@001a @#/ /tshad ma mdo'i rnam bshad rgyal tshab chos rjes mdzad pa bzhugs so/ / @001b rje mtshan bla ma dam pa rnams la phyag 'tshal lo/ /gang gi mkhyen pas shes bya'i gnas kun gzigs/ /brtse bas 'gro ba'i sdug bsngal bsal slad du/ /lhun grub rgyun mi 'chad pa'i mdzad pa can/ /rje btsun bla ma rnams la spyi bos 'dud/ /mthong thos dran dang reg pa tsam gyis kyang/ /srid zhi'i rgung ba ma lus 'joms mdzad cing/ /'jig rten lha mi kun gyis mchod bya ba/ / bcom ldan 'jam pa'i dba yangs kyis rtag skyongs shig /rang gzhan grub mtha' rgya mtsho'i pha rol son/ /gsung rab se-ngge'i nga ro'i sgra skad kyis/ /rtog ge dan pa'i gzhung lugs kun 'jig pa/ /phyogs glang grags ba'i zhes la gus pas 'dud/ /tshad mar gyur pa'i ston dang bstan pa mchog /dngos po stobs zhugs rigs pas sgrub pa'i tshul/ /gsung rab rgya mtsho lta ba'i mig gcig pu/ /tshad ma kun las btus pa bshad par bya/ / shing rta chen po'i bzhed gzung dri ma med/ /ches cher nyams par gyur pa mthong bzhin du/ 'chad dang rtsom dang sgom la mi brtson pa/ rnam dpyod ldan yang mkhas pa'i gzugs brnyan yin/ /dngos po phal pa cung zad rnyed pa yang/ lhag bsam dag pas gzhan la sbyin 'os na/ /legs bshad yid bzhin nor bu'i gter rnyed pa/ sems yang su zhig sbyin la brtson mi byed/ /de la 'dir theg pa chen po'i slob dpon rnams kyis @002a @#/ /gsung rab kyi dgongs pa 'grel ba'i tshul du ma byung ste/ mgon po klu sgrub yab sras kyis ni gzugs nas rnam mkhyen gyi bar gyi kun rdzob pa'i chos rnams rang rang gi bya ba byed pa'i tshul dang/ de yang rang bzhin gyis grub pa cung zad kyang med pa kun rdzob kyi bden pa dang/ don dam pa'i bden pa gnyis kyis kyi sgo nas/ gsung rab mtha' dga' chad par byed la/ slob dpon thogs med zhabs kyis lugs snga ma ltar bzhed cing/ slob dpon dbyig gnyis la sogs pa rnam par rig pa tsam gyi tshul la mos pa rnams rjes su bzung ba'i ched du/ rnam par rig pa tsam gyi shing rta'i srol legs par phyen/ shes bya'i gnas rnams kun brtags dang/ gzhan dbang dang yongs su gsum du bsdus pa'i sgo nas dgongs pa 'grel bar mdzad do/ / ; / bdag nyid chen po phyogs kyi glang pos brgyad stong pa'i don bsdus pa sogs su mtshan nyid gsum gyi sgo nas gtan la 'bebs pa mdzad cing/ 'dir ni shes bya'i gnas mtha' dag gtan la 'bebs byed kyi thabs tshad ma'i rnam gzhag skyon med shes nas de'i rjes su zhugs na/ mngon mtho dang nges legs gang la'ang mi slu bar gzigs nas/ thob pa chad mar gyur pa dang/ de'i bstan pa tshad mar sgrub pa'i sgo nas tshad ma'i mtshan nyid dang/ grangs dang spyod yul dang/ 'bras bu rnams lugs gzhan las kyang khyad zhugs pa'i shing rta'i srol phye nas @002b gsungs rab mtha' dag gi dgongs pa 'grel bar mdzad do/ /de la chad ma kun las btus pa 'chad pa 'di la don bzhi ste/ mtshan gyi don dang/ 'gyur gyi phyag dang/ bstan bcos dngos dang/ mjug gi don no/ /dang po ni/ rgya gar na skad rigs bzhi yod pa las saM kr-i ta'i skad du/ phra maN dang/ sa mud tsad dang/ nA ma dang pra ka ra rnams rims bzhin du/ bod skad dum tshad ma dang kun las btus dang/ zhes gsungs pa dang rab tu byed pa zhes gsungs pa'o/ /bra rab dang/ dang po sogs la 'jug cing/ ma Na yid la'ang 'jug pas/ yid dang po zhes par 'gyur/ dang po gyi slu ba dang gsar du mi slu ba'i dang po'i don/ don 'gyur du byas nas tshad ma zhes bsgyur ro/ /kun gtus lta bu'i mtshan don 'og tu 'chad do/ /gnyis pa ni/ sangs rgyas la phyag 'tshal lo zhes pa ste/ bsgyur ba'i bar chad zhi ba'i ched do/ /rtsa ba dang 'grel pa phal cher la 'di ltar 'byung ba ni/ lo-tstsha ba rnams kyis bka'i dgongs 'grel yin pa la bsams pa 'dra ste/ don gyi gtso bo dbang btsan par byas na/ gzhan gyis btags pa 'i bdag bkag nas/ brjod bya'i gtso bo bdag med yin pas/ mngon pa 'i bstan bcos kyi nang du 'dus pas/ bkas bcad ltar na 'phags pa 'jam dpal la mchod par bya bar rigs so/ /nang rig pa 'i bstan bcos su ma 'dus par 'dod pa ni phyin ci log yin par 'og nas 'chad do/ /gsum pa la gsum/ bshad pa la 'jug pa 'i bya ba/ bshad pa nyid nye bar dgod pa / bshad pa mthar phyin pa 'i bya ba'o/ /dang po la gnyis/ mchod brjed dang/ bshad par dam bca' ba'o/ /dang po la gnyis/ bstod pa dang/ phyag @003a @#/ /'tshal ba'o/ /dang po la gsum/ dgos don dang/ bsdus don dang/ tshig don no/ /dang po ni/ ston pa la gus pa skyes nas rtsom pa la sogs pa 'i bar chad zhi ba dang/ dad cing gus pa las de'i rgyu la zhugs nas/ mthar sangs rgyas kyi go 'phang thob par bya'i ched yin no/ /gnyis pa ni/ rgyu phun tshogs dang/ 'bras bu phun tshogs gnyis kyi sgo nas thub pa la bstod pa bstan to/ /gsum pa ni/ mngon sum la sogs pa 'i tshad ma skyes bu'i don la mi slu ba yin pa ltar thub pa yang grol ba don gnyir rnams la byang chub gsum rgyu dang bcas pa bstan pa ltar gyi don mi slu bar byed pas tha snyad pa 'i tshad ma dang mtshungs pa dang/ de yang rgyu phun sum tshogs pa las skyes pas/ tshad mar gyur pa zhes smos so/ /tshad ma'i sgo nas thub pa la bstod pa la dgos pa yod de/ 'dir bshad pa 'i tshad ma'i mtshan nyid sogs thub pa 'i gsung rab nyid las 'byung ba yin gyi/ kho bos rang dbang du bzhag pa ma yin no/ /zhes bshes pa 'i ched yin pa 'i phyir ro/ /tshad mar gyur pa smos pa la rnam bcad yongs gcod kyi dgos pa yod de/ rtag par byung gir sad ma yod pa bkag nas/ rgyu phun sum tshogs pa las tshad ma'i skyes bur 'khrungs par shes par bya ba'i ched yin pa 'i phyir/ tshad ma'i skyes bu de'i rgyu phun sum tshogs pa la bsam pa dang sbyor ba'o/ /dang po ni/ 'gro ba mtha' dag sdug bsngal dang bral ba don du gnyer bas/ 'gro ba la phan par bzhed pa byang chub sems dpar gyur ba'i gnas skabs kyi snying rje chen po'o/ /'grel bshad kyi 'gyur las/ snying rje dang ldan pas phan bzhed ldan zhes @003b 'byung la/ kha cig phan bzhed pa zhes kyang 'byung ngo/ /gnyis pa ni/ gzhan gyi sdug bsngal 'joms pa la thog mar rang nyid sdug bsngal zhi ba'i thabs la sbyor zing goms par byed rigs pas/ bdag med 'khor dang bcas pa mngon sum gyis rtogs zin goms par byed pa 'i byang chub sems dpa 'i gnas skabs la ston pa zhes gsungs te/ ston pa dngos thub pa yin yang/ rang nyid gyis gzhan la sdug bsngal zhi ba'i thabs rdzogs par ston nus pa la/ de'i thabs gzhan don du bskal ba grangs med mang por goms pa mngon du 'gro dgos par shes pa 'i ched du/ rgyu la 'bras bu'i ming gis btags nas bstan te/ rgyu khyad par gyi sgo nas bstod pa'o/ /thub pa rgyu med dang/ mi mthun pa 'i rgyu la skyes pa min te/ rang rgyu bsam sbyor phun tshogs las byung ba'i phyir/ ces pa'o/ /'bras bu phun tshogs la rang don dang gzhan don no/ /dang po ni/ su ga ti'i sgra bde bar gshegs pa la 'jug pas/ spangs pa phun tshogs dang ldan pas bde bar gshegs pa'o/ /de'ang khyad par gsum dang ldan te; bdag med pa goms pa mthar phyin pa 'i stobs kyi thob pa / skyes gzugs legs pa bzhin du legs par gshegs pa dang/ rims nad legs par byang ba bzhin du slar phyir mi ldog par gshegs pa dang/ bum pa legs par gang ba bzhin du ma lus par gshegs pa ste/ rim pa bzhin du phyi rol pa 'i chags bral dang/ slob pa dang/ dman pa 'i dgra bcom pa las khyad par du byas pa'o/ /gnyis pa ni/ 'gro ba rnams sdug bsngal kyi 'jig pa las skyob nus shing/ nye ring med @004a @#/ /par skyabs mdzad pas thub pa la skyob pa zhes gzhan don gyi sgo nas bstod pa'o/ /thub pa 'bras bu phun tshogs dang ldan te/ don gnyis mthar phyin pa'i phyir/ ces pa'o/ /yang lugs las bzlog pa'i sgo nas kyang bshad par bya ste/ rigs can gsum la bden bzhi'i gnas lugs phyin ci ma log par ston pas/ skyob pa'i yon tan dang ldan pa 'o/ /de las de kho na nyid mkhyen pa dang/ mkhyen pa bstan pa dang ma lus pa mkhyen pa'i bde bar gshegs pa'i yon tan dang ldan par rtogs nus la/ de las bdag med pa'i don goms pa sngon du song ba grub cing/ de yang gzhan gyi chad du goms par byas pas snying rje chen po sngon du song bar grub bo/ /lugs bzlog gi mkhyen pa'i khyad par gsum gyis kyang/ gang zag gsum las khyad par du 'phags par grub po/ /bdag nyid chen po chos kyi grags bas tshad ma grub par bshad pa gnyis mdzad pa ni/ tshad ma'i skyes bu skyed byed kyi rgyu med par rgol ba spangs nas/ ston pa lam gang nas byon pa shes pa'i ched du/ tshogs bcad nas ji ltar 'byung ba'i rim pa dang mthun pa'i bshad pa mdzad la/ rgyu des 'bras bu de'i bdag nyid du gshegs pa'i rgyu mtshan yang dag med par rgol ba spangs nas/ de ltar byon pa'i rgyu mtshan yang dag bstan par bzhed nas/ lugs las bzlog pa'i bshad pa mdzad do/ /de dag gi don ni rnam 'grel gyi rnam bshad du bshad zin to/ /gnyis pa ni/ de lta bu'i yon tan dang ldan pa 'i thub pa la sgo gsum gus pa'i @004b sgo nas 'dud cing skyabs su 'gro ba ni phyag 'tshal ba'o/ /gnyis pa ni/ nas zhes pa ni/ khrus byas nas zas za'o/ /zhes pa ltar/ 'og ma 'dren pa'i tshig ste/ phyag 'tshal nas bya ba khyad par can 'di gyed ces pa'o/ /bya ba ci zhig byed ce na/ tshed ma kun las btus par tsom par bya'o/ /dgos pa ci'i phyir du zhe na/ dgos pa yod de/ gzhan gyi btags pa'i tshad ma'i skyes bu dang/ mngon sum tshad ma sogs dgag pa dang/ rang gi tshad ma'i skyes bu'i yon tan bstan pa dang/ mngon sum tshad ma sogs tshad ma skyon med pa sgrub par bya ba'i phyir du yin pas so/ /de ltar na zlos pa'i nyes pa can du 'gyur te/ rigs pa'i sgo la sogs par bstan pa'i phyir ro zhe na/ skyon med de/ de dag ni mdor bsrus pa la dga' ba rjes su bzung ba'i ched du phyogs tsam zhig bstan pa yin te/ de yang sgo tsam 'di ni dam pa'i don gyi tshul/ zhes sogs tshigs bcad phyed snga ma mdor bsdus pa la dga' ba rjes su bzung ba dang/ g.yo sgyu rnam shes sogs phyed phyi mas/ dbang po rtul po la dman bar mi 'gyur ba bstan to/ /gzhan yang/ rigs pa'i sgo der/ mngon sum gyi mtshan nyid/ spyir btang tsam gsungs kyi/ dmigs bsal gyi tshig ma gsungs pas/ dbang po rtul bas ni zla ba gnyis snang gi shes pa yang mngon su du bstan par go bar 'gyur ro/ /des na zlos pa'i skyon med de/ tshad ma'i mtshan nyid sogs gzung sogs su 'thor nas bstan pa rnams las rtogs par dga' bas bde blag tu rtogs pa'i ched yin pa'i phyir gzhung gzhan rnams la kha 'phangs pa'i @005a @#/ /tshul gyis bya ba yin nam zhes na/ 'dir ma bstan par kha 'phangs pa tsam zhig byed pa min te/ rigs sgo dang/ rlung gi rab byed sogs rang gi gzhung kun las rdzogs par btus te 'dir bstan bcos kyi lus gcig tu bya ba yin pa'i phyir/ bstan pa dang ston pa skyon med par sgrub pa'i phyir/ tu/ gzhan gyi tshad ma dgag pa dang/ rang gi tshad ma rgyas par bsgrub pa brjod bya dang/ bstan bcos 'di la brten nas de dag bde blag tu rtogs pa dgos pa dang/ de la brten nas mthar tshad ma'i skyes bu'i go 'phang thob pa nyid dgos dang/ de dag snga ma med par phyi ma mi 'byung ba 'brel pa'o/ /bshad par dam bcas pa la dgos pa yod de/ dam bcas pa'i khur mi 'dor zhing mthar phyin pa'i ched yin pa'i phyir/ rnam 'grel mdzad bas tshigs bcad phyed snga ma'i don bshad pa na/ thub pa la tshad ma'i sgo nas bstod pa'i don rgyas par bshad pas/ gsung rab mtha' dag gi dgongs pa rtogs par 'gyur ba ngo mtshar ba'i gnas su gzigs nas le'u zur pa mdzad pa'o/ /gnyis pa bshad pa nye bar dgod pa la gnyis/ rang gi gzhal bya'i gnas mtha' dag rtogs pa'i thabs bshad pa / le'u'i mtshan bshad bstan pa'o/ /dang po la gsum rang lugs kyi mngon sum bsgrub pa dang/ gzhan gyis btags pa'i mngon sum dgag pa / de la brten nas gdul bya rjes su 'dzin pa'i thabs bshad pa'o/ /rig pa'i sgor/ mngon sum dang ni rjes su dbag /ltar snang bcas pa bdag rig byed/ /bsgrub pa dang ni sun 'byin dag /ltar snang bcas pa gzhan rtogs byed/ /ces rtog ge'i tshig don @005b brgyad don chan gnyis su bsdus pa ltar bshad pa'o/ /dang po la gnyis/ gzhal bya mngon gyur nges pa'i thabs dang/ lkog gyur ngas pa'i thabs so/ /dang po la gnyis/ le'u'i gzhung bshad pa dang/ le'u'i mtshan bshad bstan pa'o/ /dang po la gnyis/ rang lugs kyi mngon sum bsgrub pa dang/ gzhan gyis btags pa'i mngon sum dgag pa'o/ /dang po la gsum/ tshad ma'i grangs dang spyod yul la log par rtog pa bsal ba dang/ mngon sum tshad ma'i ngo bo la log pa bsal ba dang/ 'bras bu la log par rtog pa bsal ba'o/ /dang po la gsum/ tshad ma'i mtshan nyid ston pa'i bstan bcos rtsom pa dgos pa med par smra ba dang/ gzhal bya gnyis su nges pa'i sgo nas tshad ma'i grangs nges bsgrub pa dang/ grangs gzhan du rtogs pa dgag pa'o/ /dang po ni/ 'di la log par rteg pa mang ste/ kha cig tshad ma ni rang kho na las tshad mar des pas/ tshad ma'i mtshan nyid ston pa'i bstan bcos rtsom pa dgos pa med par smra ba dang/ tshad ma la gzung yul rang mtshan 'dzin pas khyab par bzung nas/ mngon sum kho na tshad mar 'dod pa dang/ dpe nyer 'jal dang; don gyis go ba dang/ zhes grags pa dang/ snyam sems pa dang/ sgra tsam las zhen pa'i brjod bya dpog pa tshad ma gnyis las gzhan yod par 'dod pa po sogs de la tshad ma'i grangs nges bstan pas/ grub chen pha dbang blo bzhed pa ltar/ tshad ma spyi'i mtshan nyid dang/ bye brag gi mtshan nyid bde blag tu rtogs shing/ de yang gzhal bya nges pa'i sgo nas bstan pas/ gzhal bya phung sum du 'dod pa dang/ gzhal bya gcig la yang tshad ma mi 'dra ba du ma 'jug bar 'dod pa dag khegs shing/ tshad ma'i ngo @006a @#/ /po tsam zhig bstan na log par rtog pa de dag mi khegs so/ /tshad ma'i 'bras bu ma bshad na/ tshad 'bras rdzas tha dad du 'dod pa mi khegs shing/ de yang don rtogs 'bras bur nges par khas len dgos la/ de tshad ma las don gzhan yin na/ tshad ma'i ngo bo'i gzhal bya rtogs pa las rdzas gzhan pas gzugs la sogs pa ltar tshad mar ma 'gyur bas 'bras bu la log par rtog pa yang bsal bar bya ba kho na'o/ /tshad ma la gnyis kho nar nges te/ mngon sum tshad ma dang ni rjes su dpag pa'i tshad ma kho nar nges pa'i phyir ro/ /dang gi sgras gnyis ka tshad mar stobs mtshungs par bstan pa'i ched du bsdu ba'i tshig yin gyi dbye ba'i ched ni min no/ /tshad ma bzhir byas pa la mngon rjes su nges par bsgrub pa la tshad ma nyid kyang tshad ma yin pas/ gnyis su ma nges par 'dod pa ni/ ngo mtshar shin tu che'o/ /tshad ma la gsum yod/ mngon sum gnyis dang tshad ma'o zhes par 'gyur bas/ rang nyid rang gi dbye ba'i ya gyal du 'dod pa dag la ni/ grangs nges cung zad kyang khas blang du mi rung ba'i 'gyur ba'i phyir ma spros so/ /mngon rjes gnyis tshad mar grub zin pa/ yang tshad ma'o zhes smra ba ni/ grub zin pa la grub pa'o/ /zhe na/ skyon med de/ tshad ma gnyis kho na'o/ /gang zhe na/ mngon sum dang rjes su dpag pa zhes pa'i don yin pas 'grel par kho na'i nges bzung smos so/ /tshad ma mngon sum kho nar nges na/ rang bzhin dang 'bras bu dang/ dgag rtags yang dag khas ma blangs pas tshad ma dang/ tshad ma min pa'i rnam dbye dang/ slob pa'i @006b rgyud kyi blo dpag mi nus pas/ bstan bcos rtsom pa 'bras bu med pa dang/ skye bas phyi dgag pa byad na mngon dum kyis 'gog dgos par 'gyur ro/ /gnyis pa ni/ tshad ma gnyis kho nar nges te/ gzhal bya rang gi mtshan nyid dang/ spyi'i mtshan nyid de mtshan nyid gnyis kho nar nges pa'i phyir/ de yang tshad mar song ba rang spyi so sor nges pa'i dbang gis min te/ rnam 'grel las/ de ni rang gzhan ngo bo yis/ /rtogs phyir gzhal bya gnyis su bzhed/ /ces bshad pa ltar/ rjes dpag gis kyang rang gi ngo bo spyi mtshan gzung ba'i sgo nas lkog gyur rang mtshan 'jal ba'i phyir ro/ /des na rang mtshan gzung yul du byed pa dang/ spyi mtshan gzung yul du byas pa'i sgo nas sgro 'dogs gsar du gcod pa gnyis su nges pas/ tshad ma gnyis su nges pa yin na/ gsar du mi slu ba'i shes pa mtshan gzi gnyis po kho na la 'jug gi gzhan la 'jug pa legs pas spyi dang bye brag gi mtshan nyid rnam par bzhag pa rtogs pa'o/ /dbang shes la snang ba'i skra shad don byed mi nus shing gsal bar snang bas/ gzhal bya gnyis gang yang min la/ yul yin pas gnyis su ma ngos so/ /zhe na/ rab rib la snang ba'i skra shad ni med pas yul du mi rung zhing/ tha snyad byed pa rnams yul du mos pa yang med la skra shad snang ba'i gzhi ni/ dbang shes nyid der snang ba yin pa rang mtshan dang/ skrag shad du snang ba la rtog pa'i shes pa'i gzung yul ni spyi mtshan yin pas/ gnyis su ma nges pa'i skyon med do/ /gnyis pa la gsum/ rang spyi 'dres pa 'dzin pa'i tshad ma phung gsum pa dgag pa dang/ khyad par ngo shes kyi tshad ma phung gsum @007a @#/ /dgag pa'o/ /dang po ni/ byas pa la sogs pa rtag la sngon po la sogs kha dog mi rtag pa'o snyam du 'dzin pa ni/ rang spyi 'dres pa 'dzin pa'i tshad ma gzhan ma yin te/ kha dog rang mtshan yin la mi rtag pa spyi mtshan yin zhing/ de gnyis 'dres par 'dzin pas tshad ma gnyis po min no zhe na/ byas pa'i rtags las kha dog mi rtag par rtogs pa'i tshad ma yod pa'i rgyu mtshan gyis tshad ma phung gsum pa gzhan ni yod pa kho nar 'gyur ba ma yin no/ /tshad ma de ni kha dog rang mtshan gzung yul du byed pa ma yin gyi/ kha dog gyi spyi de la mi rtag pa rab tu sbyor ba'i sphyi mtshan rjes dpag yin pa'i phyir/ khyad par rang mtshan la mi sbyor ba'i rgyu mtshan ci zhe na/ kha dog rang mtshan gzung yul du mi byed pa'i phyir ro/ /'o na mi rtag dngos med la brten pa'i chos su thal ba dang/ kha dog rang tshan pa mi rtag par mi rtogs par 'gyur ro/ /zhe na skyon med de/ kha dog dang mi rtag pa'i spyi khyad gzhi khyad chos su sbyar nas gzung yul du byed kyang/ kha dog rang mtshan pa dang mi rtag pa rang mtshan ba'i rnam pa legs par shar nas kha dog mi rtag pa la gsar du mi slu ba'i shes pa yod pa'i phyir ro/ /'o na mar me'i skad cig tha ma 'dzin pa'i dbang po'i mngon sum gyi rjes su skyes pa'i dran shes la brjod na ni/ de dpyad shes yin pas tshad ma phung gsum ma yin no/ /de yang mi rtag pa ma rtogs rigs 'dra phyi ma mtshams sbyor ba med pa'i skad cig tha ma dbang po'i mngon sum gyis rtogs pa mi srid pas/ tshad ma des rtogs zin pa'o/ /de'i gzhal byar gyur ba'i skad cig tha ma de yang @007b dus kyi thung ba'i mthar thug pa min gyi rang gi chos su gyur pa'i dus kyi cha du ma yod pa/ gzhan dun so skye'i mngon sum gyis rtogs pa mi srid do/ /mi rtag pa'o snyam pa'i nges pa skyes pa'i tshe na/ skad cig tha ma yang zhig pas so/ /gnyis pa ni/ spar khang nang du mthong ba'i mngon sum gyis tsa-ndan gyi me rtogs nas/ phyis phyi rol nas du ba mthong ba na tsa-ndan gyi ma'o snyam rtags la brten pa mngon sum ma yin la/ rtags chos 'brel ba med pas rjes dpag min zhing/ rang mtshan rtogs pa'i tshad ma yin pas/ phung gsum pa'o/ zhe na/ rang 'dren byed kyi tshad ma snga mas rtogs zin byed pa ma nyams pa'i don la sngar gyi de'o snyam pa'i yul de yang yang shes pa'ang chos can/ tshad ma phung gsum pa ma yin te/ de ltar na shes pa kun tshad mar 'gyur bas tshad ma thug pa med par 'gyur ba'i phyir ro/ /tshad ma gnyis su nges pa ni/ thug pa yin la/ de med par thal lo shes pa'o/ /grang can gyi du ba'i rtags las me rtogs zin ma brjod par yang yang/ rtogs pa tshad mar dgag pa'i ched du/ 'grel bar lan cig min par zhas smos so/ /dper na/ dran pa dang/ 'dod pa dang/ zhe sdang sogs tshad ma phung gsum pa min pa bzhin no/ /sngar bshad pa de yang snga phyi mtshams sbyor ba'i dran pa yin no/ /gnyis pa la gsum/ mngon sum gyi mtshan nyid spyir btang dang/ mngon sum gyi dbye ba dang ma 'khrul ba mngon sum gyi mtshan nyid lhag par shes pa'i ched du mngon sum ltar snang la sde tshan gnyis su dbye ba'o/ /dang po ni/ rtog pa dang bral zhing ma 'khrul ba'i shes pa ni/ mngon sum mo/ /dngos bstan spyir btang ba'i tshig las ma byung yang/ 'og nas dmigs bsal gyis @008a @#/ /'phangs pa'i ma 'khrul ba yang/ 'dir sbyar bar bya'o/ /rang 'grel du rtog pa zhes pa ni ji lta bu zhig ce na/ zhes 'byung ba ltar bral bya rtog pa ngos bzung ba ni/ ming sbyor rtog pa dang rigs dang yon tan sogs sbyor ba'i don sbyor rtog pa'o/ /sogs pas ming sbyor rtog pa yang bsdus kyang/ nus pa mi mtshungs par bstan pa'i ched du logs su byas so/ /'dod rgyal ba'i sgra rnams la ming gi khyad par du byas nas don brjod par byed de/ lhas byin zhes pa lta bu'o/ /sngar bshad pa ltar snga ma ming sbyor rtog pa dang/ phyi ma don sbyor rtog pa ngos bzung ba la bshad par bya zhing/ yang snga ma rang lugs kyi rtog pa'i mtshan nyid dang/ phyi ma gzhan gyis btags pa ngos bzung nas de dang 'dra bar ston pa'o/ /gzhan gyis btags pa'i rtog pa'i bdag rkyen/ rings kyi smra ba'ang zhes pa dang/ yon tan gyi sgra ba lang dkar po zhes pa dang/ bya ba'i sgo nas 'bras 'tshed zhes pa dang/ rdzas kyi sgra sbyor ba'i 'brel pa dang/ 'du ba'i 'brel pa gnyis kyis dbye bas dbyug pa can dang/ rVa can zhes pa lta bu'o/ /gzhan dag gis rigs dang yin tan sogs don gzhan gyis khyad par du byas nas/ sgras brjod cing dbang shes kyis kyang 'dzin pas dbang shes rtog par 'dod do/ /rang lugs la/ sgra de dag gi bdag rkyen la brten nas rtog pas btags pa'i khyad gzhi khyad chos bzung yul du byed cing/ de yang ming dang bsres nas 'dzin pas ming sbyor rtog pa'o/ /brda la byang ba'i rtog pa dang bral bar ma zad brda lam byang ba rnams kyis brjod bya dang/ rjod byed 'drer rung ba 'dzin pa'i rtog pa dang bral bar yang bstan to/ /rtsa ba'i tshig @008b 'di ltar na/ sngo 'dzin dbang zhes lta bu rtog bral du bsgrubs nas/ de dang ma 'khrul ba tshogs pas mngon sum du mtshon pas mtshan nyid rjes brjod kyi sga dang/ mtshon bya sgrub pa'i sgras pa yin no/ /rnam nges las/ mngon sum rtog bral ma 'khrul ba zhes 'byung ba ltar na/ mtshan gzhi grub zin rjes su brjod nas/ mtshan nyid ma 'khrul bsgrub par byed pa sgrub pa'i sgras bstan pa yin no/ /gnyis ka ltar yang/ rtag bral ma 'khrul ba'i shes pas/ sngo 'dzin dbang shes lta bu mngon sum du mtshan pa la khyad par med do/ /gnyis pa la bzhi/ dbang po'i mngon sum dang/ yid kyi mngon sum dang/ rang rig mngon sum dang/ rnal 'byor mngon sum mo/ /dang po la gsum/ dbang shes kyi tha snyad la rtsod pa spang ba dang/ rtog bral mtshan nyid kyi zur du smos pa la lung 'gal spang pa dang/ log par rtog pa du ma dang spyi don gzhan dbang shes kyi gzung yul yin pa bkag nas rtog bral du bsgrub pa'o/ /dang po ni/ bdag rkyen dang dmigs rkyen gnyis ka las skyes pa'i sgo lnga'i shes pa la dbang shes zhes rten gyi sgo nas ston gyi/ yul shes zhes yul gyi sgo nas mi ston pa ci zhe na/ gnyis la las skyes pa khyad par med kyang sga lnga'i shes pa de'i tha snyad dbang shes zhes dbang po'i sgo nas tha snyad byas pa la dgos pa yod de/ dbang po gzugs can ba de'i thun mong min pa'i rgyu yin pas de'i sgo nas tha snyad byas pas de thun mong ma yin par gnus pa'i phyir/ dbang shes zhes pa'i ming sbyor bar 'os te/ ming des thun mong ma yin par go nus pa'i phyir/ yul shes zhes dngos ming du sbyar bar mi 'os te/ de la brten nas thun mong ma yin par go mi nus pa'i phyir/ ces pa'i/ yul rnams @009a @#/ /ni/ rgyu gzhan dang yang thun mong pa yin la/ gzugs shes zhes smos na/ ci mig la brten nas sam/ yid la brten nas yin snyam du reb rang bcas par 'gyur gyi bde blag tu mi go bas so/ /'jig rten na yang rnga'i sgra nas kyi myu gu zhes thun mong ma yin pa'i rgyu ston pa mthong gi /dbyug gu'i sgra dang sa'i myu gu zhes smos na/ don gzhan la yang go bar 'gyur bas so/ /dbang po gzugs can las skyes pa'i shes par bstan pas kyang/ rtog bral du go bar byed de/ chos mngon pa'i mdo las/ mig gi rnam par shes pa dang ldan pas sngon po shes kyi sngon po'o snyam du ni ma yin no zhes pa'i tshig snga ma gnyis kyis/ don rang mtshan gzung yul du byed pa'i ma 'khrul ba bstan la/ phyir ma gnyis kyi rtog bral du bstan pa yin no/ /gnyis pa ni/ dbang shes rtog bral yin na/ mdo las/ rnam par shes pa'i tshogs lnga ni bsags pa zhes bshad pa dang/ slob dpon dbyig gnyen gyis/ gang yang skye mched kyi rang gi mtshan nyid la/ so so rang gi mtshan nyid kyi yul can yin gyi/ rdzas kyi rang gi mtshan nyid la ni ma yin zhes pa 'gal te bsags pa ni tshogs pa yin la/ tshogs pa spyi yin zhing spyi mtshan gyi blo khyod kyis rtog par khas blangs pa'i phyir dang/ 'di gzugs so snyam pa'i skye mched gyi yul can yang rtog pa yin pa'i phyir ro zhe na/ skyon med de/ lung snga ma'i don ni/ ya gyal du ma 'dus pa'i tshogs spyi gzung ngor shar bas/ spyi'i spyod yul can du bshad pa ma yin te/ rang gi gzung don cha med kyi rdul phra rab so @009b so mang pos spyi spyod yul can dang bsags pa la dmigs par bshad pa'i phyir dang/ de yang rang ma yin du ma 'dus pa'i bsags pa la dmigs pa ma yin gyi/ de'i nang gi rdul phra rab pa re re la bsags pa'i sgras bstan pa yin no/ /der thal/ dbang shes ma 'khrul ba der rang gi gzung don rdul phra rab du mas bskyed par bya ba yin pas/ bsags pa la dmigs par bshad pa'i phyir/ lung phyi ma'i don ni/ 'dir rdzos kyi rang mtshan ni/ zla med kyi rdul phran yin la/ des dbang shes skyed mi nus/ dbang shes skyed pa la du mas mtshungs par bskyed dgos shing/ de'i tshe rjes kyi nges pas 'di gzugs so zhes skye mched kyi tha snyad 'dogs nus pas/ skye mched kyi yul can yi pa dang/ rdzas kyi yul can ma yin par bstan to/ /rtsa tshig 'di lung snga phyi gnyis ka'i lan bston pas/ phyi ma dang mthun par yang bsdus don spyar ro/ /rims kyi gzung yang 'jug pa myur bas cig car du gzung ngo snyam du 'khrul bas rtog pa'o snyam na/ 'dzin ba myur ba cig car du gzung ba 'khrul ba'i rgyu yin na/ rnam 'grel du rims bzhin 'bab pa de nyid la zhes sogs ha cang thal ba rgyas par bshad pa ltar shes par bya'o/ /gsum pa ni/ don 'dis kyang spyod yul la log par rtog pa bsal nas dbang shes rtog bral du bsgrub pa yin no/ /byas mi rtag sogs ldog pa tha dad du ma'i ngo bo dang ldan pa'i chos can sgra lta bu ni dbang po'i mngon sum gyis 'dzin pa'i tshe dbang po gzugs can pa'i bdag rkyen las dpa' bo'i mngon sum gyis ldog pa tha dad rnams gzung don du byas nas rtogs pa srid pa ma yin par @010a @#/ /thal/ byas mi rtag gi tha dad sogs rtog pas btags pa tsam yin pa'i phyir ro/ /de bzhin du ba lang dkar po mthong ba'i tshe/ dkar po nyid kyi spyi don gzhan gyi 'dzin pa ma yin te/ dkar po dang dkar po nyid tha dad kyang rtog pas btags pa tsam du zad pa'i phyir/ ces sbyar ro/ /rtog pas btags ba gzang yul du mi byed kyang/ gzung yul med pa ma yin te/ rang rang gi gzhan dang ma 'dres par rig par bya ba ming gi tha snyad kyis thun mong ma yin par bsal bar bstan mi nus shing/ bstan par bya ba min pa'i rang mtshan gyi ngo bo dbang po'i mngon sum gyis gzung yul du byed pa'i phyir ro/ /rnam 'grel du/ chos can thams cad las ldog pa zhes sogs kyis rgyas par bshad do/ /rang 'grel du/ dbang po lnga las skyes pa'i shes pa rtog pa med pa yin zhes pa/ mngon sum gyi mtshan nyid ston pa'i tshig gis rtog bral du bstan zin kyang/ 'dir yang smros pa ni/ gzhan gyi log rtog dgag pa'i khyad par la ltos pa yin te/ lnga por ma zad rtog med kyi shad pa gzhan yang yod ces pa'i don to/ /gnyis pa ni/ dbang po'i mngon sum du ma zad yid dbang gi bdag rkyen dang/ dbang sngon gyi de ma thag rkyen las skyes pa'i yid kyang gzung don dang/ bcas pa'i rkye bas mngon sum ste/ kyang gi sgra ni bsdu ba'i don te/ dbang po'i mngon sum du ma zad ces pa'o/ /yid kyi mngon sum ni rang gi de ma thag rkyen dbang po'i mngon sum dang/ de'i steng gi yul 'dzin nus su skyed pa'i cha bdag rkyen dang/ rang gi de ma thag rkyen gyi gzung don gyi rigs 'dra @010b skad cig gnyis pa dmigs rkyen du yod pa las skyes pa yin la/ de yang dbyad gsum gyis dag pa'i lung la brten nas rtogs par bya ba yin gyi/ so so skye bo'i dngos stobs kyi tshad mas rtogs par bya ba ma yin no/ /'di'i don rgyas par/ gtso bo lus lta bu'i bstan bcos gsum gyi rnam bshad du bshad pas/ der blta bar bya'o/ /gnyis pa ni/ 'dod chags dang la sogs pas zhe sdang dang gti mug dang/ bde ba dang/ sdug bsngal la sogs pa'i 'dzin pa'i rnam pa ni/ rang rig pa'i mngon sum yin te/ rang gi gzung yul rang mtshan la ltas te gnyis snang nus pa'i shes pa yin pa'i phyir/ rtog pa med pa yin te gzung yul rang tshan gsal bar snang ba'i shes pa yin pa'i phyir/ rang 'grel du/ 'dod chags dang/ zhe sdang dang/ gti mug dang/ bde ba dang/ sdug bsngal ba la sogs pa ni/ dbang po la mi ltos pa'i phyir rang rig mngon sum mo zhes bshad/ chags sogs rtog pa yin pas rang rig mngon sum du mi rung la/ de dag rang gi ngo bo la rang rig mngon sum du ston pa yang ma yin te/ rigs pa du ma dang 'gal ba'i phyir ro/ /des na 'di'i tha dad kyi 'grel bshad du/ slob dpon rgyal dbang blos/ 'dod chags la sogs pa yang rang rig pa'o zhes pa ste/ rang nyid la rig pa ni rab rig go /'dis rig par bya bas na rig pa ste/ 'dzin pa'i rnam par yang dag par bshad pa/ nyams su myong ba'i rang bzhin nyid ces chags sogs rab rig rig byar bshad kyi/ rig byed du ma bshad la/ 'dzin rnam nyid rig byed dub shad pa ltar ro/ /dbang po la mi ltos pa'i don ni dbang shes kyis rang rig kyang/ dbang po gzugs can ba'i @011a @#/ /thun mong ma yin pa'i lag rjes ma yin gyi/ de ma thag rkyen gyi lag rjes yin pa'i don to/ /rtag ge 'bar ba nas bshad pa ltar rje thams cad mkhyen pa'i gsung las 'byung ba kho na skyon med pa ste/ rnam 'grel gyi rnam bshad du bshad zin to/ /der de phyir de la kun mngon sum zhes pa / yang shes pa kun rang gi ngo bo 'dzin rnam la mngon sum du snab bar ston pa yin gyi/ mngon sum nyid du ston pa ni ma yin no/ /bzhi pa la gnyis/ dngos dang/ chags sogs rang rig tu bshad pa la rtsod pa spang ba'o/ /dang po ni/ zhi lhag zung 'grel gyi ting nge 'dzin dang ldan pas rnal 'byor ba rnams kyi bla ma sangs rgyas bcom ldan 'das des bstan pa'i/ 'phags pa'i bden pa bzhi sgra spyi dang/ don spyi gang dang yang ma 'dres pa'i don tsam gsal bar mthong ba'i shes pa ni rnal 'byor mngon sum ste/ zhi lhag zung 'brel gyi ting nge 'dzin la brten nas/ yang dag pa'i don la rtog bral ma 'khrul ba'i shes pa yin pa'i phyir ro/ /tsam sgra smas pa ni sgro ma btags pa'i don 'dzin pa rtog bral du ston pa yin la/ snga mngon sum la rtog bral gyis khyab pa bstan zin yang/ 'di gtso bo yin pas/ bden pa bzhi'i don la bsgom pa rdzogs pa'i 'bras bu la gsal snang 'byung ba ston pa'o/ /nyan thos mdo sde pa ltar na gzugs dang shes pa sogs gang zag gi bdag med mngon sum du rtogs pa'i gzugs kyi ngor dgag gzhi/ rang mtshan de nyid snang ba yin gyi/ med dgag gis bsdus pa'i bdag med ni shugs la rtogs par 'dod pa'o/ / @011b rigs pa drug cu'i 'grel par/ slob dpon za grags pas tshad ma kun las btus pa'i don/ tshul de ltar 'dod pa phyogs snga mar byas nas dgag par mdzad pa'i phyir/ ro/ /bden bzhi dngos stobs kyi rigs pas sgrub pa'i tshul sogs ni/ rnam 'grel nges byed kyi rnam bshad ru bstan zin pas 'dir ma spos so/ /gnyis pa ni/ chags sogs rang rig mngon sum yin na/ rtog pa yang der 'gyur ro zhe n/ bden te shes pa gang brda 'dzin pa'i rtog pa'i gzung bya 'dzin mi nus pa de ni rtog pa ma yin la/ rtog pa 'ang brda 'dzin pa'i shes pa'i gzung yul du mi rung bas/ rang nyid rang la rtog par 'gyur ba ma yin no/ /des? na rtog pa 'ang rang ring mngon sum gyi myong bya yin pas rang rig nyid du btags pa yin gyi/ de'i myong byed 'dzin pa'i rnam pa yang rang rig mngon sum nyid du 'dod pas/ de la dngos ming 'jug pa yin no/ /rtog pa ni/ gzung yul la ltos nas rnam par bzhag la/ gzung yul gyi don la rang rig mngon sum ma yin te/ de'i spyi dang/ don spyi gzung yul du byed pas de la rtog pa yin pa'i phyir/ /rnam 'grel du/ shes gang gang la sgra don 'dzin zhes bshad pa ltar ro/ /gsum pa la gnyis/ rtog pa mngon sum ltar snang drug tu dbye ba dang bslad pa mngon sum ltar snang dmigs kyi bsal ba'o/ /dang po ni/ mig rgyu la cur 'dzin pa'i shes pa sogs/ 'khrul ba'i shes pa don gzhan la sgro 'dogs pa dang/ bum pa'i rdul rdzas brgyad kyi tshogs pa la/ brda la brten nas bum pa'o snyam du sgro 'dogs pa'i rtog pa 'jug pas/ brda'i rten can gyi shes pa kun @012a @#/ /rdzob tu yod pa 'dzin pa'i shes pa dang/ 'di yang 'grel ba 'grel lugs gnyis su/ don gzhan la sgro 'dogs pa'i rtog par bshad la/ don ni sgro btags 'dzin bas kun rdzob pa'i shes pa zhes bya'o/ / 'dis rjes su dpog bas byed pas rtags 'dzin rtog pa ni/ rjes su dpag par rtog pa dang rjes su dpag pa las byung ba'i rtog pa ni/ rtags de la brten pa'i rjes dpag go /rang 'grel du/ 'bras bu'i shes pa zhes pa las ma byung yang 'grel bshad mkhan pos snga ma rtags 'dzin rtog pa dang phyi ma rtags can rjes su dpag pa lab shad do/ /'das pa'i don dran pa dang/ ma 'ongs pa'i don mngon par 'dod mi shes pa ni rtog pa mngon sum ltar snang zhes bya'o/ /zhes bya ba rdzogs ba'i tshig gis ston pa'i 'dzin stangs la bslad pa mngon sum ltar snang logs su bkar te/ mngon sum ltar snang la gnyis su phye ba na/ sngar bshad pa'i mtshan nyid ston pa'i tshig /spyir btang gi tshig tu rtags nas/ ma 'khrul ba mngon sum gyi mtshan nyid ltag mar go bar 'gyur ba yin no/ /gnyis pa ni/ sngar bshad pa'i mngon sum ltar snang der ma zad rab rib kyi bslad pa dang bcas pa'i shes pa rnams kyang mngon sum ltar snang ngo/ /rtog med 'khrul pa mngon sum ltar snang du bstan pa na/ mngon sum la ma 'khrul dgos par dmigs pas la gyi tshig las don gyis go bar 'gyur ro/ /mngon sum ltar snang de dag gi don bsdu na/ rnam 'grel du/ rtog ge ba'i 'dzin stangs la gsum du bsdus pa'i @012b dgos pa ni/ rigs pa can pa / dbang po dang don phrad a las skyes pa'i shes pa 'khrul ba med bzhin pa'i bdag nyid can mgon sum gyi mtshan nyid du 'dod pa dgag pa'i ched du/ brda'i rten can dang/ don gzhan la sgro 'dogs pa'i rtog pa / rtsod gzhi dang/ phyi ma mtshan gzhi don tshan gcig tu bsdus nas mthun dper mdzad pa yin no/ /rab rib bcas zhes pa'i dmigs bsal gyis tshig la/ 'grol bshad mkhan po slob dpon rgyal dbang blos 'di ltar bshad de/ dang por 'jug par byed cing/ bslu ba med pa'i rtog med kyi shes pa ni mngon sum tshad ma yin la/ de la don gang la yang mi slu ba ma tshang ba skra shad 'dzag snang gi dbang shes sogs mngon sum tshad ma yin mod/ mig ser gyis nye bar bslad pa'i mig can la dung ser por snang ba dang/ gru dang bzhon pa'i dbang gis ljon shing 'go bar snang ba'i dbang po'i shes pa sogs ni/ mngon sum tshad ma yin te/ rtog med yin pas rjes dpag min la/ 'dod pa'i don dung dang/ ljon shing sogs lab slu ba med pas tshad ma yin no/ /'khrul pa yin pas tshad ma yin na rjes dpag la yang mtshungs so/ /'o na rab rib bcas zhes pa'i tshig ni/ dbang po la gnod pa'i shes pa kun mngon sum ltar snang du mtshon nas bstan pa dang 'gal lo zhe na/ skyon med de/ tshig rnams ni nges bzung gi 'bras bu can yin pas/ rab rib bslad pa'i dbang gis gang la bslu pa de la mngon sum ltar snang du bstan pas/ kha dog ser po dang/ ljon shing 'gro ba la mngon sum ltar snang du bstan pa yin gyi/ dung dang/ ljon shing la mngon sum ltar @013a @#/ /snang ngu ston pa ma yin pos/ rtog med kyi shes pa dang/ gang la bslu ba'i ched la mngon sum ltar snang du mtshon pa yin no zhes zer/ rgyal snga bdun ba slob dpon chos mchog ni/ yul dang/ dus dang rnam pa la 'khrul pa / cha gang la yang mngon sum tshad mar mi rung bar bzhed de/ dung ser 'dzin gyi dbang shes de nyid dung gi cha gang la yang tshad ma ma yin te/ dngos rtogs med pa'i shugs rtogs mi rung bas/ ser po snang ba ma gtogs dung gi cha gang gi yang rnam pa ma shar ba'i phyir/ kha dog dkar po mi snang yang/ dung gi dbyibs snang bas so zhe na/ dung gi dbyibs kha dog dkar po dang ngo bo gcig pa snang ba yin gyi/ ser po dang 'brel ba med pas/ de'i kha dog mi snang bar dbyibs mngon sum la snang ba rigs ba'i lam las 'das pa yin no/ /dung thob pa yang dung gi reg bya 'dzin pa'i mngon sum tshad mar 'dzin pa yin gyi/ snga ma don med do/ /de bzhin du/ ljon shing 'gro snang la yang shes par bya'o/ /sgo'i bu kun nor bu'i 'od 'jug pa mthong ba'i tshe/ de na nor bu 'jug go snyam pa ni yul spangs pa ni yul gyi spangs pa yin pas/ blo de nor bu'i cha gang la yang tshad mar mi rung bas chag gcig la mngon sum ltar snang ngu song ba min zhing gi cha gzhan la tshed mar 'dod pa rgyas par bkag la bdag nyid chen po rnams kyi bsam pa rig par dka' mod/ 'drin byed dam pa rnams lugs phyi ma 'thad par bzhed bas/ phyi ma ltar khas blang bar bya'o/ /khyad par du slob dpon chos mchog gis/ rtog bral ma 'khrul ba'i shes pa mngon sum gyi mtshan nyid du @013b bzhag pa ni/ mdo sde ba kho na'i lugs su bzhed pa ltar 'thad pas/ lugs de la snang yul la ma 'khrul pa'i mngon sum mi rung ba'i phyir ro/ /'khrul rgyu gzhi gang gis kyang ma skyed pa'i shes pa ma 'khrul pa'i don la sems tsam pas kyang/ sngo 'dzin dbang shes lta bu 'khrul rgyu de dag gis ma skyed par 'dod pas/ don sems gnyis kas thun mong du 'dod pa yin no zhe na/ 'di ni mtha' mchod pa yin te/ sems tsam bas bag chags gtan byung gi shes pa 'khrul rgyu de dag gis ma skyed par 'dod kyang/ shas pa de la ma 'khrul pas khyab pa mdo sde pas 'dod kyi/ sems tsam pas khas mi len pa'i phyir ro/ /de lta na yang bag chags gtan byung gi dbang shes/ mngon sum du rnam nges sogs su sgrub pa'i phyir/ 'di dag gi don yang gzhan du rgyas par bshad zin to/ /gsum pa 'bras bu la log rtog bsal ba la gnyis/ tshad 'bras kyi rnam gzhag dang/ rnam gzhag de nyid nges par bya ba'o/ /dang po la gsum/ don khas blangs pa'i tshad 'bras spyir bshad pa dang/ phyi'i skye mched lnga gzhal byar byas pa'i tshe/ don khas blangs kyang rang bzhin 'bras bur rigs pa dang/ rang rig gi tshad 'dras kyi rnam gzhag go /dang po ni/ tshad 'bras bshad pa'i dgos pa gang yin snyam na/ rang sde kha cig dang/ gzhan sde dag tshad 'bras rdzas tha dad du 'dod pa dgag pa dang/ dgos pa'i gtso bo ni/ tshad ma'i mtshan nyid mi slu ba dang/ ma shes don gsal nges pa'i snga rol tu mtshan nyid gang du 'jug pa'i mtshan gzhi shes par bya ba'i don te/ khyad par gyi gzhi ma nges par khyad par gyi chos nges pa @014a @#/ /mi srid pa'i phyir ro/ /des na tshad ma'i mtshan nyid nges pa'i ched du yin te/ de yang yul gsar du rtogs pa'i blo yin la/ /de ni don gyi rnam pa legs par bshad pa'i sgo nas 'jog ste/ 'jig rten na yang rnam pa shar ba dang/ ma shar ba la rtogs pa dang/ ma rtogs par grags pa'i phyir/ 'di ni reg pa smra ba rnams kyi rtogs par dga' ba'i gnas yin te/ rnam 'grel du/ yul rnams las ni byung ba'i zhes sogs tshul gnyis dang/ rang rig sgrub pa'i rigs pas rgyas par gtan la phab pa'i phyir ro/ /byed pa thams cad kyi byed par 'gyur ba ma yin te/ mthun phyogs ma yin pa'i bya ba gang sgrub par byed pa de de'i byed pa yin pas/ tshad mas 'bras bu 'jog pa'i bya ba byed kyi/ bskyed pa'i bya ba mi byed do/ /des na tshad 'bras rdzas tha dad ma yin par thal/ tshad ma 'bras bu'i ngo bo kho nar yod pa'i phyir ro/ /der thal/ don rtogs pa'i bya ba dang bcas par rtogs pa'i gzung ba'i rnam pa nyid tshad ma dang/ don rtogs pa'i tshad ma de nyid 'bras bu yin pa'i phyir/ de ni dbang 'gyur ltar yin gyi/ zham seng rgyal gyi 'gyur la gzhan du 'byung ngo/ /don rtogs pa'i bya ba med par yang/ tshad mar bzhag nus pa ma yin no/ /don gsar du rtogs pa de nyid yul gyi rnam pa shar ba'i sgo nas gsar du mi slu ba'i shes pa la tshad ma yid du 'dod pa ste/ tshad mar 'dogs pa'i rgyu mtshan yin pa'i phyir ro/ /dbang po gsal mi gsal dang/ yul thag nye ring dang/ yid byed goms pa che chung gi yul rtogs tshul mi 'dra @014b pa'i khyad par cung zad yod kyang/ gzugs mthong la sgra ma thos pa dang/ sngon po rtogs la ser po ma rtogs pa sogs/ don rtogs 'jog byed gzhan gyis bar du mchod par bzhag mi nus pa'i phyir ro/ /de bzhin du gzung ba'i rnam pa med na/ rten bcas kyi dbang po dang/ dbang don phrad pa dang/ don la ldan pa'i shes pa dang/ khyad par 'dzin pa'i shes pa dang/ rna ba la sogs pa'i dbang po'i 'jug pa khas blangs mi nus pas/ de dag tshad mar mi rung ba'i phyir ro/ /dper na bu'i gzugs dang 'dra bar sgyes pa la/ pha'i gzugs 'dzin to zhes brjod pa bzhin du/ shes pa'i phyi rol dang 'dra bar skyes pa la phyi rol 'dzin to zhes brjod pa yin te/ tshad mas 'bras bur 'jog pa'i tshe ni/ dper na/ sngon 'dzin dbang po'i mngon sum la sngon po'i grub sde rdzas gcig gis chos kun gyi rnam pa shar yang/ de dag rtog par 'jog pa ma yin no/ /'o na ci zhe na/ gzung don gang gi rnam pa shar pa'i gzung rnam de nyid la/ 'dzin rnam gyi nges pa gsar du 'dren nus pa'i gzung don gyi cha de nyid/ dbang mngon gyis gsar du rtogs pa zhes bya yi/ phra ba'i mi rtag pa'i rnam pa shar yang/ de rtogs par bzhag nus pa ma yin la/ de ni rjes dpag gi tshad 'bras las shes par 'gyur ro/ /des na sngon po gzhal bya rang yul gyi rnam pa shar pa'i sgo nas sngon po la gsar du mi slu ba'i shes tshad ma sngon po rtogs pa'i tshad ma 'bras bu'o/ /rnam gzhag 'di gtso bor mdo sde pas khas len cing sems tsam pas kyang 'dod pas/ 'og ma 'di la 'phros pa yin no/ /gnyis pa ni/ yang gzugs dang sgral @015a @#/ /sogs pa gzhal byar bzhag pa'i tshe na'ang phyi don khas blangs kyang rung ma blangs kyang rung/ rang rig 'bras bur rigs pa kho na ste/ gzung ba'i rnam pa de'i ngo bo sems ba dang/ gdung bar 'dzin rnam gyi nyams su myong ba las/ gzugs la sogs pa'i don 'dod pa dang mi 'dod par nges pa yin gyi/ 'dzin rnam gyi de ltar ma myong bar/ don 'dod mi 'dod du bzhag mi nus pa'i phyir ro/ /rang 'grel du/ shes pa ni snang ba gnyis las skyes te rang gi snang ba dang yul snang ba'o/ /snang ba de gnyis las gang rang rig pa de ni 'bras bur 'gyur ro/ /zhes bshad pa'i don ni/ gzung rnam dang 'dzin rnam gnyis las/ snga ma sems gdung gi ngo bor 'dzin rnam gyi myong ba'i dbang gis/ yul 'dod mi 'dod du 'jog pas rang rig 'bras bu yin te/ de'i dbang gis bzhag pa la ma ltos par yul gyi ngos nas 'dod mi 'dod du grub na/ dgra gnyen gang gis bltas kyang 'dod mi 'dod gnyis su snang bar thal bar 'gyur ro/ /rang rig 'bras bu yin na/ 'dzin rnam tshad mar thal bar 'gyur ro/ /zhe na/ sngon po gzhal byar byas pa'i tshe yul gyi snang ba sngon po'i snang ba nyid de/ sngon po dngos su rtogs pa 'di'i 'jog byed tshad mar rigs te/ sngon po'i rnam pa shar ba'i tshad ma de yis sngon po dngos su 'jal bar byed pa'i phyir ro/ /'o na tshad 'bras yul tha dad du 'gyur te/ tshad mas don rtogs pa'i 'bras bu la rang nyid rtogs pa'i phyir ce na/ skyon med de/ sngon po'i rnam pa shar ba'i sgo nas/ sngon po rtogs par 'jog pas sngon po rig pa @015b 'bras bur mi 'gyur ba'i skyon med la/ rang rig 'bras bur bzhag pa ni rnam nges las/ rang bzhin sems pa yin na ni/ /don rig de yi bdag nyid phyir/ /ces bshad pa ltar sngon po dang sngor snang shes pa rdzas tha dad kyis stong bar rtogs pa / rang bzhin sems ba'i dbang dub yas pa yin gyi/ tha snyad pa'i tshad mas de ltar nges nus pa'i dbang gis ni ma yin no/ /de yang phyi rol don khas len pa khyed kyis kyang 'dzin rnam gyis gzung rnam ji ltar myong ba'i dbang gis don myong bar bzhag dgos kyi/ gzhan du na ji skad bshad pa'i gnod bar 'gyur bas/ rang rig 'bras bur bsgrub pa yin gyi/ rnam gzhag 'di mdo sde pa kho na'i lugs su smra ba dang/ yang sems tsam pas phyi rol khas len par 'dod pa ni/ mu cor smra ba yin no/ /des na sngon po gzhal bya rang gi bdag nyid du gyur pa'i sngon po'i rnam pa shar ba'i sgo nas/ de la gsar du mi slu ba'i shes pa tshad ma/ rang gi bdag nyid du gyur pa'i sngon dngos su rtogs pa 'bras bu'o/ /slob dpon lha dbang blo dang/ chos mchog gnyis kas gzhal bya ngos 'dzin pa'i skabs su/ mdo sde pa la khas blangs nang 'gal ston pa la bshad do/ /gsum pa ni/ smras pa gang gi tshe/ gzung ba'i snang ba de yang zhal bya dang/ tshad ma dang de'i 'bras bu ni 'dzin rnam dang rnam rig ste/ rang rig go /de yang 'di rig par bya bas na/ rang rig ces las su gyur pa de rig pa'i bya ba 'bras bu dang/ des rig par byed pa tshad ma'i/ /rnam gzhag de mdo sde pas kyang khas len mod kyi/ 'dir ni shes pa rang rang gi /bdag nyid du gyur pa'i sngon po'i rnam pa gzhal byar byed pa / sems tsam pa'i lugs so/ /tshad ma dang 'bras @016a @#/ /bu dang gzhal bya de gsum rdzas tha dad du a byas pa'i rgyu mtshan yod de/ gzung 'dzin rig pa gsum ga shes pa gcig gi rdzas kyi char gyur pa yin pa'i de'i phyir/ phyi rol gyi don med na/ dbang mngon tshad 'bras su ji ltar 'thad ce na/ dbang po'i shes pa la gzung bya rdzas tha dad du snang ba dang/ phyi rol don du snang ba ma rig pas bslad pa zhugs pa yin kyang/ de 'phrul par khong du chud pa la ma ltos par tha snyad pa'i chod ma dang/ gzhal bya'i rnam gzhag nges par khas blangs nus pa'i phyir ro/ /sems tsam rnam rdzun pas don du snang ba dang/ rags par snang ba ma rig pas bslad pa'i dbang gis bzhag par 'dod la/ rnam bden pas don du snang ba'i cha de ltar yin yang/ sngon po lta bu rags par snang ba'i cha ma rig pas bslad pa ma yin pas/ rnam bden rdzun rtsod pa'i gzhi ni/ rags par snang ba nyid yin te/ rnam nges kyi rnam bshad du bstan zin te/ gnyis pa rnam gzhag de nyid nges par bya ba la gnyis/ blo tshul gnyis pa can du bsgrub pa de dang/ rang rig bsgrub pa'o/ /dang po la gnyis/ yul shes rtogs pa'i rnam pa'i bye brag las tshul gnyis bsgrub pa dang/ dus phyir dran pa'i rtags las bsgrub pa'o/ /dang po ni/ sngon po la sogs pa'i yul shes pa sngor snang dbang shes la sogs pa'i de'i shes pa/ de dran pa'i dan shes des yul shes da yul gyi rnam pa'i khyad par byas nas dran pa'i dbye bas yul shes bya'i blo ni/ gzung rnam dang 'dzin rnam gyi tshul gnyis pa can nyid du grub po/ rang gi sde pa bye brag smra ba sogs dang/ gzhan sde sbyod pa @016b pa sogs kyi shes pa yul gyi rnam ldan du khas ma blangs pas/ de dag la bsgrub pa yin te/ 'gyur kha cig las/ yul shes pa dang de shes pa dang de shes ba'i zhes 'byung ba dang mthun par dbang shes dang de dran pa'i dan shes dang po mi 'dra brag rtogs pa'i bye brag las/ blo tshul gnyis pa can du 'chad pa ni de'i don ma yin gyi/ slob dpon shA-kya blos/ las dbye ba'i bsdu ba byas pa la dgos su dgag pa mdzad nas/ yul shes de shes pa'i dran shes des yul gyi rnam pa can du dran pa'i yul gyi rnam par bye brag las tshul gnyis pa can du grub par bshad pa dang mthun par/ 'grel bshad mkhan pos kyang/ bshad pa ltar yin no/ /yul gyi rnam pa can du ma dran na 'dzin rnam rkyang pa can du dran dgos pas/ shes pa snga phyi mi 'dra ba'i khyad par dbye mi rung bar 'gyur ro/ /de ltar na/ sngon 'dzin dbang shes kyi sngon po rig la/ ser bo ma rig pa'i khyad par mi 'thad par thal/ de gnyis la ltos te/ 'dra mi 'dra khyad par med pa'i phyir/ des na yul shes dang/ dran shes dang po dang gnyis pa sogs snga ma snga ma las/ phyi ma phyi ma gzung rnam re res lhag pa'o/ /sgrub tshul 'di ma shes na/ sde bdun gyi rigs pa'i gzhi stor ba yin no/ /gnyis pa la gnyis/ dngos dang/ zhar la rang rig grub pa'i rgyu mtshan no/ /dang po ni/ tshul gnyis sgrub pa'i rigs pa de tsam du zad pa ma yin te/ sngon po dang ser po gnyis 'dzin pa'i dbang shes gnyis dus phyis mi 'dra bar dran pa las kyang ste/ de las kyang tshul gnyis pa can du grub pa'i phyir ro/ /yul gyi rnam pa med na de 'dra mi 'dra ba'i phyad par bzhag mi nus te/ @017a @#/ /'dzin rnam la rnam pa mi 'dra ba'i sgo nas dbye mi nus pa'i phyir ro/ /gnyis pa ni/ blo tshul gnyis pa can du grub pa na/ dngos su tshul gnyis pa can dang ni shugs la rang rig kyang grub ste/ gzung ba'i rnam pa 'dzin rnam gyis nyams su ma myong bar yul can dran pa 'di med pa'i phyir ro/ /rnam nges las/ dmigs pa mngon sum ma yin na/ /don mthong rab tu 'grub mi 'gyur zhes bshad pa ltar/ yul dmigs pa da de/ ma dmigs na yul mi rtogs pa'i phyir ro/ /de dag rgyas par rnam 'grel du/ nyams myong rnam nges de yang ni zhes sogs dang/ de bdag nyid kyis myong ba dang/ zhes sogs kyis shes par bya'o/ /gnyis a la gnyis/ rtsod pa dang/ lan no/ /dang po ni/ shes pa la myong ba yod par sgrub na/ grub pa la sgrub par 'gyur la/ rang gis myong ba ma grub ste/ gzugs de shes pa don gzhan gyis myong ba dang/ shes pa de yang gzugs la sogs pa'i dran pa don pa don gzhan gyis dran pa bzhin du/ shes pa kun shes pa gzhan gyis nyams su myong ba yin no zhe na/ gnyis pa ni/ shes pa myong byed thug med du rgyud dgos par thal/ shes pa snga ma rang gi ngo bor gyur pa'i myong byed med par phyi ma gzhan gyis dgos la/ de yang byi ma don gzhan gyis myong dgos pa'i phyir/ shes pa phyi ma de la'ang myong byed yod dgos te/ dran pa ste dran pa mthong ba'i phyir/ 'dod na/ yul gzugs rtogs pa mi srid par thal lo/ /gzugs 'dzin ma dmigs pa'i phyir/ gzugs dmigs pa mi srid pas/ gzung 'dzin dmigs byed thug med du rgyud dgos pa'i phyir/ de bzhin du shes pa phyi ma yul gzhan @017b phyi rol gyi don la 'pho ba med par 'gyur bar thal/ shes pa phyi ma rnams rang gi nyer len shes pa snga ma nyams su myong ba'i phyir khyab pa yod de/ shin tu nyel bar med pa'i rang gi dmigs pa la 'jug pa mi srid pa'i phyir ro/ /'dod mi rigs te/ phyi rol gyi don rtogs pa de yang mthong ba'i phyir ro/ /de yang rang rig dang mngon sum rtog pa med pa nges par khas blangs par bya'o/ /de dag kyang rnam 'grel las/ dran pa las kyang bdag rig grub ces sogs kyis shes par bya'o/ /gnyis pa la gnyis/ rtsod sgrub mkhan po'i lugs dgag pa dang/ gzhan sdes btags pa'i mngon sum dgag pa'o/ /dang po la gnyis/ rtsod sgrub na bshad pa'i mngon sum gyi mtshan nyid slob dpon dbyig gnyen gyi lugs ma yin par bstan pa dang/ rtsod sgrub kyi don rtogs la dgag pa'o/ /dang po ni/ 'jig rten na rtsod sgrub slob dpon dbyig gnyen gyis mdzad par grags pa tshad mar gzung nas/ slob dpon la dgag pa byed pa dag mi rigs par ston pa yin gyi/ rtsod sgrub slob dpon dbyig gnyen gyi rang lugs min te/ slob dpon gyi de nas bshad pa'i mngon sum gyi mtshan nyid la nges par snying po med par dgongs pa'i phyir/ der thal/ min pa las gzhan du na/ slob dpon gyis de la mngon sum gyi mtshan nyid sogs gsung mi rigs la/ mngon sum dang mngon sum ltar snang dang ltag chod dang de'i lan rtsod sgrub las ca shas su gsungs par 'gyur ba'i phyir ro/ /yang na rtsod sgrub las gzhan du zhes bshad do/ /cha shas su gsungs pa'i don ni/ rtsod sgrub kyi don la cha shas phye nas kha cig skyon med yin yang phal cher de slob dpon @018a @#/ /gyi rang lugs la skyon dang bcas par slob dpon gyis bstan pa'i don/ des na phyogs kyi glang po kho bos rtsod sgrub kyi don rnams la/ nyes pa yod med brtag par bya ba ste/ brtags pa na skyon dang bcas pa'i phyir/ slob dpon dbyig gnyen gyi rang lugs ma yin no zhes pa'o/ /'grel bshad mkhan po na re/ gal te slob dpon gyis mdzad pa yin na yang/ shes rab phul du byung ba ma skyes pa'i tshe yin gyi/ phyis blo byang bar gyur pa na/ de la snying po med par nges pa skyes so/ /slob dpon phyogs glang bzhed par mngon gyi slob dpon dbyig gnyen gyi mdzad dam ma mdzad snyam du the tshom za ba'i don gyi ma yin no/ /gnyis pa la gnyis/ rtsod sgrub mkhan po'i mngon sum gyi mtshan nyid dgod pa dang/ de brtags la dgag pa'o/ /dang po yul gang gi sgo nas ha snyad 'dogs par 'gyur ba'i don de las skyes shing gzhan las ma yin pa'i rnam par shes pa mngon sum yin te/ dper na gzugs la sogs pa'i shes pa dang/ bde ba la sogs pa'i shes pa bzhin no/ / des 'khrul pa'i shes pa bsal te/ nya phyis la dngul du 'dzin pa'i shes pa dngul gyi sgo nas tha snyad byed kyang/ de las mi skye bar nya phyis kho na la skyes pa'i phyir ro/ /bum 'dzin shes pa lta bu kun rdzob pa'i shes pa yang bsal te/ bum pa'i sgo nas tha snyad byed kyang de rdzas su med pas rgyu ma yin pa'i phyir ro/ /la me ldan du rtogs pa'i rjes su dpag pa lta bu mngon sum yin pa yang bsal te/ me du'i 'grel pa nges pa las kyang byung gi /me kho na las 'byung ba ma yin pas so zhes bya ba'o/ / @018b zhe na/ gnyis pa la gnyis/ gang la mngon sum du song ba'i don la brtags la dgag pa dang/ dmigs rkyen gyi byed tshul la brtags la dgag pa'o/ /dang po la gnyis/ gang la mngon sum du bzhag pa'i don gyi sgras rkyen kun brjod pa dgag pa dang/ dmigs rkyen 'ba' zhig brjod na mtshan nyid khyab ches pa'o/ /dang po ni/ gang gi sgo nas tha snyad 'dogs pa'i don de las skyes pa'i shes pa mngon sum zhes bya ba 'dir/ don de zhes pa'i sgras rkyen kun brjod na ni/ mngon sum de dmigs rkyen 'ba' zhig pa'i sgo nas tha snyad byed pa mi 'thad par thal/ mngon sum gang de dmigs rkyen 'ba' shig las skyes pa ma yin pa'i phyir/ khyab pa khas blangs rtags der thal/ gzhi yis sems dang sems byung rnams/ zhes grub pa'i mtha' las 'byung bas sems sems byung rnams rkyen bzhi las skye bar khas blangs pa'i phyir ro/ /tha snyad du byed pa'i rgyu ni dmigs rkyen yul la brjod pas ha cang thal ba'i skyon med do/ /zhe na/ don de shes pa'i sgras dmigs rkyen 'ba' zhig bstan na yang/ dmigs rkyen kho na kun gyis sgras brjod pa la 'gal tha med de/ dmigs pa chos rnams thams cad do/ /zhes grub mtha' las 'byung bas so/ /rtsod sgrub mkhan pos don sku dmigs rkyen 'ba' zhig bstan par khas blangs kyang/ rkyen bzhi po yang/ grub mtha' las phyir dmigs rkyen du khas blangs pas/ mtha' bcod pa'i yan lag tu de ltar bkag pa'o/ /dmigs pa'i zhes pa gang ma dmigs pa'i yul de las skyes pa'i shes pa mngon sum du khas blangs pa la ha cang thal ba'i @019a @#/ /skyon med do zhe na/ mtshan nyid khyab ches te gzugs dran pa'i shes pa dang/ ro skyur ba 'dod pa dang la me ldan du rjes su dpog pa'i dran sogs kyi shes pa'ang chos can/ gang la dmigs pa'i yul de la skyes shing de'i sgo nas tha snyad 'dogs pas/ mngon sum du thal bar 'gyur zhing skyed byed kyi rgyu gzhan dmigs yul du byas pa la ltos pa ma yin pa'i phyir/ rjes dpag phyogs dang 'brel ba shes pa las skye ba thal bar 'gyur bar 'gyur ba 'di 'thad do zhe na/ rjes dpag de yang rgyu de dag las skyes kyang du ba la sogs pa gzhan dmigs pa la ltos pa ma yin yang/ me la dmigs shing de las skyes pa dang de'i sgo nas tha snyad byed pas/ mngon sum du thal ba las ma 'das so/ / gzugs dran pa'i shes pa dmigs pa de'i sgo nas tha snyad byed kyang/ de'i snga logs na med pas/ skye bar byed pa ma yin no/ /zhe na/ dngos su mi skyed kyang/ brgyud nas bskyed pas mtshan nyid khyab ches pa'i skyon sen gnas pa yin no/ /gnyis pa la gnyis/ dgag pa dngos dang/ de'i lan dgag pa'o/ /dang po ni/ gzugs la sogs pa'i rdul phran dbang shes kyi dmigs rkyen du 'dod pa de la/ yang smras pa don de las skyes pa'i shes pa mngon sum mo zhe khas blangs pa la ji ltar snang pa dang/ mthun pa'i don de las skyes pa ngon sum yin nam/ 'on de rnam pa gzhan du snang yang/ don de rgyu yin pa'i sgo nas/ dan de la mngon sum yin/ dang po ltar na/ ji ltar snang bded pa mthun par gzugs dbang @019b shes kyi dmigs rkyen du yod pa ma yin par thal/ gzugs dbang shes la rags par snang la/ rags pa rdzas su med pa'i phyir ro/ /rnam par shes pa lnga po kun rdzob kyi yul du thal/ lnga po rdul bsags pa la dmigs pa'i phyir/ khyab pa khas blangs/ bsags ba dang tshogs pa rjes su med pas/ dbang shes kyi gzung ngor med par khas blangs pas so/ /ji ltar snang ba dang mthun par dmigs rkyen du byed pa de'i phyir na/ dmigs rkyen gyis mtshan nyid ma grub po/ /gal te rags pa rjes su ma grub kyang/ don dam du rdul phra rab so so ba rnams dmigs pa'i rkyen du 'dod pa yin na/ de la mngon sum ma yin par thal/ rdul phra rab so so ba de la dmigs kyang de'i sgo nas tha snyad du ma byas pa'i phyir/ khyab pa khas blangs so/ /zha ma'i 'gyur las/ sems kyi dmigs pa lnga rnams so/ /zhes 'gyur ro/ /'on te rdul phran dbang shes kyi rgya yin pa'i sgo nas dmigs rkyen yin no zhe na/ mig gi dbang po'i rdul phran yang dbang shes kyi dmigs rkyen du thal/ de'i rgyu khyon kyi khas blangs pa'i phyir ro/ /rang 'grel du dmigs la sogs pa yang/ dmigs par bya ba nyid du thal bar 'gyur te/ de dag ni don dam par yod pas so/ /gzhan du ma yod pa ma yin pa zla ba gnyis la sogs par snang ba dang/ sngon po la sogs bar snang ba'i shes pa'i char 'gyur ro zhes bshad do/ /gnyis pa ni/ shes pa rnam pa ni gzugs kyi shes pa/ sgra'i shes pa/ zhes yul gyi tha snyad byed pa mthong ste/ yul gyi don gyi ngo bos dbon pa yang tha snyad du brjod par bya ba ma yin pas/ yul gyi sgo nas bstan par bya ba yin no/ /zhe na/ khyod ltar na yul can gyi ngo bor ji ltar yod pa dang mthun par tha @010a @#/ /snyad du ma yin par thal/ gzugs la sogs pa'i yul 'di yang/ dbang shes kyi gzung ngor cha bcas su med par rdul sil bur yod par khas blangs la/ tha snyad byed pa'i tshe spyi'i tshul gyi bstan par bya ba yin ba des na'i phyir/ 'di dag ni rtsod sgrub mkhan pos rdul phran dbang shes kyi dmigs rkyen du khas blangs pa'i sgo nas mngon sum gyi rnam gzhag byas pa la/ khas blangs nang 'gal bstan pa yin no/ /slob dpon dbyig gnyis kyi bzhed ba sems tsam du gnas pas/ rtsod sgrub slob dpon gyi bzhed pa ma yin pa bstan pa'o/ /gnyis pa la bzhi/ rigs pa can pa'i lugs dag pa dang/ bye brag pa'i lugs dgag pa dang/ ser skye ba'i lugs dgag pa dang/ dpyod pa pa'i lugs dgag pa'o/ /dang po la gnyis/ 'dod pa brjod pa dang de dgag pa'o/ /dang po ni/ rkang mig pa'i rjes 'brang rigs pa can rnams ni/ sna dang/ lce dang/ mig dang/ pags pa dang/ rna ba la sogs pa'i dbang po dang/ dri la sogs pa'i don phrad pa ni/ dbang don 'drel pa ste/ 'brel de yang sbyor ba'i 'brel ba dang/ 'du ba'i 'brel pa gnyis yin la/ de yang mig gi dbang po/ yang lag cang yi bum pa dang/ sbyor ba'i 'brel pa dang/ bum pa la yod pa'i gzugs dri sogs dang sbyor ba la 'du ba'i 'brel ba dang/ gzugs nyid kyi spyi de la 'dus ba la 'du ba'i 'brel ba dang/ gzugs la 'du 'brel grub pa'o/ mig gi dbang po la phyogs bum gdong dang/ sbyor ba'i khyad par dang/ khyad par can gyi 'brel ba grub pas/ dngos 'brel gnyis dang/ rgyud 'brel bzhi'o/ /rnam ba'i dbang po sgra dang 'du 'brel grub ste/ nam mkhas rtag khyab tu yod pas rna ba'i @020b dbang po'i nang gi nam mkha' la yang 'du zhing de'i yon tan dang 'du bas so/ /bdag ni yid dang sbyar bas rdzas su 'dod la/ dbang don phrad pas zla ba gnyis snang gi shes pa sogs mngon sum yin pa bsal lo/ /phrad pa de las skyes pa'i shes pas bem pes bsdus pa'i bde sogs bsal zhing rtags kyi sgo nas dang/ rang gi ngo bo'i sgo nas bstan par mi nus pas/ tha snyad du bya ba min pa 'khrul pa med pa 'di'o zhes zhe na pa'i bdag can gyi mngon sum mo zhes zer to/ /'grul pa med pas mig rgyu la chur 'dzin sogs pas la te/ dbang shes yin yang 'khrul par 'dod do/ /gnyis pa la gnyis/ spyir dgag pa dang/ so sor dgag pa'o/ /dang po ni/ mngon sum gyi mtshan nyid de yang rigs pa ma yin te/ dbang don phrad pa las byung ba'i blo la ni tha snyad bya ba dang/ 'khrul pa dang/ zhen pa'i bdag nyid la sogs pa srid pa ma yin pas/ dbang don phrad par grub zin nas/ mtshan nyid lhag ma la rnam bcad med pa'i phyir/ rjes dpag la sogs pa 'khrul pa srid pa'i yul la ni/ ji skad bshad pa'i phrad par du bya ba gang yin pa de la dgos pa yod drang nga yang/ dbang don phrad pa las byung ba'i shes par grub zin pa la khyad par lhag ma rnams dgos pa med pa'i phyir ro/ /mig rgyu la chur 'dzin rtog pa yin pas dbang don phrad pas bsal zin pa'i phyir/ de sel ba la ma 'khrul pa dgos pa med la/ yang ma 'khrul bas zla ba gnyis snang bsal zin pas/ de sel ba la logs su smos pa dgos pa med do/ /rkang pa gnyis po 'di zha ma'i rtse ba'i 'gyur la ma byung yang/ 'grel pa'i don la spyod na rtsa tshig tu mngon no/ /rkang pa snga ma gnyis kyi don bsdus na/ ji skad bshad@021a @#/ /ba'i don de mngon sum gyi mtshan nyid du mi rigs par thal/ dbang dan phrad pa las byung ba'i shes par grub zin nas/ lhag ma rnams la rnam bcad mi srid pa'i phyir ro/ /gnyis pa la gsum/ mngon sum gyi mtshan nyid ma khyab pa dang/ dbang po lnga'i grangs nges mi 'thad pa dang/ tshad 'bras rdzas gzhan dgag pa'o/ /dang po la gnyis/ dgag pa dngos dang/ de'i lan dgag pa'o/ /dang po ni/ sna lce lus gsum gyis dbang pos dang 'phrad nas 'dzin yang/ mig dang rna ba'i dbang pos bar dang bcas pa'i don 'dzin pa mi 'thad par thal/ mngon sum yin na dbang don phrad pa las byung bas khyab pa'i phyir/ rang gi sgras nyes pa 'og ma sdud pa'o/ /dbang po de gnyis la brten nas byung ba'i shes pas dbang po las bod tshod lhag ma'ang 'dzin pa thob par mi 'gyur bar thal/ rtags snga ma de'i phyir ro/ /yang rigs pa can pas sna'i dbang po las bod tshod lhag pa'i dri 'dzin par 'dod pas de yang mi 'thad par thal/ don dang phrad nas 'dzin pa'i phyir/ gnyis pa ni/ mig dang rna ba'i dbang po gnyis dbang rtan las phyi rol tu byang na sngon 'dzin pas bar dang bcas dang/ bod tshod lhag pa 'dzin pa 'thod zhe na/ dbang po gnyis dbang rten las phyir mi 'pho zhing/ 'phos nas yul 'dzin pa mi 'thad par thal/ de lta na dbang rten gnyis par chod 'thug pos bsgrebs kyang/ rgyang ring po'i gzugs dang sgra 'dzin dgos na de mi srid pa'i phyir ro/ /dbang po gzugs can pa gnyis phyir 'pho ru chug na'ang gzugs dang sgra'i yul la 'dzin par nus pa na/ yan par thal/ rang gi rten dang bral ba'i phyir ro/ /de @021b dbang rten kho na la gnas shing bar du chod pa dang lhan cig pa'i don 'dzin pa khas blangs par bya ba yin no/ /gnyis pa la gnyis/ dngos dang/ lan dgag pa'o/ /dang po ni/ tshor ba bde sdug sogs mngon sum gyi gzhal bya ma yin par thal/ de 'jal ba'i mngon sum la khyod 'dod pa'i mngon sum gyi mtshan nyid ma zhugs pa'i phyir/ 'am gyi sgras de mngon sum gyi gzhal bya yin na/ mngon sum gzhan yod par thal/ bde sogs 'jal ba'i mngon sum yod kyang khyod 'dod pa'i mtshan nyid de ma zhugs pa'i phyir/ dbang po lnga las gzhan yod par thal/ yid kyi dbang po dang bdag phrad pa las skyes pa'i mngon sum yod pa'i phyir/ gnyis pa ni/ grangs can gyi gzhung las ying kyi dbang po bkag pa med pa'i phyir/ yid kyi bang po yang 'thob po zhe na/ zhes ltan sna la sogs pa'i dbang po gzhan gyi sgra smos pa yang don med par thal/ de'i gzhub lugs las grub zin pa'i phyir/ gsum pa la gnyis/ tshad 'bras mi 'thad pa spyir bstan pa dang bya brag tu bshad pa'o/ /dang po ni/ dbang don phrad pa las byung ba'i zhe na cing nges pa'i mngon sum gyi don la rdzas tha dad pa'i 'bras bu med par thal/ rdzas tha dad pa'i 'bras bu la 'jog byed byed pa'i phyir ro/ /gnyis pa la gnyis/ dgag pa dngos dang/ de'i lan dgag pa'o/ /dang po ni/ gzugs nyid la sogs pa'i khyad par 'dzin pa'i shes pa yin yang tshad ma nyid las don gzhan pa khyad par can rdzas 'jal ba'i shes pa 'bras bur smra bar 'gyur ro/ /zhe na/ spyi sogs khyad chos 'jal ba tshad ma dang rdzas kyis bsdus pa'i khyad par 'jal ba 'bras bur 'dod pa'o/ /kha cig gis bsdus pa'i tshad ma de khyad par @022a @#/ /la 'jal byed du 'jug cing/ 'bras bu de las rdzas tha dad pa'i khyad gzhi la 'jal byed du 'jug pa tha dad pa ma yin par thal/ de ltar tshad 'bras kyi dbye ba 'jug pa'i yul tha dad kho nar 'gyur na de mi rigs pa'i phyir/ sta res seng ldeng gi yul bcad cing rnyed pas pa la sha chad pa 'bras bur mi rigs pa bzhin de la tshad mas ma rtogs pa'i don 'bras bur rtogs par byed pa yod pa ma yin par thal/ tshad 'bras gnyis byed pa 'jug pa'i yul gcig kho nar zad pa'i phyir ro/ /gnyis pa ni/ rnal 'byor pa rnams kyi rnal 'byor rdzogs pa na/ rang nyid gzung bya dang 'dzin pa gnyis kar 'gyur pa bzhin du khyad par 'jal ba'i shes pa tshad ma dang gzhal bya gnyis kar 'gyur ro zhe na/ tshad 'bras rdzas gzhan du 'dod pa'i lugs la de 'thad pa ma yin par thal/ de le lta na khyad par du bya ba rdzas 'jal ba'i shes pa la'ang de ltar 'gyur na'ang/ de mi rigs pa'i phyir ro/ /rang rig khas mi len cing/ tshad 'bras rdzas tha dad du 'dod pa'i lugs la/ rang nyid rang gi gzhal bya dang 'jal byed du 'gyur ba mi 'thad par bstan pa 'di ni mtha' gcod pa'i yan lag yin gyi/ rigs pa can pa'i rtsa ba'i 'dod pa ma yin no/ /gal te tshad ma ni gzhal bya khong du chud pa tsam yin la/ sngar yod kyi ma rtogs pa dang/ log par rtogs pa dang/ the tshom log pa 'bras bu yin no zhe na/ tshad ma kun la ma rtogs pa la sogs pa sngar yod log bar byed pa'i nges pa de ni yod pa ma yin par thal/ de dag sngar med kyang yid kyi bzlas ba tsam gyis kyang gzhal byar rtogs pa'i tshad ma skye ba mthong ba'i phyir ro/ /de dag sngar yod du @022b chug kyang ma rtogs pa sogs log pa de ni chos can/ tshad ma'i 'bras bur yod pa ma yin par thal/ dngos po med pas gzhal bya mi 'jal ba'i phyir ro/ /gnyis pa la gnyis/ 'dod pa brjod pa dang/ de dgag pa'o/ /dang po ni/ bye brag pa'i bstan bcos las/ gang 'brel pa 'ga' zhig las grub pa de la rdzas las mngon sum zhes bye brag pa rnams ni bdag dang/ mig la sogs pa'i dbang po dang/ yid dang/ gzugs la sogs pa'i don du phrad pa ni 'brel pa yin la/ de yang rig pa can pa'i skabs su bshad pa ltar/ dngos 'brel gnyis/ brgyud 'brel bzhi'o/ /de la kha cig thun mong ma yin pa'i rgyu yin pa'i phyir/ dbang po dang don du phrad pa tsam bar khas len la gzhan dag na re/ gtso bo yin pas bdag dang yid du phrad pa tshad ma'o zhes zer to/ /tshad ma de las gang grub yod pa nyid dang/ bum pa nyid la sogs pa'i spyi mthong ba'i sgo nas bum pa'o snyam pa dang gzugs so snyam pa la sogs pa de rjes dpag las tshad ma gzhan mngon sum dang tshad ma'i 'bras bu yin no zhes so/ /de yang gzung don nye ba 'di'o snyam du nges pa'i shes pa mtshan nyid dang tshad ma las 'bras bu don gzhan kho nar 'dod pa'o/ /don bsdus na/ dbang don dang phrad pa'i ma bdag dang yid phrad pa la brten nas spyi don gzhan mthong ba'i dbang gis 'di bum pa'o snyam ba'i rdzas nges pa dang/ sngon pa'o snyam du nges pa'i mngon sum dang/ tshad ma'i 'bras bur 'dod la/ yan lag can gyi rdzas de bum pa'i gzugs dri la sogs pa yon tan don gzhan kun gyi rdzas su 'dod do/ /gnyis pa la gnyis/ khas blangs 'gal ba bstan pa dang/ rigs pa dang 'gal ba bstan pa'o/ /dang po ni/ dbang don phrad pa las skyes @023a @#/ /ba'i shes pa mngon sum yin na/ khyod kyi bstan bcos las the tshom du gtan la phebs pa'i shes pa dag las grub pa ni/ mngon sum dang rtags can gyi shes pa dag go zhes khas blangs pa dang 'gal te/ mngon sum don la lta ba tsam yin pas/ rtog cing spyod pa mi srid la gtan la phebs pa ni brtags pa sngon du 'gro ba can yin pa'i phyir ro/ /mig dbang dang bum pa'i gzugs phrad pa tshad ma yin na/ bum pa'i rdzas kyi chos thams cad dang phrad pas mig shes kyis bum pa'i gzugs kho na rtogs la/ dri la sogs pa ma rtogs pa 'gal te/ bum pa'i chos kun dang brgyud pa'i sgo nas khyad chos 'brel par khas blangs pa'i phyir/ bdag dang yid phrad pa yang 'bras bu de dag gi tshad mar mi rung ste/ tshad 'bras gnyis byed pa 'jug pa'i yul 'gal ba mi 'thad pa'i phyir ro/ /gnyis pa la gsum/ tshad 'bras spyir dgag pa dang/ ha cing thal bas dgag pa dang/ dgag pa gzhan bstan pa'o/ /dang po ni/ yod pa nyid ces pa'i spyi chen po dang bum pa nyid la sogs pa'i spyi gnyis kyi che ba'i khyad par gzung ba la ltos nas gzugs la sogs pa'i gsal ba 'dzin pa dang/ rdzas bum pa sogs dang yon tan sngon po sogs dang/ las 'gro ba sogs la ltos nas 'di'o snyam du 'dzin pa ni mngon sum zhes sbyar bar mi bya ste/ de yang dbang po'i mngon sum chos can bum pa dkar po'i zhes sogs khyad par rnams dang khyad gzhi rdzas sbyar ba mi bya ste/ khyad gzhi khyad chos sbyar nas 'dzin pa ma yin par thal/ nges pa'i bdag nyid ma yin pas gzugs la sogs pa'i yul la blta ba'i don can tsam yin pa'i phyir khyad gzhi khyad chos @023b sbyar nas 'dzin pa ni yid kyi blo yin gyi dbang shes ma yin te/ gzhan dun dri mngar rno snyam pa yang mngon sum du thal/ 'di'o snyam pa'i blo yin pa'i phyir/ 'dod mi rig spar thal/ dri ro gnyis dbang shes gcig gis gzung yul du 'gal ba'i phyir ro/ / gcig ma yin pa du mar thal/ gzugs 'dzin mngon sum gyi yang gzung don yin/ dri ro sogs 'dzin pa'i mngon sum gyis kyang khyod gzung don du byas nas 'dzin pa'i phyir/ gzugs dri ro sogs kyang gcig tu 'gyur bar thal/ gzugs 'dzin mngon sum gyis kyang dri so la sogs pa'i rdzas gzung don du byed/ de dag 'dzin pa'i mngon sum gyis kyang gzugs kyi rdzas gzung don du byed pa'i phyir/ gnyis pa ni/ bum pa la sogs pa'i rdzas gcig tu mngon sum gyis grub la/ gzugs dri sogs du mar mngon sum gyis grub ste/ dper na yod pa nyid gcig yin yang/ dbang po thams cad kyi yul yin pa dang/ yon tan nyid cha med kyi gcig yin yang/ dbang po thams cad kyi yul yin pa bzhin gzhan la yang mthong bas gzugs sogs gcig dang/ rdzas du mar mi 'gyur ro zhe na/ dbang shes mi 'dra ba du ma rdzas gcig ko na gzung don du byed pa mi 'thad par thal/ bum pa'i gzugs so snyom pa dang bum pa'i dri'o snyam pa sogs dbang po'i sgo las dbang shes gzhan gyi gzung yul gyi rdzas dang dbang shes gzhan gyis gzung yul du byas nas mthong ba ma yin pa'i phyir ro/ /der thal/ de ltar na gzugs la sogs pa'i yul 'dzin pa la dbang po gcig kho na las dgang po gzhan don med par 'gyur ba'i phyir/ gzugs dri sogs dbang po @024a @#/ /gcig gis 'dzin nus pa ma yin te/ tha dad pa'i phyir ro zhe na/ tha dad pas dbang po gcig gis 'dzin mi nus pa nges pa yod pa ma yin par thal/ dbang shes gcig gis sngo ser sogs rang yul thams cad kyang 'dzin nus pa'i phyir ro/ /gzugs la sogs pa kun mig la sogs pa'i dbang po kun gyis 'dzin par 'gyur par thal/ dri 'dzin gyis kyang reg bya'i rdzas 'dzin/ reg bya 'dzin pas kyang dri'i rdzas 'dzin pa'i phyir/ skyon med de/ gzugs la sogs pa la gzugs nyid la/ reg bya nyid la sogs pa khyad chos mi 'dra ba so sor nges pas/ yul kun dbang po kun gyis 'dzin pa ma yin no zhe na 'o na mig shes dang/ reg bya 'dzin pa dag gis rdzas dang grangs dang/ las la sogs par mi 'dzin par thal/ rdzas dang grangs dang las la sogs la gzugs nyid dang reg bya nyid yod a ma yin par 'dod pa'i phyir/ gsum ga khas blangs so/ /gang la gzugs nyid dngos su 'du 'brel grub pa de mig gis nges par 'dzin la/ de bzhin du reg bye nyid la sogs pa la yang shes par bya zhing/ rdzas la gzugs yid la sogs 'du 'brel grub pa'i nges pa med pa'i phyir/ gzugs 'dzin pa'i tshe rdzas 'dzin par ma nges shing gzugs la smig gi dbang po 'jug pa'i tshe/ reg bya med par gzung nas gzugs nyid yod par mtshon pa'o zhe na/ de lta na'ang mdo dang 'gal zhing rigs pa dang yang 'gal te/ dbang po gcig gis med par gzung ba dbang po gzhan gyi gzung yul du byed pa mi 'thad pa'i phyir ro/ /'grel par mdo dang 'gal bar gsungs pa ni/ bye brag pa ni rang gis khas blangs pa dang @024b 'ga' ba yin te/ yon tan 'dzin pa'i tshe rdzas dang sbyar nas/ nges par 'dzin par khas blangs pa dang 'gal ba'o/ /gsum pa la gnyis/ mngon sum gyis mthong ba'i lan dgag pa dang/ de'i yan dgag pa'o/ /dang po ni/ nyin par bum pa'i kha dog dmar po mig gis mthong nas/ mun khung du bum pa'i reg bya la reg pa'i tshe/ 'di di ring gi bum pa dmar po'o/ /snyam pa'i mngon sum gyis reg bya dang kha dog gi rdzas gnyis ka blo gcig gis gzung yul du byed pa mthong ba ma yin nam zhe na/ de bzhin du mtshan mo bum pa'i reg bya la reg nas/ nyin par bum pa'i kha dog mthong ba'i tshe/ 'di tshan mo'i bum pa rtsub po de'o snyam pa la yang sbyar ro/ /bu pa'i kha dog reg bya 'dzin pa la sogs pa'i dbang po gzhan gyi spyod yul ma yin par thal/ kha dog gi rdzas reg bya 'dzin pa'i mngon sum gyi gzung yul du med pa'i phyir/ de bzhin du cig shos la yang sbyar ro/ /'di di ring gi bum pa dmar po'o snyam pa'i blo chos can/ mngon sum min par thal/ bum pa'i kha dog dang reg bya lhan cig rgyu ba dran pa'i yid blo rtog pa yin pa'i phyir/ mngon sum gyis gzung ngo snyam pa ni blo'i 'jug tshul mi shes pa'i rtog ge ngan pa rnams kyis btags pa yin no/ /gnyis pa la gnyis/ 'dod pa brjod pa dang/ de dgag pa'o/ /dang po ni/ bum pa dmar po'o snyam pa na rdzas dang yon tan gyi yul de dbang po gcig gi gzung yul du 'dod de/ khyad par byed chos ma gzung bar khyad gzhi 'dzin pa mi srid pa'i phyir/ dper na/ shes pa gcig gis dbyug pa dang/ dbyug pa can khyad gzhi khyad chos sbyar nas 'dzin pa bzhin du/ yod pa nyid dang/ de dang ldan pa dang/ yon tan @025a @#/ /dang rdzas kyang mngon sum gcig gis khyad gzhi khyad chos sbyar nas 'dzin par 'dod ce na/ dang po ni/ reg bya'i rdzas dang/ kha dog mngon sum gcig gis sbyar nas 'dzin te/ reg bya dang ldan pa'i bu pa 'di dmar po'o snyam pa'i blo skye ba mthong ba'i phyir/ ces pa'o/ /gnyis pa la gsum/ khas blangs 'gal ba dang/ khyad pa ma nges pa dang/ rigs pa dang 'gal ba gzhan bstan pa'o/ /dang pa'o/ /dang po ni/'o na rdzas rten don gzhan gang la brten par mi 'dod pas/ de ltar mi 'dod pa la'ang yon tan dang/ las la sogs pa la yan lag can gyi rdzas bsten par thal bar 'gyur te/ sngon po la sogs pa'i yon tan dang/ 'degs 'jog la sogs pa la yan lag 'di dag rdzas dang ldan na snyam pa'i blo skye ba mthong ba'i phyir/ gnyis pa ni/ gzhan yang khyad pa ma nges so/ /kha dog dang reg bya de ni khyad chos kyi dbang po tha dad kyi gzung bya yin pas rdzas gzhan du brjod par bya ba yin na dang/ gos la sogs pa la dro snyam pa'i blo skye ba mthong bas mig gis kha dog dang/ reg bya gnyis ka gzung bar thal/ 'dod na/ de gnyis gcig tu thal/ dbang po gcig gis gzung pa'i phyir/ kho bo cag ltar na/ dbang po rigs gcig pa du mas gzung bas/ du mar mi 'gyur zhing/ gcig gis gzung bas gcig yang mi 'gyur ro/ /dbang po tha dad med kyang zhes gang brjod pa dbang po tha dad kyi tha dad las du mar sgrub par bya bar brjod pa ni ma yin te/ dbang po tha dad pa de du ma kho na'o zhes brjod pa yin pa so/ / gsum pa ni/ mig la sogs pa'i dbang po tha dad med kyang 'dzin byed kyi blo so so tha dad du nges pa'i phyir ni rdzas tha dad du bzhag dgos na rnyed dgos la gzhan du na tha dad med pa rgyu mtshan las kyang bzhag tu med par 'gyur/ zha ma seng rgyal gyi rtsa ba dang 'grel ba'i 'gyur ma mthun la/ 'grel pa'i @025b 'gyur ltar na/ 'jig rten gyi blo dang dbang po tha dad kyi bzung byas sor nges pa de ni tha dad kho nar nges pa yin gyi/ rgyu mtshan gang las gcig yin te/ gcig tu 'grub pa'i go skabs med pa'i phyir ro/ /gzhan du na/ gcig dang tha dad gang yang bzhag tu med par 'gyur ro/ /don bsdus na/ dbang don phrad pa tshad ma dang rdzas dang yon tan sogs la 'di'o snyam pa'i mngon sum dang tshad ma 'bras bur khas blangs shing/ rdzas cha med gcig dang/ de la brten pa'i yon tan rnams rdzas tha dad dang/ gzugs 'dzin pa'i blos dri ro la sogs pa'i dri 'dzin pa dang/ de dag 'dzin pa'i blos gzugs kyi rdzas 'dzin par khas blangs pas/ nyes pa 'di dag 'jug pa yin no/ /gzugs kyi rdzas dang dri la sogs pa'i rdzas chos can/ cha med gcig tu mi 'thad par thal/ dbang po mi 'dra ba du ma la brten pa'i mngon sum gyis rdzogs par gzung don du byed pa'i phyir/ ces pa'o/ /khyab pa yod de/ gzhan du na rdzas gcig dang tha dad gang yang bzhag mi nus par 'gyur ro/ /gsum pa la gnyis/ 'dod pa brjod pa dang/ de dgag pa'o/ /dang po ni/ drang srong ser skya'i rjes su 'brang ba ser skya ba rnams kyis ni rjes dpag tshad mar ma zad mngon sum tshad ma yod pa'i phyir/ rna ba la sogs pa'i 'jug pa mngon sum du 'dod de/ rna ba dang/ pags pa dang/ mig dang lce dang/ sna rnams yid kyis byin gyis brlabs nas sgra dang reg bya dang/ gzugs dang ro dang dri rnams la rim pa ji lta ba bzhin 'dzin pa la 'jug bzhin pa ni/ mngon sum tshad ma'o/ /yid kyi 'jug pa ni/ yid rnag bzhin dang/ rnam 'gyur tha dad med par 'dogs par byed do/ /byin gyis brlabs pa'i don ni/ kha @026a @#/ /cig yid dang dbang po yul la lhan cig 'jug pa'i don du 'dod la/ grangs can kha cig na re/ yid kyis rig pa'i don de/ dbang pos don gzung ba'i rjes su yid kyis rig par byed pa dang/ de'i rjes su blos zhen par 'dod do/ dbang po rnams kyi kyi 'jug pa ni/ rang gi yul nye ba na/ yul de'i rnam par 'gyur pa'o/ /de yang rkyen dang bcas pa dang rkyen med pa'/ /dang po ni/ lcags bsregs pa na/ me lcags rdzas gcig ma yin yang/ rdzas gcig pa lta bur 'byung ba bzhin du/ sems dbang can gyis yul myong ba na/ yul dang 'dres pas yul rnams myong ba'i ngo bo min yang/ myong ba'i ngo bo lta bur snang ba'i skabs so/ /de la rkyen med pa ni/ sems dbang can sgron mo'i 'od lta bur yul gsal bar byed pa yin gyi/ yul dang 'dres pa lta bur snang ba ma yin pa'i skabs te/ ka cig snga ma tshad ma dang phyi ma 'bras bur 'dod do/ /gzhan dag yul 'dzin pa la 'jug bzhin pa mngon sum tshad mar 'dod do/ /kha cig gi yul cig shos kyis mi 'dzin par so sor nges pa kho na yin no zhes zer to/ /gnyis pa la gsum/ grangs can snga rabs pa'i lugs dgag pa dang/ phyi ma gzhan gyi lugs dgag pa dang/ mngon sum tshad ma'i mtshan nyid khyab chung ba'o/ /dang po la gnyis/ mngon sum tshad ma lnga'i grangs nges dgag pa dang/ gzhal bya 'jal tshul brtags la dgag pa'o/ /dang po la gnyis/ dgag pa dngos dang/ de'i lan dgag pa'o/ /dang po ni/ de la 'on pa la dbang po dgu yod kyang/ sgra mi thos pas sgra rna ba kho na'i yul yin la/ @026b yon tan gsum gyi 'phel 'grib kyi khyad par las/ sgra'i rigs 'dzin par 'dod pas/ sgra gcig bu yang dbang po dpag tu med pas 'dzin par thal/ sgra gcig bu la ltos te/ yon tan gsum gyi 'phel 'grib kyi mtha' thug pa med pa'i phyir 'dod na ngon sum tshad ma lngar grangs nges pa nyams shing khyab pa khas blangs so/ /'am gyi sgras yon tan gsum gyi gsum gyi rang bzhin gcig yin pas/ sgra'i rigs gcig kho na 'dzin pa'i phyir thug med du mi 'gyur re zhe na/ de lta na dbang po gcig kho nar 'gyur bar thal/ sgra dang reg bya rang bzhin gcig pas/ rna ba'i dbang pos sgra 'dzin pa bzhin du reg bya yang 'dzin dgos pa'i phyir/ gnyis pa ni/ sgra la sogs pa'i de tsam lnga yon tan gsum gyi bkod pa'i dbyibs yin la sgra'i bsal ba rnams la/ sgra'i rigs tha mi dad pa'i dbyibs yod kyang/ reg bya sogs la med pas rigs mthun yul kho na 'dzin gyi/ rigs mi mthun pa mi 'dzin pas skyon med de zhe na/ yang las dbang gis dbang po grub kyi yul gyi dbang gis 'dzin pa min nam/ ci star skyon dang 'gyur zhe na/ kho bo cag las dbang gyis grub par 'dod kyang/ khyod skyes bu'i 'dod pa'i rjes su byed par 'dod pas/ dbang po gcig kho nas skyes bu'i don thams cad phun sum tshogs na/ rang bzhin dbang po gcig kho na'i rnam par 'gyur la/ du ma dgos na du ma'i rnam par 'gyur par 'dod pas skyon de 'jug pa'o/ /dbyibs dbang po gnyis gyi gzung bya yin par thal/ mig shes dang/ reg bya 'dzin pa'i shes pas gzugs dang/ reg bya gzung ba'i tshe ring po dang thung ngu la sogs pa'i @027a @#/ /dbyibs kyi blo skye ba ma mthong ba'i phyir/ da tsam lnga yon tan gyi dbyibs kyi khyad par kho nar 'dod na sgra dang dri dang ro rnams mngon sum du 'dzin pa mi 'thad par thal/ dbyibs ni rna ba dang sna dang lce gsum gyi spyod yul ma yin pa'i phyir; yul gcig la yang dbyibs du ma nges par yod par thal/ yul de'i rigs kyi dbye ba du ma yod pa'i phyir dang/ dbyibs la khyad par cung zad med na/ gser gyi skyogs dang/ rna rgyan sogs kyi dbyibs kyang tha dad med par 'gyur par thal lo/ /gnyis pa la gnyis/ dbang po'i 'jug pas rigs kho na 'dzin pa dgag pa dang/ yon tan gsum gyi khyad par du byas nas rigs 'dzin pa dgag pa'o/ /dang po ni/ sgra la sogs pa'i don gyi rang bzhin bde sogs dbang pa'i 'jug pas 'dzin par mi 'gyur par thal/ dbang pa'i 'jug pas sgra la sogs pa'i rigs sam/ dbyibs kho na 'dzin pa'i phyir/ rna ba'i 'jug pas po wang gi sgra dang/ snga'i sgra la sogs pa'i don gyi bye brag mi 'dra bar 'dzin par mi 'gyur par thal/ rna ba mi 'dra ba'i khyad par med pa'i dbyibs tsam 'dzin gyis/ sgra la sogs pa'i rang bzhin mi 'dzin pa'i phyir ro/ /sgra'i rang bzhin 'dzin na'ang yid kyi 'jug pa bzhin du rnam par rtog par 'gyur par thal/ sgra'i rang bzhin dbyibs kyi khyad par du byas nas 'dzin pa'i phyir ro/ /gnyis pa la gnyis/ bde sogs dang sgra'i rang bzhin so sor 'dzin pa'i dgag pa dang/ bsdoms nas 'dzin pa'i dgag pa'o/ /dang po ni/ rna ba la sogs pa'i dbang po'i 'jug pa chos can/ yid kyi 'jug bzhin du rtog pa gnas skabs de las ma 'das thar thal/ khyad gzhi khyad chos sbyar nas 'dzin ba'i @027b phyir/ snying stobs sogs sgra la sogs pa'i rang bzhin ma yin par thal/ de gnyis 'brel ba med pa so sor 'dzin pa'i phyir de gnyis rang bzhin gzhan ma yin pas so sor mi 'dzin no zhe na/ sgra sogs snying stobs la sogs pa'i 'bras bu ma yin pa'am/ snying stobs sogs de tsam lnga'i rgyu ma yin par thal/ de gnyis rang bzhin gzhan ma yin pa'i phyir/ snying stobs dang bde sogs rnam grangs yin la/ de gsum cha mnyam pa'i gnas skabs gtso bor 'dod do/ /bde sogs dang sgra sogs mngon sum gyi so so kho na gzung bya ma yin bar thal/ rang bzhin gzhan nyid min pa'i phyir/ gnyis pa ni/ de tsam lnga dang bde sogs so sor mi 'dzin gyi bsdoms nas 'dzin no zhe na/ mngon sum gyi de tsam lnga dang bde sogs bsdoms nas 'dzin pa min par thal/ sna tshogs kyi rnam par gzung bya la tha mi dad kyi rnam pa 'dzin pa mi 'thad pa'i phyir/ dbang po lnga g.yul mtshungs par 'gyur par thal/ de tsam dang bde sogs bsdoms nas 'dzin pa'i phyir/ 'dod na/ dbang po gcig tu thal lo/ /rang rang gi dbyibs kyi khyad par du byas nas 'dzin no zhe na/ dbyibs gcig kho na 'dzin pa min par thal/ gzugs kyi rigs gcig la yang/ dbyings tha dad kyi sgo nas du mar 'dzin pa'i phyir/ gnyis pa la gnyis/ 'dod pa brjod pa dang/ de dgag pa gnyis/ dang po ni/ ser skya bsdam rnams ni/ rnam 'gyur rnams kyi bde ba la sogs pa'i rang bzhin gcig dang/ de yang cha med du 'dod la/ sngon kyi ser skya ba'i lugs las 'das par smra ba'i grangs can gyi bye drag kha cig mi 'dod do/ /de yang sgra rang gi rang bzhin yon tan gsum po dang tha mi dad pa yin la/ rigs gzhan @028a @#/ /yang tha mi dad pa ma yin pas/ reg bya la sogs pa'i gsum po gzhan gyi gzung bya ma yin la/ des na/ de tsam lnga'i yon tan la mi 'dra ba'i khyad par yod pas dbang po rang rang gi yul la dbang byed pa yin pas/ dbang po gcig kho nar thal ba'i skyon med la/ rang rang gi yul la 'jug pa'i dbang po la rang gi bya brag yod pa ma yin pas dbang po thug med du mi 'gyur ro zhes zer to/ /grangs can phyi ma 'dis sgra'i bye brag so so la yang/ yon tan gyi rdul phran rdzas tha dad par yod la/ re re'i yon tan gsum yang rdul phran tha dad cing/ sgra'i rang bzhin du rnam par mi 'gyur pa'i tshe gtso bo zhe bya la/ 'dus nas rna ba'i gzung byar gyur pa'i tshe sgra dang rnam 'gyur zhes bya'o/ /de bzhin du gzugs la sogs pa dang/ mig gi dbang po sogs la yang khas blangs so/ /gnyis pa la bzhi/ rang bzhin gtso bo thug med du thal ba dang/ yon tan rnam par 'gyur ba'i sgra sogs mi 'thad pa dang/ de 'dod na/ khas blangs 'gal ba dang/ sgra 'ga' zhig gis brjod pas don tshan gcig tu mi 'thad par thal lo/ /dang po ni/ sgra lta bu gcig gi yang gtso bor rdul phan so sor thug med du yod par thal/ sgra'i bye brag de'i ngo bos rigs las tha dad pa'i gtso bo rdul phra rab thams cad ni so sor yod pa'i phyir ro/ /gnyis pa ni/ yon tan gsum 'dus pa las byung ba'i sgra'i rdul phrar ba rnams rna ba'i dbang po'i gzung byar 'gyur la/ bde ba'i rdul phra rab rnams 'dus pa rang gis rig par bya ba'i bde bar 'gyur zhing/ rigs mi mthun pa gzhan gyi gzung bya dang/ 'dzin byed @028b du 'gyur pa ma yin no zhe na/ sgra'i yon tan bde sdug gti mug gsum gyi rdul phran rdzas tha dad pa gsum rab tu sbyor ba'i bye brag las rna ba'i dbang po'i gzung byar gyur pa'i sgra'i rnam 'gyur gyi bsdus pa'i 'bras bu'i ngo bo gsum mngon sum gyi yul du mtshon par byed pa mi 'thad par thal/ yon tan gyi rdul phan gsum po'i rang bzhin du rnam 'gyur sgra gcig bu'i ngo bor gyu mtshan gang gis 'gro ste/ rgyun ldan gsum rang bzhin de las ma 'phos bzhin du 'gyur pa mi 'thad pa'i phyir/ bye brag smos pa ni/ bye brag pa 'dod pa'i rdul phran gnyis phrad nas brtsams pa las khyad par du byas pa'o/ /rdul phan gsum po rang bzhin de las ma 'phos bzhin du gcig tu 'gyur pa mi 'thad par thal/ rgyu rigs mi mthun gzhan bskyed cing rab tu sbyar bar gzhan gyi 'dod pa ma yin pa'i phyir/ 'dod na/ rgyu 'bras rigs gcig kho nar khas blangs pa dang 'gal lo/ /bzhi pa ni/ sgra sgra'o zhes pa'i brjod pa gcig thos pas/ rang nyid kho na'o zhe na/ yon tan gyi rdul phan gsum 'dus pa las/ sgra dang rna ba la sogs pa'i don gyi rang bzhin yon tan gsum gyi rdu phran sogs du ma ste du ma'i rang bzhin yin la dbang po'i mngon sum gyi yul du ni rnam 'gyur khyad par can gcig kho na 'dzin pa'i phyir ro/ /de phyir dbang po dang de tsam lnga so so re re'i dngos po la rang bzhin yon tan gyi rdul phran gsum gsum yod par khas len pa ni/ grang can kha cig gi lugs las khyad par 'phags shing nyes pa cung zad chung ba tsam du zad kyi de yang skyon dang bcas pa kho na'o/ /gsum pa la gsum/ yid @029a @#/ /kyi 'jug pa bde ba'i dbang po gzugs can gyi 'jug pa dang/ lhan cig bar dran par 'dod pa dgag pa dang/ dran pa gzhan du 'dod pa dgag pa'o/ /dang po ni/ yid kyi 'jug pa de sngar bshad pa'i mngon sum gyi mtshan nyid zhugs pa'i tshad mar brjod pa ma yin par thal/ dbang po'i mngon sum dang yul gcig ma yin/ rtags la mi brten pas rjes dpag ma yin zhing/ tshad mar ston pa'i tshig gzhan yang med pa'i phyir ro/ /des na mngon sum tshad ma'i mtshan nyid khyab chung bar 'gyur te/ de mngon sum du khas blangs shing/ mtshan nyid des ma bsdus pa'i phyir ro/ /yang khyod kyi phyi dan la dbang pos zhen par byed/ de la yid kyis rjes su zhen par byed/ yang yid kyi zhen pa de la dbang pos rag par byed pa mngon sum du khas blangs kyang/ 'dir ma bsdus/ gnyis pa ni/ tshad mar ma 'dus pa'i nyes pa de ni med do/ /rna ba la sogs pa'i dbang po'i 'jug pa ni phyir rol gyi don la mngon sum yin la/ yid kyi 'jug pa ni/ don dang dbang po'i 'jug pa gnyis ka 'dzin pa'i dan pa mngon sum du gyur pa yin la; de yang dbang po'i 'jug pa dang/ lhan cig pa yin no zhe na/ yid kyi 'jug pa de yul de dag dran pa'i blo ma yin par thal/ yul de dag sngar nyams su ma myong ba'i phyir/ yid kyi 'jug pa dang/ dbang po'i 'jug pa dran pa dang/ dran yul du mi 'thad par thal/ dus cig car gnyis ka 'byung bar 'gyur pa'i phyir/ yid kyi 'jug pa de ni chos can/ tshad ma ma yin par thal/ dran pa yin pa'i phyir/ kho bo cag dang rig khas len pa la ni/ nyes pa 'di dag med la/ khyod kyi gzhung nas bshad @029b ba'i dran pa ni/ long ba'i gom ba 'dor ba rang 'dra bar zad do/ /yid kyi 'jug pa de chos can/ phyi rol don dang dbang po'i 'jug pa la dmigs pa'i dran pha nyams pa'am ste/ dran par mi 'gyur bar thal/ yul de dag sngar nyams su ma myong ba'i phyir ro/ / 'am ni rtag pa'i don te/ snga ma dang don cung zad mi 'dra ste/ 'di ni bstan bcos las phyi rol kho na la yid rjes su zhes par bshad pas/ dbang po'i 'jug pa dran na bstan bcos kyi don nyams pa'o/ /dran pa yin na'ang/ gzhan mthong ba na/ gzhan dran bar 'gyur na yang da ni mi rigs te/ lhas byin gyi myong ba mchod sbyin gyi dran pa mi rigs pa'i phyir ro/ /lang na gzhan gyi myong ba de las kyang/ gzhan gyis dran pas gzhan ltar 'gyur zhes bshad do/ /gsum pa ni/ nyes pa de dag med de/ phyi rol gyi don la yid kyi 'jug pas rjes su dran par byed pa yin no zhe na/ 'o na/ dbang pos gzung ba'i rjes la yid kyis 'dzin par byed/ yid kyis gzung ba'i rjes la/ dbang pos ji lta ba bzhin rig par byed pa de rnam par gsal bar thal/ dran pas lhag par brjod phyir na ste/ yid kyi 'jug pas rjes kho nar dran pa'i phyir ro/ /phyi rol gyi don 'dzin pa la mig la sogs pa'i dbang po gzhan don med du 'gyur par thal/ yid blo rtog pas phyi rol gzung don du byed pa'i phyir ro/ /bzhi pa la gnyis/ 'dod pa brjod pa dang/ de dgag pa'o/ /dang po ni/ dpyod ba pa rnams ni don la yod pa dang/ yid kyi dbang po dang/ mig gi dbang po la sogs pa yang dag par phrad nas/ skyes pa'i skyes bu'i mig la sogs pa'i dbang po rnams kyi blo dang/ mngon sum mo zhes zer to/ / @030a @#/ /blo skyes ba'am blo ske ba zhes las kyi rang du byas nas skyes bas khyad par du byas pa'i blo mngon sum yin te/ skye ba med pa ni/ mngon sum du mi rung ba'i phyir ro/ /yang na blos khyad par du byas ba'i skye ba mngon sum mo zhes pa'o/ / phrad pa ni dbang po'i don 'dus pa'i/ /dbang po zhes pas yid kyang bsdus te/ bdag dang yid phrad pa las bdag gi yul can gyi blo mngon sum du shes par bya'o/ /gnyis pa la gnyis/ mngon sum tshad ma'i mtshan nyid dgag pa dang/ tshad 'bras don gzhan du 'dod pa dgag pa'o/ /dang po la gsum/ yod pa zhes smos pa'i tshig la rnam bcad med pa dang/ mtshan nyid kyi zur du dbang don phrad pa smos pa khyab chung ba dang/ blo'i skye ba zhes smos pa la rnam bcad med pa'o/ /dang po la gsum/ don de phrad pa smos pas rtogs zin pa dang/ de'i lan dgag pa dang/ dbang po skyon med dang phrad par rtogs pa'i don can yin pa dgag pa'o/ /dang po ni/ mngon sum gyi mtshan nyid bshad pa de la mtshan nyid kyi zur du yod pa dang zhes smos pa don med par thal/ yod pa'i bsal bya med ma skye/ don de yod par rtogs pa nyid kyis don de med pa sel bar byed pa phrad ces pa phrad par rtogs pa las/ don de yod par rig par bya ba ste/ yod par rtogs shing med pa sel nus pa'i phyir ro/ /gnyis pa la gnyis/ rtsod pa dang lan no/ /dang po ni/ dbang po dang phrad nas blo skye'o zhes smos pa'i tshe/ gang dang phrad snyam du dogs na lan du yod pa'i don dang phrad pa go ba'i ched du yod pa bstan ce na/ ces pa dang/ yang kha cig rnal 'byor ba'i shes pa 'das ma 'ong gi don da lta med @030b pa shes pa mngon sum du 'dod pa dgag pa dang/ zla ba gnyis snang gi shes pa dang/ mig rgyu la chur 'dzin sogs mngon sum yin pa dgag pa'i ched du yod pa dang/ phrad pa smos pa yin no zhe na/ gnyis pa ni/ de ltar na yang yod pa logs su smos pa'i dgos pa med par thal/ mig dang phrad ces pa lta bu dbang po'i khyad par du byas nas brjod rigs kyi gzhan du dgos pa med pa'i phyir/ bdag dang yid phrad pa la sogs go ba'i ched du/ spyi sgra yod pa smos pa yin no zhe na/ de lta na yang bdag dang yid yod pa tsam phrad par rtogs pa rgyu ru yod pa logs su smos dgos pa min bar thal/ de ma smos kyang spyir yod pa tsam dang phrad par grub zin pa'i phyir/ zla ba gnyis snang sogs mngon sum yin pa bcad pa'i ched du smos pa yang rigs pa ma yin te/ de yang yang dag par phrad nas skye ba zhes pas bsal zin pa'i phyir/ rgyu mtshan gang gis yod pa dang zhes brjod mi rigs par thal/ mtshan nyid kyi zur de la rnam bcad med pa'i phyir/ ci ste yod pa dang zhes pa'i sgra smos pa'i dgos pa ni/ don dam par yod pa dang/ dbang po phrad bas dbang po don dam par 'dod cing/ med pa'i don dang phrad pa dgag /yang dbang po mdzes par te dbang po skyon med pa dang phrad pa las skyes pa'i blo mngon sum du go ba'i ched du brjod pa lan pa'i phyir/ gsum pa la gsum/ rtsod pa dang/ lan dang/ 'jig rten du grags pa'i lan dgag pa'o/ /dang po ni/ dbang po skyon med dang phrad par rtogs pa'i don du yod pa dang phrad ces smos pa yin no zhe na/ gnyis pa ni/ dbang po don dam par grub pa dang mdzes pa skyon med pa de dang phrad pa las skyes par grub @031a @#/ /pas mngon sum du mi rtogs par thal lo/ /mig sman mig la byugs pa dang/ rkang pa rdul gyis byugs pa la sogs pa gzhan lam kyang dbang po skyon med grub pas de dag dang/ dbang po sbyar ba las skyes pa yang mngon sum du thal bar 'gyur pa'i phyir/ des na dbang po skyon med grub pa'i ched du yang/ yod pa la sogs smos pa dgos pa med do/ /gnyis pa la gnyis/ dang po ni/ gzhan la 'gro ba'i bya ba yod kyang/ 'gro ba'i skra ba lang la 'dzin na grags pa de ltar yod pa'i sgra dbang po'i gzung don la grags pas yod pa'i sgras dbang po dang phrad par bya ba'i don go ba'i ched du ydo pa smos pa rtag drang na/ gnyis pa ni/ de gnyis dpe mi mtshungs par thal/ 'jig rten 'gro ba'i sgra ba lang la grags pas/ des pa lang tshon nus kyang yod pa'i sgra de dang dbang po'i yul la thun mong min pa grags pa min pas/ des de mtshon nus pa ma yin pa'i phyir/ gnyis pa ni/ mngon sum gyi rgyur gyur pa'i dbang po dus kun tu don dang phrad nas mngon sum gyi blo skyed drang na/ mtshan nyid mtshan gzhi la ma khyab par 'gyur te/ dbang pos don par du ma chod pa phrad nas 'dzin pas khyad par 'dod pa la rigs pas gnod par thal/ mig dang sna'i dbang pos gzugs sgra bar du chod pa dang/ rang las bong tshod chen po'ang 'dzin par mthong ba'i phyir/ phrad nas 'dzin na ri bo la sogs pa'i chen po 'dzin par mngon sum gyi mthong ba dang 'gal lo/ /gsum pa la gnyis/ blo'i skye ba zhes smos pa la gnod pa med par thal ba/ @031b dgag pa gzhan bstan pa'o/ /dang po ni/ 'grel pa byed pa kha cig / mtshan nyid ston pa'i tshig de dag gis/ mngon sum gyi blo yi rgyu yi tshogs brjod pa por nas/ tshad ma'i 'bras bu blo'i skye ba las gzhan ma mthong bas/ gang las blo skye bar grub pa de mngon su mtshan mar 'dod do/ /ci ste don kho na mngon sum gyi rgyu yin pa'am ste yin par thal/ mtshan nyid kyi tshig des dbang don phrad pa mngon sum du ston gyi de las skyes pa'i blo mngon sum ston pa ma yin pa'i phyir ro/ /'dod a blo'i skye ba zhes ci'i don dgos pa med par thal/ khyod ltar na yod pa dang yang dag par phrad pa'i skyes bu'i dbang po rnams mngon sum mo zhes smos pas chog pa'i phyir/ dpyod pa pa'i 'grel byed kha cig 'dod pa bkag pa yin pas/ don la dpyad na 'di ltar gsal te; dbang don phrad pa las skyes pa'i blo mngon sum dang/ yod pa dang phrad pa sogs kyis mngon sum gyi blo'i rgyu'i gtso bo gsungs pa rgyu brjod pa bor nas blo tshad ma'i 'bras bu dang/ rgyu gang las slob pa'i don dang phrad pa'i dbang po de tshad mar 'dod pa'o ci ste de ltar na don kho na khyod 'dod pa'i mngon sum de'i rgyu yin pa'am yin par thal lo/ /'dod na blo'i skye ba zhes sam/ dbang don phrad pa las skyes pa'i blo de zhes ci bsnan te smos pa la dgos pa med par thal lo/ /gnyis pa la gnyis/ dbang yid phrad pa sogs mngon sum dang/ de'i rgyu gang du yang mi 'thad pa yang/ dbang don phrad pa las byung ba'i phyir ba lang ngo snyam pa sogs mngon sum du 'thad pa'o/ /dang po ni/ don dang dbang po phrad pa dang/ /yid skye sbyar zhing phrad pa dang/ /bdag gi yon tan 'du @032a @#/ /byed pa/ /sogs spyod pa pa khyod kyis de las rdzas gzhan pa'i mngon sum gyi blo skye ba'i rgyu'i tshogs par brjod pa de de dag gi rgyur ji ltar 'thad de mi 'thad par thal don dang phrad pa'i dbang po'i mngon sum du khas blangs pa'i phyir dang/ bdag yid phrad pa bdag gi yul can gyi mngon sum skyed dang/ de'i yul can gyi blo mngon sum du me 'thad pa'i phyir dang/ bdag gi yon tan 'du byed kyang ni shes pa'i rgyur mi 'thad pa'i phyir ro/ /bdag gi yon tan 'du byed ni shes pa bskyed pa'am nyer len la 'du bya'i shugs kyi tha snyad btags pa'o/ /gnyis pa la gnyis/ rgyas par bshad pa dang/ don bsdu ba'o/ /dang po la gsum/ dbang po'i mngon sum las khyad gzhi khyad chos sbyor ba'i cus pa med pa dang/ de'i rgyu mtshan dang; phyi don gzhan gzung ba'i sgo nas khyad gzhi khyad chos sbyor ba mi 'thad pa'o/ /dang po ni/ dbang don phrad pa las/ 'di ba lang kho na'o snyam pa'i nges shes skye ba de mngon sum mo zhe na/ khyad par gyi chos pa lang nyid dang/ rjes pa lang sogs khyad gzhi khyad chos su sbyor ba las ni/ don pa lang nyid sogs su gzung nas/ 'jal bar byed pa ma yin par thal/ dbang po'i blo la khyad gzhi don rnams dang/ khyad chos sbyor ba'i nus pa yod pa ma yin pa'i phyir/ gnyis pa ni/ dbang mngon la khyad gzhi khyad chos dang brjod bya rjod byed sogs sbyor ba'i nus pa med par thal/ rang rang gzhan dang ma 'dres pa'i rig bya'i don rang mtshan brda sbyor ba'i shes pa la gsal bar bstan bya ma yin pa'i tshul thun mong ma yin pa'i ngo bo dbang po'i @032b mngon sum gyi gzung ma yin pa'i phyir/ 'di'i don sngar bstan zin pa la bsams nas/ rkang pa gnyis po 'di rtsa tshig tu ma bris pa ni don ma rtogs pa'o/ /gsum pa ni/ ci ste yang mig shes kyis pa lang nyid kyi spyi don gzhan gzung ba'i sgo nas pa lang gi rdzas mtha' dag nges par byed pa'o zhe na/ 'di ni mthong gzugs gcig tu bzhed pa'i log rtog yin te/ 'di pa lang nog snyam pa'i shes pa'ang chos can/ rnam pa kun tu mngon blo ru gnas par 'gyur te mngon sum ma yin par thal/ dbang po gzugs can la mi ltos pa'i phyir dang/ phyi'i gzung yul du med cing don rang mtshan 'dzin pa ma yin pa'i phyir/ 'grel bshad kyi 'gyur ltar na/ rnam kun don gyi rnam shes ni/ gnas na mngon sum blor mi 'gyur zhes bstan nas khyad gzhi khyad chos kyi don kun rtogs pa la 'jug pa na/ shes pa de mngon sum du mi 'thad ces bshad do/ /yang rang 'grel du/ spyi don gzhan cha med pa dbang po'i mngon sum gyi gzung don du byed na/ spyi thams cad la khyad par med par khas blangs pas/ dbang po du ma don med par thal ba sngar bshad zin pa ltar 'dir yang brjod do/ /des na dbang po'i mngon sum gyis thun mong min pa gsal pa rang mtshan gzung yul du byed pa 'thad kyi spyi mtshan 'dzin pa mi 'thad do/ /gnyis pa ni/ dbang don phrad pa dang/ bdag yid phrad pa las ci ste blo yi skye pa phyi rol gyi don la mngon sum du 'dod pa mi rigs par thal/ sngar bshad pa'i nyes par 'gyur pa'i phyir ro/ /gnyis pa la gsum/ thad 'bras don gzhan dgag pa dang/ blo dang skye ba rdzas gcig dang tha dad brtags la dgag pa dang/ bdag tshad mar @033a @#/ /'dod pa dgag pa'o/ /dang po ni/ dbang don phrad pa dang/ bdag yid phrad pa tshad mar khas blangs pa nas/ de las skyes pa'i blo 'bras bur 'dod pa dang/ blo'i skye ba don gzhan mngon sum tshad mar khas blangs pa dang; de las don gzhan pa'i phyi rol 'jal ba'i blo 'bras bur khas len pa mi 'thad do/ /'di ltar tshad 'bras rdzas tha dad du khas len pa mi 'thad par thal/ tshad ma las don gzhan 'bras bur smra ba yis/ tshad mas yongs su ma phyed pa'i don gzhan tshad ma de'i 'bras bu las thob par 'gyur ba ma yin pa'i phyir tshad 'bras rdzas tha dad yin na/ byed pa 'jug pa'i yul 'gal bas tshad ma de'i 'bras bur mi rigs shing/ yul 'di rtogs so zhes bzhag mi nus pa'i phyir ro/ /dper na sha pa du ma bur song ba lta res tsa-ndan bcad pa'i lag rjes ma yin pa bzhin no/ /des na don gyi blo don gyi rnam pa shar ba tshad ma dang/ don rtogs pa 'bras bu yin na ste yin pa'i phyir/ tshad ma de las rdzas gzhan pa'i 'bras bu med pas so/ / tshad 'bras kyi rnam gzhag slar bshad pa ltar ro/ /gnyis pa ni/ dpyod pa pa'i gzhung du dbang don dang/ bdag yid phrad pa las blo skye ba mngon sum du bshad pas blo'i skye ba blo las rdzas gzhan yin nam/ rdzas gcig yin/ rdzas gzhan yin no zhe na/ bye brag pas dbang don dang/ bdag yid 'phrod pa 'du ba rang rgyu las te/ rang gi rgyu 'phrod pa 'du rgyu'i chos rnams las byung la/ 'phrod ba 'du ba mngon sum tshad ma dang/ 'phrod pa 'du ba las/ dang po'i blo skye bar 'dod pa ltar spyod pa @033b las kyang lugs de la brten pa'o/ /yang na dbang po'i blo tshad ma dang/ de 'phrod pa 'du ba las skyes zhes bshad do/ /dbang po'i blo 'phrod 'du las bskyed pa mi 'thad par/ 'phrod par 'du ba'i 'brel ba rtag par khas blangs pa'i phyir dang/ tshad ma dang 'bras bu gang du yang sbyar bar mi bya'o/ /ci ste blo dang skye ba gzhan min zhing don gcig go zhe na/ mtshan nyid kyi zur du blo las gzhan pa'i skye ba 'di smos pa don med par tha/ blo nyid mngon sum du 'thad pa'i phyir/ skye ba smos pa'i dgos pa ni/ skye bzhin pa'i gnas skabs kyi blo la tshad mar shes pa'i don du/ blo'i skye ba zhes smos pa yin no zhe na/ blo skye bzhi pa ma skyes pas tshad mar mi 'thad do/ /skye ba las dus phyis blo yod na/ don gcig par 'gal lo/ /gsum pa ni/ bdag skyes bu ni gzhal bya 'jal bar byed pa po yin la/ des blo bskyed nas yul 'jal byed ce na/ skyes bus de sngar gyi gnas skabs las rnam pa gzhan du gyur nas blo skyed dam/ 'on te ma gyur pa'i ngang nas skye/ dang po ltar na skyos bu chod dan/ mi rtag pa ru 'gyur bar thal/ sngar las rnam pa 'gyur nas blo skye na ste bskyed pa'i phyir/ ci ste mi 'gyur na bdag de chos can/ khyod las skyes pa'i blo de la tshad ma zhes ma sbyar zhing/ tshad mar byed pa mi 'thad par thal/ khyad mi 'gyur na ste sngar gyi gnas skabs las gzhan du mi 'gyur ba'i rtag pa yin pa'i phyir ro/ /gnyis pa le'u'i mtshan bstan pa i/ tshad ma kun las btus btus pa'i rnam bshad mthar 'dzin gyi gdung ba 'joms byed rigs pa'i rgya mtsho zhes bya ba las mngon sum gyi le'u ste le'u dang po'i 'grel pa'o// //gnyis pa lkog gyur nges pa'i thabs @034a @#/ /rang don rjes dpag bshad pa la gnyis/ le'u'i gzhung bshad pa dang/ le'u'i mtshan bstan pa'o/ /dang po ni/ dgos pa khyad par can la ltos nas rjes dpag gi sgras brjod rigs pa chos can/ rnam pa gnyis te/ rang don rje dpag dang/ gzhan don rjes dpag gnyis yod pa'i phyir/ rtags gzung zhing 'brel pa dran pa'i rjes la lkog gyur dpog pa gnyis la/ bdag po'i rkyan khyad par can la brten nas de'i rjes su dpag pa gnyis so/ /sgrub ngag dang/ rjes dpag ni skyes bu'i rgyud kho nar rtogs pas rang don dang/ gzhan don gnyis su dbye la/ gtan tshigs ni de ltar ma nges pa'i phyir/ rang gzhan gyi dbye ba bdag nyid chen po yab sras kyi gzung gang du yang ma bshad do/ /rang don le'u las logs su gzhan gyi le'u rtsom pa dgos pa med par thal/ rang don du go byed tshul gsum bshad pa kho nas tshul gsum rtogs par 'dod pa po'i tshig gi rim pa yang bstan zin pa'i phyir/ gzhan du/ tshul gsum gsal bar ma bstan par 'gyur ro zhe na/ skyon med de/ tshul gsum blo yul du song ba'i dngos kyi 'bras bu la rjes dpag 'byung la/ sgrub ngag blo yul du song ba'i dngos kyi 'bras bu la/ tshul gsum dran pa'i blo 'byung bas dngos kyi dgos pa 'thad pa'i phyir dang/ dbang po rnon pos tshul gsum shes nas brjod tshul la rmongs pa med kyang/ byis pa kha cig rtags kyi dngos po ji lta ba bzhin rtogs kyang gzhan la ston pa'i tshe lhag chad can du mthong ste/ bsgrub bya dang mjug sdud brjod pa lhag pa dang/ dpe las 'brel pa ston pa chad @034b pa dang/ rtsod gzhi la rtags dpe nye bar gtod pa phyogs chos brjod pa dang/ zlos pa dang/ ngag lhag chad can du smra ba mthong bas brjod tshul la mi mkhas pa dag rjes su bzung ba'i ched du le'u logs su mdzad do/ /gnyis pa la gnyis/ rang don rjes dpag bshad pa dang/ de'i rten gtan tshigs bshad pa'o/ /dang po la bzhi/ mtshan nyid dang tshad 'bras mngon sum dang mtshungs par bstan pa dang/ tshad ma gnyis kyi spyod yul bshad pa'i sgo nas mtshan nyid tha dad du bshad pa dang/ rjes dpag la gnyis su dbye ba bzhin du mngon sum la rang don gyi mngon sum dang/ gzhan don gyi mngon sum gnyis ma phye ba'i rgyu mtshan no/ /dang po ni/ rang don rjes dpag gi mtshan nyid ni/ tshul gsum tshang ba'i rtags las/ lkog gyur gyi don gsar du mthong ba'i shes pa'o/ /mi gsal ba don dag 'dis rtags su byed rtogs par byed pas rtogs te/ tshul gsum pa can no/ /tshul gsum smos pa ni/ 'dzem med pa kha cig rtags 'dod na/ tshul gcig kho nas chog ste/ rnam pa gzhan du mi 'thad pa nyid de/ rnam pa gzhan ni bsgrub bya med par i 'thad pa dang/ mi 'thad pa ni/ de sgrub pa'i nus pa med pa'o zhes 'dod pa dang/ yang kha cig tshul gsum pa can yin yang/ kha phar bltas kyi skyes bu chos can/ sngo bsangs yin te/ nag pa'i bu yin pa'i phyir zhes pa rtags su 'dod pa dang/ rang sde kha cig tshul gsum po dang/ gnod pa med pa'i yul can dang/ brjod par 'dod pa'i grangs gcig pa can dang/ shes zin pa nyid ces pa tshul drag tu 'dod pa dag gi log rtog bkag nas/ lkog gyur ge bar byed @035a @#/ /pa'i tshul gsum kho nar grangs nges par bstan pa'o/ /gnyis pa ni/ rjes dpag gi tshad ma dang/ 'bras bu sngar mngon sum la bshad pa bzhin du shes par byas te/ tshad ma gnyis kyi tshad 'bras spyi'i rnam gzhag mtshungs pa'i phyir ro/ /sgra dang mi rtag pa'i tshogs don gzhal bya/ de la gsar du mi slu ba'i shes pa tshad ma/ de rtogs pa'i tshad ma 'bras bu'o/ /gsum pa ni/ tshad ma gnyis ka gzhal bya rtogs pa'i mtshan nyid can yin na/ 'di gnyis la bye brag ci zhig yod ce na/ tshad ma gnyis shin tu tha dad pa kho na yin te/ de gnyis kyi gzung yul dang ni ngo bo mtshungs pa min pa rigs so so tha dad pa kho na yin pa'i phyir ro/ /tha dad pa'i tshul ni/ 'og tu 'chad par 'gyur ro/ /bzhi pa la gnyis/ rgyu mtshan dngos dang/ de la rtsod pa spang ba'o/ /dang po ni/ rjes dpag la gnyis yod pa bzhin du mngon sum la yang ci phyir med/ ri dVags rgyug pa la ltos zhes pa'i tshig las pha rol po la de mngon sum gyi skye ba na mngon sum yin pa'i phyir ro zhe na/ don rang gi mtshan nyid tshig tsam las gsal bar bstan bya min par thal/ rkyen gsum ma tshogs par phyi rol rang mtshan mthong ba'i mngon sum tshig gi sgo nas bskyed mi nus/ de tshogs na tshig med par yang mngon shes skye ba'i phyir/ tshig la brten nas de'i tshe tshad ma skyes pa yin na yang/ rjes dpag tu gsal te/ gang 'gal rkyen med par ri dVags rgyug pa bltar ba la mngon du phyogs pa la/ de mthong gi mngon sum skye ste kho bo bzhin/ khyod kyang 'gal rkyen dang bral bar de blta ba @035b la mngon du phyogs par gyis shig ces pa'i don du 'gyur la/ de'i tshe na yang de mthong gi mngon sum skye bar rjes dpag gis rtogs par zad kyi/ mngon sum de nyid du tshig tsam gyis bskyed pa ni ma yin no/ /tshad ma gnyis gzung yul mtshungs pa ma yin te/ rjes dpag gis spyi mtshan gzung bas yul mi gsal bar snang la/ mngon sum rang mtshan gzung bas/ yul gsal bar snang bas gzung yul la tha dad pa'i phyir te/ gcig la mtshan nyid tha dad pa 'gal ba'i phyir ro/ /yang mngon sum gyi gzung yul ma 'dres par thun mong ma yin par snang la/ rjes dpag gi de las ldog pa dang/ yang tshig gi bdag rkyen la mtshan nyid rdzogs par snang ba dang/ mi snang ba'i khyad chos zhen yul la ltos nas ni rjes dpag gis kyang rang mtshan 'jal bas/ tshad ma gnyis ka dngos po'i yul can no/ /yang tshad ma'i 'jug yul la dngos pos khyab par 'dod pa ni/ mdo mdzad pa'i bzhed pa ni ma yin te/ 'dus ma byas kyi nam mkha' dngos med du rtogs pa'i tshad ma de'i yang/ gang rtogs pa'i don de nyid tshad ma 'jug ba'i yul yin pa'i phyir ro/ /gnyis pa la gsum/ kha dog las reg bya dpog pa'i rjes dpag gzung yul rang mtshan 'dzin pa dgag pa dang/ mngon sum gyi rjes su 'brang ba'i tha snyad byed pa'i shes pa gzung yul rang mtshan 'dzin pa dgag pa dang/ reg bya btang snyoms pa las rlung gi rdzas dpog pa'i rjes dpag gzung yul rang mtshan 'dzin pa dgag pa'o/ /dang po ni/ gal te mngon sum gyi gzung ba'i don rjes dpag gis 'dzin pa mthong ste/ sngar mngon sum gyis kha dog dang reg bya lhan cig tu mthong @036a @#/ /nas/ phyis kha dog mthong ba na/ de'i rtags las rjes dpag gis reg bya rtogs pa'i phyir ro/ /zhe na/ mngon sum gyis gzung ba'i don rjes dpag gi 'dzin pa ma yin par thal/ sngar mngon sum gyis gzung ba de las gzhan kha dog gi rtags las/ rjes dpag gis reg bya'i spyi gzung yul du byas nas dpog pa'i phyir ro/ /des na tshad ma gnyis kyi gzung yul gcig tu gyur pa yod pa ma yin no/ /gnyis pa ni/ mngon sum gyis mthong ba dang/ thos pa'i don la/ mthong ngo/ thos so zhes tha snyad byed pa'i shes pas/ mngon sum du bstan par bya ba ma yin nam zhe na/ 'gal ba med de/ tha snyad byed pa'i sehs pas kyang mngon sum gyis mthong ba'i don gzung yul du byed pa ma yin par thal/ mngon sum gyis mthong ba dang thos pa sogs nyid tha snyad byed pa'i shes pas rjod byed sgra'i sgo nas spyi'i tshul gyis bstan pa yin gyi rang gi ngo bo'i sgo nas brjod pa ma yin pa'i phyir/ mig gi rnam par shes pas mthong ba'i don la yid kyi shes pas ji ltar bar shes pa dang/ sngon po zhes brjod par byed pa de yang rang mtshan las rnam pa gzhan spyi'i tshul gyis bstan par bya ba yin gyi rtog pas rang mtshan gzung yul du byed pa ma yin par thal/ der yang ming las sngon po shes pa'i phyir/ mig shes kyis nyams su myong nas yid shes pas tha snyad du byed pa las yid kyi bya ba rnam pa gnyis zhes brjod do/ /gsum pa la gsum/ dgag pa dngos dang/ lung tshig gis reg bya bstan snyoms pa rlung las gzhan gyi yon tan yin pa khegs par 'dod pa dgag pa dang/ rang la mtshungs pa spang ba'o/ /dang po ni rjes dpag @036b thams can spyi'i yul can yin no zhes brjod par mi bya ste/ spyi ma yin pa la'ang gzung yul du byas nas 'jug pa mthong ba'i phyir te/ grang do gang yang min pa'i reg bya bstan snyoms pa rlung gi rdzas kho na'i yon tan yin te/ rdzas dgu las/ mthong ba'i rdzas sa chu mi gsum gyi yon tan ma yin te/ de yang dri dang lhan cig spyod pa'i nges pa med pas/ sa'i yon tan min grang do dang lhan cig mi spyod pas/ chu dang me'i yon tan ma yin no/ /ma mthong ba'i rdzas nam mkha' la sogs pa'i yon tan yang ma yin te/ reg bya nam mkha'i yon tan yin na/ bum pa la sogs pa nam mkha' la thegs par 'gyur ro/ /de bzhin du bdag dang dus dang/ phyogs dang/ yid kyi yon tan yang ma yin no/ /gzhan yang mthong ba'i rdzas snang du rung ba dang/ mi rung ba kun la reg bya btang snyoms pa ma mthong ba tsam gyis khyegs pas rlung gi rdzas la brten pa'i yon tan du grub pas/ rjes dpag gis rdzas gzung zhing 'ang la bar byed do zhe na/ bye brag bas snang du rung ba dang mi rung ba'i sa chu me gsum tsam la mthong ba'i rdzas zhes pa'i ta snyad byed par/ 'di'i 'grel ba 'grel bshad gnyis kar bshad pas rnam 'grel du/ ma mthong phyir reg mthong ba la/ zhes bshad pa'i mthong ba snang rung 'ba' zhig la 'chad pa don ma rtogs pa'o/ /reg bya btang snyoms pa'i rtags las/ rlung gi rdzas don gzhan gzung ba'i sgo nas rtogs pa ma yin par thal/ gal te dpog na'ang/ reg bya la sogs pa'i yon tan gyis rlung gi spyi mtshon par bya ba yin pas spyi 'dzin pa yin gyi rdzas 'dzin pa ma yin pa'i phyir/ lhan cig pa ma grub pa'i sgo nas go 'byed ma yin pa ni/ rnam @037a @#/ /'grel la sogs kyi rnam bshad du bstan zin to/ /gnyis pa la gnyis/ dngos dang/ lung dang rjes dpag rang mtshan gyi yul can du mtshungs pa dgag pa'o/ /dang po ni/ rjes dpag ni mthong ba rnams kyi yang ma yin la; ma mthong ba rnams kyi yang ma yin no zhes sogs kyi lung gis/ reg bya btang snyoms pa rdzas gzhan gyi yon tan yin pa khegs pas rlung gi yon tan du grub po zhe na/ bye brag pa'i yid ches pa'i tshig gi sgrub byed kyis rlung gi rdzas de las gzhan la reg bye btang snyoms pa yod pa 'gog par byed pa mi rigs par thal/ lung gi don la rigs pas gnod pa'i phyir dang/ ma mthong ba tsam gyis med par mi 'grub pa'i phyir ro/ /gnyis pa la gnyis/ rtsod pa dang/ lan no/ /dang po ni/ lung dang rjes dpag gnyis ka 'jug tshul mtshungs pas rang mtshan gyi yul can du tha mi dad du grub pas lung la brten nas reg bya rlung gi yon tan nges par grub bo zhe na/ gnyis pa ni/ lung dang rjes dpag rang mtshan gyi yul can du mtshungs pa ma yin par thal/ lung brjod bya la spyi'i tshul gyis 'jug pa yin gyi thun mong ma yin pa'i rang mtshan dang 'brel ba med la/ sgra byung gi tshad ma rjes dpag las 'jug tshul tha dad kyang ste tha dad du 'jug pa srid pa'i phyir/ 'di ni sgra byung tshad ma gzhan yin pa dgag pa'i ched du/ tshad ma gzhan khas len pa'i lugs la brten nas lan btab pa yin gyi/ rang gi lan ni 'og tu 'chad par 'gyur ro/ /kha cig sgra byung tshad ma ni/ rjes dpag dang mi mtshungs te gzugs la mi ltos par sgras rang gi ngo @037b po'i sgo nas don ston par nus so zhes zer to/ /de ni rigs te/ shing gi sgra las shing gi don go ba srid kyang/ mthun phyogs la mthong btsam du zad kyi/ mi mthun phyogs las ldog bam grub pas/ rjod byed kyi sgra las gzhan pa'i brjod bya dpog nus pa ma yin te/ shin tu 'khrul pa'i phyir ro/ /gsum pa ni/ lung rjes dpag ma yin na/ khyod rang mtho ris la sogs pa'i shin tu lkog gyur gyi don rjes su dpog par 'dod pa ji ltar yin zhe na/ skyon med de/ lung las lha dang lha'i gnas khyad par can pa sogs pa gnas skabs su nges par don du gnyer bar bya ba skyes bu'i 'dod pa'i don dag bshad pa yang thos shing/ ngan 'gro'i sdug bsngal bsam gyis mi khyab pa bshad pa yang thos nas/ rtog pa sngon du gtong ba dag ji ltar bshad pa de dag yod dam med/ gal te yod na/ de'i thabs la 'jug ldog ma byas na skyes bu'i don chen po las nyams par 'gyur bas de yod med rtogs par byad la/ de ltar brtags pa na/ lung lam brten pa'i tshad ma gzhan gyis rtogs mi nus pas tshad mar gyur pa'i skyes bu'i don la brtags pas/ dbyad pa gsum gyis dag par grub pa'i lung la brten nas/ shin tu lkog gyur gyi ngon rtogs nus pas/ kho bo cag la nyes pa cung zad kyang med do/ /dpyad pa gsum gyis dag pa'i yid chos gyi tshig kyang gzhi 'gar yang shin tu lkog gyur gyi don la mi slu bar rjes su dpag nus pa nyid du 'gyur te/ gzhal bya'i gnas gnyis ston pa'i lung dang/ rang gi bstan bya'i don la mi slu bar mtshungs pa'i spyi las de ltar du dpog nus pa'i phyir/ @038a @#/ /sangs rgyas kyi gsung yin na/ rang gi bstan bya'i don la mi slu bas khyab ste/ dper na 'phags pa'i bden pa bzhi ston pa'i sangs rgyas kyi gsung bzhin/ lha'i gnas kyi tshad la sogs pa ston pa'i sangs rgyas kyi gsung yang sangs rgyas kyi gsung yin no zhes pa dang/ yang na dpyad pa gsum gyis dag pa'i lung rtogs su sbyor/ mthun dpe dang dngos po stobs zhugs kyi tshad mas grub pa'i tshul/ rnam 'grel le'u gnyis par bshad pa ltar yin la/ bden bzhi shin tu lkog gyur du 'dod pa ni/ thub pa'i bstan pa la co 'dri zhing rang gzhan kun phung par byed par zad do/ /'phags pa'i bden bzhi lung gi sgrub byed la ma brten par rigs pas bsgrubs nas/ de'i rjes su zhin tu gyur gyi don dpog pa'i tshul ni/ mgon po klu sgrub yab sras dang/ bdag nyid chen po phyogs glang yab sras 'dra ba yin no/ /gnyis pa la gnyis/ dngos kyi don dang/ gzhan gyis brtags pa'i rjes dpag dgag pa'o/ dang po la gsum/ rang lugs kyi mtshan nyid dang/ gzhan gyis brtags pa'i rtags kyi dpogs tshul dgag pa dang/ rtags kyi rnam gzhag bshad pa'o/ /dang po la gsum/ tshul gsum gyi mtshan nyid dang/ tshul gsum ma tshang ba gtan tshigs yang dag ma yin par don gyis 'phangs pa dang/ rnam bcad kyi gnas dper brjod pa'o/ /dang po la gnyis/ dngos dang/ tshul gsum ga'i mtshan nyid kyi zur du nges pa sbyar bar bya'o/ /dang po ni/ phyogs chos kyi mtshan nyid/ rjes su dpag par bya shes par 'dod pa'i bye brag dang ldan pa'i chos can la/ 'god @038b tshul dang mthun par yod pa kho nar nges pa'o/ /de yang mngon sum rjes su dpag pa'i stobs kyis nges pa'o/ /bye brag ni gang dpag par 'dod pa'i chos so/ /rjes khyab kyi mtshan nyid ni/ bsgrub bya'i chos dang 'brel stobs kyis shes 'dod chos can dang mthun pa'i phyogs kho na la 'god tshul yod par nges pa dang/ kho na'i nges bzung ni/ shas 'dod chos can yod pa grub zin pa sdud pa'i nges bzung yin gyi/ de la yod pa gcod pa ni ma yin te/ mi mthun phyogs la yod pa dgag pa'i don can yin no/ /dper na drang srod nor lha la bu gnyis skyes te/ na ra dang ni sred med bu kho na'o/ /zhes pa'i nges bzung gis na ra bu yin pa mi gcod pa bzhin no/ /rtsod gzhi mthun phyogs ma yin par 'dod pa ni/ 'di'i don rnam nges su bshad pa zhib tu ma rtogs pa'o/ /ldog khyab kyi mtshan nyid ni/ bsgrub bya'i chos dang 'brel stobs kyis med pa ste/ mi mthun phyogs nyid la med pa kho nar nges pa'o/ /'di'i rang 'grel du med la zhes pa ni/ slar yang de'i phyir nges par bya ba'i don du ste/ med pa nyid la med pa yin gyi/ gzhan la yang ma yin la/ 'gal ba la yang ma yin no/ /zhes pa'i don to/ /zhes 'byung ba la bdag gi 'dren pa dam pa rje btsun chen po'i gsung gis/ tshig 'di ltar 'byung ba ni/ slob dpon dbang phyug sde'i 'dod pa tshad ma rnam nges su rgyas par bkag pa'i phyogs snga ma dang mthun par gnang bas dbang phyug sdes rang 'grel la bsnon pa btab pa yin gyi/ rang 'grel dngos ma yin zhes gsungs so/ /rje thams cad mkhyen pa ni/ de rang lugs su khas blangs kyang skyon med de/ mthun phyogs kho na la yod par bstan pas mi mthun phyogs la ldog pa grub kyang/ @039a @#/ /med pa la med pa zhes logs su smos pa'i dgos pa ni/ mi mthun phyogs tsam las ldog pa yin gyi/ gnas pa dang 'gal ba mi mthun phyogs kho na las ldog pa ma yin no/ /zhes tshul gsum pa nges pa'i don can du bstan pa kho na de'i dgos par 'dod pa bkag pa yin gyi/ spyir tshul gsum nges pa'i don can du 'dod pa bkag pa min ni zhes gsung ngo/ /slob dpon rang gi bzhed pa ni/ 'dod pa de bkag nas khyab pa gang rung gcig dngos su bstan pas/ cig shos shugs la 'phen pa'i sbyor ba gnyis kyi dbye ba rtogs pa'i don du med la med pa logs su smos par rnam nges su bshad do/ /phyogs chos la rtags kho na rtsod gzhi la yod pa dang/ rtsod gzhi kho na la yod ces dmigs te/ rtsod gzhi'i phyogs gcig kho na la yod pa la yang/ phyogs chos grub par 'gyur pas rtags rtsod gzhi la yod pa kho nar nges nas khyab pa gang rung gcig dngos su bstan pas/ cig shos shugs la 'phen pa'i sbyor ba gnyis kyi dbye ba rtogs pa'i don du med la med pa logs su smos par rnam nges su bshad do/ /phyogs chos la rtags kho na rtsod gzhi la yod dang/ rtsad gzhi kho na la yod ces mi bya ste/ rtsod gzhi'i phyogs gcig kho na la yod pa la yang/ phyogs chos grub par 'gyur pas/ rtags rtsod gzhi la yod pa kho nar nges pa/ mi ldan rnam dpyod kyi tshul du sbyar ro/ /de la yod pa dang/ yod pa kho na dang/ de ltar nges pa bzhi las/ don skyon zhugs pa dang/ blo skyon zhugs pa'i ma grub pa yin pa sel ba'i phyir ro/ / @039b rjes khyab la mi ldan rnam dpyod kyi tshul du nges bzung mi sbyar te/ mthun phyogs la cha gnyis pa la gnyis pa la rjes khyab ma grub par 'gyur ro/ /des na mthun phyogs la yod pa dang/ de kho na la yod pa dang/ de ltar nges pa bzhi las/ de la med pa dang/ mi mthun phyogs la yang yod pa dang/ de ltar dogs pa'i don skyon zhugs pa dang/ blo skyon la zhugs pa bzhi sel lo/ /ldog khyab la gzhan ldan rnam gcod kyi ldog tshul mi sbyor te/ mthun phyogs la cha gnyis pa las rjes khyab ma grub par 'gyur pa'i phyir ro/ / des na mi mthun phyogs la med pa dang/ de ltar nges pa bzhi las/ mi mthun phyogs la yod pa dang/ phyogs kho na las ldog pa dang/ de ltar dogs pa'i don skyon dang/ blo skyon zhugs pa sel lo/ /gnyis pa ni/ mtshan nyid kyi zur du shes pa zhes nges pa smos rigs te/ rtags la the tshom za bas bsgrub bya mi rtogs pa'i phyir ro zhe na/ tshul gsum po'i mtshan nyid kyi zur du shes pa nyid ces pa'i tshul legs su smos dgos pa ma yin par thal/ de dngos su ma smos kyang 'di ru tshul de dag shes pa'ang don kyis thob pa nyid kyi phyir ro/ /der thal/ tshul gsum ni/ lkog gyur shes byed rtags kyi skabs kyi dbang du byas pa yin gyi/ rgyu'i dbang du byas pa ma yin pa'i phyir/ 'di ni dbang phyug sde shes pa nyid ces ba rtas kyi tshul gzhan du 'dod pa dgag pa dang/ tshul gsum po'i mtshan nyid kyi zur du nges pa zhes pa rtsa ba'i tshig la dngos su bstan yang/ /sbyor dgos par shes pa'i tshid du yin no/ /rnam nges su tha mar smos pa'i nges pa nyid ni/ tshul gsum ga la blta bar bya'o @040a @#/ /zhes pa yang de'i mtshan nyid kyi zur du yin gyi/ rtags yang dag gi mtshan nyid du tshul gsum tshad mas nges pa zhes sbyor ba ni/ rnam gzhag ma chags pa'o/ /gnyis pa ni/ gtan tshigs yang dag la gsum la ldan dgos par bshad pa dang/ rnam bcad kyi dgos pa yod de/ da la brten nas tshul re re ba dang/ tshul gnyis pa tsam las gzhan med pa rtags yang dag gi don ma yin par don gyis byas pa'i phyir/ rtags kyi tshul gcig pa dang/ gnyis pa gtan tshigs yang dag gi mtshan nyid du mi rung bar bstan pa yin no/ /gsum pa ni/ tshul re re ba'i gtan tshigs ltar snang gi dpe ni/ sgra chos can/ rtag ste/ byas pa'i phyir dang/ lus can yin pa'i phyir dang/ gzhal bya a yin pa'i phyir ro zhes pa'o/ / dang po ni/ phyogs chos gcig bu can dang/ gnyis pa ni/ bye brag pa'i 'dod pa la ltos nas phyogs chos ma grub cing/ ldog khyab don la yang ma grub pas/ tshul gnyis med pa dang/ thams cad song ba min pa'i rdzas kyi tshad la/ dngos ming dang/ rdul phra rab rtag pa la yang yod par 'dod pas rjes 'gro gcig bu can no/ /tha ma ni/ phyogs chos dang rjes 'gro ma grub pa la/ ldog pa gcig pu can no/ /tshul gnyis la gtan tshigs ltar snang gi dpe ni/ sgra chos can/ rtag ste/ lus can ma yin pa'i phyir dang/ mnyan bya'i phyir dang/ sgra chos can/ mi rtag ste/ mig gi gzung bya yin pa'i phyir ces pa'o/ /dang po ni bye brag pa'i 'dod pa la ltos nas/ phyogs chos dang rjes 'gro tsam gnyis gang la thun mong grub cing/ ldog pa ma @040b grub pa'o/ /gnyis pa ni/ phyogs chos dang/ mi mthun phyogs la ma mthong tsam gyi ldog pa can dang/ tha ma ni/ phyogs chos ma grub cing/ rjes su 'gro ldog gnyis grub pa'o/ /gnyis pa la gnyis/ phyogs snga ma dang/ de dgag pa'o/ /dang po la gnyis/ bsgrub bya'i chos dpag byar 'dod pa dang/ gzhi chos kyi 'brel pa dpag byar 'dod pa'o/ /dang po ni/ kha cig na re/ gtan tshigs du ba med dang lhan cig tu ma mthong gi /me dang ldan pa'i sa phyogs dang/ nges par lhan cig rgyu ba la/ mthong bas me la mi 'khrul bas chos gzhan med kho na dpag par 'dod do zhes zer to/ /gnyis pa ni/ chos med dang/ chos can du ba dang ldan pa'i sa phyogs dag phyir rgol gyis grub zin pa'i phyir/ sgrub mi dgos la des na gzhi dang chos gnyis kyi ldan pa'i 'brel pa don gzhan rtogs kyi dpag byar kha cig 'dod do/ /gnyis pa la gnyis/ phyogs dang po dgag pa dang/ gnyis pa dgag pa'o/ /dang po la gnyis/ chos rkyang pa bsgrub byar mi rung ba dang/ rtsod gzhi dang chos kyi tshogs don bsgrub byar 'dod rigs pa'o; ;dang po ni/ bsgrub bya ma nges pa'i snga rol tu rtags chos kyi 'brel pa ma nges na ni/ gtan tshigs yang dag tu mi rung ste/ sgron me blo yul du song ba tsam gyis gzugs gsal bar byed pa bzhin du/ du ba nges pa tsam gyis me nges pa kho na dgos na/ de ni go byed la mi rung ba'i phyir ro/ /'brel pa nges par byed na ni/ du ba de yis 'brel pa nges pa de las gzhan ci dpag ste/ dpag bya med par thal/ chos 'ba' zhig bsgrub bya yin la/ chos me la gtan tshigs du ba 'brel pa nges pa'i dus na grub na ni ste/ @041a @#/ /grub pas de'i tshe me yang grub brin pa'i phyir/ don ni rtags 'dzin sems kyi rtags can rtogs par khas len dgos pa'i don to/ /khyod ltar na me la yod tsam bsgrub byar 'gyur na/ de ni mi rigs te/ rtsod gzhi nges pa'i tshad ma de nyid kyis gzhi yod par nges so/ /gnyis pa ni/ du bas me du'i 'brel ba dran pa'i rjes su bsgrub bya rtogs par khas len dgos pas/ de ltar chos can du ba dang ldan pa'i le de nyid la me dpag byar ci'i phyir mi 'dod de 'dod rigs par thal/ me du'i 'bral pa dran pa'i rjes su bsgrub bya dpog par 'dod pa gang zhig /tshul de las gzhan du mi 'thad pa'i phyir ro/ /gnyis pa la gnyis/ dgag pa dngos dang/ chos dang chos can gyi tshogs don bsgrub byar bstan pa'o/ /dang po la gsum/ /'brel pa don gzhan rjes dpag gis gzhal byar 'gal ba dang/ gzhan don rjes dpag ngag chad can du thal ba dang rtags chos 'brel med du thal ba'o/ /dang po ni/ du ba'i rtags las la'i steng du gzhi chos kyi 'brel pa don gzhan rjes dpag gis 'jal ba mi 'thad par thal/ me du'i 'brel pa'ang gang na du ba yod pa de na me yod do zhes tha snyad byed pa ma gtogs lnga 'du'i 'brel pa gnyis pa ni yod pa min pa'i phyir/ de bzhin du ldan la la me yod snyam du mi 'jal bar la dang me'i 'brel pa'o snyam du 'jal ba dang/ brjod pa'i che yang me'i 'brel pa'o zhes drug pa'i sgra ru 'gyur bar thal/ rjes dpag gis la'i steng du la me'i 'brel pa don gzhan 'jal ba mi 'thad/ rkad pa snga ma 'grel bshad kyi 'gyur ltar na/ rdzas @041b dpag med du'i 'brel pa la yang 'jal byed du 'jug pa mi 'thad par thal/ de'i ngor me du gnyis yod pa ma yin pa'i phyir/ gnyis pa ni/ 'grel pa gzhan don rjes dpag gi dngos su brjod par mi bya bar thal/ rjes dpag de'i gzhal bya yin pa'i phyir khyod la yang nyes pa mtshungs so zhe na/ skyon med de/ rjes dpag gi gzhal bya gzhan don rjes dpag gis dngos su mi ston yang/ don gyis smos pa'i phyir/ gsum pa ni/ du bas la la gzhi chos kyi 'bral pa don gzhan dpog pa ma yin par thal/ gtan tshigs du ba 'di dang/ gzhi chos kyi 'brel ba don gzhan cung zad kyang yod pa ma yin pa'i phyir/ rtsod pa snga ma gnod pa brjod pa ltar 'bril pa nges pa'i dus na/ bsgrub bya grub zin pas gtan tshigs su mi 'thad pa'i gnad pa yang brjod par bya'o/ /gnyis pa ni rjes dpag gis gzhal byar bya ba'i 'brel pa bstan bya min na/ 'brel pa tsam yang bstan bya min par 'gyur ro zhe na/ kho bo cag ltar na rtags chos kyi 'khrul pa med pa'i 'brel pa ni sgrub ngag gi bstan bya min pa'i skyon med par thal/ rtags chos la 'brel pa gzhan du dpe la ston par byed pa'i phyir rtags kyi 'brel pa go bar byed pa min yang go byed du mi 'gyur ba'i skyon med de/ chos der 'bral pa grub pa'i sgo nas/ chos de dang ldan pa yi chos can go bar byed pa yin pa'i phyir/ chos dang chos can gyi tshogs don go bar byed pa'i don to/ /gsum la gnyis/ rtags kyi 'jog tshul bshad pa dang/ rtags kyi rtsa ba 'grel pa bshad pa'o/ /dang po la gnyis/ rgyas pa shad pa dang/ don bsdu ba'o/ /dang pa la gsum/ gtan tshigs sel bas 'jug par bstan pa dang/ bsgrub bya'i sgo @042a @#/ /nas 'jug pa dgag pa dang/ spyi don gzhan mthong ba'i sgo nas 'jug pa dgag pa'o/ /dang po la gsum/ 'brel ba don gzhan bsgrub bya'i chos su 'dod pa la gnod pa gzhan bstan pa dang/ sel bas 'jug pa'i tshul dang/ da'i dpe bstan pa'o/ /dang po ni/ du ba'i rtags kyis rjes su bstan pa ste/ rtogs par bya ba'i bsgrub bya'i chos gzhi chos kyi 'brel ba don gzhan du 'dod pa la rigs pa'i dpyad pa gzhan yang 'jug par thal/ du ba de 'dra'i 'brel pa sus kyang bstan mi nus pa'i phyir dang/ gtan tshigs sal bas 'ug pa mi rigs pa'i phyir ro/ /gnyis pa ni/ sgra'i steng na mi rtag pa dang/ stong bdag med sogs ldog pa'i chos du ma byas pa'i gtan tshigs kyis 'jug pa'i dus kun tu rnam pa thams cad du rtogs par byed pa min par thal/ thog mar mi rtag pa lta bu'i bsgrub bya'i chos gang dang 'brel pa yongs su bcad nas sgra la rtag pa lta bu'i chos gzhan dang bral pa thob par byed par rtogs par byed pa'i phyir ro/ /rnam 'grel du/ cha shas sgro 'dogs ji snyed pa/ zhes bshad pa ltar/ rtags sel bas 'jug pa kho na yin/ sgrub pa'i sgo nas yin na/ 'chad par 'gyur ba'i rigs pas gnod pas so/ /dbang na/ me la gsal ba dang/ 'bar ba dang/ sog ma las byung ba sogs du ma yod kyang/ du bas me ma yin pa las log pa tsam rtogs par byed pa bzhin no/ /gsum pa ni/ bye brag pa khyod 'dod pa ltar na yang/ yon tan dang ldan pa dang/ dri nyid yin pa dang/ dri bsung zhim pa dang khyad chos de'i bye brag gi rim pas/ rdzas min pa la brtan pa dang/ la sogs pas sa'i rdzas min pa la @042b brten pa dang/ dri ba sogs rnam par bcad nas u-tpal la sogs chos re re rtogs par byad kyi sgra blo gcig gis mtha' dag mi brjod cing/ mi rtogs pa bzhin no/ /gnyis pa ni gal te sgra 'dzin mngon sum gyis sgra'i khyab mnyam sgrub ste/ rjes dpag gi chos kun mthong ba bzhin du/ gtan tshigs kyang sgrub pa'i sgo nas 'jug na ni/ byas pa'i rtags las sgra mi rtag par rtogs pa'i rjes dpag chos can/ sgra'i steng gi chos thams cad rtog par 'gyur ba'am ste sgra mi rtag pa yang rtogs par mi 'gyur par thal/ sgra mi rtag pa la bsgrubs pas 'jug pa'i nges shes gang zhig sgra'i bdag med ma ba rtogs pa'i phyir yang na sgra'i chos thams cad rtogs par 'gyur bar thal/ de gang zhig sgra'i mi rtag pa rtogs pa'i phyir/ gsum pa la gnyis/ dgag pa dngos dang/ rtags dang rjes dpag cha shas su phye nas 'jug par bstan pa'o/ /dang po ni/ gal te ma nyid la sogs pa'i spyi don gzhan mthong ba las/ gsal ba rnams la mngon sum dang/ rjes dpag 'jug pa yin drang na spyi de ni gsal ba de las rdzas gzhan du 'gyur ba mi 'thad par thal/ de ltar yod na dmigs su rung ba las mi dmigs pa'i phyir ro/ /'gyur du chug na yang mngon sum gcig gis tha dad min pa'i spyi don gzhan cha med gcig mthong bar mi 'gyur bar thal/ de mthong ba spyi cha shas med par khas blangs pas gsal ba gcig mthong ba'i mngon sum gyis rten gsal ba rnams mtha' dag dgos na de mthong ba'i phyir/ du ma rnams la gnyis nyid la sogs pa don gzhan thun mong du yod pa min pa bzhin no/ /rten gcig @043a @#/ /gzung bas thams cad gzung na ni/ spyi de yang gsal ba bzhin du mar 'gyur ro/ /gnyis pa ni/ me de nyid kyi chos gsal ba dang/ 'bar ba sogs du ma yod na'ang/ du ba'i rtags las du ldan la la cig shos me min pa las dpog pa thob par byed pa yin te/ de la ma 'khrul zhing gzhan rnams la 'khrul ba'i phyir ro/ /du ba la yang sngo ba dang/ 'phyur ba dang/ skya bo'i rdzes la sogs pa chos du ma yod kyang/ du bas khyad par du byas pa'i cha shes 'di lta bu'i tshun nas rtags can me la ni mi 'khrul zhing/ rang phyogs kyi chos su sgrub pa'i gzhi de go bar byed de/ de sgrub la tshul gsum tshang ba'i phyir ro/ /gnyis pa la gnyis/ dpag bya dpog byed kyi khyad par ngos bzung ba dang/ dpog byed 'khrul na blo 'khrul ba'o/ / dang po ni/ yang brjod pa du ba dang du bas kyad par du byas pa'i skye bo'i rdzas la sogs pa de/ me la sogs pa'i rtags can gang dang rjes su 'brel ba'i rtags can de du ba dang/ du ba skya bo sogs dang ldan pa'i gzhi 'dir rtogs par bya ba yin te; de dag bsgrub pa la tshul gsum tshang ba'i phyir ro/ /me'i bye brag gsal ba dang/ 'bar ba la sogs pa rtags de las rtogs bya ma yin te/ de dag nyid la 'khrul ba'i phyir ro/ /'bras rtags kyi rjes su 'gro ldog nges par byed pa'i pa'i tshul ni/ rgyu la rang bzhin ji snyed cig /ces pa'i rnam 'grel nges kyi rang 'grel gyi rnam bshad las shes par bya'o/ /gnyis pa ni/ rjes su 'gro ldog gi 'brel pa nges pa'i rtags dang rjes su 'brel ba'i don rtogs par bya ba yin gyi/ 'brel @043b pa med pa'i rtags can gyi bya brag gzhi de rtogs par bya ba ma yin te/ de la rtogs pa po'i rtogs slu zhing rab tu 'khrul ba'i phyir/ 'di dag gi gtan tshigs sel bas 'jug cing/ de yang bsgrub bya'i chos cha shas kyang la ltos nas rjes su 'gro ldog nges pa de go byed du 'gyur gyi ma nges pa go byed du mi 'gyur ba'i don bsdus pa dang/ 'phros don tshigs bcad du bsdebs bas bar tshigs zhes kyang bya'o/ /zhes bya ba ni bar skabs kyi tshogs su bcad pa dag go /gnyis pa la gnyis/ rgyas par bshad pa dang/ don bsdu ba'o/ /dang po la gnyis/ 'phrod du'i 'brel pa 'du ba can gnyis la khyad par med pa bzhin du rtags chos kyi 'brel pa rtags chos gnyis ka'i chos su khyad par med pa dgag pa dang/ khyab mnyam pa'i rtags de nyid sbyor ba de'i rtags can du yang 'gyur ba'i rgyu mtshan dgag pa'o/ /dang po la gnyis/ de gnyis mi mtshungs pa dgag pa dang/ mi mtshungs pa'i rgyu mtshan no/ /dang po ni/ ldan pa dang 'du ba'i 'brel pa can gnyis ka'i chos su khyad par cung zad kyang med pa bzhin du rtags chos kyi 'brel pa yang gnyis ka la gnas pas/ rdzas nyid la sogs pa'i du pa dang 'brel pa'i spyi yang me'i go byed du 'gyur la/ rtags can gyi bye brag 'bang ba sogs kyang/ du ba'i go byar 'gyur te/ 'brel pa khyad par med pa'i phyir ro/ /'dis ni 'brel pa rtag rdzas su khas blangs pas/ gzhi gang la brten pa'i chos khyad par med pas/ du ba go byed yin pa bzhin du/ skya bo'i rdzas sogs kyang go byed dang/ me go bya yin pa bzhin du/ /'bar ba sogs kyang go byar 'gyur te/ 'brel pa cha shas med @044a @#/ /pa de nyid dang ldan pas go byed du 'gyur zhing/ de dang ldan pa la khyad med pa'i phyir snyam pa'o/ /rtags chos kyi 'brel pa chos gnyis la gnas med kyang khyod 'dod pa'i yang dag 'phrod pa 'du ba'i 'brel pa bzhin/ 'brel pa yod tsam gyis 'brel pa can gnyis rten brten pa'i chos dang/ brten pa rten gyi chos su nges par 'gyur ba min par thal/ rtags dang rtags can lhan cig pas brten dang/ rtags chos kyi 'brel pa de la brten pa bzhin/ rtog pa la snang ba yin/ gyi 'brel pa yod tsam gyis rtags can du 'gyur ba dang/ rtags can rtags su nges par 'gyur ba ma yin pa'i phyir/ gnyis pa ni/ rtags la rtags can khyab byed du yod pa nyid bzhin du cig shos rtags kyang rtags can nyid la khyab byed du nges par yod pa ma yin par thal/ rtags bsgrub bya'i chos kho na la yod ces pa dang/ chos rtags la yod pa kho na'o zhes/ des bzung smos par bya ba yin gyi de las log nas sbyar ba mi rigs pa'i phyir/ gzhan du na du ba tsan dan gyi me'i go byed dang/ de yang du ba'i go byar 'gyur bas so/ /don dam de la 'brel pa ni rtags kyi chos yin gyi/ rtags ca gyi chos ma yin pas/ de rtags gyi chos ma yin pas/ de rtags la 'brel pa ma nges pa'i phyir ro/ /khyod ltar na rtags rtags can kho na la yod pa bzhin du rtags can yang rtags la de mi rigs par thal/ rtags dang rtags can gyi 'brel pa nges par bzung ba/ rtags chos kho na la yod pa dang/ chos rtags la yod pa kho na'i tshul du khyod 'dod pa las log nas gnas pa yin @044b pa'i/ rtags kyi khyab pa 'brel pa shes pa la rag las pas/ de rtags dang rtags can gnyis kyi chos su 'gyur pa'i tshul la mkhas par byas te/ shin tu gnad che ba zhig go/ /de yang 'brel pa nges byed kyi bstan bcos logs na bshad yod pas; der blta bar bya'o/ /gnyis pa la gnyis/ rtags kyis rtags can la khyab pa'i cha nas go byed du mi 'gyur ba'i dpe dang/ de'i rgyu mtshan no/ /dang po ni/ rtags yin kyang rtags can du 'gyur ba ni/ dper na byas mi rtag khyab mnyam pas byas pa rtags su 'gyur ba bzhin du/ rtags can du yang 'gyur ro zhe na/ rtags kyis rtags can la khyab pa'ang 'dod pa ste/ rtags rtags can la khyab byed du 'jug kyang/ khyab byed yin pa de'i cha nas gzhi 'gar rtags can du 'gyur ba yin gyi; khyab byed yin pa'i cha nas rtags can de gnod byed du 'gyur ba ma yin par thal/ gtan tshigs gnod byed du 'gyur ba chos la 'bras pa nges pa la rig las pa yin gyi/ chos rtags la 'bras ba nges pa la rag ma las pa'i phyir ro/ /dper na rVa can gyis ba lang la khyab kyang/ rVa can las ba lang go bar mi nus pa bzhi no/ /gnyis pa ni/ rtags kyis rtags can la khyab pa yod pa bden yang/ khyab byed yin pa'i cha nas go bar byed pa po ma yin par thal/ gang gi phyir na byas pas mi rtag pa mtha' dag la khyab kyang/ sgra la rtag pa bkag nas go bar byed pa yin gyi/ mi rtag pa'i khyab byed yin gyi/ mi rtag pa'i khyab byed yin pa'i cha nas go byed ma yin pa bzhin du mi rtag pas gzhi 'gar ma byas pa bkag nas/ byas ba go bar byed pa khyab byed yin pa'i cha nas @045a @#/ /go byed du 'gyur ba min pas/ so sor bkag pa'i mi 'khrul brtags chos la 'brel pa nges pa la ltos pa yin pa'i de'i phyir ro/ /gnyis pa ni/ yang brjod pa de la don dang dpe'o/ /dang po ni/ byas pa nyid kyis 'jig pa la khyab kyi de ltar khyab kyang/ ma byas pa yis khyab pa min par byas pa yin te/ mi rtag pa yin pa'i phyir/ ces pa byas pas mi rtag pa bsgrub pa 'dir skabs su bab pa min par rtogs par bya'o/ /rtag pa min la ste/ mi rtag pa la byas pas khyab kyang; khyab byed yin pa'i cha nas go byed du 'gyur ba ma yin par ma byas pa'i don gyis ston to/ /mi rtag pa byas pas khyab pa bstan pas/ byas pa rtag pa las log par rtogs pa ma yin gyi/ mi rtag pa ma byas pa las log par bstan pa'o; ;gnyis pa ni/ dper na/ rVa can nyid kyis ba lang la khyab pas/ ba lang go bar bya ba dang/ rVa can go bar byed pa yin gyi/ ba lang gi rtags las/ rang phyogs kyi chos su sgrub pa'i gzhir/ rVa can min pa las ldog pa rVa can go bar byed pa yin no/ /dper na glang la rVa can khyab pa bzhin no/ /rVa can gyi rang phyogs kyi chos su sgrub pa'i gzhir/ ba lang min pa kho na ldog byed min pa ste/ ba lang min pa ldog par byed pa dang/ ba lang go bar byed pa ma yin te/ de la 'khrul ba'i phyir ro/ /de ni 'grel bshad kyi 'gyur ltar bshad pa'o/ /zhes bya ba ni bar skabs kyi tshigs su bcad pa dag go /gnyis pa la gnyis rtsod sgrub mkhan po'i lugs dgag pa dang/ gzhan snge'i lugs dgag pa'o/ /dang po la gnyis/ @045b 'dod pa brjed pa dang/ de dgag pa'i/ /dang po ni/ rtsod pa bsgrub pa nas ni/ me du 'brel ba rla bu med na mi 'byung ba'i phyir don mthong ba ni/ 'dis rjes su dpog par byed pas 'brel ba de rig pa'i rjes su dpag pa ni tshad ma yin la/ lkog gyur gyi don shes pa ni/ tshad ma'i 'bras bu'o zhes brjod do/ /rtags mthong ba na 'brel pa dran pa la ltos pa'i tshad du de rig pa zhes pa'i tshig smos zer to/ /gnyis pa la gsum/ mtshan nyid kyi tshig lhag pa dang/ rtsod gzhi la chos las gzhan pa'i dpag bya mi 'thad pa dang/ go bya go byed kyi cha shas ma brjod pa'i nyes pa dang bcas pa'o/ /gnyis pa la gnyis/ de rig pa zhas pa'i tshig lhag pa dang/ don gyi sgras bsgrub bya go bar byed na med na mi 'byung ba smos pa dgos pa med pa'o/ /dang po ni/ mtshan nyid kyi zur du de rig ces smos pa mi brjod pa ste/ brjod pa dgos pa med par thal/ rjes dpag tshad ma de rtags chos me dan mi 'byung ba mthong ba'i rang gi gzhal bya'i rnam pa tsam 'dod na ste 'dod pas de ma smos kyang tshig snga ma la brten nas grub zin pa'i phyir/ gal te med na mi 'byung ba mthong ba ni gzhan nyid du dpe la mthong ba la brjod na rjes dpag tshad ma de rnams ji lta bu bzhin gang gu rgyu mtshan gang las mthong ba ma brjod pas mtshan nyid chad pa'i nyes pa can du thal lo/ /gzhan dun mig gi gzung bya bum pa la mthong bas sgra la mi rtag pa rtogs par thal lo/ /gnyis pa ni/ don smos pa'i sgras 'di bsgrub bya la skabs su bab pas bsgrub bya mthong ba'i rjes su dpag pa de med na mi 'byung ba rigs pa'o zhes pa'i don to zhe na/ @046a @#/ /don gyi sgra lhag pa'am yang na med na ma 'byung ba mthong ba zhes smos ci dgos te/ dgos pa med par thal/ lkog gyur gyi don rtogs pa rjes dpag tu bstan pas/ de'i gzhal bya rtogs zin pa'i phyir dang/ med na mi 'byung ba smos pas kyang don smos pa'i sgra'i don rtogs zin pa'i phyir ro/ /gnyis pa ni/ du ba sags@ me dang sags@ pas sa bon dang mi rtag pa la mthong ba las gzhan pa'i dpag bya med na mi 'byung ba'i de rig pa yang dag rjes dpag tu brjod pa mi 'thad par thal/ khyad ltar na chos bsgrub byar khas blangs pas de ni gtan tshigs chos la mthong ba tsam gyi grub zin pa'i phyir ro/ /des na gzhi chos kyi tshogs don rtogs pa'i tshad ma rjes dpag tu khas blangs par bya'o/ / gsum pa ni/ rtsod sgrub nas bshad pa'i rjes dpag gi mtshan nyid mi rigs la/ sgra'i sted na chos du ma yod pa la go bar bya ba'i chos ni 'di'o/ /de rig par bya ba'i thabs gtan tshigs 'di'o/ /zhes brjod rigs pa la de ji ltar brjod de brjod mi rigs par thal lo/ /gnyis pa la bzhi/ rigs pa can pa'i lugs dgag pa dang/ bye brag pa'i lugs dgag pa dang/ ser skye pa'i lugs dgag pa dang/ dpyod pa pa'i lugs dgag pa'o/ /dang po la gnyis/ 'dod pa brjod pa dang/ de dgag pa'o/ /dang po ni/ rigs pa can pa rnams na re/ mngon sum rang rjes su dpag pa dang/ dpe nyer 'jal dang/ sgra byung gi tshad ma rnams las/ rjes dpag gang yin snyam na/ rtag chos dang/ rtags chos kyi 'brel ba rang mtshan @046b 'dzin pa'i mngon sum de sngon su song ba can gyi rjes su dpag pa ni ste rgyu snga ma yin la 'bras bu lhag ma yin pas rgyu las 'bras bu dpog pa'i rjes dpag ni/ snga ma dang ldan pa dang 'bras bu las rgyu dpog pa'i rjes dpag ni lhag ma dang ldan pa dang zla ba ri la nub pa mthong ba las/ nyi ma yang de ltar 'gyur par dpog pa ltar chos gcig mthong ba ltar gzhan shin tu lkog gyur shes pa lta bu spyir mthong ba can no zhes zer to/ /don ni/ mngon sum gyis rtags chos dang de'i 'brel pa gzung ba'i de ma thag /rtags tsam mthong bas rtags pa'i rjes dpag snga ma mngon sum dang mtshungs pas snga ma dang 'dra ba dang/ snga ma can zhes bya la/ shing phung gcig las skyes ba dang gzugs mtshungs pas las shing tog gcig re skyur par mngon sum gyis mthong ba na/ 'bras bu lhag ma rnams kyang de dang mtshungs par dpog pa ni/ lhag ma dang 'dra ba zhes bya'o/ /lhag ma ni 'bras bu ste/ shing phung gcig las skyes pa sogs kyi 'bras bu ro skyur ba 'di la yang yod do zhes pa'o/ / gnyis pa la gnyis/ rjes dpag gi mtshan nyid nyid dgag pa dang/ tshad 'bras don gzhan dgag pa'o/ /dang po la gsum/ snga ma dang ldan pa dgag pa dang/ lhag ma dang ldan pa dgag pa dang/ spyir mthong ba la yang nyes pa mtshungs par bstan pa'o/ / dang po ni/ rtags chos dang/ rtags chos kyi 'brel pa gzung yul du byed pa'i mngon sum sngon du song bas snga ma dang ldan pa'i rjes dpag mi 'thad par thal/ rtags chos kyi 'brel pa dbang po'i mngon sum gyis gzung bya ma yin pa'i phyir/ rtags @047a @#/ /chos kyang nges par dbang po'i mngon sum gyis 'dzin par thal/ dbang po dang mi shes sogs dbang po'i mngon sum gyis mi 'dzin pa'i phyir ro/ /snga ma dang ldan pa zhes bya ba 'di la snga ma dang mtshungs pa snga ma lta bu'i sgrar 'gyur bas sam/ 'di la snga ma'i chos yod pa snga ma dang ldan pa'o zhes ldan pa'i sgrar 'gyur ba dang po ltar na/ rjes dpag gcig kho na la snga ma lta bu'o zhes bltar gyi ming sbyar ba 'thad pa ma yin par thal/ rjes dpag thams cad snga ma lta bur srid pa'i phyir te/ rjes dpag thams cad mngon sum sngon du 'gro ba can du khas blangs pa'i phyir/ gnyis pa ltar na/ di la rgyu yang yod pas/ de las 'bras bu dpog pa'i shes pa snga ma dang ldan pa zhes ldan pa'i sgra sbyar ba 'thad pa min par thal/ rgyu las 'bras bu dpog pa mi 'thad pa'i phyir/ der thal/ dngos rgyus dngos 'bras dpog na phyogs chos ma grub/ brgyud rgyus dpog na khyab pa 'khrul pa'i phyir na ste 'khrul pa'i phyir ro/ /gnyis pa ni/ lhag ma dang ldan pa'i rjes dpag mi 'thad par thal/ lhag ldan la yang mngon sum lhag ma lta bur ram/ lhag ma dang ldan pas lhag ldan zhes ldan pa'i sgra sbyor ba gnyis ka la yang bshad pa'i skyon du 'gyur ba'i phyir/ shing phung gcig las skyes pa'i 'bras bu ro skyur bar mthong ba las mngon sum phyi mi rnams kyang/ da yul mtshungs pas lhag ma dang ldan par 'gyur ba mi 'thad par thal/ gzugs mtshungs pa tsam gyis ro mtshungs pa'i nges pa med pa'i phyir ro/ /rgyu lhag ma dang ldan pas lhag ma dang ldan par 'gyur la/ de @047b yang ldan pa dang 'du ba'i 'brel ba las rtogs par 'gyur ro zhe na/ de ltan de'i mi mthun phyogs shes pa yang lhag ma dang ldan par 'gyur ro zhe na de mi rigs/ rgyu lhag ma dang ldan pa las lhag lngan du 'gyur ba ma yin par thal/ rgyu lhag ma dang ldan pas lhag ma dang ldan pa'i gtan tshigs/ ldan 'du la sogs pa'i 'brel ba gzhan las kyang rtogs par mi 'gyur ba'i phyir dang/ 'brel ba gnyis las rtags de mi rtogs pa'i phyir ro/ /'brel ba gzung don du byas pa'i sgo nas rtags dang rtags can gyi shes pa skye ba ru mthong ba'i sgo nas kyang/ 'bras bu'am rjes dpag skye bar thal lo/ /gsum pa ni/ spyir mthong ba la'ang/ sngar bshad pa de bzhin du skyon brjod par bya ba yin te/ rgyu 'bras kyi 'brel ba mngon sum gyis gzung ba las dpag nas shin tu lkog gyur gyi don 'jal bar brjod pa'i phyir dang/ 'brel ba gzung pa tsam gyi sgo dans rtags dang rtags can gyi shes pa skye bar khas blangs shing/ rgyu 'bras kyi yang cha shas thams cad gzung bar khas blangs pa'i phyir ro/ /gnyis pa ni/ tshad 'bras rdzas gzhan 'dod pa ma rigs pa thal/ snga ma dang ldan pa dang/ lhag ma dang ldan pa'i rjes dpag tshad mar khas blangs pas/ des don rtogs pa nyid 'bras bu yin gyi 'bras bu rdzas gzhan pa nyid mi thob cing/ 'bras bu med pa yang mi rigs pa'i phyir ro/ /rtags can gyi blo 'bras bu dang/ rtags shes pa'i blo tshad ma yin no zhe na/ de yang mi 'thad par thal/ chad 'bras kyi byed pa 'jug pa'i yul 'gal ba sngar bshad zin pa'i phyir/ rjes su dpag pa ni snga ma dang ldan pa dang/ lhag ma dang ldan pa'o zhes rtags @048a @#/ /can 'jal ba'i rnam par dbye ba'ang 'grub par mi 'gyur bar thal/ rtags kyi shes pa tshad ma dang rtags can gyi blo 'bras bur khas blangs pa'i phyir ro/ /rigs pa can pa snga ma dang ldan pa'i rjes dpag kho na dus gsum gyi yun can yin pas ram pa gsum du khas blangs pa ni/ rang gi gzhung las rjes dpag thams cad dus gsum gyi yul can la 'jug ste/ dus gsum pa can no zhes brjod pa dang khas bslangs 'gal bas so/ /'grel bshad kyi 'gyur las tha snyad bstan pa 'grub mi 'gyur zhes 'byung ngo/ /gnyis pa la gnyis/ 'dod pa brjod pa dang/ de dgag pa'o/ /dang po ni/ bye brag pa rnams na re/ 'di ni ba lang kho na'o/ /rta kho na'o snyam pa mngon sum min la/ mngon sum gyis mthong ba'i don las blta bar bya ba'i don gzhan rjes su rtogs pa'i blo de dag ni rtags las 'byung ba rjes su dpag pa'o zhes zer te/ /de yang gang yin zhe na/ nyin mor byed ba shar ba mthong ba las/ don gzhan bum pa gsal ba bzhin du bskyed bya'i 'bras bu dang/ gsal bar bya ba 'di ni skyed byed kyi rgyu dang/ gsal byed 'di yi dpag par byed pa'i zhes rgyu las 'bras bu dpog pa dang/ 'brel pa bzung pa las 'brel pa dpog pa dang/ 'brel pa ni gnyis te/ mi du lta bu ldan pa'i 'brel ba dang/ ba lang da rwa lta bu 'du ba'i 'brel pa'o; ; don gcig la 'du ba las 'du ba can dpog pa dang/ 'du ba yang gnyis te/ gzugs dang reg bya lta bu 'bras bu dang/ 'bras bu gzhan 'du ba dang/ rkang lag lta bu rgyu dang rgyu gzhan ba'o/ /gal zla gzhan dpog pa 'gal ba can @048b zhes bya'o/ /de yang dpe ma byung ba byung ba'i 'gal zlas dpog pa rlung dang sprin sbyor ba las/ da lta med pa'i char ba'i las dpog par 'dod pa dang ma byung bas byung ba dpog pa char pa'i las yod bzhin pa/ rlung dang/ char pa sbyor ba las dang/ byung bas byung ba dpog pa ni/ gsher ba chu lon 'ching ba ste/ gsher ba'i 'bras bu rlan pa dang/ 'gal bar go ba lta bu'o/ /ma byung ba ma byung bas dpog pa ni/ ljang khu'i bum pa tshos pa las skyes pa'i ngo bor byung ba la/ grub zin gyi bum pa me dang sbyor blta bu'o/ /gnyis pa la gnyis/ rjes dpag snga ma gnyis dgag pa dang/ phyi mi gnyis dgag pa'o/ /dang po la gnyis/ rgyas par bshad pa dang/ don bsdu ba'o/ /dang po la gnyis/ rgyu las 'bras bu dpog pa dgag pa dang/ ldan 'du'i 'brel pa dpog pa dgag pa'o/ /dang po ni/ rgyu rtags su bkod pa las dpag bya'i 'bras bu grub pa med par thal/ dngos rgyus dpog na phyogs chos mi 'grub cing/ brgyud pa'i rgyu las khyab pa ma grub pa'i phyir/ / phan mi 'dogs pa'i gsal byed kyi rgyu las gsal bya'i 'bras bu dpog pa yang mi 'thad par thal/ rags 'dra grub zin pa'i don la gnas skabs phan 'dogs byed pa yin gyi phan mi 'dogs pa gsal byed kyi rgyur mi 'thad ba'i phyir/ / gnyis pa gsum/ ldan pa'i 'brel pa las don dpog pa dang/ 'du ba'i 'brel pa la yang nyes pa mtshungs pa dang/ 'gal ba la yang mtshungs pa'o/ /dang po la gnyis/ dgag pa dngos dang/ ha cang thal pas dgag pa'o/ /dang po ni/ ldan pa'i 'brel @049a @#/ /pa rtegs pa las lkog gyur pa med par thal/ ldan pa'i 'brel pa mngon sum gyis gzungs zhing rtogs na/ 'brel pa can yang rtogs pas rjes dpag don med pa'i phyir dang/ ldan pa'i 'brel ba med kyang/ med na mi 'byung ba'i 'brel ba la brten nas lkog gyur nges par go dgos pa'i phyir ro/ /yang na ldan pa'i 'brel pa la brten pa'i lkog gyur rtogs pa zhes sbyar ro //shes byed kyi rgyu las lkog gyur go bar byed pas nges par ldan pa la ltos so zhe na/ ldan pa'i 'brel pa la brten nas du bas me go ba bzhin du/ mes kyang du ba go bar byed par thal lo/ /ldan pa'i 'brel pa go byed du 'gyur ba gnag zag /ldan pa cha shas med pa de nyid me du gnyis ka dang khyad par med par ldan pa'i phyir/ yang na ldan pa de me du gnyis ka'i go byed du thal zhes brjod do/ /snga ma 'dod mi rigs te/ du ba med pa'i mi mthong ba'i phyir ro/ /du ba gdon mi za bar me dang ldan yang/ me des sar du ba mi ldan no zhe na/ ldan pa'i 'brel pa bstan pa can gnyis la nyi ring gi khyad par med par thal/ ldan pa cha tha dad kyang yod pa min pa'i phyir ro/ /gnyis pa ni/ du ba'i skyon du rdzas nyid la sogs pa cha thams cad ni go byed dang me'i gsal ba dang/ 'bar ba dang/ sog ma las byung ba la sogs pa'ang du ba'i go byar 'gyur par thal/ ldan pa'i 'brel ba la brten nas go byed du 'gyur ba gang zhig /me dang du ba'i ldan pa ni cha 'ga' zhig las cha gzhan go bar byed pa min pa'o/ /ldan pa tha thams cad kyis ldan pas me la ldan pa'i cha du ba la dang/ du ba la ldan @049b pa'i cha me la ldan par khas blangs pas ji ltar bshad pa'i nyes par 'gyur ro/ /gnyis pa ni/ ldan pa'i 'brel pa la brten nas go byed du 'dod pa la'ang skyon du 'gyur bar thal/ ba lang la rdzas nyid du 'brel pa grub pas ba lang la brten nas go ba bzhin du/ rdzas yid las kyang rVa can go ba dang/ ser zan la sogs pa go bar thal ba'i phyir ro/ /ldan pa'i 'brel ba ni/ go ba thams cad kyi 'brel ba dang/ 'du ba'i 'brel ba ni/ go ba thams cad kyi 'brel pa la 'dod do/ /de bzhin du rVa can las ba lang go bar thal ba dang/ don gcig la 'du ba'i 'brel pa khas len pa la yang nyes pa brjod par bya'o/ /gsum pa ni/ 'gal bas 'gal zla gzhan go bar byed pa yang mi 'thad par thal/ de la yang mngon sum du gyur pa'i yang spyi dang bye brag phan chun rtags dang rtags can du thal ba'i nyes ba srid pa'i phyir/ mngon sum dum gyur pa'i 'byung 'gyur thams cad rtags dang rtags can du thal lo/ /med na mi 'byung ba'i 'brel la brten pa la ni/ yul dang gang ltos kyang 'khrul pa med de sa phyogs su me med na/ du ba mi 'byung bar dmigs pa'i phyir ro/ /gnyis pa ni/ ldan 'du 'brel pa la brten nas rjes su dpog pa me 'thad par thal/ de lta na sbyi dang bye brag sogs kyang go bya go byed du 'gyur na/ rtags kyi sgyi gzhan rjes nyid go ba'i rtags min zhing me chos bsal ba sogs me'i bye brag rnams du ba'i rtags can min pa'i phyir ro/ /med na mi 'byung ba'i 'brel pa la brten pa ni/ yul dang dus gang la ltos kyang/ 'khrul pa med de/ yul la ltos nas sa phyogs su me med na/ @050a @#/ /du ba mi 'byung bar dmigs pa'i phyir dang/ dus la ltos nas kyang ma sngon du na du ba mi 'byung bar dmigs pa'i phyir ro/ /des na med na mi 'byung ba'i 'brel pa nges par khas blangs par bya'o/ /ldan 'du 'brel pa don gzhan rtag pa khas len pa'i bye brag pa gzhan gyi ltar na cha thams cad phan tshun go bya go byed du thal bar 'gyur te/ sel bas 'jug pa'i rnam dbye mi shes par rtag pa'i rdzas kyi 'brel ba la brten nas go bya go byed khas blangs pa'i phyir ro/ / zhe bya ba na bsdu ba'i tshigs su bcad pa'o/ /gnyis pa la gsum/ don gcig la 'du ba'i 'brel ba go byed du 'dod pa dgag pa dang/ 'gal zla go bar byed pa dgag pa dang/ dgag pa gzhan bstan pa'o/ /dang po ni/ don gcig la 'du ba'i 'brel pa gnyis te/ 'bras bu dang 'bras bu gzhan rdzas gcig la 'du ba gzugs dang reg pa lta bu dang/ rgyu dang rgyu gzhan 'du ba/ lus rtsom pa'i rkang lag lus la 'du ba 'brel ba la brten nas don gzhan go byed yin no zhe na/ 'brel pa gnyis las ma rtogs pa'i don gcig la 'du ba'i 'brel pa don gzhan shes byed kyi rgyur mi 'thad par thal/ de med cing yod du chug kyang lkog gyur go bar byed pa rgyur ni tshad ma gang gis kyang khong du chud par mi 'gyur pa'i phyir ro/ /gzugs kyis reg bya dpog pa bzhin du/ rig byas kyang gzugs dpog par thal/ de gnyis don gcig pa la 'du ba'i 'brel pa la brten nas go byed khas blangs pa go ba'i don gcig la 'du ba'i 'brel pa la khyad par med pa'i phyir/ don gcig la 'du ba'i 'bral pa gnyis @050b su nges par bzung ba 'thad pa ma yin par thal/ khyod ltar na gnyis las gzhan yang srid pa'i phyir/ rgyu dang rgyu gzhan don gcig 'du ba rkang lag la khas blangs pa ltar/ lus kyi rgyu go bo yin la de'i yang rgyu rang gi cha shas dpral ba yin pas/ rgyu'i rgyu las don gcig 'du ba dang/ 'bras bu'i 'bras bu las don gcig la 'du pa khas len dgos pas thug pa med par 'gyur ro/ /des na med na mi 'byung ba'i 'brel pa nyid khas blang bar bya'o/ /gnyis pa ni/ gang zhig 'gal pa de yang lkog gyur go bar byed pa'i rtags ma yin par thal/ go bya go byed la 'brel ba cung zad kyang med pa'i phyir ro/ /char pa'i las med pa dang/ rlung dang sprin sbyor ba dag la 'gal ba cung zad kyang de pa'i phyir ro/ /rlung dang sprin sbyor bas 'gal zla char ba las med pa go bar byed pa ni 'gal zlas 'gal zla zhan go bar byed pas/ de gnyis 'gal bar khas blangs pa'o/ /des na char chu 'bab pa dang/ sprin dang rlung dang sbyor ba mi 'gal bar bsgrubs pas/ de la gnod byed du 'gyur ba'o/ /gsum pa la gsum/ rtags 'dzin sems rtags su mi 'thad dang/ 'brel ba gcig tu zad na rjes dpag gi mtshan nyid ma tshang ba dang/ 'brel ba gzhan don med pa'o/ /dang po ni/ du ba me'i ldan pa can no/ /zhes sngar 'brel pa 'dzin pa'i dus na/ du ba mthong ba'i mngon sum de nyid me dpog pa'i rtags so zhe na/ rtags kyi blo rtags su 'thad pa ma yin par thal/ de rtags can chos dang 'brel pa med pa'i phyir/ rtags 'dzin sems rtags su mi 'thad par thal/ khyod rang gi gzhung las de rtags las byung bar @051a @#/ /bstan pa'i phyir dang/ chos bsgrub byar khas blangs pas 'brel pa nges pa'i dus na ???????? nsgrub bya grub zin du thal ba'i phyir ro/ /rtags can gyi blo'i rgyu yin pas rtags kyi sgras brjod pa yin no zhe na/ sngar rtags ma mthong bar yid kyis 'brel ba dran pa tsam gyis 'brel pa can du ste/ 'brel pa can bsgrub bya 'grub par 'gyur par thal/ 'brel pa dran pa'i blo rtags de'i tshad ma dang/ rtags can gyi blo 'bras bu yin pa'i phyir/ chos bsgrub byar khas blangs pas so/ /rjes dpag gi rgyu thams cad rtags kyi sgras brjod rigs par thal ba'i skyon med de/ rtags kyi shes pa rjes dpag gi dngos kyi rgyu yin pas/ de'i sgras brjod pa yin no zhe na/ rtags kyi ngo bo 'dzin pa'i shes pa rjes dpag gi dngos rgyu min par thal/ 'brel ba dran pas bar du chod pa'i phyir/ rang 'grel gyi tshig 'di la brten nas 'brel pa dran ba'i blo rtags 'dzin sems min par 'dod pa dang/ phyogs chos dran pa'i blo rjes dpag gi dngos rgyur mi rung bar 'dod ba ni nges pa med de/ 'di ni bye brag pas 'dod pa rim pa de ltar skye ba 'gog pa'i skabs yin pa'i phyir ro/ /gnyis pa ni/ don gcig la 'du ba 'brel pa g cig pur nge pas rjes dpag skye'o zhe na/ khyod rjes dpag gi mtshan nyid ma tshang bar thal/ sgra mi rtag par bsgrub pa la 'bras bu dang/ rgyu nyid dang rnam par 'gyur ba la sogs pa gtan tshigs su khas blangs nas/ mdor mtshon zhing ma bstan pa'i phyir ro/ /gtan tshigs gzhan yang ldan pa dang/ rnam par phye ba la sogs pa sogs don @051b ni/ don gcig la 'du ba'i 'brel ba de la ma tshang ba'i don to/ /skyon med de/ rtags chos gsal bya gsal byed kyi rgyu 'bras yin no zhe na/ ldan pa'i 'brel ba shes byed kyi rgyar smos pa don med par thal/ shes byed kyi rgyu rnams kyi tha ma'i 'brel pa gsal byed du mi 'gyur pa ste/ gsal bde kyi rgyu la skyed byed kyis khyab la/ de sked byed du mi 'byung ba'i phyir ro/ /gsum pa ni/ lkog gyur go bar byed pa la ldan pa dang 'du ba'i 'brel pa sogs khas blangs pa don med par thal/ de dag med kyang med na ma 'byung ba'i 'brel pa gzhan las kyang de grub pa'i phyir ro/ /gsum pa la gnyis/ 'dod pa brjod pa dang/ de dgag pa'o/ /dang po ni/ grangs can pa na re/ don rnams kyi 'brel pa rtags yod de/ de yang 'jig rten dang bstan bcos las grags pa'i dpe gnyis kyis mtshon par byed do/ /rgyal dpogs pa dang/ grangs can dang/ gtso bo dang/ skyes bu bzhin du/ nor dang/ bdag po'i tshul gyis 'brel pa dang/ 'o zho dang/ gtso bo dang chen po sogs bzhin du/ rang bzhin dang/ rnam 'gyur gyi ngo bo dang/ shing rta dang/ de'i yan lag dang/ snying stobs sogs dang/ de tsam lnga bzhin du 'bras bu dang/ rgyu'i ngo bo dang/ rdza mkhan dang bum pa dang/ skyes bu gtso bo bzhin du/ rgyu mtshan dang/ rgyu mtshan can dang/ yal ga dang/ shing dang/ de tsam lnga dang 'byung ba chen po bzhin du/ yan lag dang/ yan lag can dang dur pa du ma dang/ snying stobs la sogs pa bzhin du/ lhan cig spyod pa'i dngos po dang/ sprul dang/ rde mo dang/ yan lag dang/ yan lag can du gyur pa'i snying stobs @052a @#/ /sogs/ yan lag can gcig gis/ cig shos zil gyis gnon pa bzhin du/ gnod bya gnod byed kyis dngos po'o/ /'brel pa mngon sum pa gang rung gcig mngon sum gyis grub pa las/ de la brten nas lhag pa'i don mngon gyur min pa gzhan grub pa'i rjes su dpag sogs zhes zer to/ /dper na/ sngar du ba dang me'i 'brel ba dang po 'ga' zhig gis mthong nas/ phyis du ba mthong ba las blos me yod pa nyid du zhen par bya'o/ /rtags kyi shes pa kha cig ma nges par yang 'gyur te/ rlangs pa mthong ba las du bar the tshom za ba bzhin no/ /gnyis pa la gnyis/ rjes dpag gi mtshan nyid mi 'thad par dam bcas pa dang/ rjes dpag 'gog pa'i rigs pa'o/ /dang po ni/ de la 'brel ba la mngon sum gang rung gcig la ste de la brten nas lkog gyur dpog ces pa rigs pa min te/ de la 'chad par 'gyur ba'i rigs pas gnod pa'i phyir ro/ /gnyis pa la gsum/ rgyas par dgag pa dang/ sbyir mthong ba la gnyis kho nar des na rjes dpag khyab mtshungs pa dang/ skyes bu tshad mas ma grub par bstan pa'o/ /dang po la gnyis/ 'brel pa 'dzin pa'i mngon sum dgag pa dang/ 'brel pa la brten pa'i rjes dpag dgag pa'o/ /dang po ni/ spyi dang khyad par sogs 'dzin pa'i rnam pa la sogs pa'i 'jug pa mngon sum dang/ de'i 'bras bu yid kyi 'jug pa yang mngon sum du brjod la de dag gi 'brel pa 'dzin par byed do zhe na/ dbang po'i mngon sum gyi spyi dang khyad par dang 'brel pa sogs 'dzin pa ma yin par @052b thal/ de rang gi gzung don tsam la lta ba'i rtag med yin pa'i phyir/ yid kyi 'jug pa rnam pa'i 'jug pa'i yul can du yang khyod kyis khas blangs pas tshad ma dang 'bras bu byed pa 'jug pa'i yul mi gcig par yul 'gal bar khas blangs dgos na/ de yang mi 'thad par sngar bshad zin to/ /gnyis pa la bzhi/ nor dang nor can gyi 'brel ba la brten pa mi 'thad pa dang/ gnod bya gnod byed kyi 'brel ba la brten pa mi 'thad pa dang/ gtso bo dang skye bu sogs dpog pa gtan tshigs 'brel med du thal ba dang/ lhan cig dpyod pa'i dngos po'i 'brel ba la brten pa mi 'thad pa'o/ /dang po ni/ nor dang nor can la sogs pa'i 'brel ba mngon sum gyis gzung nas de las lhag pa'i don grub pa rjes dpag tu 'dod pa mi rigs te/ nor dang nor can gyi 'brel ba de ma shes par med na mi 'byung ba'i 'brel pa nges pa la brten nas/ lkog gyur de rtogs pa'i phyir/ nor dang nor can ni/ gcig khong du chud pa cig shos nges pa la ltos pas phan tshun brten pa'i phyir/ go byed kyi yan lag tu 'thad pa min no/ /khyod kyi 'brel pa lta na/ mig shes kyang du bas rjes su dpog par thal/ 'brel pa gnyis las nye ring gi khyad par med pa'i phyir ro/ /med na mi 'byung ba'i 'brel pa khas len pa la nyes pa nge med de/ gnyis gnas min pa ste/ du ba me la 'brel yang me du ba la ma 'brel ba'i phyir ro/ /gnyis pa ni/ gnod bya gnod byed kyi 'brel pa la brten nas rjes dpag skye ba mi 'thad pa thal/ sbrul dang ne'u le lta bu de la rtags dang rtags can med pa'i phyir te/ sbrul rgyal ba dang/ le'u le pham pa la @053a @#/ /'gal ba med pa'i phyir ro/ /gsum pa la gnyis/ gtso bo sgrub pa'i rtags chos la bskyed bya skyed byed kyi 'bras bu mi 'thad pa dang/ gsal bya gsal byed mi 'thad pa'o/ /dang po la gsum/ rgyu 'bras spyir dgag pa dang/ nor dang nor can gyi 'brel pa la brten pa dgag pa dang/ dgag pa gzhan bstan pa'o/ /dang po la gsum/ gsal ba rnams la rjes su 'gro ba gtso bo sgrub byed du mi rung ba dang/ gtso bo rgyur mi 'thad pa dang/ rgyu 'bras kyi 'brel pa gtso bo la brten pa'i chos su mi 'thad pa'o/ /dang po ni/ sgrub pa'i gtan tshigs lnga/ grangs can gyis bkod de/ khyad par rnams la brjes su 'gro bar mthong ba dang/ tshad ma mthong ba dang/ rgyu dang 'bras bu'i dngos po dang/ nus pa 'jug pa dang/ 'jig rten sna tshogs kyi dbye ba mthong ba'i phyir/ mi gsal ba'i rgyu yod do zhes pa'o/ /gtso bo de yang yod pa nyid dang/ gcig nyid dang/ don dang ldan pa nyid dang/ gzhan gyi don nyid la sogs pa'i chos dang ldan pa'o/ /gtso bo sgrub pa'i gtan tshigs lnga so sor mi brjod pa ste brjod mi rigs par thal/ rgyu ni gtso bo cha med cig yin la/ gtan tshigs tha dad dang/ rjes su 'gro ba tha dad la rtogs par mi nus pa'i phyir/ gtan tshigs rnams rang bzhin gcig yin pa dang/ rang bzhin gtso bo de nyid cha med yin pas rjes su 'gro ba mthong ba la sogs pa'i gtan tshigs kyis sgrub par mi rigs so/ /khyad par rnams dang/ de la rjes su 'gro ba gzhan min pa'i phyir nyes pa med do zhe na/ gal te rjes su 'gro ba gzhan tha dad pa nyid la ltos pa min no/ /de tsam lnga dang gtan tshigs @053b rnam pa lnga rigs pa ma yin par thal/ rjes su 'gro ba dang tha dad pa rnams gzhan min pa tha dad med pa'i phyir dang/ rang bzhin gtso bo de la dbye ba cung zad kyang mi rung ba'i phyir ro/ / gtso bo kun kyi rang bzhin du khas blangs la/ de la dbye ba cung zad kyang byar med pas gtan tshigs lnga dang/ de tsam lnga la sogs pa'i dbye ba mi rung ba'o/ /gnyis pa ni/ gtso bo'i cha nas rgya lam na'ang rnam 'gyur rnams kyi skyed byed du 'gyur ba ma yin par thal/ rtag pa'i dngos po yin pas gzhan du 'gyur ba mi 'thad pa'i phyir ro/ /rnam 'gyur rnams tha dad na yang de yod par 'grub par byed pa gtso bo'i skyed byed la ltos pa ma yin par thal/ tha dad ni yod pa tsam de las kun tu thob par 'gyur pa'i phyir/ gsum pa ni/ gtso bo dang khyad par rnams rjes su 'gro bar mthong ba 'di dag gsal bya gsal byed dang/ bskyed bya skyed byed kyi sgo nas go bya go byed du 'thad pa ma yin par thal/ gtso bo dang skyes bu la sogs kyi gcig dang/ yod pa nyid sogs gtsug phud can gyi don bcu gsal ba tha dad rnams kyi rjes su 'gro ba nyid la sogs pa'i rgyu mtshan gang las yongs su 'dzin te/ rtags de dag las mi rtogs pa'i phyir/ gtsug phud can gyi don bcu ni yod pa nyid dang/ gcig nyid dang/ don dang ldan pa nyid dang gzhan gyi don nyid dang/ gzhan nyid dang/ byed pa po'i dngos po min pa dang/ sbyor ba dang/ 'brel ba dang/ mang po skyes bu rnams dang/ gnas pa ste/ skyes bu'i chos bcu'o/ /gnyis pa ni/ gtso bo yod pa dang/ rjes su mthun pa'i gtan tshigs rjes su 'gro ba mthong ba la sogs pas sgrub pa cing/ de yang nor dang nor @054a @#/ /can gyi 'brel ba la brten nas go bar byed pa ni/ sngar bshad pa de bzhin du nor dang nor can la sogs pa'i 'brel ba'ang lkog gyur gsal byed min zhing/ lkog gyur go ba 'brel bar mi 'byung bar thal/ cha phye nas khas ma blangs pas/ cha thams cad gyis go bar thal ba'i phyir ro/ /kho bo cag ltar na 'brel pa med pa'i skyon med de/ 'brel pa gzhan med na mi 'byung ba las kyang lkog gyur de mtshon pa'i phyir dang/ nor nor can cha gang gi sgo nas kyang 'brel med nyid du yang dag par brjod pa'i phyir/ nor go ba nor can dang/ de go ba nor go ba la rag las pas phan tshun brten par 'gyur ro/ /gsum pa ni/ nor dang nor can la sogs pa'i 'brel pa la brten nas go bar byed cing/ nor gyi cha nas rtags can nor can go bar byed cing/ 'dzin pa yin na ni/ rtags can rnam pa kun tu cha gang gi sgo nas kyang 'dzin par 'gyur pa thal/ med na mi 'byung ba'i 'brel ba las 'dzin pa bor nas/ 'brel med kyi rtags gzhan shes pa na go bar 'dod pa'i phyir/ gnyis pa ni/ gtso bo sgrub pa'i rtags chos kyi 'brel pa gsal bya gsal byed kyi dngos po ma yin no zhe na/ gal te 'brel pa rgyu mtshan dang rgyu mtshan gyi dngos po gcig bu yin gyi 'brel pa rnam pa bdun ma yin par thal/ rgyu mtshan dang rgyu mtshan gyis gsal bya gsal byed kyi dngos po kho na'i 'brel pa la brten nas go bar byed pa'i phyir ro/ /bzhi pa ni/ gal te lhan cig rgyu ba'i dngos po'i 'brel pa la gtso bo sgrub par byed la/ rjes su dpag pa ni gnyis te/ khyad par mthong ba dang/ spyir mthong ba gnyis las khyad @054b par mthong ba ni/ me du 'brel ba mthong nas du ba de kho nas me de kho na yang dang yang du go bar byed pa yin la/ spyir mthong ba ni/ sngar me du'i 'brel pa mthong nas/ phyis du ba mthong tsam gyis me dpog pa'o/ /spyir mthong ba'i rjes dpag gnyis te/ rgyu las 'bras bu 'byung bar rtogs pa snga ma dang ldan pa dang/ grub zin gyi 'bras bu mthong nas/ rgyu byung zin par rtogs pa lhag ma dang ldan pa yin la/ snga ma 'khrul ba srid cing/ phyi ma 'khrul ba med pa'o zhe na/ khyad par mthong ba'i blo chos can/ rjes dpag ma yin par thal/ rtogs zin gyi don don la 'jug pa'i dran par 'dod rigs pa'i phyir/ spyir mthong ba rnam pa gnyis so zhes pa'am spyir mthong ba rnam ba gnyis kho na zhes pa yang rung st/e nges par bzung ba gnyis ka rigs pa ma yin par thal/ nges bzung dang po ltar na/ yang dang yang du rjes su dpog pa'i khyad par mthong ba'i rjes dpag med par 'gyur ba'i phyir dang/ nges bzung gnyis pa ltar na/ nor dang nor can dang lhag cig rgyu ba dang/ gnod bya gnod byed kyi 'brel pa la brten pa'i rjes dpag med par 'gyur ba'i phyir te/ 'brel ba de dag rgyu las 'bras bu dpog pa dang/ 'bras bu las rgyu dpog pa la brten pa min zhing/ khyad par mthong ba'i rjes dpag gi rten yang ma yin pa'i phyir ro/ /gnyis pa la gnyis/ dngos dang/ nges bzung 'bras bu med par bstan pa'o/ /dang po ni/ yang smras pa nor nor can la sogs pa'i 'brel pa khyad par du bstan pa dang rjes su dpag pa spyir mthong ba dang/ khyad par mthong ba gnyis nyid dang rang bzhin dang rnam 'gyur dang rgyu mtshan dang/ rgyu mtshan can dang/ nor dang nor can gyi 'brel pa la brten pa'i de sngon du @055a @#/ /song pa'i rjes dpag ni gsum ste/ 'di rnams rjes dpag gang du bsdu ste/ gang du yang yang ma 'dus par thal/ spyir mthong ba'i rjes dpag gnyis kho na nges pa'i phyir dang/ de dag phal cher rgyu 'bras kyi 'brel pa la brten par zad kyi/ gnyis po de gang gi yang nang du ma 'dus pa'i phyir ro/ /gnyis pa ni/ des na/ dpyir mthong ba'i rjes dpag kho na gnyis sam/ de gnyis kho na'o zhes pa'i nges bzung mi rigs par thal/ nges bzung gi tshig la 'bras bu med pa'i phyir/ rgyu las 'bras bu dpog pa de rtags ma yin par thal/ 'gal rkyen gyi gegs byed pa sogs srid pas khyab pa 'khrul pa'i phyir ro/ /khyod kyi snga ma dang ldan pa'i rjes dpag 'khrul par khas blangs pas/ rtags 'khrul pa can du khas len pa dang/ 'brel pa khas len pa'o; ;gal te rgyu las 'bras bu dpog pa yin yang mi 'khrul pa'i 'brel pa la ltos pa'o zhe na/ snga ma dang ldan pa'i rjes dpag gi rten/ khyod 'dod pa'i 'brel pa las 'brel pa gzhan dag med na mi 'byung ba'i 'brel pa 'ongs pa yin par thal/ mi 'khrul ba'i 'brel pa la ltos pa gang zhig /de med na mi 'byung ba'i 'brel pa las gzhan la mi srid pa'i phyir ro/ /'dod na khas blangs nyams so/ /gal te the tshom dang bcas pa'i rnam par dpyod pa can gyi lhag ma dang ldan pa'i rjes dpag nyid rjes dpag yin la/ gzhan du gtan tshigs la rjes dpag tu btags nas brjod do zhe na/ rjes dpag thams cad la dpyod pa dang bcas par brjod par bya rigs par thal/ rjes dpag gzhan yang/ rtags kyi spyi mngon sum gyis gzung yang/ dpag @055b bya'i don ma nges pa ci 'di gang las shes dpyad dgos pa yod pa'i phyir/ lhag ma dang ldan pa'i rjes dpag kho na rnam par gtsod pa dang bcas pa min par thal/ khyod ltar na khyad par rnams rjes su 'gro bar mthong ba la sogs pa'i gtan tshigs gzhan pa las kyang gtso bo yod pa rab tu 'grub bar khas blangs pa'i phyir/ gsum pa ni/ gtso bo dang/ skyes bu'i don du rtogs pa gtsugs phud can gyi don gcig yin pa gtan tshigs des gtso bo la cha tha dad pa du ma yod pa ma nges par rtogs dgos la/ de 'bras bu dang rnam par 'gyur ba dang/ gtan tshigs tha dad pa du ma khas blangs pa'i phyir rgyu la nus pa cha tha dad du ma med na 'bras bu du ma skye bar ri rigs/ 'bras bu rgyu'i rjes su byed pa'i phyir ro/ /gtso bo rang bzhin cha med yin zhing/ cha tha dad du ma yod pa min na tha dad pa'i tha snyad yod pa min pa'am/ gtso bo'i khyad chos lnga dang/ gtsug phud can gyi don bcu yang mi 'thad par thal/ gzhan yang skyes bu'i yod pa nyid dang/ byed pa po min pa la sogs pa'i rnam pa kun rtogs par mi 'gyur par thal/ gtan tshigs dang rtags chos kyi 'brel pa sogs kun gtso bo'i 'bras bur khas blangs pa gang zhig /gtso bo skyes bu'i rgyu ma yin pa'i phyir ro/ /skyes bu ni/ myong ba yin pas sems dpa' can yin pa sus kyang ma byas shing/ su'i yang byed pa po min pa'i rtag pa'i dngos por khas blangs pa'o/ /bzhi pa la gsum/ mtshams sbyar ba dang/ 'dod pa brjod pa dang/ de dgag pa'o/ /dang po ni/ dpyod pa pa'i rjes dpag la nyes pa brjod pa ni zhes @056a @#/ /so; gnyis pa ni/ dpyod pa pa na re/ rjes dpag dang/ sgra byung dang/ nyer 'jal dang/ don gyis go ba'i tshad ma la sogs pa rgyas par mdor ma mtshon te/ mngon sum sngon 'gro can yin pa'i phyir/ de dang mtshungs pas tshad mar shes zin pa'i phyir/ rnam par ma phye'o zhe na/ 'grel pa byed mkhan gyis rtsa ba'i bsam pa blangs nas cung zad phye'o/ /gsum pa la gnyis/ rjes dpag mdor ma mtshon pa'i rgyu mtshan dgag pa dag/ 'grel ba byed pa'i ma byas pa dgag pa'o/ /dang po ni/ rjes dpag sogs mngon sum tshad ma sngon du song ba las skyes pas/ tshad mar shes zin pa'i phyir/ go sla bas mtshan nyid ma brjod pa yin pas/ mngon sum gyi rjes su skyes pa'i dran pa dag/ 'dod dang; zhe sdang dang/ rtsol ba la sogs pa'ang tshad mar 'gyur bar thal/ mngon sum sngon du song ba can yin pa'i phyir/ gnyis pa la gnyis/ spyir dgag pa dag/ bye brag tu dgag pa'o/ /dang po ni/ dpyod pa'i gzhung gi 'grel pa byed pas rtsa ba'i gzhung las mtshan nyid ma bstan yang/ bye brag pa la sogs pa'i lugs dang cig car mthong nas gzhan gzhung las ston te rigs pa can pa'i lugs dang gcig tu bstun nas ni/ mngon sum dang rjes dpag dang/ sgra byung dang/ nyer 'jal dang/ don gyis go ba'i tshod ma dang/ dngos po med pa'i tshad ma la sogs sogs pa bstan pa ste/ don gcig la 'du pa dang/ ldan pa dang 'du ba'i 'brel pa 'dzin pa'i mngon sum gyi rjes su don gzhan dpog pa rjes dpag tu 'dod pa'o/ /rjes dpag de ldan pa dang 'du ba'i @056b 'brel pa gzung yul du byed pa'i mngon sum sngon du 'gro ba can ma yin par thal/ mngon sum gyis 'brel ba 'dzin pa mi srid pa'i phyir ro/ /gnyis pa la gsum/ 'brel ba 'dzin pa'i mngon sum mi 'thad pa'i rgyu mtshan dang/ ldan pa'i 'bral pa rjes dpag gi gi rten du mi 'thad pa dang/ dgag pa gzhan bstan pa'o/ /dang po ni/ ldan pa dang 'du ba'i 'brel ba sogs kyi yul du byed pa med par thal/ gzhan dang ma 'des pa'i thun mong min pa'i rang mtshan 'ba' zhig 'dzin pa'i phyir dang/ 'brel pa dang 'dres ba'i 'brel pa can gyi yul 'ang/ dbang blo de dag 'dzin byed du 'jug pa yod pa ma yin pa'i phyir ro/ /'di dag ni/ du ma'i ngo bo'i chos can ni zhes par bshad zin to/ /gnyis pa la gnyis/ dngos dang/ 'brel ba can rang gi ngo bo rjes dpag mi skyes pa'o/ / dang po ni; 'grel pa byed pas rjes dpag bye brag pa dang/ gcig par bsam pa nas de dang mthun par byas so/ /ldan pa'i 'brel pa ba rdzas grub rjes dpag gi rten rtags ma yin par thal/ ldan pa cha shas med par khas rlangs pas du bas mgo ba bzhin du mas kyang du ba go bar thal ba'i phyir ro/ /gnyis pa ni/ ldan pa can 'brel pa lam ltos par rang gi ngo bos rjes dpag la phan btags pa'i sgo nas rjes dpag gis gong du chud par byed nus pa ma yin par thal/ khyad ltar na 'brel ba mi shes pas kyang/ lkog gyur rtags par 'gyur pa'i phyir ro/ /gzhan yang 'brel pa can gyi ngo bo gzung ba'i ska nas 'brel pa 'dzin pa yang ma yin te/ 'brel pa gzhan 'dzin pa min zhing/ mngon sum yang ldan pa dag ldan pa can la sogs pa'i khyad gzhi khyad chos sbyor @057a @#/ /ba ma yin pa'i phyir ro/ /gsum pa la gsum/ dpyod pa pa'i rjes dpag la gnod pa rgyas par ma brjod pa'i rgyu mtshan dang/ don gyi go ba'i tshad ma dgag pa dag/ dngos po med pa'i tshad ma dgag pa'o/ /dang po ni/ mngon sum sngon du 'gro ba'i rjes dpag ni kha na ma thob med pa yin pas dgag par mi rigs so zhe na/ rjes dpag dang/ nyer 'jal sogs phal cher bye brag pa'i 'dod pa dang mthun par 'grel pa byed pas khas blangs pas/ de skyon dang bcas pas 'di yang skyon dang bcas pa kho na'o/ /'dir rjes dpag la gnod pa rgyas par ma brjod pa'i rgyu mtshan yod de/ bye brag pa 'gog pa'i skabs gang du rjes dpag dang/ nyer 'jal sogs bkag pas/ de bzhin du dpyod pa ba'i gzhung gi 'brel pa'i lugs de yang bkag pas/ 'dir rgyas par ma bkag pa'i phyir ro/ /gnyis pa ni/ don gyis go ba'i tshad ma ni rnam pa gnyis te/ mtha' gcig tu nges pa 'bras 'tshed pa'i rtags la snod dang/ thab la sogs pa don gyis go ba dang/ du ba mthong ba tsam gyis me don gyis go ba'o/ /mtha' gcig tu ma nges pa ni/ rtsol ba las byung ba'i phyir/ mi rtags go zhes brjod pa ni/ rtsol pa las ma byung ba'i phyir/ rtag ces pa mtshungs par 'dod pa'o zhe na/ don gyis go ba'i tshad ma phung po gsum pa mi 'thad par thal/ 'bras 'ched pa'i rtags las snod go gzhi dang/ du ba'i rtags las me go ba'i tshad ma rjes dpag tu 'dus la cig shos mtha' gcig tu ma nges pa'i blon rdzun pa tshad ma min par the tshom yin pa'i phyir ro/ /gsum pa ni/ nag pa khyim na med pa las/ phyi na yod par @057b go bas/ nag pa khyim na med par go ba yang/ dngos med rang rgyud pa 'jal ba'i tshad ma phung po gsum pa yin no zhe na/ spyir nag pa 'tsho ba dang/ nag ba khyim na med ces pa'i sgra'i sbyor ba las phyi na yod pa go ba tsam yin gyi/ nag pa khyim na med pa las phyin yod pa nges par mtshon pa ma yin par thal/ nag pa phyogs der yod par go zhing khyi man med do zhes pa'i khyim gyi sgra yi don las skabs 'dir phyi na yod pa rab tu rtogs pa yin gyi gzhan du na/ khyim dang phyi rol gnyis ka na med pa srid pa srid pa'i phyir ro; ;ri bong gi rVa la sogs pa yang phyi rol na yod par thal ces pa'o/ /lugs 'di 'gog pa ni/ rnam nges su gzhan du don med pa nyid ni/ mi dmigs pa las rtogs par 'gyur/ /zhes pa la 'phros pa'i skabs su gsungs pa ltar shes par bya'o/ / gnyis pa le'u'i mtshan bstan pa ni/ tshad ma kun las btus pa'i rnam bshad mthar 'dzin gyi gdung ba 'joms byed rigs pa'i rgya mtsho zhes bya ba las/ rang gi don gyi rjes su dpag pa ste le'u gnyis pa'i 'grel pa'o// //gnyis pa de la brte nas gdul bya gzhan rjes su 'dzin pa'i thabs bshad pa la/ le'u'i gzhung bshad pa dang/ le'u'i mtshan bstan pa gnyis/ dang po la gsum/ rgol ba'i rten can sgrub ngag yan lag dang bcas pa bshad pa dang/ gnyis ka'i rten can sgra rtog gi 'jug tshul gzhan sel ba bshad pa dang/ phyir rgol gyi rten can sun 'byin ltar snang ltag chod bshad pa'o/ /dang po la gnyis/ bsgrub pa dang bsgrub pa ltar snang bshad pa dang/ dpe dang dpe snang ba bshad pa'o/ /dang po la gnyis// rang gi @058a @#/ /lugs bzhag pa dang/ gzhan gyi 'dod pa dgag pa'o/ /dang po la gnyis/ rjod byed ngag gi rang bzhin bshad pa dang/ brjod bya don gyi rang bzhin bshad pa'o/ /dang po la gnyis/ gzhan don rjes dpag gi mtshan nyid bshad pa dang/ phyogs tshig bsgrub ngag gi yan lag yin pa dgag pa'o/ /dang po ni/ tshig don dang/ mtha' dpyad pa gnyis kyis rig par bya'o/ /dang po ni/ rgol bas skabs dang mthun par gang byas mi rtag ste dper na bum pa bzhin/ sgra yang byas so zhes pa'i dag ni mtshan gzhi'o/ /gzhan don gyi rjes su dpag pa ni mtshon bya'o/ /rgol ba rang gis tshad mas mthong ba'i tshul gsum gyi don lhag chad dang bral bar rab tu gsal par byed pa'i yan lag gnyis ldan gyi ngag gi mtshan nyid do/ .lo-tstsha ba chen pos rgyu dang/ brjod bya dang/ byed las dang/ ngo bo'i khyad par dang bzhir mdzad de/ /gnyis pa ni/ rang gis mthong smos pa'i rnam bcad kyi dgos pa ni/ grangs can pas blo bde chos can/ sems med bem po yin te/ skye 'jig can yin pa'i phyir; dper na/ de tsam lnga po bzhin zhes pa'i ldog khyab grangs can rang la grags kyang/ phyogs chos dang rjes 'gro sangs rgyas pa'i lung las grub pa'i phyir rgol sangs rgyas pa'i ngor rtag tu 'dod pa lta bu/ tshul gsum rgol ba rang ga tshad mas ma grub kyang/ phyir rgol gyi lung las grub pa'i gzhan don rjes dpag tu 'dod pa dgag pa'i ched yin te/ de phyir dngos stobs kyi skabs su lung sgrub byed du mi rung ste/ gzhal bya'i gnas dang po gnyis la dpyad pa ma dag par lung sgrub byed du byed na ni @058b nges pa kho nar ngas khas blangs pa'i phyir/ de ltar yin no zhes par 'gyur pas gtan tshigs bkod pa la yang dgos pa cung zad kyang med cing/ mthar dam bca' thams cad khas blangs tsam gyis grub par khas len dgos pas dam bca' dang/ dam bca' ltar snang gi dbye ba cung zad kyang bzhag tu med par 'gyur ro/ /dbu ma thal 'gyur ba'i gzhan grags kyi gtan tshigs kyi don 'chad par slob pa kha cig kyang tshul gsum rgol ba rang gi tshang mas ma grub par phyir rgol gyis khas blangs pa 'ba' zhig tu 'chad pa ni/ grangs can dang khyad par cung zad kyang med cing/ mgon po klu sgrub yab sras la skur pa 'debs 'dod pa yin pas/ mchil ma'i thal pa bzhin du dor bar bya'o/ /gzhan don byed 'dod pa rnams/ sa dang lam gyi rnam gzhag /rang gis tshad mas grub pa'i tshul la mi 'bad par lung tsam la 'tshal zhing/ gzhan bslu bar mi bya'o/ /yongs gcod kyi dgos pa ni/ rgol ba rtog ldan gzhan don byed pa la ni/ phyir rgol gyi rgyud kyi lkog gyur rtogs pa'i tshad ma rgol ba'i rgyud kyi tshad ma 'bras bur 'gyur ba'i tshul gyis don byed pa nges par dgos te/ gzhan du na gdul bya lam phyin ci ma log pa la dkri bar mi nus pa'i phyir ro/ /rang gis mthong ba smos pa 'dis ni/ bdag nyid chen po phyogs kyi glang pos zhan don byed pa'i bshes gnyen gyi mtshan nyid bstan pa yin pas/ rang la yid brtan cung zad kyang med bzhin du/ gzhan don rjes su 'dzin 'dod pa bkag par shes par bya'o/ /rnam 'grel las/ mi shes ston par byed pa las/ /'khrul par dogs pa can rnams kyis/ / @059a @#/ /shes ldan 'ga' zhig tshol bar byed/ /ces sogs kyis don de 'chad pa yin te/ tshad ma rnam nges kyi rnam bshad du rgyas par bshad zin to/ /gzhan don rtags kyi tshul gsum rgol ba gnyis ka'i tshad mas grub pa dgos pa'i rgyu mtshan yang/ de yin par gzung bar bya'o/ /don smos pa'i rnam bcad kyi dgos pa ni/ sgra chos can/ rtag ste/ phyogs dang mthun phyogs gang rung yin pa'i phyir ces pa dang/ mi rtag ste/ de'i phyir/ ces pa lta bu rtags kyi mthun phyogs dang/ mi mthun phyogs la nye ba dang/ skal ba'i khyad par cung zad kyang med cing/ tshul gsum dan rang mtshan dang 'brel pa med pa rtog pas sgro btags pa dang/ lung tsam ma gtogs sgrub byed gzhan cung zad kyang med par rtags yang dag yin pa dgag pa'i ched yin no/ /yongs gcod kyi dgos pa ni/ dngos su rtog pas btags pa'i don gtan tshigs su bkod kyang/ tshul gsum 'jal ba'i tshad ma mthar/ mngon sum dang/ de'i gzung yul don rang mtshan gyi mthar thug pa dgos par shes pa'i ched du yin te/ gzhan du na rnam nges las de dag gis btags pa'i yul gyis don go na ni/ don mi 'thob pa kho nar 'gyur ro zhes pa'i nyes par 'gyur bas so/ /sgrub ngag la rjes dpag gi ming gis 'dogs pa'i rgyu mtshan ni/ rgyul 'bras bu'i ming gis btags pa'o/ /dgos pa ni/ rgol ba'i ngag rnam par dag pa las/ phyir rgol gyi rtogs pa skye bar shes pa'i ched du yin no/ /thob pa'i shes rab las bsam pa'i shes rab skye bar shes pa'i ched du'o/ /mtshan nyid kyi @059b zur de gnyis kyis blo skyon dang/ don skyon zhugs pa sol zhing/ tshul gsum gang yang rung pa gcig ma smos na yang/ sgrub ngag ltar snang du bstan pa yin no/ /rab gsal byed smos pa'i dgos pa ni/ sgra'i skyon zhugs pa sel ba yin te 'chad par 'gyur ro/ / gnyis pa ni/ sgrub ngag gis phyogs dngos sum bstan na gtan tshigs kyi byed pa 'jug pa'i yul mi shes pa dang/ des gtan tshigs kyi tshig 'dren pa'i phyir/ phyogs tshig gi sgrub ngag gi yan lag yin no zhe na/ tshul gsum gsal bar byed bsgrub ngag tu bstan pa de la rtags kyi dpag bya phyogs dngos su bstan pa ni/ sgrub ngag gi yan lag tu mi rigs par thal/ phyogs de ni rtags kyi don gi gyi byed pa 'jug pa'i yul du 'dod rigs pa'i phyir te/ de yang sgra rtag mi rtag the tshom za nas dris pa'i tshe sgra mi rtag ces brjod na/ sngar gyi the tshom de las ma 'das shing/ ngas pa 'dren pa'i rgyu cung zad kyang med pa'i phyir te/ sgra mi rtag ste mi rtag pa'i phyir ro/ /zhes par 'gyur bas/ ji skad chos dang ldan min the tshom za ba de srid du gtan tshigs la yang the tshom za bas so/ /sgra dang mi rtag pa'i 'brel pa nges par byas nas/ go byed du 'gyur snyom na/ sgra nges pa tsam gyis mi rtag par nges mi nus pas byas pa lta bu'i sgrub byed la ltos la de'i tshul gsum tshad mas nges na sgra mi rtag go /zhes ma smos kyang 'bad med du rtegs par 'gyur bas/ phyogs tshig sgrub ngag gi yan lag tu rogs pa cung zad kyang med do/ /gtan tshigs kyi 'dren pa tsam gyis sgrub ngag gi yan lag yin na/ the tshom dang shes 'dod dang/ dgag bya brjod pa'i tshig rnams kyang de'i yan lag @060a @#/ /tu 'gyur bas thug pa med par 'gyur ro/ /phyogs des na phyogs tshig gi bsgrub bya sgrub pa'i nus pa med pa'i 'ga' zhig brjod pas de sgrub ngag gi yan lag yin pa bcad phyir tu/ rab gsal byed smos so/ /gnyis pa la gnyis/ shugs bstan phyogs kyi mtshan nyid bshad pa dang/ dngos bstan rtags kyi rab dbye bshad pa'o/ /dang po la gsum/ rang lugs kyi dam bca'i mtshan nyid bshad pa dang gzhan gyi dam bca'i mtshan nyid dgag pa dang/ rigs pa can pa'i rtags dam bca' dang 'gal ba'i dam bca' ltar snang gi dpe dgag pa'o/ /dang po la gnyis/ phyogs kyi mtshan nyid kyi zur dang po bzhi bshad pa dang/ ma gsal pa rgyas par bshad pa'o/ /dang po ni/ phyogs tshig sgrub ngag gi mtshan nyid 'chad pa'i skabs su phyogs kyi mtshan nyid smos par mi rigs so zhe na/ skyon med de/ sgrub ngag gi yan lag tu mi rigs kyang/ dngos su bstan pa ni/ phyogs min pa ma yin pa dang/ yin pa la min par log par rtog pa bsal ba'i ched du yin no/ / yang phyogs sgrub ngag gis dngos su ston par mi rigs zhing/ gal te ston na yang/ mtshan nyid 'di lta bu dang ldan pa zhig bstan par bya ba yin no/ /zhes rtag pa mtha' bzung gi tshul yin par slob dpon chos mchog bzhed pa ltar bya'o/ /lo-tstsha ba chen pos bstan par 'os pa'i tha snyad du bya ba mtshon tshig 'dis bstan par mdzad do/ /mtshan nyid gang dang ldan pa zhe na/ ngo bo zhes smos pa la dgos pa yod de/ sgra dang mi rtag pa'i tshigs don lta bu phyogs yang dag tu mtshon pa la/ phyir rgol gyis grub @060b ma zin dang ldan pa dang/ grub zin gyi sgra mnyan bya lta bu phyir rgol gyis grub zin min pa dgos par shes pa'i chad yin pa'i phyir/ phyir rgol gyis ma grub pa dang/ phyir rgol gyis ma grub pa ched ba'i khyad par ma phyed pas kha cig la 'khrul pa skyed snang ste/ rnam 'grel nges kyi rnam bshad du rgyas par bshad pa las shes par bya'o/ /kho na smos pa la dgos pa yod de/ sgrub byed du bkad bzhin pa'i dpe rtags ma grub pa lta bu yin pa sngar gyi gzhi de'i steng du bsal nas/ sgrub byed du bkod bzhin pa min dgos par shes pa'i ched du yin pa'i phyir/ bsgrub bya sgrub byed gzhi mthun pa yin na/ phyogs yang dag min par bstan pa yin no/ /rang nyid smos pa la dgos pa yod de/ phyogs yang dag yan na/ rtsod pa'i tshe rgol ba rang nyid kyis dpag 'dod kyi yul du byas pa dgos par shes shing/ bstan bcos mkhan po'i 'dod pa yin pa rgyu mtshan du byas nas de'i 'dod pa dang mi 'gal brtson pa'i tshe na yang bsgrub byar byed dgos snyam pa dgag pa'i ched yin pa'i phyir/ 'dod pa sems pa la dgos pa yod de/ phyogs yang dag yin na/ rgel bas zhe bas 'dod pa gcig dgos kyi/ sgras chos tsam bsgrub bya min par shes pa'i chad yin pa'i phyir/ dper na/ grangs can gyis mig sogs gzhan don byed du 'dus shing bsags pa yin pa'i phyir/ ces pas/ bdag rtag pa'i don byed pa ngag gtum smras kyang; zhe 'dod kyis khyab pa'i bsgrub bya yin pas/ rtags kyis da la gnod na yang/ zhe 'dod 'gag pa 'gal bar 'gyur ba'o/ /'dod pa zhes pa'i tshig gis rgol pa'i 'dod yul bsgrub byar ston cing rigs mi mthun rgol ba las gzhan pa'i 'dod pa phyogs @061a @#/ /yang dag yin pa bsal yang rang nyid logs su smos pa ni/ rgol phyir rgol rtsod pa byed pa thams cad rang gis tshad mar khas blangs pa'i bstan bcos kyi don la rtsod pa yin la/ bstan bcos de'i phyogs gcig la gnod na yang/ skabs kyi bsgrub bya la gnod pas khas blangs pa'i bstan bcos kyi dan thams cad dang mi 'gal ba gcig skabs kyi sgrub byed byed dgos snyam du dogs pa'i gnas ni ldog ched du smos pa yin no/ /de ltar na dngos stobs kyi skabs su yang/ lung gnod med du khas len dgos pa yin no/ /de ltar rigs pa smra bar khas 'chi ba phal cher yang lugs 'di dang mthun par snang bas/ zhib tu shes par byas te/ rnam nges kyi rna bshad du bshad zin to/ /des na phyogs kyi rigs mi mthun sel ba la ni rgol bas dpag 'dod kyi yul du byas shing/ phyir rgol gyis grub bsal ma zhugs pa yin la/ kho na dang rang nyid ni/ log rtogs sel ba'i ched du yin no/ /don bsdus na sdar gyi gzhi de/ gzhan den bsgrub byar mtshon pa la/ ngo bo'i don sogs chos lnga tshang ba med de/ gnyis pa ni/ phyogs yang dag yin na/ tshad mas ma bsal ba dgos par shes par bya'o/ /gang gis ma bsal ba zhe na/ mngon sum dang rjes dpag tshad ma dag/ yid ches kyi tshad ma dang/ grags pa'i tshad mas ma bsal ba dgos te/ tshad mas bsal ba zhugs pa the tshom gyi yul min pas/ gtan tshigs kyi byed pa 'jug pa'i rten du mi rung ba'i phyir ro/ /mngon sum la don zhes smos pa dgos pa yod de/ sgra la mnyan bya lta bu mngon sum gyis dngos su rtogs shing gzung ba'i don de gzhi de la don dam par grub pa @061b gcig dgos so zhes shes pa'i ched du yin pa'i phyir ro/ /bsal ba'i dpe dang/ dper na sgra mnyan du mi rung ngo zhes pa dag/ bum pa rtag go zhes pa dag/ gzhal bya'i don can gyi tshad ma dag med ces pa dam bcas pa tsam gyi 'gal ba dang/ sgra grags pa dang 'gal ba ri bong can gyi zla ba ma yin te/ yod pa'i phyir/ ces pa lta bu'o/ /rang 'gel du/ gang la thun mong ma yin pa'i phyir rjes su dpag pa med la/ sgra las byung ba'i grags pa dang 'gal ba'i don sbyor ba ni zhes bshad do/ /'di dag gi don rgyas par bshad na tshig ha cang mangs dogs pas/ rnam 'grel ngas kyi rnam bshad du bshad zin pa las shes par bya'o/ /gzhi chos can gang la ma bsal dgos na/ rang dang khyad gzhi khyad chos su gyur pa'i bsgrub bya'i chos su rang gi rten chos can la ma bsal ba dgos pa'o/ /'brel med kyi chos can la gnod pas skabs kyi bsgrub bya la mi gnod bar rang nyid ces smos pa'i tshig gi shugs la/ rang gi rten ches can la gnod pas/ skabs kyi bsgrub bya gnod par rtogs kyang/ rang rten la zhes smos pa ni/ 'grel med kyi chos can 'ba' zhig pa bkag pas/ skabs kyi bsgrub bya la gnod par 'dod pa'i log rtog dgag pa'i ched du byas so/ /sngar gyi dam bca' ltar snang bzhi bo 'di dag ni/ chos kyi ngo bo la tshad mas gnod pa'i phyogs tsam zhig bstan pa yin/ des mtshon nas gzhan shes par bya'o/ /dam bca' ltar snang gi de'i 'chad pa'i skabs su rtags ltar snang gi dpe smos pa'i dgos pa ni/ rnam 'grel nges su bshad pa ltar ro/ /chos kyi khyad par la gnod pa'i @062a @#/ /dam bca' ltar snang gi dpe ni/ yan lag can gyi yan lag las gzhan ma yin te/ zhes pa'i yan lag can chos can min la/ yan lag las gzhan tsam chos kyi ngo bo dag/ spyi dang des drangs pa'i 'og tu 'gro ba'i bya ba dang/ de gnyis 'phrod pa 'du ba can gyi rgyu dang/ chos gsum khyad par yin pas/ de dang mngon sum gyis mthong rung gi khyad par gzhan ma yin te/ srang dma' ba'i khyad par mi 'dzin pa'i phyir ro/ /zhes pa la brten nas sel bar byed do/ /chos can gyi khyad par dang/ ngo bo la gnod byed ni/ yan lag rnam yan lag can las gzhan ma yin te/ mngon sum min par thal par 'gyur ba'i phyir ro zhes pa dang/ rdzas ni yod pa ma yin te/ yon tan dang rdzas dag /rdzas dang rdzas min par thal bar 'gyur ba'i phyir ro zhes pa'o/ /chos dang chos can gyi ngo bo dang khyad par gnyi ka la gnod pa 'bab pa'i dam bca' ltar snang gi dpe ni/ ngag smra ba thams cad rdzun pa yin no zhes pa ste/ ngag smra ba chos can dang/ rdzun pa'i don can chos kyi ngo bo dang/ chos can gyi khyad par brjod bya mi rtag pa nyid dag/ chos kyi khyad par rdzun tshig gi brjod bya'i khyad par ste/ tshig bden zhen gyis smras pa'i shugs la/ bdag gi sel bar byed pa'i rang tshig 'gal ba yin pas/ sel byed gzhan ma smos so/ /bdag gis kyang rnam 'grel gyi rnam bshad du bshad pa las shes par bya'o/ /gnyis pa la gnyis/ rigs pa can pa'i dam bca'i mtshan nyid dgag pa dag/ rtsod sgrub mkhan po'i @062b dam bca' ba'i mtshan nyid la yang nyes pa de dang mtshungs par bstan pa'o/ /dang po la gnyis/ 'dod pa brjod pa dang/ de dgag pa'o/ /dang po ni/ rigs pa can pa rnams na re/ bsgrub par bya ba nyid du ston pa ste/ bstan par bya dam bca'o zhes pa mdo sde 'di la phyir rgol gyis grub pa med par don gyis byas pa ste/ phyir rgol gyis grub zin log pa bsgrub byar ston pa'o zhes zer to/ /gnyis pa la gsum/ ha can thal ba dag/ bsgrub bya'i don rtags la dgag pa dang/ nges bzung gi sbyor ba rtags la dgag pa'o/ /dang po ni/ de ltar ni/ /sgra chos can/ rtag ste/ reg bya can ma yin pa'i phyir/ dper na blo bzhin no zhes pa dang/ mi rtag ste mig gi gzung bya yin pa'i phyir/ ces pa rtags dang dpe ma grub pa yang bsgrub byar 'gyur bar thal/ de dag kyang phyir rgol gyis grub ma zin pa bsgrub bya nyid du bstan par bya ba yin pa'i phyir/ de shes skabs kyi ma grub pa thams cad dam bcar bstan pas sun 'byin de ltar brjod pa yin gyi/ ma grub ba tsam dam bcar ston na ni/ ri pong gi rVa'o zhes brjod pa yang dam bcar thal ba 'phen rigs so/ /de la kho na re/ dpe rtags ma grub pa dam bcar thal pa'i skyon med de/ las dang byed pa gnyis kyi nang nas las min pa'i phyir dang/ sgrub byed 'gog pa po'i 'dod phugs dam pa min pa'i phyir dang/ de brjod bsgrub ngag yan lag lnga'i nang gi dam bca'i yan lag min pa'i phyir dang/ grub mtha' bzhi'i skabs kyi ma grub pa min pa'i phyir ro/ /yang na 'dod pa po'i 'dod byar gyur pa nyid las su bya'o/ /grub mtha' bzhi ni/ rgyud thams @063a @#/ /cad dang mi 'gal ba gzhal bya'i don can gyi tshad ma yod do zhes pa lta bu rgyud thams cad kyi grub mtha' dang/ bdag yod med du dam bca' ba lta bu so so'i rgyud kyi grub mtha' dang/ bdag ni shi nas 'bras bu la longs spyod la der las ni med do/ /zhes brjod pa na bdag yod pa grub pa lta bu/ chos gang dam bcas pa na shugs la gzhan grub pa skabs kyi grub mtha' dang/ ma brtags par bdag yod par khas blangs/ gyis rtag mi rtag khyad par la spyod pa lta bu/ / khas blangs pa'i grub mtha' zhes zer to/ /dpe rtags ma grub pa byed pa po'i 'dod phugs dam pa sogs su ngas par khas len dgos pas lan gyis ldog mi nus pa rnam 'grel du bshad pa ltar shes par bya'o/ /gnyis pa ni/ bsgrub bya brjod ba dam bca'i mtshan nyid du khas blangs par chos bsgrub bya yin nam/ chos can nam 'on te gnyis ka'i tshogs pa bsgrub bya yin/ cho bsgrub bya yin na/ khyad kyi bsgrub bya dang chos mthun pa dpe'o zhes brjod mi rigs par thal/ mtshungs chos gnyis chos der mtshungs pa'i chos mthun med pa'i phyir ro/ /dpe dang/ rtsod gzhi su chos mthun pa'i bsgrub bya la gzhi chos gnyis med pa'i phyir/ ces pa'o/ /chos can bsgrub bya yin na/ de sgrub pa'i ched du rtags don med par thal/ rtags ma bkod pa'i sngar chos can sgra lta bu grub zin pa'i phyir/ gsum pa ltar na yang dpe dang chos mthun pa'i bsgrub bya sgrub par byed pa ni rtags khan blangs so/ /bsgrub bya dang de'i chos mthun pa'i de'i chos yod pa ni/ dpe bo zhes pa'i rigs pa can @063b pa'i dpe rtags kyi mtshan nyid skyon can du thal/ dpe rtags grub pa'i dus na/ bsgrub bya grub zin du 'gyur ba'i phyir ro/ /gsum pa ni/ kho bo cag ltar na yang/ dam bca'i mtshan nyid du kho na'i nges bzung sbyor bas/ dpe rtags ma grub pa dam bcas thal ba'i skyon med do zhe na/ bsgrub bya kho na brjod pa dam bca' 'o/ /zhes gzhan ldan rnam gcod du sbyor lam bsgrub bya brjod pa kho na dam bca'o/ /zhes mi ldan rnam gcod du sbyor/ dang po ltar na/ gong du nges bzung smos pa don med du 'gyur par thal/ de la dgos pa gang yang med pa'i phyir/ sgrub byed bsgrub bya yin pa bcad pa dang/ bsgrub bya phyir rgol gyis grub ma zin du shes pa'i ched du smos mi dgos/ dgos pa gzhan yang med pa'i phyir ro/ /cig shos ltar nges bzung smos na 'dod pa min pa'i don dpe rtags ma grub pa brjod pa yang dam bcar 'gyur bar thal/ de yang dam bcar 'gyur par thal/ de yang phyir rgol gyi ngor sgrub par bya dgos pa kho na yin pa'i phyir ro/ /gsum ga khas blangs so/ /gnyis pa ni/ rtsod pa bsgrub pa la yang nyes pa brjod pa ni/ rigs pa can pa'i dam bca'i mtshan nyid la nyes pa yod pa de bzhin du rtsod sgrub mkhan pos sgrub bar bya ba brjod pa/ dam bca'i mtshan nyid du khas blangs pa la yang skyon brjod rigs par thal/ rigs pa can ba bkag pa ltar nyes pa mtshungs pa'i phyir no; ;skyon med de/ rnam par bcad zin nas 'dod pa'i don phyogs yin pa nyid kyi phyir na/ rnam par bcad zin pa'i phyogs kho na yin pa'i bsgrub bya brjod pa dam bca'i mtshan nyid yin pas/ phyogs min pa dang po rtags ma grub pa dam bcar @064a @#/ /'gyur ba srid pa min no/ /zhe na/ phyogs yin pa'i bsgrub bya brjod pa dam bca'i mtshan nyid du smos pa la yang rigs pa can pa la bkod pa'i nyes pa mtshungs par thal/ rnam par gcod pa'i don nor pa yi don ni rgol bas bsgrub byar mi 'dod pa las log pa tsam yin la/ de ni dpe rtags ma grub pa la yang mtshungs pa'i phyir ro/ /rnam par bcad pa'i 'dod pa ni/ 'di rtags yin nam/ min zhes mig gi gzung bya yang bcad nus pa'i phyir/ de yang dam bcar thal lo/ / gsum pa la gnyis/ dngos dang/ dpe de rtsod sgrub mkhan pos 'gal rtags su bsdus pa dgag pa'o/ /dang po la gsum/ rtags dam bca' dang 'gal ba'i dam bca'i skyon du mi 'thad pa dang/ thams cad min pa'i rtags kyi sgrub pa'i chos mi mthun sbyor gyi khyab pa'i cha mthun tsam bstan pa yin pa dang/ nges thams cad min pa rtags su 'phangs pa dgag pa'o/ /dang po ni/ rigs pa can pa sgra rtag ste/ thams cad mi rtag pa'i phyir ces pa 'di rtags dam bca' dang 'gal ba dam bca'i skyon sgra rtag par dam bcas nas thams cad kyi nang 'du sgra yang 'du ba'i phyir thams cad mi rtag pa yin na/ sgra rtag par 'gal bas dam bca'i skyon yin no/ /zhes smra ba la nyes pa brjod pa ni/ sgra chos can/ rtag ste/ thams cad mi rtag pa'i phyir ces pa'i rtags 'di dam bca' gtan tshigs dang 'gal ba'i dam bca'i skyon yin no/ /zhes pa rigs pa min par thal/ gtan tshigs des mi rtag pa rtags su 'phangs na/ de ltar 'thad na yang/ mi rtag pa rtags su ma 'phangs pa'i phyir te/ sgra rtag ces dmigs @064b gyi bsal nas thams cad mi rtag ces pa'i spyir btang gi tshig de'i rjes su 'jug byed smras pas/ spyir btang dmigs bsal tshig tsam du zad do/ /gnyis pa ni/ des mi rtag pa rtags su 'phangs pa min par thal/ spyir ba'i 'god tshul legs par ma bslabs pa rnams kyis sbyor ba de ni thams cad min pa'i rtags kyis sgra rtag par sgrub pa'i chos mi mthun sbyor gyi sgrub ngag gi khyab pa'i cha mthun tsam dper brjod pa yin pa'i phyir/ de yang sgrub ngag yan lag lnga ldan pa'i mi mthun sbyor gyi khyab pa'i cha mthun ma yin te/ sgra chos can/ rtag ste/ thams cad yin pa'i phyir/ gang mi rtag pa de ni thams cad yin te/ dper na bum pa bzhin zhes brjod rigs pa la/ thams cad mi rtag ces khyab pa'i cha tsam brjod pa'o/ /gsum pa ni/ chos mi mthun pa'i rtags nyes par sbyor gyis 'dir thams cad yin pa sgra rtag pa sgra rtag par sgrub pa'i rtags su 'phangs so zhe na/ sbyor ba des sgra rtag pa sgrub par bya ba la/ thams cad min pa rtags su 'phangs pa ma yin par thal/ thams cad min pa tsam dang/ sgra min thams cad min pa gnyis ka rtags su ma 'phangs shing/ rtags su mi rigs pa'i phyir ro/ /dang po mi rigs te/ sgra yang thams cad kyi khongs su 'dus pa'i phyir dang/ spyi sgras khyad par spong ba 'thad pa'i phyir ro/ /gnyis pa yang mi rigs te/ chos can gyi ldog pa de nyid rtags su mi rigs pa'i phyir ro/ /'dus pa rnams gzhan gyi don byed de/ 'dus pa yin pa'i phyir/ ces pa dang/ 'dus byas mi rtag ste 'dus byas yin pa'i phyir ces pa lta bu dam bca'i phyogs gcig gtan tshigs su 'gyur bar mthong ngo zhe na/ 'dus pa dang @065a @#/ /'dus byas kyi bye brag rtsod gzhir 'dzin pa yin gyi/ gzhan du na dpe med par 'jug pa'i phyir ro/ /gnyis pa ni/ sngar gyi gtan tshigs de 'gal ba'i gtan tshigs ltar snang gi khongs su bsdus te/ de yang bye brag pas sgra mi rtag ste/ dbang shs kyi gzung bya yin pa'i phyir/ ces rtags su khas blangs pa na/ dbang po'i gzung byar gyur pa'i yon tan sogs rtag par khas blangs pa dang 'gal ba/ grub mtha' dang 'gal ba dang/ grangs can gyi rgyu la 'bras bu yod med par/ rgyu las 'bras bu 'byung ba'i phyir ro/ /zhes pa dam bca' dang 'gal ba gnyis lta bu'o zhe na/ sngar bshad pa'i gtan tshigs de/ dpe gnyis po bzhin du 'gal ba dang ldan pa'i gtan tshigs ltar snang ma yin par thal/ dpe gnyis po la phyogs chos yod kyang/ sngar gyi rtags de la phyogs chos med pa'i phyir ro/ /gnyis pa la gnyis/ mdor bstan pa dag/ rgyas par bshad pa'o/ /dang po la gsum/ gtan tshigs yang dag 'chad pa'i sngon du phyogs chos kyi rab dbye bshad pa'i dgos pa dang/ phyogs chos kyi dbye ba bshad pa dang/ phyogs chos kyi don bshad pa'o/ /dang po ni/ gtan tshigs sngar bshad zin pa min nam zhe na/ mtshan nyid bshad zin kyang/ gzhan don rjes dpag bstan bya gtan tshigs kyi dbye ba shes pa'i don du yin te/ gtan tshigs yang dag dang/ 'gal ba dang/ ma nges pa sogs 'chad pa'i don gyi sngon du rgyas par phyogs chos can gyi dbye ba bstan par bya ste/ de la bsgrub bya'i chos kyi rtags de ltar snang @065b ba phal che bas phyogs chos can dang/ khyad par du gtan tshigs yang dag gi dbye ba rtogs pa 'chad du/ /phyogs chos can dgu'i dbye ba 'chad rigs pa des na'i phyir/ phal che ba zhes smos pa ni/ ma grub pa'i gtan tshigs kyang ltar snang du shes pa dang/ ltar snang phal che ba phyogs chos can du shes pa'i chad du'o/ /gnyis pa ni/ phyogs chos kyi dbye ba bde blag tu rtogs pa la brten nas/ /gzhan don rjes dpag gi bstan bya/ mthun phyogs la khyab byed du 'jug pa dang/ cha gnyis su 'jug pa gnyis su nges par shes pa'i ched dang/ dgos pa gzhan yod pa ni 'chad par 'gyur ro/ /'dir bstan phyogs kyi chos la'ang chos can/ rtsa ba'i sgo nas rnam pa gsum yod de/ mthun phyogs la khyab byed du yod pa dang/ med pa rnam gnyis su 'jug pa rnams su yod pa'i phyir/ yan lag gi sgo nas so sor ni re re la'ang gsum gsum yod de/ mthun phyogs la khyab byed du 'jug pa'i phyogs chos la yang mi mthun phyogs la yod pa dang/ med pa dag/ cha gnyis ka'i bye brag gis gsum yod pa'i phyir/ 'ong gi sgras mthun phyogs la med pa la gsum yod par ma zad mi mthun phyogs la yod pa'ang gsum yod ces pa'o/ /mthun phyogs la med pa la yang de ltar gsum/ mthun phyogs la cha gnyis su 'jug pa la yang de ltar rnams yod pa'i phyir/ lhag ldan la sogs pa phyogs chos can gzhan yang yod mod kyi/ dgu kho na smos pa'i dgos pa ni/ gtan tshigs yang dag gi mtshan nyid gsum du grangs nges sgrub pa'i ched du/ gtan tshigs yang dag gnyis dang 'gal rtags gnyis smos so/ /gtan tshigs yang dag tu mtshon @066a @#/ /pa'i mtshan nyid tshul de la gsum du grangs nges sgrub pa'i ched du/ spyi dang khyad par gnyis smos la/ ldog khyab gtso bor grub nas mi mthun phyogs mtha' dag dang bcas pa nus yul du shes pa'i ched du/ dngos kyi ma nges pa lhag ma gsum smos so/ /gsum pa la gsum/ phyogs kyi sgras bstan pa'i yul ngos bzung ba dang/ phyogs chos nges par bstan pas grub pa'i don dang/ gtan tshigs ltar snang sun 'byin 'jug pa'i yul du bstan pa'o/ /dang po ni/ gtan tshigs phyogs kyi chos su bstan pa mi rigs te/ phyogs grub zin na dgos pa med la/ ma grub na de'i chos kyang ma grub na de'i chos kyang ma grub pas bsgrub bya ma nges pa'i sngon rol tu phyogs chos nges pa dgos so zhes pa yang 'gal ba yin no zhe na/ dngos kyi sgra 'ba' zhig yin na/ de ltar 'gyur yang skyon med de/ chos dang chos can gyi tshogs pa bsgrub bya dngos yin pa'i phyir/ de la phyogs kyi sgra dngos ming du 'jug cing chos dang chos can kha yar ba la ming dngos su 'jug ba min yang/ phyogs kyi sgras bstan pa la 'gal ba med de/ bsgrub byar btags nas brjod pa'i phyir/ 'dogs pa'i rgyu mtshan yod de/ phyogs mtshan nyid pa de'i phyogs gcig yin pa'i phyir/ shes 'dod chos can la phyogs kyi ming gis btags pa la dgos pa yod de/ phyogs kyi ming gis gdags rung gi chos can du rtogs pa'i ched yin pa'i phyir/ de ltar btags pa la dgos pa yod de/ shes 'dod chos can gyi chos min pa la tshul dang po grub pa dgag pa la sogs pa'i ched yin pa'i phyir/ 'phros gzhan rnams rnam nges kyi rnam bshad du bstan @066b zin to/ /gnyis pa ni/ phyogs chos rgol phyir rgol gnyis la'am gang yang rung ba la grub pa las grub pa las ldog pa sgra mi rtag sgrub la mig gi gzung bya rtags su bkod pa lta bu dang/ mngon par gsal bar smra ba la yod pa nyid rtags su bkod pa'am/ the tshom za ba du yod med the tshom za ba bzhin du/ me yod sar du ba yod pa'i phyir ces pa dang/ chos bsgrub byar 'dod pa dper na/ bdag yod de/ bdag gi yon tan ser sogs lus kyi stod smad par gsum na gnas pa'i phyir/ ces pa lta bu phyogs chos su grub par 'dod pa rigs pa min par thal/ phyogs chos rgol gnyis ka la grub pa'i chos de las/ gzhan don skabs kyi tha snyad 'thad pa yin pa'i phyir/ gsum pa ni/ phyogs chos rgol phyir rgol gnyis ka la ma grub pa dang/ the tshom za ba sogs sgrub byed yang dag min na/ sun 'byin yang dag tu 'gyur ra zhe na/ phyogs chos can du mi 'dod pa thams cad bsgrub bya yang dag tu mi 'gyur bar ma zad sun 'byin du'ang nges par 'gyur pa ma yin par thal/ sgrub byed dang sun 'byin yang dag tu 'gyur ba bdag gnyis ka la skyon can dang/ skyon med grub pa la ltos pa'i phyir/ 'o na ci 'dra zhig sgrub byed dang/ sun 'byin yin zhe na/ pha rol pos sgrub byed yang dag tu khas blangs kyang nges par sgrub byed du 'gyur ba ma yin par thal/ de ltar khas blangs kyang sgrub ngag gi bsgrub bya la mig gi gzung bya rtags su bkod pa lta bu/ bdag gnyis kar skyon can yin par mthun snang du rab tu grub na ni/ rgol ba'i rtags su 'byin 'jug pa'i yul dang/ phyir rgol kyi ngag @067a @#/ /sun 'byin pa'am sun 'byin yang dag yin la/ tshul gsum rgol phyir rgol gnyis ka la sgrub na bsgrub pa yang dag yin pa'i phyir/ de bzhin du sngar the tshom za ba'am ma grub pa tsam gyis phyis kyang nges par de ltar 'gyur ba ma yin par thal/ gzhan gyis slar yang tshul gsum bsgrub pa na/ sgrub byed yang dag tu 'dod la/ phyogs chos ma grub par sgrub na/ sun 'byin yang dag tu 'dod rigs pa'i phyir/ gnyis pa la gsum/ phyogs chos kyi don bshad pa dang khyab pa'i bltos sa'i mthun phyogs dang mi mthun phyogs bshad pa dang/ phyogs chos can dgu'i gtan tshigs dper brjod nas de'i don bshad pa'o/ /dang po la gnyis/ rang gi lugs dang/ gzhan gyi gtan tshigs dgag pa'i/ dang po la gnyis/ chos can gyis chos can bsgrub pa sogs dgag pa dang/ tshogs don bsgrub byar bstan nas rtsod gzhi chos can gyi chos su phyogs chos su bshad pa'o/ /dang po ni/ kha cig na re/ chos can me kho na bsgrub bya yin zhing/ tshogs don min la/ de yang chos can gzhan du bas bsgrub pas/ phyogs chos gtan tshigs su ji ltar 'gyur zhe na/ chos can me de du ba'i chos can gyi bsgrub pa ma yin par thal/ me du 'brel ba nges pa khas mi len na/ 'brel med kyis 'brel med gzhan bsgrub pa mi 'thad la/ khas len na ni/ de nges pa'i tshe bsgrub bya grub zin pas rjes dpag don med par 'gyur ba'i phyir ro/ /'di la me yod do snyam pa'i gzhi khas len na/ tshogs don bsgrub byar 'gyur la/ me de nyid du bar khas len na/ dam bca'i phyogs gcig rtags su @067b bkod pa'i ma grub par 'gyur ba'i phyir ro/ /des na du ba dang ldan pa'i gzhi la/ me yod pa du ba'i rtags kyis sgrub par rigs so/ /yang kha cig chos can gyi chos sgrub par bya ba yin te/ mes rang gi chos dri ba'i reg pa sgrub par byed pa bzhin no zhe na/ chos can gyi chos bsgrub pa mi 'thad cing/ chos des kyang chos bsgrub pa ma yin te/ bsgrub pa mi 'thad par thal/ me dang ldan pa'i gzhir grang reg sgrub na/ tshogs don bsgrub bya yin pa las me de nyid gzhir khas len na/ sngar bshad pa ltar rjes dpag med pa dag/ dam bca'i phyogs gcig rtags su bkod pa'i ma grub par 'gyur ba'i phyir ro/ /me'i spyi gtan tshigs dang/ bye brag gzhir khas len na yang ji skad bshad pa'i nyes par 'gyur bas/ du ba dang ldan pa'i la la zhe sdang ba dang/ me dang ldan pa'i gzhi la ngo bo gang rung ba mi rigs so/ /chos kyi chos sgrub ni dper na/ gtso bo gcig yod de thams cad rnams dang rjes su 'gro ba mthong ba'i phyir ces pa lta bu ste/ sdar bkag zin to/ /gnyis pa ni 'di ltar byas pa lta bu'i chos kyis mi rtag pa lta bu'i chos med na mi 'byung pa'i 'brel ba grub pa'i sgo nas sgrub cing ste sgrub pa'i phyir/ tshogs don bsgrub bya'o/ /tshogs don bsgrub byar thal/ chos can yang de bzhin te/ byas pa'i rtags kyi chos can sgra mi rtag pas khyad par du byas nas sgrub pa'i phyir/ tshogs don bsgrub bya dang/ de sgrub kyi gtan tshigs phyogs chos su khas blangs par bya'o/ /gnyis pa la gnyis/ gtan tshigs la phyogs chos ma yin dgos par dgag pa dang/ dgag pa gzhan bstan pa'o/ /dang po ni/ kha cig na re/ sgra rtag par 'dod pa dgag pa la sgra mi rtag ste/ las rtag par 'gyur ba'i phyir/ rtag tu @068a @#/ /dmigs par thal bar 'gyur ba'i phyir ro/ /zhes dam bca' brjod pa dang/ rtags kyi ngag gis las rtag pa dang/ sgra rtag tu dmigs par mi 'dod pa la mi 'dod pa'i 'phen ba'i thal ba tsam pa de ni/ dam bca' ltar snang 'gog pa'i lan zhes shes par bya ste/ phyogs chos med kyang mi 'dod pa 'phen pa'i thal ba de'i sgo nas sbyor ba 'thad ba'i phyir ce na/ gnyis pa la gnyis/ dpe'i mtshan nyid dang/ gzhan don rjes dpag phyogs chos brjod pa la nges par ltos pa'o/ / dang po ni/ gtan tshigs bsgrub bya'i chos kyi rjes su 'gro ba dngos su ston pa'i dpe gang yin pa de mthun dpe dang/ bsgrub bya'i chos med pa la rtags med par brjod pa'i dpe de mi mthun dper shes par bya'o/ /sbyor ba gnyis po yang gzhan do rjes dpag gi yan lag yin te/ lnga pa'i mtha' can te/ 'byung khungs kyi mtha' can gyi khyab pa ston pa'i dpe'i yan lag yin pa'i phyir/ de ni rgyan gyis bkod pa'i sbyor ba sgra mi rtag ste/ byas pa mi rtag pa'i phyir ces pa'am/ gang rtag pa ma byas pa'i phyir ces pa lta bu'i tshig phyi ma gnyis/ gtan tshigs min gyi dpas bstan pa'i khyab pa'i yan lag yin zhes pa'o/ /gnyis pa ni/ gzhan gyi 'dod pa 'gog pa'i gzhan don rjes dpag la/ phyogs chos kyi yan lag mtshang ba skyon med par thal/ rtags ni rtsod gzhi la nye bar sbyar ba las phyogs chos bstan par 'dod pa'i phyir ro/ /sgra byas so zhes pa'am/ ma byas pa min no zhes pa bzhin no/ /gnyis pa ni/ gang du gzhan don phyogs sel ba'i thal pa tsam gyis rang phyogs 'jig par byad @068b pa bsal 'ongs kyis te/ gsal ba rnams su sngar med las skye bar 'dod pa la gsal ba chos can/ sngar med gsar du skye ba ma yin te/ de ltar skye na/ rjes su 'go ba'i med pa'i gsal thar 'ga' zhig tu thal bar 'gyur pa'i phyir ro/ /zhes pa gzhan phyogs 'gog pa dang/ rang phyogs sgrub pa'i sgrub byed yang dag brjod na ni de ni gtan tshigs te/ phyogs chos med par thal bar 'gyur bas/ de tsam gyis rang phyogs sgrub nus pa ma yin no/ /des na phyogs chos dang dpe gnyis kyi rjes su 'gro ldog gi khyab pa bstan pa la ni bsgrub bya grub pa'i phyir ro/ /rkang po snga ma rgyu med par ni thal bar 'gyur/ zhes 'grel bshad kyi 'gyur las ston pa rjes 'gro ma yin par thal ba la bshad do/ /des na rnam ldan las gzhan min zhes pa thal ba tsam brjod pa rnams kyi phyogs chos dang ldog pa khas len pa ni/ tshul gsum khas blangs pas phyogs chos med pa'i gtan tshigs mi 'thad par thal/ des khas mi len na/ gzhan phyogs 'gog pa yang mi nus pas gtan tshigs yang dag la phyogs chos nges par khas len dgos zhes pa'o/ /sngar bshad pa'i bsal ba ste 'ongs pa sbyor ba rnams la phyogs chos yong du chug kyang grangs can pas sangs rgyas pa la gtso bo yod de/ khyad par rnams la rjes su 'gro ba mthong cang phyir ces pa/ sangs rgyas pa'i der khyad par rnams snying stobs la sogs pa'i yon tan rjes su 'gro bar ma grub pas/ phyogs chos ma grub par gcod pa la/ de sgrub pa'i ched du grangs can pas de tsam lnga las 'bras bu gcig pa @069a @#/ /mthong bas de tsam lnga/ yon tan gsum gyi bkod pa khyad par yin la/ yon tan gsum cha mi mnyam pa mthong bsed gsum mnyam pa yod par grub pa des na gtso bo yod de/ khyad par rnams la 'bras bu gcig rjes su 'gro ba mthod pa'i phyir/ ces zer to/ /sbyor ba 'di ni/ gtan tshigs yang dag min te/ phyogs chos med pa'i phyir thal 'gyur du 'dod na yang/ gzhan gyi khas blangs sngon du song ba las/ bsal te 'ongs pa las dbang gi rtags dang dam bca'i skyon brjod pa sun 'byin du shes par byas te/ mi 'dod pa 'phen pa thal 'gyur tsam yin gyi/ phyogs chos can ma yin pa'i phyir ro/ /gnyis pa la gsum/ mthun phyogs kyi mtshan nyid bshad pa dang/ mi mthun phyogs dbye ba dang/ rtsod pa spang ba'o/ /dang po ni/ phyogs chos nyid la gtan tshigs dang/ gtan tshigs ltar snang ba dang/ de yang mthun phyogs la yod pa dang/ med pa dang/ cha gnyis pa dang/ de re re la yang/ mi mthun phyogs la yod pa dang/ med pa dag/ cha gnyis pa'o zhes brjod na mthun phyogs dang mi mthun phyogs kyi don ci zhe na/ sgrub tshul dang mthun pa'i bsgrub bya'i cho kyi spyis don mthun pa mthun phyogs dang/ don mi mthun pa'i mi mthun phyogs rtsod gzhi sgra dang/ dpe bum pa gnyis tha dad med pa mi rtag pa de nyid du chos mtshungs pas bum pa mthun phyogs dang/ gtan tshigs mthun phyogs la yod ces byas nas gzhan la ston par byed de/ mthun phyogs la yod pa dang med pa ni/ mthun phyogs zhes pa mthun phyogs las te @069b phyogs dang bsgrub bya'i chos ldan du mtshungs pa la mthun phyogs zhes bya'o/ /de yang sgra bshad pa'i dbang du byas pa yin gyi/ 'jug pa'i dbang du byas na/ gzhal bya sgra rtag par sgrub pa'i mthun phyogs yod pa'i phyir ro/ /'o na min pa gcig tu mi 'gyur te; de la phyogs dang mthun phyogs du ma yod pa'i phyir ce na/ de tsam gyis mi rtag 'di la'ang tha dad ces mi 'dod cing tha dad du 'gyur ba na yin par thal/ gcig yin yang/ bum pa la sogs pa mi rtag par grub zin pa mthun phyogs dang/ sgra la sogs pa mi rtag par grub ma zin la phyogs yin pas phyogs dang mthun phyogs tha dad pa'i phyir ro/ /gnyis pa ni/ mi mthun pa'i phyogs ni gsum ste/ mi rtag pa bkag tsam lta bu med pa mi mthun phyogs dang/ 'dus ma byas kyi nam mkha' sogs 'gal ba mi mthun phyogs/ shes bya gzhal bya sogs gzhan pa mi mthun phyogs so/ /gal te gzhan pa mi mthun phyogs/ mi mthun pa phyogs yin na/ mthun phyogs la yod pa'i byas pa mi rtag pa las gzhan pa'i sdug bsngal bdag med sogs la yang 'jug pas/ ldog pa ma grub pa'i phyir/ rtag yang dag ma yin par 'gyur la gzhan yang mi rtag pa'i ldog pa kho na la yod pa mi srid pas/ rtags yang dag mi srid par 'gyur ro/ /du bas me bsgrubs pas drang rag yod par sgrub mi nus par 'gyur te/ reg bya gtang snyoms pa la zhugs pas ldog pa ma grub par 'gyur ba'i phyir ro/ /'gal ba kho na mthun phyogs yin na/ grang reg las leg pa ma grub pa'i phyir ro/ /mes drang reg mi rtag par 'gyur ro zhe na/ skyon med de gzhan pa @070a @#/ /dang 'gal ba mtshun phyogs yin na/ gtan tshigs yang dag mi srid pa dang/ 'gal bla 'gog mi nus pa la sogs pa'i 'gal ba med par thal/ rtags mi mthun phyogs tsam la med par nges pa na/ de gzhan dang ni de 'gal te; mi mthun phyogs rnams gnyis la yang rtags med par nges pas na/ mi mthun phyogs mtha' dag las ldog pa'i phyir ro/ /med pa mi mthun phyogs las ldog par dngos su nges la/ gzhan las ldog par shugs kyis nges so/ /mthun phyogs las log pa tsam mi mthun phyogs yin pas/ mthun phyogs kho na yod par nges pa na/ mi mthun phyogs tsam la yod pa rnam par bcad pa las gyur pa'i sgo nas ldog pa nges pa min pas gnyis po mi mthun phyogs min pa dang/ bsgrub bya'i chos las ldog pa gzhan yin pa tsam gyis gzhan pa mi mthun phyogs su 'gyur ba ma yin no/ /dper na bram ze yas ldog pa gzhan yin pa tsam gyis bram ze min par 'gyur ba ma yin gyi/ bram ze'i rigs dang ma ldan pa la/ bram ze min par 'jig rten na grags pa bzhin no/ /byis pa mi rtag pa las ldog pa gzhan pa'i sdug bsngal dang/ bdag med sogs du ma la 'jug pas/ ldog khyab ma grub par 'gyur ba ma yin par thal/ mthun phyogs la med pa min pa nyid de la yod pa yin la/ mthun phyogs la med pa nyid/ mi mthun phyogs la yod pa yin pas/ bya sla pa mi rtag pa dang/ sdug bsngal dang/ bdag med sogs sgrub pa'i mi mthun phyogs mtha' dag las ldog par mthun nyid gcig yin mod kyang ldog @070b khyab nges pa'i phyir/ don du ma la sgrub byed du 'jug pa rigs te/ 'jug rigs so/ /gsum pa ni/ byas pa nyid mi rtag sogs du ma la 'jug pa'i spyi yin pas/ spyi las khyad par dbog pa the tshom gyi rgyur 'gyur ro/ /byas pa nyid bum pa dang bum pa min pa sogs du ma la 'jug par mthong bas/ byas pa la mi rtag pa sogs sgrub mi nus pa ma yin par thal/ byas pa'i spyi las mi rtag pa sogs chos du ma dpog na bsgrub byed dang rjes 'gro la the tshom za bar 'dod pa blun po yin gyi/ don de dag bsgrub pa la tshul gsum tshang ba'i phyir ro/ /rang gi bsgrub bya'i chos kyis stong pa'i don du ma la 'jug na/ the tshom gyi rgyu yin yang du ba la sogs pa dang gi bye brag tu ma la 'jug kyang mi mthun phyogs la ldog pa nges pa la the tshom gyi rgyur 'gyur ba yin no/ / gsum pa la gnyis/ dran tshigs dper brjod pa dang/ de'i don bshad pa'o/ /dang po ni/ sgra chos can/ rtag ste/ gzhal bya yin pa'i phyir dang/ mi rtag ste byas pa'i phyir dang/ dung sgra chos can/ rtsol ba las byung ste/ mi rtag pa'i phyir dang/ gsum ni re'u mig steng ma gsum la bri bar bya ba mthun phyogs la khyab byed du yod pa gsum mo/ /sgra chos can/ rtag ste byas pa'i phyir dang/ rtag ste/ mnyan bya yin pa'i phyir dang/ dung sgra chos can/ rtag ste/ rtsol ba las byung ba'i phyir/ de gsum ni re'u mig bar pa gsum la bri bar bya ba mthun phyogs la med pa'i dbye ba gsum mo/ /dung sgra chos can/ rtsol ba las ma byung ste/ mi rtag pa'i phyir dang/ mi rtag ste rtsol byung yin pa'i phyir dang/ rtag ste reg bya can yin pa'i phyir/ de gsum @071a @#/ /ni/ re'u mig 'go ma gsum la bri bar bya ba/ mthun phyogs la cha gnyis su 'jug pa dbye gzhir byas nas/ mi mthun phyogs la yod med cha gnyis pa gsum mo/ /rtags da dgu bsgrub bya'i chos/ rtag pa dang/ la sogs pa rtag pa dang/ mi rtag pa dang/ rtsol ba las byung ba sogs la sbyar bar bya'o/ /phyogs chos can dgu smos pa'i dgos pa ni/ rtags yang dag gnyis dang/ 'gal rtags gnyis smos pa'i ni/ 'dod pa tsam gyis 'jug na/ 'gal ba gnyis yang dag tu thal ba dang/ 'dod pa tsam gyis ldog na yang dag gnyis 'gal bar thal bas/ yang dag gi byas pa dngos po'i dbang gis rjes su 'gro ldog nges par bstan pa na/ dgag rtags kyang don gyis go bas/ rtags yang dag gi mtshan gzhi gsum du nges par bsgrub pa dang/ rjes 'gro rkyang ba can dang/ ldog pa rkyang ba can/ rtags yang dag yin pa bkag nas rjes su 'gro ldog gnyis phan tshun mi 'khrul bar sgrub ste/ mtshan nyid kyi tshul la gsum du nges par shes pa'i ched du/ spyi gzhal bya khyad par mnyan bya gnyis smos so/ /rjes 'gro grub tsam dang/ gtso bor grub pa dang/ rjes su 'gro ldog cha mnyam par grub pa tsam gyis/ yang dag tu mi 'gyur par ldog khyab gtso bor grub pa dgos par bstan nas/ rtsod gzhi mi mthun phyogs mtha' dag bcad pa/ rtags kyi nus pa 'jug pa'i yul du shes pa'i ched du dngos kyi ma nges pa lhag ma gsum smos so/ /tsas ma thag tu gsal ba dang/ skye ba gnyis ka la rtsol byung gi sgra dngos @071b su 'jug pas/ rtsol byung gis mthun phyogs la cha gnyis pa'i rang bzhin gyi rtags kyang mtshon pa yin no/ /gnyis pa la gnyis/ spyir bshad pa dang/ so sor bshad pa'o/ /dang po la gsum/ phyogs chos can gyi rigs gsum du bsdu ba dang; ma nges pa'i gtan tshigs the tshom gyi rgyur bsgrub pa dang/ de dag gi don bsdus te bstan pa'o/ /dang po ni/ phyogs chos can gyi gtan tshigs rigs gsum du 'dus te/ phyogs chos can der gang mthun phyogs la yod pa gnyis po de med pa la ste/ mi mthun phyogs la med par nges pa ste/ de gnyis ni rtags yang dag yin la/ 'di las ldog pa gnyis ni/ 'gal ba gtan tshigs dang/ gzhan lhag ma lnga po rnam ma nges pa'o/ /mdor na/ dgu po yang dag pa dang/ 'gal ba dang/ ma nges par 'dus pa'i phyir/ ces pa'o/ /mig sogs chos can/ gzhan gyi don byed de/ 'dus shing bsags pa'i phyir ces pa lta bu da 'dod la gnod pa 'gal rtags gzhan yang yod mod kyi bsgrub bya phyin ci log tu sgrub par rigs mtshungs pas; gzhan gnyis kyi nang du 'dus pa'i phyir/ logs sum bstan no/ /gnyis pa la gsum/ 'gal ba la mi 'khrul pa'i gtan tshigs the tshom gyi rgyur bstan pa dang/ dngos 'gal sgrub pa'i phyogs chos can gyi gtan tshigs gnyis the tshom dang/ nges shes kyi rgyur so sor 'dod pa dgag pa dang/ rtsod pa spang ba'o/ /dang po ni/ 'gal ba la mi 'khrul pa'i phyogs chos can gyi gtan tshigs gzhan yang yod pa min nam zhe na brjod par 'dod pa yang yin la/ grangs gcig @072a @#/ /pa yang yin pas/ brjod par 'dod pa'i grangs gcig pa nyid de/ slob dpon dbang phyug sdes/ dngos stobs kyi skabs su 'gal ba la mi 'khrul pa srid cing/ tshul gsum lung tsam la brten pa la srid pa'i don ma rtogs par rtags yang dag gi mtshan nyid kyi zur du/ brjod par 'dod pa'i grangs gcig pa can zhes smos la/ de'i don ni/ log phyogs sgrub byed kyi 'gal zla'i gtan tshigs med ces pa'o/ /'gal ba la mi 'khrul pa ni/ sgra chos can/ mi rtag ste/ byas pa'i phyir/ bum pa bzhin/ rtag ste/ mnyan bya yin pa'i phyir/ sgra nyid kyi spyi bzhin zhes pa bye brag pa rang rang bsgrub bya la nges shes bskyed cing/ tshogs pa la the tshom skyed par 'dod la de bzhin du sgra rtag ste/ byas pa'i phyir/ mi rtag ste/ mnyan bya yin pa'i phyir/ ces pa'i 'gal rtags gnyis kyang/ tshogs pa la the tshom gyi rgyur 'dod do/ /dpe 'di dag dngos stobs kyi gtan tshigs yin yang/ rnam 'grel mdzad pas/ lung gi yul la 'gal ba mi 'khrul pa srid pa'i phyir/ phyogs mtshon gyi dper mdzad na dngos stobs kyi skabs su mi srid gsung ngo/ /lung gi yul la srid pa ni/ rnam 'grel nges su gsungs pa ltar/ gzeg zan gyi bstan bcos las/ ba lang gi spyi la khyab bya 'gal ba gnyis khas blangs nas/ de'i slob ma gnyis kyis khyab byed dang po la so sor sgrub pa'i gtan tshigs bkod pa bzhin no/ /gtan tshigs gnyis so sor nges kyi rgyu ma yin par thal/ gnyis ka sgra'i steng du chos 'gal ba dag la the tshom gyi rgyu @072b yin pa'i phyir/ gnyis pa ni/ de bzhin du dung sgra chos can/ rdzas min zhing las ma yin te/ mig gi gzung bya min zhing mngon sum yin pa'i phyir/ ces pa'i rtags gnyis las/ tshogs pa bsgrub pa la the tshom dang/ nges shes kyi rgyu gnyis gnyis su 'dod nges pa mthong ba yin pas/ ya gyal gnyis ka la the tshom gyi rgyur mi 'thad do zhe na/ rtags snga ma la yid rdzas su 'dod pas ma nges pa dang/ phyi ma la las kyis ma nges pas the tshom gyi rgyu kho na'o/ /the tshom dang gtan la phebs pa'i mtshan nyid gnyis ka dang ldan pa min na ni/ the tshom dang nges shes kyi las sgrub pa gnyis gnyis su 'dod rigs kyi re re min yang 'gal ba la ma 'khrul pa ni/ ya gyal gnyis ka la the tsho gyi rgyur 'gyur pa yin no/ /gsum pa ni/ bsgrub bya'i chos gcig bsgrub pa la yang; gtan tshigs gcig kho na 'thad kyi du ma ma yin te/ mi rtag pa bsgrub pa la byas pa dang rtsol byung lta bu du mas ni 'gal ba la mi 'khrul pa bzhin du the tshom skyed/ nges pa ji ltar skyed ce na/ bsgrub bya gcig bkod pa la/ rtags su ma bkod na/ nges par the tshom gyi rgyur 'gyur pa ma yin par thal/ rtags kyi du ma yin pa bsgrub bya gcig bsgrub pa la tshul gsum grub par mi 'gal na shin tu bsgrub bya gcig la sgrub byed du 'jug rigs pa'i phyir/ byas pa'i phyir mi rtag go /sdug bsngal ba'i phyir bdag med do/ /zhes pa lta bu rtags kyi du mas bsgrub bya du ma bsgrub pa dang/ gcig gis du ma bsgrub pa la yang 'gal ba med do/ /dngos kyi ma nges pa rtags kyi bzhi yang phyogs chos dang phyogs gnyis ka la mthong ba'i phyir the tshom gyi @073a @#/ /rgyu yin la/ thun mong min pa'i mnyan bya ni/ rtag mi rtag gis mtha' dag bsdus pa dang/ rtag pa la yang ma mthong/ mi rtag pa la yang ma mthong bas bsgrub bya la the tshom gyi rgyu ste/ srid pa'i bud med kyi mngal chags pa bzhin/ gsum pa ni/ phyogs chos can gang dag thun mong min pa'i ma nges pa dang spyi gzhal bya dang 'gal ba la mi 'khrul pa'i rtags kyi chos rnams chos can/ thams cad sgrub byed de la the tshom skyed pa'i rtags rnams yin te/ phyogs chos 'grub khyab pa rnal ldog tu yang ma nges pa'i phyir/ phyogs kyi chos dang ldan pa'i gtan tshigs ltar snang gang la rigs gnyis su 'dus te/ shes 'dod chos can la bsgrub bya'i chos ldog pa bsgrubs pas gnod pa 'gal ba dang/ bsgrub bya la the tshom nyid du gyur pa las gtan tshigs ltar snang gzhan yod pa ma yin pa'i phyir/ /zhes 'dod la gnod pa'i gtan tshigs de ldog phyogs slub pa'i gtan tshigs su ji ltar brjod par bya byas pas sgra mi rtag pa mi grub par 'gyur te/ mnyan bya'i rtags kyi rtag pa yang sgrub par byed pa'i phyir zhe na/ mi mtshungs te/ mig sogs bdag rtag pa'i gcod byed mi srid cing/ de 'dus shing bsags pas 'gog nus la/ mnyan byas rtag bsgrub mi nus shing/ byas pas mi rtag pa 'grub pa'i phyir ro/ /'o na mig sogs gzhan don byed pa yang bsgrub mi nus par 'gyur te/ des 'bras bu rnam shes skyed pa'i nges pa med pa'i phyir ce na/ mig sogs rkyen gsum gyis rnam shes kyi gcod byed la su gang gis kyang gegs byed par mi nus pa'i phyir ro/ /gnyis @073b pa la gsum/ 'gal ba'i gtan tshigs bshad pa dang/ phyogs chos can dgung? 'byad pa rgyu mtshan bshad pa'i 'gal rtags sogs bshad pa dang/ de la dogs pa bcad pa'o/ /dang po ni/ byas pa sgra rtag par sgrub pa dang/ don byed nus stong rang gi dngas gyur gyi nam mkha' rtag par bsgrub pa lta bu gtan tshigs des chos dang chos can rang gi ngo bla gnod pa'am chos dang chos can de'i bye brag la gnod pa yin yang rung 'gal ba gtan tshigs yin te/ zhe 'dod kyi bsgrub bya de la gnod pas so/ /der thal/ bsgrub bya phyin ci log tu sgrub pa'i phyir ro/ /dper brjod rnams ni gzhan du bshad zin to/ /bden med kyi sgra thams cad rdzun pa yin zhes pa ni/ chos dang chos can gnyis ka'i khyad par la gnod pa yin/ gnyis pa la gnyis; phyogs chos can du mar dbyer rung ba'i rgyu mtshan dang/ de nyid bshad pa'o/ /dang po ni/ phyogs chos can du du mar byed rung ste/ phyogs chos can gang zhig mthun phyogs mi mthun phyogs gnyis ka la khyab pa'i thun mong ba dang mi mthun phyogs sam; mi mthun phyogs kyi khyad par gyi chos dang bsgrub bya la/ de phyogs gnyis ka'i cha gnyis po ste/ snga ma gnyis gang yang min pa'i cha gnyis pa yod pa'i phyir ro/ /gnyis pa la bzhi/ the tshom gyi rgyur bstan pa dang/ phyi ma la gsum du dbye ba? dang; dang po gnyis the tshom can gyi rgyu yin pa'i rgyu mtshan dang/ rtsod pa spang ba'o/ /de la dang po gnyis ka la khyab byed du 'jug pa'i gzhal byas/ sgra rtag pa'am/ mi rtag pa bsgrub pa dang/ mthun phyogs kyi khyad par mnyan byas sgra mi rtag par bsgrub @074a @#/ /pa lta bu gnyis bsgrub bya la te tshom can du rnyed de/ phyogs chos grub snga ma gnyis ka la khyab pa'i phyir dang/ phyi ma gnyis ka la ma mthong ba'i phyir ro/ /gnyis pa ni/ lhag ma gnyis ka ma khyab pa yang min/ gcig gi khyad par yang min pa'i phyogs chos can chos can/ bsgrub bya la ltos nas gsum du phyi ste/ byas pa lta bu sgra mi rtag pa la ltos nas yang dag rtag pa bsgrub pa la 'gal ba dang/ rtsol byung bsgrub pa la ma nges par 'gyur ba'i phyir/ gsum pa ni/ spyi dang khyad par gnyis the tshom gyi rgyu yin te/ phyogs chos grub kyang snga ma gnyis la khyab byed rjes su zhugs pas/ ldog khyab ma grub pa'i phyir dang/ khyad par mnyan bya gnyis ka la tshad mas mthong ba'i tshul byis ma zhugs pa las rjes 'gro grub pa ma yin pa'i phyir/ bzhi pa la gnyis/ rtsod pa dang/ lan no/ /dang po ni/ gal te gnyis ka la rjes su zhugs pa dang/ gnyis ka la ma zhugs pas/ the tshom gyi rgyu yin na/ mthun phyogs mi mthun phyogs gang rung gcig la nges par zhugs pa'ang min pa dang/ gnyis ka las log pa'ang min pa gnyis ka sgrub pa'i rtags su 'gyur ro zhe na/ yang na ldog khyab grub pas gcig la gcod cing/ cig shos sgrub par byed pa yin na/ thams cad la rjes su zhugs shing/ log pa min pas gnyis ka sgrub pa'i rtags su 'gyur zhes pa'o/ /gnyis pa ni/ mthun phyogs mi mthun phyogs gnyis ka la rjes su zhugs pas gnyis ka nges par bsgrub pa ma yin par thal/ rtag mi rtag gnyis kar 'gyur pa yin pa'i phyir rang gi yod pa'i gnyis ka ste/ @074b rtag pa'ang min mi rtag pa'ang ma yin pa'i phyir/ de yang rtag pa dang mi rtag pa phan tshun spang 'gal gyi dngos 'gal la yin pas/ gyis yin dang gnyis min gyi phung gsum srid pa min no/ /gsum pa la gsum/ dngos 'gal gnyis ka la khyab byed du 'jug pa the tshom gyi rgyu yin na/ dngos 'gal gnyis la mthong bas the tshom gyi rgyur thal ba spang ba dang/ de ma yin rnam par bcad pa'i sgo nas bsgrub bya go ba'i dpe dang/ ldog phyogs bsgrub pa 'gal rtags su bstan pa'o/ /dang po ni/ gzhal bya rtag mi rtag gnyis ka la khyab byed zhugs zhes pas/ sgra rtag pa'am mi rtag pa la the tshom gyi rgyu yin na/ sgra mi rtag par sgrub pa'i byas pa yang/ rtsol byung ba dang ma byung ba gnyis ka la mthong bas the tshom gyi rgyur 'gyur ro zhe na/ byas pa de rtsol ba las byung ma byung gnyis ka mthong yang sgra mi rtag par sgrub pa'i go byed du mi 'byung ba'i skyon med par thal/ gzhi gang du dgag bya'i chos med pa de rnam gcod du grub pa'i don sgra mi rtag pa don ji lta ba bzhin sgrub par byed pa'i rtags su brjod pa yin gyi /khyad par gnyis sgrub par gzung nas sgrub byed du brjod pa yin pa'i phyir/ de ni mthun phyogs la khyab byed du 'jug pa yin la/ gcig de gzhan rtsol byung lta bu sgra mi rtag par sgrub pa'i mthun phyogs la cha gnyis su grub pa yang bum pa dang bum pa ma yin pa gnyis la zhugs kyang mi mthun phyogs mtha' dag rnam par bcad pa'i sgo na go byed du 'gyur par skyon med la/ mi rtag pa min pa'i bum pa ma yin pa la zhugs pa dang/ byas pa yang mi rtag pa min pa'i rtsol ma byung la zhugs na skyon du 'gyur pa yin no/ /gnyis @075a @#/ /pa ni/ gtan tshigs gal te mi mthun phyogs las ldog pa'i sgo nas mthun phyogs la ji ltar zhugs pa bzhin grub na/ dgag bya rnam par bcad pa'i sgo nas gtan tshigs go byed du 'gyur pa de'i phyir/ de min rnam par bcad pa min na/ ut-pal dkar po nyid la dkar pos rim pa bzhin du gzugs nyid dang/ yon tan nyid dang/ brten pa nyid dang/ gsum rtogs pa dang/ gzugs nyid las yon tan nyid dang/ brten pa gnyis rtogs pa dang/ yon tan nyid las brten pa gcig tu ste gcig pu rtogs par 'gyur pa yang de min rnam par bcad pa'i sgo nas yin gyi gzhan du na mi 'thad do/ /lugs las ldog pa'i rim pa la yang brten pa las yon tan dang/ gzugs dang dkar po gsum dang/ yon tan la gzugs dang dkar po gnyis/ gzugs las dkar po gcig pu rtogs pa yang/ de min bcad pa'i sgo nas yin gyi gzhan du na the tshom gyi rgyur 'gyur ro /gsum pa ni/ gong du gcig tshig smos pa dgos pa yod de/ gzhi gcig la 'gal ba la mi 'khrul pa'i gtan tshigs gnyis bkod pa tshe tshom gyi rgyur shes pa'i ched du gcig gi tshig tu bstan pa'i phyir/ 'o na dung sgra mi rtag par bsgrub pa la byas pa dang/ rtsol ba las byung ba gnyis bkod pa yang 'gal ba la mi 'khrul par 'gyur zhe na/ de gnyis the tshom gyi rgyu min par thal/ gtan tshigs gnyis po de ni bsgrub bya ldog pa bsgrub pa la 'gal ba'i gtan tshigs dang/ dngos kyi bsgrub bya la yang dag yin pa'i phyir ro/ /gal te bzhi 'di na grang ba'i reg pa med de/ me yod pa'i phyir ces pa khyod kyis @075b yang dag tu khas blangs pas grang ba'i reg pa yod de/ ma yod pa'i phyir ces pa 'gal bar 'gyur ba mi rigs te/ grang reg med kyang/ reg bya btang snyoms pa mthong ba'i phyir ce na/ skyon med de/ mes grang reg 'ba' zhig mi 'grub kyang/ grang reg ma yin par grub pa'i phyir ro/ /byas pa rtsol ba las byung ba dang/ ma byung ba nyid po gang du zhugs pa bsgrub byar gzung na ni/ go byed yang dag tu 'gyur ba ma yin par thal/ phyogs chos can gyi gzhir byas pa'i phyir rtsol ba las byung ba'o zhes sam; ma byung ba'o zhes sgrub kyang rung de'i bye brag la the tshom bying sgo nas rmongs pa'i phyir/ bye brag sgrub kyang ma nges pa'i gtan tshigs yin pa'i phyir/ mi rtag ste de ltar na byas pa'i phyir mi rtag go /bdag med do zhes gsungs pa yang/ the tshom gyi gtan tshigs su thal te/ gnyis ka la yod pa'i phyir ce na/ mi rtag pa dang bral ba'i bdag med la yod de ltar 'gyur yang/ de la med pas skyon med do/ /reg bya can min pas sgra rtag par bsgrub pa yang/ mthun phyogs rdul phran la med/ nam mkha' la yod pa dang mi mthun phyogs sems dpa'i las la yod/ bum pa la med pas the tshom gyi rgyu yin la/ rdul phran la med pa ni/ phyir rgol gyi 'dod pa la ltos nas bzhag pa'o/ /gnyis pa la gnyis/ gzhan gyis btags pa'i sgrub pa'i yan lag dgag pa dang/ ltar snang gi mtshan nyid dgag pa'o/ /dang po la gnyis/ rtsod sgrub mkhan po'i lugs dgag pa dang/ gzhan sde'i lugs dgag pa'o/ /dang po la gnyis/ 'dod pa brjod pa dang/ de dgag pa'o/ /dang po ni de @076a @#/ /dag gi rtsod pa bsgrub pa nas ni/ sgra mi rtag pa la sogs pa'i sgrub byed dang/ mthun pa de dang 'dra ba med pa nyid la 'gal yang med pa'i chos bstan pa rtags dang/ de ston pa'i gzhan don rjes dpag go zhes pa'o/ / 'grel bshad las de ltar 'byung yang/ rtsod sgrub nas bsgrub bya'i chos las bsgrub byar byas pa ste/ de la 'og nas gnod pa ston pa'i phyir ro/ /rtsol ba las byung ba mi rtag pa lta bu dang du ba me du gcig ste bstan med na mi 'byung zhing bsgrub bya dang lhan cig kho nar 'byung ba'i chos gtan tshigs dang/ de ston pa'i ngag sgrub ngag yin no/ /zhes zer to/ /gnyis pa la gnyis/ nges bzung la brtags la dgag pa dang/ gzhan don rjes dpag mi mtshan nyid la brtags la dgag pa'o/ / dang po la gsum/ mtshan nyid khyab chos pa dang/ khyab pa dang/ mi srid pa'i nyes pa brjod pa'o/ /dang po ni/ de la sgrub byed dang mthun pa'i med pa la med pa nyid kho na'o/ /ces sbyor na ni mtshan nyid khyab ches par 'gyur te/ don ni bsgrub bya dang 'dra ba med pas mi mthun phyogs la me3d pa kho na'o zhes pa'o/ /de lta na thun mong ma yin pa'am mnyan bya chos can/ sgra rtag par sgrub pa'i rtags yang dag tu 'gyur bar thal/ phyogs chos grub/ bsgrub bya sgra rtag pa dang mthun pa med pa mi mthun phyogs bum pa sogs ma tshang ngam mthong ba med pa'i phyir ro/ /gnyis pa ni/ bsgrub byar med pa nyid la ste mi mthun phyogs kho na la med pa'i zhes nges bzung sbyar na ni mtshan nyid ma khyab par 'gyur te/ byas pa lta bu sgrub pa'i chos dang khyab mnyam 'ba' zhig rtags @076b su 'gyur gyi /khyad mnyam pa rtsol byung lta bu/ dung sgra mi rtag par sgrub pa'i rtags yang dag tu mi 'gyur bar thal/ de mi mthun phyogs kho na la med pa ma yin gyi /mthun phyogs kyi phyogs gcig la yang med pa'i phyir/ gzhan yang mthun phyogs glog la sogs pa dang/ lhan cig kho nar mi 'gyur bas/ rtags yang dag tu mi 'gyur bar thal lo/ /gsum pa ni/ bsgrub ya'i chos de dang mthun pa'i phyogs kho na la yod ces nges par bzung na skyon med kyang/ de ltar 'dod pa min pas mtshan nyid ma khyab pa dang/ khyab ches pa'i nyes par 'gyur la/ bsgrub bya'i chos kyi ldog pa min pa kho na la med ces nges par bzung ba sbyor na ni/ mtshan nyid mi srid par 'gyur te/ bsgrub bya'i chos kyi ldog pa kho na la yod cing/ de kho na med par mi 'gyur ba 'gal yang med pa'i phyir/ der thal/ byas pa lta bu gtan tshigs gcig la'ang/ mi rtag pa dang bdag med la sogs pa rnam pa du ma med na mi 'byung bar mthong ba'i phyir ro/ /'o na khyod la yang nyes par 'gyur te de dang mthun pa kho na yod ces pa'i nges bzung mi 'thad par thal/ de dang mthun pa kho na la yod pa'i gtan tshigs mi srid pa'i phyir ce na/ skyon med de/ bsgyur bya'i chos kyi spyi dang don mthun kho na mthun phyogs yin gyi /bsgrub bya'i chos kyi spyi log pa /kho nas mthun pa mthun phyogs su 'dod pa ma yin pa'i phyir gnyis la gsum/ sgrub ngag gi ji ltar bstan pa gtan tshigs kyi mtshan nyid du 'dod pa dgag pa dang/ dngos po la ji lta gnas pa dang mthun pa'i khyab pa grub pa'i chos ston pa sgrub ngag tu 'dod pa dgag pa dang/ dgag pa gzhan bstan pa'o/ /dang po ni/ gtan tshigs de'i @077a @#/ /bdag nyid sgrub dag gis ston cing des bstan pa'i gtan tshigs de nyid bsgrub ya dang med na mi 'byung ba'i mtshan nyid dang ldan zhing/ de nyis sgrub ngag gis ston pa nyid ce na/ sgrub ngag gi bstan tshigs de phyogs chos 'ba' zhig brjod pas bsgrub bya go bar nus pa ma yin par thal/ bsgrub bya go ba la med na mi 'byung ba'i 'brel pa dpe la nges par bstan dgos pa'i phyir/ gnyis pa ni/ yang dag pa don dam pa bsgrub bya dang/ lhan cig med na mi 'byung ba'i 'brel pa grub cing/ de don ji lta ba bzhin sgrub pa'i rtags kyi ston zhe na/ phyogs chos dang med na mi 'byung ba'i 'brel pa brjod pa khyod ltar na sgrub ngag tu mi rigs par thal/ rnam pa gang gi 'brel pa grub pa dang/ gzhi gang la med na mi 'byung ba grub pa dang/ bsgrub bya rigs mi mthun 'di la med do zhes brjod rigs pa la/ ma brjod pa'i phyir ro/ /gtan tshigs rang nyid brjod pas ston par 'dod na ni/ de lta bu gang du yang mthong ba med do/ /phyogs chos ma brjod par bsgrub bya dang/ lhan cig tu rgyu ba mthong ba tsam gyi gtan tshigs dang/ de brjod pa sgrub ngag tu 'gyur na ni/ de ni rig spar thal/ shes par byed las 'das pa bzhin te/ shes byad tshul gsum tad mas ma grub par lkog gyur gyi don gyi sgrub byed yang dag tu 'gyur ba mthong ba ma yin pa'i phyir/ /mig gi gzung bya nyid la sogs pa yang sgra mi rtag par sgrub pa'i rtags su thal bar 'gyur te/ de'i rtags chos gnyis lhan cig tu rgyu ba mthong ba'i phyir ro/ /khyab pa khas blangs so/ /gsum pa la gsum/ gtan tshigs brjod pa'i tshig gi 'brel pa ston mi nus pa lan @077b du mi rung ba dang/ de'i lan dgag pa dang/ khyab pa nges na bsgrub bya grub zin du thal ba'o/ /dang po ni/ gtan tshigs brjod pa'i tshig gis bsgrub bya de med na mi 'byung ba ma bstan pa de/ gtan tshigs min no zhes brjod ce na/ de ltar ma bstan pa mig gi gzung bya lta bu min zhes brjod pas lan du mi rung bar thal/ de ji ltar ldan pa dang/ gang la ldan pa zhes brjod rigs pa la ma brjod pa'i phyir ro/ /gnyis pa ni/ rtags chos lhan cig tu rgyu bas sgrub la/ sgrub byed dang 'dra ba med na mi 'byung ba ston mi nus pa'i gtan tshigs de gtan tshigs yang dag min par brjod do zhe na/ phyogs chos brjod pa'i tshig gis med na mi 'byung ba'i brel pa ston pa de ma yin par thal/ 'brel pa de ni/ chos mthun pa dang mi mthun pa'i dpe gnyis las go bar 'gyur ba gnyis; de las go dgos pa'i phyir ro/ /gsum pa ni/ rtags la mi rtag ser sogs kyis khyab pa nges pa'i dus na/ bsgrub bya grub pa ma yin par thal/ rtags la bsgrub byas khyab pa bstan pa rtags yang dag dang/ ma bstan pa yang dag tu mi rung ba'i phyir ro/ /skyon med de/ bsgrub bya'i chos kyis khyad par du byas pa'i rtsod gzhi bsgrub bya yin no zhe na/ tshogs don bsgrub byar rtsod sgrub mkhan pos gzhan dag 'dod dam ci mi 'dod par thal/ der bsgrub bya'i chos 'ba' zhig la bsgrub byar brjod pa'i phyir ro; ;yang na rtsod gzhir la mi rtag nyid sogs thun mong ba de/ bsgrub byar mkhan po mi 'dod/ chos 'ba' zhig la bsgrub byar byas pa'i phyir ro/ /gnyis pa la gsum/ rigs pa can pa'i lugs dgag pa dang/ bye brag pa'i lugs dgag @078a @#/ /pa dang/ ser skya ba'i lugs dgag pa'o/ /dang po la gnyis/ 'dod pa brjod pa dang/ de dgag pa'o/ /dang po ni/ rigs pa can pa na re/ dper brjod pa de dang chos mthun pa de las bsgrub bya sgrub par byed pa'i chos ni gtan tshigs so zhes pa gtan tshigs yang dag gi mtshan nyid dang bsgrub bya dang chos mthun pa nyid las bsgrub ya'i chos yod pa dpe lang dag gi mtshan nyid de/ dper na sgra chos can/ ji rtag ste skye ldan yin pa'i phyir/ bum pa bzhin/ de bzhin du sgra yang skye ldan no/ /de'i phyir sgra mi rtag ces nga lta bu'o zhes zer to/ /gnyis pa la bzhi/ khas blangs 'gal ba bstan pa dang/ rjes dpag gi rgyu la brtags la dgag pa dang/ dam bca' brjod pa'i ngag rtogs la sgrub byed kyi ming btags ming du 'dod pa dgag pa dang/ spyir btang dmigs bsal gyi don dgag pa'o/ /dang po la gsum/ dngos dang/ sgra 'byung gi sgra mi 'thad pa dang/ dgag pa gzhan bstan pa'o/ /dang po ni/ gal te dpe dang chos su bstan pa la bsgrub bya sgrub par byed pa gtan tshigs kyi mtshan nyid yin na/ yan lag gi cha shas lnga dang ldan pa'i ngag sgrub byed yang dag ma yin par thal lo/ /'dod na/ dam bca' dang/ gtan tshigs dang/ nyer 'jal dang/ mjug sdud dang bcas pa'i yan lag lnga ldan gyi ngag sgrub byed du khas blangs pa nyams so/ /bya ba gcig 'jug pa de ni/ tha dad kyang lhan cig tu brjod rigs pas/ yan lag lnga ga sgrub byed kyi yan lag yin no zhe na/ mi rigs te/ dam bca' brjod pa sogs kyi sgrub byed kyi don ma brjod pa'i phyir ro/ /gnyis @078b pa ni/ dpe dang chos mthun pa las bsgrub bya sgrub par byed pa rtags so zhes lnga pa 'byung khung gi sgras sbyar ba 'thad pa ma yin par thal/ dpe dang chos mthun pa'i phyir sgrub byed du khas blangs pa/ 'byung khungs dang/ 'byung khungs can rdzas tha dad kho nar khas blangs pa'i phyir ro/ /nags nas shing gcod ces pa lta bu ngo bo tha mi dad pa la/ lnga pa'i sgra sbyor ba yod kyang rigs pa can pas sgra dngos po'i dbang gis 'jug par khas blangs pas/ gnod byed du 'gyur ba yin no/ /gsum pa ni/ chos mthun pa la dper brjod kyi ngag dang/ shes 'dod rtsod pa 'byung ba brgyud nas rjes dpag bskyed pa'i phyir gtan tshigs yin no zhe na/ ngag ces ngag chos mthun pa las bsgrub bya sgrub par byed pa'i khyad par can du 'gyur bar thal/ ngag chos mthun pa las dper brjod kyi ngag sogs 'byung bas dper brjod rigs pa'i phyir/ gnyis pa la gsum/ dngos dang de'i lan dgag pa dang/ dper brjod kyi ngag sogs gtan tshigs su mi 'gyur ba'i lan dgag pa'o/ /dang po ni/ bsgrub bya sgrub pa'i ngag las shes 'dod sogs 'byung mi srid pas de dag sgrub byad nyid mi rigs pas so zhe na/ rjes dpag dngos su skyed pa la sgrub byad du 'dod dam/ rgyud nas bskyed pas 'dod/ dang po ltar na/ phyir rgol gyi rgyud kyi 'brel pa bstan pa'i blo de kho na gtan tshigs su thal lo/ / gnyis pa ltar na/ phyir rgol gyis sgrub ngag thos pa nyan shes de yang gtan tshigs su 'gyur bas gnyis ka ltar na'ang gzhan du mi rigs pa mthun par 'gyur te bshad ma thag pa nyan shes par 'gyur ba'i phyir ro/ /gnyis pa ni/ brgyud nas bsgrub @079a @#/ /bya ba bsgrub pa gtan tshigs yin yang/ nyan shes gtan tshigs der thal bar 'gyur ba ma yin te/ dpe dang chos mthun pa brjod pa thos pa'i nyan shes de ni de'i tshigs las bar mtshad par 'byung ba ma yin no zhe na/ de yang 'thad pa ma yin par thal/ de la'ang skyon gnyis pa yod pa'i phyir/ chos mthun pa las dper brjod pa yang/ rjes dpag dngos su bskyed pas gtan tshigs yin nam/ brgyud pas yin nam/ dang po ltar na/ chos mthun pa dmigs pa shes pa yang rtags su thal la/ gnyis pa ltar na/ nyan shes gtan tshigs su thal bar 'gyur ro/ /bsgrub bya ston pa dam bca'o zhes pa las ni dper brjod dang/ chos mthun pa nyid las/ gang dam bca' ston pa de gtan tshigs so zhe na/ dam bca' 'dren pa'i dpe dang/ chos mthun nyid gtan tshigs su 'gyur ba ma yin par thal/ skabs su babs pa'i dam bca' 'dren pa'i gnas skabs kyi phyogs la yang/ yan lag lnga ga sgrub byed du 'gyur gyi gzhan mi srid pa'i phyir/ srid du chug kyang khyod ltar na/ chos mthun pa la ltos pa'i dper brjod pa sogs yan lag phyi ma bstan pa rnams kyang gtan tshigs su 'gyur ro/ /gsum pa ni/ sgrub ngag gi yan lag phyi ma rnams gtan tshigs su mi 'gyur te/ dpe brjod pa rdzogs pa rdzogs rang rang gi mtshan nyid bstan pas/ gtan tshigs yin pa la gnod pa'i phyir ce na/ lhas byin la gser gyi snod khang pa'i snod du zan byin zhig ces pa lta bu rnam par rtag pa yin yang rung/ lhas byin la mar gsar dang lo ma byin zhig ces pa ltar bu bsdu ba'i tshig yin pa rung/ sgrub ngag gi yan lag lnga po so so ba dang/ bsdus pa gang yang sgrub @079b byed yang dag gi yin pa srid pa ma yin par thal/ /dam bcad brjod pa dang/ dpe brjod pa sogs rang rang gi mtshan nyid bstan pa nyid kyis gnod pa'i phyir/ de'i phyir chos mthun pa'i dper brjod pa gtan tshigs zhes drug par te/ drug pa'i sgra smos pas gzhan dag sgrub byed yin pa gcod ce na/ de la yan skyon med pa ma yin par thal/ drug par byas nas kyang bsgrub ya bsgrub pa gtan tshigs so zhes pa'i khyad par don med par mi 'gyur te/ bsgrub ya'i tshigs lhag pas gtan tshigs dang dpe nges pa nyid kyis bsgrub bya grub par thal ba'i phyir/ sngar smos pa'i mtshan nyid kyi ngag kun mtshan nyid du mi 'dod de/ gzhal bya la sogs pa dpe dang chos mthun yod kyang/ sgrub byed min pa nyid ce na yang/ dpe dang chos mthun pas bsgrub bya sgrub par byed pa gtan tshigs kyi mtshan nyid du mi rigs par thal/ gtan tshigs su gang 'dod de dper brjod dang chos mthun pa nyid mi 'khrul pa'i gtan tshigs zhes khyad par can du gyis te khyad par du byed rigs pa'i phyir ro/ /gsum pa ni/ dam bca' brjod pa'i ngag sogs la sgrub byed kyi ming btags ming ngo zhe na/ dam bca' brjod pa'i ngag sogs la sgrub byed kyi ming 'dogs pa mi rigs par thal/ de la dgos pa med pa'i phyir/ khyab par thal/ dgos pa med par 'dod pa ming nyid kyi ni sgra'i don las 'das pa btags ming 'jug par 'dod pa rigs pa ma yin pa'i phyir ro/ /bram ze'i khyi'u la seng-ge zhes btags pa yang dpa' ba phul du byung ba go ba lags pa'i ched du btags pa'o/ /dpe dang chos mthun pa ston pa'i ngag la dngos ming dang gzhan rnams la btags ming zhe na/ @080a @#/ /de yang mi rigs par thal/ sgrub ngag gi yan lag thams cad sgrub byed kyi yan lag rnam grangs tsam du khas blangs pa'i phyir/ bzhi pa la gnyis/ dngos/ gtan tshigs ltar snang yang dag tu thal ba'o/ /dang po ni/ gal te dper brjod pa dang chos mthun pa gtan tshigs so spyir btang nas/ ! /gtan tshigs ltar snang ba mtshan nyid ni/ dmigs kyi bsal ba yin pas yan lag thams cad sgrub byed yang dag tu mi 'gyur ro zhe na/ byas pa dang bum pa lta bu spyi'i nang du bye brag 'dus pa la bum pa dmigs kyi dkar ba'i don yin nam/ spyir btang khas blangs na/ dmigs bsal gyi gnod pa ltar bu/ /dmigs kyi bsal ba'i rjes su spyi'i don khas blang du rung ba lta bu'i don yin/ dang po ltar na/ gtan tshigs ltar snang rnams kyang yang dag tu ltar ba spang min nus la/ /gnyis pa ltar na/ mtshan nyid spyir btang ba la dmigs gsal gyi don 'thad pa yod pa srid pa ma yin par thal/ dper brjod chos mthun tsam gtan tshigs yang dag gi ming du khas blangs pa'i phyir ro/ /gnyis pa ni/ gtan tshigs ltar sang bas stong pa'i dpe dang chos mthun pa dang/ gtan tshigs kyi mtshan nyid yin no/ /de ltar na/ sgra rtag ste/ mnyan bya yin pa'i phyir/ sgra nyid kyis spyi bzhin zhes dpe dang/ chos mthun pa dang/ dung sgra rtag ste/ rtsol byung yin pa'i phyir/ glog bzhin/ zhes pa yang gtan tshigs yang dag nyid du 'gyur bar thal/ khyod 'dod pa'i gtan tshigs der snang gis stong zhing/ chos gzhan dpe dang mtshungs pa'i phyir/ rtags dang/ khyab pa gnyis @080b ka khas blangs so/ /gtan tshigs ltar sang min par khas blangs dgos pa ni/ 'khrul pa dang bcas pa dang 'gal ba dang/ skabs dang mtshungs pa dang/ bsgrub bya dang mtshungs pa dang/ dus las 'das pa rnams ni gtan tshigs ltar snang ba'o/ /zhes grangs nges byas pa'i nang du ma 'dus pa'i phyir/ gnyis pa la gnyis/ 'dod pa brjod pa dang/ de dgag pa'o/ /dang po ni/ bye brag pa rnams ni/ bsgrub bya de 'di la yod pas de dang ldan pa'i chos brjod bsgrub ngag dang sgrub byed dang ldan pa'i chos gtan tshigs so zhes rjod par byed do/ /bu dang ldan pa zhes brjod na/ pha kho na de dang ldan par go ba ltar bsgrub bya dang ldan pa'i chos zhes pas gtan tshigs go bar byed do zhes zer to/ /gnyis pa la gnyis/ bsgrub bya dang ldan pa'i chos gtan tshigs kyi mtshan nyid yin pa/ brtags la dgag pa dang/ dngos gyur gyi nam mkha' yod par sgrub pa'i gtan tshigs mi srid par thal ba'o/ /dang po la gsum/ bsgrub bya'i spyi rtags su thal ba dang/ ya gyal rtags su thal ba/ dgag pa gzhan bstan pa'o/ /dang po ni/ bye brag pa'i 'dod pa de la yang bsgrub bya'i spyi dang ldan pa'i chos sam/ bsgrub bya'i chos dang ldan pa chos chos can dang ldan pa'i chos gtan tshigs yin/ dang po ltar na/ bsgrub bya'i spyi nyid/ bsgrub bya dang ldan pa'i su thal bar 'gyur te/ chos chos can gyi tshogs pa la khang bzang gi phreng ba bzhin du/ tshogs pa can las tha dad pa'i tshogs pa'i spyi'i chos ngo bo tha dad pa gzhan med pa'i phyir ro/ /'dod na tshogs pa'i spyi'am ya gyal gang rung rtags su khas len dgos pas rtags gang bkod pa thams cad shes 'dod @081a @#/ /med pa'i ma grub pa'i gtan tshigs su thal bar 'gyur ro/ /khyod rang ri bstan bcos su gtan tshigs ltar snang du bshad pa'i gong bu rwa can 'di chos can/ rtag yin te rwa can yin pa'i phyir ces pa'ang yang dag tu thal bar 'gyur te/ tshogs pa'i chos rtags su bkod pa'i phyir ro/ /gnyis pa ni/ chos dang chos can bsgrub bya de dang ldan pa'i chos gtan tshigs su 'thad pa min par thal/ mi rga pa ni grub zin pas bsgrub byar mi rung ba'i phyir/ rang nyid chos can la brten pa'i chos yin pas chos gzhan gyi rang dbang ba'i rten du mi 'thad pa'i phyir dang/ chos can yang grub zin pas bsgrub byar mi rung zhing/ de dang ldan pa'i chos gtan tshigs yin pa la 'chad par 'gyur ba'i rigs pas gnod pa'i phyir ro/ /gsum pa ni/ spyi'i chos dang ldan pa'i chos gtan tshigs su mi 'thad pas khyad par shes 'dod chos can/ bsgrub bya dang/ de dang ldan pa'i chos gtan tshigs su thob par 'gyur la/ de ltar na sgra rtag ste/ mnyan bya yin pa'i phyir ces pa yang yang dag tu 'gyur te/ chos dang ldan pa'i chos gtan tshigs su bkod pa'i phyir ro/ /bsgrub bya'i chos bsgrub bya dang/ de dang ldan pa'i chos gtan tshigs yin na gzhan gyi'ang ste/ mi rtag pa dang ldan pa'i bum pa'i chos gtan tshigs su 'gyur la/ de ltar na mig gi gzung bya sgra mi rtag par sgrub pa'i rtags yang dag tu thal/ gzhan yang/ sgra rtag ste lus can min pa'i phyir ces pa ma nges pa 'khrul pa can de dag kyang gtan tshigs su thal/ bsgrub bya'i chos dang ldan pa'i chos gtan tshigs su khas blangs pa'i phyir/ gnyis @081b ba ni/ dngos par gyur pa nam mkha' dang bdag la sogs pa yod pa'i phyir sgrub pa'i sbyor ba'ang 'god par mi byed pa rigs par 'gyur bar thal/ shes 'dod chos can dang bsgrub bya mi srid pas de dang ldan pa'i chos mi srid pa'i phyir ro/ /gsum pa la gnyis/ 'dod pa brjod pa dang/ de dgag pa'o/ /dang po ni/ ser skya pa na re/ phyir rgol gzhan la bstan par bya ba'i don du/ gzhan gyi don gyi rjes su dpag pa gnyis te/ gtso bo sgrub pa'i gtan tshigs lnga lta bu/ rang phyogs bsgrub pa gtso bor gyur pa rnam par ldan pa dang/ gzhan phyogs bkag nas de kho na 'ongs pa bsal te 'ongs pa'o zhes pa'o/ /phyi ma'i don ni gzhan bkag pa tsam gyis rang phyogs grub par 'dod pa'o/ /gnyis pa la gnyis/ rnam par ldan pa'i gtan tshigs dgag pa dang/ bsal te 'ongs pa'i gtan tshigs dgag pa'o; ;dang po la gnyis/ mtshan nyid lnga ldan gyi gtso bo yod pa bsgrub bya yin pa dgag pa dang/ nyes pa de skyes bu la yang mtshungs pa'o/ /dang po la gnyis/ gtso bo rang mtshan pa bsgrub byar mi 'thad pa dang/ gtso bo zhes pa'i sgra'i brjod bya rang mtshan pa tsam sgrub na grub zin bsgrubs pa'o/ /dang po la gsum/ rjes dpag tshad ma'i gzhal bya 'gal ba dang/ dpe la rjes 'gro med pa dang/ khas blangs 'gal ba bstan pa'o/ /dang po ni/ rnam par ldan pa'i sgrub ngag ni dam bca'i brjod pa sogs yan lag lnga dang ldan pa'o zhes zer to/ /de'i nang nas gcig skyes bur brjod pa ni/ gtso bo yod de/ gsal ba thams cad dang rjes 'gro byed pa mthong ba'i phyir ro/ /de yang de tsam lnga la bde ba'i rigs gcig pa dang/ sdug bsngal dang btang snyoms kyi rigs gcig pa mthong bas @082a @#/ /'bras bu gcig rtags su bkod nas/ rgyu gcig gi sngon du song bar bsgrub pa yin pa gcig pu yin pa la sogs pa'i gtso bo mtshan nyid ldan pa bsgrub pa'o/ /mtshan nyid lnga ldan gyi gtso bo rang mtshan rjes dpag tshad ma'i gzhal byar mi 'thad par thal/ grangs can de ltar 'dod pa rjes dpag tshad ma'i gzung yul spyi mtshan yin pa mi shes pas kun nas bslang ba yin pa'i phyir/ bsgrub bya'i chos kyang sgrub byed du 'gyur ba yin par thal/ bsgrub bya'i chos kyi rang bzhin dang/ sgrub byed kyi rang bzhin gcig yin pa'i phyir/ rtags khas blangs te/ gtso bo cha med de kun gyi rang bzhin dang/ de la dbye ba med par khas blangs so/ /sgrub dag yan lag lnga ldan du 'thad pa ma yin par thal/ gtam rgyu8d rgyas pa'i ngag gtan tshigs yang dag tu 'thad pa min zhing/ lhag chad dang bral ba'i ngag bsdus pa yang khyod kyis brjod pa ma yin pa'i phyir/ gnyis pa ni/ 'bras bu rgyu dpog pa lhag ma dang ldan pa gtan tshigs las dbang po las 'das pa'i don rtogs par byed la/ yan lag lnga ldan gyi tshigs de nyid gtan tshigs yin no/ /mtshan nyid lnga ldan gyi gtso bo yod brtags yang dag gi bsgrub bya min par thal/ shing gi shun lpags sogs la yod pa'i rigs gcig dper khas blangs kyang/ gtso bo dpal rjes 'gro dang ldan pa ma yin pa'i phyir/ sbyor ba dag gis kyang mtshan nyid lnga ldan gyi gtso bo nye bar 'jal mi rigs par thal/ ngag gis bstan pa ji lta ba bzhin du gtso bo ma grub pa'i phyir/ gsum pa ni/ shing la sogs pa la 'bras bu gcig mthong ba'i rtags @082b kyis rgyu gtso bo gcig sngon du song bar mi grub par thal/ de ltar na 'bras bu du ma mthong ba'i rtags kyis rgyu gcig kho na yod pa dgag pa'i ched du rgyu du song bar sgrub pa'i dam bca'i don dang 'gal bar 'gyur ba'i phyir/ gnyis pa la gnyis/ dngos dang de'i lan dgag pa'o/ /dang po ni/ rgyu yod pa sngon du song bar bsgrub pa yin gyi /gcig kho na sngon du song bar bsgrub pa min no zhes pa dang/ gtso bo zhes pa'i sgra'i brjod bya yod par bsgrub pa yin no zhe na/ gtso bo zhes pa'i sgra'i brjod bya yod pa dang/ 'bras bu rnams rgyu yod tsam gzhan don rtags kyi dam bca' ma yin par thal/ phyir rgol gyis kyang rtsod pa med par grub zin pa'i phyir/ bsal ba rnams la rigs kyis rgyu cha med gcig yod pa yang bsgrub bya ma yin par thal/ shing shun la sogs pa bzhin du bsal ba rigs mi mthun tha dad rnams la gtso bo zhes pa'i rigs gcig rjes su 'gro ba med pa'i phyir/ gnyis pa ni/ de tsam lnga bde ba la sogs pa'i bkod pa yin la/ bde ba la sogs pa'i rigs rjes su 'gro ba thams cad gtso bo de'i rigs can du 'grub ce na/ bsal ba tha dad pa rnams la gtso bo zhes pa'i rigs gcig rjes su 'gro ba ma yin par thal/ de sgrub pa'i gtan tshigs gang bkod kyang/ ltar snang gsum po gang rung gcig las mi 'da' ba'i phyir/ gnyis pa la gsum/ dgag pa dngos dang/ khas blangs 'gal ba dang/ ma nges pa bstan pa'o/ /dang po ni/ rigs gcig gsal ba du ma la rjes su 'gro ba mthong ste/ gzhan du de tsam lnga la snying stobs la sogs pa 'bras bu gcig pa nyid mthong ba so zhe na/ 'bras bu gcig @083a @#/ /mthong bas rigs gcig rjes su 'gro bar mi grub par thal/ /'jig rten na mig dang gzugs dang/ snang ba dang/ yid byed sogs la gtso bo rjes su 'gro ba med kyang/ 'bras bu rnams gcig byed pa mthong ba'i phyir ro; ;rgyu gnyis te/ nyen bar len pa dang/ 'bras bu gcig mthong bas/ rang gi rang bzhin du gyur pa nyer len gcig sngon du song bar bsgrub pa yin gyi /lhan cig byed rkyen gcig kho na sngon du song bar mi sgrub pa skyon med do zhe na/ nye bar len pa'ang 'bras bu gcig mthong bas rang gi rang bzhin du gyur pa'i rgyu gcig kho nar sgrub nus pa ma yin par thal/ bshad zin pa'i nyes pa der 'gyur ba'i phyir ro/ /skyes bu la yang yon tan gsum gyi rang bzhin rjes su dpog nus par thal/ rnam par shes pa de dang ba dang/ mthar spro ba la sogs pa'i 'bras bu rigs gcig pa mthong ba'i phyir ro/ /'dod na rtsa ba'i grub mtha' dang 'gal lo/ /dwangs pa dang/ rtogs pa sogs phyi rol de tsam lnga kho na'i rang bzhin gyi skyes bu'i rang bzhin min no zhe na/ phyi rol de tsam lnga kho na la/ dang ba la sogs pa'i 'bras bu 'thad pa min par thal/ dwangs ba dang spro ba la sogs pa'i 'bras bu skyes bu la yang mthong dam/ rna ba la sogs pa 'jug pa dang tha mi dad pa'am/ tha dad du 'dzin kyang rung/ 'bras bu gcig pas nyer len gyi rgyu gtso bo gcig 'dod pa gnyis kar skyon yod pa'i phyir/ rnam par ldan pa'i gtan tshigs tshad ldan bcu drug mthong ba sogs gzhan bzhi la'ang/ rjes dpag gzhal bya dang 'brel pa med pa'i nyes pa brjod par bya'o/ /gnyis pa ni/ sngar bshad pa rnams kyi @083b gtso bo yod pa sogs bsgrub pa gtan tshigs phyogs chos ma grub par bstan nas/ 'gal ba'i skyon ston pa ni/ dpe la rjes su 'gro ba khas blangs na yang mi rigs to/ shing gi shun lpags sogs shing lnga ma'i nyer len dang/ rgyu du ma las 'byung gi /gcig kho na las 'byung ba khegs pas rtags 'gal ba nyid kyi phyir ro/ /gsum pa ni/ rtags ma nges par yang 'gyur te/ shing rlan dang kham phor la sogs pas khyab pa ma nges pa'i phyir ro/ /des na gtan tshigs kyi skyon gsum gang rung ba las mi 'da'o/ /dam bca'i tshig des ni bsgrub bya 'phangs kyang/ dam bca' yang dag pa yin par thal/ bsgrub bya'i chos dpe la rjes 'gro med pa'i phyir ro/ /'grel bshad kyi 'gyur ltar na/ dpe ni bsgrub byas dman pa zhes 'byung yang/ dpe bsgrub bya'i chos kyi stong pa la 'chad pas don 'dra'o/ /gtso bo rjes su 'gro ba'i dpe de yod pa ma yin par thal/ de ltar na bsal ba tha dad pa rnams gcig tu thal bar 'gyur ro/ /de bzhin du tshad dang ldan pa dang rgyu dang/ 'bras bu'i dngos po dang/ nus pa 'jug pa'i dang/ sna tshogs pa'i ngo bo'i gtan tshigs lhag ma bzhes kyang dngos su gtso bo yod pa sgrub na/ tshad ma'i yul mi shes pa'i phyir/ ces sogs kyi gnod pa thams cad sbyar bar bya'o/ /gnyis pa la gsum/ gzhan lugs dgag pa tsam gyis rang lugs bsgrub pa mi 'thad pa dang/ gzhan lugs 'gog pa'i rtags kyi grangs nges mi 'thad pa dang/ rang lugs bsgrub pa gzhan lugs mtha' dag bkag pa la ltos na thug pa med pa'o/ /dang po ni/ gzhan phyogs bkag pa tsam gyis rang phyogs 'grub pa ma yin par thal/ lus can ma @084a @#/ /yin pa'i phyir/ sgra rtag go zhes pa ma nges so khyod kyi brjod pa tsam gyis gzhan lugs ma grub byas kyang/ rang lugs sgra mi rtag par mi 'grub pa'i phyir ro/ /gzhan lugs bkag pa tsam bsgrub byar 'gyur ba yin par thal/ char bab pa'i 'bras bu rtogs pa'i ched du gangs zhu ba la sogs pa so sor bkag nas rang gi ngo bo khyad par chu klung gang ba las bsgrub byar mi 'gyur ba'i phyir/ gnyis pa ni/ gzhan lugs 'gog pa'i gtan tshigs dpe dang 'gal ba dang/ khas blangs 'gal ba gnyis su nges par 'thad pa ma yin par thal/ phyogs chos kyi yan lag ma tshang ba'i skyon bstan pa sogs las kyang/ gzhan la gnod med du 'gyur ba'i phyir ro/ /bsam pa rnams rjes su 'gro ba med pa'i tha dad 'ba' zhig tu thal/ gtso bo gcig sngon du ma song bar sngar med gsar du skye ba'i phyir ces pa dang/ spyi gcig sngon du song ste/ bsal ba rnams la rjes su 'gro ba mthong ba'i phyir ro/ /zhes pa'i sbyor ba gnyis kyang rigs pa min par thal/ khyab pa ma nges shing bsgrub bya'i chos dpe la rjes 'gro mi byed pa'i phyir ro/ /sngar med gsar du skye na/ tha dad 'ba' zhig tu thal ba/ gzhan phyogs bkag pa'i rjes thogs la ni ldog pa tha mi dad pa rnams kyi sngon du gcig song ba/ mtha' gcig tu nges pa yin pa'i phyir/ gtso bo gcig las skye ba 'grub pa min par thal/ rgyu gcig kho na la skye ba bsal ba la gnod byed du bkod pa'i grangs can gyi /gtan tshigs 'di mi rigs pa'i phyir/ yang na gzhan lugs gcig bsal ba sngon du song ba la de mi rigs zhes bshad do/ /gzhan yang khyad par chod phyir rjes @084b 'gro'i phyir ces sogs/ rnam par ldan pa'i gtan tshigs lnga bkod pa bzhin du bsal te 'ongs pa'i gtan tshigs lnga nyid sbyar bar bya ba min par thal/ gzhan phyogs bkag pa'i rjes thog ma la/ gcig bsal te 'ongs pa zhes sbyar rigs kyi mtha' dag bkag pa las 'ongs pa mi 'grub pa'i phyir ro/ /gsum pa ni/ rgol ba re re nas ma 'dus pa bkag pa las/ gal te gzhan phyogs bkag pa'i rjes thogs la 'dod na/ thug pa med pa'i bsal 'ongs rnams su thal bar 'gyur te/ gzhan gyi rgol ba'i lan la mtha' med pa nyid kyi phyir ro/ /zhes bya bar skabs kyi tshigs su bcad pa'o/ /gnyis pa la gnyis/ rtsod sgrub mkhan po'i lugs dgag pa dang/ gzhan sde'i lugs dgag pa'o/ /dang po la gsum/ ma grub pa dang/ ma nges pa'i mtshan nyid dang/ dbye ba mtha' mchod pas skyon chags pa dang/ 'gal ba'i gtan tshigs kyi dbye ba mi 'thad pa dang/ brjod dgos pa ma brjod pa'i nyes pa'o/ /dang po ni/ rtsod bsgrub pa nas ni ma grub pa dang/ ma nges pa dang 'gal ba'i don ni gtan tshigs ltar snang ba'o/ / ma grub pa ni/ dper na/ mig gi gzung bya yin pa'i phyir/ sgra mi rtag go zhes pa dang/ ma nges pa ni lus can ma yin pa'i phyir/ rtag go zhes pa dang/ 'gal ba gnyis te/ bye brag pa rnams kyi spyi dbang pos gzung bya yin par rtag go zhes pa dang/ grangs can pas rgyu la 'bras bu yod de/ de las skye ba'i phyir ces pa lta bu'o zhes zer to/ /ma grub pa'i rtags kyi dpe tsam la dgos nus gang yang med par thal/ ma grub pa'i dbye ba chos can gyi phyogs gcig la ma grub pa sogs du ma yod pa dang/ ma grub @085a @#/ /pa mtshan nyid brjod rigs par brjod pa min pas rtogs mi nus pa'i phyir ro/ /'khrul pa can ma nges pa la yang mtshan nyid dang/ dbye ba brjod pa min pa'i phyir/ nges brjod pa tsam rigs pa min no/ /ma nges pa'i dbye ba yang mi rtags par thal/ ma nges pa'i gtan tshigs do ni thun mong min pa'ang yod la/ 'gal ba la mi 'khrul ba can yang yod kyang/ cung zad kyang ma bstan pa'i phyir ro/ /gnyis pa ni/ 'gal ba'i gtan tshigs kyi dpe byas pa rang mi 'thad par thal 'gal ba gcig gi ni mtshungs pa rgyu ste/ blo ngo la ltos na rtag pa dang mi rtag pa gnyis ka la mthong bas ma nges pa yin pa'i phyir dang/ gal ba'i dpe gcig ni ma grub pa'am thun mong min pa'i ma nges pa yin pa'i phyir ro/ /de yang khyad par la btags nas gnyis su shes par bya'o/ /gsum pa ni/ snga bshad pa'i de dag ni 'gal rtags ma yin te/ bzlog phyogs sgrub mi nus pa'i phyir dang/ 'gal ba'i gtan tshigs kyang mi rtogs par thal/ bsgrub bya las ldog pa bsgrub pa yin gyi / rgyu mtshan dang zhes 'dod la gnod byad kyi dbye ba dang/ mtshan nyid ma brjod pa'i phyir ro/ /gnyis pa la gnyis/ rigs pa can pa'i lugs dgag pa dang/ bye brag pa'i lugs dgag pa'o/ /dang po ni/ rigs pa can pa rnams kyi ltar na/ 'khrul pa dang bcas pa dang 'gal ba dang/ skabs dang mtshungs pa dang/ bsgrub bya dang mtshungs pa dang/ dus las 'das pa rnams ni gtan tshigs ltar snang bas so zhes zer to/ /de la 'khrul pa dang bcas pa ni ma nges pa ste/ de yang phyogs las gzhan @085b la yang 'jug pa ste/ mtha' gcig tu phyogs kho na la gnas pa ma yin pa'o /phyogs las gzhan la'ang 'jug cing/ phyogs kho na la mi 'jug pa ma nges pa'i don du mi 'thad par thal/ 'gal ba dang ma grub pa sogs las/ thun mang yin pa'i khyad par yod pa min pa'i phyir ro/ /yan na/ ma nges pa'i sgra gzhan la gnas pa 'thob pa yod pa min par thal/ de la sgrub byed gang bkod kyang/ ma nges par 'gyur ba'i phyir te/ dpe ma bstan na ni gtan tshigs su mi 'gyur la/ dpe bstan na ni de la 'jug pas ma nges par 'gyur ba'i phyir ro/ /bsgrub bya'i rigs kho na la 'jug pa gtan tshigs kyi don yin la/ de las gzhan la 'ug pa ma nges pa yin na/ mi mthun phyogs kho na la 'jug pa yang ma nges par 'gyur na mi rigs te/ de gzhan yang ste bsgrub bya'i ldog phyogs sgrub par byed pas ma nges pa las gzhan 'gal rtags su 'gyur ba'i phyir ro/ /bsgrub bya'i chos las ldog pa gzhan la 'jug pa ma nges pa yin gyi yang dag dang ma nges par 'gyur na de ni mi rigs par bshad zin to/ /sngar lung khas blangs nas/ phyis de dang 'gal ba khas blangs na/ grub mtha' dang 'gal bas 'gal rtags su 'gyur te/ dper na/ bye brag pas/ rdzas rnams ni rdzas gzhan gtso bor byed pa yin la/ rdul phra rab kyang yan lag can gyi rdzas rtsam pa dang/ lus can du khas blangs nas/ phyis rdul phra rab chos can/ rdzas rtsom pa min te/ lus can min pa'i phyir ro zhes pa bzhin no zhe na/ de 'gal ba'i gtan tshigs ltar snang du mi 'thad par thal/ de ni phyogs chos ma grub pa dang/ dam bca' 'gal ba'i @086a @#/ /skyon las gzhan du me dpa'i phyir ro/ /grangs can gyi gtso bo ni rgyu yin te/ sems dpa' can min pa'i phyir ro/ /zhes pa yang/ ma nges pa min par thal/ log bsgrub pa'i 'gal ba de nyid de 'gal ba yin pa'i phyir/ / gang las skabs su bab pa de bstan pa'i phyir/ nye bar dgod pa ni skabs dang mtshungs pa'i zhes pa'i gtan tshigs ltar snang gzhan yin te/ dper na/ bdag ni mi rtag ste/ lus las gzhan yin pa'i phyir ro/ /kha cig na re/ sgra mi rtag ste/ rtag pa'i chos nye bar mi dmigs pa'i phyir ces pa ni skabs dang mtshungs te/ rtag pa dang mi rtag pa'i chos ma dmigs pa kho na gtan tshigs su sten pa'o zhe na/ de ni ma grub pa zhes pa'i ltar snang gzhan du 'gyur ba ma yin par thal/ khyab pa ma nges par 'gyur ba tsam yin pa'i phyir/ rtag pa'i chos ma dmigs pa mnyan bya yin pa'i phyir ces pa ltar na ni/ thun mong min pa'i ma nges par 'gyur gyi /ma grub pa min no/ /bsgrub bya dang khyad par med pas bsgrub pa ni/ bsgrub bya mtshungs pa zhes pa'i ma grub pa gzhan yin te/ dper na/ sgra rtag ste/ reg bya can min pa'i phyir/ blo bzhin no zhes pa lta bu'o zhe na/ /de yang khyod ltar ma grub pa min par thal/ khyod ltar na/ sgra la dam bca' tsam brjod pa'i phyir dang/ phyis nges par bya ba'i don du/ gtan tshigs bkod pa ni ltar snang min te/ de las bsgrub bya grub pa'i phyir/ gnyis pa ni/ bye brag pa'i ltar na ltar snang gsum ste/ ma grub pa dang/ ma bstan pa dang/ yod med dang/ yin min the tshom za ba'o/ /ma grub pa ni/ rtags dang rtags can @086b gyi 'brel pa grub ste/ dper na/ me du'i 'brel pa yod kyang/ phyir rgol gyi ngor ma grub pa de la du ba smos pa ni ma bstan pa zhes pa'i gtan tshigs ltar snang ngo/ /the tshom za ba ni rwa can rig go zhes brjod pa ni/ re zhig shes par bya zhe na/ rwa can gyi rtags las; ba lang ngo zhes smra na ni/ smra bar bya ba the tshom du smra ba'o zhe na/ rtags chos kyi 'brel pa ma grub pa zhes pa ltar snang gzhan ma yin par thal/ dpe la ma grub pa yin na ni/ dpe med pa'am ni ste/ dpe yang dag med pa dang/ khyab pa ma grub pa yin la; rtsod gzhi lam grub pa yin na/ gtan tshigs 'gal bar 'gyur gyi ma grub pa min pa'i phyir/ rwa can las rta dpog pa yang the tshom gyi gtan tshigs ma yin par thal/ /rwa can las rta las ldog pa rta min pa'i nges pa 'dren par byed pa'i phyir/ gong bu rwa can 'di chos can/ ba lang yin te/ rwa can yin pa'i phyir/ ces pa yang/ thun mong ma yin pa yin pas/ gtan tshigs ltar snang ma tshang ba brjod pa yin no/ /des na bye brag pa'i gtan tshigs ltar snang ni/ ma tshang ba dang bcas pa'i nyes pa dang bcas pa kho na'o/ /gnyis pa le'u'i mtshan bstan pa ni/ tshad ma kun nas btus pa'i rnam bshad mthar 'dzin gyi gdung ba 'joms byed rig pa'i rgya mtsho zhes bya ba las gzhan gyi don gyi rjes su dpag pa ste lu'i gsum pa'i 'grel pa'o// // gnyis pa dpe dang dpe ltar snang bshad pa la gnyis/ le'u'i gzhung bshad pa dang/ le'u'i mtshan bstan pa'o/ /dang po la gnyis/ dpe yang dag gi mtshan nyid dang/ dpe ltar snang gi mtshan nyid do/ /dang po la gsum/ dngos dang/ gzhan don rjes @087a @#/ /dpag gi brjod bya'i khyad par dang/ dpe sgrub byed la sogs pa yin pa dgag pa'o/ /dang po la gsum/ khyab pa dpes ston pa dang/ dpe gang gis khyab pa gang ston pa dang/ sbyor ba dper brjod pa'o/ /dang po ni/ rtog ge pa'i bstan bcos gzhan rnams las/ phyogs chos tsam ston pa sbyor ba yang dag tu 'dod pa dag gi log rtog dgag pa'i ched du/ khyab pa dpes nges par bstan dgos pa'i tshul brjod par bya'o/ /tshul gsum tshang ba rtags zhes brjod pa las na phyogs chos brjod pa tsam gyis sbyor ba yang dag tu 'gyur ba ma yin par thal/ /phyogs kyi chos su legs par gnas pa'i lhag ma khyab pa'i tshul gnyis su grags pa mthun dpe dang/ mi mthun pa'i dpe yis nges par rab tu ston par byed dgos pa'i phyir ro/ /gnyis pa ni/ rtsod gzhi dang gang chos mthun pa dang cig shos chos mi mthun pa dang bcas pa nyid dpe gnyis la rab tu bstan par bya ste rtags bsgrub bya'i chos kyi rjes su 'gro ba khyab pa mthun dpe yang dag gis dngos su bstan zhing/ ldog khyab shugs la ston la ston la/ bsgrub bya'i chos med na gtan tshigs med pa nyid kyi ldog khyab mi mthun dpe yang dag gis dngos su bstan zhing/ rjes khyab shugs la ston pa'i phyir ro/ /dpe gnyis kyis khyab pa gnyis dngos su ston pa'i tshul mi 'dra bar gnas te/ mthun dpe bum pas byas pa ma yin pa las log pa la/ mi rtag pa min pa las log pas khyab pa ma yin dgag gi dgag pa'i tshul gyis dngos su bstan pa dang/ de bzhin du 'dus ma byas kyi nam mkhas mtshan nyid med pa yang ste/ mi @087b rtag pa med pa la byas pa med pa bdag med par dgag pa'i tshul gyis dngos su ston pa'i phyir ro/ /med dgag ni/ dgag bya tshig gis zin par dngos su bcad nas chos gzhan 'phangs pa med pa dang/ ma yin par dgag pa ni/ dgag bya tshig gis zin par dngos su bcad nas chos gzhan 'phangs pa ma yin pa dgag pa ste/ de la chos gzhan dngos su 'phen pa dang/ shugs la 'phen pa dang/ dngos shugs gnyis ka la 'phen pa dang/ skabs stobs kyis 'phen pa ste/ gzhan du bshad zin to/ / gsum pa la sgrub ngag gi rtags chos gnyis phar? chen khyab? pa nges par bstan bya ma yin pa dang/ de ltar bstan dgos par 'dod pa la gnod pa bstan pa'o/ /dang po ni/ gal te chos kyi rtags la khyab pa ston pa de star/ rtags kyis kyang cig shos la khyab pa nges par bstan par bya ste/ chos rtags las gzhan la 'jug na yang/ ma nges par 'gyur ro/ /zhe na/ sgrub ngag gnyis kyis bstan bcos gnyis khyab che chung mtshungs par 'phan tshun rjes su 'gro ba nges par ston pa mi rigs par thal byas pas sgra mi rtag par sgrub pa'i tshe/ byas pas mi rtag pa la khyab pa dang/ ma byas pas rtag pa la khyab par ston na/ rtags yong dag kha cig la/ mtshan nyid ma khyab pa dang/ 'dod pa min pa'i don thob par 'gyur ba'i phyir/ der thal/ tshul de ltar ston na/ ma byas pa las/ gzhi 'gar sgrub 'dod med pa'i rtag pa bsgrub pa'am 'jig pa'i rtags las 'dir 'bras nyid du ste byas pa sgrub dgos par khyab pa'i tshul 'di ni rjes su brjod byas na brjod pa ste/ de ltar khas blangs dgos pa'i @088a @#/ /phyir ro/ /ma khyab pa ni/ rtsol byung gis/ mi rtag pa la khyab pa bstan dgos na/ glog la sogs pa rtsol ba las byung ba'am yang na rtag pa ru thal bar 'gyur ro/ /des na gang byas mi rtag /dper na bum pa bzhin sgra yang byas zhes pa dang/ gang mi rtag pa med pa la byas pa med pas khyab/ dper na 'dus ma byas kyi nam mkha' bzhin/ sgra ni byas so zhes rtags chos kyi khyab pa/ chos khog la rtags log gis khyab pa ma yin par dgag pa dang/ med par dgag pa'i tshul gyis bstan par bya ba yin gyis /gzhan du na nyes pa du ma'i 'byung khungs su 'gyur ro/ /rigs pa'i sgor re shig 'gal ba dang/ ma nges pa'i gnyen por gnyi ga? brjod par bya ba gang yin pa de ni rigs so zhes bshad pa ltar/ gnyi ga? la dogs pa yod na/ sbyor ba gnyi ga brjod par bya'o; ;gnyis pa ni/ khyab pa'i tshul de ltar mi rtogs par re re brjod pa ste/ dpe dang rtsod gzhi chos mthun pa tsam zhig brjod na thun mong ba gzhal bya sgra mi rtag par sgrub pa'i phyogs chos dang chos mthun yod pas/ rtags yang dag tu thal ba dang ni chos mi mthun pa tsam zhig brjod na/ mthun phyogs la yang ma mthong bas khyad par mnyan bya nyid sgra mi rtag par sgrub pa'i rtags yang dag tu thal ba dang/ mthun phyogs kho na yod pa dang/ mi mthun phyogs la med pa kho nar nges pa gnyi ga ma brjod pa go byed yang dag tu 'gyur ba yin na rtags 'gal ba'ang sgrub byed yang dag nyid du ma 'gyur ba des na khyab pa gnyis ka ston pa dper brjod gnyis su shes par bya'o/ /sbyor ba gnyis ka nges par bstan dgos pa ma yin te/ gang yang rung ba gcig @088b brjod pas kyang/ cig shos kyi don la rtogs pa skye ba'i phyir ro/ /gnyis pa ni/ sgrub ngag yang dag gis nyer bstod dang/ mjug sdud sogs brjod par mi rigs te/ rgol ba rang gis tshul gsum pa'i rtags tsam las lkog gyur gyi don rtogs pa bzhin du/ phyi rgol gzhan la lkog gyur rtogs pa'i nges pa skyed par 'dod pa yis phyogs chos nyid dang 'brel pa dang/ bsgrub bya brjod pa las gzhan rnams brjod bslang bar bya ba yin pa'i phyir ro/ /bsgrub bya brjod par bshad pa ni/ gal te ston na yang; tshul gsum dang/ bsgrub bya las/ gzhan ston mi rigs pa'i rtag pa mtha' bzung dang/ yang na bsgrub bya go bar byed pa la tshul gsum las gzhan bstan mi dgos pa dang/ bsgrub bya shugs la bstan pa'i don yin gyi / dngos su brjod pa ni/ gzhan du bkag pas so/ /'grel bshad du/ phyir rgol phyogs tshig las gzhan pa nyer btod sogs la nyer mkho med pa'i don du 'dod/ /gsum pa la gnyis/ dpe sgrub byed la sogs pa ma yin pa'i don rgyas par bshad pa dang/ phyogs chos tsam gtan tshigs yang dag gi don yin na/ de ltar 'thad kyang/ de nyid don yin pa la gnod byed bstan pa'o/ /dang po la gsum/ dpe sgrub byed la sogs pa ma yin pa'i rgyu mtshan dang/ khyab pa ston pa las gzhan pa'i sgrub byed yin na 'jig rten pa'i dpe dang mtshung pas rtags chos dang 'drel pa med pa dang/ dpe nye bar 'jal tsam du 'dod na gnod pa bstan pa'o/ /dang po la gnyis/ khyab pa ston nang du 'das pas sgrub byed la sogs pa min pa dang/ phyogs chos la ltos na de las logs su 'thad pa'o/ /dang po ni/ kha cig @089a @#/ /na re/ nyer sbyar bzhin du/ dpe'i tshig kyang logs su bstan mi rigs par 'gyur ro zhe na/ dpe gnyis ni rtags yang dag gi mtshan nyid ston pa las log pa rgyu sgrub byed yang dag tu brjod par bya ba ma yin te/ dpe yang dag gis gtan tshigs yang dag gi mtshan nyid kyi phyogs gcig khyab pa'i don ston pa'i phyir/ dpe yang dag dpe nyer 'jal bzhin du sgrub byed kyi yan lag tu don med min par thal/ khyab pa gnyis ston pa la nges par dgos pa'i phyir ro/ /gnyis pa ni/ gal te phyogs chos las logs su dgos pa'i phyir ro/ /gnyis pa ni/ khyab pa ston pa las gzhan pa'i sgrub byed kyi yan lag la sogs par 'dod pa yin na de mi rigs par thal/ de ltar na 'jig rten pa dang mtshungs par thal/ dpe rtags 'brel med du 'gyur ba'i phyir/ der thal/ 'jig rten pa de dag gis ni dper brjod la/ sgra bum pa bzhin du byas pa yin no zhes dpe don chos mthun 'ba' zhig brjod par byed pa'i phyir ro/ /de yang byas pa dang mi rtag pa la lhan cig 'byung ba rtogs par byed pa tsam mo/ /gsum pa la gsum/ dpes khyab pa mi rtag go na nyer 'jal tsam du thal ba dang/ nyer 'jal gyi chos mi mthun pas khyab pa ston pa mi 'thad pa dang/ thug pa med pa nyes pa'o/ /dang po ni/ dpes khyab pa mi ston pa de ltar na dpes rtags chos lhan cig yod pa the tshom ston pa'i nyer @089b 'jal tsam por 'gyur bar thal/ dper bkod kyang bsgrub bya sgrub byed gnyis kyi 'brel ba ston pa spangs te/ spangs shing bum pa bzhin du byas pa'i phyir mi rtag go zhes pa tsam zhig ston pa'i phyir/ gnyis pa ni/ nam mkha' bzhin du rtag pa ni ma byas pa'o zhes chos mi mthun sbyor dang bcas pas khyab pa dang bcas pa'i gtan tshigs kyi don ston par byed do zhe na/ nyer 'jal gyi chos mi mthun pas kyang/ bsgrub bya sgrub byed kyi don legs par ston nus pa nyid min par thal/ de la yang nyer 'jal gyi ldog pa rtogs pa nam mkha' la sogs pa sgra byas pa dper rung ba min par go ba'i ched du/ rtag pa dang ma byas pa lhan cig yod pa tsam zhig bstan pa'i phyir ro/ /des nyer 'jal gyi chos mi mthun pa'i sbyor ba des kyang/ rtags chos kyi 'bral pa ston pa min par thal/ des mi mthun phyogs rtag pa dang ma byas pa lhan cig nam mkha'i steng du gnas pa tsam zhig ston pa'i phyir ro// //gsum pa ni/ dpe nyer 'jal gyi chos mthun pa tsam bsten pa'am/ mi mthun pa phyogs las ldog pa sgra nam mkha' bzhin du rtag pa min no zhes rnam par bjod pa na bum pa byas pa'i phyir mi rtag pa bzhin du sgra yang ngo zhes bsgrub bya sgrub pa'i gtan tshigs sam ste gtan tshigs dang bcas pa dper ston pa'am/ bum pa mi rtag pa bzhin du sgra yang mi rtag /nam mkha' bzhin du rtag pa min no zhes de'i khyad par bsgrub bya dang bcas te/ dper ston pa yin yang rung dpe dang mtshungs pa'i tshul de ltar na thug pa med par 'gyur bar tha/ /tshul gsum mi ston par dpe bum pa tsam gyis @090a @#/ /sgra mi rtag par ston par byed pa bzhin du/ bum pa mi rtag pa yang dpe tsam gyis nye bar 'jal bar byed/ dpe de yang/ dpe gzhan gyi mi rtag par nyer bar 'jal zhing ston dgos pas mtha' yas pa'i phyir ro/ /gnyis pa ni/ gal te phyogs chos kho na gtan tshigs yang dag gi don yin pas/ dpe gtan chags kyi don las logs shig tu sgrub byed yang dag yin no zhe na/ 'khrul pa can ma nges pa yang gtan tshigs yang dag tu 'gyur bar thal/ phyogs kyi mtshan nyid tsam gtan tshigs yang dag gi mtshan nyid yin na ste yin pa'i phyir/ skyon med de/ chos mthun pa tsam zhig dper brjod na/ gzhal bya yang sgra mi rtag par sgrub pa'i rtags su 'gyur la/ rtsod gzhi dang dpe chos mi mthun pa tsam brjod na/ thun mong min pa ma nges pa yang yang dag tu thal bar 'gyur na/ dpe dang rtsod gzhi mthun pa dang/ mi mthun pa gnyis ka brjod pa la 'khrul pa can ma nges par mi 'gyur zhes zer na mi 'thad de/ phyogs chos can la dpe dang rtsod gzhi chos mthun pa dang/ mi mthun pa gnyis ka'i dpe yod pa tsam gyis gtan tshigs yang dag tu 'gyur ba ma yin par thal/ phyogs chos can dgu'i nang nas dang po gsum gyi tha ma dang/ phyi ma gsum gyi tha ma dngos kyi ma nges pa'i gtan tshigs gnyis la gnyi ga'i dpe srid do ste srid pa'i phyir/ dang po gsum gyis tha ma mi rtag pa'i dung sgra rtsol byung du bsgrub pa la/ bum pa la sogs pa rtsod gzhi dang chos mthun pa'i dpe dang/ nam mkha' la sogs pa chos mi mthun pa'i dpe yod la/ phyi ma gsum gyi tha ma reg bya can min @090b pas; sgra rtag par bsgrub pa la nam mkha' la sogs pa chos mthun dang/ bum pa la sogs pa chos mi mthun pa'i dpe'o/ /de ltar sgra dang blo dang don gyi skyon gsum dang bral bar rjes su 'gro ldog gi khyab pa nges pa'i gzhir/ rgol bas bzung ba de nyid dpe yang dag gi mtshan nyid du bstan to/ /so so'i ni 'brel pa'i rang ldog dngos su nges pa'i ltos gzhi dang/ 'brel pa'i don ldog dngos su nges pa'i ltos gzhir gyur pa zhes sbyar ro/ /gnyis pa la gnyis/ dpe ltar snang ngos bzung ba dang/ de dpe ltar snang du 'gyur ba'i rgyu mtshan no/ /dang po ni/ don skyon zhugs pa'i mthun dpe ltar snang gsum yod de/ sgra rtag ste/ reg bya can ma yin/ dper na rdul phra rang bzhin dang/ sems dpa'i las bzhin dang/ bum pa rnams mthun dper brjod pa gang zhig /rim pa bzhin du gtan tshigs dang/ bsgrub bya'i chos dang/ rtags chos gnyis ka rjes su 'gro ba med pa'i phyir ro/ /mi mthun phyogs la med pa'i ldog khyab bstan par ma byas shing ldog pa ma grub dpe ltar snang gsum ste/ sgra mi rtag ste/ reg bya can ma yin pa'i phyir/ sems dpa'i las dang/ rdul phra rab dang/ nam mkha' rnams dper bzung ba'i tshe mi mthun phyogs las ldog pa ma grub pa bzhin no/ /rjes su 'gro ldog phyin ci log tu bstan pa dpe rnam pa gnyis yod de/ gang mi rtag pa yin na/ rtsol ba las byung bas khyab bo/ /dper na bum pa bzhin zhes pa'i chos mthun gyi dpe dang/ gang rtsol ba las ma byung ba ni rtag ste/ dper na nam mkha' bzhin zhes pa dpe ltar snang yin te/ dper bkod pa gang zhig rjes su 'gro ldog gi khyab pa phyin ci log tu @091a @#/ /bstan pa'i phyir ro/ /dpe ltar snang de dag dang gzhan yang/ gang smra ba de ni 'dod chags dang ldan pas khyab ste/ lam po che'i mi dag smra ba bzhin zhes pa'i dpe de ni rjes 'gro'i khyab pa med pa yod pa ltar ston pa'i dpe ltar snang ba yin no/ / dpe ltar snang bco brgyad ni/ rnam nges dang rigs thigs kyi rnam bshad du bstan zin to/ /gnyis pa ni/ 'dir yang rtags rjes 'gro med pa dang sogs pas chos dang/ rtags chos gnyis ka rjes 'gro med pa dang/ dpe me3d ces pa dpe yang dag tu med cing/ ltar snang yin pa'i don to/ /yang na dper bkod pa 'di rnams dpe yang dag tu med de/ de'i mtshan nyid dang mi ldan pa'i phyir ro/ /zhes pa'o/ /rjes 'gro phyin ci log tu bstan pa dang/ dpe nyer 'jal sogs 'brel pa can ma yin pa ste/ 'brel pa ston pa dang bral ba'i dpe ltar snang yin te/ rtags kyi dper bkod pa gang zhig /dngos shugs gang la yang rtags chos kyi 'brel pa ma bstan pa'i phyir/ ces bya ba bar skabs kyi tshigs su bcad pa'o/ /dpe nyer 'jal sogs 'brel pa can ma yin pa ste/ 'brel pa ston pa dang bral ba'i lugs dgag pa'o/ /dang po la gnyis/ 'dod pa brjod pa dang/ dang po ni/ rtsod pa bsgrub pa nas ni rtags chos de dag gi med na mi 'byung gi 'brel pa nges par ston pa ni dpe'o/ /dper na bum pa bzhin no/ /'brel pa ji lta bu ston na/ gang rtsol ba las byung ba mi rtag pa'o zhes pa lta bu'o/ /zhes pa la 'di ni khyab pa dngos su ma bstan yang/ nges par ston pa'i bum pa lta bu dpe yang dag tu 'dod pa'o/ /gnyis pa la gnyis/ dpe yang dag tu 'dod pa dgag pa dang/ rtags chos ma grub pa sogs @091b dpe'i skyon yin pa dgag pa'o/ /dang po la bzhi/ rtags chos thun mong gi 'brel pa dpes ston pa dgag pa dang/ chos mthun bstan pa tsam gyis gtan tshigs kyi mi 'khrul pa ston pa mi 'thad pa/ de tsam gyis ldog khyab shugs la ston pa mi 'thad pa dang/ dgag pa gzhan bstan pa'o/ /rtags chos de dag gi thun mong gi 'brel pa ston par 'gyur ba dpe yang dag gi mtshan nyid yin no zhes brjod par min par thal/ rtags chos la 'brel pa bzhin du/ chos kyang rtags la nges par 'brel pa mi dgos pa'i phyir/ de thal/ de lta na rtags chos lhan cig tu rgyu ba ston yang/ med na mi 'byung ba'i 'brel pa ston pa yang ma yin pa'i phyir/ gnyis pa ni/ rtsol ba las byung ba de mi rtag go zhes brjod pa'i don gyi shugs kyis rjes 'gro las gzhan yang rtag pa med pa'i ldog pa yang brjod cen gtan tshigs dang mi mthun phyogs kyi med na mi 'byung ba'i 'brel pa de brjod par dmigs pa ste/ brjod pa dgos pa med par thal/ rtags chos lhan cig bstan pa tsam gyis ldog khyab dang/ bsgrub bya shugs la go ba'i phyir ro/ /chos mi mthun pa'i sbyor ba bstan pa'i don du smos so zhe na/ khyod kyis btags pa'i chos mi mthun pa'i sbyor ba smos pa la dgos pa med par thal/ /des skabs kyi bsgrub bya bstan cing de la brten nas rtogs nus na/ dgos pa yod na yang mi nus pa'i phyir ro/ /khyab par thal/ phyogs chos dang/ rtags chos med na mi 'byung ba'i 'brel pa de mi mthun sbyor gyi sgrub ngag yang dag gis bstan pas na shugs la bsgrub bya ma bstan cing/ ma bzung ba 'ga' yang yod min pa'i phyir ro/ /yang na mi mthun phyogs rtag pa med pa/ @092a @#/ /mi rtag pa med na mi 'byung ba'i 'brel pa zhes sbyar ro/ /bzhi pa ni/ gang rtag pa rtsol ba las ma byung ba'o zhes pa'i sgrub ngag gis bsgrub bya ston par byed pa min nam zhe na/ khyad ltar na/ rtags chos gnyis phan tshun 'brel par bstan par khas blangs pas chos mi mthun sbyor gyis rtsol byung gis dung sgra mi rtag par sgrub pa'i bsgrub bya rtogs pa la phan pa cung zad kyang med par thal/ dam ma bcas pa gzhi gzhan gyi ma byas pa de yis rtag par mi sgrub par gtan tshigs yang dag la ma khyab pa dang/ mi 'dod pa'i don thob par 'gyur bar thal/ rtsol byung dang mi rtag pa phan tshun 'brel pa'i bsgrub pa bstan pa nyid kyis kyang mi 'dod pa'i don glog la sogs pa rtag par khas len dgos pa thob par 'gyur ba'i phyir don ni sngar bshad zin to/ /gnyis pa ni/ reg bya can min sgra rtag pa ste/ blo bzhin zhes pa bsgrub bya'i chos ma grub pa dang/ bum pa bzhin zhes pa rtags chos gnyis ka ma grub pa dpe ltar snang ste/ 'brel pa tsam brjod pa dpe yang dag yin no zhe na/ rtags chos gcig pa nyid dam gnyis ka ma grub pa kho na ni/ dpe'i skyon ma yin par thal/ de ltar min no zhes gtan tshigs bsgrub bya gnyis med ces pa'i skabs su bstan zin pa'i pa'i phyir ro/ /gang rtag pa de reg bya can min te/ blo bzhin zhes pa'i dpe de khyad chos kyi rjes 'gro phyin ci log ston pa'i dpe ltar snang ngo/ /zhes khas len rigs so/ /gnyis pa la gnyis/ rigs pa can pa'i lugs dgag pa dang/ bye brag pa'i lugs dgag pa gnyis/ dang po la gnyis/ 'dod pa brjod pa dang/ de dgag @092b pa'o; ;dang po ni/ rigs pa can pa rnams na re/ sgrub par bya ba'i chos dang/ chos mthun pa las/ chod de rtogs pa'i dpe bum pa lta bu dper brjod par bya'o/ /de la bsgrub bya ni/ chos sgra lta bu de dang/ chos mthun pa ni gtan tshigs byas pa dang/ de'i chos ni bsgrub bya'i chos mi rtag pa la sogs pa de rtogs shing go bar byed pa'i dpe de mthun dpe yang dag gi mtshan nyid dang/ de las ldog pa rtsod gzhi dang/ chos mi mthun pa las dpe de phyin ci log pa'o ste/ chos ni mthun pa'i dpe ni/ rtsod gzhi dang chos mi mthun pa'i dpe'o/ /de yang sgra chos can/ mi rtag ste/ byas pa'i phyir/ dper na bum pa bzhin/ bum pa byas pa de ni dung sra yang byas/ de'i phyir sgra mi rtag go zhes pa dang/ bsdus na sgra byas pa'i phyir/ mi rtag pa bum pa bzhin zhes pa chos mthun pa dang; nam mkha' bzhin du rtag pa ma byas pa chos mi mthun pa'o zhes so/ /gnyis pa la gnyis/ dpe gnyis mi 'thad pa dang/ dper brjod kyi sbyor ba mi 'thad pa'o/ /dang po la gsum/ go byed kyi yan lag tu mi 'thad pa dang/ sbyor ba gnyis ka smos pa don med pa dang/ dgag pa gzhan bstan pa'o/ /dang po ni/ rtsod sgrub la skyen yod par ma zad/ de la yang yod ces pa'o/ /khyod kyis btags pa'i dpe de yang dag tu mi 'thad par thal/ 'brel pa mi ston pa'i dpe de go byed kyi yan lag tu mthong ba ma yin pa'i phyir/ gnyis pa ni/ sgra de mi rtag pa'i chos dang ldan pa rtogs pa'i don du dpe gnyis ma smos pa don med du 'gyur bar thal/ sgrub ngag gnyis po des/ sgra la log pa chos rtag pa thob par 'gyur gyi /mi rtag pa thob par mi 'gyur pa'i phyir/ gsum @093a @#/ /pa ni/ khyod kyis smos pa'i dpe de gnyis sgrub ngag gis dngos su bstan pa'i sgrub byed kyi yan lag ma yin par thal/ des dngos su bstan pa don rnams sgrub byed kyi yan lag rnams nges pa yin la/ de bsgrub bya go bar byed pa yan lag tu mi 'gyur ba'i phyir dang/ bum pa mi rtag pa yang dpe gzhan las grub dgos/ de yang gzhan las grub dgos pas thug med du 'gyur ba'i phyir/ rigs pa can pa'i slob ma kha cig ltar/ dpe gang la brten nas bsgrub bya'i chos de rtogs pa dpe'o zhes brjod pa yang mi 'thad par thal/ de'i ltar na bsgrub bya'i chos dang chos mthun pa dang/ mi mthun pa sbyar bar mi bya ba'i phyir/ der thal/ de ltar na dpe nges pa'i tshe bsgrub bya grub zin pas go byed du mi 'thad pa'i phyir ro/ /gnyis pa la gnyis/ nyer sbyor gyi yan lag sogs mi 'thad pa dang/ de'i lan dgag pa'o/ /dang po ni/ gzhi gang la chos gang gi dper brjod kyi bsgrub bya'i chos dang chos mthun sbyar bar mi bya zhe na/ sgra la mi rtag pa go bar byed pa bum pa la sogs pa bzhin du; chos mthun pa nyid kyis bsgrub bya go bar byed pa dang/ nam mkha' la sogs pa bzhin du chos mi mthun pa brjod pa nyid kyis dper brjod pa la ltos na ni bum pa byas pa de bzhin du sgra yang de bzhin no zhes phyogs chos bstan pa'i rjes su rtsod bzhi la rtags nye bar sbyor ba dang/ bsgrub bya la yang bum pa mi rtag pa de bzhin du sgra yang mi rtag go zhes mjug sdud nye bar sbyor bar rigs pa ma yin par thal/ ngag chad pa dang lhag pa du ma'i nyes pa chags pa'i phyir ro/ /rgyu mtshan ni go bar zad do/ /gnyis pa @093b ni; chos mi mthun pa'i dpes kyang nam mkha' la sogs pa lta bur ma byas pa min no zhes ma bya pa bcad pa'i byas pa tsam gtan tshigs su ston pas lhag pa'i nyes med do zhe na/ byas pa gtan tshigs su bstan pa la de dag dgos pa med par thal/ sgra mi rtag ste/ byas pa'i phyir/ ces pa'i ngag gis byas pa'i spyi nyid gtan tshigs nyid du brjod zin pa'i phyir ro/ /gal te sgra bum pa ltar byas pa yin gyi/ snam bu la sogs pa ltar min no/ /zhes dpe bye brag pa la rtags nye bar sbyor ba don yin no zhe na/ 'o na sgra bum pa ltar byas pa yin no zhes kyang brjod mi rigs par thal/ byas pa'i bye brag rang rang gi rten la rjes su 'brang bas rdza'i bum pa 'dzin pa sogs las 'byung zhing/ sgra lce rkan sogs las 'byung bas bum pa ltar byas pa ma yin pa'i phyir ro/ /chos mi mthun sbyor ni/ byas pa dang rtag pa lhan cig tu rgyu ba dgag pa'i don du smos pa yin no zhe na/ de yang mi rig spar thal/ de ma smos kyang/ byas pa'i gnyen po'i phyogs ma byas pa dang/ lhan cig spyod pa'i rtag pa dang ldan pa min par go ba'i phyir ro/ /gzhan yang/ sgra mi rtag ste/ mnyan bya yin pa'i phyir/ /rtag pa dang ldan pa min par go ba'i phyir ro/ /gzhan yang/ sgra mi rtag ste/ mnyan bya yin pa'i phyir/ rtag pa nam mkha' la sogs pa mnyan bya min par mthong ste/ sgra ni mnyan bya yin no zhes brjod pas kyang khyad par mnyan bya'i sgo nas kyang sgra mi rtag pa de yang go bar 'gyur bar thal/ rtag pa nam mkha' sogs la mnyan bya med pas mnyan bya min pa dang lhan cig spyod pa'i rtag pa sgra la khegs dgos pa'i phyir ro/ /rtags khas blangs so/ /gnyis pa la gnyis/ 'dod pa brjod pa dang/ de @094a @#/ /dgag pa'o/ /dang po ni/ bye brag pa rnams na re/ sbyor ngag dang/ dam bca' gnyis dang/ de'i don gnyis ka gzhi gang du rab tu grub pa'i gzhi de ni dpe'o zhes zer ro/ /byas pas sgra mi rtag par bsgrub pa la bum pa dper bkod pa la yang de ltar 'dod do/ /gnyis pa la gsum/ khas blangs 'gal ba dang/ 'brel pa mi ston pa'o dpe ltar snang du bstan pa dang/ gcan tshigs kyi don la sogs pa'i sgrub byed yin na dpe'i yan lag don med du 'gyur ba'o/ /dang po ni/ 'dus ma byas kyi nam mkha' 'ba' zhig dper brjod pa'i sbyor ba 'god dgos par thal/ gtan tshigs kyi ngag dpe la rjes 'gro byed dgos pa gang zhig /ngag nam mkha' la 'du 'brel grub pa'i de yon tan du khas blangs pa'i phyir/ bum pa dam bca'i ngag rjes su 'gro ba dpe yang dag tu mi 'thad par thal/ sgra nam mkha' 'ba' zhig gi yon tan du khas blangs pas lkog gyur sgrub byed yang dag tu mi 'thad cing gtan tshigs kyi don las gzhan yin pas dpe nye bar sbyar ba'i don ni lkog gyur go ba la dgos pa med pa'i phyir ro/ /des ni dpe yang dag gi dang ltar snang ni sngar bshad pa bzhin gdon mi za bar khas blangs par bya'o/ /gnyis pa le'u'i mtshan bstan pa ni/ tshad ma kun las btus pa'i rnam bshad mthar 'dzin gyi gdung ba 'joms byed rigs pa'i rgya mtsho zhes bya ba las dpe dang/ dpe ltar snang brtag pa ste le'u bzhi pa'i 'grel pa'o// ! //gnyis ka'i rten can sgra rtog gi 'jug tshul gzhan las ba bshad pa la gnyis/ le'u'i gzhung @094b bshad pa dang/ le'u'i mtshan bstan pa'o/ /dang po la gnyis/ spyi'i don dang/ yan lag gi don to/ /dang po ni/ tshad ma mdo'i don rnam 'grel nges su bshad pa dang/ de dag gi don dbu ma'i de kho na bsdus par/ 'dir ni sel ba rnam gnyis te/ ma yin pa dang med pa'o/ /ma yin pa yang rnam gnyis te/ blo dang don gyi dbye bas so/ /zhes bshad pa dang/ slob dpon shA-kya blos/ gzhan sel ba ni rnam pa gsum yin te/ re shig gcig ni 'di la gzhan dang gzhan sel bar byed pa'i phyir/ rang gi mtshan nyid ldog pa kho na yin no/ /gnyis pa ni/ gzhan gyi gcod pa'i phyir/ gzhan rnam par gcod pa tsam yin cing/ gang sngon gyi slob dpon dag gis thams cad la khyad par med par rnam par bzhag pa yin te/ thams cad la dgag pa tsam la khyad par med pa'i phyir/ gsum pa ni/ 'dis gzhan sel bar byed pa'i phyir/ rnam par rtog pa'i blo la snang ba yin te/ gang bstan bcos mdzad pas sgra'i brjod par bya ba nyid du bzhed pa zhes bya ba 'di yin no zhes bshad pa dang/ slob dpon chos mchog gis bshad pa rnams don 'dra zhing/ bram ze chen pos bshad pa cung mi 'dra yang/ don chug pa'i khyad par mi 'dra ba med la/ gzhan sel ba'i rnam gzhag 'di/ phyogs glang yab sras kyi thun mong ma yin pa'i rigs pa'i gsang ba yin te/ 'di ma she spar sgro 'dogs mchod pa la chod snyam pa dang/ chod pa la mchod snyam nas gzhi dang/ lam dang/ 'bras bu'i rnam gzhag thams cad phyin ci log tu go bar 'gyur ba'i phyir ro/ /'di ma go bar rtog pas gzung bya dngos @095a @#/ /po yin pa bkag pa na/ sgra bum sogs kyang dngos po min pa mtshungs par mthong nas bum pa dngos po min par 'dod pa sogs/ lugs 'di la gnas min pa'i log rtog rnams 'byung ba yin no/ /yang bum pa dngos por khas blangs pa na rtog gi pa'i gzung bya dang mtshungs par mthong nas rtog pa'i gzung yul phyi rol gyi don du 'dod pa dang ldan min 'du byed du 'dod pa'i log par rtog pa rnams 'byung bas kun rdzob tu yod pa dang don dam du yod pa'i khyad par legs par mi shes shing/ de ma shes pa las/ lam gyi spang bya spong ba'i tshul dang/ 'bras bu thob tshul legs par mi rtogs pas tshul 'di la mkhas par bya'o/ /de la gzhan sel ba'i mtshan nyid ni dgag bya tshig gis zin par bcad pa'i sgo nas tshad mas rtogs par bya ba'o/ /de la don gyi gzhan sel ni/ shing min las log pa lta bu ste/ gzhan gsal bar bya ba'i gzhi yin pas/ gzhan sel ba zhes bya ste/ de la yang rang mtshan gyi khyab pa yin te/ rtog ngo'i ldog pa 'ba' zhig la mi bya'o/ /med dgag gi gzhan sems ni/ shing ma yin med pa lte shing 'dzin rtog pa dang shing zhes brjod pa sgra'i rim pa bzhin shugs rtags dang shugs bstan no/ /zlo'i gzhan sel ba ni blo ngor 'dis gzhan sel bar byed pa na gzhan sel ba ste/ shing 'dzin rtog pa la shing ma yin las log par snang ba'o/ /de gsum la yang/ las dang bya ba dang byed pa'i khyad par yod kyang/ shing gsal rnams rjes su 'gro ba'i spyi yin pa la khyad par med do/ /'o na sha pa yang shing min med pa yin par @095b thal ba ni 'dod pa kho na'o/ /'o na gang las skye ba'i gzhi de yang med par thal lo/ /zhe na/ ma nges par shin tu gsal lo/ /gzhan sel ba'i rnam gzhag 'di ma shes par sgra byung gi tshad ma phung sum dang/ rig byed kyi tshig la bslu ba med pa'i tshad mar 'dod pa sogs byung ba yin no/ /'di la brjod par bya ba mang ste ma spros so/ /gnyis pa la gnyis/ sgra las byung ba'i tshad ma phung gsum dgag pa dang/ tshad ma la phung gsum gzhan dgag pa yang de la brten nas shes bya bar bstan pa'o/ / dang po la gnyis/ sgra rtogs la 'jug tu bsgrub pa dang/ gzhan sel mi 'thad pa spang ba'o/ /dang po la gsum/ sgra byung gi tshad ma rjes dpag tu 'dus shing sel bas 'jug pa mdor bstan pa dang/ sgra rtog bsgrubs pas 'jug pa rgyas par dgag pa dang/ sel bas 'jug pa bsdus te bstan pa'o/ /dang po ni/ sngar tshad ma la gnyis su nges par bshad zin pa la ser skyab sogs kha cig na re/ don gyis go ba sogs tshad ma gzhan yod par ma zad/ lung gi tshig las shin tu lkog gyur la sogs pa'i don khong du chud cig /de yang sgrub pa'i sgo nas 'jug pa tshad ma phung po gsum pa yin no zer to/ /sgra las zhen pa'i brjod bya gang yang rtogs nus pa ma yin te/ 'brel pa med pa'i phyir ro/ /brjod 'dod dpog pa la bsams pa yin na/ gnas skabs lnga bral gyi { ngag gi sgra las byung ba gnas skabs lnga bral gyi }? ngag smra ba po'i rgyud la brjod 'dod yod par rtogs pa'i tshad ma phung gsum pa min par thal/ rjes dpag las tshad ma gzhan ma yin zhing/ de'i nang du 'dus pa'i phyir ro/ /rang gi gzhal bya la sgrub pa'i sgo nas 'jug pa yang min par 'di ltar de rang @096a @#/ /gi rtogs par bya ba'i don la bya ba sogs kyi rtags las/ sgra mi rtag par rtogs pa'i rjes dpag bzhin du de min rnam par gcod gzhan sel gyi sgo nas/ 'jug tshul ston par byed pa'i phyir ro/ /sngar bshad zin yang 'dir bstan pa ni/ sgra byung bsgrub pa la 'jug pa'i tshad ma phung gsum du 'dod pa dgag pa'i ched du yin no/ /gnyis pa la bzhi/ rigs kyi sgra rigs don gzhan brjod pa'i sgo nas/ shing gsal rnams kyang go bar 'gyur te/ dper na bram ze gsad par bya ba min no zhes brjod pa na/ bram ze'i khyad par ma? tha ra'i bu yang gsad bya min par go ba bzhin no/ /ma tha ra'i bu kho na shog cig ces pa ni/ slar yang nges par bya ba'i don du yin no zhe na/ shing gsal tha dad rnams kyi rjes su 'gro ba'i shing nyid ces pa'i rigs don gzhan rigs kyi sgras brjod pa'i sgo nas shing gsal mtha' dag pa ma yin par thal/ shing gsal la mtha' yod pa min pas de mtha' dag dang 'brel pa ma grub pa'i phyir/ sgra'i ngo bo tsam zhig rtogs par zad do/ /shing gi sgra las sha pa la sogs pa'i rdzas kyi khar go ma nus pa min par yon tan dang las la sogs pa yang 'jug par khas blangs pas de la 'khrul pa'i phyir ro/ /shing khyer shog ces smos pa na gang snyam du the tshom du 'gyur bas so/ /gnyis pa la gsum/ bsad pa dang/ bshad pa dang/ don bsdu ba'o/ /dang po ni/ snga ma yang bye brag pa'i 'dod pa yin mod kyi/ bye brag pa kha cig na re/ /ngo bo cig ltar na gsal ba mtha' yas kyang spyi cha med gcig gsal ba so so la 'phrod 'du rdzogs pa'i phyir/ rigs rang 'brel @096b ba khyad par med pa gcig go bas/ 'brel ba can gzhan rnams kyang go bar 'gyur ro zhe na/ shing nyid ces pa'i sgras rigs don gzhan dang/ 'phrong 'du'i 'brel ba don gzhan brjod pa'i sgo nas gsal pa mtha' dag go bar byed pa ma yin par thal/ rigs sam ldan pa'i 'brel ba don gzhan brjod pa'i sgra shing gsal tha dad kyi don la dus gcig tu so sor rjod byed ma yin pa'i phyir/ gnyis pa la gnyis/ rigs dang 'bral ba don gzhan mi 'thad pa'i rgyu mtshan bsdus te bstan pa dang/ de sgras brjod pa go nus 'brel ba can brjod pa mi 'thad pa'o/ /dang po ni/ yang brjod pa shing gsal dang/ de'i phyir rtags dang/ 'bral ba don gzhan du mi 'thad par thal/ sha pa la shing ngo zhes pa'i gzhin dang mthun pa yi sha pa pa'i rdzas dang shing gi spyi sgra nga dngos ming du 'jug pa rab tu sgrub pa'i phyir ro/ /de bzhin du sngon po la sogs pa'i yon tan dang ni shing la sogs pa'i yon tan can brjod pa'i shing sngon po zhes pa'i rnam dbye drug pa'i sgras tha dad du nges kyang don gzhan du mi 'thad pa'i phyir/ gzhan yang/ rdzas yod yon tan yod de las yod do zhes brjod pa'i yod pa nyid dang chos gsum gzhi mthun du med pa thal/ rdzas gzhan yin pa'i phyir/ 'dod na/ da gsum bstan med du thal lo/ /zhes bya ba ni bsdu ba'i tshigs su bcad pa'o/ / gnyis pa ni/ spyi gsol pa la 'phrod pa 'du ba'i 'bral ba don gzhan gyi sgras rang dbang du brjod pa mi 'thad par thal/ 'brel pa brjod pa dang/ blo'i yul du 'char ba ni 'dir 'bral ba can gyi chos blo'i yul du shing? ba nyid kyis 'phangs par brjod pa @097a @#/ /ste/ de la ltos pa'i phyir ro/ /de ltar 'brel ba'i dngos po rang dbang du brjod kyi dngos po nyid kyis sbyor bar mi bya ste/ 'brel pa can gyi dngos po brjod par byas nas rjod byed kyi de de brjod pa la ltos pa'i phyir ro/ /zhes bsdus te bstan pa'o/ /'grel bshad kyi 'gyur las/ dngos po'ang gzhan gyis sbyar bar bya zhes 'byung yang dgag sgra yod med kyi khyad par ma gtogs don 'dra'o/ gsum pa ni/ shing gsal 'di yi rigs kyi sgra yin/ rigs don gzhan dang/ 'brel ba don gzhan brjod par bya ba nyid mi 'thad par thal/ de lta na gzhi mthun mi 'thad pa dang/ dngos ming mi 'thad pa sogs kyis nyes par 'gyur ba'i phyir ro/ /gsum pa la gsum/ dgag pa dngos dang/ dngos ming dang btags ming 'thad pa dang/ dgag pa gzhan bstan pa'o/ /dang po ni/ kha cig na re/ spyi'i sgras gsal pa 'ba' zhig brjod pa min gyi/ spyi don gzhan brjod pa'i sgo nas gsal ba la sgra blo 'jag cing/ spyi la yang khyad par med pas/ gang mdun na nye ba de 'khrul pa med par go bar 'gyur ro zhe na/ shing gi gsal ba rnams la shing gi spyi don gzhan de dang ldan pa'i sgo nas mi bya sgra 'jug pa ma yin par thal/ /de ltar na shing? gsal rnams la shing sha pa shing gi ming rang dbang ste dngos ming du 'jug pa med par thal bar 'gyur ba'i phyir/ dngos ming du ming 'jug na/ bram ze'i khyi'u la seng-ge ltar/ shing gsal rnams la shing gi ming nye bar btags pa'i btags ming du thal/ mong 'dug pa gang zhig /dngos ming du mi 'jug pa'i phyir ro/ /'dod mi rigs par thal/ de lta na shing gsal rnams @097b la shing gi blo 'khrul med skye ba dang/ shing gsal dang shing la gzhi mthun mi srid par 'gyur ba'i phyir ro/ /dngos ming du 'jug go zhe na/ khyed ltar na/ spyi gsal rdzas tha dad khas blangs pas rgyal pos bskos pa'i mi la/ mi de ni nga rang ngo zhes 'bangs la rgyal por btags pa bzhin du/ bran dang rgyal po la bo mtshungs par mi skye bar blo yi tshul tha dad pa kho nang skye ba'i phyir ro/ /gnyis pa ni/ spyi don gzhan yin yang/ shing gsal rnams shing ngo snyam pa'i blo mtshungs par skye ba de/ dbang blo yin nam/ tog pa yin/ dang po ni/ mi rigs te/ dbang shes kyi spyi gzung don du mi byed par bstan zin pa'i phyir/ gnyis pa ltar na/ shing gsal du ma la shing spyi don gzhan rtog pas khyed chos su sbyar nas 'dzin pa ma yin par thal/ khyad gzhi chos rim gyis brjod par byed pa ni me tog kun ta dang/ ku mu da dang/ dung sogs kyi dkar po'o zhes pa bzhin du rim gyis sbyar nas/ 'dzin dgos na yang/ shing gsal du ma la shing ngo snyam du rtog pas ci car sbyor ba mthong ba'i phyir ro/ /dpe de ni/ mi mthun pa'i dpe'o/ /shing gi spyis shing gsal la dus gcig tu phan btags pa la ltes nas dus cig char du spyi blo'i yul du 'gyur pa yin na/ dper na shel dang/ mtshon don gzhan min yang tshon gyi dbang gis shes la sngon po'i blo skye ba bzhin no zhe na/ dus gcig tu gsal ba la spyi blo 'khrul med du 'jug pa mi 'thad par thal/ spyis phan btags pa la ltos pa gang zhig /yon tan gyi phan btags pa'i rdzas kyis dngos po la yon tan gyi blo med par yang/ rdzas kyi blo 'jug par 'gyur ba'i phyir/ tshon gyis kha bsgyur ba'i shel sngon po la brda @098a @#/ /la byang ma byang kun gyis sngon po'i blo 'khrul med du skye ba ma mthong bas/ dpe yang 'thad pa min no/ /gsum pa la gsum/ mthong rtog thams cad 'khrul bar thal ba dang/ bum pa la sogs pa'i rdzas 'dzin pa yon tan don gzhan gyis phan btags pas khyad par du byas nas 'dzin pa 'gal ba dang/ bum pa sngon po la sogs pa'i yon tan can la sngon po la sogs pa'i yon tan don gzhan gyi sgo nas sgra blo 'jug par 'dod pa la spyo don gzhan la bkod pa'i skyon mtshungs pa'o/ /dang po ni/ bum pa lta bu'i rdzas yon tan don gzhan gyis phan btags pa la ltos nas/ rdzas bum pa sngon po la sogs pa'i ngo bor rtogs pa yin gyi/ rdzas rang nyid kyis gzhan la ltos med du khyad par can du gyur pa ma yin no zhe na/ bum pa sngon po mthong ba'i dbang zhes dang/ de la rtag pa'i blo thams cad du snang rtags 'dres pa'i 'dod pa la spyi don gzhan la bkod pa'i skyon mtshung pa'o/ /dang po ni/ tshul gyis 'dzin cing zhen pa'i phyir/ gnyis pa ni/ blta ba po du mas bum pa khra bo lta bu gcig blta ba'i tshe/ yon tan gang rung gcig kho na phan btags pas khyad par du byas nas 'dzin nam/ 'on te thams cad kyis phyogs gcig gis sam/ bdag med thams cad kyis thams cad la phan btags pas khyad par du byas nas 'dzin pa'i dang po mi 'thad de/ spyi dang sogs pas yon tan dang/ bya ba mang po 'dzin pa nyid dang ni/ blta ba po du mas don du ma dus cig car 'dzin pa rnams la yang rdzas dang yon tan gcig gis gcig la phan tshun phan 'dogs pa ni 'gal bar @098b 'gyur ba'i phyir ro/ gnyis pa ltar yang mi rigs te/ dbang shes gcig gis gzi'i khra'o thams cad dus gcig tu gsal bar mthong ba'i phyir ro/ /gsum pa ltar yang mi rigs te/ de ltar yin na gzi'i khra bo'i cha kun 'dres par mthong bar 'gyur ba'i phyir ro; ;'gral bshad kyi 'gyur las/ kun gyis yin na 'dres mthong 'gyur zhes 'byed yang/ zha lu lo tstsha ba'i 'gyur lam byung ngo/ /gsum pa ni/ bum pa'i rdzas la sogs pa'i yon tan can rnams la sngon po la sogs pa'i yon tan don gzhan pa'i phyir/ gzhan yang/ rdzas nyid ces pa'i sgra de rdzas nyid la dngos ming dang/ de la 'du 'brel grub pa'i khyad par rnams la btags ming du 'jug pa mi 'thad par thal/ rdzas nyid la sogs pa'i rigs don gzhan rang gi ngo bo'am da ldan gyi ngo bor rgyu gang las kyang 'du 'brel grub pa'i sgo na sbyor bar mi byed pa'i phyir ro/ /bzhi pa la bzhi/ spyi sgras spyi ldan gyi gsal ba brjod pa bkag zin pa dang/ spyi dang 'phrod 'du'i 'brel ba brjod pa'i sgo nas gsal ba la 'jug pa bkag zin pa dang spyi'i don la dgag pa dang/ spyi'i sgras spyi nyid cha bgo ba'i sgo nas gsal ba don gyis 'phangs pa dgag pa'o/ /dang po ni/ spyi sgras spyi sgras spyi don gzhan dang ldan pa'i gsal ba dngos su brjod pa mi 'thad par thal/ shing gi sgras shing spyi don gzhan du dang @099a @#/ /ldan pa'i shing gsal tha dad nyid brjod na de yang sngar nyid tha dad rnams kyi rigs sgra ma yin zhes pa der bsal zin pa'i phyir ro/ /gnyis pa ni/ shing zhes pa'i sgras shing spyi don gzhan dang/ 'phrod 'du 'bral pa don gzhan dngos su brjod pa'i sgo nas/ gsal ba brjod pa de yang mi 'thad par thal/ spyi don gzhan de ldan tsam yang ste/ spyi don gzhan dang/ 'phrod 'du'i 'bral pa'am ste/ de brjod pa'i sgo nas/ gsal ba brjod pa yod pa yin zhes pa rigs sam ldan sgras tha dad kyis zhes pa der dgag pa rnam par bshad zin pa'i phyir ro/ /gsum pa ni/ yod pa nyid ces pa'i spyi de bum pa la rjes su 'gro ba de/ snam bu la rjes su 'gro'am mi 'gro/ dang po mi 'thad de/ gsal ba rnams kyang gcig tu thal bar 'gyur ba'i phyir ro/ /gnyis pa ltar na/ spyi'i don de rtag pa dngos po yin pa gcig tu yin pa/ cha med par 'dod pa ji lta bu de mi 'thad par thal ba dang/ rtog pas btags pa'i sgra don 'ba' zhig pa dang mtshungs par thal/ bum snam kun la rjes su 'gro ba'i spyi gang zhig /snam bu la rjes su 'gro ba'i cha de/ bum pa la rjes su mi 'gro bum pa sogs kyi gsal ba spyi de dang ldan pa'i don yod pa nyid kyi cha de/ snam bu sogs la rjes su 'jug pa min na sta min pa'i phyir ro/ /gsal bu du ma la/ spyi sgro 'jug pa spyi don gzhan la ltos pa ma yin par thal/ gal ba du ma la spyi sgra 'jug pa de yang/ spyi don gzhan gyi rgyu mtshan med par 'dod rigs pa'i phyir ro/ bzhi pa la gnyis/ dngos dang/ sgra sel 'jug tu khas len rigs @099b pa'o; dang po ni/ yod pa nyid ces pa'i spyi sgra las bum pa nyid la sogs pa spyi nyi tshe go bar byed cing/ de las don gyi shugs kyi bum pa go bar 'gyur ba yin no zhe na/ yod pa nyid kyis spyi'i sgo nas spyi nyi tshe ba dang/ de gsal ba go ba de ltar ma yin par thal; gal te ga? ru'i kha dog lta bu gcig la sngon po zhes brjod pa na/ chos shun tu sngo ba sogs yin nam snyam du dogs pa skye ba de bzhin du spyi'i sgra las mtha' gcig nges mi nus par khyad par gyi don la the tshom du 'gyur ba'am/ spyi khas blangs kyang yod pa nyid kyi spyi brjod pa'i sgo nas spyi nyi tshe ba dang/ de las khyad par go ba de 'thad pa ma yin par thal/ rigs pa rigs gnyis pa med pa ste/ med par khyod kyis khas blangs pa'i phyir ro/ /rigs mthun rigs mi mthun kun la 'jug pa'i spyi sgras khyad par nyi tshe ba don gyis 'phangs pa'ang mi 'thad pa thal/ lha sbyin tshon po nyin par zas mi za zhes brjod pas/ mtshan mo za ba shugs la nges pa bzhin du min pa'i phyir/ spyi khyad par nyi tshe ba 'brel pa ma nges pa'o ste ma nges pas/ de'i sgo nas khyad par la the tshom 'dren pa'i phyir ro/ /gnyis pa ni/ gtan tshigs sum zad rjod byed kyi sgra la yang de min rnam par bcad pa'i gzhan sel brjod par byas so zhes rigs te/ brjod bya'i don brjod pa gang zhig /sgrub sgo nas 'jug pa bkag pa des na'i phyir ro/ / skabs 'di rnam 'grel gyi de nyid gzhan las ldog pa yis/ dngos po de yi cha 'ga' zhig /ces sogs rgyas par bstan par bya'o/ /gsum pa ni/ yang brjod pa shing la ldog pa tha dad pa'i sgras brjod par bya ba mang du yod kyang/ shing zhes brjod @0100a @#/ /pa'i sgra yis shing gi ldog pa'am/ cha shes kyi rnam pa kun rtogs shing brjod pa ma yin par thal/ rang dang brjod bya rjod byed du rjes su 'brel pa'i don shing min gcig bu rnam par gcod pa go bar byed pa shing zhes pa'i ngag gi 'bras bu yin pa'i phyir ro/ /shing zhes pa'i sgras sgra'i yon tan mtha' dag pa nyid sogs kyi rjod byed du 'gyur ba ma yin par thal/ shing zhes pa'i sgras kyang shing gi ldog chos gang du ma'i don la brjod du 'jug pa min gyi /don gang la brda sbyar bar bya ba de nyid la ste de kho na brjod byar ston pa'i phyir ro/ /sgra rtog sel bas 'jug pa'i don bsdus pa'o/ /zhes bya ba bsdu ba'i tshigs su bcad pa dag go /gnyis pa la bzhi/ sel ba smra ba la gzhi mthun sogs mi 'thad pa spang ba dang/ spyi dang gzhi mthun sogs khas len pa la/ gzhan sel nges par khas len dgos pa dang/ grangs can gyi lugs dgag pa dang/ sgra rtog rim can du 'jug pa'i rgyu mtshan rgyas par bshad pa'o/ /dang po la gnyis/ gzhan gyi 'dod pa spyir dgag pa dang/ khyad gzhi khyad chos bye brag tu dgag pa'o/ /dang po la gnyis/ sel ba smra ba la gzhi mthun khyad par bya byed 'thad pa dang/ sgra rtog sgrub 'jug tu 'dod pa la mi 'thad pa'o/ /dang po la gsum/ khyad par bya byed 'thad pa dang/ des na gzhi mthun pa dang/ de'i lan dgag pa'o/ /dang po ni/ bye brag pa na re/ sel ba smra ba la bum pa dang snam bu brjod pa'i sgra bzhin du sngon pa dang ut-pa la brjod pa'i sgra dag kyang/ gsal bya so so kho nar nges pa'i phyir/ ut-pa la sngon po zhes pa'i gzhi mthun dang/ khyad par bya @0100b bye mi rung bar 'gyur la/ kho bo cag ltar na/ sngon po'i sgras yon tan don gzhan dang/ ut-pa la'i sgras spyi don gzhan brjod la/ de gnyis rdzas gcig la 'phrod pa 'du nas gzhi mthun 'thad cing/ ut-pa la sngon po zhes pa'i khyad par bya byed yang 'thad do zhe na; chos gsum rdzas tha dad kyang/ ba lang la rwa g.yas g.yon 'du ba bzhin du gzhi mthun du 'dod pa'o/ /gzhan sel smra ba'i lugs la/ gzhi mthun mi 'thad pa'i skyon med par thal/ sngon po zhes pa'i sgra dang ut-pa la zhes pa'i sgra rang rang gi don tha dad brjod pa na/ gang gi sngon po snyam pa dang/ ut-pa la kha dog yin snyam du/ don ji lta ba bzhin du rtogs pa la rmongs nas the tshom du 'gyur ba dag gi tshe tshom bcad pa'i ched du/ gsal bya tha dad du sel bas de min las tha dad pa ut-pa la sngon po zhes don me tog gi gong bu gcig phye nas ston pa'i phyir/ khyad par du byed pa dang khyad par du bya ba yang 'thad par thal/ /ut-pa la sngon po zhes brjod pa'i tshe me tog gi dngos po gcig la tha dad 'bras bu gcig go bar byed pa'i phyir/ gnyis pa ni/ ut-pa la sngon po'i sgra de ni sngon po rgyang ba'ang brjod pa min par thal/ ut-pa la rkyang pa'ang brjod pa ma yin te/ sngon po yang brjod pa'i phyir ro/ /des na ldog pa gnyis la khyab pa chos can gcig lta bur brjod pa yin te/ ut-pa la sngon pa zhes gzhi mthun pa'i tshogs pa brjod bya yin pa'i phyir ro/ /rang lugs la/ ut-pa chos can/ sngon po yang yin la ut-pa la yang yin pa'i ldog pa tha dad gnyis la gzhi mthun khas len pa yin la pha rol pos tshom bu bkod pa bzhin du gzhi mthun pa dang mthun @0101a @#/ /chos gnyis rdzas tha dad du 'dod pa'o/ /sgra gnyis kas kyang don gnyi ga brjod pa ma yin par thal/ kha dog sngon po'i ming yin la zhes pa bzhin du tshogs pa'i sgras sngon po ston yang/ ya gyal re re ba'i sgras don cig shos mi ston pa'i don med du 'gyur ba'i phyir/ nI la zhes pa sngon po'i skad dod do/ /gsum pa ni/ kha dog gi don ston pa'i nI la zhes pa ni/ dang po la gnyis/ so sor don cung zad kyang ston pa min na'ang tshig gnyis sdom pa las/ de'i brjod bya sngon po rtogs pa bzhin du/ sngon po dang ut-pa la brjod pa'i sgras kyang so sor don mi ston kyang ut-pa la sngon po zhes brjod pa'i tshe/ ya gyal re res yang/ don brjod par ston pa bsgrubs pas 'jug pa'o zhe na/ de la yang sngon po zhes pa'i sgras kyang don rdzogs par ston pa yin par thal/ sngon po yan gar ba de brjod cing rtogs pa yin pa'i phyir/ de ni cig shos la'ang sbyar ro/ /gnyis pa la gnyis/ rgyas par bshad pa dang/ don bsdu ba'o/ /dang po la gnyis/ ut-pa la sngon po'i yan lag dang yan lag can { bsgrubs pas 'jug pa'o zhe na/ de la yang sngon po zhes pa'i sgras kyang don rdzogs par ston pa }? rdzas gcig dang tha dad brtags la dgag pa mdor bstan pa dang/ rgyas par bshad pa'o/ /dang po ni/ yan lag can me tog gi rdzas dang/ yan lag sngon po dang ut-pa la rdzas gcig tha dad/ dang po ltar na dus la ste yan lag can gcig nyid du yod pa min par du mar thal/ rdzas gcig cing ldog pa tha dad kyang khas ma blangs pas/ yan lag dang yan lag can dang/ yan lag gnyis kyang phan tshun gcig par thal bar 'gyur ba'i phyir/ yang na/ yan @0101b lag rnams dang 'dus pa yan lag can la rdzas gcig nyid yod pa ma yin par thal ba la rtags sna ma sbyar ro/ /'dus pa yan lag can du mar thal bar 'gyur te/ yan lag rnams dang gcig yin pa'i phyir/ gnyis pa la gnyis/ rdzas gcig pa'i phyir dgag pa dang/ tha dad pa'i phyogs dgag pa'o/ /dang po ni/ ut-pa la sngon po brjod pa'i sgra dag rang gi don spong ba min zhing/ sngon po'i yon tan don gzhan dang/ ut-pa la'i sgras spyi don gzhan brjod pa'i phyir ro/ /sngon po'i sgras rigs don gzhan brjod pa 'thad pa ma yin par thal/ de la nyes pa sngar brjod zin pa'i phyir/ sngon po'i sgras gzhan ut-pa la min pa gzhan sel ba ma yin par thal/ sngon po zhes brjod pa'i tshe gang snyam du the tshom za ba'i phyir/ 'dod na khas blangs 'gal lo/ /ya gyal gnyis dang/ tshogs pa brjod pa sgra gsum don gcig sgras sgra rnam grangs par 'gyur bar thal/ don gcig kho na brjod bya'i sgra rdzas tha dad pa'i phyir ro/ /'dod mi rigs te/ sngon po'i sgras kyang ut-pa mi rtogs so/ /ut-pa la'i sgras kyang cig shos mi rtogs pa'i phyir ro/ /gnyis pa la gsum/ gzhi mthun mi 'thad pa dang/ yon tan dang rigs don gcig la 'du ba mi 'thad pa dang/ de la gnod pa gzhan bstan pa'o/ /dang po ni/ sngon po dang ut-pa la gnyi ga khyad par bya byed dang gzhi mthun du med par/ sa tha dad pa yang ste tha dad pa'i phyir ro/ /gnyis pa la gnyis/ 'dod pa brjod pa dang/ de dgag pa'o/ /dang po ni/ ut-pa la'i don gyi rdzas te rigs dang/ sngon po'i yon tan dang gal te don rdzas gcig la 'phrod pa 'du ba'i tshul gyis 'jug go zhe na/ gnyis @0102a @#/ /pa ni/ ut-pa la'i rdzas la spyi dang bye brag gnyis yod pa ma yin par thal/ rdzas dang yon tan dang/ rigs gsum rdzas tha dad pa'i phyir/ rang nyid dang yon tan don dang ldan pa gnyis kyang gzhi mthun du yod pa ma yin par thal/ 'brel med rdzas tha dad yin pa'i phyir/ de bzhin du sgra gnyis kyis ut-pa la sngon po sgrub pa'i tshul gyis brjod pa ma yin par thal/ ut-pa la zhes pa'i sgra rigs don gzhan dang ni sngon po'i sgras yon tan don gzhan tsam zhig brjod par 'gyur ba'i phyir/ gsum pa la gnyis/ sngon po dang ut-pa la yang gcig dang tha dad kyi nyes pa dang mtshungs pa dang/ de'i lan dgag pa'o/ /dang po ni/ rigs dang yon tan gyi sgras don phan tshun rdzogs par brjod pa mi 'thad par/ rigs dang yon tan dang ldan pa sgrub pa'i tshul gyis brjod pa nyid la ni rigs dang yon tan gnyis mtshungs pa ste gcig de mi mtshungs pa ste tha dang rtags na gzhi mthun mi srid pa'i nyes par thal bar 'gyur ba'i phyir/ gnyis pa la gsum/ 'dod pa brjod pa dang/ de dgag pa dang/ de la rtsod pa spang ba'o/ /dang po ni/ gzhi mthun du mtshungs pa'i phyir/ gzhi mthun ma srid pa nyes pa brjod par byed pa 'jug par mi 'dod ce na/ 'grel bshad kyi 'gyur ltar na/ gzhi tha dad pa 'gog par mi byed kyi/ gzhi tha mi dad pa sgrub par byed ces bshad do/ /gnyis pa ni/ sngon po min pa dang/ ut-pa la min pa las log pa'i ldog pa gnyis dang ldan pa'i sgo nas gzhi mthun du mi 'gyur 'brel med rdzas tha dad/ don gcig la 'du bas gzhi mthun du 'gyur pa ma yin par thal/ de lta na ba lang dang rta la sogs la'ang gzhi mthun dang de brjod pa'i sgra gzhi mthun @0102b bcod par mtshungs par 'gyur ba'i phyir/ gsum pa la gnyis/ rtsod pa dang lan no/ /dang po ni/ mi mtshungs te/ ba lang dang rta la dbyibs mi 'dra ba'i khyad par gyis/ spyi mi 'dra ba'i gsal bar byad pa'i phyir/ gzhi mthun du mi 'gyur ba/ ut-pa la sngon po de de lta bus bye brag tu ma byas shing/ rten gcig la chos gnyis 'phrod pa 'du bas gzhi mthun du 'gyur ro zhe na/ gnyis pa la gsum/ dgag pa dngos dang/ yon tan dang rdzas spyi gsal byed du mi 'gyur bar thal ba dang/ gsal bya gsal byed phan tshun ston par thal ba'o/ /dang po ni/ rdza bum gcig la yang dbyibs mi 'dra ba du mar byas pa 'dus par te 'dres par 'gyur bar thal/ bum pa nyid dang/ yod pa nyid dang rdzas nyid la sogs pa spyi mi 'dra ba du ma'i gsal byed yin pa'i phyir; rtags khyab khas blangs/ 'dod mi rigs te/ dmigs rung ma dmigs pas khegs pa'i phyir/ 'grel bshad kyi 'gyur las/ rnam pa du ma 'dres par 'gyur zhes 'gyur ro/ /gzhan yang ba lang dang/ rta dbyibs mtshungs pa dang mi mtshungs par gnyi gar 'gyur bar thal/ yod pa nyid la sogs pa spyi 'dra ba gsal byed dang/ ba lang nyid dang rta nyid kyi spyi mi 'dra ba'i yang gsal byed yin pa'i phyir/ gzhi mthun du 'dod pa ut-pa la la'ang gzhi mthun med par thal/ sngon po nyid dang/ ut-pa la nyid la sogs pa'i spyi'i gsal byed pa'i phyir ro/ /gnyis pa ni/ yon tan dang rdzas dag spyi'i gsal byed du mi 'gyur bar thal/ dbyibs kho na spyi gsal khegs par byed pa'i phyir ro/ /gal te spyi dang gzhi mthun rjod byed tha dad las tha dad yin gyi /dngos po rang @0103a @#/ /gi ngo bo'i sgo nas tha dad pa ma yin no zhe na ni/ de mi 'thad par thal/ rdzas tha dad du khas blangs pas rang las tha dad pa'i khyad par med par sgra gtso bo tha dad pa de'i rang bzhin du mi 'thad pa'i phyir/ gsum pa ni/ rdzas dang spyi'i gsal byed dang gsal bar bya ba tha dad la rtog pa phan tshun brten pa thob par 'gyur bar thal/ rdzas kyi rang bzhin ci zhig ce na/ spyi'i gsal byed do zhes dang/ spyi'i ji lta bu zhe na/ rdzas kyi gsal bya'o zhes bstan dgos pa'i phyir/ spyi yang rang bzhin du ma dang bum pa yang du ma med par thal/ gcig gi rang bzhin du khas blangs kyang phan tshun gsal ba mang por 'gyur bas te/ spyi yang 'phrod 'du rdzogs par 'brel pa'i gsal ba du mas gsal dgos shing bum pa yang yod pa nyid la sogs pa spyi du ma'i gsal byed yin pa'i phyir/ gnyis pa ni/ yang brjod pa rdzas gcig kyang du ma dang yod pa nyid kyi spyi yang du ma nyid du thal bar 'gyur te/ chos mang po dang 'phrod 'du rdzogs par 'brel pa'i phyir/ rtags khas blangs te/ mi la sogs pa'i yon tan te khyad chos du ma dang/ nus pa rdzas tha dad du ma yod pa'i dbang gis rjod byed kyi dbye bas rang la 'phrod 'du 'brel ba'i spyi mi'i gsal byed yin pas tha dad du rab tu rtag cing bzhag pa'i phyir ro/ / zhes bya ba bar skabs kyi tshigs su bcad pa'o/ /gnyis pa la gnyis/ rang dang gzhan la khyad gzhi khyad chos dang/ gzhi mthun 'thad mi 'thad kyi khyad par dang/ spyi sgras khyad par mi sngong? ba'i tshul bsdus te bstan pa'o/ /dang po la gnyis/ @0103b gzhan gyi lugs la mi 'thad pa dang/ rang lugs la 'thad pa'o/ /dang po ni/ gzhan gyi lugs la ut-pa la ston no zhes/ sngon po de ut-pa las khyad par du byas nas ston pa'i khyad par byed chos dang/ khyad par du bya ba nyid mi 'thad par thal/ rjod byed so so'i dbang gis 'jug par khas blangs pa gang zhig /dngos po'i dbang gis rang dbang du 'jug pa ma yin par sngar rang dbang med phyir de ldan min zhes par brjod zin pa'i phyir/ rjod byed sel bas 'jug pa las gzhan nyid du 'thad pa ma yin par thal/ sgrub pa'i dbang gis 'jug na/ sgro 'dogs tha? mas? cid cig car chod pa'am/ yang na cung zad kyang mi gcod par 'gyur ba'i phyir ro/ /sel bas 'jug pa la shing sha pa nyid shing min pa las log pa dang/ sha pa min pa las log pa gzhi mthun du 'thad par thal/ shing zhes pa'i spyi sgra dang ni/ sha pa sogs shing gsal tha dad brjod pa'i sgra dang/ shing dang ljon pa sogs rnam grangs pa'i sgra rnams brjod 'dod kyis bskul zhing bzhag pa'i tha snyad kyi yan lag yin pa'i phyir/ ut-pa la sngon po zhes pa'i tshogs pa brjod pa yang de'i ldog pa gnyis dang ldan pa gzhi mthun gyi don gzhan brjod par byed pa'i rgyu mtshan yod de/ sngon po'i sgra dang ut-pa la'i sgra gnyis don phan tshun 'gal med phyir na ste/ brjod byar mi spong zhing mi slu bar chos can me tog gcig la gzhi mthun du 'dur rung bar gnas pa'i phyir ro/ /gnyis pa la gsum/ spyi sgras khyad par mi spong ba'i tshul dang/ rtsod pa spong ba dang/ spyi gsal dang khyad par bya byed kyi dogs pa skye tshul mi mtshungs par bstan @0104a @#/ /pa'o; ;dang po ni/ yang brjod pa mi spong ba la bshad do/ /shing dang sha pa gnyis gzhi mthun du thal/ sha pas khyad par du byas nas ma bzung na ni shing zhes pa'i sgra 'di dag shing gi khyad par gyi don gcig la the tshom bskyed par mtshungs shing/ khyad par du byas na sha pa'i don gcig la gzhi mthun du 'gyur ba'i phyir ro/ /gnyis pa ni/ spyi'i sgras rang gi khyad par rnams spong ba ma yin pa ltar/ khyad par gyi sgras kyang spyi mi spong ba yin nam zhe na/ sha pa la sogs pa'i shing gsal rnams la yod pa dang shing la sogs pa'i spyi du ma yod pa yin du zin kyang shing gsal tha dad gyi sgras rang gi spyi brjod byar khas len pa ste/ brjod byar mi spong bar thal/ shing gsal rnams shing la rigs dang rigs can gyi tshul gyis mi 'khrul pa'i phyir ro/ /gsum pa ni/ spyi dang gsal ba'i khyad par byed chos dang khyad par du bya ba de dag nyid kyi dogs pa skye tshul dang/ dogs pa gcod pa'i tshul mtshungs pa ma yin par thal/ shing yod do zhes brjod pa na gang snyam du dogs pa skyes na shing sha pa'o zhes sha pas khyad par du byas nas dogs pa gcod cing/ shing sha pa yod do zhes brjod pa na/ shing yod med the tshom mi skye bas shing gis khyad par du byas nas bstan mi dgos pa'i phyir ro/ /gzhi mthun dang khyad gzhi khyad chos so/ /sel pa smra ba la 'thad cing bye brag pa sogs kyi lugs la mi 'thad pa bsdus te bstan pa yin no zhes bya ba bsdu ba'i tshigs su bcad pa dag go /gnyis pa la bzhi/ rjod byed sgra'i don gyi khyad par gyi 'jug tshul bshad pa dang/ sgra'i sel @0104b 'jug bshad pa dang/ sgra rtog rim can du 'jug pa'i tshul bsdus te bstan pa dang/ 'jug tshul ma byas pa spang ba'o/ /dang po la kha cig na re/ spyi dang khyad par gyi rnam bcad gcod tshul dang/ gzhi mthun brjod pa'i sgras khyad par gyi chos brjod byar mi spong ba'i rgyu mtshan dang/ rtsod pa spang ba'o/ /dang po la gnyis/ rigs mthun gyi khyad par gyi sgras rigs mthun gzhan sel ba dang/ rigs mthun gyi khyad par dngos su mi sel ba'i tshul lo/ /dang po ni/ rgyu mtshan gang gis brjod byar tha dad pa rnams sgra'i don gzhan sel bar byed do zhe na/ shing gsal tha dad pa shing sha pa zhes brjod pa'i sgra chos can/ seng ldeng? brjod byed de/ shing la ltos pa'i rigs mthun yin yang/ seng ldeng? la sogs pa shing gsal tha dad gzhan rnams dang 'gal ba'i phyir/ gnyis pa ni/ spyir gzhan pa las gyur pa tha dad pa'i rdza bum la sogs pa rnams kyi khyad par rdza bum rang dang spyi gsal las gyur pa dag dngos su mi sel yang don gyis 'gal ba ste sel ba yin te/ shing gi sgras shing min dngos su gsal zhing/ shing khyad par du byas nas sha pa dang lhan cig tu brjod pa'i phyir ro/ /shing sha pa'i sgra kho nas bum pa sogs dngos su sel ba ma yin nam zhe na/ bum pa de shing sha pa zhes pa'i sgra de'i dngos su gsal bya ma yin par thal/ de lta na shing gi spyi sgra dang ni rnam bcad gcod tshul mtshungs par 'gyur na yang/ mtshungs pa nyid ma yin pa'i phyir/ der thal mtshungs na shing gi sgra de yis pa la sha la sogs pa'i khyad par gzhan rnams ni sel bar 'gyur ba ma yin pa de bzhin du shing sha pa'i @0105a @#/ /sgras kyang mi sel par 'gyur na de mi rigs pa'i phyir ro/ /rnam bcad mang nyung gi khyad par yod de/ shing sgras shing min sel/ sha pa'i sgras pa la sha dang shug pa sogs du ma sel lo/ /gnyis pa ni/ khyad par gyi sgras khyad par gzhan sel bar byed na/ mang po nyid gyi sgras snum pa sogs sel bas gzhi mthun du 'gyur ro zhe na/ ldog pa tha dad pa gang zhig gzhi mthun du gyur pa de sgra tha dad kyis brjod par bya ba yin yang/ phan tshun spangs pa'i tshul gyis brjod pa ma yin par thal/ gzhi gcig la 'du ba yis tshogs pa brjod pa'i sgra gcig gi brjod byar mi 'gal bar byas pa yin pa'i phyir/ der thal/ mngar ba'i yon tan dang ni yon tan gzhan snu? ma pa de kha zas kyi rdzas gcig la gzhi mthun du 'du zhing; de la gzhi mthun brjod pa'i sgra 'jug pa'i phyir/ shing sha pa'i sgras pa la sha la sogs pa sel ba'i rgyu gzhan yang yod do/ /byas pa rtag pa la ma mthong bas sgra la rtag pa sel ba bzhin du/ de la sbyor ba ma mthong ba'i phyir yang de brjod pa sel ba yin pa'i phyir ro/ /gsum pa la gsum/ rtsod pa dang/ lan dang/ de la rtsod pa spang ba'o/ /dang po ni/ de la 'jug pa ma mthong bas de sel bar byed na/ rang gi gsal ba tha dad la spyi sgra 'jug pa ma mthang bas spyi'i sgras khyad par rnams sel bar 'gyur ro zhe na/ gnyis pa ni/ spyi'i sgras khyad par nges par spong ba ma yin par thal/ de ltar shing gi sgra de sha pa la sbyor bar snang la/ skabs 'gar shing 'on gcig ces pa'i sgra las the tshom du 'gyur yang skabs @0105b dang; shugs la sogs pa'i dbang gis gzhan la 'jug pa mi rigs par sha pa kho na la 'jug par mthong ba'i phyir/ gsum pa la gnyis/ rtsod pa dang lan no/ /dang po ni/ skabs dang shugs la sogs pa'i dbang gis shing gi sgra sha pa kho na la 'jug pa mthong na/ ji ltar na spyi'i sgra las khyad par la the tshom za ba'i phyir yod ce na/ gnyis pa ni/ spyi sgra las khyad par the tshom za ba de/ khyad par dang lhan cig sbyar ba las 'gyur ba ma yin par thal/ sngar khyad par la 'jug par nges pa de phyis yan gal pa la de ste/ khyad par dang bral ba'i spyi sgra las khyad par the tshom du 'gyur ba'i phyir ro/ /yan gar pa spyi brjod sgra gsal ba tha dad la sbyor ba med pas the tshom za ba yang med ce na/ spyi sgra khyad par la sbyor ba mi 'thad pa skyon med par thal/ shing des zin pa'i nyan pa po dag spyi shing 'dis las gyur pa yin nam/ 'byung ba chen po lnga las gyur pa yin snyam nas 'dri ba nas las gyur pa'o zhes nyan pa po la ltos nas/ spyi sgras khyad par brjod pa mthong ba'i phyir ro/ /gnyis pa la gnyis/ sgra sbyor tshul dang; de la rtsod pa spong ba'o/ /dang po ni/ don gyi rnam gcod tha dad pa bzhin du sgra'i rnam gcod kyang 'jug ste/ byas pas ma byas pa bsal nas sgra la mi rtag pa go ba bzhin du/ rjod byed kyis kyang byas pa la sgra gzhan dngos ming du 'jug pa rnam par bcad nas ni byas pa zhes pa'i sgra spyis byas pa brjod par byed pa yid can rnams la yang brda ji ltar sbyar ba bzhin du don go bar byed de/ don gang la brda sbyor ba ma mthong yang brjod pa dag las mi rtogs shing/ don gang la spyi sgra gcig @0106a @#/ /sbyar bas the tshom za ba dang don du ma la spyi sgra de the tshom du 'gyur na'ang skabs shugs la sogs pa'i dbang gis brad ji ltar sbyar ba ltar rtogs pa'i phyir te/ rnam nges kyi rig byed 'gog pa'i skabs las shes par bya'o/ /gnyis pa ni/ ji ltar sgras don gzhan gsal nas rang gi don go bar byed de/ sgra las don la the tshom du 'gyur ba'i phyir ro zhe na/ brjod bya'i don dang rjod byed sgra 'brel pa shin tu rtog spar sla ste/ rjod byed kyi sgra rnams sgra'i don gzhan la 'jug pa ma mthong ba ste/ don ma yin pa la mi 'jug pa ldog pa nges pa dang/ rang gi brjod bya'i don gyi cha shas yan lag ston pa'i rjes su 'gro ba'i sgra nas don brjod pa'i phyir/ rang gi brjod bya'i don gyi spyi shar ba la 'khrul pa nyid kyang yod pa ma yin par thal/ de yod med kyi rjes su 'gro ldog byed pa'i phyir ro/ /gsum pa ni/ yang brjod pa gzhal bya yi sgra rim pa ldog pa las dngos po yod pa dang/ rdzas dang sa las byung ba dang/ shing dang bzhi la the tshom gyi rgyur 'gyur te/ de dag med par yang 'jug pa mthong ba'i phyir ro/ /de ni dngos po yod pa'i sgra gsum la the tshom gyi rgyud dang/ rdzas kyi sgra gnyis la the tshom dang/ sa las byung ba'i sgra shing gcig pu la the tshom du 'gyur te/ de dag med par 'jug pa'i phyir ro/ /rim pa ji lta ba bzhin du shing brjod pa'i sgras gzhan bzhi nges pa'i rgyu mtshan yin la/ de bzhin du sa las byung ba'i sgra phyi ma gsum nges pa'i rgyu yin te/ de dag la 'jug pa'i phyir ro/ /de bzhin du phyi ma phyi ma gnyis rim pa bzhin du gnyis dang gcig nges pa'i rgyu rgyur sbyar ro/ /zhes bya ba bar skabs kyi tshigs su bcad pa'o/ /bzhi pa la gnyis/ sel ba smra ba @0106b la nyes pa med pa bsdus pa dang/ de la rtsod pa spang ba'o/ /dang po la gnyis/ gzhi mthun mi 'thad pa'i nyes pa med pa dang/ spyi dang khyad gzhi khyad chos mi 'thad pa'i nyes pa med pa'o/ /dang po ni/ shing brjod pa dang sha pa brjod pa'i sgra tha dad kyis don tha dad brjod pa tam dpe brjod bya rdzas tha dad du du 'gyur ba ma yin par thal/ shing gi sgras shing de min gzhan la khyab pa bkag kyang rang gi gsal ba rnams la rjes su 'gro ba ma bkag pa'i phyir ro/ /des na shing dang sha pa gzhi mthun du 'thad do/ /gnyis pa ni/ spyi dang khyad gzhi khyad chos sogs mi 'thad pa'i skyon med par thal/ shing spyi don gzhan med kyang rtog pa la shing min las log par snang ba'i rigs kyi chos rnams shing gsal rjes su 'gro ba'i tshul gyis rnam par gnas shing gzhi mthun brjod pa'i sgras kyang yon tan don gzhan gyis phan btags pa'i yon tan dang/ yon tan can rdzas tha dad brjod pa ma yin pa'i phyir/ rtags phyi ma der thal/ rtsod byed dngos po'i dbang gis 'jug pa min par rdzas gcig la rtog pas btags pa'i khyad gzhi chos brjod pa yin pa'i phyir/ yang sgras khyad par mtha' yas pas spyi sgras khyad par ma brjod kyang mi spong bas khyad gzhi chos 'thad pa'o/ /gnyis pa la gnyis/ rtsod pa dang/ lan no/ /dang po ni/ spyi don gzhan yod pas 'jig rten na gzugs kyi sgra sngon po sogs la 'jug pa'i ro la sogs pa la mi 'jug pa yin la/ sel ba smra ba ltar na spyi med cing gsal ba tha dad ma 'dres pas/ de mi 'thad pa dang shing brjod pa'i sgra'i brjod bya dang/ bsgrub pa rang dbang ba'i tshul @0107a @#/ /du snang gi /de min gcod pa'i tshul du mi snang bas rgyu mtshan gang las gzhan sel brjod par nges zhe na/ gnyis pa la gsum/ 'jig rten gyi grags pa de kho na'i don can 'ba' zhig tu mi 'thad pa dang/ spyi don gzhan smra ba la nyes pa mtshungs pa dang/ de'i lan dgag pa'o/ /dang po ni/ 'jig rten rtog pa la ji ltar snang ba ltar grags pa'i rjes su 'brangs nas spyi gsal gyi tha snyad de kho na nyid du grub par mi btsal ba ste btsal mi rigs par thal/ bcom ldan 'das kyis kyang so so'i skye bo'i tshogs la mngon par mkhyen par dmigs zhing/ 'jig rten pa'i ming la la yang mngon par mi rgyug go zhes gsungs pas/ rtog pa la gsal ba rnams la spyi 'dres par snang zhing/ skabs 'gar rdzas tha dad du yang snang ba ltar grub pa mi 'thad pa'i phyir ro/ /tshad ma'i rnam gzhag 'jig rten gyi grags pa'i rjes su 'brang yang tha snyad thams cad de kho na nyid kyi don can khas blangs par mi bya'o/ /gnyis pa ni/ 'brel med tha dad du mtshungs pa la gzugs kyi sgra sngon po la 'jug gi /ro la sogs pa mi 'jug pa ci zhe na/ de ltar gzugs nyid kyi spyi don gzhan sngon po la 'jug la/ ro la sogs pa la mi 'jug pa'i khyad par mi 'thad par thal/ gzugs nyid kyi spyi don gzhan la yang/ gsal ba rnams dang 'brel med kyi nyes pa mtshungs par 'gyur ba'i phyir/ gsum pa la gnyis/ rtsod pa dang/ lan no/ /dang po ni/ sngon po la mig gi gzung bya nyid du gyur pa las sam/ bya bar gnas pas gzugs nyid kyi sgra 'jug pa yin gyi rigs don gzhan gyi dbang gis 'jug pa min no zhe na/ @0107b gnyis pa ni/ ha cang thal ba dang/ ldog pa med pa'i rjes 'gro 'ba' zhig gis sgra las don rtogs pa mi 'thad pa'o/ /dang po ni/ mig gi gzung bya yin pa nyid kyis gzugs nyid kyi spyi don gzhan 'phrod pa 'du ba yin na/ rdzas nyid dang/ grangs dang/ tshad dang ldan pa dang/ rnam dbye dang/ gzhan ma yin pa nyid la sogs pa la gzugs nyid spyi don 'phro dpa 'du bar thal bar 'gyur te/ de dag kyang mig gi gzung byar khas blangs pa'i phyir ro/ /dkar men spon po dang/ ser po dang dmar po sogs la ches sngo ba la sogs pa'i khyad par med par 'gyur bar thal/ spyi don gzhan cha med gcig 'phrod 'du rdzogs par 'brel pa'i phyir ro/ /gnyis pa ni/ rjes 'gro 'ba' zhig las sgra las don ma grub par thal/ sgra las don rtogs pa de min gcod pa'i ldog pa mi brjod pa'i phyir ro/ /'dod mi rigs te/ spyin? yon pa tsam las char 'bab par mi rtogs pa'i phyir ro/ /gzhan sal brjod na ldog pa 'ba' zhig brjod par 'gyur ro zhe na/ de'i skyon med par thal/ dngos po brjod par 'dod kyang gsal ba mtha' dag la khyab pa'i spyi cha med dngos su brjod par 'dod pa ma yin pa'i phyir/ sgras ni ldog pas khyad par du byas pa'i dngos po brjod par byed do/ /gsum pa grangs can gyi lugs dgag pa la gnyis/ rtsod pa dang lan no/ /dang po ni/ gsal ba thams cad las sngar med dang phan tshun med pa dang 'brel zhing/ ldan zhes gsal ba rnams sbar med pa'i rnam 'gyur du gang zhig khas len du 'gro na ste/ khas lan par byed na med pa la yod pa'i bdag nyid du/ rnam 'gyur thams cad mtshan @0108a @#/ /nyid lnga ldan gyi gtso bo'i rnam 'gyur dang de dag gi rang bzhin du 'gyur ro zhe na/ gnyis pa la bzhi/ 'brel pa med pa dang/ ha cang thal ba dang/ khas blangs 'gal ba dang/ dgag pa gzhan bstan pa'o/ /dang po ni/ gsal ba sngar med gsar du rnam par 'gyur ba yin na ni/ mtshan nyid lnga ldan gyi gtso bo yod pa de rnam 'gyur du ma'i bdag nyid las rang bzhin yin zhes khas len pa mi 'thad par thal/ mngon sum gyis mthong ba las gzhan pa'i ba lang gi rang bzhin ci zhig gang gis gsal ba rnams la sbyor te 'brel pa med pa'i phyir ro/ /gnyis pa ni/ rang bzhin gcig la rnam 'gyur tha dad pa'i blo 'jug ste/ 'jim par mtshungs pa la 'jim pa'i rnam 'gyur tha dad las kham phor la sogs tha dad pa'i blo skye bar 'dod pa bzhin no/ /zhe na/ sngar med dang phan tshun med pa'i gsal ba tha dad las gzhan ma yin yang ste de min rnam par gcod par mtshungs pa la ba lang ngo rta'o snyam pa tha dad kyi blo ci ste dgag mi rigs par thal/ 'jim pa'i rnam 'gyur mi 'dra ba du ma la 'jim pa'i blo skye bar 'dod pa'i phyir dang/ cha med kyi rang bzhin gcig yin na/ blo mi 'dra ba du ma sgrub pa'i sgo nas skye ba mi 'thad pa'i phyir/ gsum pa la/ khas blangs 'gal ba dngos dang/ sgra rtog 'jug pa gzhan sel la nges par ltos dgos pa'o/ /dang po ni/ khyod ltar na nyan thos thams cad de kho na nyid kyi don can 'ba' zhig min par thal/ bde sdug la sogs pa yon tan rnams kyi rang bzhin mchog chos kyi gnas lugs su sgro btags pa gtso bo gang dus nam yang mngon sum gyi snang ba'i lam du ma gyur la/ mngon sum gyi @0108b snang ba'i lam du gang gyur pa tha snyad kyi yul du gyur pa'i rnam 'gyur rnams skyu ma bzhin du shin tu stong zhing rdzun par khas blangs pa'i phyir ro/ /shing gsal rnams phan tshun ma 'dres par mthong ba la gzhan nyid kyi blo skye ba lkog sha la sogs 'dus pa la ba glang gi blo skye ba dper smos pa grangs can pa na re/ de 'gal zhe na/ gsal ba rnams phan tshun tha dad yod kyang nag sogs gsal ba 'dus pa'i gong bu mthong ba las ba lang ngo snyam pa de'i blo skye ba dper brjod pa kho bo la mi 'gal zhing/ khyod kyi lugs la 'gal bar thal; gong bu de kho na la ba lang ngo snyam pa'i blo skye bar 'dod cing/ gzhan sel mi 'dod pa grub mtha' 'gal ba de khyod kyi lugs la brten pa'i nyes pa yin pa'i phyir ces pa khas blangs nyams pa'i don to/ /gnyis pa ni/ sgra rtog sgrub pa'i sgo nas 'jug gi phan tshun 'gre pa med pa'i gzhan sel ba la de mi ltos zhes pa 'di ni/ rang gi rnam rtog gis rtags shing spros par zad de/ gzhan sel ba brjod pa min pa'i sgra yis ni don gyi rang bzhin 'ga' yang brjod par mi bya ba ste mi byed pa'i phyir ro/ /bzhi pa la gsum/ sgrub zin bsgrub pa dang/ dngos med la rdzas gcig dang tha dad kyi rtag pa mi 'jug pa dang/ grangs can gyi spyi gsal la skyon 'jug pa'o/ /dang po ni/ dngos po ni/ rang nyid snga ma gzhan rang gi dus na med pa mthong ba las rang gi byed las gzhan du rtog spar byed na; 'khor ba'i thog ma rtogs pa'i blo med par 'jug pas/ rten gcig mthong na yang mtha' dag mthong dgos la/ dang po'i gsal ba mthong ba med pa'i phyir ro/ /'o na sel ba smra ba khyed la yang shing ma yin rnam par bcad pa'i sgo nas shing gsal mtha' @0109a @#/ /dag la khyad par khas len pa 'gal te/ shing ma yin kyang mtha' yas la shing gsal mtha' yas pas mi shes pa'i phyir ro/ /zhe na/ shing gi sgras shing ma yin sel ba dang shing rang gis gsal bas rnams la 'jug pa la/ de mtha' dag shes mi dgos par thal/ /shing brjod pa'i sgras rigs mi mthun spyi'i sgo nas gzhan sel par byed cing de'i sgo nas shing gsal la 'jug par rtogs pa'i phyir ro/ /gnyis pa ni/ gal te bdag nyid gzhan med pa ma mthong ba las bdag nyid gsal ba gzhan la rtogs na/ rang nyid gzhan med pa de rdzas gcig yin na/ gsal ba mtha' dag la gcig pu'i blo kho na skye bar thal la/ rdzas du ma yin na/ gsal ba gcig la yang du ma'i skye bar thal lo/ /zhe na/ shing rang nyid rigs mi mthun med pa de la rdzas gcig dang tha dad kyi rtag pa 'jug pa mi rigs par thal/ shing gi bdag nyid gzhan med pa de'i ngo bor yod par khas len na rdzas gcig nyid du ma nyid kyi rtag pa 'jug rigs na yang de'i ngo bor rtags snga ma der thal/ rdzas gcig dang tha dad kyi rtag pa de dag dngos po kho na la rigs pa'i phyir ro/ /'di yang 'gyur cung zad 'chug? so/ /gsum pa ni/ grangs can khyod kyi'ang gsal ba dang/ nus pa spyi gtso bo gcig la gcig dang tha dad kyi nyes pa mtshungs par 'gyur bar thal/ gcig yin na rnam 'gyur mtha' dag gcig tu thal ba dang/ gtso bo du mar thal bar 'gyur zhing/ rdzas tha dad yin na/ rnam 'gyur mtha' dag gi rang bzhin yin pa nyams pa'i phyir ro/ /bzhi pa la bzhi/ tshig gis brjod pa'i dngos med dbang mngon gyi gzung byar @0109b 'gal ba dang/ rjod byed sgra las don gyi rtogs pa skye ba'i rim pa dang/ sgra dang don gyi 'brel pa rtogs pa'i tshad ma gnyis las gzhan du mi 'thad pa dang/ rigs brjod dang tshogs brjod kyi sgra 'jug pa'i khyad par ro/ /dang po ni/ rang nyid gzhan med pa mthar ba las gsal ba rnams la gnas par 'gyur na rang nyid gzhan la rtogs pa ni/ rna ba la sogs pa dbang po'i mngon sum gyi gzung byar 'gyur te/ nga 'dzin pa po dbang po drug pa yang yod pa yin no zhe na/ shing la sogs pa rigs mi mthun med pa dbang mngon gyi spyod yul ma yin pa ste/ mngon sum gyi lag rjes dang/ sgra spyi dang/ don spyi de'i gzung yul ma yin pa'i phyir ro/ /der thal/ gang zhig shing brjod pa dang/ shing min gcod pa'i shing gi sgra la sogs pa'i 'jug pa yi bden bzhi las dbang po so sor yul la 'jug pa min pa'i phyir/ gnyis pa la gsum/ sgra las brda la ma byang ba la rtogs pa skye tshul dang/ byang ba la rtogs pa skye tshul dang/ de yang gzhan sel la ltos pa'o/ /dang po ni/ gang zhig tshig gi tshogs brjod bya'i don brjod pa 'di brjod bya phyi rol gyi don med kyang bstan bcos las 'byung ba'i rang bzhin dang rkyen la sogs pa ji ltar brda sbyar ba'i ngag las don du rnam par brtag par bya ba yin la/ ngag gi don so sor snang ba brjod pa gang yin pa de yis brda la ma byang ba la dang po sgra spyi so sor go ba'i rtogs pa nye bar bskyed cing dus phyis sgra spyi dang/ don spyi 'dres par 'dzin pa'i yin no/ /don ni/ rjod byed kyi tshig las phyi rol gyi don 'ba' zhig brjod pa ma yin par thal/ tshig brjod pa las brda la ma byang ba'i rtog pas kyang/ sgra spyi dang don spyi gzung yul du byed cing @0110a @#/ /brda la byang bas kyang de ltar byed pa'i phyir ro/ /gnyis pa ni/ rang bzhin dang rkyen la sogs pa'i tshig gis ji ltar bstan pa ltar/ phyi rol don dang rjes su 'brel pa ma yin par thal/ ji ltar goms pa'i ngag dag las ji ltar brjod pa'i don/ don la med du zin kyang brjod bya'i don gyi rtogs pa skye ba'i phyir dang/ rang rang gi rkyen bag chags mi 'dra ba dang/ rjes su 'brel pas nyan pa po ma 'dra ba du ma brjod bya'i don gyi rnam pa du ma so sor rtogs pa'i rtog pa skye ba'i phyir ro/ /rtsed? 'jo'i snyan ngag thos pa las/ chags can la chags pa dang rjes su mthun pa'i blo skye zhing/ chags bral rnams la yid 'byung gi blo skye ba bzhin no/ /gsum pa ni/ rjod byed kyi tshig de yang don dang ngo bo nyid kyis 'brel pa dang/ spyi don gzhan brjod pa dang/ sgrub pa'i sgo nas 'jug pa ma yin par thal/ ming don gyi 'brel pa khyer shes pa'i dag gis don dpog pa 'di la rjod byed kyi sgra las/ pha rol po la brjod 'dod dang/ de la don spyi snang ba rtogs pa'i tshad ma ni/ rjes dpag las gzhan ma yin pa'i phyir ro/ /sgra las zhen pa'i brjod bya dpog mi nus pa ni bstan zin to/ /gnyis pa ni/ gang zhig ngag gi bdag rkyen las skyes pa'i brjod bya'i don rtogs pa'i rnam rtog sna tshogs shes pa'i tshad ma ni mngon sum nyid las gzhan ma yin te/ rnam rtog de yang rang rig mngon sum gyi myong bya yin pas na ste yin pa'i phyir ro/ /de dag gi nam tshig don gyi 'brel pa rtogs pa dang/ don sna tshogs pa'i spobs pa rnams tshad ma phung gsum yin pa bkag pa yin no/ /bzhi pa la gnyis/ 'dod rgyal pa'i sgra spyi la mi 'jug pa spang ba dang/ @0110b rjod byed kun gyis spyi brjod par mtshungs na rigs brjod dang tshogs brjod kyi khyad par mi 'thad pa spang ba'o/ /dang po ni/ rigs dang yon tan dang bya ba dang/ rdzas brjod pa'i rgyu mtshan nges pa dang ldan pa'i don du ma gzhan sel ba spyi'i ngo bos brjod par byed kyang/ dngos po gcig kho na la 'jug pa'i 'dod rgyal pa'i sgra spyi'i yul can du mi 'thad de/ spyi ni du ma la brten pa'i phyir ro/ /zhe na/ 'dod rgyal pa'i sgra rnams kyang/ spyi brjod pas khyab ste/ 'dod rgyal pa'i sgra la'ang brjod bya'i don gyi dbye bas rigs kyi yan lag du ma dngos su 'jug pa dang/ tshogs pa'i sgra tshogs pa can la btags nas 'jug pa dang/ tshogs pa la lar dngos su brjod par byed pa rnams kyang/ spyi yul can kho na yin pa'i phyir ro/ /tshogs pa can la tshogs par btags pa grong gi pha bza' bya min no zhes brjod pa na/ de'i yan lag gi cha shas rnams kyang bza' bya ma yin par bstan pa lta bu'o/ /gnyis pa la gnyis/ tshogs brjod kyi sgra tshogs pa can la btags nas 'jug pa sgra sogs mi? pa'i ltos pa'i dpe dang/ rigs brjod kyi sgra rang gi rigs can du gyur pa'i tshogs pa can dang/ tshogs pa du ma la dngos su 'jug kyang spyi brjod pa la ltos par bstan pa'o/ /dang po ni/ sgra gnyi ga yang spyi brjod par byed pa yin na/ rigs dang tshogs pa brjod pa'i sgra la khyad par ci yod ce na/ rigs kyi sgra ni rang gi gsal ba so so la dngos su 'jug cing/ tshogs pa'i sgra ni tshogs pa'i cha shas rnams/ la btags nas kyang/ grangs sogs la ma ltas pa ma yin/ dper na/ tshogs pa sgra tshogs pa'i sgra tshogs pa can la btags nas 'jug pa grangs @0111a @#/ /sogs la ltos pa med par rab tu 'jug pa chu la sogs pa'i thigs pa grangs sogs la mi ltos pa thigs pa gcig la yang thigs pa'i sgra 'jug cing/ du ma la yang 'jug pas so/ /grangs la ltos pa gar sha pa na dang dpag tshad dang/ gru bzhi sogs dang/ tshad nyid dang ni ste chu'i sgra lte ba dang/ brla dang/ pus mo tsam nub pa la mi ltos pa dang/ dbyibs ser po dang zlum po dang/ gru bzhi sog sla mi ltos pa'o/ /de bzhin du khur 'tshur gyi cha shas rnams la khur 'tshur gyi sgra dngos su mi 'jug pa bzhin no/ /de dag gis ni tshogs pa'i sgra tshogs pa can la btags nas 'jug pa grangs sogs brjod pa la ltos pa med par bstan to/ /'dus pa ste tshogs pa brjod pa la yang kha cig yan lag so so ba brjod par byed de/ khang pa dang zhing dang/ lam dang/ lcags ra dang/ skyes bu sogs tshogs pa la grong gi sgras brjod pa na/ de'i phyogs gcig skyes bu la btags nas 'jug pa dang/ lus kyi sgra de'i cha shas la btags pa ni/ btags ming ngo/ / de bzhin du ring po la sogs pa dbyibs kyi sgra yang cha can la 'jug gi /cha shas la 'jug pa min pa dang/ kha dog khra bo'i yang de'i cha shas sngon po sogs la mi 'jug pa sogs tshogs pa'i sgras cha shas kyi khyad par du byas nas 'jug pa ma yin par thal/ tshogs pa'i sgra de yi cha shas la dngos su rab tu 'jug pa dmigs pa ma yin pa'i phyir ro/ /tshogs pa'i sgras tshogs pa can spangs nas/ tshogs pa kho na la 'jug pa ste/ dper na/ bum pa'i sgra bum pa'i rdul rdzas brgyad kyi tshogs pa la @0111b 'jug gi de'i la gyal bum pa'i dri sogs la mi 'jug pa bzhin no/ /gnyis pa ni/ rigs kyi sgra rnams ni/ rang gi rigs can/ brjod byar mi spong yang/ shing gi sgra las sha pa sogs skabs stobs kyis rtogs pa'i don ni/ brdas btags nas bstan pa'i phyir ro/ /spyi'i don bsdu ba ni/ sgra byung gi blo tshad ma phung gsum ma yin par thal/ sgra dang don ngo bo nyid kyis 'brel pa ma yin gyi brda tsam gyis btags pa'i phyir/ gnyis pa ni/ sgra byung tshad ma phung gsum pa yin pa bkag pa la dgos pa yod de/ sgra byung tshad ma phung gsum yin par bkag pa'i phyogs 'dir don gyi go ba dang/ dpe nyer 'jal dang zhes grags pa dang/ snyam sems la la sogs pa tshad ma phung gsum gzhan 'dod pa'i lhag ma rnams la'ang nyes pa brjod pa'i tshul shes par bya ba'i ched yin pa'i phyir/ gnyis pa le'u'i mtshan bstan pa ni/ tshad ma kun las btus pa'i rnam bshad mthar 'dzin gyi gdung ba 'joms byed rigs pa'i rgya mtsho zhes bya ba las gzhan sel ba rtag pa'i le'u ste le'u lnga pa'i 'grel pa'o// ! //gsum pa phyir rgol gyi rten can ltag chod bshad pa la gnyis/ le'u'i gzhung bshad pa dang/ le'u'i mtshan bstan pa'o/ /dang po la gnyis/ spyi'i don dang/ yan lag gi don to/ /dang po ni/ tshad ma rnam nges las/ ma chang sogs brjod sun 'byin yin/ /de snang ba ni ltag chod do/ /zhes bshad pa ltar/ rgol bas sgrub byed bkod pas/ phyir rgol gyi ngor nges shes skyed ma nus shing/ skabs dang mthun dpe phyogs chos ma tshang ba dang/ rjes 'gro med pa dang/ rjes 'gro phyin ci log la sogs pa brjod pa la phyir rgol gyis de ltar @0112a @#/ /brjod par byed pa'i ngag ni sun 'byin yang dag ste' de yang phyogs chos ma tshang zhes pa tsam ma yin gyi phyogs chos ma tshang ba'i rgyu mtshan yang dag par brjod pa'i sgo nas rgol ba 'dod don 'grub pa'i nus pa bcom zhing/ gegs byed pa yin la/ dngos po'i gnas tshod la sgrub byed yang dag yin yang/ rgol bas sgrub mi nus pa ni/ rgol ba la spobs pa med pas/ tshar bcad pa'i gnas yin la/ phyis rgol bas bsgrubs nas nges pa bskyed nus kyang/ sngar gyi sgrub byed de skyon can las ma 'das so/ /gzhan don rjes dpag gi skabs su don skyon zhugs par ston nus pa 'ba' zhig gis/ sun 'byin yang dag tu 'gyur ba ma yin gyi blo'i skyon dang/ sgra'i skyon dang bcas par bstan pas kyang sun 'byin du 'gyur ba yin no/ /des na sun 'byin yang dag la rgol ba'i 'dod yul phyin ci log tu byed nus pa kho nar mi bzung ngo/ /phyi rol gyi lan rnal mar bsam kyang/ skyon med pa la skyon du brjod pa ni/ sun 'byin ltar snang ba ltag chod de/ phyir rgol gyi lan log pa mtha' dag pa yin yang/ rang gis nyes par brjod pa ji lta ba bzhin du rang la mtshungs par 'jug pa'i sun 'byin/ ltag chod kyi mthar thug pa tha shal ba'o/ /rtsod rigs las/ sgrub pa'i yan lag mi brjod cing/ skyon mi brjod pa gnyis po dag /tshar bcad pa yi gnas yin gyi/ /gzhan gyi mi rigs phyir mi 'dod/ /ces bshad pas/ sgrub byed yang dag 'god par khas blangs nas skabs la babs bzhin du/ sgrub byed yang dag mi brjod pa dang/ skyon can brjod pa ni tshar bcad pa'i gnas dang/ skyon brjod par khas blangs nas/ mi brjod pa dang/ phyin ci log mi brjod pa yang tshar bcad pa'i gnas so/ /sun @0112b 'byin brjod pa'i bus kyang skabs de'i sgrub byed rdzogs nas yin gyi /ma rdzogs par sum 'byin brjod pa ni/ tshar bcad pa'i gnas yin par sangs rgyas pas rgol ba'i tshig brjod ma thag sun 'byin 'phen bskad? byed pa ni/ rigs pa mi shes pa'i rnam 'gyur te/ tshad ma rnam nges dang/ mngon pa kun las btus las bshad pa ltar shes par bya'o/ /rtsod rigs nas kyang rgyas par tshig mang du dogs nas ma bris so/ /gnyis pa la gsum/ ltag chod bshad pa'i dgos pa dang/ ltag chod dang sun 'byin ltar snang de dag ltag chod du du 'gyur tshul bshad pa dang/ rtsod sgrub mkhan po'i ltag chod kyi grangs nges dgag pa'o/ /dang po la gnyis/ dngos dang/ ltag chod la lan brjod rigs pa'i rgyu mtshan no/ /dang po ni/ tshad ma ni dngos po'i de kho na nyid rtogs pa'i thabs dang/ gzhal bya rtogs pa tshad ma la rag las pas/ sgra byung sogs tshad ma phung sum bkag nas tshad ma gnyis su res pa bstan rigs mod/ tshad ma ltar snang dang/ phyogs chos dang/ gtan tshigs dang/ dpe'i skyon rnams bshad pa la dgos pa ci yod ce na/ phyogs chos ma tshang ba dang/ khyab pa ma nges pa dang/ 'gal ba la sogs pa sgrub byed kyi skyon dang/ sun 'byin ltar snang sogs brjod pa la dgos pa yod de/ sgrub byed yang dag 'god par khas blangs nas sgrub byed kyi tshad ma ltar snang brjod kyang rang gi phyogs nges par 'grub pa'i sgrub byad yang dag tu brjod par 'dod pa rnams la rigs pa'i cha shas te/ sgrub byed kyi yan lag skyon med smra ba bzhi du rang gi phyogs grub pa mtshungs pa min no/ /zhes bstan nas/ rtogs pa'i ched yin pa'i phyir/ /des log rtogs sel ba'i dgongs pa can @0113a @#/ /no; ;gnyis pa ni/ sgrub byed skyon can la skyon can du brjod pa dag/ sun 'byin ltar snang la ltag chod du ston pa'i lan 'di brjod par rigs pa yin no/ /sgrub byed kyi skyon de nyid rab tu bstan par bya ba'i phyir dan/ sun 'byin pa ltar snang ba ltag chod du brjod pa'i ched du yin pa'i phyir dang/ lhag chod la ni rjes mthun gyi lan de skyon can du shes pa ched yin pa'i phyir/ gnyis la gnyis/ ltag chod snga ma bcu bshad pa dang/ phyi ma bzhi bshad pa'o/ /dang po la gnyis/ phrad ma phrad mtshungs pa dang/ gtan tshigs min par mtshungs pa'i ltag chod dang po gnyis bshad pa dan/ rtag pa dag mtshungs pa sogs phyi ma brgyad bshad pa'o/ /dang po la gnyis/ ltag chod ngos bzung ba dang/ de sun 'byin ltar snang du bstan pa'o/ / dang po ni/ phrad pa dang ma phrad pa dag dang mtshungs pa'i ltag chod ni/ rang gis gzhan gyi gtan tshigs la phrad ma phrad brtags nas skyon brjod pa ji lta ba bzhin du/ rang gi sun 'byin la yang ji lta ba bzhin du mtshungs pa de bzhin no/ /dper na/ rtsol ba las byung ba'i phyir sgra mi rtag go zhes pa gtan tshigs kyi dper brjod pa la/ rtags 'di bsgrub bya dang/ phrad nas sgrub par byed dam/ ma phrad par sgrub/ dang po ltar na/ chu klung dang rgya mtsho phrad pa bzhin du/ bsgrub bya dang/ 'dros pas khyad par med par 'gyur ma grub pa phrad par mi 'thad pas/ grub pa dang phrad na bsgrub bya grub zin pas gtan tshigs dgos pa med do/ /gnyis pa ltar na/ ma phrad pas gtan tshigs min pa dang khyad par med pas sgrub byed min no zhes zer to/ /dus gsum @0113b la brtags nas rtags su brjod 'dod min pa ste/ gtan tshigs mi 'dod par brjod pa'i ltag chod do/ /gtan tshigs bsgrub bya la sngar grub na 'di gang gi gtan tshigs yin/ phyis grub na go byed du mi rigs la/ dus snyam du grub na/ rwa g.yas g.yon bzhin du/ gnyis ka grub pa la sgrub mi dgos so/ /zhes pa gtan tshigs min pa mtshungs pa'i ltag chod do/ /gnyis pa ni/ phrad ma phrad mtshungs pa'i ltag chod sum 'byin ltar snang du thal/ gtan tshigs yang dag tsam ma tshang ba skur pa 'debs pa'i rtsod pa 'debs pa'i rtsod pa rjes mthun pa sun 'byin gyi gzugs can tsam yin pa'i phyir/ rtsol byung tsam du ma zad gtan tshigs tsam la skur pa 'debs pa'i sun 'byin ltar snang yin no/ /sum 'byin dang sun dbyung bya gnyis phrad brtags na yang nyes pa mtshungs pa'i phyir ro/ /dus gsum gyi rtag pa la yang ji lta ba bzhin du nyes pa sbyar bar bya'o/ /skab der bsgrub bya ni bskyed bya dang shes bya gnyis yin la/ sgrub byed ni gtan tshigs dang/ gtan tshigs brjod pa tshig gnyis las bskyed bya skyed byed la bsams nas/ 'bras bu'i sngar rgyu grub dgos pas/ snga phyi'i rtag pa mi 'jug la/ bsgrub bya rtags pa'i nges shes sngar ma skyes pa la gtan tshigs 'jug pa yin gyi/ rjes dpag skyes nas gtan tshigs dgos pa med pa'i phyir/ /rjes dpag bsgrub bya dang sgrub byed kyi tshig gis brjod pa'i don brtags yin pa la bsams nas rtsod na ni sun 'byin de ma grub pa ltar snang yin te/ sgra mi rtag pa bsgrub bya yin gyi der rtogs kyi blo bsgrub bya min pas/ sgra mi rtag pa de'i tshe ma grub pa min pas so/ /gnyis @0114a @#/ /pa la/ dang po rtag pa dang mtshungs par brjod pa'i ltag chod ni/ pha rol pos mi rtag pa sgra'i khyad chos don gzhan du sgro btags nas sgra mi rtag par dam bcas pa la sgra dus nam yang mi rtag pa 'dod par mi srid de/ chos rnams kyi rang bzhin gang thob pa 'dod par mi srid pa'i phyir ro/ /dus nam yang mi rtag pa'i rjes su 'gro bas rtag par 'gyur gyi de ltar mi rtag par bzhag nus pa min zhes zer te/ sgra la mi rtag pa dus kun tu ldan pa mi srid pas/ sgra rtag par dam 'cha' ba'i rtsod pa ni/ sun 'byin yang dag ma yin te/ phyogs kyi skyon dang rjes mthun brjod pa ste/ rang tshig 'gal ba'i dam bca'i skyon ltar snang yin pa'i phyir ro/ /gnyis pa ma brjod pa mtshungs pa'i ltag chod la gnyis/ ltag chod ngos bzung ba dang/ de sun 'byin ltar snang du bstan pa'o/ /dang po ni; rtsol byung gis sgra mi rtag par sgrub pa'i gtan tshigs kyi tshig brjod pa'i sngar gtan tshigs med pa bsgrub sgra mi rtag pa yang/ med par thal bar 'gyur bas sgra mi rtag pa sgrub mi dgos so zhes rtsod pa ni ma brjod pa mtshungs pa'i ltag chod do/ /gnyis pa ni; smra ba pa'i sgrub byed 'god pa ngag gis sgra mi rtag par gsar du sgrub par byed par sgro btags nas sngar sgra mi rtag pa min par rtsod pa ni/ sun 'byin yang dag min te/ tshig tsam gyis bsgrub bya 'grub pa min pas ma grub pa ltar snang yin no/ /sgrub byed kyi tshig brjod pa la sngar sgrub byed du sgro btags nas/ sngar rtags tshig med pas bsgrub bya mi 'grub par rtsod na yang sun 'byin ltar snang yin te/ kun 'byung ltar snang ste gtan tshigs yang dag kun la skur pa 'debs dgos pas gtan tshigs yang dag gi dpe ma @0114b tshang ba'i sun 'byin yin pa'i phyir ro/ /gsum pa ma skyes pa mtshungs pa'i ltag chod la gnyis/ ltag chod nges bzung ba dang/ de sun 'byin ltar snang du bstan pa'o/ /dang po ni/ gtan tshigs kyi tshig brjod pa la sngar du sgra ma skyes pas rtsol byung du med pa rtsol byung rtags min pa'i phyir/ rtags ma grub par rtsod pa dang rtsol byung du ma grub pa'i phyir/ don gyi shugs kyis sgra rtag par 'gyur ro/ /zhes rtsod pa'i 'gal ba'i ngag? gnyis ni/ ma skyes pa mtshungs pa'i ltag chod do/ /gnyis pa ni/ rtsod pa rnam pa gnyis ni sun 'byin yang dag min te/ sgra skye ba la sngar rtsol byung sgrub byed du sgro btags pa las sgrub byed yang dag min par rtsod pa ma grub pa ltar snang dang/ rtsol ba las byung ba'i phyir don gyi shugs kyis rtag par rtsod pa ma nges pa ltar snang gnyis su 'dod pa'i phyir ro/ /bzhi pa 'bras mtshungs kyi ltag chod la gnyis/ ltag chod ngos bzung ba dang/ de sun 'byin ltar snang du bstan pa'o/ /dang po ni/ sgra mi rtag par bsgrub pa la byas pa'am/ 'bras bu rtags su bkod pa la 'bras bu'i dbye ba gzhan nyid kyi cha nas brtags nas rdza bum dbyug gu dang 'khor lo sogs kyis byas shing/ sgra rkyen gzhan gyi 'bras bu yin pas sgra'i 'bras bus dpe la rjes su mi 'gro/ bum pa'i 'bras bus rtsod gzhi la rjes su mi 'gro bas bsgrub bya sgra mi rtag pa mi 'grub par ston zhing/ rtsod pa de nyid dpe dang rtsod gzhi 'bras bur mtshungs pa'i cha nas sgrub byed tsam la skur pa 'debs pa 'bras mtshungs kyi ltag chod do/ /gnyis pa ni/ de lta bu'i rtsod pa de ni sun 'byin yang dag min te/ smra ba po'i 'dod pas sun 'byin ltar snang rnam pa gsum du 'gyur ba'i phyir ro/ /sgra'i 'bras bus bum @0115a @#/ /pa sogs mi rtag pa la med pas go byed du mi rung bar rtsod na/ 'gal ba ltar snang dang/ de nyid rtag pa la'ang med do zhes rtsod na/ thun mong min pa'i ma nges pa ltar snang dang/ bum pa'i 'bras bus sgra la med do zhes rtsod na ma grub pa ltar snang ngo/ /lnga pa dang/ drug pa chos mthun pa mtshungs pa dang/ chos mi mthun pa mtshungs pa'i ltag chod la gnyis/ ltag chod ngos bzung ba dang/ de sun 'byin ltar snang du bstan pa'o/ /dang po ni/ 'gyur snying rtsa 'grel las dpe bstan zhes 'byung yang/ dpe ma dag pa'o/ /mthun pa'i dpe bum pa dang/ dung sgra chos can/ mi rtag ste/ rtsol ba las byung ba'i phyir/ dper na nam mkha' bzhin/ zhes pa mi mthun phyogs te/ dpe dang chos mi mthun pa'i sbyor bar byas yang dag las ltag ched smra ba pas dper gyur pa'i nam mkha' dang chos mi mthun pa nyid las rtsol ba las byung ba'i phyir/ sgra mi rtag pa yin na/ sgra dang nam mkha' lus can min par chos mthun pas lus can ma yin pa'i phyir/ sgra rtag par yang 'gyur ro/ /zhes rtsod pa chos mthun pa dpe yis sgra la gzhan rtag pa bsgrub pa ni/ chos mthun mtshungs pa'i ltag chod do/ /de las gzhan dag rtsol byung gis sgra mi rtag par sgrub pa'i bum pa dang chos mthun pa las sgra mi rtag pa yin na/ bum pa dang nam mkha' chos mi mthun pa las lus can min pa'i phyir/ rtag par yang 'gyur ro/ /zhes rtsod pa ni chos mi mthun pas mtshungs pa nyid kyi ltag chod do/ /gnyis pa la gsum/ ma nges pa ltar snang du 'gyur ba'i dbang shes dang/ dpe ltar snang sun 'byin ltar snang su bstan pa dang/ 'khrul pa ltar snang @0115b gnyis su 'gyur ba'i rgyu mtshan no/ /dang po ni/ rtsol byung gis dung sgra mi rtag par bsgrub pa la bum pa chos mthun dang/ nam mkha' chos mi mthun gyi dper brjod pa la/ pha rol po na re/ dpe bum pa dang chos mthun pas rtsol ba las byung ba'i phyir/ sgra mi rtag pa yin na/ dpe bum pa dang chos mi mthun pa las lus can min par sgra rtag par yang 'gyur ro/ /zhes pa dang mi rtag ste rtsol ba las byung ba'i phyir nam mkha' bzhin zhes mi mthun dper byas pas dpe de'i mi mthun phyogs bum pa dang sgra gnyis lus can min par/ chos mi mthun pas lus can min par/ sgra rtag par yang 'gyur ro zhes rtsod pa ni/ lus can min pa dang rtsol byung gi rtags kyis sgra mi rtag par sgrub pa'i chos mthun pa dang/ mi mthun dpe cung zad chos mi mthun pas gzhan la sgrub byed du ma grub par bstan pa'i phyir tu rtsod pa sun 'byin yang dag ma yin te/ thun mong gi ma nges pa ltar snang rnam pa gnyis su 'gyur ba'i sun 'byin yin pa'i phyir ro/ /sun 'byin ltar snang du thal/ sun 'byin du khas blangs pa gang zhig 'gal ba la ma 'khrul pa nyid kyi rtags kyi ltar snang bzhin du khyod rtags gnyis kyi chos mthun re tsam mthong bas sgra las rtag pa grub par 'dod pa bzhin du/ kho bo'i yang chos mthun mthong ba tsam gyis sgra mi rtag par sgrub par mtshungs pa'i phyir/ gnyis pa ni/ dad kyi dpe skyon can yin pa de ltar khyod kyi yang nog zhes rtsod par byed pas sun 'byin ltar snang yin te/ pha rol po la dpe ltar snang ba'i skyon brjod yang dag tu khas blangs nas rtsod pa'i sun 'byin yin pa'i phyir te/ gtan tshigs gnyis po @0116a @#/ /'di la yang dpe bkod kyang rjes 'gro'i khyab pa dang ldog pa cung zad kyang bstan pa med pa'i phyir/ rtog ga pa ngan pa phal char ni/ dpes bsgrub bya nye bar 'jal bar byed de/ sgra ni bum pa bzhin du mi rtag pa yin gyi/ nam mkha' bzhin du min no zhes khas lan pa ni/ dpe dang bsgrub bya 'dres par 'gyur la/ de ltar na/ gang gi rtag pa de rtsol ba las byung ba'o zhes pa dang/ gang rtsol ba las ma byung ba brtag pa'o zhes pa ltar/ rjes 'gro phyin ci log nyid las kyang bsgrub bya grub par 'gyur na/ dpe nyer 'jal sgrub byed du 'dod pas de ltar bya bar mi rigs pa'i phyir ro/ /gsum pa ni/ sngar gyi rtsod pa de ni 'khrul pa ltar snang rnam pa gnyis su 'gyur te/ ltag chod sgra pa pos chos mthun pa dang mi mthun pa'i gtan tshigs ltar snang gnyis bkod pa'i rtags de'i bdag nyid kyi dbye bas de ltar 'gyur ba'i phyir ro/ /'dis kyang rtsod pa gnyis ka sun 'byin ltar snang du bstan pa yin te/ des na kho bo cag gi gtan tshigs la bkod pa'i skyon de sun 'byin yang dag tu mi 'gyur bar thal/ rtsol byung gi dung sgra mi rtag par sgrub pa'i gtan tshigs tshul gsum phyogs gcig tu nges pa yin yang/ khyod kyis bkod pa'i sbyor ba phyi ma dang snga ma la yod pa ma yin par phyin ci log gi ma nges pa ltar snang yin no/ /bya ba rnam gzhag mtshungs pa'i ltag tshad la gnyis/ ltag tshod ngos bzung ba dang/ de sun 'byin ltar snang du bstan pa'o/ /dang po ni/ dung sgra chos can/ mi rtag ste/ rtsol ba las byung ba'i phyir/ dper na bum pa bzhin/ zhes bum pa dang chos mthun pa nyid kyis mi rtag nyid du bas? pa la ltag chod smra ba pa na re/ 'di la chos mthun pa nyid yod @0116b na; bum pa kho na chos mthun par bya ba dang/ mig gis bzung bya yin phyir/ mi rtag par 'gyur gyi sgra ni min te/ chos gnyis pa de med pa'i phyir dang/ yang sgra kho na rtag par 'gyur te/ de kho na sreg bya min pa dang/ mnyan bya yin pa'i phyir/ bum pa ni min te/ chos gnyis po de dang mi ldan pa'i phyir ro/ /zhes pa'i gtan tshigs kyi bye brag brjod pas rtag pa dang mi rtag par rnam par rtog pas brjod pa ni/ rnam rtog mtshungs pa'i ltag chod do/ /gang gi sgras phrad ma phrad mtshungs pa'i ltag chod sogs su ma zad 'di mang ngo zhes pa'i don to/ / gnyis pa ni/ yang na bsgrub bya sgra mi rtag pa las log pa rtog pa nyid rtog pa ni/ rnam rtog mtshungs pa'i ltag chod do/ /tshos par bya ba min pa bum pa las gzhan sgra'i khyad par yin pas btan tshigs des sgra rtag par mi nus par thal/ gtan tshigs des 'khrul pa can gyi bye brag gis te/ mi rtag pa la mthong/ de las gzhan la yang mthong ba'i ma nges pa yin pa'i phyir/ rtags su bkod pa min pa khyad par mnyan bya nyid kyis kyang mi rtag pa nyid du thal bar byed kyi rtag par thal ba 'phen mi rigs te/ 'gal ba ltar snang du 'gyur ba'i phyir ro/ /des na rtsod pa de dag sun 'byin yang dag min te/ ma nges pa dang 'gal ba ltar snang gi lan log pa'i phyir/ /'grel bshad kyi 'gyur las rtag par thal phyir der snang nyid ces 'byung go/ /brgyad pa khyad par med pa mtshungs pa'i ltag chod la gsum/ ltag chod ngos bzung ba dang/ de sun 'byin ltar snang du bstan pa dang/ rnam gzhag mtshungs pa sogs kyi don bsdu ba'o/ /dang po ni/ rtsod gzhi chos can dang/ dpe'i chos dag mi rtag pa la sogs par chos mthun pa yin na/ gcig nyid du thal bar 'gyur ba'i phyir dang/ @0117a @#/ /gtan tshigs chos mthun pa gzhan gyis kyang/ chos mthun pas khyad par med par rtsod pa ni/ bye brag med par mtshungs pa'i rtsod pa'o/ /gnyis pa ni/ chos mthun pa tsam gyis khyad par med par rtsod pa ni/ ha cang thal ba ste/ gzhal bya nyid la sogs par chos mthun pa'i phyir 'gro ba thams cad gcig tu thal bar 'gyur ba'i phyir/ chos mthun pa tsam las mi rtag par thal ba'i rtsod pa ni/ ma nges pa ltar snang dang phyogs gcig mthun pas thams cad mthun na bsgrub bya dang rtags khyad par mdo ba'i phyir yang rtags su gang bkod ma grub par 'gyur bas sun 'byin de ni ma grub pa ltar snang bar 'dod do/ /gsum pa ni/ snga ma'i don bsdus nas yang brjod pa bsgrub bya sgra mi rtag pa la ni gnod par byed pa'i chos gtan tshigs la yang mtshungs pa nyid kyi rtsol byung gis sgra mi rtag par sgrub par byed na/ mig gi gzung bya min pa dang/ mnyan bya min pa nyid kyis rtag par thal ba 'phen pa'i rtsod pa ni/ gtan tshigs kyi skyon ma 'gal ba ltar snang ba bye brag med pa mtshungs pa'i ltag chod do/ /kyang gi sgras bsgrub bya dang gtan tshigs khyad par med par thal ba 'ba' zhig tu ma zad rnam pa 'dis kyang ltag chod du 'gyur zhes pa'o/ /chos mthun pa dang chos mi mthun pa dang rnam par rtog pa dang khyad par med par mtshungs pa bzhi po 'di lan ltar snang kho nar 'gyur ram; skabs 'gar lan du yang 'gyur zhe na/ ltag chod kyi phyogs phyi ma bzhi pa 'di skyon yod pa min te/ skabs 'gar skyon med na ni/ sun 'byin yang dag tu yang 'gyur ro/ /rgol ba'i spobs pa nus pa med par byas pa de'i tshe sun 'byin dang/ gzhan gyi @0117b che sun 'byin ltar snang du 'gyur ro/ /phyogs gcig tu nges pa mthong na gnod pa med de/ rdul gnyis kyi tshogs pa chos can/ rdul gcig sngon du song ste/ rags pa yin pa'i phyir/ bum pa la sogs pa bzhin/ zhes pa lta bu'o/ /chos can nam chos sam tshogs don la gnod pa'i sgo nas bsgrub bya la gnod pa sgrub pa'i phyir/ gnod pa ni 'gal ba yin la/ bsgrub bya la gnod pa mi byed pa 'gal ba nyid min zhes pas gzhan gyis bkod pa'i gtan tshigs des/ dung sgra mi rtag par bsgrub pa 'gal bar byed mi nus pa'i don to; gnyis pa la bzhi yod pa'i dang po/ dmigs pa mtshungs pa'i ltag chod la gnyis/ ltag chod ngos bzung ba dang/ de sun 'byin ltar snang du bstan pa'o/ /dang po ni/ gang skabs kyi bsgrub ya las gzhan yang gtan tshigs kyis bstan na dmigs pa mtshungs pa'o zhes so/ /ltag chod smra ba na re/ rtsol byung dung sgra mi rtag par sgrub pa'i gtan tshigs min te/ glog la sogs pa la mi rtag pa la ma khyab pa'i phyir dang/ khyab byed du mi 'jug pa gtan tshigs min te/ nags kyi shing 'di chos can/ sems dpa' can yin te/ mtshan mo lo 'khums nas nyal ba'i phyir/ ces pa lta bu'o/ /rtsol byung gtan tshigs gzhan gyis mi rtag par grub pa'i phyir ro/ /zhes gtan tshigs gzhan gyis rtsa ba'i gtan tshigs min par grub bo zhes zer to/ /gnyis pa ni/ sgra la bsgrub bya du ma bkod pa la phyin ci log gzhan sgro btags nas gtan tshigs 'khrul par rtsod pa ni sun 'byin yang dag min te/ gtan tshigs de dang rjes su mthun pa nyid gzugs can tsam nyid kyi ma nges pa ltar snang yin pa'i phyir ro/ /'grel @0118a @#/ /bshad kyi 'gyur las bsgrub ya ma nges sgro btags nas zhes 'byung ba ltar na/ gtan tshigs yang dag yin na/ bsgrub bya'i chos la khyab par sgro brtags nas gtan tshigs gzhan 'khrul par rtsod pa'o/ /gtan tshigs gzhan gyis sgra la rtag par grub na/ mi rtag pa bsgrub pa 'khrul na yang de ma grub pa'i phyir ro/ /rtsol ba las byung ba'i gtan tshigs kyis ni/ mi rtag pa la ma khyab kyang dung sgra mi rtag par sgrub pa'i khyab pa 'khrul pa'i skyon med par thal/ /tshul gsum la brten nas bsgrub bya'i dngos po rtogs pa'i phyir/ glog la sogs pa la med pa la bsam nas mi rtag pa las gzhan la mi srid cing/ sgra la med pa min pa la med par sgrol btags nas rtsod pa de chos can/ ltag chod yin te/ ma grub pa ltar snang gi rtsod pa yin pa'i phyir ro/ /mi rtag pa glog la sogs pa la rtsol byung med pa min nam/ ji ltar ltag chod du 'gyur zhe na/ de la med pas skyon du 'gyur ba min par thal/ sgra la gnas pa'i rtsol byung nyid kyis sgra la mi rtag pas bsdus pa'i chos thams cad rab tu bsgrub pa min gyi /mi rtag pa tsam bsgrub pa la tshul gsum tshang ba'i phyir ro/ /gnyis pa the tshom mtshungs pa'i ltag chod la gnyis/ ltag chod ngos bzung ba dang/ de sun 'byin ltar snang du bstan pa'o/ /dang po ni/ rtsol byung gis dung sgra mi rtag par sgrub pa'i dam bca' gtan tshigs su brjod pa'i don la rtse ba'i chu la sogs pa ltar rtsel bas sngar yod gsal bar bya ba yin nam/ bum pa ltar sngar med gsar du skyed par byed pa yin zhis tha dad la btags nas gtan tshig the tshom @0118b can du rtsad par byin pa dang/ mi rtag pa nyid kyang sgra'i bskyed byar sgro btags nas ma nges par rtsod pa ni/ the tshom mtshungs pa'i ltag chod do/ /gnyis pa ni/ bsgrub ya'i chos mi rtag pa bskyed byar sgro btags can rtse ba'i chu la sogs pa la rjes 'gro med par rtsod pa ni ltag chod yin te/ ma nges pa ltar snang gi sun 'byin yin pa'i phyir ro/ /rtsol byung rtsol ma thag tu skye ba 'ba' zhig tu sgro btags nas de sgra la ma grub par rtsod pa yang rtags ma grub ltar snang gi sun 'byin yin pas ltag chod do/ /gsum pa don gyis go ba'i mtshungs pa ltag chod la gnyis/ ltag chod ngos bzung ba dang/ de sun 'byin ltar snang du bstan pa'o/ /dang po ni/ dung sgra mi rtag par bsgrub pa la rtsol byung rtags su bkod pa na/ rtsol ba las byung ba'i phyir/ mi rtag pa yin na/ don gyis rtsol ba las byung ba'i phyir/ rtag par 'gyur bas 'dod pa min pa'i don glog la sogs pa yang mi mthu phyogs rtag par sgrub dgos so/ /zhes brjod pa'i rtsod pa ni/ don go mtshungs pa'i ltag chod do/ /gnyis pa ni/ rtsod pa 'di ni/ ma nges pa ltar snang gi sun 'byin yin te/ rtsol byung gis dung sgra mi rtag pa sgrub nus pa bzhin du de lta na 'khrul pa gzhan gyi bsgrub bya rtag pa la rtsol ba las byung ba med pa'i sgrub par 'dod pas glog la sogs pa nyid kyis khyab pa ma nges par 'gyur ba sun 'byin yin pa'i phyir ro; ;bzhi pa thal 'gyur mtshungs pa'i ltag chod la gnyis/ ltag chod ngos bzung ba dang/ de sun 'byin ltar snang du bstan pa'o/ /dang po ni/ ltag chod snga mar ma zad thal 'gyur mtshungs par 'dod pa'i ltag chod yang ni/ rtsol byung gis dung sgra mi rtag @0119a @#/ /par bsgrub pa pa? bum pa dper bkod pa'i tshe/ bum pa kho na mi rtag par sgrub pa'i gtan tshigs dang/ dpe gang yin zhes de'i gtan tshigs med par thal/ bsgrub bya'i chos dpe la rjes 'gro med pa'i phyir ces gang yang rgol phyir rgol gnyis ka la mthun snang du grub pa'i rtags chos gnyis ldan gyi dpe yod bzhin du/ gtan tshigs kyi lam ma 'thad par rtsod pa ni/ gnyis pa ni/ mi rtag pa dpe bum pa sogs la rjes 'gro byed par mthong bzhin du ma 'thad par rtsod pa de ni ltag chod yin te/ dpe ltar snang ba bzhin te/ dpe thams cad rjes 'gro med pa'i dpe ltar snang du khas len dgos pa sun 'byin ltar snang yin pa'i phyir ro/ /sngar bshad pa'i ltag chod kyi dbye ba dang/ de sun 'byin ltar snang du sgrub pa'i rigs pa mdo tsam smos pa la dgos pa yod de/ ltag chod kun la dbye ba dang de la lan 'debs tshul phyogs tsam ste/ de la brten nas gzhan yang shes par bya ba'i ched yin pa'i phyir ro/ /gsal ba'i dbye ba mtha' dag mi brjod de/ log par rtog pa mtha' yas pa'i phyir/ gzhan yang 'phel ba dang/ 'grib pa mtshungs pa dang/ brjod bya dang rjod byed min pa mtshungs pa dang/ 'thad pa dang/ dpe'i zla'o mtshungs pa dang skabs mtshungs pa sogs so/ /dang po ni/ rtsol byung gis dung sgra mi rtag par bsgrub pa la bum pa dper smos pa na/ bum pa mi rtag pa de ltar sgra yang 'dod na/ bum pa dang 'dra bar sgra yang lus can du 'thob bo zhes rtsod gzhi la dpe'i chos 'phel bar byed pa 'phel ba mtshungs pa dang/ bum pa mnyan bya min pa ltar/ sgra yang min par 'gyur ro zhes rtsod @0119b gzhi'i chos gzhan 'grib par byed pa 'grib pa mtshungs pa'o/ /gnyis pa ni/ sgra rjod byed yin pa ltar bum pa yod? do?/ /zhes pa dang/ bum pa rjod byed min pa ltar sgra yang min par 'gyur ro zhes brjod byed dang/ brjod bya min pa mtshungs pa ste/ bzhi po 'di ni; khyad par med pa mtshungs pa dang/ rnam rtog mtshungs pa'i nang du 'dus so/ /lhag ma rnams kyi dpe ni tshigs mongs su dogs nas ma bris te/ shes par 'dod na slob dpon rgyal dbang blo'i 'grel bshad du blta bar bya'o/ /gsum pa la gnyis/ ltag chod kyi dbye pa dang/ de'i lan 'dir rgyas par ma smos pa'i rgyu mtshan no/ /dang po la gnyis/ 'dod pa brjod pa dang/ de dgag pa'o/ /dang po ni/ /ltag chod de rnams la rtsod sgrub tu don tshan gsum du bsdus nas skyon can du sgrub par byed de/ chos mthun pa mtshungs pa dang/ chos mi mthun pa dang/ rnam par dag pa dang bye? brag med pa dang/ phrad pa ma phrad pa mtshungs pa dang/ 'bras mtshungs sogs so/ /gtan tshigs kyi mtshan nyid dang bral zhing/ gnod pa gtan tshigs yod pa'o/ / phyin ci log gi skyon dang bcas pa dang ltag chod kha cig ni/ gang gi don ji ltar dam bcas pa de ltar ma grub cing/ tshad mas gnod pas rdzun nyid kyi skyon dang bcas pa dang ste/ thal 'gyur mtshungs pa dang don gyis go ba mtshungs pa sogs so/ /ma skyes pa mtshungs pa dang rtag pa mtshungs pa sogs dam bca' dang/ rtags lhan cig mi gnas pas 'gal ba nyid de 'gal ba'i skyon dang bcos pa'o/ /zhes skyon gsum ste/ skyon rigs mi 'dra ba'i don tshan gsum du bsdus nas bstan to/ /gnyis pa @0120a @#/ /ltag chod de rnams gnod byed kyi sgo nas don tshan gsum du bsdus te/ gsum po rigs tha dad du mtshon nus pa min par thal/ ltag chod re re la yang nyes pa gsum ga'i sgo nas skyon 'dres par gnas pa'i phyir/ gnyis pa ni/ ltag chod rnams kyi mtshan nyid dang lan rtog spar dka' ba 'dir rgyas par ma bstan pa'i rgyu mtshan yod/ gzhan gyi bstan bcos rigs pa phra mor yang ltag chod rnams kyi mtshan nyid skyon can dang/ lan skyon can la sogs pa'i bstan bcos rigs pa brtags par yang rgyas par bshad zin pas der shes par bya ba'i phyir ro/ /ltag chod gzhan la gnod byed kyi gtan tshigs sogs rgyas par shes par brtag par bshad zin to/ /bstan bcos gzhan du bshad pa'i ltag chod gzhan la mtshan nyid dang gnod pa ston tshul bshad pa rnams kyang/ rigs pa ma brtags par bshad pa des skyon phyogs tsam mtshon par shes par bya'o/ /de dag re re nas rgyas par dag pa dang/ tshad ma dang gzhal bya dgag pa dang/ gtso bo dang skyes bu dang/ phyogs dang dus dang/ 'phrod 'du dgag pa sogs rgyas par bye brag pa'i rigs pa brtag pa dang/ rkang mig pa'i rigs pa brtag pa las shes par bya'o/ /gsum pa bshad pa mthar phyin pa'i bya ba la bzhi/ gzhan sde'i tshad ma dang gzhal bya'i rnam gzhag sogs phyin ci log tu grub pa dang/ de'i rjes su 'brangs nas gnas lugs kyi don 'tshol ba lam gol bar bzhugs pa dang/ thub pa'i bstan pa'i de kho na nyid dri ma med pa'i rigs pa'i rjes su 'brangs nas rtogs rigs par gdams pa dang/ brtsams pa'i dge ba bsngo ba'o/ /dang po ni/ yang brjod pa de bzhin gshegs @0120b pa'i bstan pa la chos rnams kyi chos nyid gsal bar mdzad pa dang/ thos pa dang/ bsam pa dang/ sgom pas 'bad pa med par rtogs pa'i ched du mngon su dpag pa'i tshad ma skyon med pa khong du chud pa ni/ bstan bcos brtsams pa'i dngos kyi dgos pa yin la/ thub pa'i bstan pa dang gzhan gyi bstan pa la legs par byas pa dang nyes par byas pa'i khyad par legs par shes nas gzhan gyi lugs blun po'i skye bo la grags pa dag gis kyang gnod pa shes par byas nas lam gol par rtogs pa ni/ brgyud pa'i dgas pa gcig go /ci'i phyir lam gol par bzhugs pa yin zhe na/ mu stegs par nams kyi lugs de yang rtog ge pa'i phyogs tsam ste/ rtog ge tsam skyabs su gyur pa rang gi rtsa ba'i ston pa drang srong gling skyes dang drang srong ser skya sogs dngos po'i de kho na nyid khong du ma chud par rtog btags 'ba' zhig gi lugs 'jog par byed pas rtog go pa ste/ de tsam skyabs su gyur pas lam gol bar bzhugs pa dang rang gis tshad ma la sogs pa'i mtshan nyid dang/ 'jug tshul sogs phyin ci log 'ba' zhig ma gtogs phyin ci ma log pa ma bstan cing gang bstan pa de yang grangs can gyi ltar na gtso bo yod de/ khyad par rnams la rjes su 'gro ba mthong ba'i phyir/ ces sogs 'brel pa cung zad kyang med pa brjod pa dang/ de bzhin bye brag pa sogs rang gi sbyor ba dang yang 'gal ba 'ba' zhig ston pas/ dngos su rang gis tshad mar btags pa'i gzhal bya dang/ brgyud nas thar pa sogs rang gi 'dod don sgrub par byed pa min pa tsam du ma zad mi 'dod pa'i don mang po thob par 'gyur ba yin no/ /'dod @0121a @#/ /don sgrub byed min pa ni/ slob dpon gyis don dam pa brgyad cu pa sogs dang/ 'dir yang bstan to/ /gnyis pa ni/ thar pa don gnyer gyi gdul bya thar pa'i lam du khrid par 'dod pa'i gang zag gang zhig gzhan sdes btags pa'i rtog ge'i lam nas ches rnams kyi chos nyid la khrid na lam gol par bzhugs pa yi/ de ni thub pa'i bstan pa las ches rgyab kyis phyogs shing/ rgyang bsrings shing thar lam las ches nyams pa yin pa'i phyir ro/ /tshig 'di dag la brten nas sngon gyi skyes bu chen po kha cig na re/ tshad ma kun las btus pa rig pa'i gnas lnga'i nang nas gtan tshigs rig pa ston po'i bstan bcos yin gyi /nang rig pa'i bstan bcos min no zhes smra ba ni/ seng-ge'i kha nas wa'i skad 'don pa yin te/ bstan bcos 'di ni theg pa chen po'i gdul bya la gtso bo'i gdul bya dang phal pa'i gdul bya gnyis las phyi ma rjes su bzung ba'i ched du bcom ldan 'das nyid kyis mdo sde dgongs 'grel las drang don dang nges don gyi dbye ba gsungs pa'i rjes su 'brangs nas gang zag gi bdag med dang/ gzung 'dzin rdzas tha dad kyis stong pa'i chos kyi bdag med dngos po stobs shugs kyi rigs pas rgyas par gtan la 'bebs pa'i shing rta'i srol 'byed pa'i rnam rig pa tsam gyi grub mtha' ston pa'i bstan bcos mchod tu gyur pa'o/ /bstan bcos 'di thub pa'i bstan pa dang ston pa dang ston pa dngos stobs kyis sgrub pa'i tshul bstan pa spyir gsung rab mtha' dag gi dgongs pa 'grel par byed pa'i nang rig pa'i bstan bcos yin la/ khyad @0121b par bdag med pa gnyis bshad bya'i gtso bor byas nas lhag pa shes rab kyi bslab pa ston pa nang rig pa'i bstan bcos kyi nang nas mngon pa'i bstan bcos su shes par bya'o/ /phyogs snga ma smra ba de ltar na/ sa dang lam gyi rnam gzhag rigs pas legs par grub dgas pa la nges pa ma rnyed par cir yang mi rtogs par 'jog pa gnas lugs kyi don sgom par 'dod par gsal lo/ /de kho na nyid don spyi'i tshul gyis rtogs nas sgom par byed pa'i gang zag rnams la yang rtog ge par bshad mod kyang/ 'di ni rang 'grel du phyi rol pa la gsungs so/ /gsum pa ni/ gzhan gyi lugs rnams ni/ snang ba nye ba na mun pa ltar rigs pa'i dbye ba cung zad kyang mi bzod la/ thub pa'i bstan pa'i snying po bdag med pa gnyis la sogs pa rnams ni/ ji tsam dpyad pa thams cad kyis chos yongs su dag par 'gyur gyi rnam par gzhan du bya bar mi nus mod/ de lta'ang de bzhin gshegs pa'i chos kyi mtshan nyid/ 'dus byas thams cad mi rtag pa la sogs pa rnams gal te ji ltar gsungs pa las rnam pa gzhan du 'gro zhing log par bzung na/ rigs par legs par dpyad nas dgag par bya ba'i rigs so/ /bdag nyid chen po phyogs glang yab sras kyi bzhed pa 'di ni/ mgon po klu sgrub yab sras kyis gsung rab kyi dgongs pa bkral ba de'i 'og nas grol ba don gnyer thar par 'jug pa'i thabs dam pa yin pas bdag legs su 'dod pa rnams kyis gces spras su bya bar rigs so/ /da lta'i skye bo la ltos nas ni/ rigs pa'i lam 'di khong du chud @0122a @#/ /pa la ma ltos par/ mgon po klu sgrub kyi bzhed pa'i dbu ma'i don rtogs pa srid mtha' tsam du snang ngo/ /bzhi pa ni/ gnas lugs kyi don la rmongs pa'i 'gro ba rnams la rnam par thar pa mya ngan las 'das pa tsam dang/ rnam mkhyen ster par shog cig go / $ //rgyu gang la brten nas zhe na/ gzhan sde'i tshad ma'i mtshan nyid dang/ grangs la sogs pa mtshan nyid pa'i phung po'i skyon rgyas par bsal bar byas pa dang/ rang lugs kyi tshad ma'i mtshan nyid dang/ grangs nges pa dang/ gzhal bya'i grangs nges la sogs pa'i yon tan rgyas pa ru rab tu gsal bar byas pa las bstan bcos 'di ru dge ba mi bsags pa nges so/ /de yang skye bar thar pa'i yon tan shes pa dang/ 'khor bar skye bar sdug kun gyi yon tan yod pa min par nyes dmigs legs par shes pa'i sgo nas gtsang bde rtag bdag tu 'dzin pa sogs/ phyin ci log gis kun nas bslang ba'i grub mtha' zhi zhing bdag med pa'i don rtogs nas thar pa thob par gyur cig pa'o/ /yang na skye bar zhes bshad do/ /gnyis pa le'u'i mtshan bstan pa ni/ tshad ma kun las btus pa'i rnam bshad mthar 'dzin gyi gdung ba 'joms byed rigs pa'i rgya mtsho zhes bya ba las ltag chod rtag pa'i le'u ste le'u drug pa'i 'grel pa'o// $ //le'u'i mtshan 'di ltag chod bshad pa'i rjes su de ma thag 'od rgyur snang na'ang 'gyur 'dis bsngo ba'i mthar ston pa ltar 'dir yang bshad do/ /sngar bshad pa de dag gi don bsdus na gsung rab mtha' dag gi dgos @0122b pa rtogs pa'i che du/ mchod brjod kyi skabs su bshad pa ltar/ thub pa'i bstan pa 'phags pa pa'i bden pa bzhi/ dngos po stos shugs kyi rigs pas sgrub pa'i sgo nas ston pa tshad mar dngos stos kyi rigs pas bsgrub pa yin la/ de yang so so skye bos gtan tshigs yang dag las rtogs par bya dgos pas gtan tshigs yang dag gi mtshan nyid sogs le'u gnyis par bstan la/ de'i 'jug tshul shes par bya ba dang/ don dam du yod pa'i gnas tshod bshad pa nyid kyis kun rdzob tu yod pa'i don yang 'bad pa med par rtogs par 'gyur ba'i ched dang/ sgra rtog bsgrub pas 'jug pa dgag pa'i ched du le'u lnga pa bstan to/ /gtan tshigs kyi tshul mthar mngon sum tshad mas grub dgos pa dang/ thar par bgrod pa'i? lam gyi bden pa shes par bya ba sogs kyi ched du/ le'u dang po smos so/ /rang gi gzhal bya'i gnas mtha' dag rtogs nas gdul bya gzhan rjes su 'dzin pa'i yan lag tu le'u gsum smos te/ mtha' gnyis su dogs pa'i the tshom gcod par byed pa la gtan tshigs bstan dgos la/ de yang lhag chad dang bral ba'i dag rnam dag gi sgo nas ston pa ma gtogs gzhan thabs med pas de'i yan lag tu le'u gsum pa smos so/ /de la dpe ltar snang gis 'grel pa phyin ci ma log par bstan mi nus pas dpe yang dag dang ltar snang gi mtshan nyid shes pa'i ched du le'u gsum pa'i yan lag tu le'u bzhi pa smos so/ /zang zing gi sbyin pa sogs kyis re shig pa'i bde ba tsam sgrub kyi/ gtan du ba'i bde ba sgrub nus pa min la/ de bsgrub pa la ni/ gdul bya'i rgyud kyi mtha' gcig tu 'dzin pa'i log par rtog pa bsal ba sngon du btang ba la @0123a @#/ /ltos pas/ phyin ci log gi grub mtha' shes nas/ de phyin ci log tu bstan pa'i yan lag tu le'u drug pa bstan to/ /de dag ni gtso bo'i dgos pa smos pa tsam yin gyi /rgyas par ni tshig don ltar shes par bya'o/ /bzhi pa mthug gi don la gnyis/ bstan bcos gang gis mdzad pa dang/ gang gis bsgyur pa'i tshul lo/ /dang po ni/ bde bar gshegs pa'i gsung rab mtha' dag gi dgongs pa 'grel par byed pa'i thabs mchog tu gyur pa rje btsun 'jam pa'i dbyangs kyis phyi mi'i dus kyi grol ba don gnyer rnams/ de kho na nyid la blta ba'i mig tu lung bstan pa/ tshad ma kun las btus pa zhes bya ba'i rab tu byed pa 'di ni/ rang dang gzhan gyi grub pa'i mtha' rgya mtsho lta bu'i pha rol tu son pa/ rje btsun 'jam pa'i dbyangs kyis dngos su rjes su bzung zhing/ gsung rab kyi dgongs pa mtha' dag rigs pas gtan pa 'bebs pa la/ 'gran pa'i zla thams cad dang bral ba rtog ge pa'i log rtog 'ba' zhig gzhung mtha' dag 'jig par byed pa'i rtsod pa ba chan po shin tu phra ba'i thugs mnga' ba shing rta chen po slob dpon chen po phyogs kyi glang pos mdzad pa rdzogs so// ! //gnyis pa ni/ rgya gar gyi mkhan po rigs pa smra ba gtsug gi nor bur grags pa ba su b+ha ra rka-Shi ta nor 'dzin bsrung ba zhes pas legs par bshad pa dang/ bod kyi lo tstsha ba dge bsnyen zhe? ma? seng-ge rgyal mtshan gyis/ rgya gar gyi skad las bod kyi skad du bsgyur cing zhus te 'chad nyan gyis gtan la phab pa'o/ /'gyur 'di ma gtogs rtsa ba dang rang 'grel gyi 'gyur gzhan yod par grags na'ang @0123b ma rnyed cing/ bod kyi dge ba'i bshes gnyen gyis byas pa'i bsdus don dang/ rnam bshad sogs kyang ma rnyed pas rtsa 'grel gyi tshig don la cung zad dpyad pa dang/ slob dpon rgyal pa'i dbang po'i blo gros kyis mdzad pa'i 'grel bshad dbang lo tstsha ba blo gros brtan pas bsgyur ba 'di dang 'gyur chos shin tu mi mthun pa mang ba gcig yod pa la dpyad nas byas pa'o/ /thub pa'i bstan la 'jug pa'i sgo gcig pu/ /ston dang bstan pa rigs pas sgrub pa'i tshul/ /dgongs 'grel gzhan las ches cher khyad zhugs pa/ / kun las btus pa'i rnam bshad 'di byas so/ /rje btsun 'jam pa'i dbyangs kyis mngon sum du/ /phyi dus 'jig rten kun gyi mig gcig tu/ /lam bzang 'di nyid 'gyur bar lung bstan pa/ /bstan bcos chen po'i tshig don tsam zhig bshad/ /rang gzhan grub mtha'i blo ngor byed 'dod na'ang/ /phrag dog zug rdu'i? gdung bas rab gdungs shing/ /tshig dor ltag chod 'ba' zhig lhur len pa/ /mu cor smra ba'i skye bo 'dis ci bya/ /'khor ba chu shing snying po med mthong zhing/ /lam gyi ngo bo grangs dang go rims sogs/ /dngos stobs rigs pa'i lam nas drangs nas ni/ /rtogs ldan dben par sgrub pa'i thabs kyi mchog /phyogs glang grags pa'i rigs lam dri med pa/ /cha shas tsam yang khong du ma chud par/ /ding? sang dpen par bsgrub pa byed ces pa'ang/ mo gsham bu yi lta stangs dag dang mtshungs/ /thos bsam sgom pa'i dga' ba rgyas phyir dang/ /thub bstan ltag par gces su bya ba dang/ /dam pa rnams kyi byas shes drin gzo'i ched/ /lugs 'di 'byed la 'bad pa rigs pa @0124a @#/ /yin; ;rnam dpyod ldan pa'i skye bo mang yod kyang/ /rigs lam dri med shes nas dad pa'ang dkon/ /tshul 'di ring por mi thogs nub 'gyur pas/ /dpyod ldan rnams kyi myur du brtson 'grus skyed/ /shing rtag chen po'i bzhed pa rtogs par dka'/ /bdag blo nyams chung sbyangs pa'i stobs dman pas/ /gal te 'di la nongs pa'i tshogs mchis na/ /bla ma lhar bcas rnams kyis bzod par rigs/ /'dir 'bad dge bar dkar ci yod des/ /blang dor gnas la rmongs pa'i 'gro ba rnams/ /gnas lugs blta ba'i blo mig dang ldan zhing/ /yang dag rigs pa'i snang ba rgyas par shog /bdag kyang deng nas tshe rabs thams cad du/ /theg mchog dge ba'i bshes dang mi 'bral zhing/ /rten 'byung mtha' bral dbu ma'i lam zhugs nas/ /kun mkhyen rgyal ba'i go 'phang bgrod par shog /tshad ma kun las btus pa'i rnam bshad mthar 'dzin gyi tsha gdung ba 'joms byed rigs pa'i rgya mtsho zhes bya ba 'di ni/ mdo sngags kyi gzhung mang du thos pa sde snod 'dzin pa chen po thu'i btsun pa bsod nams rnam rgyal dang/ dka' bcu pa yod tan rgya mtsho la sogs pas bskul zhing/ mdo khams stod pa lta bu la dka' bcu pa legs pa dpal gyis gser dngul zho grangs mang po'i me tog dang bcas te/ sa thag ring po nas bskul ba la brten nas/ gsung rab kyi don mtha' dag 'byed pa la gzhan gyi dring mi 'jog pa'i spobs pa dang ldan zhing/ khyad par du phyi nang gi rten 'brel rnams chu nang gi zla ba'i gzugs brnyan ltar @0124b thugs su chud pa/ dpal ldan rje btsun dam pa ku mar ma ti'i zhal snga nas dang/ snyigs dus kyi rgyal ba gnyis pa/ rje rin po che thams cad mkhyen pa blo bzang grags pa dpal bzang po'i zhal snga nas dang/ yab sras gnyis kyi legs par bshad pa yun ring du myangs pa'i drin la brten nas rigs pa smra ba dge slong dar ma rin chen gyis/ 'brog ri po che dge ldan rnam par rgyal ba'i gling du sbyar ba'o/ /yi ge pa ni sdom brtson sde snod 'dzin pa rin po che chos rgyal lo/ /'dis kyang rgyal ba'i bstan pa rin po che sgo thams cad nas phyogs thams cad du dar zhing rgyas la yun ring du gnas par gyur cig / //sar-ba mang-ga laM// bkra shis// //