogs kyi gzhi shes zhes bshad kyi/ stong nyid mngon
sum du rtogs pa'i ye shes la gnyen po gzhi shes kyi tha snyad
'phags seng gnyis kas ma mdzad do/ /bzhi pa la bzhi shes

sbyor ba'i dbye ba dang/ 'dzin stangs dang 'bras bu'o/ /dang po
ni/ gzhi kun rdzob pa'i sdod lugs kyi ngo bo dang khyad par la
phyin ci log tu zhen pa dang/ don dam pa'i sdod lugs la phyin ci
log tu zhen pa'i gnyen por sgom pa'i sems dpa'i rnal 'byor

ni gzhi shes kyi sbyor ba dang/ dbye na bcu/ 'dir khyad gzhi'i
sgo nas sbyor lam dang sbyar yang/ sa bcu pa'i bar du yod do/
/gnyis pa ni/ gzhi'i dbye ba dang/ mtshan mtshon dang/ yul can la
bden zhen 'gog par sbyor ba de'i mnyam nyid 'dzin stangs so/ / 

@046a @#/ /ldog pas dbye na bzhi'o/ /gsum pa ni/ dngos bstan
mthong ba'i lam gyi mtshan nyid spros bral mngon sum du rtogs
pa'i bden pa mngon rtogs chos dgu po de dag gis ni/ mi rtag sogs
kyi rnam pa can gyi gzhi shes

de nyid; dngos bstan dang shugs bstan gnyis ka'i sgo nas mtshon
nas bstan la/ shes mthong gis bltas nas 'da' bar bya ba'i mngon
rtogs byang sems kyi mthong lam gyis bsdus pa ni/ dngos bstan
gyi mthong lam de'i shugs la bstan pa

yin no/ /byang chub sems dpa'i rgyud la shes par bya ba'i mngon
rtogs dang/ mngon du bya ba'i mngon rtogs gnyis las/ dang po la
lam gsum ga yod kyang shes mthong gis blta ba tsam dang/ shes
mthong gis bltas nas 'da' ba'i mngon rtogs

ni bshad pa ltar ro/ /phyi ma ni/ thar pa tsam thob pa la nges
par sgom mi dgos shing/ shes sgrib kyi gnyen por nges par sgom
dgos pa'i lam rnams te/ thabs shes khyad par can rnams so/ /des
na shes mthong gis blta ba tsam dang/

bltas nas 'da' bar bya ba'i mngon rtogs ston na mthong lam bstan
dgos kyi de'i rigs 'dra'i sgom lam ston par mi rigs so/ /lam
gang mngon du bya ba'i ched du mngon du byed pa'i slob lam gyi
gtso bo ston na slo ma lam bstan dgos la/

de'i rgyur mthong lam yang bstan dgos pas so/ /des na 'dir dngos
su bstan pa'i mthong lam 'da' byed dang/ shugs la bstan pa ni
'da' bya'i mngon rtogs so/ /gnyis pa ni/ rnam gzhag gi rten nyan
thos dang rang sangs rgyas la sogs

@046b pa'i mngon rtogs de 'dra kun shes nyid du 'dod do/ /sdeb
sbyor gyi dbang las 'di ltar bshad par zad kyi/ mthong lam mtshon
byed kyi chos tha ma yin pas/ des na don ni/ mthong lam nyan
thos la sogs kyi zhes par bshad cing/ 'gyur kha

cig las de ltar sbyar ba yang yod do/ /gnyis pa la/ dbang du bya
ba rgyu 'bras dang/ brtan pa rgyu 'bras so/ /dang po la gnyis
kyi dang po/ rnam rdzogs sbyor ba la gnyis/ mtshon byed kyi chos
dang/ bstan bshad sbyar ba'o/ /dang po la/ dge rtsa

gsog pa'i rten gyi dbang du byas nas spyi'i rnam gzhag dang/ dge
rtsa smin pa'i rten gyi dbang du byas nas rgyud la skye ba'i rim
pa dngos su bstan pa'o/ /dang po la/ lam shar phyin gyi rnal
'byor sgom pa'i 'dzin stangs kyi dbye ba dang/ mnyam gzhag

gi sbyor ba dang/ sbyor ba sgom pa'i skyon yon dang/ lam sher
phyin gyi rnal 'byor du mtshon pa'i mtshan nyid do/ /dang po la
sbyor ba'i rnam pa ni/ de'i 'dzin stangs kyi bye brag ste/ dbye
na brgya bdun cu rtsa gsum mo/ /'dir bstan pa'i rnam pa mtshon
byar

byas nas de'i mtshan nyid kha bskang ba ni/ rnam pa zhes bya
mtshan nyid de/ zhes pa'i don ma rtogs pa ste/ de ni 'phags pa'i
'grel par/ gnyen po'i mtshan nyid bstan par bshad kyi/ rnam pa'i
mtshan nyid du ma bshad cing/ de lta na/ gzhi dang/

gnyen po dang/ rnam pa gsum ga bstan bcos su bshad pa'i skabs
don stor par 'gyur ba'i phyir ro/ /gnyis pa ni/ 'dir dngos su
bstan pa'i gtso bo'i sbyor ba'i mtshan nyid yul yul can dang/
gzhi lam rnam gsum bden stong spros bral du

@047a @#/ /rtogs pa'i zhi lhag zung 'bril gyi rnal 'byor ro/
/'dir dngos su bstan pa stong nyid rtogs pa'i zhi lhag zung
'brel gyi rnal 'byor du byas nas/ de tshogs lam nas yod par 'dod
pa ni lam gyi rim pa la mi mkhas pa yin te/ de

'dra'i lam la nges par sbyor lam drod thob dgos pa'i phyir ro/
/yang bsgom bya rnam pa dang/ sgom byed sbyor ba gnyis su phye
nas rnam pa brgya bdun cu rtsa gsum sbyor ba'i sgro 'dogs gcad
par bya ba'i gzhi dmigs par byas nas/ de thams cad bden stong du

bsdus nas bsgom pa rnam rdzogs sbyor ba'i sgom tshul du byed pa
ni shin tu mi 'thad do/ /rnam rdzogs sbyor bas rnam pa brgya
bdun cu rtsa gsum po mtha' dag rang gi rnam pa'i 'dzin stangs su
shar bar byas nas zhi lhag zung 'brel gyi sgom dgos pa'i phyir
ro/

'di dag ni tshig don gyi skabs su 'chad par 'gyur bas de tsam las
ma spros so/ /bcas rnams dang zhes pas/ sbyor ba bsgom pa dang/
dge rtsa gsog pa'i rten gyi gang zag bstan to/ /sbyor ba la nyi
shur dbye ba ni gnas skabs su thob pa'i yon tan la sogs

pa'i dbye ba yin gyi/ mnyam gzhag 'ba' zhig gi dbye ba ma yin
no/ /de la 'dir sbyor zhes pa ni/ zhi lhag zung du 'brel bar
ston pa yin pas ji snyed pa la dmigs pa'i zhi lhag zung 'brel
tshogs lam ni yang yod la/ ji lta ba la dmigs pa ni sngar ltar

ro; ;gsum pa sbyor ba'i yon tan gyi mtshan nyid de bsgoms stobs
kyis thob pa'i phan yon/ dbye na bcu bzhi/ sbyor ba'i skyon gyi
mtshan nyid ni sbyor ba skye ba'am gnas pa'i gegs byed do/ /dbye
na zhe drug go /bzhi pa lam sher phyin gyi rnal 'byor gyi

@047b mtshan nyid ni/ 'bras bu'i sher phyin thob byad kyi thabs
su gyur pa'i zung 'brel gyi sems dpa'i bya ba'o/ /dbye na dgu
bcu rtsa gcig go /sa mtshams theg chen gyi tshogs lam nas rgyan
mtha'i bar ro/ /gnyis pa la/ sbyor ba skyed pa'i gnas skabs
dang/ smin

pa'i skabs dang/ rten gyi gang zag dang/ gang zag gi sgom rim
mo/ /dang po theg chen thar pa cha mthun gyi mtshan nyid ni/ rnam
mkhyen rang rgyud la bsgrub par mkhas pa'i sems dpa'i rgyud kyi
chos mngon rtogs so/ /dbye na lnga/ gnyis pa ni/ 'dir bstan

theg chen nges 'byed cha mthun gyi mtshan nyid ni thabs kyi chas
khyad par du byas pa'i sems dpa'i don mngon rtogs/ dbye na bcu
gnyis/ gsum pa ni/ slob pa phyir mi ldog pa'i tshogs kyis bsdus
pa'i dge 'dun gyi mtshan nyid/ gzugs sogs 'du shes

ldog pa sogs rtags gang rung thab pa'i sems dpa'o/ /dbye na
gsum/ sa mtshams drod yan chad na yod do/ /bzhi ba la gsum gyi
dang po chos sdu'i lag rjes 'jog byad sred dang zhi ba mnyam pa
nyid kyi sbyor ba'i mtshan nyid/ rjes kyi skabs su yang bden

'dzin mngon gyur skye ba'i go skabs bcom pa'i sems dpa'i ye shes
so/ /gnyis pa zhing dag pa bla na med pa'i sbyor ba'i mtshan
nyid/ rang gang du 'tshang rgya 'gyur gyi zhing khyad par can
'grub pa'i smon lam la sogs pa'i dge rtsa nus pa mthu can du
gyur

pa'i sems dpa'i ye shes so/ /gsum pa thabs mkhas sbyor ba'i
mtshan nyid/ 'bad rtsol rags pa zhi ba'i sgo nas 'phrin las lhun
gyis grub pa'i sems dpa'i ye shes so/ /gnyis pa ni/ chos bcu
gcig pa de dag rnam kun mngon rdzogs rtogs

@048a @#/ /pa'i sbyor ba mtshon par byed pa'i chos su shes par
bya'o/ /kha cig thog mtha' bar gsum gyi bcas kyi sgra kun la
sbyar nas bcas bcu bzhir 'byed pa ni rmongs pa ngo mtshar skyed
pa'i rnam gzhag go/ /gnyis pa rtse sbyor

la bzhi'i dang po sbyor lam rtse sbyor ni/ rtse sbyor thob pa
de'i rtags bcu gnyis gang rung thob pa'i nges 'byed cha mthun
dang po dang/ stong gsum gyi sems can dang mnyam pa'i sangs
rgyas mchod pa bas lhag pa la sogs pa'i rma 'phel bcu drug chang

ba'i gnyis pa dang/ mkhyen gsum rjes mthun pa rdzogs pa'i shes
rab dang/ gzhan don la mi phyed pa'i brtan pa thob pa'i gsum pa
dang/ mthong lam bskyed pa'i nus pa smin pas ting nge 'dzin
mtha' yas pa'i sems kun tu gnas pa thob pa'i

nges cha bzhi pa dang/ bzhi ni rim pa bzhin du drod rtse sbyor
sogs kyi mtshan nyid do/ /gnyis pa dang gsum pa mthong lam rtse
sbyor zhes bya ba dang/ bsgom pa zhes bya ba'i lam rtse sbyor
gyi mtshan nyid rim pa bzhin du mthong spangs rtog pa'i sa bon
gyi

gnyen po byed pa'i theg chen gyi bden pa mngon rtogs dang sgom
spangs rtag pa'i sa bon gyi gnyen po byed pa'i theg chen gyi
rjes la mngon rtogs so/ /dbye na lam gnyis pas so la rnam par
rtog pa rnam pa bzhi'i gnyen po rnam pa bzhi dang ngo/ /bzhi pa

bar chad med pa'i rtsa sbyong log sgrub dang bcas pa ni/ bar
chad med pa'i ting nge 'dzin gyi rtse sbyor gyi mtshan nyid ni/
mkhyen gsum bsdus sgom rab tu gyur pa'i rnal 'byor gang/ rnam
mkhyen dngos su skyed byed do/ /bsal bya log par bsgrub dang
bcas pa 'dir

@048b bstan pas la bya log sgrub kyi mtshan nyid ni 'dir bstan
pa'i bden gnyis ngo bo gcig la 'dur mi rung bar 'dzin pa'i sa
bon dang mngon gyur gang rung/ dbye na bcu drug /gnyis pa ni/
rtse mo'i mngon rtogs zhes so/ /gnyis pa brtan pa rgyu 'bras la/
dang

po mthar gyis pa ni/ bstan bshad sbyar mthar gyis bzhes dang/
dbye na/ sbyin pa'i phar phyin gyi mthar gyis pa sogs rnam pa
gsum dang rnam pa bcu'o/ /gnyis pa skad cig sbyor la/ bstan
bshad sbyar ba ni/ skad cig ma gcig gis mngon rdzogs

byang chub pa zhes dang/ dbye na/ ldog mtshams mi 'dra ba'i mtshan
nyid kyis ni ngo bo gcig la ldog pa tha dad pa rnam pa bzhi'o/
/sa bdun pa yan chad na yod par bzhed pa ni/ slob dpon gyi
dgongs par mi sems la/ rgyun gyi tha ma na yang dus cha med kyi
skad

cig ma ni mi srid pas/ bya rdzogs kyi skad cig ma'i thung
mtha'o/ /sbyor ba tha ma gnyis sgom tshul gyi mtshan nyid la dpyad
na 'di ltar mngon te/ rgyud mtha'i snga rol sa bcu pa'i gnas
skabs su mthar gyis pa sgom pa'i tshe/ mi rtag pa lta bu'i chos
gcig

mngon sum du rtogs pa na/ sngon goms pa'i shugs kyi rtsol ba
chen? po mi dgos kyang/ rtsol ba cung zad dang bcas pas mkhyen
gsum gyi rnam pa ma lus pa go rims ma 'tshol bar dkyus thog gcig
la mngon sum gyi yul du 'gyur la/

'on kyang thad ka thad ka'i skabs su yang bsgrim pa'i rtsol ba
cung zad dgos par shes par bya'o/ /kha cig gis mthar gyis pa'i
sbyor bas chos bcu gsum rim gyis bsgom pa kho na la 'chad pa ni/
skabs don bor bar sems te/ rnam pa brgya

@049a @#/ /bdun cu rtsa gsum la goms pa dbang gyur thob dgos pa'i
phyir/ chos bcu gsum yang ji ltar rigs pa'i go rims ma 'tshol bar
sgom dgos mod kyi/ bcu gsum po ni phal cher rnam pa brgya bdun
cu rtsa gsum mnyam

gzhag tu sgom pa'i rjes kyi bya ba mthar gyis pa brtan byed kyi
yan lag tu shas par bya'o/ /rdzas kyi skabs su dkon mchog gsam
rjes su dran pa dang/ gtong sems spel ba dang/ spong ba'i sems
pa la dmigs pa sogs so/ /skad cig sbyor sgom

ba'i skabs su/ ji ltar skyes bu'i zo chun rgyud/ ces pa'i dpe
ltar na/ zag med kyi chos gcig mngon sum du gyur pa na/ lhag ma
rnams la sgrim mi dgos par dkyus gcig la go rims ma 'chol bar
mngon sum du 'gyur ba'o/ /da rgyun mtha'i sbyor

ba'i lam gyi che yin la/ bar chad med pa'i lam gyi tshe ni/ mngon
par rtogs pa de ma thag nus pa mthu can gyi bdag nyid du gyur
pa'i sgo nas stong pa nyid la mnyam par bzhag bzhin pa'i ngang
nas rnam mkhyen skad cig dang por 'pho bar shes par bya la

de'i tshe ni blo ngo bo gcig po de nyid kyis stong pa nyid la
'khor ba ji srid par mi ldang ba'i tshul du mnyam par bzhag la/
de nyid kyi tshe/ shes bya ji snyed pa thams cad lag mthil du
skyu ru ra bzhag pa ltar mngon sum du gzigs pa yin no/ /skabs
'dir

ma zad shes rab kyi pha rol tu phyin pa'i tshul kun tu rtogs par
dka' bas dge ba'i bshes gnyen yun ring du mnyes par byas pa las
rtogs par bya ba kho na'o/ /gsum pa chos sku'i lus bshad pa ni/
dag pa gnyis ldan gyi dbyings su gyur pa'i

@049b ngo bo nyid kyi sku dang/ ngas pa las khyad par du byas
pa'i longs spyod rdzogs pa'i sku dang/ bcas pa dang/ de bzhin du
gnyis las gzhan pa ngas pa lngas khyad par du ma byas pa'i gzugs
kyi sku mthar thug pa mchog gi sprul pa'i sku ni thob bya'i
'bras bu yin

la; so so'i mtshan nyid kyang nges shes par bya'i/ /bstan bshad
sbyar ba ni/ chos sku zhes so/ /slob dpon gyi bzhed pas bstan
bshad sbyor ba'i tshig tu yang mdzad mod kyi/ 'des? sku bzhi pa
bstan par byas na yang/ bstan bcos kyi tshig don lam zhugs

pa'i skyen med par bzhed pas de'i ltar na/ rtogs pa ye shes chos
kyi sku'i mtshan nyid ji lta ba dang ji snyed pa la ltos nas
gzigs pa mthar thug pa'i shes pa'o/ /mdzad pa dang bcas pa chos
sku'i chos rnam pa bzhir ni yang dag par brjod pa'o/ /'og nas

'di'i don bsdu'i skabs su sangs rgyas la sogs pa'i yul nyid du
ye shes la sogs pa la ltos nas zhes pa'i don/ ye shes kyi sogs
khong nas ye shes 'don pa bkag nas/ zag pa med pa'i ye shes sde
tshan nyer gcig la ya shas chos sku dang/ mtshan

dpes spras pa'i sku mthar thug pa la longs skur bzhag ces sogs
kyi don du 'chad pa gnyis kas slob dpon gyi 'grel ba zhib tu ma
mthong ba yin te/ 'di'i thad kyi 'grel chen du/ ye shes chos kyi
sku dang/ gzugs sku gnyis la ye shes kyi tshogs

las byung ba dang/ bsod nams kyi tshogs las byung ba dang/ gnyis
ka'i cha las byung ba'i don du gsungs pa'i phyir ro/ /gsum pa
bsdus te bshad pa ni/ tshigs bcad bco lnga yod pa de la tshig
le'ur byas pa dang po gnyis kyis ni chos can/

@050a @#/ /lus mdor bstan pa yin te/ lus dngos po brgyad kyi
rkang grangs tsam du bsdus pa'i phyir/ tshig le'ur byas pa lhag
ma bcu gsum gyis ni chos can/ yul rgyas par bshad de/ brgyad po
de dag nyid kyi don bdun cu'i rkang

grangs tsam du bsdus nas bshad pa'i phyir/ de ltar na bco lngas
lus legs par bshad pa yin no/ /sngar ltar bsdus pa dang rgyas
par bshad pa'i phyir/ bzhi pa rgyas par ma bkrol ba'i rgyu mtshan
ni/ bsdus pa'i don gyi tshig le'ur byas pa 'di rnams

ni chos can/ yan lag rgyas bshad 'chad pa'i snga rol tu zhib tu
rnam par ma bkrol lo/ /rgyu mtshan de ltar bkrol na yan lag rgyas
bshad kyi 'grel pa dang/ zlos pa'i nyes par 'gyur du dogs nas ma
bkrol ba'i phyir/ zlos par 'gyur te/ bstan bcos

mdzad pa nyid kyis/ sems bskyed pa ni gzhan don phyir/ ces bya
ba la sogs pa 'chad par 'gyur ba'i bstan bcos rgyas bshad kyi
rtsa tshig mtha' dag gis lus 'di 'chad pas so/ /khyab ste rgyas
bshad kyi rtsa tshig mtha' dag 'chad la/ de dag

rnam par bshad pas lus 'di bshad par bsams pa ste/ bshad par
'gyur ba'i phyir/ kha cig mdor bstan rgyas bshad la zlos skyon
rtsi ba 'brel ba med pas skabs 'di'i rtsod spong mi 'thad ces
zer ba ni/ don ma rtogs pa'i rnam 'gyur ro/ /

'o na yan lag rgyas bshad kyi 'grel pa rtsa ba dang zlos par
'gyur te/ des lus rgyas par 'chad pa'i phyir ro/ /zhe na/ rtsa
ba'i tshig tsam la brten nas don rdzogs par khong du chud nus pa
rnams la mi dgos mod kyi/ de ltar mi nus pa rnams

@050b kyi ched du mdzad pa yin no/ /gsum pa tshig don la/ mkhyen
pa gsum rgyas par bshad pa dang sbyor ba bzhi rgyas par bshad pa
dang/ chos sku rgyas par bshad pa'o/ /dang po la/ don du gnyer
bya rnam mkhyen bshad pa dang/ der bgrod pa'i lam shes

bshad pa dang/ lam shes rnam par dag byed kyi yan lag gzhi shes
bshad pa'o/ /dang po la/ mtshams sbyar ba dang/ chos bcu rgyas
par bshad pa dang/ skabs bsdu ba'o/ /dang po ni/ de ltar bsdus
pa'i don kun bstan nas/ dang por rnam pa thams cad

mkhyen pa nyid bshad par bzhed de/ sems bskyed sogs gsungs zhes
so/ /rnam mkhyen dang por 'chad pa'i rgyu mtshan yod de/ mngon
par rtogs pa'i rim pa ma lus pa mngon sum du rtogs par 'dod pa'i
gdul bya rnams kyis mthar rnam pa thams cad

mkhyen pa nyid thob par bya dgos pas so/ /de dgos te/ ched du
gnyer bya'i 'bras bu'i gtso bo yin pa'i phyir der thal/ rgyan
gyi ched du bya ba'i gdul bya byang chub sems dpa' bla na med
pa'i byang chub 'das pa dang da ltar gya sangs rgyas rnams
gshegs

pa'i rjes su mthun par thob par 'dod pas so/ /thog mad 'chad
rigs kyang/ sems bskyed dang gdams ngag sogs tsam zhig bshad pa
ci yin zhe na/ de dag 'chad par rigs te/ rnam mkhyen de sdud
pa'i tshig le'ur byas pa rnams par bshad pa'i sgo nas

yul gyis yul can rgyas par mtshen bzhed pa'i phyir/ mtshams sbyar
'di dang 'dra bar 'og ma kun la sbyar nas bshad pa byed pa ni/
rmongs pa ngo mtshar bskyed pa'i rnam bzhag yin pas mkhas pas
'bad par mi bya ste/ ba glang gi mtshan nyid nog

@051a @#/ /sogs 'dus pa'i don ltag par sha 'phungs pa dang/ mgrin
par pags pa 'phyang ba sogs kyi bshad pa byed dgos pa re shig
bstan bcos kyi gdul byar mi rung ba'i phyir ro/ /gnyis pa la
rnam mkhyen thob pa'i ched du dam

bcas pa'i bsam pa dam bca' bshad pa dang/ dam bca'i don sgrub
pa'i thabs ston pa'i gdams ngag bshad pa dang/ gdams don ji ltar
sgrub pa'i sgrub pa bshad pa'o/ /dang po la/ spyi'i don dang/
yan lag gi don to/ /dang po la thag chen sems bskyed

skye ba'i rten dang/ rgyu dang/ ngo bo dang/ phan yon no/ /dang
po ni/ smon sems skye ba'i rten ni/ theg chen la mos shing sangs
rgyas thob par 'dod pa'i lha dang klu la sogs pa la yang skye'o/
/'jug pa byang chub kyi sems byang sa dang/ lam sgron du da'i
rten so

thar gyi sdom pa dgos par bshad pa ni/ rten khyad par can gyi
dbang du byas pa yin gyi/ 'dod pa'i lha'i rten dang/ gong ma'i
rten can gyi byang chub sems dpa' kha cig gi rgyud la yang yod
pa'i phyir ro/ /gnyis pa ni/ bslab btus las/ sangs rgyas

kyi sku mthong nas 'di lta bu thob na snyam pa dang sangs rgyas
dang byang chub sems dpa' rnams kyi mthu bsam gyis mi khyab pa
mthong thos sogs dang/ thag chen gyi bstan pa nub pa ma bzod pa
dang/ sems can sdug bsngal gyis mnar ba ma bzod nas

sems bskyed pa'i tshul bzhi bshad la/ rgyu bzhi dang/ rkyen bzhi
dang/ stobs bzhi las skye bar bshad pa rnams ni/ rgyu rkyen
mtha' chod pa'i yan lag tu yin la/ gzhan gsum yang sangs rgyas
don gnyer gyi sems bskyed tsam zhig yin mod/ 'dir

@051b dngos su bstan pa ni spyod pa'i rten byed pa'i sems bskyed
kyi gtso bo mtshan nyid yongs su rdzogs pa yin pas/ sems can gyi
sdug bsngal ma bzod nas de dang bral bar 'dod pa'i snying rjes
kun nas bslang ba nges par dgos pa yin no/ /gsum pa la/ mtshan

nyid dang/ dbye ba dang/ smon 'jug gi khyad par ro/ /dang po ni/
gzhan gyi don du yang dag par rdzogs pa'i byang chub don gnyer
gyi 'dun pa dang/ mtshungs ldan gyi sems khyad par can no/ /'di
bskyed pa la gzhan don don gnyer dang/ byang chub don gnyer gyi

bsam pa sbyong ba'i tshul la sogs pa ni rje btsun blo bzang grags
pa'i dpal bzang po'i zhal snga nas mdzad pa'i mngon par rtogs
pa'i rgyan gyi rim pa las shes par bya'o/ /gnyis pa ni/ smon pa
dang 'jug pa'i sems so/ /gsum pa ni/ sgom rim las

'gro ba de dag la phan pa'i phyir sangs rgyas su gyur cig ces
gang thog mar don du gnyar ba de ni/ smon pa'i sems so/ /gang
phan chad sdom pa bzung ste tshogs rnams la zhugs pa de ni zhugs
pa'i sems so/ /zhes gsungs pa dang/ spyod 'jug las de

gnyis kyi dpe mdzad pa ni/ 'gro bar 'dod dang 'gro ba yi/ bye
brag ji ltar shes pa ltar/ de bzhin mkhas pas 'di gnyis kyi/
/bye brag rim bzhin shes par bya/ /zhes grong khyer der bgrod
par bya'o snyam pa gzhir byas pa la gom pa 'dor pa la sogs

pa'i lus kyi bya bas dngos su zin pa dang/ ma zin pa gnyis su
yod pa ltar sems bskyed kyi spyi'i mtshan nyid zhugs par khyad
par med pa la/ spyod pa nyams su len pa'i bya bas dngos su zin
pa dang/ ma zin pa gnyis su dbye ba ni lung snga ma'i yang don

@052a @#/ /yin la/ 'jug sdom blangs nas spyod pa la slob pa'i tshe
smon sems med par 'dod pa ni de dag gi don ma yin te/ de yang
'di ltar 'jug sdom bzung ba'i rjes su yang spyod pa la slob pa
la blo'i 'jug tshul gnyis yod de/ sems

bskyed kyis kun nas bslang ba tsam du ma zad gtong ba'i sems pa
spel ba'i rnam ba shar ba'i dus nyid na/ rnam mkhyen don gnyer
gyi dran 'dun du re dngos su yod pa ni spyod pa nyams len gyi
bya bas dngos su zin pa'i don yin la/ de lta bu med pa'i dus na

dngos su ma zin pa'o/ /des na smon sems ni tshogs lam nas bzung
stes thob nas kyang khas blangs pa la nyes pa med par mngon te/
sa thob nas stong pa nyid kyi don mngon sum du rtogs kyang/ des
dngos su ma zin pa'i sems bskyed skabs du mar 'byung

ba'i phyir ro/ /'jug sdom dang 'jug sems gnyis 'gal yang de
bskyed pa ni sdom pa bzung ba'i dbang kho na las shes par bya'o/
/'jug sems ni tshogs lam nas sangs rgyas kyi sa'i bar ro/ /'dir
bshad pa kun rdzob byang chub kyi sems kyi dbye ba yin

gyi/ don dam pa'i byang chub kyi sems kyi dbye ba ni min la/ de
gnyis kyi khyad par ni bla na med pa'i byang chub kyi don dam
pa'i gnas lugs tsam la sems pa min par kun rdzob pa'i sku la
yang sems pa ni snga ma yin la/ byang chub kyi don dam pa'i gnas
lugs

'ba' zhig la chu la chu bzhag gi tshul du sems pa ni phyi ma ste/
de ni mthong lam thob yan chad na yod kyi so so skye bo la med
do/ /bzhi pa ni/ gnas skabs ngan 'gro'i rgyu sngar bsags 'dag
cing phyi ma 'phro 'chad pa dang/ bde 'gro'i rgyu gsar du gsog
cing sngar

@052b bsags pa rnams zad pa'i mtha' med pa dang/ lha dang bcas
pa'i 'jig rten gyis phyag bya ba'i 'os su 'gyur ba dang/ mthar
bla na med pa'i byang chub thob pa sogs kyi phan yon no/ /gnyis
pa la dkyus ma mtshan nyid dmigs pa dang bcas pa bshad pa dang/

'phros don dbye ba bshad pa'o/ /dang po la/ mtshan nyid dang/ de
nges pa'i yan lag dmigs pa'o/ /dang po la/ spyi'i mtshams sbyar
ba dang/ rtsa ba dang/ 'grel ba'o/ /dang po ni/ sems bskyed pa
rang gi ngo bo de'i dmigs pa dang bcas pa/ gnyis pa ni/ 'dir

bstan theg pa chen po'i sems bskyed pa ni mtshon bya'o/ /sems can
gzhan sdug bsngal mtha' dag las grol ba'i don gyi phyir tu yang
dag par rdzogs pa'i byang chub 'dod pa dang mtshungs ldan gyi
sems khyad par can mtshan nyid do/ /'dir don dngos su theg chen
sems

bskyed bstan nas de la 'dod pa'i sgras bstan pa ni dgos pa khyad
par can gyi don du yin te/ ming 'di tsam gyis 'phangs pa'i gzhan
don 'dod pa dang/ byang chub 'dod pa gnyis kyi don 'dir shugs la
bstan te/ de yang gzhan don 'dod pa sems bskyed kyi rgyur

dgos pa dang/ byang chub 'dod pa grogs su dgos par shes pa'i
ched yin te 'chad par 'gyur ro/ /des na 'dod do/ /gang na bla na
med pa'i byang chub bo/ /gang gi ched du na/ gzhan gyi don du'o
zhes pas don du gnyer bya byang chub dang gzhan don gnyis byang
chub

sngon la 'byung yang de gnyis don gnyer gyi bsam pa ni ge rims
ldog ste bskyed dgos par shes par bya'o/ /gsum pa la/ tshig don
dang/ rtsod pa spang ba'o/ /dang po ni/ gzhan gyi don gyi phyir
tu thog mar rang nyid sangs rgyas su grub nas rigs can gsum

@053a @#/ /gyi bsgal ba ji lta ba bzhin du 'bad par bya'o snyam
du sems bskyed pa chos can/ gnyis su yod de/ gzhan gyi don du
yang dag par rdzogs pa'i byang chub 'dod pa'i mtshan nyid zhugs
pa'i smon pa sems bskyed dang/ 'jug pa'i ngo bo nyid

rnam pa gnyis so/ /gnyis pa la/ rtsod pa dang/ lan no/ /yang dag
par rdzogs pa'i byang chub 'dod pa'i don gnyer gyi 'dun pa chos
can/ ji ltar na sems bskyed pa yin par 'gyur te/ ma yin par
thal/ sems las byung ba yin pa'i

khyab ste/ byang chub 'dod pa ni de don du gnyer ba dge ba'i
chos la 'dun pa yul so sor nges pa nang tshan 'du byed kyi phung
pos bsdus pa yin la/ sems bskyed pa ni sems gang zhig yul khyad
par du 'phags pa don gnyis yul du snang ba can du

'byung ba ma yin nam ste yin pa'i phyir/ cen/ rtsod pa 'di'i don
la tshig 'ba' zhig la 'chel ba dag na re/ sems bskyed 'dod par
bzhag pa la 'dod pa sems bskyed ma yin par thal ba 'phen pa kho
na med pa'o/ /zhes zer ba ni rtsod pa po'i bsam pa la

yang 'dod pa sems bskyed kyi mtshan nyid du bzhag par rtsod pa
na/ mtshan nyid de gang la zhugs pa'i mtshan gzhi 'dod pa de/ sems
bskyed du khas len dgos snyam pa rtog pa dang ldan pa yin na/
'byung bas khas len med pa'i go skabs ga la yod/ slob

dpon khas len med pa'i rtsod pa bkod nas de'i lan 'debs pa
phangs nas bstan bcos rtsom pa ni ma yin no/ /thal ba de'i khyab
pa slob dpon gyis kyang zhal gyis bzhes pas lan gyi dngos la
gnod byed de nyid yin la/ des sems sems byung rdzas tha dad du

@053b bstan to zhes zer ba ni/ 'gal na rdzas tha dad kyi khyab
pa tshangs nges kyang bsgrub mi nus so/ /gnyis pa la/ gzhan don
'dod pa'i ming gis btags pa dang/ byang chub 'dod pa'i ming gis
btags pa'o/ /dang po ni/ sems byung yin na sems bskyed ma yin pa
bden

mod kyi 'on kyang sems bskyed kyi mtshan nyid ston pa'i skabs
'dir chos can/ sems bskyed la 'dod pa'i ming gis nye bar btags
pa la brten pa yin pas gzhi mthun khas blangs pa'i nyes pa med
do/ /chos gsum tshang bas btags pa'i phyir/ 'dogs pa'i

rgyu mtshan yod de/ rgyu'i ming gis 'bras bu la btags nas bstan
pa yin pa'i phyir/ gzhan don don gnyer gyi 'dun pa dang/ theg
chen sems bskyed rgyu 'bras su 'gyur te/ dge ba'i chos sems can
mtha' dag sdug bsngal dang bral ba la mdun pa'i mtshan nyid

kyi gzhan don don du gnyer ba yod na de'i rjes su nges par byang
chub kyi sems bskyed pas khyab la/ de sngon du ma song na/ 'di
bstan pa'i sems bskyed mtshan nyid rdzogs pa mi skye ba'i phyir/
gzhan don don gnyer gyi ming gis btags pa la dgos pa yod de/

de ltar gzhan don don du gnyer ba'i byang chub sems dpa'i rgyud
la spyod pa'i rten sems bskyed dang/ spyod pas bsdus pa'i dge
ba'i chos thams cad 'phel bar 'gyur ro zhes shes par bya ba'i
ched yin pa'i phyir/ dngos la gnod byed ni sngar bshad pa de
nyid do/ /skabs

'dir don gnyer gyi 'dun pa byang chub don gnyer la 'chad pa ni/
pha rol tu phyin pa'i lam gyi rim pa'i rnam gzhag cung zad tsam
yang mi shes shing/ 'dir gdags gzhi dang btags chos gtan la phab
pas ci byed pa ma shes pa yin no/ /des na 'dir cung

@054a @#/ /zad brjod na/ byang chub kyi mchog tu sems bskyed pa'i
snga rol tu stong pa nyid rtogs pa 'gro dgos pa ni/ gdul bya
gnyis kyi dbang po rnon po la yin gyi/ rtul po la nges pa med
la/ de la yang thog mar sems bskyed pa'i dus nyid

nas snying rje'i snying po can du 'gyur dgos pa yin no/ /des na
'dir bstan pa'i sems bskyed la nges par snying rje chen po sngon
du 'gro dgos par shes pa'i ched du gzhan don don gnyer gyi ming
gis btags pa yin la/ snying rje mtshan nyid rdzogs pa des drangs
pa'i

sems bskyed yod pa spyod pa la slob 'dod ngang gis 'byung la/ de
yod na rnam mkhyen gyi rgyu'i dge ba'i chos thams cad 'phel par
'gyur zhing/ de ltar shes pa'i ched du yang btags pa yin no/
/chos gcig lag mthil du mchis na chos thams cad lag

mthil du mchis par 'gyur ro/ /gcig po gang zhe na snying rje'o/
/zhes gsungs pa ltar/ theg pa chen po'i lam la 'jug par 'dod pa
rnams kyis thog mtha' bar gsum du gal che bas thog mar snying
rje bsgom par bya zhing/ de ma nyams par mtshan nyid

rdzogs pa gong nas gong du 'phel ba yod na/ sems bskyed dang
spyod pa yongs su rdzogs par 'gyur ro/ /zhes theg pa chen po'i
lam gyi go rims la mkhas par shes pa'i ched du 'dir theg chen
sems bskyed la gzhan don don gnyer gyi 'dun pa'i

ming gis btags par shes par gyis shig /'di la brten nas brjod
par bya ba mang ste ma spros so/ /gnyis pa ni/ don gnyer gyi
'dun pa gnyis kyi rnam pa gcig tu byang chub don gnyer gyi 'dun
pa'i dbang du byas na yang 'dun pa'i ming gis btags

@054b pa yin pas gzhi mthun khas blangs pa'i nyes pa med do/
/'bras bu la re ba 'cha' ba'i smon lam ni don du gnyer ba ste de
yang 'dir yang dag par rdzogs pa'i byang chub 'dod pa nyid yin
la sems bskyed pa chos can/ byang chub don gnyer gyi 'dun pa'i
sing gis

'dogs pa'i rgyu mtshan yod do/ /de dang mtshungs pa lngas lhan cig
spyod pa'i phyir/ de'i sgrar bstan pa ni dgos pa dang bcas te/
de ltar na byang chub sems dpa' rnams la smon lam bshad pa de
dang ldan pa'i sems de skye'o zhes bya bar shes par bya ba'i
phyir

tu yin pa'i phyir theg pa chen po'i 'jug sgo theg pa chen po'i
sems bskyed du shes pa'i ched du yin te/ tshig mangs su dogs pas
ma spros so/ /dngos la gnod byed ni sngar ltar ro/ /gnyis pa la/
dri ba dang/ lan no/ /dang po ni/ mtshan nyid la 'phros

pa'i dri bar ma zad/ yang 'bras bu gang 'dod pa'i bdag nyid yang
dag par rdzogs pa'i byang chub de ni gang yin/ gang gi don du
sems bskyed pa/ gzhan gyi don ni gang yin zhe na/ gnyis pa la/
rtsa ba dang/ 'grel pa'o/ /dang po ni/ dmigs yul byang

chub de dang gzhan don de ni chos can/ rgyas 'bring bsdus pa
gsum ga las bsdus pa dang/ rgyas pa'i sgo nas brjod par shes par
bya ste/ mdo bar ma las bstan pa bzhin du gzhan gnyis las kyang
don tshang bar bstan pa'i phyir/ slob dpon gyi dgongs pa

de kho na na bzhin du gnas te/ 'di'i thad kyi 'grel chen du/
'phags pa stong phrag nyi shu lnga pa'i mdo ji lta ba bzhin du
brjod par bya'o/ /zhes bshad pa dang/ dbye ba ston pa'i skabs su
yang/ gang gi phyir mdo sde rin po che 'di ni/ shes rab kyi pha
rol tu phyin

@055a @#/ /pa stong phrag nyi shu lnga pa'i don nye bar bsdu ba
la 'jug pa yin no zhes sngar bshad pa kho na'o/ /de skad du yang
slob dpon phyogs kyi gang pos/ de ltar ji skad bshad rnams kyi/
/brgyad stong 'dir don ma tshad med/ /

'dir gzhung bsdus pa yin 'dod de/ /don ni ji skad gsungs de
nyid/ /ces bshad pas mdo bzhin du zhes pa stong phra nyi shu
lnga pa la nges par bshad dgos pa'i phyir dang/ 'grel bar mdo'i
don dang mi 'gal bar zhes 'byung ba 'di'i tshig 'grel

yin pa'i phyir/ slob dpon gyi lugs 'chad par 'dod na/ sdong po
bkod pa sogs dang mi 'gal bar zhes 'chad pa rnams pa thams cad
du mi bya'o/ /gnyis pa la/ dmigs yul gnyis bshad pa dang/ de
nyid grub zin par bstan pa dang/ khungs

gzhan mi 'dren pa'i rgyun mtshan no/ /dang po ni/ theg chen sems
bskyed kyi dmigs yul yum bar ma bzhin du rgyas bsdus gnyis las
kyang bstan pas rgyal ba'i yum rnam pa gsum char las kyang bsdus
pa dang rgyas pa'i sgo nas sems

bskyed kyi dmigs yul yang dag par rdzogs pa'i byang chub dang
gzhan gyi don bstan te/ rgyas bsdus gnyis las kyang stong phrag
nyi shu lnga pa'i mdo'i don dang mi 'gal bar te mthun par da'i
don ji lta ba bzhin du ma tshang ba med par

bstan pa'i phyir/ rgyas bsdus gnyis na de ji lta ba bzhin du
ston byed kyi dag med pa ma yin te/ yum par ma las byang chub
mdor bstan dang rgyas bshad bstan pa'i don brjod byar byas nas
shes par byed pa'i don can gyi ngag dang/ yum bar

@055b ma las bstan pa'i gzhan don mdor bstan rgyas bshad kyi don
rab tu ston pa lhur len pa'i yum rgyas pa'i ngag dang/ brgyad
stong pa las/ rab 'byor byang chub sems dpa' sems dpa' chen po
shes rab kyi pha rol tu phyin pa las brtsams te spebs par

byos shig /ces pa'i ngag gis bstan pa'i phyir/ rgyal ba'i yum
rnam pa gsum char las kyang/ yum gsum char dang mi 'gal bar
bstan ces par 'gyur ro/ /zhes zer ba ni ltag chod du shes par
bya'o/ /yum bar ma'i don ji lta bu ston pa lhur len pa

yin zhe na/ shA ri'i bu 'di la byang chub sems dpa' sems dpa'
chen po chos thams cad rnams pa thams cad du mngon par rdzogs
par 'tshang rgya bar 'dod pas shes rab kyi pha rol tu phyin pa la
brtson par bya'o/ /zhes pa'i byang chub mdor bstan gyi don dang/

shA ri'i bu 'di la zhes pa nas sbyin pa la sogs pa phar phyin
drug po thams cad la sbyin par bya ba dang/ sbyin pa po dang/
len pa po la sogs pa mi dmigs par bsgrub par bya'o zhes pa'i
byang chub rgyas bshad gyi don gzhan gnyis las bstan pa'o/ /yum
bar

ma'i tshig sna bsdus pa la bshad du rung tsam snang yang/ don gyi
sna bsdus pa la 'grig go/ /chos kun mngon par rdzogs par byang
chub pa ni byang chub kyi ngo bo yin la/ de'i thabs spyir sher
phyin la slob par gsungs pa ni/ thabs kyi sgo nas mdor bstan pa
dang/

phar phyin drug ga la stong nyid rtogs pa'i shes rab kyis zin
pa'i sgo nas bslab par gsungs pa ni/ thabs kyi sgo nas rgyas par
bshad pa'o/ /yang byang chub sems dpa' sems dpa' chen po phyogs
bcu re re zhing gang gA'i klung gi bye ma snyed kyi 'jig rten
gyi khams na

@056a @#/ /sems can gang zhig yod pa de dag thams cad phung po
lhag ma med pa'i mya ngan las 'das pa'i dbyings su yongs su mya
ngan las 'da' bar 'dod pas/ shes rab kyi pha rol tu phyin pa la
bslab par bya'o/ /zhes pa'i gzhung bar

ma'i mdos gzhan don thabs kyi sgo nas mdor bstan la/ de'i don
bsdus pa ni/ sems can thams cad rigs can gsum gyi skal pa ji lta
ba bzhin du mya ngan las 'das pa 'dod pas shes rab kyi zhes
dang/ yang byang chub sems dpa' sems can

ser sna can rnams ni sbyin pa la zhes sogs kyis/ gzhan don thabs
kyi sgo nas rgyas par bshad la/ de'i don bsdus pa ni/ ser sna
can la sogs pa rnams sbyin pa la sogs pa la dgod par 'dod pas
shes rab kyi pha rol tu phyin pa 'di nyid la bsgrub par

bya'o; ;zhes bya ba la sogs pa'o/ /kha cig lhur len pa'i ngag
bstan bcos la byas nas/ des bsdus pa dang rgyas par bstan ces
'chad pa ni 'brel med kyi tshig ste/ yum gsum char las kyang/
bstan bcos las rgyas bsdus su bstan ces par 'gyur

ba'i phyir dang/ gzhan don dang byang chub rgyas bshad rab
dbye'i skabs la 'chad pa ni/ der bshad mod kyang skabs 'di'i don
ni ma yin la/ yang bsdus pa mtshan nyid ston pa'i rtsa tshig dang/
rgyas pa rab dbye'i rtsa tshig la 'chad pa ni/ kha gang tshugs
tshugs

kyi bshad par gsal lo/ /gzhan don ni 'dir gzhan rgyud kyi myang
'das yin la/ de thabs rgyas bsdus kyi sgo nas bstan to/ /gnyis
pa ni/ dmigs yul gnyis gong du bsgrubs pa de ltar na sems bskyed
pa ni gzhan gyi don gyi phyir yang dag par

@056b rdzogs pa'i byang chub 'dod pa'i bdag nyid yin par shes
par bya'o/ /gsum pa ni/ gtsug lag gi gzhung gsungs rab las skabs
kyi don sems bskyed kyi dmigs yul ston pa lhur len pa yum gsum
po thams cad las kyang gsungs mod kyi/ 'grel

pa 'dir khungs nyid du dngos su ma bris so/ /mdor bsdus pa tsam
zhig 'chad par 'dod la/ tshig mangs su dogs nas ma bris pa'i
phyir/ gnyis pa la/ mtshams sbyar ba dang/ rtsa ba dang/ 'grel
pa'o/ /dang po ni/ de ltar zhes te/ lus rnam gzhag

gi dkyus kyi don ma yin par 'phros don tshigs bcad du sdebs pas
bar skabs kyi tshigs su bcad pa gnyis pa ni/ de yang zhes sogs
kyis sems bskyed nyer gnyis bshad de/ nyer gnyis dpes mtshon par
bya ba'i don dang/ dpe don chos mthun gyi sgo nas

don gyis bstan pa'i phyir/ gsum pa la/ dpe nyer gnyis kyis don
nyer gnyis mtshon pa'i tshul dang/ sa mtshams so/ /dang po la/
rgyas par bshad pa dang/ don bsdu ba'o/ /dang po ni/ zhes bya ba
dag gis sems bskyed nyer gnyis bshad de/ 'di

ltar 'dun pa dang mtshungs par ldan pa'i sems bskyed ni chos can/
sa lta bu ste lam thams cad 'dren pas chos dkar po thams cad kyi
gzhi'i dngos po yin pa'i phyir/ bsam pa dang ldan pa ni/ gser
bzang po lta bu ste byang chub kyi bar du bsam pa nyams

par mi 'gyur ba'i phyir/ 'di gnyis kyi mdo byang chub mdor bstan
rgyas bshad bzhin no/ /lhag pa'i bsam pa dang ldan pa ni zla ba
tshe pa lta bu ste/ dran pa nyer gzhag sogs dge ba'i chos mtha'
dag mi nyams par rnam par 'phel bar 'gyur ba'i

@057a @#/ /phyir/ mdo las/ shA ri'i bu byang chen gyis yum la
gnas te byang phyogs sa bdun yongs su rdzogs par bya'o/ /zhes
so/ /mkhyen gsum rjes mthun bsgom pa'i sbyor ba dang ldan pa ni
me lta bu ste/ thams cad mkhyen pa

nyid gsum gyi sgrib pa'i bud shing mngon gyur bsreg pa'i phyir/
mdo las thams cad shes pa nyid la shes pa dang mthong bas rnam
par bltas nas 'da' bar 'dod pas/ zhes so/ /sbyin pa dang ldan pa
ni gter chen po dang 'dra ste/ longs spyod kyis

sems can thams cad tshim par byad pa'i phyir/ mdo las/ sems can
ser sna can sbyin pa la 'god par 'dod pas/ zhes sogs so/ /tshul
khrims dang ldan pa ni rin po che'i 'byung khungs kyi gnas dang
'dra ste/ yon tan rin po che'i rten gyi dngos

po byed pa'i phyir/ mdo las tshul khrims 'chal ba zhes sogs so/
/bzod pa dang ldan pa ni rgya mtsho chen po dang 'dra ste/ gnod
pa dang sdug bsngal gyi mi 'dod pa thams cad thog tu bab pas mi
'khrugs pa'i phyir/ mdo las gnod sems can sogs

so; ;brtson 'grus dang ldan pa ni rdo rje dang 'dra ste/ lam la
yid ches pa brtan pas theg pa chen po las mi skyed pa'i phyir/
mdo las le lo can sogs so/ /bsam gtan dang ldan pa ni ri'i rgyal
po dang 'dra ste/ ting nge 'dzin brtan pas dmigs

pa'i rnam par g.yeng bas mi bskyod pa'i phyir/ mdo las sems
rnam par g.yengs ba sogs so/ /shes rab kyi pha rol tu phyin pa
dang ldan pa ni sman dang 'dra ste/ nyon mongs pa dang shes
bya'i sgrib pa'i nad rab tu zhi bar byed pa'i phyir/ mdo

@057b las/ shes rab 'chal ba sogs so/ /thabs la mkhas pa dang
wan pa ni dge ba'i bshes gnyen dang 'dra ste/ sems can mi 'dor
ba'i thabs chad med bzhis gnas skabs thams cad du sems can gyi
don yongs su mi gtong ba'i phyir/ mdo las/

dge ba'i sems bskyed pa gcig tsam yang thabs mkhas pas sogs so/
/smon lam dang ldan pa ni/ yid bzhin gyi nor bu dang 'dra ste/
'bras bu la dbang bsgyur ba'i thabs mngon shes lngas ji ltar
smon pa'i 'bras bu 'grub pa'i phyir/ mdo las/ byang

chub sangs rgyas kyi sku sgrub pa dang zhes sogs so/ /stobs dang
ldan pa ni nyi ma dang 'dra ste/ bsdu ba'i dngos po bzhis gdul
bya yongs su smin par byed pa'i phyir/ mdo las/ byang chen gyi
zas skom gos la sogs pas sems can gyi yid la bsam

pa yongs su rdzogs par bya ba sogs so/ /ye shes kyi pha rol tu
phyin pa dang ldan pa ni chos kyi sgra dbyangs snyan pa dang
'dra ste/ rnam grol thob pa'i thabs so so yang dag par rig pa
bzhis gdul bya 'dun par byed pa'i chos ston pa'i phyir/ mdo las

byang chen stong nyid nyi shu la slob pa zhes sogs so/ /mngon
par shes pa dang ldan pa ni rgyal po chen po dang 'dra ste/
rtogs pa thob zin chud mi za ba'i mthu thogs pa med pas gzhan
gyi don sgrub pa'i phyir/ mdo las byang chen sems bskyed pa gcig
gis

phyogs bcu'i 'jig rten thams cad 'da' ba sogs so/ /bsod nams
dang ye shes dang ldan pa ni bang mdzod dang 'dra ste/ bla na
med pa'i byang chub kyi nya bar ston pa bsod nams dang ye shes
kyi tshogs mang po'i mdzod lta bu yin pa'i phyir/ mdo las

@058a @#/ /byang chen phyogs bcu'i de bzhin gshegs pa nyan thos
dang byang sems kyi dge 'dun dang bcas pa zhes sogs so/ /byang
chub kyi phyogs dang mthun pa'i chos so bdun dang ldan pa ni/
lam po che dang 'dra ste/ dus gsum

gyi 'phags pa thams cad lam de nas gshegs shing rjes su gshegs
pa'i phyir/ mdo las byang chen dus gsum gyis sangs rgyas thams
cad kyi yon tan thob par 'dod pa sogs so/ /snying rje dang lhag
mthong dang ldan pa ni bzhon pa dang

'dra ste/ 'khor ba dang mya ngan las 'das pa gang du yang mi
ltung bas bde blag tu 'gro ba'i phyir/ mdo las byang chen nyan
rang thams cad kyi sngon du 'gro ba zhes sogs so/ /gzungs dang
spobs pa dang ldan pa ni chu 'byin cing mi zad pa bkod ma'i chu

dang 'dra ste/ sngar thos pa dang ma thos pa'i chas 'dzin pas mi
zad pa'i phyir/ mdo las/ phyogs bcu'i sangs rgyas thams cad kyis
gsungs pa dang gsung pa dang gsung par 'gyur ba zhes sogs so/
/gzungs kyis 'dzin par byed/ spobs pas

zad mi shes par byed pa'o/ /chos kyi sdom bzhi'i dga' ston dang
ldan pa ni/ sgra snyan pa dang 'dra ste/ thar pa 'dod pa'i gdul
bya la 'khor ba las grol bar byed pa'i snyan pa sgrogs pa'i
phyir/ mdo las/ phyogs bcu re re zhing 'jig rten gyi bar mun pa

mun gnag tu gyur pa lus kyi 'od kyis snang bar byas nas/ der
skyes pa'i sems can la dkon mchog gsum gyi sgra thos par bya ba/
zhes sogs so/ /bgrod pa gcig pa'i lam dang ldan pa ni chu bo'i
rgyun dang 'dra ste/ gdul bya kun thun mong du

@058b 'dus ba'i nus pa thob pas gzhan gyi don bya ba tha mi dad
pa'i phyir/ mdo las/ phyogs bcu re rer mtha' yas pa'i 'jig rten
gyi khams na sems can long ba dang 'on pa dang smyon pa dang/
gcer bu dang/ bkres pa dang skom pa la sogs pa zhes

sogs so/ /mdzad pa bcu gnyis sprul nas sems can gyi don byed
pa'i chos kyi sku dang mtshungs par ldan pa'i sems bskyed pa ni
chos can/ sprin lta bu ste/ dga' ldan gyi gnas na bzhugs pa
dang/ de nas 'phros nas yum gyi lhums su 'jug

pa la sogs pa mdzad pa bcu gnyis dus kun tu ston par rung ba
nyid kyis so/ /mdo las/ shA ri'i bu gzhan yang byang chen de
bzhin gshegs pa'i spyod lam ston pa zhes sogs so/ /gnyis pa ni/
de yang sa gser zla ba me zhes bya ba la sogs pa'i

dpes sems bskyed pa nyi shu rtsa gnyis bshad pa yin na/ /sngar
bshad pa ltar dpes mtshon par bya ba'i don dang/ chos mthun gyi
sgo nas 'phangs pa de ltar na'i phyir/ gnyis pa la/ sa mtshams so
sor bshad pa dang/ lam kun bsdus par bstan pa'o/ /

dang po ni/ de la sems bskyed pa dang po gsum ni las dang po
pa'i sas bsdus so/ /tshogs lam chung ngu dang 'bring dang chen po
nyid kyis rim pa bzhin du bsdus pa'i phyir/ de'i 'og tu sbyor ba
dang ldan pa gcig ni sa dang po la 'jug pa'i lam

gyis bsdus so/ /theg chen sbyor lam gyis bsdus pa'i phyir/ de'i
'og tu bcu ni chos can/ rab tu dga' ba la sogs pa sa bcus bsdus
te rim pa bzhin du/ sa bcu'i ngo bor gyur pa'i mthong ba dang
sgom pa'i lam gyi spyod yul can yin pa'i

@059a @#/ /phyir; de'i 'og tu mngon shes drug dang ldan pa sogs
lnga ni khyad par gyi lam gyis bsdus so/ /dag pa sa gsum gyi
bsdus pa'i phyir/ de'i 'og tu sems bskyed pa tham gsum ni/ sangs
rgyas kyi sas bsdus

te sangs rgyas kyi sa'i sbyor ba dang dngos dang mjug gi sgo nas
rim pa bzhin du bsdus pa'i phyir/ gnyis pa ni/ sems bskyed pa'i
rab tu dbye ba ni/ las dang po pa'i sa nas bzung ste/ sangs
rgyas kyi sa'i bar gyis bsdus pa

yin no/ /tshul? de gong du bshad pa de ltar na'i phyir/ gnyis pa
la/ dngos dang/ gdams ngag gi don bsgoms pas stong nyid la dmigs
pa'i sgom byung skyes pa'i thog ma bshad pa'o/ /dang po la/
mtshams sbyar ba dang/ don bshad pa'o/ /dang po

ni; sems bskyed kyi dbye ba dkyus ma'i 'phros don yin pas mtshan
nyid dang dmigs pa ston pa'i zhar la brjod nas de'i rjes su
gdams ngag ste/ nod pa po ni de ltar byang chub kyi sems dang po
la sogs pa gsum bskyed pa'i byang chub sems dpa'

ni chos can/ mchog gi sprul pa'i skus theg chen gyi gdams ngag
'doms pa ni dgos pa dang bcas te/ sngar ma thob pa'i byang chub
kyi sems bskyed pa dang des 'phangs pa'i chos sbyor ba phun
tshogs kyis bsdus pa'i zhi lhag sogs 'grub par bya

ba'i phyir dang/ sngar yon tan thob pa mi nyams par yongs su
bsrung ba'i don gyi ched dus mngon par 'phel bar bya ba'i phyir
tu yin pa'i phyir/ tshogs lam chen po nas chos rgyun gyi ting nge
'dzin thob pas mchog gi sprul pa'i sku las dngos

@059b su gdams ngag nyan nus pas khyab pa'i dbang du byas kyi/
spyir ni lam du ma zhugs pas kyang de las theg chen gyi gdams
ngag dngos su nyan nus na/ tshogs lam chung ngu nas yod pa smos
mi dgos pa'i phyir ro/ /nod pa po'i khyad par ni/ gdams ngag
nyan pa'i

dus ji lta ba bzhin du don du gnyer bar byed pa'i sems dpa'i/
/gdams ngag nyan pa'i rgyu chos rgyun gyi ting nge 'dzin ni/ lam
'og ma rnams kyis sangs rgyas dngos su mthong ba dang/ de las
chos thos pa'i sgrib byed rags pa phal cher sbyangs nas/ mchog
gi sprul

pa'i sku las gdams ngag dngos su nyan pa'i nus pa khyad par can
skyes pa'i zhi gnas dang lhag mthong zung 'brel gyi ting nge
'dzin to/ /de'i rgyur bskal pa du mar tshogs bsags pa dang/ lta
ba dang tshul khrims rnam par dag pa dang/ rigs dang ldan pa
dang/ thos pa

mang ba dang/ rigs kyi nyes dmigs bzhi phal cher spangs pa'o/
/gnyis pa la/ spyi'i dbye ba dang/ dge 'dun dkon mchog bye brag
tu bshad pa'o/ /dang po la/ rtsa ba dang/ 'grel pa dang/ don
bsdu pa'o/ /dang po ni/ theg pa chen po'i gdams ngag ni chos can

bcu'i bdag nyid du shes par bya ste/ bsgrub pa rang gi ngo bo
nas sgom lam la gdams pa'i bar rnams yod pa'i phyir ro/ /sgrub
pa'i rten dang brten pa gnyis las snga ma sangs rgyas la sogs
dkon mchog gsum la gdams pa dang/ phyi ma la/ khyad gzhi

dang; khyad chos so/ /dang po la rnam pa dang/ dmigs pa la gdams
pa ni/ sgrub dang bden pa rnams la gdams pa'o/ /khyad par gyi
chos la mi mthun phyogs sel bar gdams pa dang/ yon tan sgrub par
gdams pa'o/ /mngon gyur sel ba la/ bsgrub

@060a @#/ /pa brtan pa dang/ 'phel ba dang/ mi nyams pa'i rgyu la
gdams pa ma zhen pa dang / yongs su mi dal ba dang/ theg chen
gyi lam ni yongs su 'dzin pa la gdams pa'o/ /bsgrub pa la rang
dbang du 'jug pa dang/ 'bras bu myur du rdzogs

pa'i rgyul gdams pa spyan lnga dang ni mngon shes kyi yon tan
drug la gdams pa'o/ /spang bya'i sa bon sel ba mthong lam dang
sgom lam la gdams pa'o/ /gnyis pa la/ brten pa bsgrub pa la
gdams pa dang/ sgrub pa'i rten la gdams pa dang/ sgrub

pa'i khyad par gyi chos la gdams pa'o/ /dang po la/ bsgrub pa
rang gi ngo bo la gdams pa dang/ de'i dmigs pa la gdams pa'o/
/dang po ni/ bsgrub pa la 'doms pa'o/ /gang sgrub na/ bsam pa
byang chub kyi sems kyi rab tu dbye ba dang/ des 'phangs

pa'i sbyor ba sbyin pa la sogs pa sngar ji skad bshad pa bsgrub
pa la 'doms so/ /tshul ji ltar sgrub na/ sgrub pa po rten gyi
gang zag dang/ nyams su blang bya dang/ 'bras bu la sogs pa
rnams ji ltar bshad pa bzhi du tshad mas grub nas nyams su len

pa kun rdzob bden pa la brten pa'i lam gyi rim pa dang/ de thams
cad bden stong du rtogs nas nyams su len pa don dam pa'i bden pa
la brten pa'i lam gyi rim pa las mi 'da' bas dang/ nyan thos la
sogs pa dang thun mong ma yin pa sems can

thams cad mya ngan las 'da' ba dang/ chos kyi sku mngon par
'grub pa'i ched du yum la spyod pa'i chos bzhi mi dmigs pa'i
tshul gyis 'jug par bya'o zhes slob pa'i tshul gyis 'doms pa'i
phyir ro/ /kun rdzob rdzun pa sgyu ma lta bur rtogs pa'i

@060b tshul las mi 'da' ba'i don bshad na sngar ltar shes par
bya'o/ /shA ri'i bu 'di la byang chub sems dpa' sems dpa' chen
po shes rab kyi pha rol tu phyin pa la spyod pa'i tshe/ byang
chub sems dpa' nyid yod bzhin du byang chub sems dpa' yang dag
par

rjes su mi mthong zhes sogs kyis bsgrub pa rang gi ngo bo la
gdams pa bstan te/ sems bskyed dang de'i skabs su bstan pa'i
chos rnams la/ bden pa gnyis la brten pa'i lam gyi rim pa las mi
'da' bar bsgrub par bya bar gdams pa'i phyir/

shA ri'i bu gal te 'dzam bu gling 'di/ dge slong shA ri'i bu
dang zhes sogs kyis bsgrub pa rang gi ngo bo'i thun mong ma yin
pa la gdams pa bstan te/ rang nyid 'ba' zhig gi don du theg pa
dman pa yid la mi bya bar gdams pa'i phyir ro/ /'dir bden

pa gnyis la/ mtshan nyid dang/ ming don dang/ mtshan gzhi'i dbye
ba dang/ gcig dang tha dad brtag pa'o/ /dang po la/ don dam bden
pa'i mtshan nyid ni/ rang nyid dngos su rtogs pa'i mngon sum ched
ma des/ gnyis snang nub pa'i tshul gyis rtogs par

bya ba gang zhig /sgrub pa'i rnam par rtogs bya ma yin pa'o/
/kun rdzob bden pa'i mtshan nyid/ rang nyid dngos su rtogs pa'i
tshad ma des/ gnyis snang dang bcas pa'i sgo nas rtogs par bya
ba'i rigs su gnas pa'o/ /gnyis pa ni/ yul can dam

pa ma 'khrul pa 'phags pa'i mnyam gzhag gi gzigs ngor gnas pas/
don dam pa bden pa dang/ yul can phyin ci log blo tha snyad pa'i
bsam pa'i ngor bden gyi/ gnas tshod la rdzun pas kun rdzob pa'i
gbden pa zhes dang/ yang blo kun rdzob

@061a @#/ /pa de kho na nyid dngos su mthong ba la sgrib pa 'di
dbang shes la sogs pa'i ngor gnas pas kyang blo kun rdzob pa
dang/ de'i ngor bden pa'i sgra bshad pa'o/ /gsum pa ni/ don dam
bden pa la brjod tshul mi 'dra ba tsam ma gtogs

ngo bos byas pa'i dbye ba med la/ don dam la ni rnam grangs pa'i
don dam rigs shes rjes dpag dang/ rnam grangs ma yin pa'i don
dam/ don dam gzigs pa'i 'phags pa'i mnyam gzhag go /kun rdzob
bden pa la dbye na/ yang log gnyis

su shes par bya'o/ /bzhi pa ni/ bden gnyis gcig yin na/ dgongs
'grel las gsungs pa'i nyes pa bzhir 'gyur la/ ngo bo tha dad yin
na yang de las gsungs pa'i nyes pa bzhir 'gyur bas/ ngo bo gcig
la ldog pa tha dad pa'o/ /'di'i thad

kyi slob dpon 'phags pa'i 'grel par bshad pa gzhan rnams ni go
bar zad la/ sa brgyad pa la ni de'i dgongs pa can gyi mya ngan
las 'das pa bkag pas zhes pa'i don cung zad bshad na/ sems
bskyed kyi thad du thams cad shes pa nyid la

mthong bas bltas nas 'da' ba zhes bshad pa dang/ gzhon nu'i sa
las 'da' bar 'dod pas zhes gsungs pas/ mthong nas 'da' ba dang/
gnas nas 'da' ba gnyis las/ dang po ni/ byang chub sems dpas
nyan rang gis la mthong lam gyi skabs

su shes mthong gis bltas nas de las 'da' bar byed pa de yin la/
gnyis pa ni/ phyir mi ldog pa'i sa brgyad pa ste/ de las 'da'
ba'i don ni/ sa brgyad par brtag pa mtha' bzung gi tshul gyis
sangs rgyas rnams kyis ma bskul na/ de ma thag tu

@061b 'gro ba'i don rgyun bcad nas/ zag pa med pa'i dbyings su
snyoms par 'jug par 'gyur bas/ sangs rgyas rnams kyis bskul bas/
sa brgyad pa la rgyun chags su snyoms par 'jug kyang/ mngon du
byed pa las 'da' ba'i don to/ /gnyis pa la/ spyi'i

don dang/ yan lag gi don to/ /dang po la/ bden pa bzhi'i grangs
nges pa dang/ go rims nges pa dang/ mtshan gzhi dang/ de nyid
nges byed kyi tshang ma'o/ /dang po ni/ thar pa don gnyer rnams
kyis gtan la dbab bya'i gtso bo ni/ 'khor ba dang mya ngan

las 'das pas bsdus pa'i phyogs gnyis su nges la/ 'khor ba la
yang rgyu 'ching byed kun 'byung bden pa dang/ 'bras bu bcings
pa sdug bsngal gyi bden pa gnyis su nges so/ /rnam byang la yang
'khor ba las grol bar byed pa'i thabs/ rgyu lam gyi bden

pa dang/ grol ba 'bras bu'i ngo bo 'gog pa'i bden pa gnyis su
nges pas 'khor ba 'jug ldog gi rgyu 'bras bzhir nges so/ /gnyis
pa ni/ don gyi rim pa'i dbang du byas na/ kun 'byung dang/ lam
gyi bden pa dang por bstan par bya ba yin la/ sdug bsngal

dang 'gog pa phyis bstan par bya ba yin no/ /'dir ni yul can
mngon par rtogs pa'i rim pa dang mthun par go rims gzhan du
bstan par bya ste/ 'di ltar/ sdug bsngal gyi bden pa dang/ kun
'byung dang/ 'gog pa dang/ lam ste/ thog mar 'khor ba spyi

dang bye brag gi nyes dmigs legs par bsams pa'i sgo nas de las
'bral 'dod kyi blo bskyed par byed dgos te/ de sngon du ma song
na de'i rgyu la spong 'dod skye ba mi srid pa'i phyir ro/ /sdug
bsngal la 'bral 'dod skyes pa na 'di dang 'bral bar byed nus

@062a @#/ /sam mi nus/ 'di la rgyu yod dam med/ rgyu de yang rtag
gam mi rtag snyam du kun 'byung la rtog par byed de/ sdug bsngal
rang gi ngo bo tsher ma 'don pa bzhin du spong mi nus par mthong
ba'i phyir ro/ /de ltar brtags pa na/ las dang nyon

mongs pa gnyis de'i rgyur khong du chud nas de la spong 'dod kyi
blo skye bas kun 'byung dus gnyis par bstan to/ /kun 'byung
spong nus su mthong ba na/ sdug bsngal 'gog nus su mthong bar
'gyur la/ de nas sdug bsngal 'gags pa'i 'gog pa mngon du bya

dus su mthong bas 'gog pa dus gsum par bstan to/ /de sngon du
byed pa yang lam bsten cing goms par byas pa la rag las par
mthong bas/ lam gyi bden pa dus bzhi par bstan to/ /gal te dus
dang po sdug bsngal 'gog nus su mthong na/

sdug bsngal 'gags pa sngon du bya nus su mthong bas khyab pas
'gog pa dus gnyis par bstan rigs la/ yang kun 'byung spong nus
su mthong nas/ sdug bsngal 'gog nus su mthong dgos pas/ kun
'byung sdug bsngal gyi sngar bstan par rigs so/ /kun

'byung spong nus su mthong ba bdag med par rtogs pa la rag las
pas/ thog mar de nyid bstan par bya ba yin pas ji skad bshad
pa'i bden bzhi'i go rim ma nges so/ /zhe na/ bshad par bya ste/
spyir bya ba gang le yang de la 'jug pa la phan

yon mthong zhing/ de la ldog pa la nyes dmigs mthong ba la rag
las pas/ 'khor ba spyi dang bye brag gi nyes dmigs bsams pas
'khor ba la me'i dong lta bur mthong nas de dang 'bral 'dod kyi
blo tsam zhig dang por bskyed pa yin gyi 'bral nus

@062b su go ba min no/ /de nas dus gnyis par kun 'byung spong
nus su chad mas mthong ba yin la/ de mthong ba na 'gog pa mngon
du bya nus su mthong bas/ kun 'byung dus gnyis pa dang 'gog pa
dus gsum par bstan rigs so/ /lam tha mar bstan par bya ba

ni sngar ltar ro/ /des na rnal 'byor pa'i rgyud la bden pa bzhi
la dmigs pa'i mthong lam skye ba na yang/ go rims de dag dang
mthun par skye ba yin no/ /gsum pa ni/ da ltar mkhal ma'i zug
zer la sogs pa'i tshor ba ni sdug bsngal gyi sdug bsngal dang/

zas yid du 'ong ba la lhag par sred nas ro myong ba'i tshor ba
sogs 'gyur ba'i sdug bsngal dang/ las nyon gyis lag rjes bzhag
pa'i zag bcas kyi phung po gang yin thams cad 'du byed kyi sdug
bsngal te/ de dag thams cad sdug bsngal gyi bden pa'o/ /zag

pa dang bcas pa'i las dang/ nyon mongs thams cad kun 'byung gi
bden pa yin la/ sdug bsngal 'gags pa'i bral ba ni 'gog pa'i bden
pa dang/ bdag med mngon sum du rtogs pa'i shes rab lam gyi bden
pa'o/ /bzhi pa la/ log rtogs bcu drug ngos

bzung ba dang/ de dang 'gal ba bden pa'i rnam pa bcu drug ngos
bzung ba'o/ /dang po ni/ sdug bsngal la log par zhugs pa gtsang
ba dang/ bde ba dang/ rtag pa dang/ bdag tu 'dzin pa bzhi dang/
kun 'byung la log par zhugs pa/ sdug bsngal rgyu med du

'dzin pa dang/ mi mthun pa rgyur 'dzin pa gnyis/ phyi ma la'ang/
rgyu gcig kho nas byas par 'dzin pa dang/ dbang phyug la sogs pa
gzhan gyis blo sngon du btang nas byas par 'dzin pa dang/ rang
bzhin rtag la gnas skabs 'gyur bar 'dzin pa'o/ /

@063a @#/ /'gog pa la log zhugs ni/ thar pa ye med du 'dzin pa
dang/ zag bcas kyi khyad par 'ga' zhig thar par 'dzin pa dang/
sdug bsngal gyi khyad par 'ga' zhig gya nom pa'i thar par 'dzin
pa dang/ sdug bsngal zad pa

yod kyang/ yang ldog par 'dzin pa'o/ /lam la log zhugs ni/ thar
lam ye med du 'dzin pa dang/ bdag med goms pa lam du mi rigs par
'dzin pa dang/ bsam gtan gyi khyad par 'ga' zhig tsam thar lam
du 'dzin pa dang/ sdug

bsngal ldog pa'i chos can du byed pa'i lam med par 'dzin pa'o/
/gnyis pa ni/ sdug bsngal gyi sdug bsngal chos can/ mi rtag pa
yin te/ res 'ga' skye ba'i phyir dang/ sdug bsngal ba yin te/
las nyon gyi gzhan dbang can yin pa'i phyir

stong pa yin te dbang bsgyur ba po'i bdag don gzhan med pa'i
phyir/ bdag med pa yin te/ rang dbang ba'i bdag gi ngo bor ma
grub pa'i phyir/ kun 'byung gi rnam pa ni/ zag pa dang bcas pa'i
las dang sred pa chos can/ rgyu'i rnam pa yin

te; rang 'bras sdug bsngal gyi rtsa ba yin pa'i phyir/ kun
'byung yin te/ de rnam pa thams cad pa yang dang yang du bskyed
pa'i phyir/ rab skye yin te/ de shugs drag bskyed pa'i phyir/
srid pa'i sred pa chos can/ rkyen gyi rnam pa yin

te; rang 'bras sdug bsngal gyi lhan cig byed rkyen yin pa'i
phyir/ 'gog pa'i rnam pa ni/ gnyen po'i stobs kyis sdug bsngal
gtan zad pa'i bral ba chos can/ khyed 'gog pa'i rnam pa yin te/
sdug bsngal spangs pa'i bral ba yin pa'i

@063b phyir; zhi ba'i rnam pa yin te/ nyon mongs spangs pa'i
bral ba yin pa'i phyir/ gya nom pa'i rnam pa yin te/ phan pa
dang bde ba'i thar pa yin pa'i phyir/ nges par 'byung ba'i rnam
pa yin te/ slar mi ldog pa'i chos can gyi thar pa? yin pa'i
phyir/ lam

gyi rnam pa ni/ bdag med mngon sum du rtogs pa'i shes rab chos
can/ lam gyi rnam pa yin te/ thar par bgrod byed kyi lam yin
pa'i phyir/ rigs pa'i rnam pa yin te/ nyon mongs kyi dngos gnyen
byed pa'i phyir/ sgrub pa'i rnam pa yin te/ sems

kyi gnas lugs mthar thug pa mngon sum du rtogs pa'i ye shes yin
pa'i phyir/ nges par 'byin pa'i rnam pa yin te/ sdug bsngal slar
mi ldog pa'i chos can du byed pa'i gnyen po yin pa'i phyir/
gnyis pa la bzhi'i dang po sdug bsngal bden pa la

'doms pa ni/ shA ri'i bu 'di la byang chub sems dpa' sems dpa'
chen po gzugs stong pa nyid la brtson na brtson zhes bya'o zhes
sogs chos can/ sdug bsngal la shes bya bden zhen dgag pa'i ched
du gdams pa yin te/ zag bcas kyi gzugs

la sogs pa 'bras bu gyur pa'i stong pa nyid dang/ de mngon sum
du rtogs pa'i shes rab kyi pha rol tu phyin pa dag bden pas
stong pa de bzhin nyid kyi ngo bor rang bzhin gcig go zhes shes
par bya bar gdams pa'i phyir/ gnyis pa kun 'byung

bden pa la gdams pa ni/ gzugs skye ba'i chos can nam/ 'gag pa'i
chos can du yang dag par rjes su mi mthong zhes sogs kun 'byung
ba la gdam pa yin te/ zag bcas rgyus bsdus kyi gzugs la sogs pa
ni gsar du kun

@064a @#/ /'byung ba dang yang 'gog pa dang/ kun nas nyon mongs
pa dang/ rnam par byang ba'i chos can du bden par grub pa ma yin
no zhes 'doms pa'i phyir/ der bden par ma grub ste stong pa nyid
dang gzugs la sogs pa rgyur

gyur pa dag don dam par tha mi dad pa nyid kyis so/ /kun 'byung
spang byar bden pa dgag pa'i ched du'o/ /gsum pa 'gog bden la
gdams pa ni/ shA ri'i bu stong pa nyid mi skye mi 'gag cing/
kun nas nyon mongs pa ma yin/ rnam par byang ba ma

yin zhes pa de 'gog pa la gdams pa yin te/ stong pa nyid glo bur
gyi dri ma dang bral ba de/ 'dus byas kyi mtshan nyid skye ba
dang 'gag pa dang spang gnyen kun nas nyon mongs pa dang rnam
par byang ba dang gnas skabs nyams pa dang 'phel ba dang

rgyu 'bras la sogs pa bden par grub pa dang bral ba yin pa de la
ni khyad chos bden pa ba gang du yang ma grub bo zhes gdams pa'i
phyir/ gang du yang bden par ma grub par thal/ don dam par kun
nas nyon mongs kyi spyi gzugs med pa nas

khyad par ma rig pa skye ba yang med rnam byang gi spyi ma rig
pa 'gag pa yang med/ khyad par rtogs pa sangs rgyas kyang med/
spangs pa byang chub kyi bar du yang med pa'i phyir/ 'gog pa
mngon du byas bar bden pa dgag pa'i ched du yin no/ /bzhi pa lam

bden la 'doms pa ni/ shA ri'i bu byang chen sher phyin la spyod
pa'i tshe/ bdag nyid la sbyin pa la brtson zhes pa'am/ mi brtson
zhes bya bar yang dag par rjes su mi mthong zhes sogs lam la
gdams pa yin te/ sbyin pa la sogs pa'i pha rol tu

@064b phyin pa dang/ byang sems bdag nyid bsgom bya sgom byed du
bden par ma grub pas ldan pa ma yin/ bkag pa bden par ma grub
pas mi ldan pa ma yin par rtogs par gyis shig ces 'doms pa'i
phyir/ stong pa nyid la stong pa nyid kyis sbyor bar mi byed de/

stong pa nyid kyis rnal 'byor la ma yin no zhes rigs pa dang
bsgrub pa la gdams pa yin te/ nang ston pa nyid la sogs pa gsum
yul du byed pa'i ting nge 'dzin dang/ phyi yul stong pa nyid la
sogs pa gsum yul yul can du bden par med

cing; bkag pa de nyid kyang bden par med de zhes 'doms pa'i
phyir/ gzugs la sngon gyi mtha' sbyor bar mi byed 'byed par mi
byed do/ zhes sogs des 'byin la gdams pa yin te/ sngon gyi mtha'
'khor ba dang/ phyi ma'i mtha' myang 'das dag

phan tshun gang las nges par 'byung ba dang/ gang du nges par
'byung ba der ldan pa bden par ma grub pa dang/ bden par ma grub
pa de nyid kyang bden par ma grub pas mi ldan pa ma yin pa nyid
du bsgrub bo zhes 'doms pa'i phyir/ lam bsten byar bden

par zhen pa dgag pa'i chod du gdams pa'o/ /gnyis pa la/ spyi'i
don dang/ yan lag gi don to/ /dang po la/ thun mong ma yin pa'i
dkon mchog gsum ngos bzung ba dang/ skyabs spyi'i rnam gzhag
dang/ kun rdzob pa dang don dam pa'i skyabs kyi khyad

par dang/ ji ltar skyabs su 'gro ba'i tshul lo/ /dang po ni/
rgyud bla mar/ 'dus ma byas shing lhun gyis grub/ /gzhan gyi
rkyen gyis rtogs min pa/ /mkhyen dang brtse dang nus par ldan/
/don gnyis ldan pa'i sangs rgyas nyid/ /ces pa ltar/ don

@065a @#/ /gnyis phun sum tshogs pa sku gsum gyi bdag nyid can
gyis sangs rgyas dkon mchog dang/ yang/ bsam med gnyis med rtog
med pa/ /dag gsal gnyen po'i phyogs nyid kyi/ /gang zhig gang
gis chags bral ba/ /

bden gnyis mtshan nyid can de chos/ /zhes pa ltar/ rnam byang gi
bden pa gnyis kyi mtshan nyid can gyi chos dkon mchog dang/ yang/
ji bzhin ji snyed nang gi ni/ /ye shes gzigs pa dag pa'i phyir/
/blo ldan phyir mi ldog pa'i tshogs/ /

bla med yon tan dang ldan nyid/ /ces pa ltar/ rig grol gyi yon
tan dang ldan pa 'phags pa phyir mi ldog pa'i dge 'dun dkon
mchog ste/ de tsam las ma spros so/ /gnyis pa ni/ yang de nyid
las/ ston pa bstan pa slob don gyis/ /theg gsum

pa dang byed gsum la/ /mos pa rnams kyis dbang byas nas/ /skyabs
gsum rnam par bzhag pa yin/ /zhes gsungs pa ltar ro/ /'dir ni
spyir gsung rab las/ /skyabs gsum rnam par bzhag pa'i dgos pa
bstan pa yin te/ theg pa chen

po'i rigs can lam la zhugs pa de nyid kyi rang rgyud la thob
bya'i sangs rgyas 'bras bu'i skyabs dang/ grub zin gyi sangs
rgyas rgyu'i skyabs su shes par bya ba dang/ rigs can gzhan
gnyis kyi yang rgyu'i skyabs dang/ lam la ma zhugs kyang

sangs rgyas la mchod pa dang/ bkur sti sogs mchog tu bya ba byed
par mos pa rnams kyi dbang du byas nas/ sangs rgyas dkon mchog
skyabs su rnam par bzhag go /rang sangs rgyas kyi rigs can lam
la zhugs pa srid pa tha ma pa'i tshe/

@065b gzhan gyi sgra la mi ltos par myang 'das rang rgyud la don
du gnyer ba rnams kyi 'bras bu'i skyabs dang/ lam du ma zhugs
kyang dam pa'i chos la mchog tu bya ba byed par mos pa rnams kyi
dbang du byas nas chos dkon mchog skyabs nyid du rnam par

par bzhag go /nyan thos kyi rigs can lam la zhugs pa srid pa tha
ma pa'i tshe/ gzhan gyi sgra'i rjes su 'brangs nas thob pa'i
myang 'das don du gnyer ba rnams kyi 'bras bu'i skyabs dang/ lam
du ma zhugs kyang dge 'dun la mchog tu bya ba

byed par mos pa rnams kyi dbang du byas nas/ dge 'dun dkon mchog
skyabs nyid du rnam par bzhag go /rang rgyud la thob byar don du
mi gnyer yang/ gang la skyabs su song ba'i chos dang dge 'dun
dkon mchog kyang/ de la ltos pa'i rgyu'i skyabs su

shes par bya'o/ /gang du theg pa chen po thun mong ma yin pa'i
skyabs gsum rnam par bzhag pa la brten nas rigs can gzhan gnyis
kyi yang rgyu'i skyabs gsum dang/ 'bras bu'i skyabs gnyis kyang
go bar 'gyur mod kyi/ 'di ni gsung rab rnams

las skyabs gsum spyir rnam par bzhag pa'i dgos pa ston pa yin
no/ /gsum pa ni/ de nyid las sdang phyir slu ba'i chos can
phyir/ /med phyir 'jigs dang bcas pa'i phyir/ /chos rnam gnyis
dang 'phags pa'i tshogs/ /gtan gyi skyabs mchog ma

yin no/ /zhes gsungs so/ /de la don dam pa dang/ kun rdzob pa'i
skyabs kyi don ni/ nyan thos rigs nges pa ltar/ rang gi bsam
ngor 'khor ba'i sdug bsngal zhi ba tsam zhig don du gnyer zhing
de las gong du bgrod mi dgos par 'dzin cing/ dngos

@066a @#/ /po'i gnas tshed la lam gyi bgrod pa mthar ma thug pa'i
skyabs de kun rdzob pa'i skyabs dang/ bsam ngor yang bgrod pa
mthar thug par 'dzin cing/ don la yang mthar thug pa don dam
pa'i skyabs kyi don yin

gyi; lung gi chos la sogs pa mthar thug gi chos sku ma yin par
bsgrub pa gang zag su la yang shes 'dod med pas mi rigs pa kho
na'o/ /des na theg pa chen po'i lung gi chos yin yang don dam
pa'i skyabs ma yin te/ don mngon

par rtogs pa'i thabs su bstan par bya ba tsam yin gyi/ don mngon
par rtogs pa mthar thug pa thob pa na/ de ma thob pa thob pa'i
thabs su mi dgos pas gzings ltar spang bar bya ba kho na'o/
/'dir yang spyi'i mtha' gcod pa khyab pa sgrub pa'i

yan lag yin gyi/ don gyi gtso bo ma yin no/ /byang chub sems
dpa' 'phags pa'i rgyud kyi bdag med mngon sum du rtogs pa'i shes
rab ni/ gzigs dor dri ma mtha' dag dang bral ba ltar snang yang/
dri ma mtha' dag ma zad pa dang/

rang gi ngo bo la dri ma'i bslad pa ma zhugs kyang/ ngo bo la
dri ma mtha' dag ma zad pas der snang dang/ des stong tshogs pa
rdzun pa slu ba'i chos can yin pas/ don dam pa'i skyabs ma yin
par bstan gyi/ 'dus byas yin na don dam pa'i

skyabs ma yin pas khyab pa bstan par 'dod pa ni/ sangs rgyas kyi
lam bden dang/ gzugs sku rnam pa gnyis mthar thug gi skyabs yin
pa 'gog pa'i log rtog gi tha chad du shes par bya la rgyang ring
du spang bar bya'o/ /nyan thos kyi theg

@066b pa'i tshul la yang/ nyan thos kyi lhag med kyi myang 'das
ni don dam pa'i skyabs ma yin te/ sdug kun med pa tsam gyis rab
tu phye ba'i phyir/ des shes slob? kyi 'jigs pa ma zad pa 'phen
par byed pa yin gyi/ mi shes pa kha cig /rang lugs la de

don dam pa'i skyabs ma yin pa'i sgrub byed 'god pa skabs su bab
pa dor nas thal 'gyur du byed cing/ rtags bsal nyan thos sde
pa'i khas len la 'chad pa dang/ kha cig mthar thug gi dus na med
pa'i don du 'chad pa dang/ med dgag gtan tshigs

su 'god pa sogs ni/ don ma rtogs bzhin du rnam gzhag byed pa ni/
sangs rgyas kyi bstan pa dri ma can du 'gyur bas btang snyoms su
bzhag na mdzes so/ /nyan thos kyi tshul ni rang lugs la yang khas
len pa'i theg pa'i tshul yin gyi/ grub

mtha' 'og ma'i 'dod tshul ma yin la/ mar mi shi ba'i dpe yang
nyan thos zhi ba'i dbyings su zhugs pa na/ gzhan gyi don la cung
zad dmigs pa'i snang ba yang nub pa'i don yin gyi/ sde pa kha
cig 'dod pa ltar bem rig rgyun chad pa'i don ma yin no/ /

nyan rang dgra bcom pa yang 'du byed kyi mtshan ma la gshed ma
ral gri gdengs pa ltar shes sgrib kyi 'jigs pa dang bcas pa'o/
/des na don dam pa'i skyabs ni/ de nyid las/ dam pa'i don du
'gro ba yi/ /skyabs ni sangs rgyas nyag gcig

yin; ;thub pa chos kyi sku can phyir/ /tshogs kyang de yi mthar
thug phyir/ /ces gsungs pa ltar/ sku gsum gyi bdag nyid can gyi
sangs rgyas kho na don dam pa'i skyabs so/ /bzhi pa ni/ dkon
mchog gsum gyi yon tan dang/ de la

@067a @#/ /skyabs su song ba'i bslab par bya ba'i rim pa rnam par
gtan la dbab pa bsdu ba sogs nas gsungs pa rnams legs par shes
par byas nas/ rang nyid spyir 'khor ba'i nyes dmigs dang/ khyad
par du ngan 'gro'i

nyes dmigs legs par bsams nas 'jigs pa dran pa dang/ dkon mchog
gsum la 'jigs pa las skyob pa'i nus pa yod par shes pa'i rgyu
gnyis la brten nas/ dkon mchog gsum la bsam pa thag pa nas blo
ltos 'cha' ba'i skyabs

'gro yid legs par 'khul ba sngon du btang zhing/ skyabs 'gro'i
bslab bya la tshul bzhin du bslab par bya'o/ /de ltar byas na
rgyal ba'i thugs rje zhugs nas yon tan gong nas gong du 'phel
bar 'gyur bas/ dal 'byor gyi rten la snying po lon

pa yin gyi/ skyabs 'gro yid 'khul nus pa re yang med par/ thos
bsam bsgom pa la 'bad pa skad byed pa ni 'bras bu shin tu chung
ngo/ /'dir dngos su bstan pa ni theg pa chen po thun mong ma yin
pa'i skyabs gsum rnam par bzhag pa/ 'og

nas sangs rgyas sogs dmigs dad pa dang/ zhes pa'i skyabs 'gro'i yul
ston pa yin no/ /gnyis pa la gsum gyi dang po/ sangs rgyas dkon
mchog la 'doms pa ni/ byang sems sher phyin la spyod pa'i tshe/
gzugs la rnam mkhyen

nyid sbyor bar mi byed de/ gzugs nyid yang dag par rjes su mi
mthong zhes sogs kyis sangs rgyas la bden zhen spang ba'i ched
du gdams pa yin te/ dmigs par bya ba dang dmigs par byed pa bden
pas stong par mnyam pa nyid du shes

@067b pa'i ye shes mthar thug sangs rgyas dkon mchog go zhes
'doms pa'i phyir/ der thal/ rnam pa thams cad mkhyen pa nyid don
dam par mi dmigs pa la gzugs la sogs pa yul yul can dang/ mtshan
nyid dang mtshon bya dang/ dbyings dang rig

par don dam par mi sbyor zhing sbyar nas zhen byar med do zhes
'doms pa'i phyir/ rnam mkhyen la gdams pas sangs rgyas la gdams
par 'gyur te/ rnam mkhyen sangs rgyas su mtshon par byed pa'i
chos kyi mtshan nyid yin pa'i phyir/ rnam mkhyen

don dam par mi dmigs te/ sangs rgyas dang dag pa gnyis ldan gyi
byang chub dag bden stong du mtshan nyid gcig pa nyid kyis so/
/gnyis pa chos dkon mchog la gdams pa ni/ gzugs dngos po yod ces
bya bar mi sbyor/ dngos po med ces bya

bar mi sbyor zhes sogs kyis chos la gdams pa bstan te/ thams cad
mkhyen pa nyid gsum gyis yul du bsdus pa'i gzhi dang gnyen po
dang rnam pa'i gsal ba mtha' dag bsdus pa dag gis bsdus shing
bsdoms pa'i chos thams cad don

dam par ngo bo nyid med do zhes 'doms pa'i phyir/ gsum pa dge
'dun dkon mchog la 'doms pa ni/ byang chub sems dpa' 'phags pa
slob pa phyir mi ldog pa rnams la don dam par skye ba med pa
nyid du 'jug par bya'o zhes lung 'bogs pa dge

'dun la 'doms pa yin te/ dge 'dun dkon mchog lam sgrub pa'i
grogs su bden par zhen pa dgag pa'i ched du 'doms pa yin pa'i
phyir/ dag 'dun do yang rnam pa du zhig yod ce na/ 'bras bu la
gnas pa gsum dang zhugs pa bzhi'i bye

@068a @#/ /brag gis skyes bu chen po bdun po rang sangs rgyas
dang lhan cig brgyad po chos can/ du mar dbyer rung sti/ dbang
po rtul po la sogs pa'i bye brag gis grangs nyi shur yod pa'i
phyir/ zhugs gnas brgyad du 'gyur

ba ma yin nam zhe na/ theg pa chen po'i dgra bcom pa ni skabs
'di'i dge 'dun dkon mchog gi nang du ma gtogs pa yin te/ sangs
rgyas dkon mchog gi khongs su gtogs pa nyid kyis so/ /dkon mchog
gsum la don dam par skyabs su zhe na

pa dgag pa'i ched du yin no/ /gsum pa sgrub pa'i khyad par gyi
chos la gdams pa la gsum/ mi mthun phyogs mngon gyur sel ba la
gdams pa dang/ lam khyad par can bsgrub par gdams pa dang/ spang
bya'i sa bon sel bar gdams

pa'o; ;dang po la gsum gyi dang po bsgrub pa ma nyams pa'i rgyu
la gdams pa ni/ byang chen sher phyin la spyod pa ni/ lus dang
ngag dang yid gang gis zhes sogs kyis sgo gsum gyi bya ba ngan
pa la ma zhen pa la 'doms pa yin te/ lus la

sogs pa don dam par ngo bo nyid med par rtogs shig ces bstan
pa'i 'doms pa yin pa'i phyir/ de ltar gdams par rigs te/ stong
pa nyid kyi don la goms par ma byas na sbyor bas brtson 'grus
brtsams pa nyid kyis sngar sems bskyed

kyi skabs su ji skad bshad pa'i don la bsgrub pa nan tan byed pa
la dbang rtul la la mngon par zhen par 'gyur bas de spong dgos
pa'i phyir/ rgyu gang las na/ bya ba phal ba la chags pa'i lus
la sogs pa'i bsod nams nyid kyis skye bar

@068b 'gyur ro/ /gnyis pa bsgrub pa 'phel ba'i rgyu la gdams pa
ni/ byang chen phar phyin drug la spyod pa'i tshe/ gzugs su mi
rlom/ tshor bar mi rlom/ zhes sogs kyis bsgrub pa byed pa'i tshe
yongs su ngal ba med pa la 'doms pa yin te/ gzugs la

sogs pa nas yang dag par rdzogs pa'i byang chub kyi bar la bden
bar rlom pa med pa nyid du rtogs par gyis shig ces bstan pa'i
gdams ngag yin pa'i phyir/ de ltar gdams rigs te bsgrub pa dus
yun ring mo zhig tu goms par byas kyang

ji ltar 'tsham pa'i 'dod pa'i don ma grub na dbang po'i rang
bzhin can gyi dbang rtul la la yongs su skyo bar 'gyur bas de
sel dgos pa'i phyir/ gsum pa theg dman du mi ltung ba'i rgyu la
gdams pa ni/ shA ri'i bu byang chen ye shes de lta bu dang

ldan pas/ shar phyogs kyi 'jig rten gyi khams gang gA klung gi
bye ma snyed ces sogs kyis theg pa chen por lam yongs su bzung
ba la gdams pa yin te/ chos rnams rang bzhin gyis ma skyes pa
nyid du bslab pa'i gdams ngag yin pa'i phyir/

de ltar gdams rigs te/ phyogs bcu na bzhugs pa'i sangs rgyas la
sogs pa las don re re'i phyir tu lam gyi lung nod par bya dgos
na/ de 'dra ga la nus snyam du sems zhum par 'gyur bas de sel
dgos pa'i phyir/ gnyis pa la/ bsgrub

pa la rang dbang du 'jug pa'i rgyu spyan lnga la gdams pa dang/
bsgrub pa myur du rdzogs pa'i rgyu mngon shes drug pa gdams
pa'o/ /dang po ni/ shA ri'i bu byang chub sems dpa' sems dpa'
chen po sha'i mig gis dpag tshad brgya mthong ba yod do/ /

@069a @#/ /zhes sogs nas brtsams te/ spyan lnga la gdams pa bstan
te/ spyan lnga'i yul yul can rnams de bzhin nyid du ro gcig pa
nyid du bsgrub bo zhes slob pa yin pa'i phyir/ tha snyad du
spyan lnga'i yul gzigs pa'i nus mthu

bstan nas/ don dam par rang bzhin med par ston pa'o/ /de la
sha'i spyan grangs bzhin du dngos po so sor nges pa dpag tshad
brgya nas stong gsum tshun chad kyi gzugs phra rags rnams mthong
ba dang/ sngon dge ba zag bcas kyi las kyi rnam

par smin pa las byung ba'i lha'i spyan ni sems can thams cad kyi
'chi 'pho dang skye ba ji lta ba bzhin du shes pa dang/ shes rab kyi
spyan ni chos thams cad la bden par rnam par mi rtog pa bden med
mngon sum du rtogs pa dang/ chos kyi

spyan ni 'phags pa'i gang zag dbang po rno rtul thams cad rtogs
pa dang/ sangs rgyas kyi spyan grangs ji lta ba bzhin du chos
thams cad rnam pa thams cad du mngon par rdzogs par byang chub
pa'i yul can no/ /sha'i spyan tshogs lam

nas dang/ lha'i spyan sbyor lam dang/ shes rab kyi spyan mthong
lam dang/ chos kyi spyan mthong lam rjes thob nas dang/ sangs
rgyas kyi spyan sangs rgyas kyi sa dang/ rjes mthun pa sa brgyad
pa nas yod do/ /spyan lnga po 'di dang ldan na/ sha'i

spyan gyis stong gsum tshun chad chos ston pa'i bshes gnyen dang/
rang gi gdul bya sogs gang na gnas pa ji lta ba bzhin du shes
shing/ gnyis pas gdul bya gang du shi 'phos shing skye ba dang/
gsum pas gdul bya 'dul ba'i

@069b thabs gnas lugs kyi don mngon sum du shes shing/ bzhi pas
grogs dang chos bstan par bya ba'i gdul bya'i dbang po'i bye
brag rnams legs par shes pa dang/ lnga pa rjes mthun pa tsam?
thob na yang/ shes bya ji snyed pa phal cher

shes nas bsgrub pa la nang nas bskul zhing/ gzhan gyi dring mi
'jog par rang dbang du bsgrub pa la 'jug par 'gyur ba yin no/
/gnyis pa ni/ sher phyin la spyod pa'i byang chen mngon shes kyi
pha rol tu phyin pa 'thob ste/ rdzu 'phrul gyi rnam pa

du ma nyams su myong bar byed do zhes sogs kyis mngon par shes
pa drug la 'doms pa yin te/ mngon par shes pa drug po rnams tha
snyad du rgyud la ji ltar 'byung ba dang/ don dam par gzod ma
nas zhi ba nyid du rtogs par bya'o zhes ston pa'i tshul

gyis 'doms pa'i phyir/ de la rdzul 'phrul gyi mngon par shes pa
ni/ mthu khyad par can dang ldan te sa g.yo ba dang gcig tu
'gyur zhing mang du sprul pa la sogs pa byed nus pa'i ting nge
'dzin dang shes rab dang mtshungs par ldan pa yin pa'i phyir/

'og ma rnams la yang de bzhin du sbyar te lha'i rna ba'i mngon
par shes pa ni mthu pa khyad par can dang ldan te/ 'jig rten gyi
khams thams cad na gnas pa'i sgra chung ngu dang cig shos chen
po thos pa sgom pa'i stobs las byung ba'i mnyam par bzhag pa'i

sas bsdus pa'i gzugs can dang ba/ bdag rkyen du yod pa'i ting
nge 'dzin dang shes rab dang mtshungs par ldan pa'i phyir/ gzhan
gyi sems shes pa'i mngon par shes pa ni/ gzhan gyi sems 'dod
chags dang bcas pa dang bral ba la sogs

@070a @#/ /pa mngon sum du yongs su shes pa'i ting nge 'dzin
dang/ shes rab dang mtshungs par ldan pa dang/ sngon gyi gnas
rjes su dran pa'i mngon par shes pa ni/ rang dang gzhan gyi tshe
rabs snga ma brgya dang stong la

sogs pa du ma myong ba'i stobs kyis rjes su dran pa dang/ tshe
'dir bsam gtan sgom pa'i mngon par 'du byed pa las byung ba'i
lha'i mig ni/ bskal ba dang ma bskal ba'i gzugs phra rags thams
cad mthong ba bsgom pa las byung ba'i

mnyam par bzhag pa'i sas bsdus pa'i gzugs can dang ba yin la/
mngon shes ni de'i bdag rkyen la brten pa chos gnyis dang
mtshungs par ldan pa'i yid kyi shes pa'o/ /zag pa zad pa'i mngon
par shes pa ni mthu khyad par can dang

ldan te/ nyon mongs pa dang shes bya'i sgrib pa spong bar byed
pa'i thabs dang/ spangs pa'i bral ba mngon sum du shes pa'i chos
gnyis dang mtshungs par ldan pa yin pa'i phyir/ mngon shes drug
po 'di dag dang ldan na/ 'jig rten gyi khams

mtha' yas pa'i chos ston pa'i sgra phra rags rnams kyang mngon
sum du thos shing/ tshe rabs snga ma nas ston pa dang gdul bya
gang dang 'brel pa sogs dang/ da ltar gang na yod pa sogs mngon
sum du shes shing/ rdzu 'phrul gyis

gdul bya legs par 'dun par byas nas/ de'i rgyud kyi 'dod chags
sogs dang bcas ma bcas snod la legs par brtags nas thar pa thob
pa'i thabs mngon sum du shes pa rnams bstan pas rang rgyud kyi
bsgrub pa myur du rdzogs

@070b par 'gyur zhing/ de rdzogs pas rnam mkhyen myur du rdzogs
pa'o/ /gsum pa la/ spang bya kun brtags kyi gnyen po la gdams pa
dang/ lhan skyes kyi gnyen po la gdams pa'o/ /dang po ni/ rab
'byor byang chub sems dpa' sems

dpa' chen po rnams la shar phyin la brtsams te spobs pa bskyed
cig ces pas mthong ba'i lam la 'doms pa yin te/ mthong lam des
spang bar bya ba'i kun brtags kyi dngos po'i gnyen po nyid du
rnam par bsgom par byed do zhes ston pa'i

tshul gyis 'doms pa'i phyir/ mthong ba'i lam gang na yul bden pa
bzhis bsdus pa yul can skad cig ma bcu drug gi ngo bo nyid chos
dang rjes su shes pa'i bzod pa dang shes pa'i bdag nyid la'o/
/gang zag gang gis na/ rnal 'byor pa chos thams

cad bden pa'i ngo bo nyid med par rtogs pas so/ /de yang sgyu ma
mkhan bzhin du chos thams cad la bden par mngon par ma zhen pa'i
lus can des sgom par byed do/ /mthong lam skye tshul dang bcas pa
rnams 'og tu 'chad par 'gyur

zhing; skabs 'dir nyi snang du/ rab 'byor gyis mthong lam ston
par bka' stsal ba'i rgyu mtshan bshad pa ni go bar zad do/ /gnyis
pa ni/ rab 'byor 'dus byas kyi dbyings med par 'dus ma byas kyi
dbyings gdags par mi nus so/ /

zhes sogs kyis dpe'i sgo nas sgom pa'i lam la 'doms pa ste sgom
lam des spang bar bya ba'i spang bya lhan skyes kyi dngos po'i
gnyen po nyid du rnam par sgom par byed do zhes 'dems pa'i
phyir/ de la bsgom bya lam gyi rang bzhin

@071a @#/ /dang; rtsod spang ngo/ /dang po ni/ chos nyid mngon
sum du rtogs pa'i mthong lam las rigs tha dad pa'i zag pa med
pa'i sgom pa'i lam mtshan nyid pa rnam par bzhag pa ni med de/
chos nyid la mngon sum du

mnyam par bzhag pa'i mthong ba dang bsgom pa dag rigs tha dad du
gyur pa med pas so/ /rigs tha dad du gyur pa med de/ 'dus byas
bdag med mngon sum du rtogs pa'i lam bden dang 'dus ma byas de
dri ma'i sa bon dang bral ba dang/

ngo bo tha dad na dri ma dang ma bral bar thal bas ngo bo gcig
pa nyid kyis phan tshun ngo bo tha dad par gdags par mi nus pa
bzhin du sngar ji skad bshad pa'i mthong ba'i lam gyis mngon sum
du byas pa'i dngos po chos nyid de las tha

mi dad pa la sgom lam des kyang mngon sum du dmigs pa'i phyir/
chos nyid la ngo bo'i sgo nas rnam pa mi 'dra ba'i khyad par med
pas/ de la mngon sum du mnyam par bzhag pa'i lam snga phyi la
yang/ ngo bo'i sgo nas rnam pa mi 'dra

ba'i khyad par med pas so/ /de yang bden 'dzin lhan skyes kyi
zhen yul rnam par bcad pa de nyid la gnyis kas mngon sum du
dmigs pas so/ /'on kyang gcad bya sgro 'dogs mi 'dra ba so sor
gcod par shes par bya'o/ /skabs

'dir snga ma kha cig gis/ sa bcu'i mnyam gzhag la chos nyid
mthong ba la khyad par med kyang/ chos sku mthong ba la khyad
par yod do zhes zer ba ni/ 'gog bden don dam bden par 'dod na de
ltar rigs mod kyang/ kun rdzob bden

@071b pa yin na chos nyid mngon sum du rtogs pa'i slob lam pa'i
ye shes de nyid kyis/ kun rdzob bden pa dngos su 'jal ba ni rigs
pa'i lam las 'das pa yin te/ slob lam na mnyam rjes ngo bo gcig
tu 'gyur ba yod par thal ba dang/

bden gnyis ngo bo tha dad du 'dzin pa'i dri ma zad par spangs
par thal ba dang/ rdzogs smin sbyang ba ma byas par byang chub
sems dpas yang dag pa'i mtha' mngon du byas pa la nyes pa cung
zad kyang med par 'gyur ro/ /gnyis pa ni/ lam

de gnyis mtshan nyid tha dad pa med na/ spang bya spong ba'i nus
pa la yang khyad par med par 'gyur ro zhe na/ de gnyis rigs tha
dad du med mod kyi 'on kyang spang bya spong ba'i nus pa la
khyad par med pa ma yin te/ lam snga mas lhan skyes kyi

sa bon mi spong yang/ lam phyi ma de ni snga ma las goms pa ches
bsrings pa'i dbang gis rten cing 'brel par 'byung ba'i chos nyid
kyis lhan skyes kyi sa bon spong nus pa'i phyir/ dper na sgra mi
rtag rtogs kyi rjes dpag tshad mas/ sgra rtag

'dzin lhan skyes kyi zhen yul med par rtogs kyang/ kun brtags
mngon gyur la gnod kyi lhan skyes la mi gnod pa bzhin no/ /gnyis
pa ni/ de ltar na theg chen gyi gdams ngag ni 'dir bstan pa rnam
pa bcur nges pa'o/ /bcu po de dag thams

cad gdams ngag gi skabs su bstan te/ bcu po 'di tsam kho nas
rnam mkhyen don gnyer gyi skyes bu'i 'dod don thams cad phun sum
tshogs te rdzogs par 'gyur bas so/ /'og nas 'chad pa'i lam gzhan
dgos pa med par 'gyur ro snyam du

@072a @#/ /mi gzung ste/ 'dir ma 'dus pa'i theg pa chen po'i lam
mi srid pa'i phyir/ 'on kyang gsal ba'i dbye ba mtha' dag 'dir
ma bstan pas gzhan las rtogs dgos pa'i phyir ro/ /byas par ma
'dus pa'i dngos po mi

srid kyang/ byas pa brjod pa'i sgras dngos po mtha' dag bstan mi
dgos pa bzhin no/ /lam bcu po de yang byang chub kyi sems dang
des 'phangs shing zin pa'i chos kyi ngo bo nyid theg pa chen
po'i lam gyi rim pas bsdus pa'i shes rab

kyi pha rol tu phyin pa nyams su len pa la sgom tshul gyi rnam pa
gang yin pa nyan thos dang thun mong ma yin pa dang/ bden gnyis
las mi 'da' ba mi dmigs pa dang bsgrub pa de'i dmigs pa zhes
dang/ sgrub pa'i rten zhes dang/ sgrub pa gong

nas gong du khyad par du zhes dang/ sgrub pa nyams su len pa las
mi ldog par zhes dang/ theg chen las nyams nas nyan rang gi theg
pa gzhan gyis zhes dang/ sgrub pa la rang dbang du 'jug pas
gzhan gyi zhes dang/ tshogs myur du rdzogs

par byed pas rnam pa thams cad ces dang/ sgrib gnyis mtha' dag zad
pa'i sgo nas bsgrub pa mthar thug pa'i rgyu gang yin pa mthong ba
dang sgom pa'i lam la 'doms pa'i gdams ngag dag ste bcu'o/ /gdams
ngag bcu po re re nas

stong nyid rtogs pas khyad par du byas nas gdams pa ni/ spyir
theg pa chen po'i lam mtha' dag shes rab des zin dgos par bstan
pa dang/ khyad par du tshogs lam gyi skabs su kun rdzob pa'i rnam
pa can gyi bsgrub pa rnams

@072b phal cher rjes thob dang stong pa nyid mnyam gzhag tu
bsgoms pas/ 'og nas 'chad pa'i nges 'byed cha mthun stong pa
nyid la dmigs pa'i sgom byung gi shes rab skye bar shes pa'i
ched du yin no/ /gnyis pa dge 'dun dkon mchog bye

brag tu bshad pa la gnyis/ spyi'i don dang/ yan lag gi don to/
/dang po la/ mtshon byed kyi dpe dang/ mtshon bya'i don to/ /dang
po la/ 'bras bu rnam par bzhag pa dang/ gang zag rnam par bzhag
pa'o/ /dang po ni/ dge sbyong gi

tshul gyi 'bras bu ste/ dge sbyong gi tshul ni/ nyon mongs spangs
nas don dam pa'i dge sbyong du 'jog par byed pa'i tshul lo/ /de
yang bar chad med pa'i lam ste/ spangs pa rnams ni bral 'bras
dang/ rnam grol lam ni rgyu mthun

gyi 'bras bu yin pas dge sbyong gi tshul gyi 'bras bu zhes bya'o/
/do yang gnas skabs kyi bye brag las 'bras bu bzhir mdo las
gsungs la/ der 'jog pa'i rgyu mtshan ni spang bya gsum ste/ thar
pa la 'jug pa'i gegs su gyur pa

kun sbyor gsum dang/ tha ma'i cha mthun lnga dang/ gong ma'i cha
mthun lnga'o/ /de la dang po spangs pas 'bras bu dang po dang/
gnyis pa phal cher dang/ ma lus par spangs pas 'bras bu bar pa
gnyis dang/ tha ma spangs pas dgra bcom pa'i

'bras bu rnam par bzhag go /sa gang la brten nas thob na 'bras
bu dang po gnyis bsam gtan dang po'i nyer bsdogs la brten nas
dang/ 'bras bu gsum pa phal cher la 'dod chags dang bral ba
sngon du song ba dang/ mthar gyis thob na sems

@073a @#/ /rten snga ma dang 'dra la/ chags bral sngon song yin
na bsam gtan gyi dngos gzhi gang rung la brten no/ /'bras bu
bzhi pa ni khams 'og ma gnyis su thob par byed na bsam gtan sa
drug gang rung la brten la/ gzugs

med du thob na gzugs med dang po gsum gang rung la brten pa'i
phyir ro/ /mthong sgom gyi lam gang la brten nas thob pa ni/
'bras bu dang po mthong lam kho nas thob la/ bar pa gnyis mthar
gyis thob na sgom lam dang/ phal cher la 'dod

chags dang bral ba dang/ 'dod pa la 'dod chags dang bral ba
sngon du song ba yin na/ mthong lam gyis thab bo/ /'bras bu tha
ma sgom lam la brten nas thob ste/ srid rtse'i sgom spangs zad
par spangs pas thob dgos pa'i phyir/ 'jig rten dang 'jig

rten las 'das pa'i lam gang gis thob pa ni/ 'bras bu dang po
dang tha ma 'das lam kho na yang/ bar pa gnyis mthong lam gyi
rjes su thob par byed la/ gal te gang zag de zhi gnas shas cher
spyod pa la goms pa zhig yin na/ 'jig rten pa'i

lam zhi rags kyi rnam pa can gyis thob par byed do/ /rten gang
la brten nas thob pa ni/ dang po gsum 'dod pa'i rten la brten
nas dang/ bzhi pa khams gsum ga'i rten la 'thob bo/ /gnyis pa la
bzhi'i dang po rgyun tu zhugs pa'i gang zag la zhugs

gnas gnyis kyi dang po'i mtshan nyid kun sbyor gsum spangs pas
rab tu phye ba'i 'bras bu thob phyir tu brtson pa'i gang zag go
/dbye na dad pa'i rjes 'brang dang chos kyi rjes 'brang gnyis
yod do/ /sa mtshams sbyor lam stan gcig pa nas rgyan

@073b zhugs kyi 'bras bus bsdus pa'i rnam grol lam ma thob pa
tshun chad de/ /rgyun zhugs 'bras gnas la mthar gyis pa dang/ cig
car pa'o/ /dang po la mtshan nyid ni/ kun sbyor gsum spangs pas
rab tu phye ba'i 'bras bu la gnas pa'i gang zag

gang zhig /khams gsum gyi sgom spangs rnam pas cig car du spong
ba ma yin pa'o/ /kun sbyor gsum ni/ 'jig lta dang/ brtul zhugs
mchog 'dzin dang/ the tshom mo/ /dbye na/ dbang pes phye ba dad
mos dang/ mthong thob gnyis dang/ sbyor bas

phye ba 'bras gnas tsam pa dang khyad par can gnyis te/ 'bras bu
de nyid la gnas pa khyad par can gyi 'bras bu'i don du mi brtson
pa dang brtsen pa'o/ /dbang pos phye ba dang/ sbyor bas phye ba
gnyis ni 'bras bu bar pa gnyis la yang de bzhin du shes 

par bya'o/ /skye ba'i khyad par gyis phye na re ltar theg na lan
bdun pa dang/ rigs nas rigs su skye ba gnyis so/ /sa mtshams ni
mthong lam skad cig bcu drug pa nas 'dod pa'i sgom spangs nyon
mongs drug pa spong ba'i bar chad med lam la gnas

pa'i bar ro/ /gnyis pa cig car ba la mtshan nyid ni/ /de gang/
khams gsum gyi sgom spangs nyon mongs rnams rnam pas cig car
spong ba'o/ /nyon mongs spong tshul ni/ bsam gtan dang po'i nyer
bsdogs mi lcogs med pa la brten nas te/

'di la brtan nas khams gsum ga'i nyon mongs thams cad spong nus
pa'i phyir dang/ sa gzhan rnams 'dod pa'i sgom spangs spong ba'i
sems rten du mi rung ba'i phyir ro/ /de yang 'das lam kho nas
spong ste/ 'jig rten pa'i lam gyis srid

@074a @#/ /rtse'i sgom spangs spong mi nus pa'i phyir ro/ /spong
tshul ni/ khams gsum gyi sgom spangs chen po'i chen po dgu cig
car spong ba nas chung ngu'i chung ngu dgu cig car spang ba'i
tshul gyis so/ /de ltar nus pa'i rgyu mtshan

yang gzhan las 'di dbang po rna bas khams gsum gyi gzugs sogs
phung po rnams khams dang sa so sor ma phye bar 'di thams cad mi
rtag sdug bsngal bdag med de/ /zhes gcig tu bsdus nas goms par
byas pas so/ /'bras

bu bar pa gnyis la cig car ba bzhag tu mi rung ste/ 'dod nyon
drug pa spong ba'i tshe srid rtse'i sgom spangs drug pa dang/
'dod nyon dgu pa spong ba'i tshe srid rtse'i dgu pa spong ba mi
srid pas/ 'bras bu dang po dang tha ma kho na la bzhag go /dbye
na/ rgyun zhugs

'bras gnas tsam po dang khyad par can gnyis las/ phyi ma dgra
bcom pa'i 'bras bu la zhugs pa'o/ /sa mtshams ni/ bden pa mngon
rtogs skad cig bcu drug pa nas sgom spangs chung ngu'i chung ngu
spong ba'i bar chad med lam la gnas kyi bar ro/ /

gnyis pa phyir 'ong la/ zhugs gnas gnyis kyi dang ba'i mtshan
nyid phal cher la 'dod chags dang bral bas rab tu phye ba'i dge
sbyong gi tshul gyi 'bras bu thob phyir tu brtson pa'i gang zag
go /dbye ba ni/ mthar gyis pa dang/ thod rgal ba'i phyir 'ong
zhugs

pa gnyis so/ /sa mtshams ni/ mthar gyis pa'i zhugs pa mthong lam
thob rjes su 'dod pa'i sgom spang/ dang po slong ba'i sbyor ba
la brtson pa nas/ drug pa spong ba'i bar ro/ /thod rgal ba'i
zhugs pa ni rgyun zhugs ltar te/ mthong lam gyi sngon

@074b du sgom spangs drug pa nas brgyad pa'i bar gang rung
spangs pa ni khyad par ro/ /gnyis pa phyir 'ong 'bras gnas kyi
mtshan nyid/ phal cher la 'dod chags dang bral bas rab tu phye
ba'i dge sbyong gi tshul gyi 'bras bu la gnas pa'i gang zag /dbye
ba 'bras bu thob

tshul gyis phye na mthar gyis pa dang/ thod rgal ba gnyis yod do/
/phyir 'ong 'bras gnas khyad par can bar chad gcig pa ni/ 'dod
nyon bdun nam brgyad spangs shing/ dgu pa ma spangs pa skye ba
gcig blangs nas mya ngan las 'da' ba/ spang bya de

dag gi gnyen po zag med kyi dbang po thob pa'o/ /sa mtshams ni/
thog rgal ba bden pa mngon rtogs skad cig bcu drug pa nas dang/
mthar gyis pa drug pa spangs pa'i rnam grol lam nas/ 'dod pa'i
sgom spangs dgu pa spong ba'i bar chad med

lam gyi bar ro/ /gsum pa phyir mi 'ong la zhugs gnas gnyis kyi
dang po'i mtshan nyid tha ma'i cha mthun pa spangs pas rab tu
phye ba'i dge sbyong gi tshul gyi 'bras bu thob phyir tu brtson
pa'i gang zag /dbye ba phyir 'od dang 'dra/ sa mtshams

chags bral sngon song gi phyir mi 'ong zhugs pa'i sa mtshams/
thad rgal ba'i phyir 'ong zhugs pa dang 'dra la/ mthong lam gyi
sngon du 'dod pa'i dgu pa nas ci yang gi dgu pa'i bar gang rung
spangs pa ni khyad par ro/ /mthar gyis pa'i zhugs pa ni/

mthong lam gyi rjes su 'dod nyon bdun pa spong ba la brtson pa
nas dgu pa spong ba la brtson pa'i bar ro/ /gnyis pa 'bras gnas
la mtshan nyid ni/ tha ma'i cha mthun lnga spangs pas rab tu phye
ba'i dge sbyong gi tshul gyi 'bras bu la gnas pa'i gang zag /

@075a @#/ /tha ma'i cha mthun lnga ni/ kun sbyor gsum dang/ 'dod
pa la bdun pa dang/ gnod sems so/ /dbye ba ni/ 'bras bu thob
tshul gyis phye na/ mthar gyis pa dang/ chags bral sngon song gi
phyir mi 'ong gnyis/ 'phags

chos bston tshul gyis phye na/ 'dod par tshe yongs su gyur pa dang
ma gyur pa'i phyir mi 'ong gnyis/ dang po ni/ 'dod par 'phags
lam skye ba brgyud mar brten nas phyir mi 'ong thob pa ste/ de
ni phyir mi 'ong thob pa'i tshe de la mya ngan las 'da'

ba yin la/ mthong chos zhi ni/ mthong lam thob pa'i tshe de la
myang 'das mngon du byed pa'o/ /gnyis pa ni/ mthong lam thob
pa'i tshe de la phyir mi 'ong thob pa ste/ de la gzugs su nyer
'gro/ gzugs med nyer 'gro /mthong chos zhi lus mngon byed

rnams so/ /dang po'i mtshan nyid/ mthong lam thob pa'i tshe de la
phyir mi 'ong thob pa'i gang zag gang/ gzugs su nyid mtshams
sbyor ba/ dbye ba la lnga'i dang po/ bar dor 'da' ba ni/ gzugs
su skye ba'i kun sbyor spangs/ mngon par 'grub

pa'i kun sbyor ma spangs pas/ gzugs kyi bar srid kyi rten la
myang 'das mngon du byed pa'o/ /gnyis pa skyes nas 'da' ba ni/
kun sbyor gnyis ka ma spangs pas gzugs kyi skye srid grub tsam
na/ lam mngon du byas te mya ngan las 'da'

ba'o; ;gsum pa 'du byed dang bcas nas 'da' ba ni/ gzhan 'dra ba
la 'bad rtsol chen pos lam mngon du byas nas mya ngan las 'da'
ba dang/ bzhi pa 'du byed med pas 'da' ba ni/ goms pa'i dbang
gis 'bad rtsol chen po med par

@075b lam mngon du byas nas mya ngan las 'da' ba'o/ /lnga pa
gong du 'pho ba la mtshan nyid ni/ tha ma'i cha mthun lnga spangs
pas rab tu phye ba'i 'bras gnas gang/ gzugs su skye ba brgyud
nas/ 'og min dang srid rtse'i rten gang rung la mya ngan las
'da'

ba'i rigs can/ dbye ba ni/ 'og min gyi mthar thug par 'gro ba'i
rigs can dang/ srid rtse'i mthar thug par 'gro ba'i rigs can no/
/dang po la yang/ 'phar ba dang/ phyed du 'phar ba dang/ tshangs
chen ma gtogs pa'i gzugs kyi gnas

gzhan thams cad du 'chi 'pho ba'i rigs can gsum yod do/ /gnyis
pa ni/ rgyu bsam gtan spel ma ma bsgoms pas/ gnas gtsang ma
rnams su mi skye la/ spel ma sgom pa'i gang zag ni phyir mi 'ong
dang/ dgra bcom pa gnyis so/ /phyi

ma ni dbang rtul rnams ting nge 'dzin la ro myong gi sgrib pa
thag bsrid bar bya ba'i phyir dang/ rnon po rnams mthong chos la
bde bar gnas par bya ba'i phyir sgom par byed la/ dang po ni/
gnas gtsang mar skye bar bya ba'i phyir yang sgom par byed

do; ;sems gang la brten pa ni/ sems las su rung ba'i mchog yin
pas dang por bsam gtan bzhi pa'i sems la brten nas sgom la/
phyis ni gzhan dag la yang ngo/ /de yang sbyor ba gcig gis bsam
gtan bzhi pa zag med

la snyoms par 'jug /de'i 'og tu zag bcas la/ de'i 'og tu zag med
de/ chung ngu gsum spel lo/ /tshul des drug dang/ dgu dang bcu
gnyis dang/ bco lngar spel ba ni 'bring dang chen po dang/ shin
tu chen po dang/ ches shin tu chen po ste/

@076a @#/ /bco lnga spel ba'o/ /sngon so skye'i dus su bsam gtan
bzhi par 'phen byed kyi las bsags pa de nyid bsam gtan bzhi pa
dag pa ba bsgoms pas/ gnas gtsang mar skye ba'i rgyur bsgyur bar
byed pa'i phyir/ bden pa

mthong nas yang srid 'phan byed kyi las gsar du gsog par thal
ba'i skyon med do/ /gnyis pa gzugs med nyer 'gro'i mtshan nyid
ni/ mthong lam thob pa'i tshe de la phyir mi 'ong thob pa'i gang
zag gang/ gzugs su skye ba ma blangs par/

gzugs med kyi rten la myang 'das mngon du byed pa'i rigs can no/
/de la dbye na bar dor 'da' ba ma gtogs pa bzhi'o/ /gsum pa
phyir mi 'ong mthong chos zhi ni/ mthong lam thob pa'i tshe de
nyid la myang 'das mngon du byed pa zhig go /bzhi

pa phyir mi 'ong lus mngan byed ni rnam par thar pa brgyad dang
ldan pa'i 'phags pa slob pa'o/ /sa mtshams ni/ mthar gyis ba 'dod
nyon dgu pa spangs pa'i rnam grol lam nas srid rtse'i dgu pa
spong ba'i bar chad med lam la gnas kyi

bar yin la/ thod rgal ba ni/ bden pa mngon rtogs skad cig bcu
drug pa nas bzung ngo/ /bzhi pa dgra bcom gyi skor la zhugs pa'i
mtshan nyid ni/ gong ma'i cha mthun lnga spangs pas rab tu phye
ba'i dag sbyong gi tshul gyi 'bras bu thob phyir tu

brtson pa'i 'phags pa'i gang zag /dbye ba ni/ mthar gyis pa dang
cig car pa'i dag bcom zhugs pa gnyis so/ /phyir mi 'ong yin na/
sgom spangs lhag ma spong ba'i sbyor ba la brtson pa nas/ srid
rtse'i dgu pa spong ba'i bar chad med lam

@076b gyi bar ro/ /rgyun zhugs yin na/ cig car ba'i rgyun zhugs
khyad par can dang 'dra bar sa mtshams bzhag go /gnyis pa la/
mtshan nyid ni/ gong ma'i cha mthun lnga spangs pas rab tu phye
ba'i dge sbyong gi tshul gyi 'bras bu la gnas pa'i gang zag/ gang

ma'i cha mthun lnga ni/ gzugs gzugs med kyi 'dod chags dang/
rgod pa dang/ nga rgyal dang/ ma rig pa rnams so/ /dbye ba ni/
spang bya spong tshul gyis phye na/ mthar gyis pa dang/ cig car
ba'i dgra bcom pa gnyis/ dbang po'i sgo nas phye na drug ste/

yongs su nyams pa'i ches can/ bdag gsod pa'i chos can/ rjes su
srung ba'i chos can/ gnas pa las mi bskyed pa'i chos can/ rtogs
pa'i 'os su gyur pa mi g.yo ba'i chos can rnams so/ /sa mtshams
ni/ zad mi skye shes pa nas

so; ;gnyis pa mtshon bya'i don la/ dbye gzhi ni/ byang chub sems
dpa' 'phags pa slob pa phyir mi ldog pa tsam mo/ /de la nyi shur
phye tshul ni/ slob dpon 'phags pas gzhung gis dngos su bstan
pa'i 'og min 'gro nas/ srid rtse'i mthar

thug 'gro'i bar lnga po gong du 'pho ba zhes nyi shu'i ya gyal
gcig tu bgrang bas/ gzhung gis dngos su zin pa bcu drug dang/
brgyad pa dang/ bar pa gnyis kyi 'bras gnas tsam po gnyis/ dgra
bcom zhugs pa dang/ bzhi bsnan nas nyi shur

'chad do/ /slob dpon gyis rgyun zhugs kyi skor la dngos su zin
pa bzhi dang/ rgyun zhugs 'bras gnas tsam po kha bskang nas lnga
dang/ phyir 'ong gi skor la dngos su zin pa gnyis/ phyir 'ong
'bras gnas tsam po kha bskang nas gsum dang/ phyir

@077a @#/ /mi 'ong la zhugs pa dngos su zin pa dang/ 'da' ba bzhi
ste lnga dang/ 'og min 'gro dngos su zin yang/ dbye gzhir mdzad
nas de la phye ba'i gong du 'pho ba gsum dang/ 'gyur kha cig
las/ gzugs kyi

'dod chags bcom pa srid pa'i rtse mor 'gro ba dang/ mthong ba'i
chos la zhing lus kyis mngon sum du byed pa gnyis zhes 'byung
yang/ 'gyur gsar 'di ltar na/ srid rtse'i mthar thug 'gro dang/
gzugs kyi chags bcom dngos

su zin yang/ grangs kyi yang gyal du mi bgrang bar don gcig tu
bsdus nas dbye gzhir mdzad do/ /mthong chos zhi dang/ lus mngon
byed gnyis su phye nas/ dgra bcom zhugs pa kha bskang ste/
gzhung gis dngos su zin pa bcu bdun

dang; gsum kha bskang nas nyi shu mdzad do/ /dad mos dang
mthong
thob tsam grangs su mi bgrang bar des 'bras bu bar pa gnyis ka'i
zhugs pa'i ming can dngos su bstan par mdzad do/ /'di dag rgyun
zhugs sogs mtshan nyid bar

'dod pa dang/ btags pa bar 'dod pa gnyis las/ phyi ma'i lugs
'dzin par rlom pa kha cig /sun 'byin ltar snang 'ba' zhig 'phen
zhing/ rang gi mgo gas pa mi tshor par gzhan gyi rma sol cung zad
la bzhad gad byed pa dang/ snang ba ni tshig

don gyi skabs skabs su cung zad bshad par bya'o/ /sngon gyi
mkhas pa kha cig gis slob dpon la theg pa chen po'i tshul 'chad
pa yin na/ nyon mongs spong ba'i rim pa'i mthar gyis pa la sbyor
ba mi 'thad pa dang/ nyan thos kyi tshul nyid yin na srid

@077b pa'i rtse mor 'gro ba sogs kyi rnam gzhag mi 'thad pa
dang/ nyon mongs spangs pa'i rim pa theg pa chen po'i dge 'dun
gyi dbye ba 'byed pa'i rgyur mi 'thad pa dang/ rgyun zhugs la
sogs pa'i ming don mi 'thad de/ byang chub sems dpa' dbang po
rno zhing thabs

mkhas pas khams gsum gyi spang bya chung ngu'i chung ngu dgu
yang cig car spong bas 'dod khams kyi nyon mongs 'ba' zhig sngon
du spong ba mi srid pa'i phyir ro/ zhes zer ba ni/ 'bon gang yin
ma mthong bar mda' 'phen pa ltar ma sogs na legs so/ /

'di dag la brjod par bya ba mang ste/ rnam dpyod dang brtson pa
lhur len pa med par mngon par rtogs pa'i rim pa la 'jug par 'dod
pa dag kyang rjes su bzung ba 'dod pas ma spos so/ /gnyis pa
yang lag gi don la gsum/ mtshams sbyor ba

dang; rtsa ba dang/ 'gel pa'o/ /dang po ni/ dge 'dun dkon mchog
gi skabs su mdo las mang du gsungs pa rnams kyi dbye ba bde blag
tu rtogs par bya ba'i phyir bar skabs kyi tshigs su bcad pa gnyis
pa'o/ /gnyis pa ni/ le brgyad ma las/ gzhung

gis zin pa nyi shu dang/ brgyad pa dang/ 'bras gnas dang po gsum
dang/ dgra bcom zhugs pa rnams kyi mdo nyi shu rtsa lnga 'byung
ngo/ /de yang brgyad pa'i dbang du byas nas/ bcom ldan 'das gang
zhig /sher phyin gyis gnas pa'i byang sems de

gang nas shi 'phos nas 'dir skyes pa lags/ 'di nas shi 'phos nas
gang du skye bar 'gyur/ zhes pa dang/ de bzhin du rjes 'brang
gnyis la yang mdo so sor 'byung ba rnams chog mngas su dogs pas
ma bris so/ /theg chen gyi mthong lam

@078a @#/ /chos bzod par chad med lam la gnas pa'i gang zag de
chos can/ khyod la gnyis su dbye ste/ khyod la dbang brtul dang
rnam po dag tu yod pa'i phyir/ de bzhin du shugs la bstan pa'i
rgyun du zhugs pa'i ming can

gcig dang/ dad dang mthong thom ces pas bar pa gnyis kyis zhugs
pa'i ming can gnyis dang/ rigs nas rigs zhes pas bstan pa rgyun
zhugs 'bras gnas khyad par can gyi ming can gnyis dang/ shugs la
bstan pa phyir 'ong 'bras gnas

tsam gyi ming can dang/ khyad par can gyi ming gis bstan pa bar
chad gcig pa dang/ phyir mi 'ong gi ming gis bstan pa la bar do
dang/ skye gnas dang/ 'du byed dang/ 'du byed min par 'da' ba'i
ming can bzhi dang 'og min 'gro ba'i ming can la

'phar gsum dang/ srid rtse'i mthar thug 'gror btags pa'i gzugs
kyi chags bcom dbye gzhir byas nas mthong ba'i chos la zhi ba
dang/ lus mngon byed gnyis dang/ bse ru rang sangs rgyas kyi
ming can dang ni nyi shu'o/ /gsum pa ni/

skabs gnyis pa nas/ 'chad par 'gyur ba'i lam shes pa nyid kyis
bsdus pa mthong ba'i lam skad cig ma bcu drug tu phye ba'i bzod
pa brgyad kyi ngo bo chos bzod par chad med lam la brtan nas
gnas pa'i sems dpa' chos can/ khyod la 'bras

bu dang po la zhugs pa'i ming can rnam pa gnyis so/ /khyod la
de'i ming can dad pa dang chos kyi rjes su 'brang ba'i bye brag
gis gnyis su yod pa'i phyir ro/ /mi shes pa kha cig /skabs 'dir
skad cig dang po bco lnga la gnas pa zhugs pa dang/ bcu

@078b drug pa la gnas pa 'bras gnas su 'dod pa ni bye brag smra
ba sogs kyi 'dod pa yin gyi/ byang chub sems dpa'i mthong lam
skad cig ma bcu drug rim can 'ba' zhig tu skye bar 'dod pa ni/
'phags seng gnyis kyi mthong lam skye tshul gyi bzhed pa

cung zad kyang ma rtogs bzhin du lums? 'ba' zhig tu smra ba yin
te/ dang por sdug bsngal gyi chos nyid mngon sum gyis gsar rtogs
dang/ de'i rjes su kun 'byung gi chos nyid mngon sum gyis gsar
rtogs byed pa rigs pa'i lam las

'das pa'i phyir dang/ slob dpon gyis kyang 'og nas de la sgos su
dgag pa mdzad pa'i phyir ro/ /yang mi shes pa kha cig /byang
chub sems dpa'i dge 'dun 'di dag rgyun zhugs sogs yin pa la gnod
byed ston par 'dod bzhin du skad cig bcu

drug pa la gnas pa'i byang sems mthong spangs spangs pas rab tu
phye ba'i dge sbyong gi tshul gyi 'bras bu la gnas par bsgrub pa
ni/ rang gis rang la co 'dri ba yin te/ rgyun zhugs sogs kyi don
pha rol dang mthun par rang nyid kyis khas blangs nas pha

rol la sum 'byin 'phen pa'i phyir/ de'i 'og tu shes pa brgyad
kyi bdag nyid theg chen gyi mthong lam rnam grol lam la gnas
pa'i gang zag de ni nyon sgrib spangs pa'i myang 'das thob par
byed pa'i lam gyi rgyun du zhugs pa yin no/ /mthong bas

spang bar bya ba kun sbyor gsum zad par spangs pa'i sems dpa'
yin pas so/ /theg tshom nyon mongs can dang/ tshul zhugs mchog
'dzin zad kyang/ 'jig lta ma zad cing/ 'jig lta lhan skyes la
kun sbyor du yang bshad pas/ kun sbyor gsum

@079a @#/ /pad ces mi bya'o/ /de'i 'og tu de nyid gzhan rnam pa
gnyis yin no/ /'dod pa'i lha dang mi'i rigs nas rigs su skye ba
nyid kyis so/ /de'i 'og tu sgom spangs nyon mongs drug pa spangs
pa'i rnam grol lam thob phyir tu brtson pa'i

byang chub sems dpa' sgom lam pa dbang po rtul po dang rnon po
dad pa dang mthong bas thob pa dag nyi shu'i grangs gcig kho na
yin no/ /'di yang 'bras bu gnyis pa la zhugs pa zhes pa'i ming
can gcig go /de'i 'og tu de spangs pa'i rnam

grol lam la gnas pa de nyid 'dod par lan cig phyir 'ong ba yin
no/ /de'i 'og tu phyir 'ong gi ming can de nyid nyon sgrib
spangs pa'i rnam grol lam thob pa la sgom spangs lhag ma gcig
lus pas gzhan bar chad gcig pa yin no/ /de'i 'og tu

'dod pa'i sgom spangs dgu pa spangs pa'i rnam grol lam thob
phyir tu brtson pa'i sems dpa' sgom lam pa snga ma bzhin du dad
pa dang mthong bas thob pa nyi nyi shu'i grangs gcig tu bgrang
bar bya ba yin te/ 'bras bu gsum pa la zhugs pa zhes

pa'i ming can gcig yin no/ /de'i 'og tu phyir mi 'ong ba zhes
rnam par bzhag pa la rnam pa bzhi'o/ /gzugs kyi bar srid kyi
rten la nyon sgrub ci rigs spangs pa'i rnam grol lam thob pa bar
ma dor 'da' ba dang gzugs su skyes nas 'da'

dang; 'bad rtsol gyi mngon par 'du byed pa dang bcas pa dang/
mngon par 'du byed pa med par nyon sgrib ci rigs spangs pa'i
rnam grol lam thob pa la yongs su mya ngan las 'da' ba zhes bya
ba bzhi yod pa'i phyir/ skye ba'i kun sbyor spangs/

@079b mngon par ;'grub pa'i kun sbyor ma spang ba dang/ skye
ba'i kun sbyor ma spangs pa skabs 'dir gzugs kyi bar srid dang
skye srid du skye ba len pa'i rgyu song bzhag nas kyang byang
chub sems dpa' 'phags pa las nyon gyi dbang gis skye ba mi len
pa'o zhes

smra ba ni/ 'gal 'du 'ba' zhig tu shes par bya'o/ /yang kha cig
'dod nyon dgu pa spangs pa'i rnam grol lam la gnas pa'i byang
chub sems dpa' phyir mi 'ong btags pa bar byas nas/ tha ma'i cha
mthun lnga spangs pas rab tu phye ba'i dge sbyong

gi tshul gyi 'bras bu la gnas pa rang lugs su khas len pa ni rang
nyid la rnag gis co 'dri ba'i ched du/ 'khor gsum ga khas len
pa'i/ yang 'dod nyon dgu pa spangs pa zhes pa de/ mngon gyur
tsam mam sa bon spangs pa yan/ dang po ltar na/

zag pa chen po'i mthong lam gyi sngon du bsam gtan gyi dngos
gzhi thob pa'i mthong lam pa dag kyang di nas bstan pa'i phyir
mi 'ong gi ming can gyi dge 'dun du rnam par bzhag pa 'gal ba
med par 'gyur la/ sa bon la byed na dman lam sngon du

ma song ba'i byang chub sems dpa' 'phags pa rnams kyis sgrib pa
gnyis ka'i sgom spangs dgu pa'i sa bon rgyun mtha'i bar chad med
lam gyis zad par spong bar slob dpon bzhed pas lugs 'di las phyi
rol tu gyur pa'o/ /de'i 'og tu byang chub

sems dpa' 'phags pa de nyid 'og min gyi rten la nyon sgrib ci
rigs spangs pa'i rnam grol lam mngon du byed pa 'og min gyi
mthar thug par 'gro ba ste de la sngar gyi grangs 'jon lnga las
gzhan rnam pa gsum yod de/ dang por tshangs rigs

@080a @#/ /su skye ba blangs nas gzhan dor te/ de nas 'og min tu
skye ba len pa 'phar pa dang/ yang tshangs rigs nas gnas gtsang
ma'i 'og ma gsum gang rung du skye ba blangs nas/ de nas 'og min
du skye ba len pa phyed du

'phar ba dang/ tshangs ris nas 'og min gyi bar rim gyis brgyud
nas 'og min gyi rten la nyon sgrib ci rigs spangs pa'i rnam grol
lam thob pa gnas thams cad du 'chi 'pho ba nyid kyis gong du
'pho ba gsum yod pa'i phyir/ mi shes pa kha

cig mdo'i sgras zin tsam la mngon par zhen nas byang chub sems
dpa' 'phags pa bsam gtan bzhi thob pa yin yang tshangs ris su
skye ba len pa na/ bsam gtan gong ma gsum las nyams par 'dod pa
ni mi rigs pa shin tu chen po

yin te/ byang chub sems dpa' 'phags pa bsam gtan las nyams pa mi
srid pa'i phyir dang/ yan lag yongs su zad pa dang zhes bshad
pas/ bsam gtan bzhi thob kyang/ bsam gtan dag pa pa'i las dbang
gis skye ba len pa'i

nus pa yongs su zad pas de'i dbang gis srid par skye ba mi srid
pa'i phyir ro/ /des na gzugs khams su skye ba len pa rnams kyang
snying rje dang smon lam gyi dbang gis yin la/ mdo'i sgras zin
la nyon thos kyi dge 'dun dang/ tha snyad mthun

par byas pa rnams ni nyan thos rigs ma ngas pa la cig theg pa
chen po la gzhug pa'i ched dang/ kha cig zhugs gnas la sogs pa'i
rnams gzhag med pas theg pa chen po'i mdo sde bka' ma yin no
zhes skur pa 'debs pa dgag pa'i chad

@080b dang; nyan thos zhi ba'i dbyings las bzhengs pa dag la mya
ngan las 'das pa de tsam gyis thob bya yongs su rdzogs pa ma yin
te/ mi gnas pa'i mya ngan las 'das pa dag thob par bya dgos so
zhes theg pa chen por bkri ba'i ched du yin no/ /de'i 'og 

tu byang sems de nyid gzugs med khams su skye ba don du mi gnyer
bas srid pa'i rtse mo'i mthar thug par 'gro ba zhes ming btags
pa ni gzugs kyi nyon mongs ci rigs spangs pas gzugs kyi 'dod
chags dang bral ba'i khyad par gcig la btags

pa ste/ srid rtse'i nyon mongs dang ldan pa byang chub sems dpa'
sa drug pa bde la nyi shu'i grangs 'dzin brgyad las gzhan rnam
pa gnyis so/ /mthong ba'i chos la zhi ba las nyon gyi dbang gis
nyid mtshams sbyor ba'i skye ba zad pa thob pa dang rnam thar

brgyad ting nge 'dzin gyi lus kyis mngon sum du byed pa gnyis
yod pa'i phyir/ de'i 'og tu nyon sgrib zad par spang ba'i rnam
grol lam thob phyir tu brtson pa'i sa bcu pa bde nyid dgra bcom
pa nyid kyi 'bras bu la zhugs pa shes pa grangs gcig yin

no; ;de'i 'og tu rang sangs rgyas kyi ming can gyi byang chub
sems dpa' dang grangs nyi shu'o/ /gnyis pa gdams ngag gi don
sgoms pas stong nyid la dmigs pa'i sgom byung skyes pa'i thob ma
bshad pa la/ spyi'i don dang/ yan lag gi don to/ /

dang po la/ rten dang/ ngo bo dang/ blo rigs dpyad pa'o/ /dang
po ni/ lus rten gling gsum gyi skyes pa dang bud med 'dod lha
dang bcas pa'i lus kyi rten yin la/ chos mchog dngos su skye
ba'i rten ma yin yang/ drod dang rtse mo gzugs khams pa

@081a @#/ /'ga' zhig la yang skye bar mngon na/ /gnyis pa la/
mtshan nyid dang/ dbye ba dang/ skye tshul dang/ phye ba so so'i
don te/ /dang po ni/ thar pa cha mthun rdzogs rjes kyi bden pa
mngon par rtogs pa dang rjes su mthun pa'i theg

chen gyi 'jig rten pa'i lam mo/ /sgom byung 'ba' zhig tu zad pa
ma yin te/ thos pa dang bsam pa las byung ba'i shes rab du ma
yod pa'i phyir ro/ /gnyis pa ni/ gnas skabs kyi dbye ba chung
ngu 'bring chen po gsum/ ngo bo'i dbye ba dro ba la sogs

pa bzhi'o/ /gsum pa ni/ tshogs lam gyi skabs su mkhyen pa gsum
gyi rnam pa'i rigs ma lus pa rdzogs par nyams su len pa'i rnam
rdzogs sbyor ba mdzad nyid tshang ba yod cing/ mi rtag pa dang
sdug bsngal la dmigs pa'i sgom byung

dang; mi sdug pa bsgom pa sogs kyi sgom byung yod kyang stong pa
nyid la dmigs pa'i sgom byung gi shes rab ni med de/ de thog mar
nam skyes pa na sbyor lam du 'pho ba'i phyir ro/ /stong nyid la
dmigs pa'i shes rab gsum la khyad par ci zhig yod ce

na; bden pa'i spros pa rnam par bcad tsam gyi stong pa nyid la/
thos pa dang/ bsam pa las byung ba'i shes rab kyis dmigs pa'i
tshe yul gyi spyi legs par shar yang/ yul yul can gnyis gnyis
snang shin tu rags pa dang bcas nas 'brel

pa med pa lta bur snang la/ sgom byung gi shes rab kyis dmigs
pa'i tshe ni/ gnyis snang yod kyang snga ma gnyis lta bu'i gnyis
snang rags pa log nas/ yul de la zug pa ltar snang zhing/ chu la
chu bzhag pa'i tshul du 'gyur la khang pa ltar snang

@081b bas; tshul de lta bur stong pa nyid kyi don spyi shar pa
la/ chos nyid gsal bar snang zhes bya'i/ rtog bral gyis gsal
snang ni ma yin no/ /de yang zhi gnas la mnyam par bzhag pa'i
ngang nas stong pa nyid kyi don la rigs pas legs par dpyad pa'i
stobs

kyis lus sems shin tu sbyangs pa'i bde ba 'dren nus pa'i mtshams
de nas stong nyid la dmigs pa'i lhag mthong mtshan nyid pa thob
cing/ de'i zung 'brel thob pa zhes bya'i/ zhi lhag zung 'brel
tsam zhig ni tshogs lam dang/ phyi rol pa kha cig

la yang yod par shes par bya'o/ /de lta bu'i stong nyid rtogs
pa'i zhi lhag zung 'brel thog mar skyes pa na sbyor lam drod
skye ba zhes bya la/ de'i tshe mnyam par bzhag bzhin pa'i dus
nyid na yang gnyis snang yod pa myong stobs kyis nges nus kyang
sbyor

lam bzod pa thob pa sogs kyi tshe/ de ltar nges mi nus pa nyan
thos kyis las gnyis snang nub pa ltar snang gi gnyis snang nub
pa ni ma yin no/ /zhes bshad do/ /bzhi pa ni/ sbyor lam bzhi la
gzung ba rang bzhin med pa la/ gsal snang chung ngu 'bring

chen por gyur pa dang/ 'dzin pa rang bzhin med pa la gsal snang
rdzogs pa'i sgo nas khyad par dbye ba shin tu dka' ste/ mnyam
gzhag tu gzung 'dzin gyi chos thams cad cig car du bsdus nas de
bden pas stong pa la mnyam par bzhag cing/

de dag gi chos nyid kyi don spyi gsal por shar pa la yang khyad
par med pa'i phyir ro/ /des na sbyor lam dang po gnyis kyi skabs
su gzung ba bden 'dzin spong ba'i nus pa gong nas gong du khyad
par du gyur nas/ sbyor lam bzod pa skyes pa'i tshe

@082a @#/ /gzung ba bden 'dzin lhan skyes mngon gyur gyi yang nus
pa rags pa nyams par byas pas mnyam gzhag las langs pa'i tshe
gzugs la sogs pa'i gzung bya'i chos rnams me long nang gi gzugs
brnyan

ltar snang ba'i spyi legs par shar ba dang/ chos mchog skyes
pa'i tshe 'dzin pa la yang sgom pa'i stobs kyis de ltar snang ba
yin la/ rim pa de ltar 'ong ba yang gzung bya dang/ 'dzin pa la
bden zhe na spang dka' sla'i dbang las yin no/ /mdo

sde rgyan las/ de tshe de yi gzung ba yi/ /rnam par g.yeng ba de
spong 'gyur/ /zhes dang/ 'di ltar de yi mjug thogs su/ /'dzin
pa'i rnam par g.yeng ba spong/ /zhes spangs ba'i ngos nas bzhag
pa ltar ro/ /ye shes kyi gsal snang yod

med kyi khyad par 'byed pa skad byed pa ni/ zer rgyus phongs par
gsal lo/ /gsum pa ni/ de lta bu'i sbyor lam la mnyam par bzhag
pa'i tshe/ chos nyid la sgra don 'drer rung 'dzin pa'i rtog bral
du 'dod pa ni mi rigs te/ so so skye bo la chos nyid

lkog tu gyur pa'i phyir dang/ de 'dra'i rtog med kyis lkog gyur
'jal ba mi srid pa'i phyir ro/ /chos nyid la 'khrul pa yin na
sgro 'dogs mngon gyur sel ba yang mi 'thad de/ rtog med log shes
yin pa'i phyir/ ma 'khrul na/ mthong

spangs kyi sa bon yang spangs par thal/ chos nyid la rtog bral
ma 'khrul pa'i shes pa yin pa'i phyir/ des na de lta bu'i sbyor
lam mnyam gzhag ni/ stong nyid rtogs pa'i bcad shes kyis rgyun
goms par byas pa'i stobs kyis sgom

@082b byung du gyur nas/ stong nyid kyi don spyi gsal bar snang
ba dpyod pa'i ngo bor gyur pa yin no/ /shes rab gsum gyi rnam
dbye mi shes pa kha cig /gcig dang du bral gyi rtags la brten
pa'i rjes dpag tu 'dod do/ /gnyis pa la/ mdor bstan pa dang/

rgyas par bshad pa'o/ /dang po la/ mtshoms sbyar ba dang/ rtsa ba
dang/ 'grel pa'o/ /dang po ni/ tshogs kyi lam la gnas pas las
dang po pa de ltar gdams ngag thob pas gdams ngag gi don bsgom
pa la nges par 'byed pa'i yan

lag 'byung bas de'i rjes su mthong lam skye ba dang rjes su
mthun pa'i lam nges par 'byed pa'i yan lag 'chad do/ /gnyis pa
ni/ sgras zin tshod ltar na/ rkang pa bar pa bzhi khyad gzhi
dang/ dang po gnyis khyad chos dang/ tha ma gnyis gang las khyad

par du 'phags pa'i don bstan la/ 'grel pa 'dir yang don gyis che
'bring gi khyad par yang khyad chos su bstan cing/ slob dpon
'phags pa'i 'grel pa las gsal bar gsungs pas/ de'i ltar na byang
chub sems dpa' skyob pa yi drod

sogs chos can/ nyan thos bse ru lta bu dang bcas pa'i sbyor lam
dag las khyad par 'phags te/ gang gis na/ dmigs pa dang ni rnam
pa dang rgyu dang yongs su 'dzin pa yis dang/ bdag nyid ji bzhin
du rnam rtog bzhi po ldan pa la brtan pa dang

chung dang 'bring dang chen po rnams kyis khyad par 'phags pa'i
phyir/ chung 'bring khyad chos su 'gyur ba'i rgyu mtshan ni/ theg
pa chen po'i lam gyi lus yongs su rdzogs pa gong nas gong du
'phel zhing goms par byed pa ni khyad chos bla na med

@083a @#/ /pa'o; ;'grel pa'i sgras zin ltar na/ rkang pa drug pa
khyad gzhir bya'o/ /de dag gi don lhag ma rnams 'og tu 'chad par
'gyur ro/ /gsum pa la gnyis/ dman pa'i sbyor lam las khyad zhugs
par bsgrub pa dang/

dmigs tshul bcu gnyis bzhir bsdu ba'o/ /dang po la gnyis/ khyad
par 'phags tshul dang/ de'i rgyu mtshan no/ /dang po ni/ byang
chub sems dpa' rnams kyi nges par 'byed pa'i cha dang mthun pa
bzhi po chos can/ nyan thos la sogs pa'i

dro ba la sogs pa las khyad par du 'phags pa yin te/ de las
khyad chos drug gam lngas khyad par du 'phags pa'i phyir/ khyad
gzhi nyid bshad pa ni/ de rgyu khyad par 'phags pa dang ldan te/
theg pa chen po'i lam 'bras bu dar

bcas pa la thos pa dang bsam pa la sogs pa rab gyi mthar phyin pa
thob pa thar pa'i cha dang mthun pa dad pa'i yul du theg pa chen
po'i chos ma lus pa rdzogs pa la sogs pas/ dad sogs yul la mkhas
pa'i dad pa la sogs pa'i

mtshan nyid kyi dge ba'i rtsa ba'i rang stobs kyis drangs pas de
yi 'og tu 'byung ba'i phyir/ 'bras bu khyad par can dang bcas te
bden pa bzhi mngon sum du rtogs pa'i mthong lam skye ba dang
rjes su mthun pa'i rgyu yin pa'i phyir/ rang gi ngo bo khyad

par can dang ldan te/ stong nyid la dmigs pa'i 'jig rten pa'i
bsgom pa las byung ba gtso bor gyur pa'i skabs kyi lam yin pa'i
phyir/ de la ngo bo'i dbye ba stong pa nyid la dmigs pa'i dro
bar gyur pa zhes bya ba'i dge ba'i rtsa ba dang/ de'i 'og tu de
nyid

@083b las rab tu gyur pa rtse mor gyur pa dang/ de'i 'og tu
stong nyid la mi skrag pa'i bzod pa dang por thob pas bzod par
gyur pa dang/ de'i 'og tu 'jig rten pa'i chos kyi mchog ces bya
ba bzhi dang/ gnas skabs kyi dbye ba ni/ rgyud gcig la thog
mtha' bar

gsum du skye ba chung ngu la sogs pa'i rims kyis skye bas bsam/
rgyud tha dad pa'i byang chub sems dpa' dang 'brel ba'i dbang po
rtul po la sogs pa'i gang zag gi bye brag gis chung ngu dang
'bring dang chen po ni khyad par 'phags so/ /yang na khyad chos
su sbyar la

bshad do/ /gang gis khyad par 'phags na/ 'og nas 'chad par 'gyur
ba'i dmigs pa'i khyad par gyi ngo bo nyid bden pa bzhi'i dngos
po mi rtag sogs bcu drug gis khyad par du byas pa la dmigs pa
yin te/ de sgro 'dogs gcod pa'i gzhir bzung ba'i

phyir; sbyor lam mnyam gzhag de bden par mngon par zhen pa med
pa la sogs pa'i rnam par zhugs pa yin te/ gzung 'dzin bden par
zhen pa'i chos su blta ba'i dngos kyi gnyen po nyid kyis so/
/'bras bu khyad par can gyi rgyu nus pa mthu can yin pas

khyad par du 'phags te/ theg pa gsum char mngon sum du rtogs
pa'i mthong lam gyi rgyu'i ngo bo khyad par can du gyur pa'i
phyir/ byang sems sbyor lam pa yongs su 'dzin pa khyad par can
dang ldan pa yin te/ dge ba'i bshes gnyen khyad par can

mchog gi sprul pa'i skus theg pa chen po'i lam rdzogs par ston
pa'i thabs la mkhas pa'i mtshan nyid kyis dngos su rjes su bzung
ba'i phyir/ rtse mos bsdus pa'i mthong ba dang sgoms pas spang
bar bya ba gzung ba dang 'dzin pa'i rnam par

@084a @#/ /rtog pa rnam pa bzhi pos khyad par du byas te/ bzhi po
'og nas 'chad par 'gyur ba'i tshul dang kun nas nyon mongs byed
du 'brel par 'byung bas khyad par du byas pa'i phyir ro/ /'grel
chen du/ de ltar 'og nas 'tshad

pa'i rtse mo'i mngon par rtogs pas bsdus pa mthong ba dang/ sgom
pa'i lam gyis spang bar bya ba'i rnam par rtog pa bzhi po rnams
kyis grangs ji lta ba bzhin du nges par 'byung ba'i cha dang
mthun pa 'di dag kun nas nyon mongs pa la brten par

brjod par bya'o zhes gsungs pas/ skabs 'di nas bstan pa'i rtog
pa 'og nas 'chad pa'i rtse sbyor gyis spong bar gsungs pas de'i
skabs kyi lam rnams dag sa'i gnas skabs 'ba' zhig la 'chad pa
legs par bkag pa yin no/ /rnam

rtog dang ldan tshul yang kun nas nyon mogs byed du ldan par
gsungs pas mnyam gzhag gi ngo bor ldan pa sogs su 'dod pa ni
rigs pa'i lam las 'das pa'o/ /dro sogs bzhi la rtog pa bzhi rim
pa bzhin du ldan pa'i don sa bon dang rim

bzhin du ldan pa yin nam/ mngon gyur dang ldan pa yin nam/ 'on
te rim pa de ltar du sdong ba'i don yin/ dang po mi 'thad de/
sbyor lam drod kyi dus na rtag pa bzhi ga'i sa bon dang ldan
pa'i phyir/ gnyis pa ltar na/ dus mnyam mam mi mnyam/ mnyam

na ngo bo gcig gam tha dad/ ngo bo gcig pa mi 'thad de/ gzung
'dzin bden par 'dzin pa dang/ bden ston du rtogs pa gnyis dmigs
yul gcig la dmigs nas 'dzin stangs dngos su 'gal ba'i phyir/ dus
mnyam ngo bo tha dad pa yang

@084b mi rung ste/ rtog pa rdzas tha dad mngon du gyur pa gnyis
rgyud gcig la dus gcig tu skye ba mi 'thad pa'i phyir te/ gang
zag gcig rgyud du mar thal ba'i phyir ro/ /dus mi mnyam na yang/
sbyor lam bzhi la rtogs pa bzhi so sor ldan pa'i rgyu mtshan

med pa'i phyir/ yang gzung 'dzin gyi chos bzhi bden med du rtogs
ma rtogs kyis khyad par 'byed na yang mi rigs te/ sbyor lam drod
kyi dus na yang chos thams cad bden stong du rtogs pa'i phyir
ro/ /de la kha cig na re/ gzung ba 'ba' zhig

bden stong du rtogs na nyi tshe ba'i stong pa la dmigs par 'gyur
ro zhes zer ba ni/ nyes pa chen po yin te/ de ni bden pa'i spros
pa phra rags rdzogs par chod pa dang/ mchod pa la khyab pa'i
stong nyid rtogs ma rtogs su 'jog gi chos can rgya che

chung gis mi 'jog ste/ gzhan du na byang sems mthong lam pas
khyad pa'i stong nyid mngon sum du ma rtogs par 'gyur te/ chos
can mtha' dag mngon sum du ma rtogs pa'i phyir/ gzhan yang gzung
'dzin du rtog pa dmigs pa'i sgo nas

'byed pa mi 'thad de/ gzung bar rtog pa dang 'dzin par rtog ces
rnam pa'i 'dzin stangs su bshad kyi/ rtog pa'i dmigs yul du ma
bshad pa'i phyir ro/ /sbyor lam bzhis rtog pa bzhi rim can du
spong ba yang mi 'chad de/ sbyor lam drod kyi gzung

'dzin gyi chos thams cad bden med du rtogs pa na/ gzung ba bden
'dzin gyi sgro 'dogs gcod la/ 'dzin pa bden 'dzin mi gcod pa mi
'thad pa'i phyir ro zhe na/ 'di la kha cig sbyor lam dang 'di'i
rtog pa mngon du rgyu ngo bo gcig tu 'dod pa ni mi

@085a @#/ /rung ste/ gzung 'dzin bden med du rtogs pa'i sbyor lam
chos mchog des mthong lam rtse sbyor la dngos su phan pa dang/
gnod pa gnyis ka'i gzhi mthun du khas len dgos par 'gyur ba'i
phyir dang/ de dang gzung

'dzin bden zhen gnyis lhan cig mi gnas 'gal la brten pa'i dngos
kyis gnod bya gnod byed ma yin par 'gyur ba dang/ de lta na
sbyor lam chos mchog nyid kyang ched du gtad nas spang dgos par
'gyur na/ de ni byang chub sems dpas tshogs

mtha' yas pas brgyan nas bskal pa du mar 'bad pas bsgrub par bya
dgos pa yin gyi/ 'bad nas spang bar bya'o zhes bya ba ni rnam
par mi 'ong ba'i tshig go /chu la 'o ma 'dres pa ngang pas so sor
'byed pa ltar/ ngo bo gcig kyang so sor dbye bar

bya ba yin no zhe na/ ngo bo gcig tu bskyed pa'i rgyu nus pa ji
ltar che yang/ sgra mi rtag par rtogs pa'i tshad ma dang/ sgra
rtag 'dzin gyi sgro 'dags mngon gyur ngo bo gcig tu bskyed pa'i
rgyu ni cung zad kyang med par shes par bya'o/ /des na nges
'byed

cha mthun rnam rtog dang ldan pa'i don gong du drangs pa ltar/
kun nas nyon mongs byed du ldan par gsungs pas/ spang byar ldan
pa yin la/ sa bon dang ldan pa la byas na thams cad la thams cad
ldan pas rim can du ldan pa'i don mi srid

pa'i phyir ro/ /kun nas nyon mongs byed du ldan pa'i don yang
nyan thos nyar zhi tsam don du gnyer ba rnams nyon sgrib ched du
gtad nas spong bar byed kyi/ gzhan du 'dod bya'i 'bras bu mi
thob pas de'i ched du 'bad par byed par ltar/ byang chub sems

@085b dpa' rnams kyang gzung 'dzin bden par 'dzin pa'i rnam rtog
ched du gtad nas sdang bya'i gtso bor byed kyi/ gzhan du 'dod
pa'i 'bras bu rnam mkhyen mi thob pas/ de'i don du 'bad pa byed
pa kun nas nyon mongs byed du ldan pa'i don yin te/ byang chub
sems

dpa' rnams kyi nyon mongs pa ni rnam par rtog pa'o/ /zhes bshad
pas so/ /gzhan du na de'i rnam rtog nyon mongs su mi 'thad cing/
nyon mongs par byed pa'i don gzhan yang mi 'thad pa'i phyir ro/
/rnam rtog bzhi po spang dka' sla'i gnas kyis drod

kyi skabs su spang bya la gzung byar bden 'dzin nyams smad pa
tsam du gnyen po'i phyogs la gzung byar bden 'dzin nyams pa med
pas chos thams cad bden stong du rtogs par khyad par med kyang/
goms pa yun ring thung gi dbang dang/ yon

tan gon du 'phel ba'i khyad par gyis gnas skabs de bzhir rnam
par rtog pa mngon gyur bzhi rim gyis shas chung du 'gyur bas
mngon gyur spang byar tshul des ldan pa'i don yin no/ /gnyis pa
ni/ theg chen gyi sbyor lam de nyid dman pa'i sbyor lam

las khyad par 'phags te/ nyan rang de dag gi dro bar gyur pa la
sogs pa'i dge ba'i rtsa ba ni nyan thos kyi theg pa'i tshul gyi
rnam gzhag byed pa'i shing rta chen po'i lugs las zag bcas kyis
bsdus pa'i gzugs su rung ba la sogs pa dang/ las nyon

gyis bsdus pa'i sdug kun dag pa pa dang/ 'gog lam dag pa pa'i
mtshan nyid kyi dngos po'i bdag nyid kyi bden pa bzhi la dmigs pa
dang gang zag gi bdag tu lta ba'i gnyen po tsam byed pa nyid
kyis mi rtag pa la sogs pa'i rnam par zhugs pa

@086a @#/ /dang; mi rtag par rtogs pa'i blo de nyid kyis bdag med
rtogs par ston pa ma yin no/ /nyan thos rang gi theg pa rtogs pa
kho na'i rgyu'i ched du dang/ thabs shes rdzogs par ston pa'i
sgo nas yongs su 'dzin pa dang bral ba dang/

gzung 'dzin gyi rnam par rtog pa rnam pa bzhi dang spang gnyen
du mi ldan par 'byung ngo zhes 'byung ba'i phyir ro/ /khyad chos
kyi rnam pa spangs pa'i 'gog lam dag pa pa ji lta bu zhe na/
thog mar sdug kun gyi mtshon gzhi dag pa ba shes bya dang/ spang
byar

khong du chud pa na de'i rjes su sdug kun 'gags pa'i 'gog pa
dang/ de thob byed kyi lam bden tsam zhig yod par khong du chud
nus la/ de'i rjes su sdug bsngal 'gags pa'i 'gog pa mngon du bya
nus dang/ de byed pa la lam bden yun ring por rgyud la

bsten byar khong du chud par 'gyur bas sngar rtogs pa'i 'gog lam
khyad gzhir byas te/ khyad chos brgyad kyis khyad par du byas
nas bsgom par byed pa yin no/ /gnyis pa la bzhi/ dngos dang/
rnam pa gzhan gyi sgo nas dmigs pa dang/ de

'dir dngos su mi ston pa'i rgyu mtshan dang/ rtsod pa spang ba'o/
/dang po ni/ byang chub sems dpa' rnams kyi nges par 'byed pa'i
cha dang mthun pa rnams ni chos can/ rang gi rnam pa'i 'dzin
stangs ji ltar srid pa bzhin bden pa bzhi'i dngos po la dmigs

pa yin te/ lam rdzogs par nyams su len pa la thabs mkhas pa'i
stobs kyis bzod pa 'bring gi gnas skabs kha cig tu ni rgyu'i sgo
nas chos mchog chung ngu'i gnas skabs kha cig tu ni 'bras bu'i
sgo nas bzod pa chung ngu'i gnas skabs kha

@086b cig tu ni bden gnyis kyi ngo bo nyid kyi sgo nas gzhan
dgu'i gnas skabs kha cig tu chos nyid kyi rnam pa'i sgo nas bden
pa bzhis dmigs pa'i phyir/ mnyam gzhag tu chos nyid kyi rnam pa
dang/ rjes thab tu ngo bo rgyu 'bras gsum gyi sgo nas dmigs

pa'i phyir ces pa'o/ /gnas skabs so sor bzhag pa ni gdul bya nye
ba'i bsam pa'i dbang gis yin gyi/ gzhan du thams cad kyis thams
cad dmigs pa'i phyir ro/ /gnyis pa ni/ snga ma nyan thos kyi
sbyor lam bzhin du mi rtag sogs

rnam pa gzhan gyis kyang bden pa bzhi la kun tu dmigs so zhes
bya bar shes par bya'o/ /skabs der nyon mongs pa'i dpal gzhom pa
dang/ 'khor ba'i yid 'byung bskyed pa dang/ dman pa'i rigs can
rjes su bzung ba'i ched du skyes bu 'bring gi

bsam pa legs par sbyang dgos pa'i phyir ro/ /gsum pa ni/ dmigs
tshul de 'dir dngos su ma spros so/ /mdor bsdus te/ rtsa ba'i
tshig don rnam par bkrel ba tsam du brjod par 'dod pas so/ /bzhi
pa ni/ bden pa bzhi la/ rnam pa mtha'

yas pas dmigs na/ chos mngon pa las/ dri med bcu drug gzhan rnam
med/ ces pa dang 'gal lo zhe na/ bden bzhi'i rnam pa bcu drug
las gzhan mi sgom pa'i theg pa gzhan la brten nas ni/ skabs 'dir
ma zad gong 'og gang du yang sun

'byin pa brjod par mi bya'o/ /gang gi phyir na/ bden pa bzhi'i
rnam pa rdzogs par nyams su len pa 'di ni/ theg chen gyi rigs
can la theg pa chen po'i sde snod chad mar byas pa'i rnam par
bzhag pa snga ma las gzhan kho na yin pa de'i phyir/

@087a @#/ /gnyis pa rgyas bshad la/ khyad chos snga ma gsum bshad
pa dang/ rtog pa'i khyad chos dang yongs 'dzin bshad pa'o/ /dang
po la gsum spyi'i mtshams sbyar/ so so'i don bshad/ brjod tshul la
rtsod pa spang pa'o/ /

dang po ni/ dmigs pa dang zhes so/ /gnyis pa la bzhi'i dang po
drod kyi dmigs rnams rnam rgyu'i khyad par dang bcas pa la gnyis
rtsa ba dang/ 'grel pa'o/ /dang po ni/ bphyir ron pa'i rten can
mi rtag pa la sogs pa bcu drug chos can/ theg chen gyi

sbyor lam drod chung ngu'i dmigs pa yin te/ de'i sgro 'dogs gcad
par bya ba'i gzhi yin pa'i phyir/ de bzhin du dmigs pa lhag ma
kun la sbyor bar bya'o/ /bden pa bzhi po de yin gyi khyad chos
bcu drug la bden par mngon par zhen pa dang

lhag par gnas pa la sogs pa'i drod chung ngu'i ye shes chos can/
drod chung ngu'i rnam pa yin te/ de'i dmigs pa'i chos la log
phyogs su sgro 'dogs pa 'gog pa'i drod chung ngu'i ye shes yin
pa'i phyir/ de bzhin du rnam pa lhag ma rnams

la yang sbyar bar bya'o/ /mdo las/ shA ri'i bu byang chen sher
phyin la spyod pa'i tshe gzugs me rtag pa dang sdug bsngal pa
dang stong pa dang bdag med ces bya bar mngon par zhen pa dang
lhag par gnas pa dang kun shes pa de ni byang chen gyi

chos la mi mthun pa'i sred pa ste skyon no/ /zhes so/ /de chos
can/ 'bras bu khyad par can gyi rgyu byed de/ theg pa gsum char
'thob pa'i theg chen mthong lam gyi rgyu yin pa'i phyir/ 'og ma
rnams la yang sbyar bar bya'o/ /mdo las/ nyan

@087b thos kyi sa la slob par 'dod pas kyang sher phyin 'di nyid
mnyan par bya/ zhes so/ /gzugs sogs 'du 'god bden pa ba dang
bral bas khyad par du byas pa'i bden pa bzhi drod 'bring gi
dmigs pa dag/ ming rgyun gnas pa dang bral ba dang/ gnas

pa don dam par med par rtogs pa'i ye shes rnam pa dang/ gzugs
sogs brdar btags pas khyad par du byas pa drod chen po'i dmigs
pa dang/ don dam par brjod du med par rtogs pa'i ye shes rnam
pa'o/ /mdo ni rim pa bzhin du/ bcom

ldan 'das bdag gis gzugs kyi 'du ba dang 'dod pa ma 'tshal ma
dmigs yang dag par rjes su ma mthong zhes dang/ ming de yang nas
pa yang ma lags mi gnas pa yang ma lags zhes dang/ bcom ldan
'das 'di lta ste byang sems

zhes chos kyi brdar btags pa dang/ chos su btags pa gang lags pa
'di yang zhes dang/ phung po nas sangs rgyas kyi chos ma 'gres
pa'i bar gang gis kyang brjod par bgyi ba ma lags te/ zhes so/
/gnyis pa la/ bshad pa dang/ bsdu ba'o/ /

dang po ni/ de la zhes so/ /drod chung ngu de'i rnam pa ni sdug
bsngal la sogs pa'i bden pa la dang por bden par mngon par zhen
pa dang/ bden par lhag par dmigs pa dang/ phyin ci log gi rgyu
mtshan bzung nas kun shes pa la sogs pa

'gog pa'i dring chung ngu'i ye shes de'i rnam pa yin no/ /gzhi
dang lam dan 'bras bu gsum la rim pa bzhin du mngon zhen 'gog pa
yin no/ /theg chen gyi sbyor lam dro ba la sogs pa bzhi po thams
cad kyang chos can/ theg pa gsum

@088a @#/ /char gyi rtogs pa 'thob pa'i mthong lam gyi rgyu'i ngo
bo nyid yin par khong du chud par bya'o/ /de'i rjes mthun gyi
thabs dam pa yin pa'i phyir/ gzugs la sogs pa bsgrub pa dang
dgag pa dag don dam par mos pa yid

byed kyis grangs bzhin du mi dmigs shing/ de kho na nyid yid la
byed pa dag gis ma mthong ba drod 'bring gi dmigs pa yin no/
/don dam par ming thams cad med pa nyid kyis ming gi rgyun mi
'dra ba dang rings rgyun 'dra basr 'jug pa'i mtshan

nyid dag med par rtogs pa'i 'bring gi ye shes chos can/ de'i
rnam pa yin no/ /rgyun mtshan ni rtsa ba ltar ro/ /gzugs nas
sangs rgyas zhes bya ba'i bar gyi chos thams cad brdar btags
pa'i chos ming gi tha snyad pa tsam gyis khyad par du byas pa

chen po'i dmigs pa yin no/ /don dam par dge ba la sogs pa nyid
kyi chos gang du yang brjod du med par rtogs pa'i drod chen po'i
ye shes de'i rnam pa yin te/ zhes so/ /gnyis pa ni/ bshad pa de
ltar na stong pa nyid la dmigs pa'i

sgom byung gi thog ma yin pas mi mthun phyogs sreg pa la nus pa
khyad par can thob pa rnam par mi rtog pa'i zhes so/ /gnyis pa
rtse mo la/ rtsa ba dang/ 'grel pa'o/ /dang po ni/ slob dpon
'phags pas rtse ma chung ngu'i dmigs rnam la

bden pa rnam par ma bzhag pa dang bzhag pa gnyis las dang po ni/
gzugs sogs don dam par mi gnas pa de dag ni don dam par de'i ngo
bor rang bzhin med pas khyad par du byas pa dmigs pa dang/ gzugs
sogs dang de'i chos

@088b nyid de dag gcig gi rang bzhin gcig tu rtogs pa'i ye shes
rnam pa dang/ mdo ni rim pa bzhin/ byang chen sher phyin la
spyod pa'i tshe gzugs la gnas par mi bgyi zhes dang/ gzugs kyi
stong pa nyid gang lags pa de gzugs ma lags so/ /

stong pa nyid las gzhan na yang gzugs ma mchis zhes so/ /gnyis
pa'i dbang du byas nas gzugs la sogs pa de rnam de'i ngo bos
stong pas don dam par mi rtog pa la sogs par mi gnas pas khyad
par du byas pa dmigs pa dang/ mi

rtog sogs dang de'i chos nyid de dag gcig gi rang bzhin gcig tu
rtogs pa'i ye shes rnam pa'o/ /mdo ni rim pa bzhin bcom ldan
'das gzhan yang byang chen sher phyin la spyod pa de'i tshe des
gzugs mi rtag ces bgyi bar gnas par mi

bgyi zhes pa nas gzugs zhi zhes bgyi bar gnas par mi bya zhes
dang/ bcom ldan 'das mi rtag pa nyid kyi stong pa nyid gang la
de mi rtag pa ma lags/ mi rtag pa nyid las gud na yang stong pa
nyid ma mchis te/ zhes so/ /chos rnams

mtshan mar ma 'dzin pa gang yin pa dmigs pa dang/ de dag bden
pa'i mtshan mar mi mthong bar rtogs pa'i ye shes 'bring gi rnam
pa'o/ /mdo ni rim pa bzhin/ bcom ldan 'das rnam pa thams cad
mkhyen pa nyid ni mtshan mar bzung

bar bgyi ba ma lags te zhes dang/ ngas ngas rang gi mtshan nyid
kyis stong pa'i chos rnams la gang yongs su ma bzung ba'o/ /'di
ltar des shes pa de la nang gi thob pa dang mngon par rtogs pa
yang dag par rjes su ma mthong zhes so/ /don dam la

@089a @#/ /dpyod pa'i shes rab kyis ni yongs su rtog pa brtags
pas khyad par du byas pa'i bden bzhin dmigs pa dang/ 'khor gsum
po thams cad bden par dmigs su med par rtogs pa'i rtse mor chen
po'i ye shes

de de'i rnam pa'o/ /mdo ni rim pa bzhin/ byang chen sher phyin
la spyod pa'i tshe sher phyin ni gang/ gang gi ci zhig ci'i phyir
shes phyin zhes bya ba zhes de ltar yong su brtag par bgyi'o
zhes dang/ tshe dang ldan pa shA ri'i bu nang stong pa nyid la
sogs

pa'i phyir gzugs med cing ma dmigs so/ /zhes so/ /gnyis pa la/
bshad pa dang/ bsdu ba'o/ /dang po ni/ gzugs la sogs pa la don
dam par mi gnas pa rtse mo chung ngu'i dmigs pa zhes bya ba yin
no/ /don dam par rang gi ngo bo stong

pa nyid kyis khyad par du byas te/ gzugs la sogs pa don dam par
rang gi ngo bo dang bral ba'i ngo bo nyid yin pas so/ /gzugs la
sogs pa de dag la don dam par rtag pa dang mi rtag pa la sogs pa
nyid du mi gnas par rtogs pa'i rtse mo

'bring gi ye shes de'i rnam pa yin no/ /stong pa nyid la don dam
par mi rtag pa la sogs pa med pa nyid kyis khyab ste/ don dam
par gzugs la sogs pa chos thams cad dang de'i stong pa nyid dag
phan tshun ngo bo gcig pa yin pas so/ /

mi rtag pa 'di la sogs pa dang/ stong pa nyid dag phan tshun bdag
nyid gcig pas khyad par du byas pa 'bring gi dmigs pa yin no/
/mi rtag pa la sogs pa dang de'i stong pa nyid rnams ni chos
can/ don dam par rang gi ngo bo nyid dman pa

@089b yin pas khyab ste/ bden pas stong pa chos kyi dbyings kyi
ngo bo nyid kyis so/ /bden pa'i ngo bo nyid bkag pas gzugs la
sogs pa la don dam par rang gir mi byed par rtogs pa'i 'bring gi
ye shes gang yin pa de rnam pa yin no/ /don dam

par ngo bo nyid med pa nyid kyis gzugs la sogs pa de dag don dam
par grub pa'i ston po la sogs pa'i mtshan mar mi mthong ba chen
po'i dmigs pa yin no/ /dngos po thams cad 'khor gsum du bden par
me dmigs pas nges par

rtog pa'i ye shes rnam par yin no/ /brtag byar bden par med de/
de ltar don dam la dpyod pa'i shes rab kyis yang dag par rab tu
rnam par 'byed pas so/ /gnyis pa ni/ de ltar na drod man chad du
log ltas dge rtsa gcod sred pas dge ba'i

rta ba g.yo ba yin la/ 'di thob nas de mi srid pas de las rab
tu gyur pa g.yo ba'i rtse mo yin pa'i phyir/ zhes so/ /gsum pa
bzod pa la rtse ba dang/ 'grel pa'o/ /dang po ni/ /gzugs sogs
don dam par ngo bo nyid med gnyid dmigs

pa dang/ don dam par de med pa tha snyad pa'i ngo bo nyid du
rtogs pa chung ngu'i rnam pa dang/ gzugs la sogs pa de dag skye
med nges 'byung med pas khyad par du byas pa dmigs pa dang/ bden
bzhi la tshul de ltar dmigs nas

bsgoms pas lus sogs rnam par dag par rtogs pa 'bring gi rnam pa
dang/ de dag mtshan ma med pas khyad par du byas pa dmigs pa
dang/ don dam par de'i mtshan mar mi brten pas yid byad gnyis
kyis mes pa min pa dang/ 'du

@090a @#/ /shes med par rtogs pa'i bzod pa chen po'i ye shes de
de'i rnam pa yin no/ /mdo ni rim pa bzhin du/ shA ri'i bu gzugs
ni gzugs kyi rang bzhin dang bral ba'o zhes pa nas ma 'dres pa'i
bar dang/ shA

ri'i bu mtshan nyid kyang mtshan nyid kyi ngo bo nyid dang bral
ba'o/ /ngo bo yang ngo bo'i mtshan nyid dang bral ba'o/ /zhes
dang/ shA ri'i bu gzugs ni gzugs kyi rang bzhin gyis stong ste/
de la skye ba'am/ nges par 'byung ba yang mi dmigs zhes

dang; rnam mkhyen dang nye ba yin te/ ji lta ji ltar rnam mkhyen
dang nye bar gyur pa de lta de ltar lus dang ngag dang sems dang
mtshan de 'dod chags dang ldan pa'i sems mi skyes cing zhes dang/
byang chen sher phyin la spyod pa na thabs mi mkhas

pas gzugs la spyod pa na mtshan ma la spyod do/ /zhes dang/ byang
chen sher phyin la spyod pa na gzugs la gnas pa med pa dang/
lhag par mos pa med pa dang/ kun shes pa med pa dang/ zhes so/ /
gnyis pa la/ bshad pa dang/ bsdu

pa'o; ;dang po ni/ gzugs la sogs pa don dam par ngo bo nyid med
pa nyid kyis khyad par du byas pa bzod pa chung ngu'i dmigs pa
yin no/ /don dam par ngo bo med de/ 'dis mtshon par byed pa mtshan
nyid kyi ngo bo nyid dang/ 'di mtshon

par bya ba ngo bo nyid kyi mtshan nyid dag don dam par/ stong pa
nyid du gcig pa nyid kyis so/ /gzugs la sogs pa don dam par
dngos po med pa nyid yin yang bden par zhen pa'i skye bo dmigs
pa can gyi ngor gzugs la sogs pa'i ngo

@090b bo nyid do zhes rtogs pa chung ngu'i rnam pa yin no/
/gzugs la sogs pa la don dam par skye ba 'khor ba yang med mya
ngan las 'das pa yang med pa 'bring gi dmigs pa yin no/ /don dam
par 'khor myang med de/ don dam par rang bzhin gyis ma

skyes pa nyid kyis so/ /chos thams cad kyi rang gi ngo bo don
dam par ma grub par rtogs nas goms par byas pa kho nas lus la
sogs pa sgo gsum dang/ mtshan bzang po dang zhing la sogs pa rnam
pa thams cad du rnam par dag pa thob

par 'gyur ba rtogs pa'i bzod pa 'bring gi ye shes de/ de'i rnam
pa yin no/ /don dam par rang spyi'i mtshan nyid mi 'thad pas chos
thams cad mtshan ma med pa nyid chen po'i dmigs pa yin no/ /mtshan
ma rnams kyi rten bden pa ba stong

nyid don spyi'i tshul gyis rtogs pa'i mos pa yid la byed pas
mtshan mar mi mos shing mngon sum du rtogs pa'i de kho na nyid
yid la byed pas mtshan mar yongs su shes pa med par rtogs pa'i
bzod pa chen po'i ye shes de/ de'i rnam pa

yin te/ gzugs la sogs pa'i rang spyi'i mtshan ma rnams kyi rten
bden par grub pas dang bral ba nyid kyis khyab ste/ don dam par
ma grub pa rang bzhin yin pa kho nas so/ /gnyis pa ni/ de ltar
na mi skye ba'i chos la bzod pa chung ngu thob

cing; ngan 'gror skye ba la so sor btags min gyi 'gog pa thob
pas ngan 'gro med pas chos chen po mi skye ba'i chos la skrag pa
mngon gyur dang bral bas bzod pa'i phyir/ 'dir 'grel chen du/
bzod thob ngan song yong mi ltung/ zhes bshad pas

@091a @#/ /byang chub sems dpa' rnams bzod pa bskyed par mi byed
do/ /zhes slob dpon gyi zhal snga nas kyis gsungs pa gang yin pa
de ni bsam par bya ba yin te/ byang chub sems dpa' rnams kyis
bzod pa rtogs par gsungs

pa'i phyir ro/ /bzod pa thob pa ngan song du mi 'gro'o zhes bya
ba'i mdo dang yang mi 'gal te/ las kyi dbang gis snyam du dgongs
pa'i phyir ro/ /'di ni nges par 'di ltar shes par bya ste/ 'di
ltar bcom ldan 'das kyi bkas shA ri'i bu la sogs

pa yang mdzes dga' khyer te dmyal ba rgyur song ngo zhes phyogs
gzhan du bshad pa yin no/ /zhes pa'i don ni/ slob dpon gyis 'di
ltar bshad pa slob dpon dbyig gnyen la dgag pa mdzad pa ma yin
te/ nyan thos sde pa'i lugs mdzod rtsa

'grel du bkod pa 'gog pa yin la/ sde pa kha cig bse ru lta bu'i
rang sangs rgyas dang/ byang chub sems dpas sbyor lam drod yan
chad stan gcig la bskyed pas byang chub sems dpa'i snying rje'i
dbang gis ngan 'gror skye ba len pa yang

tshogs lam gyi skabs su yin gyi/ de yan chad du 'gro mi srid la/
khyad par bzod pa thob nas theg pa dman pa'i gang zag du ma zad/
byang chub sems dpa' yang ngan song du skye ba mi len no zhes
'dod pa 'gog pa yin te/ chos mngon

pa'i mdo dang yang mi 'gal ba ni/ bzod pa thob nas las dbang gis
ngan 'gror mi skye ba'i don yin gyi/ gzhan gyi don du mi 'gro ba
ma yin te/ byang chub sems dpa' bzod pa thob par ma zad/ 'phags
pa shA ri'i bu la sogs pas

@091b mdzes dga' khyer te dmyal ba rgyur song zhes 'dul ba'i sde
snod las gsungs pa'i phyir ro/ /drod yan chad stan gcig la thob
par byed pa 'di yang theg pa dman pa'i sde snod las gdul bya
gzhug pa'i ched nyid du bcom ldan 'das nyid kyis gsungs

par shes par bya'o/ /bzhi pa chos mchog la/ rtsa ba dang/ 'grel
pa'o/ /dang po la/ chos mchog gi dmigs rnam bye brag tu bshad pa
dang/ spyi'i don bsdu ba'o/ /dang po ni/ bsgom bya ting nge
'dzin gyi ngo bor gyur pa chung ngu'i dmigs pa dang/ ting

nge 'dzin de'i byed pa lhun grub tu 'jug pa rnam pa dang/ lkog
tu lung ston pa'i rgyu khyad par can chos mchog 'bring dang/ don
dam par ngo bo nyid med pa'i gzugs la sogs pa dmigs pa dang/ don
dam par 'khor gsum du rlem par gas pa zad pa'i

ye shes rnam pa dang/ 'khor gsum po chos nyid kyi rang bzhin du
phan tshun ngo bo gcig pa dmigs pa dang/ chos mchog chen po'i
ting 'dzin mtha' gang du yang rnam par mi rtog pa rnam pa'o/
/mdo ni rim pa bzhin du/ 'di ni byang chen rnams

kyi ting nge 'dzin chos thams cad skye ba med pa ste/ zhes dang/
ting nge 'dzin gang gis ting nge 'dzin thams cad kyi spyod yul
nyams su myong bar 'gyur ba ste/ de ni dpa' bar 'gro ba'i ting
nge 'dzin ces bya'o zhes dang/ shVa ri'i bu byang chen ting nge
'dzin

'di dag gis gnas pa de dag ni sngon gyi de bzhin gshegs pa de
dag gis kyang bla med rdzogs byang du lung bstan to/ /zhes dang/
ting nge 'dzin yang dag par rjes su mi mthong ngo/ /bdag ni
snyoms par 'jug go /bdag gis mnyam

@092a @#/ /par bzhag par bya'o/ /bdag ni mnyam par bzhag par gyur
to/ /zhes rlom sems su gyur pa med do zhes dang/ shA ri'i bu
sher phyin yang gzhan la/ ting nge 'dzin yang gzhan byang sems
yang gzhan zhes bya ba med

cing zhes dang/ tshe dang ldan pa rab 'byor rigs kyi bu de ting
nge 'dzin de la 'du shes su byed dam/ smras pa/ tshe dang ldan pa
shA ri'i bu 'du shes su byed pa med do/ /zhes so/ /gnyis pa ni/
de ltar zhes so/ /'dir bstan pa 'di gong ma rnams la

yang sbyar bar bya la/ rgyu'i byad par drod kyi skabs su bstan
pa yang/ tshig tshegs skyung ba'i ched du yin te/ 'og ma rnams la
yang sbyar dgos par shes par bya'o/ /gnyis pa la/ bshad pa dang/
bsdu ba'o/ /dang po ni/ chos thams cad

skye ba med pa dang/ dpa' bar 'gro ba la sogs pa'i ting nge
'dzin bsgom par bya'o zhes dngos su bstan pa'i ting nge 'dzin
dang/ de kho nar ngo bo dbyer med pa'i gzugs la sogs pa chos
mchog chung ngu'i dmigs pa yin no/ /sangs

rgyas pa na/ lhun gyis grub par 'jig rten gyi khams thams cad du
gdul bya'i skal ba ji lta ba bzhin du ting nge 'dzin gyi byed pa
'jug par rtogs pa'i chos mchog chung ngu'i ye shes rnam pa yin
no/ /'phrin las lhun grub tu 'jug

ste; sngon rang gi smon lam dang bsod nams dang ye shes kyi
tshogs gnyis kyi mthu dang/ chos kyi dbyings rnam par dag cing
bsam gyis mi khyab pa nyid kyi stobs kyis so/ /gzung 'dzin rang
bzhin med pa bsgom pa la yang dag par

@092b zhugs pa'i ting nge 'dzin dang ldan pa'i rnal 'byor ba la
sangs rgyas rnams bla na med pa'i byang chub tu lung ston par
mdzad pa 'di ni chos nyid yin pas/ lung ston pa'i rgyu khyad par
can dang don dam par ngo bo dbyer med pa'i gzugs la sogs pa

'brang gi dmigs pa yin no/ /byang chub sems dpa' chos mchog
'bring gi ting nge 'dzin de rang gi ngo bo rtogs shing thob pa
la mnyam par bzhag pa'i tshe/ bdag ni da lta mnyam par bzhag pa'o
snyam pa la sogs pa'i 'khor gsum du

bden par 'dzin pa'i shes pa mi 'byung ba yin te/ de'i tshe bden
'dzin gyi rnam par rtog pa mngon gyur thams cad mi 'thad pas so/
/'khor gsum du bden par mi rtog pa'i chos mchog 'bring gi ye
shes de rnam pa yin no/ /bden pas

stong ba'i chos nyid kyis ting nge 'dzin dang byang chub sems
dpa' dang bsgom bya shes rab kyi pha rol tu phyin pa dang/ den
gsum phan tshun ngo bo gcig pas khyad par du byas pa'i bden pa
bzhi chos can/ chos mchog chen po'i dmigs pa

yin te/ de'i sgro 'dogs gcad par bya ba'i gzhi yin pa'i phyir
ro/ /don dam par ting nge 'dzin du rnam par mi rtog pa ni sangs
rgyas thob pa'i thabs dam par rtogs pa'i chos mchog chen po'i ye
shes chos can/ de'i rnam pa yin te/

de'i dmigs pa'i khyad chos la log par sgro 'dogs pa'i gnyen po
byed pa'i chos mchog chen po'i ye shes yin pa'i phyir/ de kho
nar ting nge 'dzin du brtag byar ma grub ste/ don dam par chos
thams cad yod pa ma yin pa nyid kyis so/ /

@093a @#/ /gnyis pa ni/ de ltar na/ zag pa med pa'i ye shes dngos
su bskyed pas 'jig rten pa'i zhes so/ /gsum pa brjod tshul la
rtsod pa spang pa la/ rtsod pa dang/ lan no/ /dang po ni/ lam
bzhi po 'di dag /

bden pa mngon par rtogs pa'i rjes mthun gyi rgyu yin pas/ 'phags
pa'i bden pa bzhi la dmigs nas de'i khyad par gyi chos stong pa
nyid la sogs pa rtogs pa dgos pas/ de nyid sgras ston par tshe na
yang/ bden bzhi dmigs

pa dang/ bden bzhi'i steng gi khyad par gyi chos rnam par ma
bstan na mi rtogs pas/ de ltar dngos su ston rigs pa la/ drod
chung ngu'i dmigs pa ston pa'i tshe dmigs pa mi rtag la sogs pa
bden pa'i rten can/ zhes bya ba ma gtogs par

lhag ma rnams kyi dmigs pa dang rnam pa ston pa na/ khyad par
can gyi chos brjod pa 'ba' zhig gis thams cad du brjod pa ni mi
rigs te/ dmigs pa khyad par can dang rnam pa chos can de'i steng
du chos brjod par bya ba rigs pa yin

yang ste rigs pa'i phyir ro/ /zhe na/ dngos su rtsod pa'i gzhung
du ma sbyar yang/ don de ltar bshad pa la 'gal ba med do/ /skabs
'dir kha cig /drod chung ngu'i dmigs pa ston pa'i rkang pa dang
po gnyis kyis/ drod chung ngu'i dmigs pa

bden bzhir dngos su bstan nas/ de'i ni zhes pa'i chos brjod kyi
sgras dmigs rnam lhag ma rnams bden bzhi las ngo bo tha dad du
'phangs pas lhag ma rnams bden bzhi la brten par mi rtogs par
'gyur ro zhes pa rtsod pa'i don du

@093b bshad pa la dgag pa byed pa na/ lhag ma rnams chos brjod
pas thams cad du brjod pa ni zhes 'byung ba mi rigs par thal/
lhag ma rnams sgra gnyis kas brjod par rtsod pa yin pa'i phyir/
ces sun 'byin pa ni 'brel ba med par shin tu

gsal lo/ /yang dmigs rnam lhag ma rnams ston pa'i sgras/ dmigs
pa bden bzhi la brten pa dang/ dmigs rnam kun de'i chos su brjod
rigs pa la de ltar ma brjod par lhag ma rnams chos brjod kyi
sgras brjod pas chos can mi go

ba'i skyon med ces lan 'debs pa dang/ sgra gnyis brjod bya tha
dad med pas chos can go ba'i lan du byed pa ji ltar mi 'gal ba
soms shig /sgra gnyis brjod bya tha dad med na/ dmigs rnam lhag
ma ston pa'i sgras chos 'ba' zhig brjod kyi/

chos can ma brjod pa 'gal lo/ /yang sgra la chos du ma yod pa
la/ mi rtag pa kho na shes par 'dod pa na/ sgra'i mi rtag pa
zhes brjod pa'i tshe/ drug pa'i sgras ldog pa gzhan bcad nas/ mi
rtag pa sgra'i chos su 'phangs pa'i phyir/ khyad par

gzhan spangs pa dang/ chos brjod ces bya'o/ /zhes zer ba ni/
sgra gnyis kyi tshul la blo kha cung zad kyang ma phyogs bzhin
du/ dug gsum gang rung gis kun nas bslad nas smra bar gsal te/
phyin ci log gi smra ba yin pa'i phyir/ lan la/ chos

can bden bzhi la brten par dngos su ma brjod pas der mi rtogs
pa'i skyon med pa dang/ de ltar dngos su ma brjod kyang don gyis
go bar bya ba'o/ /dang po ni/ dmigs rnam lhag ma rnams bden bzhi
la brten par dngos su ma brjod kyang/

@094a @#/ /de la brten par mi rtogs pa'i skyon med par thal/ gzhi
gcig la ltos pa'i chos dang/ chos can brjod pa'i sgra gnyis la
khyad par gzhan spong ba dang/ mi spong ba ma gtogs par 'di dag
la don gyi khyad par

ni 'ga' yang med do zhes shing rta chen po'i lugs las 'byung
ba'i phyir ro/ /de yang 'chi gu'i lus dgra can gyi mgo zhes
brjod pa na/ lus dang mgo khyad gzhi dang/ 'chi gu dang dgra can
khyad par gyi chos su go bar byed la/ de bzhin du rnam

'grel las/ de spyi yan lag tu byas te/ zhes bshad pas/ bum pa'i
gzugs zhes brjod pa na gzugs khyad gzhi dang/ bum pa khyad chos
su go bar byed de/ gzugs mdzes zhes brjod pa na/ gang gi snyam
pa'i dogs pa skyes pa na/ bum

pas khyad par du byas nas go bar byad pa yin no/ /ldog pa gcig
brjod pa'i chos dang chos can gyi sgra dper brjod na/ sgra mi
rtag ces brjod pa'i tshe/ sgra de khyad gzhi dang/ mi rtag pa
khyad chos su go bar byed la/ sgra'i mi rtag pa zhes brjod pa

na; mi rtag pa khyad gzhi dang/ sgra khyad chos su go bar byed
pas/ sgra zhes brjod pa'i sgra snga phyi gnyis kas ska'i ldog pa
gcig su brjod par khyad par med kyang/ blo yul du khyad par
gzhan spong ba dang mi spong ba'i chos dang chos can so sor go
bar

byad pa bzhin no/ /des na sgra'i mi rtag ces brjod pa'i tshe/ mi
rtag pa khyad chos su ston par byed pa ni/ gzhung lugs chen mo
gang gi yang don ma rtogs par gsal lo/ /'dir bden pa zhes pa'i
tshig yod med la/ rtsod par gsal

@094b te; slob dpon 'phags pas rtse mo chung ngu'i dmigs rnam
gyi skabs su yang/ bden pa rnams par bzhag pa'i dmigs rnam dngos
su bstan par gsungs pa'i phyir ro/ /de lta ma yin par sdug
bsngal mi rtag pa sogs dngos su bstan ma bstan

la; rtsod na/ dmigs rnam lhag ma kun gyi skabs su bden pa'i rnam
pa dngos su ma bstan pa mi 'thad de/ rtse mo chung ngu'i skabs
su dngos su bstan pa'i phyir ces pa'i lan 'byung rigs pa la/ de
ltar ma byung ba'i phyir ro/ /gnyis pa ni/

lan gyi rnam pa gcig tu na/ sdug bsngal la sogs pa'i bden par
rtogs pa kho na drod chung ngu'i rnam par go bar bya ba yin te/
chos can bden bzhi la bden par mngon par zhen pa dang lhag par
gnas pa la sogs pa bzhag pa dang ldan pa dag tu

rtogs pa'i drod chung ngu'i ye shes de/ de'i rnam pa yin pa'i
phyir/ drod 'brid la sogs pa'i rnam pa 'og ma dag la yang de
bzhin du shes par bya'o/ /sdug bsngal la sogs pa'i bden par
rtogs pa kho na drod 'bring gi dmigs par bya ba yin te/

de kho nar bsgrub pa dang dgag pa dang bral bas khyad par du
byas pa'i bden pa bzhi/ drod 'bring gi dmigs par 'gyur ba'i
phyir/ drod chen po la sogs pa'i dmigs pa 'og ma zhes so/ /kha
cig skabs 'og ma'i sbyor lam la sbyor ba don min te/

mngon rtogs rigs mtshungs pa'i rgyun gcig la 'byung ba yin pas
snga ma la dogs pa bcad pa na/ phyi ma la yang dogs pa chod pa
lan du mi rung ste/ rgyu mtshan de skabs 'og mar bstan pa'i theg
chen gyi sbyor lam la yang mtshungs pa'i

@095a @#/ /phyir te/ gzhan du na rjod byed sel bas 'jug pa ma yin
par 'gyur ro/ /'dir dngos su bstan pa 'di ni rnam pa mngon zhen
la sogs 'gog /ces dang/ gzugs sogs 'du 'god bral zhes pa'i don
bsdus

pa yin no/ /dmigs rnam lhag ma rnams rten chos can bden bzhi la
brten par grub kyang/ bden pa'i rtan can zhes lhag ma rnams la
dngos su mi brjod pa'i rgyu mtshan yod de/ rgyan gyi tshig le'ur
byas pa bsdeb pa'i ngor brjod tshul

tha dad par brjod pa tsam du zad pa'i phyir/ kyang ni 'gal ba
med par sdud pa'i tshig go /gnyis pa rtog pa'i khyad chos la/
spyi dang/ yan lag gi don to/ /dang po la spyi'i nges 'dzin
dang/ dgag sgrub gang gi rnam pa can yin dpyad pa dang/

khyad chos su 'gyur tshul lo/ /dang po ni/ spyir rtog pa gsum
ste/ yang dag pa ma yin pa'i kun rtog dang/ sems rtsid? pa'i
rnam pa can dang/ 'drer rung 'dzin pa'i rtog pa las 'dir ni phyi
ma'o/ /gnyis pa ni/ kha cig /dgag rtog

'ba' zhig tu 'dod pa mi 'thad de/ skabs 'di dang rtse sbyor gyi
skabs gnyis kar sgrub rtog bstan pa'i phyir ro/ /yang kha cig
sgrub rtog 'ba' zhig tu 'dod pa yang mi 'thad de/ shes sgrib
kyis bsdus pa'i gzung 'dzin gyi rnam par

rtog pa'i gtso bo kun 'di dang/ skabs 'og ma gnyis su bstan dgos
te/ gzhan du na 'di gang gi gnyen po yin pa khong du chud par mi
'gyur ro/ /'dir bstan pa'i rtog pa dgag rtog yin na rnam pa'i
khyad chos dang zlos par 'gyur

@095b ro zhes zer ba ni/ 'dir bstan dgag rtog gang yin gzung
'dzin bden med du rtogs pa kho nar 'dod pa spang bya dang gnyen
po'i rnam dbye ma shes pa yin la/ gzung 'dzin bden stong bden
par zhen pa yang dgag rtog tu byed dgos shing/

de yang 'dir bstan pa'i shes sgrib kyis bsdus pa'i rnam rtog yin
pa'i phyir/ gzung bar rtog pa dang 'dzin par rtog pa zhes bshad
pa ni/ phyogs tsam mtshon par byed pa yin gyi/ spang bya rtog pa
thams cad 'dzin stangs de dang 'dra bar zad pa ma

yin te/ nyan thos kyi lam 'bras ldog byar bden par zhen pa yang/
'dir bstan pa'i spang bya rtog pa yin pa'i phyir ro/ /de yang
'dir bsdus nas bstan pa tsam yin la/ rtse sbyor gyi skabs nas
bstan pa dang don gcig tu shes par

bya'o; ;de yang dgag bya yod pa ma yin pas/ yang dag tu na bkag
med gsal/ zhes gsungs pa ltar/ phung po bden par 'dzin pa dang/
de'i zhen yul bkag pa'i bkag pa bden par 'dzin pa gnyis ka spang
bya rnam rtog tu shes par

bya'o; ;des mtshon nas dgag sgrub kyi rnam pa can gnyis ka yod
par shes par bya'o/ /sbyor lam mnyam gzhag spang bya rtog par
byed pa ni mi rigs pa rtogs par sla'o/ /slob dpon 'phags pas
gzung ba'i rnam par rtog pa dang po gang

yin pa gnyis par bstan pa'i don ni kun nas nyon mongs pa dang
rnam byang gi gzung ba tsam la dmigs nas/ gzung byar bden par
zhen pa yin na/ rnam byang gzung rtog yin pas khyab par ston pa
yin gyi/ kun nas nyon mongs kyi gzung

@096a @#/ /rtog la rnam byang gi gzung rtog gis khyab par bstan
par 'dod pa ni 'brel pa med pa'o/ /des na spyi'i rten can zhes
pa dang/ dngos po tsam gyi rten can zhes bshad do/ /da ni 'di
ltar bshad de/ gzung

'dzin gyi rtog pa spyi'i ngos 'dzin dang/ 'dzin rtog bye brag tu
bshad pa'o/ /dang po ni/ gzung 'dzin la tshul du ma yod kyang/
'dir ni bla ma lo tstsha ba chen po bzhed pa ltar/ longs spyad
bya gzung ba dang/ longs spyod byed la 'dzin par

byas pa ste/ snga ma la kun nas nyon mongs kyi phyogs kyis bsdus
pa dang/ rnam byang gi phyogs kyis bsdus pa dang/ phyi ma la
yang/ gang zag gis bsdus pa dang/ shes rig gis bsdus pa gnyis
la/ de re re la yang dmigs pa'i

sgo nas dgu dgur dbye'o/ /des na longs spyad byar bden par zhen
pa dang/ longs spyod byed du bden par zhen pa ni/ gzung bar rtog
pa dang 'dzin par rtog pa'i don to/ /gnyis pa ni/ gang zag rdzas
yod dang/ skyes bu btags yod kyi

don ci/ rang rkya thub pa'i rdzas yod dang/ phung po'i tshogs pa
la skyes bur btags pa la byed na ni/ dang po la dmigs pa'i 'dzin
pa nyon sgrib yin pas shes sgrib 'dzin rtog tu mi 'thad la/ phyi
ma ni 'dzin pa tshad mas grub pa'i don 'dzin

pa yin pas/ spang bya rtog par mi 'thad pa'i phyir/ yang gang
zag don byed nus pa dang mi nus pa la rdzas yod dang btags yod
du byed na snga ma'i 'dzin pa dgag par mi rigs te/ de bkag na
skur 'debs su 'gyur ba'i phyir ro/ /phyi ma'i 'dzin pa

@096b tha snyad pa'i tshad mas kyang khegs pas gnas lugs kyi don
la dmigs pas dgag mi dgos pa'i phyir ro/ /yang gang zag bden par
grub pa dang bden stong sgyu ma lta bu la rdzas btags su byed
na/ 'dir bstan skyes bu btags 'dzin gyi rtog pa

la lhan skyes mi srid par 'gyur ba'i phyir ro/ /des na rdzas
btags kyi khyad par ji lta bu zhe na/ rdzas 'dzin la gnyis te/
gang zag don byed nus par 'dzin pa dang/ rang skya thub pa'i
rdzas yod du 'dzin pa'o/ /phyi ma'i zhen yul myong stobs kyis

khegs pa so so skye bo la med cing/ 'phags pa la yod pas/ rdzas
'dzin so skye'i rten can dang/ btags 'dzin 'phags pa'i rten can
du gsungs kyis spyir gnyis ka'ang gnyis ka'i rten can du shes
par bya'o/ /btags 'dzin lhan skyes mngon gyur

ni; phung po'i tshogs pa la skyes bur btags pa'i 'dzin pa ni/ lam
la ma zhugs pa'i so so skye bo rnams la yang yod la gang zag don
byed nus pa dang rang rkya thub pa'i rdzas yod gang la byed
kyang bla'i/ de gnyis ka la dmigs nas longs spyod

pha por bden par zhen pa ni/ gang zag rdzas 'dzin dang/ phung
po'i tshogs pa la skyes bur btags pa la dmigs nas snga ma ltar
zhen pa ni/ skyes bu btags 'dzin rtog pa'o/ /skyes bu bden stong
sgyu ma lta bu la dmigs nas/ longs spyad pa

por bden par 'dzin pa yang btags 'dzin rtog pa min la/ da la kun
brtags dang lhan skyes gnyis yod par shes par bya ste/ de gnyis
dmigs pa'i sgo nas 'byed na ni ha cang thal par 'gyur ro/ /gsum
pa khyad chos su 'gyur tshul ni/

@097a @#/ /sngar bshad pa ltar kun nas nyon mongs byed du ldan pa
yin la/ de yang rtog pa 'di dag spang bya'i gtso bor byas nas
spong nus na/ lam de'i khyad par 'phags pa'i khyad chos su yang
'gyur mod/ rtog pa 'di dag spang

byar ldan pas khyad par du byas pa la/ des? khyad par du 'phags
par thal zhes zer ba ni/ rigs pa ltar snang gis bsgribs pa yin
te/ sdug bsngal che ba des sems can dmyal ba pa rnams khyad par
du 'phags par thal/ de de'i khyad chos

yin pa'i phyir/ yang sbyor lam gyis rtog pa 'di dag spong na/
spang bya gnyis su grangs ma nges par thal ba 'phen pa ni ha
cang thal te/ sbyor lam mnyam gzhag des 'dir bstan pa'i rtog pa
mngon gyur spong dam mi spong/ phyi ma ltar na sgra mi rtag

rtogs kyi rjes dpag tshad mas/ sgra rtag 'dzin gyi sgro 'dogs la
cung zad kyang mi gnod par 'gyur ro/ /dang po ltar na spang bya
la mthong spang sgom spang gnyis su grangs ma nges par thal ba
rang nyid la 'gyur ro/ /sa bon spong ba'i gnyen po

gnyis su nges pas spyir spang bya la gnyis su nges so zhe na/
sbyor lam gyis sa bon spong ngo zhes gzhan gyis kyang ma smras
so/ /des na rang gi 'dod bya'i byang chub 'grub pa'i gegs kyi
gtso bo 'di dag yin la/ 'di dag gi sa bon ni lam phyi ma

gnyis kyi skabs su spong zhing/ skabs 'dir mngon gyur ci rigs pa
'bad pas spangs nas byang chub thob par byed pas khyad par du
byas pa'o/ /don du na/ spyi'i rnam gzhag 'chad pa'i dbang du
byas nas rtog pa'i khyad chos zhes bshad kyi/ sa

@097b bon spong ba'i gnyen po rang stobs kyis 'dren zhing/ mngon
gyur rang nyid kyis kyang spong nus pas/ lam rang gi ngo bo'i
nus pa'i khyad par ro/ /rtog pa sa bon dang mngon gyur sbyor lam
gyi ngo bor ldan mi ldan dpyod pa ni dogs pa'i gnas chung la/
rim pa

bzhin du ldan par bshad pa'i don ni sngar bshad zin to/ /rtog
pa'i khyad chos de lta yin na rnam pa'i khyad chos dang/ khyad
par med par 'gyur ro zhes pa ni/ sgra mi rtag pa yin na sgra
khyad chos su 'gyur re zhes pa dang 'dra'o/ /kha cig 'di'i rtog
pa

la sa bon dang mngon gyur gnyis su phye nas/ sa bon mnyam gzhag
tu ldan zhing mngon gyur rjes thob tu ldan par khas len bzhin
du/ sbyor lam dang phan tshun ngo bo mi gcig pa'i rgyu mtshan du
rnam pa 'gal ba 'god pa ni/ 'gal par shin tu

rtogs sla bas/ de 'gog pa'i 'bad pa ma byas sa/ gnyis pa yan lag
gi don la/ spyi'i mtshams sbyar ba dang/ so so'i don bshad pa
dang/ don bsdu ba'o/ /dang po ni/ sbyor lam bzhi rnam par rtog
pa bzhi dang ldan pa yang/ bar skabs kyi

tshigs su bcad pas gsungs pa dgos pa yod de/ rtog pa'i ngo bo
dang dbye ba'i don gsal bar bya ba'i phyir ro/ /gnyis pa la/
bstan pa dang/ bshad pa'o/ /dang po la/ gzung rtog bshad pa
dang/ 'dzin rtog bshad pa gnyis kyi dang po la/

rtsa ba dang/ 'grel pa'o/ /dang po ni/ gzung bar rtog pa dbye
gzhi rnam pa gnyis yod de/ gzhi kun nas nyon mongs pa'i rten can
dang de'i gnyen po'i rten can du dbye ba yis so/ /gnyis po de ni
dbye gzhi so sor rnam pa dgu dgu yod de/ rmongs pa

@098a @#/ /ma rig pa la dmigs pa dang phung sogs la dmigs pa'i
bye brag gis so/ /gnyis pa ni/ gzung bar rnam par rtog pa chos
can/ rnam pa gnyis yod de/ kun nas nyon mongs pa gzhi'i rten can
dang/ gnyen po'i rten

can nyid kyis so/ /re re yang rnam pa dgu'o/ /ma rig pa dang
rnam par byang ba'i phung po la sogs pa'i dmigs pa'i rab tu dbye
bas so/ /gnyis pa la gnyis kyi dang po rtsa ba ni/ 'dzin par
rtog pa'ang chos can/ rnam pa gnyis su 'dod de/ gang zag

dang skyes bu rdzas dang btags pa'i rten can gyis so/ /de bzhin du
gnyis po de la'ang dgu dgu yod de/ rang dbang bdag sogs ngo bo
la dmigs pa dang/ phung sogs rten dgu yod pa las so/ /gnyis pa
ni/ 'dzin par rnam par rtog pa

yang chos can/ dbye ba rnam pa gnyis yin te/ gang zag rdzas su
yod pa dang/ skyes bu btags par yod pa la dmigs pas so/ /rgyas
par na so sor gzung rtog de ltar rnam pa dgu'o/ /bdag rang dbang
can dang phung po la sogs pa la dmigs

pa nyid kyis so/ /gnyis pa la/ mtshams sbyar ba dang/ so so'i don
to/ /dang po ni/ rtog pa so drug yod pa de la mdor bsdus pa'i
don ni bshad na 'di yin te/ gnyis pa la/ gzung rtog dang/ 'dzin
rtog go /dang po la gnyis kyi dang po/ kun

nas nyon mongs gzung rtog ni/ kun nas nyon mongs pa'i gzhi'i
rten can gyi gzung rtog chos can/ longs spyad bya'i gzung bar
bden par rnam par rtog pa dgu yod de/ sdug kun spyi dang bye
brag la dmigs pa/ dmigs pa'i sgo nas de ltar yod

@098b pa'i phyir/ spyi la dmigs pa'i sgo nas gnyis su dbye ste/
nyon mongs kyi spyi nyon mongs can gyi ma rig pa dang sdug
bsngal gyi spyi zag bcas kyi gzugs la sogs pa'i phung po la
longs spyad byar bden par zhen pa gnyis yod pa'i phyir/ mdo ni/

shA ri'i bu chos 'di dag ni byis pa so so'i skye bos ji ltar
mngon par chags par bya ba de lta bu'i rnam par yod pa ma yin
no/ /zhes dang/ shA ri'i bu gzugs nang stong pa nyid dang/
dngos po med pa'i ngo bo nyid stong pa nyid kyi bar kyi phyir
yod

pa ma yin no/ /zhes so/ /nyon mongs kyi bye brag la dmigs pa
bzhi yod de/ ming dang gzugs la mngon par zhen pa 'bras bu phyin
ci log la sred pa dmigs par byas pa dang/ rtag chad kyi mtha'
gnyis la chags pa shes bya phyin ci log la sred

pa dang/ kun nas nyon mongs pa dang rnam par byang ba dor bya
dang blang byar mi shes pa ma dad pa la dmigs pa dang/ 'phags
pa'i lam la mngon par spro ba'i tshul gyis mi gnas pa le lo la
dmigs nas longs spyad byar bden par zhen pa yod pa'i phyir/

mdo ni de dag gis ji ltar med pa'i chos de dag brtags nas ming
dang gzugs la mngon par zhen zhes dang/ chos rnams la mngon
par
zhen pa de dag ni med pa'i mtha' gnyis dag tu rtog par byed ces
dang/ gzugs kun nas nyon mongs pa'o zhes

mi shes mi mthong ngo gzugs rnam par byang ba'o zhes mi shes mi
mthong ngo zhes dang/ de dag gnas pa ma yin ji ltar gnas pa ma
yin zhe na/ sbyin pa'i pha rol tu phyin pa la gnas pa ma yin
zhes so/ /sdug bsngal gyi bye brag la dmigs pa

@099a @#/ /gsum yod de/ zag bcas kyi tshor ba'i dmigs pa rnam smin
sim gdung bar ma gsum dang/ tshor ba'i rten bdag dang gzhan la
sogs pa dang tshor ba sdug bsngal gyi rang bzhin shes pa na/ des
yid 'byung

nas rnam par dag pa bskyad pa la sogs pa la dmigs nas longs
spyad byar bden par mngon par zhen pa yod pa'i phyir/ tshor bas
yid 'byung ba na/ tshor ba sdug bsngal dang bral ba'i 'gog pa
dang/ der bgrod pa'i lam 'dren par byed pas so/ /

mdo ni byang chen sher phyin la spyod pa'i tshe sher phyin mi
dmigs shing yang dag par rjes su mi mthong ba de ltar slob ces
dang/ shin tu rnam par dag pa'i phyir bdag mi dmigs shing mi
mthong ngo/ /zhes dang/ shA ri'i bu shin tu rnam par dag pa ni

skye ba med pa ma byung ba mngon par 'du byed pa med pa'o/ /zhes
so/ /gnyis pa ni/ gnyen po'i rten can gzung bar rnam par rtog pa
chos can/ dgu yod de/ rnam byang gi shes bya la dmigs pa lnga
dang/ spyod pa la dmigs pa gcig dang/ ngo bo

la dmigs pa gsum yod pa'i phyir/ rtags dang po grub ste/ rnam
byang gi phung po dang bdag rkyen skye mched kyis bsdus pa skye
ba'i sgo dang nyer lan khams kyis bsdus pa rigs dang rnam byang
gi skye ba rten 'brel lugs ldog /shes bya ji

snyed pas bsdus pa bzhi dang/ ji lta ba stong pa nyid la dmigs
nas sngar ltar zhen pa yod pa'i phyir/ mdo ni de thabs mi mkhas
pas gzugs la rtog cing mngon par zhen pa yin zhes dang/ mig la
rtog cing mngon par zhen pa yin

@099b zhes dang/ mig dang gzugs dang mig gi rnam par shes pa'i
khams la rtog cing zhen pa yin zhes dang/ ma rig pa la rtag cing
mngon par zhen pa yin drangs/ de nang stong pa nyid nas dngos po
med pa'i ngo bo nyid stong pa nyid kyi bar la rtog cing mngon

par zhen pa yin zhes so/ /rtags par pa grub ste/ spyod pa pha
rol tu phyin pa'i don la dmigs nas de ltar zhen pa'i phyir/ mdo
ni pha rol tu phyin pa drug la rtog cing zhen pa yin zhes so/
/rtags phyi ma grub ste/ rnam byang gi ngo bo mthong ba dang
bsgom

pa dang mi slob pa'i lam la dmigs nas longs spyod byar bden par
mngon par zhen pa'i phyir/ mdo ni byang chub kyi phyogs kyi chos
sum cu rtsa bdun la rtog cing zhen pa yin zhes dang/ da bsam
gtan bzhi dang mngon par shes pa dang/ tshad med pa dang/

gzugs med pa'i snyoms par 'jug pa la rtog cing mngon par zhen
zhes dang/ de bzhin gshegs pa'i stobs bcu dang rnam mkhyen gyi
bar la rtog cing mngon par zhan zhes so/ /gnyis pa la/ rdzas
'dzin rtog pa dang/ btags 'dzin rtog pa'o/ /dang

po ni/ gang zag rdzas su yod pa'i rten can gyi 'dzin pa la longs
spyod byed du bden par zhen pa'i 'dzin par rnam par rtog pa chos
can/ dgu yod de/ dmigs pa rdzas 'dzin de'i zhen yul gcig dang/
zhen yul gyi sgo nas phye ba brgyad yod

pa'i phyir/ dang po grub ste/ bdag rang dbang can du 'dzin pa la
dmigs nas longs spyod byed du bden par zhen pa'i phyir/ rang
dbang can ni/ dmigs yul rdzas 'dzin de'i 'dzin stangs yin gyi/
shes sgrib rtog pa'i 'dzin stangs ma yin te/ nyon

@100a @#/ /sgrib tu thal ba'i phyir ro/ /mdo mi shA ri'i bu bdag
nye bar mi dmigs de bzhin du sems can dang srog dang/ zhes so/
/rtags phyi ma grub ste/ dmigs pa rdzas 'dzin spyi'i dbang du
byas pa gsum dang/ bye

brag gi dbang du byas pa'i sgo nas dbye ba lnga yod pa'i phyir/
dang po grub ste/ rang dbang can gyi bdag gcig bu dang/ rgyu
dang/ lta ba po dang shes pa po la sogs pa'i bdag tu 'dzin pa la
dmigs nas longs spyod pa por bden par zhen pa

ste/ rim pa bzhin du/ phung po dang skye mched dang/ khams la
rang dbang can gyi bdag tu 'dzin pa dmigs par byas pa gsum mo/
/mdo ni rim pa bzhin du/ shA ri'i bu gzugs nye bar mi dmigs
zhes pa nas rnam shes kyi bar du nye bar mi

dmigs zhes dang/ mig mi dmigs de bzhin du yid kyi bar dang zhes
dang/ mig dang gzugs la mig gi rnam par shes pa mi dmigs zhes
so/ /phyi ma grub ste ma rig pa la sogs pa'i kun nas nyon mongs
pa la rang dbang ba'i bdag tu

'dzin pa dang/ 'jig rten pa'i 'dod chags dang bral ba dang
mthong ba dang bsgrom pa dang don byas pa'i rten stobs sogs la
rang dbang ba'i bdag tu 'dzin pa dmigs par byas nas longs spyod
byed du bden par zhen pa'i phyir ro/ /mdo ni rim pa bzhin du
rten

cing 'brel par 'byung ba mi dmigs zhes dang/ bsam gtan dang po
mi dmigs/ gzugs med pa'i snyoms par 'jug pa'i bar du mi dmigs so
zhes dang/ 'phags pa'i bden pa rnams mi dmigs so zhes dang/ rnam
thar brgyad dang

@100b mthar gnas kyi snyoms 'jug dgu mi dmigs so zhes dang/
stobs bcu mi dmigs rnam mkhyen nyid kyi bar du mi dmigs so zhes
so/ /gnyis pa ni/ skyes bu btags par yod pa'i rten can gyi 'dzin
pa la dmigs nas longs spyod byed du bden

par zhen pa'i 'dzin par rnam par rtog pa chos can/ dgu yod de/
dmigs pa 'dzin pa de'i yul spyi'i sgo nas dbye ba gsum dang/ bye
brag gi sgo nas dbye ba drug yod pa'i phyir/ dang po grub ste/
phung po dang skye mched dang khams rnams skyes bur 'dzin

pa la dmigs pa dang/ mdo ni rim pa bzhin du rab 'byor de ji
snyam du sems gzugs kyang gzhan la sgyu ma yang gzhan zhig yin
snyam mam/ zhes dang/ mig kyang gzhan la sgyu ma yang gzhan
zhig
yin snyam mam zhes dang/ mig dang gzugs

dang mig gi rnam par shes pa yang gzhan la sgyu ma yang gzhan
zhig yin snyam mam zhes so/ /phyi ma grub ste/ ma rig pa la sogs
pa'i rten cing 'brel bar 'byung ba dang rnam par byang ba byang
phyogs so bdun dang/ mthong ba dang bsgom pa dang/

khyad par gyi lam dang mi slob pa'i lam la skyas bur 'dzin pa la
dmigs nas/ longs spyod du bden par mngon par zhen pa'i phyir/
mdo ni rim pa bzhin/ sgyu ma yang gzhan la rten cing 'brel bar
'byung ba yang gzhan zhig yin snyam mam

zhes dang/ byang chub kyi phyogs kyi chos rnams kyi bar yang
gzhan la sgyu ma yang gzhan zhig yin snyam mam zhes dang/ stong
pa nyid dang mtshan ma med pa dang smon pa med pa yang gzhan la
sgyu ma yang gzhan zhig yin snyam mam zhes dang/

@101a @#/ /sgyu ma yang gzhan la bsam gtan dang gzugs med pa'i
snyoms 'jug yang gzhan nam zhes dang/ sgyu ma yang gzhan la
stong pa nyid thams cad kyang gzhan yin nam/ zhes dang/ de bzhin
gshegs pa'i

stobs bcu dang sangs rgyas kyi chos ma 'dres pa bco brgyad kyi
bar yang gzhan la sgyu ma yang gzhan zhig yin snyam mam/ zhes
so/ /gsum pa don bsdu ba ni/ de lta bu'i rnam par rtog pa bzhi
dang/ nges par 'byed pa'i cha dang mthun

pa bzhi po grangs bzhin du nus pa 'joms par byed pa'i spang
gnyen du ldan pa yin no/ /gsum pa yongs 'dzin bshad pa la gsum/
go rims gzhan gyi dgos pa bstan pas mtshams sbyar ba dang/ rtsa
ba dang/ 'grel pa'o/ /dang po ni/

rgyas bshad du yongs 'dzin phyis 'chad pa mi rigs te/ mdor bstan
gyi go rims dang mi mthun pa'i phyir ro zhe na/ mdor bstan du
yongs su 'dzin pa rtog pa'i sngar gsungs pa dgos pa yod do/
tshigs su bcad pa sbyar sla ba dang mthun

par bstan pa'i phyir/ mdor bstan du/ sngar gsungs na yang rgyas
bshad du yang rtog pa'i mjug thogs su bar skabs kyi tshigs su
bcad pas gsungs pa dgos pa yod de/ rjes su gsungs pa de'i stobs
kyis ji skad bshad pa bzhig

khyad par du 'gyur ro zhes bstan pa'i ched yin pa'i phyir/ gnyis
pa ni/ byang sems sbyor lam pa'i rgyud kyi rnam mkhyen yid byed
dang mi 'bral zhing/ stong nyid zab mo'i don la sems mi 'gong
zhing mi skrag pa nyid la sogs pa'i thabs la mkhas

@101b pa dang/ de'i mi mthun phyogs nyan rang gi yid byed dang/
bden zhen ci rigs por ba'i ye shes chos can/ rnam pa kun tu
byang sems sbyor lam pa'i nang gi yongs 'dzin yin te/ srid zhi'i
mtha' 'gog byed kyi de'i mngon rtogs yin pa'i phyir/

mdo ni byang chen sher phyin la spyod pa'i tshe rnam mkhyen dang
ldan pa'i sems kyis gzugs mi rtag ces bya bar so sor rtog kyang
de mi dmigs so zhes dang/ rab 'byor byang chen sher phyin la
spyod pa'i tshe rnam mkhyen dang ldan pa'i yid byed dang bral

bas sher phyin sgom zhing dmigs te/ zhes so/ /de la chos thams
cad don dam par ngo bo nyid med pa sogs ston par byed cing dag
bshas de'i mi mthun phyogs bdud dang bsdig grogs sogs por ba'i
lam ston pa'i sangs rgyas kyi mchog gi

sprul pa'i sku de chos can/ de'i phyi'i yongs su 'dzin pa yin
te/ de la thabs shes yongs su rdzogs pa 'doms par byed pa'i de'i
bdag rkyen dge ba'i bshes gnyen yin pa'i phyir/ rab 'byor gzhan
yang byang chen gyi dge ba'i bshes gnyen ni/

gang de la gzugs mi rtag ces bya bar mi dmigs pa'i tshul gyis
chos ston cing dge ba'i rtsa ba de thams cad kyang rnam mkhyen
nyid ma gtogs par nyan rang gi sar bsngor mi 'jug ces dang/
byang chen gyi sdig pa'i grogs po ni sher phyin dang

'bral bar byed pa dang/ zhes so/ /gsum pa ni/ rgyal po'i btsun
mo sdug pa shi ba brda sprod pa'i tshul du zab mo'i don la sems
me 'gong zhing mi skrag pa la sogs pa'i lam rim can du bkri ba'i
thabs mkhas pas gdul bya'i bsam pa ji

@102a @#/ /lta ba bzhin du dngos po mtha' dag gang zag dang chos
kyi bdag med pa la sogs pa ston par byed pa dang/ sems bskyed
dang/ spyod pa pha rol tu phyin pa drug ston cing/ theg pa chen
po'i gzhung lam spong du

'jug pa sdig grogs su ston pa dang/ phyin drug gi mi mthun pa'i
phyogs kyi chos ser sna la sogs pa dang mi ldan par ston pa'i
sprul pa'i sku ni byang sems sbyor lam pa'i yongs su 'dzin pa
yin no/ /de la theg pa chen po'i lam rdzogs

par ston pa'i dge bshes yin pas so/ /gsum pa gdams don ji ltar
sgrub pa'i bsgrub pa bshad pa la bzhi/ sgrub pa'i rten dang/
dmigs pa dang/ ched du bya ba dang/ sgrub pa'i ngo bo'o/ /dang
po la/ spyi'i don dang/ yan lag gi don to/ /

dang po la/ ngo bo dang/ dbye ba dang/ rtsod pa spang ba dang/
rigs nas ji ltar 'khrid pa'i tshul lo/ /dang po la/ sems tsam
pa'i lugs bkod nas 'thad mi 'thad dpyad pa dang/ rang gi lugs
so/ /dang po ni/ sems tsam pa ltar na mdo las/

byang chub sems dpa' rnams kyi rigs de ni thog ma med pa nas
brgyud de 'ongs pa chos nyid kyis thob pa skye mched drug gi
khyad par gang yin pa ste/ zhes pa'i don du mdzad nas/ kun gzhi
ma bzhag na nad skye mched drug gi steng na yod

pa'i zag pa med pa'i sa bon rkyen dang phrad na/ theg pa gsum
gang rung gi rtogs pa skye rung gi nus pa nyid yin la/ kun gzhi
bzhag na kun gzhi la yod pa'i zag med kyi sa bon de nyid rkyen
gyis gsos ma btang na/ rang bzhin du gnas

@102b pa'i rigs zhes bya la/ de thos pa'i rkyen gyis gsos te
khyad par du gyur pa ni/ rgyas 'gyur gyi rigs zhes bya'o/ /de
nyid zab pa dang rgya che ba'i chos thos pa'i rkyen gyis gso bar
bya ba theg chen gyi rigs dang/ nyan thos kyi chos thos pa'i
rkyen tsam

gyis gso bar bya ba nyan thos kyi rigs dang/ gzung ba rang bzhin
med pa'i chos man chad tsam thos pas gso bar bya ba rang sangs
rgyas kyi rigs dang/ ngo bo nyid kyis theg pa so so'i rtogs pa'i
rgyur nges pa nges pa'i rigs? dang/ rkyen gyis theg pa

gang rung gi rgyur bsgyur du rung ba ma nges pa'i rigs dang/
thos pa'i rkyen gyis gsor mi rung ba rigs chad pa zhes bya ba'o/
/de la slob dpon 'phags pas de 'dra'i zag pa med pa'i sa bon de/
rang bzhin gnas rigs ma yin par thal/ de'i

don ma tshang ba'i phyir/ rtags ma grub ste/ 'phags pa'i rtogs pa
rnams kyi rgyu byed pa'i don yin no zhe na/ 'o na rkyen gyis
yang dag par blangs pa yang rang bzhin gnas rigs su thal ba ldog
tu med do/ /yang na de dag gi rigs ni rang bzhin

du gnas pa'i rigs btags pa ba yin pas skabs 'dir chos nyid la
rigs su byed pa dang/ don mi gcig go zhes gsungs la/ de'i don ni
theg pa chen po mdo sde rgyan nas/ rigs kyi rnam gzhag rnam par
rig pa tsam gyi tshul lugs

tsam zhig rnam par bzhag la bstan bcos 'dir ni sems can rnams
kyi sems kyi chos nyid rang bzhin rnam dag de nyid rigs su ston
pa dbu ma pa'i lugs 'chad pa yin pas/ zag pa med pa'i sa bon
'dum byas kyis bsdus pa

@103a @#/ /de la rang bzhin du gnas pa'i rigs kyi dngos ming gi
tha snyad mi 'thad cing/ de 'dir rigs su khas len na yang yang
dag par blangs pa las byung ba'i rigs yin pas rang bzhin du gnas
pa'i rigs kyi tha snyad 'dogs

na btags ming gi tha snyad du shes par bya'o/ /gnyis pa ni/ dbu
ma pa rang gi lugs la rang bzhin du gnas pa'i rigs dang/ rkyen
gyis yang dag par blangs pa las byung ba'i rigs so/ /dang po ni/
chos kyi skur gnas 'gyur rung ste/ de yang

sems can rnams kyi sems bden pas stong pa'i chos nyid de nyid
yin no/ /gnas gyur pa'i chos sku yang dri ma mtha' dag gis dben
pa'i rang bzhin rnam dag de nyid yin la/ sems can gyi rang bzhin
rnam dag gnas gyur nas sangs rgyas kyi

mnyam gzhag tu 'gyur par ston pa ni ma yin no/ /sems can rnams
kyi sems kyi steng na dri ma 'bral rung dags/ 'phags pa'i rtogs
pa skye rung gi nus pa yod par rigs pas grub la/ de nyid thos
pa'i rkyen gyis bzhag cing/ thos pa'i rkyen gyis gso

bar bya ba yin pas/ yang dag par blangs pa las byung ba'i rigs
zhes bya ba gnas gyur mthar phyin pa na/ gzugs kyi skur 'gyur
rung de nyid yin la/ de ni sems tsam pa rnams kyis rang bzhin
gnas rigs su bzhag la/ slob dpon 'phags

pas rang bzhin du gnas pa'i rigs btags pa ba dang/ rgyas 'gyur
gyi rigs mtshan nyid par bzhed pa yin no/ /sngar bshad pa'i rang
bzhin gnas rigs de nyid theg pa so so'i rtogs pa'i rten byed pa
dang/ theg pa gang gi yang rtogs pa'i rten

@103b du bsgyur du rung bas gnas skabs rigs gsum dang/ ma nges
pa'i rigs su tha snyad byed pa yin gyi/ gtan nas rigs chad pa ni
mi 'dod de/ theg pa chen po rgyud bla ma'i 'grel par mdo drangs
nas rigs chad bshad pa dgongs pa can du sgrub pa'i

phyir ro/ /de yang de nyid las/ 'di skad du log sred can gtan
yongs su mya ngan las mi 'da' ba'i chos can zhes gsungs pa gang
yin pa de ni theg pa chen po'i chos la sdang ba log sred can
nyid kyi rgyu yin pa'i phyir/ theg pa chen po'i chos

la sdang ba ldog pa'i don du dus gzhan la dgongs nas gsungs pa
yin no/ /rang bzhin gyis rnam par dag pa'i rigs yod pa'i phyir/
'ga' yang gtan rnam par dag par mi 'gyur bar ni 'os pa ma yin
te/ gang gi phyir bcom ldan 'das kyis

khyad par med par sems can thams cad la rnam par dag par rung ba
nyid yod pa la dgongs nas/ thog med gyur kyang tha ma dang ldan
pa/ /rang bzhin gyis ngag rtag pa'i chos can ni/ /thog med
sbubs? kyis phyi bsgribs mi mthong ste/ /ci ltar gser gyi gzugs

ni bsgribs pa bzhin/ /zhes gsungs so/ /zhes pa'i don ni/ rigs
chad bshad pa'i dgongs gzhi dang/ dgos pa dang/ sgra ji bzhin pa
la gnod byed do/ /dang po ni/ dus yun ring po bskal pa grangs
las 'das pa'i bar du thar pa'i lam rgyud la mi skye ba la

dgongs la/ gnyis pa ni/ theg pa chen po'i chos la sdang ba/ log
sred can dus ring por byang chub mi thob pa'i rgyu yin pas/ theg
pa chen po'i chos la sdang ba ldog pa'i don du gsungs la/ gsum
pa ni/ sems can 'ga' yang dri ma rnam par dag par mi

@104a @#/ /'gyur ba rigs pa ma yin te/ sems can thams cad la rang
bzhin gyis rnam par dag pa'i rigs yod pa'i phyir dang sangs
rgyas kyi 'phrin las sems can thams cad la 'jug pa'i phyir te/
mngon mtho'i go 'phang thob

pa'i bskal pa can du skyes pa yang sangs rgyas kyi 'phrin las
yin la/ mngon mtho lan cig kyang thob ma myong ba'i sems can mi
srid pa'i phyir ro/ /dri ma rnam par dag par 'gyur ba yang sems
can 'ga' zhig gi rgyud kyi dri ma rtag pa'i phyir ram/

mi rtag kyang de 'joms pa'i thabs mi srid pa'i phyir ram/ srid
kyang thabs de shes bsu yang med pa'i phyir ram/ yod kyang sems
can kha cig de la don gnyer skye mi srid pa yod pa'i phyir ram/
de yod kyang brtse bas de rjes su 'dzin par byed pa'i gang zag

mi srid pa'i phyir ram/ sems can dman pa kha cig la sdug bsngal
gyis yid 'byung ba skye mi srid pa'i phyir ram/ de skyes kyang
sangs rgyas kyi thugs rje'i yul du 'gyur mi 'gyur sogs kyi mtha'
gzhan 'gog pa'i rigs pa las ni/ dri ma spang du mi rung ba

dang; gnyen po skyer mi rung ba'i sems can med par shes par
bya'o/ /sems can rnams kyi sgrib pa spang rung dang/ 'jig rten
las 'das pa'i lam skye rung gi nus pa rgyas 'gyur gyi rigs zhes
tha snyad gdags pa de nyid la yang rigs gsum dang/

ma nges pa'i rigs la sogs pa'i dbye ba yod la/ de yang gnas
skabs kyi dbang du byas kyi/ mthar thug la ltos nas sems can
thams cad sangs rgyas kyi rigs can du shes par bya'o/ /rgyud bla
ma'i 'grel pas sems tsam pa'i lugs

@104b tsam zhig bstan par 'chad pa ni rnam par mi 'tsham ste/
de'i rnam bshad du rgyas par bshad zin to/ /'grel pa der chos
mngon pa'i mdo las 'byung ba/ thog ma med pa'i dus kyi dbyings/?
/chos rnams kun gyi gnas yin te/ /de yod pas na 'gro

kun dang/ /mya ngan 'das pa'ang thob par 'gyur/ /zhes pa sems
can thams cad la sangs rgyas kyi rigs yod pa'i shes byed du
mdzad? la/ /slob dpon thogs med kyis sems tsam pa'i lugs 'grel
pa'i gzhung gzhan du/ tshogs drug las ngo bo tha dad pa'i

kun gzhi yod pa'i shes byed du mdzad pas rang bzhin du gnas pa'i
rigs ston pa'i shes byed yin na/ cig shos kyi shes byed du bzhag
tu mi rung ba'i phyir ro/ /kha cig sems can thams cad de bzhin
gshegs pa'i snying po can du 'dod kyang de'i rigs

can du sems tsam pas mi 'dod do/ /zhes smra ba ni/ rang gi de
nyid ston pa la chod pa tsam du zad do/ /shing rta chen po rnams
kyi bzhed pa'i gzhung/ /ma 'dres gsal bar 'byed pa'i mthu med
cing/ /ma brtags gzu zlums rang dgar 'jug pa dag /gzhung

mchog 'byed la btang snyoms byas na mdzes/ /gnyis pa ni/ rigs
spyi'i dbye ba bshad zin la/ 'dir dngos su bstan pa'i rigs ni
gnas skabs kyi dbye bas bcu gsum dang/ sgrub pa'i rten tha snyad
pa ni byang chub sems dpa' rnams yin la/ de la yang gnas

skabs kyi dbye bas bcu gsum mo/ /nang skye mched drug bden pas
stong pa de nyid la dmigs nas bsgoms pas/ 'phags pa'i rtogs pa
skye bas rigs zhes bya la/ de nyid la goms pa gong nas gong du
khyad par gyur pa na/ sngar bshad pa'i rgyas 'gyur

@105a @#/ /gyi rigs de yang nus pa gong nas gong du khyad par du
'gyur bas rgyas pa las gyur pa'i rigs zhes bya'o/ /gsum pa ni/
'grel chen du/ sems bskyed pa dang/ thar pa dang/ nges par 'byed
pa'i cha dang mthun pa la sogs pa

rnams kyi sngon du 'gro ba de yin pas/ dang po kho nar rigs
bshad par bya ba ma yin nam/ ci'i phyir 'di ltar bshad ce na/ de
ni bden mod kyi/ de ni don gyi go rims yin la/ 'di ni dang po
'bras bu bshad nas/ rgyu phyis bstan pa yin pas bshad pa'i go
rims

yin pa'i phyir nyes pa med do zhes pa'i don ni/ dang por rigs
sad par byas nas/ de'i rjes su sems bskyed par byed pa ni rgyu
'bras don gyi rim pa yin la/ sems bskyed dang thar pa cha mthun
sogs rgyud la skyes ba na rang rgyud la rigs yod par rtogs nus

pas; 'dir bshad pa ni rim pa de'i sgo nas yin no/ /nyi khri
snang bar sems can thams cad la rang bzhin gnas rigs yod na/
mtha' yas pa'i sangs rgyas byon yang rigs ldan gyi srog chags
tha' yas pa da dung mya ngan las ma 'das pa ci yin zhe

na; nyon mongs pa shas che ba dang grogs ngan pas zin pa dang/
'tsho ba'i yo byad la sogs pas phongs pa dang/ sems can gzhan gyi
dbang du gyur pa rigs kyi nyes dmigs bzhi dang ldan pas yin no/
/theg pa chen po'i sbyor lam gyi rten nas skabs 'dir

bstan pa ni/ rigs kyi nyes dmigs bzhi dang bral ba dang/ rang
bzhin du gnas pa'i rigs la sgom byung gi shes rab kyis dmigs nas
goms pas 'phags pa'i chos thob pa bdag par 'gyur bas/ sbyor lam
nas rnam par bzhag go /bzhi pa ni/ thog mar

@105b gdul bya de mos pa rtog par byed pa'i thabs ni nyan thos
kyi sa nas bshad pa ltar theg pa che chung gi sde snod rnams
thos par byas nas de'i don la khrid pa na/ dbang po'i rim pa
rtogs par 'gyur la/ rigs bsag sbyang gi khyad par du byas pa yin
pas/ skyes bu chung

ngu 'bring chen po gsum gyi lam gyi rim pa'i sgo nas khrid de/
theg pa chen po'i rtogs pa skye ba'i ched du tshogs rgya chen po
gsog tu 'jug pa dang/ lam skye ba'i gegs kyi nyes pa sgo du ma
nas legs par sbyangs pa na theg pa chen por sems ma bskyed pa'i

snga rol nas/ snying rje chen po bsgom pa la dga' ba dang/ sbyin
pa rgya chen po gtong ba dang/ tshul khrims rgya chen po bsrung
ba dang/ bzod pa bsgom pa la dga' ba sogs rgya chen po'i chos la
mos pa brtan po theg mar rnyed pa'i tshe theg pa chen po'i rigs
la gnas

pa zhes bya la/ gang zag de nyid la sems ma bskyed pa'i byang
cub sems dpa' zhes kyang bshad do/ /de nas skyes bu chung ngu
dang 'bring gi bsam pa gting tshugs pa skyes pa yin na/ thog mar
gzhan don don gnyer dang/ bla na med pa'i byang chub don gnyer

gyi bsam pa legs par sbyangs nas brtan pa na/ byang chub kyi
mchog tu sems bskyed par byed pa yin la/ de'i rjes su byang chub
sems dpa'i spyong pa mtha' yas pa la slob nus mi nus brtags nas
byang chub sems dpa'i sdom pa dang 'gal ba'i rtsa

ba'i ltung bas mi gos par bsrung nus par mthong na 'jug pa'i
sdom pa 'dzin par byed pa yin no/ /sngar tshe rabs du mar nyan
thos dang rang sangs rgyas kyi lam la nan tan byas shing/ thog
mar 'khor ba'i sdug bsngal la shas mi bzod pa'i yid 'byung skyes

@106a @#/ /nas thog mar de zhi ba la don gnyer drag po skyes nas/
rgya chen po'i chos nyams su len pa la re shig bkrir mi rung bar
snang na lam de nyid nas 'khrid par byed pa yin no/ /lam gang la
'jug kyang thog mar lam de dang de'i rigs

sad par byed pa'i thabs rnams bstan dgos pas thog mar rigs nas
'khrid pa'i tshul shes par bya'o/ /de la dgongs nas slob dpon
gyis 'grel chen du/ de ni don gyi go rims yin no zhes bshad do/
/skyes bu chung ngu dang 'bring gis lam gnyis kyang

rigs sad par byed pa'i thabs dang/ rigs sad nas lam la rim gyis
'jug pa gnyis ka'i yan lag tu shes par bya'o/ /gnyis pa yan lag
gi don la/ rigs kyi dbye ba dang/ rtsod spong ngo/ /dang po la/
mtshams sbyar ba dang/ rtsa ba dang/

'grel pa'o/ /dang po ni/ theg pa chen po'i rigs sad par byas pa
med na/ sems bskyed sogs la mi 'jug cing/ zhugs kyang mi brtan
pas rigs sad pa dgos la/ bsgrub pa 'byung rung gi rigs dang ldan
pa la nges par 'byed pa'i cha dang mthun

pa ji skad bshad pa dang/ 'chad par 'gyur ba'i mthong ba'i lam
la sogs pa gzhan yang 'byung bas/ sgrub pa'i rten du gyur pa
rigs 'chad do/ /theg chen gyi tshogs lam yang rigs la brten pa
yin mod kyi/ rigs gong nas gong du gso bar byed

pa'i gnas skabs gtso bor gyur pa dang/ rigs kyi nyes dmigs mtha'
dag dang bral ba med pas ma bstan no/ /gnyis pa ni/ rtogs pa yi
ni chos drug gi rten dri ma dang bcas pa'i chos nyid la rigs
zhes bya'o/ /mdo ni/ rab 'byor nam mkha' la

@106b bya'i rjes med cing mi dmigs so/ /de bzhin du byang sems
kyi tshig gi don med cing mi dmigs so/ /zhes drod dang/ yang dag
pa'i mtha' la gnas med cing mi dmigs so/ /zhes rtse mo dang/
sgyu ma'i skyes bu'i gzugs la gnas med cing mi dmigs so/ /

zhes bzod pa dang/ sgyu ma'i skyes bu'i nang stong pa nyid la
spyod pa'i tshig gi don med cing mi dmigs so/ /zhes chos mchog
dang/ de bzhin gshegs pa dgra bcom pa yang dag par rdzogs pa'i
sangs rgyas kyi gzugs la tshig gi don med cing mi dmigs so/ /

zhes mthong lam dang/ skye ba med pa'i tshig gi don med cing mi
dmigs so/ /zhes sgom lam gyi rten bstan to/ /gnyen po bar chad
med lam skye ba la mngon du phyogs pa dang/ spang bya'i sa bon
'gag pa la mngon du phyogs pa'i tshul gyis spong ba dang/ spang

bya de dag yongs su gtugs pa'i rnam grol lam dang/ srid zhi'i
mtha' 'gog pa'i shes rab snying brtser bcas pa dang/ slob ma
nyan thos sogs dang thun mong ma yin pa nyid dang gzhan gyi don
gyi go rims kyi bsgrub pa dang/ shes bya ji lta ba dang ji

snyed pa gnyis la ye shes rtsol ba mi mnga' bar 'jug pa'i rten
la rigs zhes bya'o/ /mdo ni rim pa bzhin du/ nyi ma'i dkyil
'khor mngon par 'char ba'i tshe mun pa'i gnas med cing mi dmigs
so zhes dang/ bskal pa'i ma 'bar ba'i tshe 'du byed kyi

rnam pa thams cad kyi gnas med cing mi dmigs so zhes dang/ de
bzhin gshegs pa dgra bcom pa yang dag par rdzogs pa'i sangs
rgyas kyi tshul khrims la tshul khrims ngan pa'i gnas med cing mi
dmigs so zhes dang/ nyi ma dang zla ba'i 'od la

@107a @#/ /gnas med cing mi dmigs zhes dang/ nyan thos dang rang
sangs rgyas dang/ gza' dang/ skar ma dang/ nor bu rin po che
dang/ glog gi 'od la gnas med cing mi dmigs so zhes dang/ rgyal
chen bzhi'i ris kyi lha rnams kyi

'od la gnas med cing mi dmigs so zhes dang/ de bzhin gshegs pa
dgra bcom pa yang dag par rdzogs pa'i sangs rgyas kyi 'od la
gnas med cing mi dmigs so/ /zhes so/ /gsum pa la/ bshad pa dang/
bsdu pa'o/ /dang po la/ so so'i ngo bo

dang; go rims dang/ grangs nges so/ /dang po ni/ rim can du ston
pas re shig dang por 'jig rten pa'i nges par 'byed pa'i cha dang
mthun pa rnams kyi chos nyid de chos can/ de'i rten yin te/ de
la dmigs nas bsgoms pas rang nyid gong nas gong

du 'phel bar 'gyur ba'i de'i chos nyid yin pas so/ /de'i 'og tu
'jig rten las 'das pa stong nyid mngon sum gyis gsar? du rtogs
pa'i mthong ba'i lam dang rtogs zin goms par byed pa'i sgom pa'i
lam dag gi rten chos nyid la rigs

zhes bya'o/ /des bdun pa man chad kyi sgom pa'i lam 'ba' zhig
bstan par mi bsam ste/ sgom pa'i lam tsam bstan pa yin no/ /de'i
'og tu lam de dag gi bar chad med lam gyis spang bya spong ba'i
tshul ston pa ni/ mthong sgom gyi lam de dag gis

bsdus pa'i bar chad med lam skyes pa'i stobs kyis ngos skal gyi
spang bya'i sa bon zad pa dus mnyam pa'i rkun po byung ba dang
sgo phar bcad pa ltar dus mnyam du 'byung la/ gnyen po bar chad
med lam skye ba la mngon du phyogs pa dang/ mi mthun

@107b pa'i phyogs ngas skal gyi spang bya'i sa bon 'gag pa la
mngon du phyogs pa dus mnyam pa dag go /'dis ni lam gnyis ka'i
bar chad med lam gyis spang bya spong tshul bstan pa yin gyi/ sa
brgyad pa'i bar chad med lam 'ba' zhig la sbyor ba 'thad

par mi sems so/ /bar chad med lam gyis spang bya 'joms pa'i tshul
dper brjod na/ theg pa chen po'i mthong lam sdug bsngal chos
bzod par chad med lam skyes pa'i dus na dngos kyi gnod bya
mthong spang gi sa bon de 'gags shing/ skye ba la

mngon du phyogs pa dang/ de 'gag pa la mngon du phyogs pa gnyis
dus mnyam la/ sngar rigs 'dra bar ma chad du 'byung ba de nyid
bar chad med lam de'i stobs kyis phyin chad skyar mi rung ba'i
chos can du byad pa yin la/ gnyen po'i lag rjes

kyis skyer mi rung ba'i chos can du song ba'i 'gog bden thob
pa'i lam gyi theg ma de la rnam grol lam zhes bya la/ de bar
tshad med lam gyis bskyed pa yin no/ /bar chad med lam gyi dus na
ngos skal gyi spang bya de med cing skyer mi rung ba'i chos

can yin yang/ rkyen ma tshang bas yin gyi so sor brtags 'gog thob
pa ni ma yin no/ /'di la dpags nas sa bcu rgyun gyi tha ma'i bar
chad med lam gyi dus na gnas ngan len gyi dri ma phra mo rdul
tsam yang med kyang zad par spangs pa zhes mi

bya ste/ dngos gnyan gyis lag rjes bzhag pa'i cha nas skyer mi
rung ba'i chos can du song ba'i lam ma thob pa'i phyir/ rtags ma
grub na/ rgyu 'bras dus mnyam par thal bas so/ /kha cig mthong
lam bar chad med lam gyi dus na dngos kyi gnod bya

@108a @#/ /med par khas blangs nas/ rgyun mtha'i bar chad med lam
gyi dus na gnas ngan lan gyi dri ma phra mo yod par 'dod pa ni
skye 'gyur gyis spong ba dang/ 'gag 'gyur gyis spong ba'i grub
mtha' phyogs gcig tu sdud pa yin

la; rnam mkhyen skad cig dang po de'i dngos kyi gnod byed du
'dod pa yang spang gnyen gyi tshul la mi mkhas par shes par
bya'o/ /yang kha cig mngon pa kun las btus las/ 'das pa 'gags
pa'i phyir ma yin/ zhes sogs gsungs pa'i don

mtha' ma chod par mngon gyur la spong tshul gsum po mi 'thod
kyang/ spang bya'i sa bon dang de'i dngos gnyen par tshad med lam
dus mnyam du 'dod pa yang mtha' ma chod pa yin te/ de lta na
dngos kyi gnod bya gnod byed kyi snang mun yang dus mnyam

du khas len dgos par 'gyur te/ de nyid de'i dper mdzad pa'i
phyir ro/ /des na bar chad med lam des dngos kyi gnod bya spang
bya'i sa bon de rang dus na 'das pa bum pa tho bas bcom pa ltar
spong ba yang ma yin la/ rang dus na ma skyes pa mdun nas

'phul ba ltar spong ba yang ma yin no/ /mdzo sprel g.yang la
sgyur ba ltar rang dus na yod pa dus mnyam du 'gag pa'i tshul
gyis spong ba yang ma yin no/ /'o na ci zhe na/ sngar gnyen po'i
phyogs goms pa la brten nas gnyen po de skye ba la mngon

du phyogs pa dang spang bya'i sa bon gyi rigs 'dra tha ma 'gag
pa la mngon du phyogs pa dus mnyam zhing/ gnyen po skyes pa dang
de 'grags? pa dus mnyam pa'i sgo nas spang bya skyer mi rung
ba'i chos can du song ba gnod pa byas pa'i don yin no/ /des

@108b na gzhung 'di bar chad med lam dang/ rnam grol lam gnyis
ka'i spang bya spong tshul la 'chad pa don du ma mthong ngo/
/rkun po phyir phyung ba dang/ sgo phar bcad pa dus mi mnyam par
bsams nas/ 'di'i dgongs pa 'chad pa skad byed pa yang mi rigs

par shes par bya'o/ /de'i 'og tu spang gnyen gyi rnam rtog de
dag bden par mi dmigs pa goms pas spang gnyen de dag skye ba
dang 'gag pa yul du yod pa dang ldan pa'i bden 'dzin gyi rnam
par rtog pa spangs pa rnam grol lam gyi rten chos nyid la rigs

zhes bya'o/ /de'i 'og tu gzhan don 'bad med du byed par gyur cig
snyam pa'i sngon gyi smon lam dang sbyin sogs phar phyin drug la
sbyangs pa'i thabs la mkhas pa'i stobs kyis 'khor ba'i mtha'
dang mya ngan las 'das pa'i mtha' la mi gnas pa'i

mtshan nyid kyi shes rab dang thabs kyi rten la rigs zhes bya ste
sa brgyad pa nas thob bo/ /de'i 'og tu thabs shes de dag skyes
pas nyan thos sogs dang thun mong ma yin pa'i chos sems can smin
par byed pa'i thabs so so yang dag par rig pa

bzhi sa dgu pa nas thob pa'o/ /de'i 'og tu sa bcu pa chos can/
gzhan gyi don gyi go rims kyi bsgrub pa dang ldan te/ gdul bya'i
bsam pa ji lta ba bzhin du gzhug pa la sogs pa la ldem por
dgongs pa'i sgo nas dang nges pa'i don gyi sgo nas theg pa

gsum gyi lam la 'god pa'i mtshan nyid kyi gzhan don lhun gyis
grub pa/ sangs rgyas dang mnyam pa thob pa'i sems dpa' yin pa'i
phyir/ de la grangs nges kyi khyad par dang/ dgongs pa can dang/
ldem dgongs kyi khyad par ro/ /dang po ni/ ting nge

@109a @#/ /'dzin rgyal po'i mdo dang blo gros mi zad pa'i mdo las
gsungs pa ltar gnas lugs kyi don de las gong du drangs te/ bshad
mi dgos par stong pa nyid kyi don dngos su ston pa'i mdo sde ni
nges pa'i don dang/ sgra ji

bzhin pa yin yang gnas lugs kyi don de las gong du drangs nas
bshad dgos pa 'dus byas mi rtag par ston pa'i mdo sogs dang/
sgra ji bzhin du bzung du mi rung ba'i mdo de ni drang ba'i don
to/ /phyi ma la ldem por dgongs pa bzhi'o/ /mtshan nyid la

ldem por dgongs pa na/ mdo dgongs 'grel las/ ngo bo nyid gsum la
bden par grub ma grub kyi khyad par gsungs pa lta bu'o/ /gzhug
pa la ldem por dgongs pa ni/ gzhan sde dang rang sde kha cig gi
don du gang zag gi bdag yod par gsungs

pa lta bu'o/ /gnyen pa la ldem por dgongs pa ni dgongs pa can
bzhi ste/ mnyam pa nyid gsum la dgongs nas/ ston pas nga de'i
tshe sangs rgyas rnam gzigs su gyur to/ /zhes gsungs pa lta bu
dang/ don gzhan la dgongs pa/ pha dang ma ni gsang

bya zhing/ zhes sogs dang/ dus gzhan la dgongs pa ni/ le lo can
gyi gnyen por bde ba can du skye bar smon lam btab pa tsam gyis
skye bar gsungs pa dang/ gang zag gi bsam pa la dgongs pa sbyin
pa tsam gyis chog par 'dzin pa'i

gnyan por sbyin pa la smad nas tshul khrims la bsngags pa lta
bu'o/ /bsgyur ba la ldem po'i dgongs pa ni/ rab tu grags pa'i yi
ge ngan pa ma grags pa'i don zab mo ston byed du bsgyur ba ste/
snying po med la snying por shes/ zhes sogs so/ /

@109b gnyis pa ni/ sgra ji bzhin pa ma yin par 'dra yang dgongs
pa'i gzhi gtso bor gyur pa dgongs pa can dang/ dgos pa gtso bor
gyur pa ldem dgongs so/ /drang ba dang nges pa'i don gyi khyad
par rgyas par shes par 'dod na/ rje rin po che blo bzang grags
pa'i

dpal bzang po'i zhal snga nas kyis mdzad pa'i drang nges rnam
'byed las shes par bya'o/ /de'i 'og tu sa bcu pa ba de la 'khor
ba ji srid par 'bad rtsol gyi mtshan ma med cing lhun gyis grub
par gzhan gyi don gyi ye shes mthar phyin pa 'byung ba'i phyir

te; de'i rten la rigs zhes bya'o/ /gnyis pa ni/ 'di ni sgrub
pa'i gnas skabs kyi go rims yin no/ /gsum pa ni/ bcu gsum pa
'dis kyang rnam mkhyen don gnyer gyi skyes bu'i don thams cad
phun sum rtogs pa rdzogs par 'gyur ba yin pa'i

phyir; der grangs nges so/ /gnyis pa ni/ byang chub sems dpa'
rnam pa bcu gsum po'i rgyud kyi chos kyi dbyings kyi ngo bo nyid
kho na la skabs 'dir rigs zhes bstan to/ /de kho na ji skad du
bshad pa'i sgrub pa'i chos kyi gzhir gyur pa'i dbyings

yin pa'i phyir/ byang chub sems dpa' bcu gsum du dbyer rung ste/
sgrub pa'i chos kyi gnas skabs bcu gsum tha dad pa'i bye brag
gis so/ /bcu gsum byed las la sogs mi 'dra ba'i sgo nas bzhag
kyang bcu gsum po ngo bo tha dad 'ba' zhig tu 'gyur ba

ni ma yin no/ /gnyis pa rtsod pa spang ba ni/ rtsod pa dang/ lan
no/ /dang po la snga 'grel dang/ rtsa ba'o/ /dang po la 'dod pa
brjod pa dang/ thal ba dgod pa'o/ /dang po ni/ gal te sems can
gyi chos kyi dbyings kho na 'phags pa'i chos rtogs par

@110a @#/ /'gyur ba'i rgyu'i dmigs pa yin pa'i phyir/ chos
dbyings de'i bdag nyid can gyi byang chub sems dpa' theg pa chen
po'i rigs can yin zhing/ de'i chos nyid sangs rgyas kyi chos
rnams kyi 'byung khungs rang bzhin du

gnas pa'i rigs yin na/ zhes so/ /gnyis pa ni/ chos dbyings rigs
yin pa 'o na ni de'i tshe sems can thams cad la gnas pa'i phyir/
sangs rgyas kyi rigs la gnas par thal ba dang/ rigs can gsum
ga'i gang zag la spyir gnas pa

yin pa'i phyir/ rigs can gsum ga'i gang zag lam gyi skabs kyi
rigs la gnas par khas len dgos pa byang chub sems dpa' kho na
sangs rgyas kyi rigs can ma yin par thal lo/ /snyam pa'i skye bo
zhes so/ /gnyis pa ni/ theg pa gsum

gyi rigs ni tha dad par rung ba ma yin zhing/ rigs can gsum ga'i
slob lam pa rnams theg pa chen po'i skabs kyi lam gyi rigs la
gnas par thal/ de rnams kyi chos kyi dbyings la dbyer med pa'i
phyir/ gnyis pa lan la/ don gyis

thob pa'i lan dang/ dngos su bstan pa'i lan no/ /dang po la
mtha' dpyad pa dang/ tshig don to/ /dang po ni/ de la spyir mngon
par rtogs pa'i rgyan 'dir/ lta ba la ltos pa'i dbang po'i rim
pas theg pa gsum bzhag ste/ theg chen la lta ba

rab dbu ma'i lta ba dang/ theg 'bring la lta ba 'bring sems tsam
pa'i lta ba dang/ theg chung la lta ba tha ma gang zag gi bdag
med thun mong ba'i lta ba bzhag pa yin kyang/ der ma nges te de
kho na nyid lta ba gsum ga yod pa ltar na'ang/

@110b de kho na nyid myur du gting dpogs mi dpogs sogs kyi sgo
nas dbang po'i rim pa gsum mi 'gal lo/ /shes pa la bdan zhen
spong ma nus pa dman pa'i khyad par du bstan pa'i phyir/ de bas
gong na lta ba yod pa rtogs nus pas mngon rtogs rgyan

sems tsam du bshad du mi rung ngo/ /yang slob dpon 'phags pa
rnam grol sdes/ skabs 'dir nyan rang la chos kyi bdag med rtogs
pa yod pa'i rnam gzhag kyang mdzad de/ nyi khri snang ba las/ de
la rtog pa dang rnam par rtog pa ni dngos po dang de'i mtshan

ma la mngon par zhen pa ste de med pa'i phyir chags pa med pa
nyid du rig par bya'o/ /yod par ma gyur pa nyid ni chos thams
cad kyi de bzhin nyid do/ des na 'dis ni chos kyi dbyings nyid
'phags pa'i chos rnams kyi rgyu yin pa'i phyir/ rang bzhin du
gnas pa'i rigs sgrub pa'i

rten yin no zhes ston par byed do/ /zhes dngos po dang de'i
mtshan ma la bden par zhen pa'i chags pas gzung ba ltar yod pa
min pa'i bden stong la bshad do/ /de la chos dbyings rigs yin
na/ sems can thams cad rigs la gnas par 'gyur te/

chos dbyings ni thams cad la spyir gnas pa'i phyir ro/ /zhes
pa'i rtsod pa bkod de/ rigs la gnas pa ni lam gyi skabs kyi rigs
la bsams pa'o/ /de'i lan du/ ji ltar dmigs pa na 'phags pa'i
chos rnams kyi rgyur 'gyur ba de ltar rigs

yin par brjod pa des na/ 'dir ha cang thal ba med par gsungs te/
chos nyid yod pa tsam gyis lam gyi skabs kyi rigs la gnas pa min
te/ chos nyid la lam gyis dmigs nas bsgom pa na/ 'phags chos kyi
rgyu khyad par can du gyur pa'i

@111a @#/ /tsha; rigs khyad par can du 'jog pa'i don to/ /de lta
na'ang chos dbyings la dbye ba med pas theg pa gsum gyi rigs ni
tha dad mi rung ngo/ /zhes pa'i lan du brten pa'i chos dmigs
byed kyi lam gyi dbye bas

rigs tha dad du brjod do/ /zhes ston to/ /rten ni 'dir dmigs pa
dang/ brten pa ni dmigs byed yin la/ dmigs byed la nyan rang gi
theg pa gnyis kyang yod cing/ chos nyid la dmigs pa la de blo
ngor 'grub dgos la/ bden grub

blo ngor ma bcad par bden stong blo ngor mi 'grub cing/ de ma
grub na chos nyid blo ngor mi 'grub bo/ /de yang dang por gzhi
chos can gcig gi stong du nges dgos pas nyan rang la yang phyi
nang gi chos can la dmigs nas de'i chos nyid bden

par med par dmigs pa yod par bstan to/ /de ltar byas na rang
rgyal la de kho na nyid kyi don rtogs pa gcig kyang yod pas/
rang rgyal la shes pa la bden zhen spong mi nus pas ma khyab bo/
/nyan thos la yang de kho na nyid rtogs ma

rtogs gnyis su dbye dgos pa'i phyir ro/ /gal te theg pa gsum gyi
rigs tha dad pa mi rung ngo zhes mi rtsod kyi/ rigs bcu gsum gyi
dbye ba mi rung bar rtsod pa yin snyam na'ang mi 'thad de/ nyi
khri snang bar ji skad du 'jam dpal gal

te chos kyi dbyings gcig dang/ de bzhin nyid gcig dang/ yang dag
pa'i mtha' gcig yin na/ de la ji ltar snod dang snod ma yin par
gdags zhes gsungs pa bzhin no/ /zhe na/ zhes mdo gzhan las chos
dbyings la dbye ba med

@111b pas theg chen kyi snod dang snod ma yin par ji ltar brtag
ces gsungs pa dang/ 'di 'dra bas sngar ltar rtsod pa yin gyi/
rigs bcu gsum la byas na theg chen gyi snod dang snod ma yin par
rtsod pa mi rung ba'i phyir ro/ /'grel pa mdzad pa 'dis kyang
skabs

'dir 'phags pa dang mthun par mdzad de/ lan gyi gzhung 'di yang
nyi snang gi ha cang thal ba'i skyon med pa'i lan kyi don de
nyid bsdus pa yin no/ /nyi khri snang ba dang/ 'grel chen gnyis
kar chos dbyings theg pa gsum ga'i rigs su 'jog pa'i shes

byed du 'phags pa'i gang zag thams cad ni 'dus ma byas kyis rab
tu phye bar gsungs pa drangs la/ de ni rdo rje gcod pa las/
sangs rgyas dang des bstan pa'i chos thams cad ma mchis so zhes
pa'i sgrub byed yin la/ don ni theg pa che chung gi 'phags

pa'i gang zag thams cad ni chos rnams de kho nar ma grub pa'i
don dam 'dus ma byas mngon sum du rtogs pas bzhag pa'i phyir ces
pa'o/ /yang mgo mjug phal cher gyi skabs su gang zag gi bdag med
rags pa'i dbang du byas nas/

nyan thos kyi lam gyi rnam gzhag mdzad la/ de ltar mdzad pa yang
rjes su bzung rgyu'i theg dman la zab mo'i snod du gyur ma gyur
gnyis yod cing/ de la'ang phyi ma ches mang ba dang/ thun mong
ba'i bdag med rtogs pa goms par byas na rgyud

myur por? smin nas zad mo'i lam gyi snod du 'gyur pas phal cher
de'i lam mang du gsungs shing/ gzhung gzhan du yang gnyis ka'i
rnam gzhag mdzad pa'ang mang ngo/ /dper na dbu ma'i lta ba'i
rgyud smin byed du sems tsam pa'i lta ba

@112a @#/ /gsungs pa bzhin no/ /dbu ma thal 'gyur ba bzhed pa
ltar nyan thos kyi mthong lam thob pa la yang nges par stong
nyid mngon sum du rtogs pa dgos pa ltar mo bzhed kyang/ nyan
thos 'phags pas kyang stong pa nyid

kyi don mngon sum du rtogs pa yod par bzhed pa'i dbu ma rang
rgyud pa ni shin tu mang ngo/ /bstan bcos 'di'i gong 'og kun tu
nyan thos la zab mo'i don rtogs pa'i lam yod par bstan pa mi
'grog bzhin du sgrig pa dang/ yang rang nyid dge ba'i

bshes gnyen ring du mnyes par ma byas la/ shing rta chen po
rnams kyi bzhed pa mi 'dra ba pad-ma'i 'dab ma ltar ma 'dres par
gnas pa 'byed pa'i blo'i mthu dang ni bral/ che 'di'i rnyed pa
dang bkur sti dang grags pa tsam zhig bsgrub pa lhur len pa theg

pa dman pa'i 'phags pa rnams la zab mo'i don rtogs pa yod par
'dod pa dag la than mthong ba ltar byed pa du ma byung snang ba
ni bdag legs su 'dod pa rnams kyis phyis kyang gnas 'di la bag
dang ldan par bya'o/ /gnyis pa ni/ dri ma dang

bcas pa'i de bzhin nyid sangs rgyas kyi rigs yin no/ /rigs gsum
gyi rnam dbye mi rung ba'i skyon med par thal/ ji ltar nyan thos
kyi theg pa dang/ rang rgyal gyi theg pa dang/ byang chub sems
dpa'i theg pa la sogs pa tshogs dang dbang po'i khyad

par mi 'dra ba'i rtogs pa'i rim gyis chos dbyings de bzhin nyid
la dmigs pa de bzhin du ste/ ji ltar dmigs pa de ltar rang rang
gi 'phags pa'i chos rtogs par bya ba'i phyir tu dmigs pas chos
dbyings rgyu'i dmigs pa'i ngo bor rnam par

@112b 'jog pa'i sgo nas gang zag gsum rang rang gi rigs la gnas
pa dang/ de'i chos nyid theg pa gsum gyi rigs nyid du tha snyad
'dogs so/ /ngag don ni/ theg pa gsum ga'i gang zag gis de bzhin
nyid la dmigs shing/ dri ma dang bcas pa'i de bzhin nyid

rigs su bzhag pa la/ rigs can so so gsum dang/ rigs so so gsum
gyi rnam dbye mi rung ba'i skyon med par thal/ theg pa gsum gis
de bzhin nyid la dmigs kyang tshogs dang dbang po'i khyad par
gyis theg pa che chung gi rtogs pa mi 'dra ba'i

rgyu'i dmigs par 'gyur bas rigs can gsum dang rigs gsum gyi dbye
ba 'thad pa'i phyir/ skabs 'dir bdag med phra rags la dmigs pa'i
khyad par gyis 'byed pa ni/ rtsod pa'i lan gyi skabs don las
nyams pa'o/ /gnyis pa la/ mtshams

sbyar ba dang/ rtsa ba dang/ 'grel pa'o/ /dang po ni/ zhes bya
ba'i lan zhes so/ /dngags? ni 'jig rten gyi grags pa'o/ /gnyis
pa ni/ theg pa gsum gyis de bzhin nyid la dmigs par khyad par
med na/ rigs gsum gyi rnam dbye mi rung ba'i skyon

med par thal/ brten pa'i chos kyi bye brag gis rten de'i dbye ba
'jig rten na yongs su brjod cing grags pa ltar rten chos kyi sgo
nas dbye ba 'thad pa'i phyir/ gsum pa ni/ dper na nyer len 'jim
pa gcig las mngon par grub cing rkyen me lce gcig

gis so btang ba la sogs pa'i rten bum pa la sogs pa snod gcig
nyid brten pa sbrang rtsi dang li kha ra la sogs pa'i bcud mi
'dra ba tha dad pa'i snod nyid kyis snod tha dad pa'i tha snyad
byed pa de bzhin du brten pa'i chos theg pa gsum gyis bsdus pa'i
rtogs

@113a @#/ /shing thob par bya ba'i lam tha dad pa nyid kyis rten
rigs tha dad pa nyid do zhes bstan to/ /snod gcig yin na bcud mi
'dra ba'i snod du 'gal lo zhes pa ni/ tshogs pa dang rgyun 'jog
mi shes pa'i log par rtog pa 'ba' zhig yin te/

de'i dbang gis sa dang lam gyi rnam gzhag rnams la yang log rtog
'ba' zhig skyed par mngon no/ /gnyis pa sgrub pa'i dmigs pa la
gsum/ mtshams sbyar ba dang/ rtsa ba dang/ 'grel pa'o/ /dang po
ni/ ji skad bshad pa'i sgrub pa'i rten gyi rten chos

sgrub pa'i dmigs pa zhes so/ /gnyis pa la/ tshig don dang/ mtha'
dpyad pa'o/ /dang po ni/ sgrub pa'i dmigs pa zhes te/ blang dor
btang snyoms su bya ba'i sgo nas spyir bstan pa dang/ lam dang/
spang gnyen dang/ bden pa dang 'bras bu'i sgo nas

dbye ba brgyad do/ /de dag theg chen sgrub pa'i dmigs pa yin te/
de'i sgro 'dogs bcad par bya ba'i gzhi yin pa'i phyir/ gnyis pa
ni/ skabs 'di'i 'grel chen du/ gang yang chos kyi dbyings rtag
tu rnam par dag pa gnyis su med pa'i ye shes nyid ni

dmigs pa yin no snyam du sems pa de dag gis rtag tu rnam par dag
pa nyid yin pa'i phyir gong nas gong du rnam par dag pa khyad
par du 'gro ba ji ltar brjod par bya/ chu khams gser dang nam
mkha' rnams/ /dag pa bzhin du dag par 'dod/ /ces bya ba

yin no zhe na/ de lta na ni dag pa ni de kho na nyid kyi ye shes
yin no zhes gnyen po'i phyogs la mngon par zhen pa yin pa'i
phyir/ mi mthun pa'i phyogs la mngon par zhen pa don gyis
'phangs pa yin no/ /de bas na mi mthun pa dang gnyen po'i phyogs

@113b kyi rnam par rtog pa spangs pa med pas phyogs gcig pa'i
dag par thal bar 'gyur ro/ /khyed kyi phyogs ltar na yang rab
'byor rnam pa thams cad mkhyen pa nyid kyi dmigs pa ni dngos po
med pa yin no/ /zhes bya bas dmigs pa dag pa mthar thug pa ji

ltar yin zhe na/ nyes pa med de/ gang gi phyir rigs pa'i rjes su
'gro ba'i dngos po med pa'i phyir na/ dngos po med pa ni yang
dag pa'i kun rdzob yin par brjod la/ de kho na nyid kyi rang
bzhin bsgribs pa de rim gyis sgyu ma lta bur rtogs pa nyid ni
rnam

par dag pa yin no zhes bshad do/ /'di'i don gzhan gyis bzhag pa
mi 'thad pa dang/ rang gi lugs so/ /dang po la/ gzhan gyi 'dod
pa bkod pa pha rol po'i 'dod pa ma yin pa dang/ rang gi lugs
bzhag pa mi 'thad pa'o/ /dang po ni/ sems tsam

pas gzung 'dzin rdzas tha dad kyis stong pa'i de bzhin nyid 'ba'
zhig 'phags pa'i mnyam gzhag gi dmigs par khas blangs pas de
'gog par byed do zhes pa'i don ci/ gzhan dbang dmigs pa dang/
gzung 'dzin rdzas tha dad kyis steng ba rnam par

byas nas gzhan dbang gzung 'dzin rdzas tha dad kyis stong bar
'phags pa'i mnyam gzhag gis mngon sum du gzigs par sems tsam pas
mi 'dod do zhes pa yin na/ de'i lugs lags par khong du ma chud
pa yin te/ de lta bur 'dod pa'i sems

tsam pa'i shing rta chen po su yang med pa'i phyir dang/ sde
bdun du rnam rig pa'i 'dod pa 'chad pa na/ dngos kyi gnod byed
dang/ gnod bya sgro 'dogs gnyis gzhi dmigs pa mtshungs par lan
cig ma yin par sgrub pa'i phyir dang/ gzhan dbang la gzung

@114a @#/ /'dzin rdzas tha dad par snang zhing/ snang ba ltar du
ma grub par mngon sum gyis rtogs pa mi srid do zhes zhal gyis
bzhes par 'gyur zhing/ gal te yod na yang so so skye bo'i mngon
sum gyis rtogs par zhal gyis bzhes

par 'gyur ro/ /rigs shes rtog pa'i den khyad gzhi khyad chos de
ltar snang mod kyi/ 'phags pa'i mnyam gzhag gi gzigs don gzhan
dbang mi snang bas/ gzhan dbang snang ba ltar ma grub par mngon
sum gyis rtogs pa ma yin zhing/ de bzhin nyid

'ba' zhig la dmigs pa'o zhe na/ 'o na rang lugs la yang myu gu
bden med du mngon sum du rtogs pa'i mnyam gzhag gi gzigs ngo na
myu gu snang ba'am/ myu gu bden med du mngon sum gyis ma rtogs
par/ bden stong 'ba' zhig mngon sum du rtogs

par thal lo/ /de'i ngor myur gu snang zhe na/ bden 'dzin bden
stong du mngon sum du gzigs pa'i ngor sgro 'dogs kyang yod par
thal te 'og tu 'gog par 'gyur ro/ /gnyis pa ni/ rang lugs la
mnyam gzhag gi gzigs ngor myu gu la sogs pa'i chos

can snang bar khas len pas/ sems tsam pa'i 'dod pa bkag pa'i
nyes pa mi mtshungs so snyam na/ dbu ma pa'i bzhed par ches mi
rigs te/ sdug bsngal bden stong du mngon sum du rtogs pa'i
mthong lam gyi gzigs ngor chos can de snang na/ chu

la chu bzhag gi tshul du snang ngam gnyis su snang/ dang po ltar
na/ don dam pa'i bden par thal ba ldog tu med la/ gnyis pa ltar
na/ 'phags pa'i mnyam gzhag bden stong du gzigs pa'i ngor yang
de ltar snang dgos pas/ mnyam gzhag rang

@114b nyid rang las rdzas tha dad du thal ba ldog tu med do/
/yang mthong lam de la sdug bsngal tha dad du snang zhing/ don
dam pa'i bden pa chu la chu bzhag gi tshul du snang ngam/ 'on te
don dam pa'i bden pa shugs la rtogs/ dang po ltar na/ byang sems
'phags pa'i

mnyam gzhag gcig gi gzigs ngor shes bya/ ji lta ba dang ji snyed
pa gnyis snang tshul mi 'dra bar snang ba rigs pa'i lam las 'das
te gzhan du na/ skabs der mnyam gzhag dang rjes thob ngo bo gcig
tu khas len dgos pa'i phyir ro/ /gnyis pa ltar

na; don dam bden pa shugs la rtogs pa'i dngos rtogs de gang yin/
chos can sdug bsngal de nyid dngos su rtogs pa'o zhe na/ don dam
pa'i bden par thal ba de bas kyang ldog tu med do/ /des na
'phags pa slob pa'i mnyam gzhag gi gzigs ngor chos

can 'dus byas snang bar 'dod pa'i dbu ma thal 'gyur ba dang/
rang rgyud pa su yang med pa'i phyir ro/ /'og tu sgyu ma lta
bu'i bdag nyid du snang ba'i blo zhes bshad pa ji lta bu zhe na/
de ni mnyam gzhag nyid sgyu ma lta bur ston pa yin par shin tu
gsal te/ 'grel

chen gyi skabs du mar de ltar gsungs pas so/ /gnyis pa rang gi
lugs ni/ gzung 'dzin dbang shes la sogs pa so so skye bo'i rgyud
kyi shes pa kun gzhan dbang du khas len la/ dbang shes la yang
gzung 'dzin rdzas tha dad du snang la/ snang ba ltar du ma grub
par

'phags pa'i mnyam gzhag gis gzigs par 'dod cing/ de'i don dbang
shes mi snang zhing 'gyur med yongs grub chu la chu bzhag gi
tshul du snang bar 'dod kyang/ dbang shes snang ba ltar du ma
grub par mngon sum du gzigs par 'dod cing ma gzigs pa

@115a @#/ /mi 'dod pas/ chos dbyings rtag tu rnam par dag pa rnam
par mi rtog pa'i ye shes kyi dmigs par bzhed pa'i don ni de yin
no/ /de la dmigs pa'i gzhi gzhan dbang dang chos 'gyur med yongs
grub bden par grub par

zhal gyis bzhes pa la dbu ma pas dgag pa mdzad pa yin te/ de
yang gzhi gzhan dbang la 'phags pa rnams kyis rjes kyi skabs su
dmigs pa'i tshe/ 'khrul snang dang gzung 'dzin rdzas tha dad du
'dzin pa'i rnam rtog shes je chung ngu song ba'i tshul gyis

dag pa gong nas gong du khyad par du 'gror med par thal/ 'khrul
snang dang rnam rtog sngar nas gzhan dbang ba'i rang bzhin la
zhugs shing/ zhugs pa de nyid bden par grub la/ bden grub la
gong nas gong du khyad par du 'gror med pa'i phyir/ ces pa'o/ /

mnyam gzhag la dag pa khyad par du 'gror med pa ni/ sa bon je
dag tu 'gror med par thal ba'o/ /de la rnam rig pa na re/ chu
dang gser dang nam mkha' rnams/ rang bzhin gyis dag pa yin yang/
rdul dang g.ya' la sogs pa rim gyis dag

par 'gyur ba bzhin du/ dri ma yang gnyen pos rim gyis dag par
byed do zhe na/ khyed kyi lugs la de mi 'thad de/ dag pa de kho
na nyid gzung 'dzin rdzas tha dad kyis stong pa de/ bden par
grub pas mi mthun phyogs spang du mi rung ste/ da gzung 'dzin

rdzas tha dad du snang ba'i gzhan dbang gi rang bzhin la zhugs
shing/ gzhan dbang de nyid kyang bden par grub par khas blangs
pas de lta na/ gzhan dbang chos can/ khyod la gzung 'dzin rdzas
tha dad du snang ba de/ snang ba ltar grub par thal/ de ltar

@115b snang ba gang zhig /bden pa grub pa'i phyir/ khyab pa yod
de/ rdzun pas 'khyud pa bden grub tu gnas pa'i skabs med pa'i
phyir ro/ /'dod na khyed shes sgrib tu 'dod pa'i gzung 'dzin
rdzas tha dad du 'dzin pa'i rtog pa spang du med par 'gyur te/
zhen yul la ma

'khrul ba'i blo skyen med yin pa'i phyir/ des na mnyam gzhag ye
shes kyi gzhal bya bden grub tu khas blang na/ spang bya mi
mthun pa'i phyogs spang du mi rung bar don gyis khas blang dgos
pas/ shin tu rnam par dag pa khas blang du med par 'gyur ro/ /'o
na

khyed rang la rnam mkhyen gyi dmigs pa dngos po med pa'o zhes
khas blangs pas/ myu gu bden stong chos can/ bden par grub par
thal/ mthar thug dpyod pa'i rigs dor yod pa'i phyir/ rtags khas
blangs 'dod na sngar bshad pa'i nyes pa khyed la yang thal bar
'gyur

la/ khyab pa yod de/ blo don dam pa de'i ngor yod na/ don dam pa
der yod dgos la/ de lta na don dam par yod dgos so zhe na kho bo
cag la nyes par mi 'gyur te/ myu gu bden stong rigs ngor yod
kyang bden grub tu khas mi len te/ bkag pa de nyid kyang bden
snod

rdzun pa sgyu ma lta bur gnas pa'i phyir ro/ /de ltar yang/ dgag
bya yod pa ma yin pas/ yang dag du ni bkag med gsal/ /zhes bshad
pa ltar ro/ /rigs shes rtog bcas dang rtog med kyang/ don dam pa
yin par 'dod kyang/ yang dag kun rdzob tu 'dod

kyi/ bden par grub par mi 'dod do zhes pa'i don du shin tu gsal
lo/ /'di dag gi 'phros tshegs sgrub kyi skabs su 'chad par 'gyur
ro/ /de'i 'phro nyid nas 'grel chen du/ de ltar byas na rang
bzhin gtso bor gyur bzhi rigs yin la/ rnam par 'gyur ba

@116a @#/ /gtso bor gyur pa ni dmigs pa yin pas/ gnyis ka yang
gnyis ka yin pa la ni dgag pa med do/ /zhes pa'i don ni/ gtso
che chung ni go bar zad la/ phyi ma'i don ni chos can dang ma
bral bar/ nang skye mched drug bden pas stong bar

dmigs pa'i sgo nas rang bzhin gnas rigs su 'gyur gyi/ chos can
spangs pa mi rung la/ dmigs pa'i skabs su sgro 'dogs bcad par
bya ba'i gzhi ni kun rdzob pa gtso bo yin gyi/ de bzhin nyid
kyang dmigs par 'gyur pa'i don to/ /gsum pa la/

spyir bstan pa dang/ so sor bshad pa dang/ dmigs pa bcu gcig la
rim gyis dmigs par bstan pa'o/ /dang po ni/ byang chub sems dpa'
rnams re shig dang por spyir chos 'di rnams las blang bya dge ba
dang dor bya mi dge ba dang btang snyoms su bzhag

bya lung du ma bstan pa ste gsum po gang zhes thog mar dpyod par
byed la/ de ltar dpyad pa na go rims bzhin du dge sbyong gi tshul
nyid dang/ srog gcod pa la sogs pa dang/ lung du ma bstan pa'i
lus kyi las la sogs pa blang dor btang snyoms su bya bar

rtogs par 'gyur ro/ /de gsum chos can/ sgrub pa'i dmigs pa yin
te/ de'i sgro 'dogs bcad par bya ba'i gzhi yin pa'i phyir/ gnyis
pa ni/ chos gsum spyir rtogs pa de'i 'og tu dmigs pa lhag ma
rnams la dpyod par byed de/ ji snyed zhe na/ gsum

po de dag nyid la dbye gzhir byas nas 'jig rten pa la sogs pa
rnam pa gnyis po'i dbye ba zung bzhi nyid kyis so/ /de yang
grangs bzhin du byis pa'i skye bo thams cad dang 'brel pa'i 'jig
rten pa'i lam gyis bsdus pa'i phung po lnga chos can/ 'jig rten
pa

@116b yin te/ thog ma med pa nas 'khor bar 'dris pa'i chos yin
pa'i phyir/ 'phags pa'i skye bo thams cad kyi rgyud kyis bsdus
pa'i zag med kyi bsam gtan bzhi chos can/ 'jig rten las 'das pa
yin te/ sred pa'i gnyen po 'khor bar ma 'dris pa'i

chos yin pa'i phyir ro snyam du sems par byed do/ /de nas mi
mthun phyogs spang ba'i ched du spang bya zag bcas ni gang/
gnyen po zag med ni gang zhes rtog la/ brtags pa na nye bar len
pa'i phung po lnga chos can/ zag bcas yin te/ 'jig lta'i rtsa ba
las

skyes shing/ bdag tu lta ba'i gnyen po'i phyogs ma yin pa'i
phyir ro/ /bdag der lta ba'i gnyen po zag pa med pa'i dran pa
nye bar bzhag pa bzhi chos can/ zag med yin te/ spang bya'i sa
bon gyi dngos gnyen yin pa'i phyir snyam du sems par byed cing/
zag

med de nyid la rgyu dang 'bras bu'i cha gnyis su phye nas dpyod
la/ de ltar dpyad pa na rgyu dang rkyen la rag las pa 'dod pa'i
khams la sogs pa la brten pa'i lam bden chos can/ rgyu'i cha yin
te/ 'gog bden thob byed kyi thabs yin pa'i phyir/ rgyu la mi
ltos

de bzhin nyid spang bya'i sa bon dang bral ba chos can/ 'bras
bu'i cha yin te/ lam bden gyi bral 'bras yin pa'i phyir/ snyam
du sems par byed do/ /de nas thob bya'i 'bras bu gang zhes dpyod
pa na/ theg pa gsum ga'i 'phags pa'i rgyud la 'byung ba'i bsam

gtan bzhi chos can/ thun mong ba'i yon tan yin te/ theg gsum gyi
'phags pa'i skye bo thams cad kyi rgyud la 'byung ba'i yon tan
yin pa'i phyir/ stobs bcu chos can/ thun mong ma yin pa'i yon
tan yin te/ yang dag par rdzogs pa'i sangs

@117a @#/ /rgyas kyi rgyud kho na la 'byung ba'i yon tan yin pa'i
phyir/ chos can zhes pa sangs rgyas kyi yon tan ma lus pa'i rten
du shes pa'i ched yin no/ /gsum pa ni/ de lta bu la sogs pa'i
rim pa ji lta ba bzhin du rtogs

pa'i rim gyis chos thams cad la dmigs pas na dmigs pa rnam pa
bcu gcig go /bla ma lo tstsha ba chen pos rim can du dmigs pa'i
tshul ma mdzad par gzhan du bshad do/ /gsum pa sgrub pa'i ched du
bya ba la/ mtshams sbyar ba dang/ rtsa

ba dang/ 'grel pa'o/ /dang po ni/ dmigs pa de lta bu la dmigs
nas shes pa'i sgrub pa'i zhes so/ /gnyis pa ni/ ched du bya ba
'di yin par shes par bya'o/ /gang gi yin zhe na/ rang byung du
'gyur bas rang byung gi ming btags pa byang chub sems

dpa'i 'o/ /gang gi sgo nas na chen po gsum gyis so/ /de gang zhe
na/ sems can kun gyi mchog nyid du byed pa'i sems chen po dang/
rang don spong ba dang rtogs pa chen po dang gsum po'o/ /gsum pa
ni/ 'byung bar 'gyur ba'i sangs rgyas

byang chub sems dpa' rnams nyid kyi chos can/ ched du bya ba
rnam pa gsum du shes par bya'o/ /de yang chen po nyid gsum dang
ldan pas ched du bya ba gsum yod pa'i phyir/ gsum yod de thob
bya mthar thug gsum po nyid kyi dbang du byas te/ de ltar

bsgrub pa la 'jug pa de'i phyir/ gsum po gang na sems can zhes
te de thams cad sangs rgyas su byed 'dod pa'o/ /sems chen po
sangs rgyas kyi thugs rje chen po nyid dang spangs pa mthar thug
spong ba chen po nyid dang rtogs pa mthar thug rtogs pa

@117b chen po nyid do/ /gang gi sgo nas sangs rgyas su 'gyur zhe
na/ rnam pa thams cad du rnam mkhyen mtshon byed kyi chos bcus
mtshon pa'i rnam pa thams cad mkhyen pa nyid yongs su shes pa'i
sgo nas 'byung bar 'gyur ba'o/ /byang chub sems dpa' bsgrub pa
la

'jug pa ni/ rgyal po g.yul du 'jug pa dang chos mtshungs par/ mi
mthun phyogs ma lus pa spangs pa dang/ thob bya ma lus pa thob
pa dang/ rang nyid kun gyi mchog nyid du byed pa'i ched du bya
ba gsum gyi don yin no/ /

bzhi pa sgrub pa'i ngo bo la gnyis/ sgrub pa spyi'i rnam gzhag
dang/ so so'i rang bzhin bshad pa'o/ /dang po la/ ston tshul gyi
sgo nas gnyis su dbye ba dang/ mtshan gzhi'i sgo nas bzhir dbye
ba'o/ /dang po ni/ kha cig na re/ mkhyen gsum yul du byas nas

thos bsam gtso bor gyur pa'i sgrub pa la mkhyen gsum yul gyis
sgrub pa dang/ sbyin sogs la gtso bor spyod pa'i sgrub pa/ sbyor
ba bye brag gi sgrub pa zhes zer ba mi rigs te/ thos bsam gtso
bor gyur pa'i don de sbyin sogs la sbyor bas

nyams su mi len par shes bya gtan la 'bebs pa'i skabs gtso bor
gyur pa la byed na/ lam du ma zhugs pa'i sngar nas kyang yod
pas/ dri ba 'di'i lan skabs su ma bab la/ gtan la phebs pa'i don
de nyid bsam pas yang dang yang du 'dris par

byed pa'i skabs la brjod na/ der sbyin sogs spyod pa nyams len
gtso bor ma gyur pa'i shes byed cung zad kyang med do/ /yang
mkhyen gsum gyi nyams lan gyi bya ba la/ lta ba'i nyams len
dang/ sbyor ba bzhi'i nyams len la spyod pa'i nyams len

@118a @#/ /du sbyor ba yang zer rgyus 'phongs par shin tu gsal
te/ de gnyis la lta ba dang spyod pa gtso bor gyur mgyur? gyi?
shes byed du cung zad kyang med pa'i phyir dang/ sbyor ba bzhi
po gang rung gi nyams len gyi bya ba ma yin pa'i mkhyen

gsum yul du byas pa'i byang chub sems dpa'i nyams len gyi bya ba
cung zad kyang med pa'i phyir ro/ /yang sbyor ba bzhi lta ba'i
nyams len dang/ mkhyen pa gsum nyams len gyi bya ba spyod pa'i
nyams len yin no zhes khas blangs na yang khyod

la ci zhig smrar yod/ skabs dang po gsum dang/ sbyor ba bzhi
sten pa'i skabs bzhi la lta ba gtso bor ston mi ston gyi khyad
par yod med mig legs par phyis la rtogs shing/ 'og nas rgyan gyi
don drug tu bsdus pa'i skabs su yang mkhyen gsum

gyi nyams len nyid la drug tu dbye ba cung zad kyang ma mthong
bar zad do/ /yang sngon gyi mkhas pa kha cig /sbyin sogs phar
phyin drug gi mgo mig gtong ma gtong dang/ phar phyin drug so
sor nges pa'i mtshan nyid kyis zin pa dang ma zin pa la byed pa

yang; dpyad mi bzod de/ phar phyin drug nyams su len pa'i bsam
pa'i bya ba yod med la byed na/ sgrub pa dang po 'di tshogs lam
du ma zhugs gong gi sgrub pa yin par thal/ go cha'i sgrub pa
thog mar thob pa nas/ phar phyin drug la dmigs

pa'i bsam pa'i nyams len gyi bya ba yod pa'i phyir/ 'dod na/
sgrub pa'i ngo bo gang yin dris pa la gnyis su dbye ba dang
'gal/ sbyin sogs phar phyin drug rgyud la thob ma thob la byed
na/ sbyor ba bzhi sgrub pa phyi mar bzhag pa dang 'gal te/ byang

@118b chub sems dpa' lam du zhugs pa'i thog ma nyid nas rnam
rdzogs sbyor ba thob pa'i phyir ro/ /des na phal char gyis
sgra'i brjod tshul 'gal ba la dngos po'i gnas tshod 'gal bar bzung
nas 'grel ba'i don phyin ci log tu rnam gzhag byas so/ /des na

dngos po'i gnas tshod kyi dbang du byas na/ sbyor ba bye bag gi
sgrub pa yin na/ mkhyen pa yul du byas pa'i sgrub pa yin pas
khyab pa'i spyi dang bye brag yin gyi/ spyi dang bye brag gi
sgrub pa'i tha snyad byas nas/ de gnyis 'gal bar 'dod pa ni don
gyi gnas tshod

dang rjod byad sel bas 'jug pa'i rnam dbye ma shes pas nongs so/
/'o na ji lta bu zhe na/ skabs dang po gsum du mkhyen pa gsum
yul du byas nas nyams su len pa'i sgrub pa bstan mod kyi/ mkhyen
pa gsum nyams su len pa'i skabs re re zhing phar

phyin drug ldan du nyams su blang bar bya'o/ /zhes ni go cha'i
sgrub pa ma gtogs gzhan la gsal bar ma bstan no/ /skabs lhag ma
bzhi nas bstan pa'i sbyor ba de dag kyang/ mkhyen pa yul du byas
pa'i sgrub pa yin mod kyi/ skyor ba re re zhing

yang phar phyin drug ldan du nyams su blang bar bya'o zhes gsal
bar bstan pa yin no/ /ji ltar zhe na/ sbyin dang tshul khrims
sogs spyod pas/ zhes dang/ sbyin pa la sogs re re ni/ zhes dang/
sbyin pa shes rab par dag dang/ zhes dang/ sbyin

pa la sogs ra ras kyang/ zhes so/ /go cha'i sgrub pa'i skabs su
ni/ sgrub pa gnyis ka bstan pa'i shes par bya'o/ /dris lan gnyis
kyi dri ba ni/ de ltar sgrub pa'i rten du gyur pa dang dmigs pa
dang ched du bya ba la sogs pa brjod nas sgrub

@119a @#/ /pa de'i rang gi ngo bo gang yin zhe na lan ni/ rjod
byed mi 'dra ba'i khyad par gyis skabs dang po gsum du mkhyen
gsum gyi rnam pa so sor nges pa'i rang bzhin gyi thams cad
mkhyen pa nyid gsum gyi rnam pa yul du

byas pa la go cha ma gtogs phar phyin drug ldan gyi sgo nas gsal
bar ma bstan par spyir mkhyen pas bsdus pa'i dge ba'i chos kyi
rten can te/ yul can du bstan pa'i sgrub pa dang/ rnam pa kun
mngon par rdzogs pa rtogs pa la sogs pa

mngon par rtogs pa rnam pa bzhi ston pa'i skabs la/ mngon par
rtogs pa re re zhing pha rol tu phyin pa drug gi rten can du
bstan pa'i nyams len gyi bya ba ni sgrub pa ste gnyis so/ /sgrub
pa'i ngo bo de la gnyis su yod de/ ston tshul mi 'dra ba'i sgo
nas

mkhyin gsum spyir yul du byas pa'i sgrub pa dang/ phar phyir
drug ldan du bstan pa'i sgrub pa yod pa'i phyir/ dngos po'i gnas
chod dang mthun par byas na/ theg chen gyi tshogs lam chos can/
mkhyen pa yul gyi sgrub pa yin te/ mkhyen gsum

gyi rnam pa gang rung yul du byas nas sgom pa'i nyams len gyi
bya ba yin pa'i phyir/ de chos can/ sbyor ba'i sgrub pa yin te/
phar phyin drug ldan du bsam sbyor ci rigs pas zin pa'i nyams
len gyi bya ba yin pa'i phyir/ gnyis pa ni/ sgrub pa brtson

'grus kyi ngo bor bzhag pa'i don dang/ sgrub pa bzhi'i khyad par
ro/ /dang po ni/ thog mar go cha'i brtson 'grus da nas ni/ /tshul
bzhin rab zhugs sbyor ba'i brtson 'grus dang/ ma zhum mi 'khrugs
chog mi shes brtson 'grus/ /zhes bshad pas go cha'i

@119b brtson 'grus dang/ sbyor ba lag len la zhugs pa'i brtson
'grus dang/ theg pa chen po'i chos mtha' dag la ma zhum pa dang/
mi mthun phyogs kyis ma 'khrugs pa'i brtson 'grus dang/ chog mi
shes pa'i brtson 'grus so/ /de ltar brtson 'grus kyis khyad

par du byas pa ni/ byang chub kyi mchog tu sems bskyed kyang
sgrub pa nan tan gyis nyams su len pa la 'bad pas brtson 'grus
rtsom pa med na bsam pa bzang ba tsam du 'gyur gyi/ bla na med
pa'i byang chub thob mi nus par bstan pa yin gyi/ sgrub pa'i ngo
bo yin

na brtson 'grus kyis khyab par 'dod pa ni mi rung ste/ blo'i spu
ris mi 'dra ba pad-ma'i 'dab ma ltar ma 'dres par gnas pa'i
phyir ro/ /gnyis pa ni/ theg pa chen po'i rgyu 'bras kyi chos
mtha' dag nyams su len pa'i bsam pa rgya chen po sngon du 'gro
dgos te/ da sngon du

ma song na sgrub pa rgya chen po nyams su len pa 'ong don med
pas/ sde snod la mang du sbyangs pa dang/ ci yang mi shes pa'i
gang zag gnyis/ da gdod bsgrub pa byod 'dod skyes pa'i tshe/
nyams len la mang nyung mi 'ong ba'i lugs ngan pa rnams 'byung
ba yin no/ /bsam pa

rgya chen po sngon du song ba las/ sbyor bas nyams su len pa
rgya chen po 'byung la/ bsam spyir rgya chen po sngon du song ba
las tshogs rgya chen po rdzogs par 'gyur la/ de la brten nas rnam
mkhyen du gdon mi za ba dang nges par 'byung bas/ rnam mkhyen
thob par byed pa'i sgrub

pa nyams len la bzhi dgos kyi/ de bas mang ba mi dgos pas sgrub
pa bzhir nges so/ /'di dag gi don bsdus nas nyams su len pa la
mkhas dgos pa ni/ sbyin sogs spyod yul brtson 'grus dang/ zhes
pa'i skabs nas 'byung ba yin no/ /dang por skye ba'i rim pa

@120a @#/ /de lte nges pa yin gyi/ bsam pa rgya che ba'i bya ba
ni rgyun mtha' na yang yod pas/ go cha'i sgrub pa tshogs lam nas
de'i bar la yod par shes par bya'o/ gzhung 'dis sgrub pa bzhi'i
sa

mtshams bstan pa 'ba' zhig la 'chad pa ni mi 'grig ste/ de na yod
do zhes bstan nas gzhan na yod pa ma bkag pas sa mtshams bde blag
tu mi rtogs pa'i phyir ro/ /ma mtha'i sa mtshams bstan par 'dod
na yang/ skye

ba'i rim pa bstan par 'chad dgos kyi/ sa mtshams dang sbyar ba mi
'grig go /'grel chen du/ slob dpon thogs med kyi lung drangs pa
dang sbyar te/ bshad na yang cung zad bshad du rung yang/ de
ltar ji lta ba

bzhin du zhis pa 'grig dka' ba'i phyir ro/ /de'i don ni/ theg
chen mthong lam la brgyud nas sbyor ba tshogs lam gyi ngo bo nyid
go cha dang dngos su bskyed cing dngos su sbyor ba sbyor lam gyi
ngo bo nyid 'jug pa dang/ mthong lam la mngon

sum du sbyor ba chos mchog chen pos bsdus pa'i brtse ba nas
gzungs kyi bar gyi sgrub pa dang/ sa dang pos bsdus pa'i sgrub
pa sogs tshogs sgrub dang/ dag pa sa gsum gyi sgrub pa nges
'byung sgrub par don gyis bstan to/ /des na sgrub

pa bzhi'i dbye ba dang mtshan gzhi bstan pa la bshad par bya'o/
/de ltar rim pa ji lta ba bzhin du sbyor ba'i lam gyi sgrub pa
chos can/ go cha'i sgrub pa yin te/ phar phyin drug ldan du
nyams su len pa'i bsam pa rgya chen po can gyi sgrub pa yin

@120b pa'i phyir/ mthong ba'i lam gyis bsdus pa'i bsgrub pa ni
'jug pa'i bsgrub pa yin te/ phar phyin drug gi mi mthun phyogs
'joms pa'i theg chen la dngos su zhugs pa'i brtson 'grus kyis
khyad par du byas pa'i bsgrub pa yin pa'i phyir/ sa bdun pa man
tshad kyi

theg chen gyi sgom pa'i lam ni tshogs kyi bsgrub pa yin te/ tshogs
gnyis kyi dpung rgya chen po rdzogs pa'i brtson 'grus kyis khyad
par du byas pa'i bsgrub pa yin pas so/ /sa brgyad pa yan chad
khyad par gyi lam gyi ngo bo nyid kyi sgrub pa'i mtshan nyid ni
nges par

'byung ba'i bsgrub pa yin te/ rnam mkhyen du gdon mi za bar
'byin par byed pa'i dag pa sa'i rnal 'byor ro/ /gnyis pa la/
bsam pa rgya che ba go bsgrub/ sbyor ba rgya che ba 'jug bsgrub/
tshogs gnyis rgya che ba tshogs bsgrub/ rnam mkhyen du gdon mi za
bar 'byin

byed nges 'byung bsgrub pa'o/ /dang po la gsum gyi dang po
mtshams sbyar ba ni/ bsgrub pa de rnams kyi nang nas zhes so/
/gnyis pa ni/ go cha'i bsgrub pa gang yin de bshad do/ /ji ltar
na drug tshan drug gis mdo ji bzhin du'o/ /drug chen drug tu dbye
rung ste/ go cha'i

bsgrub pa drug po de dag so sor sbyin pa la sogs pa rnam pa drug
drug tu bsdus pa yis so/ /mdo ni/ byang chen sher phyin la spyod
pa'i tshe sbyin pa yongs su gtong ba de dag rnam mkhyen yid la
bye bas yongs su gtong ste/ dge ba'i rtsa ba de yang sems can
thams

cad dang thun mong du byas shing bla med rdzogs byang bu bsngo
ste/ 'di ni byang chen sher phyin la spyod cing sbyin pa yongs
su gtong ba'i sbyin pa'i pha rol tu phyin pa'i go cha'o/ /zhes
so/ /gsum pa la/ dbye ba dang/ bsdu ba'o/ /dang po ni/ sbyin pa
la sbyar ba dang/ gzhan la

@121a @#/ /yang de ltar sbyar ba'o/ /dang po ni/ chos kyi sbyin
pa dang/ mi 'jigs pa dang/ zang zing gi sbyin pa la sogs pa
sbyin par byed pa'i gtong ba'i sems pa ni sbyin pa'i ngo bo yin
la/ de'i tshe na rang nyid 'ba' zhig gi ched du thar pa don du
gnyer

ba nyan thos kyi yid la byed pa la sogs spong ba'i sems pa tshul
khrims dang/ skye bo thams cad kyis mi snyan par smra ba bzod pa
sogs bzod pa gsum dang/ theg pa chen po'i chos mtha' dag la 'dun
pa skyed pa'i brtson 'grus dang/ theg pa gzhan dang ma 'dres

pa'i rtse gcig pa nyid kyis dge ba rnams bla na med pa yang dag
par rdzogs pa'i byang chub tu bsngo bar byed pa'i bsam gtan
rnams go rims bzhin du sbyin par bya ba la sogs pa 'khor gsum du
bden par mi dmigs pa'i shes rab kyi go cha nyid kyis khyab par

byed pa yi sgo nas sbyin pa nyams su len pa'i bya ba ni sbyin
pa'i go cha'i bsgrub pa'o/ /de bzhin du gzhan lnga la yang nyams
su blang bar bya ste/ phar phyin drug ldan gyi sgo nas tshul
khrims bsrung ba sogs byod rigs pa'i phyir/ gnyis pa ni/ de ltar
ldog pas phyin drug

chen drug gis go cha rnam pa sum cu rtsa drug yin te/ sbyin pa
la sogs pa'i pha rol tu phyin pa re re'i nang du so sor sbyin pa
la sogs pa drug drug bsdus pa na'o/ /ldog pas dbye ba de ltar
yin mod kyi go cha'i bsgrub pa rnam pa drug go /sbyin pa'i go
bsgrub kyi

nang du 'dus pa'i sbyin pa la sogs pa drug sbyin pa'i go char
chos mthun pa'i phyir/ kha cig sbyin pa drug sbyin par chos
mthun pa nas/ shes rab drug shes rab tu chos mthun pa'i don du
byed pa ni/ sum cu rtsa drug yod pa'i sgrub byed yin gyi/ go
cha'i bsgrub

@121b pa drug tu nges pa'i sgrub byed du byed pa phyin ci log
yin te/ gzhan du na sbyin pa drug bsdus nas nyams su len pa
sbyin pa'i go bsgrub tu khas len dgos pas so/ /de ni sbyin pa'i
go bsgrub kyis bsdus pa'i sbyin pa'i go? cha dang/ sbyin pa
gnyis gcig tu bsams pa'o/ /

byang chub sems dpa'i sdom pa'i tshul khrims kyi skabs su/ rang
nyid 'ba' zhig gi ched du thar pa don du gnyer ba yang 'gog pa'i
spong ba'i sems pa thun mong ma yin pa'i yan lag tu shes par bya
la/ so so thar pa'i sdom pa la ni/ gzhan gnod gzhi bcas spong

ba'i sems pa thun mong ma yin pa'i yan lag go /phar phyin drug
las dang po las ji ltar nyams su len pa'i tshul ni/ rje rin po
ches mdzad pa'i spyod pa spyi la bslab pa'i rnam gzhag mdzad pa
las shes par bya'o/ /gnyis pa la/ mtshams sbyar ba dang/ rtsa

ba dang/ 'grel pa'o/ /dang po ni/ de ltar go bgos pa la theg pa
chen po'i lam mtha' dag sbyor bas nyams su len pa la 'jug pa
'byung bas zhes so/ /gnyis pa ni/ rgyu la zhugs pa de nyid 'bras
bu la 'jug pa yin mod kyi/ yul gyi sgo nas rnam pa dgur dbye'o/
/

theg pa chen po'i lam gyis bsdus pa'i bsam gtan gzugs med dang/
sbyin sogs lam gyis bsdus pa brgyad dang/ 'bras bus bsdus pa'i
rnam kun mkhyen pa'i tshul la na 'jug cing nyams su len pa'i bya
ba chos can/ theg chen la 'dzeg pa yin par shes par

bya ste/ rgyu dang 'bras bus bsdus pa'i theg pa chen po la gong
nas gong du 'jug pa'i bsgrub pa yin pa'i phyir/ mdo las/ shA
ri'i bus smras pa/ tshe dang ldan pa gang po ji tsam gyis na
byang chen theg pa la yang dag par 'jug pa dang 'dzeg pa yin/
gang pos smas

@122a @#/ /pa; tshe dang ldan pa shA ri'i bu 'di la byang chen
sbyin pa'i phar phyin la spyod cing 'dod pas dpen/ sdig pa mi
dge ba'i chos kyis dben/ rtog pa dang bcas/ dpyod pa dang bcas/
dben pa las skyes pa'i dga' ba dang bde ba can bsam gtan dang po
nye bar bsgrub

sta gnas zhes so/ /gsum pa la/ so so'i don dang/ rtogs dka' ba
bye brag tu bshad pa'o/ /dang po ni/ theg pa chen po'i rgyu
'bras kyi chos mtha' dag sbyor ba lag len gyis rnam par gnon
pa'i ngo bo nyid kyi bsgrub pa dgu yin pas 'jug pa'i bsgrub pa
rnam

pa dgu po de yang gnyis su 'dus te/ rgyu theg pa chen po'i lam
la 'jug pa dang/ de'i 'bras bu la 'jug pa gnyis su nges pa'i
phyir/ dang po la gsum yod de/ rten theg chen gyis bsdus pa'i
'jug rten pa'i lam bsam gtan nas gzugs med pa'i

snyoms par 'jug pa nyams su len pa'i bya ba gcig dang/ 'jig rten
las 'das pa'i lam la 'jug pa dang/ de gnyis ka theg dman las
'byed pa'i chos rnams yod pa'i phyir/ bar ba la bzhi yod de/
rang don rtogs pa phun tshogs thob byed sbyin pa la

sogs pa'i pha rol tu phyin pa drug dang/ spangs pa phun tshogs
thob byed mthong ba la sogs pa'i lam dang gzhan don 'grung ba'i
thabs byams sogs tshad med pa bzhi dang/ gzhan don rnam par dag
byed stong nyid rtogs pa'i mi dmigs pa dang ldan pa rnams

yod pa'i phyir/ theg dman las 'byed pa'i chos gsum yod de/ phar
phyin drug gi dngos po thams cad la las bya byed bden pas stong
bar rtogs pa'i 'khor gsum yongs su dag pa dang/ dge rtsa bla med
byang chub tu bsngo ba'i ched du bya ba gsum gyi don du

@122b bsgyur ba dang/ tshogs myur du rdzogs pa'i thabs mngon par
shes pa drug la 'jug pa dang/ 'bras bu la 'jug pa rnam pa thams
cad mkhyen pa nyid dag la dmigs nas yang dag par gnas pa'i mtshan
nyid kyi nyams len gyi bya ba rnams yod pa'i

phyir ro/ /gnyis pa ni/ bsam gtan dang gzugs med bshad pa la/
rgyu ngo bo 'bras bu'o/ /dang po ni/ thog mar bsam gtan dang
po'i nyer bsdogs kyis bsdus pa'i zhi gnas dang lhag mthong gi go
rims dang/ ngo bo la mkhas par ma byas na 'jig

rten pa'i lam spyi'i rnam gzhag mi shes pas/ thog mar de dpyad
par bya ste/ de yang zhi gnas mtshan nyid pa grub nas/ de'i rjes
su lhag mthong bsgom dgos pa yin gyi snga rol tu ni lhag mthong
rjes mthun pa tsam ma gtogs mtshan nyid pa thob mi srid

pa'i phyir te/ spyod 'jug las/ zhi gnas rab tu ldan pa'i lhag
mthong gis/ /nyon mongs rnam par 'joms par shes bya ste/ /thog
mar zhi gnas btsal bya zhes pa dang/ /dkon mchog brtsegs pa las
kyang/ tshul khrims la ni gnas nas ting nge

'dzin thob ste/ /ting nge 'dzin thob nas kyang shes rab sgom par
byed/ /ces gsungs pa dang/ sgom rim las/ de lta bas na sgrib pa
mtha' dag spangs nas yongs su dag pa'i ye shes 'byung bar 'dod
pas/ zhi gnas la gnas nas shes rab bsgom par bya'o/ /

zhes bshad pas so/ /dang por thob pa'i rim pa de ltar nges pa
yin gyi/ phyis thob zin nas/ lhag mthong sngon du bsgoms nas
de'i rjes su yang zhi gnas sgom par byed pas nges pa med do/
/dang po gsar du sgrub pa'i tshe zhi gnas mtshan nyid pa ma thob
pa'i snga rol

@123a @#/ /tu lhag mthong thob par 'dod pa ni/ mi shes pa 'ba'
zhig gis kun nas bslang bar shes par bya'o/ /'o na kun las btus
las/ la la ni lhag mthong thob pa yin gyi/ zhi gnas ni ma thob
ste/ de lhag mthong la brten nas zhi gnas

la brtson par byed do/ /de ltar gsungs pa ji ltar yin zhe na/ de
ni bsam gtan dang po'i nyer bsdogs kyis bsdus pa'i zhi gnas ma
thob pa min gyi/ bsam gtan dang po'i dngos gzhi yan chad kyi zhi
gnas ma thob pa ste/ de yang bsam gtan dang po'i

nyer bsdogs kyis bsdus pa'i lhag mthong la brten nas bden pa
bzhi mngon sum du rtogs nas bsam gtan dang po'i dngos gzhis
bsdus pa'i zhi gnas bsgrub pa yin te/ sa'i dngos gzhi las/ gzhan
yang sdug bsngal nas lam gyi bar du yang dag

pa ji lta ba bzhin du rab tu shes la/ bsam gtan dang po la sogs
pa ni ma thob ste/ de 'dug ma thag tu sems 'jog ste/ chos rnam
par 'byed par mi byed do/ /de lhag pa'i shes rab de nyid la
brten nas lhag pa'i sems la sbyor bar byed do/ /zhes bshad

pas so/ /chos mngon pa'i lam gyi rnam gzhag la legs par ma
sbyangs pa kha cig /bsam gtan dang po'i nyer bsdogs la las dang
po pa'i yid la byed pa zhi gnas mtshan nyid pa thog mar bsgrubs
nas/ de'i rjes su nyon mongs rnam par sbyong ba'i las

dang po pa gnyis kyi rim pa mi shes par mtshan nyid so sor rig
pa'i yid la byed pa nas nyer bsdogs kyi thog ma 'dzin pa ni/
bsam gtan dang po'i nyer bsdogs kyis bsdus pa la/ zhi gnas dang
lhag mthong sgrub pa'i rim pa gnyis yod pa la blo kha

@123b ma phyogs pa yin te/ mdo sde rgyan las/ de goms pa las 'du
mi byed/ /de nas de yi lus dang sems/ /shin tu sbyangs pa che
thob nas/ /yid la byed dang bcas zhes bya/ /zhes gsungs pa'i don
yang ma rtogs pa ste/ de ni sems gnas pa'i thabs dgus sgrub pa'i
zhi gnas

mtshan nyid pa nyan sa nas gsungs pa de yin la/ mtshan nyid so sor
rig pa'i yid byed de'i rjes nas bsgrub dgos pa'i phyir ro/ /de
ltar nyan sa las/ de la yid la byed pa'i las dang po sa ni/ rtse
gcig tu bya ba nyid la ji srid du yid la byed pa ma thob cing/
sems rtse

gcig pa nyid lam reg gi bar du las dang po pa yin no/ /de la
nyon mongs rnam par sbyong ba'i las dang po pa ni yid la byed pa
thob pa nyon mongs pa rnams las sems sbyong bar 'dod pa'i mtshan
nyid so sor rig pa'i yid la byed pa gang yin pa la brtsams shing

goms pa gang yin pa ste/ zhes dang yang de la 'dod pa'i 'dod
chags dang bral bar bya ba'i phyir/ rab tu brtson pa'i rnal
'byor pa ni yid la byed pa rnam pa bdun gyis 'dod pa'i 'dod
chags dang bral ba rjes su 'thob bo/ /bdun po de dag kyang gang
zhe na/ smras pa mtshan

nyid so sor rig pa dang/ mos pa las byung ba dang/ rab tu dben
pa dang/ dga' ba sdud pa dang/ dpyod pa'i yid la byed pa dang/
sbyor ba mthar thug pa dang/ sbyor ba mthar thug pa'i 'dras bu
yid la byed pa'o/ /zhes gsungs pas thog mar sems gnas pa'i thabs

dgus sems rtse gcig pa bsgrubs pas lus sems shin tu sbyangs pa'i
bde ba skyes pa nas/ zhi gnas mtshan nyid pa grub pa yin la/ de'i
rjes su 'dod pa'i nyon mongs spong ba'i ched du mtshan nyid so
sor rig pa'i yid la byed pa sogs bsgom pa yin no/ /

@124a @#/ /yid byed dang po des ni 'dod pa la rags pa dang bsam
gtan dang po la zhi ba'i rnam par bltas nas thos bsam gyis dpyod
par byed pa yin la/ de ltar dpyad pa byas pa'i stobs kyis lus
sems shin tu sbyangs pa'i bde pa

drangs nas/ lhag mthong thog mar thob pa ni mos pa las byung
ba'i yid byed de sgom byung ngo/ /de nas zhi lhag zung 'brel gyi
ting nge 'dzin goms par byas pas 'dod pa'i nyon mongs chen po
gsum dang 'bring gsum spong ba'i gnyen po rim pa bzhin du rab tu
dben

pa las byung ba dang/ dga' ba sdud pa'i yid byed do/ /de ltar
nyon mongs phal cher spangs pas 'dod pa'i nyon mongs mngon gyur
mi 'byung bar mthong ba na/ nyon mongs ma lus par spangs sam
snyam pa 'byung bas/ nyon mongs spangs ma spangs brtag pa'i ched

du nyon mongs skye sla ba'i mtshan ma yid la byed cing so sor
rtog pa ni dpyod pa yid byed do/ /cung zad ma spangs par shes pa
na/ gnyen po goms par byas pas nyon mongs chung ngu gsum spong
ba'i dngos gnyen ni/ sbyor ba'i mtha'i yid byed yin la/ sbyor
ba'i

mtha'i 'bras bu yid byed ni/ bsam gtan dang po'i dngos gzhi thob
pa'o/ /de bzhin du sa lhag ma rnams la yang yid la byed pa
brgyad kyi sgo nas shes par bya'o/ /de yang yid la byed pa dang
po zhi gnas mtshan nyid pa de ni/ 'og sa las 'dod chags dang bral

bar byed pa'i gnas kyi yan lag tu shes par bya'o/ /'grel pa
mdzad pa'i slob dpon 'di tshogs drug las ngo bo tha dad pa'i kun
gzhi mi bzhed la/ bzhed pa rnams kyi ltar na/ bsam gtan dang
po'i nyer bsdogs kyis nyon yid ma gtogs pa'i 'dod pa'i

@124b nyon mongs mngon gyur 'dzoms pa yin gyi cig shos ni ma yin
te/ sum cu par/ gang du skyes pa de yi'o/ /zhes bshad pas/ rten
sa gang yin pa de'i sas bsdus pa yin la/ de yang gnas skabs gsum
ma gtogs par mngon gyur mi 'gag par bshad do/ /gnyis pa

la; dngos kyi don dang/ dbye ba dang/ phye ba so so'i don to/
/dang po la/ bsam gtan dang gzugs med gnyis kyi dang po bsam
gtan la/ rgyu snyoms 'jug dang 'bras bu skye ba'i bye brag gis
gnyis yin la dang po ni/ yan lag gi sgo nas 'og sa las 'da' ba'i
sems

rtse gcig pa mtshungs ldan dang bcas pa'o/ /gnyis pa ni/ skye ba
gzhan du rgyu snyoms 'jug gi bsam gtan sgom pa'i rnam smin dang
rgyu mthun gyi 'bras bur gyur pa ste tshangs ris nas 'og min gyi
bar gyi sems can gyi rgyud kyi skyes thob kyi chos rnams so/
/gzugs

med la yang rgyu snyoms 'jug gi gzugs med ni/ dmigs pa'i sgo nas
'og sa las 'da' ba'i sems rtse gcig pa mtshungs ldan dang bcas
pa'o/ /'bras bu skye ba'i gzugs med ni/ skye ba gzhan du de sgom
pa'i rnam smin nam/ rgyu mthun gyi 'bras bur gyur pa ste/ gzugs

med rigs bzhing skyes pa'i sems can gyi rgyud kyi skyes thob kyi
chos rnams so/ /bsam gtan rnams gong mas 'og ma'i yan lag rags
pa dag las nges par 'byung ba'i phyir/ yan lag mi 'dra ba'i bye
brag yod pas/ yan lag gas 'da' ba zhes bya'o/ /gzugs

med rnams la yan lag mi 'dra ba med kyi/ dmigs pa mi 'dra ba'i
sgo nas 'og ma las nges par 'byung ba'i phyir/ dmigs pas 'da' ba
zhes bya'o/ /gnyis pa ni/ bsam gtan la dang po nas bzhi ba'i bar
dang/ gzugs med la nam mkha' yas skye mched sogs

@125a @#/ /bzhi'o; ;yang bsam gtan bzhi dang gzugs med dang po
gsum la nyon mongs can dang dag pa ba dang/ zag med gsum gsum
yod la/ srid rtse la snga ma gnyis yod kyi thun mong ba ltar na
zag med med de/ dmigs rnams mi gsal

bas shin tu gsal ba'i 'das lam gyi rten du mi rung ba'i phyir
ro/ /byang chub sems dpa' thabs la mkhas pas 'dod sems dang srid
rtse la brten pa yang slob dpon gyis bshad do/ /bsam gtan dang
po'i nyer bsdogs la dag pa ba dang/ zag med gnyis

yod la lhag ma rnams la dag pa 'ba' zhig yod do/ /nyon mongs can
med de/ des 'og sa las 'dod chags dang bral bar byed mi nus pa'i
phyir ro/ /bsam gtan dang po'i nyer bsdogs la zag med yod de/
bsam gtan gyi dngos gzhi ma thob pa'i rgyun

zhugs sogs dang po'i nyer bsdogs kho na la brten nas 'das lam
bskyed la/ nyer bsdogs lhag ma rnams la zag med kyi lam brten pa
dgos pa med pa'i phyir ro/ /dngos gzhi rnams kyis 'og sa las
'dod chags dang bral bar byed mi dgos te/

nyer bsdogs kyis bral bar byas zin pa'i phyir ro/ /dngos gzhi
zag bcas rnams kyis rang sa dang gong sa'i gnyen po mi byed
cing/ zag med rnams kyis rang sa dang gong sa'i gnyen po byed
pas 'dod chags dang bral bar byed pa'i lam dang/ yon tan

mngon par bsgrub pa dang mthong chos la bder gnas kyi lam yang
yin no/ /gsum pa ni/ bsam gtan dang po la dngos gzhi tsam dang/
khyad par can gnyis kyi dang po ni/ rtog dpyod gnyen po'i yan
lag gis 'dod pa la 'dod chags dang bral bas

@125b rab tu phye ba'i sems rtse gcig pa mtshungs ldan dang bcas
pa gang/ dben pa las skyes pa'i dga' bde phan yon gyi yan lag tu
ldan pa'o/ /gnyis pa ni/ dpyod pa gnyen po'i yan lag gis rtog pa
las kyang 'dod chags dang bral bas rab tu phye ba'i sems rtse
gcig

tu mtshungs ldan dang bcas pa gang/ tshor ba btang snyoms? dang
ldan pa'o/ /bsam gtan gnyis pa yan chad ni/ rang sa las 'dod
chags dang ma bral bar/ rang sa'i yan lag kha cig las 'dod chags
dang bral bar byed mi nus pa'i phyir/ tsam po dang khyad par

can gnyis med do/ /bsam gtan gnyis pa ni/ nang rab tu dang ba
gnyen po'i yan lag gi rtog dpyod las 'dod chags dang bral bar
byed cing/ ting nge 'dzin las skyes pa'i dga' bde phan yon gyi
yan lag tu ldan pa'o/ /bsam gtan gsum pa ni/ dran shes

bzhin btang snyoms gnyen po'i yan lag gis/ dga' ba las 'dod
chags dang bral bas rab tu phye zhing/ dga' bas dben pa'i bde ba
phan yon gyi yan lag tu ldan pa'o/ /bsam gtan bzhi pa ni/ dran
pa dang btang snyoms yongs dag gnyen po'i yan lag gi bde

ba las 'dod chags dang bral bas rab tu phye zhing/ tshor ba btang
snyoms phan yon gyi yan lag tu ldan pa'o/ /gzugs med bzhi la nam
mkha' mtha' yas skye mched ni/ gzugs dang thogs pa'i 'du shes
rags par mthong nas/ 'du shes de yang dang yang du rnam

par bsheg cing nam mkha' mtha' yas so snyam pa'i 'du shes yang
dang yang du goms par byas pas/ dngos gzhi'i dus su de mngon du
gyur pa'i sems rtse gcig pa mtshungs ldan dang bcas pa'o/ /rnam
shes mtha' yas skye mched ni nam mkha' mtha' yas

@126a @#/ /so snyam pa'i yid byed de nyid dgag byar bltas nas/
yid byed de nyid mtha' yas so snyam du yod la byas pas mngon du
gyur pa dang/ ci yang med pa'i skye mched ni de'i 'og tu gzung
bya ci yang med do snyam du yid la byas pas de mngon

du gyur pa dang/ 'du shes med min gyi skye mchod ni/ 'du shes ni
nad dang 'bras dang zug rngu'o/ /'du shes med pa ni/ kun tu
rmongs pa'o/ /'du shes yod min med min ni/ zhi ba gya nom pa'o
snyam du yid la byas pas de la mnyam par 'jog nus pa'i sems

rtse gcig pa mtshungs ldan dang bcas pa'o/ /nyon mongs can gyi
bsam gtan rnams la ste/ bde ba la ro myang ba'i sred pa shas che
ba dang/ sngon gyi mthar lta ba la sogs pa'i lta ba ngan pa
skyed par byed pa lta ba shas che ba dang/ bsam gtan gyis sems

khengs pa nga rgyal shas che ba dang/ rang gis thob pa de thar
lam yin nam min snyam pa the tshom shas che ba'o/ /dag pa ba ni/
rang sa'i nyon mongs pas ma bslad pa'i sems rtse gcig pa mtshungs
ldan dang bcas pa ste/ de yang nyams pa cha mthun dang/

gnas pa cha mthun dang/ khyad par cha mthun dang/ ngas 'byed
cha
mthun bzhi'o/ /de yang dag pa ba'i bsam gtan gang/ mjug thogs su
rang sa'am/ 'og sa'i nyon mongs skye ba dang rjes su mthun pa
dang/ rang dang sa gcig pa'i dag pa sa gzhan 'dren pa dang/ sa
gong

ma'i dag pa ba 'dren pa dang/ 'jig rten las 'das pa'i lam 'dren
par byed pa'o/ /de bzhin du gzhan rnams la yang shes par bya
ste/ srid rtse la ni khyad par cha mthun med de/ de'i gong nas
sa gzhan med pa'i phyir ro/ /thun mong ba ltar na nges 'byed cha
mthun

@126b yang med de/ srid rtse'i sems thob pa'i 'phags pa ci yang
med pa'i sems mngon du byas nas lam zag med bskyed pa'i phyir
ro/ /bsam gtan dang po la yan lag lnga ste rtog dpyod dang/ dben
pa las skyes pa'i dga' bde dang/ sems rtse gcig pa'o/ /gnyis

pa la bzhi ste/ nang rab tu dang ba dang/ ting nge 'dzin las
skyes pa'i dga' bde dang sems rtse gcig pa'o/ /gsum pa la lnga
ste/ dran shes bzhin btang snyoms dang/ bde ba dang sems rtse
gcig pa'o/ /bzhi pa la yan lag bzhi ste/ dran pa dang btang

snyoms yongs su dag pa dang/ tshor ba btang snyoms dang sems rtse
gcig pa'o/ /bsam gtan rnams ni gnod pa spong ba gnyen po'i yan
lag dang/ phan pa bsgrub pa phan yan gyi yan lag dang/ de gnyis
ga'i gnas kyi yan lag gi dbang du byas nas/

yan lag bzhi dang lnga la sogs par rnam par bzhag go /gzugs med
rnams la yang lhag mthong yod mod kyi/ zhi gnas shes che zhing
de'i ngang du ro gcig pa'i phyir/ yan lag tha dad par rnam par
ma bzhag go /bsam gtan pa rnams ni/ bde

sdug gi tshor ba mngon gyur phra rags las nges par 'byung ba tshol
bar byed kyi/ btang snyoms las nges par 'byung ba tshol bar mi
byed de/ so so skye bo rang ga ba rnams kyis 'du byed kyi sdug
bsngal/ sdug bsngal gyi rang bzhin du rtogs par dka'

ba'i phyir ro/ /sdug bsngal gyi tshor ba rags pa yid mi bde dang/
phra ba tshor ba sdug bsngal gyi gnas ngan len dang/ bde ba'i
tshor ba rags pa yid bde ba dang/ phra ba bde ba'i dbang po las
'dod chags dang bral bar byed pa'i rim pas bsam gtan

@127a @#/ /bzhi rnam par bzhag la/ zag pa dang bcas pa'i 'du shes
mngon gyur la yang phra rags bzhi las phyi rol gzugs kyi 'du
shes dang/ nang rnam shes la bkra bar 'dzin pa gnyis kyi dang po
la/ spang bya gzugs dang thogs pa'i 'du

shes dang/ gnyen po nam mkha'i 'du shes dang/ rnam shes la bkra
'dzin la yang/ mi mthun phyogs rnam shes la zhen pa dang/ de'i
gnyen por ci yang med pa'i 'du shes bzhi las nges par 'byung
ba'i rim pas/ gzugs med bzhi rnam par bzhag go /gsum

pa 'bras bu ni/ bsam gtan dang po chung ngu dang 'bring dang
chen po bsgom pa las/ dang po'i gnas gzhan gsum dang/ bsam gtan
gnyis pa dang/ gsum pa dang/ bzhi pa rnams/ chung ngu dang
'bring dang chen por bsgoms pas/ 'od chung la sogs pa'i bsam 

gtan gyi skye ba 'grub par rig par bya'o/ /gzugs med kyi snyoms
'jug bsgoms pas gang du 'chi 'pho ba'i phyogs der ming bzhi'i
phung po 'grub pas so/ /gnas gzhan gong 'og gi dbye ba med
kyang/ chung ngu dang 'bring dang chen por bsgom pa las gzugs

med kyi skye ba mthon po dang/ dma' ba dang/ ngan pa dang/ bzang
po ci rigs 'grub par shes par bya'o/ /chung ngu ni/ rgyun du
sbyor ba dang/ gus par sbyor ba/ gnyis ka stobs can med pa dang/
'bring ni gang rung stobs dang ldan pa dang/ chen po ni gnyis ka
stobs

dang ldan pa'o/ /mtho dma' dang bzang ngan ni/ tshe ring thung/
nyon mongs mang nyung sogs so/ /tshad med pa bzhi ni rtogs par
sla la/ snying rje chen po'i dbye ba ni 'chad par 'gyur ro/
/bsam gtan 'di dag gi rim pa'i sgo nas rgyud la skyed par 'dod
pa yod na ni/

@127b gzhan du bshad pa las shes par bya'o/ /gsum pa la/ spyir
bstan pa dang/ tshogs gsum bye brag tu bshad pa'o/ /dang po la/
mtshams sbyar ba dang/ rtsa ba dang/ 'grel ba'o/ /dang po ni/ de
ltar theg pa chen po'i chos mtha' dag sbyor ba'i sgo nas rgyud
la gnon pa'i

'jug pa byas pa la tshogs gnyis rgya chen po skye bas zhes so/
/gnyis pa ni/ tshogs kyi bsgrub pa yi rim pa yin par shes par
bya'o/ /gang zhe na/ spyod pa rten dang bcas pa dang/ mnyam rjes
dang/ tshogs gnyis kyi dbye ba dang/ 'bras bu sgrub cing dmigs pa
'dzin pa

dang; yon tan gyi rten byed cing sgrib pa spong ba'i mtshan nyid
can brtse ba sogs bcu bdun no/ /gsum pa la/ so so'i ngo bo dang/
tshogs su 'jog pa'i rgyu mtshan dang/ grangs nges so/ /dang po ni/
mdo nas/ brtse ba nas zung du 'brel ba'i bar bcu ni/ go bsgrub
la

'phros nas go cha chen po bgos pa zhes brjod pa ji tsam gyis na
byang chub sems dpa' chen po go cha bgos pa zhes bgyi ba lags
zhes zhus pa'i lan du/ go cha'i sgra 'jug pa'i rgyu mtshan gyi
sgo nas bstan to/ /thabs mkhas man chad bdun ni/ 'jug bsgrub la

'phros nas bcom ldan 'das byang chen gyi theg pa chen po gang
lags/ ji tsam gyis na byang chen theg pa chen po la yang dag par
zhugs par rig par bgyi lags/ theg pa de gang nas 'byung ba lags/
theg pa des gang du gnas par 'gyur ba lags/

theg pa des gang zhig 'byung bar 'gyur lags/ zhes zhus pa'i lan
du/ shes rab dang snying rje'i sbyor ba dang/ de gnyis phan tshun
tha mi dad pa dang/ mi mthun pa'i phyogs las 'das pa dang/ gnas
skabs nges pa dang/ gnyen po'i phyogs kyi sbyor ba la shin

@128a @#/ /tu sbyangs pa dang/ rtogs pa po'i dbang du mdzad nas
dri ba lnga'i lan nye bar bstan pa'i sgo nas ston par mdzad do/
/de la thabs mkhas nas gzungs kyi bar lnga ni/ dri ba dang po'i
lan/ theg chen gyi ngo bo bstan pas gsungs la/ sa'i

tshogs ni/ dri ba gnyis pa'i lan dang/ gnyen po'i tshegs ni/ dri
ba tha ma rnams kyi lan gyis gsungs so/ /bsam pa dang sbyor ba
phun sum tshogs pas bsdus pa tshogs bdun ni/ phar phyin drug ldan
du nyams su len par go bgos pa'i byang chub sems dpa'

ni; thog mar gdul bya mtha' dag sdug bsngal dang bral bar 'dod
pa'i snying rje chen po sgom par byed do/ /de yang sems can tsam
la dmigs nas sdug bsngal dang bral bar 'dod pa'i rnam pa can/
sems can la dmigs pa'i snying rje dang/ rnam pa'i khyad par

'dra ba la/ bdag med rags pas stong ba'i rnam pa shar bas khyad
par du byas pa'i sems can dmigs pa dang/ spros bral gyi rnam pa
shar bas khyad par du byas pa'i sems can dmigs par byas pa chos
la dmigs pa dang/ dmigs pa med pa'i snying

rje'o; ;snying rje tha mas stong nyid rtogs par 'dod pa ni/
snying rje'i dmigs rnam la mi mkhas pa yin no/ /snying rjes yid
gdungs pa rnams ni/ sbyin pa btang nas tshe 'di'i bde ba bsgrub
pa dang/ tshul khrims kyis phyi ma'i mngon mtho'i bde ba bsgrub
pa dang/ bzod

pa dang brtson 'grus dang bsam gtan rnams kyis ting nge 'dzin
gyi bde ba la bkod pa'i sgo nas/ gcig tu nges pa'i bde ba bsgrub
pa dang/ shes rab kyis myang 'das la bkod nas gtan du ba'i bde
ba bsgrub pas gzhan rjes su 'dzin to/ /mnyam gzhag dang rjes

@128b thob kyis bsdus pa bzhi la mnyam gzhag ni/ zhi gnas dang
lhag mthong dang zhi lhag zung du 'brel ba'i lam gyi tshogs bstan
te/ de yang de'i don 'grel chen du bshad pa ltar na/ chos yang
dag par sdud pa'i mdo las/ sems mnyam par bzhag pas yang dag pa
ji lta

ba bzhin du rab tu shes so zhes gsungs pa'i mnyam gzhag ni zhi
gnas dang/ ji lta ba bzhin du shes pa ni lhag mthong ngo/ /zhi
gnas ni g.yo med du gnas pa yin la/ lhag mthong ni don la dpyod
pa'i blo yin pas de gnyis mi mthun pa ma yin nam/ ji ltar zung
du 'brel

bar 'gyur zhe na/ zhi gnas kyi dmigs pa la sems brtan par gyur
pa de'i tshe shes rab kyis rnam par dpyad pa las/ yang dag pa'i
don rtogs pa'i ye shes kyi snang ba skye bas/ snang ba skyes pas
mun pa sel ba dang 'dra bar sgrib pa spong ba yin gyi/ zhi gnas
dang ngo bo gcig tu

med na/ spang bya mngon gyur ma lus pa yang spong mi nus pas/
zhi lhag gnyis mig dang snang ba dang 'dra bar yul la 'jug pa
dang/ yang dag pa'i ye shes bskyed pa la rjes su mthun par gnas
pa yin gyi/ snang mun ltar ma mthun pa ni ma yin no/ /zung 'brel
gyi tshogs

dang ldan pa ni/ rnam mkhyen yid la byed pas gzhan don byed pa'i
thabs la mkhas pa'i tshogs dang/ de lta bu'i mnyam rjes kyi lam
goms par byas pa las ye shes dang bsod nams kyi tshogs dang ldan
pa dang/ tshogs gnyis goms par byas pas mthong ba la sogs

pa'i lam gyi tshogs dang ldan pa dang/ lam gyi tshogs dang ldan
pas tshig dang don bskal pa mang por mi brjed pa'i dran pa gtugs
pa med par 'gyur ba tshig la sogs pa'i gzungs kyi tshogs thob ste/
de la gzungs kyi ngo bo ni/ zhi gnas dang mtshungs ldan

@129a @#/ /gyi dran pa dang shes rab yin la/ gsang sngags ni rgyu la 'bras
bu'i ming gis btags pa'o/ /dbye na/ bzod pa'i gzungs dang/ gsang
sngags kyi gzungs dang/ tshig dang don gyi gzungs so/ /dang po
ni/ a ra pa tsa na la sogs

pa'i yi ge zhe gnyis kyi don la dpyad nas/ a ni chos thams cad
kyi sgo ste ma skyes pa'i phyir/ ces yi ge'i gnas lugs stong pa
nyid kyi don bsgoms pas de la mi skrag pa'i ting nge 'dzin dang/
shes rab skyes pa ni bzod pa'i gzungs te/ sbyor lam bzod pa nas

thob pa yin no/ /gnyis pa ni/ de'i stobs kyis sdig pa zhi ba la
sogs pa gzhan skyob par nus pa'i gsang sngags rtsom par nus pa
nas gsang sngags kyi gzungs thob la/ de yang sbyor lam bzod pa
nas dang/ khyad par can mthong lam thob nas so/ /phyi ma

gnyis ni chos rnams kyi tshig dang don bskal pa'i bar du mi brjod
par 'dzin nus pa'o/ /de yang bzod pa thob yan chad nas so/ /yon
tan gyi rten byed pas sa dang/ mi mthun phyogs spong ba'i phyir
gnyen po'i tshogs rnams so/ /gnyis pa ni/ snying rje chen po

la sogs pa bcu bdun po ni chos can/ byang chun 'byin par byed
pa'i rgyu'i tshogs yin te/ snying rje la sogs pa tshogs bcu bdun
po 'di dag gis myur du yang dag par 'grub pa'i ngo bos byang
chub chen po 'bras bur 'dzin par byed pa'i phyir/ mthar thug gi

byang chen 'bras bur 'dzin par byed de/ don dam pa'i bden pa las
mi 'da' bar bden par mi dmigs par rtogs pas kun rdzob kyi bden
pa las mi 'da' bar rgya che bas bsdus pa'i theg pa chen po'i lam
gyi rim pa'i don mtha' dag bsgrub pas so/ /

@129b don bsdus na/ bcu bdun po 'dis byang chub sems dpas nyams
su blang bar bya ba'i zab pa dang rgya che ba'i lam gyi rim pa
mtha' dag bsdus pa'o/ /gsum pa ni/ tshogs kyi bsgrub pa rnam pa
bcu bdun no/ /tshogs kyi bsgrub pa bcu bdun po 'di dag rnam
mkhyen

bskyed pa la mang nyung gi skyon dang bral ba'i rgyu'i tshogs yin
pas so/ /gnyis pa la/ ye shes kyi tshogs bye brag tu bshad pa
dang/ sa'i tshogs dang/ gnyen po'i tshogs bye brag tu bshad pa'o/
/dang po la/ dgog gzhi'i dbye bas stong nyid nyi shu dang/ yul

can de rtogs pa'i ye shes nyi shu dang/ ye shes kyi dmigs pa
gang yin dpyad pa'o/ /dang po ni/ stong nyid nyi shu 'dir smras
pa nang gi skye mched drug chos can/ bden par med de/ bden pa'i
gcig dang du ma dang bral ba'i phyir/ lhag ma rnams la yang
rtags chos

de bzhin du sbyar bar bya'o/ /phyi rol gyi skye mched drug po
rnams dang ni rgyu dang skye mched kyis gnyis kas dbang rten
rnams bden pas stong pa phyi dang/ phyi nang gnyis ka stong pa
nyid dang/ bden pas stong pa'i dngos po bden pas stong pa stong
pa nyid snyong pa nyid dang/

phyogs bcu bden pas stong pa chen po stong pa nyid dang/ mya
ngan las 'das pa bden pas stong pa don dam pa stong pa nyid do/
/de dag gis srid zhi a bden par grub pa dgag pa'o/ /rkyen las
skyes pa 'dus byas dang/ cig shos nam mkha' la sogs pa 'dus

ma byas bden pas stong pa 'dus byas dang/ 'dus ma byas stong pa
dang/ rtag chad kyi mthas stong pa snga phyi dang dbus bden pas
stong pa mtha' las 'das pa stong pa nyid dang/ thog mtha' dang
blang dor bden pas stong pa thog ma dang tha ma med pa'i stong
pa nyid de

@130a @#/ /dor ba med pa stong pa nyid dang/ yang na phyi ma la
sbyin sogs dor byang med pa stong gzhir bya'o/ /gnas lugs dang
rnam 'gyur gyi chos thams cad bden pas stong pa rang bzhin dang
ni chos kun stong pa nyid dang/ chos skye la sogs 'das sogs bden
pas stong pa rang gi mtshan nyid dang mi dmigs

pa stong pa nyid dang/ rgyu rkyen ldan cing tshogs pa dang cig
shos phung po lnga'i ngo bo bden pas steng ba dngos po med pa'i
ngo bo nyid dang dngos po stong pa nyid dang/ 'dus ma byas kyi
nam mkha' dang rang bzhin stong pa zhes bya bden pas stong pa
dngos po med pa dang rang gi ngo bo stong pa nyid dang/ byad pa
po

gzhan gyis stong pa'i stong pa nyid ni chos kyi gzhan gyi ngo bo
nyid de/ de bden pas stong pa gzhan gyi ngo bo stong pa nyid
dang/ de ltar stong gzhi nyi shu rang rang bden par grub pa'i
ngo bos stong ba'i phyir/ stong pa nyid ni nyi shur 'dod do/
/'di ni rgyas par dbye ba yin gyi/ bsdus na stong nyid sngar

bcu drug /phyi ma bzhir 'dus te/ stong gzhi chos can la byas pa
rnams ni/ dang po gnyis kyi nang du 'dus la/ de bzhin nyid stong
gzhir byas pa ni phyi ma gnyis kyi nang du 'dus so/ /stong pa
nyid stong pa nyid kyi stong gzhi ye shes la 'dod pa ltar na/ de
bzhin nyid stong gzhir byas

pa gsum ste/ da yang chos rnams kyi yin lugs 'phags pa rnams
kyis shes mthong gis gsar du byas sam snyam pa dgag pa rang
bzhin stong pa nyid dang/ rang gi ngo bo bden par grub pa ma
snyam pa dang/ byed pa po don gzhan gyis byas sam snyam

pa dgag pa stong nyid tha ma gnyis so/ /gnyis pa ni/ de la ye
shes kyi tshogs ni so so skye bo'i sa dang/ sa bcu dang/ sangs
rgyas kyi ye shes kyis bsdus pa'o/ /dang po ni/ nang dang phyi
dang de gnyis ka stong pa nyid du rtogs pa'i ye shes gsum ni/

@130b longs spyod pa po dang spyad bya dang/ de'i rten gsum la
bden zhen 'gog pa tshogs lam gyi gnas skabs la bzhag go /'grel
chen du longs spyod kyis zhes gsungs pa ni/ dang po gsum sbyor
lam dang po gsum dang/ bzhi pa chos mchog la bshad na

rung ba tsam snang mod kyi/ dang po gsum tshogs lam gyi skabs su
bzhag na dgongs pa dang mi 'gal lo/ /stong pa nyid stong pa nyid
du 'jig rten pa'i bsgom pa las byung ba'i shes rab kyis rtogs pa
sbyor lam la bzhag go chen po stong pa nyid dang don

dam pa stong pa nyid kyis de mngon sum du rtogs pa'i ye shes
chos kyi dbyings chos can thams cad la kun tu 'gro bar rtogs pa
dang/ chos kyi dbyings mchog gi don du rtogs pa 'phen byed yin
pas/ sa dang po gnyis la rim pa bzhin du bzhag

go/ 'dus byas stong pa nyid kyis de rtogs pa'i ye shes chos kyi
dbyings rgyu mthun pa'i don du rtogs pa'o/ /'dus ma byas stong
pa nyid kyis de rtogs pa'i ye shes chos dbyings yongs su 'dzin
pa med pa'i don du rtogs pa 'phen te/ de gnyis

rim pa bzhin dus gsum pa dang bzhi pa la bzhag go /mtha' las
'das pa dang/ thog ma dang tha ma med pa stong pa nyid kyis chos
dbyings rgyud tha dad pa med par rtogs pa dang/ kun byang med
pa'i don stong par rtogs pa 'phen pas/ sa lnga pa dang drug pa
la bzhag go /

de bzhin du dor ba med pa stong pas 'phangs pa'i yul can ye
shes/ sa bdun pa dang rang bzhin dang chos thams cad stong pa
nyid kyis 'phangs pa'i yul can ye shes sa brgyad pa dang/ rang
gi mtshan nyid dang mi dmigs pa stong pa nyid kyis 'phangs

@131a @#/ /pa'i ye shes sa dgu pa dang/ dngos po med pa'i ngo bo
nyid dang/ dngos po stong pa nyid kyis 'phangs pa'i yul can ye
shes sa bcu pa la bzhag cing/ dngos po med pa dang rang gi ngo
bo dang gzhan gyi ngo bo stong pa nyid kyis 'phangs

ngor? yul can ye shes sangs rgyas kyi sa la rnam par bzhag go
/tha ma gsum ni/ sgrib gnyis bag chags dang bcas pa zad par
spangs pa'i rten yin pa dang/ rang byung nyid yin pa'i don gyis
sangs rgyas kyi sa la bzhag gi /dang po bcu bdun

gyis 'phangs pa'i ye shes rnams ni/ spang bya mngon gyur dang/
sa bon ci rigs pa dang bral ba sa bcu pa man chad la bzhag go
/sngar bshad pa ltar chen po stong pas chos dbyings kun tu 'gro
ba'i don du rtogs pa 'phangs la/ des dang po la

bzhag go zhes bshad kyang 'gal ba med par sems so/ /de yang
'grel chen du de la gang gi tshe/ chos thams cad bdag med pa'o/
/zhes bsgoms pas cha med pa nyid kyis chos kyi dbyings bdag nyid
thams cad kyis rtogs su zin kyang/

nges pa bskyed pa la ltos nas kun tu 'gro ba'i don gyis so sor
rtogs pa'i phyir chos thams cad ngo bo med par mngon sum du byed
pa'i shes pa shin tu gsal bar skye bar 'gyur ba de'i tshe byang
chub sems dpa'i skyon med pa la yang dag par

zhugs pas mthong ba'i lam thob par 'gyur ro/ /zhes bshad pa'i
don ni/ chos dbyings cha med du gsungs pa sngo ser ltar mngon
sum la rnam pa mi 'dra ba'i cha so sor mi snang ba yin gyi/ ldog
pa la sogs pa'i char dbyer mi rung ba ma yin

@131b te; chos can ji snyed pa de snyed kyi cha yod pas so/
/'phags pa slob pa'i mnyam gzhag gis kyang sems can gyi chos
nyid dang/ sangs rgyas kyi chos nyid mngon sum gyis rtogs ma
rtogs kyi khyad par cung zad kyang med pas sangs rgyas kyi chos
nyid la yang myong stobs

kyis nges pa 'dren pa yin no/ /'dir nges pa rim can du bskyed
par bshad pa ni/ sa bcu'i mnyam gzhag gis sgrib gnyis kyi sa bon
rim gyis spangs pa la brten nas rjes thob tu rten 'byung sgyu ma
lta bu'i khyad par sna tshogs la nges pa che chung dang/ nges pa

mi 'dra ba bskyed pa'i don yin te/ rjes thob tu rten 'brel sgyu
mar snang ba'i log phyogs kyi snang ba shes je chung ngu 'gyur
ba yin no/ /gsum pa ni/ 'grel chen du/ yang rnam par mi rtog
pa'i ye shes 'di'i dmigs pa ci yin zhe na/ zhes sogs kyi don

cung zad bshad na/ lugs gnyis dgod pa dang/ lugs phyi ma 'thad
par bsgrub pa dang/ de la gzhan gyi klan ka spang ba dang/ lugs
snga ma dgag pa dang/ ye shes kyi dbye ba gzhan ma smos pa'i
rgyu mtshan no/ /dang po ni/ rnam par rig pa tsam du smra ba 

rnams na re/ gzhan dbang gzung 'dzin rdzas tha dad kyis stong
pa'i bden grub de nyid 'phags pa'i mnyam gzhag gi gzhal byar
'dod do/ /gzhan dag ni/ chos thams cad bden pas stong ba rtogs
par 'dod de/ phyi ma 'di nyid rigs so/ /gnyis pa ni/ gang

dang gang shes pa yin na/ de'i shes bya yin na bden stong yin
pas khyab ste/ dper na rmi lam gyi rta glang du snang ba lta bu/
rnam par mi rtog pa'i ye shes 'di yang shes pa yin no zhes pa
rang bzhin gyi rtags so/ /rnam nges las/ dmigs pa mngon sum ma

@132a @#/ /yin no/ /don mthong rab tu 'grub mi 'gyur/ /zhes pas
yul dmigs pa de ma dmigs na yul ma rtogs par 'gyur bas/ phyogs
chos ma grub pa ma yin la/ mthun phyogs la mthong bas 'gal ba ma
yin no/ /bden grub

kyi shes bya yod pa/ gzhi med 'gro med skye med dang/ zhes pa'i
skabs su 'gog par 'gyur ba'i phyir/ ma nges pa nyid kyang ma yin
no/ /gsum pa ni/ de la sems tsam pa na re/ 'o na chos thams cad
bden stong de yang chos can/ bden stong yin par thal/

dmigs pa yin pa'i phyir/ dper na zla gnyis bzhin/ 'dod na/ chos
thams cad bden grub tu thal/ khyed gnas lugs su 'dod pa'i chos
thams cad bden stong de yang bden pas stong pa'i phyir/ ce na/
nyes pa med de/ gsad bya lha sbyin dang/ gsod byed

mchod sbyin de nyid lha sbyin bsad pa'i cha yin na/ de bsad pas
lha sbyin slar 'byung rigs na yang/ gsod byed de nyid gsad bya
bsad pa'i cha ma yin pas lha sbyin slar mi 'byung ba bzhin du/
khyed skur 'debs kyi mthar 'dod pa'i chos thams cad bden

stong de/ gsod byed dang 'dra ba'i bden stong bden par grub pa
sgro 'dogs kyi mtha' de nyid/ bden stong bden grub 'gog pa'i
rigs pas bkag pas/ dgag bya chos thams cad bden grub slar yang
khas len dgos pa ma yin par thal/ bden grub de bden

stong de'i khyab byad dang/ bdag gcig pa'i cha gang yang ma yin
pa'i phyir ro/ /gzhan yang don dam bden pa yin na/ don dam par
grub dgos kyi/ tha snyad du yod par 'gal lo zhes pa'i nyes pa
brjod mi rigs par thal/ mnyam gzhag gi dmigs

@132b pa don dam par grub pa mi rigs pa'i phyir/ der thal/ de
rten chos can tha snyad pa'i mngon sum tshad mas grub pa'i rdzun
pa sgyu ma lta bu de la brten pa'i mthar thug pa can yin pa'i
phyir dang/ bden grub rdzun pa'i bdag nyid du brten pa 'gal ba'i
phyir ro/ /bzhi pa

ni; stong nyid bden grub dmigs par 'dod pa yin na/ 'o na rnam
par mi rtog pa'i ye shes dang/ gzung 'dzin rdzas tha dad kyis
stong pa rdzas gcig gam tha dad gang rung gcig yin par thal/
stong nyid kyang bden par grub pas/ dngos por khas len dgos pa'i

phyir; 'dod na/ rdzas tha dad yin na gzhan dbang dang yang rdzas
tha dad du khas len dgos pa'i phyir/ ye shes de bzhan dbang dang
'brel pa med pa'i stong nyid yan gar ba'i spyod yul can du 'gyur
bas/ gzhan dbang la phyin ci log gi sgro 'dogs mi chod par

'gyur ro/ /rdzas gcig na stong pa nyid 'dus byas su thal lo/
/'dod na/ de la dmigs nas bsgoms pas sgrib pa'i sa bon spong mi
nus par 'gyur ro/ /gang dag slob dpon gyi bzhed pa 'phags pa'i
mnyam gzhag gis rten 'byung rdzun pa sgyu ma lta bu dngos su

rtogs par khas len pa ni/ dbu ma thal rang gang gi lugs la yang
legs par ma sbyangs shing/ slob dpon gyi bzhed pa log par 'chad
pa dang/ rang nyid kyis kyang lta ba skyong ba'i rnam gzhag mi
shes so zhes gsal bar bstan pa yin no/ /lnga pa ni/

me long lta bu'i ye shes la sogs pa'i dbye ba gzhan 'dir ma
bshad pa ni/ stong pa nyid la dngos su dmigs pa'i ye shes kyi
tshogs kyi gsal ba'i dbye ba'i spyi'i grangs tsam zhig bstan par
'dod pa dang/ ye shes kyi gsal ba'i dbye ba gzhan

@133a @#/ /mtha' yas pas mngon par rtogs pa'i skabs don nges pa'i
gegs su 'gyur ba'i phyir/ sems tsam pa rnams stong nyid bden
grub tu zhal gyis bzhed kyang/ kha cig don dam bden pa dgag bya
bcad pa la mi ltas pa'i

rtag dngos su 'dod pa dang/ ri rab dang yungs 'bru nam mkha'
dang lag mthal gyi khyad par yod par shes par bya ste/ theg pa
chen po rgyud bla ma'i bstan bcos kyi rnam bshad du rgyas par
bshad pa las rtogs par bya'o/ /gnyis pa sa'i tshogs

bye brag tu bshad pa la/ spyi'i don dang/ yan lag gi don to/
/dang po la/ ngo bo dang/ dbye ba dang/ khyad chos dang/ 'pho
tshul dang/ ming don no/ /dang po ni/ de bzhin nyid la mngon sum
du dmigs pa'i mnyam gzhag rnam par mi rtog pa'i ye shes

de nyid snying rje chen po la sogs pas yongs su zin pa la sa
zhes bya ste/ yon tan gyi gnas sam rten byed pas sa dang 'dra
bas de ltar bsnyad pa'o/ /gnyis pa ni/ de nyid spang bya sel
ba'i nus pa la sogs pa'i cha so sor rim gyis phye ba'i snga

phyi'i rim pas sa bcu'o/ /gsum pa la/ ngo bo'i khyad par dang/
spang bya'i khyad par ro/ /dang po ni/ sa dang po la skad cig
gcig la sangs rgyas brgya mthong/ de dag gis byin gyis brlabs pa
shes/ ting nge 'dzin brgyu? la? 'jug /'jig rten gyi

khams brgya g.yo zhing/ brgyar 'gro /'jig rten gyi khams brgya
snang bar byed/ sems can brgya smin/ bskal pa brgyar gnas/ de
dag gi sngon dang phyi ma'i mthar 'jug /chos sgo?  brgya 'byed/
lus brgya ston/ lus re re la byang sems kyi 'khor

@133b brgya phrag re ston pa sogs yon tan brgya phrag bcu gnyis
dang/ sa gnyis pa la/ yon tan de dag stong phrag bcu gnyis sogs
yon tan gyi grangs gong nas gong du 'phel ba dang/ dri ma sbyong
ba'i stobs dang/ lam bgrod pa'i stobs gong nas gong du 'phel

pa dang/ sa dang por sbyin pa'i phar phyin lhag pa sogs phar
phyin lhag pa'i khyad par dang/ sa dang por 'dzam bu gling la
dbang ba dang/ sa gnyis par gling bzhi la dbang ba'i rgyal por
skye ba sogs rnam smin gyi skye ba gong nas gong du 'phel ba'i
khyad par ro/ /

gnyis pa ni/ mthong lam gyi skabs su/ khams gsum gyi sas bsdus
pa'i nyon sgrib kun brtags brgya dang bcu gnyis kyi sa bon dang/
shes sgrib kun brtags brgya dang brgyad kyi sa bon 'dzoms la/
sgom lam gyis bsdus pa'i sa dang po nas/

bcu pa'i bar gyis sgom spangs nyon mongs bcu drug gi sa bon
dang/ sgom spangs shes sgrib brgya dang brgyad kyi sa bon rim
can du spong bar shes par bya'o/ /'grel chen du bden pa rnams
kyi mngon par rtogs pa ni gcig pa'i phyir ro/ /de bas na sa dang

po'i skad cig ma dang po ni/ mthong ba'i lam yin no/ /de las
gzhan pa skad cig ma gnyis pa la sogs pa nas/ rdo rje lta bur
brjod pa/ bar chad med pa'i lam gyi bar sgom lam du bshad do/
/bzhi pa ni/ yongs sbyong gi chos so so ji srid ma rdzogs pa de 

srid du sa de yin la/ rdzogs nas ni sa gzhan du 'phos pa yin par
shes par bya'o/ /lnga pa ni/ sa'i skad dod/ b+hu mi zhes pa la/
yi ge bsnan pa'i nges tshig gis bshad na/ 'byung po dpag med
'jigs pa med par byed pas sam/ yon tan dpag

@134a @#/ /med gong nas du 'gro bas sa zhes par 'gyur ro/ /gnyis
pa yan lag gi don la/ spyi'i mtshams sbyar ba dang/ so so'i rang
bzhin no/ /dang po ni/ sa'i tshogs las gang gi skyan zad pa dang/
yon tan rdzogs pa'i sgo nas

yongs su zhes so/ /gnyis pa la/ rgya'i sa dgu dang/ 'bras bu'i
sa sa bcu pa'o/ /dang po la dgu'i dang po/ sa dang po la rtsa ba
dang/ 'grel pa'o/ /dang po ni/ sbyong byed kyi chos yongs su
sbyong ba rnam bcu yis/ sa ni dang po thob 'gyur te/ bsam

dang zhes so/ /ji ltar sbyong ba'i tshul ni/ chos bcu po 'di dag
snying rje chen po dang/ bden pa'i rang bzhin mi dmigs par rtogs
pa'i shes rab kyis zin pas so/ /mdo ni/ sa dang po la gnas pa'i
bsam pa yongs su sbyong ba gang lags/ zhes

pa nas/ ji skad smras pa de ltar byed pa ste/ 'di ni bden pa'i
tshig yongs su sbyor ba'o/ /zhes pa'i bar ro/ /gnyis pa ni/ rtsa
ba'i rim pa ji lta ba bzhin bshad pa ni/ sems can dang/ dge ba'i
rtsa ba sogs gzhi thams cad la g.yo sgyu? la sogs pa'i gya gyu
med

pa'i bsam pas dam pa'i chos 'dzin par spro ba'i sa dang po pa'i
rgyud kyi yon tan de chos can/ sa dang po'i yongs sbyong yin te/
de'i mi mthun phyogs 'joms shing yon tan rdzogs par byed pa'i sa
dang po ba'i rgyud kyi yon tan yin pa'i phyir/ de bzhin

du lhag ma rnams la yang sbyar bar bya'o/ /gzhan don che cher
byas te rang dang gzhan gyi dgos pa la phan pa theg pa chen po'i
chos 'dzin pa nyid dang/ sems can thams cad la tshad med pa
bzhi'i sems rtse gcig pa nyid kyis gzhan dan gyi

@134b bsam pa khyad par can nyid dang sa 'dri sbyin pa'i phar
phyin lhag pas/ lus dang/ longs spyod dang/ dge rtsa la sogs
pa'i bdog pa thams cad yongs su gtong ba la ser sna'i kun 'dzin
cung zad kyang mi skye ba dang/ sgo gsum gyis lam gyi rtsa ba
theg

pa chen po'i dge ba'i bshes gnyen mgu par byed pa dang/ theg pa
gsum du gtogs pa'i dam pa'i chos kyi dmigs pa 'dod pa shin tu
rgyas pa'i sde snod la dmigs pa dang/ khyim pa'i nyes dmigs
mthong bas khyim na gnas pa la mngon par mi

dga' ba dang/ sangs rgyas rjes su dran pa dang mi 'bral bar bla
na med pa'i sangs rgyas kyi sku 'dod pa dang/ chos la slob dpon
gyi dpe mkhyud dang ser sna med pas dam pa'i chos rab tu ston pa
dang/ dam bcas pa mthar phyin par byed pas bden par smra ba

nyid ces bya/ de lta bu'i mtshan nyid chos bcus sa dang po rab tu
dga' ba 'thob pa yin no/ /bcu po des sa dang po'i yon tan ma lus
pa rdzogs nus pas rnam pa thams cad du bskyed cing thob par bya
ba yin pa'i phyir/ de yang yongs su sbyong ba'i rgyu'i khyad par
bcu

po bden pa'i ngo bo nyid mi dmigs par rtogs pas khyad par du
byas pa'i mtshan nyid kyi yongs su sbyong ba dag kho nas so/
/gnyis pa sa gnyis pa la/ rtsa ba dang/ 'grel pa'o/ /dang po ni/
tshul khrims sogs brgyad kyis sa gnyis pa sbyong bar byed

nus te/ da'i mi mthun phyogs 'joms shing gnyen po rdzogs par
byad nus pa'i phyir/ sa gnyis par/ rmi lam du yang tshul khrim
skyi dri ma cung zad khyag mi 'byung zhing/ tshul khrims kyi phar
phyin lhag pa de tsam du bzod pa'i phar phyin sogs mi

@135a @#/ /ldan pas tshul khrims lhag pa zhes bya'i sa der phar
phyin lhag ma rnams med pa ni ma yin no/ /mdo las/ tshul khrims
rnam par dag pa gang zhe na/ nyan rang gi sems yid la mi byed pa
dang zhes pa nas/ las

gzhan med par phar phyin rnams tshol ba ste/ 'di ni phar phyin
rnams la brtson zhing tshol ba'o zhes so/ /gnyis pa ni/ sa gnyis
par tshul khrims kyi phar phyin rdzogs pa khyad par du byed pa
ni/ dge ba'i chos sdud pa'i tshul khrims dang sems

can gyi don bya ba'i tshul khrims dang sdom pa'i tshul khrims gsum
dang ldan pa dang/ tshul khrims rnam par dag byed kyi yan lag
gzhan gyis phan pa byas pa dran pa byas pa chud mi gson pa dang/
gzhan gyis gnod pa byas pa la sogs pa bzod

pa gnod pa la ji mi snyam zhing/ sdug bsngal dang du len pa
dang/ chos la nges rtog gi bzod pa dang ldan pa'o/ /dge ba'i
chos bsgrub pa la 'gyod pa med pa spro ba dang ldan pa dang/
sems can nam yang mi 'dor ba skye bo thams cad la byams pa dang/
skye

po gong ma mkhan po la sogs la 'dud pa dang/ dge ba'i bshes
gnyen gyis bstan pa'i chos gsung pa ji lta ba bzhin du bsgrub pa
dang/ de yang bsgrub pa dam pa sbyin pa la sogs pa'i pha rol tu
phyin pa drug la spro ba zhes bya ba de lta bu'i yongs su sbyong

ba snga ma bzhin snying rje chen po dang stong nyid rtogs pa'i
shes rab kyis zin pa'i sgo nas yongs su sbyang ba byas pa'i
khyad par zhes so/ /gsum pas gsum pa 'od byed pa la/ rtsa ba
dang/ 'grel pa'o/ /dang po ni/ sa gsum pa thos pas mi ngoms pa
sogs

@135b lngas sbyong bar byed do/ /de'i skyon sel zhing yon tan
rdzogs par byad pas so/ /byang chen sa gsum pa la gnas pas chas
lnga la gnas par bya ste/ lnga gang zhe na/ mang du thos pas mi
ngoms shing de la yang ye sher de la yang yi ger mngon par ma
zhan pa dang/ zhes so/ /gnyis

pa ni/ mang du thos pa la brtsen zhing/ dus nam yang mi 'dor ba
dang/ rnyed pa dang bkur sti dang/ grags pa sogs don du mi gnyer
bar gzhan la chos ston pa dam pa'i chos zhes pa gnyis dang/ rten
dang brten pa'i zhing sbyong ba'i rgyur tshegs rgya chen po

bsgrub pa rang gi sangs rgyas kyi zhing zhes dang/ sa gsum par
bzod pa'i phar phyin lhag pas/ gdul bya'i log sgrub bzod cing/
bzod pa gzhan gnyis kyang rdzogs pa phan btags pa'i zhes dang/
rang dang gzhan la ltos nas nyes spyod la 'jam pa ngo tsha dang

khrel? yid rdzogs pas mi dge ba'i chos mi byed pa zhes bya ba de
lta bu'i yongs su sbyong ba rnam pa lnga po snga ma bzhin du
snying rje chen po dang bden pa'i ngo bo nyid du mi rtog pas zin
nas yongs su zhes so/ /bzhi pa sa bzhi pa 'od 'phro ba la/ rtsa
ba dang/ 'grel

pa'o/ /dang po ni/ nyan rang gi yid byed kyis dbon pas nags na
gnas pa dang/ 'dod chung chog shes dang sbyangs pa'i yon tan bcu
gnyis kyi yi dam brtan pas sbyangs pa yang dag sdom rten sogs
bcu sa sa bzhi pa yongs su sbyong ste/ de'i skyon sel zhing

yon tan rdzogs par byed pa'i phyir ro/ /mdo na/ byang chen sa
bzhi pa la gnas pa'i chos bcu po 'di dag yongs su btang bar mi
bya'o/ /bcu gang zhe na/ 'di lta ste dgon pa na gnas pa dang/
zhes so/ /gnyis pa ni/ 'du 'dzis dben zhing grong las rgyung

@136a @#/ /grags gcig 'phags pa'i dgon par gnas pa dang/ rnyed pa
ma thob pa la mngon par 'dod pa med pa 'dod pa chung ba dang
rnyed pa thob pa la lhag par de las bzang ba dang mang ba sogs
don du gnyer ba med pa chag shes pa dang/

bsod snyoms pa nyid la sogs pa sbyangs pa'i yon tan bcu gnyis la
yi dam brtan pas yang dag par bsdoms pa dang/ nyes ltung gis ma
gos pas bslab pa blangs pa zhes dang/ 'dod pa'i yon tan la rang
gi ngo bo'i sgo nas sred pa ched du gtad nas spong

bar byad pas 'dod pa'i zhes dang/ gdul bya dang 'tshom par thar
pa la 'god pas mya ngan las 'das pa la gzhol bar byed pa dang/
phyi nang gi bdog pa zhes dang/ sa bzhi par brtson 'grus kyi
phar phyin rdzogs pas rang la dge ba mtha' dag sgrub

pa'i nus pa yod par shes nas/ dge ba bsgrub pa la sems mi zhum
pa dang/ ci la yang ltos pa med par dngos po thams cad la mngon
zhen gyis mi lta ba zhes bya ba de lta bu'i yongs su sbyong ba
snga ma lta bu snying rje chen po dang stong nyid rtogs pa'i

shes rab kyis zin pa rnam pa bcus zhes so/ /lnga pa sa lnga pa
sbyang dka' ba la/ rtsa ba dang/ 'grel pa'o/ /dang po ni/ 'dris
dang zhes sogs/ bcu po de ni rnam spangs na/ sa lnga pa ni yang
dag par 'thob ste de'i yon tan ma lus pa rdzogs pa'i phyir/
gnyis

pa ni/ rnyed bkur la sred pas rnyed pa zhes dang/ khyim la sred
pas gzhan la dad pa can gyi khyim zhes dang/ 'du 'dzi lhag par
'dod pas skye bo mang po'i grong la sogs par gnas pa dang/ rnyed
bkur gyi ched du bdag la zhes dang/ de dag la brten

@136b nas mi dge ba'i las kyi lam bcu lhag par 'phel ba dang/
rang khangs shing gzhan khyad du gsod pa thos pa la sogs pas
zhes dang/ blang dor phyin ci log tu zhen pas dge ba dang zhes
dang/ log par lta ba dang 'jig lta la sogs pa blo gros ngan pa
dang/ 'dod

chags la sogs pa nyan mongs pa thams cad la phyogs par byed pa
zhes bya ba de lta bu'i mtshan nyid kyi chos bcu rnam par spong
zhing log pa'i chos gnyen po don gyis 'phangs pa snying rje chen
po dang stong nyid rtogs pa'i shes rab kyis zin pa yongs su
sbyong ba

zhes so/ /las 'bras la skur 'debs kyi log lta sa dang po nas sa
bon dang bcas pa zad par spangs zin pas/ dus der 'khor der gnas
pa'i gdul bya la ltos pa'am/ yang na mthar 'dzin gyi lta ba tshad
du 'dzin pa'i mthar lta la log ltar btags

pa'o; ;nges par log lta la 'chad na rgyang ring du thag bsrings
pa'i gnyen po skyes pa la bya'o/ /'dir bstan pa'i spyad bya
gzhan rnams kyang mngon gyur phal cher mi 'gyur med kyi/ sa der
'di dag gi sa bon ci rigs spangs par shes pa'i ched du rnam par
bzhag

pa'o; ;drug pa sa drug pa mngon du gyur pa la/ rtsa ba dang/
'grel pa'o/ /dang po ni/ sbyin dang zhes sogs yon tan drug
rdzogs shing/ skyon drug spangs pas sa ni drug pa yang dag par
'thob ste/ de'i skyon sel zhing yon tan rdzogs pa'i sgo nas
'thob pa'i phyir/

mdo ni/ sa drug pa la gnas pas chos drug yongs su rdzogs par bya
ste/ 'di lta ste/ pha rol tu phyin pa drug go /gzhan yang chos
drug yongs su spang bar bya ste/ drug gang zhe na/ nyan thos kyi
sems yongs su spang bar bya'o/ /zhes so/ /gnyis pa ni/ pha rol

@137a @#/ /phyin pa drug rdzogs pas spang bya drug spong ste/
tshul khrims kyi phar phyir dang/ bsam gtan gyi phar phyin rdzogs
pas nyan thos dang rang sangs rgyas la thob par 'dod pa spangs
pa dang/ bzod pa'i phar phyin rdzogs pas chos thams

cad ngo bo nyid mi dmigs pa la skrag pa spong ba dang/ sbyin
pa'i phar phyin rdzogs pas slong ba po'i skye bos blangs na zhum
pa spong ba dang/ sbyin pa la spro dga'i brtson 'grus kyi phar
phyin rdzogs pas bdog pa thams cad rang gi dang gis gtong bar
zhugs

pa la mi dga' ba spong ba dang/ shes rab kyi phar phyin rdzogs
pas rang nyid bkren yang slong ba po'i skye bo spong ba'i sems
spong ba ste/ gnyen po drug rdzogs pa dang/ spang bya drug
spangs pa de lta bu'i yongs su sbyong ba bcu gnyis kyis zhes so/
/yang na

phar phyin drug byang chub kyi sems kyis zin pas nyes pa dang po
gsum spangs pa dang/ sbyin pa rdzogs pas tham gsum spangs pa'o/
/sa lnga par bsam gtan gyi phar phyin rdzogs pa la brten nas/ sa
'dir sher phyin rdzogs pa yin te/ de ni thun mong ba'i

zhi gnas mtshan nyid pa thob pa la brten nas/ de'i rjes su lhag
mthong thob pa'i rim pa ltar phar phyin tha ma gnyis kyi rim?
pa yang shes par bya ste 'og tu bshad par bya'o/ /bdun pas bdun
pa ring du gyur pa la/ spang bya nyi shu spong ba dang/ gnyen po
nyi

shu bsten par bstan pa'o/ /dang po la/ rtsa ba dang/ 'grel pa'o/
/dang po ni/ bdag dang sems can 'dzin pa sogs nyes pa nyi shu
gang la rnam par tshad pa de yis sa ni bdun pa 'thob ste/ yon tan
gyi chos nyi shu rdzogs pa'i sgo nas 'thob pa'i phyir/

@137b med ni/ byang chen sa bdun pa la gnas pa la chos nyi shu
mi 'byung ste/ nyi shu gang zhe na/ bdag tu 'dzin pa dang/ srog
tu 'dzin pa dang/ sems can du 'dzin pa dang/ shes so/ /gnyis pa
ni/ sa bdun pa ba chos can/ bdag tu

'dzin pa'i sa bon ci rigs spangs te/ rnam par thar pa'i sgo
stong pa nyid mngon sum du rtogs pa bskal pa mang po'i bar du
goms par byas pa'i phyir/ de bzhin du gzhan rnams la yang sbyar
te/ gnyen po'i skabs su yang 'chad par 'gyur ro/ /stong

pa nyid la rtsod pa stong nyid dngos po'i 'jig byed du 'dzin pa
dang/ stong pa dang kun rdzob 'gal bar brjod pa 'dzin pa yongs
su spangs pa ste/ nyes pa de lta bu nyi shu dang bral nas ldog
pa'i chos gnyen po nyi shu don gyis 'phangs pa zhes so/ /gnyis
pa la/

mtshams sbyar ba dang/ rtsa ba dang/ 'grel pa'o/ /dang po ni/ nyi
shu spang byar bstan pa'i don gyis 'phangs pa'i chos gnyen po de
nyid bstan pa'i phyir ro/ /gnyis pa ni/ rnam thar sgo gsum shes
pa sogs nyi shus sa bdun pa yongs su sbyong ste/

de'i skyon sel zhing yon tan yongs su rdzogs par byed pa'i
phyir/ mdo ni/ byang chen sa bdun pa la gnas pas chos nyi shu po
'di dag nyid yongs su rdzogs par bya ste/ nyi shu gang zhe na/
stong pa nyid yongs su rdzogs par bya ba dang zhes so/ /gsum pa
ni/

sa bdun pa ba des ngo bo rgyu 'bras gsum bden pas stong ba rnam
par thar pa'i sgo stong pa nyid dang/ mtshan ma med pa dang/ smon
pa med pa mngon sum gyis yang dag par shes pa goms par byas pa'i
phyir/ rim pa bzhin du gang zag gi bdag dang sems can dang

@138a @#/ /srog tu 'dzin pa spong bar byed do/ /srog gcod spong
ba sogs dge ba bcu'i las kyi lam la gsad par bya ba sogs 'khor
gsum du bden par mi dmigs par mngon sum gyis rtogs pas rang
dbang ba'i gang zag gcig tu

'dzin pa spong ba dang/ skye ba du mar sdug bsngal gyis gdungs
pa'i skye bo thams cad la dmigs pa'i snying brtse ba dang ldan
pas/ sems can chad par 'dzin pa spong ba dang/ bden grub kyi
dngos por yod na dmigs su rung ba las dmigs pa med pa dang ldan
pas

sems can rtag par 'dzin pa spong ba dang/ 'khor 'das kyi chos
thams cad bden stong mnyam pa nyid du rtogs pas blang dor gyi
mtshan ma bden par 'dzin pa spong ba dang/ theg pa thams cad
mthar thug pa theg pa chen po'i tshul gcig tu rtogs pas mthar

thug pa'i rgyu rigs tha dad pa gsum du 'dzin pa spong ba dang/
ming gzugs kyi chos rnams don dam par mi skye ba yongs su shes
pas phung po bden par 'dzin pa spong ba dang/ stong pa nyid kyi
chos zab mo la nges par rtog pa'i bzod pa khong du chud pas
khams su

bden par 'dzin pa spong ba dang/ skye mched kyis bsdus pa'i shes
bya thams cad theg pa chen po'i thabs kyi sgo nas gzung 'dzin
bden med du rab tu ston pa la brten nas skye mched du bden par
'dzin pa spong ba dang/ bden 'dzin gyi rtog pa thams cad gcod pa

la brten nas/ khams gsum la gnas byar bden par 'dzin pa spong ba
dang/ gtsang bde sogs kyi mtshan mar 'dzin pa'i tshul min yid byed
kyi rtog pa med pa dang/ 'jig tshogs la lta ba la sogs pa lnga
'dor ba dang/ 'dod chags la sogs pa nyon

@138b mongs pa spong ba gsum gyis khams gsum la dor byar bden
par chags pa spang ba dang/ zhi gnas khyad par can gyis yon tan
la dbang thob pa'i zhi gnas bsgoms pas ni/ gong ma'i khyad par
thob mi nus snyam du sems zhum pa spong ba dang/ lhag mthong gis
bsdus

pa'i shes rab khyad par can dang rten 'brel skyu mar shes pa'i
thabs la mkhas par byed pas/ sangs rgyas la bden par zhen pa
spong ba dang/ dmigs par lta ba'i khengs pa dang bral zhing gnas
lugs mngon sum du rtogs pa'i sems nye bar zhi bas chos su bden
par

'dzin pa spong ba dang/ shes bya ji lta ba dang ji snyed pas
bsdus pa'i gzugs la sogs pa la thogs pa med pa'i ye shes dang
ldan pas dge 'dun du bden par zhen par spong ba dang/ gang la
yang bden par mngon par zhen pa'i gnas ma yin par rtogs pa dang
ldan pas

tshul khrims su lta ba'i bden zhen spong ba dang/ chos rab tu
rnam par 'byed pa'i dan du ji ltar 'dod pa bzhin du dus mnyam du
sangs rgyas kyi zhing thams cad du 'gro ba dang ldan pas/ stong
pa nyid la phyin ci log tu rtsod pa spong ba dang/ dmigs pa la
bden par zhen

pa'i sems can rjes su bzung ba'i ched du gdul bya dang mthun par
thams cad du bdag gi lus la dbang sgyur thob par rab tu ston pas
ni/ stong pa dang rten 'byung 'gal bar brjod pa 'dzin pa spong
ba zhes bya ba yongs su sbyong ba rnam pa nyi shu po 'dis kyang
snga ma bzhin du snying rje

chen po dang stong nyid rtogs pa'i shes rab kyis zin pa'i sgo
nas sa bdun pa rtogs par 'gyur ba yin no/ /brgyad pa sa brgyad
pa mi g.yo ba la/ rtsa ba dang/ 'grel pa'o/ /dang po ni/ sems
can kun yid shes pa sogs bzhi phrag gnyis gang yang rung bas sa
brgyad

@139a @#/ /pa yongs su sbyong ba yin te/ de'i skyon sel zhing yon
tan yongs su rdzogs par byed pa'i phyir/ mdo ni/ byang chen nas
brgyad pa la gnas pas chos bzhi po 'di dag yongs su rdzogs par
bya ste/ bzhi gang zhe na/ 'di lta ste/ sems can

thams cad kyi sems khong du chud pa dang/ zhes sogs dang/ gzhan
yang chos bzhi yongs su rdzogs par bya ste zhes sogs gsungs so/
/gnyis pa ni/ sems can thams cad kyi sems kyi spyod pa chags
bcas dang chags bral sogs sems gcig gis ji

lta ba bzhin shes pa dang phyogs bcu'i 'jig rten gyi khams su
rnam par rol ba'i rdzu 'phrul gyi mngon par shes pas brtse ba
dang/ dge ba'i rtsa ba rgya chen pos rang gi sangs rgyas kyi
zhing rten gser dang bai DU-rya la sogs pa'i ngo bor yongs su
bsgyur ba dang/ rnam pa thams

cad du chos kyi tshig don yongs su brtag pas te/ de'i tshad du sgo
gsum gyis sangs rgyas mnyes par byed pa dang stobs bcu rjes
mthun pa dang gtso bor lha'i mig bskyed pas dbang po mchog dang
mchog ma yin pa shes pa dang/ rang gang du 'tshang rgya bar 'gyur
ba'i

sangs rgyas kyi zhing bsten pa sems can gyi skyen yongs su
sbyong ba dang/ ldang? 'jug thams cad du sgyu ma ltar gnas pa
dang/ gang du gang gi skye ba bzung na/ sems can gyi don mthong
nas snying rje dang smon lam gyis blo sngon du btang ba'i skye
bo yongs su 'dzin pa zhes so/ /

sa dgu pa legs pa'i blo gros la/ rtsa ba dang/ 'grel pa'o/ /dang
po ni/ ji ltar slon pa 'grub pa'i smon lam dag ni mtha' yas pa
sogs bcu gnyis kyis sa dgu pa yongs su sbyong bar byed de/ de'i
skyon sel zhing yon tan rdzogs par byed pa'i phyir ro/ /mdo

@139b ni; byang chen sa dgu pa la gnas pas chos bcu gnyis yongs
su rdzogs par bya ste/ bcu gnyis gang zhe na/ 'di ltar smon lam
mtha' yas pa yongs su bzung ba dang/ lha la sogs pa'i skad yongs
su shes pa dang/ zhes so/ /gnyis pa ni/ phar phyin drug rdzogs
pas

smon lam mtha' yas pa 'grub pa dang/ chos smra ba la tha snyad
sna tshogs shes pa'i nges pa'i tshog so so yang dag pa rig pa thob
pas lha la sogs pa'i sems can thams cad kyi skad shes pa dang/
brjod pa zab mo la dbang 'byor ba'i spobs pa so sor rig pa thob
pas/

chos ston pa la spobs pa chu bo ltar mi zad pa dang/ bud med kyi
skyon thams cad dang bral bas skye bo thams cad kyis bsngags
pa'i ma'i mngal du 'jug pa dang/ rigs phun sum tshogs pa rgyal po
dang bram ze'i rigs la sogs par gnas pa dang/ rus phun sum tshogs

pa nyi ma dang bu ram shing la sogs pa la skyes pa'i rus dang/
ma la sogs pa dang legs par 'brel ba'i gnyen dam pa brgyud mar
byung ba'i cho 'brang dang/ rang gis btul te byang chub la bzhag
pa rang dbang ba'i 'khor phun sum tshogs pa dang/ brgya byin
dang/ mi'i

dbang po la sogs pas mngon par bstod par skye ba dang/ sangs
rgyas dang gnas gtsang ma'i lha'i bu la sogs pas bskul te/ khyim
nas nges par 'byung ba dang/ dgos 'dod kun 'byung bas yid bzhin
gyi nor bu dang 'dra ba'i byang chub kyi shing ston pa 'de'i A
shVad

tha dang/ byams pa'i klu shing la sogs pa byang chub kyi snying
po la 'dug pa dang/ sangs rgyas dang/ sangs rgyas kyi chos stobs
sogs kyi ngo bor gyur pa'i yon tan thams cad yongs su rdzogs
pa'i byed pa zhes bya ba/ de lta bu'i phun sum tshogs pa'i mtshan
nyid

@140a @#/ /kyis yongs su sbyong ba rnam pa bcu gnyis po snga ma
bzhin du snying rje chen po dang/ stong nyid rtogs pa'i shes rab
kyis yongs su zin pa'i sgo nas yongs su sbyang ba byas pa'i
khyad par dag gis sa dgu pa legs pa'i blo gros mngon du?  byed
pa

yin no/ /gnyis pa 'bras bu'i sa bcu pa la/ mtshams sbyor ba dang/
rtsa ba dang/ 'grel pa'o/ /dang po ni/ rgyu'i sa rnams kyis
yongs su sbyong ba sngar bshad pa de ltar nges par bstan nas
'bras bu sa bcu pa'i mtshan nyid 'chad do/ /de yang sa 'og ma
thams cad

kyi spang rtogs kyi rigs yongs su rdzogs pa dang ldan par bsdu
ba'i sgo nas so/ /sa bcu pa yongs sbyong gi sgo nas mi 'chad
pa'i rgyu mtshan yod de/ 'bras bu'i sa bcu pa nyid du yongs
sbyong de dag ma bshad par mtshan nyid kyi sgo nas bshad pa tsam
gyis rdzogs par

go nus pas ma bshad pa'i phyir/ gnyis pa ni/ shes par bya'o/
/gang na/ dman pas brgyad dang/ rgyu'i sa dgu/ byang chub sems
dpa'i sa zhes gcig tu byas pa'i sa dgu/ snga ma shes mthong
dang/ phyi ma la gnas nas 'das nas/ ye shes ni gang gis

mdo las 'da' bya sa dgu bshad ma thag pa'i sangs rgyas kyi sar
gnas pa zhes bshad pa de ni shes par bya'o/ /gnag du shes par
bya na byang chub sems dpa'i sa bcu pa yin par shes par bya'o/
/mdo las/ 'da' bya sa dgu'i rjes thogs de ma thag tu smos

pa'i sangs rgyas kyi sa de chos can/ sa bcu pa yin te/ theg pa
chen po'i sa gang zhig /khyod la gnas pa'i dbang du byas nas/ sa
bcu pa la ni byang chub sems dpa' sangs rgyas kho nar brjod par
bya'i/ yang dag par rdzogs pa'i sangs rgyas ni ma yin no/ /zhes

@140b 'byung ba'i phyir/ mdo ni/ rab 'byor byang chen gyi sa bcu
pa gang zhe na/ 'di ltar byang chen thabs la mkhas pas phar
phyin drug la spyod pa dang zhes pa nas/ sangs rgyas kyi chos ma
'dres pa bco brgyad kyi bar la spyod pa'i tshe/ rigs kyi sa dang
zhes pa nas/ byang chub

sems dpa'i sa las yang dag par 'das te/ rab 'byor de ltar byang
chen sa dgu las 'das nas sangs rgyas kyi sa la gnas te/ rab
'byor de ni byang chub sems dpa' chen po'i sa bcu pa'o/ /zhes
so/ /gsum pa la/ 'da' bya sa dgu bshad pa dang/ de las

'das pa sa bcu pa bshad pa'o/ /dang po ni/ nyan thos dang rang
sangs rgyas la sogs pa'i chos nyid kyi rigs la brten pa'i sbyor
lam bzhi chos can/ go rims bzhin du rigs kyi sa yin te/ theg
dman gyis yang dag par blangs pa'i rigs la mi 'khrul

pa'i so skye'i rtogs pa yin pa'i phyir/ rigs kyi sa la gnas pa'i
gang zag rang gi byang chub las slar mi ldog par ma nges te/
nyan thos kyi sbyor lam la gnas pa'i byang chub tu yongs su
bsgyur ba ba'i nyan thos bzhin no/ /de la rigs kyis bzhag tu mi

rung ba yang ma yin te/ rigs kyi sa'i sbyi'i mtshan nyid mi rtogs
par thal ba'i phyir ro/ /mthar gyis pa'i 'bras bu dang po rgyun
zhugs la zhugs pa'i rtogs pa chos can/ brgyad pa'i sa yin te/
zung bzhi'i ya gyal dang po'i rtogs pa yin pa'i phyir/

mthar gyis pa'i rgyun tu zhugs pa'i rtogs pa ni mthong ba'i sa
yin te/ kun sbyor gsum spangs pas rab tu phye ba'i rtogs pa yin
pa'i phyir/ lan cig phyir 'ong ba'i rtogs pa chos can/ bsrabs
pa'i sa yin te/ phal cher la 'dod chags dang bral

@141a @#/ /bas rab tu phye ba'i 'bras gnas kyi rtogs pa yin pa'i
phyir/ phyir mi 'ong ba'i rtogs pa ni/ 'dod chags dang bral ba'i
sa yin te/ tha ma'i cha mthun lnga spang bas rab tu phye ba'i
'bras gnas kyi rtogs pa yin pa'i phyir/ nyan thos dgra bcom

pa nyid kyi rtogs pa ni/ byas pa rtogs pa'i sa yin te/ gong ma'i
cha mthun lnga spangs pas rab tu phye ba'i theg pa chung ngu'i
rtogs pa yin pa'i phyir/ ces bya ba drug dang/ nyan thos kyi
'bras bu lhag ma la zhugs pa gsum gyi rtogs pa chos can/ nyan
thos kyis

yin te/ nyan thos kyi 'bras zhugs lhag pa'i rtogs pa yin pa'i
phyir/ 'dir nyan thos kyi sa zhes gcig tu sdud pa'i rgyu mtshan
yod de/ 'dir bltas nas 'da' ba dang/ gnas nas 'da' bar bya ba'i
theg pa'i tshul gsum rnam par bzhag pa mdzad nas de

las 'das pa sa bcu pa'i mtshan nyid bshad par dgongs pas nyan
thos kyis zhes gcig tu bsdus pa'i phyir/ rang sangs rgyas 'phags
pa'i mngon rtogs ni chos can/ rang sangs rgyas kyi sa yin te/
theg 'bring gi 'phags pa'i rtogs pa yin pa'i

phyir/ sngar ji skad bshad pa'i byang chub sems dpa'i sa rnam pa
dgu po ni/ byang chub sems dpa'i sa zhes 'da' bya sa dgu'i gcig
kho na ste 'da' bya sa dgu'i gnas nas 'da' ba'i sa gcig tu bsdus
nas bzhag pa'i phyir/ gnyis pa ni/ de ltar mdo las

sa dgu 'das nas bstan ma thag pa mngon par shes pa chen po'i las
la dbang ba'i smon lam shes pa gang gis sangs rgyas kyi sa de la
gnas pa rjes thob de ma thag sangs rgyas kyi sa zhes bshad pa de
ni byang chub sems de'i sa bcu pa yin par shes par bya ba yin
no/ /sa de la

@141b gnas pa'i byang chub sems dpa'i dbang du byas nas/ sa bcu
pa la ni byang chub sems dpa'i sangs rgyas kho nar brjod par
bya'i yang dag par rdzogs pa'i sangs rgyas ni ma yin no zhes mdo
las 'byung ba'i phyir/ /rgyud bla ma las/ byang chub sems de'i
tshul 'di ni/ /rjes thob de bzhin gshegs rnams dang

sems can yang dag sgrol ba la/ 'jig rten na ni mnyam pa nyid ces
gzhan don mdzad pa'i 'bad rtsol rags pa zhi nas/ sems can thams
cad la 'phrin las 'jug pa tsam du sangs rgyas dang mnyam par
gsungs pas sangs rgyas su brjod la/ ma rig bag chags kyi sa
dang/ mtshan ma'i

spros pa las byung ba'i zag med kyi las dang/ yid kyi rang bzhin
kyi lus dang/ bsam gyis mi khyab par bsgyur ba'i 'chi 'pho zad
par ma sdangs? pas chos kyi sku gtsang ba dag bde ba dang/ bdag
dam pa dang/ rtag pa'i pha rol tu phyin pa ma thob pas rdzogs
pa'i sangs rgyas zhes mi

bya'o; ;smon lam zhes pa ni/ dbang bcu khyad par can thob pa
ste/ chos sku mngon du mdzad bzhed na dbang bsgyur thob pa'o/
/gsum pa gnyen po'i tshogs bye brag tu bshad pa la/ mtshams sbyar
ba dang/ rtsa ba dang/ 'grel pa'o/ /dang po ni/ gnyen po'i zhes
so/ /

gnyis pa ni/ theg chen gyi mthong dang goms pa'i lam dag la chos
can/ gnyen po rnam pa brgyad yod ces bya ste/ spang bya gzung
dang 'dzin pa'i rnam rtog brgyad po rnams nye bar zhi bar bya
ba'i grangs kyi sa brgyad yod pa'i phyir/ mdo ni/ rab 'byor gang

yang 'di skad du theg pa de gang nas 'byung bar 'gyur/ zhes
smras pa ni de mi dmigs pa'i tshul gyis khams gsum nas 'byung bar
'gyur zhing/ gnyis su med pa'i tshul gyis rnam pa thams cad
mkhyen pa gang na bder gnas par 'gyur ro zhes so/ /gsum

@142a @#/ /pa ni/ theg pa chen po'i mthong sgom gyi lam gnyis po
kho na'i spang bya sel ba'i nus pa'i gnas skabs kyi khyad par
chos can/ gnyen po rnam pa brgyad yod de/ spang bya mi mthun
pa'i phyogs kyi rab tu dbye bas brgyad yod pa'i

phyir; mi mthun phyogs brgyad du dbyer yod de/ kun brtags dang
lhan skyes kyis bsdus pa'i gzung ba dang 'dzin par rnam par rtog
pa brgyad nye bar zhi bar bya ba'i phyir ro/ /mthong spangs dang
sgom spangs kyi gnyen po/ mdo las bden pa gnyis ka'i rnam

pa la brten nas mngon du bya ba ste shes par bya bar bstan te/
nges par 'byung sa 'byung byed kun rdzob tu khas blangs pa kun
rdzob bden pa la brten nas/ mthong spangs gzung 'dzin gyi gnyen
po gsungs la/ don dam par de bkag pa don dam bden pa la brten
nas

sgom spangs gzung 'dzin gyi gnyen po shes par bya bar gsungs
pa'i phyir/ mi mthun phyogs kyi dbye bas gnyen po rnam pa brgyad
du dbyer rung ste/ gzung ba'i rnam par rtog pa zhes gzung rtog
gnyis dang/ 'dzin rtog gnyis kun brtags kyi sa bon dang lhan

skyes kyi sa bon so sor rim pa bzhin mthong ba'i lam dang sgom
pa'i lam la spong bas so/ /bzhi pa nges par 'byung ba'i bsgrub
pa la/ mtshams sbyar ba dang/ rtsa ba dang/ 'grel ba'o/ /dang po
ni/ de ltar bsam pa dang sbyor ba rgya chen pos dpung gi tshogs

bsags pa ni rnam mkhyen du nges par 'byung bas zhes so/ /gnyis
pa ni/ nges par 'byung rnam pa brgyad kyi bdag nyid 'di nyams su
len pa'i bya ba nges 'byung bsgrub pa yin shes bya ste/ nges par
'byung sa ched du bya ba sogs spyi dang bye brag brgyad kyi sgo

@142b nas shes par bya ba'i phyir/ mdo ni/ bcom ldan 'das theg
pa chen po zhes bgyi ba 'di ni lha dang mi dang lha ma yin du
bcas pa'i 'jig rten zil gyis mnan nas 'byung bar 'gyur ro/ /zhes
so/ /gsum pa ni/ nges par 'byung ba'i bsgrub pa ni rnam pa
brgyad yin no/ /

nges par 'byung sa thams cad don dam par mi dmigs pa nyid kyis
khyad par du byas par rtogs shing/ tha snyad du nges par 'byung
bar bya ba rnam pa brgyad du nges pa yin pas so/ /nges par
'byung sa brgyad du nges te/ brgyad yod cing nges par 'byung bar
bya ba'i

gzhi brgyad pa de lta bu dag las khyad par du 'phags pa'i chos
gzhan med pa'i phyir/ brgyad po gang zhe na/ tshad du bya ba chen
po gsum ji skad bshad pa dang/ lo tstsha ba chen po sgrub pa'i
khyad chos su 'chad do/ /chos thams cad bden pas stong par mnyam
pa nyid

du gzigs pas khyad par du byas nas/ sems can thams cad kyi sdug
bsngal bsal byar mnyam par mkhyen pa'i thugs rje chen po ni sems
chen po dang/ sbyor ba'i sgo nas sems can gyi don phyed par te
mtha' yas par byed pa dang/ de'i khyad par rgyud

bla ma las/ brgya byin rnga? sprin tshangs pa dang/ zhes sogs
ltar/ rtog pa dang rtsol ba'i mtshan ma med par thams cad byed pa
nyid kyis gzhan don lhun gyis grub pa dang gsum ni sems chen
po'i khyad par ro/ /srid zhi'i mtha' spangs pas mthar 'dzin gyi

rtag pa dang chad pa dang bral ba'i ngo bo'i gnas skabs kyi
khyad par spang bya zad pa thob pa dang/ spang bya zad pas theg
pa gsum gyi rtogs bya'i don thams cad 'thob pa gnyis ni/ spong
ba chen po'i khyad par dang/ ji skad bshad pa'i sems bskyed la
sogs pa

@143a @#/ /bcu mngon sum du mkhyen pa'i rnam pa thams cad mkhyen
de'i khyad par gyi lam rdo rje lta bu'i ting nge 'dzin gyis
bsdus pa ste brgyad do/ /phyi ma gnyis ni rtogs pa chen po'i
khyad par du shes par bya ste/

khyad par gyi lam sa brgyad pa yan chad la byas na/ nges 'byung
bsgrub pa yang de nas yod par shes par bya'o/ /gsum pa skabs
bsdu ba ni/ shes rab kyi pha rol tu phyin pa'i man ngag gi bstan
bcos mngon par rtogs pa'i rgyan ces bya ba'i 'grel ba'i

rnam bshad snying po'i rgyan ces bya ba las skabs dang po'i
'grel ba'i bshad pa'o/ /skabs 'dir/ 'grel chen du/ de bzhin gshegs
pa dang 'brel pa rjes su bsgrub par bya ba nyid kyis/ spyod par
gyur pa'i rnam pa thams cad mkhyen pa nyid kho na sems

bskyed pa la sogs pa'i rang bzhin/ rgyu dang 'bras bu'i bdag
nyid kyi sgo nas 'dir yang nas yang du bzlas pa'i phyir na
gzhung 'di'i le'u yin no zhes pas ni/ yul gyis yul can mtshon
pa'i tshul gsal bar bstan te/ don du gnyer bya'i rnam mkhyen de/

sems dang po bskyed pa nas/ sems bskyed nyer gnyis rim gyis
mngon sum du nyams su myong zhing/ de bzhin du bsgrub pa bzhi
yang rim pa bzhin du mngon sum du nyams su myong nas da lta
chos
bcu ga mngon sum du gyur pa'i bdag nyid du bzhugs

pa'o zhes rnam mkhyen mtshon byed kyi chos bcus yang dang yang
du bzlas te brjod pa yin no/ /'dis kyang bstan pa rin po che sgo
thams cad nas phyogs thams cad du dar zhing rgyas la yun ring du
gyur cig / // ! bla ma rje btsun

@143b dam pa rnams la phyag 'tshal lo/ /de ltar thob bya'i 'bras
bu rnam pa thams cad mkhyen pa nyid bshad nas/ gnyis pa rnam
mkhyen der bgrod pa'i lam shes bshad pa la/ 'grel bkod pas
mtshams sbyar ba dang/ chos bcu gcig gis lam shes mtshon

te bstan pa dang/ skabs bsdu ba'o/ /dang po ni/ rnam pa thams
cad mkhyen pa nyid mngon sum du rtogs shing thob pa ni der bgrod
pa'i lam shes pa nyid rdzogs par bsgom zhing yongs su shes pa
med na rnam mkhyen thob pa med pas sngar bshad pa de rnams las

rgyu tsam zhig drangs nas lam shes pa nyid 'chad do/ /'grel chen
du/ gal te de lta yin na rab tu dga' ba la sogs pa'i sa rnams
kyang der smos pas byang chub sems dpa' rnams kyi mthong ba la
sogs pa'i lam bstan pa yin pa'i phyir/ yang ci'i

phyir bstan ce na/ brjod par bya ste/ rgyu dang 'bras bu ma lus
par thugs su chud pa la ltos te de bzhin gshegs pa rnams kyi
rnam pa thams cad mkhyen pa nyid ces brjod pa yin pas/ rgyal
ba'i sras rnams kyi lam ni de las gsungs pa ma yin no zhes

dogs pa bsal ba'i phyir/ de nyid las rgyu tsam zhig drangs nas
byang chub sems dpa' rnams kyi mthong ba la sogs pa'i lam gyi
bdag nyid can lam shes pa nyid du logs shig tu bzhag pa yin no/
/zhes bshad pa de'i don ni/ sngar yang lam shes

kyis bsdus pa'i mthong sgom kyi lam bstan mod kyi chos bcu mngon
sum du rtogs pa don du gnyer bya'i rnam mkhyen yin no zhes bstan
pa na/ rnam mkhyen gyis chos thams cad mngon sum du gzigs mod
kyi/ de thob par byed pa la gnas lugs kyi don gcig

@144a @#/ /bu bsgoms pas chog gi /theg pa gsum gyi lam rdzogs par
bsgom pa dgos pa med do snyam pa'i log par rtog pa dgag pa dang/
yang dkon mchog gsum la skyabs su song ba tsam gyis kyang/ rnam
mkhyen thob snyam

pa dang 'khor bas yid 'byung zhing 'khor ba la skyo ba bsgom pa
ni/ nyan thos dang rang sangs rgyas rnams la mdzes kyi byang
chub sems dpa' rnams gzhan don du 'khor bar bzhugs dgos pas de
lta ma yin no snyam pa'i rnam mkhyen gyi lam la

log rtog dgag pa'i ched du sngar bshad pa'i chos bcu'i nang nas
rgyu tsam zhig logs su bkar nas rnam mkhyen thob par 'dod pas
lam gsum po 'di dag rdzogs par bsgom na rnam mkhyen du bgrod
pa'i lam shes pa zhes bya ba'i grangs su 'gro

ba yin gyi/ gzhan du lam nyi tshe ba las 'bras bu yang nyi tsho ba
las mi 'byung bar shes pa'i ched du le'u logs su mdzad pa yin
no/ /da lta nyid kyang de lta bu snang ste/ theg pa chen po'i
lam nyams su len pa skad zer zhing/ lam thun mong ba'i rkang

grangs tsam yang mi shes par snang ba'i phyir ro/ /dag don ni/
rnam mkhyen gyi rjes su lam shes 'chad pa'i rgyu mtshan yod de/
de thob par byed pa la lam rdzogs par bsgom dgos par shes pa'i
ched yin pa'i phyir/ gnyis pa la/ lam shes

shes kyi yan lag dang/ lam shes kyi rang bzhin no/ /dang po la/
rtsa ba dang/ 'grel pa'o/ /dang po ni/ 'dod gzugs kyi lha rnams
kyi nga rgyal bcom nas sems bskyed kyi snod du rung bar bya ba'i
phyir tu de bzhin gshegs pa'i rang bzhin gyi

@144b 'od kyis lha rnams kyi 'od mog mog por mdzad pa dgos pa
yod de/ sems bskyed dang lam shes skye ba la gong ma'i khyad par
don du mi gnyer ba'i nga rgyal bcom pa dgos par shes pa'i ched
yin pa'i phyir/ mdo ni/ de bzhin gshegs pa'i rang bzhin kyi 'od

kyi drung na lha rnams kyi las kyi rnam par smin pa las byung
ba'i 'od ni lhan ne ma yin/ lhang nge ma yin gyi de bzhin gshegs
pa'i 'od 'ba' zhig rab ces bya'o zhes dang/ btsun pa rab 'byor
byang chub sems dpa' sems dpa' chen pos ji ltar shes rab kyi

pha rol tu phyin pa la gnas par bya/ byang chub sems dpa' sems
dpa' chen po'i shes rab kyi pha rol tu phyin pa ni gang yin zhes
so/ /lam shes skye ba'i rten gyi yul nges pa yin te/ lam gsum
rdzogs par sgom pa'i lam la mkhas pa la ni/

de'i sngon du rigs can gsum ga'i don du sangs rgyas thob 'dod
kyi rten nges par dgos pa'i phyir/ mdo ni/ 'on kyang gang yang
gal te de dag bla na med pa'i byang chub tu sems bskyed na de
dag la yang rjes su yi rang bar bya'o/ /zhes so/ /byang chub
sems

dpa' las gzhan la lam shes skyer mi rung ba ma yin te/ sems can
thams cad la sangs rgyas kyi rigs kyis khyab pa'i phyir/ 'di'i
thad kyi mdo las/ lha'i bu gang dag gi bla na med pa yang dag
par rdzogs pa'i byang chub tu sems ma bskyed pa de dag gis

kyang bla na med pa yang dag par rdzogs pa'i byang chub tu sems
bskyed par bya'o/ /gang yang dag pa'i skyon med pa la zhugs par
'gyur pa de dag la ni bla na med pa yang dag par rdzogs pa'i
byang chub tu sems bskyed pa'i mthu med do/ /de ci'i phyir ce
na/ de

@145a @#/ /dag gis 'khor ba'i rgyud kyi mtshams bcad pa'i phyir
ro/ /zhes pa'i don ni/ skyon med pa la zhugs pa nyan thos bskye
am pa yin la/ de snying rje dang smon lam gyi dbang gis kyang
'khor bar skye ba mi len zhing/ las

nyon gyis skye ba ch d du gtad nas 'gog pas 'khor bar skye ba'i
rgyun gcod pa'o/ /'dir smos pa'i dgos pa ni/ nyan thos ma nges
pa'i rigs can theg pa chen po la gzhug pa dang/ zhugs zin pa
rjes su bzung ba'i don du'o/ /'di'i thad du 'grel

chen las/ mgon po klu sgrub dang de'i rjes su 'brang ba mthar
thug pa'i theg pa gcig tu smra ba rnams/ mdo 'di dgongs pa can
du bzhed pa dang/ slob dpon thogs med dang de'i rjes su 'brang
ba mthar thug pa'i theg pa gsum du smra ba rnams/ mdo 'di

sgra ji bzhin par 'dod pa'i lugs gnyis bkod pa ni/ slob dpon
thogs med kyis rnam par rig pa tsam du smra ba'i shing rta'i
srol phye bar bzhed pa yin gyi/ slob dpon thogs med nyid sems
tsam par bzhed pa ni ma yin te/ slob dpon thogs

med kyis rgyud bla ma'i don 'grel pa na/ mthar thug theg pa gcig
tu bsgrubs pa dang/ stong pa nyid kyi lta ba yang/ theg bsdus
dang/ sa sde sogs nas 'byung ba dang mi 'dra bar/ dbu ma'i lugs
su gsal bar bkral la/ de ltar slob dpon yang 'phags

pa thogs med kyi dgongs pa yin par bzhed pa'i phyir ro/ /lam
shes ni nyan thos kyi lam las rang bzhin khyad 'phags te/ nyon
mong sgtso bor mi spong bar gzhan don sgrub pa'i yal lag tu byed
pa'i rang bzhin can yin pa'i phyir/ mdo ni/ kho bo

@145b ni de dag gi dge ba'i rtsa ba'i phyogs la bar chad mi byed
de zhes so/ /nyan thos las de'i las kyang khyad 'phags te/ dus
ma yin par yang dag mtha' mngon du mi byed cing/ sems can mtha'
yas pa smin cing grol ba'i byed las can yin pa'i phyir/ mdo ni/

khyad par du 'phags pa'i chos rnams las chos khyad par du 'phags
pa'i chos rnams thob par bya'o/ /zhes so/ /gnyis pa la lnga'i/
gegs dang bral ba'i rten ni/ de bzhin gshegs pa'i rang bzhin gyi
'od dag gis lha la sogs pa'i zag bcas kyi las kyi

rnam par smin pa'i 'od mog mog por mdzad pa ni chos can/ dgos pa
yod de/ mngon pa'i nga rgyal bcom nas sems bskyed dang lam shes
pa nyid skye bar rung ba nyid du sgrub pa'i ched yin pa'i phyir
dang/ phyis kyang mngon pa'i nga rgyal bcom pa'i rgyud kho na la

sems bskyed dang lam shes kyi rtogs pa skye'o zhes shes par bya
ba'i phyir tu mdzad pa'i phyir/ mdo'i tshig zur gyis sems bskyed
dang lam shes skye ba'i rten brjod pa yin no/ /nga rgyal bcom
pa'i rgyud kho na la de dag skye bar bstan pa de'i phyir/ gnyis
pa lhan

cig byed pa'i rkyen ni/ lam shes de yang chos can/ khyod dngos
su skye ba'i rten gyi yul so sor nges pa yin te/ khyod lam gzhan
gyis bar ma chad par skye ba'i gang zag de ni byang chub tu sems
bskyed pa kho na yin pas so/ /de yang rigs can gsum ga'i lam

mngon sum du shes pa la goms par byed pa ni rigs can gsum ga'i
den byed par 'dod pa yin la/ de'i don rdzogs par sangs rgyas las
gzhan gyis mi nus pas/ sangs rgyas thob 'dod sngon du btang nas
de'i thabs su lam gsum bsgom par gsal

@146a @#/ /te; gzhan du na lam ji ltar nyams su len pa'i dbye ba
la mi mkhas par gsal lo/ /de ltar las dang po pa rnams kyis
kyang rnam mkhyen myur du thob par 'dod na lam gsum ga shes par
bya'o/ /zhes bstan pas lam shes

kyi rten du sems bskyed dgos par shes pa yin no/ /gsum pa rigs
kyis khyab par bstan pa la/ tshig don dang/ mtha' dpyad pa'o/
/dang po ni/ khams gsum las 'dod chags dang bral ba/ nyan rang
dgra bcom pa dang cig shos kyi rnal 'byor pa 'dod

chags dang ma bral bas kyang chos can/ rigs kyis khyab pa yin
te/ sangs rgyas nyid thob par bya ba'i phyir tu lam shes pa nyid
bsgom par bya ba yin pas so/ /de ltar yin te/ skye bo sems can
thams cad bla na med pa yang dag par rdzogs pa'i byang

chub kyi mthar thug par 'gro ba can yin pa de'i phyir/ de ltar
yin te/ mthar thug pa'i theg pa gsum rnam par bzhag pa ni dgongs
pa can yin gyi/ sgra ji bzhin pa'i nges don mtshan nyid pa ni ma
yin no zhes shing rta chen po klu sgrub dang thogs med kyi

lugs las 'byung bas so/ /gnyis pa la/ mthar thug theg pa gcig tu
bsgrub pa dang/ gsum du 'dod pa'i lugs gzhan dgod pa dang/ 'khor
ba la mtha' yod med dpyad pa dang/ nyan rang theg chen gyi lam
gang nas 'jug dpyad pa'o/ /dang po la lung

ni; lang kar gshegs pa las/ blo gros chen po nyan thos kyi theg
pa pa rnams ni nyan thos kyi theg pas grol ba ma yin gyi/ 'on
kyang de dag ni theg pa chen po'i mthar thug pa yin no/ /zhes pa
dang/ pad-ma dkar po las/ drang srong chen pos theg pa gsum

@146b bstan do/ /rnam 'dren rnams kyi thabs la mkhas pa ste/
/theg pa gcig ste gnyis su yod ma yin/ /bsti ba'i don du theg pa
gsum bstan to/ /zhes pa dang/ dpal phreng gi mdo las/ yongs su
mya ngan las 'das pa zhes bya ba 'di ni/ de bzhin gshegs pa
rnams

kyi thabs so/ /zhes dang/ yang mdo las/ 'jam dpal gal te de
bzhin gshegs pa/ kha cig la ni theg pa chen po ston par 'gyur
la/ kha cig la ni nyan thos dang/ rang rgyal gyi theg pa ston
na/ de ni de bzhin gshegs pa'i thugs yongs su ma dag par 'gyur

mngon par zhen pa'i nyes par yang 'gyur/ thugs rje chen po nyi
tshe bar yang 'gyur/ 'du shes tha dad par yang 'gyur/ chos la
slob dpon gyis dpe mkhyud byas par yang 'gyur ro zhes/ rigs can
gsum gyi rgyu mtshan lngas sangs rgyas nyid kyis brnyed pa'i

go 'phang la 'god par gsungs pa'i phyir ro/ /rigs pa ni/ chos
dbyings rang bzhin gyis rnam par dag pa bden pa'i spros pa mtha'
dag dang bral ba sems can thams cad la khyad par med par yod
cing/ de la rang gi ngo bo'i dbye ba mi 'dra ba cung zad kyang
med la/

de la phyin ci log tu 'dzin pa nyon mongs thams cad kyi rtsa ba
phung po la sogs pa bden par 'dzin pa'i bden 'dzin de nyid thag
khra la sprul 'dzin ltar rtsa ba mi brtan pa sems rgyud la glo
bur du byung ba gnyin pos 'brel du rung ba yin pas/ sems can
thams

cad? kyi dri ma 'bral rung yin na/ nyan thos dang rang sangs
rgyas dgra bcom pa zhi ba'i dbyings las bzhengs pa dag gi rgyud
kyi shes bya'i sgrib pa spang du mi rung ba dang/ de spong ba'i
thabs ston pa'i sangs rgyas kyi mdzad pa 'dor pa mi sred pa'i
phyir ro/ /gzhan yang

@147a @#/ /'og nas mtha' gzhan 'gog pa'i rigs pa 'chad par 'gyur
ba rnams so/ /'o na mthar thug theg pa gsum du gsungs pa rnams
dang 'gal lo zhe na/ skyon med de dper na ded dpon thabs la
mkhas pas lam ring pos dub?

ba'i 'gron po rnams dbugs dbyung ba'i ched du/ rgya mtsho'i gling
du grong khyer sprul pas dbugs phyin pa dang slar yang/ rin po
che'i gling du rim gyis phyin par byed pa ltar/ 'khor ba'i lam
gyis dub ste/ dang por theg pa chen po'i lam la 'jug par mi

'dod pa rnams la/ sprul pa'i grong khyer dang 'dra ba'i mya ngan
las 'das pa gnyis bsti ba'i don du bstan pa ni/ de bzhin gshegs
pa rnams kyi thabs la mkhas pa yin no/ /theg pa chen po'i rigs
can gyi gdul bya 'ga' zhig la/ mdo sde

dgongs pa nges 'grel la sogs pa rnams las mthar thug theg pa
gsum du gsungs pa ni/ theg pa chen po'i rigs can yin yang/ re
shig zab mo'i lam bstan du mi rung ba'i gdul bya rnams drang
ba'i don du dgongs te gsungs pa yin

te; dgongs pa'i gzhi ni/ gnas skabs mos pa mi 'dra ba dang/
khams mi 'dra ba rnams la theg pa so so'i lam nas 'khrid dgos pa
la dgongs la/ dgos pa ni/ gzugs 'dzin rdzas tha dad kyis stong
pa bden par grub pa ma bkag par/

theg pa chen po'i lam la bkri bar bya ba'i rigs can rjes su
bzung bar bya ba'i ched yin la/ sgras zin la gnod byed ni chos
thams cad bden stong du sgrub pa'i rigs pa rnams dang/ 'og nas
mtha' gzhan 'gog pa'i rigs pa rnams so/ /

@147b gnyis pa ni/ rnam par rig pa tsam du smra ba rnams ni/ mdo
sde dgongs pa nges 'grel gyi sgra ji bzhin pa la brten nas/
mthar thug theg pa gsum du mdzad la/ de ltar byed pa'i rgyu
mtshan yang/ gzhan dbang dang yongs grub gnyis don dam par grub
pas

sems can gyi rgyud kyi theg pa so so'i lam du bkrir rung ba'i
zag pa med pa'i sa bon gyi rigs so sor nges pa kha cig kyang/
don dam par rigs so sor nges pa yin pas gnas skabs rkyen gyi
dbang gis mos pa dang bsam pa cung zad bsgyur du rung yang/

don dam par ngo bo nyid kyis so sor nges pas mthar thug pa'i
theg pa yang so so tha dad pa gsum du nges pa yin no/ /lugs 'di
la ni/ gtan yongs su mya ngan las mi 'da' ba'i chos can bshad pa
yang rang lugs su mdzad pa yin no/ /mthar thug

theg pa gcig tu bshad pa yang sgra ji bzhin pa ma yin pa'i drang
don du mdzad de/ dgongs gzhi ni/ theg pa gsum gyi chos dbyings
nam mkha' ltar tha dad med pa dang/ theg pa gsum gyi gang zag
rnams bdag med rtogs pa mtshungs pa dang/ sdug kun spangs

pa'i rnam grol mtshungs pa dang/ nyan thos ma nges pa'i rigs can
theg chen du zhugs nas sangs rgya bar 'gyur bas rigs tha dad
gnyis kyang lam gcig tu zhugs pa dang/ de bzhin gshegs pas dang
po nas byang chub sems dpa'i spyod pa spyad pa dang/

nyan thos rigs nges pa kha cig re shig byang sems kyi spyod pa
spyad nas mthar da btang ste myang 'das thob pa na/ de bzhin
gshegs pas sngon bdag gis byang sems kyi spyod pa spyod pas
sangs rgyas so/ /zhes dgongs pa bzhin du/ de la yang sangs rgyas

@148a @#/ /kyi mthus bdag sngon byang sems kyi spyod pa spyod pas
sangs rgya par 'gyur ro snyam pa'i bsam pa mtshungs pa thang gcig
tsam rnyed pa dang/ sprul pa'i nyan thos gdul bya'i don du lan
du mar nyan thos kyi theg pas mya ngan las

'da' tshul bstan pa dang/ mthar thug pa'i theg pa gcig las med
pa'i dgongs gzhi bdun la dgongs nas gsungs so/ /dgos pa nyan
thos rigs ma nges pa rnams theg chen du drang bar bya ba dang/
theg chen ma nges pa rnams theg pa gzhan du mi ltung

bar rjes su bzung bar bya ba'i phyir yin no/ /sgras zin la gnod
byed lung ni mdo dgongs 'grel sogs dang/ rigs pa ni gzhan dbang
dang yongs grub bden par sgrub pa'i rigs pa rnams so/ /gsum pa
ni/ 'di ltar dri bar bya ste/

sems can thams cad kyis sangs rgyas thob pa srid na/ sangs rgyas
phyi ma la sems can nyung shas 'ba' zhig gi don tsam byed dgos
pas gzhan don nyi tshe bar 'gyur zhing/ bsod nams kyi tshogs yongs
su rdzogs pa med par 'gyur ro/ /

sems can thams cad sangs rgyas pa'i tshe ni/ sems can gcig gi
yang don mi byed pas gzhan don rgyun chad par 'gyur zhing/ zhi
ba'i mthar lhung bar 'gyur ro/ /sems can thams cad sangs rgyas
thob pa mi srid na yang dag par rdzogs pa'i

sangs rgyas rnams kyis rang nyid kyis brnyes pa'i go 'phang de
la sems can thams cad dgod par bzhed nas 'khor ba ma stongs par
du mdzad pa bcu gnyis kyi tshul gyis chos kyi 'khor lo bskor ba
'bras bu med par 'gyur ba dang sems

@148b can thams cad 'khor ba'i sdug bsngal nye bar zhi ba tsam
don du gnyer ba yang theg pa chen po'i snying rje chen po mtshan
nyid yongs su rdzogs pa ma yin te/ bcom ldan 'das nyid kyis
brnyas pa'i go 'phang de la sems can thams cad mi 'god na/ chos
la

dpe mkhyud yod par thal ba la sogs pa'i gnod pa lnga gsungs pa
dang 'gal la/ sems can thams cad kyis 'khor ba'i sdug bsngal nye
bar zhi ba thob nus na/ mthar thug theg pa gcig tu legs par grub
pas sangs rgyas thob pa 'bad med du grub la/

thar pa tsam yang thob mi srid pa'i sems can yod na/ de sgra ji
bzhin pa min pa'i dgongs pa can du/ slob dpon 'phags pas lung
dang rigs pas bsgrub pa dang 'gal bas ji ltar yin brjod dgos
shing/ sems can thams cad sangs rgyas thob pa srid

na 'khor ba la mtha' med par bshad pa yang mi 'thad pa nyid du
'gyur ro/ /zhe na/ 'di la gnyis/ gzhan gyi lugs dgag pa dang/
rang gi lugs rnam par bzhag pa'o/ /dang po ni/ kha cig na re/
sems can thams cad sangs rgya bar nges pa lta zhog /

'tshang rgya rung tsam du yang sgrub mi nus te/ 'bras bu skye
rung bsgrub pa la rgyu'i tshogs pa tshang brtags su dgod dgos la/
sems can thams cad la sangs rgyas kyi rgyu tshogs tshang na thar
lam la ma zhugs pa'i sems can mi srid par thal bar 'gyur ro/
/rgyu

mtshan de nyid kyi phyir 'di tshun chad du sems can 'khor bar
'khor ba yod la 'di phan chad du med do/ /zhes pa'i 'khor ba'i
zad mtha' yang med do/ /mthar thug theg pa gcig tu sgrub pa'i
don yang lam zhugs kyi sems can thams cad 'tshang rgya

@149a @#/ /ba'i don yin no/ /zhes gsungs pa yang dam bca' rigs
pas grub par mi mngon te/ rgyu'i tshogs pa tshang na 'bras bu skye
rung gi khyab pa nges pa rigs pa smra ba'i dgongs pa yin gyi/
'bras bu skye rung yin na rgyu'i tshogs

pa tshang bas khyab pa dgongs pa ma yin te/ rigs pa dang 'gal
ba'i phyir ro/ /de yang nas kyi sa bon las nas kyi myu gu skye
rung yang tshogs pa tshang bar mi 'grub pa'i phyir dang/ gzhan
yang nyan thos 'phags pa rnams kyis sangs rgyas thob tu rung

dam mi rung dang po ltar na/ sangs rgyas kyi rgyu'i tshogs pa
tshang bar thal la/ 'dod na/ theg pa chen po'i lam zhugs su thal
zhing/ thal ba snga phyi gnyis ka'i rtags dang khyab pa khas
blangs shing/ thal ba phyi ma'i thal chos kyang khas blangs te/
sems

can thams cad lam zhugs tsam ma yin pa nyams so/ /gnyis pa ltar
na/ dngos su 'gal zhing/ mthar thug theg pa gcig yin pa dang
yang 'gal lo/ /yang sems can thams cad sangs rgya na sangs rgyas
pa srid par khas len dgos

so; ;zhes pa yang 'dod par shin tu gsal lo/ /gzhan dag na re/
'khor ba la phyi mtha' med pa'i tshul ni de ltar yin la/ sems can
thams cad 'tshang rgya ba yin yang/ sems can thams cad sangs
rgyas pa mi srid la/ sems can thams

cad sangs rgya na sems can thams cad sangs rgyas pa srid pas
khyab par 'dod na/ dngos po thams cad zhig pa srid par thal/
dngos po thams cad 'jig pa'i phyir/ ces pa'i thal ba la tshad ma
dang khas blangs kyi bsal ba gang yang ston rgyu med

@149b pa'i thal ba brjod par byed do/ /de yang 'dod na nyes ba
ci zhig yod/ dngos po thams cad zhig pa srid na dngos po thams
cad med pa srid par thal lo/ /zhes zer na ches shin tu 'dod pa
yin te/ dngos po thams cad med pa ma srid na/ dngos po med pa mi
srid par

khas len dgos par 'gyur ro/ /'di tshun chad du dngos po yod kyi/
'di phan chad du dngos po med par thal/ dngos po thams cad zhig
pa sred pa'i phyir/ ce na/ de'i don/ da phan chad dngos po mi
srid par thal ba'i don yin na/ 'o na 'di tshun chad du sngon

po yod la/ 'di phan chad du sngon po med pa bsgrub nus par thal/
sngon po zhig pa srid pa'i phyir/ rtags ma grub na/ rtag dngos
su thal/ rang rgyu las skyes nas zhig pa mi srid pa'i phyir/
dngos po thams cad zhig pa mi srid pa la yang/ thal ba der 'gyur
ro/ /

sems can thams cad sangs rgyas pa srid par thal/ sangs rgya ba'i
phyir/ ces pa la kha cig na re/ sems can thams cad shi zin pas
khyab par thal/ sems can thams cad 'chi bas khyab pa'i phyir/
ces pa'i nyes pa brjod pa ni/ blo gros shin tu

rtsid par gsal bar ston pa yin te/ thal ba snga ma la sems can
thams cad sangs rgyas zin pas khyab par thal zhes par 'dug gam/
sems can thams cad sangs rgyas pa srid par thal zhes par 'dug
legs par rtogs shig /sems can thams

cad 'tshang rgya ba yin gyi/ sangs rgya bar nges pa ma yin no/
/zhes smra ba ni rigs pa mi shes pa'i rnam 'gyur du gsal te/
khyod kyi sems can thams cad sangs rgya'o snyam pa'i nges shes
'di khyod rang gi rgyud kyi tshad ma'i stobs kyis 'ongs sam ma
'ongs/ dang

@150a @#/ /po ltar na/ sems can thams cad sangs rgya nges su
thal/ sems can thams cad sangs rgya bar chad ma'i stobs kyis
nges pa'i phyir/ khyab pa ma grub ste/ tshad ma'i stobs kyis nges
kyang don la ma nges pa'i phyir ro/ /

zhe na/ khyod kyi sems can thams cad sangs rgya'o snyam pa'i
nges shes 'di zhen yul la 'khrul ba'i log shes su thal/ khyed
kyi blos 'tshang rgya'o snyam du nges la/ don gyi gnas tshod la
sangs rgya ba'i nges pa cung zad kyang mi 'dug pa'i phyir/ gal

te mes du ba bskyed par tshad mas grub kyang bskyed par nges pa
ma yin te/ de lta na 'gal rkyen gyis gegs mi srid par 'gyur te/
rnam 'grel las/ ma nges pa ni nyid yin te/ /gegs byed pa dag
srid phyir ro/ /zhes bshad pas so/ /de bzhin du

sangs rgya bar nges na/ sangs rgya ba la 'gal rkyen gyi gegs mi
srid par 'gyur bas so/ /zhe na/ dpe don gnyis ka ma grub ste/
dpe de la yang mes du ba bskyed par tshad ma'i stobs kyis nges
na/ du ba bskyed par ma nges pa 'gal la/ tshad mas ma ngas na dam

bca'i don chad mas ma grub bzhin du dam 'cha' ba'i kho bo'i dam
bca' gang bzhag la sgrub byed yang dag ci yang med do/ /zhes
rang nyid shin tu blun par ston par zad do/ /gzhan yang nyan
rang 'phags pa rnams sangs rgya nges ma yin par thal/ 'tshang

rgya ba la 'gal rkyen gyi gegs srid pa'i phyir/ khyab pa khas
blangs/ 'dod na/ mthar thug pa'i theg pa gcig tu nges par rang
nyid kyang 'dod pa dang 'gal lo/ /rnam 'grel gyi gzhung de'i don
yang de ltar ma yin par de'i rnam bshad du rgyas par

@150b bshad zin to/ /de lta ma yin par khyed 'dod pa ltar yin
na/ bum pa yod nges ma yin par thal/ bum pa yod pa la 'gal rkyen
gyi gegs srid pa'i phyir/ des na bskyed pa la 'gal rkyen gyi
gegs srid kyang/ da mi bskyed par byed mi rus pa la 'gal ba ci
zhig

yod; gnyis pa ltar na sems can thams cad sangs rgya'o snyam pa'i
khyed kyi nges pa de khyed rang gi tshad ma'i stobs las 'ongs pa
ma yin na/ khyed kyis sems can thams cad sangs rgya'o zhes dam
'cha' ba mi rigs par thal ba dang/ sangs rgya'o snyam

pa'i khyed kyi dpyad shes don mthun mi 'jug par thal/ sangs rgya
ba de khyed kyi rgyud kyi tshad mas ma grub pa'i phyir/ khyab pa
med na/ mi snang ba ma dmigs pa'i gtan tshigs yang dag med do
zhes skur ba gdab dgos par 'gyur la/ de lta na gtan tshigs

yang dag gzhan la yang rigs mtshungs pas lkog gyur mtha' dag la
sgrub byed ci yang med do zhes khas len dgos par 'gyur ro/ /des
na rtog ldan mkhas pa dang/ rmongs pa'i khyad par ni rang gis
khas blangs pa'i dam bca'i don tshad mas grub pa'i tshul

legs par 'jog shes pa dang mi shes pa'i khyad par ro/ /sems can
thams cad sangs rgya ba chad mas grub nas sangs rgya ba yod nges
ma yin na/ tshad mas dmigs pa yod nges kyi 'jog byed ma yin par
'gyur la/ sangs rgya bar yong nges

yin nas sangs rgya bar nges pa ma yin zhes smra ba las mi rigs
pa gzhan ci zhig yod/ sems can thams cad kyi gnas tshod kyi ngos
nas sangs rgya ba dang mi rgya bar thag chod dam mchod/ phyi ma
ltar na khas blangs 'gal la/ dang po ltar na/ 

@151a @#/ /sangs mi rgya bar thag chod na khas blangs 'gal la/
rgya par thag chod na sangs rgya ba ma ngas par 'gal lo/ /sems
can gyi gnas chod kyi ngos nas gang du yang thag mchod na/ sangs
rgya bar khyed kyis thag bcad pa

de 'brel ba med par 'gyur ro/ /dri med rigs lam 'byed pa'i mthu
med cing/ /gsung rab gdams par 'char ba'i man ngag med/ /rgyal
ba'i dgongs pa 'grel lo zhes smra ba/ /sangs rgyas bstan la
btang snyoms byas na mdzes/ /gnyis pa ni/ sngar

bshad pa ltar/ sangs rgya bar khas blangs nas 'tshang rgya nges
su khas mi len pa ni rigs pa dang 'gal bar bshad zin la/ sems
can thams cad sangs rgya bar mi 'grub bo zhes pa de yang rigs
pas dpyad mi bzod de/ sems can thams cad kyi

sems rang bzhin gyis rnam par dag pa ma yin na/ shes bya la bden
par grub pa'i chos srid par khas len dgos pas/ chos thams cad
bden stong du tshad mas mi 'grub pa'i phyir/ don dam pa'i bden pa
bzhag tu med par 'gyur la/ sems rang

bzhin gyis rnam par dag pa tshad mas grub na bden 'dzin bag chab
dang bcas pa'i dri ma sems la 'bral rung du glo bur bar rigs pa
de nyid la brten nas 'grub la/ gzhan du na mu stegs spyod pa pa
ltar/ dri ma sems kyi rang bzhin la zhugs par khas len

dgos par 'gyur ro/ /snga ma 'bral rung du tshad mas grub kyang/
dri ma 'joms pa'i gnyen po rgyud la skye rung du ma grub bo zhe
na/ sems can rnams kyi rgyud kyi dri ma de 'joms par byed pa'i
thabs med pa'i phyir ram/ thabs yod kyang shes pa su yang

@151b med pa'i phyir ram/ de yod kyang thabs la don gnyer dus
nam yang skye ba mi srid pa'i phyir ram/ de srid kyang thabs
shes pa'i gang zag gis brtse bas kun nas bslang nas thabs de
ston par byed pa mi srid pa'i phyir ram/ bstan yang thabs de la
zhugs nas

goms par byed pa mi srid pa'i phyir yin grang/ dang po mi rigs
te/ bdag med rtogs pa'i shes rab goms par byas pa las/ dri ma
mtha' dag zad par byed nus pa'i phyir/ gnyis pa mi rigs te/ sems
can gyi don du thabs bdag med rtogs pa'i

shes rab goms pa mthar phyin pa'i ston pa rigs pas legs par grub
pa'i phyir/ gsum pa yang mi rigs te/ sangs rgyas rnams kyis
bskul ba la brten nas mngon mtho la don gnyer ma skyes pa'i sems
can mi srid pa'i phyir dang/ nges legs la

don gnyer re shig ma skyes kyang sems can thams cad sangs rgyas
kyi rigs gnyis dang ldan pa'i phyir dang/ sems can thams cad
sangs rgyas kyi go 'phang la dgod par bzhed pa'i thugs rje nyams
pa mi mnga' bas re shig cig na 'khor ba'i yid 'byung dang

myang 'das la don gnyer skye bar 'gyur ba'i phyir/ 'dir dpyad pa
gsum gyis dag pa'i lung gi gtan tshigs yang dag la brten nas
kyang grub pa yin no/ /bzhi pa yang mi rigs te/ sems can rang gi
ngos nas don gnyer skyes pa'i tshe sangs rgyas

bcom ldan 'das sems can thams cad la bu gcig pa lta bu'i brtse
ba nyams pa mi mnga' bas chos ston pa'i mdzad pa mi 'dor ba'i
phyir/ lnga pa yang mi rigs te/ re shig gi tshe na rigs sad byed
kyi rkyen tshang nas rigs sad par 'gyur ba/ rgyud bla

@152a @#/ /rtsa 'grel la sogs pas legs par sgrub pa'i phyir ro/
/des na sangs rgyas mi srid pa'i gang zag mi srid par khas
blangs nas sems can thams cad 'tshang rgya ba ma yin pa dang/
sangs rgya yang rgya ngos ma yin no/ /zhes khas

blang bar mi bya'o/ /'o na sems can thams cad sangs rgyas pa
srid par thal/ sangs rgya ba'i khyer ce na/ 'dod pa kho na'o/
/sangs rgyas zin par thal ba 'phon pa ni/ mi rigs par bshad zin
to/ /'o na sems can nam yang med pa srid par thal/ sems

can thams cad sangs rgyas pa yod pa'i phyir/ ce na/ khyab pa med
de/ khyod sangs rgyas pa yod na khyod med par 'gal lo/ /sems can
med pa srid par thal ba ni 'dod pa kho na ste/ dngos po gtan med
yod pa'i phyir ro/ /sangs rgyas rnams kyi don bya yul gyi sems

can med pa srid par thal ba yang 'dod pa ste/ sngar ltar ro/
/sangs rgyas kyi don bya yul gyi sems can rgyun chad pa srid par
thal/ sems can thams cad sangs rgyas pa yod pa'i phyir/ 'o na
byang sems sa brgyad pa ba chos can/ khyod rgyun chad pa srid

par thal/ khyod sangs rgyas pa yod pa'i phyir/ khyab pa yang
stobs mtshungs pas gsum ga khas blangs so/ /khyed kyi khyab pa
de'i sgrub byed/ sangs rgyas yin na sems can min pas khyab pa la
bsams ma bsams legs par rtogs shig /de yang

zhib tu brtags na sems can thams cad sangs rgyas pa yod pa dang/
sems can thams cad sangs rgyas pa gnyis kyi khyad par ma phyed
pa'o/ /sems can thams cad sangs rgyas pa yod na/ de gang la yod
cing dus nam gyi tshe yod ce na/ 'o na khyed kyis

@152b sems can gyi don du sangs rgyas thob par bya'o snyam pa'i
thob bya yang dag par rdzogs pa'i sangs rgyas de gang gi rgyud
la yod cing dus nam gyi tshe yod/ rang nyid mngon par rdzogs par
sangs rgyas pa'i tshe???? /de'i rgyud la yod kyi byang chub sems
dpa'

tshogs lam pa'i rgyud la de'i thob bya sangs rgyas med pa'i phyir
te/ rgyu 'bras dus mi mnyam pa'i phyir ro zhe na/ cig shos la
yang de ltar smras pa la mi rigs pa ci zhag yod/ 'khor ba la
thog ma yod na rgyu med du 'gyur bas thog ma'i mtha' med la tha
ma'i

mtha' yod dam med ce na/ kha cig na re/ 'khor ba spyi tsam la
phyi mtha' med la/ 'khor ba bye brag pa la phyi mtha' yod de/
/zhes smra ba ni 'gal te/ dngos po la mi srid pa'i bum pa la yod
pa 'gal ba'i phyir ro/ /des na 'khor ba spyi dang bye brag gang
la yang phyi

mtha' yod la/ lung kha cig las/ 'khor ba la phyi mtha' mi mngon
par gsungs pa ni/ sems can kha cig /dus 'di tsam mthar?  pa thob
la/ de phan chad dang tshun chad du ma yin no zhes pa'i dus kyi
nges pa byis pa rnams kyis bsam par mi bya ba'i don

yin gyi/ sngar bshad pa ltar na thar pa thob mi srid par shes
par bya'o/ /kha cig 'khar ba la phyi mtha' med la/ sems can
thams cad sangs rgya'o zhes zer ba ni 'gal ba'i khur 'ba' zhig
go /spras pas chog ga /bzhi pa ni/ nyan thos dang rang sangs
rgyas

dgra bcom pa zhi ba'i dbyangs las bzhengs nas theg pa chen po'i
lam du 'jug pa na/ theg pa chen po'i tshogs lam nas 'jug pa'am/
'on te mthong lam yan chad nas 'jug /ces/ 'di la gzhan gyi 'dod
pa sun dbyung ba dang/ rang gi lugs rnam par bzhag

@153a @#/ /pa'o; ;dang po ni/ gzhan dag na re/ nyan thos la chos
kyi bdag med rtogs pa yod par 'dod pa ltar na ni/ theg chen gyi
mthong lam man chad du 'jug pa mi rigs te/ stong nyid sngar ma
rtogs pa mngon sum gyis gsar du rtogs pa'i

ched du theg pa chen po'i mthong lam bskyed dgos pa yin na/
stong nyid mngon sum gyis rtogs zin goms par byas pas dgos pa
med pa'i phyir ro/ /de ltar nas bdun pa yan chad nas 'jug la/
nyan thos la chos kyi bdag med rtogs pa med pa ltar na/

stong nyid mngon sum gyis gsar du rtogs pa'i theg chen gyi
mthong lam bskyed dgos shing/ de'i rgyur sgom byung gis stong
nyid don spyi'i tshul gyis sgom pa'i sbyor lam bskyed dgos la/ de
la yang stong pa nyid thos bsam gyis gtan la 'bebs dgos pas

theg pa chen po'i tshogs lam nas 'jug pa yin no/ /zhes zer to/
/de ni shin tu mi rigs te/ nyan thos la chos kyi bdag med rtogs
pa med par 'dod pa ltar na yang/ theg pa chen po'i mthong lam
rgyud la bskyed mi dgos par thal/ bdag med sngar ma

rtogs pa mngon sum gyis gsar du rtogs pa'i ched du theg chen gyi
mthong lam bskyed dgos pa yin pa la/ nyan thos dgra bcom pas
bdag med mngon sum du rtogs zin goms par byas pa'i phyir ro/
/zhes smras na lan ci yod/ theg chen gyi

mthong lam bdag med tsam mngon sum gyis gsar du rtogs pas rab
tu
phye ba ma yin gyi/ stong nyid phra mo mngon sum gyis gsar du
rtogs pas kyang khyad par du byas pas de gsar du bskyed dgos
pa'i phyir ro/ /zhe na/ 'o na lugs snga ma ltar

@153b na yang theg pa chen po'i mthong lam nges par rgyud la
bskyed dgos par thal/ de ni bsod nams kyi tshogs rgya chen po
dang/ ye shes kyi tshogs gnyis kyis khyad par du byas pa yin la/
bsod nams kyi tshogs kyis bsdus pa'i mthong lam de rgyud la gsar
du

bskyed dgos shing/ de'i rgyur tshogs sbyor yang bskyed dgos pa'i
phyir/ lugs snga ma ltar na/ theg pa chen po'i lam gyis bsdus
pa'i bsod nams kyi tshogs sa bdun pa yan chad du rdzogs par byed
pas skyon med do zhe na/ 'o na myur du bla na med pa'i byang
chub

thob par 'dod pas dang por nges par nyan thos kyi lam du 'jug
rigs par thal/ brtson 'grus 'bar bas nyan thos dgra bcom pa'i
'bras bu tshe gsum la thob nus shing/ de nas sa drug pa man chad
rgyud la bskyed mi dgos par sa bdun pa nas zhugs pas chog

pa'i phyir dang/ theg pa chen po'i tshogs sbyor la yang bskal pa
chen po grangs med pa gcig gi bar du tshogs bsag dgos pa'i phyir
ro/ /des na 'di la brten nas nyan thos dgra bcom pas theg chen
gyi tshogs sbyor man chad bskyed mi dgos pa dang/ sa brgyad pa ma

mthar byas nas de nas 'jug par 'dod pa sogs kyang mi 'thad par
shes par bya'o/ /gnyis pa ni/ des na nyan rang dgra bcom pas
bdag med pa phra mo gnyis ka mngon sum gyis rtogs par byas na
yang theg pa chen po'i lam du 'jug pa'i tshe ni/ tshogs lam

nas nges par 'jug ste bsod nams kyi tshogs kyis bsdus pa'i gsal
ba'i dbye ba mtha' yas pa thog mar thos bsam gyis legs par gtan
la phab nas de nas 'jig rten pa'i sgom byung gis bskal pa grangs
med pa'i bar du goms par byas pa las/ de'i

@154a @#/ /rjes su sa dang pos bsdus pa'i yon tan brgya phrag bcu
gnyis la sogs pa thob par byed pa'i phyir ro/ /de ltar bu tshogs
sbyor la gnas pa'i tshe/ so so skye bor 'dod pa ni 'phags pa'i
gang zag la skur ba 'debs shing/ 'jig rten

las 'das pa'i lam gyi spangs pa slar ldog pa thar pa la yid
brtan mi rung bar 'dod pa'i log lta chen por shes par bya'o/
/gzhan yang chos dbyings mngon sum gyis rtogs pa tsam du khyad
par med kyang mi mthun phyogs 'joms pa la sogs pa'i nus pa

dang mthu che chung gi khyad par sogs ni ri rab dang yungs
'bru'i tshod du shes par bya'o/ /des na nyan thos la chos kyi
bdag med rtogs pa yod pa'am med par 'dod kyang rung ste/ theg pa
chen po'i tshogs lam nas 'jug par shes pas? bya'o/ /'di la brten
nas theg pa

chen por rigs nges pa dang/ gnas skabs nyan thos su rigs nges pa
dus mnyam du tshogs lam nas 'jug pa gnyis bla na med pa'i byang
chub thob pa la/ theg pa chen po'i rigs can de nyid ches shin tu
myur zhing/ cig shos ches shin tu bul ba'i khyad

par yang shes par bya ste/ de'i rgyu mtshan rigs pa'i tshogs mtha'
yas pas brjod par nus mod kyi/ 'dir ni tshig mangs su dogs nas ma
bris so/ /'di'i rtsod gzhi'i gtso bo zhi ba bgrod pa gcig bu
ba'i nyan thos dang rang sangs rgyas dgra bcom pa yin no/ /

sems can thams cad 'tshang rgya ba'i shes byed du mthar thug theg
pa gcig tu bsgrubs pa yang sngar ltar 'brel pa grub par shes par
bya'o/ /bzhi pa lam shes kyi rang bzhin la/ tshig don dang/ mtha'
dpyad pa'o/ /dang po ni/ 'dod pa dang srid pa'i zag pas

@154b bsdus pa'i nyon mongs pa spang bya'i gtso bor byas nas
'bad pas rnam pa thams cad du spangs pa ma yin pa zhes bya ba
ni/ lam shes kyi rang bzhin yin pas nyan rang gi lam las khyad
par 'phags te/ byang chub tu sems bskyed pa ni 'khor ba ji srid
par sems can gyi

don byed par zhugs pa nyid kyis 'dod srid kyi zag pa byang chub
sems dpa' 'phags pa rnams kyis gzhan don sgrub pa'i yan lag tu
'gyur ba'i phyir/ gnyis pa ni/ kha cig 'dir bshad pa'i nyon
mongs mtshan nyid pa yin yang/ byang chub sems dpa' 'phags pa

rnams skye ba len pa'i rgyu yin te/ nyi snang dang 'grel chen
du/ ma rig pa dang lta bas bsdus pa'i bag la nyal spong gi 'dod
pa dang srid pa'i zag pa ni ma yin te/ bsams bzhin du srid par
skye ba len pa'i phyir ro/ /zhes bshad pas so/ /'on kyang nyon
mongs pa'i nyes pa sems kyi

rgyud rab tu ma zhi bar byed pa dang/ nyon mongs pa'i gzhan
dbang du gyur nas skye ba len pa sogs kyi nus pa bcom pas sa
thams cad du nyon mongs pa'i nyes pa mi bskyed par bshad pa yin
no/ /zhes zer to/ /de ni lung dang rigs pa du ma dang 'gal te/
byang chub sems dpa'

'phags pa rnams snying rje dang smon lam gyi dbang gis ji ltar
bzhed pa bzhin du skye ba len mi nus par/ nyon mongs pa grogs su
dgos pa yin nam/ 'on te nyon mongs pa mi bzhed kyang/ 'chi 'pho
khar bdag chad kyi dogs pa'i 'jigs pas zag pa dang bcas pa'i

phung po la sred pa 'byung zhing/ des nyid mtshams sbyor ba'i
grogs byed pa yin/ phyi ma ltar na/ nyon mongs pa'i gzhan dbang
du gyur nas skye ba mi len pa 'gal lo/ /dang po ltar na yang de
nyid dang 'gal zhing/ gzhan yang skye ba len pa'i rgyur nyon
mongs dgos na/ nyon

@155a @#/ /mongs kyi dbang gis rga ba la sogs pa'i sdug bsngal ma
spangs pas gzhan don lta ci smos/ rang gi don yang ji ltar 'dod
pa bzhin du bya mi nus pas so/ /theg pa chen po rgyad bla ma
las/ 'phags pas na dang rga ba dang/ /'chi ba'i sdug bsngal
rtsad

spangs; ;las dang nyon mongs dbang gis skye/ /de la de med phyir
de med/ /ces sogs du ma dang 'gal lo/ /sngar bshad pa'i lung
de'i don skye ba len pa'i rgyur ston pa ma yin gyi/ snying rje
dang smon lam gyi dbang gis 'khor los bsgyur ba'i rgyal po sogs
kyi lus bzung nas

bu stong bskyed pa sogs kyi yan lag tu dgos par shes par bya la/
gzugs khams su skye ba len pa na yang zag pa dang bcas pa'i bsam
gtan gyi las kyi dbang gis skye ba len pa'i nus pa zad pas khams
gong du skye ba len pa'i rgyur dgos pa ma yin gyi/ der

skye ba blangs pa na srid pa'i zag pa gzhan don sgrub pa'i yan
lag tu 'gyur bar shes par bya la/ nyon mongs can gyi ma rig pa
dang/ log lta sogs gzhan don sgrub pa'i yan lag tu dgos pa cung
zad kyang med pas/ mthong spangs kyis bsdus pa rnams ni der zad

par spangs pa yin no/ /yang kha cig blo gros rgya mtshos zhus
pa'i mdo las/ skye ba len pa'i rgyu brgyad bshad pa rnams la
nyon mongs su btags pa yin la/ so so skye bo rnams skye ba len
pa'i rgyu nyon mongs dang byed las 'dra bas brtags pa pa yin zer
ba yang mi

'thad de/ de dag ni lam shes kyi thabs kyi cha yongs su rdzogs
pa yin pas/ de byang chub sems dpas ched du gtad nas spong ngam
snyam pa'i dogs pa 'dir dpyad mi dgos pa'i phyir ro/ /'dir bshad
pa'i nyon mongs brtags pa ba yin no/ nyan thos kyi lam gyis

@155b ched du gtad nas spang bar bya ba'i nyon mongs kyang
brtags pa par 'gyur te/ nyon mongs ched du gtad nas ma spangs
par rang gi byang chub sgrub par byed pas nyan thos kyi lam las
rang bzhin khyad zhugs par ston pa yin pa'i phyir ro/ /des na
nyon mongs ni mtshan nyid pa

yin la/ de yang 'dod pa dang srid pa'i zag pa yin yang/ skye ba
len pa'i rgyur dgos pa ma yin gyi nyon mongs pa'i nyes pa mi
bskyed pa tsam du ma zad gzhan don sgrub pa'i yan lag tu 'gyur
ba yin no/ /sa bdun pa man chad pas kyang/ 'bad pas bsgrubs na
ma rig

pa bag chags kyi sa dang/ zag pa med pa'i las la brten nas yid
kyi rang bzhin gyi lus len nus mod kyi/ ngam ngam shugs kyis
grub pa ni/ nyan rang dgra bcom pa dang dbang thob pa'i byang
chub sems dpa' rnams la yin par shes par bya'o/ /lnga pa byed
las ni/ rang

bzhin bshad pa de'i 'og tu de lta bu'i rang bzhin can gyi lam
shes kyi byed las ni nyan thos kyi lam las byed pa khyad zhugs
pa yin no/ /rdzogs smin ma sbyangs par du yang dag pa'i mtha'
mngon du mi byed pa dang/ stong pa nyid la dmigs pa'i shes rab
dang snying rje la

sogs pa'i thabs la mkhas pas sems can yongs su ma bsdus pa yongs
su sdud pa la sogs pa byed pa yin pas so/ /gnyis pa lam shes kyi
rang bzhin la/ nyan thos dang/ rang rgyal dang/ byang sems kyi
lam gyi rang bzhin shes pa'o/ /dang po la/ lam shes kyi ngo

bo dang/ rgyu nges 'byed cha mthun no/ /dang po la gsum gyi dang
po mtshams sbyar ba ni?/ de ltar rten la sogs pa brjod nas lam
shes pa nyid kyi skabs su nyan thos kyi lam shes pa'i tshul brjod
par rigs te/ rnam mkhyen thob par byed pa la thog pa gsum gyi
lam thams

@156a @#/ /cad rdzogs par bsgom par bya dgos pas so/ /gnyis pa
rtsa ba ni/ lam shes nyid rdzogs par bsgom pa nyid kyi tshul la
ni nyan thos kyi lam 'di ji ltar bsgom pa yang shes par bya ste/
'phags pa'i bden pa bzhi dag gi rnam pa bcu

drug /sems bskyed dang bsngo ba dang/ bden par mi dmigs pa'i
shes rab kyis zin pa'i sgo nas ni bsgom par bya dgos pa'i phyir/
'dir bshad pa'i nyan thos kyi lam shes pa'i lam shes ni/ mi rtag
sogs bcu drug mngon sum du rtogs pa'i ye shes yin la/

de yang nyan thos kyi rigs can rjes su bzung ba'i ched du bsgom
pa yin no/ /'o na gzhi shes su mi 'gyur ram/ lam shes su ji ltar
brjod ce na/ khyad chos gsum gyis zin pa'i sgo nas lam shes su
rnam par bzhag pa yin gyi nyan thos kyi lam dmigs par byas nas/

de stong pa nyid du sgom pa'i cha nas ni ma yin no/ /byang sems
mthong lam pa'i rgyud kyi mi rtag sogs mngon sum du rtogs pa'i
ye shes de nyid nyan thos kyi lam shes pa'i lam shes kyang yin
la/ gzhi shes kyang yin mod kyi/ sgras ston pa'i tshe 'dir ni
khyad chos gsum

gyis zin pa'i tshul du bstan pa yin la/ skabs gsum par ni/ shes
mthong gis bltas nas 'da' bar byed pa'i ched du mi rtag sogs
rtogs pa'i ldog pa nas bstan to/ /lam 'di yang mthong lam gyi
skabs nyid du sgom par byed kyi/ sgom lam gyi skabs su

goms pa lhur len byed pa ni ma yin no/ /gsum pa 'grel pa la/
shes bya'i lam dang/ de ji ltar shes pa'i tshul lo/ /dang po ni/
mdo las/ 'di la byang chub sems dpa' sems dpa' chen po ni/ rnam
pa thams cad mkhyen pa nyid dang ldan pa'i sems bskyed

@156b bas sam mi dmigs pa'i tshul gyis gzugs mi rtog par yid la
bya'o/ /zhes sogs kyis rnam pa bcu drug gi ngo bo dang/ rnam
grangs ci rigs pa'i sgo nas bstan pa 'dir 'grel pas 'chad pa la
gsum/ sdug kun gyi rnam pa dang/ 'gog bden gyi rnam pa dang/ lam
bden

gyi rnam pa'o/ /dang po la sdug kun so so'i rnam pa dang/ thun
mong gi rnam pa'o/ /dang po la gnyis kyi dang po/ sdug bsngal
gyi rnam pa na/ de la sdug bsngal gyi bden pa'i rnam pa bzhi go
rims bzhin du rgyan las skyes pas mi rtag pa dang las nyon gyi
dbang du gyur pas sdug bsngal ba

dang; don gzhan gyi bdag gis stong pas stong pa dang/ rang gi
ngo bo bdag tu ma grub pas bdag med pa ste/ bdag med pa de dag
gi mtshan nyid bdag tu ma grub pas zhi ba'i rnam pa bzhi dag
dang/ de dag dngos su zin pa dam bcar byas nas don bshad pa gtan
tshigs su bya'o/

mda' dngos zin la rnam pa phyi ma gnyis rnam grangs kyi rnam pas
bstan pas/ de'i ltar na stong pa'i mtshan nyid bdag med pa dang/
de'i mtshan nyid zhi ba'i rnam pa zhes bshad do/ /gnyis pa kun
'byung gi rnam pa ni/ kun 'byung ba'i bden pa'i rnam pa mdo las
rnam grangs kyis bshad

pa dang sbyar ba ni/ sred pa chos can/ nad dang 'dra bar rgyu'i
rnam pa yin te/ sdug bsngal gyi rtsa bar gyur pa'i phyir/ 'bras
dang 'dra bar kun 'byung ba'i rnam pa yin te/ sdug bsngal yang
dang yang du bskyed pa'i phyir/ zug rdu dang 'dra bar rab tu
skye ba'i rnam pa yin te/ sdug bsngal shugs

drag bskyed pa'i phyir/ sdig pa'i rnam pa dang 'dra bar rkyen
gyi rnam pa yin te/ yang srid phyi ma'i lhan cig byed rkyen byed
pa'i phyir/ gnyis pa ni/ sdug bsngal dang kun 'byung ba'i bden
pa de dag nyid chos can/ sdug kun so sor yid 'byung ba dag gi
mtshan nyid phyir rgol bas pha

@157a @#/ /rol dag lta bu dang gnod byed kyis 'jig pa'i chos can
gyi rnam pa'i ngo bo dag tu dmigs par bya ba yin te/ sdug kun
gnyis la yid 'byung ba'i phyir tu sbyor lam du thugs pa yin no
zhes 'byung ba'i phyir/ 'dod chags dang bral bar bya ba dag gi

ngo bo dus gnyis par mi sdod pas g.yo ba dang/ phyis 'byung gi
rkyen rgyu la mi ltos par rab tu 'jig pa'i rnam pa dag tu dmigs
par bya ba yin te/ sdug kun la 'dod chags dang bral bar bya ba'i
phyir tu zhugs pa yin no/ /zhes 'byung ba'i phyir/ 'gog pa'i
rang gi ngo bo gnod pa'i

gnas su gyur pas 'jigs pa dang srin po sogs kyis glags thod pas
nang 'go ba dang thog 'bab pa sogs kyis 'tshe ba'i rnam par dmigs
par bya ba yin te/ sdug kun 'gog pa'i phyir zhugs pa yin no/
/zhes rnam grangs bsdu ba las 'byung ba'i phyir/ yid 'byung ba
sogs

gsum mthong lam dang/ sgom lam tha ma dang phung po lhag med
kyi
gnas skabs yin la/ de'i ched du zhugs pa ni sbyor lam dang/ sgom
lam tha ma ma gtogs pa'i skabs dang/ lhag bcas kyi skabs la don
gyis 'thong ba yin no/ /gnyis pa 'gog bden gyi rnam pa

'gog pa'i bden pa'i 'gog pa'i rang gi ngo bo'i rnam pa ni bdag
med pa'i rnam pa yin te/ nyon mongs spangs pa'i bral ba yin pas
so/ /zhi ba'i rnam pa yin te/ sdug bsngal zhi ba'i bral ba yin
pas so/ /gya nom pa'i rnam pa'i bdag nyid ni dben pa'i rnam pa
yin te/ gtsang

ba dang bde ba'i ngo bor gyur pa'i bral ba yin pas so/ /mdo las/
rnam mkhyen yid byed dang ldan nas mi dmigs pa'i tshul gyis ma
rig pa nas rga shi dang/ sdug bsngal gyi phung po 'gags pa'i bar
la bdag med pa nyid dang zhi ba dang dben pa dang stong pa nyid
dang mtshan ma

@157b med pa dang smon pa med pa dang mngon par 'du byed pa med
pa nyid du yid la bya'o zhe na/ rnam pa gnyis pa ngo bo dang/
gzhan rnams rnam grangs kyis bstan to/ /nges par 'byung ba'i
mtshan nyid kyi bral ba ni chos can/ stong pa nyid dang/ smon pa
med pa dang/ mngon par 'du byed pa med

pa'i rnam pa yin te/ rim pa bzhin du ji ltar nges par 'byung ba/
ngo bo rgyu 'bras gsum bden par grub pa dang bral ba'i spangs pa
dang/ gang ngos par 'byung ba 'bad rtsob gyis mngon par 'du byed
pa bden par grub pa dang bral ba'i spangs pa yin pas so/ /gsum
pa lam bden

gyi rnam pa ni/ lam gyi bden pa'i rnam pa bdag med mngon sum du
rtogs pa'i shes rab chos can/ lam dang rags pa dang bsgrub pa
dang nges par 'byin pa'i rnam pa yin te/ rim pa bzhin du/ myang
'das su dngos su bgrod pa'i lam dang/ nyon mongs kyi sa bon gyi
dngos

gnyen du rigs pa dang/ sems kyi gnas yugs mngon sum du rtogs pa
dang/ sdug bsngal gtad zad du byed pa'i lam yin pas so/ /mdo ni
rim pa bzhin du/ rnam mkhyen yid byed dang ldan pas mi dmigs
pa'i tshul gyis dran pa nye dang bzhag pa nas sangs rgyas

gyi chos ma 'dres pa'i bar sgom zhes dang/ sbyin pa'i pha rol tu
phyin pa la spyod ces dang/ sher phyin la spyod pa'i tshe chos
kyis chos rnams la sbyor bar byed pa dang zhes dang/ ko'u shi ka
yongs su bsngos pa'i sems gang yin pa de ni sems ma yin zhes so/
/gnyis pa ni/

sngar bshad pa'i shes bya'i lam de rnams nyan thos rnams kyi lam
yin par byang chub sems dpas de ltar yongs su shes par bya'o/
/ji ltar na sems bskyed dang/ bsngo ba dang/ ngo bo nyid mi
dmigs pa'i shes rab kyis zin pa'i sgo nas so/ /gang du na/ rnam
mkhyen

@158a @#/ /gyi rgyu tshogs ston pa lam shes pa nyid kyi skabs
su'o/ /gnyis pa la/ mtshams sbyar ba dang/ rtsa ba dang/ 'grel
pa'o/ /dang po ni/ bden pa bzhi mngon sum gyis gsar du yongs su
shes pa ni/ de'i rgyu nges par 'byed pa'i cha dang mthun pa

zhes so/ /gnyis pa ni/ 'phags pa nyan thos kyi lam mngon sum du
shes pa la ni de'i rgyu de'i nges 'byed cha mthun sngon du 'gro
dgos te/ mi rtag sogs bcu drug don spyi'i tshul gyis rtogs pa de
nyid stong nyid don spyi'i tshul gyis rtogs pa'i shes rab kyis
dang por

zin pa drod dang/ de 'phel ba rtse mo dang/ rtag mi rtag sogs la
bden zhen dgag pa'i bzod pa thob pas zin pa bzod pa dang/ 'dzin
pa sa bcu la gnas byar bden med du rtogs pa'i shes rab kyis zin
pa chos mchog rnams so/ /mdo ni rim pa bzhin du/ ko'u shi ka
gzugs

ni gzugs kyis stong zhes dang/ byang sems kyi dmigs pa'i tshul
gyis gzugs la gnas par mi bya'o zhes dang/ dmigs pa'i tshul gyis
gzugs rtag ces bya bar gnas par mi bya'o zhes dang/ de yang
byang chub sems dpa' dmigs pa'i tshul gyis sa dang po la gnas

par mi bya'o/ /zhes so/ /gnas byar mi bden pa ci'i phyir ce na/
sangs rgyas kyis mngon sum du mkhyen nas chos rnams gnas byar
bden par grub pa yod na/ gzigs dgos pa la ma gzigs pa'i phyir/
skabs 'dir 'grel chen du/ nyan thos sde pa kha cig /mchog gi

sprul pa'i skus mya ngan las 'da' ba'i tshul bstan pa de la/ de
ni bem rig rgyun chad pa'i tshul gyis mya ngan las 'das par khas
blangs pa la/ lung dang rigs pa'i gnod pa du ma bstan par mdzad
de gang gnas pa'i rgyu ma tshang ba med pa can de ni gnas pa
rgyun chad pa'i rang

@158b bzhin can ma yin te/ dper na me dang shing la sogs pa gnas
pa'i rgyu nus pa can rdzogs par yod pa'i du ba la sogs pa lta
bu'o/ /sangs rgyas bcom ldan 'das kyang gnas pa'i rgyu ma tshang
ba med pa can yin no/ /zhes pa'i gtan tshigs bkod nas de'i phyogs
chos bsgrub pa na/

bcom ldan 'das gnas pa'i rgyu ma tshang ba sems can gyi don byed
pa'i nus pa zad pas sam/ brtse ba thugs rje chen po dang bral
bas sam/ tshe'i 'du byed gnas pa la mnga' brnyes pa las nyams pas
sam/ srog gi dbang po gnas pa'i las kyi nus pa zad pas sam/ gdul
bya'i

sems can med pa las yin/ phyogs de dag gang yang mi 'thad pa'i
sgo nas rigs pa rgyas par bstan te/ tshig mngos su dogs pas ma
spros so/ /gsum pa ni/ gzugs la sogs pa phung po dang de'i stong
pa nyid rnams don dam par phan tshun tha dad pa med pa yin te/
don dam

par rang rang gi ngo bo nyid kyis stong pa nyid kyi phyir gzugs
la sogs pa don dam par med de/ snga ma bzhin du bden par yod na
dmigs su rung ba las mi dmigs pa'i phyir/ de bzhin du gzugs la
sogs pa la don dam par dmigs pa'i tshul gyis gnas par bya ba bkag
pa yin

te; don dam par grub pa'i tshul gyis rtag pa yang ma yin mi rtag
pa yang ma yin pa'i phyir/ sa rab tu dga' ba la sogs pa la gnas
byar bden par med de/ rgyu mtshan gang gi phyir na/ bden par yod
na de bzhin gshegs pas gzigs dgos pa la de bzhin gshegs pas

byang chub tu mngon par rdzogs par sangs rgyas nas sa bcu la
sogs pa'i chos rnams don dam par gnas byar ma gzigs pa'i phyir/
ces bya ba tshad ma'i skyes bus ma dmigs pa'i gtan tshigs kyi
'thad pas mi gnas par rgyas par mdo las ji skad du bstan pa zhes
bya ba'i

@159a @#/ /rnam pa de rnams kyis go rims bzhin du bden pa'i dmigs
pa la dmigs nas bsgoms pas nges par 'byed pa'i cha dang mthun pa
bzhi skye'o zhes bya ba yin no/ /'dir dngos su bstan pa ni/
stong nyid rtogs pa'i sbyor lam yin la/ nyan thos kyi lam

shes pa'i rgyu nges 'byed ni/ gzhung 'dir don gyis 'phangs pa
rnam pa bcu drug la dmigs pa'i 'jig rten pa'i sgom byung yin no/
/'o na 'dir dngos su bstan pa skabs dang po'i sbyor lam dang/
zlos so zhe na/ skyon med de/ dgos pa mi 'dra ba'i phyir ro/ /de
yang sngar ni/ nyan thos kyi

sbyor lam las khyad zhugs par rtogs pa'i ched yin la/ 'dir ni
rnam pa bcu drug stong nyid rtogs pa'i shes rab kyis zin nas
bsgom par shes pa'i ched yin no/ /gnyis pa rang rgyal gyi lam
shes pa'i rang bzhin la/ spyi dang/ yan lag gi don to/ /dang po
ni/ rigs kyi

khyad par nyon mongs shes chung bas 'du 'dzi la mi dga' zhing
gcig bu la dga' ba/ byang sems la ltos te snying rje chung bas
gzhan don rgya chen po la mi 'jug pa dang/ dbang po 'bring du
gyur pas 'gren zla med par byang chub thob par 'dod pa'o/ /lam
la slob tshul ni/ rang sangs

rgyas kyi rigs can kha cig /so so skye ba'i dus su/ bskal pa
brgyar sangs rgyas 'byung ba mnyes par byed cing tshogs bsags
nas/ phyi ma la mthong lam thob pa'i tshe de la dgra bcom pa'i
'bras bu thob par byed pa dang/ dus nges pa med par tshogs gsog
pa dang/ yang slong

dpon gyi drung du nges 'byed cha mthun man chad rdzogs par
bskyed nas/ phyi ma la mthong lam bskyed cing/ de'i skye ba
rting ma la dgra bcom pa'i 'bras bu thob par byed pa'o/ /'phags
lam bskyed pa la slob dpon la ltos pa dang/ mi ltos pa gnyis yod
la/ dgra bcom pa thob

@159b pa'i tshe de la slob dpon la mi ltos par byang chub thob
par nges pa yin gyi/ gzhan du na nyan thos su 'gyur bas so/
/rgyas par gzhan du shes par bya'o/ /gnyis pa la rten gyi khyad
par/ de'i lam ji ltar shes pa'i tshul de'i rgyu nges 'byed cha
mthun bshad pa'o/ /dang po la/ khyad cho

dngos dang/ rtsed spang ngo/ /dang po la gsum gyi dang mtshams
sbyar ba ni/ lung dang bstun na/ nyan thos kyi lam gyi de ma
thag pa'i mjug sogs su rang sangs rgyas kyi lam brjod par rigs
mod kyi/ re shig khyad zhugs pa nyid du bsgrub pa 'chad do/
/nyan thos kyi lam las khyad? ming na?

gzhan du mi rigs la/ khyad par yod na nyan thos rnams las lam de
dag de ltar khyad par du 'phags na rgyu mtshan gang gis na de dag
gi lam gzhan yin snyam pa'i dogs pa bsu bar ro/ /gnyis pa rtsa
ba ni/ rang byung gi dgra bcom pa chos can/ srid pa tha ma'i
tshe/ gzhan

gyis bstan mi dgos te/ de'i tshe slob dpon la mi ltos par bdag
nyid kyis byang chub rtogs pa'i phyir/ mdo ni/ yang 'khor der
lta'i bu kha cig 'di snyam du sems par gyur te/ gang gnod sbyin
rnams kyi skad la sogs pa de dag ni smras na shes par 'gyur gyi/
gang 'phags pa

rab 'byor gyis shes rab kyi pha rol tu phyin pa 'chad pa de dag
ni shes par mi 'gyur ro/ /zhes so/ /yang zhes pa gzhan la yang
nges par ngag gis chos mi ston pa'o/ /bse ru lta bu'i ye shes ni
chos can/ nyan thos las rtogs pa zab pa nyid du mngon par brjod
de/ nyan thos ltar

chos ston pa'i ngag gi 'bras rtags las rtogs mi nus shing/ lus
kyi chos bstan pa'i dbang gis rtogs pa zab mo dang ldan pa'i
phyir/ mdo ni/ lha'i bu 'di dag 'di snyam du sems par gyur te/
kye ma gnas brtan rab 'byor ni shes rab kyi pha rol tu phyin pa
gsal bar byed pa

@160a @#/ /ste/ zab pa bas shin tu zab pa sten par byed pa/ phra
ba bas shin tu phra ba ston par byed pa'o/ /zhes so/ /'og nas
'chad pa'i lam byang chub sems dpas kyang bsgom par byed pa yin
yang/ skabs 'dir 'bras bu rang rgyal rang rgyud pa'i de nyid
bstan

pa 'gal bar mi bsam ste/ byang chub sems dpas gzung ba rang
bzhin med par rtogs pa'i lam nyams su blangs pa ni/ rang rgyal
gyi rigs can rjes su bzung ba'i ched du yin la/ de'i lam bgrod
tshul dang/ 'bras bu mngon du byed tshul gyi rim pa rtogs pa'i yan
lag tu smos

so; ;gsum pa 'grel pa la/ lam bgrod pa'i khyad par dang/ chos
ston pa'i khyad par ro/ /dang po ni/ rang sangs rgyas de dag la
srid pa tha ma pa'i tshe sangs rgyas la sogs pas byang chub bstan
mi dgos so/ /de'i tshe gzhan gyis bstan pa la mi ltos par bdag
nyid kyis

rang gi byang chub mngon par rtogs par 'gyur ba de'i phyir/ de
ltar 'gyur te/ rang sangs rgyas rnams ni sngon thos pa dang smon
lam la sogs pa lam mngon par 'dus byas pa'i rgyus de ltar 'gyur
pa'i phyir/ ces bya ba ni nyan thos las khyad zhugs pa nyid gcig
yin no/ /

lung las nyan thos rnams ni srid pa tha ma pa'i tshe gzhan gyis
bstan pa la ltos nas rang gi byang chub rtogs par 'gyur la/ gdul
bya gzhan dag kyang brjed pa dang bcas pa'i chos bstan pas dge
ba la 'jug par byed do/ /zhes 'byung ba ltar gnas pa'i phyir/
gnyis

pa ni/ ngag gi 'bras rtags las rang sangs rgyas de dag gi ye
shes mi rtogs pa nyid ni nyan thos las chos ston tshul gyis khyad
zhugs pa gyis pa yin no/ /rang sangs rgyas de dag ni rang gis
thob pa'i ye shes kyi mthu dang smon lam la sogs pa'i mthus sga
med

@160b pa'i chos bstan pas gzhan dag dge ba bcu dang/ bdag med
rtogs pa la sogs pa la 'jug par byed pa de'i phyir/ khyab ste/
nyan thos rnams ni sgrar brjod pa'i chos bstan pa'i sgo nas nyan
pa po rnams kyis 'chad pa po'i shes pa'i rtsal blo'i nus pa
rtogs par byed pa la ltos

pa'i phyir/ gnyis pa la gsum gyi dang po mtshams sbyar ba ni/
rtsod pa la rtsod pa gzhan 'phros pas yang zhes so/ /gnyis pa
rtsa ba ni/ gdul bya gang dang gang rtogs bya'i don ni gang dang
gang la rnam pa ci lta ci ltar nyan 'dod pa de dang de la don de
dang de/ sgra med kyang de/ de ltar

snang ngo/ /rang sangs rgyas kyis sga med kyang chos ston pa mi
'gal te/ sgra med kyang ji ltar 'cham par gdul bya la rtogs pa
bskyed nus pa'i phyir/ gsum pa 'grel pa ni/ sgra med par chos
ston pa mi 'gal ba zhes bya ste/ chos ston pa'i sgra'i dgos pa'i
don ni

'di ltar brjod par bya ba'i ches rtogs pa nyan pa po'i rnam par
shes pa la shin tu bskrun cing bskyed pa zhes bya ba 'di yin na/
de ni rang rgyal gyis sgra med du chos bstan pa la yang yod pa'i
phyir/ yod de/ rang sangs rgyas nyid kyi gnas skabs na yang
sngon gyi smon lam

la sogs pa'i mthus chos stan pa'i sgra med kyang gdul bya gang
zhig mngon mthong ngas lags kyi don gang la rnam pa ji ltar nyan
par 'dod pa'i gdul bya de'i rnam par shes pa la don de rnam pa
de kho na ltar snang bar 'gyur bas so/ /de'i rgyu mtshan bya chub
sems dpas 'di

ltar sangs rgyas su gyur nas brjod pa med par yang chos ston par
gyur cig ces smon lam btab bo/ /rang sangs rgyas kyis kyang
sngon de ltar smon lam btab pa de bas na sangs rgyas dang 'dra
ba'i phyir/ rang sangs rgyas smon lam de ltar 'debs pa'i rgyu
mtshan yod de/

@161a @#/ /tshig tu brjod pa ni ting nge 'dzin las rnam par
g.yeng ba yin la/ de yang ting nge 'dzin gyi rgyud 'khrug par
byed pa yin pas so/ /de'i rgyu mtshan ngo bo la rnam par ma
brtags/ khyad par la rnam par ma dpyad par tshig tu mi smra bas
so/ /

sangs rgyas dang 'dra ba'i don na/ byang chub sems dpas sngon
brjod pa la mi ltos par yang/ sangs rgyas pa'i tshe gdul bya'i
rgyud la rtogs pa bskyed nus par gyur cig /snyam pa'i smon pa
grub pa de tsam zhig 'dra ba yin gyi/ sangs rgyas la chos ston
pa'i gsung

med par ston pa ni ma yin no/ /der ma zad/ rang sangs rgyas
rnams kyang phal cher de ltar gnas pa yin gyi/ rang sangs rgyas
dag tu chos ston pa mi srid pa ma yin te/ ngag gis chos ston par
'dul ba lung las gsungs pa'i phyir dang/ sgron gsal las/ gtso

bor lus kyis chos ston ces gsungs pa'i phyir ro/ /phal cher de
ltar gnas pa'i rgyu mtshan yang/ sangs rgyas kyis rtog dpyod la
mi ltos par sgra bcas su chos ston nus pa de ltar/ rang sangs
rgyas kyis mi nus pas/ sgra bcas su chos bstan na rgyud 'khrug
ces

pa yin no/ /kha cig /ngag gis chos ston pa dang/ lus kyis ston
pa shes pa'i rtsal rtogs par byed pa la khyad par med par 'dod
pa mi rigs te/ lus kyis rdzu 'phrul bstan pas gdul bya rnams
kyis rdzul 'phrul dang ldan pa tsam zhig rtogs nus kyi/ bdag med

kyi rtogs pa dang ldan par rtogs mi nus pa'i phyir dang/ ngag gi
'bras rtags las nus pa'i phyir ro/ /rdzu 'phrul bstan dgos snyam
pa'i kun slong la nges par ltos na/ ngag gis chos mi ston pa'i
rgyu mtshan ltar snang du 'gyur bas/ de 'dra'i kun slong la mi

@161b ltos par rdzu 'phrul ston nus la/ de mthong ba la brten
nas gdul bya'i rgyud la mngon mtho nges legs kyi rtogs pa bskyed
nus pa smon lam gyi 'bras bu yin pas so/ /rang lugs la chos ston
pa'i don cung zad kyang bzhag mi nus par lus kyis chos ston pa
kho na

dgag pa byed pa ni mi rigs pa kho na'o/ /gnyis pa la/ mtshams
sbyar ba dang/ rtsa ba dang/ 'grel pa'o/ /dang po ni/ de ltar
nyan thos las khyad zhugs pa brjod nas zhes so/ /rnal ma ni/
byang chub sems dpas shes par bya ba'i dkyus ma'i lam mo/ /gnyis
pa la/

tshig don dang/ mtha' dpyad pa'o/ /dang po ni/ bas ru lta bu'i
lam chos can/ khyad chos gsum dang ldan pas yang dag par bsdus
par shes par bya ste/ gzung ba gzugs la sogs pa phyi rol gyi don
du rtog pa spong ba'i phyir dang/ gzugs 'dzin shes pa sogs 'dzin

pa bden par 'dzin pa mi spong ba'i phyir dang ni/ rigs la brten
pa'i rten gyis khyad par du byas par shes par bya ba'i phyir/ de
yang byang chub sems dpas sems bskyed dang bsngo ba dang/ stong
nyid rtogs pa'i shes rab kyis zin pa'i tshul gyis shes par bya'o/
/

mdo ni rim pa bzhin du/ gzugs ni zab pa ma yin phra ba ma yin
no/ /de ci'i phyir ce na/ gzugs kyi rang bzhin zab pa ma yin
phra ba ma yin zhes dang/ de nas lha'i bu de dag 'di snyam du
sems par gyur te/ gnas brtan rab 'byor la chos nyan pa ji lta bu
zhig

btsal bar bya snyam pa dang zhes dang/ de nas rab 'byor gyis
lha'i bu de dag la smras pa/ lha'i bu dag chos nyan pa ni sgyu
ma lta bu dang sprul pa lta bu btsal bar bya ste zhes so/ /gnyis
pa ni/ skabs 'dir mdo las/ bstan pa'i khyad par gyi chos gsum
gyis

@162a @#/ /ni; theg pa dman pa'i gang zag gi rgyud la bskyed par
bya ba dang/ byang chub sems dpa'i rgyud la bskyed par bya ba
gnyis ka bstan cing de ltar bstan bcos 'dir yang shes par bya'o/
/da ni 'di dpyad de/ kha cig rang sangs rgyas dang/ sems

tsam pa lta ba mi mtshungs te/ snga mas ni/ gzung rtog spangs
kyang 'dzin pa bden par zhen pa yin la/ phyi mas ni gzung 'dzin
bden med du rtogs pas so/ /zhes zer pa ni/ zhib tu ye ma brtags
pa ste/ rang sangs rgyas kyis gzung ba bden med du rtogs pa'i
don de ci

gzhi chos can gzugs la sogs pa tshang mas grub pa'i don de dag
bden med du rtogs pa yin la/ de 'dzin pa'i dbang shes la sogs pa
bden med du ma rtogs pa'o zhe na/ chos mi rigs te/ gzhi chos can
gcig bden med du rtogs nas gzhi chos can

gzhan la bden par grub ma grub dpyad pa zhugs pa na/ sngar gyi
phyogs khyab tshang mas grub pa'i tshul dran par byas pa la brten
nas nges par bden med du rtogs te/ gzhan du na/ slob lam du chos
can mtha' dag bden med du rtogs pa mi srid par thal

ba'i phyir ro/ /des na slob dpon 'phags pa lhas/ gang gis dngos
gcig de bzhin nyid mthong ba/ /de yis dngos kun de bzhin nyid du
mthong/ zhes gsungs pas so/ /yang gzugs la sogs pa phyi rol don
du ma grub par rtogs kyang/ de las

rdzas tha dad pa'i 'dzin pa med par rang sangs rgyas kyis ma
rtogs pa'o snyam na/ su dbang po rtul yang/ gzugs dbang shes las
rdzas tha dad yin pa khegs nas dbang shes gzugs las rdzas tha
dad mi khegs pa mi srid pa'i phyir ro/ yang gzugs

@162b phyi rol don yin pa khegs kyang/ shes pa'i rjes kyis bsdus
pa'i gzung ba don gzhan yin pa khegs pa'i nges pa med de/ rnam
'grel las/ der yang rtsod pa mtshungs phyir te/ zhes de 'gog pa'i
rigs pa gzhan bstan pa'i phyir ro zhe na/ skyon med de/ shes

pa'i rdzas la ltas pa'i gzung ba don gzhan khegs na ?'dzin pa
don gzhan ma khogs pa? mi srid cing/ phyir rol gyi don khegs nas
bzung ba don gzhan tsam ma khegs pa'i grub mtha' gong 'og gi
khyad par mi 'thad pa'i phyir ro/ /des na gzung rtog spong ba'i
don ni/ gzugs la sogs pa

der 'dzin dbang shes las rdzas tha dad du med par rtogs pa yin
la/ 'dzin pa mi spong ba ni dbang shes la sogs pa'i shes pa tsam
bden stong du ma rtogs pa tsam du ma zad/ theg pa 'bring po'i
dgra bcom pa thob par byed pa la/ rtogs pa de goms pa nges

par mi dgos pa'i don to/ /des na 'dir bstan pa'i rang sangs
rgyas kyi lta ba dang/ sems tsam pa'i lta ba la mtho dma'i khyad
par cung zad kyang med pas/ de gnyis grub mtha' mtshungs pa mtshar
zhes pa ni gsal byang pa'i bzhad gad do/ /'grel chen gyi dgongs
pa

yang/ de kho na bzhin du shes par bya la/ slob dpon 'di ni tha
snyad du yang phyi rol gyi don med pa rnam par rig pa tsam dang
mthun par bzhed pa yin la/ byang chub sems dpa' rnams kyis kyang
gzung 'dzin rdzas tha dad kyis stong pa lam dang po gsum gyi
skabs su sgom par

byad cing/ mthong lam gyi skabs su shes mthong gis bltas nas
'da' bar byed pa yin yang sgom lam gyi skabs su de la gtso bor
goms pa lhur len mi byed kyi/ zhar byung gi tshul du bsgoms pas
rgyun gyi tha ma'i tshe/ gnyis su med pa'i skad cig sbyor du
'gyur bar

@163a @#/ /shes par bya'o/ /rang sangs rgyas la stong pa nyid kyi
don phra mo rtogs pa srid par bzhed pa yang sngar bshad zin to/
/rtogs pa 'dis bsdus pa'i gzhi shes kyang rnam gzhag gi rten
rang sangs rgyas la rnam par bzhag kyang/ byang

chub sems dpa'i thugs rgyud la yang skye bas/ rang sangs rgyas
kyi lam shes pa'i tshul mig gis gzugs la blta ba ltar du go bar
mi bya'o/ /rang sangs rgyas nyan thos kyi sde snod la dmigs pa
yin yang/ dbang po'i khyad par gyis chos kyi bdag med rtogs

pa'o; ;gsum pa ni/ byang chub sems dpas rang sangs rgyas kyi lam
mngon sum du shes par bya'i mngon du bya ba'i tshul gyis rnam pa
thams cad du shes par bya ba ni ma yin no zhes bya ba ni shes
bya/ rang sangs rgyas kyi lam mo/ /gang gis khyad par du byas
nas

shes par bya zhe na/ rang sangs rgyas kyi lam la ji skad bshad
pa bden pa'i rnam pa bcu drug bsgom pa kho na dang/ nges gzung
ni mi ldan rnam gcod do/ /'byung tshul dang ldog tshul gyi dngos
po ji lta ba bzhin du rten cing 'brel bar 'byung ba'i yan lag
bcu gnyis kyi

'jug ldog bsgoms pas gzung ba phyi rol gyi don du zhon pa'i rnam
par rtog pa go rims bzhin du spangs pa dang/ shes pa bden par
'dzin pa'i don gyi rnam par rtog pa dag ma spangs pa dang/ rang
sangs rgyas kyi theg pas bsdus pa'i brten pa'i chos kyi chos
nyid rigs

la brten pa'i rten gzhi'i khyad par gyis khyad par du 'phags pa
dang ldan pa'i chos rtogs par shes par bya'o/ /gzung ba bden med
du mngon sum du rtogs pa'i ye shes de nyid la rang sangs rgyas
kyi lam zhes bya la/ de rang sangs rgyas kyi rgyud la yod pa na/
de'i skye

@163b mched drug gi chos nyid la brten la/ byang chub sems dpa'i
rgyud la yod pa ni de'i rang bzhin gnas rigs la brten pa'o/
/byang chub sems dpa'i rgyud kyi rigs su thal bar ni mi bsam mo/
/nyan thos rnams kyis kyang 'khor ba 'jug ldog gi tshul mngon sum
du rtogs

nas goms par byed kyang phyi rol gyi don du zhen pa mi spong
zhing/ phyi rol gyi don du zhen pa'i phyin ci log gi 'khrul
snang tsam du mngon sum du mi rtogs pa ni/ snga ma las dbang po
dman pas yin no/ /gsum pa la/ mtshams sbyar ba dang/ rtsa ba
dang/ 'grel pa'o/ /

dang po ni/ rang rgyal gyi lam mngon sum du shes pa'i tshul bshad
pa'i 'og tu/ nges 'byed cha mthun 'chad pa'i rgyu mtshan ni/ nges
par 'byed pa'i zhes so/ /gnyis pa ni/ phyi rol gyi don med par
rtogs kyang brdar btags pa'i chos nyid dang mi 'gal bar gzugs

sogs ston pa'i rnam pa dro gyur pa dang/ rtse mor gyur pa gzugs
la sogs pa phyi rol gyi don 'grib pa med pa la sogs pas phye ba
dang/ nang stong pa nyid la sogs pa rtogs pa yis/ gzugs sogs
phyi rol don du mi 'dzin pa'i phyir/ bzod pa dang/ gzugs sogs

phyi rol gyi don du skye ba med pa sogs kyi rnam pa can ni chos
kyi mchog go /mdo ni rim pa bzhin du/ kye ma gnas brtan rab
'byor 'di btags pa dang mi 'gal la chos nyid kyang ston pa ni
shes rab zab mo dang ldan no zhes dang/ de yang gzugs 'phel bar
bya ba'i phyir

mi slob ces dang/ de yang rab 'byor gyis smras pa/ tshe dang ldan
pa shA ri'i bu 'di ltar gzugs yongs su gzung ba med ces dang/
rab 'byor gyis smras pa/ shA ri'i bu 'di ltar byang chub sems
dpa' chen pos shes rab kyi pha rol tu phyin pa la spyod pa'i tshe
gzugs kyi

@164a @#/ /skye ba ma mthong zhes so/ /rtsa ba'i dngos bstan la/
gzung 'dzin rdzas tha dad kyis stod par rtogs pa'i sbyor lam
bzhi dngos su bstan pa la bshad pa rung ba tsam du snang bas de
ltar bshad pa yin la/ 'grel bas sbyor lam snga ma'i ston

tshul dang 'dra bar mdzad do/ /gsum pa ni/ gzugs la sogs pa don
dam par med kyang tha snyad tsam du yod pa'i chos kyi brda las
byung ba'i btags pa'i chos nyid dang mi 'gal bar gzugs sogs rab
tu ston pa ltar rtogs pa'i drod kyi ye shes dngos su bstan nas/

gzung 'dzin rdzas tha dad kyis stong pa don spyi'i tshul gyis
rtogs pa'i drod shugs la ston to/ /gzugs la sogs pa la don dam
par 'grib pa dang 'phel ba med pa la sogs pa'i don du slob pa
ltar rtogs pa'i rtse mo bstan pas/ rtse mo cig shos shugs la
ston

pa dang/ don dam par ngo bo nyid kyis stong pa nyid kyi phyir
gzugs la sogs pa la nang dang phyi la sogs pa stong pa nyid du
rtogs pa nyid kyis gzung bya bden par grub pa yongs su mi 'dzin
pa'i bzod pas bzod pa cig shos dang/ gzugs la sogs pa la

don dam par skye ba dang 'gag pa la sogs pa med par rtogs pa'i
chos mchog dngos su bstan pas cig shos shugs la ston pa yin no/
/bshad pa'i rnam pa rnams kyis go rims bzhin du bden pa bzhi'i
dmigs pa la dmigs nas bsgoms pas nges par

'byed pa'i cha dang mthun pa skye ba yin no/ /skabs 'dir ston pa
nyid kyi rnam pa can gyi sbyor lam bzhi dngos su bstan pa la
dgos pa yod de/ shugs bstan gyi sbyor lam bzhi stong nyid rtogs
pa'i shes rab kyis zin nas sgom par shes pa'i ched pa'i phyir/
gsum

@164b pa byang chub sems dpa'i lam shes pa'i rang bzhin bshad pa
la gnyis/ spyi'i mtshams sbyar ba dang/ so so'i ngo bo'o/ /dang
po ni/ rang sangs rgyas kyi zhes so/ /gnyis pa la/ mthong lam
dang/ sgom lam mo/ dang po la spyi dang/ yan lag gi don to/
/dang po la

mthong lam gyi rten dang/ brten pa mthong lam mo/ /dang po la
lus kyi rten ni/ sgra mi snyan pa dang/ za ma dang ma ning? ma
gtogs pa'i mi dang/ 'dod lha'i rten la skye'i/ gong ma'i rten la
ma yin te/ khams gsum la skyo ba shas chung ba'i phyir ro/ /sems

gyi rten ni/ bsam gtan gyi dngos gzhi la brten la/ 'grel chen du
sgom lam 'dod sems dang/ srid rtse la brten pa bshad kyang/ des
mthong lam mtshon mi nus sam snyam mo/ /mdo sde sa bcu par/ sa
gsum pa'i skabs su bsam gtan dang mngon

shes thob par bshad pa ni/ thun mong ma yin pa'i khyad par mnyam
gzhag gi stobs kyis thob par bstan pa yin gyi/ zhi rags kyi rnam
pa can gyi bsam gtan bzhi pa'i dngos gzhi byang chub sems dpa'
rnams kyis sbyor lam gyi skabs su nges par thob la/

de thob na lam gang dka' ba la brten nas 'das lam skyed pa dgos
pa med pa'i phyir ro/ /gnyis pa la/ mthong lam gyi ngo bo dang/
dbye ba dang/ mtha' dpyad pa'o/ /dang po ni/ sbyor lam chos
mchog gi mjug thogs de ma thag tu bden bzhi'i rnam pa bcu drug
la dmigs

nas stong nyid spros bral du mngon sum gyis gsar du rtogs pa'i
shes rab ting nge 'dzin mtshungs ldan dang bcas pa sbyin sogs
spyod pa'i rigs mtha' dag gis zin pa'o/ /de ni theg pa chen po'i
thun mong ma yin pa'i mthong lam gyi dbang du byas pa yin gyi/

@165a @#/ /theg chen mthong lam tsam gyi mtshan nyid ni rang rgyud
kyi stong nyid mngon sum gyis gsar du rtogs pa'i theg chen ye
shes kyis zin pa'i theg chen gyi bden pa mngon rtogs te skabs
der mi rtag sogs bcu drug mngon sum du rtogs

pa'i mthong lam yang yod pas so/ /gnyis pa ni/ bden pa bzhi'i
chos nyid la dmigs pa'i bzod pa brgyad par tshad med lam gyis
bsdus pa dang/ rnam grol lam gyis bsdus pa'i shes pa brgyad de/
ldog pas phye ba bcu drug go /gsum pa la/ slob

dpon gyis 'grel chen du dgag bzhag ji ltar mdzad pa'i tshul dang/
slob dpon gyi bzhed pa bsdus te bstan pa dang/ 'da' byed kyi
mthong lam dang/ 'da' bya'i mthong lam skye tshul gyi rim par
dpyad pa'o/ /dang po ni/ kha cig na re/ bden bzhi'i chos nyid
blo

gcig gis dus skad cig ma gcig la mngon sum gyis rtogs pas de'i
dus su sdug bsngal shes/ kun 'byung spong/ 'gog pa mngon du
byed/ lam bsgoms pas bden pa bzhi la bya ba byed pa'i bya ba'i
mngon rtogs sam 'bras bu'i mngon rtogs skad

mig ma gcig yin la/ bden pa re re la phyin ci log rim can du sel
ba la ltos nas so sor rtogs pa'i mngon par rtogs pa skad cig ma
bcu drug yin la/ des na zhugs gnas kyi rnam gzhag kyang 'thad do
zhes zer to/ /'di slob dpon gyi bzhed pa ma

ma yin zhing/ rigs pas kyang mi 'thad de/ sdug bsngal gyi chos
nyid gsar du rtogs pa'i dus su 'gog pa mngon du byas na/ 'gog
bden la lam bden sngon du 'gro mi dgos par thal ba dang/ gzhi
gcig gi bar chad med lam dang rnam grol lam cig

@165b car skya bar thal ba'i phyir ro/ /'on ta 'gog pa mngon du
byed par 'gyur ba la zer na/ snga phyi gnyis la skad cig gcig
dang bcu drug gi rnam dbye don med pa'i phyir ro/ /gzhan dag ni/
rnam 'grel las/ don gyi rang gi ngo bo gcig /bdag nyid mngon sum
yin pa

la; ;tshad ma rnams kyis brtag bya gang/ /ma mthong cha gzhan ci
zhig yod/ /ces pa'i tshul gyis so sor rtogs pa'i mngon par rtogs
pa las kyang/ skad cig ma gcig yin no zhes zer to/ /'di bar chad
med lam dang/ rnam grol lam snga phyi rim

can du mi skye bar skad cig ma gcig tu 'dod pa yin te/ gzhan du
na zhugs gnas kyi rnam gzhag mi 'thad pa'i thal ba 'di la 'phen
pa mi rigs pa'i phyir ro/ /'di yang slob dpon gyi bzhed pa ma
yin te bzod pa dang shes pa snga phyi rim can du skye bar bzhed
pa'i

phyir ro/ /des na rnam 'grel las/ /gzugs chos mthun pa mthong ba
las/ /nya phyis la dngul rnam pa ltar/ /gal te 'khrul pa'i rgyu
mtshan gyis/ /yon tan gzhan sbyor mi byed na/ /de ltar 'gyur ba
zhig na/ phyin ci log gi sgro 'dogs du ma yod pas

rigs pa'i stobs kyis skad cig ma gcig yin yang/ ldog pa'i sgo
nas skad cig ma bcu drug tu bshad la/ bzod pa dang shes pa snga
phyi rim can du skye bas zhugs gnas kyi rnam gzhag kyang 'thad
pa yin no/ /zhes gsung ngo/ /'di nyid slob dpon gyi

bzhed pa yin la/ 'di la kha cig na re/ cha thams cad gzung ba
yin yang/ sgro 'dogs sel ba'i nus pa la ltos nas skad cig bcu
drug po thams cad snga phyi rim can kho nar skye zhing/ de yang
mnyam gzhag thun gcig gis nus pa rim can du

@166a @#/ /thab pa yin no/ /zhes zer ba ni rigs pas mi 'thad de/
de ni rjes thob tu nges shes mi 'dra ba bcu drug rim can du skye
ba'i don yin gyi/ nges shes 'di ni ba'i tshad ma rim can kho na
'byung ba'i don ma yin no/ /so so skye bo la yang

mngon sum gcig gis sa phyogs 'di ni dmigs so snyam pa'i ngas pa
rim can du bskyed pa bzhin no/ /rnam pa thams cad du gzung ba
yin na yang/ gang la sgrib pa sel nus pa de tshad mar bshad pa'i
don yang mthong lam mnyam gzhag thun gcig la

chad ma mi 'dra ba bcu drug rim can du bskyed pa'i don ma yin
te/ gzhan du na so skye'i tshad ma dang khyad par phye? ba don
med du 'gyur ba'i phyir ro/ /de'i don yang/ sa bon spong nus pa
dang mi nus pa'i khyad par yang yin mod kyi/ so so skye bo la
mngon sum gyis gzung

yang nges pa mi skyed pa'i snang la ma nges pa yod la/ 'phags pa
la/ blo gros chen pos mthang nyed las/ /rnam pa thams cad nges
par byed/ /ces gsungs pa ltar 'phags pa la snang la ma nges pa
mi srid pa'i lan 'debs pa yin no/ /gzhan du na de'i mjug tu rnam

pa ji tsam zhig gsal bas/ de dag gi shes pa 'khrul ba'i rgyu
mtshan dang bral bar 'gyur ba de tsam gyis da dag khyad par du
'phags pa'i phyir te/ zhes pa'i lan don med pa'i phyir ro/ /des
na/ sdug bsngal chos bzod par chad med lam de nyid bzod pa
brgyad

kyi ngo bor skyes shing/ bden bzhi'i chos nyid la tshad mar song
ba'i sgo nas bden pa bzhi ga'i mthong spangs kyi sa bon spong
bzhin pa'i bar chad med lam yin/ /gnyis pa ni/ bden bzhi'i chos
nyid sngar mngon sum du ma rtags pa chu la chu bzhag pa'i tshul
gyis

@166b gsar du rtogs pa na/ sngar 'khor bar 'dris ma myong ba'i
zab mo'i chos de la skrag rigs pa la/ mi skrag pas na chos kyi
bzod pa zhes bya la/ des na bden pa bzhi'i chos nyid 'jal ba'i
ldog pa nas bzod pa bzhi'o/ /de'i rjes nas chos nyid la chu la
chu bzhag tu song ba'i blo de la

skrag rigs pa las/ mi skrag par rtogs pas rjes kyi bzod pa zhes
bya la/ de yang bden bzhi'i chos nyid kyi yul can ldog pas phye
ba bzhi rtogs pa'i cha nas rjes bzod bzhi ste/ bzod pa brgyad
ngo bo gcig la ldog pa tha dad pa'i tshul du yod la/ de'i dus na
glo bur dri bral

gyi 'gog bden ma thob pa yin no/ /bden bzhi'i chos nyid rtogs pa
la ltos nas de'i yul can rtogs par 'jog pa yin no/ /mnyam gzhag
de nyid las ma langs par glo bur dri bral gyi 'gog bden thob pa
rnam grol lam skyes pa na/ bden bzhi'i chos nyid rtogs pa'i

chos shes ldog pas phye ba bzhi dang/ yul can de nyid rtogs pa'i
rjes shes bzhi dang/ shes pa brgyad ngo bo gcig la ldog pa tha
dang ba'i tshul du yod pas mnyam gzhag thun gcig gi bden pa mngon
par rtags pa skad cig ma gcig shes bzod skad cig ma bcu drug gi

bdag nyid du skye ba yin no/ /chos bzod skyes pa'i rjes su rjes
bzod skye ba sogs ni skabs 'dir khas mi blang ngo/ /des na
mthong lam skad cig ma gcig gi don yang/ stong pa nyid la mnyam
par bzhag pa'i mnyam gzhag thun gcig yin gyi/ dus kyis thung
ba'i mthar thug

ba ni ma yin no/ /de yang bzod pa la gnas pa'i che zhugs pa
dang/ shes pa la gnas pa'i tshe 'bras gnas kyi rnam gzhag kyang
'thad la/ mnyam gzhag de'i tshe sbyin sogs re re'i nang du drug
drug tshang bar bsdus pa'i rnal 'byor nyams su len pa'i nus pa
mthu can

@167a @#/ /gyi rang bzhin du gnas pa yin te/ gzhan du na shes
sgrib kyi sa bon 'joms mi nus pas so/ /kun 'byung rjes shes kyi
tshe yang byams sogs tshad med bzhi mngon gyur du bsgom pa med
kyang/ gang zag de'i rgyud la sngar bsgoms shing/

phyis kyang sgom par 'gyur pa'i yon tan ma nyams par yod pas
'gog par ltang ba sogs kyi nyes pa yang med do/ /mthong lam skad
cig gi grangs 'jog tshul la ni/ slob dpon 'di dang rigs pa drug
cu pa rtsa 'grel nas 'byung ba rnams khyad par yod par ma

mthong zhing/ rang rig khas len mi len sogs ni khyad par che'o/
/gzhan du sdug bsngal gyi chos nyid rtogs pa'i che/ kun 'byung
gi chos nyid rtogs par khas mi len pa la ni/ mnyam bya sgra mi
rtag sgrub kyi rtags yang dag tu khas len dgos pa sogs nyes

pa du ma'i 'byung khungs su mthong ngo/ /stong nyid la mnyam par
bzhag bzhin pa'i dus na/ gang zag de'i rgyud la theg chen sems
bskyed kyang yod med kyi/ sems can gyi don du sangs rgyas thob
par bya'o snyam pa'i blo mngon gyur du ga la dgos/ de bzhin du

yon tan gzhan rnams la yang shes par bya'o/ /gsum pa ni/ mi rtag
sogs bcu drug mngon sum du rtogs pa'i 'da' bar bya ba'i mngon
rtogs dang/ chos nyid kyi rnam pa can gyi mthong lam gnyis cig
car du'am rim gyis yin/ dang po ltar na/ blo

gcig gis gnyis ka mngon sum gyis mngon sum du rtogs na ji lta ba
dang ji snyed pa mkhyen pa ngo bo gcig tu yod par 'gyur la/
dngos shugs la rtogs pa'i khyad par yang mi 'thad de/ gzhan du
na sbyor lam gyi skabs su yang de ltar thal ba'i phyir ro/ /

@167b phyi ma ltar na 'da' bya'i mthong lam sngar skye na/ byang
chub sems dpas sgrib gnyis kun brtags kyi sa bon rim gyis spang
dgos par 'gyur la/ de las ldog ste skye na ni/ 'da' byed kyi
mthong lam skyes zin pa'i rjes su/ yang gang zag gi bdag med
gsar rtogs

kyi mthong lam rjes su skye dgos pas thug pa med par 'gyur ro
zhe na/ skyon med de/ 'da' byed kyi mthong lam de nyid kyis rnam
pa bcu drug spros bral du mngon sum gyis rtogs kyang/ rnam pa
bcu drug rtogs pa ni ma yin no/ /de nyid kyis sgrib pa gnyis kun
brtags

kyi sa bon zad par bcom nas de'i rjes su rnam pa bcu drug mngon
sum gyis rtogs pa'i 'da' bar bya ba'i mthong lam mngon gyur du
skye ba yin no/ /sngar bshad pa'i skad cig ma de rnams ni mnyam
gzhag gi dbang du byas pa yin gyi/ shes sgrib lhan skyes kyi sa

bon dngos su gzhom pa'i ched du/ stong pa nyid la mngon sum du
mnyam par mi 'jog pa de srid tshun chad mthong lam gyis bsdus par
shes par bya'o/ /gnyis pa yan lag gi don la/ skad cig ma mdor
bstan/ rnam pa sgom tshul rgyas par bshad/ rnam pa ma

bstan par 'dod pa dgag pa'o/ /dang po la gnyis kyi dang po rtsa
ba ni/ lam shas nyid kyi skabs la mthong ba'i lam phan yon dang
bcas pa 'di bshad do/ /phan yon dang bcas la de dang sdug kun
gyi bden pa dang 'gog lam gyi bden pa la bzod pa dang shes

pa'i skad cig rnam pa bzhi yis bshad pa'i phyir/ mdo ni/ btsun
pa shA ri'i bu shes rab kyi pha rol tu phyin pa gang nas btsal
bar bya/ shA ri'i bus smras pa/ ko'u shi ka shes rab kyi pha
rol tu phyin pa ni rab 'byor gyis le'u las btsal bar bya'o/
/zhes so/ /gnyis

@168a @#/ /pa 'grel pa ni/ lam shes pa nyid kyi skabs su sems can
smin par byed pa sogs cha 'di dang che rabs gzhan gyi yon tan
dag dang ldan pa stong nyid mngon sum gyis gsar du sgom par bya
ba ni mthong ba'i lam phan yon chen

po zhes par brjod do/ /skabs 'dir byang chub sems dpas chos shes
pa'i bzod pa sogs skad cig ma bzhi po so sor re re la sdug
bsngal la sogs pa bden pa'i chos nyid dang yul yul can du 'brel
pa dag dang ldan pa mthong lam phan yon chen po can du brjod

pa'i phyir/ gnyis pa la gsum gyi dang po mtshams sbyar ba ni/
mthong lam gyi rnam pa zhes so/ /gnyis pa rtsa ba ni/ bla ma lo
tstsha ba chen pos 'phags pa'i bzhed par mdzad nas/ skad cig dang
po bzhis shes bzod skad cig ma bcu drug gi ngo bo bstan la/ lhag

ma rnams kyis phan yon bstan pa la 'chad de/ mtha' med dang zhes
pas skad cig ma dang po lnga'i phan yon bstan la/ der gnas zhes
pas kun 'byung chos shes kyi phan yon dang/ blang med ces pas
kun 'byung rjes bzod kyi phan yon dang/ byams la sogs

dang zhes pas rjes shes kyis phan yon no/ /stong nyid dang zhes
pa nas nyam nga ba dang nad kun sel zhes pa'i bar bzhis 'gog pa
shes bzod bzhi'i phan yon rim pa bzhin du bstan pa dang/ de man
chad bzhis rim pa bzhin du lam la shes bzod bzhi'i phan

yon ston par 'chad de?/ /'dir bshad pa'i rnam pa mi 'dra ba 'di
dag sbyor lam gyi skabs su sgom pa'i rnam pa ston pa yin la/ de
ltar bsgoms pas mthong lam skye ba dang/ yang rjes kyi gnas
skabs su phan yon 'di dag thob la/ des skad cig

@168b bcu drug mtshon nas bstan pa yin no zhes 'dod do/ /sbyor
lam gyi skabs su yang sgom par bya ba yin mad kyi/ mthong lam
skad cig bcu drug gi skabs su yang yin tan 'di dag nges par ldan
dgos pa'i phyir ro/ /gsum pa 'grel pa la/ rgyas par bshad pa
dang/

don bsdu ba'o/ /dang po la bzhi'i dang po sdug bsngal gyi rnam
pa ni/ don dam pa'i tshul nyid kyis sdug bden gyi de bzhin nyid
dang/ sangs rgyas te de mngon sum du rtogs pa'i ye shes des/ don
dam par de dag phan tshun rten dang brten pa'i rnam grangs kyis
gnas par khas

mi len pa yin te/ don dam par de dag la rten dang brten pa'i
dngos po med pa de'i phyir/ mthong lam stag bsngal chos bzod kyi
skabs su de ltar bsgoms pas/ ma 'ongs pa na sangs rgyas kyi ye
shes brtan par 'gyur ba'i phan yon 'thob pa yin no/ /don bsdus
na

sdug bden gyi de bzhin nyid dang de'i yul can ye shes don dam
par rten dang brten par ma grub par mngon sum du rtogs pa'i sdug
bsngal chos bzod kyi ye shes chos can/ sdug bsngal chos bzod kyi
rnam pa yin te/ chos bzod kyi ngo skal gyi sdang?  bya'i sa bon

gyi dngos gnyen byad pa'i chos bzod kyi ye shes yin pa'i phyir/
de bzhin du lhag ma rnams la yang shes par bya'o/ /mdo ni/ gzugs
kyi de bzhin nyid la yang de bzhin gshegs pa mi dmigs/ de bzhin
gshegs pa la yang gzugs kyi de bzhin nyid

mi dmigs zhes so/ /gzugs la sogs pa don dam par bden pas stong
pa chos kyi dbyings kyi ngo bo nyid kyis de'i yul can sher phyin
yang chen po nyid dang zhes pa la su ma bzhin du sbyar ro/ /de
bzhin du sdug bsngal de dag don dam par 'jal byed kyi tshad

@169a @#/ /ma med pa nyid du mngon sum du rtogs pa'i sdug bsngal
rjes bzod kyi ye shes chos can/ snga ma bzhin du na mkha' ched
med pa nyid kyis sdug bsngal de dag don dam par tshad med pa
mngon sum du rtogs pa'i sdug bsngal rjes

shes kyi ye shes ni de'i rnam pa yin te/ rgyu mtshan ni sngar
ltar ro/ /de lta bu bzhi ni zhes so/ /mdo ni gzugs chen po nyid
yin pa'i phyir byang chen rnams kyi pha rol tu phyin pa 'di ni
chen po nyid de zhes dang/ ko'u shi ka gzugs la tshad ma med pa'i
phyir

byang chen rnams kyi pha rol tu phyin pa 'di ni tshad ma med pa'o
zhes dang/ ko'u shi ka gzugs tshad med pa'i phyir byang chen
rnams kyi pha rol tu phyin pa 'di ni tshad med pa'o/ /zhes so/
/gnyis pa kun 'byung gi rnam pa la zag bcas rgyus bsdus kyi
gzugs

sogs pa la don dam par ngo bo nyid med pa nyid kyis rtag pa dang
chad pa'i mtha' nyid la sogs pa med pa mngon sum du rtogs pa'i
kun 'byung chos bzod kyi ye shes de'i rnam pa dang/ kun 'byung
chos shes kyi sher phyin la gnas pa'i rnal 'byor pa ni/

chos kyi dbyings kyi ngo bo nyid kyis gzugs la sogs pa la de
bzhin gshegs pa nyid kyi rang bzhin bden stong du nges par 'dzin
pa chos shes dang/ de bzhin du sher phyin de'i rgyun de la gnas
pa ni chos thams cad la don dam par blang ba dang dor ba

med par bsgom pa la sogs pa kun 'byung rjes bzod kyi ye shes ni
de'i rnam pa dang/ don dam par ngo bo nyid med par mos pa sngon
du 'gro ba'i tshad med pa bzhi bsgom par bya bas te de ltar sgom
pa'i yon tan dang ldan pa'i kun 'byung rjes shes kyi ye

@169b shes ni de'i rnam pa dang/ zhes bya ba de lta bu bzhi ni
zhes so/ /rjes shes kyi skabs su chad med bzhi'i yon tan dang
ldan pas de ma thag 'gag par ltung ba'i nyes pa khags pa yin gyi
mnyam par bzhag bzhin pa'i tshe de dag mngon gyur du bsgom pa'am/
mnyam

gzhag snga phyi'i bar bcad nas bsgom pa yang ma yin no/ /mdo ni
ko'u shi ka gzugs mtha' yas pa'i phyir byang chen rnams kyi pha
rol tu phyin pa 'di mtha' yas so zhes dang/ bcom ldan 'das bdag
cag gi byang chen sher phyin 'di dang ma bral bar gyur pa de

bzhin gshegs pa nyid du bzung bar bgyi'o zhes dang/ bcom ldan
'das byang chen rnams sher phyin 'di rnam mkhyen gyi bar du khas
mi len mi 'dor ba'i tshul zhes dang/ gzhan sems can thams cad la
mi dmigs pa'i tshul gyis byams pa dang snying rje dang

dga' ba dang btang snyoms sgom pa'i phyir de rnams la mi dang mi
ma yin pas glags rnyed par mi 'gyur ba dag ces so/ /gsum pa 'gog
pa'i rnam pa ni/ gzugs la sogs pa'i ngo bo gnyug ma dang po nas
bden par grub pa'i rang bzhin kho nas stong pa nyid du mngon

sum du rtogs pa'i 'gog pa chos bzod kyi ye shes de de'i rnam pa
dang/ chos kyi dbyings dang mnyam pa'i dge ba'i rtsa ba rnams
kyi 'bras bu de bzhin gshegs pa nyid 'thob pa'i phan yon can gyi
'gog pa chos shes de'i rnam pa dang/ 'gog pa rjes bzod kyi shes

rab kyi pha rol tu phyin par gnyen po rnam byang gi rigs rnams
rnam pa thams cad du bsdus pa'i yon tan dang ldan pa'i 'gog ba
rjes bzod dag/ 'gog pa rjes shes de nyid kyis phyi dang nang gi
'tsho ba rab tu zhi ba'i yon tan dang ldan pa'i 'gog pa rjes shes

@170a @#/ /kyi ye shes ni de'i rnam pa dang shes bya ba de lta bu
bzhi ni zhes so/ /mdo ni/ de ni 'di ltar rigs kyi bu 'am rigs
kyi bu mo de dag gis nang stong pa nyid mi dmigs pa'i tshul gyis
shin tu sgom pa'i phyir ro zhes dang/ bcom

ldan 'das ji tsam du byang chen 'dzin pa dang zhes pa nas theg
pa gsum la 'dul ba ngo mtshar che'o zhes dang/ bcom ldan 'das ji
tsam du sher phyin ni zab mo 'dir yongs su bzung na phar phyin
yongs su bzung bar 'gyur zhes pa dang/ ko'u shi ka de bzhin

du rigs kyi bu'am rigs kyi bu mo gang la la sher phyin 'di 'dzin
'chang sogs byed pa de la rgol ba dang rtsod pa 'gal bar byed pa
de dag sher phyin gyi mthus myur du zhi ba dang med par 'gyur te
zhes so/ /bzhi pa lam bden gyi rnam pa ni/ don dam

par ngo bo nyid med pa bsgom pa kho nas gzugs la sogs pa dang/
mya ngan las 'das pa la bden par mngon par zhen pa zhi ba'i lam
la chos bzod kyi ye shes de'i rnam pa dang/ chos shes kyi ye
shes de shes rab dang thabs la mkhas pa la

zhugs pa la lhas byas pa dang/ 'byung ba 'gyur ba dang/ nang gi
bdag nyid can gyi bar chad gsum sangs rgyas kyis bsrung ba dang/
bskyab pa dag/ sgra ba dag mdzad pa'i phan yon can gyi lam la
chos shes kyi ye shes da nyid de'i rnam pa dang/ sangs

rgyas nyid mngon par 'dod pas bdag nyid srog gcod pa spong ba la
sogs pa rnam pa thams cad mkhyen pa nyid kyi rgyu phar phyin la
rang nyid gnas nas de nyid gnas nas de nyid la gzhan dag 'god
pa'i yon tan dang ldan pa'i rjes bzod kyi ye shes dang/ sbyin pa
la sogs

@170b pa'i dge ba mi zad par byed 'dod pas yang dag par rdzogs
pa'i byang chub tu bsngo bar bya ba ste byed pa'i yon tan dang
ldan pa'i lam la rjes shes kyi ye shes de chos can/ khyod lam la
rjes shes kyi rnam pa yin te/ lam mthong spangs kyi sa bon las
dngos su grol

lam gyi ngo bor gyur pa'i lam la rjes shes kyi ye shes yin pa'i
phyir/ yang na sngar bshad pa ji lta ba bzhin du sbyar ro/ /zhes
bya ba de lta bu bzhi ni zhes so/ /mdo ni/ ko'u shi ka de ni 'di
ltar sher phyin chos thams cad nye bar zhi bar byed pa ste rnam
par 'phel

bar byed pa ma yin no zhes dang/ stong gsum gyi lta'i bu dag
byang chen sher phyin 'di 'dzin 'chang sogs byed pa de dag la/
rtag tu rgyun mi chad par bsrung ba dang/ bskyab pa dang sba bar
byed do zhes dang/ bdag kyang srog gcod pa spong bar 'gyur ro/
/gzhan yang

srog gcod pa spong ba la yang dag par bskul bar 'gyur ro/ /zhes
dang/ ko'u shi ka gzhan yang byang chen phar phyir drug la spyod
pa'i tshe sbyin pa yongs su gtong ba gang yin pa de yang sems can
kun dang thun med du byas te mi dmigs pa'i tshul gyis bla med
rdzogs

byang bu yongs su bsngo bar 'gyur ro/ /zhes so/ /gnyis pa ni/ de
lta bu ni zhes so/ /rnam pa 'di dag dang rigs mtshungs pa sbyor
ba dang rjes kyi gnas skabs su yang sgom mod kyi de 'ba' zhig la
sbyor bar bya ba ma yin te/ rtse sbyor gyi skabs su/ sbyin pa la
sogs

re re ni/ /de dag phan tshun bsdus pa dang/ /zhes bshad pa dang
'gal bar 'gyur ba'i phyir ro/ /gsum pa la/ khas blangs brjod pa
dang/ de dgag pa'o/ /dang po ni/ kha cig ni 'dir skad cig ma
mdor bstan gyi tshig le'ur byas pa'i brjod bya'i don nyer bar
mtshon

@171a @#/ /pa ston pa lhur len pa'i gzhung rgyas bshad kyi tshig
dang/ don de dag ston pa'i mdo'i tshig gis mthong lam shes bzod
kyi rnam pa'i don dngos su ma bshad par mthong ba'i lam gyi skad
cig ma bcu drug rjes kyi gnas skabs su 'byung

ba'i phan yon dngos su bstan pas nye bar mtshon pa nyi tshe mdzad
par zad de/ der ma zad sngar bshad pa dang zhes so/ /de dag tu
yang bsgom bya'i rnam pa dngos su ma bshad par rjes kyi spyod pa
la sogs pas mtshon te bstan pa yin no/ /rnam pa rnams ni/ rnam

pa brgya dang bdun cu rtsa gsum gyi skabs nas ston pa yin no/
/zhes zer to/ /gnyis pa ni/ slob dpon dang de dang mthun pa
gzhan dag na re de bzhin nyid dang zhes sogs kyi gzhung de dag
gis ni chos can/ mngon par rtogs pa'i rim pa cung zad kyang
dngos sum

bstan par thal/ mngon rtogs kyi 'dzin stangs kyi rnam pa ji ltar
sgom pa'i rim pa la sogs pa dngos su ma bstan pa'i phyir/ nyes
pa gzhan yang gzhung gi tshig don la ma zhugs pa ni dmigs pa dang
ni rnam pa dang/ zhes bya ba la sogs pa'i tshigs su bcad

pa'i don kyang ji ltar drang ste/ drang ba mi 'thad rigs par
thal/ skabs dang po'i nges 'byed cha mthun gyi gzhung gis rnam
pa ma bstan pa'i phyir ces zer to/ /snga ma ni/ bstan bcos kyi
ming don mi mthun par thal ba 'phen pa'o/ /gnyis pa sgom lam la/
spyi'i

mtshams sbyar ba dang/ so so'i don bshad pa'o/ /dang po ni/
mthong ba'i lam gyi mjug thogs su sgom pa'i lam de ma thag brjod
par bya ba rigs pa yin pa las zhes pa'o/ /gnyis pa la/ sgom lam
gyi byed pa dang/ byed ba can gyi sgom lam mo/ /dang po la

@171b gsum gyi dang po mtshams sbyar ba ni/ re shig sgom lam de'i
byed pa 'chad do/ /rgyu mtshan ni/ brjed par bya ba nyung ba nyid
dang/ gdul bya 'bras bu la gzhol ba nyid du rgyu la zhugs shing
gzhug pa'i phyir/ gnyis pa rtsa ba ni/ sgom lam gyi byed pa drug
yod de/ skyes bu

byed 'bras dang po bzhi dang/ rgyu mthun gyi 'bras bu lnga pa
dang/ bdag po'i 'bras bu drug pa rnams yod pa'i phyir/ mdo ni/
rim pa bzhin du sher phyin ni 'di ltar byang chen rnams yongs su
dul ba dang/ nga rgyal ma mchis pa'i don du nye bar gnas pa ngo
mtshar che zhes

dang; bcom ldan 'das de ltar na sher phyin ni byang chen yongs
su 'dud pa dang nga rgyal ma mchis pa'i slad du nye bar gnas so
zhes dang/ de ni 'di ltar rigs kyi bu mo sher phyin la yun ring
du spyad pa de dag gi 'dod chags kyi mtshon dang bdag gi 'dod
chags kyi mda' yang

bcom zhes dang/ de la la la zhig gis dug gis gtor ram byed byas
sam me 'obs su gtor ram/ mtshon gyis btab bam/ dug blud dam/ chur
bor yang rung ste/ de dag thams cad kyis da la gnod par mi 'gyur
ro/ /zhes dang/ chos thams cad mi dmigs pa dang

bla na med pa yang dag par rdzogs pa'i byang chub thob cing sems
can thams cad la rnam par blta bar 'gyur ro zhes dang/ sher
phyin 'di nyid kyis sa phyogs de sems can gyi mchod rten du gyur
par byas nas zhes so/ /gsum pa 'grel ba ni/ rnam pa thams cad du
sems

la lam gong ma bskyed pa la rang dbang nyid du byed pa dang/ nga
rgyal dang rgyags pa thams cad bcom pas dge ba'i bshes gnyen
zhes dang/ nyon mongs pa'i dbang du mi 'gyur bar 'dod chags la
sogs pa phar zil gyis gnon pa dang/ pha rol gyis byas pa'i dug
dang mtshon

@172a @#/ /dang byed la sogs pa'i gnod pa zhes so/ /rang stobs
kyis yang dag par zhes so/ /sgom lam sgom pa'i byang chub sems
dpa' gang na bzhugs pa'i rten gyi yul de yang mchod par bya ba
nyid du byed pa zhes so/ /gnyis pa la/ dbye ba

bstan te mtshams sbyar ba dang/ so so'i ngo bo'o/ /dang po ni/
byed pa'i 'og tu sgom pa'i lam ste de yang rnam pa gnyis so/
/rtog pa'i zag pa dang bcas pa dang zag pa med pa'i bye brag gis
so/ /gnyis pa la/ zag bcas sgom lam dang/ zag med sgom lam

mo; ;dang po la gsum/ dbye bas mtshams sbyar ba dang/ so so'i don
bshad pa dang/ don bsdu ba'o/ /dang po ni/ de'i phyir ces so/
/gnyis pa la/ mos pa/ bsngo ba/ rjes su yi rang ba'o/ /dang po
la dngos dang phan yon gnyis kyi dang po la/ gsum gyi

dang po mtshams sbyar ba ni/ sgom pa'i lam dang po zhes so/ /'di
dag zag bcas su bzhag pa ni/ sgra don 'dre rung 'dzin pa'i rtogs
pa dang bcas pa la/ zag bcas su bzhag pa yin gyi/ spang byas
bsdus pa'i zag bcas ni ma yin te/ byang chub sems dpa' sgom

lam gyi rjes kyi gnas skabs su bsod nams kyi tshogs rdzogs pa'i
yan lag tu yang dang yang du 'bad pas bskyed par bya ba yin pa'i
phyir dang/ sgom spangs 'bad pas bskyed pa'i 'phags pa su yang
med pa'i phyir ro/ /spang bya yin na sgom spangs su byed dgos

la; theg chen 'phags pa'i sgom spangs yang yin la sgom lam yang
yin pa'i gzhi mthun su gang gis kyang byar med pa'i phyir ro/
mngon pa kun las btus su zag bcas la spang byas khyab par bshad
pa shes byed du byed pa ni 'brel pa med de/ de ni nyon mongs

@172b pa'i zag bcas yin pas so/ /sa brgyad pa yan chad na/ sgra
don 'dre rung 'dzin pa'i rtog pa med na lkog gyur gyi don cung
zad kyang yul du byed mi dgos par 'gyur ro/ /gnyis pa rtsa ba
ni/ theg pa chen po'i sgom lam mos pa chos can/ rnam pa gsum du
shes

par bya ste/ rang gi don dang ni rang gzhan gnyis ka'i don dang
gzhan don mos pa rnams yod pa'i phyir/ mos pa gsum po de yang ni
chos can/ so sor rnam pa gsum gsum du 'dod de/ re re la chung
ngu dang 'bring dang chen po gsum gsum yod pa'i phyir/

chung ngu 'bring chen po de yang chos can/ rnam pa gsum gsum
yod
de/ chung ngu'i chung sogs dbye ba yis so/ /de ltar na mos pa
rnam pa nyi shu bdun du 'dod do/ /gsum pa 'grel pa ni/ theg chen
sgom lam mos pa'i ngo bo yang chos can/ rnam pa gsum ste/

rang dang gzhan dang gnyis ka'i don la dmigs pa nyid kyi sgo nas
gsum yod pa'i phyir/ theg chen sgom lam mos pa chos can/ 'phags
lam gyi dang por mngon du mi byed pa'i rgyu mtshan yod de/ yum
don gsum gyi 'byung gnas su ji ltar mos pa bzhin/

mthong ba'i dge ba'i chos mos yul sher phyin nyid kyi rten yin
na yang rjes thob dag pa 'jig rten pa'i sgom pa'i lam gyi dbang
du byas pa las thob pa'i lam yin pa'i phyir/ mos pa gsum po de
dag kyang chos can/ re re zhing rnam pa gsum gsum yin te/

re re zhing chung ngu la sogs pa'i bye brag gis so/ /chung ngu
la sogs pa de yang chos can/ rnam pa gsum gsum yin te/ so sor
chung ngu'i chung ngu la sogs pa'i dbye bas so/ /don bsdu ba ni/
de ltar na zhes so/ /sbyir mos pa'i yul ni/ lung rigs kyis gtan

@173a @#/ /la phebs pa'i don yin la/ sgom lam mos pa'i yul ni/
gzhung lam 'bras bu'i shes rab kyi pha rol tu phyin pa'o/ /ngo
bo ni/ lam sher phyin mnyam gzhag tu sgom pa'i stobs las thob
pa'i rjes thob tu sher phyin gsum don

gsum gyi 'byung gnas su yid ches pas dad pa thob pa'i yid ches
kyi dad pa dang/ dang ba'i dang ba'o/ /dbye ba ni bdag tu nga
rgyal ba ma spangs pa'i gnas skabs dang/ bdag gzhan mnyam par
rtogs pa'i gnas skabs dang/ rnam pa thams cad du gzhan

don kho na la 'jug pa'i gnas skabs kyi dbang du byas na/ ma dag
sa bdun dang/ sa brgyad pa dgu pa gnyis dang/ sa bcu pa la bzhag
pa ltar snang yang gtso che ba'i dbang du byas pa yin gyi/ sgom
lam dgu ga'i rjes thob na yod par bzhag pa la 'gal ba med

do; ;gnyis pa la gsum gyi dang po mtshams sbyar ba ni/ de ltar
mos pa bsgom pa la sangs rgyas la sogs pas bstong ba la sogs pa
mdzad pa la dgos pa yod de/ mos pa de sgom pa'i byang chub sems
dpa' spro ba bskyed pa'i ched yin pa'i phyir/ ces

bstod pa dang/ gnyis pa rtsa ba ni/ gzhung lam 'bras bu'i shes
rab pha rol phyin pa la don gsum gyi 'byung gnas su mos pa'i
gnas skabs rnams la ni chos can/ bstod pa dang bkur ba dang ni
bsngags par 'dod de/ dgu tshan gsum gyis bstod bkur

bsngags pa gsungs pa'i phyir/ gsum pa 'grel pa ni/ bstod pa dang
bkur ba dang bsngags par 'dod de/ skabs gang du zhe na/ yum don
gsum gyi 'byung gnas su ji ltar mos pa bzhin du mthong ba'i chos
kyi mtshan nyid kyi mos yul shes rab kyi

@173b pha rol tu phyin pa la yid ches pa'i rnam pas bzhugs pa'i mos
pa yid la byed pa dang po dang gnyis pa dang gsum pa ste/ gnas
skabs dgu dag tu'o/ /de yang so sor rnam pa dgus go rims bzhin du
snga ma snga ma las phyi ma phyi ma gong nas gong du khyad

par du 'phags pa'i sgo nas mngon par dga' bar byed cing bstod pa
sogs mdzad pas so/ /des na bstod pa la sogs pa 'di dag ni chos
can/ don la mi gnas bzhin du gtsam bu'i ngo bstod ni ma yin te/
yon tan ji ltar yod pa ltar don yang dag pa ci lta ba

bzhin rtogs pa'i mtshan nyid can gyis kun nas bslang nas bstod pa
sogs mdzad pa yin pa'i phyir/ gnyis pa bsngo ba la gsum gyi dang
po mtshams sbyar ba ni/ de ltar zhes so/ /gnyis pa rtsa ba ni/
yongs su bsngo ba khyad par can 'phags pa sgom lam

pa'i bsngo ba de'i byed pa bsngo ba gzhan las mchog yin te/ rang
gzhan gyi dge rtsa thams cad byang chub kyi yan lag tu/ sgyur
bar byed pa'i bla na med pa'i bsngo ba yin pa'i phyir/ mdo ni/
byang chub sems dpa' ni sems can dul sogs bya ba'i phyir nye bar
gnas

te rjes su yi rang ba dang ldan pa'i bsod nams bya ba'i dngos po
sems can thams cad dang thun mong du byas shing mi dmigs pa'i
tshul gyis bla med rdzogs byang du bsngo'o/ /zhes so/ /bsngo ba'i
rang bzhin ni/ bsngo bya'i rdzas dang/ bsngo byed kyi sems dang/

bsngo ba po la bden zhen 'gog pa ni/ rim pa bzhin du de ni dmigs
med rnam pa can dang/ /phyin ci ma log mtshan nyid dang/ /dben
dang zhes so/ /rang gi dge ba dang/ sangs rgyas kyi dge ba bzang
ngan du mngon par zhen pa 'gog pa ni/ sangs rgyas

@174a @#/ /zhes so/ /phyin drug gi dge ba la bzang ngan du zhen
pa 'gog pa ni/ thabs bcas dang/ bsngo ba thams cad la 'khor gsum
du bden pa 'gog pa ni/ mtshan ma med pa dang/ tha snyad du rten
'brel sgyu mar shes nas/ sangs rgyas

kyi sar bsngo zhing/ 'khor ba'i rgyur mi bsngo ba ni rim pa
bzhin du sangs rgyas zhes pa rkang pa gnyis dang/ bsngo ba gzhan
ni rnam pa'i sgo nas rnam gsum mo/ /bsod nams che 'byung bdag
nyid kyi bsngo ba chung ngu dang 'bring dang chen po yi sgo nas
rnam pa gsum yod pa'i phyir

gsum pa 'grel pa ni/ bla na med pa yang dag par rdzogs pa'i
byang chub tu bsngo ba rnam pa bcu gnyis byed do/ /dgos pa sems
can thams cad kyi don du mi zad par bya ba'i phyir/ thabs shes
khyad par can gyis zin pa'i sgo nas bsngo ba yin te/ bden par mi

dmigs par rtogs pa'i shes rab kyis zin pa la tha snyad du dmigs
pa theg pa gsum gyis gdul bar bya ba'i sems can la skal pa ji
lta ba bzhin du lam nye bar ston pa'i rgyu'i ngo bo byed pa dang
ldan pa'i thabs rnams kyis zin par bsngo ba'i phyir/ bcu gnyis

po de dag gang zhe na/ ji skad bshad pa'i mos pa nyan rang gi
dge ba las yid la byed pa khyad par can yul du byas pa'i bsngo
ba zhes de ltar ming du btags pa'i yid la byed pa go rims bzhin
du bsngo ba gang zhig bla na med pa'i byang chub don dam par mi
dmigs

pa la tha snyad du dmigs pa'i bsngo ba zhes sbyar ro/ /bsngo bya
don dam par mi dmigs pa'i bsngo ba ni tshul khrims la sogs pa'i
phung po don dam par mi dmigs pa la dmigs pa'i bsngo ba'o/
/phyin ci ma log pa'i ming can ni bsngo bar byed pa'i sems don

@174b dam par mi dmigs pa la dmigs pa dang zhes 'og ma rnams la
yang sbyar ro/ /don ni/ 'dir bstan bsngo ba yid la byed pa bla
na med pa'i sgom lam chos can/ bsngo ba po don dam par dben pa'i
bsngo ba zhes bya ste/ bsngo ba po bdag la sogs pa dang ldan
pa'i

dngos po don dam par mi dmigs pa la tha snyad du dmigs pa'i
bsngo ba yin pa'i phyir/ de bzhin du gong 'og kun la sbyar ro/
/de bzhin gshegs pa'i dge ba'i rtsa ba'i tshogs kyi rang bzhin
dran pa'i ming can gyi bsngo ba ni dus gsum gyis sangs rgyas kyi
dge ba don

dam par mi dmigs pa'i shes rab kyis zin cing/ tha snyad du byang
chub tu bsngo ba'o/ /thabs la mkhas pa dang bcas pa'i ming can
ni/ sbyin pa la sogs pa dang mtshan ma ched pa'i ming can ni/ don
dam pa'i mtshan ma bkag pa'i bsngo ba dang/ sangs rgyas kyis

gnang ba'i ming can ni/ lam thams cad don dam par mi dmigs
shing/ tha snyad du byang chub tu bsngo ba dang/ khams gsum par
ma gtogs pa'i ming can ni/ 'dod pa la sogs pa'i khams don dam
par mi dmigs shing/ tha snyad du dge rtsa thams cad byang chub
tu

bsngo ba'o/ /bsod nams chen po 'byung ba'i bsngo ba chung ngu
zhes bya ste/ stong gsum gyi sems can rnams dge ba bcu la sogs
pa'i las kyi lam la bkod pa'i dge ba don dam par mi dmigs shing/
tha snyad du byang chub kyi yan lag tu sgyur bar byed pa'i bsngo
ba yin pa'i phyir/

bsod nams chen po 'byung ba'i bsngo ba 'brang po zhes bya ste/
sems can rnams rgyun du zhugs pa la sogs pa la bkod pa'i rnam pa
zhes sbyar ro/ /bsod nams chen po 'byung ba'i bsngo ba chen po
zhes bya ste/ sems can rnams bla na med pa'i byang chub la bkod
pa'i dge ba

@175a @#/ /rnams zhes sbyar ro/ /gsum pa rjes su yi rang ba la
gsum gyi dang po mtshams sbyar ba ni/ de ltar rang gzhan gyi dge
ba bla na med pa'i byang chub tu legs par bsngos pa'i dngos po
gong nas gong du mdon par spel bar bya ba yin pas gsum

pa zhes so/ /gnyis pa rtsa ba ni/ zag pa dang bcas pa'i rjes su
yi rang ba yid la byed pa'i bsgom pa yin par skabs 'dir brjod
do/ /tha snyad du dge rtsa rnams sgyur ma lta bur rtogs pa'i
thabs dang don dam par mi dmigs par rtogs pa'i shes rab kyis zin
pa dag

gis rang gzhan gyi dge ba'i rtsa ba la dga' ba sgom pa'i yid bde
dang mtshungs ldan gyi dang ba'i dang ba ni/ yi rang ba yin par
brjod do/ /gsum pa 'grel pa ni/ rang gzhan gyi dge rtsa la rab
tu dga' ba'i sems kyis kun rdzob tu dge ba gong nas gong du spel

ba'i thabs kyis dge ba'i rtsa ba la dmigs nas don dam mi dmigs
par rtogs pa'i shes rab kyis zin pa nyid kyis rjes su yi rang
bar bya ba dag yin no/ /gsum pa ni/ de la gsum po'i byed las
mdor bsdus pa'i don ni mos pa yid la byed pas

ni 'byung khungs dag nas gser gyi gar bu rnyed pa bzhin du bsod
nams rgya chen po gsar du mngon par 'du byed do/ /bsngo ba yid
la byed pas ni chos can/ byed pa khyad par can bsgrub ste/ gar
bu de gser mgar gyis rgyan du bsgyur ba bzhin du dge ba rnams

yang dag par rdzogs pa'i byang chub kyi yan lag tu byed pa'i
phyir/ rjes su yi rang ba yid la byed pas ni chos can/ chos snga
ma la gzhan rgyud la grub pa'i dge ba rang gis byas pa dang 'dra
bar rang dang gzhan gyi bsod nams bya ba mnyam pa nyid 'thob
pa'i

@175b phyir; ces bya ba 'di byed las kyi khyad par yin no/
/gnyis pa zag med sgom lam la/ dbye bas mtshams sbyar ba dang/ so
so'i ngo bo'o/ /dang po ni/ zag pa dang bcas pa'i 'og tu byung
ba'i/ zag pa med pa'i sgom pa'i lam de yang chos can/ rnam pa
gnyis te/

bsgrub pa sgom lam dang/ rnam dag sgom lam gnyis yod pa'i phyir/
gnyis pa la/ bsgrub pa sgom lam dang/ rnam dag sgom lam mo/
/dang po la gsum gyi dang po mtshams sbyar ba ni/ zag med sgom
lam la gnyis yod pa de'i phyir ces so/ /gnyis pa

rtsa ba ni/ bsgrub pa sgom lam la lnga yod de/ ngo bo dang/
'bras dus khyad par du byas pa dang/ byed las dang/ gnas skabs
kyi yon tan dang/ mtha'i yon tan dang 'brel ba rnams su yod pa'i
phyir/ gsum pa 'grel pa ni/ sa gnyis pa'i mnyam gzhag ye

shes chos can/ bsgrub pa sgom lam gyi ngo bo nyid de/ mdo ni
shes rab kyi pha rol tu phyin pa ni shin tu rnam par dag pas na
snang bar bgyid pa'o zhes so/ /gzugs la sogs pa'i gnas lugs
phyin ci ma log par mthong ba'i rjes la mngon rtogs yin

pa'i phyir/ thabs mchog nyid do/ /des ma zin pa'i sbyin sogs
gzhan gyis sangs rgyas mi 'thob pa des zin pa'i dbang gis 'thob
pa'i phyir/ chos thams cad kyi khyad par bden pa'i skye ba med
par rtogs par sbyor ba ni kun la bden par mngon par

'du mi byed pa'o/ /mdo ni de yang gzugs nas rnam mkhyen gyi bar
mngon par bsgrub pa med pa'i phyir sher phyin mngon par bsgrub
par bya'o zhes so/ /bsgrub pa sgom lam gnas skabs kyi 'bras bu
khyad par can dang ldan te/ rnal 'byor ba'i rgyud la gnas 

@176a @#/ /skabs kyi 'bras bu khyad par can gtod par byed pa'i
phyir/ der thal/ de lta bu'i ngo bo nyid dang/ 'bras bu dang/
byed pa'i khyad par la sogs pa dang ldan pa'i lam gyis chos
rnams mi dmigs pa nyid du rtogs pa'i shes

rab kyis zin pa'i sgo nas rnal 'byor pa'i rgyud la bskyed par
byed pa'i phyir/ mtha'i 'bras bu don chen po nyid byed de/ don
chen po sangs rgyas nyid du byed pa'i phyir/ mdo ni rnam grangs
gang gis shes rab kyi pha rol tu phyin pa 'di chen mo yin/ sher
phyin

ni gzugs che bar mi bgyid chung bar mi bgyid ces so/ /gnyis pa
la bzhi/ rgyu'i khyad par dang/ yul dang/ 'bras bu dang/ ngo
bo'i khyad par ro/ /dang po la gsum gyi dang po mtshams sbyar ba
ni/ bsgrub pa sgom lam de'i 'og tu gnyis pa shin tu

rnam par dag pa'i mtshan nyid kyi sgom lam 'chad do/ /de yang
mthun rkyen gang zhig yongs su bzung ba dang 'gal rkyen gang
zhig bor bas zhes so/ /gnyis pa rtsa ba ni/ gsum po 'di rnam dag
sgom lam 'di la mos pa'i rgyu dag yin no/ /phyi'i rkyen sangs

rgyas bsten pa dang/ nang gi rkyen sbyin sogs dang zhi lhag zung
'brel gyi thabs la mkhas pa gang yin pa'o/ /mdo ni rim pa bzhin/
byang chen phyogs bcu'i 'jig rten gyi khams kyi sangs rgyas
grangs med pa la bsnyen bkur nas 'od zer 'ongs shing skyes pa
zhes dang/

sems dang po bskyed pa na sbyin pa'i phar phyin la spyod ces
dang/ byang chen gang sems dang po bskyed pa nas nye bar bzung
ste/ yum zab mo 'di la mi dmigs pa'i tshul gyis brtson par byed
do zhes so/ /bsgrub pa sgom lam sogs chos kyis 'phongs pa'i rgyu
dag ni bzhi

@176b yod de/ bdud kyi zhes so/ /gsum pa 'grel pa ni/ mthun
rkyen bsgrub pa sgom lam skye ba'i rgyu dag yin no/ /sangs rgyas
kyi chos yongs su rdzogs pa'i ched du sangs rgyas mnyes par byed
pa dang/ sbyin pa la sogs pa'i pha rol tu phyin pa rdzogs par
byed pa dang/ ting nge 'dzin

khyad par can thob pa'i zhi gnas la mkhas pa zhes bya ba'o/
/sgom lam mi skye ba'i rgyu bzhi po dag yin no/ /gang na sngon
dge ba ma bsags pas bdud kyis gnod pa byas pa sogs bzhi yod pa'i
phyir/ gnyis pa la gsum gyi dang po mtshams sbyar ba ni/ de ltar
zhes so/ /

gnyis pa rtsa ba ni/ dge sbyong gi tshul gyi 'bras bu ngo skal
gyi dri mas dag pa na de'i yul gzugs la sogs pa yang dri ma de
nyid kyis dag pa nyid de/ gang gi phyir na/ dag bya gcig gis
dben pa'i dag pa de gnyis rang gi mtshan nyid ngo bo tha dad pa'i
sgo nas tha dad ma yin zhing

rigs tha dad pa'i sgo nas bcad du med pas so/ /des na dag pa
rigs gcig tu brjod do/ /mdo ni/ rab 'byor gzugs rnam par dag pa
gang yin pa de 'bras bu rnam par dag pa nyid do zhes so/ /gsum
pa 'grel pa ni/ de ltar 'bras bu dang gzugs la sogs pa dag

bya gcig gis rnam par dag pa rigs gcig tu brjod pa'i rgyu mtshan
yod de/ dag bya gcig gis dben pa'i rnam pa dag rang dang spyi'i
mtshan nyid ngo bo nyid kyis tha dad pa nyid ma yin pa de'i
phyir/ rgyu mtshan gang gi phyir na 'bras bu dang gzugs la sogs
pa de dag gi rnam par

dag pa ngo bo nyid kyis tha mi dad cing tshad mas rigs tha dad du
bcad du med pa nyid kyi phyir/ der thal 'bras bu rnam grol lam
dang de'i yul gzugs la sogs pa rnam par dag pa ni/ rnam grol lam
de'i ngo skal gyi spang bya gzugs la sogs pa la gang zag gi bdag

@177a @#/ /tu mngon par zhen pa'i sa bon la sogs pa dang bral bas
rab tu phye ba nyid kyis dag bya gcig gis dben pa'i dag pa yin
pa'i phyir/ des na mdo las/ 'bras bu rnam par dag pa gang yin pa
de nyid gzugs la sogs pa rnam par

dag pa zhes bshad pa yin te/ theg pa gsum gyi 'phags pa'i gang
zag gi dge sbyong gi tshul gyi 'bras bu rnam grol lam gang yin pa
de rang gi ngo skal gyi mi mthun pa'i phyogs thams cad dang bral
ba nyid kyis de'i yul gzugs la sogs pa yang dri ma de

nyid kyis rnam par dag pas de ltar bshad pa'i phyir/ don ni/
rnal 'byor ba rang nyid kyis dri ma mtha' dag zad pa na/ de'i
yul mtha' dag dri ma mtha' dag gis dben par ston pa ma yin te/
de lta na skyes du gcig sangs rgyas pa na phyi ma rnams lam sgom

pa'i 'bad pa la mi ltos par thal bar 'gyur ro/ /'o na ci zhe na/
gang zag de nyid dri mas dben pa na/ de'i rgyud kyi spang bya de
nyid kyis de'i yul gzugs la sogs pa yang dban pas/ rnal 'byor pa
de nyid kyis gzugs la sogs pa dmigs pa'i che/ sngar las mi

'dra ba'i snang ba 'char ba yin te/ rten 'brel bden stong du
rtogs pa'i gang zag la rten 'brel sgyu mar 'char ba bzhin no/
/gsum pa la gsum gyi dang po mtshams sbyar ba ni/ rnam par dag pa
zhes so/ /gnyis pa rtsa ba ni/ nyan thos dang/ rang sangs rgyas
dang/ byang

chub sems dpa' sgom lam pa rnams dri ma ci rigs pa rnam par dag
pa'i rnam dag dang ldan te/ nyan rang dgra bcom pa rim pa bzhin
du nyon mongs pa'i sgrib pa dang/ gzugs sogs phyi rol don du
zhen pa'i shes bya'i sgrib pas dben zhing/ phyi ma lam gsum

@177b gyi sgrib pa'i sa bon ci rigs pa spangs shing nyams pa'i
phyir dag pa de dag ni slob ma dang/ bse ru dang/ rgyal sras
rnams kyi dag pa ste zhes so/ /rdzogs pa'i sangs rgyas rnams kyi
dag pa ni chos can/ rnam kun shin tu bzhes bya ste/ mthar thug
pa'i dag pa yin pa'i phyir/

mdo ni rim pa bzhin du/ 'dod chags dang zhe sdang dang gti mug
rnam par dag pa dang/ gzugs la sogs pa rnam par dag pa 'di dag
gnyis su med cing gnyis su byar med pa nyid kyis zhes dang/ ma
rig pa rnam par dag pas 'du byed rnam par dag ces dang/

sbyin pa'i phar phyin rnam par dag pas tshul khrims kyi phar
phyin rnam par dag pa zhes so/ /gsum pa 'grel pa ni/ nyan rang
dgra bcom pa'i rgyud kyi spangs pa ni/ nyan thos dang rang sangs
rgyas kyi dag pa zhes bya ste/ go rims bzhin du 'dod chags la
sogs pa'i

nyon mongs pa'i sgrib pa dang/ nyon sgrib de dang shes bya'i
sgrib pa'i phyogs gcig po gzugs sogs phyi rol don du zhen pa'i
bzung ba'i don gyi rnam par rtog pa spangs pa'i de dag gi rgyud
kyi bral ba yin pa'i phyir/ byang chub sems dpa' 'phags pa sgom
lam

pa'i rgyud kyi spangs pa ni byang chub sems dpa' rnams kyi dag
pa yin no/ /theg pa gsum gyi lam gyi sgrib pa nyon sgrib dang/
shes sgrib gnyis dang gsum ci rigs su spangs pa'i de'i rgyud kyi
bral ba yin pa'i phyir/ chos kyi dbyings las byung ba rang bzhin
rnam dag de

nyid blo bur gyi dri ma mtha' dag gis shin tu rnam par dag pa
nyid ni chos can/ bla na med pa'i sangs rgyas kyi dag pa yin par
'dod de/ nyon mongs pa dang shes bya'i sgrib pa bag chags dang
bcas pa rnam pa thams cad du spangs pa'i bral ba yin pa'i phyir/
bzhi

@178a @#/ /pa la/ rnam dag shin tu ba yin min gyi khyad par dang/
sangs rgyas kyi rnam dag shin tu bar bsgrub pa'o/ /dang po la
gnyis kyi dri ba ni/ lam shes pa nyid kyi zhes so/ /byang sems
kyi sgom lam gyi dag pa 'chad pa'i skabs su/

gzhan rnams kyi dag pa skabs su ma bab snyam pa'o/ /lan la gnyis
kyi dang po rtsa ba ni/ 'bras bu rnam dag gi dbye ba byas pas/
rgyu dag byed byang chub sems dpa'i sgom lam gyi dbye ba yang
'grub pas skabs su ma bab pa'i skyon med do/ /ji ltar 'grub ce
na/

sangs rgyas kyi rnam dag shin tu ba dang nyan rang gi rnam dag
shin tu ba ma yin te/ khams gsum sa dgu la ni yod pa'i sgom
spangs gzung 'dzin gyi rnam par rtog pa chen po yi chen po nas
chung ngu'i chung ngu la sogs pa 'joms byed dri ma yi gnyen po
theg

chen gyi sgom lam chung ngu la sogs pa'i lam ni sgrib pas gnyis
ka dag par byed pa'i lam yid la nyan rang 'phags pa'i sgom lam
gyi dri ma mtha' dag dngos su zad mi nus pa'i phyir/ 'dir 'grel
chen du/ sa dgu khams gsum sa dgu la byas

nas; de lam gyi sems rten du ston pa'i rang lugs dang/ sems rten
sa dgur bshad pa ni/ bsam gtan sa drug dang/ gzugs med dang po
gsum yin la/ 'dir 'dod pa sogs dgu bshad pa ni/ lam sher phyin
khams gsum la don dam par mi gnas

par ston pa'i gzhan lugs gnyis bshad do/ /'dod pa dang srid
rtse'i sems la mi brten par bshad pa ni/ nyan thos thabs mi
mkhas pa'i dbang du byas pa yin no/ /zhes zer to/ /'grel pa
'di'i tshig zin ltar na/ sa dgu spang bya'i rten du mdzad par
gsal

@178b lo; ;gnyis pa 'grel pa ni/ rdzogs pa'i sangs rgyas kyi
rnam par dag pa shin tu ba dang/ nyan rang gi rnam dag cig shos
shin tu ba ma yin pa zhes bya'o/ /'dod pa'i khams dang bsam gtan
bzhi dang/ gzugs med pa'i snyoms par 'jug pa bzhi dag ste sa dgu
la

brten nas yod pa'i mi mthun pa'i phyogs sgom spangs chen po'i
chen po la sogs pa rnam pa dgu'i gnyen po'i ngo bor go rims
bzhin du theg chen gyi sgom lam chung ngu'i chung ngu la sogs pa
rnams pa dgu sgrib pa'i rnam pa thams cad dag byed kyi gnyen po
dang/ nyan

rang 'phags pa'i sgom lam cig shos su spang bya nyi tsha ba rnam
par dag pa'i rgyu yin pa'i phyir/ gnyis pa la gsum gyi dang po
mtshams sbyar ba ni/ ji ltar rdzogs pa'i sangs rgyas kyi rnam dag
shin tu ba yin zhe na/ gnyis pa rtsa ba ni/ khyed kyi lugs la/
ma dag

pa'i gzhan dbang bden par grub par thal/ gnod bya spang bya'i
dbye ba dgu grub pa'i phyir/ yang dag pa'i gzhan dbang bden par
grub par thal/ gnod byed gnyen po'i dbye ba dgu grub pa'i phyir
ce na/ de ni bden gnyis 'gal bar 'dzin pa'i klan ka yin la/

spang gnyan skye rim dang 'gag rim la rtsod pa ni/ tha snyad la
brten pa'i rtsod pa'o/ /sngar sangs rgyas rnam kun shin tu ba
zhes pa la 'phros pa yin te/ byang chub sems dpa'i sgom lam
mnyam gzhag ye shes ni chos can/ khams gsum gyi sgrib pa ma

lus pa dag byed kyi gnyen po nyid du 'dod pa yin te/ spang gnyen
gyi rim pa de la klan ka spangs pa yi sgo nas spang bya de dag
gi gnyen por grub pa'i phyir/ der thal/ 'jal byed shes pa dang
gzhal bya dag don dam par ma grub par mnyam pa nyid du mngon

@179a @#/ /sum gyis rtogs pa nyid kyis spang bya de dag dngos su
'joms pa'i phyir/ gsum pa 'grel pa ni/ kha cig na re/ ji skad
bshad pa'i spang gnyen skye 'gag gi rim pa mi 'thad de/ dgra
stobs ldan la gshed ma stobs ldan dgos pa ltar/ de la

sgom spangs chen po'i chen po nas dang por rim gyis 'gag na/
gnyen po sgom lam ni chen po'i chen po la sogs pa'i rim can du
skye ba 'thad la/ dgra stobs zhan pa la gshed ma stobs ldan mi
dgos pa ltar mi mthun pa'i phyogs ni chung ngu'i chung ngu la
sogs

pa 'gag pa la gnyen po yang chung ngu'i chung ngu la sogs pa'i
rigs pas sgom spangs chung ngu'i chung ngu mthar 'gag na/ sgom
lam chung ngu'i chung ngu yang mthar skye bar rigs so zhe na/
yang na gnyen po che rim nas skye ba 'thad la/ mi mthun phyogs
chung? rim nas

'gag par rigs so zhes rtsod pa la sbyar ro/ /de ni kun rdzob la
brten pa'i rtsod pa yin la/ 'phags pa'i 'grel par 'byung ba
ltar/ spang gnyen don dam par ma grub na/ spang gnyen gyi rim pa
mi 'thad par rtsod pa ni/ bden gnyis 'gal ba'i rtsod pa'o/
/rdzogs

pa'i sangs rgyas kyi rnam par dag pa shin tu ba yin par rnam par
bzhag go /theg chen 'phags pa'i sgom pa'i lam shin tu ba ji skad
du bstan pa gang yin pa de nyid sgrib pa mtha' dag gi gnyen po'i
ngo bo nyid yin pa'i phyir/ spang gnyen don dam par ma

grub kyang spang gnyen gyi rim pa 'thad de/ sgom lam bshad ma
thag pa de khams gsum pa'i rnam pa can gyi shes pa dang shes bya
dag don dam par mi dmigs pa nyid kyis bden pas stong bar mnyam
pa nyid du mngon sum gyis rtogs pa'i sgo nas spang bya

@179b 'joms pa'i phyir/ don dam pa la brten pa'i rtsod pa khong
na gnas pa'i lan no/ /mdo ni/ bcom ldan 'das rnam par dag pa ni
'dod pa dang gzugs dang gzugs med pa'i khams su skye ba ma lags
so/ /zhes dang/ bcom ldan 'das rnam par dag pa ni 'tshal

ba ma mchis pa lags so/ /zhes so/ /ji skad bshad pa'i spang bya
'gag rim dang/ gnyen po skye rim de mi 'thad pa'i skyon med par
thal/ ji skad bshad pa'i klan ka gos la chags pa'i dri ma rags
pa sel ba la yun ring por 'bad mi dgos la/ gos la chags pa'i

dri ma phra mo bsal ba la btso blag mkhan che thang du 'bad pa'i
dpes klan ka spangs pa'i sgo nas spang gnyen gyi rim pa grub
pa'i phyir/ gsum pa skabs bsdu ba ni/ shes rab kyi pha rol tu
phyin pa'i man ngag gi bstan bcos mngon par rtogs pa'i rgyan ces
bya ba'i 'grel

pa'i rnam bshad snying po'i rgyan ces bya ba las skabs gnyis
pa'i 'grel pa'i bshad pa'o// //gsum pa lam shes rnam par dag
byed kyi yan lag gzhi shes bshad pa la/ 'brel dgod pas mtshams
sbyar/ le'u'i gzhung bshad pa dang/

skabs bsdu ba'o/ /dang po ni/ lam shes bshad zin pa'i 'og tu
thams cad shes pa nyid 'chad pa'i rgyu mtshan yod de/ gzhi mi
rtag sogs thams cad yongs su shes pa med par theg pa gsum gyi
lam legs par yongs su shes pa med pas lam shes kyi yan lag

tu 'chad pa'i phyir/ ci skabs gsum pa 'dir bshad par bya ba'i
gtso bo gzhi shes de gang yin/ mi rtag sogs bcu drug gi rnam pa
can gyi gzhi shes byang chub sems dpas kyang bsgom par bya ba
de'am/ 'on te slob dpon sangs rgyas ye shes zhabs sogs kyis rnam

@180a @#/ /mkhyen gyi rgyu'i go las shes par bya ba'i ched du
bstan par bshad pas mi mthun phyogs kyi gzhi shes de'am/ 'on te
gzhi rang bzhin med par rtogs pa la kha cig gis gnyen po gzhi
shes su tha snyad byas pa yin zhe na/ phyi ma ma yin

pa ni 'og tu 'chad par 'gyur la/ lam shes kyi go las shes pa'i
ched du/ mi mthun phyogs kyi gzhi shes kyang ston mod kyi/ bshad
par bya ba'i gtso bo ni dang po nyid yin te/ sngar byang sems
kyi mthong lam dang sgom lam mtha' gnyis rnam par dag pa'i

lam du bstan pa na/ mtha' gnyis 'gog byed kyi lag rjes mi 'dra
ba gang gis byed pa yin snyam pa la/ shes pas srid la mi gnas
shing/ /snying rjes zhi la mi gnas dang/ zhes mi rtag sogs rtogs
pa'i ye shes nyid srid mtha' 'gog byed du gsungs shing/

de nyid rgyas bshad 'dir 'chad pa'i phyir ro/ /de ltar yang
'grel chen du/ lam shes pa'i skabs su nyan thos la sogs pa'i lam
yang bshad pas thams cad shes pa nyid bshad pa ma yin nam ci'i
phyir yang thams cad shes pa nyid logs shig tu bstan ce

na; de brjod par bya ste/ de la/ lam shes nyid kyi tshul la ni/
/'phags pa'i bden pa bzhi dag gi /rnam pa mi dmigs sgom nas ni/
/nyan thos lam 'di shes par bya/ /zhes mi dmigs par bsgom pa la
sogs pa'i rim gyis nyan thos la sogs pa'i lam

byang chub sems dpas bsgom par bya'o/ /zhes brjod pa yin no/ /de
bas na mi rtag pa la sogs pa'i rnam pas 'phangs pa rnams kyi
gzhi ma lus pa yongs su shes pa yin pa'i don du thams cad shes
pa nyid logs shin tu bshad par bzung ngo/ /zhes

@180b gsungs pas/ mi rtag sogs kyi rnam pa can gyi byang chub
sems dpa'i lam de nyid lam shes su 'jog pa na/ khyed chos gsum
gyis zin pa'i sgo nas shes par bya ba yin la/ de yang sems
bskyed la sngon du snying rje chen po 'gro dgos la/ de yang mi
rtag sdug

bsngal sogs skyes bu 'bring gi bsam pa legs par sbyangs pa la
rag las pas so/ /des na lam shes la sngon du gzhi shes pa dgos
par gsungs pas lam shes rnam par dag byed kyi yan lag tu/ spyod
pa khyad par can gyi le'u la sogs pa mdzad la/ de

yang sngar nyan thos kyi lam shes pa'o rang bzhin 'chad pa na/
gzugs mi rtag pa nyid du yid la bya'o/ /zhes sogs kyi mdos
'phangs shang bstan pa'i don de nyid 'dir rtsal du bton nas
'chad pa yin no/ /gnyis pa la/ gzhi shes kyi rang bzhin dang/
mkhyen pa gsum

gyi mjug bsdu ba'o/ /dang po la/ nye rang gi lam bshad pa dang/
gzhi shes kyi sbyor ba dang/ sbyor ba sgom pa'i 'bras bu'o/
/dang po la/ lam nye ring gi rgyu mtshan dang/ rgyu mtshan de nyid
bsgrub pa dang/ mi mthun phyogs dang gnyen po'i dbye ba'o/ /dang
po la/ rtsa ba dang/

'grel pa'o/ /dang po ni/ 'grel pas rtsa tshig 'di nye ring gi lam
du bshad nas/ 'og mas rgyu mtshan de nyid bsgrub pa la bshad do/
/gzhi shes pa'i shes rab kyi pha rol tu phyin pa chos can/ sangs
rgyas dang byang chub sems dpa'i rgyud la nye bar 'dod de/ dus

gsum gyi chos rnams bden pa'i rang bzhin med par mnyam pa nyid
du mngon sum du shes pa'i ye shes yin pa'i phyir/ shugs la rgyu
mtshan de med pas nyan rang la ring bar bstan to/ /tshul rol 'khor
ba'i mtha' dang pha rol zhi ba'i mtha' la gnas pa man 

@181a @#/ /te; mtha' de gnyis 'gog byed yin pa'i phyir/ mtha' de
dag gi bar na don dam par mi gnas pa yin te/ stong pa nyid rtogs
pa'i phyir/ tha snyad du srid zhi'i mtha' gang yang ma yin pa'i
dbus la gnas mod kyi/ 'dis ni de dag gi bar

don dam par grub pa 'gog pa'o/ /mdo ni/ bcom ldan 'das byang
chen rnams kyi sher phyin ni pha rol gyi mtha' ma lags/ tshu rol
gyi mtha' ma lags/ /gnyis ka'i bar na yang mi gnas pa lags so/
/zhes so/ /gnyis pa 'grel pha la gnyis/ dngos

bstan srid zhi'i mtha' 'gog byed kyi lam dang/ shugs bstan nyan
rang lam de dag dang bral bar bstan pa'o/ /dang po ni/ gzhi shes
pa'i shes rab kyi pha rol tu phyin pa gang yin pa de ni chos
can/ sangs rgyas dang byang chub sems dpa' rnams kyi rgyud

la nye bar gyur par 'dod pa yin te/ dus gsum pa'i chos rnams
bden pa'i skye ba med pa'i rnam par mnyam pa nyid du mngon sum
du rtogs pas so/ /lam sher phyin 'di la mi rtag sogs rtogs pa'i
shes rab dang snying rje chen po dang stong nyid

rtogs pa sogs du ma yod pas lag rjes mi 'dra ba so sor bzhag na/
mi rtag sogs mngon sum du rtogs pa'i byang chub sems dpa'i rgyud
kyi shes rab chos can/ khyod kyis tshul rol gyi mtha' 'khor bas
bsdus pa'i las nyon gyi dbang gis rgyun

ring por mtshams sbyor ba'i rtag pa'i mtha' 'gog par byed pa yin
te/ 'khor ba'i rtsa ba 'joms par byed pa'i phyir/ byang chub
sems dpa'i thugs rgyud kyi snying rje chen po chos can/ khyod
kyis pha rol gyi mtha' mya ngan las 'das pa srid par skye ba

@181b chad pa la brten nas thob pa'i chad pa'i mtshan nyid kyi
mtha' 'gog pa yin te/ khyod kyi dbang gis 'khor bar skye ba yang
dang yang du blangs nas mi gnas pa'i myang 'das sgrub byed kyi
lam yin pa'i phyir/ des na gzhi shes pa'i sher phyin de chos
can/ srid pa

pa dang zhi ba'i mtha' la mi gnas pa dang de dag gi bar na yang
don dam par mi gnas pa yin no/ /kun rdzob la ltos pa'i srid
zhi'i mtha' 'gog cing/ srid zhi bden med du rtogs pas de dag gi
bar na yang don dam par mi gnas pas so/ /skabs 'dir kha

cig gis kun rdzob la ltos pa'i srid mtha' 'gog byed stong nyid
rtogs pa'i shes rab la 'chad pa ni/ lam gyi rim pa'i blo'i 'jug
tshul mi 'dra zhib tu ma rtogs pa'i rnam 'gyur du gsal te/ slob
dpon dang 'phags pa gnyis kas shes rab kyis 'khor

ba'i skyon mthong bar gsungs pa'i phyir dang/ 'khor ba'i skyon
don dam 'jal ba'i rigs shes kyis mi rnyed pa'i phyir ro/ /tshul
rol ni so so skye bo la ltos pa ste/ tshur ngos na yod kyi/ 'khor
ba chad pa'i phar ngos na med pa'i don to/ /rtag mtha' yang las

nyon gyis nying mtshams sbyar nas/ rgyun ring por 'jug pa'i don
yin gyi /rtag dngos kyi mtha' ni min no/ /chad mtha' yang las
nyon gyi dbang gis skye ba chad par ma zad/ snying rje dang smon
lam gyi dbang gis skye ba chad pas thob pa'i myang 'das so/ /bla

ma lo tsa-tsha ba chen po ni gzhi shes kyi gtso bo nyan rang gi
yin yang/ sher phyin gyi gtso bo byang chub sems dpa' yin pas/
byang chub sems dpa'i rgyud kyi gzugs brnyan gyi gzhi shes 'dir
bshad bya'i gtso bo yin la/ de yang sa brgyad par bskyed cing/
de

@182a @#/ /nyid lam gsum ga shes pa'i lam shes kyi yan lag tu
'chad pa yin la/ lam gsum shes pa 'bad med du ngang gis thob
pa'i dbang du byas la/ sngar mthong lam gyi skabs su mi rtag
sogs shes par bshad pa ni/ lam shes

kyi yul du bstan pa yin no/ /zhes gsungs so/ /gzhung 'dis snying
rje'i khyad par bstan par bzhed de/ thun mong ma yin pa'i dbang
du byas na de ltar 'thad la/ gzhi shes skye dus sogs ni 'thad
par dka'o/ /gnyis pa ni/ nyan rang gi zhi shes skabs 'dir ma
bstan

pa'i skyon med de/ byang chub sems dpa'i rgyud kyi kun shes pa
skabs 'dir dngos su bstan pa nyid kyi skabs las ldog ste shugs
la bstan pas so/ /skabs 'og ma kha cig tu dngos su yang bstan
pas/ 'grel chen du/ la lar ldog pa'i sgo nas dang/ la lar

rjes 'gro'i sgo nas bstan par bshad do/ /nyan thos 'phags pa
dang rang sangs rgyas la sogs pa la chos can/ yang dag pa'i shes
rab kyi pha rol tu phyin pa dang ring bar gyur pas gnas pa yin
te/ srid zhi'i mtha' la bden par zhen pas dus gsum mnyam

pa nyid du shes pa med pa'i phyir/ nyan rang rnams kyis nyi tshe
ba'i tshul du rang gis rtogs pa tsam gyi gzhi shes pa'i shes rab
kyi pha rol tu phyin pa'i gzugs brnyan la gnas pa'i nyan thos
chos can/ 'khor ba'i mtha' la gnas pa yin te/ 'khor bar skye
ba'i

dngos po tsam la mtha' gcig tu dor byar bzung ba'i phyir/ der
thal/ las nyon gyis skye bar ma zad/ snying rje dang smon lam
gyis skye ba yang 'gog 'dod pas/ 'khor bar skye ba len pa'i rgyu
snying brtse ba dang bral ba'i phyir/ mya ngan las 'das pa'i
mtha' la gnas

@182b pa yin par shes par bya'o/ /srid par skye ba tsam chad pa
las thob pa'i srid par skye ba'i dngos po med pa blang byar
dmigs pa nyid kyis so/ /der thal/ srid par skye ba chad pa thob
'dod cing/ las nyon gyis skye ba bkag kyang/ srid par skye ba
blangs pa la brten nas myang

'das sgrub pa'i thabs shes pa'i shes rab dang bral ba'i phyir/
stong pa nyid rtogs pa'i shes rab dang bral ba dang/ rgyu mtshan
snga ma gnyis go ldog nas sbyor ba ni gzhung 'di'i don min par
rje nyid kyi gsung las 'byung ba'o/ /gnyis pa la/ rtsod pa dang/
lan no/ /

dang po ni/ rgyu mtshan ji ltar na dus gsum mnyam nyid du shes pa
yod pa dang med pa'i khyad par gyis nyan thos dang byang chub
sems dpa' la sogs pa la yang dag pa'i shes rab kyi pha rol tu
phyin pa ring ba dang cig shos su 'gyur ba mi 'thad par thal/
dus

gsum mnyam nyid du shes pa nyan rang la yang yod pa'i phyir/ der
thal/ dus gsum mnyam nyid du shes pa ni gzhi'i gnas lugs rtogs
pa kho na yin la gzhi'i gnas lugs rtogs pa de yang 'phags pa
thams cad la yod pa nyid ma yin nam/ yod pa'i

phyir; nyan rang 'phags pa la gzhi'i gnas lugs rtogs pa yod par
thal/ shing rta chen po mgon po klu sgrub kyi lung las 'jig rten
las 'das par bstod par/ rten cing 'brel par 'byung ba gang/ /de
nyid khyod ni stong bar bzhed/ /ces stong pa rten 'byung gi

yin par 'byung ba'i phyir dang/ rten 'brel gyi gnas lugs rtogs
pa nyan rang la yang yod pa'i phyir/ ce na/ lung des stong pa
rten 'brel gyi sgra'i don du bstan pa ltar nyan rang 'phags pa
rnams la gang zag dang chos kyi bdag med rtogs pa yod par bzhed
pa

@183a @#/ /ngag gis rtsod pa yin la/ slob dpon gyi bzhed pas lung
des rten 'brel la bden stong gi khyab pa bstan yang/ nyan rang
rnams la rtogs pa de med pa'i sgo nas lan mdzad do/ /gnyis pa la
gsum gyi dang po rtsa ba ni/ nyan rang

'phags pa chos can/ gzhi shes pa'i sher phyin de ni khyod la
ring bste gzhi la bden par grub pa'i mtshan mar dmigs pa'i sgo
nas 'bras yum bskyed pa'i thabs mkhas pa ma yin pas zin pa'i
phyir/ der thal/ gnas lugs ston pa'i dge

bshes dang bral zhing/ sher phyin gyi gzugs brnyan la spyod pa'i
phyir/ mdo ni/ bcom ldan 'das gal te byang chub sems dpa'i theg
pa'i rigs kyi bu'am rigs kyi bu mo thabs mi mkhas pa'i sher
phyin la dmigs pa'i tshul gyis shes par bgyid na/

sher phyin 'di 'dor bar 'gyur ring bar byed par 'gyur zhes so/
/byang chub sems dpa' chos can/ sher phyin de ni khyod la yang
dag nye ba nyid du bshad pa'i rgyu mtshan yod de/ khyod 'bras yum
bskyed pa'i thabs la mkhas pa yis zin pas so/ /mdo

ni; de yang bcom ldan 'das sher phyin 'di legs par bshad pa
dang/ legs par mthar phyung ba'i bar na ngo mtshar zhes so/
/gnyis pa 'grel pa ni/ nyan rang 'phags pa de dag la rgyal ba'i
yum ring bar gyur to/ /nyan thos la sogs pa dngos

po'i ngo bo bden stong spros bral mi shes pa rnams la dus gsum
mnyam pa nyid kyi ye shes de med pa de'i phyir/ der thal/ de dag
gis dngos po bden grub kyi mtshan ma dang ldan par rtogs pas so/
/der thal/ gang zag gi bdag med tsam rtogs par

@183b zad kyi/ bdag med phra mo ston pa'i dge ba'i bshes gnyen
la sogs pa thabs mkhas pa dang bral ba'i phyir/ de ltar zhen
pa'i dpe med pa ma yin te/ sgyu ma mkhan gyis sprul pa'i rta
glang gi dngos po snang ba la sgyu ma yin pa de'i rang gi ngo bo
mi shes pas rta glang

gi dngos por mngon par zhen pa nyid kyis rta glang gi ngo bo
nyid med par mi rtogs shing mi snang ba bzhin du dngos po rnams
la bden par zhen pa'i phyir/ gong du bshad pa ltar 'jig rten la
grags pa'i rdzun pa dang dpe don du sbyar nas rtogs par bya
zhing/ de

yang dge ba'i bshes gnyen ring du mnyes par byas pa las khong du
chud par bya ste/ des ma zin pas dngos po la mtshan mar zhen la/
de nyid kyis sher phyin las ring bar bstan pas so/ /byang chub
sems dpa' 'phags pa de dag la chos can/ yum 'di yang dag

par nye bar gyur pa yin te/ dus gsum mnyam nyid du shes pa de'i
phyir/ der thal/ gzugs sogs kyi chos bden stong spros bral du
shes pa'i phyir/ khyab pa yod par thal/ gzugs la sogs pa'i chos
bden stong spros bral du yongs su shes pa de nyid dus

gsum mnyam pa nyid du yongs su shes pa yin pa'i phyir/ rtags
snga ma der thal/ bden pa gnyis kyi rnam dbye la mkhas pa la
brten pa'i thos pa la sogs pa'i shes pa skye ba'i thabs la mkhas
pas bden pa'i dngos por mngon par zhen pa'i 'khrul pa'i mtshan ma

bsal ba'i phyir/ der thal/ dus yun ring mo zhig nas bden pa
gnyis kyi rnam dbye la mkhas pa'i dge ba'i bshes gnyen yang dag
par mgu bar byas pa'i man ngag phyin ci ma log pa can yod pa'i
phyir/ gsum pa don bsdu ba ni/ nyan rang dang byang sems

@184a @#/ /la sher phyin nye ring gi khyad par 'thad de/ nyan
rang yum sgom pa'i thabs mkhas pa ma yin pas ni ring ba nyid yin
la/ byang chub sems dpa' thabs mkhas pa nyid kyis ni mi ring ba
nyid yin pa'i phyir/ don ni 'di ltar shes par bya ste/

nyan thos gnas skabs rigs nges pa dang/ byang chub sems dpa'
rigs nges pa gnyis dus mnyam du rang rang gi lam la zhugs nas/
'bad pas rang gi byang chub bsgrubs na/ snga ma bla na med pa'i
byang chub thob pa la dus ring du dgos par shes par

bya'o; ;gal te nyan thos kyi byang chub 'bad pas bsgrubs na tshe
gsum la 'thob la/ de nas theg pa chen po'i sa bdun pa sogs nas
'jug pas cig shos las ches shin tu bla na med pa'i byang chub
thob pa la dus thung ba yin no zhe na/ de lta na myur du sangs

rgya bar 'dod na thog mar nyan thos kyi lam la 'jug rigs par
'gyur zhing/ lam mthon po nas 'jug pa yang bkag zin pa'i phyir
ro/ /des na nyan thos kyi byang chub thob pa myur yang/ sngar
gzhan gyi don la gtso bor gzhol ba goms par ma

byas shing/ 'khor ba'i nyes dmigs sems pa la rtse gcig tu goms
par byas pa'i mthus zhi bde'i phan yon sems pa'i blo shugs drag
pas dgra bcom pa thob nas/ bskal pa'i bar du zhi ba'i dbyings su
snyoms par 'jug la/ sangs

rgyas kyi 'od zer kyis bskul nas sad par byas pa na yang/ yang
dang yang du zhi ba'i dbyings su snyoms par 'jug cing/ byang
chub kyi mchog tu sems bskyed pa'i rjes su yang/ yun ring po'i
bar du zhi ba'i dbyings su mnyam par bzhag par bya ba ma yin

@184b par rtogs kyang/ sngon goms pa'i shugs kyis de'i ngang du
yang dang yang du 'gyur pa de nyid kyis/ byang chub sems dpa'
rigs nges pa de las ches bul zhing/ bsod nams kyi tshogs mtha'
yas pa gsog pa yang gdod brtsam dgos pas 'bras bu

la nye ring gi khyad par chen po yod la/ nyan thos rigs nges pa
de la ltas nas myur lam du shes par bya'o/ /gsum pa la/ gzhi lam
la mtshan 'dzin gyi spang gnyen dang/ 'bras bu la mtshan 'dzin gyi
spang gnyen dang/ mjug bsdu pa'o/ /dang

po la/ spang bya dang/ gnyan po'o/ /dang po la gsum gyi dang po
mtshams sbyar ba ni/ sngar bshad pa de ltar nyan thos la sogs
pa'i yum sher phyin la ring bar 'gyur ba'i/ sgrub par byed pa
snying rje khyad par can dang bral zhing bden 'dzin gyis

bcings pa de nyid byang chub sems dpa' rigs nges pa la ltos nas
lam gyi gol sa mi mthun pa'i phyogs yin par bsgrub pa'o/ /gnyis
pa rtsa ba ni/ gzhi shes bya'i lta bas bsdus pa gzugs la sogs
pa'i phung po gang zag gi bdag gis

stong pa nyid dang ji snyed pas bsdus pa dus gsum du gtogs pa'i
chos rnams dang lam sbyin sogs kyang chub kyi phyogs rnams la
bden par spyod pa'i 'du shes kyis bcings pa'i lam ni byang chub
sems dpa' rigs nges pa de'i lam gyi

gol sa mi mthun phyogs yin te/ 'dras bu'i sher phyin sgrub pa'i
ring lam yin pa'i phyir/ mdo ni thabs mi mkhas pas gzugs stong
zhes bya bar spyod na zhes pa nas/ rnam pa thams cad mkhyen pa
nyid la spyod pa'i bar gyi 'du shes ni chags

@185a @#/ /pa'o; ;zhes so/ /kha cig nyan rang 'phags pa'i mnyam
gzhag bden 'dzin du 'dod pa ni rnar mi 'ong ba'i tshig ste/ gang
zag gi bdag 'dzin dang/ nyon sgrib kyi sa bon 'joms ma nus par
mtshungs par thal/ zhan

yul la 'khrul pa'i log shes su mtshungs pa'i phyir/ 'dod na/ slob
pa'i theg pas chags la sogs/ /spong bar 'gyur ba min zhes 'dzin/
/ces bshad pas smra ba po de la byang chub sems dpa'i sdom pa
yod na/ rtsa ba'i ltung bar 'gyur

bas so/ /gzhan yang sgra don 'drer rung 'dzin pa'i rtog bral min
na/ rnal 'byor mngon sum min par 'gyur la/ de yin na zla ba
gnyis snang gi dbang shes ltar thar pa'i lam du mi 'gyur bas
nyan thos kyi lam 'bras bu dang bcas pa

la skur pa gdab par mi bya'o/ /tshig la 'chel ba kha cig 'di'i
'grel pa'i don yang de ltar 'chad pa ni dbang po shin tu rtul
bar gsal lo/ /gsum pa 'grel pa ni/ gzugs la sogs pa dus gsum gyi
chos so skye bo'i rgyud kyi zag pa dang

bcas pa dang/ byang chub yan lag sogs zag pa med pa dang/ gnyis
ka'i ngo bo bden pa'i dngos por ma gyur pa thams cad la bden
pa'i dngos por dmigs pa nyid kyis bcings bzhin du gzhan gyis kun
brtags pa'i gang zag gi bdag la

sogs pa stong pa nyid du mngon sum du lta ba'i shes rab dang/
dran pa nyer gzhag sogs de kho nar rtogs pa'i sgrub pa'i 'du
shes kyis bcings pa'i nyan thos kyi mthong lam sdug bsngal la
chos bzod ni chos can/ rang gi ngo skal gyi spang bya'i

@185b gnyen po yin te/ nyon sgrib kun brtags kyi sa bon la dngos
su gnod pa'i lam yin pa'i phyir/ nyan thos de dag gi spang bya'i
gnyen po yin na yang byang chub sems dpa'i lam gyi gol sa mi
mthun pa'i phyogs yin te/ rang gi rgyud la bskyed pa

spang bar bya ba yin pa'i phyir/ der thal/ dngos po'i gnas lugs
la phyin ci log tu zhugs pa nyid kyis bcings pa'i lam yin pa'i
phyir/ lam de'i dmigs rnam gyi ldog phyogs bzung ba'i sgo nas
spang bar bya bar ston pa ni ma yin te/ de'i

ldog phyogs bzung na zhen yul la 'khrul pa'i log shes su 'gyur
pa'i phyir ro/ /bden 'dzin gyis bcings pa'i don yang gzhi dang
lam dang bden par grub ma grub brtags pa na/ bden par zhan pa
las mi 'da' ba'i don te/ sngar chos kyi gnas

lugs thos bsam gyis kyang gtan la ma phab pa'i dbang du byas
pa'o/ /byang chub sems dpa' la ltos nas ring ba'i lam yin pas de
la 'jug pa spang bar shes par bya'o/ /gnyis pa la gsum gyi dang
po mtshams sbyar ba ni/ byang chub

sems dpa' zhes so/ /gnyis pa rtsa ba ni/ sbyin la sogs pa 'khor
gsum du bden par zhen pa'i ngar 'dzin med pa la rang gnas pas
gdul bya gzhan de la sbyor bar byed pa'i byang chub sems dpa'i
rgyud kyi gzhi lam bden med du mngon sum

du rtogs pa'i ye shes de ni chos can/ gzhi lam la bden par chags
pa'i mtha' 'gog pa yin te/ de'i ngos gnyen yin pa'i phyir/ mdo
ni/ rang bzhan gyi lam la mtshan mar mi 'gyur/ zhes so/ /gsum pa
'grel pa ni/ de chos can/

@186a @#/ /rnam grangs ma yin par rnam pa thams cad du gnyen po
yin te/ gzhi lam la bden par chags pa'i tshogs kyi gnas thams cad
bkag pas chags pa de'i dngos gnyen yin pa nyid kyis blang bar
bya ba yin pa'i phyir/

'khor gsum rnam par dag pas sbyin pa la sogs pa lam dang gzhi la
bdag med par mngon sum du rtogs pas rang gnas pa dang gzhan
sbyor ba'i byang chub sems dpa' ni/ lam nye ba la zhugs pa yin
te/ chos kyi gnas lugs la

mngon sum du yang dag par zhugs pa'i phyir dang/ spyod pa rgya
chen po nyams su len pa la zhugs pa'i phyir ro/ /yang na snga
ma'i rgyu mtshan du bshad de don 'dra'o/ /gnyis pa la/ 'bras bu
la mtshan 'dzin gyi ngo bo dang/ spong byed kyi gnyen po

dang; 'phros don to/ /dang po la gnyis kyi dang po rtsa ba ni/
rgyal ba la sogs la bden par chags pa phra mo bcings bzhin du de
la phyag 'tshal ba sogs ni chos can/ byang chub sems dpa'i lam
gyi mi mthun phyogs yin te/ gol

sa yin pa'i phyir/ mdo ni/ rab 'byor 'di la byang chub sems dpa'
de bzhin gshegs pa mtshan mar yid la byed na zhes so/ /gnyis pa
'grel pa ni/ nyan thos rnams kyis de bzhin gshegs pa la sogs pa
la dad pas kun nas bslang ba nas phyag 'tshal

ba la sogs pa ni chos can/ gnyan po'i phyogs kyis bsdus pa yin
te/ bsod nams kyi tshogs kyi rgyu yin pa nyid kyis so/ /ma dad pa
sogs kyi gnyan po yin mod kyi rnam grangs ma yin par rnam pa
thams cad du nyes skyon dang bral

@186b ba'i gnyen po ma yin pas/ byang chub sems dpa'i lam gyi mi
mthun pa'i phyogs yin no/ /gnyen po'i phyogs yin yang/ 'bras bu
la bden par chags pa phra mo'i ngo bo nyid kyis bcings pa'i
phyir ro/ /gnyis pa la/ mi mthun phyogs yin

pa'i rgyu mtshan dang/ spong byed gnyen po'o/ /dang po la gnyis
kyi dang po dri ba ni/ yang ji ltar zhes so/ /lan la gnyis kyi
dang po rtsa ba ni/ chos rnams kyi lam gnas lugs mthar thug pa
ni zab pa nyid de rang bzhin gyis dben pa'i chos nyid

yin pa'i phyir/ mdo ni/ sher phyin ni zab bo zhes dang/ rab
'byor chos thams cad rang bzhin gyis dben pa'i phyir ces so/
/gnyis pa 'grel pa ni/ de bzhin gshegs pa la don dam par grub
pa'i skyabs su dmigs pa yang mi mthun pa'i phyogs

yin no/ /chos de dag gi gnas lugs bden pas stong ba'i zab pa yin
pa de'i phyir/ gang gi phyir na der thal/ chos kyi rigs rnams de
kho nar grub pa'i ngo bo nyid kho nas stong bas so/ /gnyis pa la
gnyis kyi dri ba ni/ 'o na zhes so/ /lan la gnyis

kyi dang po rtsa ba ni/ byang chub sems dpa' 'phags pa rnams
kyis chos rnams rang bzhin gcig par bden stong du mngon sum du
shes pa yi te shes chos can/ 'bras bu la bden par chags pa spong
ba yin te/ de'i dngos gnyen yin pa'i phyir/

mdo ni/ de yang rab 'byor chos rnams kyi rang bzhin ni gnyis ma
yin te chos kyi rang bzhin gcig tu zad do zhes so/ /gnyis pa
'grel pa ni/ shes pa dang shes bya de kho nar ma grub par mnyam
pa nyid du gcig par mngon sum du yongs su shes

@187a @#/ /pa'i mthong lam ni chos can/ 'bras bu la bden par
chags pa spong ba yin te/ de'i dngos gnyen yin pa'i phyir/ chos
rnams kyi gnas lugs ro gcig par thal/ gzugs la sogs pa'i chos
thams cad

kyi gnas lugs rang bzhin ro gcig pa kho na ste 'di lta ste/ rang
bzhin med pa zhes pa nges pa'i don yin pas so/ /gsum pa la/ zab
pa'i rgyu mtshan dang/ rtogs dka' ba'i rgyu mtshan no/ /dang po la
gnyis kyi dri ba ni/ yang zhes so/ /

lan la gnyis kyi dang po rtsa ba ni/ don dam pa'i bden pa de ni
chos can/ rtogs par dka' bar bshad pa'i rgyu mtshan yod de/ mthar
thug dpyod pa'i rigs shes kho nas rtogs par bya ba yin gyi/
gzugs mthong ba la sogs

pa tha snyad pa'i tshad mas rtogs pa bkag pa yin pas so/ /mdo ni/
rab 'byor de ni 'di ltar yum ni sus kyang ma mthong ma thos ma
nges/ rnam pa ma she/ mngon par sang ma rgyas pa yin no zhes so/
/de ni zab pa'i rgyu mtshan ni/ /gnyis

pa 'grel pa ni/ chos rnams kyi rang bzhin de chos can/ zab pa
nyid yin te/ 'phags pa'i mnyam gzhag gis gzigs par bya ba yin
gyi/ tha snyad pa'i shes pas rtogs par dka' ba nyid du bshad pa
de'i phyir/ gang gi phyir na/ phyi ma

der thal/ gzung 'dzin dbang shes la sogs pa tha snyad pa'i rnam
par shes pa thams cad kyis dmigs pa'i don yin pa tshad mas bsal
bas so/ /gnyis pa la gnyis kyi dang po dri ba ni/ yang zhes so/
/lan la gnyis kyi dang po rtsa ba ni/

@187b don dam pa'i bden pa de ni chos can/ tha snyad pa'i blos
rtogs par dka' ba yin te/ des bsam gyis mi khyab par 'dod rigs
pa'i phyir/ der thal/ gzugs la sogs pa kun rdzob pa'i bden pa
yin par mi shes pa'i phyir/ mdo

ni rab 'byor de ni 'di ltar yum ni sus kyang ma shes te/ gzugs
dang tshor ba dang/ 'du shes dang 'du byed dang rnam par shes pa
ma shes so/ /zhes so/ /gnyis pa 'grel pa ni/ de ni chos can/ tha
snyad pa'i tshad mas rtogs par dka' ba nyid

yin te/ des bsam pa las 'das pa nyid du 'dod pa de'i phyir/ gang
gi phyir na der thal/ gzugs la sogs pa nas sangs rgyas kyi chos
ma 'dres pa'i rnam pa'i bar gyi kun rdzob pa'i rang bzhin yin
par yongs su mi shes shing gnas lugs kyi

don yin par 'phags pa'i mnyam gzhag gis gzigs pas so/ /gsum pa
mjug bsdu ba la gsum gyi dang po mtshams sbyar ba ni/ de ltar
zhes so/ /gnyis pa rtsa ba ni/ kun shes nyid kyi lugs la ste
skabs su mi mthun pa dang/ gnyen

po'i phyogs dag gi gzhi shes kyi rnam par dbye ba ma lus pa mdo
las/ ji skad bshad pa 'dir shes par bya ste/ sngar bshad pa de
ltar shes par bya ba'i phyir/ gzhi lam 'bras gsum la bden 'dzin
dngos su 'gog byed stong nyid mngon sum du rtogs

pa'i shes rab yin mod kyi/ 'dir gzhi shes la mi mthun phyogs
dang gnyen po'i phyogs gnyis su phye ba ni rnam pa bcu drug
rtogs pa'i ye shes de nyid snying rje khyad par can dang/ stong
nyid rtogs pa'i shes rab kyis zin pa dang ma zin pa'i dbang gis
gnyis

@188a @#/ /su dbye ba yin gyi/ stong nyid rtogs pa'i shes rab de
nyid la gnyen po gzhi shes kyi tha snyad gong 'og gang du yang
ma gsungs pa'i phyir ro/ /byang chub sems dpa'i rgyud kyi mi
rtag sogs rtogs pa'i gzhi shes pa'i shes

rab kyi pha rol tu phyin pa de bden 'dzin la dngos su gnod byed
ma yin yang thabs dang shes rab yongs su rdzogs pas zin nges
gnyen po'i phyogs kyi gzhi shes zhes bya'o/ /mi mthun phyogs kyi
gzhi shes kyang sngar bshad pa ltar mtha' gcig tu spang

byar ston pa ma yin gyi/ byang chub sems dpa' rigs nges pa lam
de nas khrid na/ myur du sangs rgya ba'i gegs dang lam gol bar
shes par bya ba'i don yin no/ /mi shes pa kha cig /nyan rang gi
lam mtha' gcig tu sangs rgya ba'i gegs su

'dzin pa ni/ lam gyi rnam dbye rmongs pa yin te/ gegs de nyid
rgyud la bskyed nus pa mdzad par zhu zhig phyag 'tshal lo/ /gsum
pa 'grel pa ni/ thams cad shes pa nyid kyi skabs su go rims
bzhin du nyan thos 'phags pa'i rgyud kyi gzhi shes

mi mthun pa'i phyogs kyi gzhi shes dang/ byang chub sems dpa' la
sogs pa'i rgyud kyi gzhi shes gnyen po'i phyogs kyi gzhi shes
kyi rab tu dbye ba shes par bya'o/ /de ltar gong du bshad pa'i
tshul gyis shes par bya ba'i phyir/ gnyis pa gzhi shes

kyi sbyor ba la/ sbyor ba'i dbye ba dang/ rang bzhin ni/ /dang
po la gsum gyi dang po mtshams sbyar ba ni/ de ltar zhes so/
/gnyis pa rtsa ba ni/ sbyor ba de la bcur yod de/ yul gyi sgo
nas dbye ba bzhi/ ngo bo'i sgo nas gsum/ byed pa'i sgo nas
gnyis/

@188b shes byed kyi dpe'i sgo nas phye ba rnams su yod pa'i
phyir/ dang po grub ste/ kun rdzob pa la dmigs pa gsum dang/ don
dam pa la dmigs pa gcig yod pa'i phyir/ der thal/ khyad gzhi
gzugs sogs la bden zhen bkag pa dang/ khyad chos

mi rtag sogs dang yon tan gyi rten du ma rdzogs pa dang/ rab tu
rdzogs pa de la bden par chags pa med pa nyid la spyod pa bkag
pa dang/ dan dam la dmigs pa ni bden par chags pa med pa nyid la
gnas nas bden par zhen pa'i spyod pa bkag

pas sbyor ba dang/ bzhi yod pa'i phyir ro/ /mdo ni rim pa bzhin
du/ rab 'byor 'di la byang chen sher phyin la spyod pa'i tshe/
gal te gzugs la mi spyod na sher phyin la spyod do zhes dang/ de
yang gal te gzugs rtag ces bya ba'am mi rtag ces

bya bar mi spyod na sher phyin la spyod do/ /de yang rab 'byor
gzhan yang byang chen sher phyin la spyod pa'i tshe/ gzugs rdzogs
pa'am ma rdzogs zhes bya bar mi spyod na sher phyin la spyod do
zhes dang/ de yang sher phyin la spyod pa'i tshe gal te gzugs

chags pa'am ma chags zhes bya bar mi spyod na sher phyin la
spyod do zhes so/ /ngo bo'i sgo nas gsum yod de/ las su bya ba
dang/ byed pa po dang/ bya ba 'bras bu la bden zhen bkag pa mi
'gyur ba dang/ byad po min pa dang/ bya dka'

rnam gsum sbyor ba dang gsum yod pa'i phyir/ bya dka' ba gsum
ni/ ched du bya dka' ba dang/ sbyor ba bya dka' ba dang/ las bya
dka' ba'o/ /mdo ni/ rim pa bzhin du byang chen sher phyin la
spyod pa'i tshe sher phyin bstan pa na sems zhum pa dang g.yeng
bar mi 'gyur

@189a @#/ /pa dang sher phyin 'dir rtsom par byed pa dang bla med
rdzogs byang las slar mi ldog pa ni dka' ba bgyid pa'o zhes
dang/ bcom ldan 'das sems can rnams kyi don du go cha 'tshal ba
de dag ni nam mkha' bar snang la 'degs

par 'tshal ba'o zhes dang/ bcom ldan 'das rnam grangs des na sems
can rnams kyi slad du bla med rdzogs byang du mngon par rdzogs
par 'tshang rgya bar 'chal ba de dag ni nam mkha' yongs su grol
bar 'tshal ba lags so zhes so/ /byed pa'i

sgo nas gnyis yod de/ 'bras bu bskyod pa'i bya ba byed pa'i sgo
nas bskal ba ji bzhin 'bras thob pas/ 'bras yod 'dod pa de dang
phan yon dang ldan pa'i sgo nas gzhan la rag las min gang dang
gnyis yod pa'i phyir/ mdo ni/ de bzhin

gshegs pa dge slong gzhan zhig 'di snyam du gyur te/ gang la
chos gang la skye ba'am 'gag pa yang med la tshul khrims kyi
phung po nas chos kyi gdags pa'i bcom ldan 'das ma sher phyin la
phyag 'tshal lo snyam mo zhes dang/ ko'u shi ka

de bzhin du byang chen sher phyin la spyod pa rnams bsrung ba
dang bskyab pa dang sba bar gang sems pa de ni bsams pa ltar mi
grub cing dub pa'i skal ba can du 'gyur ro zhes so/ /shes byed
kyi sgo nas bden par ma grub bzhin du snang ba rnam pa

'dun gyi sgo nas shes par byed pa'o/ /mdo ni/ gang gi tshe byang
chen rmi lam rlom sems su mi byed rmi lam gyis rlom sems su mi
byed rmi lam la rlom sems su mi byed do/ /de bzhin du sprul pa'i
bar du rlom sems su mi byed pa

@189b de'i tshe byang chub sems dpa' chen pos chos thams cad sgyu
ma lta bu dang sprul pa lta bu'i bar du yangs su shes par 'gyur
ro/ /zhes so/ /gsum pa 'grel pa la gnyis kyi dang po dngos bstan
ni/ byang chub sems dpa' rnams kyi sbyor ba'i yul de dang de

la bden par zhen pa 'gog pa'i sbyor ba chos can/ rnam pa bcu yod
de/ gzhi'i ngo bo dang khyad par nas snang ba rnam pa bdun la
sgrub pa'i yongs su shes pa bden 'dzin bsal ba'i sgo nas phye ba
rnams yod pa'i phyir/ gang zhe na/ yul gyi sgo nas dbye ba bzhi 

yod de/ khyad gzhi gzugs la sogs pa'i chos thams cad dang dang
de dag nyid kyi khyad chos mi rtag pa dang stong pa nyid la sogs
pa dang/ rten gyi khyad par yin tan gyi rten du so sor ma rdzogs
pa dag rdzogs pa nyid dang/ ji snyad pa la bden zhen bkag pa
gsum

dang; ji lta ba la dmigs pa don dam par chags pa dang chags pa
med pa la bden zhen bkag pa rnams yod pa'i phyir/ gzhan dbang
bden stong sgyu ma lta bu rtogs pa ni/ yon tan gyi rten du
rdzogs pa yin te/ de la brten nas mi mthun phyogs spong nus
shing/

yon tan gong nas gong du 'phel bar 'gyur ba'i phyir/ gzhan dbang
bden par zhen pa yon tan gyi rten du ma rdzogs pa yin te/ yon
tan skye ba'i gegs byed pa'i phyir/ ngo bo'i sgo nas dbye ba
gsum yod de/ las su bya ba sher phyin don dam par 'phel

'grib kyis gzhan du mi 'gyur bar rtogs pa dang/ byed pa'i sgo
nas don dam par byed pa po med pa nyid dang/ 'bras bu'i sgo nas
go rims bzhin du thams cad mkhyen pa nyid gsum gyi bdag nyid kyi
rnam mkhyen don dam par ched du bya bar ma dmigs

@190a @#/ /kyang tha snyad du ched du bya bar rtags pa dang/ rgyu
dus kyi lam shes don dam par ma dmigs kyang tha snyad du rnam
mkhyen gyi rgyu'i sbyor bar rtogs pa dang/ gzhi shes don dam par
ma dmigs kyang tha snyad du gdul bya gzhan rjes su

'dzin pa'i thabs kyi dbye ba dang ldan par rtags pa rnams kyi
bya dka' ba gsum gyi sbyor ba nyid du yod pa'i phyir/ 'dir bstan
gzhi shes kyi sbyong ba chos can/ byed pa khyad par can dang
ldan te/ rigs can gsum gyi skal ba ji ltar ba bzhin du 'bras

bu thob pas mi stong ba nyid byed pa'i phyir/ phan yon khyad par
can 'dzin pa yin te/ byang chub gzhan kho na la rag ma las shang
rang stobs kyis thob pa dag/ bsrung skyob sogs rang gis nus pas
gzhan gyi rkyen gyis mi 'gro ba nyid dang ldan pa'i phyir

zag pa dang bcas pa'i rten 'brel 'di rnams chos can/ bden par
med de/ mngon zhen gyi bag chags yongs su 'gyur ba'i snang ba
tsam yin pa'i phyir/ dper na rmi lam bzhin/ chos snga ma la rgyu
rkyen mnyam du tshogs pa'i snang ba yin pa'i phyir/

dper na sgyu ma bzhin/ bden par yod par 'gal ba'i snang ba yin
pa'i phyir/ dper na smig rgyu bzhin/ rkyen la rag las pa'i snang
ba yin pa'i phyir/ dper na sgra brnyan bzhin/ bag chags 'jog
byed kyi rnam pa las ma 'phos pa'i snang ba yin pa'i phyir/

dper na gzugs brnyan bzhin/ bden par grub pa'i rten med pa'i
snang ba yin pa'i phyir/ dper na dri za'i grong khyer bzhin/
byed pa po bden par grub pa ma yin pa'i snang ba yin pa'i phyir/
dper na sprul pa bzhin no/ /de ltar shes pa la snang ba bdun la

@190b bden zhen bkag pa ni/ gzhi'i ngo bo dang khyad par sogs la
bden par grub pa bkag nas bsgom nus pa'i rgyu mtshan yin no/
/gnyis pa shugs bstan nyan rang gi sbyor ba ni/ nyan thos la
sogs pa'i sbyor lam ni ji skad bshad pa las zlog ste bden zhan

ma bkag par sgom pa'i sbyor ba yin no/ byang sems kyi sbyor bar
dngos bstan rjes su 'gro ba'i sgo nas bstan pas de'i shugs kyis
na de ltar shes par bya ba'i phyir/ 'di ltar shes par bya ste/
'dir bshad par bya ba'i gtso bo gzhi shes kyi sbyor ba ni/
mthong lam

gyi skabs su byang chub sems dpa'i rgyud kyi 'da' bar byed pa'i
mngon rtogs de'i rgyu mi rtag sogs bdu drug gi rnam pa can gyi
byang sems kyi sbyor lam de nyid yin la/ de gzhi bden stong du
rtogs pa'i shes rab kyis zin par byas nas sgom pa'i stong

pa nyid kyi rnma pa can gyi sbyor lam ni bgo? nas 'chad pa'i
'da' bar byed pa'i mthong lam de nyid kyi rigs 'dra'i rgyu yin
no/ mi rtag sogs bcu drug gi rnam pa can gyi lam de nyid byang
chub sems dpas sbyor lam gyi skabs su bden 'dzin bkag nas

bsgom par dngos su bstan pa'i shugs kyi nyan rang gi sbyor lam
du bden 'dzin ma bkag par bsgom par bstan pa yin no/ /gnyis pa
la gsum gyi dang po mtshams sbyar ba ni/ yul yul can da kho nar
ma grub par mnyes pa nyid kyi shes rab kyis

zin pa'i sgo nas mi rtag sogs kyi rnam pa can gyi gzhi shes kyi
sbyor ba zhes so/ /gnyis pa rtsa ba ni/ gzhi shes kyi sbyor ba
de nyid gang gis zin par sgom pa'i sbyor ba de'i mnyam pa nyid
bzhi yod de/ gzugs la sogs pa'i ngo bo dang/ mtshan ma dang/ 

@191a @#/ /dbye ba dang/ yul can la bden par rlom pa med pa'i
sbyor ba rnam pa bzhi yod pa'i phyir/ mdo ni/ gzugs rlom sems su
mi byed/ gzugs kyis rlom sems su mi byed/ gzugs bdag gi zhes bya
bar rlom sems su mi byed

gzugs la rlom sems su mi byed ces so/ /gsum pa 'grel pa ni/
stong nyid rtogs pa'i byang sems kyi sbyor lam mnyam gzhag chos
can/ sbyor ba'i yul yul can bden med du rtogs par mnyam pa nyid
yin pas sbyor ba'i mnyam pa nyid yin no/

yul yul can bden med du rtogs pa'i sgo nas gzugs la sogs pa'i
ngo bo la mngon par zhen pa dang/ sngon po la sogs pa'i thun
mong ma yin pa'i mtshan ma dang dbye ba'i spros pa dang/ yul can
rtogs pa'i bden par rlom pa rnams rnam pa thams

cad du mi dmigs pa'i gzhi shes kyi sbyor ba yin pas so/ /gsum pa
sbyor ba sgom pa'i 'bras bu la/ skad cig ma mdor bstan dang/
rnam pa rgyas bshad do/ /dang po la gsum gyi dang po mtshams
sbyar ba ni/ sbyor lam gyi skabs su sbyor ba'i zhes so/ /

gnyis pa rtsa ba ni/ 'dir dngos su bstan pa'i sdug bsngal la
sogs bden pa bzhi la dmigs nas chos shes pa'i bzod pa dang/ rjes
su shes pa'i bzod pa dang/ chos dang rjes su shes pa'i skad cig
bcu drug gi bdag nyid 'di chos can/ kun shes

tshul la mthong ba'i lam yin te/ 'da' bar bya ba'i mthong lam
'phen par byed pa'i 'da' byed kyi bden pa mngon rtogs yin pa'i
phyir/ gsum pa 'grel pa ni/ bden pa so so la zhes te/ rtsa ba
ltar ro/ /gnyis pa la dri ba ni/ bden pa'i zhes so/ /

@0191b lan la gnyis kyi dang po rtsa ba ni/ gzugs rtag ma yin
zhes te 'dir dngos su bstan pa'i 'da' bar byed pa'i mthong lam
chos can/ bcu drug yod de/ bden pa bzhi'i rnam pa la dmigs nas/
bden stong spros bral du mngon sum du gsar du rtogs

pa'i bar chad med lam gyis bsdus pa ldog pas dbye ba brgyad
dang/ rnam grel lam gyis bsdus pa ldeg pas dbye ba brgyad yod
pa'i phyir/ gnyis pa 'grel pa la/ dngos bstan gyi mthong lam
dang/ shugs bstan gyi mtheng lam dang/ sgom

lam mi ston pa'i rgyu mtshan no/ /dang po la/ so sor bshad pa
dang/ bsdus te bstan pa'o/ /dang po la gzhi'i dang po sdug
bsngal shes bzod kyi rnam pa ni/ gzugs la sogs pa mi rtag pa
chos can/ don dam par rtag pa yang ma yin mi rtag

pa yang ma yin pa ste/ don dam par rtag pa dang mi rtag pa nyid
dang bral bas so/ /der thal/ /den dam par ngo bo nyid med pa'i
phyir/ de ltar mngon sum du rtogs pa sdug bsngal shes bzed kyi
rnam pa dang/ de ltar 'og ma kun la yang sbyar bar bya

zhing/ ngo bo nyid med pa'i rgyu mtshan de yang kun la sbyar bar
bya'o/ /sdug bsngal gyi rnam pa chos can/ don dam par rtag pa
dang chad pa'i mtha' dang bral ba yin te/ don dam par sdug
bsngal dang sdug bsngal ma yin pa dang bral ba nyid kyis so/
/sdug bsngal

don gzhan gyi bdag gis steng ba chos can/ rang bzhin gyis rnam
par dag pa yin te/ don dam par stong ba dang mi stong ba dang
bral ba'i phyir/ sdug bsngal bdag gi ngo bor ma grub pa chos
can/ don dam par ma skyes pa dang ma 'gags pa chags sogs

@0192a @#/ /kyi kun nas nyon mongs pa ma yin pa dang/ dad sogs
kyi rnam par byang ba ma yin pa ste/ bdag dang bdag med pa'i ngo
bo nyid don dam par grub pa ma yin pas so/ /de ltar mngon sum
gyis rtogs pa'i ye shes sdug

bsngal shes bzod kyi rnam pa yin no/ /zhes bya ba zhes so/ /mdo
ni rim pa bzhin du rab 'byor byang chub sems dpa' chen po byams
pa bla med rdzogs byang du mngon par rdzogs par sangs rgyas nas
gzugs rtag cas bya ba'am mi rtag ces

bya bar chos ston par mi 'gyur ro zhes dang/ byams pa sangs
rgyas nas ji skad chos ston par 'gyur zhes zhus pas/ gzugs shin
tu rnam par dag go zhes shin tu rnam par dag pa'i chos ston par
'gyur ro zhes dang/ rab 'byor gzugs yongs su

dag pa'i phyir sher phyin yongs su dag go zhes dang/ rab 'byor
gzugs kyi skye ba dang 'gag pa dang kun nas nyon mongs pa dang
rnam par byang ba med pa ni gzugs yongs su dag pa'o zhes so/
/gnyis pa kun 'byung shes bzod kyi rnam pa ni/ las

sred chos can/ don dam par ma grub pa nam mkha' dang 'dra ba yin
te/ sdug bsngal gyi rgyu dang rgyu ma yin pa don dam par ma grub
pa gsog pa nyid kyi phyir/ de chos can/ nyon mongs pa dang nye
ba'i nyon mongs pa thams cad don dam par grub pa spangs

pa yin te/ kun 'byung ba dang kun 'byung ba med pa den dam par
grub pa dang mi ldan pa'i phyir/ don dam par yongs su 'dzin pa
las grol ba yin te/ sdug bsngal drag tu rab tu skye ba dang rab
tu mi skye ba don dam par grub pa dang ma 'brel bas so/ /

@0192b don dam par rang gi ngo bos brjod du med pa yin te/ sdug
bsngal gyi rkyen dang rkyen ma yin pa las don dam par rnam par
grol ba'i phyir/ de ltar mngon sum gyis gsar du rtogs pa kun
'byung shes bzod kyi rnam pa yin no zhes byang ni zhes so/ /mdo

ni rim pa bzhin du rab 'byor gzhan yang nam mkha' yongs su dag
pa'i phyir sher phyin yongs su dag pa'o zhes dang/ rab 'byor nam
mkha' gos pa med pa'i phyir sher phyin yongs su dag pa'o zhes
dang/ rab 'byor gzhan yang nam mkha' bzung du

med pa'i phyir sher phyin yongs su dag pa'o zhes dang/ rab 'byor
tha snyad med pa'i phyir sher phyin yongs su dag pa'o zhes so/
/gsum pa 'gog pa shes bzod kyi rnam pa ni/ 'gog pa'i bden pa'i
don sdug bsngal spangs pa'i bral ba chos can/

tshig tu brjod pas don dam par rgyud gzhan la sbyin du med pa yin
te/ gang gi phyir na 'gog pa dang 'gog pa med pa dang/ don dam
par ma 'brel ba de'i phyir/ yang na tshig tu brjod pa tsam gyis
de ma thag rgyud gzhan la sbyin du med de zhes sbyar

re/ /de chos can/ dmigs pa bden par med par byed pa yin te/ sdug
bsngal zhi ba dang ma zhi ba don dam par med pas so/ /rtag chad
kyi mtha' gnyis las 'das shing rang bzhan gyis rnam par dag pa
yin te/ thar pa gya non pa dang gya

nom pa ma yin pa don dam par grub pa dang bral ba'i phyir/ nad
thams cad mi skye ba'i phan yon dang ldan te nges par 'byung ba
dang nges par 'byung ba med pa yang don dam par med pa mngon
sum
gyis rtogs pa'i phyir/ de ltar rtogs pa

@0193a @#/ /'gog pa shes bzod kyi rnam pa yin no/ /zhes bya ba ni
zhes so/ /mdo ni/ rim pa bzhin du/ nam mkha' brjod du med ba'i
phyir sher phyin yongs su dag pa'o zhes dang/ nam mkha' dmigs su
med pa'i phyir sher phyin

yongs su dag pa'o zhes dang/ rab 'byor chos thams cad skye ba
dang 'gag pa dang kun nas nyon mongs pa dang rnam par byang ba
med pa'i phyir sher phyin yongs su dag pa'o zhes dang/ bcom ldan
'das rigs kyi bu'am rigs kyi bu mo gang la la

zhig sher phyin 'di 'dzin 'chang kleg kun chub par bgyid tshul
bzhin du yid la bgyid na bcom ldan 'das de la mig gi nad 'byung
bar mi 'gyur ro/ /zhes so/ /bzhi ba lam shes bzod kyi rnam pa
ni/ lam bden pas stong par mngon sum

gyis gsar du rtogs pa'i ye shes chos can/ dmyal ba la sogs pa'i
ngan song chad pa dang ldan te/ lam dang lam ma yin pa don dam
par grub pa dang bral bar mngon sum gyis rtogs pa'i phyir/ rgyun
zhugs sogs kyi 'bras bu mngon

sum du bya ba'i don gyi thabs la don dam par rnam par mi rtog pa
nyid yin te nyon mongs kyi gnyen por rigs pa dang rigs pa ma yin
pa dang don dam par ma 'dres par mngon sum du rtogs pa'i phyir/
chos thams cad kyi bden par grub pa'i mtshan

ma dag dang ma 'brel ba yin te/ sems kyi gnas tshod phyin ci ma
log par bsgrub pa dang bsgrub pa ma yin pa don dam par grub pa
las rnam par grol ba nyid kyis so/ /theg chen gyi mthong lam la
rjes shes chos can/ brjod par bya ba shes bya

@0193b don dang/ rjod par byed pa ngo bo'i mtshan nyid sgra gnyis
la gnyis snang dang bcas pa'i tshul gyis dmigs pa'i shes pa skye
ba med pa yin te/ myang 'das su nges par 'byin pa dang nges par
'byin pa ma yin pa don dam par med par mngon sum gyis gsar

du rtogs pa nyid kyis khyad par du byas pa'i ye shes yin pa'i
phyir/ don ni/ don dam mngon sum du rtogs pa'i gzigs ngor sgras
brjod pa ltar mi snang zhing gnyis snang nub pa'i don yin no/
/gong ma rnams la yul gyi gnas tshod dang mthun par

bshad pa ni/ go sla bas de ltar byas kyi/ don ni 'dir bshad pa
ltar kun la sbyar bar bya'o/ /mdo ni/ rim pa bzhin du rab 'byor
sher phyin rin po che 'di bstan par gyur na dmyal ba las yongs
su grol bar 'gyur ro zhes dang/ rab 'byor pha

rol tu phyin pa 'di la ni chos gang skye ba'am 'gag pa'am kun
nas nyon mongs pa'am rnam par byang ba'am yongs su bzung ba'am
dor ba med ces dang/ rab 'byor pha rol tu phyin pa'i rin po che
'di la chos gang gis kyang gos pa med do zhes dang/

rab 'byer gal te byang chen sher phyin la spyod pa'i tshe/ de
ltar rnam par mi rtog /de ltar mi dmigs te/ de ltar 'phro bar
yang mi byed na shar phyin la spyod pa'o/ /zhes so/ /gnyis pa
ni/ de lta bu'i rnam pa can gyi kun shes pa nyid kyi shes

bzod skad cig ma de dag ni chos can/ byang chub sems dpa' rnams
kyi mthong ba'i lam yin te/ de'i bden pa mngon rtogs yin pa'i
phyir/ gnyis pa ni/ nyan thos rnams kyi spros bral gyi rnam pa
can de las ldog pa mi rtag pa dang sdug bsngal

@0194a @#/ /la sogs pa'i rnam pa dag tu mngon sum gyis gsar du
rtogs nas bsgom par bya ba ni kun shes pa nyid kyi skabs la 'da'
bar bya ba dang shugs la bstan pa'i mthong ba'i lam yin no/ /de
lta bu'i bden pa mngon rtogs

yin pa'i phyir/ 'dis nyan thos rang rgyud kyi mthong lam dang/
byang chub sems dpa'i rgyud la bsgom par bya ba shes mthong gis
bltas nas 'da' bar bya ba'i mthong lam gnyis ka bsdus nas bstan
pa yin no/ /gsum pa la/ tshig don

dang/ mtha' dpyad pa'o/ /dang po ni/ mi rtag sogs bcu drug mngon
sum gyis gsar du rtogs zin pa de nyid goms pa lhur len gyi sgo
nas goms par byed pa'i byang chub sems dpa'i rgyud kyi sgom pa'i
lam ni skabs 'dir ma bstan no/ /dgos pa

de'i ched du ston na/ byang chub sems dpa'i mngon du bya ba'i
mngon rtogs su 'gyur pa las/ byang chub sems dpas mngon du bya
ba'i mngon rtogs ni ma yin pas so/ /der thal/ nyan thos kyi lam
mi rtag sogs bcu drug gi rnam pa can ni/ byang

chub sems dpas shes mthong gis bltas nas yongs su shes par bya
ba tsam dang/ shes mthong gis bltas nas 'da' bar bya ba yin pa'i
phyir te/ phyi ma mthong lam las dmigs kyis bkar ba'o/ /gnyis pa
ni/ 'grel chen las/ ci'i

phyir lam shas pa la ji skad bstan pa de bzhin du thams cad shes
pa nyid la sgom pa'i lam yang logs shig pa med ce na/ nyan thos
dang rang sangs rgyas kyi phun sum tshogs pa ni/ byang chub sems
dpa'i shes pa dang mthong bas bltas nas

@0194b 'da' bar bya'o zhes gsungs pas mngon sum du bya ba ma yin
pa'i phyir/ byang chub sems dpa' rnams la ma bstan no/ /nyan
thos la sogs pa la yang ji ltar yongs su mthong ba'i don nyid
yang dang yang du mngon du byed pa sgom pa'i lam yin pas

go sla ba'i phyir ma gsungs so/ /byang chub sems dpa' rnams kyi
nges par 'byed pa'i cha dang mthun pa ni sngar bshad pa nyid yin
par shes par bya'o/ /nyan thos la sogs pa ni mi rtag pa la sogs
pa'i rnam pa rnams kyis bden pa bzhi la

dmigs par byed pa na zag pa dang bcas pa'i sgom pa'i rang bzhin
gyi dro ba la sogs pa yin par gsal ba'i phyir ma gsungs so zhes
bzung ngo/ /zhes bshad de/ /'da' byed kyi mthong lam 'di'i rigs
'dra'i sbyor lam ni/ skabs dang por

bshad pa las shes par bya zhing/ 'da' bar bya ba'i mthong lam
'di'i rigs 'dra'i sgom lam nyan rang rnams la bstan dgos kyang/
go sla bas skabs 'dir ma gsungs so/ /skabs 'dir kha cig gzhung
'di nyan thos rang rgyud kyi sgom lam

mi ston pa'i shes byed du byed pa ni/ 'brel pa cung zad kyang
med de/ nyi snang du thams cad shes pa nyid la sgom pa'i lam med
pa'i phyir ro/ /zhes bshad pas/ nyan thos 'phags pa'i rgyud la
mi rtag sogs kyi rnam pa can la goms pa

lhur len byed pa'i sgom lam med pa mi 'thad pa'i phyir ro/
/gzhan du na 'di'i shugs bstan gyi mthong lam yang nyan rang
rang rgyud kho nar yin par 'gyur la/ de ni mi rigs te/ byang
chub sems dpa'i rgyud kyi rnal 'byor mngon sum gyis shes

@0195a @#/ /mthong gis blta ba dang/ bltas nas 'da' bar bya ba'i
mngon rtogs su gsungs pa'i phyir/ yang kha cig byang chub sems
dpa'i rgyud kyi spros bral gyi rnam pa can gyi sgam lam mi ston
pa'i shes byed du byed pa ni/ de las

kyang 'bral pa med do/ /gzhung 'dir dngos su bkod pa'i rgyu
mtshan las gsal zhing/ /byang chub sems dpa'i mngon du bya ba'i
mngon rtogs kyi sgom lam 'dir ci'i phyir mi ston snyam pa'i rgyu
med pa'i phyir ro/ /ma grub ste skabs gnyis par mthong

lam bstan pa'i rjes su sgom lam bstan pa ltar/ 'dir yang mthong
lam dngos su bstan nas de'i rjes su ci'i phyir sgom lam mi ston
snyam pa'o zhe na/ 'dir dngos su bstan pa'i mthong lam ni 'da'
bar bya

pa'i mngon rtogs de las 'da' bar byed pa'i lam shes pa'i ched du
bstan la/ de'i rigs 'dra'i sgom lam theg pa che chung gi gang
zag su la yang 'dir bstan pa dgos pa med pa'i phyir ro/ /des na/
mi rtag sogs kyi rnam pa can gyi byang chub

sems dpa'i rgyud kyi mthong lam bstan pa na/ de'i rigs 'dra'i
rgyun goms pa lhur len gyi sgo nas goms par byed pa'i sgom lam
ci'i phyir mi ston/ byang chub sems dpa'i mngon du bya ba'i lam
shes de la mthong lam dang sgom lam (?)

gnyis bstan pa bzhin du/ byang chub sems dpas shes par bya ba'i
gzhi shes de la yang mthong lam dang sgom lam gnyis ci'i phyir
mi ston snyam pa'i dogs pa gcod pa'o/ /de 'dra'i sgom lam byang
chub sems dpa' rang nyid 'khor ba'i

@0195b yid 'byung bskyed pa dang/ nyon sgrib dang shes sgrib
spang ba'i ched dang/ nyan rang gi rigs can rjes su bzung ba'i
ched du ba'i ched du yang lam de la goms pa lhur len byed mi
dgos bsam bstan pa yin gyi/ byang sems sgom pa'i rygud la gzhi
shes

de nyid med pa ma yin zhing/ gzhan rjes su 'dzin pa la mthong
lam bskyed pa nyid kyis nus pa'i phyir ro/ /skabs 'dir theg pa
cnen po'i mthong lam du nyan rang gi spang rtogs kyi byed pa
'dus par nyi snang las gsungs pa'i dan ni sngar bshad zin to/ /

gnyis pa mkhyen pa gsum gyi mjug bsdu ba la gsum gyi dang po
mtshams sbyar ba ni/ sngar bshad pa da ltar mkhyen gsum rgyas par
bstan nas thams cad mkhyen pa nyid gsum gyi mjug bsdu bar byed
do/ /mkhyen gsum gyi mjug sdud byed

pa'i rgyu mtshan ni/ mngon par rtogs pa'i don mtha' dag sdud par
byed pa nyid kyis gzhan rnams kyi don yang bsdus nas rtogs par
'gyur ba nyid kyi phyir ro/ /gnyis pa rtsa ba ni/ de ltar mkhyen
gsum rgyas par bstan nas/ mdo las/ rab 'byor

yum 'di ni chos gang yang thob par byed pa ma yin zhes pa nas
brtsams te/ 'das pa ma yin/ ma 'ongs pa ma yin/ da ltar byung ba
ma yin/ zhes pa gsum po gcig tu bsdus pa'i bar gyi gzhi shes kyi
mjug sdud stan pa'i tshig bcu dgu po

'di dang/ rab 'byor de ltar yum khams gsum las 'da' bar byad pa
ma yin zhes sogs yang lam shes kyi mjug bsdu ba'i tshig 'di dang/
yang rab 'byor yum 'di ni sangs rgyas kyi chos rnams nas rang
sangs rgyas kyi chos rnams

@196a @#/ /ster bar byed pa ma yin/ mdor bar byed pa ma yin/
zhes sogs kyi tshig 'di yin te/ mdo tshig rnam gsum po 'di ni
chos can/ sngar mkhyen gsum brjod byar byas pa'i gnas skabs
gsum po dag gi mjug

rdzogs par yongs su bstan pa yin te/ sngar mkhyen gsum rdzogs
par bstan pa de dag gi mjug sdud ston pa'i tshig yin pa'i
phyir/ dang pos gzhi shes kyi mjug /gzhi thams cad la rtag mi
rtag dang/ sdug bsngal yin min sogs zla dang

ldan pa dang/ zlog pa'i zla dang ldan pa'i mtha' gnyis gnyis
bkag nas mjug bsdus pa'i phyir ro/ /gnyis pas chos kun la mi
mthun pa dang gnyen po'i mtha' gnyis bkag nas lam shes kyi
mjug bsdus la gsum pas don gnyis

phun tshogs kyis bsdus pa'i rnam mkhyen dang/ chos dbyings
rtogs pa'i rgyu mthun gyi 'bras bu gsung rab kyi rgyu rnam
mkhyen yin par bstan pa'i sgo nas rnam mkhyen gyi mjug bsdus
so/ /gsum pa 'grel pa ni/ mkhyen gsum rgyas par

bshad ma thag pa'i tshul du don bsdus nas bstan pa/ mdo las/
rab 'byor shes rab kyi pha rol tu phyin pa 'di ni chos gang la
yang 'jug pa'am/ yang dag par ston par byed pa'am/ nges par
ston par byed pa'am/ yongs su thob par byed pa'am/

nges par thob par byed pa med do/ /zhes pa'i rnam pa thams cad
mkhyen pa nyid kyi mjug sdud pa'i tshig 'di dang/ bcom ldan
'das 'di ni gang la yang chos thams cad la chags pa ma mchis
pa dang/ zhes sogs lam shes pa nyid kyi mjug sdud

@196b pa'i tshig 'di dang/ rab 'byor stong pa nyid ni rab tu
'jug pa'am ldog pa med do/ /zhes sogs gzhi thams cad shes pa
nyid kyi mjug sdud pa'i tshig 'di ste de ltar le'u gsum gyi
mjug sdud pa'i tshig don tshan rnam pa gsum po chos can/ mkhyen

pa gsum gyi mjug yongs su rdzogs par mdzad pa yin te/ sngar
mkhyen gsum rgyas par bshad pa de'i mjug sdud ston pa'i mdo'i
tshig yin pa'i phyir/ kha cig le'u gsum gyis mkhyen gsum rdzogs
par bstan to zhes 'chad pa ni/ gzhung ma

dag pa dang phrad nas don leg par bshad pa'o/ /rtsa bar bshad
pa de yum par ma las 'byung ba'i go rims dang/ 'di brgyad
stong pa nas 'byung ba'i go rims dang mthun par bshad pa'o/
/gsum pa skabs bsdu ba ni/ shes rab kyi pha rol tu phyin

pa'i man ngag gi bstan bcos mngon par rtogs pa'i rgyan ces bya
ba'i rnam bshad snying po'i rgyan ces bya ba las skabs gsum
pa'i 'grel pa'i bshad pa'o// //gnyis pa sbyor ba bzhi rgyas
par bshad pa la/ dbang du byed pa

rgyu 'bras dang/ bstan pa rgyu 'bras so/ /dang po la/ dbang du
byed pa'i rgyu rnam kun dang/ 'bras bu rtse mo'i sbyor ba'o/
/dang po la gsum/ 'brel bkod pas mtshams sbyar ba dang/ le'u'i
gzhung bshad pa dang/ skabs bsdu ba'o/ /dang po ni/ 'grel chen
du/

yang thams cad mkhyon pa nyid gsum dang/ rnam pa kun mngon par
rdzogs par rtogs pa'i khyad par gang zhig yin zhe na/ kha cig
na re thams cad mkhyen pa gsum ni ji skad du bshad pa'i rnam
pas rnam pa'i yul so sor nges pa yin la/ rnam

@197a @#/ /pa kun mngon par rdzogs par rtogs pa ni rnam pa ma
lus pa'i yul can yin no zhes 'dod do/ /gzhan dag ni thams cad
mkhyen pa nyid gsum ni mtshan nyid pa nyid du rnam par bzhag
la/ rnam pa kun mngon par rdzogs

par rtogs pa ni sbyar ba pa yin no zhes zer to/ /la la ni rnam
pa kun mngon par rdzogs par rtogs pa ni mi mthun pa'i phyogs
dang gnyen por bzhag pas rab tu phye ba yin la/ thams cad
mkhyen pa nyid gsum ni rang bzhin gyis zhi ba'i rnam pa nyid

yin pa'i phyir de lta bu ma yin no zhes 'chad do/ /zhes bshad
pa'i don skabs 'dir shes par bya ste/ rnam kun dang mkhyen
gsum yul gyi sgo nas ston tshul mi 'dra ba dang/ ngo bo'i sgo
nas dang/ byed las kyi sgo nas brjod tshul mi 'dra bar skabs

dang po gsum du mkhyen gsum bstan nas/ yang 'dir mkhyen gsum
bshad pa la zlos pa'i skyon med de/ sngar rang rgyud la bsgom
par bya ba'i thams cad mkhyen pa nyid gsum rnam pa so sor nges
pa'i sgo nas yongs su shes pa ni yang skabs 'dir

rnam mkhyen gyi rnam pa brgya dang bcu po thams cad dang/ lam
shes kyi rnam pa so drug dang gzhi shes pa'i rnam pa nyer bdun
dang/ rnam pa ma lus pa bsdu ba'i sgo nas rnam pa kun mngon
par rdzogs pa rtogs pa bshad pas/ brjod tshul dang dgos pa

mi 'dra ba'i phyir/ mkhyen gsum gyi rnam pa ma lus pa bsdus
nas bstan pa la dgos pa yod de/ thams cad mkhyen pa nyid gsum
gyi rnam pa ma lus pa bsgom par byed pas de ltar bshad pa'i
phyir/ ma lus pa bsgom pa la dgos pa yod de/

@197b mkhyen gsum gyi rnam pa la dbang du bya ba'i ched yin
pa'i phyir/ gnyis ka thos bsam gyis shes par bya ba dang bsgom
par bya ba yin pas thos bsam dang nyams len gyi gzhung so sor
gcod pa rnam pa thams cad du mi rigs so/ /'o na phyi ma nyid
bstan

pas chog yod ce na/ dgos pa gzhan yang yod par ston pa ni/
zlos skyon med pa'i bsgrub bya'i chos snga ma la/ skabs dang
po gsum du thams cad mkhyen pa nyid gsum gyi thun mong ma yin
pa'i rang gi ngo bo rnams dang mtshan nyid yongs su shes par
bya ba'i

ched du yin la/ skabs 'dir/ rnam pa thams cad dang lam dang
gzhi shes pa'i rnam pa ma lus bzhi lhag zung 'brel gyi sbyor
bas bsgom par shes pa'i ched du yin pa'i phyir/ de ltar sgom
pa'i dgos pa yang dbang du bya ba'i phyir ro/ /skabs dang po

gsum du mkhyen gsum gyi mtshan nyid shes nas bsgom dar bya ba'i
ched dang/ skabs 'dir sgom byed kyi sbyor ba shes nas sgom
pa'i ched du bstan pas/ thos bsam dang nyams len gyi gzhung so
sor gcod pa gzhung chen mo rnams nub pa'i rkyen

byed pa rnam par mi 'od pa'i tshig tu shes par bya'o/ /yang
zlos skyon med pa'i bsgrub bya'i chos snga ma la rnam pa kun
mngon par rdzogs par rtogs pa 'dir mkhyen gsum bshad pa ni/ mi
mthun phyogs dang gnyen mo'i rab dbye shes pas/ gnyen po

sgom pa'i ched du bstan la/ skabs dang po gsum du sdang bya ci
rigs pa zhi pas khyad par du byas pa'i thams cad mkhyen pa
nyid gsum yongs su shes par byas nas bsgom par bya ba'i ched
du bstan pa'i phyir/ mi mthun phyogs dang gnyen po'i

@198a @#/ /rab dbye shes nas/ zhi lhag zung 'brel gyi sbyor bas
rnam pa thams cad dang lam dang gzhi shes pa bsdu ba'i sgo nas
thams cad mkhyen pa nyid gsum bsgom par byed pas dgos pa khyad
par can 'grub ste/ mkhyen gsum

gyi rnam pa bsgom pa la dbang du bya ba'i ched yin pa'i phyir/
skabs dang po gsum du mkhyen gsum gyi rnam pa so sor bstan
nas/ 'dir bsdus nas bstan pa dang/ dang po gsum du mkhyen gsum
gyi thun mong ma yin pa'i rang bzhin bstan

nas; 'dir de nyams su len pa'i sbyor ba bstan pa dang/ 'dir mi
mthun phyogs ma lus pa spang ba'i ched du/ rnam pa ma lus pa
bsgom pa bstan nas dang po gsum du mi mthun phyogs ci rigs pa
dang bral ba'i mkhyen gsum bstan pa ni

brjod tshul dang dgos pa mi 'dra ba tsam du zad kyi/ de dag
thams cad kyang thos bsam gyis kyang shes par byed la/ sgom
byung gis kyang bsgom par byed pas thos bsam byed pa dang/
nyams len byed pa'i gzhung tshan pa mi 'dra ba so sor

gcod pa ni/ sangs rgyas kyi bstan pa nyams par byed pa'i tshig
yin pas/ dor bar rigs pa kho na yin no/ /'dir dbang du bya
ba'i phyir ces pa dang bsgom par byed pas zhes pa rnams ni/
dang po gsum nas bshad pa'i mkhyen pa

gsum bsgom pa dang/ goms pa dbang gyur thab pa la yang/ mi
mthun phyogs ma lus pa spang ba'i ched du zhi lhag zung 'brel
gyi sbyor bas sgo /dgos par ston gyi/ 'dir bstan pa'i don
rnams goms pa dbang gyur thob pa'i ched du yin

@198b la; star bshad pa rnams thos bsam gyi go ba tsam gyi
ched du bstan par mi bzang ste/ dang po gsum gyi skabs nas
bstan pa'i mkhyen gsum gyi rnam pa gang rung gcig sbyor bas
bsgoms shing/ 'dir bstan pa'i rnam pa sbyor bas bsgom pa ma

yin pa'i lam dang/ de las ldog pa mi srid pa'i phyir ro/
/mkhyen gsum gyi rnam pa bsdus nas sgom pa'i don la/ sngon gyi
bod mkhas pa kha cig na re/ bdag med pa'i rnam pa can gyi bden
pa'i rnam pa bdun cu rtsa gcig dang/ kun rdzob pa'i rnam

pa brgya dang gnyis yod pa rnams bsgom par bya ba'i gzhi yin
la/ de yang bden med du sgro 'dogs bcas par bya ba'i gzhi
phung po lta bu yin la/ bsdus nas sgom pa'i don ni bdun cu
rtsa gcig thun mong ba'i rnam thar sgo gsum du bsdu bar bya ba
yang yin

mod kyi/ gtso bo ni rnam pa brgya bdun cu rtsa gsum po'i ngo
bo bden stong spros bral du rtogs pa gnas pa bkag pa'i sbyor
ba zhes pa rnams par thar pa'i sgo stong pa nyid kyi rnam thar
dang/ yul can la bden zhen 'gog pa sbyor ba bkag pa zhes pa
rnam pa thar

pa'i sgom chen med dang/ 'bras bu la bden zhen bkag pa rnam
par thar pa'i sgo smon med gsum du bsdus nas/ re re la phyi ma
gsum 'byed pa dang/ phyi ma la zab pa dang/ gting dpag dka' ba
dang/ ched med pa'i sbyor ba gsum du dbye ste/ des na

mnyam gzhag tu zhi lhag zung 'brel gyi sbyor bas/ rnam thar
sgo gsum du bsdus nas bsgom pa mkhyen gsum bsdus sgom gyi don
du mdzad pa ni dpyad bzod par mi sems te/ mi rtag pa dang sdug
bsngal ba sogs shes bya ji snyed pa'i rnam

@199a @#/ /pa rnams kyang/ zhi lhag zung 'brel gyi rnam rdzogs
sbyor ba'i rnam pa'i 'dzin stangs su byas nas sgom mam/ mi
sgom/ phyi ma mi rigs te/ 'phags pa dang slob dpon gnyis kar
gyis/ phung po rtag 'dzin sogs

kyi gnyen por/ phung po mi rtag pa sogs kyi rnam pa shar nas
bsgom par bsgrubs pa dang 'gal zhing/ brgya dang don gsum gyi
rnam pa'i dbye ba byas pa don med par 'gyur ba'i phyir ro/
/dang po ltar na/ byang chub sems dpas zhi lhag zung 'brel

gyi sbyor bas rnam pa ma lus pa shar nas rang rgyud la bsgom
par byed na/ de'i dbye ba mi mdzad pa mi rigs pa'i phyir dang/
slob dpon seng ge bzang po la gzhi shes kyi rang sangs rgyas
'phags pa'i mngon rtogs bsdus par bshad pa la dgag pa byed

pa mi rigs pa'i phyir/ stong pa nyid la dmigs pa'i zhi lhag
zung 'brel gyi rnal 'byor la/ rnam thar sgom gsum du phye nas/
de tshogs lam nas sa bu pa'i bar la yod par 'dod pa ni nyes pa
shin tu chen po yin te/ stong pa nyid la dmigs pa'i

lhag mthong mtshan nyid pa sbyor lam drod yan chad ma gtogs
theg pa chen por rigs nges pa rnams kyis tshogs lam du skyed pa
mi srid pa'i phyir ro/ /theg pa chen po'i sbyor lam drod du
'phos pa'i sa mtshams kyang legs par khong du ma chud

pas theg pa chen po'i lam gyi rnam gzhag byed pa mos pa tsam
du zad do/ /yang skabs 'dir mkhyen gsum gyi rnam pa gsal bar
bstan gyi/ dang po gsum du gsal bar ma bstan par bzhed pa yang
'thad par mi sems te/ skabs dang por

@199b rgyu 'bras gtso bo'i don gyi rnam pa dang/ gnyis par lam
gsum gyi rnam pa dang/ gsum par gzhi shes kyi rnam pa gsal bar
byed pa'i phyir ro/ /des na bsdus nas sgom pa'i don ni/ mtshams
sbyar du 'byung ba ltar/ mkhyen gsum gyi rnam pa thams cad

zhi lhag zung 'brel gyi sbyor bas rnal 'byor pa'i nyams len du
bsdu ba'i don yin no/ /gnyis pa la/ rnam rdzogs sbyor ba
spyi'i rnam gzhag dang/ thar pa cha mthun nas bzung ste rgyud
la skye ba'i rim pa bshad pa'o/ /dang po la/ rnam rdzogs sbyor
ba'i ngo

bo dang/ sbyor ba sgom pa'i skyon yon dang/ sbyor ba'i mtshan
nyid do/ /dang po la/ mi mthun phyogs ma lus pa'i gnyen po
shes pa'i yan lag rnam pa'i dbye ba dang/ bden 'dzin dngos su
'joms byed kyi sbyor ba khyad par can ngos bzung ba'o/ /dang

po la/ mdor bstan dang/ rgyas bshad dang/ don bsdu ba'o/ /dang
po la gnyis kyi dang po rtsa ba ni/ 'phags pa'i bden pa bzhis
bsdus pa'i gzhi mi rtag sogs shes pa'i ye shes kyi bye brag
rnams mi mthun phyogs de dang de'i ldog phyogs kyi rnam pa

shar ba'i sgo nas de dag 'joms par byed pa'i ye shes yin pa'i
phyir/ mkhyen pa gsum po gang rung gi rnam pa legs par shar
nas bsgom par byed pa'i byang sems kyi ye shes zhes bya ba ni/
skabs 'dir gnyen po'i mtshan nyid/ gnyen por 'jog

pa'i ye shes kyi rnam pa de ni rigs bsdu na rnam pa gsum du
'dod de/ kun mkhyen nyid ni rnam pa gsum du nges pa'i phyir/
skabs 'dir nyi snang du bye brag ni mi mthun pa'i phyogs gang
gi gnyen po'i mtshan nyid gang yin pa ste/ dper na rtag par
'dzin pa

@200a @#/ /la mi rtag pa la sogs pa bzhin no/ /zhes bshad pas/
rnam pa'i mtshan nyid du 'chad pa ni skabs 'dir rnam pa'i dbye
ba rgyas par bshad pa 'dis ci byed ma shes pas/ gzhung gi don
log par 'chad pa yin te/ sngar

dgos 'brel gyi rtsod spong gi skabs su/ gzhi gnyen rnam pa
gsum ga brjod byar bsdus pas mtshon nas/ mkhyen gsum brjod byar
sdud pa'i lan btab pa'i skabs don bor bar 'gyur ba yin no/
/des na byang chub sems dpa'i rgyud kyi phung po mi rtag

par mngon sum du rtogs pa'i ye shes de/ phung po rtag 'dzin
gyi sgro 'dogs de'i gnyen po yin te/ phung po mi rtag pa'i
rnam pa legs par shar ba'i sgo nas cig shos la dngos su gnod
pa'i phyir ces pa'i don te/ de bzhin du rnam pa mtha'

dag la sbyar bar bya ba yin no/ /spang bya'i sa bon la dngos
su gnod byed kyi gnyen po stong nyid mngon sum du rtogs pa'i
shes rab yin yang/ mkhyen gsum gyi rnam pa la phyi ci log tu
zhugs pa'i sgro 'dogs ji snyed kyi gnyen por de'i

dmigs rnam gyi log phyogs 'dzin pa'i rnam pa mtha' dag zhi
lhag zung 'brel gyi sgo nas bsgom par bya ba yin no/ /kha cig
don rnam dang/ shes rnam gnyis su phye nas bsgom bya gang yin
mi mthun pa so sor 'dod pa la ni/ snying po cung zad kyang med

de/ mi rtag pa rtogs pa'i ye shes bsgom byar 'dod pa des kyang
mi rtag pa bsgom par khas len dgos la/ mi rtag pa bsgom byar
'dod pa des kyang/ de rtogs kyi ye shes bsgom par khas mi len
na gzhi stong bar 'gyur ba'i phyir ro/ /gnyis pa

@200b 'grel ba ni/ skabs 'dir/ rnam pa'i dbye ba rgyas par
bshad pa la dgos pa yod de/ gnyen po'i mtshan nyid shes pa'i
ched du yin pa'i phyir/ phung po mi rtag pa la sogs pa la
dmigs pa'i ye shes kyi bye brag rnams shes pa'i rnam pa nyid
du rnam

par bzhag pa ni chos can/ dgos pa yod de/ phung po rtag pa la
sogs par 'dzin pa'i mi mthun pa'i phyogs kyi gnyen po'i chos
nyid kyi ngo bo nyid gnyen po'i mtshan nyid shes pa'i ched yin
pa'i phyir/ gnyen po'i mtshan nyid kyi yan lag shes pa'i rnam

pa de dag kyang chos can/ rnam pa gsum kho nar bzhed de/ thams
cad mkhyen pa nyid rnam pa gsum gyi bye brag gis rnam pa gsum
kho nar yod pa'i phyir/ gnyis pa la/ gzhi shes kyi rnam pa
dang/ lam shes kyi rnam pa dang/ rnam mkhyen gyi rnam

pa'o; ;dang po la gsum gyi dang po mtshams sbyar ba ni/ gnyen
po'i mtshan nyid rnam pa rnams spyir bstan nas de ni khyad par
du phye nas so/ /gnyis pa rtsa ba ni/ mdo las/ bcom ldan 'das
sher phyin 'di ni ma mchis pa'i pha rol tu phyin pa'o zhes med

pa'i rnam pa nas bzung ste/ sher phyin 'di ni mi g.yo ba'i
pha rol tu phyin pa'o/ /zhes ma g.yo ba'i rnam pa'i bar ston
pa'i mdo chos can/ gzhi shes kyi rnam pa nyer bdun bstan te/
bden pa dang po gsum so so la bzhi bzhi dang lam bden la gzhi
shes

kyi rnam pa de ni bco lngar bshad pa'i phyir/ rnam pa 'di dag
gis ni 'khor ba'i sdug bsngal gyi phung po mi rtag pa'i nyes
dmigs dang/ sdug bsngal gsum gyi gdungs pa'i nyes dmigs sems
pa sogs skyes bu 'bring gi bsam pa sbyong ba'i yan 

@201a @#/ /lag tu shes par bya la/ gang zag gi bdag gis stong par
mngon sum du rtogs pa'i ye shes nyid la/ lam bden gyi rnam pa
dang pa bzhi dang/ gzung 'dzin rdzas tha dad kyis stong bar
mngon sum du rtogs pa'i ye shes dang/

rjes kyi gnas skabs su gnyis snang 'khrul par shes pa las lam
gyi rnam pa phyi ma bcu gcig tu dbye ba yin no/ /gsum pa 'grel
pa la/ bden pa dang po gsum gyi rnam pa dang/ lam bden gyi rnam
pa dang/ grangs kyi don bsdu ba'o/ /dang po ni/

shes pa'i rnam pa gsum yod pa de la thams cad shes pa nyid kyi
dbang du byas nas nyer bdun no/ /mdo las/ rtag par med pa dang
sdug bsngal don dam par mi skye ba dang/ don gzhan gyi bdag gis
bden pa dang/ rang gi ngo bor gyur pa'i bdag gis mi

rdzi ba dang bzhi ston pa'i tshig gis sdug bden gyi rnam pa bstan
te/ sdug bsngal bden pa'i mi rtag pa la sogs pa'i mtshan nyid
bzhi dag rim pa bzhin du bstan pa yin pa'i phyir/ sdug bsngal
gyi rgyu sred pa don dam par med pa'i gnas med pa dang/ kun

'byung don dam par nam mkha' dang 'dra ba dang/ sdug bsngal gyi
rgyu rtog dpyod don dam par brjod du med pa dang/ yang srid kyi
rkyen sred pa dang tshor ba don dam par ming med pa dang bzhi
ston pa'i mdo tshig gis kun 'byung gi rnam pa bstan te/ de'i rnam
pa bzhi rim pa

bzhin du bstan pa'i phyir/ 'gag pa don dam par 'gro ba med pa
dang/ sdug bsngal rab tu zhi brkyen gyis mi 'phrogs pa dang/ gya
nom pa'i thar pa mi zad pa dang/ chos nyid dri bral gyi 'gag pa
skye ba med pa'i rnam pa ston pa'i mdo tshig gis 'gog

@201b bden gyi rnam pa bstan te/ de'i rnam pa bzhi rim pa bzhin
du bstan pa'i phyir/ bcu gnyis ni go rims bzhin du sdug bsngal
la sogs pa bden pa gsum gyi rnam pa yin te/ mdos don rnam gyis
shes rnam yang 'phangs pas/ mdo las don rnam dang

shes rnam gnyis ka bstan gyi don rnam 'ba' zhig bstan par 'dod
pa ni/ slob dpon 'phags pas legs par ba/ /ga ste/ de lta na
skabs don nyams par 'gyur ba'i phyir/ ces gsung ngo/ /sdug
bsngal rtag par med par mngon sum du rtogs pa'i

byang sems kyi ye shes chos can/ sdug bsngal mi rtag pa la dmigs
pa'i rnam pa yin te/ sdug bsngal mi rtag par rtags pa'i ye shes
yin pas so/ /des na sdug bsngal rtag 'dzin gyi sgro 'dogs de'i
gnyen po yin te/ zhes pa la/ bsgrub bya'i chos snga ma

rtags su bya ste/ re re nas de bzhin du sbyar bar bya'o/ /'di
dag ni skabs gsum pa'i skabs su bstan pa'i gzhi shes de nyid
byang chub sems dpa'i rgyur kyi sbyor bas bskyom par ston pa yin
no/ /gnyis pa la gsum gyi dang po/ lam bden gyi dbye ba mdor
bstan

ni; skabs 'dir gzhi shes kyi lam bden gyi rnam pa gsum mo/ /nyon
mongs pa'i sgrib pa'i gnyen po nyid du zag pa med pa'i mthong
ba'i lam gcig dang/ rang sangs rgyas de dag gi shes bya'i sgrib
pa'i gnyen po nyid du sgom pa'i lam zag pa dang bcas

pa dad/ mthong ba'i lam zag pa med pa dang gnyis yin pas so/
/gzhi shes kyi rnam pa ston pa'i skabs 'dir/ shes sgrib kyi
gnyen po sten pa 'gal ba med de/ thams cad shes pa nyid kyis
rang sangs rgyas kyi lam rnams kyang bsdus pas shas sgrib gzung

@202a @#/ /rtog gi gnyen po bstan dgos pa de'i phyir/ gzhi shes
kyi rnam pa mtha' dag byang chub sems dpas bsgom par bya ba yin
pas/ shes sgrib gzung rtog gi gnyen po lam bden 'dir bstan pa
yin la/ byang chub sems dpas

rgyud la bskyed pa'i ched du bshad pa yin yang/ gzung ba bden
med du mngon sum du rtogs pa'i gzhi shes kyi rnam gzhag gi rten
so sor nges par shes pa'i ched du/ rang sangs rgyas smos kyi/
rang rgyal rang rgyud kyi mngon rtogs 'ba' zhig ston pa'i

ched du ma yin no/ /'phags pa so so'i lam gyi dbye ba so sor
shes par ma byas na/ byang chub sems dpas mkhyen gsum gyi rnam
pa bsgom pa gang gi ched du sgom pa'i dgos pa mi 'dra ba du ma
yod pa mi shes pa yin no/ /slob dpon bdag nyid chen po'i

bzhed pa 'di la sngon gyi bod kha cig na re/ gzhi shes kyis rang
sangs rgyas kyi mngon rtogs bsdus par bzhed pa 'brel pa med de/
'di rnams gzhi shes kyi dmigs pa lam bden gyis bsdus pa rnams
ston pa yin la/ gzhi shes kyi dmigs pa gzhi

shes su bsdus pa la/ dgos pa cung zad kyang med cing/ der 'dus
pa dgos na/ sdug kun gyi don rnam brgyad kyang der gtogs gzhi
shes kyi nang du sdud dgos na de mi nus pa'i phyir ro/ 'on te
'di dag gis lam bden gyi rnam pa la dmigs pa'i

gzhi shes kyi ngo bo dngos su ston par byed pa yin na gzhi shes
kyi dmigs yul du gyur pa'i lam bden gyi rnam pa dngos su ma
bsngon? par 'gyur la/ de 'dod na/ skabs kyi don dang 'gal te/
gzhi shes kyi dmigs yul bden pa bzhi'i rnam

@202b pa ston pa'i skabs yin pa'i phyir ro/ /'o na gzhi shes kyi
dmigs yul du gyur pa'i lam mtha' dag ston na/ sangs rgyas kyi
thugs rgyud la yod pa'i lam yang bstan par thal lo zhe na/ 'dod
pa kho na'o zhes gsung pa ni dpyad par bya ste/ byang chub sems

dpa'i gzhi shes kyi ngo bor gyur pa'i shes rnam nyi shu rtsa
bdun skabs 'dir dngos su ma bstan na/ rnam rdzogs sbyor ba'i
gzhi shes kyi rnam pa ma lus pa skabs gzhan du yang dngos su ma
bstan par khas len dgos pas/ de lta na/ gzhi shes kyi rnam pa ma

las pa byang chub sems dpas sbyor ba'i sgo nas ma bsgoms na shes
mthong gis bltas nas 'da' bar bya ba'i mngon rtogs rgyud la ma
bskyad pa'i phyir/ lam shes kyi yan lag ma tshang ba sogs nyes pa
du ma'i 'byung khungs su gtogs pas/ rje btsun nas

brgyud de mngon par rtogs pa'i rgyun gyi gdams pa phyin ci ma
log pa mnga' ba la sun 'byin ltar snang 'phen pa ni ha cang gzu
zlums ches so/ /gnyis pa rgyas bshad la gsum gyi dang po/ nyon
sgrib kyi gnyen po la gzhir dbye ba na/ lam gsum yod pa de la
lam

dang po la rnam pa bzhi yod de/ byed pa po'i gang zag gi bdag
med par mngon sum gyis rtogs pa'i byang sems kyi mthong lam de
lam bden gyi lam gyi rnam pa yin te/ mya ngan las 'das pa'i
grong khyer du bgrod pa'i lam bden yin pa'i phyir/

de bzhin du yul shas pa po'i gang zag gi bdag med pa dang/ dman
pa'i gnas skabs nas 'pho ba po'i gang zag gi bdag med pa dang/
nyon mongs 'dul ba po'i gang zag gi bdag med par mngon sum du
rtogs pa'i rnam pa byang sems kyi mthong lam

@203a @#/ /ni go rims bzhin du lam bden gyi rigs pa dang bsgrub
pa dang/ nges 'byin la sogs pa'i mtshan nyid dag yin no/ /ji skad
bshad pa'i gang zag gi bdag 'dzin de dag gi dngos kyi gnyen po
byed pas so/ /'di dag la

yang lam bden gyi rnam pa la log par zhugs pa'i sgro 'dogs kyi
gnyen por bsgrub pa sngar bzhin du sbyar bar bya'o/ /byang chub
sems dpa'i rgyud kyi nyon sgrib stong nyid rtogs pa'i shes rab
kyis spong ba yin yang/ nyon sgrib kyi gnyen po'i rigs kyi

dbye ba bsgom par shes pa'i ched du yin no/ /gnyis pa shes sgrib
kyi gnyen po zag bcas ni/ lam gnyis pa la byang chub sems dpa'
sgom lam pa'i rjes kyi shes pas bsdus pa'i gzung ba phyi rol gyi
don med par rtogs pa'i ye shes de

chos can/ phyi rol don du zhen pa'i shes bya'i sgrib pa'i gnyen
por gyur pa dag yin no/ /rmi lam bzhin du gzugs sogs phyi rol
don gyi ngo bo nyid med pa bag chags yongs su 'gyur ba'i snang
ba tsam dang/ sgra brnyan bzhin du phyi rol gyi don ma skyes

pa dang mig yor bzhin du don ma 'gags pa dang smig rgyu bzhin du
don gzod ma nas zhi ba dang/ sgyu ma'i rnam pa bzhin du don rang
bzhin gyis mya ngan las 'das pa'i mtshan nyid can du rtogs shing
don med bzhin du don du snang ba'i 'khrul snang tsam du

blo de'i stobs kyis rtogs pa'i phyir ro/ /spyir zhes pa ni/ re
re nas kyang gzung rtog spyi'i gnyen por go bar byed pa'o/ /'dir
bshad pa'i gzung rtog gi gnyen po sgom lam 'di rang rgyal rang
rgyud kyis bsdus pa yin na/ sngar byang chub sems

@203b dpa'i rgyud la bskyed par bshad pa dang 'gal la/ byang
chub sems dpa'i rgyud kyis bsdus pa yin na/ sngar shes mthong
gis bltas nas 'da' bar bya ba'i mngon rtogs su bshad pas/ de'i
rgyun goms pa lhur len gyis goms par byed pa'i sgom lam bstan

par mi rigs te/ gzhan du na mi rtag sogs kyi rnam pa can gyi lam
la yang mtshungs so zhe na/ skyon med de/ byang chub sems dpas
sgom lam gyi skabs su goms pa lhur len gyi sgo nas goms par byed
pa ma yin yang/ spyir byang sems sgom lam

pa'i rgyud la lam de skye bar bshad pa tsam yin no/ /gsum pa
shes sgrib kyi gnyen po zag med ni/ sngar nyon sgrib kyi gnyen
po bshad pa la ltos pa'i lam gsum pa la drug ni go rims bzhin du
gzung ba'i rnam par rtog pa rnams kyi so sor nges pa'i gnyen

por gyur pa dag yin no/ /byang sems mthong lam pa'i rgyud kyi
gzung bya phyi rol gyi don med par mngon sum du rtogs pa'i ye
shes chos can/ gzung rtog shes bya'i sgrib pa phyi rol gyi don
la dmigs nas chags sogs kyis kun nas nyon mongs pa dang

dad sogs kyis rnam par byar pa dang/ nyon mongs pa'i bag chags
dang gzugs la sogs pa'i don gyi dbye ba'i spros pa dang don du
zhen pa'i rang gi rtogs pa la ro myang ba'i rlom pa dang rtogs
pa de nyid thob zin yongs su nyams par zhen pa spang ste/ rim

pa bzhin du phyi rol don gyis kun nas nyon mongs pa med par
mngon sum du rtogs pa'i phyir dang/ phyi rol don gyis rnam par
byang ba med pa dang/ don gyis bsdus pa'i bag chags kyis gos pa
med pa dang/ don gyi dbye ba'i spros pa med pa dang/ don du zhe
na

@204a @#/ /pa'i rtogs pas re myong ba'i rlom pa med pa dang rtogs
pa thob zin nyams pa med pa'i mi g.yo ba'i gzung bya don gzhan
med par mngon sum gyis gsar du rtogs pa'i rnam pa yin pa'i
phyir/ gsum pa don bsdu ba ni de ltar

na zhes so/ /gsum pa don bsdu ba ni/ spyir na zhes so/ /gnyis pa
lam shes kyi rnam pa la gsum gyi dang po mtshams sbyor ba ni/
gzhi shes kyi rnam pa de'i 'og tu zhes so/ /gnyis pa rtsa ba ni/
lam shes kyi rnam pa sum cu so drug yod de/ rgyu

kun 'byung dang lam bden dang 'bras bu sdug bsngal dang 'gog
pa'i lam ni go rims bzhin du rnam pa de dag brgyad dang bdun
dang ni/ lnga dang bcu drug ces mdo las bskrags pa'i phyir/ mdo
ni/ rab 'byor gyis gsol pa bcom ldan 'das 'di lta ste/

sher phyin 'di ni 'dod chags dang bral ba'i phar phyin no zhes
pa nas sher phyin 'di ni dngos po med pa'i ngo bo nyid stong pa
nyid kyi phar phyin no/ /zhes spyir gsungs so/ /gsum pa 'grel pa
la/ spyir bstan/ so sor bshad/ spyi'i don bsdu ba'o/ /dang po
ni/ lam

shes kyi rnam pa so drug yod de/ kun 'byung ba dang/ lam dang/
sdug bsngal dang 'gog pa'i bden pa la brten pa'i lam shes kyi
rnam pa grangs bzhin du rnam pa brgyad dang/ bdun dang/ lnga
dang/ bcu drug ces bya ba la sogs pa khong du chud par bya ba'i

phyir/ 'dir bden bzhi'i go rims gzhan nas bshad pa dang/ mi
mthun pas skyon chags so zhe na/ bden pa bzhi'i go rims 'di ltar
bstan pa la dgos pa khyad par can yod de/ 'khor bar 'jug pa'i
rim pa kun nas nyon mongs pa'i

@204b phyogs la 'chen nas kun 'byung ba'i bden pa rgyu dang sdug
bsngal 'bras bur shes pa'i ched dang/ 'khor ba las ldog pa'i rim
pa cig shos kyi phyogs rnam byang la brten nas lam gyi bden pa
dag ni rgyu yin la/ 'gog pa'i bden pa dag ni 'bras

bu yin par shes pa'i ched du rgyu 'bras don gyi rim pa'i sgo nas
bstan pa'i phyir/ gzhan du sdug bsngal thog mar bstan pa ni yul
can mngon par rtogs pa'i rim pa dang mthun par bstan pa yin la/
'dir ni bskyed rim dang mthun par bstan pa yin pas

cha re re nas gnyis ka dgos par shes par bya'o/ /gnyis pa la
bzhi'i dang po/ kun 'byung spang gnyen gyi sgo nas bstan pa ni/
de la byang sems mthong lam pa'i rgyud kyi gang zag gi bdag med
mngon sum du rtogs pa'i ye shes chos can/ go rims

bzhin du kun 'byung gi rgyu'i rnam pa gang yin pa yul ma 'ongs
pa la sred pa'i 'dun pa dang mi 'bral bar sred pa'i 'dod chags
dang yang srid la dga' ba'i sred pa'i gnyen po yin te/ 'dod yon
thob par 'dod pa'i sred pa'i 'dod chags dang bral

ba dang/ 'dod yon dang mi 'bral bar zhen pa'i tshul gyis mi gnas
pa dang/ lus la dga' ba'i sred pa zhi ba'i byang sems kyi ye
shes yin pa'i phyir/ kun 'byung ba'i rnam pa gang yin pa 'dod
chags dang/ zhe sdang dang gti mug gi gnyen por

gyur pa yin te/ 'dod chags kyi zhen yul med pa dang zhe sdang gi
zhen yul med pa dang gti mug gi zhen yul med par mngon sum du
rtogs pa'i byang sems kyi ye shes yin pa'i phyir/ rab tu skye
ba'i rnam pa gang yin pa gtsang bde rtag bdag sogs

@205a @#/ /tshul bzhin ma yin par zhen pa'i kun tu rtog pa'i gnyen
po yin te/ tshul min yid byed kyi kun nas nyon mongs pa'i zhen
yul med par mngon sum du rtogs pa'i phyir dang/ rkyen gang yin
pa rang dbang ba'i sems can du

mngon par zhen pa'i gnyen po yin te/ rang dbang ba'i sems can
med par mngon sum gyis gsar du rtogs pa'i rnam pa yin pa'i
phyir/ rgyu'i bden pa la brten pa'i rnam pa brgyad yin no/
/mngon zhen brgyad po de rnams kyi gnyen por gyur pa gsum

dang gsum dang gcig dang gcig yod pa de lta na yi phyir/ gnyis
pa lam bden dam bca' dang 'thad pa'i sgo nas bstan pa ni/ byang
sems kyi mthong lam chos can/ nyan thos kyi lam bden las khyad
par du 'phags te/ sems can thams cad la

thar pa'i go skabs 'byed pa'i lam yin pa'i phyir/ yang na de
chos can/ sems can thams cad la thar pa'i go skabs 'byed pa'i
lam gyi rnam pa yin te/ sems can chad med pa thar par go skabs
'byed pa'i lam yin pa'i phyir/ de ji ltar sems

can thams cad la thar pa'i go skabs 'byed pa yin zhe na/ sems
can tshad med pa la thar par go skabs 'byed pa yin te/ 'khor 'das
kyi mtha' gnyis dang ma 'brel par sems can tshad med pa la thar
pa'i go skabs 'byed pa'i phyir/ rigs pa

gang yin pa'i rnam pa yin te/ chos thams cad bden stong du tha
mi dad par mngon sum du rtogs pa'i ye shes yin pa'i phyir/ ji
ltar rigs pa yin zhe na/ rtags snga ma chos su byas nas nyan
rang gi lam la mchog tu 'dzin pa med par spros bral

@205b mngon sum du rtogs pa'i ye shes yin pa'i phyir/ bsgrub pa
gang yin pa'i rnam pa yin te/ chos thams cad bden med du mngon
sum du rtogs shing bden par rnam par mi rtog pa'i ye shes yin
pa'i phyir/ ji ltar bsgrub pa yin zhe na/ bden par rnam par

mi rtog pa yin te/ don dam par chos thams cad tshad mas gzhal du
med par mngon sum du rtogs pa'i ye shes yin pa'i phyir/ nges par
'byin pa gang yin pa'i rnam pa yin te/ chos thams cad la don dam
par chags pa med pa'i rnam par mngon sum du

rtogs pa'i ye shes yin pa'i phyir/ lam gyi bden pa'i rnam pa
bdun yin no/ /lam gyi rnam pa bzhi po de rnams kyi ngo bo nyid
gnyis dang gnyis dang gnyis dang gcig yod pa de lta na'i phyir/
go bde ba'i tshul du de ltar bshad kyi/ don ni snga ma bdun

bshad bya dang/ phyi ma bdun de 'chad byed yin la/ lam bden gyi
rnam pa dang po gsum la lam dang rigs pa dang sgrub par ston
pa'i dam bca' dang/ rgyu mtshan gnyis gnyis bshad la/ nges 'byin
gyi rnam pa la dam bca' tsam bshad nas/ rgyu mtshan

ma bstan pa ni gdul bya nye ba'i bsam pa la ltos pa yin gyi/
rgyu mtshan med pa ni ma yin no/ /mdo las bshad pa'i lam bden gyi
rnam pa bdun slob dpon gyis 'di ltar bshad pa'i 'chad byed rnams
kyi dang po gsum gyi snga ma snga ma rnams kyi ngo bo 'dri ba
dang/

phyi ma phyi ma rnams kyi rgyu mtshan 'dri ba la bshad cing/ nges
'byin gyi rnam pa'i ngo bo 'dri ba yin no/ /don bsdus na/ lam
gyi rnam pa gang zhe na/ tshad med pa zhes dang/ de ji ltar lam
gyi rnam pa yin zhe na/ mtha' gnyis dang ma 'brel ba zhes bshad
do/ /

@206a @#/ /gsum pa sdug bsngal rang spyi'i mtshan nyid kyi sgo nas
bshad pa ni/ nyer len gyi phung po lnga po chos can/ mi rtag pa
yin te/ rgyun dang skad cig gis 'jig pa'i phyir/ sdug bsngal ba
yin te/ 'phags pa rnams dang mi mthun pa'i

dor bya yin pa'i phyir/ stong ba yin te/ byed pa po'i bdag don
gzhan gyis dben pa'i phyir/ bdag med pa'i rnam pa yin te/ gang
zag gi bdag gi ngo bor ma grub pa'i chos yin pa'i phyir/ lnga pa
mtshan nyid med pa'i rnam pa'i ngo bo nyid yin te/ don dam par

ngo bo bden pas grub pas stong pa'i rnam pa yin pa'i phyir/ de
ltar na zhes so/ /rnam pa de dag mngon sum du rtogs pa'i byang
chub sems dpa'i ye shes ni lam shes kyi rnam pa'o/ /bzhi pa 'gog
pa phan yon gyi sgo nas bshad pa la/ dang po 'gog pa'i rnam

pa ni/ shes sgrib kyi sa bon spangs pa'i bral bas bsdus pa'i
'gog pa'i rnam pa'i ngo bo nyid chos can/ nang dang phyi dang
gnyis ka stong pa nyid kyi 'gog pa'i rnam pa gsum yod de/ nang
dang phyi dang gnyis ka'i dngos po rnams la bden par zhen pa
dgag

pas rab tu phye ba'i bral ba rnams yod pa'i phyir/ gnyis pa zhi
ba'i rnam pa ni/ shes sgrib kyi sa bon zhi ba'i rnam pa'i ngo bo
nyid kyi 'gog pa chos can/ stong pa nyid stong pa nas dor pa med
pa stong pa nyid kyi rnam pa'i bar brgyad yod de/ gzhan gyis kun

brtags pa'i bdag stong pa nyid la bden par zhen pa dang bral ba
dang/ snod kyi 'jig rten dang don dam pa dang/ 'dus byas dang
'dus ma byas dang rtag pa dang chad pa'i mtha' dang/ 'khor ba
thog ma dang tha ma med pa dang/ rtogs pa'i chos dar ba med pa
la

@206b bden par mngon par zhen pa dgag pas rab tu phye ba'i bral
ba rnams yod pa'i phyir/ gsum pa gya nom pa'i rnam pa ni/ 'gog
bden gyi gya nom pa'i rnam pa chos can/ rang bzhin stong pa nyid
kyi rnam pa yin te/ byed pa po gzhan gyis kun brtags pa'i

byed pa por zhen pa dgag pas rab tu phye ba'i bral ba yin pa'i
phyir/ bzhi pa nges par 'byung ba'i rnam pa ni/ rtag pa myang
'das kyi gnas su slar mi ldog pa'i tshul gyis ji ltar nges par
'byung ba yin zhe na/ ngos par 'byung ba'i rnam pa chos can/

chos thams cad dang rang gi mtshan nyid dang/ mi dmigs pa stong
pa nyid kyi rnam pa ste/ ji ltar nges par 'byung ba'i tshul gsum
yod de/ gzugs nas rnam mkhyen gyi bar yul du 'khrul ba'i bdag
nyid bden par btags pa dang gzugs su rung ba sogs

mtshan nyid du bden par bzung nas 'khrul ba dang/ 'das ma 'ongs
sogs dus su bden par 'khrul pa rnams dgag pas rab tu phye ba'i
bral ba yin pa'i phyir/ gang nges par 'byung ba'i rnam pa kho na
chos can/ dngos po med pa'i ngo bo nyid stong pa nyid kyi rnam

pa gcig ste/ gzhan gyis btags pa ltar gyi thar pa ma yin gyi/
chos rnams la bden par zhen pa'i ngo bo nyid dgag pas rab tu
phye ba'i bral ba'i yin pa'i phyir/ ji ltar nges 'byung dang/
gang nges 'byung zhes smos pa ni chos rnams la bden zhen bkag

ba'i thar pa kho na nges 'byung gi rnam pa yin la/ nges 'byung
de thob par byed pa la/ mtshan mtshon dang/ dus su 'khrul ba'i
bden zhen bkag nas goms par byed pa las thob pa'i don yin no/
/'gog bden gyi rnam pa bzhi gzhir bzung nas stong pa

@207a @#/ /nyid kyi rnam pa bcu drug tu 'byed pa dang/ stong nyid
bcu drug glo bur gyi dri ma dang bral ba 'gog pa'i rnam pa sogs
su bsgrub pa gang byas kyang don 'dra bar mngon na/ /de ltar na
zhes so/ /gsum pa don bsdu ba ni/ spyir ni zhes

so; ;gsum pa rnam mkhyen gyi rnam pa la/ mdor bstan pa/ rgyas
par bshad pa'o/ /dang po la gsum gyi dang po mtshams sbyar ba ni/
de'i 'og tu zhes so/ /gnyis pa rtsa ba ni/ rab 'byor gyis gsol
pa/ bcom ldan 'das shes rab kyi pha rol

tu phyin pa 'di ni/ dran pa nye bar bzhag pa'i pha rol tu phyin
pa'o/ /bcom ldan 'das kyis bka' stsal pa/ lus dang tshor ba dang
sems dang chos dmigs su med pa'i phyir ro/ /zhes pa dran pa nyer
gzhag nas bzung ste/ yum 'di ni sangs rgyas

kyi pha rol tu phyin pa'o/ /bcom ldan 'das kyis bka' stsal pa/
chos thams cad rnam pa thams cad du sangs rgyas pa'i phyir ro/
/zhes pa'i bar sangs rgyas kyi rnam pa'i mthar thug pa'i shes
rnam mthar thug pa rnams chos can/ rnam mkhyen

gyi rnam pa yin te/ de yang sum cu rtsa bdun dang/ sum cu so
bzhi dang/ sum cu rtsa dgu dag tu dbye ba byar yod par mdo las
bzhed pas so/ /rnam mkhyen gyi ye shes yin yang/ sde tshan gyi
sgo nas gsum du dbyer rung ste/ rnam par bzhag

pa'i rten slob ma nyan thos dang/ byang chub sems dpa' dang/
sangs rgyas rnams la rim bzhin du 'brel pa la ltos nas bzhag
pa'i phyir/ rten gyi gang zag gi rigs dbye ba'i sgo nas rnam
mkhyen nyid la gsum du dbyer rung ste/ rnam mkhyen nyid

@207b la rigs kyi sgo nas kun mkhyen gsum du phye bas na gsum
yod pa'i phyir/ rgyu mtshan ni gang zag gsum gyi rgyud la mkhyen
pas bsdus pa'i lam gyi bden pa mi 'dra ba gsum yod pa'i rjes su
mthun par rnam mkhyen nyid la gsum du phye bas so/ /gsum

pa 'grel pa ni/ dran pa nye bar bzhag pa nas bzung ste sangs
rgyas kyi rnam pa'i mthar thug pa'i bar gyi ye shes mthar phyin
pa rnams ni thams cad mkhyen pa nyid gsum gyi lam yin pa'i sgo
nas nyan thos rnams la rnam pa sum cu rtsa bdun dang/ byang

chub sems dpa' rnams la sum cu rtsa bzhi dang/ sangs rgyas rnams
la sum cu rtsa dgur yod pa dang rjes su mthun par brgya dang
bcur bzhed do/ /zhes bya ba yin no/ /rnam par bzhag pa'i rten
tha dad pa'i sgo nas kun mkhyen gsum du phye ba'i phyir ro/ /

rnam mkhyen nyid la kun mkhyen gsum du dbyer rung ste/ rnam pa
thams cad mkhyen pa nyid kyis 'phags pa'i gang zag thams cad kyi
mkhyen pa yon tan yar ldan gyi tshul du bsdus pa'i phyir/ rgyas
bshad kyi skabs su dran pa nyer gzhag sogs tshogs

lam gyi yon tan yang bshad pa ma yin nam/ ci'i phyir rnam mkhyen
gyi rnam pa nyid la gsum du phye zhe na/ skyon med de/ dngos po
la yongs su rtog pa'i lam la sogs pa sde tshan bdun gyi lam tsam
du chos mthun pas nyan thos dang thun mong bar shes pa'i

ched du byang phyogs so bdun bzhag la/ gnyen po'i lam la sogs pa
drug byang chub sems dpa' dang chos mthun par shes pa'i ched du
rten gyi gang zag byang chub sems dpa'i sgo nas lam shes su
bzhag go/ des na rnam mkhyen gyi rnam pa brgya dang bcu 'phags

@208a @#/ /pa'i gang zag 'og ma rnams dang yang rjes su mthun
pa'i dbye ba ma byas na/ sangs rgyas kyi rgyud la mkhyen pa gsum
yod pa de dang por lam 'og ma gang gi gnas skabs su bskyed pa
dang/ mkhyen pa gsum du 'byed pa'i

rgyu mtshan sogs mi shes pas gang zag gsum gyi sgo nas sde tshan
gsum du phye ba yin no/ /byang phyogs so bdun rten tha dad pa'i
sgo nas mkhyen pa gsum tha dad pa'i rnam gzhag byed pa'i tshe/
nyan thos kyi rtogs pa'i rigs su bzhag par rigs pa

yin na yang/ skabs 'dir/ dran pa nyer gzhag dang por tshogs lam
gyi gnas skabs su sgom pa'i tshul 'di dag ni/ byang chub sems
dpa' nyid kyis bsgom par bya ba yin no/ /gnyis pa la/ nyan thos
dang rjes su mthun pa'i gzhi shes kyi rnam pa

dang; byang chub sems dpa' la yod pa dang rjes su mthun pa'i lam
shes kyi rnam pa dang/ thun mong ma yin pa'i rnam mkhyen gyi
rnam pa'o/ /dang po la/ so sor bshad pa dang/ don bsdu ba'o/
/dang po la bdun gyi dang po dran pa nyer gzhag ni/ rnam mkhyen
la

mkhyen pa gsum gyi rnam pa gsum yod pa de la thams cad shes pa
nyid la sde tshan bdun no/ /dang por lus sems sogs kyi dngos po
la yongs su rtog pa'i lam la/ dran pa nye bar bzhag pa'i rnam pa
bzhi'o/ /lus mi gtsang ba dang tshong ba sdug

bsngal ba dang/ sems mi rtag pa dang/ chos bdag med pa rang gi
mtshan nyid dang/ mi rtag sdug bsngal stong bdag med dang/ bden
pas stong ba spyi'i mtshan nyid kyis shes rab kyis yongs su
brtags pa de nyid la dran pas yang dang yang du gtod par

@208b byed pa bzhi yod pa'i phyir ro/ /de ltar brtags pa la dgos
pa yod de 'phags pa'i bden pa bzhi'i gnas tshed khong du chud nas
de bsgom pa la 'jug par bya ba'i phyir/ lus dran pa nye bar
bzhag pas sdug bsngal bden pa la 'jug ste/ de las lus 'du

byed kyi sdug bsngal gyi rang bzhin du khong du chud nas de la
'bral 'dod skye ba'i phyir/ tshor ba dran pa nye bar bzhag pas
kun 'byung bden pa la 'jug ste/ tshor bas sred pa 'dren par
mthong nas/ sred pa spong 'dod skye ba'i phyir/ sems dran pa nye
bar bzhag

pas 'gag bden la 'jug ste/ de las bdag dang bral ba'i sems skad
cig gis skye 'gag byed par rtogs nas/ bdag chad kyi dogs pa'i
'jigs pa med pas 'gog pa mngon du bya 'dod skye ba'i phyir ro/
/chos dran pa nye bar bzhag pas/ lam

gyi bden pa la 'jug ste/ kun nas nyon mongs kyi chos rnams spang
bya dang/ rnam byang gi chos rnams bsten bya nyid du rtogs nas
lam bsgom par 'dod pa'i phyir ro/ /lus la sogs pa 'di dag dang
por dmigs par byed pa'i rgyu mtshan/ byis pa

rnams lus la bdag gi gnas kyi dngos po dang/ tshor ba la bdag gi
longs spyod dang/ sems la bdag gi dngos po dang/ chos la bdag
kun nas nyon mongs pa dang/ rnam par byang ba'i gzhir rtog pas/
de las ldog pa'i ched du rang gi mtshan

nyid lus mi gtsang ba sogs dang/ spyi'i mtshan nyid mi rtag pa
sogs dang/ bden pas stong bar shes rab kyis rtogs nas dran pas
de la rtse gcig tu 'jog par byed pa'o/ /'di byang chub sems dpas
tshogs lam chung ngu'i gnas skabs nas bzung

@209a @#/ /ste bsgom pa yin la/ de nyid mthar thug pa rnam mkhyen
gyi rnam pa yin pas dran pa nyer gzhag 'dir bzhag pa la dgos pa
du ma yod de/ byang phyogs so bdun byang chub sems dpas rgyud la
bskyed par shes par bya ba

dang; rtan gyi gang zag gi sgo nas mngon rtogs kyi rigs so sor
'byed pa'i tshe/ nyan thos kyi mngon rtogs kyi rigs su shes par
bya ba dang/ de dang rjes su mthun par byang chub sems dpas
bsgoms pas mthar thug pa'i tshe rnam mkhyen du 'gyur

bar shes nas/ rnam mkhyen nyid la nyan thos la skye ba dang rjes
su mthun pa'i gzhi shes yod par rtogs pa ste/ dgos pa'i gtso bo
ni de nyid do/ /gnyis pa yang dag spong ba bzhi ni/ dran pa nyer
gzhag bshad zin la de'i 'og tu rtsol ba las

byung ba'i lam la yang dag par spong ba'i rnam pa bzhi'o/ /rim
pa de ltar ston pa'i rgyu mtshan yod de/ bden pa bzhi la mdor len
byed pa la zhugs pa la spang gnyen la blang dor byed par spro
ba'i brtson 'grus 'byung bas so/ /yang dag spong ba

la rnam pa bzhi yod de/ mi dge ba kun nas nyon mongs kyi phyogs
skyes pa yang dag par spong ba dang/ ma skyes pa mi bskyed pa
dang/ dge ba rnam byang gi phyogs skyes pa dang ma skyes pa dag
go rims bzhin du 'phel ba dang bskyed pa'i rgyur gyur

pa'i brtson 'grus kyi ngo bor gyur pa bzhi yod pa'i phyir/ de
yang mdo las mi dge ba'i chos skyes ba spong zhing ma skyes ba
mi bskyed pa dang/ dge ba'i chos skyes pa spel zhing ma skyes pa
bskyed pa'i ched du 'dun pa bskyed/ 'bad de brtson 'grus rtsom/

@209b sems rab tu 'dzin/ sems rab tu 'jog par byed par gsungs
pa'i 'dun pa ni/ brtson 'grus kyi gnas dang/ 'bad pa ni zhi gnas
dang/ rab tu 'dzin pa dang/ btang snyoms kyi rgyu mtshan yid la
byed pa'i brtson 'grus dang/ brtson 'grus

rtsom par byed pa ni byid rgod sel bar byed pa'i gnyen po bskyed
pa'i brtson 'grus rtsom pa ste/ gnyen po dngos ni phyi ma gnyis
kyis ston te/ sems nang du bying ba na de'i gnyen por sangs
rgyas kyi yon tan sems pa sogs dang bar 'gyur ba'i

yid byed kyis sems gzengs bstod de 'dzin par byed/ rgod pa na
'khor ba'i nyes dmigs sems pa sogs skyo bar 'gyur ba'i yid byed
kyis sems phyir 'phro ba nang du bsdus nas/ dmigs pa la 'jog par
byed do/ /yang dag spong ba nus par khyad par can

rnyed pa dang/ dran pa nyer gzhag sgom pa'i 'bras bu shes pa'i
ched du/ tshogs lam 'bring dang sbyar yang mtshan nyid tshang ba
tshogs lam chung ngu nas kyang bskyed pa yin no/ /gsum pa rdzu
'phrul gyi rkang pa'i rnam pa bzhi ni/ ting nge 'dzin yongs su
spyod

pa'i lam rdzu 'phrul gyi rkang pa'i rnam pa bzhi'o/ /yang dag
spong ba'i rjes su de la chad pa'i rgyu mtshan ni/ spang gnyen la
blang dor byed pa'i brtson 'grus dang ldan pa ni ting nge 'dzin
gyis sems las su rung ba nyid du byed pas so/ /rdzu 'phrul gyi
rkang

pa rnam bzhi yod de/ nyes pa lnga'i gnyen por 'dun pa'i ting nge
'dzin la brten nas sems rtse gcig pa la reg pa dang/ brtson 'grus
la brten nas sems rtse gcig pa la reg pa dang/ sems pa'i ting nge
'dzin sngon ting nge 'dzin sgom pa'i skyes

@210a @#/ /thob la brten nas sems rtse gcig pa la reg pa dang/
dpyod pa'i ting nge 'dzin gzhan gyis bstan pa'i chos rab tu rnam
'byed la brten nas sems rtse gcig pa reg pa spong ba'i 'du byed
brgyad dang ldan pa'i ting nge 'dzin

rnams yod pa'i phyir ro/ /spong ba'i 'du byed brgyad ni/ 'dun
pa/ rtsol ba/ dad pa/ shin tu sbyangs pa/ dran pa/ shes bzhin/
sems pa/ btang snyoms so/ /nyes pa lnga las dang por bsgom pa la
sbyor ba'i gegs byed pa le lo yin pas/

de sel bar byed pa'i gnyen po dngos ni rtsol ba yin la/ de'i
gnas 'dun pa dang/ 'dun pa'i rgyu dad pa dang/ rtsol ba'i 'bras
bu shin tu sbyangs pa'o/ /ting nge 'dzin sgom pa'i sbyor ba'i
tshe gdams ngag brjed pa nyes pa yin pas/ de'i gnyen por

dran pa dang/ dngos gzhi la zhugs pa na/ bying rgod nyes pa yin
pas de'i gnyen por gtso bo dran pa yin mod kyi/ bying rgod la
rtog pa'i shes bzhin dang/ byid rgod byung na/ gnyen po 'du mi
byed pa nyes pa yin pas/ de'i gnyen por sems pa dang/

rtsol ba bsgrim mi dgos par ting nge 'dzin rang gi ngang gis
'jug pa na/ 'du byed pa nyes pa yin pas/ de'i gnyen por rtsol
med du 'jog pa'i btang snyoms so/ /ting nge 'dzin 'di dag rdzu
'phrul 'grub pa'i gzhi'i gtso bo yin pas/ rdzu 'phrul gyi rkang

pa'o; ;'di yang lam gsum rim pa bzhin du gong nas gong du khyad
par du 'gyur bar shes pa'i ched du tshogs lam chen po dang sbyar
yang/ tshogs lam chung ngu'i gnas skabs nas kyang grub par shes
par bya'o/ /bzhi pa dbang po'i rnam pa lnga ni/ rdzu

@210b 'phrul gyi rkang pa'i 'og tu bden pa mngon par rtogs par
sbyor ba'i lam la dbang po'i rnam pa lnga'o/ /rim pa de ltar
ston pa'i rgyu mtshan ni/ ting nge 'dzin gyis sems yongs su
sbyang ba byas pa la bden pa mngon par rtogs pa la dbang byed
pa'i dro ba dang

rtse mo'i sbyor ba 'byung bas so/ /dro ba dang rtse mo'i ngo bo
nyid kyi dbang po chos can/ lnga yod de/ bden pa la yid ches
pa'i dad pa dang/ blang dor byed par spro ba'i brtson 'grus
dang/ dmigs rnam ma brjed pa'i dran pa dang/ sems rtse gcig pa'i
ting nge

'dzin dang/ bden pa'i gnas lugs 'byed par byed pa'i shes rab kyi
dbang po rnams yod pa'i phyir/ lhag ma gzhan rnams 'og tu bshad
par bya'o/ /lnga pa stobs kyi rnam pa ni/ dbang po'i 'og tu bden
pa mngon par rtogs pa dang 'brel pa'i lam

la stobs kyi rnam pa lnga'o/ /rim pa de ltang ston pa'i rgyu
mtshan ni/ dbang po ngo bor gyur pa'i dro ba la sogs pa thob pa
la stobs kyi ngo bo bzod pa dang chos kyi mchog 'byung bas so/
/bzod pa dang chos kyi mchog gi ngo bo nyid kyi dad sogs lnga
'byung ba'i

phyir; de yang bden pa rnams la yid ches pa'i dad pa dang/ bden
pa myur du rtogs par bya ba'i phyir brtson 'grus dang/ bden pa'i
dmigs rnam ma brjed pa'i dran pa dang/ sems rtse gcig pa'i ting
nge 'dzin dang/ bden pa'i rnams so sor 'byed

pa'i shes rab kyi stobs lnga'o/ /lnga po 'di lang bden pa mngon
par rtogs pa la dbang byed pa'i bdag por gyur pa yin mod kyi/
snga ma dang khyad par ni/ ma dad pa dang/ le lo dang/ brjed
ngas pa dang/ rnam g.yeng dang/ 'chal ba'i shes rab rnams

@211a @#/ /skabs 'dir mngon gyur mgo non pas/ dad pa sogs mi sgom
pa'i rjes kyi gnas skabs na yang/ ma dad pa sogs mngon gyur shes
cher mi 'byung ba yin la/ drod rtse'i skabs su dbang po lnga
mngon du gyur pa'i tshe/ mi

mthun phyogs mi 'byung yang rjes kyi gnas skabs su lan du ma
mngon gyur du 'byung ba'o/ /drug pa byang chub kyi yan lag gi
rnam pa ni/ dbang po dang stobs kyi 'og tu bden pa mngon par
rtogs pa'i lam la byang chub kyi yan lag gi rnam pa

bdun no/ /rim pa de ltar ston pa'i rgyu mtshan dbang po dang sobs
kyi ngo bo dro ba la sogs pa bzhi rtogs shing thob pa la byang
chub yan lag gi ngo bo bden pa mthong ba'i lam 'byung bas so/
/de yang bden pa la dmigs pa las gzhan du mi g.yeng bar

byed pa'i gnas kyi yan lag dran pa dang/ rang bzhin gyi yan lag
bdag med mngon sum gyis gsar du rtogs pa'i chos rab tu rnam par
'byed pa dang/ nges par 'byung ba'i yan lag brtson 'grus dang/
lus sems la phan 'dogs pa phan yon

gyi yan lag dga' ba dang nyon mongs pa med pa'i gzhi dang/ gnas
dang/ ngo bo'i yan lag shin tu sbyangs pa dang ting nge 'dzin
dang btang snyoms yang dag byang chub kyi yan lag go /de yang
dran pa yang dag byang chub kyi yan lag gis sdug bsngal

la dmigs nas/ des dben pa tshol zhing/ dran pa mi brjed par gnas/
kun 'byung la dmigs nas de las 'dod chags dang bral ba tshol
zhing gnas/ 'gog pa la dmigs nas de mngon du byed pa tshol zhing
gnas/ sdug bsngal 'gog par byed

@211b pa'i lam la dmigs nas de bsgom pa tshol zhing dan pa mi
brjed par gnas pa ste/ lhag ma drug la yang sgom tshul de ltar ci
rigs par shes par bya'o/ de ltar yan lag bdun gyi sgo nas 'phags
pa'i bden pa bzhi la dmigs pas nyan thos kyi rigs

can la sogs pas rang rang gi byang chub 'grub par byed pa'i
rgyu'i yan lag rnam pa bdun du shes par bya la/ 'dir ni gtso bor
byang chub sems dpas bsgom par bya ba'o/ /bdun pa 'phags pa'i
lam yan lag gi rnam pa ni/ byang chub yan lag bshad

zin pa'i 'og tu rnam par dag pa nges par 'byin pa'i lam la
'phags pa'i lam yan lag brgyad kyi rnam pa brgyad 'chad do/
/rgyu mtshan ni/ bden pa mngon sum gyis gsar du mthong ba yongs
su shes pa la sgom pa'i lam 'byung bas so/ /de yang mnyam

gzhag tu rtogs pa'i chos nying rjes thob tu yongs su gcod par
byed pa yang dag pa'i la ba dang/ rang gis rtogs pa de gzhan la
ston par byed pa'i ngag kun nas slong ba yang dag pa'i rtog pa
dang/ rang gis ji ltar rtogs pa de gzhan la ston par byed cing/

ngag gi las rnam par dag pa'i ngag dang/ srog gcod spong ba sogs
lus kyi las rnam par dag pa yang dag pa'i las kyi mtha' dang/
tshul 'chos dang/ kha gsag sogs spong ba lus ngag gi las rnam par
dag pa yang dag pa'i 'tsho ba dang/ sgom

spangs spong ba'i gnyen po la rtsol ba yang dag pa'i rtsol ba
dang/ zhi gnas dang rab tu 'dzin pa dang/ btang snyoms kyi rgyu
mtshan ma brjod pa'i yang dag pa'i dran pa dang/ mngon shes sogs
yon tan khyad par can sgrub pa'i don du bsgom pa yang dag

@212a @#/ /pa'i ting nge 'dzin 'phags pa'i lam yan lag go /yan
lag brgyad po 'di dag kyang yongs su gcod pa dang/ go bar byed
pa dang/ gzhan yid ches par byed pa dang/ mi mthun phyogs kyi
gnyen po'i yan lag bzhir

'dus shing/ tshul khrims kyi bslab pa dang/ sems kyi bslab pa
dang/ shes rab kyi bslab pa gsum du yang 'dus par shes par
bya'o/ /gnyis pa don bsdu ba ni/ de ltar na rnam par bzhag pa'i
rten gyi dbang du byas na/ slob ma rnams la yod

pa'i lam gyi bden pa dang rjes su mthun pa mthar thug pa'i ye
shes rnam mkhyen gyi rnam pa dang/ gnas skabs byang chub sems
dpas kyang bsgom par bya ba'i kun shes pa nyid kyi lam gyi rten
can gyi rnam pa sum cu rtsa bdun yin no/ /gnyis pa

byang chub sems dpa'i lam shes dang rjes su mthun pa'i rnam pa
la/ so sor bshad pa dang/ don bsdu ba'o/ /dang po la drug gi
dang po/ gnyen po'i lam ni lam shes pa nyid la drug las gnyen
pa'i lam la rnam par thar pa'i sgo gsum gyi rnam

pa gsum de yang mi mthun phyogs kyi gnyen po gsum du phye ba de
ltar na/ byang chub sems dpa' 'phags pa'i rgyud kyi bdag med
mngon sum du rtogs pa'i ye shes stong pa dang bdag med pa'i rnam
pa'i ngo bo nyid ni/ rnam par thar pa'i sgo

dang po yin te/ ngo bo dang don gzhan gyi bdag med par mngon
sum
gyis rtogs pa'i sgo nas bdag tu lta bas byas pa'i dngos kyi
gnyen po yin pa'i phyir/ 'gog pa dang lam gyi bden pa'i rnam
pa'i ngo bo nyid brgyad mngon sum du rtogs pa'i ye

@212b shes ni chos can/ rnam par thar pa'i sgo gnyis pa ste/
bdag lta de'i rgyu mtshan can gyi mtshan ma 'dzin pa tshul bzhin ma
yin pa'i rnam par rtog pa'i dngos kyi gnyen po yin pa'i phyir/
sdug bsngal mi rtag pa dang sdug bsngal ba dang/ kun 'byung ba'i

bden pa'i rnam pa'i ngo bo nyid bzhi mngon sum du rtogs pa'i ye
shes ni chos can/ rnam par thar pa'i sgo gsum pa ste/ khams gsum
pa la thob bya mthar thug tu smon pa'i gnyen po yin pa'i phyir/
rnam par thar pa'i sgo gsum po byang chub sems

dpa'i lam bden dang rjes su mthun pa mthar thug pa rnam mkhyen
gyi ye shes yin yang/ 'di'i rigs nyan rang rnams la yod mod kyi/
byang chub sems dpas lam yongs su rdzogs par sgom pa'i ched du
lam shes kyi rnam par bsdus pa'o/ /

gnyis pa sprul pa'i lam ni/ sprul pa'i lam la rnam par thar pa'i
sgo rnam pa gsum mo/ /gzugs can gzugs la blta ba'i rnam thar
dang/ gzugs med gzugs la blta ba'i rnam par thar pa 'di gnyis
dang/ sdug pa'i rnam par thar

pa gcig ste/ gsum yod pa de ltar na'o/ /bsam gtan nam gzugs med
pa'i sems la brten nas nang rnal 'byor pa rang la gzugs can gyi
'du shes nye bar bzhag nas gzugs che chung bzang ngan sogs gang
dang gang du sprul par 'dod pa de

dang der mos par byed pa'i ting nge 'dzin mtshungs ldan dang bcas
pa dang/ rnal 'byor pa rang la gzugs can ma yin pa ming bzhi'i
phung po tsam gyi 'du shes bzhag pas phyi rol gyi gzugs rnams la
ji ltar 'dod 'dod du sprul nas blta'o zhes bya

@213a @#/ /ba ji ltar 'dod 'dod du sprul mi nus pa'i sprul pa'i
sgrib pa'i gnyen por rnam par thar pa 'di gnyis dang/ bsam gtan
nam/ gzugs med pa'i sems la brten nas gzugs sdug pa sprul pa la
dga' ba dang/ gzugs

mi sdug pa sprul pa la go rims bzhin du mi dga' ba'i kun nas
nyon mongs pa de dag gi gnyen por gzugs sdug mi sdug phan tshun
ltos pa dang/ phan tshun bdag gcig tu rjes su 'brel par goms par
byas nas/ sdug mi sdug ltos

med kyi 'du shes dang/ ngo bo nyid kyis tha dad du grub pa'i 'du
shes bsal nas/ mthar gzugs snang thams cad sdug par ro gcig tu
mos par byed pa sdug pa'i rnam par thar pa'i sgo shes rab kyi
lus kyi mngon sum du byas nas

rnam thar dang po gsum gyi sgrib pa las grol bar byas nas rdzogs
par byas te gnas so zhes bya ba'o/ /'phags pa rnams 'di dang
'gog pa'i rnam thar gnyis kyis lan mang du gnas pas/ 'di gnyis
la mdo las/ lus kyis mngon

sum du byas te rdzogs par gnas so/ /zhes gsungs kyi gzhan la ma
gsungs so/ /gsum pa mthong ches bde gnas kyi lam ni/ mthong ba'i
chos tshe 'di la lus sems bde bar gnas pa'i lam la rnam pa
lnga'o/ /

gzugs med kyi rnam thar bzhi dang/ 'gog pa'i rnam thar gcig yod
pa de ltar na'o/ /thar pa'i lam gyi rgyu byed cing zag med kyi
thar pa dang rang sa'i nyon mongs pas ma bslad par mthun par
gnas pa'i lam gyi rang bzhin la gzugs med

@213b kyi rnam thar bzhi yod de/ rangs sa'i ro myong gi sgrib pa
las grol bar bya ba'i phyir/ gzugs med pa'i snyoms par 'jug pa'i
rnam pa dngos gzhis bsdus pa bzhi yod pa'i phyir ro/ /'di la
byang chub sems dpa' rnams ched du bya ba gzhan gyi don du

dngos su rang nyid tshe de la bde bar gnas pa'i ched du snyoms
par 'jug kyang/ de dag gi rnam smin nam yang mngon du mi byed
de/ byang chub sems dpa' 'phags pa rnams zag pa dang bcas pa'i
gzugs med kyi las kyi dbang gis 'khor bar

skye ba'i yan lag yongs su zad pa'i phyir dang/ gzugs med khams
sems can 'dul ba'i gnas ma yin pa'i phyir ro/ /tshor ba dang 'du shes
rags pa zhi bas zhi bar gnas pa'i lam gyi rang bzhin la 'du shes
dang tshor ba 'gog pa'i

rnam par thar pa gcig ste/ 'du shes dang tshor ba 'gog pa'i sgrib
pa las grol bar bya ba'i phyir tu mngon du byed do/ /'di la nyan
rang 'phags pa dag kyang mthong chos la bde bar gnas pa'i ched
kho nar snyoms par 'jug go /bzhi ba 'jig

rten las 'das pa'i lam ni/ 'jig rten las 'das pa'i lam la mthar
gyis gnas pa'i snyoms par 'jug pa dgu'o/ /'jig rten las 'das
pa'i lam gyi ngo bor gyur pa'i bsam gtan bzhi dang gzugs med
bzhi dang/ 'gog

pa'i snyoms par 'jug pa dag ste dgu yod pa'i phyir/ rnam thar
brgyad ni byang chub sems dpa' 'phags pa rnams kyi 'das lam gyi
ngo bor bskyed nus pa dang/ 'gog snyoms 'das lam gyi stobs kyis
thob pas 'jig rten las

@214a @#/ /'das pa'i lam du bzhag go /mthar gyis gnas pa'i snyoms
par 'jug pa zhes bshad pa ni/ snga ma snga ma'i mjug thogs su
phyi ma phyi ma la snyoms par 'jug pa'i phyir/ de skad ces
bya'i/ phyis dbang thob nas

thod rgal du yang snyoms par 'jug go /'gog pa'i snyoms 'jug
shing rta chen po gzhan gyis mdo sde sa bcu pa'i don du mdzad
nas/ chos nyid la mnyam par bzhag pa'i mnyam gzhag ye shes khyad
par ba gcig la mdzad la/ 'dir ni slob

dpon dang 'phags pa gnyis kas tshogs drug 'khor dang bcas pa rags
pa bkag pa'i ldan min 'du byed kyi khyad par la bzhed par gsal
gyi /kha cig kun gzhi'i steng du tshogs bdun 'khor bca bdag pa la
'dod pa ni mi rigs te/ slob

dpon gyis 'grel chen du lang gshegs kyi lung/ rnam par shes pa
brgyad nyid dang/ zhes bshad pa de tsam zhig ma gtogs/ tshogs
drug las ngo bo tha dad pa'i kun gzhi bshad pa zur tsam yang med
pa'i phyir ro/ /'gog snyoms kyi don gzhan

ni gzhan du bshad par bya'o/ /lnga pa spong ba'i lam ni/ spong
ba'i lam la rnam pa bzhi'i/ /chos bzod par chad med pa'i lam gyi
rnam pa yul bden pa bzhis bsdus pa'i yul can kun nas nyon mongs
pa dang mi ldan pa'i mtshan nyid bzhi yod pa'i phyir/

drug pa sangs rgyas kyi lam ni sangs rgyas nyid kyi lam la bcu
ste/ ser sna sogs kyi gnyen por sbyin pa la sogs pa'i pha rol tu
phyin pa'i rnam pa bcu yod pa'i phyir/ gnyis pa don bsdu ba ni/
de ltar byang chub sems dpa' rnams la yod pa dang

@214b rjes su mthun pa'i lam shes pa nyid kyi lam gyi rten can
gyi rnam pa sum cu rtsa bzhi'o/ /gsum pa rnam mkhyen gyi rnam pa
la/ mdor bstan pa/ rgyas par bshad pa/ don bsdu ba'o/ /dang po
ni/ rnam pa thams cad mkhyen pa nyid kyi rnam pa so dgu po ni
chos

can/ 'phags pa 'og ma rnams dang thun mong ma yin pa'i lam gcig
pu kho na yin te/ de las bogs? dbyung du med pa'i shin tu phul
du byung ba'i rnam pa yin pa'i phyir/ gnyis pa la/ yon tan gyi
dbye ba dang/ ngo bo dang/ rten dang/ ched du bya ba'o/ /

dang po la bzhi'i dang po/ stobs bcu ni/ rnam mkhyen gyi rna pa
de la ni/ stobs kyi rnam pa bcu yod de/ gang zhe na/ dge mi
dge'i las las 'bras bu bde sdug 'byung ba gnas dang de las ldog
pa gnas ma yin pa mkhyen pa'i stobs dang/ las cha phra ba'i

'bras bu ma lus pa mngon sum du rtogs pa las kyi rnam par smin
pa mkhyen pa dang/ mngon mtho la mos pa dang/ theg pa gsum gyi
lam la mos pa sna tshogs mkhyen pa dang/ 'jig rten gyi khams kyi
rang bzhin du gnas pa dang/ bsgrub pa las gyur

pa'i rigs du ma mkhyen pa dang/ dad sogs kyi dbang po rab 'bring
tha gsum gyi dbang po mchog dang mchog ma yin pa mkhyen pa'i
stobs dang/ bsod nams dang mi g.yo ba'i las sogs mngon mtho
dang/ theg pa gsum la sogs pa ngos legs thams

cad du 'gro ba'i lam dang/ de las ldog pa la chags thogs med par
'jug pa'i mkhyen pa dang/ bsam gtan dang rnam thar sogs la
snyoms 'jug gi sgrib pa'i kun nas nyon mongs pa dang rnam par
byang ba de las nges par 'byung ba la chags thogs

@215a @#/ /med pa'i mkhyen pa dang/ rang dang gzhan gyi sngon gyi
gnas tshe rabs snga ma mtha' dag rjes su dran pa dang/ sems can
mtha' dag gi skye gnas ma 'ongs par 'jug pa'i 'chi 'pho dang
skye ba mkhyen pa dang/ nyan rang rnams kyi

nyon sgrib zad pa dang/ sangs rgyas rnams kyi dri ma mtha' dag
zad pa'i zag pa zad pa mkhyen pa'i stobs kyi rnam pa bcu'o/
/gnyis pa mi 'jigs pa bzhi ni/ mi 'jigs pa'i rnam pa bzhi yod
de/ rang don gyi dbang du byas pa 'khor gyi dbus su/ nga ni

chos thams cad rnam pa thams cad du mngon par rdzogs par sangs
rgyas so zhes bdag nyid zhal gyis 'ches pa la chos 'di thugs su
ma chud de zhes chos mthun gyi rgol ba med pa rtogs pa phun
tshogs la mi 'jigs pa dang/ gzhan don gyi dbang

du byas nas 'dod chags la sogs pa nyon mongs pa'i sgrib pa dang/
shes bya'i sgrib pa thar pa dang thams cad mkhyen pa'i bar chad
byed pa nyid du brjod pa la spang bya 'di bsten kyang bar chad
du mi 'gyur zhes chos mthun gyi rgol ba med pa bar du gcod

pa'i chos bstan pa la mi 'jigs pa dang/ thams cad shes pa nyid
dang/ lam shes pa nyid la sogs pa'i lam thar pa dang/ thams cad
mkhyen par nges par 'byung ba nyid du rab tu bstan pa la/ lam
'di bsten kyang nges par 'byung bar byed

mi nus so/ /zhes chos mthun gyi rgol ba med pa nges par 'byung
ba'i lam bstan pa la mi 'jigs pa dang/ rang don spangs pa phun
tshogs la mi 'jigs pa bdag nyid kyi zag pa ma lus pa zad pa nyid
du zhal gyis bzhes pa la chos mthun gyi rgol

@215b pa med pas bdag bde ba thob pa dang/ bag tsha ba med pa
dang/ mi 'jigs pa thob pas gnas te khyu mchog rlabs po che'i
gnas su dam 'cha'o/ /'khor gyi nang du seng ge'i sgra sgrog pa
de ltar yang/ mdo las/ kye ma bdag gis chos 'di dag mngon par
rdzogs

par sangs rgyas so zhes dam bcas nas/ 'dir nga la chos 'di rnams
mngon par rdzogs par sang ma rgyas so zhes bya bar dge sbyong
ngam/ bram ze'am/ lha'am/ bdud dang/ tshangs pa'am/ gzhan su yang
rung bas 'jig rten na chos dang mthun pa'i rgol

bar 'gyur ba da lta bu'i rgyu yang dag par rjes su ma mthong
ste/ zhes gsungs so/ /gsum pa so so yang dag par rig pa bzhi ni/
so so yang dag par rig pa'i rnam pa bzhi yod de/ bshad bya la
thogs pa med pa dang po gnyis dang/ 'chad byed la thogs

pa med pa phyi ma gnyis yod pa'i phyir/ de yang kun nas nyon
mongs rnam byang gi chos rnams kyi ming gi rnam grangs du ma
dang/ chos rnams kyi rang dang spyi'i mtshan nyid la mkhyen pa
chags thogs med par 'jug pa'i ting nge 'dzin dang shes rab ni/

chos dang don so so yang dag par rig pa dang/ rang rang gi yul
dang mthun pa'i skad smra ba'i sems can thams cad kyi yul gyi
skad dang/ chos ngo bo dang rnam pa'i rab tu dbye ba'i yul la
mkhyen pa chags thogs med par 'jug pa'i ting nge 'dzin dang

shes rab ni go rims bzhin du nges pa'i tshig dang spobs pa so so
yang dag par rig pa'o/ /bzhi pa sangs rgyas kyi chos ma 'dres pa
bco brgyad ni/ de ltar sangs rgyas kyi chos rten 'og ma rnams
dang ma 'dres pa bco brgyad kyi rnam pa dag ni spyod pas 

@216a @#/ /bsdus pa drug dang rtogs pas bsdus pa drug dang/
'phrin las kyis bsdus pa gsum dang/ ye shes kyis bsdus pa gsum
ste bco brgyad do/ /spyod pas bsdus pa drug ni/ de bzhin gshegs
pa la glang po che gtum po dang

'gogs pa sogs kyi sku'i spyod pa 'khrul pa dang/ nags stug por
don med kyi sgra 'byin pa sogs gsung la ca co dang/ brjed nas
bya ba shor ba dang/ dus las yol ba sogs dran pa nyams pa dang/
stong pa nyid kyi don la thugs mnyam par ma bzhag

pa dang/ 'khor 'das la blang dor ngo bo nyid kyis grub pa'i tha
dad pa nyid kyi 'du shes dang/ gdul bya'i rgyud la 'phrin las
mdzad pa dus la bab ma bab so sor ma brtags pa'i btang snyoms mi
mnga' ba'i rnam pa'o/ /rtog pas bsdus pa drug ni/ sems

can gyi don mdzad pa la sogs pa'i don gnyer gyi 'dun pa dang
gdul bya gang du yod pa'i gnas su gshegs par spro ba'i brtson
'grus dang/ sems can 'dul ba'i thabs ma brjed pa dang/ chos
rnams kyi de bzhin nyid la mnyam par 'jog pa'i ting

nge 'dzin dang/ chos thams cad rab tu rnam par 'byed pa'i shes
rab dang/ sgrib pa spang pa'i rnam par grol ba las nyams pa mi
mnga' ba'i rnam pa drug go /'phrin las kyis bsdus pa gsum ni/
yang dag par rdzogs pa'i sangs rgyas nyan rang

las 'phrin las khyad par 'phags te/ spyod la ma bzhis gdul bya
'dul ba sku'i 'phrin las dang/ chos dang ldan pa dang don dang
ldan pa'i gtam mdzad pa gsung gi 'phrin las dang/ byams pa dang
snying rje sogs thugs kyi 'phrin las

@216b rnams ye shes sngon du 'gro zhing par du ye shes dang lhan
cig rgyu bas ye shes kyi rjes su 'brang ba'i phyir ro/ /ye shes
kyis bsdus pa gsum ni/ nyan rang dang ye shes ma 'dres pa yin
te/ 'das pa dang ma 'ongs pa dang da ltar byung ba la bzhed pa
tsam

gyis mkhyen pa 'jug pas ma chags rnam pa thams cad mngon sum du
shes pas ma thogs pa'i ye shes kyi mkhyen pa mnga' ba'i phyir
ro/ /gnyis pa ni/ yang dag par rdzogs pa'i sangs rgyas kyi thugs
rgyud kyi chos nyid chos can/ de bzhin nyid kyi

rnam pa yin te/ dus gsum gyi sangs rgyas thams cad kyis bshad
pa'i de bzhin nyid dri ma mtha' dag zad pas khyad par du byas pa
yin pa'i phyir/ yul can gyi dbang du byas na/ sangs rgyas kyi
rgyud kyi ji lta ba mkhyen pa'i ye shes de bzhin

nyid kyi rnam pa yin te/ slar mi ldang ba'i tshul du de bzhin
nyid la mnyam par bzhag pa'i ye shes yin pa'i phyir/ sangs rgyas
'jig rten du byon pa ni gdul bya rnams la dngos po'i de kho na
nyid gsal bar bya ba'i ched yin pas de bzhin nyid

mi sten pa'i sangs rgyas 'ga' yang med pa'i phyir/ sangs rgyas
thams cad kyis bshad pa zhes bya'o/ /gsum pa ni/ gtso bo'i shes
rab kyi pha rol tu phyin pa mthar phyin pa de nyid chos thams
cad la mnga' bsgyur ba'i rang byung gi rnam pa yin

te; gdul bya rnams la chos kyi 'khor lo ma lus pa bskor ba la
dbang sgyur thob pa'i ye shes yin pa'i phyir/ yang sngar bshad
pa'i stobs sogs kyi yon tan de rnams chos can/ rang byung gang
yang rung ba la brten pa ma yin te/ chos

@217a @#/ /thams cad la mnga' bsgyur ba'i rang byung la brten
pa'i yon tan yin pa'i phyir/ bzhi pa ni/ rnam mkhyen chos can/
sangs rgyas nyid kyi rnam pa yin te/ chos thams cad rnam pa
thams cad du mngon par rdzogs

par byang chub pa'i rtogs pa yin pa'i phyir/ gsum pa don bsdu ba
ni/ de ltar na zhes so/ /gsum pa don bsdu ba la gnyis kyi dang
po ngo bo'i don bsdu ba ni/ de la thams cad shes pa nyid kyi
rnam pa nyer bdun ni nyan thos dang rang sangs

rgyas rnams kyi rgyud la yod pa ni/ nyon sgrib ched du gnyer nas
spong ba la bsams nas/ nyon mongs pa'i zag pa med pa dang/ byang
chub sems dpa'i rgyud la yod pa'i bye brag gis go rims bzhin du
rgyu mtshan snga ma las ldog pas

zag pa dang bcas pa dag kyang yin no/ /sngar rang sangs rgyas
kyi lam la zag bcas bshad pa ni/ rjes kyi skabs kyi shes sgrib
gzung rtog gi zag pa dang bcas pa ste/ byang chub sems dpas
kyang de dang mthun par sgom pa'o/ /lam

shes pa nyid kyi rnam pa so drug ni nyon mongs pa'i rnam grangs
kyi zag pa dang bcas pa kho na yin no zhes rnam par bzhag ste/
byang chub sems dpa' rnams kyi nyon mongs pa spang bya'i gtso
bor byas nas nyon mongs pa shin tu ma spangs

pa'i phyir/ nyon mongs ma spangs kyang nyon mongs pa'i nyes pa
cung zad kyang mi bskyed pas nyon mongs pa'i zag bcas su btags
nas rnam par bzhag pa yin la/ nyan thos dang rang sangs rgyas
rnams ni nyon mongs spang bya'i gtso bor

@217b byas nas spong bas/ de'i rgyud kyi gzhi shes la zag med
ces bya'o/ /rnam pa thams cad mkhyen pa nyid kyi lam gyi rnam pa
mthar thug pa brgya dang bcu ni chos can/ zag pa med pa kho na
dag yin te/ chos thams cad la mnga' bsgyur ba'i phyir ro/ /

der thal/ yang dag par rdzogs pa'i sangs rgyas kyis nyon mongs
pa dang shes bya'i sgrib pa bag chags dang bcas ta rnam pa thams
cad du sdangs pas so/ /gnyis pa grangs kyi don bsdu ba ni/ rnam
pa rnams zhes so/ /gnyis pa bden

'dzin dngos su 'joms byed kyi sbyar ba khyad par can ngos bzung
ba la/ dge ba'i rtsa ba gsog pa'i rten dang/ sbyor ba dngos so/
/dang po la gsum gyi dang po mtshams sbyar ba ni/ yum nyan pa la
sogs pa'i snod dge rtsa gsog pa'i rten gtso

bor bstan nas dge rtsa smin pa la sogs pa'i gang zag sbyor ba po
'chad do/ /rgyu mtshan ni/ nyan thos la sogs pa'i sbyor ba las
khyad par 'phags pa de ma thag 'chad par 'gyur ba'i stong nyid
rtogs pa'i sbyor ba khyad par can mnyam gzhag

tu bsgom pa dang sbyor ba khyad par can dag gis zin pa'i sgo nas
rnam pa brgya bdun cu rtsa gsum po rnams sgom dgos na sbyor ba
de dag kyang sbyor ba po bshad pa med par brjod par mi nus pas
so/ /gnyis pa rtsa ba ni/ 'og nas 'chad par

'gyur ba'i mtshan nyid dang ldan pa'i byang sems tshogs lam pa
chos can/ theg pa chen po'i sher phyin gsum po 'di mnyan pa'i
snod yin te/ sngon grangs las 'das pa'i sangs rgyas rnams la
bkur sti sogs lhag par bya ba byas

@218a @#/ /pa'i phyir dang/ de la bsod snyoms dbul ba sogs dge
ba'i rtsa ba bskrun pa'i phyir dang/ theg pa chen po'i dge ba'i
bshes kyi mgon dang bcas pa yin pa'i phyir/ yum gyi tshig blo la
len pa dang don mi brjed par

'dzin pa dang bsgrub pa rdzogs pa la sogs pa'i snod du dam pa
rnams bzhed do/ /de'i ched du sangs rgyas grangs med pa bsten pa
dang/ the tshom za ba'i tshig don kun 'dri ba dang/ dris pa'i don
sbyin pa dang/ tshul khrims sogs tshul bzhin du spyod pas nyams

su len pa'i phyir/ gsum pa 'grel ba ni/ de chos can/ 'das pa
dang da ltar byung ba'i sangs rgyas rnams la gtsug lag khang
'bul ba sogs spyir dge ba'i rtsa ba dang por bskrun cing gong
nas gong du sbyangs pa dang ldan pa/ dge ba'i bshes

dag gis byin gyis brlabs pa yin pa'i phyir/ go rims ji lta bar
shes rnam brgya bdun cu rtsa gsum gyis bsdus pa'i rnam pa'i
mtshan nyid can gyi yum 'di'i gzhung nyan pa'i snod du sangs
rgyas dang byang chub sems dpa' rnams bzhed de/ dge ba'i

bshes gnyen gyis byin gyis brlabs pa 'og ma gsum gyi mthar yang
sbyar bar bya ste/ sangs rgyas kyi chos yongs su rdzogs pa dge
ba'i bshes gnyen la rag las par shes par bya ba'i phyir ro/
/gzhung 'di'i tshig blo la 'dzin pa dang/ don

mi brjed pa dang bsgrub pa rdzogs par byed pa tshul bzhin yid la
byed pa'i snod nyid yin par sangs rgyas dang byang chub sems
dpa' chen po la sogs pa bzhed do/ /rim pa bzhin du sngon de
rnams la lus la sogs pa'i bsnyen bkur gyis mnyes

@218b par byas pa dang ldan pa dge ba'i bshes gnyen dag gis byin
gyis brlabs pa'i phyir dang/ sngon sangs rgyas rnams la the tshom
gyi don yongs su 'dri ba dang/ dris pa'i don nyams su blangs pas
sbyin pa la sogs pa'i pha rol tu phyin pa bcu bsgrub pa

dang ldan pa dge ba'i bshes gnyen dag gis byin gyis brlabs pa
yin pa'i phyir ro/ /dge ba'i rtsa ba gsog pa'i rten bshad bya'i
gtso bor byas nas bsgrub pa rdzogs par byed pa'i rtan yang bstan
pa yin no/ /gnyis pa la gsum gyi dang po mtshams

sbyar ba ni/ de ltar sbyor ba po gang zag bstan nas sbyor ba'i
ngo bo dang dbye ba'o/ /gnyis pa rtsa ba ni/ sbyor ba rang gi
ngo bo dang/ rten gyi gang zag gi sgo nas dbye ba dang/ sbyor ba
rdzogs pa'i thabs kyi sgo nas dbye ba dang/ 'bras bu dang dus
kyi sgo nas bzhag

pa'o; ;sbyor ba'i ngo bo ni/ gzhi lam rnam pas bsdus pa'i chos
rnams bden med du rtogs nas bsgom pa gzugs la sogs pa mi gnas
pa'i sbyor ba dang/ gnas pa bkag pa'i sbyor ba de la bden par
zhen pa bkag nas bsgom pa sbyor ba bkag

pa'i sbyor ba gnyis po de nyid kyis gzhi gzugs la sogs pa de'i
de bzhin nyid zab par rtogs pa'i phyir dang/ lam gyis bsdus pa'i
chos de rnams kyi chos nyid gting dpag dka' bar rtogs pa'i phyir
dang/ rnam pas bsdus pa'i chos de dag gi chos

nyid tshad ni med par rtogs pa'i phyir/ zag pa dang gting dpag
dka' ba dang/ tshad med pa'i sbyor ba zhes bya'o/ /mdo ni byang
chen sher phyin la spyod pa'i tshe gzugs la mi gnas pa de'i tshe
gzugs la rnal 'byor du byed do zhes dang/ byang chen gzugs

@219a @#/ /la sbyor bar mi byed de gang gi tshe gzugs la sbyor bar
mi byed pa de'i tshe gzugs la rnal 'byor du byed do zhes dang/
shA ri'i bu gzugs kyi de bzhin nyid zab pa'i phyir sher phyin/
zab bo zhes dang/ shA ri'i bu gzugs

gting dpag dka' ba'i phyir sher phyin gting dpag dka'o zhes
dang/ shA ri'i bu gzugs tshad med pa'i phyir sher phyin tshad med
do zhes so/ /sbyor ba lnga po 'di nyid gnas skabs dang dus kyi
sgo nas lhag ma rnams su dbye'o/ /sngar bshad pa ltar stong pa

nyid la dmigs pa'i sgom byung gi shes rab ni sbyor lam drod man
chad na med la/ zhi gnas mtshan nyid pa la mnyam par bzhag bzhin
pa'i dus nyid na stong pa nyid la yang dang yang du dpyod pa
dang/ rtse gcig tu 'jog pa ni tshogs lam na yang yod

pas 'dir ni gnyis ka bsdus par rig par bya'o/ /sbyor ba po'i sgo
nas dbye ba ni brgyad de/ chos nyid la sgom byung gi gsal snang
ma thob pas skrag pa shas cher skye ba'i dbang du byas pa ni/
dus yun ring mo zhig nas yum gyi rtogs pa skye bas tshogs

chen yun ring rtogs pa'i sbyor ba'o/ /mdo ni/ bcom ldan 'das
sher phyin 'di byang chen theg pa la gsar du zhugs pa'i mdun du
brjod par mi bgyi ste sher phyin zab mo 'di thos nas da?  dang
bar 'gyur zhes so/ /skrag pa shas cher mi 'byung ba'i rten gyi
dbang

du byas nas rang don dang ldan pa'i sbyor ba dang/ gzhan don
dang ldan pa'i sbyor ba'o/ /dang po la/ drod kyi skabs su chos
nyid la gsal snang thob pas sangs rgyas kyis myur du lung ston
par 'gyur ba lung bstan thob pa'i sbyor ba dang/ mdo ni/ ko'u
shi ka

@219b byang chen sher phyin zab mo thos nas dngang bar mi 'gyur
kun tu skrag bas zin par mi 'gyur ba de ni ring po mi thogs par/
bla med rdzogs byang du lung bstan pa thob par 'gyur te zhes so/
/rtse mo'i skabs su drod las rtogs pa'i khyad par thob cing dge
ba'i

rtsa ba smin pas phyir mi ldog pa nyid kyi sbyor ba dang/ mdo
las/ bcom ldan 'das rigs kyi bu'am rigs kyi bu mo gang sher
phyin 'di dag nyid la bskyed par 'gyur te/ bskyed nas kyang
'dzin 'chang klog kun chub par byed tshul bzhin du yid la byed

de dag ni bla med rdzogs byang du lung ston par 'gyur ba'am
phyir mi ldog par 'gyur lags so zhes so/ /bzod pa'i skabs su
thabs shes kyi rtogs pa brten po thob pas nyan rang sogs kyi bar
chad las 'das pa nges par 'byung ba'i sbyor ba dang/

chos mchog gi skabs su chos dbyings kyi rgya mtshor myur du 'jug
par mthong nas bar chad med pa dang bcas pa'i sbyor ba dang/
rnam mkhyen gyi rgyu zag pa med pa'i chos gsar pa skye rung gi
nus pa rgyud la legs par grub pa byang chub la nye ba'i

sbyor ba dang/ 'bras bu de myur du 'byin par myur bar 'tshang
rgya ba'i sbyor ba dang/ gnyis pa ni/ snying rjes gzhan don du
chos kyi 'khor lo bskor ba la 'jug pa gzhan don gyi sbyor ba'o/
/mdo ni bdag kyang sbyin pa'i pha phyin la spyod la gzhan yang
sbyin pa'i phar

phyin la yang dag par 'god do zhes so/ /gsum pa yum bsgom pa
rdzogs pa'i thabs kyi sbyor ba ni/ tha snyad du skyon dang yon
tan 'phel 'grib byed kyang don dam par 'phel med 'grib med du
rtogs pa'i sbyor ba dang/ mdo ni rab 'byor byang chen sher phyin

@220a @#/ /la spyod pa'i tshe/ gzugs nas rnam mkhyen gyi bar 'phel
ba dang 'grib par yang dag par rjes su mi mthong ba de'i tshe
byang chen sher phyin bsgom pa yongs su rdzogs par 'gyur ro zhes
so/ /dkar nag sogs don dam

par chos dang chos min sogs mi mthong ba'i sbyor ba dang/ mdo ni
byang chen sher phyin la spyod pa'i tshe tshos zhes bya bar yang
dag par rjes su mi mthong chos min zhes bya bar yang dag par
rjes su mi mthong ngo zhes so/ /gzugs sogs bsam

gyis mi khyab pa'i rnam par bden par rlom pa med pa gzugs sogs
bsam mi khyab mi mthong ba'i sbyor ba dang/ mdo ni rab 'byor
gzugs bsam gyis mi khyab pa'i phyir bsam gyis mi khyab par bstan
ces so/ /mtshan gzhi gzugs sogs

dang gzugs rung sogs de'i mtshan ma dang de'i mtshon bya'i ngo bor
bden par rnam par mi rtog pa'i sbyor ba dang/ mdo ni rab 'byor
byang chen sher phyin la spyod pa'i tshe gzugs su mi rtog rnam
par mi rtog /gzugs kyi mtshan mar mi rtog rnam par

mi rtog go /gzugs kyi rang bzhin du mi rtog rnam par mi rtog go
zhes so/ /bzhi pa 'bras bu ni/ yon tan 'phel bar byed pa 'bras
bu rin chen sbyin byed kyi sbyor ba dang/ mdo ni/ bcom ldan 'das
sher phyin 'di ni rin po che'i phung po ste/ rgyun

du zhugs pa nas bla med rdzogs byang gi bar gyi rin po che sbyin
par byed pa'i phyir ro/ /zhes so/ /nyes pa sel bar byed pa sbyor
ba de'i rnam par dag pa'i sbyor ba dang/ bcom ldan 'das sher
phyin ni/ chos thams cad thams cad du dag pa'i phung

@220b po lags so zhes so/ /lnga ba dus ni/ myur du yum bsgom par
byed pa sa mtshams dang bcas pa'i sbyor ba'o/ /mdo ni rigs kyi
bu'am rigs kyi bu mos 'dri na yang myur du bri bar bya'o zhes
so/ /gsum pa 'grel pa la/ dngos gzhi'i sbyor ba lnga ni/ byang
sems

sbyor lam pa'i mnyam gzhag ye shes chos can/ grangs bzhin du
gzugs la sogs pa la don dam par mi gnas pa'i sbyor ba dang/ yul
can la bden zhen bkag pa mi sbyor ba dang/ zab pa dang/ gting
dpag dka' ba dang/ tshad med pa'i sbyor ba zhes bya ste/

rim pa bzhin du gzugs la sogs pa la ngo bo nyid med pa nyid kyis
don dam par mi gnas par rtogs pa'i sbyor ba yin pa'i phyir dang/
gzugs la sogs pa de dag la mi sbyor ba nyid kyis gnas lugs kyi
don la sbyor ba'i sems dpa'i sbyor ba yin pa'i phyir dang

gzugs la sogs pa de dag nyid de bzhin nyid kyi ngo bo nyid kyis
gzhi'i chos nyid zab pa dang lam gyi chos nyid gting dpag dka'
ba dang/ rnam pa'i chos nyid tshad med pa zhes bya ba de ltar
rtogs pa'i sems dpa'i sbyor ba yin pa'i phyir/ gnas skabs kyi
sbyor

ba ni/ tshogs lam la gnas pa'i sems dpa' dbang rtul gyi sbyor ba
chos can/ go rims bzhin du tshegs chen pos yun ring mo zhig nas
mngon par rdzogs par 'tshang rgya ba'i rgyud kyi sbyor ba yin te/
gnas lugs kyi don rtogs pa'i shes rab kyi pha

rol tu phyin pa la skrag pa mngon gyur shas cher 'gyur ba'i las
dang po ba'i rgyud kyis sbyor ba yin pa'i phyir/ theg chen gyi
sbyor lam drod chos can/ lung bstan pa 'thob pa'i sbyor ba yin
te/ yum la mi skrag pa dang ldan pas khyab par du byas pa'i
sbyor ba yin

@221a @#/ /pa'i phyir/ rtse mo ni/ phyir mi ldog pa nyid kyi
sbyor ba yin te/ dred las khyad par du gyur pas yum thos sogs
kyi yang dag par 'dzin pa'i sbyor ba yin pa'i phyir/ theg chen
gyi sbyor lam bzod pa ni/ nges par 'gyur ba'i sbyor ba

yin te/ stong nyid la mi skrag pa'i bzod pa thob pas rang nyid
'ba' zhig gi ched du nyan rang gis yid la byed pa sogs par chad
kyi chos spong ba'i bsgrub pa yin pa'i phyir/ sbyor lam chos
mchog ni bar chad med pa'i sbyor ba yin te/ mthong lam gyi

dngos rgyu byed pas rtag tu chos sgom pa'i nges bya bzhi ba yin
pa'i phyir/ theg chen gyi mthong lam ni yang dag par rdzogs pa'i
byang chub la nye ba'i sbyor ba yin te/ theg chen gyi lam zag pa
med pa'i chos gsar thob kyi rten nyid kyi sbyor ba yin pa'i
phyir/ sa

gnyis pa nas bdun pa'i bar gyi ye shes ni myur du mngon par
rdzogs pa byang chub pa'i sbyor ba yin te/ myur du 'bras bu chos
kyi sku mngon par 'grub pa'i sbyor ba yin pa'i phyir/ sa brgyad
pa'i ye shes ni gzhan gyi don dang/ 'phel ba dang 'grib pa

med pa dang/ chos dang chos ma yin pa la sogs pa don dam par mi
dmigs pa dang/ gzugs la sogs pa bsam gyis mi khyab pa'i rnam pa
'gog pa dang/ gzugs la sogs pa'i dngos por rnam par mi rtog pa'i
sbyor ba yin te/ rigs

can gsum ga la chos 'khor bskor ba'i nus pa thob pas gzhan don
du chos kyi 'khor lo rab tu bskor ba dang/ don dam par 'phel ba
dang 'grib pa mi mthong ba dang/ don dam par chos gang yang 'dod
pa'i khams su mi dmigs pa dang/

@221b gzugs la sogs pa'i bsam gyis mi khyab pa'i rnam par bden
par rlom pa med pa dang/ mtshan gzhi gzugs dang de'i mtshan ma
dang/ mtshon bya de'i ngo bo nyid du bden par rnam par mi rtog
pa'i dag sa'i sbyor ba yin pa'i phyir/ sa dgu pa'i ye

shes ni 'bras bu rin po che sbyin pa'i sbyor ba yin te/ 'bras bu
dang po rgyun zhugs nas bla na med pa'i byang chub kyi bar
mthong ba'i dag sa'i rnal 'byor yin pa'i phyir/ sa bcu pa'i ye
shes ni rnam par dag pa'i skyor ba yin te/ gzugs nas rnam mkhyen

gyi bar rnam par dag par sgom pa'i dag sa'i rnal 'byor yin pa'i
phyir/ yum myur du sgom pa'i sems dpa'i rnal 'byor chos can/ sa
mtshams la sbyor ba zhes bya ste/ zhag dang/ zla ba dang/ lo skor
du dus tshigs bcad nas bsgom pa la mngon

par brtson pa mi 'dor ba'i sbyor ba yin pa'i phyir/ snga ma lnga
dang/ phyi ma rnam pa bco lnga ste sbyor ba nyi shu yin no/
/gnyis pa sbyor ba sgom pa'i skyon yon la/ sbyor ba'i yon tan/
sbyor ba sgom pa'i gegs so/ /dang po la gsum gyi dang po mtshams

sbyar ba ni/ sbyor ba'i yon tan mthong ba sngon du btang na zhes
so/ /gnyis pa rtsa ba ni/ sbyor ba sgom pa'i stobs kyis bdud kyi
mthu bcom pa dang/ la sogs pa nges par 'thob pa'i bar gyi yon
tan rnam pa bcu bzhi 'byung ba'o/ /gsum pa 'grel

pa ni/ phyin ci ma log pa'i sbyor ba bsgom pa la mngon par dga'
ba'i byang sems de dag la chos can/ sbyor ba bsgom pa la bar
chad kyis mi tshugs pa bdud kyi mthu bcom pa'i yon tan 'byung
ste/ de ltar sbyor ba bsgom pa la grangs bzhin

@222a @#/ /du sangs rgyas rnams kyis byin gyis brlabs pa thob
pa'i phyir/ mdo ni shA ri'i bu phyogs bcu kun gyi 'jig rten gyi
khams tshad med grangs med pa dag na sangs rgyas tshad med grangs
med pa zhig bzhugs shing 'tsho skyong ba'i

sangs rgyas de snyed kyang byang chen sher phyin 'di 'dri ba
dang 'chad klog ston kha don byed tshul bzhin yid la byed bsgom
pa la dgongs par mdzad pa 'di chos nyid yin no zhes so/ /sbyor
ba bsgom pa sangs rgyas kyis thugs kyis dgongs shing mkhyen pa

nyid 'byung ste/ da ltar sangs rgyas kyi thugs kyis sbyor ba
bsgom pa dgongs pa thob pa'i phyir/ sangs rgyas kyis mngon sum
du mdzad pa la brten nas sbyor ba khyad par can du 'gyur te/ da
ltar sbyor ba bsgom pa ye shes kyis gzigs pa'i phyir/ yang

dag par rdzogs pa'i byang chub dang ches nye bar gyur pa 'byung
ste/ da ltar de dang nye bar gyur pa thob pa'i phyir/ mdo ni
theg pa chen po'i rigs kyi bu'am rigs kyi bu mo de dag gis yang
bla med rdzogs byang du nye bar 'gyur ro zhes par rigs par bya'o

zhes so/ /sangs rgyas dang mi 'bral ba don chen po nyid dang/
bde 'gror skye ba'i phan yon che ba dang/ sangs rgyas pas 'bras
bu che ba dang/ gzhan don la 'jug pas rnam smin che ba la sogs
pa'i yon tan 'byung ste/ da lta sbyor ba sgom pa'i phan yon

chen po thob pa'i phyir/ mdo ni rigs kyi bu'am bu mo gang sher
phyin zab mo 'di bris shing 'chad par 'gyur ba de dag ni don che
ba dang/ 'bras bu che ba dang/ rnam smin che bar 'gyur ro zhes
so/ /rang gang du skye 'gyur gyi yul de nyid de bzhin gshegs

@222b pas lung bstan pa sogs yul dpyad pa'i phan yon 'byung ste/
yum gzhan la ston pa sogs sangs rgyas kyi bya ba byed pa thob
pa'i phyir/ mdo ni shA ri'i bu sher phyin 'dir mya ngan las
'das nas lho phyogs kyi rgyud du dar bar 'gyur te/ zhes pa nas

sher phyin zab mo 'dis sangs rgyas kyi bya ba byed par 'gyur ro
zhes so/ /zag pa med pa'i yon tan thams cad rdzogs pa'i phan yon
'byung ste/ da lta gnyen po'i chos lam sher phyin gyis bsdus pa
ci rigs pa yongs su rdzogs pa thob pa'i phyir/ mdo ni

rigs kyi bu dang bu mo de dag ni sher phyin yongs su rdzogs par
'gyur ba'i phyir ro zhes so/ /yum gzhan la ston pa'i smra ba'i
skyes bu nyid 'thob ste/ da lta rang la sangs rgyas rnams kyis
rnam pa thams cad mkhyen pa nyid kyi gtam brjod pa thob pa'i 

phyir; mdo ni de ci'i phyir ce na/ rigs kyi bu'am bu mo de dag
la ngas rnam mkhyen dang ldan pa'i gtam brjod pa'i phyir ro zhes
so/ /rnam mkhyen las bdud sogs kyis mi phyed pa nyid 'thob ste/
da lta sbyor ba sgom pa la sangs rgyas rnams kyis grogs

mdzad pa'i phyir/ mdo ni rigs kyi bu dang bu mo de dag ni mnyam
par 'gyur te zhes so/ /bla na med byang chub la skye bo mang po
'god pa sogs dge ba'i rtsa ba nyan rang dang thun mong ma yin pa
skye ba yin no/ /da lta sbyor ba bsgom pa la dga' ba rgya chen
po bskyed pa

thob pa'i phyir/ mdo ni shA ri'i bu byang sems kyi theg pa'i
rigs kyi bu'am rigs kyi bu mo de dag sher phyin zab mo 'di thos
nas dga' ba dang/ dang pa dang rab tu mgu pa chen po skye bar
'gyur ro zhes so/ /gzhan don bsgrub par dam bcas pa'i

@223a @#/ /don ji lta ba bzhin du bsgrub pa 'thob ste/ da lta yum
bsgom pa de'i dam bcas pa'i tshig la sangs rgyas rnams kyis rjes
su yi rang ba thob pa'i phyir/ mdo ni byang sems kyi theg pa'i
rigs kyi bu'am rigs kyi bu

mo de dag gi tshig gi smra ba ni sems la sems kyis rnam par bltas
pas rjes su dgyes par mdzad do zhes so/ /tshe rab gzhan du dge ba
rlabs che ba'i 'bras bu rgya chen po yongs su 'dzin pa 'thob
ste/ da lta theg chen gyi chos zab mo

mngon par 'dod pa thob pa'i phyir mdo ni de dag dge ba'i rtsa ba
rlabs po che mngon par 'du byas nas rnam smin rlabs po che yongs
su 'dzin par 'gyur ro zhes so/ /tshe rabs gzhan du bdog pa kun
gtong ba sogs sems can gyi don bsgrub pa

'thob ste/ da ltar srog chags mang po byang chub la 'god pa sogs
sems can gyi don byed pa thob pa'i phyir/ mdo ni shA ri'i bu
rigs kyi bu'am rigs kyi bu mo de dag skye ba dran nas kyang phar
phyin drug po 'di rnyed par 'gyur ro zhes so/ /

tshe rab gzhan du yum nges par 'thob pa zhes bya ba'i yon tan
'byung ste/ tshe 'dir shes rab kyi pha rol tu phyin pa'i tshig don
tshad bar rnyed pa zhes bya ba'i yon tan 'thob pas de ltar yon
tan bcu bzhi yin no/ /gnyis pa la gsum gyi dang po

mtshams sbyar ba ni/ sbyor ba'i yon tan bshad zin pa de'i 'og tu
yang skyon gang zhig yongs su spangs pas zhes so/ /gnyis pa rtsa
ba ni/ sbyor ba skye ba'i gegs dang/ rgyun gnas pa'i gegs skyon
ni bcu tshan bzhi dang/ bcas pa drug tu

@223b nges par rtogs par bya'o/ /gsum pa 'grel pa la/ so sor
bshad pa dang/ grangs bsdu ba'o/ /dang po la/ sbyor ba'i 'gal
rkyen rang la brten pa nyi shu/ rang gzhan gang rung la brten pa
mthun rkyen ma tshang ba nyer gsum/ 'gal rkyen gzhan la brten pa
gsum

mo; ;dang po la spobs pa'i dbang du byas pa gnyis ni/ yum gyi
tshig don la dus yun ring mo zhig nas nges pa skye ba tshegs chen
pos 'thob pa dang/ mtha' ma brtags par nges pa myur du skye ba
spobs pa ha cang myur ba'o/ /gnas ngan len gyi dbang du byas

pa gsum ni/ glal pa sogs kyi ngang nas yum 'dri ba sogs lus kyi
gnas can len dang/ chags par gyur pas 'dri ba sogs sems kyi gnas
ngan len dang/ rnyed bkur sogs kyis kun nas bslang nas kha ton
byed pa sogs rigs pa ma yin

pas bskyed pa'i kha ton byed pa la sogs pa'o/ /theg chen las
nyams byed kyi rgyu bdun ni/ yum la phyir phyogs pa'i rgyu mtshan
'dzin pa nyid dang/ rnam mkhyen gyi rgyu la mngon par zhen pa
dang ba nyams pa dang/ gya nom pa'i yum gyi ro myongs ba nyams
pa

dang; dman pa'i sde snod las rnam mkhyen tshol ba rnam pa thams
cad du theg pa'i mchog yum kun tu 'dzin pa nyams pa dang/ yum
rnyed pa dor nas dman pa'i sde snod las rnam mkhyen tshol ba rtag
tu ched du bya ba nyams pa dang bcu chen dang po'o/ /

dman pa'i sde snod kyi don tsam nyams su blangs pas rnam mkhyen
thob par 'dod pa rgyu dang 'bras bu 'brel pa nyams pa dang/ theg
chen gyi sde snod dang de gnyis 'dra bar 'dzin pa gong na med pa
sku gsum gyi rgyu las nyams pa dang/ theg chen las

@224a @#/ /g.yeng ba'i rgyu brgyad ni gzugs sgra la sogs pa 'dod
yon gyi yul rnam pa mang po la rnam par rtog pa'i spabs pa
'byung ba dang/ yum yi ger 'dri ba tsam la yum du mngon par zhen
pa dang rten 'byung dngos po med pa la

gnas lugs kyi don du mngon par zhen pa dang/ yi ge la yum du
mngon par zhen pa dang/ yi ge med pa la yum du mngon par zhen pa
dang/ yul gyi ro myang 'dod pas yul la sogs pa yid la byed pa
dang/ rnyed pa dang bkur sti dang bstod pa'i tshig gi

tshigs su bcad pa'i ro myong ba dang/ lam ma yin pa bdud kyis
bstan pa'i tshig las thabs la mkhas pa tshol ba zhes bya ba ni bcu
tshan gnyis pa'o/ /gnyis pa la/ slob dpon la brten pa/ rang nyid
la brten pa/ gnyis ka la brten pa'o/ /dang po ni/

grangs bzhin du nyan pa po snga ma dang/ 'chad pa po dag phyi ma
rnams dang 'bral ba dang/ de las ldog ste 'brel na yang skyon du
'gyur bas gang yang rung ba dang mngon par 'brel bas nyan pa po
yum la 'dun pa che ba dang/ 'chad pa po snyoms las kyis

nyams pa dang/ nyan pa po yul 'dir nyan 'dod/ 'chad pa po gzhan
du 'chad 'dod pas 'dun pa'i yul tha dad pas nyams pa dang/ nyan
pa po 'dod chen chung ba dang/ 'chad pa po 'dod chen chung ba ma
yin pa nyid kyis nyams pa dang/ nyan pa po

spyangs pa'i yon tan dang ldan pa dang/ cig shos mi ldan pa dag
dang nyan pa po dad sogs dge ba dang/ cig shos dge ba ma yin
pa'i chos nyid dang ldan pa dang/ nyan pa po bdog pa thams cad
gtod pa dang/ cig shos de la ser sna byed pa dang/

@224b nyan pa po nor sbyin pa dang/ cig shos de mi len pa dang/
nyan pa po mgo smos pas go ba dang/ cig shos rnam par spros pas
go ba nyid dang/ nyan pa po mdo la sogs pa'i gsung rab yan lag
bcu gnyis kyi chos mngon par shes pa dang/ cig

shos de mngon par mi shes pa nyid dang/ nyan pa po pha rol tu
phyin pa drug dang ldan pa dang/ cig shos mi ldan pa zhes bya ba
ni bcu tshan gsum pa'o/ /de kho na bzhin du nyan pa po sangs
rgyas ba'i thabs mkhas pa dang/ cig shos thabs ma

yin pa la mkhas pa dang/ nyan pa po mi brjed pa'i gzungs thob pa
dang/ cig shos ma thob pa dag dang/ nyan pa po yum yi ger 'dri 'dod
pa dang/ cig shos yi ger 'di mi 'dod pa dag dang/ nyan pa po 'dod
pa'i 'dun pa sogs sgrib pa

lnga dang bral ba dang/ cig shos de dang ma bral ba nyid ces bya
ba snga ma bcu dang/ phyi ma bzhi dang bcu tshan bcu bzhi'o/
/gnyis pa ni/ dmyal ba la sogs pa'i mi bsngags pa thob pas gzhan
don du dan song gi 'gro ba la yid phyir phyogs

pa dang/ lha la sogs pa'i bsngags pa thos pas de la sred cing
bde 'gror 'gro ba la yid bde ba ste gnyis so/ /de yang dpon slob
tshogs pa la mi ltos pas logs su smos so/ /gsum pa ni/ grangs
bzhin du 'chad pa po snga ma rnams

dang; nyan pa po dag phyi ma rnams dang 'brel ba dang/ de las
ldog ste gang yang rung ba dang 'brel bas kyang skyon du 'gyur
bas ldog nas kyang sbyar bar bya'o/ /'chad pa po gcig pu la dga'
ba dang/ nyan pa po 'khor la mngon par

@225a @#/ /dga' ba nyid kyis nyams pa dang/ 'chad pa po gzhan
rjes su 'brang ba'i go skabs mi 'byed pa nyid dang/ cig shos
rjes su 'brel bar 'dod pa nyid dang/ 'chad pa po zang zing cung
zad tsam 'dod pa nyid dang/

cig shos de sbyin par mi 'dod pa nyid dang/ 'chad pa po srog gi
bar chad du 'gyur ba'i phyogs su 'gro 'dod pa dang/ cig shos
srog gi bar chad du mi 'gyur ba'i 'phags su 'gro bar 'dod pa
zhes bya ba bzhi ste bcu tshan bzhi pa'o/ /de bzhin

gang rung dang mngon par 'bral bas skyon du 'gyur bas 'chad pa
po mu ge byung ba'i phyogs su 'gro bar/ cig shos der mi 'gro ba
dang/ 'chad pa po chom rkun pa la sogs pas dkrugs pa'i phyogs su
'gog pa dang/ cig shos der mi 'gro ba

dang; 'chad pa po rang la bsod snyoms ster ba'i khyim yang yang
blta bas yid bde zhing/ nyan pa po yid mi bde ba zhes bya ba
gsum mo/ /gsum pa ni/ bdud dge sbyong gi cha byed du 'ongs nas/
yum ni nged kyi mdo sder 'byung ba bzhin yin

gyi; rgyas 'bring bsdus gsum las 'byung ba bzhin ma yin no/
/zhes ches dang gang zag la dbyen byed pa bdud kyis 'byed pa'i
sbyor ba dang/ mi sdug pa bsgom pa sogs gnas lugs kyi don bsgom
par ston pa yum bcos pa nye bar bsgrub

pa dang/ bdud sangs rgyas kyi cha byed du 'ongs pa la sangs
rgyas su dad pa skye ba dad pa'i yul ston pa ji lta ba bzhin ma
yin pa la dga' ba bskyed pa zhes bya ba gzhan gsum mo/ /ji skad
bshad pa'i skyon 'di dag dang bral ba'i sgo nas dpon

@225b slob tshogs par byas na lam gyi rtsa ba bshes gnyen bsten
pa'i tshul ji lta ba bzhin 'byung bas dge ba'i bshes gnyen bsten
tshul yang don gyis bstan mod kyi/ rgyas par ni go sla bar dgongs
nas rtsa ba'i dngos bstan la ma bsdus par slob dpon

gyis gsungs so/ /gsum pa ni/ de ltar 'gal rkyen nye bar gnas pa
nyer gsum dang/ mthun rkyen ma tshang ba nyer gsum yod pa de ltar
na skyon bzhi bcu rtsa drug yin no/ /gsum pa sbyor ba'i mtshan
nyid la/ spyi'i don dang/ yan lag gi don

to; ;dang po la slob dpon snga ma'i lugs dgong pa dang/ rang gi
lugs bzhag pa'o/ /dang po ni/ go mi chen po'i bzhed par mdzad
nas 'di ltar 'chad de/ sbyor ba'i mtshan nyid ni mtshan pa dang/
mtshan gzhi dang/ mtshon bya dang/ mtshan

nyid bzhi'o/ /dper na rtsa las byung ba'i me mtshan gzhi dang/
ngo bo'i khyad par tshe reg dang/ byed pa'i khyad par sreg byed
mtshan nyid dang/ me'i tha snyad byar rung mtshon bya dang/ mtshan
mtshon gzhi gsum yongs su gcod byed kyi tshad ma de

nyid la mtshon pa zhes bya la/ de bzhin du 'dir yang sbyor ba nyi
shu po nyid mtshan gzhi yin la/ de yang chos sku'i sgrub byed
thun mong ma yin pas gzhi shes kyi cha ma yin zhing slob pa'i
skabs yin pas rnam mkhyen gyi cha yang ma yin te/

lam shes dngos dang/ rjes mthun pa'i cha gang yang rung ba yin
no/ /lam shes kho na'i cha yin na mkhyen pa gsum gyi sbyor ba
nas byed pa'i rgyu mtshan ci yin zhe na/ kun mkhyen gsum gyi rnam
pa la dmigs pa'i yul gyi sgo nas gsum

@226a @#/ /sdu dbye ba yin te/ gzhi shes kyi rnam pa'i stong bdag
med la dmigs pa gnas pa bkag pa'i sbyor ba dang/ gzhi shes kyi
'gog pa'i rnam pa bzhi dang/ lam gyi bco lnga ste/ bcu dgu la
dmigs pa rnal 'byor bkag pa'i

sbyor ba dang/ gzhi shes kyis mi rtag pa dang sdug bsngal ba
dang/ kun 'byung gi bzhi ste drug la dmigs pa zab pa'i sbyor ba
yin la/ de gsum gnas skabs kyi dbye ba tshogs chen yun ring rtogs
pa sogs brgyad dang/ de gsum bsgom pa rdzogs pa

'phel 'grib med pa sogs bzhi dang/ de gsum gyi 'bras bu rin chen
sbyin pa dang dag pa gnyis dang/ de gsum gyi dus sa mtshams kyi
sbyor ba dang bco brgyad gzhi shes kyi sbyor ba yin la/ lam shes
kyi rnam pa'i stong bdag med dang ngo bo nyid med

pa'i cha gsum la dmigs pa gnas pa bkag pa dang/ lam gyi bdun
dang/ 'gog pa'i bcu drug ste/ nyer gsum la dmigs pa rnal 'byor
bkag pa dang/ mi rtag pa dang sdug bsngal ba dang kun 'byung gi
bzhi ste drug dang/ ngo bo nyid med pa'i

cha gcig la dmigs pa gting dpag bka' ba'i sbyor ba snga ma ltar
dbye bas bco brgyad ni lam shes kyi sbyor ba dang/ rnam mkhyen
gyi rnam pas bsdus pa'i chos can gyi rnam pa brgya dang gnyis
yod pa dang/ stong pa nyid kyi rnam pa dang/ sdug bsngal

gyi bar chad med pa'i lam dang/ de bzhin nyid kyi rnam pa'i cha
gcig dang bcas pa la dmigs pa gnas pa bkag pa'i sbyor ba dang/
chos can gyi rnam pa brgya dang gnyis po'i chos nyid mtshan ma
med pa dang/ 'gog pa dang lam gyi bar chad med

@226b pa'i lam ste gsum dang/ de bzhin nyid kyi rnam pa'i cha
gcig la dmigs pa rnal 'byor bkag pa'i sbyor ba dang/ chos can
gyi rnam pa brgya dang gnyis po'i smon pa med pa'i rnam pa dang/
sdug bden gyi bar chad med pa'i lam gyi cha gcig dang/ kun
'byung gi

bar chad med pa dang de bzhin nyid kyi rnam pa'i cha gcig la
dmigs pa tshad med pa'i sbyor ba dang/ de gsum sngar ltar dbye ba
bco brgyad ni rnam mkhyen gyi sbyor ba'o/ /mtshon bya ni/ khyad
mtshan dang/ byed mtshan gyis rnam rdzogs sbyor bar mtshan pa ma

yin gyi/ chos sku'i rgyu thun mong ma yin pa'i sbyor bar mtshon
pa yin la/ de yang ngo ba nyid kyi mtshan nyid bcu drug gis ston
pa yin no/ /sbyor ba'i mtshan nyid ni chos sku'i rgyu thun mong
ma yin pa'i sbyor bar mtshon pa la rang don phun tshogs sgrub byed

kyi khyad par gyi mtshan nyid dang/ gzhan don phun tshogs sgrub
byed byed pa'i mtshan nyid tshogs pas mtshon pa yin la/ de la dbye
na khyad mtshan bcu drug dang/ byed mtshan bcu gcig go /mtshan
mtshan gzhi gsum dang/ mtshan nyid mtshan

gzhi'i steng du nges byed kyi blo ni mtshon pa zhes bya la/ de
yang sbyor ba la ma zhugs pa'i snga rol gyi thos bsam gyi shes
rab dang/ sbyor ba'i rjes kyi shes pa ci rigs su yod la/ des
sbyor ba nyi shu mtshan gzhir byas te khyad par dang byed pa'i
mtshan

nyid rgyu mtshan du bkod nas/ 'di ni chos sku'i rgyu thun mong ma
yin pa'i sbyor ba'o zhes mtshon pa yin no/ /mtshon pa de yang gzhi
shes dang rnam mkhyen gyi cha ma yin gyi/ lam shes rjes mthun
pa'i cha yin no/ /mtshon pa de nyid shes mtshan

@227a @#/ /bcu drug pa phrag gsum gyis 'phangs nas ston pa yin
gyi/ de dag mtshon pa ye shes dngos ma yin te/ mtshon pa ye shes
kyis ni khyad mtshan dang byed mtshan la dmigs pa yin la/ shes pa
bcu drug pa phrag

gsum gyis de la ma dmigs pa'i phyir ro/ /des na yul gyis yul can
'phangs nas bstan pa yin no/ /mtshon pa ye shes kyis ni sbyor
ba'i mtshan nyid gnyis dang/ shes pa'i rnam pa bcu drug pa phrag
gsum po la dmigs pa yin

no zhes zer to/ /sngar bshad pa'i sbyor ba nyi shu po yang mtshan
gzhir rung mod kyi/ slob dpon sing-ga bzang pos rtsa ba'i dgongs
pa bkral ba ltar na ni ngo bo nyid kyi mtshan nyid bcu drug gis
mtshan gzhi dang mtshon byad gnyis ka ston par gsal

la; de bzhin du shem pa bcu drug pa phrag gsum gyis kyang mkhyen
pa gsum gyi sbyor ba'i mtshan nyid bstan par ches shin tu gsal
bas mtshan gzhi la mtshan nyid nges byed kyi tshad ma bstan par
'chad pa sogs 'thad par mi sems so/ /yang

sngon gyi mkhas pa kha cig /sangs rgyas kyi thugs rgyud kyi
mkhyen gsum bskyed pa mtshan nyid du byas nas/ mkhyen gsum sbyor
ba sangs rgyas skyed byed du mtshon pa sogs kyang 'phags seng
gnyis ka'i 'grel pa'i tshig don la mi gsal

zhing; shes khyad byed pa gsum theg chen sbyor ba'i bsnyang 'jug
pa'i rgyu mtshan du mdzad pa sogs kyang mtshan nyid bshad pa'i
dgos pa gang yin dang/ ji ltar mtshon pa'i tshul la sogs pa bzhag
par dka'o/ /gnyis pa rang gi lugs ni/

@227b mtshan gzhi dang/ mtshon bya dang/ mtshan nyid dang/ ji ltar
mtshon pa'i tshul dang/ sa mtshams so/ dang po ni/ nyon mongs rtags
sogs kyis dben pa'i rnal 'byor bcu drug yin no/ /gnyis pa ni/
spyi dang bye brag gnyis las dang po ni/ gtso bo'i

don yin te/ de yang sngar bshad pa ltar/ shar phyin gyi ming gis
bstan pa la/ gzhung dang/ lam dang/ 'bras bu'i sher phyin gsum
gyis mdo las yang dang yang du bstan cing/ bstan bcos las kyang
de'i don 'grel bar byed pa yin te/ lam

dang 'bras bu'i sher phyin nyid la mngon par rtogs pa brgyad du
phye ba yin no/ /de yang theg pa chen po'i rigs can gyi thob bya
mthar thug pa ni/ shes rab nad na kun mkhyen ltar/ zhes gsungs
pa bzhin du/ shes rab kyi pha rol tu phyin pa'i nang 

nas kyang/ 'bras bu'i sher phyin de nyid yin la/ der bgrod par
byed pa la lam sher phyin de nyid tshad ma'i yul du legs par
mtshon dgos la/ gzhan du na lam gol bar 'jug par 'gyur bas so/
/des na 'dir sbyor ba'i mtshan nyid ces

bshad pa'i sbyor ba ni/ lam sher phyin gyi rnal 'byor de nyid
yin la/ de'i mtshan nyid la sbyor ba'i mtshan nyid ces bya'o/
/khyad par ni/ mkhyen pa gsum gyi sbyor ba mtshon bya dang/ yang
nyan rang gi sbyor ba las khyad par du 'phags pa'i sbyor ba

yang mtshon bya dang/ mkhyen gsum sbyor ba gzhan don sgrub pa'i
byed las khyad par can dang ldan pa mtshon bya'o/ /gsum pa ni/
sbyor ba'i ngo bor gyur pa'i shes pa dang/ khyad par dang/ byed
pa rnams so/ /bzhi pa la spyi'i mtshon tshul dang/ bye brag

@228a @#/ /gi mtshon tshul lo/ /dang po ni/ nyon mongs rtags sogs
kyis dben pa'i sems dpa'i rnal 'byor bcu drug mtshan gzhi lam
sher phyin gyi rnal 'byor du mtshon/ snying rje chen po dang
steng nyid rtogs pa'i shes rab sogs

thabs shes khyad par can gyi rigs rdzogs pas zin pa'i byang chub
sems dpa'i ye shes so/ /gnyis pa ni/ nyon mongs rtags sogs bzhi
spong zhing/ nge? pa 'byung ba shas pa sogs gzhi shes kyi rnam
pa gang yang rung ba la dmigs pa'i rnam

pa can gyi byang sems kyi rnal 'byor mtshan gzhi/ sems dpa'i gzhi
shes sbyor bar mtshon/ de ba 'byung ba shes pa sogs gang rung gi
rnam pa can gyi sems dpa'i ye shes so/ /gzhan don gyi go cha bya
dka' ba sogs sgrub pas khyad par du

byas shing stong nyid mtshan med sogs lam shes kyi rnam pa gang
yang rung ba la dmigs pa'i rnam pa can gyi byang sems kyi sbyor
ba mtshan gzhi/ lam shes kyi sbyor bar mtshon/ stong nyid mtshan
med sogs lam shes kyi shes pa'i rnam pa

gang yang rung bas khyad par du byas pa'i sems dpa'i ye shes so/
/gzhi lam gyis bsdus pa'i khyad par la dmigs pa sogs sems dpa'i
rnal 'byor bdun mtshan gzhi/ rnam mkhyen gyi sbyor bar mtshon/ de
ba nyid kyi mthong chos la bde gnas

sogs rnam mkhyen gyi rnam pa gang rung la dmigs pa'i rnam pa can
gyi sems dpa'i ye shes yin pas so/ /de dag ni shes pa'i mtshan
nyid bcu drug pa phrag gsum gyis mkhyen gsum gyi sbyor ba mtshon
pa'i tshul lo/ /yang ngo bo nyid kyi

@228b rnal 'byor bcu drug mtshan gzhi/ nyan rang gi sbyor ba las
khyad par 'phags pa'i sbyor bar mtshon/ bsam mi khyab sogs kyis
khyad par du byas pa'i sems dpa'i ye shes yin pas so/ /de ni
khyad mtshan gyi mtshon tshul lo/ /yang de mtshan gzhi

gzhan don sgrub pa'i byed las khyad par can dang ldan pa'i sbyor
bar mtshon/ phan bde skyob sogs kyi byed las khyad par can dang
ldan pa'i sems dpa'i ye shes yin pas so/ /dbye ba rnams la yang
de ltar shes par bya ste/ gzhan don sgrub pa'i byed

las khyad par can dang ldan pa'i gzhi shes kyi sbyor ba mtshon pa
la phan bde skyob pa'i byed las khyad par can dang ldan pa'i
sems dpa'i ye shes dang/ de lta bu'i byed las dang ldan pa'i lam
shes kyi sbyor ba dang/ rnam mkhyen gyi sbyor bar mtshon pa

la byed las bdun dang/ gcig gis khyad par du byas pa zhes bya'o/
/des na shes pa'i mtshan nyid rnams kyis mkhyen pa gsum gyi sbyor
ba spyir mtshon nas bstan gyi/ nyan rang gi sbyor ba las khyad
par 'phags pa'i ldog pas khyad par du byas nas

ma bstan la/ khyad par gyi mtshan nyid kyis des khyad par du byas
nas mtshon tshul bstan pas gzhan ldan rnam gcod kyi tshul du mtshon
par byad pa yin no/ /gzhi shes kyi sbyor ba tsam ni/ rang gi
ldog pas nyan rang gi sbyor ba las khyad par du

byed mi nus shing/ sbyor ba gzhan gnyis kyi rang gi ngo bo'i
ldog pas khyad zhugs par rtogs pa'i ched du de gnyis kyi khyad
par 'phags tshul bstan nas cig shos kyi ma bstan pa yin gyi/
rdzas kyi sgo nas ni/ byang chub sems dpa'i rgyud kyi

@229a @#/ /gzhi shes kyi sbyor ba yang nyan rang gi sbyor ba las
khyad zhugs pa yin pas/ khyad par 'phags par mtshan nus par shes
par bya'o/ /byed pa'i mtshan nyid mtshan gzhi dang bcas pa sangs
rgyas kyi gzhan don phun

tshogs skyed byed yin yang/ tshul de ltar du mtshon pa ma yin te/
lam sher phyin gyi rnal 'byor tsam dang/ mkhyen pa gsum gyi
sbyor ba tshad mas nges nas/ de'i rjes su rnam mkhyen gyi rgyur
thag chod pa'i phyir ro/ /mdor na/ gzhung lam

'bras bu'i sher phyin gsum gyi rnam dbye shes par byas nas 'bras
bu sher phyin la yid dpyod kyi dan gnyer tsam zhig snga rol tu
skyes kyang/ rgyu 'bras kyi 'brel ba tshad mas ngas par byed pa
la ni/ snga rol tu lam sher phyin tshad mas

nges pa sngon du 'gro dgos par shes pa'i ched du sbyor ba spyi
dang bye brag gi mtshan nyid 'di dag bshad par shes par bya'o/
/lnga pa ni/ thag pa chen po'i tshogs lam nas rgyun mtha'i bar la
yod pa yin gyi/ shes mtshan sangs rgyas kyi sa la bzhed

pa sogs ni/ mtshan nyid 'di dag gi skabs don ma rtogs pa'i rnam
'gyur du gsal lo/ /sngar bshad pa'i mkhyen gsum mtshon byed kyi
chos de dag las/ mkhyen pa gsum tsam zhig shes par nus mod kyi/
mkhyen nga gsum gyi

sbyor ba'i rang ldog phyin ci ma log par shes pa la ni/ skabs
'dir bstan pa 'di dag la brten nas nges par shes dgos pa yin no/
/gnyis pa yan lag gi don la/ spyi'i mtshams sbyar ba/ so so'i don
bshad pa/ spyi'i grangs bsdu ba'o/ /

@229b dang po ni/ sbyor ba bsgom pa la bar chad byed pa'i skyon
gyi 'og tu sbyor ba de dag gi mtshan nyid 'chad de/ /rgyu mtshan
ni/ go rims bzhin du sbyor ba'i yon tan blang ba dang/ skyon dor
bas sbyor ba rnams bsgom par bya ba la ni/ sbyor ba shes dgos

la; de la yang sbyor ba'i mtshan nyid shes pa sngon du 'gro ba
can yin pas so/ /gnyis pa la/ mdor bstan/ rgyas bshad do/ /dang
po la gnyis kyi dang po rtsa ba ni/ lam sher phyin gyi rnal
'byor gyi mtshan nyid 'dir bshad pa dgos pa dang

bcas te/ mtshon byed gang gis lam sher phyin gyi rnal 'byor du
mtshen nus pa de'i mtshan nyid du shes par bya ba'i ched yin pa'i
phyir/ 'dir bstan mtshan nyid de yang rnam pa gsum du dbyer yod
de/ mkhyen gsum sbyong ba mtshon

byed shes pa'i mtshan nyid dang/ nyan rang gi sbyor ba las khyad
par 'phags pa'i sbyor bar mtshon byed khyad par gyi mtshan nyid
dang/ gzhan don sgrub pa'i byed las khyad par can dang ldan pa'i
sbyor bar mtshon byed byed pa'i mtshan nyid

ste de rnams yod pa'i phyir/ sbyor ba'i ngo bo nyid bcu drug
bstan pa dgos pa dang bcas te/ sbyor ba'i ngo bo nyid gang mtshon
par bya ba'i mtshon bya dang/ mtshon gzhi yang sbyor ba'i mtshan
nyid kyi sgras bstan pa'i sgo nas shes par

bya ba'i chad yin pa'i phyir/ gnyis pa 'grel pa ni/ 'dis sbyor
ba spyi dang bye brag rnams mtshon par byed pas na sbyor ba'i
mtshan nyid ces mtshan nyid kyi sgra byed par sgrub pas shes pa
dang khyad par dang byad pa'i mtshan nyid rnams la

@230a @#/ /mtshan nyid kyi sgra 'jug ste/ de rnams mkhyen gsum
sbyor ba'i spyi dang bye brag ci rigs su mtshon byed yin pa'i
phyir/ 'di mtshon par bya bas na mtshan nyid ces mtshan nyid kyi
sgra las su sgrub pas sbyor ba'i ngo bo nyid kyi

mtshan nyid de la mtshan nyid kyi sgra sbyar du rung ste/ rnal
'byor bcu drug po de rnams mtshan gzhi dang/ mtshon par bya ba yin
pas so/ /mtshan nyid kyi sgra sbyor ba'i gzhi mtshan nyid ni rnam
pa bzhin shes par bya'o/ /sngar bshad pa bzhi po de

rnams yod pa'i phyir/ gnyis pa rgyas bshad la/ shes pa/ khyad
par/ byad pa/ ngo bo nyid kyi mtshan nyid do/ /dang po la/ gzhi
shes/ lam shes/ rnam mkhyen sbyor ba'i mtshan nyid do/ /dang po
la gsum gyi dang po/ spyi dang bye brag gi mtshams

sbyar ni/ de la zhes so/ /gnyis pa rtsa ba ni/ thams cad shes pa
nyid kyi skabs kyi gzhi shes pa sbyor ba'i mtshan nyid bsdus pa
yin no/ /gang zhe na de bzhin gshegs pa 'byung ba shes pa sogs
sems dpa'i ye shes so/ /gsum pa 'grel pa

ni; shes pa'i mtshan nyid thams cad shes pa nyid kyis bsdus pa
yin no/ /nyon mongs rtags sogs kyis dben pa'i sems dpa'i rnal
'byor bzhi po rnams mtshan gzhi sems dpa'i rgyud kyi thams cad
shes pa nyid kyi sbyor bar mtshon

no; ;gang gis na sbyor ba'i ngo bor gyur ba'i shes pa'i rnam
pa'i bye brag bcu drug gis so/ /ji ltar na tshul bzhin du mtshan
nyid kyis mtshon bya mtshon pa ji lta ba bzhin mtshon pas na'o/
/mtshan nyid de dag gang yin zhe na/ gzhi shes sbyor ba'i

@230b sher phyin la brten nas de pa 'byung ba shes pa'i sems
dpa'i ye shes dang/ 'jig rten don dam par 'jig pa med par rtogs
pa'i ye shes kyis zin pa'i sems dpa'i ye shes dang/ skabs 'dir
stong pa nyid kyi rnam pa can bshad pa ni/ gang gis

zin pa'i lam de nyid bstan pa yin gyi/ gzhi shes sbyor ba'i
mtshon byed ni gzhi shes kyi rnam pa can du shes par bya'o/ /sems
can gyi sems kyi spyod pa du ma shes pa dang/ gang zag gi bdag
med pa la sems bsdus pa dang/ de las sems

rnam par g.yeng ba dang/ nam mkha' dang 'dra bar sems mi zad
pa'i rnam pa dang sems 'dod chags dang bcas pa dang zhe sdang
dang gti mug dang bcas pa la sogs pa dang/ rtsa ba'i sogs pa
zhes bya ba'i sgras bsdus pa sems 'dod chags dang bral

ba dang/ zhe sdang dang gti mug dang bral ba shes pa'i sems
dpa'i ye shes dang/ sems kyi gnas lugs rgya chen po dang/ tha
snyad du sgyu ma lta bur snang bas sems chen por gyur pa dang/
don dam par so sor nges pa'i rten med pas sems tshad

med pa dang/ dbang shes la 'di'o zhes sems bstan du med pa dang/
spyan lngas sems bltar med pa dang/ sems g.yo ba dang la sogs
pa 'du ba dang/ bkram pa dang/ bcum pa'i lta ba rnams 'khrul
gzhi phung po la brten nas byung gi /

gang zag gi bdag med par shes pa'i sems dpa'i ye shes chos can/
sems dpa'i rgyud kyi de lta bu'i rnam pa can gyi gzhi shes sbyor
ba'i mtshan nyid yin te/ de'i thun mong ma yin pa'i mtshon byed
yin pa'i phyir/ mdo ni/ rim pa bzhin

@231a @#/ /du sher phyin zab mo 'dis de bzhin gshegs pa'i stobs
bcu bskyed do zhes dang/ sher phyin phung po lnga po 'jig par
ston pa ma yin rab tu 'jig par ston pa ma yin no zhes dang/ sems
can tshad med grangs med

pa dag gi sems dang spyad pa rab tu mkhyen pa da dag kyang yum
'di la brten cing rab tu mkhyen to zhes dang/ de bzhin gshegs
pas sems can de dag gi sems bsdus pa dang g.yeng ba ni chos
nyid kyis yang dag pa ji lta ba bzhin du rab tu

mkhyen to/ /zhes dang/ de bzhin gshegs pas sems can de dag gi
sems 'dod chags dang bral ba dang 'gog pa dang spong ba'i rnam
par yang dag par ji lta ba bzhin rab tu mkhyen zhes dang/ yum la
brten nas sems can de dag gi 'dod

chags dang bcas pa'i sems ni 'dod chags dang bcas pa'i sems zhes
yang dag pa ji lta ba bzhin du mkhyen to/ /zhes dang/ 'dod chags
dang bral ba'i sems zhes yang dag pa ji lta ba bzhin du mkhyen
to zhes dang/ de bzhin gshegs pas

sems can dang gang zag pha rol po'i sems rgya chen po la sems
rgya chen po zhes bya bar yang dag pa ji lta ba bzhin du mkhyen
zhes dang/ sems chen po la sems chen por gyur pa zhes yang dag
par mkhyen zhes dang/ sems tshad med pa la sems

tshad med pa zhes bya bar zhes dang/ sems bstan du med pa la sems
bstan du med pa zhes bya bar zhes dang/ sems bltar med pa la
sems bltar med par zhes dang/ de bzhin gshegs pas yum 'di la
brten nas gang zag pha rol

@231b po dang sems can pha rol po rnams kyi sems g.yo ba dang
'du ba dang bkram pa dang bcum pa dang de dag kyang 'di ltar
mkhyen te sems can rnams kyi sems 'phro ba'am bkram ba'am bcum
pa gang ji snyed pa skye zhing 'byung ba de dag thams cad gzugs

la brten/ tshor ba dang 'du shes 'du byed rnams dang rnam par
shes pa rnams la brten cing 'byung bar 'gyur ro/ /zhes bya bar
rab tu mkhyen to/ /zhes so/ /'dir mtha' dpyad pa la/ phyi rol
pa'i drang sred 'ga' zhig gis lta ba ngan nga drug cu rtsa

gnyis don chen bcu bzhir bsdus nas ston pa la zhus pa yin la/ de
yang khyad gzhi gang zag gi bdag la brtsams nas dris pa yin la/
khyad gzhi bkag na gang zag gi bdag med bstan pa'i snod du mi
rung zhing/ khyad gzhi med pa'i khyad chos mi

'thad pas/ dri ba de'i lan lung du ma bstan pas/ lung du ma
bstan pa'i lta ba bcu bzhi zhes bya la/ de yang sngon gyi mtha'
la brten pa dang/ phyi ma'i mtha' la brten pa dang/ mya ngan las
'das pa la brten pa'i lta ba bzhi bzhi dang/ lus srog

la brten pa'i lta ba gnyis so/ /dang po ni/ gang zag gi bdag
dang 'jig rten rtag pa dang/ mi rtag pa dang/ gnyis ka yin pa
dang/ gnyis ka ma yin par lta ba'o/ /gnyis pa ni/ mtha' dang
ldan pa dang/ mtha' dang mi ldan pa dang/ gnyis ka yin

pa dang/ gnyis ka ma yin par lta ba'o/ /gsum pa ni/ grol ba'i
gdag grangs phan chad 'byung ba dang/ mi 'byung ba dang/ gnyis
ka yin pa dang/ gnyis ka ma yin par lta ba'o/ /bzhi pa ni/ lus
srog rdzas gcig tu lta ba dang/ rdzas tha dad du

@232a @#/ /lta ba'o/ /gang zag gi bdag dang 'jig rten rtag pa
dang/ mtha' dang mi ldan pa skye ba phyi mar 'jug par lta ba
dang/ de pa grongs phan chad 'byung bar lta ba rnams ni/ grangs
can gyi lta ba yin la/ yul la sgrub pa'i rnam pas

'jug pas g.yo ba'i lta ba zhes bya'o/ /mi rtag pa dang/ mtha'
dang ldan pa skye ba phyi mar mi 'jug par lta ba dang/ grongs
phan chad mi 'byung bar lta ba rnams ni rgyang phan gyi lta ba
yin la/ yul la dgag pa'i rnam pas 'jug pas 'du ba'i lta ba zhes
bya'o/ /mtha' de dag gnyis ka yin par lta ba ni

gcer bu ba'i lta ba yin la/ dgag sgrub cha mnyam du 'jug pas
bkram pa'i lta ba zhes bya'o/ /mtha' de dag gang du yang brjod
du med par lta ba ni gnas ma bu ba'i lta ba yin la/ dgag sgrub
gnyis ka 'gog pa'i rnam pas 'jug pas bcum pa'i lta ba

zhes bya la/ de thams cad kyang 'jug tshul la bsams na dgag sgrub
gang rung gi rnam pa can du 'dus pas g.yo ba dang 'du ba'i lta
ba gnyis su 'dus so/ /lus srog rdzas gcig tu lta ba bye brag pa
dang/ rdzas tha dad du lta ba grangs can gyi lta

ba'o; ;rtag mi rtag gnyis ka yin par lta ba rnams kyang rang
bzhin rtag la gnas skabs mi rtag par blta'o/ /mtha' gcod pa
gzhan ni gnas skabs nyer mkho chung bas ma spros so/ /g.yo ba
la sogs pa'i sems de bden pas stong pa de

bzhin nyid kyi rnam pa can gyi sems dpa'i ye shes dang/ de bzhin
gshegs pas de bzhin nyid rtogs pa de rang gi thugs su chud pa
ltar gzhan la bstan cing brtags pa zhes bya bar rtogs pa'i sems
dpa'i ye shes 'di rnams kyi rang

@232b bzhin ni gzhi shes kyi shes mtshan no/ /mdo ni rim pa bzhin
du/ de bzhin gshegs pas yum 'di la brten nas gzugs ji ltar
mkhyen zhe na/ de bzhin nyid dang ma nor ba de bzhin nyid dang
zhes dang/ de bzhin nyid rtogs pa dang de bzhin nyid thugs su

chud pa dang de bzhin nyid mchog tu mkhyen pa dang/ de bzhin
nyid yang dag par ston pa'i gzhi gcig tu byas te/ de bzhin nyid
du 'dags par mdzad do zhes dang/ yum 'di la brten nas de bzhin
nyid 'di mngon par rdzogs par 'tshang rgya'o zhes dang

de bzhin nyid mngon par rdzogs par sangs rgyas pas de bzhin
gshegs pa zhes bya'o zhes dang mngon par rdzogs par sangs rgyas
nas gsungs so zhes so/ /gnyis pa la gsum gyi dang po mtshams
sbyor ba ni/ de'i 'og tu zhes so/ /gnyis

pa rtsa ba ni/ stong nyid mtshan ma med bcas dang/ zhes sogs
rkang pa drug gis bshad nas/ rkang pa tha ma gnyis kyis bsdus
nas bstan to/ /gsum pas 'grel pa ni/ shes pa'i mtshan nyid lam
shes pa nyid kyis bsdus pa

yin no/ /mtshan gzhi ni ngo bo nyid kyi rnal 'byor lnga'o/ /mtshan
nyid ni gong du bshad pa 'di rnams kyi shes pa'i rnam pa'i khyad
par bcu drug gis bsdus pa'i sems dpa'i ye shes kyis mtshon no/
/de yang cha reg gis me mtshon pa ji lta

bzhin du yin no/ /gang mtshon na lam shes pa nyid kyi sbyor ba
dag mtshon pas na mtshan nyid do/ /de gang zhe na/ lam shes pa'i
sher phyin la brten nas bden par grub pa'i ngo bo stong pa nyid
dang rgyu'i mtshan ma med pa dang 'bras bu la

@233a @#/ /smon pa med par shes pa'i sems dpa'i ye shes dang/ don
dam par skye ba med pa dang 'gag pa med pa dang/ rtsa ba'i sogs
pa zhes bya ba'i sgras bsdus pa chags sogs kyis kun nas nyon
mongs pa med pa

dang; dad sogs kyis rnam par byang ba med pa dang/ don dam par
spang bya'i dngos po med pa dang/ rang bzhin gyis ma grub pa'i
ngo bo nyid dang/ don dam par grub pa'i rten med pa dang/ de
bzhin nyid kyi rang bzhin nam mkha'i mtshan nyid de

drug dang/ snga ma gnyis dang brgyad rtogs pa'i sems dpa'i ye
shes dang/ gzhan du mi 'gyur bas chos nyid rnam par 'khrug pa
med pa dang/ blo sngon du btang nas 'du mi byed pa dang/ mtshan
nyid dang/ mtshan gzhi'i dbye ba bden

par ma grub pa rnam par mi rtog pa dang rab tu dbye ba dang/
mtshan nyid de yang mtshan nyid med pa zhes bya bar shes pa'i sems
dpa'i ye shes ni lam shes sbyor ba'i mtshan nyid do/ /de dag re
re nas don ldog tu ston pa ma yin gyi/

gang mtshan nyid du bzhag pa de nyid kyi dbye ba'i ya gyal yin
no/ /mdo ni rim pa bzhin du lha'i bu sher phyin zab mo 'di'i
mtshan nyid ni stong pa nyid de mtshan ma med pa'o smon pa med
pa'o zhes dang/ sher phyin zab mo 'di'i mtshan nyid

ni skye ba med pa 'gag pa med pa'o zhes pa nas nam mkha'i mtshan
nyid do zhes pa'i bar dang/ mtshan nyid 'di dag ni lha dang mi
dang lha ma yin du bcas pa'i 'jig rten gyis dkrug par nus pa med
do zhes dang mtshan nyid de gzugs kyi

@233b 'du ma byas pa ma yin zhes dang/ mtshan nyid 'di dag ni
mi'am mi ma yin pa'am zag bcas sam zag med dam 'jig rten nam
'jig rten las 'das pa'am 'dus byas sam 'dus ma byas dag gi ma
yin ni zhes dang/ de bzhin gshegs

pa byon yang rung ma byon yang rung ste chos kyi dbyings 'di ni
gnas pa nyid de zhes dang/ gzugs nas rnam mkhyen gyi bar gyi
chos de dag ni de bzhin gshegs pas mtshan nyid med par mngon par
rdzogs par sangs rgyas so zhes so/ /

gsum pa la/ gsum gyi dang po mtshams sbyar ba ni/ de'i 'og tu
zhes so/ /gnyis pa rtsa ba ni/ de bzhin nyid kyi chos bsten nas
zhes sogs rkang pa snga ma rnams kyis bshad nas/ tha ma gnyis
kyis bsdus nas bstan to/ /gsum pa

'grel pa ni/ shes pa'i mtshan nyid rnams pa thams cad mkhyen pa
nyid kyi sbyor bas bsdus pa yin no/ /mtshan gzhi ni rnam mkhyen
sbyor ba'i ngo bo nyid bdun no/ /gang gis mtshon na gong du bshad
pa 'di rnams kyi shes pa'i rnam pa'i bye

brag bcu drug gis bsdus pa'i sems dpa'i ye shes kyis so/ /de
yang tsha reg gis me mtshon pa ji lta ba bzhin du rnam pa thams
cad mkhyen pa nyid kyi sbyor ba dag mtshon pas na'o/ /de yang
gang zhe na/ rnam mkhyen gyi sbyor ba la brten nas de pa de

nyid kyi chos la mngon par brten nas mthong chos la bde bar gnas
pa'i sems dpa'i ye shes dang/ mdo ni de bzhin gshegs pa sher
phyin 'di la brten cing gnas so zhes so/ /dag pa'i bshes gnyen
la gus par bya ba dang/ bka' las mi

@234a @#/ /'da' ba bla mar bya ba dang rnyed bkur gyis mnyes par
bya ba dang/ me tog sogs kyis mchod par bya ba shes par byed pa
dang/ mdo ni de ltar chos la rim 'gro mdzad bla mar mdzad sti
steng du mdzad mchod par mdzad/ /

rjed par mdzad bkur sti mdzad de/ rab 'byor chos nyid 'di ni
sher phyin no/ /zhes so/ /don dam par byed pa med pa nyid shes
pa dang/ mdo ni de pa byed pa po med pa'i phyir/ chos thams cad
ma byas zhes bya bar mngon par rdzogs par sangs

rgyas so zhes so/ /ye shes shes bya thams cad du 'gro ba dang/
don dam par gang du yang ma mthong ba'i don de kho na nyid du
ston pa dang/ mdo ni gang gi tshe rnam mkhyen nyid la dmig pa'i
rnam shes mi 'byung ba de'i tshe rnam mkhyen gyis mthong ba

med pa'i phyir ston par byed do zhes so/ /'jig rten stong nyid
kyi rnam pa shes pa dang/ gdul bya la 'jig rten stong pa nyid du
brjod par mdzad pa dang/ mdo ni rab 'byor sher phyin ni 'jig
rten stong zhes brjod par mdzad do zhes so/ /'jig rten stong

pa nyid du 'jig rten pa'i sgom byung gis shes par mdzad pa dang/
mdo ni sher phyin ni 'jig rten stong ngo zhes bya bar shes par
mdzad do zhes dang/ gdul byas 'jig rten stong pa nyid du mngon
sum gyis mthong bar mdzad pa dang/ mdo ni sher

phyin de ba la 'jig rten stong zhes ston par mdzad do zhes so/
/chos rnams kyi chos nyid rtog ge'i blos bsam gyis mi khyab pa
nyid du ston pa shes pa dang/ don dam pa spros pa nye bar zhi ba
nyid du ston pa dang/ mdo ni sher phyin ni de bzhin gshegs

@234b pa la 'jig rten bsam gyis mi khyab ces bya bar ston to/
/zhes so/ /'jig rten de kho nar grub pa 'gog pa dang/ mdo ni
sher phyin ni de bzhin gshegs pa la 'jig rten stong pa nyid ces
bya bar ston to/ /zhes so/ /'jig rten 'di dang pha rol la

don dam par blang dor gyi 'du shes 'gog pa zhes bya ba shes pa'i
sems dpa'i ye shes ni shes pa'i mtshan nyid do/ /mdo ni sher
phyin ni de bzhin gshegs pa la 'jig rten 'di'i 'du shes dang/
pha rol gyi 'du shes su yang mi 'gyur ba

de ltar 'jig rten ston to zhes so/ /gnyis pa khyad par gyi mtshan
nyid la/ mtshams sbyar ba/ mdor bstan/ rgyas bshad do/ /dang po
ni/ de ltar bar skabs kyi tshigs su bcad pa dgus mkhyen gsum
sbyor ba mtshon par byed pa'i shes pa'i

mtshan nyid nyan rang gi sbyor ba las khyad zhugs pa'i tshul dngos
sum bstan par spyi'i ngo bo nyid du brjod nas shes mtshan bcu
drug pa phrag gsum gyis bsdus pa'i shes pa'i rnam pas mkhyen
gsum sbyor ba so sor tshad mas yongs su bcad pa rnams

kyi gang las khyad zhugs pa'i khyad par shes par bya ba yin pas
zhes so/ /gnyis pa la gnyis kyi dang po rtsa ba ni/ 'og nas
'chad pa'i bsam mi khyab sogs khyad par gyis mtshan nyid bshad pa
yin no/ /de yang nyan rang gi

srer ba las khyad zhugs par mtshon pa'i bden pa'i spyod yul can
skad cig ma ni bcu drug gis so/ /gnyis pa 'gral pa ni/ khyad par
gyi mtshan nyid yin no/ /lam shes pa dang/ rnam mkhyen la sogs
pa'i sbyor ba dag nyan rang gi sbyor

@235a @#/ /ba las khyad zhugs pa'i sbyor bar mtshon pas na'o/
/gang gis mtshon na sdug bsngal bden pa'i chos nyid bsam gyis mi
khyab pa thugs su chud pa dang/ mi mnyam pa la sogs pa'i khyad
par gyi khyad par du byas pa'i sdug

bsngal la sogs pa bden pa'i yul can chos dang rjes su shes pa'i
bzod pa dang/ shes pa'i mtshan nyid bcu drug gis mtshon par byed
do/ /'dir khyad gzhi mthong lam dang spyan nas bstan par zad
kyi/ khyad chos kyi ldog pa bcu drug ni tshogs

lam nas rgyun mtha'i bar la yod par shes par bya'o/ /sems dpa'i
rgyud kyi gzhi shes kyi sbyor ba yang nyan rang gi sbyor ba las
ches khyad zhugs par grub mod kyi/ 'dir khyad zhugs pa'i tshul
dngos su ma bstan pa ni/ gzhi shes kyi sbyor ba

nyan rang la yang yod pas de gang las khyad zhugs pa'i khyad
gzhir mi rung bar shes par bya ba'i phyir ro/ /gsum pa rgyas
bshad la gsum gyi dang po mtshams sbyar ba ni/ yang zhes so/
/gnyis pa rtsa ba ni/ lam shes dang rnam mkhyen sbyor bas

bsdus pa'i lam ni khyad par gyi lam yin te/ nyan rang gi lam
gzhan dag las khyad par du 'phags pas so/ /gang gis na khyad par
ni bcu drug bdag nyid shes par bya ba gang gis so/ /de gang na
bsam mi khyab dang zhes so/ /gsum pa 'grel pa

la; rgyas par bshad pa dang/ gang las khyad zhugs pa'i yul dngos
su ma bstan pa'i rgyu mtshan no/ /dang po ni/ byang chub sems
dpa' dang sangs rgyas la sogs pa'i lam shes pa nyid la sogs pa
gnyis sgom pa'i lam shas dang rnam mkhyen gyi

@235b sbyor ba ni/ mtshan gzhi nyan thos la sogs pa'i dman pa'i
lam rnams las khyad par gyi lam yin par khyad zhugs pa'i sbyor
ba yin no/ /de yang go rims bzhin du sdug bsngal la sogs pa'i
bden pa'i yul can skad cig ma rnams kyi khyad par bcu

drug po gang gis mtshon pa yin no/ /de yang gang zhe na/ sdug
bsngal gyi yul can bzhi ni/ bdag rkyen dge ba'i bshes gnyen yang
dag par rdzogs pa'i sangs rgyas dang byang chub sems dpa' la
sogs pas legs par yongs su bzung ba'i shes

rab kyi stobs kyis sdug bsngal gyi chos nyid bsam gyi mi khyab
pa nyid khong du chud pa dang/ dpe med pas mi mnyam pa nyid dang
tha snyad pa'i tshad mas gzhal pa las yang dag par 'das pa dang/
grangs kyis bgrang ba las yang dag par 'das pa'i chos nyid

rtogs pa'i shes bzod skad cig ma bzhi'o/ /mdo ni sher phyin 'di
ni bsam gyis mi khyab pa'i bya ba dang/ mi mnyam pa'i bya ba
dang/ gzhal du ma mchis pa'i bya ba dang/ grangs ma mchis pa'i
bya ba dang/ mi mnyam pa dang mnyam pa'i bya bas nye bar gnas

so zhes so/ /kun 'byung gi yul can bzhi ni/ 'phags pa'i gang zag
thams cad kyi yon tan thams cad sdud pa dang/ ji lta ba dang ji
snyed pa shes pa'i skyes bu mkhas pas rig par bya ba nyid shes
pa dang/ nyan thos la sogs pa'i spyod yul ma yin pa'i

dngos po zab pa dang rgya che ba yongs su shes pa dang theg chen
rang gi lugs la ltos pa'i mngon par shes pa shin tu myur ba shes
pa bzhi ni/ kun 'byung shes bzod bzhi khyad gzhir byas nas nyan
rang gi sbyor ba las khyad zhugs pa'i mtshon byed do/ /mdo 

@236a @#/ /ni go rims bzhin du rab 'byor sher phyin zab mo 'di ni
phar phyin lnga dang yang dag par ldan pas so/ /zhes dang/ bcom
ldan 'das sher phyin 'di ni zhib pa phra ba mdzangs pa mkhas pa
rnams kyis rig par bgyi ba ste

zhes dang/ rang sangs rgyas kyi bar gyi ngas pa dang/ shes pa
gang yin pa de ni byang sems mi skye ba'i chos la bzod pa thob
pa'i bzod pa'o zhes dang/ sher phyin zab mo 'di thos nas 'dri ba
dang bris nas lung 'gogs pa dang tshul bzhin du yid la byed pa'i

rigs kyi bu'am rigs kyi bu mo de dag ni shin tu myur bar mya
ngan las 'da' bar 'dod par bya'i zhes so/ /'gog pa'i yul can
bzhi ni/ kun rdzob dang don dam pa'i bden pa la brten pa'i chos
thams cad don dam par bri ba med pa dang gang ba

med pa'i ngo bo rtogs pa dang/ mdo ni sher phyin zab mo 'di
'grib pa'am 'phel bar yang 'tshal bar gda'o zhes dang/ don dam
par sbyin bya sbyin byed sogs 'khor gsum rnam par dag pas sbyin
pa la sogs pa'i pha rol tu phyin pa drug tu rab tu

bsgrub pa dang/ gus pa dang rgyun mi 'chad pa'i yang dag pa'i
sbyor bas bskal pa du mar sgrub pa'i bsod nams dang ye shes yang
dag par 'grub pa dang/ mdo ni/ byang sems de ni sangs rgyas kyi
zhing gzhan nam dga' ldan gyi gnas nas shi

'phos nas 'dir skyes pa yin zhes so/ /thabs kyis zin pa'i rnam
par mi rtog par chos thams cad la dmigs pa'i ye shes ni/ 'gog pa
shes bzod bzhi nyan rang gi sbyor ba las khyad zhugs par mtshon
pa'o/ /lam gyi gzhi ni chos kyi

@236b dbyings kyi ngo bo nyid kyi byang chub sems dpa'i lam gyi
rten rigs dang ldan pa dang/ smon lam la sogs pa'i pha rol tu
phyin pa bcu yongs su rdzogs pa'i rgyu tshogs pa dang ldan pa
dang lam rdzogs par ston pa'i dge ba'i bshes gnyen gyi thabs
kyis

yongs su bzung ba dang/ 'khor 'das kyi chos gang la yang bden
par mngon par zhen pa'i ro myong ba med pa bzhi ni/ theg chen
gyi lam la shes bzod bzhi nyan rang gi sbyor ba las khyad zhugs
par mtshon pa'o/ /gnyis pa ni/ nyan rang gi sbyor ba de dag gi

lam ni 'dir dngos su ma bshad pa'i rgyu mtshan yod de/ go sla
ba'i phyir/ de'i rgyu mtshan ji skad bshad pa'i khyad par dang
bral ba'i bden par mngon par zhen pa la sogs pa dang bcas bzhin
du skye ba'i mtshan nyid kyis go sla ba'i phyir/ de yang theg
chen

gyi mthong lam nyan rang gi lam las khyad zhugs par sgrub pa'i
ched du khyad chos de dag dang ldan par dngos su bstan pa de'i
phyir/ gsum pa byed pa'i mtshan nyid la gsum gyi dang po mtshams
sbyar ba ni/ khyad par gyi mtshan nyid kyis byang sems

kyi sbyor ba nya las khyad zhugs pa'i khyad par rnam par bcad
pa rnams kyi byed pa zhes so/ /gnyis pa rtsa ba ni/ sbyor ba'i ngo
bo bcu gcig po 'di ni byed pa'i mtshan nyid yin no/ /gang na phan
dang zhes so/ /gsum pa 'grel pa ni/ de ltar

na byed pa'i rnam pa bcu gcig gis bsdus pa'i sems dpa'i ye shes
dag gis tsha reg gis me mtshon pa'i tshul ji lta ba bzhin du thams
cad mkhyen pa nyid gsum gyi sbyor ba dag gzhan don la dmigs pa'i
byed las khyad par can dang

@237a @#/ /ldan pa'i sbyor bar mtshon pas na phyed pa'i mtshan nyid
yin no/ /gzhi shes sbyor ba'i byed mtshan ni/ thams cad shes pa
nyid kyi sbyor ba byed las khyad par can dang ldan pa'i sbyor
bar mtshon byed phan pa la sogs

pa'i byed pa gsum mo/ /de gang zhe na/ sems can rnams thar pa'i
bde ba la 'god pa ma 'ongs pa'i phan pa dang sdug bsngal dang
yid mi bde zhi ba sogs tshe 'di'i bde ba dang 'khor ba'i sdug
bsngal las skyob cing slar yang mi smin par byed

pas sdug bsngal med pa'i rnam par smin pa ma yin pa'i chos nyid
nye bar sgrub pa'i don gyis gzhan la phan pa'i byed pa'o/ /mdo
ni rim pa bzhin du rab 'byor byang sems rnams kyis 'jig rten la
phan pa'i phyir yang dag par zhugs pa'o/ /zhes

dang/ byang chen bla med rdzogs byang 'dod pas sems can rnams
sdug bsngal? ba dang/ yid mi bde ba dang 'khrug pa rnams las
yongs su grol zhing mi 'jigs pa'i bden pa mya ngan las 'das pa
la rab tu 'god do zhes dang/ byang chen bla med rdzogs

byang du mngon par rdzogs par sangs rgyas nas 'khor ba na spyod
pa'i sdug bsngal gang ci yang rung ste de dag las sems can rnams
yongs su skyob cing zhes so/ /lam shes pa nyid kyi sbyor ba'i
byed pa skyabs la sogs pa byed pa bdun no/ /de gang

zhe na/ gtan du phan pa myang 'das la 'god pa'i skyabs kyi byed
pa dang sdug bsngal gyi rgyu ldog pa'i go 'phang la 'god pa gnas
kyi byed pa dang/ 'khor ba dang mya ngan las 'das pa mnyam pa
nyid du rtags pa la 'god pa dpung gnyen gyi byed

@237b pa dang/ chus bskor ba'i skam dang chos mthun par sred
pa'i rlan dang bral ba'i thar pa la 'god pas rang dang gzhan gyi
don rtogs pa'i rten gyi ngo bo gling gi byed pa dang/ gnas skabs
dang mtha'i gzhan gyi don bsgrub pa yongs 'dren gyi byed pa
dang/

sems can gyi don lhun gyis grub par 'jug pa'i byed pa dang/ theg
pa gsum gyi nges par 'byung ba'i 'bras bu dus ma yin par yang
dag pa'i mtha' mngon sum du mi byed pa zhes bya ba 'di rnams dus
ci lta ba bzhin du yang dag par nye bar sgrub pa'i

don gyi gzhan la phan pa'i byed pa'o/ /rnam pa thams cad mkhyen
pa nyid kyis chos thams cad bsam pa ji lta ba bzhin du ston pa
nye bar sgrub pa'i don gyis rnam pa thams cad mkhyen pa nyid kyi
sbyor ba la ni 'jig rten gyi mdzad pa gcig ste/ byed

pa bcu gcig go /mdo ni rim pa bzhin du byang chen rdzogs pa'i
byang chub tu mngon par rdzogs par sangs rgyas nas skye rga sogs
las yongs su sgrol zhing phung po ma lus pa'i myang ngan las
'das pa'i dbyings su mya ngan las 'das pa la 'god

do zhes dang/ byang chen sangs rgyas nas sems can rnams la chos
thams cad 'dri ba med par ston te/ de ltar na sems can de dag gi
gnas su 'gyur ba yin no zhes dang/ rab 'byor de ltar byang chen
bla med rdzogs byang du sangs rgyas nas

'jig rten gyi dpung gnyen byed pa yin no zhes dang/ rab 'byor de
ltar bla med rdzogs byang du sangs rgyas nas sems can rnams kyi
ded dpon byed pa yin no zhes dang/ byang chen bla med rdzogs
byang du mngon par rdzogs par sangs rgyas nas

@238a @#/ /sems can rnams yongs su 'dren par byed pa yin no zhes
dang/ rab 'byor byang chen bla med rdzogs byang du sangs rgyas
nas sems can rnams kyi rten byed pa yin te/ gzugs ni nam mkha'i
ngang tshul can no zhes

bya bar chos ston to zhes dang/ rab 'byor chos thams cad skye ba
med pa'i ngang tshul can te/ de dag ni ngang tshul de las mi 'da'
'o zhes dang/ rab 'byor chos thams cad ni gzugs kyi ngang tshul
can te/ de dag ni ngang tshul de las mi 'da'o

zhes so/ /bzhi pa ngo bo nyid kyi mtshan nyid la gsum gyi dang po
mtshams sbyar ba ni/ byed pa'i mtshan nyid kyis mkhyen gsum sbyor
ba'i byed las shes par byas pa rnams kyis mtshan gzhi dang mtshon
bya'i ngo bo nyid gang zhe na/ zhes so/ /

gnyis pa rtsa ba ni/ mkhyen gsum sbyor ba'i ngo bo nyid bcu drug
gi bdag nyid ni/ 'di mtshon par bya bas na/ mtshan nyid bzhi bar
bzhed pa yin no/ /de yang mtshon bya lta bur mtshon pas na'o/ /de
gang zhe na nyon mongs rtags dang zhes so/ /

gsum pa 'grel pa la/ so sor bshad pa dang/ don bsdu ba'o/ /dang
po la gzhi shes sbyor ba'i ngo bo nyid ni/ thams cad shes pa
nyid kyi sbyor ba nyon mongs pa'i sgrib pa ci rigs pas dben pa'i
ngo bo nyid bzhi'o/ /de yang 'dod chags la

sogs pa'i nyon mongs pa spong ba dang/ de'i rtags lus kyi gnas
ngan len spong ba dang/ de'i rgyu'i mtshan ma tshul bzhin ma yin
pa yid la byed pa la sogs pa spong ba dang/ 'dod chags sogs mi
mthun pa'i phyogs dang/ 'dod

@238b chags med pa la sogs pa gnyen po dag blang dor gyi rnam
rtog gis stong pa nyid kyis khyad par du byas pa'i sbyor ba'o/
/mdo ni rim pa bzhin du rab 'byor byang chen 'di ni 'dod chags
dang zhe spang dang gti mug bsal bas dben pa'i rang bzhin du
'gyur

ro zhes dang/ byang chen de ni 'dod chags dang zhe sdang gti mug
gi rtags kyis dben pa'i rang bzhin du 'gyur ro zhes dang/ byang
chen de ni 'dod chags dang zhe sdang dang gti mug gi mtshan mas
dben pa'i rang bzhin du 'gyur ro zhes dang/ rab 'byor

byang chen sher phyin zab mo 'di la mos pa de dag ni 'dod chags
dang zhe sdang gti mug gi rtags kyis dben pa'i rang bzhin du
'gyur ro zhes so/ /lam shes sbyor ba'i ngo bo ni lam shes pa
nyid kyi sbyor ba'i ngo bo nyid lnga'o/ /de gang zhe na/ don

dam par med pa'i sems can tha snyad du mtha' yas pa mya ngan las
'das par dka' ba sgrub pa'i sbyor ba dang/ theg pa gzhan du mi
ltung ba'i mtshan nyid kyis mtha' gcig tu sangs rgya bar nges pa
sgrub pa'i sbyor ba dang/ yun ring po nas

sgrub par bya ba mchog nyid kyi ched du bya ba chen po gsum
sgrub pa'i sbyor ba dang/ bsgom par bya ba dang bsgom pa po'i
chos don dam par mi dmigs par rtogs pa'i sbyor ba dang/ bden
pa'i dngos por mngon par zhen pa mtha' dag

bkag pa zhes bya ba de lta bu dag gi sbyor ba lnga'o/ /mdo ni
rim pa bzhin du byang chen sems can thams cad yongs su mya ngan
las 'das par bya'o zhes go cha 'tshal kyang de la sems can dang
sems can du btags pa mi dmigs

@239a @#/ /pa de dag ni dka' ba bgyid pa'o zhes dang/ byang chen
sems can mya ngan las 'da' bar go cha 'chal ba des nyan rang gis
gnyis su dogs par mi bgyi ste zhes dang/ byang sems kyis sems
can nyi tshe ba'i slad du

go 'tshal ba ma lags te/ sems can thams cad yongs su mya ngan las
'da' ba dang rnam mkhyen gyi ye shes kyi slad du go 'tshal te
zhes dang/ bcom ldan 'das sher phyin ni zab ste de ni sus kyang
bsgom par mi bgyi ci yang bsgom par mi

bgyi ji ltar yang bsgom par mi bgyi zhes dang/ byang chen 'ga'
zhig gis sher phyin zab mo 'di la mngon par zhen pa mi byed pa
de ni phyir mi ldog pa'i byang chub sems dpa' chen por yongs su
brtag par bya'o/ zhes so/ /rnam pa thams cad

mkhyen pa nyid kyi sbyor ba'i ngo bo nyid bdun no/ /bdun yod de/
thams cad shes pa nyid dang lam shes pa nyid kyis yul du bsdus
pa'i dngos po'i khyad par gzhi lam la dmigs pa dang/ 'jig rten
gyi sgrub pa'i 'dzin pa dngos po bden par

zhen pa dang/ dngos med bden par zhen pa la sogs pa las log sta
bstan pas byis pa dang/ mi mthun pa dang/ gzugs la sogs pa thogs
pa med par shes pa dang/ shes bya dang shes pa don dam par mi
dmigs pas 'khrul gzhi bden pa med pa

dang/ bden pas stong pa de bzhin nyid kyis don dam par gang du
yang 'gro ba med pa dang/ gzugs la sogs pa don dam par ngo bo
nyid med pas skye ba med pa dang/ slob dpon gyis 'di'i skabs kyi
'grel chen du/ slob dpon zhi ba 'tsho'i rjes su 'brangs

@239b nas bden pa gnyis kyi rnam gzhag rgyas par gtan la phab pa
ni gzhan du 'chad par 'dod pas ma spros so/ /dngos po dang dngos
po med pa dang gnyis ka la sogs pa gsum gyi ngo bo de bzhin nyid
don dam par mi dmigs par rtogs pa'i sbyor ba de lta bu

dag yod pa'i phyir ro/ /mdo ni rim pa bzhin du byang chen des
rnam mkhyen la gzhol ba'i bsam pas sher phyin zab mo 'di la
brtag par bya'o zhes dang/ lha'i bu dag nam mkha' zab pa'i phyir
chos 'di zab bo zhes dang/ chos 'di dag ni gang la yang thogs

pa ma mchis te/ gzugs la thogs pa ma mchis zhes dang/ chos 'di
dag ni gzhi ma mchis pa dang ldan te/ gzugs kyi gzhi ma mchis
pa'i slad du dang zhes dang/ gnas brtan rab 'byor 'di ni bcom
ldan 'das kyi rjes su skyes te/ ci dang ci ston pa

de thams cad/ stong pa nyid dang/ mtshan ma med pa dang/ smon pa
med pa las brtsams nas chos ston pa'i phyir ces dang/ lha'i bu
dag rab 'byor ni gzugs kyi rjes su ma skyes/ gzugs kyi de bzhin
nyid kyi rjes su ma skyes/ gzugs kyi de bzhin nyid las

gzhan gyi rjes su ma skyes zhes dang bcom ldan 'das de bzhin
nyid nas yang dag pa'i mtha'i bar 'di dag zab ste/ de la gzugs
dang gzugs kyi de bzhin nyid mi dmigs te/ gang gi tshe gzugs mi
dmigs pa de'i tshe gzugs kyi de bzhin nyid dmigs par

lta ga la 'gyur zhes so/ /gnyis pa ni/ de ltar na mtshan nyid
bzhi pa ngo bo nyid kyi mtshan nyid du bzhed do/ /de yang sngar
bshad pa de ltar na sbyor ba'i ngo bo nyid bcu drug gis tsha rig
gis me mtshon pa'i mtshan gzhi ji lta ba bzhin du thams cad mkhyen
pa

@240a @#/ /gsum gyi sbyor ba dag shes khyad byed pa gsum gyi
mtshan nyid dang ldan pa bzhin du mtshon pas na'o/ /gsum pa grangs
bsdu ba ni/ de ltar na/ shes mtshan zhe brgyad khyad par bcu drug
byed pa bcu gcig /ngo bo nyid bcu

drug yod pas spyir gcig tu bsdoms na zhes so/ /gnyis pa thar pa
cha mthun nas bzung ste/ rgyud la skye ba'i rim pa bshad pa la
gsum/ bskal pa grangs med gsum nas 'tshang rgya ba'i lam gyi thog
ma bshad pa'i sgo nas rgyan gyi ched du bya ba'i

gdul bya ngos bzung ba dang/ rgyud smin byed kyi lam skye ba'i
rim pa dang/ de la brten nas mngon rtogs khyad par can rgyud la
skye ba'i rim pa bshad pa'o/ /dang po la/ lam spyi'i mtshan nyid
dang/ lam gyi zhings lngar bsdus nas de la mkhas pa'i

gdul bya ngos bzung ba'o/ /dang po la gsum gyi dang po mtshams
sbyar ba ni/ 'chad par 'gyur ba'i thar pa'i cha dang mthun pa'i
dge ba'i rtsa ba dang ldan pa kho na la ji skad bshad pa'i sbyor
ba mtshan nyid kyi sgo nas tshad ma'i yul du mtshon te/ yongs su

shes pa 'byung bas thar pa'i cha dang mthun pa/ gnyis pa rtsa ba
ni/ rnam pa thams cad mngon par rdzogs pa rtogs pa'i sbyor ba
ston pa'i skabs 'di la/ bskal pa grangs med gsum nas 'tshang rgya
ba'i lam gyi mgo rtsom pa'i thar pa'i cha dang

mthun pa 'di yin par 'dod de/ don dam par mtshan ma med par rtogs
pa'i shes rab kyis zin pa'i rab tu sbyin pa la sogs pa nas rnam
mkhyen la thug pa'i bar rang rgyud la yang dag par bsgrub pa la
mkhas pa'i gang zag gi rgyud kyi chos

@240b mngon rtogs ni'o/ /gsum pa 'grel pa ni/ rnam pa thams cad
mngon par rdzogs par rtogs pa'i sbyor ba ston pa'i skabs 'di la
bskal pa grangs med gsum nas 'tshang rgya ba'i lam gyi rigs
rdzogs pa'i thar pa'i cha dang mthun pa yin par 'dod do/ /gang

zhe na/ don dam par spros pa'i mtshan ma med par dmigs pa'i shes
rab kyi zin pa'i shes pa'i rnam pas sbyin pa la sogs pa'i pha
rol tu phyin pa nas rnam pa thams cad mkhyen pa nyid la thug pa
rnams tshad mas rtogs nas bsgrub pa nyams

len gyis rang gi rgyud la skyed par mkhas pa'i gang zag gi rgyud
kyi chos mngon rtogs ni'o/ /de yang 'og nas 'chad par 'gyur ba'i
zag pa med pa'i ye shes sde tshan nyi shu rtsa gcig gi mngon par
rtogs pa'i rigs mtha' dag la thos bsam

gyi sgro 'dogs chod nas de'i rjes su nyams su blangs pas mngon
par rtogs pa kun la myong ba skyes pa nas bzung ste/ bskal pa
grangs med gsum nas 'tshang rgya ba'i lam gyi mgo brtsams pa
dang/ theg pa chen po'i lam du zhugs pa dang/

theg chen thar pa cha mthun rgyud la skyes pa zhes bya'o/ /nyams
su myong ba skyes pa'i tshad ji lta bu zhe na/ sems can thams cad
la dmigs nas sdug bsngal gtan byang bar 'dod pa'i rnam pa can
gyi snying rje ngam ngam shugs kyis 'jug pa/ dper

na ma bu gcig pa la brtse ba lta bu skyes pa nas snying rje la
myong ba thon pa zhes bya la/ de la dpags nas lam gzhan rnams la
yang myong ba thon pa'i sa mtshams shes par bya zhing/ stong pa
nyid kyi don la bsams pa'i shes rab kyis 'dris

@241a @#/ /bar byed pa yin yang/ de'i lag rjes kyis dngos po 'di
rnams la bltas pa'i che me long nang gi byad bzhin gyi gzugs
brnyan ltar yid ngor snang zhing/ da ltar gyi snang ba 'di phu
btab na 'gro ba ltar yid ngor snang ba la

brten pa thob pa nas bsams pa'i shes rab kyis stong nyid sgom
pa'i myong ba thon pa zhes bya'i/ stong nyid la dmigs pa'i lhag
mthong mtshan nyid pa ni sbyor lam drod nas so/ /rang rgyud kyi
mngon par rtogs pa kun stong nyid rtogs pa'i shes rab

kyis zin pa dgos par shes pa'i ched du mtshan ma med par shes
pa'i rnam pas zhes smos so/ /gnyis pa la gsum gyi dang po mtshams
sbyor ba ni/ sbyin sogs rang rgyud la sgrub par mkhas pa de gang
yin zhe na zhes so/ /gnyis pa rtsa ba la/ lam

spyi'i chings la mkhas pa'i tshad dang/ de la mkhas pa'i rgyan
gyi gdul bya ngos bzung ba'o/ /dang po la/ theg chen gyi 'jug
sgo sems bskyed du bstan pa dang/ spyod pa la slob pa'i tshul lo/
/dang po la gnyis kyi dang po/ theg pa chen po thun mong ma

yin pa'i skyabs 'gro ni/ sangs rgyas sogs theg pa chen po'i lam
rgyu dang 'bras bur bcas pa mtha' dag la dmigs pa'i yid chos
pa'i dang ba dang/ dang ba'i dad pa thog mar bskyed nas de la
mkhas par byed pa ni dad pa la mkhas pa zhes

bya la/ de yang dad pa sngon 'gro ma ltar bskyed pa ste/ zhes
gsungs pa ltar/ dad pa yon tan thams cad kyi rtsa bar shes par
bya ba dang/ theg pa chen po'i lam 'bras mtha' dag rang rgyud
kyi dad pa'i yul du byas nas yang dang yang du 'dris

@241b par byed pa na theg pa chen po'i lam gyi rtsa ba tshugs par
shes par bya'o/ /skyabs 'gro gtso bo'i don du bstan yang theg pa
chen po'i lam gyi rtsa ba ngos bzung ba'i ched du/ dad pa la
mkhas pa dang por bstan to/ /mdo ni sher phyin dang thabs

mkhas dang ma bral bar dus gsum gyi sangs rgyas dang de rnams
kyi tshul khrims kyi phung po la sogs pa de yid la sems kyang
mtshan mar mi byed/ rnam thar sgo gsum la mtshan mar mi byed na/
byang chen de gnyis su mi ltung zhing ma smas

ma nyams par bla med rdzogs byang du 'tshang rgya bar rig par
bya'o zhes so/ /gnyis pa dngos kyi don ni/ theg pa chen po'i
bsam pa phun tshogs theg chen sems bskyed ni/ rnam mkhyen gyi
bdag por gyur pa'i dran pas khyad par du byas pa'i dran pa dang/

zhes smos la/ 'di ni theg pa chen por 'jug pa'i 'jug sgo la
mkhas pa'i tshad shes pa'i ched du rnam mkhyen yang dang yang du
dran pa'i dran pa khyad par ba la mkhas pa'i yan lag smos pa yin
no/ /mdo ni/ bcom ldan 'das byang chen sher phyin dang

thabs mkhas dang ma bral ba can gang yin pa de ni bla med rdzogs
par byang chub pa ni theg tshom ma mchis so zhes so/ /gnyis pa
la/ spyod pa spyi la bslab pa dang/ phar phyin tha ma gnyis la
bslab pa'o/ /dang po ni/ sbyin sogs phar phyin

drug spyod yul du byad pa'i brtson 'grus rtsom pa dang/ theg pa
chen po'i lam mtha' dag la brtson 'grus rtsom pas khyad par du
byas pa ni brtson 'grus la mkhas pa zhes bya'o/ /mdo ni byang
chen des thog mar sems bskyed pa nas bzung

@242a @#/ /nas sbyin pa byin yang mtshan mar mi byed do zhes so/
/spyod pa la slob pa brtson 'grus kyis khyad par du byas nas
ston pa'i don ni/ sems bskyed kyang spyod pa la nan tan gyis
brtson 'grus rtsom par mi byed na/ bsam

pa bzang ba tsam du zad kyi/ bla na med pa'i byang chub mi thob
par gsungs pas spyod pa'i gsal ba'i dbye ba re re la slob pa na
yang brtson 'grus kyis khyad par du bya dgos par shes par bya
ba'o/ /gnyis pa la gnyis kyi dang po bsam gtan gyi

phar phyin la bslab pa ni/ zhi gnas thun mong ba ni/ de ba'i sku
gzugs sogs rnam par mi rtog pa'i gzugs brnyan gang yang rung ba
la dmigs nas sems gnas pa'i thabs dgu la brten nas goms par byas
pas bying rgod kyi gnyen po

bsten mi dgos par rtsol med du 'jug cing/ lus sems shin tu
sbyangs pa'i bde ba skyes kyi bar du bsgrub pa'o/ /thun mong ma
yin pa'i bsam gtan ni/ snga ma sngon du song ba la brten nas
dmigs pa la 'di'o snyam du rnam par mi rtog pa

nam mkha' mdzod la sogs pa'i ting nge 'dzin dang/ sa lnga par
thob pa'i bsam gtan gyi phar phyin sogs so/ /mdo ni/ bcom ldan
'das de ni 'di ltar byang chen nges dang po sems bskyed pa nas
bzung ste gang mngon par rdzogs par

'tshang rgya ba dang gang du mngon par rdzogs par 'tshang rgya bar
bgyi/ gzugs nas rnam mkhyen gyi bar gyi chos gang yang dmigs pa
ma mchis so zhes so/ /gnyis pa sher phyin la bslab pa ni/ zhi
gnas mtshan nyid pa thob pa la brten

@242b nas shes bya ji lta ba dang ji snyed pa'i chos rnams rnam
pa thams cad du shes pa'i shes rab dang yul rnam pa lnga la
mkhas pa'o/ /ji lta ba la dmigs pa dang ji snyed pa la dmigs
pa'i lhag mthong gnyis ka 'dir bstan la/ ji snyed pa la dmigs

pa'i lhag mthong na/ tshogs lam nas kyang yod la/ ji lta ba la
dmigs pa'i lhag mthong ni sbyor lam drod nas thab la/ de yang
stong pa nyid kyi don la so sor rtog pa'i shes rab kyis dpyad
nas shin tu sbyangs pa'i bde ba 'dren nus pa nas thob par

shes par bya'o/ /mdo ni lha'i bu dag ngas chos thams cad rnam pa
thams cad rnam pa thams cad du mngon par rdzogs par sangs rgyas
te/ ngas gang mngon par rdzogs par 'tshang rgya ba'am/ gang gis
mngon par rdzogs par 'tshang rgya ba'am/

gang du mngon par rdzogs par 'tshang rgya ba'i chos gang yang ma
dmigs so zhes so/ /'di dag gi rnam gzhag rgyas par ni/ rje rin
po che nyid kyis mdzad pa'i pha rol tu phyin pa'i lam gyi rim pa
las shes par bya'o/ /gnyis pa ni/ rgyan gyi ched

du bya ba'i gdul bya de la dbang po'i rim pas gnyis su yod de/
byang chub sems dpa' la dbang po rnan po yis rdzogs pa'i byang
chub rtogs shing thob par sla ba dang sems dpa' dbang po rtul
pos rtogs dkar bzhed pa'i phyir ro/ /mdo ni

bcom ldan 'das kyis 'di skad du bla med rdzogs byang ni 'byung
bar dka' zhes gsungs pa/ bcom ldan 'das kyis ji skad gsungs pa'i
don bdag gis 'tshal ba dang sems pa ltar na/ bcom ldan 'das bla
med rdzogs byang du mngon

@243a @#/ /par rdzogs par 'tshang rgya ba mi dka'o zhes dang/ tshe
dang ldan pa rab 'byor rnam grangs des na bla med rdzogs byang
du mngon par rdzogs par 'tshang rgya ba dka' ste zhes so/ /rgyan
gyi ched du bya ba'i gdul bya de la/ dad pa'i

rjes 'brang dang/ chos kyi rjes 'brang gnyis su nges par ston pa
yin gyi/ dbang po 'bring po zur du 'chad pa dang/ rtul po theg
pa dman pa la sbyor ba sogs ni gzhung gi don phyin ci log tu
'chad pa'i shes par bya'o/ /dbang po rno rtul yang

sngar bshad pa ltar theg pa chen po'i lam gyi rim pa mtha' dag
la dmigs pa'i dad pa shugs drag zhen dang/ brtson 'grus stobs
che chung nas shes rab mtshan nyid rdzogs ma rdzogs kyi khyad par
ro/ /gsum pa 'grel pa la/ yul lnga

la mkhas pa'i khyad par dang/ dbang po rno rtul gyis lam bgrod
pa'i khyad par dang/ shugs la 'phangs pa'i don to/ /dang po ni/
rgyan gyi ched du bya ba'i gdul bya sems dpa' de chos can/ yul
rnam pa lnga la mkhas pa yin te/ grangs bzhin

du sangs rgyas sogs theg pa chen po'i lam 'bras mtha' ngag la
dmigs pa'i dad pa dang sbyin pa sogs mtha' dag la spro ba'i
brtson 'grus dang/ bsam pa phun sum tshogs pa sems bskyed kyis
bsdus pa'i dran pa dang/ chos thams cad

la rnam par mi rtog pa'i ting nge 'dzin dang/ ji lta ba dang ji
snyad pa'i chos thams cad kyi rnam pa thams cad ji lta ba bzhin
du yongs su shes pa la sogs pa'i yul rnam pa lnga la mkhas pa'i
phyir ro/ /gnyis pa ni/ rgyan gyi gdul bya gnyis

@243b ka dang sogs yul lnga la mkhas par mtshungs pa de lta mod
kyi/ rgyan gyi gdul bya thams cad kyis bla na med pa'i byang
chub 'thob pa sla bar mtshungs pa ma yin te/ 'di ltar dad pa la
sogs pa theg pa chen po la gnas pa'i dbang po rnon pos ni bla na

med pa yang dag par rdzogs pa'i byang chub rtogs shing thob par
sla la/ theg pa chen po la gnas pa de dag nyid rtul pos ni rtogs
shing thob par dka'o zhes bya ba 'di ni chos nyid yin pas so/
/dad sogs chen po theg pa chen po yin la/ dad sogs

chung ngu dang 'bring theg pa chung 'bring yin gyi/ mdo'i sgras
zin la nyan thos la byang chub sems dpar ming btags pa tsam la
brten nas/ theg pa chen po'i tshogs lam la gnas pa'i rigs can
gsum gyi dbye ba byed pa sogs ni gzhung don phyin

ci log tu 'chad par shes par bya'o/ /gsum pa ni/ rtsa ba'i dngos
bstan 'di'i shugs kyis na dad sogs 'bring po theg pa 'bring po
la gnas pa'i tshogs lam pa rnams kyis ni rang sangs rgyas kyi
byang chub rtogs shing thob la dad sogs chung ngu

thog pa chung ngu la gnas pa'i tshogs lam pa rnams kyis ni nyan
thos kyi byang chub thob cing rtogs so zhes bya ba 'di 'phags pa
yin no/ /rtsa bas/ ji skad bshad pa'i don de shugs la 'phangs pa
yin te/ dad sogs chen po la gnas pa'i sems

dpa' rno rtul gyis bla na med pa'i byang chub thob dka' sla'i
khyad zhugs par dngos su bstan cing gzhan gnyis kyi khyad par
dngos su ma bstan pa'i phyir/ dngos shugs kyi don gzhan du 'chad
pa ni/ slob dpon gyi dgongs pa las phyin ci log tu

@244a @#/ /shes par bya'o/ /gnyis pa la/ dngos kyi don dang/
mngon par rtogs pa drug gi go rims la log par rtog pa dgag pa'o/
/dang po la gsum gyi dang po mtshams sbyar ba ni/ thar pa'i zhes
so/ /'dir bstan pa'i

mngon rtogs dag sa la sbyor ba ni 'brel pa cung zad kyang med
de/ tshogs lam la sa brgyad pa'i ye shes skye'o zhes 'dir mtshams
sbyar ba la dgos pa cung zad med pa'i phyir ro/ /gnyis pa rtsa
ba ni/ theg chen gyi sbyor lam dro ba gsum po rnams

kyi dmigs pa skabs 'dir sems can thams cad yin par bsngags shing
mdo las brjod de/ sems can de dag nyid la dmigs nas sems mnyam
par lta ba sogs rnam pa dag ni bcur mdo las bshad pa'i phyir/
mdo ni/ rab 'byor

byang chen bla med rdzogs byang du 'tshang rgya bar 'dod pas sems
can de dag gi drung du gnas par bya/ byams pa chen po bskyed par
bya/ snying rje chen po bskyed par bya zhes dang/ phan pa dang
khong khro ba med pa dang rnam par 'tshe ba med pa ni sems

can thams cad kyi drung du phan pa'i sems bskyed par bya'o/
/gnod pa'i sems bskyed par mi bya'o/ /sems can thams cad kyi
drung du mi 'tshe ba'i sems bskyed par bya'o zhes dang/ byang
chen bla med rdzogs byang du nges par 'dod pas

sems can thams cad kyi drung du pha dang ma dang zhes pa nas
gnyen dang mnag gi gnyen mtshams kyi sems bskyed par bya'o zhes
so/ /rtse mor gyur pa yang sems can thams cad la dmigs pa yin
te/ rtse mo la gnas pa bdag nyid

@244b sdig? pa ma dge ba bcu las ldog cing sbyin sogs la gnas
pas sems can gzhan de dag la ni 'god pa dang ma bskul bar zhugs
pa la bsngags pa brjod dang mthun pas dga' bar byed pa nyid kyis
dmigs pa'i phyir/ mdo ni/ bdag nyid sog gcod

las ldog par bya/ gzhan yang srog gcod las ldog pa la yang dag
par bskul bar bya/ de las ldog pa'i legs pa brjod par bya/ gzhan
gang dag de las ldog pa de dag gi legs pa brjod cing mthun par
dga' bar bya ste zhes dang/

bdag nyid kyang sbyin pa'i phar phyin rdzogs par bya/ gzhan yang
sbyin pa'i phar phyin la yang dag par bskul bar bya zhes dang/
bdag nyid kyang nang stong pa nyid bsgom par bya gzhan yang
nang
stong pa nyid la yang dag par bskul bar bya'o zhes so/ /

de bzhin bzod pa ni/ sems can la dmigs pa yin te/ bden bzhi shes
pa la rang gnas nas sems can gzhan gyi rten can de la 'god pas
dmigs pa'i phyir/ mdo ni/ bdag nyid kyang sdug bsngal yongs su
shes par bya/ kun 'byung

spang bar bya zhes so/ /chos mchog kyang de bzhin du sems can la
dmigs pa yin te/ sems can rnams smin par byed pa dang grol bar
byed pa sogs kyis dmigs par shes par bya ba'i phyir/ mdo ni/
bdag gis kyang byang chub sems

dpa'i skyon med pa la gnas nas mngon par shes pa bskyed par bya
zhes dang/ bdag nyid kyang rnam pa thams cad mkhyen pa nyid kyi
ye shes bskyed par bya zhes so/ /gsum pa 'grel pa la/ so sor
bshad pa dang/ don bsdu pa'o/ /dang po la

@245a @#/ /bzhi'i dang po bro ba ni/ rnam pa thams cad mngon par
rdzogs par rtogs pa'i sbyor ba 'di la dro bar gyur pa ni chos
can/ sems can la dmigs pa ni yin par bzhed de/ sems can thams
cad la dmigs nas

chags sdang gis ris su bcad nas 'dzin pa 'gog pa'i btang snyoms
bsgom pa mnyam pa'i sems dang thams cad la yid 'ong gi rnam pa
can gyi byams pa dang/ phugs su phan pa dang kun nas mnar sems
kyis khong khro ba med pa dang/

mtho mi 'tsham pas rnam par 'tshe ba med pa'i sems kyi rnam pa
lngas sems can la dmigs pa'i phyir dang/ skyes pa dang bud med
rgan pa la pha dang ma'i sems dang/ mnyam pa la spun dang sring
mo'i sems dang/ gzhon pa la bu dang/

bu mo'i sems dang/ phan tshun yid phebs pa bshes dang/ yid brtan
pa grogs kyi sems dang/ rus gcig pa gnyen dang/ mi gcig pa mnag
gi gnyen mtshams kyi sems kyi rnam pa gzhan lngas sems can la
dmigs pa'i phyir

chung 'bring so sor bcad pa mtshon pa tsam yin gyi/ thams cad
kyis thams cad la dmigs par shes par bya'o/ /'di dag gis ni/
snying rje sgom pa'i snga rol tu yid 'ong gi rnam pa can gyi
byams pa bsgom pa dang/ de'i rgyur sems

can thams cad mar shes pa dang/ drin dran pa dang/ byas pa gzo
ba dang/ de gsum gyi sngon du btang snyoms bsgom pa rnams bstan
to/ /gnyis pa rtse mo ni/ rtse mor gyur pa sems can la dmigs pa
ni yin no/ /mdor na/ mi dge

@245b ba grangs bzhin du spong ba'i sgo nas ldog pa la rang nyid
gnas nas gzhan rnams sdig pa las ldog pa la sbyor ba dang/ dge
ba la len pa'i sgo nas zhugs pa'i bdag nyid can de'i sgo nas
rang nyid gnas nas gzhan dge ba la gnas pa dag la sbyor

ba'i rnam pa gnyis dang/ gang zag gzhan bdag nyid de bzhin du ma
bskul bar zhugs pa rnams la bsngags pa brjod pa dang/ mthun par
byed pa la dga' ba bsgom pa rnam pa gnyis po ldog pa'i chos kyi
rab tu dbye bas ni/ rnam pa mtha' yas

pa zhes bya ba de rnams kyis sems can la dmigs pa ni rtse mo'o/
/gsum pa bzod pa ni/ rtse mor gyur pa la 'god byed rang dang
'god bya gzhan gyi rten gyi dbye bas dmigs pa dang rnam pa dag
bshad pa ji lta ba bzhin du gzhan dge ba la sbyor ba

dang ma bskul bar zhugs pa la bsngags pa brjod pa dang/ rab tu
dga' bas mthun pa nyid kyi rnam pa rnams kyis rang sdug bsngal
la sogs pa'i bden pa bzhi shes pa la gnas nas gzhan gyi rten gyi
bden bzhi shes pa la 'god pa'i sgo nas

sems can thams cad la dmigs pa ni bzod pa yin no/ /phyi ma gsum
gyi skabs su chung 'bring gsum gyi dbye ba gsal bar ma sbyar
yang/ gsum ga'i skabs su bsgom par bya ba'i dmigs rnam gyi don
tshang bar bstan pa yin no/ /bzhi

pa chos mchog ni/ snga ma bzhin du rang dang gzhan gyi rten can
kho na rang nyid sems can smin par byed pa dang/ grol bar byed
pa la rang gnas nas gzhan dag de la 'god pa la sogs pa'i rnam pa
dag gis sems can thams cad la dmigs

@246a @#/ /pa ni chos kyi mchog yin te/ gnyis pa ni/ de ltar na
zhes so/ /gnyis pa la/ mi 'thad pa'i phyogs sun dbyung ba dang/
legs par gnas pa'i phyogs bzhag pa dang/ 'gal ba spang ba'o/
/dang po ni/ gzhung 'di lam

gsum gyi zlos spang la yang cung zad sbyar du rung mod kyang/ de
'ga' zhig la 'chad pa ni skabs don bor ba'i bshad pa yin te/ 'di
ni skabs brgyad kyi brjod bya mngon par rtogs pa brgyad kyi tha
ma gnyis la dogs pa shes chung zhing mngon

par rtogs pa dang po drug gi go rims la log par rtog pa dgag
pa'i ched du slob dpon gyis bkod pa yin te/ sdud 'grel du/ lam
rkyang ba'i dbang du byas pa'i mngon rtogs kyi go rims rang lugs
su bzhag pa ltar snang yang 'dir

lugs de bkag nas go rims gzhan du mdzad pa dang/ 'grel chen gyi
chos sku'i mtshams sbyar du mngon rtogs brgyad la lam rkyang pa'i
lugs mdzad pa ltar snang yang/ 'dir bshad pa'i lam khug pa dang
don gcig par 'grel

chen gyi skabs gzhan du mar gsungs pa'i phyir/ sdud 'grel nas
bshad pa de yang/ slob dpon rang gi bzhed pa ma yin par slob
dpon snga ma gzhan gyi 'dod pa bkod pa tsam zhig mdzad pa yin
nam snyam mo/ /de yang lugs da la

'grel pa che chung gnyis su ched du dgag pa mdzad pa'i phyir/
kha cig gzhung 'di zlos pa spang ba 'ba' zhig tu byas nas/ 'di
man chad kyis sbyor lam dang mthong lam dag sa'i ye shes 'ba'
zhig la btags par 'chad pa ni/ slob

@246b dpon gyi bzhed pa sun 'byin pa'am/ yang na 'grel chen gyi
bshad pa cung zad kyang ma rtogs pa'i rnam 'gyur du gsal te/
dgag pa 'chad par 'gyur ba'i phyir ro/ /'dir bshad pa dang/ rtse
mo'i skabs kyi sbyor lam 'chad pa na de gzhan

dag phun sum tshogs pa thams cad kyi mthar thug pa la 'god pa
dang/ bag la nyal kun 'joms pa dang/ mkhyen gsum gyi chos yongs
su rdzogs par bshad pa tsam gyis sbyor lam brtags pa bar 'gyur
na/ skabs dang po'i sbyor lam

la yang mtshangs te/ sgo gsum rnam par dag pa dang/ mtshan dag pa
dang/ zhing dag pa dang/ dpa' bar 'gro ba'i ting nge 'dzin bsgom
pa dang/ lung ston pa dang/ rlom pa zad pa dang/ ting nge 'dzin
rnam par mi rtog pa sogs bshad pa'i

phyir ro/ /de dag rgyu la gnas pa tsam dang/ mos pa yid byed
kyis bsgom pa dang/ lkog tu lung ston pa sogs la 'chad na/ cig
shos la yang de dang mtshungs pa'i lan bya rog gis zos pa ni med
do/ /'grel chen du sbyor lam gyi skabs su

bshad pa'i rtog pa rtse mos bsdus pa'i mthong lam dang sgom lam
gyi spang byar bshad la/ brtags pa bar 'dod pa ltar na sa dang
po nas bdun pa'i bar gyi rtse sbyor gyi spang gnyen skabs gang
du yang dngos su ma bstan par thal bar 'gyur

na; de ni slob dpon gyi bzhed pa bshad ma thag pa de dang 'gal
bar 'gyur ba'i phyir dang/ bshad ma thag pa'i chos mchog gi
skabs su/ theg pa dman pa'i sde snod dgongs 'grel dang bcas pa
nas chos mchog skad cig gcig tu bshad

@247a @#/ /pa dang 'gal bar brtsod pa la nyan thos rang don
bsgrub pa dang/ byang sems gzhan don rims kyis sgrub pa'i khyad
yod pa'i lan 'grel chen du mdzad kyi/ skabs 'di nas bshad pa
sbyor lam ma yin no zhes ma gsungs pa'i

phyir dang/ phyir mi ldog rdzogs pa'i mtshams su slob pa phyir mi
ldog pa'i dge 'dun bshad zin to/ /de ni mi slob pa'i dge 'dun
gyi mtshan nyid bstan par bya zhes 'grel chen du gsungs pa yang
mi rigs par 'gyur te/ sa brgyad pa la gnas

pa la slob pa dang mi slob pa gnyis su 'byed pa mi 'thad pa'i
phyir ro/ /mthong lam pa phyir mi ldog gi skabs su yang/ sdug
bsngal la rjes su shes pa'i bzod pa'i skad cig ma la ni/ rjes su
shes pa dang 'brel bas zhes gsungs pa dang 'gal ba

sogs/ slob dpon gyi bzhed pa dang 'gal ba mtha' yas shing/ 'di
man chad kyis sbyor mthong slob dpon gyis mtshan nyid par bsgrub
pa ma gtogs brtags pa bar bshad pa zur tsam yang med do/ /phyin
ci log gi bshad pa 'di thams cad

gzhung 'di'i tshig don legs par 'chad ma shes pas nongs te 'chad
par 'gyur ro/ /gnyis pa ni/ 'di ni mngon par rtogs pa drug gi go
rims la log par rtog pa dgag pa yin pas 'di ltar shes par bya
ste/ de yang bla ma gser gling

pas gong ma'i 'jig rten pa'i nges 'byed cha mthun sngon du 'gro
ba dang/ 'og ma'i nges cha sogs kyi tha snyad gong 'og gnyis ka
la phan tshun du sbyar bar bya bar gsungs pa dang/ zag pa med pa
'dod chags la sogs pas stong bar gsungs pa

@247b ltar shes par bya'o/ /rnam mkhyen gyi skabs su nges par
'byed pa'i cha la sogs pa'i tha snyad du gsungs pa dgos pa dang
bcas pa yin par shes par bya'o/ /rgyu 'bras gtso bo'i don gyi
rnam pa mkhyen pa tshogs sbyor gyi gnas skabs 'ba' zhig tu

rgyun gcig la sgom gyi/ de phan chad du ma sgom pa'i cig car
skye ba dgag par bya ba'i ched yin pa'i phyir/ cig car skye ba
dgag nus te/ sbyor mthong sgom gsum gyi gnas skabs su chung ngu
dang 'bring dang chen po'i rim gyis skye ba yin pas so/ /der

thal/ rgyu 'bras gtso bo'i don gyi rnam pa thams cad mkhyen pa
nyid kyi skabs la 'jig rten pa'i nges par 'byed pa'i cha dang
mthun par rtogs shing thob pa sngon du 'gro bas 'jig rten las
'das pa'i mthong ba dang sgom pa'i lam gsum gar sgom

zhing rtogs pa yin pa'i phyir/ de bzhin du la sogs pa lam shes
dang gzhi shes kyi mngon par rtogs pa rnam pa gnyis kyi skabs su
sbyor mthong sgom gsum gyi tha snyad gsungs pa dgos pa dang
bcas
te/ lam shes kyi rnam pa dang mi rtag sogs

kyi gzhi thams cad lam gsum ga'i skabs su rnam par sgom pa'i
dbye bas lam gsum ga bstan pa'i phyir/ gzhi shes kyi skabs su
don gyis 'phangs pa'i sgom lam mo/ /de yang lam shes sa dang po
nas drug pa'i bar 'ba' zhig dang/ gzhi shes

sa bdun pa 'ba' zhig tu cig car rgyun gcig la skye ba dgag par
bya ba'i phyir ro/ /rnam pa kun mngon par rdzogs pa rtogs pa la
sogs pa mngon par rtogs pa rnam pa gsum gyi skabs la ni/ nges
par 'byed pa'i cha la sogs pa'i dngos

@248a @#/ /ming gi tha snyad du gsungs pa dgos pa dang bcas pa
yin par shes par bya'o/ /rnam rdzogs sbyor ba sa brgyad pa 'ba'
zhig tu sgom gyi/ gzhan du mi sgom pa'i cig car rgyun gcig la
skye ba dgag par bya ba'i ched yin pa'i

phyir/ skabs de 'ba' zhig tu cig car skye ba dgag nus par thal/
rnam rdzogs sbyor ba bsgom pa gong nas gong gi gnas skabs kyi
khyad par gyis nyan rang gi lam las cha rnam pa thams cad du
khyad zhugs pa'i khyad par gyi lam gyis bsdus

pa'i ye shes 'dzin stangs la nyon mongs pa'i zab pa med pa'i
rnam rdzogs sbyor ba sbyor mthong sgom gsum gyis bsdus pa chung
ngu dang 'bring dang chen po rim gyis skye ba yin pas so/ /de
bzhin du rtse sbyor dang/ mthar gyis sbyor gyi skabs su lam

gsum ga mtshan nyid pa gsungs pa'i dgos pa yang/ rtse sbyor sa
dgu pa dang/ bcu pa'i stod 'ba' zhig dang/ mthar gyis sbyor/ sa
bcu pa'i smad 'ba' zhig gi skabs su cig car rgyun gcig la sgom
pa'i log rtog bkag nas lam gsum

ga'i gnas skabs su bsgom par shes par bya ba'i chad yin no/
/skad cig ma dang chos sku la ni/ dogs pa'i gnas med pas ma smos
so/ /gsum pa ni/ 'o na 'grel chen las rnam pa de lta bu'i rnam
pa rtog pa rnams ni

sngon nyid spangs par gyur pas ji ltar rab kyi mthar thug pa
rtogs pa'i gnas skabs 'di la spong bar bstan ce na/ de ni nyes
pa med de/ gang gi phyir dgongs pa nges par 'grel pa la sogs
pa'i mdo las gsang ba phra mo la rjes su 'jug

@248b pa dang/ mngon par shes pa chen po la gegs byed pa'i kun
tu rmongs pa dag dang/ de'i sa bon ni sa bcu pa la spong ngo/
/zhes gsungs pa de bas na ji skad du bshad pa'i kun tu rmongs
pa'i bag chags kyi rgyu yang dag par bcad pas rgyu can gzung ba

dang 'dzin pa'i rnam par rtog pa bzhi po rnam pa de lta bu rnams
na/ rab kyi mthar thug la rtogs pa'i ngo bo nyid yin pas na sa
bcu dang 'brel pa'i rtse mo'i mngon par rtogs pa la nges par
spong bar byed pa yin la/ gzhan dag tu ni res 'ga' ba'i

spong ba yin no zhes sngon gyi slob dpon rnams 'chad do/ /gzhan
dag gis lung de'i don cung zad kyang ma rtogs par gsal te/ de ni
sa bcu po re re la kun tu rmongs pa gnyis gnyis spong bar byed
pa yin la gsang ba phra mo'i gnas pa kun tu

rmongs pa dang/ mngon par shes pa chen po'i las la gegs byed
pa'i kun tu rmongs pa gnyis kyi sa bon sa bcu pa'i ngo skal gyi
spang bya yin zhing/ de skabs der zad par spong bar bstan pa yin
pas rtse sbyor dag pa sa'i ye shes kho na la 'chad

pa'i shes byed du cung zad kyang mi 'gyur ba'i phyir ro/ /'grel
chen ma dag pa kha cig tu gong 'og gnyis ka sa bcu pa zhes pa
dang/ yang kha cig tu snga ma yang sa bcu la spong zhes pa ni
don min te/ snga mas bcu pa dang/ phyi ma sa bcu dang

'brel pa'i zhes 'byang ba dag pa yin no/ /des na lung 'di'i don
'di ltar yin te/ rtse sbyor gyi skabs su bshad pa'i rnam rtog
rnams dmigs pa dang rnam pa 'dzin pas khyad par du byas nas
bstan pas na/ rnam par rtog pa 'di dag ni mngon

@249a @#/ /gyur 'ba' zhig tu zad pas/ 'di phal cher sbyor lam gyi
skabs su spangs zin pa ma yin nam/ ci ltar rab kyi mthar phyin
pa mthong lam rtse sbyor dang/ sgom lam rtse sbyor gyi spang
byar bstan/ der ni sa bon 'ba'

zhig spong ba'i phyir ro zhes rtsod pa yin la/ de'i lam mngon
gyur tsam spangs pa ni/ res 'ga' ba'i spong ba yin gyi/ skyer mi
rung ba'i chos can du song ba'i sgo nas spangs pa ma yin la/
mthong sgom rtse sbyor gyi rtog pa'i sa bon spangs pa'i

sgo nas mngon gyur yang 'joms par byed pa yin la/ de yang sa
bcu'i rtse sbyor gyis rim gyis spong bar byed cing/ kun rmongs
tha ma gnyis kyi sa bon sa bcu pa'i gnas skabs su spong ba yin
no/ /gzung 'dzin gyi rnam par rtog pa

rnams dmigs pa dang rnam pas khyad par du byas nas ma bstan na
spang bya gang gi sa bon yin pa yang mi rtogs pas de ltar bshad
pa yin no/ /rab kyi mthar phyin pa ni rtse mo'i sbyor ba tsam la
zer ba yin gyi/ sa bcu pa'i ye shes

'ba' zhig la 'chad pa don min no/ /gsum pa de la brten nas mngon
rtogs khyad par can rgyud la skye ba'i rim pa bshad pa la/ bla
na med pa'i byang chub las phyir mi ldog pa'i rtags bshad pa
dang/ sku gsum sgrub byed kyi lam khyad

par can bshad pa'o/ /dang po la/ spyi'i don dang/ yan lag gi don
to/ /dang po la phyir mi ldog pa'i gang zag gi dbye ba dang/
phyir mi ldog pa'i don dang/ rtags kyis dpog pa'i tshul lo/ /dang
po ni/ gang zag gi khyad par 'ga' zhig

@249b rigs ma nges pa yin yang/ theg pa chen po'i tshogs lam nas
bzung ste lam gzhan du cung zad kyang mi 'gro zhing/ theg pa
chen po'i sems bskyed las nyams pa mi srid pas bla na med pa'i
byang chub nges par thob par 'gyur ba yin yang/ phyir

mi ldog pa'i rtags dang ldan par mi bzhag la/ de bzhin du sbyor
ba'i sngon du snying rje dang/ /bzod pa dang ni mos pa dang/
/dge la yang dag spyod pa ni/ /rigs kyi rtags su shes par bya/
/zhes gsungs pa ltar/ sbyor ba sgom pa'i snga rol nas

sems can la dmigs pa'i snying rje che dang/ bzod pa rgya che ba
dang ldan pa dang/ theg pa chen po'i chos rgya chen po la mos pa
dang/ sbyin pa la sogs pa'i dge ba rgya chen po spyod pa dang
ldan pa ni theg pa chen po'i rigs dang ldan pa yin yang/ phyir

mi ldog pa'i rtags thob par mi bzhag go /des na 'chad par 'gyur
ba'i rtags de dag dang ldan pa nas phyir mi ldog thob par bzhag
la/ de la dbang po rnon po nas ni sbyor lam drod nas dang/
'bring pos mthong lam dang/ dbang po ji ltar rtul

yang sa brgyad pa nas thob par rnam par bzhag go /gnyis pa ni/
bsam pa'i sgo nas rang nyid 'ba' zhig gi don du thar pa don du
gnyer ba'i bsam pa mngon gyur skye ba'i go skabs bcom pa dang/
sbyor ba'i sgo nas thabs shes khyad par can gyi

rtogs pa brtan po dang ldan pa'o/ /gsum pa ni/ stong pa nyid la
sogs pa'i theg pa chen po'i lam gyi rigs tshang ba ston pa'i ngag
gi tha snyad khyad par can dang ldan pa'i rtags las shes rab
khyad par can yod par dpog la/ sems can

@250a @#/ /gyi sdug bsngal shes mi bzod pa'i lus kyi ba spu ldang
ba dang/ mig nas mchi ma 'byung ba la sogs pa'i lus kyi tha
snyad khyad par can dang ldan pa las/ de ldan gyi gang zag la
theg pa chen po'i thabs khyad par can

dang ldan par dpog go /thabs shes khyad par can de dag dang ldan
pa'i rtags las sngar bshad pa'i bsam pa mngon gyur skye ba'i go
skabs bcom pa'i sgo nas rgyu nus pa mthu can gyis rdzogs pa'i
byang chub 'byung rung dpag pa yin

no; ;mdo las/ rnam pa dang/ rtags dang/ mtshan ma de dag dang
ldan pa'i byang chub sems dpa' phyir mi ldog par bzung ba'i
bya'o/ /zhes pa'i thad du 'grel chen du/ bzung bar bya'o zhes
bya ba ni/ nus pa'i rgyu yis 'bras skye

bar; ;rjes su dpog pa gang yin pa/ /don gzhan la ni mi ltos
phyir/ /de ni rang bzhin yin par brjod/ /ces bya ba'i tshul gyis
dpog par gsungs pas so/ /lhag ma gzhan ni gzhan du bshad par
bya'o/ /gnyis pa yan lag gi

don la/ mdor bstan/ rgyas bshad/ don bsdu ba'o/ /dang po la gsum
gyi dang po spyi'i mtshams sbyar ba ni/ phyir mi ldog pa'i rtags
dang ldan pa'i byang chub sems dpa'i dge 'dun gyi rgyud la ji
skad bshad pa'i nges par 'byed pa'i

cha dang mthun pa 'byung bas phyir mi ldog pa'i byang chub sems
dpa'i dge 'dun gyi mtshan nyid 'chad do/ /gnyis pa rtsa ba ni/
phyir mi ldog pa'i dge 'dun gyi tshogs rnam pa gsum yod de/ dbang
po rnon po'i rgyud kyis bsdus pa'i

@250b nges 'byed sogs la gnas pa gsum yod pa'i phyir/ gsum pa
'grel pa ni/ srid zhi'i dgra las rgyal ba'i dpa'i bo gang dag
ces sogs 'chad par 'gyur ba la rtags de dang de rtogs shing thob
pa'i tshul gyis gnas pa de dag ni

chos can/ byang chub sems dpa' slob pa phyir mi ldog pa'i dge
'dun yin te/ 'chad par 'gyur ba'i rtags de dag thob pa'i sems
dpa' yin pa'i phyir/ gnyis pa la/ sbyor lam dang/ mthong lam
dang/ sgom lam pa phyir mi ldog

pa'i rtags so/ /dang po la/ mdor bstan/ rgyas bshad do/ /dang po
la gsum gyi dang po mtshams sbyar ba ni/ spyi'i dri ba de rnams
kyi zhes dang/ bye brag gi lan re shig ces so/ /gnyis pa rtsa ba
ni/ nges 'byed yan lag la gnas pa'i sems

dpa' dbang po rnon po rdzogs pa'i byang chub las phyir mi ldog
pa'i rtags kyi mtshan nyid 'di yin par shes par bya ste/ gzugs la
sogs pa la bden zhen ldog pa sogs rtags rnam pa nyi shur brjod
pa yis shes par bya ba'i phyir/

gsum pa 'grel pa ni/ nges par 'byed pa'i cha dang mthun pa la
gnas pa'i sems dpa' dbang po rnon po rnams kyi phyir mi ldog
pa'i mtshan nyid yin par shes par bya ba yin no/ /gzugs la sogs
pa las bden zhen ldog pa dang

skyabs gnas yang dag la the tshom med pa la sogs pa'i rnam pa nyi
shus she spar bya ba'i phyir/ gnyis pa la gsum gyi dang po
mtshams sbyar ba ni/ yang zhes so/ /gnyis pa rta ba ni/ drod dang
rtsa mo dang bzod pa dang bcas pa dang/

@251a @#/ /chos mchog la gnas pa'i sems dpa' dbang po rnon po ni
rdzogs pa'i byang chub las mi ldog pa'i rtags su shes par bya'o/
/rtags ni nyi shu de dag gis shes par bya ba'i phyir/ der thal/

gzugs la sogs las bden zhen ldog pa nas sangs rgyas dgyes pa
spyod pa'i bar gyis shis par bya ba'i phyir/ mdo ni/ rab 'byor
gyis bcom ldan 'das la rnam pa dang rtags dang mtshan ma ci tsam
gyis byang chen rdzogs byang las phyir mi

ldog go zhes zhus pa'i lan du/ rab 'byor byang chen nam gang
gzugs las ldog pa dang zhes pa nas bla med rdzogs byang gi bar
la phyir mi ldog na de ni phyir mi ldog par rig par bya'o zhes
dang/ rab 'byor byang chen sher phyin la spyod pa'i

tshe 'di snyam du/ gal te de bzhin gshegs pas ji skad bstan pa de
bzhin du bslab pa la spyod pa de dang ma bral zhing/ sher phyin
dang ldan pa'i yid byed de dag gis spyod pa de dag ni sbyin pa'i
phar phyin las yongs su mi nyams zhes pa nas/ /

rnam mkhyen gyi bar la yongs su mi nyams snyam la/ byang chen
sus bdud kyi las su rig pa de ni bla med rdzogs byang las yongs
su mi nyams so snyam la/ rab 'byor rnam pa dang rtags dang mtshan
ma de dag dang ldan pa'i byang chen phyir mi

ldog par rig par bya'o/ /zhes pa'i bar du gsungs so/ /gsum pa
'grel pa ni/ rtags nyi shu po 'di dag gis sbyor lam pa dbang
rnon phyir mi ldog pa'i rtags yin par shes par bya'o/ /drod la
gnas pa'i rtags rnam pa bcu gcig dang/

@251b rtse mo la gnas pa'i rnam pa drug dang/ bzod pa la gnas
pa'i rnam pa gnyis dang/ chos mchog la gnas pa'i rnam pa gcig
gis go rims bzhin du dro ba dang/ rtse mo dang/ bzod pa dang/
chos kyi mchog rnams la gnas pa'i byang chub sems

dpa' dbang po rnon po bla na med pa'i byang chub las phyir mi
ldog pa'i rtags yin par shes par bya ba'i phyir/ drod la gnas
pa'i rtags bcu gcig ni/ drod la gnas pa'i sems dpa' dbang rnon
chos can/ bla na med pa'i byang chub las phyir

mi ldog pa yin te/ chos thams cad don dam par ngo bo nyid med
par rtogs pa nyid kyis gzugs la sogs pa'i chos la bden zhen
mngon gyur ci rigs ldog pa'i rtags thob pa'i phyir/ skyabs gnas
yang dag la de yin min gyi the tshom mngon

gyur zad pa dang ldan te/ stong nyid la dmigs pa'i sgom byung gi
stobs kyis dkon mchog gsum la shes nas dad pa thob pas so/ /las
'bras la skur pa 'debs pa'i log par lta ba dang/ las dbang gis
dmyal ba dang/ yi dwags dang/ dud

'gror skye ba dang/ sangs rgyas kyi bka' mi thos pa dang/ 'khar
rnam bzhi mi rgyu ba'i yul mtha' 'khob tu skye ba dang/ yod
dbang dang/ lce dbang la skyon zhugs pas dbang po ma tshang ba
glen pa dang/ lkug pa'i dngos po dang/ 'du shes med

pa pa lha tshe ring por skye ba zhes bya ba'i mi khom pa brgyad
zad pa dang ldan te/ snying rje'i dbang gis ji ltar 'dod par
skye ba'i smon lam grub pas so/ /bdag dang gzhan dge ba'i chos
la sbyor ba dang ldan te/ myong ba'i stobs kyis thob pa'i

@252a @#/ /snying rjes yid gdungs pa'i sems dpa' yin pa'i phyir/
sems can gzhan gyi yul la 'bras bu smin par gyur cig par yongs
su bsngos pa'i sbyin pa la sogs pa dang ldan no/ /bdag dang
gzhan du brje ba

nyid kyis sbyin sogs la spyod pa'i phyir/ zab mo'i don la som
nyi mi byed pa dang ldan te/ chos kyi gnas lugs sgom byung gi
shes rab kyis yang dag par rtogs pas so/ /byams pa'i bsam pas
kun nas bslang ba'i lus dang ngag dang

yid kyi las dang ldan te/ sems can thams cad bde ba dang ldan
'dod kyi bsam pa mi nyams pas gzhan la phan pa nyid du zhugs pas
so/ /'dod pa la 'dun pa sogs sgrib pa lnga dang mi 'grogs pa yin
te/ gzhan gyi don la mtha'

gcig tu brtson pa'i sbyor ba phun sum tshogs pa thob pas so/ /ma
rig pa dang lta ba ngan pa la sogs pa'i bag la nyal thams cad
'joms pa dang ldan te/ stong nyid rtogs pa'i sgom byung gi stobs
kyis de dag gi gnyen po rnam par

bsgom pa nyid kyis so/ /spyod lam kun tu dran pa dang shes bzhin
dang ldan pa yin te/ dus nam yang phyin ci log gi yul la sems ma
g.yengs pa'i sgo nas rtag tu mnyam par bzhag pa nyid kyis so/
/gnas mal dang/ gos la sogs

pa yongs su spyod pa dam pas smad du med pas gtsang ba zhes bya
ba dang ldan te/ phyin ci ma log pa'i gtsang sbra kun tu spyod
pa goms pa nyid kyis so/ /rtse mo'i rtags drug ni/ sbyor lam
rtse mo la gnas pa'i sems dpa' dbang rnon chos can/

@252b lus la srin bu'i rigs brgyad khri mi 'byung ba dang ldan
te/ mi gnas pa'i mya don las 'das pa'i rgyur gyur pa'i dge ba'i
rtsa ba 'jig rten rtse mo la gnas pa'i sems dpa' dbang 'bring
man chad las mngon par 'phags pa thob pa nyid kyis

so; ;g.yo sgyus kun nas bslang ba'i rang don yid byed kyi sems
kyi gyu med pa dang ldan te/ dge ba'i rtsa ba byang chub sems
dpa'i spyod pa rnam par dag pas so/ /phyag dang khrod pa nyid la
sogs pa skyangs pa'i yon tan yang dag par len pa dang

ldan te/ zas gos la sogs pa'i rnyed bkur la chags pa'i gnyen po
lhag par bsten pas rnyed pa dang bkur sti la sogs pa la mi lta
ba nyid kyis so/ /phyin drug de dag dang 'gal ba ser sna dang
'chal ba'i tshul khrims la sogs pa med

pa dang ldan te/ sbyin pa la sogs pa'i phar phyin drug gi spyod
pa khyad par can bsgrubs pas so/ /bden pas stong pas chos nyid
dang mi 'gal ba shes rab kyi pha rol tu phyin pa'i rnal 'byor
dang ldan par 'gro ba yin te/ chos thams cad stong nyid

rtogs pa'i sgom byung gi shes rab kyis bden stong du yang dag
par sdud pa nyid kyis so/ /gzhan gyi don du dmyal ba 'dod pa
zhes bya ba yin te/ bdag gzhan mnyam pa dang/ bdag gzhan brje ba
lhag par goms pas 'gro ba sems can sems

can bu gcig pa ltar bdag nyid kyir byas pa nyid kyis so/ /bzod
pa la gnas pa'i rtags gnyis ni/ bzod pa la gnas pa'i sems dpa'
dbang rnon chos can/ lam gzhan la ston pa gzhan gyis bkrir mi
gtub pa dang ldan te/ gnas

@253a @#/ /lugs kyi don rtogs pa la yid ches pa'i chos nyid kyis
de dang ldan pa'i phyir/ zas gcad pa dang/ me lnga bstan pa sogs
lam ltar bcos pa nye bar ston pa'i bdud la/ bdud nyid du rtogs
pa zhes bya ba yin

te; sangs rgyas thob par zad pa nyid kyi thabs shes pa la mkhas
pa nyid kyis so/ /chos mchog la gnas pa'i rtags gcig ni/ de la
gnas pa'i sems dpa' dbang rnon chos can/ sgo gsum gyi spyod pa
thams cad la sangs rgyas dgyas

pa zhes bya ba thob ste/ 'khor gsum rnam par dag pas phar phyin
drug gi spyod pa khyad par can nyams su len pa'i phyir/ gnyis pa
mthong lam pa phyir mi ldog gi rtags la/ mdor bstan pa dang/
rgyas par bshad pa'o/ /dang po la gsum gyi

dang po mtshams sbyar ba ni/ nges par 'byed pa'i zhes so/ /gnyis
pa rtsa ba ni/ byang chub sems dpa' dbang po 'bring po'i rgyud
kyi mthong ba'i lam la bzod pa dang shes pa'i skad cig bcu drug
gis bsdus pa'i thabs shes khyad par can dang/ des

dwangs pa'i lus gi tha snyad khyad par can ni chos can/ byang
chub sems dpa' de nyid phyir mi ldog pa'i mtshan nyid yin pa shas
par bya ste/ de'i sgrub byed yang dag yin pa'i phyir ro/ /gsum
pa 'grel pa ni/ sdug bsngal la sogs pa'i zhes te/

rtsa ba ltar sbyar ro/ /gnyis pa la gsum gyi dang po mtshams
sbyar ba ni/ skad cig ma'i zhas so/ /gnyis pa rtsa ba ni/ de
'dra'i skad cig bcu drug gis bsdus pa'i thabs shes khyad par can
dang des drangs pa'i lus ngag gi tha snyad khyad par

@253b can ni chos can/ blo ldan dbang po 'bring po mthong ba'i
lam gnas kyi phyir mi ldog pa'i rtags dag yin te/ de sgrub kyi
tshul gsum chang ba'i phyir/ de gang zhe na/ gzugs sogs zhes so/
/gsum pa 'grel pa la/ rgyas par bshad pa dang/

dogs pa bcad pa'o/ /dang po la bzhi'i dang po sdug bden gyi skad
cig ma'i rnam pa ni/ mthong lam la gnas pa'i sems dpa' dbang
'bring chos can/ gzugs la sogs pa'i chos su bden par rtog pa kun
brtags kyis ban las ldog pa dang

ldan te/ don dam par rang gi mtshan nyid stong pa nyid mngon sum
du rtogs pa nyid kyis so/ /don dam pa dang kun rdzob kyi bla na
med pa'i byang chub kyi sems brtan pa nyid dang ldan te/ sems de
gnyis las mi nyams par sangs rgyas la sogs

pas byin gyis brlabs pas so/ /nyan thos dang rang sangs rgyas
kyi theg pa las sems rnam par ldog pa dang ldog pa dang ldan te/
theg pa chen po'i chos khyad par ba ni bsgrubs pas rang nyid
'ba' zhig gi ched du thar pa don du gnyer ba'i blo skye ba'i go
skabs

btsam pa'i phyir/ bsam gtan dang gzugs med pa'i snyoms par 'jug
pa thob kyang gzugs khams la sogs par las de'i dbang gis skye
ba'i rgyu'i nus pa'i yan lag yang dag par yongs su zad pa zhes
bya ba yin te/ chos kyi gnas lugs

rnal 'byor mngon sum gyis rab tu rnam par 'byed pa'i mthus zad
pa'i phyir/ bzhi ni sdug bsngal gyi rnam pa yin no/ /gnyis pa
kun 'byung la bden pa'i rnam pa bzhi ni/ byang sems mthong lam
pa dbang 'bring chos can/ lus dang sems

@254a @#/ /yang ba shin tu sbyangs pa'i bde ba khyad par can dang
ldan te/ mthong spangs mi dag pa'i sa bon dang bral ba nyid kyis
khyad par du byas pa'i phyir/ khyim na gnas kyang 'dod yon la
sred pa'i mngon par zhen pa med par

'dod pa la nye bar spyod pa dang ldan te/ sems can 'dul ba'i
thabs la mkhas pa'i mthus de ltar gnas pa'i phyir/ rtag tu
tshangs par spyod pa nyid dang ldan te/ 'dod yon gyis bsdus pa'i
yul gyi nyes dmigs mngon sum du mthong

bas tshangs spyod la gnas pa'i phyir/ 'tsho ba'i yo byad yang dag
par rnam par dag pa nyid dang ldan te/ byang chub kyi sems mi
brjed pa la dbang ba'i skyes bu dam pa'i chos nyid kyis sa log
'tsho mtha' dag spangs pa'i phyir/ ces bya ba

bzhi ni kun 'byung ba'i rnam pa yin no/ /gsum pa 'gog pa'i skad
cig ma bzhi ni/ de chos can/ phung po dang khams dang skye mched
rnam la sbyor ba dang/ rjes su sbyor ba dag tu mi bya'o zhes mdo
las de ltar gsungs pa dang por

bden par zhen pa'i sbyor ba dang rjes su bden par zhen pa rjes
su sbyor ba gnas pa so sor bkag pa dang ldan te/ chos thams cad
stong pa nyid du mngon sum gyis rtogs pa la gnas pa nyid kyis
so/ /'gog pa chos shes kyis

rtogs pa'i bar chad byed pa'i chos rnams la snga ma bzhin du de
ltar bden zhen bkag pa dang ldan te/ 'gog pa chos bzod kyi spang
bya'i sa bon gyi mi mthun pa'i phyogs bsal ba nyid kyis so/
/gtam smos pa ni ming la

@254b bden par zhan pa spangs pa'i don to/ /byang chub kyi tshogs
sbyin pa la sogs pa la snga ma bzhin du dang po dang rjes kyi
bden zhen bkag pa dang ldan te/ gzung 'dzin bden par zhen pa'i
rnam par rtog pa'i skyon mngon sum du yangs su shes pa nyid

kyis so/ /grong gi sgras bstan pa'i mig sogs dbang po dang/
dbang rten grong khyer gyi sgras bstan pa dang/ grong rdal gyi
sgras bstan pa'i dbang po'i yul dang/ rnam par shes pa'i skyes
bu la sogs pa'i yul dang yul can bden par zhen pa spang bya

dang/ de dag bden med du rtogs pa'i spang gnyen gyi g.yul 'gyed
pa la snga ma bzhin du dang por bden par zhen pa sbyor ba dang/
phyis bden par zhen pa rjes su sbyor ba'i gnas pa so sor bkag pa
dang ldan te/ gzung ba dang 'dzin pa dag bden

par zhen pa'i sa bon spang bar bya ba kun brtags kyis bsdus pa
spangs pa nyid kyis so/ /zhes bya ba bzhi ni 'gog pa'i rnam pa
yin no/ /mdo ni g.yul gyi gtam gyi sbyor ba dang rjes su sbyor
ba la mi gnas te de 'di ltar chos nyid la gnas pas

chos gang yang rjes su chags pa'am khong khro bar yang dag par
rjes su ma mthong ba'i phyir ces dang/ grong gtam gyi sbyor ba
dang rjes su sbyor ba la mi gnas/ grong khyer gyi gtam gyi sbyor
ba dang rjes su sbyor ba la mi gnas/ grong rdal gyis

gtam gyi sbyor ba dang rjes su sbyor ba la mi gnas/ bdag gi gtam
sbyor ba dang rjes su sbyor ba la mi gnas/ zhes so/ /bzhi pa lam
gyi skad cig ma bzhi ni/ spang bya ser sna dang 'chal ba'i tshul
khrims la sogs pa la dang por bden par zhen

@255a @#/ /pa sbyor ba dang/ phyis bden par zhen pa rjes su sbyor
ba'i gnas pa so sor bkag pa dang ldan te/ ser sna'i kun 'dzin
dang/ 'chal tshul gyi dri ma rmi lam du yang sdangs? pa la sogs
pa'i sbyin pa la sogs pa'i

khyad par thob cing rtogs pas so/ /rtogs pa'i chos lam dang
'bras bu byang chub don dam par grub pa rdul tsam yang mi dmigs
pa dang ldan te/ ngo bo rgyu 'bras kyis bsdus pa'i chos thams
cad bden stong du mngon sum du rtogs pa rnam

par thar pa'i sgo gsum gyi ngo bo nyid yin pas so/ /bdud la sogs
pas the tshom skur yang rang gang la gnas pa'i thams cad mkhyen
pa nyid gsum gyi bdag nyid kyi rang gis thob pa'i rang gis gsum
la ji lta ba bzhin du the tshom dang

bral ba'i nges pa nyid kyis gnas pa dang ldan te/ rang gis thob
pa'i mkhyen pa'i rtogs pa la mngon par yid ches pa thob pas so/
/rnams pa thams cad mkhyen pa nyid la sogs pa'i chos kyi don du
srog gtong pa la ser sna dang sdug bsngal

cung zad tsam yang mi 'gyur ste/ chos kyi gnas lugs mngon sum du
rtogs shing mtha' gcig tu rnam mkhyen la gzhol ba nyid kyis so/
/gnyis pa ni/ de ltar na bzod pa dang shes pa'i skad cig ma 'di
rnams byang chub sems dpa'

mthong ba'i lam la gnas pa'i phyir mi ldog pa'i mtshan nyid dag
yin no/ /shes bzod skad cig ma rnams mnyam gzhag ma yin nam/ ji
ltar gang zag gzhan gyi blo ngor phyir mi ldog dpog pa'i 'bras
rtags yang dag yin zhe na/ lus

@255b ngag gi tha snyad khyad par can la shes bzod kyi ming gis
nye bar btags nas bshad de/ 'di ltar byang sems mthong lam pa
dbang 'bring gi lus ngag gi tha snyad khyad par can la shes bzod
kyi ming gis 'dogs pa'i rgyu mtshan yod de/ de la

brten nas skyes pa'i phyir/ der thal/ mnyam gzhag shes bzod skad
cig ma rnam pa bcu drug gis bsdus pa 'di rnams mnyam gzhag tu
yang dag par thob pa na rjes thob dag pa 'jig rten pa gzung
'dzin gnyis su snang yang gzung ba dang 'dzin

par bden par mngon par zhen pa'i rnam pa can rjes kyi sems kyis
bsdus pa mnyam gzhag rang dang mthun pa'i 'bras bu gzugs la sogs
pa'i bden par zhen pa'i 'du shes ldog pa la sogs pas lus ngag gi
tha snyad khyad par can bskyed pa'i

phyir/ mthong lam pa'i lus ngag gi tha snyad khyad par can la/
mnyam gzhag gi ming gis btags pa la dgos pa yid de/ sa thob pa'i
rnal 'byor pa rnams kyi lus ngag gi tha snyad ni sems can gdul
ba'i dgos pa'i dbang ma gtogs par

dus thams cad du mnyam gzhag gi rtogs pa dang mthun pa kho na
yin no zhes shes par bya ba'i ched yin pa'i phyir/ dngos la gnod
byed ni/ rnal 'byor ba'i rgyud la yod pa'i mnyam gzhag so so
rang gis rig pa'i skad cig ma rnams chos

can/ ji ltar rang las blo dma' ba'i gang zag gzhan gyi ngor
phyir mi ldog tu yid ches par byed pa'i mtshan nyid 'bras rtags
yang dag yin pa mi 'thad par thal/ /rang las blo dma' ba'i gang
zag gi mngon sum gyi spyod yul du gyur pa de lta ma

@256a @#/ /yin pa'i phyir/ rtags gsal khas blangs/ yang na 'dir
dngos su bstan pa'i rtags 'di rnams rang las blo dma' ba'i gang
zag gi blo ngor phyir mi ldog tu dpog pa'i 'bras rtags yang dag
tu mi rung bar thal/ /

mthong lam mnyam gzhag yin pa'i phyir/ gsum pa sgom lam pa phyir
mi ldog gi rtags la/ theg chen gyi sgom lam rgyas par bshad pa
dang/ phyir mi ldog pa'i rtags kyi khyad par bshad

pa'o; ;dang po la gsum sgom lam gyi khyad chos/ khyad gzhi sgom
lam/ sgom lam gyi dbye ba'o/ /dang po la gsum gyi dang po mtshams
sbyar ba ni/ mthong lam pa phyir mi ldog gi rtags bshad zin pa
de'i 'og tu sgom pa'i lam la

gnas pa'i phyir mi ldog pa'i mtshan nyid bshad rigs pa yin pa las
re shig dang por sgom pa'i lam gyi khyad par 'chad pa'i rgyu
mtshan yod de/ grub pa brnyes pa'i rnal 'byor ba shing rta chen
po slob dpon chos kyi grags pa'i lugs las

khyad par ma bzung bar khyad par can gyi blo mi skye'o zhes
'byung bas khyad gzhi rtogs pa'i yan lag tu 'chad pa'i phyir/
gnyis pa rtsa ba ni/ theg chen 'phags pa'i sgom pa'i lam ni chos
can/ rang gi gnas lugs zab pa ste rang gi gnas

lugs zab mo stong pa nyid la sogs pas khyad par du byas pa'i de
bzhin nyid yin pa'i phyir/ gnas lugs de ni chos can/ zab pa yin
te/ sgro 'dogs dang skur pa'i mtha' las grol ba nyid kyi chos
dbyings yin pa'i phyir/ gsum pa 'grel

@256b pa ni/ go rims bzhin du stong pa nyid la sogs pa la sgro
'dogs pa'i mtha' las grol ba yin te/ stong pa nyid la sogs pa la
yang don dam par gzugs med pa'i phyir/ skur pa'i mtha' las grol
ba nyid yin te/ stong pa nyid la sogs

pa gzugs las ngo bo tha dad pa'i gzhan pa yang ma yin pas so/
/sgro skur dang bral ba'i de bzhin nyid gang yin pa de ni chos
can/ zab mo ste stong pa nyid la sogs pa'i dbyings yin pa'i
phyir/ theg chen sgom pa'i lam chos can/ zab pa yin

te; zab mo nyid mngon sum du rtogs pa dang ldan pa'i phyir/ de
bzhin nyid zab pa na/ de mngon sum du rtogs pa'i ye shes ches
zab pa yin no/ /gnyis pa la gsum gyi dang po mtshams sbyar ba ni/
de ltar zhes so/ /gnyis pa rtsa ba ni/

thag chen 'phags pa'i sgom pa'i lam chos can/ rgyun chags su
'jug pa yin te/ sngar theg chen nges 'byed yan lag dang mthong
ba'i lam dang/ sgom pa'i lam nyid kyis mthong ba'i mkhyen gsum
gyi rnam pa la yang dang yang du

sems dpa' dang 'jal ba dang nges par rtog pa'i rjes la mngon
rtogs yin pa'i phyir/ 'di ni mnyam gzhag dang rjes thob kun
bsdus te sngar lam snga ma rnams kyis rtogs pa'i don de nyid
yang dang yang du goms par byed pa yin no/ /

gsum pa 'grel pa ni/ theg chen 'phags pa'i sgom pa'i lam chos
can/ rgyun chags pa yin te/ nges par 'byed pa'i yan lag la sogs
pa gsum gyi gnas skabs la nges par mthong ba'i don mkhyen gsum
gyi rnam pa rnams

@257a @#/ /la thos pa dang bsam pa dang bsgom pa las byung ba'i
shes rab dag gam/ ting nge 'dzin gyi sbyor ba dang dngos gzhi
dang rjes las byung ba'i shes rab kyis go rims bzhin du yang
dang yang du sems pa dang/ /

tshad mas 'jal ba dang/ zhib tu phye nas nges par rtog pa'i rjes
la mngon rtogs yin pa'i phyir/ gsum pa la/ dbye ba dngos dang/
rtsod pa spang ba'o/ /dang po la gnyis kyi dri ba ni/ sgom lam
de rnam ba du zhig ce na/ lan la gnyis kyi

dang po rtsa ba ni/ theg chen 'phags pa'i sgom lam de ni rnam pa
dgur bzhed do/ /sgom lam chung ngu dang 'bring dang chen po
rnams re re la chung ngu'i chung ngu sogs dbye ba yis rnam pas
so/ /chung 'bring dgur dbyer rung ste/ chung 'bring

dgu'i sgo nas rgyun chags pa yin pa'i phyir/ gsum pa 'grel pa
ni/ theg chen 'phags pa'i sgom pa'i lam chos can/ rgyun chags su
'byung ba yin te/ grangs bzhin du 'dod pa'i khams la sogs pa sa
dgu dag tu sgom lam rnam pa dgu

rgyun chags su 'byung ba'i phyir/ der thal/ don dam par stong pa
nyid kyi mtshan nyid kyi rang bzhin yin pas/ don dam par dbyer
med kyang tha snyad du rnam pa'i sgo nas gzung 'dzin bden par
zhen pa'i rnam par rtog pa'i gnyen po'i dbye

ba las dgu yod pa'i phyir/ der thal /gzung 'dzin bden par zhen
pa'i rnam par rtog pa chen po dang 'bring dang chung ngu rnams
re re zhing/ chen po dang 'bring dang chung ngu'i bye brag gis
dbye ba tha dad pa'i phyir dang/ de dag gi gnyen po

@257b theg chen 'phags pa'i sgom lam chung ngu dang 'bring dang
chen po rnams kyang re re zhing chung ngu dang 'bring dang chen
po'i bye brag gis dbye ba tha dad pa'i phyir te de ltar na'o/
/ji skad bshad pa'i spang gnyen che 'bring gi dbye ba sbyor tshul
mi 'thad pa'i

skyon med par thal/ mun pa shin tu chen po ni snang ba chung ngu
sel la/ chung ngu ni chen pos sel to zhes bya ba'i dpes sgom
spangs chen po sgom lam chung dus 'joms shing/ sgom spangs chung
ngu sgom lam chen pos 'joms pa 'thad ca'i

phyir/ theg chen sgom lam gyis nyon sgrib kyang spong mod kyi/
'dir shes sgrib kyi gnyen po'i dbye bas bzhag pa dgos pa yod de/
shing rta chen po'i lugs las byang chub sems dpa' rnams kyi nyon
mongs pa ni rnam par rtog pa'o zhes 'byung

ba dang mthun par spang bya'i gtso bo'i gnyen po'i dbang du byas
pa'i phyir/ nyon mongs pa ni de spong ba'i ched du 'bad par bya
dgos pa'i don to/ /gnyis pa la/ grangs des la rtsod spang dang/
byed pa la rtsod pa spang ba'o/ /dang po la gnyis kyi

dang po rtsed pa ni/ theg chen 'phags pa'i sgom lam ji ltar rnam
pa dgu kho nar nges pa zhes bya ba ni 'thad par thal/ sgom lam
gyi bye brag rnam pa dgu bas mang ba ma yin nam mang ba'i phyir/
der thal/ rgyal ba'i yum rgyas 'bring

bsdus pa de dang de las/ sgom lam dgu po rnam pa re re'i dbang
du mdzad de/ 'bras bu bsod nams grangs med pa dang/ gzhal du med
pa dang/ tshad med pa skye bar gsungs pa'i phyir/ ce na/ gnyis pa
lan la gnyis kyi dang po rtsa ba ni/ nyi snang

@258a @#/ /ltar na/ 'bras bu bsod nams grangs med la sogs bstan
pa rnams/ dam pa'i don du bzod pa ma yin pas mi 'thad do zhe na
zhes pa'i rtsod pa bkod nas don dam par mi 'thad kyang tha snyad
du mi 'thad pa'i skyon

med par thal/ don dam par mi 'thad kyang kun rdzob tu ni sangs
rgyas kyi thugs brtse ba'i rgyu mthun gyi 'bras bu gsung rab las
grangs ji ltar bstan pa de dag thub pas bzhed pa'i phyir/ gnyis
pa 'grel pa la/ don dam la ltos te rtags

ma grub pa dang/ kun rdzob la khyab pa ma grub pa'i lan no/
/dang po ni/ sgom pa'i lam yang dang yang du sems pa la sogs pa
de skad bshad pa'i mtshan nyid can sgom lam chung ngu'i chung ngu
lta bu don gcig tu gyur pa yin yang 'bras

bu du ma la phan pa rab tu sbyar ba la rdzas gcig gis ldog pa la
ltos pas bsod nams grangs med sogs bskyed pa'i sgom lam chos
can/ don dam par na 'bras bu bsod nams grangs med pa dang gzhal
du med pa dang chad med pa bstan

pa mdo las tshig tu brjod pa'i ngo bo rnams kyis ni ji ltar bstan
pa ltar khyod kyi nye bar bskyed pa'i 'bras bu tha dad pa nyid
kyi ngo bos bye ba bzod pa ma yin par thal/ don dam par ma grub
pa'i phyir/ gnyis pa ni/ sngar bshad

pa'i ldog chos kyi ngo bo nyid sgom lam re re la yang 'bras bu
mtha' yas pa skye bar ji skad bshad cing bstan pa de dag chos
can dgos pa yod de/ gdul bya byis pa'i skye bo rnams la 'bras bu
chen po skye ba rab tu stan pa nyid kyis gus pa bskyed

@258b pa'i ched yin pa'i phyir/ kun rdzob tu ni theg pa chen
po'i sgom lam dgu pas grangs mang po nyid du thal bar mi 'gyur
ro/ /theg pa chen po'i sgom lam rdzas gcig la yang 'bras bu bsod
nams mtha' yas pa 'byung ba dmigs pa med

pa'i thugs rje chen po'i rang bzhin gyi chos kyi dbyings rtogs
pa'i rgyu mthun gyi 'bras bur gyur pa'i mdo'i tshig gis bstan pa
yin par de pa bzhed pas so/ /don ni/ kun rdzob tu khyab pa ma
nges par thal/ sgom lam chung ngu'i chung ngu

lta bu gcig la yang 'bras bu mtha' yas 'byung bar sangs rgyas
kyi chos dbyings rtogs pa'i rgyu mthun gyi 'bras bur gyur pa'i
mdo las bstan pa'i phyir/ ces pa'o/ /gnyis pa la/ don dam la
ltos pa'i rtsod spang dang/ tha snyad la

ltos pa'i rtsod spang ngo/ /dang po la gnyis/ rtsod pa dang/ lan
no/ /dang po la gsum gyi dang po mtshams sbyar ba ni/ sgom lam
goms pa phul du byung ba byar med pa ma yin nam/ yin par thal/
stong pa nyid kyi mtshan nyid kyis bden par

ma grub pa'i phyir/ 'dod na/ de'i phyir phan gnod cung zad kyang
mi byed pa kha na'o snyam pa'i 'bras bu bskyed pa dang bden
stong 'gal bar 'dzin cing stong pa rten 'byung gi don du khong
du ma chud pa'i skye bo blo dman pa'i ngor dogs pa bsu bar/
gnyis

pa rtsa ba ni/ sgom zhes bya ba'i lam gyis ni chos can/ spang
bya/ ci zhig nyams shing gnyen po ci zhig thob pa med par thal/
don dam par ma grub pa'i phyir/ khyab par thal/ sgom lam gyi
dngos po don dam par brjod du med pa la nyams

@259a @#/ /pa dang ni 'phel ba mi rung ba'i phyir/ gsum pa 'grel
pa ni/ bden pas stong pa'i chos nyid kyi rang gi ngo bar 'dod
pa'i sgom lam gyi dngos po chos can/ mi mthun pa'i phyogs go
rims bzhin du 'bral ba dang gnyen po

dag skye bar mi rung bar thal/ don dam par ngo bo nyid med pa
nyid kyis so/ /khyab par thal/ yang dag par na de nyid dang
gzhan nyid dang/ gnyis ka dang gnyis ka ma yin pa nyid du brjod
du med pa la bsgom pa phul du phyin par byar med pa'i phyir/ de

bas na zhes pa nas/ phan gnod cung zad kyang me byad pa nyid pas
spang bya'i gnyen por nye bar dgod par mi bya ba kho na'o zhe
na/ gnyis pa lan la gsum gyi dang po mtshams sbyar ba ni/ ji skad
bshad pa'i skyon yod pa de lta ma yin te/ 'di

ltar/ gnyis pa rtsa ba ni/ don dam par 'phel 'grib mi rung bar
thal/ don dam par gcig dang du ma gang du yang brjod du med pa'i
phyir/ don dam du 'dod pa'i lan 'di rtsa bas dngos su ma bsdus
kyang don gyis 'phangs pa yin no/ /don dam

par 'phel 'grib med na spang gnyen mi 'thad pa'i khyab pa med
par thal/ bla na med pa'i byang chub zag med kyi ye shes de don
dam par 'phel 'grib med kyang tha snyad du gdul bya'i don byed
pa ji lta ba de bzhin du theg chen gyi sgom lam 'di ni

don dam par 'phel 'grib med kyang tha snyad du spang bya la gnod
pa sogs 'dod pa'i don sgrub par byad pa'i phyir/ byang chub dang
sgom lam dpe don mi mtshungs pa'i skyon med par thal/ tha snyad
du don khyad par can/ byed par mtshungs byang

@259b chub de bzhin nyid kyi mtshan nyid can yin pa de bzhin du
sgom lam de yang de bzhin nyid de'i mtshan nyid can du bzhed pa'i
phyir/ gsum pa 'grel pa la/ tha snyad du khyab pa ma grub pa
dang/ don dam la ltos te 'dod lan no/ /dang po la gnyis

kyi dang po dpe bsgrub pa ni/ ji ltar don dam par 'phel 'grib
kyis khyad par du byar med pa'i de bzhin nyid kyi mtshan nyid kyi
byang chub spros pa med pa'i ye shes kyi bdag nyid don dam par
ma grub kyang tha snyad du gdul bya'i mngon par 'dod pa'i don

sgrub par byed pa yin te/ don dam par ma grub kyang tha snyad du
rtogs pa ye shes chos kyi sku la sogs pa'i rang bzhin gyi sangs
rgyas kyi bdag po tsam gyis so so skye bo las dag pa nas byang
sems 'phags pa'i bar gyi gdul bya'i skye bo

rnams kyi bsod nams dang ye shes kyi rjes su mthun par don khyad
par can gzugs sku gnyis su snang ba'i sems bskyed pa'i sgo nas
don byed pa'i phyir/ sogs sgras chos skus longs sku'i dngos kyi
bdag rkyen dang/ longs skus sprul sku'i

bdag rkyen byed pa sdud do/ /gnyis pa don la sbyar ba ni/ dpe de
bzhin du bsgoms pas mngon sum du byas pa'i lam bden pas stong ba
de bzhin nyid kyi mtshan nyid can theg chen sgom lam 'di yang
chos can/ don dam par ma grub kyang kun

rdzob tu mngon par 'dod pa'i don gyi bya ba byed de/ don dam par
ma grub kyang kun rdzob tu glo bur gyi dri ma dang bral ba'i sgo
nas dri ma 'joms pa'i bya ba byed pa'i phyir/ gnyis pa ni/ don
dam par nyams 'phel byed par thal ba'i nyes pa

@260a @#/ /med de/ sgom lam mnyam gzhag des spang bya la dngos su
gnod pa byed bzhin pa de'i tshe don dam par sbyor ba med pa nyid
gnas lugs kyi don la sbyor ba yin pa'i phyir/ der thal/ spang
bya la dngos su gnod

pa'i tshe yang don dam par ni nyams pa dang 'phel ba dgag pa'i
tshul du bzhed pas so/ /gnyis pa la/ rtsod pa dang/ lan no/ /dang
po la gsum gyi dang po mtshams sbyar ba ni/ bden gnyis 'gal bar
'dzin pa gang dag /don dam par ma

grub pa de lta yin na yang sgom lam gyis kun rdzob tu yang don
byed par mi rung ngo/ /snyam pa'i dogs pa bsu bar/ gnyis pa rtsa
ba ni/ kun rdzob pa dang don dam pa byang chub kyi sems ni chos
can/ byang chub bskyed par mi rigs par

thal/ snga mas byang chub par rigs pa ma yin/ phyi mas kyang ma
yin/ snga phyi mang po cig car 'byung bas kyang ma yin/ rims
kyis 'byung bas kyang bskyed pa ma yin pa'i phyir/ gsum pa 'grel
pa ni/ don dam pa dang kun rdzob byang chub kyi

sems snga phyi re re kho nas byang chub thob par ni rigs pa ma
yin no/ /snga phyir gyur pa'i sems re res kho na la sangs rgyas
kyi byang chub sgrub par byed pa'i rnam pa thams cad mkhyen pa
nyid kyi rnam pa dang/ lam shes dang gzhi shes la sogs

pa'i rnam mkhyen gyi rgyu'i don mtha' dag mi snang ba'i phyir/
'dod pa'i don rnam mkhyen sgrub par byed par snang ba'i sems cig
car 'byung ba mang po nyid kyis kyang bskyed pa ma yin te/ mang
po cig car 'byung ba mi srid pa'i phyir ro/ /der

@260b thal/ mdo las/ sems can rnams ni rnam par shes pa'i rgyud
re re ba'o zhes 'byung bas so/ /bla na med pa'i sangs rgyas kyi
byang chub sgrub par byed pa'i rgyu dran pa nye bar bzhag pa la
sogs pa nas sangs rgyas kyi chos ma 'dres pa bco brgyad kyi

bar rtogs shing thob par 'gyur ba'i rang gi ngo bo rims kyis
'byung ba byang chub kyi sems rnam pa gnyis 'byung ba snga phyir
gyur pa mang po nyid kyis kyang byang chub bskyed pa rigs pa ma
yin te/ de dag 'bras bu gcig skyed pa la phan tshun 'brel

pa med pa'i phyir ro/ /der thal/ phyi ma da byung ma thag tu
snga ma rjes su 'gro ba med pa nyid du 'jig pas na'o/ /de bas na
ji ltar don khyad par can byang chub dang gzhan don snang ba'i
sems bskyed pa'i sgo nas byang chub skyed pa'i don byed ce na/
snga ma

kha cig gis 'dir rims kyis 'byung yang snga ma phyi ma ma skyes
kyi bar du gnas nas lhan cig tu tshogs nas skyed pa bkag pa gsum
pa 'di'i don yin no/ /zhes zer to/ /de la mkhas pa kha cig gis/
byang chub skyed tshul gsum po 'dir mtha'

chod na/ skyed tshul gsum po mi 'thad pas/ byang chub skyed mi
srid par 'gyur la/ mtha' ma chod na/ slob dpon phyogs snga bsu
ba la mi mkhas par 'gyur ro/ /zhes pa'i sun 'byin mdzad pa la/
phyogs snga ma smra ba na re/ 'o na sgrub byed gsum

po der mtha' chod dam ma chod/ chod na byang chub skyed pa mi
'thad/ ma chod na slob dpon phyogs snga bsu ba la mi mkhas par
'gyur ro/ /zhes zer ba ni sun 'byin ltar snang 'ba' zhig yin te/
byang chub skyed tshul gsum po der mtha' chad cing/ gsum po

@261a @#/ /gang yang mi 'thad na/ byang chub mi skyed dgos la/
byang chub mi skyed pa'i sgrub byed gsum po der mtha' chod cing/
gsum po gang yang mi 'thad na/ byang chub skyed dgos pa'i phyir
ro/ /gnyis pa lan la gsum gyi dang po mtshams sbyar

ba ni/ ji skad bshad pa'i rtsod pa de zhes so/ /gnyis pa rtsa ba
ni/ theg chen sems bskyed skad cig snga phyi mang po rims kyis
'byung bas/ rang 'bras sku gsum mi bskyed pa'i skyon med par
thal/ mar me skad cig snga ma las/ phyi ma phyi ma nus

ldan rims kyis 'byung bas sdong bu snum ldan rdzogs par sreg
pa'i mar me'i dpe'i tshul gyis ni theg chen sems bskyed skad cig
snga phyi mang po rims kyis 'byung bas rang 'bras sku gsum skyed
pa dang/ zab mo'i chos nyid rnam pa brgyad kyang

'thad par khong du chud par bya ba'i phyir/ gsum pa 'grel pa la/
rtsod pa'i lan dngos dang/ des gzhan yang mtshon tshul lo/ /dang
po la gnyis/ dpe bsgrub pa dang/ dpe don sbyar ba'o/ /dang po la
ltos med du mi sreg /ltos nas sreg

pa'o/ /dang po la gnyis kyi dang po/ /skad cig dang pos ltos med
du mi sreg pa ni/ ji ltar me le dang snying po snum ldan phrad
pa'i skad cig dang po chos can/ khyod la skad cig ma gnyis pa
'gyung? ba med par rgyu'i mtshan nyid sreg par byed

pa dang/ 'bras bu'i mtshan nyid bsreg par bya ba med de/ khyed
gnyis/ rang gi rgyus lan tshun gyi sgo nas dus mnyam pa phrad pa
tsam zhig tu bskyed pas khyad par du byas kyi sdong bu sreg nus
kyi nus pa khyad par can du ma byas pa'i phyir/

@261b gnyis pa skad cig gnyis pas ltos med du mi sreg pa ni/ de
bzhin du me lce dang snying po nus pa khyad par can skye ba skad
cig gnyis pa la yang chos can/ rtag tu yod par thal/ rgyu med du
'byung ba'i phyir/ yang na rtag tu med par thal/ de'i phyir

rtags khas blangs/ 'dod na mngon sum tshad mas bsal bas nyes pa
de la sogs par thal bar 'gyur bas khyad kyi skad cig ma dang po
med par rgyu'i mtshan nyid sreg par byed pa dang 'bras bu'i mtshan
nyid sred par bya ba med par

thal/ khyod kyi skad cig ma dang po med par khyed kun rdzob tu
yang 'byung ba med pa'i phyir/ gnyis pa ltas nas sreg pa'i dpe
ni/ gang gi phyir skad cig snga phyi ltos med du mi sreg pa de
ltar yin pa de'i phyir/ 'on kyang sreg par byed pa

dang bsreg par bya ba yod do/ /me lce dang sdong bu snum ldan
nus pa khyad par can skad cig ma gnyis pa skyes pa de'i tshe skad
cig ma dang po phyis byung gi 'jig rgyu med par zhig kyang rgyu
me lce dang 'bras bu sdong bu dag go rims bzhin du 'bras bu

skye ba dang rgyu 'jig par dus mnyam du mngon sum gyis dmigs pas
so/ /der thal/ me lce dang sdong bu gnyis ka phrad pa'i khyad
par can gyi skad cig dang po la ltos nas snga ma des byas pa
mthu phul du phyin pa dang ldan pa'i nus pa

khyad par can skad cig ma gnyis pa la sogs pa yod pa'i phyir/
der thal/ gang gi tshe dbang phyug sogs gzhan gyis byas pa min
pa'i rkyen nyid snang tshod 'di pa tsam gyis bdag nyid kyi rten
cing 'brel par 'byung ba'i chos nyid

@262a @#/ /kyis don dam dpyod byed kyi rigs pas ma brtags gcig
pur nyams dga' ba nyid du rgyu dang 'bras bur 'brel ba'i stobs
kyis bsrag bya sreg byed 'thad pa'i phyir/ gnyis pa ni/ dpe de
bas na me lce dang sdong

bu snum ldan skad cig snga phyi ltos med du mi sreg /ltos nas
sreg pa'i mar me'i dpe tshul gyis theg chen sems bskyed la brten
nas byang chub thob par rigs so/ /ma lce dang sdong bu snum ldan
skad cig ma snga ma bzhin du byang chub sgrub

par byed pa'i rgyu'i dngos po tshad yod pa nus pa chung ngu zhig
snang ba'i rnam par shes pa snga ma la brtan nas snga ma de la
snang ba'i don gyis dben pa snga ma bas nus pa lhag par khyad
par du 'phags pa'i don snang ba'i rnam par shes pa theg

chen sems bskyed phyi ma skye bas so/ /der thal/ theg chen sems
bskyed skad cig ma snga phyir gyur pa gnyis nus pa 'jug pa'i yul
byang chub gcig la phan pa nye bar sbyor ba mar me'i yang dag
gis shes par byed pa lhur len pas so/ /

gnyis pa ni/ ji skad smos pa'i mar me'i dpe kho nas theg chen
sems bskyed kyis byang chub skyed pa 'ba' zhig mtshon par byed pa
ma yin te/ 'chad par 'gyur pa'i zab mo'i chos nyid rnam pa
brgyad kyang khong du chud par bya ba yin pas so/ /

gnyis pa la gsum gyi dang po mtshams sbyar ba ni/ sgom pa'i lam
la gnas pa'i byang chub sems dpa' phyir mi ldog pa rnams kyi
rtags kyi mtshan nyid brjod pa'i phyir tu zab mo rnam pa brgyad
yul gang la yod pa yin zhe na/ gnyis

@262b pa rtsa ba ni/ byang sems sa brgyad pa ba chos can/ zab mo
rnam pa brgyad thugs su chud pa dang ldan te/ gzhi'i gnas lugs
zab pa skye ba dang ni 'gag pa zab pa dang/ spyod pa nyams su
len pa'i tshul zab pa de bzhin nyid dang shes bya dar/

shes dang spyod dang gnyis med zab pa dang/ 'bras bu mngon du
byed tshul zab pa thabs mkhas pa la zab pa nyid thugs su chud pa
dang ldan pa'i phyir/ mdo ni/ rim pa bzhin du/ rab 'byor de ji
snyam du sems/ sems gang 'gag pa de'i phyir

skye bar 'gyur ram/ bcom ldan 'das de ni ma lags so zhes dang/
rab 'byor de ji snyam du sems/ sems gang skyes pa de 'gag pa'i
chos can yin snyam mam/ bcom ldan 'das 'gag pa'i chos can lags
so zhes dang/ rab 'byor

de ji snyam du sems/ de bzhin nyid ji lta ba de kho nar gnas par
'gyur ram/ 'gyur lags so zhes dang/ rab 'byor de ji snyam du
sems de bzhin nyid sems yin nam/ bcom ldan 'das de ni ma lags so
zhes dang/ de bzhin nyid kyis de

bzhin nyid yang dag par rjes su mthong ngam/ bcom ldan 'das de
ni ma lags so zhes dang/ rab 'byor de ltar spyod pa de ni sher
phyin la spyod pa yin nam ma lags so zhes dang/ rab 'byor byang
chen sher phyin la spyod pa de gang la spyod pa yin/

de ni gang la yongs su rgyu ba ma mchis pa'i don dam pa la spyod
do zhes dang/ ji ltar byang chen mtshan ma'i mtshan ma med pa'i
'du shes rnam par bshig pa yin/ bcom ldan 'das byang chen sher
phyin la spyod pa de ni 'di ltar mtshan ma rnam

@263a @#/ /par bshig par bya'o zha'am/ mtshan med rnam par bzhig
par bya'o snyam du mi sems so zhes so/ /gsum pa 'grel pa la/ zab
mo'i ngo bo dang/ de rtogs pa rtags su 'gyur tshul lo/ /dang po
ni/ byang sems sa

brgyad pa ba chos can/ bden pas stong pa rten cing 'brel par
'byung ba'i sgra'i don du 'gyur ba skye ba zab pa thugs su chud
pa yin te/ sems bskyed skad cig snga ma dang phyi ma re re kho
na dag gis kyang byang chub thob pa ma yin tha snyad du yang ngo
bo

nyid med pas ma yin la 'on kyang bsgoms pas rtogs par bya ba'i
don khyad par du 'phags pa byang chub bskyed do zhes bya ba
thugs su chud pa dang ldan pa'i phyir/ 'gag pa zab mo thugs su
chud pa yin te/ dngos po thams cad dang po

byung ba tsam nyid nas don dam par rang bzhin gyis ngo bo nyid
med la/ kun rdzob tu yang 'gag go zhes bya ba bden gnyis mi 'gal
ba mngon sum du thugs su chud pa'i phyir/ de bzhin nyid/ zab mo
thugs su chud pa dang ldan te/ slong

lam gyi gnas skabs thams cad du de bzhin nyid goms kyang dus min
par de mngon du mi byed ces bya ba de bzhin nyid rtogs tshul zab
mo thugs su chud pa'i phyir/ shes bya zab mo thugs chud pa dang
ldan te/ de bzhin nyid kyi rang

bzhin gyis don dam par ma grub kyang chos thams cad la sbyin pa
la sogs pa rnam pa du ma rjes su bsgrub pa zhes bya ba mngon sum
du thugs su chud pa'i phyir/ shes pa zab mo dang ldan te/ chos
thams cad don dam par de bzhin nyid

@263b kyi ngo bo nyid kyis don dam par yod na dmigs su rung ba
las/ don dam par 'ga' yang mthong ba med pa nyid de kho na
mthong ba med pa nyid de kho na mthong ba yin no zhes bya ba
mngon sum du thugs su chud pa'i phyir/ spyod pa zab pa dang ldan
te bden

pas stong pa'i chos nyid kyis chos thams cad la spyod pa med pa
nyid gnas lugs kyi don la spyod pa'o zhes bya ba mngon sum du
thugs su chud pa'i phyir/ gnyis su med pa zab mo rtogs pa dang
ldan te/ don dam par gnyis su med pa'i ngo bo

nyid du lam thams cad sgrub bo zhes bya ba mngon sum du thugs su
chud pa'i phyir/ 'bras bu mngon du byed pa'i tshul thabs mkhas pa
zab pa dang ldan te/ bsod nams dang ye shes kyi tshogs thams cad
yongs su rdzogs par byed la

don dam par de'i 'bras bu sangs rgyas nyid mi 'thob bo zhes bya
ba mngon sum du thugs su chud cing goms par byas pa'i phyir/
gnyis pa ni/ zab pa nyid brgyad thugs su chud pa yin no/ /rtog
ge'i blos bsam gyis mi khyab pa'i rnam par

thar pa mi skye ba'i chos la bzod pa chen po thob pa'i sgo nas
blo dman pa'i ngor phan tshun 'gal ba'i don mi 'gal bar gzhi
mthun du nyams su len cing bsgrubs pas so/ /gsum pa don bsdu ba
ni/ slob pa zhes so/ /gnyis pa la/ chos sku'i rgyu

srid zhi mnyam nyid kyi sbyor ba/ longs sku'i rgyu zhing dag
pa'i sbyor ba/ sprul sku'i rgyu thabs la mkhas pa'i sbyor ba'o/
/dang po la/ mtshams sbyar ba/ rtsa ba/ 'grel pa'o/ /dang po ni/
phyir mi ldog gi rtags bshad zin pa'i 'og tu sangs rgyas nyid
'thob

@264a @#/ /pa'i rgyu mtshan 'khor ba dang mya ngan las 'das pa
mnyam pa nyid kyi sbyor ba 'chad rigs te/ slob pa'i tshogs kyi
chos phyir mi ldog pa'i rtags thob pa sangs rgyas nyid myur du
thob par bya ba'i phyir tu nye ba'i rgyu la 'bad pas

so; ;sa brgyad pa yan chad la gnas pa'i phyir mi ldog pa'i rtags
kyang sngar bshad mod kyi/ skabs 'di'i mtshams sbyar du/ 'grel
chen las/ de ni mi slob pa'i dge 'dun gyi mtshan nyid bstan par
bya zhes gsungs pa'i slob pa ni sa bdun

pa man chad pa yin la/ sa brgyad pa thob nas sku gsum sgrub pa'i
lam gyi lus khyad par ba yongs su rdzogs shing lam gzhan la slob
mi dgos pas mi slob pa zhes bya'o/ /lam gyi lus yongs su rdzogs
pa'i tshul ni 'chad par 'gyur ro/ /

gnyis pa la/ dngos kyi don dang/ klan ka spang ba'o/ /dang po
ni/ shA ri'i bus rab 'byor la rmi lam du rnam thar sgo gsum gyi
ting nge 'dzin la snyoms par zhugs na/ sher phyin rnam par 'phel
lam zhes dris pa'i lan du/ rab 'byor

gyis nyen bar bsgoms pas 'phel na rmi lam du bsgoms pas kyang
'phel te/ ci'i phyir ce na/ rmi lam dang nyin par ni rnam par
rtog pa med pa'o/ /zhes pa'i don bsdus pa ni/ byang sems sa
brgyad pa ba chos can/ srid dang zhi bar bden par

ma rtog pa'i rgyu mtshan yod de/ srid zhi bden med du mngon sum
gyis rtogs pa'i sgo nas rjes kyi gnas skabs su yang bden zhen
mngon gyur skye ba'i go skabs zad par bcom pa'i phyir/ srid zhi
bden par med de/ srid zhis bsdus pa'i

@264b chos rnams don dam par ma grub pa rmi lam dang 'dra ba'i
phyir/ gnyis pa ni/ chos kun don dam par ma grub na/ las 'bras
bzhag tu med pa'i skyon yod pa ma yin par thal/ las med par thal
ba la sogs pa'i klan ka'i lan ni/ mdo

las/ ji skad bshad par byad cing klan ka de dag slong nus pa'i
phyir/ 'di la/ nyin par yang las gsog pa mi 'thad par thal ba
spong ba/ rmi lam na las lam yongs su rdzogs par thal ba spong
ba/ lung dang 'gal ba spang ba/ ha cang thal ba

spang ba'o/ /dang po la/ klan ka dang/ lan no/ /dang po ni/ nyin
par yang dge sdig gi las gsog pa mi 'thad par thal/ las 'bras
don dam par ma grub pa'i phyir/ dper na rmi lam bzhin/ tshig
mangs su dogs nas mdo'i tshig ma

drangs shing/ don bsdus nas bkod pa yin la/ shA ri'i bus rab
'byor la klan ka de nyid bkod pa ni/ bden gnyis 'gal bar 'dzin
pa'i gdul bya rjes su bzung ba'i ched du the tshom yod pa ltar
bcos nas mdzad pa'o/ /gnyis pa ni/

rab 'byor gyis smas pa/ shA ri'i bus bkod pa'i sun 'byin de sun
'byin yang dag ma yin par thal/ don dam la ltos nas 'dod lan
dang/ kun rdzob la ltos nas khyab pa ma nges pa'i lan thebs pa'i
phyir ro/ /gnyis pa la/ rtsod pa

dang/ lan no/ /dang po la/ rab 'byor gyis rtsod pa'i skabs dbye
ba dang/ shA ri'i bus rtsod pa dngos so/ /dang po ni/ rab 'byor
gyis smras pa/ nyin par srog bcad pa dang/ rmi lam na srog bcad
pa la/ rjes kyi skabs su de bdag gis bsad do/ /

@265a @#/ /de bdag gis bsad pa legs so/ /zhes mngon zhen drag pos
gsol 'debs na/ las lam du 'gyur ba mtshungs par 'dod la/ shA
ri'i bu las de la ji skad zer ces pa'o/ /gnyis pa ni/ shA ri'i
bus 'o na rmi

lam na/ gsad bya gsod byad/ sbyin bya sbyin byed sogs las lam
yongs su rdzogs pa yod par thal/ bsad pa dang rmi lam mtshungs
pa'i phyir/ ces pa'o/ /'dod na/ rmi lam du mi bsad pa rmis pas
kyang/ dge slong gi sdom pa stong

par thal ba sogs su 'gyur ro/ /gnyis pa lan ni/ rab 'byor gyis
smras pa/ shA ri'i bu'i sun 'byin de yang/ yang dag ma yin par
thal/ de la 'dod lan thebs pa'i phyir ro/ /sad rmis gnyis las
stobs che chung gi khyad par yod kyi/

mngon zhen drag pos gsos btab na/ rmi lam gyi las kyang dag mi
dge'i las lam du 'gyur bas so/ /rmi lam du mi bsad pa rmis pas
dge slong gi sdom pa stong par mi 'gyur te/ de ni bcom ldan 'das
kyis bslab pa bcas pa'i dbang las

rnam par bzhag ste/ mi tshangs spyod kyi ltung ba byung bar 'dra
ba la/ 'chab sems skyes pa dge slong ma yin par 'jog cing/ 'chab
sems ma skyes pas chad pa las kyi bslab pa byin pa'i gang zag
dge slong du 'jog pa bzhin no/ /gsum pa

la; klan ka dang/ lan no/ /dang po ni/ shA ri'i bus/ sad pa
dang rmi lam gnyis kar las gsog pa yod na/ mdo las/ las dang
sems pa thams cad dben par gsungs pa dang 'gal lo zhe na/ gnyis
pa ni/ rab 'byor gyis

@265b smras pa/ shA ri'i bu de yang mi 'gal bar thal/ mdo las
gsungs pa de ni/ las dang sems pa don dam par med par gsungs pa
yin la/ las 'bras kun rdzob tu yod pa'i phyir ro/ /shA ri'i bus
slar yang de ltar rtsod pa rigs mi rigs

dpyod pa ni/ don ma rtogs pa'i rnam 'gyur du gsal te/ gdul bya'i
don du the tshom yod pa ltar mdzad kyis/ shA ri'i bu la nang
'gal du 'gyur ram snyam du bsam par mi bya'o/ /bzhi pa la/ klan
ka dang/ lan no/ /dang po ni/ shA ri'i bus

rab 'byor la smras pa/ rmi lam du byang chub sems dpas sbyin pa
byin pa nas shes rab kyi bar bsgoms te/ dge rtsa de yang rdzogs
pa'i byang chub tu bsngos na tshogs gnyis yongs su rdzogs par
'gyur bar thal/ rmi lam na las lam

yongs su rdzogs pa yod pa'i phyir/ 'dod na/ ha cang thal te/ rmi
lam gyi las lam yang dag kun rdzob tu yang ma grub pa'i phyir
ro/ /gnyis pa rab 'byor rang nyid kyis 'dod kyis btab zin pa
dang/ byams pa la kha 'phangs pa'o/ /dang

po ni/ kha bo cag gis lan don gyis btab zin mod kyi/ lan mtha'
dag kho bo cag gis gdab par mi nus te/ ma 'ongs pa'i sangs rgyas
brgyud mar 'byung ba don yod pa'i phyir ro/ /gnyis pa ni/ shA
ri'i bus/ byams pa la dris pas/

byams pas/ byams pa'i ming lan 'don dam/ zhes sogs gsungs pa ni/
kha cig /byams pas lan ma btab par 'dod pa mi rigs te/ sngar rab
'byor gyis bstan pa ltar/ srid zhi mnyam nyid kyi don yang dag
par bstan pa'i phyir ro/ /

@266a @#/ /srid zhi don dam par ma grub par bstan nas rmi lam du
sbyin sogs bsgoms nas byang chub tu bsngos na tshogs su 'gyur bas
ha cang thal ba med ces don gyis lan mdzad la/ byams pas kyang
dri ba de'i lan dngos su rdzogs

par ma mdzad pa ni/ dris lan ma rdzogs par bstan pa yin no/ /sad
pa dang rmi lam gnyis ni/ 'khor ba dang mya ngan las 'das pa'i
mtshon byed do/ /gsum pa la/ dngos kyi don/ klan ka spong ba/ des
grub pa'i don to/ /dang po ni/ byang

sems sa brgyad pa pa'i mnyam gzhag ye shes chos can/ srid zhi
mnyam pa nyid kyi sbyor ba yin te/ 'khor ba dang mya ngan las
'das pa dag la ngo bo tha dad pa nyid du rnam par mi rtog pas na
bden stong du mtshungs par mngon sum gyis rtogs

pa'i dag sa'i rnal 'byor yin pa'i phyir/ srid zhi bden stong du
rtogs te mi mthun pa 'khor ba dang gnyen po rnam par byang ba
rnams don dam par ma grub cing tha snyad du snang brnyan tsam
gyi ngo bos rmi lam dang 'dra ba nyid du rtogs pa'i phyir/ sa

brgyad pa thob nas rdzas thob kyi skabs su shes bya ji snyed pa
gang snang yang me long nang gi byad bzhin gyi gzugs brnyan ltar
snang ba yin gyi/ sa bdun pa man chad du skabs 'gar snang ba
ltar/ sgyu ma lta bur snang ba ma yin pa'i don cung zad kyang mi

snang ngo/ /bden 'dzin gyi sa bon zad par ma spangs kyang bden
'dzin mngon gyur skye ba'i go skabs bcom pas srid zhi mnyam nyid
kyi sbyor ba thob pa zhes rnam par bzhag go /gnyis pa la/ klan
ka dang/ lan no/ /dang po ni/ nyin par yang

@266b srog gcod sogs mi dge ba bcu dang sbyin pa la sogs pa dge
ba'i las med pas khyab par thal/ chos thams cad bden stong yin
pa'i phyir/ dper na rmi lam dang 'dra ba nyid yin pas/ des na
gnyid ma log pa'i gnas skabs na yang gnyid

log pa'i gnas skabs bzhin du las gsog pa med par 'gyur ba ma yin
nam zhe na/ zhes bya ba'i klan ka rnams zhes smos pa ni klon ka
'des mtshon pa'i bden gnyis 'gal bar rtsod pa'i klan ka mtha' dag
gi lan 'og nas 'chad pa 'dis mtshon

te shes par bya'o/ /zhes pa'i don to/ /gnyis pa lan la/ khyab pa
ma nges pa'i lan dang/ dpe ma grub pa'i lan no/ /dang po la/
nyan thos rang la grags pa'i khyab pa ma nges pa dper bkod pa
dang/ de dbu ma pa la yang mtshungs par bstan pa'o/ /

dang po la gnyis/ blo don dam pa'i ngor gsad bya gsod byed ma
grub par rang nyid kyis khas blangs pa dang/ blo kun rdzob pa
rtog pa'i yul du grub par yang rang nyid kyis khas blangs pa'o/
/dang po ni/ ji ltar phyi rol gyi don du snu ba mdo snga pa

dang/ bye brag smra ba'i lugs la don dam par te/ blo don dam pa
dbang shes ma 'khrul pa'i gzung ngor gsod byed sus kyang gsad
bya su yang bsad pa cha dang cha can dang rgyun can du snang ba
yang med/ ma bsad pa dge ba'i las lam gyi cha dang

cha can snang ba yang ma yin/ de'i gzung ngor sus kyang su'i nor
ma byin par blangs pa yang mad ma blangs pa yang ma yin par
thal/ de'i gzung ngor cha dang cha can du snang ba med pa'i
phyir/ der thal/ de'i gzung ngor phra ba'i mthar thug pa'i skad
cig

@267a @#/ /dang rdul phran nyid snang la dngos po rnams dus gnyis
par mi sdod pa'i skad cig ma nyid kyis phyis byung gi rgyu med
par 'jig pa yin pa'i phyir dang/ rang gi grub pa'i mtha' mdzod
las kyang/ 'jig rten sna tshogs

las las skyes/ zhes 'byung ba'i phyir/ phyi nang gi snod bcud
rnams thun mong dang thun mong ma yin pa'i las las skyes par
khas blangs pas srog 'gags pa/ srog 'phen byed kyi las zad pa'i
dbang gis yin pa'i phyir/ des na

thun mong dang thun mong ma yin pa'i las 'bras bu dang bcas pa'i
cha can yang blo ma 'khrul pa'i gzung ngor ma grub pa'i phyir
ro/ /gnyis pa ni/ zhes bya ba la sogs pa'i blo don dam pa'i ngor
de ltar khas len pa'i phyogs la blo kun rdzob

pa'i yul du gsad bya'i srog gi rgyun 'jug pa dang 'gal ba'i
dngos po gsod byed kyis skyed pa la gsad bya dang gsod pa po la
sogs par rtog pa'i sgo nas srog gcod pa la sogs par rang nyid
kyis rnam par 'jog pa de bzhin du don dam

du med na kun rdzob tu med pa'i khyab pa ma nges pa'o/ /rang
nyid brnab sems dang gnod sems sogs tshul bzhin ma yin pa yid la
byed pa la sogs pa dang ldan pa la mi dge ba la sogs par 'jog pa
dang/ 'dra bar ro/ /sogs pas

yang dag pa'i lta ba la dge bar 'jog pa sogs so/ /gnyis pa ni/
dpe de bzhin du gsad bya gsod byed sogs kyi dngos po don dam
bden pa 'jal ba'i mthar thug dpyed pa'i rigs ngor med pa rmi lam
dang 'dra yang tha snyad pa'i tshad ma'i yul du

@267b med pa ma yin pa'i phyir/ gsad bya gsod byed sogs don dam
par ma grub kyang stong pa nyid ma rtogs pa'i byis pa phyin ci
log gi 'ching ba mtha' dag mnyams pa rnams la gsad bya gsod byed
sbyin bya sbyin byed sogs de dang mthun pa'i

don gyi dngos po la sogs pa tha snyad pa'i tshad ma'i gzhal bya
la gsad bya gsed byed sogs su mngon par zhen pas las 'bras kyi
rnam gzhag 'thad do zhes bya ba la sogs pa'i bden gnyis mi 'gal
ba kun rdzob la ltas nas

khyab pa ma nges pa'i lan de dang don dam la ltos te 'dod pa'i
lan de 'grel chung 'di las phyogs gzhan sher phyin gyi mdo dang/
mgon po klu sgrub kyi bstan bcos sogs las gsungs so zhes bya bar
khong du chud par bya'o/ /

rgyas par de dag las rtogs par bya ba'i don yin no/ /lan ni 'di
skad bshad par zad/ /ces pa'i tshig 'grel yin yang/ sems tsam pa
nges don du 'dod pa'i mdo las phyogs gzhan zhes sogs bshad par
mi bya'o/ /yang na

de dang de/ zhes pa'i zlos sgra sbyar ba ni/ bden gnyis mi 'gal
ba'i lan mtha' yas pa mdo dang shing rta chen po rnams kyis
rgyas par gsungs pa las khong du chud par bya ba'i don to/ /don
bsdus na/ las 'bras bden par med na/

nyin par yang las gsog par mi 'thad pa'i khyab pa med par thal/
don smra ba khyod rang gi lugs la blo don dam pa'i ngor las
'bras 'khor gsum tshang ba med kyang/ blo kun rdzob pa'i yul du
yod par khas len pa bzhin

@268a @#/ /du; ded? dbu ma pa yang las 'bras don dam 'jal ba'i
dor med kyang tha snyad pa'i tshad ma'i yul du khas len pa'i
phyir ro/ /zhes pa'o/ /'grel ba'i tshig 'di dag la brten nas nyan
thos sde gnyis kyis

rags pa dang rgyun yin na/ bden stong du khas len pas khyab bo
zhes smra ba ni/ phyin ci log 'ba' zhig yin te/ de lta na sngar
gyi rtsod pa de nyid kho rang nyid la zlog na 'khor gsum ga khas
len par 'gyur bas rang nyid kyi rtsa ba'i

'dod pa rang gis dngos su sun 'byin pa dang/ de nyid gzhan la
sun 'byin yang dag tu 'dod pa'i don smra ba mkhas pa su yang mi
srid pas skur ba gdab par mi bya'o/ /gnyis pa la/ dbu ma la dpe
ma grub/ don smra ba la dpe ma grub pa'o/ /

dang po ni/ rtags ma nges pa las gzhan yang ded? dbu ma pa la
rmi lam las gsog pa med pa'i mthun dpe yang dag tu ma grub bo/
/nyi shu pa las/ rmi lam sems ni gnyid kyis nyams/ /des na 'bras
bu 'dra ma yin/ /zhes bya bas rmi las

gyi las 'bras bu 'byin ba stobs zhen pa tsam yin gyi/ las gsog
pa yod par kho bo cag kyang 'dod pa'i phyir ro/ /'di ni slob
dpon tha snyad du rnal 'byor spyod pa pa'i grub mtha' dang mthun
par zhal gyis bzhes pas/ rang la dpe ma grub pa'i

shes byad du drangs pa yin gyi/ sems tsam pa phyir rgol du byas
nas de la dpe ma grub pa'i shes byed ma yin te/ don smra bas
sems tsam pa la sngar bshad pa'i sun 'byin 'phen pa mi rigs pa'i
phyir ro/ /gal te 'di sems tsam pa la

@268b dpe ma grub pa la 'chad na/ dngos su dbu ma pa la rtsod
pa'o rgal ba don sna ba gnyis bkod kyang/ sems tsam pas kyang
sngar ji ltar don smra bas rtsod pa ltar dbu ma pa la rtsod pas
sngar rgol sems tsam pa la dpe ma grub pa'i lan du sbyar ro/

gnyis pa ni/ dpe de bzhin du rgol ba don smra ba rang la yang
rmi lam las gsog pa med pa'i mthun dpe yang dag tu ma grub par
thal/ rmi lam la dge ba dang mi dge ba spyod pa na/ sad pa'i
gnas skabs na kye ma/ bdag gis byas so legs

par byas so zhes rjes su yi rang nas rjes kyi gnas skabs kyi
sems kyis mngon par zhen pa'i gsos kyis yongs su gsos te/ mngon
zhen drag pos gsos btab na rmi lam gyi las de 'bras bu 'byin des
su don smra ba rang nyid kyang 'dod pa de'i

phyir/ gsum pa ni/ 'khor ba dang mya ngan las 'das pa ni bden
stong du mnyam pa nyid du grub pa yin te/ de la gnod byed du
bkod pa'i rtags ma nges shing yang dag pa'i mthun dpe ma grub
pas/ sun 'byin ltar snang du grub pa'i phyir/ gnyis pa

longs sku'i rgyu zhing dag pa'o sbyor ba la gsum gyi dang po
mtshams sbyar ba ni/ srid zhi gnyis ka mnyam pa nyid du rnam par
bsgom pa ni rong gang du sangs rgya bar 'gyur ba'i rang gi sangs
rgyas kyi zhing dag pa de nyid du zhes so/ /gnyis pa rtsa ba ni/
byang

chub sems dpa' sa brgyad pa bas rang gang du sangs rgya 'gyur
bya sangs rgyas kyi zhing ni dag pa nyid kyi sbyor ba thob ste/
sems can gyi 'jig rten ma dgo pa dag par bsgrub pa de bzhin du
snod kyi 'jig rten ma dag pa dag par sgrub pa'i dge rtsa bsags
pa yis

@269a @#/ /zhing dag pa'i sbyor ba thob pa'i phyir/ gsum pa 'grel
pa ni/ sa brgyad pa thob nas sangs rgyas kyi zhing rnam par dag
pa'i sbyor ba dang ldan pa'o/ /zhed sbyong ba'i dge ba'i rtsa ba
rgya chen po sngon du song ba la brten nas sems

can dang snod kyi 'jig rten gyi bye brag gis dag par bya ba
sangs rgyas kyi zhing rnam pa gnyis la go rims bzhin du bcud kyi
zhing bkres pa dang skom pa sogs kyis ma dag pa de'i gnyen por
lha'i longs spyod kyi nye bar spyod pa dang ldan zhing

bkres skom gyi ming tsam yang med par bskyed pa dang/ snod kyi
zhing rdo ba dang tsher ma la sogs pa nyid kyis ma dag pa gang
yin pa de'i gnyen por gser gyi sa phyogs la in-dra nI las mig
mngas ris su bris pa la sogs pa dag pa bskyed

pa'i sgo nas zhing rnam par dag pa ni zhing dag pa'i sbyor ba
dang ldan pa'o/ /gsum pa sprul sku'i rgyu thabs mkhas sbyor ba
la gsum gyi dang po mtshams sbyar ba ni/ zhing dag sbyor gyi 'og
tu thabs la mkhas pa'i sbyor ba 'chad do/ /rgyu mtshan rang

gi sangs rgyas kyi zhing zhes so/ /gnyis pa rtsa ba ni/ sbyor
ba'i yul ni yul dang zhes so/ /sbyor ba'i ngo bo ni sbyor ba can
'di ni zhes pa'o/ /sbyor ba'i dbye ba ni dgra rnams las ni 'das
pa dang zhes pa nas thabs la mkhas pa'i sbyor ba'i

bar rnam pa bcu'o/ /gsum pa 'grel pa ni/ rnam thar sgo gsum sogs
shes rab kyi pha rol tu phyin pa'i yul rnam pa bcu mngon sum du
bya ba la sems can la phan pa dus dang/ mi phan pa dus ma yin pa
mngon sum du shes pa'i

@269b dag sa'i sbyor ba ni thabs la mkhas pa'i sbyor ba yin no/
/de gang zhe na/ sa bcu pa'i ye shes chos can/ lha'i bu'i bdud
la sogs pa'i bdud las 'das pa yin te/ bdud kyis bar chad bya bar
nus pa la sogs pa'i bar chad kyi chos las rna ba

'byor gyi stobs kyis yang dag par rgal bas so/ /gang 'chi ba
phung po'i bdud ni nye bar len pa'i phung po lnga'o/ /gang gis
'chi ba nyon mongs pa'i bdud ni khams gsum gyi nyon mongs pa
dang nye ba'i nyon mongs pa rnams so/ /'chi ba gang yin

pa 'chi bdag gi bdud ni rang dbang med par srog gi dbang po 'gag
pa'o/ /'chi ba las 'da' ba'i gegs byed pa lha'i bu'i bdud ni/
gzhan 'phrul dbang byed kyi bdag po dga' rab dbang phyug go /de
dag ni mya ngan las 'das pa'i go 'phang

thob pa la gegs byed pa'i phyir bdud ces bya'o/ /thag dman pa
rnams mthong lam thob nas lha'i bu'i bdud las 'das shing/ dgra
bcom pa thob nas nyon mongs pa'i bdud las 'da'o/ /gnyis ka'i cha
las rnam par grol ba 'chi bdag gi

bdud las 'da' ste/ tshe'i 'du byed byin gyis rlobs pa la dbang
ba'i phyir/ phung po'i bdud las lhag med kyi myang 'das thob pa
na 'da'o/ /theg pa chen po ba phyir mi ldog gi rtags thob nas
lha'i bu'i bdud las 'da' zhing/ sa brgyad pa thob nas

bdud gzhan gsum rags pa las 'da' la/ bdud bzhi ma lus par bcom
pa ni sangs rgyas pa na'o/ /chos thams cad la don dam par mi
gnas par tha snyad du gnas pa'i sbyor ba dang ldan te chos thams
cad bden stong du mnyam pa nyid rnam

@270a @#/ /par bsgoms pas so/ /gzhan gyi don sngon gyi smon lam
gyi shugs kyis 'phangs byed pa dang ldan te/ gzhan don lhun grub
tu byed par gyur cig ces pa'i smon lam grub pas so/ /nyan rang
dang thun mong ma yin

pa'i sbyor ba dang ldan te/ gzhan gyi don byed pa'i dka' ba
spyad pa thams cad shin tu goms pa nyid kyis so/ /chos thams cad
la bden par 'dzin pa med pa dang ldan te/ sa dang lam gyi chos
dkar po goms par byas pa rnams bden par

'dzin pas rnam par dag pas khyad par du byas pas so/ /gang zag
dang chos kyi bdag gi ngo bo bden par mi dmigs pa'i sbyor ba
dang ldan te/ rnam par thar pa'i sgo stong pa nyid bskal pa
grangs med du mar goms par byas pa nyid kyis so/ /

rgyu'i mtshan ma bden par med par rtogs pa'i sbyor ba dang ldan
te/ rnam par thar pa'i sgo mtshan ma med pa nyid grangs med du
mar goms par byas pa nyid kyis so/ /'bras bu la smon pa bden pa
{ med par }? rtogs pa dang ldan te/ rnam par thar pa'i

sgo smon pa med pa nyid bskal pa grangs med du mar goms par byas
pa nyid kyis so/ /rang nyid phyir mi ldog pa'i rtags kyi thabs
la mkhas pa dang ldan te/ gzhan gyis phyir mi ldog las brtsams
te/ dri ba sngon du btang ba can la

phyir mi ldog gi rtags khyad par can thob pa dang rjes su mthun
pa'i phyir mi ldog pa'i chos brjod pas rang nyid phyir mi ldog
tu go bar nus pa'i tha snyad khyad par can dang ldan pa'i phyir/
rtogs pa tshad med pa'i thabs la mkhas pa dang

@270b ldan te/ rig pa'i gnas lnga la mkhas par byas shing/ gnas
lugs kyi don bskal pa grangs med du mar mngon sum du goms par
byas pas dri ba'i lan 'don par byed pa'i thabs kyi yul thams cad
shes pa nyid kyis so/ /'grel

chen du skabs 'dir/ mkhyen gsum dang rnam rdzogs sbyor ba'i
khyad par sngar bshad pa ltar mdzad do/ /gsum pa skabs bsdu ba
ni/ shes rab kyi pha rol tu phyin pa'i man ngag gi bstan bcos
mngon par rtogs pa'i rgyan ces bya ba'i rnam

bshad snying po'i rgyan ces bya ba las skabs bzhi pa'i 'grel
pa'i bshad pa'o// //gnyis pa dbang du bya ba'i 'bras bu rtse
mo'i sbyor ba la/ 'brel bkod pas mtshams sbyar ba dang/ le'u'i
gzhung bshad pa dang/ skabs bsdu

ba'o; ;dang po ni/ rnam rdzogs sbyor ba bshad zin pa'i 'og tu/
rtse mo'i mngon par rtogs pa 'chad pa'i rgyu mtshan yod de/ goms
pa dbang du bya ba'i ched du mkhyen gsum gyi rnam pa thams cad
mngon par rdzogs par rtogs pa thob pa la

goms pa rang dbang du gyur pa'i rab kyi mthar phyin pa'i rtogs
pa 'byung bas so/ /rtse mo thob pa'i rtags la sogs pa bsnyad pa
sngon du 'gro ba'i sgo nas rtse mo 'chad pa'i rgyu mtshan yod de/
go sla bar bya ba'i phyir ro/ /gnyis pa la/ sbyor lam

rtse mo/ mthong lam/ sgom lam/ bar chad med pa'i rtse mo'o/
/dang po la so so'i ngo bo dang/ don bsdu ba'o/ /dang po la/
drod kyi rtse sbyor/ rtse mo/ bzod pa/ chos mchog rtse sbyor ro/
/dang po la gnyis kyi dang po rtsa ba ni/ rtse mor phyin pa'i
sbyor ba

@271a @#/ /thob pa'i rtags rnam pa bcu gnyis dag tu mdo las bzhed
de/ sgom byung gi stobs kyis rmi lam na yang chos rnams kun/ rmi
lam lta bur zhi lhag zung 'brel gyi ting nge 'dzin gyis lta ba
la sogs rnam pa bcu gnyis

su mdo las bzhed pa'i phyir/ sad pa'i skabs su stong nyid la
dmigs pa'i lhag mthong sgom pa'i stobs kyis rmi lam du lan cig
de ltar dmigs nus na yang rtse sbyor thob pa'i rtags su shes par
bya'o/ /mdo ni/ rab 'byor gang

byang chen rmi lam na yang chos thams cad rmi lam dang 'dra ba
nyid du lta zhes pa nas/ bcom ldan 'das de ltar spyod pa'i byang
chen rnam pa thams cad mkhyen pa nyid dang/ nye bar gyur pa lags
so/ /zhes so/ /gnyis pa 'grel pa ni/

rnam pa bcu gnyis ni rtse mo'i mngon par rtogs pa thob pa'i gnas
skabs kyi khyad par gyi rtags yin no/ /de gang zhe na/ sbyor lam
drod la gnas pa'i sems dpa' chos can/ rmi lam gyi gnas skabs na
yang chos thams cad rmi

lam dang 'dra ba la sogs par blta ba dang ldan te/ sad dus su
stong nyid la dmigs pa'i zhi lhag zung 'brel shin tu goms pa'i
phyir/ rtse mo'i sbyor ba thob pa yin te/ theg chen sems bskyed
la goms pa'i stobs kyis rmi

lam na yang nyan thos la sogs pa'i sa la dga' ba'i sems mi
bskyed pa'i phyir/ bsgrub bya'i chos snga ma la/ rtags na sangs
rgyas mthong ba dang mi 'bral ba'i theg chen gyi dge rtsa smin
pa'i stobs kyis rmi lam na yang de bzhin

@271b gshegs pa 'khor brgya stong gis bskor te chos ston pa la
sogs pa mthong ba dang sangs rgyas kyi rdzu 'phrul gyi rnam par
'phrul pa nam mkha' la 'phags te chos ston pa sogs rmi lam du
dmigs pa dang/ bdag sad nas sems

can rnams la chos thams cad rmi lam dang 'dra bar bstan par
bya'o/ /snyam nas rmi lam du yang chos ston pa'i sems skye ba
dang/ sad pa dang rmi lam gyi gnas skabs na yang dmyal ba pa la
sogs pa'i sems can mthong

ba sngon du 'gro bas rang gi sangs rgyas kyi zhing du ngan song
gi ming yang med par gyur cig snyam du ngan song sngong?  ba
rjes su dren pa dang/ rmi lam dang sad pa na/ grong khyer la
sogs pa mes tshig pa rab tu zhi bar byed pa'i bden

pa'i byin gyis brlabs grub pa dang sad pa'i skabs su skyes pa
dang bud med gnod sbyin la sogs pa mi ma yin pas zin pa na/ bden
stobs brjod pas da dag med par byed pa'i bden pa'i tshig grub pa
dang/ mngon pa'i nga rgyal

med cing rang nyid bdud kyi las mngon par shes pas pha rol bdud
kyi las zil gyis gnon pa'i dge ba'i bshes gnyen bsten pa dang/
mnyam gzhag dang rjes kyi rnam pa thams cad du gzhan don du
shes rab kyi pha rol tu phyin

pa la slob pa dang/ chos thams cad la sgom byung gis stong nyid
rtogs pa'i stobs kyis bden par mngon par zhen pa med pa dang/
byang sems kyi skyon med pa sogs la gnas pas sangs rgyas kyi
byang chub la nye bar gyur pa zhes bya ba'i rtse mo'i

@272a @#/ /rtags thob pa'i phyir/ gnyis pa rtse mo'i rtse sbyor
la gsum gyi dang po mtshams sbyor ba ni/ de ltar zhes so/ /gnyis
pa rtsa ba ni/ rtse mo'i rtse sbyor la gnas pa'i sems dpa' chos
can/ bsod nams rnam par

'phel ba bcu drug gi bdag nyid thob ste/ 'dzam bu gling gi skye
bo la sogs pa stong gsum gyi sems can ji snyed kyis sangs rgyas
mchod pa'i dge ba la sogs rnam pa mang du ni dper mdzad nas de
bas chos lhag pa thob pa'i phyir/ mdo ni/ gal

te 'dzam bu'i gling gi sems can ji snyed pa de dag thams cad
snga phyi med par mi lus thob par gyur te/ sangs rgyas bar gyur
la/ de na nam 'tsho'i bar du bzhugs pa la/ rigs kyi bu'am rigs
kyi bu mo gang la la zhig gis rim gro byas/

bkur stir byas pa sogs kyi bsod nams las rigs kyi bu'am rigs kyi
bu mo gang sher phyin 'di gzhan la ston pa nas yid la byed pas
rnam par spyod na/ de'i bsod nams mang du 'phel lo zhes pa nas/
gal te 'di snyam du 'di ni sher

phyin no/ /sher phyin 'dis rnam mkhyen nyid sgrub par bya'o
snyam ste/ gal te de ltar spyod na/ sher phyin la mi spyod do
zhes pa'i bar du bka' stsal to zhes so/ /gsum pa 'grel pa ni/
rtse mo'i rtse sbyor thob pa'i gnas skabs bcu drug gi ngo bo
nyid

ni chos can/ bsod nams rnam par 'phel ba yin no/ /me tog la sogs
pas sangs rgyas mchod pa'i dge ba la sogs pa rnam pa mang po
dper mdzad nas snga ma snga ma las phyi ma phyi ma gong nas gong
du khyad par du 'phags pa thob pa

@272b nyid kyis so/ /bcu drug po gang zhe na/ rtse mo'i rtse
sbyor thob pa'i sems dpa' chos can/ bsod nams rnam par 'phel ba
dang ldan te/ 'dzam bu gling la sogs pa stong gsum gyi 'jig rten
gyi khams kyi sems can ji snyed kyis de ba la

mchod pa bas bsod nams ches lhag pa dang ldan pa'i phyir/ bsgrub
bya'i chos snga ma la/ rtags bsod nams de bas kyang khyad par du
'phags pa sbyor ba gnyis ldan gyis shes rab kyi pha rol tu phyin
pa yid la byed pa dang ldan pa'i phyir/ de

bas khyad par du mi skye ba'i chos stong pa nyid ma bzod pa thob
pa dang ldan pa'i phyir/ de las khyad par du rtse sbyor gyi
stobs kyis byang chub par bya ba dang byang chub par byed pa'i
rgyu 'bras kyi chos rnams don dam par mi dmigs par rtogs pa'i
phyir/ 'dzam

bu gling gi sems can rnams dge ba bcu la sogs pa dang bsam gtan
dang/ gzugs med pa'i snyoms par 'jug pa thob pa las chos khyad
par du 'phags pa thob pa dang/ rtse mo'i sher phyin la brtson
pa'i drung du gus shing gnod pa mi byed

par lnga'i ris thams cad nye bar 'ong ba dang/ rtse mo'i sher
phyin gyis mthus bdud thams cad zil gyis gnon pa dang/ rang dang
theg pa gcig la zhugs pa'i skye bo byang sems gzhan la ston pa
dang 'dra bar gus shing bslab pa mtshungs par gnas

pa zhes bya ba gang zag gzhan la ltos pas phyi gtso bor gyur
pa'i bsod nams rnam pa brgyad dang yang de chos can/ rtse mo
thob pa'i bsod nams rnam par 'phel ba dang ldan te/ rnam pa
thams cad du tshogs gnyis kyi thabs la mkhas pas chos

@273a @#/ /nyid sgom byung gis rtogs pa'i shes rab kyis bslab pa
yongs su dag pa dang ldan pa'i phyir/ bsgrub bya'i chos snga ma
la rtse mo'i sher phyin gyi mthus sangs rgyas kyi rigs can du
'gyur ba thob pa'i phyir/ 'bras bu sangs

rgyas nyid thob pa'i rgyu mtshan sbyor ba dang mtshungs ldan gyi
sems bskyed sogs 'thob pa'i phyir/ rtse mo'i sher phyin gyi
mthus pha rol tu phyin pa'i mi mthun phyogs kyi sems ser sna
sogs mi skye ba'i yon tan thob pa'i phyir dang/ gzugs la

sogs pa bden par 'dzin pa'i kun brtags mngon gyur dang ldan par
rtogs pa'i sems rab tu mi skye ba rtse mo'i stobs kyis thob pa'i
phyir/ sher phyin gyi nang du pha rol tu phyin pa kun bsdus nas
nyams su len pa shes pa thob pa'i phyir/ sgom

byung gis theg pa gsum gyi rtogs pa'i rigs phun sum tshogs pa
thams cad thob pa'i phyir/ rtse mo'i sher phyin gyi mthus yang
dag par rdzogs pa'i byang chub la nye bar gyur pa thob pa'i
phyir/ ces bya ba nang gtso bor gyur pa snga ma las bsad nas

gzhan rnam pa brgyad do/ /gsum pa bzod pa'i rtse sbyor la gsum
gyi dang po mtshams sbyar ba ni/ rtse mo'i rtse sbyor gyi 'og tu
nges par brtan pa bzod pa'i rtse sbyor 'chad pa'i rgyu mtshan yod
de/ sngar bshad pa de ltar bsod nams rnam par 'phel

bas thabs shes kyi rtogs pa brtan po thob pa'i phyir/ khyab par
thal/ bsod nams rnam par spel ba'i rang dbang du gyur pa mthar
phyin pa'i mtshan nyid rnams ni thabs shes kyi rtogs pa nges par
brtan pa yin pas so/ /gnyis pa rtsa ba ni/ theg

@273b chen sbyor lam bzod pa chos can/ brtan pa'i rtse mo zhes
pa ni mdo las mngon par brjod pa'i rgyu mtshan yod de/ rang don
rtogs pas bsdus pa kun mkhyen nyid gsum gyi chos rnams kyi rtogs
pa'i rigs yongs su rdzogs pa bla na med pa thob cing gzhan

don snying rjes sems can gyi don yongs su mi gtong ba mdo las
bshad pa ltar thob pa'i nges 'byed cha mthun yin pa'i phyir/
mkhyen pa gsum gyi rtogs pa'i rigs rdzogs par thob pa tsam gyis
dag pa sa la sbyor ba ha cang thal la/ rtogs pa'i ngo

bo rdzogs pa la byed na sa dgu pa nas thob pa de las kyang mi
'thad do/ /mdo ni/ dge ba'i rtsa ba 'dis gang zag byang chub
sems dpa'i theg pa gang gis/ bla med rdzogs byang du dmigs pa de
dag gis/ sangs rgyas kyi chos rnams yongs su rdzogs

par gyur cig /rang byung gi chos rnams yongs su rdzogs par gyur
cig /zag pa med pa'i chos rnams yongs su rdzogs par gyur cig ces
so/ /gsum pa 'grel pa ni/ de chos can/ nges par brtan pa'i rtse
mo yin te/ thabs shes khyad par

can thob pa'i nges cha gsum pa yin pa'i phyir/ thabs brtan pa
khyad par can thob ste/ de ltar gzhan don sgrub pa'i yang dag
pa'i thabs la mkhas pa'i stobs kyis mnyam gzhag rnam par mi rtog
pa rtogs pa'i gnas skabs na yang sems can la

dmigs pa'i snying rje chen po mngon du byed pa'i ngo bos zin
pa'i sgo nas sems can gyi don yongs su mi gtong ba'i mtshan nyid
thob pa'i phyir/ shes rab brtan pa khyad par can thob ste/ rnam
pa thams cad mkhyen pa nyid la sogs pa sngar ji skad

@274a @#/ /bshad pa'i thams cad mkhyen pa nyid gsum gyi chos sems
bskyed la sogs pa gong du smos pa sum cu po rnams kyi rtogs pa'i
rigs yongs su rdzogs pa bla na med pa thob pa'i phyir/ bzhi pa
chos mchog rtse sbyor

la gsum gyi dang po mtshams sbyar ba ni/ brtan pa'i rtse mo bshad
zin pa'i 'og tu sems kun tu gnas pa'i rtse mo 'chad do/ /de ltar
bzod pa'i rtse mos thabs shes kyi rtogs pa nges par brtan par
byed pas de'i rjes su nges par brtan

par gyur pa'i thabs shes kyi mtshan nyid ni sems kun tu gnas pa
yin pas so/ /gnyis pa rtsa ba ni/ chos mchog rtse sbyor gyi ting
nge 'dzin mdo las yongs su bsgrags pa yin te/ gling bzhi pa dang
stong dag dang stong gnyis dang stong

gsum gyi chu dag srang grangs kyis gzhal nus pa dper mdzad nas/
de bas byang sems bzhi'i dge ba la rjes su yi rang ba'i bsod
nams mang po nyid kyis ni mtshon nas bstan pa'i phyir/ mdo las/
mi ldog byang chub mchog la rab tu

zhugs pa yi/ /sems bskyed pa la bsam pa thag pas yi rang ba/
/stong gsum ri rab srad la gzhal ba'i tshad bzung rung/ /rjes su
yi rang dge ba de ni de ltar min/ /zhes so/ /gsum pa 'grel pa
ni/ gling bzhi pa

dang stong gsum gyi sa chen po srang grangs dang/ chu rnams
skra'i rtse mos blangs pa'i thigs pa'i grangs kyi tshad kyis tshad
bzung bar nus te/ tshad srid pa ni srang tshad kyis gzhal bar nus
so zhes bya ba'i tshul gyis de ltar nus pa'i phyir/ mdo

@274b las/ skabs 'dir sbyin pa'i pha rol tu phyin pa la sogs pa
mngon par rtogs pa thams cad kyi ngo bo nyid kyi rigs yongs su
rdzogs pa'i ting nge 'dzin gyi bsod nams dang ye shes kyi tshogs
kyis bsdus pa ting nge 'dzin gyi mtshan nyid

mdo las brjod pa ni sems kun tu gnas pa chos mchog rtse sbyor
yin no/ /mdo las ji ltar brjod na gling bzhi pa la sogs pa stong
gsum pa'i 'jig rten gyi khams rnams kyi sa'i dkyil 'khor srang
grangs dang/ chu skra'i rtse mo'i grangs kyis

thigs pa'i tshad bzung nus pa so sor dper mdzad nas dpe de dag
las byang sems bzhi'i dge ba la rjes su yi rang ba'i bsod nams
chos khyad par du 'phags shing tshad las 'das pa'i bsod nams mang
po nyid kyis mtshon nas bstan

pa'i phyir/ dngos su sems dang po bskyed pa dang/ spyod pa la
zhugs pa dang/ phyir mi ldog pa dang/ skye ba gcig gis thogs pa
bzhi'i dge ba la rjes su yi rang ba'i bsod nams sngar bshad pa'i
dpe de dag las ches khyad par du 'phags

pa bstan pas mtshon nas bstan pa yin no/ /gnyis pa don bsdu ba
ni/ rtags la sogs pa bzhi pos bstan pa'i rtse sbyor bzhi po de
dag ni go rims bzhin du dro ba la sogs pa nges par 'byed pa'i
cha dang mthun pa bzhi'i ngo bo nyid yin par khong

du tshud par bya'o/ /gnyis pa mthong lam rtse sbyor la/ mtshams
sbyar ba dang/ spang gnyen so so'i don bshad pa'o/ /dang po ni/
nges par 'byed pa'i cha dang mthun pa'i rtse mo bshad zin pa'i
'og tu mthong ba'i lam rtse mo bshad par bya ba yin

@275a @#/ /te; gnyis pa la/ spang bya rtog pa dang/ de'i gnyen
po'o/ /dang po la/ mdor bstan pa/ rgyas par bshad pa/ don bsdu
ba'o/ /dang po la gnyis/ gzung rtog mdor bstan dang/ 'dzin rtog
mdor bstan to/ /dang po la

gsum gyi dang po mtshams sbyar ba ni/ mthong lam rtse mo de la
zhes so/ /gnyis pa rtsa ba ni/ byang sems kyi mthong spangs 'jug
pa dang ni ldog pa la gzung ba'i rnam rtog de chos can/ so sor
dgu'i bdag nyid du shes par bya ste/ yul

gyi dbye bas dgu dgu yod pa'i phyir/ ji bzhin yul 'dzin pa min
pa'i bdag nyid dag tu shes par bya ste/ zhen yul la 'khrul pa'i
log shes yin pa'i phyir/ gsum pa 'grel pa ni/ byang sems kyi
'jug par bya ba bden

par mi dmigs par rtogs pa'i shes rab kyis zin pa'i lam 'bras bu
dang bcas pa dag la byang chub sems dpa' len pa'i gzung ba dang/
log par bya ba bden par dmigs pa'i ngo bo nyid nyan thos la sogs
pa'i chos dag

la go rims bzhin du byang chub sems dpas 'dor ba'i sgo nas gzung
ba'o zhes gzung bar bden par rnam par rtog pa'i mthong spangs
chos can/ mthong spangs nyon mongs pa dang 'dra bar mthong lam
rtse sbyor gyi mi mthun pa'i phyogs su

gyur pa yin te/ de skye ba la gegs byed yin pa'i phyir/ so sor
rnam pa dgu dgu yod pa ni yin te/ yul gyi dbye bas de ltar yod
pa'i phyir/ yul ji lta ba bzhin ma yin pa 'dzin pa'i rang gi ngo
bo dag tu shes par bya'o/ /rang yul phyin ci

@275b log tu snang ba'i phyir/ der thal/ gnas chod kyi dngos po
dang ma 'brel bar bden par zhen nas 'jug pa nyid kyis so/ /gnyis
pa la gsum gyi dang po mtshams sbyar ba ni/ de ltar zhes so/
/gnyis pa rtsa ba ni/ theg chen gyi mthong spangs rdzas

'dzin rtog pa chos can/ gnyis su yod de/ so so'i skye bo sems
can rdzas yod du 'dzin pa dang/ 'phags pa'i dbye bas skyes bu
btags par yod pa 'dzin pa dag la dmigs nas longs spyod byed du
bden par rnam par rtog pa'i 'dzin pa dag tu

'dod pa'i phyir/ rdzas btags kyi khyad par dang/ de la dmigs
pa'i 'dzin rtog gi rnam gzhag ni sngar skabs dang por bshad pa
bzhin shes par bya'o/ /de dag so sor dgu dgu'i bdag nyid du shes
par bya ste/ yul gyi dbye bas dgu dgu yod pa'i

phyir/ de dag gnas tshod dang mthun pa'i yul gang gi 'dzin par
'dod pa mi rigs par thal/ gal te de dag gzung don de bzhin nyid
du med pa'i 'khrul shes yin pa'i phyir/ 'dod na de ltar rtog pa
de dag 'dzin pa ma 'khrul pa yi ngo bos stong pa'i

mtshan nyid do/ /'dod pa de'i phyir/ gsum pa 'grel pa ni/ rten so
so'i skye bo dang 'phags pa'i gang zag dag gi rgyud la go rims
bzhin du skyes bu rdzas dang btags par yod pa'i rten can gyi
'dzin pa dag yod pas theg chen gyi mthong spangs

rdzas su 'dzin par rnam par rtog pa chos can/ mthong lam rtse
sbyor gyi mi mthun pa'i phyogs su gyur pa yin te/ de skye ba la
gegs byed pa yin pa'i phyir/ yul ji lta ba bzhin ma yin pa'i
'dzin pa'i ngo bo dag tu shes par bya'o/ /rang yul phyin

@276a @#/ /ci log tu snang ba'i phyir/ der thal/ de dag ni shes
pa gang zhig yul gyi gnas tshod dang mthun pa 'dzin pa'i ngo bos
dben pa'i ngo bo yin pas so/ /der thal/ yul gyi gnas tshod dang
mthun pa gang gi yang 'dzin pa

ma yin pa de'i phyir/ der thal/ gang gi tshe rtog pa de dag gi
yul gyi dngos por gyur pa gzung ba'i don dag ji ltar gzung ba de
bzhin du gzung ba'i ngo bor yod pa ma yin pa zhes bya ba de'i
tshe'i phyir/ so sor rnam pa dgu yod pa ni yin te/ yul gyi

dbye bas de ltar yod pa'i phyir/ gnyis pa rgyas bshad la/ gzung
rtog rgyas bshad/ 'dzin rtog rgyas bshad de/ /dang po la/ 'jug
pa gzung rtog/ ldog pa gzung rtog go /dang po la gsum gyi dang
po mtshams sbyar ba ni/ gzung ba'i zhes

so; ;gnyis pa rtsa ba ni/ 'jug pa'i phyogs kyi rten can gyi
gzung ba'i rnam rtog de ni rnam pa dgur 'dod de/ theg chen gyi
lam 'bras bu dang bcas pa'i ngo bo nyid la sogs pa yul gyi dbye
bas dgu yod pa'i phyir/ mdo las/ rab 'byor 'di

ji snyam du sems sgyu ma lta bu'i sems de khyod kyis yang dag
par rjes su ma mthong ngam zhes pa nas brtsams te/ shing gi
'khrul 'khor mkhan gyi dpas bya ba'i 'bras bu'i rnam rtog bsal
ba'i bar gyis gsungs so/ /gsum pa 'grel pa

ni/ theg pa chen po'i lam 'bras bu dang bcas pa la gzung bar bya
ba nyid du 'jug par bya'o zhes bya ba longs spyad byar bden par
zhen pa'i gzung ba'i rnam par rtog pa dang po 'jug pa'i phyogs
kyi rten can rnam pa dgu po chos can/ theg chen gyi

@276b mthong ba'i lam gyi sbyor ba'i gnas skabs kyis spang bar
bya bar bzhed pa yin te/ de skye ba la gegs byed kyi rtog pa yin
pa'i phyir/ dgu po gang zhe na/ de la byang chub sems dpa'i 'jug
bya spyi dang khyad par ro/ /dang po ni/ don dam par dben

pa phar phyir drug gis don dam par dben pa bla na med pa'i byang
chub don dam par ma rtogs shing ma thob kyang tha snyad du thob
pa'i ngo bo nyid theg chen gyi lam 'bras chos can/ byang chub
sems dpa'i 'jug bye yin te/ de'i nyams su glang bya

yin pa'i phyir/ gnyis pa la/ lam gyi rgyu dang/ ngo bo dang/
'bras bu'o/ /dang po ni/ byang chub sems dpa' chos can/ sangs
rgyas kyi rigs su nges par 'gyur ba yin te/ nges par sa mi g.yo
ba la sogs pa la 'jug pas so/ /gnyis pa

la; lam dngos dang lam gyi dmigs pa dang/ spang bya 'joms pa'i
nus pa'o/ /dang po ni/ de chos can/ mthong ba la sogs pa'i lam
yang dag par 'grub pa yin te/ chos thams cad bden med sgyu ma
lta bur rtogs pas so/ /gnyis pa ni/

shes pa'i dmigs pa ma 'khrul ba la dmigs pa yin te/ chos thams
cad snang brnyan tsam du zad par khong du chud pas so/ /gsum pa
ni/ spang bya sel ba'i nus pa khyad par can thob ste/ yon tan ma
thong ba sngon du 'gro ba'i blang bar bya ba dang

skyon mthong ba sngon du 'gro ba'i dor bar bya ba nyid kyis shes
sgrib kyi gnyen po skye ba dang mi mthun pa'i phyogs 'joms pa'i
nus pa thong ba'i phyir/ gsum pa la/ rang don dang/ gzhan don
to/ /dang po ni/ rnam mkhyen chos can/ theg chen rang gi rtogs

@277a @#/ /pa mthar thug pa thob ste rtogs pa gang zhig gi /dri
ma thams cad bral ba nyid kyis so/ /gnyis pa la/ gzhan don byed
pa'i nus pa dang/ las dang/ 'bras bu'o/ /dang po ni/ theg pa
chen por rigs nges pa rnams la nyan

thos la sogs pa'i sa thag srid par byed pa yin te/ nyan thos kyi
lam dman zhing 'bras bu gya nom pa ma yin pa nyid kyis theg pa
chen po'i lam 'bras la 'god pa'i phyir/ gnyis pa ni/ sems can
gyi don gyi las dang ldan te gdul bya'i bsam

pa; ji lta ba dang mthun par brgya byin sogs su sprul pas gzhan
don mdzad pa'i phyir/ gsum pa ni/ rigs can gsum gyi skye bo
thams cad mya ngan las 'das pa la dgod par bya ba'i 'bras bu la
skyon med pa nyid kyis 'jug par byed pa

yin te/ gzhan don byed pa'i yang dag pa'i thabs la mkhas pa'i
stobs kyis de ltar mdzad pa'i phyir/ gnyis pa la gsum gyi dang
po mtshams sbyar ba ni/ gzung ba'i zhes so/ /gnyis pa rtsa ba ni/
byang chub sems dpa' ldog pa'i phyogs

kyi rten can nyan thos la sogs pa'i yid las byung ba dman pa'i
lam 'bras bu dang bcas pa ldog byar bden par rnam par rtog pa
'di chos can/ dgu'i bdag nyid du yod de/ nyan rang gi lam srid
mtha' dang zhi bar ltung ba'i phyir rtogs pa

dman pa sogs yul gyi sgo nas dgu yod pa'i phyir/ mdo ni/ rab
'byor 'di lta ste dper na/ 'khor los bsgyur ba'i rgyal po rin po
che sna bdun dang bral na/ 'khor lo sgyur ba'i ming mi 'thob bo
zhes pa nas/ rab 'byor 'di lta ste 'khor lo

@277b sgyur ba'i rgyal po'i 'khor lo rin po che la sogs pa rin
po che sna bdun ni/ dpung gi tshogs yan lag bzhi dang ldan pa'i
sngon du 'dod do zhes sogs so/ /gsum pa 'grel pa ni/ gzung bar
rnam par rtog pa gnyis pa byang chub sems dpas

ldog pa'i phyogs kyi rten can nyan thos dang rang sangs rgyas
kyi rgyud la blang bar bya ba nyid du 'byung ba yul du byas pa'i
ldog pa gzung rtog rnam pa dgu po chos can byang chub sems dpa'
rnams kyi mthong ba'i lam gyi sems dang sems

las byung ba 'jug pa bar chad med pa'i lam gyi gnas skabs kyis
spang bar bya bar bzhed pa yin te/ des khyod kyi sa bon 'joms
pa'i phyir/ dgu po gang zhe na/ nyan rang gi lam 'bras rtogs pa
dman pa dang/ bdag rkyen yongs 'dzin dman pa

dang/ don gnyis sgrub pa'i thabs dman pa dang/ spangs rtogs
khyad par can las nyams pa dang/ lam 'bras khyad par can ma thob
pas nyams pa'o/ /dang po ni/ nyan rang chos can/ theg chen las
rtogs pa dman pa nyid yin te/ thar

lam la zhugs kyang 'khor ba dang mya ngan las 'das pa gang yang
rung ba zhig tu ltung ba nyid kyis so/ /gnyis pa ni/ lam khyad
par can gyis yongs su 'dzin pa med pa yin te/ dge ba'i bshes
gnyen thabs la mkhas pa dang bral ba nyid kyis so/ /

gsum pa la/ gzhan don sgrub pa'i thabs dman pa dang/ rang don
sgrub pa'i thabs dman pa dang/ gnyis ka'i don sgrub pa'i thabs
dman pa'o/ /dang po ni/ gzhan don sgrub pa'i lam ma tshang ba yin
te/ nyon sgrib dang shes sgrib gzung rtog tsam

@278a @#/ /spong nus kyi/ shes bya'i sgrib pa mtha' dag gi gnyen
po tshang ba ma yin pa nyid kyis so/ /gnyis pa ni/ thar par gzhan
gyi rkyen gyis 'gro ba nyid yin te/ dgra bcom thob par byed pa'i
tshe yang de pa la sogs pa'i

gdams ngag la ltos pa dang bcas pa nyid kyis so/ /gsum pa ni/
ched du bya ba log pa yin te/ rang nyid 'ba' zhig gi ched du
thar pa thob par 'dod kyi/ ched du bya ba sems can thams cad kyi
mchog nyid kyi sems chen po nyid la sogs

pa chen po gsum la mi 'jug pa nyid kyis so/ /bzhi pa la/ spangs
pa dman pa dang/ rtogs pa dman pa'o/ /dang po ni/ spangs pa nyi
tshe ba'i lam gyi byed pa dang ldan te/ nyon mongs pa'i sgrib
pa'i gnyen po tsam zhig bsgom pa nyid kyis so/ /

gnyis pa ni/ 'bras bu dang po rgyun zhugs la sogs pa rtogs pa
mtho dman gyi rigs tha dad pa nyid dang ldan te/ gzhi lam la
bden par dmigs pa dang bcas pa nyid kyis 'bras bu bzhi rims kyis
theb par byed pa'i phyir/ lnga pa la/

lam khyad par can ma thob pas nyams pa dang/ 'bras bu khyad par
can ma thob pas nyams pa'o/ /dang po ni/ de chos can/ zhi ba'i
mtha' ma thob par du theg pa chen po'i lam la gnas pa dang/ de'i
lam gyis 'gro ba mi shes pa yin

te; theg pa dman pa'i lam tsam la gnas pas ma rig pa'i bag la
nyal thams cad ma spangs pa nyid kyis so/ /gnyis pa ni/ rnam pa
thams cad mkhyen pa nyid mya ngan las 'das pa thams cad kyi mjug
tu 'gro zhing thob par bya ba yin

@278b te; rnam mkhyen de theg pa chen po'i spangs rtogs kyi rigs
thams cad sdud par byed pa nyid kyis mthar thug pa'i phyir/ des
na nyan thos kyi lam 'bras la nyes pa dang bcas pa nyid kyis
byang chub sems dpa'i rgyud la gzung bar bya ba ma

yin pa nyid du ldog par bya'o zhes yul gyi sgo nas ldog byar
bden par zhen pa dgu'o/ /gnyis pa 'dzin rtog rgyas bshad la/
rdzas 'dzin rtog pa dang/ btags 'dzin rtog pa'o/ /dang po la
gsum gyi dang po mtshams sbyar ba ni/ so so'i skye

bo'i zhes so/ /gnyis pa rtsa ba ni/ 'dzin pa'i rnam par rtog pa
dang po dgur shes par bya ste/ 'dzin pa dang ni 'dor ba la gang
zag tu bzhag pa la longs spyod pa por bden par zhen pa sogs dgu
yod pa'i phyir/ mdo ni/ bcom ldan 'das

sher phyin chos gang yang yongs su 'dzin pa dang/ gtong bar
bgyid pa ma lags so zhes pa nas/ rab 'byor 'di la byang chen
gzugs zhes bya'am/ 'di ni gzugs so zhes mngon par chags pa yod
do zhes sogs bka' stsal to/ /gsum

pa 'grel pa ni/ so so skye bo'i 'dzin pa la don dam pa'i longs
spyod pa po'i dngos por mngon par zhen pas 'dzin par rnam par
rtog pa dang po shes sgrib kun brtags kyis bsdus pa rnam pa dgu
chos can/ mthong ba'i lam gyi rtse sbyor

gyi sbyor ba'i gnas skabs kyis spang bar bya bar bzhed pa yin
te/ des dngos su 'joms pa'i phyir/ sa bon spong ba'i dbang du
byas na/ spang bya'i dbang gis gnyen po'i ming so sor bshad pa
tsam yin gyi/ dngos su ma mthong lam rtse

@279a @#/ /sbyor bar tshad med lam de nyid kyis mthong spangs
gzung 'dzin gyi rnam par rtog pa bzhi ga'i sa bon dus gcig tu
spong ba yin gyi/ rim can du spong bar 'dod pa la rigs pa du mas
gnod par shes par bya'o/ /

gzung rtog dang 'dzin rtog dang po gnyis sbyor ba nyer bsdogs
kyi lam gyis spong bar bshad pa yang mngon 'gyur la ltos na de
gnyis cung zad spong sla bas de ltar rnam par bzhag pa yin gyis/
mthong lam rtse sbyor nyid la rnam grol

lam gyi sngon du sa bon spong ba'i gnyen po rim pa gnyis ston pa
ma yin no/ /dgu gang zhe na/ rnam mkhyen gyi rgyu las nyams pa
dang/ 'bras bu rnam mkhyen las nyams pa'o/ /dang po la spyod pa
la zhen pa dang/ shes

bya la zhen pa dang/ spang gnyen la zhen pa'o/ /dang po la/
blang dor du zhen pa dang/ de'i kun slong bden par yid la byed
pa dang/ de'i nyes dmigs so/ /dang po ni/ don dam par med kyang
kun rdzob sgyu ma bzhin du yon

tan 'dzin pa dang skyon gtong ba'i gang zag la longs spyod pa
por bden par zhen pa kun brtags kyis bsdus pa chos can/ mthong
lam rtse sbyor gyi spang bya yin te/ des khyod kyi sa bon dngos
su 'joms pa'i phyir/ phyi ma rnams la yang

rtags chos de bzhin du sbyar bar bya'o/ /gnyis pa ni/ gnas lugs
kyi don yang dag pa nyid du yid la mi byed par bden par yid la
byed pa la longs spyod pa por bden par zhen pa dang/ gsum pa ni/
bden par yid la byas pa des nyon mongs

@279b bskyed pa'i chos nyid kyis khams gsum char dang nye bar
'brel ba la longs spyod pa por zhen pa'o/ /gnyis pa la/ dngos po
la bden par zhen pa/ bden med du zhen pa dang/ btags pa tsam du
zhen pa'o/ /dang po ni/ chos thams cad stong pa nyid du

rtogs pa la mo gnas pas bden par bzung nas gnas pa dang/ dngos
po la bden par mngon par ma zhen pas thams cad la bden med du
mngon par zhen pa dang/ gsum pa ni/ don dam par rdzas su yong ba
med pas chos thams cad btags pa

tsam du khong du chud pa la longs spyod pa por bden par 'dzin
pa'o/ /gsum pa la/ mi mthun phyogs la zhen pa dang/ gnyen po la
zhen pa'o/ /dang po ni/ gnas lugs kyi de kho na nyid shes pa'i
ma chags pas gang la yang mngon par ma zhen pa

sngon du 'gro ba'i mi mthun phyogs la chags pa dang/ gnyis pa
ni/ chos thams cad mnyam pa nyid sgom pa'i gnyen po nyid kyis
mtshan 'dzin gyi gnyen po la longs spyod pa por bden par 'dzin
pa'o/ /gnyis pa ni/ gnas lugs kyi don rtogs

pa'i shes rab kyi pha rol tu phyin pa yang dag par ma shes pa
nyid kyis rnam mkhyen du ji ltar 'dod pa bzhin du 'gro ba la yun
ring du thogs pa'i gang zag la longs spyod pa por bden par zhan
pa spang bya kun brtags kyis bsdus pa chos can no/ /gnyis pa

la gsum gyi dang po mtshams sbyar ba ni/ 'dzin par rnam par rtog
pa zhes so/ /gnyis pa rtsa ba ni/ ched du bya ba ji lta ba bzhin
du nges par mi 'byung ba nas/ bdud la sogs pa'i phyir rgol ba ni
dmigs pa skyes bur btags pa la longs spyod

@280a @#/ /pa por bden par 'dzin pa'i rnam rtog gzhan dgu yin no/
/yul gyi dbye bas dgu yod pa'i phyir/ mdo ni/ rab 'byor 'di lta
ste/ 'khor los bsgyur ba'i rgyal ba ni rta zung bzhi ba'i shing
rta la zhon zhing lam mnyi? nas

'gro'o zhes pa nas/ rab 'byor 'di lta ste/ dper na 'phong gi
slob dpon lag tshod dang 'byor ba'i gzhu thogs pa ni dgra dang
phyir rgol ba rnams kyis thub par dka'o/ /de bzhin du/ byang
chen sher phyin la spyod pa yang bdud dam bdud kyi rigs kyi lha

rnams kyis thub par dka'o/ /zhes sogs bka' stsal to/ /gsum pa
'grel pa ni/ longs spyod pa por bden par btags pa'i dngos por
mngon par zhen pa nyid kyis 'dzin pa'i rnam par rtog pa gnyis pa
shes sgrib kun brtags kyis bsdus pa

rnam pa dgu chos can/ mthong ba'i lam gyi rtse sbyor gyi sems
dang sems las byung ba 'jug pa'i bar chad med pa'i lam gyi gnas
skabs kyis spang bar bya bar bzhed pa yin te/ des khyod kyi sa
bon dngos su 'joms pa'i phyir/ dgu gang zhe na/

'bras bu 'dod pa bzhin mi thob pa dang/ phyin ci log tu zhen pa
dang/ yang dag pa'i lam dang 'gal ba'o/ /dang po ni/ nyan thos
kyi lam tsam gyis ched du bya ba chen po gsum du ji lta ba bzhin
du nges par mi 'byung ba yin te/ nyan thos kyi

byang chub tsam la sogs par nges par 'byung ba nyid kyis so/
/'dod pa'i 'bras bur nges par 'byung mi nus pa'i skyes bu la
longs spyad pa por bden par zhen pa shes sgrib kun brtags kyis
bsdus pa chos can/ mthong lam rtse sbyor gyi spang bya

@280b yin te/ des dngos su 'jams pa'i phyir/ 'og ma rnams la
yang rtags chos de bzhin du sbyar to/ /gnyis pa la/ lam la phyin
ci log tu zhen pa dang/ shes bya la phyin ci log tu zhen pa'o/
/dang po ni/ nyen thos rang gi mngon par 'dod

pa'i lam med pas lam gzhan phar phyin drug la lam ma yin par
nges par 'dzin pa la skyes bur btags pa la longs spyod pa por
bden par zhen pa'o/ /gnyis pa la/ dgag sgrub bden par 'dzin pa
dang/ chos ldan mi ldan bden par 'dzin

pa dang/ gnas lugs kyi don bden par 'dzin pa'o/ /dang po ni/
'bras bu skye ba dang/ rgyu 'gag pa kun rdzob kyi ngo bos gnas
pa la don dam par zhan pa'i skyes bu la longs spyod pa por bden
par 'dzin pa'o/ /gnyis pa ni/ bden 'dzin gyi

bar chad med pa dang cig shos su bar chad dang bcas par snang ba
nyid kyis lam gyi dngos po mtha' dag rgyun mi 'chad du ldan pa
dang mi ldan pa bden par 'dzin pa la skyes bur btags pa'o/ /gsum
pa ni/ nam mkha' la gnas pa'i bya dang

'dra ba nyid kyis don dam par mi gnas pa'i gzugs la sogs pa la
bden par zhen pa'i tshul gyis gnas pa la skyes bur btags pa la
longs spyod pa por bden par zhen pa'o/ /gsum pa la/ dman pa'i
rigs nyams pa dang/ mthun

rkyen ma chad pa dang/ 'gal rkyen gyis zin pa'o/ /dang po ni/
byang chub kyi sems bskyed pa la sogs pa'i sgo nas nyan thos la
sogs pa'i rigs 'jig cing nyams pa la skyes bur btags pa la'o/
/gnyis pa la/ 'bras bu khyad par can

@281a @#/ /la don gnyer med pa dang/ de'i rgyu sher phyin med
pa'o/ /dang po ni/ stong pa nyid kyi don rtogs pa na de tsam
gyis chog par bzung nas de bzhin nyid las khyad par 'phags pa'i
chos med pas sangs rgyas don du gnyer

ba'i 'dod pa med pa la skyes bur btags pa dang/ gnyis pa ni/ don
dam pa'i bden pa la brten nas rgyu sher phyin bsgom pa med pa la
skyes bur btags pa dang/ gsum pa ni/ ser sna shin tu goms par
byas pa'i chos nyid kyis bdud la sogs

pa byang chub la bar du gcod byed kyi phyir rgol ba'i dngos po
dmigs pa la longs spyod pa por bden par zhen pa'i spang bya kun
brtags kyis bsdus pa chos can no/ /gsum pa don bsdu ba ni/ de
ltar na zhes pa nas rtog pa rnam pa bzhi nyid las

so sor mthong ba'i lam gyi rtse sbyor gyi mi mthun pa'i phyogs
rnam pa dgu yin la spang bya de dag spang ba nyid du gnyen po
rnam pa bzhi yang zhes so/ /spang bya rnam rtog la yul gyi sgo
nas mu bzhi rnam par bzhag pa ni/ gzung rtog yin la 'dzin

rtog ma yin pa ni/ gzugs sogs la longs spyad byar bden par zhen
pa dang/ 'dzin rtog yin la gzung rtog ma yin pa ni shes pa skad
cig gcig la longs spyod pa por bden par zhan pa ste/ gzung bya
ma yin pa ni/ so so skye bo'i mngon?

sum gyis rtogs mi nus pa la bzhag pa'o/ /gzung 'dzin gnyis ka
yin pa'i mu ni/ rgyun dang ldan pa'i shes pa ste/ de la longs
spyad byar zhen pa gzung rtog dang/ longs spyod byed du zhen pa
'dzin rtog go /gnyis ka ma yin pa ni/ mngon

@281b gnyis su med pa'i sher phyin no/ /gnyis pa gnyen po la/
mthong lam rtse sbyor gyi rgyu/ mthong lam rtse sbyor gyi 'bras
bu byang chub chen po/ /mthong lam rtse sbyor rang gi ngo bo'o/
/dang po la gsum gyi dang po mtshams sbyar ba ni/ de ltar mthong
ba'i

lam rtse sbyor la mi mthun pa'i phyogs gnyen po dang bcas pa
bstan nas mthar thug gi byang chub chen po 'grub par byed pa'i
mthong ba'i lam rtse sbyor gyi rgyu gang dang bcas pas byang
chub chen po skyed par byed pa'i rgyu gang yin pa de bar skabs
kyi

tshigs su bcad pa/ gnyis pa rtsa ba ni/ mthar thug gi byang chen
skyed pa'i rgyu mthong lam rtse sbyor bskyed pa la rgyu tshogs
gnyis dang ldan pa las 'gyur te/ theg pa chen po'i rigs can
gzhan byang chub la 'god pa'i don du de'i thabs ston pa

dang byang chub de'i rgyu sher phyin gyi tshig don ni yongs su
gtod pa dang/ mthong lam rtse sbyor de thob pa'i bar chad med
pa'i rgyu mnyam gzhag tu rang gis sher phyin bsgom pa sogs bsod
nams mang po'i mtshan nyid dang ldan pa'o/ /mtha'i byang chen

gyi rgyu yang ston pa yin mod kyi/ gnas skabs kyi byang chub
chen po mthong lam rtse sbyor gyi rgyu ston pa la nges par sbyar
bar bya ba kho na'o/ /mdo ni/ rim pa bzhin du/ kun dga' bo dge
slong brgya phrag bcu drug po 'di dag bskal pa dpe skar ma lta
bu

la bla med rdzogs byang du mngon par rdzogs par 'tshang rgya ste/
zhes dang/ kun dga' bo de bas na sher phyin zab mo 'di khyod la
gtad kyis zhes dang/ kun dga' bo de bas na gang zag nyan thos
kyi theg pa gang byang chen la chung ngu na nyi ma gcig sher

@282a @#/ /phyin dang ldan pa'i chos ston na/ de'i bsod nams mang
du 'phel lo zhes so/ /gsum pa 'grel pa la/ byang chub la 'god pa
dang/ de'i rgyu la 'god pa dang/ rang nyid bar chad med pa'i
rgyu bsgom pa'o/ /dang po ni/

byang sems sbyor lam pas 'og nas 'chad par 'gyur ba'i mtshan nyid
can gyi byang chub la gdul bya gzhan dag mthong ba'i lam la sogs
pa ston pas rab tu 'god pa ni chos can/ mthong lam rtse sbyor
gyi rgyu gcig yin te/ de skyed

pa'i rgyu mtha'i byang chen la dmigs pa'i bsod nams kyi tshogs
kyis bsdus pa yin pa'i phyir/ gnyis pa ni/ byang sems sbyor lam
pas gnas skabs dang mtha'i byang chub kyi rgyu mtshan kho nar
gdul bya de dag la gnas lugs

ston pa'i yang dag pa'i tshig dang don la sogs pa'i sgo nas shes
rab kyi pha rol tu phyin pa yang dag par so sor gtod pa ni
mthong lam rtse sbyor skyed pa'i rgyu gnyis pa yin no/ /de skyed
pa'i rgyu bsod nams kyi tshogs kyis bsdus

pa de'i rgyu la gzhan 'god pa yin pa'i phyir/ gsum pa ni/ mthong
lam rtse sbyar gyis bsdus pa'i byang chub chen po thob par byed
pa'i bar chad med pa'i rgyu mnyam gzhag tu shes rab kyi pha rol
tu phyin pa rang gis bsgom pa dang/ rjes

thob tu gzhan la ston pa la sogs pa'i bsod nams ches mang ba'i
mtshan nyid dang ldan pa'i sbyor lam mnyam gzhag ye shes ni chos
can/ mthong lam rtse sbyor gyi rgyu gsum pa yin te/ snga ma
gnyis las gzhan pa de'i nyer len

@282b yin pa'i phyir/ gnyis pa la/ rang lugs kyi byang chen ngos
bzung ba/ dngos po bden par khas len pa la de mi 'thad pa/ mthar
thug gi byang chen thob par 'dod pas chos thams cad bden stong
du khas blang dgos par bstan pa'o/ /dang

po la gsum gyi dang po mtshams sbyar ba ni/ 'bras bu gang gi don
du mthong ba'i lam rang gi rgyu de lta bu dang bcas pas bskyed
par bzhed pa zhes so/ /gnyis pa rtsa ba ni/ sgrib pa don dam par
zad pa med pa dang/

don dam par skye ba med pa zhes mdo las ston pa'i rgyu mtshan yod
de/ don dam par zad med dang skye med du rtags yang dag la brten
nas grub pa'i phyir/ don dam par zad skye med pa mngon sum du
shes pa'i ye shes mthar

thug de dag go rims bzhin du zad mi skye shes pa'i byang chub
chen por shes par bya ste/ don dam par dri ma zad dang mi skye
ba mngon sum du shes pa'i ye shes mthar thug pa byang chub chen
po zhes mdo las brjod cing de ltar rigs pa'i

phyir/ mdo ni/ kun dga' bo sher phyin zad par 'dod pa de dag ni
nam mkha' zad par 'dod du zad do zhes dang/ chos de dag la skye
ba'ang med na zad pa lta ga la yod ces so/ /gsum pa 'grel pa ni/
nyon mongs pa dang shes bya'i sgrib pa'i

dri ma skyes pa 'das de ltar dang ma skyes pa ma 'ongs pa nyid
du gyur pa dngos por smra bas bden par brtags pa rnams ni chos
can/ bden par med de/ don dam par 'gag pa dang skye ba med pa'i
phyir/ khyab pa yod de/ chos kyi dbyings kyi

@283a @#/ /ngo bo nyid bden pas stong pa'i chos rnams nam mkha'
bzhin du bden pas stong ba'i phyir/ de ltar yang/ dbus mthar
chos kyi dbyings las ma gtogs par/ /'di ltar chos yod ma yin te/
/zhes 'byung bas so/ /

bam smos pa ni rtags gang rung res grub pa'i don to/ /sgrib pa
rnams chos can/ bden par med de/ bden pa'i gcig dang du ma'i ngo
bo nyid dang bral ba'i phyir/ der chos can/ don dam par skye ba
med de/ don dam par rgyu bdag dang gzhan dang/

gnyis ka dang rgyu med las mi skye ba'i phyir/ chos dang chos
can snga ma la 'bras bu don dam par yod pa'ang mi skye/ dngos
med du gyur pa'ang don dam par mi skye ba'i phyir/ dper na nam
mkha'i pad-ma bzhin du'o/ /dri ma don dam par zad pa dang skye
ba

med de/ don dam par 'gag pa dang skye ba med pa'i phyir/ der
thal/ ji skad bshad pa'i tshad ma la sogs pas don dam par 'thad
pa'i dngos po med pas so/ /chos thams cad kyi gnas lugs phyin ci
ma log par rtogs pa'i mtshan nyid chos

kyi sku la sogs pa sku gsum ci lta ba bzhin gyi bdag nyid rnam
mkhyen ni chos can/ byang chub chen po yin par brjod de/ go rims
bzhin du dri ma rnams don dam par zad pa dang mi skye ba shes
pa'i ye shes mthar thug yin pa'i phyir/ gnyis pa

la/ rigs pa dang 'gal ba dang/ khas blangs dang 'gal bas dgag
pa'o/ /dang po la gsum gyi dang po mtshams sbyar ba ni/ dngos por
smra ba gang dag dri ma bden par grub pa'i dngos po sngar yod
'jig pa'i bsam pas zad pa la zad do

@283b snyam pa'i shes pa dang dri ma'i dngos po bden grub skye
'phro chad nas mi skye ba'i bsam pas mi skye ba la mi skye'o
snyam pa'i shes pa ni zad pa dang/ mi skye ba shes pa yin par
brjod cing rang lugs kyi byang chub kyang de lta bu'i zad pa
dang mi skye ba shes pa

mthar thug pa yin par brjod pa de dag la chos can/ de lta bu'i
shes pa de byang chub du rung ba ma yin no/ /zad pa dang mi skye
ba don dam par med pa kho nas so/ /gang gi phyir na/ dri ma bden
stong du bsgrub pa de lta yid ma? de'i phyir ces gzhan gyis

brtags pa'i byang chen dgag pa la bar skabs kyi tshigs su bcad
pas gsungs pa/ gnyis pa rtsa ba ni/ theg pa chen po'i mthong
zhes bya ba'i lam gyis ni chos can/ shes sgrib rnam par rtog
pa'i rigs bden grub sngar yod ci zhig zad cang

bden grub skye 'phro chad pa'i skye med kyi rnam pa'i 'gog bden
ci zhig thob ste mi thob par thal/ dri ma bden grub sngar yod
gsar du 'gags pa'i 'gog pa med pa'i rang bzhin yin pa'i phyir/
der thal/ dri ma bden grub sngar nas yod ma myong

ba'i phyir/ thal ba snga ma khas blangs so/ /gsum pa 'grel pa
ni/ dngos po'i gnas lugs la log par mngon par zhen pa dngos por
smra ba khyed kyis mthong ba'i lam gyi stobs kyis chos can/ shes
sgrib rnam par rtog pa la sogs pa'i

ngo bo bden grub sngar yod skyes pa ni ci zhig zad skye 'phro
chad pa'i mi skye ba'i chos can gyi rnam grol lam ma skyes pa ni
ci zhig skyes te de 'dra'i zad skye mi 'thad pa'i thal/ dri ma
skyes pa dang ma skyes pa dag go rims bzhin du gnyen pos zad

@284a @#/ /pa dang skye ba'i gegs byed pa'i mtshan nyid kyi 'gog
pa don dam par grub pa dang bral ba'i phyir/ der thal/ chos
thams cad don dam par bden pas stong pa de bzhin nyid kyi ngo
bo'i rang bzhin yin pa'i phyir/ de'i

phyir dbu ma pa kho bo cig gi gzhung lugs kho na khas blang bar
bya'o snyam du dgongs pa yin no/ /zad skye don dam par grub pa
cung zad kyang med pa kho na yin pas so/ /gnyis pa la gsum gyi
dang po mtshams sbyar ba ni/ bden pas stong pa de

lta ma yin te/ chos yang dag par yod par khas len na/ de khas
len bzhin du btsam ldan 'das kyis nyon mongs pa dang shes bya'i
sgrib pa'i rnam par rtog pa sa bon spangs pa'i tshul gyis rnam pa
thams cad du spangs pa khas len pa ni 'gal

ba khas blangs pas ngo mtshar che ba'i gnas yin no zhes par skabs
kyi tshigs su bcad pas gsungs pa/ gnyis pa rtsa ba ni/ dngos por
smra ba gzhan gyi lugs la phyi dang nang gi chos rnams kyang don
dam par yod la shes bya la yang rmongs

pa'i sgrib pa ston pa yi zad par brjod pa gang yin pa de la
byams pa kho bos mtshar du rtsis te/ dngos po don dam par grub na
sgrib pa spang du mi rung ba'i phyir ro/ /gsum pa 'grel pa la
gnyis/ spyi'i rnam par bzhag pa dang/ tshig gi don

to; ;dang po ni/ rnal 'byor gyis 'di dag dang po gnyis nyan thos
sde pa dang/ sems tsam pa kho na la sbyor ba mi 'thad de/ de dag
gis brtags pa'i thun mong min pa'i don rnams ni skabs 'dir dgag
par bya ba yin pa'i phyir ro/ /yang kha

@284b ci rnal 'byor gyis bzhing byas nas/ gnyis pa rang sangs
rgyas kyi lta ba dang mthun pa dang/ gsum pa sems tsam pa'i lta
ba dang mthun par 'chad pa yang mi rigs te/ rang sangs rgyas
dang sems can pa la lta ba mtho dman gyi khyad par

med pa'i phyir dang/ rang sangs rgyas 'dzin pa bden par 'dod la/
sems tsam pa gzung 'dzin gnyis med kyi shes pa don dam du yod
par 'dod pas khyad yod ces smra ba yang ma brtags gcig pur nyams
dga' ba tsam du zad pa'i phyir

dang/ rnal 'byor gyi sa gnyis pas lhan cig dmigs nges kyi rtags
la brten pa'i lta ba bstan la/ de las gong du gyur pa'i lta ba
gtan la 'bebs tshul sems tsam pa sus kyang khas ma blangs pa'i
phyir ro/ /rnal 'byor gyi sa bzhi zhes

'dod pa yang bsam par bya ba yin te/ sngan po sngo snang shas pa
las rdzas tha dad yin pa khags nas/ sde snang shes pa sngon po
las rdzas tha dad pa'i gzung 'dzin gzhan ma khegs pa'i gang zag
gi rim pa mi 'thad la/ gal te rnal 'byor gyi sa

gnyis par sngon po phyi rol gyi don yin pa khegs kyang nang shes
pa la ltas pa'i gzung bya rdzas gzhan tsam mi khegs pas gzung
'dzin rdzas gzhan tsam gyis stong ba rnal 'byor gyis gsum pas
ston pa yin no zhe na/ de yang shin tu mi rigs

te; rnam 'grel las/ dar yang brtsod pa mtshungs phyir te/ zhes
gsungs pa ltar/ nang shes pa la ltos pa'i gzung 'dzin rdzas
gzhan yang rigs pa snga ma de nyid la brten nas khegs shing/ de
la grub mtha' gong 'og gi rim pa shing rta chen

@285a @#/ /po su gang gis kyang ma gsungs pa'i phyir dang sems
tsam pas lhan cig dmigs nges kyi rtogs la brten nas dbang shes
kyi gzung 'dzin rdzas gzhan tsam ma khegs par thal/ sems tsam pa
dang mthun

pa'i lhan cig dmigs nges kyi rtags rnal 'byor gyi sa gnyis pas
bstan la/ khyod ltar na de las gong du gzung 'dzin rdzas gzhan
tsam rnal 'byor gyi sa gsum pa la brten nas dgag dgos pa'i
phyir/ sems tsam pa'i lta ba gtan

la 'babs pa ni/ lhan cig dmigs nges kyi rtags la brten nas lhag
ma lus par rtogs la/ de dang mthun pa ni rnal 'byor gyi sa gnyis
par bstan pa 'di nyid yin zhing/ de las gong na dbu ma pa'i lta
ba ma gtogs gzhan su yang

pas rnal 'byor gyi sa bzhi zhes pa ni bsam par bya ba kho na'o/
/mngon par rtogs pa'i rgyan 'dir/ lta ba la ltos pa'i theg pa'i
rim pa gsum kho na bstan te/ chung ngu gang zag gi bdag med thun
mong ba rtogs pa dang/ 'bring po gzung

'dzin rdzas tha dad kyis stong bar rtogs pa dang/ chen po rnam
shes bden med du rtogs pa'o/ /'o na skabs 'dir rim pa bzhin
bstan pa ltar snang ba 'di ji ltar zhen dpyad par bya ste/ 'dir
rnal 'byor gyis bshad pa 'di dag mngon par

rtogs pa'i rgyan nas ji ltar gsungs pa'i snying po'i don sgom
pa'i rim pa ston pa yin la/ de yang thog mar gang zag gi bdag
med thun mong ba bsgom pa sngon du btang nas/ de'i rjes su tha
snyad du rnam par rig pa tsam gyi tshul phyi rol don

@285b gyis dben pa'i gzung 'dzin tha dad kyis stong par yid la
byed pa yin la/ de yang slob dpon tha snyad du rnal 'byor spyod
pa pa dang mthun par phyi rol gyi don gyis dben pa'i rnam gzhag
mdzad pas/ 'dir lhan cig dmigs nges kyi rtogs smos

pa yin gyi/ sems tsam pa'i thun mong min pa'i grub mtha' gtan la
'bebs pa ni skabs su ma bab cing mi rigs pas bzhed pa ma yin no/
/de la rim pa gnyis ltar bstan pa ni/ stong nyid phra mo rtogs
pa'i dbang du byas na/ mnyam

gzhag tu bden stong mngon sum du rtogs pa na/ rjes thob tu rten
'byung sgyu mar myong ba'i stobs kyis rtogs pa ltar/ mnyam gzhag
tu gzung 'dzin rdzas tha dad kyis stong bar mngon sum gyis rtogs
pa na/ rjes thob tu sngo snang dbang po'i shes

pa la sogs pa gzhan dbang ma 'khrul par 'dzin pa ldog cing/
gzhan dbang 'khrul par myong ba'i stobs kyis rtogs pas mnyam
gzhag dang rjes thob kyi rtogs tshul gyi rim pa bstan pa tsam yin
gyi/ lta ba gong 'og gi rim pa bstan

par 'dod pa ni/ dpyad mi bzod pas mi rigs pa kho na'o/ /lhag ma
rnams ni bar bar du bshad par bya'o/ /gnyis pa la/ snying po'i
don sgom pa'i rim pa dang/ rtsa ba'i tshig don tsam bshad pa'o/
/dang po la/ gang zag gi bdag med rtogs

pa'i rnal 'byor gyi sa dang/ gzung 'dzin rdzas tha dad kyis
stong par rtogs pa'i rnal 'byor gyi sa dang/ chos thams cad bden
stong du rtogs pa'i rnal 'byor gyi sa'o/ /dang po la/ bsam byung
gi rigs pa/ sgom byung gi rnal 'byor/ sgom pa'i

@286a @#/ /'bras bu'o/ /dang po ni/ de la nyer len gyi phung po
chos can/ tshogs rgyun gang la yang btags pa tsam min pa'i gang
zag gis stong ste/ skye ba dang 'jig pas so/ /khyab ste gang zag
gi bdag yin na skye

'jig gis stong ba'i phyir/ gnyis pa ni/ de ltar zhi gnas la
brten nas gang zag gi bdag med do snyam du mnyam gzhag tu
bsgoms
pas so/ /gsum pa ni/ de ltar bsgoms pas gang zag gi bdag tu
mngon par zhen pa kun

brtags mngon gyur spangs shing/ lhan skyes mngon gyur yang zil
gyis mnan te/ yongs su bor nas rjes kyi skabs su bdag des dben
pa'i phung po la sogs pa rten cing 'brel par 'byung ba yin pa'i
phyir/ skye ba dang 'jig

pa'i chos can la yang dag par dmigs te/ rgyun rdzas yod du mngon
par zhen pa spong bar byed de/ /'di ni zhi lhag zung 'brel gyis
bsgom pa sbyor lam nas mthong lam gyi bar du yod la/ zhi gnas
tsam la brten nas bsgom pa

tshogs lam na yang yod cing/ dgos pa ni nyon mongs pa'i dpal
tshogs sbyor gyi gnas skabs su bcom nas 'khor ba'i sdug bsngal
rang mtshan pa zil gyis mnan pa'i ched du yin no/ /de yang las
nyon gyi 'bras bur gyur pa yin/

'khor ba ma spangs na gzhan don lta zhog /rang don yang mi 'grub
pas byang chub sems dpa' 'khor ba la nyan thos las kyang 'bum
'gyur gyis skyo bar bya bar gsungs pa yin no/ /'di ni sngar
skabs gsum pa'i brjod byar bshad

@286b pa'i gzhi shes de nyid sgom pa'i rim pa'o/ /bdag med la
dmigs pa'i rnal 'byor gyis bsgom pa la dgos pa yod de/ nyon
mongs mngon gyur zil gyis gnon pa dang/ nyan thos kyi sa la shes
mthong gis bltas nas 'da' ba'i ched yin pa'i

phyir/ gnyis pa la/ bsam 'byung gi rigs pa la brten nas mnyam
gzhag tu sgom pa'i rim pa dang/ rjes thob tu yid la bya ba'i rim
pa'o/ /dang po la/ bsam byung gi rigs pa/ sgom byung gi rnal
'byor/ sgom pa'i 'bras bu'o/ /dang

po ni/ sngon po chos can/ khyod dang de'i ste khyod snang ba'i
blo dag rdzas tha dad ma yin te/ lhan cig dmigs pa nges pa'i
phyir/ /ces pa'i rtags la brten pa'i blo ni bsam byung gi rigs
pa'o/ /gnyis pa ni/ sngon po 'di ni sems tsam

kho na'i bdag nyid yin gyi phyi rol gyi don ni med do zhes bya
bar mnyam gzhag tu yid la byed cing sgom par byed do/ /gsum pa
ni/ 'dzin pa'i rnam pa can gyi sems la bden par mngon par zhen
pa yongs su ma bor bas stong nyid phra

mo la ma dmigs kyang/ phyi rol gyi don du mngon par zhen pa
spangs te gnyis snang 'khrul par khong du chud par byed do/ /'di
ni slob dpon tha snyad kyi rnam gzhag rnal 'byor spyod pa pa
dang mthun par mdzad pas tha snyad du yang

gzung 'dzin rdzas tha dad kyis stong zhing gnyis stong gi shes
pa tha snyad tsam du grub par zhal gyis bzhes pa'o/ /phyi rol
gyi don tha snyad yang med pa tsam zhig sems tsam pa dang thun
mong ba yin gyi/ gnyis med kyi shes pa

@287a @#/ /bden grub ni skabs 'dir rnam pa thams cad du khas
blang bar mi bya'o/ /gzung 'dzin rdzas tha dad kyis stong par
bsgom pa la dgos pa yod de/ gzung 'dzin don gzhan du zhen pa
spong ba dang/ rang sangs rgyas kyi

sa la shes mthong gis bltas nas 'da' ba'i ched yin pa'i phyir/
'di ni skabs gnyis pa dang/ gzhi shes kyi rnam pa'i skabs su
bstan pa rnams sgom pa'i rim pa yin la/ de yang theg chen gyi
tshogs lam nas mthong lam gyi bar du bsgom

mo/ /gnyis pa ni/ gzung ba rdzas gzhan med na gzung 'dzin rdzas
tha dad du snang ba'i 'dzin pa ma 'khrul ba med do snyam du rjes
kyi gnas skabs su nges par sems pas 'dzin pa'i rnam pa'i mtshan
nyid rnam par rig pa ma 'khrul bar 'dzin pa

tsam de yang bsal te gzung 'dzin gnyis su med pa'i ye shes 'ba'
zhig 'di yang dag par yod pa'i ngo bo yin no snyam du nges par
byas nas yid la byed pa'o/ /'di ni rtogs pa de'i lag rjes la
gnyis med kyi shes pa bden 'dzin ma spangs pa'i

don yin gyi/ bden zhen rang stobs kyis 'dren pa dang/ bden par
grub pa la grub mtha' 'cha' ba'i don du mi rung ngo/ /sngar
bshad pa ltar gzung 'dzin rdzas tha dad du snang ba'i 'dzin pa
'khrul par khong du chud cing/ ma 'khrul bar 'dzin pa ldog

pa rjes kyi gnas skabs ston pa yin no/ /gsum pa la/ bsam byung
gi rigs pa/ sgom byung gi rnal 'byor/ sgom pa'i 'bras bu'o/
/dang po ni/ gnyis med kyi shes pa de yang chos can/ don dam par
ngo bo nyid med pa ste rten cing 'brel par

@287b 'byung ba yin pa'i phyir/ dper na/ sgyu ma bzhin du'o/
/dngos po bden pa bkag pa na/ /dgag bya yod pa ma yin pas/ /yang
dag tu ni bkag med gsal/ /zhes pa'i rigs pas bkag pa bden par
grub pa yang khegs pas so/ /gnyis pa

ni; yang dag par na gcig tu bden pa'i dngos po dang de bkag pa'i
bden pa'i dngos po med pa bden par grub pa la sogs par brtags
pa'i ngo bo dang bral ba yin no snyam du bsgoms pas bden par
zhen pa spong ba yin no/ /gsum pa ni/ chos

thams cad stong pa nyid du bsgoms pas sgom pa'i stobs grub pa
chos nyid la gsal snang yongs su rdzogs pa na rnal 'byor pas
nyon mongs pa'i sgrib pa dang shes bya'i sgrib pa yang dag par
spong ngo/ /rgyu mtshan ni de'i tshe phung po bden par 'khrul

pa'i mtshan ma shes sgrib kun brtags kyi sa bon mtha' dag spangs
pa snang yang bden pas stong ba blo rang nyid sgyu ma lta bu'i
bdag nyid du snang ba'i mnyam gzhag gi blo rnam par mi rtog pa'i
ye shes mnyam gzhag so so rang gis rig par bya

ba ci zhig ltar yang dag par skyes na ste skyes pa'i phyir/ dper
na skyes bu mkhas pa kha cig la ni nor bu chu shel dang dngul la
sogs pa'i gzugs phan tshun ma 'dres par so sor shes pa bzhin
du'o/ /sgyu ma lta bu'i bdag nyid du snang ba'i blo

zhes pa ni mnyam gzhag nyid sgyu ma lta bu yin pa 'grel chen gyi
skabs du mar gsungs pa'i phyir dang/ don dam bden pa mngon sum
du 'jal ba'i 'phags pa slob pa'i mnyam gzhag gi gzigs ngor rten
'brel sgyu mar snang bar 'dod pa

@288a @#/ /la ni/ dbu ma pa'i dri tsam yang med pas slob dpon gyi
dgongs pa ma rtogs bzhin du phyin ci log tu smra bar shes par
bya'o/ /snga ma kha cig gis slob dpon sgyu ma rigs sgrub par
'dod pa yang dbu ma pa chen po

la skur pa 'debs par zad do/ /gnyis pa la/ sgrib pa don dam du
yod pa la gnod byad bstan pa dang/ de khas len pa dang shes
sgrib kyi sa bon spong nus par 'dod pa khas blangs 'gal ba'o/
/dang po ni/ nyon mongs pa dang shes bya'i sgrib pa

spong byed kyi gnyen po gsar du skyed du med pa dang sgrib pa
spang du med pa'i rang gi ngo bo 'dzin par thal/ sgrib pa bden
pas stod pa de lta ma yin te don dam par yod pa'i phyir/ dper na
dus thams cad du 'dus ma byas kyi nam mkha' thogs bcas kyi

rdzas med pa tsam gyi ngo bo 'dzin pa bzhin du'o/ /'dod na/
spang gnyen don dam par grub pa de'i tshe gnyen po bsgoms pas nam
mkha' la phan gnod skyed mi nus pa bzhin du spang bya de dag la
gnyen pos gnod pa cung zad kyang mi byed par thal/

skad cig ma'i chos shes pa tsam gyi ngo bo dang/ shes bya'i
mtshan nyid sgrib pa rnams gal te don dam par yod pa nyid du gyur
pa'i phyir/ gnyis pa ni/ bcom ldan 'das kyis shes bya'i sgrib pa
rnam pa thams cad du spangs pa gang yin pa dang/

spang gnyen gyi chos rnams kyang don dam par yod par khas len pa
gang yin pa de ni phan tshun 'gal ba'i don khas len pas khyab
ste/ dngos por smra ba gzhan dag gis bcom ldan 'das kyis shes
sgrib spangs par khas blangs/ spang

@288b gnyen don dam par grub par khas blangs pa gang zhig /de
don dam par yod na don dam pa'i dngos por mngon par zhen pa'i
phyin ci log mi ldog pas so/ /de ltar gong du bsgrub pa de'i
phyir/ de la byams pa kho bos ngo mtshar du brtsis so zhes bya

ba yin no/ /gsum pa la gsum gyi dang po mtshams sbyar ba ni/ de
ltar sgrib pa don dam par yod pa'i phyogs bsal nas don dam par
ngo bo nyid med pa'i phyogs brtan por mdzad pas thar pa 'dod pa
rnams kyis chos thams cad bden

stong 'di kho na zhes so/ /gnyis pa rtsa ba la/ gzhi dngos po'i
gnas lugs dang/ de rtogs pa'i lta ba dang/ lta ba goms pa'i
'bras ngu'o/ /dang po ni/ khams rang bzhin gyi sa rnam par dag
pa 'di la spar yod gsar du bsal bar bya ba

gang zag dang chos kyi bdag tu 'dzin pa'i zhen yul dang nyon
mongs don dam par grub pa ci yang med de/ bdag 'dzin gnyis kyi
zhen yul dang nyon mongs don dam par grub pa dang po nas yod
ma
myong ba'i phyir ro/ /'dis ni chos gang la bden par zhen

yang gnas lugs kyi don las gol ba'i sgro 'dogs dang de'i zhen
yul dang po nas ma grub par bstan to/ /nyon mongs don dam par
grub par 'dzin pa yang chos kyi bdag 'dzin yin mod kyi/ de nyid
zur du bshad pa ni dgos pa dang bcas pa'o/ /khams

'di la sngar med gsar du bdag med pa gnyis bzhag par bya ba cung
zad kyang med de/ gang zag dang chos kyi bdag gis dben pa 'di'i
rang bzhin yin pa'i phyir/ 'dis ni bdag med pa gnyis med do zhes
pa gnas lugs kyi don la log par zhugs

@289a @#/ /pa'i skur 'debs dang/ de'i zhen yul bkag pa gsar du
bzhag par bya ba ma yin par bstan to/ /dri ma bsal du med pa
dang gnyen po bskyed du med pa dgag bya la khyad par ma sbyar
bar spyir 'chad pa ni spang

gnyen la skur pa 'debs pa'o/ /yang rkang pa gnyis pa dang pos
bshad pa de nyid grub pa'i don du sbyar te/ nyon mongs bden grub
sngar yod gsar du med par grub pa na nyon mongs bden stong
sngar
med gsar du bzhag tu med par grub pa'o/ /de ni rang

ldog dngos bsten gyi dbang du byas pa'i bshad pa yin gyi/ mtshan
gzhi dang bcas pa'i dbang du byas nas gang zag dang phung po 'di
la bden grub sngar yod gsar du gsal bar bya ba ci yang med pas
bden stong don dam pa'i bden pa grub pa na

bden stong rdzun pa sgyu ma lta bu sngar med gsar du bzhag par
bya ba cung zad kyang med par grub pas don dam par rang bzhin
gyis grub pas stong ba'i don la bya byed thams cad 'thad pa'i
kun rdzob kyi bden pa grub pa yin no/ /don bsdus na bden

'dzin gyi dmigs gtad byas cung zad kyang med pa'i bden stong don
dam pa'i bden pa dang/ bya byed kyi rnam gzhag thams cad rang
lugs la khas blangs pas chog pa'i bden gnyis zung du 'jug pa
bstan pa yin no/ /gnyis pa ni/ yang

dag pa gang zag dang phung po don dam par rang bzhin gyis grub
pas stong pa nyid la de ltar yang dag par lta ba'i don dam par
rang bzhin med rtogs kyi shes rab ni gnas lugs kyi don khong du
chud pa'i lta ba yin no/ /gsum pa ni/ spyod

@289b phyogs thabs kyi che rgya chen pos zin par byas te/ yang
dag pa'i don mngon sum du mthong nas yang dang yang du goms
par
byas na rnam par grel ba yang dag par rdzogs pa'i sangs rgyas
kyi go 'phang thob par 'gyur ro/ /gsum pa 'grel pa

ni; gzugs la sogs pa rten cing 'brel par 'byung ba kun rdzob tu
yang dag par te rang gi mtshan nyid kyis yod pa'i ngo bo nyid 'di
la chos can/ rnam mkhyen thob par 'dod pa rnams kyis don dam par
rang bzhin med pa la sogs pa'i ngo bor

brtag cing bsgom par bya ste/ gang gi phyir na/ don dam par
dngos por mngon par zhen pa ma spangs pa las grol bar mi 'thad
pa de'i phyir/ gzhi kun rdzob pa'i gnas lugs bden gnyis zung du
'jug pa'i tshul du blta bar bya ste/ chos gang la

yang tha snyad du yang med do zhes skur pa 'debs pa'i ngo bos
bsal ba dang/ don dam par yod do zhes sgro 'dogs pa'i ngo bos
bzhag pa ma byas par don dam du med cing tha snyad du yod par
shes par bya ba'i phyir/ de ltar goms par byas

pas de kho na nyid mngon sum gyis mthong na rnam par grol bar
'gyur ro/ /de ltar goms na/ sgyu ma'i glang pos sgyu ma'i glang
po gzhan zhig pham par byas pa bzhin gnyen po rdzun pas spang
bya rdzun pa phyin ci log ldog pas so/ /gsum pa mthong lam

rtse sbyor gyi ngo bo la/ dngos dang/ spangs pa la dbang byed
pa'o/ /dang po la gsum gyi dang po mtshams sbyar ba ni/ de ltar
mdos dngos su ma zin pa'i tshigs bcad gsum byang chub chen po'i
zhar la 'ongs pa brjod nas rnal ma ste sgyus? ma mthong

@290a @#/ /ba'i lam nyid do/ /gnyis pa rtsa ba ni/ sbyin pa la
sogs re re ni phar phyin drug pa de dag phan tshun bsdus pa gang
yin pa skad cig gcig pa'i sdug bsngal la chos shes pa'i bzod pa
yis bsdus pa bar chad

med lam de chos can/ skabs 'dir mthong ba'i lam rtse sbyor yin
te/ mthong spangs gzung 'dzin gyi rnam par rtog pa'i sa bon
dngos su 'joms byed kyi bden pa mngon rtogs yin pa'i phyir/ mdo
ni/ rab 'byor 'di la byang chen sbyin

pa sbyin pa na rnam pa thams cad mkhyen pa nyid du yongs su
bsngo zhing sbyin pa sbyin par byed do zhes so/ /gsum pa 'grel
pa la/ dngos dang/ de'i byed pa'o/ /dang po ni/ so sor sbyin pa
la sogs pa'i ngo bo re re sbyin pa la sogs pa'i pha rol tu

phyin pa drug po dag snga ma go sgrub kyi skabs nas bshad pa
bzhin du phan tshun bsdus pa gang yin pa skad cig ma gcig pa sdug
bsngal la chos shes pa'i bzod pas bsdus pa phar phyin drug ga la
'khor gsum rnam par dag pas rab

tu phye ba ldog pas dbye ba rnam pa sum cu rtsa drug can skyes
pa bar chad med pa'i lam gang yin pa de ni chos can/ rtse mo'i
mngon par rtogs pa 'dir mthong ba'i lam yin no/ /rtags rtsa ba
ltar ro/ /shes sgrib kyi sa bon dngos su 'joms

pa la bar ched med lam de nyid mngon par rtogs pa mtha' yas pa'i
bdag nyid du skye bar bstan pa yin la/ de yang bsod nams kyi
tshogs mtha' yas pas khyad par du byas pa med na shes sgrib kyi
sa bon spong mi nus pa yin no/ /gnyis

@290b pa ni/ mthong lam rtse sbyor de skyes na mthong spangs
gzung 'dzin gyi rnam par rtog pa de dag gis bsdus pas rnam par
rtog pa skyed par byed pa'i bag chags kyi nyon mongs pa brgya
rtsa brgyad sdangs pa rten cing 'brel par 'byung ba'i chos nyid
kyis

'thob bo/ /des mthong spangs gzung ba dang 'dzin pa'i rnam par
rtog pa brgya rtsa brgyad zad par spangs pas so/ /rnam rtog
brgya rtsa brgyad dbye rung ste/ 'dod pa dang/ gzugs dang/ gzugs
med pa'i khams kyis sa bsdus pa'i dbye bas rnam par

rtog pa bzhi po so sor rnam pa dgu dgu yod pa nyid kyis khams re
re la sum cu rtsa drug yod pa'i phyir/ gnyis pa la gsum gyi dang
po mtshams sbyar ba ni/ mthong lam rtse mo de la dbang du bya
ba'i phyir mthong lam rtse me de nyid ces so/ /

gnyis pa rtsa ba ni/ mthong lam rtse sbyor gyis spang bya spong
tshul bstan zin la/ de nas mthong lam rtse sbyor sgom pa'i rnal
'byor pa de chos can/ spangs pa la dbang byed pa'i byed las
khyad par can dang ldan te/ mnyam gzhag tu seng ge rnam

par bsgyings pa'i ting nge 'dzin la snyoms par zhugs nas rjes
thob tu rten cing 'brel par 'byung ba lugs mthun dang lugs mi
mthun la rtog par byed pa'i phyir/ de nas zhes smos pa ni/
mthong lam rtse sbyor bsgoms zin pa de'i 'og tu

sgom lam gyi gnas skabs su sgom pa'i rnal 'byor bstan par 'dod
pa ni 'grel pa med pa yin te/ slob dpon gyis mthong lam rtse
sbyor la gnas pa de nyid kyis bsgom pa ches gsal bar bstan pa'i
phyir ro/ /nges par snga phyi'i rim pa la sbyor

@291a @#/ /na yang/ gzhung snga mas bar chad med lam dang/ 'dis
sgrib gnyis kyi 'jigs pa zad pa'i rnam grol lam bstan pa la
bshad par bya'o/ /mdo ni/ de rnam thar brgyad po de dag dang
mthar gyis gnas pa'i snyoms

par 'jug pa dgu po de dag rnam par phye zhing seng ge rnam par
bsgyangs pa'i ting nge 'dzin la snyoms par 'jug go zhes dang/
rten cing 'brel par 'byung ba'i yan lag bcu gnyis lugs dang
mthun pa dang lugs dang mi mthun pa la so sor rtog

go zhes so/ /bden pa mngon par rtogs pa skad cig ma gcig yin la/
de nyid yang dang yang du bsgom par byar med pas mtshams sbyar
kyi tshig dang 'gal lo zhe na/ skyon med de/ bar chad med lam
dang rnam grol lam gyi skabs snga phyi gnyis

yod pas yang dang yang du sgom zhes pa dang/ yang mnyam gzhag
tu
bsgom par ma zad/ rjes kyi skabs su rten 'brel la rtog pa la
yang dang yang du sgom zhes bshad pas 'gal ba med do/ /'dir
bshad pa 'di dag dag pa sa'i ye shes

la sbyor ba ni 'brel pa med par sngar bshad zin to/ /gsum pa
'grel pa la/ mnyam gzhag gis bsdus pa'i mthong lam rtse sbyar/
de'i rjes la thob pa'i shes mthong gis bltas nas 'da' bar bya
ba'i mthong lam rtse sbyor ro/ /dang po ni/

mthong ba'i lam rtse sbyor thob pa'i rnal 'byor pa de chos can/
seng ge rnam par bsgyings pa lta bu'i ting nge 'dzin snyoms par
zhugs pa yin te/ shes sgrib kun brtags kyi sa bon dngos su
spangs pa'i sgo nas mthong spangs nyon mongs pa

@291b dang shes bya'i sgrib pa'i 'jigs pa med pa'i bden pa mngon
rtogs la gnas bzhin pa'i gang zag yin pa'i phyir/ nas zhes pa
phyi ma 'dren pa'o/ /gnyis pa ni/ don dam pa'i bden pa la mnyam
par bzhag pa de las dus phyis rtan cing 'brel

par 'byung ba la ma rig pa'i rkyen gyis 'du byed 'du byed kyi
rkyen gyis rnam par shes pa zhes pa nas skye ba'i rkyen gyis rga
shi zhes pa'i bar kun nas nyon mongs lugs dang mthun pa dang/ ma
rig pa 'gags pas 'du byed 'gag ces pa nas/ skye

ba 'gags pas rga shi 'gag go zhes bya ba la sogs pa rnam byang
lugs dang mthun pa dang/ rga shi skye ba las byung ba nas 'du
byed ma rig pa las byung ba'i bar kun nas nyon mongs lugs dang
mi mthun pa dang/ gang 'gags pas rga

shi 'gag snyam na skye ba 'gags pas rga shi 'gag go zhes bya ba
la sogs pa ma rig pa 'gags pas 'du byed 'gag pa'i bar rnam byang
lugs dang mi mthun par yang dag par rtog go /de ltar brtags pa
la dgos pa yod de/ 'phags

pa'i bden pa bzhi ji lta ba bzhin khong du chud par bya ba'i
ched yin pa'i phyir/ de yang kun nas nyon mongs lugs mi mthun la
brtags pas sdug bsngal gyi rang bzhin khong du chud nas 'bral
'dod skye la/ lugs mthun la brtags pas

sdug bsngal gyi rgyu khong du chud nas kun 'byung spong 'dod
skye'o/ /kun 'byung spong nus su tshad mas grub pa na/ rnam byang
lugs ldog la brtags pas sdug bsngal 'gog nus su khong du chud
par 'gyur zhing/ lugs dang mthun par brtags

@292a @#/ /pas ma rig pa 'gog byed lam gyi bden pa rgyud la bsten
byar khong du chud par 'byung ba yin no/ /'dir bshad pa 'di ni
byang chub sems dpa'i rgyud la bskyed par bya ba shes mthong gis
bltas nas 'da' bar bya ba'i

mthong lam de nyid bshad pa yin no/ /gsum pa sgom lam rtse sbyor
la/ gnyen po sgom lam/ spang bya rtog pa/ gnyen pos spang bya
spangs pa'i phan yon no/ /dang po la gsum gyi dang po mtshams
sbyar ba ni/ de ltar mthong ba'i lam rtse sbyor

brjod nas de'i rjes su spang bya spong ba la sogs pa'i rten sgom
pa'i lam rtse mo 'chad do/ /rten tshad mas grub pa sngon du 'gro
ba yin na brten pa mi mthun pa'i phyogs spong ba la sogs pa ni
go sla bas so/ /gnyis pa rtsa ba la/ mdo las bstan

tshul/ bstan bcos kyis bsdus tshul thod brgal gyi rang bzhin bshad
pa gsum gyis spyi'i rnam gzhag dang/ tshig don to/ /mdo las bstan
tshul ni/ mthar gnas kyi snyoms 'jug dgu la/ lugs mthun dang lugs
mi mthun du

snyoms par 'jug pa'i sbyor ba seng ge rnam bsgyings dang/ bar du
gang yang ma bcug pa'i yar song gcig dang/ bsam gtan bzhi dang
gzugs med bzhi la 'gog pa spel ba'i yar song gcig dang/ mthar
gnas snyoms 'jug dgu la

'dod sems spel ba'i mar 'ong gcig rnams gsungs so/ /bstan bcos
las ni/ rkang pa dang po gnyis kyis sbyor ba seng ge rnam
bsgyings dang/ rkang pa lhag ma rnams kyis mar 'ong 'dod sems
spel ba don bsdu dang bcas pa tsam

@292b zhig dngos su bstan nas bar pa gnyis go sla bar dgongs nas
don gyis 'phangs so/ /thod rgal gyi rang bzhin ni/ spel gzhi
bsam gtan bzhi dang/ gzugs med bzhi la spel chos 'gog pa spel ba
yin la/ mthar gnas snyoms 'jug

dgu spel gzhir byed pa'i tshe/ spel chos 'dod sems yin pas/ de
ltar spel nas snyoms par 'jug nus pa na ting nge 'dzin gyi rtsa
la rdzogs par 'gyur bas so/ /gang yang bar du ma bcug pa'i yar
'ong ni/ skyus sa bstan pa tsam yin pas

thod brgal gyi dngos gzhi ma yin te/ spel gzhi dang mi 'dra ba
spel nas 'gro ba thod brgal du gsungs pa'i phyir te/ 'di dman
lam sngon du song ba ma yin na sa drug pa yan chad du thob bo/
/gnyis pa tshig don ni/ 'dir thod brgal du ni snyoms par

'jug pa yin te/ sbyor ba dang dngos gzhi gnyis kyi sgo nas
snyoms par 'jug pa'i phyir/ sbyor ba sngon du btang nas snyoms
par 'jug pa yin te/ dngos gzhi'i dbang bar 'gog pa dang bcas
pa'i snyoms 'jug dgur lugs dang mthun pa dang/ lugs dang

mi mthun pa rnam pa gnyis su yar song zhing mar 'ongs nas de'i
rjes su dngos gzhi rtsom pa'i phyir/ mdo ni/ rab 'byor byang
chen gyi ting nge 'dzin seng ge rnam par bsgyings pa gang zhe
na/ rab 'byor 'di la byang chen 'dod pas dben sdig pa mi dge
ba'i chos

kyis dben pa rtog pa dang bcas/ dpyed pa dang bcas/ dben pa las
skyes pa'i dga' ba dang/ bde ba can bsam gtan dang po nye bar
bsgrubs te gnas so/ /zhes so/ /'dod par gtogs pa'i rnam par shes
pa mnyam gzhag min pa'i mtshams gzung

@293a @#/ /ste gnas pa dgos pa yod de/ mar 'ong mthar gnas snyoms
'jug dgu la 'dod sems spel ba'i chad yin pa'i phyir/ sa brgyad
pa ba chos can/ mthar gnas snyoms 'jug dgu la 'dod sems spel nus
te/ dang por

'gog pa la snyoms par zhugs nas 'dod sems la de nas 'gog pa gcig
pu brgal nas srid rtse la/ de nas 'dod sems la/ de nas 'gog pa
dang srid rtse gnyis brgal nas ci yang med la/ de nas 'dod sems
la/ de nas snga ma gnyis dang gsum

brgal rnam shes la/ de bzhin du bzhi brgal nam mkha' dang 'dod
sems la/ lnga brgal bsam gtan bzhi pa dang 'dod sems la/ drug
brgal gsum pa dang 'dod sems la/ bdun brgal gnyis pa dang 'dod
sems la/ brgyad brgal nas

bsam gtan dang po la/ de nas 'dod sems mngon du byas nas snyoms
par 'jug nus pa'i phyir/ ji skad bshad pa'i snyoms 'jug da la
thod brgal gyi snyoms 'jug ces bya ste/ bsam gtan bzhi/ gzugs
med bzhi 'gog pa'i bar

du mnyam par bzhag ma bzhag mi 'dra bar spel ba'i sgo nas 'gro
ba'i snyoms 'jug yin pa'i phyir/ gsum pa 'grel pa la/ sbyor ba/
dngos gzhi/ mjug bsdu ba'o/ /dang po ni/ sa drug pa yan chad
thob pa'i byang chub sems dpa' rnams

ni chos can/ thod brgal snyoms 'jug gi sbyor ba mngon du byed
pa'i rgyu mtshan yod de/ de ma thag thod brgal gyi dngos gzhi
mngon du bya ba'i ched du bsam gtan dang po nas bzung ste 'gog
pa'i bar du yar song ste de'i 'og tu 'gog pa nas

@293b bzungs nas bsam gtan dang po'i bar 'ongs te/ de ltar lugs
dang mthun pa dang mi mthun pa rnam pa gnyis kyis bsam gtan bzhi
dang/ gzugs med pa bzhi dang/ 'gog pa'i mtshan nyid kyi snyoms
par 'jug pa dgu la yang song zhing mar

'ongs nas de'i rjes su dngos gzhi la 'jug pa'i phyir/ gzhung 'og
ma 'dis dngos gzhi 'dren pa'i ched du snga ma bzla ste brjod pa
tsam yin gyi/ gnas gzhan bstan pa la 'chad pa ni tshig don la ma
zhugs pa'o/ /gnyis pa ni/ mdos dngos su

bstan pa'i gang yang bar du ma bcug pa'i yar 'ong ni/ go sla bar
dgongs nas 'grel pa 'dir yang dngos su ma bstan no/ /de chos
can/ thod brgal gyi dngos gzhi la snyoms par 'dus pa'i rgyu
mtshan yod de/ /yang bsam gtan dang po la snyoms

par zhugs te/ de las langs nas 'gog pa la'o/ /de bzhin du 'du
shes med 'du shes med min skye mched kyi bar las langs nas 'gog
pa la snyoms par zhugs te ting nge 'dzin gyi rtsa la sbyong ba'i
ched yin pa'i phyir/ de las langs nas

'gog pa'i snyoms 'jug go de ma thag pa'i snyoms par 'jug pa srid
rtse la dmigs te snyoms par 'jug pa'i rgyu mtshan yod de/ de'i
rjes su 'dod sems mngon du byas nas mar 'ong la 'dod sems spel
ba'i ched yin pa'i phyir/ kha cig 'gog

pa'i rjes su srid rtse la snyoms par zhugs pa'i dgos pa 'gog pa
las 'gog par ldang mi nus pas/ de la nud chung byas par 'dod pa
ni/ yar song la yang spal gzhi snyoms 'jug dgu g.yon snyam du
bsams na yang de ni mi rigs te/

@294a @#/ /'gog pa spel gzhir byas pa'i tshe 'gog pa spel chos su
byed pa mi 'thad pa'i phyir dang/ mar 'ong gi spel gzhi la
snyoms 'jug dgu ka yod pas/ 'grel pa 'dir 'gog pa grangs ma
tshang bar 'gyur ba'i phyir ro/

des na 'gog pa'i rjes su lam zag med la yang ldang nus mod kyi/
srid rtse la snyoms par zhugs pa ni/ de'i rjes su 'dod sems
mngon du byas nas mar 'ong la 'dod sems spel ba'i ched du shes
par bya'o/ /nyan thos rnams thabs dman

pas/ rten dang/ dmigs pa dang/ rnam pa dang/ snyoms 'jug dang/
ring ba rnam pa bzhis ring ba'i phyir/ srid rtse'i rjes de ma
thag 'dod sems mngon du byed mi nus kyang/ byang chub sems dpa'
thabs la mkhas pa'i stobs kyis srid rtse

las langs te 'dod pa'i gzugs sogs snang ba'i rnam par shes pa
mnyam par ma bzhag pa 'dod sems de lta bu de mngon sum du byas
te/ 'dod pa na spyod pa'i rnam par shes pa mtshams kyi ngo bor
bzhag nas mar 'ong rtsom mo/ /de

nas de'i 'og tu 'gog pa la'o/ /de nas mnyam par ma bzhag pa
la'o/ /de'i 'og tu 'gog pa gcig pu bor la zhes sogs go bar zad
do/ /de bzhin du 'gog pa nas bsam gtan gnyis pa'i bar brgyad kyi
bar du bor nas bsam

gtan dang po la'o/ /de nas mnyam par ma bzhag pa la'o/ /gsum pa
ni/ de ltar gcig dang gnyis la sogs pa bor nas 'gog pa'i snyoms
par 'jug pa dang/ bsam gtan dang po la thug pa'i bar du spel
gzhi dang spel chos mi

@294b 'dra ba'i sgo nas 'ong ba dang/ bsam gtan bzhi dang gzugs
med bzhi la 'gog pa spel te 'gro bas na mi 'dra bar 'gro ba thod
brgal gyi snyoms par 'jug pa la dbang ba nyid kyi mtshan nyid
mngon sum du byed pas na sgom pa'i lam rtse mo yin

no; ;gnyis pa la/ spyi'i mtshams sbyar/ so so'i ngo bo/ don bsdu
ba'o/ /dang po ni/ de ltar rten sgom pa'i lam rtse sbyor brjod
nas de la spang bya spang ba'i phyir mi mthun pa'i phyogs rnam
pa bzhi brjod dgos pas zhes so/ /gnyis pa la/ gzung

rtog dang/ 'dzin rtog go /dang po la/ 'jug pa gzung rtog dang/
ldog pa gzung rtog go /dang po la gsum gyi dang po mtshams sbyar
ba ni/ re shig gzung ba'i rnam par rtog pa dang po dgu 'chad do/
/gnyis pa rtsa ba ni/ yul gyi sgo nas dgu

yod de/ mdor bsdus pa dang rgyas pa'i gsung rab la 'jug byar
bden par zhen pa nas legs pa'i lam ni rnam pa gsum la longs
spyad byar bder bar zhen pa'i rnam rtog gi bar rnams yod pa'i
phyir/ rtog pa'i ngo bo ni/ gsung rab dang/

de'i brjod bya byang chub sems dpa'i lam 'bras la 'jug byar bden
par zhen pa'i gzung ba'i rnam rtog 'di gcig ste'o/ /gnyen po ni
sbyor ba'i rnam pa'i spyod yul can sbyor ba nyer bsdogs kyi gnas
skabs so/ /mdo ni/ rim pa bzhin du/

bcom ldan 'das ji ltar byang chen chos thams cad kyi mdo dang
rgyas pa 'chal bar 'gyur zhes dang/ gal te ji skad bstan pa'i
sher phyin la slob cing zhes dang/ byang chen de ltar bstan pa'i
sher phyin la gnas pa 'di ni phyir mi ldog par rig

@295a @#/ /par bya ste/ zhes dang/ sher phyin mngon par bsgrub pa
dang zhes dang/ sher phyin bsgom par byed de/ de la phan yon 'di
dag yod par rig par bya'o zhes dang/ rten 'brel snying po med
pas sher phyin la spyad par

bya'o zhes dang/ nam mkha'i stong pa nyid mngon par bsgrubs pas
sher phyin mngon par bsgrub par bya'o zhes dang/ nam mkha' stong
pa nyid du bsgoms pas sher phyin bsgom par bya'o zhes so/ /gsum
pa 'grel pa ni/ gzung ba'i rnam par

rtog pa dang po chos can/ rnam pa dgu ste/ sgom pa'i lam rtse
sbyor gyi sbyor ba'i gnas skabs kyi yul can gyis spang bar bya
ba dgu yod pa'i phyir/ der thal/ yul gyi sgo nas dbye ba dgu
sbyor ba nyer bsdogs kyi gnas skabs 'dir spang bar

bya ba nyid kyis so/ /dgu gang zhe na/ mdor bsdus pa la dga'
ba'i sems can rjes su 'dzin pas gsung rab kyi chos mdor bsdus pa
brjod bya dang bcas pa la 'jug byar bden par zhen pa lhan skyes
kyis bsdus pa'i rtog pa chos can/ theg

chen 'phags pa'i sgom lam sbyor ba nyer bsdogs kyi spang bya yin
te/ des dngos su gzhom bya yin pa'i phyir/ 'og ma rnams la yang
rtags sbyor de bzhin du sbyar bar bya'o/ /rgyas pa la dga' ba'i
sems can rjes su 'dzin pas gsung

rab kyi chos rgyas pa brjod bya dang bcas pa la 'jug byar bden
par zhen pa lhan skyes kyis bsdus pa chos can no/ /don ni snga
ma gsung rab kyi brjod bya de bzhin nyid la sogs pa'i spyi'i
mtshan nyid shes pa dang/ phyi ma chos rgyas pa so so rang

@295b gi mtshan nyid shes pa la 'jug byar zhen pa'i/ /spyod pa'i
dbang du byas pa gcig ni ji skad bshad pa bzhin mdo rgyas kyi
don la bsgrub pa nan tan mi byed pas sangs rgyas kyis mgon byas
pa'i sgo nas bstangs te yongs su ma bzung ba'i gnyen po

sher phyin gyi rnal 'byor yid la byed pa la 'jug byar zhen pa
dang/ bstangs ni grogs dang mgon gyi ming gi rnam grangs yin
gyi/ phyir btang ba'i don du 'chad pa ni brda phyin ci log pa'o/
/lam gyi yon tan gyi dbang du byas pa gsum ni

mthong lam la ltos te byung ba 'gags pa nyid kyis sbyor ba'i lam
gyi yon tan don dam par med pa tha snyad du yod pa dang/ yang
dag par mtha' bzhir skye ba'i rgyu dang mi ldan pas mthong ba'i
lam gyi yon tan don dam par med pa tha snyad du

yod pa dang/ ma 'ongs pa rdzas su med pa nyid kyis mthong lam
gyi dus na sgom pa'i lam gyi yon tan med pa yin yang sgom lam
gyi dus na yod pa la 'jug byar bden par zhan pa'o/ /lam gyi ngo
bo'i dbang du byas pa gsum ni/ rtag

'dzin sogs phyin ci log zhi ba nyid dang mi rtag par rtogs pa la
sogs pas mya ngan las 'das par sbyor ba'i lam dang/ stong pa
nyid gsar du rtogs pa mngon par bsgrub pa ste bsgom par byed pa
nyid kyis mthong ba'i lam la don dam

par rang bzhin med pa mngon sum gyis rtogs zin pa sgom par byed
pa nyid kyis sgom pa 'jug byar bden par zhen pa lhan skyes kyi
rtog pa chos can no/ /gnyis pa la gsum gyi dang po mtshams sbyar
ba ni/ de ltar zhes so/ /

@296a @#/ /gnyis pa rtsa ba la/ gnyen po ni/ theg chen gyi sgom
spangs gzung rtog gnyis pa ldog pa gzung rtog gnyen po gang
yang rung bas spong ba ma yin te/ theg chen gyi sgom lam gyis
bsdus pa'i sems

dang sems byung 'jug pa'i yul can bar chad med lam rnams kyis
spong ba yin par bzhed pa'i phyir/ theg chen 'phags pa'i sgom
pa'i lam bar chad med lam gyi gnas skabs la spang bar bya ba
rnam par rtog pa dgu

yod par shes par bya ste/ byang chub kyi sems mi skye ba la
sogs pa ldog yul gyis dbye ba dgu yod pa'i phyir/ mdo ni/ sems
dang po bskyed nas nye bar bzung ste zhes dang/ byang chub
snying po la 'dug gi bar du sher phyin

la spyod ces so/ /gsum pa 'grel pa ni/ spang bya lhan skyes
kyis bsdus pa'i gzung ba'i rnam par rtog pa gnyis pa ldog pa
gzung rtog chos can/ yul can rnam pa dgu ste/ yul gyi sgo nas
dgu yod pa'i phyir/ theg

chen 'phags pa'i sgom pa'i lam gyi sems dang sems las byung ba
'jug pa bar chad med pa'i gnas skabs kyi gzhom bya yin te/
gnas skabs de na spang bar bya ba nyid kyis so/ /dgu gang zhe
na/ zhi ba bgrod pa gcig

pu pa'i nyan thos tshogs lam pa chos can/ nyan thos dgra bcom
pa'i 'bras bu ma thob par du rdzogs pa'i byang chub kyi sems
mi skye ba yin te/ de ltar 'khrid pa'i dge ba'i bshes gnyen la
sogs pa dang bral bas so/ /

@296b nyan thos kyi tshogs lam du theg chen sems bskyed mi
skye bas byang chub sems dpas ldog byar bden par zhen pa'i
rtog pa lhan skyes chos can/ theg pa chen po'i sgom lam bar
chad med lam gyi spang bya yin te/ des dngos su gzhom par bya
ba

yin pa'i phyir/ 'og ma rnams la yang rtags chos de bzhin du
sbyar bar bya'o/ /chos can snga ma la byang chub kyi snying po
chos sku yid la mi byed pa yin te/ sangs rgyas la dmigs pa'i
bsod nams khyad par du 'phags pa med pas so/ /nyan thos

kyi sbyor lam la gnas pa'i zhi ba bgrod pa gcig pu pa chos
can/ nyan thos de'i theg pa yid la byed pa yin te/ nyan thos
kyi rigs can nyid kyi phyir/ rigs nges pa'i rang rgyal sbyor
lam pa chos can/ rang rgyal de'i theg pa mngon du byed pa

yin te/ rang sangs rgyas kyi rigs can nyid kyi phyir/ zhi ba
bgrod pa gcig pu pa'i nyan thos mthong lam pa chos can/ yang
dag par rdzogs pa'i byang chub re shig rang gi rgyud la thob
byar yid la mi byed pa yin te/ shes rab kyi pha rol tu phyin

pa nan tan gyis bsgrub pa med pas so/ /nyan thos sgom lam pa
chos can/ sher phyin gyi gzugs brnyan sgom pa yin te/ stong
nyid rtogs pa'i shes rab kyis ma zin par mi rtag sogs mngon
sum du dmigs pa dang bcas pa nyid kyis so/ /nyan

thos dgra bcom pa chos can/ gnas lugs kyi don bsgom pa med pa
yin te/ de dmigs pa med pa nyid kyis so/ /de chos can/ gnas
lugs kyi don bsgom pa yang med de/ de dmigs pa yang med pa'i
phyir/ mi rtag sogs bsgom pa med

@297a @#/ /pa yang ma yin te/ mi rtag sogs mi dmigs pa yang med
pas so/ /yul gyi dbang du byas nas de ltar bshad kyi/ bsgom pa
la bden par zhen pa dang/ bsgom pa med pa yang bden par zhen
pa dang/ sgom mi

sgom gnyis ka dang/ gnyis ka ma yin pa mu bzhi la bden par
mngon par zhen pa ldog byar bden par zhen pa'i rdzogs? pa lhan
skyes chos can no/ /de'i gnyen po ni/ de kho nar mu bzhi dang
bral bar rtogs pa'i sgom lam bar chad med lam

me/ /nyan rang chos can/ gnas lugs kyi don ji lta ba bzhin ma
yin pa nyid la zhen pa yin te/ gnas lugs kyi don la phyin ci
log tu mngon par zhen pas so/ /nyan rang gnas lugs kyi don la
phyin ci log tu zhen pas de la ldog byang

bden par 'dzin pa'i rtog pa lhan skyes chos can no/ /gnyis pa
'dzin rtog /bshad pa la/ rdzas 'dzin rtog pa dang/ btags 'dzin
rtog pa'o/ /dang po la gsum gyi dang po mtshams sbyar ba ni/ de
ltar zhes so/ /gnyis pa ni/ 'dzin par byed

pa dang po rdzas 'dzin rtog par shes par bya ba mdo las
bsgrags pa yin no/ /sems can du btags pa'i spyod yul so so
skye bo sogs la longs spyod byed du bden par zhen pa'i rtog pa
sogs yul gyi sgo nas dbye ba dgu yod pa'i phyir ro/ /

gsum pa 'grel pa ni/ snga ma mthong spangs kyi skabs su bshad
pa bzhin du spang bya lhan skyes kyis bsdus pa'i rdzas su
'dzin par rnam par rtog pa yul can rnam pa dgu'o/ /sgom pa'i
lam gyi sbyor ba'i gnas skabs kyi spang bya yul gyi sgo

@297b nas dbye ba dgu yod pa'i phyir/ dgu po gang zhe na/ shes
bya'i dbang du byas pa gsum ni/ rang dbang ba'i gang zag rdzas
su yod par mi skye bas phung po lnga la sems can du btags pa
tsam longs spyod byed du bden par zhen pa'i rtog pa lhan skyes
chos

can/ theg chen 'phags pa'i sgom lam sbyor ba nyer bsdogs kyi
spang bya yin te/ des dngos su gzhom par bya ba yin pa'i
phyir/ lhag ma rnams la yang rtags chos de bzhin du sbyar bar
bya'o/ /phung sogs la chos su btags pa tsam du zad de/ gzugs

la sogs pa'i chos rnams tha snyad pa'i shes pa la snang ba
tsam du zad pa'i phyir/ rnam pa thams cad mkhyen pa nyid la
sogs pa'i chos tha snyad du yang med pa'i stong pa ma yin pa
nyid de/ gzhi dang lam dang rnam pa thams cad du 'jal byed du
'gro ba'i

phyir/ mkhyen pa gsum gyi chos la gang zag tu bzhag pa la
longs spyod pa por bden par zhen pa'i rtog pa lhan skyes chos
can no/ /lta ba'i dbang du byas pa gnyis ni/ so so skye bo
chos can/ chos la bden par chags pa yin te rnam pa thams cad

du mngon par zhen pa ma spangs pas bden par zhen pa'i phyir
ro/ /byang chub sems dpa' chos can/ gnas lugs kyi chos rab tu
rnam par 'byed pa yin te/ chos thams cad don dam par ngo bo
nyid med par rtogs pas so/ /spyod pa'i dbang du byas

pa gnyis ni/ nyan rang 'phags pa chos can/ 'khor ba'i sdug
bsngal zhi ba'i dngos po'i ched du bya ba don du gnyer bar
byed pa yin te/ thar pa tsam don du gnyer gyi chen po gsum gyi
ched du bya ba mi byed pas so/ /byang chub sems dpa' chos can/
theg

@298a @#/ /pa gsum gyi nges par 'byung ba yin te/ snying rje
chen po dang bcas shing gzugs la sogs pa la bden par yod na
dmigs su rung ba las bden par mi dmigs pa'i phyir/ nyan rang
gi lta spyod kyi dbang du byas pa ni

nyan thos tshogs lam pa chos can/ sbyin bdag rnams kyi yon ma
dag pa yin te/ gang zag gi bdag med tsam rtogs kyang chos nyid
la yang dag par rab tu ma zhugs pa nyid kyis so/ /de chos can/
phar phyin gyi spyod pa rnam par 'khrug pa yin

te/ sbyin pa sogs la spyod pa'i tshe 'khor gsum gyi sbyin pa la
sogs par dmigs te bsgrubs pas so/ /gnyis pa btags 'dzin rtog
pa bshad pa la gnyis/ mdor bstan pa/ rgyas par bshad pa'o/
dang po la gsum gyi dang po

mtshams sbyar ba ni/ de ltar zhes so/ /gnyis pa rtsa ba ni/
sems can du tha snyad btags pa dang/ tha snyad de 'dogs pa'i
rgyu phung po la bden par zhen pa'i yul can lhan skyes kyi
rtog pa chos can/ theg chen 'phags pa'i sgom pa'i lam

dang spang gnyen du 'brel pa'i mi mthun phyogs rdzas 'dzin las
gzhan rnam pa dgu yod de/ yul gyi sgo nas phye ba dgu sgom lam
de yis rnam par 'joms pas so/ /mdo ni/ rab 'byor tha snyad
dang ming dang mtshan ma dang mngon par zhen

pa zhes so/ /gsum pa 'grel pa ni/ sems can du tha snyad btags
pa dang tha snyad der rnam par bzhag pa'i rgyu phung por snang
ba tsam gyi chos la skyes bur btags pa la longs spyod pa por
bden par zhen pa'i yul can sgom lam gyi mi

@298b mthun pa'i phyogs 'dzin par rnam par rtog pa gnyis pa
btags 'dzin rtog pa lhan skyes chos can/ sgom lam de dang
spang gnyen du 'brel pa rnam pa dgu ste/ yul gyi sgo nas phye
ba dgu sgom pa'i lam gyis yang dag par spang bar bya ba

yin pa'i phyir/ gnyis pa la gsum gyi dang po mtshams sbyar ba
ni/ ji ltar zhe so/ /gnyis pa rtsa ba ni/ sgom spangs btags
'dzin rtog pa rnam pa dgu yod de/ mkhyen pa gsum gyi dmigs
pa'i bdag nyid ji bzhin du kun mkhyen

gsum gyi sgrib pa rnam gsum la rmongs pa'i btags 'dzin rtog pa
nas gzung 'dzin gnyis su med pa la kun tu rmongs pa la skyes
bur btags pa la longs spyod pa por bden par zhen pa'i bar dgu
spang bya rnam par rtog pa tha mar

bzhad pa'i phyir/ gsum pa 'grel pa ni/ snga ma bzhin du 'dzin
pa'i rnam par rtog pa tha ma btags 'dzin rtog pa lhan skyes
chos can/ yul can rnam pa dgur bzhed pa yin te/ yul gyi sgo
nas phye ba dgu yod pa'i phyir/ sgom pa'i

lam gyi sems dang sems las byung ba 'jug pa bar chad med pa'i
gnas skabs kyi spang bya yin te/ des dngos su gzhom par bya ba
yin pa'i phyir/ dgu gang zhe na/ mkhyen gsum gyi dmigs pa la
kun tu rmongs pa gsum ni/

nyan thos tshogs lam pa chos can/ rnam pa thams cad mkhyen pa
nyid kyi sgrib pa spong ba la kun tu rmongs pa yin te/ ji lta
ba dang ji snyed pa'i rnam pa thams cad yongs su ma shes pas
rmongs pa'i phyir/ lam shes pa nyid kyi sgrib pa spong ba

@299a @#/ /la kun tu rmongs pa yin te/ theg pa gsum gyi lam
thams cad yongs su ma shes pas rmongs pa'i phyir/ so so skye
bo tha mal pa chos can/ thams cad shes pa nyid kyi sgrib pa
spong ba la kun tu rmongs pa

yin te/ gzhi thams cad yongs su ma shes pas rmongs pa'i phyir/
sgrib pa gsum spong ba la rmongs pa la skyes bur btags pa la
longs spyod pa por bden par zhen pa'i rtog pa lhan skyes chos
can no/ /lam gsum gyi

dmigs pa la rmongs pas de gsum gyi sgrib pa spong ba la rmongs
pa'o/ /lam gyi ngo bo la rmongs pa'i dbang du byas pa gcig ni/
de chos can/ sgrib pa thams cad zhi ba'i lam la kun tu rmongs
pa yin te/ gnas lugs rtogs

pa'i shes rab kyi pha rol tu phyin pa yongs su ma shes pas
rmongs pa'i phyir/ lam gyi dmigs pa la rmongs pa gnyis ni/ de
chos can/ de bzhin nyid la sogs pa dang gzugs la sogs pa
mtshungs par ldan pa bden gnyis ngo bo gcig

dang mi ldan pa bden gnyis ngo bo tha dad la kun rtsa ba
rmongs pa yin te/ gzugs la sogs pa'i shes bya dang de bzhin
nyid dag chos can dang/ chos nyid du yongs su ma shes pas
rmongs pa'i phyir/ de chos can/ theg pa dman pa dang theg pa
chen

po'i lam mi mnyam pa nyid la kun tu rmongs pa yin te/ theg pa
chen po'i lam la bar chad byed pa'i bdud la sogs pa'i rang gi
ngo bo stong pa nyid du yongs su ma shes pas rmongs pa'i
phyir/ yang na 'di thun mong ma yin pa'i lam gyi khyad

@299b par la rmongs pa la bshad do/ /gnas lugs kyi don la
rmongs pa zhig ni/ nyan thos tshogs lam pa chos can/ sdug
bsngal la sogs pa'i bden pa bzhi'i chos nyid la kun tu rmongs
pa yin te/ mi rtag sogs ston pa'i mdo sde'i don la gnas

lugs mthar thug pa'i sgra ji bzhin du 'dzin pa nyid kyis so/
/spang bya'i rang bzhin la rmongs pa zhig ni/ nyon mongs pa'i
rang bzhin la kun tu rmongs pa yin te/ 'dod chags la sogs pa'i
ngo bo nyid glo bur ba dang stong pa nyid du yongs ma shes pas

rmongs pa'i phyir/ chos kyi bdag med rags pa la rmongs pa zhig
ni/ gzung 'dzin rdzas tha dad kyis stong pa'i gnyis su med pa
kun tu rmongs pa yin te/ gzung ba dang 'dzin pa'i mtshan nyid
rdzas tha dad kyis stong par yongs su ma shes pas rmongs  

pa'i phyir/ kun rmongs dgu po la skyes bur btags pa la longs
spyod pa por bden par zhen pa'i lhan skyes kyi rtog pa chos
can/ sgom lam bar chad med lam gyi spang bya yin te/ des dngos
su gzhom par bya ba yin pa'i phyir/ 'di dag phal cher

rtog pa mngon gyur gyi sgo nas bstan gyi/ spang bya'i gtso bo
ni sa bon du shes par bya'o/ /gsum pa don bsdu ba ni/ gzung
'dzin gyi rnam par rtog pa bzhi'i gnyen po rnam pa bzhi yang
ldog pa tha dad pa de'i dbye bas tha dad pa sum cu rtsa drug
yod do zhes

bya bar khong du chud par bya'o/ /sgom pa'i lam gyi mi mthun
pa'i phyogs rnam pa bzhi po sum cu rtsa drug yod pa de dag
spong ba nyid du gyur pa'i phyir/ gsum pa/ spang bya spangs
pas thob pa'i yon tan la gsum gyi dang po mtshams sbyar ba ni/
byang

@300a @#/ /chub sems dpa' 'phags pa sgom pa'i lam la gnas pa
chos can/ khyod la theg pa gsum gyi rtogs pa'i yon tan gyi
rigs phun sum tshogs pa thams cad bsten no/ /mthong lam rtse
sbyor gyi skabs nas bshad pa

snga ma bzhin du sgom spangs gzung 'dzin gyi rnam par rtog pa
brgya rtsa brgyad spangs pa dang dus mnyam pa kho nar rtog pa
de dag gis bsdus pa'i nyon mongs pa brgya rtsa brgyad spangs
pas so/ /sgom spangs shes sgrib spangs pa dang dus mnyam du
sgom

spangs nyon sgrib spangs pa la yang bshad du rung mod kyi/
'grel chen gyi skabs gzhan nas bshad pa ltar na/ shes sgrib
rtog pa mngon gyur dang sa bon dus mnyam du spangs par bzhed
pa la gsal zhing/ sa brgyad pa yan chad du/ shes sgrib

mngon gyur mi 'byung yang de ltar bshad pa la 'gal ba med do/
/gnyis pa rtsa ba ni/ theg pa gsum gyi spangs rtogs kyi 'bras
bu mchog gis mdzes shing spa ba yis sgom lam chen po'i chen po
la gnas pa'i sems dpa' chen po de la ni

chos can/ rgya mtsho che la chu bo bzhin du rnam pa kun tu 'gro
ba yi gnas skabs dang mthar thug gi bde ba bsgrub par byed
pa'i theg pa gsum gyi yon tan phun sum tshogs pa kun rnam pa
kun tu bsten par byed de/ lus la 'tsho bar byed

pas yams nad dang 'dra ba'i rtog pa sgom spangs chung ngu'i
chung ngus bsdus pa la sogs pa 'di rnams zad nas ni/ yon tan
de dag bsten pa la 'gal rkyen med cing mthun rkyen tshad pa'i
phyir/ dper na nad pa nad las grol te yun ring

@300b lon nas dga' bas dbugs phyin pa thob pa ltar ro/ /gsum
pa 'grel pa ni/ byang chub sems dpa' skom pa'i lam chen po'i
chen po la gnas pa theg pa gsum gyi spangs rtogs kyi 'bras bu
rab kyi mthar phyin pa thob pa yon tan de dag gis

mdzes par gyur pa chos can/ khyod la snying rje'i gzhan gyi
dbang du gyur pas rnam pa thams cad du 'gro ba'i gnas skabs
dang mthar thug gi bde ba bskyed par mkhas pa'i yon tan phun
sum tshogs pa theg pa gsum gyis bsdus pa thams cad

rnam pa thams cad du sngon du bsu zhing 'ong ba'i rnam pas
bsten par byed do/ /bskal ba grangs med du mar sgom pa'i lam
la goms pas gzung 'dzin gyi rnam par rtog pa'i rigs bzhi po
'tshe bar byed nyid kyis yams kyi nad du gyur pa 'di rnams

zad nas yon tan rdzogs pa'i mthun rkyen tshang zhing 'gal rkyen
gyi gegs byed pa med pas so/ /dper na nad pa rim nad byang ste
yun ring du lon nas dga' bas dbugs phyin pa thob pa bzhin
du'o/ /yon tan dang gis 'du ba'i dpe ni/ rgya mtsho chen

po la chu bo bzhi dag ngang gis 'du ba bzhin du'o/ /bzhi pa
bar chad med pa'i rtse sbyor la gnyis/ dngos dang/ log rtog
bsal ba'o/ /dang po la gnyis/ bsod nams mang pos mtshon te
bstan pa dang/ dmigs rnam bshad pa'o/ /dang po la gsum

gyi dang po mtshams sbyar ba ni/ sgom pa'i lam gyi rtse mo
bshad pa'i rjes la bar chad med pa'i ting nge 'dzin 'chad do/
/rtse mo 'di nyid sangs rgyas kyi bar chad med pa'i lam yin
pas so/ /sgom lam rtse mo spyi dang/ bar chad med rtse de'i
khyad par la 

@301a @#/ /bshad pa'am/ yang na sgom lam rtse mo'i skabs nas
bshad pa rnams ni rtog pa'i sa bon dang bcas pa yin la/ bar
chad med rtse'i dus na sa bon cung zad kyang med pas khyad par
shin tu che'o/ /gnyis pa rtsa ba ni/

rgyun gyi tha ma'i bar chad med pa'i ting nge 'dzin de ni chos
can/ bar chad med pa'i rtse sbyor yin te/ rnam pa kun mkhyen
pa nyid kyi rang bzhin sangs rgyas nyid kyi bar chad med pa'i
dngos rgyu mthar thug pa yin pa'i phyir/ bar chad med rtse mdo
las

de'i 'bras bu bsod nams mang po nyid kyi sgo nas mtshon te
bstan pa yin te/ stong gsum gyi skye bo nyan thos nas byang
chub sems dpa'i skyon med pa sa dang po la bkod pa'i dge ba
rnams bsod nams cha ba dper mdzad nas de bas bar chad

med rtse'i 'bras bu sangs rgyas bsod nams mang po nyid kyis ni
mtshon nas bstan pa'i phyir/ dngos 'bras bsod nams mang bas
dngos rgyu bsod nams mang bar mtshon pa'o/ /gsum pa 'grel ba
ni/ bar chad med pa'i rtse mo mdo las

rang gi 'bras bu bsod nams mang bas mtshon te bstan pa yin te/
'ga' zhig gis stong gsum gyi stong chen po'i 'jig rten gyi
khams kyi sems can rnams nyan thos dang rang sangs rgyas dang
byang chub sems dpa'i skyon med pa sa dang

po la bkod nas bsod nams bskyed pa gang yin pa de bsod nams
mang ba dper mdzad nas de bas bar chad med rtse'i dngos 'bras
sangs rgyas khyad par du 'phags par bsod nams mang ba nyid
kyis mtshon nas bstan pa'i phyir/ bar chad

@301b med rtse'i dngos 'bras sangs rgyas bsod nams mang ste/
rnam pa thams cad mkhyen pa nyid gang yin pa de bar chad med
rtse'i dngos 'bras su gyur pa'i sangs rgyas nyid yin pas so/
/rgyun mtha'i bar chad med pa'i ting nge 'dzin gang yin pa de
ni

chos can/ 'dir bar chad med pa'i ting nge 'dzin ces bya ste/
yang dag par rdzogs pa'i sangs rgyas nyid 'thob pa'i sbyor ba
mthar thug yin pa'i phyir/ gnyis pa la/ dri ba dang/ lan gnyis
kyi dang po ni/ bar chad med rtse de'i dmigs pa zhes so/

lan la gnyis kyi dang po rtsa ba ni/ bden pa'i dngos med sgyu
ma lta bu'i chos thams cad chos can/ bar chad med rtse 'di'i
dmigs pa yin te/ 'di'i sgro 'dogs bcad par bya ba'i gzhi yin
pa'i phyir/ sa bcu rgyun mtha'i sbyor ba'i lam gyis

bsdus pa'i dran pa theg chen sems bskyed chos can/ bar chad
med rtse'i bdag po'i rkyen yin par bzhed de/ de skyed pa la
rang dbang du gyur pa'i rkyen yin pa'i phyir/ bar chad med
rtse chos can/ rang bzhin gyis zhi ba nyid kyi rnam pa can yin
te/

chos thams cad bden stong du mngon sum du rtogs pa'i phyir/
bar chad med rtse'i dmigs rnam gyi gnas 'di shin tu zab pa yin
te/ dmigs rnam 'di la ni bden gnyis 'gal bar rab tu smra ba
rnams gcig nas gcig tu brgyud

dang dmigs rkyen yin na bden par grub la/ bden par med na
dmigs rkyen du 'gal lo zhes rgol ba'i phyir/ mdo ni/ rab 'byor
rnam mkhyen nyid kyi dmigs pa ni dngos po med pa dang/ bdag po
ni dran pa/ rnam pa ni zhi ba dang mtshan

@302a @#/ /nyid med pa'o/ /zhes so/ /gsum pa 'grel pa la/ dngos
dang/ gnas 'di zab par bstan pa'o/ /dang po ni/ 'dus byas kyi
chos rnams par chad med pa'i ting nge 'dzin 'di'i dmigs pa'i
rkyen yin te/ des

chos thams cad bden pa'i dngos po med par dmigs pa yin pa'i
phyir/ bdag rkyen dang rnam pa ni rtsa ba ltar ro/ /gnyis pa
ni/ bden gnyis 'gal bar rab tu smra ba bden gnyis kyi rnam
dbye'i thabs la mkhas pa ma gtogs pa

rnams kyi klan ka'i rgol ba brgyud mar 'byung ba'i rgyu mtshan
yod de/ bar chad med rtse'i dmigs rnam gyi gnas 'di la ni bden
pa gnyis kyi rnam dbye shes dgos pas gting dpag dka' ba'i
phyir/ klan ka'i rgol ba brgyud mar 'byung ba

bstan pa 'dis ni bar chad med rtse 'di'i dmigs rnam 'di'i zab
pa nyid bsnyad do snyam du dgongs pa yin no/ /klan ka brgyud
mar 'byung bas bden gnyis kyi rnam dbye shes pa'i thabs la
mkhas pas klan ka de dag bsal bar bya bar bstan

pa'i phyir/ gnyis pa la gsum gyi dang po mtshams sbyar ba ni/
bar chad med pa'i ting nge 'dzin gyi 'og tu bsal bya log par
rtogs pa 'chad pa'i rgyu mtshan yod de/ bden gnyis mngon sum du
rtogs pa'i blo'i nor can rnams kyis

dang por log par rtogs pa ji lta bu zhig bsal bas ting nge
'dzin de bskyed par bya snyam du dogs pa bcad pa'i ched yin
pa'i phyir/ gnyis pa rtsa ba ni/ rnam pa kun mkhyen pa nyid
dang/ de'i rgyu bar chad med rtse'i dmigs rnam la

@302b brten pa can bden gnyis 'gal bar smra ba rnams kyi log
par rtogs pa rnam pa bcu drug dag tu bzhed de/ yul gyi sgo nas
bcu drug tu bzhad pa'i phyir/ bcu drug po gang zhe na/ lam
sgom pa'i dmigs rnam la log par rtog pa gnyis

dang/ sgom pa'i 'bras bu la log par rtog pa gcig dang/ gzhi'i
gnas lugs kun rdzob dang/ don dam bden pa mi 'thad par rtsed
pa gnyis dang/ spyod pa mi 'thad par thal ba gcig dang/ spyad
pa'i rten skyabs 'gro yul dang bcas

pa mi 'thad par thal ba gsum dang/ spyod pa'i khyad par mi
'thad par thal ba gcig dang/ mngon rtogs dang/ de'i spang bya
mi 'thad par thal ba gnyis dang/ lam gyi ngo bo mi 'thad par
thal ba gcig dang/ spang gnyen gyi dbye ba mi

'thad par thal ba gcig dang/ bsgom bya rang spyi'i mtshan nyid
mi 'thad par thal ba gcig dang/ de bsgom pa mi 'thad par thal
ba gcig go/ mdo ni/ gsol pa bcom ldan 'das ci lags/ rnam pa
thams cad mkhyen pa nyid 'ba' zhig dngos

po ma mchis pa lags sam/ 'on te gzugs kyang dngos po ma mchis
pa lags/ zhes sogs rgya cher gsungs so/ /gsum pa 'grel pa la/
bsal bya log rtog ngos bzung ba dang/ de bsal nas bar chad med
pa'i rtse sbyor bskyed par gdams

pa'o; ;dang po ni/ skye bo byang chub sems dpa'i bden gnyis
rnam dbye'i thabs la mkhas pa mi shes pa rab tu smra ba nyid
thams cad kyi log par rtogs pa sngar bshad pa de dag chos can/
sun 'byin yang dag gi rgyu ma yin te/ legs par brtags

@303a @#/ /pa na the tshom gyi ngo bo nyid las ma 'das pa'i
phyir/ der thal/ rnam mkhyen gyi dmigs pa yin pa dang/ bden
pas stong pa mi 'gal bzhin du phan tshun 'gal ba'i don bsgrubs
pas rnam mkhyen gyi dmigs pa dang bden

stong gzhi mthun du 'du ba mi 'thad par bsam pa nyid kyis
phyin ci log tu rtog pa'i blo yin pa'i phyir/ log par rtog pa
bcu drug go /rnam mkhyen gyi dmigs pa mi 'thad pa sogs ji skad
bshad pa'i yul can nyid kyis bar chad med rtse dang/

rnam pa thams cad mkhyen pa nyid kyi dmigs rnam mi 'thad pa
sogs kyi rten can bcu drug yod pa'i phyir/ bcu drug po gang
zhe na/ dmigs pa la log par rtog pa ni/ bar chad med rtse dang
rnam mkhyen gyi dmigs pa 'thad pa ma yin par

thal/ 'dus byas dang 'dus ma byas kyi khams dag bden pa'i
dngos po med pa nyid kyis so/ /chos thams cad blo la snang
ba'i dbang gis bzhag pa ma yin par yul gyi sdod lugs kyi ngos
nas grub pa bkag pa na/ 'dus byas la sogs pa  

rang gi ngos nas dmigs rkyan du mi 'thad par mthong zhing/
rang gi ngos nas dmigs rkyan du bzhag pa dang/ ji skad bshad
pa'i bden pa'i don mi khegs par mthong nas bden gnyis 'gal bar
'dzin pa ste/ kun rdzob rang lugs la khas

blangs pa na bden 'dzin gyi dmigs gtad byas med par mi 'gyur
ba dang/ de ltar song ba na kun rdzob rang lugs la khas len pa
mi bde ba tshogs gnyis kyi dmigs pa la log par rtog pa'o/ /'di
ni dbu ma pa'i don dam pa'i gnas tshod bzhag

@303b pa'i khas blangs rtags su bkod nas kun rdzob mi 'thad
par rtsod pa don dam sgo can gyi klan ka yin la/ rtags la don
dam gyi khyad par dngos su sbyar na khyab pa ma grub pa'i lan
dang/ dngos su ma sbyar na rtags ma grub pa'i lan yin la/ de
ltar na

rtags kyi sgrig mtshams la khyab pa ma grub pa yin no/ /rnam pa
la log par rtog pa ni/ dmigs pa'i ngo bo nyid spros bral du
nges par bzung ba'i rnam pa mi 'thad par thal/ chos kun rnam
pa thams cad du rang bzhin med pa'i phyir/ 'di yang don

don dam sgo can gyi klan ka yin zhing rtags ma grub pa'i lan
gdab par bya la/ tha snyad du rtags ma grub ces pa'i lan sbyor
ba ni mun sbrul yin te/ rtags bsgrigs pa na khyab pa med par
'gyur bas so/ /rtags la don dam gyi khyad par dngos su

sbyar nas rtsod na/ khyab pa ma grub pa'i lan no/ /kha cig don
dam du der thal zer na/ 'dod/ kun rdzob tu der thal/ don dam
du de'i phyir/ zer na khyab pa ma grub/ kun rdzob tu dar thal/
/kun rdzob tu de'i phyir zer na/ rtags ma grub pa'i lan 'debs

pa ni/ bden gnyis kyi rtsod pa la mi gzo ba'i rnam 'gyur ro/
/'bras bu la log par rtog pa ni/ 'bras bu rnam pa thams cad
mkhyen pa nyid kyi ye shes mi 'thad par thal/ dngos po dang
dngos po med pa mi dmigs pas so/ /bden pa gnyis la log

par rtog pa gnyis ni/ gzugs la sogs pa kun rdzob tu yang yod
pa mi 'thad par thal/ bden pas stong pa de bzhin nyid kyi ngo
bo nyid kyis so/ /don dam pa'i bden pa mi 'thad par thal/
chos thams cad bden pas stong pa de bzhin nyid kyis so/ /de

@304a @#/ /gnyis ka la khyab pa med pa'o/ /don dam bden pa yin
na bden par grub snyam du bsams pa ste/ rtsod pa gnyis dang
'di gnyis so sor bshad par bya ba yin pas slob dpon gyis gnyis
zhes smos so/ /spyod pa'i ngo

bo la log par rtog pa ni zhi lhag zung 'brel gyi sbyor ba mi
'thad par thal/ sbyin pa la sogs pa mi dmigs pas so/ /spyod
pa'i rten skyabs 'gro yul dang bcas pa la log par rtog pa gsum
ni/ sangs rgyas dkon mchog mi 'thad par thal/

shes bya la blo rgyas pa'i rtogs par bya ba med pas so/ /chos
dkon mchog mi 'thad par thal/ /chos thams cad ming du btags pa
tsam du zad pas so/ /dge 'dun dkon mchog mi 'thad par thal/
dge 'dun du gdags pa'i gzhi gzugs

la sogs par dmigs pa bkag pas so/ /spyod pa'i khyad par la log
par rtog pa ni/ thabs la mkhas pa mi 'thad par thal/ /'khor
gsum du mi rtog pas zin pa'i sbyin pa la sogs par mi dmigs pas
so/ /mngon rtogs la log

par rtog pa ni/ de bzhin gshegs pa'i mngon par rtogs pa mi
'thad par thal/ rtogs bya dngos po dang dngos po med pa dang
gnyis ka'i ngo bor rtogs pa bkag pas so/ /spang bya la log par
rtog pa ni/ phung po rtag pa la sogs par

'dzin pa phyin ci log pa bzhi mi 'thad par thal/ spros pa rnam
par dag pa'i mi rtag pa nyid la sogs par 'dzin pa phyin ci ma
log par mi 'thad pa nyid kyis so/ /'di yang rtags ma grub
pa'o/ /lam gyi ngo bo la log par rtog pa ni/ lam

@304b gyi ngo bo mi 'thad par thal/ lam rnam par sgom pa'i
'bras bu byang chub mngon sum du mi byed pas so/ /spang gnyen
gyi rnam dbye la log par rtog pa ni/ mi mthun pa'i phyogs dang
gnyen po dag gi dbye ba mi 'thad par thal/ dor bar bya ba dang
blang

bar bya ba med pas so/ /chos rnams kyi mtshan nyid la log par
rtog pa ni/ chos kyi rang dang spyi'i mtshan nyid mi 'thad par
thal/ mtshan gzhi chos can med pas so/ /rang spyi'i mtshan nyid
bsgom pa la log par rtog pa ni/ chos rnams kyi rang

spyi'i mtshan nyid bsgom pa mi 'thad par thal/ bsgom bya rang
dang spyi'i mtshan nyid mi 'thad pas so/ /gnyis pa ni/ byang
chub sems dpa' dge ba rang dang gzhan gyi don phun sum tshogs
pa 'dod pa rnams kyis chos can/ bden gnyis kyi rnam  

dbye la mkhas pa sngon du btang nas bar chad med pa'i ting nge
'dzin bskyed par bya ste/ tshogs gnyis kyi yul bden pa gnyis ka
la brten pa'i thabs la mkhas pas ji skad bshad pa'i log par
rtog pa rnams pa stong du bsal ba sngon du 'gro ba'i bar

chad med rtsa dang/ rnam mkhyen gyi dmigs rnam phyin ci ma log
par nges pa rnam pa thams cad du yang dag par bskyed nas bar
chad med rtse bskyed par bya ba yin pa'i phyir/ bden gnyis kyi
rnam dbye la mkhas par bya ba yin te/ dbu ma pa'i

kun rdzob kyi khas blangs rtags su bkod nas don dam sun 'byin
par byed pa kun rdzob sgo can gyi klan ka la go rims bzhin du
don dam pa'i sgo nas lan gdab dgos la/ dbu ma pa'i don dam gyi
khas blangs rtags su bkod nas/ kun rdzob sun

@305a @#/ /'byin par byed pa don dam pa'i sgo can gyi klan ka
la kun rdzob kyi sgo nas lan gdab dgos pas so/ /der thal/
bden gnyis 'gal ba'i klan ka brgyud mar 'byung la de la bden
gnyis mi 'gal ba'i lan gdab

dgos pa de bas na ste de'i phyir/ rang rgyud la bsod nams kyi
tshogs rdzogs par byed pa'i yan lag tu gzhan rgyud kyi bden
gnyis 'gal bar 'dzin pa'i log rtogs bsal bar rigs mod kyi/
gtso bo ni rang rgyud kyi log rtog mngon gyur sa

bon dang bcas pa zad par bya ba'o/ /bden gnyis 'gal bar 'dzin
pa grub mthas bzhag pa ni/ mthong lam du zad par spangs la/
kun rdzob dang 'gal bar 'dzin pa'i bden 'dzin mngon gyur sa
bdun pa bar du 'jug la/ sa bon zad par par

chad med rtses spong ba'o/ /don bsdus na/ sa bon gyis myu gu
skyed pa blo la snang ba'i dbang gis bzhag pa min par yul gyi
thun mong ma yin pa'i sdod lugs kyi ngos nas grub pa bkag
cing/ sa bon rang gi ngos nas myu gu skyed pa yang khas blangs

pa na/ de gnyis 'gal bar mthong nas mi 'thad par rtsod pa yin
la/ bden grub kyi don bkag pa nas bon gyis myu gu skyed pa
thag khra la sprul 'dzin gyi ngor sprul yod do snyam du bzhag
par zad pa'o/ /sa bon rang gi nges nas myu gu skyed pa mi

'thad par thal/ sa bon gyis myu gu skyed pa blo'i snang ba'i
dbang gis bzhag pa tsam du zad pa'i phyir/ ces pa don dam sgo
can gyi klan ka yin yang khyab pa ma grub pa'i lan rigs kyi/
don dam sgo tsan gyi klan ka la kun rdzob la ltos nas

@305b rtags ma grub kyi lan 'ba' zhig 'debs dgos pa ma yin no/
/yang sa bon gyis myu gu skyed pa blo la snang ba'i dbang gis
bzhag pa min par myu gu'i thun mong ma yin pa'i sdod lugs kyi
ngos nas grub par thal/ sa bon rang gi ngos nas myu gu bskyed

pa'i phyir/ ces pa kun rdzob sgo can gyi klan ka yin yang
khyab pa ma grub pa'i lan gdab rigs pa'o/ /'di ni slob dpon
gyi bzhed pa dang mthun pa'i bden gnyis kyi sgo nas lan 'debs
tshul yin gyi/ mgon po klu sgrub kyi dgongs pa slob dpon

sangs rgyas bskyangs dang/ slob dpon zla ba glags? pas bkral
ba ltar na ni/ dgag bya de bas ches phra bas de la brten pa'i
bden gnyis kyi lan 'debs tshul ni gzhan du bshad par bya'o/
/gsum pa skabs bsdu ba ni/ shes rab kyi pha

rol tu phyin pa'i mngon ngag gi bstan bcos mngon par rtogs
pa'i rgyan ces bya ba'i rnam bshad snying po'i rgyan ces bya
ba las skabs lnga pa'i 'grel pa'i bshad pa'o// //gnyis pa
brtan pa rgyu 'bras la gnyis/ brtan pa thob

don du bsgom pa mthar gyis sbyor dang/ brtan pa thob pa skad
cig ma'i sbyor ba'o/ /dang po la/ 'brel bkod pas mtshams sbyor
ba dang/ la'u'i gzhung bshad pa dang/ skabs bsdu ba'o/ /dang
po ni/ rtse mo'i mngon par rtogs pa bshad zin pa'i 'og tu

mthar gyis pa'i mngon par rtogs pa 'chad do/ /rgyu mtshan ni
rtse mo'i mngon par rtogs pa thob pa'i gang zag skabs dang po
gsum nas bstan pa'i mkhyen gsum gyi rnam pa so so ba dang rnam
pa nas mtshan nyid kyi bar gyi skabs su 

@306a @#/ /bstan pa mkhyen gsum gyi rnam pa bsdus pa nyid du
rtogs pa'i don rnams skye tshul gyi go rim bzhin du klags nas
rnam par bsgom par byed pas de'i ched du bstan pa'i phyir/
rims kyis bsgom pa la dgos pa yod

de/ bsgom pa brtan por bya ba'i phyir/ gnyis pa la gnyis kyi
dang po rtsa ba ni/ chos bcu gsum po 'di dag gis zin pa'i sgo
nas mkhyen gsum gyi rnam pa rim can du bsgom pa de mthar gyis
pa yi bya bar bzhed de/ bcu gsum po gang na/

sbyin pa nas shes rab kyi bar phar phyin drug dag dang/ sangs
rgyas la sogs dran pa'i rjes dran drug dang/ chos thams cad
don dam par dngos med ngo bo nyid du rtogs pa'i shes rab kyis
zin pa'o/ /mdo ni/ bcom ldan 'das thams cad

dngos po ma mchis pa'i ngo bo nyid la byang chen mthar gyis
spyod pa dang/ mthar gyis slob pa dang/ mthar gyis nan tan du
bgyi zhes so/ /kha cig chos bcu gsum po 'di nyid rim can du
bsgom pa mthar gyis pa'i sgom tshul du byed pa ni slob dpon

gyi gzhung dang 'gal te/ 'og bsdus don drug tu bshad pa'i
'grel par mkhyen gsum rim can du bsgom pa la bshad pa'i phyir
ro/ /'di'i mtshams sbyar du so so ba dang bsdus pa nyid du
rtogs pa'i don rnams rim can du bsgom pa yang

skabs dang pa gsum du mkhyen gsum gyi rnam pa so sor bstan pa
dang/ mkhyen gsum gyi rnam pa la slob cing cung zad ma rdzogs
pa'i skabs nyid so so ba dang/ rnam kun tu mkhyen gsum gyi
rnam pa brgya bdun cu rtsa gsum rdzogs par bstan

@306b pa rnams bsdus pa'i don du shin tu gsal zhing/ de nyid
rdzogs par bsgom pa bsdus nas sgom pa'i don yin la/ mkhyen
gsum gyi rnam pa ma lus pa rta rgyug pa ltar go rim pa nges
can skyus thog gcig la bsgom pa mthar gyis pa'i sgom

tshul du nges par 'dod dgos pa'i phyir ro/ /de ltar bsgom pa
yang chos bcu gsum gyis zin pa'i sgo nas tshogs lam gyi gnas
skabs su bsgom pa mthar gyis bya ba dang/ nges 'byed kyi skabs
su bsgom pa mthar gyis slob pa dang/ mthong

sgom gyi skabs su bsgom pa mthar gyis bsgom pa mthar gyis
bsgrub pa'o/ /chos bcu gsum gyis zin par byed pa'i tshul yang
dngos med ngo bo nyid du rtogs pas zin tshul go bar zad la/
rten dkon mchog gsum rjes su dran pa dang mi 'bral

ba dang/ ma mthun pa'i phyogs las ldog pa mtshon pa tshul khrims
rjes dran dang/ dge ba la 'jug pa mtshon pa gtong ba rjes dran
pa dang/ dbang po nyid du lha dang bla ma rjes su dran nas
slob pa'o/ /de thams cad kyang phar phyin drug gis zin par

byas nas nyams su len pa'o/ /gnyis pa 'grel pa ni/ chos snga
ma bcu gnyis dang/ gzugs la sogs pa'i chos thams cad don dam
par dngos po med pa'i ngo bo nyid du khong du chud pas mkhyen
gsum gyi rnam pa ma lus pa rim can du

rtogs pa'i bya ba gang yin pa de ni 'dir mthar gyis pa'i bya
bar bzhed pa yin no/ /chos bcu gnyis po gang zhe na/ rnam pa
rim can du sgom pa'i tsha spyod pa phar phyin drug gis zin pa'i
sgo nas bsgom par bya ste/ sbyin bya sbyin byed sbyin pa

@307a @#/ /sogs don dam par mi dmigs pa'i 'khor gsum rnam par
dag pas rab tu phye ba sbyin pa'i pha rol tu phyin pa la sogs
pa drug rnam pa thams cad du yongs su rdzogs pas sa bcu yang
dag par/ sgrub par

byed pa des zin par byas pa'i sgo nas sgom dgos pa'i phyir/ sa
bcu rdzogs pa la phar phyin bcu dgos pa ma yin nam zhe na/
phar phyin lhag ma bzhi der ma 'dus pa'i skyon med de/ thabs
la mkhas pa dang/ smon lam dang/ stobs

dang ye shes kyi pha rol tu phyin pa bzhi ni shes rab kyi pha
rol tu phyin pa'i nang du 'dus pa'i phyir/ bsam pa phun tshogs
rjes dran drug gis zin par byed pa'i tshul ni/ dang por sangs
rgyas rjes su dran pa dang mi 'bral ba'i sgo nas bsgom

par bya ba yin te/ rnam pa gsum po go rims bzhin du nges par
'byed pa'i cha dang mthun pa ston par byed pa mdo las dran pa
nye bar bzhag pa la sogs pa dang mthong ba'i lam ston par byed
pa mdo las bstan pa'i byang chub kyi yan lag gi

rnam pa bsgom pa dang sgom pa'i lam brjod par byed pa mdo las
bstan pa'i 'phags pa'i lam yan lag brgyad pa sogs rgyu'i sgo nas
sangs rgyas rjes su dran par bya ba yin pa'i phyir/ chos rjes su
dran pas zin par byas nas bsgom pa

yin te/ de bzhin du dge ba dang mi dge ba dang lung du ma
bstan pa'i chos don dam par dran pa med cing kun rdzob tu
blang dor btang snyoms su byas pa'i mtshan nyid ji lta ba bzhin
du rjes su dran pa'i sgo nas bsgom par bya ba yin pa'i phyir/
dge

@307b 'dun rjes su dran pa'i sgo nas bsgom par bya ba yin te/
snga ma bzhin du byang chub sems dpa' 'phags pa phyir mi ldog
pa'i dge 'dun grogs su rjes su don pa dang mi 'bral bar sgom
pa'i phyir/ de bzhin du mi mthun phyogs las ldog par

mtshon pa tshul khrims dang/ dge ba la 'jug pa mtshon pa gtong ba
dang/ dbang po lha rjes su dran pa do rnams don dam par dran
pa med cing kun rdzob tu mtshan nyid ji lta ba bzhin du dran
par byas nas bsgom pa'o/ /gsum pa skabs bsdu ba ni

shes rab kyi pha rol tu phyin pa'i man ngag gi bstan bcos
mngon par rtogs pa'i rgyan ces bya ba'i 'grel pa'i rnam bshad
snying po'i rgyan ces bya ba las skabs drug pa'i 'grel pa'i
bshad pa'o// //gnyis pa brtan pa

thob pa skad cig ma'i sbyor ba la/ 'brel bkod pas mtshams sbyar
ba dang/ le'u'i gzhung bshad pa dang/ skabs bsdu ba'o/ /dang
po ni/ mthar gyis pa'i rjes su skad cig ma gcig pa'i mngon par
rdzogs pa byang chub pa 'chad par rigs pa yin te/

mthar gyis pa'i mngon par rtogs pa mkhyen gsum gyi rnam pa rim
can du rnam par bsgom pa ni goms pa rab kyi mthar phyin pa na
de dag nyid skad cig ma gcig gis sgom nus pas so/ /de'i rgyu
mtshan bskal pa grangs med mang por shin tu

goms par byas pa'i phyir/ skad cig sbyor de yang chos can/
bzhi yod de/ ngo bo gcig la ldog pas phye ba'i mtshan nyid kyis
rnam pa bzhi yod pas so/ /gnyis pa la bzhi'i dang po/ rnam
smin ma yin pa'i skad cig sbyor la gnyis/ dngos dang

@308a @#/ /de mtshon byed kyi dpe'o/ /dang po la gsum gyi dang
po mtshams sbyar ba ni/ skad cig ma bzhi'i dang pos bdun pa man
chad du rtsol bas bsgrubs pas na/ rnam par smin pa ma yin pa'i
zag pa med pa'i chos thams

cad mngon du byed pa skad cig ma zhes so/ /gnyis pa rtsa ba
ni/ rgyun mtha'i bar chad med lam la gnas pa'i thub pa'i rgyud
kyi rnam smin ma yin pa'i zag med kyi lam rnams mngon du byed
pa'i skad cig gcig pa yi rtogs pa 'di ni chos

can/ skad cig sbyor dang por shes par bya ste/ rnam smin ma
yin pa'i zag med kyi rigs rnams mngon du byed pa'i sbyor ba
mthar thug yin pa'i phyir/ de'i tshe zag med kyi ye shes gcig
mngon du byas pa na gzhan rnams mngon du byed nus

te; sbyin pa la sogs re res kyang zag pa med pa'i lam gyi chos
kun bsdus pa'i phyir/ mdo ni/ byang chen de ltar yum la spyod
pa ni/ sems bskyed pa gcig gis pha rol tu phyin pa drug yongs
su rdzogs par byed do zhes so/ /gsum

pa 'grel pa ni/ rgyun mtha'i bar chad med lam la gnas pa'i
thub pa byang chub sems dpa'i rtogs pa ni chos can/ skad cig
ma gcig pa'i mngon par rdzogs pa byang chub pa'o zhes bya bar
shes par bya ste/ nags tshal gyis sha

pa bsdus pa lta bu mang pos gcig bsdus pa 'ba' zhig tu ma zad
kyi/ 'on kyang sbyin pa la sogs pa'i ye shes dmigs par bya
ba'i skad cig ma gcig po sgom pa'i rgyun mtha'i ye shes de
nyid kyis sbyin pa la sogs pa nas dpe

@308b byad bzang po brgyad cu'i bar gyi chos rnams bsdus nas
sgom pa'i sbyor ba mthar thug yin pa'i phyir/ zag med kyi ye
shes skad cig ma gcig skom pa'i tshe/ zag med kyi lam mtha' dag
sgom nus te/ bar chad med lam gyi tshe de ltar sgom pa'i

mthun rkyen tshang zhing 'gal rkyen bden gnyis kyi dngos po ngo
bo so sor nges par 'dzin pa'i phyin ci log mtha' dag dang bral
ba'i ngo bos de ltar nus pa'i phyir/ rgyun mtha'i bar chad med
lam gyi tshe gnas ngan len gyi dri ma zad par spangs pa

ma yin yang/ de'i tshe dri ma cung zad kyang med par shes par
bya'o/ /bden gnyis ngo bo tha dad du 'dzin pa'i dri ma zad par
byed nus pa'i rgyu mtshan yod de/ shing rta chen po slob dpon
'phags pa lha'i lugs las chos thams cad bden pas stong pa'i

chos kyi dbyings kyi ngo bor gcig pa la dgongs nas dngos gcig
dngos po kun gyi ngo bo nyid de/ /dngos po gcig gi chos nyid
dang/ dngos po kun gyi chos nyid 'phags pa'i mnyam gzhag gi
gzigs der rnam

pa gcig kho nar snang gi mi 'dra bar mi snang la/ dngos kun
dngos po gcig gi ngo bo nyid de/ de yang de ltar snang bas
gang zag gang gis dngos po gcig gi de bzhin nyid mngon sum du
mthong ba de yis dngos po kun gyi chos nyid de bzhin nyid du

du mthong zhes 'byung ba'i phyir/ gnyis pa la gsum gyi dang po
mtshams sbyar ba ni/ yang ji ltar na zhes so/ /gnyis pa rtsa ba
ni/ rgyun mtha'i ye shes skad cig gcig gis zag pa med pa'i ye
shes thams cad shes nus te/ ji ltar skyes bus

@309a @#/ /zhes pa'i dpe de bzhin du shes nus pa'i phyir/ gsum
pa 'grel pa ni/ rgyun mtha'i bar chad med lam chos can/ skad
cig ma gcig kho na la byang chub yan lag sogs zag pa med pa'i
ye shes gcig dmigs

de dang rigs mthun pa thams cad mngon du byed pa yin te/ thams
cad skad cig ma gcig la mngon sum du byed nus par gyur cig
snyam pa'i sngon gyi smon lam gyi 'phen pa dang/ chos thams
cad de bzhin nyid kyi rang bzhin du ro gcig pa'i

chos kyi dbyings kyi mthus de ltar nus pa'i phyir/ dper na
zhes so/ /gnyis pa rnam par smin pa'i skad cig sbyor la gsum
gyi dang po mtshams sbyar ba ni/ de ltar zhes so/ /gnyis pa
rtsa ba ni/ gang gi tsha dri ma dang bral bas chos dkar po
thams

cad kyi rang bzhin shes rab kyi pha rol tu phyin pa rtsol med
tu thob pa'i zag med rnam par smin pa'i chos nyid kyi gnas
skabs rgyun mtha'i ye shes skyes pa de'i tshe rgyun mtha'i bar
chad med lam chos can/ zag med kyi chos thams cad skad

cig gcig la mngon par rdzogs pa byang chub pa yin te/ byang
chub sems dpa'i ye shes mthar thug yin pa'i phyir/ mdo ni/ de
byang sems kyi lam rnam par smin pa'i chos can la gnas pas
phyin drug yongs su rdzogs pa dang zhes so/ /

gsum pa 'grel pa ni/ gang gi tshe rgyun mtha'i ye shes skyes pa
de'i tshe dus skad cig ma gcig kho na la 'bad rtsol med par
thob pas rnam par smin pa'i gnas skabs su gyur pas zag pa med
pa rnams rtogs pa'i rgyun mtha'i bar chad med

@309b lam gyi ye shes ni chos can/ shes rab kyi pha rol tu
phyin pa skad cig ma gcig pa'i mngon par rdzogs pa byang chub
ba gnyis pa yin te/ zag med rnam par smin pa'i ye shes skad
cig ma gcig la rtogs pa'i sbyor ba mthar thug yin pa'i phyir/

rgyun mtha'i bar chad med lam des de ltar nus te/ byang chub
sems dpa' bskal pa grangs med gsum du gnyen po bdag med rtogs
pa'i shes rab bsgoms pas sgrib gnyis kyi mi mthun pa'i phyogs
thams cad dang bral bas gnyen po rnam par

byang ba'i phyogs rnam par smin pa'i chos nyid kyi gnas skabs
dri ma thams cad dang bral bas dkar pa'i ngo bo nyid du skyes
pas de ltar nus pa'i phyir/ dper na/ rdul/ du ba khu rna sogs
kyi sgrib byed dang bral bas ston ka'i zla ba'i 'od bzhin
du'o/ /

gsum pa mtshan nyid med pa'i skad cig sbyor la gsum gyi dang po
mtshams sbyar ba ni/ de ltar gnyis pa bstan nas zhes so/ /gnyis
pa rtsa ba ni/ rgyun mtha'i bar chad med lam chos can/ mtshan
nyid med pa'i skad cig sbyor yin te/ kun byang

gi chos rnams don dam par mtshan nyid med pa nyid du skad cig
ma ni gcig gis mngon sum du rtogs pa'i sbyor ba mthar thug yin
pa'i phyir/ khyod kyis de ltar rtogs nus te/ sbyin pa la sogs
par phyin drug gi spyod pa yis chos kun rmi lam dang

'dra bar rtogs pa la gnas nas goms pa'i sbyor ba mthar thug
yin pa'i phyir/ mdo ni/ byang chen sher phyin la spyod pa'i
tshe rmi lam lta bu'i nyer len gyi phung po lnga la gnas shing
sbyin pa yongs su gtong zhes pa nas shes rab bsgom mo zhes

@310a @#/ /pa'i bar ro/ /gsum pa 'grel pa ni/ de chos can/ skad
cig ma gcig pa'i mngon par rdzogs pa'i byang chub pa gsum pa
yin no/ /sbyin pa la sogs pa'i ngo bo nyid nges par rtogs pa'i
rnam pa can gyi sbyor ba

mthar thug gang zhig /dus skad cig ma gcig kho nas chos thams
cad ni don dam par mtshan nyid med pa'o zhes kun nas nyon mongs
pa dang rnam par byang ba'i chos rnams don dam par mtshan nyid
med pa nyid du shes pas na'o/ /byang sems

bcu rgyun mtha' ba des de ltar shes nus pa yin te/ nye bar len
pa'i phung po la sogs pa snang la rang bzhin med pa rmi lam
gyi ngo bo nyid kyi chos thams cad la de ltar rtogs pas gnas
shing sbyin pa la sogs pa pha rol tu phyin pa drug

bsgrubs pas gnas te/ bskal pa grangs med gsum du goms par byas
pa'i phyir/ der thal/ sngon sa dgu pa man chad du chos thams
cad rmi lam lta bur goms pas tshogs gnyis nyams su myong bar
byas nas rtogs pa'i gnas skabs

thob cing goms pa sngon du song ba'i phyir/ bzhi pa gnyis su
med pa'i skad cig sbyor la/ gsum gyi dang po mtshams sbyar ba
ni/ de ltar gsum pa bstan nas zhes so/ /gnyis pa rtsa ba ni/
rgyun mtha'i bar chad med lam chos can/ gnyis su

med pa'i skad cig sbyor yin te/ gzung 'dzin gyi chos rnams
rdzas tha dad kyis stong pa gnyis su med pa'i de nyid skad cig
gcig gis mthong ba'i rnal 'byor mthar thug yin pa'i phyir/
dper na rmi lam gyi ri khang khyim sogs dang ni de mthong

@310b gi shes pa nyid rdzas tha dad kyi tshul du mi mthong ba
ltar ro/ /mdo ni/ byang chen sher phyin la spyod pa'i tshe rmi
lam mi mthong rmi lam mthong ba mi mthong zhes so/ /gsum pa
'grel pa ni/ de chos can/ skad cig ma gcig pa'i mngon par
rdzogs

pa byang chub pa bzhi pa yin te/ gzung 'dzin gyi chos thams
cad kyang rdzas tha dad kyis stog pa de lta bu'i chos nyid yin
no zhes chos rnams kyi de kho na nyid gzung 'dzin gnyis su med
pa skad cig ma gcig kha nas mngon sum du rtogs pas na

sbyor ba mthar thug tu gyur pa yin pa'i phyir/ rgyun mtha' la
gnas pa'i byang chub sems dpas de ltar rtogs nus te/ gzung
'dzin gnyis su snang ba'i 'khrul pa'i bag chags drungs phyung
ba'i phyir/ der thal/ bskal pa grangs med gsum

gyi dus yun ring mo zhig nas par chad med par gnyis su snang
ba yi 'khrul pa spong pa la goms pa dang du gyur pas mthar
thug pa'i phyir/ dper na gang gi tshe rdzas tha dad pa'i gzung
ba dang 'dzin pa'i tshul du rmi lam gyi ri khang khyim sogs

la gzung ba don gzhan dang/ rmi lam mthong ba la rdzas tha dad
pa'i 'dzin par mi mthong ba de'i tshe ste de bzhin du'o/ /gsum
pa skabs bsdu ba ni/ shes rab kyi pha rol tu phyin pa'i man
ngag gi bstan bcos mngon par rtogs pa'i rgyan

zhes bya ba'i 'grel pa'i rnam bshad snying po'i rgyan ces bya
ba las skabs bdun pa'i 'grel pa'i bshad pa'o// //gsum pa chos
sku rgyas par bshad pa la gsum/ 'brel bkod pas mtshams sbyar ba
dang/ 

@311a @#/ /le'u'i gzhung bshad pa dang/ skabs bsdu ba'o/ /dang
po ni/ skad cig sbyor gyi rjes su chos kyi sku 'chad pa'i rgyu
mtshan yod de/ chos thams cad skad cig ma gcig pa'i mngon par
rdzogs pa byang chub pa'i sbyor ba

rnam par sgom pa'i skad cig ma gnyis pa la chos kyi skur mngon
par rdzogs par byang chub pa 'byung ba min pa de'i phyir/ chos
kyi sku de yang chos can/ rnam pa bzhi yin te/ ngo bo nyid kyi
sku la sogs pas dbye bas rnam pa bzhi yin pas

so; ;gnyis pa la/ sku'i rnam gzhag dang/ mdzad pa 'phrin las
so/ /dang po la gnyis/ spyi'i don dang/ yan lag gi don to/
/dang po la gsum/ 'bras bu 'grub pa'i dus mtshams dang/ sku
gsum gyi ngo bo ngos bzung ba dang/ de la log par rtogs pa

bsal ba'o/ /dang po ni/ sa bcu rgyun gyi tha ma'i bar chad med
lam de nyid de bzhin nyid la chu la chu bzhag tu mnyam par
bzhag bzhin pa na/ bar chad med lam gyi dus de'i tshe mnyam
gzhag de'i gzigs don shes bya ji snyed pa'i

rnam pa cung zad kyang mi 'char te/ bden gnyis ngo bo tha dad
du 'dzin pa'i dri ma zad par ma spangs pa'i phyir/ 'on kyang
de'i tshe zag pa med pa'i ye shes sde tshan nyi shu rtsa gcig
po'i mngon par rtogs pa'i rigs ma lus pa 'thob pa'i bdag nyid

du gnas pa yin no/ /de nas skad cig gnyis pa la rnam grol lam
skyes pa'i tshe shes bya ji lta ba la gnyis snang nub nas chu
la chu bzhag tu song de de'i gzigs pa'i ngor shes bya ji snyed
pa thams cad lag mthil du skyur ru ra bzhag

@311b pa ltar mngon sum du gzigs pa de'i tshe shes sgrib zad
par spangs pa dang/ yang dag pa'i mthong mngon du byas pa
dang/ chos kyi sku mngon du byas pa dang/ chos thams cad rnam
pa thams cad du mngon par rdzogs pa byang chub pa zhes bya'o/
/sa bcu

rgyun mtha' la gnas pa'i tshe mtshan dpas spras pa'i sku de nyid
kyi rigs 'dra phyi ma chos sku thob pa'i tshe mtshan nyid lnga
ldan dang/ yon tan lnga ldan dang/ nges pa lnga ldan gyi longs
spyod rdzogs pa'i sku 'grub la/ longs skus bdag rkyen byas nas
mdzad

pa bcu gnyis kyi sgo nas gdul bya rjes su 'dzin pa'i mchog gi
sgrul pa'i sku de'i tshe tshogs pa gcig tu med kyang/ sangs
rgyas kyi sprul pa'i sku'i bye brag 'ga' zhig longs spyod
rdzogs pa'i sku dang dngos rgyu tshogs pa tshar gcig la rag las

kyi 'brel pa grub pa'i tshul du thob par shes par bya'o/ /phar
phyin theg pa'i lam gyis bskal pa grangs med pa gsum gyi bar
du bgrod nas de'i rjes su sngags kyi lam gyi snon pa btab nas
gzugs sku 'grub pa'i tshul ni gzhan du shes par bya'o/ /

gnyis pa ni/ gzugs kyi sku dang ye shes chos kyi sku'i glo bur
rnam dag gis khyad par du byas pa'i rang bzhin rnam dag gi cha
dang/ de'i steng gi glo bur rnam dag gi cha ni 'dus ma byas
kyi sku dang/ ngo bo nyid kyi sku zhes bya la/ slob dpon ye
shes snying

pos bden gnyis su/ rigs pa'i rjes 'brangs ngo bo'i phyir/ ces
mthar thug dpyod pa'i rigs shes kyis rnyed pa'i don du gsungs
pa ni/ rang bzhin rnam dag gi cha de nyid yin no/ /dag pa
gnyis ldan gyi sku de nyid thog ma med pa nas sems can gyi
rgyud

@312a @#/ /la med par sangs rgyas pa'i dus 'ba' zhig tu 'byung
na mi rtag par 'gyur dgos so snyam pa ni/ mkhas rmongs la
grags pa'i rtag pa'i khyad par dang/ dngos po res 'ga' ba dang
'dus ma byas res 'ga' ba'i khyad par ma

phyed pas nongs so/ /da lta ma yin na snga dro khang pa zhig
pa de thog ma med pa nas yod par khas len dgos par 'gyur zhing
phyi dro gsar du khang pa zhig pa de snga dro'i dus na yang
yod par khas len dgos par 'gyur ro/ /zag pa med pa'i ye shes
sde

tshan nyi shu rtsa gcig gis bsdus pa'i ye shes chos kyi sku ni/
sngags kyi phyogs nas kyang sku bzhi par gsungs la/ rgyal pa'i
sras po seng-ge bzang yos kyang sku bzhi par mdzad pa ni dbye
bsdu tsam yin gyi/ sku gsum du ma 'dus par bzhed pa ni min

no; ;ci de sku gsum du bsdu bar mi rung ste/ ngo bo nyid kyi
sku yang ma yin la/ sku gzhan gnyis kyang ma yin pa'i phyir
ro/ /zhe na/ 'o na sku bzhir yang bsdur mi rung bar thal/
longs spyod rdzogs pa'i sku'i sen mo zangs kyi mdog lta bu de
khyed 'dod pa'i

sku bzhi po gang yang ma yin pa'i phyir ces smras nas lan ci
yod/ ma grub ste/ longs spyod rdzogs pa'i sku yin no zhe na/
'o na cig shos kyang ngo bo nyid kyi skur khas blangs pa la
'gal ba ci yod/ 'o na 'dus ma byas su thal lo zhe na/ cig shos
la

yang mtshan bzang po sum cu rtsa gnyis dang/ dpe byad bzang po
brgyad cu rdzogs par chad pa yin par thal lo/ /de 'dod na ni
cig shos kyang 'dod pas rnam pa kun tu mtshungs so/ /de longs
spyod rdzogs pa'i sku'i cha gcig yin gyi longs sku dngos

@312b ma yin la/ de ni mtshan dpe ma lus pa tshegs pa la 'degs
pas so/ /zhe na/ de yang ngo bo nyid kyi sku'i cha shas yin
gyi/ dngos ma yin te/ ye shes chos sku'i steng du dag pa gnyis
ldan tshogs pa la 'dogs pa'i phyir ro/ /des na ye shes chos kyi
sku

dgos pa lhag dang bcas par gzigs nas sku la sogs par rnam
gzhag mdzad do/ /longs spyod rdzogs pa'i sku ni bshad zin la/
mchog gi sprul pa'i sku ni ye shes chos kyi sku nyid so so
skye bo kha cig la yang mtshan dpes spras pa'i gzugs

kyi skur snang ba dga' ldan gyi gnas nas 'phos pa la sogs pa'i
rim pas byang chub kyi shing drung du mngon par rdzogs par
'tshang rgya ba'i tshul bstan pa de nyid do/ /gsum pa ni/ sangs
rgyas kyi ngo bo nyid kyi sku sangs rgyas mtshan nyid pa ma yin

par 'dod pa ni/ sdig pa bas kyang ches sdig ste/ dag pa gnyis
ldan gyi sku la skur ba btab pa'i phyir/ de lta na/ de yon tan
tsam ma yin par thal/ yon tan mthar thug kyang ma yin la/ de
min pa'i gnas skabs kyi yon tan yang ma yin pa'i

phyir; rtags snga ma ma grub na/ sangs rgyas min pa nyams la/
'dod na spangs pa mthar thug yon tan ma yin na/ rtogs pa mthar
thug kyang yon tan ma yin par mtshungs so/ /gzugs sku gnyis
gdul bya'i gzhan snang tsam yin gyi/ sangs

rgyas rang snang la med pa dang/ sangs rgyas rang rgyud kyis
bsdus pa med pa'o/ /zhes smra ba ni kha na ma tho ba shin tu
che ste/ sangs rgyas kyi gzugs kyi sku gtan med du thal/ thams
cad mkhyen pas mngon sum du ma gzigs pa'i phyir/ ma grub

@313a @#/ /na; rang snang la med pa 'gal lo/ /sangs rgyas ni
rtag tu de bzhin nyid la mnyam par bzhag pa yin la/ de'i gzigs
pa'i ngor ma grub pa'i don yin no/ /zhe na/ de yang mi 'thad
par sngar bshad zin to/ /gzugs sku

gnyis gang zag su gang gi yang rgyud kyis ma bsdus pa'am/ 'on
te/ sems can gyi rgyud kyis bsdus par 'dod/ dang po ltar na/
byang chub sems dpa' 'phags pas sbyin pa gtong ba dang tshul
khrims bsrung ba sogs rang rgyud la goms par

byas pa la 'bras bu mthar thug pa thob pa mi srid par thal/
bsod nams kyi tshogs goms pa'i 'bras bu mthar thug pa gang zag
su gang gi yang rgyud kyis bsdus pa mi srid pa'i phyir/ 'on te
sa bcu rgyun gyi tha ma bar du rang rgyud kyis bsdus pa'i  

sbyin sogs kyi spyod pa goms par byas pa la brtan nas/ sangs
rgyas pa'i tshe/ rig pa rgyun chad nas de bzhin nyid rnam par
dag pa'i rang bzhin 'ba' zhig tu 'gyur ba'o zhe na/ da lta na
rgyang phan gyis/ 'chi kha mtshun chad rig pa 'byung gi/ shi
nas

gtan med du 'gyur pa la gnod pa cung zad kyang bstan mi nus
pas/ tshu rol mdzes pa pa'i lugs de nyid la thub pa'i dgongs
par ma smra shig /'dis 'phags pa'i mnyam gzhag na blo med par
khas len pa yang bkag par shes par bya'o/ /'on

te gzugs sku gnyis sems can gyi rgyud kyis bsdus pa tsam mo
zhe na/ 'o na gang zag lha sbyin gyi gtong ba'i sems pa dang
spong ba'i sems pa sogs goms pa rab kyi mthar thug pa na/ de
las rgyud tha dad pa'i gang zag mchod sbyin gdul

@313b bya'i snang ngo tshun chad du 'grengs pa'i tshul yang mi
ston pa'i tshe ring ba'i mthar thug pa dang/ longs spyod che
ba'i mthar thug pa sogs su 'dod pa ni/ las byas pa chud zos pa
dang/ las ma byas pa dang phrad par khas len pa'i las 'bras
phyin ci log

tu smra ba'i mthar thug par shes par bya'o/ /yang kha cig
/sangs rgyas rang rgyud kyis bsdus pa'i 'dus byas kyi yon tan
cung zad kyang med par smra ba ni/ blo zad chos zad du 'dod pa
phyin ci log gzhan gyi lugs su shes par bya'o/ /de dag gis

ni sangs rgyas kyi gzugs kyi sku gnyis sangs rgyas mtshan nyid
pa ma yin par 'dod pa yang bkag par shes par bya la/ kha cig
/de'i shes byed du bcom ldan 'das nyid kyis/ gang dag nga la
gzugs su mthong/ /zhes sogs gsungs pas so/ /

zhes shes byed du byed pa ni/ sems rnal du mi gnas pa ste/ de
ltar smra ba po de khyod kyis sangs rgyas ma yin par khas
blangs pa ma yin nam/ des na sangs rgyas kyi ye shes nyid
gdags pa'i gzhir byas nas gzugs kyi skur rnam par bzhag pa

yin gyi/ bem pos bsdus pa'i rdul phra rab bsags pa'i lus ni
cung zad kyang med par shes par bya'o/ /gnyis pa yan lag gi
don la/ ngo bo nyid kyi sku/ ye shes chos kyi sku longs spyod
rdzogs pa'i sku/ mchog gi sprul pa'i sku'o/ /dang po la gsum

gyi dang po mtshams sbyar ni/ sku bzhi dang po ngo bo nyid kyi
sku/ gnyis pa rtsa ba ni/ thub pa'i ngo bo nyid kyi sku ni
chos can/ khyad par gyi chos gsum gyis khyad par du byas pa
yin te/ ldan pa'i khyad par dran pa nyer gzhag sogs zag pa med
pa'i chos

@314a @#/ /sde tshan nyer gcig po gang dag thob par gyur pa
khral ba'i khyad par sgrib gnyis bag chags dang bcas pa rnam
pa kun tu rnam par dag pa/ ngo bo'i khyad par zag pa med pa'i
ye shes de dag gi rang bzhin bden pas stong pa'i

mtshan nyid can dag pa gnyis ldan gyi sku yin pa'i phyir/ mdo
ni/ rab 'byor zag med kyi chos rmi lam lta bu dngos po dang mi
ldan pa dngos po med pa'i rang bzhin can gyi mtshan nyid kyis
stong pa rnam pa thams cad du yongs su dag par gyur pa/  

de dag thams cad kyi rang bzhin gang yin pa mtshan nyid gcig po
'di lta ste/ mtshan nyid med pa de ni de bzhin gshegs pa dgra
bcom pa yang dag par rdzogs pa'i sangs rgyas yin par rig par
bya ste zhes so/ /gsum pa 'grel pa la gnyis

dngos dang/ chos can gyi sku gsum chos nyid kyi sku las tha
dad du bzhag pa'i dgos pa'o/ /dang po ni/ thub pa sangs rgyas
bcom ldan 'das kyi ngo bo nyid kyi sku ni chos can/ khyad chos
gsum gyis khyad par du byas te/ ldan pa'i khyad par dran pa
nye

bar bzhag pa la sogs pa la sogs pa zag pa med pa'i ye shes kyi
bdag nyid 'jig rten las 'das pa'i chos kyi dbyings kyi ngo bo
nyid kyis zag pa med pas khyad par du byas pa'i phyir dang/
bral ba'i khyad par sgrib gnyis bag chags dang bcas pa

rnam pa thams cad du rnam par dag cing dben pa'i phyir/ sgrib
pa gnyen pos gtan zad par byar rung ste/ dri ma rnams glo bur
ba yin pa nyid kyis so/ /ngo bo'i khyad par don dam par skye
ba med pa'i ngo bo nyid ni 'di yin te/ don dam par rang bzhin

@314b gyis dben pa'i mtshan nyid du gyur pa zag pa med pa'i ye
shes gang dag yin pa de dag gi gnas lugs kyi rang bzhin gyi
ngo bo nyid yin pa'i phyir/ rgyus gsar du bskyed par byar med
de/ rgyu rkyen gyis bcos ma ma yin pa'i don gyis so/ /'jig
rten pa'i

lam tsam la sogs pa thabs gang yang rung bas thob pa ma yin
te/ 'jig rten las 'das pa'i lam gyis 'thob kyi 'jig rten pa'i
lam tsam dang rkyen gyis byas pa ni ma yin pas thabs rgya chen
pos brgyan zhing/ stong nyid mngon sum du rtogs pa'i

rnam par shes pa sgyu ma lta bus chos thams cad spros bral du
rtogs pa thob pa yin pa'i phyir/ gnyis pa ni/ chos can gyi sku
lhag ma gsum po chos can/ ngo bo nyid kyi sku dang ngo bo tha
dad ma yin te/ don dam par bden pas stong ba chos nyid kyi ngo
bor

gyur pa'i sku yin pa'i phyir/ de dang ngo bo tha mi dad kyang
khyed gsum tha dad par rnam par bzhag go/ de dang ngo bo tha
mi dad kyang/ khyed rnams yang dag pa'i kun rdzob tu mi 'dra
bar snang ba ji ltar mos pa tha dad pas bzhag cing rab tu phye
ba yin pa'i phyir/

tha dad pa gsum du bzhag pa la dgos pa yod de/ sangs rgyas
dang phan tshun kho na'i mngon sum gyi spyod yul dang/ byang
chub sems dpa' dang nyan thos la sogs pa'i spyod yul du tha
dad du rnam par bzhag pa yin no zhes bstan nas rtogs pa'i

ched yin pa'i phyir/ ngo bo nyid kyi sku dang ngo bo tha dad
ma yin te/ shing rta chen po'i lugs las/ stong nyid ces bya
shes pa las/ /gzhan ni 'gal yang yod min te/ /gang gi phyir na
bden par grub pas dben pa bden par grub pas dben par gyur

@315a @#/ /pa stong gzhi las ngo bo tha mi dad pa nyid du 'dod
ces 'byung ba'i phyir/ gzugs sku gnyis snang tshul ltar don
byed mi nus pa log pa'i kun rdzob tu 'dod pa ni/ 'grel pa dri
ma med pa 'di dag mthong ba'i skal pa dang bral

bar zad do/ /gnyis pa ye shes chos kyi sku la/ dngos kyi don
dang/ de'i khyad par bshad pa dang/ de la rtsod pa spang ba'o/
/dang po la/ ye shes chos kyi sku sku gsum las tha dad du
bstan pa dang/ tha dad du mi 'dod pa dgag pa dang/ tha dad du

'dod pa la rtsod pa spang pa'o/ /dang po la gsum gyi dang po
mtshams sbyar ba ni/ de ltar sku dang po bstan nas sku gnyis pa
ye shes chos kyi sku don dam par spros pa med pa'i ye shes kyi
bdag nyid zag pa med pa'i dran pa nye bar bzhag pa la

sogs pa'i ngo bo/ gnyis pa rtsa ba ni/ ye shes chos kyi sku la
sde tshan nyi shu rtsa gcig tu dbyer yod de/ byang chub phyogs
mthun nas rnam pa thams cad mkhyen nyid dang/ lam shes dang
gzhi shes mthar thug pa'i ye shes rnams ni ye shes

chos kyi sku zhes brjod pa yin pa'i phyir/ mdo ni/ byang chub
kyi phyogs kyi chos sum cu rtsa bdun dang zhes pa nas/ lam
shes pa nyid dang thams cad shes pa nyid de rab 'byor 'di dag
ni zag pa med pa'i chos thams cad ces bya'o zhes so/ /

gsum pa 'grel pa la/ dbye ba dang/ de dag ye shes chos skur
bzhag pa'o/ /dang po ni/ dran pa nye bar bzhag pa la sogs pa
nas 'phags pa'i lam yan lag brgyad pa'i bar byang chub kyi
phyogs mthun rnams sde tshan gcig tu byas pa

@315b dang/ snga ma bzhin du byams pa la sogs pa ched med pa
bzhi tshangs pa'i gnas pa rnams sde tshan gcig tu byas pa dang/
sde tshan gsum pa ni/ nang rnal 'byor pa rang la gzugs can gyi
'du shes bzhag pa dang gzugs can ma yin par ming

bzhi'i phung po tsam gyi 'du shes bzhag pas phyi rol gyi gzugs
rnams la mi sdug pa'i rnam par blta ba zhes bya ba gnyis dang/
mthar gzugs snang thams cad sdug par ro gcig tu mos par byed
pa sdug pa'i rnam par thar pa lus kyis mngon

sum du byas te/ rdzogs par byas nas gnas pa zhes bya ba gcig
ste/ dang po gnyis ni 'dod pa'i gzugs las sngar 'dod chags
dang bral yang slar yang de la dmigs pa ni/ ji ltar 'dod par
dbang ma thob pas de thob par bya ba'i phyir ro/ /rnam

thar gsum pa ni/ dang po gnyis kyis mi sdug pa bsgoms pas
rgyud zhum pa na gzengs stod bar bya ba'i phyir dang/ rnam
thar dang po gnyis grub ma grub brtag pa'i phyir te/ sdug par
yid la byas kyang zhen pa mi skye na/ rnam thar dang pa gnyis

grub pa yin no/ /nam mkha' la sogs pa gzugs med kyi rnam thar
bzhi ni ro myong ba'i sgrib pa las thar bar bya ba dang/ de
thag bsring ba'i phyir ro/ /'du shes dang tshor ba rags pa'i
sgrib pa las thar bar bya ba'i ched du 'du shes dang tshor ba
'gog

pa zhes bya ba gcig ste/ de ltar rnam par thar pa brgyad do/
/mngon pa kun las btus su rnam thar dang po gnyis kyang rang
mtha'i bsam gtan bzhi pa la brten par bshad la/ mdzod du/ rnam
par thar brgyad dang po gnyis/ /mi sdug bsam 

@316a @#/ /gtan gnyis na yod/ /ces bshad de/ snga ma khas
blangs pa nyid kyis phyi ma khas blang du mi rung ba ni ma yin
no/ /sde tshan bzhi pa ni/ gzugs kyi khams zhes te/ mthar gyis
gnas pa'i snyoms par 'jug pa dgu'o?

sde tshan lnga pa zad par la dngos kyi don dang/ rnam thar/ zil
gnon/ zad par gsum gyi khyad par ro/ /dang po la/ ngo bo ni/
chos bcu la dmigs pa'i ting nge 'dzin dang/ shes rab mtshungs
ldan dang bcas pa'o/ /dbye ba ni/ sa la sogs pa

'byung ba bzhi dang/ sngon po sogs 'byung 'gyur bzhi dang/ nam
mkha' dang rnam par shes pa la dmigs pa zad par rnam pa bcu'o/
/sems kyi rten ni/ dang po brgyad bsam gtan bzhi pa dang/ tha
ma gnyis nam mkha' dang/ rnam shes la brten pa'o/ /

sbyong tshul ni/ sngar sbyang ba byas pa'i goms pa sngon du
song ba yin na/ dmigs rten khyad par can mthong ba tsam gyis
zad par gyi ting nge 'dzin thob par 'gyur la/ gsar du bskyed
pa'i tshe ni/ chu dangs shing dri ma med pas snod gang ba dang/
shing drung dam

'gron khang sogs rjes su mthun pa'i gnas su snum zhing snying
po dang bcas pa'i shing dum bur byas pa spungs te mtha' rtsig
pas bskor ba la mtho gang sor bzhi tsam gyi bu ga byas par me
sbar nas/ 'og tu shing/ steng du du ba/ bar du me byas pa

dang/ yan lag gi phyogs gang du rlung gis reg par 'gyur ba'i
skar khung dang/ rtsig pa'i bu ga byas pa dang/ tshon gyis kha
dog sngon po dang/ ser po dang/ dmar po dang/ dkar po sogs
dmigs rten du byas pa dang/ bum nang du mar me bzhag

@316b cig pu ga ha cang mi che ba btod nas/ de'i 'od kyis
rtsig ngos la phog pa'i snang ba'i dkyil 'khor yun ring du
gnas pa dang/ rtsig pa re lde snam du gang rung gis g.yogs
pa'i gnas su/ mtho gang sor bzhi tsam bu ga btod pa mthong
ba'i yul du byas

pa rnams dmigs rten du byas nas/ bsam gtan la brten nas/ sa sa
chu chu zhes so so'i ming tsam la dmigs nas/ yang dang yang du
goms par byed pa'o/ /de ltar goms par byas pa na/ ji ltar 'dod
pa ltar sa dang chu la sogs pas ma lus

pa khyab par spro nus shing/ slar yang sdud nus pa sogs kyi
tshe/ grub pa yin la/ chu lba ba can dang/ me chad cing ltung
ba sogs kyi rnam par snang zhing/ ji ltar 'dod par spro mi nus
na/ ma grub pa'o/ /zad par sa'i mtshan ma ma bshad pa ni/ go
sla

bar dgongs pa yin gyi/ med pa ma yin te/ sa tshwa rgo can sogs
su snang ba ni ma grub po'i mtshan ma yin la/ snum zhing 'dril
la khod snyoms pa sogs ji ltar 'dod par spro nus pa ni grub
pa'i mtshan ma'o/ /de ltar sgom pa'i byed las ni/ gzugs  

can la dmigs pa brgyad kyis sprul pa dang/ bsgyur pa'i rdzu
'phrul bsgrub pa dang/ zad par nam mkha' la brten nas nam
mkha' la 'gro 'ong byed pa dang/ zad par rnam shes la brten
nas nyon mongs pa spong ba dang/ so so yang dag par rig pa
bzhi

la sogs pa'i yon tan bsgrub pa'o/ /zad par 'di dag ni skye
mched bcu gnyis las bzhi kho na la bzhag ste/ gzugs kyi skye
mched la kha dog bzhi dang/ reg bya'i skye mched la 'byung ba
bzhi dang/ chos kyi skye mched la nam mkha' dang/ yid kyi skye

@317a @#/ /mched la rnam shes so/ /zad par gyi ming don ni/ zad
par te/ ma lus par khyab par byed pa dang/ rgyas par byed pa'i
don to/ /'di dag gi spyi'i rnam gzhag 'chad par 'gyur la tshul
gzhan ni go bar zad do/ /bcu

las gzhan la zad par mi bzhag pa ci zhe na/ zad par ni khyab
par byed pa yin la/ de las gzhan gyis khyab par mi nus pa'i
phyir te/ gang la de'i rigs yod pa de la des khyab par nus la/
snod kyi gzugs la dbang po lnga'i rigs med

pa'i phyir dang/ gzugs khams kyi gzugs la dri ro'i rigs med
pa'i phyir dang/ sgra la rigs 'dra'i rgyun med pas khyab par
spro mi nus pa'i phyir/ zad par ma bzhag go/ gnyis pa ni/ rnam
thar dang/ zil gnon dang/ zad par dag skye ba'i  

rgyu ni/ snga ma snga ma yin la/ dag par byed pa'i thabs ni/
phyi ma phyi ma yin pas/ zil gnon dang zad par gyi skye mched
ni/ rnam par thar pa rnams rnam par dag par byed pa'i khyad
par gyi lam du shes par bya'o/ gal te rnam thar gyi dmigs

pa sbyang ba'i ched du zil gnon gyi skye mched bsgom pa yin
na/ gzugs can gyi rnam thar la sbyong byed zil gnon bshad la/
gzugs med kyi rnam thar la ma bshad pa ci yin zhe na/ gzugs
zil gyis mnon par dka' ba'i phyir te/ de zil gyis

non na gzugs med pa zil gyis gnon pa'i dbang yang thob par
'gyur ba'i phyir ro/ /rnam thar gyis rang bzhin pa'i gzugs
chung ngu la sogs pa sprul pa'i gzugs kyi rnam pa gzhan du mos
par byed la/ zil gnon gyis dbang du byed pa'i sgo nas

@317b snga ma zil gyis gnon par byed do/ /spyir zil gnon la
che bas chung ba zil gyis gnon pa dang/ stobs dang ldan pas
stobs chung ba zil gyis gnon pa dang/ sngar snang ba mi snang
bar byas nas zil gyis gnon pa dang/ nyon mongs spong ba lta bu
sun 'byin

pas zil gyis gnon pa dang/ rje bos bran la dbang byed pa lta
bu dbang byed par zil gyis gnon pa lta bu lta yod pa la 'dir
ni/ gsum pa dang lnga pas bsdus pa'i zil gyis gnon pa'o/ /sde
tshan drug pa ni/ nang rnal 'byor pa rang la gzugs su 'du shes

ba dang/ gzugs med par 'du shes pa dag gis so sor re re la
yang gzugs chung ngu dang chen po'i rnam pa mdzes mi mdzes
dang bzang ngan dag tu phyi rol gyi gzugs rnams la blta zhing
gzugs de dag zil gyis mnan nas zhi gnas kyis shes shing lhag
mthong gis

mthong zhes bya ba dbyibs zil gyis gnon pa bzhi dang/ nang
gzugs med par 'du shes pa dag kho nas sngon po dang/ ser po
dang/ dmar po dang/ dkar po dag kha dog zil gyis mnan nas shes
mthong zhes bya ba rnam pa bzhi ste/ dang po bzhi rnam thar

dang po gnyis kyi rgyu las byung ba dang/ phyi ma bzhi sdug
pa'i rnam thar gyi rgyu las byung ba'o/ /de ltar zhes so/
/phyi ma bzhi la mdo las 'byung ba ltar nang gzugs med par 'du
shes pas phyi rol gyi gzugs sngon po kha dog sngon po sngon po
lta bur ston

pa 'od sngon po 'byung ba rnams la blta ste/ dper na zar ma'i
me tog gam/ yul wa ra na se'i ras phun sum tshogs pa sngon po/
kha dog sngon po/ sngon po lta bur ston pa/ 'od sngon po
'byung ba bzhin du/ nang gzugs med par 'du shes pas phyi rol

@318a @#/ /gyi gzugs sngon po kha dog sngon po/ sngon po lta
bur ston pa 'od sngon po 'byung ba rnams la blta zhing/ gzugs
de dag zil gyis mnan nas shes/ zil gyis mnan nas mthong ste/
de ltar 'du shes pa ni zil gyis  

gnon pa'i skye mched lnga pa'o/ /zhes so/ /de bzhin du ras ser
po la dong ka'i me tog dang/ dmar po la ban du dzA pa ka'i me
tog dang/ dkar po la skar ma pa ba sangs sbyar nas gzhan gsum
la'ang gsungs so/ /de la sngon po ni mdor bsnyan pa'o/ /

kha dog sngon po ni lhan skyes so/ /sngon po lta bur ston pa
ni sbyar byung ngo/ /'od sngon po 'byung ba ni gnyis ka la 'od
gsal po yod pa'o/ /me tog ni lhan skyes kyi dpe'o/ /ras ni
sbyar byung gi dpe'o/ /bdun pa nyon mongs med pa'i ting nge
'dzin

ni; nyan thos dgra bcom pa rnams kyis grong la sogs par byon
pa na/ gzhan rgyud kyi 'dod pa'i sgom spang nyon mongs kyi
dmigs rkyen mi byed pa tsam yin la/ de pa rnams kyi nyon mongs
med pa'i ting nge 'dzin gyi mthus/ nyon mongs skye ba'i

dmigs rkyen mi byed pa tsam du ma zad sems can pha rol gyi
rgyud du gtogs pa'i nyon mongs pa dgra'i rgyun drungs 'byin
pa'i ting nge 'dzin ces bya ba gang yin pa/ nyon mongs pa med
pa'i ting nge 'dzin dang/ brgyad pa ni/ yang dag par lus ngag
gi las

kun nas slong ba'i 'bad rtsol gyi mtshan ma thams cad dang bral
zhing zhi ba'i sgo nas gzhan don lhun grub tu byed pa dang/
shes bya thams cad la bden par chags pa bcom pa dang/ thogs
med du mkhyen pa'i sgo nas gzhan gyi the tshom sel bar

@318b mdzad pa'i smon lam grub pas 'khor ba ji srid pa dang/
sems can thams cad kyis rnam par grol ba thob pa ji srid pa'i
gnas skabs su chags thogs med pa'i mkhyen pa 'jug pa zhes bya
ba smon gnas mkhyen pa dang/ dgu pa ni/ mdo las/ 'di na

dge slong rdzu 'phrul gyi rnam pa du ma nyams su myong bar
byed cing/ gcig tu gyur nas mang por 'gyur ba dang/ mang por
gyur cing gcig tu 'gyur ba dang/ snang bar 'gyur ba dang mi
snang bar 'gyur ba shes pa dang mthong bas nyams su myong bar
byed do/ /lus

kyis thogs pa med par rtsig pa la yang thal byung du 'gro la/
ri bo la yang thal byung du 'gro ste/ nam mkha' la bya ba
bzhin no/ /sa la yang byi zul byed de/ dper na chu la bya ba
bzhin no/ /chu la yang mi 'byid bar 'gro ste/ dper na sa la
bya ba bzhin no/ /

nam mkha' la yang skyil mo krung bcas nas 'dug ste/ dper na
'dab chags bya bzhin no/ /nyi ma dang zla ba yang lag pas nyug
par byed cing/ tshangs pa'i 'jig rten gyi bar du lus kyis dbang
bsgyur bar byed do/ /zhes sogs kyi don bsdus pa sngar bshad

pa mngon par shes pa drug dang/ bcu pa ni/ bshad bya dang/
'chad byed dag pa so so yang dag par rig pa bzhi dang/ bcu
gcig pa ni/ lus len pa dang gnas pa dang/ gtong ba la mnga'
brnyes pas rten lus dag pa dang/ gzugs dang dri dang ro

reg bya sogs sprul pa dang/ bsgyur ba la mnga' brnyes pas
longs spyod dag pa dmigs pa dag pa dang/ ting nge 'dzin la
mnga' brnyes pas thugs dag pa dang/ shes rab la mnga' brnyes
pas ye shes yongs su dag pa zhes bya ba dag pa bzhi dang/

@319a @#/ /bcu gnyis pa ni/ tshe bskal ba'i bar du ji ltar 'dod
par gnas nus pa tshe la dbang ba dang/ ting nge 'dzin grangs
med pa la dbang thob pas sems la dbang ba dang/ nam mkha'
mdzod la mnga' brnyes pas yo byed la dbang

ba dang/ bzo dang rgyu rtsal sogs las kyi 'bras bu ston pa la
dbang thob pas las la dbang ba dang/ ji ltar 'dod par skye ba
la dbang ba dang/ 'jig rten gyi khams thams cad sangs rgyas
kyi skus gang bar ston nus pa sogs mos pa la dgang

ba dang/ byang chub chen po'i sprul pa ston nus pas smon lam
la dbang ba dang/ dus gcig tu gdul bya sna tshogs la rdzu
'phrul mi 'dra ba du ma ston pa la dbang bas rdzu 'phrul la
dbang ba dang/ shes bya thams cad thogs med du mkhyen pas ye

shes la dbang ba dang/ chos kyi tshig don thams cad la mkhas
pa'i dbang thob pas chos la dbang ba zhes bya ba dbang bcu
dang/ sa brgyad pa nas thob par mdo las bshad do/ /bcu gsum pa
sngar bshad pa'i stobs bcu dang/ bcu bzhi pa

sngar bshad pa'i mi 'jigs pa bzhi dang/ bco lnga pa de pa'i
sku dang gsung dang thugs kyi spyod pa yongs su dag pa ste/
dag pa mthar thug pa dang ldan pa'i phyir/ thub pa 'di la sgo
gsum gyi phyin ci log gi kun tu spyod pa gzhan gyis yongs su

shes dogs pa'i bsnyengs pas nyes pa bcab par bya'o snyam pa'i
dgongs pa mi mnga'o/ /zhes bya ba bsrung ba med pa rnam pa
gsum dang/ bcu drug pa ni/ thub pa 'di la chos can/ tshogs
sdud? pa na kun nas nyon mongs pa mi 'byung ba'i dran pa nye
bar

@319b bzhag pa gsum dang ldan te/ 'khor gyi tshogs la chos ston
pa na gus pas nyan par 'dod pa la go rim bzhin du rdzas su
chags pa dang/ gus pas nyan par mi 'dod pa la khong khro ba
dang/ gus pa dang ma gus pa gnyis ka 'dres ma 'jug pa

dag la chags sdang gnyis kas dben pa kho nar btang snyoms su
dran pa dang ldan par gnas so zhes bya ba mthar phyin pa thob
pa'i phyir/ bcu bdun pa ni sems can gyi don la bsnyel ba mi
mnga' ba'i chos nyid dang ldan te/ sems can gyi don

mdzad pa'i dus las nam yang mi 'da' ba'i mtshan nyid ces bya ba
sems can gyi don bya ba thams cad la dus thams cad du dran pa
nye bar gnas pa'i phyir ro/ /bco brgyad pa ni/ sgo gsum gyi
bag chags yang dag par bcom pa dang

ldan te/ nyon mongs pa dang shes bya'i sgrib pa'i bag la nyal
gyi ngo bos bon zad par spangs pas so/ /bcu dgu pa ni/ skye bo
mtha' dag la phan bde bsgrub par dgongs pa'i thugs rje chen po
nyid dang ldan te/ skye bo mtha' dag la nyin mtshan du

lan drug tu su ni smin su ni ma smin/ su ni mngon mthe'i snod/
su ni nges legs kyi snod ces bya ba gnas skabs dang/ mthar
thug gi phan pa'i bsam pa nyid ces bya ba mthar phyin pa thob
pa'i phyir/ nyi shu ba ni/ sngar bshad pa'i sangs rgyas kyi
chos ma

'dres bco brgyad dang/ nyer gcig pa ni/ rgyu 'bras gtso bo'i
chos bcu mngon sum du rtogs pa'i rnam pa thams cad mkhyen pa
nyid dang dang zhes bya ba'i sgras bsdus pa lam shes pa nyid
dang/ gzhi shes pa nyid la sogs pa sngar

@320a @#/ /skabs gnyis pa dang gsum par bshad pa mthar thug pa
dag kyang ye shes chos kyi sku yin te'o/ /gnyis pa ni/ byang
chub kyi phyogs dang mthun pa la sogs pa rnam rtog gi spros pa
med pa'i ye shes kyi bdag nyid

zag bcas kyi gnas yongs su gyur pas zag med du gyur pa sde
tshan nyer gcig po thams cad kyang sku gsum las tha dad pa'i ye
shes chos kyi skur mngon par brjod pa yin no zhes bya ba ni/
mkhan po rnam snang mdzad dang/ slob dpon la

sogs pa kha cig gi bzhed pa'o/ /gnyis pa la/ sngar gyi tshigs
bcad snga phyi gnyis ka ngo bo nyid kyi sku ston pa'i bstan
bshad du 'dod pa'i lugs brjod pa dang/ sku mi 'dra ba gnyis so
sor bstan yang tshig don la ma zhugs pa'i nyes

pa med pa'i bzhed pa'o/ /dang po ni/ 'phags pa grol sde la
sogs pa gzhan dag ni/ thub pa'i zhes bya ba'i tshigs bcad dang
po sgra ji bzhin nyid du/ zag pa med pa'i chos gang dag ces
pas 'jig rten las 'das pa'i zag pa med pa'i chos

'dus byas kyis bsdus pa rnams kho ni dngos su bstan par khas
blangs nas/ ngo bo nyid kyi sku ni ye shes de dag gi rang
bzhin don dam par skye ba med pa'i chos nyid gang yin pa de'i
mtshan nyid can yin no/ /'o na/ rgyas bshad kyi skabs

su chos nyid kyi sku zhes brjod par rigs pa la/ chos kyi sku
zhes brjod pa yin/ /zhes 'byung bas tshigs bcad snga mas ngo bo
nyid kyi sku bstan par bzhed kyang/ phyi ma rnams kyis ye shes
chos kyi sku ngo bo nyid kyi sku las sku gzhan du

@320b bstan pa rje btsun gyi bzhed pa yin gyi/ tshigs bcad snga
phyi bstan bshad du byed pa mi 'thad do zhe na/ mjug rdzogs
pa'i skabs su/ zag pa med pa'i ye shes nyer gcig po'i chos
nyid de nyid kyang chos nyid kyi sku zhes brjod pa yin zhes
'byung rigs

pa yin pa las/ sdeb sbyor gyi ngor tshig bsdu ba byas nas chos
kyi sku'i zhes pa ste/ d+ha-rmA ta kA ya zhes pa'i ngo bo'i
rkyen ta phyis te mi mngon par byas nas chos kyi sku zhes
brjod pa yin zhes bstan to zhes rnam par bshad nas te 'chad
do/ /'o na

zag pa med pa'i ye shes sde tshan nyer gcig po de dag kyang
chos nyid kyi skur bzhed pa yin nam gzhan du 'grel pa med cing
sku bzhir 'dod pa'i gzhung btsugs par 'gyur ro zhe na/ skyon
med de/ ngo bo nyid kyi sku'i yon tan yin pas der

bsdu bar bya ba yin la/ snga phyi ma 'brel ba'i skyon yang med
de/ chos kyi sku zag pa med pa'i sems sems byung gang dag gi
rang bzhin gyi mtshan nyid can yin pa'i zag pa med pa'i chos de
dag kyang gang dag gcig yin zhes 'dri na/ byang

chub phyogs mthun tshad med dang/ zhes bya ba la sogs pa'i tshig
le'ur byas pa 'chad pa la 'jug par byed do/ /tshigs bcad snga
phyi mdor bstan rgyas bshad du mi 'dod pa des kyang/ zag pa
med pa'i chos gang dag /ces pa'i tshigs bcad

sgra ji bzhin du  khas blangs pa ma yin nam zhe na/ ma yin te/
chos kyi dbyings kyi ngo bo nyid kyis zag pa med pa zhes bshad
pa'i phyi ro/ /gzhan du na bstan bshad du nges par khas len dgos
pa'i phyir ro/ /gnyis pa ni/ sku bzhir 'dod pa gzhan 

@321a @#/ /dag na re/ zag med kyi ye shes de dag sku gsum las
gzhan du mi 'dod pa de dag gi ltar na/ sangs rgyas kyi sar
gdon mi za bar khas blang dgos pa khyad par gsum ldan gyi ye
shes rnams chos can/ sangs rgyas kyi

sas ji ltar bsdus bsdu bar mi 'thad par thal/ sku gzhan gsum
gang gis kyang ma bsdus pa'i phyir/ khyab pa khas blangs so/
/khyad par gsum dang ldan te/ byed las kyi khyad par rnal
'byor pa'i kun rdzob tu don khyad par can rang 'bras gzugs

sku gnyis kyi snang ba bskyed pa'i sgo nas chos ston pa dang/
'od zer 'gyed pa la sogs pa'i don gyi bya ba mdzad pa'i phyir
dang/ spangs pa'i khyad par zag bcas gnas yongs su gyur par
zag med ru gyur pa dang/ ngo bo'i khyad par gzung 'dzin gnyis

su med pa'i sems dang sems las byung bas khyad par du byas
pa'i phyir ro/ /sku gsum gang gis kyang ma bsdus pa'i skyon
med de/ chos nyid kyis chos can bsdus pas ngo bo nyid kyi skus
bsdus so zhe na/ 'o na longs sprul gnyis kyang

sku gzhan du bstan pa mi 'thad par thal/ de la yang rigs pa de
mtshungs pa'i phyir/ gal te gsung rab dang/ theg pa chen po
rgyud bla ma sogs las sku gsum gsungs pas/ sku gsum gyi dbye
ba nges par khas blang dgos so zhe na/

'o na ye shes chos kyi sku yang longs sprul bzhin du sku'i
dbye ba gzhan du bzhag rigs par thal/ gsung rab dang tshad mar
gyur pa'i dgongs 'grel kha cig las sku bzhir yang bstan pa'i
phyir/ ces zer to/ /gsum pa la/ rtsod pa dang/

@321b lan no/ /dang po ni/ sku gsum du 'dod pa kha cig na re
ngo bo nyid ces sogs sku gsum gyi rjes su bstan pa chos sku
zhes pa'i tshig ni/ lus mdor bstan dang/ lus rgyas bshad sbyor
ba'i tshig yin te/ skabs gzhan bdun gyi lus la mdor

bstan rgyas bshad sbyor ba'i tshig gsungs nas brgyad pa la mi
sbyor ba mi 'thad pa'i phyir ro/ /khyed ltar na chos sku zhes
pa'i tshig de'i rgyas bshad/ byang chub phyogs mthun tshad med
dang/ /zhes sogs yin zhing des sku gsum las gzhan bstan

par 'dod na/ chos sku'i lus kyi tshig le'ur byas pa 'di las ngo
bo nyid ces bya ba'i sgra'i mjug thogs su de ma thag chos kyi
sku zhes bya ba'i sgra 'byung rigs pa la de mi 'byung bas/ sku
ni gsum kho na'o zhes zer to/ /gnyis pa ni/ sku bzhir 'dod

pa gzhan dag na re/ rgyas bshad kyi go rims dang mi mthun pa
dang/ lus rnam gzhag tu chos sku mdzad pa dang bcas pa zhes de
skad du gsungs pa dgos pa yod pa yin te/ ye shes chos sku kho
na dang mdzad pa lhan cig sbyar ba'i ched yin pa'i

phyir/ de ltar na yang ye shes mdzad pa dang bcas pa zhes mi
smos pa'i rgyu mtshan yod de/ rgyan gyi tshig le'ur byas pa
sbyar sla ba'i ngor yin pa'i phyir/ de ltar bstan pas mdzad pa
thams cad/ ye shes chos sku'i mdzad par ji ltar rtogs zhe na/
de

ltar rtogs nus te/ ye shes chos sku dang mdzad pa lhan cig tu
nye bar bstan pa'i shugs kyis ji skad bshad pa'i dgos pa de
dag yod par rtogs pa'i phyir/ de ltar sku bzhir dbye ba rgyan
gyi tshig don la ma zhugs pa'i nyes pa med pa de'i phyir/

@322a @#/ /phyogs gzhan sngags kyi theg pa nas sku bzhir gsungs
pa thams cad dang lung rigs dang mi 'gal bar 'thad par 'gyur
ro zhes zer to/ /gnyis pa de'i khyad par bshad pa la/ nyon
mongs med pa'i ting nge 'dzin

dang/ smon gnas mkhyen pa'i ting nge 'dzin to/ /dang po la
gsum gyi dang po mtshams sbyar ba ni/ nyan thos la sogs pa'i
zhes so/ /gnyis pa rtsa ba ni/ nyan thos kyi nyon mongs pa med
pa'i ting nge 'dzin las/ sangs rgyas kyi nyon mongs

pa med pa'i ting nge 'dzin ches khyad par 'phags te/ nyan thos
kyi nyon mongs pa med pa'i ting nge 'dzin ni/ grong la sogs
par rang la blta ba'i mi'i nyon mongs kyi dmigs rkyen byed pa
yongs su spong ba nyid du zad la/ rgyal ba'i nyon

mongs pa med pa'i ting nge 'dzin ni/ grong dang grong khyer
sogs su byon pa na/ rang la dmigs pa'i mi la sogs pa de'i nyon
mongs rnams rtsa ba nas rgyun gcod par mdzad pa'i phyir/ nyan
rang rnams ni bsod snyoms sogs la rgyu ba'i

sngon du rang la dmigs pa'i gzhan gyi nyon mongs skye 'am mi
skye brtags nas/ skye bar shes pa na rab mtha' bsam gtan la
brten nas nyon mongs med pa'i ting nge 'dzin la snyoms par
'jug pa yin la/ de pa ni bzhed pa tsam la rag

las pa'o/ /gsum pa 'grel pa ni/ nyon thos la sogs pa'i zhes
te/ rtsa ba ltar ro/ /gnyis pa la gsum gyi dang po mtshams
sbyar ba ni/ nyan thos la sogs pa'i zhes so/ /gnyis pa rtsa ba
ni/ sangs rgyas kyi smon gnas mkhyen pa

@322b ni nyan thos kyi smon gnas shes pa las ches khyad par
'phags te/ sangs rgyas kyi ni rang gi ngang gis 'jug pa dang/
phyin ci ma log pa dang/ shes bya thams cad la khyab pa dang/
rgyun mi 'chad pa dang/ the tshom thams cad sel bar mdzad la

nyan thos kyi smon gnas shes pa de las ches dman pa'i phyir/
gsum pa 'grel pa ni/ de pa'i smon gnas mkhyen pa ni chos can/
nyan thos kyi smon gnas shes pa las chos khyad par 'phags te/
'bad rtsel gyi mtshan ma med pa nyid du rang

gi ngang gos 'jug pa dang/ dngos po la bden par mngon par ma
zhen pas gzugs la sogs pa la chags pa dang bral ba dang/ sgrib
gnyis bag chags dang bcas te spangs pas shas bya thams cad la
ye shes thogs pa med pa dang/

'khor ba ji srid par ting nge 'dzin gyi byed pa gnas pa'i
phyir/ rtag tu gnas pa dang/ yang dag pa so sor rig pa bzhi
mthar phyin par brnyes pas dri ba'i lan kun 'debs? par mdzad
pa yin par bzhed pa'i phyir/ nyan thos la sogs pa'i

smon gnas mkhyen pa ni chos can/ sangs rgyas kyi smon gnas
mkhyen pa las cha kun nas mtshungs pa de lta ma yin no/ /khyad
chos lnga po des khyad par du byas pa las ldog pa rtsel ba
dang bcas pa sogs kyis smon gnas mkhyen pa nyid

kyis so/ /gsum pa de la rtsod pa spang ba la/ ches sku rtag pa
la rtsod pa spang ba dang/ khyab rtag gnyis ka la rtsod pa
spang ba'o/ /dang po la gnyis kyi dang po rtsod pas mtshams
sbyar ba ni/ thub pa sangs rgyas bcom ldan 'das chos can/

@323a @#/ /dus rtag tu sems can thams cad kyi don sku'i snang
ba dngos su bstan pa'i sgo nas ji ltar mi mdzad cing/ mdzad
rigs la/ sems can kha cig la sku dngos su snang ba'i sgo nas
res 'ga' don mi mdzad pa mi

'thad par thal/ 'khor ba ji srid par dus rtag tu sems can
thams cad sdug bsngal dang bral bar 'dod pa'i thugs rje chen
po'i ngo bo nyid kyi chos kyi sku la bzhugs na yang ste bzhugs
pa'i phyir/ zhes bya ba'i lan gdab pa'i phyir/

bar skabs kyi tshigs su bcad pa/ gnyis pa lan la/ sems can rang
rgyud kyi tshogs kyi khyad par la ltos pa dang/ sems can rang
rgyud kyi rkyen ma tshang na sku dngos su mi snang ba dpes
bshad pa'o/ /dang po la gnyis kyi dang po rtsa ba

ni/ sems can la sangs rgyas kyi sku dngos su snang nas don
mdzad pa rang gis tshogs bsags pa'i khyad par la ltos par thal/
sngon sangs rgyas la dmigs nas dad pa bsgom pa sogs sangs
rgyas la dngos su chos nyan pa'i

rgyu dge ba'i rtsa ba ni yongs su smin par gyur pa la brten
nas dri 'dra'i gdul bya gang dang gang la yul gang dang ni dus
gang gi tshe dngos su chos ston pa'i bya ba mdzad pas phan par
gyur pa de dang de la sku de dngos su snang nas bya ba

mdzad cing tshogs ma bsags pa la mi snang ba'i phyir/ gnyis pa
'grel pa ni/ sangs rgyas la dngos su chos thos pa la phyi nang
gi rkyen khyad par can gnyis la ltos pa yin te/ nang gi rkyen
sngon theg pa chen po'i dge ba'i

@323b bshes gnyen la sogs pa dang phrad pas sngon bskyed pa'i
dad sogs kyi dge ba'i rtsa ba'i sa bon sangs rgyas la sogs pa
la dmigs nas bskyed pa'i rgyu nus pa mthu can yongs su brtan
par gyur pa la brten nas 'byung dgos pa'i phyir

dang/ phyi'i rkyen sems can gang la gang gi dus su dngos su
chos bstan pa la sogs pa mdzad pa na gnas skabs dang thar pa
thob pas yul can du 'phrod cing phan par 'gyur ba de'i tshe
dngos su chos ston pa'i bya ba mdzad pa'i phyir/ thub

pa sangs rgyas bcom ldan 'das dus thams cad du yid bzhin gyi
nor bu ltar gzhan don mdzad pa'i nus pa nye bar gnas kyang
de'i 'bras bu sems can kha cig dngos su smin par mdzad par mi
snang ngo/ /sangs rgyas kyi thugs rje'i

nus pa nyams pas ma yin gyi/ sdig pa lhag par spyad pa'i sems
can rang gi las kyi nyes pas bskyed pa la sangs rgyas dngos su
snang ba'i rgyu mtshang bas so/ /dus thams cad du yid bzhin gyi
nor bu ltar gnas te/ bcom ldan

'das tshogs bsags pa'i gdul bya yod pa'i yul dus de dang der
snang ba dang 'tsham par don gyi bya ba mdzad pas so/ /der
thal/ gdul bya de'i don dngos su bya ba'i phyir sngon gyi smon
lam grub pas so/ /gnyis pa la gsum gyi

dang po mtshams sbyar ba ni/ de ji lta bu zhig ces so/ /gnyis
pa rtsa ba ni/ sangs rgyas rnams ni 'jig rten du dngos su
byung bar gyur kyang sems can kha cig de dang dngos su mi
phrad pa'i rgyu mtshan yod de/ sangs rgyas dngos su

@324a @#/ /mthong ba'i skal pa med pas dam pa'i chos mnyan pa
la sogs pa'i bzang po mi myong ba'i phyir/ dper na lha'i rgyal
pos char phab kyang mes tshig pa la sogs pas sa bon du mi rung
ba la myu gu sngon po

mi 'khrung ba ltar ro/ /gsum pa 'grel pa ni/ sangs rgyas gnas
skabs dang mthar thug gi yid la re ba mtha' dag yongs su
rdzogs par mkhas pa rnams byung yang sems can kha cig gis dam
pa'i chos mnyan pa la sogs

pa'i bzang po thob par mi 'gyur ro/ /kha cig la de'i skal pa
med pas so/ /dper na zhes so/ /gnyis pa la gnyis kyi dang po
dri ba ni/ 'dus byas kyis bsdus pa'i zag pa med pa'i ye shes
kyi bdag nyid kyi chos kyi sku chos

can/ ji ltar khyab pa zhes brjod mi rigs par thal/ 'og min
sogs na bzhugs pa'i rnal 'byor pa so sor nges pa'i rgyud kyi
rten kho na la yod pa'i phyir dang/ skad cig re re la skye
zhing 'byung ba'i phyir/ rtag pa zhes

kyang ji ltar brjod ce na/ lan la gsum gyi dang po mtshams
sbyar ba ni/ bar skabs kyi tshigs su bcad pas gsungs pa/ gnyis
pa rtsa ba ni/ sangs rgyas chos can/ khyab par nges par brjod
pa 'gal ba med de/ sngar

bshad pa de ltar mdzad pa sems can thams cad la 'jug pas rgya
che ba'i phyir/ rgyun la bsams nas/ rtag pa zhes kyang brjod
pa yin te/ 'khor ba ji srid kyi bar du sems can gyi don mdzad
cing bzhugs kyang

@324b khyod kyi ngo bo de nyid zad pa med pa'i phyir/ gsum pa
'grel pa ni/ go rims bzhin du sangs rgyas khyab pa zhes brjod
pa'i rgyu mtshan yod de/ de ltar rgyu ni yongs su smin gyur nas
zhes pa'i skabs su/ ji skad bshad pa'i tshul gyis gdul bya
dngos

su 'dul ba'i dus la bab pa'i dus thams cad du sku dngos su
snang ba'i sgo nas gzhan don gyi bya ba mdzad pa rgya che ba'i
phyir/ rgyun la bsams nas rtag pa zhes mngon par brjod do/
/bcom ldan 'das rgyun chags su 'khor ba ji srid par

bzhugs kyang rgyun la zang pa mi mnga' ba'i phyir/ gsum pa
longs spyod rdzogs pa'i sku la/ mtshan nyid kyi sgo nas mdor
bstan pa dang/ yon tan rgyas par bshad pa'o/ /dang po la gsum
gyi dang po mtshams sbyar ba ni/ de ltar zhes so/ /gnyis

pa rtsa ba ni/ mtshan ni sum cu rtsa gnyis dang dpe byad brgyad
cu'i bdag nyid can 'og min kho nar bzhugs pa'i thub pa'i gzugs
sku 'di chos can/ longs spyod rdzogs pa'i skur bzhed de/ theg
pa chen po'i chos la rdzogs par nye bar longs spyod

pa sogs nges pa lngas khyad par du byas pa'i sku yin pa'i
phyir/ gsum pa 'grel pa ni/ mtshan sum cu rtsa gnyis dang dpe
byed bzang po brgyad cu'i ngo bo nyid 'og min kho nar bzhugs
pa'i gzugs sku 'di ni chos can/ sangs rgyas bcom

ldan 'das kyi longs spyod rdzogs pa'i sku yin te/ 'khor byang
chub sems dpa' chen po sa bcu la bzhugs pa rnams dang thabs
gcig tu theg pa chen po'i chos kyi longs spyod kyi dga' ba
dang/ zag pa med pa'i bde ba shin tu kha na ma tho ba

@325a @#/ /med pa nye bar spyod pa sogs nges pa lnga ldan gyi
sku yin pa'i phyir/ gnyis pa la/ mtshan dang/ dpe byad do/
/dang po la/ 'bras bu mtshan dang/ rgyu 'bras kyi 'brel ba
dang/ rgyu mdo las 'byung ba bshad pa'o/ /dang po la

gsum gyi dang po mtshams sbyar ba ni/ mtshan sum cu rtsa gnyis
zhes so/ /gnyis pa rtsa ba ni/ phyag zhabs zhes so sum cu rtsa
gnyis po 'di dag mtshan bzang po'o/ /mdo ni/ rab 'byor yum 'di
la bslabs shing chos de dag thams cad

thob nas bla med rdzogs byang du mngon par rdzogs par sangs
rgyas te rnam pa thams cad nas thams cad du de bzhin gshegs pa
dgra bcom pa yang dag par rdzogs pa'i sangs rgyas rnams kyi
sku skyes bu chen po'i mtshan sum cu rtsa gnyis kyis

brgyan/ dpe byad bzang po brgyad cus brgyan pa/ byang chen
rnams la theg pa mchog gi longs spyod bla na med pa'i dga' ba
dang/ bde ba dang tshim pa dang rab tu dga' ba ston par 'gyur
ro/ /zhes so/ /gsum pa 'grel pa ni/ snga ma rnams rgyu dang

phyi ma rnams 'bras bu mtshan gyi ngo bo yin la/ rgyu de dang
de sngon du song ba las 'bras bu 'di dag dang ldan par bsgrub
pa yin no/ /thub pa'i phyag dang zhabs rus ba'am ba so las
brkos pa dang 'dra bar/ rtsi bas stong lte ba mu khyud rnams
rdzogs

pa'i 'khor lo'i mtshan dang ldan pa nyid du 'byung ba'i rgyu
mtshan yod de/ sngon slob pa'i dus bla ma rnams la skyel ba
dang bsu ba dang/ g.yog 'khor sbyin pa la sogs pa goms pas de
ltar 'byung ba'i phyir/ rtsa ba la yang de ltar sbyar ro/ /ru
sbal

@325b bzhin du zhabs kyi mthil gnyis ma rnyongs par sa la shin
tu mnyam par gnas pa nyid dang ldan te/ sngon sdom pa gsum la
sogs pa gang yang dag par blangs pa la yi dam brtan pa mthar
phyin pa nyid kyis so/ /phyag dang zhabs kyi sor mo dang

pa'i rgyal po lta bur sor tshigs dang po nas brtsams pa'i sor
mo'i bar la seng seng po'ang med/ sor gdub la sogs pa'i rgyan
yang gzhug tu rung ba'i dra bas 'brel ba nyid dang ldan te/
sbyin pa dang snyan par smra ba sogs bsdu ba'i dngos po

bzhi bstan pas mdzad pa mthar phyin pa'i phyir/ phyag dang
zhabs 'jam zhing gzhon sha chags pa nyid dang ldan te/ sngon
bza' ba dang bca' ba la sogs pa gya nom pa byin pas de ltar
'byung ba'i phyir/ phyag gnyis dang zhabs gnyis kyi rgyab bzhi
dang  

phrag pa'i bar gnyis dang lhag pa'i phyogs shas khengs pas
mtho ba'i phyir/ bdun mtho ba nyid dang ldan te/ ldog pa la
sogs pa shin tu gya nom pa byin pas de ltar 'byung ba'i phyir/
phyag zhabs kyi sor mo ring ba nyid dang ldan te/ gsad par bya

ba bcings pa sogs las thar par byas pas so/ /de ltar goms pa
mthar phyin pa'i phyir/ zhes pa kun gyi mthar ji ltar rigs par
sbyar ro/ /zhabs mthil gyi bzhi cha phyir 'phags pa rting ba
yangs pa nyid dang ldan te/ gzhan gyi srog bsrungs te

'tsho ba la phan btags pa nyid kyis so/ /sku khru bdun tsam du
'phags shing ya yo med pas sku cha zhing drang ba nyid dang
ldan te srog gcod pa spangs pa nyid kyis so/ /zhabs bus mo'i
lha nga dang long bu phyir mi mngon pa nyid dang ldan te/
sbyin sogs dge 

@326a @#/ /pa'i chos yang dag par blangs pas so/ /sku'i spu re
re nas gyen du phyogs pa nyid dang ldan te/ dge ba yang dag
par blangs pa gzhan la spel bas so/ /ma nyams shing rim par
'tsham la rgyas shang zlum pa byin pa ri

dwags e na ya'i lta bu dang ldan te/ gso ba rig pa dang bzo
la sogs pa gus par byas te gzhan la byin pas so/ /sku ma btud
kyang phyag gis pus mo'i lha ngar sleb pas phyag ring zhing
mdzes pa nyid dang ldan te/ rang nyid la nor bdog pa

slong ba po'i skye bo phyir ma spangs pas so/ /skye bo thams
cad ces dang/ gzhan la gsang ba'i gsang tshig bsrungs pas glang
po che dang/ rta cang shes ltar 'doms kyi sba ba sbubs su nub
pa nyid dang ldan pa'o/ /pags pa'i mdog gser 'dra ba

dag cing gsal ba nyid dang ldan te/ gzhan la gding ba gya nom
pa byin pas so/ /gser dngul shin tu sbyangs pa ltar pags pa
'jam pa nyid dang ldan te/ khang bzang dang gzhal yas khang la
sogs pa'i dam pa byin pas so/ /ba spu'i khung bu

re re spu gnyis gnyis med par spu re re nas g.yas su 'khyil
ba nyid dang ldan te/ 'du 'dzi dang rnam g.yeng la sogs pa
yongs su spangs pas so/ /zhal mdzod spus brgyan pa smin mtshams
kyi bar thig le'i gnas na 'jam pa/ dkar ba/

mnyan pa/ drangs na khru gsum la sogs pa'i tshad 'byung ba/
gtang na g.yas su 'khyil ba/ rtse mo gyen du phyogs pa skyu
ru ra'i 'bru'i tshad tsam pa dngul 'bur gyi rnam pa lta bu nyid
dang ldan te/ skye bo bla ma thams cad mi'i gnas ji lta ba

@326b bzhin du bkur zhing bkod pas so/ /ro stod seng ge 'dra
ba 'phel ka che ba nyid dang ldan te/ gzhan rnam pa thams cad
du kha drag gi tshig gis khyad du ma bsad pas so/ /dpung mgo
shin tu zlum pa gser gyi bum pa'i mgrin pa ltar zlum zhing
legs

par 'brel ba/ rtsa'i dra ba mi mngon pa nyid dang ldan te/
gzhan gyis snyan par smra ba dang lags par smra ba'i rjes su
mthun par bslabs shing byas pas so/ /dpung mgo phan tshun gyi
bar rgyas pa thal gong rgyas pa nyid dang ldan te/ gzhan la
sman

dang/ sman pa la sogs pa byin pas so/ /ro mi zhim pa la'ang ro
bro ba'i mchog tu snang zhing/ mkhyen pa nyid dang ldan te/
skye bo nad pa'i g.yog dang/ rim gro sogs byas pas so/ /spu'i
yan man dang 'dom mnyam pa shing n+ya gro ta ltar chu

zheng gab pa nyid dang ldan te/ nags tshal dang kun dga' ra ba
dang skyed mos tshal la sogs pa byed pa gzhan yang dag par len
tu bcug pas so/ /dbu'i gtsug tor zlum zhing kun nas mnyam pa
g.yas su 'khyil ba dang ldan pa nyid de/ gtsug

lag khang dang khang bzang la sogs pa lhag par byin pas so/
/snyan gyi bug pa dang skra mtshams kyi bar ljags kyis reg pa
ut-pa la dmar po'i kha dog 'dra ba'i ldags ring ba nyid dang
ldan te/ sngon bskal pa grangs med gsum du tshig 'jam po

dang snyan la mnyen pa la sogs pa gsungs pas so/ /gsung shes
shing rnam par shes par 'gyur ba dang mnyan par 'os shing mi
mthun pa med pa dang/ zab cing rjes su sgrogs pa dang btang mi
dri zhing rnar snyan pa dang/ ma 'khrugs shing gsal

@327a @#/ /ba'i yan lag lnga ldan gyi tshangs pa'i dbyangs nyid
dang ldan te/ gsung gcig gis 'jig rten gyi khams thams cad kyi
sems can la rang rang gi skad dang mthun par dam pa'i chos go
bar byas pas so/ /me long gi

dkyil ltar zlum zhing rgyas pa 'gram pa seng ge'i 'dra ba nyid
de/ sngon tshig kyal pa spangs pas so/ /tshems dkar ba nyid dang
ldan te/ sngon skye bo thams cad la bkur ba dang/ bsngags pa
la sogs pas so/ /mtho dman med par chams mnyam pa

nyid dang ldan te/ log 'tsho lnga spangs pa'i 'tsho ba rnam par
dag pa nyid kyis so/ /bar mtshams ma dod pas tshems thags bzang
ba nyid dang ldan te/ bskal ba grangs med gsum du bden pa'i
tshig kun tu spyad pas so/ /so gnyis las med pa

ma yin par yan man na nyi shu nyi shu yod pas tshems bzhi bcu
mnga' ba nyid de/ dus snga ma dang 'dra bar phra ma'i tshig
spangs pas so/ /dkar nag gi cha ma 'dres shing dmar po'i ra ri
dang ma 'brel bas spyan nor bu mthon mthing dang 'dra ba nyid
de  

dus de tsam du sems can thams cad la bu gcig pa dang 'dra bar
bltas pas so/ /steng 'og gi rdzi ma rnams legs par gzhol zhing
ma 'dres pas rdzi ma ba'i lta bu nyid de/ dus ring por sems
can la khong khro ba dang/ chags pa dang rmongs pa la sogs

pa med par bltas pas de ltar 'byung ba'i phyir ro/ /gnyis pa
la gsum gyi dang po mtshams sbyar ba ni/ mtshan gyi rgyu grub
pas zhes so/ /gnyis pa rtsa ba ni/ longs sku 'di la chos can/
'bras bu mtshan ni so gnyis po 'di dag yang dag par 'grub ste/

@327b mtshan so gnyis ni gang dang gang gi 'grub par byed pa'i
rgyu gang yin pa da dang de ni rab tu rdzogs pas so/ /gsum pa
'grel pa ni/ mtshan gang gi zhes te/ rtsa ba ltar sbyar ro/
/gsum pa la gsum gyi dang po mtshams sbyar ba ni/ mtshan gyi
rgyu de gang

yin zhe na zhes so/ /gnyis pa rtsa ba ni/ sngar bshad pa'i
mtshan gyi rgyu de dag goms par byas pas/ 'bras bu mtshan nges
par 'grub ste/ mtshan so gnyis sgrub par byed pa'i rgyu'i mtshan
nyid bla ma skyel ba la sogs pa dang/ yang dag blangs pa bsten

pa sogs 'dir dngos su bstan pa bdun dang/ sogs pas bsdus pa
nyer lnga po de yum gyi mdo las ji skad 'byung ba bzhin yin
la/ de dag goms par byas pas 'bras bu mtshan nges par 'grub
pa'i phyir/ gsum pa/ 'dri rgyas par mi 'chad pa'i

rgyu mtshan ni tshig le'ur byas pa 'di gnyis ni chos can/ yang
'dir rgyas par mi bri ste/ gong nyid du mtshan gyi ngo bo bshad
par rgyas par bkrol zin pas 'dir mi bri ba'i phyir/ der 'chad
pa ni/ bshad pa zor yang ba dang/ rgyu 'bras sbyar bas

gzhan gyis rtogs sla bas so/ /gnyis pa dpe byad la gsum gyi
dang po mtshams sbyar ba ni/ de ltar mtshan rnams zhes so/
/gnyis pa rtsa ba ni/ thub pa'i zhes pa 'og ma thams cad la
sbyar zhing/ rkang pa tham snga ma thams cad kyi mthar

yang sbyar ro/ /phyi gzhan la snang ba'i sku'i rtags kyi khyad
par gyis 'chad par 'gyur ba'i nang gi yon tan go bar byed
cing/ gzhan rgyud la bgo bar byed pas na dpe byad do/ /gsum pa
'grel ba la brgyad las/ bcu tshan dang po ni/ longs sku

@328a @#/ /son mo zangs kyi mdog lta bu nyid dang ldan te/ 'du
byed thams cad la 'dod chags dang bral ba mthar phyin pa nyid
kyis so/ /nang gi yon tan 'di lta bu yod pa nyid kyi rtags su/
sku gzugs kyi mtshan ma 'di dang ldan zhes

pa'o; ;sen mo'i mdog snum pa nyid dang ldan te/ sems can thams
cad la phugs su phan pa'i lhag pa'i bsam pa mthar phyin pa
dang ldan pa nyid kyis so/ /shang shong med pas sen mo mtho ba
nyid dang ldan te/ mi'i rigs kyi mchog las

skyes pas so/ /sor mo rnams zlum pa nyid de sgrub pa'i spyod
pa'i tshul kha na ma tho ba med pa mthar phyin pa nyid kyis so/
/sor mo rnams rgyas pa nyid dang ldan te/ sngon dge ba'i rtsa
ba bsags pa mthar phyin pa nyid kyis so/ /sor mo rnams byin

gyis phra ba nyid dang ldan te/ theg pa gsum gyi rtogs pa'i
rigs la yang dag par mthar ram/ rim gyis zhugs pa mthar phyin
pa nyid kyis so/ /skabs su ji ltar 'tsham par mthar phyin pa
zhes sbyar ro/ /lus kyi rtsa phyi nas mi mngon pa nyid de/

sngon lus la sogs pa'i las lam mi dge ba bcu dang/ log par
'tsho ba rab tu bsrungs pa nyid kyis so/ /rtsa mdud pa med pa
nyid dang ldan te/ nyon mongs pa'i mdud pa 'grel zhing grol ba
nyid kyis so/ /zhabs kyi long bu chung rgung pa mi mngon pa

nyid de/ gsang ba'i gnas zab mo rtogs pas shin tu sbas pa'i
chos kyi blo gros can nyid kyis so/ /zhabs ring thung med pas
mi mnyam pa med pa nyid de/ 'khor ba sogs bgrod dka' ba'i gnas
thams cad las skye bo sgrol bar mdzad pa nyid kyis

@328b so; ;bcu tshan gnyis pa ni/ seng ge'i stabs su gshegs pa
nyid dang ldan te/ mi zil gyis gnon pa la mkhas pa nyid kyis
so/ /glang po che'i stabs su gshegs pa nyid dang ldan te/ gru
gdug pa sogs zil gyis gnon pa la mkhas pa nyid kyis so/ /ngang
pa'i

stabs su gshegs pa nyid dang ldan te/ bya ltar nam mkha' la
gshegs par mkhas pa nyid kyis so/ /khyu mchog gi stabs su
gshegs pa nyid dang ldan te/ 'dod pa'i gnas su sems can gyi
sna 'dren pa skyes bu'i khyu mchog tu mkhas pa nyid kyis so/ /

g.yas phyogs su ldog cing gshegs pa nyid de/ skor phyogs kyi
lam dang mthun par gshegs pa nyid kyis so/ /mdzes par gshegs
pa nyid de/ gshegs pa'i tshe lta na sdug cing mdzes par mkhas
pa nyid kyis so/ /mi g.yo bar gshegs pa nyid

de/ rtag tu sa gnyis yid la byed pa'i gya gyu mi mnga' ba nyid
kyis so/ /sha rgyas shing 'gyings legs pas sku 'khril bag
chags pa nyid dang ldan te/ gzhan gyi yon tan yang dag par
brjod par mdzad pa nyid kyis so/ /gtsang zhing dag pas sku byi
dor

byas pa lta bu nyid dang ldan te/ sgo gsum sdig pa'i chos dang
ma spags pa nyid kyis so/ /sku ring thung dang sbom phra sogs
thad kar ma 'tshol bas rim par mtsham pa nyid de/ gdul bya'i blo
dang 'tsham pa'i chos ston par mdzad pa nyid kyis so/ /bcu

tshan gsum pa ni/ sku rnam par dag pas gtsang ba nyid de/ sku
dang gsung dang thugs la sogs pa'i kun tu spyod pa gtsang ba'i
phyir sku 'jam pa nyid dang ldan te/ thugs thugs rje can nyid
kyi phyir/ sku rnam par dag pa nyid dang ldan te/ thugs dri
mas

@329a @#/ /rnam par dag pa'i phyir/ mtshan rdzogs pa nyid de/
rang gi rgyud nyon mongs dang rnam rtog 'joms? pa'i chos 'dul
ba thams cad yongs su rdzogs pa'i phyir/ sku'i khyon che bas
kho lag yangs shing khyad par bzang

ba nyid dang ldan te/ gzhan la rgya che bas yangs shing yid du
'ong bas mdzes pa'i yon tan brjod pa'i phyir/ gom pa che chung
med pas snyoms pa nyid dang ldan te/ sems can thams cad la
thugs snyoms pa'i phyir/ spyan gnyis ra ri sogs

med pas rnam par dag pa nyid de/ yon tan 'ba' zhig bskyed pa
rnam par dag pa'i chos ston pa'i phyir/ sku shin tu gzhon sha
can nyid dang ldan te/ dpe dang bcas nas chos go sla ba ston
pa'i phyir/ sku sha zhum pa med pa nyid de/ bya dka' ba'i

gnas la thugs rtag tu ma zhum pa nyid kyi phyir/ sku sha rgyas
pa nyid de/ dge ba'i rtsa ba 'jig rten thams cad las yang dag
par 'phags pa'i phyir/ bcu tshan bzhi pa ni/ sha mi lhod pas
sku shin tu grims pa nyid de/ yang srid pa len pa'i las

zad pa nyid kyis so/ /phyag zhabs sogs yan lag dang/ sor tshigs
sogs nying lag ring thung sogs cha phyed pas shin tu rnam par
'byes pa nyid dang ldan te/ gdul bya srid pa las grol ba'i
ched du rten cing 'brel par 'byung ba rgyu 'bras lugs 'byung
lugs

ldog shin tu rnam par phye ba ston par mdzad pa nyid kyis so/
/gzigs pa glo bur gyi dri ma'i rab rib med cing rnam par dag
pa nyid dang ldan te/ tshig don mngon mtho nges legs las
brtsams pa shin tu rnam par dag pa mthar phyin par ston

@329b pas so/ /sku'i phyal zlum pa nyid dang ldan te/ slob ma
tshul khrims phun sum tshogs par gyur pa mdzad pa nyid kyis so/
/skyed skabs 'tsham pas sku skabs phyin pa nyid dang ldan te/
gnyen pos bcom pas 'khor ba'i skyon gyis ma gos shing ma

sbags pa nyid kyis so/ /sked pa ha cang ring po ma yin pas sku
ma rnyongs pa nyid de/ nga rgyal gyi 'gyid pa bcom pa nyid
kyis so/ /sku'i phyal phyang nge pa mtho dman med pa nyid dang
ldan te/ bshad bya'i chos zad pa rnam par ldog pa zad mi shes
par

ston pa nyid kyis so/ /lte ba gting zab pa nyid de/ chos zab
mo rtogs pa nyid kyis so/ /lta ba'i ri mo g.yas phyogs su
'khyil ba nyid dang ldan te/ slob ma rang dang mthun par gdams
ngag 'dzin par 'gyur pa nyid kyis so/ /spyod lam kun nas

mdzes pa nyid dang ldan te/ 'khor thams cad sgo gsum gyi spyod
pa kun nas mdzes par mdzad par gyur pa nyid kyis so/ /bcu tshan
lnga pa ni/ sgo gsum gyi kun tu spyod pa gtsang ba nyid dang
ldan te/ dri ma med pas thugs gtsang ba nyid kyis so/ /

sku la sme ba dang gnag bag med pa nyid de/ lam log bstan pa
dang dus la ma bab par gdul bya 'dul ba sogs dus ma yin pa'i
chos 'dul ba ston pa dang bral ba nyid kyis so/ /phyag shing
ba la ltar shin tu 'jam pa nyid dang ldan te/

lus dang ngag yid la sogs bzo mdog bde ba 'thob pa'i rgyur
gyur pa'i chos ston par mdzad pa nyid kyis so/ /phyag gi ri mo
mdangs gsal ba yod pa nyid dang ldan te/ rang gi skye bo dang
gzhan gyi skye bo snyoms par byas pa mdangs yod pa'i

@330a @#/ /dge sbyong chen po brnyes par mdzad pa nyid kyis so/
/rgyang ring po nas gsal ba'i phyag gi ri mo zab pa nyid dang
ldan te/ chos zab mo rtogs pa mthar phyin pa la gnas pa nyid
kyis so/ /phyag gi ri mo rang ba nyid dang

ldan te/ 'phral du bde la phugs su phan pa dang phyi rjes su
yang dang yang yang dag par yongs su dag pa'i chos ston par
mdzad pa nyid kyis so/ /zhal ha cang mi ring ba nyid de/ gdul
bya'i rim pa mang po la ji ltar 'tsham pa'i bslab pa rab tu

mang po kun tu ston par mdzad pa nyid kyis so/ /zhal la gzugs
kyi gzugs brnyan snang ba mchu bim pa ltar dmar ba nyid dang
ldan te/ snod bcud kyi 'jig rten thams cad gzugs brnyan dang
'dra bar rtogs pa nyid kyis so/ /ljags mnyen pa nyid

dang ldan te/ gdul bya thams cad tshig 'jam pos 'dul ba nyid
kyis so/ /ljags srab pa nyid de/ yon tan rigs pa'i 'thad pa
mang ba ston par mdzad pa nyid kyis so/ /bcu tshan drug pa ni/
ljags dmar ba nyid de/ nyon mongs 'joms pa'i chos

'dul ba byis pa'i skye bo bdag dang bdag gi ba la chags pa can
gyis gting dpag dka' ba ston par mdzad pa nyid kyis so/ /gsung
'brug gi sgra dang ldan pa nyid de/ bsnyengs pa nyes pa bcas
par bya ba'i dogs pa dang 'jigs pa thams cad mi

mnga' ba nyid kyis so/ /gsung snyan cing mnyen la 'jam pa nyid
dang ldan te/ rnam par 'byes pas snyan pa la sogs par gsung pa
nyid kyis so/ /mche ba zlum pa nyid dang ldan te/ rjes su
chags pa sogs srid par kun tu sbyor ba dgu zad par bsdams

@330b pa nyid kyis so/ /mche ba rno ba nyid dang ldan te/ skye
bo gdul dka' ba nyon mongs shes che ba 'dul bar mdzad pa nyid
kyis so/ /mche ba dkar ba nyid de/ nyon mongs 'joms pa'i chos
'dul ba shin tu dkar ba nyid kyis 'joms par mdzad pa nyid kyi

phyir; ring thung med pas mche ba mnyam pa nyid de/ 'khor 'das
mnyam pa nyid du rtogs pa'i sa la gnas pa nyid kyis so/ /mche
ba byin gyis phra ba nyid de/ mthar gyis te rim gyis theg pa
gsum gyi mngon par rtogs pa yang dag par rab tu

ston par mdzad pa nyid kyis so/ /shangs kyi gzengs mtho ba
nyid de/ thabs cha yongs su rdzogs pa'i stong nyid rtogs pa'i
shes rab mchog la gnas pa nyid kyis so/ /shangs snabs sogs
kyis dag pa'i gtsang ba nyid de/ gdul bya'i skye bo yid

chos pa'i gtsang ma phun sum tshogs pa dang ldan pa nyid kyis
so/ /bcu tshan bdun pa ni/ spyan yangs pa nyid de/ theg pa chen
po'i chos grangs med pa shin tu rgya che ba ston pa'i phyir/
rdzi ma stug pa nyid dang ldan te/ sems can gyi tshogs mtha'

las 'das pa 'khor ba'i gnas nas drangs pa nyid kyis so/ /spyan
dkar nag ma 'dras pas 'byes shing pa-dma'i 'dab ma rangs pa
rdzogs pa lta bu nyid dang ldan te/ mgu bar dka' ba'i lha dang
mi dang lha ma yin gyi 'gro ba gzhon nu ma thams cad

kyis bstod par 'os pas mngon par mgu bar mdzad pa nyid kyis
so/ /smin tshugs ring ba nyid dang ldan te/ ma 'ongs pa na ci
'gyur lta bas rtag tu phyi rjes su 'gro ba la gzigs pa nyid
kyis so/ /smin ma 'jam pa nyid dang ldan te/ chos 'bul 

@331a @#/ /pa 'jam po me lnga bsten pa sogs ma yin pa 'jam po'i
chos kyis 'dul ba la mkhas pa nyid kyis so/ /smin ma snum pa
nyid dang ldan te/ thugs kyi rgyud yongs su dge bas brlan pa
nyid kyis so/ /smin ma'i

spu ring thung med pas mnyam pa nyid do/ kun tu nyon mongs
pa'i skyon gzigs pa nyid kyis so/ /phyag ring zhing rgyas pa
nyid dang ldan te/ sems can gyi mchog tu gnod pa 'khor ba spyi
dang ngan 'gro'i rgyu ldog par mdzad pa nyid kyis so/ /snyan

ring thung dang che chung med pas mnyam pa nyid dang ldan te/
rgyal bar dka' ba 'dod chags la sogs pa'i g.yul las rnam par
rgyal ba nyid kyis so/ /sgra la 'jug pa byed pa nyams pa sogs
snyan gyi dbang po mnyams pa nyid dang ldan te/ gdul

bya'i sems can thams cad kyi rgyud mnyams par bde ba la bkod
pa mdzad pa nyid kyis so/ /bcu tshan brgyad pa ni/ dpral ba
legs par 'byas pa skra mtshams lags par dod pa nyid dang ldan
te/ lta ba ngan pa drug cu rtsa gnyis sogs

mthar 'dzin gyi lta bas byas pa thams cad kyis thugs gzhan du
mi 'gyur ba sngon 'gyur bar ma nus pa nyid kyis so/ /dpral ba
dbyes? che ba rgyas pa nyid dang ldan te/ log pa'i smra ba
thams cad 'joms par mdzad pa nyid kyis so/ /gdugs

ltar dbu shin tu rgyas pa nyid dang ldan te/ gzhan don du
sangs rgyas thob par smon pa'i smon lam gyi mchog yongs su
rdzogs pa nyid kyis so/ /dbu skra bung ba ltar gnag pa nyid
dang ldan te/ yul gyi dga' ba gzugs sgra la sogs pa'i yul

@331b la sred pa thams cad ldog par mdzad pa nyid kyis so/
/bar mtshams med par dbu skra stug pa nyid dang ldan te/ mthong
ba dang bsgom pas spang bar bya ba'i bag la nyal zad par
spangs pa nyid kyis so/ /dbu skra 'jam pa nyid dang ldan te/
bstan pa

mthar 'dzin gyi rtsub bag med pa'i blo 'jam pos yongs su shes
pa nyid kyis so/ /dbu skra ma 'dzings pa nyid de/ thugs 'dod
chags la sogs pas ma 'khrungs pa nyid kyis so/ /dbu skra mi
rtsub cing mi bshor ba nyid de/ tshig rtsub zad par sngangs

pas rtag tu tshig mi rtsub pa nyid kyis so/ /dbu skra dri zhim
pa nyid dang ldan te/ dkon mchog gi mdun du byang chub kyi
rgyur gyur pa'i yan lag gi me tog bkram pa nyid kyis so/
/phyag dang zhabs mthe bong la rdo rje'i ri mo lta bu dpal gyi
be'u dang/ de

gnyis kyi mthil la ri mo gru bzhi pa'i bkra shis dang/ de'i
mtha' srin lag la sogs pa'i zhabs na ri mo bdun g.yas su
'khyil ba'i g.yung drung 'khyil bas brgyan pa nyid yin no/
/sku rnam pa thams cad du mdzes par gyur pa nyid kyis so/
/dpal

be'u thugs ka na yang yod par gsungs so/ /dpe byad 'di rnams
nang na yon tan 'di yod pas phyir rtags 'di shar ba dang/ rgyu
'bras ci rigs su gsungs so/ /bzhi pa mchog gi sprul pa'i sku
la gsum gyi dang po mtshams sbyar ba ni/ de ltar

zhes so/ /gnyis pa rtsa ba ni/ shA-kya thub pa'i gzugs kyi
sku la sogs pa gzugs kyi sku gang gis 'phrin las rgyun ma chad
par mdzad pa'i nges pa lnga min gyi sku de ni chos can/ sprul
pa'i sku yin te/ srid pa ji srid par dag mngag? gi 'grod la/
dngos su snang nas mngon mtho

@332a @#/ /des legs kyi phan pa sna tshogs dag dus mnyam du
mdzad pa'i sku yin pa'i phyir/ mdo ni/ rab 'byor gzhan yang
yum 'di la slob pa ni chos de dag rtogs par byas nas bla med
rdzogs byang du sangs rgyas nas

phyogs bcu'i 'jig rten gyi khams dpag tu med par dus thams cad
du de yang yang dag par rdzogs pa'i sangs rgyas kyi sprul pa
sna tshogs kyis sems can thams cad kyi don mdzad pa ste/ byang
chen de ltar yum la bslab par bya'o zhes so/ /gsum

pa 'grel pa ni/ shA-kya thub pa la sogs pa gzugs gang gis
dngos su snang nas dag ma dag gi sems can rnams kyi 'dod pa'i
don mnyam pa nyid du mdzad pa'i sku de ni chos can/ sangs
rgyas bcom ldan 'das kyi sprul pa'i sku yin te/ nges pa

lnga min gyi gzugs kyi sku mthar thug pa yin pa'i phyir/ rgyun
mi 'chad par 'phrin las mdzad pa yin te/ 'khor ba ji srid par
'jig rten gyi khams thams cad du 'phrin las rgyun chags pa
nyid kyis mdzad pa'i phyir/ gnyis pa mdzad pa 'phrin

las la/ dngos kyi don dang/ tshig don gzhan gyi go rim kyang
don bdun cu'i dang po dang tha ma la brten nas rig par bya
ba'o/ /dang po la gsum gyi dang po mtshams sbyar ba la/ sku
gsum bshad zin par bstan pa dang/ 'phrin las 'chad par bstan

pa'o; ;dang po ni/ de ltar sku lhag ma gsum chos can/ ngo bo
nyid kyi sku'i bdag nyid yin te/ de khyed rnams kyi chos nyid
yin pa'i phyir/ rgyu med dang mi mthun pa'i rgyu las byung ba
ma yin te/ tshogs gnyis sgom pa'i stobs las byung ba yin pa'i

@332b phyir/ yang dag pa'i kun rdzob tu rab tu brtags pa'i sku
gsum rgyu med tu 'byung ba ma yin te/ sangs rgyas kho na'i
mngon sum gyi spyod yul du gyur pa'i ye shes chos kyi sku/
rang rgyu ye shes kyi tshogs bsags pa la ltos nas byung ba la
sogs

pa'i byang sems 'phags pa yan chad kyi mngon sum gyi yul nyid
du gyur pa'i longs spyod rdzogs pa'i sku ni la sogs pa rang
rgyu bsod nams kyi tshogs bsags pa la ltos nas byung zhing/
mchog gi sprul pa'i sku ni tshogs gnyis ka'i cha bsags

pa las byung ba'i phyir/ gzhung 'di'i don kha cig /ye shes
bzhi sku gsum gyi gdags gzhir bstan par 'chad pa dang/ kha cig
de bkag nas zag med kyi ye shes nyer gcig dang/ sogs khongs
nas 'og min kho nar bzhugs pa'i mtshan

dpes spras pa'i sku dang/ de'i gzugs brnyan du snang ba'i sku
gsum la sku lhag ma gsum du bstan pa yin no/ /zhes 'chad pa
ni/ slob dpon gyi bzhed pa las phyi rol tu gyur pa yin te/
gzhung 'di'i mdor bstan lus rnam gzhag gi skabs kyi

'grel chen du/ sku lhag ma gsum rim pa bzhin du ye shes kyi
tshogs dang/ bsod nams kyi tshogs dang/ gnyis ka'i cha las byung
bar gsal bar bstan pa'i phyir ro/ /de ltar ngo bo nyid kyi sku
dang/ sku lhag ma gsum bstan nas 'phrin las

'chad do/ /gnyis pa ni/ dag ma dag gi gdul bya'i skye bo'i
snang ba la brten pa'i 'phrin las ye shes chos sku de'i bdag
po la brten nas byung ba rnams ni chos can/ ye shes chos kyi
sku'i 'phrin las yin no/ /zhes shes par bya ste/ kun

@333a @#/ /rdzob tu rtogs pa ye shes chos kyi sku kho nas longs
spyod rdzogs pa'i sku dang/ sprul pa'i sku la sogs par snang
ba bskyed pa'i sgo nas khyod la sogs pa don gyi bya ba mdzad
pas so/ /gnyis pa rtsa ba la

gsum gyi dang po dus kyi sgo nas mdor bstan pa ni/ chos sku
rgyun mi 'chad pa de bzhin du 'khor ba ji srid par chos sku
'di yi 'phrin las ni rgyun mi 'chad par 'dod de/ de ltar rgyun
mi 'chad pa'i rgyu tshogs pa mthar phyin pa sngon

du song ba'i phyir/ rtsa ba'i 'brel gyi dbang du byas na/ de
bzhin zhes pa sprul sku dang 'brel yang/ slob dpon gyis chos
sku la mdzad do/ /gnyis pa dbye ba'i sgo nas rgyas par bshad
pa la/ lam la 'god pa dang/ lam gyi

'bras bu la 'god pa'o/ /dang po la/ tshogs lam dang/ sbyor lam
dang/ mthong lam dang/ sgom lam la 'god pa'o/ /rtsa ba 'phags
pa'i bzhed par mdzad nas/ paN-Di ta mkhas pa gzhan gyi bshad
srol ltar bya'o/ /dang po

la/ bsam pa phun tshogs la 'god pa dang/ gzhan rgyud smin byed
kyi sbyor ba dang/ bden bzhi rtogs pa'i lta ba la 'god pa'o/
/dang po ni/ bsam pa phun tshogs la thog mar 'god par bya ste/
bde 'gro dang ngan 'gro'i 'gro ba rnams

tsam la don gnyer zhi ba'i thar pa don gnyer gyi bsam pa
bskyed pa'i 'phrin las mdzad pa'i phyir/ 'dis lam gyi rten la
'god pa yang 'phangs mod kyi dngos su ni thar pa don gnyer gyi
bsam pa la 'god pa bstan to/ /mdo ni/ rab

@333b 'byor 'di nas sangs rgyas kyi spyan gyis 'jig rten la
rnam par gzigs na/ shar phyogs kyi 'jig rten gyi khams
gang-gA klung gi bye ma nas/ byang chen dag ched du bsams te
sems can dmyal ba chen po dag tu dong zhing/ sems can

dmyal ba rnams kyi sdug bsngal zhi bar byas nas zhes so/
/gnyis pa ni/ gzhan rgyud smin byed la dgod par bya ba yin te/
sbyin pa dang snyan par smra ba dang/ don spyod pa dang/ don
mthun pa bsdu ba rnam pa bzhi la 'god pa'i phyir/ gsum

pa ni/ bden bzhi rtogs pa'i shes rab la dgod par bya ba yin
te/ kun nas nyon mongs rgyud dang 'bras bur bcas pa'i sdug kun
dor bya dang/ rnam par byang ba rgyu 'bras 'gog lam blang byar
rtogs pa la dgod par bya ba'i phyir/ mdo ni/

kun nas nyon mongs par 'gyur ba'am/ rnam par byang bar 'gyur
ba'i 'gro ba lnga'i 'khor bar 'da' bar 'gyur ba de lta bu 'ga'
yang ma mchis so zhes so/ /gnyis pa la/ bsam pa phun tshogs
dang/ rang rgyud smin byed kyi sbyor ba dang/

lta ba rnam dag la 'god pa'o/ /dang po ni/ gzhan don bsam pa
rnam par dag pa la dgod par bya ste/ sems can rnams rang gis
rtogs pa'i gnas lugs kyi don ji bzhin gyi don rtogs pa la dgod
par bya ba'i phyir/ mdo ni/ thabs mkhas pas

sems can yongs su smin par byed de zhes so/ /gnyis pa la/
dngos dang/ gnyis don gyi spyod pa la 'god pa'o/ /dang po ni/
rang rgyud kyi sangs rgyas kyi chos yongs su rdzogs par bya
ba'i thabs la dgod par byed de/ phar phyin drug rdzogs pa la

@334a @#/ /dgod par bya ba'i phyir/ mdo ni/ bdag kyang sbyin pa
gtong ba yin zhes so/ /gnyis pa ni/ gnyis don gyi spyod pa la
dgod par bya ste/ sangs rgyas su bgrod pa'i dge ba bcu'i lam
la dgod par bya ba'i phyir/ mdo ni/

bdag kyang dge ba bcu'i las kyi lam yang dag par 'dzin pa yin
zhes so/ /gsum pa ni/ lta ba rnam dag la dgod par bya ste/ don
dam par rang bzhin gyis stong pa nyid 'jig rten pa'i sgom
byung gi shes rab kyis rtogs pa la dgod par bya

ba'i phyir/ mdo ni/ byang chen yum la spyod pa'i tshe/ chos
thams cad rang bzhin gyis stong bar mthong nas zhes so/ /gsum
pa ni/ stong nyid mngon sum gyis gsar du rtogs pa la dgod par
bya ste/ gnyis sang gi spros pa zad pa'i stong nyid gsar

rtogs la dgod par bya ba'i phyir/ mdo ni/ byang chen rang
bzhin stong pa nyid kyi phar phyin rnams la spyod cing zhes
so/ /bzhi pa la drug /sa dri ma med pa sogs gnyis la 'god pa
dang/ sa bzhi pa sogs gsum la 'god pa dang/ bdun

pa la 'god pa dang/ brgyad pa la 'god pa dang/ dgu pa la 'god
pa dang/ bcu pa la 'god pa'o/ /dang po ni/ sa gnyis pa dang/
gsum pa la 'god pa'i phrin las mdzad de/ sa de gnyis kyis
bsdus pa'i chos thams

cad brda tsam btags pa tsam du khong du chud pa'i sgo nas tshul
khrims dang/ bzod pa'i phar phyin la 'god pa'i phyir/ mdo ni/
chos de dag thams cad ni 'jig rten gyi tha snyad nye bar bzung
ste btags pa yin gyi don dam par ma yin zhes so/ /

@334b gnyis pa ni/ de'i 'og tu sa gsum pa la 'god pa'i 'phrin
las mdzad de/ sa bzhi par byang chub kyi phyogs mthun shes
pa'i shes rab dang/ sa lnga par bden bzhi shes pa'i shes rab
dang/ sa drug par rten 'brel shes pa'i shes rab la chos thams

cad don dam par dmigs pa med par rtogs pas khyad par du byas
pa'i sgo nas 'god pa'i phyir/ mdo ni/ byang chen yum la spyod
pa'i tshe/ chos thams cad dngos po med par mthong nas zhes so/
/gsum pa ni/ de'i 'og tu sa bdun pa la 'god pa'i

'phrin las mdzad de/ sa des bsdus pa'i thabs mkhas kyi phar
phyin gyi sgo nas lus can rnams ni yongs su smin par mdzad
pa'i phyir/ mdo ni/ sems can rnams yongs su smin par byed ces
so/ /bzhi pa la lam gsum shes pa'i lam shes la

'god pa dang/ bden 'dzin zhi ba dang/ sangs rgyas dkon mchog
btags pa ba 'thob pa dang/ zhing dag pa'i sbyor ba la 'god
pa'o/ /dang po ni/ de'i 'og tu sa brgyad pa la 'god pa'i
'phrin las mdzad de/ sa des bsdus pa'i byang chub sems dpa'i
lam

gyis mtshon pa'i lam gsum mngon sum du shes pa'i lam shes la
'god pa'i phyir/ bsgrub bya'i chos dang rtags zur snga ma 'og
ma gsum la yang 'dra bar sbyar ro/ /mdo ni/ rab 'byor phar
phyin drug ni byang chub kyi lam mo zhes so/ /gnyis

pa ni/ bden par mngon par zhen pa mngon gyur ldog pa la 'god
pa'i phyir dang/ mdo ni/ byang chub kyi lam la spyod pas thog
ma nyid du 'di ltar brtag par bya ste/ mngon par 'du bya ba ma
gtogs par 'di la chos gang yang ngo bo nyid dmigs su

@335a @#/ /med do zhes bya bar yongs su brtag par bya'o zhes
so/ /gsum pa ni/ sangs rgyas dkon mchog tu btags pa'i byang
chub thob pa la 'god pa'i phyir dang/ mdo ni/ byang chub ni
lam gyis thob pa yang ma yan lam ma

yin pas thob pa yang ma yin te/ zhes so/ /bzhi pa ni/ sangs
rgyas kyi zhing rnam par dag pa la 'god pa'i phyir ro/ /mdo
ni/ dge ba'i rtsa ba de dag kyang sems can thams cad dang thun
mong du byas shing sangs rgyas kyi zhing yongs su dag par bya

ba'i phyir yongs su bsngo ste/ zhes so/ /lnga pa la/ rang
sangs rgya bar nges pa dang/ gzhan smin par byed pa la 'god
pa'o/ /dang po ni/ de'i 'og tu sa dgu pa la 'god pa'i 'phrin
las mdzad de/ sa des bsdus pa'i theg pa gzhan du mi rung bar
nges

pa'i sangs rgya ba la 'god pa'i phyir/ mdo ni/ byang chen nyan
rang gi phung por nges pa ni ma yin gyis sangs rgyas kyi phung
por nges pa'o/ /zhes so/ /gnyis pa ni/ chos dang rtags zur
snga ma ltar sbyar la sems can don ni tshad med pa bsgrub pa la

'god pa'i phyir/ mdo ni/ thabs mkhas pa de dag gis phyogs
bcu'i phyogs re re'i 'jig rten gyi khams gang gA klung gi bye
ma snyed dag tu sems can gyi don byed kyang/ zhes so/ /drug pa
la/ sa bcu pas bsdus pa'i bshes gnyen bstan pa dang/

rtogs pa gong du 'phel pa la 'god pa'o/ /dang po ni/ de'i 'og
tu sa bcu pa la 'god pa'i 'phrin las mdzad de/ sa des bsdus
pa'i sangs rgyas bsten pa dang/ dam pa'i chos nyan pa dang/
mchod pa la sogs pa'i yon tan khyad par can bsgrub

@335b pa la 'god pa'i phyir/ mdo ni/ phyogs bcu'i phyogs re
re'i 'jig rten gyi khams gang gA klung gi bye ma snyed dag tu
mchi ba dang zhes so/ /bsgrub bya'i chos dang rtags zur snga
ma 'og ma rnams la yang de ltar sbyar ro/ /gnyis pa la brgyad
kyi dang po

byang chub kyi yan lag thob pa la 'god pa ni/ byang chub kyi
yan lag dge ba ma lus pa rdzogs par byed pa la 'god pa'i
phyir/ mdo ni/ dge ba'i chos thams cad ni byang chen gyi lam
gyi yan lag go zhes so/ /gnyis pa las 'bras chud ma

za ba la 'god pa ni/ las rnams ni phra rags gang yin yang chud
mi za zhing/ mi slu bar mngon sum du mthong ba la 'god pa'i
phyir dang/ mdo ni/ byang sems kyi spyad pa spyod cing bla med
rdzogs byang du mngon par rdzogs par 'tshang rgya'o/ /

zhes so/ /gsum pa bden pa shes pa la 'god pa ni/ bden bzhi
rdzogs par mngon sum du mthong ba la 'god pa'i phyir/ mdo ni/
byang chen bla med rdzogs byang du mngon par rdzogs par sangs
rgyas te/ sdug bsngal dang sdug bsngal kun 'byung

ba dang sdug bsngal 'gog pa dang/ sdug bsngal 'gog par 'gro
ba'i lam sems can rnams la chos ston to zhes so/ /bzhi pa
phyin ci log zad pa la 'god pa ni/ gtsang bde rtag bdag sogs
phyin ci log bzhi zad par spangs pa la

'god pa'i phyir dang/ mdo ni/ byang chen yum la spyod pa'i
thabs mi mkhas pas phyin ci log bzhis phung po lnga la mngon
par zhen nas zhes so/ /lnga pa gzhi med pa la 'god pa ni/
phyin ci log bzhi bskyed pa'i gzhi bden 'dzin med 

@336a @#/ /ba'i tshul la 'god pa'i phyir dang/ mdo ni/ phyin ci
log ma gtogs pa gang la gnas te/ byis pa so so'i skye bo rnams
las mngon par 'du byed pa'i dngos po ni chung ngu na sgra'i
rtse mo'i tshe shes tsam yang med de

zhes so/ /drug pa rnam byang rdzogs pa la 'god pa ni/ chos
thams cad mnyam pa nyid du rtogs pa'i rnam par byang ba rdzogs
pa la 'god pa'i phyir dang/ mdo ni/ chos thams cad kyi mnyam
pa nyid gang yin pa de ni/ nges rnam par byad par

gsungs so/ /zhes so/ /bdun pa tshogs rdzogs pa la 'god pa ni
byang chub kyi rgyu tshogs gnyis rdzogs pa la 'god pa'i phyir/
mdo ni/ chos de dag thams cad kyang lam bsgrub pa dang lam
skyed pa'i rgyur gyur ba ste 'bras bu thob pa'i phyir

ni ma yin no zhes so/ /brgyad pa srid zhi mnyam nyid du rtogs
pa la 'god pa ni/ 'dus byas 'khor ba dang 'dus ma byas mya
ngan las 'das pa la don dam par tha dad du yongs su mi shes
shing/ don dam par tha mi dad du mngon

sum du shes pa la 'god pa'i phyir/ mdo ni/ 'dus byas kyi
dbyings las gud na 'dus byas kyi dbyings dmigs su med do zhes
so/ /gnyis pa ni/ de'i 'og tu lam gyi 'bras bu la 'god de/ mi
gnas pa'i mya ngan las 'das

pa la 'god pa'i phyir/ mdo ni/ gsol pa/ bcom ldan 'das de
bzhin gshegs pa gang lags/ bcom ldan 'das kyis bka' stsal ba/
mi mnyam pa rmongs pa med pa'i chos can ni mya ngan las 'das
pa ste zhes so/ /gsum pa

@336b grangs kyi sgo nas don bsdu ba ni/ ye shes chos kyi
sku'i 'phrin las ni chos can/ rnam pa nyi shu bdun du mdo las
bzhed de/ sngar bshad pa de ltar bzhed pa'i phyir ro/ /gsum pa
'grel pa la/ so sor bshad pa dang/ don bsdu ba'o/ /dang po la/

lam la 'god pa dang/ lam gyi 'bras bu la 'god pa'o/ /dang po
la/ tshogs lam dang/ sbyor lam dang/ mthong lam dang/ sgom lam
la 'god pa'o/ /dang po la drug gi dang po skyes bu 'bring gi
bsam pa thar pa don gnyer la 'god pa ni/ mngon

mtho la bkod pa'i rjes su dang por thar pa don gnyer gyi bsam
la 'god par mdzad de/ 'gro ba bzang po bde 'gro dang/ bzang po
ma yin pa ngan 'gro la thob byar mngon par zhen pa med par
gnas pa'i mtshan nyid 'gro ba 'khor ba tsam la don gnyer gyi

bsam pa rab tu zhi ba'i thar pa don gnyer gyi 'phrin las mdzad
pa'i phyir/ 'dis lam gyi rten la 'god pa yang bstan mod kyi/
dngos su ni thar pa don gnyer la 'god pa'i 'phrin las bstan
to/ /gnyis pa bsdu bzhi la 'god pa ni/ de tsam du zad pa

ma yin te/ sems can sdud par byed pa sbyin pa la sogs pa'i
bsdu ba'i dngos po bzhi la bkod de 'phrin las mdzad pa'i
phyir/ gsum pa bden bzhi shes pa la 'god pa ni/ de tsam du zad
pa ma yin te/ thos pa las byung ba dang/ bsam pa dang bsgom

pa las byung ba la sogs pa'i shes pas mi mthun pa'i phyogs
sdug kun gnyis dang gnyen po 'gog lam gnyis rim pa bzhin du
dor ba dang blang bar bya ba'i sgo nas rtogs par mdzad pa'i
phyir/ bzhi pa gzhan don gyi bsam pa la 'god pa ni/ 'phrin

@337a @#/ /las de tsam du bad pa ma yin te/ de nas sgyu ma
bzhin du sems can la rjes su chags pa dang khong khro ba la
sogs pas rnam par dben pa nyid kyis sems can gyi don te/ gzhan
gyi don byams pa la sogs pa chad med

bzhi'i mtshan nyid ji lta ba'i bdag nyid la bkod de 'phrin las
mdzad pa'i phyir/ lnga pa spyad pa la 'god pa ni/ spyod pa
khyad par can la 'god de de'i rjes la rang gi don las bya byed
kyi 'khor gsum rnam par dag par rtogs pas rab tu phye ba'i pha

rol tu phyin pa drug la goms pa la 'god pa'i phyir/ drug pa
don gnyis sgrub pa'i gzhi la 'god pa ni/ de'i 'og tu yon tan
kun gyi gzhi la 'god pa'i phrin las mdzad de/ rang gzhan gyi
don gyi mtshan nyid gang sgrub kyang nges par dgos pa'i

sangs rgyas kyi lam ste/ dge ba bcu'i las kyi lam la 'god pa'i
phyir/ gnyis pa sbyor lam la 'god pa ni/ tshogs lam la bkod
pa'i rjes de nas sbyor lam la 'god de/ de nas chos thams cad
don dam par rang bzhin gyis stong pa nyid

'jig rten pa'i sgom byung gi shes rab kyis goms bzhin pa la
'god pa'i phyir/ gsum pa mthong lam la 'god pa ni/ de'i rjes
la mthong lam la 'god de/ sbyin pa'i pha rol tu phyin pa la
brtan nas sa dang po chos kyi dbyings chos can/ thams

cad la kun tu 'gro ba gsar du rtogs pa'i mtshan nyid gzung
'dzin gnyis su med pa'i chos rtogs pa la 'god pa'i phyir/ bzhi
pa sgom lam la 'god pa la drug gi dang po/ sa gnyis pa nas
lnga pa'i bar la 'god pa ni/ de nas sa gnyis

@337b pa nas lnga pa'i bar la 'god de/ tshogs gnyis yongs su
rdzogs pa'i rgyur gyur pas sa gnyis pa la sogs par tshul khrims
nas bsam gtan la sogs pa'i pha rol tu phyin pa bzhi rdzogs
pa'i sgo nas chos thams cad don dam par med cing

kun rdzob tsam du yod pa brdar btags par shes pa la 'god pa'i
phyir/ gnyis pa sa drug pa la 'god pa ni/ sa dang po nas lnga
pa'i bar la bkod pa de bzhin du rim gyis sa drug pa la 'god
de/ bsam gtan gyi phar phyin gyi bdag rkyen las rten

'brel gyi chos thams cad gzugs brnyan dang 'dra ba khong du
chud pa'i shes rab kyi pha rol tu phyin pa rdzogs pa la brten
nas sa drug pa la/ shes pa dang shes bya'i dngos por bden par
mngon par ma zhen pa'i mtshan nyid chos thams cad don dam par

dmigs su med par rtogs pa la 'god pa'i phyir/ gsum pas bdun pa
la 'god pa ni/ sa drug pa la bkod pa de'i 'og tu sa bdun pa la
'god do/ sa bdun pa la thabs mkhas kyi pha rol phyin pa rdzogs
pa'i stobs kyis sems can yongs su smin par

byed pa la 'god pa'i phyir/ bzhi pa sa brgyad pa la 'god pa
la/ spyod pa khyad par can la 'god pa dang/ bden 'dzin mngon
gyur zad pa la 'god pa'o/ /dang po ni/ sa bdun pa la 'god pa
de nas sa brgyad pa la 'god de/ stobs kyi pha rol tu phyin pa
rdzogs

pa'i stobs kyis sa brgyad pa nyan thos la sogs pa dang thun
mong ma yin pa'i byang chub sems dpa'i lam phar phyin drug gi
spyod pa la 'dod pa'i phyir/ gnyis pa ni/ de tsam du zad pa ma
yin te/ de nas sa brgyad pa de nyid la chos thams cad la bden

@338a @#/ /par mngon par zhen pa mngon gyur zad par spangs pa
la 'god pa'i phyir/ sa 'di thob nas bden 'dzin mngon gyur
'byung mi srid par shes par bya'o/ /lnga pa sa dgu pa la 'god
pa ni/ de'i rjes las dgu pa la 'god de/

sa dgu pa la smon lam gyi pha rol phyin pa rdzogs pa'i mthus
chos kyi 'khor lo legs par bskor ba'i byang chub 'thob pa la
'god pa'i phyir/ drug pa la/ sa bcu pa thob ma thag pa la 'god
pa dang/ skye ba gcig gis thogs pa dang/ srid pa tha

ma pa la 'god pa'o/ /dang po ni/ de'i 'og tu sa bcu thob ma
thag pa la 'god pa ste/ ye shes kyi pha rol phyin pa rdzogs
pa'i stobs kyis sa bcu pa thob ma thag pa la sangs rgyas kyi
snod bcud kyi zhing sna tshogs rnam par dag pa la bkod nas

der rjes skye ba gcig gis thogs pa la 'god pa'i phyir/ gnyis
pa la gsum gyi dang po skye ba phyi ma la sangs rgya bar nges
pa la 'god pa ni/ de ltar 'god pa yin te/ yangs bcu pa de nyid
la skye ba gcig gis thogs pa'i rang gi ngo bo skye ba gnyis

pa kho nar yang dag par rdzogs pa'i byang chub tu so sor nges
pa la 'god pa'i phyir/ gnyis pa gzhan don lhun grub la 'god pa
ni/ de la 'god pa yin te/ phyogs bcu'i 'jig rten gyi khams kyi
sems can gyi don sangs rgyas dang mnyam par

mdzad pa la 'god pa'i phyir/ gsum pa sangs rgyas kyi chos lhag
ma rdzogs pa la 'god pa ni/ de la 'god pa yin te/ 'jig rten
gyi khams thams cad du sangs rgyas kyi drung du nye bar 'gro
ba dang sems can smin pa dang/ mngon par shes pa

@338b rdzogs pa la sogs pa'i yon tan la bkod de/ de nas srid
pa tha ma pa la 'god pa'i phyir/ gsum pa la/ nus pa'i khyad
par dang/ rtogs pa'i khyad par dang/ spangs pa'i khyad par
dang/ dag pa'i rgyu tshogs kyi khyad par la 'god pa'o/ /dang po
la

byang chub 'dren par byed pa dang/ lam chud mi za ba'i nus
pa'o/ /dang po ni/ sangs rgyas kyi drung du 'gro ba la sogs pa
de lta bu'i rim pas yang sa bcu pa de nyid kyi khyad par la
'god de/ sa bcu pa'i khyad par gyi lam gyi rang gi ngo bo bla
na med pa'i byang

chub kyi yon tan mtha' dag skye ba de nyid la 'dren par byed
pa'i chos kyi mtshan nyid byang chub kyi yan lag rdzogs pa la
'god pa'i phyir/ bsgrub bya'i chos de nyid phyi ma bdun la
yang sbyar bar bya'o/ /gnyis pa ni/ mngon mtho dang nges legs
kyis

las dang 'bras bur 'brel pa chud mi za ba mngon sum du rtogs
pa la 'god pa'i phyir dang/ gnyis pa la ji snyed pa rtogs pa
dang/ ji lta ba rtogs pa la 'god pa'o/ /dang po ni/ bden pa
bzhi'i dngos po thams cad yang dag pa ji lta ba bzhin mngon

sum du rtogs pa la 'god pa'i phyir dang/ gnyis pa ni/ stong pa
nyid kyi ngo bo nyid kyis 'dus byas 'khor ba dang/ 'dus ma
byas mya ngan las 'das pa don dam par tha mi dad par mngon sum
du yongs su shes pa la bkod nas de rjes 'bras bu la 'god pa'i
phyir/

gsum pa la phyin ci log zad pa dang/ de'i gzhi zad pa la 'god
pa'o/ /dang po ni/ phyin ci log bzhi po thams cad zad par
spangs pa la 'god pa'i phyir dang/ gnyis pa ni/ phyin ci log
gi gzhi bden 'dzin zad par spangs pa'i ye shes la 'god

@339a @#/ /pa'i phyir ro/ /bzhi pa la rang bzhin rnam dag gi
chos sku'i rgyu tshogs la 'god pa dang/ blo bur dri bral gyi
rgyu tshogs la 'god pa'o/ /dang po ni/ rang bzhin gyis yongs su
dag pa'i mtshan nyid kyi sa bcu pa la gnas pa'i

byang chub sems dpa'i rnam par byang ba glo bur dri bral gyis
khyad par du byas pa la 'god pa'i phyir/ gnyis pa ni/ sangs
rgyas kyi sa'i dri ma thams cad dang bral ba'i rnam par byang
ba'i rgyu'i tshogs pa tshang ba la 'god pa'i phyir ro/ /gnyis pa
lam

gyi 'bras bu la 'god pa ni/ de'i 'og tu lam gyi 'bras bu la
'god par mdzad de/ de ba'i sa la mi gnas pa'i mya ngan las
'das pa la 'god par mdzad pa'i phyir/ gnyis pa don bsdu ba ni/
de ltar na chos kyi sku rgyun mi 'chad pa bzhin du chos sku

'di'i 'phrin las rnam pa nyi shu rtsa bdun yang rgyun mi 'chad
pa yin te/ 'khor ba ji srid par du sems can gyi don mdzad par
bzhed pas 'phrin las mdzad pa yin pa'i phyir/ gnyis pa ni/ gal
te sems bskyed dang 'phrin las kyi dbye ba

ston pa'i skabs su/ so so'i sa mtshams bshad nas/ bar gyi tshig
don drug cu rtsa brgyad kyi sa mtshams mi 'chad pa ci zhen/
phal cher lam spyi'i khyad chos ston pa skabs su bab pas/ sa
mtshams nges pa ma mdzad la/ skabs la lar

sa mtshams gsal bar bstan cing/ mi gsal ba rnams kyang/ dang po
dang tha ma gnyis kyi rjes su 'brangs nas rtogs par bya dgos
pa yin no/ /lhag ma par gyi tshig gi don re brgyad po rnams kyi
go rims te/ sa mtshams kyang bstan

@339b bcos 'di la brten nas mi rtogs pa'i skyon med de/ don
bdun cu'i dang po sems bskyed pa dang tha ma'i 'phrin las
bstan pa'i go rims te/ sa mtshams bstan pa'i rim pas lhag ma
rnams kyi sa mtshams kyang de la brtan nas khong du chud par

bya ba'i phyir/ rtsa bar dngos su ma bstan yang 'grel par nges
par bshad dgos so zhe na/ tshig don lhag ma rnams kyi sa mtshams
rgyas par 'grel chung 'dir/ seng bzang bdag gis ni ma bris so/
/tshig mngos su dogs pas ma bris pa'i phyir/

'di ltar bshad par bya ste/ dang po dang/ tha ma ltar/ tshig
don gzhan rnams la yang 'chad par rigs na/ theg pa chen po'i
lam gyis rim pa rdzogs pa lan bdun cu bstan dgos pas/ zlos
pa'i skyon chags pa nyid du 'gyur ro zhe na/ ci khyod

ltar na/ sems bskyed dang 'phrin las kyi skabs su dngos su
bshad pa de tsam gyis lam yongs su rdzogs pa yin nam/ de mi
'thad de/ der dngos su ma bstan zhing skabs gzhan du dngos su
bstan pa de dag kyang mngon par rtogs pa'i lam

kyi rim pa'i yan lag tu nges par dgos pa'i phyir ro/ /gzhan du
bstan pa rnams skabs de gnyis su dngos su ston na ni/ der
mngon par rtogs pa'i rgyan tshang ba bris par zad pas/ zos pa'i
nyes pa shin tu chen po nyid du khyod la thal bar

'gyur ro/ /mngon rtogs gzhan rnams skabs gang du yang mi ston
na mi rtogs pa'i nyes par 'gyur ro/ /des na sems bskyed dang
'phrin las kyi skabs su/ las dang po pa'i sa nas sangs rgyas
kyi sa'i bar gyi rkang grangs dang yon tan

@340a @#/ /rigs pa 'ga' zhig bstan yang/ der ma bshad pa'i
mngon rtogs gzhan gdams ngag dang/ sbyor lam sogs dang sbyar
nas bshad la/ don sbyar lam du mtshungs pas de'i skabs su tshang
dgos pa yin yang/

sgra gcig gis dngos su ston nus mi nus kyi khyad par mtha' yas
pa'i phyir ro/ /rjod byed sel bas 'jug pa 'di'i mtha' mchod
pas/ /mkhas pa du ma la 'khrul pa bskyed snang ngo/ /ldog pa
gcig yin kyang dgos pa mi 'dra ba'i khyad par

gyis lan du mar bstan pas zlos pa'i skyon gyi dri tsam yang ga
la yod/ ldog pa gcig tshogs lam dang sbyor lam gyi skabs gnyis
su bshad pa ni/ skabs gnyis ka na yod cing bsgom par shes par
bya ba'i phyir ro/ /tshogs lam gcig

bu'i skabs su mngon par rtogs pa'i rigs mtha' dag bsgom pa yin
yang/ der mngon par rtogs pa mtha' dag ston na ni/ lam gyi rim
pa rdzogs par ston pa'i bstan bcos rtsom pa po mi mkhas pa
nyid du 'gyur ro/ /ldog pa gcig

ming mi 'dra ba du mas bstan pa snang ba ni/ ming gi rnam
grangs la mkhas par bya ba'i phyir te/ mtshan nyid la dpyad nas
shes par bya'o/ /dogs gcod 'di dag ni rtogs par dka' zhing
dgos pa shin tu che bas/ /mkhas pa rnams kyis

zhib tu bsam par bya'o/ /gsum pa skabs bsdu ba ni/ shes rab
kyi pha rol tu phyin pa'i man ngag gi bstan bcos mngon par
rtogs pa'i rgyan zhes bya ba'i 'grel pa'i rnam bshad snying
po'i rgyan zhes bya ba las skabs brgyad pa'i 'grel pa'i

@340b bshad pa'o// //gsum pa bsdus don gzhan bstan pa la/ don
drug tu bsdu ba dang/ don gsum du bsdu ba'o/ /dang po la gsum
gyi dang po mtshams sbyar ba ni/ don gyi spros pa rgyas pa la
dad pa'i sems can la phan

gdags par bya ba'i don du de ltar don brgyad kyi sgo nas bsdu
don rnam par bshad nas yang de las 'bring du dad pa'i gang zag
la bsdus don gzhan du drug tu bsdus nas rnam par bshad pa/
gnyis pa rtsa ba ni/ rgyan gyi don bsdus brgyad las

gzhan te rnam pa drug tu shes par bya ste/ mkhyen pa gsum gyi
ngo bor gyur pa'i mtshan nyid dang/ mkhyen gsum de'i nyams su
len pa'i rnam rdzogs sbyor ba dang/ sbyor ba de rab tu gyur
pa'i rtse mo dang/ mkhyen gsum de'i nyams len gyi go  

rim mthar gyis pa dang/ mkhyen gsum de'i sbyor ba mthar thug
pa skad cig ma dang/ mkhyen gsum de'i rnam smin chos sku dang
drug ni rgyan gyis sdus don 'bring du shes par bya ba'i phyir/
gsum pa 'grel pa la/ so sor bshad pa

dang; don bsdus nas tshig don rgyas pa snga ma la kha 'phang
ba'o/ /dang po ni/ dang por rnam pa thams cad mkhyen pa nyid
la sogs pa thams cad mkhyen pa nyid gsum ni chos can/ sbyor
ba'i bsgom bya gang yin dang por tshad ma'i yul

du mtshon dgos pas 'di mtshon par bya bas na mtshan nyid do/
/mkhyen gsum gyi rnam pa'i sgo nas mngon par mtshon pa'i gnas
nyid yin pas chos sum cus mngon par mtshon pa'i gnas su yang
bshad par rigs mod kyi/ 

@341a @#/ /lus rnam gzhag gi skabs su ni sngar ltar bshad par
bya ba ma yin no/ /'phags pa'i 'grel pa'i tshig zin ltar na/
mtshon byed la mtshan nyid du bya'o/ /de nas rnam pa thams cad
mngon par rdzogs

par rtogs pa'i sbyor ba ni chos can/ thams cad mkhyen pa nyid
gsum gyi rnam pa nyams su len pa'i sbyor ba'o/ /byang chub
sems dpa'i zhi lhag zung 'brel gyi rnal 'byor 'dis te/ khyod
kyis thams cad mkhyen pa nyid gsum gyi rnam pa

bsgom pa la sbyor bas na ste/ sgom pa'i sbyor ba yin pa'i
phyir/ sgom pa'i dgos pa yod de/ mkhyen gsum gyi rnam pa la
dbang du bya ba'i ched du yin pa'i phyir/ de nas rtse mo'i
mngon par rtogs pa ni chos can/ thams cad mkhyen pa nyid gsum

gyi rnam pa goms pa rab kyi gnas skabs yin te/ sngar rnam
rdzogs sbyor ba shin tu goms pas stong nyid rtogs pa'i sgom
byung gi shes rab kyis zin pa'i sgo nas phul du byung bar 'gro
zhing song ba'i sbyor ba yin pa'i phyir/ de nas mthar gyis
pa'i

mngon par rtogs pa ni chos can/ thams cad mkhyen pa nyid gsum
gyi rnam pa go rim chos can du dkyus thog gcig la sgom pa'i go
rim gyi gnas skabs yin te/ skabs dang po gsum gyi skabs su
bstan pa mkhyen gsum gyi rnam pa

so so ba dang/ rnam kun tu bstan pa rnam pa mtha' dag tu rnam
par sgom pa'i don dkyus thog gcig la rim can du gzhung srong
bar byed pas sgom pa'i sbyor ba yin pa'i phyir/ de ltar sgom
pa'i dgos pa yod de/ sngar rtogs pa'i dngos po skad

@341b cig ma gcig la nges par bya ba'i ched du yin pa'i phyir/
de nas yang dag par skad cig ma gcig pa'i mngon par rdzogs par
byang chub pa'i sbyor ba ni chos can/ thams cad mkhyen pa nyid
gsum gyi sbyor ba mthar thug pa'i gnas skabs te/ slob lam

gyi rtogs pa khyod las khyad par du 'gror med pas sbyor ba
mthar thug yin pa'i phyir/ de nas chos kyi sku mdzad pa dang
bcas pa ni chos can/ thams cad mkhyen pa nyid gsum gyi rtags
pa rnam par smin pa'i gnas skabs yin no/ /sbyor ba de'i 'bras

bu mthar thug yin pas so/ gnyis pa ni/ yum gsum po thams cad
kyi don bsdus pa brgyad du bshad pa las/ gzhan rnam pa drug
ste sngar bshad pa de ltar na'o/ /bsdus don de'i tshig don yang
shes par bya ste/ tshig don ni snga ma brgyad kyi

skabs kho na bzhin du bshad par bya ba yin pa'i phyir/ gnyis
pa la gsum gyi dang po mtshams sbyar ba ni/ don gyi spos pa bar
ma la dga' ba'i sems can la phan gdags par bya ba'i don du de
ltar don bsdus pa drug gi sgo nas rnam par bshad

nas yang don gyi spros pa mdor bsdus pa la dga' ba'i sems can
la phan gdags par bya ba'i don du gsum du bsdus nas snga ma
las gzhan du rnam par bshad pa/ gnyis pa rtsa ba ni/ mkhyen pa
rnam pa gsum po'i rnam pa chos can/

sbyor bas bsgom par bya ba'i yul ni yin te/ de'i nyams su
blang bar bya ba yin pa'i phyir/ blo snying rje'i ngo bor
bskyed pa la snying rje sgom zhes pa ltar/ mkhyen gsum gyi
rnam pa sbyor ba'i ngo bor bskyed nas bsgom pa yin gyi/ mig
shes kyis

@342a @#/ /gzugs la blta ba bzhin du ma yin no/ /bla ma lo
tstsha ba chen pos/ thos bsam gyis shes par bya ba'i/ yul gsum
du bsdus nas yul zhes bshad do/ /'dir ni sbyor bas bsgom par
bya ba'i/ yul gyi

gtso bo gsum du 'dus pas yul ni rnam pa gsum po zhes bya'o/
/sbyor ba bzhi'i bdag nyid chos can/ mkhyen pa gsum mthar thug
pa de'i rgyu yin te/ de thob byed kyi thabs yin pa'i phyir/
chos sku 'phrin las dang bcas pa ni chos

can/ mkhyen gsum sbyor ba'i 'bras bu yin te/ de'i stobs kyis
thob par bya ba mthar thug yin pa'i phyir ro/ /yum gsum gyi
don bsdus pa snga ma gnyis las gzhan te/ yul dang rgyu dang
'bras bu rnam pa gsum mo/ /gsum pa

'grel pa ni/ dang por rnam pa thams cad mkhyen pa nyid la sogs
pa thams cad mkhyen pa nyid gsum gyi ngo bo nyid ni chos can/
sbyor ba bsgom pa la 'jug pa'i yul gyi rgyu yin te/ khyod
sbyor ba'i shes bya dang/ bsgom bya dang/ thob

byar byas nas sbyor ba bsgom pa la 'jug pa'i phyir/ mkhyen pa
gsum po de ji ltar sbyor bas bsgom zhing/ sbyor ba'i yul du rab
tu sbyor zhe na/ de'i 'og tu rnam pa thams cad mngon par rdzogs
par rtogs pa la sogs pa la sogs pa

mngon par rtogs pa rnam pa bzhi ni chos can/ mkhyen pa gsum
gyi rnam pa sgom pa'i sbyor ba yin te/ de sgom pa'i sems dpa'i
rgyud kyi zhi lhag zung 'brel gyi rnal 'byor yin pa'i phyir/
mkhyen gsum gyi sbyor ba de lta bu dang ldan pa'i rgyu

@342b sbyor ba de'i 'bras bu ci zhig ce na/ de'i 'og tu chos
kyi sku 'phrin las dang bcas pa ni chos can/ mkhyen gsum sbyor
ba'i 'bras bu yin te/ de'i thob bya mthar thug yin pa'i phyir/
don bsdu ba ni/ rgyal ba'i yum rnam pa gsum gyi don bsdus pa
snga

ma gnyis las gzhan rnam pa gsum ste/ de'i tshig don yang shes
par bya ste brgyad du bshad pa de kho na bzhin du bshad par
bya ba yin pa'i phyir/ ci bsdus don gsum la so sor dad pa'i
gang zag la/ tshig don yan lag rgyas bshad rdzogs

par bstan dgos pa'i nges pa med na/ ston par sngar bshad pa
dang 'gal la/ kun la rgyas par 'chad dgos na rgyas 'bring
bsdus gsum gyi khyad par mi 'thad par 'gyur te/ mdo dang bstan
bcos gang yin yang bla'i/ rdzogs par bshad dgos

par khyad par med na/ rgyas 'bring bsdus pa la dad pa'i gang
zag so sor dbye ba mi 'thad la/ 'on te dbang po rnol rtul gyi
khyad par yod pas so zhe na yang bsgrub bya dang mtshungs
shing/ yum gsum po re re la yang bsdus don gsum ga byed par

gsungs pas/ dbang po rno rtul gyi rim pa dgu nges par khas
blangs dgos par 'gyur ro zhe na/ bden mod kyi/ don 'di shin tu
rtogs par dka' ba'i gnas su snang na yang/ mkhas pa su gang
gis kyang dpyad pa byas pa ma mthong la/ kha cig

ni; mngon par rtogs pa'i ngo bo nges pa dang/ grangs nges pa
dang/ go rims nges par byed pa'i khyad par yin no zhes zer ba
yang/ bzhag par dka' ste/ tshig don rgyas par bstan dgos pa la
khyad par med pa'i phyir ro/ /yang sher phyin rgyas

@343a @#/ /'bring bsdus gsum ni tshig rgyas bsdus la dga' ba'i
gdul bya dbang ba rna 'bring rtul gsum gyi ched du gsungs pa
yin la/ yum re re la bsdus dan gsum gsum du mdzad pa ni dbang
po rno rtul gyi khyad par

min yang/ don gyi spros pa rgyas 'bring bsdus pa la dga' ba'i
gdul bya'i dbang du byas pa'o/ /zhes pa yang dbang po rno rtul
gyi rim pa las logs su bzhag par dka'o/ /bsdus don lus rnam
gzhag gi tshig mang nyung gi khyad par tsam

du zad pa yin na ni/ lam shes rab kyi pha rol tu phyin pa
dang/ 'bras bu shes rab kyi pha rol tu phyin pa zhes pa bsdus
don gnyis su yang ci'i phyir mi sdud/ des na 'di ltar sems te/
mdo brgyad stong pa lta bu'i gdul bya gsum gi

la yang tshig don rdzogs par 'chad dgos pa la ni khyad par med
la/ de yang tshig don mtha' dag la rigs pas sgro 'dogs chod
pa'i tshul gyis nges pa bskyed par byed pa yin la/ bsdus don mi
'dra ba gsum bshad pa ni/ dang por

bsdus don de tsam zhig bshad pa na/ yan lag rgyas bshad kyi
don rags pa rnams la yid dpyod kyis nges pa 'dren nus pa dang/
mi nus pa'i khyad par du shes par bya'o/ /dper na khyim na
gnas pa'i tshe rgyu mtshan ma mthong bzhin du khro na

pa rnying pa da na chu yod snyam pa dang/ chu tshad mas rtogs
pa'i khyad par bzhin no/ /de bzhin du bstan bcos la yang shes
par bya la/ lus rnam gzhag gi tshig mang nyung gi khyad par min
gyi/ yan lag rgyas bshad la ni khyad par med

@343b do; ;'o na lus gnyis su sdud pa'i nyes pa 'di la yang
mtshungs so zhe na/ mi mtshungs te/ de tsam gyis yan lag rgyas
bshad kyi tshig don rags pa la yid dpyod 'dren nus na/ bstan
bcos 'di lta bu'i rgyas bshad/ bsdus bshad la

ltos mi dgos pa'i phyir ro/ /de ltar don la dpyod pa'i mkhas
pa rnams kyis zhib tu bsams pa las shes par bya'o/ /rtsa 'grel
'di dag mdo dang zhib tu ma sbyar zhing brgal lan gyi spros pa
rgyas par ma bshad pa ni/ rkang pa brkyang

ste gnas pa tsam gyis shes rab kyi pha rol tu phyin pa la 'jug
par 'dod pa rnams kyis kyang rtogs pa'i ched du byas so/
/mngon par rtogs pa'i lam gyi rim pa rgyas pa dang bsdus pa ji
ltar nyams su len pa'i tshul ni/ gzhan du 'god

pa las shes par bya'o// //gsum pa bshad pa mthar phyin pa'i
bya ba la gsum/ bshad bya 'chad byed kyi khyad par dang/
brtsams pa'i dge ba bsngo ba dang/ khebs skyung zhing 'grel pa
rtsom pa spro ba'i rgyu mtshan no/ /dang po la/

bshad bya'i khyad par dang/ gang la brten nas tshul ji ltar
bshad pa'o/ /dang po ni/ mdo dang bstan bcos kyi dan la mkhas
pa rnams kyis yum gsum po kun la'ang brjod bya'i don bsdus
brgyad dang drug dang gsum po de tsam du shes

par bya'o/ /de yang la la 'phags pa brgyad stong pa las dngos
shugs la don tshang ba dang/ gzhan yum bar ma las don dngos su
ston pa'i tshig chad pa dang/ gzhan rgyas pa las don re re
la'ang rnam grangs mang po'i ming gis te/ don re

@344a @#/ /re'ang ming gi rnam grangs du mas gsungs pa'i phyir/
tshig la khyad par yod pa nyid kyis don la khyad par yod pa ma
yin nam/ zhe na/ yum gsum po thams cad kyi brjod pa'i don gyi
rim pa gsum ga

khyad par med pa'i tshul du bstan bcos 'dis legs par bsdus pa
ma yin par thal/ yum gsum brjod bya mtshungs pa de lta min pa'i
phyir/ 'o na brjod bya mtshungs pa gcig la gzhung mi 'dra ba
gsum gsungs pas ci bya zhe

na; yum gsum zlos pa'i skyon med de/ de la tshig bsdus pa dang/
'bring dang rgyas pa la sogs pa'i rab tu dbye bas khyad par
yod pa kho nar zad pa'i phyir/ 'di dag ni kun gyi rgyan du
'gyur bar ni zhes sogs kyis 'phros so/ /

gnyis pa ni/ mngon par rtogs pa'i rgyan gyi tshig le'ur byas
pa'i 'grel pa don gsal ba 'di ni/ rgyal ba'i sras po seng ge
bzang pos byas so/ /gang la brten nas byas na/ slob dpon snga
ma'i man ngag med par byas pa ma yin te/ 'phags

pa rnam par grol sde yi 'grel pa legs par bsams pa'i mthu yis
don mthong ba'i sgo nas ni byas shing/ dngos su mkhan po yang
dag rnam snang mdzad bstan bcos kyi don kun thugs su chud pa'i
bla ma bzang la phyag 'tshal ba sngon du

btang ste/ gnang ba zhus nas byas pa'i phyir/ ji ltar byas na/
'grel pa 'dir spros nas bshad pa ma yin te/ mdo'i tshig dang ni
bstan bcos kyi ngag sogs dngos su sbyor ba ma byas par don
tsam gsal bar bshad pa'i phyir/ yang na mdo'i

@344b tshig gi sbyor ba dang ni brgal lan ngag gi sbyor ba
dang/ khungs gzhan 'dren pa la sogs pa'i sbyor ba ma byas par
bsdus nas byas pa'i don to/ /mdo tshig dang rgyas par ma sbyor
bar ngan bsdus nas byed pa'i rgyu mtshan yod de/ go ba rags?
pa'i

ched yin pa'i phyir/ gnyis pa ni/ 'grel pa don gsal de bsdebs
pa las byung ba'i dge ba seng ge bzang po bdag gis gang thob
pa de yis skye bo sems can thams cad ni bde bar gshegs pa'i
shes rab kun mkhyen gyi go 'phang thob par

shog cig pa'o/ /gsum pa la khengs skyung ba dang/ nongs pa
bzod par gsol ba dang/ 'grel pa rtsom par sgro ba'i rgyu mtshan
no/ /dang po la gnyis kyi dang po/ rang nyid blo dman pa ni/
bstan bcos kyi don kun bdag gi mngon sum gyi spyod yul

gang na zhig yin te/ bdag gi shes rab mi gsal bas/ bstan bcos
brjod pa la spyi'i tshul gyis 'jug pa'i phyir dang/ bstan bcos
kyi don kun bdag gi mngon sum gyi yul las phyi rol tu gyur
pa'i phyir/ yang na phyi rol tu gyur pa'i bdag

nyid yin pa'i phyir ces bshad do/ /gnyis pa gzhung don rtogs
par dka' ba ni/ bstan bcos don ni ma lus pa bdag gi mngon sum
gyi yul gang na yin te/ bdag nyid chen po 'phags blo'i mngon
sum gyi spyod yul du 'gyur dgos pas rtogs

par dka' ba'i phyir ro/ /gnyis pa ni/ mngon sum gyi yul ma yin
pa 'on kyang mngon sum gyi spyod yul ma yin pa la bdag gis
'bad nas bgyis pa'i 'grel pa la nongs pa'i tshogs mchis na/ de
la chos kyi spyan dang ldan pa'i skye bo mkhas

@345a @#/ /pa rnams bzod pa mdzod cig pa'o/ /'bad nas byas pa
la dgos pa yod de/ rang dang gzhan gyi don gyi ngor byas pa'i
phyir/ rnam pa kun tu bdag gi ni zhes sogs kyi 'phros so/
/gsum pa ni/ kye ma zhes pa smad pa dang/ smon pa  

dang; zhum pa dang/ ngo mtshar ba bzhi las 'dir phyi ma'o/
/grub mtha' geng 'ga rdzogs pa la legs par sbyangs pa'i gzhung
lugs sna tshogs bltas pa nyid kyis ngal zhing dub pa byas pa'i
'bras bu la bdag gi yid ngal bso ba'i gnas su gyur pa

rtogs pa khyad par can shes rab kyi pha rol tu phyin pa'i lugs
'di rtogs shing mthong ba yin pas 'grel pa rtsom par rigs
pa'o/ /de yang dge ba'i bshes gnyen yun ring du mnyes par byas
shing dka' ba mang po sngon du btang ste/ dus rang mo zhig

na mthong ba yin no/ /bstan bcos mtha' dag 'di de ltar zhes
sogs kyi 'phros so/ /gsum pa mjug gi don la/ bstan bcos mdzad
pa po dang/ gang gis bsgyur ba'i tshul lo/ /dang po ni/ shes
rab kyi pha rol tu phyin pa'i man ngag gi bstan bcos

mngon par rtogs pa'i rgyan zhes bya ba'i 'grel pa rang dang
gzhan gyi grub pa'i mtha' rgya mtsho lta bu'i pha rol son pa/
khyad par du pha rol tu phyin pa'i lam gyi rim pa/ rje btsun
byams pa nas bzung ste/ dam pa bar ma chad pa'i gdams pa
rdzogs

pa mnga' ba slob dpon seng ge bzang pos mdzad pa dang/ de'i
rnam bshad snying po'i rgyan zhes bya ba rdzogs so// //gnyis
pa ni/ rgya gar gyi mkhan po bi-ryka ra pra b+ha'am/ bi-rya ka
ra pra b+ha ba rig byed 'od zar ram/ /rig pa'i 'byung gnas so/
/

@345b de dang zhu chen gyi lo tstsha ba ban-d+he dpal brtsegs
kyis bsgyur zhing zhus te 'chad nyan gyis gtan la phab pa las/
slad kyis rgya gar gyi mkhan po dpal go mi 'chi med la sogs pa
dang/ lo tstsa ba blo ldan shes rab kyis bsgyur zhing 'chad
nyan gyis

legs par gtan la phab pa'o// //gzhan yang brgyad stong pa'i
'grel chen thog mar rgya gar gyi mkhan po su b+hu ti shrI
dang/ lo chen gnyis kyis bsgyur ba dang/ jo bo a ti shas
gsungs nas lo chen gyis bsgyur pa dang/ yang paN-Di ta des
gsungs

nas 'brom ston pas bsgyur ba dang/ dus phyis kyi 'gyur gsar
kun la legs par bltas nas don la zhib tu dpyad pa las shes par
bya'o/ /dus gsum rgyal ba kun gyi bgrod cig lam/ /rgyal tshab
dam pa'i gsung gi bzhed pa'i don/ /mkhas pa'i mkhas pa rgyal

sras bzang po'i lugs/ /gsal la ma 'dres go sla'i ngag gis
bshad/ /gsung rab kun gyi snying po'i don dang ni/ /theg chen
lam gyi rim pa'i gdams pa'i phul/ /rdzogs par mnga' ba'i mar
me mdzad la sogs/ /gcig nas gcig tu brgyud de 'ongs las yin/
/tshul 'dir

zhugs pa'i skye bo phal cher yang/ /rnyed bkur gya gyu'i bsam
pas dbang bsgyur zhing/ /yum don tshul bzhin sgrub las gol gyur
pas/ /gzhung mchog 'di la dad pa tsam du zad/ /rtsa ba 'di yi
'grel pa 'di'i zhes/ /de tsam gyis kyang kha cig rlom pas
khangs/ /gzhan dag

bdag bstod gzhan smod phreng ba bsgrig /lugs 'di'i cha tsam
rtogs par ma mthong bas/ /lam gyi ngo bo grangs dang go rim
sogs/ /yang dag rigs pa'i lam las legs 'ongs shing/ /'gal dang
ma 'brel zlos pa kun spangs nas/ /rje btsun bla ma'i drin gyis
legs

@346a @#/ /par bshad/ /sdang 'dod phyogs su ltung ba'i yid
spangs shing/ /dam pa min la lhag par brtse ba can/ /rgyal ba
kun gyi dam pa'i chos 'dzin pa/ /bla ma de la bdag ni phyag
'tshal lo/ /'dir 'bad dge ba rab dkar ci yod des/ srid pa'i
btson rar bsdams

pa'i nyams thag rnams/ /yul la srad pa'i zhags pa kun bcad
nas/ /kun mkhyen rgyal ba'i grong khyer 'jug par shog /bdag
kyang dang nas che rabs thams cad du/ /lam bzang 'di dang nam
yang mi 'bral zhing/ /theg mchog dge ba'i bshes gnyen mnyes
byas

nas/ /rgyal ba'i dam chos ma lus 'dzin gyur cig /shes rab kyi
pha rol tu phyin pa'i tshul lugs 'di ni/ rgyal ba'i ring lugs
pa chen po/ rje btsun dam pa kun ma ra ma tI'i zhal snga nas
dang/ dka' bzhi 'dzin pa rin chen rdo rje'i zhal snga nas la
sogs pa las

mang du thos shing/ dus phyis/ rje rin po che rje btsun 'jam
pa'i dbyangs dang tha mi dad pa thams cad mkhyen pa blo bzang
grags pa dpal bzang po'i zhal snga nas las yang dang yang du
gsol ba btab nas/ pha rol tu phyin pa'i gdams pa yongs su
rdzogs pa

lan du mar nod pa'i mthu la brten nas/ shes rab kyi pha rol tu
phyin pa'i man ngag gi bstan bcos mngon par rtogs pa'i rgyan
gyi rtsa ba 'grel pa dang bcas pa'i rnam bshad snying po'i
rgyan zhes bya ba 'di ni/ dge ba'i bshes gnyen du mas bskul
nas

theg pa mchog gi brtul zhugs la gnas pa dang ma rin chen gyis
'breg ri bo che dge ldan rnam par rgyal ba'i gling du sbyar ba
rdzogs so/ /sa-rba mang-ga la/ /