@001a @#/ /theg pa chen po rgyud bla ma'i TIk-ka bzhugs so/ / @001b @##/ /thub pa'i gsung rab rin chen sgron/ /bsregs bcad bdar ba'i gser bzhin du/ /dri med rigs pas gsal mdzad pa/ /rje btsun bla ma rnams la 'dud/ /gsung rab dgongs pa 'grel pa'i skyes bu mchog /blo gros stobs kyis nyes kun drungs phung nas/ /bzang po'i spangs rtogs yon tan rab rdzogs shing/ /grags pa'i 'od zer sa gsum lham mer gsal/ / thugs rje'i dpal gyis 'gro kun bu bzhin gzigs/ /bshas gnyen bzang po'i zhabs la spyi bos 'dud/ /lha mi'i 'dren mchog thub pa'i dbang po yi/ /rgyal tshab dbang bskur rgyal sras mi pham dang/ / rgyal ba kun gyi mkhyen rab gcig bsdus pa/ /rgyal sras 'jam pa'i dbyangs la phyag 'tshal lo/ /drang ba dang ni nges pa'i don gyi mdo sde yi/ /dgongs pa rdzogs par 'grol bar rgyal bas lung bstan pa/ / @002a @#/ /thogs med ces ni sa gsum 'di na rab gags pas/ /gzhung mchog tshig don shin tu gsal bar rnam phye yang/ /rang gzhan grub mtha' 'byed pa'i mthu med par/ /gzu lums rang dgar 'jug pa'i spyi rdol gyis/ /gzhan sde'i lugs la thub pa'i dgongs pa zhes/ /shing rta chen po'i lugs 'di nyams par byas/ /gsung rab dgongs pa shin tu rtogs par dka'/ /dam chos log par 'chad pa'i nyes pa lci/ /bshes gnyen bzang po'ang rnyed par rab dka' na/ /dpyod lngan rnams kyis rtag tu bag yod byos/ /phul du byung ba'i dam chos bdud rtsi'i ro/ /gang zhig myangs pas 'chi med gnas ster ba/ /'khor lo bar mtha'i gsung gi gcis pa'i don/ /rje btsun bla ma'i gsung bzhin bshad par bya/ /de la 'dir 'o skol gyis shin tu rnyed par dka' ba dang/ rnyed na don shin @002b tu che ba'i dal 'byor thob pa'i dus 'dir 'jig rten pa'i rgan po rnams kyi lugs las khyad zhugs pa'i 'jig rten phyi ma phan chad kyi gnas skabs dang mthar thug gi skyes bu'i mngon par 'dod pa'i don gyi gzhi lags par ma tshugs par tshe 'di tsam gyi rnyed pa dang bkur sti sogs kyi ched du 'bad pa ni 'bras bu med pa'i spun pa 'phyar ba dang 'dra zhing/ dud 'gro'i kun spyod las ma 'das par shes par byas la dal 'byor la snying po legs par len pa la 'bad par bya'o/ /de la dus gsum gyi 'phags pa rnams gshegs shing rjes su gshegs par 'gyur ba'i lam 'bras bu dang bcas pa tshad mar gyur pa'i skyes bu rnams kyis lung dang rigs pa'i tshogs rgya chen pos gtan la phab pa'i lugs kyi rjes su zhugs nas de dag gi don khong du chud par byas te/ bslab pa rin po che rnam pa gsum gyi sgo nas tshul bzhin du nyams su len pa las rgyal ba dgyes pa'i thabs mchog tu gyur pa gzhan med par shes par byas nas/ de yang slob dpon 'phags pa thogs med ces bya ba sngon rgyal ba du ma la lhag par bya ba byas shing/ dge ba'i rtsa ba rgya chen po @003a @#/ /bskyed pa/ da ltar yang sangs rgyas dang byang chub sems dpa'i mgon gyis yongs su bzung ba blo gros kyi mthu gzhan las khyad zhugs pa/ thub pa sangs rgyas bcom ldan 'das kyi bstan pa'i khur bzhes pa'i smon lam legs par grub cing/ drang nges kyi mdo sde'i dgongs pa rdzogs par 'grel par lung bstan pa des/ phyi rabs kyi gdul bya rnams kyis theg pa chen po'i sde snod rgya mtsho lta bu blta ba la mgron po phyogs bslad pa bzhin du gyur te/ tshig snga phyi'i 'brel yang khong du chud par dka' na don mchog tu zab pa lta ci smos par gzigs shing/ rang nyid kyang de bzhin gshegs pa'i gsang ba'i gnas thams cad la lkog tu gyur par mkhyen nas thub pa'i gsung gis gsang ba thams cad la lkog tu ma gyur pa'i spyan mnga' ba rgyal tshab dam pa de mnyes par byas na ci 'dod pa'i don 'grub bo snyam du dgongs nas bsgrub pa la zhugs pas zhal mngon sum du gzigs te/ bcom ldan 'das kyi rdzu 'phrul la brten nas dga' ldan du byon te chos gsan pas gsung rab mtha' dag gi dgongs pa yong su rdzogs par rtogs @003b bar gyur te/ 'dzam bu gling pa'i phyi rabs kyi gdul bya rnams rjes su bzung ba'i ched du dam pa'i chos kyi skyes kyang gnad ste/ de yang rnam 'byed rnam pa gnyis dang/ rgyan rnam pa gnyis dang/ theg pa chen po rgyud bla ma'i bstan bcos te bstan bcos chen po lnga'o/ /de la spyir bcom ldan 'das kyi gsung rab las drang don dang nges don 'byed pa'i tshul gnyis gsungs te/ 'phags pa blo gros mi zad pa'i mdo dang/ ting nge 'dzin rgyal po'i mdo las gsungs pa sogs dang/ don zab dgongs pa nges par 'grel ba'i mdo las gsungs pa'o/ /dang po ni/ chos thams cad rang gi mtshan nyid kyis grub pas stong par ston pa nges pa'i don dang/ gang zag dang phung po la sogs pa tshig dang yi ge sna tshogs kyis ston pa drang ba'i don du bstan la mdo sde phyi mas ni kun brtags rang gi mtshan nyid kyis ma grub pa dang/ gzhan dbang dang yongs grub rang gi mtshan nyid kyis grub par bstan nas thams cad rang gi mtshan nyid kyis ma grub par phyogs gcig tu ston pa dang/ phyogs gcig tu rang gi mtshan nyid kyis grub par ston pa drang don dang/ rang gi mtshan nyid kyis grub pa dang ma grub pa'i sa tshigs gsal bar phye nas ston pa nges pa'i don du gsungs so/ /mdo snga ma'i rjes su 'bangs? nas mgon po klu sgrub kyis drang don dang nges don 'byed pa'i shing rta'i srol legs par phye bas mdo gnyis pa drang ba'i don du 'bad pa med par grub par mdzad do/ /de la slob dpon 'phags pa thogs med kyis ni/ rnam 'byed @004a @#/ /rnam pa gnyis dang/ theg pa chen po mdo sde'i rgyan gyi rjes su 'drang nas mdo sde phyi ma'i drang nges 'byed pa'i lugs la brten to/ /gtso bor rnam par rig pa tsam gyi shing rta'i srol legs par phye zhing/ theg pa chung ngu'i sde snod rnams kyi dgongs pa yang 'grel par mdzad do/ /de la chos dang chos nyid rnam par 'byed pa las gzung 'dzin gnyis su snang ba'i gzhan dbang bden par grub pa 'khor ba 'grub pa'i gzhi chos dang/ gang la dmigs nas goms pas thar pa thob pa'i rten gzung 'dzin rdzas tha dad kyis stong pa chos nyid du bstan la/ dbus dang mtha' rnam par 'byed pa las ni gnyis snang bden par grub pa gzhir byas nas mtshan nyid gsum du phye ste/ theg pa thun mong dang thun mong ma yin pa'i gzhi dang lam dang 'bras bu rnam par bzhag par mdzad do/ /theg pa chen po mdo sde'i rgyan las ni/ gnyis snang bden par grub pa ma bkag par theg pa chen po'i rigs sad par byed pa'i thabs nas bzung ste byang chub sems dpa' rang nyid rtogs pa gong nas gong du khyad par du 'gro ba'i tshul dang/ gdul bya gzhan rjes su 'dzin pa'i thabs rgyas par gtan la 'bebs shing/ gzhung gsum po de dag gis ni gdul bya'i bsam pa la ltos pa'i don dam pa tsam zhig bstan gyi/ chos thams cad rang bzhin gyis grub pas stong pa'i don dam pa gsal bar ma mdzad do/ /bstan bcos gsum po de dag gi rjes su 'brangs nas mdo sde dgongs 'grel du drang nges 'byed @004b pa'i tshul dang mthun par slob dpon gyis sa sde lnga sdom rnam pa gnyis la sogs par rnam par rig pa tsam gyi shing rta'i srol legs par phye zhing/ theg pa dman pa'i sde snod kha cig tu bse ru lta bu'i rang sangs rgyas dang theg pa chen po'i rigs can tshogs lam du bskal pa brgya dang/ bskal pa grangs med gsum du tshogs bsags nas sbyor lam drod yan chad stan cig la bgrod pa'i tshul gsung pa yang nyan thos kyi sar gsungs so/ /mngon par rtogs pa'i rgyan du stong pa nyid kyi lta ba mthar thug pa yang dang yang du gsung mod kyi/ btan la dbab bya'i gtso bo ni/ rigs can gsum gyi mngon par rtogs pa'i rim pa ngo bo nges pa dang/ grangs nges pa dang/ go rim nges pa mdo rgyas 'bring bsdus gsum gyi sbas don khong na gnas pa gsal bar ston par byed do/ /theg pa chen po rgyud bla ma'i bstan bcos las ni rnam par rig pa tsam gyi tshul la goms pas rgyud smin par byas pa rnams la yang dus phyis bstan par bya zhing/ theg pa chen po'i rigs can dbang po mchog tu gyur pa rnams la dang po nyid nas bstan par bya ba nyan thos kyi byang chub dang/ rang sangs rgyas kyi byang chub thob pa la yang nges par rtogs dgos pa'i lam gyi dmigs pa chos thams cad bden pas stong pa don dam pa'i bden pa smros pa thams cad dang bral ba mdo rgyas 'bring bsdus gsum dang/ de bzhin gshegs pa'i snying po'i mdos khyad par med par gsal bar ston la/ de nyid bstan @005a @#/ /bcos 'dir brjod bya'i gtso bor ston pa slob dpon gyis dgongs pa ji lta ba bzhin du gsal bar mdzad pa yin no/ /sher phyin gyi mdo'i lam shes kyi skabs su/ gang yang dag pa'i skyon med pa la zhugs pa de dag la ni bla na med pa yang dag par rdzogs pa'i byang chub tu sems bskyed pa'i mthu med do/ de ci'i phyir ce na/ de dag gis 'khor ba'i rgyud kyi mtshams bcad pa'i phyir ro/ /zhes gsungs pa'i don 'chad pa na rgyal ba'i sras po seng-ge bzang pos 'grel chen du/ slob dpon 'phags pa klu sgrub dang/ slob dpon 'phags pa thogs med la theg pa gcig tu smra ba dang/ theg pa sna tshogs su smra ba zhes de gnyis kyi 'chad tshul so sor mdzad pa'i dgongs pa yang rnam par rig pa tsam du smra ba'i rigs can rjes su bzung ba'i ched du mthar thug theg pa gsum du ston pa'i shing rta'i srol phye bar bzhed pa yin gyi/ slob dpon rang nyid rnam rig par ston par mi bsam ste/ bstan bcos 'di'i 'grel par mthar thug theg pa gcig tu bsgrubs shing/ stong nyid phra mo rgyas par gtan la phab pa dang shin tu 'gal ba'i phyir ro/ /de lta na yang de la ltos pa'i shing rta'i srol 'byed mgon po klu sgrub las logs su bsam par mi bya ste/ de nyid kyi rjes su 'brang ba'i phyir ro/ /theg pa chen po rgyud bla ma'i bstan bcos 'grel pa dang bcas pa 'chad pa la don bzhi ste/ mtshan gyi don dang/ 'gyur gyi phyag dang/ gzhung gi don dang/ mjug @005b gi don no/ /dang po la gnyis/ mtshan bsgyur ba dang/ mtshan bshad pa'o/ /dang po ni/ bstan bcos 'di'i mtshan rgya gar skad du/ ma-hA zhes pa ni bod skad du chen po zhes pa dang/ yan ni theg pa dang/ a nud ta ra 'am u ta-tar ni bla ma dang ta-nu ni rgyud dang shA stra ni bstan bcos so/ /gnyis pa ni/ theg pa 'dis bgrod par byed pa rgyu'i theg pa dang/ 'dir bgrod par bya ba 'bras bu'i theg pa'o/ /de nyid shin tu rgyas pa'i sde snod la dmigs pas dmigs pa che ba la sogs pa'i chen po bdun dang ldan pas chen po'o/ /rgyud ni rgyun chags pas te/ dri ma dang bcas pa'i sems sbyong byed ston pa'i gtsug lag ste/ bla ma ni phyi ma'i don yin pas theg pa chen po'i gtsug lag phyi ma yin la/ de'i dgongs pa 'grel par byed pa'i bstan bcos ni/ shA stra zhes pa la shA sa 'chos pa la 'jug cing tra ya skyob pa la 'jug pa ni yi ge bsnan pa'i nges tshig gi bshad pa yin la/ don bsdus na/ nyon mongs pa'i dgra 'chos shing ngan song dang srid pa tsam gyi 'jigs pa las skyob pa'o/ /gnyis pa ni/ sangs rgyas dang byang chus sems dpa'i thams cad la phyag 'tshal lo/ /zhes pa gnas skabs dang mthar thug gi 'dod don du ma 'grub pa'i ched du lo tstsha bas bkod pa'o/ /lam gyi rim pa ston pa'i dbang du byas na/ skyabs 'gro ston pa yin pas 'chad pa sogs kun gyi tshe don de nyid dran par bya'o/ /gsum pa la gnyis/ bshad pa nye bar dgod pa dang/ @006a @#/ /bshad pa mthar phyin pa'i yan lag go /dang po la gnyis/ lus rnam par bzhag pa dang/ yan lag rgyas par bshad pa'o/ /dang po la gsum/ lus kyi rang bzhin dang/ mdo las ji ltar bstan pa dang/ go rim nges pa'o/ /dang po la gnyis/ spyi'i don dang/ yan lag gi don to/ dang po la gsum/ rdo rje lta bu'i gnas bdun gyi ngo bo ngos bzung ba dang/ grangs nges pa dang/ dogs pa bcad pa'o/ /dang po ni/ 'di dag kyang don dam dang kun rdzob pa gnyis gnyis kyis rig par bya ste/ don dam pa'i sangs rgyas ni/ spangs pa dang ye shes phun sum tshogs pa'i rang bzhin chos kyi sku dang/ kun rdzob pa ni sangs rgyas kyi gzugs kyi sku'o/ /don dam pa'i chos ni theg pa chen po pa'i rgyud kyi 'gog pa dang/ lam gyi bden pa gnyis dang/ kun rdzob pa ni gsung rab kyi tshogs so/ /don dam pa'i dge 'dun ni theg chen 'phags pa'i rgyud kyi rig pa dang rnam par grol ba dang/ kun rdzob pa ni/ theg pa chen po'i 'phags pa'i tshogs so/ / don dam pa'i khams ni sems can gyi rgyud kyi sems rang bzhin gyis grub pas stong pa dri ma dang bcas pa'i de bzhin nyid dang/ kun rdzob pa ni/ sems can gyi sems kyi steng na yod pa'i 'jig rten las 'das pa'i chos skye rung gi nus pa'i cha'o/ /don dam pa'i byang chub chos kyi sku dang kun rdzob pa gzugs kyi sku ste/ bdag nyid kyi ni 'byor pa'i gnas/ dam pa'i don gyi sku yin te/ /zhes sogs 'chad par 'gyur ro/ /'o na sangs rgyas dang @006b khyad ci yod ce na/ gnyis ka sangs rgyas dkon mchog dang mtshungs mod kyi/ rang rgyud la 'byung 'gyur dang gzhin rgyud la grub zin gyi rnam gzhag tha dad pa tsam mo/ /yon tan don dam pa ni/ stobs sogs bral ba'i yon tan sum cu rtsa gnyis dang/ kun rdzob pa ni rnam smin gyi yon tan sum cu rtsa gnyis so/ /'phrin las don dam pa ni/ bya ba sgrub pa'i ye shes dang/ kun rdzob pa ni gsung rab kyi tshogs so/ /gnyis pa ni/ bdun po las grangs mang pa mi dgos pa dang/ de las nyung bas 'du mi nus te/ 'dir rgyu 'bras kyi 'brel pa 'di tsam gyis rdzogs pa'i phyir ro/ /'dir bla ma lo tstsha ba chen pos/ mi gnas pa'i mya ngan las 'das pa'i 'khor lo'i dbang du byas pa dang/ dkon mchog gi 'khor lo'i dbang du byas pa'i bshad pa'i tshul rnam pa gnyis mdzad pa'i snga ma ni/ 'og nas go rim ston pa'i tshig gi sgras zin la brten nas bshad pa mdzad pa yin yang bstan bcos kyi don gyi gtso bo ni/ 'chad tshul phyi ma ltar 'thad par sems so/ /de la dkon mchog gsum mthar thug pa ni/ rang gi thob bya'i 'bras bu yin la/ don gnyis phun sum tshogs pa la de tsam du nges pa'i phyir ro/ /rgyu mtshan ni 'chad par 'gyur ro/ /'bras bu dkon mchog gsum po de sgrub pa'i rgyu yang rnam pa gnyis su nges te/ /nye bar len pa dang lhan cig byed pa'i rkyen no/ /dang po ni/ khams te de la dri ma dang bcas pa'i de bzhin nyid ni/ khams rang bzhin gyis rnam par dag par ma gyur na/ glo bur gyi dri mas rnam par dag pa @007a @#/ /mi 'thad pas byang chub kyi med na mi 'byung ba'i rgyu mtshan la nyer len du btags par zad kyi/ bskyed bya skyed byed ni ma yin no/ /bsgrub ba las gyur pa'i rigs ni/ bskyed pa'i rgyu yang yin no/ /gnyis pa lhan cig byed pa'i rkyen ni/ /gzhan rgyud la grub zin pa'i byang chub dang yon tan dang 'phrin las te/ gang zag gzhan mngon par rdzogs par sangs rgyas nas chos kyi 'khor lo legs par bskor ba la brten nas rang rgyud kyi dri ma zad par sbyong nus pas phyi'i rkyen de tsam du zad pa'i phyir ro/ /de yang dri ma dang bcas pa'i de bzhin nyid gtan la dbab bya'i gtso bor byas nas de sbyong byed kyi rgyu 'bras rags pa'i dbang du byas te rgyu 'bras de tsam zhig bstan par zad kyi/ gsal ba'i dbye ba de tsam du zad pa ni ma yin te/ nang gi rkyen tshul bzhin yid la byed pa sogs ni/ khams sbyong byed kyi chos bstan pa la brten nas rtogs par 'gyur bas de ni khams kyi nang du 'dus par shes par bya'o/ / yang rang rgyud la mthar thug pa'i dkon mchog gsum 'byung ba ni/ yang dag pa'i lta ba bsgom pa las yin la/ lta ba yang rgyu gnyis dang rkyen gnyis la brten nas 'byung ste/ rgyu gnyis ni rang gi khams dang tshul bzhin yid la byed pa'o; ;rkyen gnyis ni/ de bzhin gshegs pa snga ma'i byang chub la sogs pa gsum dang/ gzhan gyi sgra'o/ /gzhan gyi sgra yang 'phrin las kyi nang du 'dus par shes par bya'o/ /gsum pa ni/ thob bya'i 'bras bu sangs rgyas dkon @007b mchog 'ba' zhig bstan pas chog mod/ dkon mchog gsum bstan pa la dgos pa ci yod snyam na/ skyon med de/ rigs can gsum ga rjes su bzung ba'i ched du de gsum la ltos pa'i 'bras bu'i skyabs kyi ming tha dad pas bstan te/ yang dag par rdzogs pa'i sangs rgyas 'bras bu'i skyabs 'gra'i yul du don du gnyer ba theg pa chen po'i rigs can dang/ rten 'brel rtogs pas 'khor ba'i sdug bsngal zad pa 'bras bu'i skyabs 'gro'i yul du don du gnyer ba dang sangs rgyas kyi rigs can dang/ srid pa tha ma pa'i tshe gzhan gyi sgra la brten nas sdug bsngal zad pa thob pa'i slob ma 'bras bu'i skyabs 'gro'i yul du don du gnyer ba nyan thos kyi rigs can rjes su bzung ba'i ched du dkon mchog gsum 'bras bu'i skyabs su rnam par bzhag go /rigs can gsum gyi 'bras bu dkon mchog gsum 'dir bshad na/ theg pa chen po thun mong ma yin pa'i bstan bcos ma yin par 'gyur te/ nyan thos dang rang sangs rgyas kyi byang chub kyang nyid dgos su bstan pa'i phyir ro/ /zhe na/ skyon med de/ 'dir bstan pa'i dkon mchog gsum mthar thug pa ni don dam pa'i skyabs sangs rgyas nyag gcig gis bsdus pa de yin la de thob pa'i nye rgyu'i dbang du byas pa'i dkon mchog gsum ni/ sa brgyad par sangs rgyas dkon mchog btags pa ba dang/ sa dgu par chos dkon mchog dang/ sa bcu par dge 'dun dkon mchog bstan la/ ring ba'i rgyu ni sa bdun pa man chad kyi dge 'dun dkon mchog sogs so/ /rgyu skyabs @008a @#/ /'gro'i yul gyi dbang du byas na 'dir bstan pa'i dkon mchog gsum theg pa dman pa'i skyabs yin yang 'bras bu'i skyabs 'gro'i yul gyi dbang du byas pa'i nyan thos kyi byang chub dang rang sangs rgyas kyi byang chub ni 'dir dngos su ma bstan pas skyon med la/ chos deng dge 'dun ming mthun pa tsam bstan pa'i sgo nas theg pa chen po la rim gyis bkri ba'i ched du yin no/ /don bsdus na 'dir dngos su bstan pa'i dkon mchog ni sa dang po yin chad kyi dbang du byas shing/ sa dang po nas bcu pa'i bar gyi dkon mchog ni mthar thug pa'i dkon mchog gsum sgrub pa'i dbang du byas pa yin pas theg pa thun mong bar thal pa'i skyon med de/ 'og tu 'chad par 'gyur ro/ /gnyis pa la gnyis/ rtsa ba dang/ 'grel pa'o/ /dang po la/ ngo bo ngos bzung ba dang/ grangs bdun du bstan pa'o/ /dang po ni/ sku gsum gyis bsdus pa'i sangs rgyas dang 'gog pa dang lam gyis bsdus pa'i chos dkon mchog dang/ theg pa chen po'i 'phags pa'i tshogs dge 'dun dkon mchog gsum gyis ni gnas skabs dang mthar thug gi thob bya'i 'bras bu bstan la/ dri ma dang bcas pa'i de bzhin nyid dang/ sems can gyi sems kyi steng na yod pa'i 'jig rten las 'das pa'i yon tan skye rung gi nus pas bsdus pa'i khams de bzhin gshegs pa'i snying po dang gnas gyur mthar phyin pa'i spangs pa dang ye shes kyis bsdus pa'i byang chub dang de la brten @008b ba'i bal ba dang rnam par smin pa'i yon tan dang/ /yang dag par rdzogs pa'i sangs rgyas kyi 'phrin las don bdun gyi tha ma ste bzhi po ni rgyu dang rkyen gyi dbang du byas pa'o/ /yang dkon mchog gsum gzhan rgyud la grub zin pa dang/ byang chub la sogs pa gsum rang rgyud la 'byung 'gyur gyi dbang du byas na yang 'og nas go rim gyi cha bshad pa la brten na cung zad sbyar du rung ba tsam mo/ /gnyig ltar yang khams rgyu'i gnas skabs 'ba' zhig gi dbang du byas pa yin gyi/ mthar thug gi 'bras bur byed pa ni bstan bcos su ji ltar bshad pa'i tshul ma shes pa'i bab col yin te 'chad par 'gyur ro/ /ste lhag ma dang bcas pa ste grangs bdun du 'dus pa 'dren par byed pa'o/ /gnyis pa ni/ bstan bcos 'di'i brjod pa'i gnas 'chad pa kun gyi lus ni mdor bslus na rtogs pa'i don rnam pa bdun du 'dus la rjod byed bstan bcos kun gyi lus ni mdor bsdus na rtogs pa'i don rdo rje lta bu yi ni gnas bdun po 'di dag tu 'dus par rig par bya ba dgag /yang na gzungs kyi dbang phyug rgyal pos zhus pa'i mdo la sogs pa 'dir gnas bdun lung dang sbyar ba'i lung de dag gi don bsdus na bdun po de dag tu 'dus pa'i don to/ /gnyis pa la gnyis/ rgyas par bshad pa dang/ don bsdu ba'o/ /dang po la gsum/ rdo rje lta bu dang de'i gnas kyi sgra bshad pa'i rgyu mtshan dang/ sgra 'jug pa'i gzhi ngos bzung ba dang/ rtogs par dka' ba lung dang sbyar ba'o/ /dang po la gsum/ bstan pa dang/ bshad pa dang/ don bsdu ba'o/ / @009a @#/ /dang po ni/ 'phags pa rnams kyi so so rang gis rig pa'i ye shes kyis rtogs pa'i don rnam pa bdun ni rdo rje lta bu dang/ de ston par byed pa'i yi ge'i tshogs ni de'i gnas te go bar byed pa dang gsal bar byed pa dang ston par byed pa'i gzhi yin pa'i phyir rdo rje'i gnas so/ /gnyis pa ni/ de la rtogs par bya ba'i don rnam pa bdun ni rdo rje lta bur rig par bya ste sgra rtog gis rtogs tshul yongs su rdzogs pa'i tshul gyis brjod du med pa'i rang bzhin yin pa'i phyir dang/ 'phags pa rnams kyi so so rang gis rig par bya ba'i phyir/ don dam pa'i bden pa rkyang pa ma yin gyi de mngon sum du rtogs pa'i ye shes dang bcas pa'o/ /rdo rje lta bu'i don bdun ga don dam pa'i bden pas khyad par du byas nas mngon sum du rtogs par bya ba yin pas brjod du med pa zhes bya'o/ /so so rang gi rig pa ni 'phags pa'i don dam 'jal ba'i mnyam gzhag 'ba' zhig tu ma zad kyi rjes thob kyi ye shes gzhan yang so so rang gi rig par bya ba'o/ /rang mtshan sgra'i brjod bya ma yin pa dang don dam bden pa sgras brjod du med pa gnyis mi 'dra ste/ sgra'i brjod bya rang mtshan gyi rang bzhin lam zhugs kyang gnyis su snang ba'i tshul gyis de'i rtogs tshul yongs su rdzogs la/ chos nyid sgra rtog gis ji ltar brjod cing yid la byas kyang 'phags pa'i mnyam gzhag gis rtogs pa ltar mi nus pa'i don yin gyi don dam pa'i bden pa sgra dang rnam par rtog pa'i yul du cung zad kyang bya mi @009b nus pa'i don ma yin te/ de ni don dam bden pa shes bya ma yin par 'dod pa gnas lugs kyi don la skur pa 'debs pa tshangs par spyod pa khas blangs pa don med par 'gyur ba'i lugs ngan pa yin pas dor bar bya'o/ /gtan tshigs snga ma bsgrub pa ni/ der thal/ thos pa dang bsam pa las byung ba'i shes pas rtogs tshul yongs su rdzogs pa'i tshul gyis phigs par dka' ba'i phyir/ 'jig rten pa'i sgom byung gis phigs par dka' ba gi nus par dgongs nas dngos su ma spros so/ /shes rab de gsum gyis don dam pa'i bden pa rtogs par byed pa'i tshe gnyis snang dang bcas pa las ma 'angs la rtogs tshul rdzogs pa na chu la chu bzhag pa'i tshul du rtogs pa'o/ /don rnam pa bdun po de brjod pa'i yi ge gang yin pa de dag ni chos can/ rdo rje lta bu'i gnas zhes brjod de/ don de dag thog mar thos pa'i shes rab kyis rtogs pa dang/ don de thob cing mngon du byed pa'i gzhi yin pas don de'i rten du gyur pa'i phyir ro/ /der thal/ don rnam pa bdun po dngos su rtogs pa'i go 'phang de thob pa dang rjes su mthun pa'i lam brjod byar ston par byed pa na'i phyir/ snga ma kha cig gis 'dir don de dag brjod par bshad pa dang/ gong du brjod du med par bshad pa'i 'gal spong du byas nas don dam pa'i bden pa sgras brjod du med kyang de mngon sum du rtogs pa'i lam brjod byed pa la 'chad pa la ni mi 'cham ste/ don dam bden pa dang de mngon sum du rtogs pa'i ye shes gnyis sgas brjod nus mi nus kyi khyad par cung zad kyang mi @010a @#/ /rnyed pa'i phyir ro/ /des na don rnam pa bdun ston pa'i bstan bcos don rnam pa bdun gyi rten du 'gyur ba'i don ston pa yin te/ thog mar don de dag bstan bcos kyi brjod byar byas pa la brten thos bsam gyi shes rab skye de la brten nas 'jig rten las 'das pa'i lam skye zhing lam de dag brjod byar yang byed pa'i don to/ /gsum pa ni/ don rnam pa bdun dang de ston pa'i yi ge dag rim pa bzhin du rdo rje lta bu dang de'i gnas nyid du rtogs par bya ste/ sngar gong du bshad pa'i tshul de ltar thos bsam gyi shes rab kyis rtogs tshul rdzogs pa'i tshul gyis phigs par dka' ba'i don yin pa'i phyir dang/ don de dag brjod byar byas nas gsal bar byed pa'i rten gyi don gyis so/ / gnyis pa la gnyis/ dri ba dang/ lan no/ /dang po ni/ de la don ni gang yin yi ge ni gang yin zhe na/ gnyis pa ni/ sngar bshad pa'i rtogs pa'i don rnam pa bdun ni don zhes brjod de zhes pa nas 'di ni don ces bya'i zhes pa'o/ / ming tshig bsdus pa'i yi ge gang dag gis rtogs pa'i don rnam pa bdun po 'di dag brjod byar ston par byed shes rab kyi yul du gsal bar byed pa'i bstan bcos de ni 'dir yi ge zhes bya'o/ /ming tshig yi ge gsum du phye ba'i ya gyal gyi yi ge 'ba' zhig ma yin gyi don rnam pa bdun ston pa'i bstan bcos la 'dir yi ge zhes bya'o/ /gsum pa la gnyis/ mtshams sbyar ba dang/ lung dang sbyar ba dngos so/ /dang po ni/ rdo rje'i gnas bstan pa zhes so/ /gnyis @010b pa la gnyis/ dkon mchog gsum lung dang sbyar ba dang/ lhag ma bzhi lung dang sbyar ba'o/ /dang po ni/ kun dga' bo don dam pa'i de bzhin gshegs pa rang bzhin gyis grub pas stong pa blo bur gyi dri ma mtha' dag dang bal pa ni mig gi shes pa sogs la bstan du med pa ste de ni mig gis blta bar mi nus so/ /de yang tha snyad pa'i shes pas rtogs par mi nus pa'o/ /kun dga' bo don dam pa'i chos ni sgra rtog gis rtogs tshul rdzogs pa'i tshul gyis brjod du med pa sde de'i phyir/ de ni rna bas mnyan par mi nus mi nus so/ /kun dga' bo don dam pa'i dge 'dun ni 'dus ma byas pa rang bzhin gyis stong pa ste don dam pa ste don dam pa'i bden pa de ni lus kyis dngos su phyag 'tshal ba dang sems kyis mngon sum du rtogs pa'i tshul gyis bstod pa byed pa'i bsnyen bkur bya bar mi nus so/ /zhes rdo rje'i zhes so/ /'jig rten na sangs rgyas blta bar bya ba dang/ chos mnyan par bya ba dang/ dge 'dun bsnyen bkur pa'i zhing du grags shing/ de ltar bden par 'dzin pa'i gcad bya sgro 'dogs kyi dbang du byas nas so sor bshad kyi gsum ga yang don dam par blta bya sogs su ma grub par 'dra'o/ /dkon mchog gsum gyi don dam pa'i gnas lugs bstan pa'i sgo nas kun rdzob pa yang 'phen par byed pa yin te/ mdo las/ 'phags pa'i gang zag thams cad ni 'dus ma byas rab tu phye ba'o/ /zhes gsungs pa ltar 'phags pa'i gang zag rnams 'dus ma byas pa don dam pa'i bden pa mngon sum du @011a @#/ /rtogs pas bzhag ste/ de thabs rgya che chung gis zin pa'i dbang gis theg pa chen po'i dkon mchog gsum dang/ theg pa dman pa'i dag 'dun dang chos dkon mchog kyang de la brten nas nges par bzhag dgos pas so; ;'grel pa 'dir nyan rang la bdag med phra mo rtogs pa yod par bstan pa ni 'chad par 'gyur ro/ /gnyis pa la gnyis/ khams lung dang sbyar ba dang/ byang chub sogs gsum lung dang sbyar ba'o/ /dang po la gsum/ rtag tu de bzhin gshegs pa nyag gcig gi yul du bstan pa dang/ de las gzhan gyi gtan du ba'i yul ma yin pa dang/ don dam pa'i rang bzhin ngos gzung ba'o/ /dang po ni/ shA ri'i bu dri ma dang bcas pa'i de bzhin nyid kyi don 'di ni de bzhin gshegs pa'i yul te bden pa'i spros pa yod na dmigs su rung ba las/ bden pa'i spros pa 'ga' yang ma mthong zhing gnyis snang gi spros pa yang nub pa'i tshul gyis rtag tu mnyam par bzhag pa'o/ /de nyid gsal bar 'chad pa ni/ de bzhin gshegs pa'i spyod yul lo/ /zhes bya ba'o/ /gnyis pa ni/ shA ri'i bu don 'di ni mthar thug theg pa gcig tu bsgrub pas phyis rang gi shes rab kyis rtogs par 'gyur ba'am/ rang gi shes rab kyis mi rtogs kyang/ dad pas rtogs pa'i rim pa la ltos pa'am/ mi rtogs pa'i gang zag gnyis kyi rim pa la ltos nas re shig ces so/ /nyan thos dang rang sangs rgyas thams cad kyis kyang theg pa chen po ba ltar chos kyi bdag med rdzogs @011b par sgom pa'i nus pa dang bral bas na rang gi shes rab kyis sbyor dngos mjug gsum mam/ thos bsam sgom gsum gyi rim pa bzhin du yang dag par shes pa'am/ blta ba'am/ brtag par mi nus na/ byis pa so so'i skye bo dag gis lta ci smos te zhes so/ /kha cig sbyor mthong sgom gsum la rim pa bzhin du sbyor ba mi 'thad de/ so so skye bos blta mi nus na so so skye bos lta ci smos zhes par 'gyur ba'i phyir ro/ /kha cig na re/ thos pa'i shes rab la 'chad pa yang mi 'thad de/ de lung la brten pa'i shes rab yin pas rang gi shes rab ma yin pa'i phyir ro/ /zhes pa ni rang gi shes rab kyi don ma rtogs par gsal lo/ /des na nyan thos dang rang sangs rgyas 'phags pa rnams kyis kyang don dam pa'i bden pa mngon sum du gzigs mod kyi/ dbu ma rtsa ba shes rab nas bstan pa ltar don dam pa'i bden pa la spros pa gcod pa'i rigs pa'i tshogs mtha' yas pa'i sgo nas khong du chud par mi byed cing/ /theg pa chen po'i gang zag dbang po rnon po ltar don dam pa'i bden pa la rang stobs kyi shes rab gong nas gong du rgyas par 'gyur ba'i tshul gyis rtogs mi nus pas rang gi shes rab kyis blta ba sogs mi nus pa'i don to/ 'o na nyan thos dang rang sangs rgyas rnams kyis don dam pa'i bden pa rtogs mi nus sam snyam na/ de bzhin gshegs pa la dad pa'i rjes su 'brang ba'i sgo nas shes rab kyis rtogs pa ni ma gtogs so/ /shA ri'i bu don dam pa ni nyan thos dang rang sangs rgyas 'phags @012a @#/ /pa rnams kyis dang bas rtogs par bya ba yin no/ /chos kyi bdag med rtogs kyang theg pa chen po ba la ltos na dbang po rtul pa'i don yin gyi/ nyan rang gis chos kyi bdag med ma rtogs pa dang/ de bzhin gshegs pa la tshad ma'i skyes bur yid ches pa tsam la rtogs par 'dod pa dbyad mi bzod de don dam pa'i bden pa tshad mas ma rtogs na dad pas rtogs par 'gal la/ tshad mas rtogs na ni/ spyir stong pa nyid la dad pa tsam gyi don du bshad mi dgos so/ /bstan bcos 'di rtsa 'grel du mthar thug theg pa gcig dang/ nyan rang 'phags pa la yang chos kyi bdag med rtogs pa yod par bsgrub par shes par bya'o/ /gsum pa ni/ shA ri'i bu don dam pa dri ma dang bcas pa'i de bzhin nyid ces bya ba 'di ni dri mas cung zad kyang ma dag pa'i gnas skabs na sems can gyi khams kyi tshig bla dwags so/ /shA ri'i bu sems can gyi khams zhes bya ba 'di ni dri ma ci rigs pa spangs shing/ cung zad dang bcas pa'i gnas skabs na de bzhin gshegs pa'i snying po'i tshig bla dwags so/ /shA ri'i bu de bzhin gshegs pa'i snying po zhes bya ba 'di ni dri ma mtha' dag gis dben pa na chos kyi sku'i tshig bla dwags so/ /zhes rdo rje'i zhes so/ /de bzhin nyid gcig bu dri ma dang bcas pa'i gnas skabs na sems can gyi khams dang de bzhin gshegs pa'i snying po zhes bsnyad la/ dri ma mtha' dag gis dben pa na chos kyi sku'o @012b de bzhin nyid chos can/ de bzhin gshegs pa'i snying por thal/ dri ma dang bcas pa'i gnas skabs na de yin pa'i phyir/ 'dod na sangs rgyas kyi chos kyi sku yin par thal/ dri mas dben pa na de yin pa'i phyir/ ces smra ba ni rigs pa mi shes pa'i rnam 'gyur ro/ /tshig bla dwags ni/ sgra rnam grangs pa'i don yin gyi/ don rnam grangs pa ma yin te/ glang po la lag ldan gyi sgra yod kyang/ lag ldan la glang pos ma khyab pa bzhin no/ /don snga ma gnyis phan tshun du khyab kyang phyi ma la snga ma gnyis kyis ma khyab ste/ snga ma gnyis ni rgyu'i gnas skabs dang/ sems can 'ba' zhig gi rgyud la yod par rtsa 'grel kun gyis bstan gyi/ dri ma mtha' dag gis dben pa'i byang chub de bzhin gshegs pa'i snying por ston pa'i tshig cung zad kyang med pa'i phyir ro/ /mdo'i tshig gsum po 'di ni de bzhin gshegs pa'i snying po nyid dri ma mtha' dag gis rnam par dag pa la chos kyi sku'i ming thob par bstan pa ni/ ma dag ma dag dag pa dang/ zhes sogs las shin tu gsal lo/ /sems can gyi rgyud la gdod ma nas yang dag par rdzogs pa'i sangs rgyas yod par 'dod pa ni/ mu stegs dbang phyug pa rtag pa rang byung gi thams cad mkhyen pa khas len pa dang ming mi mthun pa tsam du zad do/ /yang kha cig /snod thams cad gzhal yas khang dang/ bcud thams cad rdo rje 'chang du gdod ma nas rdzogs zin pa ni dam pa'i chos rdzogs pa chen po'o/ /zhes 'dod pa yang dbang phyug @013a @#/ /rang byung gi thams cad mkhyen pa thog ma med pa nas rigs 'dra snga ma las skyes pa'i mi rtag par 'dod pa dang ming mi mthun pa tsam du shes par byas la dpyod ldan rnams kyis don gyi rjes su 'drang bar bya yi/ tshig la 'chel bar mi bya'o/ /gnyis pa ni/ bcom ldan 'das bla na med pa yang dag par rdzogs pa'i byang chub ces bgyi ba 'di ni rang bzhin gyis dag pa la blo bur gyi dri ma mtha' dag kyang zad pa mya ngan las 'das pa'i dbyings kyi tshig bla dwags so; ;glo bur dri bral gyi myang 'das nyan thos dang rang sangs rgyas la yang yod pa ma yin nam zhe na/ bcom ldan 'das dag pa gnyis ldan gyi mya ngan las 'das pa'i dbyings zhes bgyi ba 'di ni de bzhin gshegs pa'i chos kyi sku'i tshig bla dwags so zhes rdo rje'i zhes so/ /yon tan lung dang sbyar ba ni shA ri'i bu de bzhin gshegs pas bstan pa'i chos kyi sku'i yon tan gang yin pa de ni 'di lta ste/ gang-gI klung gi bye ma las 'das pa'i de bzhin gshegs pa'i chos stongs sogs kyi yon tan dag dang nor bu'i 'od dang mdog ltar rigs so sor dbyer med pa dang ngo bos byas pa'i mi 'dra ba'i sgo nas rnam par dbyer med pa'i chos dang ldan pa bral ba dang rnam smin gyi yon tan no/ /de nyid bshad pa ni/ yon tan de dag gcig yod par cig shos kyang ma bral ba'i ye shes kyi yon tan can no zhes rdo rje'i zhes so/ /'phrin las lung dang sbyar ba ni/ 'jam dpal de bzhin gshegs pa ni 'bad rtsol thams cad nye bar zhi bas gzhan don mdzad pa'i @013b las bya ba byed pa gsum gyi ngo bo la 'di'o zhes rtogs par mi mdzad/ khyad par zhib tu phye nas 'di'o zhes rnam par rtog par mi mdzad mod kyi/ de lta na yang de bzhin gshegs pa de'i gdul bya'i dus las mi 'da' bar sems can thams cad la 'jug cing ma tshang ba med pa 'di lta bu'i rang bzhin gyi mdzad pa 'di ni ngo bo la mi rtog khyad par la rnam par mi rtog bzhin du rgyun mi 'chad cing lhun gyis grub par 'jug go zhes rdo rje'i zhes so/ /gnas gsum po 'di dag ni 'og tu rgyas par 'chad do/ /gnyis pa don bsdu ba ni/ sngar gong du bshad pa'i tshul de ltar mdor bsdus nas rdo rje'i gnas bdun po 'di ni sngar drangs pa dang 'og nas 'byung ba'i gsung rab dang/ de dag gi dgongs pa 'grel pa'i bstan bcos 'di'i rgyas bshad mtha' dag gi lus su rigs par bya'o/ /ji ltar mdor bsdus pas lus su 'gyur ba yin zhe na/ bstan pa gsung rab dang de'i dgongs 'grel gyi bstan bcos 'di yin la/ de'i sgo ni bstan bcos rtsom pa la 'jug pa'i rgyu mtshan gyi sgo yin la/ de don rnam pa bdun du bsdus pa'i don gyis na ste der bsdus pa'i rang bzhin gyis na lus so/ /lus rnam par bzhag pa dngos ni/ tshigs bcad gcig po de nyid yin yang lung dang sbyar ba dang go rim nges pa gnyis kyang der bsdus pa la 'gal ba med par sems so/ /gnyis pa la gsum/ rtsa ba dang/ 'grel pa dang/ don bsdu ba'o/ /dang po ni/ ci don tshan bdun du bsdus pa'i bstan bcos 'dir dgar ram/ 'on te gzhan gyi rjes su 'brang ba yin snyam du @014a @#/ /dogs pa la/ rang bzo'i nyes pa spang ba ni/ rdo rje lta bu'i don bdun po 'di dag 'phags pa gzungs kyi dbang phyug rgyal pos zhus pa'i mdor gsungs so/ /ji ltar gsungs na/ sangs rgyas la sogs pa rnams kyi rang rang gi thun mong ma yin pa'i rang bzhin ston pas rang gi mtshan nyid kyis bstan pa dang gang gis sgras rjes su 'brel ba phan tshun ma bral ba dang rnam par ma chad pa'i go rim dang/ de yang sngar rtsa tshig tu bstan pa'i go rim ji lta ba bzhin du bstan to/ /mdo'i tshig gang gis gnas gang bstan zhe na/ gling bzhi'i le'u las ni 'bras bu dkon mchog gsum gyi gnas gsum bstan par rig par bya ste/ ste ni lhag ma 'dren pa'o/ /lhag ma gnas bzhi ni blo ldan byang chub sems dpa'i khams sbyong byed kyi chos drug cu'i dbye ba bstan pa las khams bstan la rgyal ba yang dag par rdzogs pa'i sangs rgyas kyi chos brgyad cu'i dbye ba bstan pa las byang chub la sogs pa lhag ma gsum bstan par rig par bya'o/ /gnyis pa la gnyis/ 'bras bu dkon mchog gsum ji ltar bstan pa dang/ lhag ma bzhi ji ltar bstan pa'o/ /dang po la gnyis/ tshig don tsam bshad pa dang/ lung dang sbyar ba'o/ /dang po ni/ rdo rje'i gnas bdun po 'di dag las rang rang gi thun mong ma yin pa'i rang bzhin rang gi mtshan nyid bstan pa dang/ ma bral ba dang bar ma chad par rjes su 'brel pa ni sngar bstan pa'i go rim ji lta ba 'phags pa gzungs kyi dbang phyug rgyal @014b pos zhus pa'i mdor gleng gzhi'i le'u las gnas dang po gsum bstan par rig par bya la/ de'i 'og tu gnas lhag ma bzhi ni byang chub sems dpa' dang de bzhin gshegs pa'i chos kyi dbye ba bstan pa las so/ /gnyis pa la gnyis/ rang gi ngo bo bsgrub pa'i tshul lung dang sbyar ba dang/ yon tan lung dang sbyar ba'o/ /dang po la gsum/ mdor bstan pa dang/ zhar la rgyu rkyen ngos bzung ba dang/ rgyas par bshad pa'o/ /dang po ni/ mdo de las/ ji skad du/ bcom ldan 'das dmigs pa chos thams cad la dmigs nas rnam pa bden pa'i spros bral du mnyam pa nyid du mngon par te mngon sum du rdzogs par te ma lus par sangs rgyas pa ste sgrib pa mtha' dag zad pa'i tshul gyis thugs su chud pa la brten nas gdul bya rigs can gang dag la chos kyi 'khor lo legs par bskor bde'i phyir slob ma'i tshogs shin tu dul ba mtha' yas pa mnga' ba zhes mdo las gang gsungs pa ste/ rtsa ba'i tshig 'di gsum gyis ni 'bras bu mthar thug pa'i dkon mchog gsum yang bstan la/ de 'grub par byed pa'i nye ba'i rgyu dag pas gsum la go rim ji lta ba bzhin du sa brgyad pa'i gnas sgabs su sangs rgyas dkon mchog tu btags pa dang/ sa dgu pa dang bcu pa la chos dkon mchog dang dge 'dun dkon mchog ste/ dkon mchog gsum rim gyis skye ba 'grub pa rnam par bzhag par rig par bya'o/ /rtsa tshig gsum po 'dis nye rgyu 'ba' zhig bstan par 'chad pa mi rigs te/ dkon @015a @#/ /mchog gsum gyi thun mong ma yin pa'i rang bzhin bstan par bshad pa dang 'gal ba'i phyir/ sangs rgyas dkon mchog rgyu'i gnas skabs 'ba' zhig tu bstan pa mi 'thad pa'i phyir ro/ /gnyis pa ni/ khams la sogs pa'i lhag ma gnas bzhis ni 'bras bu dkon mchog gsum 'byung ba dang rjes su mthun pa'i lhan cig byed rkyen dang nyer len gyi rgyu 'grub pa bstan par rig par bya'o/ /'dir zhar byung tsam du rnam par bzhag pa yin gyi skabs su bab pa 'og tu ston to/ /gsum pa la gnyis/ nye rgyu dag pas gsum la dkon mchog gsum rim gyis 'grub pa'i tshul dang/ dge 'dun dkon mchog khyad par du bshad pa'o/ /dang po ni/ de la rang gi thobs byang chub kyi snying po byang chub kyi shing drung mchog tu gshegs pa de chos thams cad mnyam pa nyid du mngon par rdzogs par sangs rgyas pa zhes bya ste/ gang gi phyir na byang chub sems dpa'i sa brgyad pa la gnas pa na dbang bcu thob pas chos thams cad la dbang sgyur ba thob par gyur pa de'i phyir rang gi thob bya sangs rgyas dkon mchog 'byung ba las brgyad pa'i skabs su rnam par mi rtog pa'i ye shes la sogs pa'i chos thams cad la dbang sgyur ba thob pa rgyu mtshan du bkod pa'o/ /ma 'ongs pa na rang nyid mngon par rdzogs pa sangs rgyas pa de rang gi sras 'phags pa bzhi'i bzhed don sgrub pa'i chos kyi 'khor lo legs par bskor ba zhes bya ba'i chos dkon mchog thob par 'gyur te gang gi phyir na byang chub sems dpa'i sa @015b dgu pa la gnas pa na rang nyid so so yang dag par rig pa bzhi thob pas bla na med pa'i sangs rgyas kyi chos smra ba nyid dang ldan pas sems can thams cad kyi rigs dang mos pa sna tshogs pa'i bsam pa'i tshul legs par shes pa dang sa dgu pa thob na dbang po rno 'bring rtul gsum gyi khyad par mi mnga' bas dad pa la sogs pa'i dbang po mchog gi pha rol tu phyin pa dang/ sems can thams cad kyi nyon mongs pa'i bag chags shes sgrib kyi rigs 'dra snga mas phyi ma mtshams sbyor ba 'joms pa la mkhas par gyur pa thob par 'gyur ba de'i phyir chos kyi 'khor lo legs par bskor ba de rang gis thob pa na slob ma'i tshogs shin tu dul ba mtha' yas pa mnga' ba zhes bya ba mthar thug pa thob par 'gyur te gang gi phyir na rang gis sa bcu pa thob pa de'i tshes bcu pa la de bzhin gshegs pa'i bla na med pa'i chos kyi rgyal tshab tu dbang bskur ba thob ma thag tu sangs rgyas kyi mdzad pa lhun gyis grub cing rgyun mi 'chad pa thob par 'gyur ba de'i phyir mdzad pa lhun gyis grub pa dang rgyun mi 'chad pa'i don 'og nas 'chad par 'gyur ro/ /gnyis pa ni/ slob ma'i tshogs shin tu dul ba mtha' yas pa mnga' ba de yang mdo'i tshig de'i de ma thag tu dge slong gi dge 'dun chen po dang thabs gcig ste zhes bya ba nas/ byang chub sems dpa'i tshogs gzhal du med pa dang thabs gcig go /zhes bya ba'i bar gyi mdo'i gzhung 'dis bstan te shin tu dul ba nyid khyad par du bshad pa ni dge slong gi dge 'dun dang byang chub sems @016a @#/ /dpa'i go rim ji lta bar nyan thos kyi byang chub dang sangs rgyas kyi byang chub bsgrub pa la las rung du gyur cing nus pa mthu can thob pa'i shin tu dul ba'i phyir na de lta bu'i yon tan dang ldan pa dag dang thabs cig tu bzhugs so/ /'dis slob ma'i tshogs dul ba mtha' yas pa mnga' ba bye brag tu bshad la/ mnga' ba zhes gsungs pas mthar thug pa'i 'bras bu yang bstan par rig par bya'o/ /gnyis pa la gnyis/ rgya che ba'i yon tan lung dang sbyar ba dang/ zab pa'i yin tan lung dang sbyar ba'o/ /dang po ni/ de nas nyan thos dang byang chub sems dpa'i yon tan bsngags pa bstan pa'i rjes thogs la sangs rgyas kyi yon tan bstan pa ni/ mdo las de nas bcom ldan 'das byang chub sems dpa'i spyod pa la 'jug pas nges par 'byung ba'i sgrib pa med pa'i sgo zhes bya ba'i chos kyi rnam grangs rab tu ston te/ de'i tshe bcom ldan 'das mngon par rdzogs par sangs rgyas nas lo bcu drug bzhes nas tshangs par spyod pa rgyas par mkhyen cing/ byang chub sems dpa' 'dus pa chen po de yang gzigs shing mkhyen te/ zhes bya ba nas/ 'di snyam du byang chub sems dpa'i spyod pa la 'jug pas nges par 'byung ba sgrib pa med pa'i sgo zhes bya ba'i chos kyi rnam grangs bstan par bya'o snyam du dgongs so/ /de nas de'i tshe bcom ldan 'das de bzhin gshegs pa'i ting nge 'dzin ni sangs rgyas kyi spyod yul gyi rnam par 'phrul ba ji lta ba bzhin du yang dag par ston pa zhes bya ba la snyoms par zhugs so/ / @016b snyoms par zhugs ma thag tu sangs rgyas kyi mthus 'dod pa'i khams dang gzugs kyi khams kyi bar snang la 'khor gyi dkyil 'khor gyi khyams/ sangs rgyas kyi gnas/ de bzhin gshegs pa'i dge ba'i rtsa bas mngon par grub pa/ byang chub sems dpa'i bsam pas yongs su sbyong ba/ phyogs bcu'i 'jig rten gyi khams snang bar byed pa/ sems can tshad med pa'i bsam pa tshims? par byed pa/ lha'i gzhal med khang mtha' dag zil gyis gnon pa zhes bya ba nas/ bai DU rya dkar po'i gzhi can/ 'dzam bu gser gyi rtsig dogs dang/ rin po che sna tshogs kyi rte babs dang sgo khang dang kha khyer dang stegs bu dang khang pa brtsegs pa dang ldan pa/ mu tig gi ngo shal dpyangs shing gdugs dang bdan dang rgyal mtshan bsgreng pa/ lha'i dang gyi lnga ldi dpyangs pa/ de la sogs te bsngags pa dpag tu med cing thug pa med pa can/ stong gsum gyi tshad dang mnyam pa zhig byung ngo/ /de yang tsan-dan sprul gyi snying pos byugs pa/ dus kyi rjes su 'brangs pa'i dri dang ldan pa/ a ka ru dam pa'i snying pos bdugs pa/ klu'i mu tig dang rin po che'i tog gis spras pa/ me tog sil ma bkram pa/ rin po che'i shing drang mkha' rten gyis mdzes par byas te/ 'khor gyi khyams de na phyogs bcu'i 'jig rten gyi khams thams can kyi rgyan gyi bkod pa mdzes pa ji snyed pa thams cad snang ngo/ /der seng-ge'i khri bye ba phrag khrig byung ba dang/ gling bzhi pa'i 'jig rten gyi sa'i steng na 'khor gyi khyams la thug pa'i bar rin po che'i them skas rgyan sna tshogs dang ldan pa @017a @#/ /bzhi stong byung zhing/ de bzhin du gling bzhi pa thams cad du yang byung bar gyur to zhes bya ba'i bar bsdus pa ni/ bsam gyis mi khyab pa'i sangs rgyas kyi ting nge 'dzin khyu mchog la brten nas rin po che bkod pa'i dkyil 'khor gyi khyams rgya chen po grub pa'o/ /de nas bcom ldan 'das kyis dgongs shing mkhyen bzhin du ting nge 'dzin de las bzhengs par gyur te bzhengs ma thag tu 'jig rten gyi khams rnam pa drug tu g.yos shing snang ba chen po yang byung bar gyur te/ /de nas bcom ldan 'das byang chub sems dpas bskor zhing nyan thos kyis mdun du bdar te/ lha dang klul sogs pas mngon par bstod cing zhes bya ba nas/ bya rgong kyi phung po'i ri la mi sdang bar gyur cing/ 'khor gyi khyams su gshegs par gyur pa dang/ 'dod lha rigs drug gi lhas rim pa bzhin du lha'i me tog dang/ spos dang/ na bza' dang/ rin po che'i sprin dang ba rgyan dang/ mu tig gi do shal gyi char mngon par phab nas tshigs su bcad pas bstod de/ zham 'bring du 'brangs pas rin po che'i khyams su byen nas gdan ji ltar bshams pa las bzhugs so/ /gling bzhi pa 'di ji lta bar gling bzhi pa thams cad du yang de bzhin du bzhugs so/ /de nas yang de'i tshe bcom ldan 'das de'i tshe ting nge 'dzin sgrib pa med pa'i rnam par thar pa la sangs rgyas rnam par rol bzhes bya ba la bsnyoms par zhugs so/ /zhugs ma thag tu bcom ldan 'das kyi ba spu'i khung bu thams cad nas/ spu'i khung bu re re nas kyang @017b 'od zer gang-gA'i glung gi bye ma snyed byung ste/ shar la sogs pa phyogs bcur snang bar byas nas/ ngan song gi sdug bsngal rgyun bcad de/ sems can thams cad kyi nyon mongs pa yang rab tu zhi'o/ /phan tshun byams pa'i sems thob bo/ /'od de las byang chub sems dpa' bskul ba'i tshigs su bcad pa mang po byung nas/ zhing thams cad du go bar byas te/ byang chub sems dpa' bskul zhing sems can thams cad la phan btags bdud thams cad spa bkongs nas slar leg ste bcom ldan 'das kyi dbu'i gtsug tor du nub par byur to/ /de nas phyogs bcu nas byang chub sems dpa' bcu re re yang byang chub sems dpa' 'i khor dpag tu med pas bskor te 'ongs nas/ lha rdzas kyi rin po che sna tshogs kyi mchod pa'i char la sogs pa phab ste/ lan khri khrir bskor nas tshigs su bcad pas mngon par bstod de/ so so'i stan la 'khod do/ /zhes bya ba'i bar bsdus pa de bzhin gshegs pa'i 'khor bsdus pa dang/ lha rdzas kyi mchod pa sna tshogs bsgrub pa dang/ bstod pa'i sprin gyis char phab pas/ sangs rgyas dkon mchog gi yon tan rnam par dbye ba rnam par bzhag par rig par bya'o/ /chos dkon mchog gi yon tan ni/ de'i rjes la de nas bcom ldan 'das kyis 'khor 'dus pa chen po de mkhyen nas smin mtshams kyi mdzod spu nas byang chub sems dpa'i stobs nye bar ston pa zhes bya ba'i 'od zer phyung ste/ thams cad dang ldan pa'i 'khor la lan bdun du bskor ba byas nas/ byang chub sems dpa'i tshogs de'i spyi bor mi snang bar gyur to/ /des byang @018a @#/ /chub sems dpa' me tog dpal gyi snying po chos thams cad la dbang bsgyur ba zhes bya ba la reg ma thag tu/ de byang chub sems dpa'i ting nge 'dzin rgyan bkod pa zhes bya ba la snyams par zhugs so/ /zhugs ma thag tu rin po che'i khyams kyi dbus su bcom ldan 'das kyi gdan seng-ge'i khri 'phang du shing ta la bye ba phrag khrig brgya stong tsam du mtho ba/ rin po che thams cad kyis spras pa/ ras bcos bu sna tshogs bting ba/ bla re yid du 'ong ba bres pa zhes bya ba nas/ byang chub sems dpa' me tog dpal gyi snying pos de lta bu'i de bzhin gshegs pa'i gdan seng-ge'i khri bskal par bsngags pa mtha' yas pa zhes bya ba spral te/ ting nge 'dzin las langs nas thal mo sbyar te/ bcom ldan 'das la tshigs su bcad pas mngon par bstod nas/ seng-ge'i khril bzhugs pa'i bar bsdus pa ni/ chos kyi gdan gyi bkod pa rgya chen po dang 'od bkye ba'o/ /de nas bcom ldan 'das sgrib pa med pa'i rnam par thar pa brnyes nas/ byang chub sems dpa'i spyod pa la zhugs pas nges par 'byung ba'i sgrib pa med pa'i rnam par thar pa'i sgo zhes bya ba'i chos kyi rnam grangs zhes bya bas chos kyi rnam grangs kyi ming bsgrags pa sngon du btang nas/ yon tan yongs su bsgrags pa ni 'di lta ste byang chub sems dpa'i lam bkod pa la dmigs pa sangs rgyas kyi chos drab mo thams cad dang/ stobs bcu dang/ mi 'jigs pa bzhi yongs su bsgrub pa ye shes kyi 'byung gnas su gyur pa zhes bya ba nas bcom @018b ldan 'das seng-ge'i khri de la bzhugs so/ /zhes bya ba'i bar gyis chos dkon mchog gi yon tan rnam par dbye ba rnam par bzhag par rig par bya'o/ /dge 'dun dkon mchog gi yon tan ni/ de'i rjes la de nas sangs rgyas kyi mthus byang chub sems dpa' rin chen srog shing zhes bya ba rgyan bkod pa'i ting nge 'dzin la snyoms par zhugs pas thams cad dang ldan pa'i 'khor sangs rgyas kyi rgyan gyis brgyan par byin gyis brlabs pa dang/ zhes bya ba nas/ bcom ldan 'das kyis chos kyi 'khor lo bskor bar gsol ba btab pa'i mthus bdud kyi las dang bal bar lung bstan pa'i bar gyis ni phan tshun byang chub sems dpa'i ting nge 'dzin gyi spyod yul gyi mthu bstan pa dang/ de nas byang chub sems dpa' gzungs kyi dbang phyug rgyal po zhes bya ba 'khor der 'dus shing 'khod pa des bcom ldan 'das la 'di skad ces gsol te/ bcom ldan 'das sangs rgyas kyi spyod yul de bzhin gshegs pas byin gyis brlabs pa dang/ bstan pa ni bsam gyis mi khyab bo/ /zhes bya ba nas/ bcom ldan 'das rigs kyi bu'am rigs kyi bu mo gang dag bsam pa thag pa nas bla na med pa'i byang chub kyi sems bskyed pa dang/ bskyed par 'gyur ba de dag ni/ ring por mi thogs par chos 'di lta bu dang ldan par 'gyur ro/ /zhes bya ba'i bar gyis ni/ byang chub sems dpa' de'i yon tan gyi bsngags pa sna tshogs bstan pas dge 'dun dkon mchog gi yon tan rnam par dbye ba bstan par rig par bya'o/ /gnyis @019a @#/ /pa la sangs rgyas dkon mchog gi yon tan ni/ de'i rjes la yang de nas bcom ldan 'das kyis byang chub sems dpa'i 'dus pa chen po de gzigs te/ e ma 'o/ /byang chub sems dpa' 'di dag ni chos don du gnyer ba de bzhin gshegs pa'i chos kyi mdzod 'dzin pa'o zhes par mkhyen nas/ byang chub sems dpa' gzungs kyi dbang phyug rgyal po la sangs rgyas kyi 'od zer dbang bskur bas bla na med pa'i chos kyi rgyal po'i sras kyi thu bo de la de bzhin gshegs pa'i gsang ba'i gnas thams cad la mi 'jigs pa dang/ thogs pa med pa'i spobs pa mchog nye bar bsgrub ba la brten nas gzungs kyi dbang phyug rgyal phos de bzhin gshegs pa'i yang dag pa'i yon tan don dam pa'i bstod pa bstan pa dang bstod pa ni/ kun tu snang ba kun nas 'od zer can/ /don dam ma lus ston pa kun nas spyan/ /rang byung chos kyi ngo bo nyid la mkhas/ /bsam gyis mi khyab yon tan kun dang ldan/ /skyes bu khyu mchog gis ni 'od zer phung/ /zhal yang rnam par sbyor zhing 'od mdzad pa/ /'dren pa des ni bdag gi lus la yang/ /lan brgya bskor ba byas nas spyi bor zhi/ /mi yi 'dren pa'i 'od kyis reg pas na/ /gang dag bdag gi sngon thob dran pa dang/ blo gros spobs ba snang ba de bzhin gzungs/ /rnam pa stong du khyad par 'phags par gyur/ /gzhan yang sangs rgyas mkhyen pa mtha' yas dang/ /spobs pa bdag gi lus la rab tu zhugs/ /sangs rgyas mthu chen bsnyen par dka' ba la/ / @019b nyam chung bdag gis mnyes par byed mi nus/ /sangs rgyas gzhan yang 'gro kun pa na slad du/ /sangs rgyas la ni zhu ba zhu bar 'tshal/ /rdzogs pa'i byang chub sems dpa'i spyod yul dang/ /'jig rten rnam 'dren dag gi 'byung ba dang/ /snang dang nges 'byung rnam par 'phrul ba dang/ /dbang bskur ye shes so sor zhu bar 'tshal/ /zhes bya ba nas/ ji ltar bcom ldan 'das kyis mkhyen 'jug dang/ /ji ltar yun ring nas ni bslab pa dang/ /chos kyi dbang phyug rgyal por rab bslabs pa; ;'dren pa rnams kyi spyod yul bshad du gsol/ /zhes bya ba la sogs pas sangs rgyas kyi yon tan brjod do/ /chos dkon mchog gi yon tan ni/ de nas byang chub sems dpa' gzungs kyi dbang phyug rgyal pos 'di skad ces gsol to; ;bcom ldan 'das de bzhin gshegs pa'i yul ni bsam gyis mi khyab cing/ zhes sogs kyis theg pa chen po'i chos mchog gi gtam gyi dngos po nye bar bkod pa'i sgo nas chos dkon mchog gi yon tan bstan to/ / dge 'dun dkon mchog gi yon tan ni/ theg pa chen pa'i chos mchog de rtogs par byed pa'i rtogs pa po dge 'dun dkon mchog gis thob bya'i 'bras bu chos kyi dbang phyug dam pa thob pa bstan pas bstan to/ /chos kyi dbang phyug ni/ chos thams cad la dbang thob pa'o/ /de dag kyang mdo las/ de nas bcom ldan 'das ci las kyang byang chub sems dpa' bdud dang phyir rgol ba bcom zhing the tshom dang bral nas/ zhes sogs kyis bstan to/ /de ltar go rim ji lta bar @020a @#/ /dkon mchog gsum po de rnams nyid kyi bla na med pa'i yon tan gyi rnam par dbye ba rnam par bzhag pa gleng gzhi'i le'u yi mtha' nyid du bstan par blta bar bya'o/ /gnyis pa la gnyis/ khams mdo'i tshig gang gis bstan pa dang/ byang chub la sogs pa gsum mdo'i tshig gang gis bstan pa'o/ /dang po la gsum/ yongs sbyong gi chos drug cus khams bstan pa dang/ de bsgrub pa dang/ yongs sbyong gi chos ngos bzung ba'o/ /dang po ni/ dkon mchog gsum gyi yon tan bstan pa de nas gzungs kyi dbang phyug rgyal pos zhus pa'i mdo'i gleng gzhi'i rjes su dri ma dang bcas pa'i de bzhin nyid de yongs su dag par byed pa'i yon tan rnam pa drug cu yang yin la/ khams sbyong byed kyang yin pas yon tan rnam pa drag cu'i yongs su sbyong ba bstan pas sangs rgyas kyi khams kun rdzob pas bsdus pa dang/ dri ma dang bcas pa'i de bzhin nyid gsal bar bstan par mdzad do/ /gnyis pa la gnyis/ de sgrub byed kyi rigs pa dang/ lung dang sbyar ba'o/ /dang po ni/ gal te yon tan rnam pa drug cu bstan mod/ khams bstan par ji ltar 'grub ste yon tan rnam pa drug cu bstan pa yin/ khams yod par sgrub byed ma yin pa la 'gal ba cung zad kyang med do/ /zhe na/ khams sbyong byed drug cu bstan pas sbyang bar bya ba'i khams yod par 'grub ste/ dri ma mtha' dag gis yongs su dag par bya ba'i don sems can gyi rgyud kyi sems dang/ rang bzhin gyis stong ba don @020b dam pa'i bden pa dri ma dang bcas pa'i de nyid dri ma sbyang rung dang sangs rgyas kyi ye shes skye bu gi yon tan dang ldan na sbyang bya de yongs su sbyong bar byed pa'i thabs 'thad la sbyang bya med na sbyong byed mi 'thad pa'i phyir ro/ /sems can gyi rgyud la rang bzhin gyis rnam par dag pa la glo bur gyi dri ma mtha' dag gis dben pa'i dag pa gnyis ldan gdod ma nas yod par khas blangs nas yang sbyong byed kyi rnam gzhag khas len pa ni sems can gyi shes rgyud glo bur gyi dri ma dang bral ba yang yin la ma bral ba yang yin pa'i phan tshun spangs 'gal la brten pa'i dngos 'gal la gzhi mthun khas len pa'i mun sprul gyi tshig go /yang sems can gyi chos nyid kyi ngo bo la dri ma med kyang glo bur gyi dri ma dang bcas pa'o; ;zhes smra ba yang rigs pa mi shes pa'i rnam 'gyur du gsal te/ chags sogs nyon mongs dang bden 'dzin gyi rnam par rtog pas ji ltar zhen pa'i 'dzin stangs dang mthun par sems kyi gnas lugs la ma zhugs pa la byed na de ltar rigs mod kyi/ ngo bo la dri ma med pa'i tha snyad skyon dang bcas pa ste/ sems can gyi sems kyi ngo bo chos can/ yang dag par rdzogs pa'i sangs rgyas su thal/ rang bzhin gyis rnam par dag pa'i sems kyi rang bzhin gang zhig /glo bur gyi dri ma mtha' dag dang bral ba'i phyir/ rtags phyi ma khas blangs/ yang kha cig /don dam pa'i bden pa rtag dngos su khas blangs nas/ de kun rdzob mtha' dag gis stong pa ni gzhan stong zab mo'o/ /zhes smra ba ni/ mun sprul gyi tshig @021a @#/ /'ba' zhig ste/ gzhan stong gi don de don dam pa'i bden pa kun rdzob kyi bden pa yin pas stong pa'i don yin nam/ 'on te kun rdzob yod pas stong pa'i don yin/ phyi ma ltar na/ don dam pa'i bden pa brtan g.yo mtha' dag la khyab par yod par khas blangs pa dang 'gal te/ don dam bden pa shes bya mtha' dag la khyab byed du yod pa dang/ don dam bden pa kun rdzob yod pas stong pa ji ltar mi 'gal ba soms shig /dang po ltar na/ khyod kyis gzhan stong zab mo bstan rung gi gdul bya de/ dbang po yang rab mthar thug pa yin pa nyams te/ don dam pa'i bden pa rtag dngos de kun rdzob kyi bden pa yin snyam du dogs nas de'i dogs pa bcad dgos kyi gdul bya yin pa'i phyir/ don dam pa'i bden pa'i gnas lugs la kun rdzob ma zhugs pa'i don yin no/ /zhe na/ de'i don bum pa dang snam bu la sogs pa'i kun rdzob pa rtag dngos sum grub pa'i don yin nam/ 'o na te de dag bden par ma grub pa'i don nam/ de dag don dam bden pa ma yin pa'i don yin/ dang po ltar na/ nyan thos mdo sde pa sogs kyis kyang gzhan stong zab mo'i don khong du chud par thal/ bum snam sogs mi rtag par tshad mas legs par rtogs pa'i phyir/ 'dod na/ de khong du chud pa'i gdul bya yin na dbu ma pa chen po yin pa nyams so/ /gnyis pa ltar na/ bum snam sogs kun rdzob pa bden par grub pas stong pa kun rdzob rang stong gi don yin gyi/ de la gzhan stang zhes pa'i phyin ci log gzhan smras pas ci zhig bya/ @021b kun rdzob gang du yang bzung du mi rung zhing/ /bum pa bum pas stong ba rang stong gi don du 'dod pa ni/ kun rdzob mtha' dag la skur ba 'debs pa chad pa'i lta ba mthar thug pa yin la/ de la skur ba btab pas don dam pa'i bden pa la yang skur ba 'debs dgos pa yin no/ /gsum pa ltar na/ bum snam sogs kun rdzob pa don dam pa'i bden pa ma yin pa rnal 'byor spyod pa rnams kyis kyang zhal gyis bzhes pas/ de dag kyang gnas lugs kyi don mthar thug pa thugs su chud pa'i dbu ma pa chen por thal bar 'gyur ro/ /don dam pa'i bden pa ni bsgoms pas khong du chud par bya ba yin gyi /rtog ge'i thos bsam gyis brtag dpyad cung zad kyang byar med do/ /zhes smra ba ni/ don dam pa'i bden pa bsgoms pas mngon sum du rtogs par bya ba yin mong gyi/ phyi ma ni 'u? thug pa'i gtam yin te/ de lta na don dam bden pa bstan dogs kyi gdul bya la 'di lta bu'o zhes kyang bstan du mi rung ba'i phyir ro/ /'di dag rmongs pa'i log rtog yin pas dogs pa'i gnas chung med kyi/ tshogs kyi bsags rgyab shin tu chung ba du ma 'di la 'jug par snang bas bar bar du dgag pa bshad par bya'o/ /gnyis pa la gsum/ sa bcu pa'i mdo las gsungs par bstan pa dang/ gzungs kyi dbang phyug rgyal po'i mdo dang sbyar ba dang/ mdo gzhan dang sbyar bar bya'o/ /dang po ni/ /sems can gyi sems dang de'i gnas lugs dri ma dang bcas pa'i de bzhin nyid sngar dri mas ma dag pa gnyen po sgom pa'i stobs kyis dri ma rim gyis sbyong bar byed pa'i don gyis dbang 'di nye bar gzung nas byang chub sems dpa'i sa bcu po dag la yang @022a @#/ /mthong spangs dang sgom spangs rim gyis sbyong ba'i tshul gser sa le sbram gyis yongs su sbyong ba dper brjod pa mdzad pa'o/ /gnyis pa la gsum/ mtshams sbyar ba dang/ dpe bshad pa dang/ don la sbyar ba'o/ /dang po ni/ 'phags pa gzungs kyi dbang phyug rgyal pos zhus pa'i mdo de nyid du de bzhin gshegs pa'i 'phrin las bstan pa'i rjes thogs nyid du rdo dreg sogs kyis ma dag pa'i nor bu bai TU rya dper mdzad do/ / gnyis pa ni/ rigs kyi bu dper na 'di lta ste/ nor bu mkhan mkhas pa nor bu sbyong ba'i tshul legs par shes pa des nor bu rin po che'i rigs nas 'jim rdul sogs kyis yongs su ma dag pa'i nor bu rin po che blangs te/ dang por ma dag par gas pa sal? pa'i ched du lan tshwa'i chu rnon po rgya tshwa'i chus sbangs nas skra las byas pa'i re ba'i yongs su sbyong bas sbyong bar byed do/ /de tsam gyis nor bu sbyong ba'i brtson pa 'dor ba yang ma yin te/ de'i 'og tu zas kyi khu ba rnon po nya khus sbyangs nas bal gyi la ba snam bu srab mo'i yongs su sbyong bas sbyong bar byed do/ /de tsam gyis brtson pa 'dor ba yang ma yin te/ de'i 'og tu sman chen po'i phu ba dngul chus sbangs nas ras srab mo'i yongs su sbyong bas sbyong bar byed do/ /yongs su byang ste dri ma dang bral ba ni bai TU rya'i rigs chen po zhes bya'o/ /gsum pa ni/ rigs kyi bu dpe la yongs su sbyong ba'i rim pa gsum byung ba de bzhin du de bzhin gshegs pa yang @022b dri mas yongs su ma dag pa'i sems can gyi khams mkhyen nas gdul bya bkri ba'i rim pa gsum mdzad de/ thog mar skyes bu chung ngu'i bsam pa cho 'dir ring du mi gnas pa'i 'chi ba mi rtag pa dang ngan 'gro'i nyes dmigs bsams nas 'jig rten phyi ma'i mdo na mtho don gnyer gyi bsam pa legs par ses pa la?/ nyan thos dang rang sangs rgyas dang theg pa chen po'i rigs can gang yin yang dang por sdug bsngal phyi bden pa'i khyad chos skad cig gis skye 'gag byed pa'i mi rtag pa dang las nyon gyis 'dus byas pa'i sdug bsngal ba dang rang rkya thub pa'i gang zag rdzas yong bkag pa'i gang zag gi bdag med pa dang 'khor ba mi gtsang ba'i dong du lhung ba'i mi gtsang ba bzhi po bstan nas 'khor ba la me'i dong du chud pa lta bur yid 'byung ba'i gtam gyis 'khor ba la yid 'ong du mthong nas sred cing dga' ba'i sems can 'khor ba la skyo ba skyed par mdzad de/ 'khor ba'i gnyen po 'phags pa'i chos 'dul ba gang zag dang chos kyi bdag med phra mo khong du chud pa dang ma chud pa kun gyi thun mong du nyams su blang bar bya ba'i lam bslab pa rin po che rnam pa gsum nyams su len pa la 'dzud pa mdzad do/ /'dir bstan pa'i bdag med ni rags pa yin la de khong du chud pa theg pa che chung gi gang zag 'phags pa'i lam du bgrod par byed pa'i rgyud smin byed kyi lam yin gyi/ srid pa'i rtsa ba dngos su gcod pa'i lam gyi dmigs pa gang zag dang chos kyi bdag med phra mo na/ rim pa phyi ma gnyis kyi skabs su ston par 'gyur ro/ /bzhi brgya par @023a @#/ /yang rim pa dang po 'di rgyud smin byed kyi lam du gsungs so/ /bzhi brgya par/ bsod nams min pa dang por bzlog /bar du bdag ni bzlog pa dang/ /gyi nas lta zhig kun ldog pa/ /gang gis shes te mkhas pa yin/ /zhes gsungs pa ni/ dang pos ngan 'gro zlog byed kyi skyes bu chung ngu'i lam bstan la phyi ma gnyis rim pa bzhin du 'dir bstan pa'i snga ma gnyis dang don 'dra'o/ /de tsam gyis de bzhin gshegs pa brtson pa 'dor ba yang ma yin te/ de'i 'og tu rigs can gsum ga la lta ba dang spyod pa dang thob bya'i yul gsum dang/ ngo bo rgyu 'bras gsum rim pa bzhin du rang bzhin gyis grub pas stong pa'i stong pa nyid dang/ mtshan ma med pa dang/ smon pa med pa'i gtam gyis de bzhin gshegs pa'i tshul de'i gnas lugs don dam pa'i bden pa rtogs par mdzad do/ /'dis ni gang zag rang bzhin gyis grub pas stong pa dang/ phung po rang bzhin gyis grub pas stong pa'i bdag med phra mo gnyis bstan to/ 'di ma rtogs par nyan thos dang rang sangs rgyas rnams kyis kyang grol ba dgra bcom pa'i 'bras bu mi thob pa'i phyir ro// /nyan thos dang rang sangs rgyas la bdag med phra mo gnyis rtogs pa yod pa bstan bcos 'dis bstan pa ni da dung 'chad par 'gyur ro/ /dman pa'i dgra bcom pa thob pa tshun chad la bkri ba'i rim pa dang po gnyis ston gyi/ de nas ni rim pa gsum pa yang ston te/ mthar thug theg pa gcig tu bsgrub par 'gyur ba'i phyir ro/ /kha cig nyan rang 'phags pa la gang zag gi bdag med @023b rtogs pa yod pa 'os med kyi lugs su byas nas chos kyi bdag med rtogs pa yod med la rtsod pa skad byed pa ni mtha' mchod pa yin te/ gang zag rang gi mtshan nyid kyis grub pas stong pa ma rtogs par du gang zag gi bdag rdzogs par mi khegs la de rtogs pa'i gang zag des phung po bden med du ma rtogs pa mi srid pa'i phyir te/ de'i ltar na/ dgag gzhi gang zag dang phung po la rdzas yod dang btags yod kyi khyad par phra rags dang/ dgag bya'i chos rang rang gi mtshan nyid kyis grub pa la phra rags kyi khyad par mi 'thad pa'i phyir ro/ /gal te bkri tshul gyi rim pa 'di theg pa chen po pa'i gang zag gi dbang du byas pa yin na/ bdag med gnyis bstan pa'i rjes la bkri tshul gyi rim pa gsum pa mi 'thad de/ thabs yongs su rdzogs par bstan pa'i rjes la gnas lugs zab mo'i don ston pa skabs su bab pa'i phyir dang/ rgyud la skye ba'i rim pa'i dbang du byas na yang phar phyin dang po lnga thob pa'i rjes su shes rab kyi pha rol tu phyin pa 'byung ba'i phyir dang/ rim pa gsum pa'i 'khor gsum yongs su dag pa'i gtam yang/ bdag med phra mo ston pa'i gtam yin pa'i phyir/ des na rim pa gnyis pa dgag bya rags pa bkag pa'i rnam thar sgo gsum gyi dbang du byas pa'o/ /zhe na/ dogs pa de ltar skye ba shin tu rigs mod kyi/ 'di ltar shes par byas te/ slob dpon zhi ba 'tshos? dbu ma rgyan du dbang rnon lam la 'jug pa'i rim pa dang/ dbang rtul lam la 'jug pa'i rim pa gnyis gsungs pa ltar/ 'dir yang theg pa chen po rgyud bla ma'i @024a @#/ /bstan bcos kyi ched du bya ba'i gdul bya'i gtso bo theg pa chen po'i rigs can dbang po rnon po'i lam la 'jug pa'i rim pa dngos su bstan nas cig shos don gyi shugs kyis go bar byed pa'i phyir ro/ / des ci zhig grub pa yin zhe na/ theg pa chen po'i rags can dbang po rnon po ni/ thog mar sems can thams cad kyi don du yang dag par rdzogs pa'i sangs rgyas thob dgos pa dang thob nus pa gnyis tshang mas legs par grub nas de'i rjes su sems can thams cad kyi don du sangs rgyas thob par bya'o snyam du sems bskyed pa'i dam bca' 'jog pa yin gyi/ rgyu mtshan yang dag ma mthong bar dam 'cha' ba dbang po rtul po'i lugs yin pa'i phyir ro/ /de yang snying rje chen po lhag bsam rnam par dag pa dang bcas pa'i bskyed tshul legs par 'ong du chud pa las ni sems can gyi don du sangs rgyas thob dgos par rtogs la/ stong nyid 'khor dang bcas pa rtogs pa las ni sangs rgyas thob nus par rtogs pa yin no/ /don 'di la dpags nas dbang po rnon po thar pa tsam don gnyer gyi blo skye ba la yang stong nyid rtogs pa sngon du song ba dgos pa shes par bya'o/ /dbang po rtul pos ni byang chub kyi mchog tu sems bskyed nas de'i rjes su stong nyid khong du chud par byed pa rim pa gsum pas bstan par shes par bya'o/ /rim pa gsum par stong nyid bstan yang thabs kyi chos khyad par du byas nas ston pa'i yan lag tu shes par bya'o/ /de tsam gyis de bzhin @024b gshegs pa gdul bya khrid pa'i brtson pa 'dor pa yang ma yin te/ be'i 'og tu sems can gzhan rnams ltos med du dor nas thar pa rang nyid 'ba' zhig gis don du gnyer ba'i rang don yid byed kyi bsam pa skye ba'i go skabs bcom pa rdzogs pa'i byang chub las phyir mi ldog pa'i chos kyi 'khor lo'i gtam sogs thabs kyi cha yongs su rdzogs pas zin pa'i las bya byed kyi 'khor gsum rang bzhin gyis grub pas stong pa yongs su dag pa'i gtam gyis khams sna tshogs pa dang rigs sna tshogs pa dang/ nyan thos kyi byang chub dang/ rang sangs rgyas kyi byang chub dang/ theg pa chen po'i byang chub la mos pa'i mos pa sna tshogs pas rang bzhin sna tshogs kyi rgyu can gyi sems can de bzhin gshegs pa'i yul thabs cha yongs su rdzogs pas zin pa'i stong nyid rtogs pa la 'dzud par mdzod do/ /theg pa chen po la zhugs par gyur cing de bzhin gshegs pa'i chos nyid rtogs na ni bla na med pa'i yon gnas zhes brjod do/ /rang bzhin sna tshogs kyi rgyu can zhes pas rigs can gsum ga bstan te/ nyan rang gi rigs can rim pa dang po gnyis kyis rang rang gi byang chub thob pa'i bar du khrid nas/ de nas rim pa gsum pas theg pa chen por 'khrid par byed pa yin no/ /'dir bstan pa'i rim pa dang/ don zab dgongs pa nges 'grel du 'khor lo rim pa gsum du gsungs pa don gcig tu 'dod cing/ de bzhin gshegs pa'i snying po'i mdo dgongs 'grel du gsungs pa'i 'khor lo gsum pa'i mtshan gzhir 'dod pa ni phyogs tsam yang ma rtogs pa'i mu cor du smra ba yin te/ der ni byang chub sems dpa' don dam @025a @#/ /yang dag 'phags kyis mtshan nyid gsum gyis bsdus pa'i chos thams cad bcom ldan 'das kyi kha cig tu rang gi mtshan nyid kyis grub par khyad par med par gsungs la/ mdo gzhan du rang gi mtshan nyid kyis ma grub par khyad par med par gsungs pa de dag las drang ba'i don ni gang/ nges pa'i don ni gang yin zhes zhus pa'i lan du/ kun brtags rang gi mtshan nyid kyis ma grub pa dang/ gzhan dbang dang yongs grub rang gi mtshan nyid kyis grub par so sor phye nas ston pas gsungs pa na don dam yang dag 'phags kyis khong du chud pa'i don zhus pa ni/ snga ma gnyis ka drang ba'i don dang/ legs par rnam par phye nas gsungs pa 'di ni nges pa'i don du bdag gis go'o/ /zhes ston pa la zhus pa yin pas/ 'di ni nges pa'i don zhes pa'i mtshan gzhir de bzhin gshegs pa'i snying po'i mdo la sogs pa 'ong ba'i don med de/ sngar bshad ma thag pa'i ston pas lan bka' stsal ba de nyid la zer ba yin no/ /mdo dgongs 'grel du kun brtags pa den? pas stong pa dang/ gzhan dbang dang yongs grub bden grub tu gsungs pa dang/ de bzhin gshegs pa'i snying po'i mdor chos thams cad bden pas stong pa'i rang bzhin rnam dag dang/ dri ma glo bur par bstan pa'i mdo sde gnyis nges pa'i don du khyad par med par 'dod pa dang/ mdo der mthar thug theg pa gsum du bstan nas snying po'i mdo'i dgongs 'grel 'dir mthar thug theg pa gcig tu sgrub pa'i mdo dang bstan bcos gnyis don gcig tu 'dod pa dang de @025b bzhin gshegs pa'i snying po'i mdo dang dgongs 'grel du/ don dam pa'i bden pa rtag dngos su bstan nas de'i don phyin ci ma log pa bstan bcos 'di rtsa 'grel gyis 'grel par 'dod cing/ 'grel pa 'di chos dkon mchog gis bsdus pa'i mthong sgom gyi lam rnam par mi rtog pa'i ye shes sher phyin gyi mdo las shes par bya bar gsungs pa'i sher phyin gyi mdos kun rdzob rang stong tsam zhig bstan gyi/ don dam gzhan stong ma bstan to/ /zhes smra ba ni sems rnal du mi gnas pa'i gtam mo/ /'dir rim pa gsum bstan pa ni/ mthar thug theg pa gcig tu sgrub pa'i ched du gang zag gcig kyang rim gyis bkri ba'i rim pa ston pa yin la/ dgongs 'grel du 'khor lo rim pa gsum gsungs pa'i gdul bya so so tha dad pa'o/ /der gsungs pa'i 'khor lo gsum pa'i mtshan gzhir shes rab kyi pha rol tu phyin pa'i mdo 'dzin par 'dod pa yang/ mdo dgongs 'grel las ji ltar bstan pa dang/ sher phyin gyi mdos ji ltar bstan pa'i tshul zhib tu ma rtogs par gsung rab kyi dgongs pa las phyi rol tu gyur bar shes par bya'o/ /gsum pa ni yongs su dag pa'i rigs de bzhin gshegs pa'i khams rang bzhin gyis rnam par dag pa sangs rgyas kyi ye shes 'byung rung sems can thams cad la yod pa 'di nyid la dgongs nas mdo sde gzhan las ji ltar rdo'i phye ma la nang na gser sa le sbram ni yod kyang bsgribs nas mi mthong ba sgrib byed yongs su sbyed bas de mthong ba bzhin du sems can gyi 'jig rten la ni de bzhin gshegs pa'i @026a @#/ /chos nyid rang bzhin gyis rnam par dag pa yod kyang bden 'dzin gyi rnam par rtog pas bsgribs nas mngon sum du mi mthong zhing/ bden 'dzin kun brtags kyi sa bon spangs pa'i tshe/ mngon sum du mthong la; dri ma mtha' dag zad pa na dri ma mtha' dag zad pa'i bral ba de nyid la yang dag par rdzogs pa'i sangs rgyas kyi chos kyi sku zhes gi gsungs so/ /yang dag par rdzogs pa'i sangs rgyas kyi chos nyid rang bzhin gyis rnam par dag pa sems can la khyad par med par yod pa la yang dag par rdzogs pa'i sangs rgyas yod pa zhes btags nas gsungs pa yin gyi /dag pa gnyis ldan gyi chos sku sems can gyi rgyud la yod pa'i don du 'chad pa ni mdo 'di'i dpe don sbyar ba la mig btsum par gsal te/ glo bur gyi dri ma mtha' dag spangs pa'i bral ba sems can thams cad kyi rgyud la yod na/ sems can thams cad kyis khams rang bzhin gyis rnam par dag pa mngon sum du mi mthong ba'i 'gal rkyen cung zad kyang med pas dpe don ji ltar 'grig pa soms shig /sems can gyi rgyud la dag pa gnyis ldan gyi chos sku yod kyang sems can rang gi glo bur gyi dri mas bsgribs nas ma mthong ba'o/ /zhe na/ 'o na sems can gyi rgyud la yod pa'i blo bur rnam dag de gang zag su zhig gi dri ma rnam par dag pa'i bral ba yin/ rang rgyud kyi yin pa mi 'thad de/ dri ma cung zad kyang ma spangs pa'i dus 'khor ba thog ma med pa nas bral ba de rang rgyud la yod pa'i phyir ro/ /gang zag gzhan rgyud kyi dri ma rang rgyud la med pa'i don yin no/ / @026b zhe na 'gog bden thob pa gnas lugs kyi don mngon sum du rtogs pa la mi ltos par/ bum pas dben pa'i gzhir du ma ba med pa bzhin du 'dod pa ni bzhad gad kyi gnas so/ /gsum pa ni/ de la sangs rgyas kyi khams yongs su dag par byed pa'i yon tan yongs su sbyong ba rnam pa drug cu po de dag gang zhe na/ 'di lta ste/ byang chub sems dpa'i spyad pa spyod pa na mdzes par byed pa/ tshul khrims dang/ ting nge 'dzin dang/ shes rab kyi bslab pa gsum dang/ gzungs te byang chub sems dpa'i rgyan rnam pa bzhi dang dam pa'i chos kyi snang ba thong cing/ gti mug gi mun pa dang bral bas chos kyi sgo shin tu gsal bar byed pa/ dran pa dang/ blo gros dang/ rtogs pa dang/ chos dang/ shes pa dang/ bden pa dang/ mngon par shes pa dang/ sgrub pa'i snang ba ste byang chub sems dpa'i snang ba rnam pa brgyad dang/ lta ba sna tshogs pa dang/ phyin ci log bzhi dang/ nga dang nga yir 'dzin pa dang/ sgrib pa lnga dang/ skye mched drug gi yul la chags pa dang/ nga rgyal bdun dang/ 'phags pa'i lam las nyams pa dang/ rang dbang med pa dang/ khong khro ba dang sdig pa'i las dang/ 'phags pa'i shes rab med pa dang/ rten 'brel zab mo ma rtogs pa dang/ lta ba'i bag chags ma spangs pa dang/ sdug bsngal gyi khur dang ma bral ba dang/ g.yo dang nga rgyal spyod pa dang/ mtho ris dang thar pa nyams pa'i sems can la dmigs nas sdug bsngal dang bral bar 'dod pa'i rnam pa can gyi byang chub sems dpa'i snying rje chen po rnam pa bcu drug dang/ gti mug gi @027a @#/ /gnyid sad par byed pa dang/ mas pa dman pa rgya chen po la sbyor ba dang/ chos ma yin pa 'dod pa chos 'dod pa la sbyor ba dang/ 'tsho ba ma dag pa de dag ba la 'god pa dang/ lta ba ngan pa yang dag pa'i lta ba la 'god pa dang; tshul bzhin ma yin pa yid la byed pa tshul bzhin yid la byed pa la 'god pa dang/ log pa'i chos la gnas pa yang dag pa'i chos la 'god pa dang/ pha rol tu phyin pa drug gi mi mthun pa'i phyogs dang ldan pa de drug la sbyor ba rnam pa drug dang/ thabs mi mkhas pa thabs mkhas pa la sbyor ba dang nyon mongs pa can nyon mongs pa med pa la sbyor ba dang/ dmigs pa can dmigs pa med pa la sbyor ba dang/ ma dul ba dul ba la sbyor ba dang/ byas pa mi gzo ba byas pa gzo ba la sbyor ba dang/ chu bo bzhir lhung ba de las thar pa la sbyor ba dang/ bka' blo mi bde ba bka' blo bde ba la sbyor ba dang/ zhen pa mda' ba zhen pa med pa la sbyor ba dang/ 'phags pa'i nor med pa nor la sbyor ba dang/ nad pa nad med pa la sbyor ba dang/ shes pa'i snang ba dang bral ba snang ba la sbyor ba dang/ khams gsum mi shes pa shes pa la sbyor ba dang/ g.yon phyogs kyi lam la zhugs pa lam g.yas pa la sbyor ba dang/ lus dang srog la chags pa de la ma chags pa la sbyor ba dang/ dkon mchog dang bral ba dkon mchog gi rigs ni; gcod pa la sbyor ba dang/ chos las nyams pa chos 'dzin pa la sbyor ba dang/ rjes su dran pa drug dang bral ba de drug la sbyor ba dang/ nyen mongs pas sgribs pa nyon mongs pa med pa la sbyor ba dang/ mi dge ba'i chos dang ldan pa dge ba'i chos @027b la sbyor ba'i byang chub sems dpa'i las rnam pa sum cu rtsa gnyis so/ /gnyis pa la gsum gyi dang po byang chub gang gis bstan pa ni/ yongs sbyor gi chos drug cu bstan pa'i sgo nas khams de bstan pa'i rjes thogs su rang bzhin gyis rnam par dag pa la glo bur gyi dri ma mtha' dag spangs pa'i sangs rgyas kyi byang chub gsal bar mdzad do/ /gang gis ni byang chub chen po'i thugs rje rnam pa bcu drug bstan pas so/ /thugs rje rnam pa bcu drug gang zhe na/ rtsa ba med pa dang gnas med pa dang/ zhi ba dang nye bar zhi ba dang/ rang bzhin gyis 'od gsal ba dang/ blang ba dang dor ba med pa dang/ mtshan ma med pa dang/ dmigs pa med pa dang/ dus gsum mnyam pa nyid dang/ lus med pa dang 'dus ma byas pa dang/ dbyer med pa dang gnas med pa dang/ lus dang sems kyi yul ma yin pa dang/ gzung du med pa dang gzhi med pa dang/ stong pa nyid dang/ nam mkha' dang mnyam pa dang/ ji lta ba bzhin gyi gnas dang/ rnam pa la 'jug pas rnam pa med pa la 'jug pa dang/ zag pa med pa dang nye bar len pa med pa dang/ dag pa dang dri ma med pa dang nyon mongs pa med pa ste/ byang chub chen po'i chos rnam pa bcu drug thob nas de ma thob pa dang/ byang chub chen pa'i gnas lugs kyi don ma rtogs pa'i sems can la dmigs nas/ rgyal ba'i thugs rje chen po bcu drug la 'jug pa'o/ /gnyis pa sangs rgyas kyi yon tan gang gis bstan pa ni/ byang chub de bstan pa'i rjes thogs su 'og nas 'chad par 'gyur ba'i stobs bcu dang mi 'jigs pa bzhi dang/ sangs rgyas kyi chos ma 'dres pa @028a @#/ /bco brgyad bstan pa dang/ sangs rgyas kyi yon tan gsal bar mdzad do/ /gsum pa 'phrin las gang gis bstan pa ni/ sangs rgyas kyi yon tan de bstan pa'i rjes la de bzhin gshegs pa'i 'phrin las bla na med pa stobs la sogs pa rang rang gi rjes la stobs bcu'i 'phrin las stobs bcu skye ba dang rjes su mthun par phyin ci ma log par bstan pa rnam pa bcu dang/ mi 'jigs pa bzhi'i 'phrin las bag tsha ba med par bstan pa rnam pa bzhi dang/ ma 'dres pa bco brgyad kyi 'phrin las 'bras bu dang ldan par bstan pa rnam pa bco brgyad bstan pas sangs rgyas kyi 'phrin las rnam pa sum cu rtsa gnyis gsal bar mdzad do/ /gsum pa don bsdu ba ni/ sngar bshad pa de ltar rdo rje'i gnas bdun po 'di dag rang gi mtshan nyid thun mong ma yin pa'i rang bzhin bstan pa'i sgo nas rgyas par ni 'phags pa gzungs kyi dbang phyug rgyal pos zhus pa'i mdo ji lta ba bzhin du rtogs par bya'o/ /gsum pa go rim nges pa la dri ba ni/ rtogs par bya ba'i don rnam pa bdun po 'di dag gi 'grel pa gcig gi rjes su gnyis pa nges pa'i rang bzhin gyi go rim nges pa gang zhe na/ lan ni/ chos thams cad rnam pa thams cad du mngon par rdzogs par sangs rgyas pa las 'phags pa'i gang zag rnams la chos kyi 'khor lo legs par bskor ba 'byung la chos kyi 'khor lo legs par bskor ba las 'phags pa'i tshogs dge 'dun dkon mchog dang/ 'phags pa'i tshogs mtha' yas pa gdul byar mnga' ba 'byung ngo/ /rang @028b nyid mngon par rdzogs par sangs rgyas nas chos kyi 'khor lo legs par bskor brgyud bla ma'i ched du bya ba'i gdul bya'i rgyud kyi theg chen sems bskyed kyi dmigs pa yin la/ de la brten nas 'phags pa'i tshogs mtha' yas pa 'byung ba ni sems bskyed kyi ched du bya ba yin no/ /'phags pa'i tshogs las de bzhin gshegs pa'i snying po 'byung ste/ de'i don ni/ mthar thug pa'i dkon mchog gsum dang/ nye rgyu'i dkon mchog gsum rang rgyud la thob bya dang/ rang nyid sangs rgyas nas chos kyi 'khor lo bskor ba'i 'bras bu 'phags pa'i tshogs don du gnyer byar byas pa na rang rgyud kyi de bzhin gshegs pa'i snying pa'i dri ma sbyong 'dod 'byung la/ de la brten nas dri ma ci rigs pas dag pa'i de bzhin gshegs pa'i snying po 'byung ba'i don yin no/ /de bzhin gshegs pa'i snying po ji srid kyi bar du 'byung zhe na/ dri ma mtha' dag zad pa'i sangs rgyas kyi ye shes khams thob pa'i mthar thob par bya ba de ma thob tshun chad dri ma dang bcas pa'i de bzhin nyid dang/ sems can gyi rgyud kyi sangs rgyas kyi 'phrin las 'jug rung dang/ rigs la de bzhin gshegs pa'i snying po zhes bya'i ye shes thob nas ni de bzhin gshegs pa'i snying po zhes mi bya'o/ /'dis ni shes pa chung ngu gang dag de bzhin gshegs pa'i snying po'i mngos bstan pa'i de bzhin gshegs pa'i snying po zhes pa'i don de 'bras bu mthar thug pa'i gnas skabs na yang yod par 'dod pa zur phyin par bkag par shes bya'o/ /sngar bshad pa'i bshad tshul gnyis pa ltar na/ @029a @#/ /rgyu'i skyabs 'gro'i yul du gyur pa'i dkon mchog gsum 'jig rten du byung ba las rang gi khams sbyong ba 'byung la de spyong pa las byang chub la sogs pa gsum thob par 'gyur par yang go rim ston pa'i tshigs bcad 'di la cung zad 'grig kyang bstan la dbab bya'i gtso bo ni byang chub la sogs pa gsum rkyen du byed pa chos shin tu gsal ba yin no/ /khams kyi dri ma sbyong bar byed pa'i lhan cig byed rgyen bshad pa ni khams kyi dri ma mtha' dag sbyangs pa las dri ma mtha' dag zad pa'i sangs rgyas kyi ye shes de thob pa ni thob bya'i byang chub mchog ces bya'o/ /byang chub de la brten pa'i stobs dang mi 'jigs pa dang/ sangs rgyas kyi chos ma 'dres pa sogs kyi chos rnams dang ldan pa ste yon tan ni byang chub kyi khyad par du bstan to/ /yon tan de mnga' ba la brten nas sems can kun gyi don lhun gyis grub pa dang rgyun mi 'chad pa gnyis kyis byed pa ni 'phrin las te yon tan gyi khyad par phyi chos su bstan to/ / bstan bcos kyi 'grel pa bstan bcos rtsom pa la 'jug pa'i skabs nye bar dgod pa dang bcas pa bshad zin to/ /'di dri ba'i skabs kyi 'grel pa dang don mi gcig ste/ de ni go rim dris pa yin la/ 'di ni tshigs su bcad pa gsum ka'i mjug sdud pa yin no/ /gnyis pa lan lag rgyas par bshad pa la gnyis/ rtogs par bya ba'i don rnam pa bdun gtan la dbab pa dang/ de la mos pa'i phan yon bshad pa'o/ /dang po la gnyis/ 'bras bu dkon mchog gsum @029b bshad pa dang/ de thob byed kyi rgyu rkyen rnam par bzhag pa'o/ /dang po la gsum/ dngos kyi don dang/ skyabs kyi don bshad pa dang/ dkon mchog gi ming don bshad pa'o/ /dang po la gnyis/ spyi'i mtshams sbyar ba dang/ so so'i don bshad pa'o/ / dang po ni/ da ni lus rnam par bzhag pa'i tshigs su bcad pa rnams kyi don yan lag gi sgo nas rgyas par brjod par bya ste de'i nang nas kyang dkon mchog gsum bshad par bya'o/ /sems can gang dag de bzhin gshegs pas cho 'phrul rnam pa gsum gyis 'dun par byas pas rtul ba de dag de bzhin gshegs pa la skyabs su 'gro'o/ /sangs rgyas la skyabs su song ba de'i stobs kyis chos dang dge 'dun la skyabs su 'gro ste/ dkon mchog gzhan gnyis la skyabs su 'gro ba chos nyid kyi ste sangs rgyas kyi chos kyi sku la dang ba'i dad pa'i rgyu mthun pa'i 'bras bu yin pa'i phyir ro/ /gnyis pa la gsum/ sangs rgyas dkon mchog dang/ chos dkon mchog dang/ dge 'dun dkon mchog bshad pa'o/ /dang po la bzhi/ mtshams sbyar ba dang/ bstan pa dang/ bshad pa dang/ bstan bshad sbyar ba'o/ /dang po ni/ rgyu mtshan des na sangs rgyas dkon mchog de skyabs su 'gyur ba'i rim pa la ltos nas dang po nyid yin pas na sangs rgyas dkon mchog gi dbang du byas pa'i tshigs su bcad pa ni/ gnyis pa ni/ rang gi don dang gzhan gyi don gnyis yon tan brgyad du phyi ba'i grangs 'dzin pa yin yang/ de nyid la 'dus ma byas kyi yon tan dang/ 'dus byas pa'i yon tan gnyis su shes par bya la/ dang po la/ rang bzhin rnam @030a @#/ /dag dang/ glo bur rnam dag gi cha gnyis las/ dang po ni/ rim pa bzhin ston par byad do/ /sangs rgyas gang zhig sa gsum ma zla med pa'i gcig pu gang yin pa de la 'dud do/ /yon tan gyi khyad par ji lta bu dang ldan na/ rang bzhin rnam dag ni thog ma dang dbus dang mtha' gsum rang bzhin gyis grub pa med cing spros pa'i mtha' âthams cad dang bral ba'i don dam pa'i bden pa dang/ glo bur rnam dag ni/ gnyen pos glo bur gyi dri ma mtha' dag zhi ba ste/ de la brten nas 'phrin las 'jug pa la rtsol ba nye bar zhi ba thob pa'o/ /'dus byas kyis bsdus pa'i yon tan ji lta ba rtogs pa'i yi shes ni/ sangs rgyas kyi rang rnam par sangs rgyas pa bden pa'i spros pa yod na dmigs su rung ba las bden pa'i spros pa 'ga' yang ma mthong zhing/ don dam bden pa la ltos nas gnyis su snang ba nub pa'i chu la chu bzhag gi tshul du thugs su chud pa'o/ /ji snyed pa mkhyen pa'i yi shes ni/ de ltar nam pa gsum po mngon sum du gzigs pa'i tshul gyis sangs rgyas pa'o/ /sangs rgyas nas ni ci zhig byed ce na/ brtse ba'i thugs rje ni/ shes bya ji lta ba dang ji snyed pa ma rtogs pa'i sems can rnams kyis rtogs par bya ba'i phyir gdul bya rnams la lam ston par mdzad pa'o/ /lam gyi khyad par ni/ 'jig rten las 'das pa'i don gyis na 'jigs pa med pa dang phyir mi ldog pas rtag pa'i lam ston pa'o/ /slar mi ldog pa rtag pa'i don yin gyi /rtag dngos su 'dod pa bab bco lo/ /nus pa'i @030b khyad par ni/ mkhyen pa rtse'i ral gri mchog bsnams pas rten 'brel yan lag bcu gnyis kyi ming gzugs kyis bsdus pa'i sdug bsngal gyi myu gu gcod par mdzad pa dang/ mkhyen brtse'i rdo rje mchog bsnams pas sna tshogs pa'i lta ba'i nags 'thibs pos bskor ba'i nyon mongs can gyi the tshom gyi rtsig pa jig par mdzad pa'i nus pa mnga' ba'o/ /the tshom nyon mongs can ni kun brtags kyis bsdus pa 'ba' zhig yin no/ /gsum pa la gnyis/ dri ba dang/ lan no/ / dang po ni/ tshigs su bcad pa 'dis ci zhig bstan ce na/ /gnyis pa la gnyis/ rtsa ba dang 'grel pa'o/ /dang po ni/ sangs rgyas dkon mchog gi yon tan gnyis su 'dus te/ rang don chos kyi sku dang/ gzhan don gzugs kyi sku'o/ /dang po la gnyis/ dbyings dang/ rig pa'o/ /dang po la rang bzhin gyis rnam par dag pa 'dus ma byas pa don dam pa'i bden pa dang/ glo bur rnam dag 'bad rtsol nye bar zhi ba'i lhun gyis grub pa dang/ rig pa ji lta ba mkhyen pa'i yi shes gzhan gyi rkyen gyis rtogs pa min pa so so rang gis rig par bya ba'o/ /gnyis pa gzhan don gzugs kyi sku la/ ji snyed pa mkhyen pa'i yi shes dang brtse ba dang mkhyen pa rtse gnyis kyi nus par ldan pa don gnyis ldan pa'i sku ni sangs rgyas dkon mchog nyid do/ /gnyis pa ni rtsa tshig 'dis ni mdor bsdus na yon tan brgyad dang ldan pa'i sangs rgyas nyid brjod do/ /yon tan brgyad gang zhe na chos kyi skus bsdus pa 'dus ma byas pa rang bzhin gyis rnam par dag pa nyid dang 'bad rtse la nye bar zhi bas gzhan don @031a @#/ /lhun gyis grub pa dang glo bur rnam dag 'chad pa'i skabs su lhun gyis grub pa 'chad pa'i rgyu mtshan ni/ gzhan don 'bad med lhun grub tu 'jug pa'i 'gal rkyen phra ba ni/ shes sgrib kyis bsdus pa'i rten 'brel yan lag bcu gnyis kyi nang nas zag pa med pa'i las zhes pa/ lus ngag gi las mngon par 'du byed pa'i kun slong gi rtsol ba phra mo de yin la/ de nye bar zhi ba na/ spangs pa mthar thug cing/ gzhan don 'bad med lhun grub tu 'jug pa yin no/ /ji lta ba rtogs pa gzhan gyi sgra'i rkyen gyis mngon par rtogs pa ma yin pa dang/ gzugs kyi skus bsdus pa de gsum rtogs pa ji snyed pa mkhyen pa'i ye shes dang thugs rje chen po dang mkhyen brtse gnyis kyi nus pa dang spyi gnyis pa grangs pa rang gi don phun sum tshogs pa dang/ gzhan gyi don phun sum tshogs pa'o/ /de ni grangs kyi dbye ba tsam bstan pa yin gyi/ rgyas par 'og tu 'chad do/ /bzhi pa la gnyis/ rtsa ba dang; 'grel pa'o/ dang po ni/ sangs rgyas kyi chos kyi sku rang bzhin rnam dag gi cha ni/ skye gnas 'jig gsum gyis bsdus pa'i thog ma dang dbus dang mtha' med pa'i rang bzhin yin pa'i phyir 'dus ma byas pa zhes brjod la/ 'bad rtsol thams cad nye bar zhi ba chos kyi skus rab tu phye ba can yin pa'i phyir/ gzhan don lhun gyis grub ces bya bar brjod do/ /mnyam gzhag so so rang gis rtogs par bya ba'i phyir sgra dang rnam par rtog pa gzhan gyi rkyen gyis rtogs min pa @031b zhes bya'o/ /de ltar rang bzhin rnam dag dang/ glo bur rnam dag dang/ ji lta ba mkhyen pa'i ye shes rnam pa gsum rtogs pa'i phyir ji snyed pa mkhyen pa'i ye shes so/ /don dam pa'i bden pa mkhyen pas ji lta ba mkhyen par mi 'gyur ram zhe na/ sangs rgyas kyi ji snyed pa mkhyen pa'i ye shes des/ ji lta ba yang mkhyen mod kyi/ 'dir ni ji lta ba mkhyen pa 'ba' zhig gi ldog pa nas ma bzhag ste/ shes bya ji lta ba don dam pa'i bden pa sems can thams cad la rjes su zhugs par gzigs pa'i cha nas rnam par bzhag go /sangs rgyas kyi thugs rgyud kyi 'gog bden yang don dam pa'i bden pa yin mod kyi/ de yang shes bya ji snyed pa mkhyen pas khyad par du byas nas bstan pas/ ji snyed pa mkhyen pa zhes bya'o/ / bsam gyis mi khyab pa'i yul de dag ma rtogs pa rnams la de rtogs pa'i lam ston par mdzad pa'i phyir na thugs brtse ba mnga' ba dang nus pa phun sum tshogs pa ye shes dang thugs rje yis gzhan gyi 'bras du sdug bsngal dang nyon mongs spang bar mdzad pa'i phyir ro/ /dang po gsum gyis rang don phun sum tshogs pa bstan te/ phyi ma gsum gyis gzhan don phun sum tshogs pa bstan pa yin no/ /gnyis pa la gnyis/ so sor bshad pa dang/ bsdus te bstan pa'o/ /dang po la gnyis/ dngos kyi don dang/ shes byed lung dang sbyar ba'o/ /dang po la gnyis/ rang don chos sku bshad pa dang/ gzhan don gzugs sku bshad pa'o/ /dang po la bzhi/ rang bzhin rnam dag dang/ glo bur rnam dag dang/ ji lta ba rigs pa dang/ 'bad rtsol med kyang @032a @#/ /'phrin pas 'jug pa mi 'gal ba'o/ /dang po ni/ 'dus ma byas ni 'dus byas las ldog par shes par bya'o/ /de la 'dus byas ni gang la thog mar skye ba yang rab tu shes shing bar du gnas pa dang mthar 'jig par yang rab tu shes pa ni 'dus byas zhes rab tu brjod la/ skye 'jig gnas gsum de med pa'i phyir/ don dam bden pas bsdus pa'i sangs rgyas nyid thog ma dang dbus dang mtha' med pa 'dus ma byas pa chos kyi sku yang dag pa'i mthas rab tu phye bar blta bar bya'o/ /chos kyi skus zhes pa/ rtsa ba'i 'gyur ltar na/ spangs pa'i khyad chos su shes par bya ste/ 'bad rtsol nye bar zhi nas chos kyi sku yang dag pa'i mtha' mngon du byas pas rab tu phye bas gzhan don lhun grub tu 'jug pa'i 'grel ba'i 'gyur ltar na/ 'phags pa'i gang zag thams cad ni 'dus ma byas pas rab tu phye ba'o zhes gsungs pa ltar/ 'phags pa'i gang zag thams cad ni 'dus ma byas mngon sum du rtogs pas go skabs rnyed cing/ sangs rgyas kyang de la rtag tu mnyam par bzhag pa'i sgo nas rab tu phye ba yin pas/ mngon sum du bya rgyu don dam pa'i bden pa bstan pa'o/ /gnyis pa ni/ 'bad rtsol dang gzung 'dzin gyi spros pa dang bden 'dzin gyi rnam par rtog pa bag chags dang bcas pa thams cad nye bar zhi ba'i phyir gzhan don lhun gyis grub pa'o/ /lhun grub gzhan don gyi skus bsdus mod kyi/ de 'byung ba'i rgyu mtshan spangs pa phun tshogs 'dir bshad bya'i gtso bo yin no/ /gsum pa ni/ rang 'byung gi ye shes kyis don dam pa'i bden pa gnyis snang @032b nub pa'i tshul gyis rtogs par bya ba'i phyir sgo dang rnam par rtog pa gzhan gyi rkyen gyis rtogs tshul rdzogs pa'i tshul gyis rtogs par bya ba ma yin pa'o/ /o ta ya ni mngon par rtogs pa dang/ skye ba gnyis la 'jug kyang 'dir mngon par rtogs pa la 'jug par 'dod kyi skye ba la ni 'jug pa ma yin pas/ gzhan gyi rkyen gyis rtogs min pa/ /zhes bya'i/ gzhan gyi rkyen gyis skye min pa/ zhes mi 'don no/ /bzhi pa ni/ chos ston pa'i 'bad rtsol med na 'phrin las mtha' yas pa 'jug pa ji ltar yin zhe na/ de ltar de bzhin nyid la rtag tu mnyam par bzhag pa'i tshul du gshegs pa nyid kyi phyir chos kyi sku 'dus ma byas shing chos ston pa'i kun slong gi 'bad pa cung zad tsam yang 'jug pa med pa'i mtshan nyid las kyang sngon gyi smon lam dang thugs rje mthar phyin pa'i rgyu las lhun gyis grub par sangs rgyas kyi mdzad pa thams cad 'khor ba ji srid kyi mthar thug par sems can thams cad la 'jug cing slar ldog pa med pas thogs pa med cing dus rgyun mi 'chad par rab tu 'jug go /gzugs sku gdul bya'i gzhan snang 'ba' zhig gis bsdus par 'dod pa ni/ lung dang rigs pa'i tshogs du ma dang 'gal zhing/ de lta na/ sangs rgyas rang rgyud kyis bsdus pa'i chos sku yang cung zad tsam yang bzhag tu mi rung bas tshogs gsog pa'i brtson pa byas pa thams cad don med pa nyid du thal bar 'gyur ro/ /gnyis pa la gsum/ ji snyed pa mkhyen pa'i ye shes dang thugs rje dang/ mkhyen brtse gnyis kyi nus pa bshad pa'o/ /dang po ni/ snga ma gsum ye shes kyi yul @033a @#/ /du ston pa na/ dang po gnyis yul du 'chad pa ni/ de ltar ngo mtshar gyi chos shin tu rmad du byung zhing rgya che ba dang zab mo bsam du med pa'i yul sangs rgyas nyid de srid pa tha ma pa'i tshe slob dpon gzhan las ma thos par rang nyid slob dpon med par rang byung gi ye shes ji lta ba mkhyen pa'i ye shes kyis don dam pa'i bden pa sgras brjod du med pa'i rang bzhin du mngon par rdzogs par sangs rgyas te chos gsum po mngon sum du mkhyen pa'i phyir bla na med pa'i ye shes dang ldan pa nyid du/? byed? par bya'o/ /gnyis pa ni/ chos gsum po de sangs rgyas rnams kyi rjes su rtogs pa la rtogs pa dang mi ldan pa dmus long du gyur pa gdul bya gzhan dag kyang rtogs par bya ba'i phyir tu chos gsum po de rjes su rtogs pa'i lam ston par mdzad pa'i phyir thugs rje dang ldan pa nyid du rig par bya'o/ /bstan par bya ba lam gyi khyad par ni/ 'jigs pa med pa'i lam ni sa thob gyur ma thag tu 'jigs pa lnga dang bral/ zhes bshad pa ltar/ sa dang po yan chad 'jig rten las 'das pa'i lam ston pa'i phyir las dang po yan chad 'jig rten las 'das pa yang byang chub kyi sems mi nyams shing/ bden 'dzin kun brtags kyi sa bon zad pas phyir mi ldog pa'i phyir ro/ /sngon mu stegs byed kyi lta ba la goms pa kha cig /bstan bcos 'di rtsa 'grel du/ rtag pa zhes pa'i tshig byung ba'i don thams cad rtag dngos la 'chad pa ni/ rtag pa'i lam ston pa/ zhes pa'i 'grel par ji ltar bshad ltos shig /gsum pa la gsum/ @033b nus ba'i dpe bstan pa dang/ spang bya ngos bzung ba dang/ dpe don chos mthun bshad pa'o/ /dang po ni/ ral gri dang rdo rje'i dpe sa ni go rim ji lta bar de bzhin gshegs pa'i ye shes dang thugs rje 'di gnyis nyid gzhan gyi sdug bsngal dang nyon mongs pa'i rtsa ba 'joms pa'i nus par bstan to/ /'dir kun nas nyon mongs rgyu 'bras tsam 'joms pa'i nus pa dang ldan par bstan pa ni/ re shig nyon sgrib zad par spangs ba tsam don du gnyer ba'i nyan thos kyi rigs can dag kyang rjes su bzung bar bya ba'i ched du yin te/ nyan thos rigs nges pa nyon sgrib zad par spangs pa'i sangs rgyas rang gi rtsa ba'i ston pa dang/ rgyu'i skyabs 'gro'i yul du khas len par byed kyi/ shes sgrib zad par spangs pa'i ston pa'i khyad par re zhig skyabs gnas su don du mi gnyer pa'i phyir ro/ /'bras bu'i skyabs kyi dbang du byas nas spang byed tsam zhig 'joms pa'i nus pa dang ldan par rigs can gsum ga la bstan par bya ba ma yin te/ theg pa chen por rigs nges pa ni/ shes sgrib zad par spangs par rgyud la thob byar don du gnyer ba'i phyir dang/ nyan rang gnas skabs rigs nges pa re zhig sangs rgyas rang rgyud la thob byar don du mi gnyer pa'i phyir ro/ /nyan thos dang rang sangs rgyas kyi rgyu'i skyabs gnas su shes pa'i ched du spangs pa'i yon tan de tsam dang ldan par bstan gyi /theg pa chen po'i rigs can la ltos nas ni/ gong du bstan pa'i spangs pa'i yon tan no/ /mkhyen pa dang brtsebs pa bdag po'i rkyen byas nas chos bstan pas gdul bya'i rgyud kyi sdug kun 'joms nus pa yin gyi/ dngos kyi gnyen por ni @034a @#/ /mi bzung ngo/ /gnyis pa ni/ de la sdug bsngal gyi rtsa ba ni mdor na gang ci yang rung srid pa gsum po rnams su rnam par shes pa'i rkyen gyis ming dang gzugs zhes 'byung bas dang po ming dang gzugs mngon bar grub pa'o/ /gzugs med du nyid mtshams sbyor ba na gzugs kyi sa bon tsam mo/ /bshes spring du/ skye 'di sdug bsngal/ zhes gsungs pa ltar/ yang srid phyi mar nyid mtshams sbyor ba'i skye ba skye mched drug nas rga shi'i bar kun gyi rtsa bar gyur pa de bstan pa yin no/ /nyon mongs pa'i rtsa ba ni gang ci yang rung ba dang nga yi ba rang gi mtshan nyid kyis grub par zhen pa'i 'jig tshogs la mngon par zhen pa sngon du 'gro ba can gyi mthong spangs kyis bsdus pa'i mthar 'dzin gyi lta ba dang/ lta ba mchog 'dzin pa dang/ tshul khrims dang brtul zhugs mchog 'dzin kyi lta ba dang/ log par lta ba dang the tshom mo/ /skyabs gnas la skyabs gnas yang dag yin min gyi the tshom mthong lam thob ma thag zad par sdangs pas rang gi skyabs gnas dang mi phyed cing/ ston pa'i bstan pa las gzhan gyis bkri bar mi nus pas dge 'dun dkon mchog mthong lam thob pa nas 'jog par shes par bya'o/ /bden bzhi dang dkon mchog sogs la dmigs pa'i the tshom nyon mongs can yang mthong spangs yin pas khyab par de la brten nas shes par bya'o/ /'jig lta dang mthar lta la rigs can gsum ga'i lam gyi sgom spangs rkyang yod mod kyi/ 'dir mthong spangs tsam bstan pa ni @034b thar pa la 'jug pa'i gegs kyi gtso bo kun sbyor gsum 'joms pa'i nus pa dang ldan par bstan pas sgom spangs nyon mongs 'joms pa'i nus pa dang ldan par yang shugs kyis go bar shes par bya'o/ /gsum pa ni/ de la rnam par shes pa'i rkyen can ming dang gzugs kyis bsdus pa'i sdug bsngal ni rtan 'brel yan lag bcu gnyis la 'phan byed kyi rgyu 'bras dang 'grub byed kyi rgyu 'bras gnyis kyis 'phangs pa'i 'bras bu dang/ 'di thog mar grub nas skye mched drug nas rga shi'i bar rim gyis mngon par 'grub pa'i mtshan nyid kyis na de dag gi myu gu lta bur shes par bya la/ de gcod par byed pa'i phyir de bzhin gshegs pa'i ye shes dang thugs rje gnyes kyi nus par la gri'i dpes bstan to/ /lta ba dang the tshom gyis bsdus pa mthong bas spang bar bya ba'i nyon mongs pa ni 'jig rten pa'i shes pas de dag gi mtshan nyid mngon sum du rtogs par dka' ba dang 'jig rten pa'i shes pas nus pa gzhon par dka' bas phigs par dka' ba'i phyir na nags 'thibs pes bskor ba'i rtsig pa dang 'dra la sangs rgyas kyi chos bstan pa gdul byas nyams su blangs pa la brten nas gdul bya'i rgyud kyi spang byed 'jig par byed pa'i phyir/ de bzhin gshegs pa'i ye shes dang thugs rje dag gi nus pa rdo rje'i dpe dang chos mthun par rig par bya'o/ /gnyis pa la gnyis/ spyir bstan pa dang/ so sor bshad pa'o/ /dang po ni/ de ltar ji srid bstan pa'i de bzhin gshegs pa'i yon tan rang bzhin dang/ spangs pa dang/ ji lta ba rig pa dang/ ji snyed pa rig pa dang/ brtse ba dang/ nus pa drug po 'di rnams @035a @#/ /go rim 'di nyid kyis rgyas par zhes so/ /gnyis pa la gnyis/ rang don chos sku'i shes byed dang/ gzhan don gzugs sku'i shes byed do/ /dang po la gsum/ rang bzhin rnam dag dang/ glo bur rnam dag dang/ ji lta ba rig pa'i shes byed do/ /dang po ni/ mdo de las ji skad du 'jam dpal gyis/ bcom ldan 'das skye ba dang 'gag pa ma mchis pa zhes bgyi na skye ba dang 'gag pa ma mchis pa zhes bgyi ba de chos gang gi tshig bla dwags lags zhes zhus pa dang/ de'i lan du ston pas 'jam dpal de bzhin gshegs pa'i chos nyid kyi sku don dam pa'i bden pas bsdus pa skye ba med cing 'gag pa med pa zhes bya ba 'di ni/ de bzhin gshegs pa dgra bcom pa yang dag par rdzogs pa'i sangs rgyas kyi tshigs bla dwags so/ /zhes gsungs pa yin te/ 'dis ni de bzhin gshegs pa'i sku du ma'i nang nas re shig de bzhin gshegs pa'i chos nyid kyi sku ni 'dus ma byas pa'i mtshan nyid do zhes bstan pa yin no/ /gnyis pa ni/ gang yang de'i rjes thogs nyid la mdo de las/ bai DU rgya'i sa gzhi de la de ma med pa'i brgya byin gyi gzugs brnyan snang ba de g.yo bar mi byed sems par mi byed pa nas rnam par rig par bya ba ma yin pa'i bar du gsungs pa'i brgya byin gyi gzugs brnyan gyi dpe thog mar byas te ji srid 'phrin las kyi skabs nas ston par 'gyur ba'i dpe dgus 'bad rtsol nye bar zhi bas gzhan don lhun gyis grub pa'i don 'di nyid kyi dbang du @035b byas nas gsungs pa/ 'jam dpal brgya byin gyi gzugs brnyan gyi dpe de bzhin du de bzhin gshegs pa dgra bcom pa yang dag par rdzogs pa'i sangs rgyas kyang sku gsum gyi rtsom pa dang bral ba ni/ 'bad rtsol gyis kun nas bslangs nas sku g.yo bar mi mdzad/ rnam par rtog pa'i thugs kyis yul la sems par mi mdzad/ rtog pas kun nas bslangs nas gsung spro bar mi mdzad/ phyin ci log tu 'dzin pa dang bral ba ni/ yul gyi ngo bo la rtogs par mi mdzad/ khyad par la rnam par rtog par mi mdzad cing/ dus gsum gyi yul la rtog pa 'jug par mi mdzad pa ni/ 'das pa'i ngo bo la rtog pa med pa khyad par la rnam par rtog pa med pa/ da ltar ba la rtog pa mngon du phyogs pa'i tshul gyis sems pa med pa ma 'ongs pa'i yul la 'dun pa'i yid la bye dpa med pa/ sdug kun gyi rgyu 'bras 'chad pa ni/ las dang nyon mongs pa'i gdung ba zhi bas bsil bar gyur ba sdug bsngal thog mar skye ba med pa mthar 'gag pa med pa tha snyed pa'i shes pa gzhan gyis rtogs par bya ba ma yin pa dang/ dbang shes lngas rtogs par bya ba ma yin pa ni rim pa bzhin du bltar med pa nas/ reg tu med pa'i bar ro/ / so so skye bo rang dga' ba'i rtags kyis dpag par bya ba ma yi pa ni/ mtshan ma med pa/ mtshan nyid bden pa ba dang bral ba ni/ shes pa'i ngo bo rang bzhin gyis ma grub pa rnam par rigs pa med pa/ shes bya'i ngo bor rang bzhin gyis ma grub pa rnam par rig par bya ba ma yin pa/ zhes bya ba de la sogs pa ni 'bad rtsol nye bar zhi ba'i tshig gis @036a @#/ /rab tu dbye ba'o/ /'dis ni de bzhin gshegs pa rang gi mdzad pa dag la rnam par rtog pa dang 'bad rtsol gyi spros pa thams cad zhi ba'i phyir de bzhin gshegs pa'i 'phrin las lhun gyis grub pa nyid bstan to/ / gsum pa ni/ de'i 'og tu mdo'i gzhung lhag ma la dpe bstan pas ni ji lta ba rig pa bstan to/ /'gyur 'di ltar na de ltar 'chad dgos kyi/ rtsa tshig 'di la sbyor na/ dpe bstan pa'i lhag ma'i gzhung gis zhes bshad do/ /chos thams cad kyi de bzhin nyid la gzhan gyi rkyen gyis mngon par rtogs pa ma yin pa mnyam gzhag so so rang gis rig pa nyid bstan to/ /de bzhin nyid ji lta bu zhe na/ mngon par rdzogs par byang chub pa'i sgo gang la 'khor ba ji srid ma stongs par du mnyam par bzhag /shes bya thams cad mngon sum du gzigs pa'i gnas su gyur pa'o/ /gnyis pa la gsum/ ji snyed pa mkhyen pa'i ye shes dang/ thugs rje dang/ nus pa'i shes byed do/ /dang po la gnyis/ lung dgod pa dang/ de'i don bshad pa'o/ /dang po ni/ gang yang sngar bshad pa'i de bzhin gshegs pa'i byang chub rnam pa bcu drug bstan nas mthar/ ji skad du/ 'jam dpal de la dmigs pa chos thams cad la dmigs nas rang bzhin gyis stong pa'i rnam pa de lta bu'i rang bzhin du mngon par rdzogs par byang chub nas ji snyed pa mkhyen pa'i ye shes kyis sems can rnams la yang dri mas mas ma dag pa dri ma dang ma bral ba/ skyon dang bcas pa'i chos kyi dbyings de bzhin @036b gshegs pa'i snying po de nyid khyad par med par yod par gzigs nas sems can rnams la dri ma de dag sbyong bar bzhed pa/ rnam par brtson bzhes bya ba'i de bzhin gshegs pa'i thugs rje chen po rab tu 'jug go /zhes gsungs te/ 'di ni thugs rje chen po'i ming yin la dpe kha cig tu rnam par brtse ba zhes kyang 'byung ngo/ /gnyis pa ni/ 'dis ni zhes so/ /de la chos zhes bya ba ni/ go rim ji lta ba bzhin du bstan pa chos thams cad la dmigs nas rang bzhin gyis dngos po med pa'i ngo bo nyid du'o/ /mngon par zhes bya ba ni/ yang dag pa ji lta ba bzhin du rnam par mi rtog pa'i sangs rgyas kyi mnyam gzhag ye shes kyis mkhyen nas so/ /sems can rnams la zhes bya ba ni nges pa rigs can gsum dang/ 'og ma dang gnyis kar du ma nges pa dang gnas skabs rigs chad pa log pa nyid du nges pa'i phung por gnas pa rnams la'o/ /sangs rgyas mi rung ba gtan rigs chad pa mi 'dod pa ni/ 'og tu 'chad par 'gyur ro/ /chos kyi dbyings zhes bya ba ni sangs rgyas rang gi chos nyid kyi rang bzhin dang dri ma dang bcas ma bcas kyi byed par yod kyang/ rang bzhin gyis dag par khyad par med pa de bzhin gshegs pa'i snying po'i gzigs nas zhes bya ba ni sems can thams cad la khyad par med par yod pa'i rnam pa thams cad sangs rgyas kyi spyan ji snyed pa mkhyen pa'i ye shes sgrib pa med pas gzigs nas so/ /zhes bya ba'i don to/ /dri ma dang bcas pa'i de bzhin nyid 'chad pa sems can gang la dri ma gang gis ma dag pa ni/ byis @037a @#/ /pa so so'i skye bo rnams kyi ni bden 'dzin dang 'dod chags la sogs pa'i sa bon cung zad kyang ma spangs shing/ mngon gyur dang bcas pas nyon mongs pa'i sgrib bsam dag pa'o/ /nyan thos dang rang sangs rgyas rnams kyi de bzhin nyid ni nyan rang dgra bcom pas kyang nyon sgrib zad par spangs kyang shes bya'i sgrib pa'i dri ma dang ma bral ba'o/ /byang chub sems dpa' rnams kyi de bzhin nyid de ni sgrib pa de gnyi ga'i gang yang rung ba'i lhag mas skyon dang bcas pa'o; ;sa brgyad pa man chad du sgrib pa gnyis ka'i skyon dang bcas la/ de yan chad du nyon sgrib zad par spangs kyang shes sgrib dang bcas pa'o/ /rnam par brtson pa ni gdul bya'i rgyud kyi sgrib pa sbyong ba'i thabs kyi sgo sna tshogs pa bsgrub pa la zhugs pa'i phyir ro/ /sems can rnams la rab tu 'jug pa ni/ mnyam pa nyid du sems can thams cad kyi dri ma mtha' dag sbyong bar mdzad pa dang/ sems can thams cad kyis rang gi go 'phang brnyes pa'i rgyu mtshan du mngon par rdzogs par byang chub pas na/ sangs rgyas rang gi chos nyid rtogs pa thob par dgongs pa'i phyir ro/ /gnyis pa thugs rje ni/ rtsa 'grel de dag gis spel mar bshad la/ so sor phye na sems can rnams la zhes pa rtsa 'grel gyis thugs rje bstan to/ /gsum pa ni/ de'i 'og tu bla na med pa'i ye shes dang thugs rje rab tu zhugs pa las mtshungs pa med pa'i chos kyi 'khor lo gdul bya'i rgyud la rab tu 'jug pa mngon par sgrub pa'i sbyor ba mdzad pa bcu gnyis kyi sgo nas @037b 'jig rten 'dir rgyun mi 'chad pa gang yin pa 'di ni de gnyis kyis gzhan gyi don byed pa'i nus par rig par bya'o/ /thugs rje chen po med na myang 'das thob pa'i de ma thag tu zhi ba'i dbyings su snyoms par zhugs nas chos kyi 'khor lo bskor bar mi mdzad pa'i phyir ro/ /gnyis pa la gnyis/ don drug la don gnyis kyi skur dbye ba dang/ phyi ma gsum la dbye ba'o/ /dang po ni/ de la zhes so/ /gnyis pa ni/ yang na ye shes kyis ni spangs rtogs slar ldog pa med pa'i mchog tu rtag pa dang 'bad rtsol nye bar zhi ba'i gnas gzhan don gyi ldog pa nas ma bstan par thog mar rang nyid mngon par rdzogs par byang chub pa'i gnas kyi yon tan gyis bstan pas na rang gi don phun sum tshogs pa bstan la/ thugs rje dang nus pa dag gis ni gdul bya rig can gsum gyi rgyud la bla na med pa'i chos kyi 'khor lo chen po rab tu 'jug pa'i yon tan gyis bstan pas na gzhan gyi don phun sum tshogs pa bstan to/ /don gnyis so sor phye nas/ gdul bya la dngos su mi snang ba'i sangs rgyas kyi ye shes rnams ni rang gi don dang gdul bya la dngos su snang ba'i gzugs sku rnam pa gnyis gzhan don du bzhag pa ni/ gdul bya la dngos su snang nas gzhan don sgrub mi sgrub kyis phye ba yin la/ thugs rje dang nus pa gzhan don du bzhag pa ni/ gzugs kyi sku gdul bya la dngos su snang nas chos ston pa de gnyis kyi lag rjes yin pa'i dbang du byas nas rnam par bzhag pa'o/ /ji snyed pa mkhyen pa'i ye shes gzhan don du bsdus pa ni thugs rje 'jug @038a @#/ /pa'i rgyu'i dbang du byas pa ste/ dri mas ma dag pa'i de bzhin nyid sems can thams cad la khyad par med par gzigs pa'i ldog pas rnam par bzhag la/ ji lta bas mkhyen pa ni/ gnyis snang nub pa'i ldog pas rnam par bzhag gi /ji snyed pa gzigs pa'i cha nas rnam par ma bzhag pas so/ /gnyis pa chos dkon mchog la gnyis/ mtshams sbyar ba dang/ don bshad pa'o/ /dang po ni/ sangs rgyas dkon mchog ces te/ thob bya mthar thug pa'i dbang du byas na/ sangs rgyas dkon mchog brnyes pa de las 'gog lam mthar thug pa'i chos dkon mchog 'byung ba'i don yin gyi/ dus kyi rim pa ston pa ma yin te/ kha gdangs nas nyal zhes pa bzhin no/ /gnas skabs kyi dbang du byas na/ sangs rgyas nas chos kyi 'khor lo bskor bas gdul bya'i rgyud la 'gog lam 'byung ste/ 'dir ni gnyis ka ston par shes par bya'o/ /gnyis pa la gsum/ bstan pa dang/ bshad pa dang/ bstan bshad sbyar ba'o/ /dang po ni/ gang zhig 'phags pa dam pa rnams kyis bsten par bya bas na dam pa'i chos kyi nyi ma de la 'dud do/ /nyi ma lam bden 'ba' zhig gi khyad par du bshad kyang nyes pa med do/ /yon tan gyi khyad par ji lta bu dang ldan zhe na/ 'gog pa dang lam gyi bden pa gnyis kyis bsdus pa ste/ 'gog pa'i bden pa la rang bzhin rnam dag gi cha bshad pa dang/ glo bur rnam dag bshad pa'o/ /dang po la gnyis snang dang bcas pa'i shes pas rang gis rtogs @038b bya ma yin pa dang/ gzhan gyis rtogs bya ma yin pa dang/ gnyis snang nub pa'i tshul gyis rtogs par bya'o/ /dang po ni/ chos gang yang med pa dang yod pa dang yod med gnyi ga dang de las gzhan du'ang yod med gnyis ka ma yin pa rang bzhin gyis grub par rtag par mi nus pas spros pa'i mtha' bzhi dang bral ba'o/ /'grel pa'i 'gyur ltar bshad par bya ba yin pas de ltar bshad kyi/ rtsa tshig tu dgag sgra dang po gsum dngos su sbyar nas bsgyur ba ni 'grel ba'i 'gyur las mi bde'o/ /rtsa ba'i 'gyur ltar bshad na/ med pa rang bzhin gyis grub pa min pa dang/ yod pa rang bzhin gyis grub pa min pa dang/ yod med gnyis ka rang bzhin gyis bsgrub pa ma yin pa zhes bshad kyi/ don dam par yod pa yang ma yin/ don dam par med pa yang ma yin/ zhes sogs spros pa'i mtha' bzhi dang bral bar 'chad pa ni phan tshun spangs 'gal la brten pa'i dngos 'gal gyi gnod pa las legs par brgal nas mu cor smra ba yin no/ / kho bo cag rang lugs la chos bden par grub pa dang/ bden pas stong pa gnyis la/ khas mi len pas skyon med do/ /zhe na/ 'o na gnyis ka khas len pa ji ltar dgag /chos bden stongs yongs su bcad na bden grub rnam bcad la khegs pas gnyis ka'i gzhi mthun khas len pa 'gal lo zhe na/ chos bden grub rnam bcad la khegs pas bden stong yongs su gcod dgos pa'i phyir/ dngos 'gal gyi ya gyal gang yang khas mi len pa yang shin tu 'gal lo/ / @039a @#/ /kho bo cag la khas len cung zad tsam yang med pas de dag gis mi gnod do/ /zhe na/ tshul khrims kyang khas mi len pas rgud pa 'ba' zhig tu 'gyur gyi /mngon par mthong ba ni ma yin no/ /bstan bcos 'di'i don rnam par rig pa tsam gyi tshul bsnyan par mdzad pa ni rtsa 'grel gnyis ka dang mi 'grig ste 'chad par 'gyur ro/ /gnyis pa ni/ brjod byed kyi sgra dang/ yul mi so so'i skad dang/ 'di'i don gyis na 'di zhes pa'i nges tshig la brten nas rtogs tshul rdzogs pa'i tshul gyis rtogs pa dang bral bas gzhan la brten nas rtogs bya ma yin pa'o/ /gsum pa ni/ 'phags pa rnams kyi mnyam gzhag so so rang gis gnyis snang nub pa'i tshul gyis rig par bya'o/ / de dag gis ngo bo dang yul can gyi sgo nas 'gog bden gyi rang bzhin rnam dag gi cha bstan to/ /gnyis pa la gnyis/ rtsa ba med pa dang/ gzhi med pa'o/ /sdug bsngal gyi rtsa ba las dang/ 'dod chags la sogs pa'i nyon mongs pa dang; sdug bsngal gyi gzhi bden par zhen pa tshul bzhin ma yin pa'i yid la byad pa kun brtags dang ldan skyes kyi sa bon ci rigs pa gnyen pos bcom pa'i sgo nas zhi ba glo bur rnam dag gi 'gog pa'o/ /gnyis pa lam bden la dag pa dang/ gsal ba dang/ gnyen po'o/ /dang po ni/ bdag med mngon sum du rtogs pa'i shes rab nyid sgrib pa'i sa bon ci rigs pa'i dri ma med pa'o/ /gnyis pa ni/ de kho na nyid mngon sum du rtogs pa'i ye shes kyi 'od zer gyi @039b snang ba dang ldan pa'o/ /mnyam gzhag rnam par mi rtog pa'i ye shes kyis zin pa'i rjes thob kyi ye shes kyang lam bden du shes par bya'o/ /gsum pa ni/ gzugs la sogs pa'i yul gyi dmigs pa kun la sdug par sgro btags nas rang gi ngo bo'i sgo nas yid 'ong du mthong ba'i chags pa dang mi sdug par sgro btags nas rgyab kyis phyogs pa'i rnam pa can gyi sdang ba dang rmongs pa'i rab rib rnam par 'joms par mdzad pa'i dam chos nyi ma de la 'dud do/ /'dis dngos su theg pa ba chen po'i 'gog lam bstan la/ ming mthun pa tsam gyis rang sangs rgyas kyis rang rgyud la dan du gnyer bya'i chos dkon mchog kyang 'dar sgra'i brjod bya ma yin yang 'di dag la brten nas go bar bya'o/ /gnyis pa la gnyis/ dri ba dang/ lan no/ /dang po ni/ tshigs bcad 'dis ci bstan ce na/ gnyis pa la gnyis/ rtsa ba dang/ 'grel pa'o/ /dang po ni/ 'gog pa'i bden pa de nyid mtha' bzhi po gang du yang bsam pa med pa dang/ rtsa ba las dang nyon mongs pa gnyis ci rigs pa med pa dang/ gzhi bden 'dzin gyi rteg pa med pa dang/ dag pa dang gsal ba dang/ gnyen po'i phyogs nyid kyis gang zhig chags pa dang bral ba'i ngo bo 'gog pa'i bden pa dang/ gang gis chags pa dang bral bar byed pa'i lam gyi bden pa ste/ bden bzhi la kun nas nyon mongs dang rnam byang gi bden pa gnyis las rnam byang gi bden pa ni bden pa gnyis kyi mtshan nyid can de chos dkon mchog go /gnyis pa ni/ 'dis ni mdor bsdus na sdi gnyis bgrangs @040a @#/ /pas yon tan brgyad ces so/ /dag pa ni lam gyi ngo bo sgrib pa dang ma 'dres pa'o/ /mngon par gsal bar byed pa ji lta ba dang ji snyed pa rig pa'o/ /gnyen po'i phyogs nyid ni nus pa'o/ /snga ma gsum ni go bar zad do/ / gnyis pa la gnyis/ spyir bshad pa dang/ so sor bshad pa'o/ /dang po la gnyis/ rtsa ba dang/ 'grel pa'o/ /dang po ni/ bya ba byed pa'i ngo bo nyid kyi chags bral nyid ni 'gog pa dang lam gyi bden pa dag gis bsdus la sngar gsum tshan gnyis bshad pa'i go rim ji lta ba bzhin du de dag kyang yon tan gsum dang/ gsum gyis rig par bya'o/ /gnyis pa ni/ sngar bshad pa'i go rim ji lta ba bzhin du yon tan drug po de rnams nyid las mtha' bzhir bsam du med pa dang las nyon gnyis su med pa dang bden 'dzin gyi rnam par rtog pa med pa ste/ yon tan dang po gsum gyis ni 'gog pa'i bden pa bstan pa'i phyir 'dod chags dang bral ba gang yin pa bya ba'i ngo bor gyur pa bsdus par rig par bya la dri mas dag pa dang de kho na mngon par gsal ba dang mi mthun phyogs kyi gnyen po'i phyogs nyid de yon tan lhag ma gsum gyis ni lam gyi bden pa bstan pa'i phyir gnyen po gang gis 'dod chags dang bral bar byed pa'i rgyu bsdus pa'o/ / gang zhes pa nas/ 'dod chags dang bral ba ni chos dkon mchog yin no zhes bstan to/ /gnyis pa la gnyis/ rtsa ba dang/ 'grel pa'o/ /dang po ni/ mtha' bzhir rtag par bya ba min pa'i phyir dang/ sgra rtog gi rtogs tshul rdzogs @040b par brjod bya min pa'i phyir dang/ 'phags pas mnyam gzhag so so rang gis mkhyen pa'i phyir bsam med nyid ces bya'o/ /las ton gnyis zhi ba nyid kyis gnyis su med pa dang bden 'dzin gyi rtog pa med pa dang dag pa dang gsal ba dang gnyen po sogs gsum ni nyi ma bzhin no/ /gnyis pa la gnyis/ 'gog pa'i bden pa bshad pa dang/ lam gyi bden pa bshad bya'o/ /dang po la gnyis/ rang bzhin rnam dag gi cha bshad pa dang/ glo bur rnam dag bshad pa'o/ / dang po la gnyis/ spyir bstan pa dang/ so sor bshad pa'o/ /dang po ni/ mdor bsdus na 'gog pa'i bden pa ni rgyu mtshan gsum gyis bsam du med pa nyid du rig par bya'o/ /dang po la gsum gyi dang po rang gis sgra rtog gis mngon sum du mi rtogs pa ni/ gsum po gang dag gi zhe na/ dngos por med pa sogs rnam pa bzhi ga ltar na yang rang bzhin gyis grub par rtogs mi nus pas rtog ge'i yul ma yin pa'i phyir dang/ gnyis pa gzhan gyi sgra rtog gi rkyen la brtan nas rtogs bya ma yin pa ni/ brjod byed kyi sgra dang/ yul mi so so'i skad dang/ yid kyi brjod pa dang/ ngag gi yul dang/ sdug bsngal 'gags pas na 'gog bden zhes nges tshig dang ngag gi brda dang ming gi tha snyad rtogs pas mngon par brjod pa dag gis rtogs tshul du brjod du med pa'i phyir dang/ gsum pa gnyis snang nub pa'i tshul gyis rtogs par bya ba ni/ 'phags pa rnams kyis so so rang gis rig par bya ba'i phyir ro/ /gnyis pa la gnyis/ @041a @#/ /gyi dri ma ngos bzung ba dang/ 'gog bden gyi rang bzhin rgyas par bshad pa'o/ /dang po la gnyis/ dri ba dang lan no/ /dang po ni/ de la 'gog pa'i bden pa zhes pa nas zhe na zhes so/ /gnyis pa la gnyis lung dang sbyar ba dang/ lung gi don bshad pa'o/ /dang po ni/ bcom ldan 'das kyis ji skad du gsungs pa bzhin te/ shA ri'i bu glo bur gyi dri ma mtha' dag zad pa'i 'gog pa zhes bya ba 'di ni chos kyi sku ste/ gnyis su med pa'i chos can rnam par mi rtog pa'i chos so zhe'o/ /gnyis pa ni de la gnyis ni las dang 'dod chags la sogs pa'i nyon mongs pa nyid la bcod la/ rnam par rtog pa ni las dang nyon mongs pa kun 'byung ba'i rgyu tshul bzhin ma yin pa yid la byed pa gang zag dang phung po bden par zhen pa la brjod do/ /gnyis pa la gnyis/ ngo bo ngos bzung ba dang/ lung dang sbyar ba'o/ /dang po la gnyis/ rang bzhin gyis stong pa rang bzhin gyis 'gog pa dang glo bur dri mas dben pa glo bur dri bral gyi 'gog bden du bstan pa dang/ dngos po'i zhig pa 'gog bden yin pa dgag pa'o/ /dang po ni/ las nyon dang rnam rtog de rang bzhin gyis 'gags par te/ rang bzhin gyis zad pa dang rang bzhin gyis stong par 'phags pa'i mnyam gzhag gis so sor rig pa'i phyir/ de la brten nas rnam par rtog pa dang las nyon gnyis kun tu spyod pa med pa'i tshul gyis sdug bsngal gtan 'byung ba med pa sa bon spangs pa'i bral ba gang yin pa 'di ni 'gog pa'i bden pa @041b zhes bya'o/ /nyon mongs dang rnam rtog rang bzhin gyis stong pa ni rang bzhin gyi 'gog pa don dam pa'i bden pa yin la glo bur dri bral gyi 'gog pa thob pa ni/ de mngon sum gyis rtogs pa la ltos pa yin no/ /gnyis pa ni/ sngar skyes pa'i sdug kun gyi chos 'ga' zhig zhig pa'i phyir de'i zhig pa ni bcom ldan 'das kyis sdug bsngal 'gog pa'i bden par ma bstan te/ de mi gsung pa'i rgyu mtshan ni/ 'dus byas skyes nas zhig par 'gyur ba rten 'brel gyi chos nyid yin pas lam bsgom pa la mi ltos pa'i phyir/ sems can thams cad 'bad pa med par grol bar thal bar 'gyur ro/ /blo gros dang ldan pa rnams kyis 'gog bden dang dngos po'i zhig pa gnyis kyi khyad par legs par phyed par bya'o/ /gnyis pa la gnyis/ don snga ma lung dang sbyar nas 'khor ba ldog pa'i rim pa ngos bzung ba dang/ don phyi ma lung dang sbyar nas dri ma dang bcas pa'i de bzhin nyid de bzhin gshegs pa'i snying por bstan pa'o/ /dang po ni/ 'phags pa dpal 'phreng gi mdo las/ ji skad du/ 'jam dpal skye ba med cing 'gag pa med pa don dam pa'i bden pa la ni gnyis snang dang bcas pa'i sems dang yid dang rnam par shes pa mi 'jug go /dge mi dge'i bag chags du ma bsags pas na sems dang/ rten du gyur pas yid dang/ brten par gyur pas rnam par shes pa'o/ /yang na rnam grangs su bshad de/ tshogs drug las ngo bo tha dad pa'i kun gzhi zhal gyis bzhes pa dag don gzhan du 'chad kyang/ 'dir ni de'i rnam gzhag cung zad @042a @#/ /kyang mi mdzad de/ 'chad par 'gyur ro/ /gang la sems dang yid dang rnam par shes pa mi 'jug pa de la ni/ bden par zhen pa'i kun tu rtog pa gang gis tshul bzhin ma yin pa yid la byed par 'gyur ba'i kun tu rtog pa 'jug pa'i gnas 'ga' yang med do/ /gnas lugs gzigs pa'i ngor bden 'dzin lta zhog gnyis snang 'jug pa'i go skabs kyang med pa'o/ /rang bzhin gyis stong pa mngon sum du rtogs pa'i tshul bzhin yid la byed pa la rab tu sbyor ba de ni bden par 'dzin pa'i nyon mongs can gyi ma rig pa kun nas slong bar mi byed do/ /ma rig pa kun nas ldang ba med pa gang yin pa de ni/ rga shi'i bar gyi srid pa'i yan lag bcu gnyis kun nas ldang bar mi byed do/ /de ni yang srid phyi mar nyid mtshams sbyor ba'i tshul gyis mi skye zhing zhes bya ba la sogs pa rgyas par gsungs pa yin no/ /gnyis pa ni/ ji skad du/ bcom ldan 'das chos 'jig pa ni sdug bsngal 'gog pa ma lags so/ /de'i rgyu mtshan ni sngar gong du bshad pa ltar ro/ /bcom ldan 'das glo bur gyis dri mtha' dag zad pa'i sdug bsngal 'gog pa zhes bgyi ba ni de bzhin gshegs pa'i chos kyi skur bstan pa ste/ chos kyi sku'i khyad par ni; dang po nas rang bzhin gyis grub ma myong bas thog ma med pa'i dus can rgyen gzhan gyis ma byas pa rang nyid ma skyes pa gnyis ka la brten nas ma byung ba gzhan gyis zad pa med pa rang nyid zad pa dang bral ba skye ba med @042b pas rtag pa rga ba med pas brtan pa na ba med pas zhi ba/ 'chi ba med pas mi 'jigs pa rang bzhin gyis yongs su dag pa gnyen po bsgom pa mthar phyin pas nyon mongs pa'i sbubs thams cad las grol ba/ sangs rgyas thams cad kyi yon tan mi 'dra ba'i rnam par dbyer med pa bsam gyis mi khyab pa'i sangs rgyas kyi chos gang-gA'i klung gi bye ma las 'das pa dang ldan pa'i yon tan gnyen pos thob pa'o/ /bcom ldan 'das de bzhin gshegs pa'i chos kyi sku rang bzhin gyis stong pa 'di nyid nyon mongs pa'i sbubs las ma grol ba ni/ dri ma dang bcas pa'i de bzhin nyid de bzhin gshegs pa'i snying po zhes bgyi'o/ /zhes gsungs pa bzhin te thams cad ces so/ /rang bzhin gyis stong pa'i de bzhin nyid dri mas dag pa chos kyi sku dang/ dri ma dang bcas pa de bzhin gshegs pa'i snying por ston pa yin gyi/ de bzhin nyid dri mas dag pa de bzhin gshegs pa'i snying por ston pa mdo 'di dag gis don ma yin no/ /de bzhin nyid de nyid dri ma dang bcas pa sems can kho na'i rgyud la yod pa dang/ de bzhin nyid dri ma mtha' dag gis dag pa sangs rgyas kho na'i thugs rgyud la yod pa la de bzhin nyid dri ma dang bcas bral gnyis ka yin pa dang/ sems can la yod pa de sangs rgyas la yod pa dang/ sangs rgyas la yod pa de sems can la yod par 'dod pa ni/ rang nyid shin tu blun par ston pa yin no/ /gnyis pa la gsum/ mdor bstan pa dang/ rgyas par bshad pa dang/ lung dang sbyar @043a @#/ /bya'o/ /dang po ni/ sdug bsngal 'gog pa'i ming can zhes so/ /dag pa gnyis ldan gyi chos sku sems can gyi rgyud la yod na mthong sgom gyi lam de thob byed kyi rgyur bstan pa mi rigs par 'gyur te/ thog ma med pa nas rgyu la ltos med du grub zin pa'i phyir/ gnyis pa la gsum/ nyi ma dang chos mthun sbyar ba dang/ spang bya ngos bzung ba dang/ de 'joms byed gnyen po ngos bzung ba'o/ /dang po ni/ nyi ma'i dkyil 'khor rnam par dag pa dang chos mthun pas ni bdag med mngon sum du rtogs pa'i ye shes nye ba'i nyon mongs pa'i dri mas bslang ba dang bral ba'i phyir ro/ /nyi mas gzugs gsal bar byed par chos mthun pas ni lam bden gyis shes bya ji lta ba dang ji snyed pa thams cad kyi gsal ba'i dbye ba rnam pa thams cad snang bar byed pa'i phyir ro/ /nyi ma'i 'od zer gyis mun pa 'joms pas mun pa'i gnyen por chos mthun pas ni bdag med pa mngon sum du rtogs pa'i shes rab kyis de kho na mthong ba'i gegs sgrib gnyis kyi rnam pa thams cad kyi gnyen por gyur pa'i phyir ro/ /kha cig/ bden 'dzin shes sgrib tu byed pa ni skabs 'dir khas len par rigs pa ma yin te/ de lta na/ khams bstan pa'i dgongs pa ston pa'i gzhung gi rtsod lan cung zad kyang mi 'grig pa'i phyir ro/ /gnyis pa la gnyis/ 'khor bar 'jug pa'i rim pa bstan pa dang/ 'khor ba'i rgyu'i gtso bo ngos bzung @043b bzung ba'o/ /dang po la/ mdor bstan pa dang/ rgyas par bshad pa dang/ don bsdu ba'o/ /dang po ni/ thar pa thob pa'i gegs kyang yang dag pa ma yin pa'i dngos po bden 'dzin gyi blo dmigs pa gang la dmigs nas skye ba'i rgyu mtshan gyi yul 'dzin stangs kyi yul du gyur pa bden grub dang/ gang la dmigs nas skye ba'i gzhi gang zag dang phung po bden par yid la byed pa bag tshegs 'jog byed du sngon du 'gro ba can bag la nyal sa bon dang kun nas ldang ba mngon gyur dang ldan pa las 'dod chags skye ba'o/ /dug gsum gyi skye tshul ni/ bag la nyal las ni yang dag pa ma yin pa sdug pa sogs de'i rang bzhin ma yin pa'i dngos po byis pa rnams la 'dod chags bskyed pas na sdug pa'i rnam par ram/ zhe sdang bskyed pas khong khro ba'i rnam par ram/ gti mug bskyed pas ma rig pa'i rnam pas sgro 'dogs pa'i tshul min yid byed kyi rgyu mtshan du bag la nyal de 'gyur ro/ /gnyis pa ni/ 'dod chags sogs skye ba'i rgyu mtshan yang dag pa ma yin pa bden 'dzin sa bon dang bcas pa'am/ yang dag pa ma yin pa sdug pa sogs su sgro 'dogs pa de yang yul la digs par byed pa i tshul bzhin ma yin pa gang zag dang phung po bden par yid la byed pas sems yongs su len to/ /sems tshul bzhin ma yin par yid la byed par gnas pa de dag la/ 'dod chags sogs kun tu spyod par 'gyur ro/ /de dag gzhi de las sgo gsum gyis bsdus pa'i bsod nams dang/ bsod nams ma yin pa dang/ mi g.yo ba'i las @044a @#/ /kyang mngon par 'du byed do/ /las las kyang yang srid phyi mar nyid mtshams sbyor ba'i skye ba rjes su 'brel ba kho nar 'gyur ro/ /gsum pa ni gong du ji skad bshad pa'i tshul de ltar na byis pa bden 'dzin gyi bag la nyal dang ldan pa bden par grub pa'i mtshan mar 'dzin pa can/ zhes pa nas/ skye ba kun 'byung bar 'gyur ro/ /zhes so/ /gnyis pa ni/ gang zhig ma spangs na 'khor bar 'jug cing/ gang zhig spangs pa las thar pa thob pa'i 'khor ba'i rgyu'i gtso bo gang yin zhe na/ byis pa rnams kyi nyon mongs pa dang las dang skye ba'i kun nas nyon mongs pa'i rnam pa thams cad kyang gang zag dang phung po rang bzhin gyis stong pa dri ma dang bcas pa'i de bzhin nyid khams gcig yang dag pa ji lta ba bzhin ma shes pa las 'khor bar rab tu 'jug go/ /'dis ci bstan na rang bzhin gyis stong pa'i khams de ma shes pas 'khor bar 'khor bar bstan pas 'khor ba las grol ba la de shes dgos par don gyis bstan to/ /gang zag dang phung po rang bzhin gyis stong pa yang dag pa'i mtha' dang de bzhin nyid du gsal bar bstan cing/ de dri ma dang bcas pa de bzhin gshegs pa'i snying por yang bstan la/ de la rmongs shing de ma shes pa 'khor ba'i rtsa ba bstan pa ni/ bden 'dzin 'khor ba'i rtsa ba dang/ nyon mongs can gyi ma rig par bstan pa yin no/ /'khor ba las grol ba la 'khor ba'i rtsa ba sdang mi dgos sam snyam pa'i dogs pa med la/ nyan rang dgra bcom pa 'khor ba las ma grol ba'i dogs pa yang med pas 'khor ba'i rtsa ba spong @044b ba yang tshor ba 'don pa'i tshul gyis spong ba ma yin gyi/ zhen stangs rigs pas sun byung ba'i sgo nas spong ba yin pas srid pa las grol ba la bden stong rtogs dgos pa dang/ nyan rang 'phags pa rnams kyis kyang bdag med gnyis ka mngon sum du rtogs pa 'grel ba 'dris legs par bsgrub pa yin pa shes par bya ste da dung 'chad par 'gyur ro/ /gang zag gi bdag 'dzin yang gang zag rang rgya thub pa'i rdzas yod du 'dzin pa tsam gyis mtshan nyid rdzogs par mi bzhed kyi/ phung po bden 'dzin chos kyi bdag 'dzin yin par ltar/ gang zag bden 'dzin gang zag gi bdag 'dzin du bzhed de/ dge 'dun dkon mchog gi skabs su 'chad par 'gyur ro/ /gsum pa la gsum/ bden stong spros bral dang por rtog pa'i skabs dang/ brtags pa las mngon sum du gyur pa'i don dang/ bsal bzhag med pa'i gnas lugs mngon sum du rtogs pa'i ye shes gegs kyi gnyen por bstan pa'o/ /dang po ni/ de yang ci ltar gang zag dang phung po bden par grub ma grub don dam 'byod byed kyis yongs su btsal ba na/ gang la dmigs nas skye ba bden 'dzin de'i rgyu mtshan nam dmigs pa gang zag dang phung po bden par grub pa yod na dmigs su rung ba las/ bden grub 'ga' yang mi mthong ba de ltar gcig dang du bral la sogs pa'i gtan tshigs yang dag la brten nas lta bar bya'o/ /gnyis pa ni/ gang gi tshe bden 'dzin gyi rgyu mtshan na ma dmigs pa bden grub yod na dmigs su rung ba las ma dmigs pa tsam du ma zad/ gnyis snang gi sgros pa yang mi mthong ba de'i tshe yang @045a @#/ /dag pa don dam pa'i bden pa mngon sum du mthong ba yin no/ /de ltar gang zag dang phung pos bsdus pa'i chos de dag thams cad de bzhin gshegs pas rang bzhin gyis steng bar mnyam pa nyid kyis mnyam par mngon par rdzogs par sangs rgyas so/ /gsum pa ni/ gang zhig de ltar bden 'dzin gyis gzung ba ltar med pa'i rgyu mtshan gyis dmigs pa bden grub shes bya la ma mthong ba'i phyir dang/ shes bya thams cad kyi gnas lugs su yod pa yang dag pa ji lta ba bzhin du gyur pa don dam pa'i bden pa rang bzhin gyis stong pa mthong ba'i phyir de gnyi ga bden grub sngar yod gsar du bsal ba med pa dang/ bden stong sngar med gsar du bzhag pa med par mnyam pa nyid kyi ye shes kyis chos thams cad mnyam pa nyid du mngon par rdzogs par byang chub pa de ni chos kyi sku'o/ /ji ltar gnyen por 'gyur zhe na/ gang zhig skyes pas cig shos spang bya gtan bral ba dang rang bzhin gyis med par mngon sum du rtags par gyur pa'i ye shes ni/ de kho na mthong ba'i gegs kyi rnam pa 'di mtha' dag gi gnyen por rig par bya'o/ /'og nas bsal bzhag med par bshad pa'i don yang de bzhin du shas par bya'o/ /gsum pa ni/ chos kyi sku thob pa'i rgyu zhes so/ /'dir gsal bzhag med pa'i don dam pa'i bden pa dang/ chos sku thob byed kyi rgyu gnas lugs kyi don mngon sum du rtogs pa'i mthong sgom gyi lam rgyas par sher phyin gyi mdo'i rjes su 'brangs nas shes par bya bar gsungs pas/ thub pa'i gsung rab @045b 'chad pa'i zol gyis mu stegs byed kyi bdag tu smra ba rgyas par byed pa kha cig na re/ shes rab kyi pha rol tu phyin pa'i mdo rgyas 'bring bsdus gsum las ni/ kun rdzob rang stong tsam zhig bstan gyi /don dam pa'i bden pa mthar thug pa ma bstan la/ don dam pa'i bden pa mthar thug pa ni/ 'khor lo tha mas bstan cing/ de'i dgongs pa phyin ci ma log pa theg pa chen po rgyud bla ma rtsa 'grel gyis 'grel par byed pa yin no/ zhes zer ba ni 'grel pa 'di dag blta ba'i skal pa tsam yang med par shes par bya'o/ /gzhan yang khyod mdo sde dgongs 'grel nges don gyi mdo mthar thug par khas blangs nas/ de'i dgongs pa bstan bcos 'di rtsa 'grel gyis 'grel par 'dod pa ni/ sems rnal du mi gnas pa ste/ mdo sde der ni zhi ba bgrod pa gcig bu ba'i nyan thos 'tshang rgya ba mi srid pa sgras zin la bstan nas/ mthar thug theg pa gsum du bstan la/ bstan bcos 'dir ni dam chos pad-ma dkar po'i mdo shes byed du mdzad nas mthar thug theg pa gcig tu yang dang yang du sgrub pa'i phyir ro/ /'di dag la brten nas bstan bcos 'dis rnam par rig pa tsam gyi tshul tsam bstan par 'chad pa yang/ dgongs pa las phyi rol tu rgyur par shes par bya'o/ /gsum pa dge 'dun dkon mchog bshad pa la gsum/ mtshams sbyar ba dang/ dngos kyi don dang/ nyan thos kyi dge 'dun dkon mchog 'dir dngos sum smos pa'i rgyu mtshan no/ /dang po ni/ theg pa chen po'i chos zhes so/ /sa dang po thob nas las nyon gyi dbang gis 'khor bar phyir ldog pa mi srid pa dang/ rang nyid 'ba' zhig gi ched du thar pa don du gnyer ba'i blo mi @046a @#/ /skye pas/ sbyor ba'i sgo nas lta zhog /bsam pa'i sgo nas kyang rdzogs pa'i byang chub las phyir mi ldog pas phyir mi ldog pa'i tshogs zhes bya'o/ /gnyis pa la gsum/ bstan pa dang/ bshad pa dang/ bstan bshad sbyar te bshad pa'o/ /dang po ni/ don brgyad de ji lta ba rig pa dang/ ji snyed pa rig pa dang so so rang gis rig pa dang/ chags pa'i sgrib pa las grol ba dang/ thogs pa'i sgrib pa las grol ba dang/ dman pa'i sgrib pa las grol ba dang/ spyi gnyis pa? bgrad pas rig pa dang/ rnam par grol ba'o/ /dang po la ngo bo dang rgyu'o/ /dang po ni/ gang dag yon tan 'di dag dang ldan pa de la 'dud/ ces sbyor/ yon tan ni skad cig kyang mi sdod par 'gro bas na phung po dang gang zag gi 'gro ba kun bdag med pa'i mtha' rang bzhin gyis zhi ba bden stong don dam pa'i bden pa yang dag pa ji lta ba bzhin rtogs pa'o/ /ji lta ba gzigs pa'i rgyu mtshan ni/ sems de rang bzhin gyis 'od gsal bas na sems rang bzhin gyis stong par rtogs pa'i phyir dang nyon mongs rang bzhin gyis grub pa'i ngo bo med par gzigs pas so/ /snga ma phyi ma'i rgyu mtshan du byed pa ltar snang yang snyub? byed so so ba yin pa'i phyir dang/ phyi ma dri ma glo bur ba gzigs pa'i don to/ /gnyis pa ni/ ji lta ba gzigs nas sems can thams cad la rdzogs pa'i sangs rgyas kyi chos nyid rang bzhin gyis stong pa rjes su zhugs par gzigs pa ji snyed pa mkhyen pa'i ye shes so/ /gsum pa so so rang gis rig pa ni/ de gnyis kyis bstan par rig par bya'o/ /de'i 'og ma @046b gsum ni/ chags thogs dang dman pa'i sgrib pa med pa'i blo mnga' ba'o/ /dman pa'i sgrib pa las grol ba 'og ma'i don du bshad kyang 'gal ba med do/ /sems can rang bzhin gyis rnam par dag pa'i yul can ye shes kyis gzigs pa mnga' ba dang; rang bzhin gyis stong pa mtha' yas pa'i sems can la yod par gzigs pa'i yul can ye shes kyi gzigs pa mnga' ba de la 'dud do/ /spangs pa'i khyad par gyi chos ye shes gnyis dang ldan pa la phyag 'tshal bas yon tan don dam pa dang ldan par bstan la/ des dman pa'i sgrib pa las grol bar bstan to/ /de dag kyang rig pa dang grol ba'i yon tan gnyis su 'dus pa'o/ /bsdus te bshad na/ ji lta ba dang ji snyed pa rig pa gnyis yin la/ so so rang gi rig pa dang/ chags thogs kyi sgrib pa las grol ba de'i khyad par du bshad pa de tsam du yang 'dus so/ /gnyis pa la gnyis/ dri ba dang/ lan no/ dang po ni/ tshigs su bcad pa 'dis ci bstan ce na/ gnyis pa la gnyis/ rtsa ba dang/ 'grel ba'o/ /dang po ni/ ji bzhin gzigs pa dang/ ji snyed gzigs pa nang gi ni ste de gnyis so so rang gis rig pa'i ye shes kyi gzigs pa dag pa'i phyir des grol ba'i yon tan dang ldan par yang bstan pas blo ldan 'phags pa phyir mi ldog pa'i tshogs ni bla na med pa'i yon tan dang ldan pa nyid do/ /gnyis pa ni/ 'dis ni mdor bsdus na ji lta ba bzhin yod pa dang ji snyed yod pa ste rgyu mtshan gnyis kyis zhes so/ /yon tan gzhan rnams kyang de gnyis kyis 'phangs pa'i rgyu mtshan bstan pa'o/ /gsum pa la @047a @#/ /gsum/ ji lta ba dang ji snyed pa gzigs pa'i yon tan dang/ so so rang gi rig pa dang tshogs thogs kyi sgrib pa las grol ba'i yon tan dang/ dman pa'i sgrib pa las grol ba'i yon tan no/ /dang po la gnyis/ ji lta ba rig pa dang/ ji snyed pa rig pa'o/ /dang po la gnyis/ rtsa ba dang 'grel pa'o/ /dang po ni/ gang zag dang phung pos bsdus pa'i 'gro ba rang bzhin gyis zhi ba'i chos nyid du ste rang bzhin gyis stong par mngon sum du rtogs pa'i phyir ji lta ba nyid gzigs pa'o/ /ji lta ba gzigs pa de yang rgyu gnyis las skyes te/ sems rang bzhin gyis ni yongs su dag par gzigs pa'i phyir dang/ nyon mongs gdod nas zad pa ste rang bzhin gyis zad cing ma grub par rtogs pa'i phyir ro/ /gnyis pa la gsum/ ji lta ba rig pa'i ngo bo dang/ rgyu dang/ sgrub byed do/ /dang po ni/ de la ji lta ba bzhin yod pa mngon sum du gzigs pa nyid ni 'gro ba zhes pa'i sgras bstan pa'i phung po la sogs pa'i chos dang gang zag ces bya ba'i 'gro ba thams cad kyi rang bzhin gyis grub pa'i bdag med pa'i mtha' shes bya mthar thug pa'i don dam pa'i bden pa ni ji lta ba yin la/ de ji bzhin mngon sum du rtogs pa las ji lta ba rtogs par rig par bya'o/ /gang zag gam bdag med dang chos kyi bdag med yang dag pa'i mtha' shes bya ji lta bar bstan pa na/ gang zag gi bdag med rdzogs par rtogs pa gang zag bden med du rtogs pa la ltos par gsal bar bstan pas mgon po klu sgrub kyi bzhed pa @047b slob dpon chen po zla ba grags pas bkral ba ltar 'grel pa 'dis bstan pa yang chos gsal lo/ /gnyis pa ni/ gtan du bzod nas zhi ba'i ngo bo nyid kyis gang zag dang chos sngar rang bzhin gyis sgrub par skabs su des dben pa'i 'jig pa med pa'i tshul du dang po nas rang bzhin gyis stong par theg chen 'phags pas mngon sum du rtogs pa de yang mdor bsdu na gnyis las skye ste/ rgyu gnyis po gang zhe na/ sems rang bzhin gyis 'od gsal ba mthong ba'i phyir dang/ de'i nye ba'i nyon mongs pa gdod ma nas rang bzhin gyis zad cing 'gags par te rang bzhin gyis ma grub par mthong ba'i phyir ro/ /sems don dam par nyon mongs kyis ma bslad pa rang bzhin 'od gsal gyi don to/ /de yang gang zag dang phung po rang bzhin gyis grub par 'dzin pa'i blo'i mun pa de'i 'dzin stangs dang mthun par sems kyi steng na med pa'i don te/ de yod na sems rang bzhin gyis grub pas dri ma sbyang du mi rung ba'i phyir ro/ /nyon mongs don dam par ma grub par dri ma glo bur ba'i don te/ 'dir de ltar bshad cing/ gang zag dang chos la bdag med pas shes bya ji lta ba'i don du 'dir dngos su bstan na 'dus byas bden par med pa chad stong dang/ bem stong dang/ nyi tshe'i stong pa zhes smad pa'i gnas su byas nas 'dir bstan pa ni de las gzhan pa'i rnam kun mchog lngan gyi stong pa bden grub kyi dngos po bstan par 'dod pa ni/ rtsa 'grel gyi dgongs pa las phyi rol tu gyur pa'i log lta chen po yin pas/ mchil ma'i thal ba bzhin rgyang @048a @#/ /ring du dor bar bya'o/ /rnam kun mchog ldan gyi stong pa'i don de ltar min pa yang 'chad par 'gyur ro/ /gsum pa la gnyis/ zag pa med pa'i dbyings rtogs dka' bar bstan pa dang/ shes byed lung dang sbyar ba'o/ /dang po ni/ sems rang bzhin gyis 'od gsal ba gang yin pa dang/ sems de'i nye ba'i nyon mongs pa zhes bya ba gang yin pa 'di gnyis ni/ zag pa med pa'i dbyings don dam la ltos pa mchog tu ste shin tu rtogs par dka' ba yin no/ /de'i rgyu mtshan ni/ dge ba dang mi dge ba'i sems dag las sems dge ba'i ngo bor skyes pa dang/ sems nyon mongs pas bslad pa na/ bslad bya'i sems phyi ma 'bral bu dang/ slod byed kyi nyon mongs rgyu yin pas/ bslad bya slod byed gnyis rang bzhin gyis ma grub na/ rgyu 'bras kyi bya byed bzhag par dka' la/ rang bzhin gyis grub na de gnyis dus mnyam du 'gyur dgos pas gcig rgyu bas de'i dus na gnyis pa mtshams sbyor ba med pa'i rgyu 'bras kyi bya byed mi 'brad pas tshul gyis rtogs par dka'o/ /de'i don bsdus na/ chad pa'i lta bar 'gyur dogs nas rang lugs la rgyu 'bras khas blangs pa na/ rang bzhin gyis stong pa 'jog mi shes shing/ mtshan 'dzin gyi dmigs gtad mtha' dag mi khegs la/ chos rang bzhin gyis grub par 'dzin pa'i mtshan 'dzin gyi dmigs gtad khegs pa'i lugs su byas nas rang bzhin gyis stong pa rang lugs la khas blangs na/ rgyu 'bras rang lugs la bzhag @048b sa med par kun rdzob dang don dam pa'i bden pa thags mkhan gyi rkang pa bzhin du 'gyur bas rang bzhin gyis stong pa don dam pa'i bden pa dang/ rgyu 'bras kun rdzob kyi bden pa gnyis ka rang lugs la tshad ma'i lam nas drangs nas legs par 'jog shes pa gsung rab kyi don rnams kyi nang nas kyang rtogs par dka' ba'i mthar thug pa yin la/ 'di ma rtogs par bden pa gnyis kyi rnam gzhag byed pa skad byas kyang/ mngon par rtogs pa'i rgyan nas bshad pa'i log rtog bcu drug las ma 'das par shes par bya'o/ /'og nas kyang bar par du 'chad par 'gyur zhing/ rgyas par shes par 'dod na/ dus gsum gyi sangs rgyas thams cad kyi 'phrin las thams cad gcig tu bsdus pa'i ngo bo/ sde snod gsum dang rgyud sde bzhi'i dgongs pa 'grel pa la 'khrul ba dang bral bar thugs rje dang smon lam gyi dbang gis tha mal pa'i sku'i bkod pa bzung nas grub pa'i bstan pa rgyas par mdzad pa/ rje rin po che thams cad mkhyen pa blo bzang grags pa'i dpal bzang po'i zhal snga nas kyi/ dbu ma rtsa ba shes rab dang/ dbu ma 'jug pa gnyis kyi rnam bshad chen mo mdzad pa dang/ drang bas dang nges pa'i don gyi mdos da'i drang nges so sor 'byed pa'i bstan bcos zung ba mdzad pa dang/ skyes bu chen po'i lam gyi rim pa'i lhag mthong gtan la 'bebs pa'i bstan bcos che chung mdzad pa sogs las shes par bya'o/ /gnyis pa ni/ de'i phyir na lha mo dpal 'breng gis zhus pa'i mdo las bcom ldan 'das dge ba'i sems ni @049a @#/ /chos can/ nyon mongs pa dag gis rang bzhin gyis nye bar nyon mongs par mi 'gyur ba ste/ nyon mongs kyis bslad par mi 'gyur bar thal/ skad cig ma yin pa'i phyir/ dgag bya la khyad par ma sbyar na/ sems nyon mongs kyis bslad pa mi srid par 'gyur bas/ dgag bya la don dam gyi khyad par sbyar ro/ /nyon mongs kyi bslad pa mi srid na/ 'og nas dam bca' la bsal ba bstan pa dang 'gal lo/ /de bzhin du mi dge ba'i sems ni skad cig ma yin pa'i phyir/ sems de ni nyon mongs pa dag gis rang bzhin gyis nyon mongs pa ma lags pa nyid do/ /zhes rtags yang dag tu yang sbyar ro/ /khyab pa la ldog na gnod pa can gyi tshad ma bstan pa ni/ bslad bya slod byed rang bzhin gyis grub na de gnyis phrad dgos la/ de lta na dus mnyam du 'gyur bas ma phrad pa ni/ bcom ldan 'das nyon mongs pas ni sems la mi reg la/ sems nyon mongs pa la reg pa yang ma lags na/ bcom ldan 'das/ 'di la ci ltar reg pa'i chos can ma lags pa'i sems bden 'dzin gyi yul du gyur pa'i mun pas nyon mongs par 'gyur te ma 'gyur ro/ /'di ni rtsa she nas bshad pa'i phrad pa rtag pa'i rigs pa dang don gcig go /sems nyon mongs pas bslad pa mi srid par 'dod mi rigs pa ni/ bcom ldan 'das nye ba'i nyon mongs pa ni mchis la/ nye bar nyon mongs par 'gyur ba'i sems ni mchis so/ /zhes pa'o/ /bcom ldan 'das bslad bya slod byed rang bzhin gyis ma grub cing/ tha snyad du @049b yod pa de lta lags mod kyi 'on kyang/ rang bzhin gyis yongs su dag pa'i sems kyi nye bar nyon mongs pa'i don ni rtogs par dka'o/ /zhes gsungs te/ ji lta ba bzhin du yod pa zhes so/ /gnyis pa la gnyis/ rtsa ba dang/ 'grel pa'o/ /dang po ni; shes bya mthar thug ji lta ba mngon sum du rtogs pa'i blos thams cad mkhyen pa'i chos nyid rang bzhin gyis stong ba ni sems can thams cad la yod pa mngon sum du mthong ba'i phyir/ ji snyed yod pa gzigs pa nyid do/ /yang dag par rdzogs pa'i sangs rgyas kyi ji lta ba gzigs pas ji snyed pa gzigs shing/ ji snyed pa gzigs pa des ji lta ba gzigs kyang/ byang chub sems dpa' 'phags pa rnams kyis ni de ltar ma yin pas/ mnyam gzhag tu ji lta ba gzigs pa la brten nas zhes bshad do/ /gnyis pa ni/ de la ji snyed yod pa nyid gzigs pa ni sangs rgyas kyis bshad zin la/ byang chub sems dpa' 'phags pa rnams kyis shes bya'i dngos po mtha' dag gi de kho na mthar thug par mnyam gzhag tu rtogs pa la brten nas 'jig rten las 'das pa'i shes rab kyis sems can thams cad la tha na dud 'gro'i skye gnas su gyur pa rnams la yang de bzhin gshegs pa'i snying po dri ma dang bcas pa'i de bzhin nyid yod pa nyid mthong bas las rig par bya'o; ;sems can thams cad kyi chos nyid mngon sum du rtogs kyang sems can thams cad mngon sum du rtogs pa'i nges pa med de/ dper na/ sangs rgyas ma thob pa'i 'phags pa rnams kyis zag pa med pa'i ye shes sde tshan nyer @050a @#/ /gcig mngon sum du ma rtogs kyang/ de'i chos nyid mngon sum du rtogs pa bzhin no/ /'dul ba lung las nyan thos 'phags pa kha cig sangs rgyas kyi chos kyi sku mngon sum du mthong zhin gyi/ gzugs kyi sku ba lta ba'i phyir 'gro bar bya'o/ /zhes smra bar gsungs pa bzhin no/ /byang chub sems dpa'i mthong ba de yang byang chub sems dpa'i sa dang po nyid la skye ste/ der shes bya thams cad kyi chos nyid sngar ma rtogs mngon sum du gsar du rtogs pas chos kyi dbyings shes bya kun tu 'gro ba'i don du rtogs pa'i phyir ro/ /sa dang po'i skad cig dang po shes bzod skad cig ma bcu drug gis bsdus pa mthong ba'i lam yin yang/ sa dang po ni bskal pa du ma'i yun gyis rdzogs dgos pa sgom lam gyis bsdus pa yang yod par shes par bya'o/ /chos dbyings kun tu 'gro ba'i don du rtogs pa ni sa dang po rdzogs pa'i bar la bzhag go /gnyis pa la gnyis/ rtsa ba dang/ 'grol pa'o/ /dang po la gnyis/ so so rang gis rig pa dang/ chags pa dang thogs pa'i sgrib pa las grol ba'o/ /dang po ni/ de ltar shes bya ji lta ba dang ji snyed pa 'phags pa rnams kyis mngon sum du rtogs pa gang yin pa de so so rang gis rig pa'i ye shes kyis mthong ba nyid do/ / gnyis pa ni/ rang bzhin gyis dri ma med pa'i dbyings la bden par zhen pa'i chags pa med pa dang shes bya thams cad la thogs pa med pa'i phyir te/ chags thogs kyi sgrib pa dag pa yin no/ /gnyis pa la gnyis/ so so rang gis @050b rig pa dang/ chags thogs kyi sgrib pa las gol ba'o/ /dang po ni/ de ltar zhes pa nas de ni 'phags pa rnams kyis gzhan dang thun mongs ma yin pa so so rang gi 'jig rten las 'das pa'i ye shes kyis mthong bar 'dod do/ gnyis pa ni/ de yang mdor bsdun na rgyu gnyis kyis ni cig shos stong nyid ma rtogs pa dang/ shes bya thams cad la mi 'jug pa'i nyi che ba'i ye shes kyi zhes so/ /de la ji lta ba bzhin yod pa gzigs pa nyid kyis sems can gyi khams rang zhin gyis rnam par dag pa'i yul can gyi phyir ni bden 'dzin gyi chags pa med pa yin la ji snyed yod pa gzigs pa nyid kyis shes bya'i dngos po mtha' med pa'i yul can gyi phyir na thogs pa med pa yin no/ /gsum pa la gnyis/ rtsa ba dang/ 'grel pa'o; ;dang po ni/ ji lta ba dang/ ji snyed pa dang/ nang gi ye shes gzigs pa dag pas na sangs rgyas ye shes bla na med pa'i phyir de dang nye bar gyur pas byang chub sems dpa' 'phags pa phyir ma ldog pa ni lus can kun gyi skyabs yin pas dman pa'i sgrib pa las grol ba'o/ /yang na 'dir dngos su bstan pas brgyad pa yan chad la sbyar nas/ sa bdun pa man chad las bul du byung ba'i yon tan thob pas dman pa'i sgrib pa las grol ba'o/ /'grel pa'i 'gyur ltar na/ dag pas la gnas pa'i byang chub sems dpa'i ji lta ba dang ji snyed pa mkhyen pa'i ye shes kyi gzigs pa bdag pas na sangs rgyas kyi ye shes bla na med pa dang nye bar gyur ba'i phyir 'phags pa phyir mi ldog pa dag pa sa la gnas pa ni lus can kun gyi skyabs @051a @#/ /yin no/ /zhes bshad do/ /gnyis pa ni/ de ltar phyir mi ldog pa'i sa brgyad pa yan chad la gnas pa'i byang chub sems dpa' rnams kyi ye shes kyi mthong ba de ni/ bla na med pa'i de bzhin gshegs pa'i ji lta ba dang ji snyed pa'i ye shes kyi gzigs pa rnam par dag pa'i nye ba'i rgyu yin pas de dang nye bar gnas par gyur pa'i phyir ram/ sngar bshad pa'i ye shes gang dang ldan pas phyir mi ldog pa'i byang chub sems dpa' sems can thams cad kyi skyabs su gyur pa ni/ de las gzhan tshul khrims la sogs pa'i yon tan rnams las khyad par du 'phags pa dang sa bdun pa man chad pa'i byang chub sems dpa'i yon tan rnams las bla na med pa nyid du rig par bya'o/ /sa brgyad pa thob nas nyon sgrib zad par spangs pas nyes pa dang bcas pa'i rang don yid byed skye ba'i go skabs bcom pas phyir mi ldog pa'i sa zhes bya'o/ /bstan bcos gzhan du sgrib gnyis cig car spong ba dang/ cig car dgra bcom pa dang de bzhin gshegs par 'gyur bar bshad pa dang lugs gcig tu mi bzung ngo/ /yang na ji lta ba dang ji snyed pa gzigs pa'i shes rab kyi pha rol tu phyin pa tshul khrims kyi phar phyin sogs las khyad par du 'phags pa'i don du bshad par bya'o/ /gsum pa la gnyis/ mdor bstan pa dang/ rgyas par bshad pa'o/ /dang po ni/ byang chub sems dpa'i dge 'dun gyi rjes thogs su nyan thos kyi dge 'dun dkon mchog ni skabs 'dir dngos su ma smos te/ de byang chub sems dpas rang rgyud la thob byar byas nas @051b mchod par 'os pa ma yin pa'i phyir ro/ /dgag sgra med pa ltar na byang chub sems dpa' la bsnyeg go /drag shul can gyis zhus pa'i mdo las byang chub sems dpas nyan thos la bsnyen bkur bya bar gsungs pa dang mi 'gal te/ rang rgyud la thob byar mi byed kyang/ sems can kun la gus pa dang bcas par rigs pa'i phyir ro/ /gnyis pa la gsum/ nyan thos dang byang chub sems dpa'i dge 'dun gyi khyad par dang/ khyad par de 'thad pa'i rgyu mtshan dang/ lung dang sbyar ba'o/ /dang po ni/ sangs rgyas thob pa'i thabs la mkhas pa byang chub sems dpa' dang nyan thos kyi yon tan gyi khyad par shes pa ni nam yang yang dag par rdzogs pa'i sangs rgyas kyi rgyu byang chub sems dpa'i zla ba tshes pa dor nas skar ma'i gzugs ltar gnas pa'i nyan thos la yang phyag byed pa ni rigs pa ma yin te nyan thos ni/ gzhan la phan par byed pa'i bsam pa rnam par ma dag pa'i phyir ro/ /'di la yang dpe kha cig tu dgag sgra mi 'byung bas/ de'i ltar na/ byang chub sems dpa' dang sbyar bar bya'o/ /byang chub sems dpa'i khyad par ni/ rten gyi khyad pa dang/ ngo bo'i khyad par dang/ byed las kyi khyad par dang/ 'bras bu'i khyad par ro/ /dang po ni/ byang chub chen po'i rgyu kun rdzob dang don dam pa'i bden pa la brten pa'i lam gyi rim pa dang/ zab pa dang rgya che ba'i lam gyi rim pas bsdus pa bsod nams dang ye shes kyi tshogs rgya chen po rdzogs par byed pa'o/ /gnyis pa ni/ stong pa nyid kyi don rtogs pa'i shes rab dang sems can thams cad sdug bsngal dang bral @052a @#/ /'dod kyi snying rje'i dkyil 'khor can no/ /gsum pa ni/ gzhal du med pa'i sems can gyi khams ma rig pa'i mun pa dang bral ba'i tshul gyis snang bar byed pa'i phyir nyer ra gnas la/ bzhi pa ni/ bla na med pa'i de bzhin gshegs pa'i zla ba nya ba thob pa dang rjes su mthun pa'i lam du zhugs pa'o/ /nyan thos skar ma dang 'dra ba la spangs rtogs dman pa ni/ spangs pa nyi tshe ba dang/ nyi tshe ba'i ye shes kyi mthar thug pa/ byang las dman pa ni/ sems can thams cad sdug bsngal dang bal? 'dod med par rang gi rgyud sdug kun nye bar zhi ba tsam gyi tshul du snang bar nye bar gnas pa'i phyir ro/ /gnyis pa ni/ byang chub sems dpa' lhag pa'i bsam pa rnam par dag pa rang rgyud la yang dag par bstan pa'i yon tan dang ldan pa nyid kyis kun rdzob byang chub kyi sems kyis bsdus pa sems dang po bskyed pa'i byang chub sems dpas kyang nyan thos 'phags pa yang zil gyis gnon na/ de las gzhan pa'i yon tan tshe dang/ sems dang/ yo byad dang/ las dang/ skye ba dang/ rdzu 'phrul dang/ mos pa dang/ smon lam dang/ chos dang/ ye shes la dbang ba'i dbang bcu la sogs pas zil gyis gnon pa lta ci smos/ yang na/ don dam pa'i sems dang po bskyed pa'i sa dang po la gnas pa'i byang chub sems dpas kyang zil gyis gnon na/ de las gzhan pa'i yon tan dbang bcu la sogs pa thob pas zil gyis gnon pa lta ci smos zhes bshad do/ /'o na nyan thos 'phags pas chos kyi bdag med mngon sum du rtogs par 'dod pa 'gal lo/ / @052b zhe na/ skyon med de/ sa dang po pa'i rgyud kyi nyan rang zil gyis gnod byed kyi yon tan ni/ kun rdzob byang chub kyi sems so/ /zil gyis man na byar nyan thos dgra bcom pa yang sdud pa ni/ bu gcig pa mi gtsang ba'i dong du lhung ba'i ma la brtse ba yod pa ltar/ sems can thams cad sdug bsngal dang bral na snyam pa yod kyang sdug bsngal dang bral ba rang gis khur du blangs pa'i rjes su brtse ba med pa de nyid kyi phyir gzhan rgyas par byed pa dang mi ldan pa'i 'phags pa nyan thos nyon mongs pa'i zag pa med pa'i tshul khrims kyi sdom pa rnam par dag pa'i mthar phyin par gyur pa dgra bcom pa yang zil gyis gnon no/ /gsum pa ni/ rang don tsam lhur len pa'i nyan thos dman par bstan pa ni/ 'og nas 'chang pa'i rgyu mtshan gang gi phyir na nyan thos 'phags pa gang zhig rang rgyud kyi sdug bsngal nye bar zhi ba tsam gyi ched du tshul khrims bsrung pas bdag don byed pas rnam rgyas shing ste/ thob bya dman pa'o/ /tshul khrims 'chal ba'i sems can rnams la lngar bshad pa lta bu'i brtse ba bral ba ni ched du bya ba dman pa'o/ /rkang pa gsum pa ni go bar zad do/ /'phags pa de ni rang nyid 'ba' zhig gi ched du thar pa don du gnyer ba'i yid byed spong ba'i sems pa med pas tshul khrims rnam par dag pa mi brjod do/ /byang chub sems dpa' mchog tu bstan pa la/ kun slong gi khyad par ni/ gang zhig gzhan la mchog tu snying rje bskyed nas ni/ sbyor ba'i khyad par bdag don 'ba' zhig don du gnyer ba'i yid byed sdom pa'i tshul khrims yang dag blang ba byas te/ byed las kyi khyad par me rlung dang chu dang sa bzhin @053a @#/ /gzhan sems can mtha' dag nye bar 'tsho bar byed pa'i byang chub sems dpa' de ni khrims ldan nyan thos la sogs pa gzhan ni de'i gzugs brnyan yin zhes bshad do/ /gnyis pa skyabs kyi don bshad pa la gnyis/ spyi'i don dang/ yan lag gi don to/ dang po la gsum/ gang la skyabs su 'gro ba'i yul gyi dbye ba dang/ de la skyabs su song ba'i tshul dang/ shes byed dgod pa'o/ /dang po ni/ 'dir skyabs kyi rnam gzhag mdzad pa ni/ spyir gsung rab las skyabs gsum rnam par bzhag pa'i dgongs pa gtan la 'bebs pa'i dbang du byas kyi/ gong du sos pa'i dkon mchog gsum 'ba' zhig gi dbang du byas pa ni ma yin no/ /de la skyabs ni gnyis te/ 'bras bu skyabs su bzhag pa dang/ rgyu skyabs su bzhag pa'o/ /dang po'i dbang du byas nas/ theg pa chen po'i rigs can la ni/ dkon mchog gsum ga rang rgyud la thob byar byed pas gsum ga 'bras bu'i skyabs su rnam par bzhag la/ rang sangs rgyas dang nyan thas kyi rigs can gnyis la ltos nas rim pa bzhin du chos dkon mchog dang dge 'dun dkon mchog 'bras bu'i skyabs su rnam par bzhag go /nyan thos kyis kyang rang rgyud la chos dkon mchog thob byar byed mod kyi/ gsum du so sor phye ba'i dbang du byas pa'o; ;gnyis pa'i dbang du byas na/ rigs can gsum ga la dkon mchog gsum ga skyabs su rnam par bzhag ste/ gzhan rgyud la grub zin pa'i dkon mchog gsum la lam ston pa'i ston pa dang/ des bstan pa'i lam thar par bgrod byed kyi lam @053b dang; lam de tshul bzhin du sgrub pa'i 'phags pa'i dge 'dun grogs su bzung nas rang rgyud la dkon mchog de dang de thob byar byed pa'i phyir ro/ /gnyis pa ni/ sdug bsngal dang sgrib pa'i 'jigs pa chen po las thar pa'i rten dang dpung gnyen du yid kyi dam pa tshul zhing dag gis kyang de ltar khas len pa'o/ /de yang dkon mchog de dang de rang rgyud la thob bya'i dpung gnyen du 'dzin pa 'bras bu'i skyabs 'gro dang/ gzhan rgyud la grub zin 'jigs pa las sgrol ba'i dpung gnyen du 'dzin pa rgyu'i skyabs 'gro'o/ /rgyu'i skyabs 'gro byed pa des gsum ga la 'bras bu'i skyabs 'gro byed pa'i nges pa med kyang/ 'bras bu'i skyabs 'gro byed pa des ni gsum ga la rgyu'i skyabs 'gro byed par bshad zin to/ /des na rigs can gsum gas rgyu'i skyabs 'gro dang 'bras bu'i skyabs 'gro gnyis ka byed pa shes par bya'o/ /gsum pa ni/ de skad du yang khyim bdag drag shul can gyis zhus pa las/ khyim bdag ji ltar na/ byang chub sems dpa' sangs rgyas la skyabs su song ba yin de na; khyim bdag 'di la byang chub sems dpa' khyim pa/ sangs rgyas kyi sku skyes bu chen po'i mtshan sum cu rtsa gnyis kyis brgyan pa/ yongs su bsgrub par bya'o/ /snyam du sems mngon par 'du byed de/ dge ba'i rtsa ba gang gis skyes bu chen po'i mtshan sum cu rtsa gnyis yang dag par bsgrub par 'gyur ba'i dge ba'i rtsa ba de dag yang dag par sgrub pa'i phyir brtson 'grus rtsom pa de lta bu ni khyim bdag byang chub sems dpa' sangs rgyas la skyabs su song ba yin no/ /khyim @054a @#/ /bdag 'di la byang chub sems dpa' khyim pa chos la gus pa dang bcas shing ri mor byed pa dang bcas pa/ chos don du gnyer ba/ chos 'dod pa/ chos kyi kun dga' la dga' zhing mos pa/ chos la gzhol ba/ chos la 'bab pa/ chos la bab pa/ chos srung ba/ chos sped cing gnas pa/ chos kyi grags pa dang chos kyi spyod pa la gnas pa/ chos kyi dbang du gyur pa/ chos kyi yongs su tshims pa/ chos kyi stobs dang ldan pa/ chos kyi sbyin pa'i mtshon cha dang ldan pa/ chos kyi bya ba byed pa ste/ 'di lta bu'i chos dang ldan pas bdag bla na med pa yang dag par rdzogs pa'i byang chub mngon par rdzogs par sangs rgyas nas/ lha dang mi dang lha ma yin du bcas pa'i 'jig rten la chos kyi bgo bsha'? bya'i snyam du dran pa rab tu thob ste/ khyim bdag de ltar na byang chub sems dpa' khyim pa chos la skyabs su song ba yin no/ /khyim bdag ji ltar na byang chub sems dpa' khyim pa dge 'dun la skyabs su song ba yin zhe na/ khyim bdag 'di la byang chub sems dpa' khyim pa dge 'dun la skyabs su song ba ni/ gal te dge slong rgyun du zhugs pa'am/ lan cig phyir 'ong ba'am/ phyir mi 'ong ba'am/ dgra bcom pa'am/ so so'i skye bo'am/ nyan thos kyi theg pa ba'am/ rang sangs rgyas kyi theg pa ba'am/ theg pa chen po bdag mthong na/ de la gus pa dang bcas shing zhe sa dang bcas la ldang bar brtson pa'am/ bka' blo bde zhing mthun par 'dzin pa yin te/ de yang dag par song ba dang/ yang dag par zhugs pa de @054b dag la bsnyen bkur byas pas/ 'di ltar bdag bla na med pa yang dag par rdzogs par sangs rgyas nas/ nyan thos kyi yon tan dang rang sangs rgyas kyi yon tan yongs su sgrub pa'i phyir chos bstan te snyam du dran par rab tu 'thob ste/ de de dag la gus pa dang bcas shing zhe sa dang bcas pa yin gyi /de dag la mi dga' bar ni mi byed do/ /de ltar na khyim bdag byang chub sems dpa' khyim pa dge 'dun la skyabs su song ba yin no/ /zhes gsungs te/ de ltar nyan thos sogs la gus pa dang bcas pa ni rang nyid mngon par rdzogs par sangs rgyas nas gus pa dang bcas par bsdu ba'i dbang du byas nas 'bras bu'i skyabs yan lag dang bcas pa'i dbang du byas pa'o/ /rgyu'i skyabs la ltos te ni gsum ga yang mtshungs par skyabs yin te/ mdo 'di nyid las 'di skad du/ khyim bdag byang chub sems dpa' khyim pa chos bzhi dang ldan na/ sangs rgyas la skyabs su song ba yin no/ /bzhi gang zhe na/ 'di lta ste/ byang chub kyi sems mi 'dor ba dang/ dam bcas pa mi 'jig pa dang/ snying rje chen po yongs su mi 'dor pa dang/ theg pa gzhan la mi brten pa ste/ khyim bdag byang chub sems dpa'i chos bzhi dang ldan na sangs rgyas la skyabs su song ba yin no/ /khyim bdag gzhan yang byang chub sems dpa'i chos bzhi dang ldan na chos la skyabs su song ba yin no/ bzhi gang zhe na/ chos smra ba'i gang zag la bsnyen bkur byas te chos nyan pa dang/ de'i don la tshul bzhin du so sor rtog pa dang/ ji ltar thos shing khong du chud pa gzhan la ston pa dang/ chos kyi sbyin pa las byung ba'i dge ba'i rtsa ba bla na med pa'i byang chub tu bsngo ba ste/ zhes @055a @#/ /bya ba'i don gsungs pa dang/ yang dge 'dun gyi dbang du byas nas/ khyim bdag gzhan yang byang chub sems dpa' khyim pa chos bzhi dang ldan na dge 'dun la skyabs su song ba yin no/ /bzhin gang zhe na/ nyan thos kyi skyon med la zhugs pa byang chub kyi sems la 'god pa dang/ zang zing gis sdud pa chos kyis sdud pa la sbyor ba dang byang chub sems dpa' phyir mi ldog pa'i dge 'dun la brten gyi /nyan thos kyi dge 'dun la ma yin pa dang; nyan thos kyi yon tan tshol gyi rnam par grol ba ma yin pa zhes bya ba'i don gsungs pa dang/ yang de bzhin gshegs pa'i gzugs mthong nas sangs rgyas rjes su dran pa dang/ chos thos nas chos rjes su dran pa thob pa dang/ nyan thos kyi dge 'dun mthong nas byang chub kyi sems dran par zhes bya ba dang/ yang sangs rgyas dang 'grogs par smon pa sangs rgyas las sbyin pa sbyin pa dang/ chos bsrung ba'i phyir chos la sbyin pa sbyin pa dang/ sbyin pa de bla na med pa yang dag par rdzogs pa'i byang chub tu yongs su bsngo ba rnams rim pa bzhin dkon mchog gsum la skyabs su song bar gsungs so/ /de ltar phyi rol pa rnams ni/ 'khor ba'i khyad par 'ga' zhig la thar par ming btags nas de la skyabs su 'gro bas/ skyabs dang skyabs 'gro rnal ma med la/ rang gi lugs la ni khyab par 'du byed kyi sdug bsngal gyis yid 'byung bas kun nas bslangs nas thar pa don du gnyer ba ni/ nges 'byung gi bsam pas zhin pa yin la/ des kun nas bslangs nas tshul khrims @055b bsrung ba yang/ nges 'byung gi tshul khrims yin pas de dag kyang chos 'di las phyi rol tu gyur pa la med par shes par byas la/ bstan bcos 'di la thos bsam byed pa rnams kyis kyang thog mar skyabs 'gro yid 'khul nus pa 'dug mi 'dug brtag par bya la/ skyabs 'gro 'di la go ba legs par chags na gsung rab dgongs 'grel dang bcas pa ma lus pa skyabs 'gro yul dang bcas pa'i yan lag tu shes par 'gyur ro/ /kha cig /nyams len de tsam mi byed pa'i khengs skyung du byas nas/ skyabs 'gro re tsam byed kyi yod ces zer ba ni/ ci yang mi shes pa'i blun po 'ba' zhig gi gtam mo/ /gnyis pa yan lag gi don la gnyis/ kun rdzob pa'i skyabs rnam par bzhag pa dang/ don dam pa'i skyabs rnam par bzhag pa'o/ /dang po la gnyis/ dri ba dang/ lan no/ /dang po ni/ de la dgongs pa'i don gang gis gdul bya gang gi dbang du byas nas bcom ldan 'das kyis skyabs gsum rnam par bzhag pa mdzad ce na/ gang zag drug gi dbang du mdzad nas skyabs gsum rnam par bzhag pa 'di don dam pa'i skyabs kho na'i dbang du byas pa ma yin gyi /gdul bya theg pa gsum la rim gyis gzhug pa'i ched du gtan la dbab bya'i gtso bo ni/ kun rdzob pa'i skyabs kyi dbang du byas pa yin no/ / gnyis pa la gsum/ rtsa ba dang/ 'grel pa dang/ don bsdu ba'o/ /dang po ni/ rkang pa dang pos dgos pa dang/ rkang pa phyi ma gsum gyis ched du bya ba'i gdul bya ston to/ /theg pa chen po'i rigs can dkon mchog gsum ga 'bras @056a @#/ /bu'i skyabs su 'dzin yang/ mthar thug pa'i chos dang dge 'dun gyi tshogs mnga' ba sangs rgyas dkon mchog tu bsdus nas/ dkon mchog gsum rigs can gsum gyi 'bras bu'i skyabs so sor phye ba'i dbang du byas nas ston pa yang dag par rdzogs pa'i sangs rgyas rang rgyud la thob byar byed pa theg pa chen po'i rigs can dang bstan pa dam pa'i chos dkon mchog rten 'brel zab mo'i don rtogs pas 'khor ba'i sdug bsngal zad pa rang rgyud la thob bya'i 'bras bu'i skyabs su don du gnyer ba rang sangs rgyas kyi rigs can dang/ srid pa tha ma pa'i tshe gzhan gyi sgra'i rjes su 'brangs nas dgra bcom thob pa slob ma dgra bcom pa'i rgyud kyi 'bras bu rang rgyud la thob bya'i 'bras bu'i skyabs su don du gnyer ba nyan thos kyi rigs can sogs kyi 'bras bu'i skyabs su rtogs par bya ba'i ched kyi don gyis theg pa gsum pa'i gang zag rnams kyi dbang du byas nas 'bras bu'i skyabs gsum rnam par bzhag pa yin no/ / ston pa dang/ bstan pa dang slob ma dgra bcom pa dang byang chub sems dpa' 'phags pas bsdus pa'i grub zin gyi dkon mchog gsum theg pa gsum pa'i tshogs kyi rgyu'i skyabs su rtogs par bya ba'i ched kyi don gyis dang/ lam du ma zhugs kyang dkon mchog gsum la so sor mchod pa la sogs pa'i bya ba byed pa gsum la mos pa rnams kyi dbang du byas nas rgyu'i skyabs gsum rnam par bzhag pa yin no/ /don bsdus na/ rigs can gsum gyi rang @056b rgyud la thob bya'i dbang du byas nas 'bras bu'i skyabs gsum rnam par bzhag la/ grub zin gyi dkon mchog gsum rigs can gsum ga la ltos nas rgyu'i skyabs dang/ lam du ma zhugs kyang dkon mchog gsum la so sor bya ba byed pa la mas pa la ltos nas skyabs gsum so sor rgyu'i skyabs su rnam par bzhag go /gnyis pa ni/ ston pa'i yon tan bstan nas rtogs pa'i don du sangs rgyas kyi dngos po nyid rang rgyud la thob byar don du gnyer bar zhugs pa'i byang chub sems dpa'i theg pa ba'i gang zag dang/ rigs can gsum ga'i gang zag sangs rgyas la mchog tu bya ba byed pa dang/ lam du ma zhugs kyang sangs rgyas la phyag dang mchod pa la sogs pa mchog tu bya ba byed par mos pa rnams kyi dbang du byas nas sangs rgyas ni skyabs yin te/ rkang gnyis rnams kyi mchog yin pa'i phyir ro zhes sangs rgyas dkon mchog skyabs su bstan cing rnam par bzhag go /'di ni rigs pas 'thad pa 'jig rten na grags pa'i dbang du byas nas sgrub byed bkod pa yin te/ rkang gnyis kyi skyes bu rnams kyi nang nas mchog mthar thug pa sangs rgyas 'ba' zhig dang/ skyabs gnas su grags pas so/ /gzhan du na sangs rgyas dkon mchog skyabs su sgrub pa'i sgrub byed gzhan du ma bkod pas chog pa'i phyir dang/ rang gi ston pa gzhan gyi ston pa las mchog tu sgrub pa'i ched yin pa'i phyir ro/ /ston pa'i bstan pa dam pa'i chos dkon mchog gi yon tan bstan nas rtogs pa'i don du gang zag rang nyid @057a @#/ /rten 'brel gyi chos zab mo 'khor ba lugs 'byung lugs zlog dang rten 'brel spros pa'i mtha' dang bral ba rjes su rtogs nas 'khor ba'i sdug bsngal nye bar zhi bar rgyud la thob pa'i phyir zhugs pa rang sangs rgyas kyi theg pa ba'i gang zag dang/ lam du zhugs pa dang ma zhugs kyang chos la bkur sta dang/ rgyu'i skyabs la sogs pa mchog tu bya ba byed par mos pa rnams kyi dbang du byas nas chos dkon mchog ni skyabs yin te/ 'dod chags dang bral ba rnams kyi mchog yin pa'i phyir ro/ /zhes rtogs pa'i don du chos dkon mchog skyabs su bstan cing rnam par bzhag go/ /spang bya'i sa bon dang bral ba slar mi ldog pa'i chos can gyi spangs pa skyabs su rigs kyi/ slar ldog pa'i chos can 'jig rten pa'i chags bal? chos dkon mchog tu mi 'chad par shes pa'i ched du yin no/ /sten pa'i bstan pa la legs par zhugs pa'i slob ma dgra bcom pa'i yon tan bstan nas rtogs pa'i don du gzhan las thos pa'i sgra'i rjes su zhugs nas rang rgyud dgra bcom pa'i 'bras bu thob byar rtogs pa'i phyir zhugs pa'i nyan thos kyi theg pa ba'i gang zag dang/ rigs can gsum gis grub zin gyi dge 'dun dkon mchog rgyu'i skyabs su byed pa dang/ lam du ma zhugs kyang 'phags pa'i dge 'dun la bsnyen bkur ba dang/ lam sgrub pa'i grogs su 'dzin pa sogs mchog tu bya ba byed par mos pa rnams kyi bsod nams kyi zhing gi dbang du byas nas 'phags pa'i dge 'dun ni skyabs yin te/ @057b tshigs kyi mchog yin pa'i phyir ro zhes dge 'dun dkon mchog skyabs su bstan cing rnam par bzhag go /'phags pa'i go 'phang thob pa na skyabs gnas yang dag la/ yang dag yin min gyi the tshom gyi sa bon spangs pas skyabs gnas dang mi phyed pas khyab pa'i phyir/ dge 'dun dkon mchog tu rnam par bzhag gi /so so skye bo la ni ma yin te/ tshe 'phos nas ston pa gzhan gyi kha phyir 'brang ba srid pa'i phyir ro/ /gang zag dang dge 'dun gnyis su phye ba'i dge 'dun la bzhi'i grangs tshad dgos pas tshogs zhes smas so/ /skyabs spyi'i rnam gzhag gtan la 'bebs pa yin pas theg pa dman pa'i 'phags pa'i tshogs kyang 'dir bstan to/ /log pa'i bshes gnyen gyis bslus pa kha cig /nyan thos 'phags pa dang nyan thos dgra bcom pas/ 'phags pa dang dgra bcom pa'i go mi chod do zhes smra ba ni/ ston pa yang dag par rdzogs pa'i sangs rgyas kyi sa dang por yul wa ra na ser nyan thos kyi theg pa la yang dag par zhugs pa rnams la bden bzhi'i chos 'khor bsgor yang grol ba mtshan nyid pa la bkod pa cung zad kyang mid do/ /zhes ston pa dang bstan pa mtha' dag la skur ba 'debs pa'i log lta chen po yin te/ skye bo srog chags khri phrag du ma bsad pa las kyang kha na ma tho ba ches che pas/ bdag legs su 'dod pa rnams kyis gnas 'di la shin tu bzab par bya'o/ /gsum pa ni/ de ltar 'dis ni mdor bsdus na dgos pa'i don rnam pa gsum gyis gdul bya gang zag drug gi dbang du byas nas bcom ldan 'das kyis skyabs @058a @#/ /gsum rab tu dbye ba rnam par bzhag pa 'di ni kun rdzob nyid kyi rten te kun rdzob pa'i skyabs rnam par bzhag pa la gnas pas sems can rnams nyan thos kyi theg pa nas theg pa chen po'i bar du theg pa la rim gyis gzhug pa'i don du yin no/ /kun rdzob pa'i skyabs dang don dam pa'i skyabs kyi don ni 'di ltar/ nyan thos dang rang sangs rgyas kyi rigs nges pa'i gang zag theg pa dman pa'i dgra bcom pa'i 'bras bu tsam zhig rang rgyud la thob byar byed kyi/ de las gong du bgrod mi 'dod cing bgrod mi dgos par 'dod pa gdul bya'i bsam pa'i ngor bgrod pa mthar thug kyang dngos po la bgrod pa mthar thug pa ma yin pa'i skyabs kun rdzob pa'i skyabs kyi don te/ dngos po la bden par ma grub kyang bsam ngor bden par grub pa la kun rdzob pa'i bden pa zhes sgra bshad pa bzhin no/ /dngos po la bgrod pa mthar thug pa'i skyabs ni/ don dam pa'i skyabs kyi don te/ /kun rdzob pa'i skyabs rnam par bzhag pa ni/ nyan rang rigs nges pa dgra bcom pa'i 'bras bu'i bar du khrid nas/ mthar theg pa chen po la gzhug pa'i ched du yin no/ /'grel pa'i skabs 'di dag gis kyang/ mthar thug theg pa gcig tu bsgrub pa shin tu gsal lo/ /gnyis pa la gnyis/ sangs rgyas ma yin pa'i skyabs don dam pa'i skyabs ma yin par bsgrub pa dang/ yang dag par rdzogs pa'i sangs rgyas nyag cig don dam pa'i skyabs su bsgrub pa'o/ /dang po la gnyis/ rtsa ba dang/ 'grel pa'o/ /dang po ni/ chos dang dge 'dun @058b gnyis las/ chos la lung gi chos dang rtogs pa'i chos gnyis kyi lung gi chos ming tshig yi ge'i tshogs chos can/ rang rgyud la thob bya mthar thug pa'i gtan gyi skyabs mchog ma yin te/ don dam pa'i bden pa mngon sum du rtogs shing mthar thug pa'i 'bras bu thob pa na/ gzings ltar rang nyid kyi 'bras bu thob pa'i thabs su mi dgos pas spang zhing dor bar bya ba'i phyir/ rang nyid kyi 'bras bu'i skyabs ma yin pa'i don yin gyi /sangs rgyas thob nas gsung gi tshogs dgos pa med pa'i don min no/ /byang chub sems dpa' 'phags pa'i thugs rgyud kyi bden stong spros bral mngon sum du rtogs pa'i ye shes chos can/ bsgrub bya'i chos snga ma la rtags ni/ rang nyid dri ma mtha' dag gis dag pa med kyang rang gi ngor dri ma mtha' dag gis dpen bar snang ba dang/ rang nyid dri ma'i bslad pa mtha' dag dang bral ba med kyang/ rang gi ngo bo la dri ma'i bslad pa med par snang ba'i 'drid pa'i chos can bslu ba'i chos can yin pa'i phyir 'di'i don kha cig gis/ bden stong rdzun pa bslu ba'i don du byas nas 'dus byas yin na/ don dam pa'i skyabs ma yin pas khyab par 'dod cing/ rgyu mtshan de nyid kyis sangs rgyas kyi thugs rgyud kyi lam bden don dam pa'i skyabs ma yin pa dang/ de bzhin du gzugs sku gnyis kyang don dam pa'i skyabs ma yin pa dang/ kha cig /sangs rgyas kyi gzugs sku gnyis sangs rgyas mtshan nyid pa ma yin par 'dod pa ni/ mu stegs spyod pa pas/ thub pa chos can/ skyon zad pa ma yin te/ ngag smra ba'i phyir dang/ blo dang ldan pa dang/ @059a @#/ /lag pa dang ldan pa'i phyir ro/ /zhes smra ba de nyid kyi gzhung btsugs par zad la/ shing rta chen po rnams kyis ni/ yang dag par rdzogs pa'i sangs rgyas mchog gi sprul pa'i sku'i nyes pa kun zad dang/ yon tan kun ldan gyi sangs rgyas su sgrub pa'i ched du/ rigs pa'i tshogs rgya chen po 'bad pa du mas spro bar mdzad pa/ khyod ni de sangs rgyas yin pa ma khegs nas sbyangs pas/ wa skyes rgyal por bskos pa ltar/ sangs rgyas kyi bstan pa 'dzin pa'i tshul du bcos nas/ de nyid 'jig par byed pa'i chom rkun du shes par byas la/ sangs rgyas kyi bstan pa la 'jug par 'dod pa rnams kyis mchil ma'i thal ba bzhin du dor bar bya'o/ /'di dag gis ni/ gdul bya'i gzhan snang tsam yin gyi sangs rgyas rang rgyud kyis bsdus pa'i gzugs sku med pa dang/ yang sangs rgyas rang snang la ye shes med par 'dod pa sogs kyang bkag par shes par bya'o/ /byang chub sems dpa' 'phags pa'i thugs rgyud kyi lam bden don dam pa'i skyabs yin pa bkag pa na/ byang chub sems dpa' 'phags pa dang/ theg pa dman pa'i lam bden sogs kyang don dam pa'i skyabs ma yin par rtogs par bya'o/ /nyan thos dgra bcom pa'i rgyud kyi lhag ma med pa'i myang 'das sdug kun nye bar zhi ba de chos can/ bsgrub bya'i chos snga ma la rtags ni/ nyon mongs pa dang sdug bsngal tsam med pa tsam gyis rab tu phye ba'i phyir tsam ni lhag ma 'gog pa ste/ shes sgrib kyi 'jigs pa mi zad pa don gyis 'phen par @059b blta bar bya'o/ /de'i don rgyas par 'grel par 'chad de/ nyan rang dgra bcom pa chos can/ bsgrub bya'i chos snga ma la rtags ni/ shes sgrib kyi 'jigs pa dang bcas pa'i phyir/ snga ma la brten nas 'di grub mod kyi/ nyan rang dgra bcom pa shes sgrib kyis 'jigs nas de'i rjes su de zad pa don du gnyer ba mthar thug theg pa gcig tu sgrub pa'i ched du logs su smos so/ /de ltar lung dang rtogs pa'i chos rnam pa gnyis dang sangs rgyas las gzhan pa'i 'phags pa'i tshogs gtan gyi skyabs mchog ma yin no/ /zhes so/ /lung gi chos don dam pa'i skyabs yin pa'i dgas pa med mod kyi/ mtha' dpyad nas khyab pa sgrub pa'i yan lag tu smos pa yin no/ /gnyis pa la gnyis/ lung gi chos don dam pa'i skabs ma yin par bstan pa dang/ rtogs pa'i chos don dam pa'i skyabs ma yin par bstan pa'o/ /dang po ni/ chos ni zhes so/ /sangs rgyas rang rgyud kyis bsdus pa'i gsung gi tshogs don dam pa'i skyabs yin mod kyi/ 'di ni gdul bya'i rgyud kyis bsdus pa'i nyan shes dang yid kyi shes pa'i rnam rig la snang ba'i lung gi chos tsam dang/ gsung rab yan lag bcu gnyis kyi rnam par snang ba gdul bya'i rgyud kyis khyad par du byas pa de dag don dam pa'i skyabs ma yin par bstan pa yin no/ /de yang lam mngon par rtogs pa'i mthar thug pa'i phyir te/ lam gyi dmigs pa don dam pa'i bden pa mngon sum du rtogs pa mthar thug pa na rang nyid 'bras bu thob pa'i ched du tshig gi 'khar ba la brten mi dgos pas/ don shes pas ni chos rnams @060a @#/ /kun; ;gzings dang 'dra ba nyid du rig /ces gzings lta bu zhes bshad do/ /gnyis pa ni/ rtogs pa'i chos ni/ zhes te/ gang gis rtogs pa lam gyi bden pa dang/ gang rtogs pa 'gog pa'i bden pa zhes bya bas so; ;'gog bden mngon par rdzogs pa'i yon tan du bstan gyi /yul rtogs par bya ba'i ngo bor ston pa ni ma yin no/ /de la byang chub sems dpa' 'phags pa'i thugs rgyud kyi bdag med mngon sum du rtogs pa'i lam ni skye 'jig byed pa'i 'dus byas kyi mtshan nyid du rtogs la zhes pas spyir bstan nas/ bslu ba'i don dang/ mi rtag pa'i tshul 'og mas bye brag tu phye nas ston pa yin gyi /'dus byas tsam la don dam pa'i skyabs ma yin pas khyab pa dogs pa'i gnas med do/ /'dus byas kyi mtshan nyid du rtogs pa bshad ma thag pa'i lam gyi bden pa gang yin pa de ni gnas tshul dang snang tshul mi mthun pas rdzun pa sngar rtsa bar bshad pa lta bu'i bslu ba'i chos can/ gang rdzun pa bslu ba'i chos can gyi tshul du sngar bshad pa de ni bgrod pa mthar thug pa'i skyabs su mi bden pa/ gang bgrod pa mthar thug pa'i skyabs su mi bden ba de ni sngar rgyud la skyes kyang bgrod pa mthar thug pa'i tshe med par 'gyur ba'i dngos po yin pas mi rtag pa gang de 'dra'i tshul gyi mi rtag pa de ni don dam pa'i skyabs ma yin no/ /'dus byas tsam la rtag pas khyab pa bstan par 'dod pa ni/ 'di dag gis ci byed bam shes pa'i don te/ gzhung 'og ma dang 'gal bar 'gyur ro/ /lam des rtogs pa'i 'gog pa thob @060b pa gang yin pa de yang de'i nang nas nyan thos kyi theg pa'i tshul gyis thob pa'i nyan thos kyi rgyud kyis lhag med kyi myang 'das chos can/ don dam pa'i skyabs ma yin te/ nyon mongs pa dang sdug bsngal tsam med pa tsam gyis rab tu phye ba'i phyir/ yar me rgyun chad pa bzhin du sems can gyi tshogs la dmigs pa'i snang ba rnams nub nas zhi ba'i bde ba 'ba' zhig la snyoms par zhugs pa'o/ /khyab par thal/ de lta bu'i sdug kun tsam gnyen pos bcom pa'i sgo nas med pa'i bral ba ni don dam pa'i skyabs sam/ skyabs gtan ma yin par 'gyur bar 'os pa ma yin pa'i phyir/ skyabs tsam yin yang/ don dam pa'i skyabs ma yin pa'i don to/ /nyan thos kyi tshul gyis zhes pa la/ kha cig na re/ rang lugs la sgrub byed gzhan de dag gis nyan thos kyi lhag med kyi myang 'das don dam pa'i skyabs ma yin par grub kyang/ nyan thos pa kha cig don dam pa'i skyabs su 'dod pa'i log rtog dgag pa'i ched du/ rang lugs la mar me shi ba bzhin song ba'i nyan thos kyi myang 'das ma grub kyang; nyan thos sde pa dag gis brtags pa'i lugs khas blangs nas/ log rtog bkag pa yin no/ /zhes gsungs pa ni/ 'di'i don ma yin gyi /'di ni 'grel pa don gsal las/ tshul gsum rnam par bzhag pa dgongs pas bsdus la/ zhes bshad pa ltar/ nyan thos kyi theg pa'i tshul yin gyi /dngos po la mi gnas pa nyan thos pa'i grub mthas bzhag pa'i lugs ston pa ma yin no/ /mar me shi ba'i dpe/ pe? ma? rig kun rgyun chad pa la 'chad mi dgos kyi/ sngar nyon mongs @061a @#/ /bas bskyed pa'i sdug bsngal yod pa mar me shi ba bzhin song ba dang/ sems can gyi tshogs la gzigs pa'i snang ba mar me shi ba bzhin du nub nas zag pa med pa'i dbyings 'ba' zhig la mnyam par bzhag pa la nges par bshad dgos pa'i phyir ro/ /des na 'di ni nyan thos kyi lam la zhugs kyang/ rigs ma nges pa byang chub tu yongs su bsgyur ba pa'i nyan thos dang/ sngar rigs nges pa yin yang lhag ma med pa'i myang 'das thob nas/ sngar 'khor ba'i sdug bsngal gyis yid sun ba dbugs legs par phyung bdag sangs rgyas rnams kyi 'od zer gyis bskul nas de las sad de/ theg pa chen po la bkri ba'i ched du nyan thos kyi lhag med myang 'das kun rdzob pa'i skyabs su bsgrub pa dang/ don dam pa'i skyabs ma yin par bsgrub pa yin la/ nyan thos kyi theg pa'i tshul gyis thob pa'i nyan thos kyi lhag med myang 'das tshad mas grub pa'i rnam gzhag rang lugs la yang khas len pa yin no/ /'og nas sangs rgyas ma thob par myang 'das ma thob par bshad pa ni/ nyon sgrib kyi phyogs kyis bsdus pa'i rten 'brel yan lag bcu gnyis dang/ shes sgrib kyi phyogs kyis bsdus pa'i rten 'brel yan lag bcu gnyis kyi mya ngan ma lus pa dang bral ba'i don yin pas/ nyan thos la myang 'das mtshan nyid pa med pa rnam pa thams cad du byar mi rung ngo/ /mthar thug theg pa gsum du zhal gyis bzhes pa'i rnal 'byor @061b spyod pa ba kha cig kyang nyan thos kyi lhag med myang 'das kyi gnas skabs na/ bdag med rtogs pa'i ye shes kyi rigs 'dra mi 'chad par bzhed do/ /rtsa 'grel 'di dag gi don ma rtogs pas rang lugs la nyan thos kyi lhag med myang 'das don dam pa'i skyabs ma yin par gtan tshigs yang dag gi sgo nas sgrub pa'i rnam gzhag legs par ma shes par mi 'dod pa 'ben pa'i thal 'gyur du byed pa dang/ 'grel pa'i tsam gyi sgras shes sgrib kyi 'jigs pa ma zad pa 'phangs pa mi shes par be ma'i ga rgyun chad nas med pa sogs rtags su byed pa ni don ma rtogs pa'i rnam 'gyur du gsal lo/ /'phags pa'i tshogs don dam pa'i skyabs ma yin par bsgrub pa ni/ dge 'dun zhes bya ba 'di ni 'dir theg pa gsum dang ldan pa'i theg dman 'phags pa dang byang sems 'phags pa'i tshogs kyi tshig bla dgas so/ /de yang don dam pa'i skyabs ma yin te/ rtag tu sgrib pa'i 'jigs pa dang bcas pa'i phyir dang/ rgyu mtshan des na de bzhin gshegs pa la skyabs su song ba/ song nas 'jigs pa las nges par 'byung ba tshol ba 'jigs pas zad pa de'i thabs slob pa lam sgrub pa'i bya ba dang bcas pas bla na med pa yang dag par rdzogs pa'i byang chub la zhugs pa yin no/ /rgyas par bshad pa la bzhi/ 'jigs pa dang bcas pa dang/ skyabs su song ba dang/ nges par 'byung ba tshol ba dang/ slob pa'i phyir byang chub la zhugs pa'o/ /dang po ni/ ji ltar 'jigs pa dang bcas zhe na/ gang gi phyir dgra bcom pa yang srid pa zad pa rnams @062a @#/ /kyang nyon mongs pa'i bag chags ma spangs pa'i phyir/ rtag tu rgyun mi 'chad par zag pa dang bcas pa'i 'du byed thams cad la hon mongs pa can ma yin pa'i rmongs pa mi bzad par shes sgrib kyis 'jigs pa'i 'du shes nye bar gnas par 'gyur te/ dper na zhes so// /des na dgra bcom pa zhes so/ /gnyis pa ni/ don dam pa'i skyabs ni skyabs tshol ba ma yin no/ /ji ltar dmyal ba na gnas pa'i sems can skyabs med pa 'jigs pa de dang des 'jigs pa de dag /de dang de las nges par 'byung ba tshol ba de bzhin du/ /dgra bcom pa la yang 'jigs pa de yod de/ gang gi phyir dgra bcom pa de dag shes sgrib kyi 'jigs pas 'jigs te grub zin gyi de bzhin gshegs pa nyid la skyabs su 'gro ba yin no/ /gsum pa ni/ gang zhig de ltar 'jigs pa dang bcas pa'i phyir skyabs su 'gro ba ni/ rang rgyud la shes sgrib kyi 'jigs pa zad pa'i go 'phang thob pa'i ched du gdon mi za bar 'jigs pa las nges par 'byung ba tshol la/ nges par 'byung ba tshol ba'i phyir na 'jigs pa'i gzhi sgo gsum gyi gnas ngan len gyi bag chags bra mi spang ba'i dbang du byas nas slob pa lam sgrub pa'i bya ba dang bcas par 'gyur ro/ /bzhi pa ni/ slob pa'i phyir ni sgrib gnyis kyi 'jigs pa med pa'i khyu mchog gi gnas thob par bya ba'i phyir zhugs par gyur pa yin te/ 'di lta ste/ bla na med pa yang dag par rdzogs pa'i byang chub tu'o/ /rang nyid rnal 'byor spyod pa'i lugs 'thad par mthong nas/ @062b mthar thug theg pa gsum du 'dod na ma gtogs 'grel pa 'dis mthar thug theg pa gcig tu bsgrubs ma bsgrubs su zhig the tshom za/ byang chub tu yongs su bsgyur ba pa'i nyan thos kyi dbang du byas pa'o/ /zhe na/ de ltar na dam pa'i chos pad-ma dkar po'i mdo las kyang mthar thug theg pa gsum du bstan par khas len dgos pas thams cad mi 'grigs pa nyid du 'gyur ro/ /de'i phyir bshad ma thag pa'i 'phags pa'i tshogs de yang don dam pa'i skyabs de'i rgyu'i yan lag gi skyabs yin pa'i phyir gtan gyi skyabs ma yin no/ /spyi'i don bsdu ba ni/ de ltar skyabs gnyis po 'di dag ni mthar thug pa'i dus na skyabs ma yin par brjod do/ /mthar thug gi chos sku ma yin par bsgrub pa ni/ shes 'dod med pa'i ma grub par 'gyur ba yin no/ /gnyis pa la gnyis/ rtsa ba dang/ 'grel pa'o/ /dang po ni/ 'gro ba yi chos dam pa'i don du ste don dam pa'i skyabs ni sangs rgyas nyag cig yin te/ thub pa sangs rgyas bcom ldan 'das 'jigs pa thams cad zad pa'i chos kyi sku brnyes pa can yin pa'i phyir/ 'dis ni 'gyel pa 'gyel pa la brten pa lta bu ma yin par 'jigs pa med pa'i go 'phang brnyes pas don dam pa'i skyabs su rigs pa'i rgyu mtshan bstan pa yin no/ /sa bcu rgyun gyi tha ma man chad theg pa gsum po'i 'phags pa'i tshogs kyang chos sku de'i mthar thug pa can du 'gro ba yin pa'i phyir/ 'dis ni thub pa sangs rgyas bcom ldan 'das de dag gi rgyu'i skyabs dang/ de lta bu'i go 'phang 'bras bu'i skyabs su byed par @063a @#/ /bstan pas/ thub pa sangs rgyas bcom ldan 'das kyis skyabs mdzad pa'i rgyu mtshan bstan pa yin no/ /de ltar na/ thub pa sangs rgyas bcom ldan 'das ni/ rang nyid 'jigs pa thams cad zad cing/ 'jigs pa thams cad ma zad pa rnams la/ nye ring med pa'i thugs rje chen po mnga' ba/ phan lan dang/ grags pa sogs la mi lta bar de thams cad kyi skyabs mdzad pas na gtan gyi skyabs yin no/ /gnyis pa ni/ 'dis ni sngar bshad pa'i tshul gyis skye ba med pa dang 'gag pa med pa yang dag pa'i mtha' mngon du byas pas rab tu phye ba'i thub pa ni/ rnam par byang ba'i bden pa gnyis kyi mtshan nyid las gang gis 'dod chags dang bral ba dang/ gang 'dod chags dang bral ba'i chos kyi sku brnyes pa can yin pa'i phyir dang/ sngar bshad pa'i theg pa gsum pa'i tshogs kyang chos kyi sku rnam par dag pa'i mthar thug pa thob pas mthar phyin par 'gyur pa'i phyir na/ sems can skyob pa med cing skyabs med pa'i 'jig rten na 'khor bo ma stongs par du sems can gyi don mdzad pas; phyi ma'i mtha'i mu dang mnyam pa 'chi ba med pas mi zad pa'i skyabs rgyun chad pa mi srid pas rtag pa'i skyabs rga ba med pas g.yung drung gi skyabs mi slu bas don dam pa'i skyabs na gcig nyid de/ 'di lta ste/ zhes so/ /gsum pa dkon mchog gi ming don bshad pa la gnyis/ rtsa ba dang/ 'grel pa'o/ /dang po ni/ ra-tna zhes pa rin po che dang/ yi ge bsnan pa'i nges tshig gis dkon mchog la yang 'jug pas chos mthun rnam pa drug gis chos mthun te/ rin po che @063b ltar 'gyur ba dkon pa'i phyir dkon pa dang/ rang gi mi mthun phyogs gyi dri ma med pa'i phyir 'dod don mi sgrub pa'i nyes pa med pa dang/ nus mthu dang ldan pa'i phyir yon rtsa na che ba dang/ 'jig rten gyi rgyan du gyur pa'i phyir phan 'dogs che ba dang/ yon tan de dag dang ldan pa rnams kyi nang nas mchog nyid kyi phyir thun mong ma yin pa dang bstod smad sogs kyi 'bras bu mi 'byin par 'gyur ba med pa'i phyir dkon mchog nyid ces bya'o/ /gnyis pa ni/ mdor bsdu na zhes so/ /'di lta ste/ rin po che dang 'byung ba dkon par chos mthun pas ni dkon mchog gsum po bskal pa yongs su gyur pa mang por yang dge ba'i rtsa ba ma bskrun pa rnams dang phrad pa mi thob pa'i phyir ro/ /'dis ni 'byung ba dkon pa rnams kyi nang nas mchog dang/ shin tu rnyed par dka' bas rnyed pa'i dus su skyabs su 'gro ba 'bad pa chen pos me btang bar skyabs 'gro bya bar bstan to/ /yid bzhin gyi nor bu rin po che legs par yongs su sbyangs pas rgul sogs kyi dri ma med pa dang 'dra bar/ dri ma med par chos mthun pas ni rnam pa thams cad du skyob mi nus pa dang bslu ba'i dri ma dang bral ba'i phyir ro/ /'dis ni skyob mi nus pa'i nyes pa med pa dang skyabs su 'di nyid rigs kyi 'jig rten pa'i lta la sogs pa skyabs su mi rigs par bstan to/ /yid bzhin gyi nor bu zas gos sogs kyi longs spyod ster ba dang 'dra bar mthu dang ldan par chos mthun pas ni mngon par shes pa drug la sogs pa yon tan gyi mthu bsam gyis mi khyab pa dang ldan pa'i phyir ro/ /'dis ni skyabs kyi yon tan @064a @#/ /dang ldan pa dang skyabs mdzad par bstan to/ /yid bzhin gyi nor bus 'jig rten na 'dod pa'i don du ma ster ba dang 'dra bar 'jig rten gyi rgyan du gyur par chos mthun pas ni 'gro ba thams cad kyi mngon mtho dang nges legs don gnyer gyi bsam pa dge ba'i rgyu yin pa'i phyir ro/ /'dis ni phan 'dogs che ba dang skyabs bcol ba'i dgos pa 'grub par bstan to/ /yid bzhin gyi nor bu rin po che bcos ma las mchog nyid du gyur pa dang 'dra bar chos mthun pas ni 'jig rten las 'das pa'i phyir ro/ /'dis ni 'jig rten pa'i lha la sogs pa ltar snang gi skyabs dang thun mong ma yin pa dang/ zla med pa dang skyabs mchog tu bstan to/ /yid bzhin gyi nor bu bstod smad sogs kyis rnam par 'gyur ba mi brten pa dang 'dra bar bstod pa dang smad pa la sogs pas skyabs mi mdzad pa la sogs par rnam par mi 'gyur bar chos mthun pas ni/ rgyu rkyen gyis 'dus ma byas pa'i rang bzhin don dam pa'i bden pa mngon sum du rtogs pas rab tu phye ba yin pa'i phyir ro/ /de yan chad kyis thob par bya ba'i 'bras bu dkon mchog gsum bshad zin to/ /gnyis pa de thob byed kyi rgyu rkyen rnam par bzhag pa la gnyis/ spyi'i rnam par bzhag pa dang/ so so'i rnam par dbye ba'o/ /dang po la gsum/ spyi'i mtshams sbyar ba dang/ bsam gyis mi khyab pa'i don dang/ rgyu rkyen so sor rnam par bzhag pa'o/ /dang po ni/ 'bras bu dkon mchog gsum bstan pa'i rjes thogs la/ gang yod na 'jig rten pa'i legs tshogs thams cad dang 'jig @064b rten las 'das pa'i rnam par dga' skye ba'i gnas dkon mchog gsum yin la de skye bar 'gyur ba'i rgyu rkyen de'i dbang du byas nas tshigs su bcad pa/ gnyis pa la gnyis/ bstan pa dang/ bshad pa'o/ /dang po ni/ dri ma dang bcas pa'i de bzhin nyid nye bar len pa'i gnas dang/ lhan cig byed pa'i rkyen dri ma med pa'i byang chub dang/ dri ma med pa'i sangs rgyas kyi yon tan dang/ rgyal ba'i mdzad pas bsdus pa rgyu rkyen gang las thob bya dkon mchog dge ba gsum 'byung ba 'chad par 'gyur ro/ /dge ba ni bzang po'o/ de gang gi yul yin na/ ma lus par yongs su rdzogs pa ni/ don dam gzigs pa sangs rgyas rnams kyi yul nyid do/ /gnyis pa la gnyis/ dri ba dang/ lan no/ /dang po ni/ tshigs su bcad pa 'dis ci zhig gsal bar byas zhe na/ gnyis pa la gnyis bsam gyis mi khyab cing sangs rgyas nya gcig gi yul du bstan pa dang/ bsam gyis mi khyab pa'i sgrub byed do/ /dang po la gnyis/ rtsa ba dang/ 'grel pa'o/ /dang po ni/ 'bras bu dkon mchog gsum po 'di'i rigs rgyu rkyan ma lus pa yongs su rdzogs pa thams cad gzigs pa sangs rgyas rnams kyi mngon sum gyi yul yin la de yang rnam pa bzhi go rim bzhin du 'og nas 'chad pa'i rgyu mtshan bzhi yis ni gzhan gyis mngon sum gyis yongs su rdzogs par bsam gyis mi khyab pa'i phyir sangs rgyas nyag gcig gi mngon sum gyi spyod yul lo/ /tshigs su bcad pa snga mas rgyu rkyen bzhi ngos bzung nas gang gi yul du 'gyur ba bstan la/ 'dis de'i yul du 'gyur pa'i rgyu mtshan bstan to/ /gnyis pa ni/ de la dri ma dang bcas pa'i de bzhin nyid ni nyon @065a @#/ /mongs ba'i sgrubs las ma grol ba'i khams rang bzhin gyis rnam par dag pa don dam pa'i bden pa la de bzhin gshegs pa'i snying po zhes brjod pa gang yin pa'o/ /dag pa gnyis ldan la de bzhin gshegs pa'i snying po'i mdo dang de'i dgongs 'grel gyi bstan bcos 'di rtsa 'grel las/ de bzhin gshegs pa'i snying po'i dngos ming gis bstan pa cung zad tsam yang med pas mthar thug gi chos sku de bzhin gshegs pa'i snying por byed pa ni/ rang dgar rnam gzhag byed na ma gtogs bstan bcos 'di rtsa 'grel gyi lugs su mi bya'o/ /mdo gzhan las de bzhin gshegs pa'i snying po dri mas rnam par dag pa chos kyi skur gsungs pa shes byed du byed pa ni/ rang nyid rigs pa mi shes pa'i rnam 'gyur du go bar byed pa'o/ /dri ma med pa'i de bzhin nyid ni dri ma dang bcas pa'i de bzhin nyid de nyid dri ma mtha' dag zad nas sangs rgyas kyi sar gnas yongs su gyur pa'i mtshan nyid de bzhin gshegs pa'i chos kyi sku zhes brjod pa gang yin pa'o/ / de ni shin tu 'gal te/ dri ma dang bcas pa'i de bzhin nyid dri ma med pa'i de bzhin nyid du khas blangs pa'i phyir ro/ /zhe na/ rigs pa zhib tu ma rtogs pa'i bab col yin te/ dri ma dang bcas pa'i de bzhin nyid gnas ma lus par yongs su gyur pa chos kyi sku zhes ma smras sam/ de lta ma yin na/ sems can sangs rgyas su thal/ sems can dri ma mtha' dag zad pa sangs rgyas yin pa'i phyir/ des na de bzhin nyid dri ma dang bcas pa de bzhin gshegs pa'i snying @065b po dang/ de bzhin nyid dri ma mtha' dag gis dben ba chos skur khas blangs pas de bzhin gshegs pa'i snying po chos skur khas blang mi dgos pa bzhin du/ dri ma dang bcas pa'i de bzhin nyid dri ma mtha' dag zad pa chos skur khas blangs pa la 'gal ba cung zad kyang med do/ /dri ma dang bcas pa'i de bzhin nyid dri ma mtha' dag gis dpen par 'gyur ba mi srid na/ sems can sangs rgyas pa mi srid pa dang/ snam bu dkar po dmar por 'gyur ba mi srid par khas len dgos pas/ 'di ni tshogs rgyun legs par 'jog mi shes shing/ mthar rtag dngos khas len pa la thug par 'gyur ba'i gzhan de'i lugs so/ /dri ma med pa'i sangs rgyas kyi yon tan ni/ dri ma dang bcas pa'i sems dri ma med pa'i sems su gnas gyur pa'i mtshan nyid de bzhin gshegs pa'i chos kyi sku de nyid la brten pa'i tshul du yod pa 'jig rten las 'das pa stobs bcu la sogs pa bral ba'i yon tan dang rnam smin gyi yon tan sangs rgyas kyi chos gang dag yin pa'o/ /rgyal ba'i mdzad pa ni stobs bcu la sogs pa sangs rgyas kyi chos de dag nyid kyi so so rang gi bla na med pa'i 'phrin las sum cu rtsa gnyis te/ 'phrin las gang zhig lhun grub tu gnas pas med par ma gyur cing rgyun brtan pas chad pa med la bar ma chad du 'jug pas rgyun mi chad pas byang chub sems dpas lung bstan pa'i gtam rgyun mi 'chad pa'o/ /de ni mtshon pa tsam mo/ /gnas bzhi po 'di dag kyang zhes so/ /gnyis pa la gnyis/ dri ba dang/ lan no/ /dang po ni/ bzhi po rgyu mtshan gang dag gis bsam gyis mi khyab ce na/ gnyis pa la gnyis/ rtsa ba dang/ @066a @#/ /'grel ba'o/ /dang po ni/ sems can gyi sems rang bzhin gyis rnam par dag pa dri ma dang bcas pa'i de bzhin nyid rang bzhin gyis dag pa dang/ nyon mongs dang ldan pa'i phyir de gnyis gzhi mthun du 'dus pa bsam gyis mi khyab cing rtogs par dka' ba dang/ dri ma med pa'i de bzhin nyid sngar kun nas nyen mongs pa med la/ glo bur dri mas dag pa'i phyir rtogs par dka' ba dang/ dri ma med pa'i yon tan ni dri ma med pa yang yin la gcig tu kun nas nyon mongs pa so so skye bo'i rgyud la yang chos nyid ngo bo'i sgo nas rnam par dbye ba med pa'i chos nyid kyi phyir rtogs par dka' ba dang/ rgyal ba'i mdzad pa ni lhun gyis grub pa dang mdzad pa mdzad pa'i rnam par mi rtog pa'i phyir bsam gyis mi khyab cing rtogs par dka'o/ /gnyis pa la bzhi yod pa'i dang po dri ma dang bcas pa'i de bzhin nyid rtogs par dka' ba la gnyis/ dngos kyi don dang/ lung dang sbyar ba'o/ /dang po ni/ de la dri ma dang bcas pa'i de bzhin nyid sems can gyi sems rang bzhin gyis stong pa ni/ cig car dus gcig tu rang bzhin rnam par dag pa yang yin la sems can gyi sems kun nas nyon mongs pas bslad pa yang yin pa'i phyir gnas 'di bsam gyis mi khyab ste don ni sems nyon mongs pas bslad na/ bslad bya slod byed kyi rgyu 'bras khas len dgos la de lta na/ de rang bzhin gyis stong pa shin tu bzhag dka' bas chos thams cad rang bzhin gyis grub pa rdul tsam yang med pa dang/ bya byed thams cad 'thad pas @066b gzhi mthun du khas len pa'i bden gnyis rtogs par dka' ba'i don yin na/ /sems can gyi sems rang bzhin gyis stong pa rtogs dka' ba dang/ dri bcas de bzhin nyid rtogs dka' ba don 'dra'o/ /de yang stong nyid spros bral zab mo'i chos kyi tshul la mos pa rang sangs rgyas rnams kyi yang spyod yul du rang stobs kyi shes rab kyis rtogs par ma gyur pa'i yul yin pa'i phyir ro/ /cung zad kyang ma rtogs pa'i don du 'dod pa ni lung gi don dang 'gal lo/ / gnyis pa ni/ dpal phreng gi mdo las/ gang gi phyir/ lha mo chos 'di gnyis ni rtogs par dka' ba ste/ gnyis po gang zhe na/ sems rang bzhin gyis rnam par dag pa rang gi mtshan nyid kyis grub pa rdul tsam yang med pa rang gi tshad mas grub pa rtogs par dka' ba dang/ sems de nyid kyi nye bar nyon mongs pa nyid rtogs par dka' ba'o/ /phyi ma rkyang pa rtogs par dka' ba ma yin gyi/ snga ma dang gnyis tshogs rtogs par dka' la/ snga ma tshad mas grub pa 'jog shes pa rtogs par dka' ba ni/ gnyis tshogs rtogs par dka' ba dang don 'dra'o/ /rang bzhin gyis stong pa tshad mas grub pa'i rnam gzhag legs par 'jog shes na/ tshad mas grub pa'i kun rdzob khas ma blangs par bya sa med la/ de mi shes na/ bden grub khegs par rlom pa tsam du zad kyi bden gnyis la mkhas pa'i grangs su mi 'gro bas/ mtshan 'dzin gyi dmigs gtad rdul tsam yang bya sa med pa dang/ bya byed thams cad khas mi len dka' med kyi gnyis tshogs la mkhas par bya'o/ /lha mo chos @067a @#/ /'di gnyis zhes so/ /lha mo lhag ma nyan thos dang rang sangs rgyas rnams kyi ni bden gnyis zung 'jug khas blangs pas chog pa'i chos 'di gnyis ni de bzhin gshegs pa la dad pas rjes su 'brang ba'i sgo nas mngon sum du rtogs par bya ba nyid do/ /zhes gsungs pa yin no/ /gnyis pa dri ma med pa'i de bzhin nyid rtogs par dka' ba la gnyis/ dngos kyi don dang/ lung dang sbyar ba'o/ /dang po ni/ de la dri ma med pa'i de bzhin nyid ni sngar dri mas kun nas nyon mongs par ma gyur pa yin te/ 'dod chags la sogs pa'i nyon mongs pas de bzhin nyid la dmigs par mi nus pa'i phyir te/ de bzhin nyid la dmigs pa'i don gnyer gyi rnam pa can gyi blo yin na ngo bo nyid kyi dge bar 'gyur gyi; nyon mongs su mi rung ba'i phyir ro/ /de bzhin du nyon mongs gzhan dag la yang rang rang gi 'dzin stangs la dpyad nas shes par bya'o/ /sems nyon mongs pas bslad pa ni/ nyon mongs kyis sems la dmigs nus shing/ gtso bo yid kyi rnam par shes pa'i 'khor du sems byung nyon mongs can ngo bo gcig tu skye ba'i phyir ro/ /nyon mongs kyis de bzhin nyid la ma dmigs na dri bcas su 'gal lo/ /zhe na/ sems nyon mongs kyis bslad pa na sems rang bzhin gyis stong pa de nyid sgrib byed med na mngon sum du mthong bar rigs pa la/ dri ma de'i skyon gyis blo bsgribs nas ma mthong bas/ de bzhin nyid dri ma dang bcas pa zhes bya'o/ /'o na dri ma med pa'i de bzhin nyid kyang/ dri bcas su thal bar 'gyur @067b te; sgrib byed kyi dri ma med na so so skye bo rnams kyis kyang mngon sum du mthong rigs pa la/ so so skye bo'i blo la yod pa'i dri mas bsgribs nas ma mthong ba'i phyir ro/ /zhe na/ so so skye bos sangs rgyas kyi chos nyid mngon sum du ma mthong ba so so skye bo rang rgyud la sgrib pa yod par zad kyi/ des sangs rgyas kyi yon tan dri bcas su 'phen mi nus pa'i phyir dang/ sems can gyi rgyud kyi gnas lugs sems dang ngo bo gcig tu yod pa/ sems can gyi sems dang po'i gnas lugs gnyi ga? ngo bo gcig pa'i dri mas bsgribs pas/ de'i rgyud kyi ngas lugs kyang dri bcas su 'thad pa'i phyir ro/ /yang dri ma'i 'dzin stangs sems can gyi sems kyi gnas lugs la cung zad kyang ma zhugs shing/ log par zhugs pas sngar kun nas nyon mongs par ma gyur ba zhes bya'i/ dri ma med pa'i de bzhin nyid sems can gyi rgyud la yod pa'i don du mi bzung ngo/ /phyis glo bur gyi dri mas rnam par dag par gyur pa'i phyir gnyis tshogs kyi gnas 'di rtogs par dka' zhing bsam gyis mi khyab bo/ /gnyis pa ni/ gang gi phyir sems ni rang bzhin gyis 'od gsal ba ste/ de ni de kho na bzhin 'phags pa rnams kyis mngon sum du shes so/ /de goms par byas pa des na skad cig ma gcig dang ldan pa'i shes rab kyis bla na med pa yang dag par rdzogs pa'i byang chub tu mngon par rdzogs par sangs rgyas so/ /zhes gsungs pa yin no/ /phyed snga ma sngar kun nas nyon mongs par ma gyur pa dang/ phyed byi ma byis glo bur gyi dri mas dag pa'i shes byed do/ / @068a @#/ /gsum pa dri ma med pa'i yon tan rtogs par dka' ba la gsum gyi dam bca' dang/ bsgrub byed dang/ lung dang sbyar ba'o/ /dang po ni/ de la dri ma med pa'i sangs rgyas kyi yon tan dag ni/ dri ma med pa yang yin la/ gcig tu kun nas nyon mongs pa so so skye bo'i sa la yang/ rang gi ngo bo'i sgo nas rnam par dbyer med pa'i chos nyid snga phyi khyad par med par yod pa'i phyir gnas 'di bsam gyis mi khyab ste/ de ni dri ma mtha' dag gis dben pa'i de bzhin nyid/ dri ma med pa yang yin la/ dri ma dang bcas pa'i de bzhin nyid dang ngo bo'i sgo nas dbyer med pa rtogs par dka' ba'i don te/ sngo ser bzhin du dbyer med pa'o/ /gnyis pa ni rgyu mtshan gang gi phyir na/ gang la de bzhin gshegs pa'i ye shes mtha' dag skye rung dang/ mtha' dag gi chos nyid rang bzhin gyis stong pa rjes su ma zhugs pa'i sems can de ni sems can gyi ris na 'ga' yang med do/ /'on kyang so so skye bo rnams gang zag dang phung po bden par zhen pa'i 'du shes kyi 'dzin pas bcings nas de bzhin gshegs pa'i ye shes chos kyi sku rang gi rgyud la mi mngon no/ /'du shes kyi 'dzin pa dang bral ba las ni/ thams cad mkhyen pa'i ye shes thogs pa med par rab tu 'byung ngo/ / 'di na sangs rgyas kyi yon tan mtha' dag sems can gyi rgyud la skye rung dang/ rang bzhin gyis stong pa zhes pa dri ma mtha' dag gis dag bya sangs rgyas dang/ dri ma dang bcas pa sems can gyi chos nyid du bzhag pa sems can thams @068b cad la khyad par med par yod pa la bden 'dzin gyis bsgribs nas mngon sum du ma mthong ba dang/ de mngon sum du mthong ba las sangs rgyas kyi ye shes 'byung ba rtogs par dka' bar bstan te/ 'di dang snga ma yang bden gnyis rtogs par dka' ba'i don du 'dra'o/ /gsum pa la gnyis/ dpe dang/ don to/ /dang po la/ sgrib bya'i dpe ni/ kyai rgyal ba'i sras zhes pa nas/ 'di lta ste/ khor yug chen po'i tshad dang/ gser gyi sa gzhis bsdus pa'i sa chen po'i tshad dang/ stong gnyis dang/ stong dang/ gling bzhi pa dang/ rgya mtsho chen po dang/ 'dzam bu'i gling dang/ shar gyi lus 'phags po'i gling dang/ nub kyi bas lang spyod dang/ byang gi sgra mi snyan dang/ ri rab dang/ sa la spyod pa'i lha'i gzhal yas khang dang/ 'dod pa na spyod pa'i lha'i gzhal yas khang dang/ gzugs na spyod pa'i lha'i gzhal yas khang gi tshad du ni/ khor yug chen po'i tshad nas gzugs na spyod pa'i lha'i gzhal yas khang gi tshad du bris so/ /dar yug chen po de yang zhes so/ /sgrib byed kyi dpe ni/ dar yug chen po de yang zhes so/ /sgrib byed sel ba'i dge ba'i bshes gnyen gyi dpe ni/ de nas mkhas pa zhes so/ /mkhas pa sogs lnga ni rim pa bzhin du/ ji lta bas rig pa dang/ ji snyed pa rig pa dang/ dbang po gsal ba dang; dran pa dang ldan pa'i shes rab dang/ rtogs dpyod dang ldan pa'i dpe'o/ /gdul bya rjes su 'dzin pa'i bsam pa skyes pa'i dpe ni 'di snyam du sems te/ zhes so/ /sbyor ba la zhugs pa'i dpe ni/ de brtson pa chen po'i zhes so/ / @069a @#/ /gnyis pa don la sbyang ba la/ sgrib bya ni/ kyai rgyal ba'i sras dag de bzhin de bzhin gshegs pa'i zab pa'i ye shes tshad med pa'i rgya che ba'i ye shes sems can thams cad nye bar 'tsho ba'i ye shes kyi sems can thams cad kyi sems kyi rgyud la skye rung dang/ /gang la dmigs nas bsgoms na sangs rgyas kyi ye shes skye ba'i dmigs pa dang/ dri mas rnam par dag pa sangs rgyas su bzhag pa'i de bzhin nyid ma tshang ba med par rjes su zhugs te/ sems can gyi sems kyi rgyun de dag kyang de bzhin gshegs pa'i ye shes dang 'dra bar tshad med do/ /dpe don 'di dag gi don cung zad bshad na/ stong gsum dar yug chen po'i brtag pa mtha' bzung gi dpe mdzad pa ni/ phyi rabs kyi gdul bya mi shes pa kha cig /spangs rtogs kyi yon tan thams cad yongs su rdzogs pa'i sangs rgyas gdod ma nas sems can gyi rgyud la yod par 'dzin pa dag gi log rtogs dgag pa'i ched du mdzad pa yin te/ gzhan du shes bya la mi srid pa dper mdzad pa dgos pa med pa'i phyir ro/ /de log par rtog pa yin pa ma grub bo zhe na/ dag pa gnyis ldan gyi chos sku sems can gyi rgyud la yod pa'i don 'di dpyad par bya ste/ sems can gyi sems de nyid rang bzhin gyis rnam par dag pa la glo bur gyi dri ma mtha' dag gis dben pa'i don nam/ 'on te/ dag pa gnyis ldan gyi chos sku sems can gyi rgyud la rang gi sems can dang ngo bo gcig tu yod pa'am/ don gzhan @069b gyi tshul du yod pa'am/ 'brel pa med pa'i tshul du yod pa yin/ de yang dngos por khas blangs pas rtag pa'am/ 'on te mi rtag pa yin/ dang po ltar na/ sems can de nyid sangs rgyas su thal ba ldog tu med do/ /sangs rgyas yin pa la yin par ngo ma shes pas skyon med do/ /zhe na/ sangs rgyas dang sems can su yin ngo mi shes pa'i rmongs pa mi shes pa/ mi gsal ba'i skyes bu de/ sangs rgyas so zhes smra ba de las sangs rgyas la skur ba 'debs pa'i tshig ci zhig yod gnyis pa ltar na/ sems can gyi rgyud la yod pa'i dag pa gnyis ldan gyi chos sku de/ khyad par gyi gzhir gzung nas/ de sems can gyi rgyud kyi glo bur gyi dri ma des bsgribs sam ma bsgribs/ dang po ltar na/ dag pa gnyis ldan gyi chos skur 'gal la/ gnyis pa ltar na sems can gyi sems rgyud dag pa gnyis ldan dang ngo bo gcig tu yod la/ sems can gyi sems rgyud dri mas legs par bslad pa yang yin pa nyams so/ /gzhan yang sems can gyi rgyud la dag pa gnyis ldan gyi chos sku de'i chos nyid yin pa'i tshul du yod na ni/ dri ma dang bcas pa yang yin la/ glo bur gyi dri ma mtha' dag dang bral ba rang gi gnas lugs su yod pa yang yin pa de las mi rigs pa ci zhig yod/ de las gzhan pa'i tshul du yod pa ni/ cung zad kyang dpyad mi bzod do/ /gsum pa ltar na/ don gzhan dus mnyam par rgyu 'bras su mi rung ba'i phyir/ sems can dang sangs rgyas tshogs pa gcig tu khas len dgos na de yang mi rigs pa kho na'o/ /bzhi pa ltar na/ dag @070a @#/ /pa gnyis ldan gyi chos sku sems can dang 'brel pa med bzhin du thog ma med pa nas de'i rgyud la rang cha su gnas pa'o/ /zhes smra ba ni rigs pa mtha' dag dang 'gal ba'o/ /mi rtag pa ni re zhig bzhag la/ rtag pa'i dngos po yin na yul dang dus dang rang bzhin res 'ga' ba'i dngos po yin na/ mi rtag par thal ba ldog tu med la/ yul dus res 'ga' ba ma yin na lha sbyin gyi rgyud la yod pa de nyid sems can thams cad kyi rgyud la yod par thal ba sems can re re ba'i rgyud la yod pa de nyid sems can thams cad kyi rgyud la yod par thal/ sems can thams cad kyi rgyud la yod par khas blangs shing/ yul dus res 'ga' bar mi rung ba'i dngos po yin pa'i phyir ro/ /gzhan yang snga dus na yod pa de nyid phyi dus na yod pa dang/ phyi dus na yod pa de nyid snga dus na yod pa dang/ gnyid log pa'i dus kyi de nyid sang pa'i dus kyi de nyid du 'gyur ba sogs/ nyal ba dang ma nyal ba'i gnas skabs tha dad pa yang bzhag tu med par 'gyur ro/ /dgag bya bcad pa la mi ltos shing rtag dngos sngo ser mthong ba ltar du mthong bar khas len pa ni/ chos 'di las phyi rol tu gyur pa 'ba' zhig gi rtag pa khas len pa'i lugs yin te/ bye brag tu smra bas don byed nus pa'i rtag pa khas len pa yang dgag bya bcad pa la ltos pa khas len pa yin gyi /bsgrub pa rang dbang pa'i rtag pa khas len pa'i rang sde mkhas pa su yang mi srid do/ /don dam pa'i bden pa rtag dngos mngon sum du mthong bzhin pa'i don dam @070b pa'i bden pa'i cha de dang/ mnyam gzhag las langs pa'i dus kyi don dam pa'i bden pa mngon sum du ma mthong ba'i dus kyi cha gnyis gcig gam tha dang/ dang po ltar na sngar mnyam par bzhag dus don dam pa'i bden pa mngon sum du mthong de las langs pa'i tshe mngon sum du ma mthong ba'i dus kyi skyes bu lha sbyin chos can/ khyod don dam pa'i bden pa mngon sum du mthong bzhin pa yin par thal/ khyod kyis mngon sum du mthong bzhin pa'i don dam bden pa de dang da ltar khyod kyis mngon sum du ma mthong ba'i don dam bden pa de gnyis gcig yin pa'i phyir/ /gnyis pa ltar na/ yul dus re 'ga' bar mi rung ba'i dngos po yin pa nyams so/ /sgrib byed ni don dam pa'i bden pa de bzhin gshegs pa'i ye shes mtha' dag skyed byed kyi lam gyi dmigs pa sems can thams cad kyi rgyud la yod pa de lta mod kyi/ gang zag dang phung po bden par zhen pa'i 'du shes kyi 'dzin pas bcings pa'i byis pa rnams kyis/ de bzhin gshegs pa'i ye shes mi shes pa ni spyir bstan pa'o/ /dpe dang rtags la brten nas rab tu mi shes shing mngon sum tshad mas nyams su mi myong mngon du mi byed do/ /sems can gyi rgyud kyi sgrib pa de sel byed ni/ des na de bzhin gshegs pas chags pa med pa'i de bzhin gshegs pa'i ye shes kyis chos kyi dbyings don dam pa'i bden pa sems can gyi gnas thams cad la rnam par gzigs nas sems can gyi rgyud kyi dri ma dang bcas pa'i de bzhin nyid kyi dri ma mtha' dag bsal ba'i ched du slob dpon gyi 'du shes su gyur @071a @#/ /te; de bzhin gshegs pa'i mnyam gzhag ye shes kyi dmigs pa gang zhig mngon sum du rtogs nas goms pa mthar phyin pa las de bzhin gshegs pa'i ye shes skye ba don dam pa'i bden pa sems can thams cad la yod pa la/ de bzhin gshegs pa'i ye shes yod par btags pa tshig 'di nyid kyis gsal bar bstan pa yin no/ /de nas kye ma ma la sems can 'di dag ni/ de bzhin gshegs pa'i ye shes yang dag pa ji lta ba bzhin don dam pa'i bden pa mi shes pa dang/ de bzhin gshegs pa'i ye shes kyi dmigs pa rjes su zhugs pa dag ste gang yang ngas sems can 'di dag la 'phags pa'i lam nye bar bstan pas bden 'dzin gyi 'du shes kyis byas pa'i 'dod chags la sogs pa'i 'ching ba mtha' dag bsal bar bya ste/ ji ltar rang nyid 'phags pa'i ye shes kyi stobs gnyen po bskyed pas 'du shes kyi mdung pa chen po bden 'dzin bag chags dang bcas pa bsal nas de bzhin gshegs pa'i ye shes so sor mngon par shes shing/ de bzhin gshegs pa dang mnyam pa nyid rjes su thob pa bzhin du sems can de dag la yang zhes pa nas nye bar 'tsho bar 'gyur ro/ /zhes gsungs so/ /sngar sems can kun gyi nyer 'tshor ma gyur pa lam bsgom pa la ltos nas sems can mtha' dag gi nyer 'tshor 'gyur ba dang/ thog ma med pa nas dag pa gnyis ldan gyis sangs rgyas yin pa 'gal ba yin no/ /sems can gyis sangs rgyas thob pa lam bsgom pa la ltos pa yin gyi /sems can gyi rgyud kyi dag pa gnyis @071b ldan gyi chos sku thog ma med pa nas sangs rgyas pa'o zhe na/ sems can gyi sems glo bur gyi dri ma dang bcas bzhin du sems de'i gnas lugs glo bur gyi dri ma mtha' dag gis dag pa'i rnam gzhag /blun po min pa gzhan sus shes/ bzhi pa rgyal ba'i mdzad pa rtogs par dka' ba la gnyis/ dngos kyi don dang/ lung dang sbyar ba'o/ /dang po ni/ de la rgyal ba'i mdzad pa ni/ dus cig car gdul bya thams cad la dus thams cad du 'bad rtsol med par lhun gyis grub cing blo sngon du btang ba'i rnam par mi rtog par gnas bzhin du gdul bya'i bsam pa ji lta ba dang/ dge ba'i rtsa ba ji ltar bsags pa'i gdul bya ji lta ba bzhin du sems can rnams la mtshang ba med cing rjes su mthun par 'phrin las 'jug pa'i phyir gnas 'di bsam gyis mi khyab ste/ zhes so/ /gnyis pa ni/ gang gi phyir sems can rnams gzhug pa'i don du de bzhin gshegs pa'i ye shes tshad med pa yin yang yon tan sum cu rtsa gnyis la sogs pa mdor bsdus pa tsam gyi sgo nas tshad dang ldan par bstan mod kyi/ rigs kyi bu 'on kyang zhes te zab pa dang rgya che bas bsam gyis mi khyab pa tshad med pa 'jig rten thams cad kyis rang gis mngon sum du shes par bya ba ma yin pa gzhan gyi sgra la brten nas mngon sum du rtogs pa ma yin pas yi ges zhes so/ /sangs rgyas kyi zhing thams cad du gnas pa ni gnas pa rgya che ba'o/ /sangs rgyas zhes pa 'phrin las thun mong du 'jug pa lhun gyis grub cing kun slong gi rnam rtog med pas 'bad rtsol dang/ zhes so/ /de bzhin nyid la gnyis snang nub pa'i @072a @#/ /tshul gyis rtag tu mnyam par bzhag bzhin du 'phrin las 'jug pa ni/ chos kyi dbyings kyi zhes so/ /mjug bsdu ba ni/ nor bu bai DU rya zhes so/ /'jig rten du 'phrin las 'jug kyang 'jig rten pa'i skyon gyis ma gos pa ni/ thams cad du kha na ma tho ba med pa rgyun mi 'chad cing 'jig rten las 'das pa'i legs tshogs thams cad 'byung ba dus gsum dang las so/ /sku nam mkha'i rang bzhin so sor rnam par dbyer med pa yang mi 'dor la/ sangs rgyas kyi zhing thams cad du yang kun tu ston to/ /gsung gnyis su snang ba'i sgo nas brjod du med pa'i chos nyid kyang mi 'dor la/ sgra zhes so/ /thugs kyi gsang ba de bzhin nyid la gnyis snang nub pa'i tshul gyis dus rtag tu mnyam par bzhag bzhin du sems can kun gyi bsam pa dang spyod pa ji lta ba bzhin du shes pa ni sems dmigs pa zhes so/ /gsum pa rgyu rkyen so sor rnam par bzhag pa la gnyis/ rtsa ba dang/ 'grel pa'o/ /dang po ni/ rtogs bya dri ma dang bcas pa'i de bzhin nyid ni/ mngon sum du rtogs na sangs rgyas kyi chos thams cad skye bar 'gyur la/ mngon sum du ma rtogs na 'khor ba las kyang mi grol ba gtan la dbab par bya ba dang/ rtogs par bya ba'i shes bya mthar thug pa khams kyi gnas gcig po de dri mas rnam par dag pa'i dag rgyu yin no/ /sangs rgyas kyi ye shes skyed byed kyi rgyu ma yin mod kyi/ sangs rgyas kyi ye shes skye ba'i rgyu'i gtso bo byang sems 'phags pa'i mnyam gzhag ye shes kyi dmigs pa yin pa dang/ sangs rgyas kyi ye shes @072b med na mi 'byung ba'i rgyu mtshan yin pa la rgyur btags pa'o/ /de bzhin nyid mngon sum du rtogs pa mthar thug pa byang chub dang/ byang chub de'i ni yan lag /sangs rgyas kyi yon tan dang/ yon tan des gdul bya rigs can gsum gyis de bzhin nyid rtogs par byed pa'i phyir 'phrin las te go rim ji bzhin du gnas gsum ni dri ma dag byed kyi rkyen yin no/ /des na rgyud bla ma'i ched du bya ba'i gdul bya'i rgyud kyi de bzhin nyid ni nye bar len pa'i gnas yin la rgyu'i skyabs 'gro'i yul du gyur pa gzhan rgyud la grub zin pa'i byang chub la sogs pa gsum ni/ rkyen du shes par bya'o/ /gnyis pa la gnyis/ rgyu rkyen ngos bzung ba dang/ rgyu rkyen du 'gyur ba'i tshul lo/ /dang po ni/ don gyi gnas bzhi po 'di dag las kyang de bzhin nyid kyis shes bya thams cad kyi gnas lugs mthar thug pa bsdus pa'i phyir dang po dri ma dang bcas pa'i de bzhin nyid ni rtog par bya ba'i gnas su blta bar bya'o/ /de bzhin nyid do rjes su rtogs pa mthar thug pa ni dri ma mtha' dag zad pa'i rtogs pa yin pa'i phyir gnyis pa byang chub kyang yin la gnas kyang yin pas byang chub kyi gnas so/ /byang chub kyi yan lag tu gyur pa ni/ sangs rgyas kyi yon tan yin pa'i phyir/ gsum pa byang chub kyi gzhan don sgrub pa'i yan lag gi gnas so/ /byang chub kyi yan lag rnams nyid kyis gdul bya gzhan dag gis de bzhin nyid rtogs par byed pa'i phyir bzhi pa rtogs par byed pa'i gnas so/ /de ltar zhes so/ /gnas phyi ma gsum 'bras bu dkon mchog gsum thob @073a @#/ /byed kyi rkyen la rigs su btags pa yin gyi /'chad par 'gyur ba'i rigs gnyis po ni gang yang ma yin no/ /gnyis pa ni/ de la gnas bzhi po 'di dag las dang po ni/ 'di dag la dmigs nas bsgoms pas 'jig rten las 'das pa'i legs tshogs thams cad 'byung bas 'jig rten las 'das pa'i chos kyi sa bon du btags nas bzhag pa yin pa'i phyir/ sa bon dngos ni so so rang nyid de kho na nyid kyi don sa ma thob pa'i skabs dang; sa thob nas byang chub sems dpa' rnams kyi tshul bzhin yid la byed pa'i ye shes ni sa bon yin la/ sa bon de'i gnas kyi de bzhin nyid de dri mas rnam par dag pa la brten nas rang gi thob ya mthar thug pa dkon mchog gsum 'byung ba'i phyir dkon mchog gsum gyi rgyud rtogs par bya ste/ de ltar gnas gcig ni rgyu yin no/ /'dis ni dri ma dang bcas pa'i de bzhin nyid rgyur bzhag pa'i don bstan nas skyed byed kyi rgyu ma yin par rtogs pa'i don du yin no/ /ji ltar gsum rkyen yin zhe na/ bstan bcos 'di'i ched du bya ba'i gdul bya las rgyud gzhan pa'i gang zag de bzhin gshegs pa/ bla na med pa yang dag par rdzogs pa'i byang chub mngon par rdzogs par sangs rgyas nas stobs bcu la sogs pa sangs rgyas kyi chos rnams kyis de bzhin gshegs pa'i 'phrin las sum cu rtsa gnyis mdzad pa ni sngar sangs rgyas zin pa'i sangs rgyas rnams kyis theg pa chen po'i gdams ngag bstan pa'i gzhan gyi sgra @073b la brten nas de/ don tshul bzhin yid la byed pas de bzhin nyid de dri mas rnam par dag pa la brten nas rang gi thob bya dkon mchog gsum 'byung bas thob bya dkon mchog gsum 'byung ba'i rkyen du rtogs par bya ste/ de ltar byang chub la sogs pa gsum po 'di ni rkyen yin no/ /byang chub thob par byed pa la phyi'i rkyen gzhan gyi sgra dang/ nang gi rkyen tshul bzhin yid la byed pa yang dgos mod kyi/ de dag kyang rgyu rkyen gyi gnas bzhi po des/ don gyis 'phangs par rtogs pa'i ched du/ rgyu rkyen du 'gyur ba'i tshul rnam par bzhag par mdzad pa yin no/ /sngar gong du bshad pa 'di dag gis ni rdo rje lta bu'i don bzhi ngos bzung ba dang/ de gang gi yul yin pa dang/ rtogs par dka' ba'i rgyu mtshon dang/ rtogs na bla na med pa'i byang chub kyi rgyu rkyen du 'gyur ba'i tshul gtan la phab pa yin no/ /gnyis pa so sor rnam par dbye ba la gnyis/ rgyu'i gnas skabs khams de bzhin gshegs pa'i snying po bshad pa dang/ byang chub la sogs pa gsum bshad pa'o/ /dang po la gsum/ mtshams sbyar ba dang/ don dngos dang/ le'u'i mtshan bstan pa'o/ /dang po la gnyis/ spyi'i mtshams sbyar ba dang/ bye brag gi mtshams sbyar ba'o/ /dang po ni/ 'di phan chad ni gzhung lhag mas gnas bzhi po 'di dag nyid kyis mthar gyis rnam par dbye ba rgyas par bstan par rig par bya'o/ /gnyis pa ni/ de la dri ma dang bcas pa'i de bzhin nyid kyi dbang du mdzad nas mdo las/ sems can thams cad ni de bzhin gshegs pa'i snying po chen no/ /zhes gsungs pa gang yin pa de don gang rgyu mtshan @074a @#/ /du byas pa dang/ dgos pa'i don gang gis yin zhen zhes dri bas mtshams sbyar ba'o/ /mtshams sbyar 'dir yang sems can thams cad de bzhin gshegs pa'i snying po can du gsungs pa'i de bzhin gshegs pa'i snying po rgyu'i gnas skabs 'ba' zhig la mdzad pa chos gsal bas/ mthar thug gi chos sku la byed pa ni rtsa 'grel 'di dag gi don ma yin par shes par bya'o/ /'og nas khams bstan pa'i dgos pa gang yin zur du dri ba'i tshul yang bshad med kyi/ mtshams sbyar 'dis kyang de bzhin gshegs pa'i snying po zhes pa'i ming gi don gang yin pa dang/ de sems can la yod par bshad pa'i dgos pa yang dris so/ /gnyis pa la gsum/ khams de bzhin gshegs pa'i snying po don gsum gyis mdor bstan po dang/ sgrub byed rgyas par bshad pa dang/ sems can la khams yod par bshad pa'i dgos pa bstan pa'o/ /dang po la gnyis/ spyi'i don dang/ yan lag gi don to/ /dang po la gsum/ de bzhin gshegs pa'i snying po ngos bzung ba dang/ de bzhin gshegs pa'i snying po'i mdos ji ltar bstan pa'i tshul dang/ mdo sde gzhan gyi dgos pa bshad pa'o/ /dang po ni/ de bzhin gshegs pa'i snying po ni/ 'bras bu de bzhin gshegs pa'i 'bras bu nyid kyi sgo nas bshad pa dang/ de bzhin gshegs pa'i rang bzhin gyi sgo nas bshad pa dang/ de bzhin gshegs pa'i rgyu'i ngos nas bshad pa'o/ /'chad byed gsum gyi sgo nas de ltar bshad pa yin gyi /de bzhin @074b nyid tsam dang yang dag par rdzogs pa'i sangs rgyas kyi chos sku de bzhin gshegs pa'i snying po'i mtshan gzhir byed pa ni ma yin te/ bstan bcos 'di rtsa 'grel du sems can gyi gnas skabs dang rgyu'i gnas skabs 'ba' zhig la bshad pa'i phyir ro/ /mtshan gzhi gsum ngos bzung na/ khams rnam par spyod byed kyi lam bsgoms pas thob pa'i 'bras bu yang dag par rdzogs pa'i sangs rgyas kyi chos kyi sku'i 'phrin las sems can thams cad la 'phre zhing khyab pa ste; sems can gyi shes rgyud 'ba' zhig gi khyad par can gyi chos su ldan pa'i chos sku'i 'phrin las 'jug rung de nyid yod pas sems can thams cad de bzhin gshegs pa'i snying po can du bshad de/ mngon par rtogs pa'i rgyan las; de ltar mdzad pa rgya che'i phyir/ /sangs rgyas khyab par nges par brjod/ /ces bshad pa dang don 'dra'o/ /de bzhin nyid dri mas rang bzhin gyis dben pa ni/ sems can dang sangs rgyas gnyi ga'i rang bzhin yin mod kyi/ sangs rgyas kyi rang bzhin yin pa rgyu mtshan du byas nas de nyid sems can gyi rgyud kyi dri ma dang bcas pa'i tshe de bzhin gshegs pa'i snying po yin la/ dri ma dang bcas pa'i de bzhin nyid du gyur pa'i sems can gyi rgyud kyi dri ma rang bzhin gyis dben pa sems can thams cad la yod pa la dgongs nas sems can thams cad de bzhin gshegs pa'i snying po can du gsungs pa dang/ sku gsum thob par byed pa'i rgyu'i gnas skabs sangs rgyas kyi rigs sems can thams cad @075a @#/ /la yod pa la dgongs nas/ sems can thams cad de bzhin gshegs pa'i snying po can du gsungs so/ /rigs la rang bzhin du gnas pa'i rigs kyang yod mod kyi/ rigs yod pa rgyu mtshan du byas nas snying po can du 'chad pa'i tshe/ de bzhin gshegs pa'i rgyu'i ngos nas bshad la/ de bzhin nyid yod pa rgyu mtshan du byed pa'i tshe/ de bzhin gshegs pa'i rang bzhin gyi ngos nas bshad par bya'o/ /des na sems can gyi rgyud kyi chos sku'i 'phrin las 'jug rung gi nus pa dang/ sems can gyi rgyud kyi dri ma dang bcas pa'i de bzhin nyid dang/ sku gsum du gnas 'gyur rung sems can gyi rgyud la yod pa'i sangs rgyas kyi rigs gsum ga bde bar gshegs pa'i snying po zhes de bzhin gshegs pa'i snying po'i mdo la sogs pa dang bstan bcas 'di rtsa 'grel gyis legs par gtan la phab pa de yin par shes par bya'o/ /de ltar gtan la phab pa'i dgos pa lam gyi rim par ji ltar sgrib pa'i tshul ni/ phan yon gyi skabs su 'chad par 'gyur ro/ /'di dag gi don ma rtogs par de bzhin gshegs pa'i snying po la 'bras bu'i de bzhin gshegs pa'i snying po dang/ rang bzhin gyi dang/ rgyu'i de bzhin gshegs pa'i snying po gsum du phye nas mthar thug gi chos sku yang 'dir bshad pa'i de bzhin gshegs pa'i snying por 'dod pa rmongs pa ngo mtshar bskyed pa'i rnam gzhag yin gyi /bstan bcos 'di rtsa 'grel gyi don min pa ni/ mig legs par phye la ltos shig /mngon mthos bsdus pa'i 'phrin las ni/ sems can thams cad la zhugs zin pas lha dang mi'i go 'phang thob ma @075b myong ba'i sems can cung zad kyang med par shes par bya'o/ /sems can thams cad nges par legs pas bsdus pa'i 'phrin las 'jug rung gis khyab pa yin no/ /gnyis pa ni/ de bzhin gshegs pa'i snying po'i mdo las/ rigs kyi bu dag ji ltar de bzhin gshegs pas sprul pas pad-ma kha dog ngan pa'i nang na/ de bzhin gshegs pa'i sku skyil mo krung bcas shing 'khod de 'od zer 'bum dag 'gyed pa de bzhin gshegs pas sprul pa dper mdzad nas/ nyon mongs pa thams cad kyis nyon mongs pa can du gyur pa'i sems can de dag gi nang na/ de bzhin gshegs pa'i chos nyid mi g.yo zhing/ srid pa'i 'gro ba thams cad kyis ma gos pa dag mthong nas dpe dgus bde bar gshegs pa'i snying po rgyas par gsungs pa ni/ bstan bcos 'dir sgrib bya'i dpe dgu dang don dgu dang/ sgrib byed kyi dpe dgu dang don dgus rgyas par gtan la phab pa dang/ de bzhin gshegs pa'i snying po'i mdo'i sgras zin la gsal por med kyang/ 'phags pa dpal 'phed gi mdo las rgyas par gsungs pa'i rnam gzhag rnam pa bcu'i? sgo nas bstan bcos 'dir rgyas par gtan la phab pa'i don po ni 'di yin par bzung zhig /shes rab kyi pha rol tu phyin pa rgyas 'bring bsdus gsum las gzugs nas rnam mkhyen gyi bar gyi chos thams cad rang bzhin grub pas stong ba sgros pa'i mtha' thams cad dang bra ba de nyid rtsa la du bton nas sgras zin la rgyas par gsungs la/ de dang don mtshungs par 'khor lo tha ma de bzhin gshegs pa'i snying po'i mdo 'dir/ sems can gyi sems rang bzhin gyis grub pas stong bas @076a @#/ /sems rang bzhin gyis rnam par dag pa dang/ de la sgrib pa'i dri ma glo bur bar rtsal du bton nas gsungs shing/ de'i dgongs pa phyin ci ma log par 'grel pa'i bstan bcos 'dir/ dri ma glo bur bar sgrub pa'i tshul/ nyon mongs gdod nas zad phyir ro/ /zhes sogs kyis nyon mongs dang rnam rtog rang bzhin gyis grub pas dben pa'i sgo nas bshad la/ dri ma glo bur bar bsgrub pa 'di yang sher phyin gyi mdo las gsungs pa ltar/ sems bden stong du sgrub pa'i rgyu mtshan dang/ de dang don mtshungs par 'gyur ba yin no/ /des na de bzhin gshegs pa'i snying po'i mdo yang sher phyin gyi mdo dang 'dra bar nges don gyi mdo sde mthar thug par shes par bya'o/ /kha cig lang kar gshegs pa las/ de bzhin gshegs pa'i snying po rtag dngos su gsungs pa'i mdo kha cig drang don du bstan pa'i mdo'i mtshan gzhi de bzhin gshegs pa'i snying po'i mdor byed pa ni/ dgongs pa phyin ci log tu shes par bya ste/ de bzhin gshegs pa'i snying po'i mdo sgra ji bzhin pa ma yin pa'i drang ba'i don du byed na/ 'og nas khams bstan pa'i dgos pa ston pa'i rtsod lan 'brel ba cung zad kyang med par 'gyur ba'i phyir dang/ rnam gzhag rnam pa bcus gtan la phab pa'i don cung zad kyang ma rtogs par 'gyur ba'i phyir ro/ /yang kha cig /de bzhin gshegs pa'i snying po'i mdos rtag dngos bstan la/ de nyid @076b nges don du byed pa ni/ gzhan sdes btags pa'i gang zag gi bdag la bde par gshegs pa'i snying po'i ming btags pa yin la/ de 'dra ston pa'i mdo lang kar gshegs pa las drang don du bsgrub pa dang yang 'gal ba'i phyir ro/ yang kha cig /slob dpon 'phags pa thogs med kyis/ theg bsdus su rgyas par gtan la phab pa'i tshogs drug las ngo bo tha dad pa'i kun gzhi'i rnam par shes pa de bzhin gshegs pa'i snying por byas nas de snying po'i mdo dang/ bstan bcos 'di rtsa 'grel gyi don du byed pa ni ma brtags pa chen po yin te de 'dra'i kun gzhi bstan bcos 'di rtsa 'grel du bshad pa zur tsam yang med pa'i phyir dang/ bstan bcos 'di rang lugs la kun gzhi khas mi len cing phyi rol gyi don khas len pa'i lugs yin te 'chad par 'gyur ro/ /de rang lugs la khas len na mthar thug theg pa gsum du yang khas len dgos na/ sngar mthar thug theg pa gcig tu bsgrub pa dang/ 'og nas/ dam chos pad-ma dkar la sogs/ /chos kyi de nyid bstan pa yis/ /zhes sogs dang shin tu 'gal ba'i phyir ro/ /rgyan stug po bkod pa las/ sa rnams sna tshogs kun gzhi ste/ /bde gshegs snying po dge ba'ang de/ /snying po de la kun gzhi'i sgras/ /de bzhin gshegs rnams ston par mdzad/ /snying po kun gzhir bsgrags pa yang blo zhe na rnams kyis mi shes so/ /zhes gsungs pa'i skras zin la/ snying po kun gzhi'i dgongs gzhir ston pa ltar snang yang/ bde bar gshegs pa'i snying po rtag dngos dang/ tshogs drug las ngo bo tha dad pa'i kun gzhi phan tshun gcig gcig gi @077a @#/ /dgongs gzhir ston pa yang ma yin la/ de gnyis ming gi rnam grangs su ston pa yang ma yin gyi/ 'o na ci zhe na/ de 'dra'i bde gshegs snying po ston pa'i mdo sde sgra ji bzhin pa ma yin pa'i dgongs pa can yin la/ dgongs gzhi stong pa nyid dang/ mtshan ma med pa dang/ smon pa med pas bsdus pa'i spros bral stong pa nyid la dgongs nas gsungs par lang gshegs las bshad cing/ de 'dra'i bde gshegs snying po don gang la dgongs te/ gsungs pa'i dgongs gzhi stong pa nyid de la dgongs nas tshogs drug las ngo bo tha dad pa'i kun gzhi yang yod de zhes dgongs te gsungs pa la/ blo zhen pa rnams kyis de mi shes par de 'dra'i kun gzhi dang snying po yod par ston pa'i mdo sde sgra ji bzhin par 'dzin par 'gyur ro/ /zhes de gnyis kyi dgongs gzhi rnam grangs par gsungs pa yin no/ /des na/ mdo las de bzhin gshegs pa'i snying po zhes pa dang/ kun gzhi zhes ming mtshungs pa tsam la brten nas don gcig tu bzung bar mi bya'o/ /don de dag la dgongs nas lang gshegs las/ blo gros chen po/ stong pa nyid dang/ mi skye ba dang/ mi gnyis pa dang/ rang bzhin med pa'i mtshan nyid sangs rgyas thams cad kyi mdo sde'i nang du chud pa 'di/ zhes gsungs so/ /gsum pa ni/ de bzhin gshegs pa'i snying po'i mdo ni nges pa'i don sgra ji bzhin par gsungs na/ lang kar gshegs pa las/ bcom ldan @077b 'das kyis rang bzhin gyis 'od gsal ba rnam par dag pas thog ma nas rnam par dag pa nyid mtshan sum cu rtsa gnyis dang ldan pa sems can thams cad kyi lus kyi nang na mchis par brjod de/ bcom ldan 'das kyis rin po che rin thang chen po gos dri ma can gyis yongs su dkris pa ltar phung po dang khams dang skye mched kyi gos kyis yongs su bkris pa/ 'dod chags dang zhe sdang dang gti mug gis zil gyis non pa/ yongs su rtog pa'i rtog pas dri ma can du gyur pa rtag pa brtan pa ther zug par ni brjod na/ bcom ldan 'das de bzhin gshegs pa'i snying por smra ba 'di ni/ mu stegs kyi bdag tu smra ba dang ji ltar 'dra ba ma lags/ bcom ldan 'das mu stegs byed rnams kyang rtag par byed pa po/ yon tan med pa; khyab pa/ mi 'jig pa'o/ /zhes bdag tu smra ba ston par bgyid do/ /bcom ldan 'das kyis bka' stsal pa/ blo gros chen po/ nga'i de bzhin gshegs pa'i snying po bstan pa ni/ mu stegs can gyi bdag tu smra ba dang mtshungs pa ma yin te/ blo gros chen po de bzhin gshegs pa dgra bcom pa yang dag par rdzogs pa'i sangs rgyas rnams ni/ stong pa nyid dang/ yang dag pa'i mtha' dang/ mya ngan las 'das pa dang/ ma skyes pa dang/ mtshan ma med pa dang/ smon pa med pa la sogs pa'i tshigs gi don rnams la de bzhin gshegs pa'i snying po bstan pa byas nas byis pa rnams bdag med pas 'jigs par 'gyur ba'i gnas rnam par spang ba'i don du de bzhin gshegs pa'i snying po'i sgo bstan pas rnam par mi rtog pa'i gnas snang @078a @#/ /ba med pa'i spyod yul ston te/ blo gros chen po ma 'ongs pa dang/ da ltar byung ba'i byang chub sems dpa'i sems dpa' chen po rnams kyis bdag la mngon par zhen par mi bya'o/ /blo gros chen po dper na rdza mkhan ni 'jim pa'i rdul gyi phung po chen po gcig la/ lag pa dang/ bzo dang/ lag bzungs dang/ chu dang/ srad bu dang/ nan tan dang ldan pa las snod rnam pa sna tshogs byed de/ blo gros chen po de bzhin du/ de bzhin gshegs pa rnams kyang chos la bdag med par rnam par rtog pa'i bdag nyid thams cad rnam par log pa de nyid kyi shes rab dang thabs la mkhas pa dang ldan pa rnam pa sna tshogs kyis de bzhin gshegs pa'i snying po bstan pa'am/ bdag med pa bstan pas kyang rung ste/ rdza mkhan bzhin du tshig dang yi ge'i rnam grangs rnam pa sna tshogs kyis ston to/ /de ltar de'i phyir blo gros chen po de bzhin gshegs pa'i snying po bstan pas/ mu stegs byed kyi bdag tu smra ba bstan pa dang mi 'dra'o/ /blo gros chen po de ltar de bzhin gshegs pa rnams kyis mu stegs byed bdag tu smra ba la mngon par zhen pa rnams drang ba'i phyir/ de bzhin gshegs pa'i snying po bstan pas de bzhin gshegs pa'i snying po ston te/ yang dag pa'i bdag tu rnam par rtog pa'i lta bar lhung ba'i sems can dag rnam par thar pa gsum gyi spyod yul la gnas pa'i bsam pa dang ldan zhing myur du bla na med pa yang dag par rdzogs pa'i byang chub tu mngon @078b par rdzogs par 'tshang rgya bar ji ltar 'gyur zhes gsungs pa ji ltar drang zhe na/ de ni sngar bshad pa ltar sgra ji bzhin pa min pa'i drang don gyi mdo sde gzhan 'dir drang don du bsgrub pa yin te/ ston par bgyid do/ /zhes pa yan chad kyis phyi rabs kyi gdul bya'i don du the tshom yod pa ltar bcos nas/ rje btsun 'jam pa'i dbyangs kyis bde bar gshegs pa'i snying po rtag dngos nor bu rin po che rin thang med pa gos dri ma can gyis gtums? pa ltar mtshan sum cu rtsa gnyis kyis brgyan pa/ zag pa dang bcas pa'i phung khams skye mched kyi gos kyis gtums pa/ dug gsum gyi zil gyis non pa/ rtog pa'i dri mas spags pa/ sems can thams cad kyi lus kyi nang na yod par gsungs pa de/ sgra ji bzhin yin na/ gang zag gi bdag khas len pa dang khyad par med par 'gyur la/ dgongs pa can yin na dgongs gzhi dang dgos pa dang sgra zin la gnod byed ji ltar lags zhes zhus pa'o/ /bcom ldan 'das zhes pa man chad kyis drang don du sgrub pa'i lan bka' stsal te/ dgongs gzhi stong pa nyid sogs la dgongs la/ dgos pa mdo de nyan rung gi gdul bya bdag med pas 'jigs pa'i byis pa rim gyis drang ba dang/ mu stegs byed gang zag gi bdag tu smra ba la zhen pa rnams dang sngon de'i lta ba la goms par byas pa rnams de kho na nyid la rim gyis drang ba'i phyir tu dgongs te gsungs pa yin gyi /sgra ji bzhin pa ltar khas blangs na mu stegs byed kyi bdag khas len pa dang khyad par med par bstan pas gang zag gi bdag la rigs pa'i gnod @079a @#/ /byed ji tsam yod pa de de'i yang gnod byed du shes par bya'o/ /dpal ldan dus kyi 'khor lo'i 'grel chen dri med 'od du rtag dngos 'gog pa'i rigs pa rgyas par gsungs pas de dang stan bcos 'di gnyis ka'i dgongs pa mthar thug pa don dam pa'i bden pa rtag dngos su 'don pa yang phyin ci log tu smra ba chen por shes par bya'o/ /rnam 'grel du/ tshad ma rtag pa nyid yod min/ zhes bshad pas/ tha snyad pa'i tshad ma rtag pa bkag pa yin zhes smra ba yang zer rgyus phongs par gsal te/ mu stegs dbang phyug pas dbang phyug rtag dngos kyis tshad mar khas blangs pa'i phyir ro/ /gzhan yang/ sngar bshad pa ltar mdo sde dgongs 'grel las mthar thug theg pa gsum dang/ tshogs drug las ngo bo tha dad pa'i kun gzhi rnam par shes pa dang/ gzhan dbang dang yangs grub rang gi mtshan nyid kyis grub par gsungs pas/ bstan bcos 'di la brten nas drang don du legs par khong du chud par 'gyur pas mdo sde dang/ de bzhin gshegs pa'i snying po'i mdo nges don du khyad par med par 'dod pa yang sangs rgyas kyi gsung rab dgongs 'grel dang bcas pa ji lta ba bzhin du rgyas par byed pa'i gegs chen por shes par bya'o/ /gnyis pa yan lag gi don la gnyis/ rtsa ba dang/ 'grel pa'o/ /dang po ni/ lus can te sems can kun de bzhin gshegs pa'i snying po'i mdo las/ rtag tu sangs rgyas kyi snying po can no zhes gsungs pa'i @079b don ni rdzogs pa'i sangs rgyas kyi chos kyi sku'i 'phrin las ni sems can thams cad la 'phro ba'i phyir sems can thams cad de bzhin gshegs pa'i 'phrin las 'jug rung du gnas pa dang/ de bzhin nyid de bzhin gshegs pa dang sems can gnyis ga'i rang bzhin du dbyer med pa'i phyir dri ma dang bcas pa'i de bzhin nyid sems can thams cad la yod pa la dgongs nas sems can thams cad de bzhin gshegs pa'i snying po can dang/ sems can thams cad la chos skur gnas 'gyur rung gi rung bzhin du gnas pa'i rigs dang gzugs skur gnas 'gyur rung gi yang dag par blangs pa las byung ba'i rigs snying por yod pa'i phyir na de la dgongs nas kyang sems can thams cad de bzhin gshegs pa'i snying po can du gsungs so/ /des na snying po de bzhin gshegs pa'i 'phran las 'jug rung dang/ rang bzhin dang rgyu'i gnas skabs gsum gyi dbang du byas nas gsungs so/ /rang bzhin du gnas pa'i rigs dang sems can gyi rgyud la yod pa'i dri ma dang bcas pa'i de bzhin nyid la khyad par ci yod ce na/ don khyad par cung zad med kyang rnam gzhag tha dad pa tsam du zad de/ chos skur gnas 'gyur rung rgyu'i skabs dang/ de bzhin gshegs pa'i rang bzhin dang rang bzhin khyad par med par ston pa'i cha nas so sor bshad do/ /gnyis pa ni/ mdor bsdu na don gang yod pa dang dgos pa'i don rnam pa gsum gyis de bzhin gshegs pa'i snying po'i mdo las/ sems can @080a @#/ /thams cad ni rtag tu de bzhin gshegs pa'i snying po can no/ /zhes so/ /de bzhin gshegs pa'i chos kyi sku'i 'phrin las 'gro ba'i 'phrin las 'jug rung gi don dang/ de bzhin gshegs pa'i de bzhin nyid dang ngo bo'i sgo nas rnam par dbye ba med pa'i dri ma dang bcas pa'i de bzhin nyid kyi don dang/ de bzhin gshegs pa'i rigs yod pa'i don gyis so/ /don gyi gnas gsum po 'di dag kyang de bzhin gshegs pa'i snying po'i mdo'i rjes su 'brangs te/ 'og nas rang bzhin gsum gyis bsdus phyir khams/ /sangs rgyas sogs dang chos mtshungs so/ /zhes sogs dpe dgu'i skabs su ston par 'gyur ro/ /rnam gzhag rnam pa bcus khams gtan la 'bebs pa 'di dag kyang de bzhin gshegs pa'i snying po'i mdo'i sgras zin la med kyang mtshan nyid la legs par dpyad na don thob la yod pa man ngag gis legs par bshad pa yin la/ sgras zin la ni dpe dgus bsgrub pa nyid gsal bar bstan to/ /gnyis pa sgrub byed rgyas par bshad pa la bzhi/ khams rang bzhin gyis rnam par dag pa rnam gzhag bcus bsgrub pa dang/ glo bur gyis dri mas bsgribs pa dpe dgus bsgrub pa dang/ khams rtogs byed kyi yul can dang/ khams kyi rang bzhin ngos bzung ba'o/ /dang po la gsum/ sdom gyis mdor bstan pa dang/ so so'i don rgyas par bshad pa dang/ don bsdu ba'o/ /dang po la gsum/ mtshams sbyar ba dang/ rtsa ba dang/ @080b don tshan so sor bcad pa'o/ /dang po ni/ sdom du bsdus pa ni/ gnyis pa ni/ ngo bo ni bshad ma thag pa'i de bzhin gshegs pa'i snying po rnam pa gsum ste/ gang gi sgo nas gsum du phye ba dang bcas pa yang ngo bo'i khongs su bsdu bar bya'o/ /rgyu ni mos pa la sogs pa ste don gsum po rnam par dag par byed pa'i rgyu dang/ spyod par byed pa'i rgyu yin pas don gsum po la ltos pa'i rgyur rnam par bzhag gi /don gsum po bskyed par byed pa'i rgyur ni mi bzung ngo/ /de bzhin nyid dri mas rnam par dag par byed pa'i rgyu dang/ rigs rnam par sbyong bar byed pa'i rgyu ste/ de dag sbyangs pa las chos sku thob par byed pa'i phyir ro/ /'bras bu ni mos pa la sogs pas khams rnam par sbyangs pas 'bras bu gtsang ba'i pha rol tu phyin pa thob pa la sogs pa'o/ /khams kyi 'bras bu sten pa skabs su bab pa ma yin nam/ mos pa la sogs pa'i 'bras bur bshad pa ci yin zhe na/ mos pa la sogs pa'i 'bras bu bzhi po nyid khams kyi yang 'bras bur 'gyur te/ khams rnam par dag pa las 'bras bu bzhi thob pas mos pa la sogs pas sbyangs pa la nges par ltos pa'i phyir ro/ /srid pa'i skyon mthong nas yid 'byung ba dang/ myang 'das kyi phan yon mthong nas don gnyer skye ba sogs kyang rigs yod pa'i las su shes par bya'o/ /ldan pa ni mos pa la sogs pa'i rgyu'i yon tan bzhi dang ldan pa dang/ mngon par shes pa sogs 'bras bu'i yon tan bdun dang ldan pa'o/ /'jug pa'i rab dbye ni/ ma dag pa'i gnas @081a @#/ /skabs na yod pa sogs ngo bo'i rab tu dbye ba dang gnas skabs dang de bzhin kun tu 'gro ba'i don dang rtog tu mi 'gyur ba dang/ yon tan dbyer med ni 'jug pa'i rab dbye gtan la 'bebs par byed pa yin te/ rang gi ngo bo'i sgo nas tha dad ma yin par gnas skabs tsam tha dad pa dang/ de'i rgyu mtshan rang bzhin gcig nyid gnas skabs kun tu rjes su 'gro ba dang/ gnas skabs tha dad pa gsum du grub na gcig nyid kun tu 'phro ba 'gal lo snyam na/ gnas skabs gsum gar du rang bzhin gyis stong pa'i cha 'gyur ba med pas mi 'gal ba dang/ shin tu rnam dag gi gnas skabs ni mi 'gyur ba'i rgyu mtshan/ 'bras bu mthar thug pa'i dus na nyan thos la sogs pa'i rnam grol gsum gyi yon tan gsum ngo bo'i sgo nas dbye ba med pa'i don to/ /don ni sangs rgyas kyi yon tan las ngo bo tha dad pa'i nyan rang gi rnam grol mthar thug pa mod pa'o/ /bcu po de ni/ don dam pa'i dbyings mdo las de bzhin gshegs pa'i snying po zhes gsungs pa'i khams kyi dgongs pa'i don gtan la 'bebs byed yin par shes par bya ste de la brten nas khams phyin ci ma log par rtogs pa'o/ /gsum pa ni/ mdor bsdu na don rnam pa bcu la dgongs nas de kho na'i yul can gyi ye shes dam pa'i mngon sum gyi yul du gyur pa'i de bzhin gshegs pa'i des? rnam par bzhag par rig par bya'o/ /don rnam pa bcu gang zhe na/ 'di lta ste zhes so/ /gnyis pa la @081b bzhi/ ngo bo dang rgyu'i don bshad pa dang/ 'bras bu dang las kyi don bshad pa dang/ ldan pa'i don bshad pa dang/ 'jug pa'i rab dbye bshad pa'o/ /dang po la gsum/ mtshams sbyar ba dang/ mdor bstan pa dang/ rgyas par bshad pa'o/ / dang po ni/ de la zhes so/ /gnyis pa la gnyis/ ngo bo'i don dang/ rgyu'i don to/ /dang po la gnyis/ dpe dang don to/ /dang po ni/ rang gi mtshan nyid las brtsams nas gsum po rim pa bzhin du yid bzhin gyi nor bu rin chen dang/ nam mkha' dang/ chu dang chos mtshungs pa dang/ spyi'i mtshan nyid de gsum dag pa bzhin no/ /don ni de bzhin gshegs pa'i chos kyi sku yid bzhin gyi nor bu dang/ de bzhin nyid nam mkha' dang/ rigs chu rnam par dag pa dang chos mthun pa'o/ /gang gi 'phrin las 'phro ba'i chos kyi sku bshad pa nyid kyis de'i phrin las 'jug rung bde blag tu rtogs par 'gyur bas chos kyi sku yid bzhin gyis nor bu dang chos mthun bshad pa yin gyi /chos kyi sku nyid khams su ston pa bzhed pa yin na/ rdzogs sangs rgyas sku ni 'phro phyir dang/ /zhes 'phro ba zhes smos pa dgos pa med pa'i phyir ro/ /spyi'i mtshan nyid rtag tu rang bzhin gyis dag pa dang/ nyon mongs rang bzhin gyis med pa'o/ /gnyis pa ni/ sa bon dang ma dang mngal dang/ ma ma dang chos mthun pa theg pa chen po'i chos la lhag par mos pa dang/ byang chub sems dpa'i thugs rgyud kyi shes rab kyi pha rol tu phyin pa'i phyogs kyis bsdus pa lhag pa'i shes rab dang/ byang chub sems dpa'i @082a @#/ /ting nge 'dzin sgo mtha' yas pa dang/ snying rje chen po las de bzhin nyid dri ma mtha' dag gis rnam par dag pa dang/ rigs yongs su sbyangs pas gnas gyur pa'i chos kyi sku byung ba'o/ /gsum pa la gnyis/ ngo bo'i don bshad pa dang/ rgyu'i don bshad pa'o/ /dang po la gnyis/ dri ba dang/ lan no/ /dang po ni/ de la zhes so/ /gnyis pa la gnyis/ rtsa ba dang/ 'grel pa'o/ /dang po ni/ de bzhin gshegs pa'i chos kyi sku bsam pa'i don thams cad grub pa'i mthu bsam gyis mi khyab pa dang ldan pa'i phyir chos sku'i 'phrin las 'jug rung gi sems can yang de thob pa'i mthu dang ldan pa dang/ de bzhin nyid gzhan du mi 'gyur ba'i phyir dri ma dang bcas pa'i de bzhin nyid byang rang bzhin gyis stong pa'i rnam pa 'char ba las gzhan du mi 'gyur ba'i phyir dang/ yang dag par blangs pa las byung ba'i rigs sa bon 'jog pa'i tshe sems can la snying brtse bas brlan pa'i ngo bo'i rang bzhin gyi phyir gsum po 'di dag rim pa bzhin du rang gi mtshan nyid yid bzhin nor bu dang nam mkha' dang chu'i yon tan dang chos mthun pa nyid dang spyi'i mtshan nyid rang bzhin gyis rnam par dag par chos mthun pa nyid do/ /gnyis pa ni/ gsum po 'di dag ni 'dir sngar rdzogs sangs sku ni zhes par bstan zin pa nyid de mdor bstan pa ni/ gsum po 'di dag la zhes so/ /rgyas par bshad pa la rang gi mtshan nyid ni/ de la re zhig de bzhin gshegs pa'i chos kyi sku la ni/ gang bsam @082b pa'i don 'jig rten dang 'jig rten las 'das pa'i legs tshogs thams cad grub pa la sogs pa zhes so/ /de bzhin nyid la ni rgyu rkyen gyis gzhan du mi 'gyur ba yang yin mod kyi/ 'dus ma byas kyi nam mkha' thogs pa'i reg bya rnam par bcad tsam las gzhan du gzhag tu med pa ltar de bzhin nyid kyang bden pa'i spes pa rnam par bcad tsam las gzhan du 'gyur ba ma yin pa nyid kyi zhes so/ /rang bzhin du gnas pa'i rigs kyi steng na yod pa'i yang dag par blangs pa las byung ba'i de bzhin gshegs pa'i rigs la ni chu brlan pa'i ngo bor gnas pa dang 'dra bar sems can la snying brtse bas brlan pa'i ngo bo nyid kyi zhes so/ /sems can thams cad la sems can re re la dmigs nas sdug bsngal dang bral bar 'dod pa'i brtse ba skye ma myong ba'i sems can su yang med pas brtse ba skye ba'i yul du yang sems can thams cad sngar nas song zin la brtse ba skye ba por yang sems can thams cad gyur zin pas sems can re re nas rang gi gnyan byas pa'i dus su skyes pa'i brtse ba de 'gal rkyen zhe sdang sogs kyis ma bcom shing/ mthun rkyen goms pa dang ma bral na dus gcig tu sems can thams cad la dmigs nas sdug bsngal dang bral 'dod kyi rnam pa can gyi blor 'gyur bas snying rje chen por 'gyur ba yin na yang mthun rkyen mtshang zhing 'gal rkyen gyis bcom pas brtse ba tsam yin yang/ snying rje chen po zhes ni mi bya'o/ /brtse ba des kyang snying rje chen po'i rgyu tsam zhig byed du chug kyang 'dir @083a @#/ /ni dam pa'i chos thos pa'i rkyen gyis bzhag pa'i zag pa med pa'i sa bon la yang dag par blangs pa las byung ba'i rigs shes bya la/ de tsam du zad pa ni ma yin te/ byang chub sems dpa'i snying rje chen po la sogs pa yang der shes par bya'o/ /spyi'i mtshan nyid ni 'dir thams cad kyang rtag tu rang bzhin gyis shin tu nye bar nyon mongs pa med pa nyon mongs rang bzhin gyis ma grub cing/ de'i 'dzin stangs gnas lugs dang mthun par ma zhugs pa dang/ rang bzhin gyis yongs su dag pa'i zhes so/ /gnyis pa la gnyis/ dri ba dang/ lan no/ /dang po ni/ de la zhes so/ /gnyis pa la gnyis/ spyir bshad pa dang/ sgrib pa'i gnyen po rgyu'i rang bzhin bye brag tu bshad pa'o/ /dang po la gnyis/ rtsa ba dang/ 'grel pa'o/ /dang po la gnyis/ sgrib bcas kyi gang zag sgrib pa dang bcas pa bshad pa dang/ gnyen po'i rgyu'i rang bzhin bshad pa'o/ /dang po ni/ theg pa chen po'i chos la khong khro zhing zhe sdang ba 'dod chen pa dang/ gang zag gi bdag lta can mu stegs pa dang/ rang nyid gcig bu'i ched du 'khor ba'i sdug bsngal gyis 'jigs nas sems can 'dor 'dod pa nyan thos dang sems can sdug bsngal dang bral ba bdag gis bya'o/ /snyam pa'i sems can gyi don la ltos pa med pa nyid/ rang byung rnams kyi thams cad mkhyen pa thob pa la sgrib pa rnam pa bzhi'o/ /rten gyi gang zag gi sgo nas so sor phye ba yin gyi /theg pa chen po'i lam du @083b bgrod par byed pa kun gyis 'di dag spang bar bya ba yin la/ de yang sred pa'i mthar ltung ba dang/ zhi ba'i mthar lhung ba dang/ mtha' gnyi ga dang bral ba gsum du phye nas mi gnas pa'i mya ngan las 'das pa sgrub byed kyi lam gtan la 'bebs byed kyi yan lag tu shes par bya ba yin no/ /gnyis pa ni/ khams kyi dri ma dag par byed pa'i rgyu theg pa chen po'i chos la lhag par mos pa la sogs pa'i rgyu'i chos ni rnam pa bzhin nyid du shes par bya'o/ /gnyis pa la gnyis/ mdor bstan pa dang/ rgyas par bshad pa'o/ /dang po ni/ mdor bsdu na sems can gyi tshogs na/ sems can rnam pa 'di gsum yod de/ srid pa 'dod pa srid pa'i mthar lhung zhing thar pa mi 'dod pa dang srid pa dang bral ba 'dod pa zhi ba'i mthar lhung ba dang/ de gnyi ga mngon par mi 'dod pa srid zhi gnyi ga'i mthar ma lhung ba'o/ /gnyis pa la gnyis/ sgrib pa dang ldan pa'i gang zag bshad pa dang/ de la yod pa'i sgrib pa bshad pa'o/ /dang po la gnyis/ so sor bshad pa dang/ de thams cad phung po gsum du bsdu ba'o/ /dang po la gsum/ srid pa'i mthar lhung ba dang/ zhi ba'i mthar lhung ba dang/ srid zhi gnyi ga'i mthar ma lhung ba'o/ /dang po ni/ de la srid pa 'dod pa ni rnam pa gnyis su rig par bya ste/ thar pa'i lam dang zhe 'gras pa thar pa med do/ /zhes skur ba 'debs pa dang/ yod par shes kyang rgyab kyis phyogs pa log srid can yongs su mya ngan las mi 'da' ba'i rigs kyi sems can rigs chad ces grags pa 'khor ba nyid 'dod kyi mya ngan las 'das pa ni don du @084a @#/ /gnyer ba ma yin pa gang dag yin pa dang/ de ni re shig 'khor ba mtha' dag gis yid 'byung ba dang/ thar pa don gnyer bskyed mi nus pa yin gyi /rigs gtan chad du bshad pa dgongs pa can du 'og nas bsgrubs pas so/ /der nges par lhung ba chos 'di ba nyid de/ de dag las kha cig tshul khrims kyi bslab pa'i snod rung tsam yin yang gang zag gi bdag med rags pa tsam yang re shig bstan du mi rung zhing theg pa dman pa'i sde snod la zhen nas/ theg pa chen po'i mdo sde bka' ma yin no/ /zhes bskur ba 'debs pas theg pa chen po'i chos la sdang ba ste/ gang gi dbang du mdzad nas bcom ldan 'das kyis 'di skad ces nga ni de dag gi ston pa ma yin la de dag kyang nga'i nyan thos ma yin no; ;shA ri'i bu de dag ni/ ma rig pa'i mun pa mthug pos bkab pas mun pa pas kyang ches mun pa 'bras bu sdug bsngal mi zad pas brgyud mar mnar bar 'gyur bas mun pa nas mun pa chen por 'gro ba mun pa chen po dang ldan pa'o zhes nga smra'o zhes gsungs pa'o/ /gnyis pa la gnyis/ spyir bstan pa dang/ so sor bshad pa'o/ /dang po ni/ de la zhes so/ /gnyis pa la gnyis/ thabs ma yin pa la zhugs pa dang/ thabs la zhugs pa'o/ /dang po ni/ de la zhes te gang zag dang po ni lta ba dang spyod pa gnyi ga'i sgo nas chos 'di las phyi rol tu gyur pa tsa ra ka dang/ kun tu rgyu dang/ gcer pu pa la sogs pa kha cig tshe snga phyis bsdus pa'i mngon mtho la yang skur ba 'debs pa dang/ mngon mtho khas @084b len kyang thar pa la bskur ba 'debs pa spyod pa ba la sogs pa rtag chad du smra ba rnam pa du ma'i mu stegs pa mang po dang/ gang zag gnyis pa ni phyi rol pa de dang mthun par spyod pa chos 'dir nyid la dad pa yod kyang stong pa nyid kyi don la nyes par gzung ba phyin ci log tu 'dzin pa ste de dag kyang gang zhe na 'di lta ste don dam pa la mi mos pa gzhan sdes btags pa ltar phung po'i tshogs pa dang rgyun gang la yang btags pa ma yin par rdzas su yod pa'i gang zag tu lta ba gang zag gi bdag grub mtha' khas len pa'i gnas ma bu pa'i sde ba kha cig lta bu ste/ sngar gong du bshad pa'i chos 'di ba dang gang zag gi bdag khas len par 'dra yang snga ma thar pa la don gnyer med cing/ theg pa chen po'i chos la sdang ba yin la/ phyi ma 'di thar pa tsam la don gnyer yod cing/ theg pa chen po'i chos la bskur ba mi 'debs pa kha cig go gnas ma bu pa'i sde pa la yang/ theg pa chen pa'i mdo sde la skur ba 'debs pa dang mi 'debs pa gnyis su yod la; kha che bye brag tu smra ba sogs la yang gnyis su yod par shes par bya'o/ /lung dang sbyar ba ni/ gang la bcom ldan 'das kyis stong pa nyid la mas pa med pa ni mu stegs pa dag dang khyad med pa yin no zhes gsungs pa ste gang zag gi bdag med rags pa tsam yang re shig rna bar mi 'ong bar khyad par med pa la dgongs pa'o/ /kha cig /tshad ma sde bdun gyi dgengs par byas nas yod pa tsam la mi rtag pas khyab par 'dod pa ni/ lta ba ngan pa 'di dag gi bag chags @085a @#/ /'jog pas phung khrol chen po bskyed pa ste/ 'di ltar/ de skad smra ba de ni/ mkhas pa la grags pa'i rtag pa 'jig pa rnam par bcad pa tshad mas grub pa'i rnam gzhag legs par mi shes shing/ de la mi mos pa yin la/ de lta na/ gang zag gi bdag dang chos kyi bdag rnam par bcad tsam gyi mod par dgag pa bdag med rtogs pa'i shes rab kyis rtogs bya tshad mas grub pa'i rnam gzhag la yang bdag med pa'i don ma yin pa'i bskur ba 'debs par 'gyur bas/ gang zag gi bdag 'dzin kun brtags la bag chags mthug po 'jog par shes par bya'o/ /gang zag gsum pa ni/ gnas lugs kyi don mthar thug pa khong du ma chud bzhin du khong du chud do snyam pa'i mngon pa'i nga rgyal can stong pa nyid du lta ba stong nyid la bden par zhen pa ste/ 'di la stong pa nyid du lta ba gang dag de'i rnam par thar pa'i sgo la yang stong pa nyid du lta bar 'gyur ba'o/ /rnam par thar pa mya ngan las 'das pa thob pa'i ske'am thabs ni/ stong pa nyid rtogs pa'i shes rab yin na/ stong pa nyid la yang bden par zhen pa re shig gsor mi rung ba'i lta ba can du bshad pa ste/ de ni gzung 'dzin rdzas tha dad kyis stong pa gnas lugs kyi don mthar thug pa dang/ de yang rang gi mtshan nyid kyis grub pa'i bden grub tu zhal gyis bzhes pa rnal 'byor spyod pa ba la mdzad par mngon zhing/ de ltar rje rin po thams cad mkhyen pa nyid bzhed do/ /gzhan du na 'og nas phung po gsum du bsdus pa gang gi yang @085b nang du ma 'dus par thal par 'gyur ba'i phyir ro/ /rang gi mtshan nyid kyis grub pa bden grub kyi tshad du byas nas de tshad mas khegs pa'i rnam gzhag 'jog shes pa la ni bkag pa bden 'dzin gyi nyes pa 'di yod pa ma yin te/ spyod 'jug las; bcad bya rnam par bcad byas na/ /rnam dpyod la ni brten yod min/ /zhes gsungs pa ltar/ stong nyid phra mo khong du chud pa la ni stong nyid rtogs pa'i shes rab kyis zin pa'i tshe/ bkag pa rang gi mtshan nyid kyis grub par zhen pa'i gzhi med pa'i phyir ro/ /des na dgag bya rags pa tsam bkag pa'i stong nyid khas len pa la bkag pa bden grub la grub mtha' 'cha' ba'i nyes pa gnas pa'i phyir ro/ /de yang stong nyid rags pa la bden zhen drag po yod pa de srid du gsor mi rung yin gyi /gzhan du ni rnal 'byor spyod pa ba rnams kyi lta ba ni dbu ma pa'i stong nyid phra mo rtogs pa'i rgyud smin byed kyi thabs su shes par bya'o/ /thabs ma yin pa la zhugs pa'i don ni/ spyod pa yongs su rdzogs par nyams su len pa yod kyang stong nyid kyi lta ba mthar thug pa'i mi mthun pa'i phyogs stong pa nyid bden par grub pa la zhen nas grub mtha' 'cha' ba'i cha nas rnam par bzhag pa yin gyi /sems tsam pa'i lta ba thar pa thob pa'i gegs byed du 'dod pa ni sa dang lam gyi rig pa la mi mkhal pa'i log lta chen por shes par gyis shig /lung dang sbyar ba ni/ gang gi dbang du mdzad nas 'od srung gis zhus pa'i mdo las/ 'od srung gang zag tu lta ba ri rab tsam ni bla'i/ mngon pa'i nga rgyal can stong pa @086a @#/ /nyid du lta ba ni de lta ma yin no/ /zhes gsungs pa'o/ /gang zag gi bdag 'dzin lhan skyes tsam yod kyang de lta ba mthar thug dang/ gang zag gi bdag stong nyid mthar thug tu khas mi len la gzung 'dzin rdzas tha dad kyis stong ba gnas lugs kyi don mthar thug tu zhal gyis bzhes pas lhan skyes kyi steng du kun brtags dang bcas pas spang dka' ba'i don to/ /'grel pa 'di rnam par rig pa tsam gyi lugs ston par 'chad pa ni 'thad par mi sems te/ lung 'di slob dpon 'phags pa thogs med kyis sems tsam pa'i rigs can kha cig rjes su bzung ba'i ched du/ rnam par rig pa tsam gyi shing rta'i srol phye nas rgyas par ston par byed pa byang sar rang gi mtshan nyid kyis grub pa'i chos rdul tsam yang med par zhal gyis bzhes pa ngo bo nyid med par smra ba la gnod byed du drangs la/ 'dir ni stong nyid bden grub tu 'dod pa la gnod byed du drangs pa'i phyir ro/ /'dis ni nyan thos sde pa yang bsdus mod kyi de 'ba' zhig tu zad pa ni ma yin te/ rnal 'byor spyod pa ba skabs 'di gang du yang ma bstan par thal bar 'gyur ba'i phyir ro/ /gnyis pa ni/ de la thabs la zhugs pa la yang rnam pa gnyis te nyan thos kyi theg pa dang mthun pa/ gang zag dang chos la bdag med pa'i stong nyid phra mo khong du tshud cing/ mthong lam thob nas mngon sum du rtogs pa'i yang dag pa nges pa nyid du zhugs pa dang/ stong nyid rtogs pa'i tshul de dang 'dra bar rang sangs rgyas kyi theg pa @086b dang mthun pa'o/ /'dis kyang nyan rang gnyi ga? la bdag med gnyis phra mo khong du chud pa yod par bstan te/ gnas lugs kyi don ma rtogs par dngos po bden grub dang stong nyid bden grub zhal gyis bzhes pa lta ba'i sgo nas thabs ma yin pa la zhugs par gong du bstan zin pa'i phyir dang/ thabs dang thabs ma yin pa sangs rgyas thob pa'i thabs spyod pa dang spyod pa'i rten theg chen sems bskyed kyis 'byed na ni/ nyan rang gnyis kyang thabs ma yin pa la zhugs par sdud rigs pa'i phyir ro/ /des na thar pa dang thams cad mkhyen pa gang thob par byed kyang lta ba'i sgo nas thabs kyi mthar thug pa ni/ stong nyid phra mo khong du chud pa las gzhan med la/ de nyan rang 'phags pa rnams la yod kyang nyan rang gi rigs tsam ? la nges pa med pa ni/ sngar bstan cing 'og tu yang 'chad par 'gyur ro/ /gsum pa ni/ las nyon gyi dbang gis srid par skye ba dang/ srid par skye ba tsam chang pa las thob pa'i myang 'das de gnyi ga yang mngon par mi 'dod pa ni theg pa chen po la yang dag par gnas pa theg pa chen po'i sde snod kyi gdul bya la gtso bo dang phal ba gnyis las phyi mar ni rnal 'byor spyod pa ba rnams kyang 'gyur la/ snga ma ni mchog tu dbang po rnon po'i sems can theg pa chen po'i lta spyod gnyi ga yongs su rdzogs par nyams su len pa ste/ gang dag 'dod chen pa bzhin du zhes te/ 'on kyang 'khor ba dang mya ngan las 'das pa mnyam pa nyid thob pa'i lam du zhugs pa ste/ de dag ni bsam pa rnam par dag pa mi gnas pa'i mya ngan las 'das pa la brten pa'i bsam @087a @#/ /pa can sbyor ba yongs su dag pa nye bar nyon mongs pa med pa'i snying rje dang smon lam gyi dbang gis skye ba len pa'i 'khor ba la brten pa'i sbyor ba can sems can thams cad sdug bsngal dang bral 'dod kyi snying rje dang sdug bsngal dang bral ba de bdag gis bya'o/ /snyam pa'i lhag pa'i bsam pa brtan pos rab tu gnas pa theg chen sems bskyed skye ba'i gzhi dang/ rtsa ba yongs su dag par gyur pa yin no/ /de ni srid pa'i mtha' dang zhi ba'i mtha' gnyis ka 'gog byed kyi lam rdzogs par nyams su len pa'i dbu ma pa chen po yin no/ /gnyis pa ni/ de la sems can gang dag ces te/ go bar zad do/ /gnyis pa la gsum/ bstan pa dang/ bshad pa dang/ don bsdu ba'o/ /dang po ni/ de la theg pa chen po la yang dag par rab tu gnas pa'i sems can sgrib pa rang bzhin gyis med par rtogs pa de ma gtogs par zhes pa nas/ de bzhin gshegs pa'i khams rang bzhin gyis stong pa thabs kyi cha yongs su rdzogs pa dang bcas pa'i tshul gyis mi rtogs pa dang re shig mngon du byed par mi 'gyur ba'i sgrib pa 'di bzhi yang dag par gnas so/ /'dis kyang nyan rang la stong nyid rtogs pa med pa'i tshul spyir bstan pa ma yin pa ni 'og nas nam mkha' mdzod kyi ting nge 'dzin gyi khyad par du byas nas bsgom pa ma yin par bstan pas shes so/ /gnyis pa ni/ bzhi gang zhe na/ 'di lta ste/ gang gi gnyen por byang chub sems dpa' rnams theg pa chen po'i chos la mos pa sgom pa ni/ 'dod chen pa rnams @087b kyi sgrib pa theg pa chen po'i chos la sdang ba de'i gnyen po yin la gang gi gnyen por byang chub sems dpa' rnams shes rab kyi pha rol tu phyin pa bsgom pa ni/ gzhan mu stegs byed rnams kyi sgrib pa chos rnams la bdag tu lta ba de'i gnyan po yin no; ;gang gi gnyen por byang chub sems dpa' rnams nam mkha' mdzod la sogs pa'i ting nge 'dzin bsgom pa ni/ 'khor ba'i sdug bsngal gyis 'jig pa nyan thos kyi theg pa ba rnams kyi sgrib pa 'khor ba la sdug bsngal bar rab tu 'du shes shing sems can rnams ltos med du 'dor ba de'i gnyen po dang/ gang gi gnyen por byang chub sems dpa' rnams snying rje chen po bsgom pa ni/ rang sangs rgyas kyi theg pa ba rnams kyi sgrib pa sems can rnams sdug bsngal dang bral ba de bdag gis bya'o/ /snyam pa'i khur mi 'dzin pas sems can gyi don la rgyab kyis phyogs shing sems can gyi don la mi ltos pa nyid do/ /sgrib pa re dang gnyen po re sbyar te bshad pa'o/ /gsum pa ni/ gang gi gnyen por zhes so/ / don bsdu na theg pa chen po'i chos rgyu 'bras la mos pa rgya chen po sngon du btang nas de'i rjes su snying rje chen po bsgoms nas byang chub kyi mchog tu sems bskyed de/ theg pa chen po thun mong ma yin pa'i zhi gnas dang lhag mthong zung 'brel kyi ting nge 'dzin bsgom pa ni gnyen po'i lus yongs su rdzogs pa'o/ /gnyis pa sgrib pa'i gnyen po rgyu'i rang bzhin bye brag tu bshad pa la gnyis/ mtshams sbyar ba dang/ rtsa ba'o/ /dang po ni/ gtsang ba la sogs pa'i pha rol tu phyin pa rnam par dag pa @088a @#/ /bzhi 'grub pa'i rgyu bzhi po 'di dag dang ldan pa ni sa dang po la sogs par de bzhin gshegs pa'i rigs su chos kyi rgyal po'i sras su 'gyur ro/ /ji ltar zhe na/ gnyis pa ni/ theg pa mchog gi rgyu 'bras la mes pa ni 'khor los bsgyur ba'i rgyal po'i sras bskyed pa'i sa bon lta bu yin la/ thabs kyi cha rgya chen pos brgyan pa'i stong nyid rtogs pa'i shes rab ni sangs rgyas kyi chos bskyed pa'i ma dang 'dra ba dang/ ma ni shes rab pha ni thabs/ zhes bshad pa ltar stong nyid rtogs pa'i shes rab ni theg pa gsum ga'i byang chub kyi thun mong ba'i rgyu yin pas ma lta bu dang/ thabs ni thun mong ma yin pa'i rgyu yin pas pha lta bur rnam par bzhag go /nam mkha' mdzod la sogs pa'i ting nge 'dzin gyis bsdus pa'i bsam gtan gyi bde ba'i mngal na gnas pa dang/ snying rje'i ma ma can te thog mtha' bar gsum du gal che ba'i snying rje chen pos legs par bskyangs pa'i skyes bu gang yin pa de dag thub pa'i rjes su skyes pa'i sras su shes par bya'o/ /'dir bstan pa'i mos pa ni theg pa chen po'i chos rgyu 'bras la dang ba'i dad pa dang/ 'dod pa'i dad pa dang/ yid ches pa'i dad pa las phyi ma yin te/ dad pa chos thams cad kyi rtsa bar shes pa'i ched du yin no/ /dad pa 'dun pa'i rten byed pa'i las can yin pas snying rje chen pos rgyu byas pa'i rdzogs pa'i byang chub la don gnyer gyi 'dun pa 'dren par byed pa yin la/ de la brten nas sangs rgyas kyi rgyu la don gnyer gyi @088b 'dun pa 'dren par byed cing/ de nas rim gyis theg pa chen po'i zhi lhag zung 'drel gyi ting nge 'dzin nyams su blangs pa la brten nas sngar bshad pa'i sgrib pas de bzhin 'joms par shes par bya'o/ /gnyis pa 'bras bu dang las kyi don bshad pa la gsum/ mtshams sbyar ba dang/ mdor bstan pa dang/ rgyas par bshad pa'o/ /dang po ni/ de la zhes so/ /gnyis pa la gnyis/ 'bras bu bstan pa dang/ byed las bstan pa'o/ /dang po ni/ gtsang ba dang/ bdag dam pa dang/ bde ba dang/ rtag pa nyid kyi yon tan gyi pha rol tu phyin pa mthar thug pa ni/ 'bras bu'o/ /rgyas par 'og tu 'chad do/ /gnyis pa ni/ rigs dang ldan pa'i byed las dang che ba ni/ 'khor ba'i sdug bsngal ba rnag mi bzod pa khong du chud nas 'khor ba'i sdug bsngal gyis yid 'byung zhing zhi ba mya ngan las 'das pa thob par 'dun pa dang/ thob par gyur cig snyam du smon pa'i las can no/ /de 'dra'i blo skye ba na rigs yod pa'i byed las su shes par bya ste 'og tu rjes su 'gro ldog gi sgo nas sgrub par 'gyur ro/ /gsum pa la gnyis/ 'bras bu'i don rgyas par bshad pa dang/ las kyi don rgyas par bshad pa'o/ /dang po la gnyis/ dri ba dang/ lan no/ /dang po ni/ de la zhes so/ /gnyis pa la gsum/ gnyen po bzhis thob pa'i 'bras bu'i mtshan nyid spyir bshad pa dang/ 'bras bu bzhi'i mtshan nyid so sor bshad pa dang/ byang chub sems dpa'i rgyud kyi stong nyid rtogs pa'i shes rab dang snying rje chos sku'i rtsa bar bstan pa'o/ /dang po la gnyis/ rtsa ba dang/ 'grel ba'o/ /dang po ni/ theg pa chen po'i chos @089a @#/ /la mos pa la sogs pa 'di dag gi 'bras bu ni mdor bsdu na de bzhin gshegs pa'i chos kyi sku la phyin ci log rnam pa bzhi las ldog pa'i gnyen po bzhis phyin ci log bzhi spangs pas rab tu phye ba nyid 'bras bu bzhir shes par bya'o/ /gnyis pa la gnyis/ mdor bstan pa dang/ rgyas par bshad pa'o/ /dang po ni/ mos pa la sogs zhes so/ /gnyis pa la gsum/ phyin ci log dang de gnyen pos spangs pa'i 'bras bu bshad pa dang/ rgyu 'bras sbyar te bshad pa dang/ gang zag gsum gyis chos sga? thob pa'i gegs bye brag tu bshad pa'o/ /dang po la gnyis/ dngos kyi don dang/ lung dang sbyar ba'o/ /dang po la gsum/ kun rdzob pa'i sded lugs la ltos pa'i phyin ci log dang/ don dam pa'i sdod lugs la ltos pa'i phyin ci log dang/ de spangs pa'i 'bras bu'i dbye ba'o/ /dang po ni/ de la gang zhig gzugs la sogs pa'i dngos po zhes pa nas/ rnam pa bzhi zhes brjod la zhes so/ /'di dag ni grub mthas blo ma sgyur ba rnams la yang yod pa'i phyin ci log ste/ sdug bsngal gyi bden pa'i kun rdzob pa'i gnas lugs la yang log par zhugs pa'i phyin ci log rnam pa bzhi'o/ /gnyis pa ni/ 'di las ldog pas ni zhes pa nas/ 'di ni phyin ci log rnam pa bzhi las ldog pa'o/ /de yang rtag pa la sogs pa'i mtshan nyid de bzhin gshegs pa'i chos kyi sku'i dbang du byas te 'dir phyin ci log tu 'dod do/ /zhes so/ /phung po mi @089b rtag sogs su rtogs pa'i shes rab ni phung po rtag pa sogs su 'dzin pa'i blo dang dmigs yul gcig la dmigs nas 'dzin stangs dngos su 'gal zhing/ snga ma'i 'dzin stangs phung po kun rdzob pa'i gnas tshod dang mthun par zhugs pas rtag sogs su 'dzin pa'i dngos kyi gnyen po yin la/ chos kyi sku la ltos te phyin ci log tu bzhag pa ni phung po mi rtag pa sogs bden par 'dzin pa'i bden 'dzin la bzhed pa yin gyi /phung ba mi rtag par 'dzin pa sogs phyin ci log gzhan yul la 'khrul pa'i log shes su 'dod pa ni kun rdzo pa la skur ba 'debs pa'i chad par lta ba ste/ phung po mi rtag par yang gzung du mi rung ste de ltar 'dzin pa thar pa'i gegs byed du 'dod pa ni/ chos gang yang yod med dang yin min gang du yang gzung du mi rung bar 'dod pa rgya nag gi mkhan po shang gi lugs su shes par bya'o/ /de'i ltar na/ phyin ci log pa dang ma log pa'i rnam dbye gang yang byar med par 'gyur ro/ /bdag med pa ben? par 'dzin pa yang rags pa'i bdag med bden par 'dzi pa min gyi /phra ba'i bdag med tshad mas rtogs zin ma brjed na de 'dra'i bdag bkag pa'i bkag pa bden grub la grub mtha' 'cha' bas mi srid pa'i phyir ro/ /gal te dgag bya phra mo bkag pa'i bdag med bden par 'dzin pa'i blo mngon gyur du skyan lhan skyes su shes par bya'o/ /de ni mi rigs te/ bden par zhen pa'i gzhi rang gi mtshan nyid kyis grub pas stong pa'i stong pa nyid thog ma med pa nas 'khor bar ma 'dris pa'i phyir ro/ /zhe na/ skyon med de/ bden par zhen pa'i gzhi @090a @#/ /theg pa chen po'i lam 'bras bu dang bcas pa 'khor ba thog ma med pa nas 'dris par ma byas kyang/ rigs pa'i dpyad pa la mi ltos par de la dmigs nas bden zhen skye ba lhan skyes su shes par bya'o/ / gzhan du na mngon par rtogs pa'i rgyan nas gsungs pa'i theg pa chen po'i sgom spangs gzung 'dzin gyi rnam par rtog pa du ma gsungs pa bzhag tu med par 'gyur ro/ /gsum pa ni/ gang gi gnyen por zhes so/ /'di dag gi don ni 'chad par 'gyur ro/ /gnyis pa la gsum/ rtag sogs phyin ci log bzhi lung dang sbyar ba dang/ mi rtag sogs bzhi bden par zhen pa lung dang sbyar ba dang/ gnyen po lung dang sbyar ba'o/ /dang po ni/ mtshams sbyar ba ni/ gzhung 'di yang zhes so; ;bcom ldan 'das zhes te/ stong pa nyid khong du chud pa la ltos mi dgos par tha snyad pa'i tshad mas kyang zhen yul la 'khrul par khong du chud pa'i phyin ci log rnam pa bzhi'o/ /gnyis pa ni/ bcom ldan 'das nyan thos sangs rgyas thams cad kyang stong pa nyid kyi ye shes kyi rang stobs kyis sngar ma mthong ba thams cad mkhyen pa'i ye shes kyi yul de bzhin gshegs pa'i chos kyi sku bden pa'i spros pa mtha' dag dang bral ba la bden par zhen pas phyin ci log tu gyur pa'o/ /stong nyid phra mo khong du ma chud pa'i nyan thos dang rang sangs rgyas kyi rigs can mi rtag pa dang rags pa'i bdag med sogs rtogs pa de dag la bden par zhen pa dang/ nyan rang 'phags pa stong nyid phra mo mngon sum gyis rtogs @090b kyang; theg pa chen po'i rigs can dbang po rnon po ltar rang stobs kyis rtogs pa ma yin pa dang/ mi rtag pa sogs bden par 'dzin pa lhan skyes mngon gyur dang bcas pas chos kyi sku las phyin ci log tu gyur pa yin la/ nyan rang dgra bcom pa rnams kyis kyang shes rab kyi pha rol tu phyin pa bsgom pa med pas/ 'bras bu bdag dam pa'i pha rol tu phyin pa thob pa'i gnyen po mtshang ba'o/ /gsum pa ni/ bcom ldan 'das byang chub sems dpa' gang dag srid zhi mnyam nyid kyi gnyen po thob pas rtag par 'du shes pa/ shes sgrib kyis bsdus pa'i rten 'brel yan lag bcu gnyis spang byar 'du shes shing/ de'i gnyen po bsgoms pas bde bar 'du shes pa/ gang zag dang chos kyi bdag gi spros pa rnam par bcad tsam chos kyi gnas lugs dang rang bzhin mthar thug par khong du chud pas bdag tu 'du shes pa rang bzhin gyis rnam par dag pa la sgo gsum gyi bag chags spang byar 'du shes pas gtsang bar 'du shes pa'i sems can zhes so/ /rtag par 'du shes pa la sogs pa phyin ci log tu gong du bshad pa ma yin nam ci'i phyir de ltar khong du chud pa rgyal ba'i sras yin zhe na/ de ni ming mtshungs kyang don mi mtshungs pa ni/ bcom ldan 'das sems can de dag ni zhes pa nas/ thugs kyi sras lags so zhes rgyas par ro/ /zhes pa'i bar ro/ /gnyis pa rgyu 'bras sbyar te bshad pa la gnyis/ so sor bshad pa dang/ bsdus te bstan pa'o/ /dang po la gsum/ mdor bstan pa dang/ rgyas par bshad pa dang/ den bsdu ba'o/ / @091a @#/ /dang po ni/ de bzhin gshegs pa'i chos kyi sku'i yon tan gyi pha rol tu phyin pa 'di bzhi ni mos pa dang/ shes rab dang/ ting nge 'dzin dang/ snying rje chen po dang bcas pa'i rgyu bzhi'i rim gyis bshad ma thag pa'i 'bras bu'i go rim las ldog ste rig par bya'o/ /de'i don ni/ bshad ma thag pa'i mdo las/ chos kyi sku rtag pa'i pha rol tu phyin pa/ bde ba'i pha rol tu phyin pa/ bdag gi pha rol tu phyin pa/ gtsang ba'i pha rol tu phyin pa'o zhes bshad pa'i go rim las ldog nas rgyu'i go rim dang mthun par 'og nas 'chad pa'i don yin no/ /gnyis pa la bzhi/ gtsang ba'i pha rol tu phyin pa theg pa chen po'i chos la mos pa'i rgyu dang sbyar te bshad pa dang/ bdag dam pa'i pha rol tu phyin pa sher phyin sgom pa'i 'bras bur bstan pa dang/ bde ba dam pa'i pha rol tu phyin pa bsam gtan gyi phar phyin sgom pa'i 'bras bur bstan pa dang/ rtag pa'i pha rol tu phyin pa snying rje chen po sgom pa'i 'bras bur bstan pa'o/ /dang po ni/ de la theg pa chen po'i chos la sdang ba 'khor ba 'ba' zhig 'dod pa'i 'dod chen pa rnams kyi mi gtsang ba'i 'khor ba la mngon par dga' ba las ldog nas zhes te/ sgrib pa dang/ sgrib ldan gyi gang zag dang sgrib pa'i gnyen po dang/ de sgom pa'i 'bras bu bzhi bzhi'i sgo nas bshad par rig par bya'o/ /gnyis pa la gnyis/ dngos kyi don dang/ bdag dam pa'i don bye brag tu bshad pa'o/ /dang po ni/ nye bar len pa'i phung po lnga po dag la gang zag dang chos kyi bdag tu @091b lta ba gzhan mu stegs pa dag gis yod pa ma yin pa bdag tu 'dzin pa la mngon par dga' ba las ldog nas gang zag dang phung po rang bzhin gyis grub pa rdul tsam yang med par mngon sum gyis rtogs pa'i shes rab kyi pha rol tu phyin pa bsgom pa las ni 'bras bu gang zag dang chos kyi bdag gi spros pa mtha' dag gis dben pa'i don dam pa'i chos kyi sku bdag dam pa'i pha rol tu phyin pa thob par lta'o/ /gnyis pa ni/ 'di ltar ma stegs pa gzhan thams cad ni gzugs la sogs pa bden grub dang/ gang zag bden grub dang/ rang dbang du grub pa de'i rang bzhin ma yin pa'i dngos po bden grub kyi bdag tu khas len pa la de dag gis ji ltar bdag tu gzung ba'i dngos po de yang ji ltar gzung ba ltar bdag gi mtshan nyid kyis bslu ba dang ldan pa'i phyir dus thams cad du gang zag dang chos kyi bdag med do/ /de bzhin gshegs pas ni yang dag pa ji lta ba bzhin gyi ye shes ji lta ba mkhyen pa'i ye shes kyis chos thams cad bdag med pa dam pa'i pha rol tu phyin pa brnyes la ji lta ba mkhyen pa'i ye shes des ji ltar gzigs pa'i bdag med pa de yang gang zag dang chos kyi bdag shes bya la yod pa ma yin pa'i mtshan nyid kyis sangs rgyas kyis mnyam gzhag gis ji ltar gzigs pa ltar dngos po'i gnas lugs su gyur pa chos rnams kyi rang bzhin der grub pas mi slu ba dang ldan pa'i phyir dus thams cad du chos rnams kyi gnas lugs dang rang bzhin dang bdag nyid du 'dod do/ /gang zag dang chos kyi bdag med pa @092a @#/ /nyid 'dir bdag tu byas pa ste bsgrub pa rang dbang pa'i rtag dngos kyi bdag ni shes bya la mi srid par shes par bya'o/ /ji skad du/ mdo las gnas bya'i chos bden par grub pa yod na dmigs su rung ba las bden grub 'ga' la yang mi gnas pa'i tshul gyis bden stong spros bral la gnas pa zhes gsungs pa lta bu'o/ /'dir ni bdag dam pa'i mtshan gzhi sangs rgyas kyi ji lta ba mkhyen pa'i ye shes kyis gzigs pa'i bdag med la gsal bar bshad bzhin du bdag dam pa'i mtshan gzhi gang zag dang chos kyi bdag rnam par bcad tsam du zad pa min pa'i bsgrub pa rang dbang ba'i rtag dngos la 'dod pa ni rang nyid gzhan sde'i lta ba la goms pa shugs ches pas phyin ci log gi bdag la mngon par zhen pa la gnas lugs kyi don rtogs par 'dod pa bstan bcos 'di rtsa 'grel gyi dgag bya gtso bor shes par bya'o/ /rtsa 'grel 'di dag lta ba'i tshed dur zos pa min na ni mig phye la legs par ltos shig /bsgrub pa rang dbang ba'i rtag dngos la byas sam/ bdag gnyis med pa la bshad pa khong du chud par 'gyur ro/ /gsum pa ni/ 'khor ba'i zhes pa nas blta bar bya'o zhes pa'o/ /bde ba dam pa'i pha rol tu phyin pa ni/ ma rig bag chags kyi sa'i 'bras bu yid kyi rang bzhin gyi lus kyang zad par spangs pa zag pa med pa'i bde ba'o/ /'di yang sngar bshad pa ltar chos bzhi yi sgo nas bshad par bya'o/ /bzhi pa ni/ sems can gyi don la zhes pa nas thob par @092b blta bar bya'o zhes pa ste go bar zad do/ /gsum pa don bsdu ba ni/ de ltar zhes pa nas rnam pa bzhi 'grub bo zhes pa'o/ /rgyu bzhis pha rol tu phyin pa bzhi thob pa rim pa bzhin sbyar te bshad pa'o/ /gnyis pa bsdus te bstan pa ni/ de bzhin gshegs pa ni rgyu bzhi po 'di dag gi chos kyi dbyings kyi mthar thug pa nam mkha'i khams kyi mthas klas par khyab pa dus phyi ma'i mur thug pa zhes chos sku'i ngo bo'i khyad par dang khyab pa'i khyad par dang dus kyi khyad par gsum mdo las brjod do; ;yang na 'di don tshan bzhir phye nas 'og ma bzhis rim pa bzhin du rgyas par 'chad pa yin no/ /'di ltar theg pa chen po'i chos dam pa zag pa med pa'i ye shes sde tshan nyi shu rtsa gcig gi rtogs pa'i rigs rgyu 'bras rnams las lhag par mos pa bsgoms pas ni nyon mongs pa'i sgrib pa dang shes bya'i sgrib pa zad par spangs pa de bzhin gshegs pa'i shin tu gtsang ba'i chos kyi dbyings kyi mthar thug pa brnyes pa'i dag pa gnyis ldan gyi chos kyi dbyings kyi mthar thug pa nyid 'grub bo/ /shes rab kyi pha rol tu phyin pa bsgoms pas sems can dang snod kyi 'jig rten rang bzhin gyi stong pa spros pa'i mtha' thams cad dang bral ba nam mkha' lta bu bdag med pa'i mthar thug pa nyid du rtogs pa'i phyir dang nam mkha' mdzod la sogs pa'i ting nge 'dzin bsgoms pas chos kyi dbang phyug dam pa'i 'jig rten gyi khams thams cad du gdul bya kun la khyab pa kun tu ston pa'i phyir nam mkha'i khams kyi mthas klas pa'o/ /de bzhin gshegs pa'i skus @093a @#/ /gdul bya 'os su gyur pa thams cad la dus cig car du chos ston pa'i mdzad pas khyab pa yin yang shar phyogs kyi gdul bya la khyab pa'i cha des nub phyogs kyi gdul bya la khyab par 'dod pa ni mu stegs bye brag pa la sogs pa'i lugs so/ /snying rje chen po bsgoms pas sems can thams cad la dus mu mtha' med par snying rje rgyun mi 'chad pa dang ldan pa'i phyir na phyi ma'i mtha'i mur thug pa yin no/ /gsum pa gang zag gsum gyis chos sku thob pa'i gegs bye brag tu bshad pa la gsum/ dngos kyi don dang/ lung dang sbyar ba dang/ de bzhin gshegs pa'i chos sku 'ba' zhig phar phyin bzhi ldan du bstan pa'o/ /dang po la gsum/ chos sku thob pa'i gegs kyi dbye ba dang/ gegs kyi rang bzhin bshad pa dang/ gang zag gsum gyis 'bras bu thob pa la gegs byed pa'i tshul lo/ /dang po ni/ zag pa med pa'i dbyings de bzhin nyid mngon sum du rtogs pa'i stobs kyis 'khor ba'i sdug bsngal nye bar zhi ba'i nyer zhi la gnas pa'i nyan thos dgra bcom pa dang rang sangs rgyas dgra bcom pa rnams dang nyon sgra'i zad par spangs shing dbang bcu thob pa'i dag pas la gnas pa'i byang chub sems dpa' rnams la yang de bzhin gshegs pa'i chos kyi sku'i yon tan gyi pha rol tu phyin pa rnam pa 'di bzhi thob pa'i gegs su gyur pa ni 'di bzhi ste/ 'di lta ste/ kun nas nyon mongs kyi phyogs kyis bsdus pa'i sred len ltar rkyen gyi mtshan nyid dang las ltar rgyu'i mtshan nyid dang ming dang gzugs @093b ltar 'byung ba'i mtshan nyid dang rga shi ltar 'jig pa'i mtshan nyid do/ /gnyis pa la bzhin yod pa'i dang po ni/ de la rkyen gyi mtshan nyid ni sngar 'khor ba thog med pa nas nyon mongs pa'i rigs 'dra snga phyi du mang byed pa'i go skabs rnyed pas na sa dang; rang gi ngo bo ni shes sgrib kyis bsdus pa'i nyon mongs pa can ma yin pa'i ma rig pa rigs 'dra bar ma chad du 'byung ba de nyid ma rig pa'i bag chags de nyid kyis te bsod nams dang bsod nams ma yin pa dang mi g.yo ba'i las kyis bsdus pa'i 'du byed rnams kyi rgyu gang zag dang phung po bden par 'dzin pa'i nyon mongs can gyi ma rig pa bzhin no/ /gnyis pa ni/ rgyu'i mtshan nyid ni ma rig pa'i bag chags kyi sa'i rkyen can nyon mongs pa'i zag pa med pa'i las yid kyi rang bzhin gyi lus kyi nyer len gyi rgyu sems pas bsdus pa gang zag gsum gyi lus ngag gi rnam rig bskyed pa'i kun slong gi rtsol ba phra mo nyid sngar bshad pa'i 'du byed bzhin no/ /gsum pa 'byung ba'i mtshan nyid ni ma rig pa'i bag chags kyis pa'i lhan cig byed rkyen dang ldan pa zag pa med pa'i las kyi nyer len gyi rgyu can gang la yang thogs pa med par 'jug cing/ gang zag gsum po las rtogs pa dma' ba rnams kyis mngon sum gyi spyod yul du ma gyur pa yid dang 'dra ba'i rang bzhin gyis lus grub na gang zag kyi yid kyi rang bzhin gyi lus rnam pa gsum grub pa ste/ 'dod pa nye bar len pa dang/ lta ba dang/ tshul khrims dang brtul zhugs mchog tu 'dzin pa dang/ bdag tu smra ba nye bar len pa bzhi'i rkyen dang ldan pa zag pa dang bcas @094a @#/ /pa'i lam gyi rgyu can gyi 'dod pa dang gzugs dang gzugs med pa'i sas bsdus pa'i srid pa gsum mngon par grub pa bzhin no/ /bzhi pa 'jig pa'i mtshan nyid ni yid kyi rang bzhin gyi lus rnam pa gsum mngon par 'grub pa'i rkyen can bar srid kyi lus zhag bdun phrag gnyis su gnas pa'i dbang du byas na bdun phrag dang po'i mthar 'chi ba bzhin du bsam gyis mi khyab par yongs su bsgyur ba'i 'chi 'pho ba ste las nyon gyi dbang gis grub pa'i skye ba'i rkyen can gyi rga shi bzhin no/ /gsum pa ni/ de la dgra bcom pa dang rang sangs rgyas dang dbang thob pa'i byang chub sems dpa'i rnams ni/ nye ba'i nyon mongs pa thams cad kyi rten du gyur pa/ ma rig pa'i bag chags kyis ma spangs pas na/ nyon mongs pa'i dri ma dri nga ba'i bag chags thams cad kyis shes sgrib kyis bsdus pa de dang ldan pa'i phyir sgrib pa mtha' dag zad pa gtsang ba'i pha rol tu phyin pa rab kyi mthar phyin pa de'i tshe mi 'thob bo/ /ma rig pa'i bag chags kyis de nyid la brten nas mtshan ma'i spros pa ni chos gang la yang rang gi mtshan nyid kyis grub par zhen pa med kyang rang gi mtshan nyid kyis grub par snang ba'i kun tu spyod pa phra mo sngar bshad pa'i zag pa med pa'i las de dang ldan pa'i phyir bdag med gnyis mngon sum du rtogs pa tsam du ma zad bden snang mtha' dag kyang log pa'i bdag gi pha rol tu phyin pa nyon mongs dang shes sgrib gang gis kyang shin tu mngon par 'dus ma byas pa de'i tshe mi 'thob bo/ /ma rig pa'i zhes pa nas nyon mongs pa'i @094b 'bras bu sdug bsngal dang yid gyi rang bzhin gyi lus de 'gags pa shin tu bde ba'i pha rol tu phyin pa de'i tshe mi 'thob bo/ /ji srid du zhes pa nas de bzhin gshegs pa'i khams yang dag pa'i mtha' la rtag tu mnyam par bzhag pa'i tshul gyis mngon du ma byas pa de srid du bsam gyi mi khyab par yongs su bsgyur ba dang ldan pa'i 'chi 'pho ba dang ni mi 'bral ba'i phyir skye 'chi'i sgo nas gzhan du 'gyur ba med pa rtag pa'i pha rol tu phyin pa mi 'thob bo/ /rtag pa'i don tshul de ltar bshad pa ni/ gzhan sde 'dod pa'i rtag dngos la go bar 'gyur ba dgag pa'i ched du mdzad do/ /slob pa lam gyi gnas skabs su stong gsum gyi stong chen po'i 'jig rten gyi khams re re nas bgrangs pa'i bye ba phrag brgya la sogs par dus gcig tu sprul pa'i sku'i bkod pa bstan nas re re'i 'khor du yang sems can mtha' yas pa dgra bcom pa'i 'bras bu la bkod pas chog pa'i gdul bya rnams rnag smin pa btal ba ltar rgyud legs par smin pa tsam byed nus kyang/ da dung slob pa lam gyi gnas skabs su chos ston pa'i kun slong gi rtsol ba phra mo dang bcas pa'i dus gcig tu sku'i bkod pa de snyed ston cing de'i 'khor gyi sems can de snyed kyi don byed pa'i tshul sngar bshad pa de ni/ nges par yang dag pa'i mtha' mngon du byas pa la rag las pas nyon mongs kyi phyogs kyis bsdus pa'i rten 'brel yan lag bcu gnyis kyi 'jug rim 'gags pa tsam du ma zad/ shes sgrib kyi phyogs kyis bsdus pa'i rten 'brel yan lag bcu gnyis kyi 'jug rim yang ma lus par 'gags pa de bzhin nyid la 'khor @095a @#/ /ba ji srid ma stongs kyi bar du slar mi zhengs pa'i tshul du mnyam par bzhag pa de'i tshe pha rol tu phyin pa'i yon tan bzhi thob pa dang/ khyad par du rtag pa'i pha rol tu phyin pa zhes brjod pa yin gyi /bsgrub pa rang dbang ba'i rtag dngos khas len pa ni chos 'di las phyi rol tu gyur pa'i lugs su shes par bya'o/ /sngar bshad pa'i sems can gyi grangs de tsam zhig snga rol tu byang chub sems dpas smin par ma byas na yang dag pa'i mtha' mngon du bya ba kyang chad pa'i mthar ltung bar shes par bya'o/ /mdo sde rgyan dang mngon par rtogs pa'i rgyan gyi 'grel pa don gsal du bshad pa'i sems can smin pa'i tshad kyang de la brten nas shes par bya'o/ /kun nas nyon mongs kyi phyogs kyi rten 'brel yan lag bcu gnyis nyon mongs pa'i kun nas nyon mongs pa dang/ las kyi kun nas nyon mongs pa dang/ skye ba'i kun nas nyon mongs pa gsum du sdud pa dang 'dra bar 'di yang don tshan gsum du sdud pa ni/ de la ma rig pa'i bag chags kyis ni zhes pa nas skye ba'i kun nas nyon mongs pa bzhin no/ /gnyis pa ni/ gzhung 'di yang rgyas par dpal phreng gi mdo ji lta ba bzhin rtogs par bya ste/ bcom ldan 'das dper na len pa'i rkyen gyis zag pa dang bcas pa'i las kyi rgyu las byung ba'i 'dod pa la sogs pa'i srid pa gsum 'byung ba de bzhin du zhes pa nas/ zhes rgyas par 'byung ngo zhes so/ /sa gsum nyan thos kyis la sogs par 'chad pa ni tshig 'og ma ltar na chos kyi sku ma thob tshun chad du lus gsum gyi go skabs rnyed pa ni/ @095b theg pa gsum gyi gnas skabs kyi 'bras bu'i skabs su 'byung ba la bshad kyang rung ba tsam mo/ /gsum pa ni/ gang gi phyir dgra bcom pa sogs kyi lus 'di gsum la sdug kun spangs kyang gtsang ba dang bdag dang bde ba dang rtag pa'i pha rol tu phyin pa med pa de'i phyir/ de bzhin gshegs pa'i chos kyi sku kho na zhes so/ /gnyis pa 'bras bu bzhi'i mtshan nyid so sor bshad pa la gnyis/ rtsa ba dang/ 'grel pa'o/ /dang po ni/ de bzhin gshegs pa rnams kyi chos kyi sku de ni chos can/ gtsang ba'i pha rol tu phyin pa yin te/ rang bzhin gyis dag pa'i phyir dang nyon mongs pa'i bag chags zad par spangs pa'i phyir/ dam pa'i bdag gi pha rol tu phyin pa yin te/ mu stegs pas btags pa'i gang zag gis bdag dang bdag med bden par grub pa'i spros pa dag med par mngon sum du rtogs shing bdag med la ltos te gnyis snang gi spros pa yang slar mi 'byung ba'i tshul du nye bar zhi bas khyab pa'i phyir/ bde ba nyid kyi pha rol tu phyin pa yin te/ nyon mongs can ma yin pa'i ma rig pa dang/ las kyis bskyed pa'i yid kyi rang bzhin gyi phung po dang/ de'i rgyu ma rig pa'i bag chags kyi sa dang/ las zad par spangs pa'i tshul gyis log pa'i phyir/ rtag pa'i pha rol tu phyin pa yin te/ 'khor ba dang ni mya ngan pas 'das pa rang bzhin gyis stong par mnyam pa nyid du rtogs pas srid zhi'i mtha' dang bral ba mthar thug pa'i phyir ro/ /gnyis pa ni/ mdor bsdu na rgyu rnam pa gnyis gyis na zhes te/ spyi'i mtshan nyid rang bzhin gyis yongs su dag pa dang/ khyad par gyi mtshan nyid gnyen pos bcom pa'i dri ma med pa'i yongs su @096a @#/ /dag pas so/ /rgyu rnam pa gnyis kyis zhes te/ mu stegs kyi gang zag gi bdag tu zhen pas 'khor ba'i mtha' der lhung ba dang bral bas bdag gi spros pa dang bral ba'i phyir dang/ nyan thos kyi bdag med mngon sum du rtogs kyang zhi ba'i mtha' der lhung ba spangs pas bdag med pa'i spros pa dang bral ba'i phyir ro/ /de ni 'bras bu'i sgo nas mtha' gnyis su lhung ba dang bral bar bstan pa yin gyi dmigs pa'i sgo nas mtha' gnyis dang bral ba'i tshul ni/ bdag gi gros pa dang bral ba ni bdag gnyis med par rtogs pa yin la/ bdag med pa'i spros pa dang bral ba'i ni bdag med gnyis rang bzhin gyis ma grub par rtogs pa'o/ /bdag med la ltos te gnyis snang nub pa ni rtogs tshul gyi spros pa dang bral ba'o/ /rgyu rnam pa gnyis kyi bde ba'i zhes te sgrib pa gnyis ka la ltos pa'i sdug bsngal kun 'byung ba'i rnam pa thams cad spangs pas ma rig pas rigs 'dra phyi ma mchis sbyor ba'i bag chags kyis mtshams sbyor ba spangs pa'i phyir dang/ sdug bsngal 'gog pa'i rnam pa thams cad mngon sum du byas pas yid kyi rang bzhin gyi lus 'gags pa mngon du byas pa'i phyir ro/ /rtag pa'i pha rol tu phyin pa la dngos kyi don dang/ lung dang sbyar ba dang/ mtha' gnyis las grol ba myang 'das su lung la bshad pa'o/ /dang po ni/ rgyu gnyis kyi zhes te/ srid zhi'i mthar lhung ba la kun rdzob la ltos pa dang/ don dam la ltos pa gnyis las nyon gyis dbang gis nyid mtshams sbyor ba 'khor ba'i @096b mthar ltung ba dang/ mtha' de bkag pa tsam du ma zad snying rje dang smon lam gyi dbang gi skye ba len pa yang 'gog pas 'khor bar skye ba tsam dgag byar lta ba 'khor ba'i mthar lhung ba yin la/ de la brten nas thob pa'i myang 'das zhi ba'i mtha' dang/ de don du gnyer bzhi ba'i mthar lhung ba'o/ /'khor 'das gnyis spang bya dang blang byar bden par mngon par zhen pa don dam la ltos pa'i srid zhi'i mthar lhung ba yin no/ /de bzhin gshegs pa'i chos kyi sku ni/ don dam la ltos pa'i 'khor ba mi rtag pa rang bzhin gyis grub pa gsar du spang byar rtogs pa'i tshul gyis mi 'bred pas chad pa'i mthar ma lhung ba'i phyir dang/ mya ngan las 'das pa rtag pa rang bzhin gyis grub pa gsar du mi snon pas rtag pa'i mthar ma lhung ba'i phyir ro/ /kun rdzob la ltos nas ni/ byang chub sems dpa'i gnas skabs su 'khor ba mi rtag pa las nyon gyi dbang gis skye ba len pa 'gog kyang/ snying rje dang smon lam gyi dbang gis skye ba len pa mi 'brid pas chos kyi sku chad pa'i mthar ma lhung ba'i phyir dang; 'khor bar skye ba tsam chad pa la brten nas thob pa'i mya ngan las 'das pa rtag pa rgyud la thob byar byas pa'i tshul gyis mi ston pas chos sku rtag pa'i mthar ma lhung ba'i phyir ro/ /gnyis pa ni/ ji skad du dpal phreng gi mdo las/ bcom ldan 'das gal te zhes pa nas zhes gsungs pa bzhin no/ /zhes pa'o/ /'khor ba'i 'du byed sngar rang bzhin gyis grub pa gsar du med par lta ba chad lta dang/ 'khor bar skye ba tsam dgag byar lta ba 'dir bstan pa'i chad lta yin gyi/ @097a @#/ /'du byed mi rtag par lta ba chad ltar byed pa ni kun rdzob la skur ba 'debs pa'i phyin ci log tu shes par bya'o/ /de bzhin du myang 'das rang bzhin gyis grub par lta ba rtag lta dang/ 'khor bar skye ba tsam chad pa la brten nas thob pa'i myang 'das don du gnyer bya mthar thug par lta ba 'dir bstan pa'i rtag lta yin gyi myang 'das rtag mi rtag gang du yang bzung du mi rung bas myang 'das rtag par lta ba rtag ltar 'dod pa ni/ myang 'das la skur ba 'debs pa'i log ltar shes par bya'o/ /gnyis pa ni/ myang 'das mngon sum du byed pa'i chos kyi dbyings kyi tshul gyi sgo'am thabs chos kyi sku srid zhi'i mtha' gnyis dang bral bar bstan pa 'dis ni don dam par 'khor ba nyid de 'khor ba rang bzhin gyis ma grub pa rang bzhin gyi myang 'das dang/ de mngon sum du rtogs pa la brten nas glo bur gyi dri ma mtha' dag zad pa na mi gnas pa'i mya ngan las 'das par brjod pa yin te/ srid zhi mnyam nyid du brtags pa'i ye shes goms par byas pa las srid pa dang zhi ba'i mtha' gnyis ka ltar rnam par mi rtog pa mi gnas pa'i mya ngan las 'das pa mngon du byed pa'i phyir ro/ /gsum pa byang chub sems dpa'i rgyud kyi stong nyid rtogs pa'i shes rab dang snying rje chen po chos sku'i rtsa bar bstan pa la gsum/ snga 'grel dang/ mtshams sbyar ba dang/ rtsa bas bstan pa'o/ / dang po ni/ de lta mod kyi srid zhi'i mtha' 'gog byed kyi rgyu gnyis kyi khyad par med par sems can thams cad la nye ba dang ring ba dang bral ba'i mi gnas pa'i mya ngan las 'das pa'i gnas thob pa tsam bstan pa yin no/ /rgyu gnyis po gang dag gis zhe na/ @097b 'di la byang chub sems dpa' 'phags pa ni khyad par med par sems can thams cad la nye ba ma yin te/ mi rtag pa dang sdug bsngal sogs dang stong nyid mngon sum du rtogs pa'i shes rab kyis srid pa'i bag la nyal mtha' dag spangs pa'i phyir ro; ;'grel pa 'di dag snga ma'i 'phros su sbyar na rung mod kyi tshigs bcad 'og ma'i don bshad pa nyid du snang bas snga 'grel du bshad do/ /'khor ba'i mthar lhung ba 'gog pa la don dam la ltos pa'i mthar lhung stong nyid rtogs pa'i shes rab kyis 'gog kyang/ 'khor bar skye ba tsam dgag byar lta ba'i mthar lhung snying rje dang smon lam gyi dbang gis 'gog dgos pa'i phyir ro/ /sems can thams cad la ring ba yang ma yin te snying rje chen pos sems can de dag yongs su ma btang ba'i phyir ro/ /thabs shes khyad par can 'di ni srid zhi'i mtha' la mi gnas pa'i rang bzhin yang dag par rdzogs pa'i byang chub rjes su thob pa'i thabs te/ mi rtag sogs dang stong nyid rtogs pa'i shes rab kyis ni byang chub sems dpa' 'phags pa srid pa'i bag la nyal mtha' dag spangs pas na bdag la phan pa'i don rdzogs par byed pa'i phyir mya ngan las 'das pa la brten pa'i bsam pa can yin pas myang 'das thob 'dod kyi bsam pa med pas log sred can re shig yongs su mya ngan las mi 'da' ba'i rigs can bzhin du 'khor ba'i mtha' la mi gnas la bag la nyal mtha' dag spong byed kyi gnyen po rnyed pa'i don yin gyi ci rigs spangs kyang zad par spangs pa'i don ma yin no/ /snying rje chen pos kun nas bslangs @098a @#/ /nas srid par skye ba blangs pa'i sgo nas sdug bsngal ba'i sems can yongs su ma btang bas na gzhan la phan pa'i phyir 'khor ba la brten pa'i sbyor ba can yin pa zhi ba bgrod pa gcig pu ba'i rigs can bzhin du myang ngan las 'das pa'i mtha' la mi gnas so/ /gnyis pa ni/ de ltar na shes rab dang snying rje'i chos gnyis po 'di ni bla na med pa'i byang chub kyi rtsa ba'i gnas su bstan pa ni/ gsum pa ni/ byang chub sems dpa' 'phags pa bdag la chags pa'i sred pa ma lus pa mi rtag sogs dang/ stong nyid rtogs pa'i shes rab kyis bcad de 'khor ba'i mthar mi gnas la sems can thams cad la dmigs nas sdug bsngal dang bral 'dod gyis sred pa'i phyir brtse ldan byang chub sems dpa' zhi mtha' thob par byed pa min no/ /de ltar na sngar bshad pa'i blo dang brtse bas bsdus pa bla na med pa'i byang chub mngon du byed pa'i thabs goms par byas pa la brten nas byang chub sems dpa' 'phags pa 'khor ba'am mya ngan las 'das pa'i mtha' gnyis su ltung bar mi 'gyur ro/ mngon par rtogs pa'i rgyan du/ shes pas sred la mi gnas shing/ /snying rjes zhi la mi gnas dang/ /zhes pa'i skabs su snga ma kha cig gis srid pa'i mtha' 'gog byed stong nyid rtogs pa'i shes rab 'ba' zhig la 'chad pa ni/ cung zad ma rtogs pa'i rnam 'gyur du gsal te/ 'phags pa rnam par grol ba'i sde dang/ slob dpon seng-ge bzang po gnyis kas 'khor ba'i skyon mthong ba'i shes rab la bshad la/ 'khor ba'i skyon tha snyad @098b ba'i tshad mas rtogs pa yin gyi /don dam 'jal ba'i tshad mas rtogs pa ma yin pa'i phyir/ sngar zhi ba bgrod pa gcig pu pa'i nyan thos bshad pa yang gnas skabs rigs nges pa yin gyi rnal 'byor spyod pa ba rnams kyis mdo sde dgongs 'grel sgra ji bzhin par 'chad pa ltar mi bzung ngo/ /gnyis pa las kyi don rgyas par bshad pa la gnyis/ dri ba dang/ lan no/ /dang po ni/ de la zhes so/ /gnyis pa la gnyis/ sgrub byed 'phen pa'i thal 'gyur dang/ rjes su 'gro ldog gi sgo nas de bsgrub pa'o/ /dang po la gnyis/ rtsa ba dang/ 'grel pa'o/ /dang po ni/ gal te sangs rgyas kyi khams rang bzhin gyis rnam par dag pa dang zag pa med pa'i sa bon med na sdug bsngal gyi nyes dmigs mthong ba la skyo bar mi 'gyur zhing bde ba'i phan yon mthong ba'i sgo nas myang 'das la 'dod pa dang don gnyer dang smon pa'ang med par 'gyur ro/ /des 'phangs pa'i sgrub byed ni/ sems can la sangs rgyas kyi rigs yod de/ 'khor bas yid 'byung bas sbyong 'dod dang/ myang 'das thob 'dod mthong ba'i phyir/ ces pa'o/ /gnyis pa la gnyis/ shes byed dgod pa dang/ tshig don bshad pa'o/ /dang po ni/ ji skad du/ dpal phreng gi mdo las/ bcom ldan 'das gal te de bzhin gshegs pa'i snying po ma mchis na ni zhes so/ /gnyis pa ni/ de la mdor bsdus na sangs rgyas kyi khams rang bzhin gyis rnam par dag pa'i rigs ni log pa nyid du nges pa'i sems can rnams la yang las rnam pa gnyis te nye bar gnas par byed de zhes pa nas/ @099a @#/ /de la 'dun pa ni mngon par 'dod pa'o zhes pa ni myang 'das la thob bya yon tan can du 'dzin pa'o 'dod pa ni mngon par 'dod pa'i don thob pa la phyogs pa'o zhes pa ni yon tan can de thob par 'dod pa'o/ /don du gnyer ba ni mngon par 'dod pa'i don thob pa'i thabs tshol ba'o de ni go bar zad do/ /smon pa ni gang mngon par 'dod pa'i don la sems mngon par 'du byed pa'o zhes bya ba ni thabs de las myang 'das 'grub par mthong nas mngon par dga' ba'o/ /gnyis pa la gnyis/ rtsa ba dang/ 'grel pa'o/ /dang po ni/ srid pa dang mya ngan las 'das pa la de'i sdug bsngal gyi skyon dang bde ba'i yon tan mthong ba 'di rigs yod pa las yin te/ gang gi phyir na srid zhi'i skyon yon mthong ba de rigs med pa dag la med pa'i phyir ro/ /snga mas rjes 'gro dang phyi mas ldog pa bstan pa'o/ /gnyis pa la gsum/ rigs yod par rjes su 'gro ldog gi sgo nas bsgrub pa dang/ de'i yang sgrub byed kyi thal 'gyur dang/ thar pa thob mi srid pa'i gang zag mdo las bshad pa dgongs pa can du bsgrub pa'o/ /dang po ni; dkar po'i mthar pa cha mthun dang ldan pa'i gang zag gis 'khor ba spyi dang bye brag gi nyes dmigs bsam pa'i sgo nas 'khor ba la sdug bsngal gyi nyes pa mthong ba dang/ mya ngan las 'das pa la bde ba'i phan yon mthong ba gang yin pa 'dir yang rgyud la thar pa'i rigs yod pa las gyur pa yin gyi rgyu med rkyen med par ni de 'byung ba rigs pa ma yin no/ /'khor ba'i nyes dmigs dang thar pa'i phan yon thos pa dang/ stong pa nyid kyi sgra thos pa la brten nas lus kyi ba spu ldang ba sogs @099b byung ba rang rgyud la thar pa cha mthun gyi dge rtsa yod par shes par bya la/ lam lngar byas pa'i thar pa cha mthun dang mi gcig ste 'di la lam bsgom pa mi dgos pa'i phyir ro/ /bsam pa 'di med par so sor thar pa'i sdom pa rnal ma skye dka' bas 'khor ba'i nyes pa mthong nas yid 'byung ba'i bag chags 'jig pa la 'bad par bya'o/ /dge ba'i bshes gnyen gyis brda legs par sprad nas lan cig tsam skyes pa'i tshe yang thar pa cha mthun gyi dge rtsa dang ldan par shes par bya'o/ /gnyis pa ni/ de 'dra'i rjes su 'gro ldog nges pa'i rgyu mtshan ci'i phyir ce na/ gal te srog gcod la sogs pa'i sdig to sel ba'i tshul gyis 'byung ba de lta ma yin par rgyu med rkyen med par srid zhi'i skyon mthong ba der 'gyur na ni/ log sred can yongs su mya ngan las mi 'da' ba'i rigs can rnams la yang de'i tshe srid zhi'i skyon yon mthong ba de yod par 'gyur na ste yod par thal pa'o/ /thal pas 'phangs pa'i rtags yang dag ni/ ji skad du glo bur gyi dri ma rnam par dag pa'i rigs dang po nas gnas pa sad pa'i rkyen skyes bu dam pa la brten pa dang/ sngon bsod nams bsags pa dang/ mthun pa'i yul na gnas pa dang/ bdag nyid legs par smon zhing tshul bzhin yid byed kyi gnas pa la sogs pa thar pa thob pa'i rkyen 'khor lo bzhi yang dag par 'byor ba'i tshul gyis rigs sad par byed pa yin la rigs sad pa la brten nas rigs yod par rtogs par byed pa yin no/ /thal ba'i dam bca' la gnod pa bstan pa ni/ theg pa gsum las gang yang rung ba'i chos la mos pa bskyed par byed pa ma yin pa de srid du @100a @#/ /ni srid zhi la skyon yon mthong ba'i blo skye bar 'gyur ba yang ma yin no/ /gsum pa la gnyis/ lung dang sbyar ba dang/ dgongs pa can du sgrub pa'i tshul lo/ /dang po ni/ gnas skabs rigs chad pa'i gang zag de dag la yang rigs yod de/ gang gi phyir na/ ye shes snang ba rgyan gyi mdo las/ phyis de'i 'og tu ni dam pa'i chos thos pa la brten nas tha na log pa nyid du nges pa'i rgyud du gyur pa'i sems can rnams kyi lus la yang de bzhin gshegs pa'i nyi ma'i dkyil 'khor gyi ye shes kyi 'od zer lhag pa'i bsam pa dag pa'i byang chub sems dpa' dang/ rang sangs rgyas kyi rigs can dang/ nyan thos kyi rigs can dang/ sems can lhag pa'i bsam pa dge ba dang/ mos pa ji lta ba dang ldan pa rnams kyi lus la rims kyis phog pas de dag la phan thogs par 'gyur zhing ma 'ongs pa'i rgyu thar pa'i lam yang dag par bskyed pas na zhes so/ /gnyis pa la gsum/ dgongs te gsungs pa'i dgos pa dgongs gzhi dang bcas pa dang/ sgras zin gyi don la gnod byed bstan pa dang/ gnod byed lung dang sbyar ba'o/ /dang po ni/ ji skad du/ 'phags pa yongs su mya ngan las 'das pa sogs mdo sde du ma las/ log sred can gtan yongs su mya ngan las mi 'da' ba'i chos can zhes gsungs pa dang 'gal lo/ /zhe na/ de ltar gsungs pa gang yin pa de ni/ theg pa chen po'i chos la sdang ba thar pa la rgyab kyi phyogs pa ni log pa 'khor ba la sred pa stobs can gong nas gong du 'phel ba can nyid kyi rgyu yin pa'i phyir theg pa chen po'i @100b chos la sdang ba byas na thar pa thob par mi 'gyur ro/ /zhes dgos pa theg pa chen po'i chos la sdang ba ldog pa'i don du yin la/ dgongs gzhi ni/ dus gzhan yun ring po bskal pa grangs las 'das par 'khor bar 'khyams dgos shing thar pa mi thob pa la dgongs nas gsungs pa yin no/ /gnyis pa ni/ sems can 'ga' yang glo bur gyi dri mas gtan rnam par dag par ma 'gyur ba sangs rgyas thob mi srid pa ni yod par 'os pa ma yin te sems can thams cad la rang bzhin gyis rnam par dag pa'i rigs yod pa'i phyir dang/ yang dag par blangs pa las byung ba'i rigs yod pa'i phyir/ 'di dpyad par bya ste/ sems can thams cad kyis sangs rgyas thob pa srid na sangs rgyas phyi ma la sems can nyung shas 'ba' zhig gi don tsam byed dgos pas gzhan don nyi tshe bar 'gyur zhing/ bsod nams kyi tshogs yongs su rdzogs pa med par 'gyur ro/ /sems can thams cad sangs rgyas pa'i tshe ni sems can gcig gi yang don mi byed pas gzhan don rgyun chad par 'gyur zhing zhi ba'i mthar lhung bar 'gyur ro/ /sems can thams cad sangs rgyas thob pa mi srid na yang dag par rdzogs pa'i sangs rgyas rnams kyis rang nyid kyis go 'phang de la sems can thams cad dgod par bzhed nas 'khor ba ma stongs bar du mdzad pa bcu gnyis kyi tshul gyis chos kyi 'khor lo bskor ba 'bras bu med par 'gyur ba dang/ sems can thams cad 'khor ba'i sdug bsngal nye bar zhi ba tsam don du gnyer ba yang theg pa chen po'i snying rje chen po mtshan nyid yongs su @101a @#/ /rdzogs pa ma yin te/ bcom ldan 'das nyid kyis rang nyid kyis go 'phang de la sems can thams cad mi 'god na/ chos la dpe ma khyud? yod par thal pa la sogs pa'i gnod pa lnga sungs pa dang 'gal la; sems can thams cad kyis 'khor ba'i sdug bsngal nye bar zhi ba thob nus na/ mthar thug theg pa gcig tu legs par grub pas sangs rgyas thob pa 'bad med du grub la thar pa tsam yang thob mi srid pa'i sems can yod na de sgra ji bzhin pa min pa'i dgongs pa can du slob dpon 'phags pas lung dang rigs pas bsgrub pa dang 'gal bas ji ltar yin brjod dgos shing/ sems can thams cad sangs rgyas thob pa srid na 'khor ba la mtha' med par bshad pa yang mi 'thad pa nyid du 'gyur ro/ /zhe na/ 'di la gnyis/ gzhan gyi lugs dgag pa dang/ rang gi lugs rnam par bzhag pa'o/ /dang po ni/ kha cig na re/ sems can thams cad sangs rgya bar nges pa lta zhog /'tshang rgya rung tsam du yang sgrub mi nus te/ 'bras bu skye rung bsgrub pa la rgyu'i tshogs pa tsang ba rtags su dgod dgos la/ sems can thams cad la sangs rgyas kyi rgyu tshogs tshang na thar lam la ma zhugs pa'i sems can mi srid par thal bar 'gyur ro/ /rgyu mtshan de nyid kyi phyir sems can 'di tshun chad du sems can 'khor bar 'khor ba yod pa 'di phan chad du med do/ /zhes pa'i 'khor ba'i zad mtha' yang med do/ /mthar thug theg pa gcig @101b tu sgrub pa'i don yang lam zhugs kyi sems can thams cad 'tshang rgya ba'i don yin no/ /zhes gsungs pa yang/ dam bca' rigs pas grub par mi mngon te/ rgyu'i tshogs pa tshang na 'bras bu skye rung gi khyab pa nges pa rigs pa smra ba'i dgongs pa yin gyi /'bras bu skye rung yin na rgyu'i tshogs pa tshang bas khyab pa dgongs pa ma yin te/ rigs pa dang 'gal ba'i phyir ro/ /de yang nas kyi sa bon las nas kyi myu gu skye rung yang/ tshogs pa tshang bar mi 'grub pa'i phyir dang/ gzhan yang nyan thos 'phags pa rnams kyis sangs rgyas thob tu rung ngam mi rung/ dang po ltar na/ sangs rgyas kyi rgyu'i tshogs pa tshang bar thal lo/ /'dod na/ theg pa chen po'i lam zhugs su thal zhing/ thal pa snga phyi gnyi ga'i rtags dang khyab pa khas blangs shing thal pa phyi ma'i thal chos kyang khas blangs te/ sems can thams cad lam zhugs tsam ma yin pa nyams so/ /gnyis pa ltar na/ dngos su 'gal zhing/ mthar thug theg pa gcig yin pa dang yang 'gal lo/ /yang sems can thams cad 'tshang rgya na sangs rgyas pa srid par khas len dgos so zhes pa yang 'dod par shin tu gsal lo/ /gzhan dag na re/ 'khor ba la phyi mtha' med pa'i tshul ni de ltar yin la/ sems can thams cad 'tshang rgya ba yin yang/ sems can thams cad sangs rgya ba mi srid la/ sems can thams cad 'tshang rgya na sems can thams cad sangs rgyas pa srid pas khyab par 'dod na/ dngos po thams cad zhig pa srid par thal/ dngos po thams cad 'jig pa'i phyir/ ces pa'i thal pa la tshad ma @102a @#/ /dang khas blangs kyi gsal ba gang yang ston rgyu med pa'i thal pa ston par byed do/ /de yang 'dod na nyes pa ci zhig yod/ dngos po thams cad zhig pa srid na dngos po thams cad med pa srid par thal lo/ /zhes zer ro/ /chos shin tu 'dod pa yin te/ dngos po thams cad med pa mi srid na dngos po med pa mi srid par khas len dgos par 'gyur ro/ /'di tshun chad du dngos po yod kyi/ 'di phan chad du dngos po med par thal/ dngos po thams cad zhig pa srid pa'i phyir; ce na/ de'i don de phan chad dngos po mi srid par thal pa'i don yin na/ 'o na 'di tshun chad du sngon po yod la/ 'di phan chad du sngon po med pa sgrub nus par thal/ sngon po zhig pa srid pa'i phyir rtags ma grub na/ rtag dngos su thal rang rgyu las skyes nas zhig pa mi srid pa'i phyir/ dngos po thams cad zhig pa mi srid pa la yang thal pa der 'gyur ro/ /sems can thams cad sangs rgyas pa srid par thal/ /'tshang rgya ba'i phyir/ ces pa la/ kha cig na re/ sems can thams cad shi zin pas khyab par thal/ sems can thams cad 'chi bas khyab pa'i phyir/ ces pa'i nyes pa brjod pa ni/ blo gros shin tu rtsi dpar gsal bar ston pa yin te/ thal pa snga ma la sems can thams cad sangs rgyas zin pas khyab par thal/ zhes pa 'dug gam/ sems can thams cad sangs rgyas pa srid par thal zhes pa 'dug legs par rtogs shig /sems can thams cad 'tshang rgya ba yin gyi /'tshang rgya bar nges pa ma yin no/ /zhes smra ba ni rigs @102b ba mi shes pa'i rnam 'gyur du gsal te/ khyod kyis sems can thams cad 'tshang rgya'o/ /snyam pa'i nges shes 'di khyod rang gi rgyud kyi tshad ma'i stobs kyis 'ongs sam ma 'ongs/ dang po ltar na/ sems can thams cad 'tshang rgya nges su thal; sems can thams cad 'tshang rgya bar tshad ma'i stobs kyis nges pa'i phyir/ khyab pa ma grub ste/ tshad ma'i stobs kyis nges kyang don la ma nges pa'i phyir ro/ /zhe na/ khyod kyis sems can thams cad 'tshang rgya'o/ /snyam pa'i nges shes 'di zhen yul la 'khrul pa'i log shes su thal/ khyod kyi blos 'tshang rgya'o snyam du nges la/ don gyi gnas chod la 'tshang rgya ba'i nges pa cung zad kyang mi 'dug pa'i phyir/ gal te/ mes du ba bskyed par tshad mas grub kyang bskyed bar nges pa ma yin te/ de lta na/ 'gal rkyen gyi gegs mi srid par 'gyur te/ rnam 'grel las/ ma nges pa ni nyid yin te/ /gegs byed pa dag srid phyir ro/ /zhes bshad pas so/ /de bzhin du 'tshang rgya bar nges na 'tshang rgya ba la 'gal rkyen gyi gegs mi srid par 'gyur bas so/ /zhe na/ dpe don gnyis ka ma grub ste/ dpe de la mas du ba bskyed par tshad ma'i stobs kyis nges na/ du ba bskyed par ma nges pa 'gal la/ tshad mas ma nges na dam bca'i don tshad mas ma grub bzhin du dam 'cha' ba kho bo'i dam bca' gang bzhag la sgrub byed yang dag ci yang med do/ /zhes rang nyid shin tu blun par ston par zad do/ /gzhan yang nyan rang 'phags pa rnams 'tshang rgya nges pa yin par thal/ 'tshang rgya ba la @103a @#/ /'gal rkyen gyi gegs srid pa'i phyir/ khyab pa khas blangs/ 'dod na mthar thug pa'i theg pa gcig tu nges par rang nyid kyang 'dod pa dang 'gal lo/ /rnam 'grel gyi gzhung de'i don yang de ltar ma yin par de'i rnam bshad du rgyas par bshad zin to/ /de lta ma yin par khyed 'dod pa ltar yin na/ bum pa yod nges ma yin par thal/ bum pa yod pa la 'gal rkyen gyi gegs srid pa'i phyir ro/ /des na bskyed pa la 'gal rkyen gyi gegs srid pa'i phyir ro/ /des na bskyed pa la 'gal rkyen gyi gegs srid kyang de mi skyed par byad mi nus pa la 'gal ba ci zhig yod/ gnyis pa ltar sems can thams cad 'tshang rgya'i snyam pa'i khyed kyi nges pa de khyed rang gi tshad ma'i stobs las 'ongs pa ma yin na/ khyed kyis sems can thams cad 'tshang rgya'o zhes dam 'cha' ba mi rigs par thal ba dang/ 'tshang rgya'o snyam pa'i khyed kyi dpyad shes don mthun mi 'jug par thal/ 'tshang rgya ba de khyed kyi rgyud kyi tshad mas ma grub pa'i phyir/ khyab pa med na/ mi snang ma dmigs pa'i gtan tshigs yang dag med do zhes skur ba gdab dgos par 'gyur la/ de lta na gtan tshigs yang dag gzhan la yang rigs mtshungs pas lkog gyur mtha' dag la sgrub byed ci yang med do zhes khas len dgos par 'gyur ro/ /des na rtogs ldan mkhas pa dang/ rmengs pa'i khyad par ni rang gis khas blangs pa'i dam bca'i don tshad mas grub pa'i tshul legs par 'jog shes pa dang mi shes pa'i khyad par ro/ /sems can thams cad 'tshang rgya ba tshad mas grub nas 'tshang rgya ba yod nges ma yin na/ tshad @103b mas dmigs pa yod nges kyi 'jog byed ma yin par 'gyur la/ 'tshang rgya bar yod nges yin nas 'tshang rgya bar nges pa ma yin zhes smra ba las mi rigs ba gzhan ci zhig yod/ sems can thams cad kyi gnas tshod kyi nges nas 'tshang rgya ba dang mi rgya bar thag chod dam mi chod/ phyi ma ltar na khas blangs 'gal la/ dang po ltar na/ 'tshang mi rgya bar thag chod na khas blangs 'gal la/ rgya bar thag chod na 'tshang rgya bar ma nges pa 'gal lo/ /sems can gyi gnas tshod kyi ngos nas gang du yang thag ma chod do/ /zhe na/ sems can gyi gnas tshod kyi ngos nas gang du yang thag ma chod na/ 'tshang rgya bar khyed kyis thag bcad pa de 'brel ba med par 'gyur ro/ /dri med rigs lam 'byed pa'i mthu med cing/ /gsung rab gdams par 'char pa'i man ngag med/ /rgyal ba'i dgongs pa 'grel lo zhes smra ba/ /sangs rgyas bstan la btang snyoms byas na mdzes/ /gnyis pa ni/ sngar bshad pa ltar 'tshang rgya bar khas blangs nas 'tshang rgya nges su khas mi len pa ni rigs pa dang 'gal bar bshad zin la/ sems can thams cad 'tshang rgya bar mi 'grub bo zhes pa de yang rigs pas dpyad mi bzod de/ sems can thams cad kyi sems rang bzhin gyis rnam par dag pa ma yin na shes bya la bden par grub pa'i chos srid par khas len dgos pas chos thams cad bden stong du tshad mas mi 'grub pa'i phyir don dam pa'i bden pa bzhag tu med par 'gyur la/ sems rang bzhin gyis rnam par dag pa tshad mas grub na bden 'dzin bag chags dang bcas pa'i dri ma sems la 'bral rung glo bur @104a @#/ /bar rigs pa de nyid la brten nas 'grub la/ gzhan du na mu stegs spyod pa ba ltar/ dri ma sems kyi rang bzhin la zhugs par khas len dgos par 'gyur ro/ /dri ma 'bral rung du tshad mas grub kyang dri ma 'joms pa'i gnyen po rgyud la skye rung du ma grub bo zhe na/ sems can rnams kyi rgyud kyi dri ma de 'joms par byed pa'i thabs med pa'i phyir ram/ thabs yod kyang shes pa su yang med pa'i phyir ram/ de yod kyang thabs la don gnyer dus nam yang skye ba mi srid pa'i phyir ram/ de srid kyang thabs shes pa'i gang zag gis brtse bas kun nas bslangs nas de ston par byed pa mi srid pa'i phyir ram/ bstan kyang thabs de la zhugs nas goms par byed pa mi srid pa'i phyir yin grang/ dang po mi rigs te/ bdag med rtogs pa'i shes rab goms par byas pa las dri ma mtha' dag zad par byed nus pa'i phyir/ gnyis pa mi rigs te/ sems can gyi don du thabs bdag med rtogs pa'i shes rab goms pa mthar phyin pa'i ston pa rigs pas legs par grub pa'i phyir/ gsum pa yang mi rigs te/ sangs rgyas rnams kyi bskul ba la brten nas mngon mtho la don gnyer ma skyes pa'i sems can mi srid pa'i phyir dang/ nges legs la don gnyer re shig ma skyes kyang sems can thams cad sangs rgyas kyi rigs gnyis dang ldan pa'i phyir dang/ sems can thams cad sangs rgyas kyi go 'phang la dgod par bzhed pa'i thugs rje nyams pa mi mnga' bas re shig gcig na 'khor ba'i yid 'byung dang/ myang 'das la don gnyer skye bar 'gyur ba'i phyir/ 'di dpyad pa gsum gyis dag pa'i lung gi gtan tshigs @104b yang dag la brten nas kyang grub pa yin no/ /bzhi pa yang mi rigs te/ sems can rang gi ngos nas don gnyer skyes pa'i tshe sangs rgyas bcom ldan 'das sems can thams cad la bu gcig pa lta bu'i brtse ba nyams pa mi mnga' bas chos ston pa'i mdzad pa mi 'dor ba'i phyir/ lnga pa yang mi rigs te/ re shig gi tshe na rigs sad byed kyi rkyen tshang nas rigs sad par 'gyur ba bstan bcos 'di rtsa 'grel la sogs pas legs par sgrub pa'i phyir ro/ /des na 'tshang rgya ba mi srid pa'i gang zag mi srid par khas blangs nas sems can thams cad 'tshang rgya ba ma yin pa dang/ 'tshang rgya yang rgya nges ma yin no/ /zhes khas blang par mi bya'o/ /'o na sems can thams cad sangs rgyas pa srid par thal/ 'tshang rgya ba'i phyir ce na/ 'dod pa kho na'o/ sangs rgyas zin par thal pa 'phen pa ni mi rigs par bshad zin to/ /'o na sems can nam yang med pa srid par thal/ sems can thams cad sangs rgyas pa yod pa'i phyir ce na/ khyab pa med de/ khyod sangs rgyas pa yod na khyod med par 'gal lo/ /sems can med pa srid par thal ba yang 'dod pa kho na ste/ dngos po gtan med yod pa'i phyir ro/ /sangs rgyas rnams kyi don bya yul gyi sems can med pa srid par thal pa yang 'dod pa ste/ sngar ltar ro/ /sangs rgyas kyi don bya yul gyi sems can rgyun chad pa srid par thal/ sems can thams cad sangs rgyas pa yod pa'i phyir/ 'o na byang sems brgyad pa ba chos can/ khyod rgyun chad pa srid par thal/ khyod sangs rgyas pa yod pa'i phyir/ khyab pa yang stobs mtshungs pas @105a @#/ /gsum ga khas blangs so/ /khyod kyi khyab pa de'i sgrub byed sangs rgyas yin na sems can min pas khyab pa 'khas? mas ma bsams legs par rtogs shig /de yang zhib tu brtags nas sems can thams cad sangs rgyas pa yod pa dang/ sems can thams cad sangs rgyas pa gnyis kyi khyad par ma phyed pa'o/ /sems can thams cad sangs rgyas pa yod na de gang la yod cing dus nam gyi tshe yod ce na/ 'o na khyed kyis sems can gyi don du sangs rgyas thob par bya'o snyam pa'i thob bya yang dag par rdzogs pa'i sangs rgyas de gang gi rgyud la yod cing dus nam gyi tshe yod/ rang nyid mngon par rdzogs par sangs rgyas pa'i tshe yod cing/ de'i rgyud la yod kyi byang chub sems dpa' tshogs lam pa'i rgyud la de'i thob bya sangs rgyas med pa'i phyir te/ rgyu 'bras dus mi mnyam pa'i phyir ro/ /zhe na/ cig shos la yang de ltar smras pa la mi rigs ci zhig yod/ 'khor ba la thog ma yod na rgyu med du 'gyur bas thog ma'i mtha' med la tha ma'i mtha' yod dam med ce na/ kha cig na re/ 'khor ba spyi tsam la phyi mtha' med la/ 'khor ba bye brag pa la phyi mtha' yod do/ /zhes smra ba ni 'gal te/ dngos po la mi srid pa'i bum pa la yod pa 'gal ba'i phyir ro/ /des na 'khor ba spyi dang bye brag gang la yang phyi mtha' yod la/ lung kha cig las/ 'khor ba la phyi mtha' mi mngon par gsungs pa ni/ sems can kha cig /dus 'di tsam na thar pa thob la de phan chad dang @105b tshun chad du ma byung ngo zhes pa'i dus kyi nges pa byis pa rnams kyis bsam par mi bya ba'i don yin gyi /sngar bshad pa ltar thar pa thob mi srid pa'i sems can med par shes par bya'o/ /kha cig /'khor ba la phyi mtha' med la sems can thams cad 'tshang rgya'o/ /zhes zer ba ni 'gal ba'i khur 'ba' zhig go /spros pas chog go /gsum pa la gnyis/ mtshams sbyar ba dang/ lung dgod pa'o/ /dang po ni/ sems can glo bur gyi dri mas dag par 'gyur ba mi srid pa ni rigs pa ma yin te/ gang gi phyir na/ bcom ldan 'das kyis khyad par med par sems can thams cad la rang bzhin gyis rnam par dag cing glo bur gyi dri mas rnam par dag par rung ba nyid yod pa la dgongs nas gsungs so/ /gnyis pa ni/ sems can gyi sems dang de'i dri ma thog ma med par gyur kyang glo bur gyi dri ma tha ma dang ldan pa ni sems rang bzhin gyis dag pa la glo bur gyi dri ma mtha' dag gis dag nas 'khor ba ma stongs par du 'jug pa'i rtag pa'i chos can rang bzhin gyis dag pa de bzhin nyid ni thog med nas dri ma'i sbubs kyis phyi bsgribs nas mngon sum du mi mthong ste/ ji ltar gser gyi gzugs ni 'jim pa sogs kyis bsgribs pa bzhin/ zhes mdo las gsungs so/ /gsum pa ldan pa'i don bshad pa la gsum/ mtshams sbyar ba dang/ mdor bstan pa dang/ rgyas par bshad pa'o/ /dang po ni/ de la zhes so/ /gnyis pa la gnyis/ rgyu'i yon tan dang ldan pa dang/ 'bras bu'i yon tan dang ldan pa'o/ /dang po ni/ rgya mtsho chen po bzhin du sems can la rigs yod @106a @#/ /pa'i cha nas rgyu'i yon tan dpag tu med pa'i yon tan rin chen mi zad pa'i gnas su shes par bya'o/ /rgya mtsho ni/ rin po che la sogs pa'i snod dang rin po che dang/ chu rnams tshogs pa yin pa ltar sems can gyi rgyud kyi khams kyang rgya mtsho chen po lta bu yon tan bzhi'i gnas te/ mos pa ni snod lta bu dang/ shes rab dang ting nge 'dzin rin po che lta bu dang/ snying rje ni chu lta bu'o/ /gnyis pa ni/ dbyer med par yon tan dang ldan pa'i ngo bo nyid kyi phyir mar me bzhin du rdzu 'phrul dang/ lha'i rna ba dang/ gzhan gyi sems dang/ sngon gyi gnas dang/ 'chi 'pho dang skye ba'i mngon par shes pa lnga dang/ zag pa zad pa'i ye shes dang/ zag pa zad pa ste 'bras bu'i yon tan bdun dang ldan pa'o/ /gnyis pa la gnyis/ rgyu'i yon tan dang ldan pa dang/ 'bras bu'i yon tan dang ldan pa bshad pa'o/ /dang po la gnyis/ dri ba dang/ lan no/ /dang po ni/ de la zhes so/ /gnyis pa la gnyis/ rtsa ba dang/ 'grel pa'o/ /dang po ni/ chos kyi sku rnam par dag byed kyi rgyud theg pa chen po'i chos la mos pa snod dang theg pa chen po thun mong ma yin pa'i zhi gnas dang lhag mthong rgyal ba'i ye shes thob par byed pa'i rgyu yin pa'i phyir rin chen dang/ byang chub sems dpa'i snying rje chen po de bzhin gshegs pa'i thugs rje 'jug pa'i rgyu yin pa'i phyir chu dang chos mtshungs pas yon tan bzhis khams ni rgyu'i yon tan dang ldan par bsdus pa'i phyir dpe gsum po yis 'di rgya mtsho @106b dang ni mtshungs par bstan to/ /gnyis pa la gnyis/ bstan pa dang/ bshad pa'o/ /dang po ni/ go rim ji lta bar mos pa dang/ ting nge 'dzin dang shes rab gnyis dang/ snying rje chen po'i gnas gsum po rnams kyi zhes so/ /gnyis pa la gsum/ yon tan gyi dbye ba dang/ so sor bshad pa dang/ dpe don chos mthun sbyar ba'o/ /dang po ni/ gnas gsum gang zhe na/ zhes so/ /gnyis pa ni/ de la chos kyi sku rnam par dag pa'i rgyu ni zhes te/ theg pa chen po'i chos la mas pa ni thog ma'i rgyu ste/ de rtsa bar ma byas par theg pa chen po'i zhi lhag zung 'brel gyi ting nge 'dzin bsgoms pa dang/ snying rje chen po bsgom pa mi 'byung bas so/ /sangs rgyas kyi ye shes zhes te/ mi gnas pa'i mya ngan las 'das pa thob pa'i thabs srid zhi'i mtha' 'gog byed kyi lam mo/ de bzhin gshegs pa'i zhes te/ sems can thams cad kyi khams sbyong ba'i ched du thugs rje chen po 'jug po'i rgyu'o/ /gsum pa ni/ de la theg pa chen po'i chos la mos pa bsgom pa ni snod dang chos mthun pa ste/ sangs rgyas kyi chos thams cad bsgrub par byed pas yon tan dpag tu med pa ngo bo'i sgo nas 'bras bu 'byin pa'i nus pa zad mi shes pa'i shes rab dang ting nge 'dzin gyi rin po che dang thugs rje'i chu rnams der 'du ba'i phyir ro/ /shes rab dang zhes te/ 'bras bu 'di sbyin par bya'o/ /snyam pa'i rnam par rtog pa med pa'i phyir dang/ 'bras bu 'byin pa'i mthu bsam gyis mi khyab pa'i yon tan dang ldan pa'i phyir ro/ /byang chub sems @107a @#/ /dpa' snying rje bsgom pa ni chu dang chos mthun pa ste/ chu brlan cing gsher pa las ma 'das pa ltar/ de ni 'gro ba thams cad la sdug bsngal dang bral 'dod kyi don gnyer gyis mchog tu brlan pa'i rang bzhin gyi ro gcig pa dang ldan pa'i phyir ro/ /chos sku dang/ rgyal ba'i ye shes dang thugs rje'i chos gsum po 'di dag dag byed kyi rgyu dang/ thob byed kyi rgyu dang/ thugs rje 'jug pa'i rgyu gsum po 'dis rgyu'i yon tan bzhi po de dang khams 'brel zhing ldan pa ni ldan pa zhes brjod de/ gnyis pa la gnyis/ dri ba dang/ lan no/ /dang po ni/ de la zhes so/ /gnyis pa la gnyis/ rtsa ba dang/ 'grel pa'o/ /dang po ni/ dri ma med pa'i gnas khams la zhes sam/ dri ma med pa zag pa med pa'i dbyings kyi gnas la 'bras bu'i yon tan mngon shes lnga dang zag pa zad pa'i ye shes dri med dang dri ma med pa'i spangs pa de nyid dang ngo bo'i sgo nas rnam par dbyer med pa'i phyir mar mi yi snang ba dang dro ba dang mdog dang chos mtshungs pa can no/ /zag pa zad pa'i ye shes ni/ zag pa zad pa'i mngon par shes pa ste/ dri ma zad pa'i spangs pa de nyid mngon sum du shes pa'i ye shes so/ /de nyid ni rnam grol zhes kyang brjod pa'i spangs pa de nyid do/ /gnyis pa la gnyis/ dngos kyi don dang/ lung dang sbyar ba'o/ /dang po la gsum/ mdor bstan pa dang/ rgyas par bshad pa dang/ don bsdu ba'o/ /dang po ni/ go rim ji lta bar zhes so/ /gnyis pa la gnyis/ @107b yon tan gyi dbye ba dang/ dpe don chos mthun sbyar ba'o/ /dang po ni/ gnas gsum gang zhe na zhes so/ /gnyis pa ni/ de la 'bras bu'i yon tan mngon par shes pa ldan mar me'i snang ba dang chos mtshungs pa ste/ de dag ni don nyams su myong ba'i mi mthun pa'i phyogs kyi mun pa 'joms pa nyid du nyer bar gnas pa'i mtshan nyid kyi phyir ro/ /de yang ston pa dang/ grogs dang/ gdul bya rnams yul gdan gnas pa sogs mngon sum du snang ba dang/ gzhan gyi sems chags pa dang bral ma bral sogs mngon sum du snang ba dang/ rang bzhin gyis tshe rab snga ma mtha' yas pa mngon sum du mthong nas gdul bya gang dang 'brel pa yod pa sogs mngon sum du snang bas snang ba dang chos mtshungs pa'o/ /zag pa zad pa'i ye shes ni dro ba dang chos mthun pa ste de ni zhes so/ /gnas yongs su gyur pa'i zag pa zad pa spangs pa ni mar me'i mdog dang chos mthun pa ste/ de ni zhes so/ /de bshad pa ni de la dri ma med pa ni gang zag dang phung po bden par 'dzin pa'i nyon mongs pa'i sgrib pa spangs pa'i phyir ro/ /rnam par dag pa ni nyon mongs pa'i bag chags bden snang 'khrul pa'i cha dang bcas pa'i phyir ro/ /'od gsal ba ni sgrib pa de gnyi ga glo bur ba nyid kyis sems kyi rang bzhin la zhugs pa ma yin pa'i phyir ro/ /gsum pa ni de ltar mngon par shes pa lnga dang zag pa med pa'i ye shes dang spangs pas bsdus pa mi slob pa'i rgyud kyi chos bdun po 'di dag dri ma mtha' dag gis dben pa'i de bzhin nyid la rtag tu mnyam par bzhag pa'i zag pa med pa'i dbyings na ngo bo'i sgo @108a @#/ /nas phan tshun rnam par dbye ba med pa nyid du so so ma yin pa'i chos kyi dbyings mnyam pa nyid dang ldan pa ni ldan pa zhes bya'o/ /gnyis pa ni/ ldan pa'i don las zhes te mdo las/ shA ri'i bu dper na zhes so/ /'bras bu mthar thug pa'i dus na yon tan 'di dag dang ldan pa mdo 'dis bstan gyi /so so skye bo'i rgyud la yod par ma bstan to/ /bzhi pa 'jug pa'i rab dbye bshad pa la gnyis/ dngos kyi don dang/ de'i yan lag go /dang po la gsum/ mtshams sbyar ba dang/ bstan pa dang/ bshad pa'o/ /dang po ni/ de la zhes so/ /de bzhin nyid gzhi gang la gnas pa dang/ dbye ba dus gnas pa'i tshul gyis rten gyi 'jug pa dang rab tu dbye ba'i 'jug pa gnyis so/ / gnyis pa ni/ so so'i skye bo dang 'phags pa gzhan dang/ rdzogs pa'i sangs rgyas kyi rten de gsum la gnas pa rten gyi 'jug pa dang/ de bzhin nyid dri mas ma dag pa dang phyogs gcig dang bral ba dang/ sgrib pa thams cad zad pa'i dbye ba gsum du gnas pas rab tu dbye ba'i 'jug pa las de nyid gzigs pas sems can la rgyal ba'i snying po dri ma dang bcas pa'i de bzhin nyid 'di bstan to/ /sems can gyis sangs rgyas thob pa'i gzhi snying po bsdus pa ni sems can gyi sems rang bzhin gyis rnam par dag pa 'di yin te/ gang la dmigs nas bsgoms na sangs rgyas kyi chos rnams skye ba'i chos kyi 'byung gnas de nyid do/ /dri ma dang bcas pa'i de bzhin nyid rgyal ba yang dag par rdzogs @108b pa'i sangs rgyas thob pa'i thabs kyi snying po bsdus pa yin pas rgyal ba'i snying po zhes brjod do/ /gnyis pa la dri ba ni/ 'dis ci bstan ce na/ yan lag gnyis/ rtsa ba dang/ 'grel pa'o/ /dang po ni/ so so'i skye bo'i rgyud kyi de bzhin nyid sgrib pa'i sa bon cung zad kyang ma spangs shing dri ma'i sa bon dang bcas pas phyin ci log dang bcas pa dang rdzogs pa'i sangs rgyas ma yin pa'i bden pa mngon sum du mthong ba'i gang zag gi rgyud kyi de bzhin nyid de las ldog pa ste dri ma zad pa ma spangs shing dri ma'i sa bon ci rigs pa spangs pas phyin ci ma log pa dang/ de bzhin gshegs pas ji lta ba bzhin gzigs pa mthar thug pa'i rgyud kyi de bzhin nyid phyin ci ma log pa spros pa med pa nyid kyi rab tu dbye bar gnas pa'o/ /gtso bo byang chub sems dpa' 'phags pa rnams yin mod kyi/ 'phags pa gzhan yang rim pa gnyis pa'i nang du bsdu bar bya'o/ /gnyis pa ni/ de bzhin gshegs pa'i khams la 'jug pa'i dbye bas rnam pa gsum tha dad par bstan par rig par bya ste/ gang las bstan na shes rab kyi pha rol tu phyin pa la sogs par de bzhin nyid mngon sum du rtogs pa la sogs pa'i rnam par mi rtog pa'i ye shes kyi sgo la gdams pa las brtsams te'o/ / de bzhin du don dam pa'i dbye ba sher phyin gyi mdo las gsungs par bsgrubs pas sher phyin gyi mdo las kun rdzob rang stong 'ba' zhig bstan gyi/ don dam pa'i bden pa gzhan stong ma bstan to zhes sher phyin gyi mdo dang bstan @109a @#/ /bcos 'di rtsa 'grel sun dbyung bar mi bya'o/ /gang la bstan na byang chub sems dpa' rnams la'o/ /gzhi gang la tshul ji ltar bstan pa ni/ chos thams cad kyi de bzhin nyid rnam par dag pa spyi'i mtshan nyid bstan pa rang bzhin gyis stong pa gang yin pa de la zhes pa nas/ de bzhin gshegs pa rnams kyi zhes so/ /gsum po gang zhe na/ 'di lta ste/ zhes so/ /de nyid bshad pa ni/ de la phyin ci log dang bcas pa ni byis pa rnams kyi de bzhin nyid de/ byis pa rnams mi rtag pa sogs bzhi la rtag pa sogs su 'du shes pa dang/ 'dod chags la sogs pas kun nas nyon mongs pas sems dang 'du shes phyin ci log gis zhen pa'i don la bzod cing 'dod la mngon par zhen pas lta ba phyin ci log pa'i phyir ro/ /de las ldog pas phyin ci ma log pa ni 'phags pa rnams kyi ste phyin ci log ste ci rigs pa spangs ba'i phyir ro/ /yang dag pa phyin ci ma log par zhes so/ /gnyis pa la gnyis; spyi'i mtshams sbyar ba dang/ so so'i don bshad pa'o/ /dang po ni/ 'di phan chad ni zhes so/ /gnyis pa la bzhi/ ngo bo'i sgo nas tha dad pa ma yin par gnas skabs tsam tha dad pa'i rab tu dbye ba dang/ rang bzhin gcig nyid gnas skabs kun tu 'gro bas de nyid bsgrub pa dang/ ngo bo'i sgo nas gzhan du mi 'gyur bas bsgrub pa dang/ shin tu rnam par dag pa'i dus na rnam grol gyi yon tan rnams dbyer med du ldan par bsgrub pa'o/ /dang po la @109b gsum; mtshams sbyar ba dang/ bstan pa dang/ rgyas par bshad pa'o/ /dang po ni/ de la zhes so/ /gnyis pa ni/ sgrib pa'i sa bon cung zad tsam yang ma dag pa dang/ sgrib pa mtha' dag ma dag cing kun brtags kyi sa bon sogs ci rigs pa dag pa dang/ shin tu rnam dag gi de bzhin nyid gsum la go rim bzhin du so so skye bo'i sems can gyi khams dang/ byang chub sems dpa' 'phags pa'i rgyud kyi khams dang/ de bzhin gshegs pa zhes brjod do/ / de bzhin nyid kyi dbye ba ston pa yin pas shin tu rnam dag gi de bzhin nyid de bzhin gshegs par bzhag kyang 'gal ba med la de bzhin nyid snga ma gnyis so skye dang byang chub sems dpa' yin par bzhag tu mi rung ste/ don dam pa'i bden pa skyes bur 'jog pa gzhan sde'i lugs yin pa'i phyir ro/ /brjod do zhes pa'i sgra las ni gang zag gsum gyi de bzhin nyid gang zag gsum du gdags pa'i gzhir bya ste/ de lta na/ phung po'i tshogs pa dang rgyun la brten nas gang zag tu btags kyang; phung po'i tshogs pa dang rgyun dang de'i ya gyal sogs gang yang gang zag gi mtshan gzhir bzhag tu mi rung ba bzhin du shes par bya'o/ /zhib tu bshad na/ shes rab kyi pha rol tu phyin pa'i snying po'i mdo las/ gzugs stong pa'o/ /stong pa nyid gzugs so; ;zhes gsungs pa ltar te/ gzugs kyi rang gi ngo bo'i sdod lugs ji ltar yod ltas pa'i tshe/ gzugs rang bzhin gyis grub pa rdul tsam yang med par khong du chud la/ de'i rtsi ma yal ba'i ngang nas gzugs su 'dogs pa'i gzhi ji ltar yin @110a @#/ /ltas pa'i tshe rang bzhin gyis stong pa'i chos zhig la gzugs su tha snyad byed par khong du chud par 'gyur ba bzhin du/ 'dir yang rang bzhin gyis stong pa'i chos zhig la gang zag gsum du tha snyad byas par khong du chud nas de bzhin gshegs pa'i snying po'i don rtogs par 'gyur ba yin no/ /gsum pa la dri ba ni/ 'dis ci bstan ce na lan la gnyis/ rtsa ba dang/ 'grel pa'o/ /dang po ni/ khams dri ma dang bcas pa'i de bzhin nyid ni gnas skabs gsum dag tu snga phyi rim gyis ming gsum gyis ni btags nas bstan pa nyid du shes par bya'o/ /mtshan gzhir byed pa ma yin pa sngar bshad pa ltar ro/ /khams ji lta bu zhe na/ sngar bshad pa'i ngo bo nyid la sogs pa'i don 'di drug gis ni bsdus pa yi ste/ de dag gis gtan la phab pa'i don de nyid de de yang mdor bsdus na/ gnas skabs gsum du ming gsum gyis btags nas bstan par shes par bya'o/ /gnyis pa la gnyis/ tshig don dang/ lung dang sbyar ba'o/ /dang po ni/ gnas skabs can dbye ba'i gzhi ni de ltar ming gang ci yang rung ste/ bcom ldan 'das kyis skye ba med pa dang/ 'gag pa med pa la sogs pa zab mo'i rnam grangs kyi sgo du mar rgyas par bstan pa'i zag pa med pa'i khams de bzhin nyid bstan pa ngo bo nyid ces so/ /gnas skabs dang po la sems can gyi khams zhes spyir bstan yang dri ma'i sa bon cung zad kyang ma dag pa'i gnas skabs kyis khyad par du byas pas so so skye bo 'ba' zhig dang rim pa gnyis pa'i skabs su byang chub sems dpa' zhes spyir bshad kyang/ byang chub sems dpa'i @110b 'phags pa yin par shes byed kyi mdo las gsal la/ de yang gtso bo'i dbang du byas pa yin gyi /nyan rang 'phags pa dag kyang der bsdus nas bzhag ste/ so so skye bor mi rung ba'i phyir dang/ 'jug pa'i rab dbye'i skabs su de yang bstan dgos pa'i phyir ro/ /gnyis pa ni/ ji skad du/ bcom ldan 'das kyis/ shA ri'i bu dri mas rnam par dag pa na chos kyi sku zhes bsnyad pa'i dri ma dang bcas pa'i de bzhin nyid de nyid nyon mongs pa'i zhes dang/ las nyon gyi dbang gis 'khor ba'i so so skye ba'i rgyud la gnas pas 'khor ba'i rgyun gyis 'khyer la zhes pa nas/ so so skye bo'i rgyud kyi de bzhin nyid ni sems can gyi khams zhes brjod do/ /shA ri'i bu chos kyi sku de nyid 'khor ba'i rgyun gyi sdug bsngal la skyo bar gyur pa zhes pa nas/ byang chub kyi spyad pa spyod pa ni byang chub sems dpa' zhes brjod do/ /chos sku 'khor bar 'khor ba sogs mi rung bas dri mas dag pa'i tshe chos skur 'gyur ba de bzhin nyid de nyid khyad chos de dag gis khyad par du byas pa la byang chub sems dpar btags pa'i don to/ /de dag gis byang chub sems dpa' 'phags pa 'khor ba'i nyes dmigs rig nas mi mthun par 'dzin pa dang/ sems can gyi spyod pa brgyad khri bzhi stong gi gnyen por chos phung brgyad khri bzhi stong gi don rig nas par phyin bcu'i spyod pa nyam su len pa bstan to/ /shA ri'i bu chos kyi sku de nyid ces te/ rim pa bzhin du nyon mongs mngon gyur spangs pa dang/ 'bras bu sdug bden spangs pa dang/ shes sgrib sdangs pa dang/ @0111a @#/ /rgyu mtshan de nyid kyis na dag pa zhes pas rang don phun tshogs kyi spangs pa dang/ gzhan don phun tshogs ni sems can zhes so/ /ji lta ba dang ji snyed pa rtogs pa gnyis ni shes bya'i zhes pa gnyis dang/ rgyu mtshan des na sgrib pa med pa'i zhes so/ /gnyis pa la gsum/ mtshams sbyar ba dang/ bstan pa dang/ rgyas par bshad pa'o/ /dang po ni/ de bzhin gshegs pa'i zhes te/ rang bzhin gyis stong pa de nyid gnas skabs gsum du rje su 'gro bas gnas skabs tsam tha dad pa yin gyi /rang gi ngo bo'i sgo nas mi 'dra ba so so tha dad pa yin na/ gnas skabs gsum du khyad par med par rjes su 'gro ba 'gal ba'i phyir ro/ /gnyis pa ni/ ji ltar snod stong pa mtha' dag la khyab par bya'o snyam pa'i rtog pa med pa'i bdag nyid can nam mkha' thogs pa'i reg bya dang bral ba kun tu rjes su song ba ltar sems kyi rang bzhin dri ma med pa'i dbyings rang bzhin gyis stong pa de nyid de bzhin du chos can kun tu 'gro ba nyid du shes par bya'o/ /dri ma med pa'i dbyings ni dri ma sems kyi rang bzhin la ma zhugs pa'i don yin gyi /glo bur dri bral 'ba' zhig min no/ /thogs pa'i reg bya rnam par bcad tsam de nyid 'dus ma byas kyi nam mkha' yin gyi /bsgrub pa rang dbang ba'i rnam pa 'char rgyu med la de snod tha dad pa kun la khyab kyang chos can so so'i sgo nas tha snyad mi 'dra bar bzhag pa ma gtogs rang gi ngo bo'i sgo nas rnam pa mi 'dra ba 'char rgyu med pa bzhin du/ rang bzhin gyis grub pa rnam par bcad tsam gyi rang bzhin rnam dag de nyid chos @111b can thams cad la rjes su song yang sngo ser bzhin du rang gi ngo bo'i sgo nas rnam pa mi 'dra bar 'char rgyu med pas rang bzhin gcig nyid gnas skabs kun tu rjes su 'gro ba dang/ gnas skabs tha dad pa tsam zhes bya'o/ /gsum pa la dri ba ni/ 'dis ci bstan ce na/ lan la gnyis/ rtsa ba dang/ 'grel pa'o/ /dang po ni/ khams de spyi'i mtshan nyid de bzhin nyid de nyid nyes pa ma lus pa dang bcas pa dang/ spang bya'i sa bon ci rigs pa spangs pa'i yon tan dang bcas pa dang/ yon tan mthar thug pa kun la khyab pa ste/ gzugs kyi rnam pa sa dang/ zangs dang/ gser gyi snod rim pa bzhin du dman pa dang/ bar ma dang/ mchog la nam mkha' khyab pa bzhin du kun tu 'gro ba nyid do/ /gnyis pa la gnyis/ tshig don dang/ lung dang sbyar ba'o/ / dang po ni/ so so'i skye bo dang zhes te/ go bar zad do/ /gnyis pa ni/ de nyid kyi phyir/ ces pa nas/ shA ri'i bu de'i phyir na sems can gyi khams gzhan la chos kyi sku yang gzhan pa ni ma yin te/ sems can gyi khams dri ma dang bcas pa'i de bzhin nyid dri ma mtha' dag gis dag pa chos kyi sku'o/ /chos kyi sku rang bzhin gyis stong pa nyid dri ma dang bcas pa'i tshe sems can gyi khams te/ 'di ni don gyis te rang gi ngo bo'i sgo nas rnam pa mi 'dra ba 'char ba'i gnyis su med do/ yi ge tsam tha dad pa yin no/ /zhes gsungs pa yin no/ /zhes so/ /sems can gyi khams dang chos kyi sku don rnam grangs par byed pa rigs pa dang 'gal bas nam mkha' la bya rog dang bya rgod 'phur ba'i lam mi 'dra ba so sor 'char rgyu med pa dang/ snod tha @112a @#/ /dad pa'i nam mkha' rnam pa mi 'dra ba so sor 'char rgyu med kyang/ brjod pa tha dad pa tsam yod pa ltar/ rang bzhin gyis stong pa de nyid dri ma dang bcas pa sems can gyi khams zhes pa dang/ dri ma mtha' dag zad pa chos kyi sku zhes pa tsam ma gtogs/ rang gi ngo bo'i sgo nas rnam pa mi 'dra bar 'char ba med pa'i don yin no/ /gsum pa la gnyis/ mtshams sbyar ba dang/ don bshad pa'o/ /dang po ni/ de bzhin gshegs pa'i khams zhes te/ tshigs su bcad pa bcu bzhi ni/ rtsa ba lta bu'i tshigs bcad yin te/ ma dag pa'i gnas skabs na 'gyur ba med pa ston pa'i rtsa ba lta bu'i tshigs bcad bcu gnyis dang/ ma dag pa dang dag pa'i gnas skabs kyi 'gyur ba med pa ston pa'i rtsa ba lta bu skye 'chi na dang zhes pa'i tshigs bcad gcig dang/ shin tu rnam dag las brtsams pa/ /gzhan 'gyur min bdag /ces pa'i rtsa ba lta bu'i tshigs bcad gcig rnams so/ /gsum ga'i mdor bstan gyi tshigs bcad gcig dang/ dang po la rtsa ba lta bu bcu gnyis dang/ gnyis pa la rtsa ba lta bu gcig dang/ bshad pa lta bu bcu gnyis dang/ gsum pa la rtsa ba lta bu gcig dang/ bshad pa lta bu drug ste/ de ltar na mi 'gyur ba'i don las brtsams pa'i tshigs bcad sho lo ka sum cu rtsa lnga'o/ /gnyis pa la gnyis/ spyir bstan pa dang/ so sor bshad pa'o/ /dang po la gnyis/ rtsa ba dang/ don tshan so sor bshad pa'o/ /dang po ni/ ji ltar sngar so so skye bo'i sems rang bzhin gyis stong pa bzhin du phyis nyan rang 'phags pa dang byang chub sems dpa' @0112b 'phags pa'i gnas skabs dang/ shin tu rnam dag gi gnas skabs na yang de bzhin nyid rang bzhin gyis grub pa rnam par bcad tsam de bzhin du gnas pa dang/ tha ma'i gnas skabs bzhin du dang po gnyis kyi gnas skabs na yang gnas pas 'gyur ba med pa'i chos nyid do/ /gnas skabs snga ma gnyis na nyes pa dang bcas pa dang/ gnas skabs tha ma na nyes pa med cing yon tan dang ldan pas sngar ji lta ba bzhin du phyis kyang gnas pa ma grub po zhe na/ skyon med de/ nyes pa sems la 'bral rung gi glo bur ba dang ldan pa dang/ sangs rgyas kyi yon tan mtha' dag skye rung dang/ yon tan skye ba'i dmigs pa rang bzhin nyid du ldan pa'i phyir rang bzhin gyis grub pa rnam par bcad tsam de nyid nyes pas rnam pa gzhan du kyi bar mi nus shing/ yon tan gyis kyang rnam pa gzhan du bya bar mi nus te/ chu thams cad rgya mtshor ro gcig pa ltar/ chos thams cad rang bzhin gyis stong ba'i dad? du ro gcig pa'i don to/ /des na don dam pa'i bden pa de rang bzhin gyis grub pa rnam par bcad tsam las rnam pa gzhan du bya bar mi nus shing/ 'phags pa su'i mnyam gzhag gis gzigs pa'i tshe na yang rnam pa mi 'dra bar 'char rgyu cung zad kyang med par gnas pa de nyid la 'gyur ba med pa zhes bya'i/ /bsgrub pa rang dbang ba'i rtag dngos la 'dod pa ni chos 'di ba rnams kyi lugs ma yin par shes par bya'o/ /gnyis pa ni/ rtsa ba lta bu'i tshigs su bcad pa bcu gcigO?/ /tshigs su bcad pa bcu gcig? pas ni shin tu rnam par dag pa'i gnas skabs na 'bral rung dang ngo bo'i sgo nas yon tan mi 'dra bar rnam par dbye ba med cing/ 'bral mi shes pa zhes so/ /gnyis pa la gsum/ ma dag pa'i gnas skabs na mi 'gyur ba bshad pa dang/ ma dag pa dang dag pa'i gnas skabs ni ma 'gyur ba bshad pa dang/ shin tu rna dag gi gnas @113a @#/ /skabs na mi 'gyur ba'i don bshad pa'o/ /dang po la gnyis/ dri ba dang/ lan no/ /dang po ni/ de la zhes so/ /gnyis pa la gnyis/ phung sogs skyed byed las nyon sogs kyis mi 'gyur ba dang/ me dang chos mtshungs pa'i phung sogs 'jig byed rga ba sogs kyis mi 'gyur ba'o/ /dang po la gnyis/ rtsa ba dang/ 'grel pa'o/ /dang po la gsum/ mdor bstan pa dang/ rgyas par bshad pa dang/ don bsdu ba'o/ /dang po la gnyis/ kun nas nyon mongs kyi chos kyis ma gos pa dang/ de'i skye 'jig gis ma gos pa'o/ /dang po ni/ ji ltar nam mkha' snod kyi 'jig rten kun tu khyab par song ba yin yang thogs pa'i reg bya rnam par bcad tsam yin pas 'dus ma byas shing dbang po'i mngon sum gyi gzung yul du ma gyur pas phra ba'i phyir/ snod kyi 'jig rten gyi nyes pa'i rdul sogs kyis nye bar gos pa med pa de bzhin du sems can thams cad la khams rang bzhin gyis rnam par dag pa zag pa med pa'i gnas 'di khyab par yod kyang las nyon sogs kyis rnam pa gzhan du bsgyur ba'i tshul gyis nye bar gos pa med pa'o/ /gnyis pa ni/ ji ltar snod kyi 'jig rten thams cad du nam mkha' la ni brten te rlung gi dkyil 'khor nas brtsams nas skye zhing dus mtha'i me sogs kyis 'jig pa de bzhin du 'dus ma byas pa rang bzhin rnam dag gi dbyings la dbang po rnams ni skye zhing 'jig kyang skye 'jig gi chos kyis rnam pa gzhan du bsgyur bar mi nus pa'o/ /gnyis pa la gnyis/ 'jig pa'i chos kyis ma gos pa dang/ skye ba'i chos @113b kyis ma gos pa'o/ /dang po ni/ ji ltar nam mkha' me rnams kyis/ /sngon chad nam yang tshig pa med pa de bzhin du dri ma dang bcas pa'i de bzhin nyid 'di ni 'chi ba dang na ba dang rga ba'i mes mi tshig cing zhig par byar med do/ /rnams ni mang po'i tshig ste me gsum mo/ /'jig pa'i chos kyis ma gos pa brjod bya nyung bas thog mar bshad pa'o/ /gnyis pa la gsum/ dpe dang don dang/ dpe don so sor sbyar ba'o/ /dang po ni/ sa'i dkyil 'khor ni chu'i dkyil 'khor la gnas la chu rlung la rlung nam mkha' la rab tu gnas kyang 'dus ma byas pa'i nam mkha' ni rlung dang chu dag dang sa'i khams la gnas pa ma yin par shes par bya'o/ /gnyis pa ni/ dpe de bzhin du zag pa dang bcas pa'i rnam smin gyis bsdus pa'i phung po dang/ khams dang mig gi dbang po la sogs pa'i skye mched rnams rang rgyu las dang nyon mongs pa dag la gnas shing las dang 'dod chags la sogs pa'i nyon mongs pa gang zag dang phung po bden par 'dzin pa'i tshul bzhin min pa'i yid la byed pa la rtag tu gnas la tshul bzhin ma yin pa'i yid byed ni sems kyi gnas lugs rang bzhin gyis dag pa la rab tu gnas byang sems kyi rang bzhin don dam pa'i bden pa ni gnas lugs mthar thug pa'i tshul gyis las nyon la sogs pa'i chos rnams ni thams cad la yang gnas pa med do/ /de'i don ni las nyon sogs rang bzhin gyis grub ma grub brtags pa'i tshe na rang bzhin gyis grub pa rdul tsam yang med pas mthar rang bzhin gyis stong bar khong du @114a @#/ /chud pa las ma 'das la/ rang bzhin gyis stong pa de nyid kyi gnas lugs ji ltar yod brtags pa na rang bzhin gyis stong pa de nyid las ma 'das kyi/ de las gzhan nyon mongs sogs su mi 'gyur ba'i don to/ /des na ma dag pa'i gnas skabs na yang rang bzhin gyis stong pa las nyon gyis rnam pa gzhan du bsgyur mi nus pa yin gyi /dri bcas dri med du gnyen pos byed mi nus pa'i don ma yin no/ /'di dag gas ni sems rang bzhin gyis grub pas stong pa dang/ rang gi mtshan nyid kyis grub pa dang/ bden par grub pas stong pa'i rang bzhin rnam dag chos kyi gnas lugs don dam pa'i bden pa de nyid rtsal bton du byas nas/ dri ma glo bur bar zhar la bsgrub pa yin la/ 'og nas de bzhin gshegs pa'i snying po'i mdos dngos su bstan pa'i dpe dgus dri ma glo bur ba yin pa rtsal bton du bshad nas sems bden stong spos bral zhar la 'chad pa yin no/ /gsum pa la gnyis/ dngos dang/ dpe don chos mthun gyi khyad par bshad pa'o/ /dang po ni/ rnam smin gyis bsdus pa'i phung po dang skye mched dang khams rnams sa'i dkyil 'khor dang 'dra bar shes par bya ste/ las dang nyon mongs pa'i 'bras bu yin pa'i phyir dang sas gling bzhi ri rab sogs kyi rten byed pa ltar ma 'ongs pa na rnam smin 'byin pa'i las nyon gyi rten byed pa'i phyir/ sa'i rten byed pa dang/ gzhi mi brtan pa rlung la gnas pa'i chu khams dang 'dra bar lus can gyi las dang nyon mongs shes par bya ste/ zag bcas kyi phung po'i rten byed @114b pa'i phyir dang gzhi mi brtan pa tshul min yid byed la brten pa'i phyir/ ji ltar zhen pa ltar ma grub cing/ ji ltar zhen pas stong pa la dngos su gnas pa'i tshul bzhin ma yin pa'i yid byed ni chu'i rten byed cing nam mkha' la dngos su gnas pa rlung gi khams dang 'dra bar lta'o/ /sems kyi rang bzhin don dam pa'i bden pa nam mkha'i khams bzhin du de tshul min yid byed kyi 'dzin stangs dang mthun pa'i gzhi can min zhing tshul min yid byed sogs la gnas pa med par shes par bya'o/ /gnyis pa la gsum/ tshul min yid byed kyi khyad par dang/ las nyon gyi khyad par dang/ de dag gi rten gyi khyad par ro/ /dang po ni/ tshul bzhin ma yin pa'i yid byed ni sems kyi rang bzhin bden stong spros bral la rab tu gnas la tshul bzhin ma yin pa'i yid byed kyis las dang nyon mongs skye ba'i go skabs rab tu phye bas phyed snga mas bden stong la gnas pa dang/ phyed phyi mas las nyon gyi rten byed par bstan to/ /'di dag gis kyang las dang nyon mongs pa gzhi med rtsa bral du bsgrub pa yin no/ /gnyis pa ni/ las dang nyen mongs chu'i dkyil 'khor lta bu las ni nyer len dang lhan cig byed rkyen byas nas rnam smin gyi phung po dang skye mched dang khams rnams 'byung la/ chu'i dkyil 'khor de 'jig pa dang chags pa ltar rnam smin gyi phung po sogs kyang las nyon gyi dbang gis skye ba dang 'jig par 'gyur ba yin no/ /gsum pa ni/ nam mkha' skye 'jig dang bral ba ltar sems kyi rang bzhin don dam pa'i bden pa yang nam mkha'i khams ltar skyed pa'i nyer len gyi rgyu med @115a @#/ /cing lhan cig byed pa'i rkyen med de de skyed pa'i rgyu rkyen tshogs pa med cing skye ba dang mthar 'jig pa dang/ rgyu'i dbang gis gnas pa yang yod pa ma yin pa'o/ /kun nas nyon mongs kyi chos kyis gzhan du mi 'gyur ba mdor bstan dang don bsdur byung yang rgyas bshad du ma byung ba ni de gnyis kyis go bar dgongs pa dang/ skye 'jig gis gzhan du 'gyur bar byed mi nus na las nyon gyis gzhan du bsgyur bar mi nus pa go sla bar dgongs so/ /gsum pa la gnyis; las nyon gyis gzhan du mi 'gyur ba dang/ skye 'jig gis gzhan du mi 'gyur ba mtshams sbyar ba dang bcas pa'o/ /dang po ni/ sems kyi rang bzhin 'od gsal don dam pa'i bden pa gang yin pa de ni snod kyi bye brag gis gzhan du mi 'gyur pa'i nam mkha' bzhin du nyon mongs kyis ngo bo gzhan du 'gyur ba med de/ yang dag pa min pa'i rtog pa bden 'dzin las byung ba'i 'dod chags sogs glo bur gyi dri mas de nyon mongs par mi 'gyur ba'i phyir ro/ /'o na sems kyang chags sogs kyis nyon mongs par mi 'gyur bar thal/ rang bzhin gyis stong pa'i phyir ce na/ de ni rang ldog dang gzhi ldog ma phyed pa'i rtsod pa yin te/ nyon mongs kyis sems dmigs pa dang mtshungs ldan du byas pa'i sgo nas gnas tha dad cing sems kyi gnas tshod yul 'dzin pa yin la/ yul gyi mthar thug de bzhin nyid yin yang/ rang rgyud kyi nyon mongs kyis rang rgyud kyi sems tshul de ltar bslad pas yul gyi mthar thug mthong ba'i gegs byed la/ nyon mongs @115b stong nyid rtogs pa'i shes rab la mtshungs ldan gyi sgo nas gnas mi nus shing/ de bzhin nyid la cung zad kyang dmigs mi nus pas/ nyon mongs kyis bslad par rnam pa thams cad du byar med do/ /'o na de bzhin nyid la nyon mongs kyis bsgrib par yang byar med par 'gyur ro/ /zhe na/ rang rgyud kyi sems kyis rang rgyud kyi de bzhin nyid mthong ba dang rtogs pa la bar chad byas pas dri ma dang bcas pa yin la de la bsgribs pa na de dang mtshan nyid mtshungs pa'i sangs rgyas kyi rgyud kyi de bzhin nyid mthong ba la bsgribs kyang/ sangs rgyas kyi de bzhin nyid dri bcas su mi 'gyur te/ de'i rgyud kyis bsdus pa'i sgrib byed ma yin pa'i phyir dang/ sgrib bya rang rgyud kyi de bzhin nyid kyang rang rgyud la gnas pa'i phyir ro/ /dper na mig mi gsal bas thag ring po'i gzugs gsal bar ma mthong ba'i tshe/ mig skyon can dang ldan pa'i gang zag de'i khyad chos yin gyi /gzugs de'i khyad chos ma yin te/ de lta na de'i drung na gnas pa'i mig gsal bas kyang gzugs de gsal bar mi mthong bar thal ba'i phyir ro/ /'di la brten nas mngon par rtogs pa'i rgyan du/ 'bras bu dag pa gzugs la sogs/ /zhes sogs kyi don yang shes par bya'o/ /gnyis pa la gnyis/ mtshams sbyar ba dang; rtsa ba'o/ /dang po ni/ ji ltar snod skye 'jig byed kyang nam mkha' skye 'jig gis ma gos pa nam mkha'i dpe 'dis zhes so/ /de bzhin nyid rtag pa 'dus ma byas yin pas rang gi ngo bo yang 'gyur med yin mod kyi/ 'dir ni mi 'gyur ba'i @116a @#/ /tshul sngar bshad pa ltar te/ de ltar bshad pa'i dgos pa ni chos thams cad kyi gnas lugs mthar thug pa rang bzhin gyis stong pa nyid las ma 'das shing de su gang gis kyang rnam pa gzhan du bya bar mi nus pas nyon mongs spong par 'dod pa dang gnas lugs kyi don mthong bar 'dod pa rnams kyis tshul de ltar shes par bya ba'i don du yin no/ /thar dmya ngan las 'das pa yang rtag pa yin mod kyi/ mkhas pa la grags pa'i rtag pa'i rnam gzhag mi shes par bsgrub pa rang dbang ba'i rtag dngos khas len pa gzhan sde'i lugs la 'tshol bar mi bya'o/ /gnyis pa ni/ las dang nyon mongs pa chu'i dkyil 'khor dang 'dra ba sogs kyi tshogs kyis dri ma dang bcas pa'i de bzhin nyid 'di ni mngon par 'grub pa min te skye ba'i chos kyis ma gos pa'i phyir ro/ /'chi ba dang/ na ba dang/ rga ba'i me sdug bsngal drag po bskyed pa'i mi zad pas kyang 'tshig par mi 'gyur te/ 'jig pa'i chos kyis ma gos pa'i phyir ro/ /phyed phyed kyis skye 'jig dang bral bar bstan to/ 'di bshad pa lta bu'i tshigs bcad gnyis kyi dang po yin yang don bsdur byas pa la 'gal ba med par sems so/ /gnyis pa la gsum/ tshig don bsdus te bstan pa dang/ lung dang sbyar ba dang/ bshad zin dran par byed pa'o/ /dang po la gsum/ skye bas ma gos pa dang/ 'jig pas ma gos pa dang/ don bsdu ba'o/ /dang po ni/ ji ltar zhes te/ rlung gi dkyil 'khor dang 'dra ba'i tshul min yid byed las rnam smin gyi phung po bskyed kyang/ sems kyi rang @116b bzhin nam mkha' dang 'dra ba bskyed cing/ chags par 'gyur ba ma yin pa'o/ /gnyis pa ni/ tshul min yid byed sogs kyis bskyed pa'i rnam smin 'chi ba dang na ba dang rga ba'i tshogs bskyed pas 'jig kyang sems kyi rang bzhin de mi 'jig par rig par bya'o/ /gsum pa ni/ de ltar ma dag pa'i gnas skabs na zhes so/ /gnyis pa ni/ rang bzhin gyis rnam par dag pa'i sgo'i chos snang ba ni chos snang ba'i sgo gzhan las khyad par du gyur pa ste/ chos ni 'dir rang bzhin gyis rnam par dag pa yin la/ sgo ni de mngon du byed pa'i thabs so/ /de las brtsams nas nam mkha'i dpe 'di rgyas par ni/ nam mkha' mdzod kyi mdo ji lta ba bzhin rtogs par bya ste/ de la gnyis/ nyon mongs kyi chos kyis ma gos pa dang/ skye 'jig gis ma gos pa'o/ /dang po ni/ 'gyur kha cig las/ grogs po dag nyon mongs pa zhes 'byung la/ 'di'i ltar na/ 'khor rnams kyis ston pa la zhus pa'i tshul lo/ /drang srong chen po nyon mongs pa ni de kho na nyid mthong ba la bsgribs pas mun pa/ rnam par dag pa ni mthong na chos thams cad snang bar byed pas snang ba'o/ /nyon mongs pa ni gnyen po byung na then mi tshugs pas stobs chung pa/ lhag mthong ni stobs dang ldan pa'o/ /nyon mongs pa ni glo bur pa; ;rang bzhin gyis rnam par dag pa ni chos thams cad kyi rtsa ba'o/ /nyon mongs pa ni zhen pa ltar med bzhin du kun tu btags pa/ rang bzhin ni chos thams cad kyi gnas lugs yin pas kun tu ma btags pa'o/ /gnyis pa la @117a @#/ /gnyis; rgyas par bshad pa dang/ don bsdu ba'o/ /dang po la gsum/ dpe dang/ don dang/ dpe don sbyar ba'o/ /dang po ni/ drang srong chen po 'di lta ste zhes te/ de bzhin du khams bzhi po 'di rnams las gsum ni skye 'jig dang ldan pa dang/ yun ring du mi gnas pa dang/ rnam par 'gyur bar mthong gi /nam mkha'i khams ni de las ldog pa'o/ /gnyis pa ni/ dpe de bzhin du phung khams skye mched dang las nyon dang tshul min yid byed dang sems kyi rang bzhin rnams snga ma snga ma phyi ma phyi ma la gnas kyang sems kyi rang bzhin ni 'od gsal ba ste/ glo bur gyi nye ba'i nyon mongs pas nyon mongs pa'o zhes brjod do/ /dang po gsum ni rgyu rkyen las skye zhing de 'gags na 'gag par 'gyur gyi sems kyi rang bzhin gang yin pa de ni rgyu rkyen so sor med par rgyu med pa rkyen med pa lhan cig tu chogs pa med pa'am/ yang na rang gi ngo bo tshogs pa med pa de nyid kyi phyir skye ba med pa 'gag pa med pa'o/ /gsum pa ni/ de la nam mkha'i khams zhes so; ;gnyis pa ni/ des na chos thams cad ni rang bzhin gyis grub pa'i rtsa ba yongs su chad pa ste/ don dam dpyod byed kyi rigs pas brtags na brtag bzod pa'i snying po cung zad kyang med pas snying po med pa'i rtsa ba can/ de ltar gnas pa'i dus na yang rang bzhin gyis mi gnas pa'i rtsa ba can dus gsum gar du rang bzhin gyis dag pa'i rtsa ba can rgyu mtshan des na rang bzhin gyis grub pa'i rtsa ba med pa'i rtsa ba can no/ /zhes brjod do/ /zhes so/ /dang pos don dam @117b par grub pa'i rtsa ba med pa dang/ lhag ma bzhis tha snyad du rtsa ba yod par bstan to/ /gsum pa ni/ ma dag pa'i gnas skabs na zhes te/ rang bzhin nam mkha' dang chos mtshungs pa ni/ sems kyi rang bzhin nam mkha' yi/ /zhes dang/ tshul min yid byed rlung gi khams dang chos mtshungs pa ni/ tshul bzhin ma yin yid byed ni/ /zhes dang/ las nyon chu'i khams dang chos mtshungs pa ni/ las dang nyon mongs chu las ni/ /zhes dang/ las kyi rnam smin sa'i khams dang chos mtshungs pa ni/ de 'jig pa dang chags pa ltar/ zhes sogs su bshad zin to/ /gnyis pa la gsum/ mtshams sbyar ba dang/ rtsa ba dang/ 'grel pa'o/ /dang po ni/ las kyi rnam smin de 'jig pa'i rgyu 'chi ba dang na ba dang rga ba'i me 'khor bar gnas pa'i sems can rnams la 'go ba'i nad kyi mtshan nyid las brtsams te/ me'i khams dang chos mtshungs pa ni ma bshad pas ni de brjod pa bshad zin dran par byed pa 'di'i mtshams sbyar gyi nang du bsdus kyang 'gal ba med do/ /gnyis pa ni/ 'chi ba dang na ba dang rga ba'i me gsum rim pa bzhin du snod kyi 'jig rten mtha' dag bsreg par byed pa dang/ dmyal ba'i lus bsreg par byed pa dang/ bud shing bsreg par byed pa'i dus mtha'i me dang/ dmyal ba'i me dang/ tha mal gyi ma gsum po de dang 'dra bar shes par bya ste/ lus gtan 'joms pa dang/ nad med pa 'joms pa dang/ dar la babs pa 'joms pa'o/ /gsum pa la gnyis/ dpe gsum dang 'dra ba'i rgyu mtshan dang/ lung dang sbyar ba'o/ / @118a @#/ /dang po ni/ 'chi ba dang na ba dang rga ba rnams ni go rim bzhin du rgyu mtshan gsum dang 'dra bar rig par bya ste/ skye mched drug bdag gi ba gtan med par byed pa dang/ sdug bsngal sna tshogs myong bar byed pa dang; las nyon gyi 'bras bu 'du byed yongs su smin par byed pa'i phyir ro/ /'di dag gis ni 'khor ba'i nyes dmigs bsams te yid 'byung bar byas nas thar pa la don gnyer gyi blo bskyed pa'i thabs bstan par shes par bya'o/ /gnyis pa ni/ 'chi ba dang zhes te/ dpal phreng gi mdo las/ 'di skad ces/ bcom ldan 'das 'chi ba zhes bgyi ba dang/ skye ba zhes bgyi ba 'di ni/ 'jig rten gyi tha snyad do/ /bcom ldan 'das 'chi ba zhes bgyi ba 'di ni las nyon gyis 'phangs pa'i dbang po'i rgyun 'gog pa'o/ /bcom ldan 'das/ skye ba zhes bgyi ba 'di ni rigs mthun gzhan gyi dbang po gsar pa rnams thob pa'o/ /bcom ldan 'das de bzhin gshegs pa'i snying po don dam pa'i bden pa ni skye ba'am zhes dang/ de ci'i slad du zhe na/ bcom ldan 'das/ de bzhin gshegs pa'i snying po ni zhes te/ rtag pa sogs ni sngar bshad pa ltar ro/ /gnyis pa la gsum/ mtshams sbyar ba dang/ mdor bstan pa dang/ rgyas par bshad pa'o/ /dang po ni; de la zhes te/ ma dag pa dang dag pas mtshams so sor gcod pa'i don ma yin gyi /byang chub sems dpa' 'phags pa'i gnas skabs nyid cha so so la ltos nas ma dag dang dag par ston pa yin te/ las nyon gyi dbang gis skye ba @118b sogs kyis dag pa dang/ snying rje'i dbang gis skye ba sogs ston pas ma dag pa'am/ las nyon gyis skye ba zad pa'i cha de nyid kyang so skye la bltos nas dag pa dang sangs rgyas la bltos nas ma dag pa'i don to/ /gnyis pa ni/ blo ldan byang chub sems dpa' 'phags pa las nyon gyi dbang gis skye ba dang 'chi ba dang na ba dang rga ba las grol ba yin te/ spyod pa rgya chen pos khyad par du byas nas khams 'di'i rang bzhin ji lta ba bzhin du mngon sum du rtogs pa'i phyir/ las nyon gyi dbang gis skye sogs phongs pa dang bral yang 'gro ba la dmigs nas snying rje skye ba'i phyir tu 'khor bar skye ba bsten pa'i rgyu mtshan yod de/ khams kyi rang bzhin mngon sum du rtogs pa de'i rgyus dang snying rje chen po'i rgyus so/ /yang na/ rang nyid las nyon gyi dbang gis 'khor bar skye ba med kyang/ sems can gzhan skye ba'i sdug bsngal mthong ba de'i rgyus blo ldan 'gro la snying rje skye la de'i phyir 'khor bar skye ba bstan par byed do/ /des na rkang pa dang po phyed dang gsum gyis dag pa'i khyad par ston la phyi ma phyed dang gnyis kyis ma dag pa'i khyad par ston no/ /gsum pa la gnyis/ dri ba dang/ lan no/ /dang po ni/ 'dis ci bstan ce na/ gnyis pa la gnyis/ skye ba'i khyad par la bltos nas bshad pa'i ma dag pa dang dag pa'i gnas skabs na 'gyur ba med pa dang/ sangs rgyas dang so skye la bltos nas bshad pa'i ma dag pa dang dag pa'i gnas skabs na 'gyur ba med pa'o/ /dang po la gnyis/ dag pa'i khyad par bshad pa dang/ ma dag pa'i rang bzhin dag ma dag gi @119a @#/ /rgyus khyad par du byas nas bshad pa'o/ /dang po la gnyis/ rtsa ba dang/ 'grel pa'o/ /dang po ni/ byang chub sems dpa' 'phags pas las nyon gyi dbang gis 'chi ba dang na ba dang rga ba'i sdug bsngal mang nas spangs nas de la 'khor ba'i sdug bsngal de med de/ las dang nyon mongs pa'i dbang gis skye ba de med pa'i phyir/ theg pa dman pa'i 'phags pa slob pa rnams stong pa nyid kyi don mngon sum du rtogs kyang/ thabs khyad par can gyis ma zin pas las nyon gyi dbang gis skye ba len pa yod la/ byang chub sems dpa' 'phags pa rnams ni de ltar skye ba ma yin no/ /'o na/ 'og nas bsams bzhin du srid par skye ba len par bshad pa dang/ mngon par rtogs pa'i rgyan gyi 'grel par/ ma rig pa dang lta bas bsdus pa'i bag la nyal spong gi /'dod pa dang srid pa'i zag pa ni ma yin te/ bsams bzhin du srid par skye ba len pa'i phyir ro/ /zhes 'dod pa dang srid pa'i zag pa skye ba len pa'i rgyur bshad pa dang/ 'gal lo zhe na/ de'i don ni 'di ltar yin te/ nyon mongs can gyi ma rig pa dang 'jig lta dang/ mthar lta sogs rang don dang gzhan don sgrub pa'i yan lag gang du yang nye bar mi kho ba med pas byang chub sems dpas kyang ched du gtad nas spang bar bya ba yin la/ 'dod pa dang srid pa'i zag pa skye ba len pa'i rgyur dgos pa ma yin te/ snying rje dang smon lam gyi dbang gis skye ba'i phyir dang 'chi 'pho ba'i tshe/ bdag chad kyis dogs @119b pas 'jigs nas zag pa dang bcas pa'i phung po la sred pa sogs byang chub sems dpa' 'phags pa rnams la med pa'i phyir ro/ /snying rje dang smon lam gyi dbang gis 'khor los bsgyur rgyal sogs su skye ba blangs zin pa'i rjes su rigs kyi sras bskrun pa sogs kyi tshe 'dod pa'i zag pa dang yang gzugs khams sogs su smon lam gyi dbang gis skye ba blangs zin pa'i tshe/ srid pa'i zag pa mngon gyur yod kyang sngags dang sman gyis bsad pa'i dug ltar nyon mongs pa'i nyes pa mi skyed pa yin ni/ /nyon mongs pa'i mtshan nyid ni sems kyi rgyud rab tu ma zhi bar byed pa yin la/ de yang sems kyi rgyud rab tu zhi ba ni/ mya ngan las 'das pa la brjod la/ de'i ldog phyogs ma zhi ba ni sdug bsngal gyi bden pa dang/ de byed pa ni nyon mongs yin yang/ byang chub sems dpa' 'phags pa'i thugs rgyud la yod pa'i nyon mongs la nyon mongs kyi sgra 'jug pa yod kyang/ bshad pa ltar gyi sgra bshad du med do/ /gnyis pa ni/ sngar rga ba la sogs pa'i rgyu 'chad pa ni ma dag pa'i gnas skabs kyi chos gsum gyi nye bar lan pa ni bden par zhen pa tshul bzhin ma yin pa'i yid la byed pa dang las dang 'dod chags la sogs pa'i nyon mongs pa sngon du 'gro ba can gyi nyid mtshams sbyor ba ming gzugs kyis bsdus pa'i skye ba yin te rgyu de med pas rga ba sogs med par ston pa ni/ ma dag pa dang zhes te/ gang zhig shin tu snang ba med par gyur pa thabs rgya chen pos khyad par du byas nas stong pa nyid kyi don mngon sum gyis rtogs @120a @#/ /pas las nyon gyi dbang gis nying mtshams sbyor ba'i skye ba snang ba med pas cig shos 'bras bu sdug bsngal gyi me gsum gtan 'bar ba med par rtogs pa'o/ /gnyis pa la gnyis/ rtsa ba dang/ de dag gi don bshad pa'o/ /dang po ni/ thabs rgya chen pos khyad par du byas nas khams ji lta ba bzhin yang dag pa mngon sum du mthong ba'i phyir las nyon gyi dbang gis skye sogs rnams las 'das par gyur kyang smon lam dang snying rje'i bdag nyid kyis skye ba dang/ 'chi ba dang/ rga ba dang/ na bar ston par mdzad do/ /phyed dang pos ma dag pa dang dag pa dang 'brel pa'i rgyu dang/ phyed phyi mas ma dag pa'i rang bzhin bstan to/ /gnyis pa la gnyis/ tshig don mdor bstan pa dang/ de dag gi don rgyas par bshad pa'o/ /dang po ni/ byang chub sems dpa' rnams ni dge ba'i rtsa ba snying rje dang smon lam gyi dbang gis khams gsum du kun tu sbyor ba can te/ bsams bzhin du zhes so/ / des ni ma dag pa'i rang bzhin bstan la/ de dag dang 'brel pa'i rgyu ni/ de dag la las nyon gyi dbang gis skye ba la sogs pa'i chos 'di dag kyang med de/ don dam pa'i bden pas bsdus pa'i khams de nyid ces so/ /gnyis pa la gnyis; snying rje dang smon lam gyi dbang gis skye ba len pa'i tshul rgyas par bshad pa dang/ las dang nyon mongs pa'i dbang gis mi skye ba'i rgyu mtshan rgyas par bshad pa'o/ /dang po la gnyis/ lung dang sbyar ba dang/ lung gi @120b don bsdus te bstan pa'o/ /dang po la gnyis/ 'khor bar skye ba len pa'i rgyu ngos bzung ba dang/ de nyon mongs mtshan nyid pa yin pa dgag pa'o/ /dang po ni/ byang chub sems dpa'i zhes pa nas/ 'di lta ste/ zhes pa dang/ 'di la don tshan brgyad bshad pa'i dang po ni/ tshogs rdzogs pa'i don du skye ba len pa dang/ gnyis pa ni/ sems can gzhan rjes su bzung ba'i ched dang/ gsum pa ni rgyal ba la dad pas kun nas bslangs nas lus gzhan gyis sangs rgyas dang mjal ba dang/ bzhi pas gdul bya rjes su 'dzin pa'i spyod pas mi skyo ba'i ched dang/ lnga pa dang drug pas rgyal ba rnams kyi dam pa'i chos 'dzin pa dang/ sems can gyi don byed pa la brtson 'grus bskyed pa dang/ bdun pa spyod pa dang spyod pa'i rten sems bskyed don gnyer gyi bsam pa dang/ brgyad pa ni bsam pa des kun nas bslang ba'i phar phyin gyi spyod pa nyams su len pa ste de dag ni phal cher skye ba len pa'i rgyu'o/ /gnyis pa la gsum/ / nyon mongs par 'dogs pa'i rgyu mtshan dang/ nyon mongs mtshan nyid pa yin pa dgag pa dang/ khams gsum du skye ba sogs bstan pa'i dgos pa'o/ /dang po ni/ yang gsungs ba zhes pa nas/ nyon mongs pa las byung ba yin no/ / zhes pa'o/ /nyon mongs pas byis pa rnams khams gsum du sbyor ba dang 'dra bar dge ba'i rtsa ba 'di dag gis kyang/ byang chub sems dpa' 'phags pa rnams khams gsum du skye ba la sbyor bar byed pas byed las 'dra ba tsam la @121a @#/ /btags pa'o/ /kha cig /mngon par rtogs pa'i rgyan du lam shes kyi rang bzhin ston pa na/ lam shes kyis mi spong rgyu'i nyon mongs ngos 'dzin pa la/ blo gros rgya mtshos zhus pa'i mdo drangs nas de dang don gcig par byed pa ni legs par bshad pa ma yin te/ blo gros rgya mtshos zhus pa'i mdo las bstan pa ni/ snying rje dang smon lam dang mtshungs ldan gyi dge rtsa lam shes kyi thabs kyi cha nas bshad pa yin pas/ de lam shes kyis spong mi spong gi dogs pa med pa'i phyir dang/ nyan thos kyis nyon mongs spang bya'i gtso bor byed pa las rang bzhin khyad par du 'phags pa ston pa'i skabs yin pa'i phyir/ gnyis pa ni/ de la byang chub sems dpa' ni zhes pa nas/ sems nye bar nyon mongs pas ni ma yin no/ /de'i don ni/ ji ltar 'dod par lus len pa la mnga' bsgyur ba yin gyi /mi 'dod bzhin du nyon mongs pa'i dbang gis skye ba len pa ma yin pas de'i skye ba len pa'i rgyu nyon mongs ga la yin zhes pa'o/ /gsum pa la gnyis/ dpe dang/ don to/ /dang po ni/ blo gros rgya mtsho/ dper na zhes so/ /gnyis pa ni/ blo gros rgya mtsho de ltar na/ zhes pa nas/ byang chub sems dpa' rnams kyi tshigs bla dwags so/ /zhes pa'o/ /bu gcig pa mi gtsang ba'i dong du lhung ba la ma la brtsa ba ji tsam yod pa ltar/ nyan thos dang rang sangs rgyas 'phags pa rnams la yang 'khor ba'i sems can thams cad sdug bsngal dang bral na snyam pa'i snying rje chen po yang dang yang du 'byung @121b yang; sdug bsngal dang bral ba de bdag gis bya'o/ /snyam pa'i khur du blangs pa de med pas theg pa chen po las dman pa'o/ /sems can gyi don sgrub pa'i byed las kyi khyad par yang snying rje chen po las yin par ston pa ni/ blo gros rgya mtsho/ byang chub sems dpa' las nyon gyi dbang gis nying mtshams sbyor ba thams cad las shin tu grol yang/ srid par skye ba lan pa gang yin pa 'di ni byang chub sems dpa' rnams kyi snying rje chen po ste zhes so/ /gnyis pa ni/ des na mdo'i dum bu 'dis ni gzhan la phan par bya ba'i don du dbang dang ldan pa'i byang chub sems dpa' rnams kyi dge ba'i rtsa ba dang snying rje gnyis kyi stobs kyis bsams bzhin du skye ba la sbyor ba'i phyir ma dag pa dang/ thabs dang shes rab gnyis kyi stobs kyis/ de kun nas nyon mongs pa med pa'i phyir dag pa'i gnas skabs bstan to/ /gnyis pa la gnyis/ mtshams sbyor ba dang/ lung dang sbyar ba'o/ /dang po ni/ de la byang chub sems dpa' de bzhin gshegs pa'i khams rang bzhin gyis rnam par dag pa 'di ma skyes pa dang/ ma byung ba yang dag pa ji lta ba bzhin mngon sum du mthong ba thob nas las nyon gyi dbang gis skye ba mi len pa'i byang chub sems dpa'i chos nyid 'di rjes su thob pa de ltar rgyas par ni mdo ji lta ba bzhin rtogs par bya ste/ gnyis pa la gsum/ lung drang ba dang/ lung gi don bshad pa dang/ zag pa zad pa'i shes pa bye brag tu bshad pa'o/ /dang po la gsum/ de kho na nyid mthong ba'i tshul dang/ de kho na nyid mthong @0122a @#/ /yang skye ba len pa'i rgyu brjod pa dang/ de nyid bsgrub pa'o/ /dang po ni/ ji skad du blo gros rgya mtsho chos rnams kyi rang bzhin gyis grub pa'i snying po med pa nyid dang zhes pas chos kyi bdag med bstan to/ / rnam smin byed pa po rang bzhin gyis grub pa med pa nyid dang zhes pa man chad kyis gang zag gi bdag med bstan to/ /bdag med mngon sum du rtogs na dmigs pa la dbang bsgyur ba ni 'di ltar gang la ji ltar 'dod pa de ltar 'grub par 'gyur la zhes so/ /gnyis pa ni/ de ltar zhes so/ /gsum pa la gsum/ dpe dang/ don dang/ dag ma dag gnyi ga'i rgyu'i don bsdu ba'o/ /dang po ni/ blo gros rgya mtsho dper na zhes te/ sbyangs shing byi dor byas pa sogs ni sngar bshad pa ltar ro; ;gnyis pa ni/ blo gros rgya mtsho de bzhin du zhes so/ /gsum pa la gnyis/ dag pa'i don bsdu ba dang ma dag pa'i don bsdu ba'o/ /dang po ni/ nyon mongs la so sor rtogs pa'i khyad par ni de la byang chub sems dpa' 'di snyam du sems te zhes te/ sems can gyi sems rang bzhin gyis rnam par dag pa dang/ nyon mongs glo bur bar thugs su chud nas sems can gyi nyon mongs gzhom par bzhed pa skye la/ de la brten nas sems can gyi nyon mongs gzhom pa'i sbyor ba la brtson par byed do/ /de yang rang nyid nyon mongs pa'i dbang du gyur na sems can gyi don rdzogs par byed mi nus pas rang nyid nyon mongs pa'i dbang du yang ma gyur la/ sems can gyi nyon mongs gzhom @122b ba'i ched du sems can rnams la chos ston par mdzad do/ /gnyis pa ni/ 'khor bar 'brel par byed pa'i zhes so/ /yid kyi rang bzhin gyi lus 'grub pa'i rgyu ni/ sngar bshad pa ltar ma rig bag chags kyis dang/ zag pa med pa'i las yin la/ lus de dag kyang snying rje dang smon lam gyi dbang yin mod kyi/ 'dir de dag gi dbang gis len par byed pa'i lus ni tha mal pa gzhan gyis kyang mngon sum tshad mas mthong du rung ba'i 'khor los bsgyur ba'i rgyal po'i lus dang brgya byin gyi lus la sogs pa'o/ /gnyis pa la gnyis/ dngos dang/ lung dang sbyar ba'o/ /dang po ni/ 'khor ba ni 'di ltar zag pa med pa'i dbyings na/ khams gsum pa'i gzugs brnyan yid kyi rang bzhin gyi lus gsum po yin par 'dod do/ /de ni zag pa med pa'i dge ba'i rtsa bas mngon par 'dus byas pa'i phyir 'khor ba yin la/ zag pa dang bcas pa'i las dang nyon mongs pas mngon par 'dus byas pa ma yin pa'i phyir/ mya ngan las 'das pa yang de nyid do/ /gnyis pa ni/ gang gi dbang du byas nas/ bcom ldan 'das de'i slad du/ 'dus byas pa dang 'dus ma byas pa'i 'khor ba yang mchis la/ 'dus byas pa dang 'dus ma byas pa'i mya ngan las 'das pa yang mchis so/ /zhes gsungs pa yin no/ /las nyon gyi mya ngan las 'das pa yin la/ shes sgrib kyis phyogs kyis bsdus pa'i dbang gis 'khor bar 'khor ba'o/ /lung gi don bshad pa ni/ de la zhes te/ mtshan ma'i spros pa phra mo'i kun tu spyod pa dang ldan pa'i phyir/ 'di dag pa dang ma dag pa'i gnas skabs zhes bya'o/ /gsum pa la gnyis/ spyir bstan pa dang/ lung dang sbyar ba'o/ /dang po ni/ de @123a @#/ /yang thogs pa med pa'i shes rab kyi pha rol tu phyin pa bsgom pa dang snying rje chen po bsgoms pas nyon mongs spangs pa ni spangs pa mngon sum du shes pa'i zag pa zad pa'i mngon par shes pa la mngon du phyogs pa dang; sems can gyi khams thams cad yongs su bskyab pa'i don du de mngon du mi byed pa'i phyir ro/ /shes rab kyi stobs kyis zag pa zad pa thob kyang snying rje chen pos de mngon du mi byed pa'i phyir ro/ /byang chub sems dpa'i sa mngon du gyur pa la gtso bo rnam par bzhag pa yin no/ /shes rab kyi stobs kyis las nyon gyi dbang gis 'khor bar 'khor ba las grol ba sa dang po nas thob kyang de mngon du mi byed pa'i don/ sa drug pa nas gtso bor thob par rnam par bzhag pa ni sa lnga par bsam gtan gyi phar phyin rdzogs pa la brten nas/ shes rab kyi pha rol tu phyin pa rdzogs pa'i don te/ sa drug pa la shes rab kyi pha rol tu phyin pa'i stobs kyis srid zhi mnyam nyid kyi don mngon sum du rtogs kyang snying rje chen po'i stobs kyis de mngon du mi byed pa'i bsam pa sa 'di nas gtso bor thob pa'i don to/ /gnyis pa ni/ zag pa zad pa'i shes pa las brtsams te/ mi'i dper brjod pa mdo las ji skad gsungs pa bzhin te/ mdo las/ dper na/ dpag tshad stong phrag bye ba bgod dgos pas grong khyer chen po lam bgrod dka' zhing thag ring la/ 'jigs pa dang bcas pa lam na zas la sogs pa yang med pa zhig yod la/ der phyin na de'i sdug bsngal thams cad rgyun chad par 'gyur ba zhig go /de nas skyes bu zhig gis grang khyer @123b de'i yon tan thos nas bu gcig pa mthong na dga' ba/ sdug pa/ yid du 'ong ba zhig yod pa por te/ /lam du zhugs nas stobs kyi shugs dang/ brtson 'grus kyis sdug bsngal thams cad khyad du bsad de/ lam ring po de 'das nas rkang pa ya gcig sgo them la bzhag ya gcig phyi rol na 'dug pa na/ bu gcig pa dran nas 'di snyam du ma la kye ma bdag gi bu gcig pa 'dir khrid de ma 'ongs pa lta zhig snyam nas/ grong khyer der ma zhugs par/ phyir phyogs nas bu gang na 'dug pa slar log pa'i mi'i dper brjod gsungs nas rigs kyi bu de bzhin du byang chub sems dpa' bsam gtan dang sher phyin sgrub pa'i 'bad pa chen po dang/ brtson pa chen po dang/ lhag pa'i bsam pa brtan par bsgrubs pas mngon par shes pa lnga bskyed par byed de; ;bsam gtan dang mngon par shes pa la sems yongs su sbyang bar byas pa de/ zag pa zad pa mngon du phyogs par 'gyur ro/ /zhes pa nas/ gzhan dag kyang yang dag par rtogs pa 'di nyid la bzhag par bya'o/ /zhes sogs gsungs pa ste/ de dag gi don ni; zag pa zad pa ni yang dag pa'i mtha' de bzhin nyid la rang dbang du yun ring po'i bar du mngon sum du mnyam par 'jig 'dod na yang mnyam par bzhag nus pa 'gog pa'i snyoms 'jug thob pa'i don te/ dang po nas theg pa chen por rigs nges pa yin na bsam gtan dang shes rab kyi pha rol tu phyin pa rdzogs pas drug pa ma thob par du 'gog pa'i snyoms 'jug mi thob la/ de thob nas rjes thob kyi skabs su bden 'dzin yang skabs rang cung zad re tsam ma gtogs mngon gyur shas cher mi 'byung la/ rjes @124a @#/ /thob kyi skabs su shes bya ji snyed pa'i rnam pa 'char ba phal cher yang me long gi nang gi byad bzhin gyi gzugs brnyan ltar 'char ba yin no/ /sa brgyad pa thob ste srid zhi mnyam nyid kyi sbyor ba thob pa nas bzung ste bden 'dzin zad par spangs pas rjes thob kyi gnas skabs su shes bya ji snyed pa'i rnam pa sher phyin chad me long nang gi byad bzhin gyi gzugs brnyan ltar 'char pas khyab kyi/ bdag cag rnams la 'char ba ltar bden snang shar yang bden stong dang tshogs par mi 'char ba de lta bu'i tshul cung zad kyang mi 'char ro/ /lung gi don bshad pa ni sa drug pa de snying rje chen pos bdag 'dzin gnyis kyi dbang gis 'khor bar gzhol ba log par zhugs pa'i sems can yongs su bskyab par 'dod pa khyab pa 'du byed kyi sdug bsngal nye bar zhi ba thob kyang nye bar zhi ba'i bde ba'i ro mi myang ba de'i thabs la byad par byas pa 'khor ba la mngon du phyogs pa'i sems can la bltos te/ mya ngan las 'das pa la mngon du phyogs pa bla na med pa'i byang chub kyi yan lag yongs su rdzogs par bya ba'i phyir 'gog pa'i snyoms 'jug thob pa'i bsam gtan gyi gnas nas slar 'dod pa'i khams su bsams bzhin du skye ba yongs 'dzin pas ji srid myur du sems can gyi don bya bar 'dod pa dud 'gro'i skye gnas su gtogs pa rnam pa du mar skye ba'i bye brag gis so so'i skye bo'i lus kun tu ston pa la dbang 'byor ba ni/ ma dag pa'i gnas skabs bstan pa yin no/ /khams gsum gyi so so skye bo'i nyes pas ma gos pa'i @124b chan sa bstan pa de nyid sangs rgyas la bltos nas ma dag pa dang/ 'khor bar skye ba len pa'i cha nas ma dag pa de so skye la bltos nas dag pa'o/ /gnyis pa sangs rgyas dang so skye la bltos nas bshad pa'i ma dag pa dang dag pa'i gnas skabs na 'gyur ba med pa la gsum/ mtshams sbyar ba dang/ rtsa ba dang/ 'grel pa'o/ /dang po ni/ sngar bshad pa'i rtsa ba lta bu'i tshigs su bcad pa'i don gzhan ni/ gnyis pa la gnyis/ byang chub sems dpa' bzhi'i dag pa dang ma dag pa'i yon tan bshad pa dang/ srid pa tha ma pa'i byang chub sems dpa'i dag pa dang ma dag pa'i yon tan bshad pa'o/ /tshigs bcad dang po dgus dag pa'i yon tan bshad pa dang/ tshigs bcad bcu pa sangs rgyas la bltos te ma dag pa'i yon tan bshad pa dang don gcig go /dang po la bzhi/ don dam pa'i sems dang po bskyed pa dang/ spyod pa la zhugs pa dang/ phyir mi ldog pa dang/ skye ba gcig gis thogs pa'i byang chub sems dpa'i yon tan bshad pa'o/ /dang po la gnyis/ rang don gyi yon tan dang/ gzhan don gyi yon tan no/ /dang po ni/ rgyal sras 'jig rten las 'das pa'i sems dang po bskyed pas dang po bde 'gyur ba med pa'i chos nyid 'di mngon sum du rtogs nas 'khor ba'i rgud pa las nyon gyi dbang gis skye 'chi las grol yang nyon mongs can gyi ma rig pas ldongs pa rnams kyi skye ba'i tshul ltar snying rje dang smon lam gyi dbang gis skye ba dang rga ba dang na ba dang 'chi ba la sogs pa dag tu ni ma rig pas ldongs pa rnams kyis kyang mngon sum du mthong ba gang yin pa de rmad do ste ngo mtshar zhing rmad du byung @125a @#/ /pa'o; ;yang na tshigs bcad 'di snying rje chen po'i yon tan gyi khyad par ston cing/ sangs rgyas la bltos nas ma dag pa'i cha bshad do/ /gnyis pa ni/ 'phags pa'i spyod yul skye 'chi la sogs pa'i sdug bsngal rtsad nas spangs pa thob pas sa dang po pa gang yin pa des snying rjes kun nas bslangs nas byis pa'i spyod yul du skye ba len pa sogs ston par mdzad pa ste de nyid kyi phyir na 'gro ba yi gnyen gyi thabs dang snying rje mchog tu gyur pa mnga' ba yin no/ /gnyis pa la gnyis/ 'jig rten na gnas kyang de'i dri mas ma gos pa dang/ dpe don sbyar te bshad pa'o/ /dang po ni/ sa gnyis pa nas bdun pa'i bar gyi byang chub sems dpa' de ni so so skye bo nyan thos dang rang sangs rgyas kyi 'jig rten thams cad las 'das kyang 'jig rten pa'i skye ba len pa la sogs pa'i tshul las ma g.yos par gnas la de ltar gnas kyang 'jig rten pa'i don du 'jig rten na nyon mongs pa'i gzhan dbang du gyur pa dang sdug kun gyi rgud pas zil gyis non nas gzhan don sgrub mi nus pa sogs 'jig rten pa'i dri mas ma gos par spyod cing gnas so/ /gnyis pa ni/ ji ltar pa-dma chu nang du skyes pa chu yis gos pa med pa de bzhin du spyod pa la zhugs pa'i byang chub sems dpa' 'di ni 'jig rten du skyes kyang 'jig rten pa'i chos kyis mi gos te las nyon gyi skye 'chi las grol zhing skye ba len pa'i bzhed pa la mnga' bsgyur ba'i phyir ro/ /gsum pa ni/ rnam pa thams cad du phyir mi @125b ldog pa sa brgyad pa la gnas pa'i byang chub sems dpa' sems can gyi don bya ba bsgrub pa la rtag tu blo ma bzhin du ni 'bar ba dang zhes pas gzhan gyi don phun sum tshogs pa dang/ nyon mongs zad par spangs pas sdug bsngal dang 'bad rtsol nye bar zhi ba'i bsam gtan dang/ snyoms 'jug la rtag tu snyoms par zhugs pa yin te/ rnam par mi rtog pa'i ye shes la dbang bsgyur thob pa'i phyir ro/ /khyab pa 'du byed kyi sdug bsngal nye bar zhi ba'i myang 'das mngon du byed nus kyang; rang don 'ba' zhig tu thar pa don du gnyer ba'i bsam pa skye ba'i go skabs legs par bcom pas rnam pa thams cad du phyir mi ldog pa'i sa thob pa yin la/ srid zhi mnyam nyid kyi rnal 'byor thob pas rjes thob kyi shes bya ji snyed pa'i 'char tshul ni sngar bshad pa ltar ro/ /zhi ba'i bsam gtan la rtag tu snyoms par zhugs pa ni/ mnyam gzhag rigs 'dra bar ma chad du 'byung ba'i don min te/ de bzhin nyid la mngon sum du mnyam par bzhag bzhin du shes bya ji snyed pa mngon sum du gzigs shing/ sems can la chos ston pa sangs rgyas las gzhan gyis mi nus pa'i phyir ro/ /des na rtsol ba rags pa nye bar zhi bas de bzhin nyid la mnyam par 'jog pa'i 'bad rtsol chen po med pa dang/ rjes thob kyi bya ba kun la de bzhin nyid mngon sum du rtogs pa'i mnyam gzhag gi rtsis ma zin pa mi srid pa'i phyir ro/ /sa dgu pa ba dang/ sa bcu pa thong ma thag pa sogs yon tan de dag dang ldan par don gyis go bar dgongs so/ /bzhi pa la gnyis/ 'phrin las phun tshogs @126a @#/ /kyi rgyu dang/ de la brten nas 'phrin las 'bad med du 'jug par bstan pa'o/ /dang po la gnyis/ 'phrin las rtsol ba mi mnga' bar 'jug pa'i rgyu dang/ gdul bya dang rjes su mthun pa'i 'phrin las sna tshogs mkhyen pa'o/ / dang po ni/ skye ba gcig gis thogs pa'i byang chub sems dpa' de 'bad med lhun grub tu sems can gyi don byed par gyur cig /snyam du smon pa'i sngon du 'phen pa'i dbang dang ni 'bad rtsol rags pa dang/ dngos po la bden par zhen pa'i rnam rtog thams cad dang bral ba'i phyir/ de ni lus can smin pa yi don du chos ston pa la sogs pa'i kun slong gi 'bad pa chen po byed dgos pa ma yin par lhun grub tu 'jug pa'o/ /dngos po bden 'dzin nyon sgrib yin pas sa brgyad pa nas zad par spangs mod kyi/ 'dir ni chos ston pa'i kun slong gi rtsol ba rags pa yang nye bar zhi nas ngam ngam shugs kyis gzhan don la 'bad med du 'jug par 'gyur ba yin no/ /gnyis pa ni/ chos ston pa'i gsung gi brjod pas bsdus pa gdul bya dang ji ltar 'tshams pa bstan pa dang/ gdul bya dang 'tsham par gzugs sku mi 'dra ba du ma ston pa dag dang ni chags can 'dul ba'i don du 'dod chags la spyod pa'i tshul ston pa sogs spyod pa dang/ spyod lam gyis 'dul ba la 'gro 'ong sogs spyod lam gyis kyang rung/ gdul bya gang zhig rnam pa ji ltar thabs gang gis 'dul ba'i thabs sogs byang chub sems dpa' des thabs de ji ltar 'tsham pa de ltar nyid du shes nas gzhan don la 'jug pa @126b yin no/ /gnyis pa ni/ tshul de ltar rgyu de dag la brten nas nam mkha'i mthas klas kyi 'gro bar dus rtag tu 'bad rtsol chen po mi dgos par lhun gyis grub par 'gal rkyen gyis gegs byed mi nus pas thogs med du blo ldan byang chub sems dpa' de'i ni sems can gyi don ni yang dag par 'jug pa'o/ /gnyis pa la gnyis/ dag pa'i khyad par dang/ ma dag pa'i khyad par ro/ /dang po ni/ srid pa tha ma pa'i byang chub sems dpa' sems can gyi don byed pa'i tshul 'di ni rjes thob tu chos ston pa la sogs pa'i mdzad pa mdzad pa de bzhin gshegs pa rnams dang sems can yang dag pa phyin ci ma log pa tshul bzhin du sgrol ba la 'jig rten na ni mnyam pa nyid du shes par bya'o/ /rjes thob ces smon pas rjes thob tu gang la chos bstan par bya ba'i sems can gyi grangs la sogs pa dang 'phrin las tsam zhig sems can thams cad la byed nus pa sogs mnyam pa'i don yin gyi /phyogs thams cad nas mnyam pa ma yin te de bzhin nyid la mngon sum du mnyam par bzhag bzhin du sems can la chos ston pa sogs yang dag par rdzogs pa'i sangs rgyas las gzhan gyis mi nus pa'i phyir ro/ /de yang shes bya ji lta ba mngon sum du gzigs pa'i blo de nyid kyis shes bya ji snyed pa mngon sum du gzigs pa la bden gnyis ngo bo tha dad du 'dzin pa'i dri ma zad par spang dgos la/ de yang dag par rdzogs pa'i sangs rgyas ma gtogs gzhan la med pas de man chad du @127a @#/ /mnyam gzhag dang rjes thob ngo bo tha dad pa yin no/ /gnyis pa ni/ chos ston pa'i gdul bya'i grangs la sogs pa mnyam pa de lta med kyi/ rnam pa nas rnam pa thams cad du mnyam pa ma yin te sa chen po dang rdul phran dang/ rgya mtsho dang ba lang gi rmig rjes kyi chu'i khyad par gang yin pa de dang 'dra bar rdzogs pa'i sangs rgyas dang mthar phyin pa'i byang chub sems dpa'i khyad par de nyid du shes par bya'o/ /des na tshigs bcad snga mas rjes thob tu sems can gyi don byed pa'i grangs la sogs pa mnyam pa bstan la/ tshigs bcad phyi mas mdzad pa mdzad pa'i tshul la sogs pa spyi'i dbang du byas pa'i khyad par bstan te/ rgyu mtshan ni/ sgo gsum gyi kun slong gi rtsol ba mtha' dag nye bar zhi ba dang ma zhi ba'i khyad par dang de bzhin nyid la mnyam par bzhag bzhin du chos ston pa la sogs pa'i mdzad pa mdzad nus pa dang mi nus pa'i khyad par ro/ /so so skye bo'i gi gdul bya'i don byed par mnyam pa dang/ 'phags par gyur pa'i don byed pa mi mnyam pa'i khyad par ni mi rung ste/ so so skye bo thar pa mya ngan las 'das pa la 'god pa la rgya mtsho dang ba lang gi rmig rjes kyi khyad par du shes par bya'o/ /gsum pa la gnyis/ spyir bstan pa dang/ so sor bshad pa'o/ /dang po ni/ tshigs su bcad pa bcu po zhes pa nas/ skye ba gcig gis thogs pa'o/ /zhes pa'o/ /sa rab dga'i 'og tu kun nas nyon mongs pa so so skye bo dang/ chos kyi sprin gyi steng du mchog tu rnam par dag pa rdzogs pa'i sangs rgyas te/ de gnyis la bltos nas dag pa dang ma dag @127b pa'o; ;gnyis pa la lnga yod pa'i dang po don dam pa'i sems dang po bskyed pa'i yon tan ni/ de la tshigs su bcad pa dang po dang gnyis pas ni zhes so/ /sa dang por chos dbyings kun tu 'gro ba'i don du rtogs pas dag pa'i yon tan dngos su bstan nas ma dag pa'i cha don gyis 'phan pa yin no/ /gnyis pa spyod pa la zhugs pa'i byang chub sems dpa'i yon tan ni tshigs su bcad pa gsum pa dang zhes so/ /sa gnyis pa nas bdun pa'i bar ser sna'i kun dkris dang tshul 'chal sogs spyad pa pha rol tu phyin pa drug ga mi mthun pa'i phyogs rim gyis zad par byed pa'i stobs thob pa'i phyir/ gsum pa phyir mi ldog pa'i byang chub sems dpa'i yon tan ni/ tshigs su bcad pa lnga pas ni zhes so/ /byang chub chen po thob pa'i sbyor ba ni/ chos sku'i rgyu srid zhi mnyam nyid kyi sbyor ba'o/ /bzhi pa skye ba gcig gis thogs pa'i yon tan ni/ tshigs su bcad pa drug pa dang zhes so/ /don gnyis mthar phyin pa'i thabs sems can yongs su smin pa'i mthu legs par thob pa'o/ /lnga pa mthar phyin pa'i byang chub sems dpa'i yon tan ni/ tshigs su bcad pa dgu pa dang bcu pas ni zhes so/ /de'i don ni bshad zin to/ /gsum pa shin tu rnam dag gi gnas skabs na 'gyur ba med pa'i don bshad pa la gnyis/ mtshams sbyar ba dang/ don bshad pa'o/ /dang po ni/ de la zhes so/ /gnyis pa la gsum/ bstan pa dang/ bshad pa dang/ bstan pa shad sbyar ba'o/ /dang po ni/ 'di ni sngar bshad pa'i rtsa ba lta bu'i tshigs su bcad pa yin no/ /shin tu rnam par dag pa'i gnas skabs de bzhin gshegs pa rnams kyi @128a @#/ /chos kyi sku de ni chos can/ rtag pa yin te/ ma rig bag chags kyi sa dang/ zag pa med pa'i las kyis bskyed 'di yid kyi rang bzhin gyi lus snga ma dor nas phyi ma thob pa'i gzhan du 'gyur ba min pa'i bdag nyid mthar thug pa thob pa'i gnas skabs 'dus ma byas pa de yin pa'i phyir/ de yin te/ rang bzhin gyis mi zad pa'i yon tan gyi chos mthar thug pa dang ldan pa'i chos kyi sku yin pa'i phyir/ 'gro ba rnams kyi mi slu ba'i skyabs mthar thug pa yin te/ rang bzhin gyis rnam par dag pa la glo bur gyi dri ma ma lus pas dag pa phyi ma'i mtha' med par mur thug par gnas pa'i sku yin pa'i phyir/ des brtan pa'i don bstan te/ sngar glo bur gyi dri mas rnam par dag pa phyis gzhan du gyur na don dam pa'i skyabs su mi rung ba'i phyir/ rtag tu sgro 'dogs dang skur 'debs kyi mtha' gnyis su med pa'i rang bzhin du gnas te/ 'khrul pa mtha' dag zad pas de bzhin nyid la mi rtog bzhin du gnas pa'i sku yin pa'i phyir/ des ni rang bzhin gyis zhi ba la glo bur gyi dri ma ma lus pas kyang zhi ba'i don bstan to/ /zag bcas dang zag med kyis 'dus ma byas pas 'jig pa med pa'i chos kyang yin te/ las kyis 'dus ma byas pa'i rang bzhin yin pa'i phyir/ 'dis g.yung drung gi don bstan to/ /gnyis pa la gnyis/ dri ba dang/ lan no/ /dang po ni/ 'dis ci bstan ce na/ gnyis pa la gnyis/ rtsa ba dang/ 'grel pa'o/ /dang po la gsum/ shugs la bstan pa'i rnam bcad kyi don dang/ yongs gcod kyi don dang/ rnam bcad kyi don rgyas par bshad pa'o/ /dang po ni/ nyon mongs pa'i dbang gis nyid mtshams mi @128b sbyor bar ma zad/ yid kyi rang bzhin gyi lus blangs pa'i skye ba med cing/ nyon mongs pa'i 'chi ba med par ma zad/ bsam gyis mi khyab par bsgyur ba'i 'chi ba med la/ las dang nyon mongs pa'i dbang gis gnod pa med par ma zad/ nyon mongs can ma yin pa'i ma rig pa'i bag chags kyis gnod pa med cing/ nyon mongs pa dang bcas pa'i zag bcas kyi las kyi dbang gis rga ba med par ma zad/ zag pa med pa'i las kyis gzhan du bsgyur pa'i rga ba med pa ste gzhan du mi 'gyur ba sogs kyis mi mthun pa'i phyogs rnam par bcad pa'i rnam bcad kyi gnas nya bar bzung ba'o/ /gnyis pa ni/ des na de bzhin gshegs pa rnams kyi chos kyi sku de ni rtag pa dang brtan pa'i phyir dang/ zhi ba'i phyir dang/ g.yung drung gi phyir/ gsum pa ni/ de bzhin gshegs pa'i chos kyi sku de ni yid kyi rang bzhin gyi lus kyis skye ba med de/ rtag pa'i phyir/ 'dir rtag pa'i gcad bya skye ba ni yid kyi rang bzhin gyi lus kyis skye ba yin la/ rtag pa'i rnam bcad ni skye ba de dang bral ba'o/ /bsam gyis mi khyab par bsgyur ba yi 'chi 'pho bas chos kyi sku de mi 'chi ste brtan pa'i phyir/ chos kyi sku la ma rig pa'i bag chags phra mo'i nad rnams kyis gnod pa med de/ zhi ba nyid kyi phyir/ de gnyis kyang brtan pa dang zhi ba'i gcad bya ngos bzung nas de dang bral ba brtan pa dang zhi ba'i don du bshad pa'o/ /zag pa med pa'i las kyi mngon par 'du byed kyis 'du byed pa med pas rga ba med de/ las kyis gzhan du mi 'gyur bas g.yung drung yin pa'i phyir/ rtag brtan sogs kyi don de ltar bshad kyi/ bsgrub pa rang dbang ba'i @129a @#/ /rtag dngos su bshad pa med do/ /gnyis pa ni/ shin tu dri ma med cing rang bzhin gyi rnam par dag pa/ 'od gsal ba/ rang gi rang bzhin sangs rgyas kyi sa la rnam par dag pa/ de bzhin gshegs pa'i khams rang bzhin gyis rnam par dag pa la glo bur gyi dri ma mtha' dag gis dag pa de ni 'di tshun chad nas skyes so zhes sngon gyi mtha' nye bar bzung nas/ yid kyi rang bzhin gyi lus kyis skye ba ma yin te/ rtag pa'i phyir ro/ /dus 'di tsam na rgyun 'gag go zhes bsam gyis mi khyab par yongs su bsgyur ba'i 'chi 'phos gsar du 'chi ba ma yin te brtan pa'i phyir ro/ /rigs 'dra snga phyi du mar brgyud pa'i sngon dang phyi ma'i mtha' nye bar bzung nas/ ma rig pa'i bag chags kyis yongs su 'dzin pas lus sems la gnod pa yang ma yin te/ zhi ba'i phyir ro/ /de ltar nyon sgrib kyi phyogs dang shes sgrib kyi phyogs kyis bsdus pa'i skye 'chi don med pas ma phog pa chos kyi sku gang yin pa de ni g.yung drung nyid kyi phyir/ zag pa med pa'i las kyi 'bras bu yongs su smin pas rga ba yang ma yin no/ /gsum pa la gnyis/ rtag sogs bzhi'i don mdo las shes par bya ba dang/ bstan bshad sbyar ba'o/ /dang po la gnyis/ rtsa ba dang/ 'grel pa'o/ /dang po ni/ de la de bzhin gshegs pa'i chos kyi sku 'dus ma byas pa'i dbyings la ni/ rtag pa'i don dang/ brtan pa dang/ zhi ba dang; g.yung drung la sogs pa'i don mdo nas 'byung ba bzhin du shes par bya'o/ /ji ltar na/ rtag pa'i don gyi tshig gnyis ni bstan pa'i tshig dang/ bshad pa'i tshig /gzhan 'gyur min pa dag dang/ mi zad chos ldan dang/ de bzhin du brtan pa'i don bshad pa'i @129b bstan bshad gnyis ni/ 'gro skyabs dang/ phyi ma'i mtha' mur thug pa dang/ zhi ba'i don ston pa'i bstan bshad kyi tshig gnyis ni/ rtag tu gnyis med dang/ mi rtog pa dang/ g.yung drung gi don bshad pa'i bstan bshad gyi tshig 'jig med chos dang/ ma byas pa'i rang bzhin gnyis kyis go rim bzhin du rtag pa la sogs pa 'og nas 'chad par 'gyur ba'i mdo bzhin du shes pa bya'o/ /gnyis pa ni/ de la zhes so/ /gnyis pa la gnyis/ rtsa ba dang/ mdo dang sbyar ba'o/ /dang po ni/ de bzhin gshegs pa'i chos kyi sku de ni sangs rgyas kyi yon tan mtha' yas pas bsdus pa mi zad pa'i yon tan dang ldan pa'i phyir/ gzhan du 'gyur ba min pa'i bdag yin pas snga ma bshad pa'i tshig dang/ phyi ma bstan pa'i tshig gnyis kyis rtag pa'i don bstan to/ /phyi ma'i mtha'i mu dang mtshungs par gnas pa'i phyir dus nam yang bslu ba med pa'i skyabs kyi bdag nyid du gyur pa'i bshad pa dang bstan pa'i tshig gnyis kyis brtan pa'i don bstan te/ /rnam par mi rtog pa'i rang bzhin yin pa'i phyir mtha' gnyis su med pa'i chos nyid glo bur gyi dri ma mtha' dag dang bral ba bshad pa dang bstan pa'i tshig gnyis kyis zhi ba'i don bstan to/ /zag pa dang bcas pa'i las dang zag pa med pa'i las kyis ma bcos pa'i yon tan nyid yin pa'i phyir na 'chi 'phos 'jig pa med pa'i chos yin pas bshad pa dang bstan pa'i tshig gnyis kyis g.yung drung nyid kyi don ni bstan par shes par bya'o/ /gnyis pa ni/ mdo las/ ji skad du/ shA ri'i bu zhes so/ /nyon sgrib kyis @130a @#/ /bsdus pa'i rten 'brel yan lag bcu gnyis dang bral bar ma zad shes sgrib kyi phyogs kyis bsdus pa'i rten 'brel yan lag bcu gnyis dang bral ba'i don bsdus pa ni yid kyi rang bzhin gyi lus kyi ngo bor skye ba med pas; rtag pa dang/ bsam gyis mi khyab par bsgyur ba'i 'chi 'pho dang bral bas brtan pa dang/ ma rig bag chags kyis zad par spangs pas zhi ba dang/ zag pa med pa'i las kyis ma bcos pas 'jig pa med pa'i chos kyi sku 'di ni g.yung drung ngo/ /zhes gsungs pa yin no/ /bzhi pa shin tu rnam par dag pa'i dus na rnam grol gyi yon tan rnams dbyer med du ldan par bsgrub pa la gnyis/ mtshams sbyar ba dang/ don bshad pa'o/ /dang po ni/ shin tu rnam par dag pa'i mthar phyin pa'i de bzhin gshegs pa'i snying po'i glo bur gyi dri ma ma lus pas rnam par dag pa'i gnas skabs 'di nyid la ye shes dang spangs pa'i yon tan dbye ba med pa'i don las brtsams pa'i tshigs su bcad pa ni/ gnyis pa la gnyis/ mdor bstan pa dang/ rgyas par bshad pa'o/ /dang po ni/ yang dag par rdzogs pa'i sangs rgyas de ni chos can nyan thos dang rang sangs rgyas dang theg pa chen po'i shes rab dang/ ye shes dang/ rnam grol gyi yon tan gyi rigs mtha' dag dbyer med pa'i tshul du ldan pa yin te/ gang gi phyir na de nyid gdod ma nas rnam par dag pa mthar thug pa'i chos kyi sku yin pa'i phyir dang/ de bzhin nyid mngon sum du rtogs pa mthar thug pa'i yon tan dang ldan pas de ni de bzhin gshegs pa yin pa'i phyir dang/ rang bzhin gyis @130b rnam par dag pa la glo bur gyi dri ma mtha' dag zad pa'i spangs pa mthar thug pa yin pas de ni 'phags pa'i 'gog pa'i bden pa don dam bden pas bsdus pa mthar thug pa'i phyir dang/ mi gnas pa'i mya ngan las 'das pa yin de'i phyir/ dper na nyi ma'i dkyil 'khor dang de las 'od zer 'phro ba tha dad med bzhin no/ /des grub pa'i don ni yon tan dbyer med pas yang dag par rdzogs pa'i sangs rgyas nyid las ma gtogs mi gnas pa'i mya ngan las 'das pa med par shes par bya'o/ /yon tan bzhis ni/ chos kyi sku'i rang bzhin rnam dag gi cha dang/ de mngon sum du rtogs pa'i ye shes dang/ glo bur gyi dri ma mtha' dag zad pa'i spangs pa dang/ de gnyen pos thob pa rnams chos kyi sku la dbyer med du ldan par bstan te/ 'dis nyan rang la myang 'das mtshan nyid pa med par ston pa ni ma yin gyi /rnam grol dang ye shes dang shes rab rnams bgrod pa mthar thug nas gong du bgrod mi dgos pa sangs rgyas ma gtogs gzhan la med pas mthar thug theg pa gcig tu sgrub pa'i ched du yin no/ /gnyis pa la gsum/ mthar thug pa'i yon tan gyi dbyer med pa'i gtan tshigs kyi don bshad pa dang/ des grub pa'i don dang/ yon tan dbyer med kyi rang bzhin dang/ dpe bshad pa'o/ /dang po la gnyis/ dri ba dang/ lan no/ /dang po ni/ de la zhes so/ /gnyis pa la gnyis/ mdor bstan pa dang/ rgyas par bshad pa'o/ /dang po la gnyis/ rtsa ba dang/ 'grel pa'o/ /dang po ni/ mdor na zag pa med pa'i dbyings rang bzhin gyis rnam par dag pa la glo bur @131a @#/ /gyi dri ma mtha' dag dang bral ba la ni 'og nas 'chad par 'gyur ba'i don gyis rab tu dbye ba bzhis yon tan mthar phyin pa dang/ mthar ma phyin pa'i dbye ba so sor med kyang chos kyi sku dang de bzhin gshegs pa la sogs pa'i ming gis rnam grangs bzhir ni rig par bya'o/ /gnyis pa ni/ mdor bsdu na zhes so/ /gnyis pa la gnyis/ dri ba dang/ lan no/ /dang po ni/ sngar ming bzhis bstan pa'i don bzhi gang zhe na/ gnyis pa la gnyis/ rtsa ba dang/ 'grel pa'o/ /dang po ni/ khams rang bzhin gyis rnam par dag pas khyad par du byas pa'i sems can gyi rgyud la sangs rgyas kyi chos thams cad 'byung rung du dbyer med par gnas pa'i phyir dag pa mthar thug pa de nyid chos kyi sku dang/ de'i rigs de bzhin nyid mngon sum gyis rtogs pa mthar thug pa thob pas de bzhin gshegs pa dang/ rdzun pa med cing bslu ba med pa'i chos nyid dri ma mtha' dag zad pas 'phags pa'i bden pa don dam pa dang/ gdod nas rang bzhin gyis zhi ba nyid gnyen pos thob pa'i spangs pa mthar thug pa yin pas mi gnas pa'i mya ngan las 'das pa zhes bya'o/ /gnyis pa la gnyis/ lung dang so sor sbyar ba dang/ bstan bshad kyi tshig sbyar ba'o/ /dang po ni/ sangs rgyas kyi chos zhes te/ de bzhin gshegs pa'i snying po gnyen po'i phyogs mtha' dag skye rung dang/ glo bur gyi dri ma'i rigs mtha' dag 'bral rung dang dbyer med du gdod nas gnas pa'i don to/ /skye mched drug gi khyad par ni/ mig sogs nang skye mched drug bden pas stong ba'i cha'o/ /gnyis pa ni/ don bzhi po 'di dag la ni go rim bzhin du ming gi rnam grangs 'di bzhir 'gyur te zhes so/ / @131b lung dang sbyar ba ni/ gang gi phyir/ 'di skad ces zhes so/ /gnyis pa la gnyis/ dri ba dang/ lan no/ /dang po ni/ de la zhes so/ /gnyis pa la gnyis/ rtsa ba dang/ 'grel pa'o/ /dang po ni/ de bzhin gshegs pa rnams kyi chos kyi sku nyid chos thams cad rnam pa kun tu mngon par rdzogs par byang chub pa'i rtogs pa'i yon tan dang/ dri ma bag chags dang bcas pa spangs pa'i yon tan dbyer med du ldan pa'i phyir yang dag par rdzogs pa'i sangs rgyas dang mi gnas pa'i mya ngan las 'das pa dag dam pa'i don du gnyis su med pa nyid du shes par bya'o/ /yang na so sor bshad de/ rnam kun mngon par byang chub pa sangs rgyas dang/ dri ma bag chags dang bcas pa spangs pa dang mya ngan las 'das pa dag dam pa'i don du gnyis med nyid ces so/ /gnyis pa ni/ gang gi phyir/ zag pa med pa'i dbyings kyi rnam grangs kyi ming 'di dang/ de bzhin gshegs pa'i khams kyi don gcig la yang dag par 'du ba de'i phyir 'di dag ces so/ /gsum pa la gnyis/ yon tan dbye ba med pa'i rang bzhin bshad pa dang/ dbye ba med pa'i dpe bshad pa'o/ /dang po la gnyis/ dngos kyi don dang/ yon tan ma tshang ba med pa'i ri mo mkhan gyi dpes bshad pa'o/ /dang po la gnyis/ rtsa ba dang/ 'grel pa'o/ /dang po ni/ rnam pa thams cad pa'i yon tan ni/ yon tan gyi rigs thams cad ma tshang ba med pa dang grangs med pa gsal ba'i bye brag mtha' yas pa ste yon tan rgya che ba dang/ bsam du med pa ni grangs dang nus mthu la sogs pa rtogs par dka' bas zab pa'i yon tan dang/ @132a @#/ /dri med ni dri ma bag chags dang bcas pa spangs pas spangs pa'i yon tan dang/ bzhi po dbyer med du ldan pa'i mtshan nyid kyi rnam grol gang yin pa de ni mthar thug pa'i thar pa ste de 'dra'i thar pa gang yin pa de de bzhin gshegs pa yin pas nyan thos dang rang sangs rgyas dgra bcom pa'i rgyud kyi rnam grol mthar thug tu bshad pa ni dgongs pa can du shes par bya'o/ /gnyis pa la gnyis/ mthar thug pa'i rnam grol mi 'dra ba gsum bshad pa dgongs pa can du bstan pa dang/ yon tan bzhi dbyer med pa'i thar pa sangs rgyas nyag gcig tu bstan pa'o/ /dang po ni/ zhes bya ba 'di ni/ ji skad du zhes te/ 'dis ni rgya mtshor 'gro ba'i lam ring pos du ba pa rnams ded dpon thabs la mkhas pas 'brog dgon pa'i dbus su grong khyer sprul pa bzhin du gnas skabs nyan thos dang rang sangs rgyas su rigs nges pa'i gdul bya kha cig la 'khor ba'i sdug bsngal nye bar zhi ba tsam mthar thug gi thob byar bstan pa 'di ni chos kyi dbang phyug dam pa yang dag par rdzogs pa'i sangs rgyas rnams kyi nyan rang gi rigs can rnams mthar rdzogs pa'i byang chub las phyir mi ldog pa'i thabs yin no zhes bstan pa yin no/ /gnyis pa ni/ lung dang sbyar ba ni bcom ldan 'das zhes so/ /'dis ni yon tan rnam pa bzhi grub pa dang dbyer med pa'i mtshan nyid mya ngan las 'das pa zhes te/ 'dis ni myang 'das mthar thug pa yon tan bzhi dang dbyer med du grub pa gcig dgos par bstan pas nyan rang gi rgyud la myang 'das mthar thug med par bstan gyi /myang 'das tsam med par bstan pa ma @132b yin no/ /nyan dang la mthar thug gi myang 'das yod med dogs pa bcad me dgos so/ /zhe na/ mthar thug theg pa gcig tu nges zin pa la bsgrub mi dgos kyang/ nyan rang gi rigs ma nges pa kha cig theg pa chen po la gzhug par bya ba'i ched dang/ nyan rang dgra bcom pa zhi ba'i dbyings su snyoms par zhugs pa dag /sangs rgyas rnam kyi 'od zer gyis bskul nas/ theg pa chen po 'khrid par byed pas gang zag de dag la bltos nas nyan rang gi myang 'das mthar thug ma yin par bsgrub pa yin gyi /theg pa chen por rigs nges pa dag la bsgrub pa ma yin pa'i phyir dang/ mthar thug theg pa gcig yin no zhes pa'i tshig tsam thos pa dag la ni gang du 'gyur ba nges pa med par shes par bya'o/ /gnyis pa la gsum/ mtshams sbyar ba dang/ rtsa ba dang 'grel pa'o/ /dang po ni/ de la zag pa med pa'i dbyings la zhes so/ /'dis ni spangs pa dang rtogs pa'i rigs ma lus pa yongs su rdzogs pa'i stong nyid rtogs pa'i shes rab nyid dang/ de'i chos nyid dri ma mtha' dag gis dag pa rnam kun mchog ldan gyi stong par ston pa yin gyi /kun rdzob mtha' dag gis stong pa'i don dam pa'i bden pa dar ston pa ma yin te/ de la ni yon tan gyi cha cung zad kyang med pa'i phyir ro/ /gnyis pa la gnyis/ dpe dang/ don to/ /dang po ni/ sangs rgyas kyi yon tan rnam pa bzhi 'grub par byed pa'i thabs ni sbyin pa la sogs pa'i yon tan ma tshang ba med par rdzogs pa'i stong nyid rtogs pa'i shes rab slob lam gyis bsdus pa de nyid yin te/ de yongs su rdzogs pa mthar thug pa las sangs rgyas @133a @#/ /kyi yon tan rnams 'grub pa'i phyir ro/ /ji ltar te dper na/ ri mo 'dri bar byed pa'i ri mo mkhan mgo bo la sogs pa'i yan lag gzhan dang gzhan la so sor mkhas pa dag gang zhig mgo bo la sogs pa'i yan lag gang shes pa des lag pa la sogs pa'i yan lag gzhan nges par zin cing shes pa med par gyur pa'i ri mo mkhan du ma yod la/ de nas ras yug 'di la khyed kun gyis nga'i gzugs ni yongs su rdzogs pa gcig gyis shig ces mnga' bdag rgyal pos de dag la bka' yis ras ni byin pa dang/ de nas ri ma mkhan rnams kyis de ni thos par gyur te rang rang gis gang shes pa'i ri mo'i las la rab tu sbyor ro/ /las de la mngon par sbyor ba rnams las ri mo mkhan gcig yul gzhan du song bar gyur nas de ni yul gzhan du song bas med na mgo lta bu shes pa'i ri mo mkhan de ma tshang ba'i phyir ri mo yan lag thams cad yongs su rdzogs par mi 'gyur ba bzhin/ zhes dper byas so/ /gnyis pa ni/ rnam kun mchog ldan gyi stong pa nyid ni bsod nams dang ye shes kyi tshogs goms pa la brten nas thob pa'i yang dag par rdzogs pa'i sangs rgyas kyi chos nyid glo bur gyi dri ma mtha' dag dang bral ba de 'di dang sbyin pa la sogs pa'i thabs kyi cha ma tshang ba med pas brgyan pa'i de bzhin nyid la rtag tu mnyam par bzhag pa'i sangs rgyas kyi ye shes de nyid yin la/ lam dus su rnam kun mchog ldan gyi stang pa ni stong pa nyid mngon sum du rtags pa'i zhe lhag zung 'brel gyi ting nge 'dzin sbyin pa la sogs @133b pa'i thabs kyi cha yongs su rdzogs pas brgyan pa de nyid yin no/ /bsod nams dang ye shes kyi tshogs de rnams re mi 'dri bar byad pa gang dag yin pa de dag gis mtshon par bya ba'i don yin la/ de yang gang yin zhe na/ sems can thams cad kyi don du lus dang longs spyod dang dge rtsa gtong pa'i sems pas bsdus pa'i sbyin pa dang tshul khrims kyi mi mthun pa'i phyogs thun mong ba sdom pa dang/ thun mong ma yin pa rang nyid 'ba' zhig gi ched du thar pa don du gnyer ba'i yid byed spong ba'i sems pas bsdus pa tshul khrims dang/ chos la so sor nges par rtog cing sdug bsngal dang du len pa dang/ khong khro la sogs pa'i skabs mi 'byed pa'i bzod pa dang/ de bzhin du brtson 'grus dang bsam gtan dang shes rab la sogs pa kun rdzob kyi bden pa la brtan pa'i lam gyi rim pa dang don dam pa'i bden pa la brten pa'i lam gyi rim pa yongs su rdzogs pa las sgrub pa'i yang dag par rdzogs pa'i sangs rgyas kyi thugs rgyud la yod pa thabs kyi rnam pa kun gyi mchog dang ldan pa stong pa nyid rtogs pa'i ye shes ni rgyal po'i gzugs brnyan gyis mtshon par bya ba'i don du gyur pa'i gzugs su mdo las brjod do/ /de yang mdo las rnam pa thams cad kyi mchog dang ldan pa'i stong pa nyid gang zhe na/ sbyin pa ma tshang ba med pa dang tshul khrims ma tshang ba med pa dang zhes sogs gsungs so/ /des na rnam kun mchog ldan gyi stong pa stobs sogs yon tan mtha' dag gis brgyan pa'i don dam pa'i bden pa thog ma med pa nas sems can thams cad kyi rgyud la yod @134a @#/ /par 'dod pa ni mu stegs dbang phyugs pa rtag pa rang byung gi thams cad mkhyen pa 'dod pa dang khyad par cung zad kyang med la/ kha cig /don dam pa'i bden pa rtag dngos khas blangs nas kun rdzob rnams de'i rnam 'gyur du 'dod pa ni grangs can dang khyad par cung zad med de/ grangs can pa yang gtso bo rtag dngos rnam 'gyur rnams kyi rang bzhin dang don dam pa mthar thug par 'dod la gzugs sgra sogs de'i rnam 'gyur du 'dod do/ /med bzhin du phyin ci log tu sgro btags pa'i don de dag bcom ldan 'das kyi gsung rab mthar thug pa dpal dus kyi 'khor lo la sogs pa'i dgongs pa yin no/ /zhes sangs rgyas kyi bstan pa dri ma med pa la rma btod par mi bya'o/ /'grel chen dri med 'od du/ bum pa dang nam mkha'i dpes chos thams cad rang bzhin gyis grub pa rdul tsam yang med pa la bya byed thams cad 'thad pa'i bden pa gnyis kyi rnam gzhag mgon po klu sgrub kyis ji ltar bkral ba dang mthun par 'byung ste/ gzhan du shes par bya'o/ / gsum pa la gsum/ zab pa dang rgya che ba'i yon tan bshad pa dang/ de dag 'grub byed kyi rgyu dang/ nyan rang la yon tan de dag med par bstan pa'o/ /dang po la gnyis/ rtogs pa'i yon tan dang/ spangs pa'i yon tan no/ /dang po ni/ rgya che ba'i yon tan de la sbyin pa la sogs pa phar phyin drug po 'di dag nyid las re re yang sangs rgyas kyi yul la mtha' yas par rnam pa'i rab tu dbye ba tha dad pa'i phyir rnam kun mchog ldan gyi stong pa mthar thug pa la yon tan 'di tsam du zad la/ 'di phan chad @134b du med do zhes pa'i tshad med par rig par bya'o/ /zab pa'i yon tan ni grangs dang nus mthu dag gis ni bsam gyis mi khyab cing rtogs par dka' ba nyid do/ /gnyis pa ni/ ser sna la sogs pa mi mthun pa'i phyogs kyi bag chags ma lus pa bsal ba'i phyir ni dri mas rnam par dag pa'i mchog nyid do/ /gnyis pa la gnyis/ dag pa sa gsum du yon tan ji ltar grub pa'i tshul dang/ de la brten nas mthar thug gi yon tan grub pa'i tshul lo/ /dang po la gsum/ sa brgyad par lam shes rang gi ngang gis 'byung ba'i yon tan thob pa dang/ sa dgu par sangs rgyas kyi dam pa'i chos ma lus pa 'dzin pa'i yon tan thob pa dang/ sa bcu par gsang ba'i gnas phra mo ma lus par rtogs pa'i yon tan thob pa'o/ /dang po ni/ de las bdun pa man chad du yang sbyin pa la sogs pa'i thabs kyi cha mtha' yas pas brgyan pa'i stong nyid mngon sum du rtogs pa'i ye shes rnam pa thams cad kyi mchog dang ldan pa'i stong pa nyid kyi ting nge 'dzin gyi sgo bsgoms pas mi skyo ba'i chos nyid la bzod pa thob pa'i phyir byang chub sems dpa'i sa mi g.yo ba la bden 'dzin mtha' dag zad pas rnam par mi rtog pa nyon mongs pa'i dri ma'i skyon med pa'i ye shes rgyun mi 'chad par rang gi ngang gis 'jug pa'i nyan thos la sogs pa'i lam gsum mngon sum du shes pa'i lam shes pa la brten pas na zag pa med pa'i dbyings la de bzhin gshegs pa rnams kyi yon tan thams cad pa nyid yang dag par 'gyur bo/ /'dir srid zhi mnyam nyid kyi sbyor ba thob pas chos @135a @#/ /sku'i rjes mthun gyi rang rgyu rang gi ngang gis 'jug pa thob pa yin no/ /'di la brten nas bla ma lo tstsha ba chen po blo ldan shes rab kyi gsungs nas/ nyan thos kyi lam byang chub sems dpas gzugs brnyan gyi tshul du bskyed pa'i lam shes sa brgyad pa nas mngon du byed kyi de man chad du ma yin no/ /'o na rgyun du zhugs pa nas rang sangs rgyas kyi bar gyi shes pa dang spong ba gang yin pa de byang chub sems dpa'i mi skye ba'i chos la bzad pa thob pa'i bzod pa yin la/ nyi snang du/ bzod pa de yang sdug bsngal la chos shes pa'i bzod par bshad pa ji ltar yin zhe na/ de ni shes bya nyan thos kyi lam gyis bsdus pa'i bzod pa yin gyi /shes byed lam shes kyi dbang du byas pa min no/ /zhes gsungs te/ mngon par rtogs pa'i rgyun gyi lam gyi rim pa nges par byed pa'i skabs su bshad par bya'o/ /gnyis pa ni/ byang chub sems dpa' sa legs pa'i blo gros la nam mkha' mdzod kyi ting nge 'dzin la sogs pa'i ting nge 'dzin dang gsang sngags kyi gzungs la sogs pa'i gzungs kyi sgo rgya mtsho grangs med pa dag gis tshad med pa'i sangs rgyas kyi chos ma lus pa yongs su 'dzin pa'i shes pa la brten pas na zhes so/ /gsum pa ni/ byang chub sems dpa'i sa chos kyi sprin la de bzhin gshegs pa thams cad kyi gsang ba'i gnas phra mo lkog tu ma gyur pa'i shes pa la brten pas na zhes so/ /gnyis pa ni/ de'i rjes thogs su zhes te/ sgrib pa gnyis bag chags dang bcas pa zad par spangs pas rnam kun mchog ldan gyi stong pa mthar thug pa yongs su rdzogs pa thob pa'o/ /gsum pa ni/ nyan thos dgra @135b bcom pa dang rang sangs rgyas rnams de dag ni yon tan bzhi 'grub pa dang dbyer med pa'i mtshan nyid mya ngan las 'das pa'i dbyings las ring du gyur pa yin no/ /zhes bya'o/ /gang gi phyir na/ dag pa sa'i ye shes nyid yon tan bzhi'i rten yin pas na sa'i ye shes kyi rten bzhi po 'di dag la nyan rang rnams mthong ba med pa de'i phyir nyan rang rnams kyis mthar thug pa'i myang 'das ma thob par bstan pa yin no/ /gnyis pa yon tan dbye ba med pa'i dpe bshad pa la gnyis/ dpe don chos mthun bshad pa dang/ nyan rang la theg pa dang myang 'das mthar thug med par grub pa'i don to/ /dang po la gnyis/ rtsa ba dang/ 'grel pa'o/ /dang po ni/ shes bya ji lta ba mngon sum du rtogs pa mthar thug pa'i shes rab dang shes bya ji snyed pa ma lus pa mngon sum du shes pa'i ye shes dang dri ma mtha' dag zad pa'i spangs pas bsdus pa rnam grol rnams rim pa bzhin du de kho na nyid gsal ba dang/ shes bya ji snyed pa ma lus pa la 'phro ba dang dri ma ma lus pas dag pa'i phyir dang/ gsum po yang ngo bo tha dad med pa'i phyir nyi ma'i dkyil 'khor 'od gsal ba dang 'od zer 'phro ba dang dkyil 'khor rnam par dag pa dang de gsum ngo bo tha dad med pa rnams dang mtshungs par shes par bya'o/ /gnyis pa la gsum/ chos mthun spyir bstan pa dang/ so sor bshad pa dang/ bsdus te bshad pa'o/ /dang po ni/ shes rab gang dang ye shes gang dang rnam par grol ba gang gis zhes te/ gsal ba dang/ 'phro ba dang/ dag pa gsum dang de gsum ngo bo tha dad med pa rnam pa gcig gis zhes so/ /gnyis pa ni/ de la sangs rgyas kyi rgyud la @136a @#/ /zhes so/ /yang dag par rdzogs pa'i sangs rgyas kyi thugs rgyud la mnyam gzhag dang rjes thob ngo bo tha dad pa med kyi/ ji lta ba gzigs pa des ji snyed pa gzigs pa dang/ ji snyed pa gzigs pa des ji lta ba gzigs par shes par bya'o/ /gsum pa ni/ gsum ga yang chos kyi dbyings dang dbyer med pa'i rang bzhin gyis nyi ma'i dkyil 'khor gyi khyad chos gsum po de ngo bo so sor rnam par dbye ba med pa dang chos mtshungs so/ /yon tan bzhi dang ngo bo tha dad med pa'i myang 'das mtshon par byed pa'i shes rab la sogs pa gsum nyi ma dang chos mthun brjod pa'o/ /gnyis pa la gnyis/ rtsa ba dang/ 'grel pa'o/ /dang po ni/ mthar thug pa'i myang 'das la yon tan rnam pa thams cad pa dang/ yon tan grangs med pa dang/ bsam gyis mi khyab pa dang/ dri ma mtha' dag gis dag pa bzhi tshogs dgos pa des na yang dag par rdzogs pa'i sangs rgyas ma thob par mya ngan las 'das pa mthar thug pa mi thob ste/ nyi ma'i 'od dang 'od zer spangs nas ni nyi ma'i dkyil 'khor blta bar mi nus pa bzhin no/ /'di dag la brten nas nyan rang la myang 'das mtshan nyid pa med par 'dod pa ni yon tan dbyer med sgrub pa'i rgyas bshad kyi skabs 'di dag gis ci zhig byad pa ma shes pa'i skyon du shes par bya'o/ /gnyis pa la gnyis/ tshig don dang; lung dang sbyar ba'o/ /dang po ni/ gang gi phyir thog ma med pa nas nye bar gnas pa'i rang bzhin rnam par dag pa dge ba'i chos 'byung rung dang ldan pa'i khams la de bzhin gshegs pa rnams kyi yon tan mtha' dag 'byung rung du rnam par dbye ba @136b med pa'i chos nyid yin pa de'i phyir ces te/ yon tan thams cad dang po nas dbyer med du ldan na tshig 'og ma dang 'gal bar 'gyur te/ chags thogs med pa'i ye shes kyis gzigs pa mnga' ba'i de bzhin gshegs pa ma thob par sgrib pa thams cad spangs pa'i myang 'das mi thob par bshad pa'i phyir/ gnyis pa ni/ de nyid kyi phyir bcom ldan 'das 'khor bar skye ba tsam dgag byar bltas nas 'khor ba dman pa dang 'khor bar skye ba chad pa las byung ba'i myang 'das gyi nom pa'i chos rang rgyud la thob byar 'dzin pa la ni mya ngan las 'das pa mthar thug pa rtogs shing thob pa ma mchis so zhes so/ /mya ngan las 'das pa mthar thug pa la ni yon tan bzhi dbyer med du tshogs dgos par bstan pa yin no/ /gsum pa don bsdu ba la gnyis/ rtsa ba dang/ 'grel pa'o/ /dang po ni/ gong du ji skad bshad pa'i tshul de ltar rgyal ba'i snying po'i rnam gzhag ngo bo'i don la sogs pa rnam pa bcu zhes brjod pa de dag gis ni khams rang bzhin gyis rnam par dag pa rtsal bton du bshad nas/ dri ma glo bur ba de'i zhar la bshad cing 'og mas de las ldog ste bshad do 'di 'og ma'i mtshams sbyar du yang bshad du rung mod kyi/ gong gi don bsdur byas pa la 'gal ba med par sems so/ /gnyis pa ni/ de ltar zhes so/ /gnyis pa khams glo bur gyi dri mas bsgribs pa dpe dgus bsgrub pa la gnyis/ mtshams sbyar ba dang/ don bshad pa'o/ /dang po ni/ sems can gyi sems rang bzhin gyis rnam par dag pa yin yang nyon mongs pa'i sbubs na gnas pa dri ma glo bur ba yin pa sems kyi rang bzhin la ma zhugs pa de dpe @137a @#/ /dgu dag ges ni shes par bya'o/ /yang na mdor bstan du byas kyang 'gal ba med do/ /gnyis pa ni/ thog ma med pa'i dus nas nye bar gnas pa sems kyi rang bzhin la ma zhugs pas ma 'brel pa'i rang bzhin gyi nyon mongs pa'i sbubs nyid dang sems kyi rang bzhin la zhugs pas thog ma med pa nas nye bar gnas pa 'brel ba'i rang bzhin dag pa'i chos nyid kyi dbang du byas nas zhes so/ /gnyis pa la gnyis/ spyi'i don dang/ yan lag gi don to/ /dang po la gsum/ dpe bco brgyad kyi grangs nges pa dang/ dpe don chos mthun bshad pa dang/ dogs pa bcad pa'o/ /dang po ni/ kun nas nyon mongs kyi phyogs dang rnam byang gyi phyogs mtshon par byed pa'i dpe dgu dgur nges pa'i rgyu mtshan ci yin zhe na/ sgrib byed kun nas nyon mongs kyi dpe dgur nges pa'i rgyu mtshan yod de/ don sgrib pa dgur nges pa'i phyir/ de yang dug gsum gyi sa bon gsum dang/ de gsum gyi mngon gyur drag po gcig tu byas pa dang/ yang na mngon gyur du mtshungs kyang khams gong ma 'grub par byed pa'i rgyu dang 'dod khams 'grub par byed pa'i rgyu'i nyon mongs kyi sgo nas dbye'o/ /ma rig bag chab gyis dang/ mthong spangs dang/ sgom spangs dang/ ma dag pa'i sa la brten pa'i sgrib pa dang/ dag pa'i sa la brten pa'i sgrib pa dgur nges pa'i phyir ro/ /rnam byang gi phyogs mtshon par byed pa'i dpe dgur nges pa'i rgyu mtshan yang/ don dgur nges pa'i phyir/ de yang chos kyi sku dang/ de bzhin nyid dang/ rigs gsum las dang po la gsum ste/ rtogs pa'i chos dang/ bstan pa'i chos la yang don dam bden pa ston pa'i @137b gsung rab dang/ kun rdzob bden pa ston pa'i gsung rab bo/ /de bzhin nyid la ni dbye ba med la/ rigs la ngo bo dang nus pa gnyis las dang po la rang bzhin du gnas pa'i rigs dang/ yang dag par blangs pa las byung ba'i rigs so/ /gnyis pa la yang dang po'i nus pa chos skur gnas 'gyur rung dang/ phyi ma'i nus pa gzugs sku gnyis su gnas 'gyur rung gnyis so sor bgrangs pas dgur nges pa'i phyir/ de ltar mtshon bya'i don bco brgyad yod pas mtshon byed kyi dpe bco brgyad du nges pa yin no/ /gnyis pa ni/ 'dod chags dang pad-ma ni mngon du gyur ma thag tu dga' ba dang phyi nas mi dga' ba'i rgyu yin pas chos mtshungs so/ /pad-mas mtshon par bya ba'i don 'dod chags bag la nyal ma yin nam/ mngon du gyur na dga' ba dang chos mtshungs su ston pa ci yin zhe na/ skyon med de/ mngon du gyur na dga' ba bskyed par 'dod chags bag la nyal la yang mtshungs pa'i phyir dang/ spyir chos mtshungs bshad pa tsam gyis kyang rtogs pa'i phyir ro/ /zhe sdang dang srog chags sbrang ma bde ba la reg par mi gnas pa 'dra ba dang/ gti mug dang sbun pa snying po mthong ba'i sgrib byed yin par 'dra bas so/ /rigs 'dra phyi ma bskyed pa'i nus pa mi 'dra ba gsum yod pas so sor bzhag pa yin no/ /kun nas ldang ba dang mi gtsang ba ni bsten par mi bzod pas mtshungs pa yin te/ mngon gyur drag pos nyes spyod kun nas slong bar byed la/ nyes spyod kyang rab tu nyam pa bas mi gtsang ba ltar bsten mi bzod pa'i phyir ro/ /nyes spyod bskyed nus su mi 'dra ba med pas mngon gyur gsum ka sgrib pa tshan gcig tu bzhag go /ma rig pa'i bag chags dang sa ni/ sas @138a @#/ /gter la sgrib pa ltar ma rig pas rang byung thob pa la sgrib pas so/ /mthong spangs dang 'bras bu ni 'bras bu la myu gu skyes ma thag 'bras bu 'jig pa ltar mthong lam skyes ma thag mthong spangs 'jig par mtshungs pa dang/ sgom spangs dang gos hrul ni snying po zad zin par 'dra ba dang/ ma dag pa'i sa la brten pa'i sgrib pa dang bud med ni rang gis khong du chud par bya ba la sgrib par 'dra ba dang/ dag pa'i sa la brten pa'i sgrib pa dang sa 'dam cung zad gos pa ni/ srab pas cung zad sgrib par chos mtshungs pa ste/ sgrib byed kyi dpe don chos mthun no/ /bsgrib bya'i dpe don chos mthun ni/ chos kyi sku ni sangs rgyas dang 'dra ste 'jig rten na dpe med par 'dra ba'i phyir ro/ /don dam pa'i bden pa ston pa'i gsung rab ni sbrang rtsi dang 'dra ste/ don myangs pa'i ro gcig pa'i bde ba ster par 'dra ba'i phyir ro/ /kun rdzob ston pa'i gsung rab ni 'bru'i snying po dang 'dra ste/ don mi 'dra ba sna tshogs pas sna tshogs la khyab par 'dra ba'i phyir dang/ de bzhin nyid ni gser dang 'dra ste/ ngo bor ngan par mi 'gyur ba'i phyir dang/ rang bzhin du gnas pa'i rigs ni gtar dang 'dra ste/ 'bad pas ma bsgrubs par yod pa'i phyir/ yang dag par blangs pa las byung ba'i rigs ni skye shing dang 'dra ste/ 'bad pas bsgrubs pa'i phyir dang/ chos kyi sku ni rin po che'i sku rang byung dang 'dra ste/ skyes bu gzhan gyis stsol bas gsar du bcas pa ma yin pa dang/ yon tan phun sum tshogs pa'i rten du 'dra ba'i phyir/ longs spyod rdzogs pa'i sku ni 'khor los bsgyur ba dang 'dra ste/ chos chen po'i rgyal srid la longs spyod @138b pa'i phyir/ sprul pa ni gser las byas pa'i gzugs brnyan dang 'dra sto/ gzugs brnyan tsam yin pa'i phyir ro/ /gsum pa ni/ gal te 'dod chags bag la nyal bstan pa'i chos dang rigs gnyis la yang sgrib byed yin pas rtogs pa'i chos kho na'i sgrib byed du bzhag par mi 'thad la/ de bzhin du rtogs pa'i chos la yang sgrib pa lhag ma brgyad kyis kyang bsgrib pas/ 'dod chags bag la nyal kho na sgrib byed du 'jog pa mi 'thad la/ bsgrib bya lhag ma brgyad la yang 'dod chags bag la nyal gyis bsgrib pas pad-ma la sogs pa'i dpes bstan pa'i sgrib byad dgu dang/ sangs rgyas la sogs pa'i dpes bstan pa'i bsgrib bya dgu dpe don so sor ma nges pa'o zhe na/ dpe la bsgrib bya sgrib byed so sor nges pa ltar don la bsgrib bya sgrib byed so sor nges pa yod par mi 'dod pas 'gal ba med la/ sgrib byed dgu la dpe dgu bstan pa dang/ bsgrib bya dgu la dpe dgu bstan pa ni/ so so'i chos mthun yod pas bstan pa yin no/ /gang zag bzhi la yod pa'i sgrib pa dgu yang mtshan nyid mi 'dra bas phye ba yin gyi /rdzas mi 'dra ba dgur dbye ba ni ma yin no/ /gnyis pa la gnyis/ bsgrib pa dgu bsal na snying po mngon du 'gyur ba dpes mtshon te bstan pa dang dpes mtshon par bya ba'i don so sor bshad pa'o/ /dang po la gsum/ mdor bstan pa dang/ rgyas par bshad pa dang; don bsdu ba'o/ /dang po la gnyis/ bsgrib bya sgrib byed ldan pa'i dpe dang/ bsgrib bya sgrib byed so so'i dpe mdor bstan pa'o/ /dang po la dri ba ni/ dpe dgu gang zhe na/ lan ni/ sangs rgyas kyi sku pad-ma ngan pa'i nang na yod pa dang/ sbrang rtsi sbrang ma la yod pa @139a @#/ /dang; 'bras bu'i sbun pa la dbus na snying po yod pa dang/ mi gtsang ba'i nang na gser yod pa dang/ dbul po'i khyim gyis la rin po che'i gter dang/ ljon shing gi myu gu sogs de dag gi sa bon du gyur pa'i 'bras bu chung ngu la yod pa dang/ gos hrul nang na rgyal ba'i sku dang ni/ bud med ngan pa'i lto na mi bdag 'khor los bsgyur ba yod pa dang/ sa'i khong la rin chen gser las byas pa'i gzugs yod pa ji lta bar glo bur gyis nyon mongs pa'i dri mas bsgribs pa'i sems can rnams la dpe de bzhin du khams rang bzhin gyis rnam par dag pa 'di gnas par shes par bya'o/ /'dis pad-ma la sangs rgyas yod pa la sogs pa dper byas nas glo bur gyi dri mas bsgribs pa la khams yod pa tsam du bstan to/ /gnyis pa ni/ dri ma ni mtshungs zhes sbyar ro gang dang mtshungs she na/ pad-ma dang/ srog chags dang/ sbun pa dang/ mi gtsang ba dang/ sa dang/ 'bras bu dang/ gos hrul dang/ sdug bsngal 'bar bas mngon par gdungs pa'i bud med dang/ sa'i khams dang mtshungs par shes par bya'o/ / rang bzhin gyis dri ma med pa'i khams mchog mtshungs pa nyid du shes par bya'o/ /gang dang mtshungs she na/ sangs rgyas kyi sku dang/ sbrang rtsi dang/ snying po dang/ gser dang/ gter dang/ n+ya gro dang/ rin chen sku dang/ gling bdag mchog dang/ rin chen gzugs dang chos mtshungs par shes par bya'o/ /gnyis pa la bzhi/ 'dod chags bag la nyal sogs dri ma bzhi glo bur bar dpes bsgrub pa dang/ ma rig pa'i bag chags glo bur bar dpes bsgrub pa dang/ mthong spangs dang/ sgom spangs @139b glo bur bar dpes bsgrub pa dang/ ma dag pa dang dag pa'i sa la brten pa'i dri ma glo bur bar dpes bsgrub pa'o/ /dang po la gnyis/ dug gsum gyi bag la nyal glo bur bar dpes bsgrub pa dang/ mngon gyur glo bur bar dpes bsgrub pa'o/ /dang po la gsum gyi dang po 'dod chags bag la nyal glo bur bar dpes bsgrub pa la gnyis/ mtshams sbyar ba dang/ rtsa ba'o/ /dang po ni/ nyon mongs pa ni zhes so/ /gnyis pa la gnyis/ mdor bstan pa dang/ rgyas par bshad pa'o/ /dang po la gsum dpe dang/ don dang/ khams kyi dri ma sbyong byed do/ /dang po ni/ ji ltar te dper na dri mi zhim zhing mdog ngan pa'i pad-ma 'dab ma kha zum pa'i khong na gnas pa mtshan bzang po stong gis 'bar zhing brgyan pa'i de bzhin gshegs pa'i sku ni dri med lha'i mig dang ldan pa'i mis mthong nas chu skyes 'dab ma'i sbubs nas sku de 'byin par byed pa de bzhin du/ gnyis pa ni/ bde gshegs sangs rgyas kyi spyan gyis gnar med na gnas pa'i sems can rnams la yang rang gi chos nyid yod par mngon sum du gzigs te te ni lhag ma 'dren pa'o/ / gsum pa ni/ sgrib pa de su zhig gis sel bar byed ce na/ dri ma zad par spangs pas sgrib pa med pa sems can gyi don du phyi ma'i mur thug par gnas pa'i snying rje'i bdag nyid can sangs rgyas bcom ldan 'das rnams kyis so so skye bo rnams kyi 'dod chags bag la nyal gyi sgrib pa las ni grol bar byed la/ yang na dri ma mtha' dag 'joms pa la sbyar yang 'gal ba med do/ /gnyis pa ni/ /ji ltar mi sdug pad-ma kha zum pa la bde bar gshegs pa ni de'i khong na gnas pa lha'i mig dang ldan pas mthong nas de @140a @#/ /dbyung ba'i ched du 'dab ma gcod par byed pa ltar chags sdang sogs kyi dri ma'i sbubs kyis bsgribs pa'i rdzogs pa'i sangs rgyas kyi snying po'i rang bzhin 'gro ba thams cad la yod par gzigs te thugs rjes thub pa dpe bshad pa de bzhin du sgrib pa de ni 'dzems par mdzad do/ /gnyis pa zhes sdang bag la nyal glo bur bar dpes bsgrub pa la gnyis/ mtshams sbyar ba dang/ rtsa ba'o/ /dang po ni/ nyon mongs pa ni zhes so/ /gnyis pa la gnyis/ bstan pa dang/ bshad pa'o/ /dang po la gsum/ dpe dang don dang/ dri ma sbyong byed do/ /dang po ni/ ji ltar srog chags bung ba'i tshogs kyis bskor ba'i sbrang rtsi ni skyes bu mkhas pa sbrang rtsi de don du gnyer ba yis mthong nas thabs kyis sbrang rtsi de dang srog chags bung ba'i tshogs kun nas bral bar rab tu byed pa bzhin du/ gnyis pa ni/ drang srong chen pos kun mkhyen spyan gyis sems can gyi rig pa'i chos nyid yin pas rig khams spang rtsi dang 'dra bar gcig tu mngar bar ro gcig pa 'di gzigs nas de 'joms par mdzad pa'o/ /gsum pa ni/ sems can gyi khams rang bzhin rnam dag de sgrib pa sbrang ma dang 'dra ba chos kyi 'khor lo bskor ba la brten nas gtan nas mi skye ba'i chos can du rab tu spong bar mdzad pa yin no/ /gnyis pa ni/ ji ltar sbrang rtsi srog chags sbrang ma bye ba phrag khrig stong gis bsgribs pa sbrang rtsi don du gnyer ba'i mis sbrang ma de dag bsal te ji ltar 'dod pa bzhin du kha zas sogs sbrang rtsi'i bya ba byed pa de bzhin du lus can rnams kyi zag pa med pa'i shes @140b ba'i chos nyid sbrang ma'i rtsi dang 'dra ba de la bsgrib par byed pa'i nyon mongs sbrang ma dang 'dra ba de 'joms pa la mkhas pa'i rgyal ba yang dag par rdzogs pa'i sangs rgyas ni sbrang ma sel ba la mkhas pa'i skyes bu bzhin no/ /gsum pa gti mug bag la nyal glo bur bar dpes bsgrub pa la gnyis/ mtshams sbyar ba dang/ rtsa ba'o/ /dang po ni/ nyon mongs pa ni zhes so/ /gnyis pa la gnyis/ bstan pa dang/ bshad pa'o/ /dang po la gsum/ dpe dang/ don dang/ sgrib pa de sel byed de/ /dang po ni/ ji ltar phyi shun gyi spun pa dang ldan pa'i 'bras bu'i snying po ni de ma bsal bar mi rnams kyi ni longs spyod bya bza' ba zhim por mi 'gyur bas zas sogs don du gnyer ba gang yin pa'i skyes bu de dag gis ni sbun nas de 'byin pa ltar/ gnyis pa ni/ de bzhin du sems can rnams kyi khams rang bzhin gyis rnam par dag pa nyon mongs kyi dri ma dang 'dres nas gnas so/ /gsum pa ni/ rgyal ba'i snying po ji srid du nyon mongs pa'i dri ma dang 'dras pa las ma grol ba de srid du rgyal ba'i mdzad pa srid pa gsum du mi byed pas sangs rgyas bcom ldan 'das rnams kyis sems can rnams kyis sangs rgyas thob pa'i ched du de'i rgyud kyi dri ma sel bar mdzad do/ /'dis dri mas bsgribs pa'i nyes dmigs dngos su bstan nas dri ma sel byed don gyis 'phangs so/ /gnyis pa ni/ ji ltar sa lu dang bra bo dang/ nas la sogs pa 'bras bu'i snying po sbun las ma byung ba'i gra ma can sbun pa sel byed kyi thabs legs par ma bsgrubs na mi rnams kyi ni longs spyad bya bza' ba zhim por mi 'gyur ba de bzhin du sems can la @141a @#/ /yod pa'i chos kyi dbang phyug 'byung rung la btags pa chos kyi dbang phyug dri ma dang bcas pa'i de bzhin nyid nyon mongs pa'i sbun las ma grol ba'i lus te ngo bo nyon mongs bru pas te bkres pas nyen pa'i 'gro ba la chos kyi dga' ba'i ro ster bar 'gyur ba min pas sangs rgyas rnams kyis sems can gyi nyon mongs pa de dag bsal nas dam pa'i chos kyi ro nyams su myong bar mdzad de/ /sangs rgyas rnams kyis chos ston pa'i bdag po'i mdzad pa yin gyi dri ma dngos su sel byed ni/ gdul bya rang nyid do/ /gnyis pa la gnyis/ mtshams sbyar ba dang/ rtsa ba'o/ /dang po ni/ nyon mongs pa ni zhes so/ /gnyis pa la gnyis/ bstan pa dang/ bshad pa'o/ /dang po la gsum/ dpe dang don dang/ sgrib pa sel byed do/ /dang po ni/ ji ltar mi zhig lam du rab tu rgyu ba'i tshe mi de'i gser ljan ljin rul pa'i gnas su lhung bar gyur la gser rang gi ngo bo ngan par mi 'gyur bas mi 'jig chos can de ni sngar ji ltar yod pa de bzhin du mi gtsang ba'i gnas der lo brgya phrag mang po dag tu gnas pa na lha'i mig dag dang ldan pa lha yis der de ni yod pa mthong nas mi la 'di na yod pa'i gser rin chen gyi mchog 'di sbyangs te rin chen gyis sgrub par bya ba de bzhin gshegs pa'i sku gzugs la sogs pa gyis zhes smra ba ltar de bzhin gshegs pas chos bstan nas dri ma sel bar mdzad do/ /gnyis pa ni/ de bzhin du thub pas mi gtsang ba dang 'dra ba'i nyon mongs pa'i gnas su bying ba'i sems can gyi yon tan khams rang bzhin gyis @141b rnam par dag pa ni sems can la yod par gzigs nas so/ /gsum pa ni/ nyon mongs pa'i 'dam de dag par bya ba'i phyir/ skye dgu rnams la khams dang bsam pa dang 'tsham pa'i dam pa'i chos kyi chu char 'bebs par mdzad cing sgrib pa sel bar mdzad do/ /gnyis pa ni/ ji ltar ljan ljin rul pa'i gnas su lhung ba'i gser ni lha yis mthong gyur nas kun tu dag par bya ba'i phyir mchog tu mdzes pa gser de mi la nan gyis ston pa ltar de bzhin du rgyal ba'i khams la rgyal bar btags pa rgyal ba nyon mongs mi gtsang chen por lhung bar gyur pa rdzogs pa'i sangs rgyas kyi snying po rin po che sems can rnams la gzigs nas de dag par bya ba'i phyir lus can rnams la rgyal bas chos ston to/ /gnyis pa la gnyis/ mtshams sbyar dang; rtsa ba'o/ /dang po ni/ nyon mongs pa ni zhes so/ /gnyis pa la gnyis/ bstan pa dang/ bshad pa'o/ /dang po la gnyis/ dpe dang/ don to/ /dang po ni/ ji ltar mi dbul po'i khyim nang gis 'og na longs spyod pas mi zad pa'i gter ni yod par gyur te mi nges de yod par ma shes shing gteng de yang ni de la nga 'dir yod ces mi smra ba ltar/ gnyis pa ni/ de bzhin du sems can rnams kyi yid kyi nang du chud pa yon tan gyi chos thams cad 'byung rung gi rin chen gter rang bzhin gyis dri ma med pa bdag med gnyis gsar du bzhag tu med pa dang bdag gnyis gsar du bsal du med pa dri ma dang bcas pa'i chos nyid kyang rang rgyud la yod pa ma rtogs pas na thar pa'i bde bas dbul ba'i sdug bsngal ni rnam pa mang po rgyun du skye dgu 'dis @142a @#/ /myong ngo/ /sdug bsngal de dag bsal ba'i phyir du sangs rgyas 'jig rten du 'byung bar 'gyur ro/ /gnyis pa ni/ ji ltar mi dbul po'i khyim gyi nang du ni rin chen gter chud par gyur pa'i mi la ni rin chen gter de bdag 'di na yod ces brjod par mi byed la de ni mi yis shes pa min pa ltar de bzhin du sangs rgyas kyi chos thams cad 'byung rung gi chos gter yid kyi khyim gyi nang na gnas kyang de yod par ma shes pas sems can dag ni dbul po lta bu ste sems can de dag rnams kyis dag pa gnyis ldan gyi chos sku de thob par bya ba'i phyir 'jig rten du ni drang srong yang dag bltams nas rigs can gsum la chos kyi 'khor lo bskor bar mdzad do/ /gsum pa la gnyis/ mthong spangs glo bur bar dpes bsgrub pa dang/ sgom spangs glo bur bar dpes bsgrub pa'o/ /dang po la gnyis/ mtshams sbyar ba dang/ don bshad pa'o/ /dang po ni/ nyon mongs pa ni zhes so/ /gnyis pa la gnyis/ bstan pa dang/ bshad pa'o/ /dang po la gnyis/ dpe dang/ don to/ /dang po ni/ ji ltar a ma dang ma du lug la sogs pa'i shing gi 'dras bu la yod pa'i sa bon myu gu skyed pa'i nus pa gtan med du 'jig pa med pa'i chos can de lhan cig byed rkyen sa rmong ba dang chu dang lud la sogs pa ldan par btab pa las lngon shing gi rgyal po'i dngos po rim gyis 'grub pa ltar/ gnyis pa ni/ sems can rnams kyi ma rig pa sogs nyon mongs pa'i 'bras bu'am/ shing gi 'bras bu dang 'dra ba'i ma rig pa sogs kyi pags pa'i sbubs kyi nang du chud pa'i chos khams dge ba rang bzhin gyis rnam par dag pa yang de bzhin du rigs sad byed kyi rkyen nas bzung @142b ste theg pa chen po'i lam du bkri ba'i dge ba de dang de la brten nas rim gyis thub pa'i rgyal po'i dngos por 'gyur ba yin no/ /gnyis pa ni/ chu dang nyi ma'i 'od dang rlung dang sa dang dus dang go skabs 'byed par byed pa'i nam mkha'i rkyen rnams kyis ta la dad ni a mra'i 'bras bu'i sgrubs kyi gseb na gnas pa'i sa bon las shing skyes pa ji ltar sems can rnams kyi nyon mongs pa 'bras bu dang 'dra ba'i phags pa'i nang du chud pa'i rdzogs pa'i sangs rgyas kyi sa bon sems rang bzhin gyis rnam par dag pa de las sangs rgyas kyi myu gu yang dpe de bzhin du thos bsam sgom gsum gyi dge ba'i rkyen de dang de yis theg pa chen po'i chos dang por 'thon zhing skye ba dang de nas gong nas gong du rgyas shing 'phel bar 'gyur ba yin la de nas sangs rgyas thob par 'gyur ba yin no/ /gnyis pa la gnyis/ mtshams sbyar ba dang/ don bshad pa'o/ /dang po ni/ nyon mongs pa zhes so/ /gnyis pa la gnyis/ bstan pa dang/ bshad pa'o/ /dang po la gsum/ dpe dang/ don dang/ sgrib pa sel byed do/ /dang po ni/ ji ltar gser sogs rin chen las byas pa'i rgyal ba'i gzugs gos rul dri ngan gyis ni gtums par gyur pa 'brog dgon pa'i lam na gnas pa mi rnams kyis 'goms shing 'gro ba yod pa de na yod pa'i lha yis mthong nas sgrib byed dang 'goms pa de las grol bar bya ba'i phyir lam na gnas pa'i don de de na yod pa'i mi de la smras pa ltar/ gnyis pa ni/ de bzhin du thog ma med pas rnam pa sna tshogs kyi nyon mongs kyis gtums pa'i bde gshegs kyi dngos po ste de dang rang bzhin khyad par med pa dri ma dang bcas pa'i @143a @#/ /de bzhin nyid dud 'gro la yang gzigs nas so/ /gsum pa ni/ dpe de bzhin du sems can de thar par bya ba'i don du sangs rgyas rnams kyis rigs can gsum gyi lam gyis bsdus pa'i thabs ston par mdzad do/ /gnyis pa ni/ ji ltar rin chen rang bzhin gyi de bzhin gshegs pa'i sku dri ngan pa can gyi gos kyis gtums pa mi 'gro ba'i lam na gnas la lha'i mig gis mthong nas sgrib byed las thar pa'i phyir mi la ston pa ltar de bzhin du nyon mongs pa'i gos ral gyis gtums nas 'khor ba'i lam na gnas pa'i khams rang bzhin gyis rnam par dag pa dud 'gro la yang yod par sangs rgyas rnams kyis gzigs nas sems can de yang 'khor ba las thar par bya ba'i phyir rgyal bas chos ston to/ /bzhi pa la gnyis/ ma dag pa'i sa la brten pa'i dri ma glo bur bar dpas bsgrub pa dang/ dag pa'i sa la brten pa'i dri ma glo bur bar dpes bsgrub pa'o/ /dang po la gnyis/ mtshams sbyar ba dang/ don bshad pa'o/ /dang po ni/ nyon mongs pa ni zhes so/ /gnyis pa la gnyis/ bstan pa dang/ bshad pa'o/ /dang po la gnyis/ dpe dang/ don to/ /dang po ni/ ji ltar mi mo gzugs ngan cing dbul la/ mgon med pa'i khyim gyi 'dug gnas su ni 'dug par gyur la mngal gyis 'khor los bsgyur ba'i rgyal po'i dpal ni 'dzin par byed pas rang gi lto na yod pa'i mi bdag mi shes pa ltar ro/ /gnyis pa ni/ khams gsum gyi srid par skye ba mgon med pa'i khyim na gnas pa'i sems can bzhin te glo bur gyi dri mas ma dag pa'i sems can mngal na 'khor bsgyur dang ldan @143b pa'i bud med bzhin no/ /de lag zhig yod pas mthar rim gyis mgon dang bcas par 'gyur ba rang bzhin gyis dri med khams ni de'i mngal na gnas pa bzhin no/ /gnyis pa ni/ ji ltar bud med lus la dri bcas gos gyon mi sdug gzugs ldan pas bdag mngal gyi nang du gnas kyang de mi shes par mgon med khang par sdug bsngal mchog myong ba ltar de bzhin du sems can bdag rang gi nang na gnas pa'i mgon yod par gyur kyang mgon med pa'i blo dang ldan pa 'gro ba nyon mongs pa'i dbang gis yid kyi rgud pa mtha' dag ma zhi ba 'khor ba'i sdug bsngal gyi gzhi la gnas pa rnams kyi nyon mongs pa zhi ba'i ched du sangs rgyas rnams kyis chos ston par mdzad do/ /sgrib pa sel byed dngos su ma smros kyang gong 'og ltar shes par bya'o/ /gnyis pa la gnyis/ mtshams sbyar ba dang/ don bshad pa'o/ /dang po ni/ nyon mongs pa ni zhes so/ /gnyis pa la gnyis/ bstan pa dang/ bshad pa'o/ /dang po la gsum/ dpe dang/ don dang/ sgrib pa sel byed do/ /dang po ni/ ji ltar 'jim pa'i nang gi gser zhun ma las byas pa'i de bzhin gshegs pa'i gzugs yan lag thams cad rdzogs pas rgyas pa/ gser gyi skyon zhi ba phyi rol la? sa'i rang bzhin can 'jim pas g.yogs pa mthong nas de shes pa dag gis ni nang gi gser sbyang ba'i phyir phyi rol gyi sgrib pa sel bar byed pa ltar ro/ / gnyis pa ni/ sems kyi rang bzhin 'od gsal sgrib byed kyi dri ma rnams kyang ni glo bur bar ni rnam par gzigs par gyur nas/ gsum pa ni sangs rgyas kyi chos mtha' yas pa skye rung gi gnas su gyur pas rin chen 'byung gnas lta bu'i 'gro ba rnams sgrib pa @144a @#/ /dag las sbyong bar mdzad cing/ byang chub mchog dag pa gnyis ldan de thob par mdzad do/ /yang na gang gis sgrib pa sbyong bar mdzad ce na/ byang chub mchog sangs rgyas kyis so/ /zhes bshad do/ /gnyis pa ni/ ji ltar dri med gser 'bar las byas pa sa'i nang du chud par gyur pa'i gzugs mdzes shing zhi ba de rin po che'i brtag dpyad kyi rang bzhin la mkhas pas rig nas sa dag sel par byed pa ltar dpe de bzhin du kun mkhyen gyis dag pa'i gser dang 'dra ba zhi ba'i yid rang bzhin rnam dag mkhyen par gyur nas rin po che la yod pa'i 'dam gzod la sogs pa'i rdeg spyad kyis sel ba ltar/ glo bur gyi dri ma sbyong byed theg gsum gyi lam 'bras bu dang bcas pa ston par byed pa'i chos 'chad pa'i tshul gyi thabs kyi rdeg spyad bsgrubs pas sgrib pa dag ni sel bar mdzad par shes par bya'o/ /'di yan chad du bsgrib bya sgrib byed kyi dpe rgyas par bshad pas dri ma spyad rung gi glo bur ba dang/ de sbyong byed dang/ sgrib pa ji ltar sel ba'i tshul la sogs pa bstan pa yin no/ /gsum pa don bsdu ba la gsum/ mtshams sbyar ba dang/ rtsa ba dang/ 'grel pa'o/ /dang po ni/ dpe rnams kyi bsdus pa'i don ni zhes so/ /gnyis pa la gsum/ sgrib byed kyi dpe dang/ bsgrib bya'i dpe dang/ sems rang bzhin rnam dag la dri ma glo bur bar grub pa'i don to/ /dang po ni/ pad-ma'i sbubs na zhes pa'i bar ro/ /gnyis pa ni/ sangs rgyas zhes so/ /de gnyis sbyar nas pad-ma'i sbubs na sangs rgyas bzhin zhes pa nas sa'i sbubs na gser gzugs bzhin zhes sbyar nas bshad do/ /gsum pa ni/ sems can khams kyi nyon mongs pa'i sbubs rang @144b bzhin gyis ma grub cing sems kyi rang bzhin la ma zhugs pas ma 'brel pa dus thog ma med pa nas yod pa sems kyi rang bzhin bden pas stong ba dri ma rang bzhin gyis med pa de bzhin gshegs pa'i snying po ni thog ma med pa nas yod pa yin par brjod de/ sems rang bzhin gyis gdod nas ma grub pa'i phyir ro/ /gsum pa ni/ mdor bsdus na de bzhin gshegs pa'i snying po'i mdo dper brjod pa bstan pa 'dis ni sems can gyi khams ma lus pa'i thog ma med pa'i sems rang bzhin gyis grub pas stong pas kun nas nyon mongs pa'i chos glo bur ba nyid dang thog ma med pa'i sems rang bzhin gyis stong pas rnam par byang ba'i chos lhan cig skyes pa zhes so/ /gnyis pa dpes mtshon par bya ba'i don so sor bshad pa la bzhi/ khams sgrib byed kyi dbye ba dang/ gang zag gang la sgrib pa dang/ khams sgrib byed kyi dpe don chos mthun bshad pa dang/ bsgrib bya khams kyi dpe don chos mthun bshad pa'o/ /dang po la gsum/ mtshams sbyar ba dang/ rgyas par bshad pa dang/ don bsdu ba'o/ /dang po ni/ de la gang gi dbang du byas nas zhes so/ /gnyis pa la gnyis/ rtsa ba dang/ 'grel pa'o/ /dang po la gsum/ sgrib byed mtshan nyid dgur dbye ba dang/ de dpes bstan pa dang/ gsal ba'i dbye ba mtha' yas pa'o/ /dang po ni/ byis pa so so'i skye bo 'dod pa la 'dod chags dang bral ba'i rgyud la yod pa 'jig rten las 'das pa'i ye shes kyis gzhom par bya ba/ khams gong ma gnyis 'phen par byed pa'i las kun nas slong bar byed pa 'dod chags dang zhe sdang dang rmongs pa gti mug bag la nyal dang dug gsum po de'i kun ldang drag po bsod nams kyi las @145a @#/ /dang bsod nams ma yin pa'i las kun nas slong bar byed pa 'dod khams 'ba' zhig sgrub par byed pa dang/ dgra bcom pa'i rgyud la yod pa zag pa med pa'i las 'grub byed ma rig pa'i bag chags dang so so skye bo'i rgyud la yod pa dang/ 'phags pa slob pa'i rgyud la yod pa mthong lam dang sgom lam gyi spang bya dang ma dag pa dang dag pa'i sa la brten pa'i dri ma rnam pa dgu ni ngo bo tha dad pa'i sgo nas phye ba ma yin gyi /mtshan nyid mi 'dra ba so so tha dad pa'i sgo nas dbye ba yin no/ /dug gsum gyi bag la nyal ni sa bon 'ba' zhig gi dbang du byas pa ma yin te/ khams gong ma 'grub byed kyi nyon mongs mngon gyur yang der 'dus pa'i phyir ro/ /khams gong ma 'grub byed kyi zhe sdang ni mngon gyur ma yin te/ zhe sdang mngon gyur khams gong ma 'phen byed dang 'grub byed kyi nyon mongs gang du yang mi rung ba'i phyir ro/ /gnyis pa ni/ khams sgrib byed kyi dri ma dgu pad-ma'i sbubs la sogs pa'i dpes ni rab tu bstan te dri ma glo bur bar shes par bya ba'i ched du yin no/ /gsum pa ni/ rgyas par dbye na nye ba'i nyon mongs sbubs kyi ni gsal ba'i dbye bas phye na dbye ba mtha' las 'das pa yod par shes par bya'o/ /gnyis pa la gnyis/ dri ma glo bur bar yod pa mdor bstan dang/ so so'i rang bzhin rgyas par bshad pa'o/ /dang po ni/ mdor bsdu na nyon mongs pa dgu po 'di dag de bzhin gshegs pa'i khams rang bzhin gyis rnam par dag pa las sangs rgyas kyi gzugs la sogs pa la pad-ma'i sbubs la sogs pa ltar sems kyi rang bzhin la @145b ma zhugs pa'i 'bral rung glo bur ba nyid du yod do/ /gnyis pa la gnyis/ ming gi dbye ba dang/ so so'i mtshan nyid do/ /dang po ni/ dgu gang zhe na/ zhes pa nas/ dag pa'i sa la brten pa'o/ /zhes pa'o/ /drag po zhes smos pa ni ngan 'gro skyed byed kyi srog gcod sogs kun nas slong ba'i nyon mongs kyang bsdus pa'o/ /gnyis pa la bzhi/ dug gsum gyi bag la nyal dang mngon gyur bshad pa dang/ ma rig bag chags kyis bshad pa dang/ mthong spangs dang sgom spangs bshad pa dang/ ma dag pa dang dag pa'i sa la brten pa'i dri ma bshad pa'o/ /dang po ni/ spang bya gzhan rnams kyang mthong spangs dang sgom spangs su 'dus mod kyi/ mngon gyur dang sa bon rim gyis spong ba dang/ theg pa dman pa'i dgra bcom pa thob pa'i tshe spang bya lhag ma ji tsam zhig lus pa sogs shes pa'i ched du dbye ba yin no; ;de la 'jig rten pa'i 'dod chags dang bral ba'i rgyud la yod pa'i nyon mongs pas gang du 'phangs pa'i las kyi rnam smin sa gzhan du mi g.yo bas mi g.yo ba'i 'du byed la sogs pa'i rgyu zhes so/ /ci yang med pa'i man chad kyi nyon mongs mngon gyur zhi rags kyi rnam pa can gyi 'jig rten pa'i lam gyis spong nus kyang srid rtse'i sas bsdus spong mi nus pas 'jig rten las 'das pa'i ye shes kyi gzhom par bya ba bshad la/ de dag gi sa bon ni 'das lam 'ba' zhig gis spang bar bya ba yin no/ 'dod chags la sogs pa la spyod pa'i sems can gyi rgyud la yod pa 'dod pa'i lha mi 'phen par byed pa dang/ ngan 'gro 'phen par byed pa'i bsod nams dang bsod nams mi yin pa'i 'du byed la sogs pa'i rgyu zhes so/ /mi sdug pa sgom pa'i ting nge 'dzin gyis 'dod chags @0146a @#/ /mngon gyur zil gyis gnon pa mtshon pa tsam ste/ byams pa bskoms pas zhe sdang mngon gyur zil gyis gnon pa sogs spyod pa rnam sbyong gi rnal 'byor nyams su len pa rnams shes par bya'o/ /tshogs drug las ngo bo tha dad pa'i kun gzhi zhal gyis bzhes pa'i lugs ltar na/ rten 'dod khams pas bsam gtan dang po'i dngos gzhi sogs thob kyang 'dod pa'i sas bsdus kyi nyon mongs pa can gyi yid mngon gyur spong mi nus te/ sum cu pa las gang du skyes pa de yi'o/ / zhes gsungs kyang 'dir ni de ltar mi bsam mo/ /gnyis pa ni/ dbang thob pa'i byang chub sems dpa' dang nyan thos dang rang sangs rgyas dgra bcom pa'i rgyud la yod pa sgo gsum gyi las kun nas slong bar byed pa'i kun slong gi rtsol ba phra mo zag pa med pa'i las 'jug pa'i rgyu nyon mongs pa'i dri ma med pa'i yid kyi lus gsum sgrub par byed pa de bzhin gshegs pa'i byang chub gi ye shes kyis gzhom par bya ba gang yin pa de dag ni ma rig pa'i bag chags kyi sas bsdus pa zhes bya'o/ / ma rig bag chags kyi sa dang zag pa med pa'i las kyis sgrub pa'i yid kyi rang bzhin gyi lus blangs nas sems can gyi don byed pa la ltos mi dgos par sems can gyi don 'bad med lhun grub tu bsgrub nus pa ni/ yang dag par rdzogs pa'i sangs rgyas 'ba' zhig gi khyad chos yin pas de bzhin gshegs pa'i ye shes kyis gzhom bya zhes gsungs pa yin te/ rnam mkhyen skad cig dang po bar chad med lam du byas nas ma rig bag chags kyi sa dngos su spong par byed pa'i don ma yin @0146b te; de lta na rang rgyud kyi spang bya spong bzhin pa'i bya ba dang bcas pas spangs pa mthar thug pa ma thob par thal ba'i phyir ro/ /sa bcu rgyun gyi tha ma'i bar chad med lam gyi dus na yang dri ma rdul tsam yang med na rnam mkhyen skad cig dang po bar chad med lam du mi 'gyur ba lta ci smos/ 'o na dag pa sa gsum la brten pa'i dri ma rdo rje lta bu'i ting nge 'dzin gyis gzhom byar 'og tu bshad nas/ 'di de bzhin gshegs pa'i ye shes kyis gzhom byar bshad pa ci yin zhe na/ sngar bshad zin mod/ ma rig bag chags kyi sa phra ba mthar thug pas bcu rgyun gyi tha ma'i bar chad med lam gyis dngos su spong ba yin yang/ sa bcu rgyun tha bas kyang yid kyi rang bzhin gyi lus la sogs pa blangs nas sems can la chos ston pa sogs byed na/ kun slong gi rtsol ba phra mo dang bcas bzhin du chos ston par byed dgos pas/ de 'dra'i las dang lus zad par spangs nas sems can la chos ston pa ni/ yang dag pa'i mtha' mngon du byas pa mthar thug pa 'ba' zhig gi khyad chos su shes pa'i phyir tu de ltar smos so/ /'on kyang rgyun gyi tha ma'i bar chad med lam la mnyam par bzhag bzhin pa'i dus na/ shes bya ji snyed pa yang mngon sum du mi gzigs na sems can gyi don dngos su chos ston pa sogs byed pa lta ci smos/ 'di dag brjod par bya ba mang ste/ re shig bzhag go /gsum pa la gnyis/ spyi'i don dang/ yan lag gi don to/ /dang po la lnga/ sgrib pa gnyis kyi mtshan nyid dang/ mtshan gzhi ngos bzung ba dang/ mthong spangs dang sgom spangs kyi khyad par dang/ sa bon spong tshul gyi phyogs tsam bshad pa @0147a @#/ /dang; mthong lam shes bzod bye brag tu bshad pa'o/ /dang po ni/ nyon mongs pa'i sgrib pa'i mtshan nyid thar pa dang thams cad mkhyen pa gnyis su phye ba'i thar pa thob pa la sgrib par byed pa'i rigs su gnas pa dang/ shes bya'i sgrib pa'i mtshan nyid ni/ de ltar gnyis su phye ba'i nang nas thams cad mkhyen pa thob pa la sgrib par byed pa'i rigs su gnas pa'i/ /de yang shes bya ji lta ba las 'khor ba ma stongs par du rtag tu snyoms par 'jug pa thob pa la yang gegs byed la/ shes bya ji snyed pa thams cad mngon sum du gzigs pa thob pa la yang gegs byed pas/ shes bya la sgrib pa'am shes bya'i sgrib pa zhes bya'o/ /nyon mongs pa'i sgrib pa la sems kyi rgyud rab tu ma zhi ba zhes bshad pa'i don ni; ldog phyogs sems kyi rgyud rab tu zhi ba ni 'khor ba'i sdug bsngal nye bar zhi ba'i thar pa mya ngan las 'das pa tsam yin la/ sems kyi rgyud rab tu ma zhi ba ni 'khor ba'i sdug bsngal la/ /de byed pa po la nyon mongs pa'am/ nyon mongs pa'i sgrib pa zhes bya la/ mya ngan las 'das pa thob byed ni lam gyi bden pa nyid du shes par bya'o/ /gnyis pa ni/ nyon mongs pa'i sgrib pa ni gang zag dang phung po bden par 'dzin pa'i blo nyon mongs can gyi ma rig pa dang des skyed pa'i 'dod chags la sogs pa mngon gyur sa bon dang bcas pa'o/ /shes bya'i sgrib pa ni/ yul bden par snang ba'i bden snang 'khrul pa'i cha dang/ de skyed par byed pa'i nyon mongs pa'i bag chags so/ /de la nyon sgrib zad par spangs pa'i rnam grol ni nyen rang dgra bcom pa dang/ sa brgyad @0147b pa yan chad nas thob la/ shes sgrib zad par spangs pa'i rnam grol ni/ sangs rgyas 'ba' zhig go /gsum pa ni/ gang zag dang phung po bden par grub pa 'thad snyam pa sa bon dang bcas pa dang/ bden par grub ma grub dpyad pa zhugs pa'i dbang gis drangs pa'i bden par grub snyam pa sa bon dang bcas pa ni/ mthong lam gyis gzhom par bya ba nyon sgrib kun brtags so/ /de dag gi stobs kyis drangs pa'i 'dod chags la sogs pa yang yod par shes par bya'o/ /de 'dra'i dpyad pa la mi ltos par rang gi ngang gis 'jug pa'i bden 'dzin 'dod chags la sogs pa sa bon dang bcas pa ni/ sgom lam gyis gzhom par bya ba nyon sgrib lhan skyes su shes par bya'o/ /shes sgrib lhan skyes ni go bar zad la kun brtags ni/ gzugs 'dzin pa'i dbang shes sogs la yul bden par snang ba snang ba la ma 'khrul ba 'thad par 'dzin pa'i blo sa bon dang bcas pa'o/ /bzhi pa ni/ mthong lam gyis mthong spangs la gnod pa byed pa'i tshul la dper brjod na/ theg pa chen po'i mthong lam sdug bsngal chos bzod par chad med lam skyes pa'i dus na dngos kyi gnod bya mthong spangs kyi sa bon de 'gags shing/ skye ba la mngon du phyogs pa dang/ de 'gags pa la mngon du phyogs pa gnyis dus mnyam la sngar rigs 'dra bar ma chad du 'byung ba de nyid bar chad med lam de'i stobs kyis phyin chad skyer mi rung ba'i chos can du byed pa yin la/ gnyen po'i lag rjes kyis skyer mi rung ba'i chos can du song ba'i 'gog bden thob pa'i lam gyi thog ma de la rnam grol lam zhes bya la/ de bar chad med lam gyis bskyed pa yin no/ /bar chad med lam gyi dus na/ ngo skal gyi spang byar @0148a @#/ /med cing skyer mi rung ba'i chos can yin yang/ rkyen ma tshang bas yin gyi /so sor brtags 'gog thob pa ni ma yin no/ /'di la dpags nas sa bcu rgyun gyi tha ma'i bar chad med lam gyi dus na gnas ngan len gyi dri ma phra mo rdul tsam yang med kyang zad par spangs pa zhes mi bya ste/ dngos gnyen gyis lag rjes bzhag pa'i cha nas skyer mi rung ba'i chos can du song ba'i lam ma thob pa'i phyir/ rtags ma grub na/ rgyu 'bras drus mnyam par thal pas so/ /kha cig mthong lam bar chad med lam gyi dus na dngos kyi gnod bya med par khas blabs nas/ rgyun mtha'i bar chad med lam gyi dus na gnas ngan len gyi dri ma phra mo yod par 'dod pa ni skye 'gyur gyis spong ba dang 'gag 'gyur gyis spong ba'i grub mtha' phyogs gcig tu sdud pa yin la/ rnam mkhyen skad cig dang po de'i dngos kyi gnod byed du 'dod pa yang spangs gnyen gyi tshul la mi mkhas par shes par bya la/ yang kha cig mngon pa kun las btus las/ 'das pa 'gags pa'i phyir ma yin/ zhes sogs gsungs pa'i don mtha' ma chod par mngon gyur la spong tshul gsum po mi 'thad kyang/ spang bya'i sa bon dang de'i dngos gnyen bar chad med lam dus mnyam du 'dod pa yang mtha' ma chod pa yin te/ de lta na dngos kyi gnod bya gnod byed kyi snang mun yang dus mnyam du khas len dgos par 'gyur te/ de nyid de'i dper mdzad pa'i phyir ro/ /des na bar chad med lam des dngos kyi gnod bya spang bya'i sa bon de rang dus na 'das pa bum pa tho bas bcom pa ltar spong ba yang ma yin la/ rang dus na ma skyes pa mdun nas 'phul ba ltar spong ba @0148b yang ma yin no/ /mdzo? sgrol g.yang la skyur pa ltar rang dus na yod pa dus mnyam du 'gag pa'i tshul gyis spong ba yang ma yin no/ /'o na ci zhe na/ sngar gnyen po'i phyogs goms pa la brten nas gnyen po de skye ba la mngon du phyogs pa dang spang bya'i sa bon gyi rigs 'dra tha ma 'gag pa la mngon du phyogs par dus mnyam zhing/ gnyen po skyes pa dang de 'gag pa dus mnyam pa'i sgo nas spang bya skye mi rung ba'i chos can du song ba gnod pa byas pa'i don yin no/ /lnga pa ni/ bden bzhi'i chos nyid sngar mngon sum du ma rtogs pa chu la chu bzhag pa'i tshul gyis gsar du rtags pa na/ sngar 'khor bar 'dis ma myong ba'i zab mo'i chos de la skrag rigs pa la mi skrag pas na chos kyi bzod pa zhes bya la/ des na bden pa bzhi'i chos nyid 'jal ba'i ldog pa nas bzod pa bzhi'o/ / de'i rjes nas chos nyid la chu la chu bzhag tu song ba'i blo de la skag rigs pa las mi skrag par rtogs pas rjes kyi bzod pa zhes bya la/ de yang bden bzhi'i chos nyid kyi yul can ldog pas phye ba'i rtogs pa'i cha nas rjes bzod bzhi ste/ bzed pa brgyad ngo bo gcig la ldog pa tha dad pa'i tshul du yod la/ de'i dus na glo bur dri bral gyi 'gog bden ma thob pa yin no/ /bden bzhi'i chos nyid rtogs pa la ltos nas de'i yul can rtogs par 'jog pa yin gyi /rang rig mngon sum khas len pa ni ma yin no/ /mnyam bzhag de nyid las ma langs par glo bur dri bral gyi 'gog bden thob pa rnam grol lam skyes pa na/ bden bzhi'i chos nyid rtogs pa'i chos shes ldog pas phye ba bzhi dang/ yul can de nyid rtogs pa'i rjes shes bzhi dang shes pa brgyad ngo bo gcig la @0149a @#/ /ldog pa tha dad pa'i tshul du yod pas mnyam gzhag thun gcig gi bden pa mngon par rtogs pa skad cig ma gcig shes bzod skad cig ma bcu drug gi bdag nyid du skye ba yin no/ /chos bzod skyes pa'i rjes su rjes bzod skye ba sogs ni skabs 'dir khas mi blang ngo/ /gnyis pa ni/ slob pa ni rnam pa gnyis te lam la zhugs pa'i so so'i skye bo dang 'phags pa'o/ /de la zhes so/ /bzhi pa ni/ sa bdun pa min chad mthar thug par ma gyur pa'i byang chub sems dpa'i rgyud la yod pa ye shes kyis rnam pa bdun gyi mi mthun pa'i phyogs brgyad pa la sogs pa dag pa sa gsum sgom pa'i shes pas gzhom par bya ba gang yin pa de dag ni ma dag pa'i sa la brten pa zhes bya'o/ /de dag ni spang bya'i rten dang ngo bo dang gnyen po gsum gsum gyis bshad do/ /sa bdun gyi mi mthun pa'i phyogs zhes pa ni de dag gi rgyud la yod pa sa brgyad pa man chad thob pa'i gegs su gyur pa yin gyi /de dag gi rigs rgyun ni dag pa sa'i ye shes kyis spong bar byed pa yin no/ /nyon mongs zad pa'i mthar thug pa'i byang chub sems dpa'i rgyud la yod pa zhes pa ma lus par zad par rdo rje lta bu'i ting nge 'dzin gyi bar chad med lam gyi spang bar bya ba yin no/ /gsum pa don bsdu ba la gnyis/ rtsa ba dang/ gsal ba'i dbye ba mtha' yas par bstan pa'o; ;dang po ni/ 'dod chags la sogs nyon mongs sngar bshad pa'i dgu po 'di mdor bsdus nas ni sngar bshad pa'i go rim bzhin du pad-ma'i sbubs la sogs pa'i dpe dgu po de dag gis yang dag par bstan par shes par bya'o/ /snga ma kha @0149b cig na ri/ 'di tshigs su bcad pa rtsa ba'i tshul du bris pa ni mi legs te/ sngar bshad pa'i rtsa tshig pad-ma yi/ sbubs sogs dpes ni rab bstan te/ zhes pa'i 'grel pa yin pas 'dod chags la sogs pa nyon mongs pa mdor bsdus pa 'di rnams go rim bzhin du pad-ma'i sbubs la sogs pa'i dpe dgus gsal bar bstan pa yin no zhes gsung yang/ lo tstsha ba chen po'i 'gyur da ltar yod pa'i dpe rnams kyi ltar na/ don bsdu'i rtsa tshig tu bya dgos par sems so/ /gnyis pa ni/ gang gis na zhes so/ / gnyis pa gang zag gang la sgrib pa la gnyis/ rtsa ba dang/ 'grel pa'o/ /dang po ni/ dri ma 'di dag gis rim pa bzhin du byis pa rnams dug gsum gyi bag la nyal gsum dang de gsum gyis kun ldang drag po gcig tu byas pa bzhi dang dman pa'i dgra bcom gcig ma rig bag chags kyi sa dang ni lam la zhugs pa'i so so skye bo dang/ dman pa'i 'phags pa slob pa rnams mthong spangs dang sgom spangs gnyis dang blo ldan byang chub sems dpa' 'phags pa rnams ma dag pa'i sa la brten pa dang dag pa'i sa la brten pa'i dri ma gnyis kyis ma dag pa'i nyid du shes par bya'o/ /gnyis pa ni/ bcom ldan 'das kyis de bzhin gshegs pa'i snying po'i mdo las sems can thams cad ni de bzhin gshegs pa'i snying po can no zhes bka' stsal pa gang yin pa de la zhes te/ zag pa med pa'i dbyings su rtag tu mnyam par 'jog mi nus pa'i gegs de dag yod par shes par bya'o/ /gsum pa khams sgrib byed kyi dpe don chos mthun bshad pa la gnyis/ spyi'i mtshams sbyar ba dang// //dang po ni/ yang ji ltar khams sgrib @0150a @#/ /byed 'dod chags la sogs pa nyon mongs pa dgu po 'di dag sangs rgyas kyi sku la sogs pa'i sgrib byed pad-dma'i sbub la sogs pa dang dpe don chos mthun ci zhig yod nas 'dra bar rig par bya la/ de bzhin gshegs pa'i khams sangs rgyas kyi gzugs la sogs pa dang chos mthun pa'i rgyu mtshan ci yod pas chos mthun par yang rig par bya zhe na zhes khams kyi chos mthun yang dris so/ /gnyis pa la gnyis/ rgyas par bshad pa dang/ don bsdu ba'o/ /dang po la bzhi yod pa'i dang po dug gsum gyi bag la nyal dang kun ldang drag po'i chos mthun ni/ ji ltar pad-ma 'dam las skyes pa de mdun du gyur na yid dga' ba dang/ phyi nas rnyings pa na dga' ba med par 'gyur ba ltar/ 'dod chags dga' ba dpe de bzhin no/ /ji ltar srog chags sbrang ma ni shin tu 'khrugs te mdung brdeg cing bde ba la reg par mi gnas pa ltar de bzhin du zhe sdang skye ba na snying la sdug bsngal bskyed par byed pas bde ba la reg par mi gnas par chos mtshungs pas so/ /ji ltar 'bras la sogs pa'i snying po ni phyi rol nas sbun pas bsgribs pa ltar de bzhin du snying po'i don mngon sum du mthong ba lam rig pa'i sgo nga'i sbubs kyis bsgribs pas sgrib byed du chos mtshungs pa'i phyir ro/ /ji ltar mi gtsang ba bsten par mi bzod cing yid dang mi mthun pa de bzhin du chags pa dang bcas pa rnams kyi 'dod pa brten pa'i rgyu yin pa'i phyir kun nas ldang ba drag po ni nyes spyod kun nas slong bas rab tu nyam nga bas mi gtsang ba dang 'dra bas bsten par mi bzod pa'i phyir ro/ /gnyis pa ma rig bag chags kyi sa'i chos mthun ni/ ji ltar nor gyi gter ni sas bsgribs pas @0150b na mi shes shing gter mi thob pa ltar de bzhin du skye bo la rang byung nyid de de bzhin gshegs pa'i snying po dri ma mtha' dag dang bral ba thob pa la ma rig bag chags sa yis bsgribs pas mi mthong bar chos mthun pa'i phyir ro/ /gsum pa mthong spangs dang sgom spangs kyi chos mthun ni/ ji ltar myu gu sogs rim gyis skyes pas sa bon gyi shun pa gcod cing nyams par byed pa ltar de bzhin du de nyid mngon sum gyis gsar du mthong ba yis mthang spangs rnams ni de mthag myur du ldog par 'gyur bar chos mtshungs pas so/ /'phags pa'i lam dang 'brel pa yang dang yang du goms par byas pa las 'jig tshogs la lta ba'i snying po bcom pa rnams kyi rags pa zad pa'i lhag ma rnams kyi sgom spangs sgom lam gyi ye shes kyi spang bya rnams snying po zad pa'i gos hrul dag dang mtshungs par bstan te snying po rags pa zad par chos mtshungs pas so/ /bzhi pa ma dag pa dang dag pa'i sa la brten pa'i sgrib pa'i chos mthun ni/ sa bdun la brten pa'i dri ma ni mngal sgrubs kyi dri ma dag dang chos mtshungs te/ rang gis khong du chud par bya ba la bsgrib par chos mtshungs pa'i phyir ro/ /mngal sbubs dang bral ba 'dra ba'i sa brgyad pa thob pa'i mi rtog pa'i ye shes ni sngon gyi las las rtsol med du byung ba'i rnam par smin pa bzhin du 'bad rtsol nye bar zhi ba'i dag pas gsum dang rjes su 'brel pa'i dri ma rnams sa 'dam cung zad gos pa bzhin du shes par bya ste dri ma de ni bdag nyid chen po rdo rje lta bu'i ting nge 'dzin gyis ni gzhom par bya ba yin no/ /gnyis pa ni/ sngar bshad pa de ltar chags sogs dri ma dgu pad-ma la sogs pa dag dang chos @151a @#/ /mtshungs par shes par bya'o/ /'di 'og ma'i mtshams sbyar du yang rung mod kyi snga ma'i don bsdur bshad do/ /bzhi pa bsgrib bya khams kyi dpe don chos mthun bshad pa la gnyis/ spyir bstan pa dang so sor bshad pa'o/ /dang po la gnyis/ rtsa ba dang/ 'grel pa'o/ /dang po ni/ rdzogs pa'i sangs rgyas kyi sku 'phro ba la sogs pa'i khams rang bzhin gsum gyis bsdus pa'i phyir khams sangs rgyas sogs dang chos mtshungs so/ /gnyis pa ni/ sems kyi rnam par byang ba'i khams zhes so/ / gnyis pa la gnyis/ dpe don spyir sbyar ba dang/ chos mthun rgyas par bshad pa'o/ /dang po la gnyis/ bri ba dang/ lan no/ /dang po ni/ sems can thams cad de bzhin gshegs pa'i snying po can du gsungs pa'i khams kyi rang bzhin rnam pa gsum gang zhe na/ gnyis pa la gnyis/ rtsa ba dang/ 'grel pa'o/ /dang po ni/ khams 'di'i rang bzhin sems can thams cad la khyab par ston pa'i rgyu mtshan chos sku dang de bzhin nyid dang rigs kyang ste gsum po de ni rim pa bzhin du dpe gsum dang gcig dang ni lnga rnams kyis ni shes par bya'o/ /gnyis pa ni/ sangs rgyas kyi gzugs kyi sku dang sbrang rtsi dang 'bru'i snying po'i dpe gsum gyis ni khams chos kyi sku'i 'phrin las kyis khyab pas chos kyi sku'i 'phrin las 'jug rung gi rang bzhin du shes par bya'o/ /gser gyis dpe gcig gis ni de bzhin gshegs pa'i snying po de chos kyi sku'i rang bzhin rnam dag gi cha dang rnam pa mi 'dra ba'i khyad par med pa'i de bzhin nyid kyi rang bzhin du shes par bya'o/ /gtar dang/ @151b ljon shing dang/ rin po che'i sku dang/ 'khor los bsgyur pa dang gser gyi gzugs kyi dpe lngas ni de bzhin gshegs pa'i snying po de sangs rgyas kyi sku gsum bskyed pa'i rigs kyi rang bzhin du shes par bya'o/ /gnyis pa la gsum/ chos kyi sku'i chos mthun bshad pa dang/ de bzhin nyid kyi chos mthun bshad pa dang/ rigs kyi chos mthun bshad pa'o/ /dang po la gnyis/ dbye ba dang/ chos mthun bshad pa dngos so/ /dang po la gnyis/ dri ba dang/ lan no/ /dang po ni/ de la chos kyi sku gang zhe na/ gnyis pa la gnyis/ rtsa ba dang/ 'grel pa'o/ /dang po ni/ sems can thams cad la de bzhin gshegs pa'i khams kyis khyab par gsungs pa'i rgyu mtshan/ chos kyi sku rnam pa gnyis su shes par bya ste/ chos dbyings rang bzhin gyis rnam par dag pa la glo bur gyi dri ma mtha' dag gis dag pas shin tu dri ma med pa mngon sum du rtogs pa'i rtogs pa ye shes chos kyi sku dang/ bstan pa chos kyi sku ni sangs rgyas kyi thugs rgyud kyi chos nyid mngon sum du rtogs pa de'i rgyu mthun gyi 'bras bu gsung rab ste/ zab pa don dam pa'i bden pa ston pa'i nges don gyi mdo sde dang gang zag dang phung po la sogs pa'i kun rdzob sna tshogs pa'i tshul ni tshig dang yi ge mi 'dra ba sna tshogs pa'i tshul gyis sten pa drang don gyi mdo sde'o/ /gnyis pa ni/ sangs rgyas rnams kyi chos kyi sku ni bstan pa chos kyi sku dang rtogs pa chos kyi sku rnam pa gnyis su rtogs par bya'o/ /shin tu rnam par dag pa'i chos kyi dbyings ni rnam par mi rtog pa'i mnyam gzhag ye shes kyi spyod yul gyi yul lo/ /spyod yul dang yul gnyis smos pa ni rtag tu mnyam par bzhag pa'i khyad par ston pa'o/ / @152a @#/ /de yang de bzhin gshegs pa rnams kyi mnyam gzhag so so rang gis rig par bya ba'i chos kyi dbang du byas te/ rtogs par bya ba yin la de rtogs pa'i rtogs pa ye shes chos kyi sku'o/ /'dis snga ma bshad pa'o/ /sangs rgyas kyi gsung rab la dmigs nas de'i don goms par byas pas chos kyi sku thob par 'gyur bas chos kyi sku de thob pa'i rgyu gsung rab ni shin tu rnam par dag pa'i chos kyi dbyings rtogs pa nyid kyi rgyu mthun pa'i 'bras bu yin la/ de ni gdul bya rigs can gsum dang gnas skabs rigs ma nges pa'i so so skye bo'i bsam pa ji lta bar sems can gzhan la gsung gi rnam par rig pa 'byung ba'o/ /de yang bstan pa'i chos kyi dbang du byas par rig par bya'o/ /bsten pa yang rnam pa gnyis te/ phra ba dang/ rgya chen po'i zhes so/ /gsung rab yan lag bcu gnyis te/ /mdo kha cig las gsung rab yan lag dgur gsungs pa ni/ dbye bsdu tsam yin no/ /gnyis pa la gnyis/ rtsa ba dang/ 'grel pa'o/ /dang po ni/ rtogs pa ye shes chos kyi sku ni 'jig rten las 'das pa mthar thug pa'i phyir 'jig rten na 'di la 'dra ba'i dpe ni mi dmigs pas de bzhin gshegs pa'i gzugs kyi sku nyid dang chos kyi sku'i ngo bo khams rang bzhin gyis rnam par dag pa la glo bur gyis dri ma mtha' dag gis dben pa'i chos kyi sku sems can thams cad la khyab pa dang 'dra ba nyid du bstan pa yin no/ /phra mo zab mo'i tshul don dam pa'i bden pa bstan pa'i nges don gyi mdo sde ni de'i don myangs na/ chos thams cad kyi ro gcig pa'i rang bzhin nyams su myong zhing bde ba mtha' dag ster pas spang rtsi @152b mngar bar ro gcig pa bzhin te kun rdzob rnam pa sna tshogs pa'i tshul bstan pa drang don gyi mdo sde ni shun pa sna tshogs pa'i sbubs na snying po yod pa bzhin du shes par bya'o/ /brang don dang nges don gyi gsung rab 'di gnyis dpe dang sbyar te bshad pa ni/ rdzogs sangs sku ni 'phro phyir dang/ zhes bshad pa'i 'phro ba'i don rgyas par bshad pa yin te/ chos kyi sku 'phro ba'i don ni khyab pa'i don yin la de yang 'phrin las kyis khyab pa ste/ de bzhin gshegs pa'i gsung gis gdul bya sna tshogs la chos bstan pa'i sgo nas sems can thams cad la 'phrin las 'jug cing/ 'phrin las 'jug rung du dus nam yang gnas pas chos kyi skus khyab pa zhes bya'o/ /gnyis pa la gnyis/ dpe gsum gyis bstan pa'i tshig don bshad pa dang/ chos skus khyab pa lung dang sbyar ba'o/ /dang po ni; da ltar zhes te sems can 'di dag de bzhin gshegs pa'i snying po can yin no zhes bstan to/ /gang zhig de bzhin gshegs pa'i chos kyi sku thob rung las phyi rol tu gyur pa'i sems can de dag ni 'ga' yang sems can gyi khams na med de nam mkha'i khams las bum pa'i nang la sogs pa'i gzugs bzhin no/ /gnyis pa ni/ de skad du mdo sde rgyan las/ ji ltar thogs pa'i reg bya dang bral ba'i nam mkha' rtag tu snod kun tu song bar 'dod pa de bzhin du chos kyi sku rang bzhin gyis rnam par dag pa sems can kun gyi rang bzhin gyi rjes su song bar 'dod de ji ltar nam mkha' gzugs rnams kun song ba de bzhin du chos kyi sku rang bzhin gyis rnam par dag pa'i cha 'di yang sems can gyi tshogs kun tu song bar 'dod do/ /phyed snga ma mdo rgyan gyi don bsdus pa @153a @#/ /dang; phyed phyi ma tshig drangs pa yin yang/ phyogs mthun gyi lung drangs pa yin gyi /rang bzhin rnam dag gi cha la phra rags khyad par shin tu che'o/ /gnyis pa la gnyis/ rtsa ba dang/ 'grel pa'o/ /dang po ni/ rang gi rang bzhin sngar bzang po phyis ngan par 'gyur ba med pa dang/ 'dod pa'i 'bras bu phun sum tshogs pa 'byin pa dang/ kha na ma tho ba med pas dge zhing bzang ba dang dri ma rang bzhin la ma zhugs pas rang bzhin gyis rnam par dag pa'i phyir sems rang bzhin gyis stong pa de bzhin nyid 'di mi gtsang ba'i nang na gnas pa'i gser gyi ni gzugs dang mtshungs par brjod pa yin no/ /'dis ni de bzhin gshegs pa'i rang bzhin don dam pa'i bden pa rang bzhin gyis stong pa de nyid dang rnam pa 'char tshul la khyad par cung zad kyang med pa'i tshul du sems can thams cad kyi sems kyi rang bzhin la zhugs pa la dgongs nas sems can thams cad de bzhin gshegs pa'i snying po can no/ /zhes gsungs pa yin no/ /gnyis pa la gnyis/ tshig don dang/ lung dang sbyar ba'o/ /dang po ni/ sems can gyi sems gang yin pa de ni nyon mongs pa dang sdug bsngal mtha' yas pa dang rjes su 'brel kyang rang bzhin gyis 'od gsal ba nyid kyis rang bzhin gyis stong pa las gzhan du rnam par 'gyur ba la mi brten pa de'i phyir gser bzang po bzhin du gzhan du mi 'gyur ba'i don gyis de bzhin nyid ces brjod do/ /de yang mya ngan las mi 'da' ba'i chos can zhes bshad pa log pa nyid du nges pa'i rgyu can gyi sems can thams cad la yang rang bzhin khyad par med du zin yang/ glo bur gyi nyon mongs @153b dang; shes pa'i sgrib pa mtha' dag rnam par dag pa las gyur pa'i tshe de bzhin gshegs pa zhes bya ba'i rnam grangs su 'gro ste 'dis sems can thams cad kyi de bzhin nyid de bzhin gshegs par bstan nam/ 'on te de nyid dri ma mtha' dag gis dag pa de bzhin gshegs par bstan bsam par bya ba yin no/ /des na 'dir gser gyi dpe gcig gis de bzhin nyid la rang gi ngo bos byas pa'i rnam pa mi 'dra ba dbyer med pa'i don gyi dbang du byas nas de bzhin gshegs pa'i de bzhin nyid sems can de dag gi snying po yin no zhes bstan pa yin no/ /'dis sems can thams cad de bzhin gshegs pa'i snying po can no/ /zhes gsungs pa'i don gsum gyi dbang du byas pa'i gnyis pa'i don legs par bshad pa yin te/ de yang de bzhin gshegs pa mtshan nyid pa de'i thugs rgyud kyi rang bzhin rnam dag gi cha de dang/ sems can gyi rgyud kyi rang bzhin rnam dag gi cha gnyis la sngo ser bzhin du dbyer med par yod pa la dgongs nas sems can de bzhin gshegs pa'i snying po can no/ /zhes gsal bar bshad pas de bzhin gshegs pa sems can gyi rgyud la yod par 'dod pa ni ha cang rnam par ma brtags pa'o/ /gnyis pa la gnyis/ mdo'i lung dang/ bstan bcos kyi lung ngo/ /dang po ni/ sems kyi rang bzhin rnam par dag pa zhes te/ ye shes snang ba rgyan gyi mdo las/ 'jam dpal de la de bzhin gshegs pa ni bdag gi nye bar len pa'i phung po de bskyed pa'i rgyu bdag 'dzin yin la/ de'i gzhi rtsa dmigs pa dag de cung zad kyang med par de bzhin gshegs pas mngon sum du yongs su mkhyen pa mdzad nas sems can gyi bdag 'dzin bsrung ba mdzad @154a @#/ /de; bdag rnam par dag pas sems can thams cad rang bzhin gyis rnam par dag par rtogs so/ /bdag rnam par dag pa gang yin pa dang/ sems can thams cad rang bzhin gyis rnam par dag pa gang yin pa 'di ni gnyis su med de gnyis su byar med do/ /zhes so/ /gnyis pa ni/ de skad du/ mdo sde rgyan las/ rang bzhin rnam dag sangs rgyas dang sems can thams cad la ni khyad par med par yod kyang de bzhin nyid dri ma mtha' dag gis dag pa las byung ba de bzhin gshegs pa nyid yin pa de'i phyir/ sangs rgyas kyi de bzhin nyid dang khyad par med par sems can la yod pa la dgongs nas 'gro kun de bzhin gshegs pa de'i snying po can/ zhes gsungs so/ /gsum pa la gnyis/ rtsa ba dang/ 'grel pa'o/ /dang po la gnyis/ rigs kyi ngo bo'i dpe don chos mthun dang/ rigs kyi nus pa'i dpe don chos mthun no/ /dang po ni/ gter dang po nas gnas pa dang/ 'bad pas sgrub pa'i 'bras bu'i shing bzhin du rigs de rnam pa gnyis su shes par bya ste/ thog ma med pa nas sems kyi rang bzhin du gnas pa rang bzhin gnas rigs dang thos bsam gyis rkyan gyis gsar du yang dag par blangs pa las byung ba'i rigs te/ phyi ma nus pa khyad par can du gyur pas mchog nyid do/ /gnyis pa la gnyis/ nus pa'i dbye ba dang/ dpe don chos mthun bshad pa'o/ /dang po ni/ rang bzhin du gnas pa'i rigs dang yang dag par blangs pa las byung ba'i rigs 'di gnyis las thog mar rigs sad byed kyi rkyen las rigs sad par byed do/ /byang chub kyi mchog tu sems bskyed nas spyod pa la @154b bskabs pas sangs rgyas kyi sku gsum thob par 'dod pa yin no/ /de yang rigs dang pos sku ni dang po chos kyi sku thob ste rigs gnyis pa yis ni phyi ma gzugs kyi sku gnyis thob par 'gyur ba yin no/ /ye shes kyi tshogs goms pa'i lag rdzos la de bzhin nyid de mas? dag pa'i dag pa gnyis ldan gyi chos sku dang/ ji lta ba mkhyen pa'i ye shes 'byung la bsod nams kyi tshogs goms pa'i lag rjes la gzugs kyi sku rnam pa gnyis dang/ ji snyed pa mkhyen pa'i ye shes 'byung ngo/ /sangs rgyas kyi thugs rgyud kyi ye shes nyid mtshon dang dpe byad kyis sdus pa'i gzugs kyi skur snang ba yin gyi /rdul phra rab bsags pa la sogs pa'i bem po'i lus cung zad kyang med par shes par bya'o/ /sangs rgyas kyi gzugs kyi sku gdul bya'i gzhan snang tsam 'ba' zhig yin gyi /sangs rgyas rang rgyud kyis bsdus pa cung zad kyang med par 'dod pa ni/ mu stegs spyod pa ba dri ma zad pa'i skyes bu mi srid par 'dod pa dang khyad par cung zad kyang med la/ de bzhin du sangs rgyas rang snang la shes bya ji snyed pa'i gzigs pa med par 'dod pa sogs kyang phyin ci log tu shes par bya'o/ /gnyis pa ni/ ngo bo nyid kyi sku'i chos mthun ni/ ngo bo nyid kyi sku mdzes pa ni rin chen gyi sgu 'dra bar shes par bya ste/ rgyu rkyen gzhan gyi rang bzhin gyis ni byas pa min pa dang/ stobs dang mi 'jigs pa la sogs pa'i yon tan rin chen gyi gter yin pa'i phyir/ longs sku'i chos mthun ni/ theg pa chen po'i chos kyi rgyal srid la rdzogs par longs spyod pas chos chen po'i rgyal srid chen po dang ldan pa'i phyir rdzogs par longs spyod pa'i sku ni 'khor los bsgyur ba bzhin no/ /longs spyod rdzogs pa'i sku'i @155a @#/ /mtshan dpe la ltos te gzugs brnyan gyi ni rang bzhin yin pa'i phyir sprul pa'i sku ni gser gyi gzugs brnyan byas pa lta bu'o/ /gnyis pa la gnyis/ sangs rgyas kyi rigs yod pas sangs rgyas kyi snying po can du bshad pa dang/ shes byed lung dang sbyar ba'o/ /dang po ni/ sems can thams cad la sangs rgyas kyi rigs yod pa rgyu mtshan du byas nas sems can thams cad de bzhin gshegs pa'i snying po can du bstan pa de'i phyir ces te/ sangs rgyas kyi sku rnam pa gsum bskyed pa'i rigs yod pa'i dbang du byas te d+hA tu'i sgra rgyu dang/ dbyings dang khams sogs la 'jug pas de de bzhin gshegs pa'i khams rgyu'i don du byas nas sems can 'di dag thams cad kyi snying po bstan pa yin no/ /de bzhin gshegs pa nyid ni sangs rgyas kyi sku rnam pa gsum gyis rab tu phye ba yin te/ des na de bzhin gshegs pa'i khams rigs rnam pa gnyis ni sku gsum po de thob pa'i rgyu yin pas 'dir khams kyi don ni rgyu'i don to/ /gnyis pa la gsum/ mtshams sbyar ba dang/ lung drang ba dang/ de'i don mdo gzhan la brten nas bshad pa'o/ /dang po ni/ rigs gnyis sku gsum thob pa'i rgyu yin pa gang gi phyir na de la yang sems can dang sems can ni sems can so so kun la de bzhin gshegs pa'i khams rang rgyud la grub pa snying por gyur pa yod mod kyi sems can de dag gis shes pa ma yin no/ /zhes gsungs so/ /rtogs na phan yon che bar 'og nas 'byung ngo/ /gnyis pa ni/ de skad du chos mngon pa'i mdo las/ thog ma med pa'i dus can gyi khams 'khor 'das kyi chos rnams kun gyi gnas dang rten dang gzhi @155b yin te rigs de yod pas ni 'gro kun 'khor bar 'khor ba dang mya ngan las 'das pa'ang thob pa 'thad pa yin no/ /zhes gsungs so/ /sems rang bzhin rnam dag med na dri ma sbyang du mi rung la/ yon tan skye rung med na yon tan gyi tshogs skye ba mi 'thad pa'i phyir dang/ rigs med na 'khor bar 'khor ba dang mya ngan las 'das pa thob pa yang mi 'thad pas de thams cad rang bzhin rnam dag gi rigs rten du yod pa las grub pa yin no/ /'grel pa 'dir tshogs drug las ngo bo tha dad pa'i kun gzhi rnam par shes pa bzhed pa ma yin te/ byang chub sems dpa' slob dpon 'phags pa thogs med kyis rnal 'byor spyod pa pa'i shing rta'i srol phye ba'i gzhung gzhan du mdo 'di shes byed du drangs na sa tshogs drug las ngo bo tha dad pa'i kun gzhi yod par bsgrubs la/ 'dis rigs gnyis yod pa bstan cing/ rigs yod pa'i lung gi sgrub byed du 'gyur na khyed kyi nges kun gzhi mi 'grub ste lung 'di ni rigs yod par sgrub pa'i don du bcom ldan 'das kyis gsungs pa'o/ /zhes bshad na gnod pa cung zad kyang med pa'i phyir ro/ /gsum pa la thog ma med pa'i dus can dang/ khams dang/ chos kun gyi gnas dang/ 'khor ba dang/ mya ngan las 'das pa 'thad pa'i don bshad pa'o/ /dang po ni/ dri ba ni/ de la zhes so/ /lan ni dpal 'phreng gi mdo las/ de bzhin gshegs pa'i zhes te/ dus 'di tsam nas 'byung la de yan chad du med do zhes bzhag tu mi rung bas so/ /gnyis pa ni/ khams zhes bya ba ni/ ji skad du mdo de las bcom ldan 'das de bzhin gshegs pa'i snying po gang lags pa 'di ni gang la dmigs nas bsgoms na 'jig rten las 'das pa'i chos thams cad 'byung ba'i snying por gyur pas 'jig rten @156a @#/ /las 'das pa'i chos kyi snying po dang rang bzhin rnam dag gi chos rnams kyi gnas lugs mthar thug pa yin pas rang bzhin gyis yongs su dag pa'i chos kyi snying po'o/ /zhes gsungs pa'o/ /gsum pa ni/ chos rnams zhes te/ mdo de las/ bcom ldan 'das de'i slad du de bzhin gshegs pa'i snying po ni dri ma mtha' dag 'brel rung du 'brel pa gnyen po'i phyogs thams cad skye rung du rnam par dbye ba med pa rgyu mtshan des na yon tan 'bral mi shes pa/ 'dus ma byas pa'i chos rnams kyi gnas dang/ gzhi dang/ rten lags la/ bcom ldan 'das de bzhin gshegs pa'i snying po ni rang bzhin la ma zhugs pas ma 'brel pa 'bral du rung bas rnam par dbye ba dang bcas pa'i chos bral ba shes pa zhes so/ /bzhi pa ni/ de yod na ni zhes te/ rigs yod na 'khor bar 'khor ba 'thad la/ de med na mi 'thad pa'i phyir ro/ /lnga pa ni/ mya ngan las 'das pa zhes te/ mdo de las/ bcom ldan 'das zhes so/ /rigs med na 'khor ba'i yid 'byung dang/ thar pa don gnyer gyi blo mi 'byung la/ de rnams 'byung ba rigs kyi byed las su sngar bshad pa ltar ro/ /sngar bshad pa de rnams kun gyi don bsdus na de bzhin nyid gcig pu yang 'chad byed kyi sgo nas gsum du 'gyur te/ rnam par dag pa'i dmigs pa rgyu'i gnas skabs kyi cha nas rigs dang/ khyab byed dang rang bzhin gyi cha nas de bzhin nyid dang/ 'bras bu'i cha nas chos kyi sku 'phro ba'o/ /gsum pa khams rtogs byed kyi yul can bshad pa la gnyis/ nyan thos dang rang sangs rgyas rnams kyis kyang khams dad pas rtogs par bya bar bstan pa dang/ gang @156b zag bzhi pos rtogs tshul de las gzhan du mi rtogs par bstan pa'o/ /dang po la gnyis/ snga 'brel dang/ rtsa ba'o/ /dang po la gsum/ sems can thams cad de bzhin gshegs pa'i snying po can du bstan pa dang/ lung dang sbyar bas dang/ don bshad pa'o/ /dang po ni; de bzhin gshegs pa'i snying po de'ang thams cad kyi tshe sems can thams cad la khyad par med pa'i tshul du yod pa zhes bya ba ni blta bar bya ste gang tshad mar byas nas zhe na/ 'di ni 'di kho na bzhin du yin gyi gzhan du ni ma yin no/ /zhes chos nyid tshad mar byas nas so/ /snying po ji lta bu zhe na/ sems can thams cad la khyab pas chos kyi sku ltar rgya che ba/ rdzogs sangs rgyas sku ni 'phro phyir dang/ zhes pas bstan pa dang/ de bzhin gshegs pa'i rang bzhin dang/ ngo bo'i sgo nas dbyer med pa'i mtshan nyid de bzhin nyid dbyar med phyir dang/ zhes pas bstan pa dang/ gdon mi za bar gnas pas nges pa'i rigs kyi rang bzhin rigs yod phyir na lus can kun/ zhes pas bstan pa'o/ /gnyis pa ni/ ji skad du/ rigs kyi bu 'di ni zhes te/ sems can gyi sems rang bzhin gyis stong pa de bzhin gshegs pas gsar du bsgrub pa dang/ de bzhin gshegs pa ma byon pas ldog pa ma yin gyi /dus rtag tu gnas pa'o/ /gsum pa ni/ chos nyid kyi rigs pa gang yin pa de ni 'dir rgyu mtshan gang gis sems can gyi sems rang bzhin gyis stong pa de de lta bu kho nar 'gyur gyi de las gzhan du ni mi 'gyur ro/ /zhes bya bar rtogs pa'i tshang ma ni sku ba byed kyi rigs pa dang/ sbyor ba dang/ thabs yin te de'i don bsdus pa ni thams cad du sems nges par rtogs pa gnas lugs gtan la 'bebs @157a @#/ /shing tshol ba'i rigs pa dang/ sems yang dag par shes pa de ltar gtan la phebs pa la ni chos nyid nyid bsten pa dang/ chos nyid rigs pa yin no de ni rtog ge la brten pa tsam gyis rtogs tshul rdzogs pa'i tshul du rang gi shes rab kyis bsam par mi bya/ gzhan gyi sgra la brten nas rnam par brtag par mi bya'o/ /lhag par mos par bya ba 'ba' zhig tu zad do/ /rtag tu mnyam par bzhag pa'i tshul gyis ni/ sangs rgyas nyag gcig gi spyod yul yin no/ /'dir kha cig na re/ chos nyid don dam pa'i bden pa ni de bzhin gshegs pa'i lung 'ba' zhig la brten nas rtogs par bya ba yin no/ /zhes zer ba ni sangs rgyas kyi bstan pa'i rnam gzhag legs par khong du ma chud cing/ gzhal bya'i gnas lkog gyur dang shin tu lkog gyur gyi rtogs tshul gyi rim pa sogs rigs pa mi shes pa'i rnam gyur du zad do/ /gnyis pa ni/ srid pa tha ma pa'i tshe slob dpon gzhan la ma brten par rang nyid mngon par rdzogs par sangs rgyas pa rang 'byung sangs rgyas rnams kyi don dam pa rang bzhin gyis stong pa de nyan thos dang rang sangs rgyas dang so so skye bo kha cig dang/ theg pa la gsar du zhugs pa'i gang zag kha cig gis dad pa nyid kyis rtogs par bya ba yin gyi /chos kyi rjes su 'brang ba'i sgo nas rtogs par bya ba ma yin no/ / gnyis pa la gnyis/ rtsa ba dang/ 'grel pa'o/ /dang po ni/ nyi ma'i dkyil 'khor 'od 'bar ba yin yang mig med pas ni mthong ba med pa ltar/ gang zag bzhi pos mig phye ba tsam gyis gzugs mthong ba ltar/ rang dbang du rtogs par byar med pa'i don yin gyi/ @157b kha cig gis/ tshigs su bcad pa phyer snga ma theg pa chen po'i rigs can rnams kyis kyang don dam pa'i bden pa lung tsam gyi rjes su 'brangs nas rtogs par bya ba dang/ phyed phyi mas gang zag bzhi pos gtan nas mi rtogs pa'i don du 'chad pa ni mi 'thad pa 'og tu bshad par bya'o/ /gnyis pa la gnyis/ mdor bstan pa dang/ rgyas par bshad pa'o/ /dang po la gnyis/ tshig don dang/ lung dang sbyar ba'o/ /dang po ni/ mdor bsdu na zhes so/ /gnyis pa ni/ ji skad du/ dpal 'phreng gi mdo las/ bcom ldan 'das zhes so/ /de dag gi don ni so so skye bo ni bdag dang bdag gir mngon par zhen pa stong pa nyid kyi don phra mo khong du ma chud par ma zad/ rigs can gsum gyi lam la yang dngos su ma zhugs pa rnams so/ /de bzhin du nyan thos dang/ rang sangs rgyas kyang mi rtag sogs bcu drug rags pa tsam zhig khong du chud kyi/ phra ba'i bdag med ma rtogs pa rnams dang/ theg pa la gsar du zhugs pa'i byang chub sems dpa' yang stong pa nyid phra mo'i don khong du ma chud par ches shin tu gsal te 'og tu 'chad par 'gyur ro/ /de lta bu'i nyan thos dang rang sangs rgyas kyi rigs can ni so so skye bo yin la/ so so skye bos de bzhin gshegs pa'i snying po ma mthong bar bstan zin pa'i phyir nyan rang 'phags pas kyang chos nyid mngon sum du ma rtogs par bstan pa yin no/ / zhe na/ 'o na theg pa la gsar du zhugs pa'i byang chub sems dpas kyang ma rtogs par logs su smos pa don med par thal/ de yang so so skye bo yin pa'i phyir/ de bzhin gshegs pa'i snying po spros bral de bzhin nyid gang zag bzhi po 'dis ma rtogs par spyir ston @158a @#/ /cing so so skye bo mtha' dag gis ma rtogs par ston pa yin na mi 'thad de/ so so skye bo kha cig gis stong pa nyid kyi don legs par rtogs pa'i phyir/ mngon sum du ma rtogs pa bstan bzhed nas 'di ltar smos pa yin na ni/ theg pa la gsar du zhugs pa zhes pa'i khyad par don med de/ theg pa chen po'i lam du zhug nas bskal pa chen po du mar goms par byas pa'i sbyor lam bzod pa dang chos mchog la gnas pa'i byang chub sems dpa' so so skye bos kyang/ stong pa nyid mngon sum du ma rtogs pa'i phyir/ des na de bzhin gshegs pa'i snying po dri ma dang bcas pa'i de nyid ma rtogs pa'i gang zag du yod ce na/ rigs can gsum gyi gang zag khyad par ba gsum dang/ de las gzhan pa'i so so skye bo kha cig go /zhes pa'i don du shes par bya'o/ /nyan rang 'phags pa rnams chos nyid cung zad kyang ma rtogs par ston na/ dad pas rtogs par bshad pa dang 'gal lo/ /gnyis pa la gsum/ 'jig tshogs la lta bar lhung bas ma rtogs par bstan pa dang/ phyin ci log la mngon par dga' bas ma rtogs par bstan pa dang/ stong pa nyid la sems g.yengs pas ma rtogs par bstan pa'o/ /dang po ni/ de la 'jig tshogs la zhes te/ gtan du zhes pa ni/ bdag med pa khong du ma chud pa'i don yin no/ /bdag med khong du ma chud cing bdag dang bdag gi ba la bden par mngon par zhen pas 'jig tshogs la lta ba rang bzhin gyis 'gags pa zag pa med pa'i dbyings don dam pa'i bden pa la lhag par mi nus pa dag ste/ zhes so/ /de bzhin gshegs pa'i snying po la rtag tu mnyam par bzhag pa @158b ni thams cad mkhyen pa ( las ldog nas mi rtag par bsgom )? pa 'ba' zhig gi khyad chos so/ /gnyis pa la gsum/ phyin ci log tu zhugs pa'i don bshad pa dang/ des na de bzhin nyid rtogs pa las phyi rol tu gyur pa dang/ don de nyid bsgrub pa'o/ /dang po ni/ de la phyin ci log la mngon par dga' ba ni stong pa nyid kyi don la re zhig mi mos shing khong du ma chud pa nyan thos dang rang sangs rgyas kyi rigs can dag la brjod de/ ci'i phyir ce na 'di ltar zhes te/ de bzhin gshegs pa'i snying po spros bral de bzhin nyid khyad par gyi gzhir khong du chud nas de rtag par bsgom pa dang/ bden pa dang/ bdag dang/ gtsang bar bsgom pa las ldog nas sdug bsngal dang/ bdag med pa dang/ mi gtsang bar sgom pa'i don ma yin gyi /de bzhin gshegs pa'i snying po ni phung po la sogs pa'i dngos po rnams kyi yang gnas lugs mthar thug pa'i don yin la/ zag bcas kyi phung po la sogs pa'i dngos po'i gnas lugs mthar thug pa mi rtag pa dang/ sdug bsngal ba dang/ rags pa'i bdag med pa dang/ mi gtsang bar bsgom pa la dga' bar byed kyi/ rtag pa dang/ bde ba dang/ gtsang bar 'du mi shes shing bsgom par mi byed la/ de la ma mos pas 'khor 'das mnyam nyid du rtogs pa mthar thug nas slar nyams pa med pa'i rtag pa'i pha rol tu phyin pa dang/ yid kyi rang bzhin gyi lus dang/ de'i rgyu zag pa med pa'i las kyang spangs pa'i bde ba'i pha rol tu phyin pa dang/ bdag tu 'dzin pa dang/ bdag med bden par 'dzin pa'i spros pa mtha' dag nye bar zhi ba'i bdag gi pha rol tu phyin pa dang/ ma rig pa'i bag chags kyis sa zad par spangs pa'i gtsang ba'i pha rol tu phyin pa don du mi gnyer zhing @159a @#/ /de dag thob pa'i thabs bsgom pa la mngon par mi dga' ba'o/ /kha cig tshig don gyi bshad pa zhib tu byas pa yang mi 'dod pa'i sgra ji bzhin pa la 'chel pa ltar na/ de bzhin gshegs pa'i snying po mi rtag pa dang/ sdug bsngal ba dang/ mi gtsang bar sgom pa'i nyan thos dang rang sangs rgyas su zhig yin pa bsam par bya ba yin no/ /gnyis pa ni/ de ltar rnam grangs 'dis ni chos kyi sku thob pa dang 'gal ba'i lam mi rtag pa bden par grub par 'dzin pa sogs so/ /gsum pa la gnyis/ mtshams sbyar ba dang/ lung drang ba'o/ /dang po ni/ ji ltar de phyin ci log la zhes so/ gnyis pa la gnyis/ dpe dang/ don to/ /dang po ni/ 'di lta ste/ dge slong dag dper na so ka'i dus la bab pa na zhes so/ /rgyan bzhag nas nor bu 'tshal ba la zhugs pa ni/ 'jig rten gyi 'du 'dzi las log nas/ gnas lugs kyi don 'tshol ba la zhugs pa'i dpe'o/ /chu nang gi gseg ma dang gyo mo la nor bu'o snyam du 'dzin pa ni mi rtag pa dang/ rags pa'i gang zag gi bdag bkab pa chos thams cad kyi gnas lugs su go ba'i dpe dang/ yid gzhungs pa/ gnas lugs kyi don mthar thug par 'dzin pa'i dpe yin la/ chu 'gram du bltas pa na nor bu ma yin no snyam pa ni phyis stong pa nyid kyi don khong du chud pa na sngar gyi de phyin ci log tu go ba'i dpe'o/ /rdzing bu'i chu de yang nor bu'i 'od dang 'dra? bar snang ba ni/ rags pa'i gang zag gi bdag bkag pa chos thams cad kyi gnas lugs su go ba'i dpe dang/ yid gzhungs pas nor bu rnyed pa ni/ stong pa nyid kyi don khong du chud pa'i gang zag @159b gi dper shes par bya'o/ /gnyis pa ni/ dge slong dag de bzhin du zhes te/ gzhan rnams go bar zad la mi rtag pa sogs bsgoms shing bsgoms la mang du byas shing/ mang du byas pa de dang de nyid la rtag pa dang/ bde ba dang/ gtsang ba dang/ bdag nyid yod pa yin no/ zhes rgyas par zhes gsungs te/ 'dis ni mi rtag pa sogs bcu drug rtogs pa'i lam nyan thos kyi byang chub dang rang sangs rgyas kyi byang chub thob par byed pa'i rgyud smin byed kyi lam du rnal 'byor spyod pa bzhi brgya pa dang/ rigs pa drug cu pa'i 'grel pa rnams su gsungs pa de dang don 'dra la/ 'dir ni mthar thug theg pa gcig tu sgrub pa'i ched du pha rol tu phyin pa bzhi thob pa'i rgyud smin byed kyi lam du gsal bar bstan pa yin no/ /gsum pa la gnyis/ spyir bstan pa dang/ so sor bshad pa'o/ /dang po ni; de la stong pa nyid la sems rnam par g.yengs pa ni zhes te/ de bzhin gshegs pa'i snying po rang bzhin gyis stong pa nyid khong du chud pa las nyams pa dag la brjod do/ /gnyis pa ni/ byang chub kyi mchog tu sems bskyed pa yin yang stong pa nyid kyi don khong du ma chud nas nyan thos mdo sde pa kha cig gi 'dod pa ltar theg pa chen po ba gang dag 'dod chags la sogs pa'i nyon mongs pa bden par yod pa'i chos nyid gnyen po sgom pa'i stobs kyis dus rgyun chad cing zhig pa yongs su mya ngan las 'das pa'o/ /zhes dngos po bden grub sngar yed gsar du zhig pa'i phyir gang zag gi bdag rags pas stong pa'i stong pa nyid kyi don khong du chud pa'i rnam par thar pa'i sgo 'dod pa'am zhes te/ 'dis ni mdzod rtsa 'grel dang/ tshad ma sde bdun nas bshad pa'i nyan @160a @#/ /thos mdo sde pa'i lta ba de tsam las khong du ma chud pa'i byang chub sems dpa' kha cig bstan pa yin no/ /yang byang chub sems dpa' sems dpa' chen po rnal 'byor spyod pa ba sems tsam pa gang dag gnas lugs kyi don gang zhig mthar thug spyod pa'i rigs shes kyis rtogs par bya ba dang/ bsgom par bya ba stong pa nyid ces bya ba phyi rol gyi don gyis bsdus pa'i gzugs la sogs pa las tha dad pa ste de bkag pa'i gzung 'dzin rdzas tha dad kyis stong pa'i dngos po ste ngo bo bden par yod pa yin no/ /zhes stong pa nyid bden par grub pa nyid du dmigs pas stong pa nyid la brten pa'o/ /'dis ni theg pa chen po rgyud bla ma'i bstan bcas kyi don rnam par rig pa tsam las ma 'das pa legs par bkag par shes bya'o/ /kha cig /snga ma chad lta khas lan pa dang/ phyi ma rtag lta khas lan pa la 'dod pa ni/ snga phyi gnyi ga rtag chad gnyis ka'i mthar lhung bar shes par bya'o/ /bzhi pa khams kyi rang bzhin ngos bzung ba lag la gnyis/ dri ba dang/ lan no/ /dang po ni/ de la stong pa nyid kyi tshul du brjed pa nyid la sems g.yengs pa'i yul ma yin pa de bzhin gshegs pa'i snying po gang zhe na/ gnyis pa la gnyis/ rtsa ba dang/ stong pa nyid ngos bzung nas sems rnam par g.yengs pa'i yul ma yin par bshad pa'o/ /dang po la gnyis/ don dngos dang/ sgrub byad dgod pa'o/ / dang po la gsum/ gzhi dngos po'i gnas lugs dang/ de rtogs pa'i lta ba dang/ lta ba goms pa'i 'bras bu'o/ /dang po ni/ khams rang bzhin gyis rnam par dag pa 'di la sngar yod gsar du bsal bar bya ba gang zag dang chos kyi bdag tu 'dzin pa'i zhen yul @160b dang nyon mongs rang bzhin gyis grub pa ci yang med de/ bdag 'dzin gnyis kyi zhen yul dang nyon mongs rang bzhin gyis grub pa dang po nas yod ma myong ba'i phyir ro/ /'dis ni chos gang la bden par zhen yang gnas lugs kyi don las gol ba'i sgro 'dogs dang de'i zhen yul dang po nas ma grub par bstan to/ /nyon mongs rang bzhin gyis grub par 'dzin pa yang chos kyi bdag 'dzin yin mod kyi/ de nyid zur du bshad pa ni dgos pa dang bcas pa'o/ /khams 'di la sngar med gsar du bdag med pa gnyis bzhag par bya ba cung zad kyang med de/ gang zag dang chos kyi bdag gis dben pa 'di'i rang bzhin yin pa'i phyir/ 'dis ni bdag med pa gnyis med do zhes pa gnas lugs kyi don la log par zhugs pa'i skur 'debs dang/ de'i zhen yul bkag pa gsar du bzhag par bya ba ma yin par bstan to/ /dri ma bsal du med pa dang/ gnyen po skye du med pa dgag bya la khyad par ma sbyar bar spyir 'chad pa ni spang gnyen la bskur ba 'debs pa'o/ /yang rkang pa gnyis pa dang pos bshad pa de nyid grub pa'i don du skyar te/ nyon mongs bden grub sngar yod gsar du med par grub pa na nyon mongs bden stong sngar med gsar du bzhag tu med par 'grub pa'o/ /de ni rang ldog dngos bstan gyi dbang du byas pa'i bshad pa yin gyi /mtshan gzhi dang bcas pa'i dbang du byas na gang zag dang phung po 'di la/ bden grub sngar yod gsar du bsal bar bya ba ci yang med pas bden stong don dam pa'i bden pa grub pa na bden stong rdzun pa sgyu ma lta bu sngar med gsar du bzhag par bya ba cung zad kyang med par grub pas rang bzhin gyis grub pas @161a @#/ /stong pa'i don la bya byed thams cad 'thad pa'i kun rdzob kyi bden pa grub pa yin no/ /don bsdus na bden 'dzin gyi dmigs gtad bya sa cung zad kyang med pa'i bden stong don dam pa'i bden pa dang/ bya byed kyi rnam gzhag thams cad rang lugs la khas blangs pas chog pa'i bden gnyis zung du 'jug pa bstan pa yin no/ /gnyis pa ni/ yang dag pa gang zag dang phung po rang bzhin gyis grub pas stong pa nyid la de ltar yang dag par lta ba'i rang bzhin med rtogs kyi shes rab ni/ gnas lugs kyi don khong du chud pa'i lta ba yin no/ /gsum pa ni/ spyod phyogs thabs kyi cha rgya chen pos zin par byas te/ yang dag pa'i don mngon sum du mthong nas yang dang yang du goms par byas na rnam par grol ba yang dag par rdzogs pa'i sangs rgyas kyi go 'phang thob par 'gyur ro/ /gnyis pa ni/ khams 'di la nyon mongs rang bzhin gyis grub pa sngar yod bsal bar bya ba ci yang med de/ gnyen po goms pa las 'bral du rung zhing rnam par dbyer yod pa dang bcas pa'i mtshan nyid can glo bur gyi dri ma rang bzhin gyis grub pa dag gis khams stong gi ste dang po nas stong pa'i phyir/ 'dis gnyen po goms pas nyon mongs 'bral du rung ba dang/ nyon mongs rang bzhin gyis grub pa dang po nas yod ma myong ba'i bden pa gnyi ga'i gnas lugs bstan to/ /nyon mongs rang bzhin gyis grub pas stong pa sngar med gsar du bzhag par bya ba ci yang med de/ rnam par dbyer med pa'i mtshan nyid can bla na med pa'i sangs rgyas kyi chos stobs sogs kyi yon tan skye rung gi dmigs pa nyon mongs rang bzhin grub pas stong pa nyid kyis stong pa min @161b par dang po nas yod pa'i phyir 'dis sangs rgyas kyi chos stobs sogs skye ba'i rgyu bdag med mngon sum du rtogs pa'i shes rab kyi dmigs pa don dam pa'i bden pa dang po nas yod par bstan to/ /de dag gis ni gzhi kun rdzob dang don dam pa'i bden pa gnyis dang/ lam bdag med mngon sum du rtogs pa'i shes rab dang/ 'bras bu yang dag par rdzogs pa'i sangs rgyas thob nus pa sogs bstan pa yin gyi /bum pa bum pas stong pa la sogs pa'i kun rdzob rang stang dang/ don dam pa'i bden pa bden par grub pa'i don dam gzhan stong bstan par 'dod pa ni/ bzhed pa las phyi rol tu gyur pa sgro 'dogs dang skur 'debs kyi mthar thug par shes par bya'o/ /gnyis pa la gsum/ gnas lugs kyi don bshad pa dang/ de stong pa nyid la sems g.yengs pa dang phyin ci log la mngon par dga' ba'i yul ma yin par bstan pa dang/ sa bcu la zhugs pa'i byang chub sems dpa' rnams kyi spyod yul du bstan pa'o/ /dang po la gsum/ dngos kyi don dang/ lung dang sbyar ba dang/ don bsdu ba'o; ;dang po ni/ 'dis ci bstan ce na/ gang gi phyir rang bzhin gyis yongs su dag pa de bzhin gshegs pa'i khams 'di la sngar yod gsar du bsal bar bya ba kun nas nyon mongs pa gang zag dang chos kyi bdag tu 'dzin pa'i rgyu mtshan te dmigs pa bdag gnyis 'ga' yang med de/ glo bur ba'i dri ma rang bzhin gyis grub pa dang bral ba ni khams 'di'i rang bzhin yin pa'i phyir ro/ /'dis rang bzhin gyis grub pas stong pa dang/ rang gi mtshan nyid kyis grub pa stong pa dang/ rang gi ngo bo nyid kyis grub pas stong pa don dam pa'i @162a @#/ /bden par bstan pa na/ bden pa gnyis kyi rnam gzhag mgon po klu sgrub kyi bzhed pa dang don gcig tu bstan par shes par bya'o/ /khams 'di la rnam par byang ba'i rgyu mtshan bdag med mngon sum du rtogs pa'i shes rab kyi dmigs pa bdag med gnyis sngar med gsar du bzhag par bya ba cung zad kyang yod pa ma yin te/ gnyen po sogs su gang gis kyang rnam par dbye ba med pa'i chos dag pa'i chos nyid rang bzhin gyis stong pa nyid ni khams 'di'i rang bzhin yin pa'i phyir ro/ / gnyis pa la gnyis/ shes byed kyi don lung dang sbyar ba dang/ lam bden gyi rtogs tshul lung dang sbyar ba'o/ /dang po ni des na mdo las/ de bzhin gshegs pa'i snying po ni gnyen po'i stobs kyis nyon mongs pa rnams sems kyi rang bzhin las rnam par dbye ba yod pa 'bral bar nges pas 'bral shes pa nyon mongs pa'i sbubs thams cad kyis ni rang bzhin gyis grub pas stong pa yin la rnam par dbye ba med pa dang bral ba mi shes pa bsam gyis mi khyab pa'i sangs rgyas kyi chos gang-gA'i klung gi bye ma las 'das pa'i rang bzhin gyis ni mi stong ngo/ /zhes gsungs so/ /gnyis pa ni/ de ltar na rang bzhin gyis grub pa'i chos gang zhig gzhi gang na med pa de ni des stong ngo zhes bdag med mngon sum du rtogs pa'i shes rab kyis yang dag par rjes su mthong la/ gang zhig de la lhag mar gyur pa rang bzhin gyis stong pa de ni de la rtag par yod do zhes/ rjes kyi skabs su yang dag pa ji lta ba bzhin du shes so/ /zhes so/ /gsum pa ni/ tshigs su bcad pa zhes te/ bden par sgro @162b 'dogs pa dang kun rdzob la skur ba 'debs pa'i skur 'debs gnyis ka dang bral ba'i stong pa nyid bstan to/ /gnyis pa la gnyis/ stong pa nyid la sems g.yengs pa sogs kyi yul ma yin pa dang/ de dag gi 'thad pa'o/ /dang po la gnyis/ dngos kyi don dang; lung dang sbyar ba'o/ /dang po ni/ de la gang dag stong pa nyid kyi tshul 'di las sgro skur gyi mthar lhung bas sems phyin ci log tu rnam par g.yengs shing/ de nyid bshad pa ni rnam par 'phro la zhes so/ /don dam pa stong pa nyid kyi ye shes med par dbyings rtogs mi nus par bstan pas kyang khams rang bzhin gyis rnam par dag pa don dam bden par bstan pa yin no/ /gnyis pa ni/ 'di la dgongs nas gsungs pa ni zhes te/ 'dis de bzhin gshegs pa'i snying po'i ye shes de bzhin gshegs pa'i ye shes su bstan pa ni/ rtag tu mnyam par bzhag pa la dgongs so/ /nyan rang gi spyod yul ma yin pa ni/ sngar bshad pa ltar dang/ rang stobs kyis rtogs mi nus pa'o/ /gnyis pa la gsum gyi dang po/ de bzhin gshegs pa'i snying po chos kyi sku'i snying por bstan pas 'jig tshogs la lta bar lhung ba'i yul ma yin par bstan pa ni/ de bzhin gshegs pa'i zhes te/ chos kyi dbyings rtogs pa'i ye shes ni mthar 'dzin gyi lta ba'i gnyen po yin pa'i phyir ro/ /gnyis pa 'jig rten las 'das pa'i snying por bstan pas phyin ci log la dga' ba'i yul ma yin par bstan pa ni/ ji ltar chos kyi sku zhes te de ni mi rtag par bden par zhen pa la sogs pa 'jig rten pa'i chos kyi gnyen por bstan pa'i phyir ro/ /gsum @163a @#/ /pa yongs su dag pa'i chos kyi snying por bstan pas stong pa nyid la sems g.yengs pa'i yul ma yin par bstan pa ni/ ji ltar yongs su dag pa'i zhes te/ khams rang bzhin rnam dag ni/ sgro skur gyi mtha' dang bral ba'i stong pa nyid yin pa'i phyir dang/ yon tan gyi chos rnam par dbye ba med pa ni skur 'debs kyi dmigs pas stong pa'i/ /glo bur gyi dri mas stong pa ni sgro 'dogs kyi dmigs pas stong ba'o/ /gnyis pa la gnyis/ dngos kyi don dang/ lung dang sbyar ba'o/ / dang po ni de la tshul gcig gis chos kyi dbyings dang tha mi dad pa'i ye shes kyi sgo ni chos kyi dbyings yin la/ de mngon sum du rtogs pa mthar thug pa na theg pa gsum gyi tshul lugs mi 'dra ba gsum so so tha dad par mthar thug pa med pa'o/ / 'jig rten las 'das pa'i chos kyi sku rang bzhin gyis yongs su dag pa don dam pa'i bden pa ni theg pa chen po rgyud bla ma'i bstan bcos kyi ched du bya ba'i gdul bya des tshogs sbyor gyi skabs su don spyi'i tshul gyis rtogs nas/ de la mngon sum du/ lta ba gang yin pa 'di ni 'dir gang gis sa bcu la gnas pa'i byang chub sems dpas de bzhin gshegs pa'i snying po rtag tu mnyam par bzhag pa'i tshul gyis mthong ba ma yin par mnyam rjes res 'jog byed pa'i mnyam gzhag tu dus cung zad mthong ngo zhes gsungs pa yang dag pa ji lta ba bzhin gyi ye shes kyis mthong bar 'dod do/ /gnyis pa ni/ de skad du ni/ sbrin gyi mthong phyed pa'i nam mkha' la nyi ma bzhin 'dir khyod don dam pa'i bden pa mnyam gzhag tsam du mthong bas phyogs @163b gcig pa'i blo gros can yin gyi blo gros kyi mig rnam par dag pa dang ldan pa'i sa chen po la bzhugs pa'i byang chub sems dpa' 'phags pa rnams kyis kyang dus thams cad du mthong ba ma lags la/ bcom ldan 'das khyod chos sku gang dag la blo gros mtha' yas par 'jug pa shes bya mtha' med nam mkha' mthar thug pa'i bar gyi dbyings de bzhin nyid la rtag tu mnyam par bzhag pa'i tshul gyis khyab pa de dag gis dus kun tu mthong ngo/ /zhes gsungs so/ /byang chub sems dpa' 'phags pa rnams kyis mnyam rjes res 'jig tu mthong bas dus cung zad mthong ba'i don yin gyi /chos nyid mngon sum du rtogs tshul mthong rgya che chung la 'dod pa ni/ rnam gzhag ma chags pa'i gtam du shes pa bya'o/ /gsum pa sems can la khams yod par bshad pa dgos pa bstan pa la rtsod pa'i skabs nye bar dgod pa dang/ dgos pa med pa'i rtsod spang dang bcas par bsdus nas dang po ni/ de la tshul gcig pa'i chos kyi dbyings dang zhes sogs shes byed kyi tshigs bcad dang bcas pa ltar bshad na yang shin tu rung mod kyi; sngar ltar bshad pa la yang 'gal ba med par sems so/ /'di la gsum/ rtsod pa dang bsdus don gyis mtshams sbyar ba dang/ rtsod lan mdor bstan pa dang/ rgyas par bshad pa'o/ /dang po la gnyis/ rtsod pa dang/ bsdus don no/ /dang po ni/ smras pa/ gal te de ltar chags pa med pa'i mthar phyin pa'i dag pa sa la gnas pa byang chub sems dpa' 'phags pa'i mchog rnams kyi yang dus thams cad du yul ma yin na/ khams 'di lta bar dka' zhing rtogs par dka' bar 'gyur la/ @164a @#/ /shin tu rtogs par dka' ba des na byis pa so so skye bo las brtsams te bstan pa 'dis ci zhig bya ste/ bstan kyang rtogs mi nus pa'i phyir dgos pa med do/ /zhe na/ rtsa ba'i dngos bstan la dgos pa med pa'i rtsod pa dang/ 'gal ba'i rtsod pa gnyi ga byung yang/ 'gal bar rtsod pa chos shin tu gsal zhing/ dgos pa med pa'i rtsod pa spong ba'i lan gsal bar byung yang/ rtsod pa cung zad mi gsal bar 'grel par kha bskangs nas gsungs pa yin no/ /gnyis pa ni/ khams bstan pa'i dgos pa bsngas pa'i zhes so/ /gnyis pa la gnyis/ spyi don dang/ yan lag gi don do/ /dang po la gsum/ mi 'thad pa'i phyogs sun dbyung ba dang/ 'thad pa'i phyogs legs par bzhag pa dang/ de la rtsod pa spangs pa'o/ / dang po la gsum/ khams rtag dngos gsungs pa'i dgos pa ston pa'i gzhung du 'chad pa rnar mi 'ong ba'i chog yin pa dang/ de bzhin gshegs pa'i snying po'i mdo drang don du gsungs pa'i rgyu mtshan ston par 'chad pa 'brel pa med pa dang/ 'khor lo bar pa drang don du sgrub pa'i rnam rig pa'i lugs su 'chad pa dgongs pa ma yin pa'o/ /dang po ni/ kha cig na re/ 'khor lo bar par chos thams cad sprin dang rmi lam dang sgyu ma bzhin du gsungs nas 'khor la tha ma 'dir bde bar gshegs pa'i snying po rtag dngos yod do/ /zhes gsungs pa snga ma dang 'gal zhing/ de ltar gsungs pa la dgos pa yang med do/ /zhes pa rtsod pa'i don du byas nas/ lan ni/ sher phyin gyi mdor gsungs pas ni kun rdzob kyi chos thams cad rang gi ngo bos stong pa dang/ @164b bem stong dang/ chad stong dang/ nyi tshe'i stong pa yin la/ rang steng gi don yang bum pa bum pas stong pa'o/ /'khor lo tha mar gsungs pa ni/ stobs sogs kyi yon tan thams cad kyis brgyan pa'i bde bar gshegs pa'i snying po rtag dngos sems can thams cad kyi rgyud la yod pa de yin la/ de ni gzhan stong zab mo don dam pa'i bden pa kun rdzob kyi chos thams cad kyis stong pa de nyid sems can thams cad la yod par gsungs pa'i dgos pa ston pa dang/ yang dag mtha' ni 'dus byas kyis; zhes pas 'gal ba'i rtsod pa spangs pa yin la/ de yang don dam bden pa de kun rdzob pa'i chos thams cad kyis stong pa bstan pa yin no/ /zhes zer to/ /de ni shin tu 'brel pa med pa yin te/ rtag dngos rang rgyud la yod par go bas/ sangs rgyas thob 'dod skye ba sogs la cung zad kyang mi phan pa'i phyir dang/ khyed ltar na don dam pa'i sems can de ni rtag dngos yin pas sangs rgyas thob 'dod skye ba mi srid pa'i phyir dang/ thog ma med pas nas sangs rgyas zin pas slar yang sangs rgyas bsgrub mi dgos pa'i phyir ro/ / kun rdzob pa'i sems can de ni kho rang kho rang gis stong pas mo gsham gyi bu bzhin du shes bya la mi srid par 'gyur ba'i phyir/ sems can su zhig sems zhum pa de snying po rtag dngos yod par bstan pas sems gzengs bstod par byed/ rtag chad kyi lta ba'i mthar ltung ba 'di las pha rol tu chos 'di las phyi rol tu gyur pa su la yang med do/ /gzhan yang khyed nyon cig /yang dag pa'i mtha' las dang nyon mongs pa dang rnam smin gyi phung pos bsdus pa'i sdug kun gyis stong par bstan gyi /kun rdzob pa'i lam @165a @#/ /bden gyis stong par bstan 'dug mi 'dug /da du ra zos pa min na mig phyis la legs par ltos shig /lugs 'di rgyas par dgag par bya ba yin na yang/ log rtog shin tu rags pa'i gnas su snang bas de tsam gyis kyang phyin ci log tu rtogs par 'gyur pas ma spros so/ /gnyis 0a ni/ kha cig /rang stong gi don snga mthun par 'chad pa ni/ chos gang la yang 'di yin 'di min gyi ngos bzung byas cung zad kyang med pas 'di ni phyin ci log yin la 'di ni phyin ci ma log pa'o zhes rnam par dbye ba cung zad kyang mi nus pas blang dor gyi gnas gtan la 'bebs pa la dang bas ci zhig bya/ rten 'brel gyi chos thams cad rang lugs la tshad mas grub pas rnam gzhag cung zad byang bya sa med par 'khrul pa'i ngo 'ba' zhig la ltos nas 'gog pa ni shin tu 'gal te/ kun rdzob pa'i chos rnams gang gi ngor bzhag pa'i bltos sa 'khrul pa nyid kyang rang lugs la tshad mas ma grub pa'i phyir/ don dam pa'i bden pa yod min med min du 'dod pa yang don dam la skur ba 'debs pa yin pas/ de bzhin gshegs pa'i snying po'i mdo drang ba'i don yin la/ mdo gzhan nges pa'i don te/ /zhes pa'i khyad par cung zad kyang dbye mi nus pa'i phyir ro/ /de bzhin gshegs pa'i snying po'i mdo'i don lugs snga mas 'dod pa ltar khas blangs nas de sgra ji bzhin pa ma yin pa'i drang don du 'chad pa ni de bzhin gshegs pa'i snying po'i mdos ji ltar bstan pa dang/ bstan bcos 'dir rje btsun gyis ji ltar ba kral ba'i tshul legs par ma rtogs pa'o/ /'o na de bzhin gshegs pa'i snying po'i mdo las/ mi dbul po @165b khyim gyi bdag po de ni dbul pa'i sems kyis rjes su sems shing de nyid kyi steng na rnam par rgyu yang/ sa'i 'og na gter chen po yod pa de ma thos mi shes ma mthong ngo/ /rigs kyi bu dag de bzhin du sems can thams cad kyi mngon par zhen pa'i yid la byed pa khyim pa lta bur gyur pa'i 'og na/ de bzhin gshegs pa'i snying po stobs dang/ mi 'jigs pa dang/ ma 'dres pa dang/ sangs rgyas kyi chos thams cad kyi mdzod kyi gter chen po yod kyang sems can de dag gzugs dang/ sgra dang dri dang ro dang reg pa la chags pas sdug bsngal bas 'khor ba na 'khor te/ chos kyi gter chen po de ma thos pas thob par ma gyur cing yongs su sbyang ba'i phyir brtson par yang mi byed do/ /zhes gsungs pa ji ltar yin zhe na/ mdo de'i don ni/ dag pa gnyis ldan gyi sangs rgyas sems can gyi rgyud la yod par bstan pa ma yin gyi /sgras zin nyid la de bzhin gshegs pa'i snying po stobs sogs kyi yon tan 'byung ba'i gter du gsungs kyi/ stobs sogs kyi yon tan nyid du ma gsungs pa'i phyir dang/ mdo de'i gong du sems can nyon mongs thams cad kyis nyon mongs pa can du gyur pa'i nang na/ de bzhin gshegs pa'i chos nyid mi g.yo zhing srid pa'i 'gro ba thams cad kyis ma gos pa dag mthong nas de bzhin gshegs pa de dag ni nga dang 'dra'o/ /zhes smra'o/ /zhes gsungs pas de bzhin gshegs pa'i chos nyid dang khyad par med par dri ma sems kyi rang bzhin la ma zhugs pa'i de bzhin nyid sems can la yod pa la dgongs nas nga dang 'dra bar gsungs so zhes bstan bcos 'dir ji ltar bkral ba ltar mdo @166a @#/ /de nyid du gsungs kyi/ med de las sems can la sangs rgyas yod par sgra ji bzhin par ma bsgrubs kyi/ de'i dgongs pa bshad nas gsal bar gsungs pa'i phyir ro/ /tshig don mdo nas gsungs pa ltar 'chad mi rigs na; mdo de nyid du sems can thams cad de bzhin gshegs pa'i snying por mthong ngo/ /zhes kyang gsungs pas/ sems can nyid de bzhin gshegs pa'i snying por khas blang bar gyis shig /mdo de nyid du sems can gyi rgyud la sangs rgyas yod par gsungs pa dag pa gnyis ldan gyi chos sku yod pa la go dogs nas/ chos nyid yod pa la gsal bar gsungs kyi/ dag pa gnyis ldan gyi chos sku sems can gyi rgyud la yod pa rang lugs ltar bcos nas ma gsungs pa'i phyir ro/ / des na rnam dpyod dang ldan pa rnams kyis zhib tu dpyad pa las shes par bya'o/ /bden 'dzin shes sgrib tu byed pa'i dbu ma pa kha cig gi bzhad pa ltar bshad na yang/ sprin la sogs pa bzhin du gsungs pa'i don sems kyi rang bzhin sdug kun tsam gyis stong par gsungs pa 'grig par dka'o/ /de bzhin gshegs pa'i snying po'i mdo drang don du bsgrub pa yang bstan bcos 'dis bkral ba dang mi 'grig pas nges pa'i don du khas blang bar bya'o/ /tshig don bshad pas sgra ji bzhin pa ma yin pa'i drang don du khas len dgos na/ shes rab kyi pha rol tu phyin pa'i mdo las/ gzugs med/ sgra med/ ces sogs gsungs pa yang sgra ji bzhin du bzung du mi rung bar dgongs pa can du khas len dgos par 'gyur te kun nas mtshungs pa'i phyir ro/ /gsum @166b pa ni/ rnal 'byor spyod pa ba rnams kyi bzhed pa rang lugs la khas blangs nas rtsod spangs 'chad pa yang bstan bcos 'di'i don ma yin te/ rnal 'byor spyod pa ba rnams kyis ni dgongs gzhi dang/ dgos pa dang/ sgras zin la gnod byed bstan pa'i sgo nas sher phyin gyi mdo dang don du bsgrubs shing/ mdo sde dgongs 'gral nges don du mdzad la/ bstan bcos 'dir ni sher phyin gyi mdo ngas pa'i don du mdzad pa'i phyir dang/ sher phyin gyi mdo las chos thams cad stong par gsungs pa'i don dri mas stong pa la byed na sdug kun gyis stong par bshad pa tsam gyis mi chog gi /gzung 'dzin rdzas tha dad du zhen pa'i chos kyi bdag 'dzin du 'jod? pa des/ stong par yang bstan dgos na de ltar yang ma bstan pa'i phyir ro/ /gnyis pa ni/ bka' bar pa sher phyin gyi mdor chos thams cad sprin dang rmi lam dang sgyu ma bzhin du glo bur par gsungs pa dang/ 'khor lo tha ma des bzhin gshegs pa'i snying po'i mdor sems kyi rang bzhin 'gyur med kyi rtag pa yin par gsungs pa 'gal lo/ /zhes 'gal bar rtsod pa dang/ khams shin tu rtogs par dka' bas byis pa so so'i skye bo la bstan pa la dgos pa med pa'i rtsod pa gnyis spong ba la/ dgos pa yod par ston pa ni/ nyes pa lnga spang ba'i ched du gsungs pa de yin la/ 'gal bar rtsod pa'i lan ni/ nyon mongs kyis bsdus pa'i bden 'dzin sems kyi rang bzhin la ma zhugs pa'i blo bur bar bsgrub pa nyid kyis chos thams cad bden stong spros bral du 'bad pa med par grub pa'i phyir 'khor lo bar ba sher phyin gyi mdo dang/ 'khor lo tha ma de bzhin gshegs pa'i snying @167a @#/ /po'i mdo gnyis nges pa'i don du khyad par med par bsgrub pa yin te tshig don gyi skabs su 'chad par gyur to/ /gsum pa ni/ bden 'dzin nyon sgrib tu 'dod na 'khor gsum du bden par rtog pa shes sgrib tu 'og nas bshad pa ji ltar yin zhe na/ de ni 'khor ba gsum du bden par zhen pa'i bag chags la shes sgrib tu byas pa yin gyi /bden 'dzin nyid la byed pa don min no/ /bden 'dzin du byas kyang 'gal ba med do/ re shig bdag med phra mo bstan du mi rung ba'i gdul bya la bltos pa'i spang gnyen gyi rnam gzhag ston par bshad pa la 'gal ba med do/ /gnyis pa yan lag gi don la gnyis/ rtsod pa dang/ lan no/ /dang po ni/ chos kyi 'khor lo bar pa shes rab kyi pha rol tu phyin pa'i mdo sde stong phrag brgya pa dang brgyad stong pa la sogs pa mdo de dang der shes bya thams cad sprin dang rmi lam dang sgyu ma bzhin du rnam pa kun tu rang bzhin gyis grub pas stong pa'o zhes glo bur ba ltar gsungs nas yang chos kyi 'khor lo tha ma de bzhin gshegs pa'i snying po'i na/ do dang dpal 'phreng gi mdo la sogs pa 'dir rgyal ba rnams sen thad la sems kyi rang bzhin la zhugs pa'i sangs rgyas kyi snying po yod ces ci ste gsung ste glo bur ba yin pa dang rang bzhin la zhugs pa'i gnyis 'gal ba'i phyir ces 'gal bar rtsod pa dang/ yang sems can thams cad la sangs rgyas kyi snying po yod ces ci ste gsung ste gsungs pa la dgos pa med de/ byis pa rnams la gsung dgos na de dag la bstan yang rtogs mi nus pa'i phyir ro/ /zhes 'gal bar rtsod pa dang/ dgos pa med pa'i rtsod pa gnyi ga zhugs shing lan gyi skabs su yang gnyi ga 'byung ngo/ /mtshams sbyar du tshigs su bcad pa gcig gis ni dris la/ gnyis pas ni lan bstan pa'o/ /zhes gsungs @167b pas tshigs bcad gnyis pas dgos pa yod pa'i lan gsungs kyang mi 'gal ba'i lan ma gsungs pas so/ /zhe na skyon med de/ khams rang bzhin gyis rnam par dag pa yod par gsungs pa'i dgos pa bshad pa nyid 'gal pa spong ba'i lan du yang 'gyur te/ 'og nas 'gal spong gi lan gsal bar gsungs pa tshigs bcad 'di'i don bsdus par gsungs pa'i phyir/ gnyis pa ni/ sangs rgyas kyi chos thams cad 'byung rung gi gzhi khams rang bzhin gyis rnam par dag pa sems can thams cad la yod par gsungs pa la dgos pa yod de/ byang chub kyi mchog tu sems bskyed pa'i gegs bdag la sangs rgyas kyi rigs med pas bla na med pa'i byang chub thob mi nus snyam du sems zhum pa'i nyes pa spangs nas byang chub kyi mchog tu sems bskyed pa'i ched dang; byang chub kyi mchog tu sems bskyed pa kha cig sems can thams cad la sangs rgyas kyi rigs yod par ma rtogs na byang chub sems dpa' spyod pa rjes su sgrub pa'i gegs bdag gis byang chub thob nus la sems can gzhan gyis mi nus so snyam du sems can dman pa la brnyas pa spangs nas sems can thams cad rdzogs pa'i byang chub la dgod 'dod kyi spyod pa rjes su sgrub pa'i ched dang/ gnas lugs kyi don rtogs pa'i gegs yang dag par grub pa min pa'i nyes pa yang dag par grub par 'dzin pa'i sgro 'dogs dang yang dag pa'i chos khams rang bzhin gyis rnam par dag pa sangs rgyas kyi chos thams cad 'byung rung yod pa la med do zhes skur pa 'debs pa'i skyon bsal nas bden gnyis phyin ci ma log par @168a @#/ /khong du chud pa'i ched dang/ byang chub kyi mchog tu sems bskyed pa'i rgyu bdag gzhan brje ba dang bdag gzhan mnyam nyid du rtogs pa'i gegs bdag gces 'dzin gyi bdag la chags pa lhag par yod pa'i skyon lnga sems can gang dag la yod pa de dag la nyes pa de spangs nas yon tan de dag bskyed pa'i don du gsungs so/ /nyes pa lnga po de spangs nas bdag gzhan brjes nas byang chub kyi mchog tu sems bskyed de/ spyod pa spyi dang khyad par du bar phyin tha ma gnyis la slob pa rnams ni khams yod par bstan nas rtogs pa'i dgos pa'o/ /'khor lo tha mar bstan pa'i khams rang bzhin rnam dag de nyid/ 'khor lo bar par bshad pa'i stong pa dang don gcig par rtogs nas snga phyi mi 'gal bar khong du chud par 'gyur ro gnyis pa la gnyis/ mtshams sbyar ba dang/ rtsa ba'o/ /dang po ni/ tshigs su bcad pa zhes so/ /gnyis pa la gnyis/ snga phyi mi 'gal ba'i don bshad pa dang/ khams yod par gsungs pa'i dgos pa bshad pa'o/ /dang po ni/ sher phyin gyi mdor chos thams cad rang bzhin gyis stong pa glo bur ba ltar gsungs pa dang/ 'khor lo tha ma 'dir sems kyi rang bzhin la zhugs pa'i rang bzhin yod par gsungs pa 'gal ba med de/ yang dag pa'i mtha' sems can gyi sems rang bzhin gyis rnam par dag pa ni 'dir gsungs pa'i de bzhin gshegs pa'i snying po yin la/ de nyid sdug kun gyis bsdus pa'i 'dus byas kyi rnam pa thams cad kyis dben pa ste sems kyi rang bzhin la ma zhugs pa'i glo bur ba yin pa sher phyin gyi mdo'i don @168b yin pa'i phyir/ don ni 'di ltar shes par bya ste/ chos thams cad rang bzhin gyis stong par ston pa'i skabs su sdug kun gyis stong pa tsam gsungs pa ni 'dir bshad pa'i nyon mongs kyi gtso bo chos bden par zhen pa'i bden 'dzin yin la/ de sems kyi rang bzhin la ma zhugs pa'i glo bur ba yin pa'i don ni/ des ji ltar gzung ba ltar sems kyi steng na ma grub pa yin la/ bden 'dzin gyis chos gang dang gang la bden par zhen pa'i zhen yul bkag pa las chos thams cad bden stong du grub pa'i thabs gzhan ci yang med pa'i phyir ro/ /nyon mongs gro bur bar grub pa na des bskyed pa'i las dang las kyi rnam par smin pa phung po yang glo bur bar grub pa yin no/ /sher phyin gyi mdor las dang nyon mongs pa dang des bskyed pa'i rnam smin glo bur bar gsungs pas chos thams cad bden pas stong ba mdo'i don du grub la sems can gyi rgyud kyi sems bden stong de nyid snying po'i mdor khams yod par gsungs pa'i don yin pas 'khor lo bar mtha'i ston tshul de gnyis mi 'gal ba tsam du ma zad don gcig tu legs par grub pa yin no/ /bden 'dzin shes sgrib tu mdzad pa'i dbu ma pa dag gi lugs ltar bshad na yang lan 'di cung zad mi 'grig pas mgon po klu sgrub kyi bzhed pa slob dpon zla ba grags pas bkral ba dang mthun par rtsa 'grel 'di dag gi don yang de bzhin du bshad par bya ba yin pa ni mtha' gzhan 'gog pa'i rigs pa du mas bsams kyang de nyid tshig don la legs par zhugs pas/ ! /rje rin po che thams cad mkhyen pa blo bzang grags pa'i dpal bzang po'i zhal snga nas rtsa 'grel gyi dgongs pa legs par bshad pa 'di @169a @#/ /nyid rtsa 'grel gyi dgongs pa yongs su rdzogs shing chos phul du byung ba yin par shes par bya'o/ /nyon mongs pa sems la glo bur du byung bas sprin dang 'dra ba dang/ las dang rnam smin gyi don rmi las dang sgyu ma la sogs pa bzhin du brjod do/ /nyon mongs sprin dang 'dra ste sems la glo bur du 'byung ba'i phyir/ nyon mongs pas kun nas bslangs zhing mngon par 'du bya ba'i las ni phyin ci log gis bskyed cing ji ltar longs spyad bltar ma grub pas rmi lam gyi longs spyod bzhin no/ /nyon mongs dang des kun nas bslang ba'i las kyi rnam par smin pa zag bcas kyi phung po ni bden par snang yang bden par ma grub pas sgyu ma dang sprul pa bzhin du shes pa bya'o/ /sngar bshad pa las gzhan du na chos thams cad stong par ston pa'i shes byed du/ sdug kun gyis stong pa tsam bstan pa 'brel pa med la/ kha cig /don dam bden pa kun rdzob pa'i chos thams cad kyis stong par 'dod pa ni/ rtog pa shin tu rtsing bar gsal te/ kun rdzob pa'i lam bdan gyis stong pa dngos shugs gang la yang bstan pa med pa'i phyir ro/ /gnyis pa la gnyis/ mdor bstan pa dang/ rgyas bshad do/ /dang po ni/ sngar ni de ltar 'khor lo bar par chos thams cad rang bzhin gyis stong par rnam par bzhag nas slar yang bla ma'i rgyud de rgyud phyi ma 'khor lo tha ma 'dir ni sems can thams cad la sangs rgyas kyi khams yod pa nyid ces bstan pa dgos pa dang bcas pa yin te/ nyes pa lnga spangs nas yon tan lnga bskyed pa'i ched du yin pa'i phyir/ gnyis pa la gnyis/ so sor @169b bshad pa dang/ nyes pa lnga dang bral ba'i phan yon bsdus te bstan pa'o/ /dang po la bzhi/ byang chub kyi mchog tu sems bskyed pa'i gegs dang/ spyod pa nyams su len pa'i gegs dang/ spyod pa'i khyad par gnas lugs kyi don rtogs pa'i gegs dang/ sems bskyed kyi rgyu byams snying rje skye ba'i gegs so/ /dang po ni/ sems can thams cad la sangs rgyas kyi rigs yod par rtogs pa'i dgos pa 'di ltar khams rang bzhin gyis rnam par dag pa sangs rgyas kyi chos thams cad 'byung rung de ni rang la yod par ma thos pas bdag gis sangs rgyas thob mi nus so/ /snyam du bdag la brnyas pa'i nyes pa yis sems ni zhum pa 'ga' zhig la byang chub kyi sems ni skye bar mi 'gyur bas de spangs nas byang chub kyi sems bskyed pa'i ched du yin no/ /gnyis pa ni/ gdul bya gang la byang chub kyi sems bskyed pas sems can thams cad la sangs rgyas kyi rigs yod par ma rtogs na bdag ni sangs rgyas thob nus pas mchog go zhes rlom pa ni byang chub kyi sems ma skyed pa la dman pa'i 'du shes rab tu 'jug par 'gyur bas de spangs nas sems can thams cad kyis sangs rgyas thob nus par mthong nas sems can gyi don du spyod pa nyams su len par byed do/ /gsum pa la gnyis/ de ltar ma rtogs na nyes pas zin par 'gyur ba dang/ rtogs pa'i thabs so/ /dang po ni/ de ltar sems pa de la ni sems can thams cad kyi don du gnas lugs rtogs pa'i yang dag pa'i shes pa mi skye ba des na yang dag pa min pa nyes pa rang bzhin gyis grub par 'dzin cing yang dag pa'i don nyes pa rang bzhin gyis grub pas stong pa ni rig par mi 'gyur bas nongs so/ / @170a @#/ /gnyis pa ni/ sems can gyi skyon nyes pa chags sogs de chos can/ yang dag par grub pa min te/ rkyen gyis gsar du bcos ma glo bur ba nyid yin pa'i phyir te rten 'brel yin pa'i phyir ro/ /zhes pa'i don to/ /yang dag pa'i yon tan rang bzhin gyis dag pa yin te/ nyes pa de rang bzhin gyis grub pa'i bdag med pas so/ /gnyis pa la gnyis/ ldog pa dang/ rjes 'gro'o/ /dang po ni/ yang dag pa min pa'i nyes pa rang bzhin gyis grub par 'dzin cing yang dag pa'i yon tan sangs rgyas kyi chos rnams 'byung rung gi rang bzhin gyis stong pa la skur ba 'debs pas blo ldan bdag dang sems can gzhan ni sangs rgyas kyi rigs yod par khyad par med pa dang sangs rgyas thob nus su mtshungs par mthong ste/ bdag pas gzhan gces pa sbyangs nas sems can thams cad bde ba dang phrad 'dod kyi byams pa dang sdug bsngal dang bral 'dod kyi snying rje thob par mi 'gyur ro/ /gnyis pa ni/ sems can thams cad la sangs rgyas kyi rigs yod par thos pa'i gdul bya 'di la de ni thos pa las sangs rgyas thob 'dod kyi spro ba dang/ sems can gzhan la ston pa bzhin du gus pa dang/ nyes pa rang bzhin gyis ma grub par rtogs pa'i shes rab dang/ sangs rgyas kyi chos thams cad skye rung du rtogs pa'i ye shes dang sngar bshad pa'i byams pa chen po skye bar 'gyur ro/ /gnyis pa ni/ gdul bya de'i rgyud la theg pa chen po'i lam gyi rim pas bsdus pa'i chos lnga skyes pa'i phyir rgyu de las ni rang la brnyas pa'i kha na ma tho bas med cing/ rang dang sems can gzhan thams cad sangs rgyas thob @170b nus su mtshungs par lta ba dang/ skyon rang bzhin gyis grub pa med cing/ yon tan 'byung rung du ldan pa dang/ bdag dang sems can sangs rgyas thob nus su mtshungs par byas te/ theg pa chen po'i lam gyi rim pa la rim gyis goms par byas nas yang dag par rdzogs pa'i sangs rgyas nyid ni myur du 'thob par 'gyur ro/ /gsum pa le'u'i mtshan ni/ theg pa chen po rgyud bla ma'i bstan bcos dkon mchog gi rigs rnam par dbye ba las de bzhin gshegs pa'i snying po'i skabs te/ rdzogs sangs rgyas sku ni 'phro phyir dang/ zhes pa mdor bstan gyi tshigs su bcad pa dang po'i don gyis bsdus pa'i de bzhin gshegs pa'i snying po legs par bshad pa rdzogs so// //tshigs bcad dang po lus rnam gzhag la yang sbyar du rung ba tsam du snang ste/ snga ma ltar 'thad par sems so/ /dri ma dang bcas pa'i de bzhin nyid bshad zin to/ /dpal 'phreng mdo dang snying po'i mdo sogs don/ /rje btsun bla ma'i gsung gi man ngag las/ /rgyal sras yab sras gnyis kyis bkral bas bzhin/ /go sla'i dag gis ches cher gsal bar bshad/ /theg pa chen po nges don gyi mdo sde'i dgongs pa 'grel par byed pa'i bstan bcos kyi rnam par bshad pa las/ skabs dang po'i 'grel pa'o/ /gnyis pa byang chub sogs bshad pa la gsum/ dag pa gnyis ldan gyi byang chub bshad pa dang/ de la brten pa'i yon tan bshad pa dang/ yon tan la brten pa'i 'phrin las bshad pa'o/ /dang po la gsum/ mtshams sbyar ba dang/ don bshad pa dang/ le'u'i mtshan bstan pa'o/ /dang po ni/ de ni dri ma med pa'i de bzhin nyid brjod par bya'o/ /bshad zin gyi mtshams sbyar 'di dang lhan cig tu bshad kyang 'gal ba med @171a @#/ /la; 'di ni 'chad 'gyur gyi mtshams sbyar ro/ /de la dri ma med pa'i de bzhin nyid gang zhe na/ sangs rgyas bcom ldan 'das rnams kyi zag pa med pa'i dbyings rang bzhin gyis rnam par dag pa'i chos nyid la glo bur gyi dri ma'i rnam pa thams cad dang bral ba'i phyir yid kyi shes pa sngar dri ma dang bcas pa dri ma mtha' dag zad pa'i gnas skabs su skyes pa'i sgo nas gnas yongs su gyur pa'i rnam par bzhag pa gang yin pa'o/ /de yang mdor bsdu na don rnam pa brgyad kyi dbang du bya ste rig par bya'o/ /gnyis pa la gnyis/ mdor bstan pa dang/ rgyas par bshad pa'o/ /dang po la gnyis/ don brgyad kyi sgo nas dbye ba dang/ de nyid sdom du bsdu ba'o/ /dang po la gnyis/ dri ba dang/ lan no/ /dang po ni/ don brgyad gang zhe na/ gnyis pa la gnyis/ rtsa ba dang/ 'grel pa'o/ /dang po ni/ dag pa ni byang chub kyi ngo bo ste/ dag pa gnyis tshogs pa'i rang bzhin yin pa'i phyir ro/ /de thob par byed pa'i rgyu mnyam gzhag dang rjes thob kyi ye shes ni byang chub de thob par byed pa'i thabs so/ /rgyu de gnyis goms par byas pa las dri ma mtha' dag dang bral ba ni byang chub kyang yin la/ 'bras bu yang yin pas 'bras bu'i khyad par ro/ /shes bya thams cad mngon sum du gzigs shing dri ma mtha' dag dang brel bal brten nas rang dang gzhan gyi don phun tshogs 'grub pa'i byed las dang ldan la/ don gnyis phun sum tshogs pa de 'grub pa'i rten ni gnas 'gyur mthar phyin pa'i yon tan dang ldan pa yin la/ yon tan de nyid kyi 'jug pa'i rab dbye ni/ zab pa chos @171b kyi sku dang/ rgya che ba longs spyod rdzogs pa'i sku dang/ so so skye bo rnams kyi yang mngon sum du gzhan don sgrub pa'i bdag nyid chen po mchog gi sprul pa'i sku'o/ /'jug pa'i khyad par de yang ni 'khor ba ji srid ma stongs kyi dus su 'jug pas rtag pa'i khyad par dang/ gdul bya'i khams dang bsam pa dang dus la sogs pa ji lta ba nyid du 'jug pas phyin ci ma log pa'i khyad par ro/ /'dir sngar khams gtan la 'bebs pa'i skabs su bshad pa ltar dus phyis bsgrub par bya ba 'bras bu'i khyad par dang; rang la brten nas phyis 'byung ba byed las kyi khyad par du rnam par bzhag pa ni med kyi/ byang chub kyi ngo bo nyid 'bras bu dang de'i tshe don gnyis bsgrub pa tsam las su shes par bya'o/ /gnyis pa la gnyis/ ming gi dbye ba dang/ don so sor bshad pa'o/ / dang po ni/ tshigs su bcad pa 'dir ni zhes so/ /gnyis pa ni/ dag pa gnyis ldan gyi byang chub kyi ngo bo yin pa'i lung ni/ de la khams rang bzhin gyis rnam par dag pa gang zhig nyon mongs pa'i spubs las ma grol ba de bzhin gshegs pa'i snying po zhes brjod pa de glo bur gyi dri mas rnam par dag pa ni gnas yongs su gyur pa'i ngo bo nyid du rig par bya ste/ gang gi phyir bcom ldan 'das gang zhig nyon mongs pa'i sbubs bya ba snyed mtha' dag gis g.yogs pa/ de bzhin gshegs pa'i snying po la dogs pa ma mchis pa; de ni nyon mongs pa mtha' dag gi sbubs las grol ba de bzhin gshegs pa'i chos kyi sku la yang dogs pa ma mchis pa lags so zhes gsungs pa yin no/ /byang chub de thob par byed pa'i rgyu ye shes ni rnam pa gnyis te/ 'jig rten las @172a @#/ /'das pa mnyam gzhag rnam par rtog pa med pa dang rjes las thob pa gnyis snang dang bcas pa chos 'jig rten pa'o/ /'jig rten pa dang 'jig rten las 'das pa'i ye shes mthong lam sgom lam gyis bsdus pa gnas yongs su gyur pa thob par byed pa'i rgyu ni 'dir thob pa'i sgrus bstan te 'dis thob par byed pas na thob pa'o/ /ye shes gnyis pa de'i 'bras bu ni zhes so/ /go rim bzhin du lag rjes so sor phye na 'jig rten las 'das pa'i ye shes kyis rang don bsgrub pa dang/ 'jig rten pa'i ye shes kyis gzhan gyi don bsgrub pa ni las so/ /don gnyis bsgrub pa de'i rten yon tan dang ldan pa ni ldan pa'o/ /zab pa sogs sku gsum po dag gis 'gro ba ji srid par bsam gyis mi khyab pa'i rnam pas 'jug pa ni 'jug pa'i rab dbye'o/ /gnyis pa ni/ sdom ni/ byang chub kyi ngo bo dang/ byang chub thob byed kyi rgyu dang/ rgyu des thob pa'i 'bras bu dang/ don gnyis sgrub pa'i las dang/ de sgrub pa'i rten yon tan dang ldan pa dang/ sku gsum gyi 'jug pa'i rab dbye dang/ 'jug pa'i khyad par de rtag pa dang/ bsam gyis mi khyab pa nyid kyi sangs rgyas kyis ni/ don brgyad po de'i sgo nas rnam par gnas shing gtan la phebs par shes par bya'o/ /gnyis pa la lnga/ ngo bo dang rgyu'i don bshad pa dang/ 'bras bu'i don bshad pa dang/ las kyi don bshad pa dang/ ldan pa'i don bshad pa dang; 'jug pa'i rab dbye bshad pa'o/ /dang po la gsum/ mtshams sbyar ba dang/ bstan pa dang/ bshad pa'o/ /dang po ni/ de la dag pa gnyis ldan gyi byang chub kyi ngo bo sangs rgyas nyid dang de thob pa'i thabs su gyur pa la rim pa bzhin du/ ngo bo'i don dang rgyu'i don las @172b brtsams te tshigs su bcad pa/ gnyis pa la gnyis/ byang chub kyi ngo bo dang/ de thob par byed pa'i rgyu'o/ /dang po la gnyis/ rang bzhin rnam dag bshad pa dang/ glo bur rnam dag bshad pa'o/ /dang po ni/ sems rang bzhin gyis 'od gsal ba zhes brjod pa gang yin pa sngar glo bur gyi nyon mongs pa'i sgrib pa dang/ shes bya'i sgrib pa'i sprin tshogs stug po'i sgrib pa yis ni bsgribs par gyur pa gyis dag pa'i sangs rgyas nyid do/ /gnyis pa la ye shes dang/ spangs pa dang/ de la brten pa'i yon tan no/ /dang po ni/ nyi ma 'od gsal ba bzhin du don dam pa'i bden pa mngon sum du rtogs pa'i sangs rgyas nyid do/ /gnyis pa ni nam mkha' bzhin du rang bzhin gyis dag pa la dri ma med pa'i sangs rgyas nyid do/ /gsum pa ni/ sangs rgyas kyi yon tan kun dang ldan pa'i rtag pa dang/ brtan pa dang g.yung drung ni rga ba med pa dang na ba med pa dang 'chi ba med pa la sngar bshad pa ltar ro/ /gnyis pa ni/ byang chub kyi ngo bo de ni chos la rnam par mi rtog pa'i ye shes dang shes bya thams cad rab tu rnam par 'byed pa'i ye shes dag la brtan nas thob par byed do/ /yang na rang bzhin 'od gsal zhes brjod gang yin nyi bzhin shes bya ji lta ba dang ji snyed pa mngon sum du rtogs pas rtags pa phun tshogs kyi sangs rgyas nyid bstan la nam mkha' bzhin glo bur gyi nyon mongs shes bya'i sprin tshogs stug po'i sgrib pa yis ni bsgribs gyur pa'i dri ma de dag med pa'i sangs rgyas nyid kyis spangs pa phun sum tshogs pa bstan to/ /yon tan kun ldan rtag brtan g.yung drung sangs rgyas nyid ces pas @173a @#/ /de la brten pa'i yon tan bstan to/ /de ni zhes sogs kyis byang chub thob byed kyi rgyu bstan par shes par bya'o/ /gnyis pa la gsum/ mtshams sbyar ba dang/ rtsa ba dang/ 'grel pa'o/ /dang po ni/ tshigs su bcad pa zhes so/ /gnyis pa la gnyis/ ngo bo'i don dang/ de thob byed kyi rgyu'o/ /dang po la gnyis/ spyir bstan pa dang/ so sor bshad pa'o/ /dang po ni/ dag pa gnyis dang ldan pa'i sangs rgyas kyi byang chub nyid ni sangs rgyas kyi yon tan thams cad rang gi ngo bo'i sgo nas dbyer med pa'i ye shes dang/ rang bzhin gyis dag pa dang/ glo bur gyi dri mas dag pa'i chos kyis rab tu phye ba ste spangs pa dang rtogs pa dang/ de la brten pa'i yon tan gyis khyad par du byas pa'o/ /gnyis pa la gnyis/ spangs rtogs kyi yon tan dang/ spang bya ngos bzung ba'o/ /dang po ye shes dang spangs pa'i yon tan ni/ nyi ma bzhin du shes bya ji lta ba dang ji snyed pa la ltos te 'od gsal ba'i ye shes dang nam mkha' bzhin du glo bur gyis dri mas dag pa'i spangs pa gnyis kyis bsdus pa'i mtshan nyid do/ / de la brten pa'i yon tan ni/ rang bzhin gyis 'od gsal zhing rgyu rkyen gyis gsar du byas pa min la/ rang bzhin rnam dag gi chos nyid la ngo bo'i sgo nas dbyer med par 'jug pa can gsal ba'i dbye ba mtha' yas pa gang-gI klung gi rdul gyi grangs las 'das pa'i sangs rgyas kyi yon tan gyi chos rnams kun dang ldan pa nyid do/ /gnyis pa ni/ sprin nam mkha'i rang bzhin la ma zhugs pa ltar dri ma sems kyi rang bzhin la ma zhugs pas rang bzhin gyis ni ma grub pa'i phyir dang/ sprin nam mkha' la khyab pa @173b ltar sems can gyi sems rgyud la khyab pa dang/ sprin glo bur du 'byung ba ltar dri ma glo bur ba yin pa nyid kyis nyon mongs pa dang shes bya'i sgrib pa der sprin dang 'dra bar brjod pa yin no/ /gnyis pa ni/ sgrib pa gnyis dang bral ba'i byang chub thob byed kyi rgyu ni ye shes gnyis yin te/ mnyam gzhag rnam par mi rtog pa dag de'i ni rjes la thob pa shes bya ji snyed pa rtogs pa de ni ye shes gnyis su 'dod do/ /gsum pa ni/ dag pa gnyis dang ldan pa'i rnam par dag pa ni gnas yongs su gyur pa'i ngo bo yin no zhes bshad pa gang yin pa de la zhes te/ rang bzhin gyis rnam par dag pa ni gang zhag rang bzhin gyis grub pa las ni rnam par grol la glo bur gyi dri ma dang bral ba'i cha ni ma yin pa ste sems kyi rang bzhin 'od gsal ba zhes so/ /'di 'bras bu'i don gyi mtshams sbyar du yang rung mod kyi/ snga ma'i don bsdus te bshad par sbyar ro/ /gnyis pa 'bras bu'i don bshad pa la gsum/ mtshams sbyar ba dang/ bstan pa dang/ bshad pa'o/ /dang po ni/ de la zhes so/ /gnyis pa la gnyis/ gnas lugs mngon sum du rtogs pa'i mnyam gzhag ye shes goms pa'i 'bras bu nyon sgrib dang bral ba bshad pa dang/ rjes thob bsod nams kyi tshogs goms pa'i 'bras bu khyad par gsum dang ldan zhing shes sgrib spangs pa'i gzugs kyi sku'i yon tan bshad pa'o/ /dang po ni/ dri ma med pa'i chu dang ldan zhing rim gyis rgyas pa'i pad-mas khebs pa'i mtshe bzhin du 'dod chags zad par spangs pas dri ma med pa'i yon tan dang ldan pa'i phyir dang/ sgra gcan gyi kha nas thar ba'i zla ba nya ba lta bur zhe sdang zad par @174a @#/ /spangs nas dri ma med pa'i byams pa dang snying rje'i 'od zer dang ldan pa'i phyir dang/ sprin tshogs dag las grol ba'i nyi ma lta bur ni nyon mongs can gyi gti mug zad par spangs pas dri ma med pa'i shes rab kyi snang ba dang ldan pa de nyid do/ /gnyis pa ni/ sngar khams gtan la 'bebs pa'i skabs su bshad pa ltar thub pa'i khyu mchog dang/ sbrang rtsi dang/ 'bru'i snying po dang/ rin chen gser dang/ sa 'og gi gter dang/ ljon pa bzhin dang/ dri ma med pa'i rin chen las byas pa'i bde gshegs kyi sku dang ni sa bdag rgyal po dang gser gyi gzugs rnams rang rang gi sgrib byed mtha' dag las grol ba dang/ 'dra bar rgyal ba nyid shes sgrib mtha' dag zad pa sogs kyi yon tan dang ldan par shes par bya'o/ /snying po dang gser gyi dpes glo bur rnam dag dang rang bzhin rnam dag gi spangs pa gnyis bstan la/ thub pa'i dpes 'jig rten las 'das pa dang/ rin po che las byas pa'i sku dang 'khor los bsgyur ba dang/ gser las byas pa'i gzugs brnyan gyi dpes rim pa bzhin du gzugs kyi sku yon tan mtha' dag dang ldan pa dang/ nyan thos sogs las khyad par du 'phags pa dang/ gzugs phun sum tshogs pa dang ldan par bstan to/ /sbrang rtsi dang/ gter dang/ ljon pa'i dpe gsum gyis rim pa bzhin du chos kyi dga' ba des tshim par byed pa dang/ yon tan gyis dbul bsal bar byed pa dang/ rnam grol gyi bde ba thob par byed pa'i mdzad pa bstan to/ /so sor phye na gnyis kyis chos kyi sku dang/ bzhis gzugs kyi sku dang/ gsum gyis mdzad pa mtshon par byed do/ /gsum @174b pa la gnyis/ mtshams sbyar ba dang/ rtsa ba'o/ /dang po ni/ tshigs su bcad pa zhes so/ /gnyis pa la gsum/ ye shes gnyis kyi nus pa 'jug pa'i yul spyir bstan pa dang/ mnyam gzhag gi 'bras bu'i dpe don chos mthun bshad pa dang/ rjes thob kyi 'bras bu'i dpe don chos mthun bshad pa'o/ /dang po ni chu dri ma med pa pad-ma dang ldan pa'i mtsho dang/ sgra gcan las thar pa'i zla ba dang/ sprin las grol ba'i nyi ma sogs bzhin du 'dod chags sogs dug gsum gyi glo bur ba'i nyon mongs pas dag pa ni mdor na mi rtog ye shes kyi 'bras bu yin par rab tu brjod do/ /sbyin sogs tshogs ma tshang ba med pa las sgrub pa'i rnam pa kun gyi mchog dang ldan pa'i sangs rgyas kyi sku gsum ni nges par thob pa de ni rjes la thob pa yi ye shes kyi 'bras bu yin par bstan to/ /sangs rgyas kyi thugs rgyud la mnyam gzhag dang rjes thob ngo bo tha dad pa dang/ chos kyi sku dang gzugs kyi sku ngo bo tha dad pa med mod kyi lag rjes mi 'dra ba'i sgo nas so sor bshad pa'o/ /gnyis pa ni/ 'dod chags zad par spangs pa'i chos mthun ni/ 'dod chags kyi rdul ni zad par spangs pa'i phyir dang/ gdul bya yi ni pad-ma la bsam gtan la ma g.yos bzhin du cho 'phrul gsum gyis phan 'dogs pa'i bsam gtan gyi chu ni 'bab pa'i phyir sangs rgyas de pad-mas khabs pa'i chu dag pa'i rdzing dang mtshungs pa yin no/ /zhe sdang spangs pa'i chos mthun ni/ sen la dmigs pa'i zhe sdang sgra gcan las grol bas snying rje dang byams pa chen po'i 'od zer gyis 'gro ba mtha' dag la khyab pa'i phyir na sangs rgyas @175a @#/ /de di ma med pa'i zla ba nya ba bzhin no/ /gti mug spangs pa'i chos mthun ni gti mug gi sprin tshogs las grol bas 'gro bar ji lta ba dang ji snyed pa mkhyen pa'i ye shes kyi 'od zer gyis mun pa sel ba'i phyir sangs rgyas nyid de ni de ma med pa'i nyi ma bzhin du shes par bya'o/ /gsum pa ni/ gzhan gang dang yang mi mnyam pa sangs rgyas dang mnyam pa'i yon tan gyi chos dang ldan pa'i phyir dang/ dam chos kyi ro phul du byung ba ni sbyin par mdzad pa dang sgrib gnyis kyi shun pa dang ri bral ba'i phyir sangs rgyas de bde gshegs kyi sku dang/ sbrang rtsi dang snying po bzhin du shes par bya'o/ /rang bzhin gyis dag pa'i phyir dang/ yon tan gyi rdzas kyis ni dbul pa sel bar byed pa'i phyir dang/ rnam grol gyi 'bras bu smin par byed pa'i phyir sangs rgyas de ni gser dang gter dang ljon pa bzhin du shes par bya'o/ /yang na 'bras bu sbyin byed ces bshad de/ don 'dra'o/ /rin chen rtogs pa ye shes chos kyi sku'i phyir dang/ longs spyod rdzogs pa'i sku rkang gnyis bdag po mchog yin pa'i phyir dang/ mchog gi sprul pa'i sku rin chen gzugs kyi rnam pa'i phyir sangs rgyas de ni rin chen las byas pa'i sku dang/ 'khor los bsgyur rgyal dang/ gsar las byas pa'i gzugs brnyan bzhin du shes par bya'o/ /gsum pa las kyi don bshad pa la gnyis/ las sgrub byed kyi don gnyis phun tshogs bshad pa dang/ las kyi ngo bo bshad pa'o/ /dang po ni/ 'jig rten las 'das pa zhes te/ ye shes gnyis la bltos nas don gnyis phun sum tshogs pa nyid ye shes gnyis kyi byed las yin la/ gdul bya la @175b bltos nas gnyis phun sum tshogs pa nyid las kyi sgrub byed du shes par bya'o/ /de la rang dang gzhan gyi don phun sum tshogs pa gang zhe na/ zhes te/ sku ston pa ni sku'i bkod pa mi 'dra ba gdul bya dang 'tsham par ston pa dang/ bstan pa la dbang 'byor ba ni/ gsung gcig gis kyang gdul bya so so'i skad so so dang mthun par chos ston par mdzad pa'o/ /gnyis pa la gsum/ /mtshams sbyar ba dang/ bstan pa dang/ bshad pa'o/ /dang po ni/ rang dang gzhan gyi don zhes so/ /gnyis pa la gnyis rang don cho skye sku bshad pa dang/ gzhan don gzugs kyi sku bshad pa'o/ /dang po la spangs pa ni/ sgrib pa gnyis kyi zag pa med pa dang/ rtogs pa ni shes bya ji lta ba dang/ ji snyed pa mtha' dag la mkhyen pa khyab pa dang/ de la brten pa'i khyad par gyi chos yon tan ni/ 'jig med chos can te/ de nyid bshad pa ni/ shes sgrib kyis bsdus pa'i rgyu 'bras sngar bshad pa bzhi zad par spangs pas brtan pa dang/ zhi ba dang/ rtag pa dang/ 'pho ba med pa'i sku'o/ /gnyis pa ni/ gzugs kyi sku ni gzhan don 'grub pa'i gnas yin no/ /de nyid rgyas par bshad pa ni/ ji ltar nam mkha' yi ge skabs la brten nas sems can rnams kyi dbang po la brten pa'i rnam par shes pa drug gi tshogs kyis rang rang gi yul nyams su myong ba ltar de bzhin gshegs pa rnams kyi gzugs kyi sku 'phrin las phun sum tshogs pa'i go skabs rnyed pa la brtan nas skal pa dang ldan pa'i gdul bya rnams kyi mngon par rtogs pa'i yon tan gyi phyogs kyis bsdus pa'i dam pa'i dbang po drug gi den @176a @#/ /nyams su myong ba'i rgyur 'gyur par shes par bya'o/ /de nyid bshad pa la/ tha snyad du tha mal pa'i dbang po drug gi yul las 'das pa'i don nyams su myong ba ni/ mig shes kyis 'byung ba bzhi tshogs pa las skyes pa med pa'i rgyal ba 'od dpag tu med pa'i gzugs la sogs pa'i don lta ba dang/ nyan shes kyis rigs can gsum gyi lam 'bras bu dang bcas pa la sogs pa dam pa'i chos ston pa'i gtam bzang po ni nyas skyon dang bral ba'i gtsang ma nyan pa dang/ sna'i shes pas bde bar gshegs pa'i tshul khrims kyi dri gtsang ma snom pa dang/ lce'i shes pas 'phags pa chan po rnams kyi dam pa'i chos kyi bdud rtsi'i ro myong ba dang/ lus shes kyis lus shin tu sbyangs pa las byung ba'i ting nge 'dzin gyi reg pa'i bde ba nyams su myong ba dang/ yid kyi shes pas rang gi ngo bo nyid kyis zab pa'i tshul stong pa nyid kyi don rtogs pa'i rgyur 'gyur la/ lam mthon por song ba na ting nge 'dzin gyi stobs kyis tha snyad pa'i rnam par shes pa drug gis kyang bshad zin pa'i yul drug nyams su myong la/ yid kyi rnam par shes pa gcig pus kyang yul drug nyams su myong bar byed do/ /don dam par bskyed bya skyed byed dang bral ba ni don dam dpyod byed kyi rigs pa gzhi ba mor bsams pa na gnas lugs kyi don mngon sum du rtogs pa las don dam pa zag pa med pa'i bde ba sbyin par mdzad kyang de bzhin gshegs pa ni nam mkha' bzhin du don dam bskyed bya skyed byed kyi rgyu mtshan rnams dang gral te spos pa'i mtha' bzhi dang bral ba'i phyir/ sangs rgyas rnams kyi gzugs @176b kyi sku ni rang bzhin gyis grub pa rdul tsam yang med kyang/ 'jig rten dang 'jig rten las 'das pa'i legs tshogs thams cad sbyin pa mdzad pa yin no/ /gsum pa la gnyis/ mtshams sbyar ba dang/ rtsa ba'o/ /dang po ni/ tshigs su bcad pa zhes so/ / gnyis pa la gsum/ ye shes gnyis kyi nus pa 'jug pa'i yul ngos bzung ba dang/ chos kyi sku bshad pa dang/ gzugs kyi sku bshad pa'o/ /dang po ni/ mdor na theg pa chen po'i mthong sgom gyi lam gyis bsdus pa'i don dam pa'i bden pa mngon sum du rtogs pa'i mnyam gzhag ye shes dang/ shes bya ji snyed pa rtogs pa'i rjes thob kyi ye shes gnyis po'i bskyed par bya ba'i las su 'di gnyis ni rim pa bzhin du shes par bya ste/ rang rgyud kyi sgrib pa mtha' dag las grol ba'i sku ni rdzogs pa chos kyi sku dang gzhan rgyud kyi chos kyi sku spyod pa gzugs kyi sku'o/ /gnyis pa la gnyis/ spyir bstan pa dang/ so sor bshad pa'o/ /dang po ni/ rnam grol dang/ chos kyi sku dag ni spangs pa dang/ rtogs pas bsdus pa'i chos kyi sku dang gzugs kyi sku rnam pa gnyis dang de la brten pa'i yon tan rnam pa gcig gis shes par bya ste/ dang po gnyis ni/ zag pa med pa'i phyir dang/ mkhyen pas shes bya mtha' dag la khyab pa'i phyir dang/ phyi ma ni brtan pa la sogs pa'i 'dus ma byas kyi yon tan gyi gnas nyid yin pa'i phyir/ gnyis pa la gnyis/ spangs pa dang rtogs pa bshad pa dang/ de la brten pa'i yon tan bshad pa'o/ /dang po ni/ nyon mongs rnams ni bag chags dang bcas pa 'gags pa'i phyir zag pa med pa dang de shes bya thams cad la bden par @177a @#/ /zhen pa'i chags pa med cing/ shes bya nyi tshe ba kho na la 'jug pa'i thogs pa med pa'i phyir ye shes khyab pa nyid du 'dod do/ /gnyis pa ni/ gtan du las nyon sogs kyi 'jig pa med pa yi rang bzhin yin pa'i phyir 'dus ma byas pa'o/ /'jig med nyid ni mdor bstan pa ste/ brtan sogs bzhi po rnams kyis de bshad do/ /zhes pa ni bstan bshad sbyar ba'o/ /dgag bya rnam bcad kyi gnas nye bar gzung ba ni/ 'jig pa rnam bzhir shes bya ste/ brtan sogs bzhi po de dag las ldog phyir ro/ /de gang zhe na/ dar la bab pa las dman pa'i gnas skabs thob pa'i rga ba ni/ myags pa dang/ na bas rnam par 'gyur ba dang/ sngon gyi mtha' chad pa skye ba dang/ bsam gyis mi khyab par bsgyur pa'i 'chi 'pho ba ste bzhi po de med pa'i phyir na brtan pa dang/ zhi ba dang/ rtag pa dang/ 'pho ba med par shes par bya'o/ /gnyis pa la gnyis/ bstan pa dang/ de bsgrub pa'o/ /dang po ni/ sangs rgyas kyi thugs rgyud kyi dri ma med pa'i ye shes de gdul bya rnams kyi ngor gzugs kyi skur rnam par shar nas de rnams la legs tshogs sgrub pa'i dkar po'i chos kyi rten yin pa'i phyir na gnas su shes par bya'o/ /gnyis pa la gnyis/ dpe dang/ don to/ /dang po ni/ ji ltar dbang shes sogs skyed byed kyi rgyu min pa'i nam mkha' ni gzugs mthong ba dang sgra dang dri dang ro dang reg dang chos rnams ni sgra thos pa la sogs pa'i go skabs 'byed pa'i rgyu ste rten yin pa ltar/ gnyis pa ni/ de bzhin du sku gnyis po ni/ zag pa med pa'i yon tan dag skye ba yi ni rgyu yin no/ /gang gi rgyud la zhe na/ brtan @177b pa byang chub sems dpa'i dbang don la'o/ /tshul ji ltar yon tan bskyed na/ 'bad rtsol nye bar zhi bas sgrim pa med pa'i sbyor bas so/ /dpe kha cig las/ sgrib med pa'i zhes 'byung ba ltar na/ gzhan rgyud la yon tan skye ba'i sgrib byed dri ma med pa'i don te/ /bzhi pa ldan pa'i yon tan bshad pa la gnyis/ kun rdzob pa'i yon tan kho na dang ldan pa dgag pa dang/ don dam pa'i yon tan dang ldan par bsgrub pa'o/ /dang po ni/ ji skad du/ ye shes snang ba rgyan gyi mdo las/ sangs rgyas nam mkha'i mtshan nyid de/ /nam mkha' la yang mtshan nyid med/ /ces bshad pa de ni de bzhin gshegs pa rnams kyi ma 'dres pa'i don dam pa'i mtshan nyid la dgongs nas gsungs pa yin te/ rgyu mtshan gang gi phyir na/ don dam pa'i yon tan cung zad kyang med par gal te skyes bu chen po'i mtshan sum cu rtsa gnyis kyis de bzhin gshegs pa blta bar 'gyur na ni/ 'khor los bsgyur ba'i rgyal po yang de bzhin gshegs par 'gyur ro/ /zhes gsungs so/ /gnyis pa la gsum/ mtshams sbyar ba dang/ bstan pa dang/ bshad pa'o/ /dang po ni/ de la zhes so/ /gnyis pa ni/ bsam du med pa dang/ rtag pa dang/ brtan pa dang/ zhi ba dang/ g.yung drung nyid dang/ rab tu zhi ba dang/ khyab pa dang rtog pa dang bral ba dang/ nam mkha' bzhin du chags pa med pa dang/ kun tu thogs pa med pa dang rtsub rag spangs pa dang bltar med pa dang/ gzung du med pa dang/ dge ba dang dri ma med pa ni sangs rgyas kyi don dam pa'i yon tan bstan par shes par bya'o/ /gsum pa la gnyis/ mtshams sbyar ba dang/ rtsa ba'i/ /dang po ni/ @178a @#/ /tshigs su bcad pa zhes so/ /gnyis pa la gnyis/ yon tan gyi rten ngos bzung ba dang/ yon tan nyid bshad pa'o/ /dang po ni/ dri ma mtha' dag las grol ba'i rnam grol rang rgyud kyi chos kyi sku dang/ gzhan rgyud kyi chos kyi sku thob pa'i sgrib pa sbyong bo'i byed las can gyi rang rgyud kyi gzugs kyi sku dag gis rang dang gzhan gyi don phun sum tshogs pa gnyis bstan te rang gzhan gyi don sgrub pa'i rten de la ni bsam gyis mi khyab pa la sogs pa'i yon tan bco lnga dang ldan par shes par bya'o/ / gnyis pa la gnyis/ spangs pas rab tu phye ba'i yon tan dang rang bzhin du gnas pa'i yon tan no/ /dang po la lnga/ zab pa'i khyad par dang rtag pa'i khyad par dang/ bde ba'i khyad par dang/ ye shes kyi khyad par dang/ spangs pa'i khyad par ro/ /dang po la gnyis/ dus thams cad du mngon sum du rtogs pa sangs rgyas 'ba' zhig gi khyad par du bstan pa dang/ gzhan gyis de ltar rtogs mi nus pa'o/ /dang po ni/ sangs rgyas kyi chos nyid kyi sku dang/ ye shes kyi sku la sogs pa dus rtag tu mngon sum du rtogs pa thams cad mkhyen pa'i ye shes 'ba' zhig gi yul yin gyi sangs rgyas ma gtogs pa de las gzhan pa'i thos bsam sgom gsum gyi shes pa gsum gyi yul rtag tu min pa'i phyir/ ye shes kyi lus can sangs rgyas min pa'i 'phags pa rnams kyis ni bsam gyis mi khyab par rtogs par bya'o/ /gnyis pa ni/ don dam pa'i bden pa shin tu phra ba'i phyir thos pa'i shes rab kyis rtogs tshul rdzogs pa'i tshul gyi yul ma yin la don dam yin pa'i phyir bsam pa'i shes rab kyi yang tshul de ltar yul @178b min no/ /chos nyid zab pa'i phyir 'jig rten pa'i sgom pa las byung ba'i shes rab la sogs pa'i yang rtogs tshul rdzogs pa'i tshul gyi yul ma yin par shes par bya'o/ /gang gi gzugs la dmus long bzhin du byis pas chos nyid de mngon sum gyis mthong ma myong bas bsam gyis mi khyab la rang nyid btsas pa'i khyim na gnas pa'i bu chung gis nyi ma'i gzugs yud tsam mthong ba bzhin du sangs rgyas las gzhan pa'i 'phags pas kyang res 'ga' mngon sum du mthong gi dus rtag tu ma yin par shes par bya'o/ /gnyis pa ni/ chos kyi sku de las nyon gyi dbang sogs kyis skye ba dang bral ba'i phyir rtag pa ste/ mthar 'chi ba'i 'gag ba med pa'i phyir na brtan pa yin la/ bying rgod dang rtog dpyod gnyis med pa'i phyir zhe ba ste yang na skye 'chi dang bral ba'i phyir na de nye bar zhi ba'o/ /phun tshogs gzhan du 'gyur pa'i rga ba med pas g.yung drung gi chos nyid du gnas pa'i phyir ro/ /nyon sgrib dang shes sgrib kyi phyogs kyis bsdus pa'i skye rga na 'chi dang bral bas rtag pa'i khyad par bstan pa yin no/ /gsum pa ni/ sdug bsngal ma lus pa rab tu zhi ba 'gog pa'i bden pa'i bdag nyid mthar thug pa'i phyir zag pa med pa'i bde ba'i khyad par bstan to/ /bzhi pa la ji snyed pa rtogs pa ni/ shes bya ji snyed pa thams cad rtogs pa'i phyir khyab pa nyid dang/ ji lta ba rtogs pa ni bden par zhen pa'i tshul gyis gnas pa med pa'i phyir rtog pa med do/ /lnga pa ni/ nyon mongs pa zad par spangs pa'i phyir bden par chags pa med pas nyon sgrib spangs pa dang/ shes bya'i sgrib pa kun dag pa'i phyir shes bya thams @179a @#/ /cad du ni thogs pa med pas shes sgrib spangs pa dang/ snyoms 'jug gi sgrib pas bsdus pa'i bying rgod gnyis med pas ting nge 'dzin bsgom pa la las su rung ba'i phyir lus sems shin tu sbyangs pa'i bde ba skye ba'i gegs su gyur pa bying rgod kyis lus sems las su mi rung ba'i rtsub pa'i reg pa dang bral ba yin no/ /gnyis pa ni/ chos nyid de gzugs med pa'i phyir mig la sogs pas mngon sum du bltar med pa de rgyu mtshan yang dag gi mtshan ma med pa'i phyir/ rtags las rtogs tshul rdzogs pa'i tshul du gzung du med pa dang/ glo bur rnam dag gis khyad par du byas pa'i rang bzhin rnam dag yin pas dge ba ni rang bzhin rnam dag yin pa'i phyir dang/ glo bur gyi dri med ni dri ma zad par spangs pa'i phyir ro/ /lnga pa 'jug pa'i rab dbye la gnyis/ spyi'i mtshams sbyar ba dang/ don so sor bshad pa'o/ /dang po ni/ de bzhin gshegs pa nyid 'di'i thun mong ma yin pa'i yon tan dang ldan pas nam mkha' ltar dang/ rtag pa'i pha rol tu phyin pas 'dus ma byas pa'i yon tan dang rnam par dbyer med par 'jug pa yang srid pa ji srid kyi bar du bsam gyis mi khyab pa dge ba bsgrub pa la mkhas pa'i thabs chen po dang/ snying rje dang/ shes bya ma lus pa mngon sum du shes pa'i ye shes kyis yongs su sbyong ba'i khyad par gyis zhes te/ dus skad cig kyang g.yo ba med cing rgyun brtan pas rgyun mi 'chad par 'bad rtsol nye bar zhi bas lhun gyis grub pas 'jug par lta bar bya ste/ sa bcu rgyun gyi tha ma man chad dang/ ma 'dres pa'i chos dang ldan pa'i phyir ro/ /gnyis pa la @179b gsum; sku gsum gyi 'jug pa'i rab dbye dang/ rtag pa'i khyad par dang/ bsam gyis mi khyab pa'i khyad par ro/ /dang po la gnyis/ mtshams skyar ba dang/ don bshad pa'o/ /dang po ni/ de la zhes so/ /gnyis pa la gsum/ mdar bsngan pa dang/ rgyas par bshad pa dang/ don bsdu ba'o/ /dang po la gnyis/ spyi'i don dang/ yan lag gi don to/ /dang po la gsum/ 'bras bu 'grub pa'i dus mtshams dang/ sku gsum gyi ngo bo ngos bzung ba dang/ de la logs par rtog pa bsal ba'o/ /dang po ni/ sa bcu rgyun gyi tha ma'i bar chad med lam de nyid de bzhin nyid la chu la chu bzhag tu mnyam par bzhag bzhin pa na bar chad med lam gyi dus de'i tshe mnyam gzhag de'i gzigs ngo na shes bya ji snyed pa'i rnam pa cung zad kyang mi 'char te/ bden gnyis ngo bo tha dad du 'dzin pa'i dri ma zad par ma spangs pa'i phyir/ 'on kyang de'i tshe zag pa med pa'i ye shes sde tshan nyi shu rtsa gcig po'i mngon par rtogs pa'i rigs ma lus pa thob pa'i bdag nyid du gnas pa yin no/ /de nas skad cig gnyis pa la rnam grol lam skyes pa'i tshe shes bya ji lta ba la gnyis snang nub nas chu la chu bzhag tu song ba de'i gzigs pa'i ngor shes bya ji snyed pa thams cad lag mthil du skyu ru ra bzhag pa ltar mngon sum du gzigs pa de'i tshe shes sgrib zad par spangs pa dang/ yang dag pa'i mtha' mngon du byas pa dang/ chos kyi sku mngon du byas pa dang/ chos thams cad rnam pa thams cad du mngon par rdzogs par byang chub pa zhes bya'o/ /sa bcu rgyun tha la gnas pa'i tshe mtshan dpes spras pa'i sku de nyid kyi rigs 'dra phyi ma chos sku thob pa'i tshe mtshan nyid lnga ldan dang/ @180a @#/ /yon tan lnga ldan dang/ nges pa lnga ldan gyi longs spyod rdzogs pa'i sku 'grub la/ longs skus bdag rkyen byas nas mdzad pa bcu gnyis kyi sgo nas gdul bya rjes su 'dzin pa'i mchog gi sprul pa'i sku de'i tshe tshogs pa gcig med kyang sangs rgyas kyi sprul pa'i sku'i bye brag 'ga' zhag longs spyod rdzogs pa'i sku dang dngos rgyu tshegs pa tshar gcig la rag las kyi 'brel ba grub pa'i tshul du thob par shes par bya'o/ /phar phyin theg pa'i lam gyis bskal pa grangs med pa gsum gyi bar du bgrod nas de'i rjes su sngags kyi lam gyi snon pa btab nas gzugs sku 'grub pa'i tshul ni gzhan du shes par bya'o/ /gnyis pa ni/ gzugs sku dang ye shes chos kyi sku'i glo bur rnam dag gis khyad par du byas pa'i rang bzhin rnam dag gi cha dang/ de'i steng gi glo bur rnam dag gi cha ni 'dus ma byas kyi sku dang/ ngo bo nyid kyi sku zhes bya la/ slob dpon ye shes snying pos bden gnyis su rigs pa'i rjes 'brangs ngo bo'i phyir/ zhes mthar thug dpyod pa'i rigs shes kyis rnyed pa'i don du gsungs pa ni/ rang bzhin rnam dag gi cha de nyid yin no/ /dag pa gnyis ldan gyi sku de nyid thog ma med pa nas sems can gyi rgyud la med par sangs rgyas pa'i dus 'ba' zhig tu byung na mi rtag par 'gyur dgos so snyam pa ni/ mkhas rmongs la grags pa'i rtag pa'i khyad par dang/ dngos po res 'ga' ba dang 'dus ma byas res 'ga' ba'i khyad par ma phyed pas nongs so/ /de lta ma yin na/ snga do khang ba zhig pa de thog ma med pa nas yod par @180b khas len dgos shing/ phyi dro gsar du khang pa zhig pa de snga dro'i dus na yang yod par khas len dgos par 'gyur ro/ /zag pa med pa'i ye shes sde tshan nyid shu rtsa gcig gis bsdus pa'i ye shes chos kyi sku ni/ sngags kyi phyogs nas kyang sku bzhi par gsungs la/ rgyal ba'i sras po seng-ge bzang pos kyang sku bzhi par mdzad pa ni dbye bsdu tsam yin gyi /sku gsum du ma 'dus par bzhed pa ni min no/ /ci ste sku gsum du bsdu bar mi rung ste/ ngo bo nyid kyi sku yang ma yin la/ sku gzhan gnyis kyang ma yin pa'i phyir ro/ /zhe na/ 'o na sku bzhir yang bsdu bar mi rung bar thal/ longs spyod rdzogs pa'i sku'i sen mo zangs kyi mdog lta bu de khyod 'dod pa'i sku bzhi po gang yang ma yin pa'i phyir/ ces smras na lan ci yod/ ma grub ste/ longs spyod rdzogs pa'i sku yin no/ /zhe na/ 'o na cig shes kyang ngo bo nyid kyi skur khas blangs pa la 'gal ba ci yod 'o na 'dus ma byas su thal lo zhe na/ cig shos la'ang mtshan bzang po sum cu rtsa gnyis dang/ dpe byad bzang po brgyad cu rdzogs par tshang pa yin par thal lo/ /de 'dod na ni cig shes kyang 'dod pas rnam pa kun tu mtshungs so/ /de longs spyod rdzogs pa'i sku'i cha gcig yin gyi /longs sku dngos ma yin la/ de ni mtshan dpe ma lus pa tshogs pa la 'dogs pas so zhe na/ de yang ngo bo nyid kyi sku'i cha shes yin gyi dngos ma yin te/ ye shes chos sku'i steng du dag pa gnyis ldan tshogs pa la 'dogs pa'i phyir ro/ /des na ye shes chos kyi sku dgos pa lhag dang bcas par gzigs nas sku logs par rnam gzhag mdzad do/ /longs @181a @#/ /spyod rdzogs pa'i sku ni bshad zin la/ mchog gi sprul pa'i sku ni/ ye shes chos kyi sku nyid so so skye bo kha cig la yang mtshan dpas spras pa'i gzugs kyi skur snang ba dga' ldan gyi gnas nas 'phos pa la sogs pa'i rim pas byang chub kyi shing drung du mngon par rdzogs par 'tshang rgya ba'i tshul bstan pa de nyid do/ /gsum pa ni/ sangs rgyas kyi ngo bo nyid kyi sku sangs rgyas mtshan nyid pa ma yin par 'dod pa ni/ sdig pa bas kyang ches sdig ste/ dag pa gnyis ldan gyi sku la skur ba btab pa'i phyir ro/ /de lta na de yon tan tsam ma yin par thal/ yon tan mthar thug kyang ma yin la/ de min pa'i gnas skabs kyi yon tan yang ma yin pa'i phyir/ rtags snga ma ma grub na/ sangs rgyas min pa nyams la/ 'dod na spangs pa mthar thug yon tan ma yin na/ rtogs pa mthar thug kyang yon tan ma yin par mtshungs so/ /gzugs sku gnyis gdul bya'i gzhan snad tsam yin gyi /sangs rgyas rang snang la med pa dang/ sangs rgyas rang rgyud kyis bsdus pa med pa'o/ /zhes smra ba ni kha na ma tho ba shin tu che ste/ sangs rgyas kyi gzugs sku gnyis gtan med du thal/ thams cad mkhyen pas mngon sum du ma gzigs pa'i phyir/ ma grub na/ rang snang la med pa 'gal lo/ / sangs rgyas ni de bzhin nyid la rtag tu mnyam par bzhag pa yin la/ de'i gzigs pa'i ngor ma grub pa'i don yin no/ /zhe na/ de yang mi 'thad par sngar bshad zin to/ /gzugs sku gnyis gang zag su gang gi yang rgyud kyis ma bsdus pa'am/ @181b 'on te/ sems can gyi rgyud kyis bsdus par 'dod/ dang po ltar na/ byang chub sems dpa' 'phags pas sbyin pa gtong ba dang tshul khrims bsrung ba sogs rang rgyud la goms par byas pa la 'bras bu mthar thug pa thob pa mi srid par thal/ bsod nams kyi tshogs goms pa'i 'bras bu mthar thug pa gang zag su gang gi yang rgyud kyis bsdus pa mi srid pa'i phyir/ 'on te sa bcu rgyun gyi tha ma bar du rang rgyud kyis bsdus pa'i sbyin sogs kyi spyod pa goms par byas pa la brten nas/ sangs rgyas pa'i tshe/ rig pa rgyud chad nas de bzhin nyid rnam par dag pa'i rang bzhin 'ba' zhig tu 'gyur ba'o/ /zhe na/ de lta na rgyang phan gyis 'chi ka ma tshun chad rig pa 'byung gi shi nas gtan med du 'gyur pa la gnod pa cung zad kyang bstan mi nus pas tshu rol mdzes pa pa'i lugs de nyid la thub pa'i dgongs par ma smra zhing 'dis 'phags pa'i mnyam gzhag na blo med par khas len pa yang bkag par shes par bya'o/ /'on te gzugs sku gnyis sems can gyi rgyud kyis bsdus pa tsam mo/ /zhe na/ yon? (lon?) gang zag lha sbyin gyis gtog pa'i sems pa dang spong ba'i sems pa sogs goms pa rab kyi mthar thug pa na/ de las rgyud tha dad pa'i gang zag mchod sbyin gdul bya'i snang ngo tshun chad du 'grongs pa'i tshul yang mi ston pa'i tshe ring pa'i mthar thug pa dang/ longs spyod che ba'i mthar thug pa sogs su 'dod pa ni las byas pa chud zos pa dang ma byas pa dang phrad par khas len pa'i las 'bras phyin ci log tu smra ba'i mthar thug par shes par bya'o/ /yang kha cig /sangs rgyas @182a @#/ /rang rgyud kyis bsdus pa'i 'dus byas kyi yon tan cung zad kyang med par smra ba ni/ blo zad chos zad du 'dod pa phyin ci log gzhan gyi lugs su shes par bya'o/ /de dag gis ni sangs rgyas kyi gzugs kyi sku gnyis sangs rgyas mtshan nyid pa ma yin par 'dod pa yang bkag par shes par bya la/ kha cig de'i shes byed du bcom ldan 'das nyid kyis/ gang dag nga la gzugs su mthong/ /zhes sogs gsungs pas so/ /zhes shes byed du byed pa ni/ sems rnal du mi gnas pa ste/ de ltar smra ba po de khyod kyis sangs rgyas ma yin par khas blangs pa ma yin nam/ des na sangs rgyas kyi ye shes nyid gdags pa'i gzhir byas nas gzugs kyi sku rnam par bzhag pa yin gyi /bem pos bsdus pa'i rdul phra rab bsags pa'i lus ni cung zad kyang med par shes par bya'o/ /'di dag la brten nas sku'i rnam gzhag rgyas par rtogs par bya ste/ 'dir ni tshigs mangs su dogs nas de tsam las ma spros so/ /'grel pa don gsal du/ yang dag pa'i kun rdzob tu snang ba/ zhes gsungs pa ltar gzugs sku gnyis kyang yang dag kun rdzob tu 'jig rten pa'i blo la ltos nas shes par bya'o/ /gnyis pa yan lag gi don la gsum/ chos kyi sku dang/ longs spyod rdzogs pa'i sku dang/ sprul pa'i sku'o/ /dang po la gnyis/ mtshan nyid lnga ldan du bstan pa dang/ yon tan lnga ldan du bstan pa'o/ /dang po ni/ thog ma dang/ dbus dang/ mtha' skye ba dang/ gnas pa dang 'jig pa med cing 'dus ma byas pa dang/ chos dbyings las ngo bo @182b tha dad pa'i tshul du rnam par dbyer med pas tha mi dad pa dang/ sgro 'dogs dang skur 'debs kyi mtha' gnyis su lhung ba med pas phyin ci ma log pa dang/ nyon mongs dang shes bya'i sgrib pa dang/ snyoms 'jug gi sgrib pa gsum dang bral bas rnam par dag pa'i khyad par dang/ dri ma rang bzhin gyis med pa dang/ rnam par rtog pas rtogs tshul rdzogs pa'i tshul gyis rtogs pa med pa dang/ chos dbyings rang bzhin gang yin pa de rtogs pa mnyam par bzhag pa'i rnal 'byor pa yis so so rang gi rig pa'i tshul gyis mthong bar bya bas ni 'od gsal ba'i khyad par bstan to/ /rang bzhin rnam dag dang spangs pa'i rnam dag gnyis yul can gyi khyad par du byas nas bstan to/ /dri med rnam par rtog med man chad lnga par sbyor/ gnyis pa ni/ ngo bo nyid kyi sku de bzhin gshegs pa'i dri ma med pa'i dbyings de ni tshad 'di tsam du zad do/ /zhes gzhal du med pas rgya che ba dang/ gang-gI klung gi bye ma las 'das pa grangs mtha' yas pa dang/ mu bzhir rtog gis bsam du med pa dang/ gzhan dang mnyam pa med pa dang/ nyon mongs bag chags dang bcas pa'i nyes pa rnam par spangs pa'i yon tan rnams dang ldan par shes par bya'o/ /gnyis pa ni sna tshogs pa'i dam chos kyi gsung gi 'od zer mnga' ba'i sku zhes pas sku ston pa dang gsung brjod pa gnyis bstan la/ thugs kyi mdzad pa ni/ 'gro ba'i rnam grol gyi don bsgrub pa la brtson par mdzad la/ de'i khyad par ni rnam par rtog pa med bzhin du lhun gyis grub pa yid bzhin gyis nor bu'i rgyal po bzhin te'o/ /sku sna tshogs pa'i dngos @183a @#/ /por snang ba dang/ de ltar snang yang snang ba ltar de'i rang bzhin du grub pa min pa ni/ snang ba ltar rang bzhin gyis ma grub pa dang/ gdul bya kha cig la rdul phra rab bsags pa'i lus ltar snang yang de ltar ma grub pa'o/ /gsum pa ni/ mchog gi sprul pa'i sku thog mar 'jig rten zhi ba'i lam la 'dun cing 'jug pa dang/ de nas rab tu smin pa dang/ zag pa med pa'i dbyings las bslang ste theg pa chen por lung ston pa'i rgyu'i gzugs kyi sku gang yin pa de yang 'jig rten 'dir ni rgyun mi 'chad pa'i tshul gyis rtag par gnas te/ nam mkha'i khams su gzugs kyi khams rgyun mi 'chad pa bzhin no/ /sangs rgyas kyi ye shes gcig nyid gzugs kyi sku bye ba phrag brgya la sogs pa mtha' yas pa la dus cig car du brten nas gnas par shes par bya'o/ /gnyis pa la gnyis/ mtshams sbyar ba dang/ rtsa ba'o/ /dang po ni/ tshigs su bcad pa zhes so/ /gnyis pa la gnyis/ spyi'i dbye ba dang/ so so'i rang bzhin rgyas par bshad pa'o/ /dang po la gsum/ dbye gzhi bshad pa dang/ 'byed pa'i rgyu mtshan dang/ dbye ba'i don to/ /dang po ni/ srid pa tha ma pa'i tshe slob dpon gzhan la mi ltos par rang nyid kyis byang chub mngon du byas shing/ shes bya thams cad mngon sum du gzigs pas rang byung rnams kyis thams cad mkhyen pa dang sgrib pa zad par spangs pas sangs rgyas nyid ces gang brjod pa dang/ mchog tu mthar thug pa'i mya ngan las 'das pa brnyes pa dang/ rang las rtogs pa dma' ba gzhan gyis ji lta ba bzhin du bsam du med cing/ dgra bcom pa so sor rang gis rig pa'i @183b bdag nyid du gyur pas sku gsum du dbye ba'i gzhi bstan to/ /gnyis pa ni/ de la dbye na zab pa ngo bo nyid kyi sku dang/ rgya che ba longs spyod rdzogs pa'i sku dang/ bdag nyid chen po mchog gi sprul pa'i sku bshad zin pa dang 'chad par 'gyur pa'i yon tan gyi chos kyi rab tu phye ba'i rgyu mtshan gyis gsum du dbye'o/ /gsum pa ni/ chos sku'i rang bzhin la sogs pa'i sku gsum dag gi dbye ba rab tu 'jug go /gnyis pa la gsum/ ngo bo nyid kyi sku dang/ longs spyod rdzogs pa'i sku dang/ sprul pa'i sku'o/ /dang po la gsum/ mtshan nyid dang/ yon tan gyi grangs dang/ de dag so sor bshad pa dang/ yon tan lngar 'byed pa'i rgyu mtshan no/ /dang po ni/ de la sangs rgyas rnams kyi ni ngo bo nyid kyi sku 'dus ma byas pa sogs mtshan nyid lnga dang/ mdor na gzhal du med pa sogs yon tan lnga dang ni ldan pa nyid du rig par bya'o/ /gnyis pa la gnyis/ mtshan nyid lnga bshad pa dang/ yon tan lnga bshad pa'o/ /dang po ni/ skye 'jig gnas gsum dang bral bas 'dus ma byas shing yon tan rang bzhin tha dad pa'i tshul du rnam par dbyer med pa dang/ sgro 'dogs dang skur 'debs kyi mtha' gnyis dag ni rnam par spangs pa dang/ nyon mongs pa'i sgrib pa dang/ shes bya'i sgrib pa dang/ snyoms 'jug gi sgrib pa gsum las ni nges par grol te/ spangs pa'i khyad par sogs mtshan nyid kyi cha dang po bzhi'o/ /lnga pa ni dri ma rang bzhin gyis grub pa med pa'i phyir dang/ rnal 'byor pa rnams kyis so so rang gis rig pa'i yul yin pa'i phyir dang/ chos dbyings kyi ngo bo yin pa nyid kyis ni rang bzhin gyis dag pa'i phyir na rgyu mtshan bzhis 'od gsal ba @184a @#/ /bstan to/ /gnyis pa ni/ tshang 'di tsam du zad kyi gzhan du med do zhes gzhal du med pa dang/ yon tan gyi grangs mtha' med pa dang/ mu bzhir rtog ges bsam du med pa dang/ gzhan dang mnyam pa med pa dang/ dri mas dag pa'i mthar thug pa'i yon tan lnga po rnams dang yang dag par ngo bo nyid kyi sku ldan te/ dag pa gnyis mthar thug pa'o/ /gsum pa ni/ yon tan rgya che ba'i phyir dang/ grangs med pa'i phyir dang/ rtog ge'i yul ni min pa'i phyir dang/ sangs rgyas 'ba' zhig la yod kyi gzhan la med pa'i phyir dang/ nyon mongs bag chags dang bcas pa spangs pa'i phyir/ gzhal med la sogs pa yon tan lnga po'i rgyu mtshan du go rim bzhin du shes par bya'o/ /gnyis pa la gnyis/ so sor bshad pa dang/ bsdus te bstan pa'o/ / dang po la gsum/ sku mtshan dpes spras pa dang gsung chos ston pa'i rigs 'dra rgyun mi 'chad pa dang/ mdzad pa rgyun mi 'chad cing de gsum lhun gyis grub par 'jug pa dang/ sna tshogs su snang yang snang ba ltar rang bzhin gyis ma grub pa'o/ /dang po ni; brjed bya kun rdzob pa dang don dam pa ston pa'i drang don dang nges don gyi gsung sna tshogs pa'i theg pa chen po'i chos la rdzogs par longs spyod pa po rang bzhin sku mtshan dpes spras pa 'khor ba ji srid ma stongs kyi bar du rigs 'dra rgyun mi 'chad pa'i gsung gi chos ni de dang 'dra bar snang ba'i phyir dang/ des sku ston pa gsung rgyun mi 'chad pa ngo bo nges pa dang longs spyod nges par stan to/ /gnyis pa ni/ bskal pa grangs med gsum du snying rje chen po goms pa mthar thug pas thugs rje chen po dag pa'i rgyu @184b mthun pa'i 'bras bu dngos su mthar phyin pa'i byang chub sems dpa' rnams dang/ brgyud nas rigs can gsum ga'i 'gro ba'i don rgyun mi 'chad pa'i phyir dang/ 'dis mdzad pa rgyun mi 'chad pa bstan to/ /de gsum la rnam par rtog pa med cing lhun gyis grub par gdul bya'i 'dod pa ji lta ba bzhin du yongs su skong bar mdzad pa'i phyir/ 'dis rnam par rtog pa med cing lhun gyis grub pa bstan to/ /gsum pa ni/ yid bzhin gyi nor bu'i mthu'i ngo bo dang nus pa sna tshogs su snang yang snang ba ltar rang bzhin gyis ma grub bzhin du rdzu 'phrul gyis theg pa chen po'i chos la rdzogs par longs spyod par rnam par gnas nas sna tshogs su snang yang snang ba ltar du rang bzhin gyis ma grub pa'o/ /'dis longs spyod rdzogs pa'i sku'i rkyen las mchog gi sprul pa'i sku la sogs pa'i sku'i bkod pa rgyud tha dad pa ltar snang ba du ma ston yang/ de ltar ma grub pa longs sku'i nus mthu'i khyad par dang/ longs spyod rdzogs pa'i sku nyid kyang rang bzhin gyis grub par snang yang der ma grub pa'o/ /gnyis pa la gnyis/ dngos dang/ sna tshogs su snang ba dpes bsgrub pa'o/ /dang po ni/ gsung brjod pa dang/ sku ston pa dang/ mdzad pa rgyun mi 'chad pa gsum dang/ gsum 'bad rtsol gyis mngon par 'du byed pa med pa dang/ rgyud so so tha dad pa sna tshogs su ma grub kyang/ de'i ngo bo min par ston pa mdzad la/ longs spyod rdzogs pa'i sku 'dir ni sna tshogs ston par mdzad pa dang yon tan rnam pa lngar brjod do/ /gnyis pa ni/ nor bu kha dog @185a @#/ /sna tshogs su ma grub kyang/ ji ltar tshon ni sna tshogs kyis nor bu kha dog sna tshogs su bsgyur nas nor bu rang gi kha dog gi dngos po min par snang ba ltar de bzhin du rigs dang bsam pa sna tshogs pa'i 'gro ba'i rkyen sna tshogs pas khyab pa dag de rang gi dngos po min par snang ba ni sngar bshad pa ltar ro/ /gsum pa la gsum/ chog gi sprul pa'i sku'i rang bzhin dang/ mdzad pa bcu gnyis kyis don sgrub pa'i tshul dang/ gdul bya bkri ba'i rim pa bstan pa'o/ /dang po ni/ rgyu thugs rje chen pos 'jig rten rigs can gsum gyi khams dang bsam pa dang bag la nyal ji lta ba bzhin du mkhyen pa po des/ ched du bya ba 'jig rten kun la gzigs nas ni chos kyi sku las ma g.yos par rnam par sprul pa'i rang bzhin sna tshogs kyis gdul bya dang mthun par don mdzad de/ 'dis ni longs spyod rdzogs pa'i skus sprul pa sprul par mdzad pa bstan to/ /gnyis pa ni/ bdag cag gi ston pa'i mdzad pa bcu gnyis ston pa dper byas na mdzad pa bcu gnyis rdzogs par ston pa'i gnas ni 'dod pa'i khams yin la/ de'i nang nas kyang 'dzam bu'i gling pa las kyi sa pa yin pas skyo ba skye sla ba'i phyir/ mngon par rdzogs par 'tshang rgya ba'i tshul ni 'dzam bu'i gling du ston par mdzad pa yin no/ /'dod pa'i khams su thog mar skye ba'i tshul ston pa dga' ldan du lha'i bu dam pa tog dkar po lta bur mngon par skye ba dang/ de nas mdzad pa bcu gnyis kyi dang po dga' ldan gyi gnas nas ni 'dzam bu'i gling du 'pho ba dang/ gnyis pa yum gyi lhums su 'jug pa dang/ gsum @185b pa sku bltams pa dang/ bzhi pa bzo'i gnas sogs sgyu rtsal drug cu rtsa bzhi la mkhas pa dang/ lnga pa btsun mo'i 'khor gyis dgyes par rol ba dang/ drug pa khab nas byung ste rang byung gi bsnyen rdzogs kyis nges par 'byung ba dang/ bdun pa chu bo nai ra nydzA na'i 'gram du lo drug dka' ba spyod pa dang/ brgyad pa rdo rje'i gdan du byang chub kyi shing drung du gshegs pa byang chub snying por gshegs pa dang/ dgu pa bdud kyi sde ma lus pa 'joms par mdzad pa dang/ bcu pa chos thams cad rnam pa thams cad du mngon par rdzogs par ni byang chub pa dang/ bcu gcig pa chos kyi 'khor lo rim pa gsum du bskor bar mdzad pa dang/ bcu gnyis pa grong khyer rtsVa mchog tu shing sa la zung cig gi drung du mya ngan las 'das par gshegs pa'i mdzad pa rnams ston par mdzad do/ /dga' ldan du skye ba dang por byed na/ lhums su zhugs pa dang bltams pa gcig tu bya'o/ /mdzad pa gang du ston na/ yongs su ma dag pa'i zhing rnams su'o/ /dus ni/ srid pa ji srid gnas par ston par mdzad do/ /gsum pa ni/ 'dus byas thams cad mi rtag pa dang/ zag pa dang bcas pa thams cad sdug bsngal ba dang/ chos thams cad bdag med pa dang/ mya ngan las 'das pa zhi ba'i sgra yis 'khor ba mtha' dag gis yid 'byung ba dang/ thar pa thob pa'i thabs mkhyen pa mchog gi sprul pa'i skus 'khor ba'i nyes dmigs bstan nas sems can rnams srid pa gsum la skyo ba skyes nas zhi ba mya ngan las 'das pa la rab tu 'jug par mdzad do/ /lta ba dkar/ @186a @#/ /rtags kyi phyag rgya bzhi'i sgo nas theg pa chen po'i rigs can rnams kyang thog mar 'khrid par mdzad pa sngar bshad pa ltar yin la/ gnas skabs nyan rang du rigs nges pa ni de bstan nas thog mar dman pa'i myang 'das su 'khrid par mdzad do/ /de nas sdug kun zhi ba'i lam la rab tu zhugs pa mthar thug pa'i mya ngan las 'das pa thob snyam pa'i 'du shes can de dag zhi ba'i dbyings las bslangs nas dam chos pad-ma dkar po la sogs las chos kyi de nyid 'khor gsum yongs su dag pa'i gtam mthar thug theg pa gcig tu sgrub pa'i tshul bstan pa yis nyan rang de dag sngar 'khor ba'i sdug bsngal nye bar zhi ba las gong du bgrod mi dgos par 'dzin pa las ldog ste theg pa chen po'i thabs dang shes rab bstan pas yongs su bzung bas theg pa mchog la smin par mdzad de bla na med pa yang dag par rdzogs pa'i byang chub mchog tu lung bstan to/ /'di dpyad par bya ste/ nyan thos dang rang sangs rgyas dgra bcom pa zhi ba'i dbyings las bzhengs nas theg pa chen po'i lam du 'jug pa na/ theg pa chen po'i tshogs lam nas 'jug pa'am/ 'on te mthong lam yan chad nas 'jug ce na/ 'di la gzhan gyi 'dod pa sun dbyung ba dang/ rang gi lugs rnam par bzhag pa'o/ /dang po ni/ gzhan dag na re/ nyan thos la chos kyi bdag med rtogs pa yod par 'dod pa ltar na ni/ theg chen gyi mthong lam man chad du 'jug pa mi rigs te/ stong nyid sngar ma rtogs pa mngon sum gyis gsar du rtogs pa'i ched du/ theg pa chen @186b po'i mthong lam bskyed dgos pa yin na/ stong nyid mngon sum gyis rtogs zin goms par byas pas dgos pa med pa'i phyir ro/ /de'i ltar na sa bdun pa yan chad nas 'jug la/ nyan thos la chos kyi bdag med rtogs pa med pa ltar na/ stong nyid mngon sum gyis gsar du rtogs pa'i theg pa chen gyi mthong lam bskyed dgos shing/ de'i rgyur sgom byung gyis stong nyid don spyi'i tshul gyis sgom pa'i sbyor lam bskyed dgos la/ de la yang stong pa nyid thos bsam gyis gtan la 'bebs dgos pas theg pa chen po'i tshogs lam nas 'jug pa yin no/ /zhes zer to/ /de ni shin tu mi rigs te/ nyan thos la chos kyi bdag med rtogs pa med par 'dod pa ltar na yang/ theg pa chen po'i mthong lam rgyud la skyed mi dgos par thal/ bdag med sngar ma rtogs pa mngon sum gyis gsar du rtogs pa'i ched du theg chen gyi mthong lam bskyed dgos pa yin la/ nyan thos dgra bcom pas bdag med mngon sum du rtogs zin goms par byas pa'i phyir ro/ /zhes smras na lan ci yod/ theg chen gyi mthong lam bdag med tsam mngon sum gyis gsar du rtogs pas rab tu phye ba ma yin gyi /stong nyid phra mo mngon sum gyis gsar du rtogs pas kyang khyad par du byas pas/ de gsar du bskyed dgos pa'i phyir ro/ /zhe na/ 'o na lugs snga ma ltar na yang theg pa chen po'i mthong lam nges par rgyud la bskyed dgos par thal/ de ni bsod nams kyi tshogs rgya chen po dang/ ye shes kyi tshogs gnyis kyis khyad par du byas pa yin la/ bsod nams kyi tshogs kyis bsdus pa'i mthong lam de @187a @#/ /rgyud la gsar du bskyed dgos shing/ de'i rgyur tshogs sbyor yang rgyud la bskyed dgos pa'i phyir/ lugs snga ma ltar na theg pa chen po'i lam gyis bsdus pa'i bsod nams kyi tshogs sa bdun pa yan chad du rdzogs par byed pas skyon med do zhe na/ 'o na myur du bla na med pa'i byang chub thob par 'dod pas dang por ngas par nyan thos kyi lam du 'jug rigs par thal/ brtson 'grus 'bar bas nyan thos dgra bcom pa'i 'bras bu tshe gsum la thob nus shing/ de nas sa drug pa man chad rgyud la skyed mi dgos par sa bdun pa nas zhugs pas chog pa'i phyir dang/ theg pa chen po'i tshogs sbyor la yang bskal pa chen po grangs med pa gcig gi bar tshogs bsags dgos pa'i phyir ro/ /des na/ 'di la brten nas nyan thos dgra bcom pas theg chen gyi tshogs sbyor man chad skyed mi dgos pa dang/ sa brgyad pa ma mthar byas nas de nas 'jug par 'dod pa sogs kyang mi 'thad par shes par bya'o/ /gnyis pa ni/ des na nyan rang dgra bcom pas bdag med pa phra mo gnyis ka mngon sum du rtogs par byas mod kyi/ de lta na yang theg pa chen po'i lam du 'jug pa'i tshe ni/ tshogs lam nas nges par 'jug ste/ bsod nams kyi tshogs kyis bsdus pa'i gsal ba'i dbye ba mtha' yas pa thog mar thos bsam gyis legs par gtan la phab nas de nas 'jig rten pa'i sgom byung gis bskal pa grangs med pa'i bar du goms par byas pa las/ de'i rjes su sa dang pos bsdus pa'i yon tan brgya phrag bcu gnyis la sogs pa thob par byed pa'i phyir ro/ /de lta bu'i tshogs sbyor @187b la gnas pa'i tshe so so skye bor 'dod pa ni 'phags pa'i gang zag la skur ba 'debs shing 'jig rten las 'das pa'i lam gyi spangs pa slar ldog pa thar pa la yid brtan mi rung bar 'dod pa'i log lta chen por shes par bya'o/ /'o na stong nyid mngon sum gyis sngar ma rtogs pa gsar du rtogs par byar med pas mthong lam cha shes kyis bskyed pa nyid du thal bar 'gyur ro/ /zhe na/ de ni khyed kyi nyan thos la chos kyi bdag med rtogs pa med par 'dod pa'i lam gyi 'jug tshul de la yang lan ji ltar 'debs soms shig 'dir ni/ nyan thos kyi rigs can rnams kyis rigs pa mdor bsdus pa tsam la brten nas stong pa nyid kyi don mngon sum du rtogs nas goms par byas pas dgra bcom pa'i 'bras bu 'thob la/ theg pa chen po'i lam du zhugs pa'i tshe ni/ dbu ma rtsa ba shes rab las gsungs pa ltar stong pa nyid kyi den la yang rigs pa'i tshogs mtha' yas pa'i sgo nas nges pa bskyed par byed pas chos dbyings kun tu 'gro ba'i don du rtogs pa sa dang por bzhag gi /nyan rang 'phags pa la ma bzhag pa'i phyir ro/ /gzhan yang/ chos dbyings mngon sum gyis rtogs pa tsam du khyad par med kyang/ mi mthun pa'i phyogs 'joms pa la sogs pa'i nus pa dang/ mthu che chung gi khyad par sogs ni ri rab dang yungs 'bru'i tshad du shes par bya'o/ / des na nyan thos la chos kyi bdag med rtogs pa yod pa'am/ med par 'dod kyang rung ste/ theg pa chen po'i tshogs lam nas 'jug par shes par bya'o/ /'di la brten nas theg pa chen por rigs nges pa dang/ gnas skabs nyan thos su rigs nges pa dus @188a @#/ /mnyam du tshogs lam nas 'jug pa gnyis bla na med pa'i byang chub thob pa la theg pa chen po'i rigs can de nyid ches shin tu myur zhing/ cig shos ches shin tu bul ba'i khyad par yang shes par bya ste/ de'i rgyu mtshan rigs pa'i tshogs mtha' yas pas brjod par nus mod kyi/ 'dir ni tshig mangs su dogs nas ma bris so/ /dam chos pad-ma dkar po'i mdo las nyan thos theg chen gyi lam du 'jug par gsungs pa shes byed du mdzad pa ni/ byang chub tu yongs su bsgyur ba pa'i nyan thos la dgongs so/ /zhes gsungs pa yang/ skabs dang shugs la sogs rgyu mtshan yang dag pa gang yang med par spyi'i sgra bye brag la 'jug go /zhes pa yang yid ches pa'i gnas su mi rung bas/ mthar thug theg pa gcig tu sgrub pa'i gzhung legs par btsugs par shes par bya'o/ /gsum pa don bsdu ba ni/ sangs rgyas kyi chos nyid dang de la rtag tu mnyam par bzhag pa'i chos kyi sku rtogs par dka' bas zab pa dang/ longs spyod rdzogs pa'i sku ni gdul bya gdul pa'i mthu ni sna tshogs dang ldan pas rgya che ba dang/ mchog gi sprul pa'i sku ni so so skye bo la yang dngos su snang nas byis pa'i don bsam pa dang mthun par gdul bya rab tu 'dren par mdzad pa'i phyir sku gsum po 'di dag grangs bzhin du zab pa dang rgya che ba'i sku dang; bdag nyid chen por shes par bya'o/ /'dir ni dang po chos kyi sku ste phyi ma gnyis po ni gzugs kyi sku'o/ /nam mkha' la ni gzugs kyi skabs rnyed nas gnas pa bzhin du dang po chos kyi sku gnyis gnas te de bzhin nyid dri ma mtha' dag gis rnam @188b par dag pa na gzugs kyi sku gnyis kyi go skabs nges par rnyed pa'i phyir ro/ /gnyis pa brtag pa'i khyad par bshad pa la gnyis/ mtshams sbyar ba dang/ don bshad pa'o/ /dang po ni/ 'gro ba la zhes so/ /gnyis pa la gnyis/ bstan pa dang/ bshad ched du bya ba sems can gyi don mdzad pa la don bya yul sems can zad pa med pa'i phyir dang/ 'khor ba ji srid par sems can gyi don mdzad par bzhed pa'i brtse ba dang nus mthu rdzu 'phrul gnyis ka nyams pa med pa'i phyir dang/ shes bya ji snyed pa mtha' dag mngon sum du gzigs shing ji lta ba la dmigs pa'i mkhyen pa mnga' ba dang sdug bsngal gyis mi gnod pa'i bsam gtan gyi bde ba phun tshogs dang ldan pa'i phyir dang/ nyes pa gang gi yang dbang du mi 'gro ba'i chos kyi dbang phyug thob pa'i phyir ro; ;gnyis pa ni/ 'chi ba'i bdud zad par bcom pa'i phyir dang/ rang bzhin gyis grub pa'i ngo bo med pa rang bzhin du gnas pa'i phyir dang/ gdul bya bslu ba med pa'i 'jig rten gyi mgon po yin pa'i phyir sku gsum po brtag pa'i khyad par dang ldan par shes par bya'o; ;gnyis pa la gnyis/ mtshams sbyar ba dang/ rtsa ba'o/ /dang po ni/ 'di'i zhes so/ /gnyis pa la gnyis/ so sor bshad pa dang/ don bsdu ba'o/ /dang po la gnyis/ gzugs sku brtag pa'i rgyu mtshan bdun dang/ chos sku brtag pa'i rgyu mtshan @189a @#/ /gsum mo/ /dang po la gnyis/ 'jig rten yongs su 'dzin pa'i rgyu dang/ mi 'dor ba'i rgyu'o/ /dang po zad mi she pa sngon du song ba ni sngon bskal pa grangs med gsum gyi bar du lus dang srog dang longs spyod rnams sems can gyi don du sbyin par btang nas dam pa'i chos ma lus pa 'dzin par mdzad pa'i phyir dang/ ched du bya ba zad pa med pa ni sems can thams cad bla na med pa'i byang chub la 'god par bzhed nas sems can kun la phan pa'i phyir dang por dam bcas pa mthar 'byin par mdzad pa'i phyir bzhed pa mnga' bsgyur ba phun sum tshogs pa dang ldan pa ni/ sangs rgyas nyid la nyon sgrib zad pas gtsang ba dang/ shes sgrib kyis dag pa'i thugs rje 'khor ba ji srid kyi bar du rab tu 'jug pa'i phyir/ bzhed na ji srid kyi bar du bzhugs pa'i nus pa mnga' ba'i rdzu 'phrul rkang pa ston pa ni/ rdzu 'phrul de bzhis rtag tu gnas par spyod pa'i phyir/ gnyis pa ni/ blang dor gyi gnas la nye ring dang bral bas rtag tu gnas te/ mkhyen pas 'khor ba dang mya ngan las 'das pa'i mtha' gnyis su 'dzin pa las grol ba'i phyir/ sdug bsngal gyis mi gnod pa'i bsam gtan gyi bde ba phun sum tshogs pa dang ldan pas rtag tu bsam yas ting nge 'dzin gyi bde ba phun sum tshogs pa dang ldan pa'i phyir/ nyes pa'i gzhan dbang du mi 'gyur te/ 'jig rten na ni spyod pa? na 'jig rten pa'i chos kyis gos pa med pa'i phyir/ gnyis pa ni/ 'chi bdag gi bdud zad par bcom ste/ nyon mongs dang shes sgrib kyi phyogs kyis bsdus pa'i 'chi ba me dpa bzhi ba'i @189b gnas nas thob pa la 'chi bdag gi bdud rgyu ba med pa'i phyir/ rang bzhin gyis stong pa rang bzhin du gnas pa yin te/ 'dus ma byas pa'i rang bzhin gyis de bzhin nyid la rtag tu mnyam par bzhag pas rab tu phye ba'i thub pa gdod nas rang bzhin gyis grub pas stong zhing rab tu zhi ba'i phyir/ rtag par 'jig rten gyi mgon po mdzad de/ skyabs kyi dgos nus gnyis ka tshogs pas skyabs med pa rnams kyi ni skyabs la sogs par 'thad pa'i phyir ro/ /gnyis pa ni/ dang po yi ni rgyu mtshan bdun gyis gzugs kyi sku'i brtag pa nyid kyi don de bshad la/ rgyu mtshan phyi ma gsum gyis ston pa ni chos kyi sku yi brtag pa nyid kyi don bshad de/ 'di dag gis 'gro ba'i phan bde sgrub pa'i rgyu mi zad pa la brtag par gsungs kyi/ bsgrub pa rang dbang ba'i rtag dngos la ma gsungs so/ /gsum pa bsam gyis mi khyab pa'i khyad par bshad pa la gsum/ mtshams sbyar ba dang/ bstan pa dang/ bshad pa'o/ /dang po ni/ de bzhin gshegs pa zhes so/ /gnyis pa ni/ sangs rgyas kyi sku gsum la bsam gyis mi khyab pa'i rgyu mtshan drug 'byung ba'i dang po lnga chos sgra bsam gyis mi khyab pa'i rgyu mtshan dang/ drug pa gzugs sku bsam gyis mi khyab pa'i rgyu mtshan no/ /de la ngo bo dang/ dbye ba dang/ grangs ma lus pa rgyal ba 'ba' zhig gi mngon sum gyi spyod yul du gyur pa'i sku gsum po de ni/ mthar phyin pa'i byang chub sems dpa' 'phags pa rnams kyis kyang bsam gyis mi khyab ste/ rtogs tshul rdzogs pa'i tshul gyis dag gi yul min pa'i phyir/ de'i rgyu mtshan don dam gyis bsdus pa'i phyir te/ mnyam gzhag gi dmigs pa yin pa'i phyir/ @190a @#/ /ces pa'o/ /de'i rgyu mtshan phyin ci log gi rtog pa'i gnas te dmigs pa min pa'i phyir/ de yang dpe las 'das pa'i phyir te rtags dang dpe tsam la brten nas rdzogs par rtogs mi nus pa'o/ /de'i rgyu mtshan 'jig rten thams cad las 'das shing gong na med pa bla na med pa'i phyir chos kyi sku bsam gyis mi khyab pa'i rgyu mtshan no/ /'o na byang chub sems dpa' 'phags pa rnams kyis gzugs kyi sku mngon sum du dmigs pa dang/ so so skye bos kyang mngon sum du dmigs par grags pa dang 'gal lo/ /zhe na/ mngon sum du dmigs mod kyi/ de yang srid pa'i mtha' dang/ zhi ba'i mthas ma bsdus shing/ mi gnas pa'i mya ngan las 'das pa'i bdag nyid yin pa'i phyir bsam gyis mi khyab bo/ /gsum pa la gnyis/ mtshams sbyar ba dang/ rtsa ba'o/ /dang po ni/ 'di'i zhes so/ /gnyis pa la gsum/ bsam gyis mi khyab pa'i don so sor bshad pa dang/ de sku gnyis la bsdus ta sbyar ba dang/ don bsdu ba'o/ /dang po ni/ yang dag par rdzogs pa'i sangs rgyas ma yin pa'i gang zag rnams kyis ma lus pa mngon sum gyis bsam du med de/ rtogs tshul rdzogs pa'i tshul gyis sgras brjod du med pa'i phyir/ da ltar brjod du med de/ don dam yin pa'i phyir/ don dam yin te/ ma lus par rtogs gis brtag par bya ba min pa'i phyir/ yang de brtag bya min te/ rtags kyis ma lus par rjes su dpag bya min pa'i phyir/ de ltar dpag bya min te/ bla na med pa'i phyir/ bla na med pa yin te/ srid zhis ma bsdus pa'i yon tan yin pa'i phyir/ @190b srid zhis ma bsdus te/ srid zhi'i mtha' gang la yang gnas pa med pa'i phyir te/ zhi ba'i yon tan dang/ srid pa'i skyon rtog pa med par srid zhi mnyam nyid du rtogs pa mthar thug pa'i phyir ro/ /gnyis pa ni/ gong du bshad pa'i rgyu mtshan lnga po dag gis shin tu rtogs dka' zhi 'phra ba'i phyir/ chos kyi sku bsam gyis mi khyab pa ste/ drug pas sku gcig nyid rgyud tha dad pa dad pa du ma ltar snang yang de'i dngos por grub pa min pa'i phyir/ gzugs sku bsam gyis mi khyab pa'o/ /gsum pa ni/ rang byung yang dag par rdzogs pa'i sangs rgyas rnams kyi tha ma'i tshul gnas ma lus par gyur pa'i sku gsum po 'di ni drang srong chen po dbang thob pa dag pas la gnas pa'i byang chub sems dpa' rnams kyis kyang ma lus pa mngon sum du rig pa min te/ rgyal ba yang dag par rdzogs pa'i sangs rgyas kyi sku gsum ma lus pa de rnams kyis bsam gyis mi khyab pa des na'i phyir te/ bla na med pa'i ye shes dang thugs rje chen po sogs mkhyen pa dang brtse ba'i yon tan gyis yon tan thams cad kyi pha rol mthar thug par byon pa'i phyir/ gsum pa le'u'i mtshan bstan pa ni/ theg pa chen po rgyud bla ma'i bstan bcos dkon mchog gi rigs rnam par dbye ba las dag pa gnyis dang ldan pa'i byang chub kyi skabs zhes bya ba ste le'u gnyis pa las theg pa chen po'i nges don gyi mdo sde'i dgongs pa 'grel par byed pa'i bstan bcos kyi rnam par bshad pa skabs gnyis pa'i 'grel pa'o/ /rang bzhin rnam dag de bzhin gshegs pa'i khams/ /sbyong byed drug cu'i chos kyis sbyangs pa las/ dag pa gnyis ldan byang chub mchog thob @191a @#/ /pa; ;rje btsun bla ma'i gsung bzhin legs par bshad// //gnyis pa byang chub la brten pa'i yon tan la gsum/ mtshams sbyar ba dang/ don bshad pa dang/ le'u'i mtshan bstan pa'o/ /dang po la gnyis/ bshad zin gyi mtshams sbyar ba dang/ 'tshad 'gyur gyi mtshams sbyar ro/ /dang po ni/ dri ma med pa'i de bzhin nyid bshad zin to/ /sngar bshad pa ltar snga ma'i don bsdur sbyar yang 'gal ba med do/ /khams la dri ma dang bcas pa'i de bzhin nyid dang/ byang chub la dri ma med pa'i de bzhin nyid ces bshad pas/ byang chub sems can gyi rgyud la yod par 'dod pa ni/ 'grel pa'i don bsdu dang mtshams sbyar gang yang ma mthong bar zad do/ /gnyis pa ni/ da ni gang dag byang chub de la brten pa shin tu dri ma med pa'i yon tan de dag bshad par bya ste dri ma med pa'i rgyu mtshan ni/ nor bu'i 'od dang mdog dang dbyibs bzhin du dag pa gnyis ldan gyi byang chub dang/ dbyer med pa'i rang bzhin nyid kyis so/ /des na zhes so/ /gnyis pa la gsum; mdor bstan pa dang/ dpe'i sgo nas rgyas par bshad pa dang/ dpes bstan pa'i don bsdu ba'o/ /dang po la gnyis/ rten gyi sgo nas mdor bstan pa dang/ brten pa'i sgo nas mdor bstan pa'o/ /dang po ni/ rang don chos kyi sku don dam pa'i sku dang ni/ gzhan don gzugs kyi sku chos sku de la brten pa'i kun rdzob pa'i sku nyid de/ sku dang pos phye ba bral ba'i yon tan sum cu rtsa gnyis dang/ sku gnyis pas phye ba rnam par smin pa'i 'bras bu mtshan sum cu rtsa gnyis ni sku gnyis la brten @191b pa'i yon tan gyi dbye ba drug cu rtsa bzhi po 'di dag tu shes par bya'o/ /gnyis pa la dri ba ni/ 'dis ci bshad ce na/ lan ni/ rang gi don phun sum tshogs pa mthar thug pas bsdus pa bdag nyid kyi ni 'byor pa'i gnas ni/ 'dus ma byas pa'i chos kyi sku dang; ye shes chos kyi skus bsdus pa dam pa'i don gyi sku yin te/ dang po'i sku rang don chos kyi sku ni stobs la sogs pa bral ba'i yon tan rnams dang ldan pa'i phyir dang/ drang srong rnams kyi gdul bya la kun rdzob pa brda tsam du bstan pa'i brda'i sku ni gdul bya pha rol la mngon par mtho ba dang nges pas legs par bsdus pa'i phun sum tshogs pa'i go 'phang ster pa'i gnas yin te/ sku gnyis pa skyes bu chen po'i mtshan sum cu rtsa gnyis rnam smin gyi yon tan dag dang ldan pa'i phyir ro/ /gnyis pa la gnyis/ mtshams sbyar ba dang/ don bshad pa'o/ /dang po ni/ 'di phan chad ces so/ /rdo rje lta bu la sogs pa'i sgo nas ji ltar rtogs par bya ba zhes bstan te/ /gnyis pa la gnyis/ dngos dang/ shes byed lung dang sbyar ba'o/ /dang po la gnyis/ sdom gyi sgo nas spyir bshad pa dang/ so so'i don rgyas par bshad pa'o/ /dang po ni/ sdom du sdud pa ni/ stobs nyid gdul bya'i rgyud kyi ma rig pas bsgribs pa sel cing 'joms pa la rdo rje bzhin dang/ mi 'jigs pa bzhi nyid ni 'khor gyi nang du bag che ba med pas seng-ge bzhin dang/ de bzhin gshegs pa'i ma 'dres pa bco brgyad ni gzhan dang thun mong ma yin pa'i yon tan thob pas nam mkha' bzhin te/ bstan pa zhes bya ba yin la/ 'dis ston pa'i byed pa dang/ 'di la bstan par bya ba las su gyur pa dang 'brel pas byed pa'i ngo bor @192a @#/ /gyur pa'i thub pa'i bstan pa gzugs sku rnam pa gnyis ni chu zla bzhin du shes par bya'o/ /longs spyod rdzogs pa'i sku ni bsod nams kyi tshogs kyi 'bras bu gzugs brnyan bzhin du shar ba yin la/ mchog gi sprul pa'i sku ni di'i yang gzugs brnyan bzhin du shar ba'o/ /gnyis pa la gsum/ bral ba'i yon tan bshad pa dang/ rnam smin gyi yon tan bshad pa dang/ grangs kyi sgo nas don bsdu ba'o/ /dang po la gsum/ stobs bcu bshad pa dang/ mi 'jigs pa bzhi bshad pa dang/ sangs rgyas kyi chos ma 'dres pa bco brgyad bshad pa'o/ /dang po la gnyis/ mtshams sbyar ba dang/ rtsa ba'o/ /dang po ni/ stobs zhes so/ /gnyis pa la gnyis/ dbye ba dang/ dpe dang chos mthun bshad pa'o/ /dang po ni/ dge mi dge'i las las 'bras bu bde sdug so sor 'byung ba sogs 'khor bas bsdus pa'i rgyu 'bras dang/ de bzhin du rnam byang rgyu 'bras la sogs pa rgyu 'di las 'bras bu 'di 'byung la sogs pa ma 'dres par so sor mngon sum du mkhyen pa gnas dang gnas min mkhyen pa'i stobs te/ las 'bras kyi 'bral ba nges pa dang/ byang chub kyi sems rnam pa gnyis 'khor dang bcas pa la/ yi dam brtan pas 'grub pa'o/ /las nges pa dang/ las 'phel pa dang/ las byas pa chud mi za zhing ma byas pa dang mi 'phrad pa mngon sum du mkhyen pa las rnams kyi rnam smin mkhyen pa'i stobs ni las 'bras kyi 'brel pa la yid ches pa las 'grub bo/ /kun nas nyon mongs dang/ dad pa la sogs pa'i rnam byang gi dbang po mchog dang mchog ma yin pa mkhyen pa'i @192b stobs ni/ sngon dbang po dang 'tsham par chos bstan pa las 'grub bo/ /gdul bya rnams shes rgyud kyi steng gi rigs mi 'dra ba du ma dang ldan pa'i khams rnams sna tshogs mkhyen pa'i stobs ni sngon khams dang mthun par chos bstan pa las 'grub bo; ;theg pa che chung sna tshogs la mos pa sna tshogs mkhyen pa'i stobs ni sngon mos pa ji lta ba bzhin du chos ston pa la zhugs pas 'grub bo/ /'khor bar rigs so sor 'gro ba'i lam dang/ byang chub gsum po kun tu 'gro ba'i lam mkhyen pa'i stobs ni/ sngon theg pa sna tshogs dang/ lam sna tshogs goms pa las 'grub bo/ /bsam gtan dang rnam par thar pa dang/ ting nge 'dzin dang/ snyoms par 'jug pa dang/ sogs pas gzhan rgyud kyi kun nas nyon mongs pa dang/ de'i dri ma med pa sogs mkhyen pa'i stobs ni sngon ting nge 'dzin goms pa mthar phyin pa las 'grub bo/ /sngon gyi rang gzhan gyi tshe rabs snga ma mtha' dag mngon sum du mkhyen pa sngon gyi gnas ni rjes su dran pa mkhyen pa'i stobs ni/ slob pa lam gyi gnas skabs su dge ba'i rtsa ba chud ma gsan pa las grub pa dang/ lha'i mig gis mngon par shes par bsdus pa 'chi 'pho dang skye ba mkhyen pa'i stobs ni/ sngon sems can rnams la mar me'i snang ba byin pa dang 'jig rten las 'das pa'i lam ji lta ba bzhin du bstan pa las grub pa dang/ zag pa ma lus bzhi ba dag mkhyen pa'i stobs ni sngon zag pa zad pa'i ched du chos bstan pa dang/ de'i don rang nyid kyis mngon sum du byas pa las 'grub pa stobs rnam par bcu'o/ /gnyis pa la mtshams sbyar ba ni/ @193a @#/ /rdo rje bzhin zhes bya ba ni/ dpe don sbyar ba dngos la/ gnas dang gnas min mkhyen pa dang las kyi rnam smin mkhyen pa dang/ khams sna tshogs mkhyen pa dang/ 'gro ba'i mos pa sna tshogs mkhyen pa dang/ kun nas nyon mongs dang rnam byang gi dbang po'i tshogs mkhyen pa dang/ thams cad du 'gro ba'i lam mkhyen pa drug gis nyon mongs pa can ma yin pa'i mi shes pa'i go cha shes sgrib 'bigs par byed pa la rdo rje lta bu dang/ bsam gtan dang/ rnam thar sogs mkhyen pa dang/ sngon gnas rjes su dran pa mkhyen pa'i stobs dang/ lha'i mig gi mngon par shes pas bsdus pa 'chi 'pho dang skye ba mkhyen pa'i stobs gsum gyis snyoms 'jug gi sgrib pa'i rtsig pa brtan po bzhig pa la rdo rje lta bu dang/ zag pa zad pa'i tshul mkhyen pa'i stobs gang yin pa nyon mongs pa'i sgrib pa'i shing rnams gcod pa'i phyir rdo rje bzhin no/ /gnyis pa la gsum/ mtshams sbyar ba dang/ don dngos dang/ dpe don sbyar ba'o/ /dang po ni/ mi 'jigs pa bzhi brnyes pa zhes bya ba ni/ gnyis pa ni/ ngas chos kun mngon par rdzogs par byang chub pa'o/ /zhes zhal gyis bzhes pa la shes bya 'di mi mkhyen mo zhes chos dang mthun pa'i rgol ba'i mtshan ma tsam yang ma mthong ba'i mi 'jigs pa ni/ sngon chos la dpe mkhyud dang bral ba las grub pa dang/ bar du gcod pa'i chos bstan pa las mi 'jigs pa ni/ 'dod chags la sogs pa nyon mongs pa'i sgrib pa dang/ shes bya'i sgrib pa thar pa dang thams cad mkhyen pa'i gegs yin pas 'gag par bya ba yin no/ /zhes @193b bstan pa la 'dod chags sogs bstan kyang thar pa'i bar chad du mi 'gyur ro/ /zhes chos mthun gyi rgol ba'i mtshan ma tsam yang ma mthong ba sngon rang nyid bar du gcod pa'i chos la gzhel par ma byas pa las grub pa dang/ nges par 'byung ba'i lam bstan pa la mi 'jigs pa ni/ lam 'di dag thar pa thob byed kyi lam yin no/ /zhes ston pa la de ltar ma yin no/ /zhes chos mthun gyi rgol ba med pa sngon rang nyid thar pa'i lam la goms par byas pa las grub pa dang/ zag pa zad par dam bcas pa la mi 'jigs pa ni/ nyon mongs pa bag chags dang bcas pa ma lus pa 'gog pa'i 'gog pa thob bo zhes ston zhing zhal gyis bzhes pa la chos mthun gyis rgol ba'i mtshan ma tsam yang ma mthong ba ni/ sngon nga rgyal spangs pa las grub pa'i mi 'jigs pa ni rnam pa bzhi'o/ / mi 'jigs pa las brtsams pa'i chos bshad pa'i yul dang dgos pa ston pa ni/ bdag nyid kyis shes bya'i dngos po rnam pa kun shes par mdzad pa dang shes nas gzhan gyis shes par mdzad pa'i phyir/ mi 'jigs pa dang po dang/ rang rgyud kyi spang bya'i dngos po spong ba dang/ gzhan rgyud kyi spong bar mdzad pa'i phyir mi 'jigs pa gnyis pa dang/ rang rgyud la lam bsten bya dang/ gzhan gyis bstan pa'i phyir mi 'jigs pa gsum pa dang/ thob bya 'gog pa bla med shin tu dri ma med pa rang rgyud la thob pa dang/ gzhan rgyud la thob par mdzad pa'i phyir/ mi 'jigs pa bzhi pa'i go 'phang brnyes pa ni rim pa bzhin du/ sdug bsngal nyes dmigs kyi sgo nas shes bya dang/ kun 'byung spang bya dang/ lam rgyud la bsten bya dang/ 'gog pa mngon du bya rgyur rang nyid kyis @194a @#/ /goms par mdzad cing/ gzhan la bstan pa las thob par shes par bya'o/ /de ltar rang dang gzhan gyi don bden pa phyin ci ma log pa 'phags pa'i bden pa bzhi la sogs pa gsung ba mthar phyin par mdzad pa'i phyir drang srong chen po shes bya'i gnas gang du'ang 'jigs pa dang/ thogs pa med par she par bya'o/ /gsum pa ni/ seng-ge bzhin zhes bya ba ni mtshams sbyar ba'o/ /dpe don sbyar ba ni/ ri dwags dbang po ji ltar nags stug po'i mthar rtag tu ri dwags gzhan gyi 'jigs pa med cing ri dwags rnams la skrag pa med par rgyu ba ltar/ de bzhin du 'khor gyi tshogs kyi nang du/ thub pa'i dbang po mi'i seng-ge yang 'jigs pa med par legs par gnas shing gzhan la ltos pa med par brtan pa'i ting nge 'dzin dang/ mi mthun phyogs 'joms pa'i rtsal dang ldan par gnas pa'o/ /gsum pa la gnyis/ mtshams sbyar ba dang/ don bshad pa'o/ /dang po ni/ sangs rgyas kyi zhes so/ /gnyis pa la gsum/ bstan pa dang/ bshad pa dang/ dpe dang sbyar ba'o/ /dang po la gnyis/ ngo bo ngos bzung ba dang/ sangs rgyas kho na'i khyad chos su bstan pa'o/ /dang po la spyod pas bsdus pa drug ni/ lam log par bshad pa la sogs pa'i sku la 'khrul pa dang/ gsung gi ca co mi mnga' ba ste gsung gi 'khrul pa med pa dang/ ston pa la thugs dran pa nyams pa mi mnga' ba dang/ mnyam par ma bzhag pa'i thugs mi mnga' ba nga/ 'khor 'das la mtha' gcig tu brang dor du 'dzin pa'i 'du shes sna tshogs @194b kyang mi mnga' ba dang/ so sor ma brtags pa'i btang snyoms mi mnga' ba ste drug dang/ rtogs pa ma 'dres pa drug ni/ 'dun pa dang/ brtson 'grus dang/ dran pa dang shes rab dang/ rnam grol nyams pa mi mnga' ba dang/ rnam grol gyi ye shes gzigs pa nyams pa mi mnga' ba drug go /phyi ma gnyis ni/ spangs pa nyams pa mi mnga' ba dang/ spangs pa mngon sum du gzigs pa'i rtogs pa nyams pa mi mnga' ba'i don yin no/ /'phrin las ma 'dres pa ni/ sku gsung thugs kyi 'phrin las grub pa'i sgo gsum gyi las rnams ye shes sngon du 'gro zhing ye shes rjes su 'brang ba dang/ ye shes ma 'dres pa ni/ dus gsum gyi shes bya thams cad la chags thogs kyi sgrib pa med pas ye shes bsgrib pa med pa'o/ /gnyis pa ni/ de ltar chos bco brgyad po 'di dag gzhan dang ma 'dres pas ston pa'i ma 'dres pa'i yon tan yin no/ /gnyis pa ni/ 'khrul pa dang/ ca co dang thugs bsnyel pa dang/ mnyam gzhag las bzhengs pa'i thugs g.yo ba dang/ 'khor 'das la ngo bo tha dad kyi ni 'du shes dang/ dang gis btang snyoms drang srong chen po la med pa dang/ sems can la chos ston pa'i 'dun pa dang ni sems can gyi don du spro ba'i brtson 'grus nyams pa med pa dang/ sems can thams cad kyi rgyud la sogs pa ji lta ba bzhin du gzigs pa'i dran pa dang/ rnam par dag pa dri ma med pa'i shes rab dang/ rtag tu rnam par grol ba dang/ shes bya'i don kun tu gzigs pa grol ba'i ye shes las ni nyams pa mi mnga' ba dang/ gang gi sgo gsum gyi las gsum po thams cad ye shes sngon du 'gro zhing ye shes rjes @195a @#/ /su 'jug pa dang/ dus gsum gyi shes bya la rtag tu thogs pa med cing/ nges par mkhyen pa rgya chen po 'jug pa ste/ chos ma 'dres pa bco brgyad ni/ rgyu gang las 'grub pa sogs tshigs mngas su dogs nas ma bris so/ /chos ma 'dres pa bco brgyad gang rtogs shing thob na rigs can gsum gyi 'gro bar 'jigs pa med pa'i dam pa'i chos kyi khor lo chen po rab tu bskor bar mdzad pa'i mkhyen pa dang/ thugs rje chen po dang ldan pa'i rgyal ba nyid 'ba' zhig yin pas de sangs rgyas rnams kyis brnyes pa'o/ /yang na mkhyen pa gong du smos pas chos 'khor bskor ba thugs rje chen po dang ldan pa'i khyad chos su sbyor/ gsum pa ni/ nam mkha' bzhin zhes bya ba ni mtshams sbyar ba'o/ / dpe don sbyar ba ni/ sra ba dang/ gsher pa dang/ dro ba dang/ g.yo ba la sogs la yod pa'i chos nyid de mtshan nyid gang yin pa'i chos nyid de ni nam mkha' mtshan nyid min la/ nam mkha'i mtshan nyid thogs brdugs kyi sgrib pa med pa dang/ gzugs can gzhan gyi go 'byed pa la sogs pa'i mtshan nyid gang yin pa de gzugs la med kyang mtshungs chos du mas mtshungs pa ni sa chu me rlung nam mkha' lnga po byis pa'i shes pa'i yul la sogs par mtshungs pas 'jig rten na ni thun mong ste ma 'dres pa bco brgyad nyid ni rdul phran tsam yang 'jig rten dag na thun mongs pa min pas ma 'dres pa zhes bya'o/ /gnyis pa la gnyis/ mtshams sbyar ba dang/ don bshad pa'o/ /dang po ni/ skyes bu tshan po'i zhes so/ /gnyis pa la gsum/ @195b rgyas par bshad pa dang/ don bsdu ba dang/ dpe don sbyar ba'o/ /dang po ni/ zhabs kyi mthil rus sbal gyi lto ba ltar kun nas mnyam par legs par gnas pa sngon yi dam brtan pa las grub pa dang/ sngon bla ma rnams la skyes pa dang gsu ba la sogs pa byas pa las grub pa phyag dang zhabs kyi mthil 'khor los mtshan pa dang/ gzhan khyad du ma bshad pa las grub pa zhags kyi rting pa yangs shing zhabs kyi long bu mi mngon pa dang/ sngon sems can skyabs pas phyag zhabs kyi sor mo ring ba dang/ gzhan gyi 'khor ma bye bas phyag zhabs kyi sor mo ni dra ba yis ni 'brel pa dang/ sngon gos 'jam pa phun sum tshogs pa byin pas pags pa 'jam zhing gzhon sha can la legs par mdzes pa nyid do/ /bza' ba dang bca' ba sogs legs par byin pas sku ni phyag zhabs kyi bol bzhi dang/ mgul gyi lhun thal gong gnyis dang/ ltag pa ste/ bdun dag mtho ba dang/ bu mo rin chen gyis zhus pa'i mdo las 'byung ba dang/ gzhan las 'byung ba mi 'dra ba 'gal bar mi bsam mo/ / sngon sangs rgyas kyi chos ma lus pa bzung ba las byin pa ri dwags e na ya'i 'dra bar zlum zhing byin gyis phra ba dang/ gsang tshig bsrungs shing mi tshangs spyod spangs pas gsang gnas glang po che bzhin du sbubs su nub pa dang/ dge ba'i las rgya chen po rim gyis spyad pas ro stod seng-ge 'dra bar rgyas pa dang/ sngon dag pa'i chos yang dag par sbyang ba las thal gong phrag so bar ma khengs pa med par rgyas pa dang/ gzhan la mi 'jigs pa byin zhing dbugs phyung ba las/ dpung @196a @#/ /mgo legs zlum ste phrag pa'i lhun mdzes par grub pa dang/ gzhan gyi las spro bzhin du bsgrubs pas phyag 'jam la dbyibs zlum zhing mtho dman med pa dang/ phyag ring ba ma btung bar phyag mthil gyis pus mo la sleb de dang/ dge bcu ngoms pa med par spyad pa las dri mas yongs su dag pa'i sku 'od kyi dkyil 'khor dang ldan pa dang/ nad pa la sman sna tshogs pa byin pas mgrin pa dri med dbyibs dung dang 'dra ba dang/ mtshan 'di gnyis ni gzhan las mi 'byung ngo/ /gzhan rgyud la dge ba yongs su rdzogs par byas pas 'gram pa ri dwags kyi rgyal po dang 'dra ba dang/ sems can la sems mnyam par byas pa las tshems ni bzhi bcu bla 'og nyi shu nyi shur mnyam pa dang/ sems can mi mthun pa ldums pa las bar dang tshems thags bzang ba dang/ yid du 'ong ba'i nor bu byin pas dri mas rnam par dag cing tshems ring thung mnyam pa nyid dang/ lus la sogs pa'i las gsum bsrungs pas mche ba rab mchog dkar ba nyid dang/ bden pa'i tshig bsrungs pas ljags ring ba dang/ bsod nams tshad med pa brtan cing yid du 'ong ba ro bro ba byin pas mtha' med pa dang/ bsam du med pa'i ro bro ba'i mchog nyid dang/ 'jam zhing gnyen pa'i tshig smras pas 'bad rtsol la mi ltos pa'i rang byung ka la ping ka yi sgra dang tshangs pa'i dbyangs nyid dang 'dra bar snyan pa dang/ byams pa thams cad bsrungs pas spyan bzang po u-tpa la dang 'dra ba spyan mthon mthing dang ldan zhing dkar nag 'byes pa dang/ g.yo sgyu med par goms @196b pa las rdzi ma khyu mchog gi rdzi ma 'dra bar snum zhing ma 'jings pa dang bsngags par 'os pa rnams bsngags pa las zhal mdzes pa'i smin mtshams na dri ma med pa'i mdzod spu dkar zhing g.yas su 'khyil ba du ma yod pa dang ldan pa dang/ bla ma la gus pa las gtsug tor dbur ldan pa dang/ chos 'tshol ba la sems las su rung ba dang yid du 'ong ba'i gos dang mal stan byin pa las rim pa bzhin du pags pa dag cing srab pa dang/ pags pa gser gyi mdog 'dra ba'i sems can mchog dang/ 'du 'dzi spangs shing dge ba'i chos blangs pa 'phel bar byas pa dang/ mkhan slob sogs kyi gdams ngag la mthun par bzung bas rim pa bzhin du ba spu legs par phra la 'jam zhing re re nas skyes pa dang/ sku'i gyen du dang g.yas phyogs su 'khyil ba dang/ sems can kun la brtse zhing mtshon cha sogs spangs pas dbu skra dri ma med cing rin chen mthon mthing gi mdog bzhin dang/ bdag gzhan mnyam par ting nge 'dzin la sbyar ba las sku n+ya gro rdzogs pa'i ljon shing gi dkyil 'khor dang 'dra bar chu zheng gab pa dang/ de bzhin gshegs pa'i sku gzugs byas pa dang mchod rten bzhig pa sogs gsos pa dang/ 'jigs pa na dbugs phyung ba dang/ mi mdza' ba rnams ldums pa las kun tu bzang po dpe med pa'i drang srong chen po sku khru bdun du 'phags shing drang ba dang/ sred med bu'i stobs mnga' zhing mkhregs pa'i sku dang ldan pa'i mtshan sum cu rtsa gnyis so/ /gnyis pa don bsdu ba ni/ blo dman pa gzhan gyis bsam gyis mi khyab pa 'od 'bar @197a @#/ /pa'i mtshan sum cu rtsa gnyis po 'di dag ston pas mi dbang gi mtshan du bu mo rin chen gyis zhus pa'i mdo las gsungs so/ /mdo sde kha cig nas sku bdun mtho ba med par pags pa dag cing srab pa dang/ gser gyi mdog 'dra ba gnyis su phye nas sum cu rtsa gnyis su bshad do/ /gsum pa la chu zla bzhin zhes bya ba ni mtshams sbyar ba'o/ /dpe don sbyar ba ni/ ji ltar te dper na sprin med pa'i nam mkha'i zla ba'i gzugs ston ka'i chu sngon po dri ma med pa'i mtshor ni zla ba'i gzugs brnyan tham la ba gzhan gyis mthong ba ltar de bzhin du rgyal sras byang chub sems dpa'i tshogs kyis khyab bdag gi gzugs longs spyod rdzogs pa'i sku dang de'i gzugs brnyan mchog gi sprul pa'i sku nyan rang 'phags pa dang so so skye bo kha cig gis kyang rdzogs pa'i sangs rgyas kyi 'khor gyi dkyil 'khor gyi nang du mthong bar 'gyur ro/ /gnyis pa shes byed lung dang sbyar ba la gsum/ bshad zin gyi mtshams sbyar ba dang/ rtsa ba dang/ 'grel pa'o/ /dang po ni/ de ltar de bzhin gshegs pa'i zhes te/ snga ma'i don bsdur byas pa dang don 'dra'o/ /gnyis pa ni/ bral ba'i yon tan sum cu rtsa gnyis dang/ rnam smin gyi yon tan sum cu rtsa gnyis kyis bsdus pa yon tan drug cu rtsa bzhi po 'di dag so so rang rang gi ngo bo dang gang las 'grub pa'i rgyur byas te 'dir bshad pa'i go rim ji bzhin du bu mo rin chen gyi zhus pa'i mdo las gsungs pas rgyas par bu mo rin chen gyi mdo'i rjes su 'brangs nas shes par bya'o/ /gsum pa ni/ ji skad bstan pa @197b nyid kyi zhes so/ /gsum pa dpes bstan pa'i don bsdu ba la gnyis/ mtshams sbyar ba dang/ rtsa ba'o/ /dang po ni/ yon tan gyi gnas 'di dag la zhes so/ /gnyis pa la gnyis/ mdor bstan pa dang/ chos mthun so sor bshad pa'o/ / dang po ni/ stobs ni mi mthun phyogs gang gis kyang mi phyed pa rdo rje dang 'dra ba dang/ mi 'jigs pa ni brtan pa'i rtsal mthar thug pa gang las kyang mi zhan pa seng-ge dang 'dra ba dang/ sangs rgyas kyi chos ma 'dres pa yon tan gzhan gang dang yang mtshungs pa med pa nam mkha' dag pa dang 'dra ba dang/ gzugs kyi sku gnyis gang gis kyang bzhig par byar med cing g.yo ba med pa'i phyir chu'i zla ba'i dpes bstan to/ /gnyis pa la gnyis/ bral ba'i yon tan gyi chos mthun bshad pa dang/ rnam smin gyi yon tan gyi chos mthun bshad pa'o/ /dang po la gnyis/ rgyas par bshad pa dang/ don bsdu ba'o/ /dang po la gsum/ stobs kyi chos mthun dang/ mi 'jigs pa'i chos mthun dang ma 'dres pa'i chos mthun no/ / dang po la gnyis/ stobs kyi nus pa'i khyad par dang/ mi phyed pa'i don bshad pa'o/ /dang po ni/ gnas dang gnas ma yin pa mkhyen pa'i stobs sogs rnams las stobs dang po drug dang/ de nas gsum dang/ tha ma gcig gis go rims bzhin du shes bya'i sgrib pa go cha mtshon gyis phugs pa dang 'dra bar phug pa dang/ snyoms par 'jug pa'i sgrib pa rtsig pa brtan po bshig pa dang 'dra bar bzhig pa dang/ bag chags bcas pa nyon mongs pa'i sgrib pa kun bsal bas shing @198a @#/ /gcod pa bzhin du bcad pa'i phyir ro/ /gnyis pa la gnyis/ bstan pa dang/ bshad pa'o/ /dang po ni/ brling ba dang/ snying po dang ldan pa dang/ brtan pa dang mi phyed pas drang srong stobs ni rdo rje dang 'dra'o/ /gnyis pa ni/ rgyu mtshan gang gi phyir na brling ba yin te/ chos rnams kyi snying po'i mthar thug pa'i phyir gang gi phyir na/ snying po'i mthar thug ste/ brtan pa'i yon tan mthar thug yin pa'i phyir/ gang gi phyir na/ brtan pa yin te/ mi mthun phyogs kyis mi phyed pa'i mthar thug pa'i phyir/ mi phyed pa'i phyir na rdo rje bzhin no/ /gnyis pa la gnyis/ bstan pa dang/ bshad pa'o/ /dang po ni/ 'jigs pa med pa'i phyir dang/ gzhan la ltos pa med pa'i phyir dang/ bsam pa brtan pa'i phyir dang/ mi mthun phyogs 'joms pa'i rtsal ni phun sum tshogs pas thub pa mi'i seng-ge ri dwags kyi rgyal po seng-ge bzhin du 'khor gyi tshogs su 'jigs pa mi mnga' ba'i mi 'jigs pa'i yon tan dang ldan pa'o/ /gnyis pa ni/ shes bya kun mngon sum du mkhyen pas 'jigs pa'i rgyu zad pa'i phyir rgyu gang las kyang 'jigs pa med par ni rnam par gnas pa'o/ /nyon mongs pa ma lus pas dag pa'i sems can dang yang bdag nyid mi mnyam zhing lhag par mngon sum du gzigs pa'i phyir/ gzhan la ltos pa med pa'o/ /thugs ni chos rnams thams cad la mngon sum du rtsa gcig tu gnas pa'i phyir na brtan po nyid do/ /mchog tu ste khyad par du ma rig pa'i bag chags kyis las zad par brgal ba'i phyir rtsal ldan no/ /gsum pa ni/ 'jig rten pa dang/ nyan thos dang mtha' @198b gcig tu rang don gyi spyod pa can rang sangs rgyas dang blo ldan byang chub sems dpa' dang/ rang byung yang dag par rdzogs pa'i sangs rgyas rnams gong nas gong du blo dag ni phra ba'i rim pa lnga yod pa'i phyir dpe ni rnam pa lngar shes par bya'o/ /dang po bzhi'i chos rnams ni 'jig rten kun gyi thun mong du nyer 'tsho'i gnas yin pa'i phyir sa chu me rlung rnams dang mtshungs so/ /sangs rgyas kyi chos ma 'dres pa ni/ 'jig rten pa dang sangs rgyas las gzhan pa'i 'jig rten las 'das pa'i yon tan gyi mtshan nyid las 'das pa nam mkha' bzhin du shes par bya'o/ /lnga pa sangs rgyas kyi dper yang sbyar du rung ba tsam mo/ /gnyis pa ni/ de ltar yon tan sum cu ni rtsa gnyis po 'di chos skus rab tu phye ba'i yon tan te nor bu rin chen gyi 'od gsal ba dang/ mdog dang dbyibs rnams nor bu rin po che las ngo bo tha dad pa'i dbye ba med pa bzhin du yon tan de rnams chos kyi sku la ngo bo tha dad pa'i dbye ba med pa'i phyir ro/ /gnyis pa la gnyis/ yon tan rten dang bcas pa dang/ dpe don chos mthun bshad pa'o/ /dang po ni/ gdul bya rnams kyis mngon sum gyis mthong na yid tshim par byed pa'i yon tan gang yin pa mtshan bzang po sum cu rtsa gnyis zhes bya ba mchog gi sprul pa'i sku dang/ theg pa chen po'i chos la rdzogs par ni longs spyod pa longs spyod rdzogs pa'i sku gnyis kyis bsdus pa'i gzugs kyi sku gnyis la brtan pa'o/ /gnyis pa ni/ gdul bya sangs rgyas mthong ba'i sgrib byed kyi las dag pa so so skye bo dang/ nyan thos dang rang sangs rgyas sogs khams @199a @#/ /dag pa las gdul bya ring pa rnams la 'jig rten du chu nang gi zla ba'i gzugs brnyan bzhin du mchog gi sprul pa'i sku mthong ba dang/ khams dag pa las gdul bya nye bar mthar phyin pa'i byang chub sems dpa' rnams la rgyal ba'i dkyil 'khor du nam mkhar gnas pa'i zla gzugs bzhin du gzugs kyi sku de mthong ba ni gtso bo rnam pa gnyis su shes par bya'o/ /gsum pa le'u'i mtshan bstan pa ni/ theg pa chen po rgyud bla ma'i bstan bcos dkon mchog gi rigs rnam par dbye ba las dag pa gnyis ldan gyi byang chub la brten pa'i yon tan gyi skabs te le'u gsum pa las theg pa chen po'i nges don gyi mdo sde'i dgongs pa 'grel par byed pa'i bstan bcos kyi rnam par bshad pa skabs gsum pa'i 'grel pa'o/ /zab mo rtogs pa'i bral 'bras so gnyis dang/ rgya chen lam gyi 'bras bu sum cu gnyis/ /rje btsun bla ma'i gsung gi man ngag las/ yab sras gnyis kyi dgongs pa ji bzhin bshad// // gsum pa yon tan la brten pa'i 'phrin las bshad pa la gsum/ mtshams sbyar ba dang/ don bshad pa dang/ le'u'i mtshan bstan pa'o/ /dang po la gnyis/ bshad zin gyi mtshams sbyar dang/ 'chad 'gyur gyi mtshams sbyar ro/ / dang po ni/ dri ma med pa'i zhes so/ /gnyis pa ni/ da ni de'i las zhes so/ /gnyis pa la gsum/ mdor bstan pa dang/ rgyas par bshad pa dang/ 'phrin las tshul de ltar 'jug pa dpes bsgrub pa'o/ /dang po la gnyis/ lhun gyis grub pa'i @199b don bstan pa dang/ rgyun mi 'chad pa'i don bstan pa'o/ /dang po ni/ mngon mtho tsam la mos pa bzhag pa dang/ byang chub rnam pa gsum la mas pa bzhag pa'i gdul bya'i khams dang rigs dang mos pa sna tshogs pa mngon sum du mkhyen pa dang gdul bya 'dul ba'i thabs gzugs kyi sku rnam pa gnyis dang/ gzings dang zam par sprul pa sogs dang/ zhi ba dang drag pos 'dul ba la sogs pa'i kun spyod dang ni gdul bya'i khams kyi 'dul bya'i bya ba 'bras bu mngon mtho nges legs la 'god pa dang de dag sgrub pa'i thabs ston pa sogs kyi ched du gdul bya de gang na yod pa'i yul du gshegs pa dang/ gang gi tshe 'dul ba'i dus su gshegs pa la khyab bdag yang dag par rdzogs pa'i sangs rgyas dus rtag tu 'bad rtsol nye bar zhi bas lhun gyis grub par 'jug pa'o/ /gnyis pa ni/ bsdus don dang/ tshig don gnyis kyis shes par bya'o/ /dang po la gnyis/ rgyas par bshad pa dang/ skabs don bsdu ba'o/ /dang po la gsum/ dpe drug dang/ don drug dang/ dpe don chos mthun drug go /dang po ni/ rgya mtsho dang/ nyi ma dang/ nam mkha' dang/ gter dang/ sprin dang/ rlung ngo/ /gnyis pa ni/ nges par 'byin byed sa bcu dang/ de'i rten tshogs gnyis dang/ 'bras bu byang chub chen po dang byang chub 'grub pa'i gnas sems can dang/ sems can gyis byang chub thob pa'i sgrib byed sgrib pa gnyis dang/ de 'joms byed rgyal ba'i thugs rje chen po'o/ /gsum pa ni/ sa bcu ye shes kyi chus rgyas pa dang/ yon tan rin po che'i 'byung gnas yin pas rgya mtsho dang 'dra ba dang/ tshogs gnyis sems can kun gyi nyer 'tshor @200a @#/ /gyur pas nyi ma dang 'dra ba dang/ byang chub chen po zab pa dang rgya che ba'i yon tan mtha' yas pa nam mkha' dang 'dra ba dang/ sems can rnams sangs rgyas kyi chos rin po che'i 'byung gnas yin pas gter dang 'dra ba dang/ sgrib pa ni glo bur pa nyid kyis rang bzhin ma yin pa dang/ bsgrib bya la khyad par med pas sprin dang 'dra ba dang/ thugs rje chen po de 'thor bar byed pas rlung dang 'dra ba'o/ /gnyis pa ni/ 'phrin las rgyun mi 'chad pa'i rgyu las byung ba dang/ rgyun mi 'chad pa'i rang bzhin thob pa dang/ de'i sgo nas gdul bya'i don byed pa'o/ /dang po ni/ sa dang tshogs gnyis te/ byang chub chen por nges par 'byin par byed pa'i phyir dang/ de'i rten du gyur pa'i phyir dang/ gnyis pa ni/ byang chub dang sems can gnyis kyis bstan la/ gsum pa ni/ nyon mongs dang thugs rje gnyis kyis bstan te/ de ni 'chad par 'gyur ro/ /gnyis pa ni/ sangs rgyas kyi yon tan rin chen mchog gi tshogs dang ldan pa'i 'byung khungs yin pa'i phyir dang/ tshogs gnyis kyi ye shes kyi chus rgyas par byas pa la brten nas rgyu'i theg pa dang 'bras bu'i theg pa ma lus pa nges par bsgrubs pas sa bcu rgya mtsho'i dpes bstan te/ theg pa rgyu 'ba' zhig la bshad mi dgos so/ /bsod nams dang ye shes kyi tshogs gnyis kyi nyi 'od can gyis theg pa ma lus pa nges par bsgrubs te/ sems can kun gyi nyer 'tshor gyur pas tshogs gnyis nyi ma'i dpes bstan la/ mtha' dang dbus med pa'i zab pa dang/ rgya chen po'i yon tan mtha' yas pa nam mkha' ltar khyab @200b pas byang chub chen po sangs rgyas nyid ni nam mkha'i dpes bstan to/ /sangs rgyas kyi yon tan dri ma med pa'i gter sems can kun la khyad med du 'byung rung dang/ sems can kun de'i 'byung khungs su rnam par gzigs pas sems can gter gyi dpes bstan la; nas zhes pa 'og ma 'dren pa'o/ /nyon mongs pa dang shes bya'i sgrib pa'i sprin gyi dra ba glo bur ba yin pa sogs kyis sprin gyi dpes bstan to/ /gdul bya'i rgyud kyi sgrib pa de sangs rgyas rnams kyi thugs rje'i rlung gis rnam par gtor bar byed pas thugs rje chen po rlung gi dpes bstan par shes par bya'o/ /gnyis pa la gnyis/ mtshams sbyar ba dang/ don bshad pa'o/ /dang po ni/ 'di gnyis kyi zhes so/ /gnyis pa la gnyis/ 'phrin las lhun gyis grub pa bshad pa dang/ rgyun mi 'chad pa bshad pa'o/ /dang po la gnyis/ spyir bshad pa dang/ so sor bshad pa'o/ /dang po ni/ gdul bya'i sems can gang gi rgyud la thabs gang gis zhi drag sogs gdul bya 'dul ba'i bya ba gang yul gang du dus gang gi tshe 'dul dgos pa'i 'phrin las bsgrub pa la tshul 'di ltar bya'o snyam pa la sogs pa de'i rnam par rtog pa skye ba med par 'phrin las dang gis 'jug pa'i phyir thub pa'i 'phrin las dus rtag tu lhun gyis grub par 'jug pa'o/ /gnyis pa ni/ rigs dang sa bon la sogs pa gdul bya'i khams ni gang zhig gi rgyud la 'dul ba'i thabs mang po sbyin sogs phar phyin drug gi chos ston pa la sogs pa gang dag gis sku'i bkod pa mi 'dra ba dang/ gsung gi rnam pa mi 'dra ba sogs gdul bya 'dul ba'i bya ba gang dgos pa dang/ yul gang du ni dus gang gi tshe 'dul dgos pa'i yul dang dus @201a @#/ /de dag tu ji lta ba bzhin du 'bad rtsol nye bar zhi ba'i sgo nas lhun grub tu 'jug pa'o/ /gnyis pa la gsum/ bstan pa dang/ bshad pa dang/ spyi'i don bsdu ba'o/ /dang po ni/ byang chub chen por nges par 'byin pa dang 'byin byed de'i brten pa dang/ rten de'i 'bras bu dang/ 'bras bu de'i yongs su 'dzin pa dang/ 'bras bu de thob pa'i sgrib pa dang/ de gcod byed rkyen la ni rnam par rtogs pa med pa'i phyir ro/ /gnyis pa la gsum/ don drug ngos bzung ba dang/ dpe don drug dgod pa dang/ dpe don chos mthun bshad pa'o/ /dang po ni/ byang chub chen por nges par 'byin pa sa bcu ste bsod nams dang ye shes kyi tshogs gnyis dag ni sa de'i bskyed pa dang 'phel ba dang gnas pa'i rgyu dang/ tshogs gnyis de'i 'bras bu byang chub mchog yin te/ byang chub sems can gyi rgyud la 'byung rung du yongs su 'dzin pa'o/ /sems can de'i sgrib pa mtha' yas pa'i nyon mongs pa dang nye ba'i nyon mongs dang/ shes sgrib kyis bsdus pa'i nyon mongs pa'i bag chags so/ /dus kun tu ni sgrib pa de 'joms pa'i rkyen ni rgyal ba'i thugs rje chen po yin no/ /don bsdus na/ rgyal ba'i thugs rje chen po la brten nas sems can gyi rgyud kyi sgrib gnyis 'joms shing/ tshogs gnyis bsags te sa bcu rim gyis bgrod nas 'bras bu byang chub chen po thob pa'i 'phrin las rgyun mi 'chad du mdzad pa'i don yin no/ gnyis pa ni/ 'phrin las rgyun mi @201b 'chad du 'jug pa'i gnas drug po ni 'di dag rnams go rim ji bzhin du rgya mtsho dang nyi ma dang ni nam mkha' dang gter dang/ sprin dang rlung bzhin du shes par bya'o/ /gsum pa ni/ ye shes kyi chus rgyas par byed pa dang/ yon tan rin chen dang ldan pa'i phyir sa bcu po rnams rgya mtsho bzhin no/ /sems can thams cad kyi nyer 'tsho'i gnas su gyur pa'i phyir tshogs gnyis dag ni nyi ma bzhin no/ /yon tan rgya chen po mtha' dang dbus med pa'i bdag nyid yin pa'i phyir byang chub chen po nam mkha'i khams bzhin no/ /yang dag par rdzogs pa'i sangs rgyas kyi chos nyid rang bzhin gyis rnam par dag pa yon tan thams cad 'byung rung de nyid gnas pa'i phyir sems can gyi khams ni gter dang 'dra la/ glo bur ba dang bsgrib bya la khyab pa dang rang bzhin du ma grub pa'i phyir sems can de'i nyon mongs sprin tshogs bzhin no/ /sgrib pa de 'thor bar ni nye bar gnas pa'i phyir thugs rje mi bzad pa rlung dang 'dra bar shes par bya'o/ /yang na rlung mi bzad pa zhes sbyar ro/ /gsum pa ni/ sa bcu dang tshogs gnyis kyis bsdus pa'i rkyen gzhan gyi dbang gis nges par 'byung ba ni/ gzhan don du nges par 'byin pa dang/ de'i rten dpe gnyis kyis bstan pas gzhan don rgyun mi 'chad pa'i rgyu'i khyad par bstan to/ /bdag dang sems can mtshungs par chos nyid rang bzhin du gnas par gzigs pas byang chub dang sems can dpe gnyis kyis bstan pas ni gzhan don rgyun mi 'chad pa'i ngo bo'i khyad par brjod do/ /nyon mongs dang thugs rje mtha' yas pa dpe gnyis kyis bstan pas ni mdzad pa yongs su @202a @#/ /ma rdzogs par 'byung ba'i phyir/ gzhan don rgyun mi 'chang par mdzad pa'i 'bras bu'i khyad par bstan to/ /gsum pa 'phrin las tshul de ltar 'jug pa dpes bsgrub pa la gnyis/ mtshams sbyar ba dang; don bshad pa'o/ /dang po ni/ sngar 'dus ma byas pa'i yon tan gyi skabs su/ 'jam dpal/ skye ba dang 'gag pa med pas rab tu phye ba gang yin pa de ni sangs rgyas nyid ces brjod do/ /zhes sogs gsungs te/ the tshom dang sems nyi skyes pa ni gong du ji ltar na zhes te/ sangs rgyas 'dus ma byas pa 'jig pa med pa'i mtshan nyid can rnam par rtog pa med bzhin du gdul bya'i bsam pa dang yul dang dus la sogs pa ji lta ba bzhin du mdzad pa lhun gyis grub la rgyun mi 'chad pa ji ltar 'jug snyam du the tshom skyes pa bsal nas sangs rgyas kyi yul bsam gyis mi khyab pa la mos pa bskyed pa'i chad du dpes mtshon nas rgyas par ston pa ci yin no/ /gnyis pa la gsum/ mdor bstna pa dang; rgyas par bshad pa dang/ dpe'i go rim bshad pa'o/ /dang po la gnyis/ rtsa ba dang/ rgyas par bshad pa 'og ma la kha 'phangs te bstan pa'o/ /dang po ni/ dpe dgu kho nas ston pa ci yin zhe na/ brgya byin gyi gzugs dang/ lha'i rnga dang/ sprin gyi dpe gsum gyis go rim bzhin du sangs rgyas kyi sku dang gsung dang thugs kyi ngo bo gsum mtshon par byed do/ /tshangs pa'i sprul pas ni sku dang gsung gi phrin las gnyis mtshan par byed la nyi ma'i dpes ni thugs kyi 'phrin las mtshon no/ / @202b nor bu rin chen bzhin dang/ de bzhin gshegs pa sgra brnyan bzhin dang/ nam mkha' dang ni dpe gsum gyis rim pa bzhin du don dam pas bsdus pa thugs kyi gsang ba dang/ gsung gi gsang ba dang/ sku'i gsang ba gsum mtshon nas bstan to/ /sku gsung thugs kyi ngo bo dang/ 'phrin las dang/ gsang ba rnams kyi rten/ thugs rje chen pos bsdus pa'i gnas gyur mthar phyin pa ni/ sa bzhin gyi dpes bstan to/ /gnyis pa ni/ mdo'i gnas lta bu'i zhes so/ /gnyis pa la gsum/ dpe don rgyas par dbye ba dang dpe rnams kyis bsdus pa'i don gyis dpe'i dgos pa bshad pa dang/ dpes mtshon par bya ba'i don bsdus te bshad pa'o/ /dang po la bzhi/ sku gsung thugs kyi ngo bo gsum dpes mtshon te bstan pa dang/ phrin las gsum dpes mtshon te bstan pa dang/ gsang ba'i gnas gsum dpes mtshon te bstan pa dang/ de thams cad kyi rten dpes mtshon te bstan pa'o/ /dang po la gsum/ sku brgya byin gyis gzugs kyi dpes bstan pa dang/ gsung lha'i rnga'i dpes bstan pa dang/ thugs sprin gyi dpes bstan pa'o/ /dang po la gnyis/ rnam rtog med pa dpes bstan pa dang/ phyin ci log gi skye 'gag med pa dpes bstan pa'o/ /dang po la gnyis/ dpe dang/ don to/ /dang po la spyi'i mtshams sbyar ba ni/ brgya byin du snang ba bzhin zhes bya ba ni zhes so/ /brgya byin gyi dpe la bzhi/ sa gzhi dag pa la gzugs snang ba'i tshul dang/ snang ba de'i rkyen gyis mi rnams dge ba la 'jug pa dang/ gnas tshod ji lta ba bzhin mi shes kyang lhar skye ba dang/ snang ba de rtog pa med kyang phan @203a @#/ /pa'i rgyu byed pa mi 'gal ba'o/ /dang po ni/ ji ltar bai DU rya dag pa'i rang bzhin du stong gsum gyi stang chen po'i jig rten gyi khams sam/ 'dzam bu'i gling gis stengs 'di gyur te/ de la brgya byin 'khor bcas kyi gzugs snang ba ni/ gzugs brnyan 'char ba'i sa gzhi dag pa'i phyir lha'i dbang po gzhi der lha'i bu mo'i tshogs dang bcas pa dang rnam par rgyal ba'i khang bzang dang dga' ba'i tshal la sogs pa'i lha gnas de las gzhan dag dang/ lha gzhan de'i gzhal yas sna tshogs dang nas ni yul dang gzhal yas ni khang khyim mo/ /lha rnams kyis longs spyad par bya ba bde ba'i 'tshog chas lha rdzas rnam mang de mthong ngo/ /gnyis pa ni/ de nas skyes pa dang bud med kyi tshogs sa yi steng nas ngas pa rnams kyis snang ba de ni mthong bar gyur te/ mthong na bsam pa'i khyad par ni/ deng kyang ring por mi thogs par lha'i dbang po 'di 'drar gyur cig ces de 'dra'i smon lam 'debs par byed cing/ sbyor ba'i khyad par lha'i dbang po'i go 'phang de thob pa'i don du bsnyen gnas la sogs pa'i dge ba ni yang dag par blangs te gnas par 'gyur ro/ /gsum pa ni/ de dag dge ba'i las ngas na snang ba 'di brgya byin ma yin gyi brgya byin gyi gzugs brnyan snang ba tsam mo zhes de lta bur shes pa med kyang sa steng nas 'phos nas lhar ni skye bar 'gyur ro/ /bzhi pa ni/ brgya byin gyi gzugs brnyan snang ba de ni shin tu yang rtog pa med cing kun slong gi g.yo ba med pa de lta mdo kyi sa steng na mi rnams kyi sa @203b lha'i go 'phang thob pa'i bya ba byed pa'i don chen gyis ni nye bar gnas pa'o/ /gnyis pa la bzhi/ sems dag pa'i dbang gis rgyal ba'i sku snang ba dang/ snang ba des gnas skabs dang mthar thug gi don byang ba dang/ snang ba de la rtog pa med kyang don byad pa mi 'gal ba dang/ gdul bya rnams kyis snang ba de'i gnas tshong ji lta ba bzhin ma shes kyang 'bras bu chen por 'gyur ba'o/ /dang po ni/ dpe de bzhin du sangs rgyas la dad pa sogs kun slong skyon can gyi dri ma med pa can bsgoms pas dad sogs kyi yon tan bsgoms pa yi mthus rang gi sems la snang ba'i rdzogs pa'i sangs rgyas ni mtshan dang dpe byad dang ldan pa dang 'chag pa dang bzhengs pa dang bzhugs pa dang gzims pa dang/ bsod snyoms la gshegs pa la sogs pa'i spyod lam sna tshogs mdzad pa can dang/ sdug bsngal nye bar zhi ba'i thabs kyi chos ni gsung pa dang/ mi gsung bar nang du yang dag 'jog la mnyam par bzhag par gyur pa dang/ sku dang gsung gi cho 'phrul rnam pa sna tshogs dag mdzad pa gzi mdangs chen pa can las dag pa'i sems can rnams kyis mthong bar 'gyur ro/ /gnyis pa ni/ de mthong nas byang bsam pa'i khyad par sangs rgyas don gnyer gyi 'dod pa dang ldan pa dang/ sbyor ba'i khyad par sangs rgyas nyid thob pa'i phyir sbyin sogs phar phyin gyi spyod pa la rab tu sbyor te/ sangs rgyas de'i rgyu yang dag par blangs nas ni 'dod pa'i go 'phang sangs rgyas thob par byed do/ /gsum pa ni/ sangs rgyas kyi gzugs kyi sku @204a @#/ /snang ba de ni shin tu yang sems can gyi don bya'o snyam pa'i yid kyi brjod pas bsdus pa'i rtog pa med cing/ chos kyi sku las g.yo ba med pa nyid yin pa de lta na yang 'jig rten na gnas skabs dang mthar thug gi don mdzad pa'i don chen pos ni nye bar gnas so/ /bzhi pa la gnyis/ rgyu'i khyad par dang/ 'bras bu'i khyad par ro/ /dang po ni/ so so skye bo rnams kyis sangs rgyas kyi gzugs kyi sku rdul phra rab bsags pa'i lus su mngon par zhen nas sangs rgyas kyi ye shes nyid gzugs kyi skur shar ba dang/ rang la dngos su snang ba 'di ni rang gi sems kyi snang ba zhes so so skye bos mi shes mod/ de lta na yang gzugs kyi skya mthong ba de gdul bya de dag la ni don chen po 'byin pa'i rgyur yod par 'gyur ro/ /'di la brten nas kha cig gzugs sku gnyis gdul bya'i snang ngo tsam du zad kyi sangs rgyas mtshan nyid pa ma yin par 'dod pa ni sngar bkag zin la/ gzugs kyi sku rnam pa gnyis log pa'i kun rdzob tu thal bar 'gyur ro/ /'dis ni gzugs sku gnyis gdul bya'i rgyud kyis bsdus pa'i snang ba tsam du ston pa ma yin gyi /yang dag par rdzogs pa'i sangs rgyas yin yang/ gdul bya'i mig gi rnam par shes pa la dngos su snang la/ gdul bya'i mig gi rnam par shes pa la dngos su snang ba de nyid yang dag par rdzogs pa'i sangs rgyas ma yin bzhin du der zhen pas phyin ci log tu shes par bya ba dang/ yang sangs rgyas kyi gzugs kyi sku rdul phra rab bsags pa'i lus ma yin bzhin @204b du der zhen pa yang phyin ci log tu shes par bya'o/ /des na sangs rgyas kyi gzugs kyi sku snang ba'i mtshan gzhir sangs rgyas kyi gzugs kyi sku yang yod la/ sems can gyi shes pa yang yod do/ /sems can gyi shes pa la snang ba de sangs rgyas kyi gzugs brnyan yin gyi sangs rgyas ma yin la/ sangs rgyas kyi gzugs kyi sku gnyis sangs rgyas kyi gzugs brnyan yin gyi sangs rgyas ma yin no/ /zhes rang gi ston pa la skur pa gdab par mi bya'o/ /yang so so skye bo la mngon sum du snang ba'i mchog gi sprul pa'i sku ni longs spyod rdzogs pa'i sku'i gzugs brnyan yin pa yang dpes mtshon pa'i don du shes par bya'o/ /gnyis pa ni/ de nas tshogs gnyis rim gyis bsags te sngon du gzugs kyi sku de mthong ba la brten nas theg pa chen po 'di la gnas pa rnams kyis rang rgyud kyis bsdus pa'i nang gi dam pa'i chos sku ni ye shes kyi mig gis mngon sum du mthong bar 'gyur ro/ /gnyis pa la gnyis/ bstan pa dang/ bshad pa'o/ /dang po la gnyis/ dpe dang/ don to/ / dang po la gnyis/ snang ba ltar ma grub kyang skye 'gag dang ldan pa ltar snang ba dang/ snang ba de nyid 'dod pa'i 'bras bu'i rgyur bstan pa'o/ /dang po las gzhi'i khyad par ni/ ji ltar 'dzam bu'i gling gi sa chen po 'di kun gcong? rong dang ngam grog la sogs pa nyam nga ba'i gnas gzhan dang bral nas dri ma med pa'i bai DU rya kha dog gsal ba dang/ dbyibs mdzes pa der rgyan bkod pa'i khyad par nor bu'i yon tan dri ma med pa sna tshogs kyis mdzes par byas pa ni dpal dang ldan pa steng ni @205a @#/ /shing tu mnyam par gyur te lha'i gzugs brnyan skye ba'i khyad par ni gzhi de dag pa'i phyir der na lha'i bdag po'i gnas kyi tshogs dang/ lha'i dbang dang de las gzhan pa'i lha'i gzugs shar te/ gzugs brnyan 'gags pa'i khyad par ni/ rim gyis sa'i yon tan dag cing gsal ba dang/ bral ba'i phyir der ni slar yang gzugs brnyan mi snang bar 'gyur ro/ /gnyis pa ni/ brgya byin de'i dngos po thob pa'i phyir bsnyen gnas dang/ kun spyod dul ba la sogs pa'i brtul zhugs nges pa la gnas pas sbyin sogs bsgrub pa la phyogs pa bud med dang/ skyes pa sogs lha'i dbang po'i go 'phang thob par gyur cig snyam du smon pa'i sems kyis de'i ched du me tog la sogs pa 'thor ba ltar ro/ /gnyis pa ni/ gzhi dag pa'i bai DU rya 'dra bar gdul bya rang gi sems la snang ba'i thub dbang thob par bya ba'i phyir/ sangs rgyas la dad cing rab tu dga' ba'i sems dang ldan pa'i rgyal ba'i sras po rnams de bzhin du sangs rgyas thob 'dod kyi sems rab tu bskyed par byed pa ni snang ba de phan pa'i rgyur bstan pa'o/ /gnyis pa la gnyis/ skye bar snang ba'i dpe don dang/ 'gag par snang ba'i dpe don to/ /dang po ni/ ji ltar bai DU rya gzhi gtsang ma la lha'i dbang po'i lus kyi gzugs brnyan snang ba ltar de bzhin du 'gro ba'i sems kyi sa gzhi gtsang ma la thub pa'i dbang po'i sku'i gzugs brnyan 'char ba'o/ /gnyis pa ni/ 'gro ba'i sems la sangs rgyas kyi gzugs brnyan 'char ba ni/ dad sogs rnyog pa med pa'i dbang gis rab tu 'jug la nub nas mi snang ba ni rnyog @205b pa'i rang sems kyi dbang gis 'jug pa'o/ /brgya byin gyi gzugs la yang de bzhin du shes par bya'o/ /ji ltar 'jig rten dag na brgya byin gyi gzugs brnyan skye 'gag byed par snang yang de'i dbang gis brgya byin gyi gzugs skye 'gag can du 'gyur ba ma yin pa ltar de bzhin du gdul bya'i sems la sangs rgyas kyi gzugs kyi sku skye 'jig byed par snang yang de'i dbang gis sangs rgyas kyi gzugs kyi sku gsar du yod pa dang bzhag ces de mi lta zhing gdul bya kha cig gis gzugs kyi sku ma mthong yang nges sems can gyi don mdzad pa rgyun mi 'chad pa'o/ /gnyis pa gsung lha'i rnga'i dpes bstan pa la gsum/ gdul bya la phan 'dogs pa'i khyad par dang/ sangs rgyas kyi gsung gi khyad par du 'phags pa'i chos dang/ sangs rgyas kyi gsung gdul byas res 'ga' ma thos pa gdul bya'i nyes pa yin gyi gsung gi skyon ma yin pa'o/ /dang po la gnyis/ bag yod pa'i gnas la sbyor ba dang/ nye bar 'tshe ba las skyob pa'o/ /dang po la gnyis/ mdor bstan pas dang/ rgyas par bshad pa'o/ /dang po la gnyis/ dpe dang/ don to/ /dang po mtshams sbyar ba ni/ lha'i rang bzhin zhes bya ba ni zhes so/ /ji ltar sum cu rtsa gsum pa'i lha'i nang na lha rnams kyi sngon gyi las dkar po'i mthu yis ni grub pa'i rnga bo che zhig rnam par rgyal ba'i khang bzang gi steng gi bar snang la 'dug ste rnga de kun slong gi 'bad pa dang sgra 'byung ba'i gnas lce rkan sogs dang nga'o snyam pa'i yid dang/ dbyibs zlum po la sogs pa'i gzugs dang/ sgra grag par bya'o snyam pa'i rnam @206a @#/ /par rtog pa med bzhin du 'dus byas thams cad mi rtag pa dang/ zag pa dang bcas pa thams cad sdug bsngal ba dang/ chas thams cad bdag med pa dang/ mya ngan 'das pa zhi ba'i sgra bsgrags pa yis 'dod yon la chags nas bag med pa'i lha rnams thams cad yang dang yang du chos kyi rngas ni 'khor bas yid 'byung nas thar pa la bskul bar byed pa ltar/ gnyis pa ni/ dpe de bzhin du khyab bdag yang dag par rdzogs pa'i sangs rgyas chos gsung ba'i kun slong gi 'bad rtse la sogs dang bral yang 'gro ba ma lus pa rnams la mngon mtho dang nges legs la 'god pa'i sangs rgyas kyi gsung gis khyab par mdzad de/ skal ldan 'os su gyur ba rnams la chos ston to/ /gnyis pa la gnyis/ sgra'i rgyu'i khyad par gyi dpe don dang/ 'bras bu'i khyad par gyi dpe don to/ /dang po ni/ ji ltar lha'i gnas na lha rnams kyi rnga'i sgra rang gi sngon gyi dge ba'i las las byung ba de bzhin du 'jig rten pa rnams la thub pa'i chos gsung pa yang 'jig rten pa rang gi sngon gyi dge ba'i las las byung ba'o/ /gnyis pa ni/ kun slong gi 'bad ba dang sgra 'byung ba'i gnas dang dbyibs zlum po la sogs pa'i lus dang/ sgra sgrag par bya'o snyam pa'i sems dang bral ba'i rnga'i sgra de ji ltar sdug bsngal zhi ba bsgrub pa ltar de bzhin du khyad chos de bzhi dang bral ba'i sangs rgyas kyi gsung gi chos 'di zhi ba mya ngan las 'das pa gdul bya'i rgyud la sgrub par byed do/ /gnyis pa la gnyis/ dpe dang/ don to/ /dang po ni/ ji ltar lha'i grong na rnga sgra'i @206b rgyus byung ba lha rnams la mi 'jigs pa sbyin pa ni nyon mongs pa phrag dog gi kun nas bslang ba'i lha ma yin rnams dang 'thab pa'i g.yul du 'jug pa'i tshe lha ma yin gyi dbung las rgyal bar byed cing chags pas kun nas bslang ba'i bag med pa'i rtsed mo sel ba bzhin du'o/ /yang na nyon mongs lha'i khyad chos su sbyor/ gnyis pa ni/ dpe de bzhin du 'jig rten dag na bsam gtan dang gzugs med la sogs pa sgrub pa'i chos bstan pa'i rgyus byung ba 'dod pa'i nyon mongs dang tshor ba sdug bsngal mngon gyur zil gyis gnon pa dang/ thar pa dang thams cad mkhyen par bgrod par byed pa'i chos bstan pas sems can rnams kyi nyon mongs dang sdug bsngal rtsad nas rab tu 'joms shing thar pa tsam dang/ zhi ba bla na med pa mi gnas pa'i mya ngan las 'das par bgrod pa'i lam gyi tshul sangs rgyas kyi gsung gis brjod par byed do/ /gnyis pa la gsum/ lha'i sil snyan gzhan dpe? ri ma rung ba'i rgyu mtshan dang/ lha'i rnga dper byed pa'i rgyu mtshan dang/ sangs rgyas kyi dbyangs sil snyan gzhan las khyad par du 'phags pa'i rgyu mtshan no/ /dang po la gnyis/ dri ba dang/ lan no/ /dang po ni/ sangs rgyas kyi gsung gis phan bde sgrub pa'i dper rgyu mtshan ci'i phyir 'dir chos kyi rnga nyid kyi dbang du byas kyi lha'i sil snyan gyi rnam pa de las gzhan pa dag kyang dper rigs ba ma yin de dag kyang lha rnams kyis sngon byas pa'i dge ba'i las kyi dbang gis mdo kho nar lha'i rna bar yid 'phrog ba'i sgra'i rjes su 'byung bar 'gyur ro zhe na/ @207a @#/ /yid 'phrog pa'i sgra ni chos kyi rnga sgra yin la de'i rjes su sil snyan gzhan dag kyang 'byung bas so/ /gnyis pa ni/ sil snyan gzhan chos mi mthun pa bzhis dper mi rung ba ni de bzhin gshegs pa'i dbyangs dang de dag chos mi mthun pa'i yon tan rnam pa bzhi'o/ /de dag kyang gang zhe na/ 'di lta ste dus las mi 'da' bar yang dang yang du mi 'byung bas nyi tshe ba nyid dang/ bag med pa'i gnas la sbyor bas phan pa ma yin pa ma yin pa nyid dang/ lhag par yang 'dod yon la sred pa 'phel bar byed pas bde ba ma yin pa nyid dang/ 'khor ba las nges par 'byin par byed pa ma yin pa nyid do/ /gnyis pa ni/ lha'i chos kyi rnga ni bag med pa'i lha'i tshogs mtha' dag bag med pa'i gnas las yang dang yang du bskul ba nyid dang/ de'i dus las mi 'da' bas ni nyi tshe ba ma yin pa nyid du bstan to/ /lha ma yin zhas dang/ dam pa yin pa'i 'dod pa'i dga' bde las shes rgyud rnam par 'byed pa nyid dang/ tshas kyi kun dga'i dga' ba de nye bar sgrub pas na bde ba nyid do/ /mi rtag pa zhes sogs dang/ 'khor ba'i nye bar 'tshe ba'i zhes so/ /gsum pa la gnyis/ mdor bstan pa dang/ rgyas par bshad pa'o/ /dang po la gnyis/ mtshams sbyar ba dang/ rtsa ba'o/ /dang po ni/ mdor bsdu na rgyu rnam pa bzhi po 'di dag gi sa zhes so/ /gnyis pa ni/ thub pa'i dbyangs lha rdzas kyi sil snyan lha'i rnga la sogs pa rnams las kyang khyad par du 'phags te/ gang gi phyir na/ gsung gis skya bo kun la khyab pa nyid dang/ phugs su phan pa dang gnas skabs @207b su bde ba dang/ 'chad par 'gyur ba'i cho 'phrul gsum dang ldan pa'i phyir/ gnyis pa la gsum/ mtshams sbyar ba dang/ rtsa ba dang/ 'grel pa'o/ /dang po ni/ rnam pa bzhi po zhes so/ /gnyis pa la gnyis/ rgyas par bshad pa dang/ don bsdu ba'o/ /dang po ni/ lhar ni rnga'i sgra chen po mi'i 'jig rten la sogs pa'i sar gnas rnams kyi rna bar mi 'gro la sangs rgyas kyi gsung gi rnga sgra 'khor ba yis bon dmyal ba la sogs pa'i sa 'og gi 'jig rten dag tu yang 'gro'o/ /lhar ni lha'i sil snyan bye ba mang po 'dod pa'i me mngon par 'phel ba'i don du sgrogs la thugs rje'i bdag nyid rnams kyi dbyangs gcig kyang sdug bsngal gyi me rab tu zhi ba'i don du 'jug pas khyad par 'phags so/ /lhar ni mdzes shing yid du 'ang ba'i sil snyan gyi sgra ni sems kyi rgod pa mngon par 'phel bar 'gyur ba'i rgyu yin la thugs rje'i bdag nyid de bzhin gshegs pa'i gsung ni bying rgod zhi bar byed pa'i ting nge 'dzin la sems gtod par byed pa'i bsam pa skul byed nyid yin pas khyad par 'phags so/ /gnyis pa ni/ mdor na ma lus pa'i 'jig rten gyi khams rnams su'ang lha dang sa'i steng na gnas pa'i mi dang ngan 'gro la sogs pa na bde ba cung zad yod ba'i bde ba'i rgyu gang yin pa de ni rdzu 'phrul gyis ma lus pa'i 'jig rten na khyab par snang ba'i sgo nas sangs rgyas kyi dbyangs nyod la ni rab tu brten par brjod do/ /gsum pa ni/ sdug bsngal dang phyin ci log thams cad nye bar bzhi ba'i bde ba ni sangs rgyas kyi gsung dbyangs la rag las pas gsung @208a @#/ /gi dbyangs phyin ci log dang sdug bsngal las nges par 'byin byed du bstan la/ de yang cho 'phrul gsum gyis nges par 'byin par byed pa yin pas sangs rgyas kyi sku lus kyi cho 'phrul gyis phyogs bcu'i 'jig rten gyi khams ma lus pa sku'i bkod pa gcig dang du mas khyab pa ni rdzu 'phrul gyi cho 'phrul zhes bstan to/ /sems can rnams kyi sems kyi rnam grangs ma lus pa mngon sum du mkhyen pas der gtogs pa'i sems can gyi sems kyi spyod pa zab mo mngon sum du snang ba na thugs kun brjod pa'i cho 'phrul lo/ /ngag gi dbyangs brjod pas thar par nges par 'byin pa'i lam las brtsams te mngon mtho'i lam dang thar pa'i lam de 'doms pa dang rjes su ston pa ni rjes su bstan pa'i cho 'phrul lo/ /gsum pa sangs rgyas kyi gsung gdul byas res 'ga' ma thos pa gdul bya'i nyes pa yin gyi gsung gi skyon ma yin pa la gnyis/ mtshams sbyar ba dang/ rtsa ba'o/ /dang po ni/ de ltar yul thams cad du thogs pa med par 'gro ba'i sangs rgyas kyi dbyangs kyi dkyil 'khor na mkha'i khams ltar rgyu na/ yongs su chad pa med par 'jug kyang dus thams cad du gdul bya dang/ gsung gi cha yongs su rdzogs pa'i rnam pa thams cad kyis dmigs par ma rtogs pa gang yin pa der zhes so/ /gnyis pa ni/ ji ltar mi rna ba dang bral bas phra mo'i sgi ni mi myong yang lha'i rna ba dang ldan pas med par mi 'gyur ba de bzhin dang sgra phra rags thams cad lha'i rna bar yang rna ba'i lam du ni mi 'gro yang snga ma rna ba med pa dang/ phyi ma nus pa zhan pas @208b yin gyi/ med pa ma yin pa bzhin du de bzhin/ sangs rgyas kyi gsung gi chos phra zhing zab pa mchog tu ni ste shin tu zhi ba mo'i ye shes kyi spyod yul gar yin pa de yang gdul bya 'ga' zhig gis res 'ga' ma thos pa gsung gi nyes pa ma yin te/ nyon mongs pa med pa'i yid can 'ga' zhig gi rna ba'i lam du 'gyur ba yin zhing/ mngon par mtho ba dang/ nges par legs pa 'doms par mdzad pa'i phyir ro/ /gsum pa thugs sprin gyi dpes bshad pa la gnyis/ mtshams sbyar ba dang/ don bshad pa'o/ /dang po ni/ sprin bzhin zhes bya ba ni zhes so/ /gnyis pa la bzhi/ gdul bya yongs su smin pa'i rgyur 'gyur ba sprin gyi dpes bshad pa dang/ snod mi 'dra ba'i dbye bas ro tha dad par 'gyur pa sprin gyi dpes bshad pa dang/ phan gnod la rnam par rtog pa med par 'jug pa sprin gyi dpes bshad pa dang/ sdug bsngal gyi me zhi bar byed pa sprin gyi dpes bshad pa'o/ /dang po la gnyis/ bstan pa dang/ bshad pa'o/ /dang po la gnyis/ dpe dang/ don to/ /dang po ni/ ji ltar dbyar gyi dus na sprin gyes char bzung zhing de la brten nas bab pas lo tog phun sum tshogs pa'i rgyur 'gyur zhing chu'i phung po 'bad pa med par sa la rgyun du 'bebs pa ltar ro/ /gnyis pa ni/ de bzhin du sangs rgyas kyi thugs rdzo'i sprin las ni rgyal ba'i dam pa'i chos kyi chu'i char 'gro ba'i mngon mtho nges legs kyi lo tog phun sum tshogs pa'i rgyu rnam par rtog pa med par 'bebs pas sprin dang chos mtshungs so/ /gnyis pa la gsum/ dpe dang/ don dang/ don de nyid bshad @209a @#/ /ba'o/ /dang po ni/ ji ltar 'jig rten srog gcod spong ba sogs dge ba'i las lam la 'jug pa na rlung las skyes pa chu char sprin gyis 'bebs pa ltar/ gnyis pa ni/ de bzhin du brtse ba'i rlung gis 'gro ba'i rgyud kyi dge ba mngon par spel ba'i phyir tu sangs rgyas kyi thugs rje'i sprin las dam pa'i chos kyi char pa 'bebs par mdzad do/ /gsum pa ni/ srid par gnas pa'i sems can la thub pa'i dbang po'i sprin ni dge ba'i lo tog gi rgyur 'gyur ro/ / sprin ji lta bu zhe na/ dpa' bar 'gro ba la sogs pa'i ting nge 'dzin dang/ tshig don la sogs pa'i gzungs kyi chu dri ma med pa'i snying po can no/ /sprin de yang mkhyen pa dang brtse ba chen pos bsdus pa nye sa bsam gos pa'i nam mkha'i dkyil na gnas pa'o/ /gang gis ma gos na 'gyur ba srid pa'i mthar lhung ba dang/ mi 'gyur ba zhi ba'i mthar lhung bas ma gos pa'o/ /de yang mkhyen pas srid mthas ma gos pa dang/ brtse bas zhi mthas ma gos pa bstan to/ /gnyis pa la gnyis/ mtshams sbyar ba dang/ don bshad pa'o/ /dang po ni/ snod sna tshogs pa nyid las ni zhes so/ /gnyis pa la gnyis/ dpe dang/ don to/ /dang po ni/ ji ltar bsil ba dang/ zhim pa dang/ 'jam pa dang/ dang ba dang/ mgrin pa la mi gnod pa dang/ lto ba la mi gnod pa dang/ dri ma med pa dang/ yang ba'i chu yan lag brgyad ldan ni sprin de las 'thon pa yin yang sa la ba tshwa la sogs gnas tha dad pa dang 'brel bas ba tshwa can la sogs pa shin tu mang po'i ror ni @209b 'gyur ba bzhin du'o/ /gnyis pa ni/ de bzhin du bslab pa gsum gyis bsdus pa'i 'phags pa'i lam yan lag brgyad dang ldan pa'i dam pa'i chos kyi chu'i char rab tu yangs shing rgya che ba'i mkhyen pa dang/ brtse ba'i sprin gyi snying po las 'thon pa de nyid thar pa'i lam la dngos sum zhugs pa dang/ gdul bya rigs can gsum gyis bsdus pa'i 'gro ba'i rgyud kyi gnas kyi dbye ba las theg pa che chung la sogs pa'i lam gyi rnam pa mang po'i ro dang ldan par 'gyur ba yin no/ /gnyis pa la gnyis/ mtshams sbyar ba dang/ rtsa ba'o/ /dang po ni/ ltos pa med par 'jug pa las ni zhes so/ /gnyis pa la gnyis/ snod kyi dbye ba dpe dang sbyar ba dang/ chos mthun rgyas par bshad pa'o/ /dang po ni/ theg pa mchog la dang ba dang 'dod pa dang sdang ba gang yang med pa'i bar ma dang ni sdang ba yi phung po gsum ni rim pa bzhin du dper na char kyis lo tog rgyas par 'dod pa'i mi dag dang lus la phan gnod dang bral ba'i btang snyoms pa rma bya dang ni lus la me 'bar ba ltar gdung bar byed pas mi 'phrod bar 'dzin pa yi dwags dang 'dra'o/ /gnyis pa la gnyis/ sdang 'dod dpe dang sbyar ba dang/ phan gnod kyi rnam rtog med pa dpe dang sbyar ba'o/ /dang po ni/ dpyid kyi mthar dbyar gyi dus nam mkha' la sprin med pa na mi mi 'dod pa dang/ nam mkha' la mi rgyu ba'i rma bya de dag btang snyoms su gnas la yi dwags dga' ba dang/ dbyar gyi tshes la char bab pa ni mi 'dod pa dang/ rma bya btang snyoms pa dang yi dgas rnams ni sdug pa ltar rje'i sprin tshogs dag @210a @#/ /gis dam pa'i chos kyi chu byung ba dang ma byung ba las kyang rim pa bzhin du theg pa chen po'i dam pa'i chos 'dod pa rnams dga' ba dang/ chos la sngar ba'i gang zag rnams mi dga' ba 'jig rten na ni sngar bshad ba'i dpe de nyid kyis shes par bya'o/ /gnyis pa ni/ sprin gyis rnam par rtog pa med par thigs pa rags pa char chen po 'bebs pa dang/ tsha tsha rdo rje'i pha bong rnams 'phro/ zhes gsungs pa ltar/ rdo tshan dang ni rdo rje'i me ni 'bebs ba na grog? sbur la sogs pa'i srog chags phra mo dang/ /yi dwags dang ri sul song ba'i srog chags dag la ji ltar sprin de dag la phan gnod kyi khyad par la ltos pa med par 'bebs pa bzhin du rtogs par dka' zhing zab la phra ba don dam pa'i bden pa dang/ thabs rgya chen po thigs pa phra rags sprin gyis 'bebs pa'i thabs kyi tshul gyis sangs rgyas rnams kyi mkhyen pa dang ni brtse ba'i sprin theg pa chen po'i chos don du gnyer ba rnams kyi nyon mongs dag par gyur pa dang/ theg pa chen po'i chos la sdang ba rnams kyi bdag lta'i bag la nyal 'phel bar 'gyur ba dag la rnam pa kun tu ltos pa med par chos kyi char 'bebs par mdzad do/ /bzhi pa la gnyis mtshams sbyar ba dang/ don bshad pa'o/ /dang po ni/ sdug bsngal gyi me rab tu 'jil ba las ni zhes so/ /gnyis pa la gnyis/ snying rje'i dmigs pa sdug bsngal gyi khyad par dang/ de zhi ba'i thabs kyi khyad par ro/ /dang po la gnyis @210b gang du 'khor ba'i rten dang/ der 'khor ba'i nyes dmigs so/ /dang po ni/ las dang nyon longs pa'i dbang gis 'khor bar skye 'chi gcig nas gcig tu brgyud pa la thog ma'i mtha' nam yang med cing/ 'khor ba ldog pa'i ched du ma 'bad na tha ma'i mtha' yang med pas thog mtha' med pa'i 'khor ba der 'gro ba'i lam ni rigs rnam pa lnga'o/ /gnyis pa ni/ mi gtsang ba la dri zhim pa med pa bzhin du 'khor ba'i lam lnga dag na bde ba rang mtshan pa med cing/ sdug bsngal phyir bcos kyi bde ba tsam la bde ba rang tshan par zhen nas 'khor ba de na sdug bsngal dus rtag tu me dang/ mtshon dang/ kha ba dang rma la rgya tsha la sogs pa reg pa las skyes pa'i sdug bsngal bzhin du sdug bsngal gyi rang bzhin las ma 'das pa'o/ /gnyis pa la gsum/ dam pa'i chos ston par mdzad pa dang/ de la brten nas 'khor ba'i nyes dmigs khong du chud pa dang/ thar ba thob pa'i ched du bden bzhi'i gnas lugs goms par bya bar bstan pa'o/ /dang po ni/ thugs rje'i sprin las dam pa'i chos kyi char chen po 'khor ba'i sdug bsngal de rab tu zhi bar byed pa rab tu 'bebs shing phab pas 'khor ba'i sdug bsngal 'joms par byed do/ /gnyis pa ni/ lha la 'chi 'pho ba'i sdug bsngal dang/ mi la longs spyod yongs su tshol ba la sogs pa'i sdug bsngal lo zhes bya bar rtogs pa'i phyir thar pa don gnyer gyi blo bcos ma min pa skyes shing thar ba'i lam khong du chud nus pa'i shes rab dang ldan pa lha'i dbang po brgya byin dang @0211a @#/ /'khor los bsgyur ba sogs lha dang mi'i dbang phyug mchog la'ang mngon par 'dod pa'i sred pa med de nang gi rkyen tshul bzhin yid la byed pa 'khor ba'i nyes dmigs dang thar pa'i phan yon khong du chud nus pa'i shes rab dang ni phyi'i rkye na gzhan gyi sgra'i bdag nyid de bzhin gshegs pa'i gsung rab la yid ches pa'i dad pa'i rjes su 'brangs nas zag pa dang bcas pa'i phung po 'di ni sdug bsngal dang/ las dang nyon mongs pa 'di ni rgyu kun 'byung gi bden pa dang/ sdug bsngal 'gags pa 'di ni 'gog pa'i bden pa dang/ bdag med mngon sum du rtogs pa'i shes rab ni lam gyi bden pa dag go/ /zhes shes pas mthong ba'i phyir ro/ /gsum pa ni/ nad kyi nyes dmigs legs par khong du ma chud na nad kyi rgyu spong 'dod dang/ nad zhi ba'i thabs la don gnyer mi 'byung bas thog mar nad ni nyes dmigs kyi sgo nas shes par bya ba dang/ de yang rgyu ma spangs par spong mi nus par mthong nas nad kyi rgyu ni spang par bya ba yin la nad zad pa'i bde bar gnas pa thob par bya ba dang/ nad kyi rgyu 'gog pa'i sman ni bstan par bya ba ltar/ thog mar mi rtag pa dang sdug bsngal la sogs pa rang spyi'i mtshan nyid kyi sgo nas sdug bsngal nyes dmigs kyi sgo nas shes par bya la/ sdug bsngal tsher ma 'don pa ltar spong mi nus shing/ rgyu bkag pa'i sgo nas spong dgos bar mthong nas rgyu kun 'byung gi bden pa spang bya dang/ kun 'byung spong nus su mthong ba na sdug bsngal 'gags pa'i 'gog pa rgyud la rig par @0211b bya zhing mngon du bya nus su mthong ba dang/ de bzhin du de mngon du byed pa yang lam yang dang yang du rgyud la brten bar bya zhing goms par bya bar mthong nas de ltar nyams su blangs par thar pa mya ngan las 'das pa thob par byed do/ / gnyis pa 'phrin las gsum dpes mtshon te bstan pa la gnyis/ tshangs pa'i sprul pas sku dang gsung gi 'phrin las mtshon te bstan pa dang/ nyi ma'i dpes thugs kyi 'phrin las mtshon te bstan pa'o/ /dang po la gnyis/ mtshams sbyar ba dang/ don bshad pa'o/ /dang po ni/ tshangs pa chen po bzhin zhes bya ba ni zhes so/ /gnyis pa la gnyis/ sku dang gsung gi 'phrin las 'bad pa med par 'jug pa'i dpe don dang/ gdul bya 'ga' zhig zhig gi bsam pa'i ngor re shig nub par 'gyur ba'i tshul lo/ /dang po la gsum/ gdul bya rgyud dag pa la 'phrin las 'jug pa'i dpe don dang/ de las zhan pa la sbyor ba'i dpe don dang/ 'phrin las 'jug pa'i rgyu'o/ /dang po la gnyis/ dpe dang/ don to/ /dang po ni/ ji ltar tshangs pa chen po tshangs pa yi gnas nas 'pho ba med pa bzhin du 'dod pa'i lha'i gnas ni thams cad du chags bral sgrub pa'i ched du snang ba 'bad pa med par ston pa ltar ro/ /gnyis pa ni/ de bzhin du thub pa de bzhin nyid la rtag tu mnyam par bzhag pa'i chos kyi sku las bskyod pa med par 'jig rten gyi khams kun tu gdul bya skal ldan rnams la 'bad pa med par sprul pa dag gis chos ston par mdzad do/ /gnyis pa la gnyis/ @0212a @#/ /dpe dang/ don to/ /dang po ni/ ji ltar tshangs pa dus rtag tu rang gi gzhal yang khang las mi g.yo bzhin du rang 'dra'i gzugs shig sprul nas 'dod khams kyi lha'i nang du zhugs pa de lha rnams kyis mthong zhing de mthong ba'i lha rnams la 'dod pa'i nyes dmigs bshad pas 'dod pa'i lha de'ang yul la dga' ba'i sred pa spong bar byed pa ltar ro/ /gnyis pa ni/ de bzhin du bde gshegs chos kyi sku las mi bskyod bzhin du 'jig rten kun tu sangs rgyas kyi gzugs kyi sku de skal ldan gyis mthong la de mthong ba de'ang de bzhin gshegs pa'i dam chos bstan pa'i don nyams su blangs pa/ rtag tu dri ma kun sel bar byed cing thar pa dang thams cad mkhyen pa'i go 'phang thob par byed do/ /gsum pa ni/ tshangs pas sngon gyi rang nyid kyi smon lam dang 'dod pa'i lha rnams kyi dge ba'i mthus ji ltar tshangs pa 'bad pa med par snang zhing chos ston pa ltar rang 'byung sangs rgyas kyi sprul sku gdul bya la snang nas chos ston pa yang sngon gyi smon lam dang gdul bya rnams kyi rgyud dag pa'i mthu las 'byung ba ste/ de bzhin no/ /gnyis pa ni/ mtshams sbyar ba res 'ga' mi snang ba las ni zhes so/ /don bshad pa ni/ dga' ldan gyi gnas nas 'pho ba dang/ yum gyi lhums su 'jug pa dang lu-mbi'i chel du sku bltams pa dang/ ser skya'i gnas su yab kyi khab tu gshegs pa dang/ btsun mo'i 'khor gyis dgyes par rol ba dang/ rab tu byung nas dben @0212b par dka' ba spyod pa dang/ byang chub kyi shing drung du gshegs nas 'dud bcom pa dang/ tho rangs byang chub chen po brnyes pa dang/ zhi ba'i grong khyer gyi lam ston pa chos kyi 'khor lo bskor ba'i mdzad pa dag bstan nas thub pa re zhig gdul bya skal ba med pa'i mig gi lam du mi 'gyur par mya ngan las 'das pa'i tshul ston par mdzad do/ /des na ston pa'i sku dang gsung gi 'phrin las la zad pa mi srid pas rang nyid sangs rgyas rjes su dran pa la sogs pa sangs rgyas mthong ba'i rgyul 'bad rigs par bstan to/ /gnyis pa la gnyis/ mtshams sbyar ba dang/ don bshad pa'o/ /dang po ni/ nyi ma bzhin zhes bya ba ni zhes so/ /gnyis pa la gnyis/ bstan pa dang/ bshad pa'o/ /dang po ni/ ji ltar nyi ma'i 'od kyis gdungs pas dus gcig gis tshe nyid la pad-ma sogs rgyas pa dang kun mu da ni kha rab tu zum par byed pa yin yang chu skyes kha phye ba'i yon tan dang/ ku mu da kha zum pa'i skyon dag la nyi ma de ltar bya'o snyam pa'i rtog pa med pa de bzhin du/ sangs rgyas kyi 'phrin las mdzad pa'i skabs 'dir ni sangs rgyas 'phags pa'i gsung gi nyi ma'i 'od kyang gdul bya'i phan gnod la rnam par rtog pa cung zad kyang med pa dpe de bzhin no/ /gnyis pa la gnyis/ nyi ma dang dpe don sbyar ba dang/ nyi ma las ches khyad par du 'phags pa'o/ /dang po la gsum/ rnam par rtog pa med par 'jug pa'i dpe don dang/ mun pa sel ba'i 'od 'gyed pa'i tshul bshad pa dang/ snong la ri ma? gyis 'bab pa'i dpe don to/ /dang po la gnyis/ mtshams sbyar ba dang/ @0213a @#/ /rtsa pa'o/ /dang po ni/ sems can gyi khams ni zhes so/ /gnyis pa la gnyis/ dpe dang/ don to/ /dang po ni/ ji ltar nyi ma rtog pa med par rang gi 'od cig car spros pa yis pa-dma rgyas par byed pa dang lo tog gzhan dag smin par byed pa dang/ kun mud kha zum par byed pa ltar ro/ /gnyis pa ni/ de bzhin du de bzhin gshegs pa yi gsung gi nyi ma dam pa'i chos kyi 'od zer dag gdul bya'i skye bo'i pad-ma la 'bad rtsol la sogs pa'i rnam par rtog pa med par 'jug pa'o/ /gnyis pa la gnyis/ dngos kyi don dang/ snod kyi rjes su byed pa'o/ /dang po ni/ sangs rgyas kyi chos kyi sku dang gzugs kyi sku dag gis byang chub kyi shing drung byang chub snying po'i nam mkhar shar ba kun mkhyen gsung gi nyi ma 'go bar ni ye shes kyi 'od zer spro bar mdzad pas gdul bya'i rgyud smin pa dang grol bar mdzad do/ /gnyis pa ni/ chu dri ma med pa'i snod du zla ba'i gzugs brnyan 'char ba ltar gang gi phyir gdul bya rgyud dag pa yi chu'i snod ni thams cad la bde bar gshegs pa'i nyi ma'i gzugs brnyan ni dpag tu med pa cig car 'char ba'o/ /gsum pa la gnyis/ mtshams sbyar ba dang/ rtsa ba'o/ /dang po ni/ de ltar zhes so/ / sems can gyi tshogs gsum ni/ yang dag par nges pa dang/ ma nges pa dang/ log par nges pa'o/ /gnyis pa la gnyis/ mdor bstan pa dang/ rgyas par bshad pa'o/ /dang po ni/ dus rtag tu yul thams cad la khyab pa chos @0213b dbyings kyi nam mkha'i dkyil du ni sangs rgyas kyi nyi ma rgyud dag ma dag gi rim pa mi 'dra ba du ma yod pa'i gdul bya'i ri la ji ltar 'os pa 'bab bo/ /gnyis pa ni/ ji ltar thag ring po snang bar byed pas rgya chen po'i 'od zer stong dang ldan pa'i nyi ma shar ba'i skabs 'dir 'jig rten kun tu snang bar byas nas rim gyis ni mtho dman 'bring gsum gyi mchog dang/ bar ma dang dman pa'i ri la 'bab pa de bzhin du rgyal ba'i nyi ma sems can gyi tshogs la yon tan che chu gi bye brag gis rim gyis 'bab bo/ /gnyis pa la gnyis/ mtshams sbyar ba dang/ rtsa ba'o/ /sangs rgyas kyi 'od kyi dkyil 'khor nyi ma'i 'od las khyad par du gyur pa ni zhes so/ /gnyis pa ni/ nor bu dang mar me'i 'od la sogs pa la ltos nas nyi ma ni yul rgya chen po la khyab pa dang phan 'dogs pa che bas khyad par du 'phags la/ de bas kyang sangs rgyas kyi 'od kyi dkyil 'khor khyad par du 'phags te/ sangs rgyas kyi zhing kun tu khyab par spro ba dang/ nam mkha'i mthil ma lus par khyab par spro ba'i nus pa nyi ma la med la sangs rgyas kyi thugs rje'i 'od zer zhing kun dang nam mkha'i mthar thug par khyab pa'i phyir te/ nyi ma la ma rig pa'i mun pa sel ba'i nus pa med pas mi shes pa'i mun pas bkab pa la ji lta ba dang ji snyed pa'i shes bya'i don ston pa'i nus pa yang yod pa min la thugs rje'i bdag nyid 'phrin las sna tshogs pa'i mdog bkye ba'i 'phrin las kyi 'od kyi tshogs kyis gdul bya blo gsal @0214a @#/ /bdag la'am/ zhing kun gsal ba dag la 'phro ba la ji lta ba dang ji snyed pa'i shes bya'i don ston par mdzad cing/ ma rig pa dang sdug bsngal ma lus pa 'joms par mdzad do/ /sangs rgyas grong du gshegs pa'i tshe mig dang mi ldan pa'i skye bo rnams mig gis gzugs mthong zhing don med pa ngan 'gro'i sdug bsngal gyi tshogs dang bral bar byas nas mngon mtho dang nges legs kyi thabs kyi don de mthong ba las ni myong ba dang gti mug gis ldongs shing srid pa'i rgya mtshor lhung ba dang/ thar 'dzin gyi lta ba'i mun pas bsgribs pa rnams sangs rgyas kyi thugs rje'i nyi ma'i 'od kyis blo gros snang bar byas te/ sngon ma mthong ba'i gnas mngon mtho khyad par can dang/ thar pa dang thams cad mkhyen pa'i go 'phang mthong zhing thob par 'gyur bar mdzad do/ /gsum pa gsang ba'i gnas gsum dpes mtshon te bstan pa la gsum/ thugs kyi gsang ba yid bzhin gyi nor bu'i dpes bshad pa dang/ gsung gis gsang ba sgra brnyan gyi dpes bshad pa dang/ sku'i gsang ba nam mkha'i dpes bshad pa'o/ /dang po la gnyis/ mtshams sbyar ba dang/ don bshad pa'o/ /dang po ni/ yid bzhin gyi nor bu bzhin zhes bya ba ni zhes so/ /gnyis pa la gnyis/ rnam rtog med par don thams cad bsgrub pa dang/ 'byung brnyed par dka' ba dpes bshad pa'o/ /dang po la gnyis/ bstan pa dang/ bshad pa'o/ /dang po la gnyis/ dpe dang/ don to/ /dang @0214b po ni/ ji ltar yid bzhin gyi nor bu ni rtog pa med kyang dus cig car du rgyal mtshan gyi rtser bkod nas mchod cing gsol ba 'debs pa sogs byed pa'i spyod yul na gnas pa rnams kyi ni zas gos la sogs pa'i bsam pa kun so sor rdzogs par byed pa ltar ro/ /gnyis pa ni/ de bzhin du sangs rgyas kyi thugs rje yid bzhin gyi nor bu la brten nas gdul bya bsam pa tha dad pa rnams mngon mtho dang ngas legs sgrub pa'i thabs 'bras bu dang bcas pa sna tshogs pa'i chos ni thos par mdzad par 'gyur yang sangs rgyas de ni de la rnam par mi rtog cing 'bad rtsol nye bar zhi bas 'jug pa'o/ /gnyis pa ni/ ji ltar nor bu rin chen rtog pa med par 'dod pa'i nor 'bad pa med par sems can zhan pa dag la rab tu ster ba ltar de bzhin du thub pa 'bad pa med par ji ltar gdul bya'i khams dang bsam pa la sogs pa dang 'tsham zhing/ 'os pa ni gzhan gyi don du srid pa ji srid par dus rtag tu bzhugs so/ /gnyis pa la gnyis/ mtshoms sbyar ba dang/ rtsa ba'o/ /dang po ni/ de bzhin gshegs pa zhes so/ /gnyis pa ni/ nor bu rin po che de la don du gnyer zhing 'dod pas ji ltar nor bu bzang po 'gro ba 'dir rab tu rnyed par dka' ste/ gang gi phyir na/ rgya mtsho'i nang sa'i 'og na gnas pa'i phyir ro/ /de bzhin du 'gro ba shin tu skal ba ngan zhing sangs rgyas mthong ba la bsgrib par byed pa'i nyon mongs kyis zin pa rnams kyis rang gi yid 'dir bde gshegs mthong ba rnyed par dka' bar shes par bya'o/ /gnyis pa la @0215a @#/ /gnyis/ mtshams sbyar ba dang/ rtsa ba'o/ /dang po ni/ sgra brnyan gyi zhes so/ /gnyis pa ni/ ji ltar sgra brnyan gyi ni sgra brag ca'i sgra ni skyes bu gzhan gyi ngag gi rnam rig tsam las byung ba yin yang sgra de kun slong gi rnam rtog med cing byed pa lce rkan sogs phrad pa'i bzo med pa dang/ dung sgra ltar phyi dang rnam rtog ltar nang na mi gnas pa ltar de bzhin du de bzhin gshegs pa'i gsung gdul bya gzhan gyi dad pas kun bslang ba'i phyag 'tshal ba la sogs pa'i rnam rig gi rkyen tsam las byung ba dang/ kun slong gi rnam par rtog pa med la lce rkan sogs phrad pa'i bzo med cing/ dung sgra ltar phyi dang rnam rtog ltar nang na gnas pa ma yin pa'o/ /gsum pa la gnyis/ mtshams sbyar ba dang/ rtsa ba'o/ /dang po ni/ nam mkha' bzhin zhes bya ba ni zhes so/ /gnyis pa ni/ nam mkha' gzugs su cung zad kyang med cing dgag bya bcad pa la ma ltos par gsal bar snang ba med la/ yongs gcod du dmigs pa med cing rten med pa'o/ /yang na rim pa bzhin du mtshan nyid med pa dang/ de ma thag rkyen du med pa dang/ dmigs rkyen du med pa dang/ bdag rkyen du med pa'o/ /mig gi lam las rab tu 'das pa dang/ de nyid bshad pa ni/ gzugs med pa dang 'di'o zhes bstan du med pa yi nam mkha' la ji ltar mtho ba dang dma' ba'i tshul du mthong yang de ni kho na ltar grub ba min pa de bzhin du dga' ldan gyi gnas nas 'pho ba dang/ mya ngan las 'das pa la sogs pa thams cad @0215b sangs rgyas la mthong yang de ni de kho na ltar grub ba min te/ sangs rgyas gsar du mya ngan las 'da' ba ltar snang yang de ltar ma grub pa'i phyir ro/ /de bzhin du gzhan rnams kyang shes par bya'o/ /bzhi ba de thams cad kyi rten dpes mtshon te bstan pa la gnyis/ mtshams sbyar ba dang/ rtsa ba'o/ /dang po ni/ sa bzhin zhes bya ba ni zhes so/ /gnyis pa ni/ ji ltar sa las skye ba lo tog la sogs pa kun bdag ni sa sa bskyed pa'o snyam pa dang/ sa yang 'di dag gis bskyed par bya'o snyam pa'i rtog pa med kyang sa la brten nas ni gong nas gong du 'phel ba dang/ rgyun brtan pa dang yal sogs yangs shing rgyas par 'gyur ba ltar de bzhin du rdzogs pa'i sangs rgyas kyi thugs rje'i sa yang sems can gyi don bya'o snyam pa'i rnam par rtog pa med pa la brten nas 'gro ba'i dge ba'i rtsa ba ni ma lus par sngar med gsar du skye ba dang gong nas gong du 'phel bar 'gyur ba dang/ 'phel ba mthar phyin par 'gyur bar mdzad do/ /gnyis pa dpe rnams kyi bsdus pa'i don gyi dpe'i dgos pa bshad pa la gnyis/ mtshams sbyar ba dang/ don bshad pa'o/ /dang po ni/ dpe rnams kyis bsdus pa'i don ni zhes so/ /gnyis pa la gnyis/ dngos kyi don dang/ de'i sgrub byed do/ /dang po ni/ sems can rnams kyis 'bad rtsol med par lus kyi sgul bskyod dang chos ston pa la sogs ba'i bya ba 'ga' byed ba cung zad kyang mthong ba med pa de bas na sangs rgyas la kun slong gi rnam par rtog pa cung zad kyang med na rgyun mi 'chad par chos ston pa la sogs pa ji ltar @216a @#/ /'thad snyam pa'i gdul bya'i the tshom bcad pa'i phyir tu sku gsung thugs kyi ngo bo dang 'phrin las dang/ gsang pa'i gnas mtshon par byad pa'i dpe rnam pa dgu ni mdo las bstan pa yin par shes par bya'o/ /gnyis pa la gnyis/ bstan pa dang/ bshad pa'o/ /dang po ni/ mdo sde gang du brgya byin gyi gzugs brnyan la sogs pa'i dpe dgu po 'di dag rgyas par rab tu bstan par gyur pa sangs rgyas thams cad kyi yul la 'jug pa ye shes snang ba rgyan gyi mdo zhes bya ba ni mdo sde yi ni ming nyid kyis dpes dgu smos pa'i mdo sde de yi dgongs pa bstan pa nyid du shes par bya'o/ /gnyis pa ni/ mdo sde'i mdo gis ji ltar bstan snyam na sangs rgyas kyi yon tan dpe dgus ston par byed pa'i mdo sde 'di thos pa las byung ba'i shes pa yi snang bar rgya chen po 'dis brgyan pa'i blo ldan byang chub sems dpa' rnams myur du sangs rgyas kyi spyod yul zab pa dang rgya che ba kun la yid ches nas 'jug par 'gyur ro/ /gsum pa dpes mtshon par bya ba'i don bsdus te bshad pa la gnyis/ dngos kyi don dang/ dpe don chos mthun bshad pa'o/ /dang po la gsum/ dngos bstan gyi don mdor bstan pa dang/ shugs bstan gyi don bshad pa dang/ dngos bstan gyi don rgyas par bshad pa'o/ /dang po la gnyis/ bstan pa dang/ bshad pa'o/ /dang po ni/ sangs rgyas kyi 'phrin las rgyun mi 'chad par 'jug par rtogs pa de'i don bai DU-rya'i sa gzhi la brgya byin gyis gzugs brnyan shar ba @216b la sogs pa dpe dag ni rnam pa dgur brjod pa de la ni dpe dgu smos pa la don dgu yod pa de'i bsdus don 'di yin par nges par bzung ba ste zung cig ces pa'o/ /gnyis pa ni/ sangs rgyas kyi gzugs kyi sku ston pa dang/ gsung dbyangs dang/ shes bya thams cad la khyab pa'i thugs dang/ sku dang gsung gi 'phrin las sprul pa dang/ thugs kyi ye shes spro ba thugs kyis 'phrin las dang/ thugs dang/ gsung dang/ sku'i gsang ba chen po gsum dang/ thugs rje'i bdag nyid de thams cad kyi rten gnas gyur mthar phyin pa thob pa nyid kyi don rnam pa dgu dpe dgu la brten nas khong du chung pas sangs rgyas kyi 'phrin las 'bad pa med par rgyun mi 'chad du rtogs par 'gyur ba yin no/ /gnyis pa la gsum/ bstan pa dang/ bshad pa dang/ ston pa skye 'chi dang bral zhing 'phrin las 'bad med du 'jug par grub pa'o/ /dang po ni/ 'phrin las 'jug pa'i tshe rnam par rtogs pa'i dmigs pa dang bcas pas yul la longs spyod pa'i rgyun kun rab tu zhi ba yin te/ 'phrin las 'jug pa'i tshe rnam par rtog pa med pa'i thugs mda' ba yin pa'i phyir/ dper na dri ma med pa'i bai DUr gyi sa gzhi gtsang ma la brgya byin gyi gzugs brnyan shar bas rnam par rtog pa med kyang 'jig rten pa rnam kyi mngon mtho'i rgyu byed pa la sogs pa bzhin no/ /gnyis pa ni/ rnam par rtog pa dang bcas pa'i yul la longs spyod pa'i 'bad rtsol nye bar zhi ba dam bca' ste/ rnam par rtog pa med pa'i thugs mngal ba ni gtan tshigs so/ /rang bzhin gyi gtan tshigs kyi don ni grub pa'i don du mthun dpe ni brgya byin gyi gzugs @217a @#/ /la sogs pa yin no/ /des mtshon nas ston pa skye 'chi dang bral ba'i rang bzhin gyi den ni grub pa'i don du dpe ni brgya byin gzugs sogs yin zhes pa'o/ /gsum pa ni/ dpe dgus sangs rgyas kyi 'phrin las mtshon par byed pa'i skabs 'dir ni skabs don bsdus na 'di yin te/ sku ston pa la sogs rnam pa dgu ni ston pa yang dag par rdzogs pa'i sangs rgyas nyon mongs pa'i dbang gis skye 'chi dang/ yid kyi rang bzhin gyi lus dang/ bsam gyis mi khyab par bsgyur ba'i skye 'chi dang bral bar grub pas 'phrin las rgyun mi 'chad pa dang/ 'bad pa med par rab tu 'jug par grub pa'o/ /gsum pa la gnyis/ mtshams sbyar ba dang/ rtsa ba'o/ /dang po ni/ don 'di nyid kyi zhes so/ gnyis pa la gnyis/ spyir bstan pa dang/ de nyid bshad pa'o/ /dang po ni/ sangs rgyas kyi sku gsung thugs kyi ngo bo dang/ 'phrin las gsum dang/ gsang ba gsum po gang zhig brgya byin gyi gzugs brnyan dang/ lha'i rnga sgra dang/ sprin bzhin dang/ tshangs pa'i sprul pa dang/ nyi ma dang/ rin chen yid bzhin gyi nor bu'i rgyal po bzhin dang/ sgra brnyan dang/ nam mkha' dang/ sa bzhin du 'dod dgu mtshen par byas pas 'khor ba ji srid pa'i bar du sangs rgyas kyi 'phrin las 'bad pa med par gzhan gyi don byed pa'i tshul de rnal 'byor ba rnams kyi lung la brten pa dang/ so so rang gis rigs par 'gyur ro/ /gnyis pa ni/ rin chen bai DU rya'i sa gzhi la lha'i dbang po'i gzugs brnyan snang bas 'jig rten gyi mngon @217b mtho'i don phyed pa bzhin du sangs rgyas kyi gzugs kyi sku ston pa de dang 'dra ba dang/ sangs rgyas kyi gsung legs par 'doms par mdzad pa lha'i rnga dang 'dra ba dang khyab bdag sangs rgyas kyi mkhyen pa dang brtse ba chen po'i sprin gyi tshogs ni mtha' yas pa'i 'gro ba mnar med nas srid rtse'i bar du khyab nas dam pa'i chos kyi char 'bebs par mdzad pa gsum gyis sku gsung thugs kyi ngo bo gsum gyi dpe don sbyar ba'o/ /tshangs pa bzhin du zag pa med pa'i gnas chos sku las ma bskyod par sku dang gsung gi sprul pa rnam pa du ma rab tu ston par mdzad pa dang/ nyi ma bzhin du thugs kyi ye shes kyi snang ba rab tu spro bar mdzad pa gang yin pa gsum gyis sku gsung thugs kyi 'phrin las gsum dpe dang sbyar ba'o/ / rnam par dag pa rin chen yid bzhan gyi nor bu dang 'dra ba'i thugs kyi gsang ba dang/ rgyal ba rnams kyi gsung de ni brag ca bzhin du brjod 'dod kyis kun nas bslad pa'i yi ge med pa gsung gi gsang ba dang/ sku ni nam mkha' lta bur khyab pa dang/ thogs pa dang bcas pa'i gzugs med pa dang/ rgyun mi 'chad pas brtag pa nyid kyi gsang ba gsum dpe dang sbyar ba'o/ /mi la sogs pa'i rten sa bzhin du 'gro ba'i mngon mtho nges legs thabs dang bcas pa'i dkar po'i chos kyi sman rnams ma lus pa'i cha yongs su rdzogs pa'i rnam pa kun gyi gzhir gyur pa ni thugs rje chen po'i rang bzhin gnas gyur mthar phyin pa'i sangs rgyas kyi sa yin no/ /gnyis pa la gnyis/ dri ba dang/ lan no/ /dang po ni/ yang ji ltar na dper brjod pa @218a @#/ /'dis sangs rgyas bcom ldan 'das rnams rtag tu skye ba med cing 'gag pa med pa yin yang gdul bya rnams kyis skye ba dang/ 'gag par mthong ba dang/ 'di dag gis sangs rgyas kyi 'phrin las 'gro ba thams cad du lhun gyis grub par rgyun mi 'chad par bstan pa yin zhe na/ gnyis pa la gnyis/ skye 'gag med pa'i chos mthun bshad pa dang/ rnam rtog med pa'i chos mthun bshad pa'o/ /dang po nam/ gdul bya'i rgyud la sangs rgyas la dmigs pa'i dad sogs kyis bsdus pa'i dge ba bai DU rya'i sa gzhi dang 'dra ba'i sems la sangs rgyas kyi gzugs kyi sku dngos su mthong ba'i rgyu sgrib byed de dag pa ni sangs rgyas kyi sku mthong ba mi ldog pa'i dad pa'i dbang po brtas pa nyid kyi rgyu las yin la/ res 'ga' ma mthong ba ni dad sogs ma smin pa'i rgyus yin pas gdul bya'i dad sogs kyi dga' skye ba dang 'jig pas na gdul bya'i blo ngor sangs rgyas kyi gzugs ni skye ba dang 'jig pa nub par snang ba yin gyi/ brgya byin gyi gzugs brnyan 'char ba dang nub pa'i dbang gis brgya byin gyis gzugs 'char ba dang nub par 'gyur ba ma yin pa bzhin du thub pa ni chos kyi sku'i dbang gis 'jig tu 'gyur ba med de /de bzhin nyid la mnyam bar bzhag pa las ldang ba mi srid pa'i phyir dang/ de bzhin du sangs rgyas kyi longs spyod rdzogs pa'i sku yang gdul bya'i snang ngo chun chad du mya ngan las 'das pa'i tshul ston pa sogs mi srid par shes par bya'o/ /gnyis pa ni/ brgya byin gyi gzugs brnyan @218b la sogs pa rnam par rtog pa med pa'i dpe de bzhin du ni 'bad pa med par sngar med gsar du 'phel ba'i skye ba med pa dang/ gsar du 'grib pa'i 'gag pa med pa'i chos kyi sku las srid pa ji srid gnas kyi bar du gzugs kyi sku ston pa la sogs pa la sogs pa'i mdzad pa rgyun mi 'chad pa 'jug pa'o/ /gsum pa dpe'i go rim bshad pa la gsum/ mdor bstan pa dang/ rgyas par bshad pa dang/ gnas gyur mthar phyin pa'i ye shes yon tan kun gyi rten du sgrub pa'o/ /dang po ni/ dpe dgu po 'di rnams kyi bsdus pa yi don ni 'og nas 'chad pa 'di yin la/ dpe don gnyis kyi rim pa yang thad kar 'dra chos res chos mthun pa yin la/ dpe snga ma snga ma don la yod pa'i yon tan phyi ma phyi mas chos mi mthun pas rnam pa thams cad du chos mthun pa spangs pa'i sgo nas go rim nges pa brjod pa yin no/ /gnyis pa ni/ sangs rgyas kyi gzugs kyi sku brgya byin gyi gzugs brnyan lta bu de/ rnam par rtog pa med bzhin du sems can gyi mig gis mthong nas dge ba'i rkyen byed pa'i phyir/ rnam pa thams cad du de dang 'dra ba min te/ brgya byin gyi gzugs brnyan chos ston pa'i dbyangs dang mi ldan pa'i phyir/ sangs rgyas kyi gsung lha'i rnga bzhin te/ chos kyi sdom bzhi sgogs pa'i phyir/ thams cad du de dang 'dra ba min te/ lha'i rnga dus thams cad du sems can gyi don mi byed pa'i phyir/ sangs rgyas kyi thugs rje sprin chan po dang mtshungs te/ gdul bya'i lo tog smin par byed pa'i phyir/ rnam pa thams cad du da dang 'dra ba'ang min te/ sprin gyis char phab bas dan 'gro'i sdug bsngal la @219a @#/ /sogs pa don med pa'i sa bon spong nus pa min pa'i phyir/ sku dang gsung gi 'phrin las tshangs pa chen po bzhin te/ rang gi gnas las ma g.yos bzhin du/ sprul bas sems can gyi don mdzad pa'i phyir/ rnam pa thad du de dang 'dra ba min te/ tshangs pa chen pos dus rtag tu dang mthar thug pa'i bde ba la gtan du ni smin par byed nus pa min pa'i phyir/ thugs kyi 'phrin las nyi ma'i gzugs bzhin te/ du ma la khyab pa dang/ gzhan dag smin par byed pa'i phyir rnam pa thid dud dang 'dra ba min te/ dus dang gtan du ni mi shes pa'i mun pa 'joms pa min pa'i phyir/ thugs kyi gsang ba yid bzhin gyi nor bu 'dra ste/ 'bad pa med par 'dod don ster ba'i phyir/ rnam pa thams cad du de dang 'dra ba min te/ nor bu bskal ba'i bar du bsgrub mi dgos pas 'byung ba ni rnyed par mi dka' ba'i phyir/ gsung gi gsang ba sgra brnyen bzhin ta/ phyi rol na yod pa'i sgra'i rnam par snang yang der ma grub pa'i phyir/ rnam pa thams cad du de dang 'dra ba'ang min te/ brag ca gzhan gyi dag brjod pa'i rkyen las ni 'byung ba yin pa'i phyir/ sku'i gsang ba nam mkha' dang 'dra ste las nyon kyis 'dus ma byas par thams cad du khyab pa'i phyir/ rnam pa thams cad du de dang 'dra ba'ang min te/ nam mkha' dge ba yi gzhi rten min pa'i phyir/ gnas gyur mthar phyin pa'i sangs rgyas kyi thugs rje ni/ sa'i dkyil 'khor dang 'dra ste/ chos mtha' las pa gnas pa'i rten byed pa'i phyir/ rnam pa thams cad du de dang 'od pa ma yin te/ sas @219b yon tan thams cad kyi rten mi byed la sangs rgyas kyi thugs rje 'jig rten dang/ 'jig rten las 'das pas bsdus pa 'gro ba'i phun tshogs ma lus pa de gnas pa'i rten yin pa'i phyir/ gsum pa ni/ ji ltar de phun sum tshogs pa thams cad kyi rten yin zhe na/ phun sum tshogs pa thams cad kyi rten yin te/ gnas gyur mthar phyin pa sangs rgyas kyi byang chub la brtan nas 'jig rtan las 'das pa'i lam thams cad 'byung ba'i phyir dang/ mngon mtho'i go 'phad 'grub par byad pa'i dag pa'i las lam bsam gtan bzhi dang/ byams sogs tshad med pa bzhi dang/ gzugs med pa bzhi 'byung zhing lam de gnyis la brten brten nas bgrod bya mngon mtho dang thar pa'i grong khyer du bgrod par 'gyur ro/ /de ltar dpe dgul brten nas sangs rgyas kyi 'phrin las 'jug tshul sogs phyin ci ma log par rtogs pa yin no/ /gsum pa le'u'i mtshan bstan pa ni theg pa chen po rgyud bla ma'i bstan bcos dkon mchog gi rigs rnam par dbye pa las sangs rgyas kyi yon tan la brton pa'i de bzhin gshegs pa'i phrin las mdzad pa'i skabs te/ le'u bzhin pa las/ theg pa chen po'i nges don gyi mdo sde'i dgongs pa 'grel bar byed pa'i bstan bcos kyi rnam par bshad pa skabs bzhi pa'i 'grel pa'o/ /yo tan drug cu rtsa bzhi brnyes pa'i mthus/ /mdzad pa lhun grub rgyun mi 'chad pa'i tshul/ /rje btsun bla ma'i gsung gi man ngag las/ /yab sras gnyis kyi dgongs pa ji bzhin bshad/ /bstan bcos kyi lus kyi tshigs su bcad pa'i don gyis bsdus pa'i phrin @220a @#/ /las kyi bshad pa rdzogs so// //gnyis pa rtogs par bya ba'i don rnam pa bdun la mos pa'i phan yon bshad pa la gnyis le'u'i don bshad pa dang/ le'u'i mtshan bstan pa'o/ /dang po la gnyis/ dngos kyi don dang/ bshad pa mthar phyin par bstan pa'o/ /dang po la gsum/ mtshams sbyar ba dang/ mdor bstan pa dang/ rgyas par bshad pa'o/ /dang po ni/ 'di phan chad ni sngar gong du ji skad 'sgrags pa'i gnas bzhi po 'di dag nyid la lhag par mos pa'i phan yon gyi tshigs su bcad pa drug go/ 'dir rtogs par bya ba'i don rnam pa bzhi las dngos su ma smos kyang/ 'bras bu dkon mchog gsum gyi rgyu gnas bzhi po la mos pa'i phan dngos su gsungs pa nyid kyis 'bras bu dkon mchog gsum la mos pa dang/ mos pa'i phan yon don gyis go bar dgongs so/ /gnyis pa la gsum/ gnas bzhi la mos pa'i phan yon spyir bstan pa dang/ so sor bshad pa dang/ gzhi gsum gyis bsdus pa'i dge ba las gnas bzhi la mos pa khyad par du 'phags pa'i sgrub byed do/ /dang po la gnyis/ gnas bzhi ma lus pa sangs rgyas nyag cig gi spyod yul du bstan pa dang/ de la mos pa'i phan yon no/ /dang po ni/ gnas bzhi ngos bzang ba la sangs rgyas kyi khams dri ma dang bcas pa'i de bzhin nyid dang/ dag pa gnyis dang ldan pa'i sangs rgyas kyi byang chub dang/ bral ba'i yon tan dang rnam smin gyi yon tan gyis bsdus pa'i sangs rgyas kyi yon tan gyi chos dang/ @220b lhun gyis grub pa dang rgyun mi 'chad pa'i sangs rgyas kyi phrin las te/ rnam pa bzhi ni gang la mos pa'i yul te/ 'bras bu dkon mchog gsum yang don gyis bstan par shes par bya'o/ /gnas bzhi ma lus pa sa che po la bzhugs pa'i dag pa'i sems can gyis kyang mngon sum du bsam par bya ba min la/ 'o na gang gi spyod yul yin zhe na/ 'di ni 'dren pa yang dag par rdzogs pa'i sangs rgyas rnams kyi mngon sum gyi spyod yul 'ba' zhig yin par shes par bya'o/ /gnyis pa ni/ blo ldan byang chub sems dpa' rnams dang por sngar bshad pa'i 'bras bu dkon mchog gsum la mos pa sngon du btang nas de nas de'i rgyu dang rkyen gyis bsdus pa rgyal ba'i yul gnas bzhi po 'di la mos pa'i dad pa dang don gnyer gyi 'dun pa la brten nas sangs rgyas kyi yon tan drug cu rtsa bzhi po'i tshogs kyi snod du 'gyur te/ gzhan gyis bsam du med pa'i yon tan gyi tshon la mngon par dga' bas 'di la mi mos pa'i sems can kun gyi sbyin pa las byung ba dang/ tshul khrims las byung ba dang/ bsgoms pa las byung ba'i bsod nams zil gyis gnon zhing de dag las khyad par du 'phags so/ /gnyis pa la gsum/ sbyin pa las byung ba'i bsod nams las khyad par du 'phags pa dang/ tshul khrims las byung ba'i bsod nams dang/ bsgoms pa las byung ba'i bsod nams gzhan las khyad par du 'phags pa'o/ /dang po ni/ 'di la de tsam du mos pa med pa'i gang zag gang @0221a @#/ /zhig kun slong gi khyad par bla na med pa yang dag par rdzogs pa'i byang chub don du gnyer bas kun nas blangs ba ni theg chen sems bskyed kyis zin pa'o/ /sbyin pa btang bar bya ba'i rdzas la gser las byas pa'i zhing khams nor bus spras pa ni grangs kyi khyad par sangs rgyas kyi zhing gi rdul phra rab kyi grangs dang mnyam pa dus kyi khyad par nyin re zhing yul gyi khyad par chos kyi rgyal po sangs rgyas bcom ldan 'das rnams la rgyun mi 'chang bar rtag tu 'bul bar byed la gang zag gzhan gang dag rdo rje lta bu'i don bzhi ston pa'i mdo dang dgongs 'grel gyi bstan bcos 'di las tshig tsam thos shing thos nas kyang ni mos na tshig don la mos pa 'di sngar bshad pa'i sbyin pa las byung ba'i dge ba de las bsod nams ches mang po 'thob par 'gyur ro/ /gnyis pa ni/ 'di la mos pa de tsam med pa'i blo ldan gang zhig kun slong gi khyad par bla na med pa'i byang chub 'dod pas dus bskal pa du mar yang lus ngag yid kyis 'bad pa med par rang gi dang gis 'byung ba'i tshul khrims bcas rang gi kha na ma tho ba'i dri ma med pa bsrung bar byad la gang zag gzhan gang dag rdo rje lta bu'i don bdun ston pa'i mdo dang dgongs 'grel gyis bstan bcos 'di las tshig tsam thos shing thos nas kyang ni mos na mos pa 'di tshul khrims las byung ba'i dge ba de las bsod nams ches mang po thob par 'gyur ro/ /gsum pa ni/ 'di la mos pa dang mi ldan pa'i gang zag gang zhig @0221b 'jig rten 'di na 'dod pa la sogs pa'i srid pa gsum gyi nyon mongs kyi me 'jil ba nyon mongs mngon gyur zil gyis gnon pa'i byed las dang ldan pa'i bsam gtan ni lha'i gnas pa bsam gtan bzhi dang/ tshangs pa'i gnas pa chad med pa bzhi'i mthar son pa kun slong gi khyad par rdzogs pa'i byang chub 'pho 'gyur med pa thob pa'i thabs su bsgom la gang zag gzhan gang dag sngar bshad pa'i mdo dang bstan bcos 'di las tshig tsam shing thos nas kyang ni mos na mos pa 'di sngar bshad pa'i bsam gtan las byung ba'i dge ba de las bsod nams ches mang po thob par gyur/ /rdo rje'i gnas bdun la mos pa dang mi ldan pa'i gang zag gi dbang du byas kyi/ mi mos pa dang ldan pa'i gang zag la rnam pa tha du sbyar du mi rung ngo/ /'jig rten pa'i sgom byung ston pa yin pas 'phags pa'i gnas pa'i mthar son pa khyad chos su bshad par mi bya'o/ /gsum pa ni/ 'dir bshad pa'i gzhi gsum gyis bsdus pa'i bsod nams de bas rdo rje lta bu don bdun dang/ rdo rje'i gnas bdun la mos pa'i bsod nams khyad par du 'phags te/ rgyu mtshan gang gi phyir na/ 'dir bshad pa'i sbyin pa las longs spyod dag tsam zhig ni sgrub par byed cing 'dir bshad pa'i tshul khrims kyi mtho ris tsam zhig dang 'dir bshad pa'i bsgoms pas nyon mongs mngon gyur tsam spong bar byed la/ 'di ni lag rjes so so'i dbang du byas pa'o/ /gnas bzhi 'am bdun gyi nang nas kyang dri ma dang bcas pa'i de bzhin nyid mngon @0222a @#/ /sum du rtogs pa'i shes rab kyis nyon mongs pa dang shes bya'i sgrib sa bon dang bcas pa kun spong nus pa de'i phyir/ khyab pa yod de/ sngar bshad pa'i bsod nams gsum las shes rab 'di mchog nyid de yin la/ shes rab de'i rgyu ni thog mar gnas bzhi po 'di thos pa yin la/ thos nas mos pa thog ma'i rgyu'i gtso bo yin pa'i phyir ro/ /gsum pa la gnyis/ mtshams sbyar ba dang/ rtsa ba'o/ /dang po ni/ tshigs su bcad pa 'di rnams zhes so/ /gnyis pa la gsum/ gnas bzhi thos shing mos pa'i bsngags pa spyir bstan pa dang/ bye brag tu bshad pa dang/ thos nas mos pa mchog tu grub pa'o/ /dang po la gnyis/ mos pa'i yul ngos bzung ba dang/ de la mos pas mthar thug pa'i dkon mchog gsum thob par 'gyur ba'o/ /dang po ni/ sangs rgyas kyi yon tan thams cad skye rung dang/ yongs sbyong gi chos drug cus yongs su sbyang bar bya ba'i gnas dri ma dang bcas pa'i de bzhin nyid dang/ de bzhin nyid de ni dri ma mtha' dag gis dag pa'i sgo nas gnas gyur pa byang chub dang/ byang chub de'i yon tan drug cu rtsa bzhi dang/ yon tan la brten nas sems can gyi don bsgrub pa 'phrin las te rgyal ba yi ni mngon sum du mkhyen pa'i yul rnam pa bzhe sngar gong du ji skad brjed pa'i gnas bzhi'o/ /gnyis pa ni/ gnas bzhi po 'di la blo ldan theg pa chen po'i rigs can kha cig /gang la dmigs nas bsgoms na stobs sogs kyi yon tan mtha' dag @0222b 'byung ba'i chos kyi 'byung gnas su gyur pa dri ma mtha' dag sbyar rung gi gzhi rang bzhin gyis grub pas stong pa don dam pa'i bden pa de nyid rang nyid la yod par yid ches pa dang/ dri ma sbyangs pa las dag pa gnyis ldan gyi byang chub thob nus pa nyid du rtogs pa dang/ byang chub thob pa'i tshe stobs? sogs kyi yon tan dang ldan par mos pas ni de lta bu'i mos pa dang ldan pa'i gang zag de myur du de bzhin gshegs pa'i go 'phang mthar thug pa'i dkon mchog gsum thob pa'i skal ba dang ldan par 'gyur ro/ /gnyis pa la gsum/ bsam pa phun tshogs sems bskyed kyi rgyur bsngags pa dang/ sbyor ba phun tshogs phar phyin gyi rgyur bsngags pa dang/ tshogs gnyis kyi ngo bo nges bzung ba'o/ /dang po ni/ gang zag gzhan gyis ma lus par mngon sum du bsam gyis mi khyab pa'i yul 'di ni bdag la thob rung du yod pa dang/ khyad par du khams rang bzhin gyis rnam par dag pa rang la yod pa dang/ theg pa chen po'i lam la sbyangs pas dag pa gnyis ldan gyi byang chub de bdag 'dra bas kyang thob par nus pa dang/ thob pa'i tshe stobs sogs 'di 'dra'i yon tan dang ldan no zhes dad pas mos pa'i phyir kun rdzob byang chub kyi sems ni gang zag de dag la mi nyams par rtag tu nye bar gnas par 'gyur ro/ /byang chub kyi sems ji ltar bu zhe na/ yon tan gyi snod du gyur pa'o/ /yon tan gang gi zhe na/ yang dag par rdzogs pa'i sangs rgyas dang/ de'i rgyu sbyin sogs phar phyin gyi spyod pa la don gnyer gyi 'dun pa dang/ de sgrub par spo ba'i brtson 'grus dang/ de dag gi dmigs pa rnams ma brjod @0223a @#/ /ba'i dran pa dang/ theg pa chen po thun mong ma yin pa'i zhi gnas dang mthong gis bsdus pa phar phyin tha ma gnyis ston pa bsam gtan gyi phar phyin dang/ shes rab kyi pha rol tu phyin pa la sogs pa'o/ /snga ma gsum gyis spyod pa spyi dang/ phyi ma gnyis kyi phar phyin tha ma gnyis la slob pa bstan te/ /mngon par rtogs pa'i rgyan nas gsungs pa ltar byams pa dang snying rje sbyong pa sngon du btang nas byang chub kyi mchog tu sems bskyed de spyod pa sbyin pa la sogs pa'i phar phyin la slob pa'i lam gyi rim pa rnams ston pa'o/ /byams pa dang snying rje sbyong ba'i snga rol tu skyes bu 'bring gi bsam pa sngon du 'gro dgos pa ni/ mngon par rtogs pa'i rgyan du skabs gsum pa'i brjod byar gtan la phab la/ 'dir sngar gzungs kyi dbang phyug rgyal pos zhus pa'i mdor nor bu'i dpes dri ma sbyong ba'i rim gsum gsungs pa'i rim pa dang po nyid yin la/ de yang rtsa ba'i dgongs par mdzad nas 'grel pa mdzad bas rgyas par gtan la phab pa yin no/ /gnyis ba ni/ kun rdzob byang chub kyi sems de i mi nyams par rtag tu nye bar gnas pas rgyal ba'i sras po sbyin sogs phar phyin gyi spyod pa'i sbyor ba phun tshogs la brtan pa thob bas phyir mi ldog pa dang/ bsod nams kyi pha rol tu phyin pa yongs su rdzogs pa dang/ de yongs su dag par byad pa'i rgyu ye shes kyi phar phyin yongs su rdzogs pa nyid du 'gyur ro/ /gsum pa la gnyis/ dngos kyi don dang/ phar phyin dang po lnga gzhi gsum gyis bsdus pa'i dge bar ma 'dus pa'i @0223b skyon med pa'o/ /dang po ni/ bsod nams kyi tshogs kyis bsdus pa pha rol tu phyin pa lnga po de la sbyin bya sbyin byed sogs rnam ba gsum du bden par rtog pa med pas phar phyin lnga po de rdzogs pa dang/ yongs su dag par byed pa'i rgyu ni ye shes kyi tshogs kyis bsdus pa shes rab kyi pha rol tu phyin pa de nyid yin la/ des phar phyin dang po lnga pa de'i mi mthun phyogs zad par spangs nas mthar thug par byed pa'i phyir/ de dag kyang gnas bzhi po 'di dag thos shing mos pa'i phan yon yin no/ /gnyis pa ni/ sngar bsod nams sbyin pa tshul khrims dang sgom byung gsum la bshad pa ma yin nam/ 'dir pha rol tu phyin pa lnga ka bsod nams kyi tshogs su ji ltar 'gyur zhe na/ snga phyi 'gal ba med de/ sbyin pa las byung ba'i bsod nams kyis sbyin pa'i phar phyin bsdus pa ste/ tshul khrims las byung ba'i bsod nams kyis tshul khrims kyi phar phyin bsdus pa yin la/ bzod pa dang bsam gtan gyi pha rol tu phyin pa gnyis po dag ni sgom byung gi bsod nams kyis bsdus so/ /brtson 'grus ni gsum po kun tu 'gro bas gsum kar ci rigs su bsdus par shes par bya'o/ /gsum pa la gnyis/ sgrib gnyis ngos bzung ba dang/ de'i gnyen po 'dren po rtsa ba yin pas rgyu'i mchog tu grub pa'o/ /dang po ni/ las dang/ bya ba dang/ byed pa'i khor gsum bden par rnam par rtog pa'i bag chags gang yin de ni shes bya'i sgrib par 'dod do/ /ser sna la sogs bden 'dzin gyi rnam par rtog pas drangs ba gang yin pa de ni nyon mongs pa'i sgrib par 'dod do/ / @0224a @#/ /'dir 'khor gsum du bden 'dzin gyi rnam par rtog pa la shes sgrib tu byed pa'i lugs ltar 'chad na ni/ mngon par rtogs pa'i rgyan las rim pa gnyis bshad pa ltar re shig bdag med phra mo bstan par mi 'os pa'i gdul bya la ltos pa'i spang bya'i rnam gzhag ston pa'i dbang du byas na yang rung mod kyi/ bden 'dzin nyon sgrib dang/ de'i bag chags phra mo shes sgrib tu byed pa'i lugs ltar bshad pa 'thad par sems so/ /sgrib pa gnyis kyi mtshan nyid la sogs pa sngar bshad zin pa las shes par bya'o/ /gnyis pa ni/ stong pa nyid kyi don mngon sum du rtogs pa'i shes rab las gzhan sgrib pa gnyis po 'di dag ni spong bar byed pa'i rgyu 'am thabs gzhan med pa de'i phyir/ pha rol tu phyin pa'i nang nas kyang shes rab kyi pha rol tu phyin pa mchog yin la/ shes rab de'i gzhi ni de ston pa'i mdo dang dgongs 'grel gyi bstan bcos thog mar thos pa yin pa de'i phyir de dag thos pa phan yon mchog dang ldan par grub pa yin no/ /gnyis pa bshad pa mthar phyin par bstan pa la gnyis/ rgyas par bshad pa dang/ don bsdu ba'o/ /dang po la gsum/ dam pa'i chos brdzod pa'i tshul dang/ dam pa'i chos spong ba'i sgrib pa la bag bya bar gdams pa dang/ brtsams pa'i dge ba byang chub tu bsngo ba'o/ /dang po la gsum/ gang la brten nas dgos pa gang gi phyir mdzad pa dang/ rang bzhin ci 'dra ba zhig bshad pa dang/ rgyu mthun gyi 'bras @0224b bu la gus par gdams pa'o/ /dang po la gnyis/ gang la brten nas mdzad pa dang/ dgos pa gang gi phyir mdzad pa'o/ /dang po ni/ sngar gong du ji skad bshad pa'i tshul de ltar 'phags pa gzugs kyi dbang phyug rgyal pos zhus pa'i mdo dang/ 'phags pa dpal 'phreng gi mdo la sogs pa dang/ de bzhin gshegs pa'i snying po'i mdo dang/ sangs rgyas thams cad kyi yul la 'jug pa ye shes snang ba rgyan gyi mdo la sogs pa dpyad pa gsum gyis dag pa yid ches pa'i lung dang/ lung don gtan la 'bebs par byad pa dri ma med pa'i rigs pa la brten nas mdzad do/ /gnyis pa ni/ bstan bcos mdzad pa po bdag nyid 'ba' zhig dngos su gnas ngan lan gyi dri ma phra mo dag par bya ba'i phyir dang/ gdul bya gang dag zab mo'i chos 'di la mos pa dang/ de las byung ba'i bsod nams kyi dge ba phun sum tshogs pa dang ldan pa'i blo can de dag rjes su bzung ba'i phyir du 'di bshad do/ /gdul bya thun mong ba 'ga' zhig kyang rjes su bzung ba'i ched du de ltar gsungs kyi nges pa'i don du ma yin te/ bcom ldan 'das byams pa nyid chos kyi skur mngon par rdzogs par sangs rgyas zin pa'i phyir ro/ /gnyis pa la gnyis/ 'chad byed bstan bcos kyi rang bzhin ci 'dra ba zhig bshad pa dang/ bshad bya gsung rab kyi ngo bo ngos bzung ba'o/ /dang po ni/ ji ltar sgron me dang/ glog dang/ nor bu dang nyi zla'i 'od la brten nas mig dang ldan pa'i gang zag gzugs la blta ba bzhin/ de @0225a @#/ /bzhin du don chen po gnas skabs dang mthar thug gi don phyin ci ma log pa mngon sum du gzigs pa'i don so so yang dag par rig pa dang/ nges pa'i tshig dang chos dang spobs pa so so yang dag par rig pa bzhi dang ldan pa'i gsung rab kyi 'od mdzad pa thub pa'i gsung la brten nas ye shes kyi mig gis shes bya ji lta pa dang ji snyed pa mngon sum du gzigs te/ theg pa chen po rgyud bla ma'i bstan bcos 'di ni rab tu bshad do/ /gnyis pa ni/ gsung gang zhig skyes bu'i gnas skabs dang mthar thug gi don mngon par brjod pa dang ldan pa dang/ rjod byed kyi tshig gi skyon mtha' dag dang bral ba'i chos dang nye bar 'brel zhing don gang zhig nyams su blangs na khams gsum gyi kun nas nyon mongs pa spong bar byed pa'i thabs ston par byed pa'i gsung mthar thug pa nyon mongs dang sdug bsngal mtha' dag zhi ba'i phan yon ston par mdzad pa gang yin de ni drang srong yang dag par rdzogs pa'i sangs rgyas kyi gsung yin gyi de las ldog pa mngon mtho nges legs dang de'i thabs phyin ci ma log pa gang yang mi ston pa'i tshig gzhan ni sang rgyas kyi gsung ma yin par shes par bya'o/ /gsum pa ni/ bstan bcos gang zhig rgyal ba yang dag par rdzogs pa'i sangs rgyas 'ba' zhig tshad mar gyur pa'i ston pa dang de 'ba' zhig gi bstan ba tshad mar byas nas de 'chad pa'i dbang du byas shing byed pa po'i @0225b kun slong gis khyad par rnyed pa dang/ bkur sti dang/ grags pa la blta ba sogs 'khor ba'i 'du 'dzi'i rnam g.yeng med pa'i yid can gyis bshad pa dang/ brjod bya'i khyad par thar pa tsam dang mthar thug pa'i thar pa dang lam gang la zhugs na thar pa de dag nges par thob nus pa'i thar pa de dag thob pa'i lam dang rjes su mthun pa ston par byed pa da yang thub pa'i gsung gi rgyu mthun gyi 'bras bu phyin ci ma log pa yin pas drang srong gi bka' bzhin du spyi pos blangs te/ thos pa dang de'i don sems pa dang bsgom pa la 'bad par bya bar rigs so/ /gzhung kha cig tu tshigs bcad 'di'i rjes su ma rig ldongs rnams kyis kyang srin bu'i yig 'drar mu stegs bstan bcos su'ang/ don ldan chos ldan pa gsum nyon mongs zad byed brjod gyur gang yin dang/ /'jig rten so so legs bshad de yang blo ldan drang srong bzhin 'dzin na/ /gsung gang zag med blo mnga' rnams kyi zhal nas 'byung ba smos ci dgos/ zhes pa dkyus su dris pa ni ma ngag par gsal te/ 'og bsdus don gyi skabs nas 'byung ba dang mi 'grig pa'i phyir dang/ rtsa ba'i tshigs bcad dang rigs kyang rnam pa kun tu mi 'dra ba'i phyir ro/ /gnyis pa la gsum/ dam pa'i chos mi spong ba'i thabs la 'bad par gad mas pa dang/ dam pa'i chos spong ba'i rgyu spang bar bya bar gdams pa dang/ chos spangs pa'i nyes dmigs bshad pa'o/ /dang pa la gnyis/ chos la dbang mi za bar gus par bya ba dang/ chags sdang gi phyogs su ma lhung @226a @#/ /bar gdams pa'o/ /dang po la gnyis/ dbang za bar mi rigs pa dang/ dbang zos pa'i nyes dmigs so/ /dang po ni/ drang srong rang nyid kyis bzhag pa'i mdo sde gang yin pa de drang don la nges don dang/ nges don la drang don du 'dzin pa dang/ kha cig bka' ma yin no zhes skur pa 'debs pa sogs kyis mi dkrugs te/ rgyu mtshan gang gi phyir na rgyal ba yang dag par rdzogs pa'i sangs rgyas las chos mkhas pa 'ga' yang 'jig rten 'di na yod pa yin pas/ de'i dgongs pa gzu lums gyis mi rtogs pa'i phyir dang/ rgya che ba zhes bya ji snyed pas bsdus pa ma lus pa dang/ zab ma'i gnas kyi de nyid mchog ni tshul bzhin du kun mkhyen gyis mngon sum du mkhyen gyi gzhan gyis min pas rtogs par dka' ba de'i phyir/ gnyis pa ni/ dam pa'i chos la dbang zos nas spangs pa de yang dam pa'i chos la ni gnod pa byed par 'gyur ba nges par ngan 'gror 'gro bar 'gyur te/ thub pa'i dam pa'i chos kyi tshul lugs bshig pa'i phyir/ gnyis pa la gnyis/ phyogs su lhung ba'i nyos dmigs dang/ de 'gag pa'i thabs so/ /dang po ni/ grub mtha' ngan pa la mngon par zhen pa lta ba'i dri ma can de la don du gnyer ba'i sgo nas blo mi sbyar te/ nyon mongs pa rmongs pa ma rig pas zin pa'i bdag nyid can rnams kyis theg pa dman pa'i 'phags pa 'phags pa ma yin no/ /zhes smra ba dang/ 'jig rten na dgra bcom pa med do zhes smra ba 'phags @226b pa'i gang zag la skur ba 'debs pa dang/ 'phags pa des gsungs pa'i dam pa'i chos la brnyas pa gang yin pa de kun grub mtha' ngan pa la zhen pa'i lta bas byas pa des na'i phyir/ gnyis pa ni/ grub mtha' ngan pa la zhen na/ de las dbral zhing yang dag pa'i lta ba la re shig sbyar du mi rung ba'i nyes dmigs yod pas dpar na/ gos dkar po gtsang tshon gyis rna par bsgyur nus kyi/ snum gyis gos pa tshon gyis legs par bsgyur nus pa min pas/ bdag legs su 'dod pa rnams kyis grub mtha' ngan pa la mi zhen pa la ched cher bya'o/ /gnyis pa ni/ de bzhin gshegs pa sras dang slob mar bcas pa rnams kyis gsungs pa'i dam pa'i chos spong ba'i rgyu ni don dang don ma yin pa rnam par 'byed pa'i blo gros dman pa'i phyir dang/ dkar po'i chos la mos pa dang bral ba'i phyir dag/ ma rtogs pa la rtogs snyam pa dang/ ma thob pa la thob snyam pa'i log pa'i nga rgyal la brtan pa'i phyir dang/ tshe rabs snga mar yang dam pa'i chos kyis 'phongs pa'i las sgrib bsags pa dam pa'i chos kyis 'phongs pas bsgribs pa'i bdag nyid kyi phyir dang/ dgongs pa can la sgra ji bzhin du 'dzin pas drang don la nges don de nyid du 'dzin pa'i phyir dang/ zang zing la lhag par chags pa'i rnyed pa la brkam pa dang/ rang lta ba ngan pa la zhen pa'i lta ba'i dbang dang/ dam pa'i chos sun 'byin pa bshes gnyen du ming btags pa'i sdig grogs bsten pa'i phyir dang/ dam pa'i chos 'dzin pa'i dge ba'i bshes gnyen rgyang ring du bsrings pa dang/ @227a @#/ /tshe 'di nyid 'ba' zhig la zhen nas phyi ma phan chad kyi go 'phang mchog la mos pa dman pa'i phyir/ rgyu de dag la brten nas dgra bcom pa rnams kyi chos spong bar byed pas bdag legs su 'dod pa rnams kyis sdig grogs spangs nas yang dag pa'i dge ba'i bshes gnyen la brten nas log pa'i nga rgyal bcom ste/ 'jig rten phyi ma phan chad kyi ched du thar pa dang thams cad mkhyen pa'i lam bsgrub pa la bag dang ldan par bya'o/ /gsum pa la gnyis/ dam pa'i chos spong bas ngan song du 'gro ba dang/ 'khor ba las mi thar pa'o/ /dang po ni/ ji ltar zab mo'i chos spangs nas nyams pa la 'jigs pa de bzhin du mkhas pa rnams kyis me dang ni mi bzad pa'i sprul bdug pa dang; rang gsod pa'i gshed ma dang ni thog la'ang shin tu 'jigs par mi bya ste/ me dang sprul dang rdo rje'i mes ni tshe 'di'i srog dang bral ba tsam byed kyi rgyu de las mnar med rnams kyi 'gro ba shin tu 'jigs par 'gro bar mi 'gyur la/ dam pa'i chos spangs pas tshe 'dir yang nyes dmigs du ma 'byung zhing phyi mar mnar med du skye bar 'gyur ba'i phyir ro/ /gnyis pa ni/ gang zhig yang dang yang du sdig grogs bsten pas sangs rgyas la sku mtshal 'byin pa'i ngan sems dang ldan par gyur pa dang/ rang gi pha dang ma gsod pa dang/ dgra bcom pa gsod pa'i bya ba min pa mtshams med byed pa dang/ mchog gi tshogs dge 'dun 'khor lo'i dbyen gyis 'byed pa'i mi yang chos @227b nyid rang bzhin gyis stong pa don dam pa'i bden pa nges par bsams pas myur du sdig pa de las thar par 'gyur gyi /gang zhig yid ni chos la spang ba de la re shig 'khor ba las thar pa'i thar pa rgyud la skye ba'i go skabs ga la yod de med pas/ bdag legs su 'dod pa rnams kyis skyes bu dam pa la skur ba 'debs pa dang/ grub mtha' ngan pa la zhen nas yang dag pa'i don la skur pa sogs dam pa'i chos kyis 'phongs pa'i las kyi sgrib pa dang mi ldan par bya'o/ /gsum pa ni/ 'bras bu dkon mchog gsum dang/ rang bzhin gyis rnam par byang ba'i khams dri ma dang bcas pa'i de bzhin nyid dang/ glo bur gyi dri ma med pa'i dag pa gnyis ldan gyi byang chub dang/ byang chub la brten pa'i stobs sogs kyi yon tan dang/ yon tan la brten pa'i 'phrin las te rtogs par bya ba'i don rdo rje lta bu dang/ rdo rje lta bu'i gnas rnam pa bdun tshul bzhin du bshad pa las byams pa mgon po bdag gis dge ba gang thob pa des ni khams gsum gyi 'gro ba 'dis mtha' yas pa'i 'od mnga' ba'i drang srong rgyal ba tshe dpag tu med pa mngon sum du mthong zhing/ mthong nas kyang ni chos rnams la chos kyi mig rdul dri ma med pa mi skye ba'i chos la bzod pa rgyud la skyes te bla na med pa'i byang chub mchog thob par shog cig go /'di ni phyi rabs kyi gdul bya rnams kyis dge ba cung zad cig bsags pa yang tshul de ltar bsngo bar gdams pa'o/ /gnyis pa la gnyis/ mtshams sbyar ba dang/ @228a @#/ /rtsa ba'o/ /dang po ni/ tshigs su bcad pa bcu po zhes so/ /gnyis pa ni/ rgyu gang las rgyu mtshan dang dgos pa gang gi phyir du mdzad pa ni/ de ltar yid ches zhes pa'i sho lo ka gcig dang/ gang la brten nas bshad pa'i 'chad byed bstan bcos kyis rang bzhin dang/ bshad bya gsung rab kyi rang bzhin ji lta bur ni gang brjod pa ni/ ji ltar sgron glog ces pa'i sho lo ka gnyis kyis rim pa bzhin dang/ gsung rab kyi rgyu mthun pa dgongs 'grel gyi bstan bcos dri ma med pa ni gang yin pa de dag zhig rgyal ba zhes pa'i sho so ka gcig gis bstan pas tshigs su bcad pa bzhis bstan to/ /gang phyir gyal las zhes pa'i sho lo ka gnyis kyis bdag nyid chos spong gis rgyud dag pa'i thabs dang/ blo dman phyir dang zhes pa'i sho lo ka gcig gis nyams pa'i rgyu bstan nas mi nyams par gdams pa dang/ de nas ji lta zab mo'i zhes pa tshigs su bcad pa gnyis kyis chos spangs pa'i 'bras bu nyes dmigs bstan pa yin pas de mi 'byung ba la 'bad par gdams pa'o/ /sems can rnams rgyal ba 'od dpag tu med pa'i 'khor gyi dkyil 'khor du skyes nas mi skye ba'i chos la bzod pa thob par bsngo ba dang/ bla na med pa'i byang chub thob par bsngos pa'i dge ba'i rtsa ba rdo rje gnas bdun ston pa'i gsung rab dgongs 'grel dang bcas pa'i dam pa'i chos brjed pa'i gnas skabs dang mthar thug gi 'bras bu mdor na rnam pa gnyis ni dkon mchog ces pa'i tshigs su bcad pa @228b tha ma yis ni bstan pa yin no/ /gnyis pa le'u'i mtshan bstan pa ni/ theg pa chen po rgyud bla ma'i bstan bcos dkon mchog gsum gyi rigs rnam par dbye ba las don rnam pa bdun la mos pa'i phan yon gyi le'u zhes bya ste le'u lnga pa las; theg pa chen po'i nges don gyi mdo sde'i dgongs pa 'grel par byed pa'i bstan bcos kyi rnam par bshad pa skabs lnga pa'i 'grel pa'o/ /don gnas rnam bdun tshul bzhin thos pa las/ /skyes bu'i 'dod don 'grub pa'i phan yon mchog /rje btsun bla ma'i gsung gi man ngag las/ yab sras gnyis dgongs pa ji bzhin bshad/ /bstan bcos kyi lus kyi tshigs su bcad pa'i don gyis bsdus pa'i bshad pa rdzogs so// //bzhi pa 'jug gi don la gsum/ 'grel pa mdzad pa'i bsngo ba dang/ bstan bcos gang gis mdzad pa dang/ gang gis bsgyur pa'i tshul lo/ /dang po ni/ drang ba dang nges pa'i don gyi mdo sde rnam par 'byed pa'i theg pa mchog gi dam pa'i chos rin chen dri ma med pa theg pa chen po rgyud bla ma'i bstan bcos bshad pa 'di las bsam yas bsod nams thogs med pa dag gis gang thob pa des ni 'gro ba kun theg pa mchog gi dam pa'i chos rin chen dri ma med pa'i don nyan pa dang/ sems pa dang/ mngon du 'gyur ba'i snod du gyur cig /gnyis pa ni 'phags pa mgon po byams pas mdzad pa drang ba dang nges pa'i don gyi mdo sde'i don rnam par 'byed pa theg pa chen po rgyud bla ma'i bstan bcos kyi rna par @229a @#/ /bshad pa slob dpon 'phags pa thogs med kyis mdzad pa dang bcas pa'i bshad pa/ theg pa chen po'i nges don gyi mdo sde'i dgongs pa 'grel par bye dpa'i bstan bcos kyir nam par bshad pa rdzogs so// //gsum pa ni/ dpal grong khyer chen po dpe med kyi mkhas pa chen po bram ze rin chen rdo rje'i dbong po paN-Di ta sA rdza na dang/ bod kyi shing rta chen po rgyal ba'i ring lugs pa lo tstsha ba ba shA kya'i dge slong blo ldan shes rab kyis grong khyer dpe med de nyid du bsgyur cing zhus te 'chad nyan gyis gtan la phab pa'o/ /rgyal ba'i gsung rab kun gyi snying po'i don/ /rtan 'byung mtha' bral zab mo dbu ma'i las/ nges pa'i don gyi mdo sde'i dgongs pa bzhin/ /ches chos cher gsal mdzad rgyal tshab dam pa'i gsung/ mkhas mang theg chen lam gyi 'jug ngags mchog /rdo rje lta bu'i rgyu 'bras bdun gyi gnas/ /yid ches lung dang dri med rigs pa'i brgyan/ /go sla'i ngag gis shin tu gsal bar phye; ;dang nges 'byed par rgyal bas lung bstan pa/ /thogs med ces ni sa gsum rab grags pas/ /gzungs kyi dbang phyug rgyal pos zhus pa dang/ /dpal 'phreng mdo dang snying po'i mdo sde sogs/ /ngas don lung dang sbyar nas rnam bshad pa/ /sems dpa' mchog de'i bzhed pa ji bzhin bshad/ /rgyal che ba dam pa'i gsung ni shin tu brling/ /shing rta chen chen po'i bzhed pa'ang rtogs dka' med/ /rje btsun bla ma'i gsung gi man ngag las/ /ma nor @229b ma 'dris shin tu gsal bar phye/ /rten 'byung chos rnams chu nang zla gzugs ltar/ /ji bzhin gzigs nas brtse bas 'doms mdzad cing/ /thub bstan yongs su rdzogs par 'grel mdzad pa/ /bla ma de la bdag ni phyag 'tshal lo/ / gzhung lugs gdams par 'char ba'i man ngag med/ /lung don rigs pas dpyod pa'i mthu med par/ /rgyal ba'i gsung rab rgya mtsho blta 'dod na/ /dmus long lag tu mar me bzung dang mtshungs/ /lung don rigs pas 'byed pa'i rnam dpyod kyis/ /'phags pa'i bstan bcos dgongs pa rnam phye mod/ /gal te 'di la nongs pa'i tshogs mchis na/ /bla ma lhar bcas kun gyis bzod par mdzod/ /de ltar bsags pa'i dge ba ci yod des/ /nam mkha'i mthas gtugs gyur pa'i 'gro ba kun/ /theg mchog lam gyi gru chen nang zhugs nas/ /kun mkhyen rgyal ba'i rgya mtser bgrod byed shog /bdag kyang deng nas tshe rabs thams cad du/ /lam bzang 'di dang nam yang mi 'bral zhing/ /mi pham byang chub snying por gshegs pa'i tshe/ /theg chen dam chos bdud rtsis tshim byed sgo /theg pa chen po'i nges don gyi mdo sde'i dgongs pa 'grel par byed pa/ theg pa chen po rgyud bla ma'i bstan bcos 'grel pa dang bcas pa'i rnam par bshad pa rgyal ba'i ring lugs pa chen po/ rje btsun dam pa red mda' ba ku ma ra ma ti'i zhal snga las kyang thos shing/ dus phyis sa'i stang na 'gran pa'i zla thams cad dang bral ba/ rje rin po che thams cad mkhyen pa blo bzang grags pa'i dpal bzung po'i @230a @#/ /zhal snga nas las bka' drin rdzogs par mnos shing/ rje btsun de nyid kyi zhabs kyi rdul la yun ring du reg pa rigs pa smra ba dar ma rin chen gyis/ mdo sngags kyi gzhung rgya mtsho lta bu'i pha rol tu song/ pa yongs su rdzogs pa'i bshes gnyen chen po gung ru rgyal mtshan bzang po la sogs pa sde snod 'dzin pa du mas bskul te/ dpal gnas snying gi chos grwa chen por sbyar ba'i yi ge pa ni mdo sngags kyi gzung du ma la sbyangs pa'i sde snod 'dzin pa stag tshal mkhar khab don grub kun dga'o/ /'di kyang mdo sngags kyis bsdus pa'i bstan pa rin po che phyogs kun tu dar zhing rgyas la yun ring du gnas par gyur cig / //sar-ba mang-ga lam// //