@01a @#/ /cha ba'i dkar chag bzhugs//

@01b @#/ /dus gsum bde gshegs dgongs bzang ma lus pa/ /rgyal ba
gnyis pa'i dgongs bzang ji bzhin du/ /gsal mdzad rgyal tshab chos
kyi rgyal po yi/ /legs bshad 'di ni rmad byung ngo mtshar can/ /

{cha} par tshad ma rnam 'grel gyi tshig le'ur byas pa'i rnam bshad
thar lam phyin ci ma log par gsal bar byed pa la 436 bzhugs//

@01a @#/ /tshad ma rnam 'grel gyi tshig le'ur byas ba'i rnam bshad
thar lam phyin ci ma log par gsal bar byed ba zhes bya ba bzhugs
so//

@01b @##/ /gang gi zhabs rdul gtsug gis gus mnos pas/ /rgyal ba'i
yon tan ma lus rab rdzogs shing/ /chags sogs nyes pa'i tshogs kun
gtan 'joms pa/ /rje btsun bla ma rnams la gus phyag 'tshal

rgyal ba'i mkhyen brtse ma lus gcig bsdus pa/ /gang zhig ring
nas lhag pa'i lhar bsten pas/ /zab mo'i gnas la blo gros rgyas
mdzad pa/ /'jam dbyangs dam pa'i zhabs la spyi bos 'dud/ /lhar
bcas 'gro ba'i

gcug na lham me ba/ /rgyal ba'i bstan dang ston pa rgyal ba dag
/dngos stobs rigs pas kun nas gsal mdzad pa/ /rigs pa'i dbang
phyug rnam gnyis rgyal gyur cig /don dam bden pas kun rdzob 'gog

byed cing/ /kun rdzob smras tshe don dam nyams 'gyur ba/ /rtag
chad mthar lta'i gzhan dbang gyur pa yi/ /blo dman rigs pa'i
snang ba rgyas phyir dang/ /dri med rigs pa'i rnam dpyod dang
bral zhing/ /lung tsam gcig

pur 'chel ba'i blo can dang/ /gang dag rkang rkyang tsam la gnas
nas kyang/ /shes bya'i de nyid rtogs 'dod gzung phyir bshad/
/gsung rab mtsho chen sde bdun srub shing gis/ /legs par bsrungs
las byung ba'i bdud/

rtsi des/ /ma rtogs log rtog the tshom nad bcom nas/ /blo ldan
'chi med rgyal ba'i gnas thob bya/ /thub pa'i bstan pa kun tu
rgyas pa dang/ /gzhan la brtse ba'i bsam pas 'dir bshad kyi/
/phyogs su 'dzin

@02a @#/ /bas dkrugs pa'i yid bor la/ /rtse gcig gus pa'i sems
kyis bsgrims te nyon/ /bde gshegs lam ni zab cing shin tu phra/
/bdag ni thos nyung sbyangs pa'i stobs dman yang/ /dam pa'i
bshes

dang 'jam mgon bla ma yi/ /drin las rigs pa'i lam bzang 'byed
par spro/ /de la 'dir bdag cag gi ston pa chos thams cad lkog tu
ma gyur pa'i spyan mnga' ba/ ma rig pa'i bag chags ma lus pa
drungs phyung ba/

sems can ma rig pa'i rab rib kyis blo gros kyi mig nyams par
gyur pas thog ma med pa nas phyin ci log gi lta ba la goms pa/
bdag med pa phyin ci ma log par mthong ba'i lam thar bar 'gro ba
dang mthun pa

las nyams pa skyabs med pa skyob par mdzad pa'i slad du/ bdag
med pa phyin ci ma log pa nye bar ston pa lhur mdzad pa/ lan
dang grags pa sogs la mi lta bar mtha' dag sdug bsngal las sgrol
bar bzhed pa'i thugs

rje chen po mnga' ba/ sangs rgyas bcom ldan 'das dpe zla med pa
des/ 'gro ba mya ngan las 'das pa'i go 'phang la dgod pa'i slad
du/ drang ba dang nges pa'i don kyi/ gsung rab mtha' yas pa zhig
bka' stsal la/ de

yang phyi rabs kyi gdul bya rnams kyis tshad mar gyur pa'i skyes
bus dgongs pa bkral ba la ma ltos par rang dbang du rtogs mi nus
pas/ dgongs pa 'grel pa lung bstan pa'i shing rta chen po rnams
kyis

@02b dgongs pa phyin ci ma log par bkral te/ de la bdag nyid
chen po yab sras gnyis kyis bsung rab kyi dgongs pa la gzhi bden
pa gnyis dang/ laM thabs shes gnyis dang/ 'bras bu sku gnyis su
gnas par gziD shing/ gzhan dag ston pa dang bstan pa gzhan du

yod par rtog pa dang/ blo'i nor gyis dbul pa dag lung tsam sgrub
byed yin gyi lung gi gnod bsgrub la ma ltos par rigs pas grub pa
mi srid snyam du dogs pa bkag nas dngos po'i stobs kyis zhugs
pa'i rigs pas thub pa'i bstan pa dang ston

pa nyid skyon dang bral bar bsgrub par mdzad la/ de yang gtan la
'bebs byed kyi tshad ma rnam par dag pa'i rjes su 'brangs nas/
tshad ma yang dag dang ltar snang legs par phye zhing/ de phye ba
nyid kyis bden pa gnyis kyi rnam dbye yang 'bad med du

'grub par gzigs nas spyir gsung rab mtha' dag gi dgongs pa 'grel
zhing gtso bor ni lhag pa shes rab kyi bslab pa gtan la 'bebs pa
mngon pa'i bstan bcos mang du mdzad la/ de la bdag nyid chen po
dpal chos kyi grags

pas lus lta bu dang yan lag gi bstan bcos sde bdun mdzad la/ lus
la rgyas 'bring bsdus gsum las thog mar rgyas pa'i bstan bcos
rnam 'grel 'di mdzad do// /mtshan gyi don dang/ 'gyur gyi phyag
dang/ mtshan

can gyi gzhung don to/ /dang po ni/ rgya gar ni 'phags pa'i yul
te/ de'i skad du phra zhes pa bod kyi skad du dang po dang rab
sogs la 'jug la/ mANa 'jal ba la 'jug pas dang por 'jal ba zhes
pa don 'gyur du mdzad nas tshad ma zhes bya'o//

@03a @#/ /par ti kA ni rnam 'grel/ kA ri ka ni tshig le'ur byas
pa'o/ /kun rdzob dang/ don dam pa'i bden pa gnyis gsar du rtogs
pa'i shes pa ni tshad ma yin la/ de brjod byar byed pas gsung rab
dang tshad ma kun las btus la yang

tshad ma'i sgras bstan la/ de dag gi dgongs pa ma nong bar 'grel
bas rnam 'grel dang/ de yang rjes su bsngags pa'i sde ba sbyor
can gyi tshigs bcad du yod pas tshig le'ur byas pa'o/ /gnyis pa
ni/ bsgyur ba'i bar chad zhi ba'i ched du/ 'phags

pa 'jam dpal zhes sogs gus pas 'dud ba'i tshul ston pa'o/ /gsum
pa la gsum/ bshad pa la 'jug pa/ bshad pa nye bar dgod pa/ bshad
pa mthar phyin pa'i tshul lo/ /dang po la gnyis/ yul khyad par
can la bstod nas skyabs su

'gro ba dang/ skyabs su song nas bya ba khyad par can la 'jug
pa'i yan lag go/ dang po la gsum/ dgos pa dang/ bsdus pa dang/
tshig don to/ /dang po ni/ lha dang/ klu dang drang srong la sogs
pa rnams kyis zhabs kyi padmo la phyag byas pa/ sangs

rgyas bcom ldan 'das kyi yon tan brjod nas skyabs su song bas ni
gnas skabs rtsom pa'i bar chad zhi ba sogs dang mthar thar ba
thob par 'gyur ba'o/ /bstan bcos la brten nas thar pa thob pa la
de la thos bsam gyis

'jug dgos la/ de lta na 'jug pa'i yan lag tu dgos 'grel don med
par 'gyur ro zhe na/ 'o na myu gu bskyed pa la sa bon don med
par thal/ chu lud la brten nas kyang skye ba'i phyir/ thun mong
min pa'i rgyu sa bon yin yang myu

@03b gu bskyed ba chu lud la bltos pas khyab pa ma nges la/ chu
lud kho na las skye ba'i don yin na rtags ma grub ce na/ 'jug
pa'i ngag thun mong ma yin pa dgos 'grel gyi ngag yin yang
skyabs 'gro'i ngag la brten nas kyang 'jug pa

mi 'gal la/ ngag de kho na las 'jug pa rtags kyi don yin na ma
grub bo/ /gnyis pa ni/ rkang pa phyed dang bzhis bstod nas/ phyi
ma phyed kyis yid kyis skyabs su song nas lus ngag gis 'dud ba'i
tshul go bar byed pa'am sgo gsum

char gyis 'dud tsang skyabs su 'gro ba'i don bstan to/ /bstod pa
la rang don spangs pa dang rtogs pa phun tshogs rkang pa dang po
gnyis dang/ gzhan don la ngo bo dang de sgrub pa'i thabs gnyis
de nas rkang pa phyed dang gnyis so/ /ngag 'di bstan

bcos kyi lus rnam gzhag kyang yin te/ rtog ge'i tshig don brgyad
yod pa rigs sgor/ mngon sum dang ni rjes su dpag /ltar snang
bcas pa bdag rig phyir/ /sgrub pa dang ni sun 'byin dag /ltar
snang bcas pa gzhan rtogs phyir/ /ces

gsungs pa ltar rang gis gzhal bya nges pa'i thabs dang/ nges nas
gzhan gyis nges su 'jug pa'i thabs gnyis su 'dus pa snga ma le'u
dang po gsum dang phyi ma bzhi pas ston cing de dag rim pa bzhin
rkang pa dang po gnyis dang

phyi ma phyed dang gnyis kyis so/ /gang zag gi bdag med rtogs
pa'i shes rab dang de'i 'bras bu spangs pa dang bcas pa ni le'u
gnyis pa nas ston la/ chos kyi bdag med rtogs pa'i shes rab
'bras bu dang bcas pa le'u gsum

@04a @#/ /pa dang/ rgya che ba dang po gsum ga nas ston to/ /gsum
pa ni/ rang don spangs pa phun tshogs ni/ lus can 'ching bar byed
pa gang zag dang chos kyi bdag tu zhen cing rnam par rtog pa'i
dra ba bag chags dang bcas pa drungs phyung

ba'i tshul gyis rnam par bsal zhing spangs pa dang/ rtogs pa phun
tshogs ni gang zag dang chos la bdag med pa'i stong pa nyid
'phags pa rnams kyi mnyam gzhag sau rang gis mngon sum du rig
par bya ba yin gyi chos ston pa'i sgra tsam las ji lta ba bzhin

du shes mi nus pas zab cing/ yang na nyan thos dang rang sangs
rgyas rnams kyi yang spyod yul du ma gyur pa'i gnyis stong gi de
kho na nyid ni zab mo yin la/ de la slar mi ldang ba'i tshul du
mnyam par bzhag pa ji lta ba mkhyen pa dang/ rgya che ba shes

bya ji snyed pa'i rnam pa ste de dag yul dang dus dang mtshan
nyid dang/ dbye ba mtha' yas pa rnams lag mthil gyi sgyu ru ra
bzhin du mngon sum du gzigs pa ji snyed pa mkhyen pa'i ye shes
so/ /thub pa sangs rgyas chos can/ rang don phun

tshogs mnga' ste/ spangs rtogs mthar phyin par mdzad pa'i phyir/
gzhan don phun tshogs la gdul bya'i rgyud kyi mngon mtho dang
nges lags ni gzhan don yin la/ de gang las 'grub pa'i gzugs sku
rnam pa gnyis la gzhan don phun

tshogs zhes bya ste/ de nyid ni legs pa'am phan pa 'ba' zhig byed
pa dang legs pa ma yin pa dang cung zad kyang ma 'dres pa dang/
rgya yongs su ma chad par legs pa'i rigs rnam pa thams cad yongs
su rdzogs pas kun tu 'am kun nas

@04b bzang po zhes bya'o/ /de gang las 'grub pa ni nyi ma'i 'od
zer gyis gzugs gsal bar byed pa dang mun pa sel bar byed pa
ltar/ 'dis kyang shes bya'i de kho na nyid gsal bar byed cing mi
shes pa'i mun pa sel bar byed pas sangs rgyas kyi dam

pa'i chos ston pa'i gsung gi 'od zer dag /brjod bya rnam pa kun
nas yongs su rdzogs pa dang/ 'bad rtsol nye bar zhi bas 'khor ba
ji srid pa'i dus kun nas dang/ khams dang bsam pa dang bag la
nyal ji lta ba bzhin du ston pa'i nus pa kun nas

gdul bya la 'phro zhing khyab par mdzad pa'i thabs las so/ /de
lta bu'i sku gar la mnga' ba'i sangs rgyas bcom ldan 'das de la
phyag 'tshal ba ni skyabs su song zhing gus pas 'dud pa'i tshul
lo/ /de chos can/ gzhan don phun tshogs mnga' ste/ khyod gyis

gzugs sku gnyis brnyes pa'i phyir/ khyod la bstod phyag byas pa
la dgos pa yod de/ de la brten nas gnas skabs dang mthar thug gi
don 'grub pa'i phyir/ gnyis pa la gnyis/ dngos bstan nyan pa
po'i skyon ngos bzung nas rang la bltos pa'i dgos

pa dang/ shugs bstan snod kyi mtshan nyid ngos bzung nas gzhan la
bltos pa'i dgos pa'o/ /dang po ni/ rtog pa sngon du gtong ba dag
bya ba 'ga' yang ma mthong bar yul khyad par can la phyag mi
byed pas byang gang rtsom pa yin zhe na/ bstan

bcos rtsom pa'i bya ba la 'jug go zhes khong nas drang ngo/
/rtog ldan gyi bya ba la dgos pa yod pas khyab pas dgos pa ci
zhig mthong zhe na/ slob dpon rnam 'grel 'di rtsom pa la dga' ba
khyad par can skyes nas rtsom pa'i bya ba la zhugs pa'i

@05a @#/ /dgos pa yod de/ slob dpon rang gi sems ni sngar dus yun
ring por gsung rab dang de'i dgongs 'grel kun las btus pa la
sogs pa'i legs bshad la goms par byas pas nges thugs phrogs nas
da dung lhung te dang len ched cher

bskyed nas mthar phyin par bya ba'i phyir yin no/ /slob dpon
sems can thams cad la dmigs pa'i snying rje chen po dang ldan pa
ma yin nam ci'i phyir rang don lhur blangs nas gzhan don du mi
rtsem zhe na/ chos kyi grags pa bdag la rnam 'grel 'di

ni skye bo gzhan phal cher la mtha' gcig tu phan pa rgya chen
por 'gyur ba yin zhes bsam pa'ang med de/ skye bo phal cher
byang grol gyi lam phyin ci ma log par ston pa'i legs bshad
rnams cung zad kyang don du mi gnyer zhing/ rgyu de kho nar

ma zad rang phyogs 'jig rten gyi bya ba phal pa la chags shing/
bstan bcos la zhugs su chug kyang log pa'i bstan bcos dang tha
snyad kyi gtsug lag tsam ston pa'i phal pa la chags la/ khyad
par can rnams la gzhan gyi phun tshoD

la phrag dog pa'i dri ma dag gis rgyud dkrugs nas gzhan la zhe
sdang par yang yongs su gyur pa des na ste de'i phyir ro/ /chags
sdang gis rgyud legs par ma dkrugs kyang legs bshad dang nyes
bshad 'byed pa'i shes rab kyi

rtsal med pas na mi 'jug go/ don gnyer med cing yod kyang gzu
bor mi gnas/ gnas kyang shes rab med pa'o/ /yang na don gnyer
yod kyang shes rab med ces sbyar ro/ /'di zhes nye tshig smos pa
ni/ slob dpon gyi thugs la

@05b rdzogs pa la dmigs pa'am/ yang na 'di brtsams pa yin gyi
rdzogs pa ni min zhes pa'i don to/ /slob dpon chos grags chos
can/ rnam 'grel brtsams pa la dgos pa yod de/ rang nyid legs
bshad la goms pa 'phel ba'i chang

yin pa'i phyir/ gzhan kho na'i ched du mi rtsom pa'i rgyu mtshan
yod de/ skye bo phal cher legs bshad rtogs pa'i mthun rkyen dang
bral zhing 'gal rkyen gyis zin pa'i phyir/ gnyis pa ni/ gal te
legs par bshad pa skye bo gzhan su la yang

phan pa med pa yin na skye bo phal cher zhes pa smos pa mi rigs
pa dang/ slob dpon phyogs glang la sdang ba dor ba dang gus pa
bskyed pa'i phyir tu tshad ma rnam par nges pa brtsams pa'i dgos
pa yang mi 'grub la/ phal cher la mi phan

yang mang po dag la don du 'gyur na/ gzhan la phan pa yin zhes
bsam pa'ang med pa'i tshig ma 'brel bar 'gyur ro/ /legs bshad
rtsom pa po la phrag dog gis sdang ba mi phan pa'i rgyu yin na
yang tshad ma rnam nges kyi dgos pa

bzlog par 'gyur ro zhe na/ skyon med de legs bshad rtogs par
'dod pa dag snod kyi skyon de dag spongs la/ bzhi brgya par/
gzur gnas blo ldan don gnyer ba'i/ /nyan po snod ces bya bar
bshad/ ces gsungs pa'i mtshan nyid de dag dang

ldan par gyis shig ces snod kyi skyon dngos su bstan cing/ mtshan
nyid shugs la 'phangs nas snying rje bstan bcos rtsom pa'i rgyur
bstan pa dang/ gsung rab spyi'i rnam 'grel tshad ma kun las btus
rtsom pa po la rtog ge mi shes

@06a @#/ /zhes smod pa po sdug bsngal gyi rgyu la gnas pa'i sdug
bsngal dang/ de'i rgyu log 'dod kyi snying rje rtsom pa'i rgyur
ston bzhed nas phrag dog ces dang sems pa'ang zhes sogs gsungs
so/ /des na 'di ltar 'don te/ bdag la 'di ni gzhan la

phan pa yin zhes sems pa'ang yin/ zhes kun las btus pa 'di ni
sngar gzhan la phan pa rgya chen por ma gyur pas da ji ltar
gzhan la phan pa rgya chen por 'gyur snyam du sems pa'ang rtsom
pa'i rgyu yin pas kun las btus kyi

rnam 'grel 'di rtsom pa la dga' ba skyes zhes bshad do/ /de chos
can/ rnam 'grel 'di brtsams pa la dgos pa yod de/ gzhan gyi sdug
bsngal gzhom par bzhed nas rtsom pa'i phyir/ mtho ris dang byang
grol gyi lam phyin ci ma log

par ston pa'i gzhung mchog 'di'i don rtogs par 'dod pa'i shes
ldan dag rang la snod kyi mtshan nyid de dag tshang ma tshang rtog
la tshang na dga' ba bsgom/ phyi mar yang de dag dang mi 'bral
bar smon lam yang yang gdab/ ma tshang na ni

zhig de dang ldan par 'gyur snyam du de'i rgyur tshogs gsog pa
dang sgrib pa sbyong ba la 'bad/ gzhan du na/ bzhi brgya par/
'jig rten yongs su mi shes gang/ /de ni thub pa'i lta bur mngon/
zhes pa ltar/ bstan bcos kyi skyon du go bar 'gyur bas

so/ /rgyal ba'i bstan pa yun ring du gnas na snyam pas/ thos pa
dang bsam pa dang bsgom pa sogs la 'jug par bya'i/ gzhan dang
kha gshags 'gyed pa tsam dang/ rnyed pa dang bkur sti dang/
grags pa ji tsam thob na snyam du mi

@06b bya ste/ gzhan du na de nyid shes rab 'tshal ba'i rgyur
'gyur zhing/ chos la brten pa'i sngag ? kham po che gsog pas
mkhas pa snga ma dag gsung pa ltar/ gzung na tshig mi zin/ bsams
na don mi go /bsgoms na rgyud la mi skye bas blo gros dang

ldan pa dag gis gnas 'di la shin tu gzab par bya'o/ /gzhung de
dag gis ji skad bshad pa'i sdod kyi mtshan nyid dang ldan nas
thar pa dang thams cad mkhyen pa don du gnyer ba dag gis/ bstan
pa la 'jug pa'i sgo dam pa dkon

mchog gsum la skyabs su song nas thos bsam sogs la 'jug par bya
bar bstan to/ /gnyis pa bshad pa nye bar dgod pa la gnyis/ thar
pa dang der bgrod pa'i lam rang gis nges pa'i thabs dang/ ngas
nas gzhan rjes su 'dzin pa'i

thabs so/ /dang po la gsum/ lkog gyur nges pa'i thabs dang/ nges
bya thar pa dang thams cad mkhyen pa dang der bgrod pa'i lam
bshad pa dang/ mngon gyur nges pa'i thabs so/ /dang po la gnyis/
rjes dpag gi rten gtan tshigs

bshad pa dang/ log rtog blun po'i rtags su bstan pa'o/ /dang po
la gsum/ gtan tshigs yang dag gi mtshan nyid dang/ mtshan gzhi'i
dbye ba dang/ mtshan gzhi la mtshan nyid nges byed kyi tshad ma
rgyas par bshad pa'o/ /dang po

ni/ rang don rjes dpag dang por 'chad pa'i don ci/ don dang don
ma yin pa rnam par 'byed pa rjes su dpag pa la rag las pas so
zhe na/ 'o na mngon sum dang por bshad rigs par thal/ /mngon sum
las brling ba'i tshad ma

@07a @#/ /med pas don bar don ma yin pa 'byed nus pa'i phyir/ der
thal/ 'jug par byed pa'i mngon sum gyis ni dang por don dang don
ma yin pa 'byed nus la/ don byed snang can gyis don thob pa'i
dus su 'byed pa'i phyir/ tshad ma kun las

btus pa dang rnam par nges pa nyid du rjes su dpag pa'i dgos pa
de bzlog par thal/ mngon sum dang por bshad nas rang don rjes
dpag de'i rjes su bshad pa'i phyir/ 'on te rtogs par dka' bas
dang por bshad do zhe na/ yang gzhung de gnyis kyi tshad ma

gnyis stan pa'i go rim pa 'gal bar 'gyur ro/ /'on te mngon sum
ni rang las nges pa yang yod/ gzhan las nges pa yang yod la/
rjes su dpag pa ni rang kho na las nges pa'i phyir/ don dang don
ma yin pa rnam par 'byed pa la gtso bor gyur pas yin

no zhe na yang/ nyes pa de nyid du 'gyur ro/ /don ni thar pa mya
ngan las 'das pa yin la/ don ma yin pa ni gnod pa'i bdag nyid
ngan song gi sdug bsngal la sogs pa yin la/ de dag rnam par
'byed pa yang rjes su dpag pa nyid la rag las pas dang por

bshad do zhe na/ tshad ma rnam nges las/ phan pa dang mi phan pa
thob pa dang spong ba ni nges par yang dag pa'i shes pa sngon du
'gro ba can yin pas na zhes dang/ 'di dag gis don yongs su bcad
nas 'jug pa na zhes tshad ma gnyis ka la rag las

par bshad pa dang 'gal bar 'gyur ro/ /des na rang don rjes dpag
dang por 'chad pa'i rgyu mtshan brjod dgos so zhe na bshad par
bya ste/ bstan bcos 'dir ni bstan pa dang ston pa tshad mar sgrub
pa'i sgo nas thar pa dang thams cad mkhyen pa'i la 'bras

@07b bu dang bcas pa phyin ci ma log par gsal bar byed pa yin
la/ de dag kyang rjes su dpag pa nyid kyis dngos su nges par
byed pa dang/ de la yang gsung rab kyi dgongs pa 'grel ba'i sgo
du ma byung yang slob dpon yab sras gnyis kyis thar pa rgyu
'bras rnams

gtan la 'bebs byed kyi tshad ma yang dag dang ltar snang legs par
phye nas de'i rjes su zhugs pas skyes bu'i 'dod don phyin ci ma
log par thob nus pa'i thabs gtan la phab pa'i sgo nas gsung rab
'grel bar byed la/ gsung rab kun gyi rnam 'grol

tshad ma kun las btus par tshad ma'i mtshan nyid dang/ dbye ba
dang/ 'jug tshul sogs bstan pa yang shin tu rtogs dka' bar gzigs
nas/ slob dpon 'di nyid kyis/ slob dpon phyogs kyi glang pos
tshad ma'i mtshan nyid sogs rnam par bzhag

pa'i rigs pa dang ldan pa dang/ 'jig rten pa rnams kyis mthong
ba'i don rigs pa tsam la yang 'khrul par zhugs pa'i gzhan sde
bye brag pa sogs kyis tshad ma'i 'jug tshul sogs rnam par bzhag pa
ni rigs pa dang mi ldan pa'o zhes rgyas

par le'u dang po 'dir 'byed par byad pa yin la/ de dag so sor
phye nas 'jog par byed pa yang rjes su dpag pa nyid la rag las
pa yin no zhes go bar bya ba'i ched du/ de la log par rtog pa
bsal ba sngon du 'gro bas dang por bshad pa yin no//

'o na dang por gtan tshigs bshad nas ci zhig bya snyam na/ rjes
su dpag pa ni/ gtan tshigs la brten nas rang gi gzhal bya go bar
byed pa yin la/ de la yang tshul gcig dang gnyis dang bzhi la
sogs pa log pa'i rtog pa du ma mthong bas/ de

@08a @#/ /bsal na rjes su dpag pa 'bad med du 'grub pas gtan
tshigs bshad pa yin no/ /tshad ma rnam nges la sogs par mngon sum
dang por bshad pa ni skye tshul gyi rim pa yin la/ 'dir ni log
rtog rgyas par bsal ba'i sgo nas gtan

la 'bebs byed kyi tshad ma go sla bar bya ba'i ched yin no/ /'o
na gzhan du rtogs dka' ba nyid bsgrub byar byas par 'gyur ro zhe
na/ ma yin te/ gtso bo'i gdul bya'i dbang po'i rim pa la bltos
nas de tsam gyis rtogs nus la/ sde bdun 'brel

gcig la brtsams shing 'di nyid thog ma yin pas 'dir bstan pa'i
rim pa nges na gzhan du rim pa gzhan du bshad kyang nyes pa med
pa'i yang phyir ro/ /de la phyogs chos zhes pa'i rkang pa bzhis
gtan tshigs yang dag gi mtshan nyid dang grangs

nges dang/ de'i rgyu mtshan dang/ gtan tshigs ltar snang la tshul
gsum log pa rim pa bzhin du bstan pa'i sgo nas le'u dang po mdor
bstan te/ de la byas pa chos can/ sgra mi rtag par sgrub pa'i
gtan tshigs yang dag yin te/ de sgrub kyi shes 'dod chos

can la 'god tshul dang mthun par yod pa kho nar nges pa'i phyogs
chos dang/ phyogs btags pa ba shes 'dod chos can de'i cha ste
bsgrub bya'i chos kyis khyab pa yi tshul gsum yin pa'i phyir ro/
/de chos can/ tshul gsum pa'i gtan tshigs

de ni rnam pa gsum nyid du nges te/ bsgrub bya'i chos dang med
na mi 'byung ba'i khyab pa dang/ phyogs chos 'bras rang ma dmigs
pa'i rtags gsum po kho na la nges pa'i phyir ro/ /yang na med na
mi 'byung ba'i 'brel pa gnyis su nges pa'i phyir/ ces

@08b sbyar ro/ /tshul gsum de las gzhan pa'i gtan tshigs chos can/
rtags ltar snang yin te/ rtags su bkod pa gang zhig / tshul gsum
min pa'i phyir/ rkang pa dang po ni gzhung lhag ma kun gyis
rgyas par 'chad la/ rkang pa gnyis pa ni rgyu la zhes da

nas de ni 'bras bu'i rtags las skyes zhes pa'i bar dang/ bzhi pa
ni/ de nas sho lo ka bzhi dang gsum pa de man chad kyis 'chad
do/ /rkang pa gnyis pa'i rgyas bshad kyi gzhung de tsam la brten
nas grangs nges mi 'grub na de'i rgyas bshad du

mi rung la/ gal te grub na 'brel ba nges pa sngon du 'gro bas
gsum pa'i rgyas bshad kyi gzhung dgos pa med par 'gyur ro/ /de
sngon du 'gro ba la mi ltos na 'chad tshul gnyis pa ma 'brel bar
'gyur ro zhe na/ skyon med de/ gzhung gi sbyor tshul gnyis

pa ni/ tshad mas bsdus pa'i dbang du byas pa yin pas rgyu la zhes
sogs la brten nas kyang 'brel pa nges nus la/ sbyor tshul dang po
ni grangs nges dang 'brel pa rgyas par 'chad pa dang mthun par
sbyar bas gtan tshigs kyi ni tshul gsum la'ang zhes so

don med par mi 'gyur ro/ /'o na de gnyis rgyas bshad kyi gzhung
so sor 'chad pa mi 'thad do zhe na/ dang por mtshan gzhi ngos
bzung nas/ de la mtshan nyid nges byed kyi tshad ma rgyas par gtan
la 'bebs pa'i dbang du byas pas skyon med do/ /tshul gsum

yang dag kho na la yod par nges na ltar snang tshul gsum dang mi
ldan par nges zin pa'i phyir/ snga ma gsum gyi rjes su rkang pa
bzhi pa smos pa don med de zhe na/ yang dag dang ltar snang so
sor shes pa'i don dang sdeb sbyor gyi dbang las tha mar

@09a @#/ /bstan gyi/ tshad mas nges pa'i rim pa las rtag pa byas
stong du ma nges par byas pa mi rtag pa kho na la yod par mi
nges pa ltar/ ltar snang tshul gsum dang mi ldan pa ma nges par
tshul gsum yang dag kho na la yod par mi nges so//

gtan tshigs kyi mtshan nyid 'chad pa na/ rtsod gzhi la phyogs kyi
sgras ston pa mi rigs par thal/ khyad par gyi gzhi phyogs ma
grub na rtags de la brten pa'i chos su mi 'thad la/ grub na slar
yang rtags bkod pa don med pa'i phyir/ des na

chos can rang ming gis brjod par rigs so zhe na/ 'o na chos can
gyi sgras ston pa yang mi rigs par thal/ de'i sgra rtsod gzhi
dang mthun dpe chos can dang  /mi mthun dpe gsum la 'jug pas rim
pa bzhin/ dpe gnyis kyi chos su gyur pa'i

mig shes kyi gzung byas sgra mi rtag pa dang rtag par bsgrub pa
la tshul dang po grub pa mi khegs pa'i phyir/ de mi khegs na tshul
gsum la yang dag gis khyab pa sgrub pa'i nus pa med par 'gyur
ro/ /nyes pa med de  /? chos can gyi

chos zhes pa'i chos can gyi sgras mthun dpe bzung na de'i chos
khyab ces rjes khyab ston pa'i sgra las mthun phyogs kho na la
rtags yod par grub zin pa dang sgra zlos pa'i skyon du 'gyur la/
mi mthun dpe gzung na mi mthun phyogs mtha'

dag la med par bstan pa dang sgra 'gal ba'i skyon du 'gyur ba'i
shugs dang/ rtsod gzhi la nye ba'i shugs kyis kyang rtsod gzhi
kho na la go bar 'gyur ro zhe na/ de la nyes pa gnyis te/ mgo
mtshungs dang rigs pa gzhan no/ /dang po ni//

@09b 'o na phyogs kyi sgras brjod kyang nyes pa med par thal/
tshul dang po ston pa'i phyogs kyi sgras tshogs don bzung na rtags
de tshogs don sngar ma grub pa'i sgrub byed du bstan pa dang sgra
'gal ba dang/ bsgrub bya'i chos bzung na rjes khyab ston pa

dang sgra zlos pa'i skyon du 'gyur ba'i shugs kyis rtsod gzhi
kho na gzung bar go ba'i phyir gsum ga khas blangs so/ /gnyis pa
la/ rtsod gzhi kho na la nye ba mi 'thad/ grub zin lan du mi
rung/ rang lan no/ /dang po ni/ chos can gyi chos zhes pa'i chos

can gyi sgra rtsod gzhi kho na la nye ba min par thal/ mthun dpe
chos can la yang nye ba'i phyir/ gnyis pa la grub zin mi 'thad
pa dang/ grub zin yang zlos skyon du mi 'thad pa'o/ /dang po ni/
mthun phyogs kho na la yod par grub na mthun dpe la yod par
grub

pas ma khyab par thal/ rjes khyab grub na bsgrub bya grub mi
dgos pa'i phyir ro/ /gnyis pa ni/ 'o na slob dpon phyogs glang
gis tshul gsum gyi mtshan nyid ston pa na/ rjes dpag bya dang de
mtshungs la/ /yod dang med la med par ni/ /nges pa zhes gsungs

pa'i tshul gsum pa ston pa'i sgra zlos pa'i skyon can du thal/
tshul gnyis pa ston pa na/ mthun phyogs kho na la yod par bstan
pas mi mthun phyogs la med par grub zin pa'i phyir/ skyon med
de/ grub zin kyang khyab pa gcig brjod pas kyang gnyis

pa 'phen pa'i tshul gyi sbyor ba'i dbye ba bstan pa'i don du yin
no zhe na/ mthun dpe la yod par grub zin kyang/ de nyid yang
brnan nas nges pa'i phyir tu bstan nam snyam pa'i dogs pa mi
chod pa'i phyir ro/ /gsum pa rang lan ni/ des na tshul dang po
ston pa na rtsod

@10a @#/ /gzhi la phyogs kyi sgras ston rigs kyi/ chos can rang
ming gis smos mi rigs par thal/ rang ming gis smos na skyon de
dag rim par spong dgos pas rtogs dka' la/ phyogs kyi sgras smos
na skyon de dag 'bad med du spangs nas rtsod gzhi bde

blag tu go ba'i phyir/ tshul lhag ma gnyis kyi dogs gcod ni 'og
tu 'chad do/ /gnyis pa la gnyis/ gsum du dbye ba dang/ gsum nyid
du nges par sgrub pa'o/ /don gyi 'brel dbang btsan par byas na
rkang pa bzhi pa'i rgyas bshad kyi gzhung rnam

gsum nyid ces pa'i nges gzung gi sgrub byed du sbyar ro/ /dang
po la gsum/ 'bras bu dang/ rang bzhin dang/ ma dmigs pa'i rtags
so/ /dang po ni/ rtags kyi bsgrub bya la dgag sgrub gnyis su
nges la sgrub pa go bar byed pa la bsgrub bya'i chos dang ngo bo

tha dad dang tha mi dad gnyis su nges pa'i dang po ni/ 'bras
bu'i rtags so/ /gal te de las skyes pa'i phyir 'bras bu go byed
yin na/ me las du ba skye bo dang kham pa dang/ sngo ba sogs
skye bar mthong bas/ skya bo sogs kyang me go byed du thal/

'dod mi rigs te/ mi log pas de dag log par ma nges pa'i phyir/
rtswa dang sog ma'i me dang de yang gsal ba dang 'bar ba sogs
las du ba skye bar mthong bas de dag kyang du ba'i go byar thal/
'dod mi rigs te/ ldog pa ma nges pa'i phyir/

yang la'i steng du du ba mngon sum gyis mthong nas me go bar
byed pa na/ phyogs chos 'jal ba'i mngon sum gyi gzhal bya la'i
du ba de la'i me go byed du thal/ la'i me las skyes pa'i phyir/
'dod mi rigs te/ tshang mang la sogs pa'i

@10b mthun dpe la rjes 'gro mi byed pa'i phyir/ du ba'i rtags
las la la me go bar byed pa na/ me dang grub sde rdzas gcig pa'i
mi rtag pa yang go bar byed par thal/ me las skyes pa bzhin du
de las kyang skyes pa'i phyir/ 'dod mi rigs te/ me nges bzhin du

de nyid grub mthas rtag par sgro 'dogs pa mthong ba'i phyir/
yang me grub dus na du ba ma skyes shing/ de skyes dus na me
'gags pas du ba yod na me yod par 'gal ba'i phyir/ bskyed bya
skyed byed yod kyang/ go bya go byed ni rtog pa phyin ci log

gis sgro btags pa yin pas rgyu 'bras la go bya go byed du 'dod
pa'i tshul 'di ni mi rigs so zhe na/ skyon med de rgyu me de la
yod pa'i rang bzhin me ma yin pas log pa lta bu'i rigs ji snyed
cig yod kyang rung/ de phan 'dogs byed du med

na mi 'byung ba'i 'bras bu du ba lta bu ni rigs la rjes su 'gro
ldog grub pas gtan tshigs su 'thad de/ du ba chos can/ du ldan la
la me go byed kyi 'bras rtags yang dag yin te/ de sgrub kyi tshul
gsum gang zhig /me'i 'bras bur nges pa'i

phyir/ 'di ltar 'bras bu de yod na dus nam yang rgyu de las skye
bar mthong la/ rgyu de sngon du ma song na yul dus 'gar yang
'bras bu de ma mthong ba'i rgyu 'bras kyi rigs la rjes su 'gro
ldog nges pa de nyid go bya go byed yin pas nyes pa snga

ma de dag med la/ la'i du ba yang rtags su kho bo mi 'dod de/ de
lta na la'i me nyid bsgrub bya'i chos su 'gyur ba dang/ la'i du
ba tshang mang la rjes su mi 'gro bas rjes khyab nges na bsgrub
bya grub par thal ba dang/ yang dag 'gal rtaD ?

@11a @#/ /su thal ba dang/ thun mong ma yin pa'i rtags yang dag
tu thal ba'i nyes pa gsum mo/ /mngon sum gyis la la dmigs pa'i
du ba rtags su 'dod pa yang la la yod pa'i du ba rtags su 'dod
pa dang khyab che chung med pas nyes pa snga mar

'gyur ro/ /rtags 'god pa'i tshe du ba tsam bkod la/ song ba ni
la'i du ba song bar 'dod pa de la yang rtags su gang song ba
de la nyes pa gsum po da ldog tu med do/ /khyod kyis rtags su
'di song zhes smras pa don med par thal/ khyod kyis

gang smras pa de rtags su ma song gang song ba de smra mi nus
pa'i phyir/ rtags bsal khas blangs/ gang song ba de smra nus
na yang de nyid bkod pas chog mod nad 'ong bar mthong nas ma
bkod dam/ yang 'god pa'i tshe la'i du ba rang mtshan bkod

la/ rtags su spyi mtshan song bar 'dod pa des kyang sman gyi
sbyor bas rna ba'i dbang po ma nyams par byas la legs par nyan
dgos so/ /yang rgyu 'bras grub dus lnga phyir gnas pas go bya
go byed du rtogs pa phyin ci log gis brtags

pa tsam du 'dod pa mi rigs te/ de lta na du ba chos can/ 'bras
bu yin te/ phan gdags bya yin pa'i phyir ces bkod na go byed
du mi rung bar thal/ du ba grub na phan gdags byar 'gal bas
phyogs chos ma grub/ ma grub na de la rtags

de grub pa 'gal bas phyogs chos ma grub pa'i ? phyir/ gzhan
yang rdzas tha dad mi srid pa dang khas blangs kyi bsal ba
bstan mi nus pa sogs nyes pa du mar 'gyur bas ltag chod 'ba'
zhig go/ des na pha gi na du ba 'dug pas me 'dug

@11b snyam yang rtags su ni du ba nyid song ba sde bdun gyi
dgengs pa rma med pa'o/ /gnyis pa ni/ bsgrub bya'i chos sgrub
pa dang ngo bo tha mi dad rtags su bkod pa de ni rang bzhin
gyi rtags te/ byas pa chos can/ rang gi rang bzhin yod tsam
dang rang chos

su 'brel pa can gyi ngo bo mi rtag pa sgra la go bar byed pa'i
rang bzhin gyi rtags yang dag yin te/ de sgrub kyi sgrub rtags
yang dag gang zhig mi rtag pa dang bdag gcig pa'i phyir/ yang
ni 'bras rtag gsu ma zad 'di yang lkog gyur go byed do/ /

zhes pa'o/ /yod tsam zhes pas phyis byung gi rgyu la rag las
pa bcad nas byas pa yod tsam du bskyed pa'i lag rjes 'jog byed
kyi rigs kyi rgyu nus pa thogs med de nyid mi rtag pa'i lag
rjes 'jog byed kyi rigs kyi rgyu nus pa thogs

med yin pas yod tsam nas rang chos su rjes su 'brel ba zhes
bya'o/ /'dir bdag cig 'brel ba'i rang bzhin tsam bshad nas 'og
tu rang bzhin gyi rtags mi rung ba'i rtsod spang dang sbyor
ba'i dbye ba dang/ 'brel pa nges byed kyi tshad ma

gsum gyis rgyas par 'chad do/ /gsum pa la gnyis/ mi snang ba
ma dmigs pa dang/ snang rung ma dmigs pa'o/ /dang po la tshig
don dang/ de nges byed kyi chad ma dang/ rtags 'di'i dgos
pa'o/ /dang po ni/ sha za la rang gang

la bskal don du song ba'i skyes bu'i rgyud kyi tshad ma rnams
ni 'jal byed du mi 'jug pa ni chos can/ mdun gyi gzhi 'dir de
'dra'i gang zag gi bcad shes don mthun gyi yul du med pa'i sha
za la gang zag de'i ngor yod nges kyi

@12a @#/ /tha snyad don mthun mi 'jug pa go ba'i 'bras bu can
gyi rtags yang dag yin te/ de'i ngor de mi 'jug par sgrub pa'i
tshul gsum yin pa'i phyir/ sgra mi rtag par bsgrubs na de go
ba'i 'bras bu can gyi rtags yin pa bzhin no/ /rnams ni/

lung gi tshad ma sogs mang tshig go/ gnyis pa ni/ mdun gyi gzhir
sha za yod pa ma yin pa dang/ yang yod nges ma yin pa dang/
yod nges kyi bcad shes don mthun mi 'jug ste sha za tshad mas
ma dmigs pa'i phyir ces pa mi snang ba ma dmigs

par 'dod pa mi rigs te/ de lta na der sha za med nges su thal/
de yod na dmigs su rung ba la de ma dmigs pa'i phyir/ snga ma
ma grub ce na/ 'o na de yod na kun mkhyen gyis kyang dmigs su
mi rung bar thal/ tshad mas dmigs su mi rung

ba'i phyir/ 'dod na kun mkhyen chos can/ shes bya thams cad ji
ltar yod pa de ltar mngon sum du gzigs pa min par thal/ mdun
gyi gzhir sha za yod na khyod kyis yod par gzigs pa'i nges pa
med/ der khyed kyis ma gzigs na med

pa'i nges pa med pa'i phyir/ yang de chos can/ sha za gzhi
gang na yod na yang dmigs par thal/ spyir sha za yod/ khyod
kyis yod pa thams cad mngon sum du gzigs pa'i phyir/ 'dod na
nyams so/ /gzhi der sha za kun mkhyen gyis dmigs

pa khegs par thal/ tshed ? mas dmigs pa khegs pa'i phyir/ ma
grub na tshad mas ma dmigs par grub pa nyams so/ /'o na khyed
ltar na yang gzhi der de med nges su thal/ yod na dmigs dgos
pa gang zhig ma dmigs pa'i phyir ce na/ rtags

@12b phyi ma the tshom za nas ma grub ste/ der yod med the tshom
za ba bzhin du/ tshad mas dmigs ma dmigs kyang the tshom za la
de ltar der kun mkhyen gyis gziD ? (ma gziD ? kyang) nged the
tshom za'o/ /ma dmigs pa ma grub na/ dmigs par khas len dgos
pas

yod nges su 'gyur ro zhe na/ 'o na gzhi 'dir sha za yod par
thal/ gzhi 'dir sha za yod pa'i phyir ces brjod na lan gang
yin/ rtags ma grub na der de ma grub par thal/ der de med pa'i
phyir/ rtags ma grub na sems rnal du zhog la lan thob

cig  ;snga phyi'i khyab pa med snyam na kun mkhyen gyis gzigs
pa bshad pa'i skabs la soms shig /'o na mi snang ba ma dmigs
pa'i don ci yin zhe na/ der de yod kyang gang la bskal don du
song ba'i gang zag de'i rgyud kyi tshad ma la bltar mi rung ba

yin gyi der de yod na spyir tshad mas dmigs su mi rung ba ga la
yin/ des na sbyor ba snga ma ltar ram yang na mdun gyi gzhi
'dir chos can/ sha za rang gang la bskal don du song ba des de
yod ces dam 'cha' ba mi rigs te/ de de'i rgyud kyi

tshad mas ma dmigs pa'i phyir ces bkod na khyab byed ma dmigs
par sdud cing de'i rgyud kyi de 'jal gyi tshad ma med pa 'god
na rgyu ma dmigs par sdud la/ phyogs chos mngon sum dang khyab
pa de gnyis sgrub tshul ltar ro/ /'god tshul de ltar yin

gyi sha za nyid smra ba po'i 'dod pas dmigs pa'i dgag bya'i
chos su btags pa'i don yin la de yod kyang phyir rgol gyis
dmigs su mi rung ba'o/ /'o na rgyu'am khyab byed ma dmigs pa
nyams so zhe na/ 'o na la me yod du sgrub pa la du yod rtags
su bkod

@13a @#/ /na 'bras rtags nyams par 'gyur te/ me yod dang bdag
cig pa'i phyir ro/ /de ni 'god tshul tsam yin gyi me nyid smra
ba po'i 'dod pas dmigs pa'i bsgrub bya'i chos yin no zhe na/
'dir yang 'god tshul de ltar yin kyang/ sha za yod

pa nyid smra ba po'i 'dod pas dmigs pa'i dgag bya'i chos su
btags pa'i don ta/ ? log phyogs dam 'cha' ba na gzhi der sha
za yod ces dam bcas pas so/ /des na ma dmigs pa'i rtags yang
dag gang zhig smra ba po'i 'dod pas dmigs pa'i

dgag bya'i chos su btags pa'i don de spyir yod de yod na phyir
rgol gyis dmigs su rung bas ma khyab pa ni mi snang ba ma
dmigs pa'i gtan tshigs yang dag gi don yin gyi/ dgag bya'i chos
kyi yul de yod kyang bltar mi rung ba zhes mi sbyar

te/ de lta na/ gzhi der dgag bya'i chos kyi yul de med par
thal/ der dgag bya'i chos de med pa'i phyir/ 'o na khyed la
yang gzhi der dgag bya'i chos su btags pa'i don med par thal/
der dgag bya'i chos med pa'i phyir ces pa mtshungs so zhe na/

'brel pa cung zad kyang med de/ sgra rtag par btags pa'i don
mi srid par thal/ sgra rtag pa mi srid pa'i phyir/ gang dag mi
snang ba mi dmigs pa'i gtan tshigs mi srid par 'dod pa de la
'di 'dri bar bya ste/ grub mtha' la blo kha ma phyogs ba'i so
so skye bo

dag gis shes bya mtha' dag gi gnas lugs 'di ltar yin no zhes
dam 'cha' ba rigs sam mi rigs dang po ltar na/ smra ba thams
cad bden pa'i don can du khas len dgos la/ phyi ma ltar na/ de
mi rigs pa'i rgyu mtshan med na mi rigs zhes smra ba smyon pa'i

@13b tshig dang mtshungs so/ /rgyu mtshan yod na so so skye bo
de'i rgyud la dam bca'i don de dmigs pa'i tshad ma med pa las
gzhan du mi 'thad pas/ mi snang ba ma dmigs pa'i don khas
blangs nas tha snyad la sdang ba tsam du zad do/ /gsum pa ni/
mdo las/ nga'am

nga dang 'dra bas gang zag gi tshod bzung gi/ gang zag gis gang
zag gi tshod mi bzung ste/ nyams par gyur ta ra zhes gsungs
pa'i don yin pas rgyu mtshan ma mthong bzhin du gang zag 'di
skyon 'di dag dang bcas so/ /yon tan cung zad kyang med do
zhes sam

'di dang 'di las gzhan med do zhes cung zad kyang smra bar mi
bya'o zhes pa'i don to/ /skyes bu dam pa gang na yod mi shes
shing skyes bu dam pa la smod pa ni ngan 'gro mi bzad pa'i
rgyu phul du phyin par mdo rgyud kun nas gsungs pas thal bas
g.yogs pa'i

me dong bzhin du gnas 'di la blo gros dang ldan pa rnams kyis
shin tu bag dang ldan par bya'o/ /sngar gyi mdo dang de'i
dgongs 'grel gyi gzhung 'di dag gis sems can thams cad la phan
pa dang bde ba'i sems dang ldan par bya dgos pa don

gyis 'phangs pas skye bo gzhan dag la dag snang sbyong bar ma
nus na'ang skyon brjod kyi smra ba nyung du byas na mdzes so/
/gnyis pa la gsum/ snang rung ma dmigs pa'i rtags kyi mtshan
nyid dang/ mtshan gzhi'i dbye ba dang/ de la rtsod spang ngo/
/dang po ni/ snang rung ma

dmigs pa'i gtan chogs yang dag chos can/ gzhi 'ga' zhig tu
rang gi dgag bya'i chos med pa shes shing go ba'i 'bras bu can
gyi gtan tshigs yin te/ smra ba po'i 'dod pas dmigs pa'i dgag
bya'i chos su btags pa'i don de yod na phyir rgol

@14a @#/ /la snang rung gi bye brag la ltos nas/ rang gi dgag
bya 'gog pa'i ma dmigs pa'i tshul gsum yin pa'i phyir/ bye brag
ces pa ma dmigs pa'i rtags thams cad ma yin gyi khyad par 'di
dang ldan pa dgos zhes pa'i don to/ /gnyis pa la gnyis/

tshig don dang/ dbye ba mtha' dpyad pa'o/ /dang po ni/ gzhi
'gar rang gi dgag bya'i chos med pa bsgrub bya'i don du yod pa
can gyi snang rung ma dmigs pa chos can/ 'god tshul gyis rnam
pa bzhi yod de dgag bya'i chos dang lhan cig mi gnas 'gal
dngos

kyi 'gal ba dang/ de'i 'bras bu dag grub cing dmigs pa rtags
su bkod pa dang/ dgag bya'i chos kyi rgyu dang khyab mnyam
pa'i ngo bo yod na bltar rung ba'i bdag nyid dag ni ma grub
cing ma dmigs pa rtags su bkod pa rnams yod pa'i phyir/ yang
na/ bltar

rung dgag bya'i chos dang sbyar ro/ /gnyis pa ni/ de la spyir
ma dmigs pa'i rtags 'jug pa'i tshul dang dus dang grangs nges
pa'i tshul 'di ltar gnas te/ dgag pa byed pa'i tshe dgag gzhi
phyir rgol gyi mngon sum la snang du rung ba dang mi rung ba
gnyis

su nges pa las/ mi rung na mngon sum gyis dgag pa byed pa mi
srid de/ dgag gzhi dngos su rtogs nas med dgag shugs la 'ngal
? pa min pa dgag gzhi dang bral ba'i med dgag yan gar ba tshu
rol mthong ba'i mngon sum la snang mi srid pa'i phyir  

te; rnam nges las 'di 'ga' zhig tu dgag pa byed pa yang mngon
sum gyis ni bya bar 'os pa ma yin te zhes gsungs pa'i 'ga'
zhig tu zhes pa dgag gzhi snang mi rung ngo/ /des na/ de la
dgag pa byed na nges par rjas dpag 'jug dgos so/ /snang

@14b du rung ba la yang dgag bya'i chos su btags pa'i don de
yod na phyir rgol gyis snang du rung ba dang mi rung ba gnyis
su nges pa las/ mi rung na mi snang ba ma dmigs pa ma gtogs
rtags gzhan mi 'jug go  /snang du rung ba la yang dgag gzhi
der

phyir rgol gyi mngon sum la snang du rung ba dang mi rung ba
gnyis su nges pa las/ rung nas rtags kyis dgag pa byed na rang
bzhin ma dmigs pa'i gtan tshigs 'jug pa'i dus so/ /spyir snang
du rung nas dgag gzhi der/ mngon sum la

snang du mi rung ba la/ der de'i 'brel zla snang rung dang
'gal zla snang rung gnyis su nges la/ 'brel yul la ngo bo rgyu
'bras bu gsum du nges shing/ ngo bo la khyab che ba dang mnyam
pa gnyis su nges la/ khyab byed snang rung yin na/ khyab byed
ma dmiD ?

pa'i rtags 'jug dus dang/ khyab mnyam snang du rung na bshad
pa ltar rang bzhin ma dmigs pa 'jug pa'o/ /rgyu snang rung yin
na/ rgyu ma dmigs pa 'jug dus dang 'bras bu snang du rung na/
'bras bu yin tsam bkag pas 'gog mi nus pas

dngos 'bras ma dmigs pa'i rtags 'jug dgos so/ /de ltar na/
'brel zla ma dmigs pa'i rtags bzhir nges shing/ de las gzhan
gang du yang ma bshad do/ /gzhi der/ 'gal zla snang du rung ba
de bsgrub nas 'gog pa la/ 'brel yul la ngo bo rgyu 'bras

gsum du nges pa bzhin du 'gal zla yang 'gog nus ngo bo rgyu
'bras kyi 'gal zla gsum du nges la/ ngo bo la rang dang khyab
che chung med pa dang/ khyab cha ba'i 'gal zla gnyis su nges
la/ dang po la rang gi 'gal zla dngos dang 'gal zla'i 'bras bu
rtags su

@15a @#/ /bkod pa gnyis su nges pas rang bzhin 'gal dmigs dang/
'gal 'bras dmigs pa gnyis dang gnyis pa ni khyab byed 'gal
dmigs so/ /rgyu'i 'gal zla la yang/ dgag bya 'gog nus rgyu'i
'gal zla dngos dang/ 'gal zla'i 'bras bu rtaD ?

su bkod pa gnyis su nges pas rgyu 'gal dmigs dang/ rgyu dang
'gal ba'i 'bras bu dmigs pa gnyis dang/ dgag bya'i chos kyi
'bras bu'i 'gal zla la 'bras bu yin tsam gyi 'gal zlas 'gog mi
nus shing/ dngos 'bras kyi 'gal zla dgos

pas 'bras bu 'gal dmigs gcig ste/ de ltar na/ 'gal dmigs drug
dang/ 'brel zla ma dmigs pa bzhir nges pas/ rnam nges las de
ltar na mi dmigs pa 'di ni sbyor ba'i bye brag gis rnam pa bcu
yin no zhes gsungs kyis de las gzhan

du 'dod pa dag bstan bcos kyi dgongs par mi sems so/ /'dir
rtsa bas dngos su dbye ba bzhi bstan pa ni/ 'gal zla bsgrubs
nas 'gog pa la/ dngos su gnod pa'i 'gal zla dang/ dngos su mi
gnod kyang brgyud nas dngos su gnod byed sgrub pa'i  

sgo nas 'gog pa'i gtso bo 'gal dmigs gnyis po 'dir 'dus par
shes pa'i ched dang/ 'brel yul bkag nas 'gog pa la don gzhan
dang don gzhan ma yin pa bkag pa gnyis su nges la/ 'dir yang
gtso bo 'di gnyis su nges par shes pa'i ched du yin

la/ 'grel par gnyis kha bskang ba ni/ rang bzhin 'gal dmigs
dang rang bzhin ma dmigs pa gnyis kyis/ rtags gzhan 'phen pa'i
tshul shes par bya ba'i ched du mtshon te bstan pa yin no/ /de
dag kyang sbyor ba'i bye brag gis tha dad du dbye ba tsam yin

@15b gyi sbyar bar bya ba so sor nges pa'i dbang gis ma yin
te/ grang reg gcig pu 'gog pa la yang du mar dbyer rung ngo/
/yang 'dir bshad pa rtags yang dag gi mtshan gzhi'i dbye ba
nges pa'i yan lag dang/ 'og nas bshad pa mtshan gzhi la mtshan
nyid nges

byed kyi yan lag tu yin la/ yang 'dir/ mdor bstan dang 'og nas
rgyas par 'chad pas dgos pa tha dad pa can yin pa'i phyir zlos
pa'i skyon med do/ /'dis mtshen nas/ bdag med rtogs pa'i shes
rab kyis bdag 'dzin la gnod pa'i tshul nges

par shes par bya'o/ /gsum pa ni/ dgag bya'i chos kyi 'gal
zla'i ngo bo rgyu 'bras gsum du nges pa la/ 'gal zla'i ngo bo
mes grang reg 'gog pa la rtsod pa med kyi/ me'i rgyu dang
'bras bu gnyis grang reg 'gog pa la nye ring gi khyad par mi
'thad pas

rgyus 'gog mi nus na 'bras bus kyang mi nus la/ des nus na cig
shos kyis kyang nus pas gzhi 'gar grang reg rgyun chags su
gnas pa med de bud shing dmigs pa'i phyir ro zhes pa yang yang
dag tu 'gyur ro zhe na/ gnyis ba la khyab pa med pa ni dgag

bya'i ? chos de dang 'gal ba'i rgyu dmigs pa'i chos khyed kyi
rtags su sbyor ba gang yin pa bud shing de chos can/ rang
phyogs kyi chos su grub pa'i gzhir/ grang reg 'gog pa khyab pa
'khrul pa can yin te/ de 'gog pa'i lhan cig mi gnas 'gal la

brten pa'i 'gal rgyu dmigs pa'i rtags su bkod pa gang zhig grang
rig bskyed pa'i rgyu mtshan dag dang ni khyod 'gal ba nyid med
pa'i phyir/ dgag bya'i chos kyi rgyu dang 'gal brtags su bkod pa
go byed yang dag tu 'gyur ba yod de/ mes khyab par

@016a @#/ /non pa de rang phyogs kyi chos su grub pa'i gzhir/
grang 'bras spu long byed rgyun chags su gnas pa med par sgrub
pa'i rtags yang dag yin pa'i phyir ces shugs la 'phangs so/
/sbyor ba des 'phangs pa rgyu dang 'gal ba'i 'bras bu dmiD

pa dang bcas pas skabs 'dir 'grel par ma dmigs pa'i sbyor ba
brgyad bstan to/ /dang po la/ khyab pa med pa'i lan ni/ 'gal
'bras dmigs pa'i rtags du ba drag 'phyur bas khyab par non pa de
la yang chos can/ rang phyogs kyi chos su

grub pa'i gzhir/ rang nyid yod tsam gyis grang reg 'gog pa ma
yin te/ der grang reg rgyun chags su gnas pa 'gog pa me'i drod
kyis khyab pa'i yul dang du ba drag tu 'phyur bzhin pa'i dus
dang la sogs pa grang reg 'gog nus kyi me la mi

'khrul pa'i gnas skabs khyad par can la ltos par 'dod rigs pa'i
phyir/ yang na me dang grang reg gzhi der phyir rgol gyi mngon
sum la snang du mi rung ba'i yul dang/ du ba snang du rung ba'i
dus dang sogs pas de drag tu 'phyur bzhin pa'i

rnam pa'i khyad par la bltos zhes so/ /bud shing gi 'gyur ba
chos can/ grang reg 'gog pa la khyab pa 'khrul bar 'gyur te/ de
'gog pa la 'gal 'bras dmigs pa'i rtags su bkod pa gang zhig yul
sogs khyad par can la bltos pa las

gzhan du de la mi ltos pa'i phyir/ dper na mi grang ba grang reg
med par sgrub pa la thal ba rtags su bkod pa bzhin/ yang gi
skras 'gal rgyu dmigs pa ltar 'gal 'bras la yang rtags gang
byung gis mi chog ces pa'i don to/ /gnyis pa la gnyis/

@016b yang dag gi khyad par gsum du ma 'dus pa dgag pa dang/
ltar snang gi khyad par yang dag tu 'dus pa dgag pa'o/ /dang po
la gnyis/ snga phyi la brten pa'i rtsod spang dang/ dus mnyam la
brten pa'o/ /dang po ni/ rgyu las 'bras bu go bas rtags su

'thad cing rtags chos rdzas tha dad dang rgyu rtags su bkod pas
gsum po gang yang ma yin pas rnam gsum nyid ces pa'i nges gzung
mi 'thad do zhe na/ mtha' gcod pa'i rigs pa'i 'brel gyi dbang du
byas na/ rdzas tha dad dus mnyam pa

dang mi mnyam pa gnyis las snga ma la rtogs pa skyes kyang snga
phyi'i rtags la brten pa yin gyi/ de nyid rtags su mi rung ba'i
lan tshogs pa zhes dang/ mi mnyam pa la rgyu 'bras min pa'i
phyogs rtags min pa ni/ mi mthun zhes pa 'og

ma dang rgyu 'bras la 'bras bu bkod pa dang/ rgyu bkod pa gnyis
las/ 'bras bu'i spyis rgyu'i spyi dpog pa 'bras rtags su bstan
zin la rgyu'i khyad par dpog pa rtags su mi rung ba mi mthun
zhes pa snga ma dang/ 'bras bu'i khyad par gyis

rgyu'i spyi dpog pa 'bras rtags su 'og tu 'chad cing/ rgyu la
tshogs pa dang ma tshogs pa gnyis las phyi mas 'bras bur ma zad
rung ba dpog pa'ang mi nus pa rgyu ma tshogs zhes pa dang/ snga
mas 'bras bu skye rung dang 'bras bu bskyed pa gnyis

las rung ba dpog na rang bzhin du 'dus pas grangs nges la mi
gnod ces pa ni/ rgyu nas dang chu lud drod gsher sogs tshogs pa
tshang ba'i tshogs pa chos can/ khyod las rang phyogs kyi chos su
grub pa'i gzhir/ rang 'bras nas kyi myu

@017a @#/ /gu skye rung bar rjes su dpog pa gang yin pa de ni
rang bzhin gyi gtan tshigs yin par brjod rigs te/ de sgrub kyi
tshul gsum gang zhig /khyod las rang 'bras nas kyi myu gu skye ba
ni yang rgyu rkyen don gzhan la mi

ltos par rang grub tsam nas/ de skye rung gi rjes su skyes pa'i
phyir/ de las nas kyi myu gu bskyed pa dpog na khyab pa ma nges
pa ni/ de chos can/ gzhir 'bras bu nas kyi myu gu bskyed pa dpog
pa la ni khyab pa ma nges pa nyid yin te/ khyod las 'bras

bu de bskyed pa khyod kyi tshogs pa skad cig snga ma dang/ phyi
ma'i nus pa rnams gong nas gong du 'gyur ba dang 'brel zhing
ltos pa'i phyir/ khyab pa yod par thal/ khyod kyang yin de
bskyed pa la 'gal rkyen gyis gegs byed pa dang bcas pa yang yin

pa'i gzhi mthun dag srid pa'i phyir ro/ /rgyu tshogs grangs tshong
gi ldog pa rtags su 'dzin pa de la 'di 'dri bar bya ste/ rgyu'i
don gang yin rang 'bras bskyed pa'o zhe na/ 'o na gzhi de nas
kyi myu gu'i rgyur nges nas skyed byed du ma nges pa mi srid par
thal

lo/ /'dod na de skye bar nges nas/ skye rung mi rung the tshom za
ba ji ltar yin smros shig /des na nas dang chu lud drod gsher
sogs tshogs pa tshang ba'i lug lo'i dpyid kyi zhing 'di chos can/
khyod las rang 'bras nas kyi myu gu skye rung ste/ nas dang

chu lud drod gsher sogs tshogs pa tshang ba'i zhing yin pa'i phyir
ces dgod par bya zhing rtags dang rtsod gzhir bzung ba de nyid
rang 'bras nas kyi myu gu bskyed nges yin yang de dag yin na
bskyed pa'i khyab pa ma nges shing/ rung ba tsam gyi khyab

@017b pa nges so/ /'o na zhing de dag chos can/ khyod kyis nas
kyi myu gu bskyed pa la 'gal rkyen gyi gegs mi srid par thal/ de
skyed nges yin pa'i phyir ce na/ 'o na bum pa yod pa la 'gal
rkyen gyi gegs mi srid par thal/ de yod nges yin pa'i phyir/
yang de skyed nges

yin na/ de mi skyed pa mi srid pas khyab par thal de bskyed pa
la 'gal rkyen gyi gegs mi srid pas khyab pa'i phyir/ 'dod na/
bum pa med pa mi srid par thal/ bum pa yod nges yin pas khyab
pa'i phyir/ bskal pa'i bar du mtshungs so/ /yang byang

chub sems dpa' sa brgyad pa ba sangs rgyas nges ma yin par thal/
de rgyab la 'gal rkyen gyi gegs dang bcas pa'i phyir/ yang de
bskyed pa la bskyed nges kyis ma khyab bo zhe na/ tshad ma zhen
yul la 'khrul bar thal/ tshad ma'i stobs kyis bskyed pa nges

nas bskyed nges min pa'i phyir/ rtags khas blangs so/ /sngar
bshad pa'i zhing yang yin la/ nas kyi myu gu mi skyed pa yang
yin pa'i gzhi mthun srid dam mi srid/ mi srid na bskyed nges yin
pa'i khyab pa ma nges pa dang 'gal la/ srid na/ de 'dra'i gzhi

mthun de chos can/ nas kyi myu gu skye rung du thal/ sngar bshad
pa de 'dra'i zhing yin pa'i phyir/ 'dod mi nus te/ myu gu mi
skyed pa'i gzhir tshad mas nges na/ skyer mi rung du 'gyur ro zhe
na/ 'o na mdun gyi gzhir bskal don gyi sha za srid dam mi srid/
mi

srid na/ med nges su 'gyur bas bskal don nyams la/ srid na/ gzhi
der bskal don sha za chos can/ bskal don du mi rung bar thal/
tshad mas grub pa'i phyir/ gzhi der bskal don sha za yod pa'ang
srid/ med pa'ang srid par khas blangs kyang sha

@018a @#/ /za tshad mas grub par khas len mi dgos pas/ chos can
nyid la the tshom za'o zhe na/ 'o na/ sngar bshad pa'i zhing des
myu gu bskyed pa'ang srid mi skyed pa'ang srid pas zhing de dang
myu gu mi skyed pa'i gzhi mthun srid pa tshad mas grub kyang de
'dra'i

gzhi mthun tshad mas grub pa khas len mi dgos pas chos can nyid
la the tshom za bar kun nas mtshungs so/ /'o na ma nges pa nyid
ces pa'i rkang pa gnyis 'brel pa med par 'gyur ro zhe na skyon
med de/ tshogs pa tshang ba'i zhing de yin na myu gu bskyed

pa'i khyab pa ma nges te de 'dra'i zhing yang yin myu gu mi
skyed pa yang yin pa'i gzhi mthun srid pa'i phyir ces pa'i don
yin no/ /de la bum pa yin na yod pa'i khyab pa ma nges par thal/
bum pa'ang yin med pa'ang yin pa'i gzhi mthun srid

pa'i phyir zer na/ rtags ma grub par shin tu gsal lo/ /gnyis pa
ni/ bu ram gyi ro'i rtags las de'i gzugs rtogs pa'i tshad ma skye
bar mthong bas de rtags su rigs la/ rtags chos rdzas tha dad
cing/ rgyu 'bras min pas gsum du ma

'dus pa'i phyir grangs nges nyams so zhe na/ lan dngos dpes ston
pa ni/ shes bya chos can/ bu ram gyi ro las kha nang du bu ram
gong bu'i steng du bu ram gyi gzugs la sogs pa rtogs pa'i tshad
ma skyes pa'i rgyu mtshan gyis bu ram gyi ro

bu ram gyi gzugs dpog pa'i rtags yang dag tu thal ba'i skyon med
par thal/ de 'dra'i tshad ma de rtags des gzhi der bu ram gyi ro
snga mas bu ram gyi gzugs bskyed pa'i nus pa yod par sgrub pa'i
rgyu chos rjes su dpag pa'i 'bras

@018b rtags yang dag la brten nas skyes pa'i phyir/ de 'dra'i
tshad ma de rgyu chos rjes dpog gi 'bras rtags de la brten nas
skye ste/ bu ram gyi ro gzugs gnyis tshogs pa gcig la rag lus
pa'i 'bral pa grub pa'i phyir/ rgyu ni ro'i nyer len ro snga ma
yin

la/ chos ni de'i khyad par byed chos ro snga mas gzugs bskyed
pa'i nus pa'o/ /de dngos su dpags pa'i stobs las/ tshad ma cig
shos skyes pa yin gyi/ ro gzugs rtags dang rtags can du ston pa
ma yin no// //rtsod pa'i bsam pa la/

bu ram gyi ro las gzugs rtogs pa'i rtogs pa skyes pa na gzugs
nyid dpog pa'i rtags su 'os med du 'gyur snyam du bsams pa de de
kho na ltar gnas so zhes lan ma 'debs shig /de rtags yang dag
yin yang 'bras rtags mtshan

nyid pa min zhes smra bas ni rtsod pa de zug par khas blang dgos
la/ 'bras rtags yang dag tu khas len na/ rgyu 'bras kyi rnam
dbye cung zad mi gsal bar zad do/ /dper na/ du bas du ldan la'i
steng du mes bud shing gi 'gyur ba bskyed pa'i

nus pa sgrub pa'i stobs kyis/ nus pa de dang du ba dang tshogs pa
gcig pa'i bud shing gi 'gyur ba rtogs pa'i tshad ma gnyis ka
skyes pa bzhin no/ /bud shing gi 'gyur ba ni thal ba dang sol ba
sogs so/ /dpe'i sbyor ba ni/ du ldan la chos can/

mes bud shing gi 'gyur ba skyed pa'i nus pa yod de/ du ba yod
pa'i phyir ces pa'o/ /phyogs chos bsgrub pa ni/ de chos can/ bu
ram gyi ro gzugs tshogs pa gcig la rag las par thal/ nyer len bu
ram gyi ro snga ma'i nus pa 'jug pa med par ni nyer

@019a @#/ /len can bu ram gyi ro med la/ ro snga ma de nyid gzhan
bu ram gyi gzugs kyi'ang lhan cig byed pa'i rgyu byed/ de bzhin
du cig shos la'ang sbyar nas mdor na/ bu ram gyi ro snga mas bu
ram gyi ro'i dngos kyi nyer len dang bu ram gyi gzugs kyi

dngos kyi lhan cig byed rkyen byed la/ bu ram gyi gzugs snga mas
de las lag ste byed pa'i phyir ro/ /rtags kyi nus yul dngos su
bstan pa ni/ de chos can/ rjes dpag rnam pa mi 'dra ba gnyis
skyes na rtags mi 'dra ba gnyis dgod dgos pa ma yin par thal/

sngar bshad pa de ltar rgyu chos rjes dpog gi 'bras rtags gcig
po de las rang dus na 'das pa'i bu ram gyi ro snga mas gzugs
bskyed pa'i nus pa dang/ rang dang dus gcig pa'i bu ram gyi
gzugs rnams rtogs pa'i tshad ma skyes pa'i phyir/ ma

'ongs pa rtogs pa ma yin te/ de la 'khrul pa'i phyir ro/ /don
bsdu ba ni/ bu ram gyi ro las bu ram gyi gzugs rtogs pa'i rjes
dpag de ni chos can/ khyod kyi rten rtags bzhi pa nges par khas
blangs dgos pa min par thal/ khyod rgyu chos rjes dpag

gi 'bras bu'i rtags las skyes pa'i phyir/ gnyis pa la gsum/
gzhan dag gis bkod pa'i rtags lhag ldan du bstan pa dang/ der
sgrub pa dang/ lhag ldan gyi ming don to/ /dang po la/ rgyu kha
yar bas 'bras bu skye rung dpog pa yang lhag ldan du

bstan pa ni/ spyod pa po la sogs pa dag na re/ rgyu kha yar bas
'bras bu dpog nus te/ lus rgyas/ dbang po drangs/ blo gsal ba
tsam las 'dod chags skye bar mthong ngo/ /de dag las 'dod chags
rjes su dpog go zhe na/ lhan cig byed pa'i rgyu

@019b ma tshogs par/ 'bras bu myu gu rjes su dpog par 'dod pa
gang yin pa chu lud dang bral ba'i nas de chos can/ khyod rang
phyogs kyi chos su grub pa'i gzhir nas kyi myu gu skye rung dpog
pa'i rtags yang dag ma yin par thal/ de sgrub kyi lhag

ma dang ldan pa'i gtan tshigs yin pa'i phyir dang/ khyod nus pa
'gyur nas kyang nas kyi myu gu bskyed pa'i nus pa med pa'i
phyir/ nas kyis rang 'bras myu gu bskyed nges yin yang/ lhan cig
byed rkyen dang bral bas nam yang bskyed pa mi srid do/ /

skyes bu'i lus dang dbang po dang blo chos can/ khyod chags bral
la ma mthong du chug kyang/ rang phyogs kyi chos su grub pa'i
gzhir 'dod chags rjes su dpog pa'i rtags yang dag ma yin par
thal/ khyod chags bral la srid pa gang zhig /khyod

las 'dod chags skye bar mthong yang/ tshul bzhin ma yin pa'i yid
byed med par skye mi srid pa'i phyir ces pa bzhin no/ /'bras
bu'i spyis rgyu'i khyad par dpog pa lhag ldan du bstan pa ni/ de
chos can/ 'bras bu'i spyi chos can la 'god tshul ltar

mthong ba las phyogs chos grub cing mi mthun pa'i phyogs la ma
mthong ba tsam gyis gtan tshigs yang dag tu shes shing 'dod pa mi
rigs par thal/ de tshad ma ste rtags ltar snang yin pa'i phyir/
spyod pa gang dag tshig smra ba las

smra ba po'i skyes bu pha rol po chags can dang zhe sdang can la
sogs pa dpog pa bzhin no/ /tshig chos can/ smra ba po'i skyes bu
pha rol po chags can du dpog pa'i 'bras rtags yang dag ma yin
par thal/ de sgrub kyi khyab pa ma nges pa'i phyir/

@020a @#/ /gal te brjod 'dod kyi 'bras bur khyod kyis khas blangs
pas brjod 'dod de nyid 'dod chags yin no zhe na/ ming 'dogs pa
tsam du zad kyi don 'dod chags ma yin te/ chags bral la yang de
yod pa'i phyir/ der thal/ chags bral

snying rjes kun nas bslangs nas tshig smra ba'i phyir/ snying rje
de nyid 'dod chags yin no zhe na/ de mi 'thad par thal/ rgyu'i
khyad par dang 'dzin stangs kyi khyad par sogs kun nas mi
mtshungs pa'i phyir ro/ /byams pa dang snying rje sogs ni rnam

pa gsum ste/ sems can la dmigs pa dang/ chos la dmigs pa dang/
dmigs pa med pa la dmigs pa'o/ /dang po ni/ gang gis kyang khyad
par du ma byas par sems can tsam la dmigs nas bde ba dang phrad
pa dang/ sdug bsngal

dang bral bar 'dod pa'o/ /gnyis pa ni/ gang zag gi bdag dang
bral bar rtogs pa'i shes rab kyis zin pa'i ngang nas sems can la
dmigs pa dang/ gsum pa ni/ gzung 'dzin rdzas tha dad kyis stong
bzhin du der zhen pa'i sems can 'di dag

ni snyam du dmigs nas rnam pa snga ma ltar ro/ /de yang bde ba
dang phrad 'dod byams pa dang sdug bsngal dang bral 'dod snying
rje'o/ /gnyis pa ni/ de chos can/ rtags mi mthun phyogs la ma
mthong ba tsam gyis ldog khyab 'khrul pa med pa can

min par thal/ tsam yin yang mi mthun phyogs la 'jug pa'i 'khrul
ba srid pa can nyid yin pa'i phyir/ dper na/ phru ba'i 'bras
lhag ma ni tshos pa yin te/ tshos pa'i 'bras de dang phru ba gcig
gi nang du btsos par khyad med pa'i phyir ces pa bzhin

@020b te/ gzhogs mi la sogs pas 'ga' zhig ma tshos pa dag kyang
srid pa'i phyir ro/ /gsum pa ni/ rigs pa can pa dag rgyu las
'bras bu dpog pa snga ma dang ldan pa dang/ 'bras bu las rgyu
dpog pa lhag ma dang ldan pa'o zhes lhag ldan gyi ming don
gzhan

du rtog pa dgag pa ni/ gzhan dag gis rtags gang zhig mi mthun
phyogs la ma mthong tsam gyis ldog khyab grub pa'o zhes rab tu
ston cing go bar byed pa'i dag smra ba de ni chos can/ khyod la
dag smra ba'i skyes bu pha rol po chags can du sgrub pa'i

lhag ma dang ldan pa'i gtan tshigs zhes brjod de/ de sgrub kyi
phyogs chos grub mthun phyogs la mthong yang/ mi mthun phyogs
las ldog pa la the tshom gyi rgyu yin pa'i phyir/ de la ma nges
pa'i rtags khyab pa la the tshom za bar ma nges te/ dngos kyi

ma nges pa ni/ khyab pa med nges yin pas khyab la/ lhag ldan
khyab pa la the tshom za bar 'dod na yang gang la ngag smra ba'i
skyes bu pha rol po chags bral du sgrub pa'i 'gal ba lhag ldan
du song ba'i gang zag de'i ngor mi mthun phyogs la tshad mas

mthong zhing mthun phyogs la the tshom za ba dgos pas rtags dang
dgag bya'i chos kyi gzhi mthun de nyid kyis rtags de yin na
bsgrub bya'i chos de yin pa'i khyab pa nges pa la sun 'byin yang
dag tu mthong bas khyab pa'i phyir ro/ /des na/ mthun

phyogs la the tshom dang bcas pa zhes bya'i rjes khyab la the
tshom za ba min no/ /gsum pa mtshan gzhi la mtshan nyid nges byed
kyi tshad ma rgyas par bshad pa la gnyis/ rtags kyi ldog khyab
'grub pa 'bral

@21a @#/ /pa de nyid nges byed kyi tshad ma bshad pa'o/
/dang po
la gsum/ mi mthun phyogs la ma mthong tsam gyis ldog khyab 'grub
par 'dod pa dgag pa dang/ bkag pas grub pa'i don dang/ mjug bsdu
ba'o/ /dang po la/ ldog khyab 'grub pa 'brel

pa la ltos pa slob dpon phyogs glang bzhed pa dang/ mi bzhed pa
la 'gal ba bstan pa dang/ ma mthong tsam ldog khyab tu 'dod pa'i
gzhan sde dgag pa'o/ /dang po la tshig don dang mtha' dpyad pa'o/
/dang po ni/ shes bya chos can/ ldog khyab 'grub pa

'brel pa la ltos pa slob dpon phyogs glang gi bzhed par rigs te/
des phyogs chos su ma zad gtan tshigs yang dag nyid kyi tshul gsum
ga'i mtshan nyid la'ang nges pa brjod par mdzad pa yin pa'i
phyir/ de yis tshul gsum ga'i

mtshan nyid la/ de ltar brjod pa la dgos pa yod de/ byas pas sgra
mi rtag par sgrub pa lta bu/ ma grub pa'i rtags dang/ ldog don
'gal ba dang 'khrul pa can ma nges pa'i rtags su grub pa sogs
kyi gnyen por rtogs pa'i ched yin pa'i phyir

gnyis pa ni/ byas pa mi rtag pa kho na la 'jug par nges pa la
tshad ma gsum dgos kyi de las mang ba mi dgos te/ 'di ltar/ rtag
mi rtag dngos 'gal du nges pa'i tshad ma dang/ mtshan gzhi byas pa
nges byed kyi tshad ma dang/ rtag pa la byas

pa 'gog pa'i tshad ma'o/ /tshad ma phyi ma gnyis las med na/ dung
ser po kho na la 'jug par thal/ dung tshad mas grub/ sngon po la
'jug pa khegs pa'i phyir/ de ni sngo ser dngos 'gal du nges pa'i
tshad ma med pa'i nyes pa'o/ /tshad ma gnyis pa

@21b med na/ shes bya ma yin pa mi rtag pa kho na la 'jug par
thal/ rtag mi rtag dngos 'gal du nges de rtag pa la khegs pa'i
phyir/ gzhi ma grub kyi rtag pa khegs na nyes pa der 'gyur yang/
mo gsham gyi bu la sogs pa rtag pa'o zhe na/ ri bong gi mgo la

rwa yod ces smras na nyes pa ci yod/ de la rwa med par thal/ yod
na dmigs su rung ba las ma dmigs pa'i phyir/ ce na/ ri bong gi
mgo'i rwa rtag par tshad mas dmigs par thal/ de rtag pa yin pa'i
phyir/ de la khyab pa med na/ mi snang ba ma dmigs pa'i rtags

kyi don ma rtogs pa yin zhing/ bum pa snam bur khas blangs pa la
yang nyes pa med par 'gyur ro/ /'dod na de la rwa rtag par yod
par thal/ de la rwa rtag par tshad mas dmigs pa'i phyir/ 'dod na/
de la rwa rtag par med par thal/ yod na dmigs su

rung ba las ma dmigs pa'i phyir/ tshad ma gsum pa med na/ gzhal
bya de mi rtag pa kho na la 'jug par thal/ mtshan gzhi gzhal bya
tshad mas des rtag mi rtag dngos 'gal du nges pa'i phyir/ sbyor
ba skor gcig gi ldog khyab nges na/ rdzas khyab nges

byas ma khyab par thal/ gnod pa can gyi rtags la brten pa'i rjes
dpag gis/ rtag pa byas stong du nges kyang/ byas pa mi rtag pa
kho na la 'jug par ma nges pa'i phyir ce na/ bshad par bya ste/
ma mthong tsam gyis ldog khyab 'grub par 'dod pa dag gi

bsam pa ji ltar yin bshad pa dang/ rjes su 'gro ldog gi khyab pa
'grub pa 'brel pa la ltos pa'i don dang/ tshul gsum ngo bo gcig
dang tha dad bshad pa'o/ /dang po ni/ slob dpon phyogs glang gi
slob ma gzhung legs par mi shes pa dag dang/

@22a @#/ /gzhan gyi sde pa dag rtags mi mthun phyogs la ma mthong
tsam de nyid ldog pa yin gyi ldog khyab 'grub pa de la med par
nges pa la mi ltos te/ de lta na mi mthun pa'i phyogs mtha' dag
la yod na dmigs rung du 'gyur la/ gzhi 'gar chos

'ga' zhig med par nges pa la gzhi nges dgos pas rtags khegs pa'i
gzhi mi mthun phyogs kyi gsal ba'i dbye ba mtha' dag yod kyang
phyir rgol la snang du mi rung ba'i phyir ro/ /des na rtags dang
dgag bya'i chos kyi gzhi mthun ma mthong

bas chog gi/ gzhi mthun mi srid par mthong dgos na ha cang thal
lo snyam nas slob dpon gyi slob ma dag ni ma mthong tsam gyi
ldog pa dang mthun phyogs la mthong tsam gyi rjes 'gro dang/
phyogs chos dang/ tshul gsum po tshad mas nges pa dang/ ldog

phyogs sgrub pa'i tshad ma med pa brjod par 'dod pa'i grangs gcig
pa can dang/ dam bca' la tshad ma'i gnod pa med pa'i yul can dang
tshul drug tu 'dod de de dag kyang rjes su 'gro ldog gi khyab pa
'grub pa 'brel pa la ltos pa'i tshul legs

par ma dgongs pa'i rnam 'gyur du gsal lo/ /gnyis pa ni/ rnam
'grel mdzad pas mi dmigs pa thams cad ni med pa rtogs par byed
pa ma yin no/ /de'i phyir gcig log pas gzhan ldog par 'dod pas
ni de gnyis rang bzhin 'brel

ba 'ga' zhig kyang 'dod par bya dgos so/ /de lta ma yin na gtan
tshigs go bar byed pa ma yin par 'gyur ro zhes dang/ 'brel ba med
par ni rjes su 'gro ba dang ldog pa nges pa med de/ des na de
nyid ston par mdzad pa na nges pa

@22b bshad pa yin no/ /zhes sogs gsungs pa'i dgongs pa cung zad
bshad na/ de la spyir 'brel pa gtan la phab pa las/ rtags gsum
gyi rnam dbye mi 'dod bzhin du khas blang dgos te/ du ba me dang
'brel pa de dang tha dad de log pa'i stobs

kyis ldog pa'i phyir/ ces pa'i rgyu mtshan las 'grub la/ me log
pa'i stobs kyis du ba ldog pa spyir mngon sum gyis grub kyang
gzhi 'gar du ba log ma log the tshom za nas rtags kyis sgrub na
rgyu ma dmigs pa dang/ yang me du'i rjes

'gro mngon sum gyis nges kyang gzhi 'gar me yod med kyi the tshom
ldog par byed pa la 'bras bu'i gtan tshigs dgos so/ /de bzhin du
sha ba dang/ shing gi 'brel pa sgrub pa las khyab byed ma dmigs
pa dang/ rang bzhin gyi gtan

tshigs 'grub bo/ /byas pa mi rtag pa la 'brel pa'i don ldog gi
phyogs gcig de gnyis tha dad mngon sum gyis grub cing/ mi rtag
pa log pa'i stobs kyis byas pa ldog pa'i tshul ni mi rtag pa log
pa'i gzhi la byas pa 'gog pa'i

gnod pa can gyi rtags la brten nas bsgrub pa yin te/ sngar rjes
khyab 'grub pa la tshad ma gsum dgos par bshad pa'i tha ma'o/
/rjes su 'gro ldog gi khyab pa ni/ rtags kyi mtshan gzhi byas pa
lta bu gzhir bzung nas de nyid mthun

phyogs kho na la yod par nges pa dang/ mi mthun phyogs la med pa
kho nar nges pa de yin la/ de la sngar bshad pa'i 'brel pa'i don
ldog nges ba sngon du 'gro dgos pa yin no/ /gal te rtag pa byas
stong du nges na byas pa mi rtag pa kho na la 'jug pa

@23a @#/ /ma nges pa 'gal bas/ 'brel pa'i don ldog nges pa sngon
du song ba la mi ltos so zhe na/ 'o na rim dang cig car gyi don
byed pas stong pa chos can/ byas pa rtag pa la med par sgrub
pa'i rtags yang dag tu thal/ rtag pa

byas stong du sgrub pa'i rtags yang dag yin pa'i phyir/ 'dod na/
byas pa la 'god tshul ltar grub par thal lo/ /gzhan yang rtag pa
byas stong du nges pa'i gnod pa can gyi rjes dpag des rtag pa'i
gsal ba'i dbye ba mtha' dag la byas

stong gi khyab pa nges sam ma nges/ nges na rtsol byung yin na
mi rtag pa'i khyab pa nges pa'i tshad ma nges/ rtsol byung gi
gsal ba'i dbye ba mtha' dag la mi rtag pa'i khyab pa nges par
thal/ 'dod na/ rtsol byung gis rtsol sgra mi rtag

par sgrub pa'i rjes khyab nges na bsgrub bya grub par thal lo/
/sngar gyi de ma nges na/ gnod pa can gyi rjes dpag skyes shing
bsgrub bya ma nges pa'i phyir rgol de rtag pa'i gsal ba'i dbye
ba 'ga' zhig la byas pa 'jug par dogs sam

mi dogs/ dogs na rtag pa byas stong du nges pa'i tshad mas rjes
su 'gro ldog gi khyab pa ji ltar nges smos shig /sngar gyi rtag
pa de dag la nyes pa der 'gyur na/ tshad ma des rtag pa'i gsal
ba'i dbye ba mtha' dag la byas

pa 'jug par 'dzin pa'i sgro 'dogs gcod par khas len dgos la/ de
lta na rtsal byung yin na/ rtag pas stong pa'i khyab pa nges
pa'i tshad ma des rtsol byung gi gsal ba'i dbye ba mtha' dag la
rtag pa yod pa'i sgro 'dogs

@23b chod dgos la/ de lta na rtsol byung gi sgra la yang sgro
'dogs chod dgos pas rjes khyab nges pa'i tshad mas bsgrub bya la
sgro 'dogs chod par 'gyur ro zhe na/ 'dod pa kho na'o/ /'o na
rtsol byung gi sgra mi rtag par rtoD ? pa'i rjes dpag chos can/
bcad

shes su thal/ rang 'dren byed kyi tshad ma snga mas sgro 'dogs
bcad zin nas byed pa mnyams pa'i don de nyid la brnan nas sgro
'dogs gcod pa'i shes pa yin pa'i phyir ce na/ khyab pa med de/
bcad shes la/ tshad ma snga mas rtogs zin gyi don la

'jug pa dgos kyi sgro 'dogs bcad zin gyi don gcod pa tsam gyis
mi chog go/ rtogs zin gyi don la 'jug par yang bas len dgos te/
rtsol byung gi rtags las rtsol byung gi sgra mi rtag par sgrub
pa'i rtags kyi tshal 'jal ba'i tshad ma de chos

can/ rtsol ba las byung ba'i sgra rtag pas stong pa rtogs par
thal/ rtsol ba las byung ba'i sgra la blo kha phyogs de la rtag
'dzin gyi sgro 'dogs chod pa'i phyir te/ de la phyogs chos kyi
tshad mas blo kha phyogs shing khyab pa'i tshad mas sgro 'dogs
chod

pa'i phyir ro zhe na/ khyab pa med de/ de rtogs pa la rtsol sgra
de rtag pas stong pa'i khyad par gyi gzhi chos can gyi tshul gyis
blo kha phyogs dgos na tshul 'jal ba'i tshad ma la de med pa'i
phyir ro/ /yang rtag pa byas stong du nges pa'i

tshad ma des rtag pa byas pa'i gsal ba'i dbye ba mtha' dag gis
stong pa'i khyab pa nges sam ma nges/ nges na byas pa yin na/
rtag pas stong pa'i khyab pa nges pa'i tshad ma des sgra'i rtag
pas stong pa'i khyab pa yang nges par 'gyur la/ de lta na rjes

@24a @#/ /khyab nges pa na dgag bya khegs par 'gyur ro/ /sngar
gyi de ma nges na/ gnod pa can gyi rjes dpag skyes bsgrub bya ma
nges pa'i phyir rgol de byas pa'i khyad par 'ga' zhig rtag pa la
'jug par dogs shing sgro 'dogs gcod pa'i

tshad ma gzhan yang med pas rjes su 'gro ldog gi khyab pa nges
pa'i go skabs med par 'gyur ro zhe na/ skyon med de/ tshad ma des
rtag pa byas pa'i gsal ba'i dbye ba mtha' dag gis stong par nges
kyang rjes khyab nges na dgag bya khegs par mi

'gyur te/ rjes khyab nges pa'i tshad ma des khyad gzhi byas pa'i
steng du sgra'i rtag pas stong par grub kyang sgra khyad gzhir
bzung ba la rtag pa ma khegs pa'i phyir ro/ /'di ltar dri bar
bya ste/ shes bya ji snyed yod pa'i grangs dang mnyam pa'i rtag
pa

yang de snyed yod pas sgra rtag pas stong par rtogs pa'i rjes
dpag skyes pa na rtag pa tsam gyis stong par nges kyang/ bum pa
dang snam bu'i steng gi rtag pa dang rig byed dang pi wang gi
sgra rtag pa la sogs pa'i ngo bor ma grub par mi rtogs pas

sgra de rtag pa'i gsal ba'i dbye ba 'ga' zhig gi ngo bor grub
par dogs par 'gyur la/ yang sgra 'jal ba'i tshad ma nges/ sgra de
sgra ma yin tsam las log par go yang sgra ma yin pa'i bum pa
dang snam bu sogs las log par ma go bas

mtha' gcig tu sgra kho nar mi nges par 'gyur ro zhes smras na
lan ci yod/ gzhi sgra la rtag pa tsam du 'dzin pa'i sgro 'dogs
chod na rtag pa'i ldog pas khyad par du byas pa'i rtag pa'i gsal
ba'i dbye ba mtha' dag la dmigs pa'i sgro 'doD

@24b chod dgos la/ rtag pa tsam gyis stong par nges na yang ldog
pa des khyad par du byas pa'i gsal ba'i dbye ba mtha' dag gis
stong pa nges dgos la/ gzhan du na tshu rol mthong bas yul gang
la yang sgro 'dogs chod pa mi srid par 'gyur zhing/ rtags ma

mthong tsam gyis ldog khyab 'grub par 'dod pa'i gzhung legs par
btsugs par 'gyur ro zhe na/ bden mod/ kho bo cag la de lta bu'i
dogs pa med mod kyi rigs pa'i gnas la legs par ma sbyangs pa
gang dag tshad ma'i sgro 'dogs gcod tshul gla

ba'i mtsha' ltar 'dod pa de la khyod kyis smros shig /des na gnod
pa can gyi rjes dpag des rtag pa byas pa tsam gyis stong par
nges na ldog pa des khyad par du byas pa'i gsal ba'i dbye ba
mtha' dag gis stong pa nges dgos pa yin no/ /gal te spyi la sgro

'dogs ched na spyis khyad par du byas pa'i bye brag mtha' dag la
sgro 'dogs chod kyang spyis stong pa nges na des khyad par du
byas pa'i bye brag mtha' dag gis stong pa nges mi dgos so zhe
na/ rnam pa kun tu mtshungs pas khyed kyis legs par phye zhig
/sha pa

sgur skyog po chos can/ shing yin te/ shing du gyur pa'i sha pa
yin pa'i phyir/ ces pa rtags yang dag tu khas blangs na nyes pa
ci yod/ shing yang yin sha ba yang yin pa'i gzhi mthun du nges
na shing du ma nges pa 'gal bas/ rtags grub na bsgrub bya

la the tshom med par 'gyur ro zhe na/ 'o na sgra mi rtag rtogs
kyi tshad ma des sgra yang yin rtag pa yang yin pa'i gzhi mthun
mi srid par nges nas sgra yang yin shar na yod pa'i rtag pa yang
yin pa'i gzhi mthun mi srid par ma nges pa 'gal bas spyis

@25a @#/ /stong par nges na bye brag gis stong par nges pa'i
khyab pa grub bo/ /de lta na/ rtag na byas pa ma yin pa'i khyab
pa nges na byas pa yin na mi rtag pa yin pa'i khyab pa nges par
'gyur bas/ rjes khyab nges pa la tshad ma du dgos dpyod

pa'i skabs dang 'gal lo zhe na/ mi 'dra ste/ rtag par nges na ma
byas par nges dgos na byas par nges na mi rtag par nges dgos par
'dod kyi/ rtag na ma byas pa'i khyab pa nges na byas na mi rtag
pa'i khyab pa nges dgos par mi 'dod do/ /

gsum pa la gnyis/ /lugs gzhan dgag pa dang/ 'thad pa'i phyogs
rnam par bzhag pa'o/ /dang po la/ mtshan gzhi dgag pa dang/ mtshan
nyid dgag pa'o/ /dang po ni/ chos mthun sbyor gyi sgrub ngag gis
dngos su bstan pa'i byas na

mi rtag pas khyab pa rjes khyab dang/ mi mthun sbyor gyis dngos
su bstan pa'i rtag na ma byas pas khyab pa mi mthun dpe'i steng
du grub par bstan pa ldog khyab kyi mtshan gzhi yin gyi/ ldog pa
de gnyis las gzhan du gyur pa'i sbyor ba de skor

gyi khyab pa'i mtshan gzhi med do zhes zer to/ /de lta na/ dngos
po'i rtags kyis mnyan bya'i dngos po mi rtag par sgrub pa'i rjes
khyab nges pa'i blo yin na bsgrub bya nges pa'i blo yin dgos par
thal/ dngos po yin na mi rtag pas khyab pa nges

pa'i blo yin na rtag na dngos po ma yin pa'i khyab pa nges pa'i
blo yin dgos/ de yin na/ rtag na mnyan bya'i dngos po ma yin
pa'i khyab pa nges pa'i blo yin dgos/ de yin na/ mnyan bya'i
dngos po yin na mi rtag pa'i khyab pa nges pa'i blo yin

@25b dgos pa'i phyir/ rtags snga phyi gnyis khas blang dgos te/
byas pas sgra mi rtag par sgrub pa'i rjes su 'gro ldog gi khyab
pa'i mtshan gzhi sngar bshad pa de kho na yin gyi/ de las ldog pa
gzhan 'dzin mi rigs pa dang 'gal lo/ /yang byas pas sgra mi rtag
pa

sgrub pa'i ldog khyab yin na mi mthun phyogs kho na la grub pas
ma khyab par thal/ de'i ldog khyab kyi don ldog yin na de kho
na'i steng du grub pas ma khyab pa'i phyir/ 'dod na ldog khyab
kyi mtshan gzhi ldog pa de kho nar zad pa nyams so/ /rtags ma
grub na byas

pa sgra mi rtag sgrub kyi ma nges pa'i gtan tshigs yin pa ldog
pa'i phyir du de sgrub kyi chos mi mthun sbyor gyi sgrub ngag
smos pa mi rigs par thal/ sgra mi rtag sgrub kyi ldog khyab kyi
mtshan nyid yin na byas pa'i steng du 'god tshul ltar grub pa 'gal

ba'i phyir/ 'gal ma nges ma grub pa'i gtan tshigs gsum po rtags
yang dag yin pa ldog pa'i phyir tu/ tshul gsum gyi mtshan nyid du
nges pa smos par 'dod pa ni rnam par 'khyams te/ de lta na/ byas
pa 'dus ma byas kyi nam mkha'i steng

du bum pa 'gog pa'i rtags su khas blangs pa la nyes pa med par
'gyur ro/ /gnyis pa ni/ ldog khyab kyi mtshan nyid du/ de sgrub
kyi khyab pa'i tshul gang zhig /dpe gnyis kyi nang nas mi mthun
dpe kho na'i steng du grub pa dang rjes khyab la mthun dpe kho
na'i steng

du grub par 'jog pa ni dpyad mi bzod pas blo gros dang ldan pa
dag gis 'di la lan legs par thob cig /blo'i yul du bya rung gis
bum pa shes byar sgrub pa'i ldog khyab grub pa mi srid par thal/
de sgrub kyi dpe gnyis kyi nang nas mi mthun dpe

@26a @#/ /kho na la grub pa mi srid pa'i phyir/ rtags yang dag gi
mtshan nyid ji lta bu/ mtshan gzhi ni gang/ byas pa mtshan gzhir
bzung nas sgra mi rtag sgrub kyi rtags yang dag tu mtshon pa la/
de sgrub kyi tshul gsum chang ba'i gtan tshigs mtshan

nyid do zhe na/ byas pa'i steng du de sgrub kyi tshul gsum tshang
ba ma grub par thal/ tshul gsum ma grub pa'i phyir rtags ma grub
na/ ldog khyab yin na mi mthun dpe kho na la grub pa nyams so/
/de sgrub kyi tshul gsum tshad ma'i stobs kyis nges pa mtshan nyid

do zhe na/ rgol ba yang dag chos can/ sgra mi rtag sgrub kyi
rtags yang dag yin par thal/ de sgrub kyi tshul gsum tshad pa'i
stobs kyis nges pa'i phyir/ nges pa'i gtan tshigs zhes brjod pas
skyon med do zhe na/ sgra mi rtag par sgrub pa'i tshul gsum chos
can

khyod tshad ma'i stobs kyis nges pa yin te/ khyod tshad ma'i stobs
kyis gzhal ba yin pa'i phyir ces bkod pa na de sgra mi rtag
sgrub kyi gtan tshigs yang dag tu thal lo/ /mi mthun dpe kho na
la grub pa'i ldog khyab kyi mtshan gzhi de gang yin rtag na ma

byas pas khyab pa'i khyab pa de yin no zhe na/ bum pa chos can/
khyod kyi steng du rtag na ma byas par grub pa mi srid par thal/
rtag na ma byas pa'i khyab pa khyod kyi steng du grub mi srid
pa'i phyir/ de ma grub na/ bum pa'i steng du khyab pa de yod na/
rtag na

ma byas pas khyab pa'i khyab pa de 'dus ma byas kyi nam mkha'
kho na la yod pa nyams te/ rtag na ma byas pa dang ma byas pas
khyab pa dang des khyab pa'i khyab pa rnams bum pa'i steng du
yod med khyad par 'byed na ri bong gi rwa'i rtse mor skyil mo
krung

@26b 'cha' bar zad de/ /khyab pa mi 'dzin gyi rtag pa la ma byas
pas khyab pa'i khyab pa'o zhe na mi mthun dpe na mkha' la khyab
pa de dngos su 'jal ba'i tshad ma chos can/ mi mthun dpe nam
mkha' ? la sbyor ba de skor gyi rjes khyab de dngos shugs gang
rung la grub par thal lo/ /

ldog khyab dngos su gzhal ba'i phyir/ 'dod na 'gal lo/ /khyab pa
med na/ don gyis go bas cig shos la zhes pa'i don ji ltar yin/
mi mthun dpe la khyab pa gnyis dngos shugs la gzhal ba'i don min
gyi ldog khyab mi mthun dpe la yod par dngos su gzhal

ra rjes khyab gzhi gzhan mthun dpe la yod par shugs la grub pa'i
don yin no zhe na/ lho kha na stag yod par 'jal ba'i ched ma yin
na byang kha na 'brong yod par 'jal ba'i tshad ma yin par 'gyur
ro/ /tshad ma gcig gis 'jal ba min gyi ldog khyab 'jal

ba'i tshad mas/ da mi mthun dpe'i steng du gzhal ba na rjes khyab
nges pa'i tshad mas mthun dpe'i steng du rjes khyab nges pa'i don
yin no zhe na/ bum 'dzin gyis bum pa 'jal ba snam bu 'dzin pa'i
tshad ma'i shugs rtogs su 'dod pa ni sngon ma byung ba zhig yin

no/ /'o na khyed rang la yang tshul gnyis kyi mtshan gzhi gang
yin/ byas pa tshul gnyis ka'i mtshan gzhir rung ngo zhe na/ byas
pa chos can/ khyod dngos su rtogs na byas pa de shugs la rtogs
dgos par thal/ khyod sbyor ba skor gcig po de'i rjes khyab dang
byas pa

de'i ldog khyab yin pa'i phyir/ rtags khyab khas blangs shing
'dod mi rigs te/ ldog pa gcig dngos shugs su 'gal bas so zhe na/
khyab pa med de/ sgrub ngag gnyis kyis dngos su bstan pa'i khyab
pa gnyis dngos shugs kyi rtogs bya rtogs byed yin

@27a @#/ /gyi tshul gnyis yin na des khyab pa ma yin no/ /gnyis pa
ni/ sngar bshad pa ltar khyab pa gnyis gcig dngos su nges pa'i
shugs la nges par byed pas phan tshun mi 'khrul ba gzhung gi don
to/ /phyogs chos ma brjod gong gi dpe gnyis la

dngos su bstan pa ni/ 'brel ba'i rang ldog dang don ldog gi
phyogs gcig khyab pa nges pa'i rgyur bstan pa yin gyi re tsam
gyis sgrub ngag gis dngos su bstan pa'i khyab pa rdzoD@ ? pa ma
yin te/ de ston pa la rtags kyi mtshan gzhi brjod pa la nges par

bltos te/ byas pa gzhir bzung ba'i steng du mthun phyogs kho na
la yod pa dang/ mi mthun phyogs la med par bstan dgos kyi/ de
lta min na sngar bshad pa'i nyes pa de dag spang mi nus so/ /'o
na rtag na ma byas pas khyab/ dper na 'dus ma

byas kyi nam mkha' bzhin zhes pa tsam gyis ldog khyab kyi brjod
pa rdzogs par thal/ des rtag pa la byas pa med par bstan pa'i
phyir ce na/ ma yin te/ sgra ni byas zhes rtags kyi mtshan gzhi
brjod pa dang gnyis tshogs nas byas pa brjod

pa gzhir bzung nas rtag pa la byas pa med par brjod dgos pas
rtags kyi mtshan gzhi ma brjod par rjes su 'gro ldog gi khyab pa
rdzogs par brjod pa mi srid do/ /tshad ma'i 'jug tshul dang/
sgra'i brjod tshul mi 'dra ste/ sgras ni byas pa dngos

su brjod nas rtag pa la de med par brjod pa nyid kyis de nyid
rtag pa la med par go bar byed do/ /rjes su 'gro ldog gi khyab
pa phan tshun spang 'gal gyi dngos 'gal du 'dod pa yang rigs pa'i
lam las 'das par snang ste/ gzhi byas pa

@27b la rjes khyab yod par sgab pa'i stobs kyis ldog khyab shugs
la 'grub pa sogs phan tshun mi 'khrul ba ma yin par thal lo/
/'dod na/ rjes khyab gcig pu can dang ldog khyab gcig pu can gyi
rtags 'dod pa mi khegs par thal lo/ /mthun dpe'i

steng du rjes khyab grub par rtogs pa na mi mthun dpe'i steng du
ldog khyab grub par shugs la rtogs pa mi 'khrul ba'i don yin no
zhe na/ 'dus ma byas kyi nam mkha' rtag par dngos su rtogs pa na
sgra mi rtag par shugs la rtogs par thal/ rtags

de'i phyir/ 'dod na/ khyod ltar na sbyor ba de'i ldog khyab grub
na bsgrub bya grub par thal lo/ /des na tshad ma kun las btus
par/ rjes dpag bya dang de mtshungs la/ /yod dang med la med par
ni/ /nges pa zhes gsungs pa ni/ tshul gsum gyi mtshan

nyid ston pa yin la/ tshul gsum ga gtan tshigs kyi steng du ma
grub na mthun phyogs kho na la yod par nges na mi mthun phyogs
la med par grub zin pas ldog khyab logs su smos pa don med du
thal ba'i rtsod lan 'brel ba med par 'gyur ro/ /tshul tha

dad du bshad pa ni/ mtshan nyid dngos shugs la go ba'i sbyor ba
mi 'dra ba gnyis yod pa ston gyi 'gal bar ston pa min no/ /rigs
thigs las/ rjes su 'gro ba dang ldog pa ni phan tshun rnam par
gcod pa'i ngo bo yin pa'i phyir ro zhes pa ni/ srog ldan bdag

med las ldog na bdag la rjes su 'gro dgos la/ de lta na bdag la
rjes su 'gro ba yang yin ldog pa yang yin pa 'gal la/ de bzhin
du mi mthun phyogs la yang sbyar nas ston pa yin pas khyab pa
gnyis 'gal ba'i sgrub byed du 'brel ba cung zad kyang med

@28a @#/ /do/ /gnyis pa la gnyis/ slob dpon gyi brjod pa 'khrul
bar thal ba dang/ mngon sum gyi gnod pa bstan pa'o/ /dang po la
rigs sgo'i ngag nyams par thal ba ni/ shes bya chos can/ 'khrul
pa can ma nges pa'i rtags kyi gnyen por

chos mi mthun pa'i ngag brjod dgos par rigs sgor bshad pa gang
yin pa de mi rigs par thal/ de la dgos pa med pa'i phyir/ gal te
ma grub ste/ ma mthong ba de nyid go ba'i 'bras bu can yin no
zhe na/ de chos can/ rtags mi mthun phyogs la

ma mthong tsam go ba'i ched du mi mthun sbyor smos mi dgos par
thal/ de ma smos kyang rtogs par 'gyur ba'i phyir/ der thal/
sngar nas mi mthun phyogs la mthong ba med pa gang zhig mthong
ba khegs pa de nyid ma mthong ba grub pa yin pa'i phyir/ gal te

rtags yang dag sngar nas mi mthun phyogs la mthong ba med cing
ma mthong ba grub kyang mthong ba med do zhes ma brjod na/
phyir
rgol gyis mi go bas brjod dgos la/ mthong ba med cing ma mthong
ba ma go na khyed ltar de la med pa yang mi go ste/ dper

na skyes bu 'ga' la bdag med mngon du ma gyur cing/ lkog tu gyur
kyang de ltar ma brjod na lkog gyur yin pa yang mi go ba bzhin
no/ /des na de'i don du sgrub ngag brjod rigs so zhe na/ de chos
can/ rtags mi mthun phyogs la mthong ba med ces

bya ba'i sgrub pa'i tshig gis kyang rtags de mi mthun pa de la
med pa kho na go bar byed pa min par thal/ ma mthong ba brjod
tsam min pa'i rigs pa ma bstan pa'i phyir/ gal te ji ltar sgrub
ngag des 'brel pa brjod pa de'i tshe de la brten nas mi

@28b mthun phyogs la med ces bya bar rtogs par 'gyur te/ de'i
tshe med pa de go ba'i rigs pa yang dag 'brel ba de brjod pa'i
phyir/ 'o na/ 'grel pa go ba tsam gyis ldog khyab go bar thal/
de de'i rigs pa yang dag yin pa'i phyir ce na/ 'o na byas pa go
ba tsam

gyis sgra mi rtag pa go nus par thal/ de de sgrub kyi rtags yang
dag yin pa'i phyir/ des na rtags yang dag ma nges pa yin pa 'gog
pa la/ dgag bya'i chos la rtags dgag dgos pas/ de nyid mi mthun
sbyor gyi sgrub ngag gis tshad ma'i yul du ston

par byed pa yin no/ /lhag ldan 'khrul pa can du gsungs pa mi
'thad par thal ba ni/ gal te mi mthun phyogs la ma mthong bas
ldog khyab grub par 'gyur na/ shing phung 'di las skyes pa'i
shing thog lhag ma thams cad chos can/ ro mngar dang

ldan te/ sngar bzos pa'i shing thog dang gzugs smug por mtshungs
pa dang/ shing phung 'di las skyes par mtshungs pa'i phyir/ sngar
zos pa'i shing thog bzhin zhes pa lhag ldan du bshad pa'i rtags
'khrul pa can ci ste yin te ma yin par thal/ de la yang

ma mthong ba tsam yod pa'i phyir/ de la dbang phyug sde la sogs
pa na re/ rtags ma grub ste/ de nas shing thog gcig tsam blangs
nas zos na rtags dang dgag bya'i chos kyi gzhi mthun mngon sum
gyis mthong srid pa'i phyir/ de mthong na shing thog

lhag ma thams cad ro mngar dang ldan pa'i dam bca' la gnod pa
srid pas gnod pa med pa'i yul can ma tshang bas khyab pa 'khrul
pa can yin no zhe na/ dam bca' la gnod pa ma mthong ba tsam la
byed dam/ gnod pa med par nges pa la byed

@29a @#/ /dang po ltar na 'di la yang tshang bar thal/ lhag ma
thams cad rtsod gzhi yin pas de khyab pa'i sun 'byin du brjod pa
rigs pa'i lam las 'das shing brjod na yang the tshom de nyid las
ma 'das pa'i phyir/ phyi ma ltar na/ de nges na/ bsgrub

bya grub zin pas rtags kyi mtshan nyid du don med do/ /yang na
rtags ma grub tu ma sbyar bar rtags 'di la tshul gsum tshang yang
gnod med kyi yul can ma tshang bas rtags ltar snang yin no zhes
zer na yang lan snga ma ltar sbyar ro/ /dam bca'

la dngos su gnod pa ma mthong zhing gnod par dogs pas ltar
snang
du 'gyur na ha cang thal lo/ /ldog pa can tsam du bshad pa rtags
su thal ba ni mdo mdzad pas ma mthong tsam la ldog pa can du
btags pa'i srog ldan yang chos can/

gtan tshigs yang dag tu 'gyur bar thal/ phyogs chos dang ldog
khyab grub pa'i phyir/ dbang phyug sde rtags tshul drug tu 'dod
pas sun 'byin yang dag tu mi rigs so zhe na/ skyon med de/ skabs
'di dag kun brtags kyi tshul gsum du nges

par bsgrub pa la gzhol ba yin no/ /gtan tshigs 'di rigs pa can
pas bdag med bum sogs la srog ma mthong bas de las ldog pa'i
phyir/ bdag dang bcas par rtogs pa yin no zhes zer ba la ma
mthong tsam yod kyang ldog khyab mi

'grub ces dgag par mdzad do/ /ldog pa la the tshom za ba rtags
yin pa ma log par thal ba ni/ ldog pa la the tshom za ba'i rtags
ltar snang du brjod par bya ba min par thal/ ma mthong tsam grub
na ldog khyab grub pas khyab pa'i phyir/ 'dod na

@29b ldog pa la the tshom za ba ltar snang du bstan pa'i ched du
slob dpon gyis phyogs chos ma grub pa bzhi dang khyab pa la the
tshom za ba sogs ci rigs su dpe don du sbyar ba rigs pa ma yin
par thal/ 'dod pa de'i phyir/ de yang gtan tshigs mi mthun phyogs

la ma mthong tsam kho nar zad na ldog pa la the tshom za bar
thal/ the tshom mi za na de la yod pa'am med par 'gyur ba'i
phyir/ gal te ldog pa la the tshom za na/ ldog khyab ma grub
snyam du dogs pa dgag pa'i ched du ci rigs pa zhes smos pas the
tshom za ba

la ldog khyab grub pa slob dpon gyis ma bkag go zhe na/ de min
par thal/ brjod pa gang zhig gnyis ka la nges pa de kho na
bsgrub pa'am/ sun 'byin pa yin gyi/ gang yang rung ba la grub pa
dang the tshom za ba brjod pa ni ma yin no zhes gsungs pa'i phyir

ro; ;'o na ci rigs pa zhes ci'i phyir smos she na/ sgrub rtags
kyi phyogs chos rgol phyir rgol gnyis ka dang gang rung dang/
the tshom za ba dang chos can gzhi ma grub na phyogs chos mi
'grub pa'i dpe bzhi dang phyogs chos can dgu'i rjes su 'gro ldog
gi khyab

pa rgol phyir rgol gnyis ka dang gang rung dang the tshom za ba
dang/ mi mthun dpe gzhi ma grub pa bzhi gsungs pa ji ltar rigs
par dpe don du sbyar te snga ma gsum sbyar la/ tha ma mi sbyor
ba'i don to/ /de'i rgyu mtshan sgrub rtags la gzhi ma grub chos

can du byas na phyogs chos mi 'grub la/ gzhi ma grub mi mthun
dper bzung na ldog khyab grub pa la mi gnod pa'i phyir ro/ /slob
dpon chos mchog dang bram ze chen pos phyogs chos can dgu la
sgre bar bya'o zhes gsungs pa'i mdo mdzad pas/

@30a @#/ /phyogs kyi chos ni rgol ba dang phyir rgol ba gnyis ka
la nges par bzung ngo/ /de bzhin du mthun pa'i phyogs la yod pa
dang med pa la sogs pa dag la yang ci rigs par brjod par bya'o
zhes gsungs pa'i don 'di ltar yin te/ bzung

ngo zhes pa yan chad kyis gzhan don skabs kyi rtags yang dag gi
phyogs chos rgol phyir rgol gnyis ka la nges pa dgos par bstan
pas phyogs chos rgol phyir rgol gnyis ka dang/ gang rung la ma
grub pa sogs yin na gzhan don skabs

kyi rtags yang dag min par bstan la/ de yang gnyis ka zhes pas
rgol phyir rgol gang la yang ma grub pa dang gang rung kho na
la
grub pa dang nges pa zhes pas the tshom za ba rnams gzhan don
rtags su mi rung bar bstan la/ de bzhin du mthun

pa'i phyogs zhes sogs kyis mthun phyogs la khyab byed du yod pa
dang khyab byed du med pa dang/ rnam gnyis su 'jug pa'i phyogs
chos can dgu bstan pa yin te/ 'di'i dgos pa ni/ phyogs chos rgol
phyir rgol gnyis ka la ma grub na

gzhan don rtags kyi phyogs chos mi 'grub pa bzhin du/ phyogs
chos can dgu'i 'gal rtags gnyis po'i rjes su 'gro ldog gi khyab
pa rgol phyir rgol gnyis ka la ma grub pas khyab pa mi 'grub ces
dpe don du sbyor ba dang/ de bzhin

du phyogs chos rgol phyir rgol gang rung la ma grub pa dang/
phyogs chos can dgu'i rjes su 'gro ldog gi khyab pa rgol phyir
rgol gang rung la ma grub pa dpe don dang phyogs chos la the
tshom za nas ma grub pa dang dgu'i nang gi thun

@30b mong ma yin pa'i rtags kyi khyab pa gnyis ka la the tshom za
ba dpe don du sbyar rigs la/ chos can ma grub pa'i phyogs chos
ma grub pa de dang dgu'i nang gi rtags yang dag gnyis po la/
gzhi ma grub mi mthun dper bzung na ldog khyab mi 'grub

pa ni dpe don du mi sbyor ba'i don to/ /dgu po 'di dag ni rjes
su 'gro ldog rgol phyir rgol gnyis ka la nges pa dgos pa'i rnam
bcad kyi gnas nye bar bzung ba'i yan lag tu smos pa yin no/ /'di
dag kyang sgrub rtags dang de yang gzhan don

skabs kyi dbang du byas par sems te/ rgol phyir rgol gnyis ka la
bltos mi dgos pa'i rtags dang/ gzhi ma grub chos can du bzung
dgos pa'i dgag rtags mthong ba'i phyir ro/ /'di dgag sgrub kyi
rtags spyi'i dbang du byas pa dang rjes su 'gro

ldog gi khyab pa yang sngar phyogs snga mar bkod pa ltar 'dod pa
'gal ba yin te/ 'bras rtags kyi mthun dpe gzhi ma grub na khyed
rang 'dod pa ltar gyi rjes khyab gzhi ma grub pas khyab na rgyu
ma dmigs pa'i rtags kyi mi mthun dpe gzhi ma grub na/

khyed rang 'dod pa ltar gyi de'i ldog khyab ma grub pas ma khyab
pa nyams so/ /khyad par mnyan bya rtags su rigs par thal ba ni/
khyad par mnyan bya chos can/ sgra la rtag pa dang mi rtag pa
gnyis ka rnam par gcod pa yi yang dag gi gtan tshigs su

'gyur bar thal/ de sgrub kyi phyogs chos grub/ de gnyis ka la ma
mthong ba yod pas ldog khyab grub pa'i phyir/ mnyan byas sgra mi
rtag par bsgrub pa la ldog khyab grub par thal/ mnyan bya mi
rtag pa kho na la gnas kyi rtag pa la nam yang

@031a @#/ /med pa'i phyir/ gzhan du na sgra yang mi rtag par mi
'grub par 'gyur ro zhe na/ 'o na gtan tshigs mar me bzhin du rung
ba tsam gyis go byed du 'gyur ram/ dpe la 'brel pa nges pa la
bltos/ dang po ltar na gtan tshigs

byas pa sogs blo yul du song ba tsam gyis bsgrub bya go nus par
thal/ mar me blo yul du song ba tsam gyis gzugs gsal bar byed pa
dang/ go byed kyi tshul mtshungs pa'i phyir/ 'dod na/ 'gro ba 'ga'
yang bdag med la

rmongs pa med pas 'bad pa med par grol bar thal lo/ /phyi ma
ltar na/ mnyan bya sgra mi rtag par sgrub pa'i phyogs chos dang/
ldog khyab gnyis ka tshogs pa ma grub par thal/ bsgrub bya ma
grub pa'i sngar 'brel pa dpe la nges pa mi srid pa'i phyir/ gal
te

rmongs pa la 'brel pa ston pa dpe la bltos pa yin gyi mkhas pas
ni dpe med par yang/ sngar khyab pa mngon sum gyis grub nas
rtags mthong ma thag 'brel pa dran nas de'i rjes su sgra la mi
rtag pa go bas dpe la bltos pa'i phyi'i khyab pa ma nges kyang

nang gi khyab pa nges pa yod pas mnyan bya rtags yang dag tu
'gyur ro zhe na/ mi rigs te/ mnyan bya mi rtag par nges na sgra
yang mi rtag par nges dgos pa'i phyir ro/ /'o na/ mnyan bya
sgra'i mtshan nyid ma yin par thal lo zhe na/ skyon med de/ spyir
de gnyis la

nges dka' sla yod kyang/ chos can sgra tshad mas gtan la ma phabs
par mnyan bya de la 'god tshul ltar grub pa'i phyogs chos grub pa
mi srid pas/ phyogs chos su ma song na rtags yang dag mi srid
la/ phyogs chos su song ba'i tshe mnyan bya nges nas

@031b sgra ma nges pa mi srid la/ de'i rjes su bsgrub bya go bar
byed na yang mnyan bya la mi rtag pa'i khyab pa des nas sgra la
mi rtag pa'i khyab pa ma nges pa mi srid pa'i phyir ro/ /gang
dag mtshon bya la tha snyad byar rung nges par sbyar dgos par
smra ba de dag gis mnyan bya

sgra'i tha snyad bya rung mi rtag par sgrub pa'i rtags yang dag
tu khas len dgos te/ de'i phyogs chos dang rjes khyab snga phyir
nges/ de yang rjes khyab sngar nges zin ma brjed pa'i ngang nas
bsgrub bya la dmigs pa'i the tshom can gyi phyogs chos rjes nas
nges par

byar rung ba'i phyir/ ces zer na/ gzhan dag gis lan shin tu gdab
par dka'o/ /des na dogs pa 'di ltar bsus nas lan 'di bzhin du
byas te mnyan bya dang sgra'i ming don gyi 'brel pa ma shes pa'i
sngar mnyan bya la mi rtag pa'i khyab pa nges nus sam

mi nus/ mi nus na khang pa'i thun mong ma yin pa'i ming mi shes
kyang khang pa 'jig pa mngon sum du grub pa dang 'gal lo/ /nges
nus na/ khyab pa sngar nges zin ma brjed pa'i ngang nas ming don
gyi 'brel pa la brten pa'i phyogs chos phyis go bar byar

yod pas mnyan bya sgra mi rtag sgrub kyi rtags yang dag tu 'gyur
ro zhe na snga ma bden mod kyi phyis ming don gyi 'brel pa nges
na/ de phyin chad mnyan bya la mi rtag pa'i khyab pa nges pa'i
tshad ma de nyid kyis sgra la mi rtag pa'i khyab pa nges par byed
pa yin pas

mnyan bya la mi rtag pa'i khyab pa sngar nges/ de'i rjes su
mnyan bya sgra'i thun mong ma yin pa'i chos su nges/ de'i rjes
su sgra mi rtag pa nges kyang tshul gsum gyi byed pa la brten nas
nges pa min no/ /'o na sgra mi rtag par mngon sum tshad mas rtogs

@032a @#/ /par thal/ de gsar du rtogs nas rjes dpag min pa'i
phyir ce na/ sngar mnyan bya la mi rtag pa'i khyab pa nges pa'i
mngon sum dang phyis ming don gyi 'brel pa nges pa'i tshad ma
gnyis kyi byed pa las rtogs pa yin no/ /phra ba'i mi rtag pa

rtags las rtogs kyang rigs pa'i mi rtag pa mngon sum gyis grub
pa mi 'gal lo/ /rtag pa la ma byas pas khyab pa rtags kyi tshul
du gyur pa'i ldog khyab tu 'dod pa dag gis mnyan bya'i dngos po
sgra mi rtag sgrub kyi rtags yang dag tu 'gyur

ba'i skabs yod par khas len dgos te/ mnyan bya sgra mi rtag par
sgrub pa'i phyogs chos can gyi gang zag des sgra rtag mi rtag
the tshom za nas dris pa na rtag na dngos po ma yin pa'i khyab pa
nges par byas nas tshad ma de nyid kyis rtag na mnyan

bya'i dngos po ma yin pa'i rtags kyi tshul du gyur pa'i ldog
khyab nges par byas nas de'i rjes su sgra mi rtag par nges par
byar yod pa'i phyir/ dkyus ma bshad par bya ste/ mnyan byas sgra
la rtag mi rtag gnyis ka 'gog mi nus te/ de 'gog na rtag mi rtag

dngos 'gal du nges pa'i tshad ma gzhan gyis gnod do ce na/ 'o na/
da ni rtsa ba'i grub mtha' dor nas ma mthong tsam las med par
'grub pa min par thal/ mnyan bya rtag mi rtag gnyis ka la ma
mthong yang med par mi 'grub pa'i phyir/ de

bzhin du byas pa lta bu'i rtags gzhan la yang ma mthong tsam
gyis ldog khyab grub par 'dod pa la/ ma mthong tsam gyis ldog
khyab grub pa 'gog pa'i tshad ma gzhan gyis gnod pa srid par
thal/ de dang mtshan nyid mtshungs pa'i dam

@032b bca' la gnod pa mthong ba'i phyir/ khyab ste/ mtshan nyid
dang ldan pa gcig la gnod na de'i rigs thams cad la yid brtan mi
rung ba'i phyir rigs pa dri ma med pa'i rnam gzhag ma chags pa
dag byas mi rtag gis tha dad la sogs pa spyi mtshan

'jal ba'i tshad mas grub kyang rang mtshan 'jal ba'i tshad mas gnod
snyam pa dang/ phyi rol gyi don tha snyad pa'i tshad mas grub
kyang gnyis stong 'jal ba'i tshad mas gnod pa dang rigs rgyun la
sogs pa so so skye bo'i tshad mas grub kyang 'phags

pa'i tshad mas gnod snyam pa sogs log par rtog pa du ma'i spros
pa rgyas par byed do/ /shes bya chos can/ rigs rgyun gzhi ma
grub par thal/ 'phags pa'i tshad mas rigs rgyun 'jal ba'i so
skye'i tshad ma'i gzhal bya'i log phyogs gzhal ba'i sgo nas

tshad ma de la gnod pa'i phyir/ 'dod na/ rnam par shes pa dang ye
shes sogs kun mi srid pas kun nas nyon mongs pa dang rnam byang
gi chos thams cad la skur pa btab par 'gyur ro/ /de bzhin du
byas mi rtag gi tha dad la sogs pa'i spyi mtshan

tshad mas ma grub na/ rtags yang dag mi srid pas lkog gyur gyi
don thams cad la skur ba btab cing thar pa thob pa'i phyir rtsom
pa byas pa thams cad don med par 'gyur ro/ /kun mkhyen chos can/
khyod kyis shes bya thams cad mngon sum du

gzigs pa la yid brtan mi rung bar thal/ khyod log rtog 'ba' zhig
gi lam nas 'dos pa yin gyi yang dag pa'i shes pa'i lam nas ma
'ongs pa'i phyir/ des na tshad ma ji 'dra yang rung de'i gzhal
bya 'gog nus na thams cad mkhyen pa'i tshad

@033a @#/ /ma la yang yid brtan mi rung bar dgongs nas rnam 'grel
mdzad pas/ mtshan nyid dang ldan pa gcig la gnod pa srid na de'i
mtshan nyid thams cad sun phyung ba kho nar gyur pas thams cad la
yid brtan du mi rung ngo zhes gsungs so//

slob dpon gyis bye brag pa'i sbyor ba bkag pa mi rigs par thal
ba ni/ bye brag pas mthong ba'i rdzas sa chu me gsum po la reg
bya btang snyoms pa mi ldan te/ zhes bsgrub pa ldog khyab 'khrul
pa med pa can du thal/ de la yang mi mthun phyogs la

ma mthong ba tsam yod pa'i phyir/ 'dod na/ slob dpon gyis rlung
gi rab tu byed pa las/ gal te ma mthong ba tsam gyis mthong ba
dag la 'gog par byed na de yang rigs pa ma yin no zhes bkag pa
mi rigs par 'gyur ro/ /yang slob dpon gyis

snang rung la ma mthong bas 'gog tu chug na yang snang mi rung
gi gzhi la gang gis 'gog ces dris pas/ de yang ma mthong bas
'gog go zhe na/ kun las btus las/ gang yang gal te ma mthong ba
tsam gyis mi snang ba dag la 'gog par byed

na de yang rigs pa ma yin no zhes gsungs so/ /snga ma kun las
btus su drangs pa ni rab byed thor bu ba drangs pa'o/ /bye brag
pas snang du rung mi rung gi sa chu me rlung tsam la gzugs yon
tan du ldan pas mthong ba'i rdzas zhes bya'o/ /des

na rlung gi rab byed kyi don 'dir bshad pa mthong ba la zhes pas
snang du rung mi rung gi chos gsum po tsam la ma mthong bas med
par bsgrub pa 'gog par mdzad la kun las btus kyis snang mi rung
la bye brag tu dgag pa mdzad do/ /dgag

@033b gzhi snang rung yin yang dgag bya'i chos snang du mi rung
na yang ma mthong bas 'gog mi nus na/ gnyis ka snang mi rung yin
na 'gog ga la nus snyam du dgongs nas/ 'dir rang 'grel du snang
ba dang/ de'i rang bzhin gyi yul la yod pa tsam 'gog pa

ma yin pa'i phyir ro/ /des ni sa la sogs pa spyir bzung nas dgag
pa smras so zhes gsungs te/ snga ma ni/ dgag bya'i chos snang
rung dang de'i rang bzhin gyi yul ni dgag gzhi snang rung ngo/
/de tsam la 'gog pa min par bye brag pas snang du rung

mi rung gi spyi bzung nas dgag pa smras pas mi rigs pa'o/ /bye
brag pas mtha' gzhan 'gog pa'i rigs pas reg bya btang snyoms pa
'byung ba'i yon tan dang/ de yang rlung la brten pa sgrub 'dod
nas chos gsum la brten pa 'gog pa'i ched

du bkod pa yin no/ /gnyis pa ni/ skyu ru ra'i zhing 'o mas bcus
pa'i zhing pa rnams kyis de ro mngar bar mthong gi gzhan la ma
mthong na skyu ru ra'i rtags las de 'dra'i zhing las skyes pa'i
skyu ru ra ro mngar dang ldan par dpog rigs par thal/

ma mthong tsam gyis ldog khyab 'grub pa'i phyir/ 'dod na skyu ru
ra'i rdzas de la gcig ro mngar por mthong bas gzhan la yang ro
de 'dra yod pas khyab par tshad mas nges pa rigs pa ma yin par
thal/ yul dang dus dang so nam la sogs pa'i

'du byed kyi khyad par la skyu ru ra'i rdzas la ro mngar skyur
dang nus pa che chung tha dad pa mngon sum la snang ba'i phyir/
ro skyur ba dang 'ju sla ba dang nad zhi ba'i nus pa sogs so/
/yul de pa rnams kyis rtags de mi mthun phyogs la ma mthong

@034a @#/ /yang yul gzhan du gnas pa rnams kyis mthong bas khyab
pa 'khrul lo zhe na/ yul de pa rnams kyi ngor ma mthong pa tshad
mas grub pas de pa rnams kyi ngor ldog khyab kyi don tshad mas
grub la/ de lta na/ rtags de'i ldog khyab grub

pa'i skabs yod par khas len dgos la/ de 'dra'i skabs yod na
rtags dang dgag bya'i chos kyi gzhi mthun mngon sum gyis grub pa
nam yang mi srid cing/ skyes bu mtha' dag gis ma mthong ba grub
dgos na rtags kyi rnam gzhag

nyams par 'gyur ro/ /lhag ldan 'khrul pa can dang 'di mi 'dra
ste/ der shing thog lhag ma thams cad rtsod gzhir bzung bas
khyab pa la tshad ma'i gsal ba bstan mi nus la 'dir skyu ru ra
tsam rtags dang bye brag gcig rtsod gzhi

dang ro mngar ba chos su byas pas khyab pa la mngon sum gyi bsal
ba bstan nus so/ /gsum pa ni/ gtan tshigs mi mthun pa la ma dmigs
pa gang yin pa de kho na de la med pa'i sgrub byed yin nam ci
ste ma yin par thal/ gson lus

la bdag dang sa la shes pa dang sogs pa 'o ma la zho ma dmigs
kyang de dag med par rab tu sgrub par byed nus pa min pa'i
phyir/ bye brag pa gson lus la bdag ma mthong yang yod par 'dod
cing/ srog ldan de sgrub kyi mi mthun pa la ma

mthong bas med pa 'grub par 'dod pa 'gal ba dang/ rgyang phan/
'byung bzhi la shes pa ma mthong yang yod par 'dod cing tshig la
sogs pas kun mkhyen 'gog pa'i rtags mi mthun pa la ma mthong bas
med par 'dod pa 'gal ba dang/

@034b grangs can 'o ma la zho ma mthong yang yod par 'dod pa
dang/ 'dus shing bsags pa'i rtags kyi ldog tshul de ltar 'dod pa
'gal ba'o/ /yang na gzhung 'di'i phyir rgol yang rang sder byas
nas gzhan sdes bkod pa'i rtags de dag la yang ldog

khyab 'grub par thal/ 'dod na de dag la nang 'gal bstan mi nus
par thal lo/ /gnyis pa la gsum/ khyab pa 'grub pa rtags mi mthun
pa mtha' dag med par nges pa la bltos par grub pa dang/ de la
bltos kyang mi mthun phyogs mtha'

dag grub mi dgos pa dang/ thog mar de sgrub rtags gnyis la brten
pas grub pa'i don to/ /dang po la gnyis/ khyab pa 'brel pa la
bltos par grub/ mi ltos na ha cang thal ba'o/ /dang po ni/ gzhan
dag gis rtags mi mthun phyogs mtha' dag

la med nges su grub dgos na de la yod na dmigs rung du thal/
'dod na mi mthun phyogs mtha' dag chos can/ rtags khyod la med
de/ yod na dmigs su rung ba las ma dmigs pa'i phyir ces par
'gyur la/ de lta na mi mthun pa mtha'

dag phyir rgol gyis grub dgos pas ha cang thal la/ des na ma
mthong bas ldog khyab grub po zhes 'dod pa rgyas par bkag nas/
'di nas bkag pas grub pa'i don ci yin pa 'chad do/ /chos can
dmigs bsal med pa thams cad la shes bya chos

can du bzung ngo/ /rang bzhin gyi rtags yang dag la rtags de yod
tsam dang rang chas su rjes su 'brel ba'i chos kyi ngo bo log
pa'i stobs nyid kyis rtaD ? kyi ngo bo nyid ldog par 'gyur ba
yin te/ ma mthong tsam gyis ldog khyab grub pa khegs pa de'i
phyir/ 'am

@035a @#/ /sgras rgyu log pa yis ni nges par 'bras bu ldog par
byed de/ 'bras bu rgyu la 'khrul pa med pa'i phyir/ gnyis pa ni/
ldog khyab mi ltos na ha cang thal ba ni/ gcig chos log pas ji
ltar gzhan rtags ldog par 'gyur te min par thal/ tha

dad cing 'brel pa de lta min pa'i phyir/ 'brel pa med kyang ldog
khyab grub na mi de la rta mi bdog ces te med pas phyugs kyang
bdog pa min nam ci med pas khyab par thal lo/ /rjes 'gro mi ltos
na ha cang thal ba ni/ de bzhin du rtags gcig

cig nye ba'i phyir ji ltar chos gzhan nye bar yod par 'gyur te
min par thal/ tha dad 'brel pa med pa'i phyir/ dper na mi de la
phyugs bdog ces te yod na de bzhin rta yang bdog gam ci yod pas
khyab par thal/ 'brel med la rjes khyab grub pa'i

phyir/ gnyis pa la gnyis/ dngos dang/ 'brel ba ston pa'i gdul
bya ngos gzung ba'o/ /dang po ni/ 'bras rang gi rtags 'di la
chos can/ ldog khyab grub pa chos mi mthun dpe mtha' dag la med
nges su grub pa la bltos kyang nges par rtags ldog

pa'i gzhi mi mthun phyogs mtha' dag grub pa la bltos dgos par mi
'dod cing 'dod mi dgos te/ de ma grub kyang 'brel ba nges pa la
brten nas mi mthun pa mtha' dag la med nges su 'grub pa de'i
phyir/ der thal/ de ma grub kyang bsgrub

bya'i chos de dag med na rtags de dag med ces dpe la 'brel ba
brjod cing rtogs pa las kyang mi mthun phyogs mtha' dag la med
nges de rtogs nus pa'i phyir/ nges par zhes pa ni/ mi mthun
phyogs yin na phyir rgol gyis grub pas

@035b khyab par mi 'dod pa yin gyi grub pa'ang yod ces pa'o/
/skabs 'dir mi mthun dpe dang mi mthun pa'i gzhi dang phyogs
rnams rnam grangs so/ /gzhung 'di gtan tshigs kyi ni tshul gsum
la'ang/ zhes pa la 'phros nas sngar ltar dogs pa gcod pa yin gyi

gang dag mi mthun dpe ni dper bkod pa kho na la bzung nas de
rdzas su grub pa la bltos mi dgos par bsgrub pa de'i don min te/
rdzas su grub na nyes pa ci yod/ ldog khyab 'grub pa la gnod pas
so/ /de yang sgrub rtags kyi dbang du byas so zhe na/ du

bas me sgrub pa'i mi mthun dper chu klung mi rung bar thal lo/
/mi mthun dpe rdzas su grub pa yod na ldog pa 'grub pa la gnod
pa'i byas pa lta bu'i dbang du byas pa yin no zhe na mi rigs te/
'di ni gtan tshigs spyi'i dbang du byas par gsal gyi/ de gcig

bu bshad pas ni mngon par 'dod pa'i don cung zad kyang rgyas par
mi byed de/ de ma thag pa'i gzhung gong 'og gi 'brel las gsal
bar rtogs par 'gyur ro/ /ma grub sbyar ba'i 'phros rkyang par
sbyar na cung zad bshad du yod kyang skabs don bor bar

'gyur bas sngar ltar bshad do/ /gnyis pa la gnyis/ 'brel ba rang
nyid shes pa'i yan lag tu bstan pa dang/ rang nyid shes zin ma
brjed kyang khyab pa gnyis la dran pa bskyed pa'i yan lag tu
bstan pa'o/ /dang po ni/ dpe la 'brel pa ston pa la dgos pa

yod do/ bsgrub bya'i chos de rtags de'i ngo bo dang/ skyed byed
rgyu'i dngos por gyur pa'i 'brel pa de dag mi shes pa'i phyir
rgol la de shes pa'i ched du bstan dgos pa'i phyir/ 'brel ba
shes zin ma brjed pa'i mkhas pa rnams la ni/ 'brel pa de nyid
shes

@036a @#/ /pa'i phyir tu brjod mi dgos par thal/ de la phyogs
chos ma shes na de shes pa'i ched du gtan tshigs 'ba' zhig brjod
dgos par zad pa'i phyir/ gnyis pa ni/ 'brel pa shes zin ma brjed
na rjes su 'gro ldog gi khyab pa gnyis ka dngos

su brjod mi dgos te/ de shes na khyab pa gnyis las gang yang
rung ba zhig dngos su smras pas kyang cig shos ma smras pa la
dran pa yang dag skye bar 'gyur ba'i phyir/ der 'gyur te/ gcig
dngos su rtogs pa'i tshad ma des cig shos don gyi

shugs kyis go bas so/ /de go ste/ mi mthun dpe mtha' dag tshad
mas ma grub kyang/ de la med par nges pa la 'brel pa bsgrub pa
dgos pa dang bcas pa de nyid kyi phyir/ 'brel pa dang rtags kyi
tshul du gyur ba'i khyab pa nges dka' sla med par

don gcig tu 'dod pa de la/ 'di dri bar bya ste/ 'brel pa shes
zin ma brjed pa la de shes pa'i yan lag tu khyab pa brjod dgos
sam mi dgos/ dgos na 'brel pa'ang brjod dgos par thal lo/ /'dod
na/ gzhung snga ma'i don dang 'gal la/

mi dgos na/ de la khyab pa gnyis ka brjod mi dgos kyi gang rung
gcig brjod pas chog par ston pa'i gzhung 'og ma dang 'gal lo/
/de nyid 'brel pa shes nas brjed pa'i dbang du byas pa yin no
zhe na/ brjed na shes par 'gal lo/ /'o na khyed rang

ltar yang 'brel pa shes zin ma brjed na brjod mi dgos la/ de ma
brjod na/ khyab pa brjod mi nus par khyed rang 'dod pas gzhung
phyi ma dang 'gal lo zhe na/ de nyid 'brel pa ma shes pa shes
pa'i phyir tu bstan mi dgos kyang/ shes zin pa de

@036b nyid khyab pa ga ba'i yan lag tu bstan dgos shing de la
khyab pa gang rung gcig dngos su smras pas gnyis pa yang shugs
kyis go ba'i phyir gnyis ka dngos su brjod mi dgos par ston pa
yin no/ /de yang rtags kyi mtshan gzhi tshad mas nges/

dgag chos dang sgrub chos dngos 'gal du nges kyang bsgrub bya'i
chos log na rtags ldog pa'i 'brel pa ma bstan na khyab pa tshang
bar mi go la/ de gsum tshang na khyab pa rdzogs par go bas de'i
yan lag tu bstan pa yin no/ /grub zin ma brjed pa sgrub

dgos kyi bsgrub byar 'gal yang sgrub byed du mi 'gal lo/ /gsum
pa ni/ gzhi 'gar rgyu dang khyab byed kyi rang bzhin dag med pa
rtags su bkod pas 'bras bu dang khyab bya 'ga' zhig dgag pa go
bar byed pa'i yang gtan tshigs su 'gyur te/

khyab pa'i rtsa ba 'brel pa la bltos pa de'i phyir/ dgag rtags
kyi gtso bo de gnyis su nges pa ma yin te/ bum pa yod na dmigs
par ni rigs pa dang ldan pa las de mi dmigs pa yang gzhi 'gar
bum pa med pa go bar byed pa'i dgag rtags

yang dag yin pa'i phyir/ bum med don du byas nas de phyir rgol
gyis grub zin pa'i tha snyad 'ba' zhig sgrub yin la/ 'god tshul
la yang bum pa med pa'i tha snyad 'jug tu rung ste/ zhes 'god pa
ni zhib tu ma dpyad pa ste bum med grub zin ma

brjod na bum mad nges zin pas blo'i tha snyad sgrub tu med la/
de lta na/ smra mi shes na ma gtogs/ sgra'i tha snyad kyang
brjod shes pas so/ /rgyu mtshan can gyi sgra shes sgrub ces pa
ni/ sbyor ba 'chad pa'i skabs yin pas 'god tshul la de ltar

@037a @#/ /ston pa min no/ /dgag pa'i yul can gyi tha snyad kyi
gtan tshigs la/ de'i gtan tshigs zhes bshad de/ zhes gsungs pa'i
dgag pa ni/ rtags su bkod pa'i dmigs rung ma dmigs pa yin la/
de'i yul can ni bum pa med

pa'i sgra blo'i tha snyad do/ /des na rang bzhin ma dmigs pa'i
rtags kyi bsgrub bya'i chos su med dgag gzung bar bya ba yin
pas/ rgyu tshogs grangs tshad gis 'bras bu 'byung rung sgrub pa'i
rtags su 'dod pa ni cher 'khrul lo/ /'dir ma

dmigs pa'i rtsa ba'i dbye ba gsum du bstan nas gong du bzhir
bstan pa dang/ sngar 'gal dmigs gnyis rtsa bas dngos su bstan
nas khyab byed ma dmigs pa ma bstan pa dang/ yang 'dir de las
ldog ste bstan pa dang gong

du ma dmigs pa sngar bshad zin nas/ yang 'dir bstan pa rnams
'gal ba dang zlos par ji ltar mi 'gyur zhe na/ spyir ma dmigs
pa'i gtan tshigs la dgag bya'i chos de yod na dgag gzhi dang shes
pa gcig la 'drer rung

ba dang mi rung ba gnyis su nges pa las/ snga ma ni rang bzhin
ma dmigs pa nyid du nges la phyi ma la rang dbang ba'i 'brel pa
yod med gnyis su nges pas bdag gcig dang de byung gi 'brel ba
rang dbang du yod pa ni/ rgyu khyab byed ma

dmigs pa gnyis su 'dus pas/ 'dir rgyu dang khyab byed ma dmigs
pa gnyis bstan la/ 'gal dmigs dag dang 'brel zla ma dmigs pa
gzhan rnams rgya 'bras kyi 'brel pa dang bdag gcig pa'i 'brel pa
rang dbang ba'i tshul gyis med

@037b pas de gnyis su bsdus te bstan pa yin no/ /'dir gsum bshad
pa ni/ 'brel pa la bltos pa'i dgag rtags kyi gtso bo ston pa'i
dbang du byas la/ gang du bzhir bshad pa ni/ gang gang du 'dus
pa'i sdud byed kyi dbye ba shes pa'i ched du yin no/ /yang

snga phyi ni phan tshun sdud pa'i don to/ /de ltar mi dmigs pa'i
rtags 'di bsdus nas rnam pa gsum du bshad kyang/ sbyor ba'i sgo
nas rnam pa du mar dbye rung ste/ rgyu khyab byed rang bzhin ma
dmigs pa gsum po de dang/ rgyu khyab byed rang bzhin de dang

'gal ba'i 'di la dmigs gsum dang la sogs pas bsdus pa 'gal 'bras
dmigs pa dang/ rgyu dang 'gal ba'i 'bras bu dmigs pa sogs 'brel
zla ma rtogs pa ste ma dmigs pa dang/ 'gal zla rtogs shing dmigs
pa rnams su yod pa'i phyir

gsum pa ni/ rtags mi mthun phyogs la ma mthong tsam dang/ mthun
phyogs la mthong tsam las khyab pa gnyis 'grub pa min te/ rtags
chos rgyu dang 'bras bu'i dngos po'am/ rang bzhin dang rang
bzhin can du nges par byed pa'i tshad ma las/ med

na mi 'byung ba'i 'brel pa nges pa dgos pa'i phyir/ des 'brel pa
la bltos pa'i don bsdus nas/ mi ltos na ha cang thal ba'i don
bsdu ba ni/ don gzhan gyi du ba ni chos can/ khyod yod na don
gzhan gyi me dag nges par yod pas khyab pa'i nges pa gang

yang med par thal/ de dang 'brel pa grub pa las gzhan du 'brel
med don gzhan yin pa'i phyir/ byas pa chos can/ khyod yin na mi
rtag pa yin pas ma khyab par thal/ mi rtag pa de khyod bskyed
pa'i rgyu las don gzhan phyis byung gi thob la sogs

@038a @#/ /pa'i rgyu mtshan can gyi 'bras bu'i chos yin pa'i
phyir/ gos dkar po dmar por 'gyur ba la phyis byung gi tshon la
bltos pas grub tsam nas dmar por mi 'gyur ba bzhin no/ /byas mi
rtag rgyu so so las skyes pa la chad ma'i

bsal ba ston pa ni/ mi rtag pa byas pa'i rgyu las rgyu rkyen gyi
chos don gzhan gyi rgyu mtshan can 'bras bu yin par gyur na byas
pa de chos can/ mi rtag pa las rdzas gzhan nyid du thal/ de dang
rgyu rkyen snga phyi las snga phyir skyes pa'i phyir/ 'dod na

tshad mas bsal ba ni/ mi rtag pa byas pa'i rgyu 'am 'bras bu'am
gang yang ma yin pa'i 'brel med yin/ gsum pa ltar na/ rtags yang
dag tu mi rung bar 'gyur ro/ /rgyu yin no zhe na/ byas pa chos
can/ mi rtag pa khyod kyi rgyu nyid min par

thal/ khyod grub zin pa'i phyis 'byung ba'i phyir/ 'bras bu yin
no zhe na yang/ khyod kyis sgra mi rtag par sgrub pa'i khyab pa
ga la nges te ma nges par thal/ khyod kyis de sgrub kyi phyogs
chos grub/ mi rtag pa khyod kyi 'bras bu yin pa'i phyir/ chos

don zhes pa'i rkang pa gnyis kyi 'grel par ril rdzas gcig tu
'gyur ro/ /des na lhan cig skye ba dang 'jig pa dag dang thams
cad la thams cad nye bar sbyor bar 'gyur ro/ /de lta ma yin na
gcig ces bya ba nyid du mi 'gyur ba'ang ming tha

dad par zad de/ don khas blangs nas de skad du brjod pa'i phyir
ro/ /zhes sogs kyi don du bsams nas dngos po bum pa dang rdzas
gcig ma yin te/ de lta na snam bu dang yang rdzas gcig pas bum
snam gnyis rdzas gcig tu 'gyur la/ de lta na/

@038b de gnyis skye 'gag yang gcig tu byed pa dang/ rgyu thams
cad kyis 'bras bu thams cad la phan 'dogs par 'gyur bas/ khyab
che chung la rdzas gcig pa mi srid do zhes zer to/ /de la gnod
pa 'og nas 'chad cing/ skabs 'di ni zhib tu ma brtags pa ste/

ril rdzas gcig tu 'gyur ro/ /zhes pa'i thal ba 'phangs pa la/
grangs can gyis dngos po thams cad rang bzhin gcig yin pa 'dod
de/ yon tan gsum gyi rang bzhin du khyad par med pa'i phyir ro/
/zhes pa la skye 'gag yang gcig pa dang/

rgyu thams cad kyis 'bras bu thams cad bskyed pa la thal ba
'phangs pa yin te/ shA-kyi blo'i 'grel bshad du/ yon tan gsum
gyi rang bzhin du khyad par med pa'i phyir 'dod do zhe na/ zhes
'byung bas grangs can sngon po'i rang bzhin de nyid ser po'i

rang bzhin dang/ ser po'i rang bzhin de nyid sngon po'i rang
bzhin yin pas dngos po thams cad kyi rang bzhin yon tan bde sdug
btang snyoms gsum po cha mnyam pa'i gtso bo de la cha shas cung
zad kyang med par 'dod pa la gnod pa brjod pa yin

pas/ bum pa dang dngos po rdzas gcig na/ gnod pa de dag 'jug par
'dod pa ni ha cang thal ba'o/ /gnyis pa 'brel pa de nyid nges
byed kyi tshad ma bshad pa la gnyis/ sgrub rtags kyi 'brel ba
nges byed dang/ dgag rtags kyi 'brel pa nges byed do/ /dang po
la gnyis/ rgyas

bar bshad pa dang/ don bsdu ba'o/ /dang po la gnyis/ 'bras bu
dag rang bzhin rtags kyi 'dre la ba nges byed do/ /dang po la
rgyas par bshad pa dang/ don bsdu ba'o/ /dang po la mtha' dpyad
pa dang/ tshig don te/ /dang po ni/ rgyu 'bras nges par byed pa
la/ tshad ma phrugs

@039a @#/ /gsum dang lnga la sogs pa nges par dgos par 'dod pa mi
rigs te/ de lta na/ bum pas chu skyor ba'i don byed nus pa la
yang tshad ma gsum la sogs pa dgos par khas blangs na gnad pa ci
yod/ bum pas chu skyor bar mngon sum

gcig gis grub pas/ de la tshad ma gzhan ci dgos she na/ 'o na/
mes du ba bskyed par bsgrub pa la yang tshad ma gzhan nges par mi
dgos par thal/ mngon sum gcig gis du ba me las skye bzhin par
mthong ba'i phyir/ de mi mtshungs te/ lan

cig tsam de ltar mthong yang/ bya rog dang ta la ltar yin srid
pas/ tshad ma gzhan med na rnam pa kun tu me 'khrul bar mi 'grub
bo zhe na/ bum pas chu skyor ba la yang mtshungs so/ /gal te me
du rgyu 'bras su nges pa la/ me du so sor 'dzin pa'i

mngon sum dang/ de gnyis kyi dag 'dzin mngon sum la bltos dgos
she na/ cig shos la yang bum pa dang chu so sor 'dzin pa'i mngon
sum dang/ bum pas dben pa'i gzhi la/ des chu skyor ba'i don byed
pas stong par nges pa'i dag 'dzin mngon

sum la bltos dgos so/ /me du snga phyi'i rgyu 'bras yin la/ bum
pa dang rang nang gi chu dus mnyam du mngon sum gcig gis dmigs
so zhe na/ bum pa chos can/ rang nang gi chu la phan mi 'dogs
par thal/ de dang dus mnyam yin pa'i phyir/

'dod na/ rang nang gi chu thur du ltung ba'i gegs mi byed par
thal lo/ /des na chu skyor ba ni/ rang gi rigs 'dra snga ma
rnams dang/ go sa mtshungs par gnas pa'i chu don gyi yul gyi
'bras bu yin la/ bum pa ni don de bskyed pa'i rgyu yin pas

@039b me du dang kun nas mtshungs so/ /'o na/ rgyu 'bras nges
pa'i tshad ma du ma bshad pa ji ltar yin zhe na/ log rtog rgyas
bar sel ba'i dbang du byas pa yin te/ de la rgyu med du 'dzin
pa'i log rtog dang/ mi mthun pa rgyur 'dzin pa'i log rtog go/
dang po ni/

du ba gsar skyer nges pa'i tshad mas 'gag la/ de yang dbang po
rno na glo bur du mngon sum du mthong ba tsam dang/ dbang po
rtul na rtag tu yod pa dang rtag tu med pa la gnod pa rgyas par
bstan pa la bltos so/ /log rtog gnyis pa ni/ me'i rjes

kho nar 'byung bar mthong gi/ de sngon du ma song bar nam yang
'byung ba ma mthong ba'i mngon sum sngon du 'gro ba'i ma dmigs
pa dang/ ma dmigs pa sngon du 'gro ba'i mngon sum la bltos la/
de yang/ dbang po rno 'bring rtul gsum ni sgro

'dogs gcod pa'i byed pa rno mi rno'i khyad par yin la/ rgyu
'bras kyi don phan 'dogs byed du yod med kyi rjes su 'gro ldog
byas dang byed por shes pa'i tshad du grub mtha'i log rtog shas
che ba la tshad ma lnga la sogs pa bstan dgos la/ log

rtog dngos su med kyang/ log rtog sel tshul rgyas par shes par
'dod pa la yang bstan dgos pa yin gyi/ rgyu 'bras su 'grub pa/
tshad ma de dag la nges par bltos pa ma yin te/ du ba me las skye
bzhin par mthong ba'i mngon sum gcig gis

kyang 'grub pa'i phyir ro/ /slob dpon shA-kya blos/ rgyu 'bras
la rta dang ba glang gis ma nges pa'i rtsod spang mdzad pa'i don
yang/ rta dang ba glang yul gzhan nas 'ongs pa yul 'dab 'byar
'dzin pa'i mngon sum tshad mas 'grub la/ du ba me yod

@040a @#/ /pa'i gzhi de las yul gzhan nas 'ongs pa mngon sum des
khegs pa'i don to/ /gnyis pa la/ rtags dgod pa ni/ du ba chos
can/ me'i 'bras bu yin te/ de la bltos nas de phan byed du med
na med pa'i 'bras bu spyi'i chos nyid kyi

rjes su 'jug pa'i phyir/ de bsgrub pa ni/ med de phan byed du
med par ni de yod mi srid de/ gal te yod na/ du ba chos can/
rgyu dang ldan pa las 'das par 'gyur bar thal/ du ba gang zhig
/me med par yang yod pa'i phyir/ 'dod na/ bsal ba bstan

pa ni/ yul dus rtag tu yod pa'am yang na 'gar yang med par 'gyur
bar thal/ dngos po gang zhig /rgyu rkyen gzhan la mi ltos pa'i
phyir/ phyi ma khas blangs te/ rgyu med du khas blangs pas so/
/thal ba de la khyab pa yod de/ dngos po

rnams ni yul dus rang bzhin ras 'ga' zhig 'byung ba rgyu la
bltos pa'i dbang las yin pa'i phyir/ dngos po ras 'ga' bar
mthong ba'i mngon sum tshad mas/ dngos po rtag tu yod pa dang
'gar yang med pa la gnod la/ dbang po

rno na de khegs pa'i tshad ma de nyid kyis rgyu med khegs la/
gzhan du na dngos po res 'ga' ba dang rgyu med kyi gzhi mthun la
gnod pa'i tshad ma gzhan yang bstan pa la bltos so/ /kha cig rgyu
med du skye na rtag tu yod par thal ba

dang nam yang med par thal ba gang rung gcig 'phen pa'i tshul
bstan pa yin gyi/ gnyis ka brjod par mi rigs te/ rtag tu yod na
med par 'gal bas so/ /zhes zer ba dang/ kha cig rgyu log pas
'bras bu mi ldog na/ rtag tu yod

@040b par 'gyur ba dang/ rgyu yod pa'i rjes su mi byed na nam
yang med par 'gyur ro/ /zhes rtags so sos thal ba so so 'phen
par 'dod pa dag ni dpyad par bya ste/ thal ba de gnyis gnyis ka
brjod du mi rung na/ rtag tu yod pa dang med pa gnyis gang

rung gcig skyon dang bcas par khas len dgos pas/ gang skyon dang
bcas/ phyi ma'o zhe na/ 'o na rgyu med las skye na rtag tu yod
par thal ba kho na brjod rigs kyi med par thal ba brjod mi rigs
par thal/ de la skyon dang bcas pa'i phyir/ 'dod na/

phyi ma yang brjod par bshad pa ji ltar yin/ snga ma skyon dang
bcas na yang de brjod mi rigs par thal lo/ /de yin na/ rtag tu
yod med gang rung gcid tu thal ba brjod pa yin gyi ya gyal so
sor thal ba la khyab pa med de/ shes bya yin na bum pa

dang bum ma yin gang rung gcig yin pas khyab kyang/ ya gyal so
sos khyab par khas len du mi rung ste/ de lta min na/ shes bya
yin na bum pa yin par thal/ de yin na bum pa dang bum ma yin
gang rung gcig yin nas bum ma yin ma yin pa'i phyir

ce na/ 'o na rgyu med las skyes na rtag tu yod par thal/ de las
skyes na de gnyis gang rung gcig yin nas/ rtag tu med pas ma
khyab pa'i phyir/ rtags phyi ma ma grub na/ thal ba snga ma
'phen mi rigs la/ 'dod na/ phyi ma mi rigs pas/ thal ba de gnyis

gang brjod pa gzhung gi don yin pa smra dgos so/ /gzhung 'di la
brten nas thal ba gang 'phen mi shes par the tshom bskyed pa'i
ched du slob dpon gyis gsungs par 'gyur ro/ /gzhan yang sngar
gyi thal ba de la khyab pa yod pa'i rgyu mtshan gang

@041a @#/ /yin; bum pa dang bum ma yin dngos 'gal yin pas so zhe
na/ 'o na shes bya yin na dgag pa yin pas khyab par thal/ gzhi
grubs sgrub pa ma yin na dgag pa yin dgos pa gang zhig/ shes bya
yin na gzhi grub sgrub pa ma yin

pa'i phyir ro/ /rgyu med las skyes na rtag tu yod med gnyis ka
yin na dngos 'gal la gnyis yin gyi phung gsum khas blangs bar
'gyur ro zhe na/ shes bya yin na bum yod dang bum med gnyis ka
yin na khyod rang gis bkod pa'i nyes pa der 'gyur

la/ bum yod yin na bum med shes bya la khegs pa dang bum med yin
na bum pa khegs par 'gyur ro/ /des na rgyu med las skyes na rtag
tu yod pa dang med pa gnyis ka yin pas khyab pas thal ba gnyis
ka 'phen rigs kyi/ gab rung gcig la

gnod pa dang bcas na dngos po res 'ga' bar 'grub pa la mi phan
par 'gyur ro/ /rtag rdzas yin na rtag rdzas yin pas kyang khyab
min pas kyang khyab na/ dngos 'gal la khyab pa med par 'gyur ro
zhe na/ 'o na/ de yin na rtag rdzas gcig dang du ma

dang bral bas khyab bam ma khyag khyab na rgyud 'gal la khyab pa
med par 'gyur la/ ma khyab na/ gcig dang du ma tsam dang bral
bas ma khyab pas gzhi grub par 'gyur ro/ /gnyis pa la gnyis/
dang po me du ma nges ba'i rgyu 'bras su thal bas sgos

kyi don bsdu ba ni/ gal te me med brgya byin gyi spyi bo me ste/
du ba sngar med gsar du bskyed pa'i nyer len gyi rang bzhin yin
na/ spyi bo de nyid chos can/ me'i rang bzhin du thal lo/ /'on
te de me'i rang bzhin min na/ de chos can/ ji ltar khyod kyis

@041b nyer len byas pa las/ du ba sngar med gsar du 'byung ba
'di mi rigs par thal lo/ /khyab ste/ sngar med kyi du ba'i nyer
len gyi rang bzhin yin na me'i rang bzhin dang/ me'i rang bzhin
min na cig shos min pas khyab par thal/ du ba de'i nyer len gyi
rgyu'i rang

bzhin me de la du ba bskyed pa yi nyer len gyi nus pa'i chos su
grub pas me'i rang bzhin ma yin pa las bye brag tu 'byed pa'i
nus pa dang ldan pa'i phyir/ grog ma'i tshang du ma dang ldan
pa'i grog mkhar la mig stong ldan pa'i brgya byin dang 'dra bwa/

btags pa'o/ /de'i don bsdu ba ni/ du ba de ni chos can/ rgyu med
du 'gyur bar thal/ du ba gang zhig du ba'i rgyu min pa las
'byung ba'i phyir/ gnyis pa spyi'i don bsdu ba ni/ du ba de'i
rang bzhin gang zhig chos can/ rgyu med du 'byung ba ma yin te/
don gzhan

snga ma me gang gi rjes su 'gro bar mthong ba'i phyir/ mi mthun
pa'i rgyu las kyang mi 'byung ste/ me de'i rgyu can yin pa de'i
phyir/ des na me'i 'bras bur legs par grub ste/ de phan 'dogs
byed du yod med kya rjes su 'gro ba dang ldog pa las skyes

pa'i phyir/ bsdu tshig ni/ rang 'grel gyi tshig shar ba yin pas
rtsa rkyang du bri mi dgos te/ dgos na gzhan du ma yod pa rnams
dgos par 'gyur ro/ /gnyis pa la bzhi/ 'brel pa nges byed kyi
tshad ma mdor bstan pa dang /rang bzhin rtags kyi phyogs

chos ma grub pa spong ba'i sgo nas kun rdzob dang don dam gyi
rnam gzhag bshad pa dang/ rang bzhin rtags kyi sbyor ba dpar
brjod pa dang/ 'brel pa nges byed rgyas par bshad nas ma nges pa
spang ba'o/ /dang po ni /'bras rtags su ma zad rang

@042a @#/ /bzhin gyi gtan tshigs la'ang med na mi 'byung ba'i
'brel pa yod de/ mi rtag pa de byas pa yod pa tsam dang/ rang
chos rjes su 'brel pa yin pa'i phyir/ des 'brel pa'i rang ldog
bstan nas/ don ldog ston pa ni/ yod pa'i bdag

nyid byas pa chos can/ khyod mi rtag pa dang 'brel te/ khyod de
dang tha dad de med na ni de log pa'i stobs kyis khyod kyang med
par 'gyur ba'i phyir/ der thal/ de khyod kyi ngo bo tha dad med
pa'i khyab byed yin pa'i phyir/ sngar bshad pa ni/ dam

bca' tsam dang 'dir ni 'brel pa'i sgrub byed mdor bsdus te bstan
pas mi zlos la/ yang na/ sngar rang bzhin gyi rtags nges bzung
nas/ 'dir de la rtsod pa spong ba dang/ gzhan sel gyi rnam gzhag
rgyas par bstan pa'i 'phros btsal ba'i

phyir dang/ bdag cig 'brel gyi rang ldog don ldog ngos bzung
ba'i ched du yin no/ /gnyis pa la/ mdor bstan dang/ rgyas bshad
do/ /dang po la gnyis/ mtha' dpyad pa dang tshig don to/ /dang po
la gsum/ rang bzhin rtags la 'phros pa'i

dogs pa skyes pa'i tshul bshad pa dang/ dogs pa skye ba'i rgyu
mtshan rtogs dka' ba'i gnas kyi gtso bo ngos bzung ba dang/ de la
lugs gzhan dper brjod pa'o/ /dang po ni/ byas pa'i rdzas dang mi
rtag pa'i rdzas tha dad med par thal/ byas

mi rtag rdzas tha dad med pa'i phyir/ 'dod na/ rdzas su gyur
pa'i byas pa gtan tshigs yin nam/ rtog pas btaD tsam gyi don gtan
tshiD yin/ dang po ltar na/ dam bca'i don gyi phyogs gcig chos
rtags su bkod pa'i ma grub par thal/ byas pa'i rdzas dang

@042b mi rtag pa'i rdzas tha dad min pa'i phyir/ phyi ma ltar
na/ byas pa mi rtag bsgrub pa'i gtan tshigs yin na mi rtag pa yin
par 'gal pas/ khyab pa 'gal nas ma grub par 'gyur zhing/ rjes
dpag gis lkog gyur gyi don rang mtshan go ba mi srid pas phra

ba'i mi rtag pa dang rdul phran la sogs pa tshad mas mi 'grub par
'gyur te/ mngon sum gyis kyang mi rtogs pa'i phyir ro/ /de ma
grub na/ rgyun dang rags pa rtogs pa mi srid pas 'dus byas mi
srid la/ de med na 'dus ma byas kyang mi srid par 'gyur

ro/ /rtog pas btags pa'i don la zhen nas zhugs pas thob par
'gyur bas skyon med do zhe na/ de ltar yin yang don rang mtshan
la mi 'khrul ba mi srid de/ sgra byas par nges byas na mi rtag
pa'i khyab pa nges na sgra'i mi rtag pa la mi slu ba rigs na
rtaD

su bkod pa'i don de yin na mi rtag pa yin par 'gal bas khyab pa
phyin ci log tu grub pa'i rtags las ming dod pa'i nges pa bskyed
par byed kyi/ 'dod pa'i nges pa bskyed par me byed do/ /gal te
chos dang chos can gyi bye brag tha dad pa rtog pas btags

pa yin kyang/ rtags su bkod pa'i byas pa rang mtshan yin no zhe
na/ 'o na/ rtags la sogs pa don rang mtshan la grub bam ma grub/
grub na dam bca'i phyogs gcig rtags su bkod pa'i nyas pa so na
gnas par thal/ byas mi rtag rang mtshan la tha

dad med kyi rtags chos kyang rang mtshan la gnas pa'i phyir/ des
na rang mtshan rtags su bzung na/ chos dang tha dad nyams pas
'brel med du 'gyur la/ rtog pas btags tsam rtags su bzung na/
sgra mi rtag par sgrub pa'i khyab pa 'gal nas ma

@043a @#/ /grub cing phyogs chos kyang mi 'grub pas rang bzhin
gyi gtan tshigs yang dag la 'brel ba yod do zhes pa'i tshig brjod
byas stong la/ de med na rtags gzhan gnyis kyang mi srid pas
tshad ma mngon sum gcig pur zad pa'i rgyang phan

gyi lugs gnas par 'gyur ro/ /zhes pa ni rtog ldan la skye ba'i
dogs pa'o/ /tshig tsam mthong bas legs par tshim pa dag ni/ rtog
pas btags tsam yin na gzhal byar rloM pa tsaM ma gtogs tshad ma'i
gzhal byar mi rung la/ gzhal bya yin na rang

mtshan yin pas khyab par smra zhing/ dngos su tshad ma gnyis yod
pa ltar smras nas rgyang phan gyi gzhung legs par 'dzugs par
byed do/ /de dag gis ni tshad ma dang/ /gzhal bya kun la skur pa
btab/ /ston pas gsungs pa'i thar pa dang/ /thams cad mkhyen

pa'ang legs par bkag /mdor na kun nas nyon mongs dang/ /rnam
byang chos rnams brlag par byas/ /bar skabs kyi tshigs su bcad
pa'o/ /gnyis pa ni/ dper brjod na/ rtog pa la bum pa ma yin pa
las log par snang ba rang gi mtshan nyid kyis grub pa

bkag pa na rang gi mtshan nyid kyis grub pa'i bum pa ma yin pa
las log par snang ba yang khegs nas 'jog mi shes par 'gyur la/
bum pa ma yin pa las log par snang ba'i rang mtshan yod par
bsgrub pa na rtog pa la bum pa ma yin par snang ba

yang rang gi mtshan nyid kyis grub pa mi khegs shing rang gi
mtshan nyid kyis grub par khas len dgos la rtog pas btags pa tsam
du 'jog mi shes par 'gyur/ spyi mtshan dngos po yin pa bkag na/
dngos po nyid kyang khegs nas tshad mas

@043b sgrub mi shes par 'gyur zhing/ dngos po khas blangs na
spyi mtshan yang dngos por khas len dgos pa kun rdzob tsam du yod
pa dang don dam du yod pa'i chos gnyis gcig tshad mar bzung nas
cig shos sun 'byin pa'i 'gal 'du 'ba' zhig tu

'gyur ba 'di/ gzhung lugs 'di'i rtogs dka' ba'i gnas kyi gtso bo
dam pa yin no/ /'di ma rtogs par rang mtshan rtog pa'i yul du
khas blangs na sgrub 'jug tu song nas tshad ma gzhan don med par
'gyur ba dang sgra dang rtags la sogs pa sel

'jug tu khas blangs na/ de dag rang mtshan la ye ma reg par 'jug
tshul rnams rlom pa tsam 'ba' zhig go snyam pa'i log rtog rnams
'byung bar 'gyur ro/ /mdor na rtog pas btags tsam gyi chos la
tshad ma'i gzhal bya skyon med rang

mtshan dang mtshungs par 'jog mi shes na/ spyir lugs dam pa 'di'i
gnad legs par rtogs pa mi srid cing/ /khyad par tha snyad tsam
du yod pa'i kun rdzob kyi don mi rtogs par 'gyur la/ de nyid
dang don byed nus pa'i gzhi mthun khas

blangs na lugs 'de'i thun mong ma yin pa'i don dam gyi tshul mi
rtogs par 'gyur ro/ /ji skad bshad pa'i yul gyi gnas lugs dang/
blo'i 'jug tshul phyin ci ma log pa mi rtogs pa/ gzhan sel dang
sel bas 'jug tshul phyin ci ma

log pa ma rtogs pa byas pa yin pas/ 'dir gzhan sel gyi rnam
gzhag rgyas par mdzad pa yin no/ /gsum pa ni/ lugs gzhan nas
dbang shes la gzugs sgra la sogs pa rang gi mtshan nyid kyis grub
par snang zhing snang ba ltar de dag rang gi

@044a @#/ /mtshan nyid kyis grub pa ma khegs na/ don dam bden pa mi
rtogs shing/ de ma rtogs na gzugs sgra la sogs pa kun rdzob bden
par mi rtogs la/ rang gi mtshan nyid kyis grub pa khegs pas don byed
nus pa khegs na/ chad lta

'ba' zhig tu 'gyur bas/ gzugs sgra sogs rang bzhin gyis stong pa
don dam pa'i bden pa dang 'bras bu bskyed pa'i bya ba byed nus
pa'i gzugs sgra la sogs pa kun rdzob kyi bden par rnam par bzhag
pa mdzad do/ /rang bzhin gyis yod pa

dang don dam par yod pa sogs 'dra la/ gzugs sgra sogs don dam
par yod pa ma khegs na kun rdzob bden par mi 'grub pas/ de dag
bden pas stong pa'i rigs pa'i rnam gzhag rgyas par mdzad pa yin
no/ /dpe de bzhin du lugs 'dir

ni dngos po rang gi mtshan nyid kyis grub par bzhag pa ma gtogs
bkag pa cung zad kyang med cing/ rang gi mtshan nyid kyis ma grub
na 'bras bu bskyed pa'i bya ba mi rung ba'i tshul 'ba' zhig rtsal
du bton nas 'chad par mdzad do/ /yang spyi mtshan

rtog pa la rang gi mtshan nyid kyis grub par snang zhing/ snang
ba ltar rang gi mtshan nyid kyis grub pa ma khegs na/ de kun
rdzob tu mi 'grub pas de 'gog pa'i rnam gzhag rgyas par 'chad
cing/ rang gi mtshan nyid kyis ma grub pas/ des 'bras bu

mi skyed pa'i tshul rgyas par ston bzhed nas/ gang phyir dngos
kun rang bzhin gyis zhes sogs gsungs shing/ rang bzhin gyis zhes
bya ba ni lugs cig shos dang thun mong ma yin pa'i khyad par
bstan bzhed nas yin no/ /de dang mtshungs par

@044b sa sde skor dang dbyig gnyen dang blo brtan gyi gzhung las
kyang 'di kho na ltar gsal bas lugs de gnyis so sor byed na
mkhas par 'gyur gyi/ gcig tu bsre ba skad byed na gnyis ka ma
rtogs pa'i rtags yang dad yin pas/ kye shes pa chung ba

dag da du ra zos pa min nam/ mig yang dang yang du phyis la ltos
shig /da ni 'di dpyad par bya ste/ rang mtshan yin na yul dang
dus dang ngo bo ma 'dres par gnas la/ de rang mtshan gyi thun
mong ma yin pa'i don ldog kyang yin zhing/ yul ma 'dres

pa ni/ shar na gnas na nub na gnas par 'gal ba dang/ dus ma
'dres pa snga dro skyes na phyi dro skyes par 'gal ba'i don
dang/ ngo bo ma 'dres pa/ khra bo la yod pa'i dngos po yin na
ser skya la yod par 'gal ba'i don du smra bar byed cing dngos po

dang rang mtshan don gcig pas rtags yang dag yin na dngos po min
par 'chad par byed do/ /gzhan dag ni/ rang mtshan gyi don de kho
na ltar gnas shing/ dngos po la rang mtshan gyis ma khyab pas
gtan tshigs byas pa sogs dngos po

yin yang rang mtshan min pas dpe la rjes su mi 'gro ba'i nyes pa
med do/ /zhes mgrin pa bsal nas smra bar byed do/ /dus 'dres par
'dzin pa'i snga phyi gcig 'dzin gyi blo des snga dus na yod na
phyi dus na yod pas khyab par gzung bar thal/

snga dro skyes na phyi dro ma skyes pas khyab pa de dus ma 'dres
pa'i don yin pa'i phyir/ /de bzhin du yul 'dres par 'dzin pa'i
blo des shar na yod na nub na yod pas khyad par gzung bar thal
ba dang/ ngo bo 'dres par 'dzin pa des/ khra bo la yod na ser

@045a @#/ /skya la yod pas khyab par gzung bar thal lo/ /des na/
dus 'dres par 'dzin pa'i rtag 'dzin kun brtags dang lhan skyes
kyis snga dus kyi dngos po dang phyi dus kyi dngos po gcig tu
gzung bas dus ma 'dres pa yang snga dus kyi dngos

po phyi dus med pa dang/ phyi dus kyi dngos po snga dus na med
pa'i don yin gyi/ de lta min na dngos po chos can/ snga dus na
med par thal/ phyi dus na yod pa'i phyir/ rtags bsal la lan
'debs na chos can la the tshom za bar gsal

bas chos can ma grub ces smras na mdzes so/ /de bzhin du yul
'dres par 'dzin pas bum pa lta bu'i rang gi shar nub kyi rdzas
la dus gcig tu rag pa na/ shar la reg pa des nub la reg par
gzung gi khyab pa gzung ba min pas/ shar la

reg pa des/ nub la rag pa min pa/ yul ma 'dres pa'i don dang/
ngo bo 'dres par 'dzin pas khra bo'i rang bzhin du gyur ba'i
spyi de nyid/ ser skya'i ngo bo yin par gzung bas/ ma 'dres pa'i
don ni/ khra bo'i ngo bo de nyid ser skya la med pa'i don te/ de

lta min na/ khra bo yi ni ngo bo gang zhes sogs kyi rkang pa
bzhi/ snga ma gnyis la phyi ma gnyis kyis gnod par 'gyur ro/
/gzhi rnam shes la rang mtshan gyi don tshad mas khegs na ngo bo
nyid med par smra ba'i lugs kyi lta ba go bar 'gyur la/

yul dang/ dus dang/ ngo bo ma 'dres pa tsam zhig dngos po rnams
la ngo bo nyid med par smra ba rnams kyis kyang 'dod pa yin no/
/des na rang mtshan gyi don ni rtog pas btags pa tsam min par yul
rang gi ngos nas grub pa'i don to/ /gnyis

@045b pa tshig don la gsum/ dngos po'i gnas lugs dang/ yul can
blo'i 'dzin stangs dang/ blo des yul de ji ltar rtogs pa'i tshul
lo/ /dang po ni/ sngar bshad pa'i rtsod pa'i don bsdus na/ byas
pa sgra mi rtag sgrub kyi dam bca'i phyogs gcig

rtags su bkod pa ma grub par 'gyur te/ byas mi rtag ngo bo tha
dad med pa'i phyir/ ces pa'o/ /rkang pa dang po bzhis dngos po'i
gnas lugs bstan nas/ de nas rkang pa phyed dang gsum gyis/ dngos
po'i gnas lugs bstan pa de nyid kyis kun rdzob

dang gzhan sel gyi rnam dbye 'bad pa med par grub bo zhes ston
pa yin no/ /dngos po kun chos can/ rigs mthun dngos po dang/
gzhan rigs mi mthun gyi dngos po dag las/ ldog pa la ni brten pa
can yin te/ gang gi phyir na rtog pas btags

pa tsam min par rang bzhin gyis gzhan dang ma 'dres par rang gi
ngo bo la gnas pa'i phyir/ bsdus na/ mnyan bya chos can/ sgra ma
yin pa dang byas pa ma yin pa las log pa yin te/ sgra'i thun
mong ma yin pa'i don yin pa'i phyir/ byas pa la bltos pa'i riD ?

mi mthun byas pa ma yin pa'i nam mkha' sogs dang/ rigs mthun
sgra ma yin pa'i bum pa sogs so/ /rigs mthun rigs mi mthun kun
las ldog pa de'i phyir/ logs gang dang gang las don de ldog pa
de'i rgyu mtshan can gyi dngos po de/ de

ltar rang rgyu las skyes pa'i rgyu mtshan gyis byas mi rtag la
sogs pa'i rigs du ma dbye rung ba yin no/ /bsdus na/ de chos
can/ khyod la ldog pa du ma dbye rung ste/ rang gi rigs mthun
rigs mi mthun kun las ldog par rang rgyu las skyes pa'i

@046a @#/ /phyir/ don ni/ sgra de byas pa ma yin pa las ma log
na 'dus ma byas su 'gyur la/ sgra ma yin pa'i bum pa sogs las
ma log na bum pa sogs su 'gyur bas sgra ma yin pa las log dgos
la/ yang bum pa de sgra ma yin pa las

log na sgra yin par 'gyur bas/ bum pa dang thun mong du rjes
su 'gro ba'i byas pa ma yin pa las log pa dang/ bum pa las
rjes su mi 'gro ba'i sgra ma yin pa las log pa'i ldog pa dang
khyab che chung gnyis yod par grub pa ni/ rang

mtshan gyi gnas lugs bshad pa'i lag rjes la grub pa yin pas/
des mtshon nas ldog pa mtha' dag la shes par bya'o/ /gnyis pa
ni/ de ltar sgra gcig bu de la yang rigs du ma dbye rung ba
de'i khyad par byas pa dang mi rtag pa

la sogs pa rim gyis rtogs pa'i tshad ma rnams kyis/ de dag rim
can du rtogs pa la brten nas tshad ma gzhan gyis sgra mi rtag
par rtogs par 'gyur ba dag rab tu byed do/ /sgra'i khyad chos
rnams rim gyis rtogs kyi dus gcig kho nar

rtogs pa ma yin te/ khyad chos go dka' sla du ma yod pa'i
phyir/ gsum pa ni/ khyad chos rim can du rtogs pa las sgra mi
rtag par rtogs par 'gyur ba de'i phyir/ byas pa lta bu'i khyad
par gang zhig rang gi rnam pa shar ba'i blo'i chos

gang gis go bar 'gyur ba'i byas pa de de'i rnam pa ma shar
ba'i blo de las gzhan gyis go bar nus pa ma yin la mi rtag
pa'ang de dang mtshungs pa des na tshad ma'i yul na byas mi rtag
tha dad du rnam par gnas pas dam bca'i phyogs

@046b gcig rtags su bkod pa'i skyon du mi 'gyur ro/ /yang na
byas pa lta bu'i khyad par gang zhig byas so zhes brjod pa'i
ming gi chos gang gis thun mong ma yin par go bar 'gyur ba de/
de las gzhan mi rtag go zhes pa'i ming las thun mong ma yin

par go bar nus pa ma yin zhes sbyar ro/ /sgra la byas pa rtogs
pa'i tshad ma des khyad chos kun rtogs pa ma yin te/ khyad chos
de rnams dngos ming mi 'dra ba la brten nas rtog pa tha dad
kyi rnam pa mi 'dra bar go ba'i phyir/ byas pa sgra mi

rtag par sgrub pa'i dam bca'i phyogs gcig chos rtags su bkod
pa'i ma grub pa ma yin te/ byas mi rtag go dka' sla yod pa'i
phyir/ byas mi rtag gi tha dad ni rang rig mngon sum gyis
shugs las grub ste/ byas pa dang mi rtag pa 'jal

ba'i tshad ma gnyis la rnam pa so sor shar ba shugs la grub pas
so/ /byas pa 'jal ba'i tshad ma dang mi rtag pa 'jal ba'i tshad
ma gnyis kyis byas mi rtag so sor go'am 'on te ma yin/ snga ma
ltar na/ tshad ma de gnyis kyis so sor

go ba nyid kyis tha dad du grub zin pa'i phyir/ rang rig mngon
sum mi dgos la/ de gnyis kyis so sor ma go na/ rang 'jal ba'i
tshad ma gnyis kyis so sor ma go na/ so sor med pa yin pas rang
rig mngon sum la so sor gro ba'i nus

pa med par 'gyur ro zhe na/ de gnyis kyis tha dad du grub mod
kyi/ de gnyis go ba'i tshad ma so sor yod pa rang rig mngon sum
gyis grub pas de gnyis so sor yod pa yang shugs la rtogs so/
des na byas mi rtag rdzas tha dad min yang

@047a @#/ /byas pa'i rdzas dang mi rtag pa'i rdzas tha dad yin
la de yang rtog pas btags tsam yin no/ /byas mi rtag gi tha
dad chos can/ tha dad mtshan nyid pa ma yin te/ rtog pas btags
tsam yin pa'i phyir ces zer na/ de la rtaD ?

de'i khyab pa nges pa'i tshad ma de nyid kyis khyod rang gi
gtan tshigs de 'brel med du sgrub zin yin no/ /gnyis pa la/
sgrub pa'i sgra rtog sel ba'i yul can du rgyas par bsgrub pa
dang/ dgag pa'i sgra rtog rnam gcod kyi yul can du 'bad pa med

par grub pa'i tshul lo/ /dang po la gsum/ sgra rtog bsgrub pa
kho na la 'jug pa dgag pa dang/ gzhan sel la 'jug par bsgrub
pa/ de la rtsod pa spang ba'o/ /dang po ni 'dir rang 'grel du/
yang sgra dang rtags dag gis rnam par bcad pa rtogs

par byed kyi bsgrubs pas dngos po'i rang gi ngo bo kho na ma
yin no/ /zhes bya ba ji ltar shes she na/ tshad ma gzhan dang
sgra gzhan 'jug pa'i phyir te/ zhes gsungs pa'i don ni/ sgra
dang rtags kyi rnam bcad gzhan sel rtogs par byed kyi sgrubs
pas

te/ de ma yin rnam par bcad pa la mi ltos par dngos po'i rang
gi ngo bo kho na yul du byed pa ma yin zhes dris pa'i don dgag
pa'i phyir tu rtags dgod pa ni/ tshad ma gzhan dang sgra gzhan
'jug pa'i phyir te/ zhes pas bstan te/ tshad ma gzhan ni rtaD ?

so/ /des na/ rjod byed kyi sgra dang rtags dag ni gzhan sel
gyi yul can yin te/ chos can 'jal ba'i tshad ma de las tshad ma
gzhan 'jug pa'i phyir dang/ de brjod pa'i sgra las sgra gzhan
'jug pa'i phyir ces pa'i sgrub rtags dang yang sgrub

@047b pa kho na la 'jug pa ma yin te/ zhes pa'i dgag rtags
dang gnyis bstan nas/ de'i rtags bsgrub pa ni/ 'di nas bzung
ste ston la/ khyab pa bsgrub pa ni cha shas sgro 'dogs zhes pa
nas ston to/ /des na 'di la gnyis/ chos can 'jal ba'i tshad ma
de las

tshad ma gzhan dang sgra gzhan 'jug par bsgrub pa dang/ de grub
na gzhan sel gyi yul can du grub par bstan pa'o/ /dang po la
spyir bstan pa dang/ bye brag tu bstan pa'o/ /dang po la gsum/
thal ba dgod pa dang/ rang la mtshungs pa spang ba dang/ don
bsdu

ba'o/ /dang po ni/ sgra la sgra 'dzin mngon sum gyis ma mthong
zhing ma gzhal ba'i cha gzhan tshad ma phyi ma rnams kyis brtag
cing gzhal bar bya ba'i cha gang ci zhig yod de cung zad kyang
med par thal/ sgra'i thun mong ma yin pa'i don gyi rang gi ngo
bo gcig po

de'i bdag nyid mngon sum du grub pa yin zhing des drangs pa'i
nges shes kyang de dang 'jug tshul mtshungs pa'i phyir/ sgra
rtog sel ba la mi 'jug na/ sgra 'dzin mngon sum gyis sgra'i
chos mtha' dag mngon sum du mthong ba bzhin du/ des drangs

pa'i sgra nges pa'i nges shes des sgra'i chos thams cad nges
par 'gyur la/ de ltar na/ tshad ma gzhan don med par thal ba
las tshad ma gzhan 'jug pa mthong ba'i phyir ces pa'i don te/
de'i don ni/ sgra nges pa'i chos shes des sgra de sgra ma yin

pa las log par go'am ma go/ ma go na sgra ma yin du 'dzin pa'i
zhen yul rnam par bcad pa ma go bas sgrar yang ma go bar 'gyur
ro/ /sgra ma yin pa las log par go na sgra de rtag pa las log
par go'am ma go/ ma go na/ sel 'jug tu

@048a @#/ /grub la/ go na/ des mtshon nas sgra la bltos pa'i
chos gzhan yang go bas sgra la bltos pa'i kun mkhyen du 'gyur
ro zhes pa'o/ /sgra 'dzin mngon sum gyis sgra gzung ba na
sgra'i mi rtag pa yang gzung bas khyab ste/ de gnyis khyab
mnyam

rdzas gcig yin pa'i phyir ces pa tsam gyis rkang pa dang po
gnyis kyi don mi rdzogs te/ bum pa'i mchu 'dzin pa'i mngon sum
des bum pa'i zhabs gzung bar thal/ des bum pa gzung ba gang
zhig de gnyis khyab mnyam rdzas gcig yin pa'i

phyir/ 'dod na/ des bum pa'i phyi nang gi rdul phran kun
mthong bar thal/ rtags snga ma ma grub na bum pa'i rdul phran
kun ma mthong bar bum pa mi mthong bar thal lo/ /des na dus
dang ngo bo dang yul go sa gnon pa'i nus pa yod na de yang
khyab

che chung med pa'i rdzas gcig pa dgos so/ /'o na bum 'dzin
rtog pa chos can/ khyod rang gi gzung rnam de la mngon sum du
thal/ khyod rang gi 'dzin rnam de la mngon sum yin pa gang
zhig /de gnyis gos gnon pa'i nus pa yod na yang khyab che
chung med/

dus sogs la bltos nas kyang khyab mnyam rdzas gcig yin pa'i
phyir/ ce na/ 'di la shes pa yin na rang gi ngo bo la mngon
sum yin pas khyab par 'dod pa dag gis lan gdab dka' la/ kho bo
ni rtags snga ma ma grub par 'dod de 'og tu 'chad

do/ /gang phyir dngos kun zhes sogs kyi gzhung gis sgra rtog
yul la cha shas su phye nas 'jug par bstan pa la 'phros nas/
'di man chad kyis gzhan sel ngos gzung ba dang/ sgra rtog sel
ba la 'jug pa dang sel ba'i dbang gis 'jug pa'i

@048b rgyu mtshan rgyas par bstan pa yin no/ /bram ze chen po'i
bzhed pa ltar na gzhung 'dis rtags bkod pa dang rjes su dpag
pa las kyang zhes sogs dang/ sgra'am blo gcig gis khyab na
zhes sogs khyab sgrub tu sbyor ba mdzad do/ /gzhung 'di'i

don bsdus na/ thal 'gyur dngos su bstan nas rang rgyud shugs
la 'phangs pa yin te/ rang rgyud ni sgra chos can/ khyod la
'jug pa'i sgra dang rtogs sel ba'i yul can yin te/ khyod kyi
steng du tshad ma gzhan dang sgra gzhan 'jug pa'i phyir/ gnyis

pa ni/ sel ba smra ba la yang nyes pa de mtshungs so zhe na/
sel ba smra ba la/ sgra rtogs gzhan 'jug pa don med du thal
bas skyon med de/ gal te phyi nang gi 'khrul pa'i rgyu mtshan
gyis sgra la rtag pa sogs kyi yon tan gzhan sgro 'dogs kyis

sbyor bar mi byed na tshad ma gzhan don med na yang sgra la
rtag pa sogs su sgro 'dogs pa mthong ba'i phyir/ der thal/
gzugs kyi chos kha dog dkar bar mthun pa mthong ba las/ nya
phyis la dngul du sgro 'dogs pa'i rnam pa ltar mthong ba'i

phyir/ nya phyis la dngul gyi spyi don gzhan yod pas dngul lo
snyam du mthong ba yin no zhes zer ba yang mi rigs te/ spyi
don gzhan yod na dmigs su rung ba las ma dmigs pa'i phyir
dang/ 'khrul rgyu dang bral bas kyang de ltar mthong bar thal

ba'i phyir ro/ /gsum pa ni/ sgra 'dzin mngon sum chos can/
sgra dang grub sde rdzas gcig pa'i yon tan mtha' dag mthong ba
nyid yin te/ sgra yi dngos po gzung don du byas nas mthong ba
yis so/ /de de ltar mthong yang sgra la mi rtag pa sgrub pa'i
ngag

@049a @#/ /rab tu 'jug dgos pa yin te/ phyi nang gi 'khrul pa'i
rgyus mthong ba ltar nges par mi byed pas 'jug dgos pa'i
phyir/ gnyis pa la gnyis/ sgra rtogs gzhan sel ba'i yul can
min pa la gnod pa bstan pa dang/ sgro 'dogs

mngon gyur med na sel ba'i yul can du 'gal ba spang ba'o/
/dang po ni/ sgra nges pa'i nges shes su ma zad/ sgra mi rtag
rtogs kyi rjes su dpag pa las kyang sel ba mi go bar/ dngos po
kho na 'dzin na/ sgra mi rtag rtogs kyi rjes dpag chos can/

sgra'i chos kun 'dzin cing nges par thal/ sgra'i chos gcig mi
rtag pa sgrub pa'i sgo nas gzung zhing nges par gyur pa'i
phyir/ sel ba la 'jug par smra ba la tshad ma gzhan 'jug pa don
med pa'i nyes pa 'dir ni thal bar mi 'gyur te/ tshad ma saus ? 

sgro 'dogs so sor gcod kyi/ gcig gis kun mi gcod pa'i phyir/
des grub pa'i don ni/ de ltar rtags dang rjes dpag sel ba'i
yul can yin par rab tu bsgrags pa'i rgyu mtshan yod de/ sel
'jug la nyes pa med cing sgrub 'jug la

yod pa'i de'i phyir/ khegs pas grub pa'i don ni/ chos can sgra
tshad mas grub par gyur na/ tshad ma de las ma grub pa'i chos
gzhan ci yang med par thal/ sgra rtog gzhan du sgrub pas 'jug
pa'i phyir/ 'di dag gis ni sgra rtog sel ba la mi

'jug na ha cang thal ba dang rang la nyes pa med pa dang/ des
grub pa'i don gsum gyis/ don gyi rang gi ngo bo zhes pas
'phangs pa'i khyab sgrub 'ba' zhig bstan to/ /gnyis pa ni/
mngon sum gyis mthong ba'i don 'ga' la'ang 'di sngon po'o

@049b snyam du nges pa'i shes pa gang yin pa de sel 'jug ? min
par thal/ bsal bya sgro 'dogs mngon gyur med pa'i phyir/ 'dod
mi rigs te/ spyi yi don can yin pas rnam par rtog pa yin la/
rtog pa thams cad sel 'jug tu khas blangs

pas so zhe na/ de 'dra'i nges shes chos can/ sel ba'i spyod
yul can yin te/ rang gi 'du byed ma nyams pa'i bar la gzhan
gyis cha sgro ma btags shing rang gi log phyogs kyi zhen yul
rnam par bcad pa nges pa'i phyir/ khyab ste/ de

tsam kyis sel 'jug tu 'grub pa'i phyir/ rtags bsgrub pa ni
nges shes 'di ni chos can/ rang gi log phyogs kyi sgro 'dogs
de'i zhen yul gyis dben pa la 'jug ces bya bar shes pa yin te/
nges pa khyod dang rang gi log phyoD ?

kyi sgro 'dogs kyi yid gnyis dngos su gnod bya gnod byed kyi
ngo bo yin pa'i phyir/ gnod bya gnod byed du 'gyur ba'i tshul
ni/ tshad ma de'i byed pa ma nyams pa'i bar la dngos kyi gnod
bya sgro 'dogs mngon du skye ba'i go skabs

bcom pa yin kyi/ nges shes yod dus sgro 'dogs dngos su med pa
tsam ni rtog gnyis cig car mi skye ba'i rgyu mtshan gyis yin
no/ /'o na/ sgra mi rtag rtogs kyi rjes dpag tshad ma'i byed pa
ma nyams na/ sgra rtag 'dzin gyi sgro 'dogs lhan

skyes skye'am mi skye/ skye na gnod bya gnod byed nyams la/ mi
skye na mngon sum dang 'gal zhing/ mthong lam gyi rjes su
bsgom lam bsgom pa don med par 'gyur ro zhe na/ skyon med de/
rjes dpag des sgra rtag 'dzin lhan skyes kyi zhe na

@050a @#/ /yul rnam par bcad pa des kyang lhan skyes mngon gyur
'joms mi nus kyi byed pa'i 'du byed ma nyams na/ kun brtags
mngon gyur skye ba'i go skabs bcom pas de la dngos su gnod pa
yin no/ /'o na kun

brtags ni gang lhan skyes ni gang zhe na/ dang po ni/ sgra
rtag mi rtag dpyad pa zhugs pa'i dbang gis rtag snyam pa dang/
sgra rtag pa 'thad snyam pa'i/ /phyi ma ni/ de 'dra la mi ltos
par snga phyi gcig 'dzin dang ? gis skye ba'o/ /dpe de bzhin
du mthong lam

du bdag 'dzin lhan skyes kyi zhen yul med pa mngon sum du
rtogs kyang kun brtags kyi sa bon spong gi lhan skyes ni mngon
gyur yang rgyun gcod mi nus so/ /tshad ma'i sgro 'dogs gcod
tshul dang/ bsam gtan gzugs med kyi 'jig rten pa'i

ting nge 'dzin gyi nyon mongs spong tshul mi 'dra ste/ bsam
gtan dang po'i nyer bsngogs rdzogs par skyes na/ 'dod pa'i
nyon mongs mngon gyur lhag ma ma lus par ldog ste/ gnyen po
yid la byed tshul gyi dbang las yin no/ /nyon yid khas len

na ni/ lus rten sa gang yin pa de'i sa ba yin yang/ sa gong
ma'i sems kyis mi spong ngo/ /gzhung 'di dag bsal bya sgro
'dogs dngos su med na/ sel ba'i yul can du mi rung snyam pa'i
dogs gcod zur pa yin gyi/ mngon sum gyis drangs pa'i

bcad shes sel ba'i yul can du bsgrub pa'i ched kho nar bkod pa
min no/ /gnyis pa la gsum/ sgra rtogs sel ba'i yul can du grub
pa dang/ sgrub 'jug dgag pa dang de'i lan dgag pa'o/ /dang po
ni des na/ sgra rtogs de dag spyod yul tha dad

@050b pa can gyi sel 'jug tu grub ste/ sgra'i chos la cha shas
gzhan dang gzhan du sgro 'dogs pa ji snyed yod pa de bsal ba'i
phyir nges pa dang sgra yang de snyed kho na 'jug par grub
pa'i phyir/ /'o na/ rtag pa byas stong du nges pa'i tshad ma
gcig po des

byas pa'i gsal bya'i dbye ba mtha' dag gis stong par nges pa
dang 'gal lo zhe na/ skyon med de/ ? tshad ma gcig gis sgro
'digs ? du ma gcod pa'i bya ba mi byed na sgro 'dogs kyi
grangs dang mnyam pa'i tshad ma rdzas tha dad bstan dgos la/
bya

ba byed na yang sgro 'dogs kyi grangs dang mnyam pa'i nges
shes kyi ldog pa dang ldan pa dgos shing/ de yang byas stong
du nges pa'i tshad ma des sgra'i byas stong du yang nges/ bum
pa'i byas stong du yang nges zhes brjod pa na/ sgra de dag
dang de'i rjes su 'gro

ba'i rtog pa de dag spyod yul tha dad pa can kho na yin pas
'gal ba cung zad kyang med do/ /gnyis pa ni/ sel bas 'jug pa
las gzhan du sgra'i dngos po gcig bu'i cha shas mtha' dag la
sgra 'am blo rtog pa gcig gis yul du byas pas khyab na byas pa

brjod pa'i sgra dang mi rtag pa brjod pa'i sgra gnyis rnam
grangs pa nyid du 'gyur bar thal/ de gnyis yul gzhan ma yin
par brjod bya dang dgos pa tha dad med pa'i rjod byed tha dad
yin pa de'i phyir/ gzhung snga phyi 'di dag sgra rtogs sel
ba'i yul can du sten

ba'i lan so sor sbyar na sbyar du rung ba tsam yin mod kyi
nges par sbyar dgos pa ma yin te/ shAkya blos kyang so sor
bshad pa mi snang zhing/ khyad par du bram ze chen po de gnyis
'jug tshul gcig gis 'di ltar 'chad de/ don gyi rang gi ngo bo
zhes pas sgra 

@51a @#/ /rtogs gzhan 'jug pa'i rtags kyis sgra rtogs sel ba'i
yul can du sgrub pa'i gtan tshigs dgod pa bstan la/ rjes su dpag
pa las kyang zhes pa dang/ gzhan du dngos po gcig pu la/ rtags
de'i khyab pa bsgrub pa sgra rtogs gnyis ka

la sbyar nas gsal bar gsungs so/ /cha shas zhes pa'i tshigs bcad
gnyis rang 'grel du bar tshigs su mdzad pa la/ bram ze chen po na
re/ gal te 'khrul pa'i rgyu mtshan gyis zhes pa'i rang 'grel du/
cha shas zhes sogs gsal bar gsungs

zin pas/ rang 'grel du gsungs zin pa yang rtsa bar bkod pa ni/
bsdu tshig yin no zhes sgra rtogs gnyis ka sel ba'i yul can du
grub pa'i don bsdur yang sbyar ro/ /sgra rtags gzhan 'jug par
gang gis grub ce na/ don gyi rang gi ngo bo zhes sogs

dran par bya la/ sgra rtogs gzhan 'jug kyang sel ba'i yul can du
ji ltar grub snyam na/ rjes su dpag pa las kyang dngos zhes sogs
kyi rigs pa dgod par bya ba yang bshad do/ /de ltar yang 'grel
bshad du/ des na don gyi rang gi ngo bo gcig ces

bya ba'i gzhung 'di dang mthun par 'di gtan tshigs su bkod pa yin
no zhes dang/ rjes su dpag pa las kyang dngos zhes bya ba dang/
gzhan du dngos po gcig nyid la/ sgra'am blo gcig gis khyab na
zhes bya ba la bltos te/ brgal zhing brtags pa'i

sgra dang rtags dag ni/ sgra dang tshad ma gzhan 'jug pa nyid
kyis gzhan sel ba'i yul can du bsgrub pa yin no zhes dang/ yang
des na rim pa gnyis ka ltar yang sgra dang rtags 'jug pa'i phyir
gzhan sel ba'i yul can gyi rang bzhin nyid de/ de ltar

@51b na 'di nyid gzhan sel ba'i yul can nyid la rang bzhin gyi
gtan tshigs yin la/ sgrub pas dngos po'i rang gi ngo bo rtogs pa
'gog pa la ni 'gal bas khyab pa dmigs pa'o zhes bshad do/ /gsum
pa la gnyis/ khyad par re re kho na la sgrub 'jug

tu 'dod pa dgag pa dang/ rtog pas kun gzung yang ma nges pa dgag
pa'o/ /dang po la rgyas bshad dang/ don bsdu'o/ /dang po na/ bye
brag pa gang gi lugs ltar na/ khyad par sna tshogs pa can gyi don
sgra dang/ khyad chos rnams rdzas tha dad la/ chos nang phan

tshun yang rdzas tha dad/ rtog blos khyad chos re re kho nas
khyad par du byas nas 'dzin pa'i sgra blo rnam grangs par yang
mi 'gyur la/ bsgrub pa kho na la 'jug pa yin no zhe na/ sgro de
rang gi khyad chos don gzhan gyi rten yin na/ de rnams kyi rgyur
khas len

dgos la/ de lta na khyad par byas sogs sna tshogs la phan 'dogs
pa'i rgyu'i yan lag sgra de/ de rnams la phan 'dogs pa'i nus pa
las rdzas dbyer med grub sde gcig pa'i bdag nyid yin nam min/
de'i bdag nyid do zhe na/ sgra byas par nges pa'i

rtog pa chos can/ sgra de rang gi khyad chos kyi bdag nyid kun
la phan 'dogs byed du gzung zhing nges par thal/ de dag kun la
phan 'dogs pa'i nus pa sgrub pa'i sgo nas gzung zhing nges pa'i
phyir/ 'dod na/ ban gdags bya'i bye brag byas sogs

gang ma nges te kun nges par thal/ 'dod pa de'i phyir khyab pa
yod par thal/ phan bya phan byed gnyis gang rung gcig sgrub pa'i
sgo nas nges shes kyis gzung zhing shes na/ gnyis ka nges shas
kyis gzung dgos ba'i phyir/ der thal/ khyad gzhi

@52a @#/ /khyad chos de dag sgra byas pa'i khyad gzhir nges na
byas pa'i bdag nyid nges dgos la/ byas pa sgra'i khyad chos nges
na sgra yang blo de nyid kyis nges pa la 'grel zhing bltos pa'i
phyir/ des na sgra blo rnam grangs par thal ba'i nyes pa son

gnas so/ /dper na me nges pa'i shes bsgrub 'jug yin na/ mes du
ba la phan 'dogs pa'i nus pa nges dgos la/ de nges na phan 'dogs
byed du gnas pa yang nges dgos pas/ de lta na du ba yang nges
dgos pa bzhin no/ /rdzas gcig

na nyes pa der 'gyur yang/ khyad chos la phan pa'i nus pa du ma
yod pa rnams sgra las rdzas tha dad yin pas sgra gzung na de
rnams gzung mi dgos so zhe na/ 'o na/ sgra des nus pa de rnams
la phan 'dogs sam min/ min na/ nus pa de dag sgra

de'i ci yin te 'brel med du thal/ sgra de yis nus pa de dag la
phan pa'i nus pa med/ cig shos kyis kyang mi phan rdzas tha dad
yin pa'i phyir/ gal te 'brel med ma yin te khyad chos de rnams
la phan 'dogs so zhe na/ sgras khyad chos rnams

la phan 'dogs pa'i nus pa thug med du 'gyur bar thal/ sgra des
rang gi khyad chos la phan 'dogs pa'i nus pa de la yang phan
gdags dgos pa de lta yin pa'i phyir/ 'dod na/ sgra khyad chos
rnams la phan 'dogs pa'i nus pa can du nam

yang ma ngas par 'gyur te/ khyad chos la phan 'dogs pa'i nus pa
ma nges par sgra ma nges la/ nus pa nges pa yang/ nus pa de la
phan 'dogs pa'i nus pa nges pa la bltos pa'i phyir/ gnyis pa ni/
sgra mi rtag par nges pa'i shes pa chos can

@52b sgra'i mi rtag pa gzung na/ de'i khyad chos thams cad gzung
dgos par thal/ de'i khyad chos gcig la phan 'dogs byed du gzung
ba gang zhig /de la phan pa'i nus pa mthong na/ de dang ma
mthong bar 'dod pa'i phan pa gzhan min par grub sde rdzas

gcig pa de'i phyir/ khyab rtags khas blangs/ 'dod na/ sgra blo
rnam grangs par thal ba'i nyes pa son gnas so/ /gnyis pa ni/ gal
te dngos po cha shas med pa la nges shes kyis ma gzung ba'i cha
med mod 'khrul pa'i rgyus zin pa'i nges ma

nus pa yin la/ 'khrul pa de ldog pa'i phyir/ nges shes snga mas
gzung zin pa la yang tshad ma gzhan 'jug par 'dod do zhe na/ snga
ma sel ba'i yul can du grub pa dper bstan pa ni/ nges pa snga ma
de ni chos can/ rnam gcod kyi yul can

du grub par thal/ cha shas re re kho na nges pa'i phyir/ sgra
rtog phyi ma'ang de dang 'dra bar bstan pa ni/ nges shes snga ma
de las gzhan pa'i nges shes phyi ma'ang chos can/ snga ma de
dang 'dra bar rnam gcod kyi yul can du thal/ sgro 'dogs med

cing dben pa'i yul la nges pa'i rnam pas 'jug pa'i phyir/ nges
pas gzung ba ma nges par 'gal ba ni/ nyes pa gzhan yang sgra
nges pa'i shes pa chos can/ sgra mi rtag pa'i ngo bo gang khyod
kyis ma nges pa de ni/ ji ltar khyod kyis gzung

yul yin te ma yin par thal/ khyod sgrub pas 'jug pa'i nges shes
yin pa'i phyir/ de'i khyab pa bsgrub pa ni/ dbang shes rtog med
la grub sde rdzas gcig pa'i chos snang mi snang cha gnyis yod
par khas blangs na nyes pa ci yod/ 'o na de

@53a @#/ /ma yin rnam par bcad pa la mi ltos par dngos po'i dbang
gis snang ba byin pa ma yin par thal/ grub sde rdzas gcig pa'i
chos rtog med kyi shes pa la bltos te/ snang mi snang cha gnyis
yod pa'i phyir/ khyab pa med na

yul de la grub ma grub cha gnyis yod par 'gyur ro zhe na/ 'o na
sgra nges pa'i nges shes des/ sgra nges pa de ma yin rnam par
bcad pa la mi ltos par dngos po'i dbang gis nges pa de byin pa
ma yin par thal/ sgra dang grub sde rdzas gcig la nges ma

nges cha gnyis 'dug pa'i phyir/ 'dod na/ sgrub pa'i sgo nas nges
pa 'gal lo/ /rtags ma grub na nges shes kyis gzung yang ma nges
par 'gal lo/ /des sel ba smra ba la grub sde rdzas gcig pa'i
chos la/ rtog med la snang mi snang rdzas 'gal yang

rtog pas nges ma nges rdzas gcig la 'du ba mi 'gal bas skyon med
la/ nges shes sgrub 'jug tu 'dod pa la nges ma nges kyang rdzas
gcig la 'du ba 'gal ba yin gyi/ gzhung 'dis rang lugs la nges
shes kyi gzung yul la nges yul

gyis khyab par bstan par 'dod pa ni rnam gzhag ma chags pas te/
rtog pa rnams kyi gzung yul rang rig mngon sum gyi gzhal byar
rigs pa smra bas yang dang yang du gsungs pa'i phyir ro/ /'o na
khyed rang la yang mngon sum la snang mi snang

rdzas 'gal ba ltar rtogs ma rtogs kyang rdzas 'gal bas tshad ma
phyi ma don med pa'i thal ba mtshungs so zhe na/ sgra 'dzin mngon
sum gyis ni chos can/ sgra de'i grub sde rdzas gcig pa'i khyad
par gyi chos snang mi snang gi cha shas rnam par spangs pa'i

@53b sge nas gzung ba yin te/ de grub pa'i sgo nas gzung don du
byas pa'i phyir/ de'i cha shas kun gzung na kun rtogs pas ma
khyab ste/ de'i khyad par gang la rtogs pa bskyed pa yi mthun
rkyen chad bar yod cing/ 'gal rkyen med pa de rtogs par 'gyur
ba'i

phyir/ dper na gong bu gcig mthong ba na/ gong bu ma yin pa dang
sems can ma yin pa dang/ mi ma yin pa dang mkhan po ma yin par
'dzin pa'i sgro 'dogs rim can du gcod par mthong ba bzhin te/ de
yang yul nges dka' sla dang/ blo goms pa che

chung sogs kyi mthun rkyen gyi khyad par las so/ /gang phyir
dngos kun zhes pa nas/ 'di yan chad kyis sgra rtog sel ba'i yul
can du bsgrubs nas rang bzhin gyi rtags dam bca'i phyogs gcig
rtags su bkod pa'i ma grub par 'gyur ba

spangs pa yin no/ /gnyis pa la gsum/ log ldog dang spyi gsal
mtshungs ba'i rtsod spang dang/ gzhan sel gyi spyi ngos gzung ba
dang/ brda'i yul ngos gzung ba'o/ /dang po la sel ba smra ba la
nyes pa med ba dang/ sgra dngos dbang gis 'jug pa la

nyes pa yod pa dang/ des na brjod 'dod kyi dbang gis 'jug rigs
pa'o/ /dang po la lan dngos dang/ de la rtsod spang dang/ nyes
pa med pa'i don bsdu ba'o/ /dang po ni/ spyod pa pa'i ston pa
gzhon nu ma len la sogs pa/ slob dpon phyogs kyi glang pos

gzhan sel ba zhes bya ba dngos po las rdzas tha dad pa dngos po
med pa'i mtshan nyid can/ sgra'i don du 'dod par go nas log pa
dang ldog pa rdzas gcig gam tha dad/ dang po ltar na/ sgra rtog
tha dad du mi 'jug par 'gyur la/ gnyis pa ltar na/ spyi don
gzhan

@54a @#/ /la ldog pa'i ming gis brjod pas/ nged la bkod pa'i nyes
pa khyed rang la yang mtshungs so zhe na/ ba glang las gzhan rta
las log pa'i rta ma yin pa'i ldog pa dang/ gzhan rta las log
cing/ ba glang ma yin pa las kyang log pa'i log pa

brjod pa'i sgra gnyis dang/ de ltar nges pa'i rtog pa gnyis nyid
dag ni chos can/ sel ba smra ba'i lugs de la'ang yul tha dad pa
zhes bya ba yin te/ chos chos can tha dad kyi rjes su 'brang
ba'i tha snyad yin pa'i phyir/ yul rdzas tha dad pa'i dbang gis

'jug pa ma yin te/ brda tha dad pa yi rjes su byed pa tsam yin
pa'i phyir/ bram ze chen pos de gnyis yul tha dad pa tsam du
zhes bya ba'i sgras bstan par bshad do/ /spyod pa po dogs pa
skye ba'i gzhi ni/ dngos med kyis bsdus pa'i rta ma yin pa nyid

dang dngos por gyur pa'i rta ma yin zhing/ ba glang ma yin pa
las log pa gnyis chos chos can du bshad pa la/ de lta na rdzas
tha dad du 'gyur snyam nas rtsad pa yin no/ /ldog pa ni/ ldog pa
tshig rkyang spyi dang log pa zhes pa ni ldog pa gnyis tshogs

bye brag go/ gnyis pa la/ rnam dbye tha dad mi 'thad par thal ba
spang ba dang/ sgra tha dad du sbyor ba'i dgos pa'o/ /dang po
ni/ chos chos can rdzas tha dad du thal/ ba lang gi dkar po zhes
brjod pa'i sgra rnam dbye brgyad kyi nang nas/ rnam dbye drug pa

'brel ba ston pa'i sgras rdzas tha dad du brjod pa'i phyir/ dper
na lha sbyon gyi ril pa zhes pa bzhin/ de lta min na/ sgra'i
rnam dbye don med par thal lo zhe na/ chos dang chos can brjod
pa'i brjod bya rdzas tha dad kho nar ma nges par thal/ gzhi gcig

@54b la bltos pa'i chos dang chos can brjod pa'i sgra gnyis kas
ldog pa gcig cig brjod nus pa'i phyir/ 'o na/ blo la rdzas tha
dad du snang ba 'gal lo zhan/ chos chos can rdzas tha dad du med
kyang de gnyis tha dad du 'byed pa'i rnam dbye drug pa'i sgra
yis

rdzas tha dad pa'i don bzhin du/ blo yul du sgrub cing go bar
byed pa'i rgyu mtshan yod de/ brjod bya chos chos can rdzas tha
dad la sbyor ba mthong ba goms pas shan rgyab pa'i shugs kyi
khyad par gyis rdzas tha dad lta bur go ba'i phyir/ sngar gyi
rtsod

pa'i gzhi dang 'di mi 'dra ste/ snga ma ni chos chos can ldog pa
tha dad cing khyab che chung yod pa la brtsad pa'i lan du de
gnyis rdzas tha dad med par bstan pa yin la/ 'dir ni/ de las
kyang rnam pa gsal ba'i dpe ldog pa gcig nyid sgra'i sbyor

tshul gyis chos dang chos can gnyis kar du 'gyur ba'i tshul ston
pa yin no/ /de dper brjod na/ sgra mi rtag ces brjod pa'i tshe/
sgra chos can dang mi rtag pa chos su go bar byed la/ sgra'i mi
rtag pa zhes brjod pa na/ sgra khyad chos dang mi rtag pa

khyad gzhir go bar byed pas/ tshig snga ma'i sgra zhes brjod pa'i
ngag dang phyi ma'i sgra zhes brjod pa'i ngag gnyis brjod bya
sgra'i ldog pa gcig pur zad kyang snga mas chos can gyi tshul
dang phyi mas chos su go bar byed do/ /ba glang gi rwa zhes
brjod

pa'i tshe/ rwa khyad gzhi dang ba glang khyad chos yin pas/ de
las log par 'dod pas ni/ le'u gnyis par/ de spyi yan lag tu byas
te zhes pa'i don cung zad ma rtogs pa'i rnam 'gyur du gsal lo/
/gnyis pa la/ chos chos can tha dad pa 'dod

@55a @#/ /pa'i rjes su byed par bstan pa dang/ rdzas tha dad zhen
yul du byed kyang de dang 'dra bar bstan pa dang/ sgra'i sbyor
tshul ji ltar byas kyang 'dra bar bstan pa'o/ /dang po ni/ chos
brjod kyi sgras ldog pa de nyid khyad par gzhan gyi rten du rung

ba sgra de'i rjes su 'brang ba'i blo yul du spong ba dang chos
can brjod pa'i sgras mi spong ba dag chos can dngos po'i dbang
gis zhugs pa ma yin te/ sgra de gnyis kyi brda'i bye brag so sor
rtogs par 'dod pa po'i 'dod pa'i rjes su byed pa'i sgra tha dad

'jug pa'i gzhi tsam du zad pa'i phyir khyad chos gzhan gyi rten
du rung ba de dang mi rung ba ltar blo yul du so sor go bar byed
pa'i don to/ /gnyis pa ni/ yul kun la rdzas chos can dang/ dngos
po chos brjod pa'i sgra de dag chos can/ rdzas tha

dad la zhen par byas kyang khyod kyi brjod bya la rdzas tha dad
kyi khyad par 'ga' yang yod pa ma yin te/ don gcig nyid brda tha
dad kyis go ba'i khyad par 'di nyid du zad pa de'i phyir/ yon
tan dang yon tan can dang/ bya ba dang bya ba dang ldan pa dang/

spyi dang spyi ldan sogs brjod pa'ang rdzas tha dad du zhen
yang/ rtog pas btags pa'i tha dad tsam du zad pa yang go bar
byed pa'o/ /gsum pa ni/ chos dang chos can gyi don de shes par
'dod pas rkyen gyi sbyor tshul mi 'dra ba byas kyang rdzas

tha dad du 'gyur ba ma yin par thal/ de go bar 'dod nas de la
phan pa'am/ byed ldan gyi rkyen nam/ gal te yid byed kyi rkyen
gyi mtha' can gzhan gyis brjod kyang rung/ khyad par gzhan
spangs ma spangs tsam de las brjod bya'i khyad par

@55b rdzas gzhan med pa'i phyir/ gsum pa ni/ gzhan sel skra'i
yul du 'dod pa la ni/ spyi dang spyi de dang ldan pa rdzas gzhan
du 'dod pa'i phyogs la brjod pa'i skyon bsal ci yang med de/
lugs de la tha snyad kun rung ba de'i phyir/ gnyis pa la nyes pa
gsum bstan

pa ni/ rigs dang rigs de dang ldan pa'i gsal ba dag rdzas tha
dad yin na/ de mi rigs par thal/ de la phyogs glang gis bkod
pa'i nyes par 'gyur ba'i phyir/ ji ltar zhe na/ rang dbang med
phyir de ldan min/ btags pa'i phyir dang mi srid phyir/ /de'i

don ni/ spyi don gzhan de dang ldan pa'i sgo nas shing gsal
rnams la shing gi spyi sgra 'jug pa ma yin par thal/ de lta na
de rnams la shing gi sgra rang dbang ste dngos ming du 'jug pa
med par thal ba'i phyir ro/ /de lta na btags ming du 'gyur la/
de

yin na shing dang shing gsal gyi gzhi mthun mi srid par 'gyur ro
zhes pa'o/ /mang tshig sogs mi rung ba'i nyes pa 'jug par bstan
pa ni/ chos chos can rdzas tha dad ma yin na/ drug pa'i sgra
dang gcig tshig dang mang tshig la sogs pa'i rnam dbye

mi rung bar 'gyur ro zhe na/ brda sprod pa dang spyod pa pa gang
dag gi 'dod pa de dag la ni chos can/ drug pa'i rnam dbye dang
mang tshig la sogs pa tshig gi rnam dbye mi rung ba'i klan ka 'jug
rigs par thal/ tshig dngos po'i dbang gis 'jug pa lhur

blangs nas brjod cing/ brjod 'dod la mi rten par 'dod pa'i
phyir/ gsum pa la/ dngos dang/ gzhan la mang tshig sogs mi rung
ba'i rgyu mtshan no/ /dang po ni/ phyi rol don gyi dbang gis 'jug
la mi ltos pa'i tshig gang smra ba pos brda ji ltar  

@56a @#/ /sbyar ba
ltar don brjod par byed pa nyid du 'dod pa'i
sel ba smra ba chos can/ khyod la mang tshig sogs mi rung ba'i
klan ka mi 'jug par thal/ khyod rjod byed des smra ba po'i brjod
'dod kyis nges par byed pa de bzhin du don brjod par

byed pa yin par smra ba'i phyir/ gnyis pa ni/ bud med gcig chos
can/ khyod la btsun mo rnams zhes pa'i tha dad pa'i mang tshig
bzhag pa'i rgyu med par thal/ khyod du ma ma yin pa'i phyir/
grong drug chos can/ khyod la khang bzang gi phrang ba zhes

tha dad min pa'i gcig tshig bzhag pa la rgyu med par thal/ khyod
gcig ma yin pa'i phyir la sogs pa bye ma nyag ma gcig la mang
tshig sbyar ba sogs so/ /nam mkha'i rang bzhin zhes drug sgra
sbyar du mi rung bar thal/ nam mkha' dang de'i

rang bzhin rdzas tha dad du med pa'i phyir/ nam mkha'i nam mkha'
nyid ces de phan gyi rkyen sbyar du mi rung bar thal/ nam mkha'
dang nam mkha' nyid rdzas tha dad du med pa'i phyir/ grong khyer
drug la/ sdud pa zhes pa'i yon tan don gzhan zhig yod pas

gcig tshig 'jug pa yin no zhe na/ mi rigs te/ grong ni/ rdul rigs
mi mthun tshogs pa yin la/ rigs mi mthun gyis yan lag can gyi
rdzas mi rtsom par khas blangs pas/ yon tan don gzhan gyi rten
du khyod rang ltar na 'gal bar

'gyur/ grong ni rdzas rigs mi mthun phrad pa'i ldan pa yin pas
de la brten no zhe na yang khas blangs 'gal bar 'gyur te/ yon
tan la yon tan gnyis pa mi brten par khas blangs pa'i phyir ro/
/de la 'ang zhes pa nas 'di yan gyis slob dpon

@56b phyogs glang gis gzhan sel don gzhan du brjod par dogs pa
rgyas par bkag nas/ rang 'grel du gzhan sel yul du byed pa'i
rtog pa rnams kyi byed las dang bcas pa rgyas par bstan to/
/gnyis pa la/ yul spyi'i gnas tshul dang/

de snang gi blo'i 'jug tshul lo/ /dang po la/ kun rdzob bden pa'i
kun rdzob gyi sgra bshad dang/ de la snang ba bsam ngo'i bden pa
tsam du bsgrub pa dang/ don dam du bden pa dgag pa dang/ des na
de 'dzin 'khrul par bsgrub pa dang/ 'khrul pa

gzhi med du 'byung bar thal ba spang pa'o/ /dang po ni/ sngar de
phyir gzhan sel yul la ni zhes pa'i 'grel par /ldog pa spyi yin
pa'i rgyu mtshan spyi 'dzin gyi blo la snang ba'i phyir/ ces
bshad nas/ yang gzhung 'di'i mtshams sbyor du gzhan

las ldog pa ji ltar spyi yin zhe na/ de ni sngar gyi skabs der
bshad zin to zhes gsungs so/ /'o na gzhung 'di'i dgos pa gang
yin zhe na/ bram ze chen po na re/ de blo'i bsam pa'i dbang gis
spyi yin pa'i rgyu mtshan sngar rgyas par ma bshad pas

'dir 'chang ces gsungs pa ltar sngar gyi rang 'grel la gzhung
'di 'phros so/ /shing ma yin las tha dad pa'i shing gsal gyi
dngos po rnams la brten nas shing gsal gyi don rnams rigs gcig
tu snang ba'i shing gi spyi

'dzin gyi blo chos can/ de kho na nyid mthong ba la sgrib par
byed pa'i blo kun rdzob pa yin te/ rang gi ngo bo shing ma yin
las log par snang ba'i sgra don gzung yul du byas pa yis shing
gsal gzhan gyi thun mong ma yin pa'i ngo bo

@57a @#/ /gzung yul du byas nas mthong ba la sgrib par byed pa'i
blo yin pa'i phyir/ shing gsal rnams rdzas tha dad kyang spyi
blo la rigs tha dad min pa lta bur snang ba la rgyu mtshan yod
de/ blo des rdzas tha dad pa nyid gzung yul du mthong

ba la bsgribs shing shing gsal gyi dngos po rnams rang ma yin
las log par rang rgyu las skyes pa'i ngo bo 'ga' zhig gis de
ltar snang ba'i phyir/ gnyis pa ni/ blo de la snang ba'i spyi
shing ma yin las log par snang ba chos can/

bsam pa'i dbang gis bden par yod par rab tu bsgrags pa tsam yin
te/ blo'i snang ba gang zhig  /dam pa'i don du mi bden pa'i
phyir/ shing gi spyi 'dzin gyi rtog pa la shing ma yin pa las
log par snang ba de'i mtshan gzhir/ shing rang

mtshan dang shing gi sgra don gnyis yod kyang snang ba de nyid
sgra don dang bsam ngo'i bden pa tsam yin la de snang gi blo ni/
kun rdzob kyi sgra bshad pa'i gzhi yin gyi 'jug pa ma yin te/
don dam par grub pa'i phyir ro/ /gsal ba rang mtshan

rnams ni bsam ngo'i bden pa tsam ma yin te/ rang gi gnas tshod
bden par gnas pas so/ /gzhung 'di dag ni kun rdzob dang bden
pa'i sgra bshad 'jug ston pa yin la/ gzhung gzhan du/ gti mug
rang bzhin sgrib phyir kun

rdzob ste/ zhes dang/ yang gzhan du/ gang zhig gis sam gang zhig
la/ /yang dag sgrib byed kun rdzob 'dod/ /ces gsungs pa ltar ro/
/'dir yang 'gyur rnying du/ gzhung snga ma/ gzhan gyi ngo bo
sgrib byed pa/ /kun rdzob des bdag tha dad kyang/

@57b zhes par yod do/ /gsum pa la/ dngos dang/ shes pa'i rdzas
phyi rol gyi spyi yin pa dgag pa'o/ /dang po ni/ shing gi spyi
blo de yis ji ltar kun brtags pa shing ma yin las log par snang
ba de ni chos can/ dam pa'i don du med de /

gsal ba rang mtshan dang rdzas gcig dang tha dad gang du yang
med
pa'i phyir/ shing ma yin las log par snang ba de gsal ba rang
mtshan dang rdzas gcig tu med de/ gsal ba rdzas tha dad pa rnams
phan tshun rjes su mi 'gro

ba'i phyir/ de dang rdzas tha dad du med de/ gsal ba la rjes su
'gro ba'i rang gi spyi rdzas gzhan blo ma 'khrul ba la snang ba
med pa'i phyir/ rtags 'di dgag phyogs khyab sgrub pa'i tshul 'di
ltar yin te/ shing gi spyi bro de ma 'khrul bar thal/ shing

ma yin las log par snang ba de rang mtshan yin pa'i phyir/ rang
rgyud 'phen no/ /'dod na/ shing gi spyi blo chos can/ khyod la
rang gi gzung yul cha can du mi snang bar thal/ 'dod pa de'i
phyir/ khyab pa yod de/ cha can rigs pa'i rnam pa can du blo
gang

la snang yang/ cha dang cha can rnam pa mi 'dra bar snang bas
khyab pas/ cha dang cha can chos can/ rdzas tha dad du thal/ blo
ma 'khrul ba'i gzung ngor so sor snang ba'i phyir ces pa'i gnod
par 'gyur ro/ /des na blo ma 'khrul ba la gsal ba nang phan

tshun rjes su 'gro ba dang/ gsal ba dang spyi don gzhan gang rung
du snang bar thal/ blo ma 'khrul ba'i gzung ngor/ yul cha can
gyi rnam par mi 'char ba gang zhig  /shing ma yin las log par
snang ba de shing gsal rnams la rjes su 'gro bar

@58a @#/ /blo ma 'khrul ba la snang ba'i phyir/ yang na zla ba
dang skar ma ltar spyi dang de'i rjes su 'gro ba gnyis so sor
snang dgos la/ yang na chu dang 'o ma 'dres pa bzhin du/ rjes su
'gro ba rnams so sor mi snang ba las ma gtogs pa'i snang

tshul gzhan shin tu zhib pa'i blos brtags kyang mi rnyed do/
/rigs pa 'di dag zhib tu ma btsal na/ spyi blo'i snang ba dngos
po yin pa ma bkag na/ byas pa sogs la'ang mtshungs par mthong
zhing de dag dngos por sgrub na spyi dngos po yin pa yang mi

khegs par mthong nas/ dngos po brtag pa mtha' gzung gi tshul du
khas len dgos pa dang/ rnam gzhag de dag 'khrul ngor yin zhes
pa'i tshig sbyar ba ma gtogs pa gang yang khas len mi nus pa'i
shin tu phongs pa rnams 'byung bar 'gyur

ro/ /kha cig rang mtshan ni rang mtshan min te rang gi gsal ba
rnams la rjes su 'gro ba'i phyir ro zhes smra ba ni ltag chod
'ba' zhig yin te/ rtags sgrub na dam bca' la gnod la dam bca'
grub na rtags mi 'grub pas so/ /gnyis pa ni/ shing

ma yin las log par snang ba/ gang gi rang gi ngo bo yi/ zhes pas
spyi 'dzin gyi shes pa'i rdzas su bstan la/ de ltar don dam par
yod pas de ni dam pa'i don du med/ ces pa mi rigs so zhe na/
shing ma yin las log par snang ba chos can/

de ltar phyi rol gyi don gzhan gyi rjes su 'brang ba'i spyir
'gyur te mi 'gyur bar thal/ shing gi spyi 'dzin gyi shes pa las
rdzas tha dad ma yin par de dang grub sde rdzas gcig pa'i phyir/
dam bca' la tshad ma'i bsal ba bstan nas grub

@58b sde rdzas gcig 'gog pas rdzas su grub pa ma yin gyi/ ngo
bor bshad pa ni de dang ngo bo tha mi dad pa'i bdag gcig tu ston
pa tsam yin no/ /de bzhin du shes pa'i gsal ba la rjes su 'gro
ba'i spyi yang ma yin te/ spyi 'dzin la shing ma yin las log

par snang ba'i phyir ro/ /bzhi pa ni/ shing gsal gyi don rnams
la shing gi bdag nyid du rigs gcig tu 'dzin pa'i shing gi spyi
'dzin gyi rnam rtog 'di chos can/ log cing 'khrul pa yin te/
shing min pa shing du snang ba'i shes pa yin pa des na'i

phyir ro/ /lnga pa la/ 'khrul gzhi ngos bzung ba dang/ du mas
'bras bu gcig bskyed pa'i dper rkyen gsum dgod pa dang/ sman
dgod pa'o/ /dang po ni/ spyi gcig tu 'dzin pa'i blo/ spyi don
gzhan gcig las mi skye na rgyu med du 'byung bar 'gyur te/ du
mas 'bras

bu gcig bskyed pa mi srid pa'i phyir ce na/ shing zhes pa'i ming
gi don gang yin pa shing de rjes su 'gro ba dang ldan pa'i shing
gsal phan tshun du tha dad pa chos can/ shing gi spyi 'dzin 'di'i
brgyud pa'i sa bon yin te/ de la brgyud nas phan 'dogs pa'i

phyir/ gnyis pa ni/ shing gsal rdzas tha dad pa 'ga' zhig ni
chos can/ spyi don gzhan med pa'i rdzas tha dad yin yang rang
bzhin gyis rang 'bras gcig bskyed par nges te/ khyod shing gsal
rigs gcig tu rtogs pa'i shing gi spyi 'dzin dang/

don shing 'dzin pa'i dbang shes la sogs pa rang 'bras kyi don
gcig bsgrub pa la nus pa nges pa'i phyir/ dper na/ mig gi dbang
po la sogs pa bzhin no/ /yang na/ khyed rang bye brag pa yang
bdag dang dbang po dang yid dang/ de dag phrad pa rnams la thun

@59a @#/ /mong gi spyi gcig med kyang shes pa gcig bskyed par
'dod pa bzhin no/ /gsum pa ni/ 'bras bu gcig bskyed pa la spyi
don gzhan gcig nges par dgos pa ma yin par thal/ sman par pa ta
la sogs pa kha cig spyi don gzhan

med pa'i rdzas tha dad yin kyang lhan cig tu sbyar ba'am so sor
sbyar ba yis rims nad la sogs pa zhi ba'i 'bras bu gcig byed par
mthong gi/ tha dad du mtshungs kyang zho la sogs pa gzhan gyis ma
yin par mthong ba'i phyir/ dper na dang/ bzhin

zhes pa gnyis dpe 'dren pa dang grub zin go bar byed pa'o/ /sman
de dag la/ spyi gzhan cung zad yod pa des 'bras bu gcig byed pa
yin no zhe na/ sman de rnams la nus pa tha dad med par thal/ nus
pa tha dad med pa'i spyi khyad par med par rjes su 'gro

ba'i phyir/ spyi don gzhan des nad zhi ba ma yin par thal/ sman
de dag zhing dang so nam sogs tha dad kyang nad zhi ba'i nus pa
che chung gi khyad par med par thal bar 'gyur ba'i phyir/ yang
sman la nad zhi ba'i nus pa med par thal/ spyi don gzhan des

'bras bu la phan 'dogs pa'i nus pa med pa'i phyir te/ rtag cing
brtan pas so/ /gzhung de dag gis ni bye brag pa sogs spyi blo la
gzung don dgos shing gsal ba du ma der mi 'thad pas/ spyi don
gzhan nges par dgos la/ de lta min na/ spyi blo rgyu

med du 'byung bar 'gyur ro snyam pa'i dogs pa dpe dang bcas pas
bkag pa yin no/ /gnyis pa la/ spyi blo'i 'jug tshul mdor bstan
pa/ rgyas par bshad pa/ don bsdu ba'o/ /dang po ni/ gzhung 'di
gang las 'phros pa dang/ ji ltar 'phros pa dang/

@59b tshig don rnams kyis shes par bya'o/ /dang po ni/ de la bsam
pa'i dbang gis ni/ /spyi yod par ni rab tu bsgraD/ /zhes pa las
so/ /gnyis pa ni/ shing ma yin las log par snang ba de phyi rol
gyi gsal ba rnams la rjes su 'gro ba'i spyi yin nam

blo'i snang ba kho na la rjes su 'gro/ dang po ltar na/ shing
gsal rang mtshan pa rnams rtog pa la shing ma yin las log par
snang ba de yin dgos pas/ rang mtshan rtog pa'i snang yul du mi
rung bar khyod kyis khas blangs pa dang 'gal la/ gnyis pa

ltar na yang khyed kyis shing gsal rnams 'bras bu mtshungs shing/
shing ma yin las log par yang mtshungs pas shing ma yin las log
pa dang/ shing ma yin las log par snang ba gnyis de dag gi spyir
khyed kyis bzhag pa dang 'gal lo/ /

mi rtag pa dang bdag med la sogs pa de dag kyang rtog pa'i snang
ba tsam kho nar zad pas/ blo'i snang ba tsam las tha dad pa'i mi
rtag pa dang bdag med sogs dngos po'i gnas tshod kyi chos ma yin
zhing de dag mi rtogs par 'gyur la/ de lta na khyed

kyis bstan bcos su spyi dang gzhi mthun dang bsgrub bya sgrub
byed la sogs pa'i rnam gzhag bu ma zhig byas pa dgos pa cung zad
kyang med par 'gyur ro zhe na zhes pa'o/ /lan ni/ shing ma yin
las log par snang ba rtog pas btags shing

don byed mi nus kyang shing gsal rang mtshan pa rtog pa la shing
ma yin las log par snang ba yin pa la 'gal ba cung zad kyang med
pas de dag spyi gsal du 'thad la/ de lta na yang rang mtshan rtog
pa'i gzung yul du thal bar mi 'gyur

@60a @#/ /te/ rtog pa la shing gsal rang mtshan yang shing ma yin
las log par snang  /rang la rgyangs chad du snang ba'i shing
'dzin rtog pa'i gzung bya de yang rtog pa la shing ma yin las
log par snang bas shing ma yin las log pa yin pa

dang ma yin pa gnyis/ rtog pa la shing ma yin las log par 'dres
nas snang zhing so sor mi snang bas de ma yin bzhin du der snang
ba des bsgribs nas shing ma yin las log pa'i thun mong ma yin
pa'i ngo bo de/ gzhan dang ma 'dres par

mthong ma nus pas shing rang mtshan gzung yul du thal bar ga la
'gyur/ spyi gzhi mthun dang/ bsgrub bya sgrub byed sogs kyi rang
ldog rnam par rtog pa'i snang ba kho nar zad kyang de dag gi
gzhir dngos po'i chos rnams kyang 'gyur bas/

spyi'i chos la 'jus nas ldog gyur gyi rang mtshan rnams go bar
byed pas/ de dag ni gnas skabs dang mthar thug gi don rtogs pa'i
thabs su byas pas dgos pa med par mi 'gyur ro/ /zhes gzhung 'og
ma kun gyis ston to/ /'o na de

'dra'i rnam par rtog pa de'i 'jug tshul dang skye tshul ji lta bu
yin zhe na/ brjod par bya ste/ gsum pa ni/ shing gi rang bzhin
de 'dzin pa'i mngon sum gyi bag chags las gzung don med kyang/
shing de gzung don du yod pa can dang 'dra

bar snang ba'i shing gi spyi 'dzin rnam par rtog pa'i blo gang
yin pa de chos can/ rgyu med dang mi mthun pa'i rgyu las byung
ba ma yin te/ shing de yi 'bras bu can min pa shing ma yin gyi
don las tha dad pa'i shing gsal las brgyud nas skye

@60b zhing; shing gsal thob pa'i mthar thug pa can yin pa'i
phyir/ shing gi spyi 'dzin la snang ba'i ngo bo phyi rol gyi
shing lta bu dang/ gcig lta bu dang/ gzhan shing ma yin las log
pa lta bur snang ba gang yin pa de chos can/ shing de nyid min
te/ shing

don gnyer gyis btags pa yi yan lag shing gi dgos pa sgrub nus su
med pa'i phyir/ gzhung 'dis rtog pa la shing ma yin las log par
snang ba dngos po yin pa 'gog pa'i rigs pa gtso bo zhig bstan
te/ de lta na shing gi spyi 'dzin ma 'khrul

bar 'gyur la/ de lta na shing ma yin las log par snang ba de
shing du thal/ rang 'dzin ma 'khrul pa la shing ma yin las log
par snang ba'i phyir/ 'dod na/ shing la rtog pa'i blo gang na
yod pa der shing yod pas 'ga' yang shing gis phongs pa mi srid

par 'gyur ro/ /de bzhin du phyi rol tu snang ba dang shing gcig
tu snang ba dngos po yin pa 'gog pa la yang sbyar ro/ /gnyis pa
la/ spyi dang gzhi mthun sogs kyi tha snyad 'jug pa'i tshul dang/
tha snyad de dag 'jug pa'i rgyu mtshan dang/ rnam gzhag de dag
byas

pa'i dgos pa'o/ /dang po ni/ rtog pa'i shes pa la yod pa ste
snang ba'i don de rnams chos can/ khyod la spyi'i spyod yul can
gyi shes brjod kyis spyi'i tha snyad rgyas par byed de/ 'di ltar
rigs mi mthun las ldog pa'i ngo bo can gyi tha dad min pa lta
bur snang ba

des na'i phyir/ khyod la gzhi mthun gyi spyod yul can dag gi
shes pa dang brjod pa yis/ gzhi mthun gyi tha snyad rgyas par
byed de/ de nyid gzhan rigs mthun las log par yang snang ba'i
phyir/ tha snyad ji lta bu zhe na/ nor zhing 'khrul ba'i don can
no/ /

@61a @#/ /sha pa ma yin pa las log pa chos can/ shing la bltos te
gzhi mthun yin te/ de la bltos te/ shing min las kyang log sha
pa min pa las kyang log pa'i phyir/ shing ma yin las kyang log
pa chos can/ sha pa'i spyi yin te/ shing

la sogs pa'i shing gsal kun la thun mong du rjes su 'gro ba'i
phyir/ tha snyad 'khrul pa yin na rang mtshan 'thob par 'gal lo
zhe na/ sgra mi rtag ces brjod pa'i sgra dang de ltar rtogs pa'i
rjes dpag la sogs pa dngos po rnams kyi tha snyad de

kun yang chos can/ don gyi gzhan sel thob pa'i yul can yin te/
'khrul pa yin yang phan tshun 'dre ba med pa'i rang mtshan la
brgyud nas brten pa'i tha snyad don mthun yin pa des na'i phyir/
khyab pa yod de/ gang la dngos po dang brgyud nas

'brel ba yong pa'i tha snyad den mthun yin na/ dngos po rnyed
cing thob pa'i rten yin pa'i phyir/ sngar 'bras rang gi rtags la
brten pa'i rjes dpag rang mtshan la mi slu bar ji skad bshad ba
ji lta ba bzhi no/ 'di gang du bshad na/ gtan tshigs de ni rnam
gsuM

nyid/ ces pa'i rang 'grel du rjes su dpag par bya ba'i shes pa
'di gnyis ni dngos las ma skyes pa'i phyir/ de snang ba nyid ma
yin yang de las skyes pa'i phyir/ der 'khrul ba med pa dag yin
te/ des na tshad ma yin te mngon sum bzhin no zhes bshad do/ //

rtsa 'grel snga phyir brtsams pa ma yin gyi 'jug pa gcig gis
brtsams pas nyes pa med do/ /'khrul par mtshungs na bslu bar
mtshungs bas ma khyab par thal/ gzhan sgra rtag 'dzin las don
thob pa min pa'i phyir/ dper na nor bur gzung yang

@61b mar me'i 'od las nor bu thob pa min pa bzhin no/ /gnyis pa
ni/ de la 'bras bu rigs gcig pa can gyi shing gsal du ma'ang
chos can/ brjod pa dang shes pas spyi gcig nyid du gyur pa'i
shing gis kyang khyod la rab tu 'jug par byed ba'i rgyu mtshan
yod de/

khyod shing gi 'bras bu can min pa las gzhan la brten/ shing ma
yin las log par mtshungs pa'i phyir/ spyi'i tha snyad 'jug pa'i
rgyu mtshan bstan nas/ gzhi mthun gyi tha snyad 'jug pa'i rgyu
mtshan ston pa ni/ de bzhin zhes so/ /sha pa lta bu gcig kyang

chos can/ khyod la gzhi mthun gyi tha snyad 'jug pa'i rgyu mtshan
yod de/ shing de'i 'bras bu can min pa'i don shing ma yin las
kyang tha dad sha pa ma yin pa las kyang tha dad pas ldog chos
sna tshogs can du tshad mas shes pa'i phyir/ khyod 'bras bu

du ma byed pa can du bstan pa la dgos pa yod de/ khyod de'i
dngos po can du yongs su bstan nas rtogs pa'i ched yin pa'i
phyir/ gsum pa la/ spyi gzhi mthun rtog pa la grags pa bzhin du
bzhag pa dang/ bzhag pa'i dgos pa dang/ rang mtshan

kho na yin pa dgag pa'o/ /dang po ni/ sgra'i don bshad ma thag
pa'i ldog pa tshig rkyang gi spyi 'di dang ldog pa gnyis tshogs
kyi gzhi mthun 'di nyid chos can/ khyod rtog pa la ji ltar sang
ba ltar dngos po la gnas pa mi srid de/ khyod don dam par yod

pa min yang/ rtog pa la ji ltar grags pa bzhin du brjod pa'i
phyir/ rtog pa la ji ltar grags pa bzhin du brjod pa la dgos pa
ci yod ce na/ gnyis pa ni/ rdzas gcig la chos dang chos can gyi
rnam gzhag dang/ tha dad pa dang tha dad min pa

@62a @#/ /ci 'dra ba'i gzhi mthun dang/ spyi de dag chos can/
dngos po ji ltar gnas pa dang mthun par grub nas bzhag pa ma yin
te/ de kho na nyid kyi don la ma brtags par chos 'jig rten pa
rtog pa la ji ltar grags shing snang ba de la

brten nas bzhag pa'i phyir/ rtog pa la grags pa de bzhin kho nar
rdzas gcig la bsgrub bya dang/ sgrub par byed pa kun gyi rnam
gzhag mkhas pa rnams kyis byas pa chos can/ dgos pa yod pa yin
te/ gnas skabs dang mthar thug gi

dam pa'i don la grol ba don gnyer 'jug par bya ba'i ched yin
pa'i phyir/ de la 'dir mtha' dpyad pa ni/ bstan bcos 'dir ston
pa sangs rgyas dang/ des bstan pa'i dam pa'i chos dang/ de tshul
bzhin du sgrub pa'i 'phags pa'i dge 'dun

rnams/ dngos po'i stobs kyis zhugs pa'i rigs pas tshul bzhin du
sgrub par mdzad la/ dam pa'i chos kyang grol ba don du gnyer ba
rnams 'khor ba'i sdug bsngal nye bar zhi ba'i 'gog bden thob
byar bzung nas/ de'i thabs su lam

gyi bden pa rgyud la bsten par byed la de la yang sngon du phra
ba'i mi rtag pa dang bdag med la sogs pa dngos po stobs zhugs
kyi gtan tshigs la brten nas nges par byed dgos te/ thog mar de
dag mngon sum gyis nges mi nus pa'i phyir ro/ /

de yang bsgrub bya dang gtan tshigs la nges dka' sla med na go
bya go byed du mi rung bas/ gzhi rdzas gcig la yang chos dang
chos can la sogs pa'i rnam dbye du ma byed dgos la/ chos dang
chos can dang/ spyi dang gzhi mthun dang bsgrub

@62b bya sgrub byed la sogs pa rtog pas btags pa'i kun rdzob pa
kho na yin la/ de dag gi rnam dbye byas pa yang dam pa'i don
phra ba'i mi rtag pa dang bdag med sogs rtogs pa dang thar pa
mya ngan las 'das pa thob pa'i thabs su mkhas pa klu

sgrub la sogs pa'i shing rta chen po rnams kyis mdzad do/ /zhes
go ba'i ched du slob dpon gyis gsungs shing/ slob dpon legs ldan
'byed kyis/ yang dag kun rdzob rnams kyi skas/ /med par yang dag
khang pa yi/ /steng du 'dzeg ? par bya

ba ni/ /mkhas la rung ba ma yin no/ /zhes gsungs pa dang/ dpal
ldan zla ba grags pas/ tha snyad bden pa thabs su gyur pa dang/
/don dam bden pa thabs byung gyur pa ste/ zhes sogs gsungs ba
rnams spyi'i tshul mtshungs pas/ 'dir yang

kun rdzob rtogs pa'i blo thabs dang phra ba'i don dam rtogs pa'i
blo thabs byung du ston par mdzad pa yin no/ /bsgrub bya sgrub
byed sogs tha dad pa'i cha dang de dag gi rang ldog rtog pas
btags par ston pa yin gyi/ de dag yin na rtog pas

btags pas khyab par ston pa ni rnam pa kun tu mi rung ste/ lugs
gzhan du bden stong don dam pa'i bden pa yin yang bden stong yin
na des ma khyab par bshad pa bzhin no/ /'o na bsgrub bya sgrub
byed rtog pas btags par ji ltar 'gyur zhe

na/ rtog pa'i ngor gzhi sgra la byas pa'i ngo bo sngar med gsar
du grub/ de'i rjes su mi rtag pa'i ngo bo sngar med gsar du grub
pa'i snga phyi'i rim pa 'di rang mtshan yin par thal/ rtags kyi
go bya go byed kyi tshul de ltar yin pa gang zhig /go bya go

@63a @#/ /byed nyid rang mtshan yin pa'i phyir/ 'dod na/ byas pa
de sgra mi rtag pa'i ngo bo sngar med gsar du sgrub byed du
thal/ 'dod na/ rgyu 'bras su thal/ de bzhin du rtog pa'i yul du
sgra'i ngo bo sngar med gsar du grub nas de'i rjes su byas pa
'khar

gzhong la rgya shug brten pa ltar ram/ grub zin gyi snam bu tshos
su song ba ltar/ snang ba yang rang mtshan yin na/ snga phyi'i
rim pa khas lan dgos par 'gyur ro/ /gsum pa la/ rang mtshan du mi
rigs pa dang/ sgra don du mi rigs pa'o/ /dang po

ni/ rdzas tha dad la ngo bo gcig pa dang/ rdzas gcig la du ma'i
tha snyad blo 'khrul pa yis bslad cing btags pa yin te/ dam pa
ma 'khrul pa'i gzung don gyi don rdzas tha dad rnams ni rang gi
ngo bo nyid kyis 'dri ? ba med par gnas/ rdzas gcig rdzas

tha dad du med pa'i phyir/ gnyis pa ni/ rdzas gcig po de la 'di
ni spyi'o/ /'di ni khyad par ro zhes bya ba'i bye brag so so tha
dad pa'i cha 'di ni chos can/ rtog blo la snang ba'i don kho na
la gnas te/ sgra don yin pa'i phyir/ rdzas gcig la ldog pa du ma
dbye

rung ba'i rgyu mtshan ci yin zhe na/ sgra'i rdzas de nyid la chos
chos can la sogs pa'i ldog chos gyi bye brag du ma rab tu brtag
tu rung ste/ de nyid rigs mthun dang rigs mi mthun gzhan las
ldog pas so/ /chos chos can rtog pa'i snang ba kho nar zad

na rang mtshan la dbye mi rung bar 'gyur ro snyam na/ 'dis rung
ba'i rgyu mtshan ston te/ 'byed pa'i gzhi rang mtshan yin yang de
la phye ba'i chos chos can tha dad pa'i cha btags yod du ga la
'gal snyam du dgongs so/ /de dag rtog pa'i snang yul kho nar

@63b 'dod pa rigs pa dang 'gal te/ rjes dpag gis sgra rang mtshan
la mi rtag pa rang mtshan sbyar nas 'dzin pa'i phyir ce na/
bsgrub bya dang sgrub par byed pa la rtog pa'i blo chos can/
khyod kyi snang yul rang mtshan ma yin te/ khyod la dngos po rang
mtshan gzung

yul du byas nas mthong ba'i nus pa nyams pa'i phyir/ 'di yang
rtog pa la rang mtshan snang ba dang rtog pa'i snang ba rang
mtshan min pa 'gal snyam pa'i bden gnyis kyi rnam dbye la mi
mkhas pa'i skyon yin pas de'i lan du mjad do/ /'o na/ slob dpon

phyogs glang gis gzhan sel bas khyad par du byas pa'i khyad par
'dzin te/ /zhes bshad pa ci yin zhe na/ de yang rang spyi'i rnam
dbye la mi mkhas pas nongs so/ /zhes ston pa ni rjes dpag gis
khyad par rang mtshan spyi dang 'dres pa 'dzin par bshad pa

'dir yang rjes dpag gi gzung bya chos can/ khyod rang gi mtshan
nyid du bstan to snyam du gzung bar bya ba min par thal/ de ltar
mi rigs pa'i phyir/ rjes dpag gi gzung bya rang mtshan du mi rigs
par thal/ rang mtshan gcig bu de ni spyi dang khyad par

gyi rnam pa dang/ chos chos can sogs spyir yang rang gi mtshan
nyid kyi ngos nas so sor grub par gzung bye min pa'i phyir/ der
thal/ byas mi rtag sogs ldog chos kyi bye zag so so tha dad pa'i
khyad par mang po rnams rang mtshan gcig pu de la

rtog pas btags pa la ma ltos par rang gi mtshan nyid kyi ngos nas
grub par gzung du mi rung pa'i phyir/ gsum pa ni/ sgra rang
mtshan de ji ltar gnas pa de kho na bzhin du khyad chos thams cad
dus gcig tu rtogs par byed pa'i rjod byed

@64a @#/ /kyi sgra dang/ rtog pa yang yod pa ma yin par thal/
sgra de'i ngo bo rang ma yin pa shes bya kun las log pas de
snyed kyi grangs dang mnyam pa'i ldog pa yod pa'i phyir/ khyab
ste/ sgra rtog yul la spyi'i tshul nyid du 'jug pa'i phyir/

des na/ don gyi rang gi ngo bo gcig /ces pa nas 'di'i bar gyis
sgra rtog bsgrub pa kho na la 'jug pa bkag cing/ sgro 'dogs rnam
par gcod pa'i gzhan sel ba'i yul can ru 'phros dang bcas te
rgyas par bstan to/ /yang de spyi khyad par zhes

bya pa'i/ zhes pa las kyang 'phros pa dang/ de de bzhin du rtogs
byed pa'i/ /sgra yod ma yin zhes pa yang mi rigs te/ rang mtshan
kho na la sgra sbyor ba'i phyir ro/ /zhes pa'i lan du gzhung 'og
ma rnams 'byung bas /don bsdu'i tshigs bcad 'di brda

sbyor tshul rgyas par ston bzhed nas/ gzhung 'og ma'i rtsed pa'i
skabs 'byed pa'i phyir yang bkod do/ /gzhung de dag sgra rtog
sgrub pa kho na la 'jug pa 'gog pa rtsod spang dang bcas pa
dang/ sel pa la 'jug par/ sgrub pa rtsod spang dang bcas par

'dus so/ /gsum pa brda'i yul gtan la dbab pa la/ sgrub pa kho na
brda'i yul yin pa dgag pa dang/ gzhan sel ba rda'i yul du bsgrub
pa dang/ spyi don gzhan bkag pa mi 'thad pa'i rtsod spang ngo/
/dang po la/ de min bcad pa la mi ltos pa'i

gsal ba rkyang pa mi rung/ spyi rkyang pa mi rung/ spyi dang
bcas pa'i bsal ba brda'i yul du mi rung ba'o/ /dang po la/ mtha'
dpyad pa dang/ tshig don to/ /dang po la/ gzhan gyi lugs dang/ de
sun ? 'byung ba dang/ rang gi lugs so/ /dang po ni/ grangs can/

@64b dngos po rnams kyi gnas lugs dang don dam pa dang/ rang
bzhin zhes bsnyad pa'i gtso bo de nyid spyir 'dod la/ de sgrub
pa'i gtan tshigs lnga grangs can rang gi gzhung las bkod de/
khyad par ched phyir rjes 'gro'i phyir/ /nus pa'i sgo nas 'jug
pa'i phyir/

rgyu dang 'bras bu dbyer yod phyir/ /'jig rten sna tshogs dbyer
med phyir/ /mi gsal ba yi rgyu yod do/ /zhes yon tan gsum cha
mnyam pa dus nam yang mngon du 'gyur mi srid pas mi gsal ba chos
rnams kyi gnas lugs rang bzhin de'i dang

las rnam 'gyur sna tshogs pa nam mkha' la 'ja' tshon ltar 'byung
zhing de thams cad kyang rang bzhin gcig pas/ bum pa'i rang
bzhin de nyid snam bu'i rang bzhin dang/ snam bu'i rang bzhin de
nyid bum pa'i rang bzhin yin pas gnas skabs

tha dad pa tsam yin gyi/ rang bzhin la cha shas kyi dbye ba cung
zad kyang med do zhes de nyid la spyi dang gtso bo zhes bya'o/
/rnam 'gyur rnams rang stong dang rdzun pa sgyu ma lta bu dang
gsog nyid du 'dod la/ rang bzhin rtag dngos su 'dod do/ /gnas
lugs de

nyid 'khor ba'i nyes tshogs kun gyi 'byung gnas yin pa ngo ma
'phrod pas 'khor bar 'khor la/ des na rnal 'byor pas 'khor ba
ci'i rtsa ba yin snyam du rtog par byed cing bsam gtan bsgoms
nas lha'i mig bskyed de bltas pas/ nyes pa'i

gzhi rang bzhin de nyid do legs par 'phrod pa dang/ rang bzhin
bem po yin yang skyengs ba'i tshul gyis rnam 'gyur gyi tshogs
sprul par mi byed pa tsam du ma zad nam mkha' la 'ja' yal ba
ltar sod nas 'dzin pa thams cad dang

@65a @#/ /bral ba'i rig pa kha gang po byed pa thams cad dang
bral ba de nyag gcig gnas pa na thar pa thob par 'dod de/ grangs
can gyi lugs la bde bar gshegs pa dag gi lugs su 'chel ba'i
rmongs pa bsal ba'i ched du de nyid nyi shu rtsa lnga

gzhir bzhag nas grangs can gyi 'khor ba 'jug ldog 'dod pa'i tshul
rgyas par bshad par bya ba yin na yang skabs don nges pa'i gegs
su 'gyur bas ma bshad do/ /bye brag pa ni shes bya thams cad
tshig gi don drug tu 'dus par 'dod cing/ spyi la

thams cad la khyab pa dang nyi tshe ba gnyis kyi/ dang po ni/ yod
pa nyid ces pa dang phyi ma ni ba glang nyid la sogs pa'o/ /spyi
de dag kyang gsal ba las don gzhan dang/ de nyid brda'i yul du
'dod do/ /dkar zal la ba glang gi brda sbyar bas/ nag sgur sogs
pa

glang du go ba'i rgyu mtshan ni/ brda sbyor ba'i yul spyi yin la/
dkar zal la yod pa'i spyi de nyid nag sgur la yang yod cing/ de
la mi 'dra ba'i khyad par cung zad kyang med pas de ba glang du
go ba yin no/ /de gnyis la cha 'di la khyad par cung zad kyang
med do zhes

pa'i thun mong ba'i chos gcig med na dkar zal de ba glang nag
sgur dang rta gnyis la dkar zal gyi cha 'ang nag sgur la khyad
par med par yod la rta la med pa'i khyad par mi srid par thal
lo/ /'dod na/ dkar zal la ba glang gi brda sbyar nas phyis

nag sgur mthong ba na ba glang ngo snyam pa'i blo skye la/ rta
la de ltar mi skye ba'i khyad par med par thal/ de ltar skye
ba'i thun mong ma yin pa'i rgyu med pa'i phyir snyam du bsams
so/ /grangs can yang spyi de nyid tha mal ba'i mngon sum gyis mi
mthong

@65b yang brda sbyor ba'i blo'i yul du go bar byed pas de nyid
brda'i yul du 'dod do/ /rang rtags dang gcig la brda sbyar bas
phyis gzhan yang go bar 'dod pa 'dra yang go ba'i rgyu mtshan mi
'dra zhing gzhan dag brda sbyor ba de min rnam par bcad pa

la mi ltos par 'dod do/ /gnyis pa ni/ dkar zal la ba glang gi
brda sbyor ba na de'i steng du nog sogs dang mi ldan pa ba glang
yin pa bkag gam ma bkag /bkag na/ de min rnam par bcad pa la mi
ltos pa 'gal zhing dkar zal dang

nog sogs 'dus pa'i tshogs pa ba glang ma yin pa las log par go na
sel ba'i yul can ma yin pa nyams so/ /ma go na tshogs pa de ba
glang du ma go bar thal/ 'dod na brda byas pa la dgos pa med par
thal lo/ /brda dus su nog soD

dang mi ldan pa ba glang yin pa ma bkag na/ tha snyad kyi dus su
nog sogs dang mi ldan pa yang ba glang du dogs pa skye bas brda
byas pa dgos pa med par thal lo/ /dngos po mi rtag par 'dod pas
kyang brda sbyor ba de min rnam par gcod pa

la mi ltos na brda dus kyi don de nyid tha snyad kyi dus su khas
len dgos so/ /gzhan dag 'dod pa'i spyi 'gog tshul 'og tu 'chad
do/ /gsum pa ni/ brda sbyor ba'i gzhi dkar zal lta bu yin la
chos ni nog sogs 'dus pa'i gong bu

tsam mo/ /dkar zal gcig pu de'i steng na nog sogs 'dus pa'i dkar
zal ma yin pa las log pa dang/ nog sogs 'dus pa'i gong bu ma yin
pa las log pa'i ldog pa khyab che chung gnyis kyi tshogs pa ba
glang gi brda'i zhen yul

@66a @#/ /yin no/ /dper na nyan shes kyis thos pa dang dus gnyis
par mi sdod pa'i tshogs pa la mi rtag ces dang/ sgra mi rtag ces
brjod pa bzhin no/ /gzhi dkar zal gyi steng du nog sogs 'dus
pa'i gong bu ma yin pa las ldog pa ba glang

du go zhing/ de dang mi ldan pa ba glang yin pa khegs pa na/
phyis gzhi gzhan gyi steng du de mthong ba na yang ba glang du
go bar 'gyur ro/ /'o na sngar bum pa mi rtag par rtogs nas phyis
sgra thos na de yang mi rtag par go bar 'gyur bas gtan

tshigs don med par 'gyur ro zhe na/ skyon med de/ bsgrub bya'i
chos kyi ldog pa gcig pu de nyid gzhi rags pa bum pa dang sbyar
nas mngon sum gyi stobs kyis nges na rags pa'i mi rtag par 'gyur
la log rtog gi dbang ngam gzhi phra ba dang

sbyar nas rtags las nges dgos na phra ba'i mi rtag par 'gyur te/
dper na rang grub pa'i dus las dus gnyis par mi sdod pa de tshes
gcig dang tshogs na rang grub dus de/ yud tsam sum cu'i yun tshad
du 'gyur la/ dus kyi thung ba'i mthar thug pa

dang tshogs na khem pa gcig gi dus su 'gyur ba bzhin no/ /'o na
snga mar yang ba glang che chung gi dbang gis ba glang du rtags
kyis sgrub dgos pa srid do zhe na/ der ni tha snyad ma thogs pa
tsam yin la 'dir ni don legs par sgrub dgos pa

yin no/ /'o na bum pa dang sgra gnyis sgra mi rtag par nges sla
par 'gyur te/ sgra la rigs 'dra'i rgyun med cing/ dus kyang bum
pa las thung ba'i phyir ro/ /zhe na/ de ni log par rtog pa'i
dbang las yin te/ grangs can dang bye brag pa sgra de nam

@66b mkha' rtag pa'i rdzas la brten pa'i yon tan yin pas rtag
par 'dod pa dgag pa'i ched yin no/ /gnyis pa ni/ gzhan sel med
kyang gsal ba rang mtshan la brda sbyor ro zhe na/ de ma yin rnam
par bcad pa la mi ltos par nog sogs

'dus pa'i gong bu de la ba glang gi brda bya bar nus pa ma yin
par thal/ de la mi ltos na brda dus kyi don de nyid tha snyad
kyi dus su 'ong dgos la/ tha snyad kyi dus de'i tshe brda dus kyi
don rang gi mtshan nyid 'gags nas med pa'i phyir khyab

ste/ brda de ni tha snyad kyi dus su don go ba'i ched du byas
pa'i phyir/ 'dod na/ 'di ba glang ngo zhes pa'i ngag smras ba
don med par thal/ de ma yin rnam par bcad pa la mi ltos par nog
sogs 'dus pa'i gong bu de la ba glang gi brda sbyar bar

mi nus/ de ma yin rnam par bcad pa la bltos nas kyang nog sogs
'dus pa'i gong bu de la ba glang gi brda mi sbyor ba'i phyir/
khyab ste/ thun mong ma yin pa'i ming gi sgra rnams kyis ni rang
gang la brda btags pa'i don de nyid ston cing gzhan

ston mi nus pa'i phyir/ de min rnam par bcad pa la mi ltos na/
spyi don gzhan brda'i yul dang/ yang na brda dus kyi don de tha
snyad kyi dus su 'ong dgos kyi gzhan du na brda byas pa tha
snyad kyi dus su go ba'i don med do/ /gnyis pa ni/ bye brag

pa na re/ gzhan sel ba med cing/ brda dus kyi gsal ba tha snyad
kyi dus su med kyang de gnyis ka'i dus su khyad par med par rjes
su 'gro ba'i spyi don gzhan la brda sbyor bas tha snyad kyi dus
su don go zhe na/ brda sbyor ba pos dkar zal la soD

@67a @#/ /pa'i don rnams la 'di ba glang bo zhes brjod par byed
pa'i brda sbyor bar byed pa chos can/ yongs gcod kyi dgos pa yod
de/ ci nas kyang bzho bkal don gnyer gyi nyan pa po'i skyes bu
'di/ gong bu 'dis 'dod don de byed par

nus pa shas nas don de sgrub pa'i phyir tu 'jug par 'gyur ba'i
ched yin pa'i phyir/ dgos pa de ltar yin pa la/ rigs don gzhan
chos can/ ba glang zhes pa'i ming khyod la thun mong ma yin par
dngos ming du sbyar ba la dgos pa med par

thal/ khyod kyis bzho bkal la sogs pa'i don byed par rung ba min
pa'i phyir/ gsum pa ni/ rigs kyi don mi byed kyang rigs de dang
ldan pa'i gsal bas don byed nus pas/ de la sbyor ro zhe na/ rjod
byed de yang ni chos can/ gsal ba kho na la

dngos su ci'i phyir sbyor bar mi byed de sbyor rigs par thal/
spyi don gzhan dang ldan pa'i gsal ba la dngos su sbyor ba gang
zhig spyi don gzhan mi srid pa'i phyir/ gal te de 'dra'i spyi
med na gsal ba mtha' yas pa'i phyir re re nas sbyar dgos

na de mi nus so zhe na/ 'o na/ spyi ldan gyi gsal ba la yang
sbyor mi nus par thal/ de la yang mtha' yas pa 'di mtshungs pa'i
phyir te/ spyis gsal ba mang po nyung bar byed mi nus pa'i
phyir/ bzho bkal gyi don de byed pa'i dkar zal do bzho bkal

gyi don byed pa ma yin pa las log par mtshungs pa'i gzhan sel la/
cis na brda ma byas don med pa brda'i yul du rtog par byed ces
dris pas/ rang dbang med phyir de ldan min/ zhes pa'i nyes pa
mtshungs pa'i phyir khas mi len no zhe na/ nyes pa

@67b mi mtshungs mod/ mtshungs su chug kyang sla ste nyes pa
mtshungs mi mtshungs kyi dpyad pa re shig zhog cig ces pa'i don
to/ /nyes pa mtshungs kyang sla ste/ rigs don gzhan mi dgos par
thal/ gzhan sel khas blangs na/ rigs don gzhan khas blangs

pa dgos pa med/ de khas mi len na cig shos khas blangs kyang don
ga ba'i nus pa med pa'i phyir/ gnyis pa ni/ rang gi thun mong ma
yin pa'i sgra brjod pa la rnam bcad kyi dgos pa yod de/ nog sogs
de dang ldan pa las gzhan pa yongs su spangs

nas gong bu de la thun mong ma yin par 'jug par 'gyur ba'i ched
yin pa'i phyir/ kyang gi sgras/ sngar bstan pa'i yongs gcod kyi
dgos pa sdud do/ /brda sbyar ba'i dgos pa de ltar yin pa la/ ba
glang zhes pa'i sgra la brten nas ba glang ma yin pa

gcod dam mi gcod/ gal te sgra de yis ba glang ma yin pa de dag
rnams las ba glang 'di thun mong ma yin par yongs su mi gcod na
brda sbyar ba'i dgos pa ji ltar yod de med par thal/ de ma yin
rnam par bcad pa dang/ de yongs su gcod

par mi byed pa'i phyir/ gal te sgra 'di la ba glang ma yin pa
rnam par gcod cing/ ba glang ma yin pa las log pa yongs su gcod
pa'i nus pa yod do zhe na/ brda sbyor ba'i skabs der khyed la
spyi don gzhan gyis ci zhig bya ste dgos pa med pa thal/ sgras

de ma yin rnam par bcad pa gang zhig /sgra rnams sbyar ba'i dgos
pa de ma yin bcad nas don de thun mong ma yin par go ba de tsam
du zad pa min nam ste zad pa'i phyir/ gsum pa la/ spyi don gzhan
med na ngo shes kyi blo mi 'thad pa spang pa

@68a @#/ /dang/ spyi 'dzin spyi las skye ba dgag/ spyi sgra don
la mi slu bar bstan pa'o/ /dang po ni/ snga phyi gcig tu ngo
shes pa mi srid par thal/ snga phyi phan tshun rjes su mi 'gro/
rjes su 'gro ba'i spyi don gzhan yang med pa'i phyir ce na/ chu
skyor ba'i bya ba

byed pa de las gzhan pa dang bral ba yi yul can nang gi sgra
rtog rnams kyis chos can/ gsal ba snga phyi rnams rdzas tha dad
cing/ spyi don gzhan med kyang spa phyi lhan cig tu sbyar nas de
nyid 'di'o zhes ngo shas par byed pa'i rgyu mtshan yod de/ chu

sbyor ba'i bya ba de dang de byed pa'i bum pa'i don snga ma
rnams mthong nas de las rigs 'dra gzhan mthong yang rtag 'dzin
gyi bag chags kyi dbang gis snga phyi gcig tu sbyor ba'i phyir/
gnyis pa la/ spyi 'dzin spyi 'ba' zhig las skye ba dgag /

spyis phan btags pa'i gsal bas bskyed pa dgag /gsal bas phan
btags pa'i spyis bskyed ba dgag pa'o/ /dang po la thal ba dgod
pa ni/ bye brag pa gzhan gyi ltar na'ang spyi blo de ni chos
can/ spyi 'ba' zhig nyid gzung don du byas pa

las skye ba min par thal/ gsal ba'i rnam pa shar ba'i phyir/ ma
grub na/ gsal ba mi shes par thal/ rtag tu spyi de tsam kho na
rnam par shes pa'i phyir/ 'dod na/ dus nam yang spyi de dang/
spyi ldan gsal ba'i 'brel pa ma gzung bar thal/ 'dod

ba de'i phyir/ 'dod na/ gsal ba rnams spyi de dang ldan par nges
par mi 'gyur bar thal/ 'dod pa de'i phyir/ 'dod na/ gsal ba de
la ji ltar tha snyad 'dogs te 'dogs mi nus par thal/ bye brag
pas gsal ba rnams la spyi don gzhan mthong ba'i sgo

@68b nas sgra blo 'jug cing tha snyad 'dogs la/ de ma mthong na
tha snyad mi thogs par 'dod pa la gnod pa brjod pa yin pas/ thal
ba kun khas blangs kyang phyi ma phyi ma brjod pa ni khas blangs
gsal bar bya ba'i ched yin no/ /gnyis pa ni/ gal te spyi dngos

po ba gcig gis phan pa'i grogs byed pa'i gsal ba rnams spyi
'dzin gyi shes pa'i rgyu yin gyi/ spyi kho na shes pa min pas
tha snyad mi thogs pa'i skyon med do zhe na/ thal ba dgod pa ni/
spyi dngos po ba gcig pu des gsal ba de rnams kyi tha dad

pa'i cha de nyid sel tam ci bsal bar thal/ des gsal ba du ma
spyi 'dzin shes pa gcig gi rgyur bskyed pa'i phyir/ khyab pa
khas blangs shing/ de gsal bar byed pa ni/ sngar gsal ba rnams
tha dad pa'i phyir yang de rnams rnam shes gcig

gi rgyur mi 'dod pa'i phyir/ de'i lan dgag pa ni/ gal te gang
la'ang bltos med ngu ngu mas 'bras bu gcig mi skyed pa yin gyi/
gsal ba du ma'ang spyi gcig la bltos nas tha dad min par snang
ba'i blo gcig bskyed ce na/ spyi blo chos can/ khyod

la gsal ba de rnams kyis gzung don gyi sgo nas phan 'dogs pa'i
nus pa med par thal/ sngar phan 'dogs pa'i gsal ba de dag so so
phan byed du med par yang/ phyis kyi gsal ba gzhan dang lhan cig
pa'i spyi gcig gis kyang bskyed par

bya ba'i sgo nas khyod kyi gzung rnam la mi 'dra ba'i khyad par
med pa'i phyir/ 'dod na/ de rnams gzung don du byas nas 'dzin pa
med pa yin par thal/ 'dod pa de'i phyir/ gzhung de'i don bsdus
na/ de chos can/ gsal ba rnams gzung don du byas

@69a @#/ /nas 'dzin pa ma yin par thal/ de rnams yod med las
khyod kyi gzung rnam la mi 'dra ba cung zad kyang med pa'i
phyir/ ces pa'o/ /rang la mtshungs pa spang ba ni/ sngon po med
par ser pos mig shes bskyed pas sngon po la mig shes

bskyed pa'i nus pa med pa min pa ltar sngon po med par ser po
dang phrad ba'i spyis spyi glo bskyed pas/ sngon po la spyi blo
bskyed pa'i nus pa med par mi 'gyur ro zhe na/ mi mtshungs pa
'ba' zhig yin te/ sngo ser sogs kyis mig gi rnam shes la phan

'dogs pa'i nus pa so sor mthong bar thal/ sngon po med par ser
pos ser 'dzin mig shes bskyed/ ser po med par yang sngon pos
sngo 'dzin mig shes bskyed pa'i phyir/ 'dod na/ sngo ser tshogs
pa la'ang mig shes bskyed pa'i nus pa 'grub par

thal/ 'dod pa de'i phyir dang/ tshogs pas kyang sngo ser gnyis
ka'i rnam pa can gyi mig shes bskyed pa'i phyir/ gsal ba rnams
la ji ltar yang spyi blo gzung don kyi sgo nas bskyed pa'i nus
pa med par thal/ gsal ba yod med las spyi blo la

rnam pa mi 'dra ba 'char ba de lta min par/ rtag tu spyi 'ba'
zhig gi rnam pa 'char ba'i phyir/ de la ji ltar tha snyad 'dogs
zhes pa'i thal ba so na gnas so/ /kha dog gi gsal ba rnams yod
med las mig shes la rnam pa mi 'dra bar

'char ba mthong bas gzung don gyi nus pa yod par grub la/ gsal
ba kun tshogs sam gang rung re las med kyang spyi blo la rnam pa
mi 'dra ba'i khyad par med par khas blangs pas gzung don gyi nus
pa mi 'grub pa yin no/ /gsum pa

@69b la/ thal ba dgod pa/ de'i lan dgag pa/ spyi gzhan khegs pa
dran pa la sbyar ba'o/ /dang po ni/ gal te/ gsal ba de dag gang
rung re re grogs su yod pa la bltos nas spyi nges kyang spyi
'dzin bskyed nus kyi/ spyi 'ba' zhig 'dzin pa min pas gsal ba

la nus pa med par mi 'gyur te/ thag bzang gcig med kyang thag
bzang gzhan gyis ras yug 'thag la ye med par ni ma yin pas/ de
la ras yug 'thag pa'i nus pa med par mi 'gyur ba bzhin no zhe
na/ gsal ba du ma de dag chos can/ 'bras

bu thun mong ba gcig mi skyed ba'i rgyu mtshan gyis spyi blo gcig
la phan byed du mi rung ba min par thal/ spyi gzhan gcig la phan
pa'i phyir/ spyi 'di chos can/ gsal ba de rnams kyi 'bras bur
'gyur bar thal/ phan 'dogs pa'i phyir/ khyab ste/

phan 'dogs byed gang yin de la bskyed pa'i rgyu yin pas khyab
pa'i phyir/ gnyis pa ni/ gal te tha dad min pa'i spyi gcig gi
rnam pa snang ba'i blo la du ma'i rnam pa shar na/ spyi blor mi
'gyur bas/ gsal ba tha dad rnams la spyi blo skye bar mi 'dod

pa yin gyi/ spyir du mas 'bras bu gcig mi skyed pa min no zhe
na/ spyi blo tshes can/ snang ba tha dad pa'i rnam pa shar te/
gsal ba de dag mtshungs so zhes 'dzin pa'i phyir/ khyab pa 'gal
te de dag mtshungs par 'dzin na/ mtshungs chos tha dad med

pa gcig kyang gzung mtshungs pa po du ma 'di ? gzung dgos pas ji
ltar tha dad kho na blos gzung bar bya ba yin zhe na/ bum gsal
du ma chos can/ spyi don gzhan gcig go sgo nas mtshungs pa ma yin
par thal/ 'bras bu 'dra ba gcig byed

@70a @#/ /pa'i sgo nas mtshungs pa'i phyir/ ma grub ste/ de dag gi
'bras bu rang 'dzin dbang po'i blo rnams rdzas tha dad do zhe
na/ bum 'dzin dbang po'i blo rnams chos can/ rigs tha dad med pa
yin te/ bum gsal rnams rigs

gcig tu rtogs pa'i spyi blo'i rgyu yin pa'i phyir/ bum pa'i gsal
ba rnams kyang chos can/ rigs tha mi dad pa yin te/ bum blo gcig
gi rgyu'i dngos por 'gyur ba'i phyir/ tha mi dad de nyid spyi
gzhan yin no zhe na/ chu skyor ba de'i 'bras bu can ma

yin pa dang bral ba'i bum gsal de'ang chos can/ de min rnam par
bcad pa la mi ltos pa'i spyi ma yin par thal/ gzhan sel yin pa'i
phyir/ gsum pa ni/ gzhan sel de las rdzas gzhan pa gsal ba la
rjes su 'gro ba'i spyi dngos po ba med

par thal/ de yod na tshad mas mthong dgos pa las ma mthong ba'i
phyir dang/ sngar rigs pas bkag pa'i yang phyir ro/ /rjes 'gro
gzhan ni snang ba med ces par ro/ /de 'dra'i spyi med na/ brda
byas pa don med pa ma yin par thal/ brda ni gzhan sel de

rig pa'i don can yin pa'i phyir/ gsum pa la/ rgyas par bshad pa
ni/ gal te spyi 'dzin gyi snang bas don byed mi nus na/ brda
byas kyang rang mtshan la mi slu bar mi 'gyur te/ sgras kyang
spyi blo kho na bskyed pa'i phyir ro zhe na/ bum pa zhes brjod
pa'i sgra chos

can/ khyod rang la snang ba ltar gyi don med pa'i rtog blo
bskyed par byed pa yin yang don rang mtshan la mi slu ba'i nus pa
yod par 'dod de/ chu skyor ba'i don mi byed pa yongs su spangs
nas de byed pa la 'jug pa'i rgyu'i yan lag gi ngo bo yin pa'i
phyir

@70b dang/ rigs mi mthun gyi dngos po las tha dad pa'i ngum ?
pa la brgyud nas brten pa can gyi tha snyad don mthun yin pa'i
phyir/ rtags phyi ma der thal/ khyod sgra'i tha snyad gang zhig
/khyod kyis bdag rkyen byas pa'i bum 'dzin rtog pa de chu skyor
ba'i don byed

pa ma yin pa la/ de byed pa dang/ 'dra ba'i ngo bor snang zhing
rigs mi mthun gyi dngos po las tha dad pa'i bum pa'i gzhan sel
gyi dngos po tsam gyi sa bon can yin pa'i phyir/ don bsdu ba ni/
de chos can/ bum pa'i gzhan sel gyi yul can yin te/

chu skyor gyi don mi byed pa brjod byar spong zhing/ don de byed
pa kho na la brgyud nas brten pa'i ngo bor gyur pa'i tha snyad
don mthun yin pa'i phyir/ 'di yan chad gzhan sel brda'i yul du
nges pa'i yan lag tu spyi don gzhan yul gyi sgo nas dgag pa

rgyas par mdzad de/ bye brag pas gsal ba rnams la spyi don gzhan
mthong ba'i sgo nas sgra blo 'jug par yang 'dod la/ spyi 'dzin
gyis spyi rtag pa kho na gzung yul du byas nas 'dzin par 'dod pa
la nang 'gal bstan pa'o/ /gsum pa gzhan

sel gyi 'jug tshul la rtsod pa spang ba la/ rtogs pa phan tshun
brten par thal ba spang/ rjod byed kyi tshig la rnam gcod kyi yul
can gyis ma khyab par thal ba spang/ dngos po sgras brjod na
sgra dang tshad ma phyi ma don med du thal ba spang ba'o/ /dang
po la/

nyes pa yod pa dgag pa dang/ nyes pa med par bsgrub pa'o/ /dang
po ni/ spyod pa pa'i ston pa gzhon nu ma len la sogs pa kha cig
na re/ khyed sel ba smra ba sgras don sgrub pa'i sgo nas yul du
mi byed par/ de ma yin rnam par bcad pa'i sgo nas 'dzin

@071a @#/ /dgos na shing dang shing ma yin gnyis po dag rtogs
pa phan tshun brten par thal/ shing ma yin las ldog pa'i sgo
nas shing gi don 'dzin pa'i phyir/ khyab pa yod de/ shing go
ba'i blo des shing thog mar shes pa la shing ma yin bcad pa

shes dgos/ gcad bya shing ma yin ma shes par de bcad pa mi
shes pas shing ma yin shes dgos/ de yang blo de nyid kyis mi
shes par de'i snga rol tu shes dgos/ de la yang shing bcad
dgos pa'i phyir/ 'dod na/ de gnyis gang rung gcig sngar

'dzin pa med par thal/ de 'dod na/ dus gcig tu yang mi shes
pas gnyi ga mi 'dzin par 'gyur la/ de'i phyir gzhan sel la
brda 'dogs pa mi srid pas kho bo cag gi lugs la brten na mdzes
so zhes smra'o/ /mgo mtshungs kyis dgag pa ni/ de dag gi

ltar na yal ga lo 'dab dang ldan pa la shing gi brda 'dogs pa
na shing min rnam par gcod dam min/ gal te rnam par gcod do
zhe na/ de'i ltar na shing 'dzin pa'i gong du shing ma yin ji
ltar shes te mi shes par

thal/ de'i gong du shing gi don 'dzin pa med pa'i phyir/ shing
gi brda las shing ma yin de dag mi sel na/ shing gi tha snyad
'dogs par byed pa rnams shing ma yin de yongs su spangs nas/
shing la 'jug par mi 'gyur bar thal/ dper na shing zhes pa'i
sgra

las seng ldeng spangs nas shing gi khyad par sha pa kho na la
mi 'jug pa bzhin no/ /gal te gzhan shing ma yin bkag nas shing
mi sgrub par mdun na gnas pa'i shing spyi gcig cig rab tu
bstan nas/ 'di shing yin zhes sgrub pa'i sgo nas brda byed

@071b la tha snyad 'dogs pa'i tshe na yang/ de ma yin bcad pa
la mi ldog par shing spyi de rtogs par 'gyur la/ de'i phyir
mgo mtshungs kyi nyes pa 'di ni med do snyam na/ shing spyi don
gzhan brda'i yul du 'dod pa de la chos can/ mgo mtshungs kyi
thal ba ldog

pa med par thal/ brda sbyor tshul 'di yang shing yin zhes
pa'am/ 'di kho na zhes bya ba'i rigs gnyis las med cing/ gang
khas blangs kyang nyes pa 'jug pa'i phyir/ 'di yang shing yin
zhes mi ldan rnam gcod du sbyor na sngar gyi nyes pa gnyis par
'gyur

la/ 'di kho na zhes gzhan ldan rnam gcod du sbyor na nyes pa
dang por 'gyur ro/ /gnyis pa ni/ yal ga lo 'dab dang ldan pa
rnams rigs gcig tu rtogs pa'i shes pa gcig sems rgyud la gnas
pa'i rtogs pa po chos can/ khyod kyis brda'i snga

rol nas yal ga lo 'dab dang ldan pa'i don rnams dang/ de dang
mi ldan pa'i don rnams bdag nyid kyis so sor rnam par 'byed
nus par thal/ khyod kyis de'i snga rol nas yal ga lo 'dab dang
ldan pa de me 'bar byed kyi rgyu dang de ma yin pa

rnams me 'bar ba'i rgyu min pa rigs so sor mngon sum tshad mas
rtogs pa'i phyir/ 'dod na/ yal ga lo 'dab dang mi ldan pa las
tha dad pa'i de dang ldan pa la shing gi thun mong ma yin pa'i
skad sbyor ba la rtogs pa phan tshun brten pa'i skyon med

par thal/ khyod kyi blo de la yod pa'i yal ga lo 'dab dang
ldan pa'i dngos po de 'dzin gyi blo'i rnam pa gtod pa'i rgyu
nyid du snang zhing dmigs pa dang/ rnam pa gtod pa'i rgyu min
pa'i ngo bo dang bral ba dang ngo bo rigs gcig 'dir bdag nyid
kyis shes

@072a @#/ /pa'i sgo nas brda'i snga rol tu yal ga lo 'dab dang
ldan mi ldan rigs tha dad par shes par 'gyur ba'i phyir/ bsdus
na/ gzhan sel la brda sbyor ba la rtogs pa phan tshun brten
pa'i skyon med par thal/ gzhan ldan rnam gcod snying

por yod pa'i sgo nas yal ga lo 'dab dang ldan pa la 'di shing
yin zhes brda sbyor ba gang zhig de dang ldan mi ldan gnyis
brda'i snga rol nas mngon sum gyis rigs so sor shes pa'i phyir
ces pa'o/ /spyi gzhan med na tha snyad kyi dus kyi

shing shing du mi rtogs pa'i skyon med par thal/ shing gi brda
byas pa de las shing de rtogs par gyur pa'i blo 'khrul pa'i
dbang gis shing gi dngos po snga phyi gcig pa ltar rtogs shing
zhen pa'i phyir/ gzhi de shing du nges pa'i blos shing ma yin

las log par ma nges na rtogs pa phan tshun brten pa'i skyon
spong mi nus la/ dngos su nges na dgag sgrub kyi rtog pa'i
khyad par dbye dka' bas shugs rtogs so/ /gnyis pa la/ gzhan
sel gyi sgra bye brag pa la sel 'jug gis ma khyab

par thal ba spang ba dang/ sel ba'i sgra'i rang ldog la das ma
khyab par thal ba spang ba'o/ /dang po ni/ bum pa sogs brjod
pa'i sgra la gcod bya yod pa'i phyir/ sel bas 'jug par rigs
kyang shes bya gzhal bya sogs brjod pa'i tshig la gcad

bya shes bya ma yin pa sogs med pa'i phyir/ sel 'jug tu mi
'thad pas rjod byed kun rnam gcad kyi yul can du mi 'thad de
zhe na/ rjod byed kyi sgra rab tu sbyor bar byed pa de chos
can/ dgos pa yod de/ rang gi don nges par gzung ba'i tshul

@072b gyis don go bar byed pa'i phyir/ der thal nyan pa po'i
blo mi 'dod pa'i don 'ga' las rnam par ldog nas 'dod pa'i don
'ga' zhig la 'jug par bya ba'i ched yin pa'i phyir/ rtags snga
phyi gnyis ka ma grub na/ gzhan du sgra sbyor ba don med par
'gyur

bar thal lo/ /des na dgag sgrub kyi tha snyad du rnam par 'jog
pa'i dngos med shes bya'o/ /chos thams cad thams cad mkhyen
pa'i gzhal bya'o zhes pa la sogs pa'i tshig rnams chos can/
khyod la rnam gcod 'ga' zhig yod de/ nyan pa po'i

blo mi 'dod pa'i don 'ga' zhig la 'jug pa ldog nas 'dod pa'i
don 'ga' zhig go bar byed pa'i tha snyad don mthun yin pa'i
phyir/ shes bya zhes brjod pa lta bu'i tshig yan gar ba la
brjod bya med par 'dod pa mi 'thad de/ des kyang shes bya ma

yin pa las ldog pa brjod cing de ltar go ba'i phyir/ gnyis pa
la/ brda'i yul ngos gzung/ de phyogs glang gi bzhed par bstan/
lung gi don bshad pa'o/ /dang po ni/ mu stegs 'od byed pa na
re/ gzhan sel 'di gsal ba so so'i steng na gcig

yin nam du ma yin/ dang po ltar na/ spyi don gzhan brda'i yul
du 'gyur la/ phyi ma ltar na gsal ba bzhin du mtha' yas pas
brda sbyor mi nus par 'gyur ro/ /gzhan yang gzhan sel 'di nyid
sgra'i brjod bya yin nam min/ min na/ sgras

sgra'i don gzhan sel bar byed do/ /zhes khyed rang gis bshad
pa dang 'gal bar 'gyur/ yin na/ sgrub pa'i sgo nas brjod dam
de ma yin rnam par bcad pa'i sgo nas brjod/ dang po ltar na
gzhan sel brjod par byed pa dang 'gal la/ phyi

@073a @#/ /ma ltar na/ gzhan sel brjod pa'i sgra de nyid kyis
de ma yin rnam par bcad pa brjod dgos la/ de ltar na de ma yin
rnam par bcad pa yang rang ma yin bcad pa'i sgo nas brjod dgos
pa sogs thug pa med par 'gyur

ro zhe na/ gzhung 'dis tshig kun nges gzung gi snying po can
yin pa'i gzhung 'dzugs su bram ze chen pos bshad cing nges
gzung gi snying po can yin na phyogs glang gi gzhung gi cha
dang mi 'grig pa'i lan du sbyar ro/ /shing ma yin

de dag las tha dang pa'i shin gi khyad par rnams shing du
mtshungs pa'i tha snyad 'jug pa'i rgyu gang zhig yin pa rtogs pa
la shing ma yin las log pa'i rnam par snang ba can de chos can/
khyod la brda 'god pa la gsal byed pas

skyon de dag med par thal/ shing gang las tha dad pa'i shing
ma yin de rnam par ldog nas khyod la brda 'god pa'i phyir/
gnyis pa ni/ shing ma yin las log par snang ba de nyid brda'i
yul du phyogs glang gis rab tu bshad de/ don

gzhan las ldog pa yis dngos po de'i cha 'ga' zhig rtogs par
'gyur zhes kyang bshad pa'i phyir dang/ sgras ni don gzhan las
ldog pas khyad par du byas pa'i dngos po dag kho na brjod do
zhes dang/ sgras ni sgra dang don gzhan sel bar

byed cing rang gi don brjod par byed do zhes so/ /rtsa bar
dngos su bkod pa'i gzhung des shing ma yin las log par snang
ba'i shing gi dngos po de de'i cha shing ma yin las log pa
rtogs pa'i sgo nas rtogs par bstan la/ lung gnyis pas

@073b shing ma yin bkag pas khyad par du byas pa'i sgo nas
rtogs pa dang/ gsum pas des na sel 'jug tu 'thad pa ston to/
/gsum pa ni/ bram ze chen pos 'di la'ang zhes pa'i gzhung
phyogs glang gi dgongs pa mi shes pa'i sngon gyi 'grel

byed dag gi dogs pa dgag pa'i ched du sbyor ro/ /des na de'i
ltar na/ shing ma yin la shing med pa 'di la'ang chos can/ ngo
bo cung zad kyang med de/ khyod rtog pas btags pa tsam du zad
pa'i phyir/ 'o na med dgag de la brda dngos su ci'i phyir

mi sbyor zhe na/ shing la brda sbyor ba'i tshe/ shing ma yin la
shing med pa la brda dngos su sbyor dgos pa ma yin par thal/
shing zhes pa'i sgra rnams las shing de shing ma yin las log
par dngos su rtogs pa nyid kyis gzhan shing ma yin las shing

ldog pa shugs la rtogs par 'gyur ba'i phyir/ ces shing ma yin
la shing med pa med dgag gi gzhan sel dang/ shing shing ma yin
las log pa sel ba gzhan du mdzad do/ /yang na gzhung snga ma'i
rtags chos snga ma la gzhi ni shing ma

yin las log par snang ba 'di la'ang zhes sbyar ro/ /des gsal
byed pa ldog pa rdzas su yod na ming la mi mthun pa tsam du
zad do zhes smra ba bsal ba yin no/ /phyi rol gyi dngos po'i
cha 'ga' zhig shing gi sgra don du 'gyur ba ma yin par

thal/ shing gi sgra rnams las shing ma yin las log par snang
ba'i shing de dngos su rtogs pa nyid kyis/ gzhan shing ma yin
las log pa'i don gyi gzhan sel shugs la rtogs par 'gyur ba'i
phyir/ shing de shing ma yin las ldog pas

@074a @#/ /khyad par du byas nas rtogs pa de la ni chos can/
shing gi ldog pa don gzhan 'ga' yis khyad par du byas pa rtogs
pa ma yin par thal/ de ltar rtogs par 'gyur ba la de yod dgos
pa las shing gi ldog pa don gzhan 'ga' yang med

pa'i phyir/ des na shing brjod pa dang shing ma yin gcod pa'i
sgra gnyis sbyor bar byed dgos pa'ang ma yin te/ shing brjod
pa de nyid kyis shing ma yin gcod pa'i phyir/ der thal/ de
gnyis phan tshun gzhi mthun yod pa min par phung gsum med pa'i
'gal

ba yin pa'i phyir/ 'dis lung gsum pa'i don bstan to/ /shing ma
yin pa las log par snang ba 'di chos can/ don dam par grub pa
min te/ dngos por med kyang dngos po dang ldan pa nyid du
mthong ba blo yis bslad cing btags pa yin pa de nyid kyi
phyir/

dngos por med pa las gzhan du na/ shing ma yin gyi dngos po
las ldog par snang ba chos can/ shing gi dngos por te shing du
mi 'gyur bar thal/ shing ma yin las log pa ma yin pa'i phyir/
khyab ste/ shing 'di yin na/ shing ma yin 'di las tha dad/

ces de las log pas khyab par brjod pa'i phyir ro/ /brjod ces
pa ni/ tshad ma'i mdo las don 'di brjod pa'o/ /shing ma yin las
log par snang ba dngos po yin na shing ma yin las log par
'gyur la de lta na shing du 'gyur ro/ /'di dag gi rigs

pa yang sngar bshad zin to/ /gsum pa la sgra dang tshad ma snga
phyi yul tha dad du bstan pa/ sel ba smra ba la tha snyad kun
'thad pa'o/ /dang po ni/ spyi don gzhan med na rang mtshan
sgra'i brjod byar 'gyur la/ de lta na/ de la cha shas med pas
sgra gcig gis

@074b kyang cha kun brjod pas sgra dang tshad ma gzhan don med
par 'gyur ro zhe na/ rtog ngor sgra dang 'dres pa';i rtag pa'i
don gcig gcod pa na/ sgra mi rtag ces brjod pa'i sgra 'am de
sgrub kyi rtags ni chos can/ sgra de la rtag pa bcad pa yi sgo
nas dngos po'i

cha ma lus pa brjod bya dang nus yul du 'gyur ba'i nyes pa ci
yang med par thal/ sgra rtag 'dzin gyi sgro 'dogs gcig po gcod
pa yi bya ba byed pa'i phyir/ khyab par thal/ dngos po gang gi
chos gcig brjod par byed pa las cha ma lus pa rtogs par

'gyur ba dngos po'i nus pa'i dbang las yin na de ltar 'thad
na'ang de min pa'i phyir/ des na sgra rtog phyi ma don med du
mi 'gyur te/ byas mi rtag brjod pa'i sgra brten gcig la sgro
'dogs gcod pa'i 'bras bu du ma can du 'gyur ba'i phyir/ gnyis
pa

la/ sel ba smra ba la gzhi mthun sogs 'thad pa dang/ dngos
dbang gis 'jug pa la mi 'thad pa'o/ /dang po ni/ me tog 'di
utpal sngon po zhes brjod pa na/ sngon po'i sgras yon tan don
gzhan dang utpal la'i sgras rdzas don gzhan brjod kyi rdzas

la cha shas med na/ sgra phyi ma don med pa'am sgra rnam
grangs par thal ba ldog pa med do zhe na/ sgra'i sbyor tshul de
ltar mi 'thad par thal/ gang gi tshe sngon po'i sgras rnam gcod
gcig cig ston pa na/ utpal la mi spong zhing mi sgrub/ utpal
la'i sgras kyang

de ltar ston pa na/ gzhan sngon po mi sgrub mi spong bar gnas
pa'i phyir/ me tog 'di utpal la sngon po zhes brjod pa de'i
tshe/ rtog blo yi ngor byas nas gzhi mthun nyid du 'gyur gyi/
rdzas tha dad gzhi gcig la ldan pa'i don min par thal/ de'i
tshe utpal la/

@075a @#/ /sngon po'i me tog de ldog pa gnyis po la khyab pa'i
chos can gcig lta bur snang zhing don la yang utpal yang yin
sngon po yang yin pa'i gzhi mthun yin pa'i phyir/ 'o na rang
mtshan mi thob par 'gyur ro zhe na/ sgras rnam gcod

byed pa na dngos po'i chos la reg par 'gyur ba yin te/ dngos
po thob pa'i nus pa de ni sgra de la yod pa'i phyir/ spyi
gzhan dngos po ba gcig brjod par byed pa las 'jug yul thob pa
ma yin par thal/ spyi don gzhan yod na snang du rung ba las

blo la snang ba ma yin pa'i phyir/ khyab par thal/ yod na
snang du rung ba dngos po ma dmigs pa la med pas khyab pa nges
pa'i phyir/ de yan chad rang 'grel du bar tshigs su bshad do/
/spyi'i yul can du gyur pa'i sgra rnams dang blo nyid kyang
phyogs

glang gis gzhan sel gyi yul can du bstan pa dgos pa dang bcas
te/ gzhan sel brjod pa la gzhi mthun sogs 'thad pa de'i phyir/
spyi gzhan dngos po ba brjod pa dgos pa med de/ de la gzhi
mthun sogs de dag mi srid pa'i phyir/ gnyis

pa la/ gzhi mthun mi srid pa dang/ spyi sgra mi 'thad pa dang/
spyi blo mi 'thad pa'o/ /dang po la grangs can gyi lugs dgag
pa ni/ sngo ser gyi ngo bo tha dad du blo ma 'khrul ba la
snang ba gang las yin te mi 'thad par thal/ sngon po'i dngos
po'i ngo bo dang ser

po'i rang bzhin gcig nyid yin pa'i phyir/ sngon po'i rang
bzhin ser po'i rang bzhin la rjes su 'gro ba dang ldog pa
gnyis ka yin par thal/ blo ma 'khrul bas rang bzhin so sor
dmigs/ de gnyis rang bzhin gcig yin pa'i phyir/ 'dod na mi

@075b rigs par thal/ don gcig gzhi gcig la rjes su 'gro ldog
gnyis ka'i spyod yul can du rung ba ma yin pa'i phyir/ grangs
can gyi lugs sngar bshad pa las 'di yi don shes par bya'o/
/bye brag pa'i lugs dgag pa ni/ sha pa dang shing gnyis

rdzas dbyer med pa'i gzhi mthun gyi tha snyad dag kyang rgyu
med du 'gyur bar thal/ spyi gsal rdzas tha dad par gyur pa'i
phyir/ rang la nyes pa med pa mdor bstan pa ni sel ba smra ba
la spyi gzhi mthun mi 'thad pa'i thal 'gyur gyi nyes pa de dag
med par thal/

rigs mthun dang rigs mi mthun las ldog pa gsal ba kun la yod
pa'i phyir /rgyas par bshad pa ni/ spyi gzhan med na spyi sgra
thun mong ba sbyar ba dgos pa med par 'gyur ro zhe na/ bum
gsal tha dad pa 'bras bu rigs gcig pa dag la rgan po

brda shes pas bum pa zhes pa'i sgra gcig brdar byas pa chos
can/ dgos pa yod do/ chu skyor ba de yi 'bras bu yongs su
bstan pa'i ched yin pa'i phyir/ bum gsal rnams la spyi sgra
sbyor ba'i rgyu mtshan yod de/ chu skyor ba de yi 'bras bu med
pa can

las ldog par rang rgyu las skyes pa can yin pa'i phyir/ gzhan
sel med na/ spyi gzhan nam yang med pas gsal ba so so la brda
sbyor dgos par 'gyur la/ de ltar na mi rigs te de ma yin rnam
par bcad pa la mi ltos par dngos po la brda sbyor ba i

rung ba min par thal/ dngos po kun rang rang gi ngo bo la gzhan
dang ma 'dres par gnas pa'i phyir/ khyab ste/ de min rnam par
bcad pa la mi ltos na/ gsal ba mtha' yas pa tha dad pa dag mig
shes la bstan pa dka' ba'i phyi

@076a @#/ /ba cad na/ gzhan dang ma 'dres par bstan mi nus pa'i
phyir dang/ tha snyad kyi tshe don go ba'i 'bras bu med pa'i
phyir/ yang na/ de ma yin rnam par bcad pa la bltos te/ mi ltos
na zhes rtags gsum po so sor sbyar ro/ /rtags snga ma grub

par thal/ ba glang khra bo'i ngo bo gang yin pa de/ ba glang ser
skya la yod pa ma yin/ ser skya'i ngo bo de khra bo la med pa'i
phyir/ 'o na de gnyis la spyi sgra gcig mi 'jug par 'gyur ro zhe
na/ de gnyis la ba glang zhes pa'i spyi sgra 'jug par thal/ bzho
bkal

sogs de'i 'bras bu can min pa las ldog pa'i ba glang de gnyi ga
la'ang thun mong du yod pa yin pa'i phyir/ des na spyi sgra 'jug
pa la spyi don gzhan dgos pa ma yin par thal/ don gsal ba rnams
la tha dad pa'i spyi gzhan med par yang spyi sgra

'jug gi sgra tha dad kho nar 'jug pa mi rigs pa'i phyir/ yang
na/ gsal ba rnams la tha dad med pa'i gzhan sel de spyi sgra tha
mi dad kyi rgyur rigs pa'i phyir ces so/ /bzho bkal don gnyer
chos can/ bzho bkal de'i 'bras bu med pa las tha dad

pa'i gzhan sel 'dod dgos pa nyid de/ bzho bkal de'i 'bras bu
'dod pa de'i phyir/ yang na/ 'bras bu mtshungs ba de nyid spyi
gzhan du 'dod do zhe na/ de ni 'bras bu med pa las tha dad pa'i
gzhan sel yin no zhes sbyar ro/ /de yan chad kyis gzhan

la spyi gzhi mthun mi 'thad pa dang/ rang la 'thad cing spyi
sgra dang spyi blo 'thad par bstan te/ de dag bstan pa'i dgos
pa ni/ grub mtha' bzang ngan 'jig rten dang bstan bcos la
grags pa'i tha snyad phyin ci ma log par 'thad mi 'thad kyi
rjes su

@076b byed la/ tha snyad thams cad kyang lugs 'di la 'thad par
sgrub pa'i tshed yin no/ /spyi sgra 'thad pa'i dpe ni dper na
zhes so/ /mig la sogs pa rkyen gsum po chos can/ spyi don gzhan
med kyang khyad par med pa'i 'bras bu de bskyed pa'i

nus pa'i sgo nas spyi sgra gcig gis ston pa dag ni srid par
'gyur te/ gang gi phyir na gzugs 'dzin rnam shes gcig gi 'bras
bu can te rgyu'o zhes ston pa mthong ba'i phyir/ rkyen gsum de'i
ngo bo rang gi spyi las rdzas tha dad du med du zin na'ang/

brda las byung ba'i spyi sgra gcig gis bsnyad par byas pa la
dgos pa yod de/ mig gi rnam shes 'ga' zhig gi rgyu tshogs kun dus
cig car du ming gcig gis rtogs pa'i ched yin pa'i phyir/ gnyis
pa la/ 'dod pa brjod pa dang de dgag pa'o/ /

dang po ni/ gal te gsal ba mang po dag la spyi gzhan dngos po ba
gcig gnas pa yi phyir yang mnyan pa thun mong ba gcig 'jug ste/
sel pa'i sgo nas 'jug pa bzhin no zhe na/ gnyis pa la mdor
bstan/ rgyas bshad do/ /dang po ni/ spyi don

gzhan gsal ba la gnas so zhes pa/ gsal ba las don gzhan gyi tshul
gyis brten pa yin nam/ 'on te sgron mes gzugs ltar gsal bas spyi
gsal bar byas pa yin/ de ltar spyi de la gnyi ga mi rigs par
thal/ rtag dngos yin

pa'i phyir/ gnyis pa la gnyis / rten du mi 'thad pa dang / gsal
byed du mi 'thad pa'o// dang po ni/ gsal ba chos can/ spyi don
gzhan gyi rten min te/ de la phan 'dogs pa med pa'i phyir te/ de
rtag pa'i phyir/ khyab

@077a @#/ /pa med de/ phan mi 'dogs pa'i 'khar gzhong la rgya
shug brten par mthong ngo zhe na/ 'khar gzhong chos can/ rang
nang gi rgya shug la phan mi 'dogs bzhin du rten byed pa min par
thal/ de gegs med na 'thur du lhung

ba'i tshul can gang zhig /khyod kyis de'i rigs 'dra phyi ma rnams
rigs 'dra snga ma rnams dang/ yul go sa mtshungs par bskyed nus
pa'i phyir/ sogs pas gzhan sdud do/ /tshul de yang spyi de la mi
srid de rtag pa'i phyir/ sngar med gsar du

bskyed pa'i rten min yang grub zin gnas pa'i rten yin pas sngar
gyi gtan tshigs la ldog khyab med do zhe na/ spyi chos can/ gsal
ba de khyod grub zin gnas pa'i rten du dgos pa min par thal/ de
med na yang khyod rtag pa'i dngos por gnas

pa'i phyir/ de la gnas pa'i don brtags na brtag mi bzod pa ni/
de chos can/ gsal ba de khyod kyi grub zin gnas pa'i rten yin pa
de yang mi rigs te/ khyod kyi gnas pa khyod las rdzas tha dad
dang/ rdzas tha dad min par dpyod pas dpyad na mi

rigs pa nyid kyi phyir/ rdzas tha dad na gnas pa min pas mi gnas
par 'gyur la/ rdzas gcig na gnas pa'i ngo bor rtag pas gnas byed
mi dgos par 'gyur/ gnyis pa la/ mi phan pa'i gsal byed mi 'thad/
spyi'i gsal byed tsam

gyis spyi ldan du mi 'thad/ dang po ni mun khung gi bum gzugs
chos can/ khyod sgron 'od kyi gsal bya yin par thal/ khyod bdag
la dmigs pa'i rnam shes bskyed rung ba'i rgyu'i don du 'gyur ba/
gzhan sgron 'od kyi ngor byed pa la bltos pa'i phyir/

@077b de khyod kyi rgyur 'dod rigs te/ de khyod rang 'dzin rnam
shes bskyed rung nyid du byed pa po yang yin pa'i phyir/ spyi
'di ni gsal byed kyi snga nas rang 'dzin shes pa bskyed rung
nyid du gnas dgos te/ rtag dngos yin pas so/ /de lta'o zhe na/
spyi de ni chos can/ rang

'dzin shes pa bskyed pa gsal ba de la bltos pa mi rung bar thal/
de'i snga nas rtag par gnas pa'i phyir spyi ldan gsal ba las
gsal par byas pa gang las yin te ma yin par thal/ khyod 'gyur ba
med pa'i phyir/ de dag gis don gzhan gyi gsal bya gsal

byed kyi tshul rgyu 'bras bu gnas pa yin la rtag pa la de mi srid
ces bstan pa dang/ yang gsal bas spyi la phan btags pa ma yin
gyi/ spyi 'dzin gyi dbang po gsal po bskyed pas spyi'i gsal byed
ces brjod do zhe na/ gzugs la sogs pa'i gsal

ba rnams las mig gi dbang po gsal po gsar du 'du byed pa'i nus
pa yod pa ma yin te/ gsal ba de ni yod pa dang med pa'i 'phel
'grib kyi dus dag la mig shes kyi rtogs pa gsal maM gsal tha dad
med pa'i phyir/ 'ang gi sgras sgo des kyang spyi'i

gsal byed du mi 'thad ces pa'o/ /mig sman la sogs pas mig dbang
la gsal ba'i khyad par byed nus te/ des mig dbang gi skyon bsal
ba'i sgo nas mig shes la gsal ba'i khyad par bskyed pa'i phyir
ces pa bzhin te mi mthun dpe'o/ /gnyis pa

ni/ gal te rigs rnams kyi gsal byed yin du chug kyang / de tsam
gyis rigs don gzhan dang ldan par 'dod na/ sgron me'i 'od la
sogs pa chos can/ ba glang nyid la sogs pa de dang ldan pa 'thob
par thal/ de'i gsal byed yin pa'i phyir/ 'dod na

@078a @#/ /sgron 'od la ba glang ngo snyam pa'i blo skye bar thal
lo/ /rtags ma grub na/ mig shes kyis spyi don gzhan mthong ba
nyams so/ /gsum pa spyi blo mi 'thad pa la/ spyi'i ngo bo dgag
pa/ sgrub byed ltar snang du bstan pa/ rang la rtsod pa spang
ba'o/ /dang po la/

spyir dgag pa/ gzegs zan gyi lugs gnyis so sor dgag pa'o/ /dang
po ni/ bye brag pa dang grangs can gang dag rigs ni gsal ba las
rdzas gzhan nam/ gzhan min par yod pa nyid du 'dod pa de'i lugs
la/ sngon med gsar byung gi ba glang gi

gsal ba rnams la 'di ba glang ngo snyam pa'i spyi'i blo gros
skye ba ji ltar yin pa mi 'thad par thal/ sngar byung gi gsal ba
gcig la yod par mthong ba ni gsal ba gzhan la mthong ba mi srid
spyi la cha shas med pa'i phyir/ rtags snga ma bsgrub pa ni/
gsal

ba snga ma las rdzas gzhan min par gcig na gsar byung gi gsal ba
la rjes 'gro med par thal/ snga ma dang rdzas gcig cha shas med
pa'i phyir/ rdzas gzhan nyid yin na de la brten pa min par thal/
de dang don gzhan rgyu 'bras min pa'i phyir/ gnyis pa

la/ gsal ba'i bar na spyi med pa'i lugs dgag / yod pa'i lugs
dgag pa'o/ /dang po ni /gsar byung gi ba glang la spyi med par
thal/ snga nas yul gzhan na yod pa'i ba glang gi spyi de de la
rjes su mi 'gro zhing spyi la cha shas med pa'i phyir/ gal

te byed bzhin rang gi gnas las ma g.yos bzhin du me long gi
nang du 'byung ba ltar /snga ma las ma g.yos bzhin du phyi ma
la khyab bo zhe na/ de dper mi rung ste/ bzhin ma 'phos bzhin du
'khrul pa'i snang pa tsam yin pa'i phyir/ yul de na spyi snga

@078b nas yod pa'ang min par thal/ gsal ba med pa'i spyi khas ma
blangs pa'i phyir/ gsal ba'i phyis spyi yod pa'ang min par thal/
gsal bas stong pa'i spyi khas ma blangs pa'i phyir/ spyi cha
gcig gsal ba snga ma la gnas nas cha gcig phyi ma la 'phos pa

ma yin par thal/ spyi de cha dang ldan pa'ang min pa'i phyir/ ril
po phyi ma la 'pho ba'ang min par thal/ spyis rten snga ma ni mi
'dor ba'i phyir/ rjes su brtse bas na kye ma spyi 'jog tshul de
spyis phyis phongs pa'i rgyu nyid yin par thal/ gsal ba snga ma
la yod par khas

blangs na phyi ma la mi rung/ phyi ma la yod na snga ma la mi
rung/ gnyi ga la yod na 'dod pa'i spyi nyams pa'i phyir/ byas pa
rang gi gsal ba kun la rjes su 'gro bar sangs rgyas pas khas
blangs pa la nyes pa med pa ni cha dang bcas pas yin la/ gzhan
sde

rnams ni/ spyi cha med du khas len pas yul du ma'i gsal ba la
khyab pa rigs pa ma yin no/ /'o na rdul phran cha med gcig rang
gi gsal ba du ma la rjes su 'gro ba mi srid par thal/ de cha med
yin pa'i phyir ce na/ de'i cha med ni/ rang ma yin pa'i

rang gi cha rdzas tha dad du ma dang mi ldan pa'i don yin la/
spyi'i cha ni/ rang yin du ma la rjes su 'gro ba'i ldog pa'i cha
yin pas skyon med do/ /sngar gyi de dag bshad pa ni/ snga ma de
las gnas gzhan du skyes pa'i gsal ba la spyi gnas pa shin tu riD

par ldan te mi rigs par thal/ gzhan gsal ba snga ma la gnas par
gyur pa'i spyi ni rang gi gnas las gzhan du mi g.yo zhing spyi
la cha shas med pa'i phyir/ spyi de chos can/ gsal pa'i yul de
dag gi yul na yod pa can gyi gsar byung gi gsal ba

@079a @#/ /la khyab pa ngo mtshar che ste mi rigs par thal/ gang
na gsar byung gi gsal ba'i dngos po de gnas par gyur pa'i yul
der ni snga nas khyod 'brel zhing yod pa'ang ma yin pa'i phyir/
ma grub na/ g.yo ba med pa'i spyi gsal ba snga ma la

gnas par 'gal lo/ /gnyis pa ni/ dpe lu ka na re/ gal te kho bo
cag ltar na/ gsal ba yod med kyi yul kun na/ rigs dus cig car du
'phrod 'du 'brel ba'i tshul du yod pas ji skad bshad pa'i nyes pa
med do zhe na/ spyi de chos can/ khyod yul gcig

tu blo yul du gsal bas/ gsal ba yod med kyi yul kun tu 'dug pa
mthong bar thal/ khyod yul gcig tu gsal ba gang zhig /yul gcig
tu gsal ba de nyid cha tha dad med par gsal ba yod med kun la
khyab pa'i phyir/ gsal ba mthong nas

des gsal bar byas pa la bltos pas gsal ba med pa'i yul dang gsal
ba ma mthong ba'i yul na yod pa mthong bar thal ba'i nyes pa med
do zhe na/ spyi de yang chos can/ blo yul du 'gyur ba gsal bas
gsal bar byas pa la bltos pa min

par thal/ khyod mthong ba'i sgo nas gsal ba la sgra blo 'jug
dgos pa gang zhig /gsal byed blos rtogs pa ma yin na/ gsal bya
yang dag par rtogs pa min pa 'thad kyi/ gsal bya ma rtogs par
gsal byed mi rtogs pa mi 'thad pa'i phyir gsal

ba spyi'i gsal byed du khas blangs zin to zhe na/ gsal bas spyi
gsal ba la bltos pa spyi dang de dang ldan pa'i gsal ba dag ci'i
phyir na rtogs tshul ko ldog par 'dod de mi rigs par thal/ sngar
spyi mthong nas gsal ba la sgra blo 'jug dgos

@079b par khas blangs pa dang 'gal ba'i phyir/ gnyis pa la sgrub
byed ma nges/ skyon spong mi 'thad/ gzhan sel sgra blo'i rgyur
rigs pa'o/ /dang po ni/ spyi yod de/ du ma la spyi blo dang spyi
sgra skye ba mthong ba'i phyir/ spyi med na du ma la du ma kho
na'i blo skye'i thun mong ba'i chos

kyi blo skye mi srid par 'gyur ro zhe na/ spyi sgra dang spyi
blo skye ba la spyi don gzhan nges par dgos pa min par thal/ tha
dad med pa'i spyi don gzhan med par yang 'bras 'tshed pa'i skyes
bu du ma la 'tshed pa po la sogs pa'i brjod pa dang spyi blo
mthong ba yin

pa'i phyir/ gnyis pa la/ thab 'dzugs pa'i las don gzhan spyi
blo'i sgra rtog gi rgyur mi 'thad/ skyes bu la yod pa'i spyi
gzhan der mi 'thad pa'o/ /dang po ni/ skyes bu du mas thab
'dzugs pa sogs byed pa'i las de nyid de'i rgyu yin no zhe na/
skyes bu so so la yod

pa'i las de dag chos can/ gcig gi sgra rtog 'jug pa'i rgyu min
par thal/ rdzas tha dad pa'i phyir/ las du ma yin yang de dag la
las nyid ces pa'i spyi cha med cig thun mong du yod pas de de'i
rgyu yin no zhe na/ las du ma 'di yin rigs chos can/ skyes

bu du ma la gcig gi sgra blo 'jug pa'i rgyu min par thal/ las la
dngos su 'phrod 'du 'brel zhing/ skyes bu la dngos su 'phrod 'du
ma 'brel ba'i phyir dang /'tshed pa nyid ces pa'i mnyen pa gzhan
las la dngos su 'jug pa'i rgyu mtshan yin pa'i phyir/

thab 'dzugs pa'i las 'gags pa'i skyes bu du ma la 'tshed pa po'i sga
mi 'jug par thal/ de la las kyang 'gags nas gnas pa yod pa ma
yin pa'i phyir/ thal ba bzhi ka'i khyab pa khas blangs so/ /las
kyi rigs las dang de skyes bu la 'phrod

@080a @#/ /'du 'brel bas brgyud nas las kyi rigs skyes bu la sgra
rtog gi rgyu yin no zhe na/ las kyi spyi de las 'gags pa'i skyes
bu du ma la spyi sgra yi rgyu yin pa mi rigs pa min pa min nas
mi rigs par thal/ de las 'gags pa'i skyes

bu dang brgyud nas kyang 'brel pa med pa'i phyir te las med na
las kyi spyi mi srid pas so/ /khyab par thal/ 'brel ba med kyang
sgra rtog gi rgyu yin na ha cang thal ba'i phyir/ da lta las
'gags nas med na'ang ma 'gags pa'i dus kyi las da ltar

skyes bu du ma la 'tshed pa po'i shes brjod dag 'jug pa'i rgyu ma
yin par thal/ de yin na/ sgra blo 'jug pa'i dngos kyi rgyu mtshan
can min pa thal par 'gyur ba'i phyir/ dngos su sgra blo mi 'jug
par thal zhes pa'o/ /da lta 'bras 'tshod pa'i las mi

byed kyang sngar byas shing da dung byed pa'i nus pa yod pas/
nus pa de nyid 'tshed pa po'i sgra blo'i rgyu yin no zhe na/
skyes bu du ma la yod pa'i las kyi nus pa du ma'ang chos can/
skyes bu du ma la gcig gi sgra blo'i rgyu min par thal/ de rnams
la thun

mong du rjes su 'gro ba med pa'i phyir/ de dag gis las dang las
kyi rigs dang las kyi nus pa gsum du bsdus nas dgag pa mdzad do/
/gnyis pa ni/ gal te 'tshed pa po nyid la sogs pa'i spyi don
gzhan 'tshed pa po la sogs pa la dang po

nyid du grub tsam nas 'phrod 'du 'brel bas de sgra rtog 'jug
pa'i rgyu yin te/ yod pa nyid ces pa'i khyab pa'i spyi dang ba
glang du skyes na ba glang nyid la sogs pa'i spyi bzhin te/ don
la 'phrod pa 'du ba'i chos can gyi spyi ji snyed pa de dag ni/
'di yi

@080b skye ba dang lhan cig 'phrod pa 'du ba dag yin no/ /zhes
pa ni kho bo cag gi gzhung yin pa'i phyir ro zhe na/ 'bras 'tshed
pa'i skyes bu chos can/ dang po nyid du skyes tsam nas 'tshed pa
po snyam du blo yul du gsal bar 'gyur bar thal/ de ltar 'gyur
ba'i dngos

rgyu spyi yod pa'i phyir/ dper na yod pa nyid la sogs pa bzhin
no/ /dang po nas gsal ba min na phyis 'bras 'tshed pa'i dus
na'ang de ltar gsal bar mi 'gyur bar thal/ sngar mi gsal ba gang
zhig /snga phyi la 'tshed pa po snyam pa'i blo skye ba'i dngos
rgyu

khyad par med pa'i phyir/ dang po nas yod kyang blo yul du mi
gsal ba'i rgyu yod de/ phyis thab 'dzugs pa la sogs pa'i bya bas
skyes bu la phan 'dogs ba la bltos nas skyes bu spyi'i gsal byed
du 'gyur dgos pa yin no zhe na/ 'o na skyes bu rkyen

gyis 'gyur ram mi 'gyur/ mi 'gyur na/ bya ba'i rkyen la bltos pa
med par thal/ 'gyur ba med pa'i phyir/ tshig don drug gi nang nas
rdzas su gyur pa'i skyes bu 'di ni bya bas phul du byung ba'i
khyad par byar yod do zhe na'ang/ 'bras 'tshed pa'i skyes bu

skyes ma thag pa de chos can/ khyod skad cig ma nyid yin par
thal/ khyod la dus phyis 'bras 'tshed pa'i bya bas khyad par
bskyed du yod pa'i phyir/ 'dod na/ khyod phyis kyi 'bras 'tshed
pa'i bya ba gang la bltos nas spyi'i gsal byed du 'gyur te

mi rigs par thal/ phyis kyi bya ba'i dus na zhig nas med pa'i
phyir/ gsum pa ni/ spyi don gzhan med na du ma la spyi yi sgra
blo 'jug pa'i rgyu gang yin zhe na/ shing gi gsal ba rnams dang
ba glang spyi don gzhan med pa'i tha dad du mtshungs pa yin

@81a @#/ /na yang/ shing gi gsal ba 'ga' zhig la shing gi sgra
blo rab tu 'jug la/ gzhan pa glang la 'jug pa min te/ shing ma
yin las log pa'i rigs de nyid shing gsal rnams la nye ba gang
gis shing gi sgra dang shes pa 'jug

pa'i rgyu yin la/ ba lang la rigs de med pa'i phyir/ gsum pa la/
grangs can gyi lugs dgag pa dang/ rigs pa des gcer bu pa'ang
khegs par bstan pa'o/ /dang po la/ 'dod pa brjod pa/ de dgag
pa'o/ /dang po ni/ gal te de ma yin las

ldog pa'i gzhan sel spangs pa yi dngos po rnams la rjes su 'gro
ba'i spyi gzhan med na sa bon gyi 'bras bu de sa la sogs pa
gzhan gyi 'bras bur 'gyur ba min par thal/ sa bon gyis myu gu
bskyed pa'i rang bzhin de sa sogs la med/ sa

sogs kyi myu gu bskyed pa'i rang bzhin de sa bon la med pas myu
gu la bltos nas nus pa'i rang bzhin shin tu tha dad pa'i phyir/
nus pa 'jug pa yang rang bzhin shin tu tha dad pa kho nar 'gyur
bas/ rgyu du mas 'bras bu gcig bskyed pa mi srid

par 'gyur ro zhe na/ 'o na khyed rang ltar na/ du mas 'bras bu
gcig bskyed pa'i tshul ji ltar yin zhes dris pas/ gal te kho bo
ltar na/ sa bon gyis myu gu bskyed pa'i bdag nyid kyi nus pa'i
rang bzhin de/ sa sogs kyi'ang yin la/ gtso bo gang zhig

sa sogs kyi myu gu bskyed pa'i nus pa'i rang bzhin do/ sa bon
gyi 'ang yin pas/ rang bzhin de gnyis gcig pa yis rgyu du ma
gnas skabs tha dad kyang rang bzhin gcig yin pas/ 'bras bu'i
rang bzhin gcig byed pa yin no zhe na/ gnyis pa la/ rgyu

@81b du ma don med du thal ba dang/ rgyu 'bras 'chol bar thal
ba/ 'jug pa 'chol bar thal ba'o/ /dang po la/ lhan cig byed
rkyen don med du thal ba dang/ rgyu 'bras nges med du thal ba
spang ba'o/ /dang po la/ thal ba dgod pa ni/ myu gu bskyed pa la
chu lud sogs

lhan cig byed pa don med du 'gyur bar thal/ sa bon gyi bdag nyid
gcig po la'ang/ myu gu bskyed pa'i nus pa'i rang bzhin de yongs
su rdzogs pa yod pa'i phyir/ khyab pa yod par thal/ tha dad med
pa'i ngo bo spyi gtso bo de sa bon la rjes su mi 'gro ba dang

bral/ chu lud sogs kyi khyad par rnams sa bon la ldan pa'i nges
pa dang bral ba'i phyir/ yang na spyi gtso bo de chos can/ 'bras
bu bskyed pa'i bya ba byed pa min par thal/ rkyen gyi khyad par
rnams dang bral ba'i rtag pa yin pa'i phyir/ de ltar byas na
thal ba snga

mas 'phangs pa'i rang rgyud kyi khyab pa la gnod pa can gyi tshad
ma ston pa'i gzhung yin no/ /thal ba gong ma'i dam bca' la tshad
bsal bstan pa ni/ sa bon chos can/ khyod kyis myu gu bskyed pa
lhan cig byed rkyen gyi bye brag rnams la bltos nas nges par

'byung ste/ khyod myu gu'i rgyu gang zhig  /lhan cig byed rkyen
gcig dang bral na'ang khyod las 'bras bu myu gu 'byung ba med
pa'i phyir/ des na gtso bos 'bras bu bskyed pa min te/ lhan cig
byed rkyen don yod pa'i phyir/ ces pa'i phyogs khyab bsgrub pa

yin no/ /spyi gtso bo de nyid chos rnams kyi rang bzhin dang
gnas lugs dang don dam par yod pa ma yin par thal/ des 'bras bu
mi skyed pa gang zhig  /don byed nus pa gang yin pa de nyid don
dam par yod pa'i phyir/ don byed nus pa'i chu lud sogs de

@82a @#/ /yang chos can/ rang bzhin phan tshun rjes su 'gro ba med
de/ rdzas tha dad pa'i phyir/ gang zhig gsal ba rnams la rjes su
'gro ba'i spyi de chos can/ khyod las 'bras bu mi 'byung ste/
rtog pas btags pa tsam yin pa'i phyir/ gang dag 'di dag

gi rang 'grel du/ de bas na khyad par bskyed par byed pa yin gyi
spyi ni ma yin no/ /de'i phyir de kho na dngos po yin no/ /zhes
sogs 'byung ba rnams kyis spyi yin na 'bras bu mi skyed pas
khyab par bstan to zhes zer ba ni/ 'grel pa 'grel bshad zhib tu

ma brtags pa'i gzu lum 'ba' zhig ste/ gzhung 'di dag gis grangs
can gyi spyi gtso bos 'bras bu bskyed pa la sgos su dgag pa ston
pa'i gzhung yin te/ {shAkya} blos/ de bas na de ltar/ gzhan dag
gis btags pa'i rjes su 'gro ba can gyi ngo bo'i bskyed

par byed pa nyid ma yin par bstan/ yin no zhes bshad do/ /gnyis
pa la rang bzhin tha dad la nyes pa med pa/ rang bzhin gcig la
nyes pa yod pa/ tha dad la nyes pa med pa'i don bsdu pa'o/ /dang
po ni/ rang bzhin so so tha dad pa kho na yin na/ nas kyi sa

bon dang/ sa lu'i sa bon gnyis/ nas kyi myu gu'i rgyu yin min
gyi rnam dbye mi rung bar 'gyur ro zhe na/ spyi gtso bo las
'bras bu mi 'byung bar bsgrub pa des na/ dngos po rnams bdag
nyid tha dad pa yin na nas kyi sa bon 'ga' zhig nas kyi myu gu'i
nyer

len gyi rgyu yin la/ gzhan pa sa lu'i sa bon de ltar min pa 'gal
ba min par thal/ bdag nyid tha dad kyang nyer len gyi nus pa so
sor nges pa 'di gnyis kyi rang bzhin yin pa'i phyir/ gnyis pa la
ha cang thal ba dang/ rang la mtshungs pa spang

@82b pa'o/ /dang po ni/ nas dang sa lu'i sa bon gnyis cig car
skye zhing 'jig par 'gyur bar thal/ sa lu'i sa bon gyi rang
bzhin dang/ nas kyi sa bon gyi rang bzhin gnyis tha dad pa med
pa'i gcig yin pa'i phyir/ gtso bo de las skyes pa'i sa bon gyi
rnam

'gyur tha dad pas nyes pa de ltar mi 'gyur zhe na/ gtso bo de
rnam 'gyur de'i rang bzhin min par thal/ cig shos kyi rnam 'gyur
'jig pa'i tshe/ gtso bo'i bdag nyid rtag pa'i dngos por gnas pa'i
phyir/ 'dod na/ de gnyis la spyi dang khyad par gyi

blor mi 'gyur bar thal/ bdag nyid gcig min pa des na'i phyir/
gnyis pa la/ sal ba dang mtshungs pa spang ba dang/ lhan cig byed
rkyen don med du thal ba dang mtshungs pa spang ba'o/ /dang po
la/ tshig don dang/ gzhan sel ngos gzung ba'o/ /

dang po ni/ gsal ba 'jig pa'i tshe spyi 'jig mi 'jig brtags na
sel ba smra ba la nyes pa mtshungs so zhe na/ mi mtshungs te/ med
dgag gi gzhan sel de gsal ba 'jig pa'i che/ mi 'jig par gnas pa
dang/ mi gnas par rtog pas sun dbyung

nus pa min te/ ldog pa med dgag gi gzhan sel ngo cung zad kyang
med pa'i spyi yin pa'i phyir/ blo'i gzhan sel yang 'jig mi 'jig
brtags nas sun dbyung du med de/ spyi yi blo yang bslad pa yin
pas sgra don tsam du zad pa'i phyir/ don gyi gzhan

sel yang brtag pa gnyis kyis sun dbyung du med de/ de gsal ba
rang mtshan nyid yin pa'i phyir/ gzhan sel la gtso bo'i mtshungs
pas sun dbyung nus pa'ang med do/ sel ba gsum ga la sun 'byin mi
'jug pa de'i phyir/ don gyi gzhan

@83a @#/ /sel dngos su ma bkod pa ni/ dngos po nyid yin pas gsal
ba 'jig pa'i tshe mi 'jig gam snyam pa'i dogs pa shas chung ba'i
phyir ro/ /gnyis pa la/ gzhan sel gyi mtshan nyid dang/ dbye
ba'o/ /dang po ni/ de ma yin bsal ba'i rnam pa

dngos su shar ba'i sgo nas dngos su rtogs par bya ba'o/ /gnyis
pa la/ mtshan gzhi ngos gzung ba ni/ bum pa bum ma yin las ldog
pa ni don gyi gzhan sel dang/ bum 'dzin rtog pa la shar ba'i
rnam pa bum ma yin las log par snang ba blo'i sel

ba dang/ gzhi bum pa la bum ma yin med pa med dgag gi gzhan sel
lo/ /bram ze chen pos/ bum ma yin la bum pa med pa bum pa'i med
dgag gi gzhan sel du mdzad par snang ngo/ /kha cig bum pa la
sogs pa'i rang mtshan kun don gyi gzhan

sel du byed pa mi 'thad de/ gzhan sel la dgag pas khyab pa'i
phyir ro/ /gal te bum pa gzhan sel yin te/ rigs mi mthun sel
ba'i phyir ro zhe na/ dgag par yang thal/ rigs mi mthun 'gog
pa'i phyir/ dgag pa la/ de min rnam par bcad pa'i

rnam pa can du blo la shar ba dgos so zhe na/ sel ba yang
mtshungs so/ /des na {shAkya} blos/ gang sngon gyi slob dpon dag
gis thams cad la khyad par med par rnam par bzhag pa yin te/
thams cad la dgag pa tsam la khyad par med pa'i phyir ro zhes

dang/ tshad ma'i de kho na nyid bsdus par/ 'dir ni sel ba rnam
gnyis te/ /ma yin pa dang med pa'o/ /ma yin pa yang rnam gnyis
te/ /blo dang don gyi dbye bas so/ /zhes gsungs pa'i 'grel par/
byang chub sems dpa' ka ma la shI las/ ma yin pa dang med

@83b pa'o/ /zhes bya ba ni/ ma yin par dgag pa dang med pa ste/
med par dgag pa'i mtshan nyid ces bya ba'i tha tshig go zhes
gsungs pas dgag pa dang sel ba don gcig ste/ de la med par dgag
pa'i mtshan nyid ni/ dgag bya dngos su bcad pa'i sgo nas rtogs

bya gang zhig  /chos gzhan 'phangs pa med par dgag pa byed pa ma
yin par dgag pa'i mtshan nyid/ de gang zhig  /chos gzhan 'phangs
pa med pa ma yin par dgag pa byed pa/ de la dbye na/ chos gzhan
dngos su 'phangs pa dang/ shugs la 'phangs pa

dang/ skabs stobs kyis 'phangs pa'o/ /de ltar/ dgag pa don gyis
bstan pa dang/ /tshig gcig sgrub par byed pa dang/ /de ldan rang
tshig mi ston pa/ /ma yin gzhan pa gzhan yin no/ /zhes bshad pa
ltar ro/ /gnyis pa ni/ chu lud kyis ji ltar myu gu skyed

de mi skyed par thal/ myu gu de'i skyed byed kyi ngo bo gang yin
pa'i sa bon de las rang bzhin gzhan yin pa'i phyir/ 'bras bu
bskyed pa'i rang bzhin las gzhan pa de skyed byed du 'gal bas
so/ /des na lhan cig byed rkyen don med du thal pa'i nyes pa
khyed

rang la yang mtshungs so zhe na/ myu gu bskyed pa la sa bon dang
chu lud sogs rang bzhin 'dres pa dgos pa min par thal/ de rnams
kyi ngo bo nyid kyi tha dad pa'i khyad par kho nas bskyed par
byed pa'i phyir/ de rnams skyed byed yin mod de la tha dad min
pa'i gtso

bo'ang rang bzhin 'dres pa'i tshul du yod pas bskyed do zhe na/
gtso bo des 'bras bu de bskyed pa min par thal/ de la gnod pa
brjod zin pa'i phyir/ gtso bo mi srid pa'i sgrub byed ni/ gtso
bo de rnam 'gyur rnams la rang bzhin 'dres pa'i tshul du yod pa
min

@84a @#/ /par thal/ sa myug sogs blo ma 'khrul ba la smad pa'ang/
gzhan rang bzhin gcig tu snang ba la mi brten par rang bzhin tha
dad kho nar snang ba'i phyir/ khyab ste blo ma 'khrul bas rdzas
tha dad du dmigs pa de rdzas tha dad pa'i 'jog byed yin pa'i

phyir/ de bzhin du gtso bo de don dam par yod pa sogs su mi rung
bar thal/ khyad par rang mtshan de nyid don dam par yod pa dang
rigs mi mthun gzhan las log pa dang/ de ni rgyu yi rang bzhin
dang 'bras bur bshad pa 'thad pa'i phyir/ khyad par

gyi dngos po de ni rang gi mtshan nyid du 'dod rigs kyi gtso bo
der mi rigs par thal/ gtso bo ma grub pa'i phyir/ 'bras bu don
gnyer gyi skyes bu thams cad 'jug pa'i yul yang gsal ba rang
mtshan nyid yin gyi spyi gtso bos shes rig gi skyes

bu'i 'dod don bsgrub pa ma yin par thal/ gsal ba rang mtshan de
ni blang dor gyi 'bras bu bskyed pa can yin la/ cig shos la de
mi rigs pa'i phyir/ gsum pa ni/ skyed byed kyi rang bzhin las
tha dad bskyed byed yin na/ thams cad thams cad kyi

skyed byed du 'gyur ro zhe na/ grangs can khyod rang gi lugs la
nyes pa de med pa ji ltar tha dad med pa'i gtso bo'i rang bzhin
du khyad par med na yang/ rgyu thams cad 'bras bu kun gyi sgrub
byed min par thal/ de ltar na yang gnas skabs rgyu 'bras

kyi rnam dbye so sor yod pa'i phyir ces 'dod na/ dpe de bzhin du
kho bo cag la'ang gsal ba'ang mtshan rnams rdzas tha dad du khyad
par med na'ang/ rgyu thams cad 'bras bu kun gyi sgrub byed min
par thal/ de lta na'ang rgyu 'bras kyi rnam dbye so sor

@84b nges pa'i phyir/ khyab pa rigs mtshungs la sgrig go/ yang
thal chos snga ma la gsal ba rang mtshan rnams rdzas tha dad
na'ang dngos po yi chos nyid kyis rgyu 'ga' zhig 'bras bu 'ga'
zhig gi byed pa por 'gyur ba'i phyir/ gnyis pa la/ rgyu 'bras la
bya byed

'tshol bar thal ba dang/ spyi gsal gcig dang tha dad 'chol bar
thal ba'o/ /dang po ni/ sa lu'i sa bon de sa lu'i myu gu gcig pu
nyid kyi nyer len byed pa dang/ nas kyi myu gu'i nyer len mi
byed pa 'gal bar 'gyur bar thal/ rnam 'gyur thams cad rang

bzhin tha dad med pa'i phyir ro/ /'dod na 'tshol bar 'gyur ro/
/gal te rang bzhin gcig yin yang gnas skabs tha dad du yod pa
de'i phyir/ sa lu'i sa bon gyis nas kyi myu gu bskyed pa'i bya
ba byed pa med pas 'chol bar mi 'gyur ro zhe na/ lhan

cig byed rkyen chu lud sogs kyis nas kyi myu gu mi skyed par
thal/ de rnas nas kyi sa bon dang gangs skabs tha dad pa'i
phyir/ 'on te 'ga' zhig 'ga' zhig la bya ba nam yang mi byed pa
ni med de/ nas kyi sa bon de nyid dus gzhan gyi tshe sa lu'i sa
don gyi rang

bzhin du gyur nas rim pa bzhin du 'bras bu kun byed pa po nyid
dam/ gtso bo de nyid nas kyi sa bon la sogs pa gzhan dang gzhan
du gyur nas/ thams cad la nus pa nye bar sbyor ro zhe na/ dngos
po rnams kyi snga phyi'i go rim de chos can/

ci ltar yang gtso bo'i dngos po de nyid kyis byas pa yin te mi
'thad par thal de la snga phyi cung zad kyang med pa'i phyir/
'am gyi sgras/ rang bzhin gzhan dang gzhan du gyur nas 'bras bu
bskyed pa mi 'thad par thal/ rang bzhin gzhan thob na/

@85a @#/ /rang bzhin gcig pa nyams pa'i phyir/ gnyis pa ni/ rnam
'gyur rnams gtso bo'i rang bzhin du gcig na/ spyi de dang ldan
pa'i rnam 'gyur gyi dngos po thams cad tha dad med par 'gyur bar
thal/ gtso bo cha med de'i rang bzhin du 'dres pa'i

phyir/ gtso bo de shin tu tha dad du thal/ rnam 'gyur re re nas
rang bzhin yongs su rdzogs par 'dres pa'i phyir/ 'am sgras thal
ba phan tshun sdud do/ /de lta min na/ spyi gsal gyi rnam grangs
'dra ba thun mong ba'i gtso bo dang mi 'dra ba'i bdag nyid can

thun mong ma yin pa'i rnam 'gyur rnams phan tshun tha dad du
'gyur bar thal/ gtso bo de kun gyi spyi cha med gcig yin/ rnam
'gyur rnams so so tha dad pa'i phyir/ de yang tha dad du 'gyur
ba 'dod de/ spyi ni yon tan gsum cha mnyam pa'i gnas

skabs nus pa'i ngo bo mi gsal bar gnas pa yin la/ rnam 'gyur
rnams ni de gsum cha mi mnyam pa mngon par gsal ba'i gnas skabs
so zhe na/ gal te dngos po de dag gi khyad par dang/ spyi zhes
bya ba de rdzas tha dad nyid du 'gyur bar

thal/ mi gsal ba'i nus pa dang/ mngon par gsal ba'i bdag nyid
gang gis spyi dang khyad par de dag tha dad du 'jog nus pa'i
phyir/ 'dod na/ ji ltar bum snam sogs phan tshun gcig la gcig gi
blo mi skye ba bzhin du spyi dang khyad par du 'dod

pa'i gtso bo dang rnam 'gyur la'ang spyi dang khyad par gyi blo
skye ba can du mi 'gyur bar thal/ 'dod pa de lta na'i phyir/
'ang sgras thal ba snga ma sdud de/ /gsum pa la/ rang la 'jug pa
'chol ba'i nyes pa med pa/ gzhan la yod pa'o/ /dang po ni/ rang

@85b gi bsgrub bya bzho bkal la sogs pa'i 'bras bu de 'dod pa
can gyi skyes bu 'di ni chos can/ dang por/ rang gi 'bras bu
sgrub nus kyi rten de tha dad pa'i gsal ba rang mtshan yin nam
tha dad med pa'i spyi yin snyam du dpyad par bya ba rigs na
yang/

gsal ba la 'jug rigs kyi shin tu mi gsal ba'i gtso bo don du
gnyer mi rigs par thal/ ba glang gang gi bdag nyid dmigs yul lam
mngon sum gyis mdun du byas nas 'jug par 'gyur rigs pa'i phyir/
de ltar dpyad pa na/

gtso bos don byed mi nus te/ rang gi bdag nyid tha dad pa'i
khyad par rang mtshan kho nas nus pa mthong ba'i phyir/ gtso bo
med na rigs gcig dang tha dad kyi khyad par mi shes pas 'jug pa
'chol bar 'gyur ba ma yin par thal/ de med kyang rigs

mthun rigs mi mthun kun las ldog pa mtshungs pa nyid dag yod pa
nyid kyi phyir/ gnyis pa ni/ khyod kyi lugs de la/ me 'dod pa
chu la 'jug pa dang/ dngos po thams cad skye 'jig cig car byed
pa la sogs par thal bar 'gyur te/ me'i rang

bzhin dang chu'i rang bzhin gcig yin pa'i phyir/ de ltar thal ba
las/ me chu'i rang bzhin phan tshun rjes su 'gro ba med de/ de
gnyis kyi 'jug pa dang skye 'jig so sor nges pa'i phyir/ gnyis
pa la/ rigs pa snga mas khegs par bstan pa/ thun mong ma

yin pa'i rigs pa bstan pa/ dang po ni/ me chu la sogs pa'i dngos
po rnams rdzas tha dad du sgrub pa'i rigs pa de nyid kyis gcer
bu'i brtul zhugs 'dzin pa'i 'dzem med pa rnga mo zhor 'gyur
zhing mi 'gyur ro zhes mun sprul gang ci 'ang rung ba blang dor
bya

@086a @#/ /mi rung ba smra ba de dag kyang ni bsal ba yin te/
rnga zho mtha' gcig tu rdzas tha dad pa srid pa'i phyir ro/
/gnyis pa la/ don la 'jug pa 'tshol bar thal ba/ yul can sgra blo
tha dad mi srid par thal ba'o/ /dang po ni zho don gnyer zho
'thung zhes

bskul ba na rnga mo 'thung ba la ci'i phyir mi rgyug /rgyug rigs
par thal/ rnga zhos mtshon pa'i dngos po thams cad rang dang rang
ma yin gnyi ga'i ngo bo nyid yin pas de'i tha dad pa'i khyad par
bsal zhing spangs pa'i phyir/ 'on te zho la rnga mo las phul du

byung ba'i khyad par 'o ma'i rnam 'gyur 'ga' zhig yod pa'i rgyu
mtshan gang gis khyad par zho la 'jug par 'gyur gyi rnga mo la ma
yin no zhe na/ 'o ma'i rnam 'gyur de nyid zho yin par thal/ des
zho'i don byed nus pa'i phyir/ 'dod na/ rnga mo de zho rnga gnyi
ga

ma yin par zho las gzhan yin par thal/ 'o ma'i rnam 'gyur de
gzhan rnga mo la med pa'i phyir/ gnyis pa ni/ dngos po rnams la
sgra blo tha dad 'jug par mi 'gyur bar thal/ dngos po thams cad
kun bdag nyid gcig yin pa'i phyir/ 'dod na gnas

skabs tha dad rang bzhin gcig tu bsdus par smra ba'i gcer bu pa
la/ tha dad gcig tu bsdus pa mi srid par 'gyur bar thal/ sgra
blo tha dad de med pa'i phyir/ gnyis pa la/ tshig don dang/ de
nyid nges par bsgrub pa'o/ /dang po ni/ dngos med brjod pa'i

sgra rnams sgrub pa'i sgo nas 'jug gam/ sel bas 'jug ce na/
dngos med brjod pa'i sgra bum pa med ces pa'i sgra des bum med
da/ ngo bo ste sgrub pa'i sgo nas brjod dam/ de ma yin rnam par
bcad pa'i sgo nas brjod pa yin snyam du dpyad bya

@086b ste/ de ltar dogs pa skye rigs pa nyid ma yin te/ de ltar
brjod pa'i tshe bum pa'i ngo bo med cing rnam par bcad pa tsam de
nyid dngos su brjod par go ba'i phyir/ yang bsgrub chos la sgra
de sgrub 'jug yin no zhes dam 'cha' ba yang mi rigs te zhes
sbyar ro/ /

'um pa med ces skra lhang gis brjod pa tsam gyis de ma yin rnam
par bcad pa dngos su go bas sgrub 'jug yin nam snyam du dogs pa
skye ba dang/ de ltar grub mtha' 'tsha' ba rmongs pa'i rnam thar
du ston bzhed pa yin gyi/ bum med la ngo bo med pa rtags

su byas nas de ltar brjod pa'i sgra 'jug tshul gnyis su dpyad bya
ma yin zhes pa'i don du 'dod pa ni don ma rtogs pa'i rnam 'gyur
du gsal te/ sgra rtag gam mi rtag snyam du dpyad bya ma yin te/
byas pa yin pa'i phyir tses 'god pa dang 'dra'o/ /gal te

gnyis su dpyad pa ma byed ces nor bu la sogs pa'i spug byin yang
dpyad bya ma yin par sgrub mi nus so/ /rjod byed kyi sgra dang
rtog pa de dag nyid rnam gcod gzhan sel brjod pa dang yul du
byed par grub ste/ dgag pa dang sgrub pa'i sgra rtag kun de ltar

grub pa'i phyir/ gnyis pa ni/ gzhan sde dag sgra rtog la sgrub
'jug gi dogs pa skye ba'i rgyu mtshan ni/ bum pa zhes brjod pa'i
tshe bsgrub pa kho na'i rnam pa 'char gyi/ dgag pa'i rnam pa cung
zad kyang mi 'char bar mthong ba dang de ma yin bcad pa'i sgo
nas

'jug na/ rtogs pa phan tshun brten par 'gyur snyam pa dang/ brda
dus kyi dngos po 'ga' zhig tha snyad kyi dus su med na brda byas
pa'i dgos pa mi 'grub la/ yod na/ de ma yin rnam par bcad pa la
dgos pa cung zad kyang med snyam pas bsgrub pa kho

@087a @#/ /na la 'jug pa dang/ 'jug tshul yang sgrub pa'i sgo nas
yin par 'dod do/ /sgrub pa'i sgra rtog sgrub 'jug yin pa dogs
pa'i gnas shin tu che bas/ de la slob dpon gyis dgag pa rgyas
par mdzad la/ dgag pa'i sgra rtog rnam gcod

kyi yul can yin pa'i don grub zin kyang tha snyad la rmongs pa
tsam du zad pas dogs pa chung ba'i phyir gzhung nyung ngur
mdzad
do/ /'o na brjod bya nyung bas thog mar 'chad rigs so zhe na/
phyogs re nas 'chad rim gnyi ga la rgyu mtshan yod pas

rim pa mtha' gcig tu nges pa med la/ 'dir ni rigs pa snga ma
rnams rgyas par bstan pa dang/ 'di yang 'bad med du grub bo zhes
gsal bar bya ba'i phyir tu mjug tu mdzad do/ /gsum pa la/ gtan
tshigs dper brjod pa dang/ de la rtsed

ba spang ba/ sbyor ba'i dbye ba'o/ /dang po ni/ rang gi bsgrub
bya sgrub pa'i phyir tu brjod pa'i rang bzhin gyi gtan tshigs
chos can/ sbyor tshul gnyis yod de/ sgra 'jig par bsgrub pa la
'bras bu rtags su bkod pa bzhin du/ rtags brjod pa'i sgra de
nyid

kyis byed chos kyi bye brag 'phangs pa la bltos pa khyad par
bltos pa ba dang/ dngos por yod pa rtags su bkod pa lta bu/ de
ltar 'phangs pa la mi ltos pa'i 'ba' zhig pa rnams su yod pa'i
phyir/ sgra 'jig par bsgrub pa la dngos po rtags su

bkod pa yang bltos pa ba yin par thal/ dngos po blo yul du 'gyur
ba don byed nus pa blo yul du 'gyur ba la bltos pa'i phyir ce
na/ skyon med de/ dngos po tshad mas nges pa la don byed nus pa
nges pa sngon du 'gro dgos kyang/ dngos po brjod pa'i sgra

@087b de nyid kyis don byed nus pa 'phen pa'i nges pa med de/
des na byas zhes brjod pa na byed pa po blo yul du 'phen pa ltar
bltos ba'i don to/ /gnyis pa ni/ gal te dngos por yod pa rang
bzhin gtan tshigs su rigs na dngos por yod pa ji ltar gtso bo yod
par

sgrub pa'i bsgrub bya'i chos su rigs pa min/ de la khyed kyis
yod tsam grub zin la yod pa'i khyad par bsgrub bya'i chos su
bzung na rjes 'gro med pas/ gtso bo dang yod pa'i khyad par gyi
tshogs don bsgrub bya dag las nyams par 'gyur ro zhes pa'i

skyon ni gtan tshigs la yang mtshungs pas bsgrub bya'i chos su mi
rung na gtan tshigs su yang mi rung bar 'gyur la/ khyed gtan
tshigs su 'dod pa'i phyir/ kho bo cag/ gtso bo chos can/ yod de/
khyad par rnams rjes su 'gro bar mthong ba'i phyir/

ces pa yang sgrub byed yang dag tu 'dod do zhe na/ bsgrub bya'i
ngos nas brtags la dgag pa ni/ khyad par rnams rjes su 'gro bar
mthong ba chos can/ spyi'i chos can rtag gcig sogs mtshan nyid
lnga ldan gyi gtso bor snang ba la/ yod pa'i khyad par

dngos por yod pa tsam du bsgrub pa yin par thal/ de ltar bsgrub
pa'am/ yang na spyir yod tsam sgrub 'dod nas khyod bkod pa gang
zhig /phyi ma mi rigs pa'i phyir/ de ma grub na mtshan nyid lnga
ldan gyi gtsor snang de/ khyod kyis yod par bsgrubs pas grangs

can gyi mngon par 'dod pa'i don 'ga' zhig kyang 'grub par mi
'gyur bar thal/ grangs can gyis mtshan nyid lnga ldan gyi gtso bo
de yod par sgrub 'dod nas/ khyod sgrub byed du bkod pa gang zhig
/khyod kyis cig shos bsgrubs pas 'dod don de 'grub

@088a @#/ /pa la mi phan pa'i phyir/ rtags ma grub na/ mer snang
yod par bsgrubs pas me 'grub par 'gyur ro/ /sangs rgyas pa'i blo
ngor yang khyod bkod pa don med par thal/ sangs rgyas bas bsgrub
bya de 'dra ba yang bkag pa med par grub

zin ma brjed pa'i phyir/ grangs can gyi bsam pas mtshan nyid lnga
ldan gyi gtso bor snang ba de nyid mtshan nyid lnga ldan gyi gtso
bo yin pas/ de yod par bsgrub pa nyid kyis 'dod don 'grub par
bsams nas bkod la/ sangs rgyas pas ni

de 'dra spyi'i chos can sgra don yin pas de yod par sgrub kyang/
gtso bo zhes pa'i sgra'i brjod bya yod par grub pa tsam yin pas/
rgol phyir rgol gnyis ka la bltos nas sgrub byed bkod pa la
'bras bu med par 'gyur ro/ /zhes gsungs te/

rang 'grel las/ ji ltar med pa yin te shes bya dang gzhal bya
dang/ brjod bya dag tu de yang grub pa kho na yin no zhe na/ de
bas na de ci shes bya yod do zhes bya bas grub pa yin yang sla
ste/ de lta na yang ci zhig 'grub par 'gyur zhes

bshad do/ /'dir gang dag chos can nges bzung med pa'i spyi'i
chos can la yod pa'i khyad par sgrub na/ rgol ba'i 'dod don mi
'grub/ phyir rgol la sgrub byed bkod pa don med/ chos can gtso
bo'am/ gtso bo'i sgra don la sgrub na/ bsgrub

bya'i chos dpe la rjes 'gro med/ ces pa'i lan gzhung snga phyi
gnyis kyis bstan par 'dod pa ni dpyad mi bzod de/ bsgrub bya'i
chos su bzung ba'i yod pa'i khyad par de rtag gcig sogs khyad
chos lngas khyad par du byas pa'i

@088b yod pa yin nam/ yod pa'i khyad par tsam zhig yin/ phyi ma
ltar na/ gzhung 'og ma'i bsgrub bya'i chos/ dpe la rjes 'gro med
pa'i skyon bstan par rang nyid kyis 'chad pa dang 'gal la/ dang
po ltar na/ de 'dra gzhi chos can gang gi steng du yang grub pa

mi srid pas/ sangs rgyas pas bkag pa med par grub zin du bstan
pa dang 'gal lo/ /yang kha cig/ gtso bo'i sgra don chos can du
bzung nas bsgrub bya'i chos la yod tsam dang/ rtag gcig sogs
kyis khyad par du byas pa'i yod pa gnyis kyi/ dang

po 'dod na/ gzhung 'dis gnod pa ston la/ phyi ma 'dod na/ gzhung
'og mas gnod pa ston par 'dod pa yang dpyad mi bzod de/ yod pa
tsam zhes pa dngos po nyid la 'dod pa yin nam/ dngos po dngos
med gnyis ka la rjes su 'gro ba'i yod pa de

yin/ dang po ltar na/ gzhung 'dis gtso bo'i sgra don dngos por
grub zin par bstan pa shin tu ngo mtshar ro/ /phyi ma ltar na/
rang nyid kyis sngar sgra mi rtag sgrub kyi gtan tshigs su bkod
pa'i yod pa yang de la 'dod dgos pas/ de la ni dgag pa 'chad

par 'gyur ro/ /rang gi gtan tshigs su dngos po tsam 'dzin la/
gzhan la brtag pa byed pa na/ de las khyab che ba'i yod pa tsam
bsgrub bya'i chos su byas pa la gnod pa brjod pa ni/ rtsod pa
gang las 'phros pa dang/ ji ltar rtsod pa'i tshul ma rtogs pa'i
rnams

'gyur dang/ bsgrub bya grub zin na skyon yod la/ sgrub byed grub
zin pa la skyon de med pa'i ngos nas khyad par 'byed pa skad
byed pa dang ji ltar mi 'gal ba bsam dgos shing/ des na mun
khung gi gzugs la lag pa byugs pa tsam gyis mthong bar

@089a @#/ /mi nus so/ /yod pa'i khyad par dngos po bsgrub bya'i
chos su gzung bar bya ba yin no zhe na/ gtan tshigs khyad par
rnams rjes su 'gro bar mthong ba chos can/ mtshan nyid lnga ldan
gyi gtso bor snang ba dngos por sgrub pa'i skabs 'dir rjes

'gro'i khyab pa med pa can du 'gyur bar thal/ phyogs chos grub
pa gang zhig /dam bca' la tshad ma'i bsal ba yod pa'i phyir/ des
na chos can de'i steng du yod pa bsgrub bya yin na/ yod pa'i
khyad par dag ni bsgrub byar 'gyur dgos zhes

brjod pa'i rgyu mtshan yod de/ grangs can de gnyis gang rung gcig
sgrub 'dod pa gang zhig /yod tsam bsgrub pa la dgos pa med pa'i
phyir/ des na/ chos can du bzung ba de sgra don yin gyi/ dngos
po ma yin te/ yin na mtshan nyid lnga ldan gyi

gtso bo grub par 'gyur la/ de la tshad mas gnod pa 'bab pas dam
bca' la tshad ma'i bsal ba yod pa yin no/ /des na rtags de'i
phyogs chos grub na khyab pa mi 'grub/ khyab pa grub na/ phyogs
chos mi 'grub ste/ dam bca' la tshad mas

gnod pa'i phyir/ phyogs khyab gnyis ka grub na/ sgra don dngos
por khas len dgos par 'gyur/ des na grub zin gyi skyon ston pa/
yod tsam bsgrub bya'i chos dang rjes 'gro med pa'i gnod pa brjod
pa na/ rtags gcig sogs kyis khyad par du

byas pa'i yod pa dang/ sgrub byed la brtags nas 'gog pa na/
dngos po'am don byed nus pa bsgrub bya'i chos su byed pa yang
bsam par bya ba yin no/ /grangs can gyi rtags la khyad par rnams
la rjes su 'gro bar mthong ba'i phyir/ ces

@089b 'god pas ni/ de'i don ma rtogs pas te/ khyad par ni/ bde
sdug btang snyoms gsum cha mi mnyam pa'i gnas skabs rjes su 'gro
ba po yin la/ de tsam lnga rjes su 'gros yin pas/ don ni/ de
gsum cha mnyam nus pa'i ngo bor gyur pa yod de/ de gsum

cha mi mnyam pa de tsam lnga ma mngon sum gyis mthong ba' phyir
ces pa yin gyi/ gtso bo de nyid khyad par gsal ba rnams la rjes
su 'gro bar mthong ba grangs can gyi rtags su bkod pa ma yin no/
/des na khyad par rnams la zhes ma sbyor zhig /

khyod la spyi bsgrub bya'i chos su bzung mi rigs pas khyad par
bzung dgos la/ de lta na rjes khyab med pa'i skyon du 'gyur la/
kho bo cag la ni dngos po de yi khyad par rtags su bzung ba med
par/ dngos po tsam sgrub byed du bkod pa na/ sgra mi rtag par

sgrub pa'i phyogs chos grub na/ bsgrub bya yi chos kyis khyab
pa'i rjes 'gro'i khyab pa nyams pa'i skyon med par thal/ phyogs
chos kyang grub/ mi rtag pa dngos po tsam gyi khyab byed du tshad
mas nges pa'i phyir/ gang dag rigs pa smra ba rnams kyi bzhed pa

mkhas pa la grags pa'i rtag pa tshad mas sgrub mi shes par/ rtag
pa yin na blun po rnams la grags pa ltar snga phyi gcig tu gyur
pa'i dngos po yin pas khyab par bzung nas/ yod na mi rtag pa yin
pas khyab bo zhes smra bar byed do/ /de lta

na/ yod na mi rtag pa'i khyab pa de chos can/ mi rtag par thal/
yod pa'i phyir/ 'khor gsum ji ltar khas ma blangs pa soms shig
/de 'dod do zhe na/ 'brel ba mi rtag na rtsa ba'i khyab pa dang
'gal lo/ /kho bo cag sel ngor yod na mi

@090a @#/ /rtag pa'i khyab pa yod par khas len gyi/ spyir yod na
mi rtag pa'i khyab pa khas mi len no zhe na/ yod na mi rtag pa'i
khyab pa chos can/ mi rtag par thal/ sel ngor yod pa'i phyir/
rtags khyab khas blangs/ 'dod na/ tshad mas ma gru

pa 'gal lo/ /kho bo cag sel ngor yod na/ sel ngor mi rtag pas
khyab ces zer gyi/ sel ngor yod na spyir mi rtag pas khyab ces
mi smra zhe na/ 'o na shes bya chos can/ sel ngor mi rtag par
thal/ sel ngor yod pa'i phyir/ de 'dod de/ shes

bya mi rtag par sgro 'dogs pa srid pas de'i ngor mi rtag go zhe
na/ 'o na sel ngor yod na sel ngor med pas khyab pa yod par
thal/ sel ngor yod na sel ngor med pas khyab pa'i dngos 'gal las
kyang ha cang thal ba khas len pa'i gang

zag gi rtog ngor khyab pa de yod pa'i phyir/ sel ba'i ngor sbyar
bas nyes pa las grol du re na ni/ mi grol bar ma zad/ nyes pa'i
gong bur 'gyur bas/ ngo tsha ba'i gnas kyis rlom par ma byed cig
/ri dwags rgyal po nags mthar ngur sgra

'byin/ /wa skyes grong mthar gnas nas ltas ngan sgrog /mkhas pa
rigs pa'i gnam lcags thog ltar 'phen/ /blun po ltag chod dug
mda' mde'u med 'phen/ /zhes so/ /sgrub byed kyi sgo nas brtags
la dgag pa ni/ mtshan nyid lnga ldan

gyi gtso bor snang ba de dang/ dngos por yod pa'i tshogs don ji
ltar rtags yang dag gi bsgrub byar 'gyur te mi 'gyur bar thal/
de la rtags su gang bkod kyang/ ltar snang gsum po gang rung
gcig las mi 'da' ba'i phyir/ de bsgrub pa ni/

@090b yod chos don byed nus pa lta bu rtags su 'god dam/ dngos
po yod med gnyis ka'i khyab byed kyi chos shes bya lta bu dang/
dngos med kyi chos don byed nus stong lta bu gang rtags su 'god/
dang po ltar na/ yod chos don byed nus pa chos can/ de sgrub

kyi rtags yang dag ma yin par thal/ de sgrub kyi phyogs chos ma
grub pa'i phyir/ gnyis pa ltar na/ dngos po yod med gnyis ka la
brten pa'i chos shes bya chos can/ thal ba snga ma la/ rtags ni
khyab pa 'khrul pa can yin phyir ces so/ /

gsum pa ltar na/ dngos por med pa'i chos don byed nus stong ni
chos can/ thal ba snga ma la/ rtags ni khyab pa 'gal nas ma grub
pa yin pa'i phyir/ ces so/ /des na/ yod chos don byed nus pa'i
ldog pa de nyid rtags su 'god dgos par

ston pa ma yin gyi/ des mtshon nas don byed nus pa yin pa'i khyab
che chung gi chos gang rtags su 'god kyang/ ma grub pa las ma
'das par ston pa yin no/ /de bzhin du dngos po dngos med gnyis
ka la rjes su 'gro ba'i gzhal bya dang

shes bya dang lus can ma yin pa sogs gang bkod kyang khyab pa
'khrul par ston pa yin no/ /rtags su bkod pa'i don de yin na/
don byed nus stong yin pas khyab pa'i dngos med kyi chos gang
rtags su bkod kyang/ khyab pa 'gal

nas ma grub par ston pa yin pas/ gang bkod kyang yang dag tu mi
'gyur bar mtha' dpyad pa'i ched du yin no/ /gzhi ma grub rtags
su bkod na ltar snang du rtogs sla bas 'dir de 'gog tshul ma
bstan la/ tshad mas grub

@091a @#/ /pa'i ldog pa gang rtags su bkod kyang/ ltar snang
gsum las ma 'das par shes pa'i phyir tu snga phyi gnyis la
chos zhes smos la/ bar pa la gnyi ga la brten zhes smos so/
/des na grangs can la rtags gang 'god ces 'dri ba min

gyi/ khyad par rnams rjes su 'gro bar mthong ba la sogs pa'i
rtags lnga bkod cing/ bkod pa de nyid sangs rgyas pas kyang
nges zin pas/ grangs can rang gis bkod pa'i rtags des mtshon
nas/ gang bkod kyang ltar snang gsum las mi

'da' bar shes pa'i ched yin no/ /med chos 'gal bar ston pa ni/
sngar bshad pa ltar yin gyi dngos med yin tsam gyis mi chog
ste/ bum med rtags su bkod pa lta bu/ khyab pa 'khrul pa'i
khongs su 'dus pa'i phyir ro/ /gsum pa ni/ bsgrub

bya'i chos kyi khyab bya'i rang bzhin du grub pa byas pa sgra
mi rtag pa'i go byed yin te/ byas pa dang rang bzhin dang rang
bzhin can du tshad mas nges shing/ byas pa de la khyab byed du
nges pa yi mi rtag pa sgra'i steng du go bya yin te/ sgra mi
rtag sgrub kyi rang

bzhin gyi tshul gsum yin pa'i phyir/ snga phyi gnyis ka'i rtags
so/ /mi rtag pa 'di ldog pa na de log pa'i stobs kyis byas pa
de ldog par byed de/ byas pa de'i bdag gcig pa'i khyab bya yin
pa'i phyir/ sbyor ba dper brjod pa ni/ gang byas pa

yin na mi rtag pa yin pas khyab/ dper na bum pa bzhin/ sgra
yang byas zhes brjod pa'i ngag de chos can/ chos mthun sbyor
gyi sgrub ngag yin te/ dpe dang rtsod gzhi gnyis rtags chos su
mtshungs par sbyor ba'i sgrub ngag yang dag yin pa'i

@091b phyir/ yang mi 'jig pa yin na ma byas pas khyab/ dper na
'dus ma byas kyi nam mkha' bzhin/ sgra ni byas zhes bkod pa'i
ngag de chos can/ chos mi mthun sbyor gyi sgrub ngag yang dag
yin te/ dpe dang rtsod gzhi gnyis rtags chos su

chos mi mtshungs par sbyor ba'i sgrub ngag yang dag yin pa'i
phyir/ ces pa bzhin no/ /skabs 'dir gzhan don rjes dpag zhar
la bstan pa ni/ phyir rgol la brjod pa las bsgrub bya la rtogs
pa skye ba ltar/ rgol bas dngos su bkod

pa la mi ltos par bstan bcos su bris pa mthong zhing bsams pa
las kyang bsgrub bya la rtogs pa skye zhing/ de yang sbyor
ba'i sgo nas gnyis yin no zhes shes par bya ba'i ched yin no/
/bzhi pa la/ 'brel pa sgrub pa'i rtags dgod/ phyogs chos

bsgrub/ don bsdu pa'o/ /dang po ni/ byas pa chos can/ rang
grub tsam nas 'jig pa rang gi ngo bo nyid kyis rang chos su
rjes su 'brel te/ khyod 'jig par bskyed pa khyod rang yod tsam
du bskyed pa'i rgyu las rgyu rigs gzhan med par khyod yod tsam
du bskyed pa'i

rgyu de nyid kyis/ khyod kyi 'jig pa'i lag rjes bzhag pa yin
pa'i phyir/ don ni/ byas pa mi 'jig pa'i rdzas su med de/ der
skad cig gcig dang gnyis la sogs pa'i yun tshod du yod mi srid
pa'i phyir/ de ma grub ste/ skad cig ma lnga'i yun tshod du mi

'jig pa'i rdzes su yod la/ de nas 'jig go zhe na/ 'o na skad
cig bzhi pa'i dus su skad cig ma lngar mi 'jig pa'i rdzes su
gnas pa dor ram/ ma dor/ dor na/ byas pa de skad cig lngar mi
'jig pa'i rdzas su gnas pa nyams te/ skad cig gsum gyi yun

@092a @#/ /las gnas ma nus par skad cig bzhi pa'i dus su skad
cig lngar mi 'jig pa'i rdzas de zhig pa'i phyir/ ma dor na/
skad cig lngar mi 'jig par gnas shing/ skad cig drug pa'i dus
su zhig pas khyab pa nyams te/ sngar skad cig ma gsum

mi 'jig par gnas shing/ skad cig ma bzhi pa'i dus su yang skad
cig ma lngar mi 'jig pa'i rdzas su gnas pas/ skad cig ma
brgyad kyi yun tshod du mi 'jig par gnas pa'i phyir/ de ma grub
ste/ skad cig ma bzhi pa phan chad da dung skad cig ma

lngar gnas pa ma yin gyi/ skad cig gnyis las mi gnas la/ snga
ma gsum dang bcas pa'i skad cig ma lnga yin no zhe na/ 'o na
skad cig dang po'i dus su de nas bzung ste skad cig lngar mi
'jig pa'i rdzas su yod mod/ skad cig gnyis pa'i dus su

de nas bzung ste skad cig lngar gnas pa'i rdzas su yod dam
med/ yod na nyes pa son gnas la/ med na/ de nas bzung ste skad
cig ma lngar gnas pa'i rdzas de skad cig dang po'i dus su yod
la/ gnyis pa'i dus su med pas byas pa rang grub

pa'i dus las dus gnyis par mi sdod cing /rang grub dus su 'jig
pa'i rdzas su gnas pa la rang yod tsam du bskyed pa'i rgyu min
pa rigs kyi rgyu gzhan med pa shin tu rtogs sla'o/ /gnyis pa
ni/ byas pa'i dngos po chos can/ 'jig nges min par

thal/ 'jig par 'gyur ba phyis byung gi rgyu la nges par bltos
pa'i phyir/ khyab par thal/ snam bu'i dngos po ser por 'gyur
pa rang grub dus las phyis byung gi tshon la bltos pa dang bcas
pa rnams ni/ nges par ser por 'gyur ba'i khyab pa med

@092b par mthong ba'i phyir/ 'o na/ tshes gcig chos can/ tshes
gsum bskyed nges ma yin par thal/ de bskyed pa tshes gnyis la
bltos pa'i phyir ces na/ rtags ma grub ste/ don gyi bltos sa
rgyu yin pas tshes gnyis tshes gcig gi rgyur 'gyur ro/ /des na

tshes gcig grub tsam gyis tshes gnyis bskyed pa yin no/ /'o na/
tshes gcig grub tsam nas tshes gsum grub par thal/ de grub tsam
gyis cig shos bskyed pa'i phyir/ ce na/ khyab pa med do/
/sngar gyi thal ba la khyab pa med de/ 'jig rgyu mang po yod
pas

gcig dang ma phrad kyang gzhan dang nges par phrad pas phyis
kyi rgyu la bltos kyang 'jig nges yin no zhe na/ byas pa de la
'jig rgyu mang po yod na yang byas pa 'ga' zhig la ni 'jig pa
mi srid par 'gyur bar thal/ phyis kyi rgyu dang ma phrad pa
srid pa'i phyir/ gsum

pa ni/ phyis byung gi rgyu dang ma phrad pa srid pa des na
'jig pa phyis byung gi rgyu ldan du smra ba rnams kyi 'jig
pa'i rgyu thams cad dag /'bras bu 'jig pa la 'khrul pa nyid du
bshad pa la rgyu mtshan yod pa yin te/ tho ba sogs yod na 'bras
bu bum pa'i 'jig

pa gnas pa'i nges pa med pas de ltar bshad pa'i phyir phyis
byung gi tho ba sogs de chos can/ bum pa'i 'jig pa de'i rgyu
ma yin te de bskyed pa'i nus pa med pa'i phyir/ nus pa med de/
de dngos po ba dang dngos med gang yang mi skyed pa'i phyir/
bum pa'i 'jig

pa ni bum pa rang gi rdzas ma yin gyi/ bum pa zhig pa yin la
de tho ba sogs kyis byed do zhe na/ yang gi sgras bum pa'i
dngos po med pa bskyed par thal/ bum pa'i zhig pa bskyed pa'i
phyir/ 'dod na de 'bras bur 'gyur ro/ /dngos med byed na/
dngos

@093a @#/ /po mi byed pas dngos med 'bras bur thal ba dang
dngos po bskyed pa'i bya ba mi srid pa'i nyes pa gnyis gnas ma
bu pa'i sde pa la yod pa yang gi sgras bstan to/ /glog la sogs
pa 'di ni chos can/ ngo bo nyid kyis 'jig par 'gyur te/ de

ltar mngon sum gyis dmigs pa'i phyir/ gang la 'jig pa mngon
sum gyis mthong bas ngo bo nyid kyis 'jig par 'gyur zhes bya
ba de las gzhan lkog gyur gyi dngos po la'ang chos can/ ngo bo
nyid kyis 'jig par 'gyur te/ mngon sum

gyis mthong ba'i dngos po dang 'jig tshul mtshungs pa'i phyir/
yang na/ 'jig pa 'di ni dngos po rnams la ngo bo nyid kyis
grub par 'gyur te/ rang gi rgyu las 'jig pa'i dang can du
'byung ba'i phyir ces sbyar ro/ /gnyis pa don bsdu ba ni/
'brel pa

nges byed kyi tshad ma rgyas par bstan pa des na/ bsgrub bya
dngos po'i yul can gyi rjes su dpog pa'i rten gtan tshigs gang
yin pa de 'bras rang gnyis su nges te/ sgrub rtags la/ 'bras
bu dang khyab bya'i ngo bo de dag las rang gi bsgrub bya'i
chos

rgyu dang khyab byed la 'brel pa nges shing/ de las gzhan ma
mthong ba'i phyir/ gnyis pa dgag rtags kyi 'brel pa nges byed
la/ dngos dang/ rtsod spang ngo/ /dang po la/ mi sdang ba ma
dmigs pa dang/ snang rung ma dmigs pa'i 'brel pa nges byed do/
/dang

po la/ byed pa 'jug pa'i yul ngos bzung ba dang/ de bsgrub
pa'o/ /dang po ni/ sha za rang bskal don du song ba'i rgyud
kyi tshad mas mi dmigs pa gang zag des yed ces dam bca' ba rigs
pa 'gog pa la tshad mar bshad pa'i rgyu mtshan yod de/

@093b de'i ngo bo tshad mas ma dmigs na/ de yod nges kyi tha
snyad don mthun 'jug par mi byed pas khyab pas de ltar bshad
pa'i phyir/ 'jug par mi byed de/ yod nges kyi tha snyad 'jug
pa de dmigs pa'i blo sngon du 'gro ba can nyid yin pas khyab
pa'i phyir/ gang  

du bshad na/ tshad ma rnams ni mi 'jug pa/ zhes pa'i rang 'grel
du'o/ /sngar skabs der khyab pa ma sgrub par 'dir sgrub bzhed
nas/ 'jug pa blo sngon can nyid phyir/ ces bkod pa min te/ sngar
rang 'grel du yod pa'i shes pa dang sgra dang tha snyad dgag
pa'i 'bras

bu can yin te/ de dag ni dmigs pa sngon du 'gro ba can yin
pa'i phyir ro/ /zhes sogs rgyas par gsungs pas/ gzhung 'di'i
dngos bstan gyi don sna gsum ga 'grel pa 'dir sngar bshad zin
la sbyar ro/ /gnyis pa ni/ ci'i phyir/ bskal

don ma dmigs pas med par sgrub mi nus/ bskal don yod na tshad
ma gsum gang rung gis dmigs pas khyab bo zhe na/ bskal don yod
na bstan bcos kyi brjod byar byed pa'i khyab pa med de/ bskal
don 'ga' zhig bstan bcos kyi

brjod byar byas na/ rtsom pa'i skabs dang 'brel med brjod par
'gyur ba'i phyir dang/ rgya mtsho'i gting gi rdo ba sogs 'ga'
zhig brjod byar byas kyang nyer mkho med cing/ skyes bu'i rnam
rtog gi grangs sogs 'ga' zhig brjod byar bstan mi

nus pa'i phyir/ bskal don yod na rang bskal don du song ba'i
gang zag de'i dbang po'i mngon sum gyis dmigs pas ma khyab par
thal/ bskal don rnams yod kyang/ de'i dbang po'i mngon sum gyi
yul las 'das pa srid pa'i phyir/ bskal

@094a @#/ /don yod na/ bskal don du song ba de'i sgrub rtags
gnyis la brten pa'i rjes dpag gis dmigs pas ma khyab par thal/
de yod kyang/ de'i ngor sgrub rtags yang dag med pa can yin
pa'i phyir/ des na/ yul dus rang bzhin gyis bskal

ba'i don de rnams gang zag de'i rgyud kyi tshad mas mi dmigs na
med pas ma khyab par thal/ yod na de'i rgyud kyi tshad mas
dmigs mi dgos pa'i phyir/ mi snang ba ma dmigs pa'i gtan tshigs
de bskal don yod pa bsgrub pa dang/ med pa

bsgrub pa gang la yang/ tshad ma ste rtags yang dag nyid du mi
'gyur te/ bskal don yod pa dang med pa gang yang nges pa'i
'bras bu can min pa'i phyir/ gnyis pa ni/ ma dmigs pa'i rtags
la la med nges bsgrub pa la rtags tshad ma dag tu

'gyur te/ rtags kyi phul byung snang rung gi khyad par la
bltos pa can 'ga' zhig de ltar 'gyur ba'i phyir/ sngar ma
dmigs pas med pa go mi nus par bshad pa dang 'di mi 'gal te/
ma dmigs pas med nges mi 'grub par bshad pa'i rigs

pa 'di ni/ rang gi rang bzhin yod kyang gang zag 'ga' zhig gis
shes byed gang gis kyang mi shas pa'i dbang du byas nas brjod
pa yin pa'i phyir/ rgyu me mi shes shing me med pa chos can/
rang phyogs kyi chos su grub pa'i gzhir/ 'bras bu du

ba med pa nyid du sgrub par byed pa'i rgyu ma dmigs pa'i rtags
yang dag yin te/ de sgrub kyi dgag bya'i chos kyi rgyu bkag pa
rtags su sbyar ba la tshul gsum yin pa'i phyir/ gzhi 'gar khyab
bya'i don gyi rang bzhin med pa rtags can bsgrub

@094b byar yod pa la khyab byed kyi rang bzhin mi dmigs pa
yang go byed yin pa yod de/ shing med de rang phyogs kyi chos
su grub pa'i gzhir/ sha pa med par sgrub pa'i go byed yang dag
tu 'gyur ba yod pa'i phyir/ gal te rgyu dang khyab byed med pa
tshad mas

ma grub pa'i skyon med par thal/ gal te phyir rgol 'ga' zhig
gi mngon sum dang/ yang na/ rang bzhin ma dmigs pa'i gtan
tshigs 'ga' zhig la brten nas rgyu dang khyab byed med par
rtogs par 'gyur ba'i phyir/ khyab byed ma dmigs

pa'i rtags 'jug dus ni/ g.yas kyi ri'i ngos la shing gi tshogs
mang po yod pa la mngon sum gyis nges pa 'dren zhing/ sha pa
dang shug pa'i khyad par la nges pa 'dren mi nus pa'i shing gi
tshogs dper bzhag nas/ de dang thag mnyam

pa'i g.yon gyi ri'i ngos la yal ga lo 'dab dang ldan pa yod
na/ g.yas ri ltar mngon sum gyis nges nus shing sha pa dang
shug pa'i khyad par yod kyang/ g.yas ri ltar nges mi nus pa'i
shing gis dag pa'i g.yon ri'i ngos na sha pa yod med the

tshom za ba na/ der sha pa med de/ shing med pa'i phyir ro zhes
pa'i rtags 'jug pa yin no/ /gzhi der sha pa yod na/ rgol ba'i
mngon sum gyis kyang nges pa 'dren mi nus na/ phyir rgol gyis
lta ci smos/ gzhung rkang pa gnyis po 'di ni/ rgyu khyab byed
mi

dmigs pa'i phyogs chos nges byed go ba'i ched du yin no/ /rang
bzhin ma dmigs pa tshad mar bsgrub pa ni ci ltar ma dmigs pa
las med par 'grub ce na/ yod na snang rung gi bum pa mthong ba
med pa'i rgyu sgrib byed rtsig pa sogs mi srid par gyur  

@095a @#/ /pa na/ yod na snang rung gi bum pa'i dngos po ma dmigs
pa'i rtags las/ gzhi 'gar bum pa'i dngos po med pa rtogs par
'gyur te/ snang rung gi bum pa yod na dmigs pa la mi 'khrul ba'i
phyir/ dgag bya'i chos de dang 'gal

ba dmigs pa'i rtags kyang rang phyogs kyi chos su grub pa'i
gzhir/ dgag bya'i chos med pa nyid du nges par go byed kyi
rtags su 'gyur ba yod de/ dgag bya'i chos dang 'gal ba'i dngos
po gnod byed kyi me nye bar yod na/ gnod bya grang reg

de rgyun chags su yod pa la gnod par byed pa mthong ba'i phyir
yang gi sgras 'brel zla ma dmigs pa sdud do/ /rtags 'di dag gi
'brel pa nges byed kyi tshad ma ni/ sngar gyi 'brel pa gnyis
nges pa'i tshad ma nyid kyis 'grub la/ rtags kyi 'jug tshul

ni sngar bshad zin to/ /gnyis pa la/ dgag rtags gnyis kyi
grangs nges la rtsod spang/ mi snang ba ma dmigs pa'i rtags la
bye brag tu rtsod pa spang ba'o/ /dang po la/ gtso bo zhes
pa'i sgra'i don ngos bzung/ de dgag mi nus par bstan/ de la
lung

'gal spang ba'o/ /dang po la rtog pas btags pa tsam du bstan
pa dang/ de rang mtshan du grub pa bkag nas mjug bsdu ba'o/
/dang po ni/ khyed kyis ma dmigs pa'i rtags la yod nges 'gog
pa dang/ med nges bsgrub pa gnyis su grangs nges byas

ba mi 'thad par thal/ slob dpon phyogs glang gis gtso bo la
sogs pa ni yod pa ma yin te ma dmigs pa'i phyir/ ces pa'i
rtags 'di de gnyis gang rung du yang ma 'dus pa'i phyir/ 'di
ltar gtso bo zhes pa'i sgra'i brjod bya yon tan gsum

@095b gyi rang bzhin gyi gtso bo de yod na yod pa ma yin te
zhes pa'i dam bca'i tshig dang 'gal ba dang/ de med na gtso bo
zhes pa'i sgra sbyor mi rigs par thal/ brjod bya med na rjod
byed mi 'jug pa'i phyir/ des na med do zhes pa tsam gcig brjod
dgos par 'gyur

la/ de yang mi rigs te/ dgag pa'i yul ma mthong bar de la dgag
pa mi 'jug pa'i phyir dang/ gal te 'jug na yang med pa de nyid
dngos por khas len dgos par 'gyur ro zhe na/ rtsod pa 'di ni
ma dmigs pa'i rtags kyi bsgrub bya'i grangs nges la rtsod

pa'o/ /gtso bo zhes pa'i sgra sbyor na/ sgra don dngos por
'gyur pa ma yin par thal/ thog ma med pa nas brgyud de 'ongs
pa'i rtog pa'i bag chags las byung ba'i rnam par rtog pas
yongs su bsgrubs shing sgro btags pa'i sgra don de nyid brjod
bya yin pa'i phyir/

sgra don de yang chos can/ rnam pa gsum du 'gyur te/ dngos por
yod pa dang dngos por med pa dang/ gnyi ga la brten pa'i rtog
pa'i snang yul rnams su yod pa'i phyir/ sgra don chos can du
bzung ba'i ched kho nar sgra don ngos gzung ba ma yin gyi/
gtso

bo rang mtshan med kyang/ rtog pas btags pa tsam gyi sgra'i don
yod pas sgra sbyor ba mi 'thad pa'i skyon med par bstan pa'i
ched du yin no/ /slob dpon phyogs glang gi sbyor ba 'di'i
dngos zin ltar na/ gtso bo rang mtshan de nyid chos can du
bzung nas de

yod pa la dgag pa byed pa ltar mngon la/ de'i dgongs pa rnam
'grel 'dir bkral ba na/ gtso bor snang ba de nyid gtso bo rang
mtshan gyi nyer len can dang/ gtso bo de nyid nye bar len pa
por grub pa 'gog pa ltar snang/ 'di dag gi dgongs pa mkhas 

@96a @#/ /pa'i dbang po ka ma la shI las/ gtso bo nyid chos can
du bzung nas dgag dgos kyi/ de min na/ de rnam 'gyur sna tshogs
kyi nyer len yin pa khegs kyang/ gtso bo rang ldog nas mi khegs
par 'gyur la/ rtags tshad mas nges pa'i

gzhi ni gtso bor snang ba nyid la bzhed do/ /phyir rgol gyi shes
'dod la bltos nas gtso bo dang de snang gnyis gang bzhag kyang
'dra bar snang la/ rang lugs la tshad mas grub ma grub khyad shin
tu che'o/ /des na gtso bor snang ba de gtso bo rang mtshan

gyi dngos po'i nyer len med pa can du bsgrub pa la rtags tshad
mas ma grub pa'i skyon med par thal/ de 'dra'i nyer len can du
yod na dmigs su rung ba las de mi dmigs pa ni de ltar sgrub pa'i
gtan tshigs yin pa'i phyir/ chos can gtso bor

snang ba de nyid ni med pa ma yin te/ gtso bo zhes pa'i sgra
sbyor ba mthong ba'i phyir/ yang na/ gtso bo rang mtshan gyi
dngos po de chos can/ rnam 'gyur sna tshogs kyi nyer len du med
pa can yin te /de ltar yod na dmigs su rung ba las ma dmigs pa'i

phyir/ ces bkod nas bsgrub pa la chos can tshad mas ma grub pa'i
skyon med par thal/ gtso bor snang ba de nyid tshad mas grub
cing/ de'i steng du gtan tshigs dmigs rung ma dmigs pa nyid tshad
mas grub pa'i phyir/ gnyis pa ni/ de lta min par

rtog pas mtha' gcig tu don dam gzung yul du byas nas 'jug pa
nyid can yin na/ phyi nang gi mthong ba'i tshul tha dad pa'i bye
brag gis chos can gyi don re re ba rnams la sgra mi 'dra ba du
ma 'jug par mi 'gyur bar thal/ de ltar

@96b 'jug pa'i rgyu med pa can yin pa'i phyir/ 'das pa dang ma
skyes pa la yang sgra mi 'jug par thal/ de dag dngos por med
pa'i phyir/ tshig 'ga' zhig kyang rdzun pa yi don can nyid du mi
'gyur bar thal/ sgra don dngos por grub pa'i phyir/ rtog pa de
dag

chos can/ blos btags pa'i don gzung yul can du 'dod rigs te/
gzung yul yod pa gang zhig /dngos por mi 'thad pa'i phyir/ gnyis
pa la/ sgra don dgag mi rigs pa dang/ bsgrub rigs kyang don du
gnyer ba'i gtso bo min pa'o/ /dang

po la/ tshig don dang/ mtha' dpyad pa'o/ /dang po ni/ gtso bo'i
sgra don med do zhes bsnyon mi rigs par thal/ de bsnyon na rtags
de'i chos dang chos can gyi tshogs pa bsgrub byar mi 'gyur bas
khyab pa'i phyir/ der thal/ de ltar bsgrub pa la

bsgrub bya'i chos kyi rten chos can bsal ba'i phyir/ chos can
med na/ bsgrub bya'i chos yan gar ba bsgrub byar 'gyur ro/ /de
'dod do zhe na/ chos yan gar ba rtags yang dag gi bsgrub byar mi
rigs par thal/ chos yan gar ba ni/ dpe'i steng

du grub zin pa yin pa'i phyir/ gnyis pa ni/ gzung 'di dag gi
gtso bo'i sgra don med do/ /zhes kho bo cag bsnyon pa ma yin
gyi/ gtso bo rang mtshan med do zhes 'gog pa yin no/ /sgra don la
bsnyon na gtso bo zhes ngag tu brjod mi nus pas/ rnam

'gyur gyi nyer len du med do zhes pa tsam zhig brjod par 'gyur
la/ de tsam ni gzhi gzhan du ma la grub zin pa'i phyir/ rtags
kyis sgrub mi dgos par 'gyur ro/ /gzhi ma grub chos can du bzhag
pa ni/ de tshad mas khegs pa nyid de la

@97a @#/ /bsgrub bya'i chos 'grub pa'i thabs su 'gyur bar shes
pa'i phyir dang/ chos can 'ba' zhig pa bkag pas skabs kyi bsgrub
bya la mi gnod pa nyid kyang don gyi shugs kyis go bar bya ba'i
phyir ro/ /gnyis pa ni/ sgra don

med do zhes bsnyon pa med cing de tshad mas grub pa'i gtso bsreg
don gnyer rnams kyis kyang chos can/ tshang mang na me'i dngos po
nyid yod dam med snyam pa'i phyogs kyi bye brag gis dpyad par
bya rigs kyi rtog pa la mer snang yod dam

med snyam du 'bras bu de sgrub pa'i phyir tu dpyad mi rigs te/
me 'di las khyod kyi 'dod bya'i 'bras bu 'byung ba rag las
shing/ rtog pa la me'i don spyi shar ba tsam gyis/ khyod kyi
'dod don de cung zad kyang mi 'grub pa'i phyir/ khyab par thal/

don byed nus pa ma yin pa la/ 'bras bu don du gnyer bas yod med
du brtags pas dgos pa'i bya ba ci zhig kyang mi byed pa'i phyir/
dper na/ 'dod ldan 'khrig pa don gnyer gyi bud med rnams chos
can/ khyod kyi 'dod don de sgrub pa'i

phyir tu ma ning khyad gzhir bzung nas/ gzugs bzang ngam mi
bzang zhes brtags pas ci yang mi phan par thal/ des dgos pa de
sgrub mi nus pa'i phyir/ gzhung 'di dag gis dgag rtags kyi dgag
bya rjes dpag de'i gzhal byar

bstan par bzhed pa ni shin tu dpyad dka' ste/ de lta na ji tsam
bsams kyang rjes dpag dang sgro 'dogs gnyis kyi 'dzin stangs la
khyad par dbye dka' bar mthong ba'i phyir ro/ /gal te gzhi 'gar
chos de 'jal ba'i tshul la

@97b yod par 'jal ba dang med par 'jal ba gnyis yod pas me med
kyi mtsho la du ba med par gzhal ba nyid du ba gzhal ba'i don yin
no zhe na/ 'o na tshad ma des mtsho la du ba grub par thal/ du ba
med pa grub pa'i phyir/ 'dod na/ de la du ba med

par bsgrub pa nyid kyis/ bkra shis ma dang sna nag ma bzhin du
/sgro 'dogs kyi zhen yul mi 'dod bzhin du rjes su 'brang bar
'gyur bas/ dang po nyid nas dgag sgrub kyi rtsol ba ma byas na
legs so/ /yang der du ba bkag pa yin gyi/ du

med bsgrub pa min/ zhes smra bas kyang zhib tu ma brtags pa ste/
dgag bya rnam bcad la khegs kyang bkag pa yongs gcod du ma grub
na gnyis ma yin gyi phung gsum mi khegs la/ bkag pa yongs gcod
la grub kyang/ dgag bya rnam

bcad la mi khegs na gnyis yin gyi phung gsum mi khegs so/ /de
lta na/ mtshe la du ba yod par 'dzin pa'i sgro 'dogs chod kyang/
du med ma yin par 'dzin pa'i sgro 'dogs mi chod par 'gyur bas
dgag sgrub kun nyams la/ yang sgro

'dogs chod pa yin gyi/ rjes dpag ma skyes so/ /zhes khas len
dgos par 'gyur te/ lugs de la rjes dpag gi 'dzin stangs cung zad
kyang mi rnyed pa'i phyir ro/ /des na/ gtso bsreg don gnyer gyis
me yod med dpyad par bya ba yin gyi/ me'i don spyi

shar ba yod med dpyad bya ma yin par bstan to/ /gsum pa ni/
khyed sgra don med do zhes bsnyon par mi byed na/ slob dpon
phyogs glang gis btags pa'i chos ma dmigs pa/ zhes sgra don gtan
med du bstan pa dang 'gal zhe na/ sgra don med par

@98a @#/ /rigs pa smra bas bzhed pa ma yin par thal/ sgra don du
gyur pa'i gtso snang de chos can dang/ gtso bo dngos po ba'i
rten can du ma grub pa'i de'i khyad chos su sgrub bzhed nas lung
de gsungs pa yin pa'i phyir/ 'o na btags pa zhes

pa'i don ci yin zhe na/ sgra'i don ni chos can/ btags pa zhes
rigs pa yin te/ rtog pa'i shes pa'i gzung yul yin pa nyid kyis
so/ /yang na phyogs glang gis gtso bo ma dmigs pa nyid chos su
bzhag pa dang/ khyed kyis gtso bo dngos po

pa'i nyer len can du ma dmigs pa chos can de'i chos su bzhag pa
'gal lo zhe na/ zhes pa'i lan du sbyar ro/ /gnyis pa la/ tshig
rang gi zhen pa'i brjod bya sgrub byed yin pa so sor dgag pa
dang/ spyir dgag pa dang/ don bsdu ba'o/ /dang po la/

skyes bu'i tshig zhen pa'i brjod bya sgrub byed yin pa dgag pa
dang/ ma byas pa'i rig byed dgag pa'o/ /dang po la/ tshig tsam
dgag pa dang/ khyad par can gyi tshig dgag pa'o/ /dang po la/
dgag pa dngos dang/ 'gal ba spang ba'o/ /dang po ni/ tshad

ma gsum log pas dngos po med par mi 'grub bo zhes bshad pa mi
rigs par thal/ lung log pas dngos po med pa go bar byed nus pa'i
phyir te/ lung kun gyi yul can yin pa'i phyir/ des na lung de
rang gi brjod bya go byed kyi rtags

yang dag tu yang 'gyur ro zhe na /rjod byed kyi sgra de rnams
chos can/ khyod kyi rtags las khyod rang gi zhen pa'i brjod
bya'i don grub pa ma yin par thal/ khyod zhen pa'i brjod bya'i
dngos po dang lhan cig tu med na mi 'byung ba'i 'brel pa nyid
med

@98b pa'i phyir/ 'o na de gang la tshad ma yin zhe na/ tshig de
dag chos can/ rang phyogs kyi chos su grub pa'i gzhir/ smra ba
po'i brjod 'dod kyi bsam pa tshad ma'i yul du ston par byed nus
te/ khyod de dpog pa'i rtags yang dag yin pa'i phyir/ gnyis pa

ni/ lung tshad ma min na/ slob dpon phyogs glang gis/ yid ches
tshig ni mi slu ba'i/ /spyi las rjes su dpag pa nyid/ ces lung la
brten pa'i blo rjes dpag tu bshad pa dang 'gal lo zhe na/ de la
lung de'i tshig don dang/ de nyid rgyas par gtan

la dang ba pa'o/ /dang po ni/ slob dpon phyogs glang gis/ lung
tshad mar gsungs pa de lung gang yang rung ba'i dbang du byas pa
ma yin par thal/ shin tu lkog gyur ston pa'i yid ches pa'i sangs
rgyas kyi tshig de/ gzhal bya'i gnas gnyis ston

pa'i sangs rgyas kyi gsung dang/ sangs rgyas kyi gsung du
mtshungs pa'i spyi las rang gi bstan bya la mi slu bar rjes su
dpag par bya ba nyid du gsungs pa'i phyir/ gnyis pa la/ tshad mar
gyur pa'i lung ngos gzung ba dang/ de tshad ma yin pa'i rgyu
mtshan

dang/ tshad mar sgrub pa'i dgos pa'o/ /dang po ni/ rtog pa dang
ldan pa dag sbyin pa dang tshul khrims sogs la 'jug pa la phan
yon shin tu chen po dang/ 'tshe ba sogs la 'jug pa la nyes dmigs
shin tu chen po yod ces thos shing/ phan yon dang nyes

dmigs de dag ji ltar yod pa ltar nges pa'i thabs dngos po stobs
zhugs kyi tshad ma ma mthong ba dang/ de dag yod pa la 'gal ba
yang ma mthong zhing de dag dang mthun par blang dor ma byas
na/
don chen po las nyams su dogs pa dag blang dor

@99a @#/ /de dag ji ltar bya ba bzhin du rtogs pa'i thabs yod dam
med snyam pa dag rjes su gzung ba'i phyir/ gang gi rjes su zhugs
na mi slu ba'i lung ngos gzung ba ni/ blang bya thar pa dang/ de
len pa'i thabs lam bden dang/ dor bya sdug kun

gnyis te/ 'khor ba 'jug ldog gis bsdus pa'i blang dor btang
snyoms su bzhag bya'i don rnams 'brel chags su sdud pa la phan
'dogs pa'i 'brel pa dang/ skyes bu'i 'dod don mngon mtho dang
nges legs dag bsgrub pa dang rjes su

mthun pa'i thabs dang thabs des sgrub par bya ba'i skyes bu'i
mngon par 'dod pa'i don brjod par byed pa'i ngag gang yin pa de
tshad mar gzung bar bya bar bstan gyi/ de las gzhan pa'i lung gi
dbang du byas pa min no/ /de yang khas len pa'i

tshe ni/ yongs su brtags nas dpyad pa dag pa'i dbang du byas pa
yin gyi/ dpyad pa ma dag par khas len pa ma yin no/ /don bsdus
na/ lung gang yang rung ba rang gi bstan bya sgrub byed yang dag
tu 'gyur ba min par thal/ dpyad gsum gyis dag

pa'i lung de tshad mar gzung bar bya ba yin pa'i phyir/ khyad
chos gsum po de dag gis se'u bcu pa'i ngag lta bu 'brel med
dang/ 'jog po'i gtsug rgyan len pa'i man ngag lta bu/ dgos pa
sgrub mi nus pa'i thabs ston pa dang/ bya rog so

rtog gi bstan bcos lta bu dgos pa med pa'i don ston pa dag tshad
ma yin pa spangs nas/ snga mas rjod byed kyi skyon dang bral ba
dang/ phyi ma gnyis kyis thabs dang thabs byung gi skyon spangs
pa'i sgo nas brjod bya'i skyon dang bral ba tshad mar bstan

@99b to/ /gnyis pa ni/ de tshad ma yin pa'i rgyu mtshan ci yin zhe
na/ mthong ba mngon gyur ston pa la mngon sum gyis gnod pa med
pa/ dper na/ sngon po mngon gyur du bstan pa la mngon sum gyis
gnod pa med cing grub pa dang/ gzhan dag mngon gyur

du 'dod pa'i spyi don gzhan sogs mngon gyur ma yin par bstan pa
la gnod pa med pa lta bu'o/ /mthong ba lkog gyur gyi don stan pa
la/ dngos po stobs zhugs kyi rjes dpag gnyis kyis gnod pa med
pa/ dper na/ 'phags pa'i bden

pa bzhi dngos stobs rjes dpag gi gzhal byar bstan pa la gnod pa
med cing des grub pa dang/ gzhan dag lkog gyur du 'dod pa'i bdag
dang gtso bo la sogs pa lkog gyur ma yin par bstan pa la gnod pa
med cing lkog gyur ma yin par grub pa

lta bu'o/ /ma mthong ba'i dngos po shin tu lkog tu gyur pa yi
don de dag ji ltar bstan pa ltar khas blangs pa la/ lung la
brten pa'i rjes dpag gis kyang gnod pa med cing/ rang tshig snga
phyi 'gal ba dang dngos shugs 'gal bas kyang gnod pa med pa/

dper na chags sogs sdig pa'i rtsa ba yang yin/ khrus dang mar me
la ldugs pa sogs kyi gzhi mthun bkag pa la nang 'gal med pa lta
bu'o/ /de ltar rjes dpag rnam pa gnyis kyis kyang gnod pa med
pa'o/ /'di dag ni lung 'di yi mi slu bar

log pa'i rgyu mtshan yin no/ /don bsdus na/ shin tu lkog gyur
ston pa'i bcom ldan 'das kyi gsung chos can/ rang gi bstan bya
la mi slu ba yin te/ dpyad pa gsum gyis dag pa'i lung yin pa'i
phyir/ 'dir mthong ba mngon gyur rkyang pa la byed

@100a @#/ /pa don ma yin te/ slob dpon chos mchog gis rten mig
mthong bas kyang mthong bar brjod do zhes bshad pa ltar/ lkog
gyur la yang mthong ba zhes bya'o/ /shin tu lkog gyur ston pa'i
skabs su snga phyi dang dngos shugs 'gal

ba med pa yid ches rjes dpag gis grub pa mi 'thad de/ da dung de
ma skyes pa'i phyir/ dngos stobs kyi tshad mas kyang ma grub ste/
de shin tu lkog gyur gyi don la mi 'jug pa'i phyir ce na/ skyon
med de/ nang 'gal med pa dngos stobs kyis grub

kyang/ shin tu lkog gyur gyi don de grub mi dgos pa'i phyir ro/
/'di ltar zas zos pa na bde ba bskyed par mngon sum gyis grub pa
na/ des bde ba mi skyed pa mngon sum gyis khegs la/ tsher ma zug
pas sdug bsngal bskyed par mngon sum gyis

grub pa na/ des sdug bsngal mi skyed pa khegs pas/ bde sdug
bskyed mi skyed dngos 'gal du mngon sum tshad mas grub la/ de
grub pa na/ sbyin pa btang bas bde ba bskyed pa dang mi skyed pa
gnyis ka rang lugs su snga phyir bstan pa mthong na/ tshig

de la nang 'gal bar dngos stobs kyi tshad mas grub pa'i phyir
dang/ shes bya la yod med dngos 'gal du nges pa'i tshad ma des/
shes bya mtha' dag la yod med gzhi mthun du 'du ba'i sgro 'dogs
chod kyang shes bya mtha' dag grub mi dgos

pa bzhin no/ /'phags pa'i bden pa bzhi shin tu lkog gyur du 'dod
pa dag gis ni/ gzhung 'di'i thad kyi rang 'grel gyi tshig tsam
yang ma gzigs par snang na/ tshad ma yang dag par grub pa'i le'u
gnyis pa'i don shin tu bskal ba'i phyir ro/ /

@100b gsum pa ni/ yid ches kyi tshig shin tu lkog gyur ston pa'i
sangs rgyas kyi gsung 'di'i yul shin tu lkog gyur yin na'ang/
tshad mas ma grub pa'i skyon med par thal/ gzhal bya dang po
gnyis ston pa'i gsung gnyis dang mi slu bar mtshungs pa'i spyi'i
rtags

las rtogs nus pa'i phyir/ shin tu lkog gyur gsar du rtogs pa'i
blo ni chos can/ rjes su dpag pa nyid du gsungs pa'i rgyu mtshan
yod de/ gzhal bya de la dngos stobs tshad ma 'jug pa'i go skabs
med pas de ltar gsungs pa'i phyir/ yang na de

ltar gsungs pa dgos pa yod de/ lung la ma brten pa'i blo tsam
gyis de rtogs mi nus par bya ba'i ched yin pa'i phyir/ rnam
'grel mdzad pas tshul gzhan bstan pa ni/ gzhan shin tu lkog gyur
gyi don la sangs rgyas kyis ji ltar gsungs pa ltar

rjes su dpag par bya ba yin te/ gtso bo'i don bden bzhi'i gnas
lugs la/ des ji ltar bstan pa ltar mi slu bar dngos stobs kyis
grub pa'i phyir/ der thal/ blang bya'i de nyid 'gog bden dang/
dor bya'i de nyid sdug bden gnyis thabs dang bcas pa

ji ltar gsungs pa ltar dngos stobs kyi tshad mas rab tu nges pa
yis so/ /'di ni dpe nyid rtags su bkod pa yin gyi/ rtsa ba'i
sbyor ba ma yin te/ bzhi brgya par/ stong nyid ston pa'i gsung
dper byas nas/ shin tu lkog gyur ston pa'i gsung rtsod

gzhir mdzad pa dang 'dra'o/ /don ni/ dpyad gsum gyis dag pa'i
lung yin pa de ni rang gi bstan bya la mi slu bas khyab ste/
dper na/ bden bzhi ston pa'i gsung bzhin/ tshul khrims bsrungs
pas lhar skye bar ston pa'i sangs rgyas kyi gsung yang/
 
@101a @#/ /zhes rtags dang sbyar ro/ /gnyis pa la/ gzhan dag gi
lung tshad mar khas len pa'i thabs dgag pa/ 'thad pa'i phyogs
bzhag pa'o/ /dang po ni/ kha cig na re/ skyes bu phul du byung
ba nyes pa kun zad yon tan kun ldan gyis smras

pa la bltos pa'i tshig de ji lta ba bzhin gyi don can du gzhan
gyis shes pas de nyid tshad mar khas len no zhe na/ gal te skyes
bu phul du byung ba nyes pa kun zad des gsungs pa'i gsung rab
kyi don gtan lam phab par/ de 'dra'i

skyes bus smras pa'i tshig nyes zad kyi tshig tu khas len mi rigs
par thal/ de gtan la ma phab par yang de 'dra'i skyes bu tshad
mas shes par nus na/ des gang smras tshad ma yin pa'i don 'di
'dod rigs na'ang de mi nus pa'i phyir/ 'di

ltar/ gang zag de'i gsung rab gtan la phab pa la ma ltos par
nyes zad kyi skyes bu de 'dra rtogs dka' zhing mi rtogs so/
/zhes gzhan slob dpon gyis shes te/ de la ma ltos par skyes bu
'di ni/ skyon yon gyi rnam pa 'di lta bu dang

ldan pa'am min no/ /zhes pa'i tshul gyis gang zag gzhan la skyon
dang ldan pa dang/ skyon ye med pa'ang ji lta ba bzhin du rtogs
pa'i tshad ma rnams ni rnyed dka' zhing mi rnyed pa'i phyir/ gang
dag gzhung 'dis nyes zad kyi skyes bu yod

par tshad ? mas mi rtog par ston pa yin la/ gzhung 'og mas nyes
pa zad pa srid par ston pa yin no/ /zhes smra ba ni ches mi rigs
te/ ston pa dang bstan pa skyon med par grub na nyes zad ma grub
pa 'gal la/ ma grub na sngar lung tshad mar

@101b khas len pa'i thabs bshad pa 'brel med du 'gyur ro/ /des
na 'dis ni gsung rab la ma ltos par nyes zad rtogs mi nus par
ston la/ 'og mas nyes zad kyi skyes bu spyir dngos stobs kyis
grub par ston pa yin no/ /gnyis pa la/ nyes zad kyi skyes

bu sgrub pa'i rtags dgod/ thar pa la yid brtan mi rung ba'i
rtsod pa spang/ nyes pa'i rtsa ba ngos gzung ba'o/ /dang po ni/
skyes bu la la zag pa zad par 'gyur ba yod de/ skyes bu la la
bdag med rtogs pa'i shes rab de goms pa las blo de'i bdag nyid

du ngang gcig tu 'gyur ba yod pa'i phyir/ der thal/ nyes pa
chags sogs kun bdag med rtogs pa'i shes rab 'phel na de 'grib pa
dang/ 'grib na de phul byung du skye ba la brten pa'i tshul gyis
mi mthun phyogs shes rab de'i gnod byed dang

bcas pa nyid kyi phyir/ gnyis pa ni/ lan cig nyes pa zad kyang/
nyes pa'i yul dang phrad pa na slar yang 'byung bas gtan zad pa
mi srid do zhe na/ spangs pa slar ldog ? na de bzlog pa'i phyir
tu 'bad pa byed pa yin nam/ 'bad pa mi byed kyang rang gi ngang

gis ldog pa yin/ dang po ltar na/ skyon mthong bas yin nam/
skyon ma mthong zhing yon tan yang ma mthong bas yin/ skyon
mthong nas de bzlog pa'i phyir tu 'bad pa mi byed de/ 'khor ba'i
'tshe ba thams cad med pa'i phyir/ yon tan ma mthong bas

de bzlog pa'i 'bad pa mi byed de/ nyes zad kyi skyes bu'i blo ni
rnam pa kun tu bdag med rtogs pa'i shes rab de'i phyogs 'dzin
pa'i phyir/ spangs pa mthar thug rang gi ngang gis bzlog par
'gyur ba'ang ma yin te/ bdag med mngon sum du rtogs pa'i shes

@102a @#/ /rab des yang dag pa'i don mthar thug pa mngon sum du
rtogs shing/ sems kyi ngo bo nyid la 'bral mi rung du zhugs pa'i
phyir/ des na blo phyin ci log gis 'bad du zin kyang/ spangs pa
mi ldog ste/ de bzlog pa'i rgyu med pa'i phyir/

don bsdus na/ spangs pa mthar thug ldog mi srid de/ bdag med
mngon sum du rtogs pa'i shes rab ldog pa mi srid pa'i phyir/
gsum pa ni/ nyes pa chags sogs kyi rnam pa thams cad dag chos
can/ rgyu med dang mi mthun pa'i rgyu

las 'byung ba ma yin te/ rang rgyu 'jig tshogs la lta ba las
skyes pa yin pa'i phyir/ 'o na ma rig pa nyon mongs kun gyi
rgyur bshad pa ji lta bu zhe na/ 'jig lta nyes pa'i rtsa bar
bshad pa dang ma rig pa rtsa bar bshad pa mi 'gal bar

thal/ 'jig lta de nyon mongs can gyi ma rig pa yin/ de las bdag
de la chags pa dang/ bdag gi ba der chags pa dang/ zhe sdang la
sogs pa 'byung ba'i phyir/ nyes pa rnams kyi rgyu gti mug yin
par gsungs pa'i rgyu mtshan

yod de/ 'jig lta ma rig pa yin/ de las nyes pa kun 'byung ba de
nyid kyis de ltar gsungs pa'i phyir/ mdo gzhan las 'jig tshogs la
lta ba 'khor ba'i rgyu'i gtso bor bstan pa na/ 'khor ba'i rgyu'i
gtso bo ngos ma gzung ba'i

skyon med de/ 'jig lta de spangs pa na/ nyes pa kun spong bar
nus pas nyes pa'i rtsa ba yin pa'i phyir/ 'jig lta nyon mongs
can gyi ma rig pa ma yin na/ 'khor ba'i rtsa bar gyur ba'i ma
rig pa ston bzhed pa na 'jig lta bstan na mi

@102b mkhas par 'gyur ro/ /gnyis pa la/ skyes bus ma byas pas
rig byed tshad ma yin pa dgag pa dang/ phyogs gcig la mi slu bas
tshad ma yin pa dgag pa'o/ /dang po la/ rig byed tshad ma yin pa
dgag /ma byas pa dgag /rtag pa yin pa

dgag pa'o/ /dang po la/ mgo mtshungs kyis dgag pa dang/ rigs pa
gzhan gyis dgag pa'o/ /dang po ni/ tshig rnams don log par sten
pa nyid kyi rgyu brtse ba med pa dang mi shes pa la sogs pa'i
nyes pa rnams skyes bu la brten pa'i phyir/

skyes bus ma byas pa'i tshig yin na/ bden pa'i don can yin pas
khyab ste/ de la don log par ston pa'i rgyu med pa'i phyir/ ces
rig byed pa la la brjod par byed do/ /skyes bus ma byas pa'i
tshig yin na log pa'i don can cis ma yin te yin

par thal/ tshig rnams don bden par ston pa nyid kyi rgyu brtse ba
dang shes rab la sogs pa'i yon tan rnams skyes bu kho na la
brten pa'i phyir/ ces sangs rgyas pa gzhan dag brjod do/ /gnyis
pa la/ brjod bya'i don la brtags la dgag/

sgra don gyi 'brel pa la brtags la dgag /rjod byed la brtags la
dgag pa'o/ /dang po la/ don go byed la brtags la dgag pa dang/
don nyid la brtags la dgag pa'o/ /dang po ni/ rig byed kyi tshig
rnams chos can/ khyed skyes bus byas

pa min yang don log pa nyid du ston srid par thal/ khyod las don
shes shing go bar byed pa dag gi rgyu ngag gi brda skyes bu la
brten pa'i phyir/ rig byed las don go ba 'di yi don 'di'o zhes
bshad pa la bltos pas so/ /rig byed sgra don

@103a @#/ /gyi 'grel pa skyes bus byas pa min pas skyon med do
zhe na/ 'di'i don 'di'o zhes brda sbyar ba rig pa med par yang
sgra thos tsam gyis don rdzogs par rtogs par 'gyur bar thal/ rig
byed las don go ba'i 'brel pa'am/ brda

skyes bu la ma ltos par rtag par gnas pa'i phyir/ rig byed de ni
don dang ngo bo nyid kyis 'brel yang/ 'chad pa po'i ngag gi brda
las nyan pa po'i blo yul du gsal dgos pa yin pas skyon med ce
na/ 'o na/ don go ba la/ 'brel pa dngos

po la ? gzhan dag yod par brtags pa dgos nus med par 'gyur bar
thal/ ngag gi brda las don go dgos pa'i phyir/ gnyis pa la/
rgyas par bshad pa/ don bsdu ba'o/ /dang po ni/ rig byed kyi
tshig rnams don gcig kho na la rjod byed du nges

sam/ don du ma dang 'brel/ dang po ltar na/ 'chad pa pos bshad
kyang don gzhan rtogs par mi 'gyur bar thal/ don gcig kho na la
go bya go ? byed bu 'brel ba'i phyir/ 'dod na rig byed kyi tshig
gcig 'chad pa po mi mthun pas bshad na/

gang rung gcig la go ba cung zad kyang mi skyed par thal lo/
/don du ma dang rjod byed du mngon par 'brel lo zhe na/ rig byed
kyi ngag rang gi brjod bya'i don du 'gal ba phyin ci log gi don
yang gsal bar go bar byed pa yin par thal/ brda

las don du ma dang 'brel ba'i phyir/ 'dod na/ tshad mar sgrub
pa'i don du skyes bus ma byas pa sgrub byed du kun tu btags pa
nyid kyang don med du 'gyur bar thal/ 'dod pa de'i phyir/ 'grel
pa dngos po ba'i sgrub byed med pa ni/ rig byed sgra

@103b don rnams chos can/ khyod la 'brel pa dngos po pa yang med
par thal/ de yod na tshad ma'i yul du rnam par bzhag pa'i phyir
tu sgrub byed kyi gtan tshigs yang dag brjod dgos na/ de mi nus
pa'i phyir/ der thal/ rdzas tha dad de byung gi 'brel pa med
pa'i

phyir/ gnyis pa ni/ rig byed kyi tshig chos can/ rnam pa kun tu
brjod bya'i don ston pa'i nus med du 'gyur bar thal/ tshig gang
zhig /skyes bus legs par ma byas par khas len rigs pa'i phyir/
nyes pa de spang bar 'dod nas skyes bu'i brjod/

'dod kyis legs par byas so zhes khas len na/ rig byed kyi grub
mtha' 'di ni dngos su glang chen gyi khrus dang 'dra bar 'gyur
bar thal/ don log par ston pa dgag pa'i ched du rig byed kyi
tshig skyes bus ma byas par khas len/ don ston pa'i

nus med dgag pa'i phyir tu byas par khas len rigs pa'i phyir/
gnyis pa la/ 'brel pa rtag dngos dgag pa dang/ 'brel pa can dang
rdzas gcig dang tha dad dgag pa'o/ /dang po la/ rtags dgod/ de'i
lan dgag pa'o/ /dang po ni/ rig byed sgra

don chos can/ khyod kyi 'brel pa la rtag pa'i dngos po yod pa ma
yin te/ 'brel pa can khyed rnams mi rtag pa'i phyir/ des grub
pa'i don ni/ don dang sgra'i 'brel pa de skyes bu'i blo rtog pa
yis legs par brtags nas byas par thal/ brda

tsam gyis gzhag pa yin pa de'i phyir/ gnyis pa la/ don phyi ma
dang 'brel pa lhan cig skyes pa dgag /rten zhig na brten pa mi
'jig pa'i lan dgag pa'o/ /dang po ni/ rten zhig na brten pa 'jig
pas phyin chad don dang 'brel med du 'gyur

@104a @#/ /te/ 'brel pa dngos po ba ni zhig /'brel pa gzhan khas
mi len pa'i phyir/ gsar byung gi don dang lhan cig 'brel pa
skyes so zhen/ rig byed kyi sgra rnams chos can/ khyod la sngar
gsar byung gi don dang 'brel med kyi rang bzhin

dag gsar du rnam par ldog pa mi rigs par thal/ khyod rtag dngos
yin pa'i phyir/ kho bo cag la 'brel pa dngos por grub pa la
brjod pa'i nyes pa 'di dag med par thal/ rtog pas rnam par btags
pa tsam du khas len pa'i phyir/

gnyis pa ni/ gal te rten 'brel pa can 'jig na yang/ brten pa
'brel pa 'jig pa ma yin te/ rtag pa'i phyir/ gsal ba zhig kyang
de la brten pa'i rigs mi 'jig pa dang 'dra bas/ sngar gyi rtags
ma nges so zhe na/ rgyu mtshan gang gis

gsal ba de don gzhan gyi rigs kyi rten du 'dod pa yin te mi rigs
par thal/ rtag pa rnams la rten gyis phan 'dogs pa'i nus pa gang
yang med pa'i phyir/ de bzhin du don la yang sbyar ro/ /bskyed
pa'i nus pa med kyang/ mngon par

gsal bar byed pas don gzhan gyi rten yin no zhe na/ de la rgyu
'bras kyis khyab pa ni/ mun khung gi bum gzugs sogs kyang chos
can/ sgron me'i 'od kyis khyod la mi phan bzhin du gsal byed du
'gyur ba ma yin par thal/ khyod kyi rigs

'dra grub zin sgron me'i 'od kyis rang 'dzin shes pa skye rung
du byed pa la/ rigs pa shes pas sgron me'i 'od kyis gsal bar
'dod rigs pa'i phyir/ der thal/ khyod kyis rang 'dzin shes pa
bskyed par byed pa yi lhan cig byed pa yi

@104b rgyu dbang po dang yid byed rnams tshogs pa'i tshe na/ sgron
me'i 'od kyis khyod shes pa de bskyed par rung ba nyid du bskyed
pa'i phyir/ de don la med pa ni/ sgra don des don gzhan gyi
'brel pa de gsal bar 'dod pa mi rigs par thal/ gang gi phyir

na gsal byed sgra don rang gis de la phan pa'i don ci yang ma
byas pa'i phyir/ der thal/ 'brel pa la snga phyi'i khyad med
pa'i phyir te/ 'gyur ba med pa'i phyir/ rigs la sogs pa rnams la
yang sbyar ro/ /gnyis pa ni/ sgra don gyi 'brel pa dngos po nyid
du

gyur du chug mod/ sgra don gnyis dang rdzas gcig gam tha dad/
phyi ma ltar na/ blo ma 'khrul pa la sgra don dang 'grel pa
rnams sna tshogs pa gsum du snang bar 'gyur bar thal/ de ltar
snang rung gi rdzas tha dad pa gsum yin pa'i phyir/ 'dod na/

dmigs rung ma dmigs pas khegs so/ /dang po ltar na/ sgra don gyi
rdzas de nyid du thal/ de las rdzas tha dad min pa gang zhig /de
gsum khyab mnyam pa'i dngos po yin pa'i phyir/ 'dod na/ 'brel pa
don gzhan nyams so/ /gcig dang tha dad

gnyis ka min na/ 'brel pa dngos por ma grub par thal/ sgra don
rang mtshan gnyis dang rdzas gcig dang tha dad gang du yang med
pa'i phyir/ khyab ste/ rdzas gcig dang tha dad 'di las gzhan
pa'i dngos po yod pa ma yin pa'i phyir/ des na/ 'brel pa rtog

pas byas pa tsam yin par thal/ brjod bya rjod byed kyi dngos
po'i ngo bo rdzas tha dad pa'i phyir/ sgra don gyi 'brel pa chos
can/ gzhan sgra don gnyis la rig lus pa'i gzhan dbang gi 'brel
par mi 'gyur bar thal/ de la bltes ? med du yod

@105a @#/ /pa'i rdzas yin pa'i phyir/ 'am gyi sgras gzhan de
gnyis dang rdzas gcig tu 'dres pa'i 'brel par ji ltar 'gyur te
mi 'gyur bar thal/ de dang rdzas tha dad pa'i phyir/ rkang pa
'di gnyis rdzas gcig dang tha dad kyi brtag pa'i 'phros yin

la/ 'brel brtag nas 'byung ba'i rigs pa bsdus nas bstan pa'o/
/gsum pa ni/ brjod bya'i don dang 'brel pa dngos po ba de rig
byed kyi yi ge la yod dam/ de bsags pa'i ngag tshig sogs la yod/
dang po ltar na/ ming tshig dang ma 'bral

ba'i rig byed kyi yi ge chos can/ brjod bya'i don dang 'brel pa
dngos po ba med par thal/ khyod la brjod bya'i don ston pa'i nus
pa med pa can du 'gyur ba'i phyir/ zhing ni 'og ma sdud pa'o/
/'di ni don gyi ngo bo dang khyad par ston pa dang ma

'brel ba'i yi ge la don ston pa'i nus pa med par bstan pa yin
gyi/ yi ge yin na/ don ston pa'i nus pa med par ston pa ma yin
te/ ming gi thung ba'i mthar thug pa yi ger shing rta chen po
rnams kyis gsungs pa'i phyir dang/ yi ge ring

po dang thung ngu dang shin tu ring po sogs las don go ba'i nus
pa med par 'gyur ro/ /'di dag ni/ spyod pa pa rig byed kyi yi ge
rtag cing de las don go ba'i 'brel pa yang rtag rdzas su khas
blangs pa la gnod pa brjod pa yin no/ /gnyis

pa ltar na/ rig byed kyi ngag tshig sogs chos can/ khyod la don
dang dngos po yi 'brel pa ji lta bur na 'jug par 'gyur te mi
'gyur bar thal/ khyod rang gi brjod bya'i don rjod byed yin pa'i
cha de/ rtog pas kun btags pa'i dngos

@105b med yin pa'i phyir/ 'di ni rang 'grel du/ brjod par byed
pa ni tshig gi yan lag gis de dang ldan par gyur na zhes ngag
tshig sogs ? don rjod byed yin pa'i cha dngos med du ston pa yin
gyi/ ngag tshig sogs ? dngos med du ston pa ma yin te/ de ltar
'dod

pas ni/ sde bdun gyi bden gnyis kyi rnam dbye phyin ci ma log
par 'jog pa'i rigs pa'i gsang ma go ba'i rnam 'gyur yin te/ bum
pa zhes brjod pa'i sgras lto ldir ba'i rnam pa can gyi don brjod
par byed pa'i cha de dngos po yin na/ gzhan du

mi 'thad pas/ sgra de'i thun mong ma yin pa'i sdod lugs su 'gyur
la/ de lta na/ mi rtag pa bzhin du yid gtad pa tsam gyis nges mi
nus pa ma yin pas/ brda mi shes pas kyang sgra de thos nas yid
gtad na lto ldir ba'i rnam pa 'char

bar 'gyur ro/ /gzhan yang lto ldir ba de bum pa zhes brjod pa'i
sgra'i brjod bya yin pa'i cha de/ de'i thun mong ma yin pa'i
sdod lugs yin na/ de des brjod pa brda la mi ltos par 'gyur la/
de lta na/ brda mi shes pas lto ldir ba mthong ba

na yang/ bum pa zhes brjod pa de de'i dngos ming du go bar 'gyur
ro/ /des na bum pa don dam par grub pa dang/ de'i brjod bya yin
pa'i cha kun rdzob tsam du yod pa'i khyad par ma shes pas/ rig
byed kyi tshig la brda la ma ltos par

don go ba'i 'brel pa yod pa'i log rtog rnams 'byung bar 'gyur
ro/ /gzhan yang/ tshig kun slong gi 'du byed las skyes par gsungs
pa dang yang ji ltar mi 'gal ba bsam dgos so/ /gnyis pa rig byed
ma byas pa dgag pa

@106a @#/ /la/ ma byas pa'i sgrub byed ltar snang du bstan pa
dang/ yi ge dang tshig la brtags na ma byas pa nyid mi 'thad
pa'o/ /dang po la/ byed pa po mi dran pa rtags su mi rung/ 'don
pa po yin pa rtags su mi rung ba'o/ /dang

po ni/ rig byed skyes bus ma byas te/ byed pa po rnams mi dran
pa'i phyir/ ma byas kyang chad mar 'dod do zhe na/ spyod pa pa
chos can/ log rtog ngan pa'i mun pas khyab par thal/ dam bca'
dang sgrub byed ltar snang 'di la'ang

'di kho na bzhin no/ /zhes rjes su brjod pa yod cing zhen pa des
na'i phyir/ mi dran pa'i rtags ma grub ste/ bde bar gshegs pa pa
dag gis ni/ rig byed kyi sngags rnams brgyad pa dang/ mi'u thung
dang/ mi'u thung lha dang/ sna tshoD ?

bshes gnyen dag gis byas par dran la/ gzegs zan pas dbyig gi
snying pos byas par dran pa'i phyir/ gnyis pa la/ 'dod pa brjod
pa ni/ ji ltar da lta rig byed 'don pa'i skyes bu 'di slob dpon
gzhan las ma thos par ni/ rig byed kyi

yi ge dang tshig dang/ tshig gi bkang ? pa dag brjod pa'i nus pa
med la/ de ltar slob dpon gzhan de la'ang gzhan la ma ltos par
nus pa med pas/ de ltar rig byed 'don pa po chos can/ 'don pa po
gzhan sngon du song ste/ 'don pa po yin

pa'i phyir/ ces pa'i rtags las thog ma med par grub la/ de las
skyes bus ma byas pa dang/ de las tshad mar grub bo/ /zhes spyod
pa pa 'ga' zhig smra'o/ /de dgag pa la/ thog ma med pa'i sgrub
byed yang dag tu ma grub/ thog med du grub pas

@106b ma byas par ma 'grub/ de grub kyang tshad mar mi 'grub bo/
/dang po la/ rtags ma nges pa ni/ nag mo 'bangs la sogs pa'i
skyes bus spel zhing brtsams par mthun snang du grub pa yi
gzhung gzhon nu 'byung ba can la sogs pa gzhan de yang chos can/
rgyu

mtshan gang gis na/ rig byed bzhi po de ltar thog ma med pa dang
skyes bus ma byas par rjes su mi dpog ste dpog rigs par thal/
slob dpon snga ma'i man ngag yod pa las gzhan du blta gzhan dag
gis 'don pa gang mthong ste ma mthong ba'i phyir/ rtsom pa'i

rgyu skyes bu dngos su ma mthong ba can gyi rig byed kyi ngag
gzhan yang chos can/ rang rgyu skyes bu de las skye bar 'gyur
bar yang dag par shes te/ rtsom pa po dngos su mthong ba'i rig
byed kyi ngag dang gnyis rig byed kyi ngag tu mtshungs pa'i
phyir/

khyab pa yod par thal/ me dang bud shing bzhin du 'bras bu'i
rigs gang skyes bu gang las grub pa de dang rang bzhin khyad par
med na skyes bu las skyes pas khyab pa'i phyir/ rang bzhin khyad
med kyi rtags kyis rig byed skyes bus ma byas pa la gnod pa
brjod

pa'o/ /skyes bus byas pa las thun mong ma yin pa'i khyad par dag
ni ma bstan par rig byed ma byas par sgrub pa'i gtan tshigs kyi
rab tu spros pa sngar bkod pa gang de dag thams cad khyab pa
'khrul pa can du thal/ de la rig byed kyi yi ge dang

'jig rten pa'i yi ge gnyis skyes bu'i 'bras bur mtshungs par
mthong ba'i phyir/ dper na/ mgron pos btang ba'i me 'di chos
can/ mi gzhan sngon du song ste/ mgron pos btang ba'i me yin
pa'i phyir ces pa dang 'dra'o/ /thun mong ma yin pa'i khyad

@107a @#/ /par yod de/ smra dka'/ bklag dka'/ nus pa'i khyad par
mi reng sa ? dug zhi ba mthong ba'i phyir ce na/ de 'dra skyes
bus byas pa'i tshig la yang mthong ba'i phyir ro/ /rig byed pa
sogs yi ge rtag par 'dod pa'i rgyu ni/ yi ge'i skad dod

ak+Sha ra zhes pa 'gyur med la 'jug la/ de'i don/ gzhan dag yi
ge'i ngo bo mi 'gyur bar 'dod cing rang lugs gdangs kyi rnam pa
gzhan du mi 'gyur ba'i don yin no/ /gnyis pa ni/ rnam pa kun tu
rig byed thog ma med par grub par gyur du

chug mod na'ang/ de ltar skyes min kho na la brten pa can du
grub pa min par thal/ de lta na/ mis byas pa gzhan yang mi la mi
brten zhing/ skyes bus ma byas pa nyid du 'gyur ba de'i phyir/
'di ltar/ kla klo la sogs pas ma bag mar len pa'i tha

snyad dang/ rgyang phan pas las 'bras med par smra ba'i tshig
rnams kyang chos can skyes bus ma byas pa de bzhin du 'gyur bar
thal/ thog ma med pa'i phyir/ der thal/ sngon ma sngon mas 'dus
byas pa'i rgyu'i nus pa las grub pa yin pa'i phyir/ gsuM

pa ni/ rig byed skyes bus ma byas par grub pas tshad mar grub
pa'i yon tan ci zhig yod de/ cung zad kyang med par thal/ de
'dra'i tha snyad log pa rnams kyang thog ma med pas skyes bus ma
byas pa nyid du grub pa'i phyir/ rig byed kyi tshig

chos can/ brjod bya'i don mtha' gcig tu nges pa la the tshom dag
kyang bskyed pa yin par thal/ 'chad pa po mi mthun pa du ma'i
'du byed kyi khyad par rnams las don gyi khyad par mi mthun pa
du ma la sbyor ba mthong ba'i phyir/ 'dod na/ yang

@107b dag shes pa kho na'i rgyu yin pa nyams so/ gnyis pa la/ yi
ge ma byas pa dgag pa dang/ ngag ma byas pa dgag pa'o/ /dang po
ni/ gzhan yang rig byed skyes bus ma byas na/ yi ge 'am ngag ma
byas/ dang po ltar na/ rig byed kyi yi ge rnams chos can/

khyod skyes bus ma byas par sgrub par byed na/ tshad mar 'grub
pa'i 'bras bu cir 'gyur te mi 'gyur par thal/ 'jig rten pa'i yi
ge gzhan dang tshad ma yin min dang/ skyes bus byas ma byas khyad
med pa'i phyir/ gnyis pa la/ yi ge las rdzas

tha dad pa'i ma byas pa'i ngag dgag pa dang/ yi ge'i go rims
khyad par can ma byas pa'i ngag yin pa dgag pa'o/ /dang po la/
rtags dgod/ phyogs chos sgrub pa'o/ /dang po ni/ dag skyes bus
ma byas na/ rig byed kyi ngag ni chos can/ rig byed

kyi yi ge las rdzas tha dad du yod pa ma yin te/ yod na de ltar
dmigs su rung ba las ma dmigs pa'i phyir/ gnyis pa la/ de las
rdzas tha dad pa'i ngag cha bcas dgag pa dang/ cha med dgag
pa'o/ /dang po la/ cha re res don mi ston

pa dgag /ston pa dgag pa'o/ /dang po ni/ rig byed kyi ngag cha
shas kyi yan lag du ma'i bdag nyid yin na/ cha de rnams tha dad
re re nas don ston pa'i nus pa med pa nyid dam yod/ med na/ rig
byed kyi dag de chos can/ khyod brjod bya la go ba

bskyed pa'i dngos po can min bzhin du de'i dngos po can du 'dod
pas btags par thal/ khyod don rjed byed kyi ngag cha can gang
zhig /khyod kyi cha re re nas don la go ba bskyed pa'i nus pa
med pa'i phyir/ dper na/ bram ze khye'u la sengge nyid

@108a @#/ /du btags pa sogs bzhin/ 'dod na/ skyes bus ma byas
pa'i ngag nyams so/ /gnyis pa ni/ cha re re nas brjod bya'i don
ston pa'i nus pa dang bcas pa nyid yin na'ang/ de chos can/
khyod kyi cha snga phyi rnams phan tshun bltos pa mi

srid par thal/ rtag dngos yin pa'i phyir/ 'dod na/ brjod bya go
ba'i chad bu cha snga phyi du ma can nyid du btags pa log cing
don med pa yin par thal/ khyod kyi cha re res don rdzogs par
ston pa'i phyir/ khyod kyi cha shas kyi yan lag gcig rtoD ?

pas kyang/ ngag gi don dag rdzogs par rtogs par 'gyur bar thal/
rtags snga ma'o/ /cha snga phyi thams cad cing char thos pa yin
pas skyon med do zhe na yang/ rig byed 'chad pa zhag ril po
dang/ zla ba dang lo la sogs pa'i dus kyi khyad par

la bltos pa mi rung bar thal/ rig byed kyi ngag gi cha thams cad
cig car thos pas khyab pa'i phyir/ gnyis pa la/ rig byed kyi
ngag cha med mi srid/ srid kyang mi 'thad/ dang po ni/ rig byed
kyi ngag chos can/ snga phyi rim gyis rtogs pa mi srid

par thal/ rtag pa cha med gcig yin pa'i phyir/ khyab par thal/
cha tha dad med pa'i rtag pa yin na/ snga phyi rim gyis rtogs pa
mi srid pas khyab pa'i phyir/ gnyis pa la/ mi rtag pa dgag pa
dang/ rtag pa dgag pa'o/ /dang po ni/ ngag cha

med de rtag gam mi rtag /mi rtag go zhe na/ rgyu dang rkyen la
bltos par 'gyur zhing/ rgyu gzhan ma mthong bas rig byed kyi
ngag chos can/ brjod 'dod kyi rtsol ba las byung bar thal/ de
phan 'dogs byed du yod med kyi rjes su 'gro ldog byed

@108b par mthong gi rgyu gzhan ma mthong ba'i phyir/ 'dod na/
cis na skyes bus byas pa min te yin par thal/ 'dod pa de'i
phyir/ gnyis pa la/ mi thos pa'i skabs mi srid par thal ba dang/
thal ba gzhan gyis dgag pa'o/ /dang po ni/ ngag ? rtag pa nyid
yin

na'ang/ rtag par dmigs par 'gyur bar thal/ de thos pa gang zhig
/de'i nus pa nyams pa mi srid pa'i phyir/ sgra de thos pa'i 'gal
rkyen byed pa'i sgrib g.yogs cung zad kyang med par thal/ de'i
nus pa nyams par byed nus pa mi srid pa'i phyir/

gal te/ skabs 'gar ma thos pa de/ 'gal rkyen gyis nus pa nyams
par byas pa min gyi/ lhan cig byed rkyen rig byed 'chad pa po'i
kun slong gi rtsol ba skabs 'ga' zhig tu ma tshang bas/ rtag tu
thos pa min no zhe na/ rig byed kyi sgra thos pa ci

nas kyang rkyen ? gzhan la bltos pa yin pa sla ste/ rig byed kyi
ngag chos can/ rtag pa'i rang bzhin du nges pa dag ni 'gal ba
yin par thal/ rkyen gzhan la bltos pa'i phyir/ sla ste zhes pa
ni/ de ltar yin du chug mod kho bo cag kyang lhan cig

byed rkyen med do/ /zhes mi smra ? la/ khyod la nyes par 'gyur
zhes pa'o/ /gnyis pa la/ ma khyab pa dgag /khyab ches pa dgag
pa'o/ dang po ni/ ngag de dag yul thams cad du khyab par byed pa
yin nam min/ gal te min no zhe na/ rig byed 'chad pa

po'i kha'i drung ma gtogs/ yul thams cad du nyan shes kyis dmigs
par mi 'gyur par thal/ yul de kho nar gnas pa'i rtag pa gang
zhig /rna ba'i dbang pos sgra phrad nas 'dzin dgos pa'i phyir/
khas blangs so/ /gnyis pa la/ thal ba dgod

@109a @#/ /pa/ de'i lan dgag pa'o/ /dang po ni/ gal te/ ngag de
yul dus thams cad du rtag khyab tu yod do zhe na/ rig byed kyi
sgra thams cad nyan pa'i dbang po ma nyams pa'i skyes bu thams
cad kyis cig car thos shing/ dmigs pa dag

tu 'gyur bar thal/ nyan shes kyi gzung don gang zhig /rtag khyab
tu yod pa'i phyir/ gnyis pa la/ sgra 'dus byas pa dgag pa/ dbang
po 'dus byas pa'i lan dgag pa'o/ /dang po ni/ 'chad pa po'i
khyad par gyis thos rung du 'dus byas pa dmiD ?

pa yin gyi/ thams cad thos pa ma yin no zhe na'ang/ rig byed kyi
ngag chos can/ rkyen gang gis kyang 'du byed par 'gyur ba mi
'thad par thal/ 'gyur med yin pa'i phyir/ gnyis pa la/ thal ba
dgod pa ni/ gal te/ dbang po rkyen gyis leD ?

par byas pa des thos par 'gyur ba yin gyi/ gzhan gyis thos pa ma
yin no zhe na/ rna ba'i dbang po gcig pu des kyang chos can/ rig
byed kyi ngag ma lus pa cig car du thos par 'gyur bar thal/ rig
byed kyi ngag thos rung gang zhig /de rtag

khyab tu yod pa'i phyir/ de'i lan dgag pa ni/ gal te/ dbang po
rkyen gyis legs par byas kyang sgra'i don gcig kho na 'dzin byed
du nges pa yin gyi/ thams cad cig car du thos pa ma yin te/ yul
so sor nges pa'i rig byed nges pa 'chad

pa'i drung du bsdad pa'i khyad par las/ rna ba'i dbang pos sgra
thos pa'i nus pa tha dad pa'i phyir/ ce na/ rig byed kyi sgra yi
tshogs pa du ma yi ca co cig car du ji ltar yang thos par 'gyur
ba mi 'thad par thal/ rna ba'i dbang po sgra re re kho na 'dzin

@109b byed du nges pa'i phyir/ de la gal te/ brjod bya mi ston
pa'i sgra tsam yin gar ba du ma dus gcig tu thos par 'gyur ba
yin gyi/ rjod byed du ma thos pa ma yin no zhe na/ yul gcig tu
rig byed 'chad pa po du mas rig byed cig car bshad pa'i

tshe/ sgra tsam las rdzas tha dad pa'i rjod byed yod do zhes 'di
la shin tu ches dad par bya ba tsam yin gyi rigs pa med par
thal/ de ltar yod na dmigs su rung ba las ma dmigs pa'i phyir/
ma grub bo zhe na/ sgra gzhan dag mi 'don par

gnas nas rig byed gcig cig 'don pa na yang/ sgra tsam las rdzas
tha dad pa'i rjod byed thos dgos na/ de mi 'thad par thal/ de
'dra thabs ji ltar yang thos pa yin pa mi 'thad pa'i phyir/ yang
na/ ji ltar yang sgra tsam rdzas tha dad du

ma rtogs par 'gyur ba yang mi 'thad par thal/ rna ba'i dbang po
sgra re re kho na thos pa'i nus pa nges pa'i phyir/ sgra tsam
las rdzas tha dad pa'i rjod byed yod de/ sgra tsam gyi cha re
res don ston mi nus/ cha snga phyi lhan cig tu tshogs pa yang mi
srid pas/ snga

phyi'i go rim med pa'i rjod byed de/ go rim can gyi sgra tsam
gyis gsal bar bya ba yin no zhe na/ rjod byed kyis kyang don
ston mi nus par thal/ nyes pa gang dang gang gis kyang sgra tsam
rjod byed du mi 'dod pa'i nyes pa de ji ltar rjod byed la med de
yod

pa'i phyir/ rjod byed la snga phyi'i cha med do zhe na yod par
thal/ snga phyi'i cha dang bcas pa'i sgra tsam dag gis gsal bar
bya ba yin pa'i phyir/ gnyis pa la/ dgag pa dngos dang/ yi ge
las rdzas tha dad pa'i rim pa med pa bshad zin dran pa la sbyar
ba dang/

@110a @#/ /skyes bus byas par grub pa'i don bsdu ba'o/ /dang po
la/ yi ge snga phyi'i bkod pa ma byas pa'i ngag yin pa dgag
/gsal ba'i rim pa ma byas pa'i ngag yin pa dgag pa'o/ /dang po
ni/ gal te/ yi ge snga phyi bkod pa'i rim pa khyad par

can skyes bus ma byas pa'i dag yin no zhe na/ yi ge'i go rims
chos can/ skyes bus ma byas pa ma yin par thal/ skyes bus byas
pa'i yi ge rnams dang rdzas tha dad med pa'i gcig yin pa'i
phyir/ yi ge de dag la mtha' gcig tu rnam

par bzhag pa'i go rim med par thal/ 'dod pas go rim gzhan dang
gzhan du bsgyur du rung ba'i phyir/ khyab ste/ 'dod pas bzhag
pa'i go rim las gzhan ni 'gal zhing med pa'i phyir ro/ /yang na/
rtag pa yin na/ go rim gzhan du

bsgyur nus pa 'gal ba'i phyir ro/ /zhes so/ /nyes pa gzhan yang
rig byed kyi sgra chos can/ mdun nas rgyab tu 'gro ba lta bu'i
yul gyi go rim dang/ snga dro med pa phyi dro 'byung ba lta bu'i
dus kyi go rim med par thal/ cha shas med bzhin du

yul thams cad la khyab pa dang/ dus rtag par yod par brjod rigs
pa'i phyir/ mi rtag pa dang khyab byed ma yin pa yang lugs de la
mi rung bar thal/ de'i skyon yang sngar brjod zin pa yin pa'i
phyir/ gnyis pa la/ rtag pa la gsal ba mi

srid/ srid na mi rtag par thal ba/ gsal ba'i don brtags la dgag
pa'o/ /dang po ni/ 'chad pa po'i lce rkan la sogs pa'i rkyen
gyis gsar du mi skyed kyang grub zin rkyen gyis gsal ba'i rim pa
skyes bus ma byas pa'i dag yin

@110b no zhe na/ rtsol ba las gsal ba'i yi ge'i rim pa'ang ma
byas pa'i ngag min te/ rtag pa la rkyen gyis gsal bar byed pa
sngar bsal zin pa'i phyir/ gnyis pa ni/ rig byed kyi yi ge'i go
rim chos can/ gsar du grub pa'i 'bras bu nyid yin par thal/

lce rkan la sogs pa'i byed pa rnams kyis bskyod pa'i bya ba nyid
las gsar du grub pa'i phyir/ 'dod do zhe na/ byed pa po nyer len
las 'byung ba dang 'di bskyed tshul khyad par ci yang med par
thal/ gsal byed tsam las gzhan du lce rkan las

sngar med gsar du grub pa'i phyir/ khyab pa yod par thal/ rang
nyid shes pa'i sgo nas rigs 'dra grub zin pa'i gsal bya'i don
gzhan de 'dzin gyi blo'i rgyur byed pa gsal byed du 'dod rigs
pa'i phyir/ dper na/ mun khung gi bum gzugs dang

sgron me bzhin no/ /rig byed kyi ngag chos can/ byed pa lce rkan
la sogs pa rnams kyi tshogs pa yi bya ba'i sngar med gsar pa'i
'bras bu nyid yin par thal/ de las gsar du nges par yang 'byung
bar dmigs pa'i phyir/ khyad par thal/ gsal

byed tsam gyi rgyu la rigs 'dra sngar med gsar du byed pa de mi
srid pa'i phyir/ gsum pa la/ sgra thos pa'i sgrib byed dang bral
ba gsal ba'i don du mi 'thad/ nyan shes skyes pa gsal ba'i don
du mi 'thad pa'o/ /dang po la dngos dang/ sgra rtag

pa'i sgrub byed dgag pa'o/ /dang po ni/ gal te khyed kyi ltar
na/ lce rkan gyis sgra de'i ngo bo thos pa'i sgrib byed dang
bral bar byas pa tsam gsal bar byas pa'i don yin no zhe na/ sgra
thos pa'i sgrib byed dang bral tsam chos can/ khyod la byed pa
lca

@111a @#/ /rkan la sogs pa'i rgyu tshogs kyi nus pa 'jug rung du
'gyur ba mi 'thad par thal/ ci'i phyir na/ khyod dngos por med
pa'i phyir/ sngar med gsar du bskyed pa'i rgyu gzhan dag kyang
gsal byed tsam yin pa thob par 'gyur

bar thal/ lce rkan gyis sgra bskyed tshul dang khyad par med pa
gang zhig/ de gsal byed tsam yin pa'i phyir/ de bzhin du khas
len no zhe na/ rgyu rnams kun don med par thal/ ngo bo sngar med
gsar du bskyed pa mi srid/ de med na gsal phyed kyi rgyu

yang mi 'thad pa'i phyir/ gnyis pa ni/ 'di'o zhes ngo shes pa
dang/ yod zin don la sbyor ba sogs kyi gtan tshigs gang yin pa
dang/ ste'u sogs pa'i dpe las sgra rtag par sgrub par byed par
'dod do zhe na/ dngos po rtag par sgrub pa'i mthun

dpe yang dag med pa can yin par thal/ dngos po rnams skad cig
gis 'jig pas khyab pa'i phyir/ dngos po rtag par sgrub pa'i
rtags ngan gzhan yang sun dbyung bar bya ba yin par thal/ rtags
ngan de dag 'chad 'gyur gyi rigs pa dang

'gal ba'i phyir/ gnyis pa ni/ rig byed kyi sgra gsal ba'i don
ni/ grub zin gnas skabs kyi khyad par la phan 'dogs pa ma yin
gyi/ sgra nyan shes la gsar du gsal bar snang ba gsal ba'i don
yin no zhe na/ de lta na nyan shes rtag par 'gyur

bas skyes bu la mi brten par 'gyur la/ rigs mi mtshungs pas blo
gzhan yang skyes bu la mi brten par 'gyur na/ de nyid tshad ma du
ma dang 'gal te/ spyod pa po chos can/ blo chaD sogs skyes bu'i
rten can ma yin par khas len pa mi 'thad par thal/ de lta na/
sngar blo skyes

@111b bu'i yon tan du khas blangs pas gnod pa'i phyir/ bde sdug
skyes bu'i rten can min par khas len pa mi 'thad par thal/ de la
rang rig pa'i mngon sum tshad mas gnod pa'i phyir/ blo nyan shes
skyes bu'i rten can min par khas len pa mi 'thad par

thal/ de la dbang yid las skyes par sgrub pa'i rjes su dpag pas
gnod/ mngon rjes kyis grub pa'i don la/ grags pas kyang cig car
du gnod pa'i phyir/ 'di ni/ nyan shes kyis sgra res 'ga' thos
na/ sgra mi rtag par 'gyur la/ sgra rtag na nyan

shes la gsal ba 'pho 'phyug byed pa mi srid pas nyan shes rtag
par 'gyur la/ de lta na/ skyes bu la mi brten par 'gyur bas de
dang rigs mtshungs pa la yang gnod pa bstan to/ /yang na/ nyan
shes nyid dbang yid kyi 'bras bu yin pa'i don mngon

sum gyis grub cing/ tha snyad rjes dpag gis grub pas des kyang
gnod ces sbyar ro/ /gnyis pa ni/ rig byed kyi yi ge rnams las
rdzas tha dad pa'i rim pa'ang skyes bus ma byas pa'i ngag tu mi
'thad par thal/ de yang sngar riD

pas gsal bar dpyad nas bkag zin pa'i phyir/ gsum pa ni/ yi ge'i
go rim de ni chos can/ ji ltar skyes bu'i rten can min pa mi
'thad par thal/ rtog pas chos du ma la sgro btags pa tsam yin
pa'i phyir/ gsum pa rig sgra

rtag pa dgag pa la/ rig byed kyi sgra mi rtag par bsgrub pa
dang/ des rigs can gzhan yang khegs pa/ rig byed tshad mar sgrub
pa'i rtags gzhan dgag pa'o/ /dang po la/ rtsa ba dang khyab
sgrub kyi rtags dgod/ de la gnod pa spang pa'o/ /dang po

@112a @#/ /ni/ rig byed kyi sgra chos can/ mi rtag pa nyid yin
te/ dngos por yod pa'i phyir/ dngos por yod pa chos can/ khyod
yod tsam nas 'jig pa rang chas su rjes su 'brel pa can nyid yin
te/ khyod 'jig pa phyis byung gi rgyu la bltos pa med

par rang yod tsam du bskyed pa'i rgyu'i rigs de las khyod kyi
'jig pa'i lag rjes bzhag pa'i phyir/ gnyis pa la/ bltos med kyi
rtaD ma grub pa spang/ grub na ha cang thal ba spang/ rtsa ba'i
rtaD ma nges pa spang ba'o/ /dang po la/ 'jig pa don gzhan dgag
pa/ rdzas gcig tu

bsgrub pa'o/ /dang po la/ thal ba dgod pa/ de'i lan dgag pa'o/
/dang po ni/ me las shing gi 'jig pa shing las don gzhan du gyur
pa dag /phyis skye bas phyis byung gi rgyu la mi ltos pa ma grub
ce na/ mes bsregs rjes su yang shing mthong ba nyid du

'gyur bar thal/ de'i sngar mthong ba gang zhig /shing 'jig pa'i
rdzas su med pa'i phyir/ gnyis pa ni/ phyis byung gi 'jig pa don
gzhan de nyid shing 'di yi 'jig pa yin pas phyis mi snang ngo
zhe na/ me las phyis byung gi 'jig pa gzhan ni chos

can/ ji ltar gzhan shing gi 'jig par 'gyur ba mi 'thad par thal/
de las phyis byung ba'i phyir/ de shing gi 'jig pa yin yang sla
ste/ mes bsregs rjes su ci'i phyir shing mi snang ste snang rigs
par thal/ sngar snang ba gang zhig /phyis mi snang ba'i

rgyu med pa'i phyir/ 'jig pa don gzhan nges bzung zhing zil gyis
mnan pa'i phyir snang ba min no zhe na/ shing gi thogs bcas kyi
rdzas kyi ngau la khyad par ma skyed par 'jig pa don gzhan des
zil gyis mnan pa min par thal/ gang gi phyir na/ de lta na/ des

@112b de nyams par ma byas par bsgribs pa tsam du 'gyur ba gang
zhig /don gzhan de yis de mi sgrib pa'i phyir/ gos kyis bum pa
bsgribs pa ltar ro/ /shing gi 'jig pa don gzhan de chos can/
'jig pa can du thal/ rang rgyu las skye ba'i phyir/ 'dod na/
khyod rang

gi skad cig gnyis pa der khyod zhig par thal/ 'dod pa de'i
phyir/ de 'dod pa de lta na yang/ dus der shing mthong bar 'gyur
bar thal/ dus der shing mi mthong ba'i rgyu 'jig pa don gzhan de
zhig pa'i phyir/ bum pa'i sgrib byed dgos bsal ba ltar

ro/ /'di dag gi don ma rtogs par zhig 'jig gcig tu 'dod pa'i
lugs su byas nas/ gnod pa brjod pa ni bdag nyid chen po'i dgongs
pa las phyi rol tu gyur pa'i phyir ro/ /des na/ dngos po de'i
rdzas nyams pa'i zhig pa nyid de'i 'jig par

'dod pa gzhan gyi lugs yin gyi rang lugs min no/ /khyab pa med
de/ gal te nag pa'i gsod byed bsad pa na/ bsad zin gyi nag pa
slar 'byung ba min pa ji lta ba bzhin du 'di la'ang shing gi
'jig pa zhig kyang slar shing mi 'byung ba snga ma de bzhin du

yin no zhe na/ dpe don mi mtshungs te/ nag pa'i gsod byed bsad
kyang nag pa slar mi 'byung ba ltar shing gi 'jig pa zhig kyang/
shing slar mi 'byung ba dpe don mtshungs pa ma yin par thal/ nag
pa'i gsod byed nag pa'i bsad pa ste srog 'gags pa'i

cha nyid ma yin/ shing gi 'jig pa de shing zhig pa'i cha yin
pa'i phyir/ phyi ma khas blangs so/ /yang na/ thal chos snga ma
la/ rtags ni nag pa bsad rjes su mi de bsad kyang nag pa'i gsod
byed bsad pa nyid ma yin pa'i phyir te/ phyis kyi mi de nag pa'i

@113a @#/ /bsad pa las phyis byung ba'i phyir/ nag pa'i gsod byed
nag pa'i bsad pa skyed byed yin dgos so/ /'o na/ 'jig rten na
skyes bu de'i gsod byed ngas phyis bsad do/ /zhes pa'i tha snyad
don dang mi mthun par 'gyur ro zhe na/ skyon med de/ rtsod pa

pos shing las phyis byung ba'i 'jig pa don gzhan de nges bzung
ngu byas nas/ des shing med par byas pa'i dper bkod pa la gnod
pa brjod pa yin la/ de lta na/ nag pa grub dus las phyis byung
gi mi de nag pa'i gsod byed du nges gzung du byas nas

khas len dgos la/ de lta na/ nag pa'i bsad pa ste srog 'gag pa'i
cha skyed byed du khas len dgos na/ de ni mi riD te/ de nag pa
srog 'gaD pa dang dus mnyam mam/ de phyin chad kho nar byung gi
sngar ma byung pa'i phyir/ spyir skyes bu gcig/ nag pa'i gsod

byed yang yin/ de nag pa las phyis bsad pa yin pa la 'gal ba
cung zad kyang med do/ /'o na/ nag pa shi ba'i rjes su 'dis nag
pa bsad do zhes pa mi rigs par 'gyur ro zhe na/ skyon med de/
'di'o zhes pa'i yul na/ snga phyi'i cha can nyid yod

pa'i phyir ro/ /nag pa shi ba'i sngar med pa'i phyis kyi mi 'di
kho nas bsad ces zer na/ tha snyad skyon can kho na'o/ /gnyis pa
ni/ des na shing nyid 'jig pa'i rdzas nyid du 'gyur dgos te/
shing gi 'jig pa shing las rdzas gzhan nyid ma yin par de

dang grub sde rdzas gcig pa'i phyir/ shing las phyis byung gi me
la sogs pa shing gi 'jig pa'i rgyu min pa nyid du thal/ de sngon
du song ba med par yang shing gi 'jig pa 'byung ba'i phyir/
shing dang shing gi 'jig pa chos can/ rdzas gcig

@113b dang tha dad de las gzhan pa'i rnam par yang med par thal/
rdzas su grub pa'i phyir/ gnyis pa la/ thal ba dgod pa dang/ de
la rtsod pa spang ba'o/ /dang po ni/ bum pa'i 'jig pa rgyu med
du 'byung ba can yin na rtag tu yod par thal/ 'dod na/ bum pa'i

dngos po dang de'i 'jig pa bum pa'i dngos por med pa dag dus
mnyam du lhan cig tu yod par 'gyur la/ de lta na/ bum pa gnas
pa'i skabs mi srid par 'gyur ro zhe na/ 'dis ni tho ba sogs
rkyen bum pa zhig pa la bum pa'i 'jig par bses

la/ de mi 'thad de/ bum pa'i zhig pa chos can/ rtag pa'i rdzas
nyid gang las yin te ma yin par thal/ dngos por med pa'i phyir/
gnas ma bu ba'i sde pa sogs kyis bum pa zhig pa nyid du bum pa'i
'jig pa dang/ de nyid rgyus bskyed pa'i rdzas

yod du 'dod pa la gnod pa bstan pa yin gyi/ rtag pa yin na dngos
po yin pas khyab pa/ gzhung 'dis bstan par 'dod pa ni mi rigs
te/ de lta na/ bum pa zhig pa chos can/ dngos po yin par thal/
rtag pa yin pa'i phyir/ 'dod na/ zhig 'jig

gcig tu 'dod pa'i lugs legs par gnas par 'gyur ro/ /rtags ma
grub na yang/ 'jig pa yin par thal/ gzhi grub rtag pa ma yin
pa'i phyir/ 'dod na yang nyes pa de nyid du 'gyur ro/ /rtag snga
ma ma grub na/ bum pa rgyus bskyed nas zhig pa mi

srid na/ rtag dngos su khas len dgos pas grangs can gyi lugs
legs par gnas par 'gyur ro/ /des na gang zag gi 'jig pa rnam par
bcad pa'i med par dgag pa tshad mas grub pa'i rtag pa yin pa
khong du ma chud pa des ni/ gang zag gi

@114a @#/ /bdag rnam par bcad tsam gyi med par dgag pa yang/ bdag
med rtogs pa'i shes rab kyi dmigs pa yin par yang khong du mi
tshud pas thar pa'i lam la blo kha ma phyogs par 'gyur ro/ /'di
lta bu'i tshul la ji srid bag

chags ma thug po yod pa de srid du/ sangs rgyas kyis rjes su
gzung yang/ stong nyid bstan pa'i snod du mi rung bas blo gros
dang ldan pa dag gis legs par bsam par bya'o/ /gnyis pa ni/
dngos po 'jig pa med par thal/ dngos po'i

ngo bor gyur pa'i 'jig pa med/ bum pa las phyis byung ba'i bum
pa'i 'jig pa yang khyed kyis khas blangs pa med pa'i phyir ro
zhe na/ bum pa las phyis byung ba'i bum pa'i 'jig pa yod pa'i
rgyu mtshan gyis/ bum pa las phyis byung gi bum

pa'i 'jig pa med par khas blangs pa la/ bum pa'i dngos po yi nas
'jig pa med par thal ba nyid kyi thal bar 'gyur ba gnod byed du
mi rung bar thal/ gang gi phyir na bum pa'i dngos po phyis byung
gi 'jig pa dang ldan pa yis 'jig pa

dag tu mi 'dod cing dngos po kun rang gi rgyu las 'jig pa'i
ngang can du 'byung bar 'dod rigs pa'i phyir/ de la rtsod pa
spang ba ni/ 'jig pa'i rdzas yin na dngos po'i 'jig pa zhes drug
sgra mi 'thad par 'gyur la/ rang gi rgyu las 'jig

par skyes na/ rgyu med phyir na 'jig pa ni/ zhes khyed rang gis
'jig pa rgyu med du bshad pa dang 'gal lo zhe na/ dngos po dus
gnyis par mi sdod pa'i gnas skabs de rgyu med can du bshad pa la
dgos pa yod de/ dngos po'i 'jig pa dngos

@114b po las phyis byung gi rgyu gzhan la bltos pa med pa de
shes pa'i don du bshad pa'i phyir/ dngos po dang 'jig pa rdzas
tha dad pas drug sgra 'jug pa ma yin te/ rtog pa'i sems kyis
dngos po de de'i 'jig pa dngos po las tha dad du sgro btags nas

drug sgra sbyar ba'i phyir/ rang rgyu las 'jig par skyes pa la
brtag pa mtshungs pa spang ba ni/ bum pa zhig nas med pa bum pa
rang nyid kyi rgyu las grub zin du yod par thal/ bum pa'i 'jig
pa bum pa rang gi rgyu las grub zin pa'i phyir/ 'dod na/

bum pa'i zhig pa bum pa dang rdzas gcig dang tha dad du brtags
na/ zhig rjes su mthong bar thal ba la sogs pa'i skyon gyi rnam
rtog 'di ni khyed rang la yang mtshungs so zhe na/ bum pa'i zhig
pa chos can/ bum pa dang rdzas gcig dang

tha dad du brtags pa de yi sgo nas nyes pa cung zad du yang
'gyur ba med de/ khyod bum pa med par gyur pa tsam zhig gi dngos
med yin pa'i phyir/ bum pa'i bzhig pa rdzas yod du 'dod pa la
rdzas gcig dang tha dad brtags na/ sngar bshad pa'i

skyon gyi rnam rtog 'di 'byung bar 'gyur te/ 'jig pa phyis byung
gi rgyus sgrub par 'dod pa'i lugs la nges par dngos po dang
rdzas gcig tu 'brel dgos pa'i phyir/ 'o na khyed rang la yang
bum pa phyis zhig nas med par 'gyur ro/ /zhes zhig

pa rgyu las 'byung 'gyur du bshad pa dang 'gal lo zhe na/ dngos
po skad cig mar smra bas phyis bum pa zhig nas med pa yin par
'gyur ro/ /zhes gsungs pa ni chos can/ bum pa'i zhig pa rdzas
grub rgyu las 'byung bar brjod pa ma yin

@115a @#/ /te/ bum pa zhig nas bum pa'i dngos po grub pa min zhes
bya ba'i med dgag tsam zhig brjod pa yin pa'i phyir/ bum pa las
phyis byung gi tho ba sogs kyi dngos po gang chos can/bum pa'i
'jig pa 'ga' zhig gi don gzhan

gyi bltos par 'gyur ba mi 'thad par thal/ bum pa'i 'jig pa la
phan pa'i bya ba cung zad kyang mi byed pa'i phyir/ khyab ste/
gal te phan pa'i bya ba cung zad cig yod na/ don gzhan de la
bltos par 'gyur ba 'thad pa'i phyir/ rang rgyu las 'jig

par skye bar bstan pa des ni chos can/ dngos po'i 'jig pa rgyu
yi med can yin pa'i rgyu mtshan gyis/ dngos po ma skyes pa las
sngar 'jig par 'gyur bar thal ba dang/ sngar yod pa nyid dang
'jig pa yin pa'i skyon ha cang thal ba bsal pa

yin to/ dngos po'i 'jig pa rang rgyu las skye bar bstan pa'i
phyir/ 'jig pa rgyu med yin na/ rtag tu yod pas skyes pa'i sngar
yang yod par thal ba dang /de 'dod na/ 'jig pa la skye ba sngon
du 'gro dgos pas/ de gnyis gang skyes pa'i sngar yod

par thal lo zhes rtsod do/ /gsum pa ni/ ji ltar skye ldan gyi
bum sogs 'ga' zhig nyid/ thogs bcas nyid du 'dod kyang blo la
sogs pa thogs med yin pa de bzhin du skye ldan gyi yod pa bum
sogs rnams 'jig pa'i rang bzhin yin

yang/ skye ldan min dngos po nam mkha' la sogs pa 'jig pa min
pas dngos po yin na 'jig pas khyab pa ma nges so zhe na/ dpe don
mi mtshungs te/ 'bras bu blo dang bum pa'i rang bzhin thogs bcas
thogs med so ser nges pa yin

@115b te/ de ltar bskyed pa'i rgyu yi rang bzhin gyi nus pa so
sor nges pa'i phyir/ dngos po la rtag pa dang mi rtag pa'i ngo
bo tha dad du med de/ de ltar tha dad du bskyed pa'i rgyu rnams
med cing/ dngos po 'jig par skyes pas khyab pa nyid kyi phyir/
gnyis pa

ni/ dngos po la 'jig pas khyab pa sgrub pa'i rigs pa chos can/
sgra dang don de rnams kyi 'brel ba rtag pa'i dngos po nyid yin
pa yang bsam pa yin te/ dngos po yin na 'jig pa'i khyab pa grub
pa de'i phyir/ spyod pa rig byed kyi sgra brda ma sbyar

yang don ston pa'i nus pa yod par 'dod pa dag la yang/ rig byed
kyi sgra yi ngo bo nyid kyis don ston pa'i nus pa'ang chos can/
khyod 'brel pa rdzas grub yin pa 'gog pa'i rigs pa zur du ma
smos pa'i rgyu mtshan yod de/ sngar bshad pa'i

'brel pa dngos po ba 'gog pa'i skyon gyis bsal ba go nus bas ma
bshad pa yin pa'i phyir/ gsum pa la/ rig byed tshad mar sgrub
pa'i sngar gyi rtags la ma nges pa gzhan bstan pa/ rtags gzhan
dgag pa/ sngags ma byas pa bye brag tu dgag

pa'o/ /dang po ni/ skyes bus ma byas pa'i phyir/ ces bya ba'i
gtan tshigs de nyid rig byed kyi sgra ji ltar bstan pa bzhin gyi
don shes pa'i yang dag shes pa kho na'i rgyur sgrub byed yang
dag min par thal/ skyes bu'i nyes pas byas pa'i skyon med

pa'i me dang zla ba'i 'di zer la sogs pa rnam pa gzhan du 'khrul
shes kyi rgyur mthong bas ma nges pa'i phyir/ yang rig byed kyi
ngag de ni chos can/ yang dag shes pa nyid kyi rgyur mi 'gyur
bar thal/ ma byas par 'dod rigs pa'i 

@116a @#/ /rtag pa dag las rjes su
'gro ldog gi dngos po'i nus
pa'i dbang gis 'bras bu 'ga' yang skye ba yod pa ma yin pa'i
phyir/ 'o na nam mkha' sogs la dmigs pa'i blo skye mi srid par
thal/ rtag pas rang 'dzin shes pa tsam

yang bskyed mi srid pa'i phyir ce na/ 'dus ma byas kyi nam mkha'
la rtog pa'i blo dag chos can/ 'khrul snang 'ba' zhig de la
dmigs nas rang rgyu las skye bar 'gyur gyi/ gzung don gyi spyod
yul can ma yin par thal/ rnam par rtog pa'i

bag chags las byung ba'i rtog pa des sgro btags pa'i spyod yul
can yin pa'i phyir/ gnyis pa ni/ gal te/ skyes bus ma byas pa'i
tshig yin na/ bden pa'i don can yin pas khyab ste/ rtags ldog pa
skyes bus byas pa des bsgrub bya'i chos

dang 'gal ba log pa'i don can la khyab pa'i phyir/ der thal/
skyes bus byas pa'i ngag kho na la log pa'i don can nyid mthong
ba'i phyir/ des na/ ldog khyab dang phyogs chos yod pas ldog pa
gcig pu can gyi gtan tshigs yang dag yin

no zhe na/ de dgag pa la/ gnod pa can gyi tshad ma med pa dang/
go byed ngos gzung ba dang/ ldog khyab gcig pu can mi srid pa'o/
/dang po ni/ gtan tshigs de ni chos can/ mi mthun phyogs la yod
par dogs par 'gyur gyi/ de la med nges

kyi ldog khyab mi 'grub par thal/ de la ma mthong ba yin yang/
de la med par nges pa'i phyir tu ldog na gnod pa can gyi gtan
tshigs ma bstan pa'i phyir/ de ma grub ste/ log pa'i don can la
skyes bus ma byas pa med de/ skyes bus byas

@116b pa mthong ba'i phyir ce na/ de la skyes bus byas pa mthong
bas skyes bus ma byas pa yod pa dgag mi nus par thal/ lus can
dang lus can ma yin pa'i dngos po 'gal ba dag la yang shes byas
thun mong du khyab par byed pas/ shes bya la de

gnyi ga mthong ba'i phyir/ log pa'i don can la ma byas pa'i tshig
med de ma mthong ba'i phyir/ ces pas gnod do zhe na/ mi mthun
phyogs kun la med pa phyir rgol gyis mi dmigs pas mi 'grub par
thal/ de'i sgrub byed bshad zin pa'i phyir/

des na/ rtags de mi mthun phyogs las ldog pa nyid la the tshom za
bar thal/ de la med pa nyid du yang ma grub/ yod par yang ma
mthong ba'i phyir/ gnyis pa ni/ byas pa chos can/ sgra mi rtag
pa'i sgrub byed yang dag yin te/ de sgrub kyi tshul gsum

nges shes kyi 'bras bu can gyi tshad ma'i shes pa yis grub par
gyur pa'i phyir/ tshul gsum ji lta bu zhe na/ de sgrub kyi tshul
gsum grub ste/ de sgrub kyi mthun phyogs kho na la yod nges kyi
rjes 'gro'i khyab pa dang/ mi mthun phyogs la med pa kho nar

nges pa'i ldog pa'i khyab pa dang/ bsgrub bya'i chos can la 'god
tshul ltar yod pa nyid du nges pa'i phyir/ gsum pa ni/ ldog khyab
grub pa'i gtan tshigs thams cad rjes 'gro'i khyab pa can du thal/
rtags gang la/ bsgrub bya'i chos kyi mi mthun phyoD

las bzlog par nges pa nyid du brjod pa'i rtags de nyid ni/ 'di
yi chos mthun pa kho na la yod par 'gyur ba des na'i phyir/
gzhung 'dis kyang ldog khyab yod pa'i gzhi de nyid la rjes khyab
yod par bstan gyi/ nags la seng-ge yod na chu la nya yod

@117a @#/ /pa lta bu ni ma yin no/ /gsum pa la/ rig byed kyi
sngags skyes bus ma byas pa dgag pa dang/ sngags skyes bus byas
par bsgrub pa dang/ skyes bus ma byas pa'i sgrub byed ltar snang
du bstan pa'o/ /dang po la/ sngags kyi zhi soD

kyi 'bras bu bskyed pa brda'i dbang gis yin pa dang/ de la mi
ltos par dngos po'i nus pa yin pa dgag pa'o/ /dang po ni/ dug
zhi ba sogs kyi 'bras bu 'byin pa'i sngags rnams chos can/ yi ge
phal pa la med pa'i 'bras bu khyad par

can sgrub par byed pa yin pa'i rgyu mtshan yod de/ sngags rtsom
pa'i mthu khyad par can grub pa'i skyes bu 'ga' yis brda byas
pa'i dbang nyid las 'bras bu de ltar 'grub pa yin pa'i phyir/
gnyis pa la/ thal ba dgod pa dang/ go rim

don gzhan dgag / bkag pa la gnod pa spang ba'o/ /dang po ni/ ci
ste brda la mi ltos par yi ge'i dngos po'i nus pa nyid las zhi
sogs kyi 'bras bu 'byin pa yin no zhe na/ 'don pa dang cho ga
sogs log par sbyar ba gzhan la'ang 'bras

bu ji lta ba bzhin 'byung bar 'gyur bar thal/ de la yi ge'i ngo
bo khyad par med par chang ba'i phyir/ gnyis pa la/ dgag pa
bshad zin dran pa dang/ rigs pa gzhan gyis dgag pa'o/ /dang po
ni/ go rim log par sbyar ba las 'bras bu

mi 'grub ste/ yi ge las don gzhan pa'i go rim khyad par can gyis
zhi sogs kyi 'bras bu 'byin dgos pa'i phyir ro zhe na/ rig byed
kyi yi ge las don gzhan nyid du gyur pa yi bkod pa'i rim pa
sngags su mi 'thad par thal/ de 'dra'i

@117b bkod pa'ang sngar bsal ba yin pa'i phyir/ gnyis pa la/
sngags kyi 'bras bu des med du thal ba dang/ sngags bzlas mi nus
par thal ba'o/ /dang po ni/ sngags ma bzlas kyang dug zhi ba
sogs kyi don rtag tu 'grub par 'gyur bar thal/ dngos

po'i nus pa'i dbang las 'bras bu 'byin pa'i rtag pa yin pa'i
phyir/ 'bras bu 'byin pa cho ga byas pa la bltos pa yin no zhe
na/ yi ge'i dngos po'i dbang kho na las 'bras bu bskyed pa'i nus
med du 'gyur bar thal lo/ /gal te brda la mi

bltos par sngags kyi dngos po'i nus pa kho na las 'bras bu 'byin
pa de 'dra ba yin na/ rig byed kyi sngags de ni chos can/ gdol
pa sogs kun gyi 'bras bu sgrub byed du 'gyur bar thal/ brda la
mi ltos par yi ge'i dngos po'i nus pa kho na

las de ltar 'bras bu 'byin pa'i phyir/ 'bras bu la nye ring med
pa ma yin te/ bram ze la sogs pa'i rigs bzang ngan dang chos
sogs las 'bras bu 'byin pa'i nus pa so sor nges so zhe na/ rig
byed kyi sngags chos can/ sbyor bar byed pa po'i

rigs kyi khyad par la yang bltos pa mi rung bar thal/ rkyen gyis
legs par byas pa min pa'i phyir/ rtags ma grub na/ sngags sgra
rtag pa bram ze dang dmangs rigs sogs byed pa po'i khyad par las
sngags kyi nus pa so sor nges pa ma yin

par thal/ dngos po rkyen gyis 'dus byas pa yi yang/ 'bras bu'i
khyad par 'byin pa rigs bzang ngan tsam gyis bsgyur nus pa ma
yin gyi/ dngos po'i rgyu rigs gcig dang tha dad kyis 'bras bu
rigs gcig dang tha dad byed dgos pa'i phyir/

@118a @#/ /rigs bzang ngan yang brda la mi ltos par ngo bo nyid
kyis so sor ma nges pa yin te/ mi rigs bzhi'i tha snyad kyang
brda'i dbang las so sor 'gyur ba'i phyir/ yang na/ brda'i dbang
las sngags kyis zhi sogs kyi 'bras bu 'byin

pa de'i tshe bram ze la sogs pa'i rigs bzang ngan las 'bras bu
'byin mi 'byin so sor nges pa srid de/ skyes bu khyad par can
gyis brda ji ltar byas pa bzhin du zhi sogs kyi 'bras bu 'byin
pa'i phyir/ gnyis pa ni/ bram ze chos can/ bya ba ci

zhig byed nas kyang sngags sbyor ba'i byed pa por 'gyur ba mi
'thad par thal/ sngags rkyen gyis khyad par byar med pa can yin
pa'i phyir/ gal te sngags gsar du bskyed pa ma yin gyi grub zin
mngon par gsal bar byed pa tsam sngags sbyor

ba'i don yin no zhe na/ sngags sgra rtag pa rkyen gyis gsal ba
mi 'thad par thal/ rtag pa rkyen gyis gsal ba de ni gong du bsal
zin pa'i phyir/ gal te sngags bzlas pa'i rkyen gang las sngags
sgra thos pa'i nyan blo de sngags sgra gsal ba

yin la/ gsal ba de ni dug zhi ba sogs kyi 'bras bu 'byin par
sbyor ba yin no zhe na/ sngags mi bzlas pa'i nyan pa po'ang zhi
sogs kyi 'bras bu dang 'brel bar 'gyur bar thal/ smra ba po'i
sngags sgra gsal ba'i nyan shes 'bras bu de'i rgyu yin

pa gang zhig /rigs pa mtshungs pa'i phyir/ mngon par gsal po min
par sngags sgra ngag gi byed pa lce rkan la sogs pa rnams kyi
sbyor ba shub pus bzlas pa'am yid kyi bzlas pa don med du 'gyur
bar thal/ zhi sogs kyi 'bras bu ster

@118b ba'i sngags sgra ni rna ba'i shes pa kho na'i spyod yul
yin pa'i phyir/ brgyud pas sngags sgra rang mtshan pa de las yid
blo bskyed pa nyid kyi phyir/ yid bzlas kyi yid blo de'ang/
sngags sgra gsal ba yin zhe na/ gal te yid blo rtog pa chos can/
sngags sgra'i

gzung don can yin pa mi 'grub par thal/ rtog pas btags pa'i
gzung yul gyi rjes su 'gro ba'i phyir/ 'o na khyed rang la yang
yid bzlas don med par thal/ sngags sgra rang mtshan pa las 'bras
bu 'byin pa'i phyir ce na/ kho bo cag ltar na/

sgra lhang lhang po dang yid kyi bzlas pa sogs las 'bras bu
'byung ba mi 'gal bar thal/ sngags kyi brda byed pa rnams kyis
sngags sgra rang mtshan pa dang/ yid la shar ba'i spyi'i rang
bzhin rnams so sor ma phye bar spyir zhi sogs kyi 'bras

bu 'byin pa'i ngo bo gcig tu brjod par 'dod pas kun nas bslangs
nas brda brjod pa'i phyir/ brda la mi ltos par dngos po'i nus pa
las 'bras bu 'byin par 'dod pa la de ltar 'thad pa ma yin par
thal/ sngags las zhi sogs kyi 'bras

bu ster ba brda la bltos pa'i phyir/ gsum pa la/ mdor bstan/
rgyas bshad do/ /dang po ni/ gal te/ yi ge las don gzhan pa'i go
rim med na/ ra saH zhes thos pa las ro dang/ sa raH zhes pa las
mtsho go ba'i 'bras bu tha dad med par

'gyur te/ yi ge de gnyis kyi ngo bo la khyad par cung zad kyang
med pa'i phyir/ des na/ go rim/ don gzhan mi 'dra bar yod pas
yin no zhe na/ yi ge de dag la ni chos can/ go rim cung zad
kyang med pa'i rgyu mtshan gyis/ 'bras bu ro mtsho

@119a @#/ /so sor mi go ba'i skyon med par thal/ skyes bu'i rten
can gyi go rim yod pa'i phyir/ gnyis pa la/ go rim nyid bshad
pa/ de skyes bus byas par sgrub/ ma byas pa dgag pa'o/ /dang po
la rgyu'i go rim ni/ yi ge ra saH sa raH

chos can/ rgyu'i go rim med pa ma yin te/ snga ma snga ma kun
slong gi shes pa las phyi ma kun slong gi shes pa rim can du
skyes la/ shes pa rim can las sgra khyod rim can du skye ba'i
phyir/ yi ge de dag la dngos 'bras kyi go rim

kyang yod de/ yi ge snga phyi de'i khyad par can gyi yi ge de
dag ni/ rang 'dzin rna ba'i shes pas gzung don du byas nas rim
can du nges par 'gyur ba yin pa'i phyir/ brgyud 'bras kyi go rim
kyang yod de/ nyan shes snga ma snga ma des

bskyed pa'i nyan shes kyi yul du yod pa can gyi yi ge de dag
thos pa myur min dal bus thos par/ snga ma de dran pa la bltos
nas phyis phyi ma'i bdag nyid la dran pa bskyed par byed pa'i
phyir/ yi ge las don gzhan pa'i yi ge'i go rim

'dod pa dang/ gang dag nyan shes kyis yi ge'i cha shas thos kyi
yi ge mi thos par 'dod pa de dag gis/ tshogs rgyun legs par 'jog
ma shes pas nongs pa'i ltag chod 'ba' zhig yin no/ /gnyis pa ni/
ji skad bshad pa'i yi ge rnams

kyi go rim de dag skyes bus byas pa nyid yin te/ de dag rang
bskyed pa'i rgyu'i sems dang nang 'dzin pa dang dran pa'i 'bras
bu'i sems kyi kha cig gi rgyu dang kha cig gi 'bras bu nyid kyi
go rim dag ni yin la/ de skyes bus byas pa'i phyir/

@119b yi ge'i ngo bo de dag la khyad par cung zad kyang med pa
ma yin par thal/ tshig snga ma dang tshig phyi ma de dag la rdzas
gzhan nyid du gnas pas khyab pa de'i phyir/ der thal/ 'don par
byed pa po'i kun slong gi 'du byed las/ snga phyi tha dad du
skyes pa'i phyir/

yi ge de dag la go rim don gzhan yod pas/ ro mtsho so sor go ba
ma yin te/ de dag phan tshun lhan cig tu sbyar ba na/ brda'i
dbang gis ro mtsho so sor go ba'i 'bras bu'i khyad par byed pa'i
phyir/ gsum pa la/ dngos dang/ skyes bus byas pa'i

dpe'o/ /dang po ni/ yi ge rnams kyi snga phyi'i go rim de'ang
chos can/ rtag pa ma yin par thal/ skyes bu'i 'dod pas spel bar
byed pa las 'jug cing skye ba yin pa'i phyir/ khyab par thal/
skyes bu'i 'dod pa dang mi 'gal bar grub pa can gyi go rim

yin na rtag par gnas pa 'gal ba'i phyir ro/ /gnyis pa ni/ rig
byed kyi yi ge'i rim pa kun skyes bu las skye bar grub ste/
skyes bu dang 'jig rten pa'i yi ge rnams rgyu 'bras nyid du grub
pa gang zhig /rig byed kyi yi ge dang 'jig rten pa'i yi ge

gnyis ngag la brten pa'i sgrar mtshungs pa'i phyir/ rigs 'dra'i
dpe ni/ me gcig bud shing las skye bar grub pa na/ de dang mer
mtshungs pa'i rigs pa las me gzhan yang bud shing gi 'bras bur
grub pa bzhin no/ /gnyis pa ni/ rig byed kyi sngags

la sogs pa'i zhi sogs kyi 'bras bu ster ba de dag /'dus ma byas
su mi 'thad par ma zad/ byed pa po'i skyes bu khyad par can yod
par bsgrub pa ni/ dug zhi mi rengs pa la sogs pa'i 'bras bu can
sngags zhes pa'i ming can gyi yi ge'i go rim

@120a @#/ /gsar du byed pa'i ngang tshul can gyi skyes bu chos
can/ skyes bu tha mal pa dang thun mong min pa nyid du grub ste/
dug zhi ba sogs kyi yi ge'i go rim dang/ cho ga la sogs pa gsar
du rtsom shes shing rang ji ltar 'dod pa

bzhin du 'bras bu 'byin nus su byin gyis rlob pa'i mthu dag dang
ldan pa'i skyes bu yin pa'i phyir/ khyab ste/ tha mal pa'i skyes
bu gzhan la shes mthu de dag med pa'i phyir/ de mi 'thad de/
shes mthu de dag dang mi ldan pa'i lam po che'i

skyes bus sngags bzlas pa las dug zhi ba sogs mthong ba'i phyir/
ngo bo nyid kyis grub pa'i yi ge'i nus pa yin no zhe na/ gang
yang nam mkha' lding gi rgyud rig pa'i skyes bu 'ga' zhig gis/
de'i gsang sngags 'ga' zhig byed par 'gyur

ba las/ dug zhi ba sogs mthong ba de dag chos can/ khyod kyi
rgyu mtshan gyis skyes bus ma byas pa'i sngags grub pa ma yin par
thal/ khyod gtso bo rgyud rtsom pa po de'i mthu las grub pa'i
phyir/ der thal/ des bshad pa'i dam tshig la sogs

pa'i rigs pa'i rjes su 'jug pa las yin pa'i phyir/ des grub pa'i
don ni/ sngags las zhi sogs kyi 'bras bu 'byung bar 'dod cing/
grub mtha' 'cha' ba'i skyes bu des sngags rnams spyir byas pa
dang khyad par skyes bus byas pa

brjod par bya rigs te/ skyes bus ma byas pa'i sngags las 'bras
bu mi 'byung ba'i phyir/ gsum pa la/ dngos dang/ brda la mi ltos
pa'i sngags kyi don nges 'dod pa skyes bus btags pa dang/ skyes
bu khyad par can med na don nges

@120b 'dod pa 'gal ba'o/ /dang po ni/ skyes bu la dbang po las
'das pa'i don mthong ba'i nus pa med pa'i sgrub byed ni/ skyes
bu khyad par can sgrub pa'i rigs pa 'di nyid kyis ni bsal ba yin
te/ 'dis skyes bu khyad par can yod par grub

pa'i phyir/ khyad par can spong ba'i sgrub byed ji lta bu zhe
na/ ngag smra ba'i skyes bu 'di dag chos can/ dbang po las 'das
pa'i don mthong ba'i nus pa med de/ blo dang dbang po dang ldan
pa dang ngag smra ba dang skyes bu nyid yin pa la sogs pa'i
sgrub

byed du gang brjod pa'o/ /rtags de dag las ji lta ba bzhin du
don rtogs pa yod pa ma yin par thal/ de dag tshad ma ste rtaD
ltar snang yin pa'i phyir/ der thal/ lhag ma dang ldan pa'i gtan
tshigs yin pa'i phyir/ gnyis pa ni/ rgyal

dpog pas rigs byed don nges rig / des nged spyod pa pa la bshad
pas/ rig byed kyi don nges yod de zhe na/ rig byed kyi don des
'dod pa'i don 'di spyod pa ba'i skyes bus btags par thal / spyod
pa pa de ltar 'dod

pa gang zhig /rig byed kyi sgra ni kho bos don 'di brjod par
byed pas zung zhig /'di kho bo'i don min zhes brjod par mi byed
pa'i phyir/ spyod pa pas 'dod pa'i tshad mar mi 'grub par thal/
spyod pa pa de yang 'dod chags la sogs pa

dang ldan pa'i phyir/ rgyal dpog pa de bzhin du skyes bu nyid
yin pa la sogs pa'i rtags kyi rnam pa 'gas kyang khyed ci/ rig
byed kyi don nges shes pa dang ldan pa'i gzhan 'ga' mi 'dod pa
mi 'thad par thal/ rgyal dpog pas rig

@121a @#/ /byed kyi don nges rig
pa gang zhig /de gcig pus de
nyid rig la/ gzhan gyis min pa'i khyad par yang ni su yis kyang
byas pa mi 'thad pa'i phyir/ skyes bu khyad par can spong ba'i
sgrub byed mthun dpe mthong tsam gyis

'god pa ltar/ 'dir yang/ dpe rgyal dpog pa mthong bas skyes bu
nyid yin pa sogs sgrub byed du bkod nas/ rig byed don nges rig
pa'i skyes bu gzhan yang yod par khyod kyis sgrub rigs zhes
pa'o/ /de'i lan dgag pa ni/ gal te

rig byed 'thad pa po mang yang/ gang gi tshig rang gi brjod bya
la mi slu ba'i ming don gyi 'brel pa mngon sum tshad ma yis grub
pa'i skyes bu de rig byed don nges rig pa po yin no zhe na/ lha
dang tshangs pa la sogs pa rnams chos

can/ khyod la rgyal dpog pa'i mngon sum tshad ma 'jal byed du yod
pa srid pa ma yin par thal/ shin tu lkog tu gyur pa'i phyir/
lung tshad ma'i mtshan nyid du skyes bus byas pa min pa don med pa
yin par thal/ gang gi tshig rang gi

bstan bya la mi slu ba mngon sum tshad ma yis grub pa'i skyes bu
de yis byas pa'i tshig de lung tshad ma yin zhes thob rigs pa de
yi phyir/ des na gal te dbang po las 'das pa'i don rig pa'i
skyes bu 'ga' yod do zhes mngon par 'dod riD

par 'gyur bar thal/ shin tu lkog gyur gyi don lung la bltos pa
med par mngon sum gyis shes srid pa'i phyir/ gsum pa la/ mdor
bstan pa dang/ rgyas par bshad pa'o/ /dang po ni/ rig byed kyi
don nges spyod pa pa bdag nyid kyis

@121b mi shes par thal/ de mi shes pa'i rgyu 'dod chags sogs
dang ldan pa'i phyir/ skyes bu gzhan las kyang rig byed don nges
rig pa min par thal/ gzhan yang de dang ldan pa'i phyir/ rig
byed rang nyid las kyang gzhan la bltos med du de rig

par byed pa min par thal/ de lta na rig byed thos bsam gyis don
nges go dgos pa'i phyir/ des na/ agni ho tr'Ma dzu hu yad ti
zhes pa'i rig byed kyi sgra sngags kyis sbyangs pa'i mar me nang
du ldugs pa kho na'i don can du tshad ma gang las kyang

rtogs pa mi 'thad par thal/ de ltar rtogs pa'i thabs med pa'i
phyir/ des na/ mtho ris 'dod pas me la sbyin sreg sbyin pa la
'jug ces thos pa'i agni ba'i sgra chos can/ khyi sha bza' ba
zhes bya ba de khyod kyi brjod bya'i don min zhes pa

'di la tshad ma gang yang med par thal/ brda sbyar ba'i tshe de la
yang rjod byed du 'jug pa'i phyir/ gnyis pa la/ thabs gzhan las
mi rtogs pa dang/ rig byed rang nyid las mi rtogs pa'o/ /dang po
la/ 'jig rten gyi grags pa las mi rtogs

pa dang/ lung las mi rtogs pa'o/ /dang po la/ grags pa ma rtogs
pa'i rgyu yin pa/ log rtog gi rgyu yin pa/ the tshom gyi rgyu yin
pa'o/ /dang po ni/ 'jig rten pa'i tshig las sgra de'i don de kho
na la rab tu grags pas

don de kho nar shes so zhe na/ de la 'jig rten gyi grags pa gang
gis/ agni ba'i sgra'i don 'di kho na yin la/ gzhan ma yin pa'i
rnam par dbye ba nus pa ma yin par thal/ grags pa de sna tshogs
pa'i don can yin pa'i phyir dang/ de la

@122a @#/ /dbang po las 'das pa'i don mthong ba'i nus pa gang
yang med pa'i phyir/ thal chos snga ma la rtags ni/ rig byed las
mtho ris dang lha mo la sogs pa'i sgra 'jig rten na grags pa min
pa'i de las don log par brjod pa mthong

ba'i phyir/ mtho ris 'khrig pa dang lha mo gtsub stan la brjod
par mthong ngo/ /agni ba'i sgra de'i 'grel pas bshad pa'i tshe/
sngar bshad pa kho na la 'jug par grub bo zhe na/ rtsa ba de
'dra'i sgra gzhan rig byed 'grel pa dag la ni chos can/ rtsa

ba'i don nges sgrub pa'i nus pa med par thal/ rig byed kyi 'grel
pa gang zhig /khyod kyi don nges 'dod pa la/ rtsa ba de 'dra
ba'i skyon gyi rnam rtog 'jug pa nyid du 'gyur ba'i phyir/ gnyis
pa ni/ spyod pa pa chos can/ slar yang 'jig rten gyi graD

pa de las rig byed kyi don nges rtogs par 'dod pa 'di ni ci zhig
yin mi 'thad par thal/ 'jig rten gyi grags pa dag kyang mi rnams
kyi rtog pa dang des bskyed pa'i tshig gis bsdus la/ tshig de yang
tshad mar mi 'dod par/ de sgrub

byed yin pa la sdang ba yin pa'i phyir/ gal te de'i don de kho
na la 'jug par grags pa las brgal nas/ khyi sha za ba la 'jug
par rtog pa la rgyu ci yod ce na/ me la sbyin sreg byed pa agni
ba'i sgra'i don der 'dzin pa la yang rgyu mtshan ci

yang yod pa ma yin par thal/ grags pa min pa'i sgrub byed med/
'jig rten na rab tu grags pa min pa'i sgrub byed med/ 'jig rten
na rab tu grags pa sgrub byed tshad ma nyid min pa'i phyir/ gsum
pa ni/ 'jig rten gyi grags pa nyid kyis

@122b sgra'i don nges par 'dod pa la dgos pa bskyed par byed de/
gang gi phyir na/ de la go'u zhes pa la sogs pa'i sgra rnams re
re'ang don sna tshogs la 'jug pa can nyid du mthong ba'i phyir/
gnyis pa ni/ lung gi sgra rang nyid las kyang brjod bya'i don
mtha'

gcig tu nges par 'dod pa la dogs pa bskyed par 'gyur gyi/ gcig
kho na la 'jug par sgrub mi nus par thal/ don gcig kho na la
'jug pa'i nges byed yang dag ma mthong ba dag gi phyir/ der
thal/ don gzhan du 'jug pa mi srid pa'i rgyu

mtshan med pa'i phyir/ der thal/ lung de don sna tshogs ston nus
pa can yin pa'i phyir/ gnyis pa la/ rig byed kyi don nges 'dod
pa skyes bus btags pa dang/ don gcig kho na'i rjod byed du mi
'thad pa/ brda la brten nas don so sor nges pa'i  

rgyu'o/ /dang po ni/ rig byed kyis rang gi brjod bya'i don mtha'
gcig tu nges pa rgyal dpog pa la bshad/ rgyal dpog pas nged
spyod pa ba la bshad do zhe na/ skyes bu g.yon can 'ga' zhig
/grong khyer der 'gro ba'i lam ni g.yas ma 'di yin

te yin no/ /zhes sdong dum 'di ni smra bar 'gyur ro/ /zhes smra
ba dang/ skyes bu gzhan gyis gang la yang ma bsnyad bar bdag
nyid kyis lam g.yas ma 'di yin zhes smra ba gnyis/ skyes bu
rang gi 'dod pas smras ma smras kyi khyad par med par thal/

skyes bu de gnyis kyis de ltar smras pa gang zhig /sdong dum la
lam ston pa'i nus pa med pa'i phyir/ dpe de ltar/ rgyal dpog pas
rig byed la bsnyad btags nas/ rig byed don nges smras pa dang/
mu stegs gzhan gyis gang la yang ma bsnyad

@123a @#/ /par rig byed don nges smras pa de dag chos can/ 'dod
pa tsam gyis smras ma smras kyi bye brag brtag par gyis te bye
brag med par thal/ mu stegs de gnyis kyis de ltar smras pa gang
zhig /rig byed la brda la ma ltos par ngo

bo nyid kyis don mtha' gcig tu nges pa ston pa'i nus pa med pa'i
phyir/ gnyis pa ni/ rjod byed kyi sgra chos can/ don gcig kho
na'i gsal byed du nges pa gang las yin te ma yin par thal/ brda
sbyar na don thams cad la 'jug tu rung

ba'i phyir/ thal chos snga ma la rtags ni/ brjod 'dod kyis bzhag
pa'i don gyi nges pa ma gtogs par/ gang gis kyang brda la ma
ltos shing dbang po las 'das pa'i don nges shes pa mi 'thad pa'i
phyir/ gsum pa la/ skyes bus ma byas pa

la rgyu de med pa dang/ de'i lan dgag pa dang/ mjug bsdu ba'o/
/dang po ni/ brjod 'dod de brjod bya'i don so sor nges pa'i rgyu
yin te/ brjod 'dod la snang ba'i don de kho na brjod pa'i phyir/
brda ni don so sor nges pa de yi gsal byed yin te/

lus ngag gi rnam rig gi sgo nas dang por gzhan gyi blo yul du
gsal bar byed dgos pa'i phyir/ rig byed de don gcig kho na can
du nges pa gang las kyang mi 'thad par thal/ don so sor nges
pa'i rgyu de ni skyes bus byas pa min pa la

med pa'i phyir/ khyab pa khas blangs so/ /gnyis pa ni/ brda la
mi ltos par rang bzhin gyi don so sor nges pa yin no zhe na/
'chad pa po gzhan gyis don gzhan la bshad pa des kyang go ba
cung zad kyang bskyed mi rung bar thal/ 'di'i don 'di'o/

@123b zhes 'chad pa pos brda byas pa yang don med pa can nyid du
'gyur bar thal lo/ /skyon med de/ brda las rjod byed rnams rang
bzhin gyis don la 'brel ba'i khyad par gsal bar byed pas don med
min no zhe na/ rig byed kyi sgra chos can/

don gcig kho na gsal ba'i nges pa'ang gang las yin te ma yin par
thal/ don go ba brda la bltos pa'i phyir/ gsum pa ni/ rig byed
kyi sgra de la ngo bo nyid kyis don so sor nges pa zhes bya ba
gang las kyang mi 'thad par thal/ don gang la  

'dod pa rang rgyud pas rang dgar sbyar ba'i phyir/ des na/ agni
ba'i sgra spyod pa pa'i 'dod pa kho na'i gsal byed du mi 'gyur
bar thal/ de brda'i dbang gis don du ma la 'jug tu rung ba nyid
kyi phyir/ gnyis pa la/ rtsod pa ni/ gang gi phyir rig

byed kyi phyogs gcig yin pa'i phyir/ dper na/ me grang ba bzlog
byed yin pa dang zla ba bcu gnyis lo yin zhes pa'i rig byed kyi
ngag bden pa'i don can yin pa bzhin du/ mtho ris 'dod pas me la
sbyin sreg bya'o/ /zhes sogs rig byed kyi

dag gzhan yang de dang 'dra bar bden pa'i don can yin no/ zhes
de skad spyod pa pa gzhan dag zer to/ /de dgag pa la/ sgrub byed
ltar snang du bstan pa dang/ bsgrub bya la tshad mas gnod pa
bstan pa'o/ /dang po la/ rigs pa shes pa phyoD

kyi glang pos 'di 'dra sgrub byed yang dag yin pa bkag ste/ 'di
dang mtshungs pa lhag ldan 'khrul pa can nyid du bstan pa'i
phyir/ der thal/ shing thog lhag ma 'di rnams chos can/ ro mngar
por 'dra ste/ ngo bo ste gzugs smug por

@124a @#/ /mtshungs pa'i phyir/ dper na/ sngar zos pa'i shing thog
bzhin zhes pa bzhin dang/ phru nang gi 'bras lhag ma 'di rnams
chos can/ chos pa yin te/ sngar zos pa'i 'bras dang snod gcig gi
nang du tshud pa la yang khyad par

med pa'i phyir/ sngar zos pa'i 'bras bzhin zhes pa'i rtaD rnams
lhag ldan du bstan pa'i phyir/ gnyis pa ni/ rig byed chos can/
tshad mas bkag pa'i don brjod par thal/ skyes bu rtag pa las byed
pa po nyid dang rnam smin longs spyod

pa po nyid du brjod pa'i phyir/ thal chos snga ma la/ rtags rim
pa bzhin du dngos po rnams rtag par bstan pa'i phyir dang/ dbang
po las 'das pa'i spyi don gzhan dang yon tan don gzhan sogs
dbang pos gzung byar bstan pa'i

phyir dang/ dngos po rnams rgyu mi mnyam pa rtag pa rgyur brjod
pa dang/ gnas pa mi mnyam pa grub zin rkyen gyis gnas pa dang/
'jig pa mi mnyam pa phyis byung gi rgyus 'jig par bstan pa'i
phyir/ gzhan yang tshad ma dang 'gal ba dag

ni brjod par byed par thal/ tshad ma rnam gnyis kyis rnam par
bsal zhing bkag pa'i spyod yul lam/ lung la bltos pa'i rjes dpag
dang 'gal ba brjod par byed pa'i phyir/ blo lkog gyur du 'dod pa
la mngon sum gyis bsal ba

dang/ rig byed bden pa'i don tsan lkog gyur du 'dod pa la rjes
dpag gis bsal ba dang/ khrus la sogs pa sdig pa 'dag byed du
ston pa la khas blangs kyis bsal ba lta bu'o/ /des na rig byed
de bden pa'i don can yin no zhes

@124b khas len pa g.ye ma ma mu tsor gyi bdag po las rgyal po
dang mtshungs te/ tshad ma dang 'gal ba kun tu ma bsal zhing/
bstan bcos kyi don 'brel pa dang rjes su mthun pa'i thabs dang/
skyes bu'i gnas skabs dang mthar thug gi don ma

bstan par phyogs gcig la mi slu ba tsam gyis bden pa'i don can
gyi bstan bcos yin no zhes khas len pa'i phyir/ gal te/ phyogs
gcig la mi slu ba de ltar grub pa tsam gyis rig byed thams cad
tshad mar sgrub na/ 'o na/ ngag smra ba'i skyes  

bu 'di la tshad ma min pa'i tshig ci yang med par thal/ phyogs
gcig tsam mi slu bar mthong ba'i phyir/ der thal/ skyes bu mang
du smra ba la/ bden pa'i don can gyi tshig gcig tsam med pa min
pa'i phyir/ gnyis pa la spyir dgag pa ni/ rjod byed kyi

sgra ni chos can/ zhen pa'i brjod bya'i dngos po dang 'brel pa
med par thal/ de'i rang bzhin nam rgyu 'bras gang yang min pa'i
phyir/ der thal/ brjod pa po'i brjod 'dod tsam la brten cing
gnas pas 'byung ba'i phyir/ snga ma la khyab pa med do zhe

na/ 'brel pa gnyis po 'di las rnam par bzlog pas kyang 'khrul pa
med pa'i 'brel pa yod pa ma yin par thal/ 'brel pa gnyis su nges
pa'i phyir/ rjod byed rnams kyis don brjod pa la 'jug pa ni/
brjod bya'i don tshad mas mthong bas

byed pas don la brgyud nas 'brel lo zhe na/ sgra lta bu gcig la
rtag mi rtag tu brjod pa'i sgra tha dad sbyor mi srid par thal/
rtag mi rtag phan tshun dag 'gal ba'i don de ni/ sgra lta bu gcig
la gzhi mthun du 'gyur ba ji ltar yang mi 'thad

@125a @#/ /pa'i phyir/ gsum pa don bsdu ba la/ lung yod na zhen
don la mi slu bas ma khyab pa ni/ des na/ lung de las rtogs pa
po'i zhen don gyi rnam pa 'ga' yang nges nus pa yin pa mi 'thad
par thal/ lung dang zhen pa'i brjod bya'i dngos

po rnams med na mi 'byung ba'i 'brel pa mi 'grub pa'i phyir/
lung log pas don med nges su mi 'grub pa ni/ lung de ni don rjod
byed yin pa log na yang don gyi dngos po med par 'grub par mi
'gyur bar thal/ lung zhen pa'i brjod bya dang

'brel pa med pa de'i phyir/ des na bskal don ma dmiD pas mid
nges su mi 'grub par grub pa ni/ phyir rgol gyis tshad mas mi
dmigs pas ni/ don de med nges kyi 'bras bu can du mi 'grub par
thal/ don de yod kyang phyir rgol gyis dmigs pa'i

nges pa med pa des na'i phyir/ 'o na khyed rang yang yid ches
tshig ni mi slu ba'i/ spyi las zhes phyogs gcig bden pa'i rtags
kyis lung tshad mar khas blangs pa ma yin nam zhe na/ kho bo cag
gis ni shin tu phra ba'i gnas bden bzhi'i

gnas lugs la sogs pa lkog gyur dang/ blo la sogs pa'i mngon gyur
gyi gnas rnams la dpyad pa legs par dag cing/ shin tu lkog gyur
gyi gnas la yang/ rang tshig 'gal ba sogs med pa'i dpyad pa dag
nas shin tu lkog

gyur gyi don la mi slu bar rjes su dpog par byed pa yin gyi/
dpyad pa ma dag bzhin du phyogs gcig bden pas yul kun la mi slu
bar dpog pa dang/ gzhal bya'i gnas gnyis la/ lung gnod sgrub tu
khas len pa lta bu ni min no//

@125b des na/ le'u dang po 'dir/ rang don rjes dpag gtan la
'bebs pa'i yan lag tu tshul gsum nges byed kyi thabs rgyas par
gtan la phab la/ de ji lta ba bzhin mi rtogs pa'i rgyu yang sgra
rtog sel bas 'jug pa'i tshul phyin ci ma log par ma

rtogs pa las yin pas/ gzhan sel dang de'i 'jug tshul rgyas par
bstan to/ /de la spyir rjes dpag skye ba la sel ba'i rnam dbye
shes dgos pa ma yin gyi/ 'dir ni grol ba don gnyer 'jug pa'i yan
lag tu thar pa dang thams cad mkhyen

pa'i lam phyin ci ma log par gtan la 'bebs pas/ de la sel ba'i
rnam dbye ma shes na sgro 'dogs mchod pa la chos snyam pa dang
bcad mi dgos pa la dgos so snyam du phyin ci log tu zhen pas don
chen po las nyams par 'gyur bas de

bzlog pa'i don du yang mdzad do/ /de nas phyir rgol gyis mngon
rjes kyis ma dmigs pas med par mi 'grub kyang/ lung las bshad pa
ma mthong bas med par 'grub ste/ shes bya'i gnas lugs mtha' dag
gtan la 'bebs pa'i yan lag

tu lung rtsom pas/ yod na lung las bshad dgos pa'i phyir ro/
/zhes mi snang ba ma dmigs pa'i gtan tshigs la log par rtog pa
dgag pa'i yan lag tu rig byed tshad ma yin pa 'gog par mdzad de/
spyir phyir rgol kyis lung las

bshad pa ma mthong bas med par mi 'grub ste/ lung las bshad pa
yod kyang/ phyir rgol gyis mthong ba'i nges pa med pa'i phyir
ro/ /sngar ma rtogs pa'i don lung tsam las gsar du go bar byed
na brda la bltos la/ lung gis ma dmigs

@126a @#/ /pas med par grub na shes bya thams cad la tshad mar
gyur pa'i skyes bu'i lung ston byed du log pa dgos kyi phyogs
gcig tsam mthong bas mi 'grub la/ lung de yang skyes bus ma byas
pa la rnam pa kun tu mi rung ste/

don ston pa'i nus pa med pa'i phyir ro/ /skyes bus byas pa'i
lung tshad mar khas len pa'i thabs kyang/ des smras pa'i tshig la
brtags nas dpyad pa legs par dag na khas len pa yin gyi/ thog
mar nyes zad kyi skyes bu tshad

mar sgrub nas/ de'i rjes su des smras pa'i tshig tshad mar khas
len pa lta bu ni ma yin no/ /zhes shes par bya ba'i don du mdzad
do/ /gnyis pa log rtog blun po'i rtags su bstan pa ni/ spyad pa
po sogs chos can/ shes rab 'chal

pa'i blun po yin te/ de'i rtags lnga tshang ba yin pa'i phyir/
der thal/ ma byas pa dang phyogs gcig la mi slu ba'i rtags kyis
'gal ba du ma ston pa'i rig byed tshad mar smra ba'i phyir dang/
bdag la sogs pa'i rtag pa 'gas

'bras bu byed par smra ba'i phyir dang/ 'bab stegs kyi khrus las
chos 'phel bar 'dod pa'i phyir dang/ yon tan cung zad med kyang
bram ze'i rigs so zhes smra bas dregs pa'i phyir dang/ sems kyi
sdig pa gzhom pa'i phyir du/

mer 'chong ba sogs gdung ba du ma rtsom pa'i phyir/ ces pa rnams
so/ /byang grol rgyu 'bras shin tu lkog gyur dang/ /tshad ma'i
bcad don tshad mas 'gog pa dang/ /dngos stobs yul la lung gi gnod
sgrub 'dod/ /blun po

@126b shes rab 'tshal ba'i rtags gsum yin/ /tshad ma rnam 'grel
gyi tshig le'ur byas pa'i rnam bshad thar lam gsal bar byed pa
zhes bya ba las rang gi don gyi rjes su dpag pa gtan la 'bebs pa
le'u dang po'i 'grel pa'o/ /'dis kyang thub

pa'i bstan pa rin po che sgo thams cad nas phyogs thams cad du
dar zhing rgyas la yun ring du gnas par gyur cig/ ! //rje btsun
bla ma rnams la phyag 'tshal lo/ /gnyis pa rtogs bya thar pa dang
thams cad mkhyen pa

dang der bgrod pa'i lam bshad pa la/ spyi'i don dang/ yan lag gi
don to/ /dang po la/ slob dpon phyogs glang gis bshad pa dgod pa
dang/ de'i don rnams 'grol mdzad pas ji ltar bkral ba'i tshul
dang/ de dag gi dgongs pa'o/ /dang

po ni/ tshad mar gyur pa 'gro la phan bzhad pa/ /ston pa bde
gshegs skyob la phyag 'tshal te/ /rtog ge ngan 'khrul 'gro ba la
brtse bas/ /tshad ma grub pa tshul bzhin bshad par bya/ /zhes smos
te/ 'di'i bsdus pa'i don ni/ phyid

snga mas mchod brjod dang/ phyi mas bshad par dam bca' bstan te/
mchod brjod kyis ston pa la rgyu phun tshogs dang/ 'bras bu phun
tshogs gnyis kyis bstod do/ /rgyu phun tshogs la gnyis te/ bsam pa
dang sbyor ba phun tshogs/

bsam pa ni/ 'gro ba la mtha' gcig tu phan par bzhed pa'i thugs
rje chen po yin la/ sbyor ba ni/ bdag med rtogs pa'i shes rab
gzhan gyi don du goms par byed pa'i ston pa'o/ /'bras bu la
yang/ rang don dang/

@127a @#/ /gzhan don phun tshogs gnyis te/ de la rang don ni/
spangs pa dang rtogs pa'i bdag nyid kyi bde bar gshegs pa khyad
par gyi chos gsum dang ldan pa dang/ gzhan don ni rang nyid kyis
gzigs pa'i lam gzhan la

bstan pa'i sgo nas 'gro ba skyob pa'i mtshan nyid can no/ /de
ltar rgyu phun sum tshogs pa las 'bras bu don gnyis phun sum
tshogs pa'i bdag nyid can gyi tshad mar 'khrungs par gyur pa'i
sangs rgyas bcom ldan 'das de ni tshad ma

yang dag ces bya'o/ /tshad ma grub pa zhes pa ni/ dgos pa'i don
yin la/ de yang rtog go ngan pa'i tshad ma'i mtshan nyid sogs
phyin ci log tu sbyar bas/ gnas lugs la 'khrul pa'i 'gro ba dag
rjes su bzung ba'i ched du bshad ces

so/ /gnyis pa ni/ tshigs bcad phyed snga ma don lngar bsdus nas
bstan te/ tshad mar gyur pa dang/ 'gro la phan bzhad pa dang/
ston pa dang/ bde gshegs dang/ skyob pa'o/ /de yang/ dang po
gtan la dbab bya khyad par gyi gzhi dang/ lhag

ma rnams de gtan la 'bebs pa khyad par gyi chos so/ /de la tshigs
bcad kyi go rims dang mthun par bshad pa lugs 'byung dang/ de
las ldog ste bshad pa lugs ldog gi 'chad tshul gnyis so/ /de ltar
gnyis mdzad pa'i rgyu

mtshan yang/ tshad ma lkog gyur don shes yin/ /de sgrub byed kyang
med pa'i phyir/ ces tshad mar gyur pa'i thams cad mkhyen pa thob
pa'i thabs gang zhig goms pas/ der 'gyur ba'i kun mkhyen skyed
byed kyi rgyu med par rgol ba dang

@127b yang de 'dra'i kun mkhyen yod de/ de'i 'bras bu'am rang
bzhin 'di 'dra mthong ba'i phyir/ ces pa lta bu'i kun mkhyen
shes byed kyi rgyu yang med do/ /zhes rgol ba dag gi log par
rtog pa dang po dgag pa'i ched du lugs 'byung gi bshad pa

mdzad la/ gnyis pa dgag pa'i ched du lugs ldog gi bshad pa mdzad
do/ /bsam pa phun sum tshogs pa thugs rje chen po ni/ dang po'i
sgrub byed yin pas dngos su bstan la/ des mtshon nas byang chub
kyi sems dang/ sbyor ba phun tshogs bdag

med rtogs pa'i shes rab gzhan don du goms par byed pa ni spyod
pa'i gtso bo yin la/ des mtshon nas sbyin pa dang tshul khrims la
sogs pa la slob pa yang ston pas/ 'chad tshul dang pos ni/ ston
pa lam gang nas byon pa'i tshul go bar

byed pa yin la/ 'chad tshul gnyis pas ni/ thog mar bden bzhi gtan
la phab nas/ de las rtogs pa phun tshogs dang/ de las rgyu snga
ma snga ma sngon du song bar rtags kyis bsgrubs nas/ lam de nas
tshul ji ltar byon pa'i shes byed yang

dag ston par mdzad do/ /gsum pa ni/ grol ba don gnyer gyis mngon
par 'dod pa'i don sgrub pa'i phyir tu/ bstan pa skyon med par
sgrub pa'i sgo nas/ ston pa bcom ldan 'das tshad mar sgrub pa'i
ched du yin no/ /skyes bu'i 'dod don 'grub pa'i ched

du thub pa tshad mar bsgrub pa don med par thal/ mngon rjes kyi
tshad ma dag las de 'grub pa'i phyir ce na/ don gang yang rung ba
sgrub pa'i don du thub pa tshad mar bsgrub pa ma yin gyi/ mngon
par mtho ba dang nges par legs pa thabs dang bcas pa la

@128a @#/ /thub pa nyid tshad mar bstan pa'i ched du yin no/ /de
dag gi don du yang/ thub pa tshad mar bsgrub pa don med par thal/
skye ba snga phyi dang bden bzhi la sogs pa dngos stobs rjes
dpag gis grub par khyed kyis khas blangs pa'i phyir ce

na/ skyon med de/ thog mar bcom ldan 'das kyis gsung rab la ma
brten par/ bdag med pa dang/ phra ba'i skad cig ma sogs la rtog
pa tsam yang mi 'jug na/ de dag rjes dpag gis rtogs pa lta ci
smos/ thog mar bcom ldan 'das

kyis mngon mtho nges legs dang/ de dag sgrub pa'i rigs pa 'jig
rten pa'i mngon sum tshad ma la thug pa bar ma chad du bstan pa
dag mthong ba na/ rnam dpyod dang ldan pa dag gis ji ltar bstan
pa de kho na ltar gnas sam/ 'on te ma

yin zhes rnam par dpyad pa na/ de dag gis kyang tshul de dag rjes
dang ga gis rtogs par 'gyur ro/ /gnyis pa la/ thub pa tshad mar
bsgrub pa dang/ de la tshad ma'i sgo nas bsted pa'i dgos pa'o/
/dang po la/ lugs 'byung gi sgo nas

ston pa lam gang nas byon pa'i tshul bstan pa dang/ lugs ldog gi
sgo nas de ltar byon pa'i shes byed bstan pa'o/ /dang po la/
tshad mar gyur ba'i don bshad pa'i sgo nas tshad ma'i skyes bu'i
mtshan gzhi ngos gzung ba dang/ lhag ma bzhi bshad pa'i sgo nas

tshad ma'i skyes bu'i mtshan nyid dang/ der bgrod pa'i lam ngos
gzung ba'o/ /dang po la/ tshad ma spyi'i mtshan nyid dang/ thub
pa'ang mtshan nyid de dang ldan par bstan pa'o/ /dang po la/
mtshan nyid kyi ngo bo dang/ khyad par ro/ /dang po

@128b la/ mtshan nyid dang/ mtshan gzhi dang/ mtshan gzhi la mtshan
nyid nges byed do/ /dang po la/ mi slu ba ngos gzung ba dang/ de
la ma khyab pa spang ba dang/ khyab ches pa spang pa'o/ /dang po
la/ mngon par mtho ba dang/ nges par legs pa thabs dang bcas

pa'i gzhal bya rtogs pa ni tshad ma la rag las pa yin la/ de lta
bu'i yul ma lus pa la yang thub pa nyag gcig tshad ma yin na/
mtshan nyid gang dang ldan pas tshad mar 'gyur ba'i tshad ma spyi'i
mtshan nyid de gang zhe na/ sngo 'dzin mngon sum tshad

ma chos can/ tshad ma yin te gsar du slu ba med pa can gyi shes
pa yin pa'i phyir/ shes pa tshad ma yin na/ tshad ma'i mtshan nyid
bstan bcos su smos pa don med par thal/ rang rig mngon sum gyis
shes pa grub pa na/ de dang grub snga rdzas

gcig pa'i mi slu ba nyid kyang grub zin pa'i phyir ro zhe na/
shes bya chos can/ rang gi ngo bo myong ba tsam gyis mi slu ba
rdzogs par rtogs pa ma yin par thal/ btso bsreg la sogs pa'i don
byed nus par rang gis ji ltar gzhal ba ltar

gnas pa ni las la mi slu ba yin la/ de rang gi ngo bo myong tsam
gyis rtogs pa'i nges pa med pa'i phyir/ gnyis pa ni/ las la mi
slu ba ni/ yul thob pa'i don yin na/ sgra la sogs pa sus kyang
thos mi nus pas/ nyan shes la tshad ma'i mtshan nyid

ma zhugs par 'gyur ro zhe na/ sgra gzung don du byas pa las
byung ba'i nyan shes chos can/ tshad mar mi rung ba'i skyon med
de/ rang gi gzhal byar mngon par 'dod pa'i don gsar du ston pa'i
shes pa yin pa'i phyir/ yang gi sgras glog mthong

@129a @#/ /ba'i mngon sum sogs sdud do/ /bstan bcos shes bya kun
la tshad mar gyur pas/ de las 'dod don 'grub pa'i phyir/ thub pa
tshad mar bsgrubs pas ci bya zhe na/ bstan bcos la sogs pa'i rjod
byed kyi sgru rnams rang gi

brjod bya'i don gyi de kho na nyid mngon mtho nges legs sogs go
bar byed pa'i rgyu can gyi 'bras rtags yang dag min par thal/ de
la rjod byed kyi sgra ni rang phyogs kyi chos su grub pa'i
gzhir/ rang smra ba po'i byed pa brjod 'dod 'jug

'dod 'jug pa'i yul nyan pa po'i blo la rab tu gsal ba'i don gang
yin pa de go bar byed pa'i tshad ma ste rtags yang dag nyid yin
pa'i phyir/ yang na/ gzhung snga ma'i don yang sgra byung phyi
ma dang mthun par sbyar ro/ /gsum pa ni/ bcad

shes kyang tshad mar thal te/ mi slu ba yod pa'i phyir ce na/ blo
kun rdzob pa dran pa bcad shes ni chos can/ tshad ma nyid du mi
'dod de/ rang 'dren byed kyi tshad ma snga mas gzung zhing rtogs
zin byed pa ma nyams pa'i don de nyid slar yang

dran pas 'dzin pa'i shes pa yin pa'i phyir/ gnyis pa ni/ mig la
sogs pa'i dbang po gsal ba la brten nas kyang don thob pa'i
phyir tshad ma ma yin nam zhe na/ rang yul gyi rnam pa shar ba'i
sgo nas gsar du bslu ba med pa'i blo

ni chos can/ tshad ma nyid yin te/ tshad mas chod pa dang ma chod
pa'i 'bras bu sgrub byed kyi gtso bor gyur pa'i shes pa yin pa'i
phyir/ tshad mas chod pa'i 'bras bu sgrub byed yin te/ blang bya
dang dor bya'i dngos po yi yul 'dor len

@129b la skyes bu 'jug pa la rgyu'i gtso bo de yin pa'i phyir/
de tshad mas ma chod pa'i 'bras bu sgrub byed yin te/ de yod na
yul rtogs pa'i tshad ma bar ma chad du 'jog nus pa 'di yod pa'i
phyir/ der thal/ sgro 'dogs gsar du gcod

nus kyi blo la shar ba'i yul gyi rnam pa tha dad pas/ blo yis
yul rtogs pa tha dad du 'jog nus pa'i phyir/ gsum pa ni/ tshad
ma'i mtshan nyid gsar du mi slu ba rang nyid kyis nges sam/ tshad
ma phyi ma gzhan la bltos/ dang po ltar

na/ 'ga' yang tshad ma dang tshad min gyi rnam dbye la mi rmongs
par 'gyur ro/ /gnyis pa ltar na/ nges byed kyi tshad ma de yang/
phyi ma gzhan las mi slu bar nges dgos la/ de yang gzhan la
bltos pas thug pa med par 'gyur ro

zhe na/ tshad ma kun rang las nges pa'am gzhan las nges pas khyab
pa ma yin te/ rang las nges pa yang yod/ gzhan las nges pa yang
yod pa'i phyir/ der thal/ rang myong ba'i rang rig mngon sum
tshad ma las rang gi ngo bo rtogs

pa na/ de dang grub sde rdzas gcig pa'i mi slu ba yin pa'i cha
la rang stobs kyis nges pa 'dren pa mthong ba'i phyir dang/ tshad
ma kha cig rang gi gzhal bya rtogs dus las phyis 'byung ba'i tha
snyad byed pa'i tshad ma las/ mi slu ba'i

tshad ma nyid du nges dges pa mthong ba'i phyir/ yang na/ tshad ma
dang tshad min gyi rnam dbye mthar thug spyod pa'i rig shes kyi
ngor med de/ de'i ngor rang las rang gi ngo bo myong ba'i myong
ba gnyis med gzung 'dzin rdzas tha dad kyis

@130a @#/ /stong pa tsam zhig yod par rtogs pa'i phyir/ de'i ngor
med na rnam dbye de mi 'thad pa'i skyon med par thal/ ma brtags
par 'jug pa'i tha snyad pa'i tshad ma nyid las/ tshad ma dang tshad
min gyi rnam dbye nyid 'grub pa'i

phyir/ rang gi ngo bo myong ba'i cha rang rig mngon sum gyis
grub pa gzhung snga mas bstan zhing/ rang nyid rang gi gzhal bya
la tshad ma yin pa/ dus phyis byung gi don byed snang ba can gyi
tshad mas grub pa gzhung phyi mas bstan par 'dod

pa ni/ rang nges dang gzhan nges kyi mtshan nyid yongs su rdzogs
pa ma yin no/ /yang na/ slob dpon lha dbang blo'i bzhed pa ltar
sbyar te/ sngo 'dzin mngon sum lta bu'i shes pa yod tsam du rang
myong ba'i rang rig mngon sum las rtogs

kyang/ de dang grub sde rdzas gcig pa'i tshad ma yin pa'i cha de
rtogs pa'i nges pa med par thal/ tshad ma yin pa'i cha de dus
phyis byung gi don byed snang can gyi tha snyad pa'i tshad ma
nyid las rtogs dgos pa mthong ba'i phyir/ gal

te/ rang nges dang gzhan nges zhes pa de ci/ yul shes gnyis las/
yul la rang stobs kyis nges pa 'dren mi 'dren gyi dbang las yin
nam/ 'on te yul can las yin/ dang po ltar na/ nges byed kyi tshad
ma phyi ma bcad shes

su thal ba dang/ tshad ma snga mas kyang rang gi yul gyi cha gang
la yang rang stobs kyis nges pa mi 'dren na the tshom rkyang pa
can du 'gyur la/ de lta na/ dogs pa cung zad kyang mi gcod pa
tshad mar mi rung ba'i phyir ro/ /yul can

@130b la yang mtshan mtshon gzhi gsum du nges pa las/ tshad ma'i
mtshan gzhi sngo 'dzin lta bu rang stobs kyis nges nus mi nus
gnyis las 'byed pa yang mi rigs te/ kha phyir blta'i shes pa
sngo 'dzin lta bu rang nyid kyis 'jal ba mi srid pa'i

phyir dang/ rang yod tsam du rang myong rang rig mngon sum gyis
rang stobs kyis ma rtogs pa tshad mar mi rung ba'i phyir ro/
/mtshan gzhi'i steng du mtshon bya tshad ma'i tha snyad rang stobs
kyis nges pa dang ma nges pa las dbye ba yang mi 'thad de/ tshad

ma'i tha snyad ma rtogs pa'i byis pa dang/ rgyang phan gyi rgyud
kyi rjes dpag rang las nges ma yin par 'gyur ro/ /mtshan nyid mi
slu ba rang stobs kyis nges mi nges las rnam par 'byed na yang/
rgyang phan gyi rgyud kyi rjes dpag rang nges ma yin

par 'gyur te/ de bslu bas khyab par 'dod pa'i phyir ro zhe na/
skyon med de/ 'di ni/ tshad ma'i mtshan gzhi la mtshan nyid nges
byed kyi tshad ma dpyod pa'i skabs yin pas/ rang gi gzhal bya'i
cha gang la yang rang stobs kyis nges pa mi 'dren pa'i

tshad ma mi srid la/ des na/ mi slu ba'i cha rang stobs kyis nges
na rang nges dang/ gzhan stobs kyis nges na gzhan nges so/ /'o
na rjes dpag la rang nges kyis ma khyab par 'gyur ro zhe na/
skyon med de/ rgyang phan gyi rgyud kyi du ba'i rtags las

du ldan la la me rtogs pa'i tshad ma de/ ji ltar rtogs pa'i don
thob pa la rang stobs kyis nges pa drangs pa'i phyir mi slu ba'i
don legs par grub bo/ /tshad ma rang nyid dang phyis byung las
tshad ma dang tshad min so sor nges na bstan bcos

@131a @#/ /brtsams pa don med par 'gyur ro zhe na/ bstan bcos don
med pa ma yin te/ rig byed tshad mar byed pa sogs thar pa'i thabs
la rmongs pa ldog par byed dgos pa yin pas/ de'i ched du rtsom
pa'i phyir/ yang na/ thams

cad mkhyen pa'i bka' nyid la sbyar ro/ /gnyis pa ni/ mi slu ba
tsam gyis tshad ma'i mtshan nyid rdzogs pa ma yin te/ sngar ma
shes pa'i don gyi gsal byed de/ dang po'am/ gsar du shes kyang
de'i mtshan nyid kyi zur du smos dgos pa'i

phyir/ 'dis ni/ tshad ma'i skad dod kyi sgra bshad pa dang mthun
pa'i dang por mi slu ba'am/ gsar du mi slu ba zhes pa'i khyad
par bstan pa yin no/ /kha cig snga ma dang 'di gnyis/ tshad ma'i
mtshan nyid rnam grangs pa yin no zhes zer

ba mi 'thad de/ 'di gnyis la don spyi mi 'dra ba so sor 'chad
pa'i phyir/ mtshon bya'i ldog pa tha dad du 'gyur dgos so/ /yang
snga mas tha snyad pa'i tshad ma'i mtshan nyid dang/ 'dis don dam
pa'i tshad ma'i mtshan nyid bstan to/ /zhes pa

yang mi 'thad de/ 'o na/ don dam pa'i tshad ma de tha snyad pa'i
tshad mar thal/ mi slu ba'i shes pa yin pa'i phyir/ tha snyad
pa'i tshad ma yang don dam pa'i tshad mar thal/ mi shes don gyi
gsal byed yin pa'i phyir/ gal te don dam pa'i

tshad ma yin te/ don dam pa mi shes pa gsar du gsal bar byed pa
yin pa'i phyir ro/ /zhes pa'i don to zhe na/ snga mas kyang don
dam pa'i mtshan nyid bstan par 'gyur te/ don dam la tshad ma yin
te/ don dam la mi slu ba yin

@131b pa'i phyir ces smos bas chog pa'i phyir/ de bzhin du 'dis
kyang tha snyad pa'i tshad ma'i mtshan nyid bstan par khas len
dgos pas so sor gcod pa mi 'thad do/ /'o na rgyan mkhan pos de
ltar bshad pa ci zhe na/ de ni don dam pa'i tshad

ma'i mtshan gzhi la mtshan nyid kyi sgras bstan pa yin gyi/ don
gyi ldog pa so sor bstan 'dod pa ma yin te/ tshad ma spyi'i mtshan
nyid bstan pa tsam gyis nus pa'i phyir/ don gsar du gsal byed
tshad ma yin na/ sngon po nges pa'i

bcad shes kyang tshad mar 'gyur te/ spyi gsal du gsal bar byed
pa'i phyir ro zhe na/ de 'dra'i bcad shes tshad mar thal ba'i
skyon med de/ sngo 'dzin mngon sum gyis sngon po'i thun mong ma
yin pa'i rang gi ngo bo rtogs pa'i 'og tu de'i

stobs kyis spyi 'dzin pa yi rnam par shes pa de thob pa yin gyi/
de la rang dbang du yul gcod pa'i mthu med pa'i phyir/ yang na/
sngon po'i rang gi ngo bo rtogs pa'i 'og tu spyi 'dzin ba'i rnam
par shes pa skyes pa de nyid tshad ma yin

pa thob par 'gyur ro zhe na/ zhes gzhung 'og ma dang sbyar ro/
/rang mtshan la ma brten cing de dang 'brel pa med pa'i spyi'am/
rang mtshan gyi rnam pa shar ba'i spyi 'dzin tshad ma yin/ dang po
ltar na/ spyi rang rgyud pa 'dzin pa'i tshad ma mi

srid par thal/ tshad ma yin na/ rang gi mtshan nyid sngar mi shes
pa gsar du shes pa gang yin pa de 'am de la brten pas khyab pa'i
phyir/ gnyis pa ltar na/ spyi 'dzin tshad ma yod na yang/ bcad
shes ched mar thal ba'i skyon

@132a @#/ /med par thal/ 'bras bu don gnyer mthar rang gi mtshan
nyid sngar mi shes pa gsar du shes pa gang yin pa yul dang bcas
pa la 'jug par 'gyur ro/ /zhes dgongs nas spyi 'dzin tshad ma
de'i thabs su dang/ ma

shes don gsal tshad ma'i mtshan nyid kyi zur du smos pa'i phyir/
'bras bu don gnyer mthar rang mtshan 'jal ba'i tshad ma yul dang
bcas pa la 'jug dgos te/ des gtso bo'i don du gnyer bya'i rang
gi mtshan nyid

yod med kyi phyogs gnyis su phyi nas dpyad par bya ba yin pa'i
phyir/ 'dir slob dpon lha dbang blos/ tshad ma'i gzhal bya yin
na/ rang mtshan yin pas khyab pa la gnod pa dngos su brjod nas
rang mtshan la brten

pas khyad pa gzhung 'di dag gi don du mdzad do/ /yang na 'di
ltar bshad de/ dngos po rnams la rang dang spyi'i mtshan nyid gyi
gnas lugs gnyis yod pas/ bcad shes 'dis kyang spyi'i de kho na
nyid gsal bar byed pas tshad ma

yin no zhe na/ rang gi mtshan nyid shes pa la/ /shes gang rig med
phyir bsam pas/ /rang gi mtshan nyid dpyad phyir ro/ /zhes 'don
te/ spyi rang rgyud pa 'jal ba tshad mar thal ba'i skyon ?  med
par thal/ shes pa gang gi rang gi mtshan

nyid las byed pa na/ thun mong ma yin pa'i sdod lugs gnyis su
med pa'i de kho na nyid ma gtogs pa mi 'dra ba gnyis rig pa med
pa'i phyir/ 'o na phyi rol gyi don la sogs pa gsungs pa ji lta
bu zhe na/ de ltar gsungs pa la

@132b dgos pa yod de/ de kho na nyid la rim gyis drang ba'i ched
du gdul bya'i bsam pa'i dbang gis gsungs pa'i phyir/ thun mong
ma yin pa'i gnas lugs mi 'dra ba gnyis med de/ dngos po rnams
kyi rang gi mtshan nyid kyi sdod lugs la rnam pa

dpyad pa na/ gzung 'dzin rdzas tha dad kyis stong pa'i gnyis
med las de kho na nyid gzhan med pa'i phyir/ gnyis pa la/ tshad
ma'i don bshad zin dang sbyar ba dang/ gyur pa'i don bshad pa'o/
/dang po ni/ thub pa bcom ldan 'das chos can/

ji lta ba dang ji snyed pa'i don thams cad la tshad ma nyid yin
te/ de thams cad la gsar du mi slu ba'i shes pa de dang ldan
zhing de yin pa'i phyir/ lha dbang blo'i 'grel pa'i 'gyur ltar
na/ de bzhin zhes dpe dang sbyar ro/ /de ni 'di dpyad de/

thams cad mkhyen pa gang yin shes bya kun la tshad ma yin na ma
min/ min na/ bstan pa tshad mar sgrub pa'i sgo nas ston pa tshad
mar sgrub pa'i ngal ba byas pa de thams cad don med par 'gyur
zhing/ rang gi ston pa dang gzhan gyi ston pa'i rjes su

'jug bya yin pa dang ma yin pa'i rnam dbye mi 'thad par 'gyur
ro/ /dang po ltar na/ rnam mkhyen skad cig dang pos shes bya
thams cad mngon sum du gsar du gzigs pa yin pas tshad ma yin med/
skad cig gnyis pa phan chad tshad ma min/

par thal/ gsar du rtogs par byar med pa'i phyir/ gal te yod na
yang/ sngar ma rtogs pa'i gzhal bya gsar du rtogs pa'i thabs la
'bad dgos pas/ lam gsar du sgrub pa'i bya ba dang bcas pa'i
phyir/ shes sgrib ma zad par 'gyur la/

@133a @#/ /gal te/ yang mi slu ba tsam yod pas tshad ma yin no
snyam na/ dang po'am gsar du mi slu ba zhes pa'i khyad par don
med par 'gyur zhing/ bcad shes tshad ma yin pa yang mi khegs par
'gyur ro zhe na/ de la 'di dra bar bya ste/

rnam mkhyen skad cig dang po'i rjes de ma thag /rnam mkhyen skad
cig gnyis pa de gsar du skyes sam ma skyes/ phyi ma ltar na/
rtag par khas len dgos par 'gyur la/ dang po ltar na/ de nyid
skad cig gnyis pa phan chad kyis gsar du

rtogs pas tshad mar khas len dgos so/ /skad cig gnyis pa phan
chad rnam mkhyen skad cig dang po des 'byung 'gyur du rtogs pas/
yang rtogs par byar med do zhe na/ de ltar rtogs pa'i dus na/ de
skad cig gnyis pa phan chad

byung zin nam ma zin/ byung zin na/ 'byung 'gyur gyi zhib cha
don med la/ ma zin na/ de byung zin gyi cha la gsar rtogs byar
yod pas tshad ma med pa nyams so/ /rnam mkhyen skad cig dang po
skyes phyin chad shes bya gsar yod mi

srid na/ dngos po gang yin rtag par 'gyur la/ srid na/ gsar yod
de nyid gsar du rtogs dgos pas/ gsar rtogs kyi tshad ma med pa
nyams so/ /yang sa brgyad pa po de nyid sangs rgyas sam mi
rgyas/ dang po ltar na/ sgom spangs

chung ngu'i 'bring ma spangs pa'i sangs rgyas yod par 'gyur la/
gnyis pa ltar na/ de nyid sangs rgyas pa srid dam mi srid/ mi
srid na/ sems can sangs rgyas pa mi srid pas gsar du sangs rgyas
pa mi srid pa'i phyir/ rnam mkhyen

@133b skad cig dang po'i khyad par don med la/ srid na/ de
sngar med pas byis de gsar du sangs rgyas pa'i tshe/ de gsar
rtogs rnam mkhyen skad cig gnyis pa phan chad du nges par khas
len dgos so/ /kho bo cag de ltar ba dngos su rtogs pa

na/ byung zin dang 'byung 'gyur thams cad de'i rgyu 'bras su
shugs la rtogs mi nus pa'i kun mkhyen mi srid pas/ skad cig
gnyis pa phan chad la gzhal bya gsar rtogs mi srid par khas len
pa yin no zhe na/ theg pa chen po'i

mthong lam skad cig dang po de la chos nyid gsar du rtogs par
byar med par thal/ de'i rgyu sbyor lam gyi dus nas chos nyid
rtogs zin byed pa ma nyams par yod pa'i phyir ces smras na/ lan
ci yod/ chos nyid tsam gyi ldog pa la gsar

du rtogs par byar med kyang/ chos nyid mngon du gyur pa'i tshe
gsar du rtogs dgos pas tshad ma yin no zhe na/ 'o na/ dngos po
'byung 'gyur rnam mkhyen skad cig dang pos rtogs zin kyang/ de
nyid byung zin skad cig gnyis pa phan

chad du gsar du rtogs par byar yod do/ /'das ma 'ongs la 'byung
'gyur mi srid pas 'byung 'gyur yin na byung zin yin pas khyab bo
zhe na/ 'o na byang sems sbyor lam pa shes sgrib kyi sa bon
spangs zin du thal/ spong 'gyur yin

pa'i phyir/ sangs rgyas zin du thal/ sangs rgya 'gyur yin pa'i
phyir/ spyir 'byung 'gyur yin na byung zin yin pas khyab cing/
gang zag de'i rgyud la de 'byung 'gyur yin na byung zin yin pas
khyab pa med do zhe na/ 'o na gang zag de'i

@134a @#/ /rgyud la sngar byung ma zin pa'i byung zin phyis yod
dgos pas de la gsar rtogs yod par 'gyur la/ rnam mkhyen skad cig
gnyis pa thob phyin chad sems can sgrib pa gsar du zad pa srid
na/ sgrib pa gsar du zad pa de nyid

gsar du rtogs dgos pas/ gsar rtogs kyi tshad ma med pa nyams so/
/des mtshon nas gzhan la yang shes par bya'o/ /kho bos ni/ kha
nang du phyogs nas ji tsam bsams kyang/ tshad ma ma yin pa'i kun
mkhyen dang/ tshad ma la gsar

rtogs kyis ma khyab pa ma tshor ro/ /gnyis pa la/ gyur pa smos
pa'i dgos pa dang/ de la rtsod spang ngo/ /dang po ni/ mchod
brjod kyi tshigs bcad du gyur pa smos pa la rnam bcad kyi dgos pa
yod de/ kun mkhyen de rang gi rgyu las ma skyes pa

ldog pa'i don du/ der gyur pa nyid gsungs pa'i phyir/ yongs gcod
kyi dgos pa yod de/ kun mkhyen de thabs shes kyi sgrub byed
khyad par can goms pa rab kyi mthar phyin pa la bltos nas/ tshad
mar 'khrungs pa yin par go ba'i

ched du gyur pa smos pa de'i phyir/ yang kun mkhyen chos can/
tshad ma'i skyes bur rigs te/ kun mkhyen du sgrub byed kyi gtan
tshigs yang dag la bltos nas tshad mar grub pa yin pa'i phyir/
gnyis pa la/ shes bya thams cad bzo shes

pa kun mkhyen yin pa dgag pa dang/ thams cad kyi gnas lugs ji
ltar gnas pa mngon sum du shes pa kun mkhyen du bsgrub pa'o/
/dang po la/ thams cad kyi byed pa po'i dbang phyug gi ngo bo
dgag pa dang/ sgrub byed dgag pa'o//

@134b dang po la/ rtag pa yin pa dgag pa dang/ mi rtag pa yin pa
dgag pa'o/ /dang po ni/ thams cad kyi byed pa po dbang phyug de
nyid rtag pa rang byung gi tshad ma'i skyes bu yin no zhe na/
dbang phyug chos can/ khyod tshad ma rtag pa nyid bu yod pa min
par thal/

khyod yin na yul dngos por yod pa rtogs pa'i tshad ma yin pas
khyab pa'i phyir/ khyab pa yod de/ yul shes bya mi rtag pa yin
pa nyid kyis khyab na/ de 'jal gyi tshad ma de ni mi brtan pa
nyid yin dgos pa'i phyir/ sangs rgyas kyi gsung rang

la mtho 'tsham pa gang dag/ 'di dag gis tha snyad pa'i tshad ma
rtag pa bkag pa yin gyi/ don dam pa'i tshad ma rtag pa bkag pa
min no zhes zer ba ni/ rtag pa 'gog pa'i rigs pa'i rnam gzhag
cung zad kyang ma chags pa'i gtam ste/ tha

snyad pa'i tshad ma yin pa'i rtag pa yod na/ rtag dngos kyi tshad
mar 'gyur la/ de yin na skabs 'di'i dgag bya dang/ khyod 'dod
pa'i don dam pa'i tshad ma gnyis la don dam pa dang/ tha snyad
kyi khyad par ci 'dug soms shig /mig mi g.yo

bar gnas pa na gzugs rim gyis 'dzin yang/ mig la byed pa mi 'dra
ba'i khyad par med pa ltar/ shes bya mi rtag pas dbang phyug gi
shes pa mi brtan pa yin yang/ shes par byed pa po dbang phyug
rtag pa yin no zhe na/ dbang phyug gi shes

pa chos can/ dbang phyug rtag pa las skye ba mi 'thad par thal/
snga phyi rim pa bzhin du skye ba can dag yin pa'i phyir/ rkyen
la bltos nas kyang de bskyed pa ma yin te/ rtag pa rkyen la
bltos pa mi rung ba yi phyir/ mig la byed pa mi 'dra ba

@135a @#/ /med na yang/ snga ma 'dzin dus na phyi ma 'dzin par
'gyur ro/ /gnyis pa ni/ dbang phyug de nyid mi rtag pa yin na
yang/ sngar 'khor ba'i dus su chags sogs nyams su myong nas/
de'i gnyen po sbyin ? sogs goms pa'i sgrub byed

la bltos pa ma yin gyi/ thog ma med pa nas chags bral dang kun
mkhyen du rang gi rigs 'dra snga ma las skyes pa yin no zhe na/
dbang phyug chos can/ rigs 'dra snga ma las skyes ba'i kun
mkhyen yin pa la sgrub byed kyi tshad

ma med pa nyid du thal/ khyod kyi skad cig snga ma gang yang
sngar 'khor ba'i gnas skabs su kun nas nyon mongs pa dang/ rnam
byang gi phyogs kyi rkyen gyi rnam pa 'gas kyang gnod bya'am
phan gdogs ? bya min pa'i phyir/ yang na/

lha dbang blo gros kyi bzhed pa ltar rkang pa de nyid snga ma'i
sgrub byed du sbyar ro/ /gnyis pa la/ sgrub byed ltar snang du
bstan pa dang/ kun gyi byed pa po yin pa la tshad ma'i bsal ba
bstan pa'o/ /dang po la mdor bstan pa dang/

rgyas bshad do/ /dang po ni/ 'jig rten gyi gnas lugs longs spyod
rnams chos can/ byed pa po'i blo sngon du song ste/ sdod cing
sdod cing las la 'jug pa'i phyir/ ste'u bzhin dbyibs kyi khyad
par dang ldan pa'i phyir/ bum

sogs bzhin/ don byed nus pa'i phyir/ dgra sta bzhin/ zhes pa la
sogs pa dag las/ blo sngon du btang nas byed pa po yod par grub
la/ de yang dbang phyug yin no zhe na/ spyir blo sngon du song
ba tsam sgrub na/ sangs rgyas pa'i 'dod pa sngar

@135b ma grub pa sgrub byed yang dag ma yin par thal/ rang rgyu
sems pa'i las las skyes par sangs rgyas pas grub zin ma brjed
pa'i phyir/ 'am sgras brtag pa phyi ma sdud do/ /blo rtag pa
zhig gis byas par sgrub na/ gtan tshigs de'i dpe ma

grub par thal/ dngos po rtag pa mi srid pa'i phyir/ yang na/
byed pa po gzhan sngon du song ba tsam sgrub na/ khyab pa ma
nges par thal/ dbang phyug nyid kyis ma nges nas khyab pa la the
tshom za ba yin pa'i phyir/ dbang phyug sdod cing 'jug pa ma grub
ce na/

'bras bu rim gyis 'jug pa mthong bas/ de'i dngos rgyu la rim can
yod par grub bo/ /bsgrub bya'i chos la brtag pa byed pa ma gtogs
sbyor ba gcig la dus gcig tu ltar snang gsum ga'i gnod pa 'jug
pa mi srid do/ /gnyis pa la/

sgrub byed kyi don brtags la dgag/ des rigs can gzhan yang khegs
pa/ des grub pa'i don to/ /dang po la/ dbyibs kyi don rtags su
mi rung ba/ dbyibs kyi sgra 'jug pa rtags su mi rung ba'o/ /dang
po la/ dbyibs khyad par can phyogs

chos ma grub/ dbyibs tsam ma nges pa'o/ /dang po ni/ rang
byin gyis rlob pa'i skyes bu phan byed du yod med kyi rjes su
'jug pa can gyi dbyibs ldan sogs de chos can/ khyod 'jig rten
gyi gnas lus longs spyod skyes bus blo sngon du btang nas

byas par sgrub pa'i rtags yang dag ma yin par thal/ bum sogs ci
'dra ba de ltar rab tu grub na/ khyod las de ltar rjes su dpog
pa gang yin pa de ni/ rigs pa nyid yin na yang/ khyod kyis de
sgrub kyi phyogs chos ma grub pa'i phyir/ gnyis

@136a @#/ /pa la /ma nges pa'i dpe/ des na ha cang thal ba/ 'bras
mtshungs kyi ltag chod du thal ba spang ba'o/ /dang po ni/ bum
pa'i dbyibs dang dbyibs tsam du tha dad med pa'i phyir/ ces pa'i
rtags las de dag skyes bus byas par rjes su

dpog rigs pa ma yin te/ de dag gi dbyibs skyes bus byas pa'i
dbyibs dang rgyu rigs tha dad kyi dngos po la skye bar rab tu
grub pa'i phyir/ dbyibs tsam du tha dad med de/ dbyibs zhes pa'i
sgra 'jug par mtshungs pas so/ /dper na/ skye

bo'i rdzas las rang yod pa'i gzhir me dpog pa bzhin no/ /gnyis
pa ni/ de lta min na/ grog mkhar yang rdza mkhan des byas par
grub par 'gyur bar thal/ da dang rdza mkhan gyis byed pa'i
rdza'i bum pa la sogs pa 'jim pa'i rnam 'gyur

'ga' zhig mtshungs pa'i phyir/ gsum pa ni/ rtags su bkod pa'i
spyi dang khyad par la brtags nas skyon brjod pa 'bras mtshungs
kyi ltag chod yin te/ khyed rang sgrub byed du 'dod pa la yang
brtag pa de mtshungs so zhe na/ mi mtshungs

te/ bsgrub bya sgrub nus kyi spyi rtags su bkod pa la/ khyad par
la brtags nas sun 'byin na/ sun 'byin pa po rang gis sgrub byed
gang bkod pa la yang nyes pa de 'jug pas 'bras mtshungs kyi ltag
chod yin gyi/ sgrub byed ltar snang bkod

pa la sun 'byin brjod pa ltag chod du 'gyur ba ma yin no/ /dung
sgra 'bras bur bsgrub pa la/ rtsel byung rtags su bkod pa'i tshe/
rtsol ba las sngar yod gsal ba rtags su 'god na ma nges/ sngar
med gsar byung 'god na ma grub ces pa'i

@136b rtsod pa 'di/ 'bras mtshungs kyi ltag chod du 'dod rigs te/
rtsod pa de rtsol byung gi spyis kyang dung sgra 'bras bur sgrub
par byed nus pa rtags su bkod pa la/ 'brel pa can nyid tha dad
la brtags nas tha dad pa'i skyon brjod pa'i lan log yin pa'i

phyir/ rtags des sgrub bya de sgrub nus te/ bsgrub bya'i chos
rjes su 'gro ba'i khyab pa dang/ phyogs chos grub pa'i phyir/
gtan tshigs de rkang mig pas bkod pa la/ rigs pa can pas khyad
par la brtags nas skyon brjod pa 'bras mtshungs

kyi ltag chod yin pa rkang mig pa 'dod cing /slob dpon yang
bzhed do/ /'bras mtshungs kyi ming don ni/ 'bras bu bsgrub bya'i
chos su byas nas rtsol byung tsam rtags su bkod pa'i tshe/ khyad
par la brtags nas sun 'byin brjod pa ni/ sun

'byin pa po rang nyid kyis sgrub byed gang brjod pa la yang/
dung sgra rtsol ba'i sngar med gsar pa'i 'bras bu yin nam/ sngar
yod rtsol bas gsal ba'i 'bras bu yin zhes brtag pa byed pa dang
mtshungs par brtag pa 'jug go/ zhes pa'i don

te/ mdor na/ 'bras bu dang mtshungs pa'i ltag chod ces bya'o/
/yang na/ de sun 'byin yang dag yin na/ rang gis bkod pa'i sbyor
ba la yang 'bras bu nyes pa de mtshungs pas 'bras bu mtshungs pa
zhes bya'o/ /de bzhin du sgra mi rtag sgrub

la byas pa rtags su bkod pa la yang/ gzhan dag gis sgra'i byas
pa rtags su bkod na 'gal ba dang/ bum pa'i byas pa 'god na ma
grub pa dang/ de rtag pa la yang med do zhes zer na/ thun mong
ma yin pa'i ma nges pa ltar snang du

@137a @#/ /'gyur ro/ /zhes rtsod pa yang 'bras mtshungs kyi ltag
chod do/ /gnyis pa la/ dbyibs kyi sgra mthong ba tsam rtags su
mi rigs pa'i dpe dang/ ha cang thal ba'o/ /dang po ni/ dbyibs
dang ldan pa'i rigs kyi khyad par bum

pa sogs la/ dbyibs ldan gyi sgra 'jug par grub pa dang mtshungs
par dbyibs kyi sgra'i spyi sbyor bar mthong ba las gnas lus sogs
skyes bus byas par sgrub par byed pa mi rigs par thal/ de ltar
sgrub pa'i khyab pa ma nges

pa'i phyir /dper na/ ngag la sogs pa chos can/ go'u zhes pa'i
sgra mthong ba nyid kyi phyir na/ rwa can yin te/ zhes dpog pa
mi rigs pa bzhin no/ /gnyis pa ni/ skyes bu thams cad kyis 'dod
don thams cad 'bad med du

grub par thal/ de'i sgra yod pas don grub pa'i phyir/ khyab ste/
rjod byed kyi sgra rnams gang na'ang med pa ma yin pa'i phyir/
der thal/ brjod par 'dod pa'i gzhan dbang tsam yin pa'i phyir/
gnyis pa ni/ dbang phyug sgrub pa'i rtags sun

'byin pa'i rigs pa 'dis ni chos can/ khyon la brten nas ser skya
pa dang/ gcer du ba la sogs kyi sgrub byed ltar snang gzhan yang
dpyad pa byas nas 'gog nus pa yin te/ ser skya pas blo bde chos
can/ sems med dang sogs

pas bem po yin te/ mi rtag pa dang sogs pas skye ba can yin pa'i
phyir/ ces pa dang/ yang gcer buM pas ljon shing chos can/ sems
ldan yin te/ shun pa bshus na 'chi ba'i phyir/ ces pa rnams
brtags nas 'gog nus pa'i

@137b phyir/ gsum pa la/ ngo bo dang/ khyad par gnyis las/ ngo
bo gtso bo'i dpe ni/ gtan tshigs la ngo bo dang khyad par gnyis
la ngo bo gtso ste/ rtags kyi dngos po'i ngo bo shes 'dod chos
can gyi steng du 'god tshul dang mthun par ma grub

pa yin na/ ma grub pa'i tshul 'di 'thad kyi/ de grub na/ khyad
par chos can la ma grub kyang gnod byed ma yin pa'i phyir/ dper
na/ byas pa'i ngo bo sgra'i steng du 'god tshul dang mthun par
grub pa na/ khyad par nam mkha'i yon tan dang

don gcig la 'du ba'i byas pa sgra yi steng du ma grub kyang gnod
byed ma yin pa bzhin/ yang na sgra yi steng du grub na khyad par
nam mkha' la brten pa'i sgra la ma grub kyang gnod byed min pa
bzhin/ ming dang don gnyis las don gtso bo'i

dpe ni/ byas pa chos can/ sgra de khyod brjod pa'i sgra'i brjod
byar ma grub kyang/ khyod kyis sgra mi rtag par sgrub pa'i
phyogs chos grub par 'gyur te/ dngos po khyod shes 'dod chos can
sgra la 'god tshul dang mthun par yod pa nyid du grub pa'i

phyir/ dper na/ 'ug pa pa la sangs rgyas pas 'byung bzhi'i rdul
phran chos can/ mi rtag ste/ lus can yin pa'i phyir/ ces pa
sgrub byed du bshad pa bzhin/ sogs pas thogs pa dang bcas pa
bzung ngo/ /lus can zhes pa'i sgra sbyor

sa rgol phyir rgol gnyis mthun snang du ma grub ste/ bye brag pa
shes bya thams cad tshig gi don drug tu 'dus par 'dod de/ rdzas
dang yon tan/ spyi dang bye brag /las dang 'du ba'o/ rdzas la
yang/ thams cad du song ba ma yin pa'i rdzas

@138a @#/ /ni/ 'byung ba bzhi dang yid do/ /thams cad du song
ba'i rdzas ni/ bdag dus phyogs nam mkha' bzhi'o/ /tshad ni tshig
don drug gi nang nas yon tan te tshad la dbye na/ chen po dang/
chung ngu dang/ ring po dang thung bu'o/ /chen po la

yang rtag pa dang mi rtag pa'o/ /rtag pa'i chen po ni/ rdzas
phyi ma bzhi la brten pa'i yon tan no/ /mi rtag pa'i chen po ni/
rdul phran gsum yan chad kyis brtsams pa'i yan lag can gyi rdzas
la brten pa'i yon tan no/ /de bzhin du chung

ngu la yang/ rtag pa'i chung ngu ni/ rdul phran yid la zlum por
snang ba'i mtshan nyid can gyi yon tan no/ /mi rtag pa'i chung
ngu ni/ yan lag can dang po la brten pa'i yon tan no/ /ring
thung ni/ mi rtag pa'i chen po dang chung ngu gnyis dang

'dra'o/ /de la rtag pa'i chen po ma gtogs pa'i tshad gzhan rnams
la/ lus can gyi sgra 'jug par 'dod la/ lus can gyi don reg bya
can ni/ 'byung bzhi'i steng du 'god tshul ltar rgol ba gnyis kas
grub par 'dod do/ /de bzhin

du bye brag pa rdul phran thogs med du 'dod kyang thogs bcas kyi
don gzugs can gzhan gyi gos 'gegs pa sangs rgyas pa ltar 'dod
do/ /des na reg bya can chos can/ khyod kyi ming lus can zhes pa
de/ bye brag pa'i ngor 'byung

bzhi'i rdul phran la ma grub kyang/ de'i ngor khyod kyis 'byung
bzhi'i rdul phran mi rtag par sgrub pa'i phyogs chos ma grub
pa'i skyon med de/ de ma grub kyang/ don khyod de'i ngor de
sgrub kyi shes 'dod chos can gyi steng du 'god tshul dang

@138b mthun par yod pa nyid du nges pa'i phyir/ gzhung snga ma
gnyis kyi don de 'thad pa'i rgyu mtshan ni/ don de nyid 'khrul pa
dang/ 'gal ba dang/ ma grub pa la sogs pa yin na/ sgra ni 'khrul
pa med na yang sgrub byed skyon ldan du shes par bya

ste/ 'bras bu dang khyab bya'i dngos po las rgyu dang khyab byed
kyi dngos po grub kyi/ sgra tsam las don mi 'grub pa'i phyir/
dper na/ ba glang khra bo chos can/ rwa can yin te/ 'gro ba'i
phyir dang/ glang po che'i phrug gu chos can/ glang po che yin
te/

lag ldan yin pa'i phyir/ zhes sgrub byed bkod pa na/ rwa can
dang glang po 'di yi ming 'gro ba zhes pa dang/ lag ldan zhes
pa'i sgra chos can/ khyod kyi zhen pa'i brjod bya'i don rwa can
dang glang po la mi 'khrul pa'i rgyu mtshan gyis/ khyod de

dag gi ming du sbyar ba ma yin te/ don 'khrul yang grags pa'i
dbang las khyod sbyor ba yin pa'i phyir/ khyod kyi brjod byar
'dod pa'i 'gro ba dang lag ldan gnyis rwa can dang glang po la
mi 'khrul pa ma yin te/ de gnyis ma yin pa'i

srog chags la yang mthong ba'i phyir/ gnyis pa la/ rtag pa rgyur
mi rung ba/ rang la mtshungs pa spang ba'o/ /dang po la/ thal ba
dgod pa ni/ dbang phyug gi dngos po de chos can/ rgyu mtshan gang
gis rgyur 'dod pa'i dus de nyid la rgyu ma yin du mi

'dod pa mi 'thad de/ ji ltar na rgyu yin pa'i rang bzhin de lta
bu las ma 'phos bzhin du/ de nyid dus gang gi tshe rgyu ma yin
gyi rang bzhin du 'dod pa'i phyir/ khyab pa med na/ 'brel med
kyi sdong dum yang ci'i phyir rma sos pa dang bskyed pa'i rgyu

@139a @#/ /nyid du rtog par mi byed de rtog rigs par thal/ snga
ma la khyab pa med pa'i phyir/ 'dod mi rigs par thal/ mtshon dang
sman sogs dang 'brel ba las/ nag pa'i lus la rma bskyed pa dang/
'drub sa shing sos pa 'thad pa yin gyi/

gzhan du mi 'thad pa'i phyir/ de chos can/ 'bras bu kun gyi byed
pa por yang mi rung ste/ 'bras bu mi skyed pa dang rang bzhin
khyad par med pa'i phyir/ khyod kyis 'bras bu la phan 'dogs pa'i
rgyu 'bras kyi nus pa nyid kyang rtogs par

dka' ste/ khyod phan byed du log pas 'bras bu skye ba ldog pa'i
gzhi med pa'i phyir te/ rtag dngos yin pa'i phyir/ de yin na des
mnon pa mi srid pas/ rjes su 'gro ldog nges pa byar med do/ /de
nyid kyi khyab pa la gnod pa can gyi

tshad ma bstan pa ni/ 'bras bu thams cad la rgyu rnams thug pa
med par 'gyur bar thal/ rgyu gang dag phan byed du yod na 'bras
bu gang skye bar 'gyur ba nyid kyi nus pa ma mthong ba'i de dag
las gzhan pa 'bras bu de yi rgyur rtog pa

'thad pa yin pa'i phyir/ gnyis pa ni/ 'o na khyed rang la yang
sa sogs myu gu mi skyed pa'i skabs dang khyad par med pas myu gu
mi skyed par 'gyur ro zhe na/ sa la sogs pa 'gyur ba med bzhin
du myu gu'i rgyu ma yin par thal/ myu gu

mi skyed pa'i skabs las rang bzhin yongs su 'gyur na/ de'i tshe
myu gu bskyed pa la rgyu yin pa'i phyir/ der thal/ zhing de lhag
par rmo ba sogs so nam legs par byas pa na/ ston thog de yi
khyad par phul du byung ba mthong ba'i phyir/

@139b gal te ji ltar yul dang dbang po rnams tshogs pa dang ma
tshogs pa la rnam pa khyad par med kyang/ dbang blo'i rgyu yin pa
de ltar dbang phyug 'di yang yin no zhe na/ dbang po sogs la
khyad par med pa ma yin par thal/ dbang shes de la'ang gsal

mi gsal la sogs pa'i khyad par yod pa'i phyir/ de lta min na
rkyen gsum tshogs kyang dbang shes bskyed pa'i nus pa med par
'gyur bar thal/ ma tshogs pa'i sau saur nus pa med pa gang zhig /
de rnams dang tshogs pa la rang bzhin khyad par

med pa'i phyir/ des na rkyen gsum tshogs ma tshogs la khyad par
grub pa yin te/ de tshogs ma tshogs la dbang shes skye mi skye'i
khyad par mthong ba de'i phyir/ dbang phyug sogs chos can/ 'bras
bu kun gyi rgyu ma yin te/ 'bras bu mi

skyed pa dang rang bzhin khyad par med pa'i phyir/ khyab par
thal/ gang la so sor thun mong gi 'bras bu de bskyed pa'i nus pa
med/ tshogs na 'bras bu'i yon tan srid par 'gyur ba de dang thun
mong gi 'bras bu'i rgyu yin pa de'i phyir/ gnyis pa la/

rtsod pa ni/ tshu rol mdzes pa pa dang/ spyod pa pa la sogs pa
kha cig na re/ khyed kyis dbang phyug bkag pa de ltar/ khyed
rang gi kun mkhyen la yang nyes pa mtshungs te/ tshad ma'i skyes
bu yin na lkog gyur gyi don ma lus pa shes pa yin

dgos la/ gang bsgoms pas kun mkhyen du 'gyur ba'i sgrub byed kyi
thabs cung zad kyang med pa'i phyir/ thabs de la nan tan byed pa
yod pa ma yin te/ skyed byed kyi rgyu med par ma zad/ shes byed
kyi sgrub byed cung zad kyang med pa'i phyir/

@140a @#/ /de shes pa'i don du nan tan byed pa yang yod pa ma yin
no zhes rab tu brjod do/ /'di ltar/ mthu bsam gyis mi khyab pa'i
sngags dang sman la sogs pas kun mkhyen du mi 'grub par thal/ de
phyi nang kun la yod pas thaM cad

la kun mkhyen yod par thal ba'i phyir/ lkog gyur thams cad dbang
shes kyis mi shes par thal/ bar du chod pa sogs la 'jug pa'i
mthu med pa'i phyir/ yid kyi shes pas kyang ma yin te/ de dbang
shes kyi rjes su 'brang ba'i phyir/

lung la brten pa'i yid blos kyang lkog gyur thams cad mi shes
par thal/ tshig don la 'brel pa med cing/ yod kyang mngon sum du
mi shes pa'i phyir/ gzhan yang thams cad rim gyis shes pa mi
'thad par thal/ de lta na/ zad mtha'

khas blangs pa'i phyir/ cig car shes na/ 'khor ba la thog ma yod
par thal/ shes pa gang du rdzogs pa de nyid mtha' yin pa'i
phyir/ de 'dra'i kun mkhyen yod pa rtags las mi shes te/ tshig
las gzhan pa'i rtags med la/ tshig

phyogs gcig la mi slu ba skyes bu kun la yod la/ thams cad la mi
slu bar grub na/ de nyid kun mkhyen du thal ba'i phyir ro/
/mngon sum gyis grub na yang de nyid kun mkhyen du 'gyur ro/
/rang gis shes bya thams cad mi shes

par/ 'dis shes bya thams cad shes so zhes nges mi nus pas kun
mkhyen skyed byed kyi rgyu dang/ shes byed kyi rgyu mtshan gnyis
ka med do zhes zer to/ /de dgag pa la/ kun mkhyen tshol ba'i rgyu
mtshan/ tshol ba'i tshul/ kun mkhyen

@140b ngos gzung ba'o/ /dang po ni/ sdug bsngal zhi ba'i thabs
mi shes bzhin du ston par byed pa'i gang zag 'ga' zhig la ston
par gzung nas/ ston pa yang dag tu 'khrul par dogs pa can gyi
grol ba don gnyer rnams kyis chos can/

sdug bsngal zhi ba'i thabs legs par shes pa dang ldan pa 'ga'
zhig tshol bar byed pa'i rgyu mtshan yod de/ de 'dra'i gang zag
des bshad pa'i don la nan tan bya ba'i phyir tu tshol ba'i phyir/
grol ba don gnyer rang gis mi shes bzhin

du gzhan la ston pa'i tshe nor ba byung dogs nas bshes gnyen
tshol/ zhes pa ni gzhung gi don min no/ /gnyis pa ni/ ston pa 'di
yis grol ba don gnyer de yi mngon par 'dod pa'i bsgrub bya ru
gyur pa'i 'khor ba'i 'jug ldog mkhyen

nam mi mkhyen snyam du/ de mkhyen pa'i ye shes yod med rnam par
dpyad par bya yi/ srin bu'i grangs ma lus pa mkhyen pa yin min
thog mar dpyad par mi bya ste/ grol ba don gnyer nged la srin
bu'i grangs ma lus pa mkhyen pa/ re

shig 'gar yang nyer mkho med/ grol ba don du gnyer ba de'i
phyir/ 'o na/ de ltar dpyad pa'i tshe ston par 'dzin pa'i sngon
du de la byang grol gyi lam mkhyen pa'i yon tan yod par shes sam
mi shes/ shes na rang nyid kyis sdug

bsngal zhi ba'i thabs shes zin pa'i phyir/ de tshol ba don med
la/ mi shes na bsten par bya ba dang/ bsten par bya ba ma yin
pa'i rnam dbye mi byed par/ thog mar gang phrad pa de bsten par
rigs so zhe na/ skyon med de/ 'di ni rtog

@141a @#/ /ldan gyis bshes gnyen tshol ba'i tshul yin la/ de la ni/
thog ma nyid nas don rags pa tshad mas shes shing cung zad phra
ba'i yon tan yod pa yid spyod kyis kyang shes par 'gyur zhing/
gzhan la dris pa dang/ grags pa

sogs las kyang phyogs tsam rtogs par 'gyur ro/ /gsum pa ni/ thub
pa bcom ldan 'das chos can/ gral ba don gnyer gyi tshad ma nyid
du 'dod rigs te/ blang bya dang dor bya'i de nyid 'khor ba 'jug
ldog thabs dang bcas pa

mngon sum du rig pa mthar phyin par mdzad pa yin pa'i phyir/
srin bu'i grangs thams cad rig par mdzad pa tsam gyis grol ba
don gnyer gyi 'dod pa rdzogs pa ma yin te/ de tsam la nyer mkho
med pa'i phyir/ de bzhin du de

chos can/ thag ring po mthong ngam/ min yang rung grol ba don
gnyer gyi ston par rigs te/ 'dod pa'i de nyid bden bzhi'i gnas
lugs mthong ba mthar phyin pa yin pa'i phyir/ de lta min par gal
te thag ring mthong ba tsam gyis

tshad ma'i skyes bu'i mtshan nyid rdzogs pa yin na/ 'o na grol ba
don gnyer tshur shog bya rgod sogs ston par bsten par gyis shig
ces gdams rigs par thal lo/ /des na/ gzhan dag thams cad bzo
shes pa kun mkhyen gyi don

du 'dod pa/ dper na/ bris dang/ ma gar ba dang/ gos la sogs pa
du ma byed shes pa la/ kun mkhyen gyi tha snyad 'jig rten na
brjod pa ltar ro/ /rigs pa mkhyen pas thams cad kyi byed pa po
kun mkhyen yin na/ ngan 'gro'i sdug

@141b bsngal la sogs pa yang des byas pas/ las dang nyon mongs
pa la kun mkhyen du btags pa tsam du zad par bsgrubs nas shes
bya'i gnas lugs ji ltar gnas pa ltar gzigs pa la kun mkhyen du
ston par mdzad do/ /gnyis

pa la/ khyad par gyi chos bzhi bsgrub pa dang/ de las tshad mar
grub pa'o/ /dang po la/ bsam pa phun tshogs ngos gzung ba dang/
de las sbyor ba phun tshogs skye ? tshul dang/ de gnyis las 'bras
bu phun tshogs grub tshul lo/ /dang po la/

bsam pa phun tshogs dang po'i sgrub byed du bstan pa dang/ de ma
grub pa spang ba'o/ /dang po ni/ thugs rje chen po de tshad ma'i
skyes bu de sgrub par byed pa la/ dang por sngon du song dgos
te/ dang por mtha' dag sdug bsngal las

grol bar 'dod pa'i snying rje bskyed nas/ de'i rjes su sdug
bsngal zhi ba'i thabs la goms par byas pa las ston par 'gyur
dgos pa'i phyir/ thugs rje chen po de chos can/ rgyu med dang mi
mthun pa'i rgyu las mi 'byung

ste/ rang gi rigs 'dra snga ma goms pa las grub pa'i phyir/
snying rje chen po de nyid theg pa chen po'i lam sgom pa'i thog
ma'i sgrub byed yin pa dang/ skyob pa rtaD kyi bsgrub byar byas
nas de bsgrub pa la yang/ thog ? mar 'di grub dgos pa'i tshul

ni 'og tu 'chad par 'gyur ro/ /gnyis pa la/ rtsod pa dang/ de
dgag pa'o/ /dang po ni/ rgyang phan pa na re/ snying rje skye ba
du ma goms pas grub pa med de/ skye ba snga phyi du ma med pa'i
phyir/ der thal/ yid blo rtog pa ni lus la brten

@142a @#/ /pas/ lus zhig pa na de yang 'jig pa'i phyir/ dper na/
sgron me la 'od ltar/ lus kyi 'bras bu'am/ chang dang myos pa'i
nus pa ltar/ lus kyi yon tan nam/ rtsig pa dang de la brten pa'i
ri mo ltar/ rang bzhin gyi tshul

gyis brten no zhe na/ gnyis pa la/ skye ba du mar goms pa mi
srid pa dgag pa dang/ goms pa srid kyang mtha' med du 'phel ba
mi 'thad pa dgag pa'o/ /dang po la/ mdor bstan dang/ rgyas bshad
do/ /dang po ni/ yid blo rtog pa chos

can/ lus de khyod kyi nyer len dang lhan cig byed rkyen khyad
par can gyi rten ma yin te/ de 'dra'i rten yin pa tshad mas bkag
cing 'gog par yang 'gyur ba'i phyir/ yang na skye ba snga phyi
med pa'i rgyu mtshan gyis snying rje skye ba du mar goms

su mi rung ba ma yin par thal/ de ? med pa tshad mas bkag cing
'gog par 'gyur ba'i phyir/ de la 'dir skye ba snga phyi tshad mas
legs par bsgrubs nas/ 'og nas 'chad pa'i las 'bras dang bcas pa
la brten nas 'jig rten phyi ma phan

chad kyi mngon mtho'i go 'phang tsam zhig grub la/ de gzhir
bzhag nas bden bzhi'i gnas lugs gtan la phab pa las nges par
legs pa rgyu dang 'bras bur bcas pa rigs can gsum gas nyams su
blang bar bya ba'i thun mong ba

tsam zhig grub la/ de nyid snying rje mtha' med du 'phel ba'i
tshul gyis brgyan nas/ bden bzhi'i gnas lugs rtogs pa mthar thug
par 'gyur ba'i tshul bsgrub pa las kun mkhyen 'grub pas phyi ma'i
mngon mtho tsam ? dang/ des leD

@142b la yang thar ba tsam dang/ thams cad mkhyen pa dngos po
stobs zhugs kyi rigs pas grub pa'i tshul le'u 'dir rgyas par ston
pa yin no/ /mngon mtho'i khyad par 'dod pa'i lha dang/ tshangs pa
la sogs pa 'ga' zhig ni shin tu lkog tu

gyur pas lung la brten nas rjes su dpog ? par byed pa yin la/ de
dag sgrub byed kyi gtan tshigs yang dag le'u dang por rgyas par
bstan nas de'i rgyab rten gyi mngon sum tshad ma ni le'u gsum par
ston to/ /tshad ma rnam nges ltar le'u gsum

du sdud na/ 'di mngon sum gyi le'ur 'dus te/ rnal 'byor mngon
sum rgyas par ston pa'i yan lag yin pa'i phyir ro/ /gnyis pa la/
skye ba snga phyi yod pa'i sgrub byed dgod pa dang/ med pa'i
sgrub byed dgag pa'o/ dang po la/ rtags dgod

pa dang/ de la gnod pa spang ba'o/ /dang po ni/ tha mal pa skyes
ma thag gi dbugs 'byung rdub dang/ dbang po dwangs pa dang/
blo'i khyad par g.yer bag la sogs pa dag chos can/ skye ba
yongs su len pa na/ rang gi rigs 'dra snga ma la bltos

pa med pa can ma yin te/ dbugs 'byung rdub sogs can yin pa'i
phyir/ blo g.yer bag sogs rang rgyu goms pa las skyes par rjes
su 'gro ldog nges pas 'grub la/ de lta min na ha cang thal nas
rgyu 'bras kun med par thal/ de ltar

nges byed kyi tshad ma med pa'i phyir/ yang de chos can/ 'byung
ba'i lus nyid 'ba' zhig las skye ba min te/ blo la sogs pa'i
rigs 'dra snga ma las skyes pa'i phyir/ de lta min na ha cang
thal nas 'byung ba kun srog chags su thal/ yid

@143a @#/ /blo 'byung ba 'ba' zhig las skye ba'i phyir/ phyi nas
tha mal pa 'chi kha'i tshe yang rgyu'i tshe gang med pa'i rgyu
mtshan gang gis kyang dbang sogs rigs 'dra phyi ma mtshams sbyor
ba med pa mi 'thad de/ de'i tshe rang gi rigs 'dra'i

rgyu tshang ba gang zhig  / sngar rigs 'dra snga ma las phyi ma
mtshams sbyor bar nus pa dang ldan par mthong ba gang yin pa de
la/ rgyu gzhan lhag po ci zhig kyang yod par gyur pa mi 'thad
pa'i phyir/ don bsdus na/ tha mal pa skyes ma

thag gi rig pa chos can/ rigs pa snga ma sngon du song ste/ rig
pa yin pa'i phyir/ de 'chi kha'i yid blo rtog pa chos can/ rig
pa phyi ma mtshams sbyor te/ chags can gyi rig pa yin pa'i phyir/
'byung ba kun srog chags su mi 'gyur

te/ rdo la sogs pa dbang po dang blo bskyed pa'i nus pa med pa
'ga' zhig srog chags su mi 'gyur ro zhe na/ 'byung ba thams cad
srog chags kyi sa bon gyi bdag nyid can du thal/ gang du drod
gsher las skyes pa la sogs pa skye bo

skye bar mi 'gyur ba'i sa sogs 'byung ba'i cha de 'ga' yang med
pa de'i phyir/ srog chags kyi rgyu byed pa tsam gyis srog chags
su 'gyur na ha cang thal ba de nyid so na gnas so/ /yang na/ chu
dri ma med pa btsags nas bzhag pa'i nang du

srog chags mgo dmar la lus ser ba dang/ de las ldog pa'i mi 'dra
ba skye ba mi 'thad par thal/ 'byung ba tsam gyi rgyu las skyes
pa'i phyir/ kho bo cag gi lugs la mi 'thad pa'i skyon med de/
srog chags thams cad las

@143b kyi sa bon gyi bdag nyid can yin pa'i phyir/ des na ji
ltar 'byung ba gcig srog chags su 'gyur ba bzhin du kun 'gyur
bar thal/ dbang sogs rang gi rigs 'dra la bltos pa med par
'byung ba tsam las 'byung ba yin pa de'i phyir/ khyab

par thal/ de ltar 'byung na srog chags su skye mi skye'i rgyu
rkyen khyad par med pa'i phyir/ 'o na khyod rang yang dbang po
las brgyud nas yid blo rtog pa skye bar 'dod pa ma yin nam zhe
na/ spyir phan 'dogs pa tsam yin yang ldog byed kyi rgyu khyad
par

can ma yin la/ yid blo rtog pa de nyid log na dbang po ldog pa'i
rten yin te/ yid blo rtog pa 'di chos can/ mig la sogs pa'i
dbang po rnams khyod kyi rten khyad par can ma yin te de rnams
re re la rab rib sogs kyi gnod pa yod na yang khyod

la gnod pa yod pa ma yin pa'i phyir/ khyod mig sogs dbang po'i
rten khyad par can yin te/ khyod de'i don gzhan gyi rten gang
zhig  / khyod mya ngan sogs kyis 'gyur na de dag kyang 'gyur ba
dag tu mthong ba yin pa'i phyir/ 'o na yid blo'i rten

gang yin zhe na/ da ltar rnam smin gyis bsdus pa'i yid blo rtog
pa 'di rten med du gnas pa'i skyon med de/ rigs mthun blo snga
ma nyid la brten pa'i sngon gyi sems pa'i las 'ga' zhig de ltar
rnam smin gyi yid blo 'di gnas pa'i rten

yin pa de'i phyir/ yid blo rtog pa las dbang po 'byung ba yin
te/ lus la srid pa dang bcas pa'i sems pa snga ma 'ga' zhig mig
sogs dbang po rnams kyi 'phen byed kyi rgyu yin pa de'i phyir/
phyis tha mal pa 'chi kha'i dbang sogs kyang

@144a @#/ /snga ma de dang 'dra bar rigs 'dra phyi ma mtshams
sbyor bar 'gyur ba yin te/ rigs 'dra de 'dra'i 'phen byed kyi
rgyu yod par gyur pa'i phyir/ gnyis pa la/ lung 'gal spang ba
ni/ 'o na ston pas lus dang sems nyid phan tshun rjes su byed

pa can no zhes yid lus la brten par bshad pa dang 'gal lo zhe
na/ skyon med de/ lung las yid lus la brten par bshad pa'i rgyu
mtshan yod de/ lus de yi rnam par shes pas yid la phan 'dogs pa
la dgongs nas gsungs pa yin

gyi/ dngos kyi rten khyad par can la dgongs pa min pa'i phyir/
rigs pa dang 'gal ba spang ba ni/ gal te dbang po med par yid
blo 'byung ba ma yin pas lus la brten no zhe na/ dbang po de
yang yid blo la brten par thal/ de med par dbang

po mi 'byung ba'i phyir/ 'dod pa de lta na'ang/ rgyun la bltos
nas phan tshun rgyu nyid du 'gyur bar thal/ phan tshun phan 'dogs
pa'i phyir/ 'dod na/ phan tshun rgyun la bltos nas rgyu can yin
par thal/ 'dod pa de'i phyir/ gzhan yang lus

la brten na/ lus rtag pa'am mi rtag pa la brten dang po mi 'thad
de/ lus chos can/ khyod las yid blo rim can du 'byung ba min par
thal/ khyod rim can min pa'i rtag pa yin pa'i phyir/ rkyen la
bltos nas rim can du bskyed pa'ang

med de/ rkyen gyis khyad par du byas pa can min pa'i phyir/ yid
blo snga ma rim can dang tshogs pa'i lus las rim gyis yid blo
phyi ma 'byung bar 'gyur gyi lus gcig po las skye ba min no zhe
na/ lus de'i yang snga phyi rim pa yod pa

@144b gsal bar go bar byed pa yin par thal/ yid blo snga ma la
bltos nas lus kyis yid blo phyi ma rim gyis bskyed pa go bar
byas pa'i phyir/ 'dod na/ yid blo'i lhan cig byed rkyen lus skad
cig snga ma snga ma ni sngon med pa'i lus sems skad cig phyi ma

re re ba de'i rgyu yin par thal/ 'dod pa de dang rtsod pa de'i
phyir/ 'dod na/ 'chi kha dang skyes ma thag thams cad kyi tshe
na/ lus sems phan tshun rgyur mthong ba nyid du thal/ 'dod pa
de'i phyir/ gnyis pa la/ mdor bstan pa dang/ rgyas par bshad pa

dang/ don bsdu ba'o/ /dang po la/ rtags ma nges pa dang/ dpe ma
grub pa'o/ /dang po ni/ gang 'chi sems yin pa de ni rigs 'dra
phyi ma mtshams mi sbyor bas khyab ste/ dper na/ chags bral 'chi
kha'i rigs pa bzhin/ tha mal pa'i 'chi kha'i sems

kyang 'chi sems yin no/ /zhes pa'i rtags las skye ba snga phyi
med par grub la/ 'on te log pas gnod pa'i phyir 'di gtan tshigs
ma yin no zhe na/ log pa la yang 'dis gnod pa'i phyir gtan tshigs
ma yin par mtshungs so/ /zhes zer to/ /de 'dra'i

rtags de 'gal khyab dmigs pa'i rtags yang dag ma yin par thal/
tha ma 'chi kha'i sems ni/ rigs 'dra'i sems gzhan mtshams sbyor
ba dang 'gal ba ci yang yod pa ma yin pa'i phyir/ gnyis pa la/
dpe sgrub byed kyi tshad ma med pa dang/

tshad ma yod par rtog pa dgag pa'o/ /dang po ni/ dgra bcom tha
ma'i sems gang yin pa de yang chos can/ tha mal pa'i 'chi sems
rigs 'dra phyi ma mtshams sbyor ba med par sgrub pa'i rtags chos
gnyis ldan gyi mthun dpe yang dag tu

@145a @#/ /'dod mi rigs par thal/ de tshad ma gang las kyang ma
grub pa'i phyir/ rtags ma grub na/ de 'gog pa la brtson pa 'gal
lo/ /'o na rang lugs la dgra bcom pa tha ma'i sems khas len nam
mi len/ dang po ltar na/

tha mal ba 'chi kha'i sems chos can/ rig pa phyi ma mtshams sbyor
te/ rig pa yin pa'i phyir/ ces pa'i rtags ma nges par 'gyur la/
phyi ma mi rigs te/ tshad ma rnam par nges par gsal bar gsungs pa
dang 'gal lo zhe na/

skyon med do/ rang lugs la dgra bcom pa tha ma'i sems khas mi
len pa ma yin te/ slob dpon lha dbang blo dang/ nyi ma sbas pas/
sangs rgyas pa'i lung tshad ma yin na/ tha mal pa'i 'chi sems
rigs 'dra phyi ma 'tshams

sbyor bar khas len dgos la/ lung de tshad ma min na/ dgra bcom
tha ma'i sems kyang ma grub pas de mthun dper mi rung/ dgra bcom
tha ma'i sems rang lugs la khas mi len pa yang ma yin te/ rnam
nges las/ don byed nus stong

dngos med kyi mtshan nyid du bzhag pa la/ dgra bcom tha ma'i sems
kyis ma nges pa brjod pa na/ sems can du bgrang ba'i skad cig
gzhan gyi nyer len mi byed pas tha ma zhes bya'i/ 'bras bu cung
zad kyang mi byed pa ma yin te/ kun mkhyen ye

shes sogs la phan 'dogs par bshad pa'i phyir ro/ /sems can du
bgrang ba'i sems kyi nyer len mi byed pas rigs 'bra phyi ma
mtshams mi sbyor bar bzhed par gsal lo/ /slob dpon rgyan mkhan
pos/ nged kyi grub mtha' las ni/

@145b dgra bcom tha ma'i sems 'ba' zhig mtshams sbyor ba dang
'gal bar ston gyi/ 'chi sems thams cad ma yin no zhes bshad do/
/nyi ma sbas pas mar me shi ba bzhin du bem rig rgyun chad par
bshad pa phyi rol don khas len pa'i dbang du byas pa yin

la/ de khas mi len na nyon mongs dag pa'i sems 'ba' zhig rigs
'dra mtshams sbyor ro/ /zhes zer to/ /'di thams cad kyang mthar
thug theg pa gsum du bzhed pa'i lugs yin gyi/ gzhung 'di dag gis
mthar thug theg pa gcig tu nges par

bstan par 'dod na/ grub mtha'i rnam gzhag ma chags pa'i gtam mo/
/'o na skye ba phyi ma sgrub pa'i rtags ma nges pa ji ltar spong
zhe na/ de kho na nyid bsdus pa'i 'grel par/ slob dpon kA ma la
shi las/ gang 'dod chags dang bcas pa'i sems yin pa de ni/

rang gis nye bar blang bar bya ba'i sems gzhan bskyed par nus pa
yin te/ chags pa dang bcas pa'i sngar gyi gnas skabs kyi sems
bzhin/ tha mal pa 'chi kha'i sems kyang 'dod chags dang bcas pa
yin no zhes bya ba ni rang bzhin gyi gtan tshigs so/ /

zhes gsungs pa ltar ro/ /gnyis pa la/ lung gi sgrub byed mi
'thad/ rigs pa'i sgrub byed mi 'thad pa'o/ /dang po ni/ nyes
bral 'chi kha'i rig pa khyed kyi lung las bshad pas des grub po
zhe na/ sangs rgyas pa'i grub mtha'i rjes su 'brang dam ci ste
de

sgrub byed du mi rung bar thal/ grub mtha' de tshad mas ma grub
pa'i don can yin pa'i phyir te/ sangs rgyas pa'i lung don 'gog
par 'dod pa'i phyir/ gnyis pa la/ rtags la dgag pa dang/ rtsod
pa spang ba/ 'bras bu ldog pa'i rgyu khyad par can

@146a @#/ /ngos gzung ba'o/ /dang po ni/ dgra bcom 'chi kha'i
sems chos can/ rigs 'dra 'tshams mi sbyor te/ de'i rgyu dbugs
'byung rngub ? dang dbang po sogs dang bral ba'i phyir ce na/ de
nyid tha mal pa'i 'chi sems mtshams sbyor ba med

par bsgrub pa 'dir ni sgrub byed du cis ma brjod de brjod rigs
par thal/ 'di dang sngar gyi rtags gang rung gcig brjod 'dod
nas/ sngar gyi de ma nges pa'i phyir/ 'dod na/ de ma grub par
ston pa ni/ mig sogs dbang po yid blo rtog pa ldog byed kyi

rgyu khyad par can yin na/ nyer len dang bdag rgyen gang rung
las ma 'das pas snga ma 'og tu 'gog cing/ bdag rkyen yin no zhe
na/ dbang po dang bcas pa'i lus kyi bdag rkyen las yid shes rtog
pa skye ba min par thal/ de lta na/

gzugs de 'dzin pa'i mig blo bzhin du gzugs gsal bar 'dzin par
'gyur ba'i phyir/ dbang po kun tshogs pa'i bdag rkyen las kyang
nges par skye dgos pa ma yin te/ dbang po rnams yul so so 'dzin
pa'i shes pa bskyed pa'i bdag rkyen gyi nus

pa tha dad pa'i phyir/ kyang gi sgras chos snga ma la/ rtags ni/
dbang po gcig ma tshang na yang 'di mi skye bar thal ba'i phyir/
yid shes rtog pas yul drug ka gsal bar 'dzin na/ de dbang po
gcig gis kyang bskyed pas dbang po gzhan don med par

'gyur ro/ /shi ba'i lus gzhan las kyang yid blo bdag rkyen gyi
sgo nas skye ba min te/ de la nyer len sems med pa nyid kyi
phyir ro/ /gnyis pa ni/ 'o na lhan cig gnas pa ci yin zha na/
tshogs pa gcig pa'i dbang yid rnam smin gyis bsdus pa rnams

@146b lhan cig gnas su rung ste/ sngon gyi las kyi rgyu gcig las
skyes pa'i phyir/ dper na/ dbang po lnga bzhin dang/ rten dang
brten pa med kyang lhan cig gnas pa'i gzugs dang ro bzhin no/
/dug la sogs pas yid glong glong por 'gyur ba'i phyir/ lus bdag
rkyen yin no zhe

na/ bdag rkyen gyi sgo nas yid 'gyur ba ma yin te/ don de dag
dmigs yul du byas pa tsam gyi sgo nas yid blo 'gyur ba yin pa'i
phyir/ gsum pa ni/ ldog byed kyi rgyu khyad par can gang yin zhe
na/ mar me de khyod kyi ldog byed kyi rgyu khyad par

can yin te/ mar me gang zhig khyod kyi snga logs su yod pa tsam
gyis khyod la dngos su phan 'dogs par byed pa'i phyir/ der thal/
rtag tu khyod mar me de yi dngos kyi nyer len gyi rjes su 'jug
pa'i phyir/ des na mdo las/ 'di yod na 'di 'byung zhes pa'i rgyu

mtshan gyi bdun pa dang/ 'di skyes pa'i phyir/ 'di skye zhes lnga
pa 'byung khungs kyi sgra bshad pa'i rgyu mtshan yod pa yin te/
ldog byed kyi rgyu khyad par can la de 'dra cig dgos so zhes
shes pa'i phyir tu bshad pa de'i phyir/ des na chags can gyi
rigs

yin na/ rigs 'dra phyi ma 'byung nges yin pas khyab pas/ de tha
mal pa'i 'chi sems dang sbyar nas bsgrub pa na/ skye ba phyi ma
yod nges su 'grub pas 'byung rung tsam dpags pas skye ba phyi ma
yod nges su mi 'grub pa'i rtsod pa de mi 'jug go/ dus 'ga'

zhig ge tshe na/ lus de sems rgyun la phan 'dogs par byed pa'ang
yin pa sla ste/ de tsam gyis lus log stobs kyis sems ldog pa min
par thal/ rdzas tha dad ldog byed kyi rgyu khyad par can min
pa'i phyir/ dper na/ rdza'i bum pa sogs la me la

@147a @#/ /sogs pas gnas skabs phan 'dogs pa bzhin no/ /gnyis pa
rgyas bshad la/ lus blo'i rten khyad par can yin pa dgag pa
dang/ bkag pa la gnod pa spang ba'o/ /dang po la/ lus kyis yid
blo'i rten gyi bya ba byed tshul la

brtags la dgag pa dang/ rten byed pa'i lus kyi ngo bo'i rnam pa
la brtags la dgag pa'o/ /dang po la/ nyer len byed pa dgag pa
dang/ lhan cig byed rkyen khyad par can yin pa dgag pa'o/ /dang
po la/ snga phyi la brtags la dgag pa dang/ dus mnyam

la brtags la dgag pa'o/ /dang po la/ thal ba dgod pa dang/ de'i
lan dgag pa dang/ nyer len gyi mtshan nyid bshad pa'o/ /dang po
ni/ shi ba'i lus chos can/ khyod la sems ldog pa med par thal/
khyod la de'i nyer len lus tshang bar gnas pa nyid

kyi phyir/ gnyis pa la/ mthun rkyen ma tshang ba'i lan dgag pa
dang/ 'gal rkyen gyis bcom pa'i lan dgag pa'o/ /dang po ni/ nyer
len lus yod kyang rkyen dbugs med pas ldog pa med par mi 'gyur
te/ rgyal ba bzhin no zhe na/ yid blo rtog pa de las

dbugs 'byung rngub 'byung gi /de yid blo rtog pa'i bdag rkyen
khyad par can ma yin par thal/ yid blo rtog pa de yod pa'i stobs
kyis dbugs de yod pa dang/ de drag zhan du rgyu ba rtsol ba'i
gzhan dbang du 'gyur ba'i phyir/ der thal/ skyes bu'i

rlung phyir 'byin pa dang/ nang du 'dren pa ni 'bad rtsol sngon
du song ba las 'byung gi /de med par rgyu gang las kyang de
'byung ba yin pa mi 'thad pa'i phyir/ 'o na gnyid mthug gi dus
na 'byung rngub ? med par thal/ yid blo'i rtsol ba med pa'i
phyir

@147b ce na/ nyes pa cung zad kyang med de/ da lta'i gnyid mthug
gi dbugs 'byung rngub kyang las kyi ming can gyi sngon gyi sems
pa'i yid rtog gis 'phangs pas khyab pas/ du ba yin na bud shing
sngon du song bas khyab na/ du ba yod pa'i dus de na bud shing

yod pas khyab ga la dgos/ dbugs de dag phul du byung ba dang
'grib pa las yid blo phul du byung ba dang 'grib pa thob par
'gyur bar thal/ de dag de'i bdag rkyen khyad par can yin pa'i
phyir/ dbugs de dag shi pa'i lus la yang ldog pa med par

thal ba mtshungs te/ de'i nyer len lus tshang bar gnas pa'i phyir/
des na rkyen yang tshang bas yid blo mi ldog par thal ba so na
gnas so/ /'o na khyed rang la yang shi ba'i lus la sems ldog pa
med par thal/ nyer len sems yod pa de'i

phyir /ce na/ sems de sems kyi rgyu yin na shi ba'i lus la mi
ldog pa'i thal ba mtshungs pa ma yin par thal/ gang gi phyir na/
lus sems lhan cig tu gnas pa'i 'phen byed kyi las gzhan dag
kyang de gnyis lhan cig gnas

pa'i rgyu yin par 'dod pa'i phyir/ gnyis pa la/ thal ba dgod pa
dang/ de'i lan dgag pa'o/ /dang po ni/ gal te sngags kyis btab
pa'i sdong bu la sogs la me mi 'bar ba bzhin du nyes pa rlung
mkhris la sogs pas sems gnas pa dang/

mi mthun par byas pa'i shi ba'i lus sems kyi rgyu min pas thal
ba de dag mi 'jug ste/ 'gal rkyen gyis bcom pas 'bras bu mi
skyed pa khyed rang yang 'dod pas so zhe na/ shi ba'i tshe lus la
slar yang sems 'tsho ba dag tu 'gyur bar thal/ nyer

@148a @#/ /len lus gnas shing/ 'gal rkyen nyes pa cha mnyam du
med par 'gyur ba'i phyir/ yang na thal ba snga ma la/ rtags nyes
pa rnams nyams par 'gyur ba'i phyir ces so/ /gnyis pa ni/ gal te
me ldog na yang des bskyed pa'i shing

gi 'gyur ba mi ldog pa bzhin du/ 'gal rkyen nyes pa nad kyis
'gyur ba'i rgyu log kyang/ nad kyi 'gyur ba chen po shi ba de ni
ldog pa med do zhe na/ nad kyi 'gyur ba ldog tu mi rung ba ma
yin par thal/ nad gso ba'i sbyor ba don yod pa'i phyir/ mes

byas pa'i shing gi 'gyur ba dang/ nad kyi 'gyur ba dpe don mi
mtshungs par thal/ shing la mes byas pa bzhin/ 'gyur ba byed pa
po 'ga' zhig la lar slar mi 'byung bar 'gyur ba bskyed par byed
pa'i rigs yin na/ 'gyur ba chung yang

ldog mi srid/ gser la me bzhin du 'ga' zhig ldog rung du byed
pa'i rigs yin na 'gyur ba che yang ldog pa'i rigs yin pa'i
phyir/ shing dang mtshungs na/ nad kyi 'gyur ba cung zad rims la
sogs pas byas pa yang ldog mi srid

par 'gyur ro/ /'gyur ba dang po chung yang ldog pa min par thal/
shing sna nag tsam yang shing du ldog pa min pa'i phyir/ slar
ldog tu rung bar byas pa'i 'gyur ba gang yin pa de ni che yang
slar yang 'byung 'gyur gyi rigs yin te/ gser gyi sra ba

chu bzhin du song yang sra ba nyid du ldog pa'i phyir/ 'o na nad
kyi 'gyur ba chen po yang ldog pas khyab par thal/ 'gyur ba
chung ngu ldog pa'i phyir/ 'dod na/ gsor mi rung ba'i chad bshad
pa dang 'gal lo zhe na/ cung zad gso bya min par brjod

@148b pa'i nad chos can/ khyod gso mi rung gi rigs yin pas de
ltar bshad pa min te/ khyod 'chos par byed pa'i sman dang sman
pa rnyed par dka' ba'i phyir ram/ khyod kyis zin pa'i nad pa tshe
zad pa'i dbang gis de ltar bshad pa'i phyir/ mthun rkyen ma
tshang ba de

lta min par nyes pa rlung mkhris la sogs pa'i nad 'ba' zhig 'chi
ba'i rgyu yin na/ gse rung min pa'i nad med pa nyid du thal/
'gal rkyen gzhan med mthun rkyen tshang na nad nges par gso nus
pa'i phyir/ dug gis shi ba'i lus de cis na slar yang

'tsho bar mi 'gyur ba mi 'thad par thal/ nyer len lus gnas/ 'gal
rkyen shi ba'i dug sogs sngags la sogs pas ldog pa'i phyir ram/
dug sbrul de yis sos zin pa'i dug rma khar 'dus pa bcad pa las
kyang nad kyi 'gyur ba'i rgyu dang bral

ba'i phyir/ gsum pa la/ nyer len gyi mtshan nyid/ de lus sems la
med pa'o/ /dang po ni/ sgron me chos can/ khyod sgron me'i 'od
kyi nyer len yin te/ khyod kyi ngo bo 'gyur ba med par nyer len
can sgron me'i 'od dag gi ngo bo 'gyur bar byed par mi nus

par/ de'i ngo bo tsam gyi thun mong ma yin pa'i lag rjes dngos
su 'jog byed yin pa'i phyir/ dper na/ 'jim pa 'gyur ba med par
rdza'i bum pa sogs mi 'gyur ba bzhin no/ /gnyis pa ni/ sems dang
lus kyang nyer len dang nyer len can ma yin par thal/

ba lang dang ba men de bzhin du 'gyur rjes su 'gyur bar mi byed
pa'i phyir/ khyab ste/ rgyu'i dngos po gang 'gyur ba med par
'bras bu'i dngos po gang zhig rnam par 'gyur ba'i rgyu de de'i
nyer len du mi rigs pa'i phyir/ dper na/ ba lang dang ba men la
sogs

@149a @#/ /pa bzhin/ 'o na tshogs pa gcig tu gnas pa 'gal lo zhe
na/ 'bras bu lus sems lhan cig tu gnas su rung ste/ de gnyis kyi
nyer len gyi rgyu gnyis phan tshun lhan cig byed rkyen byed pa
las skye ba'i phyir/ dper na/ me dang

zangs ma'i zhu ba nyid lhan cig gnas pa bzhin no/ /gnyis pa la/
dus mnyam gyi rten dgag des rigs can gzhan yang khegs pa/ don
bsdu ba'o/ /dang po la/ thal ba dgod/ de'i lan dgag mngon sum
dang 'gal ba spang ba'o/ /dang po ni/

yid blo chos can/ lus de khyod kyi dus mnyam pa'i rten ma yin
te/ khyod rdzas su yod pa dang med pa dag la yang dus mnyam pa'i
rten rdzas gzhan don med pa'i phyir/ gnyis pa ni/ ma yin te/
grub zin du yod pa'i gnas byed kyi rgyu rten

gyi don yin no zhe na/ de chos can/ lus 'di khyod kyi grub zin
gnas pa'i rten du med de/ khyod kyi gnas pa po khyod rang las
gzhan min par rang rgyu las de'i bdag nyid du skyes pa'i phyir/
rtags ma grub ste/ rdzas gzhan yin no zhe na yang/

lus des ni khyod kyi dngos po gnas pa'i bya ba ci zhig kyang
byas pa mi 'thad par thal/ de khyod las don gzhan pa'i khyod kyi
ngas pa de'i rgyu nyid yin pa'i phyir/ de chos can/ khyod 'jig
pa me par thal bar 'gyur te/ khyod grub zin dus

gnyis par gnas pa'i phyir/ gal te de 'jig rgyu las 'jig par 'dod
pas rtag pa ma yin no zhe na/ khyod grub zin gnas pa las phyis
'jig rgyus 'jig pa mi 'thad par thal/ de la'ang yid blo'i 'jig
pa yid blo dang rdzas gcig dang

@149b tha dad brtags na/ thal ba snga ma dang skyon mtshungs pa
yin pa'i phyir/ gnas pas rgyus kyang ci zhig bya don med par
thal/ 'jig rgyu dang ma phrad na grub zin gnas/ phrad na gnas
rgyus gnas par byed mi nus pa'i phyir/ gal te gnas rgyu med na
sngar nas

'jig pa la 'jig rgyu dang phrad pa'i bar du gnas rgyu des gnas
par byed pas skyon med do zhe na/ 'jig pa dngos po'i chos nyid
du yod pa 'di la gnod byed med par thal/ 'jig rgyu dang ma phrad
par yang 'jig pa srid pa'i phyir/ 'dod na/ gnas pa'i rgyus

ni ci zhig bya grub zin gnas mi nus par thal/ 'dod pa de'i
phyir/ gsum pa ni/ gal te dper na/ sa phyogs chu sogs kyi grub
zin gnas pa'i rten du mngon sum gyis grub pa bzhin du lus sems
kyang yin no zhe na/ snod kyis chu grub zin

gnas par byed pa ma yin par thal/ de ltar 'dod pa 'di la'ang don
la bkod pa'i nyes pa de dag mtshungs pa'i phyir/ 'o na 'jig rten
na rten du grags pa ji ltar zhe na/ chu snod chos can/ khyod
rang rang gi chu'i rten yin te/ skad cig re rer 'jig pa'i

dang can gyi rang nang gi chu'i dngos po rnams kyi rgyun phyi ma
snga ma'i dngos po de lta bur yul go sa mtshungs par skye ba'i
rgyu yin phyir/ phan 'dogs pa de lta min na/ don gzhan gyi rten
du rigs pa ma yin par thal lo/ /mi rtag pa la rten 'thad

kyang/ ;rtag pa la mi 'thad de/ de chos can/ rang nang gi chu
sogs kyi rten du 'gyur te/ de thur du 'bo ba yi gegs byed pa'i
phyir/ yon tan dang/ spyi dang/ las rnams chos can/ khyod la don
gzhan gyi rten ci dgos mi dgos par thal/ skad

@150a @#/ /cig snga phyi gang du yang 'gro ba med pa can yin pa'i
phyir/ gnyis pa ni/ grub zin gnas pa'i rten 'gog pa'i rigs pa
'dis ni chos can/ yon tan rdzas la 'phrod pa 'du ba dang/ rdzas
de yon tan gyi 'phrod pa 'du ba

can gyi rgyu yin pa bsal ba yin te/ grub zin gnas pa'i rten med
par bstan pa'i phyir/ 'phrod pa 'du ba can gyi rgyu med na de la
'phrod pa 'dus pa med pa mi 'thad par thal/ rigs la sogs pa gsal
ba med par yang rnam par

gnas pa'i phyir/ yang na gsal ba de rigs grub zin gnas pa'i rten
du med de/ zhes pa la rtags snga ma'o/ /de bzhin du lus sems
'phrod pa 'du ba can gyi rgyu yin pa yang bsal te/ zhes pa la
rdzas dang yon tan la bkod pa'i

rtags sbyar ro/ /gsum pa la/ phyis 'byung gi 'jig rgyu la brtags
na grub zin gnas pa'i rgyu mi 'thad pa ni/ dngos po de'i gnas
rgyus ci zhig bya dgos pa me dpar thal/ rgyu gzhan las dngos po
'jig dgos kyi 'jig pa'i ngo bor

ma skyes pa'i phyir/ de 'jig rgyu gzhan med par rang gi ngang
gis 'jig na yang gnas pa'i rgyu rnams la grub zin gnas pa'i nus
pa med pa yin par thal/ grub zin gnas pa'i rten yod na mi 'jig
par thal ba ni/ dngos po thams

cad dus 'ga' zhi gi tshe na'ang 'jig par mi 'gyur bar thal/ skye
ba can kun mthar bdag la sogs pa'i rtag dngos kyi rten dang bcas
pa yin pa de'i phyir/ khyab par thal/ rtag dngos kyi rten dang
bcas pa thams cad mi 'jig par gnas

@150b pa dang ldan pas khyab pa'i phyir/ rang gi ngang gis
brtags na da mi 'thad pa ni/ gal te dngos po rang nyid 'jig pa'i
ngang tshul can gyi bdag nyid yin na/ de'i gnas byed gzhan yang
grub zin gnas mi nus par thal/ gal te de min na/ de gnas byed
gzhan

gang yang dgos pa med par thal/ gnyis pa la/ dgag pa dngos dang/
lus sems rdzas gcig dgag pa dang/ 'khor ba'i rgyu ngos gzung
ba'o/ /dang po la/ lus shes rab sogs kyi bdag rkyen yin pa dgag
pa dang/ chags sogs kyi bdag rkyen yin pa

dgag pa'o/ /dang po la/ rtags dgod pa ni/ shes rab dang brte ba
la sogs pa chos can/ lus de khyod kyi rten khyad par can ma yin
te/ lus kyi phul byung dang 'grib pa'i rjes su byed pa med par
blo snga ma goms pa yi 'du byed pa'i khyad par gyis phul du

byung ba dang 'grib pa dag tu 'gyur ba yin pa'i phyir/ khyab ste
brtags 'di ni mar me'i 'od la sogs pa nyer len lus la brten pa
rnams la yod pa ma yin pa'i phyir/ bcud len sogs kyis lus rgyas
par byas pa las/ shes rab sogs khyad

par du 'gyur ba mthong ba'i phyir/ lus khyad par du gyur pa de
las kyang shes rab sogs 'di cung zad khyad par du 'gyur mod/ lus
de rten khyad par can ma yin par thal/ de 'dra'i lus kyis lus
shes la dngos su phan btags pa'i sgo nas/ shes

'dogs pa yin gyi/ sems de la phan 'dogs pa mod par min pa'i
phyir/ gnyis pa la/ chags sogs lus las dngos su mi skye ba dpe
dang bcas pa/ don bsdu ba'o/ /dang po ni/ chags sogs lus 'phel
'grib kyi rjes su byed

@151a @#/ /de/ lus rgyas pa las 'dod chags dang/ rgud pa las zhe
sdang 'phel bar mthong ngo zhe na/ so sor rtog pa'i shes rab
dang bral pa'i dus 'ga' zhig gi tshe lus rgyas rgud sogs kyis
'phel bar byas pa'i chags sogs chos can

lus de khyod kyi dngos kyi bdag rkyen ma yin te/ tshor ba bde
sdug las dngos su skyes pa yin pa'i phyir/ tshor ba bde sdug de
yang chos can/ lus de khyod kyi bdag rkyen ma yin te/ khams
snyoms pa dang ma snyoms pa la sogs pa'i nang gi reg

bya'i don gzung yul du nye ba las skyes pa yin pa'i phyir/ tshul
'dis ni/ 'dus pa'i rims la sogs pa las dran pa nyams pa sogs
'byung ba'i tshul yang bshad pa yin te/ de dag kyang nang gi reg
bya'i don gzung yul du yod pa'i khyad par las

skyes ba'i dbang blos 'gyur bar byed pa tsam yin pa'i phyir/
dper na/ rgyud sngar ma'i khyad par 'ga' zhig la stag byung ngo
zhes pa'i sgra thos pa dang/ gzhan bsad pa'i khrag la sogs pa
mthong ba las 'byung bar 'gyur ba'i sems rmongs pa la

sogs pa de dag chos can/ lus la dngos su brten pa ma yin te/
nang gi tshor bas 'phel bar byas pa tsam yin pa'i phyir/ gnyis pa
ni/ sems ni chos can/ sems snga ma la brten pa yin te/ de nyer
len du med na mi 'byung ba de'i phyir/

nyer len lus la brten pa ma yin te/ nges par sems snga ma gang
yang rung ba nyid kyi goms pa'i 'du byed kyi rjes su 'jug pa
de'i phyir/ gnyis pa ni/ gal te bu'i lus ni pha ma'i lus kyi
rjes su 'gro bar mthong ba'i phyir de las skyes pa

@151b yin la sems kyang lus las tha mi dad pa'i phyir/ sems snga
ma'i 'du byed kyi rjes su 'gro bar bsgrubs pas lus la mi brten
par mi 'grub bo zhe na/ ji ltar rang gi sems snga ma la brten
par byas nas goms pa'i thos pa dang bsam

pa dang/ bzo la sogs pa'i 'du byed chos can/ sems la sad pa'i
dus la sogs pa'i tshe/ gsal bar mngon du gyur pa de ltar lus
la'ang gsal bar snang bar 'gyur bar thal/ khyod yid gtad na nges
rung gi sems kyi yon tan

gang zhig lus sems rdzas tha dad med pa'i phyir/ gsum pa la/
mngal du skye ba len pa'i rgyu ngos gzung/ de la rtsod pa spang
ba'o/ /dang po ni/ tha mal pa chos can/ bde ba thob par 'dod pa
dang/ sdug bsngal 'dor bar 'dod pa'i sred pas

mngal la sogs pa'i dman pa'i gnas yongs su len te/ dbang phyug
la sogs pa'i sems can gzhan gyis dbang med du bkri ba min par
bdag la chags pa dang ldan pas de dag len pa'i phyir/ bde ba
thob par 'dod pas yin na/ sdug

bsngal gyi gnas rang dgar len pa mi 'thad do zhe na/ de mi 'gal
bar thal/ skyes bu kun nas 'ching ba'i rgyu sdug bsngal la bde
bar 'dzin pa'i phyin ci log gi blo dang /bde ba thob 'dod kyi
sred pa 'khor bar skye ba'i rgyu yin pa'i phyir/ der thal/

gang la log sred de med pa'i dgra bcom pa de ni de zad par
spangs pa'i dbang gis 'khor bar skye bar mi 'gyur ba'i phyir/
gnyis pa ni/ gal te/ skye ba gzhan nas 'gro 'ong byed pa med de/
ma mthong ba'i phyir ce na/ rgyang phan gyis ma mthong bas

@152a @#/ /med par mi 'grub par thal/ rgyang phan dbang po mi
gsal ba'i phyir /dper na/ mig mi gsal ba yis du ba chung du yod
kyang mi mthong ba bzhin/ mig gis ma mthong yang lus la thogs pa
srid pa la/ de ma dmigs pas med do zhe

na/ bar srid la sogs pa lus can 'ga' zhig chos can/ lus can yin
yang la lar thogs med du 'jug ste/ phra zhing dang ba'i lus can
yin pa'i phyir/ rdza so ma la chu bzhin dang/ gser la dngul chu
thogs med du 'jug pa bzhin no/ /des

na rgyang phan gyis ma mthong ba'i phyir na med pa min par thal/
yod kyang rgyang phan gyis ma mthong ba srid pa'i phyir/ gnyis
pa la/ lus rags pa'i cha med yin blo'i rten khyad par can yin pa
dgag pa dang/ rdul phran de yin pa dgag pa'o/ /dang

po la/ yan lag can cha med yin pa dgag pa dang/ bkag pa la gnod
pa spang pa'o/ /dang po la rtags bsgrub pa dang /de dgod pa'o/
/dang po la/ bya ba la brten pa'i 'gal 'du ni/ skyes bu'i lus
kyi lag pa la sogs pa la 'du 'brel grub pa'i

yan lag can g.yon /lus thams cad kyi yan lag can dag g.yo bar
'gyur bar thal /de gnyis cha med gcig yin pa'i phyir/ khyab par
thal/ g.yo mi g.yo 'gal ba can gyi las ni cha med gcig la gzhi
mthun mi rung ba'i phyir/

rtags ma grub na/ gzhan du cha tha dad can du grub par 'gyur bar
thal/ g.yo mi g.yo 'gal ba 'dus pa'i phyir/ mthong ba la brten
pa'i 'gal 'du ni/ skyes bu'i gdong gcig pu gos kyis bsgrib pa
na/ lus thams cad dag gos kyis bsgribs

@152b par snang bar 'gyur bar thal/ de'i yan lag can gnyis cha
med gcig yin pa'i phyir/ 'aM sgras yan lag gos kyis bsgribs pa
yin gyi/ yan lag can ma bsgribs pas de la bsgribs ma bsgribs cha
gnyis med do zhe na/ 'o na de'i tshe gdong gi yan lag

can de ma bsgribs par mthong bar 'gyur par thal/ de ma bsgribs
par mthong rung du yod pa'i phyir/ yon tan la brten pa'i 'gal
'du ni/ gdong gcig bu sngon po'i tshon gyis kha bsgyur na lus ril
kha bsgyur bar snang bar thal/ de'i yan lag

can gnyis cha med gcig yin pa'i phyir/ 'aM gyi sgras yan lag
tshon gyis kha bsgyur gyi yan lag can ma yin no zhe na/ 'o na
de'i tshe/ dus gcig tu tshon gyis bsgyur ba'i gdong sngon po gcig
dang tshon gyis ma bsgyur ba'i gdong gnyis so sor

rtogs par 'gyur bar thal/ tshon gyis bsgyur ba'i gdong sngon po
mngon sum du mthong/ dus der de gang la 'du 'brel grub pa'i gzhi
tshon gyis kha ma bsgyur ba'i yan lag can gyi gdong mi sha kha
cig kyang mthong rung du yod

pa'i phyir/ gnyis pa ni/ skyes bu'i lus kyi tshogs pa chos can/
rags pa cha med gcig tu yod pa min te/ g.yo mi g.yo sogs kyi
'gal ba du ma 'dus pa de'i phyir/ bye brag pa dag phyi don rags
pa cha bcas yin na/ cha dang char phye nas dpyad na

rdul phran bsags pa tsam las ma 'das la/ da lta na /sgrib thogs
sogs byed pa'i dngos po mi srid par 'gyur bas yan lag las don
gzhan pa'i yan lag can cha med khas len pa yin no/ /gang dag
rags pa yin na rdzas su ma grub pas khyab

@153a @#/ /par 'dod pa dang/ tshogs pa dang tshogs pa can rdzas tha
dad du 'dod pa dag ni /tshogs rgyun 'jog ma shes pa'i log par
rtog pa 'ba' zhig go /yan lag can 'di bye brag pa'i rtsa ba'i
'dod pa yin kyang/ rgyang phan lus yid

blo'i rten khyad par can du 'dod pa na /rten byed pa'i lus kyi
ngo bo la dpyad nas 'gog pa'i yan lag yin pas/ gzhung 'di dag gi
phyir rgol ni rgyang phan yin no/ /gnyis pa la/ phyi don dbang
shes kyis mi rtog par thal ba spang ba dang/ des riD

can gzhan yang khegs pa dang/ yan lag can dang de la brten pa'i
yon tan bye brag tu dgag pa'o/ /dang po ni/ rags pa'i phyi don
rdul phran las rdzas tha dad med na/ rdul phran du ma'i gnas
skabs nyid las ma 'das la/ de lta na'ang/ snga ma rdul

phran khyad par can du ma gyur pa'i dus bzhin du/ phyi don dbang
shes kyis rtogs pa min par thal/ snga ma dang khyad par med pa'i
phyir dang/ rdul phra rab yin pa'i phyir ce na/ rtags dang po ma
grub pa ni/ dbang shes kyi dmigs rkyang byed pa'i gzuD

de/ dmigs rkyen mi byed pa'i gnas skabs dang khyad par med par
ma grub ste/ snga ma las khyad par can du gyur pa'i gzugs rnams
dbang shes kyi gzung yul du 'gyur dgos pa de'i phyir /rtags
gnyis pa ma grub pa ni/ bum pa chos can/ rdul

phran min par thal/ dbang po'i mngon sum tshad mas rang stobs
kyis nges shes 'dren nus kyi yul yin pa de'i phyir/ 'di'i 'grel
par slob dpon lha dbang blos/ de'i tshe rdul phran de dag tha
snyad kyi yul ma yin no/ /zhes bshad pa ni/ dbang

@153b shes rang stobs kyis tha snyad mi rtogs pa'i don te/ dbang
shes des ni gzugs so zhes pa la sogs pa'i rags pa'i tha snyad
'dren pa'i phyir ro/ /gang dag rags pa yin na rdzas su ma grub
par 'dod bzhin du /gzhung 'dis rdul phran dbang shes kyis

mthong ba mi srid par bstan to/ /zhas zer ba ches mi rigs te/
sngon po chos can/ rdul phran yin par thal/ phyi don gang zhig
rags pa min pa'i phyir/ rtags ma grub na/ dam bca' snga ma dang
'gal/ 'dod na/ rdul phran min par thal/ dbang shes

kyis mthong ba'i phyir/ mig shes kyis sngon po mi mthong bar khas
long zhig /dbang po'i mngon sum gyi yul yin na dngos po yin par
'gal bar thal/ rdul phran de'i yul du 'gyur ba mi srid/ rags payin
na dngos por 'gal ba'i phyir/ yang

na/ du ma nyid na zhes pa'i rtsod pa sor bzhag nas/ snga ma
bzhin zhes pa lan du byas te/ gal te lus 'di rdul phran du ma
yin na/ rags pa mi srid pas snga ma rdul phran so sor gnas pa
bzhin du dbang shes kyis so sor rig par thal lo zhes

sbyar ro/ /de ni yan lag can cha med mi srid na rdul phran nyid
las ma 'das pas/ rdul phran so sor rig par thal lo snyam pa la/
'o na yan lag can cha med gong du khegs pa'i phyir de ltar rig
par thal lo zhes pa'o/ /gnyis pa ni/ rdul phran

khyad par can bsgrub pa 'dis ni chos can/ rags pa'i cha med mi
srid na phyi rol don la sgrib byed la sogs pa byed pa'i nus pa
med pa dag kyang bsal ba yin te/ de med kyang rdul phran bsags
pas bya ba de dag byed par bstan pa'i phyir/ gsuM

@154a @#/ /pa la/ dbang shes kyis mthong ba la yan lag can don
gzhan dgos na ha cang thal ba dang/ de la brten pa'i grangs sogs
don gzhan dgag pa'o/ /dang po ni/ dngul chu gser sogs dang 'dres
pa'am/ rdo tshan la sogs pa ji ltar

yang dbang shes la snang ba mi 'thad par thal/ de la yan lag can
don gzhan med pa'i phyir te/ rdul rigs mi mthun tshogs pa'i
phyir/ gzhung 'di la brten nas lcags gong dmar 'bar bar gyur
pa'i tshe me lcags rdzas tha dad du 'dod pa mi riD

te/ de gnyis rdzas gcig tu rnam nges su bsgrub pa dang/ 'di dang
tshul mi mtshungs par de'i thad kyi 'grel par slob dpon chos mchog
gis rgyas par bshad pa ltar yin no/ /gzhan yang dbang sogs rkyen
gsum gyis gzugs rtogs pa'i 'bras bu

thun mong ba dag ji ltar yang bskyed pa yin pa mi 'thad par
thal/ de rnams ma tshogs pa'i so sor nus pa med pa gang zhig de
rnams tshogs kyang yan lag can don gzhan med pa'i phyir/ rkyen
gsum phrad pa'i ldan pa las dbang shes skye'o zhe na/

rkyen gsum gyis ldan pa bskyed pa yang mi 'thad par thal/ ldan
pa bskyed par 'dod pa 'dir yang/ tshogs ma tshogs kyi thal ba de
mtshungs pa'i phyir/ gal te/ gser dang dngul chu 'dres pa 'dir ni
yan lag can med kyang rdul rigs mi

mthun phrad pa'i ldan pa dbang shes la snang ba yin no zhe na/
brten pa rdul phran phrad pa gang las kyang dbang shes kyis
dngos su rtogs pa mi srid par thal/ rten rdul phran mthong ba
med pa'i phyir/ 'dis ni/ dbang shes kyis rdul phran mi

@154b mthong rdul phran bsags pa mthong zhes smra ba dag legs
par bkag pa yin no/ /rdzas rigs mi mthun sna tshogs sbyar ba'i
btung ba chos can/ ro zhim pa dang/ gzugs bzang ba la sogs pa'i
yon tan dang ldan par 'gal bar thal/ de ldan pa'i

gzhi yan lag can don gzhan med pa'i phyir/ gal te yan lag can
don gzhan med kyang/ yan lag gi ro gzugs nyid la nye bar btags
pa las btung ba ro zhim pa la sogs pa'i tha snyad 'dod do zhe
na/ btung ba de la'ang rang rang gi thun mong ma

yin pa'i re gzugs la sogs ma 'dres par snang ba'i blo tha dad pa
skye bar 'gyur gyi/ thun mong du sbyar ba las byung ba'i ro
gzugs sogs kyi blo skye mi srid par thal/ yan lag can sogs su ma
'dres pa'i yan lag gi ro gzugs la ro zhim pa sogs

su btags pa tsam yin pa'i phyir/ yang na/ 'o ma la sogs pa so
sor 'thungs pa'i ro myong ba'i blo las tha dad par rdzas sna
tshogs sbyar ba'i btung ba la ro gzhan myong ba mi 'thad par
thal/ yan lag gi ro la ro zhim pa sogs su btags pa tsam du

zad kyi/ yan lag can gyi ro med pa'i phyir/ ji ltar me tog brgya
char du dang ra ? ba'i phreng ba la phreng ba ring po zhes bya
bar 'gyur ba mi 'thad par thal/ de la yan lag can don gzhan med/
ldan pa yod kyang yon tan la yon tan gnyis pa mi brten

pa'i phyir/ gnyis pa la/ rtags dgod pa dang/ de la gnod pa spang
pa'o/ /dang po ni/ grangs sogs de dang ldan pa'i bum pa rang gi
ngo bo dang/ bum pa zhes brjod pa'i sgra dag chos can/ khyod las
rdzas tha dad par bum pa'i grangs dang ldan par rang las

@155a @#/ /la sogs pa'i ngo bo med de/ de ltar yod na blo ma
'khrul ba la snang dgos pa las/ blo ma 'khrul ba la mi snang
pa'i phyir/ gnyis pa la/ sgra tha dad 'jug pas don rdzas tha dad
grub pa dgag de ma grub na sgra tha dad den med du thal ba spang

pa'o/ /dang po ni/ /bum pa las don gzhan pa'i grangs sogs yod
de/ bum pa gcig gnyis la sogs pa'i sgra mthong ba'i phyir ce na/
sgra dang rtog pa'i shes pa tha dad mthong ba tsam gyis don
rdzas tha dad yod pa ma yin par thal/ bum pa las

don gzhan pa'i bum pa'i gcig med kyang /bum pa gcig ma yin pa'i
dngos po las tha dad pa'i gzhan sel gyi rjes su 'brang ba'i rnam
rtog gis btags pa'i don can yin pa'i phyir/ dper na/ yon tan
sngon po la sogs pa la yon tan gnyis

pa mi brten kyang sngon po gcig ces pa mthong ba'am/ bum pa
bzhig pa dang ma skyes pa dag la yon tan don gzhan med kyang/
gcig gnyis la sogs pa'i tha snyad mthong ba bzhin no/ /gal te
'das ma 'ongs la grangs kyi tha snyad sbyor ba 'dir

ni btags ming du 'dod do zhe na/ dngos po thams cad la de dag gi
tha snyad btags pa'i rgyus cis mi 'dod de 'dod rigs par thal/
khyad chos don gzhan med pa'i rgyu mtshan gang gis 'das ma 'ongs
la grangs sogs kyi ming de btags ming du 'dod

pa gang zhig grangs sogs don gzhan med pa de ni dngos po kun la
mtshungs pa'i phyir/ gal te kun la ming nye bar btags pa las 'jug
pa min te/ dngos ming mi srid par thal ba'i phyir ro/ /des na
rdzas tha dad khyad par gyi chos su yod pa la

@155b gtso bo zhes pas te dngos ming dang/ de med pa'i ming 'jug
pa btags ming nge zhe na/ khyad chos don gzhan las ming 'jug pa
dngos ming dang/ de med pa'i ming btags ming ngo zhes bya ba 'di
nyid rgyu mtshan gang las kyang mi 'thad par thal/ rgyu mtshan

med bzhin du bye brag pas btags pa tsam du zad pa'i phyir/ gnyis
pa la/ sgra tha dad don med du thal ba spang ba dang/ drug sgra
mi 'thad par thal ba spang ba'o/ /dang po ni/ brjod bya'i don
rdzas tha dad pa med pa la sgra tha dad sbyar ba don med de/
sbyar yang rnam

grangs pa tsam du 'gyur ba'i phyir ce na/ brjod bya don gzhan
med pa'i sgra tha dad yin na/ rnam grangs par 'gyur bas ma khyab
par thal/ dkar po las don gzhan pa'i grangs kyi rgyu mtshan can
min yang/ dkar po gcig gnyis zhes brjod pa'i grangs soD

kyi sgra dang/ grangs de dang ldan pa'i dkar po la sogs pa'i
sgra rnam grangs pa min pa'i phyir/ gal te dkar po de'ang gcig
don gzhan dang ldan no zhe na/ yon tan dang rdzas ni khyad par
med par 'gyur bar thal/ yon tan la yon tan rdzas gzhan

gnyis pa brten pa'i phyir/ des na sgra rtog tha dad 'jug pa'i
rgyu ni rdzas tha dad nges par dgos pa min par thal/ rdzas don
gzhan yod pa min yang ldog pa'i dbye ba tha dad pa tsam gyis
sgra tha dad 'jug pa yin pa'i phyir/ dper na las la rdzas

min pa dang/ rdzas la las min pa'i khyad chos don gzhan med
kyang rdzas 'di las min/ las rdzas min zhes pa'i sgra bzhin no/
/gnyis pa la/ chos dang chos can brjod pa'i sgra'i khyad par
dang/ rigs brjod kyi sgra'i khyad par ro/ /

@156a @#/ /dang po ni/ 'o na bum pa'i grangs zhes brjod pa mi
'thad par 'gyur te/ de las don gzhan pa'i grangs med pa'i phyir
ce na/ drug sgra sbyar ba'i dgos pa ni/ dngos po ste chos brjod
pa'i sgra rnams kyis grangs sogs de dang ldan pa'i bum

pa las tha dad bzhin du bstan pa gang de'ang chos can/ dgos pa
yod de/ bum pa'i khyad chos gzhan las bum pa'i grangs khyad par
du go bar byod pa la sbyar ba yin pa'i phyir/ chos brjod kyi
sgras khyad par gzhan spong bar bstan pa ni/

skabs la lar sor mo yi ldan pa zhes brjod pa'i sgra chos can/
sor mo de sor mo'i ldan pa las tha dad pa'i chos bzhin du brjod
par byed pa la dgos pa yod de/ sor mo'i gshibs pa de tsam shes
par 'dod pa la de shes pa'i ched du

ldeg pa gzhan kun blo yul du 'phangs pa med par de tsam zhig
brjod pa'i phyir/ chos can brjod pas khyad par gzhan mi spong
bar bstan pa ni/ sor mo ldan par 'gyur zhes brjod pa'i sgra chos
can/ chos can brjod par grags pa yin te/ sor

mo'i khyad chos du ma'i nang nas gshibs ba'i don gcig po brjod
kyang/ sor mo'i khyad chos gzhan thams cad blo yul du 'phen pa
ste ma spangs pa'i sgra yin pa'i phyir/ de ltar khyad chos don
gzhan med kyang/ don gcig brda tha dad

par byas pa la dgos pa yod pa yin te/ don gcig bu de nyid khyad
par gzhan spangs ma spangs kyi sgo nas shes pa'i ched du byas
pa'i phyir/ gnyis pa ni/ yan lag can don gzhan med par yan lag
tsam yin na/ bum pa gzugs

@156b so zhes pa dang/ gzugs la sogs pa rnams kyi gzugs so zhes
pa tsam du 'gyur gyi/ bum pa'i gzugs zhes pa ni mi rung bar
'gyur ro zhe na/ bum pa zhes brjod pa'i sgra yan lag can don
gzhan la 'jug pa ma yin te/ bum pa'i rdul rdzas brgyad po de'i

mtshungs pa'i 'bras bu chu skyor ba yi rgyu min pa rnam par gcod
pa'i tshogs pa la/ bum pa zhes brjod pa'i sgra dngos ming du 'jug
par 'gyur ba'i phyir/ bum pa'i gzugs so zhes brjod pa'i sgra de
bum pa dang/ bum pa'i gzugs gnyis gzhi gcig

pa can te/ gzhi mthun brjod pa'i sgra ma yin te/ bum pa zhes
brjod pa'i sgra des bum pa'i gzugs dri la sogs pa rnams kyis
rang 'dzin shes pa bskyed pa'i thun mong ma yin pa'i nus pa'i
khyad par brjod byar spong ba des na'i phyir/ des na/ bum pa

zhes brjod pa'i sgra de bum pa'i gzugs la sogs pa la bltos nas
tshogs brjod kyi sgra dang/ gser bum la sogs pa la bltos nas rigs
brjod kyi sgra yin pas snga ma brjod byar spong zhing/ phyi ma
mi spong ba yin no/ /des na tshogs brjod kyi

sgra dang rigs brjod kyi sgra la mu bzhi yod de/ dang po yin la
phyi ma ma yin pa ni/ 'bigs byed ces brjod pa lta bu'o/ /phyi ma
yin la dang po ma yin pa ni gzugs zhes brjod pa lta bu/ gnyis ka
yin pa ni/ bum pa zhes brjod pa lta bu/ gnyis

ka ma yin pa ni/ de dag las ma gtogs pa rnams so/ /des na/ rigs
brjod kyi sgras rigs don gzhan dang/ tshogs brjod kyi sgras yan
lag can rdzas gzhan nges par brjod byar byed pa ma yin par thal/
snga mas rigs can

@157a @#/ /brjod byar mi spong/ phyi mas tshoD pa can brjod byar
spong ba 'di ni/ riD brjod dang tshoD pa brjod pa'i khyad par yin
pa'i phyir/ yan lag can don gzhan med kyang bum pa yi ni gzugs
zhes sogs brjod pa dag la dgos pa yod de/ de ltar bum pa'i gzugs
khyad gzhi

dang/ tshogs spyi bum pa de khyad chos kyi yan lag tu byas te
bstan pas bum pa'i gzugs des rang 'dzin shes pa bskyed pa'i nus
pa'i khyad par blo yul du ston par byed pa'i phyir/ bshad ma
thag pa'i phyogs 'dis tsandan gyi dri zhes brjod pa lta bu gzhan

la'ang de kho na bzhin du yan lag can don gzhan med kyang/
tsandan gyi dri zhes brjod pa la 'gal ba med do zhes brjod par
bya'o/ /de ltar brjod pa'i tshe/ tsandan khyad chos dang/ de'i
dri khyad gzhi yin no/ /gnyis pa la/ rdul phran kun tshogs pa yid

blo'i rgyur dgos pa dgag /re re rkyang pas nus pa dgag pa'o/
/dang po ni/ yan lag phra mo gcig dang bral na'ang/ yid blo skye
ba min par thal/ yan lag gi cha ma lus pa de'i rgyu nyid du nges
par dgos pa yin pa'i phyir/ gnyis pa la/ thal ba dgod

pa dang/ de'i lan dgag pa'o/ /dang po ni/ dus cig car du skyes
bu gcig gi rgyud la yid blo mang po 'byung bar 'gyur bar thal/
rdul phran re re nas bltos med du yid blo bskyed nus pa nyid yin
pa'i phyir/ gnyis pa la/ dbugs kyi rkyen gyis cig

car du ma mi skye ba dgag pa'o/ /dang po lus las cig car skyes
kyang phyis rigs 'dra re re kho na skye ba dgag pa'o/ /dang po
la/ dbugs rtag pa las skye ba dgag mi rtag pa las skye ba dgag
rang la nyes pa spang ba'o/ /dang po ni/ dbugs 'byung

@157b rdub dag chos can/ cha du ma med pas yid blo re re kho na
skye bar nges byed min par thal/ lus dang rdul gyi cha shas du
ma can nyid du mtshungs pa'i phyir/ de ma grub ste/ dbugs rtag pa
gcig nyid yin na zhe na/ yang/ yid blo mang po cig car du

gsal bar 'gyur bar thal/ de'i rgyu rtag pa rtag tu nye ba'i
phyir/ gal te dus gcig tu yid blo gcig kho na'i rgyu yin gyi du
ma'i rgyu min no zhe na/ dbugs chos can/ rim gyis kyang yid blo
bu ma'i rgyu min par thal/ cig car min pa gang zhig nus pa'i

khyad par mi 'dra ba med pa'i phyir/ dbugs rtag pa zhig srid
kyang/ yid blo re re kho na'i rgyur mi 'thad pa ni/ dbugs de
chos can/ khyod las yid blo re re kho na skye bar nges pa ma yin
par thal/ khyod 'byung rdub gang rung gcig gi yun la yang don
snga phyi du

ma 'dzin pa'i yid blo du ma skye ba'i phyir/ snga phyi du ma yid
blo gcig gis shes pa yin gyi/ yid blo du ma min no zhe na/ 'o na
yid blos don snga phyi du ma rnam ldan du shes sam/ rnam med du
shes/ dang po ltar na/ yid blo du mar grub la/ phyi ma ltar na/
yid

blo chos can/ don snga phyi du ma de ni cig car nyid du shes par
'gyur bar thal/ de ltar shes pa la 'gal ba med pa'i phyir/ yang
na rim gyis kyang shes par mi 'gyur bar thal/ rnam pa'i khyad
par med pa'i phyir/ gnyis pa la/ dbugs du ma rim gyis

'byung bas yid blo re re kho na bskyed pa dgag cig car 'byung
ba'i du mas gcig bskyed pa dgag pa'o/ dang po ni/ gal te lus las
'byung gi rang gi rigs 'dra snga ma las 'byung ba min pa'i dus
rim gyis 'byung ba can gyi dbugs kyi skad cig mang

@158a @#/ /po dag snga phyir 'byung ba de 'dra ba'i sems re re
nyid kyis dngos rgyu yin par rtog par byed pas yid blo du ma cig
car mi 'byung ngo zhe na/ dbugs de dag chos can/ snga phyi rim
ldan du ji ltar yang 'byung bar 'gyur ba mi 'thad par thal/ go

rim dang ldan par bskyed pa'i rgyu med pa'i phyir te/ lus rtag
pa las skyes pa'i phyir/ ma grub ste/ rang gi rigs 'dra snga
ma'i rgyu nyid las skyes so zhe na/ dang po mngal du skyes ma
thag dpugs 'byung bar mi 'gyur bar thal/ de'i tshe de'i rgyu rigs
'dra

snga ma de 'dra yod pa ma yin pa'i phyir/ ma grub na/ skye ba
snga ma med par 'gal lo/ /skyes ma thag gi dbugs 'byung rdub
chos can/ rigs 'dra snga ma yod kyang cha du ma can nyid du nges
par thal/ gos tha dad du ma'i yul na khyab pa can yin pa'i

phyir/ 'dod na yid blo du ma cig cang skye bar thal/ de'i nyer
len lus rtag pa dang/ rkyen dbugs du ma nus pa ma nyams par
tshang ba'i phyir/ gnyis pa ni/ gal te dbugs du ma'ang dus gcig
pa can gyi sems gcig gi rgyu yin gyi/ du ma'i rgyu

min no zhe na/ 'o na dbugs rgyu ba zhan pa la sogs pa'i skabs su
dbugs rgyu ba drag pa lta bu zhig ma tshang na'ang yid blo mi
'byung bar 'gyur bar thal/ de dag kun tshogs pa yid blo'i rgyur
dgos pa'i phyir/ ci ste ma grub ste/ drag zhan ji ltar yod pa

yid blo de'i rgyu yin no zhe na/ dbugs kyi dbang gis yid kyi
shes pa la yang gsal mi gsal gyi khyad par yod par 'gyur bar
thal/ dbugs drag zhan ji ltar yod pa yid blo'i nyer len yin pa'i
phyir/ khyab ste/ 'bras bu gang zhig gang gi

@158b 'phel 'grib tha dad las tha dad du 'gyur ba min pa de de'i
dngos 'bras min pa'i phyir/ gsum pa ni/ yid blo rang gi rigs
'dra las skye bar 'dod pa khyod kyi lugs la yang du ma cig car
skye bar 'gyur ro zhe na/ rnam shes snga ma gcig ni rigs 'dra
gcig

kho na'i dngos kyi rgyu yin te/ rigs 'dra re re kho na dngos su
bskyed pa'i nus pa nges pa'i phyir/ der thal/ yid kyi rnam shes
don gzhan gzugs la lhag par chags pa yis de'i tshe de las don
gzhan pa'i sgra mi 'dzin pa'i phyir/ der thal/ de'i tshe de

'dzin pa'i de ma thag rkyen gyi nus pa nyams nas med pa'i phyir/
gnyis pa ni/ gal te dang po mngal du skyes ma thag lus las cig
car yid blo du ma skyes shing/ phyis ni rang gi rigs 'dra las
yid blo re re kho na skye bar nges pas phyis du ma cig car

skye ba min no zhe na/ lus kyi nus pa chos can/ yid blo du ma
phyis kyang cig car du bskyed pa ldog pa yin pa mi 'thad par
thal/ ci'i phyir na sngar du ma cig car bskyed pa gang zhig rtag
pa'i phyir/ sngar bshad pa de dag gi don bsdus nas bstan pa ni/
yid

blo rnam par rtog pa 'di bskyed pa'i rgyu yod dam med/ phyi ma
mi 'thad pa ni/ lugs ldog gi skabs su/ rgyu med gzhan la mi ltos
phyir/ ces pa dang/ 'dod rgyal min zhes pa dang/ sba na med pa
'byung ba la/ zhes sogs kyis ston to/ /rgyu yod na

rtag pa'am/ mi rtag pa las skye/ dang po mi 'thad pa la/ khyab
pa'i rtag pa las skye ba mi 'thad pa ni/ dbang phyug la sogs pa
zhes pas phyogs dang dus rtag pa las skye ba sogs kyang mtshon te
mi 'thad par shes par bya'o/ /ma khyab pa'i rtag pa las skye

@159a @#/ /ba mi 'thad pa ni/ gong du/ rim can min las rim can
min/ zhes sogs kyis ston to/ /mi rtag pa las skyes na/ yid blo
rang gi ngo bo rtag gam mi rtag  /dang po mi 'thad pa ni/ 'og tu
bdag rtag pa 'gog pa'i skabs su rgyas par ston la/ rang

gi ngo bo mi rtag cing rgyu mi rtag pa las skyes na/ lus sems
rdzas gcig gam tha dad/ dang po mi 'thad pa ni/ de ltar lus
la'ang yon tan 'gyur zhes sogs kyis ston to/ /phyi ma ltar na
rgyu bem po las skyes sam/ rig pa las skyes/ dang po ltar

na/ lus kyis yid blo'i lhan cig byed rkyen tsam byed pa ni grub
zin pas mi 'gog la/ rgyu khyad par can byed na nyer len byed
dam/ bdag rkyen khyad par can byed/ dang po mi 'thad pa ni/ snga
phyi dang dus mnyam la brtags nas/ lus ni gnas pa

nyid na sems/ zhes pa dang/ yod med dag la/ zhes sogs kyis ston/
phyi ma mi 'thad pa ni/ lus kyi phul byung 'grib med pa/ zhes
sogs kyis ston la/ yang na/ gzhung 'di nyer len 'gog pa la sbyar
bar bya ste/ rigs pa thun mong bar snang

pa'i phyir/ bdag rkyen 'gog na mig gi dbang pos mig shes la phan
'dogs pa'i tshul ltar gnas pa 'gog pa dang sbyar ro/ /rten khyad
par can byed pa'i lus de'ang dbang po dang bcas pa yin nam/
dbang po med pa yin/ rigs pa cha med

gcig yin nam/ phra mo du ma yin/ dang po gnyis mi 'thad pa ni/
de blo bzhin du 'dzin 'gyur phyir/ ces sogs kyis ston la/ gsum
pa mi 'thad pa ni/ lag sogs g.yo na/ zhes sogs kyis ston te/ de
la skabs der yan lag

@159b can rdzas 'gog gi rigs pa du ma bstan pa ni slob dpon lha
dbang blos zhar byung du gsungs pas dkyus ma'i skabs su bab pa
ni/ le'u dang por sgra rtog gi 'jug tshul gtan la 'bebs pa'i spyi
don gzhan sogs 'gog pa'i skabs der 'brel pa yin no//
 
rdul phran du ma'i lus kyi yid blo'i rten khyad par can byed pa
mi 'thad pa ni/ ma lus rgyu nyid yin na ni/ zhes sogs kyis ston
to/ /yang lus la rang lus dang pha ma'i lus gnyis su phye nas
'gog pa dngos su gsal bar ma gsungs kyang don gyis thob

ste/ de lta na/ pha ma'i lus grub tsam gyis de'i skye ba snga ma
yod par grub par 'gyur ro/ /yid blo de rig pa snga ma las skyes
na/ rang gi rig pa snga ma dang/ pha ma lta bu'i gzhan rgyud kyi
rig pa snga ma gnyis su nges la/ phyi ma ltar na/ des rang gi
yid blo'i

nyer len nam/ lhan cig byed rkyen khyad par can byed na/ pha ma
bzo mkhas shing mang du thos pa sogs yin na bu yang de ltar
'gyur ba dang/ pha ma blo mi gsal bar song ba'i stobs kyis du
yang de ltar 'gyur bar thal ba ni/ de phyir nges par gang

nyid kyi/ zhes pa'i don gyi shugs kyis 'phangs so/ /rang gi rig
pa snga ma las skye na 'dod pa legs par grub bo/ /de dag gi don
bsdus na/ skyes ma thag gi yid blo chos can/ rig pa snga ma
sngon du song ste/ rig pa yin pa'i phyir/ dper na/ de ltar gyi

chags pa las zhe sdang 'byung bar mthong ba bzhin zhes pa dang/
tha mal pa 'chi kha'i yid blo chos can/ rig pa phyi ma mtshams
sbyor te/ chags bcas kyi rig pa yin pa'i phyir/ dpe snga ma
bzhin no/ /rtags de gnyis kyi phyogs khyab lags par

@160a @#/ /grub pa yin pas skye ba snga phyi yod par grub bo/
/gnyis pa'i rtags kyi khyad par ni/ bdag la chags pa dang ldan
pas/ zhes sogs kyis ston to/ /gnyis pa bkag pa la gnod pa spang
ba ni/ gal te shi ba'i tshe lus ldog pa na sems

'ba' zhig gnas par 'gyur bar thal/ lus sems kyi rten min pa'i
phyir ce na/ de la rnam par phye ste lan gdab pa dang/ tshe phyi
ma'i lus kyi nyer len ngos bzung ba'o/ /dang po ni/ gal te tshe
'phos ma thag gzugs med du skye 'gyur gyi 'dod

pa'i skyes bu chos can/ khyod shi ba'i tshe khyod kyi sems de
'byung ba'i lus la mi brten par yang gnas par 'gyur te/ khyod
kyi sems rgyun phyi ma gnas pa'i rgyu 'chi kha'i sems de phyi
ma'i lus de'i rgyu 'chi kha'i lus de'i nus pa 'jug pa thob pa'i

phyir tu de'i lhan cig byed rkyen gyi yan lag tu mi 'gyur ba'i
phyir/ shi 'phos ma thag 'dod par skye 'gyur gyi 'dod pa'i skyes
bu chos can/ shi ma thag khyod kyi sems de lus la bltos med yan
gar bar gnas pa ma yin te/ khyod kyi 'chi kha'i lus

sems gnyis phan tshun grogs byas nas phyi ma'i lus sems lhan cig
tu gnas par bskyed pa'i phyir/ gnyis pa la/ dngos dang/ gnod
byed spang ba dang/ sgrub byed dgod pa'o/ /dang po ni/ skyes bu
phyi ma de'i tshe 'di nyid kyi mig sogs skye mched

tha ma lnga chos can/ phyi ma'i lus gzhan skye mched lnga bskyed
pa'i nyer len gyi rgyu nyid yin te/ de'i ngo bo dang khyad par
gnyis kyi nang nas ngo bo'i lag rjes dngos su 'jog byed kyi thun
mong ma yin pa'i rgyu yin pa'i phyir/ da ni 'di dpyad par bya
ste/

@160b 'dod pa nas gzugs med dang/ de nas 'dod par skyes ma thag
gi dbang po gzugs can pa de'i dngos kyi nyer len gang yin/ gzugs
med nas 'chi kha'i sems kyis byed pa mi 'thad de/ bom rig phan
tshun nyer len byed pa 'gog par 'gyur ba'i phyir/

de'i gzugs kyis byed pa mi 'thad de/ de na gzugs med pa'i phyir/
'on te 'dod pa nas 'chi kha'i dbang po gzugs can pa de dngos kyi
nyer len yin no zhe na/ 'o na gang zag de shi 'phos ma thag
gzugs med du skye ba mi 'thad par thal/ de 'chi kha'i

dbang po gzugs can pa des phyi ma'i 'dod pa'i dbang po gzugs can
pa'i dngos kyi nyer len byed pa'i phyir/ gal te 'thad na yang
'dod pa dang gzugs med du cig car skye ba 'dzin par thal lo/
/skyon med de/ sngar gyi dbang po gzugs can tha ma

des rang gi nyer lan can de'i dngos kyi lhan cig byed rkyen
tshang na de ltar yin yang/ de'i dngos kyi lhan cig byed rkyen
gzugs med nas 'chi kha'i sems de sngar med pas so zhe na/ 'o na
sngar gyi 'dod pa'i dbang po gzugs can tha ma des gzugs med

nas 'chi kha'i sems de skyes kyi bar du bsdad nas de skyes pa
dang dus mnyam du tshogs nas/ phyis kyi 'dod pa'i dbang po gzugs
can dang po de dngos su bskyed dam/ gzugs med kyi sems tha ma
de'i snga rol tu 'gags/ dang po ltar na/ rtag dngos su

'gyur la/ phyi ma ltar na/ phyis kyi 'dod pa'i dbang po gzugs
can dang po de chos can/ sngar gyi 'dod pa'i dbang po gzugs can
tha ma do khyod kyi dngos kyi nyer len ma yin par thal/ khod
skye ba la mngon du phyogs pa khod rang gi dngos kyi lhan cig
byed

@161a @#/ /rkyen skyes pa de'i tshe de 'gags pa'i phyir khyab pa
med na/ 'og nas/ de tshe med phyir don las min/ zhes pa'i don ma
rtogs pa'i rnam 'gyur du gsal lo/ /sngar gyi dbang po gzugs can
tha ma de'i tshe/ phyis kyi dbang po gzugs can dang

po de skye ba la mngon du phyogs pa'i dus yin pas rtags ma grub
bo zhe na/ 'o na 'dod pa nas gzugs med du skyes pa'i tshe sems
lus la bltos med du gnas pa'i shes byed du 'chi kha'i lus kyis
phyi ma'i lus bskyed pa'i dngos kyi nus pa

'jug pa da dung ma thob par bshad pa ji ltar yin bsam dgos so/
/des na phyi ma'i lus kyi nyer len gang yin da dung the tshom du
gnas so zhe na/ de dag gi bar du rigs mi mthun du mas bar du
chod kyang/ rigs mthun du mas bar ma chod pas

lan 'debs pa de dag gis sngar gyi gnod pa cung zad kyang spang
mi nus pas gzugs med kyi sems kyi steng na gzugs bskyed pa'i sa
bon yod pa de nyid gzugs kyi nyer len yin la/ de lta na yang
gzugs med na gzugs yod par mi 'gyur te/ de ldan min

'du byed yin pas gzugs can du mi 'gyur ro/ /de bzhin du gnyid
mthug las sad ma thag gi yid shes kyi de ma thag rkyen gnyid dus
na yid shes mi gsal ba yod pas de nyid yin par mkhas pa'i dbang
po kA ma la shi la bzhed pa ltar khas

blang bar bya'o/ /gnyis pa ni/ 'chi kha'i lus sems gnyis phyi
ma'i sems de yi lhan cig byed pa'i yan lag gi dngos po dang/
nyer len gyi rgyu nyid yin pa 'gog pa la rgyang phan gyis de
ltar ma dmigs pa tsam go byed yang dag min te/

@161b phyir rgol gyis ma dmigs pa med nges go byed min par rab
tu bshad zin pa'i phyir/ dbang po yin pa sogs kyang de 'gog pa'i
rtags yang dag ma yin te/ rjes 'gro la the tshom gyi lhag ma dang
ldan pa yin pa'i phyir/ gsum pa ni/ tshe 'di'i dbang po snga

ma rang gi rigs 'dra la phan 'dogs pa'i nus pa dag ni tshad mas
mthong ba yin te/ dbang po snga ma drang ba dang rnyog pa sogs
las phyi ma dwang ba dang rnyog pa sogs su 'gyur ba mthong ba'i
phyir/ phyi ma'i dbang po gzhan dang gzhan rigs 'dra las skye

ba dag kyang 'grub pa nyid yin te/ da ltar gyi dbang po dang
skye tshul mtshungs pa'i phyir/ gzhan las skye ba dgag pa ni/ gal
te tshe 'di'i dbang po de lus las skye la/ des phyi ma'i dbang po
lus las skye bar mi 'grub bo zhe na/ de'ang brtags na mi 'thad

par thal/ dbang po dang bcas pa'i lus las skye na rigs 'dra las
skye bar grub la/ de las gzhan pa'i nyer len las skye na/ nyes
pa snga ma bzhin du thal bar 'gyur ba'i phyir/ sngar mdor bstan
du dbang po dang bcas ma bcas kyi brtag pa byas

pa ltar ro/ /tshe 'di'i dbang po sems las skye'o zhe na/ phyi
ma'i lus gzhan yang sems 'di nyid las skye bar 'gyur bar thal/
tshe 'di'i dbang po sems las skye ba gang zhig /snga phyi'i lus
rgyu'i rigs mtshungs pa'i phyir/ 'dod na/ skye ba phyi

ma grub bo/ /gsum pa don bsdu ba ni/ lus yid blo'i nyer len dang
lhan cig byed rkyen khyad par can ma yin pa des na/ tha mal pa
dang/ dgra bcom pa tha ma yi sems rnams kun chos can/ rigs 'dra
phyi ma mtshams sbyor ba med

@162a @#/ /pa yin te/ de ltar sbyor ba'i rgyu dbugs 'byung rdub
dang bral ba'i phyir dang/ 'chi sems yin pa'i phyir/ ces bkod pa
rnams rtags yang dag min te/ de ltar gong du bsgrub pa de'i
phyir/ 'chi sems yin pa'i phyir/ ces bkod pa de

'dra'i sgrub byed lhag ldan du 'dod rigs te/ phyogs chos grub/
mi mthun phyogs la ma mthong tsam gyis ldog pa la the tshom za
ba'i phyir/ gnyis pa skye ba du mar goms ? pa srid kyang mtha'
med du 'phel ba mi 'thad pa spang ba la/ rtsod pa ni/ brtse ba
dang

shes rab la sogs pa cung zad goms pas khyad par du 'gyur na
yang/ tshad can gyi rang bzhin las 'das nas mtha' med du 'phel
bar 'gyur ba min te/ dper na/ mchongs pa goms pas cung zad khyad
par du 'gyur na yang mtha' med du mi 'phel

ba dang/ tshu'i drod mthar dmar 'bar bar mi 'gyur ba bzhin no/
/zhe na/ lan la/ mchongs pa dang chu'i drod la khyad par can gyi
rtags med pa dang/ brtse sogs la yod pa dang/ de la rtsod pa
spang ba'o/ /dang po la/ rtags kyi khyad par ngos bzung nas de
dpe

gnyis la med pa dang/ khyad par de yod na mtha' med du 'phel bar
thal ba'o/ /dang po ni/ brtse ba dang shes rab la sogs pa chos
can/ mtha' med du mi 'phel ba'i rang bzhin de 'dra'ang ma yin
te/ sngar goms par byas pa de skad cig phyi ma bskyed pa slar

yang 'bad rtsol la bltam par 'gyur ram/ rten mi brten pa nyid du
'gyur na khyad par dag mtha' med du mi 'phel yang rang bzhin de
'dra min pa'i phyir/ mchongs pa chos can/ goms pas cung zad
khyad par du 'phel yang mtha' med du 'phel ba'i rang

@162b bzhin nyid min te/ khyod rtsol bas bskyed par bya ? zhig
/khyod kyi skad cig snga ma la phan 'dogs nus pa'i rtsol ba
rnams khyod kyi khyad par phyi ma dag la phan pa sgrub pa'i nus
pa med pa'i phyir/ chu'i drod chos can/ khyad par cung zad 'phel
yang mtha' med du 'phel

ba'i rang bzhin nyid min te/ rtag tu khyod kyi rten chu de gnas
pa ma yin par bskams nas rgyu nas chad pa'i phyir/ gnyis pa ni/
mchongs pa dang chu'i drod chos can/ khyod mtha' med du 'phel ba
srid par thal/ gang gi tshe goms par byas par 'gyur ba yang rtsol

ba phyi ? ma la bltos par mi 'gyur bar rtsol ba snga mas riD
'dra phyi ma gzhan gong nas gong du khyad par du byed par 'gyur
ba'i phyir/ rtags khas blangs/ yang na brtse sogs chos can du
bzung nas rang rgyud du bya'o/ /gnyis pa la/ mdor bstan pa ni/
brtse ba dang shes rab

la sogs pa chos can/ rten brten pa yin te/ sems gsal rig tsam la
brten nas rang gi rigs 'dra snga ma goms pa las skye ba'i phyir/
khyod kyi skad cig snga phyi re re nas rtsol ba mi 'dra ba re re
la bltos pa ma yin te/ khyod goms par byas pas sems

la rang gi ngang gis 'jug par 'gyur ba'i phyir/ dper na me la
sogs pas shing dag la thal bar song gi bar du ngang gis 'jug pa
dang/ dngul chu 'dul spyod legs pa gser la sogs pa la rang gi
ngang gis 'jug pa bzhin no/ /yang na dngul chu dang gser

'dul sbyong legs par byas zin pa rang gi ngang gis rigs 'dra
phyi ma g.ya' la sogs pa dang bral bar skye bar 'gyur gyi/ dri
ma dag par byed pa yang rdza'i kha sbyar gnyis pa la bltos mi
dgos pa bzhin no/ /rgyas par bshad pa la/ rten brten pa ni/ goms

@163a @#/ /ba de dag las skyes pa'i brtse ba sogs chos can/ rten
brten pa yin te/ sems kyi ngo bo nyid du skyes pa'i yon tan yin
pa de'i phyir/ goms pa 'bad rtsol sbyar ? ma la mi ltos pa ni/
de chos can/ khyod goms pa'i skad cig phyi ma rnams

nges par rtsol ba mi 'dra ba la bltos pa ma yin te/ khyod goms
pa'i rtsol ba phyi ma dang phyi ma gzhan gyi rtsol ba re res
kyang rigs 'dra du ma gong nas gong du khyad par du 'phags pa
byed par 'gyur ba yin pa des na'i phyir/ don bsdu ba ni/ brtse
ba

dang shes rab la sogs pa'i blo de dag chos can/ sbyor ba gnyis
ldan gyis goms par gyur na tshad can du gang yang gnas pa mi
'thad de/ gang gi phyir na rang gi rigs mthun snga ma yi sa bon
las gong nas gong du 'phel ba can gyi sems kyi

yon tan yin pa'i phyir/ gsum pa la/ rkyen goms pa las 'phel ba
la rtsod pa spang/ nyer len rigs 'dra las 'phel ba la rtsod pa
spang ba'o/ /dang po ni/ mchongs pa yang mtha' med du 'phel bar
thal/ goms pa las 'phel ba'i phyir ce

na/ brtse sogs de ltar mchongs pa rigs 'dra snga ma nyid las
mchongs pa phyi ma 'byung ba ma yin par thal/ rang gi lus kyi
stobs dang 'bad rtsol ji tsam yod pa de tsam las 'byung ba'i
phyir/ des ni mchongs pa tshad nges pa'i bdag nyid can

yin te/ de'i rgyu lus stobs dang 'bad rtsol dag mchongs pa tshad
can du bskyed pa'i nus pa nges pa nyid kyi phyir/ 'o na lus
stobs nar son pas mchongs pa ji tsam sbyangs kyang gong du 'phel
ba mi srid par 'gyur la/ 'dod na/ mngon sum dang

@163b 'gal lo zhe na/ dang por mchongs pa sbyong ba'i tha mal pa
de ni chos can/ dang po nyid nas phyis mchongs pa'i tshad bzhin
du mchongs pa min te/ mthun rkyen tshang yang bad kan sogs kyis
lus yang ba dang mi mthun par byas pa'i phyir/ rtsol bas rim

gyis mi mthun pa bad kan sogs bsal nas byang na yang mtha' med
du mi 'phel te/ de ltar na yang rang gi lus stobs ji tsam yod pa
de nyid du tshad gnas pa'i phyir/ mchongs pa rigs 'dra las skyes
na mchong pa'i phyir du ? rkang pa bteg pa tsam gyis

rgyang ring por mchongs par thal ba dang/ goms pa tsam mtha' med
du 'phel ba'i rgyu yin na bya khyung dang spre'u goms pa mnyam
na mchongs pa mnyam por thal ba'o/ /gnyis pa la/ sems can thams
cad la snying rje chen po yod par thal/ brtse ba

la thog ma med cing rang gi rigs 'dra las skye ba'i phyir ce na/
skyon med de/ rang gi rigs 'dra'i sa bon las byung ba'i brtse ba
snying rje chen po chos can/ byang sems mthong lam pa'i sems la
rang gi ngang gis 'jug pa de'i bdag nyid du 'gyur

te/ mthong lam pa des goms par byas pa'i snying rje gang zhig
de'i rgyud la rang gi rigs 'dra'i sa bon gyi rgyu can mi mthun
phyogs zhe sdang sogs kyis gnod pa med pa'i phyir/ sems can kun
la gnas par thal ba'i skyon med de/

khyod sems can 'ga' zhig gi rgyud la skyes kyang zhe sdang sogs
kyis bcom pa'i phyir/ sems can phal pa la skyes pa'i rang gi
gnyen la dmigs nas sdug bsngal dang bral na snyam pa ni brtse ba
tsam yin gyi snying rje chen po

@164a @#/ /ma yin no/ /sems can re re'i rgyud la yang sems can
gzhan kun la de tsam skye ma myong ba mi srid de/ sems can re re
la yang thog ma med pa nas pha dang ma byed ma myong ba'i sems
can mi srid pa'i phyir ro/ /de zhe sdang gis ma

bcom na dus gcig tu sems can thams cad la dmigs nas sdug bsngal
dang bral 'dod kyi snying rje chen po med pa'i sems can mi srid
la/ sems can gcig la dmigs pa'i brtse ba tsam skyes kyang/ yang
de zhe sdang gis bcom nas

nyams par byas pa yin no/ /mthun rkyen goms pa dang ma bral na
mtha' med du 'phel ba ni/ 'di ltar sems kyi chos brtse ba dang
chags bral gyi blo la sogs pa gzhan dag chos can/ khyod sems can
thams cad la yod par thal

ba'i skyon med de/ khyod kyi ngo bo tsam rigs 'dra las skye yang
khyod kyi goms pa snga ma dang de'i yang snga ma rnams khyad par
chos gsal ba bskyed pa yi rtsa ba yin la/ de sems can kha cig la
med pa'i phyir/ dpe ni/ sbyor ba gnyis ldan gyis

goms par byas pa las rang gi ngang gis 'jug pa'i brtse ba'i bdag
nyid du 'gyur te/ dgra bcom pa'i rgyud la chags bral dang/ chags
can la chags pa dang/ mi spug pa bsgom pa la yid log gi blo
ngang gis 'byung ba mthong ba'i phyir/ don

bsdus na/ dang por rtsol bas sems can thams cad la dmigs nas
sdug bsngal dang bral 'dod kyi snying rje shugs can zhig bskyed
nas/ de nas yang rtsol ba chen pos bskyed pa na rtsol ba re res
snying rje rigs 'dra du ma bskyed nus la/ de ltar goms

@164b par byas pas je zhig ltar rtsol ba la mi ltos par snying
rje chen po rang gi ngang gis 'jug pa'i bdag nyid du 'gyur ba
yin gyi/ dang po nas rtsol ba la mi ltos pa ma yin no/ /mchongs
pa ni/ lus go sa gzhan du bgrod pa'i skad cig re re la phan
'dogs

pa'i rtsol ba re re dgos te/ rtsol ba gang du glod pa de nyid du
lus sa la ltung bar 'gyur bas so/ /gnyis pa la/ mdor bstan/
rgyas bshad/ don bsdu ba'o/ /dang po ni/ brtse ldan byang sems
sbyor lam pa chos can/ thog mar rang nyid sdug bsngal zhi ba'i

thabs rnams la mngon sum du mthong ba'i ched du sbyor ba gnyis
ldan gyis goms par mdzad rigs te/ sems can thams cad kyi sdug
bsngal gzhom par bzhed pa'i so skye yin pa'i phyir/ khyab par
thal/ thabs las byung ba'i sdug bsngal dang

'gog pa'i bden pa dang/ de'i rgyu kun 'byung dang/ lam gyi bden
pa lkog tu gyur pa yin na/ phyin ci ma log par 'chad shes pa
dka' ba yin pa'i phyir/ byang sems sbyor lam pa yang dngos po
stobs zhugs kyi rigs pas grub ste/ mi rtag sogs

bcu drug don spyi'i tshul gyis rtogs pa la gsal snang thon ma
thon sogs gnyis su 'dum la/ don spyi la gsal snang thon pa la
yang theg chen sems bskyed kyis zin ma zin gnyis su nges pa sogs
dngos stobs kyis grub la/ theg chen sems

bskyed kyis zin pa'i sgo nas bdag med kyi don spyi la gsal snang
dang ldan bzhin pas khyad par du byas pa'i gang zag de la byang
sems sbyor lam pa zhes bya'o/ /gnyis pa la/ spang bya la rtog
pa'i thabs/ gnyen po la rtog pa'i tshul/ de ltar

@165a @#/ /brtags pa'i dgos pa'o/ /dang po ni/ bden bzhi'i gnas
lugs la spyod pa'i thabs med pa ma yin te/ thog mar lung la
brten pa thos pa'i shes rab dang/ de nas bsams pa'i shes rab kyi
rig pas rnam par dpyod pa yin pa'i

phyir/ yang na gzhal bya'i gnas gsum thabs so so'i sgo nas dpyad
par bya ste/ shin tu lkog gyur dpyad gsum gyis dag pa'i lung
dang/ gnas gnyis lung gi gnod sgrub la mi brten pa'i rigs pas
rnam par dpyod pa'i phyir/ de chos can/ sdug

bsngal rang gi ngo bo khong du chud pa na sdug bsngal de'i rgyu
yod med dang/ rgyu de rtag mi rtag la sogs pa rgyu'i rang bzhin
la rtog par mdzad rigs te/ gang gi phyir na sdug bsngal de gzhom
bzhed pa gang zhig de ltar sdug bsngal rgyu med dam/ rgyu

rtag par gnas nas 'bras bu sdug bsngal gnyen po'i stobs kyis log
pa gzigs pa med pa'i phyir/ de ltar brtags pa na sdug bsngal
rgyu bcas dang/ rgyu de mi rtag par khong du chud nus te/ sdug
bsngal nyid res 'ga' skye ba dang/ 'phel

'grib byed par mthong ba'i khyad par gyis de ltar khong du chud
nus pa'i phyir/ des ni sdug bsngal la bral 'dod kyi blo dang/
kun 'byung spong 'dod dang/ 'gog pa thob 'dod kyi blo rim can du
skye bar bstan to/ /gnyis pa ni/ kun 'byung de'i

mi mthun phyogs gnyen po la brtag pa mdzad par rigs te/ sdug
bsngal de'i rgyu kun 'byung gi gnyen po bsten nas gzhom bzhed
pa'i phyir/ de ltar brtags pa na/ kun 'byung de'i mi mthun
phyogs kyang tshad mas nges par 'gyur te/ rgyu

@165b bdag 'dzin de'i ngo bo ji lta ba bzhin du rtogs pa gang
zhig de'i 'dzin stangs kyi log phyogs 'dzin pa'i ye shes de de'i
gnyen pa yin pa'i phyir/ des lam bsten par bya ba bstan to/
/bdag tu 'dzin pa dang/ bdag gir 'dzin pas byas pa'i 'dus

byas phung po lnga spyod yul du yod pa can sdug bsngal la chags
pa'i sred pa chos can/ rang 'bras sdug bsngal gyi rgyu yin te/
de'i lhan cig byed rkyen yin pa'i phyir/ bdag med mngon sum du
mthong ba'i shes rab chos can/ bdag 'dzin de yi gnod

byed yin te/ de dang 'dzin stangs 'gal ba'i sgo nas de rtsa ba
nas sun 'byin nus pa yin pa'i phyir/ yang na sred pa de yi gnod
byed bdag med mthong ba yin te/ des de'i rgyu la gnod pa'i phyir
ces sbyar ro/ /gsum pa la/ yul gyi skyon yon gsal ba

rab kyi mthar phyin par 'gyur ba dang/ yul can nyes pa mtha' dag
dang bral bar 'gyur ba dang/ des grol ba gzhan las khyad zhugs
pa'o/ /dang po ni/ lung dang rigs pas rnam par dpyod pa'i tshul
de ltar yin na/ bsgoms pas mngon

du 'gyur ba'i tshul ji lta bu zhe na/ thub pa bcom ldan 'das chos
can/ khyod la spang bya'i skyon dang/ gnyen po'i yon tan dag la
dmigs pa'i thugs rab tu gsal ba mthar thug pa nyid du 'gyur ba'i
rgyu mtshan yod de/ khyod kyis lan

grangs kyi rnam pa du mar sdug bsngal zhi ba'i thabs mang po
mtha' yas pa bskal pa grangs med gsum la sogs pa yun ring po'i
dus su goms pa las de ltar 'gyur ba'i phyir/ yang na bdag 'dzin
spangs pas chags bra

@166a @#/ /mod kun mkhyen du ji ltar 'gyur te/ de lta na chags
bral thams cad kun mkhyen du 'gyur ro zhe na/ de chos can/
chos snga ma'i mthar gsal ba mthar thug pa'i kun mkhyen du
'gyur ba'i rgyu mtshan yod de zhes sbyar nas/ rtags

ni/ khyod kyis sngar snying rje'i stobs kyis 'khor bar skye
ba'i khyad par rnam pa du mar blangs ba'i sgo nas 'khor 'das
kyis bsdus pa'i thabs kyi dbye ba mang po yun ring po'i dus su
goms pa las de ltar gyur pa'i phyir/ gnyis pa ni/ des na sdug

bsngal gyi rgyu'i bag chags kyang zad par spangs pa yin te/
rgyu 'bras kyi rab dbye la thugs kyang rab tu gsal ba'i mthar
phyin pa'i phyir/ tha na ngag ma byang ba tsam yang log par
mdzad pa yin no/ /gsum pa ni/ thub pa chen po chos can/ bse ru

la sogs pa'i grol ba gzhan las khyad zhugs pa yin te/ gzhan
don la 'jug pa can gyi thabs 'di mthar phyin pa'i phyir/ gsum
pa ni/ thabs goms pa ston par 'chad mi rigs par thal/ slob
dpon gyis de skad du yang sbyor ba ni

'gro ba la ston pa'i phyir ston pa nyid do zhes gsungs pas so
zhe na/ sbyor ba ni/ zhes pa'i gzhung de yang chos can/ ston
pa mthar thug kho na ston par bstan pa ma yin te/ thabs bdag
med rtogs pa'i shes rab goms pa'i lam gyi gnas

skabs de nyid ston pa yin par bstan 'dod nas de ltar gsungs
pa'i phyir/ gzhan don du goms par byas pa'i slob lam gyi dus
kyi bdag med mngon sum du rtogs pa'i shes rab chos can/ ston
par 'dogs pa'i rgyu mtshan yod de/ ston pa

@166b mthar thug da'i rgyu'i don yin pa'i phyir/ sngar bshad
pa'i bsam sbyor phun sum tshogs pa gnyis po 'di ni chos can/
ston pa mthar thug de'i rgyu ru bshad pa'i rgyu mtshan yod de/
rang gzhan kyi don grub pa'i bde gshegs dang/ skyob pa las
dang po khyod

lam dus su 'byung ba'i thabs de nyid goms pa las de dag 'byung
dgos pa'i phyir/ yang na grub las 'byung ba dang/ dang po
'byung ba zhes bsam sbyor gnyis dang por grub pa dang/ mchod
brjod kyi tshigs bcad kyi dang por 'byung ba'i phyir/ rgyu ru

bshad ces so/ /gsum pa la/ rang don phun tshogs dang/ gzhan don
phun tshogs so/ /dang po la/ khyad par gsum ldan bde gshegs su
bstan pa dang/ de la rtsod pa spang ba'o/ /dang po la/ mdor
bstan/ rgyas bshad do/ /dang po ni /sdug bsngal

gyi rgyu bag chags dang bcas pa spangs pa'i spangs pa chos
can/ bde gshegs nyid yin te/ yon tan gsum ldan gyi spangs pa
mthar thug yin pa'i phyir/ le'u 'dir nyon sgrib dang/ mi rtag
sogs bcu drug la nyon mongs can ma yin pa'i mi

shes pa yod pa de nyid shes sgrib tu byas pa'i sgrib gnyis
spangs pa tsam bde gshegs su ston gyi/ gzung 'dzin rdzas tha
dad du zhen pa'i rtog pa la shes sgrib tu byas pa'i spangs pa
ma bstan te/ de'i rgyu mtshan rigs can gsum ga la nye bar mkho

ba'i thun mong gi ston pa de nyid kyi mtshan nyid bstan bzhed
pa yin gyi/ theg pa chen po thun mong ma yin pa'i ston pa'i
mtshan nyid ston pa ni ma yin no/ /de nyid kyis na bdag med
kyang gang zag gi bdag med tsam zhig bstan gyi/ chos kyi bdag

@167a @#/ /med ni 'og tu 'chad par 'gyur ro/ /'o na thugs rje
chen po yang ston mi rigs par 'gyur ro zhe na/ nyan thos kyi
rigs can la nye bar mkho ba'i rtsa ba'i ston pa de yang snying
rje chen po las nges par bsgrub pa zhig bstan dgos

pa yin no/ /gnyis pa ni/ yon tan gsum po gang zhe na/ spangs
pa de chos can/ legs par spangs pa yin te/ sdug bsngal gyi
rten min pa'i spangs pa mthar thug yin pa'i phyir/ gzhan sde
rnams la spangs pa tsam yod kyang sdug

bsngal dang 'brel bas legs par spangs pa ma yin no/ /de ni
chos can/ thabs legs pa sngon du song ste/ gang zag gi bdag
med pa mngon sum gyis gsar du mthong ba dang/ de nyid sbyor
zhing goms pa las thob pa yin pa'i phyir/

'am gyi sgras rtogs pa gnyis kyis mthong spangs dang sgom
spangs so sor spong ba sdud do/ /slob dpon lha dbang blo ltar
na/ bdag med mthong ba dang rigs pa nyid kyi phyir ro zhes
drangs nas/ rigs pa ni /rigs pas mthong ba'i

thabs bdag med rtogs pa'i shes rab de goms pa las gshegs pa'i
phyir bsngags ? so zhes 'chad do/ /slar ldog pa'i spangs pa
gang yin /gang spangs pas slar mi ldog par 'gyur zhe na/ rgyun
zhugs srid pa lan bdun

pa chos can/ slar yang 'khor bar ldog ces bshad pa yin te/
nying mtshams sbyor ba'i skye ba sdug bsngal dang/ skyon chags
sogs ni srid pa bdun gyi bar du kun tu 'byung ba dag tu bshad
pa'i phyir/ sngar gyi spangs pa

@167b de chos can/ slar mi ldog par gshegs pa nyid yin te/
bdag lta'i sa bon bag chags dang bcas pa zad par spangs pa'i
phyir/ bdag med rtogs pa'i shes rab kyis bdag 'dzin la ji ltar
gnod/ 'dzin stangs 'gal ba tsam gyis yin na/

bdag 'dzin gyis kyang gnod par 'gyur ro zhe na/ gang zag gi
bdag med rtogs pa'i shes rab de chos can/ khyod kyis gang zag
gi bdag 'dzin la dngos su gnod de/ khyod dang de gnyis 'dzin
stangs tha dad pa'i bdag nyid kyis dngos su 'gal

ba gang zhig khyod kyi 'dzin stangs bden pa phyin ci ma log
pa'i yul can yin pa'i phyir/ chags bral gzhan la spang bya
gang lus pa yin/ gang spangs pas ma lus par spangs par 'gyur
zhe na/ nyan rang dgra bcom pa chos can/ lus ngag sems

kyi gnas ngan len lus pa yin te/ nyon mongs can ma yin pa'i
sgo gsum gyi gnas ngan len dang ldan pa'i phyir/ de lta na
yang slar 'khor bar ldog pa ma yin te/ rgyu nyon mongs med
pa'i phyir dang/ 'khor ba'i sdug bsngal gyis yid gdung

ba'i nad med pa'i phyir/ gzhan la thar lam bshad pa la blo mi
gsal ba nyid kyang lus pa yin te/ nyon mongs tsam spangs kyi
gnas ngan len zad par ma spangs pa'i phyir/ sngar gyi spangs
pa de chos can/ ma lus pa'i spangs pa nyid yin te/

gnyen po goms pa mthar phyin pas thob pa'i spangs pa yin pa'i
phyir/ gnyis pa ni/ rgyal dpog pa la sogs pa kha cig na re/
thub pa chos can/ skyon zad pa min te/ ngag smra ba'i phyir
dang/ dbang po dang ldan pa la sogs pa'i phyir/ lam po che'i

@168a @#/ /skyes bu bzhin zer to/ /rtags de ma nges par bstan
pa ni/ rtags 'di chos can/ ldog khyab 'khrul pa yin te/ ldog
pa la the tshom za ba de'i phyir/ nyes zad kyi skyes bu ngag
smra yod med gang la yang sgrub byed ma mthong bzhin du de
'gog

par byed pas rgol ba rang nyid kyang the tshom za la/ phyir
rgol gyi ngor yang the tshom tsam 'dren par byed kyi yang dag
shes pa mi skyed do/ /rtags 'di sangs rgyas pa la bkod pa yin
la/ des nyes zad smra ba grub zin ma brjed pa'i phyir/ ci ltar
the

tshom 'dren par byed ces zer na/ thub pa la /sngon 'das pa'i
dus kyi ston pas chos gsung ba ltar ngag smra yin pa'i phyir
skyon zad pa ma yin nam /chags bcas ngag smra ba ltar skyon ma
zad pa yin zhes the tshom gyi brtag pa byas nas rgol ba la dris

pa na/ da dung de las ma gtogs pa'i ldog khyab nges pa'i sgrub
byed med pa'i don to/ /gang dag sangs rgyas kyi gzugs sku
sangs rgyas mtshan nyid pa ma yin par smra ba de dag rgyal dpog
pa legs par 'ongs pa yin no/ /rigs pas mtha' dpyad

nas dgag pa ni/ nyes pa zad pa mi srid pa'i rgyu mtshan skyon
chags sogs rnams rtag pa nyid kyi phyir/ spong mi nus sam/ nus
kyang spong ba'i thabs med pa'i phyir ram/ yang na/ thabs
dngos po la yod kyang sus kyang mi shes pa'i phyir ram/ shes

kyang de las zhan dag don gnyer byed pa mi srid pa'i phyir
ram/ don gnyer skye ba yod kyang de ji lta ba bzhin du 'doms
pa'i brtse ba can med pa'i phyir nyes pa mi zad pa nyid ces
bya bar yongs su rtog grang na/ nyes pa chags sogs chos can/

@168b rtag pa ma yin te/ khyod bskyed pa'i rgyu yod pa'i
phyir/ khyod spong ba'i thabs med pa ma yin te/ khyod kyi rgyu
bdag tu 'dzin pa yi gnyen po goms pas zad nus pa'i phyir/
khyod spong ba'i thabs de shes pa yang grub pa yin te/ khyod
kyi rgyu yi rang bzhin ji lta

ba bzhin du shes pa yod pa'i phyir/ brtag pa phyi ma gnyis lan
dang bcas pa ni/ sngar brtse ldan zhes pa dang/ 'og skyob pa'i
skabs nas go bar 'gyur bas 'dir ma bkod do/ /gnyis pa ni/ thub
pa bcom ldan 'das chos can /grol ba don gnyer gyi

skyob pa nyid yin te/ rang nyid kyis thar lam gzigs pa mthar
phyin zhing gzigs pa'i lam de nyid lan dang grags pa sogs la
mi blta bar gzhan la phyin ci ma log par gsung bar mdzad pa
yin pa'i phyir/ gzigs pa mthar phyin ta/ dri ma

zad par spangs pa'i phyir/ des ni bde gshegs las skyob pa grub
pa'i tshul bstan pa yin no/ /rtags phyi ma ma grub ce na/ 'o na
gzhan la thar lam cung zad kyang mi gsung ngam/ phyin ci log
gsung /dang po mi 'thad pa ni/ bde gshegs kyi sgrub

byad du ston pa bshad pa nyid kyis grub la/ phyi mi ltar na/
khong rang gis phyin ci ma log pa gsung bar rlom yang dngos po
la phyin ci log tu song ba yin nam/ rang nyid phyin ci log
gsung bzhed pa yin /dang po mi 'thad pa ni/ skyob pa'i sgrub
byed

bde gshegs bsgrub pa nyid kyis 'grub la/ phyi ma ltar na/ sman
pa ngan pa ltar bdag la chags nas rang 'dod ma grub dogs pa
yin nam/ gzhan la dmigs pa'i brtse ba chen po med pas yin/
dang po mi 'thad pa ni/ sgrub byed snga ma dang 'dra la

@169a @#/ /phyi ma mi 'thad pa ni/ ston pa'i sgrub byed du
thugs rje bkod pa nyid kyis 'grub bo/ /des na/ de chos can/
thar lam rdzun pa phyin ci log mi gsung ste/ de ltar gsungs pa
la rang don dang gzhan don gang la bltos kyang 'dod bya'i

'bras bu med par mngon sum du gzigs pa'i phyir/ gzhung 'di dag
gis skyob pa'i sgrub byed dang/ ston pa dang thugs rje gnyis
kyi bsgrub bya ston pa yin no/ /de chos can/ nyid kyis gzigs
pa'i thar lam gzhan la phyin ci ma log par 

gsang bar mdzad de/ sngar slob lam du mi rtag pa dang bdag med
sogs sgom pa'i rtsom pa kun yang gzhan sems can thams cad kyi
don du sbyor zhing goms par mdzad la de nyid mthar phyin pa'i
phyir/ 'dis ston pa las bde gshegs

'grub pa'i tshul bstan to/ /de 'dra'i rtsom pa kun gzhan don du
sbyor ba'i rgyu mtshan yod de/ sngar slob lam du sems can thams
cad la dmigs pa'i thugs brtse ba chen po dang ldan pa de nyid
mthar phyin par mdzad pa'i phyir/ 'dis thugs

rje las ston pa 'grub pa'i tshul bstan to/ /de ltar lugs 'byung
gi skabs 'dir skyob pa rtags kyi bsgrub byar byas nas gzhan
gsum rim gyis sgrub byed du bkod pa na/ mthar gtugs pa'i sgrub
byed thugs rje chen po yin pa dang/

tshad ma'i skyes bur 'gyur ba'i phyir tu lam la rim gyis 'jug
pa na yang theg pa chen po thun mong ma yin pa'i lam la dang
por 'jug pa'i 'jug sgo dang/ thabs dang sgrub byed ni snying
rje chen po yin pas/ sgrub byed thugs rje/

@169b zhes thugs rje la sgrub byed kyi sgras ston par mdzad
do/ /gnyis pa de dag kun las tshad mar grub pa ni/ de chos can/
grol ba don gnyer la bltos nas tshad ma'i skyes bu yin te/ grol
ba don gnyer la thar lam bstan pa'i sko nas de'i skyabs  

mdzad cing de skyob pa'i nus pa mthar phyin pa yin pa'i phyir/
skyob mi nus na skyabs kyi mtshan nyid ma tshang la/ skyabs mi
byed na skyabs bcol ba'i dgos pa mi 'grub pas ston pa 'di la
dgos nus gnyis ka nges par tshogs pa yin no/ /

gnyis pa la /khyad chos de dag snga ma las phyi ma 'grub pa'i
tshul/ de dag kun las tshad mar 'grub pa'i tshul lo/ /dang po la/
skyob pa'i rang bzhin bsgrub pa dang/ de las bde gshegs dang
/de las ston pa dang/ de las brtse ba 'grub

pa'i tshul lo/ /dang po la/ bden bzhi'i gnas lugs rang dbang du
ston pas skyob par bstan pa dang/ bstan pa gsung rab kyi don
bden bzhi gtan la dbab pa'o/ /dang po ni/ de ltar lugs 'byung
gis ston pa lam gang nas gshegs pa'i

tshul bstan pa las yang na/ de ltar gshegs pa'i shes byed kyi
gtan tshigs yang dag lugs ldog gi sgo nas ston zhes pa'o/ /thub
pa bcom ldan 'das chos can /grol ba don gnyer gyi skyob pa yin
te/ grol ba don gnyer la

bden pa bzhi'i gnas lugs phyin ci ma log pa ston pa'i mdzad pa
mthar phyin pa'i phyir/ gnyis pa la/ spyi'i don dang/ yan lag
gi don to/ /dang po la/ bden bzhi'i grangs nges pa dang/ go
rim nges pa dang/ mtshan gzhi dang/

@170a @#/ /de nyid nges byed kyis tshad ma'o/ /dang po ni /thar
pa don gnyer rnams kyi gtan la dbab bya'i gtso bo ni/ 'khor ba
dang mya ngan las 'das pas bsdus pa'i phyogs gnyis su nges la/
'khor ba la yang rgyu 'chid byed kun 'byung

bden pa dang/ 'bras bu bcings pa sdug bsngal gyi bden pa gnyis
su nges so/ /rnam byang la yang 'khor ba las grol bar byed
pa'i thabs rgyu lam gyi bden pa dang/ grol ba 'bras bu'i ngo
bo 'gog pa'i bden pa gnyis su nges pas

'khor ba 'jug ldog gi rgyu 'bras bzhir nges so/ /gnyis pa ni/
don gyi rim pa'i dbang du byas na/ kun 'byung dang lam gyi
bden pa dang por bstan par bya ba yin la/ sdug bsngal dang
'gog pa phyis bstan par bya ba yin no/ /

'dir ni yul can mngon par rtogs pa'i rim pa dang mthun par go
rim gzhan du bstan par bya ste/ 'di ltar/ sdug bsngal gyi bden
pa dang/ kun 'byung dang/ 'gog pa dang lam ste/ thog mar 'khor
ba spyi dang bye brag gi nyes

dmigs legs par bsams pa'i sgo nas/ de la 'bral 'dod kyi blo
bskyed par byed dgos te/ de sngon du ma song na de'i rgyu la
spong 'dod skye ba mi srid pa'i phyir ro/ /sdug bsngal la
'bral 'dod skyes pa na sdug bsngal 'di dang

'bral bar byed nus sam mi nus/ 'di la rgyu yod dam med/ rgyu
de yang rtag gam mi rtag snyam du kun 'byung la rtog par byed
de/ sdug bsngal rang gi ngo bo tsher ma 'don pa bzhin du spong
mi nus par mthong ba'i phyir ro/ /de ltar

@170b brtags pa na las dang nyon mongs pa gnyis de'i rgyur
khong du tshud nas de la spong 'dod kyi blo skye bas kun 'byung
dus gnyis par bstan to/ /kun 'byung spong nus su mthong ba na
sdug bsngal 'gog nus su mthong bar 'gyur la/ de nas sdug

bsngal 'gags pa'i 'gog pa yang mngon du bya nus su mthong bas
'gog pa dus gsum par bstan to/ /de mngon du byed pa yang lam
bsten cing goms par byas pa la rag las par mthong bas/ lam gyi
bden pa dus bzhi par

bstan to/ /gal te dus dang por sdug bsngal 'gog nus su mthong
na/ sdug bsngal 'gags pa mngon du bya nus su mthong bas khyab
pas 'gog pa dus gnyis par bstan rigs la/ yang kun 'byung spong
nus mthong nas/ sdug

bsngal 'gog nus su mthong dgos pas kun 'byung sdug bsngal gyi
sngar bstan par rigs so/ /kun 'byung spong nus su mthong ba
bdag med par rtogs pa la rig las pas thog mar de nyid bstan
par bya ba yin pas ji skad bshad pa'i bden bzhi'i

go rim ma nges so zhe na/ bshad par bya ste/ spyir bya ba gang
la yang de la 'jug pa la phan yon mthong zhing/ de las ldog pa
la nyes dmigs mthong ba la rig las pas/ 'khor ba spyi dang bye
brag gi nyes dmigs bsams pas 'khor

ba la mi'i dong ltar du mthong nas/ de dang 'bral 'dod kyi blo
tsam zhig dang por bskyed pa yin gyi/ 'bral nus su go ba min
no/ /de nas dus gnyis par kun 'byung spong nus su tshad mas
mthong ba yin la/ de mthong ba na 'gog pa mngon 
 
@171a @#/ /du bya nus su mthong bas/ kun 'byung dus gnyis pa dang
'gog pa dus gsum par bstan rigs so/ /lam tha mar bstan par bya
ba ni sngar ltar ro/ /des na/ rnal 'byor pa'i rgyud la bden pa
bzhi la dmigs pa'i mthong {laM}

skye ba na yang go rim de dag dang mthun par skye ba yin no/
/gsum pa ni/ da ltar mkhal ma'i zug gzer la sogs pa'i tshor ba
ni/ sdug bsngal gyi sdug bsngal dang/ zas yid du 'ong ba la lhag
par sred nas ro myang ba'i tshor ba

sogs 'gyur ba'i sdug bsngal dang/ las nyon gyis lag rjes bzhag
pa'i zag bcas kyi phung po gang yin thams cad 'du byed kyi sdug
bsngal te/ de dag thams cad sdug bsngal gyi bden pa'o/ /zag pa
dang bcas pa'i las dang

nyon mongs pa thams cad kun 'byung gi bden pa yin la/ sdug
bsngal 'gags pa'i bral ba ni 'gog pa'i bden pa dang/ bdag med
mngon sum du rtogs pa'i shes rab lam gyi bden pa'o/ /bzhi pa la/
log rtog bcu drug ngos

gzung ba dang/ de dang 'gal ba bden pa'i rnam pa bcu drug ngos
gzung ba'o/ /dang po ni/ sdug bsngal la log par zhugs pa gtsang
ba dang/ bde ba dang/ rtag pa dang/ bdag tu 'dzin pa bzhi dang/
kun 'byung la log par zhugs pa/

sdug bsngal rgyu med du 'dzin pa dang/ mi mthun pa rgyur 'dzin
pa gnyis/ phyi ma la'ang rgyu gcig kho nas byas par 'dzin pa
dang/ dbang phyug la sogs pa gzhan gyis blo sngon du btang nas
byas par 'dzin pa dang/ rang bzhin rtag la

@171b gnas skabs 'gyur bar 'dzin pa'o/ /'gog pa la log zhugs ni/
thar pa ye med du 'dzin pa dang/ zag bcas kyi khyad par 'ga'
zhig thar par 'dzin pa dar/ sdug bsngal gyi khyad par 'ga' zhig
gya nom pa'i thar par 'dzin pa dang/

sdug bsngal zad pa yod kyang yang ldog par 'dzin pa'o/ /lam la
log zhugs ni/ thar lam ye med du 'dzin pa dang/ bdag med goms pa
lam du mi rigs par 'dzin pa dang/ bsam gtan gyi khyad par 'ga'
zhig tsam thar lam

du 'dzin pa dang/ sdug bsngal mi ldog pa'i chos can du byed pa'i
lam med par 'dzin pa'o/ /gnyis pa ni/ sdug bsngal gyi sdug
bsngal chos can/ mi rtag pa yin te/ res 'ga' skye ba'i phyir
dang/ sdug bsngal ba yin te/ las nyon gyi

gzhan dbang can yin pa'i phyir/ stong pa yin te/ dbang bsgyur ba
po'i bdag don gzhan med pa'i phyir/ bdag med pa yin te/ rang
dbang ba'i bdag gi ngo bor ma grub pa'i phyir/ kun 'byung gi
rnam pa ni/ zag pa dang bcas pa'i las dang

sred pa chos can/ rgyu'i rnam pa yin te/ rang 'bras sdug bsngal
gyi rtsa ba yin pa'i phyir/ kun 'byung yin te/ de rnam pa thams
cad pa yang dang yang du bskyed pa'i phyir/ rab skye yin te/ de
shugs drag bskyed pa'i phyir/ srid pa'i sred

pa chos can/ rkyen gyi rnam pa yin te/ rang 'bras sdug bsngal
gyi lhan cig byed rkyen yin pa'i phyir/ 'gog pa'i rnam pa ni/
gnyen po'i stobs kyis sdug bsngal gtan zad pa'i bral ba chos
can/ khyod 'gog pa'i rnam pa yin te/

@172a @#/ /sdug bsngal spangs pa'i bral ba yin pa'i phyir/ zhi
ba'i rnam pa yin te/ nyon mongs spangs pa'i bral ba yin pa'i
phyir/ gya nom pa'i rnam pa yin te/ phan pa dang bde ba'i thar
pa yin pa'i phyir/ nges par 'byung ba'i rnam

pa yin te/ slar mi ldog pa'i chos can gyi thar pa yin pa'i
phyir/ lam gyi rnam pa ni/ bdag med mngon sum du rtogs pa'i shes
rab chos can/ lam gyi rnam pa yin te/ thar par bgrod byed kyi
lam yin pa'i phyir/ rigs pa'i

rnam pa yin te/ nyon mongs kyi dngos gnyen byed pa'i phyir/
sgrub pa'i rnam pa yin te/ sems kyi gnas lugs mthar thug pa
mngon sum du rtogs pa'i ye shes yin pa'i phyir/ nges par 'byin
pa'i rnam pa yin te/ sdug bsngal

slar mi ldog pa'i chos can du byed pa'i gnyen po yin pa'i phyir/
sdug kun gnyis kyi rnam pa brgyad gzhung du mtshams so sor gcod
pa gsungs la/ 'gog lam gyi rnam pa brgyad kyang gzhung gi mtshams
so sor bcad na sbyor sa snang

mod kyi/ slob dpon lha dbang blos 'gog pa'i rnam pa dang lam gyi
rnam pa gnyis dngos su gsungs pas rnam pa lhag ma drug go nus
par dgongs nas dngos su gsal bar ma gsungs par bshad do/ /mdor
na/ rtog ldan 'jug pa'i

yan lag 'khor ba 'jug ldog gi tshul bsams nas 'khor ba mtha' dag
gis yid 'byung ste thar pa don gnyer gyi blo bskyed pa'i thabs
bshad pa ni/ gzhung 'di nyid mchog tu gyur shos gcig tu snang
bas gzhung 'di la thos

@172b bsam byed pa'i bshes gnyen dag kha phyir blta 'ba' zhig tu
ma song bar 'khor ba spyi dang bye brag gi nyes dmigs legs par
bsams nas de la yid 'byung ci skye dang thar pa la don gnyer gyi
blo ci skye bya/ de ltar skyes pa na lhag pa tshul

khrims kyi bslab pa gzhir bzung/ lhag pa sems kyi bslab pa'i
yang ji tsam blo dang 'tsham pa re la nan tan byas nas/ de nas
le'u 'dir bshad pa'i gang zag gi bdag med dang 'og nas 'chad
pa'i chos kyi bdag med rigs

pas legs par gtan la phab nas bsgom/ de ltar byas na/ bstan bcos
la thos bsam byas pa don chen po dang ldan zhing rang gi dal
'byor gyi rten la snying po legs par lon pa yin pas tshul de la
'bad pas nan tan du bya'i/

de las gzhan du rnyed pa dang bkur sti dang grags pa ji tsam
thob na snyam na sdig ltung gis rgyud legs par chud zos nas
gzung na tshig mi zin/ bsams na don mi go bsgom na rgyud la mi
skye bas tshe gangs po thos bsam la 'bad

pa skad byas kyang blo rang dga' ba'i 'gros 'dod pa che chung
dang skyo shas che chung sogs zhing pa rang dga' ba rnams dang
khyad par cung zad kyang med par 'gyur bas lam blo'i dmigs pa
'ba' zhig tu ma song bar blo'i ngo bor bskyed la

nan tan du 'bad par bya'o/ /thar lam gyi mi mthun pa'i phyogs
gzhan dag gis thar lam du btags pa'i phyin ci log bzhi ngos
bzung nas slob dpon gyis 'gog pa'i rgyu mtshan sogs dang/ thar pa
dang thams cad mkhyen pa

@173a @#/ /dngos po stobs zhugs kyi rigs pas sgrub pa'i tshul sogs
ni 'og tu 'chad par 'gyur ro/ /gnyis pa la/ sdug bsngal gyi bden
pa dang/ kun 'byung gi bden pa dang/ 'gog pa'i bden pa dang/ lam
gyi bden pa'o/ /

dang po la/ sdug bsngal gyi bden pa'i mtshan gzhi bsgrub pa dang/
mtshan nyid bshad pa'o/ /dang po la/ 'khor ba la thog ma med par
bsgrub pa dang/ thog ma yod pa dgag pa'o/ /dang po la/ sdug
bsngal ngos gzung ba dang/ de

la thog ma med par sgrub pa'i rigs pa'o/ /dang po ni/ nyer len
gyi phung po lnga po chos can/ sdug bsngal bden pa yin te/ las
nyon gyi dbang gis 'khor bar 'khor ba can gyi phung po yin pa'i
phyir/ tshogs rgyun 'jog mi shes

pa dag 'chi kha'i gang zag skye ba phyi mar zhugs na rtag par
'gyur la/ srid pa phyi ma'i rnam shes dang po 'khor bar mi 'thad
de/ des sngar gang du yang ma phyin pa'i phyir/ des na 'khor ba
zhes pa 'khrul snang tsam yin gyi cung zad kyang

med do zhes smra ba dang/ yang gang zag rtag pa 'khor bar 'don
pa ni 'og nas 'chad pa'i rigs pa 'di dag gi dgag bya'i gtso bo
yin no/ /gnyis pa la/ thog ma med pa'i rigs 'dra las skye bar
sgrub/ rgyu med du skye ba dgag

mi mthun pa'i rgyu las skye ba dgag pa'o/ /dang po ni/ 'dod
chags dang zhe sdang la sogs pa chos can/ rigs 'dra snga ma
sngon du song ste/ rang nyid goms pa las gong nas gong du rang
gi ngang gis chos gsal bar skye ba

@173b mthong ba'i phyir/ gnyis pa ni/ de chos can/ su la yang
bltos med kyi 'dod rgyal du 'byung ba nyid min te/ res 'ga' skye
ba'i phyir/ khyab par thal/ rgyu med na skye ba 'gal ba'i phyir/
gsum pa la/ rlung sogs 'ba' zhig las skye ba dgag

'byung ba 'ba' zhig las skye ba dgag pa'o/ /dang po la/ rgyu
'bras kyi mtshan nyid ma grub pa mdor bstan/ rgyas par bshad
pa'o/ /dang po la thal ba dgod/ de'i lan dgag pa'o/ /dang po ni/
bad kan las 'dod chags dang/ mkhris pa las

zhe sdang dang/ rlung las gti mug skye'o zhe na/ chags sogs
rlung la sogs pa'i dngos 'bras kyi chos ma yin par thal/ de la
rjes su 'gro ldog 'khrul pa'i phyir te/ bad kan can 'dod chags
chung la zhe sdang che ba mthong ba'i phyir/

gnyis pa ni/ gal te de'i tshe bad kan la zhe sdang gi rgyu mkhris
pa'i rang bzhin 'dres pa'i phyir/ zhe sdang 'phel ba yin pas
'khrul pa'i skyon med ce na/ 'o na gang zag de la mkhris pa de
yi dngos 'bras kyi chos dus min

gyi skra dkar dang sha ser rdul mang blo gsal ba sogs zhe sdang
de las gzhan yang cis ma mthong ste mthong rigs par thal/ de dag
gi dngos rgyu mkhris pa tshang bar yod pa'i phyir/ mkhris pas dug
gsum ga bskyed pa de bzhin du gzhan

gnyis kyis kyang yin no zhe na/ nad gsum cha mnyam pa'i skyes bu
thams cad 'dod chags sogs che chung mtshungs par thal/ de dag gi
dngos rgyu mtshungs pa'i phyir/ des na dug gsum ga nyes pa kun
gyi dngos 'bras kyi chos ma yin

@174a @#/ /par thal/ de la bshad ma thag pa'i nyes par thal ba'i
phyir/ rgyu 'byung ba tsam las skyes par mtshungs kyang skyes
bu'i gzugs che chung sogs mi mtshungs pa bzhin du 'dir yang yin
pas skyon med ce na/ skyes bu'i gzugs che chung

der yang che chung med pa'i rtsod pa snga ma dang mtshungs par
'jug pa yin par thal/ skyes bu'i gzugs che chung de la khyad par
can gyi sngon gyi las rnams bdag po'i rkyen du yod pa ma yin par
dngos rgyu 'byung ba mtshungs pa las skyes pa'i

phyir/ gnyis pa la/ 'phel 'grib mi mtshungs pas rgyu 'bras min/
yin na ha cang thal ba/ rang la mtshungs pa spang ba'o/ /dang po
la/ rtags dgod/ tshul bsgrub pa'o/ /dang po ni/ nyes pa chags
sogs chos can/ rlung mkhris sogs kyi

dngos 'bras ma yin te/ rlung la sogs pa'i skyon rnams khyad par
du 'phel ba yod na'ang khyed rnams khyad par du 'phel ba'i nges
pa med pa'i phyir te/ bad kan 'phel nas lus rgyud na chags pa
'grib par mthong ba'i phyir/ gnyis pa ni/

ma grub ste/ mkhris pa 'phel nas lus gdungs pas zhe sdang skye
ba'i phyir ro zhe na/ de tsam gyis rtags ma grub pa nyid ma yin
par thal/ nad thams cad 'gyur ba yis zhe sdang skye bar 'gyur
bar mthong bas de kun gyi 'bras bur thal

ba'i phyir/ zhe sdang de nad kun las dngos su skyes ba'ang min
par thal/ nad gsum cha mnyam pa zhe sdang mtshungs pa'i skyon yod
pa'i phyir/ khyab pa bsgrub pa ni/ sngar gyi rtsa ba'i rtags la
khyab pa yod par thal/ rgyu bdag kan 'phel bar gyur

@174b pa na 'bras bu 'dod chags mi 'phel yang 'grib par mi rung
ba'i phyir/ dper na mkhris pa 'phel na tsha ba la sogs pa'i nad
'phel ba bzhin no/ /'o na de dag gi rgyu gang yin zhe na/ chags
sogs kyi 'gyur ba chos can/ 'byung ba tsam las dngos

su skyes de ma yin te/ rang rgyu tshor ba bde sdug las skyes pa'i
phyir/ gal te nad gsum cha mi mnyam pa las skyes pa'i tshor ba
sdug bsngal gyis 'dod chags kyi gegs byas nas mi skyed pa yin
pas la lar 'gal rkyen gyis zin pas 'bras bu

mi skyad par mthong ba tsam gyis rgyu 'bras 'jig na ha cang thal
lo zhe na/ 'o na 'dod chags ces bskyed smros shig ces dris pas/
nad gsum cha mnyam pa las khu ba 'phel de las 'dod chags yin no
zhe na/ 'dod chags chos can/ nad {gsuM}

cha mnyam pa la ldog pa 'khrul par thal/ 'ga' zhig de gsum cha
mi mnyam pa la'ang khyod skye ba can du mthong ba'i phyir/ khyod
de la rjes 'gro 'khrul bar thal/ so sor rtog pa'i shes rab dang
ldan pa gzhan ni de gsum cha mnyam na'ang khyod

skye ba min par mthong ba'i phyir/ khyod khu ba 'phel ba la ldog
pa 'khrul bar thal/ chags can gzhan ni khu ba zad nas khrag
'dzag kyang khyod skye bar mthong ba'i phyir/ chags can de chos
can/ bud med gzugs mdzes gcig la dmigs nas

tshogs pa drag po can du mi 'gyur bar thal/ bud med gcig po de la
dmigs nas khu ba 'phel ba'i nges pa med pa'i phyir/ gal te gzugs
mdzes pa dang spyod tshul mdzes pa sogs kyang chags pa bskyed
pa'i yan lag yin te/ de khyad

@175a @#/ /par can las chags pa khyad par can du mthong ba'i
phyir ro zhe na/ de dag kyang chags pa'i rjes su 'gro ldog nges
pa'i rgyu ma yin par thal/ de dag kun de'i rgyur ma nges pa'i
phyir/ gzugs mdzes sogs kyi nges pa med

par chags pa 'byung ba'ang min par thal/ de dag chags pa'i rgyur
nges par dgos pa'i phyir/ gzugs mdzes sogs kyi yon tan can du mi
'dzin pa la'ang chags pa skye bar 'gyur bar thal/ gzugs dang
spyod tshul mdzes pa

mthong tsam gyis chags pa skye ba'i phyir/ gal te de la yon tan
du 'dzin pa de yang chags pa bskyed pa'i yan lag yin no zhe na/
de la rgyu ci dgos/ yul yon tan can du gnas pa tsam yin no zhe
na/ bud med gzugs dang spyod tshul

mdzes pa mthong ba'i skyes bu thams cad kyis de'i lus la yon tan
du 'dzin pa can du 'gyur bar thal/ de ltar 'dzin pa'i rgyu la
khyad par med par chad ba'i phyir/ gnyis pa ni/ gnas skabs gang
la bad kan lhag par 'phel

bzhin pa'i gang zag de 'dra chos can/ de'i tshe zhe sdang drag po
can du mi 'gyur bar thal/ chags pa drag po can du 'dod rigs pa'i
phyir/ khyab par thal/ chags sdang de gnyis 'dzin stangs kyi ngo
bo mi mtshungs par 'gal ba'i phyir

'dod mi rigs par thal/ khyod kyi gnas skabs 'di la nges par zhe
sdang mi 'byung bas khyab par mthong ba'ang med pa'i phyir te/
res 'ga' zhe sdang can du mthong ba'i phyir/ gsum pa ni/ rigs pa
smra ba gang gi lugs de la chos can/

@175b bad kan can zhe sdang can du mi 'gyur bar la sogs pa'i
skyon 'dir thal ba med de/ 'dod chags la sogs pa rang gi rigs
mthun pa'i bag chags kyi khyad par la rag las pas 'jug par 'gyur
ba yin gyi/ phyi rol gyi dmigs rkyen la bltos pa

med pa'i phyir/ gnyis pa la/ bshad zin dran pa la sbyar ba dang/
lus sems kyi rten khyad par can yin pa 'gog pa'i rigs pa gzhan
bstan pa'o/ /dang po ni/ chags sogs nad gsum gyi dngos 'bras yin
pa 'gog pa'i rigs pa 'dis

ni chos can/ chags sogs 'byung ba'i dngos 'bras kyi chos nyid
yin pa yang bkag ste/ de la rjes su 'gro ldog 'khrul par sgrub
pa'i phyir/ 'byung bzhi chags sogs grub zin gnas pa'i rten yang
ma yin te/ de yang yod med dag la zhes pa'i skabs

su bkag zin pa nyid kyi phyir/ gnyis pa la/ dpe dgag pa dang/
don dgag pa'o/ /dang po ni/ khyad kyi 'byung 'gyur 'byung ba la
brten par khas blangs pa bzhin du chags sogs kyang yin te/ gzhan
du na khyed rang la khas blangs 'gal bar 'gyur

ro zhe na/ dkar po la sogs pa'i 'byung 'gyur chos can/ khyod sa
sogs 'byung ba la grub zin gnas pa'i tshul gyis brten pa nyid ni
ma yin te/ khyod de las don gzhan yin pa'i phyir/ de la brten
par bshad pa'i sgra'i don yang chos can/ dus

fmnyam tshogs pa gcig pa la rten du btags pa dang/ snga mas
bskyed pa'i sgo nas rten du bstan pa yin gyi de las gzhan grub
zin gnas pa'i rten du 'thad pa ma yin par thal/ 'byung ba snga
ma rgyu'i don nam yang na dus mnyam tshogs pa dbyer

@176a @#/ /med par gnas pa'i phyir rang gi rten dag tu btags pa
tsam yin pa'i phyir/ gal te chang dang myos pa'i nus pa la sogs
pa don gzhan gyi rten dang brten pa yin pa bzhin du chags sogs
kyang 'byung ba la dbyer yod kyi tshul

du brten no zhe na/ yang na tshogs pa dbyer med tsam kyi rten
dang brten par mi 'gyur te/ chang dang de'i nus pa dbyer yod kyi
rten dang brten pa yin no zhe na/ chang gi dngos po las de'i nus
pa don gzhan nyid ma yin par thal/ de gnyis grub sde rdzas

gcig pa'i phyir/ de lta min na chang tsha bar gyur pa'i tshe/
chang gi dngos po 'jig par 'gyur bar thal/ de'i myos pa'i nus pa
'jig pa'i phyir/ rten chang tsha bar gnas na brten pa myos pa'i
nus pa 'jig pa ste log pa ma yin par thal lo/ /

gal te chang dang myos pa'i nus pa bzhin du 'byung sems de'ang
rdzas tha dad du mtshungs so zhe na/ mtshungs pa min par thal/
'byung sems rdzas tha dad nyid yin pa'i phyir/ der thal/ blo ma
'khrul ba la snang ba tha dad pa can du rtogs pa'i phyir te/

'byung ba reg bya'i rnam pa can dang/ tshor ba sim pa'i rnam pa
can la sogs par snang ba'i phyir ro/ /gnyis pa ni/ ji srid lus
gzhan du 'gyur gyi bar du yid blo rtog pa'i ngo bo rnam pa
mtshungs par 'gyur bar thal/ de rtog pa gang zhig /de la

bdag rkyen khyad par can gyi sgo nas brten pa'i phyir/ gzugs
sogs 'byung 'gyur 'byung ba'i rjes su 'phel 'grib byed pa bzhin
no/ /dmigs rkyen gyi dbang gis rnam pa gzhan du gyur pa yin no
zhe na/ rnam par rtog pa ni chos can/

@176b gzung don gyi gzhan dbang can nyid gang las kyang mi 'thad
par thal/ don spyi snang ba tsam gyis khyod skye ba'i phyir/ des
na lus sems rten dang brten pa khyad par can du mi rung ba gang
gi tshe 'byung ba'i lus la bltos pa med par shes pa snga ma 'ga'

zhig las phyi ma 'ga' zhig 'byung ba yin te/ de la bltos pa med
par shes pa snga ma 'ga' zhig phyi ma 'ga' zhig gi bag chags sad
pa'i rgyur 'gyur ba des na'i phyir/ gnyis pa la/ 'khor ba la
thog ma yod pa khyab byed ma dmigs pa'i

rtags kyis dgag pa/ 'gal khyab dmigs pa'i rtags kyis dgag pa'o/
/dang po ni/ rtags gzhan gyis yang 'khor ba'i thog ma med par
grub ste/ sems can sngar med gsar du skye ba'i rigs med pa'i
phyir/ de med de/ rnam shes min pa rnam

shes kyi nyer len du rung ba min pa'i phyir/ gal te dngos po
thams cad ni rnam shes bskyed pa'i nyer len gyi nus pa rnam shes
mi gsal ba dang ldan pa'i phyir/ rnam shes min pa shes pa'i nyer
len min pa grub zin sgrub par 'dod do zhe

na/ rgyu la 'bras bu thams cad nus pa'i ngo bor yod do/ /zhes
grangs can las gzhan su yang de lta bu brjod pa'i rtsol ba byed
pa mi 'thad par thal/ rgyang phan khyod ngo tsha dang bcas par
rlom pa'i phyir/ khyab par thal/ sngon tshe rgyu rtswa soD

rtse na 'bras bu glang chen brgya ma mthong bzhin du yod do/
/zhes de skad smras pa grangs can phyugs dang 'dra ba'i 'dod pa
yin pa'i phyir/ phyugs dang 'dra ba'i rgyu mtshan ni/ ji ltar
yang 'bras bu de ni rgyu'i ngo bor yod par 'gyur ba mi 'thad

@177a @#/ /par thal/ de rgyu'i ngo bor yod na rgyu lan brgyar
rnam par phye zhing brtags su zin kyang 'bras bu'i ngo bo gang
zhig snang rung du 'gyur ba'i ngo bo de ni sngar rgyu'i dus na
mi snang ba'i phyir/ gnyis pa la/ rang rgyud 'phen pa'i thal ba

brjod pa dang/ de'i lan dgag pa'o/ /dang po ni/ tha mal pa'i
sems can skyes ma thag chags can sogs su 'byung ba'i nges pa med
par 'ga' zhig chags bral du skye ba srid par thal /sems can
thams cad snga na med pa gsar du

'byung ba'i rigs yin pas khyab pa'i phyir/ des 'phangs pa ni
'gal khyab dmigs pa'i rtags so/ /gnyis pa la/ nyer len 'byung ba
mtshungs pa dang po chags bral mi srid pa'i rgyu mtshan du mi
'thad/ phyis chags bral du 'gyur

mi srid pa'i rgyu mtshan du mi 'thad/ de'i dpe dgag pa'o/ dang po
ni/ gal te skye bo kun rgyu 'byung ba'i bdag nyid las ma 'das
pa'i phyir/ chags sogs dang ldan pas khyab pa'i dang po chags
bral du 'byung ba de 'dra mi srid do zhe na/ thaMs

cad 'dod chags che chung mtshungs par 'gyur bar thal/ de'i nyer
len 'byung ba mtshungs pa'i phyir/ gal te 'byung ba shas che
chung gi khyad par las chags sogs che chung du 'gyur ba yin no
zhe na/ srog chags rnams la srog

chags dang ches srog chags la sogs pa'i khyad par yod par thal/
de'i nyer len 'byung ba rnams la shas che chung gi khyad par yod
pa'i phyir/ 'dod na /mngon sum gyis bsal lo/ /des na chags sogs
che chung gi khyad

@177b par 'di'i rten 'byung ba gang yin pa de ni phul du byung
ba dang 'grib pa bzhin du chags sogs kyang 'phel 'grib tu 'gyur
bar thal/ nyer len 'byung ba mtshungs bzhin du srog chags rnams
la srog chags dang ches sog chags la

sogs pa'i khyad par med kyang chags can la ches chags can la
sogs pa'i khyad par yod pa'i phyir/ 'dod na/ chags sogs da sngar
yod pa las de ye med du 'gyur ba srid par thal/ 'dod pa de'i
phyir/ gnyis pa ni/ gal

te sems can la chags sogs che chung tha dad kyang chags sogs ye
med du 'gyur ba su yang srid pa min te/ rgyu 'byung ba mtshungs
pa'i bdag nyid mi ldog pas khyab pa'i phyir ce na/ kun la 'dod
chags che chung yang 'dra bar

'gyur bar thal/ 'byung ba'i bdag nyid 'dra ba chags pa che chung
'dra ba'i nyer len gyi rgyu yin pa'i phyir/ dper na ba glang
'dzin pa'i mig gi shes pa chos can/ khyod la ba glang dang ches
ba lang dang ches shin tu ba glang la sogs

pa'i khyad par gyi rnam pa shar ba'i rim pa can du yod pa ma yin
par thal/ ba glang ma yin pa las log par mtshungs pa'i bdag nyid
gzung don du byas pa las byung ba'i shes pa yin pa'i phyir/ 'am
phyi sgras rgyang phan gyi lugs

'dir yang chos can/ sa sogs 'byung ba rnams la srog chags nyid
dang ches srog chags la sogs pa'i khyad par gyi rim pa la lar
yod pa ma yin par thal/ nyer len 'byung ba mtshungs pa'i phyir/
gsum pa la/ dngos dang/ chaD

@178a @#/ /can mi srid par thal ba'o/ /dang po ni/ dro ba la che
chung gi rim pa'i khyad par yod na'ang dro ba med pa'i me 'ga'
yang yod pa min pa de bzhin du/ 'dir yang chags pa che chung yod
kyang chags pa ye med mi srid do zhe na/

dpe don mtshungs pa min par thal/ dro ba las me rdzas gzhan yin
pa tshad mas bkag pa'i phyir/ gang zhig lus las don gzhan du yod
pa'i yon tan chags sogs de dag chos can/ 'byung ba'i skabs la
lar khyod chad par 'gyur

ba srid par thal/ 'byung ba 'phel 'grib kyi khyad par gyi rim pa
dang ldan pa las khyod 'phel 'grib kyi khyad par du 'gyur/ khyod
de dan 'brel rung don gzhan yin pa'i phyir/ snam bu'i tshos dkar
po la sogs pa bzhin/ chags sogs chos

can/ gzugs sogs 'byung 'gyur bzhin du 'byung ba la gnas par nges
pa ma yin par thal/ de dag 'byung ba dang dbyer med 'bral mi
rung yin/ khyod de dang 'bral rung don gzhan yin pa'i phyir/ gal
te de gnyis 'byung ba la 'bral du mi

rung bar mtshungs so zhe na/ mtshungs pa min par thal/ de lta na
chags sdang sogs lhan cig tu skye bar thal ba'i phyir/ lhan cig
skye bar thal/ nyer len 'byung ba gcig las skye ba'i phyir/ ces
pa'o/ dmigs rkyen gyi dbang gis cig car du mi

skye'o zhe na/ chags sdang chos can/ khyod kyi gzung yul gyi
phyi rol gyi don yang khyod res 'ga' skye bar nges byed min par
thal/ rtog pas rnam par btags pa'i gzung yul 'dzin pa yin pa'i
phyir/ gnyis pa ni/ tha mal pa rnams la chags

@178b sogs 'byung ba'i nges pa med par de ye med du thal/ skal
mnyam gyi rgyu dang bral ba'i phyir/ 'byung ba nyer len yin no
zhe na/ 'dod chags la sogs pa'i blo rnams kun skyes bu thams cad
la dus kun gyi tshe skye bar 'gyur bar thal/ de'i rgyu 'byung ba
rtag pa

nye bar yod pa'i phyir/ gnyis pa la/ khyad chos bzhi'i dang po
ni sdug bsngal de ni chos can/ mi rtag ste/ res 'ga' skye bar
dmigs pa'i phyir/ gnyis pa ni/ sdug bsngal yin te/ de lta nyes
pa'i tshogs kyi rten byed pa'i phyir dang/ sngon gyi rgyu las
nyon

gyi gzhan dbang can yin pa'i phyir yang ngo/ /gsuM pa ni/ rang
dbang ba'i bdag gi ngo bo min te/ mi rtag pa dang gzhan dbang
can yin pa'i phyir/ gzhi pa ni/ stong pa yin te/ rang dbang can
yin bdag gas byin gyis brlabs pa'ang min pa'i phyir/ phung po
chos

can/ bdag des khyod byin gyis rlob pa min te/ de khyod kyi rgyu
min pa'i phyir/ der thal/ de rtag pa'i phyir/ khyab par thal/
rtag pa ji ltar yang skyed byed yin pa mi 'thad pa'i phyir/ bdag
rtag pa gcig las phung po du ma dus snga phyi tha dad par skye
bar

'gyur ba mi 'thad par thal/ rtag pa rgyu min pa de'i phyir/
gzugs 'dzin dbang shes chos can/ dbang yid las khyod kyi rgyu
gzhan yod par rjes su dpog nus par 'gyur te/ skabs 'gar rgyu
gzhan dbang yid dag tshogs na yang 'bras bu khyod

skye ba med/ skabs 'gar khyod skye ba mthong ba'i phyir/ rtag pa
rgyur mi rung bar thal/ rgyu 'bras kyi ldog pa de ni rtag pa
rnams la yod pa min pa'i phyir/ gnyis pa kun 'byung bden pa la
rgyu'i rnam pa ni/ sdug bsngal gyi phung po 'di chos can/

@179a @#/ /rgyu dang bcas pa nyid du grub ste/ res 'ga' skye ba
nyid yin pa'i phyir/ khyab pa bsgrub pa ni/ rgyu rkyen gzhan la
mi ltos par 'byung bar thal/ rgyu med yin pa'i phyir/ 'dod na/
rtag tu yod pa'am yang na nam yang med par 'gyur par

thal/ 'dod pa de'i phyir/ ji ltar tsher ma dang sran ma la sogs
pa rnams kyi rno ba nyid dang zlum pa nyid la sogs pa byed pa
po'i rgyu su yang med pa de ltar/ dngos po 'di dag rgyu med du
'byung bar 'gyur ro/ /zhes rgyang phan pa dang spyod pa ba la
sogs pa

kha cig rab tu brjod do/ /tsher ma'i rno ba sogs kyi rgyu yod par
thal/ don gzhan snga ma gang yod pa nyid na phyi ma gang skye
ba'am/ snga ma gang 'gyur na yang rnam par 'gyur ba'i snga ma de
ni phyi ma de'i rgyur rab tu brjod la rjes su 'gro ldog bya sa
de ni tsher

ma'i rno ba sogs de rnams la yang yod pa'i phyir/ 'o na tshogs pa
gcig pa'i reg pa gzugs mthong ba'i dbang shes kyi rgyu yin par
thal/ de med na med pa'i phyir ce na/ 'byung ba'i reg pa chos
can/ gzugs mthong ba'i dbang shes la

dngos su mi phan yang de'i rgyu mtshan tsam yin te/ gzugs de'i
skal mnyam mam lhan cig 'byung ba'i rgyu nyid yin pa'i phyir/ de
ni dus mnyam tshogs pa gcig pa lhan cig 'byung ba tsam rgyur
btags pa'o/ /des na 'byung ba'i reg pa

chos can/ rang 'bras 'byung 'gyur gyi gzugs mthong dbang shes
kyi rgyu yin te/ de 'dra'i gzugs kyi skal mnyam gyi rgyu yin
pa'i phyir/ kun 'byung ba'i rnam pa ni/ dbang phyug la sogs pa
rgyu gcig las kyang sdug bsngal 'byung ba srid pa

@179b min te/ de la 'bras bu bskyed pa'i nus pa med pa'i phyir/
der thal/ rtag pa rnams rgyu yin pa bkag zin pa'i phyir/ 'dis ni
bltos med kyi re re ba sdug bsngal gyi rgyu yin pa bkag nas rgyu
tshogs pa las kun tu 'byung dgos par bstan to/ /rab skye'i

rnam pa la rab skye'i ngo bo dang/ lung 'gal spang ba'o/ /dang
po ni /rgyu med dang rtag pa las skye ba mi srid pa de yi phyir/
srid pa mngon par 'dod pa'i srid sred rang 'bras sdug bsngal gyi
rgyu yin te/ gang gi phyir na mi rnams gnas lus longs spyod

la sogs pa'i sul gyi khyad par yongs su 'dzin cing lan pa ni de
thob 'dod kyi sred pa'i bsam pas byas pa'i phyir/ yongs 'dzin
dang kun 'dzin cos pa 'dir len pa la brjod pas/ sred pa'i rkyen
gyis len pa zhes mngon par 'grub

byed kyi rgyu 'bras bstan pa yin no/ /gnyis pa ni/ 'o na mdo
las/ sdug bsngal kun 'byung 'phags pa'i bden pa gang zhe na/
gang 'di sred pa zhes sogs srid pa gsum rgyur gsungs pa dang
'gal lo zhe na/ sred pa gsum rgyur gsungs pa

dang gnas lus longs spyod don du gnyer ba rgyur bshad pa mi 'gal
bar thal/ gang gi phyir na yul gyi khyad par don du gnyer ba'i
sred pa de ni srid pa 'dod pa'i srid sred yin la/ yang srog
chags rnams bde ba thob par 'dod pa dang/ sdug

bsngal 'dor bar 'dod pas yul la 'jug pa'i sred pa de dag ni rim
pa bzhin du 'dod sred dang 'jig sred yin par 'dod pa'i phyir/
rkyen gyi rnam pa la sred pa rkyen du bstan pa dang/ de la shes
byad dgod pa dang/ mtshungs pa spang

@180a @#/ /ba'o/ /dang po ni/ sred pa chos can/ rkyen gyi rnam pa
yin te/ rang 'bras yang srid phyi ma'i lhan cig byed pa'i rten
yin pa'i phyir/ sred pa de de ltar yin par thal/ bde ba min pa
la bde bar 'du shes pas nyams pa dag dman

pa'i yul kun la rab tu 'jug par 'gyur ba de'i phyir/ 'du shes
phyin ci log de rgyu med min te/ de bdag tu chags pa'i rgyu nyid
las 'byung ba'i phyir/ gnyis pa ni/ sred pa yang srid phyi ma'i
rgyu yin par thal/ chags bral dgra bcom

pa sred pa zad par spangs pa'i dbang gis yang srid phyi mar skye
ba ma mthong ba'i phyir ro/ /zhes sngon gyi slob dpon rnams kyis
gsungs pa'i phyir/ gsum pa ni/ 'o na lus las kyang 'dod chags
'byung ste/ lus med la chags pa ma mthong

ba'i phyir/ dper na chags bral skye ba ma mthong bas chags pa
srid par skye ba'i rgyu yin pa bzhin no zhe na/ lus chags pa'i
rgyu tsam du sgrub na grub zin sgrub ste/ rgyu tsam du sangs
rgyas pas kyang 'dod pa'i phyir/ der thal/ lhan cig byed pa'i
rgyu

mtshan tsam du sngar khas blangs pa'i phyir/ 'o na sngar rgyu yin
pa bkag pa dang 'gal lo zhe na/ lus chags pa'i rgyu tsam yin pa
'gog pa ma yin te/ nyer len nyid dang lhan cig byed rkyen khyad
par can yin pa bsal ba yin pa'i phyir/ rgyang phan

rang nyid kyis rang nyid kyi 'dod pa skye ba snga phyi med pa la
gnod pa byas par 'gyur bar thal/ sangs rgyas pa'i rigs pa chags
pa lus kyi rgyu yin pa 'di'i rjes su 'brangs shing dpe yang dag
tu bkod nas lus chags pa'i rgyur 'dod

@180b pa'i phyir/ gal te lus skyes pa la chags pa mthong gi
gzhan la ma mthong ba'i phyir/ lus skye ba dang lhan cig 'dod
chags 'byung gi sngar ma yin pas lus 'dod chags kyi 'bras bu min
ni zhe na/ 'o na 'dod chags kyang lus kyi 'bras bu min

par thal/ de gnyis lhan cig 'byung ba'i phyir/ 'dod na skyes ma
thag gi 'dod chags kyi sngar 'dod chags song bar grub par yin
par thal/ de skal mnyam gyi rgyu las skye ba'i phyir/ sred pa
gcig bu rgyu yin na/ ma rig pa dang sred pa dang

las gsum ga sdug bsngal gyi rgyur bshad pa dang 'gal lo zhe na/
mi shes shing ma rig pa chos can/ khyod yang srid phyi ma bskyed
pa'i rgyu yin yang/ skabs 'dir rgyu ru dngos su ma brjod pa'i
rgyu mtshan yod de/ de'i de ma thag pa'i

rgyu min pas ma brjod pa yin pa'i phyir/ sred pa nyid chos can/
khyod yang srid phyi ma'i rgyur bshad pa'i rgyu mtshan yod do/
khyod rang 'bras yang srid phyi ma'i rgyun bskul zhing 'phen par
byed pa'i 'phen byed kyi rgyu yin pa'i phyir dang/

de ma thag 'grub par byed pa'i 'grub byed kyi rgyu yin pas de
ltar bshad pa'i phyir/ las kyang yang srid phyi ma'i rgyu'i gtso
bo min te/ sred pa de yod na las dang gis yod/ sred pa de med na
las yod kyang srid par skye bar med pa'i

phyir te/ sred pa med na las kyi sa thob pa'i rgyal srid kyang
'dor ba'i phyir/ gsum pa 'gog pa'i bden pa la/ 'gog pa'i rnam pa
dang/ zhi ba'i rnam pa dang/ gya nom pa'i rnam pa'o/ /nges par
'byung ba'i rnam pa ni/ lam bden

@181a @#/ /gyi nges par 'byin pa'i rnam pa dang/ 'jug pa gcig gis
'chad pas skabs 'dir dngos sum gsungs pa yin no/ /dang po la/
'gog bden sgrub pa'i rtags dgod pa dang/ rtsod pa spang ba'o/
/dang po la/ chog don

dang/ mtha' dpyad pa'o/ /dang po ni/ tha mal pa'i phung po de ni
chos can/ rgyun 'gag tu mi rung ba'i brtan du ba min te/ rang gi
rgyu la 'gal rkyen gyi gegs stobs ldan dang mthun rkyen ma tshang
ba sogs srid pa'i phyir/ gnyis pa

la/ thar pa sgrub pa'i tshul dang/ kun mkhyen sgrub pa'i tshul lo/
/dang po ni/ gang rang gi rgyu'i rigs la gnod byed stobs ldan
dang bcas pa yin na gnyen po'i stobs kyis rang gi rgyun zad pa'i
rigs yod pas khyab ste/ dper na grang

reg la gnod byed stobs ldan mthong bas grang 'bras spu long byed
kyi rgyun zad pa mthong ba bzhin/ tha mal pa'i phung po 'di'i
yang rgyu'i rigs la gnod byed stobs ldan mthong ba yin no/ /zhes
bya ba ni dngos po stobs zhugs kyi gtan

tshigs yang dag ste/ 'di'i khyab pa mngon sum tshad mas grub la/
phyogs chos bsgrub pa ni/ gang dngos po'i gnas lugs la log par
zhugs pa de la de'i rigs la gnod byed stobs ldan yod pas khyab
ste/ dper na du ba dang ldan

pa'i la la me med par 'dzin pa'i sgro 'dogs bzhin/ gang zag gi
bdag tu 'dzin pa 'di yang dngos po'i gnas lugs las log par zhugs
pa yin no zhes bya ba'o/ /gang zag gi bdag 'dzin la gnod byed
mthong bas sdug

@181b bsngal gyi rgyu la gnod par gang gis grub ce na/ de gnyis
rgyu 'bras su nges par byed pa'i tshad ma las so/ /de gang zhe
na/ gang gis bdag mthong de la ni/ zhes pas bstan pa ltar gang
zag gi bdag tu 'dzin pa las bdag dang mi 'bral ba'i sred pa

rang stobs kyis 'dren pa mngon sum gyis grub la/ de las bdag gi
bde ba la sred pa dang/ de las bdag gi bde ba'i sgrub byed dbang
sogs dang phyi rol gyi zas gos sogs la sred pa dang/ de las bdag
gi bde ba sgrub pa'i ched du sgo gsum

gyi las mngon par 'du byed pa dang/ de las 'dod pa'i don ma thob
pa dang mi 'dod pa'i don thob pa'i tshor ba sdug bsngal skye ba
mngon sum tshad mas grub pa'i phyir ro/ /tshe 'di'i sdug bsngal
dang bdag 'dzin rgyu 'bras su mngon sum tshad mas

grub la/ 'chi kha'i sred pa las rigs 'dra phyi ma mtshams sbyor
ba dngos stobs rjes dpag gis grub pa na/ mtshams sbyar ba'i rigs
'dra phyi ma de nyid kyang sdug bsngal zhes tha snyad du bya ba
yin pas/ phyi ma'i sdug bsngal dang rgyu 'bras su

dngos stobs rjes dpag gis nges so/ /rigs 'dra phyi ma de don la
sdug bsngal yin yang tshe 'di'i las nyon dang de gnyis rgyu 'bras
su nges pa tsam gyis de'i steng du sdug bsngal gyi ldog pa dngos
stobs kyis ji ltar nges nus she na/ las nyon

gyis 'dus byas pa sdug bsngal gyi don ldog tu dngos po stobs
zhugs kyi tshad mas nges nus la/ de nges zin ma brjed pa na 'chi
kha tshun chod du las dang sred pa mngon sum tshad mas grub la/ de
las rigs 'dra phyi ma mtshams sbyor bar rjes

@182a @#/ /dpag gis grub pa na rigs 'dra phyi ma de nyid las dang
nyon mongs pa'i gzhan dbang can du grub pas sdug bsngal gyi don
legs par grub pa'i phyir/ tha snyad kyang thogs par 'gyur ba yin
no/ /'o na gang zag gi bdag 'dzin

dngos po'i gnas lugs la log par zhugs pa yin par gang las 'grub
ce na/ de ni gang zag gi bdag med par nges pa las 'grub po/ /de
la dgag bya ngos gzung ba dang/ de 'gog pa'i rigs pa dang/ bdag
med ji ltar nyams su len

pa'i tshul lo/ /dang po ni/ 'og nas mchog gzhan don du gnyer
phyir dang/ zhes gsungs pa ltar blo lhan skyos 'di la/ phung
po'i tshogs pa dang ya gyal dang rgyun gang yang min pa'i rang
dbang ba'i gang zag dang byed pa por zhen pa yod de

zhen pa des phung po'i tshogs pa 'di tsam la gang zag tu btags pa
ma yin te/ de ltar gyi phung po 'di dang lha'i lus lta bu'i
phung po khyad par can brjes byung na nges par snga ma 'dor
zhing phyi ma len pa por mngon par zhen pa 'dug pa'i

phyir/ des yid kyi shes pa tsam la gang zag tu zad par btags
pa'ang min te/ da ltar gyi blo mi gsal ba dang kun mkhyen gyi
blo lta bu brjes byung na tshong pa tshong byed pa bzhin du/ zhe
thag pa nas brje phod pa'i brje ba por mngon par

zhen pa 'dug pa'i phyir/ tshong pa la tshong zong de nyid la tshong
bar btags pa tsam du zad par shes shing/ de las gzhan med par
'dzin pa yod na rang nyid gzhan gyi tshong zong gi gtar shor dogs
byed cing rang gi tshod zong de las lhag

@182b pa'i gzhan gyi tshong zong thab na de nyid de'i dod du ma
song dogs byed pa 'di 'gal ba'i phyir ro/ /des na phung po'i
tshogs pa dang ya gyal gang la'ang btags pa tsam du zad pa min
pa'i gang zag rang dbang bar zhen pa yod la/ des zhen pa'i gang

zag rang dbang ba de nyid gang zag gi bdag ces tha snyad du byas
pa'i rtags kyi dgag bya'o/ /gnyis pa ni/ gang zag chos can/
khyod phung po la btags pa tsam min pa'i rang dbang ba'i tshul du
med de/ de ltar yod na tshad mas dmigs su rung ba

las ma dmigs pa'i phyir/ ces pa tsam gyis kyang nges par 'grub
la/ yang na phung po dang rang bzhin gcig dang tha dad du med pa
de rang bzhin med pas khyab ste/ dper na ri bong gi rwa bzhin/
gang zag rang dbang ba de yang phung po dang rang bzhin

gcig dang tha dad gang du yang ma grub bo zhes bya ba'o/ /khyab
pa nges sla la/ phyogs chos ni gang zag rang dbang ba dang grub
sde gcig gi rang bzhin du med de/ khyod rgyu'i gzhan dbang can
yin pa'i phyir/ khyod de las rang bzhin gzhan du

med de/ yod na dmigs su rung ba las ma dmigs pa'i phyir/ rtags
de gnyis la brten nas kun brtags kyi bdag 'dzin gyi zhen yul
rnam par bcad pa sdug bsngal bden pa'i khyad chos su gyur pa'i
stong pa dang bdag med 'grub

la/ rtsa ba'i rtags la brten nas bdag 'dzin lhan skyes kyi zhen
yul rnam par bcad pa'i bdag med 'grub bo/ /gsum pa ni/ de ltar
dgag bya legs par ngos zin nas ji ltar 'tsham pa'i rigs pa re la
brten te gang zag rang

@183a @#/ /dbang ba'i tshul du grub pa cung zad kyang mi 'dug
snyam du rtse gcig tu yang dang yang du mnyam par bzhag par
bya'o/ /de ltar goms pas mnyam gzhag las langs pa na de'i stobs
kyis gang zag ces bya ba phung po la btags

pa tsam du zad do snyam du nges par 'gyur ba de ltar yang dang
yang du yid la bya'o/ /de ltar mdor bsdus na/ gnyen po'i stobs
kyis sdug bsngal gyi rgyun gtan zad pa yod par dngos po stobs
zhugs kyi rtags kyis grub la zad pa de

nyid la 'gog bden zhes kyang bya thar pa zhes kyang bya'o/
/gnyis pa ni/ gang gnod byed stobs ldan yin pa de la rang gi
rigs la gnod bya mtha' dag zad pa dang lhan cig tu tshogs pa'i
rags yod pas khyab ste/ dper na me stobs ldan

nye ba'i gzhir gnod bya grang reg gi rigs mtha' dag zad pa dang
lhan cig tu tshogs pa mthong ba bzhin/ bdag med pa sogs bden
bzhi'i gnas lugs rtogs pa'i blo 'di yang gnod byed stobs ldan
yin no/ /zhes bya ba'i rtags

las bden bzhi'i gnas lugs rtogs pa'i blo rang gi gnod bya bden
bzhi'i gnas lugs las gol ba'i dri ma mtha' dag zad pa dang lhan
cig tu tshogs pa yod par grub la/ dri ma mtha' dag gis dben pa
dang tshogs pa'i

bden bzhi'i gnas lugs rtogs pa'i blo de la kun mkhyen zhes
bya'o/ /yang chos kyi bdag med rtogs pa'i blo rtsod gzhir bzung
nas bsgrubs pas kyang chos kyi bdag 'dzin mtha' dag zad pa dang
tshogs pa'i chos kyi bdag med

@183b rtogs pa'i blo yod par grub la/ blo de nyid kun mkhyen te/
'di ni skabs 'di'i zhar byung ngo/ /tshul 'di dag la dpags nas
thar pa dang thams cad mkhyen pa dngos po'i stobs kyis zhugs
pa'i rigs pas 'grub pa'i tshul rgyas par shes par bya

ste; 'dir ni tshig dang don gyi spros pa cung zad rgyas pa mthong
ba dang thos na yang yid khong du chud par 'gyur ba de dag kyang
rjes su gzung bar 'dod pas ma spros so/ /gnyis pa rtsod spang
la/ thar pa mi srid par thal ba spang ba dang/ thar pa don gnyer

mi srid par thal ba spang ba/ thar pa thob zin srid par skad cig
kyang gnas pa mi srid par thal ba spang ba'o/ /dang po ni/ gal
te 'khor ba dang mya ngan las 'das pa las don gzhan pa'i gang
zag rtag pa med cing gang zag de nyid 'khor ba'i rang

bzhin can gyi chos can yin na/ sngar ma thar ba phyis thar pa
med par thal/ gang zag de nyid 'khor ba'i chos can yin pa'i
phyir ce na/ zhes gzhan sde thar pa khas len pa dag gis rtsod
la/ yang na/ thar pa la skur pa 'debs pa'i spyod pa ba

la sogs pa na re/ 'khor ba las thar pa med de dri ma sems kyi
rang bzhin yin pas gang zag 'khor ba'i chos can las ma 'das pa'i
phyir ro/ /zhes zer to/ /'khor ba'i chos can yin pas thar pa med
par sgrub nus pa ma yin par

thal/ gang zag gi khyad par la bltos nas 'dod pa dang/ rtags ma
grub tu 'gyur ba'i phyir/ yang na bcings grol gyi gzhir gyur
pa'i gang zag rtag pa yod pa ma yin par thal/ gang zag de la
bltos nas 'dod lan dang rtags ma

@184a @#/ /grub par 'gyur ba'i phyir/ gnyis pa ni/ gal te sngar
'khor bar bcings pa de nyid grol bar gyur pa'i bdag med na thar
lam la 'bad pa don med par 'gyur ro zhe na/ so so skye bo de ni
chos can/ ji srid bdag la chags

pa cung zad kyang ma bcom pa de srid du sems rgyud thar pa'i
rang bzhin du bde bar gnas pa med de/ de srid du sdug bsngal ba
po'i bdag tu sgro btags nas sdug bsngal gyis yongs su gdung bar
gyur ba yin pa'i phyir/ grol

ba po'i bdag med na yang thar lam la nges par brtson dgos te/ de
med na yang bdag tu log par sgro btags pa gzhom dgos pa'i phyir/
gsum pa ni/ gang zag gi bdag med na dgra bcom pa 'khor bar skad
cig kyang mi

gnas par 'gyur te/ bdag med par mngon sum du rtogs pas bdag gi
bde ba la re ba med pa'i phyir ce na/ khams gsum la 'dod chags
dang bral ba'i dgra bcom pa chos can/ srid par cung zad gnas
pa'i rgyu yod

de/ sems can la dmigs pa'i brtse ba'i dbang gis yin pa'am/ yang
na sngon gyi las kyis 'phangs pa'i sku tshe'i lhag ma ma rdzogs
pas yin pa'i phyir/ sngon gyi las kyis 'phangs pa'i sku tshe'i
lhag ma cung zad gnas pa la 'gal

ba med de/ de de ma thag ldog par 'dod pa med par dgos pa 'ga'
zhig mthong nas kyang gnas pa'i phyir/ 'o na dgra bcom pa las
kyi gzhan dbang can yin pas yang las de las yang srid phyi ma
'phen par 'gyur ro zhe na/ srid pa'i

@184b sred pa las rnam par brgal ba'i dgra bcom pa chos can/
khyod kyi rgyud kyi las nges srid pa gzhan 'phen nus pa ma yin
te/ de'i lhan cig byed pa'i rkyen sred pa zad par bcom pa'i
phyir/ gnyis pa zhi ba'i rnam pa la/ chags bral nyes pa

ma zad par thal ba spang ba/ srid pa las ma grol bar thal ba
spang ba/ bdag 'dzin srid pa'i rgyu yin pa la ha cang thal ba
spang ba'o/ /dang po la/ bdag lta ma spangs par thal ba ni/ dgra
bcom pas bdag lta ma spangs par thal/ sems can du lta

ba yod pa'i phyir/ de med na brtse ba yod par 'gal lo zhe na/
dgra bcom pa'i brtse ba de chos can/ rang dbang ba'i sems can du
blta ba dang rjes su 'brel ba can ma yin te/ sems can rnams sdug
bsngal gyis gdungs par mngon sum gyis

shes nas de la 'gal ba med par mnyam pa nyid du goms pa'i 'du
byed snga ma'i rjes su 'jug pa can las sems kyi dngos po'i chos
su skye ba can yin pa'i phyir/ yang na gzhi chos snga ma la
rtags ni/ khyod sdug bsngal mi rtag sogs

su mngon sum du shes shing/ rang gi 'gal zla zhe sdang med pa'i
rgyud la goms pa'i 'du byed snga ma'i rjes su 'jug pa can gyi
sems kyi dngos po'i chos su skye ba de yin pa'i phyir/ mdor na
gang zag gi bdag tu 'dzin pa mtha' dag spangs pas

chos tsam la sems can du btags pa la dmigs nas snying rje skye
zhes pa'i don to/ /'dod chags can du thal ba spangs pa ni/ 'dod
chags can du thal te/ sems can la don gnyer yod pa'i phyir ce
na/ snying rje dang 'dod chags gnyis rgyu

@185a @#/ /dang rnam pa sogs kun tu mi mtshungs par thal/ gtsang
bde sogs de'i bdag nyid ma yin pa'i chos la der 'dzin cing da
ltar gyi bdag de nyid gzhan du gnas pa'i sgro 'dogs pa las chags
pa skye/ bdag gis dben

pa'i 'du byed sdug bsngal gyi phung po'i rgyun rig pa tsam las
brtse ba skye bar 'gyur ba yin pa'i phyir/ chags bral zhe sdang
can du thal ba spang ba ni/ zhe sdang can du 'gyur te/ brtse
ba'i yul la gzhan gyis gnod pa byas na zhe sdang skye ba'i

phyir ce na/ dgra bcom pa chos can/ nyes pa'i rgyu las khong
khro skye ba min te/ bdag 'dzin de cung zad kyang med pa'i
phyir/ khyab par thal/ gti mug chags sogs nyes pa'i rtsa ba yin
la/ de yang sems can te gang zag gi bdag tu 'dzin

pa yin pa'i phyir/ khyod kyi rgyud kyi brtse ba nyes med du 'dod
rigs te/ nyon mongs mtha' dag gis dben pa des na'i phyir/ gnyis
pa ni/ dgra bcom pa la las kyis 'phangs pa'i lus yod pa de nyid
sdug bden yin pas sdug bsngal las

ma grol bar 'gyur ro zhe na/ de chos can/ srid pa las grol ba
med pa ma yin te/ nyon mongs zad par bcom pa'i sgo nas sngon gyi
las kyi 'du byed kyi 'bras bu 'di zad nas srid pa gzhan nying
mtshams mi sbyor ba'i phyir/ sngon gyi las

kyi 'du byed kyi nus pa lhag bcas kyi phung po 'di ma zad na
yang gang de srid pa las ma grol ba ma yin te/ da lta gnas pa
nyon mongs kyi nyes pa cung zad kyang med par spangs pa nyid yin
pa'i phyir/ yang na/ sangs rgyas chos can/

@185b srid pa ji srid par gnas pa 'dam gyi padma ltar nyes pas
gos pa med pa nyid de/ tshogs gnyis kyi 'du byed kyi nus pa yongs
su rdzogs pa ma zad cing zad pa med pa'i phyir/ snying rjes srid
par gnas na de'i rigs 'dra mi 'chad pas rtag tu gnas

par 'gyur ro zhe na/ nyan rang dgra bcom pa chos can/ srid par
cung zad gnas kyang mtha' med du gnas pa'i 'bad rtsol chen po
med de/ snying rje goms par byas kyang goms pa dman pa nyid kyi
phyir/ sa chen po la bzhugs pa'i byang chub

sems dpa' gang dag chos can/ srid pa ji srid par gzhan gyi don
gyi ngor bzhugs pa yin te/ brtse ba chen po yang dang yang du
goms par byas pa gang zhig de mtha' med du 'phel bar 'gyur ba'i
phyir/ gsum pa ni/ gal te 'jig tshogs la

blta ba 'khor ba'i rtsa ba yin na/ rgyun zhugs la sogs pa mthong
lam dang por skyes ma thag nas yang srid phyi ma mtshams sbyor ba
med par 'gyur bar thal/ de'i rgyu 'jig tshogs la blta ba ma lus
pa dang bral ba'i phyir/ zhes 'jig lta

lhan skyes mi 'dod pa dag gis rtsod do/ /rgyun zhugs chos can/
'jig lta zad par spangs pa'i rgyu mtshan gyis yang srid phyi ma
mi len pa ma yin par thal/ 'jig lta lhan cig skyes pa zad par ma
spangs pa'i phyir/ rtags ma grub zad par spangs

so zhe na'ang/ yang srid par skye ba ga la yod de med par thal
lo/ /yang na/ rgyun zhugs mthong chos zhi chos can/ yang srid
par skye ba ga la yod de med par thal/ 'phags pa gang zhig
mthong lam thob pa'i tshe de la 'jig lta zad par spangs

@186a @#/ /nas myang 'das mngon du byed pa de yin pa'i phyir/
nyon mongs can gyi ma rig pa srid pa'i rgyu yin gyi 'jig lta ni
ma yin te/ de ni gzhan gyis nye bar bstan pa las skyes pa'i kun
brtags 'ba' zhig yin pas grub mthus blo ma

bsgyur bar srid par skye ba mi srid par 'gyur ro zhe na/ 'jig
lta lhan skyes med pa ma yin te/ bdag bde bar gyur cig snyam
pa'am sdug bsngal bar ma gyur cig ces yul 'dod pa na/ grub mtha'
la bltos pa med cing phung po la btags pa tsam min par

rang dbang ba'i nga'o snyam du 'dzin pa'i blo gang yin pa de
sems can la bdag tu lta ba lhan cig skyes pa yin pa'i phyir/ de
la nga'o snyam pa'i blo tsam 'jig lta dang gang zag gi bdag
'dzin du 'dod pa ni las 'bras la skur pa 'debs pa'i log

rtog 'ba' zhig yin te/ 'jig lta zad par spangs pa'i dgra bcom pa
rnams la yang nga'i lhung bzed dang chos gos zhes pa sogs nga'o
snyam pa'i blo yod pa'i phyir/ de med na/ dgra bcom pa'i chos
gos dang lhung bzed brkus pas phaM

pa 'byung ba mi srid par 'gyur ro/ /der ma zad/ ston pa mya ngan
las 'da' ba'i tshul bstan pa'i rjes su ston pa'i dkor brkus pa
sbom po tsam ma gtogs pham par 'gyur mi srid pa'i dogs gcod 'dul
ba'i sde snod dgongs 'grel

dang bcas par mdzad pa yang/ mya ngan las 'da' ba'i tshul ma
bstan pa'i gong du nga dang nga'i zhes sogs gsungs pas de ltar
dogs gcod mdzad de re zhig bzhag go/ des na 'jig tshogs la blta
ba ni/ phung po'i tshogs rgyun gang

@186b la yang ma btags pa'i rang dbang ba'i tshul gyis ngar 'dzin
pa dang/ de nas de'i stobs kyis drangs pa'i nga rang dbang ba
de'i dbang bsgyur byar 'dzin pa nga yir 'dzin pa gnyis yod la/
de la grub mthas btags pa'i kun brtags dang/ de la bltos

pa med par skye ba'i lhan skyes gnyis su yod do/ /de lta min par
nga'o snyam du 'dzin pa tsam 'jig lta yin na/ gang zag tu 'dzin
pa tsam gang zag gi bdag 'dzin du thal lo/ /'dod na/ gang zag
lha sbyin no mchod sbyin no snyam pa yang gang zag

gi bdag 'dzin du 'gyur bas/ gang zag de nyid gang zag gi bdag tu
'gyur ro/ /de 'dod na/ phur po mi srid par thal/ gang zag mi
srid pa'i phyir/ nga'o snyam du 'dzin pa skyon can 'ba' zhig yin
na/ nga sbyin pa gtong/ tshul khrims

bsrung ngo snyam pa sogs kyang skyon can 'ba' zhig tu thal lo/
/des na gang zag gi bdag 'dzin zhen yul la 'khrul pa'i log shes
su sgrub na ngar 'dzin tsam yang ngar 'gyur la/ nga tsam khas
blangs na gang zag gi bdag khas

len dgos par 'gyur snyam pa ni/ bdag rtag pa khas len pa'i lugs
de nyid la thugs legs par gzhol ba zhig go/ gang zag pha rol la
dmigs nas phung po la btags pa tsam min pa'i rang dbang du grub
par zhen pa ni/ gang

zag gi bdag 'dzin yin yang 'jig lta min no/ /rgyun zhugs sogs
'ga' yang chos can/ bdag la chags pa ma yin par thal/ rang dbang
ba'i tshul gyis nga zhes mthong ba med pa'i phyir/ 'dod na/ gang
bde ba 'dod pas yang

@187a @#/ /srid phyi mar mngon par rgyug pa min par thal/ bdag la
sred pa med pa'i phyir/ gsum pa gya nom pa'i rnam pa ni/ gal te
bdag yod na/ sngar bcings pa las grol nas bdag nyid yongs su
tshim pa'i khyad par thob

pas thar pa de gya nom par 'gyur ba yin na/ bdag med pa la de mi
'thad pas bcings grol gyi gzhir gyur pa'i gang zag rtag pa yod
do zhe na/ nyon mongs chos can/ srid par 'ching byed yin te/
rang 'bras yang srid pa'i sdug

bsngal skye ba'i rgyu nyid yin pa'i phyir/ rtag pa la 'ching
byed dang bcings pa de dag gang las kyang mi 'thad par thal/ de
rgyur mi rung ba'i phyir/ bdag med mngon sum du rtogs pa'i shes
rab chos can/ srid pa las thar byed

yin te/ yang srid pa'i sdug bsngal mi skyed pa'i rgyu mtshan nyid
kyi thabs dam pa yin pa'i phyir/ rtag pa la thar byed dang thar
pa de gang las kyang mi 'thad par thal/ de 'bras bur mi rung
ba'i phyir/ gnas ma bu pa na re/ kho bo

cag la nyes pa med de/ gang zag de rtag mi rtag gang du yang
brjod du med par 'dod pas so zhe na/ gang zag gang de ni chos
can/ 'bras bu 'ga'i 'du rgyu ma yin par thal/ mi rtag pa nyid du
brjod du med pa'i phyir/ khyod la bcings

pa dang thar pa'ang ji lta bur yang yod pa ma yin par thal/ rtag
mi rtag gang du 'ang brjod bya min pa'i phyir/ rtag pa yin par
thal/ bcings grol gyi gzhi gang zhig 'jig med yin pa'i phyir/
khyab par thal/ rang gi rang bzhin

@187b 'jig pa med pa'i chos de la mkhas pa rnams rtag pa zhes
brjod pa'i phyir/ 'dis 'jig pa log pa'i rang bzhin gcig rtag par
'thad pa bstan nas rtag pa yin na dngos pos khyab pa dang/ gzhi
ma grub rtag par 'dod pa legs par

bkag go/ gnas ma bu pa chos can/ dngos 'gal la phung gsum khas
len pa'i ngo tsha'i lta ba 'di spongs la gang zag de ni rtag par
smos te smra rigs par thal/ de ni 'jig pa med pa'i dngos po yin
pa des na'i phyir/ yang na

de yan chad rnam pa lhag ma gnyis so sor ma bcad par 'gog pa'i
rnam pa'i 'phros 'ba' zhig tu sbyar ro/ /bzhi pa lam gyi bden pa
la/ bdag med rtogs pa'i shes rab srid pa las grol ba'i lam du
bsgrub pa bdag 'dzin

srid pa'i rtsa bar bsgrub pa'o/ /dang po la/ grol lam ngos gzung
ba dang/ de la rtsod pa spang ba'o/ /dang po ni/ sngar bshad zin
pa'i bdag med mngon sum du rtogs pa'i lam de chos can/ srid pa
las grol ba'i lam yin te/ bda

'dzin gyi dngos gnyen du khyod goms pa las nyes pa mtha' dag zad
nas gnas gyur mthar phyin pa thob pa'i phyir/ gnyis pa la/
spangs pa slar ldog pa'i rtsod spang/ dri ma ldog tu mi rung
ba'i rtsod spang/ cung zad ldog kyang gtan ldog

mi srid pa'i rtsod spang ngo/ /dang po la/ spangs pa mthar phyin
ldog mi srid pa/ de ldog pa'i thabs mi srid pa/ bdag med rtogs
pa'i shes rab bdag 'dzin gyi gnyen por mi 'thad pa spang ba'i/
/dang po la/ gnas gyur pa'i sems la nyes

@188a @#/ /pa bskyed pa'i nus pa med pa/ yod kyang yun du gnas
pa'i nus pa med pa'o/ /dang po la/ mdor bstan/ rgyas bshad/ don
bsdu ba'o/ /dang po ni/ gal te re shig nyes pa ye med du gnas
gyur kyang lam sngar med gsar

du 'byung ba bzhin du skyon chags sogs slar yang 'byung ngo zhe
na/ 'di ni 'gog lam gnyis nges 'byung dang/ nges 'byin du mi
'thad pa'i rtsod pa'o/ /gnas gyur mthar phyin pa'i sems chos
can/ khyod la nyes pa slar 'byung ba ma yin te/ bdag

med rtogs pa'i shes rab kyis khyod la nyes pa bskyed pa'i nus pa
ye med du byas pa'i phyir/ gnyis pa la/ sems kyi rang bzhin rnam
dag tu bstan pa ni/ gzugs 'dzin dbang po'i rnam par shes pa chos
can/ gzugs de'i gnas lugs la

ji ltar yod pa'i don de ltar du 'dzin pa'i rang bzhin can yin
te/ yul de'i gnas lugs ji ltar yod pa ltar du 'dzin pa de khyod
kyi chos sam rang bzhin yin pa'i phyir/ de bzhin du de rang gi
gnas lugs la yod pa yi bdag nyid kyi don de

ji ltar yod pa ltar 'dzin pa'i blo 'di mi bskyed par byed pa'ang
gzugs 'di'i rang bzhin yin te/ gzugs de 'dra'i rang bzhin can
yin pa'i phyir/ dri ma glo bur bar bstan pa ni yul gyi gnas lugs
mi rtag pa dang bdag med sogs yin la/

de sngar nas blo ma 'khrul bas mthong na 'bad pa med par grol
bar 'gyur ro zhe na/ sems can 'bad med du grol bar thal ba'i
skyon med par thal/ sems de bdag tu 'dzin pa la sogs pa'i rkyen
gzhan gyis gnas lugs 'di las gol

@188b bar 'gyur ba'i phyir/ 'o na 'phral gyi rkyen las 'byung
bas chu'i tsha ba bzhin du rang log tu 'gyur ro zhe na/ nyes pa
rang log tu 'gyur ba ma yin te/ de ldog pa la ni rkyen bdag med
rtogs pa'i shes rab goms pa la bltos dgos pa'i phyir/ de ltar

goms na ldog tu mi rung ba ma yin te/ bdag 'dzin gyi rtsa ba can
yin pas mi brten pa'i phyir/ thag pa la sbrul gyi blo bzhin no/
/gsum pa ni/ sems kyi rang bzhin 'od gsal ba yin te/ bdag 'dzin
la sogs pa'i mun pas ji ltar bsgribs

pa de ltar sems kyi rang bzhin la ma zhugs shing/ sems de 'jig
pa la sogs pa'i rang bzhin can yin pa'i phyir/ de ni sems kyi
rang bzhin dri mas ma sgribs pa'i don ma yin gyi/ sems la bdag
'dzin gyi mun pa babs pa de'i rang bzhi

la ma zhugs pa'i don te/ zhugs na bdag 'dzin gyi 'dzin stangs
sems kyi gnas lugs la ji ltar yod pa de dang mthun par 'gyur la/
de lta na bdag med med cing bdag yod par 'gyur ro/ /chags sogs
dri ma rnams ni chos can/ blo bur

ba yin te/ sems kyi gnas lugs la log par zhugs pa'i blo yon pa'i
phyir/ dus phyis nyes pa de rnams med pa'i gnyen po'i bdag nyid
du gyur pa'i sems la nyes pa bskyed pa'i nus pa med de/ sngar
phung po thos bsam gyis spyod pa'i dus

na yang bdag 'dzin la bdag med rtogs pa'i shes rab 'joms pa'i
nus pa med pa de'i phyir/ gnyis pa ni/ phyir mi 'ong chos can/
sems la nyes pa bskyed pa'i nus pa yod na yang yun ring du gnas
pa'i nus pa yod pa min te/ bdag 'dzin

@189a @#/ /la gnod pa can gyi bdag med mngon sum du rtogs pa'i
shes rab bskyed pa'i nus pa mthu can dang snying po can gyi
dngos por gyur pa'i phyir/ dper na sa rlon pa la me yun ring du
mi gnas pa bzhin no/ /gnyis pa ni/ dgra

bcom pa chos can/ nyes pa chags sogs log pa'i phyir tu 'bad pa
mi byed cing/ 'bad kyang log mi nus te/ 'gal rkyen 'khor ba'i
nyer 'tshe thams cad med yang dag pa'i don bdag med pa'i don
mngon sum du rtogs pa'i rang

rgyud kyi blos rnam pa kun tu de'i phyogs 'dzin pa'i phyir/ de'i
tshig don rnams ni sngar le'u dang por bshad pa ltar ro/ /gsum pa
la/ 'dzin stangs 'gal ba tsam gyis gnyen por mi rung/ nyon mongs
can gyi ma rig pa 'jig lta

las rdzas gzhan min par bsgrub pa/ bdag med rtogs pa'i shes rab
nyid 'dzin stangs 'gal ba'i sgo nas gnyen por bstan pa'o/ /dang
po ni/ 'dzin stangs 'gal ba tsam gyis gnod byed yin na bdag
'dzin gyis kyang gnod

par 'gyur la/ chags sdang yang phan tshun du gnod par 'gyur ro
zhe na/ 'dod chags dang khong khro phan tshun du 'dzin stangs tha
dad pa tsam yin na yang gnod bya gnod byed ma yin par thal/ bdag
tu 'dzin pa'i rgyu gcig gi stong

las skye ba can nyid du mtshungs pa'i phyir dang/ de gnyis dngos
kyi rgyu dang 'bras bu'i dngos por 'gyur ba'i phyir/ tshad med
bzhi bsgom pa sogs gnyen po gzhan yang yod pa ma yin nam zhe na/
byams sogs chos can/ shin

@189b tu nyes pa rtsa ba nas tshar gcod pa'i dngos gnyen phul du
phyin pa min par thal/ nyon mongs can gyi rmongs pa dang 'dzin
stangs dngos su 'gal ba med pa'i phyir/ khyab par thal/ chags
sogs nyes pa kun nyon mongs can gyi ma rig pa

de'i rtsa ba can yin la/ de yang 'jig tshogs la blta ba'i rang
bzhin yin pa'i phyir/ gnyis pa ni/ ma rig pa ni sems byung mi
gsal ba'i rnam pa can yin la/ 'jig lta ni yongs su gcod pa'i
rnam pa can gyi sems byung yin

pas de gnyis ngo bo gcig tu mi 'thad do zhe na/ nyon mongs can
gyi ma rig pa rig pa bdag med rtogs pa'i shes rab kyi mi mthun
phyogs yin la/ de la gsum las/ rig pa'i med pa mi mthun phyogs
dang gzhan pa mi mthun phyogs

gnyis ma rig pa ma yin par thal/ ma rig pa sems byung yin pa
nyid kyis dmigs rnam 'dzin pas khyab pa'i phyir/ 'gal ba mi
mthun phyogs yin no zhe na/ bdag dang bdag gir blta ba'i mtshan
nyid can gyi 'jig tshogs la blta

ba ni nyon mongs can gyi ma rig pa las gzhan du rig pa ma yin
par thal/ mdo las bdag med rtogs pa'i shes rab las 'dzin stangs
dngos su log par dmigs pa nyid nyon mongs can gyi ma rig par
gsungs pa'i phyir

dang/ de rig pa bdag med rtogs pa'i shes rab de'i 'gal ba mi
mthun phyogs yin pa'i phyir/ de skad du zla ba sgron me'i mdo
las/ de la ma rig pa dang bral ba gang zhe na/ yang dag pa ji
lta ba bzhin gyi chos rnams la lhag

@190a @#/ /par sgro 'dogs pa dang bral ba gang yin pa'o zhes
dang/ de bzhin du sa bcu pa las kyang/ 'jig rten du nyes par
spyod pa skye ba gang ji snyed pa de thams cad ni bdag tu mngon
par zhen pa las byung ba yin te/ bdag tu mngon

par zhen pa dang bral na mi 'byung ngo zhes gsungs so/ /bdag med
rtogs pa'i shes rab kyi yul gyi dngos 'gal 'dzin pa nyon mongs
can gyi ma rig par bstan pa na bdag 'dzin ma rig par bstan pa
shin tu gsal te/ bdag tu ma

gzung bar de'i dngos 'gal 'dzin pa mi srid pa'i phyir ro/ /sa
bcu pa'i mdo 'dis kyang bdag 'dzin ma rig par bstan par thal/
gzhan du na/ rten 'brel yan lag bcu gnyis kyi ma rig pa'i yan
lag ston pa skabs su bab

pa'i tshe/ de dor nas bdag 'dzin ston pa 'brel med du 'gyur ba'i
phyir/ des na mdo des ma rig pa las gzhan pa'i lta ba bstan pa
ni rigs pa ma yin no/ /gal te 'jig lta ma rig pa dang mtshungs
ldan yin pas/ mtshungs ldan gyi sgo

nas ma rig pa 'phangs nas bstan pa yin gyi gzhan du na de gnyis
lung las mtshungs ldan du bshad pa dang 'gal bar 'gyur ro zhe na/
'jig lta ma rig par khas blangs na de gnyis mtshungs ldan du
bshad pa dang 'gal bar brtsad

pa gang yin pa 'dir 'gal ba'i skyon ci yang med par thal/
mtshungs ldan du ston pa'i lung des de gnyis don gzhan du ston pa
ma yin gyi / pa la sha dang ldan pa'i nags zhes pa bzhin du 'jig
lta ma rig pa'i phyogs gcig

@190b tu ston par bshad par bya rigs pa'i phyir/ 'jig lta la
nyon mongs can gyi ma rig pas khyab kyang cig shos la ma khyab
ste/ rtag 'dzin lhan skyes sogs la ma rig pa de mtshungs ldan du
yod pa'i phyir ro/ /slob dpon zla ba grags pas kyang

'jig lta ma rig pa yin pa mgon po klu sgrub kyi dgongs par 'grel
par mdzad do/ /gsum pa ni/ byams sogs rmongs ba dang 'gal ba med
na/ 'o na 'gal ba de gang yin zhe na/ nyon mongs can gyi ma rig
pa dang 'dzin stangs

dngos su 'gal ba gang yin pa de 'dir bshad par bya ste/ stong
nyid rtogs pa'i lta ba dang de 'dzin stangs dngos su 'gal ba'i
phyir/ rkang pa snga ma 'di'i don de ltar yang bshad dgos kyi
'gal spong 'ba' zhig ston na/ tshig gi 'dren

tshul 'di ltar mdzad pa mi rigs pa'i phyir ro/ /stong nyid rtogs
pa'i shes rab chos can/ ma rig pa de'i rang bzhin dang de'i
'bras bu nyes pa chags sogs kun dang 'gal zhing gnod par rab tu
grub pa yin te/ ma rig de dan

'dzin stangs dngos su 'gal ba'i sgo nas de la gnod pa'i phyir/
gnyis pa ni/ nyes pa gtan zad pa min te/ srog chags kyi chos
nyid yin pa'i phyir/ bum pa'i gzugs la sogs pa bzhin no zhe na/
nyes pa zad du mi rung ba min

par thal/ de ltar ma grub pa'i phyir/ der thal/ gnyen po bdag
med rtogs pa'i shes rab kyi phyogs dang 'brel pa na ye nas ldog
pa dag kyang tshad mas mthong ba'i phyir/ gsum pa ni/ nyes pa re
shig zad kyang gser gyi sra ba bzhin du

@191a @#/ /slar yang ldog go zhe na/ nyes pa gnyan po'i stobs
kyis rnam par 'gags shing zad pa ni/ gser gyi sra ba bzhin du
slar yang skye ba med par thal/ gnas gyur mthar phyin pa'i sems
la bdag med rtogs pa'i shes

rab 'bral du med pa'i phyir/ de de'i bdag nyid kyi ngang gcig tu
gyur pa nyid kyis so/ /gnod byed log na gnod bya ldog pa'i nges
pa med par thal/ me log kyang thal ba shing du mi ldog pa bzhin
du ma nges pa'i phyir/ gnyis

pa la /bdag 'dzin nyes pa kun gyi rtsa bar bstan pa/ bdag 'dzin
ma spangs par thabs gzhan bsgoms kyang srid pa las grol ba mi
srid pa'o/ /dang po la/ sdug bsngal gyi rtsa bar bstan pa/ nyon
mongs kun gyi rtsa bar bstan

pa'o/ /dang po ni/ so so skye bo tha mal pa gang zhig de la ni
chos can/ nga zhes rtag tu bdag dang mi 'bral ba'i sred zhen
skye bar 'gyur te/ gang zag gi bdag tu mthong zhing zhen pa'i
phyir/ 'dod na/ bdag gi bde ba la sred

par 'gyur te/ bdag dang mi 'bral bar zhen pas so/ /de lta na
dbang sogs bdag gi ba la yod pa'i skyon rnams bsgrib par byed/
med pa'i yon tan mthong bas yongs su sred par 'gyur bar thal/
bdag gi bde ba la sred pas so/ /

des na nga'i zhes bdag de'i sgrub byed len pa la 'jug par 'gyur
te/ thal chos snga ma de'i phyir/ des na 'khor bar 'khor bar
'gyur te/ bdag la chags pa can gyi so so skye bo yin pa des na'i
phyir/ khyab par thal/ bdag la mngon

@191b par chags pa cung zad kyang ma spangs pa de srid du 'khor
bar 'khor ba'i phyir/ de la 'dir gzhan sde rnams la kun nas nyon
mongs dang rnam byang la brten pa'i 'gal 'du gnyis yod de/ 'gal
'du dang po ni/ 'khor ba'i skye 'chis bsdus

pa'i sdug bsngal rgyun chad par 'dod pa dang de dag gi rtsa ba
bdag dang gtso bo la sogs pa'i rtag par 'dod pa 'gal te/ rgyu ma
log par 'bras bu ldog pa mi srid cing rtag pa'i dngos po dus nam
yang ldog pa mi srid pa'i phyir ro/ /rnam byang la

brten pa'i 'gal 'du ni sdug bsngal gyi phung po 'gags pa'i thar
pa thob par 'dod pa dang/ gang zag gi bdag rigs pas grub pa 'gal
te/ gang zag gi bdag 'dzin yod na/ 'khor ba'i sdug bsngal mi
'dod bzhin du nan gyis bskyed pa'i phyir ro/

gnyis pa ni/ de chos can/ chags sogs nyes pa thams cad 'byung
bar thal/ bdag tu 'dzin pa cung zad kyang ma nyams par yod pa'i
phyir/ khyab par thal/ de yod na gzhan du 'du shes pa 'byung/ de
las bdag gzhan ngo bo nyid kyis rigs dang

cha so sor phye ba las rang phyogs la 'dzin cing chags pa dang/
gzhan phyogs la sdang ba'i chags sdang 'di dag dang rgyud yongs
su 'brel bar 'gyur ba'i phyir/ gnyis pa la/ bdag khas blangs nas
bdag gi ba la zhen pa spong ba tsam grol lam

du mi rung/ dbang phyug gi bka' lung tsam grol lam du mi rung/
las dang lus zad byed tsam grol lam du mi rung ngo/ /dang po la/
bdag 'dzin ma spangs par bdag gi ba la chags bral mi srid/ srid
na grol ba'i bdag khas blangs pa don

@192a @#/ /med du 'gyur ba/ des na 'jig lta spong dgos par bstan
pa'o/ /dang po la/ rtags dgod pa dang/ de la rtsod pa spang ba/
don bsdu ba'o/ /dang po ni/ gang zag gi bdag yod par sgrub byed
kyi skyes bu chos can/ grub mtha' de ma dor

bar bdag gi ba la chags pa dang mi 'bral te/ nges par bdag la
grub mtha'i dbang gis kyang chags shing zhen pa yin pa'i phyir/
bdag la chags pa dang bral ba'i rgyu yang de srid du yod pa ma
yin par thal/ bdag de 'khor ba'i rnam

'tshe sogs kyi nyes pa cung zad kyang med pa'i skyes bu yin pa'i
phyir/ gnyis pa la/ bdag skyon med yin yang de la zhen pa spong
ba grol lam du mi 'thad/ sdug bsngal gyi sdug bsngal bsgom pa
grol lam du mi 'thad do/ /dang po la/ dris

lan gyis dgag pa dang/ de'i lan dgag pa'o/ /dang po ni/ gal te
bdag dang bdag gi ba skyon med yin yang de la zhen na 'khor bar
'ching bas bdag la tshogs pa skyon bcas su bsam par bya'o zhe na/
de ltar bsams pa de las cir

'gyur/ zhen cing chags pa skyon can du mthong bas zhen chags de
spong bar 'gyur ro zhe na/ bdag la chags pa 'di chos can/ khyod
skyon can du bsgom pa tsam gyis spong bar nus pa yin par thal/
khyod kyi zhen yul bdag de rigs

pas sun phyung ba med par ma zad/ de skyon med du bsgrub pa las
khyod 'byung ba'i phyir/ khyab par thal/ yul de la yon tan dang
skyon mthong ba las rjes su 'brel ba'i 'dod pa dang sdang ba
sogs spong ba ni/ ji ltar gzung ba ltar skyon

@192b yin de dag yul de la ma mthong bas spong ba yin gyi/ phyi
rol tsher ma 'don pa'i tshul dag gis spong ba min pa'i phyir/ bdag
la chags pa chos can/ khyod skyon can du bltas pa tsam gyis
khyod spong bar nus pa min par thal/ chags pa khyod rang yon

tan can du gzung ba tsam gyis khyod byung ba min gyi/ khyod
khyod rang gi zhen don gyi bdag yon tan can du mthong bas byung
ba yin pa'i phyir/ dper na chang la chags pa chos kyi bar chad
la sogs pa'i skyon can du mthong yang/ chang gi ro yon tan can

du gzung bas de la chags pa mi 'dor ba bzhin no/ /bdag khas len
pa'i skyes bu chos can/ 'bras bu bdag la chags pa thabs gang gis
kyang bzlog par byed mi nus par thal/ de'i ma tshang ba med pa'i
dngos rgyu bdag lta de la skyon med du 'dzin

rigs pa'i phyir/ gnyis pa ni/ bdag la chags pa la skyon yang
gang zhig mthong ste mthong mi srid par thal/ grol ba'i bdag la
don gnyer gyi 'dun pa yin pa'i phyir/ gal te bdag la chags pa
skyon can yin te/ des srid pa'i sdug

bsngal gyi rten byed pa'i phyir ce na/ bdag la chags pa 'di la
chos can/ sdug bsngal gyi rten byed pa de lta na'ang chags pa
dang bral bar bya ba min par thal/ nga'i blo zhes bdag gi bar
mthong ba'i phyir/ dper na bdag 'khor ba'i sdug bsngal

gyi rten yin kyang/ de la bdag tu gzung bas chags pa dang bral
bar mi 'gyur ba bzhin/ yang na/ rtags la bdag skyon med kyi yul
can du mthong ba'i phyir ces so/ /gal te zhen chags dang dge mi
dge'i las la sogs pa de dag med

@193a @#/ /pa'i bdag yan gar ba sdug bsngal gyi rgyu min pas
skyon med yin no zhe na/ bdag la zhen chags sogs de yang chos
can/ bdag de dang 'dra bar skyon med du thal/ bcing grol gyi
gzhi'i bdag med pa'i khyod yan gar ba sdug

bsngal gyi rgyu min pa'i phyir/ 'dod na/ bdag dang de la zhen pa
gnyis ka chags pa dang bral bar bya ba min par thal/ de ltar
gnyis ka'ang skyon med pa de yi phyir/ gnyis pa la/ bye brag
pa'i lugs dgag pa/ grangs can gyi lugs

dgag pa dang/ sdug bsngal sgom par gsungs pa dang 'gal ba spang
ba'o/ /dang po la/ dpe dgag pa dang/ don dgag pa'o/ /dang po la/
rang lugs la bdag gi ba la zhen pa 'dor ba'i rgyu mtshan 'thad/
gzhan lugs la mi 'thad do//

dang po ni/ bye brag pa na re/ gal te kho bo cag ltar na/ dug
sbrul gyi sos bzung ba'i yan lag sor mo la sogs pa bzhin du/
dbang sogs bdag gi ba dang bdag la chags pa sdug bsngal gyi
rgyur bsgoms pas spong bar 'gyur ba yin

pas yul ma bkag na/ de la zhen pa spong mi nus pa'i rtags ma
grub ce na/ 'di ni 'du byed sdug bsngal gyis yid 'byung ba ma
yin gyi/ tshor ba sdug bsngal gyi sdug bsngal la yid 'byung bsgom
pa tsam grol lam du 'dod pa'i

lugs so/ /dug sbrul gyi sos bzung ba'i sor mo chos can/ khyod la
bdag gi bar zhen med las ldog pa zhen pa ma dor bzhin du skyon
du bltas ba tsam gyis khyod la chags bral du 'gyur ba min par
thal/ bdag gi bar 'dzin

@193b pa'i blo bcom pas khyod la zhen pa 'di 'dor dgos pa yin
pa'i phyir/ mig gi dbang po la sogs pa chos can/ bdag la nyer
mkho ma dor ba de srid du rang gi bar 'dzin pa'i blo thabs gang
gis kyang bzlog par 'gyur ba mi 'thad par thal/

khyod bdag bde ba la longs spyod pa'i longs spyod kyi rten nyid
du gzung ba'i phyir/ des na khyod la chags bral de gang las
kyang mi 'thad par thal/ de'i rgyu mtshan med pa'i phyir/ bdag gi
nyer mkhor gzung ba bdag gi bar zhen pa'i rgyu

yin gyi/ de ltar ma gzung ba der zhen pa'i rgyu min par thal/
lus las pog pa'i skra sen sogs bdag gi nyer mkhor ma gzung ba la
yid 'byung gi blo skye bar 'gyur zhing nyer mkhor gzung ba'i lus
gzhan la zhen bcas skye bar 'gyur

ba skye bo thams cad kyi mngon sum gyis 'grub pa yin pa'i phyir/
gnyis pa la/ 'du 'brel sogs zhen pa skye ba'i rgyur mi 'thad pa/
de'i lan dgag pa'o/ /dang po ni/ bdag gi ba sdug bsngal du
mthong du zin kyang zhen pa spong

bar mi 'gyur zhing mi nus par thal/ bdag de la 'du ba dang ldan
pa la sogs pa'i 'brel pa grub pa las dbang sogs la rang gi ba'i
blo skye bar 'gyur ba gang zhig /'brel ba de sngar sdug bsngal
ma sgom pa'i gnas skabs de bzhin nyid du

rtag par gnas pa'i phyir/ bde sdug sogs bdag la 'du 'brel dang/
lus dang rna ba'i dbang po ldan 'brel dang/ lus la brten pa'i
gzugs la sogs pa ldan pa la 'du ba'i 'brel pa dang gzugs nyid la
sogs pa ldan pa la

@194a @#/ /'dus par 'du ba dang/ rna ba'i dbang po ma gtogs pa'i
mig gi dbang po sogs bdag la ldan pa la ldan pa'i 'brel pa grub
par 'dod do/ /phyi rol gyi zas gos sogs la bdag gi ba'i blo mi
skye bar thal/ de dag

bdag la 'brel pa gnyis med pa'i phyir/ des na bdag las 'brel pa
grub pa 'ba' zhig bdag gi ba'i zhen pa skye ba'i rgyu ma yin par
thal/ phyi rol gyi zas gos sogs kun la bdag la 'du ba la sogs
pa'i 'brel pa med na yang

bdag la phan 'dogs byed nyid du yod pa mthong ba las blo de skye
ba'i phyir/ gnyis pa ni/ dbang po la sogs pas bdag la phan pa
mthong yang sdug bsngal bskyed pa'i phyir/ dug gis bzung ba'i
sor mo bzhin du rang gi ba'i blo skye bar

mi 'gyur ro zhe na/ dbang sogs de ni chos can/ gcig tu sdug
bsngal kho na'i rgyu min par thal/ res 'ga' bde ba'i rgyu byed
pa'i phyir/ dug bcas kyi zas bzhin du phal cher sdug bsngal gyi
rgyu yin pas zhen pa 'dor ro zhe na/ phal

cher sdug bsngal gyi rgyu min yang zhen pa mi skye bas ma khyab
par thal/ khyad par can gyi bde ba la chags pas de dang 'gal ba
phal pa'i bde ba la chags pa dang bral bar 'gyur yang/ de ma
rnyed na phal pa'i bde ba la chags pa

mthong ba'i phyir/ der thal/ khyad par can gyi bde ba bskyed
pa'i zas sogs rnyed na de la sred pas bde ba cung zad tsam
bskyed pa yongs su spong la/ ma rnyed na dug bcas kyi zas la
yang longs spyod pa mthong ba'i phyir/

@194b so so skye bo tha mal pa chos can/ khyad par can ma rnyed
na ji ltar rnyed pa bzhin gyi bde ba'i rgyu la 'jug ste/ thar
pa'i bde ba la rnam dpyod kyi bsam pa med cing/ bdag la chags pa
cung zad kyang ma spangs pa'i skyes bu yin pa'i

phyir/ dper na 'dod ldan dag bud med dag ma rnyed par dud 'gro
la 'dod pa spyod pa mthong ba bzhin no/ /gnyis pa la/ rtag pa'i
skyes bus sdug bsngal bsgom pa mi srid/ sdug bsngal du bsgom pa
tsam gyis grol na ha cang thal ba/

dbang sogs skyon can du mthong ba tsam gyis de la zhen pa ldog
pa la mngon sum gyi bsal ba bstan pa'o/ /dang po la/ bdag mi
rtag par thal ba dang/ bdag yod na zhen pa'i gnyen po bsten pa
'bras bu med pa'o/ /dang po ni/ gang

zag gi bdag ni 'dod pa gang yin pa'i skyes bu de chos can/ ji
ltar sdug bsngal bsgoms pas bdag chags bral du 'gyur ba mi srid
par thal/ bdag de ni 'jig par 'dod mi rigs pa'i phyir/ grol ba'i
bdag chos can

ji ltar bdag smras zhen pa ltar gyi bdag yin par 'dod de ma yin
par thal/ bde sdug sogs myong ba dang/ blang dor gyi tha snyad
dang/ brtse ba dang shes rab la sogs pa'i yon tan kun gyi rten
yin pa log pa'i phyir/ khyab

par thal/ bdag smras zhen pa'i rang bzhin gyi bdag de 'dra min
par bcing grol kun gyi gzhir rtag par khas len pa'i phyir/ gnyis
pa ni/ grol ba'i bdag de ni chos can/ bdag gir zhen pa'i gnas
skabs de nyid du

@195a @#/ /gnas par thal/ rnam pa kun tu bdag tu 'dzin pa las ma
'phos pa'i phyir/ khyab par thal/ de bdag la chags pa brtan par
byed pa'i rgyu yin la/ de nyid bdag gir zhen pa'i sa bon mthu
can yin pa'i phyir/ thar 'dod kyi

skyes bu chos can/ bdag 'dzin ma spangs na/ bdag gi ba sdug
bsngal du bsgom pa la brtson yang chags pa gtan zad du mi 'gyur
bar thal/ rang rgyud kyi bdag lta de'i dbang gis bdag gi ba la
chags bral du 'gyur ba'i gegs byed

cing/ de'i skyon yang sgrib pa yin pa'i phyir/ der thal/ de'i
dbang gis bdag gi ba'i yon tan gyi cha gzung ba la brten nas/ de
la chags pa mngon gyur du 'jug cing skye ba dang ldan pa'i
phyir/ 'dod na/ grol ba'i bdag thob phyir tu sdug

bzhin du bdag la'ng chags ba dang bral lo zhe na/ da ni thar pa'i
gnas skabs na chags bral gyi bdag gang yin pa de yang med par thal/
de la zhen pa dor nas sus kyang mi shes pa'i phyir/ 'dod na grol 
ba'i bdag thob phyir tu sdug

bsngal bsgom pa don med du 'gyur bar thal/ thar 'dod de ni ji
ltar bdag gi ba bzhin du phyis bdag kyang 'dor ba'i phyir/ gnyis
pa la/ ha cang thal ba dngos dang/ gzhan la chags bral mi srid
pa'o/ /dang po ni/ rnal 'byor pa de dag

chos can/ bdag gi ba sdug bsngal du bsgoms pas shes kyang de lta
na yang gtan chags bral du de tsam gyis 'gyur ba med par thal/
sdug bsngal nyid rnam par shes pa byed pa de ni ma sgom pa'i
sngar yang nad la sogs pas zin

@195b pa'i tshe mngon sum nyid du mthong ba'i phyir/ gal te sngar
bde ba bskyed pa'i rgyu la yang nyes pa mthong na chags bral du
'gyur ba mthong ba'i phyir/ sdug bsngal bsgom pa chags bral gyi
rgyu yin no zhe na/ bdag la chags pa'i skyes bu chos can/ gal te

yul de la nyes pa mthong ba yis gtan chags bral du mi 'gyur bar
thal/ nyes pa mthong ba'i skad cig de tsam la chags pa de yi blo
log kyang yang de la chags pa skye ba'i phyir/ dper na 'dod ldan
bud med gcig la nyes pa mthong ba'i tshe chags

pa dang bral yang bud med gzhan la chags pa skye zhing/ yang cig
shos la skye ba bzhin no/ /de chos can/ yul gang la yang chags
pa gtan zad ma yin par thal/ yul gcig la blang bya dang dor byar
mtha' gcig tu zhen pa'i khyad par yod pa'i

phyir/ khyab par thal/ yul gcig la dmigs nas byung ba'i chags pa
gang yin pa de nyid rkyen gyi rnam grangs kyis bskyed pa'i tshe
rang 'bras chags pa kun gyi sa bon yin pa'i phyir/ gnyis pa ni/
bdag la chags pa chos can/ mthal

gcig tu chags pa dang bral bar bya ba ma yin par thal/ bdag
skyon med de don gnyer gyi yul can yin pa'i phyir/ sangs rgyas
don du gnyer ba ltar ro/ /dbang sogs kyang ni chos can/ skyon
med yin par thal/ bdag skyon med de'i bde ba

sgrub byed yin pa'i phyir/ rgyal ba dgyis pa'i mchod pa ltar ro/
/da ni bye brag pa chos can/ gang la yang chags pa dang bral bar
'gyur ba mi 'thad par thal/ bdag dang de'i yul can dang/ bdag gi
ba gsum ga skyon med yin la/ 'gro ba

@196a @#/ /'khor bar 'ching bar byed pa'ang rgyu de tsam nyid du
nges pa yin pa'i phyir/ 'khor ba'i gnas der bdag gi ba de skyon
bcas kyang yin te/ des sdug bsngal bskyed ba'i phyir ce na/ bdag
kyang skyon can du thal/ sdug bsngal bskyed pa

de ni bdag la'ang mtshungs pa'i phyir/ de ni yul gang la yang
skyes bu de chags pa dang bral bar mi 'gyur bar thal/ 'khor ba'i
gnas der bdag de'i skyon mthong yang/ de la chags pa dang bral
bar bya ba nyid du med pa'i phyir/ gsum pa la/ skyon

mthong ba tsam zhen pa ldog ba'i rgyu ma yin/ dbang sogs la ji
ltar yod pa'i skyon mthong ba yang mi srid pa'o/ /dang po ni/
chang la chags pa chos can/ chad la mtha' gcig tu nyes pa mthong
bas khyod 'jig cing 'dor bar 'gyur te/ khyod chung

gi yon tan mthong ba las byung ba'i zhan pa yin pa'i phyir/ de
ltar dbang sogs la zhen pa de de'i yon tan mthong ba kho nas
'byung ba min par thal/ skyon yon gyi rnam dbye mi shes pa'i
byis pa sogs la'ang zhen pa de mthong ba'i phyir dang

dbang po skyon can la yang zhen pa yod pa'i phyir dang/ yon tan
ldan yang gzhan gyi mig sogs dag la rang gi mig sogs su zhen pa
med pa'i phyir/ yon tan can yin yang/ sngar rang gis bdag gi bar
gzung ba'i 'das pa'i skra

la sogs pa dag la da lta bdag gi bar zhen pa med pa'i phyir/ des
na dbang sogs bdag gi bar zhen pa'i blo'i rgyu'ang yon tan
mthong ba kho nas byas pa min par thal/ de la rjes su 'gro ldog
'khrul pa de nyid kyi phyir/ 'dod na/ yon

@196b tan can yin pa'i skyon can du mthong bas zhen pa de yang
spong ba ma yin par thal/ 'dod pa de'i phyir/ gnyis pa ni/ dbang
sogs sdug bsngal du bsgoms pas skyon can du mthong ba'i nges pa
yang med par thal/ gzhan yang de la yod pa

min pa'i yon tan sgro 'dogs pa'i chags pas yon tan can der yang
mthong ba'i phyir/ don bsdu ba ni/ bdag gi ba sdug bsngal gyi
sdug bsngal du bsgoms pas bdag gi bar zhen pa de la ji ltar yang
gnod pa mi 'thad par thal/

de bsgoms pas zhen pa de'i rgyu la gnod pa med pa can bsgrub pa
tsam du zad pa'i phyir te/ bdag 'dzin la cung zad kyang mi gnod
pa des na'i phyir/ gnyis pa la/ rang bzhin dang skyes bu tha dad
du shes pa tsam ? grol lam du mi 'thad/ sdug

bsngal kyi sdug bsngal gyis yid gdungs pa chags bral gyi rgyur
mi 'thad/ chags bral gyi rang bzhin ngos gzung ba'o/ /dang po
ni/ grangs can na re kho bo cag ltar na/ dbang sogs yon tan can
du mthong ba 'khor ba'i rgyu dang/ skyon can

du mthong ba thar pa'i lam du khas mi len gyi/ 'o na ci zhe na/
bde sogs kyi rang bzhin dang/ skyes bu gnyis blos gcig tu zhen
pa'i chags pa 'khor ba'i rgyu yin la de gnyis so sor shes pas
skyes bu rang nyid kyi blo 'dor ba'i phyir/

skyes bu chags bral du 'gyur bas bde sogs kyi rang bzhin dang
skyes bu tha dad du mngon sum du shes pa nyid thar lam yin no
zhe na/ rang bzhin dang skyes bu tha dad du mngon sum du shes pa
tsam gyis srid pa las grol ba ma yin par thal/

@197a @#/ /lam la ma sbyangs pa'i byis pa'i skye bo 'di yis rang
gi dbang po dang/ bde sogs kyi rang bzhin las skyes bu bdag nyid
tha dad du gyur par shes pa'i phyir/ der thal/ skyes bu bdag
nyid don du gnyer ba por zhen nas/ da ltar

gyi dbang po dang bde ba las mchog tu gyur pa gzhan don du gnyer
ba'i phyir dang/ rang nyid snga phyi gcig tu gzung nas/ rang gi
bde sogs skye 'jig byed par rtogs pa'i blo can nyid kyi phyir/
rang bzhin dang skyes bu gcig nyid du blos mthong

zhing zhen pa tsam gyis kyang srid par chags pa min par thal/ de
gnyis tha dad du shes pa tsam grol ba'i rgyur mi 'thad pa de'i
phyir/ rang bzhin ni/ lkog tu gyur pa'i gtso bo la zer mod/
skyes bu dang bde sogs tha dad du shes na bde sogs

kyi rang bzhin dang yang tha dang du shes nus so/ /zhen byed kyi
blo dang rang bzhin gnyis bem po dang/ skyes bu rig par 'dod do/
/des na bdag la chags pa de chos can/ rang 'bras 'khor ba'i sdug
bsngal gyi rgyu yin te/ khyod kyi rang stobs

kyis gzugs sogs la dmigs pa'i nang gi yan lag mig sogs dbang po
la ngo bo nyid kyis rjes su chags pa 'dren par 'gyur zhing/
khyod bdag 'dzin gyi rang stobs las drangs pa'i phyir/ gnyis pa
ni/ sdug bsngal bsgoms

pas grol bar 'gyur te/ sdug bsngal gyis gdungs pa'i tshe yid
'byung zhing skyo nas chags bral du 'gyur ba mthong ba'i phyir
ce na/ skyes bu gang zhig da ltar tshor ba sdug bsngal gyi sdug
bsngal gyis gdungs bas skyes pa'i

@197b yid 'byung de 'dra chos can/ zhe sdang dang mtshungs ldan
nam de'i rgyu yin gyi chags bral ma yin par thal/ khyod skyes pa
de'i tshe yang khyod rgyud ldan gyi skyes bu de la chags pa yod
pa'i phyir/ der thal/ bde ba'i gnas skabs gzhan la lhag par

chags nas tshol ba'i phyir/ zhe sdang rgyun du skyes na chags pa
skye ba'i skabs bcom pas chags bral du 'gyur ro zhe na/ zhe
sdang can gyi skyes bu chos can/ zhe sdang spyes pa tsam gyi
chags bral du 'gyur ba ma yin par thal/ zhe sdang de ni

tshor ba sdug bsngal de srid tsam du gnas kyi de log na rang nyid
kyi chags can gyi rang bzhin nyid la slar brten par 'gyur ba'i
phyir/ rtags ? snga ma der thal/ de tshor ba sdug bsngal gyi rgyu
can yin pa'i phyir/ gsum pa ni/ 'o na khyed

rang ltar na chags bral gang yin zhe na/ dgra bcom pa chos can/
chags bral zhes ni brjod pa yin te/ g.yas g.yon nas tsandan
gyi lde gus byugs pa dang ste'us gcod pa thams cad ? la rjes
chags dang khong khro zad bar spangs

pa'i sgo nas mnyam snyoms pa can du mtshungs pa'i skyes bu yin
pa'i phyir/ /ra thal/ blang bya dang dor bya'i chags sdang zad
par spangs pa'i skyes bu yin pa'i phyir/ gsum pa ni/ 'o na bcom
ldan 'das kyis sdug bsngal bsgom par

gsungs pa ji ltar yin zhe na/ sdug bsngal gyi sdug bsngal tsam
la dgongs nas gsungs pa ma yin te/ srid pa mtha' dag gis yid
'byung ba'i ched du khyab pa 'du byad kyi sdug bsngal la dgongs
nas sdug bsngal bsgom par

@198a @#/ /gsungs pa yin pa'i phyir/ nged kyi 'du byed kyi sdug
bsngal de yang chos can/ khyod ltar bdag rtag pa la brten pa ma
yin te/ rang rgyu las nyon gyi rkyen las skyes pa'i phyir/ de
'dra'i sdug bsngal sgom pa'i blo

de ni chos can/ srid pa las dngos su grol ba'i lam du 'dod pa
yang ma yin te/ bdag med rtogs pa'i lta ba bskyed pa'i rten nam
thabs dam pa yin pa'i phyir/ srid pa las dngos su grol ba'i lam
min yang nges par sgom

dgos te/ stong nyid rtogs pa'i lta ba goms pas srid pa las dngos
su grol bar 'gyur la/ bsgom pa lhag ma 'dus byas me rtag par
rtogs pa dang/ zag bcas sdug bsngal du rtogs pa bdag med rtogs
pa'i shes rab de'i

thabs kyi don du nges par sgom dgos pa yin pa'i phyir/ des na
bcom ldan 'das kyis 'dus byas mi rtag par rtogs pa las zag bcas
sdug bsngal du rtogs pa dang/ sdug bsngal du rtogs pa las bdag
med rtogs pa 'byung

bar gsungs pa'i rgyu mtshan ? yod de/ sngar bshad pa'i thabs dang
thabs byung de ltar gnas pas gsungs pa de'i phyir/ mang ? las
dge srong ? ngag ? /gzugs rtag pa yin nam/ mi rtag pa yin/ btsun
pa mi rtag pa lags so/ /gang mi

rtag pa de sdug bsngal ba yin nam bde ba yin/ btsun ? pa sdug
bsngal ba lags te/ gang mi rtag pa de sdug bsngal ba rnam par
'gyur ba'i chos can lags so/ /de la 'di ni nga'i 'o/ /'di ni nga
yin no/ /'di ni nga'i bdag go zhes pa ltar

@198b rung dam/ btsun ? pa ma lags so/ /zhes gsungs so/ /go rim
de ltar nges ba'i rgyu mtshan ni/ sdug bsngal mi rtag par rtogs
pa'i lag rjes la rang don gyi mthar thug pa'i yid brtan rung
ba'i cha yin pa ldog par byed la/ zag bcas sdug bsngal

du rtogs pas yid 'byung 'dren par byed do/ /sngar bdag gi bde ba
thob byar 'dzin pa dang/ de rtag par 'dzin pa gnyis tshogs pa
las/ bde ba de 'gyur med kyi yid brtan du rung ba'i gnas su
'dzin pa yod la/ bde ba de nam mi rtag par

rtogs pa na/ de nyid kyis sdug bsngal gyi blo 'dren par byed la/
yang khams gong ma'i zag bcas kyi ting nge 'dzin la/ rang dus
nas khyim 'bar ba'i nang du chud pa lta bu'i yid 'byung gi blo
skye ba ni phra ba'i mi rtag pa rtogs pa sngon du

song ba la nges par bltos so/ /las dang nyon mongs pa'i gzhan
dbang can du khong du chud pa na rang dbang ba'i gang zag med
par yang khong du chud par 'gyur ro/ /rags pa'i mi rtag pa dang
sdug bsngal ba dang bdag med pa gsum

gyi go rims ni go bar zad do/ /gsum pa don bsdu ba ni/ grol ba'i
bdag chos can/ sred pa dang ldan par thal/ bdag la chags pa dang
bral ba min pa'i phyir/ 'dod na/ blang dor gyi las kyi rtsom pa
kun la brten par thal/ 'dod na/

nyon mongs pa dang las las grol ba ma yin par thal/ 'dod pa snga
ma gnyis kyi phyir/ 'dod na/ de 'dra 'khor ba pa zhes bya ba yin
par thal/ skyes bu gang zhig 'dod pa de'i phyir/ gnyis pa srid
na grol ba'i bdag khas blangs pa dgos pa

@199a @#/ /med pa ni/ de chos can/ khyod kyi dus de'i tshe bdag gi
ba de yi za ba po yang med par thal/ bza' bya bdag gi ba nyid ni
mi 'dod pa'i phyir/ 'dod na/ de'i bdag kyang med par thal/ 'dod
pa de'i phyir/ khyab par thal/ bdag

rtag pa gcig po de nyid rgyu las byed pa'i bya ba can dang 'bras
bu longs spyod pa'i mtshan nyid can yin pa'i phyir/ gsum pa ni/
grol ba 'dod pa dag ces brtse bas bos nas/ thar pa thob par 'dod
na/ 'jig tshogs la blta ba dag rtsa

ba nyid nas dbyung bar gyis shig ste dbyung rigs par thal/ 'jig
lta 'khor ba'i rtsa ba yin zhing/ bdag med rtogs pa'i shes rab
de'i dngos gnyen du bsgrub pa de'i phyir/ 'jig lta chos can/
rgyu med dang mi mthun pa'i rgyu las byung

ba min te/ thog ma med pa'i rgyu can gyi rang gi rigs mthun pa'i
sa bon las byung ba'i phyir/ gnyis pa la/ dbang phyug gis thar
lam dbang bskur ba'i cho ga grol lam yin pa'i sgrub byed dgag
gnod byed brjod/ bdag med rtogs

ba'i shes rab grol lam du bstan pa'o/ /dang po ni/ lung las
bshad pa'i cho ga tsam gyis grol bar smra ba yang rtog ldan
yongs su mgu byed min par thal/ dbang bskur gyi cho ga tsam gyis
grol bar sten pa'i lung ni rang gi brjod bya'i

don la mi 'khrul ba de lta bu'i dngos po yin pa'i rgyu mtshan ma
mthong ba'i phyir/ rnams ni gzhan yang mtshon pa'o/ /ha cang thal
ba ni/ lung de las bshad pa'i sngags sa bon la btab pas myu gu
mi skyed pa ltar/ brjod bya la mi

@199b 'khrul lo zhe na/ sa bon sogs gyis myu gu mi skyed par
grub pa'i cho ga mthong pas/ dbang phyug gi dbang bskur thob ma
thag skyes bu yang srid du mi skyed bar byed nus pa min par
thal/ de lta na lus la til mar bskus pa dang mes

bsregs pa sogs las kyang grol bar thal ba'i phyir/ de bzhin du
sbyin sreg gi mes sems kyi sdig pa bcom par byas pa min par
thal/ sbyin sreg gi mes lus gdungs pas sngar srang khang ? lci
ba dag phyis yang bar song ba tsi

yin pa'i phyir/ sbyin sreg gis skyes bu 'di yi lus kyi lci ba
nyid kyi cha 'ga' med par 'gyur ba tsam gyis sdig pa srang ?
khar lci ba min par thal/ de lus can min pa'i phyir/ gnyis pa la
bka' lung tsam ? gyis yang srid phyi ma'i rgyu la mi

gnod pa dang/ de'i lan dgag pa/ bkag pa la gnod pa spang ba'o/
/dang po ni/ sdug bsngal la bde bar 'dzin pa'i log shes dang/ de
las byung ba'i bde ba thob 'dod kyi sred pa dang mtshungs par
ldan pa'i sems pa chos can/ gang

gi rgyud la khyod gnyen po'i stobs kyis bcad pa de yang srid
phyi mar 'gro bar mi 'gyur te/ khyod kyi dbang dag gis dman pa'i
gnas su 'gro ba rnams skye ba 'dzin par byed pa yin pa de'i
phyir/ tha mal pa skye ba la log sred dang mtshungs

ldan gyi sems pa de dag nyid kyis phan 'drogs nus pa yin te/ de
tsam rgyur yod pa las 'byung ba'i phyir/ las kyang rgyur dgos pa
ma yin nam zhe na/ srid par skye ba la sems pa las don gzhan
pa'i las dgos pa ma yin par

@200a @#/ /thal/ log shes dang mtshungs ldan dang sred pa dang
mtshungs ldan gyi sems pa de dag rang nyid yang srid phyi ma
bskyed pa'i las yin pa'i phyir/ des na dbang gi cho ga tsam srid
pa las grol ba'i lam min te/ dbang de thob

tsam gyis skyes bus srid par skye ba'i rgyu cung zad kyang nyams
pa med pa'i phyir/ gnyis pa ni/ dbang bskur thob pa'i skyes bu
yang srid phyi mar 'gro ba med par thal/ yul gzhan du 'gro bar
byed pa po skyes bu de yul gzhan du

'gro ba dang gzugs sogs rtogs pa'i rten ni/ byed pa mig la sogs
pa yin la/ byed pa de ni ma mthong ba chos dang chos ma yin pa'i
las las skye bar 'gyur zhing ma mthong ba'i las dbang bskur gyis
bzhig par byas pa'i

phyir/ des na las kyang bdag gi yon tan 'du byed yin gyi khyed
'dod pa'i sems pa min no zhe na/ byed pa dbang sogs mngal du
bskyed pa la log sred dang mtshungs ldan gyi blo sems pa de yis
phan 'dogs pa'i nus pa mthong

gi/ cho ga sogs gzhan gyis ma yin par thal/ de tsam phan 'dogs
byed du yod pa dang med pa'i rjes su 'jug ldog byed pa'i phyir/
dbang bskur thob pa de dag yang srid phyi mar cis mi 'gro ste
'gro bar thal/ de'i rgyu ma nyams

par yod pa'i phyir/ gsum pa la/ dbang bskur gyis yid pro'i ? nus
pa bcom pa mi 'thad/ ha cang thal ba dang/ bdag rtag pa byed pa
por mi rung ba'o/ /dang po ni/ gal te log sred de dag dbang gis
yang srid phyi ma bskyed

@200b pa'i nus pa med par byas pa'i phyir/ dbang bskur thob pa
yang srid mi len no zhe na/ dbang bskur thob pa'i skyes bu de
dag chos can/ dbang bskur sogs byas ma thag rang rgyud kyi sems
pa'i dbang gis mig la sogs pa'i dbang

po yul rang dgar 'dzin pa dang/ 'dod pa'i yul la bye brag tu
'jug pa dang/ yul gzhan dang gzhan du g.yeng ba dang rjes su
mthun pa'i rkyen gyis de 'gog pa med par 'gyur bar thal/ de ltar
byed pa'i sems pa'i nus pa

dbang bskur gyis bcom pa'i phyir/ yang na/ g.yeng ba brgyal nas
dbang po yul la mi 'jug pa dang/ 'gog pa thabs kyis slar yang
sos pa'o/ /gnyis pa ni/ ci ste shi ba de'i tshe blo med pa'i tshe
'khor ba'i chos rnams kyang

'byung bar mi 'gyur ro zhe na/ dbang bskur thob pa 'chi kha ma'i
'dod chags la sogs pa'i dri ma rnams chos can/ khyod kyis blo
rigs 'dra phyi ma mtshams sbyor te/ de'i dngos rgyu nus pa thogs
med tshang ba'i phyir/ de rnams

rigs 'dra mtshams sbyor ba'i nus pa dbang bskur gyis bcom pas med
do zhe na/ dbang bskur thob pa gson pa nyid na'ang rigs 'dra
mtshams sbyor ba'i nus med du 'gyur bar thal/ de'i nus pa dbang
bskur gyis bcom pa'i

phyir/ des nas rang gi rigs 'dra'i sa bon can nyes pa chags sogs
kyi rgyun chos can/ dbang bskur ba tsam las ldog pa med de/
khyod gnyen po bdag med rtogs pa'i shes rab 'phel na 'grib rang
gi phyogs tshul ? min

@201a @#/ /yid byed 'phel na khyod 'phel ba'i phyir/ gsum pa ni/
khyod bdag med par smra ba la thar pa mi 'thad do zhe na/ kho bo
cag la 'thad kyi bdag rtag pa smra ba la mi 'thad de/ bdag rtag
pa la gcings thar gyi gnas

skabs rim gyis bskyed par byed pa 'gal bar thal/ rtag pa rkyen
la bltos pa med pa'i phyir/ 'bras bu bskyed par byed pa tsam
yang 'gal bar thal/ rtag pa la 'bras bu byed pa dang mi byed pa
dag nus pa 'dra ba'i

bdag nyid yin pa'i phyir/ rgyu dang 'bras bu'ang gcig par 'gyur
bar thal/ bdag rtag pa de nyid las gsog pa po dang 'bras bu
myong ba po yin pa'i phyir/ rgyu 'bras de dag bdag rtag pa de
las rdzas tha dad do

zhe na/ bdag rtag pa de nyid las byed pa po dang 'bras bu za ba
po yin pa nyams par 'gyur bar thal lo/ /rtag pas 'bras bu la
phan 'dogs pa'i nus pa yang ni 'grub pa ma yin par thal/ rtag pa
la rjes su 'gro

ldog gi nus pa ma tshang ba'i phyir/ bdag med na gzhan gyis myong
ba gzhan gyis dran pa dang/ gzhan gyis bsags pa gzhan gyis longs
spyod pa sogs su 'gyur ro zhe na/ myong dran byed pa po'i bdag
yod pa'i rgyu mtshan gyis

phung po skad cig mar smra ba la/ gzhan gyis myong ba gzhan gyis
dran pa dang/ gzhan gyis bsags pa gzhan gyis longs spyod pa la
sogs pa'i thal ba gnod byed du 'jug pa ma yin te/ rtag pa'i
skyes bu 'ga'i yang sngar myong

@201b ba phyis dran pa med pa'i phyir/ las byas pa chud zos pa
dang ma byas pa dang phrad pa la sogs pa'i nyes pa med par thal/
yul mtshungs pa'i myong ba las dran pa rkyen ji lta ba bzhin du
'byung ba des na'i phyir/ gsum pa ni/ srid pa 'khor ba'i

rtsa ba yin te/ bden pa bzhi la log par zhugs pa sdug bsngal
rtag cing brtan pa dang bde ba dang/ nga dang nga'i zhes sogs
yang dag pa min pa bzhi dang/ lhag ma rnams dang bcas pas rnam
pa bcu drug sgro btags nas ni yongs su sred

cing sred pa'i dbang gis nying mtshams sbyor bar byed pa'i phyir/
bdag med rtogs pa'i shes rab nyid srid pa las grol ba'i lam yin
te/ bden pa bzhi po de nyid la phyin ci log de dang 'gal ba'i
don mi rtag pa la sogs pa'i don

de nyid kyi rnam pa bcu drug yang dag par rjes su rtogs pa can
legs par sgom pa'i bdag med rtogs pa'i yang dag pa'i lta ba yis
sred pa rjes 'brang dang bcas pa rtsa ba nas 'joms par byed pa'i
phyir/ sred pa med kyang las dang

lus yod na 'khor ba las mi grol bar 'gyur ro zhe na/ dgra bcom
pa chos can/ las dang lus dag gnas na yang slar 'khor bar skye
ba srid pa ma yin te/ gtso bo'i rgyu gcig sred pa med pa'i
phyir/ khyab ste/ srid par skye ba rgyu

gsum pa can yin pa'i phyir/ sa bon med par myu gu mi 'byung ba
bzhin no/ /gsum pa las lus mdzad pa'i thabs tsam grol lam du mi
rung ba la/ dgag pa dngos dang/ rtsod spang ngo/ /dang po ni/
nam mkha'i gos can pa kha

@202a @#/ /cig na re/ las dang lus zad pas kyang sred pa las grol
bar 'gyur te/ skye ba rgyu gsum pa can yin pa'i phyir/ des na
las lus 'ba' zhig gi gnyen po bsten par rigs so zhe na/ srad pa
ma spangs par las dang lus dag

spong nus pa ma yin te/ las lus rkyang pa spong pa'i gnyen po
dag med pa'i phyir dang/ sred pa ma spangs par de dag zad par
spong ba'i nus pa med pa'i phyir/ der thal/ sred pa yod na slar
yang las dang de las lus 'byung ba'i phyir/

gnyis pa la/ las sred gnyis ka 'joms pa'i gnyen po shed mtshungs
su bsten pa dgag pa dang/ dka' thub kyis las kyi nus pa 'dres
shing zad par byed pa dgag pa/ las sred spang byar mtshungs pa
dgag pa'o/ /dang po ni/ de

lta na las sred gnyis ka so sor zad pa'i don du 'bad par rigs
te/ gnyis ka 'khor ba'i rgyu yin pa'i phyir ce na/ las logs su
zad pa'i gnyen po la dub pa don med yin par thal/ sred pa ma
spangs par spong mi nus/ logs su spangs

pa dgos pa med pa'i phyir/ nyon mongs kyi rtsa ba gcig spangs
pas gzhan thams cad spong nus la/ las la de lta bu'i tshul med
de/ skyes bu'i las rnams nus pa tha dad pa du ma can du rjes su
dpog nus te/ las kyi 'bras bu

yid du 'ong ba dang mi 'ong ba sna tshogs pa can du mthong ba'i
phyir/ skra 'bal ba la sogs pa'i dka' thub kyi gdung ba'i nyon
mongs kyi dngos po gcig gis las thams cad mi 'jad par thal/ las
gcig spangs pas

@202b kun spong bar 'gyur ba'i las ni med/ las mtha' yas pa des
na'i phyir/ rnam smin yid du 'ong ba las las bzang po sngon du
song ba dang/ yid du mi 'ong ba las las ngan pa dang/ yid du
'ong mi 'ong sna tshogs pa las las bzang

ngan sna tshogs sngon du song bar dngos po stobs zhugs kyi rtags
las dpog nus kyi/ lus 'di'i sngon gyi las yul gang du byas pa
dang/ dus nam gyi tshe dang/ tshul ji ltar byas pa sogs ni shin tu
lkog gyur ro/ /

dka' thub kyis lus gdungs pa'i rnam pa 'gas las riD mthun dang
riD mi mthun pa can gyi 'bras bu mtha' dag zad par byed pa min
par thal/ dka' thub kyi las des gdung pa de lta bu bskyed pa'i
sngon gyi las kyi 'bras bu nyams su myong

bas cung zad chung bar 'gyur ba tsam du zad pa'i phyir/ gnyis pa
ni/ ci ste dka' thub kyis bde sdug gi 'bras bu sna tshogs 'byin
pa'i nus pa gcig tu 'dres par byas pa yis nus pa 'dres pa'i
'bras bu gcig pu de nyid gdung ba

gcig nyams su myong bas zad par 'gyur ro zhe na/ gal te dka'
thub des lus gdung zhing sdug bsngal ba'i nyon mongs las gzhan
spyin pa dang tshul khrims la sogs byar 'dod dam/ gdung ba'i nyon
mongs nyid yin/ dang po ltar

na/ las 'bras zad pa'i phyir tu me lnga bsten pa la sogs pa'i
gdung ba drag po rtsom pa don med par thal/ sgra nyag ma gcig
gtogs pa lta bu'i nyon mongs pa'i cha shas 'gas las 'bras ma lus
pa spong nus pa'i phyir/ 'am

@203a @#/ /gyi sgras gdung ba'i nyon mongs med par dka' thub kyis
las 'bras kun spong nus par 'gyur bar thal/ dka' thub de la las
thams cad nus pa gcig tu 'dres bar byed pa'i mthu yod pa'i
phyir/ phyi ma ltar na/ dka'

thub 'dis las kyi nus pa gcig tu 'dres pa dang/ nus pa rags pa
zad par byed pa sogs su 'gyur ba ma yin par thal/ dka' thub de
ni las ngan gyi 'bras bu yin pa'i phyir/ ba glang gis zhing rmo
ba la sogs pa'i las bzhin

'o na khyed rang yang byams sogs goms pa dang gzungs sngags
bzlas pa las sgrib pa 'dag par 'dod pa dang 'gal la/ yang sred
pa bcom na las mtha' dag kyang bcom par 'gyur bas las kyi gnyen
po med pa 'gal lo zhe na/ gang

yang skyon chags sogs rnams 'gog par byed pa'i bdag med rtogs
pa'i shes rab chos can/ ma 'ongs pa na skye bar 'dod pa'i nyon
mongs des bskyed pa'i las kyi 'bras bu 'byin pa la gnod nus par
'gyur te/ ma 'ongs pa

na skye bar 'dod pa'i nyes pa bcom pa'i phyir/ ji ltar las byas
pa'i 'bras bu zhar ba dang sgur po la sogs pa grub zin nyams par
'gyur ba ma yin par thal/ 'bras bu grub zin pa mi skye bar byed
mi nus pa'i phyir/ de bzhin du

gzungs sngags bzlas ba sogs kyis las sgrib 'ga' zhig 'bras bu
rnam smin skye mi rung du byed nus kyang/ sred pa ma spangs par
las mtha' dag zad par byed nus pa'i gnyen po ni su yang med do/
/yang na gzhung snga mas

@203b sred pa zad par spangs na/ de phyin chad las kyi rnam smin
'byin pa'i nus pa cung zad kyang med par byed nus par bstan nas/
rkang pa thams sred pa ma spangs par sngon byas pa'i las mtha'
dag gis 'bras bu 'byin pa'i nus med du byed mi nus par

bstan to/ /gzhung snga mas myong bar ma nges pa'i las spong nus
pa dang/ phyi mas myong nges kyi las spong mi nus pa la 'chad pa
ni/ gzhung gi don ma yin zhing/ rigs pas kyang mi 'thad de/
shing rta chen po du mas stobs bzhi tshang ba'i bshaD

pas myong nges kyi las kyi rnam par smin pa 'byin pa yang 'dag
par gsungs pa'i phyir ro/ /'o na myong nges su 'gal lo zhe na/
gnyen po dang ma phrad na myong nges pa'i don du gsungs so/
/gsum pa ni/ sred pa yod na las 'byung ba ltar las

yod na yang sred pa 'byung bas gnyis ka mtshungs par spang bya'o
zhe na/ sred pa med pa'i las las nyes pa chags sogs skye ba ma
yin te/ sred pa'i skyon rnams dang ldan pa rnams las gsog par
byed par 'gyur gyi/ bzlog pa sred pa

med pa las las gsog pa min pa'i phyir/ dge ba'i las las bde ba
'byung bas de ltar slar yang don gnyer gyi sred pa 'byung ngo
zhe na/ dgra bcom pa chos can/ bde ba las kyang 'dod chags skye
bar mi 'gyur bar thal/ tshul

min yid byed kyi log pa'i rnam rtog med pa'i phyir/ de ltar na
gzhan dag gis grol lam du btags pa'i lam bden gyi mi mthun
phyogs kyi gtso bo bzhi ngos gzung nas dgag pa mdzad de/ dbang
sogs bdag gi ba sdug bsngal

@204a @#/ /du bsgom pa dang/ rang bzhin dang skyes bu tha dad du
shes pa dang/ dbang bskur gyi cho ga dang las zad par byed cing
lus gdung bar byed pa rnams so/ /don bsdus na/ de dag srid pa
las grol ba'i lam du mi

'thad de/ bdag rtag pa bcings grol gyi gzhir gzung nas rnam
gzhag byed pa sha stag tu snang ba'i phyir/ des na bstan bcos
gang du bdag med gtan la ma phab pa der ni srid pa las grol ba'i
lam gyi gtso bo ma bstan

par shes par bya'o/ /gnyis pa ni/ thub pa bcom ldan 'das chos
can/ de kho na nyid mkhyen pa yin te/ bden bzhi'i gnas tshul
mtha' dag mngon sum du gzigs pa'i phyir/ mkhyen pa brtan pa yin
te/ khyed kyis bden

bzhi'i gnas lugs bstan pa gang zhig /khyed kyis de ltar bstan
pa'i gsung rab kun la snga phyi dngos shugs 'gal ba sogs cung
zad kyang med pa'i phyir/ ma lus pa'i khyad par mkhyen par grub
ste/ mngon mtho

nges legs kyi thabs kyi cha thams cad mngon sum du gzigs pa'i
phyir/ de chos can/ bde bar gshegs pa yin te/ grol ba don gnyer
gyi skyob pa yin pa las so/ /lugs ldog gi skabs 'dir bde bar

gshegs pa'i sgra rtogs pa'i don can du 'chad pa'i rgyu mtshan yod
de/ skyob pa las mkhyen pa rnam dag dpag 'dod nas de ltar gsungs
pa'i phyir/ lugs 'byung gi skabs su grel ba don gnyer gyi skyob
pa bsgrub

@204b byar byas pa'i tshe/ dri ma mtha' dag zad pa sgrub byed du
dgod dgos la/ skabs 'dir skyob pa'i rtags las mkhyen pa rnam dag
dpog pa yin pas/ bde bar gshegs pa'i sgra rtogs pa'i don can du
'chad rigs pa yin no/ /des na byi rol

pa dang slob pa dang nyan rang dgra bcom pa la sogs las mi slob
pa rtogs pa lhag pa yin te/ rim pa bzhin du de kho na nyid
mkhyen pa sogs de'i phyir/ gsum pa ni/ bde bar gshegs pa de nyid
rgyu gang las yin zhe na/ gzhan gyi don du ma lus

pa mkhyen pa la sbyor zhing goms par byed pa'i ston pa sngon du
song ste/ rtogs pa phun tshogs mnga' ba de yi phyir/ khyab par
thal/ de ltar sbyor ba'i rgyu dus kyi lam de skabs 'dir ston par
bstan pa'i phyir/ gzhan gyi don du min na mkhyen pa

khyad par can 'grub pa mi srid do/ /bzhi pa ni/ brtse ba snying
rje chen po sngon du song ba yin te/ ma lus pa mkhyen pa'i ched
du sbyor ba brtson 'grus kyis lam goms par mdzad pa de las te
de'i phyir/ bden bzhi'i gnas lugs ma lus

par mkhyen pa tsam gyis tshad ma'i skyes bur 'gyur ba ma yin nam/
snying rje chen po bsgrub pa la dgos pa ci yod ce na/ tshad ma'i
skyes bur 'grub pa la snying rje chen po sngon du song ba nges
par bsgrub dgos te/ snying rje goms pa mthar

phyin pa'i dbang gis rang don grub kyang gzhan gyi don gyi ngor
chos ston pa'i mdzad pa mi 'dor ba'i phyir te/ snying rje med pa
ni mkhyen pa yod kyang gzhan la dus su mi 'doms pa'i phyir/
gnyis pa de dag kun las tshad mar

@205a @#/ /bsgrub pa ni/ thub pa bcom ldan 'das chos can/ gdul
bya la legs pa dang phan pa 'ba' zhig gsung gi mi phan pa mi
gsung ste/ brtse ba snying rje chen po goms pa mthar phyin pas
so/ /'dis grol ba don

gnyer gyi skyabs su 'os shing skyabs mdzad pa nyid bstan to/
/bden pa phyin ci ma log pa gsung bar mdzad de/ mkhyen pa'i ye
shes mthar phyin pa mnga' ba las te mnga' ba'i phyir/ 'dis ni
skyabs byed nus pa nyid du bstan to//

mkhyen pa'i ye shes chos can/ rgyu med dang mi mthun pa'i rgyu
las byung ba min te/ brtse ba dang bcas pa'i sgrub byed goms pa
las byung ba'i phyir/ thub pa chos can/ grol ba don gnyer gyi
skyob pa yin te/ mkhyen pa de gzhan

la gsung bar yang mngon par sbyor ba'i brtson 'grus mthar phyin
par mdzad pa dang ldan pa'i mkhyen pa yin pa'i phyir/ grol ba
don gnyer la mi slu ba'i tshad ma nyid du legs par grub ste/ gang
gi phyir na don gnyis mthar phyin

pa'i ston pa yin pa des na'i phyir/ gnyis pa bstod pa'i dgos pa
ni/ thub pa bcom ldan 'das la tshad mar gyur pa de lta bu'i dngos
por ston pa'i sgo nas bstod pa la dgos pa yod de/ ston pa de yi
bstan pa gsung rab nyid las

tshad ma'i de kho na nyid yongs su rdzogs pa bstan par grub pa'i
don du de'i sgo nas bstod pa'i phyir/ 'dis ni thar pa dang thams
cad mkhyen pa gtan la 'bebs pa'i tshad ma'i mtshan nyid dang dbye
ba dang 'jug tshul la sogs

@205b pa gsung rab nyid las rgyas par gsungs par bstan to/ /de
nas gtan la dbab bya thar pa dang thams cad mkhyen pa sogs kyang
bstan pa na/ snga ma'i lde mig gis gsung rab mtha' dag gi don
legs par phyed par 'gyur ba yin no/

dang por gsung rab dgongs 'grel dang bcas pa la nyan bshad ma
byas par don de dag rtogs mi nus par mthong nas/ thar pa dang
kun mkhyen bsgrub pa la yang lung gi sgrub byed dgos par 'dod pa
ni/ rigs pa'i tshul luD

mi shes shing/ tshig tsam la 'tshel ba'i mu cor smra ba 'ba' zhig
yin no/ /tshad ma'i mtshan nyid sogs ji ltar bstan zhe na/ ji skad
du sngon po shes pa dang ldan pa'i skyes bus ni/ sngon po shes
kyi sngon po nyid do zhes ni ma yin no//

zhes pas mngon sum gyi mtshan nyid bstan te/ dang pos ma 'khrul
ba dang/ gnyis pas rtog bral lo/ /rjes dpag kyang tshad mar bstan
to/ de tshad mar ston mi bzhed na de tshad ma yin pa 'gog rigs pa
la/ rjes su dpag

pa tshad ma yin pa ma ldog pa'i phyir dang/ gang cung zad skye
ba'i bdag nyid can de thams cad ni/ 'gag pa'i chos can yin no/
/zhes sogs rnam pa du mar rjes dpag 'di yi rten sbyor ba'ang
gsungs pa mthong ba'i phyir/ du ba las

ni mer shes dang/ zhes sogs kyis 'bras bu'i gtan tshigs bstan to/
/sgrub dag yang dag bstan pas don gyi shugs kyis rjes dpag bzhed
pa yang go bar 'gyur te/ bsgrub bya'i chos med na mi 'byung ba'i
mtshan nyid can gyi

@206a @#/ /rtags ni rjes dpag gi rten yin pa'i phyir/ med na mi
'byung ba'i 'brel ba de yang gsal bar bshad de/ bsgrub bya'i
chos 'gag pa'i chos can gyis gtan tshigs skye ba'i chos can la
khyab pa gsal bar bstan

pa'i phyir/ 'di dag ni gsung rab las tshad ma gnyis kyi rnam
gzhag lan du mar ma gsungs par lan re tsam gsungs pa de nyid
'dir bkod pa ma yin gyi/ tshad ma'i mtshan nyid dang rjes dpag gi
rten la sogs pa ma

bstan pa'i gsung rab mi srid pas/ gsung rab mtha' dag las gsungs
par shes pa'i mtshon byed du mdzad pa yin no/ /des na ston pa
sangs rgyas dang/ dam pa'i chos 'gog lam dang/ de tshul bzhin du
sgrub pa'i

'phags pa'i dge 'dun rnams dngos po stobs zhugs kyi rigs pas
sgrub pa'i tshul khong du chud nas/ des drangs pa'i dkon mchog
gsum la skyabs su 'gro ba dang/ skyabs su song nas sems can
thams cad kyi

don du rdzogs pa'i byang chub sgrub dgos pa dang/ sgrub nus pa
gnyis tshad mas legs par grub nas/ sems bskyed la dam bca' 'jog
cing/ rdzogs pa'i byang chub de thob par byed pa la yang/ bden
bzhi'i gnas

lugs rtogs pa'i blo goms par byas pa las 'byung bar mthong nas/
'khor ba 'jug ldog gis bsdus pa'i bden pa bzhi dngos stobs kyi
rigs pas phyin ci ma log par btsal te/ de'i don la yang dang
yang du 'dor

@206b len phyin ci ma log par bya'o/ /gzhung 'di'i mgo zhabs kun
gyis skyabs 'gro ma 'phangs pa'ang cung zad kyang med de/ sgro
'dogs gcod pa'i thabs ma bstan pa cung zad kyang med la/ rang
rgyud la sgro 'dogs ji tsam bral ba de

tsam gyis chos dkon mchog gi gzhi btsugs pa yin la/ nam sgro
'dogs kyi sa bon dang bral ba nas bral ba mthar thug pa'i bar
chos dkon mchog yin la/ de lta sgro 'dogs mngon gyur dang bral
ba la don gnyir zhugs

pa nas/ sgro 'dogs mtha' dag dang bral ba la don gnyer zhugs
pa'i blo kun skyabs 'gro'i yan lag tu 'gyur ba yin no/ /ston
pa'i bstan pa rigs pas legs par grub/ /dkon mchog gsum la rtse
gcig yid ches rnyed/ /

de don tshul bzhin sgrub la brtson ldan pa/ /skyes bu gang de
rtog ldan yin zhes pa/ /tshad ma rnam 'grel gyi tshig le'ur byas
pa'i rnam bshad thar lam gsal bar byed pa zhes bya ba las/ tshad
ma yang dag par grub pa zhes bya ba

le'u gnyis pa'i 'grel ba'o/ /'dis kyang thub pa'i bstan pa rin
po che sgo thams cad nas phyogs thams cad du dar zhing rgyas la
yun ring du gnas par byed nus par gyur cig/ ! //rje btsun bla ma
rnams la phyag 'tshal

lo/ /gsum pa gzhal bya mngon gyur nges pa'i thabs la/ tshad ma'i
grangs la log par rtog pa dgag pa/ mngon sum rang gi ngo bo la
log par rtog pa dgag pa/ mngon sum tshad ma'i 'bras bu la log par
rtog pa dgag pa'o/

@207a @#/ /dang po la/ tshad ma gnyis su grangs nges pa dang/ der
ma nges pa'i rtsod spang ngo/ /dang po la/ rtags dgod pa dang/
phyogs chos bsgrub pa'o/ /dang po ni/ tshad ma gnyis su grangs
nges te/ gzhal bya gnyis su

nges pa'i phyir/ 'dir tshad ma'i grangs nges ston pa ni tshad ma'i
mtshan nyid rnam par dag pa rtogs pa'i yan lag tu yin te/ tshad
ma'i rigs gnyis su nges par bstan pa na mtshan nyid mtshan gzhi'i
mthar thug nas mtshan

gzhi de kho na la 'jug par nges pa'i phyir ro/ /gzhal bya la log
par rtog pa 'gog pa yang grangs nges rtogs pa'i yan lag tu yin
te/ gzhal bya'i grangs nges pa'i sgo nas tshad ma'i grangs nges
sgrub dgos kyi de ma

nges par cig shos mi nges pa'i phyir ro/ /rtags 'di'i phyogs
chos ni mngon sum gyis grub ste/ mi gsal ba gzung yul du byas
pa'i sgo nas sgro 'dogs gsar du gcod pa dang/ gsal ba gzung yul
du byas pa'i sgo

nas sgro 'dogs gsar du gcod pa gnyis rang rig mngon sum gyis
rtogs kyi de las gzhan yod na rang rig mngon sum gyis dmigs dgos
pa la ma dmigs pa'i phyir/ gzhal bya gnyis kyi grangs nges mngon
sum

gyis grub na/ 'og nas 'tshad pa'i rtags du ma bkod pa don med par
'gyur ro zhe na/ skyon med de/ don byed nus pa gzung yul du byas
nas sgro 'dogs gsar du gcod pa dang/ don byed mi nus pa gzung
yul du byas

@207b nas sgro 'dogs gsar du gcod pa zhes rang rig mngon sum
gyis shugs la rtogs pa'i rtags kyi rnam grangs ston pa tsam yin
gyi/ des ma grub pa'i don rtags kyis bsgrub pa min te/ gal te
dgos na tha snyad sgrub 'ba' zhig tu 'gyur

ro/ /gnyis pa la/ gzhal bya gnyis su nges pa dang/ de'i dbang
gis tshad ma gnyis su nges pa dang/ mjug bsdu ba'o/ /dang po la/
gzhal bya phung gsum dgag pa dang/ gzhal bya gnyis kyi ngo bo
ngos gzung ba dang/ rang mtshan

kho na gzhal byar bzhag pa'i dgongs pa bstan pa'o/ /dang po la/
gnyis yin gyi phung gsum dgag pa/ gnyis ma yin gyi phung gsum
dgag pa'o/ /dang po ni/ gzhal bya rang mtshan dang spyi mtshan
gnyis su nges te/ de la don byed

nus pa dang mi nus pa gnyis su nges pa'i phyir dang/ yang chos
snga ma la 'dra ba thun mong ba gzung yul du byas pa'i sgo nas
sgro 'dogs gsar du gcod pa dang mi 'dra ba thun mong ma yin pa
nyid gzung yul du byas pa'i sgo nas sgro 'dogs

gsar du gced dgos pa gnyis su nges pa'i phyir dang/ yang rjod
byed sgra yi bdag rkyen tsam gyis snang ba'i yul dang/ de tsam
gyis snang ba'i yul min par rang gi ngo bo'i sgo nas grub pa'i
yul gnyis su nges pa'i phyir dang/

rang gi gzung yul las rgyu mtshan gzhan brda dang rtsol ba sogs
yod pa na de tsam gyis rang 'dzin gyi blo ni yod pa'i yul dang/
de tsam la bltos pa min par rang nyid ngo bo'i sgo nas grub pa
med na rang 'dzin gyi blo med

@208a @#/ /pa'i yul gnyis su nges pa'i phyir/ gnyis pa ni/ dbang
shes la snang ba'i sgra shad la sogs pa blo'i yul yin la/ spyi
mtshan min te/ gsal bar snang ba'i phyir dang/ gzhan la rjes 'gro
mi byed pa'i phyir/ rang

mtshan min te/ don byed mi nus pa'i phyir/ des na gnyis ka min
pa'i phung po gsum pa yod pas grangs ma nges so zhe na/ rab rib
can la snang ba'i sgra shad la sogs pa chos can/ tshad mas gzhal
bar bya ba'i don min te/

de 'dra'i don du tha snyad byed pa pos mos shing zhen pa med
pa'i phyir/ da ni 'di dpyad par bya ste/ tshad ma de nyid tshad
ma'am 'on te ma yin/ dang po ltar na/ de nyid mngon sum dang
rjes dpag gang du yang mi rigs pas gnyis

ka min pa'i tshad ma phung po gsum pa yod par 'gyur la/ phyi ma
ltar na/ rigs pa gang yod pa de nyid mngon sum tshad ma dang rjes
su dpag pa'i tshad ma la yang mtshungs pas tshad ma yin pa mi srid
par 'gyur ro zhe na/ de'i

lan la kha cig na re kho bo cag ltar na/ tshad ma tsam de nyid
tshad mar mi rung ba ltar mngon sum tshad ma la yang mtshungs pas/
tshad ma la mngon rjes gnyis su grangs nges zhes zer te/ mngon
rjes gnyis tshad ma yin zhes

ni mi zer to/ /'o na tshad ma gang yin zhe na/ tshad ma'i gsal
ba'i dbye ba mthar thug pa'i mdun gyis phyogs kyi kha dog 'dzin
pa'i dbang po'i mngon sum tshad ma lta bu yin no zhes zer to/
/tshad ma tsam tshad mar khas blangs

@208b na gnod pa ci yod/ de lta na mngon sum tshad mar thal/ tshad
ma gang zhig rjes dpag tshad ma min pa'i phyir ce na/ 'o na mdun
gyi sa phyogs kyi kha dog 'dzin pa'i dbang po'i mngon sum tshad
ma chos can/ so so skye bo'i dbang po'i mngon sum

tshad ma yin par thal/ dbang po'i mngon sum tshad ma gang zhig
/'phags pa'i dbang po'i mngon sum tshad ma ma yin pa'i phyir/
rnam pa kun nas mtshungs so/ /khyod kyis 'phangs pa'i thal 'gyur
gyi ngag de don byed nus stong du thal/ gzhi

grub don byed nus pa min pa'i phyir/ rtags khyab khas blangs/
'dod na/ thal ngag des phyir rgol la go ba cung zad kyang mi
skyed par 'gyur ro/ /pha rol pos tshad ma tshad ma yin no zhes
brjod pa'i sgra de grag pa'i rnam par khyod kyi

nyan shes kyis thos sam/ ma thos/ dang po ltar na/ de bem por
thal/ dngos po gang zhig /rig pa min pa'i phyir/ khyab pa dang
rtags snga ma khas blangs/ 'dod na/ tshad ma tshad ma min pa nyams
te/ bskal pa'i bar du mtshungs so/ /sgra

de grag par ngas ma thos so zhe na/ smra ba thams cad rdzun yin
zhes dam 'cha' rigs par thal/ pha rol pos ngag smras pa'i sgra
grag pa'i rnam par thos sam ma thos zhes dris ma thag /ma thos
so zhes lan 'debs rigs pa'i phyir/ pha

rol pos sgra gang yang ma thos na/ khyod kyi de ma thag pa'i lan
de gang las byung sems shig /des na tshad ma gnyis su grangs nges
la/ tshad ma tsam tshad ma yin na/ grangs nges 'jig par 'dod pa'i
dam bca' de ltag chod 'ba'

@209a @#/ /zhig yin par thal/ rang nyid kyis tshad ma'i mtshan gzhi
gang khas blangs pa la sun 'byin de nyid 'jug pa'i phyir/ kha
cig ni/ tshad ma'i mtshan gzhi rang rgyud du bzung na nyes pa
mtshungs par mthong nas/ sgra 'dzi

mngon sum tshad ma yin na tshad ma'i mtshan gzhi yin zer to/ /de
lta na dngos po gang yang rtag pa mtha' gzung ma gtogs cung zad
kyang khas len mi nus par 'gyur zhing/ pha rol pos 'gal ba khas
blangs pa yang sgrub mi

nus pas grub mtha' la dad pas ci zhig bya/ 'di dag ni dgag par
sla bas ra shig bzhag go/ rnam gzhag 'di dag 'khrul ngor yin no/
/zhes pa'i tshig sbyar ba ma gtogs khas len mi nus pa la ni le'u
dang por gnod pa

brjod zin to/ /des na grangs nges bsgrub pa la dgag phyogs kyi
phung gsum sal ba dang/ sgrub phyogs kyi phung gsum sel ba'i
tshad ma gnyis yod de/ dang po ni/ sgra 'dzin mngon sum du nges
pa gzhir byas la/ de tshad

ma min pa sel ba dang/ de yin pa'i rjes dpag yod pa sel ba'i
tshad ma gnyis kyi byed pas de mngon sum tshad mar yongs su gcod
nus pas sel te/ de tshad ma min pa gsal zhing/ da yin pa'i rjes
dpag yod pa tshad mas

bsal yang/ da dung mngon sum tshad mar blos yongs su gcod mi nus
na gnyis ma yin gyi phung gsum yod par 'gyur gyi/ mngon rdzas
gang yang min pa'i tshad ma yin pa yod pas gnyis ma yin gyi phung
po gsum

@209b par ga la 'gyur/ dper na sgrar nges nas rtag pa dang gzhi
mthun chad mas khegs kyang/ mi rtag par yongs su gcod mi nus na/
rtag mi rtag la gnyis ma yin gyi phung gsum khas len dgos par
'gyur ba bzhin no/ /sgra 'dzin mngon

sum de mngon sum tshad mar yongs su bcad pa tsam gyis rjes dpag
tshad ma yin pa rnam bcad la khegs pas/ gnyis ka yin pa'i phung
gsum sel lo/ /tshad mar nges nas/ rjes dpag tshad ma yin pa rnam
bcad la khegs

pa'i stobs kyis/ mngon sum tshad mar yongs su gcod pa gnyis min
gyi phung gsum sel ba'i tshul du 'os med kyis rigs par byas nas/
tshad ma gnyis kyi grangs nges byas na/ mngon sum tshad ma chad
mar khas len mi nus shing/

de khas blangs na grangs nges 'jig pa la sogs pa'i log rtog
rnams 'byung ba yin no/ /de bzhin du du ba'i rtags las du ldan
la la me yod par gsar du rtogs pa'i blor nges pa gzhir bzung
nas/ de tshad ma min pa sel ba'i tshad

ma dang/ de yin pa'i mngon sum tshad ma yin pa yod pa sel ba'i
tshad ma gnyis kyi byed pas de rjes dpag tshad mar yongs su gcod
nus pas gnyis min gyi phung gsum sel la/ /'dir sgra yi yul dang
yul min phyir/ ces pa ni/

sgra'i dngos kyi brjod bya yin pa dang min pa tsam gyis rang
mtshan dang/ spyi mtshan so sor 'byed pa'i don min te/ rjod byed
sgra'i bdag rkyen tsam las mtshan nyid yongs su rdzogs pa blo la
'tshar nus pa dang mi nus pa'i don to/ /gnyis

@210a @#/ /pa la/ mdor bstan dang/ rgyas bshad do/ /dang po la/
gzhal bya gnyis kyi mtshan nyid ngos gzung ba dang/ de la rtsod
pa spang ba'o/ /dang po la/ tshig don dang/ mtha' dpyad pa'o/
/dang po ni/ don dam par don byed nus pa

gang yin pa de chos can/ bstan bcos 'dir don dam par yod pa yin
te/ rtog pas btags tsam min par yul rang gi sdod lugs kyi ngos
nas grub pa'i phyir/ de las gzhan don byed nus stong ni chos
can/ kun rdzob tu

yod pa zhes bya ste/ rtog pas btags pa tsam gyi tshul gyis grub
pa'i phyir/ ji skad bshad pa'i don ldog gnyis po de dag rang
mtshan gyi mtshan nyid dang/ spyi'i mtshan nyid kyi mtshan nyid du
bshad pa'i rgyu mtshan yod de/ don

ldog de gnyis kyi dbang gis mtshon bya gnyis thun mong ma yin par
so sor 'jog nus pa'i rgyu mtshan gyis de ltar bshad pa'i phyir/
gnyis pa la/ gzhung 'di bkod pa'i dgos pa gang yin pa dang/ bden
gnyis kyi mtshan nyid dang

mtshan gzhi gang ston pa dang/ grub mtha' gang gi dbang du byas
pa'o/ /dang po ni/ spyir ngo bo nyid med par smra ba dang/ dngos
por smra ba dag bden gnyis mi mthun pa rtsod pa'i gzhi/ 'bras bu
bskyed pa'i bya ba byed pa 'di nyid don dam par

grub ma grub 'ba' zhig la rtsod la/ de la dngos por smra ba
rnams kyis don byed nus pa 'di rtog pas btags tsam min par yul
kho rang gi ngos nas 'bras bu bskyed pa'i bya ba byed dam mi
byed/ phyi ma ltar na/ mngon sum

@210b dang 'gal la/ dang po ltar na/ don dam par yod pa'i don
legs par grub pas/ de la kun rdzob tu yod pa zhes pa'i ming
btags ming ston byas kyang/ kun rdzob tu yod par mi 'gyur ro
zhes 'dod do/ /ngo bo nyid med par smra ba la/ dbu

ma rang rgyud pa rnams ni/ dngos po rnams rang gi mtshan nyid
kyis grub pa yin yang/ shes pa gnod med la snang ba'i dbang gis
bzhag pa min par yul kho rang gi ngos nas legs par grub pa med
pas kun rdzob tu yod kyi/ don

dam par med par bzhed la/ dbu ma thal 'gyur ba rnams ni/ 'bras
bu bskyed pa'i dngos po rang lugs la tshad mas legs par grub
kyang/ rang gi mtshan nyid kyis grub pa'i chos rdul tsam yang
grub pa med par bzhed la/ skabs 'dir

ni/ lugs dang po'i gzhung legs par btsugs nas sgrub pa'i ched
du/ lugs gnyis pa yang 'gog cing/ slob dpon lha dbang blo'i
bzhed pa ltar na/ lugs gsum pa dgag bya'i gtso bo nyid du mdzad
do/ /des na de dag bstan pa'i phyir

tu slob dpon gyis gzhung 'di smos so/ /mkhas pa'i dbang po kA
ma la shi la ni/ dngos su don dam pa'i rgya mtsho la 'jug mi nus
pa rnams rim gyis bkri ba'i ched du/ slob dpon gyis sde bdun
'dir dngos po don dam par grub pa

ma bkag cing sgrub pa'i rnam gzhag mdzad par bzhed do/ /gnyis pa
ni/ bden gnyis kyi mtshan nyid ston pa la sbyar na yang rung ba
tsam yod mod kyi/ gtso bo ni bden pa gnyis kyi mtshan gzhi ngos
'dzin pa yin te/ rgyan gyi 'grel

@211a @#/ /bshad du/ zhar la theg pa tha shal gyi bden pa gnyis
kyi rnam par bzhag pa bstan pa'i phyir ces gsungs pa yang bden
gnyis kyi mtshan gzhi ngos 'dzin du gsal te/ gzhung gi 'phros
dang bcas pa thams cad

mtshan gzhi la rtsod pa sha stag tu snang gi/ don ldog mi mthun
par rtsod pa'i tshul gsal bar mi snang ba'i phyir ro/ /theg pa
tha shal ni nyan thos kyi theg pa pa ste/ 'dir mdo sde pa'i lta
ba'i rnam gzhag ji ltar gtan la phab ?

pa de ltar ? lam la zhugs pa'i nyan thos rigs nges pa rnams kyis
kyang zhal gyis bzhes par bzhed pa'i phyir ro/ /'dir don dam don
byed nus pa gang/ zhes don dam gyi khyad par smos pa'i dgos pa
ni/ kun rdzob tsam

du don byed nus par 'dod pa dag gi log rtog dgag pa'i ched du
tshig zur phyin par smos pa yin gyi/ don byed nus pa la don dam
par don byed nus pa dang mi nus pa gnyis su 'byed pa ni/ dbu
sems la sogs pa'i grub

mtha' gzhi gang las gyis ? pa dang/ mi mthun pa'i tshul la sogs
pa'i rnam gzhag legs par ma go ba'i bab tsol ? 'ba' zhig yin no/
/gzhung 'dis don dam du yod pa dang/ kun rdzob tu yod pa'i mtshan
gzhi ngos gzung

nas/ sgrub byed don gyis 'phangs pa'i sgrub byed de dag rang
mtshan gyi mtshan nyid dang spyi mtshan gyi mtshan nyid du bshad do/
/gsum pa ni/ dngos bstan gyi dbang du byas na/ don sems gnyis
ka'i thun mong ba'i dbang du byas par

@211b bshad de/ don byed nus pa don dam par yod pa'i mtshan gzhi
dang/ don byed mi nus pa kun rdzob tu yod pa'i mtshan gzhir dngos
su bstan la/ tshul de ltar gnyis kas thun mong du bzhed pa'i
phyir/ tshig zur la don dam bden pa dang/

kun rdzob bden pa'i mtshan gzhir mi gsal yang/ don de ltar sbyar
na/ mdo sde pa 'ba' zhig gi dbang du bya ste/ rnal 'byor spyod
pa pa dag don byed nus pa gang yin pa bden pa gnyis su byas pa'i
don dam bden par mi bzhed

pa'i phyir ro/ /'dir gtan la dbab bya'i gtso bo ni/ sngar bshad
pa ltar/ dngos po don dam du grub ma grub 'ba' zhig gtan la
'bebs pa yin pas/ mdo sems gnyis ka'i thun mong ba'o/ /gnyis pa
la/ don dam du yod

pa'i mtshan gzhi mi 'thad pa spang/ kun rdzob kyi mtshan gzhi la
rtsod pa spang/ skra shad sogs spyi mtshan du thal ba spang ngo/
/dang po ni/ gal te don byed nus pa don dam par yod pa'i mtshan
gzhir mi rung bar thal/ dngos

po thams cad la don dam par don byed pa'i nus pa med pa'i phyir/
dor thal/ rang gi ngo bo nyid kyis sam rang gi mtshan nyid kyis
sam rang bzhin gyis grub pa'i chos cung zad kyang mi srid pa'i
phyir ce na/ 'o na/ sa bon

gyis myu gu bskyed pa thag khra la sbrul du btags pa bzhin du
rtog pas btags bcom ? yin nam/ sa bon rang gi sdod lugs kyi ngos
nas myu gu bskyed pa'i bya ba byed/ dang po mi 'thad par thal/
de ltar na/ mngon sum gyis

@212a @#/ /'dzin pa mi 'thad pa la/ sa bon sogs ni myu gu sogs la
phan 'dogs pa'i nus pa mngon sum du mthong ba'i phyir/ phyi ma
ltar na/ don dam par yod pa'i ming mi 'degs kyang don grub bo/
/gal te sa bon gyis myu gu

bskyed pa'i bya ba byed pa sus kyang dgag mi nus mod kyi/ don
dam par gcig dang du ma gang du grub dpyad pa na/ don dam par
yod pa skra'i rtse mo brgyar bshags pa'i cha tsam yang ma dmigs
pas/ don byed nus pa de kun rdzob

tu grub par 'dod kyi/ don dam par grub par mi 'dod do zhe na/ sa
bon gyi thun mong min pa'i sdod lugs kyi ngos nas myu gu bskyed
pa'i bya ba mi byed na/ sa bon gyi ngos nas 'bras bu bskyed pa
shes bya la khegs pa'i phyir/ 'bras

bu bskyed pa kun rdzob tu yang mi 'grub par thag khra la sbrul
du rlom pa ltar 'gyur la/ thun mong min pa'i ngos nas bya ba
byed na/ ci ste kun rdzob tu skye'o zhes bya ba de ltar 'thad
par 'gyur te mi 'thad par thal/ don dam par

skye ba'i don legs par grub pa'i phyir/ gnyis pa ni/ gal te don
byed nus pa dang/ mi nus pa kun la/ kun rdzob tu yod pa zhes bya
ba'i chos de yod pas don byed mi nus pa kho na kun rdzob tu yod
pa'i mtshan gzhir mi 'thad

do zhe na/ don byed nus pa chos can/ spyi'i mtshan nyid du thal/
kun rdzob tsam du yod pa yin pa'i phyir/ 'dod na/ rang 'dzin
shes pa bskyed pa'i bya ba byed pa min par thal/ rang 'dzin gyi
blo la phan 'dogs byed du yod med kyi

@212b rjes su 'gro ldog ma mthong ba'i phyir/ rtags khas blangs/
mig dang gzugs la sogs pa gzugs 'dzin dbang po'i blo la phan
byed du yod med kyi rjes su byed pa mthong ba bzhin no/ /zhes pa
mi mthun dpe yin no/ /yang na slob

dpon lha dbang blo'i bzhed pa ltar/ gal te kun rdzob kyis kyang
don byed nus pa khas len na/ spyi mtshan kun la don byed nus pa
de yod par 'gyur na/ de mi 'thad de/ spyi mtshan gyis rang 'dzin
shes pa bskyed pa tsam gyi bya ba

yang mi byed do zhes bshad par bya'o/ /des gzhan yang go dgos
par bstan pa na/ spyi mtshan gyis rang 'dzin shes pa bskyed mi
nus par bstan pa de las ni don gzhan yang rtogs par bya ste/ bum
pa 'degs 'jog la

sogs pa'i las don gzhan dang/ bum pa nyid ces pa'i spyi don
gzhan dang/ bum pa'i grangs don gzhan sogs rang la rtog pa'i blo
gzung yul gyi sgo nas bskyed pa yin par bshad par rtogs par bya
ba yin pa'i

phyir/ de dag la rtog pa'i blo chos can/ khyod las don gzhan
sogs kyis gzung don byas nas bskyed pa ma yin te/ khyod rang
rgyu brda yid la byed pa dang yid kyi rtsol ba sogs nang gi yan
lag tsam gyi rjes su 'jug ldog

byed pa'i phyir/ gsum pa la/ dngos dang/ rtsod spang ngo/ /dang
po ni/ don byed mi nus pa spyi mtshan yin na/ skra shad sogs
kyang der thal lo zhe na/ rab rib can la snang ba'i skra shad
sogs ni chos can/ spyi mtshan min te/

@213a @#/ /sus kyang ji ltar snang ba de'i don du mos shing zhen
pa med pa'i phyir/ gnyis pa ni/ thogs pa'i reg bya dang bral
ba'i nam mkha' la sogs pa yang spyi mtshan min par thal/ don du
mos shing zhen pa med pa'i phyir

ce na/ dngos por med pa thogs pa'i reg bya dang bral tsam ?
chos can/ khyod la don du zhen pa med pas spyi mtshan min pa'i
nyes pa dag tu thal bar mi 'gyur bar thal/ khyod tha snyad pa'i
tshad mas med par dgag pa'i sgo nas

shes byar 'dzin cing rtogs pa'i phyir/ 'o na skra shad sogs
kyang spyir thal te/ shes byar 'dzin pa yod pa'i phyir ce na/
skra shad bden rdzun dpyad nas bden par med do snyam pa'i blo de
dag gi yang chos can/ skra shad bden par

med pa de lta bu'i dngos po ste bdag nyid shes bya yin pa la
bkag pa med de/ de med dgag yin pa'i phyir/ yang na skra shad la
rtog pa'i blo de dag gi yang chos can/ khyod la snang ba'i skra
shad kyi don spyi de lta bu shes bya yin pa

bkag pa med de/ khyod skra shad do snyam du rtog pa'i blo yin
pa'i phyir ro/ /skra shad nyid shes bya min na gsal bar snang ba
'gal lo zhe na/ mi 'gal te/ skra shad gsal bar snang ba'i rnam
pa nyid dbang po'i shes pa'i rdzas kyi ngo

bo'i don yin pa'i phyir/ des na skra sogs so zhes bya bar rtog
pa'i blo dag ni chos can/ spyi'i spyod yul can yin te/ don spyi
gzung yul du byed pa'i shes pa yin pa'i phyir/ rab rib can gyi
skrar snang dbang shes chos can/ gzung

@213b don med pa can yin te/ rtog med log shes yin pa'i phyir/
gal te skra sogs gsal bar snang ba shes pa'i ngo bo'i don yin
na/ rtog pa la bum spyi snang ba'i rnam pa yang ni rtog pa'i
rdzas su 'gyur la/ de lta na rang mtshan du thal bar 'gyur

bas gsal bar snang bar 'gyur ro zhe na/ bum spyi'i rnam pa chos
can/ rang mtshan du thal ba'i sgo nas skyon yod pa min te/ rang
mtshan yin pa de ltar 'dod pa'i phyir/ khyod rtog pa la gsal bar
mi snang ba'i rgyu mtshan yod de/ rtog pas

phyir rgol gyi don gyi ngo bor zhen pa nyid kyi phyir/ khyod
spyi yin te/ rang gi gsal ba kun la ngo bo mtshungs par rjes 'gro
byed pa'i phyir dang/ rang ma yin las ldog pa la brten pa'i
phyir/ gnyis pa la/ spyi mtshan dngos po yin pa dgag

pa/ rang mtshan dngos por bstan pa/ spyi mtshan gyi dbye ba'o/
/dang po la/ don dam par sgra'i brjod bya bkag pa'i sgo nas dgag
pa/ rigs pa gzhan gyis dgag pa/ don bsdu ba'o/ /dang po la/
dngos po don dam par sgra'i brjod bya yin pa dgag

pa/ sgra'i brjod bya don dam par de nyid dang gzhan du brjod du
med pa/ brjod du yod pa'i lan dgag pa'o/ /dang po la/ bkag pa
dngos dang/ skyon spong dgag pa'o/ /dang po la/ gsal ba rang
mtshan don dam par sgra'i brjod bya min pa/ ldan min

'du byed der ma grub pa/ spyi yan gar ba der ma grub pa'o/ /dang
po ni/ gzugs de chos can/ phyi rol gyi dngos po'i ngo bo min par
thal/ don dam par sgra'i brjod bya nyid yin pa'i phyir/ khyab
par thal/ gzugs mthong ba'i dbang shes kyi

@214a @#/ /rgyu dbang po sogs 'bras bu dang bcas pa nyid kyi
phyir/ thal ba des 'phangs pa ni/ don dam par sgra'i brjod bya
med de/ gzugs sogs phyi rol gyi dngos po mthong ba'i dbang blo
yod pa'i phyir/ ces pa ste gzugs soD

don ? dam par sgra'i brjod bya yin na sgra brjod tsam gyis phyi
rol gsal bar snang bar 'gyur la/ de lta na dbang shes don med du
thal bar 'gyur ro/ /des na spyi mtshan dngos po yin na sgra'i
brjod bya don dam par grub par 'gyur

la/ de lta na de nyid kyis phyi rol gyi don khegs pas bum pa'i
don spyi de chos can/ bum pa'i dngos po min par thal/ don dam
par sgra'i brjod bya nyid yin pa'i phyir/ de dngos po yin na bum
par 'gyur dgos pas so/ /gnyis

pa la/ bstan pa dang/ bshad pa'o/ /dang po ni/ bye brag tu smra
ba sogs na re/ kho bo cag ltar na ldan min 'du byed kyis bsdus
pa'i ming rang mtshan dngos su brjod nas/ de las don gyi mtshan ma
la 'jug /de las phyi rol gyi

don la 'jug pas ming sogs tshul de ltar brjod pa la dbang po'i
tshogs don med par mi 'gyur ro zhe na/ 'chad pa po dang nyan pa
po'i blo kho na dang 'brel ba dang/ brjod bya phyi rol gyi don
dang rjes su 'brel ba can dang/ de gsum

gang dang yang 'brel pa med pa can gyi ming sogs rang mtshan don
dam par sgra'i brjod bya ma yin par thal/ de la 'og nas gnod pa
ston pa'i phyir/ gnyis pa la/ blo kho na dang 'brel pa brjod pa
dgag pa/ 'brel med brjod pa

@214b dgag pa/ don dang 'bral pa brjod pa dgag pa'o/ /dang po
la/ thal ba dgod pa dang/ de'i lan dgag pa'o/ /dang po ni/ bum
pa zhes pa'i sgra las/ don bum pa la 'khrul med du 'jug par mi
'gyur bar thal/ sgra des 'chad nyan byed pa'i blo

kho na dang 'brel ba'i ming rang mtshan brjod pa'i phyir/ gnyis
pa ni/ gal te ming gis don gyi mtshan ma brjod/ don gyi mtshan ma
dang/ phyi rol gyi don tshul 'dra ba las 'khrul nas phyi rol gyi
don la 'jug par 'gyur ro zhe na/ dus

kun tu don kho na la 'jug pa mi 'thad par res 'ga' don gyi mtshan
ma la 'jug par thal/ de gnyis 'dra bas 'khrul/ 'khrul pas 'jug
pa'i phyir/ yul gcig kho na la gnas par 'khrul ba min par thal/
rnam pa med

bzhin du yul tha dad kho na mthong ba'i phyir/ rtog pa'i shes pa
la snang ba'i don sgras brjod pa la/ sgra las don la mi 'jug
pa'i nyes pa mtshungs pa min par thal/ sgra las don rang mtshan
mthong ba'i mngon sum gyis bskyed pa'i

don gyi rnam pa de 'dra snang ba'i blo skye ba'i phyir/ gzhan
gyi lugs la de 'dra med de/ phyi rol don gyi rnam pa snang ba'i
blo khas len pa med pa'i phyir/ ming rang mtshan gyi rnam pa shar
bar khas len no zhe na yang/ ming 'dzin pa'i rnam shes

chos can/ khyod las rdzas tha dad pa'i ming gzung don du byas
nas 'dzin pa min par thal/ de 'dra'i ming rgyab rten tshad ma can
min pa'i phyir/ der thal/ de 'dra'i ming rang mtshan log stobs
kyis rang 'dzin shes pa ldog pa grub pa med

@215a @#/ /pa'i phyir/ shes pa kun gzung don rang mtshan dang ldan
pa'i phyir ma grub bo zhe na/ de ltar 'thad pa min par thal/ rmi
lam la sogs pa'i shes pa rnam pa gzhan du gzung don dang mi ldan
par mthong ba'i phyir/ rmi laM

gyi sngo sogs snang ba'i shes pa chos can/ ldan pa ma yin pa'i
'du byed gzung don du byas pa las kyang skye ba min te/ sngon po
la sogs pa'i rnam par snang ba'i phyir/ khyod la snang ba'i sngo
sogs de phyi rol gyi don yang min par thal/

de la go sa gnon pa'i thogs pa cung zad kyang med pa'i phyir/
des na de rang snang mkhan gyi shes pa'i bdag nyid yin te/ rung
yul der gnas pa'i skyes bu gzhan gyis mi shes par rang nyid kho
? nas shes pa'i phyir/ rigs pa des

ni ming sogs kyang rang snang mkhan gyi shes pa las don gzhan
min par brjod pa yin te/ rung yul der gnas pa'i skyes bu gzhan
gyis mi shes par rang nyid kho nas shes pa de shes pa de'i bdag
nyid du bstan pa'i phyir/ gzhan

yang mig la sogs pa'i blo gzung don dang ldan par 'dod pa de
nyid rgyu mtshan gang gis 'dod/ gal te don gyis rnam pa gtad pa'i
sgo nas phan 'dogs pa'i nus pa mthong ba'i phyir 'dod do zhe na/
dbang shes las gzhan

pa ming 'dzin pa'i shes pa chos can/ gzung don med pa can thob
par 'gyur bar thal/ des phan 'dogs pa'i nus pa ma mthong ba'i
phyir/ gnyis pa ni/ 'chad nyan byed pa po'i blo dang don rang
mtshan gang dang yang 'brel med kyi

@215b ming rang mtshan brjod do zhe na yang/ sgra las don la 'jug
par mi 'gyur bar thal lo/ /gsum pa ni/ gal te don rang mtshan
dang 'brel pa dang ldan pa'i ming rang mtshan brjod do zhe na/
'das ma 'ongs kyi don la brten pa'i ming rang mtshan

sgra'i brjod bya min par thal/ de ni don rang mtshan dang lhan
cig zad cing ma skyes nas med pa'i phyir/ gsum pa la/ sgras spyi
yan gar ba brjod pa mi srid/ srid na ha cang thal ba'o/ /dang po
ni/ rjod byed sgra yis dngos po brjod kyang spyi yan

gar ba brjod pa'i phyir/ gal te dbang po'i tshogs don med du thal
bar mi 'dod cing mi rigs so zhe na/ lugs de la skyon de mi
'byung ba min par thal/ sgras spyi yan gar ba brjod pa med pa'i
phyir/ gnyis pa ni/ spyi yan gar ba

brjod do zhe na yang/ spyi de chos can/ gsal ba'i mtshungs pa min
par/ gsal bas gsal bar byas pa min par thal/ de la bltos med yan
gar du gnas pa'i dngos po yin pa'i phyir/ khyod gsal ba yod med
kyi dus

rtag tu dmigs par 'gyur bar thal/ de la bltos med kyi rtag pa
nyid yin pa des na'i phyir/ gal te yang gsal bas gsal bar byas
pa las/ spyi mngon sum la gsal bar snang ba yin pas bltos med ma
yin no zhe

na/ spyi bdag la dmigs pa'i shes pa bskyed pa la phan 'dogs pa'i
nus pa gang yin pa de chos can/ dus rtag tu nus pa nyid yin par
thal/ 'bras bu bskyed pa'i nus pa gang zhig/ rtag pa'i phyir/
gal te dus 'ga'

@216a @#/ /zhig gi tshe nus med du 'gyur na/ de ni dus kun gyi tshe
nus med du 'gyur bar thal/ dus 'ga' zhig gi tshe nus med du 'gyur
ba gang zhig rtag pa'i phyir/ khyab pa bsgrub pa ni/ spyi de yis
'bras bu bskyed pa'i nus pa yod na dus

rtag tu nus pa dang ldan pa'am/ med na rtag tu nus pa med pa can
du ngo bo nyid kyis gang gnas pa'i spyi de chos can/ khyod kyi
nus pa 'phel ba'am zad par bya ba'i phyir tu mthun rkyen dang/
'gal rkyen gyi nus pa gang yang mi 'jug par

thal/ rkyen gyis bcos su yod pa min pa'i phyir te/ rtag pa yin
pa'i phyir/ spyi 'dzin pa yi rnam par shes pa la snang ba de
dang rjes su 'brel pa'i sngon po la sogs pa'i rnam pa'i cha
bsnyon mi nus par rnam par nges pa'i rnam pa gang yin

pa de chos can/ khyod spyi blo de la rgyu gang gis kyang sprul
zhing bskyed pa mi 'thad par thal/ khyod kha dog gi spyi'i rnam
pa gang zhig /spyi blos spyi yan gar ba gzung don du byed pa'i
phyir/ gnyis pa na/ gal te bdag rkyen sgra la brten nas sgra

byung gi shes pas lkog gyur gyi don rang mtshan gzung don du byas
nas 'dzin pa yin la/ dbang shes kyis mngon sum du gyur pa'i don
nyid shes pa'i phyir na dngos po don dam par sgras brjod kyang
dbang po'i tshogs don med min no

zhe na/ dbang shes dang gzugs sgra sogs las skyes pa'i sgra
byung gi blo chos can/ rang yul gsal mi gsal tha dad du snang ba
gang las kyang yin pa mi 'thad par thal/ dngos po gcig gzung don
du byas nas 'dzin pa 'dra ba'i phyir/

@216b gnyis pa la/ dngos dang/ des grub pa'i don to/ /dang po
ni/ rigs de rigs ldan gsal ba dang rdzas gcig min par thal/ gang
gi phyir na gsal ba'i ngo bo gzhan la brten pa med par 'gyur
ba'i phyir/ gal te spyi gsal rdzas tha dad du grub bo zhe na/

spyi ches can/ gsal ba'i 'bras bu nyid du brjod rigs par thal/
de khyod kyi don gzhan gyi bltos sa yin pa'i phyir/ me du rtog
pa yis ni 'brel bar byed pa yin gyi 'brel pa rdzas su grub pa
med par thal/ 'bras bu du ba grub zin pa'i 'og tu

yang me la rig las pa med par thal/ du ba rang gi rgyu las nges
par grub dgos pa'i phyir/ du ba chos can/ me la rig las pa min
te/ grub zin pa'i phyir/ ces pa gzhung 'di'i don min te/ de lta
na/ du ba chos can/ 'bras bu yin te/ phan gdags

bya yin pa'i phyir/ ces pa yang dag tu mi rung bar thal/ du ba
grub na phan gdags byar 'gal bas phyogs chos mi 'grub/ ma grub
na/ dam bca' tshad mas bsal bas bsgrub bya mi 'grub pa'i phyir/
des na du ba 'di'i rgyu 'di'o zhes/ du ba grub pa'i

'og tu me la rag las pa lta bu'i 'brel pa 'dzin par byad la/
'brel pa de rdzas su grub na/ don yang de ltar grub dgos pas de
la dgag pa mdzad do/ /des na slob dpon lha dbang blos de la grub
pa'i 'og tu sa bon la sogs pa yang cung zad

mi byed pa des na/ de ni rig las pa med ces bshad do/ /spyi don
gzhan dang gsal ba'i 'brel pa ji ltar yang rdzas su grub pa ci
zhig kyang mi 'thad par thal/ de gnyis rgyu 'bras min pa'i rdzas
tha dad gang zhig rgyu 'bras kyi 'brel pa yang

@217a @#/ /rdzas su ma grub pa'i phyir/ spyi de chos can/ gsal ba
dang 'brel med du thal/ de la bltos med kyi rdzas gzhan nyid yin
pa'i phyir/ de chos can/ rang bzhin med par grub ste/ gsal ba
rang mtshan dang rdzas gcig dang

tha dad gang du yang ma grub pa de'i phyir/ spyi dngos por med
na ri bong rwa la sogs pa yang spyir 'gyur ro zhe na/ med pa
rigs su thal bar mi 'gyur bar thal/ med pa gsal ba de la bltos
pa med pa'i phyir/ gnyis pa ni/ rigs su btags

pa'i rtog pa'i gzung yul chos can/ ngo bo cung zad kyang med pa
yin te/ rdzas gcig dang tha dad du ma grub pa de yi phyir/ khyod
sgras brjod pas don rang mtshan la mi 'jug pa'i skyon med par
thal/ don rang mtshan gyi ngo bo la brgyud nas

brten nas khyad par rang mtshan de la 'jug pa'i don can gyi rjod
byed kyi sgra rnams kyis khyod rab tu bstan pa'i phyir/ de la
shing ma yin las log pa'i ngo bor snang ba'am don shing gsal
rnams la rigs gcig pa de nyid du

'dzin pa'i spyi blo gang yin pa de chos can/ snang btags gcig tu
'khrul pa'i rgyu mtshan yod de/ thog ma med pa'i dus can gyi
shing rang mtshan mthong ba goms pa'i rtog pa'i bag chags kyis
nyer len byas nas sprul pa

yin pa'i phyir/ don shing gsal rnams kyi spyi gang yin pa gzhan
shing ma yin las ldog pa'i mtshan nyid can/ shing sgra 'di dag
gis gang brjod pa'i gzhan sel de chos can/ khyod la ngo bo cung
zad kyang med de/ de

@217b ltar gong du sgrub pa'i phyir/ ngo bo cung zad kyang med
pa yin yang shing gsal rnams rigs gcig pa'i spyi nyid du mthong
zhing zhen pa'i spyi blo'i snang ba de chos can/ khyod la ngo bo
cung zad med pa yin yang/ spyir 'dod pa'i rgyu mtshan yod de/

khyod don shing gsal rnams la rigs gcig tu 'khrul pa'i spyi
blo'i snang ba yin pa'i phyir/ spyi blo de yang chos can/ gzung
don gyi ngo bo can ma yin te/ bslad pa'i phyir dang/ khyod la
snang ba de kho na nyid du na don rang mtshan du dngos

su med pa'i phyir/ rigs de rdzas de nyid dang gzhan du brjod par
bya ba min par thal/ ngo bo med pas so/ /'di yan chad sgra'i
brjod bya don dam par brjod du med par bstan bzhed pa yin la/ de
gzhan gyis btags pa'i rigs la

brtags nas dgag pa mdzad do/ /gsum pa ni/ gal te bum pa'i spyi
rang gi gsal ba las rdzas de nyid dang gzhan du brjod du med
kyang brjod med du mi 'gyur te/ snam bu la sogs pa'i brjod bya
'ga' zhig las gzhan du brjod

par bya ba'i dngos por 'dod do zhe na/ bum spyi chos can/ ji
ltar yang bum pa las rdzas de nyid dang gzhan gang du yang brjod
bya min pa nyid ma yin par thal/ khyed rnams dngos por mtshungs
pa'i phyir/ snam bu las rdzas

gzhan du brjod par bya ba yang min par thal/ dngos por med pa'i
phyir/ 'o na bum spyi dang snam bu'i spyi so sor brjod pa 'gal
lo zhe na/ de gnyis rdzas su ma grub kyang so sor brjod ba mi
'gal te/ nyer len bum snam rdzas

@218a @#/ /tha dad la brten nas tha dad du nye bar btags pa tsam
yin pa'i phyir/ gal te 'das pa dang ma 'ongs pa'i don la'ang/
spyi dngos po ba yod pa yi rgyu can gyi mnyan pa dag 'jug par
'gyur ro zhe na/ spyi chos can/ dngos

por med pa'i chos su ji ltar yang 'gyur ba mi 'thad par thal/
rdzas su yod pa'i phyir/ gal te spyi de 'das ma 'ongs kyi chos
su nye bar btags pa las sgra de 'jug par 'dod do zhe na/ bum pa
zhes pa'i sgra chos can/ khyod snam

bu la dngos ming du mi 'jug la/ 'das ma 'ongs kyi bum pa la 'jug
pa'i khyad par med par thal/ khyod spyi don gzhan khyad chos su
yod pas dngos ming du 'jug pa gang zhig khyod dngos ming du 'jug
pa'i rgyu mtshan gang zhig yin

pa de snam sogs la med la/ da ltar ba'i bum pa yi dngos por med
pa'i 'das ma 'ongs dang nye ba'i rgyu mtshan gang yang med pa'i
phyir/ ri dwags kyi rgyal po la sengge zhes pa'i ming dngos ming
dang/ bram ze'i khye'u la de ltar btags

ming du 'jig rten na brjod pa'i rgyu mtshan yod de/ ming gang las
blo 'khrul pa med par 'jug pa'i ming de don de'i dngos ming
dang/ blo 'khrul med du mi 'jug par 'dra 'brel la sogs pa'i sgo
nas dngos ming gi yul sgro 'dogs

pa'i don 'ga' zhig la btags ming du 'jug pa'i phyir/ dngos ming
dang btags ming sbyor ba la khyad chos don gzhan ldan pa dang
mi
ldan pa'i khyad par dgos pa ma yin par thal/ khyad chos don
gzhan med na yang 'gro ba yis

@218b thog mar gang la grags pas ming gi sgra bkod pa'i don de
la ming de dngos ming dang/ don de dang chos 'ga' zhig mtshungs
pa'i 'khrul nas de'i ming du rtog pa can gyi don gzhan la ming
de phal pa la btags ming du 'jug pa yin pa'i phyir

de'i dpe ni/ sgra 'jug pa dngos po kho na'i rjes su byed pa ma
yin te/ ji ltar dgra 'dul ba'i nus pa med pa'i bu'i dngos po la
bu med ces pa'i btags ming grangs can gyi rtog pas btags pa ji
lta ba bzhin du/ don byed nus pa'i yul gyi rgan

po la'ang/ gtso bo la sogs pa'i mnyan pa skye bos byas pa yin
pa'i phyir/ gnyis pa la/ spyi mtshan dngos po yin pa yul can gyi
ngos nas brtags la dgag pa dang/ yul gyi ngos nas brtags la dgag
pa'o/ /dang po ni/ ma bzhig pa da

ltar ba'i bum pa la rtog pa'i blo chos can/ dngos po rang mtshan
gzung don ? du byas nas 'dzin pa ma yin par thal/ sgra'i bdag
rkyen las bzhig pa la rtog pa'i blo la ci 'dra snang ba de dang
'dra bar mi gsal bar snang ba'i phyir/ khyab par

thal/ rna ba la sogs pa'i rnam par shes pa rang mtshan gzung don
du yod pa can la 'das pa la rtog pa dang snang tshul mtshungs pa
de dag med pa'i phyir/ spyi yan gar ba tsam gzung don du byas
nas 'dzin pa'i phyir/ sems gnyis po

dag snang ba mtshungs pa yin gyi rang mtshan mi 'dzin pa min no
zhe na/ spyi 'dzin gyi shes pa de chos can/ gsal ba la bltos med
kyi spyi 'ba' zhig gzung don du byed pa ma yin par thal/ de lta
bu 'dzin par byed pa sngar rnam par

@219a @#/ /bzlog zin pa'i phyir/ gnyis pa la/ gsal ba dang rdzas
gcig dang tha dad brtags la dgag 'bras bu yin min brtags la dgag
brda la bltos pa'i rtags kyis dgag shes pa la yan gar bar mi
snang ba'i rtags kyis

dgag pa'o/ /dang po ni/ phan tshun khyad par can rnam 'gyur gyi
dngos po rdzas tha dad pa rnams chos can/ cha shas kyi khyad par
med pa'i spyi gtso bo'i ngo bor ji ltar yang 'gyur ba mi 'thad
par thal/ rdzas tha dad yin pa'i phyir/ khyab

paR med de/ rang bzhin gcig kyang gnas skabs tha dad do zhe na
spyi gsal de dngos po cha med gcig gi rang bzhin du ji ltar yang
'gyur ba mi 'thad par thal/ rang bzhin cha med gcig dang rnam
'gyur rdzas tha dad pa'i ngo bo nyid

gnyis su yod pa'i phyir/ gal te gsal ba de dag gi mtshungs pa yi
dngos po spyi de dag gsal ba de dag las rdzas gzhan nyid do zhe
na/ gsal ba de dag gi spyi zhes pa 'brel med du 'gyur bar thal/
spyi gsal rdzas tha dad

pa'i phyir/ don ni/ bum gsal du ma la bum pa'o snyam pa'i blo
'brel med du thal zhes pa'o/ /ldog pa smra ba la phyogs gnyis
brtags nas sun dbyung du med de/ sel ba'i spyi skyon med du gnas
pa'i phyir/ gsal ba rnams

mtshungs pa nyid kyi spyi 'di chos can/ dngos po med pa'i mtshan
nyid can yin te/ rang mtshan dang rdzas gcig dang tha dad gang du
yang ma grub pa de'i phyir/ gnyis pa ni/ spyi de gsal ba'i 'bras
bu yin nam min/ 'bras bu'o zhe

@219b na /skad cig snga phyi du ma can dang 'jig pa'i ngo bor
'gyur bar thal na/ de yang khyod 'dod pa ma yin te/ rtag pa dang
gcig pur 'dod pa'i phyir/ de chos can/ rtag pa nyid min par
thal/ dngos po yin pa'i phyir/ khyab par thal/ 'jig pa

dngos po yod tsam dang rang chos su rjes su 'brel ba'i phyir/
rigs rnams dngos po yin yang gsal ba'i 'bras bu min pa'i phyir
du ma sogs su mi 'gyur ro zhe na/ des na gsal ba dang ma 'brel
par thal/ de dang rdzas tha

dad rgyu 'bras min pa'i phyir/ dngos med du 'gyur bar thal/ gsal
ba'i 'bras bu min pa gang zhig rgyu gzhan las kyang ma skyes
pa'i phyir/ gsum pa ni/ spyi yi blo chos can/ khyod la rang yul
snang ba rdzas su grub pa ma

yin te/ khyod kyi yul brda la bltos pa med pa de ltar snang ba
med par brda la bltos pa'i phyir/ khyab par thal/ gzung don gyi
dngos po'i stobs kyis skyes pa yi shes pa gang yin pa de skye ba
rang gi yul gyi brda dran pa

dag la bltos pa ma yin pa'i phyir/ 'o na nag sgur de dkar zal
dang rigs gcig pa'i blo skye la/ rta dang rigs gcig pa'i blo mi
skye ba ci zhe na/ ba lang gi dngos po gnyis mthong ba la/ brda
la bltos pa med na yang rigs tha dad

med par 'dzin pa'i blo 'ga' zhig rjes su 'jug pa gang yin pa de
chos can/ spyi don gzhan gyi rgyu mtshan can min te/ ba lang ma
yin pa las log par mtshungs shing/ bzho bkal gyi don byed pa nye
ba dang 'brel ba las yin

@220a @#/ /pa'i phyir/ ji ltar te dper na/ mig gi shes pa yi
'bras bu can gyi mig sogs rigs don gzhan med kyang nye ba tsam ?
gyis shes pa bskyed par 'dod pa bzhin no/ /pa lang gi gsal ba
rnams chos can/ spyi don

gzhan med kyang/ spyi sgra 'jug pa'i rgyu rigs kyang rjes su
'gro ba yin te/ rgyu mtshan gang gis ba lang ma yin pa las rnam
par bye zhing log pa yis so/ /bzhi pa ni/ spyi don gzhan med de/
yod na rang 'dzin shes pa la bltos

med yan gar bar snang dgos pa la/ rnam pa 'ga'i sgo nas kyang/
rang 'dzin rnam shes la de 'dra'i dngos por snang ba med pa'i
phyir/ tha dad du mi snang bas med par grub na/ mig la sogs pa
yang med par 'gyur ro zhe na/ mig la

sogs pa'i dbang po rnams chos can/ khyod tshad mas ma grub pa'i
skyon med par thal/ khyod da lta 'bras bu rnams shes ldog pa'i
rtags las grub la/ gal te khyod la mngon sum du blta ba po yod
na/ de la khyod kyi lus ji

lta ba bzhin du snang bar 'gyur ba'i phyir/ rtags phyi ma der
thal/ khyod gzugs can yin pa'i phyir/ rigs rnams ni rnal 'byor
pas kyang gsal ba la bltos med yan gar bar mthong ba ma yin te/
sus kyang yan gar

ba de ltar mngon sum gyis mthong rung min pa'i phyir/ shes pas
gsal ba 'dzin pa'i tshe na'ang spyi yan gar ba mthong ba med par
thal/ de'i tshe rtog pa la gsal ba'i sgra spyi dang/ don spyi
dang/ rtog med ma 'khrul ba la gsal

@220b ba'i ngo bo las rdzas gzhan snang ba med pa'i phyir/ gsum
pa don bsdu ba ni/ spyi mtshan de ni chos can/ rang 'dzin shes pa
bskyed pa tsam gyi don byed par yang mi rung bar thal/ de ltar
gong du bsgrub pa de'i phyir/ 'dod na/ dngos po'i rang

bzhin du med par thal/ de ltar mi rung pa de'i phyir/ khyab par
thal/ don byed nus stong de ni dngos med kyi mtshan nyid yin pa'i
phyir/ yang na/ gal te kun la de yod na/ zhes pa nas/ brjod bya
nyid phyir ces pa yan chad mdor bstan dang/

sho lo ka gcig pu 'di don bsdu dang/ de gnyis kyi bar rgyas
bshad du byas nas spyi mtshan dngos med du bsgrub pa la sbyar
zhing/ spyi mtshan dngos med du sgrub pa'i rigs pa brgyad 'dod pa
dag kyang/ slob dpon lha dbang blo'i 'grel

pa la sbyar du rung ba tsam snang ngo/ /gnyis pa ni/ ji skad
bshad pa'i gsal ba rang mtshan dang rdzas gcig dang tha dad du
brjod du med pa sogs las ldog pa gang yin pa'i dngos po de ni
chos can/ rang gi mtshan nyid yin par 'dod

de/ rang 'dzin shes pa bskyed pa'i bya ba byed pa'i phyir/ gsum
pa la/ dbye ba dngos dang/ rtsod spang ngo/ /dang po ni/ spyi
mtshan de'ang chos can/ rnam pa gsum yod de/ dngos por zhen pa'i
rtog pa'i gzung yul dang dngos med la

zhen pa dang/ dngos po dngos med gnyis ka'i chos la brten nas
zhen pa'i rtog pa'i gzung yul rnams su yod pa'i phyir/ rgyan
mkhan pos spyi mtshan dngos por med na dbye ba mi rung bas gtan
tshigs gsum du dbyer

@221a @#/ /mi rung bar 'gyur ro zhe na/ dngos po dngos med gnyis
ka yul du byed pa'i rjes dpag gsum yod pas/ rtags gsum du dbyer
rung zhes 'chad do/ /gnyis pa ni/ gal te dngos po la brten pa'i
rtog pa dngos po

yod med kyi rjes su byed pas de la 'brel ba'i phyir/ dngos po
gzung don du byas nas shes par 'gyur ro zhe na/ dngos po la
brten pa'i rtog pa des dngos po gzung don du byas nas 'dzin pa
min par thal/ de la dbang po'i tshogs don

med du thal ba la sogs pa'i lan btab zin pa'i phyir dang/ 'das
ma 'ongs sogs la rtog pa'i blo rnam pa gzhan du dngos med gzung
yul du byed par mthong ba'i phyir/ gal te dngos po la brten pa'i
rtog pas dngos med gzung

yul du byed na/ de'i yul dngos po la brten pa'i chos kho na nyid
nyams pas rtog pa gsum so so'i dbye ba mi rung bar thal bar
'gyur ro zhe na/ dngos po la brten pa'i rtog pa chos can/ khyod
kyi yul dngos po la brten pa'i chos su

mi rung ba'i nyes pa 'di med par thal/ khyed dngos po rang mtshan
dang/ de 'dzin pa'i mngon sum sngon du 'gro ba can gyi sgo nas
dngos po'i don spyi de gzung yul du byas nas shes shing 'dzin pa
yin pa'i phyir/ gsum pa la/ rang

mtshan gcig pu gzhal byar bzhag pa'i dgos pa dang/ de la rtsod pa
spang ba'o/ /dang po ni/ rang gi mtshan nyid gcig pu gzhal byar
bshad pa la dgos pa yod de/ don du gnyer bya'i 'bras bu yod pa
dang med pa nyid du rnam

@221b par dpyod pa'i rtog ldan rnams kyi don bya ba ni/ rang
mtshan gcig pu de las grub pas de ltar bshad pa'i phyir/ slob
dpon lha dbang blo'i bzhed pa ltar na/ rang gi mtshan nyid gcig
pu gzhal bya zhes brjod pa'i rgyu mtshan yod de/ rtog

ldan dngos po yod med du spyod pa rnams kyi spyod pa'i rten
mthar thug pa don bya ba byed pa'i rang mtshan kho na las grub
pas de ltar bshad pa'i phyir/ gzhal bya yin na rang mtshan yin
pas khyab pa gzhung 'dis bstan par 'dod pa ni/

zhib tu ma brtags pa ste/ de lta na gzhung 'di nyid kyi rtags
dang dam bca' 'gal bar 'gyur te/ bzho bkal la sogs pa'i 'bras bu
don gnyer gyis 'bras bu de 'dod pa'i phyir tu de yod med du
dpyod par byed la/ de ltar dpyad nas

gzhi 'gar med de med par nges pa'i tshad ma'i gzhal bya dngos por
rnam pa thams cad du mi rung ba'i phyir ro/ /gang dag dgag rtags
la brten pa'i rjes dpag gis dgag bya 'jal bar 'dod pa ni/ ches
shin tu rags te/ rtaD

de la brten pa'i rjes dpag dang sgro 'dogs gnyis 'dzin stangs
mtshungs par 'dod pa'i phyir/ yang rjes dpag des dgag gzhi 'jal
bar 'dod pa yang rtags gsum gyi rnam dbye so sor mi nges par
'gyur ro/ /des na bzho bkal

don gnyer don du gnyer bya yod med dpyod pa'i rten ni bzho bkal
la sogs pa'i 'bras bu sgrub nus gyi dngos po nyid yin la/ de
ltar dpyad nas gzhi 'gar de med par nges na ldog par byed la/
yod na 'jug par byed pas de ltar

@222a @#/ /'jug ldog byas pa'i skabs su dngos med tshad mas ma
gzhal na/ 'bras bu cung zad kyang thob pa mi srid do/ /'di ni
dper na/ mkhas pa'i dbang po kA ma la shi las dngos med la go
bya go byed mi rung bar 'dod pa

ni/ mtshon bya'i thabs bslab nyes pa dang 'dra zhes gsungs pa de
nyid slar 'ongs pa yin te/ dngos med yin pa'i rtags yang dag
dang de'i bsgrub bya la sogs pa rung na/ gzhal bya yin na rang
mtshan yin pas khyab pa nyams

la/ mi rung na/ dngos med la rtags kyi bsgrub bya sogs mi rung
ba chos can/ rang mtshan du thal/ tshad ma'i gzhal bya yin pa'i
phyir rang nyid kyis gzhal bya yin na mi rtag pa yin pas khyab
pa khas blangs shing/ gzhal bya sgra

mi rtag par sgrub pa'i dngos kyi ma nges par gsungs pa dag kyang
mthong nas sel pa'i ngor dang 'khrul pa'i ngor yin no/ /zhes pa
la sogs pa'i tshig ma sbyar bar dam bca' khas len mi nus pa'i
shin tu phongs pa rnams byung pa

yin no/ /yang kha cig yod na mi rtag pas khyab kyang gzhal bya
la des ma khyab ste/ rnam bcad kyi gzhal bya dang yongs gcod kyi
gzhal bya gnyis yod pa'i phyir ces zer to/ /de la 'di 'dri bar
bya ste/ rnam bcad kyi gzhal

bya zhes pa/ rnam par bcad rgyu sgra rtag pa lta bu la brjod
dam/ rnam bcad kyi gzhi sgra la rtag pa rnam par bcad pa lta bu
la brjod/ dang po ltar na/ rtags yang dag gi dgag bya tshad ma'i
gzhal byar 'dod na/ tshad ma la mi slu

@222b bsam khyab par 'gyur te/ tshad ma de'i gzhal byar gang song
ba de rtags yang dag gis khegs pa'i phyir/ gal te sgra rtag pa
'gog pa la mi slu bas skyon med ce na/ de ni sgra rtag pa dang/
sgra rtag pa bkag pa gnyis so sor ma phyed pa'i

ngan rtog 'ba' zhig go /phyi ma ltar na/ sgra la rtag pa rnam
par bcad pa chos can/ yod par thal/ tshad mas dmigs pa'i phyir/
'dod na/ yod pa dang gzhal bya la khyad par phye bas dgos pa ci
zhig 'grub par 'gyur/ rtags ma

grub ste/ kho bo cag tshad mas gzhal bya la dmigs pas ma khyab
par 'dod do zhe na/ 'o na sgra la rtag pa rnam par bcad pa med
nges su thal/ de yod na tshad mas dmigs dgos pa la de tshad mas ma
dmigs pa'i phyir/ 'dod na/

yod na mi rtag pa'i spyi khyab bsgrubs pas dgos pa ci zhig 'grub
par 'gyur/ sgra yang mi rtag par mi 'grub pa'i phyir yang tshad
mas dmigs kyang yod pas ma khyab na/ de med pas tshad mas khegs
shing ma mthong ba yang yin la/

de tshad mas dmigs pa yang yin pa shin tu ngo mtshar ro/ /yang med
dgag gi dgag sgra dgag bya la 'jug par bzhed pa dag kyang dpyad
mi bzod de/ sgra la rtag pa med ces brjod pa'i sgra des sgra la
rtag pa med do zhes zer ram/

sgra rtag pa'o zhes gang zer /rna ba'i dbang po legs par phyogs
dgos so/ /lugs kha cig gzhal bya yin na rang mtshan yin pas khyab
par 'dod bzhin du/ yang rtags dang bsgrub bya sogs yin na dngos
med yin pas

@223a @#/ /khyab par 'dod pa dag kyang sems rnal du zhog la smros
shig /mdor bsdus na/ slob dpon lha dbang blos spyi la yang dpyod
pa 'jug pa nyid ma yin nam/ de ji ltar gcig pu kho na gzhal bya
yin zhes brjod

tsa na/ bden te/ 'on kyang spyi la spyod pa yang rang gi mtshan
nyid kyi rten can yin no/ /de ltar na 'ga' zhig de dngos po nyid
yin no zhes ston par byed do/ /dos na ci de 'ga' zhig la rung
ba'am/ ma yin zhes dngos po'i

rjes su 'brangs nas dpyad pa yin no/ /de lta ma yin na med pa
nyid du nges pa la spyod pa cung zad kyang mi rung ngo/ /med
pa'i yul can gyi spyod pa yang dngos po'i rten can nyid yin te/
dngos po nyid la yod pa dang med

pa nyid du spyod pa'i phyir ro/ /zhes bshad pa ltar/ spyi don
gzhan gyis stong pa yang tshad ma'i gzhal byar khas len dgos pa
yin no/ /lung 'di'i don ni/ rtog ldan spyod pa'i yul yin na
dngos pos ma khyab par

thal/ shes bya la mi srid pa'i gzhan sdes btags pa'i spyi la
yang spyod pa byed pa'i phyir ce na/ skyon med de/ de la spyod
pa yang rang mtshan spyod pa'i yul du dor nas byed pa ma yin te/
grangs can dang bye brag pa

sogs 'ga' zhig gis btags pa'i spyi de dngos por ston cing go bar
byed pa na/ de 'dra'i spyi de gsal pa 'ga' zhig la yod pa rung
ngam/ mi rung zhes dpyad par bya ba'i gzhi yang rang mtshan dang/
der dpyad

@223b par bya ba'i chos kyang gzhan dag dngos por 'dod pa la
bsams nas spyod par byed la/ don de gtan med du nges na de'i
dpyad pa rdzogs pas dngos med kyi yul can gyi tshad ma yang thog
mar spyod pa'i rten rang mtshan nyid yin par

ston gyi tshad ma'i gzhal bya la dngos pos khyab par ston pa min
no// 'o na 'dus ma byas kyi nam mkha' shes bya yin min dpyod
pa'i rten dngos por ji ltar rung zhe na/ de la thog mar 'dus
byas kyi nam mkha' yod med the tshom

za bar gsal bas de sgrub dgos pa yin la/ de yang mig shes la
snang ba'i bar gyi snang ba mngon par skabs yod kyi gzugs 'di
mngon sum tshad mas grub pa gzhir gzung nas/ der thogs pa'i reg
bya yod med dpyad nas thogs

pa'i reg byas stong bar nges pa na/ 'dus ma byas kyi nam mkha'i
mtshan gzhi legs par grub pa yin pas/ der yang dpyad par bya ba'i
gzhi dang/ yod med dpyod pa'i chos kyang dngos po nyid la zhen
par shin tu gsal lo/ /gnyis

pa la/ lung 'gal spong ba dang/ rigs pa dang 'gal ba spang ba'o/
/dang po ni/ slob dpon gyis rang dang spyi'i mtshan nyid las
gzhal bya gzhan yod pa min no/ /zhes rang mtshan la bltos med kyi
spyi mtshan gzhal byar bzhag pa dang ji

ltar mi 'gal zhe na/ skyon med de/ shas bya chos can/ rang mtshan
la bltos med kyi yul rang gi sdod lugs kyi ngos nas thun mong
min par grub pa'i spyi mtshan gzhal byar yod pa'i rgyu mtshan gyis
gzhal bya la gnyis su phye

@224a @#/ /ba ma yin par thal/ rang mtshan de ni mngon du gyur
pa'i tshe gzhan dang ma 'dres par thun mong ma yin pa'i rang gi
ngo bo snang ba'i sgo nas rtogs par byed la/ rang mtshan de ni
lkog tu gyur nas rjes dpag gis gzhal

dgos pa'i tshe/ rang mtshan kho na min pa'i chos gzhan dang 'dres
pa'i ngo bo snang ba yi sgo nas rtogs par byed pas gzhal bya
gnyis su bzhed pa'i phyir/ rtsod pa po'i bsam pa ni/ spyi mtshan
gzhal byar bshad pa yang sngo ser dang

mtshungs shing/ gzhan gyis spyi mtshan rdzas grub btags pa ltar/
rdzas su grub pa ma snyam du dogs pa yin la/ lan gyis de ltar
min gyi 'jal tshul gyi sgo nas yin no zhes bshad do/ /'jal tshul
gyi dbang las min na/

gzhal bya gnyis phyir tshad ma gnyis/ zhes pa'i don yang tshad ma
gnyis kyi bsam don tshad mar song sa rang mtshan dang spyi mtshan
so sor nges pa'i dbang gis tshad ma gnyis kyi grangs nges sgrub
par 'gyur la/ de lta na rjes

dpag tshad mas rang mtshan 'jal ba mi srid pas gzhung 'di nyid kyi
don dang 'gal ba dang/ phra ba'i mi rtag pa sogs so so skye bos
rtogs par byar med pas tshad ma mngon sum kho nar nges pa'i
gzhung btsugs par

'gyur ro/ /'o na mngon sum lkog tu gyur pa las/ zhes pa gzhal
bya gnyis phyir ces pa'i don bsdu ma yin nam zhe na/ yin mod kyi
tshad mar song sa mngon lkog gnyis kyi grangs nges bsgrub pa la/
nges par sngon du

@224b 'jal tshul gnyis kyi grangs nges sgrub dgos pas/ de grub pa
na mngon lkog gnyis su grangs nges pa yang bde blag tu 'grub bo
zhes don bsdus pa yin gyi/ gzhal bya lkog gyur dang spyi mtshan
gcig tu sdud na ha cang thal lo/ /'dir

de ni zhes pa/ mngon sum gyis gzhal ba'i rang mtshan de nyid rjes
dpag gis 'jal bar ston pa min no/ /gnyis pa ni/ 'o na rjes dpag
gis rang mtshan dngos su ma rtogs par thal/ thun mong ma yin pa'i
rang gi ngo bo mi snang ba'i

phyir/ rtags ma grub na/ mngon sum du 'gyur bas ma 'khrul bar
'gyur ro zhe na/ gnyis pa rjes dpag tshad ma chos can/ rang mtshan
dngos su snang yang 'khrul pa yin par bzhed de/ de snang yang ji
ltar mngon par zhen pa bzhin du

grub pa min par rang mtshan min pa la rang mtshan du snang ba'i
shes pa yin pa'i phyir/ gal te rang mtshan de'i rdzas min pa
gzhan gyi ngo bo snang ba'i sgo nas rang mtshan de rtogs na
'khrul par 'gyur la/ de lta na rang mtshan dngos

su rtogs pa'i tshad ma min par 'gyur ro zhe na/ sgra mi rtag
rtogs kyi rjes dpag tshad ma chos can/ 'khrul pa yin yang tshad ma
nyid yin te/ bsam pa'i don sgra mi rtag pa la gsar du bslu ba
med pa'i shes pa yin pa'i phyir/ 'khrul na

rang mtshan dngos su rtogs par 'gal ba ma yin par thal/ rang
mtshan min pa la rang mtshan ltar snang ba'i rnam pa gzhan gyis
kyang rang mtshan gsar du rtogs pa mthong ba'i phyir/ 'o na mngon
sum dang 'khrul ma 'khrul gyi rnam dbye

@225a @#/ /mi 'thad do zhe na/ skyon med par thal/ phyogs 'di la
ni ji bzhin mngon zhen min/ zhes pa der lan btab zin pa'i phyir/
yang na gzhal bya gnyis su 'byed pa mi 'thad par 'gyur ro zhe
na/ skyon med par thal/ de la de ni

rang gzhan/ zhes pa'i skabs su lan btab zin pa'i phyir ces so/
/'di dag gi don ni rang mtshan gyi thun mong min pa'i ngo bo mi
snang na de dngos su rtogs par 'gal la/ snang na gzhan dang ma
'dres par snang bas ma 'khrul bar

'gyur zhing/ 'khrul na tshad ma min par 'gyur ro snyam pa'o/
/thun mong min pa'i ngo bo mi snang na de la dngos rtogs kyi
tshad ma mi rung ba bden la/ de snang na ma 'khrul bar mi 'gyur
te/ de snang yang gzhan dang 'dres nas snang gi

ma 'dres par mi snang ngo/ /des na thun mong min pa'i ngo yang
snang la/ thun mong ba'i ngo bo yang snang yang/ de gnyis so sor
mi snang ngo/ /'dres ma 'dres sogs kyi don sngar gzhan sel ba'i
skabs su bshad zin to/ /'khrul pa

yin yang rang mtshan la mi slu ba'i dpe ston pa ni/ 'khrul pa yin
na de la brten nas rang mtshan thob tu mi rung bas ma khyab par
thal/ nor bu'i 'od dang sgron me'i 'od dag la nor bur zhen pa'i
blo yis mngon par rgyug pa'i shes

pa log pa'i shes par khyad par med kyang ji ltar nor du thob
pa'i don byed pa la khyad yod pa'i phyir/ 'dir slob dpon chos
mchog gis/ nor bu ra ba'i phugs na gnas shing/ 'od sgo gseb na
'dug pa mthong nas/ de na gnas

@225b pa'i 'od de nyid nor bu'o snyam pa'i blo dper byas nas de
tshad ma yin pa bkag ste ji ltar dpyad pa'i don ma thob pa'i
phyir te/ dpyad pa sgo gseb na yod par dpyad nas/ der ma thob
par ra ba'i phugs su thob pa'i phyir ces bshad do/ /slob

dpon shAkya blos/ nor bu'i 'od las nor bu rtogs pa'i rjes dpag
dper bzung nas/ rjes dpag kun de dang mtshungs par ston par mdzad
do/ /de ltar 'grel bshad byed pa'i bshad pa ngu mi snang yang/
slob dpon chos mchog gi bzhed

pa nyid 'grig pa ltar snang ngo/ /dpe de ltar sgra mi rtag rtogs
kyi rjes dpag dang/ de snang ba'i blo ltar snang dag ji ltar
zhen pa bzhin gyi don med par mtshungs na'ang/ sgra mi rtag rtogs
kyi rjes dpag tshad ma nyid du rnam par bzhag ste/

de don byed pa sgra mi rtag pa dang gsar du rjes su 'brel ba'i
tshad ma yin pas tshad mar bzhag pa'i phyir/ gnyis pa de'i dbang
gis tshad ma gnyis su nges par bsgrub pa na/ gang la gzung don
gyi nus pa las/ rjes su 'gro ldog byed pa can

gyi sngo 'dzin mngon sum gyi blo chos can/ mngon sum tshad ma yin
te/ sngon po de la 'dzin pa rang dbang can gyi sgo nas sgro
'dogs gsar du gcod pa'i shes pa yin pa'i phyir/ 'dzin pa rang
dbang can gyi yul de las gzhan pa'i

dngos po chos can/ dbang po las 'das pa'i gzhal bya lkog gyur
yin te/ khyod rtogs pa'i rten ni don gzhan tshul gsum pa'i rtags
yin pa'i phyir/ khyod kyi bdag nyid kyi ngo bo de myong ba'i
stobs kyis ma mthong bar rtags stobs

@226a @#/ /kyis sgro 'dogs bcad dgos pa yin pa'i phyir/ gal te du
ldan la la me bsgrub pa de'i tshe du ba go byed nyid du 'gyur ta/
de'i tshe du ba de rang gi rten chos can du ldan la dang/ bsgrub
bya'i chos dang 'brel pa can gyi tshul

gsum yin pa'i phyir/ du ldan la la me bsgrub pa de'i tshe du ba'i
rtags las lkog gyur gyi don me rtswa las byung ba dang/ lo ma
las byung ba dang/ gsal la 'bar ba dang/ che chung sogs kyi don
thams cad khyad par du rtogs pa

mi 'gyur bar thal/ de'i tshe du ldan la la go byed du ba'i rjes
su 'gro ba'i me tsam spyi'i ngo bo nyid du rtogs nus kyi khyad
par thams cad rtogs mi nus pa des na'i phyir/ gzhal bya lkog
gyur gyi sgrub byed tshad ma rjes dpag gcig

tu nges pa yin te/ bsgrub bya'i chos dang 'brel pa can gyi rtags
kyi chos las gzhi chos can la bsgrub bya'i chos gsar du rtogs
pa'i blo skye ba gang yin pa'i blo de ni rjes dpag tshad ma yin/
lkog gyur rtags las rtogs

dgos pa'i phyir/ gsum pa la/ dngos dang/ rtsod spang ngo/ /dang
po ni/ mngon sum du gyur pa dang lkog tu gyur pa las/ gzhal bya
gzhan phung gsum yod pa ma yin te/ myong stobs kyis sgro 'dogs
gcad par bya ba dang/

rtags stobs kyis sgro 'dogs gcad par bya ba gnyis su nges pa'i
phyir/ gzhal bya gnyis su nges pa nyid kyis tshad ma gnyis su
nges par slob dpon bzhed pa yin te/ gzhal bya'i dbye bas tshad
ma'i dbye ba bzhag

@226b dgos/ gnyis po de las gzhan ma mthong ba de'i phyir/ tshad
ma phung po gsum pa yod pa dang/ mngon sum gcig pur nges pa'i
grangs tshad mas bsal ba yin te/ gzhal bya gnyis su grangs nges
pa tshad mas mthong ba'i phyir/

gnyis pa la/ rjes dpag tshad ma min pa la gnod pa bstan pa dang/
rjes dpag tshad ma nges par khas len dgos pa dang/ mi len na ha
cang thal ba bstan pa'o/ /dang po ni/ tshu rol mdzes pa po na re/
dngos por med pa gzhal

bya ma yin pa'i phyir/ gzhal bya rang mtshan gcig pur nges la/
des na tshad ma yang mngon sum gcig pu nyid do zhe na/ rtog ldan
dpyod pa'i rten mthar thug pa rang mtshan kho nar bsgrub pas kho
bo la mi 'dod pa sgrub pa'i nyes

pa ci yang med par thal/ de rang mtshan gcig pur kho bo 'ang 'dod
pa'i phyir/ spyir rang mtshan min pa'i gzhal bya med par 'dod na/
khas blangs dang/ rigs pa du ma dang 'gal te/ dngos por med na
gzhal bya ni min pas

khyab par 'dod pa la khyab pa ma nges pa nyid du thal/ dngos por
med pa'ang tshad mas nges pa'i phyir/ ma grub na/ des spyi sogs
gzhal bya min par sgrub nus pa 'gal lo/ /dam gyi sgras tshad ma
gnyis pa rjes dpag tshad ma

grub pa nyid du thal/ dngos med de tshad mas nges pa'i phyir/
'jig rten pha rol med pa rjes dpag tshad ma med na mngon sum gyis
grub dgos la/ da yang dbang po'i mngon sum las gzhan khas mi len
pas/ dbang po'i

@227a @#/ /mngon sum gyis dgag gzhi 'jig rten pha rol dngos su
rtogs nas pha rol gyi lha mi sogs med pa'i med dgag shugs la
rtogs par byed dam/ med dgag yan gar ba dngos su rtogs par byed/
dang po mi

'thad de/ dgag gzhi de mngon sum la snang mi rung du khas blangs
pa'i phyir dang/ snang du rung na yang khas blangs dang rigs pa
du ma dang 'gal ba'i phyir/ gnyis pa ltar na/ dbang po las skyes
pa'i blo ma 'khrul pa chos

can/ 'jig rten pha rol gyi lha mi med pa sogs kyi med dgag la
dngos su 'jal byed du 'jug pa min te/ rang gi gzung don gyi
stobs las skyes pa'i phyir/ gzhung 'dis med dgag dbang mngon gyi
dngos rtogs kyi yul

min par ston gyi/ shugs yul yang min par ston pa min te/ tshad ma
rnam nges las 'di 'ga' zhig tu dgag pa byed pa yang mngon sum
gyis ni bya bar 'os pa ma yin te/ zhes dgag gzhi snang mi rung
la bye brag tu

bkar nas 'ga' zhig tu zhes bshad pa'i phyir ro/ /gzung don las
skyes pa ma grub na/ dbang skyes kyi blo ma 'khrul pa chos can/
rang gi yul bar chod pa dang bskal pa la sogs su yod na yang de
la dmigs nas

khyod skye bar 'gyur bar thal/ khyod kha phyir blta'i tshad ma
gang zhig gzung don gyi nus pa la bltos pa med pa'i phyir/ gal
te tshe snga phyi med pa la dbang po'i mngon sum dngos rtogs su
song nas de 'jal bar mi

@227b smra'i/ dgag bya tshe snga phyi la dbang po'i mngon sum
nyid 'jal byed du 'jug pa ldog pa las tshe snga phyi med par nges
pa yin no zhe na/ de'i don de ci/ tshe snga phyi med de/ yod na
dmigs su rung ba las dmigs byed kyi blo ldog pa'i phyir/ ces

pa'i don yin nam/ tshad ma gzhan mi dgos par tshe snga phyi la
dbang po'i mngon sum 'jal byed du log tsam de nyid tshe snga phyi
med par nges byed yin/ phyi ma ltar na/ tshe snga phyi la dbang
po'i mngon sum 'jal byed du ldog tsam chos can/ tshad

ma gzhan gang yang med par tshe snga phyi med pa nges byed du
'gal bar thal/ dngos por med pa'i phyir/ yang na slob dpon lha
dbang blo'i bzhed pa ltar/ dbang po'i mngon sum log tsam yin na
tshe snga phyi med pa nges byed du 'gal/ de yin

na yang cig shos yin par 'gal ba'i phyir/ ces rang tshig 'gal bar
mdzad do/ /'am gyi sgras rjes dpag tshad ma yod par thal/ dmigs
rung ma dmigs pa de nyid rang phyogs kyi chos su grub pa'i gzhir
ldog pa dang rjes 'gro can gyi

rtags yang dag yin pa'i phyir/ gnyis pa ni/ tshad ma gnyis pa
rjes dpag ni grub pa yin par thal/ rgyang phan gyis gzhan rang
gi slob ma'i sems dag tshad mas rtogs pa'i phyir yang ngo/ /ngag
smra ba'i skyes bu de yi sems kyi ngo bo nges

bar grub ste/ de gsong por smra ba la sogs pa'i lus ngag gi tha
snyad la 'jug pa'i phyir/ rtags de la brten pa'i rjes dpag de
chos can/ tshad ma nyid yin te/ gsar du bslu ba med pa'i shes pa
yin pa'i phyir/ lotstsha ba chen po 'bras rang ma

@228a @#/ /dmigs pa'i rtags la brten pa'i rjes dpag so sor sbyar
nas dgag pa mjad do/ /gal te lhas byin gyi bu las sngo bsangs
dpog pa lta bu rtags la la dag tu ni 'khrul ba'i phyir/ mtshan
nyid mtshungs pas kun la

yid brtan med do zhe na/ rgyang phan chos can/ rtags 'ga' zhig
'khrul par mthong bas kun 'khrul par mi 'grub par thal/ rtags
log pa 'ga' zhig mthong nas rtags thams cad de dang 'dra bar
zhen pa tsam yin pa'i phyir/

rtags gang las dus 'ga' zhig gi tshe bsgrub bya'i dngos po 'ga'
la de yi rtogs pa grub par gyur pa'i gtan tshigs byas pa lta bu
de ni chos can/ bsgrub bya'i chos de las skyes pa'am/ de'i khyab
bya'i ngo bor gdon mi za ste/ rang phyoD

kyi chos su grub pa'i gzhir de sgrub pa'i rtags yin pa'i phyir/
mes stong pa'i gzhir du ba'i don ni srid pa min par thal/ du ba
rang gi rgyu me med pa'i phyir/ 'am gyi sgras/ shing med par sha
pa'i don srid pa min par thal/ khyab byed

kyi ngo bo shing dag med pa'i phyir/ 'bras rang gi rtags yang
dag de dag phyogs chos dang bsgrub bya'i chos dang mi 'khrul
ba'i rang bzhin mthong ba gang yin pa'i tshul gsum de nyid 'bras
rang gi rtags yang dag gi mtshan nyid yin

la de gzhan du 'ang mtshungs ba'i phyir shing gis stong pa'i
gzhir shing de dang ldan pa'i sha pa'ang ji ltar yod de med par
thal/ der yod na ltar rung rang gi ngo bo shing med pa'i phyir/
'am gyi sgras mes stong ba'i gzhir me dang ldan

@228b pa'i du ba'ang ji ltar yod de med par thal/ der du ba'i
rang rgyu me mthong ba'i rgyu gzhan dbang yid dag yod par yod
na
snang rung gi me snang ba med pa'i phyir/ don bsdus na/ rtags
yang dag su yang bsgrub bya'i chos la 'khrul pa mi srid par

thal/ 'bras rang ma dmigs pa'i rtags gsum ga 'khrul pa mi srid
pas/ de la brten pa'i rjes dpag bslu ba mi srid pa'i phyir/
rgyang phan rang nyid rmongs pa tsam du zang ngo zhes ston pa
yin no/ /gsum pa ni/ spyi 'dzin pa yi blo ni tshad ma

min pas khyab na/ da lta lkog tu gyur pa'i don thams cad med pa
thob par 'gyur bar thal/ de dag dbang po'i mngon sum gyis ma
mthong ba'i phyir/ 'jig rten pha rol gyi dngos po bzhin/ gal te
lkog gyur de dag da lta ma mthong yang

dbang po'i mngon sum rnams kyis yul gzhan dang/ dus gzhan dang
gzhan du rtogs so zhe na/ lkog tu gyur pa'i don de dag thams cad
dbang po'i mngon sum gyis rtogs pa de min par thal/ dbang po
gzugs can pa dang rgyus 'bras

ba bskyed pa'i nus pa phra ba sogs thams cad la dbang po'i blo
'jal byed du 'jug pa mi srid pa'i phyir/ gal te de dag yod na
dmigs su rung ba las ma dmigs pa yin na de dag med pa nyid du
rtogs par 'gyur la/ de lta na dbang

po'i blo gang ? 'bras bu skye ba rgyu med du 'byung bar 'gyur
bar thal/ dbang po dang rgyus 'bras bu bskyed pa'i nus pa med pa
nyid du rtogs pa yin pa'i phyir/ mngon sum chos can/ rang gi
mtshan nyid la mngon sum yin gyi spyi 'dzin pa

@229a @#/ /ma yin te/ rnam rtog med pa nyid dang ma 'khrul pa
nyid kyis so/ /de la spyi 'dzin tshad ma yin na rjes dpag nyid
yin pas khyab ste/ rnam rtog med par spyi 'dzin min pa de'i
phyir/ de la spyir mngon sum tshad ma yin na

mngon sum yin pas khyab pa dang/ rjes dpag tshad ma yin na rtog
pa yin pas khyab mod kyi/ rang gi mtshan nyid la mngon sum/ zhes
pa 'di dang/ shes gang gang la sgra don 'dzin/ /de ni de la rtog
par 'dod/ /cas pa'i

gzhung 'di dag gis yul bye brag tu bkar nas rang gi shugs yul
gang yin pa de la mngon sum tshad ma yin yang mngon sum min pa
dang/ rjes dpag tshad ma yin yang de la rtog pa min par bstan te/
de la mngon sum

yin na de'i rang gi mtshan nyid snang dgos pa dang/ de la rtog pa
yin na de'i sgra don 'dzin par bshad pa'i phyir ro/ /'di la
brjod par bya ba mang ste re shig ma spros so/ /gnyis pa la/
grangs ma nges pa'i rtsod pa dang/ de sun dbyung

ba'o/ /dang po la/ rang spyi 'dres par 'dzin pa'i tshad ma phung
gsum yod par rtsod pa ni/ gal te gzhal bya gnyis su nges na/ kha
dog ni mi rtag pa nyid du rtogs par mi 'gyur bar thal/ de rtogs
na de'i blo tshad ma gzhan du 'gyur

ba'i phyir/ der thal/ de spyi 'dzin pas mngon sum min/ rtags la
bltos pa med par yod pas rjes dpag min pa'i phyir/ khyad par ngo
shes tshad ma phung gsum du rtsod pa ni/ sngar khang nang du
tsandan gyi me mthong nas/ phyis du

@229b ba'i rtags las sngar gyi me de'i snyam pa de ni tshad ma
gzhan yin par thal/ khyad par rang mtshan mthong ba la tshad ma
gang zhig rtags dang chos kyi 'brel pa rtogs pa med par rjes
dpag min pa'i phyir dang/ yul mngon sum du ma mthong

bas mngon sum min pa'i phyir/ don bsdu ba ni/ gzhal bya mang po
yod pa'i phyir/ tshad ma rnam pa gnyis las mang po nyid dam gzhal
bya gcig la yang tshad ma du ma nyid 'jug pa'i phyir te/ dper na
khyad par mthong ba'i blo bzhin/ chad

ma gcig kho nar nges pa'i grangs kyang sel bar mi 'gyur te/ de
sel na tshad ma gnyis kyi yul so sor nges dgos pa la/ de med pa'i
phyir dang/ tshad ma gsum la sogs pa'i grangs kyang sel bar mi
'gyur te/ gzhal bya gnyis las

gzhan yod pa'i phyir ce na/ gnyis pa la/ rang spyi 'dres pa'i
blo tshad ma phung gsum yin pa dgag pa dang/ khyad par ngo shes
kyi blo tshad ma phung gsum yin pa dgag pa'o/ /dang po la/ kha
dog la phra ba'i mi rtag pa rtogs pa'i blo rjes dpag

tu bstan pa/ rags pa'i mi rtag pa mngon sum tshad mas rtogs par
bstan pa/ gzhan dag gi mi rtag pa dgag pa'i/ /dang po la/ mdor
bstan/ 'phros don rgyas par bshad pa/ don bsdu ba'o/ /dang po
ni/ byas pa'i rtags las kha dog

mi rtag par rtogs pa'i tshad ma chos can/ tshad ma phung gsum yin
pa'i skyon 'dir thal bar mi 'gyur te/ kha dog gi spyi la mi rtag
pa'i spyi sbyar nas gzung yul du byad pa'i spyi 'dzin rjes dpag
yin pa'i phyir/ dngos med ngo bo zhes pa

@230a @#/ /nas/ rgyu 'am rang bzhin snang med nyid/ ces pa'i bar
slob dpon lha dbang blos zhar byung ngu gsungs pas dkyus ma'i
dbang du byas na/ kha dog spyi la sbyor phyir ro/ /rjes su dpag
pas mi rtag sogs/ /zhes pa de ltar

sbyar nas bshad do/ /'phros tshul ni 'chad par 'gyur ro/ /gnyis
pa la/ mi rtag pa dngos med du thal ba spang ba dang/ de'i lan
dgag pa'o/ /dang po ni/ mi rtag pa kha dog gi spyi dang sbyor
na/ spyi'i chos su 'gyur la/ de lta na/ spyi dngos

med yin pas mi rtag pa yang dngos med du 'gyur ro zhe na/ de
chos can/ khyod kyis kha dog gi spyi la mi rtag pa'i spyi sbyar
ba gzung yul du byas pas mi rtag pa dngos med kyi ngo bor 'gyur
ba min par thal/ khyod kyi rten byas pa des kha

dog rang mtshan pa dang mi rtag pa rang mtshan pa'i tshogs don de
nyid sgrub pa'i phyir/ der thal/ khyod rtags der brten gyi rjes
dpag gang zhig /spyi mtshan gzung yul du byas kyang de ltar tshogs
don rang mtshan pa grub cing rtogs pa'i phyir/

yang na/ thal chos snga ma la/ rtags ni/ kha dog la mi rtag pa
de nyid de ltar mi rtag pa rang mtshan pa'i rnam par snang bar
grub pas tshogs don rang mtshan pa sgrub cing rtogs pa'i phyir/
spyi mtshan dang rang mtshan gnyis ka yul du song

bas tshad ma phung gsum du 'gyur snyam du rtsod pa yin te/ de la
kha dog mi rtag pa'i don spyi gzung yul yin gyi tshad mar seng sa
min la/ tshang mar song sa ni/ tshegs don rang mtshan pa'o/ /gnyis
pa la/ mdor bstan dang/ rgyas bshad do/ /dang

@230b po ni/ kha dog mi rtag pa'i spyi gzung ba'i stobs kyis kha
dog mi rtag par 'grub pa ma yin par thal/ gzhan kha dog mi rtag
pa'i gnas lugs la gzhan spyi mtshan grub pa min pa'i phyir ce na/
spyi mtshan gzung ba'i stobs kyis rang mtshan rtogs na

de rang mtshan la 'brel dgos la/ de byung 'brel pa med pas bdag
gcig tu 'brel dgos la/ de lta na spyi mtshan rang mtshan gyi gnas
lugs la grub dgos la/ de ma grub na/ gcig gzung bas gzhan rtogs
pa mi 'thad ces rtsod pa'o/ /

de chos can/ kha dog mi rtag pa'i spyi mtshan gzung ba'i stobs
kyis kha dog mi rtag par mi rtogs pa'i skyon yod pa min te/
khyod kyis kha dog mi rtag pa de'i spyi rnam shar ba'i sgo nas
nges par kha dog mi rtag pa de nyid grub cing rtogs dgos

pa'i phyir/ gnyis pa la/ sgrub rtags la brten pa'i rjes dpag
rang mtshan la 'brel ba'i tshul dang/ dgag pa'i rjes dpag 'brel
ba'i tshul dang/ de dag gi rgyu mtshan no/ /dang po ni/ me'i dngos
po gang du ba bskyed ba'i nus pa ci lta bur gyur

pa de 'dra pa'i me de chos can/ du ba'i rgyu yin te/ du ba la
phan 'dogs byed yin pa'i phyir/ du ba de ni chos can/ rang 'bras
rtags 'dzin sems kyi rgyu yin te/ de la phan 'dogs byed yin pa'i
phyir/ rtags 'dzin sems de las du ldan la la

me de lta bu'i dngos po la dmigs nas skyes pa'i rtags can gyi
blo rjes dpag tshad ma chos can/ rang rgyu rtags 'dzin sems des
bskyed pa yin te/ des phan btags pa'i phyir/ 'grel bshad byed pa
kha cig gis/ rtags kyi bsgrub bya go ba sgron

@231a @#/ /me bzhin du rang gi ngo bo blo yul du song ba tsam
gyis yul gsal bar byed pa ma yin gyi 'brel pa 'dzin pa la nges
par bltos la/ de la yang spyi 'bral 'dzin pa dang/ rtsod gzhi la
'brel pa 'dzin pa gnyis las snga

ma rtags 'dzin sems dang/ phyi ma rtags can rjes dpag nyid du
bzhed do/ /kha cig ni/ rang bzhin rtags kyi rtags can rjes dpag
nyid rtags 'dzin yin no zhes 'dod pa 'thad par dka'o/ /des na
rtags rtsod gzhi la

'dzin pa nyid rtags 'dzin kyi gtso bo dang/ 'brel pa 'dzin pa
phal pa'i tshul du gnas te/ gzhung 'dir sbyor ba skor gcig po'i
rtags 'dzin sems dang/ rtags can rjes dpag rgyu 'bras su ston
par snang bas 'brel pa 'dzin

pa'i blo rtags 'dzin du ma bsdus na/ rjes dpag rang mtshan la
'brel pa'i sgrub byed ltar snang du 'gyur te/ 'brel pa nges pa'i
blo sngon du 'gro dgos par dngos su ston pa'i tshig gi tshul gzhan
yang mi snang ba'i phyir/ rtags 'dzin

la tshad ma min pas khyab pa gzhung 'grel pa khungs ma gang na
yang mi snang bas phyogs chos 'jal ba'i tshad ma dang 'brel pa
'jal ba'i tshad ma rtags 'dzin sems su bzhag pa la 'gal ba med
par sems so/ /la me ldan du/

rtogs pa'i rjes dpag tshad ma de dngos po rang mtshan der snang ba
ltar grub pa yis stong yang/ la me rang mtshan la bslu bar byed
pa nyid ma yin te/ de ltar rtags 'dzin gyi sems dang rtags can
gyi blo rjes dpag de brgyud pa

@231b yis rjes dpag de'i gzhal bya la me'i dngos po la 'brel
ba'i phyir/ la me ldan du rtogs pa'i rjes dpag de dag chos can/
la me rang mtshan de'i dngos po la bslu bar byed pa nyid min yang
'khrul par rnam gzhag byas pa yin te/ rang la snang

ba ltar grub pa de yi ngo bos stong yang la me rang mtshan pa de
yi ngo bor zhen pa ltar gsar du mi slu ba'i shes pa yin pa'i
phyir/ 'dir gang 'brel ba de ma thob/ thob pa de la ma 'brel
yang/ re shig snga phyi gcig tu zhen pa'i blo dbang

btsan par byas nas bzhag go zhes zer ba ni/ rgyun 'jog ma shes
pa'i log rtog 'ba' zhig ste/ dper na sngo 'dzin mngon sum tshad
ma de sngon po la 'brel ba yang yin/ de la brten nas sngon po
thob pa yang yin pa skyon du khas

blangs na gnod pa ci yod/ gal te gang 'brel pa de ni sngo 'dzin
mngon sum gyi rgyu yin pas sngar yod la/ de la brten nas thob pa
ni mngon sum kyi phyir byung ba'i phyir ce na/ 'o na gang zag
lha spyin des sgra mnyan byar thal ba la 'dod ma thag

sgra mnyan bya min par thal ba la 'dod lan byas pas dngos 'gal
khas blangs pa'i skyon ci yang med par thal/ 'dod pa snga ma'i
dus kyi lha sbyin de phyi ma'i dus na 'gags/ thal ba phyi ma
'dod pa'i lha sbyin de snga ma'i dus na ma skyes pa'i

phyir /gal te snga phyi phan tshun dus mi mtshungs kyang lha sbyin
gyis ya gyal gnyis ka khas blangs pas skyon dang bcas pa'o zhe
na/ 'o na sngo 'dzin mngon sum gyi rgyur gyur pa'i sngon po de
phyis med/ phyis thob pa'i sngon po sngar med par khas

@232a @#/ /blangs kyang sngon po de la mngon sum da 'brel pa yang
yin la/ mngon sum la brten nas phyis thob pa yang yin no zhes
khas blangs na/ mgo la thog 'bab pa'i nyes pa mthong ngam/ la me
ldan du rtogs pa'i rjes dpag

'di yang mthar gtugs na/ la rang mtshan pa la 'brel ba yin no/
/de bzhin du rang bzhen rtags la brten pa'i rjes dpag la yang
sngar bshad pa rnams ji ltar rigs par sbyar ro/ /lkog gyur gyi
dngos po sgra mi rtag par rtogs

par bya ba la byas pa'i khyab byed mi rtag pa chos can/ byas pa
de khyod la 'brel te/ byas pa de'i khyab byed kyi ngo bo yin
pa'i phyir/ khyab par byas pa chos can/ rang 'bras rtags 'dzin
sems kyi rgyu mtshan yin te/ de la phan 'dogs

byed yin pa'i phyir/ rtags 'dzin sems de yang chos can/ rang
'bras rtags can kyi blo de'i rgyu yin te/ de la phan 'dogs byed
yin ba'i phyir/ 'am gyi sgras rgyu me dag chos can/ du ba'i rgyu
yin te/ de la phan 'dogs byed yin pa'i

phyir/ de bzhin du du ba dang/ rtags 'dzin sems la yang sbyar
ro/ /de ltar dngos po la mi 'khrul bar grub pa de'i phyir ro/
/gnyis pa la/ ma dmigs pa'i rtags yang dag dang/ ltar snang
dang/ 'gal dmigs rtags su sbyor

ba'i yul bstan pa'o/ /dang po ni/ dgag pa nyid ni 'gal dmigs
sogs thams cad du dgag bya tshad mas mi dmigs pa las 'grub pa yin
te/ dgag bya dmigs byed kyi tshad ma ma bkag par dgag pa 'grub
pa'i thabs med pa'i

@232b phyir/ dar thal/ tshad mas dmigs pas grub par 'jag par smra
ba rnams kyis yong nges kyi don gyi ldog pa'i bzlog pa'i chos
dmigs rung ma dmigs pa nyid las med nges 'jog par smra dgos pa
yin pa'i phyir/ dgag pa 'grub

pa thams cad dgag bya dmigs byed kyi tshad ma med pa la bltos mi
dgos te/ 'gal dmigs kyi rtags las kyang dgag pa 'grub pa'i phyir
ce na/ dgag pa 'grub pa la dgag bya'i chos de dang 'gal ba'am/
de'i rgyu

dang 'gal bar brjod pa rtags su mthong ba gang yin pa de yang
gzhi der dgag bya'i chos de dmigs pa yi tshad ma nyid med pa
'phen par byed pa yin te/ gzhan du gnyis ka dmigs pa'i tshad ma
yod pa'i gzhi der dngos po

gcig yod par brjod pas gzhan med pa de ni gang las kyang rtogs
mi nus pa'i phyir/ gal te dgag bya dmigs byed kyi tshad ma bkag
pas dgag pa 'grub pa ma yin gyi/ me dang grang reg 'gal bas
'grub pa'i phyir ro

zhe na/ 'gal ba de nyid kyang cis 'grub ces dris pas/ lhan cig
mi gnas pa'i phyir 'gal bar rtogs so zhe na/ tsha grang lhan cig
mi gnas pa'i 'gal pa de'ang gang las kyang grub par 'dod pa mi
rigs par thal/ dgag

pa 'grub pa la dgag bya dmigs byed kyi tshad ma gzhi der dgag mi
dgos pa'i phyir/ gal te me yod pa'i gzhir yod na snang du rung
ba'i grang reg mthong ba med pa'i phyir 'gal bar grub bo zhe na/
dmigs rung ma

@233a @#/ /dmigs pa de ni dgag pa 'grub pa'i tshad ma'am thabs
nyid ma yin par thal/ rtags snga ma ltar ro/ /yang na dgag pa
'grub pa la dgag bya dmigs byed kyi tshad ma med pa 'phen dgos
par thal/ dmigs

rung ma dmigs pa de ni dgag bya dmigs byed kyi tshad ma med pa
rtags su 'phangs pa nyid yin pa'i phyir/ des na 'gal dmigs rang
nyid sgras zin par rtags su brjod na yang dgag bya dmigs byed
kyi tshad ma med

pa de nyid dgag bya med pa'i sgrub byed du 'phen pa yin te/ de
ltar sgrub zin pa de'i phyir/ de lta min na dgag pa 'grub pa'i
thabs rnam pa kun tu brjod par bya ba min par thal/ gang la
sngar bshad pa de ni dgag pa 'grub pa'i thabs

tshad ma min par 'dod pa des na'i phyir/ 'gal dmigs rtags su
'gyur ba'i tshul bstan pa des ni chos can/ dgag bya'i chos de
dang 'gal ba'i don gyi 'bras bu rtags su brjod pa 'gal 'bras
dmigs pa'i rtags

de yang dgag bya dmigs byed kyi tshad ma med pa 'phen par bshad
pa yin te/ 'gal dmigs kun la de ltar bsgrub pa des na'i phyir/
ma dmigs pa'i rtags kun la dgag pa 'grub pa'i don gyi thabs la
tha dad pa'i

khyad par cung zad kyang med de/ dgag sgrub rtags su sbyor ba'i
tshul tha dad pa tsam du zad pa'i phyir/ gnyis pa ni/ gzhan sde
dag dgag pa 'grub pa la tshad ma yod par smra ba gang yin pa de
rigs pa'i rjes su 'brang ba

@233b can ma yin te/ /ni dgag gzhi der dgag bya'i chos dang 'gal
ba grub pa dang/ de ni thabs dang bcas ba bkag pa med par dgag
pa 'grub par 'dod pa yin pa'i phyir/ dper na dag smra ba la sogs
pas dag smra ba'i skyes bu

pha rol po kun mkhyan min par bsgrub pa dang 'jig rten gzhan la
sogs pa med par bsgrub pa bzhin no/ /de dag ji ltar rtags ma yin
zhe na/ ngag smra ba ngag smra ba'i skyes bu pha rol po kun
mkhyen min par sgrub ba'i 'gal dmigs

kyi rtags yang dag ma yin par thal/ ngag smra ba kun mkhyen la
sogs pa dbang po las 'das pa'i don rnams dang 'gal ba cung zad
kyang grub pa med pa'i phyir/ rtags ma grub na/ de gnyis gnod
bya gnod byed kyi ngo bo gang yang

min par thal/ gal te smra ba po yang yin shes bya kun rig pa
yang yin pa'i gzhi mthun srid pa'i phyir/ ngag smra ba la kun
mkhyen med de/ de 'dra ma dmigs pa'i phyir ce na/ kun mkhyen
ngag smra la ma dmigs pa de nyid de med

pa'i sgrub byed yin par thog mar brjod par bya ba yin par thal/
de 'dra mi srid par sgrub 'dod pa gang zhig sngar bkod pa'i 'gal
dmigs rtags su mi rung ba'i phyir/ de lta bu rtags su brjod na
yang rtags su mi rigs par thal/

phyir rgol gyis mi dmigs pa ni de lta bu'i med pa nges byed min
par rab tu brjod zin pa'i phyir/ kun mkhyen rgyang phan gyi
dngos stobs kyi tshad mas yod med gang du yang nges pa'i nus pa
yod pa ma yin par thal/ de rgyang

@234a @#/ /phan la shin tu lkog tu gyur pa de'i phyir/ gsum pa
ni/ 'gal dmigs rtags su rab tu sbyor ba'i tshul gnyis yod de/ de
dag dgag bya'i chos dang rdzas tha dad dam/ rdzas tha dad med pa
rtags su bkod pa la bsgrub

bya go ba'i tshul gnyis su yod pa'i phyir/ dper na/ mes non pa'i
gzhir kha ba rgyun chags su gnas pa med par bsgrub pa la mes
khyab par non pa rtags su bkod pa dang/ grangs can myu gu rgyu'i
dus na yod pa yang skye

bar 'dod pa la/ myu gu chos can/ slar yang skad cig gnyis par
skye ba ma yin te/ khyod rang gi cha shas thams cad rgyu'i ngo
bor yod pa'i phyir/ ces slar yang skye ba la rgyu'i ngo bor yod
pa gnod byed du bkod pa bzhin no/ /gsum

pa la /sgrub rtags la brten pa'i rjes dpag dngos po la 'brel
pa'i rgyu mtshan dang /dgag rtags la brten pa 'brel pa'i rgyu
mtshan no/ /dang po ni/ rgyu dang khyab byed kyi dngos po nyid
rang nyid ldog na de log pa'i stobs kyis

'bras bu dang khyab bya'i dngos po rnams ldog par byed pa yin
te/ rang phyogs kyi chos su grub pa'i gzhir ji ltar rgyu dang
khyab byed kyi dngos po nyid du bsgrub pa la 'bras bu dang khyab
bya'i dngos po rnams kyi sgrub byed 'dod

rigs pa'i phyir/ de bzhin zhes pa 'bras bu dang khyab bya 'gog
na 'brel yul dgag dgos zhes bstan to/ /'brel pa dngos po'i stobs
la gnas par bstan pa 'dis ni rtog pas sbyar ba'i chos phyogs
dang mthun

@234b pa'i phyogs dag las gang yang rung ba nyid la sogs pa
rtags yang dag yin pa bsal ba yin te/ bsgrub bya 'grub pa mi
'khrul ba'i 'brel pa la bltos par bstan pa'i phyir/ de 'dra'i
rtags de chos can/ sgra mi rtag pa'am rtag par sgrub

pa'i rtags yang dag ma yin par thal/ rtag mi rtag ci yang rung
ba la srid par 'dod pas sbyar du rung ba'i phyir/ gnyis pa ni/
mi 'khrul ba'i 'brel pa la bltos par 'dod pa de la'ang 'brel yul
gang yang rung ba log pas

ldog pa go bar byed pa ma yin te/ rgyu dang khyab par byed pa'i
chos log pa rang phyogs kyi chos su grub pa'i gzhir/ 'bras bu
dang khyab bya ldog pa'i go byed du 'dod rigs pa'i phyir/ der
thal/ gal te rgyu dang khyab byed log pa'i

rang gi ldog pa rnam pa 'gar yongs su bcad pa na go byed du
'gyur ba'i phyir/ rtags de gnyis la don sgrub 'thad la/ bum pa
med par bsgrub pa la yod na dmigs su rung ba las de nyid dmigs
byed kyi tshad ma med pa rtags

su brjod pa gang yin pa de ni rgol ba shin tu rmongs pa'i don
can la yin te/ snang rung ma dmigs na med pa'i tha snyad gnag
rdzi mo'i bar la grags shing grub pa'i phyir/ 'brel yul ma dmigs
pa'i rtags kyi gtso bo gsum

po 'di tsam zhig med pa la nges pa'i 'bras bu can yin te/ de
yang yod na snang du rung bar 'dod pa yi rgyu 'am rang bzhin
dang khyab byed snang ba med pa nyid du nges pa de'i tshe go byed
du 'gyur ba'i phyir/ zhar byung 'di dag ni spyi mtshan

@235a @#/ /gzung yul du byas pas rang mtshan rtogs shing thob pa'i
rgyu mtshan 'brel pa la bltos par sgrub pa'i ched yin no/ /gsum
pa ni/ rjes su dpag pas kha dog mi rtag pa sogs su 'dzin pa la
tshad ma phung gsum du thal

ba'i skyon med de/ rjes dpag tshad mas kha dog mi rtag pa'i spyi
mtshan gzung yul du byas nas rang mtshan rtogs pa'i tshul 'dir 'dod
pa'i phyir/ gnyis pa la/ 'khrul rgyu med na mngon sum gyis grub/
yod na rjes dpag gis

grub pa/ kha dog ma dmigs pa'i rtags las mi rtag par rtogs
pa'ang rjes dpag tu bstan pa'o/ /dang po ni/ gal te rang spyi
'dres pa 'jal ba'i tshad ma phung gsum de mngon sum gyi rjes su
skyes pa'i kha dog mi rtag

pa'o snyam pa'i dran blo la brjod na/ de tshad ma min pas skyon
med pa ni/ rjes dpag las gzhan du mngon sum gyis drangs pa'i kha
dog mi rtag pa'o snyam pa'i blo chos can/ tshad ma phung gsum
nyid du 'dod rigs par yin par

thal/ rang 'dren byed kyi tshad ma snga mas gzung zin pa byed pa
ma nyams pa'i don de nyid 'dzin pa'i shes pa yin pa'i phyir/ der
thal/ kha dog gi mi rtag pa de yang dran shes las sngar dbang
po'i mngon sum gyis grub

pa'i phyir/ der thal/ kha dog 'gag kha ma'i dngos po las de'i mi
rtag pa grub sde gzhan du med par de gnyis ka dog tha ma 'dzin
pa'i dbang po'i mngon sum gcig gi nges shes 'dren nus kyi yul du
mtshungs

@235b pa'i phyir/ 'o na kha dog gi mi rtag pa zhes brjod mi rigs
par thal/ de gnyis grub sde rdzas gcig pa'i phyir ce na/ chos
chos can rdzas du ma'i dngos po de kha dog gi mi rtag pa zhes
pa'i sgra'i brjod bya min par thal/ de gnyis tha dad

kyi cha rtog pas bskyed cing btags pa'i chos su byas nas chos
dang chos can du brjod par bya ba yin pa'i phyir/ kha dog gi
rigs 'dra tha ma 'dzin pa'i dbang po'i mngon sum tshad ma chos
can/ spyi kha dog gi mi rtag pa de nyid ni grub pa

yin te/ spyi'i rten kha dog skad cig tha ma de gzung don du byas
pa'i sgo nas rigs 'dra tha ma dang 'brel pa med pa can du grub
pa'i phyir/ gnyis pa la/ rjes dpag gis 'grub tshul dang/ rtsod pa
spang ba'o/ /dang po ni /skabs 'gar kha do

mi rtag par rjes su dpog pa'i rgyu mtshan yod pa yin te/ de mngon
sum du ma grub na dpe la grub pa de ltar de rtags las rab tu
grub dgos pa'i phyir/ skabs la lar kha dog mi rtag par mi shes
pa'i rgyu yod de/ nang gi 'khrul rgyu blo

zhan pa dang/ phyi'i 'khrul rgyu 'dra ba gzhan 'byung dang/ yod
pa bar ma chad rnams tshogs pa mthong ba'i phyir/ 'dra ba gzhan
'byung yod de/ skad cig snga phyi tha dad du mthong yang mthong
ba med pa dang 'dra bar nges mi nus pa yod pa'i

phyir/ der thal/ snga phyi gcig tu 'khrul pa mthong ba'i phyir/
dper na mig 'khrul mkhan gyis gong gi tha dad mthong yang ma
nges pa bzhin no/ /de'i rgyu mtshan 'di ltar 'khrul rgyu med na
mar me la sogs pa rnams kyi 'jig pa mngon
 
@236a @#/ /sum gyis mthong bas yongs su gcod nus pa nyid yin te/
'khrul rgyu med na rtags la bltos pa med par byis pa'i bar gyi
skye bos mar me'i rigs 'dra phyis 'byung ba dang 'brel pa med
par mngon sum gyis rtogs nus pa'i

phyir/ mngon sum gyis rtogs nus na/ snga phyi gcig tu 'khrul pa
skye ba 'gal lo zhe na/ sa bon gyis myu gu bskyed pa'i nus pa sa
bon gyi dngos po'i rang bzhin du gyur pa mngon sum gyis mthong
yang nus med du rmongs par gyur pa'i rgyu mtshan

yod de/ de mthong yang nges shes 'dren nus kyi gsal ba de med
pas rmongs pa'i phyir/ der thal/ rgyu min pa dang 'dra bar 'bras
bu de ma thag med pas 'bras bu dngos su 'byung bar mthong ba med
pas 'khrul ba'i phyir/ des na myu gu bskyed pa'i

nus ldan du rjes su dpag pa 'jug par brjod pa la rgyu yod pa yin
te/ nus med du rmongs pa de nyid bzlog pa'i ched du 'jug pa'i
phyir/ 'khrul rgyu dang bral ba'i blo gros chen po rnams la mi
rtag pa rtags kyis sgrub mi dgos te/ de

'dra'i blo gros chen pos dngos po mthong tsam nyid las mi rtag
pa sogs rnam pa thams cad nges par byed pa'i phyir/ 'di ni phra
ba'i mi rtag pa yin gyi rags pa'i mi rtag pa ni/ tha mal pa
gzhan gyis kyang mngon sum du rtogs nus pa'i

phyir ro/ /slob dpon lha dbang blos gros chen po 'phags pa'i
gang zag la bzhed par gsal lo/ /gnyis pa ni /mngon sum gyis
dngos po'i rang bzhin thams cad mthong na rtog pas kyang thams
cad nges par 'gyur te/ de de'i

@236b rjes su 'brang ba'i phyir ce na/ rdzas tha dad med pa'i
don sgra rang mtshan de la ni chos can/ bum snam sogs rdzas tha
dad pa'i rten can gyi sgra rtog bzhin rigs mthun rigs mi mthun
kun las ldog pa'i rgyu mtshan can gyi blo rtog pa dang/ ji ltar

brda brtags pa'i sgra du ma 'jug par 'gyur te/ rigs mthun rigs
mi mthun thams cad las ldog par rang rgyu las skyes shing/
'khrul rgyu du mas zin pa'i phyir/ sgra de yis ni chos can/ phyi
nang gi 'khrul rgyu med na ngo bo nyid kyis rang

gi gnas lugs ji ltar yod pa dang rjes su mthun pa rtogs pa'i blo
bskyed par byed de/ dngos po yin pa'i phyir/ gsum pa ni/ yang na
rang gi sde pa kha cig kha dog sngar yod phyis mi dmigs pa'i
rtags las kha dog gi 'jig pa 'grub

pa'i tshad ma 'dir ni chos can/ tshad ma phung gsum du thal ba'i
skyon med de/ rjes dpag tshad ma yin pa'i phyir/ rang sde kha cig
bzhig pa la mi rtag par brjod de/ sngar byung ba'i dngos po med
par gyur pa la mi rtag ces brjod pa yin pa'i

phyir/ bzhig pa la mi rtag par 'dod pa rang sde gzhan gyi lugs
yin gyi rang lugs min yang/ gzhung 'di rang gi lugs te/ tshul de
ltar na yang kha dog mi rtag par rtags las rtogs pa'i tshul gnyis
pa yin pas/ tshad ma phung

gsum min par ston pa yin no/ /gsum pa la/ gzhan gyis btags pa'i
mi rtag pa rgyas par dgag pa dang/ rang lugs kyi mjug bsdu ba'o/
/dang po ni/ rigs pa can pa la sogs pa'i rgol ba gang gi ltar
na/ yod pa tsam mi

@237a @#/ /rtag pa ma yin te/ bdag la sogs pa yang mi rtag par
thal ba'i phyir ro/ /dngos po med pa yang mi rtag pa ma yin te/
de dngos po dang 'brel pa mi rung ba'i phyir/ des na mtha' gnyis
su chod pa'i dbus na yod pa'i

dbus na yod pa de la 'phrod 'du'i 'brel pa grub par brjod pa'i
ngang tshul can gyi don de nyid mi rtag pa nyid kyi sgra'i don
yin no zhe na/ ji skad bshad pa de dag mi rtag par mi rung bar
thal/ mtha' gnyis po de dag gang la brjod ces

dris na skyon dang bcas pa'i phyir/ gal te sngar med pa dang/
phyis med pa gnyis snga phyi'i mtha' yin no zhe na/ sngar med
dang phyis med de nyid mi rtag pa cis ma yin zhes dris pas/
dngos po'i mi rtag pa zhes pa'i drug pa dang

dngos po la mi rtag pa gnas zhes pa'i bdun pa la sogs pa'i sgra
sbyor ba mi rung ba'i phyir ce na/ 'o na mtha' gnyis po de la
dngos po yi sngar med dang phyis med ces pa de ci ltar yang
sbyar du mi rung bar thal/ de gnyis la dngos po

dang 'brel pa'i drug sgra sogs sbyar du mi rung ba'i phyir
/sngar med pa ni ma skyes pa la 'dod la/ phyis med bzhig pa la
'dod pas/ ma skyes pa dang bzhig pa gnyis kyi dbus na gnas pa'i
dngos po dang/ de la 'phrod 'du

'brel ba mi rtag par 'dod do/ /mtha' gnyis kyi dbus na yod pa
nyid dang de dang 'phrod 'du 'grel ba chos can/ sngar ma skyes
pa dang/ phyis bzhig pa'i mtha' yis khyad par byas par 'gyur ba
min par thal/ rtag pa'i

@237b dngos po yin pa'i phyir/ gal te rgyu snga ma'i mtha' dang/
'bras bu phyi ma'i mtha' yin la/ de gnyis kyi khyad par du byas
pa'i yod pa dang de dang 'phrod 'du 'brel pa mi rtag pa yin no
zhe na/ khyad par du byed chos rgyu 'bras med pa nyid du 'gyur

par thal/ rigs pa can pa de yis dngos po sngar med 'dod pa min
pa'i phyir/ der thal/ dngos po dar snga na med pa 'brel pa med
pa'i phyir/ 'dod na/ dngos po de la rgyu 'bras de yis khyad par
du byas pa can mi rtag par brjod pa

de yang mi 'grub par thal/ 'dod pa de'i phyir/ sngar med gsar du
bskyed ba rgyur 'dod pa ma yin gyi/ sngar yod kyang yod pa nyid
dang rang rgyu dang lhan cig tu 'brel par byed pa po rgyu yin la
rgyu 'bras lhan cig phrad pa'i cha 'bras bu

yin no zhes grag na/ 'o na du ba yod pa nyid de dang rang rgyu
me dang lhan cig 'phrod 'du 'brel ba de yang chos can/ 'di ste
khyod kyi 'bras bu gang yang med par thal/ khyod rtag pa'i
phyir/ 'bras bu gang zhig sngar mad pa de byed

do zhe na/ khyod kyi lugs la de mi 'thad par thal/ dngos po
sngar med ldan par khas blangs pa min pa'i phyir/ der thal/
sngar med dang dngos po'i 'phrel pa khas len pa med pa'i phyir/
dngos po ril 'di chos can/ rtag par

'gyur bar thal/ dngos po gang zhig sngar med mi rung ba de'i
phyir/ gnyis pa ni/ brjod bya rdzas tha dad pa can gyi rgyu
'bras kyi 'brel pa 'dzin pa'i blo chos can/ 'brel pa rdzas grub
gzung yul du byed pa min te/ dus mnyam du

@238a @#/ /med pa'i don rgyu 'bras gnyis dus mnyam ltar sgro
'dogs pa'i sgo nas 'brel bar zhen pa de'i phyir/ rdzas tha dad
med pa'i don du mngon par 'dod pa can gyi bdag gcig gi 'brel ba
brjod pa'i sgra dang de 'dzin

pa'i rtog pa la'ang chos can/ 'brel pa rdzas grub yul du byed pa
ma yin te/ rtog pas btags pa'i ldog pa'i rten can yin pa'i
phyir/ gnyis pa la/ gzhan 'dod dgag pa dang/ rang gi lugs dang/
rtsod spang ngo/ /dang po

ni/ sngar khang nang du mthong ba'i tsandan gyi me de phyis
khang pa'i phyi rol tu du ba'i rtags las sngar gyi me de nyid
'di'o snyam du ngo shes pa tshad ma phung gsum yin no zhe na/
me'i skad cig snga phyi gcig tu zhen pa khyad par ngo shes

kyi tshad ma ma yin par thal/ skad cig snga phyi so sor rdzas tha
dad pa'i phyir/ khyad par rang mtshan gzung yul du byed pa can
nyid kyang min par thal/ sngar mthong ba'i me dang phyis kyi me
de mtshungs par 'dzin pa yin pa'i

phyir/ gal te sngar mngon sum gyis mthong ba'i me de nyid dpe
yin la/ phyis kyi me de don yin pa'i phyir/ dpe dang dpe can tha
mi dad pas spyi 'dzin rjes dpag min no zhe na/ sngar gyi me de
chos can / phyis rtags kyis dpog

pa'i tshe na grub zin ma brjed par thal/ khyod rtags de'i dpe
yang dag nyid yin pa'i phyir/ 'dod na/ khyod 'jal bal tshad ma
gzhan gyis ci zhig bya don med par thal/ 'dod pa de'i phyir/ gal
te brjed pa'i phyir skyon med

@238b do zhen/ de dpe yang dag ma yin par thal/ brjod pa de nyid
kyi phyir/ gal te sngar mthong ba'i me la sngar ma mthong ba'i
me'i dngos po'i chos phyis tshad mas grub pas skyen med de zhe
na/ khyad par ngo shes kyi blo chos can/ zhen yul la

phyin ci log tu 'khrul bar thal/ sngar gyi me'i dngos pa las
rdzas gzhan la sngar gyi me de nyid kyi chos med bzhin du sgro
'dogs pa'i phyir/ 'dod na/ khyod kyis grub pa rgyab rten tshad ma
can nyid ma yin par thal/ 'dod pa de'i phyir/

sngar mngon sum gyis grub pa'i me dang/ phyis cig shos rtags las
rtogs pa'i me chos can/ khyed gnyis gcig grub pa na gnyis ka
grub par thal/ gcig yin pa'i phyir/ gnyis pa ni/ phyis du ba'i
rtags las sngar gyi me de'o

snyam pa'i blo chos can/ mkhas pas dran par shes te/ sngar gyi
me gzhan dang phyis kyi me gcig tu mtshams sbyor ba'i zhen pa'i
blo yin pa'i phyir/ gsum pa ni/ gal te blo de du ba'i rtags la
bltos pa'i phyir dran pa min no zhe na/

rtags la bltos na dran pa min pas khyab pa ma yin par thal/
khyab pa 'khrul pa'i phyir/ gnyis pa mngon sum du rang gi ngo bo
la log par rtog pa dgag pa la/ mngon sum bshad pa dang/ mngon
sum ltar snang bshad pa'o/ /dang

po la/ mngon sum gyis mtshan nyid dang/ mtshan gzhi'i dbye pa'o/
/dang po la/ mngon sum rtog bral du bsgrub pa dang/ rtog bcas
dgag pa'o/ /dang po la/ sgrub byed dgod/ zhar byung gzhan gyi
sgrub byed dgag/ rang gi sgrub byed gzhan

@239a @#/ /bstan pa'o/ dang po la/ mngon sum gyis grub pa dang/
rjes dpag gis grub tshul lo/ /dang po ni/ grub mthas ma bslad
pa'i mkhas pa la mngon sum rtog pa dang bral bar rtags kyis
sgrub dgos pa min par thal/ der

mngon sum nyid kyis 'grub par 'gyur ba'i phyir/ der thal/ skye
bo kun gyi rnam rtog don spyi dang ming spyi gzung yul du yod pa
la brten nas skye ba can gang zag so so rang gis rang rig mngon
sum gyis nges par rig par bya ba yin

pa'i phyir/ rtog bral gyi don mngon sum gyis grub nas tha snyad
rjes dpag gis bsgrub pa sogs tshul du ma snang na'ang/ mngon sum
rtog par grub mthas bslad cing sgro btags pa yin pas/ de med na
mngon sum gyis grub cing

de dag gi ngor rtags kyis bsgrub pa yin no/ /gal te dbang shes
rtog pa yin na rtog pa yul la mi 'phro ba'i tshe dbang shes mi
skye bar thal lo/ /'dod na/ de mi 'thad par thal/ phyi rol gyi
yul thams cad las sems

phyir 'phro ba bsdus nas nang gi bdag nyid rtog pa'i rlung gis
g.yo ba med par gnas pa na'ang mig gis gzugs dag mthong ba'i
blo de dbang po las skyes pa'i shes pa yin pa'i phyir/ de'i tshe
yang rtog pa yod do zhe na/

sngar bshad pa'i rtog pa mi 'phro ba'i gnas skabs kyi dbang po'i
rtogs pa la rtog pa med par thal/ dus de'i tshe rtog pa yod na
sngar rtog pa ji ltar gyur ces slar yang rjes thob tu cung zad
rnam par rtog na sngar kho bo'i rnam

@239b rtog 'di 'drar gyur to ces rig dgos pa la de ltar ma rtogs
pa'i phyir/ gnyis pa la/ dbang shes rtog bral du bsgrub pa dang/
mthong rtog gcig tu 'dod pa dgag pa'o/ /dang po ni/ brda'i dus
gcig tu mthong ba'i khyad par rang mtshan

gzhan tha snyad kyi dus 'ga' zhig tu mthong bar mi 'gyur bar
thal/ dngos po snga phyi phan tshun rjes 'gro mi byed pa'i phyir/
gsal ba de las spyi gzhan rdzas tha dad pa yod pa min par thal/
de ltar yod na rdzas tha dad du dmigs pa'i blo yod

dgos pa la/ blo de 'dra med pa'i phyir/ des na dbang po las
skyes pa'i blo ma 'khrul ba thams cad khyad par rang mtshan gyi
gzung yul can yin gyi/ spyi mtshan gzung yul du byed pa ma yin
te/ gsal ba phan tshun rjes 'gro mi byed/ rjes

su 'gro ba'i spyi don gzhan med pa de'i phyir/ de rgyas par
'chad pa ni/ khyad par rang mtshan rnams la don dam par brjod
byed kyi sgra dag 'jug pa srid pa yod pa min te/ don dam par
brda 'jug pa med pa'i phyir/ der thal/ khyad par

rang mtshan phan tshun rjes su 'gro ba med pa'i phyir/ snga ma la
khyab pa yod de/ rjod byed kyi sgra rnams kyi yul yang gang yin
pa de nyid la rtog pas brda de rnams nyid sbyor bar byed pa'i
phyir/ 'di dag ni den dam par rang mtshan brda'i yul

yin pa 'gog par byed pa yin gyi spyir rang mtshan brda'i dngos
yul dang rtog pa'i dngos yul yin pa 'gog pa ma yin te/ de ltar
'gog na yang mi rung ngo/ /don dam par brda'i yul min pa'i don
yang rang mtshan mngon sum du snang

@240a @#/ /ba ltar min pa don gyi cha shas kyi spyi shar nas de'i
de ma yin rnam par bcad pa'i sel ba'i sgo nas yul la 'jug dgos
shing dngos po'i gnas lugs la ma grub pa'i don bzos nas rnam
gzhag byed pas dngos

po'i gnas lugs kho na'i dbang gis zhugs pa min pa'i don to/ /'o
na sgra'i yul gang yin zhe na/ brda 'brel byed pa'i rtog pa'i
snang yul de ni dbang po'i mngon sum gyi gzung don gyi spyod yul
min par thal/ don de'i ming 'di

yin no zhes brda 'brel byed pa'i rtog pa la/ sgra spyi dang don
spyi snang ba gang yin pa de dag nyid brda 'brel byed pa'i rtog
pa'i gzung yul yin pa'i phyir/ khyab par thal/ brda byed pa de'i
tshe dbang shes la gsal bar snang ba yi don snang ba de ltar

rtog pa de la med pa'i phyir/ des tha dad du ji ltar 'grub ce
na/ dbang shes kyi gzung don dang rtog pa'i gzung yul rnams mi
'dra ba'i khyad par 'jog byed yod pa yin te/ gsal mi gsal gyi
shes pa'i snang yul tha dad pa yis

'jog nus pa'i phyir/ mig shes kyis mthong ba'i don la 'di gzugs
so zhes brda sbyor ba na brda 'brel byed pa'i rtog pa la yang
don gsal bar snang bas dbang shes nyid rtog pa'o zhe na/ mig
shes la don rang mtshan snang ba na

brda byed pa'i tshe na yang dbang po'i mngon sum gyi spyod yul
gang yin pa de nyid brda 'brel byed pa'i rtog pas gzung yul du
byed pa ma yin par thal/ 'di gzugs so zhes gzhan gyis sgra yis
sbyor bar byed cing bstan pa na rtog

@240b pa la mi gsal bar snang ba gang yin pa de nyid rtog pa'i
snang yul yin pa'i phyir/ 'di dag don dam par brda sbyor ba yin
na/ brda 'brel byed pa'i rtog pa la yang dbang shes ltar don
gsal bar snang dgos par ston pa yin gyi rang

mtshan brda'i dngos yul du mi rung bar ston pa ma yin te/ de ltar
na rang mtshan rtog pas kyang dngos rtogs mi rung bar shugs rtogs
'ba' zhig tu 'gyur ba dang/ bstan bcos kyis kyang chad ma dang
gzhal bya rang mtshan la

sogs pa dngos bstan mi rung bar shugs bstan 'ba' zhig tu 'gyur
ro/ /de ltar yin pa gzhung 'og ma 'di nyid kyis kyang gsal bar
shes te/ don dam par brda 'brel byed pa ma yin te/ de ltar na
dbang po'i bya ba med pa la

yang gzhan gyi ngag tsam gyis rtog pa la don gsal bar snang dgos
pa la de med pa'i phyir/ don dam par brda 'brel byed pa ma yin
par thal/ de lta na brda'i 'brel pa ma byas par yang gzhan gyis
rang nyid kyi ming den gyi

'brel pa shes par thal par 'gyur na de ltar shes pa can yang min
pa'i phyir/ gnyis pa la/ mthong rtog gcig tu zhen pa'i rgyu
mtshan dang/ rtsod spang ngo/ /dang po ni/ rtog bcas dang rtog pa
med pa'i yid de dag la blun

po dag gcig tu zhen pa'i rgyu mtshan yod de/ de gnyis dus cig car
du yul la 'jug pa'i phyir ram/ 'jug pa myur bas gcig tu zhen
pa'i phyir/ gnyis pa la/ dbang shes yul la chad cing 'jug par
thal ba spang ba dang

@241a @#/ /de'i lan dgag pa'o/ /dang po ni/ gal te mthong rtog
gnyis ka yul la 'jug pa na mthong ba dbang shes rgyun chad cing
chad cing 'jug par nges par 'gyur bar thal/ rnam rtog gis bar
bcad pa'i phyir te/ mthong

rtog mi gcig cing shes pa du ma cig car mi skye ba'i phyir ce
na/ dbang shes rtag par 'dod pa gzhan gyi ltar na'ang/ yul rigs
tha dad pa'i sngon gyi sgra la rnam par rtog pa'i tshe mdun gyi
gzugs 'dzin pa'i dbang shes par

chad cing 'jug cing nges pa ci ltar min te yin par thal/ de
gnyis ka da lta mtshungs par yul la 'jug shes pa du ma cig car mi
skye ba'i phyir/ gnyis pa la/ don dgag pa dang/ dpe dgag pa'o/
/dang po ni/ gal te mgal

me snga phyi bar ched kyang 'jug pa myur bas rtog pas bar ma
chang du mtshams sbyor ba stobs dang ldan pas 'khor lo'i rnam par
mthong ba bzhin du dngos po 'dzin pa'i dbang shes kyi phyogs
stobs dang ldan pas rtog pas bar chod

kyang bar ma chad pa ltar snang zhing zhen pas bar chad dang
bcas par ma nges pa yin no zhas 'dod na/ mngon sum rtog med du
'dod pa gzhan gyi lugs la'ang chos can/ mthong rtog gnyis ka yul
la 'jug pa'i tshe/ dbang shes

bar chad dang bcas par nges par thal ba'i skyon med par thal/
dngos po 'dzin pa'i phyogs stobs dang ldan pa de ni mtshungs par
yod pa yin pa'i phyir/ yi ge sa raH 'ang cig car thos par 'khrul
bar 'gyur bar thal/

@241b thos pa ches myur ba'i phyir/ 'dod na/ ro mtsho rim can du
mi go bar thal lo/ /shes pa du ma cig car mi skye bar 'dod pa'i
lugs 'dir gzugs sgra la sogs pa'i don dngos po kun dang cig car
du 'dus pa can gyi yid byed dang dbang po lnga po rnams

nus ldan du yod cing rtog pa yang yul la 'jug pa'i tshon shes pa
drug po re re'ang gzhan lnga po rnams kyis chod cing skye bar
thal/ drug ka rgyu nus pa mtshungs par yod/ shes pa du ma cig car
mi skye ba'i phyir/ 'dod na/ gang de bar chod med

cing ming gi mthar thug pa'i yi sa raH ra saH thos pa'i shes pa
skad cig snga phyi cig car du 'khrul pa mi skye bar 'dres pa ste
bar ma chad par skad cig snga phyi so sor chod par snang zhing
nges pa de ngo mtshar zhing mi rigs par thal/ shes pa drug ka

yul la 'jug pa'i tshe/ gzhan lnga po rnams kyis chod na yang chod
pa med bzhin du snang zhing zhen pa'i phyir/ don bsdu ba ni/
gzhan gyi bar chad med pa'i yi ge sa raH ra saH cig car thos par
'khrul pa mi skye bar rim can du thos par nges pa

mi 'thad par thal/ 'jug shes drug po gzhan lnga lngas bar du
chod na yang cig car du yul 'dzin par 'khrul pa'i phyir/ ming gi
mthar thug pa ni yi ge ngas 'dzin bzhed pa yin te/ kha cig yi ge
nyan shes kyis mi thos par 'dod pa dang/  

ming rtog pas btags par 'dod pa yang 'di dag gis legs par bkag go/ 
des na blo du ma cig car skye bar 'gyur bar thal/ de ltar mi skye 
ba la tshad mas gnod pa de'i phyir/ yid rtog 'ba' zhig yul la 'jug 
pa dang/ drug ka yul la

@242a @#/ /'jug pa'i tshe/ shes pa gzhan gyi bar chad dang bcas pa
dang bar chad med par 'dod pa de ci ltar 'thad pa yin te ma yin
par thal/ yid rtog de gnyis kyi bar chod ma chod kyi snang ba la
yang khyad par cung zad kyang

med pa'i phyir/ yid kyi rtog pa 'ba' zhig yul la 'jug pa la'ang
yul snga phyi rim can du 'dzin par mi 'gyur bar cig car du 'dzin
par 'khrul par thal/ 'dzin pa ches myur ba'i phyir/ shes pa du
ma cig car skye na res 'ga' yul

lnga ka nye bar yod kyang yul re re kho na 'dzin par mthong ba
dang 'gal lo zhe na/ skabs la lar yid gzugs mdzes la kun tu
chags pa'i sems can gyi don sgra nye bar yod pa la'ang sgra
'dzin med par gzugs 'ba' zhig 'dzin

pa gang de chos can/ shes pa du ma cig car mi skye ba'i rgyu
mtshan gyis sgra 'dzin ma skyes pa min te/ yid gzugs mdzes la
lhag par chags pas gzhan sgra 'dzin bskyed pa'i de ma thag rkyen
gyi nus pa nyams nas de ma skyes pa

yin pa'i phyir/ yid gzugs mdzes la lhag par chags pa'i skabs su
sgra 'dzin mi skye ba'i rgyu mtshan med par thal ba'i rtsod pa
'di shes pa du ma cig car skye bar 'dod pa kho nas spang dgos pa
ma yin par thal/ shes pa du ma

cig car skye ba dang mi skye bar 'dod pa gnyi ga la yang rtsod
pa 'di yod pas cig shos kyis kyang spang dgos pa'i phyir/ cig
shos kyis spong nus pa ma yin te/ rna ba'i dbang po ma nyams par
yod yul sgra yang nye bar yod pa'i

@242b tshe na yid gzugs mdzes la lhag par chags pa na/ nyan shes
mi skye ba'i rgyu mtshan med par thal/ de'i bdag rkyen dang dmigs
rkyen nus ldan du yod/ de ma thag rkyen ma tshang ba'i rgyu mtshan
gyis de ma skyes pa min pa'i phyir/ phyi ma ma

grub na/ shes pa du ma cig car mi skye ba'i rgyu mtshan gyis yin
pa nyam so/ /gnyis pa ni/ mgal me de 'khor lor mthong ba rtog
pas snga phyi mtshams sbyor ba'i dbang las ma yin par thal/ mig
dbang bslad pa las 'khor lor 'khrul

pa'i dbang shes skye ba yin pa'i phyir/ de'i bdag rkyen mig
dbang bslad pa yin te/ mgal me myur du 'jug pa'i rjes su 'gro
ba'i mig la gnod pa byas pa can las bslad par skyes pa'i phyir/
la sogs pas gyur 'jug pa sogs

gzung ngo/ /gnyis pa la/ dbang po las skyes pa'i rtags dgag pa
dang/ nges gzhan yang khegs pa'o/ /dang po ni/ kun las btus kyi
'grel byed srid pa'i bdag po la sogs pa la la na re/ rgan po'i
dbang po'i blo rtog pa med pa

yin te/ dbang po las skyes pa dang/ myong ba'i rnam pas 'jug pa
dang/ yid las byung ba ma yin pa la sogs pa'i phyir/ byis pa'i
dbang bla bzhin/ dpe bsgrub pa ni/ byis pa'i dbang blo rtog med
yin pa nyid kyi rgyu mtshan/ brda 'dzin

pa'i rgyu nyams pa nyid yin no zhes smra'o/ /'o na byis pa de
dag gi blo thams cad rtog med kyi shes par thal/ brda 'dzin pa'i
rgyu nyams pa'i phyir/ 'dod na/ byis pa'i blo de dag mngon sum
ste yul gsal bar snang ba nyid du 'gyur bar

@243a @#/ /thal/ 'dod pa de'i phyir/ de yang 'dod na/ byis pa'i
rtog pa de ni dus phyis kyang ming gi sgo nas don la spyod byed
du mi 'gyur bar thal/ brda 'dzin pa yin rgyu dang bral ba'i
phyir/ gal te da lta brda la ma byang ba'i yid de nyid don

la dpyod byed du yod pa des na de phyis brda 'dzin par 'dod do
zhe na/ yid rtog de bzhin du byis pa'i dbang po las skyes pa'i
shes pa la yang phyis brda 'dzin pa'i nus pa can du 'gyur par
thal/ da lta byis pa'i yid blo dang rtog med kyi

rgyu mtshan mtshungs/ yid blo rtog pa dus phyis brda 'dzin par
'gyur ba'i phyir/ byis pa'i dbang shes dus phyis brda 'dzin par
mi 'gyur te/ dbang po las skyes pa'i phyir ce na/ rtags 'di 'dra
'di yang yang dag min par thal/ lhag

ldan gyi gtan tshigs yin pa'i phyir/ snga phyi gcig tu 'dzin pa'i
nus pas stong pa gtan tshigs yin no zhe na/ byis pa'i dbang shes
rtog bral du bsgrub pa la sgrub par byed pa brjod pa gang yin pa
snga phyi gcig tu 'dzin pa'i nus pas

stong pa de nyid rgan po'i dbang shes rtog bral du bsgrub pa
'dir yang gtan tshigs su brjod par bya rigs par thal/ byis pa'i
blo la de ltar brjod pa gang zhig/ rtags des dbang po'i blo
gnyis ka rtog bral du bsgrub nus mi nus

mtshungs pa'i phyir/ gnyis pa ni/ dbang po las skyes pa rgan
dbang rtog bral du sgrub pa'i sgrub byed ltar snang du bstan pa
'dis ni myong ba'i rnam pas 'jug pa sogs kyang don gyis ltar
snang du bshad pa yin par shes par bya ste/ de

@243b rnams kyang ltar snang du go ba'i ched du dbang skyes ltar
snang du sgrub pa'i phyir/ gsum pa la/ dbang shes don sbyor rtog
pa yin pa dgag pa/ sgra sbyor rtog pa yin pa dgag pa'o/ /dang po
la/ khyab pa sgrub/ rtags dgod/ phyogs chos bsgrub pa'o//

dang po ni/ khyad par du byed chos dang khyad par byas gzhi
dang/ de gnyis kyi 'brel ba dang/ 'jig rten gyi gzhung lugs kyi
sgra'i tha snyad rnams gzhan du so sor 'dzin mi shes bzhin du
bsdoms nas 'dzin pa min par thal/ dang por sor

gzung nas phyis de dag bsdom par byas te 'di ba glang dgar po'o
snyam pa de ltar rtogs dgos pa'i phyir dper na skyes bu dbyug pa
can zhes pa bzhin no/ /skyes bu dang dbyug ba rdzas tha dad
kyang khyad gzhi khyad chos kyi cha rtog pas btags

pa yin te/ gzhan du na dbyug pa 'di yang skyes bu can no snyam
pa'i blo skye bar 'gyur ro/ /des na skyes bu du ma'i nang nas
gcig la dbyug ba can no snyam pa'i blo skye ba dbyug pas skyes
bu phyi ma rnams la phan btags nas dus mnyam pa'i

skyes bu dang dbyug pa khyad gzhi khyad chos su sgro btags pa
yin no/ /gnyis pa ni/ dbang po'i shes pa 'di la chos can/ rigs
don gzhan dang/ rigs sogs de dang ldan pa'i rdzas lhan cig tu
sbyor ba'i nus pa yod pa min te/

rigs la sogs pa rnams kyi bye brag so sor rtogs shing 'dzin pa
med pa'i phyir/ des na don sbyor rtog pa nyid du'ang med de/
bsgrub bya'i chos des na'i phyir/ gsum pa la/ sbyar bya rigs
sogs don gzhan ma grub/ de sbyar

@244a @#/ /ba 'phrod 'du dngos po ba ma grub/ rigs don gzhan med
kyang gcig gi sgra blo mi 'gal ba'o/ /dang po ni/ rigs don gzhan
yod de/ spyi blo skye ba'i rgyu yod pa'i phyir ce na/ ba lang gi
gsal ba la rjes su 'gro ba

can gyi spyi 'dzin pa'i rnam par shes pa gang yin pa de'ang chos
can/ spyi don gzhan gzung yul du byed pa min te/ rtog pa la sgra
spyi don spyi dang/ rtog med la sgra rang mtshan dang kha dog
dbyibs sogs kyi rnam par gsal bar snang

ba'i phyir/ khyab par thal/ kha dog dang dbyibs dang yi ge'i
rnam pa yis stong pa zhig la ba glang nyid ces pa'i spyi don
gzhan du brjod pa'i phyir te rtog pa la snang ba'i kha dog la
sogs pa de nyid ba glang gi gsal ba thams cad

mtshungs pa nyid kyi spyi don gzhan yin no zhe na/ rtog pa la mi
gsal bar snang ba de nyid spyi don gzhan min par thal/ spyi don
gzhan mig shes kyis mthong bar khas blangs shing/ mig gi shes
pa'i ngor rang gi gzung yul la mi gsal

bar mthong ba de med pa'i phyir te/ rang gi snang yul gsal bar
snang ba'i phyir/ khyab par thal/ mig shes la rang yul gsal bar
snang ba dang/ mi gsal bar snang ba'i snang ba gnyis med pa'i
phyir/ ma grub na/ rnam pa kun tu

blo gnyis tha dad du 'jog pa'ang rnyed par dka' zhing 'jog byed
med par thal/ shes pa gcig la rang gi snang yul gsal bar snang
ba dang mi gsal bar snang ba gnyis yod pa'i phyir/ gnyis pa la/
'phrod 'du dngos po ba sgra

@244b rtog gi rgyur mi rung ba dang/ de mi srid pa dang/ rjod
byed sgra brjod bya don gzhan gyi dbang gis 'jug dgos pa mi
'thad/ dang po ni/ 'phrod 'du'i 'brel pa dbang po'i mngon sum
gyis mthong ba med par gnas par thal/ dbang po'i mngon sum

gyis 'phrod 'du'i 'brel pa 'dzin pa med par rigs pa can pa rang
nyid kyi khas blangs shing/ de don la yang dbang mngon gyis
'dzin pa med pa'i phyir/ gnyis pa ni/ don la 'phrod 'du dngos po
ba yod de/ snal ma 'di la snam bu yod do snyam pa

dang/ rwa la ba glang yod do snyam pa'i rgyu 'phrod 'du dngos po
ba yin no zhe na/ 'phrod 'du dngos po ba rgyu mtshan du byas nas
snal ma 'di la snam bu'o zhes pa'i sgra 'jug par 'dod pa 'di dag
kyang rigs pa can pa rang gis rtog pas byas par

thal/ rigs pa can pa de ltar 'dod pa gang zhig des ji ltar btags
pa de ltar mi gnas pa'i phyir/ rwa la ba glang yod snyam pa yang
'phrod 'du dngos po ba'i rgyu mtshan gyis 'jug pa ma yin par
thal/ ba glang la rwa yod do zhes 'jig rten na brjod

kyi/ rwa la pa glang yod ces 'jig rten na grags pa min pa'i
phyir/ ba glang la rwa yod do zhes bya ba'i sgra 'di yang 'phrod
'du dngos po ba'i rgyu mtshan gyis 'jug pa ma yin par thal/ rwa
ma gtogs pa'i ba glang gi yan lag lhag ma rnams

dang/ steng gi rwa bar rnam par bcad pa'i tshul gyis dmigs pa med
par bar ma chod du tshogs pa gcig tu 'dus pa'i rgyu mtshan gyis
yin pa'i phyir/ 'o na sngar gyi snal ma de rnams kyi snam bu
'di'o zhes brjod pa mthong bas 'phrod 'du

@245a @#/ /dngos po ba yod do zhe na/ ji lta bur yang dus gcig
pa'i snal ma la snam bu'i 'phrod 'du dngos po ba snal ma'i snam
bu zhes pa'i sgra rtog 'jug pa'i rgyu min par thal/ sngar gyi
snal ma de rnams kyi snam bu 'di zhes

brjod pa'i tshe snal ma'i sgra rgyu'i gnas skabs la 'jug la/ snam
bu'i sgra sngar gyi snal ma thag pa sogs kyis 'dus byas pa las
phyis 'byung ba'i 'bras bur gyur pa'i ling po gcig gi gnas skabs
la brjod pa yin pa'i phyir/

'o na sngar gyi snal ma de gang yin zhes dris pa na/ snam bu la
dmigs nas dus mnyam du 'di'o zhes ston pa ji ltar yin zhe na/
snam bu la sngar gyi snal ma 'di'o zhes brjod pa yang 'phrod 'du
dngos po ba'i rgyu mtshan gyis 'jug

pa ma yin par thal/ de'i tshe snal ma'i sgra 'jug pa yi rten ston
pa na 'ga' yis 'bras bu snam bu la rgyu snal mar sgro btags
pa'am/ snal ma gcig logs su bkar bar byas la 'bras dus kyi snal
ma la snal ma zhes pa'i sgras

ston pa la 'jug par 'gyur ba'i phyir/ 'bras dus na snal ma las
don gzhan pa'i yan lag can gyi snam bu med na/ 'bras dus kyi
snal ma re re la snam bu'i dngos ming mi 'jug par de'i tshogs pa
la dngos ming 'jug pa mi 'thad

do zhe na/ snam bu'i sgra 'jug pa'i rgyu yan lag can gyi snam bu
don gzhan med par thal/ tshogs pa can snga phyi phan gdags bya
dang phan 'dogs byed nyid dam/ snal ma rnams thag pa sogs kyis
'dus byas nas bar rnam par tshad

@245b pa med par bgo ba la sogs pa'i don byed nus par snang ba'i
dngos po gcig la snam bu'i ming 'jug pa'i phyir/ gsuM pa la/
khyad chos don gzhan med kyang sgra 'jug pa'i dpe dang/ khyad
chos don gzhan dgos na riD pa can pa la ha cang thal ba bstan
pa/ dngos ming dang btaD ming gi

khyad par ro/ /dang po ni/ dngos ming 'jug pa la khyad ches don
gzhan nges par dgos pa ma yin par thal/ blo 'khrul pa med pa can
skye bar shes shing/ 'dod rgyal dang por sbyar ba yi brda yi
spyod yul gang yin pa'i don de la dang

po'i ming de dngos ming du 'jug pa'i phyir/ gsal ba'i dngos po
las rdzas tha dad pa can gyi rigs sogs yod par bsgrub pa la rjes
dpag med par thal/ mthun dpe yang dag med pa'i phyir/ skyes bu
dbyug pa can la sogs pa'i don gzhan

khyad gzhi khyad chos su mthong ba de nyid dpe yin no zhe na/
dbyug pa can la sogs pa'i tha snyad thams cad la'ang khyad gzhi
khyad chos ldog pa rdzas tha dad yod pa ma yin te/ dus mnyam
pa'i dbyug pa dang skyes bu don gzhan pa'i

khyad gzhi khyad chos dang rten dang brten pa rtog pas sgro
btags pa'i kun rdzob pa tsam las skyes bu dbyug pa can gyi tha
snyad 'dogs pa'i phyir/ don gzhan dus mnyam khyad gzhi khyad
chos dang /rten dang brten par tha snyad byed pa rtog pas

btags pa 'ba' zhig tu shin tu gsal te/ don gzhan la rgyu 'bras
las ma gtogs pa'i rten dang brten pa mi 'thad pa'i phyir ro/
/gnyis pa ni/ khyad chos don gzhan gyis dbang gis nges par sgra
'jug pa min par thal/ tshig

@246a @#/ /don drug la dngos po zhes pa'i sgra dang/ khang bzang
du mtshar du dngar ba la khang bzang gi phreng ba zhes sogs kyi
sgra yang khyad chos don gzhan yod pa la nges par bltos pa min
pa'i phyir/ bltos na rigs mi mthun gyi rdzas mi

rtsom pa dang/ dngos po yin na/ tshig don drug tu 'dus pa nyams
so/ /gal te khang pa bzang po rdzas ma yin gyi/ rdo shing sogs
rdul rigs mi mthun phrad pa'i ldan pa yin no zhe na/ 'o na khang
bzang de'i phreng ba de ni tshig don drug gi nang nas

ci zhig kyang yin pa mi 'thad par thal/ de'i rten khang pa yan
lag can gyi rdzas ma yin pa'i phyir/ yon tan dang las ma yin te/
ldan pa la brten pa'i phyir/ 'du ba dang bye brag kyang ma yin
te/ rigs mi mthun las tha dad du 'byed

pa'i blo'i rgyu ma yin pa'i phyir/ gal te tshig don drug gi nang
nas rigs yin no zhe na/ khang pa yan gar ba gcig kyang khang
bzang gi phreng ba zhes pa'i dngos ming gis brjod par bya bar
'gyur bar thal/ khang bzang gi phreng ba khang

pa'i gsal ba rnams kyi rigs yin pa'i phyir/ shing gsal du ma la
shing gi sgras brjod pa bzhin no/ khang bzang gi phreng ba mang
po la khang bzang gi phreng ba de'i dngos ming gi sgra ci ltar
yang mi 'thad par thal/ rigs la rigs

gnyis pa brten pa med pa'i phyir/ khang bzang gi phreng ba sogs
la chen po dang tshung ngu la sogs pa'i tha snyad mi 'jug par
thal/ de dag la phyis byung gi yon tan don gzhan mi brten pa'i
phyir/ chen po la sogs pa'i sgra

@246b nye bar btags pa las 'jug par 'dod do zhe na/ khang bzang
gi phreng ba chen po la chen po'i sgra nye bar btags pa tsam min
par thal/ khang bzang gi phreng ba chen po gang yin pa da ri bo
la sogs pa'i chen po dngos dang khyad med du rnam shes

kyis chen por bzung bar bya ba nyid yin pa'i phyir/ des na khyad
chos don gzhan yod med kyis dngos btags kyi ming gi khyad par
'byed nus pa ma yin par thal/ ming dngos su 'jug par mngon par
'dod pa la'ang rgyu don gzhan

gyi dbang gis min pa nyid de mtshungs pa'i phyir dang/ tshig don
drug po rnams la tshig don gyi sgra 'jug pa'i rgyu yang drug po
las don gzhan pa'i tshig don gang la bltos par mthong ba mi 'thad
pa'i phyir/ gsum pa ni/ thal chos snga

ma la/ rtags ji ltar 'jig rten gyi grags pa las thog mar ming du
grub pa gang yin pa de don de'i dngos ming dang don de dang 'dra
'brel la sogs pa'i cha 'ga' zhig gis mtshungs pa'i phyir don gang
la ming de skad brjod pa'i ming

de phyis kyi don de la phal pa btags ming yin pa'i phyir/ der
thal/ don byed nus stong la dngos med kyi sgra dngos ming dang/
bu glen gyi dngos po la bu med ces dngos med kyi sgra btags nas
sbyor ba mthong ba'i phyir/ grags pa

las dngos btags kyi dbye ba grub kyang grags pa dngos po'i dbang
gis 'jug go zhe na/ 'jig rten gyi grags pa chos can/ dngos po
kho na'i dbang gis 'jug pa ma yin te/ brda yi rjes su 'gro ba
can yin pa'i phyir/ brdza de yang

@247a @#/ /chos can/ chos snga ma la/ rtags brjod 'dod kyi rjes
su 'gro ba can yin pa'i phyir/ khyad chos don gzhan med kyang
ming tha dad sbyar ba la dgos pa yod de/ tha snyad kyi dus su
don go ba'i ched du byas pa'i phyir/ dper na sdeb

sbyor mkhan gyis sdeb sbyor gyi khyad par 'ga' zhig la/ me tog
phreng 'dzin ces pa'i ming btags pa dang/ sgra pas sgra'i cha
shas 'ga' zhig la skad kyi byings dang rkyen la sogs par ming
btags pa bzhin no/ /gsum pa la/ du ma la

sgra gcig 'jug pa'i rgyu mtshan mdor bstan pa dang/ rgyas par
bshad pa/ don bsdu ba'o/ /dang po ni/ du ma la sgra gcig 'jug pa
spyi don gzhan gyi rgyu mtshan can ma yin par thal/ gang shing
gsal du ma spyi don gzhan med pa'i

tha dad yin kyang dngos po'i chos nyid kyis rigs gcig pa de
'drar 'dzin pa'i spyi 'dzin rnam shes kyi rgyu byed la/ spyi
'dzin shes pa des kyang rang gi rgyu yi don shing gsal de dag la
rigs gcig pa de ltar rtogs par 'gyur ba yin pa'i

phyir/ shing gsal 'dzin pa'i dbang po'i shes pa du ma'ang chos
can/ rigs tha dad med pa yin te/ shing gsal rdzas tha dad pa
rang 'dzin shes pas rigs tha dad min par rtogs pa la phan pa de
bzhin du/ khyod kyis rang 'bras spyi 'dzin

shes pa gcig bskyed pa'i phyir/ shing gsal du ma chos can/ khyod
rnams la rjes su 'gro ba'i spyi rdzas gzhan dngos po ba gcig yod
pa ma yin par thal/ shing de'i 'bras bu med pa dang bral ba
shing ma yin las ldog pa

@247b khyed rnams la thun mong du rjes su 'gro ba de'i phyir/
shing gsal gyi dngos po rnams la 'jug pa'i shing zhes pa'i mnyan
pa de don gyi gzhan sel gyi mtha' can yin te/ shing gsal gyi
dngos po rnams la shing ma yin las log pa de

yod cing /de rtogs pa'i don du shing gi brda sbyar ba de'i
phyir/ gnyis pa la/ rtsod spang dang/ sgra'i brjod bya ngos
gzung ba'o/ /dang po ni/ rjod byed kyi sgra shing ma yin las log
pa lta bu'i dngos po ldog pa'i mtha' can yin na dngos po kho na
sgra'i

brjod byar 'gyur la/ de lta na sngar sgra don gsum brjod byar
bshad pa dang 'gal lo zhe na/ rjod byed kyi sgra rnams phyi rol
don byed nus pa rang ma yin rnam par gcod pa la don dam par rig
pa med de/ sgra'i brjod bya dngos por med pa'i phyir/

shing zhes pa'i sgra de ni shing ma yin las log pa la don dam
par reg pa med kyang dngos po ldog pa'i mtha' can du 'gal ba med
par thal/ shing sgra de'i brjod bya shing 'dzin rnam par rtog
pa'i gzugs brnyan ni shing rang mtshan de thob pa yi

mthar thug pa rnams dang 'brel ba'i phyir/ des na shing zhes
pa'i mnyan pa gzhan sel ston par byed par brjod pa'i rgyu mtshan
yod de/ shing zhes pa'i sgra de shing ma yin las ldog pa'i gzhan
sel thob pa'i mthar thug pa can gyis

brjod pa'i phyir/ gzhung 'di slob dpon lha dbang blos/ sgra
dngos po ldog pa'i mtha' can yin pa dang/ sgra don brjod byar
byed pa 'gal ba'i rtsod spang du sbyar te/ de'i don ni shing
zhes pa'i sgras bstan pa'i shing ma yin las log

@248a @#/ /pa de dngos po yin na sgra de dngos po'i dbang gis
'jug par 'gyur la/ de lta na shing gi grub sde rdzas gcig gi
chos thams cad sgra des brjod cing/ sgra de la brten nas go bar
'gyur bas dngos po kho na brjod byar 'gyur

la/ de lta na sngar sgro btags brjod byar bshad pa dang 'gal lo
zhes pa rtsod pa'i bsam pa'o/ /lan ni/ shing sgra shing ma yin
las log pa la don dam par reg na de ltar yin yang dngos po'i cha
shas re re nas phye nas brjod

la/ de'i phyir de'i rjes su 'brang ba'i rtog pa la yang cha shas
re re'i don spyi 'char bas sgras dngos po yang bstan la sgra don
brjod byar yang byed pa'o/ /dngos po la cung zad kyang ma rig pa
ma yin te/ dngos po'i chos la reg 'gyur

ba/ /de ni de la yod ces bya'o/ /zhes par sgrub zin pa'i phyir
ro/ /gnyis pa la/ mi 'dod pa'i phyogs sun 'byung ba dang/ 'dod
pa'i phyogs bzhag pa dang/ sgras gzhan sel brjod dgos pa'i rgyu
mtshan no/ /dang po ni/ gal te shing

'dzin rtog pa'i snang ba phyi rol gyi shing du grub par snang
bas phyi rol gyi shing yin la/ des na phyi rol gyi don kho na
brjod do zhe na/ shing zhes pa'i sgra'i bdag rkyen dag las shing
gi spyi 'dzin shes pa la shing rang mtshan pa gzhan gyi

gzugs brnyan snang ba gang yin pa de'ang chos can/ khyod snang
lugs phyi rol gyi shing rang mtshan de shing ma yin las ldog pa
bzhin du snang yang phyi rol gyi shing gi don gyi bdag nyid du
gyur pa'i rdzas min te/ rtog pa 'khrul pa'i

@248b bag chags las byung ba'i snang ba com yin pa'i phyir/ kha
cig rtog pa'i gzung rnam kho na brjod bya yin no zhes zer ba de
yang mi rigs te/ de lta na shing zhes pa'i sgra las shing gi don
gyi cha gang yang rtogs par 'gyur ba mi 'thad par

thal/ rtog pa'i gzung rnam de ni kho na shing zhes pa'i mnyan
pas brjod pa'i phyir/ 'dod na/ shing de rtogs pa'i don can du
shing gi brda byed pa don med du 'gyur bar thal/ shing sgra la
brten nas shing de ma rtogs pa'i phyir/ shing zhes

pa'i sgras phyi rol don gyi cha ci brjod ces 'dri ba de la shing
ma yin las ldog pa'i gzhan sel brjod ces brjod par bya ste/ de
shing sgra'i brjod bya mthar thug yin pa'i phyir/ rtog pa'i
gzung rnam de brjod pa tsam gyis ci ltar phyi rol gyi

don brjod byar brten pa yin pas ma khyab par thal/ /gzung ba'i
rnam pa de yang phyi rol gyi don rang mtshan la med/ de dang
'brel ba'i nges pa'ang med pa'i phyir/ des na shing gsal rnams
la rjes su 'gro ba can gyi shing zhes pa'i sgra sbyar

ba la dgos pa yod de/ shing gsal rnams rjes su 'gro ba can gyi
shing gi don go ba'i 'bras bu can yin pa'i phyir/ shing rang
mtshan mthong ba goms pas sprul pa'i shing 'dzin rtog pa'i gzung
rnam de'ang chos can/ shing gi gsal

ba rnams la rjes su 'gro ba med pa can yin te/ shing gi spyi blo
las rdzas tha dad med par grub sde rdzas gcig pa'i phyir/ gnyis
pa ni/ shing zhes pa'i sgra'i don gang yin zhes 'dri na/ rigs mi
mthun las ldog pa'i gzhan sel de nyid

@249a @#/ /yin no zhes brjod pa la 'gal ba med de/ shing sgra la
brten nas shing 'dzin rtog pa'i snang ba de shing gi dngos por
sgro btags pa rtogs pa yis gzhan shing ma yin las ldog pa rtogs
pa'i phyir/ yang ni sgra

don brjod bya yin par ma zad ces pa'o/ /shing gi spyi 'dzin shes
pa shing zhes pa'i sgra yis nges par sprul zhing bskyed pa'i
shing 'dzin rtog pa de dag la shing ma yin las log par snang ba
'di chos can/ don gyi cha shing

gsal rnams la rjes su 'gro ba yin te/ de rnams kyi spyi yin pa'i
phyir/ 'o na shing gi sgra don chos can/ der thal/ de'i phyir/
rtags ma grub na snga ma dang 'gal lo zhe na/ 'di la lan gzhan
sel ba'i skabs su

bshad zin mod kyi/ 'on kyang shing gi gsal ba rnams rtog pa la
shing ma yin las log par snang ba gzhan sel ston pa'i skabs kun
tu slob dpon gyis lan cig ma yin par sgrub la shing gi gsal ba
rnams

shing 'dzin rtog pa la shing ma yin las log par snang ba yin na/
de la shing ma yin las log par snang ba shing gsal rnams la rjes
su 'gro ba 'bad med du grub zin la/ 'on kyang de sgra don yin pa
la 'gal ba ci

yod/ de sgra don yin na sgra don yang shing gsal rnams la rjes
su 'gro dgos zhes smra na/ de ni brgya byin mthong ba las kyang
ngo mtshar che'o/ /de ltar shing zhes pa'i mnyan pa gzhan sel
brjod par byed de/ blo'i

@249b sel ba dang/ don gyi sel ba brjod par sgrub ma thag pa yin
pa'i phyir/ shing zhes pa'i sgra gzhan sel dang brjod bya rjod
byed du 'brel bar 'gyur te/ shing gi brda sbyor ba yi dus na'ang
shing rang nyid mthong zhing thob pa'i 'bras bu can sngar

bstan ma thag pa'i don blo'i sel ba dang/ don gyi gzhan sel
dang/ brjod bya rjod byed du 'brel tha snyad kyi dus su yang don
de dag go ba de'i phyir/ gsum pa ni/ gzhan sel rjod byed kyi
sgra de ni/ gzhan sel dang brjod bya rjod byed du

'drel bar 'gyur gyi spyi gzhan dngos po ba la rjod byed du mi
rung ste/ shing zhes pa'i sgra las shing gi don go ba shing las
gzhan du shing gi brda sbyor ba ma mthong zhing de nyid nges pa
la bltos/ shing gsal la lar shing de'i brda

sbyor ba mthong ba la bltos dgos pa'i phyir/ de'i don ni/ rigs
mthun rigs mi mthun kun la sbyor ba mthong na the tshom du 'gyur
bas shing 'ba' zhig mi go/ shing gsal la sbyor la mi mthong na
yang shing mi go bas shing go ba shing

ma yin bcad pa la bltos dgos pa yin no/ /shing ma yin bcad pa la
ma bltos par shing gi dngos po la brda sbyor ba rnam pa thams
cad du mi rung ste/ de lta na gzhan shing yin pa ma bkag pas
shing la thun mong ma yin

pa'i go ba cung zad kyang mi skyed pa'i phyir ro/ /gsum pa ni/
rigs dang yon tan dang las dang rigs sogs don gzhan de dang ldan
pa'i yan lag can gyi rdzas yod pa min te/ tshad mas gong du bkag
zin pa de'i phyir

@250a @#/ /rigs sogs don gzhan de dang ldan pa'i don yan lag can
gyi rdzas kyi shing dang rigs sogs don gzhan de dag la shing
zhes pa'i mnyan pa brda 'brel byed pa rigs pa min par thal/ de
dag mi srid pa'i phyir/

de dag mi srid na shing gi sgra sbyar ba dgos pa med pa ma yin
te/ gzhan shing ma yin las ldog pa nyid la shing gi sgra sbyor
ba'i phyir/ gnyis pa sgra sbyor rtog pa yin pa dgag pa la/ snga
phyi gcig tu 'dzin pa'i nus pas stong pa'i rtags

kyis dgag pa dang/ rigs pa gzhan gyis dgag pa'o/ /dang po ni/
gzugs 'dzin mig gi rnam par shes pa de la ni chos can/ sgra
sbyor rtog pa der ci ltar yang mi 'gyur te/ khyod kyi rigs la
snga phyi gcig tu 'dzin pa'i nus

pas stong pa yi phyir/ khyab par thal/ sgra sbyor rteg pa yin
na/ sngar brda byas pa dran pa yi rgyu can gyi phyis tha snyad
kyi dus su mthong ba'i don dang/ brda dus kyi ming gnyis ming
don gcig tu bsre bar byed pa'i bdag nyid can yin

pas khyab pa'i phyir/ gnyis pa ni/ gzhan sngon dus kyi sgra la
rtog pa 'jug bzhin pa'i sems can gyi rgyud kyi yang mig gis
gzugs dag mthong bar gyur pa'i dbang shes der ni gsal bar gzugs
de yi brda mi 'dzin/ gzugs

kyi brda 'dzin pa des bskyed pa'i rtog pa'ang med de/ rtog pa
rdzas tha dad pa gnyis skyes bu gcig gi rgyud la cig car skye ba
med pa'i phyir/ bsgrub bya'i chos bsdus na sgra la rtog bzhin
pa'i gzugs 'dzin dbang shes

@250b rtog par med de/ zhes so/ dbang po las skyes pa'i shes pa
chos can/ sgra sbyor rtog pa min par thal/ sgra'i brjod bya
khyod kyi gzung yul min pa'i phyir/ khyab par thal/ gang la
brjod byed kyi sgra nges par 'god pa'i yul de la dmigs nas

rtog pa skye bar 'gyur ba'i phyir/ rtags ma grub na/ phyi rol
gzung don du byas nas mthong bar mi 'gyur bar thal/ 'dod pa yis
'jug par 'gyur ba des na'i phyir/ gnyis pa mngon sum rtog pa yin
pa la gnod byed dgod pa la/

rgyas par bshad pa dang/ don bsdu ba'i/ /dang po la/ gzugs 'dzin
myong byed med par thal ba dang/ 'das pa dran pa mi srid par
thal ba dang/ rang mtshan mthong ba'i blo mi srid par thal ba'o/
/dang po ni shes pa thams cad 'di'o snyam

pa'i rtog par 'dod na/ gzugs la 'di gzugs so zhes mthong ba'i
tshe na gzugs 'dzin de'i myong byed med par thal/ de yod na de
gzugs de 'dzin pa'i blo'o zhes pa des myong dgos pa la/ de
'dra'i blo dus der ji ltar yang mthong ba

med pa'i phyir/ 'dod na mi 'thad pa ni/ gzugs 'dzin de yi nyams
su myong ba'i blo'ang yod de/ de'i dran pa mthong ba'i phyir/
myong byed de ni rtog med ci ltar yang yin pa mi 'thad par thal/
shes pa thams cad rtog pa yin pa'i phyi

gzugs 'dzin de nyid kyis rang nyid myong ba yin no zhe na/ khyod
kyi lugs la de mi 'thad par thal/ de lta na 'di gzugs so snyam
pa dang 'di gzugs 'dzin pa'o snyam pa'i rtog pa gnyis skyes bu
gcig la cig car skye dgos na/ de mthong

@251a @#/ /ba med pa'i phyir/ rigs pa des ni gzugs 'dzin de dang
dus mtshungs pa'i rnam par shes pa rdzas gzhan gyis myong ba ma
yin par bstan pa yin te/ rtog gnyis cig car med pas de 'dra'i
rigs 'gog nus

su bstan pa'i phyir/ des lugs de la shes pa rang nyid kyis myong
ba dang/ gzhan la yang dus mnyam gyis mi myong bar bstan to/
/rang las phyis byung gi shes pa gzhan gyis myong ngo zhe na/
gzugs 'dzin myong byed kyi shes

pa de chos can/ gzugs 'dzin la dmigs pa'i dran par 'gyur bar
thal/ rang dus na 'das pa'i gzugs 'dzin de la dmigs pa'i blo
gang zhig /dran pa las gzhan du mi 'thad pa'i phyir/ 'dod na/ de
ci ltar yang mi 'thad

par thal/ de'i myong ba med pa'i phyir/ rang rgyud kyi blo myong
ba'i blo dang gzhan rgyud kyi blo la rtog pa'i blo gnyis yul
yongs su gcod pa'i ngo bo'am tshul gcig par 'gyur bar thal/ gnyis
ka yul gyi don spyi tsam la rtog

par mtshungs pa'i phyir/ gnyis pa ni/ rang dus na 'das pa skad
cig du mas chod pa'i don rig mngon sum rang rgyud dang 'brel bar
tshad ma cis 'grub mi 'thad par thal/ gang gi phyir na de la
mngon sum yang 'jal byed

du 'jug pa ma yin/ rtags can rjes dpag kyang min pa'i phyir/
phyi ma der thal/ de sgrub pa'i mthun dpe yang dag dang bral bas
rtags yang dag yod pa min pa'i phyir/ rtags snga ma ma grub na/
rang dus na skad cig du mas

@251b bar du ched pa'i 'das pa mngon sum gyis 'dzin par 'gyur
la/ shes pa rang dus na myong byed med pa yang nyams so/ /'dir
slob dpon lha dbang blos/ mngon sum da ltar ba'i yul can zhes
bshad pa dus mnyam la bzhed pa min te/ de

lta na/ rang gi rgyu mngon sum du mthong ba mi srid par 'gyur
ro/ /yul da ltar ba yin pas da ltar ba'i yul can du brjod pa
yang ma yin te/ de lta na bskal pa du ma 'das pa'i dngos po dran
pa'i blo da ltar ba'i yul can du 'gyur

ro/ /des na rang rig mngon sum ni da ltar ba'i yul can du rtogs
sla la/ dbang po'i mngon sum ni da ltar yod ma thag cas brjod pa
ltar da lta yod ma thag pa rang gi skad cig snga logs tshun tshad
kyi rnam pa shar ba dgos kyi/

de phan tshad kyi rnam pa shar ba chu rol mthong ba'i mngon sum
gsum po gang du yang mi rung ngo/ /des na don rig 'das pa zhes
pa rang dus na 'das pa tsam min gyi rang gi dngos rgyu'i dus na
'das pa'o/ /sngar gyi thal ba

de 'dod na/ sngar kho bos 'di lta bu ni myong ngo zhes dran pa
skye ba mi 'thad par thal lo/ /'di don rig 'das pa rang rgyud
dang 'brel bar rang gi tshad mas ma grub par thal ba 'phen pa yin
la/ de 'dod na/ tha snyad byar med pa'i

rang rgyud kyi blo yin na rang la rtags las grub dgos la/ de lta
na mthun dpe med pas mi 'thad ces pa'o/ /don bsdus na/ don rig
'das pa rang rgyud la mngon sum gyis ma grub par thal/ rang dus
na myong byed med pa'i phyir/

@252a @#/ /de 'dod na/ rang rgyud la blo yod pa rtags la bltos
dgos par 'gyur na/ de mi 'thad de/ de'i mthun dpe med pa'i phyir
te/ yod na rang rgyud la blo mngon sum gyis grub par khas blangs
par 'gyur ro zhes pa'o/ /gal te

khyod rang gzugs de yi rnam pa'i ngo bor snang ba can gyi de ma
thag pa'i dbang po'i blos gzugs la sogs pa gzung don du byas nas
'dzin pa bzhin du don rigs 'das pa yang de ma thag pa'i blo phyi
mas 'dzin cing myong bar

'gyur ro zhe na/ don rig 'das pa myong byed kyi blo de chos can/
don rig 'das pa'i skad cig tha ma ma gtogs de'i sngar song ba'i
blo de ni dngos su 'dzin cing myong bar mi 'gyur bar thal/ de
dag gi rnam pa ma shar ba'i phyir/

'dod na/ de dag myong byed med pas dran pa med par thal ba so na
gnas so/ /gal te gzugs 'dzin myong byed rtog med yin la/ gzugs
'dzin de nyid rtog pa'o zhe na/ ji ltar gzugs rang gi yul can
gyi rnam shes

ma 'khrul ba nyams su myong byed de rtog med yin pa'i rgyu mtshan
ci/ brda bya bar mi nus pa'i don 'dzin pa'i phyir ce na/ de
bzhin du gzhan gzugs 'dzin rnam shes ma 'khrul ba yang rtog pa
med par 'gyur bar  

thal/ brda bya bar mi nus pa'i don rang mtshan gzung yul du byed
pa'i shes pa yin pa'i phyir/ gsum pa la/ thal ba dgod pa dang/
dbang shes dang rtog pa tha dad du grub pa/ de'i lan dgag pa'o/
/dang po ni/ khyad par

@252b rang mtshan gzung yul du byas nas tshad ma gang gis kyang
rtogs par 'gyur ba mi 'thad par thal/ rtog pa med pa'i shes pa
med pa'i phyir/ khyab par thal/ rjod byed sgra thams cad spyi
mtshan brjod pa'i ngang tshul can yin la/ rtog

pa'ang de dang don gcig pas spyi mtshan gzung yul du byed pa'i
phyir/ gal te dbang shes rtog med 'ga' zhig kyang yod pas des
rang mtshan gzung yul du byas nas 'dzin no zhe na/ dbang shes ma
'khrul ba thams cad

de bzhin du rtog med du thal/ rtog med du 'dod pa'i dbang shes
ma 'khrul ba de dang rkyen gsum las skye bar mtshungs pa'i rgyu
can yin pa'i phyir/ khyab par thal/ 'bras bu'i bdag nyid 'dra mi
'dra tha dad pa rgyu 'dra mi 'dra tha dad

las 'jog dgos pa yin pa'i phyir/ gnyis pa ni/ dbang shes rtog
par mi rung ste/ rtog pa phyi rol gyi gzung don la bltos pa med
par brda dran pa la sbyor zhing skye ba yin pa de bzhin du ma
yin par gzugs 'dzin mig gi

blo ma 'khrul ba brda la bltos pa med par gzung don gyi dngos
po'i nus pa nyid las skye bar 'gyur ba'i phyir/ gsum pa ni/ gal
te gzugs ni rang gi brda dran pa dang tshogs pa la ltos nas dbang
po'i blo dag la

phan 'dogs nus par 'gyur gyi/ bltos med du ma yin pas dbang blo
rtog pa'o zhe na/ gzugs chos can/ de na rma bya yod de/ rma
bya'i sgra grag pa'i phyir/ ces pa'i rtags des rtags chos kyi
'grel pa dran pa la dngos su

@253a @#/ /phan pa bzhin du khyod rang gi brda dran pa nyid la
dngos su phan 'dogs nus par 'gyur gyi/ rang 'dzin dbang shes la
dngos su mi phan par thal/ khyod kyis rang 'dzin dbang shes
bskyed pa nges par khyod rang

gi brda dran pa la bltos pa'i phyir/ dbang blo dran par thal
zhes pa 'gyur 'di ltar na tshig don la mi 'grig go /dran pa nyid
du 'gyur zhes 'don pa ltar na/ gzugs 'dzin dbang shes chos can/
rtags la brten pa'i

dran pa nyid du 'gyur bar thal/ brda dran pa'i rtags las rang
yul 'dzin pa rang gi yul gyi brda dran pa la bltos pa'i phyir/
du ba'i rtags las lkog gyur gyi me dran pa bzhin no/ /'dod na/
yul la mngon par phyogs

pa tsam gyis skye bar thal/ 'dod pa de'i phyir/ khyab par thal/
dran pa de ni yin na yul la mngon par phyogs pa tsam gyis skye
bas khyab pa'i phyir/ lha dbang blo'i 'grel pa'i 'gyur ltar ro/
/'gyur 'di ltar na/ dbang blo de ni

chos can/ brda dran kho na las skye bar 'gyur bar thal/ dbang
shes gang zhig rang yul 'dzin pa brda dran pa la bltos pa'i
phyir/ 'dod na/ 'am gyi sgras de ltar min par thal/ rkyen gsum
de dang 'bral zhing tshogs pa

las skye ba'i phyir/ de ni chos can/ gzugs yod pa de las dus
gzhan du'ang skye bar 'gyur bar thal/ gzugs kyi brda dran pa
tsam las skye ba'i phyir/ gzugs 'dzin dbang shes kyi rkyen gsum
tshogs pa'i skabs la lar

@253b mi skye ba srid par thal/ der yid gzugs las gzhan la rnam
par g.yeng ba srid pa'i phyir/ gal te rim gyis gzugs de brda
dran dang dbang shes gnyis kyi rgyu yin gyi cig car du min no
zhe na/ gzugs chos can/ sngar brda dran bskyed pa'i

dus nyed na dbang shes skye bar 'gyur bar thal/ de gnyis bskyed
pa gang zhig /khyod kyi skad cig snga phyi tha dad med pa'i gcig
yin pa'i phyir /dbang po'i blo bskyed pa'i rgyu skad cig phyi ma
gzhan yin no

zhe na/ gzugs 'dzin dbang shes skye ba de la gzugs kyi brda dran
pa don med du 'gyur bar thal/ gzung don gyi nus pa las skye ba'i
phyir/ des na de la brda dran pa dngos rgyur don ci yod med par
thal/ brda btags pa med par

khyad par rang mtshan gzung don du byas nas 'dzin pa'i phyir/
khyab par thal/ brda dran dngos rgyur bsgrub pa ni dbang shes ji
ltar brda btags pa'i don 'dzin pa'i rtog par grub pa'i don du
'dod pa'i phyir/ gsal ba la bltos med

kyi spyi yan gar nga tsam gzung don du byas nas 'dzin pa yin na
ni/ khyad par rang mtshan gzung don du yod pa la bltos par mi
rung bar thal lo/ /gnyis pa la/ mig dang gzugs la sogs pa'i
rkyen gsum dag la brten nas

gzugs 'dzin mig gi blo skye bar 'gyur te/ de ltar gong du bsgrub
pa de'i phyir/ skabs 'dir spyir mngon sum tsam dang/ bye brag tu
dbang shes rtog bral du sgrub pa'i rigs pa rgyas par bstan pa
ni/ thar pa dang thams cad mkhyen pa

@254a @#/ /sgrub pa'i yan lag tu yin par shes par bya ste/ de la
spyir rigs pa'i bstan bcos zhes pa rang gi bsgrub bya'i gtso bo
gang yin pa de nyid sgrub pa'i yan lag tu tha snyad pa'i mngon
sum la thug gi bar du bar ma tshad

du bsgrubs nas ston pa spyi'i tshul yin la/ 'dir yang thar pa
dang thams cad mkhyen pa bsgrub byar byas nas de sgrub byed kyi
tshad ma mthar gtugs pa rang rig mngon sum gyis grub pa'i dbang
po'i mngon sum yin la/ de

yang yang dag dang ltar snang ma phyed na/ ltar snang gi rjes su
'brangs nas mngon par 'dod pa'i don mi 'grub pas dbang shes rtog
par 'dod pa skabs 'dir dgag bya'i gtso bo yin pas de dag la dgag
pa rgyas par

mdzad pa yin la/ ma 'khrul ba'i don ni/ de la 'dzin pa rang
dbang can la sogs pas gong du'ang sgrub zin cing 'og tu yang
'tshang par 'gyur ro/ /dngos po rang gi mtshan nyid kyis grub pa
la mi 'khrul ba'i tshad ma zhig

legs par gtan la ma phebs na/ gzhung 'di'i lugs kyis theg pa
gsum dngos stobs kyi rigs pas sgrub pa'i rtsa ba stor ba yin pas
rnam dpyod dang ldan pa kun gyis thos pa dang sems pa'i skabs
kun tu tshul de

ltar du bsam par bya'i/ de lta min na dbang shes rtog bral du
sgrub pa'i rigs pa kun cung zad rtogs par dka' bas 'bad pa 'bras
bu chung bar 'gyur bas so/ /phyi rol don khas blangs pa'i tshul
gyis dbang shes

@254b kyi rkyen gsum ni grags che bas 'dir ma bris so/ /gnyis
pha ? mtshan gzhi'i rab tu dbye ba la/ dbang po'i mngon sum dang/
yid kyi mngon sum dang/ rang rig pa'i mngon sum dang/ rnal 'byor
mngon sum mo/ /dang po la/

dbang shes kyi tha snyad mi 'thad pa spang ba dang/ rtog brel la
lung 'gal spang ba dang/ ldog pa du ma dang spyi don gzhan dbang
shes kyi gzung don yin pa dgag pa'o/ /dang po ni/ gal te dbang
po'i mngon sum gyi shes pa bskyed

pa la dbang po bzhin du dmigs rkyen yul gyis kyang phan 'dogs
nus pa yin pa 'o na/ ci'i phyir gnyis ka la rag las nas skye
ba'i shes pa de ni yul shes zhes yul des tha snyad mi brjod par
dbang shes zhes dbang po'i

sgo nas tha snyad brjod pa ci yin zhe na/ spyir brda btags pa'i
dgos pa ni/ sgo lnga'i rnam par shes pa de la dbang shes zhes
pa'i tha snyad nges par sbyar bar bya ba yin te/ tha snyad de
las rnam shes lnga po de thun mong ma yin par

go bar byed pa nyid mthong nas sbyar ba yin pa'i phyir/ dbang
po'i shes pa'i tha snyad la rnam shes lnga po de thun mong ma
yin par go ba'i nus pa yod de/ dbang po gzugs can pa de dag gi
thun mong ma yin pa'i bdag po yin pa'i phyir/

dper na rnga'i sgra zhes pa bzhin/ dbang shes zhes pa'i ming du
sbyar bar bya bar 'os pa'ang thun mong ma yin par go ba de'i
khyab byed kyi chos yin te/ thun mong ma yin par go ba de de'i
khyab par bya ba yin pa'i phyir/ des na gzuD

@255a @#/ /sgra sogs 'dzin pa'i rnam shes lnga po 'di la ni chos
can/ dbang shes kyi tha snyad sbyar bar bya 'os pa yin te/ dbang
shes kyi tha snyad las thun mong ma yin par go ba'i phyir ces
pa'i rtags 'di rang bzhin gyi rtags

yang dag yin te/ sgrub rtags yang dag gang zhig /rtags chos bdag
gcig pa'i phyir/ yul shes kyi tha snyad las thun mong ma yin par
go nus pa ldog par 'gyur bar thal/ khyab par byed pa'i rang
bzhin yul shes zhes

pa'i tha snyad sbyar bar 'os pa de log pa'i phyir/ dper na/ rnga
sgra la dbyug gu'i sgra zhes pa bzhin/ gzhan yang rnam shes drug
gi grangs nges ston pa na/ gzugs shes zhes brjod na/ ci gzugs de
dbang po gzugs can pa la

brten nas shes pa yin nam/ yid la brten nas shes pa yin snyam du
dogs par 'gyur bas rnam shes drug gi grangs nges mi rtogs par
'gyur ro/ /de ltar dpyad pa na/ dbang po gzugs can la brten nas
shes par go

bar 'gyur ro zhe na/ 'o na thog ma nyid du mig shes zhes brjod
na thun mong ma yin par go bar 'gyur bas de nyid brjod rigs so/
/gnyis pa la/ mdo dang 'gal ba spang ba dang/ slob dpon dbyig
gnyen gyi lung dang

'gal ba spang ba dang/ mdo'i dgongs pa rgyas par bshad pa'o/
/dang po ni/ mdo las rnam par shes pa'i tshogs lnga ni bsags pa
la dmigs pa can yin no/ /zhes gsungs pas rdul bsags pa dag ni/
rdul du ma

@255b tshogs pa yin la/ de yang spyi yin pas spyi de la dbang
po'i blo 'dzin byed du 'jug pas rnam par rtog par 'gyur te/
spyi'i blo gdon mi za bar yang rnam par rtog pa dang rjes su
'grel ba'i phyir ro zhe na/ lung des tshogs spyi don gzhan

dbang shes kyi gzung yul du bstan pa ma yin te/ rdul phran snga
ma don gzhan dang/ rkyen dang rkyen can du mngon par 'brel pa
las dbang shes bskyed nus kyi rdul phran khyad par can gzhan
gang skye bar 'gyur ba'i rdul

phran de dag 'dus pa tsam la bsags pa zhes bshad pa yin pa'i
phyir/ dbang shes kyi gzung don gyi rdul phran de dag la bsags
pa zhes sgras ston pa'i rgyu mtshan yod de/ rdul phran de dag re
re bas dbang shes bskyed

mi nus par rdul phran du ma 'dus nas rang 'dzin dbang po'i shes
pa skye ba'i rgyu mtshan gyis de ltar bshad pa yin pa'i phyir/
gnyis pa la/ dngos dang/ rtsod spang ngo/ /dang po ni/ slob dpon
dbyig gnyen gyis skye

mched kyi rang gi mtshan nyid de la rang gi mtshan nyid kyi yul
can de dag rnam par shes pa'i tshogs lnga 'ded kyi/ rdzas kyi
mtshan nyid la ni ma yin no/ /zhes spyi'i spyod yul can yin gyi
rang gi mtshan nyid kyi yul

can ma yin no zhes bshad pa dang 'gal lo zhe na/ rigs mthun pa'i
rdul phran gzhan dag phan 'dogs ? byed du med par dbang shes
bskyed nus kyi rdul phran khyad par can de yang med de/ zla med
kyi rdul phran re re

@256a @#/ /bas dbang shes bskyed mi nus pa'i phyir/ des na dbang
po'i mngon sum tshogs spyi'i spyod yul can du bshad pa'i rgyu
mtshan yod de/ shes pa de zla med kyi rdul phran gcig la bskyed
pa'i nus pa nges par yod pa

min pas tshogs spyi'i spyod yul can du bshad pa'i phyir/ 'dir
slob dpon lha dbang blos/ zla med kyi rdul phran gyis dbang shes
la rnam pa gtod pa'i nus pa nges par yod pa ma yin pas du ma
'dus nas dbang shes bskyed

dgos pas skye mched ? kyi rang mtshan gyi yul can yin gyi/ rdzas
kyi rang mtshan gyi yul can ma yin zhes bshad kyi/ skye mched kyi
rang mtshan zhes pa'i spyi don gzhan dang/ rdul phran gyi rnam pa
las ma gtogs pa'i spyi'i

spyod yul can du ston pa ma yin no zhes bshad do/ /gnyis pa la/
til la sogs pa'i snang bas ma nges pa dang/ khra bo'i snang bas
ma nges pa'o/ /dang po ni/ gal te dbang shes kyi gzung don skye
mched kyi rang mtshan gcig

yin yang rdul phran du ma yod pas cig car du ma 'dzin pa ma yin
pas rim gyis 'dzin la/ rim gyis gzung yang 'dzin pa myur bas cig
car 'dzin par sgro 'dogs pa'i phyir rtog pa yin no zhe na/ til
dang dpyi ? ga ? la sogs pa

rdzas tha dad pa du ma la ji ltar dbang shes kyis cig car 'dzin
par snang ba yin pa mi 'thad par thal/ don du ma blo gcig gis
dus cig car du 'dzin pa mi srid pa'i phyir/ 'di la 'dzin pa
mgyogs pas cig car du gzung

@256b bar zhen pa yin no zhes pa yang lan du mi rigs par thal/
de mi rigs par bshad zin pa'i phyir/ til nam mkha' nas rim pa
bzhin 'bab pa de nyid la ji ltar rim min cig car du 'dzin par
zhen par mi 'gyur ba mi 'thad

par thal / 'dzin pa ches myur ba'i phyir/ ci ltar blo de dag la
yul 'ga' zhig rim min cig car snang ba dang/ gzhan rim ldan du
snang bar 'gyur ba mi 'thad par thal/ blo rnams dag ni thams cad
kyang yul dus myur bar

'dzin par mtshungs pa'i phyir/ des na shes pa 'di ni don kun
'dzin pa la rim min cig car du zhen par thal bar 'gyur te/ yul
'dzin pa ches myur ba de'i phyir/ gnyis pa la/ thal ba dgod pa
dang/ sna tshogs gcig tu mi rung ba'i

rgyu mtshan no/ /dang po ni/ phye ma leb kyi khra bo la sogs pa'i
gzugs du ma'ang dbang shes gcig la cig car du ci ltar yang snang
bar 'gyur ba mi 'thad par thal/ shes pa gcig gis du ma cig car
mi 'dzin pa'i phyir/ gal te

kha dog sna tshogs de yan lag can cha med gcig gi bdag nyid du
yod pas cig car snang ba yin no zhe na/ phye ma leb kyi khra bo
de bas dam bca' 'di ches ngo mtshar che bar thal/ 'gal ba gzhi
mthun du dam bcas pa yin pa'i

phyir/ gnyis pa la/ don sna tshogs yin pas rags pa'i cha med gcig
gi bdag nyid yin pa dgag pa dang/ blo ma 'khrul ba la sna tshogs
su snang ba'i rtags kyis dgag pa'o/ /dang po ni/ phyi rol gyi
don sna tshogs yin pa de na ? riD

@257a @#/ /pa'i cha med gcig pa'i rang bzhin min pas khyab ste/
dper na nor bu'i gzugs du ma bzhin/ phye ma leb kyi kha dog khra
bo sna tshogs pa de yang don sna tshogs pa yin no zhes bya ba'o/
/rtags 'di du ma rtags su bkod

nas gcig ma yin par bsgrub pa ma yin te/ de lta bu la phyogs
chos mi srid pa'i phyir/ yang de rtags su bkod nas gcig gi rang
bzhin yin pa 'gog pa yang ma yin te/ de lta bu 'gog mi nus pa'i
phyir/ der thal/

rdul phran du ma tshogs pa gcig gi bdag nyid du yod pa'i phyir
dang/ de khas mi len na yang du ma'i nang gi ya gyal de rnams
dang bdag mi gcig na du ma tshad bas kyang sgrub mi nus pa'i
phyir ro/ /'o na sngar gyi rtags de

la yang phyogs chos mi 'grub bo zhe na/ yan lag can gyi rdzas
cha med khas len pa mthong ba'i phyir ro/ /de dag gis yan lag
can yan lag las don gzhan du khas blangs pa ma yin nam zhe na/
de ltar yin mod kyi/

mngon sum du dmigs pa'i phye ma leb kyi khra bo'i kha dog sngon
po dang ser po la sogs pa rigs pa'i yan lag can cha med gcig gi
rang bzhin du khas blangs pas de rnams du mar tshad mas bsgrubs
nas yan lag can

cha med gcig gi rang bzhin yin pa 'gog par byed pa yin no/ /dpe
don mi mtshungs te/ nor bu du ma'i kha dog so sor dbye rung la/
phye ma leb kyi khra bo'i kha dog so sor dbye mi rung ngo zhe
na/ de ltar rung mi rung gi khyad par

@257b med par thal/ sngo ser sogs so sor rnam par dbye ba nus pa
ni/ phye ma leb kyi khra bo'i kha dog de dang snam bu khra bo
dang/ nor bu la sogs pa'i kha dog dag la'ang tshungs pa'i phyir/
gal te/ snam bu khra bo sogs de la yan lag gi

gzugs sngo ser sogs 'ba' zhig khra bo de ltar mthong ba yin gyi/
de la yan lag can gyi khra bo med do zhe na/ gal te phye ma leb
kyi khra bo la yang yan lag gi sngo sogs spangs shing rdzas tha
dad pa yi yan lag can gyi khra bo don

gzhan mthong ba ngo mtshar te mi rigs par thal/ de lta bu mi srid
pa'i phyir/ blo ma 'khrul ba dag las bcos ma'i khra bo gcig ni
snga phyi rim ldan du don mang por snang ba dang/ bcos min gyi
khra bo gcig ni dus rim min du don

gcig gi rnam par snang ba mi 'thad par thal/ dus gcig dang don
gyi rnam pa du ma can du mtshungs par rtogs pa'i phyir/ gnyis pa
la/ rgyas par bshad pa dang/ don bsdus nas dbang shes rtog med
du grub pa'o/ /dang po ni/

phye ma leb kyi khra bo'i kha dog sngo ser dkar dmar la sogs
pa'i don rnams chos can/ sna tshogs pa'i ngo bo nyid yin te/ rang
'dzin blo ma 'khrul ba la sna tshogs kyi rnam pa gtad pa'i sgo
nas sna tshogs pa'i ngo bo'i rnam par

snang ba'i phyir/ gal te blo ma 'khrul bas sna tshogs su dmigs pa
de rdzas tha dad du 'jog pa'i rgyu min no zhe na/ rdzas tha dad
du bzhag pa 'di thabs gang gis kyang 'grub pa mi 'thad par thal/
blo ma 'khrul bas de ltar dmigs pas de

@258a @#/ /ltar mi 'grub pa'i phyir/ ri mo khra bo dang stan khra
bo la sogs pa la yang yan lag can gyi khra bo yod pas dbang shes
la dus gcig tu khra bor snang ba yin no zhe na/ ri mo sogs blo
ma 'khrul ba la yan lag can

don gzhan gyi sna tshogs su snang ba min par thal/ rdul rigs mi
mthun rnams phrad nas yan lag can gyi rdzas rtsom pa med pa'i
phyir/ rtsom na rigs pa can pa rang gi gzhung dang 'gal lo/ /ri
mo'i sna tshogs pa ni/ rdul riD ?

mi mthun phrad pa'i ldan pa don gzhan dbang shes la snang ba yin
gyi yan lag can de la med do zhe na/ rdul phrad pa'i ldan pa don
gzhan blo ma 'khrul ba la sngo ser sogs sna tshogs su snang ba
min par thal/ de la gzugs

kyi yon tan don gzhan med pa'i phyir/ sna tshogs mtshan nyid pa
yin na de ltar 'gyur yang/ yan lag can gyi khra bo dang 'dra bas
ldan pa la sna tshogs pa'i khra bor btags pa tsam yin no zhe na/
de ltar 'dra bas khra bor

nye bar btags pa la brten nas ldan pa khra bor 'jog pa'ang 'thad
pa min par thal/ 'dra yul yan lag can gyi rdzas ma grub pa'i
phyir dang/ 'dra ba po phrad rgyu'i rdul phran re re ba dang/ de
phrad pa'i ldan pa gnyis ka la sna tshogs

yod pa min pa de'i phyir/ sna tshogs de dag dbang shes kyis rim
pa bzhin du gzung ba la sna tshogs su phyis byung ba'i blo yis
bsres nas 'dzin pa yin no zhe na/ de yang 'thad pa min par thal/
blo gcig gis don du ma

@258b cig car mi 'dzin pa'i phyir/ gnyis pa ni/ blo gcig gis don
du ma cig car 'dzin pa can du grub par thal/ blo gcig gi khra bo
cig car mthong/ yan lag can don gzhan khegs pa de'i phyir/ khra
'dzin dbang shes yang

rtog pa med par grub pa yin te/ gang gi phyir na khra bo'i kha
dog gi don gyi phyogs gcig la yid kyis rtog pa'i dus na'ang/ kha
dog gzhan dag gsal bar mthong ba de'i phyir/ khyab pa yod de/
rtog gnyis cig car skye ba

med pa'i phyir ro/ /gsum pa la/ sngar bshad pa'i sgrub byed de
dag mi 'thad pa'i rtsod pa spang ba dang/ yan lag can don gzhan
med na cig car du ma mi 'dzin pa la gnod pa gzhan bstan pa'o/
/dang po la/ rtsod pa dang/ lan

no/ /dang po ni/ sna tshogs su snang ba can gyi don rnams la gal
te gcig gi rang bzhin nyid mi rigs na/ re zhig khra bo snang
ba'i dbang po'i blo gcig pu de nyid sna tshogs su ci ltar snang
ste mi 'thad par thal lo/ /don ni/ don sna

tshogs yin na gcig gi rang bzhin du mi 'thad pas khyab na/ sngo
ser dkar dmar sna tshigs snang ba'i dbang blo chos can/ gcig gi
rang bzhin du mi 'thad par thal/ sna tshogs su snang ba'i phyir/
'khor gsum ga khas

blangs so snyam du bsams so/ /'di la/ phyi rol don khas blangs
pa'i dbang du byas na/ dbang blo ma 'khrul ba'i rdzas de nyid
phyir rol gyi don gcig dang/ sna tshogs gang du yang snang bar mi
'thad pas rtags ma grub kyi

@259a @#/ /lan 'og nas 'debs la/ phyi rol gyi don khas ma blangs
pa'i dbang du byas na/ dbang shes kyi rdzas de nyid sngo ser
dkar dmar sogs kyi rdzas su snang bas khyab pa ma grub pa'i lan
de ma thag 'debs

par 'gyur ro/ /gnyis pa lan la/ phyi rol gyi don khas ma blangs
pa'i lugs la brten nas lan gdab pa dang/ don khas blangs pa'i
dbang du byas nas lan gdab pa'o/ /dang po la/ mdor bstan pa/
rgyas par bshad

pa/ rtsod pa spang ba'o/ /dang po ni/ phyi rol don gyi rnam pa
chos can/ khyod snang ba ltar du bden par med de/ khyod snang ba
ltar du bden pa'i gcig tu yang ma grub/ bden pa'i du mar yang ma
grub pa'i phyir/ de'i rtags snga ma

bsgrub pa ni/ phyi rol don gyi rnam pa snang ba ltar gyi bden
pa'i gcig tu ma grub par thal/ de grub na/ dbang blo ma 'khrul
ba'i gzung ngor rags pa'i cha med mi srid pas rdul phran cha med
gzung don du byed dgos na/ rdul

phran cha med mi srid pa'i phyir/ de'i rgyu mtshan rdul phran cha
med gnyis bar med par go sa so sor non pa'i tshul gyis gnas par
khas len na/ de gnyis reg par thal/ go sa so sor non pa'i gzugs
can rdzas tha dad

gang zhig de gnyis kyi bar med pa'i phyir/ 'dod na/ nub rdul
de'i ngos gcig gis shar rdul de la reg gam bdag nyid thams cad
kyis thams cad du reg /dang po ltar na/ cha med nyams la/ gnyis
pa ltar na/ go sa gcig

@259b tu 'dres par thal lo/ /de ltar phyi rol gyi don cha med mi
srid pas phyi rol gyi don cha bcas kyang mi srid de/ cha dang
cha so sor phye nas dpyad na phyi rol gyi don cha med la thug
dgos te/ de lta min par cha thug pa med par khas len na/ phyi

rol don du rtog pas btags pa tsam du grub kyi dngos por mi rung
ngo/ /de ltar phyi rol don gyi rnam pa ji ltar snang ba ltar gyi
bden pa'i gcig khegs pa na/ de bsags pa'i du ma yang khegs so/
/de khegs pa na/ ji lta ji ltar

phyi rol don gyi rnam pa snang ba ltar du bden pa'i gcig dang du
mar grub ma grub bsams pa na/ de lta de ltar snang ba ltar gyi
bden pa'i gcig dang du ma gang du yang ma grub pas/ snang ba
ltar du bden pa'i phyi rol don gyi rnam

pa dang bral bas khyab ste/ bden pa'i gcig dang du ma las ma
gtogs pa'i bden par gnas pa'i go skabs med pa'i phyir ces pa'o/
/de 'dra'i gcig dang du bral gyi gtan tshigs mkhas pa sangs rgyas
rnams kyis gang gsungs pa

de ni dngos po'i stobs las 'ongs pa yin te/ de lta bu de dngos
po stabs zhugs kyi tshad mas grub pa'i phyir/ rang lugs la/ dbang
po'i mngon sum la phyi rol don gyi rnam pa snang ba khas len
bzhed nas de nyid bye brag tu chos can du bzung ba

ma yin gyi/ gzhan dag dbang shes la snang bar 'dod pa'ang/ rang
nyid rtog pa la snang bar 'dod pa gang yin yang rung phyi rol
don gyi rnam pa tsam gzhir bzung nas snang ba ltar du bden pa
'gog pa yin no/ /gnyis pa la/ phyi rol don

@260a @#/ /bkag pa'i dbang du byas nas chos thams cad rang bzhin
med par ston pa'i mdo'i don bshad pa dang/ don khas blangs pa'i
dbang du byas nas de'i don bshad pa'o/ /dang po la/ snang ba
ltar du bden na dgag mi nus pa

dang/ snang ba ltar mi bden pa'i rigs pa dang/ des grub pa'i don
to/ /dang po ni/ shes pa gcig la phyi rol don gyi rnam pa sna
tshogs snang ba de/ snang ba ltar bden na cir 'gyur zhe na/ blo
gcig pu de la yang/ phyi rol don gyi rnam pa

sna tshogs snang ba de snang ba ltar du bden par mi 'gyur bar
thal/ de ltar grub na phyi rol gyi don grub dgos pa las de ma
grub pa'i phyir/ gal te phyi rol don gyi rnam pa rnams snang ba
ltar grub pa'i bdag nyid 'dir 'dod rigs na/

de la'ang ngas dgag pa ci yang bya bar mi rigs par thal/ tshad
mas grub pa'i don dgag mi nus pa'i phyir/ gnyis pa la/ phyi rol
don la bltos pa'i gzung 'dzin rdzas gzhan dgag pa dang/ nang
shes pa la bltos pa'i gzung

'dzin rdzas gzhan dgag pa'o/ /dang po ni/ gzung bya phyi rol gyi
don bden par ma grub par thal/ phyi rol don de'i bdag nyid rags
pa'i cha med gcig la yod pa bkag pa nyid kyi phyir dang/ rdul
phran mang po la yang yod pa ma

yin pa'i phyir/ shes pa la phyi rol gyi don rags par snang ba
'di snang ba ltar bden par yod pa min par thal/ de bden par yod
na/ rags pa'i cha med grub dgos pa las/ rigs par snang ba de'i
bdag nyid phyi rol gyi don

@260b cha med gcig la bkag pa nyid kyi phyir dang/ rdul phran
mang po la yang snang tshul ? de snang ba ltar bden par yod pa ma
yin pa de'i phyir/ gnyis pa ni/ phyi rol gyi don med kyang da
dung gzung 'dzin don gzhan ma khegs par thal/ sngo ser sogs

dbang shes las don gzhan du snang ba 'di sus kyang dgag mi nus
pa'i phyir ce na/ nang shes pa la bltos pa'i dbang shes kyi
gzung 'dzin don gzhan med par thal/ sim gdung sogs 'dzin pa'i
ngo bor yongs su gcod pa 'di

nang 'dzin pa yin zhing sngo ser sogs phyi rol ltar snang zhing
gnas pa 'di ni/ shes pa de nyid kyi rdzas su gyur pa'i gzung
ba'i cha gzhan yin pa'i phyir/ des na shes pa yi gzung 'dzin
rdzas tha dad du snang ba ma rig pas bslad

pa nyid yin te/ gzung 'dzin rdzas tha dad med pa can yin pa'i
phyir/ dbang shes kyi gzung 'dzin don gzhan gnyis ka'ang nyams
par 'gyur ba yin te/ de la gzung ba don gzhan gcig po de ni med
pa'i phyir/ gsum pa la/ gnyis

stong shes pa'i gnas lugs su grub pa dang/ gnyis snang 'khrul
par grub pa dang/ gzung 'dzin rdzas tha dad kyi rang bzhin gyis
stong pa chos thams cad rang bzhin med par bshad pa'i mdo'i don
du grub pa'o/ /dang po la/ tshig don

dang/ mtha' dpyad pa'o/ /dang po ni/ gzung 'dzin rdzas tha dad
gnyis kyis stong pa'i stong nyid gang yin pa de ni chos can/
gnyis med kyi shes par ma zad gnyis snang de yi 'ang ? de kho na
nyid yin te/ mthar thug dpyod pa'i rigs shes
 
@261a @#/ /kyis dpyad bzod yin pa de'i phyir/ gnyis pa la/ thun
mong ma yin pa'i bden pa gnyis ngos gzung ba dang/ don dam pa'i
bden pa ji ltar nyams su blang ba'i tshul lo/ /dang po la/ mtshan
nyid dang/ mtshon bya'i dbye

ba'o/ /dang po ni/ don dam bden pa'i mtshan nyid/ mthar thug
dpyod pa'i rigs shes kyis dpyod bzod cing/ rigs shes de de la
mthar thug dpyod pa'i rigs shes su song ba'o/ /kun rdzob bden
pa'i mtshan nyid/ tha snyad pa'i

tshad ma'i rnyed don gang zhig/ mthar thug dpyod pa'i rigs shes
de de la rigs shes su ma song ba'o/ /gnyis pa ni/ shes bya tsam
gzhir byas pa la/ kun brtags/ gzhan dbang/ yongs grub gsum las/
gzung 'dzin rig

gsum tha dad pa'i cha dang/ byas mi rtag tha dad pa'i cha la
sogs pa rnams ni kun brtags yin la/ gnyis snang gi shes pa
'khrul pa rnams ni gzhan dbang yin la/ yongs grub la/ 'gyur med
yongs grub dang/ phyin ci ma log

pa'i yongs grub gnyis so/ /dang po ni/ sngar bshad pa'i gnyis
stong dang/ phyi ma ni/ gnyis snang dang bral ba'i 'dogs pa'i
mnyam gzhag rnams so/ /'gyur med yongs grub ni/ gang la dmigs
nas goms na/ shes sgrib mtha'

dag zad par 'gyur ba'i dmigs pa mthar thug yin pas/ rnam par dag
pa'i dmigs pa zhes kyang bya/ chos rnams kyi gnas lugs zhes
kyang bya/ don dam pa'i bden pa zhes kyang bya'o/ /'phags pa'i
mnyam gzhag don dam

@261b pa'i bden pa yin nam/ kun rdzob bdon pa yin/ dang po ltar
na/ rnam par dag pa'i dmigs par 'gyur bas/ de la dmigs nas
bsgoms pas kyang shes sgrib zad par byed nus par 'gyur ro/ /phyi
ma ltar na yongs grub tu byas pa dang

'gal lo zhe na/ skyon med de/ rtog pas btags pa min par dngos po
rang gi ngos nas tshugs thub tu yod pas don dam par yod pa yin
yang/ 'phags pa'i mnyam gzhag gi gzhal bya mthar thug tu mi rung
bas bden pa gnyis

kyi grangs nges byed pa'i tshe/ kun rdzob bden pa yin gyi/ don
dam bden pa min no/ /'o na don dam bden par 'dod pa'i gnyis
stong gi de kho na nyid de spyir shes pa'i yul dang yul can
rdzas tha dad kyis stong pa tsam yin nam/

bye brag rtog pa de dang de'i gzung bya rdzas tha dad kyis stong
pa tsam yin nam/ dbang po'i shes pa rang gi gzung bya dang rdzas
tha dad kyis stong pa yin/ dang po ltar na/ shes pa'i yul tsam
'dus ma byas yin zhing/ de shes pa dang

rdzas tha dad du ma grub pa lhan cig dmigs des la sogs pa'i
rtags la bltos med du tha snyad pa'i tshad mas grub pa'i phyir
dang/ de gnyis rdzas tha dad du zhen pa chos kyi bdag 'dzin dang
'khor ba'i rtsa ba sogs su mi rung ngo/ /riD

pa de nyid kyis tshul gnyis pa yang mi 'thad la/ gsum pa yang mi
'thad de/ zla ba gnyis snang gi dbang shes la sogs pa rang gi
gzung bya dang rdzas tha dad du ma grub pa grub mtha' la ma
zhugs pa'i rgan po brda byang gis kyang

@262a @#/ /mngon sum du rtogs pas/ de dag gis kyang don dam pa'i
bden pa mngon sum du rtogs par 'gyur ro zhe na/ phyogs de dag mi
'dod mod kyi dbang po'i shes pa ma 'khrul ba la rang gi gzung
bya rdzas tha dad ltar

snang ba 'di rnam par rtog pas dbang shes ma 'khrul ba'i gzung
'dzin rdzas tha dad du zhen pa'i blo nyon sgrib kyi rtsa bar
gyur pa'i shes sgrib dang chos kyi bdag 'dzin yin la/ thams cad
mkhyen pa thob pa la sgrib pa'i gtso bo

yang 'di yin pas 'di nyid bag chags dang bcas pa ma lus par ma
spangs par du thams cad mkhyen pa thob mi nus pa yin no/ /chos
kyi bdag 'dzin de'i zhen yul rnam par bcad pa'i med par dgag pa
de nyid 'gyur

ba med pa'i yongs grub ces gang brjod pa de yin no/ /dbang po'i
shes pa ma 'khrul ba mi srid de/ phyi rol gyi don med bzhin du
snang ba'i phyir ro zhe na/ de lta na zla ba gnyis snang gi
dbang shes ltar mngon sum tshad mar mi

rung bar thal/ med pa gsal snang yin pa'i phyir/ rtags ma grub
ste/ dbang shes la snang ba'i sngo ser sogs don byed nus pa'i
phyir ce na/ 'o na zla ba gnyis snang gi dbang shes kyang med pa
gsal snang ma yin par thal/

de la snang ba'i zla gnyis kyi snang bas don byed nus pa'i
phyir/ des na dbang shes la phyi rol gyi don med bzhin du gsal
bar snang na bdag rkyen dbang po bslad pa sogs 'khrul ba'i rgyu
bzhi po gang rung las skyes par

@262b 'gyur la/ de lta na/ mngon sum min par 'gyur te/ 'khrul
rgyu bzhis bskyed pa mngon sum du sde bdun 'grel pa dang bcas pa
gang nas kyang ma bshad do/ /gzhan yang dbang po'i mngon sum la
lhan cig dmigs nges kyi rtags kyi dgag

bya snang na gsal bar snang ngam/ mi gsal bar snang/ dang po
ltar na/ med pa gsal snang gis nyes pa ci zhig byas nas tshad mar
mi 'dod pa yin/ phyi ma ltar na rtog pa nyid du thal bar 'gyur
ro/ /gal te gzung 'dzin rdzas tha dad kyis stong pa'i

med par dgag pa 'gyur ba med pa'i yongs grub ces brjod pa de don
dam par yod dam med/ dang po ltar na/ dngos por thal/ phyi ma
ltar na/ don dam pa'i bden pa ma yin par 'gyur ro zhe na/ skyon
med de/ rtog pas btags tsam min

par chos rnams kyi gnas lugs mthar thug pa der yod pas don dam
par yod pa yin la/ de lta na yang dngos por mi 'gyur te/ med par
dgag pa yin pa'i phyir ro/ /'o na bum med kyang don dam par yod
par 'gyur ro zhe na/ de tha

snyad pa'i tshad mas rnyed pa yin yang rigs pas legs par brtags
pa na bum pas dag pa'i sa phyogs lta bu la btags pa tsam du zad
la/ 'gyur med yongs grub ni rigs pas legs par brtags pa na rang
bzhin sems

pa'i blo mthar thug pa des rnyed pa'i phyir ro/ /sa phyogs la
sogs pa yang don dam par yod pas don dam bden par 'gyur ro zhe
na/ skyon med de/ tshad ma rnam nges las/ 'dir ni kun tu tha
snyad pa'i tshad ma'i rang bzhin brjod pa yin

@263a @#/ /te ? zhes tshad ma rnam nges su kun tu tha snyad pa'i
tshad ma rgyas par gtan la phab pa ni/ byis pa rnams la yang thun
mong du yod pa'i dbang po'i mngon sum la sogs pa yin pas/ bden
pa gnyis su byas pa'i kun

rdzob kyi bden par bzhed par gsal lo/ /don dam par yod med rtsod
pa'i don dam dang/ bden pa gnyis su byas pa'i don dam bden pa'i
don dam gnyis mi 'dra ba'i tshul khong du tshud par bya'o/ /gnyis
pa ni/ de ltar phyi

rol gyi don 'gog pa'i rigs pa ji ltar 'tsham pa re dang dbang
po'i shes pa la gzung byar snang ba'i sngo ser dkar dmar sogs
rang snang mkhan gyi shes pa las don gzhan du med pa'i rigs pa
ji ltar 'tsham par khong

du tshud par byas nas/ gzung 'dzin rdzas tha dad rnam par bcad
tsam gyi med par dgag pa de nyid la rtse gcig tu mnyam par bzhag
par bya'o/ /de las langs pa na/ gzung 'dzin rdzas tha dad du
snang ba 'di dag ni ma rig pas bslad

pa'i snang ba tsam du zad kyi/ yang dag par med do snyam du yang
dang yang du 'dris par bya'o/ /gnyis pa ni/ gzugs la sogs pa
rang snang mkhan gyi shes pa las rdzas tha dad du snang zhing
zhen pa dang/ rnam par shes pa rang gi yul las

rdzas tha dad du snang zhing zhan pa'i tha dad pa'i snang zhen
de dag kyang ma rig pas bslad pa tsam du 'gyur te/ gzung 'dzin
rdzas tha dad du snang zhing zhen pa de ni ma rig pas bslad pa
nyid yin pa'i phyir/ khyab par thal/ dngos po rnams

@263b kyi yul yul can rdzas tha dad du gnas pa'i snang zhen 'di
gzung 'dzin 'di rdzas tha dad du snang zhing zhen pa la brten pa
ste de tsam du zad pa yin pa'i phyir/ gzhan dag gzhung 'di phyi
rol don gyis bsdus pa'i gzung 'dzin rdzas tha

dad 'gog pa la sbyor ba ni/ cung zad sbyar du rung yang/ nang
shes pa la bltos pa'i gzung 'dzin dang/ gnyis ka bkag pas grub
pa'i don du snang ba'i phyir dang/ de 'gog tshul gnyis po de /de
phyir don dang zhes pa'i rkang pa bzhi dang/

yongs gcod nang yin zhes pa'i rkang pa bzhi la so sor sbyar ba
'grig ste/ rkang pa dang po bzhi rdzogs pa'i rjes su slob dpon
lha dbang blos/ de ltar ni 'gyur mod kyi/ phyi rol gyi don ni
med mod kyi/ rnam par shes pa nyid gnyis

su snang ba can don dam par yod do zhe na/ de yang rigs pa ma
yin te/ 'di ltar nang gi ngo bo yongs gcod ces bshad do/ /gsum
pa ni/ mtshan nyid bden pa bas stong pa zhes kyang brjod de/
gzugs su rung bas gzugs

mtshon par byed pa'i tshe/ mtshon par bya ba gzugs de gzung bya
logs su chad pa ltar snang ba dang/ 'dis mtshon par byed pa'i
mtshan nyid gzugs su rung ba de 'dzin byed blo'i phyogs su chad
pa ltar snang ba'i gzung ba dang 'dzin

pa'i rnam par snang ba las mtshan nyid kyis mtshon bya mtshon pa'i
tshul gzhan yod pa ma yin la/ gzung 'dzin rdzas tha dad kyis
stong pa'i phyir/ des na mdo las chos thams cad rang bzhin med
par rab tu bshad pa'i rgyu mtshan

@264a @#/ /yod de/ gzung 'dzin rdzas tha dad dang/ mtshan nyid
bden pa bas stong pas de ltar bshad pa des na'i phyir/ des na
mtshan nyid mtshon bya mtshon pa'i tsho mtshon bya las su bya ba
gzung bya'i phyogs su chad pa dang/ mtshan

nyid las su bya ba de 'jog par byed pa'i 'dzin pa'i phyogs su
tshur chang ba ltar snang ba las ma gtogs pa'i mtshan nyid kyis
mtshon bya blo yul du mtshon mi shes la/ blo de la ni gzung 'dzin
rdzas tha dad du snang bas khyab pas

gzung 'dzin rdzas tha dad kyis stong pas mtshan nyid bden pa bas
stong ba zhes bshad do/ /slob dpon rgyan mkhan pos dngos rnams
tha dad ces pa'i gzhung dbu ma pa'i stong nyid ston par bshad pa
ni/ sems tsam rnam rdzun pa

la dbu ma par byas pa de nyid yin gyi/ gnyis stong gi shes pa
ngo bo nyid med par smra ba'i phyogs ma yin te/ shes pa de don
dam par yod par lan du mar sgrubs pa'i phyir ro/ /gnyis pa ni/
du ma spungs pas phung po/ 'bras bu'i

'byung khungs su gyur pas khams/ sems sems byung skye zhing
mched par byed pas skye mched ces bya la sogs pa'i bye brag gis
phung khams skye mched mtshon par byed pa'i mtshan nyid de dag
kyang mtshan nyid bden par

grub pa dang bral ba yin te/ mtshan nyid de thams cad bya ba dang
byed pa yi khyad par can yin pa'i phyir/ khyab par thal/ bya
byed de'ang de kho na nyid du grub pa min pa'i phyir/ rgyu mtshan
des kyang mdo las mtshan nyid ni mtshan

@264b nyid kyis stong ngo zhes gsungs so/ /'dir bya byed don dam
par ma grub pa'i don ni/ thog mar byed pa mtshan nyid ngo bo
sngar med gsar pa lta bur blo yul du shar nas/ de'i rjes su las
su bya ba mtshon bya ngo bo sngar med gsar pa lta

bur grub par snang la/ las la bya ba byed pa'i tshul de don dam
par grub na bskyed bya skyed byed nyid du 'gyur bas bya byed
bden pa bas stong pa zhes bya'o/ /'di ni phyi rol gyi don khas
blangs nas kyang rnam gzhag de ltar byas pa la

'gal ba med do/ /gsum pa la/ 'khrul snang skye ba rgyu med du
thal ba spang ba dang/ don dam bden pa tha mal pas kyang mngon
sum du rtogs par thal ba spang ba dang/ thub pas phyi rol gyi
don gsung bar mi rigs par thal ba

spang ba'o/ /dang po ni/ phyi rol gyi don med na ri bong gi rwa
bzhin du tha mal pa rnams la de snang gi blo skye ba mi 'thad
par 'gyur ro zhe na/ nyon mongs can ma yin pa'i ma rig pa dag
gis rgyud bslad pa'i bdag nyid can gyi tha mal

pa chos can/ gzung 'dzin rdzas tha dad mi srid na yang khyod la
gnas lugs de kho na bzhin du rig pa min pa'i gnyis snang gi rnam
pa can gyi rnam rig skye bar 'gyur te/ don du mngon par zhen pas
bzhag pa'i bag chags de

rang nyid 'jog byed ji lta ba'i rang gi sad byed kyi rkyen la
bltos nas rnam rig de 'dra skye ba'i phyir/ dper na rab rib can
la skra shad la sogs pa med bzhin du snang ba bzhin no/ /gnyis
pa ni/ ri bong gi mgo la rwa med na de

@265a @#/ /mngon sum du rtogs pa ltar gzung 'dzin rdzas tha dad
ri bong gi rwa ltar med na/ gnyis stong tha mal pa rnams kyis
kyang mngon sum du rig dgos pas 'bad pa med par grol bar thal
bar 'gyur ro zhe na/ pha rol

don dam bden pa mngon sum du mthong ba min pa'i so so skye bo
tha mal pa chos can/ gzung 'dzin rwas ? tha dad ri bong gi rwa
ltar med na yang/ khyed thams cad kyis kyang gnyis stong gi de
kho na nyid de ni mngon sum du rig pa ma

yin te/ gzung 'dzin rdzas tha dad du zhen pas rgyud bslad cing
de cung zad tsam yang ma spangs pa'i phyir/ khyab par thal/
gzung ba dang 'dzin pa rdzas tha dad du zhen pa'i bslad pa dag
med na byis pa 'khor bar 'khor ba de ni med

pa'i phyir/ rtsod spong 'di ni stong nyid gtan la 'bebs pa'i
skabs kyi gtso bo gcig tu snang ngo/ /gsum pa ni/ thub pas bka'
dang por phyi rol don gyi rnam gzhag gsungs pa mi rigs par 'gyur
te/ phyi rol gyi don cung zad

kyang ma gzigs pa'i phyir/ khyab tha med na/ phyin ci log gsung
ba nyid du thal bar 'gyur ro zhe na/ 'jig rten don du mngon par
zhen pa des na gnyis stong mngon sum du gzigs kyang/ gdul bya
'ga' zhig gi bsam ngor de kho

na nyid kyi don ston pa btang snyoms su mdzad pa can gyi thub pa
bcom ldan 'das chos can/ de kho na nyid gzigs kyang ma gzigs pa
ltar glang chen gyi gzigs stangs nyid mdzad nas phyi rol rnam
par dpyod pa la 'jug

@265b par mdzad pa'i rgyu mtshan yod de/ nyan thos kyi rigs can
la sogs pa'i 'jig rten pa ril per ? 'dzin pa'i gang zag gi bdag
'dzin ldog pa'i thugs dgongs 'ba' zhig gis don gyi rnam gzhag
mdzad pa'i phyir/ des na bstan

bcos 'dir phyi rol don gyi rnam gzhag mdzad pa yang/ rigs can
gsum ga'i lam gyi rnam gzhag ston bzhed la/ de la nyan thos rigs
nges pa zhi ba bgod pa gcig pu ba lta bu la/ chos kyi bdag med
bstan du mi rung bas de

thar lam la bkri bar byed pa'i thabs su phyi rol don gyi rnam
gzhag mdzad pa yin no/ /'o na rang lugs la nyan thos kyi theg pa
tshad mas yongs su dag pa'i don bsdom pa ma yin par zhen yul la
'khrul pa'i log shes 'ga'

zhig tu 'gyur bar thal/ phyi rol gyi don med bzhin du phyi rol
gyi don gzhir bzhag nas mi rtag sdug bsngal sogs kyi rnam gzhag
mdzad pa'i phyir ce na/ skyon med de/ tshad mas rtogs par byed pa
la phung po mi rtag pa sogs su rtogs

par byed kyi/ phyi rol don du gyur pa'i phung po mi rtag pa'o
zhes rtogs par mi byed la/ rnal 'byor nyams su len pa'i tshe na
yang tshul de kho na bzhin du yin pas/ shing rta chen po su yang
rang lugs la theg pa gsum gyi rnam gzhag mdzad

pa'i nyan thos kyi theg pa zhen yul la 'khrul pa'i log shes su
'dod pa ni su yang med do/ /phyi rol gyi don grub mthas khas len
pa'i nyan thos mdo sde pa dag kyang sgra mi rtag rtogs kyi rjes
dpag tshad mas phyi rol don gyi sgra 'di mi

@266a @#/ /rtag pa'o snyam du rtogs dgos par mi 'dod cing/ rnal
'byor spyod pa pas kyang phyi rol don gyis dben pa'i sgra 'di mi
rtag pa'o snyam du rtogs dgos par mi bzhed pas/ rtsod pa de ni
sel ba'i 'jug tshul ma shes pa'i

rtsod pa'o/ /gnyis pa la/ dngos dang/ ha cang thal ba spang
ba'o/ /dang po ni/ shes pa gcig la sngo ser sogs sna tshogs pa
gzung don du byed pa'i shes pa'i khyad par khra 'dzin dbang shes
ma 'khrul ba chos can/ rang las rdzas gzhan

pa'i sngo ser dkar dmar sogs su snang ba la brten cing/ sngo ser
dkar dmar sna tshogs su snang ba der med de/ de ltar yod na khyod
kyi cha gcig rang 'dzin shes pa ma 'khrul bas yan gar du mthong
dgos pa la/ de ltar mthong nus

pa ma yin pa'i phyir/ 'o na khra bo la cha 'di sngon po'o/ /cha
gzhan ser po zhes sogs kyi rnam dbye mthong ba dang 'gal lo zhe
na/ de 'dra'i rnam dbye byed pa de yi tshe dbang shes ma 'khrul
pa nyid phyi rol gyi sngo ser sogs sna tshogs su snang

ba la de 'dra'i rnam dbye don mthun 'jug pa ma yin par thal/ de
'dra'i rnam dbye phyi rol gyi don la 'jug par 'gyur ba tsam yin
pa'i phyir/ phyi rol don khas len na dbang shes ma 'khrul ba la
phyi rol gyi don snang zhes bya'i/ /

dbang shes de nyid phyi rol gyi don du snang ngo zhes khas mi
blang ngo/ /des na sngar gyi rtsod pa de la dbang shes gcig nyid
phyi rol gyi don sna tshogs su snang ba rtags ma grub pa'i lan
'debs pa yin no/ /dbang shes gang la ji ltar phyi

@266b rol sna tshogs su snang ba de chos can/ phyi rol don ma yin
te/ khyod la ji ltar snang ba de lta nyid du rang rig mngon sum
gyis dngos su myong ba yin pa'i phyir/ de ltar khra 'dzin dbang
po'i sems la sngo ser sogs rnam pa sna tshogs snang ba'i rnam

pa de dag chos can/ khyod sna tshogs yin pas khra 'dzin dbang
shes rdzas du mar thal ba'i skyon med de/ khyod khra 'dzin dbang
shes gcig gi ngo bor grub sde rdzas gcig tu 'gyur ba'i phyir/
gal te shes pa'i sna tshogs rdzas gcig la 'du

ba ltar ras la sogs pa'i kha dog gi gzugs sna tshogs pa yan lag
can cha med gcig la 'du ba yin no zhe na/ 'o na shes pa'i sna
tshogs de bzhin du ras la sogs pa'i kha dog rnams kyang ya bral
du rnam dbye byar med par 'gyur

bar thal/ de dag yan lag can cha med gcig la 'du pa'i phyir/ so
sor dbye ba yan lag la yin no zhe na/ tha dad pa can gyi yan lag
gi sngo sogs rnam par bsal ba'i cha tha dad med pa'i yan lag can
don gzhan gyi khra bo med par

thal/ de ltar yod na mngon sum gyis mthong dgos pa la/ mthong ba
med pa'i phyir/ gnyis pa ni/ yan lag can don gzhan med na dbang
shes kyis rdul phran 'dzin dgos par 'gyur la/ de lta na blo gcig
gis rdul phran du ma cig car

'dzin mi nus pas rim gyis 'dzin dgos pa ha cang thal bar 'gyur
ro zhe na/ khyad par can du skyes par gyur ba'i rdul phran mang
po dag cig car rang 'dzin dbang blo yi rgyur mi rung ba ma yin
par thal/ de ltar 'gyur yang 'gal ba dag

@267a @#/ /ni ci zhig kyang yod pa ma yin pa'i phyir/ gal te dper
na dbang po la sogs pa rkyen gsum gyis dbang shes gcig bskyed pa
bzhin nam/ rigs pa can pa khyod yin lag can med pa'i dbang po
dang bdag yid phrad

pa las shes pa gcig skye bar 'dod pa ltar ro/ /de lta bu rgyu
yin yang gzung don du mi rung ngo zhe na/ de la gzugs kyi rdul
phran du ma de ni chos can/ rang 'dzin dbang po'i blo de yi
gzung bar brjod pa la 'gal ba med de/ rang 'dzin

dbang po'i blo ni gang gi rnam ldan du snang ba'i rnam pa de'i
lag rjes 'jog byed kyi phyi rol yin pa'i phyir/ khyab par thal/
rang 'dra'i rnam pa dngos su gtod pa'i rgyu yi dngos po ma gtogs
pa gzung ba'i don zhes bya ba gzhan

ci'ang med pa'i phyir/ gnyis pa la/ ba lang de yan lag du ma
dang ldan par mi 'dzin par thal ba dang/ dngos po rdzas gzhan
mthong yang blo rnam pa gcig pa can kho nar thal ba dang/ cig
car du ma 'dzin pa grangs can

gyi lugs la yang grub pa'o/ /dang po ni/ ji ltar rang gi yan lag
du ma dang bcas nas cig car yan lag can ba lang gzung ba yin pa
mi 'thad par thal/ blo gcig gis don du ma mi 'dzin pa'i phyir/
'dod mi rigs par thal/

lkog shal la sogs pa'i don du ma mthong ba med par/ ba lang
'dzin pa'i dbang po'i shes pa mthong ba med pa'i phyir/ gal te
khyad gzhi khyad chos su ma gyur ba'i du ma cig car mi 'dzin pa
yin gyi/ yon tan te khyad par dang/

@267b gtso bo khyad par gyi gzhi dag tu 'gyur ba'i du ma cig car
rtogs par 'dod do zhe na yang/ ba glang de cig car yan lag
rdzogs pas khyad par du byas nas 'dzin pa min par thal/ ba lang
rna bas khyad par du byas nas 'dzin pa na rna ba

g.yo 'gul la sogs pa'i yon tan dang ldan pa'ang 'dzin pa min
par thal/ blos du ma 'dzin pa'i tshe khyad gzhi rdzas khyad chos
re re ba'i rdzas kyis khyad par du byas nas 'dzin gyi khyad gzhi
khyad chos kyi ldog pa min pa'i don du ma

mi 'dzin pa'i phyir/ khyad gzhi khyad chos kyang rdzas su grub
pa ma yin te/ khyad par dang khyad par can brjod par 'dod pa'i
gzhan dbang tsam gyis bzhag pa'i phyir/ des na ba lang de nog
sogs du ma dang ldan par dus cig

car du mi 'dzin par thal/ don du ma 'dzin na khyad gzhi khyad
chos su byas nas 'dzin dgos pa'i phyir/ khyab par thal/ khyad
chos kyi yan lag nyid du nye bar gzung ba gang yin pa'i khyad
chos gcig pu de nyid kyis khyad gzhi

de khyad par du byas nas 'dzin par 'gyur ba'i phyir/ gnyis pa
ni/ bum snam la sogs pa'i rdzas gzhan dang gzhan mthong yang blo
rnam pa gcig pa can du 'gyur bar thal/ bum snam rang gi dngos po
mthong ba tsam gyis rdzas

gzhan dag las tha dad du rnam pa 'char ba'i nus pa med cing yon
tan la sogs pa rdzas tha dad du 'byed par byad pa'ang dus de'i
tshe ma gzung ba'i phyir/ rtags snga ma ma grub na/ gzhan gyi blo
skye ba gzhan nyid don gzhan la

@268a @#/ /bltos pa 'gal la/ phyi ma ma grub na/ blo gcig gis cig
car don du ma mi 'dzin pa nyams so/ /gal te sngar rdzas bzung
nas/ phyis yon tan la sogs pa'i khyad par gzung ba'i phyir rim
gyis du ma rtags par 'gyur

ba yin no zhe na/ rim gyis du ma rtogs par 'gyur mod kyi/ rdzas
dang yon tan 'di dag gi khyad gzhi khyad chos kyi 'brel ba 'tshol
? bar 'gyur bar thal/ yang de dag blos cig car mi 'dzin pa de
lta yin pa'i phyir/ gsum pa

ni/ grangs can gyi lugs la yang blo gcig gis cig car don du ma
'dzin par 'dod dgos par grub par thal/ sgra sogs de tsam lnga
bde sdug btang snyoms sogs du ma nyid kyi bkod pa tsam yin pa'i
phyir/ yon tan

gsum po ma gzung ngo zhe na/ de mi rung bar thal/ de tsam lnga
yon tan gsum gyi bkod pa tsam du khas blangs pa gang zhig bkod
pa can ma gzung bar mngon sum gyis de'i bkod pa 'dzin par mi
rung ba'i phyir/ gsum

pa ni/ chos can gcig gi ldog pa du ma mngon sum gyi gzung don ma
yin pa dang/ spyi don gzhan mngon sum gyi gzung don ma yin pa'o/
/dang po ni/ dang po'i chos can rjes dpag gis grub na thug med
du 'gyur bas

mngon sum gyis grub dgos la/ de lta na ldog chos du ma mngon
sum
gyis 'dzin par 'gyur te/ chos can sgra lta bu de ldog chos du ma
dang ldan pa'i phyir ce na/ chos can sgra de ni ldog pa du ma'i
ngo bo nyid yin te/ sgra ma

@268b yin pa'i khams gsum gyi shes bya thams cad las ldog par
rang rgyu las skyes pa'i phyir/ sgra ma yin pa'i logs gang dang
gang las ldog pa'i log pa de las tha dad pa'i sgra'i ldog sa tha
dad pa'i cha de rnams chos can/ rtog pas

btags pa'i tha dad can yin te/ ldog pas byas pa'i tha dad gang
zhig /rdzas tha dad ma yin pa'i phyir/ rtog pas btags pa'i rang
bzhin tha dad pa sna tshogs snang ba de dag ni chos can/ rtog pa
med pa'i dbang po'i sems ma

'khrul ba la sna tshogs su snang ba min te/ gzung don las res
'ga' skye ba yi dbang mngon gyi gzung don gyi spyod yul min pa'i
phyir/ gnyis pa la/ dgag pa dngos dang/ des rigs can gzhan yang
khegs pa'o/ /dang po

ni/ gal te dkar po nyid la sogs pa'i spyi don gzhan yod par gyur
kyang dbang mngon gyi gzung don ma yin par thal/ dbang po'i
mngon sum gyi spyod yul ci 'dra ba de ni sgra yis brjod pa min
pa'i phyir/ der thal/ dbang shes

dang sgra byung shes pa'i snang tshul gyi rang bzhin tha dad pa'i
phyir/ gal te dbang po'i blo dang rtog pa rnams gzung don gcig
nyid yin yang/ rten dbang po gzugs can pa dang/ yid kyi dbang po
sna

tshogs la brten pas snang tshul tha dad pa der 'gyur ro zhe na/ de
ni rna ba la sogs pa'i dbang po'i sems ma 'khrul ba lnga po tha
dad pa'i gzung don can de sgrub byed gang las kyang mi 'grub par
thal/ gzung don gcig

@269a @#/ /yin yang bdag rkyen tha dad pas snang tshul tha dad du
'gyur ba'i phyir/ rtog pa dang dbang shes gnyis sems kyi rten
gzhan dang gzhan las skyes su chug kyang gsal mi gsal gyi rang
bzhin sna tshogs

su snang ba de ni rgyu gang las kyang yin pa mi 'thad par thal/
yul gcig nyid kyi dngos po de gzung don du byas nas 'dzin pa'i
phyir/ dbang shes dang rtog pa don gcig yin te/ sngar mngon sum
gyis mthong ba'i don la

phyis 'di'o zhes ngo shes pa'i phyir ce na/ mngon sum gyis
mthong ba'i gzung don las ba lang ngo snyam pa la sogs pa'i ngo
shes pa'i blo ni skye ba ldog par rigs pa yin te/ mngon sum gyis
mthong ba'i don rang mtshan gzung

don du rtogs pa med par rjod byed sgra dang rnam rtog 'dod pa
tsam gyis 'jug pa'i phyir/ gnyis pa ni/ ba lang la sogs pa mngon
sum gyis mthong ba'i don la/ ba lang ngo zhes pa la sogs pa'i ba
lang gi rigs sogs

brjod pa'i sgra dang/ de'i rjes su 'brang ba'i rnam rtog dag
rjes su 'gro ba'i rtags las rigs sogs don gzhan rjes su dpog pa
gang yin pa de yang rigs pa 'di yis sun phyung ba yin te/ sgra
rtog 'dod pa tsam gyis 'jug

par bstan pa'i phyir/ mngon sum gyis mthong ba'i ba lang gi bsal
ba rnams spyi don gzhan med pa'i tha dad pa nyid yin yang rigs
gcig tu ngo shes pa zhes bya ba yi blo bskyed pa la 'gal ba med
de/ de 'dra'i rnam rtog

@269b gcig rang bzhin gyis byed pa yin no zhes brjod zin pa'i
phyir/ gnyis pa yid kyi mngon sum la/ rtsod pa dang/ lan dang/
de la rtsod pa spang ba'o/ /dang po ni/ slob dpon phyogs kyi
glang pos dbang mngon las don gzhan pa'i yid kyi mngon

sum khas blangs pa la/ mu stegs rna ba ma phug pa na re/ khyod
'dod pa'i yid kyi mngon sum des dbang po'i mngon sum gyis gzung
zin nam/ ma gzung ba 'dzin/ sngar myong ba'i don 'dzin pa yin na
bcad shes yin pas yid kyi

mngon sum ni tshad ma nyid ma yin par 'gyur la/ sngar ma mthong
ba'i don rang mtshan 'dzin na long ba la sogs pa yis kyang don
rang mtshan mthong bar 'gyur ro zhe na/ gnyis pa la/ spyi'i don
dang/ tshig don so sor bshad pa'o/ /dang

po ni/ kha cig mdzod las/ drug po 'das ma thag pa yi/ /rnam shes
gang yin de yid do/ /zhes pa'i don yid dbang yin na 'das pa yin
pas khyab pa bstan par bsams nas/ 'das pa las 'das pa mi skye
ba'i phyir/ yid dbang

las yid dbang mi skye bas yid kyi mngon sum la rigs 'dra'i rgyun
med cing/ dbang mngon skad cig bcu skye ba'i tshe yid mngon kyang
de dang grangs mnyam du skad cig bcu skye la/ sngon du dbang
mngon skad cig gcig skye ba des yid

mngon skad cig dang po'i de ma thag rkyen byed la/ dbang mngon
skad cig bcu pa dang/ yid mngon skad cig dgu pa dus mnyam zhing/
de'i rjes su yid mngon skad cig gcig skye la/ de dag kyang dngos
stobs kyi rigs pas grub par bzhed pa dag

@270a @#/ /kyang 'thad par mi sems te/ bdag rkyen gyis don byed
mi nus pa de 'dra ba sde bdun gyi 'grel pa dang bcas pa khungs
ma gang nas kyang ma bshad cing/ rigs pas kyang mi 'thad pa'i
phyir ro/ /mdzod kyi gzhung 'di'i

don yang 'jug pa'i rnam par shes pa rang dus na 'das ma thag
pa'i yid bdag rkyen du ston pa yin gyi/ yid dbang yin na 'das
pas khyab par ston pa min no/ /gzhan yang yid kyi mngon sum chos
can/ yid kyi rnam par shes pa

ma yin par thal/ khyod la rang gi bdag rkyen gyis bskyed pa'i
bya ba cung zad kyang ma byas pa'i phyir/ ma grub na yid dbang
yin na 'das pa yin pas khyab pa'ang nyams so/ /khyab pa med na/
dbang po'i rnam par shes pa la yang rang

gi bdag rkyen gyis bya ba ci yang ma byas par mtshungs so/ /kha
cig rgyan mkhan po'i lugs su byas nas don nye ba yul du byad
pa'i 'di'o snyam pa'i nges shes kyi khyad par 'ga' zhig yid kyi
mngon sum du 'dod pa yang/ sgra

rtog sgrub 'jug tu 'dod pa la phar la 'phangs pa'i gnod pa thams
cad rang nyid la 'jug par 'gyur zhing/ de dag la tshad ma'i bsal
ba cung zad kyang bstan du med par 'gyur ro/ /des na slob dpon
chos mchog gi bzhed pa

'ba' zhig 'thad par sems te/ de la rkyen gsum ngos gzung ba
dang/ nges byed kyi tshad ma dang/ de la rtsod pa spang ba'o/
/dang po ni/ gzugs 'dzin dbang po'i mngon sum lta bu skye thabs
gcig gi dbang mngon skad cig tha ma de

@270b la yod pa'i yid mngon rang dbang du bskyed pa'i cha bdag
rkyen dang myong bar bskyed pa'i cha de ma thag rkyen yin pas
rdzas gcig la ldog pa 'gal ba yin no/ /dbang mngon tha ma de'i
gzung don gyi rigs 'dra skad cig gnyis pa ni/ yid

mngon de'i dmigs rkyen yin no/ /des na dbang mngon rdzogs pa'i
rjes der yid mngon dus kyi thung ba'i mthar thug pa'i skad cig
ma gcig skye ba yin no/ /gnyis pa ni/ slob dpon chos mchog gis
gzhan dag gis yid mngon

med par rgol ba la/ de dag gi dogs pa ldog pa'i phyir tu mdo
mdzad pas/ lung las grags pa tsam zhig bshad kyi 'di la tshad ma
gzhan btsal bar bya ba ma yin no/ /zhes gsungs pas slob dpon
chos mchog yid kyi mngon

sum 'jal byed kyi tshad ma med par bzhed pa yin no/ /zhes zer ba
ni/ skyes bu dam pa rnams la skur ba 'debs pa yin te/ rigs pa'i
dbang phyug su yang tshad mas ma grub bzhin du mngon sum gyi
dbye
bar bzhed pa mi srid pa'i phyir

ro/ /des na dpyad pa gsum gyis dag pa'i lung gi rtags yang dag
la brten nas dpog dgos pas so so skye bo rnams la yid kyi mngon
sum shin tu lkog gyur du bzhed pa yin no/ /des na so so skye bo
rnams kyis yid kyi mngon sum

yid ches rjes dpag gis 'grub pa yin gyi dngos stobs kyi tshad ma
sogs kyis mi 'grub bo/ /slob dpon chos mchog gis 'di la tshad ma
gzhan btsal bar bya ba ma yin zhes gzhan zhes khyad par du byas
pas kyang

@271a @#/ /tshad ma gcig bzhed par go bar bya'o/ /gsum pa ni/ 'o
na so so skye bo'i rgyud kyi gzugs 'dzin yid kyi mngon sum de
shes pa min na mngon sum du mi rung pas shes par 'gyur la/ de
lta na rang myong byed

rang rig mngon sum gyis myong dgos pas mngon sum tshad mas grub
par 'gyur la/ de lta na gang zag de la shin tu lkog gyur du 'gal
lo zhe na/ 'o na de skad smra ba'i gang zag khyod rang gi rgyud
kyi shes pa yang yin

la dus kyi thung ba'i mthar thug pa yin pa'i gzhi mthun de khyod
rang gi rgyud kyi rang rig mngon sum tshad mas grub par thal/ de
khyod rang gi rgyud kyi shes pa yin pa'i phyir/ 'dod na 'phags
par thal lo/ /gzhan yang khyod

rang gi rgyud kyi shes pa yang yin la gang zag gi bdag med yang
yin pa'i gzhi mthun de rang rig mngon sum tshad mas grub par
thal/ gal te shes pa de rang rig gis myong ba tsam yin gyi rang
rig mngon sum

tshad mas grub pa min no zhe na/ de ni yid mngon la yang mtshungs
so/ /gal te yid kyi mngon sum rang rgyud kyi mngon sum tshad mas
ma grub kyang rang rgyud kyi mngon sum gyis myong dgos la/ de
lta na shin tu lkog gyur du

'gal lo zhe na/ 'o na nyin zhag gcig la dus kyi thung ba'i mthar
thug pa'i rnam rtog grangs ji tsam brgyus pa'i grangs de snyed
kyis bsdus pa'i shes pa de dag rang rgyud la ma myong na/ rang
rgyud kyi shes par 'gal la/ myong

@271b na shin tu lkog gyur min pas khyab pa khyod kyis khas
blangs pas rang rgyud la dngos stobs kyis grub par khas len dgos
par 'gyur ro/ /des na rang rgyud la yid kyi mngon sum myong zhes
pa yang myong ba de 'dra skyes pa'i don yin gyi rang

rig mngon sum tshad mas grub pa'i don min no/ /'o na rang rgyud
la yid kyi mngon sum yod pa tshad ma gang gis grub ce na/ rang
rgyud la dbang mngon skye bar dngos stobs kyi tshad mas grub pa
na/ dbang mngon gyi rjes su yid mngon nges par

skye bas khyab pa dpyad pa gsum gyis dag pa'i lung gi rtags la
brten nas yid ches rjes dpag gis grub pa yin no/ /'o na rang blo
lkog gyur du 'gyur zhe na/ spyod pa pa dag rang rgyud la blo yod
tsam rtags las rtogs dgos pa la dgag

pa rgyas par mdzad pa yin gyi/ rang rgyud kyi blo yin na rang gi
gzhal bya mngon gyur yin pas khyab pa brgya byin gyis kyang
sgrub mi nus so/ /so so skye bo'i rgyud la yid kyi mngon sum
tshad ma yod dam med/ dang po ltar na/ mngon sum gyis

nges par grub dgos pas/ dus kyi thung ba'i mthar thug pa so so
skye bo'i mngon sum tshad mas rtogs par 'gyur ro/ /phyi ma ltar
na yid kyi mngon sum tshad ma mi srid pa'i/ 'phags pa kho na'i
rgyud kyi tshad mar 'gyur ro zhe na/ rang rgyud kyi tshad ma

yin na nges par rang rig mngon sum tshad mas grub dgos pas/ so so
skye bo'i rgyud la yid kyi mngon sum yod kyang yid kyi mngon sum
tshad ma med la/ yid kyi mngon sum shin tu lkog tu gyur pa na des
khyad par du byas pa'i de'i rkyen gsum

@272a @#/ /yang shin tu lkog tu gyur pa lung la brten nas dgog pa
yin no/ /dbang mngon skad cig tha ma dngos stobs kyis grub na/
des yid mngon gyi de ma thag rkyen byed pa'i cha yang dngos
stobs kyis grub dgos zhes smra ba ni

rigs pa mi shes pa'i rnam 'gyur ro/ /gnyis pa la/ thal ba dang
po'i lan dang/ gnyis pa'i lan no/ /dang po ni/ gzugs 'dzin yid
kyi mngon sum chos can/ khyod rang gi de ma thag rkyen de yi
gzung don khyod kyis gzung don du byas

nas mthong ba yod pa ma yin par thal/ de khyod rang gi de ma
thag rkyen gyi dus na 'das pa'i phyir/ der thal/ de'i rgyur gyur
pa'i skad cig ma nyid yin pa'i phyir/ rtags ma grub na/ yid kyi
mngon sum tshad mar mtshon pa la mtshan

nyid gsar du mi slu ba'i shes pa las khyad par dang bcas pa
brjod par bya bar 'gyur bar thal/ yid kyi mngon sum de skad cig
ma min pa'i gzung don 'dzin pa'i phyir/ dbang po gzugs can las
skyas pa can gyi gzugs 'dzin

dbang po'i mngon sum nam/ gzhan dag so so skye po'i rgyud kyi
gzugs 'dzin yid kyi mngon sum ni chos can/ gzhal bya sngar ma
rtogs gsar du sgrub par byed pa'i tshad mar ji ltar yang 'dod mi
rigs par thal/ rang 'dren

byed kyi tshad ma snga mas sgro 'dogs gcod pa'i bya ba sgrub zin
pa can gyi las la ni/ sgro 'dogs mi 'dra ba'i khyad par cung zad
kyang gcod par mi byed par rtogs zin de nyid la 'jug pa'i shes
pa yin pa'i phyir/ rtags khas

@272b blangs/ dbang po can nam zhes pa ni/ dbang po'i mngon sum
skad cig gnyis pa phyin chad bcad shes yin gyi tshad ma ma yin pa
bzhin du/ yid kyi mngon sum yang de 'dra bar thal zhes pa'o/
/'di dag ni/ phyogs snga ma smra bas yid kyi

mngon sum khas blangs nas de la bzung zin 'dzin pa dang mi 'dzin
pa'i brtag pa byed pa ma yin gyi/ yid kyi mngon sum de bzung zin
'dzin na/ nyes pa brjod nas bzung ma zin pa'i don 'dzin bsgrub
bzhed pa yin no/ /dbang

mngon skad cig dang po tshad mar bzhag pa la yang snga phyi'i cha
du ma yod kyi/ dus kyi thung ba'i mthar thug pa yin na/ yid
mngon dang 'dra bar so skye'i tshad mar mi rung ngo/ /gzugs 'dzin
dbang po'i mngon sum dang yid kyi mngon

sum gyi blo'ang thams cad chos can/ dus cig car 'byung bar 'gyur
bar thal/ gzung don gyi dngos po gcig phu de las dngos su skye
ba'i phyir/ dbang mngon gyi gzung don chos can/ rkyen de la
bltos nas kyang blo gnyis

rim gyis bskyed pa 'gal bar thal/ rkyen gzhan gyis khyad par du
bya ba min pa'i phyir/ gnyis pa ni/ gzugs 'dzin yid kyi mngon
sum ni chos can/ gzugs 'dzin dbang po'i rnam par shes pa las/
gzung yul gzhan nyid 'dzin

par byed de/ de'i de ma thag rkyen las byung ba can gyi don rig
ma 'khrul ba yin pa'i phyir/ khyad par thal/ de ma thag rkyen
gyi gzung don 'dzin pa la nyes pa brjod zin pa de'i phyir/ khyod
kyis dbang mngon gyis ma mthong ba'i don

@273a @#/ /'dzin pas/ long bas gzugs mthong bar thal ba ma yin
par thal/ gzung don rigs mtshungs pa'i dbang mngon de'i de ma
thag rkyen las khyod skye ba de'i phyir/ gsum pa la/ yul nges
med 'dzin par thal

ba spang ba/ de'i gzung yul dbang mngon dang lhan cig tshogs nas
rkyen byed pa mi 'thad pa spang ba dang/ de 'thad na gzung 'dzin
mi 'thad pa spang ba'o/ /dang po ni/ gzugs 'dzin yid kyi mngon
sum chos can/ gzugs

'dzin dbang mngon las gzung yul gzhan 'dzin na yang/ gzung yul
nges pa can 'dzin par 'dod pa yin te/ dbang mngon rang gi gzung
don gyi rjes su 'gro ba'i don skad cig gnyis pa dang dus gcig tu

tshogs pa la bltos pa can gyi gzugs 'dzin dbang skyes kyi blo ni
khyod kyi de ma thag pa'i rgyu yin pa de'i phyir/ gnyis pa ni/
ci ltar yid mngon gyi gzung don de dbang po'i shes pa dang pa
dang dus mnyam du tshogs nas de yi lhan cig

byed pa'i rkyen byed pa yin pa mi 'thad par thal/ de dang 'bras bu
byed pa'i dus mtshungs pa med pa can yin pa'i phyir/ der thal/ de ni
rang 'dzin shes pa'i dus can gyi don dag yin la/ dbang mngon ni de'i
sngar yod pa'i phyir ce na/

rgya'i sngar chos can/ rgyu'i nus pa med par thal/ rgyu med pa'i
phyir/ phyis rgyu grub pa'i dus kyang chos can/ 'bras bu la phan
pa nye bar mi sbyor bar thal/ 'bras bu dang dus mnyam du grub
pa'i phyir/ nges na/ yid kyi mngon sum

@273b gyi gzung don chos can/ rang 'dzin gyi blo dang bcas nas
dus mnyam du skye ba ma yin par thal/ rang 'dzin mngon sum gyi
rgyu yin pa de'i phyir/ khyab par thal/ rgyu rnams thams cad
rang 'bras kyi sngar yod yin pa'i phyir/ gsum pa ni/ yid

kyi mngon sum gyi gzung don de ji ltar yid kyi mngon sum gyis
'dzin pa mi 'thad par thal/ de gnyis dus tha dad pa'i phyir ce
na/ yid kyi mngon sum gyi gzung don chos can/ yid kyi mngon sum
de'i gzung don yin te/ yid kyi mngon sum

gyi shes pa de'i rnam pa dngos su 'jog nus pa'i don yin pa'i
phyir/ khyab par thal/ rigs pa shes pa yis de 'dra'i rgyu nyid
la gzung bar bya ba'i don gyi 'jog byed du shes pa'i phyir/
gzugs 'dzin yid kyi mngon sum la rgyu du ma nyid ni

yod na yang/ gzugs skad cig tha ma de de'i gzung don yin te/
'bras bu yid mngon de yul gyi rnam pa'i rjes su byed cing skye
ba gang yin pa'i rnam pa de'i ngo bo'i lag rjes 'jag byed de la
gzung don zhes brjod pa yin la/ de gzugs

des bzhag pa'i phyir/ gsum pa rang rig mngon sum la/ mtshan nyid
bsgrub pa dang/ mtshan gzhi bsgrub pa'o/ /dang po ni/ brda'i dus
kyi bde sdug la sogs pa'i bdag nyid gzhan tha snyad kyi dus su
rjes 'gro byed pa la mi rten te/ skad cig snga

phyi phan tshun rjes 'gro mi byed pa'i phyir/ bde sogs rang mtshan
pa de la da myong rang rig gis brda byed par nus pa ma yin te/
des de brda dang tha snyad kyi dus gnyis su rjes 'gro byed par
ma mthong ba'i phyir/ des na/ bde sogs de dag

@274a @#/ /myong ba'i rang rig mngon sum ni chos can/ brjod pa
sgra dang rjes su 'brel ba can du yul 'dzin pa ma yin te/ brda
la bltos pa med par gzung yul rang mtshan pa de'i phyir/ gnyis pa
la/ bde sogs nang gi bem por 'dod

pa dgag/ phyi'i bem por 'dad pa dgag pa'o/ /dang po la/ 'dod pa
brjod pa dang/ de dgag pa'o/ /dang po ni/ rigs pa can pa dang
bye brag pa na re/ bde sogs de dag rang gi ngo bo ci ltar rig pa
yin te ma yin par thal/ gzhan

rig tu 'dod pa de dag kyang rang rig min na 'dis gzhan yang rig
par byed pa min pa'i phyir/ 'o na/ bde sogs rig par tshor ba 'di
ci yin zhe na/ bde sdug de dang bdag don gcig la 'du 'brel grub
pa la brten pa'i yid kyi rnam shas kyis bde

sdug rig par bya ba yin pa la/ de dag kyang shes pa yin pa ltar
tshor ba yin no/ zhes 'ga' zhig zer to/ /gnyis pa la/ dbang shes
'khor gyi tshor ba bde ba rang rig mngon sum gyi myong byar
bsgrub pa/ de don rig tu bsgrub pa'o/ /dang po la/

spyir shes par sgrub/ myong byed gzhan gyis myong ba dgag pa'o/
/dang po ni/ gzugs 'dzin dbang po'i mngon sum gyi 'khor gyi bde
sogs de chos can/ rgyu mtshan cis shes pa ma yin pa mi 'thad de/
gzugs 'dzin dbang po'i rnam par

shes pa de'i rgyu las gzhan min pa de dang rgyu tshogs gcig las
skyes pa'i phyir/ khyab pa yod de/ 'bras bu 'dra ba de dang/
'dra ba de min pa'i rang bzhin can gyi 'bras bu ni dngos rgyu
'dra ba de dang/ 'dra ba de min pa'i dngos rgyus bskyed

@274b dgos pa'i phyir/ de'i phyogs chos bsgrub pa ni/ gzugs
'dzin dbang po'i mngon sum dang/ de'i 'khor gyi tshor ba bde ba
gnyis rkyen gsum mtshungs pa gcig las skyes par thal/ gzung don
dang bcas pa'i bdag rkyen dbang po rung ba dang/

yul yid du 'ong ba la sems gtod pa'i bdag nyid ji lta ba'i de ma
thag pa'i sems yod na 'khor gyi tshor ba bde ba sogs skye bar
mthong la/ gzugs 'dzin dbang po'i mngon sum gyi yid kyang/ de
dang rkyen gsum mtshungs pa yin

pa'i phyir/ rgyu mtshungs pa ma grub ste/ rnam shes bdag gi yon
tan 'du byed las rig par skye la/ bde sogs la de med do zhe na/
rkyen gsum po de las gzugs 'dzin dbang po'i mngon sum de skye'i/
gzhan bdag gi yon tan

'du byed las skye ba min par thal/ rkyen gsum de dag phan 'dogs
byed du yod pa na 'ga' zhig gi rgyud la tshor ba bde ba la sogs
pa dang/ gtso bo dbang blo skye ba dang/ de phan byed du med na
mi skye bar mthong gi cig shos de'i

nus pa ma mthong ba de'i phyir/ 'o na/ bde sdug gi khyad par
yang tha dad du mi 'grub par 'gyur ro zhe na/ dbang po'i mngon
sum 'khor gyi tshor ba bde sdug la sogs pa chos can/ rkyen gsum
las skyes par mtshungs kyang tha dad yin

te/ rkyen gsum po de dag nyid kyi nang gi khyad par las sim
gdung tha dad du skyes pa'i phyir/ dper na/ yid kyi blo de nyid
kyi goms pa che tshung gi khyad par las/ yul gtan la phebs ma
phebs kyi gsal mi gsal dang/ the tshom can du 'gyur

@275a @#/ /ba bzhin no/ /gnyis pa la/ blo du ma cig car mi 'jug
pa la myong byed gzhan gyis myong ba dgag /cig car 'jug pa la de
dgag pa'o/ /dang po la/ bde sogs dang lhan cig skyes pa'i dbang
shes kyis myong ba mi 'thad/

phyis byung ba'i yid shes kyis myong ba me 'thad/ de'i lan dgag
pa'o/ /dang po ni/ dbang shes kyis rang gi 'khor gyi bde ba
gzung don du byas nas myong bar 'gyur zhi na/ gzugs de gzung don
du yod pa bor nas rang gi 'khor gyi

bde sogs nyid dbang po'i mngon sum des ci ltar rtogs par 'gyur
te mi 'thad par thal/ gzugs kyi don gang gzung don du nye bas
rang 'dzin dbang po'i blo dang/ bde sogs de dag skye bar 'gyur
ba'i phyir/ gnyis pa ni/

dbang shes dang/ phyis byung ba'i yid shes kyis don dang bad
sogs rim gyis 'dzin gyi cig car mi 'dzin no zhe na/ bde sogs de
myong ba por rnam par chad pa med par blo ma 'khrul ba la snang
bar mi 'gyur

bar thal/ don 'dzin pa'i dbang shes nges par bcad cing 'jug pa'i
phyir/ don de myong ba'i dbang shes kyang de ltar thal/ cig shos
des bar bcad cing 'jug pa'i phyir/ 'jug pa mgyogs pa'i phyir par
ma chad du

snang ngo zhe na/ blo gnyis ka myong ba cig shos kyis bar chad
pa med par snang ba cis ma yin te yin par thal/ 'jug pa mgyogs
pa de gnyis ka la mtshungs pa'i phyir/ 'dod na/ gnyis ka bar ma
chad du blo ma 'khrul

@275b ba la snang na/ gnyis ka cig car du 'jug pas myong byed du
ma cig car mi skye ba 'gal lo/ /gsum pa la/ dbang shes kyis don
dang bde ba gnyis ka rim gyis 'dzin pa mi 'thad/ cig car 'dzin
pa mi 'thad/ bde ba rkyang pa

'dzin pa mi 'thad/ don gcig pu 'dzin na bde ba 'dzin par 'gal
ba'o/ /dang po ni/ bde ba myong byed med par ma grub ste/ dbang
shes kyis don dang gnyis ka rim gyis myong ngo zhe na/ dbang
po'i mngon sum gcig gis phyi

rol gyi don dang bde ba gnyis gzung don du byas nas shes pa ma
yin te/ tshor ba bde ba nang chos kyi skye mtshod kyis bsdus la/
dbang po'i mngon sum gyi sems ni gzugs phung kho na'i yul can du
nges pa'i phyir/ gzugs

'dzin dbang po'i mngon sum chos can/ tshor ba bde ba de gzung don
du byas nas 'dzin pa ma yin par thal/ des phan 'dogs pa'i nus pa
grub pa med pa'i phyir/ der thal/ tshor ba bde sogs med kyang
phyi rol gyi gzung

don dag las skye ba'i phyir/ gzhung 'di dag gis dbang po'i mngon
su rang gi ngo bo la rang rig mngon sum tshad mar 'dod pa dang/
rang la shar ba'i gzung rnam rtogs par 'dod pa dag legs par bkag
pa yin no/ /

phyi rol gyi gzugs dang bde sogs gnyis kyis so so so sor yang
dbang shes bskyed nus la/ tshogs pas kyang nus pa yin pas bde
sogs med par yang yod pas bde sogs la nus pa med par mi 'grub
ste/

@276a @#/ /sngon po med par ser po las dbang shes skye bas sngon
po la nus pa med pa ma yin pa bzhin no zhe na/ sngo ser la sogs
pa bzhin du dbang mngon gyis bde sogs 'ba' zhig gzung don du
byas nas 'dzin

par 'gyur bar thal/ yul de gnyis so ser bltos med du yang dbang
mngon la gzung don gyi sgo nas phan 'dogs nus pa'i phyir/ 'dod
mi rigs par thal/ bde sdug de'i rnam pa snang ba'i rgyu'i don ni
ma gzung bar

bde sdug de myong bar mi rigs pa'i phyir/ gnyis pa ni/ don dang
bde sogs gnyis ka lhan cig nyid du dbang mngon gyis 'dzin no zhe
na/ dbang mngon bskyed pa'i bde sogs kyi nus pa ci yang med par
thal/ gang gi

phyir na bde segs des bskyed pa'i dbang blo nged kyang mi 'ded
rigs pa can pa khyod rang yang mi 'dod pa'i phyir/ khyod kyis
yid shes 'ba' zhig gis tshor bar khas blangs pas so/ /gsum pa ni/
don la bltos pa med

par yang bde ba la sogs pa mig la sogs pa'i dbang shes rnams
kyis gzung don du byas nas myong na gzugs sgra sogs kyi khyad
par rnams bud med dang skyes pa sogs kyis nam yang bde sdug
sgrub pa'i rgyur mig gi shes

bas 'dzin par mi 'gyur bar thal lo/ /khyab par thal/ nang gi yan
lag shes pas bsdus pa'i gzung don gyi sgo nas mig shes la phan
'dogs nus pa'i don yod na phyi rol mthong bar mi 'gyur bas khyab
pa'i phyir

@276b bzhi pa ni/ gzugs sogs don rkyang pa gzung don du byas nas
'dzin na/ dbang mngon chos can/ bde ba la sogs pa gzung don du
myong bar mi 'gyur bar thal/ phyi rol gyi gzung don de las skyes
ba'i phyir/ gnyis pa la/ ha cang thal ba dang/

'di'i lan dgag pa'o/ /dang po ni/ phyi rol gyi yul de dang/ bde
sogs de dus gcig tu yod na de las de myong gi blo rdzas tha dad
cig car skye'o zhe na/ dus cig car skyes bu gcig gis 'dod mi
'dod kyi don yod pa na/ de 'dzin pa'i

bde sdug dag cig car myong zhing rig par 'gyur bar thal/ de
gnyis kyi gzung bya cig car yod pa'i phyir/ gnyis pa ni/ gral
te/ yul yod tsam gyis bde sdug skye ba ma yin gyi nang gi nyer
len yid kyi shes pa la yang bltos la/

de yang dus gcig tu gnyis ka'i nyer len du yod na sdug bsngal la
sogs pa gcig car du 'byung yang/ yid shes gcig po de ni dus gcig
tu bde sdug 'gal ba yi nyer len min par 'dod do zhe na/ rgyu
mtshan gang gis yid kyi

rnam par shes pa de ni chos can/ mi shes pa bem po yi nyer len
gyi rgyu ma yin par thal/ shes pa yin pa'i phyir/ bdag po'i
rkyen nyid du 'gyur ba yin no zhe na/ yid shes bde sdug gi bdag
rkyen yin pa'i rgyu mtshan gyis de gnyis

cig car mi 'byung ba ma yin par thal/ bdag rkyen de ni bdag
'bras 'gal ba dag la'ang dus gcig tu phan pa mthong ba'i phyir/
der thal/ dper na snang ba nyi ma'i 'od zer gcig pus mtshan mo
rgyu ba 'ug pa dang/ de las gzhan

@277a @#/ /ba'i mi yi mig gi dbang po'i shes pa dag la dus gcig
tu gzugs mthong ba dang mi mthun pa dang/ mthun pa'i bdag rkyen
so sor cig car byed pa'i phyir/ ces pa bzhin no/ /gnyis pa don
rig tu bsgrub pa ni/

gzugs 'dzin dbang po'i mngon sum gyi 'khor gyi bde sogs chos
can/ don rig tu shal/ rang nyid la 'phos shing gtad pa'i phyi
rol don gyi rnam pa snang ba'i blo ma 'khrul ba yin pa de'i
phyir/ don gyi rnam pa snang bas don myong

bar mi 'thad de/ de don ma yin pa'i phyir ce na/ phyi rol gyi
don shes pas dngos su myong ba min par thal/ don gyi rnam pa de
myong ba'i phyir na de la don myong bar 'jig rten na tha snyad
'dogs pa'i phyir/ 'o na/ don dang 'brel med

du 'gyur ro zhe na/ rang gi bdag nyid rig par byed pa'i shes pa
'di dag ni chos can/ don ma myong na don dang 'brel med du 'gyur
ba ma yin par thal/ don las skye ba cam du zad pa'i phyir/ 'jig
rten na ngas don myong zhes den myong par

btags nas bshad pa'i rgyu mtshan yod de/ don gyi rnam pa'i bdag
nyid shes pa de dag gi rang gi bdag nyid du gyur pa'i 'dzin rnam
des myong ba la btags nas don myong bar bshad pa yin pa des na'i
phyir/ don dmigs pa nyid

du 'jog pa'i rgyu mtshan yod de/ blo ma 'khrul ba dang don gyi
rnam pa snang ba'i sgo nas don la sgro 'dogs gcod nus pa'i
phyir/ gnyis pa la/ bde sogs phyi don yin pa dgag pa dang/ sems
kyi bdag nyid du grub pa'i/ /dang po

@277b la/ rigs pa snga mas dgag pa dang/ rigs pa gzhan gyis dgag
pa'o/ /dang po ni/ grangs can pa 'ga' zhig bde sogs phyi rol na/
de tsam lnga'i bdag nyid du gnas pa nyid dang/ sems med pa'i bem
po dang/ shes pa gzhan gyis gzung bar

bya ba yin no zhes smra ste/ grangs can de yi lugs la yang dbang
shes kyis sngo sogs dang bde sogs gnyis cig car ga zung don du
byas nas 'dzin pa mi rigs par thal/ dbang po'i sems ni nges
phyir dang/ zhes sogs kyi nyes par 'gyur

ba'i phyir/ gnyis pa la/ rtags kyis dgag pa dang/ de'i lan dgag
pa'o/ /dang po ni/ sngo sogs rnam 'gyur gyi rang bzhin yon tan
gsum cha mnyam pa'i gtso bo yin pas/ bde sogs dang/ sngo sogs
rang bzhin gcig yin pa'i phyir/

shes pa gcig gi cig car 'dzin no zhe na/ sngon po dang bde ba de
ci ltar yang rang bzhin tha mi dad ma yin par thal/ rnam pa tha
dad du snang ba tsam gyi ma 'khrul ba'i sems kyis rang bzhin tha
dad du gzung bar bya ba yin pa'i phyir/

bde sdug chos can/ phyi rol gyi yul gcig la dmigs nas blo ma
'khrul ba la/ sngar sim zhing dga' bar smang ba goms pa yi khyad
par las phyis yongs su gdung ba'i khyad par du snang bar mi
'gyur bar thal/ phyi rol gyi don yin

pa'i phyir/ des na phyi rol gyi don ma yin te/ phyi'i yul gcig
bu der dmigs par khyad par yod pa min yang blo ma 'khrul ba la
sim gdung so sor snang ba'i phyir/ gnyis pa la/ gal te/ chen
po'i ming gi rnam grangs blo yang

@278a @#/ /bde sogs kyi bdag nyid yin pas goms pas khyad par du
'gyur ba blo'i bdag nyid yin gyi/ de tsam lnga'i bdag nyid kyi
bde sogs ma yin pas goms pas khyad par du 'gyur ba mthong bas de
tsam lnga'i bdag nyid yin

pa khegs kyang shes par mi 'grub pas ji skad bshad pa rnams mi
'gal lo zhe na/ da ni phyi rol de tsam lnga po de bde sogs kyi
bdag nyid yin zhes ci ltar yang tshad mas rtogs pa mi 'thad par
thal/ goms pas khyad par du 'gyur

ba'i bde sogs 'di blo'i bdag nyid yin/ de ma gtogs pa'i bde sogs
dmigs rung ma dmigs pas khegs pa'i phyir/ gal te phyi rol gyi de
tsam lnga bde ba'i rang bzhin yin te/ blo'i bde ba dang gzung
'dzin yin pa'i phyir/ khyab

ste/ rigs tha dad dag gzung 'dzin ma yin pa'i phyir ro zhe na/
shes rig gi skyes bu ni chos can/ de tsam lnga po kun gyi 'dzin
byed du mi 'gyur bar thal/ de dag dang rigs tha dad pa'i phyir/
'dod na/ de dag gi za ba po nyid yin pa

nyams par thal/ 'dod pa des na'i phyir/ rigs tha dad la gzung
'dzin mi rung ba 'gog pa'i rigs pa 'dis ni chos can/ rigs tha
dad la rgyu dang 'bras bu mi rung ba yang bsal te/ de la yang
shas rig gi skyes bus ma nges

par bstan pa'i phyir/ ji ltar zhe na/ de tsam lnga bde ba'i rang
bzhin yin te/ blo'i bde ba dang rgyu 'bras yin pa'i phyir/ khyab
ste/ rigs tha dad rgyu 'bras su mi rung ngo zhe na/ shes rig gi
skyes bu de tsam lnga dang rgyu 'bras ma yin

@278b par thal/ rigs tha dad pa'i phyir/ 'dod na/ de dag gzung
don du byed pa'i gzhan rig mngan sum yin pa nyams so/ /blo dang
de tsam lnga chos can/ gzung 'dzin yin pa'i rgyu mtshan gyis rgyu
dang 'bras bu ma yin par thal/ gzung ba dang 'dzin pa

nyid du med pa'i phyir/ ma grub na gnyis ka bam por mtshungs pa
nyams so/ /gal te de gnyis rnam pa 'jog byed dang bzhag bya yin
pas gzung 'dzin du yod la/ des na rgyu 'bras kying yin ni zhe
na/ 'o na/ skyes bu dang de tsam lnga yang rgyu

'bras su 'gyur bar thal/ de tsam lnga 'dzin pa de ni gzhan skyes
bu la'ang yod pa'i phyir/ 'dod na/ rgyu dang 'bras bu la bem pos
khyab pa nyams so/ /ma grub na/ de tsam lnga 'dzin pa'i gzhan
rig mngon sum yin pa nyam so/ /

gnyis pa la/ sems su grub pa'i don bsdu ba dang/ de la rtsod pa
spang pa'o/ /dang po ni/ bde ba de ni chos can/ nang gi bdag
nyid dang de yang sems kyi bdag nyid yin te/ rang rig mngon sum
gyi myong bya nyid yin pa'i phyir/ der

thal/ shes pa ma yin pa khogs shing/ myong byed don gzhan yang
pa khegs pa de'i phyir/ dam bca' snga mas grangs can dang/ phyi
mas rigs pa can pa khegs pa'i don bsdus so/ /de ltar min par de
tsam lnga'i rang bzhin yin

zhing/ de skyes bus myong na/ shes rig gi skyes bu de ni chos
can/ bde ba'i rang bzhin de tsam lnga po de yi yul gzung don du
byas nas myong ba ma yin par thal/ de tsam lnga po gang gi rnam
pa'i rang bzhin myong zhing shar ba ma yin pa'i

@279a @#/ /phyir/ gnyis pa la/ blo myod rdzas tha dad dgag/ rdzas
tha dad 'dres pas ma phyed pa'i lan dgag pa/ sems sems byung la
mtshungs pa spang ba'o/ /dang po ni/ gal te de tsam lnga po de'i
rnam pa'i rang bzhin shar

ba ma yin pa'i myong ba shes rig des/ blo bem po la gnas pa'i
phyir rol de tsam lnga'i bde ba'i gzugs brnyan de rig pa la phyi
rol gyi bde sogs rig go snyam du blo dang myong ba gnyis gcig tu
'khrul ba yin ne zhe na/ shes bya

chos can/ blo myong rdzas tha dad ma yin par thal/ yul mngon sum
gyi rnam pa can dang/ lkog gyur du dran pa'i rnam pa can gyi
myong ba shes rig 'di ma gtogs pa de las rdzas tha dad pa'i yul
gyi rnam pa can gyi blo gang yang

tshad mas ma mthong ba'i phyir/ der thal/ yul yid du 'ong mi 'ong
de dang de'i don la brten nas bde ba dang sdug bsngal sogs myong
ba'i myong ba gcig nyid rang rgyud la 'byung bar 'gyur bar
mthong gi phyi rol dang myong ba'i bar du blo

rdzas gzhan ma mthong ba'i phyir/ gnyis pa ni/ lcags gong dmar
'bar bar gyur pa'i tshe/ lcags dang me gnyis rdzas tha dad du yod
bzhin du 'dres nas ma phyed pa bzhin du blo myong gnyis kyang
'dres pas so so'i rnam par gzhan

la 'di'o zhes dbyer med pa yin gyi/ rdzas tha dad du med pa ma
yin no zhe na/ dngos po kun la rdzas tha dad dang/ tha dad ma
yin pa'i rnam gzhag nyams nas mi 'grub par thal/ blo ma 'khrul
bas rdzas gcig tu dmigs kyang rdzas

@279b tha dad 'dres nas ma phyed pa de lta yin pa'i phyir/ dngos
po rdzas tha dad du sgrub byed yang dag gis 'grub pa ma yin par
thal/ blo ma 'khrul bas rdzas gcig tu myong ba 'di rdzas gcig gi
sgrub byed ma yin pa'i phyir/ khyab par thal/ blo ma

'khrul bas rdzas tha dad med par myong ba rdzas gcig gi sgrub
byed yin na/ de las rdzas gcig tu myong ba de ltar gang min par
rdzas tha dad du myong ba des rdzas tha dad can du grub pa'i
phyir/ rdzas tha dad pa'i rgyab rten tshad ma ci yang med

par thal/ sdug bsngal dang/ dkar po sogs blo ma 'khrul ba la
rdzas tha dad du snang yang rdzas tha dad ma yin pa'i phyir/
rdzas tha dad med pa'i rgyab rten tshad ma ci yang med par thal/
blo dang myong ba ni/ blo ma 'khrul ba la rdzas tha dad med

par snang yang rdzas tha dad yin pa'i phyir/ gsum pa ni/ blo
myong tha dad du ma dmigs pas med par 'grub na/ khyed rang sems
kyi 'khor du sems byung du ma cig car skye bar khas blangs pa
dang/ dus 'ga' zhig gi tshe/ bde ba lta

bu gcig las gzhan ma dmigs kyang med par mi 'dod bzhin du 'dir
yang yin no zhe na/ dus gcig gi tshe bde ba lta bu'i sems byung
gcig ches gsal bas bsgribs nas nges ma nus na yang sems byung
tha dad du ma'i rnam

gzhag grub pa yin par thal/ de ltar na yang sems kyi khyad par
gyi rgyun dag la sems byung du ma tha dad par mthong ba'i phyir
/dper na/ nyin par nyi ma'i 'od kyis skar ma zil gyis mnan nas
ma mthong yang yod pa bzhin du sems

@280a @#/ /byung yang yin no/ /don bsdus na/ sems byung du ma yod
kyang skabs 'gar ma mthong bas med par mi 'grub pa ltar blo
myong rdzas tha dad du ma mthong bas med par mi 'grub pa'i dpe
don mi mtshungs par thal/ sems kyi

rgyun la sems byung du ma tshad mas mthong/ blo myong rdzas tha
dad dus nam yang tshad mas ma mthong ba'i phyir/ gzhung 'dis sems
sems byung rdzas tha dad du bstan pa yin no/ /zhes zer ba ni/
'brel pa cung zad kyang med cing/

rigs pas kyang mi 'thad de/ de ltar na/ sems byung nang phan
tshun kyang rdzas tha dad du 'gyur bas gtso bo rnam shes rtog pa
gcig skyes pa'i tshe/ 'khor du sems byung kun 'gro lnga nges par
skye bas skyes bu gcig la dus gcig

tu rtog pa rdzas tha dad drug skye bar thal lo/ /'dod mi rigs
te/ dmigs rung ma dmigs pas khegs pa'i phyir dang/ rtog gnyis
cig car mthong ba med pa'i sgrub byed ltar snang du 'gyur ba'i
phyir/ rtog pa rigs mthun

gnyis cig car du mi skye ba'i don yin gyi/ rigs mi mthun du ma
cig car mi skye ba ma yin no zhe na/ rigs gcig dang tha dad/
rnam shes drug tu nges pa'i gcig gi ya gyal du mtshungs ba dang
mi mtshungs pa la byed dam/ yul

'dra ba dang mi 'dra ba la byed/ dang po ltar na/ dam bca' de
nyid kyis rtog pa du ma cig car skye ba bkag ste/ tshad ma rnam
nges las/ rnam par rtog pa can ni yid kyi rnam par shes pa ste/
zhes bshad pa ltar rtog pa yin na

@280b yid shes yin pas khyab kyang/ dbang shes rtog par 'dod pa
rigs pa'i lam las 'das pa'i phyir ro/ /phyi ma ltar na/ rigs pa
can pas 'di gzugs 'dzin pa'o snyam pa'i rtog pa dang/ 'di gzugs
so snyam pa'i rtog pa dbang

shes gnyis cig car skye bar khas blangs pa la/ slob dpon gyis/
rtog gnyis cig car mthong ba med pa'i gnod byed bkod pa ltar
snang du thal/ rtog pa de gnyis kyang yul tha dad pa'i phyir/
'og nas rnam shes rigs mthun du

ma cig car mi skye ba'i rgyu mtshan du rtog pa rdzas tha dad rim
gyis skye bar mthong gi/ cig car skye ba ma mthong ba'i sgrub
byed bkod pa ltar snang du thal /khyod ltar na de'i rtags mi
'grub pa'i phyir/ gtso bo'i rnam shes rigs

mthun du ma cig car mi 'byung ba'i shes byed du/ gtso bo rtog pa
du ma cig car mi 'byung bar brjod pa yin no zhe na/ gtso 'khor
gyi rtog pa rdzas tha dad du ma dus cig car du yod na mngon sum
gyis dmigs su rung dam mi rung

mi rung na/ gtso bo rtog pa gcig kho na 'dug la/ 'khor rtog pa
rdzas tha dad du ma 'dug go snyam du gang las nges/ dmigs rung
yin na sgra tsam la ma 'chel bar kha nang du phyogs la/ rtog pa
rdzas tha dad du ma dus cig car

sbrul mgo'i gdengs ka ltar 'dug mi 'dug legs par bsams na de ma
thag shes par 'gyur ro/ /des na sems sems byung rdzas gcig pa
dang /gtso bo gcig gi 'khor sems byung rnams kyang rdzas gcig
yin no/
 
@281a @#/ /sems sems byung gi khyad par ni/ yul so sor rnam par
rig pa tsam sems yin la/ yul so sor rnam par rig pa gzhir byas
nas byed las la sogs pa ci rigs pa'i khyad par gyi chas bzhag
dgos pa'i blo'i

cha sems byung ngo/ /de ltar dbus mtha' las/ de la don mthong
rnam par shes/ /de yi khyad par sems las byung/ /zhes pa dang/
'grel par don tsam mthong ba ni rnam par shes pa'o/ /de'i khyad
par ni sems las byung ba'i/ /

zhes dang/ de'i khyad par cam zhes bya ba'i sgras ni bye brag
sel ba'i phyir te/ ngo bo tsam dmigs kyi khyad par ma dmigs so
zhes bya ba'i tha tshig go/ zhes gsungs pa ltar te/ dper na/ yul
gzugs so sor rnam par

rig pa tsam gtso bo yin la/ gzugs so sor rnam par rig pa gzhir
byas nas/ de'i steng du khyad chos sems yul la phyogs par byed
pa'i cha sems pa yin pa nas/ 'dris pa'i yul mi brjed pa'i cha
dran pa yin pa sogs

kha cig byed las kyi sgo nas bzhag pa dang/ kha cig 'dzin stangs
kyi cha nas bzhag pa sogs sems byung gi mtshan nyid rgyas par
ston pa'i shing rta chen po'i gzhung rnams las zhib tu bltas na
de ma thag shes par 'gyur ro/ /

don gyi khyad par sems las byung/ zhes bstan bcos kyi tshig kyang
log par btod nas/ sngon po mthong ba na gzugs ma yin pa las log
pa don gyi ngo bo dang/ sngon po ma yin pa las log pa sogs don
gyi khyad par

@281b du byas nas snga ma la nges pa 'dren pa'i ? cha sems dang/
phyi ma la nges pa 'dren pa'i cha sems gyur du byed pa dang/
yang don gyi ngo bo dang khyad par de gzhir bzung nas sems sems
byung gi khyad par don gyi ngo bo rang stobs kyi sgo

nas rig mi rig la 'jog pa sogs ni/ shing rta chen po'i bzhed pa
legs par ma rtogs pa'i rnam 'gyur ro/ /gzhung dag pa las/ de yi
khyad par sems las byung/ zhes 'byung gi don gyi khyad par zhes
mi 'byung ba'i phyir

ro/ /'di dag ni/ rgyas par gzhan du bshad par bya'o/ /bzhe pa
rnal 'byor mngon sum la/ spyi'i don dang/ tshig don so sor bshad
pa'o/ /dang po la/ mtshan nyid dang/ mtshan gzhi'i dbye ba dang/
mtshan gzhi grub pa'o/ /dang po na/

yang dag pa'i don la dmigs pa'i zhi lhag zung 'brel gyi ting nge
'dzin sgom pa'i stobs kyis yang dag pa'i don la rtog bral ma
'khrul ba'i shes pa ni/ sbyor lam chos mchog man chad du yang
dag pa'i don la dmigs pa'i zhi

lhag zung 'brel gyi ting nge 'dzin bsgoms pas chos mchog gi
skabs su thob pa'i ting nge 'dzin de'i bdag po las mthong lam
skad cig dang po'i yang dag pa'i don mngon sum du rtogs pa'i
lhag mthong gi ye shes skye ba lta bu'o/ /

chos mchog gi dus kyi yang dag pa'i don rtogs pa'i lhag mthong
rang gi rigs 'dra phyi ma'i nyer len yin yang/ zung 'brel gyi
ting nge 'dzin lhag mthong phyi ma'i bdag po'i rkyen du 'gyur pa
yin no/ /yang na/ zhi gnas khyad par can

@282a @#/ /gyi ting nge 'dzin gyi bdag po las yang dag pa'i don
rtogs pa'i lhag mthong 'byung ba yin no/ ? /gnyis pa ni/ nyan
thos dang rang sangs rgyas dang/ theg pa chen po pa dang/ 'phags
pa gsum gyi bdag med mngon

sum du rtogs pa'i ye shas sogs so/ /gsum pa ni/ sdug bsngal mi
rtag sogs su sgam pa'i rnal 'byor pa chos can/ goms byed kyi yan
lag dang ma bral na mi rtag sogs gsal bar snang ba'i ye shes
nges par

'byung ste/ rten brten goms pa'i rtsol ba re res kyang mi rtag
segs kyi blo rigs 'dra du ma bskyed pa mthong ba'i phyir/ ces
mtha' gzhan 'gog pa'i rigs pas bsgrub par mdzad do/ /sngon gyi
mkhas pa kha cig/ slob

dpon gyis/ ji lta ba mkhyen pa'i kun mkhyen dngos po stobs zhugs
kyis sgrub pa'i rigs pa gsungs kyang /ji snyed pa mkhyen pa'i
kun mkhyen dngos stobs kyis sgrub pa'i rigs pa ma gsungs zhes
'chad pa mi

'thad de/ ji snyed pa tsam mkhyen pa'i kun mkhyen dang/ de gnyis
sgrub nus su mtshungs shing de sgrub pa'i tshul don gyis go bar
le'u gnyis par gsungs pa'i phyir ro/ /gnyis pa la/ rnal 'byor
mngon sum gyi mtshan

gzhi dang/ mtshan nyid dang/ rtog bral gyi don bye brag tu bshad
pa'o/ /dang po ni/ sngar le'u gnyis par bshad pa'i rnal 'byor
ba'i rgyud kyi bden bzhi'i gnas lugs mngon sum du rtogs pa'i
shes pa de dag chos can/

@282b rnal 'byor mngon sum yin te/ yang dag pa'i don la dmigs
pa'i zhi lhag zung 'brel gyi ting nge 'dzin de mthong lam ma
thob gong du sgom pa'i stobs las byung zhing/ yang dag pa'i don
la rtog bral ma

'khrul ba'i shes pa yin pa'i phyir/ 'di ni/ rnal 'byor rnams kyi
bla mas bstan/ /ma 'dres pa yi don tsam mthong/ /zhes rnal 'byor
rnams kyi bla ma sangs rgyas bcom ldan 'das kyis bden bzhi'i
gnas lugs bstan

pa de nyid sgra dang ma 'dres par mngon sum du mthong ba'i ye
shes de nyid rnal 'byor mngon sum du bstan pa'i don 'chad pa yin
no/ /gnyis pa la/ rtog bral gyi don dang/ ma 'khrul pa'i don to/
/dang po la/ rgyas par bshad

pa dang/ dbang bsdu ba'o/ /dang po ni/ rnal 'byor mngon sum chos
can/ rtog pa'i dra ba rnam par bsal ba yin te/ rang yul gsal ba
nyid du snang ba'i shes pa yin pas so/ /de'i dpe ni/ 'dod chags
dang/ 'jigs pa dang/

bu shi pa'i mya ngan gyis brlams pa dang/ rkun po rmi ba sogs
goms pa las gsal snang 'byung ste/ rkyen de rnams kyis bslad pa
mdun na gnas pa bzhin du goms yul yang dag pa ma yin pa gsal bar
mthong bar

'gyur ba'i phyir/ rang yul gsal bar snang ba'i shes pa yin na/
rtog bral yin pas khyab par thal/ rnam par rtog pa dang rjes su
'brel zhing rtog pa'i blo yin na don gsal bar snang ba can ma
yin pas khyab pa'i phyir/

@283a @#/ /rmi lam na rtog pa la yul gsal bar snang ba ma yin nam
zhe na/ rmi lam na yang 'das pa dran pa'i rtog pa de rang yul
gsal bar snang ba ma yin par thal/ gsal snang de 'dra'i don ldan
min par mi gsal par dran

ba'i phyir/ bye brag smra ba na re/ tshad mas grub pa'i don goms
pa las gsal snang 'byung yang / phyin ci log gi don goms pa las
gsal snang 'byung ba mi 'thad de/ goms pas de la ngo bo snang
rgyu ci yang med pa'i phyir ro zhe

na/ phyin ci log gi don goms pas gsal snang 'byung ste/ mi
gtsang ba dang/ zad par sa la sogs pa yang dag pa min pa'ang
bsgom pa yi stobs kyis sprul zhing bskyed pa'i shes pa'ang rtog
med dang/ gsal bar snang ba can

du mthong pa'i phyir/ dang sgra smos pa ni/ log rtog dgag pa'i
rim pa la bltos pa'o/ /gnyis pa ni/ goms pa'i blo thams cad
bsgom pa yongs su rdzogs pa na yul de gsal la mi rtog pa'i blo
'bras bur 'byung ba can yin te/

mi rtag sogs yang dag pa dang/ keng rus sogs yang dag pa ma yin
pa'i don gang dang gang shin tu sgom par gyur pas bsgom pa
rdzogs pa na gsal snang 'byung ba'i phyir/ der thal/ gong du
bsgrub pa de'i phyir/ de la

sngar le'u gnyis par bshad pa'i bden bzhi'i gnas lugs kyi dngos
po mngon sum du mthong ba bzhin du/ kun mkhyen ye shes chos
can/
rnal 'byor mngon sum tshad mar 'dod de/ yang dag pa'i don gang
yin

@283b pa de sgom pa'i stobs las byung ba'i yang dag pa'i don la
gsar du bslu ba med pa can gyi rtog med shes pa yin pa'i phyir/
lhag ma mi sdug pa sgom pa'i blo chos can/ yul gsal bar snang
yang rnal 'byor mngon sum ma

yin te/ nye bar bslad cing bslu ba'i shes pa yin pa'i phyir/
gsum pa la/ rtog pa ngos gzung ba ni/ sgra'o snyam pa'i blo chos
can/ khyod rtog pa yin te/ sgra'i don spyi gzung yul du byed
pa'i shes pa yin pa'i phyir/ khyab par thal

shes pa gang yul gang la bltos nas/ de'i sgra spyi dang don spyi
gzung yul du byas nas 'dzin pa'i shes pa de ni yul de la rtog pa
yin pas khyab pa'i phyir/ rtog pral gyi don la/ mtha' dpyad pa
dang/ tshig don to/ /dang po ni/ gang

dag shes pa gang yin rang gi ngo bo la rang rig mngon sum du
'dod pa ni mi 'thad de/ dper na/ sgra mi rtag rtogs kyi rjes
dpag lta bu rang gi ngo bo la mngon sum zhes pa de rang gi ngo
bo 'dzin pa'i rnam pa de rjes dpag la

mngon sum du snad zhing/ rjes dpag kyang de la mngon sum du
'gyur ba yin nam/ yang na rang gi ngo bo gzung ba'i rnam pa la
mngon sum yin nam/ yang na/ gzung rnam yang min pa'i rjes dpag
gi ngo bo gzhan zhig yod pa de la

mngon sum yin/ phyi ma mi 'thad pa ni rtogs par sla la/ dang po
ltar na/ rjes dpag de chos can/ khyod khyod rang gi gzung ba'i
rnam pa de la mngon sum du thal/ khyod khyod rang gi 'dzin rnam
la mngon sum gang zhig/ de gnyis

@284a @#/ /yul dang/ dus dang ngo bo gang la bltos kyang/ khyab
mnyam grub sde rdzas gcig yin pa'i phyir/ khyab pa med na/ don
gyi rang gi ngo bo gcig/ ces pa'i rigs pa la khyad par ci tsam
yod pa de tsam 'di la

yang yod do/ /'dod na/ rtog bral du thal lo/ /gnyis pa ltar na/
yang nyes pa de nyid du 'gyur ro/ /yang kha nang blta la rang
rig mngon sum dang/ phyir blta la rjes dpag yin no zhe na/ de'i
don/ kha nang blta'i cha rang rig

mngon sum dang/ phyir blta'i cha rjes dpag yin no/ /zhes pa'i
don yin na/ de skad smra bar rigs kyi/ phyir blta thams cad nang
du bltas pa yin no zhes smra bar mi rigs so/ /kho bo cag gis de
skad ma smras so zhe na/ kha phyir

blta'i shes pa thams cad kyang rang gi ngo bo 'dzin rnam la rang
rig mngon sum yin pa nyams so/ /yang rjes dpag gis kha phyi nang
du rim gyis blta ba yin nam/ cig car blta ba yin/ dang po ltar
na/ kha nang du mi blta ba'i

shes pa cung zad cig yod pa'am/ shes pa rtag pa khas len dgos
par 'gyur ro/ /gnyis pa ltar na yang/ rang gi gzung rnam dang
'dzin rnam gnyis ka gsal bar snang na rtog bral gyi nyes pa de
nyid du 'gyur

ro/ /'dzin rnam gsal bar snang/ gzung rnam mi gsal bar snang ngo
zhe na/ rjes dpag de nyid rtog pa yang yin la/ rtog med kyang
yin no zhes khas blangs pa la gnod byed dri za'i rgyal pos kyang
brjod mi nus so/ /yang

@284b dbang po'i mngon sum tshad ma rang gi ngo bo la rang rig
mngon sum tshad mar 'dod pa yang/ dbang po'i sems ni nges phyir
dang/ zhes gzugs la sogs pa kho na'i yul can du bshad pa dang
'gal lo/ /de chos can/ rang gi ngo bo

'dzin rnam de mngon sum du rtogs par thal/ de la rang rig mngon
sum tshad ma yin pa'i phyir/ 'dod na/ 'dzin rnam gzhal bya/ gzung
rnam tshad ma/ rang rig 'bras bu/ zhes tshad 'bras kyi rnam gzhag
phyin ci log tu khas

len dgos par 'gyur ro/ /des na/ shes pa kun gyi 'dzin pa'i rnam
pa rang rig mngon sum yin la/ de rtog pa dang rtog med kyi gzung
rnam la phar mngon sum du 'gyur ba yin gyi kha phyir blta'i shes
pa 'dzin rnam la tshur

mngon sum du 'gyur ba ga la srid/ 'o na/ rjes dpag gi 'dzin rnam
la de'i gzung rnam gsal bar snang bar thal/ de gzung rnam la
mngon sum yin pa'i phyir ce na/ 'dod pa yin no/ /'o na rtog pa'i
gzung rnam ma yin

par thal/ gsal bar snang ba'i phyir ce na/ rjes dpag de nyid la
gsal bar snang ba'i phyir ce na ni rtags ma grub la/ de myong
rang rig mngon sum la gsal bar snang ba'i phyir ce na/ khyab pa
med de/ rtog pa'i gzung rnam

rtog pa la mi gsal bar snang bas/ de gsal bar snang ba'i blo mi
srid pa sus kyang sgrub mi nus so/ /khyod rang ltar na/ rtog
pa'i gzung rnam myong ba'i rang rig mngon sum mi srid na/ de bem
por khas blangs pa la gnod

@285a @#/ /pa cung zad kyang med la/ srid na de nyid la gsal bar
snang bas khyod rang la yang rtog pa'i gzung rnam ma yin par
thal ba'i nyes par cis te mi 'gyur/ des na/ rigs pa dang bral
ba'i don khas blang bar mi bya'o/ /

gnyis pa ni/ shes pa'i thun mong ma yin pa'i rang gi ngo bo
'dzin rnam chos can/ sgra don gzung yul du byas nas 'dzin pa ma
yin te/ kha nang kho nar phyogs pa de yin pa'i phyir/ 'dzin pa'i
rnam pa de la shes pa kun

mngon sum du snang ba yin te/ des shes pa kun gyi sgra don mi
'dzin par shes pa de nyid gzur ? yul du byas nas 'dzin pa'i shes
pa yin pa de'i phyir/ yang na/ bye brag tu bkar nas rtog pa'i
gzung rnam chos can/ khyod

rang myong ba'i 'dzin rnam zhas bsnyad pa'i rang rig mngon sum
de la khyod mngon sum du snang ba yin te/ des khyod kyi sgra don
'dzin pa ma yin par khyod kyi rang mtshan gyi ngo bo gzung yul du
byas nas 'dzin pa de'i phyir/ gnyis

pa mngon sum ltar snang la/ ltar snang gi dbye ba dang/ phye
ba'i dgos pa'o/ /dang po ni/ slob dpon phyogs glang gis/ ltar
snang bdun du bshad de/ 'khrul dang kun rdzob shes pa dang/ rjes
dpag rjes su dpag las byung/ /

dran dang mngon 'dod ces bya'o/ /mngon sum ltar snang rab rib
bcas/ /zhes so/ /de la mngon sum ltar snang rnam pa gnyis te/
rtog pa dang bcas pa dang/ rtog pa med pa'o/ /rtog pa la drug
ste/ smig rgyu la chur 'dzin lta

@285b bu 'khrul pa'i shes pa dang/ rigs rgyun la rtog pa'i blo
lta bu kun rdzob pa'i shes pa dang/ rtags 'dzin pa rjes dpag
dang/ rtags can 'dzin pa rjes su dpag pa las byung ba dang/ 'das
pa'i don dran pa dang/ ma 'ongs pa'i

don mngon par 'dod pa'o/ /rtog pa med pa ni gcig ste/ rab rib
sogs kyis bslad pa'i shes pa'o/ /rnam 'grel mdzad pa ltar na/
mngon sum ltar snang chos can/ rnam pa gzhi yod de/ rtog pa'i
shes pa rnam pa gsum

dang/ rten dbang po bslad pa las byung ba can/ rtog pa med pa
gcig yod pa yin pa'i phyir/ gnyis pa la/ rtog pa mngon sum ltar
snang gsum du phye ba'i dgos pa/ rtog med ltar snang logs su
bkar ba'i dgos pa'o/ /

dang po la/ mdor bstan dang/ rgyas bshad do/ /dang po ni/ 'khrul
pa'i shas pa dang/ kun rdzob pa'i shes pa gnyis rtog pa mngon
sum ltar snang du bshad pa la dgos pa yod de/ de gnyis dbang po
las skyes pa'i shes pa ma

yin par grub pa'i don du bshad pa'i phyir/ de gnyis dbang skyes
ma yin par bsgrub pa la dgos pa yod de/ kha cig der 'khrul pa
mthong bas de ldog pa'i ched yin pa'i phyir/ 'khrul pa ji ltar
mthong zhe na rigs pa can pas

mngon sum gyi mtshan nyid du dbang po dang don phrad pa las
byung
ba'i shes pa ma 'khrul pa med pa nges pa'i bdag nyid ces smos
nas zla ba gnyis snang gi shes pa sogs mngon sum yin pa bcad
pa'i ched du dbang don phrad

@286a @#/ /pa smos la/ smig rgyu la chur 'dzin lta bu des gcod mi
nus par mthong nas 'khrul pa med pa smos so/ /rjes dpag sogs
bzhi mngon sum ma yin par grub kyang mngon sum ltar smad du
brjod pa ni chos can/

dgos pa yod de/ snga ma gnyis mngon sum ltar snang nyid du sgrub
pa'i mthun dper bya ba'i ched yin pa'i phyir/ mdo mdzad pas/
rtog pa mngon sum ltar snang drug tu phye ba rnam 'grel mdzad
pas sde tshan gnyis su bsdus

pa la dgos pa yod de/ dbang shes ma yin par sgrub pa'i rtsod
gzhi dang mthun dpe gnyis su 'dus par bstan pa'i ched yin pa'i
phyir/ yang gsum du bsdus pa la dgos pa yod de/ dbang shes me
yin par

sgrub pa'i rtsod gzhi rigs mi 'dra ba gnyis yod par bstan nas/
lhag ma bzhi ka de'i mthun dper rigs gcig par shes pa'i ched yin
pa'i phyir/ gnyis pa ni/ brda'i rten can gyi rtog pa dang/ don
gzhan la sgro

'dogs pa'i rnam par rtog pa dag chos can/ dus 'ga' zhig gi tshe
dbang shes su 'khrul ba'i rgyu yod pa yin te/ don rang mtshan
'dzin pa'i mngon sum dang/ yul dus nye bar 'jug pa can nyid yin
pas de ltar

'khrul ba'i phyir/ dpe rtog par bstan pa ni/ ji ltar yul lkog tu
gyur pa'i don can dran pa dang/ mngon 'dod la sogs pa'i rtog pa
bzhi po 'di chos can/ yul mngon sum du gyur pa'i don la gzung
don gyi tshul

@286b gyis 'dzin par mi phyed par don spyi 'dzin pa'i rtog pa
yin te/ rang yul 'dzin pa brda la bltos pa'i dang tshul can gyi
blo yin pa'i phyir/ brda la bltos na rtog pa yin par thal ba kho
bo yang 'dod do zhe na/ dpe de ltar smig rgyu la

chur 'dzin gyi shes pa dang/ bum pa la sogs pa'i tshogs pa dag la
rtog pa'i shes pa de yang ni chos can/ mngon sum gyi sgra bshad
du yod pa'i dbang shes las ni yongs su nyams par 'gyur bar thal/
khyod sngon nyams

su myong ba'i yul gyi brda dran pa med par khyod skyed yod pa ma
yin pas rang yul 'dzin pa brda dran pa la bltos pa'i shes pa yin
pa'i phyir/ brda'i rten can ni/ lto ldir zhabs zhum pa la/ bum
pa'o snyam du rtog pa nges par

brda dran pa la bltos pa lta bu ste/ blo de nyid kyis brda 'dzin
dgos pa ma yin gyi brda dran pa sngon du ma song bar yul 'dzin
pa'i nus pa med pa'i rigs su gnas pa'o/ /don gzhan la sgro 'dogs
pa ni/ smig rgyu la

yod pa ma yin pa'i chur sgro 'dogs pa lta bu ste/ zhen yul la
'khrul ba'i rtog pa'o/ /gnyis pa la/ 'thad pa'i phyogs bzhag pa
dang/ dmigs bsal gyi don gzhan du rtog pa dgag pa'o/ /dang po
ni/ rab r-ib

bcas zhes logs su smos pa la dgos pa ci yod ce na/ kun las btus
su mngon sum ltar snang bdun pa yin pa rnam 'grel 'dir ni bzhi
par bstan pa rab rib sogs kyis bsnyad pa'i shes pa de rtog

@287a @#/ /pa'i sde chan las dmigs kyis logs su bsal nas bstan pa
la dgos pa yod de/ rtog med mngon sum ltar snang du shes pa'i
ched yin pa'i phyir/ 'o na/ mngon sum du thal/ rtog med kyi shes

pa yin pa'i phyir/ khyab pa med na/ kun las btus las/ ming dang
rigs sogs sbyor ba yi/ /rtog pa dang bral mngon sum mo/ /zhes de
mngon sum gyi mtshan nyid du bshad pa dang 'gal lo zhe na/ slob
dpon phyogs

glang gis de ltar bshad pa dang rtog med mngon sum ltar snang
bshad pa mi 'gal bar thal/ 'dir ni bzhi pa kun las btus su bdun
par bstan pa'i rtog med kyi khyad par 'khrul ba rnams mngon sum
yin pa

dmigs kyis bsal te/ ming dang zhes sogs ma 'khrul ba mngon sum
gyi mtshan nyid lhag mar go ba'i spyir btang gi tshig yin pa'i
phyir/ 'o na/ mngon sum rtog bral ma 'khrul ba/ zhes smos pas
chog mod so

sor smos pa la dgos pa ci yod ce na/ de ltar smos pas mngon sum
ltar snang gi dbye ba gnyis dngos su shes nas ma 'khrul ba mngon
sum gyi mtshan nyid kyi zur du dgos pa don gyis go ba'i phyir
dang/ rigs pa can

pa mngon sum rtag par 'dod pa dag gi log rtog dgag pa'i ched du
mngon sum yin na/ ming dang rigs sogs sbyar ba'i rtog pa dang
bral ba gcig dgos so zhes spyir btang gi tshig de smos so/ /de la
bral bya rtog

@287b pa gnyis gsungs pa ni/ gzhan dag dbang shes ming sbyor
rtog pa dang don sbyor rtog par 'dod pa dgag pa'i ched dang/
yang na/ ming sogs sbyor ba rang lugs kyi rtog pa'i mtshan nyid
dang/ rigs sogs sbyor ba gzhan dag gi rtog

pa'i mtshan nyid yin la/ de gnyis ka dang bral pa dgos zhes bstan
to/ /rab rib bcas smos pas/ rab rib kyis bslad pa kho na mngon
sum ltar snang du 'gyur ro zhe na/ rab rib bcas zhes smos pa des
ni/ rab rib kyis bslad pa'i

shes pa kho na mngon sum ltar snang du bstan pa ma yin te/ bdag
rkyen dbang po la phyi nang gi rkyen gyis nye bar gnod pa las
skyes pa'i dbang shes thams cad mngon sum ltar snang du go ba'i
ched du brjod pa'i phyir/ 'o na/ rab rib kyis

bslad pa tsam smos she na/ de la rab rib kyis bslad pa 'ba' zhig
dngos su bstan pa'i rgyu mtshan yod de/ dbang po gzugs can la
phyi nang gi rkyen gyis nye bar gnod pa'i rtog med kyi shes pa
'khrul pa thams cad 'khrul rgyu'i sgo

nas mngon sum ltar snang du mtshon par byed pa'i ched yin pa'i
phyir/ gnyis pa la/ dmigs bsal gyi tshig rtog med kyi shes pa
mngon sum gyi mtshan nyid du bzhag pa'i log pa'i dper 'dod pa
dgag pa dang/ gsal snang can

gyi shes pa kha cig rtog med yin pa dmigs kyis bsal ba'i don can
du 'dod pa dgag pa'o/ /dang po la/ lung dang sbyar ba'i rigs pas
dgag pa/ ma sbyar ba'i rigs pas dgag pa'o/ /dang po ni/ slob
dpon gyi slob ma

@288a @#/ /rtog bral mngon sum gyi mtshan nyid yongs rdzogs su
bsam pa kha cig /zla ba gnyis snang gi dbang shes sogs rtog bral
mngon sum gyi mtshan nyid du bshad pa'i log pa'i dpe yin te/ log
pa'i dper shes

pa'i don du rab rib bcas zhes smos la/ zla ba gnyis snang gi
shes pa de yang/ yid kyi shes pa rtog pa dang bcas pa yin no
zhes zer to/ /rtog pa ji ltar yin zhe na/ mig gi dbus na rab rib
gnas pas zla ba de nyid zur

gnyis su rim gyi mthong ba na/ cig tsang du yod par sgo btags pa
yin ne zhes zer to/ /zla ba gnyis snang gi shes pa yid shes rtog
par slob dpon phyogs glang bzhed pa ma yin par thal/ de bzhed
par 'dod pa slob dpon phyogs

glang gis rtsed sgrub mkhan po la rdul phran dbang shes kyi rgyu
yin pas dmigs pa yin na mig gi dbang po'ang/ sngon po dang zla
ba gnyis la sogs par snang ba'i dbang blo'i yul du thal/ rgyu
yin pa'i phyir ces bya ba'i gzhung

'di dang 'dod pa de dag 'gal ba'i phyir/ kun las btus kyi rtsod
sgrub la dgag pa byed pa'i skabs su rtsod sgrub mkhan pos phyi
rol gyi don dbang po'i mngon sum gyi dmigs rkyen du khas blangs
pa la/ slob dpon gyis ji

ltar snang ba'i phyi rol gyi don de las dmigs rkyen gyi sgo nas
skyes sam/ snang tshul de las gzhan pa'i sgo nas skyes/ dang po
mi rigs par thal/ rnam shes lnga la yul rags par snang zhing
rags pa rjes su med

@288b pa'i phyir/ gnyis pa'ang mi 'thad par thal/ ji ltar snang
ba de las gzhan pa'i don ma mthong ba'i phyir/ gal te/ rnam pa
gzhan du snang yang rgyu yin pa'i phyir/ rdul phran dbang shes
kyis dmigs pa yin no zhe na/ mig la

sogs pa'i rdul phra rab kyang dbang shes kyis dmigs par thal/
zhes brjod pa'o/ /'ang zhes pa ni/ phyi'i rdul phra rab tu ma
zad/ dbang po'i rdul phran rnams kyang dbang shes kyi rgyur
gzhan dag 'dod par thal bar 'gyur

ro zhes pa'o/ /dmigs brtag tu/ dbang po rnam par rig pa'i rgyu/
/phra rab rdul dag yin mod kyi/ /zhes pa dang/ kun las btus don
gcig pas/ rdul phran tshad sgrub mdzad bzhed pa ma yin gyi/ de
yod na rgyu yin du chug kyang

dmigs rkyen du mi rigs so zhes re shig brtag pa mtha' gzung du
khas blangs nas dmigs rkyen la dgag pa mdzad do/ /'o na/ rdul
phran yod na dbang shes kyi dmigs rkyen yin pas khyab pa brtag
pa mtha' gzung

du rang lugs la khas blangs pas chog pas snga phyi gnyis ka
mtshungs so zhe na/ brtag pa mtha' gzung la dgag pa mdzad pa ma
yin gyi/ rdul phran dbang shes kyi dmigs rkyen yin pa la dgag pa
mdzad pa yin no/ /gal

te kun las btus kyi dgongs pa brgyud pas dbang po gzugs can pa
de/ zla ba gnyis snang gi yid shes rtog pa'i rgyur ston pa yin
no zhe na/ dbang po'i shes pa'i spyod yul phyi rol gyi dmigs
rkyen dag la dpyad pa byas nas rdul

@289a @#/ /phran dbang shes kyi rgyu yin pas yul du 'dod pa 'di
la chos can/ dbang po gzugs can pa yid kyi shes pa rtog pa'i
dmigs rkyen du thal ba skabs su bab pa ci ltar yang 'gyur ba yin
pa mi 'thad par thal/ de lta na

'phrel med kyi sun 'byin du 'gyur pa'i phyir/ gnyis pa ni/ bdag
rkyen dbang po la brten pa'i shes pa'i don gang yin zhe dris
pas/ gal te/ shes pa gang dbang po gzugs can pa yod med kyi rjes
su 'jug ldog byed pa can no

zhe na/ zla ba gnyis snang gi shes pa de chos can/ dbang shes su
mtshungs par thal/ bdag rkyen dbang po yod med kyi rjes su 'jug
ldog byed pa'i shes pa yin pa'i phyir/ gal te dbang po 'gyur
rjes su 'gyur ba dang ldan pa'i shes pa yin

na dbang shes yin no zhe na/ de yang dbang shes yin pa ci'i
phyir yang 'gog mi rigs par thal/ rgyu mtshan de 'di nyid la yang
zhugs pa'i phyir/ zla ba gnyis snang gi dbang shes 'gyur yang
chos can/ thag khra la sprul la sogs

par 'khrul ba bzhin du dbang po'i 'gyur ba yod na yang ldog par
'gyur bar thal/ dbang po'i bslad pa log kyang ldog par mi 'gyur
bar thal/ de bzhin du 'di na sprul 'dug ces brjod pa tsam gyis
sprul 'dzin skye ba bzhin du/ gzhan

gyi rgyud la zla gnyis 'dug ces brjod pa dag gis kyang 'ga' zhig
gi tshe/ khyod 'jog cing skye bar thal/ rang gi yul mthong ba
brda dran ba la bltos par 'gyur bar thal/ yul yongs su gsal bar
snang bar mi 'gyur bar thal/ zla gnyis

@289b snang ba'i yid shes rtog pa yin pa'i phyir/ gnyis pa ni/
zla ba gnyis snang gi shes pa de/ yul gsal bar snang yang rtog
pa yin pas gsal snang can gyi rtog pa dmigs kyis bsal nas mngon
sum ma yin par go ba'i ched du rab rib bcas

zhes smos so zhe na/ gnyid log ba'am sad pa na/ yul gsal bar
snang ba can gyi blo gang yin pa de ni rtog med yin par thal/
rtog pa la gsal snang mi srid par sgrub zin pa de'i phyir/ 'das
pa dran pa'i blo chos can/ rtog pa yin par

thal/ gnas skabs gnyi gar yang yul gsal bar snang ba de lta min
par mi gsal bar snang ba'i shes pa yin pa'i phyir/ zla ba gnyis
snang gi shes pa de rtog med yin na yang/ tshad ma yin pa nyid ni
rab rib bcas zhes pa'i tshig de

la brtan nas bkag pa yin te/ des de rang yul la bslu bar bstan
pa'i phyir dmigs bsal dang bcas pa'i mngon sum ltar snang gnyis
su bshad pa la dgos pa yod de/ ma 'khrul ba mngon sum gyi mtshan
nyid kyi zur du rtogs

pa'i ched du ma zad rteg med 'khrul ba rnams tshad ma yin pa dgag
pa de'i don du'ang gnyis su bshad pa'i phyir/ gsum pa mngon sum
tshad ma'i 'bras bu la log par rtog pa dgag pa la/ spyi'i don
dang/ yan lag gi don to/ /dang po

pa/ chad 'bras 'do gang las 'phros pa dang/ gzhan dag gi 'dod pa
dgod pa dang/ rang gi lugs bzhag pa'o/ /dang po ni/ sngar mngon
sum le'u'i cha shas tshad ma grub par/ spyir tshad ma zhes pa tshad
mas chod pa dang/ mchod pa'i

@290a @#/ /'bras bu sgrub par byed pa gcig la tshad ma zhes bya
la/ chod pa'i 'bras bu ni blang dor gyi don phyin ci ma log par
rtogs nas zhugs pas mi 'dod pa'i don srangs nas/ 'dod pa'i don
thob pa la mdzad la/ de'i

'bras bu sgrub tshul ni/ gnas skabs kyi mngon mtho dang/ mthar
thug gi nges par legs pa thob pa'i tshul la brtsams nas/ le'u der
rgyas par gtan la phab zin la/ bstan bcos 'di yi mgo mjug kun tu
chad ma

gtan la phab pa'i dgos pa'i gtso bo de yin par shes par bya'o/
/de la yang tshad mas mchod pa'i 'bras bu 'grub pa sngon du 'gro
dgos pas/ de ni/ 'dod don thob pa'i thabs su gyur par rang rang
gi gzhal bya gang yin pa

de rtogs pa nyid yin la/ dbang po'i mngon sum gyis gzhal bya
rtogs pa'i tshul yang gong du bstan zin mod kyi/ de ltar na yang/
tshad 'bras la log par rtog pa bye brag tu dgag bzhed nas mdzad
pas/ 'dir dbang po'i mngon sum

gyi tshad 'bras gtso bor ston la/ de gang las 'byung ba yang/
dbang po'i mngon sum la 'phros pa yin no/ /gnyis pa ni/ tshad ma
'di'i 'bras bu gang yin zhe na/ gzhal bya rtogs pa ste/ gzhal
bya rtogs pa ni tshad ma la rag

las pa rigs pa smra ba kun gyi lugs yin la/ tshad ma de gang yin
zhe na/ bye brag pa dag ni/ dbang don phrad cing 'brel pa tshad
ma'o zhes zer to/ /spyod pa pa dag ni/ dang por don la blta ba'i
shes pa rtog pa med pa nyid

@290b tshad ma'o zhes zer to/ /rig pa can pa na re/ spyi sogs
khyad par gyi chos 'dzin pa tshad ma dang/ khyad par can rdzas
'dzin pa 'bras bu'o zhes zer to/ /grangs can pa ni/ rna ba la
sogs pa dbang po'i 'jug pa tshad ma dang/ bye brag smra

ba rten bcas kyi dbang po tshad ma yin no zhes zer to/ /gsum pa
ni/ slob dpon rgyan mkhan pos phyi rol gyi don khas blangs pa'i
rnam gzhag dang/ don khas ma blangs shing/ rnam pa rdzas grub ma
bkag pa'i rnam gzhag dang/

de yang bkag nas rnam pa rdzun pa'i rnam gzhag gsum mdzad pa/
snga ma gnyis kun rdzob kyi rnam gzhag dang/ phyi ma don dam
pa'i rnam gzhag tu mdzad par bzhed pa ni/ de'i dgongs pa ma yin
te/ rang lugs la phyi rol gyi don

tha snyad du yang grub par zhal gyis bzhes pa'i rnam rig pa'i
shing rta chen po su yang med de/ rang lugs kyi kun rdzob bden
pa bkag nas don dam bden pa 'jog pa ni/ rigs pa mi shes pa'i mu
cor smra ba 'ba' zhig yin te/ rang lugs

kyi kun rdzob khas blangs na/ rang nyid 'dod pa'i don dam de
bzhag pa ma bde bar gzhan gyis gnod pa brjod pa'i sgo nas bden
gnyis la 'gal ba mang ba srid kyi/ rang lugs kyi don dam 'jal
ba'i tshad ma dang/ kun rdzob 'jal ba'i tshad ma gnyis

gcig gi yul cig shos kyis sun 'byin pa yin no zhes/ dang po nyid
nas grub mtha' 'cha' ba'i mkhas pa'i skye bo su yang mi srid do/
/tha snyad du grub kyi don dam par ma grub pa'i phyi rol gyi don
de/ don byed nus pa yin nam/ 'on ta de ma yin

@291a @#/ /kyang 'gyur med yongs grub ltar chos thams cad kyi
gnas lugs su grub pa zhig gam/ 'on te byas mi rtag gi tha dad
ltar rtog pas btags tsam zhig yin/ phyi ma ltar na/ don byed nus
stong tha snyad du yod pa la/ phyi rol gyi

don tha snyad du yod pa'o snyam du ma gzung zhig gnyis pa ltar
na khas blangs pa dang 'gal la/ dang po ltar na/ 'bras bu bskyed
pa'i bya ba byed pa dang/ bden stong gzhi mthun du sdud pa rnam
rig pa'i lugs su 'dod pas ni/ kho bos ni/ dbu

sems gnyis ka'i lugs mi shes so zhes gsal bar bsgrags so/ /des
na/ slob dpon rgyan mkhan pos phyi rol don gyi rnam gzhag mdzad
pa yang/ sngar bshad pa dang 'dra bar shes par bya'o/ /yang/
'bras rtog dang po mdo sde pa kho

na'i lugs su smra ba dang/ gzung rnam gzhal bya/ 'dzin rnam tshad
ma/ nga'i rig 'bras bur bcas pa 'bras rtogs gnyis pa'i rnam
gzhag tu bzung nas/ rnam rig pa kho na'i lugs su smra ba dang/
phyi rol gyi don gzhal byar byas nas/ gzung

rnam tshad ma la ma dpyad pa'i tshe/ phyi rol gyi don rig pa 'bras
bu/ dpyad na rang rig 'bras bur byed cing/ de 'bras rtogs gsum
pa'i rnam gzhag tu byed pa dang/ yang de nyid mdo sde pa kho
na'i lugs su kha cig smra zhing/ yang kha cig rnam rig

pa kho na'i lugs yin no zhes smra ba/ de dag gis ni tshad ma
dang/ /tshad ma'i 'bras bu legs par bkag /rigs pa smra ba'i
dgongs pa'ang dor/ /rang nyid mi shes gsal bar bsgrags zhes so/
/sngo ser sogs 'jal ba'i dbang po'i

@291b mngon sum tshad ma/ rnal 'byor spyod pa pas khas len nam/
mi len/ dang po ltar na/ sngo ser sogs gzhal byar byas nas/ de
la gsar du mi slu ba'i shes pa tshad ma dang/ de rtogs pa'i tshad
ma/ 'bras bur byas pa'i rnam gzhag 'di/ 'bras rtogs dang po'i

rnam gzhag yin mod/ mdo sde pa kho na'i lugs su 'gyur ba mi
'thad par thal/ de ltar na/ rnal 'byor spyod pa pas de 'dra ba'i
dbang mngon khas len ba 'gal ba'i phyir/ des mi len pa yang mi
'thad de/ bag chags brtan byung gi dbang shes tshad

mar rnam rig pas kyang khas len pa/ tshad ma rnam nges sogs su
rigs pa smra bas gsal bar sgrub pa'i phyir ro/ /bag chags brtan
byung gi dbang shes mngon sum min na/ zla ba gnyis snang gi
dbang shes ltar rtog med log shes su 'gyur la/

de ltar na/ slob dpon phyogs glang gis rtsod sgrub la brtag pa
byed pa sogs phyi rol don 'gog pa'i skabs su dbang shes 'khrul
pa dang/ ma 'khrul ba'i sun 'byin gnyis brjod pa 'brel med du
'gyur zhing/ mngon sum gyi mtshan nyid ston pa'i spyir

btang/ dmigs bsal sogs rang lugs la khas len du mi rung bas tshad
ma kun las btus par rang lugs kyi mngon sum gyi mtshan nyid cung
zad kyang ma bstan par 'gyur ro/ /gzhan yang rnam rig pas dbang
mngon khas mi len na/ yid

mngon kyang khas len du mi rung bas so so skye bo'i mngon sum
yin na/ rang rig mngon sum kho nar nges par 'gyur la/ de ltar
na/ mi rigs pa shin tu mang ste re shig bzhag go/ 'bras rtogs
dang por phyi rol gzhal byar byed pas mdo sde

@292a @#/ /pa kho na'i lugs so zhe na/ gzugs phyi rol gyi don yin
par khas len pa mdo sde pa'i lugs yin yang/ gzugs tsam gzhal
byar byas pa'i dbang mngon gyi tshad 'bras kyi rnam gzhag bya rog
gis zos pa ni med do/ /yang/

mdo sde pas/ gzung rnam rang rig mngon sum tshad ma'i gzhal byar
khas mi len pa ni/ rnam pa thams cad du mi rung la/ khas len na/
gzung rnam gzhal bya dang/ 'dzin rnams tshad mar byed pa'i tshad
'bras kyi rnam gzhag rnam rig pa

kho na'i lugs yin pa nyams so/ /'bras rtags gsum pa'i skabs su
yang ma dpyad pa na phyi rol gzhal bya yin pa dang/ dpyad na/
rang rig 'bras bur 'dod pa yang/ bden pa gnyis kyi rnam dbye mi
shes pa'i log par rtog pa de nyid

slar yang 'ongs pa yin pas/ lan yang sngar bshad pas shes par
bya'o/ /de 'dra'i tshad 'bras kyi lugs de mdo sde pa'i rang lugs
su mi 'thad par thal/ don dam dpyod byed kyi rigs pas legs par
dpyad nas dbang po'i mngon

sum gyi gzhal bya phyi rol gyi don 'gog pa dang/ /phyi rol gyi
don dam dpyod byed kyi rigs pas dpyad mi bzod du 'dod pa'i mdo
sde pa su yang med pa'i phyir ro/ /de 'dra rnam rig pa'i lugs su
yang mi 'thad

par thal/ phyi rol gyi don dbang mngon gyi gzhal byar 'dod pa'i
rnam rig pa su yang med pa'i phyir ro/ /dpyad na dbang po'i
mngon sum gyis shas pa rang nyid 'jal la/ ma dpyad na phyi rol
gyi don 'jal lo/ /zhes pa yang rnam

@292b gzhag ma chags pa'i gtam ste/ mig sman sogs bskul pas mig
shes la yul gyi khyad par phra mo rang stobs kyis nges shes
'dren nus kyi tshul du mthong ba srid kyi/ dpyad pa cung zad cig
byas bas/ mig shes kyi gzhal bya'i rigs so

sor 'pho ba ga la srid/ dpyad pa byed pa po khyod rang gi mig
shes kyis dpyad pa ma byas pa'i gong du gzugs la nges pa 'dren
pa de nyid dpyad pa byas ma thag mig shes la nges pa 'dren pa
yin min kha nang du phyogs la soms shig

sngar mig shas kyi phyi rol gyi don 'jal bar mngon par zhen pa
de nyid dpyad pa byas pa na/ de las ldog par shas pa 'jal bar
rtogs pa'i don yin no zhe na/ 'o na/ sngar dpyad pa ma byas pa'i
gong nas mig shes kyis shes pa 'jal ba de ltar

mi rtogs pa la phyis dpyad pa byas pas rtogs so zhes khas blang
gi/ dpyad pa byas ma byas kyi dbang gis mig shes kyi gzhal bya
log par khas mi blang ngo/ /des na/ 'bras rtags dang po'i rnam
gzhag mdo sems gnyis kar gyis thun mong du

khas blang bar bya ba yin no/ /sngar brjod pa'i rang rig gi tshad
'bras de yang mdo sems gnyis kar gyis thun mong du khas blang
bar bya ba yin la/ phyi rol don gyis khyad par du byas pa'i tshad
'bras dang po/ mdo sde pa'i thun mong ma yin pa yin

la/ tshad 'bras gnyis pa thun mong ma yin pa ni/ 'og tu ji ltar
'phros pa dang bcas pa 'chad par 'gyur ro/ /tshad 'bras kyi rnam
gzhag gsum pa ni/ thun mong ma yin pa'i tshad 'bras kyi rnam
gzhag gnyis pa la 'phros pa yin pas

@293a @#/ /de'i tshul brgal lan dang bcas pa 'chad par 'gyur ro/
/'bras rtag gnyis pa man chad don khas blangs nas rang rig sgrub
pa'i tshul gyis skabs 'ga' nge ma gtogs bstan bcos 'di'i lugs kyi
chos kyi bdag med rgyas

par gtan la 'bebs pa yin no/ /gnyis pa la/ chad 'bras rgyas par
bshad pa dang/ de nyid brgal lan gyis gtan la phab pa'i/ /dang
po la/ bya byed spyi'i rnam gzhag dang/ tshad 'bras bye brag tu
bshad pa'o/ /dang po ni/ don rtogs pa'i

sgrub byed gzhan btags pa don med par thal/ don rtogs kyi shes
pa skye ba dbang po la rag las pa'i phyir ce na/ shes bya chos
can/ bya ba 'ga' zhig gi sgrub par byed pa yin zhes pa de tsam
gyis bskyed bya dang rnam par bzhag bya la sogs

pa las kun gyi skyed byed la sogs pa'i sgrub byed dag thams cad
du 'gyur ba ma yin par thal/ byed pa gang las rang gi lag rjes
kyi 'bras bu gang 'grub pa yin pa'i byed pa de ni bya ba de'i
sgrub byed yin gyi kun gyi ma yin pa'i phyir/ gnyis

pa la/ chad 'bras kyi rnam gzhag dang po dang/ gnyis pa dang/
gsum pa'o/ /dang po la/ mdor bstan/ rgyas bshad do/ /dang po ni/
de la nyams su myong ba tsam du 'dra ba'i bdag nyid can gyi
dbang po'i shes pa ma 'khrul ba ni chos can/ khyod tshad

ma gang gis rang gi las so so la don rtogs so sor tha dad du
rnam par 'byed pa'i 'jog byed de/ khyod kyi bdag nyid du 'gyur
ba yin pa zhig dgos te/ khyod don rtogs tshad mar 'jog byed yod/
khyod las rdzas tha dad pas 'jog mi nus

@293b pa'i phyir/ yang na/ grangs can 'gog pa la sbyar ro/ /rgyu
dbang po la don dang phrad ma phrad kyi khyad par yod pas don
rtogs tha dad du 'byed par byed do zhe na/ sngo ser sogs tha dad
kyi las la rig tsam du tha dad med pa'i dbang po'i mngon sum 'di

chos can/ khyod kyi rgyu dbang po dag la mi 'dra ba'i tha dad
yod du chug kyang/ khyod don rtogs tha dad par 'jog cing nges
par byad pa ma yin par thal/ de dag khyod kyi bdag nyid du 'gyur
ba min pa'i phyir/ dbang po'i mngon sum 'di rang gi

bdag nyid du gyur pa'i sgro 'dogs gcod nus kyi gzung ba'i rnam
pa tha dad pa gang las 'di/ don 'di'i rtogs par byed pa'i tshad
mar 'jig nus pa zhes bya ba yin te/ dbang po'i mngon sum 'di don
rtogs tshad mar 'jog byed yod/ de las tha dad

pa 'jog byed du mi rung ba de'i phyir/ byed pa yin pa tsam gyis
las kun byed par 'gyur ba ma yin par thal/ 'jog par byed pa yi
las so sor nges pa'i rnam par bzhag bya de 'jog byed de yi sgrub
byed can du grub pa'i phyir/ gnyis pa la/ rang lugs

kyi tshad 'bras bzhag pa/ gzhan lugs dgag pa/ rtsod pa spang
ba'o/ /dang po ni/ dbang po gsal mi gsal dang/ yul thag nye ring
dang/ yid byed goms pa che chung sogs kyis shes pa gsal mi gsal
tha dad du bskyed pa'i phyir/ den

rtogs kyi rgyu yin na de'i sgrub byed du mi rung ba 'gal lo zhe
na/ mig dbang gsal mi gsal gyi rnam pa 'gas mig gi rnam par shes
pa'i rang bzhin gsal mi gsal tha dad par byed na yang mig shes
kyis sngon po rtogs la ser po ma rtoD ?

@294a @#/ /pa sogs su 'jog mi nus par thal/ mig shes gsal ba la
sngo ser gnyis ka thun mong du gsal bar snang/ mig shes mi gsal
ba las sngo ser gnyis ka'i cha phra mo mi mthong ba srid pa'i
phyir/ dbang po'i mngon sum

'di ni/ don dang yul yul can du 'brel bar byed pa don gyi rnam
pa'i ngo bo can du skyes pa las gzhan du 'jog nus pa ma yin par
thal/ rang yul gyi rnaM pa shar ba med na/ don gang yang rtoD ?
par 'jog mi nus pa'i phyir/ gzhal bya rtoD ? pa'i sgrub byed tshad
ma ni/

gzhal bya'i rnam pa'i rang bzhin nyid las rdzas gzhan du mi
'thad da/ de ltar sgrub ma thag pa de'i phyir/ dbang po'i mngon
sum de ni chos can/ khyod khyod rang gi las gzhal bya dang yul
yul can gyi 'brel pa mi 'grub par thal/

khyod don rtogs su sgrub byed yul gyi rnam pa shar ba las rdzas
gzhan yin pa'i phyir/ tshad ma'i 'bras bu tshad ma las don gzhan
min te/ don gyi rnam pa shar ba de yang don rtogs de'i bdag nyid
yin pa des na'i phyir/ don gyi

rnam pa dang don rtogs bya byed du mi rung bar thal/ bya byed
kyi chos gsum ma tshang ba'i phyir/ dper na/ sta re shing gcod pa
la 'jug pa na/ skyes bus lag tu bzung ba la bltos pa/ byed pa po
gzhan gyi dbang du gyur pa dang/

'phar ba dang/ 'bab pa la sogs pa'i rang nyid bya ba'i las dang
ldan pa dang/ shing du ma bur song ba sogs gtso bor gyur ba'i
bsgrub bya la nye bar sbyor ba lta bu chos gsum ma tshang nge zhe
na/ don la sgro 'dogs gcod nus kyi

@294b gzung ba'i rnam pa chos can/ khyod byed pa po gzhan gyi
dbang du gyur pa yin te khyod las la 'jug par byed pa po da yi
bdag nyid khyod rang myong pa'i 'dzin pa'i rnam pa des myong
zhing gzung ba la bltos pa'i phyir/ 'dzin pa'i rnam pa la byed
pa por

'jog pa'i don ni/ slob dpon chos mchog gis bshad pa ltar/ nga'i
snyam pa'i gang zag tu 'dogs pa'i gzhi 'dzin rnam yin pas/ 'dzin
rnam de nyid la byed pa po zhes bya ste/ dper na/ ngas sngar
sngon po mthong ngo zhes dran pa'i tshe/ sngar

sngon po mthong zhes pa'i yul dran pa dang/ ngas sngar mthong
zhes pa'i yul can dran pa gnyis/ dran pa'i 'dzin stangs la yod
pas des dpag par bya ba'i myong ba la yang/ yul myong ba dang/
yul can myong ba gnyis yod la/ sngar yul

myong ba sngo 'dzin dang/ yul can sngo 'dzin de myong ba 'dzin
rnam yin pas ngas myong zhes pa bzhin no/ /rang nyid bya ba'i
las dang ldan pa yang yin te/ rang gi yul don rtogs pa'i bdag
nyid kyi bya ba byed pa'i phyir/ gtso bor kyur pa'i

bsgrub bya la nye bar sbyor ba yin te/ rang gi las gzhal bya la
de ma yin du 'dzin pa'i sgro 'dogs gcod pa'i bya ba byed pa dang
bcas pa lta bur snang zhing/ snang ba ltar sgro 'dogs gcod pa'i
phyir/ lta bur ni/ don dam par bya byed

med par ston te/ sngon po rtogs pa'i che/ sngon po'i ngo bo
sngar med gsar du bsgrub pa lta bur snang gi/ snang ba ltar du
ma grub ste/ grub na/ sngon po'i ngo bo sngar med gsar du sgrub
byed yin pas skyed byed du 'gyur la/ de lta na/ tshad 'bras

@295a @#/ /rdzas tha dad du 'dod pa'i lugs su 'gyur pas/ de'i
dogs pa dgag pa'i phyir tu smos so/ /gzugs 'dzin dbang po'i
mngon sum myong byed 'dzin pa'i rnam pa chos can/ bdag nyid
gzugs rtogs pa'i byed pa po min na

yang/ ngas gzugs rtogs so zhes khyod la byed pa por zhen pa'i
rgyu mtshan yod de/ khyod kyis gzugs dngos su rtogs pa'i gzugs
'dzin dbang po'i mngon sum de yi gzung rnam myong ba'i dbang gis
ngas gzugs rtogs so zhes de

de ltar bzhag cing zhen pa'i phyir/ de ni byed pa po'i ngos nas
bshad pa yin la/ byed pa'i ngos nas bshad na/ gzugs 'dzin dbang
po'i mngon sum chos can/ khyod rang gi bdag nyid ngas gzugs
rtogs zhes bsnyad pa'i byed pa po min na

yang/ khyod kyis gzugs rtogs par bzhag pa'i rgyu mtshan yod de/
gzugs la sgro 'dogs gcod nus kyi gzugs de'i rnam pa shar ba'i
dbang gis khyod kyis gzugs rtogs pa der bzhag pa'i phyir/ gzugs
las su gyur ba yin

la/ gzugs 'dzin dbang po'i mngon sum gzugs rtogs pa'i byed pa
dang/ de myong 'dzin pa'i rnam pa byed pa po yin gyi/ ngas gzugs
rtogs zhes bsnyad pa'i byed pa po don gyi bdag med par shes pa'i
ched du yang lta bu zhes smos

so/ /gzugs rtogs pa ni bya ba'o/ /dper na/ lus pa'i gzugs dngos
su 'dzin pa'i bya ba dang ldan pa nyid ma yin yang 'jig rten na
bus rgyu pa'i gzugs 'dzin ces brjod pa'i rgyu mtshan yod de/
'bras bu bu'i gzugs rgyu pa rnaMs

@295b kyi gzugs kyi bdag nyid dang 'dri bar 'byung bas de ltar
brjod pa'i phyir/ gnyis pa la/ mdor bstan dang/ rgyas bshad do/
dang po ni/ don mthong ba'i shes pa rtog med dang/ dbang don
'brel pa dang/ spyi dang las sogs 'dzin pa'i khyad

par gyi blo de dag chos can/ don rtogs 'jog pa'i tshad ma nyid du
mi 'dod cing mi rigs par thal/ don rtogs pa'i bya ba 'jog pa la
'jog byed gzhan gyis bar chod pa'i phyir/ der thal/ don rtogs
'jog byed khyed rnams las gzhan

yod par bsgrub pa de'i phyir/ dbang don 'brel pa sogs don rtogs
kyi sgrub byed yin te/ ngo bo sngar med gsar du sgrub pa'i phyir
ce na/ don rtogs kyi bskyed par byed pa'i rgyu rnams thams cad
chos can/ bya ba don rtogs la phan pa nye bar sbyor na

yang/ don rtogs 'jog byed du mi rung bar thal/ de'i thun mong ma
yin pa'i don ldog ma yin pa'i phyir/ skyed byed kyis 'jog mi nus
kyang 'jog byed med pa ma yin te/ 'jog byed gzhan gyis bar ma
chod pa'i tha ma'i don rtogs tha dad

du 'jog byed gang yin pa de don rtogs tha dad de'i sgrub byed
dam par 'dod rigs pa'i phyir/ de dag gi don ni/ dbang po gsal
yang don rtogs 'jog mi nus te/ dbang po gsal bar cis grub/ yul
gyi rnam pa gsal bar snang ba'i

phyir ro zhe na/ sgrub byed tha ma yul gyi rnam pa snang ba des
don rtogs 'jog par khas blang rigs kyi/ bar du brgyud pa du ma
la dgos pa dang nus pa cung zad kyang med pa yin no/ /gnyis pa
ni/ rten bcas kyi mig gi dbang po chos can/ khyod
 
@296a @#/ /la mig shes des sngon po rtogs la ser po ma rtogs pa'i
khyad par 'di 'dra 'jog pa'i nus pa yod pa ma yin par thal/
khyod rang 'bras mig shes kun gyi mtshungs pa'i bdag po'i rgyu
yin pa'i phyir/ dbang po gsal mi gsal

gyis shes pa gsal mi gsal tha dad du bskyed do zhe na/ rten bcas
kyi mig gi dbang po de chos can/ mig shes gsal mi gsal tha dad
du bskyed kyang/ gzugs la 'jug mi 'jug tha dad pa'i khyad par
med pa'i mig shes 'dis sngon

po 'di rtogs la/ sar po 'di ma rtogs zhes pa'am/ gzugs 'di rtogs
la/ sgra ma rtogs zhes bya ba de/ khyod kyis gang las kyang 'jog
mi nus par thal/ khyod mig shes kyi bdag rkyen yin pa'i phyir/
bye brag smra ba'i ched ma

'gog pa'i rigs pa 'dis ni chos can/ lhag ma spyod pa pa'i 'dod
pa sogs 'gog pa'i rigs pa yang bshad pa yin te/ rnam pa shar ba
med par don rtogs 'jog mi nus par bstan pa'i phyir/ spyod pa pa
na ra/ don ma nge

kyang/ dang por don la blta ba'i shes pa tshad ma/ de las skyes
pa'i spyi la sogs par zhen pa'i blo 'bras bu/ yang zhen pa dang/
yul len pa la 'jug pa tshad ma dang 'bras bu/ 'jug pa dang/ yul
thob pa tshad ma dang 'bras bu/

yul thob pa dang/ 'dod bya grub pa tshad ma dang 'bras bu zhes
zer to/ /kun gyi mtshungs rgyu yin pa'i phyir/ /'di 'dra don blta
sogs la med /ces sbyor ro/ /rigs pa can pa'i 'dod pa dgag pa ni/
bum pa'i spyi 'dzin pa'i khyad par gyi

@296b blo dang/ snam bu'i spyi 'dzin pa'i khyad par gyi blo yang
chos can /bum pa'i spyi 'dzin pa dang /snam bu'i spyi 'dzin pa'i
khyad par tha dad du bzhag tu med par 'gyur bar thal/ yul de'i
rnam pa'i dngos po shar ba med pa'i phyir/ 'dod na/ de bzhin

du bum pa dang snam bu'i rdzas 'dzin pa'i blo gzhan dag kyang
khyod kyis 'jog mi nus par thal/ 'dod pa de'i phyir/ bum pa'i
spyi 'dzin dang/ khyad par rdzas 'dzin gyi blo chos can/ yul
gcig la bltos pa'i tshad 'bras kyi bya byed du mi rung

bar thal/ yul rdzas tha dad kho na la 'jug pa'i phyir /khyab par
thal/ yul gcig gi bya ba 'bras bu dang /de'i sgrub byed gnyis
yul rdzas tha dad pa'ang mi 'dod cing mi rigs pa'i phyir /kho
bo'ang /gzung don gcig yin par 'dod do

zhen/ yul gcig po de 'jal ba la tshad ma khyed gnyis rim can du
don med par thal ba dang/ khyed gnyis snga phyi'i rim bzhin du
'byung ba med par 'gyur bar thal/ gzung don gcig las skyes pa'i
phyir/ 'dod de cig car 'byung ngo zhe

na/ de gnyis bskyed bya skyed byed kyi bsgrub bya sgrub byed du
med par 'gyur bar thal/ blo de gnyis ni cig car 'byung bar 'gyur
ba'i phyir/ 'o na khyod rang la yang tshad 'bras mi rung bar
thal/ dus cig car 'byung ba'i phyir ce na/ dus cig

car 'byung na/ tshad 'bras mi rung ba'i skyon med par thal/ rdzas
gcig po de/ rtog pas byas pa'i tha dad kyi rnam gzhag la brten
nas ngo bo gcig kyang/ ldog pa'i cha dag tha dad pa gnyis/ tshad
'bras kyi bsgrub bya sgrub byed du bzhag

@297a @#/ /pa yin pa'i phyir/ rigs pa can pa na re/ kho bo cag la
'brel pa drug yod de/ sbyor ba'i 'brel pa dang/ sbyor bar 'du ba
dang/ sbyor bar 'dus par 'du ba dang/ 'du ba'i 'brel pa dang
/'dus par 'du ba dang /sbyor ba'i

khyad par dang khyad par can gyi 'brel pa'o/ /de dag rim pa
bzhin du /mig gi dbang po gzhir byas nas bum pa dang/ bum pa la
'du ba'i gzugs sogs dang /gzugs sogs la 'du ba'i gzugs nyid la
sogs pa

dang/ bzhi pa dang lnga pa'i dpe/ gnyis pa dang gsum pa dang
mtshungs la/ drug pa ni/ mig gi dbang pos phyogs dang sbyor 'brel
grub la/ sa phyogs bum med dang khyad par dang khyad par can gyi
'brel pa'o/ /des na/ dbang don

phrad cing 'brel pa don rtogs kyi tshad ma yin no zhes zer to/
/bum 'dzin mig shes des bum pa'i dri la sogs pa ma rtogs la de'i
kha dog gi chos 'ga' zhig rtogs par 'gyur ba'i nges pa der ni mi
'gyur bar thal/

mig gi dbang po de bum pa'i gzugs dri sogs thams cad la bdag
nyid kun gyis 'brel zhing/ de dag kyang mig gi dbang po la 'brel
pa grub par bye brag med pa'i phyir/ yang na/ rtags phyi ma kho
na 'god do/ /de ltar

byas na/ dbang don 'brel pa don rtogs kyi 'jog byed du mi rung
bar thal/ mig gi dbang po de bum pa dang/ bum pa'i gzugs dri
sogs kyi bdag nyid la/ dngos brgyud kun gyis 'brel na yang/ bum
pa'i kha dog gi

@297b cha rtogs la/ dril sogs pa ma rtogs pa'i phyir/ slob dpon
chos mchog gi bzhed pa ltar na/ dbang don 'brel pa don rtogs kyi
'jog byed du mi rung bar thal/ mig gi dbang po de/ gzugs dang/
gzugs kyi skad cig ma sogs grub sde

rdzas gcig gi chos kun dang phrad par khyad par med kyang/ mig
shes kyis gzugs rtogs kyi/ de'i skad cig ma ma rtogs pa'i phyir
ro zhes so/ /des na 'brel pa de tha dad med kyang gang las tha
dad pa ste/ rang yul gyi rnam pa shar

pa'i sgo nas don la gsar du mi slu ba'i shes pa de/ don rtogs
tshad ma 'di yi 'jog byed tshad ma nyid yin par thal/ de'i 'jog
byed yod/ de las tha dad pa de'i 'jog byed du mi rung ba'i
phyir/ slob dpon chos mchog gzugs dang grub sde

rdzas gcig pa la mig dbang 'bral bar khyad par med kyang/ zhes
pa ma gtogs 'dra'o/ /rnam pa med kyang bdag gi yon tan 'dus byas
las don rtogs so sor 'jog nus so zhe na/ rnam pa med par bdag gi
yon tan 'dus byas las

kyang/ don rtogs 'jog nus pa ma yin par thal/ rnam pa de'i dngos
po med na/ bdag gi yon tan 'dus byas de yang bzhag tu med pa'i
phyir/ gsum pa ni/ gal te/ don 'dra ba dang don rtogs rdzas tha
dad du thal/ bya byed yin pa'i phyir

te; bya byed yin na rdzas gcig yin par 'gal lo zhe na/ bya byed
yin pa'i rgyu mtshan gyis rdzas tha dad yin pa mi bden zhing mi
rigs par thal/ rdzas gcig kyang ldog chos tha dad pa khas len
pa'i phyir/ der thal/ rdzas gcig kyang

@298a @#/ /don dam par dngos su tha dad med par rtog pas btags
pa'i tha dad tsam du 'dod pa'i phyir/ tshad 'bras kyi bya byed
'ga' zhig ngo bo tha dad med par gnas pa ma yin te/ bya ba dang
byed pa'i tha snyad dag thams cad ngo bo tha dad

med cing rtog pas btags pa'i tha dad de ltar rnam par gnas pa'i
phyir/ sta ? res shing gcod pa sogs bya byed rdzas tha dad
mthong ba dag 'gal lo zhe na/ de lta bu'i bya byed tha dad du
'dod pa'i dngos po rnams las bya byed rdzas tha dad du

'grub pa ma yin pa thal/ de la'ang bya byed tha dad du rtogs
sgro 'dogs pas bya byed tha dad pa'i tha snyad 'jug pa'i phyir
te/ sta ? re las rdzas tha dad pa'i de'i 'phar ba dang 'bab pa'i
bya ba med la/ shing las rdzas tha dad pa'i de

dum bur song ba med pa'i phyir ro/ /des na/ sngor snang shes pa
des sngon po rtogs la ser po ma rtogs pa dang/ mig shes kyis
gzugs rtogs la sgra ma rtogs par 'jog byed yul gyi rnam pa shar
pa dgos shing/ 'jog byed de yang mtshan

gzhi dang bdag gcig pa nges par dgos pa yin no/ /sngar bshad pa
de dag tha snyad zer yang bya ba'i ched du yin gyi/ gang rtogs
pa de'i rnam pa shar dgos pa ma yin te/ de lta na shugs rtogs mi
rung ba'i skyon du 'gyur ro/ /'o na tshad

'bras kyi rnam gzhag ji lta bu zhe na/ sngon po gzhal bya/ rang
yul gyi rnam pa shar ba'i sgo nas sngon po la gsar du mi slu
ba'i shes pa tshad ma sngon po rtogs pa'i tshad ma 'bras bu'o/
/gnyis pa rang rig gi tshad 'bras la/ phyi rol rig pa'i

@298b sgrub byed dgag pa/ phyi rol rig pa la gnod byed kyi gtan
tshigs dgod pa'o/ /dang po la/ dgag pa dngos dang/ phyi rol ltar
snang ba dang 'gal ba spang ba'o/ /dang po ni/ 'di dag phyi rol
gyi don rig pa'i cha 'gog pa yin gyi/ tshad 'bras dang po ril

'gog pa ma yin no/ /mdo sde pa khyed phyi rol gyi don rig pa
'bras bur 'dod pa'i phyi rol don rig de gang yin zhes dris pas/
sngo ser sogs so sor rig cing 'jal ba'i mngon sum gang yin pa
'di nyid de zhe na/ mngon sum de ni kho bo cag

kyang 'dod mod kyi/ de 'dra'i mngon sum de ni rgyu mtshan gang
gis phyi rol gyi don rig pa yin zhes dris pas/ blo de phyi rol
gyi don de dang 'dra ba las de rig par 'jog pa yin no zhen/ de
dang 'dra ba de rtogs pa'i 'jog byed du mi rung

bar thal/ de khyab pa 'khrul bar 'gyur ba'i phyir te/ zla gnyis
dang 'dra bar snang yang/ zla gnyis ma rtogs pa bzhin no/ /de la
don smra ba na re/ 'on te phyi rol gyi don med na/ sngo 'dzin
mngon sum 'di yi nyams su myong bya gzhal bya gang

yin pa de/rgyu mtshan gang las kyang mi 'grub par thal/ phyi rol
gyi don med pa'i phyir ce na/ don rig la dpyad pa byed pa'i
skabs 'dir/ sems tsam pa chos can/ mdo sde pas phyi rol gyi don
med na sngo 'dzin mngon sum gyi gzhal

bya gang yin/ sems tsam pa la 'dri ba mi rigs par thal/ 'dis
phyir rol gyi don rig pa yin na/ sems tsam pa kho bo cag kyang
de nyid rtogs par 'dod nas/ sngo 'dzin mngon sum 'di ni phyi rol
gyi don rig pa'i rgyu mtshan ci zhes

@299a @#/ /de nyid mdo sde pa la/ 'dri zhing rnam par dpyod pa'i
skabs yin pa'i phyir/ phyi rol gyi don dang 'dra ba nyid kyang
mi 'thad pa ni/ phyi rol gyi don dang 'dra na/ don phra ba dang
'dra 'am/ rags pa dang 'dra/ dang po ltar

na/ rdul phran de dag dbang po'i mngon sum ma 'khrul ba la/ rang
'dra'i rnam pa dngos su gtod byed ma yin par thal/ dbang mngon
la yul rigs pa'i rnam pa kho nar snang ba gang zhig /rgyu mtshan
gang gis na rdul phran la blo ma

'khrul ba la rags par snang ba de 'drar byed pa'i nus pa med
pa'i phyir/ phyi ma ltar na/ phyi don rags pa'i cha med dang
'dra ba ma yin par thal/ de mi srid par bstan zin pa'i phyir/
phyi rol rags pa cha bcas dang 'dra'o zhe na/ de yang

mi 'thad par thal/ rdul phran med pas de bsags pa'i phyi rol
rags pa mi srid pa'i phyir/ des na dbang mngon de ni chos can/
phyi rol don gyi dngos pos rnam pa bzhag pa ma yin par thal/ don
phra rags gang gis kyang ma bzhag

pa de'i phyir/ phyi rol don dang 'dra ba yin du chug na yang/ de
gzung don du myong ba yi ngo bo nyid du sgrub par byed par nus
pa ma yin par thal/ de'i sgrub byed 'khrul pa can yin pa'i
phyir/ rtags ma grub ste/ gal te don de dang 'dra ba

dang de las byung ba'i skyes 'dra ba da gzung don du byas nas
myong ba'i mtshan nyid yin no zhe na/ sngo 'dzin rnam par shes pa
chos can/ rang gi mtshungs pa de ma thag rkyen sngo 'dzin snga ma
de gzung don du byas nas myong bar 'gyur

@299b bar thal/ de las skyes shing de dang 'dra ba'i phyir/ 'dra
bar thal/ don spon po'i rnam pa can du mtshungs pa'i phyir/ yang
na/ slob dpon lha dbang blo ltar sngon po dran pa'i bcad shes
des sngo 'dzin mngon sum gzung don du byed par thal lo/ /

zhes pa ltar ro/ /'dod na/ phyi rol gyi don la 'pho ba mi srid
par 'gyur ro/ /gal te kho bos gzugs 'di mthong ngo/ /sgra 'di
thos so zhes bya bar yul gzugs sgra gang las nges pa de 'dren
nus pa'i blo des phyi rol gzung don du

byas nas myong ba yin pas/ don nges pa'i nges shes 'dren nus
dang gsum tshogs pa don rig gi 'jog byed yin la/ de ma thag rkyen
la nges pa mi 'dren pas nyes pa der mi 'gyur ro zhe na/ rgyu
mtshan gang gis phyi rol gyi don nges

pa'i nges shes 'dren nus de/ sngo 'dzin mngon sum phyi rol gyi
don rig par sgrub pa'i don rig de yi 'jog byed kyi sgrub byed
yin par 'dod pa mi rigs par thal/ gzugs snang ba dang mthong
ba'i sngo 'dzin mngon sum de dag gi

gzung don du phyi rol gyi don nye ba yin min de nyid dpyad par
bya ba'i skabs yin pa'i phyir/ khyab par thal/ dbang po'i mngon
sum dang phyi rol gyi don de dag gzung don dang gzung don can
du
'brel pa tshad mas nges pa la brten nas/

de'i rjes su blta ba po'i rgyud kyi gzugs sgra sogs nges pa'i
nges shes de phyi rol gyi don nges pa'i shes pa yin par tshad mas
rtogs dgos pa'i phyir/ gnyis pa la/ gzung 'dzin rdzas tha dad
dgag pa dang/ der snang 'khrul shes

@300a @#/ /su bstan pa dang/ rang rig 'bras bur grub pa'o/ /dang
po la/ phyi rol don la bltos pa'i gzung 'dzin rdzas tha dad dgag
pa/ nyes pa de nas shes pa'i gzung 'dzin rdzas tha dad la yang
mtshungs pa/ de la 'gal ba spang

ba'o/ /dang po ni/ sngo 'dzin mngon sum de yi myong bya sngon po
de chos can/ rang 'dzin mngon sum de las rdzas tha dad ma yin
te/ de'i bdag nyid yin pa'i phyir/ sngo 'dzin mngon sum de yang
chos can/ phyi rol gyi sngon po gzhan

'ga' zhig gi myong byed ma yin te/ sngon po dang rdzas gcig yin
pa'i phyir/ des na sngon po mngon sum du so sor rig par bya ba
yin yang phyi rol don du mi 'grub par thal/ sngo 'dzin mngon sum
de yi myong bya sngon po de ni/ de'i bdag

nyid yin pa'i phyir/ gnyis pa ni/ sngon po de phyi rol gyi don
yin pa khegs kyang/ da dung sngon 'dzin mngon sum las sngon po
rdzas tha dad du snang ba sus kyang dgag mi nus pas gzung 'dzin
rdzas tha dad tsam mi khegs so zhe na/ sngon

po shes pa'i rdzas su 'dod pa de la'ang rang myong ba'i mngon
sum de rdzas gzhan du yod pa ma yin te/ mngon sum de'i nyams su
myong bya rdzas gzhan med par grub pa des na'i phyir/ des na/
sngon po dang sngo 'dzin mngon sum nang shes

pa la bltos pa'i gzung 'dzin rdzas tha dad du yang yod pa ma yin
par thal/ der yang phyi rol don la brtsad pa'i nyes pa de dag
mtshungs par 'jug pa'i phyir/ des na/ sngo 'dzin mngon sum de ni
chos can/ shes pa rang gi

@300b rdzas nyid gzung yul du gsal ba yin te/ de gnyis gzung
'dzin gyi dngos po gang zhig /rdzas tha dad du med pa'i phyir/
gsum pa ni/ 'o na/ rang gi ngo bo myong zhes rigs kyi sngon po
myong zhes 'jig rten na grags pa mi rigs par 'gyur ro zhe

na/ sngo 'dzin mngon sum de yi rang gi ngo bo myong bar gyur
kyang/ sngo sogs myong bar grags shing snang ba gang yin pa 'gal
ba med de/ sngo 'dzin mngon sum de yi dngos po rang gi gzung
byar snang ba de sngo sogs kyang yin la de rang gi

rang bzhin nyams su myong ba'ang yin pa'i phyir/ 'o na/ sngon po
rang nyid kyis rang nyid gsal bar byed do zhes bya bar 'gyur na/
de mi 'thad de/ ral gri'i so bzhin du rang nyid la byed pa 'gal
ba'i phyir dang/ gsal byed kyi shes pa don

med par thal ba'i phyir dang/ sgron me don gzhan gyi gzugs gsal
bar byed pa mthong ba'i phyir ro zhe na/ sgron me chos can/ rang
gi ngo bo gsal byed du 'dod de/ gsal byed gzhan la bltos med du
rab tu gsal ba yin pa'i phyir/

der thal/ ji ltar gsal ba de yi bdag nyid du skyes pas gsal ba
yin pa'i phyir/ dpe de ltar sngo 'dzin gyi blo chos can/ rang gi
bdag nyid du gyur pa'i gzung bya rig cing gsal ba can yin te/
rig byed gzhan la bltos med du sngon po

mngon sum du gsal ba'i blo yin pa'i phyir/ de lta min na dngos
su myong bya myong byed kyi tshor bya tshor byed du 'thad par dka'
zhing mi rigs par thal/ sngo 'dzin dang/ de yi rig bya sngon po
gnyis rdzas gzhan yin pa'i phyir/ gnyis pa ni/ gzung

@301a @#/ /'dzin don gzhan med na mkhas pa nas byis pa'i bar la
bsnyon mi nus par snang ba 'di ji ltar zhe na/ don dam par rig
bya rig byed kyi rnam pa don gzhan med kyang; skra shad sogs
snang ba'i shes pa'i gzung bya shes pa de

las rdzas tha dad ltar snang ba bzhin du/ 'khrul pa la snang ba
la 'gal ba med de/ gang gi tshe/ thog ma med pa nas gzung 'dzin
rdzas tha dad du rnam par phye zhing/ rnam par zhen pa'i mtshan
nyid can gyi chos kyi bdag 'dzin des rgyud rnam

par bslad pas de ltar snang ba can yin pa'i phyir/ de ltar yin
pa de'i tshe sngon po gzung bya dang; sngon po myong ba'i blo
'dzin pa yi mtshan nyid tha dad pa tsam la don dam dpyod byed kyi
rigs pas brtsad cing dgag par bya ba ma yin

par thal /ji ltar 'di ni gzung ba'o/ /'di ni 'dzin pa'o snyam
pa'i blo 'khrul bas mthong bar 'gyur ba de ltar/ gzung 'dzin
rigs sum tha dad pa 'di'i rnam gzhag tha snyad tsam du byas pa
yin pa'i phyir/ dbang po'i mngon sum gyi gzung

'dzin rig gsum tha dad pa'i cha/ don dam par med kyang; kun
rdzob bden pa min pas/ don dam dpyod byed kyi rigs pas dgag par
mi bya zhing; dgag mi nus so zhes pa'o/ /gsum pa ni/ des na/
rang rig 'bras bu yin par 'dod

rigs te/ don gzhan gyi rig bya med pa des na' phyir/ gzhung snga
ma rnams kyi 'brel gyi dbang du byas na/ dbang po'i mngon sum
rang gi bdag nyid du gyur pa'i gzhal bya rig pa 'bras bu zhes
par gnas te/ sngar bstan pa rnams dbang

@301b mngon gyi gzung 'dzin rdzas gzhan 'gog pa sha stag tu
snang ba'i phyir/ des na/ rnam rig pa'i thun mong ma yin pa'i
rang rig gi tshad 'bras kyi rnam gzhag 'di ltar bya ste/ rang gi
bdag nyid du gyur pa'i gzhal bya rig pa'i gzung rnam gzhal

bya/ sgro 'dogs gsar du gcod pa'i 'dzin rnam tshad ma/ rang rig
gi tshad ma 'bras bu'o/ /des na/ rang gi bdag nyid du gyur pa'i
sngon po rig pa'i sngo 'dzin gzhal bya zhes pa'o/ /gnyis pa la/
phyi rol rigs pas mi 'thad pa dang / phyi rol

don la gnod pa'i rtags dgod pa / des grub pa'i don to/ /dang po
ni/ gal te/ phyi rol gyi don gzung don du byas nas myong bar
gyur na/ khyod la nyes pa ci yod ce sa zer na/ phyi don gzung
don du yod na/ nyes pa ci yang med par thal/ rigs pas

'thad pa'i don sus kyang khas blang bar 'os pa'i phyir/ phyi rol
gyi don gzung don du byas nas myong bar 'gyur ro/ /zhes pa'i
tshig 'di nyid kyis ni 'dod pa'i don ci zhig kyang grub par brjod
par 'gyur ba ma yin par thal/ phyi rol gyi don

rnam bcas rnam med gang gi sgo nas kyang rig par mi 'thad pa'i
phyir/ rnam med kyi sgo nas rig pa mi 'thad par thal/ de lta na
'brel med du 'gyur ba'i phyir/ gal te dbang po'i blo ni phyi rol
gyi don de'i rnam pa can du yod pas rnam ldan

gyi sgo nas rig gi zhe na/ sngo sar la sogs pa'i rnam par rjes
su zhugs pa can gyi dbang po'i mngon sum de yod mod/ de ni chos
can/ phyi rol gzung don du byas par mi 'grub par thal/ khyod la
shar ba'i rnam pa 'di ni/ phyi rol don gyis

@302a @#/ /gtad pa'am/ gzhan nyer len las yin zhes/ dpyad par
rigs pa yin la/ de ltar dpyad na yang phyi rol gyis bzhag pa mi
'grub pa'i phyir/ gnyis pa la/ tshig don dang/ gtan tshigs tshad ma
gang gis 'grub pa gnyis kyis

rig par bya ba'o/ /dang po ni/ sngon por snang ba'i sngon po de
rang mthong ba'i blo las rdzas gzhan yin pa mi 'thad de/ mthong
ba blo yi khyad par sngo 'dzin dang bral bar sngon po mi 'dzin/
sngo 'dzin de 'dzin pa'i tshe na/ sngon po yang nges par

'dzin pa'i phyir/ des na phyi rol yan gar ba gzung don du yod pa
ma yin par thal/ sngon po dang sngo 'dzin rdzas tha dad ma yin
pa'i phyir/ gnyis pa la/ rtags dgod pa dang/ tshul bsgrub pa'o/
/dang po ni/ sngon po chos can/ sngor snang

shes pa las rdzas tha dad ma yin te/ de dang lhan cig dmigs nges
yin pa'i phyir/ gnyis pa ni/ rdzas tha dad la 'brel ba yod med
gnyis las/ 'brel med kyi rdzas tha dad chos can/ lhan cig dmigs
nges ma yin te/ 'brel

med yin pa'i phyir/ 'brel ba grub na/ rdzas tha dad kyi 'brel pa
de byung 'brel yin pas/ de lhan cig dmigs nges ma yin te/ dus
lhan cig tu dmigs pa de med pa'i phyir/ lhan cig dmigs nges kyi
don ni/ sngon po dmigs na sngo

'dzin dmigs pas khyab pa dang/ sngo 'dzin dmigs na sngon po
dmigs pas khyab pa ma yin te/ sngon po dbang po'i mngon sum
dang/ sngo 'dzin rang rig mngon sum gyis dmigs pas 'jal byed kyi
tshad ma so so yin pa'i phyir/ des

@302b na; sngon po dmigs pa'i tshe/ sngo 'dzin dmigs byed grub
snga rdzas gcig tu yod par nges pas khyab pa dang/ sngo 'dzin
dmigs pa'i cho blo de la sngo 'dzin khyab mnyam grub sde rdzas
gcig tu yod par nges pas khyab pa yin no/ /sngon po 'jal

ba'i blo dang/ sngo 'dzin 'jal ba'i blo khyab mnyam grub sde
rdzas gcig yin pa dus nam yang 'bral mi srid pa rang rig mngon
sum tshad mas rtogs pa yin no/ /dbang po dang yid byed tshang
bzhin du bum 'dzin skabs 'gar mi skye ba mi

'thad par thal/ de mi skye ba phyi rol gyi dmigs rkyen ma chad
pas ma skyes pa ma yin pa'i phyir ce na/ rnam par rig pa tsam
gyi skabs 'dir chos can/ phyi rol gyi gzung don la bltos pa'i
dbang gis bum 'dzin res 'ga' skye bar nges pa

ma yin par thal/ phyi rol med kyang bum 'dzin gyi bag chags sad
byed kyi dbang gis bum 'dzin gyi blo res 'ga' skye bar rnam par
nges pa'i phyir/ der thal/ phyi rol med kyang don snang gi shes
pa snga ma 'ga' zhig phyi ma 'ga' zhig gi bag

chags rab tu sad par byed pa'i rkyen yin pa de'i phyir/ gsum pa
ni/ shes pa'i rdzas gcig la gzung 'dzin gyi tshul gnyis yod de/
phyi rol don khegs pa de'i phyir/ gzung 'dzin gyi tshul gnyis pa
can du thal/ gang gi phyir na/ de ltar rtog med

kyis myong ba dang rtog pas dran pa'i phyir/ tshul gnyis la dbang
po'i mngon sum 'di yi/ tshad 'bras gzhal gsum mi 'thad pa'i skyon
med par thal/ gzung ba'i rnam pa dang 'dzin pa'i rnam pa gnyis
ni/ gzhal bya dang tshad ma yin la/ rang

@303a @#/ /myong ba nyid ni 'bras bu yin pa'i phyir/ ji ltar rang
gi bdag nyid rig pa 'bras bu yin zhe na/ slob dpon lha dbang
blo/ 'di yan chad kyis tshad 'bras gnyis pa dngos gzhi rdzogs nas
'chad 'gyur gyi tshigs bcad

gsum de'i 'phros don du 'chad do/ /gang gi tshe/ sngon po rnam
par rig pa'i rnam rig gi rgyu yi yul rdzas gzhan du mi 'thad par
thal/ sngon po de 'dod pa'am mi 'dod par snang ba'ang nyer len
la bltos pa med par sngon po de'i

ngos nas 'dod pa'am mi 'dod pa'i dngos por ma grub pa'i phyir/
sngo 'dzin de ni rang gi bdag nyid du gyur pa'i sngon po 'dod mi
'dod de ltar myong ba yin te/ phyi rol la mi bltos par nyer len
gyi dbang gis de ltar snang ba'i

phyir/ 'o na/ kho bos phyi rol gyi don rig go snyam du zhen pa
skye ba ji ltar zhe na/ gang gi tshe sngor snang shes pa yul dang
bcas pa yin pa de'i tshe/ sngo snang shes pa chos can/ rang gi
bdag nyid nyams su myong ba'i sngon po gang yin pa

de nyid blo 'khrul pas phyi rol gyi don du rnam par nges shing
zhen pa'i rgyu mtshan yod de/ shes pa rang gi rdzas kyi cha sngon
po de nyid/ zhen yul la 'khrul ba'i log shes kyis phyi rol gyi
don du bzhag pa'i phyir/ sngo 'dzin mngon

sum gyis phyi rol gyi don rig pa ma yin gyi/ blo 'khrul pas de
ltar zhen zhes pa'o/ /shes pa rang gi rdzas de nyid 'dod pa'am
mi 'dod par snang ba des kyang rang gi bdag nyid du gyur pa'i
yul gyi don sngon

@303b po rig pa 'bras bur 'gyur ba yin te/ gal te sngo 'dzin 'di
rang gi bdag nyid du gyur ba'i sngon po 'dod pa'i rnam pa dang/
mi 'dod pa'i rnam pa gzhan du myong bar 'gyur gyi/ de las rdzas
gzhan gyi sngon po 'dod mi 'dod du ma myong

ba'i phyir/ gsum pa la/ tshad 'bras kyi rnam gzhag dang/ phyi rol
gyi don med kyang rnam gzhag de nyid grub pa'i/ /dang po la/
spyi'i don dang/ yan lag gi don to/ /dang po la/ gang las 'phros
pa dang/ ji ltar 'phros pa dang/ mtha'

dpyad pa'o/ /dang po ni/ rnam gzhag 'di/ gnyis par phyi rol gyi
don bkag pa las 'phros pa'o/ /gnyis pa ni/ phyi rol gyi don mi
srid na/ dbang po'i mngon sum gyi tshad 'bras 'jog pa'i tshe/
dbang po'i mngon sum de nyid sngon po yongs su

gcod pa'i gzung rnam yin par kun gyis 'dod dgos pas/ de'i tshe
rang rig 'bras bur thal/ phyi rol gyi don rig pa med pa'i phyir/
'dod na/ 'dzin rnam tshad mar thal/ rang rig 'bras bu yin pa'i
phyir/ khyab pa med na/ tshad 'bras yul

so so kho na la 'jug par thal/ zhes pa'o/ /gsum pa ni/ 'bras bu
la dpyad pa dang/ gzhal bya la byad pa gnyis kyis rig par bya'o/
/dang po ni/ rang rig 'bras bu zhes pa de sde 'dzin mngon sum
gyis sngo 'dzin mngon sum de

nyid rig pa tshad ma'i 'bras bur 'gyur pa yin nam/ 'on te sngo
'dzin rang gi bdag nyid du gyur pa'i sngon po rig pa 'bras bur
brjod pa'am /'on te/ 'bras bu de nyid la myong byed rang rig yod
do zhes pa'i don yin/ gsum pa mi

@304a @#/ /'thad de/ rnam gzhag gsum pa'i 'bras bu'i ngo bo ngos
ma gzung bar thal ba'i phyir/ dang po ltar na/ tshad 'bras yul so
so kho na la 'jug pa'i thal ba sus kyang ldog mi nus la/ gnyis
pa ltar na/ gzung 'dzin rdzas tha

dad 'gog pa la/ lhan cig dmigs nges la sogs pa'i rtags don med
par thal ba dang/ gnyis stong byis pa rnams kyis kyang mngon sum
du rtogs par thal/ sngon po rang gi bdag nyid yin pa la/ dbang
po'i mngon sum rang

nyid kyis nges pa 'dren pa'i phyir ro zhe na/ skyon med de/ shes
pa rang nyid kyis rang nyid rig pa 'bras bur bzhag pa ma yin te/
tshad 'bras yul tha dad pa'i nyes pa de nyid du 'gyur ba'i phyir
ro/ /phyogs gsum pa yang ma yin te/

'bras bu ngos ma gzung bar de nyid la rang rig yod do zhes pas
cir yang mi 'gyur ba'i phyir ro/ /des na/ sngo 'dzin gyis sngon
po rig pa 'di rdzas gzhan rig pa ma yin gyi/ rang gi bdag nyid
du 'gyur ba'i sngon po rig pa yin no zhes

pa'i don te/ de ltar na yang/ sngo 'dzin sngon po las don gzhan
du med pa sngo 'dzin gyis rtogs pa ma yin te/ sngo 'dzin gyis
rang las don gzhan du med pa'i sngon po rtogs pa yin yang/ sngon
po de las don gzhan du med pa dang /sngo

'dzin gyis rang las don gzhan du med pa'i sngon po rtogs pa yin
pa lhan cig dmigs nges kyi rtags sogs la brten pa'i rang bzhin
sems pa'i blo la bltos pa'i phyir/ de ltar bzhag pa na/ shes pa
rang nyid kyis rang nyid rig pa

@304b 'bras bur bzhag go snyam du bsams nas sngo 'dzin rig pa
'bras bu yin na/ sngo 'dzin yongs su gcod byed 'dzin pa'i rnam
pa yin pas 'dzin pa'i rnam pa nyid tshad mar 'jog rigs par 'gyur
ro/ /gal te gzung ba'i rnam pa sngo 'dzin nyid

tshad mar 'jog na/ de ni sngon po kho na la 'jal byed du 'jug pas
tshad 'bras yul so so kho nar 'gyur te/ sngo 'dzin mngon sum gyis
sngon po yongs su gcod pa na/ de'i 'bras bu la/ sngon po la nges
pa ma drangs par sngo 'dzin de nyid rig

cing ngas pa'i phyir ro/ /snyam pa'o/ /des na/ rnam gzhag gsum
pa'i gzhung 'di dag gis sngon po gzhal byar byas pa'i tshe rang
rig 'bras bur mi rigs pa dang/ rang rig 'bras bu yin na 'dzin
rnam tshad mar thal ba dang / gzung

rnam tshad ma yin na/ tshad 'bras yul tha dad du thal pa'i rtsod
pa gsum po 'di nyid spong bar mdzad pa'o/ /gnyis pa ni/ gal te/
phyi rol gyi don gzhal bya yin nam min/ phyi ma mi 'thad de/ don
ni gzhal bya nyid du 'dod/ ces pa dang 'gal

la/ dang po ltar na/ rang rig 'bras bur rnam par bzhag pa dang
'gal lo zhe na/ rang lugs la phyi rol gyi don gzhal byar sgrub
bzhed pa ma yin te/ mdo sde pa la khas blangs nang 'gal bstan
pa'i ched du yin te/ 'dra bar skyed byed

gzhal bya phyi rol don gyi mtshan nyid du bzhag pa la/ phyi rol
dang 'dra ba ni gong du rgyas par bkag zin pa'i phyir/ don rgyu
yin pa'i sgo nas gzhal byar 'gyur bar thal/ zhes pa'o/ /slob
dpon chos mchog gis/ gang gi phyir don rgyu yin

@305a @#/ /pa de'i phyir/ don de gzhal bya yin par 'dod par 'gyur
ro/ /dgongs pa ni 'di yin te/ 'dra bar nges pa ni/ gnyis ka
mthong ba la rag las pa yin la/ rnam pa dang bcas pa'i phyogs
la/ don ni/ sngar gang gis kyang

mthong ba ma yin na/ de ji ltar 'dra bar brtag ces so/ /rnam
gzhag gsum pa 'di/ rnam rig pa kho na'i lugs yin gyi/ mdo sde pa
la sbyor ba ni/ 'grel bshad byed pa su gang gi yang lugs ma yin
te/ slob dpon lha dbang

blos/ myong ba nyid ni 'bras bu yin/ zhes pa'i rjes su don med
pa la 'bras bu'i rtog pa 'di ni gcig yin no/ /zhes pa dang/ rnam
gzhag gsum pa la de ltar na rnam par rtog pa gnyis pa bshad pa
yin no/ /zhes sogs

gsungs pa ltar ro/ /phyi rol don ni yod na yang/ zhes pa ni/
phyi rol don ni med mod kyi/ yod du chug na yang zhes brtag pa
mtha' gzung gi tshul du khas blangs nas/ thog mar 'bras bu la
dpyad pa mdzad bzhed pa yin no/ /rang

lugs ni/ mdo sde pas phyi rol don du 'dod pa'i don sngon po
gzhal byar byas pa'i tshe na'ang/ rang gi bdag nyid du gyur pa'i
sngon po rig pa 'bras bu yin gyi/ don gzhan rig pa 'bras bur mi
rigs zhes pa'o/ /gnyis pa la/

'bras bu bsgrub pa dang/ de la rtsod pa spang ba/ gzhal bya la
dpyad pa'o/ /dang po ni/ mdo sde pas phyi rol don du 'dod pa'i
sngon po gzhal byar yod pa'i tshe na yang/ rang gi bdag nyid du
gyur pa'i sngon po rig pa 'bras bur rigs

@305b par thal/ ji ltar sngon po 'dod mi 'dod du dngos su nyams
su myong ba nyid kyi sngon po de la 'dod mi 'dod so sor nges
pa'i bdag nyid du 'jog gi/ phyi rol gyi ngos nas bzhag tu med
pa'i phyir/ sngon po de 'dod mi 'dod du blo la snang ba'i dbang

gis bzhag pa ma yin par/ sngon po rang gi phyi rol gyi ngo bo'i
sgo nas 'dod mi 'dod du ma'i bdag nyid du snang ba ma yin par
thal/ de lta na/ sngon po de dus nam yang 'dod mi 'dod du ma'i
bdag nyid du rang gi ngo bo nyid kyis gnas

par thal ba'i skyon yod pa'i phyir/ de ltar khas blangs pa la
skyon med do zhe na yang/ sngon po la dgra gnyen gnyis kyis
bltas pa'i tshe 'dod mi 'dod gnyis po dag so so tha dad par snang
zhing myong bar mi 'gyur bar gnyis ka la

gnyis ka snang par 'gyur bar thal/ sngon po blo la snang ba'i
dbang gis bzhag pa ma yin par phyi rol gyi ngos nas/ dus nam
yang 'dod mi 'dod gnyis su gnas pa'i phyir/ ma mthong ba shin tu
lkog gyur gyi las kyi dbang gis

gang rung re re bsgribs pa'i phyir/ re res gnyis ka mthong ba
min no zhe na/ phyi rol gyi dmigs rkyen gyi don gyi dbang gis
'dod mi 'dod du rtogs par mi 'gyur bar thal/ las dbang gis don
gyi gnas lugs ji lta ba bzhin du

ma mthong ba'i phyir/ ma mthong ba'i las de'i dbang gis ci ltar
na/ phyi rol don gyi gnas lugs ji lta ba bzhin du mthong bar
byed par 'gyur ba yin pa mi 'thad par thal/ 'dod mi 'dod du ma'i
bdag nyid du gnas pa'i dngos

@306a @#/ /pa de la cig shos kyis bsgribs nas/ gang rung gcig gi
bdag nyid du mthong bar byed pa'i phyir/ gal te 'dod pa dang mi
'dod par snang ba rtog pa'i 'dzin stangs yin gyi don 'dzin dbang
po'i blo'i 'dzin stangs

ma yin no zhe na/ dbang shes la 'dod mi 'dod mi snang ba ma yin
par thal/ dbang shes de la'ang spar yid du 'ong bar mthong ba/
phyis 'chi ltas la sogs pas zin par gyur pa'i tshe/ yid du 'ong
bar mtshams sbyor ba med

cing/ yid du mi 'ong bar snang ba'i dbang pa'i sems su mthong ba
yin pa'i phyir/ des na/ mdo sde pas phyi rol don du 'dod pa'i
sngon po gzhal byar byas pa la'ang/ rang gi bdag nyid du gyur
pa'i sngon po nyams su myong ba 'bras bu

yin par rigs te/ gang gi phyir na/ ji ltar sngon po 'di blo la
snang ba'i dbang gis 'dod mi 'dod kyi rang bzhin du snang ba de
ltar/ don sngon po ni/ 'dod mi 'dod kyi rnam par 'jog cing nges
pa yin gyi/ phyi rol don gyi dbang gis

bzhag tu med pa'i phyir/ der thal/ de ltar sgrub zin pa de'i
phyir/ slob dpon chos mchog gis/ gang gi phyir gzung ba'i rnam
pa bde ba'am sdug bsngal bar nges pa ni 'ga' yang med kyi/ 'on
kyang gzung ba'i rnam pa las

rnam par chad pa nyid du gzung ba'i rnam pa'i 'dzin pa bdag tu
'dzin pa'i gzhi nyid bde ba dang sdug bsngal bar mthong ngo zhes
pa dang /des na/ ci ltar slob dpon gyis bde ba la sogs pa phyi
rol gyis byas

@306b pa ma yin par dgongs nas bshad pa dang/ ci ltar nyams su
myong ba bzhin du/ 'dod pa dang mi 'dod pa ni 'dzin pa'i rnam
par gtogs pa yin gyi/ gzung ba'i rnam par gtogs pa ni ma yin no/
/zhes bshad do/ /gnyis pa la/

'dzin rnam tshad mar thal ba spang ba dang/ tshad 'bras yul so sor
thal ba spang ba dang/ rang rig 'bras bu yin pa'i don bshad
pa'o/ /dang po ni/ rang rig 'bras bu yin na/ 'dzin pa'i rnam pa
nyid tshad mar 'gyur ro zhe na /

sngon po gzhal byar byas pa'i tshe/ de la 'dzin rnam tshad ma ma
yin par thal/ de'i tshe don sngon po snang ba'i gzung rnam dbang
po'i mngon sum 'di nyid tshad ma yin pa'i phyir/ 'dzin pa'i rnam
pa'i bdag nyid phyi rol gyi sngon po

la bltos par bya ba'i tshad ma ma yin par thal/ 'dzin rnam yod du
zin kyang/ de la rang gi snang yul gnyis snang nub pa'i tshul du
snang gi don gzhan ltar snang ba ma yin pa'i phyir/ gzung rnam
tshad ma yin na/ don rig 'bras

bur 'gyur ro zhe na/ rang gi bdag nyid du gyur pa'i sngon po rig
pa 'bras bu yin te/ gang gi phyir na/ ji ltar don sngon po shes
pa rang gi bdag nyid du gyur pa de/ sngon 'dzin shes pa la 'dod
mi 'dod du snang zhing gnas pa de lta bur/

sngon po 'di ni 'dod mi 'dod de ltar gnas so zhes nges par byed kyi
phyi rol gyi dbang gis ma yin pa'i phyir/ sngo 'dzin mngon sum la
phyi rol don gyi bdag nyid dngos su snang ba ma yin te/ 'di ltar
rang gi bdag nyid du gyur

@307a @#/ /pa'i sngon po rig pa de nyid don rig tu 'dod cing zhen
pa de'i phyir/ des na/ rang gi bdag nyid du gyur pa'i sngon po
rtogs pa de'i sgrub byed ni/ sngo 'dzin gyi blo la gnas pa don
sngon po dang 'dra ba'i gzung rnam yin

la/ sgrub byed de yi rnam par bzhag par bya ba rang gi bdag nyid
du gyur pa'i sngon po rtogs pa de yin te/ gang gi phyir na ji
ltar don sngon po de ni/ sgro 'dogs gcod nus kyi blo la snang
zhing gnas pa de ltar de rab tu gsal

zhing rtogs par 'jog pa'i phyir/ gnyis pa ni/ 'o na tshad 'bras
yul so so kho nar thal/ tshad mas sngon po gzhal la/ 'bras bus
sngo 'dzin rig pa'i phyir ro zhe na/ sngo 'dzin mngon sum gyis
rang gi bdag nyid du gyur pa'i sngon

po rig pa yin yang/ rjes kyi rtog pas phyi rol gyi don rig par
'dod cing zhen pa'i rgyu mtshan yod de/ rjes kyi rtog pas phyi
rol gyi don du 'jog pa'i sngon po de sngo 'dzin mngon sum de yi
bdag nyid yin pa'i phyir/ tshad 'bras yul

so so tha dad pa kho nar nges pa'ang ma yin te/ sngo 'dzin mngon
sum tshad mas sngon po yongs su bcad nas rang gi bdag nyid du
gyur pa'i sngon po rig pa de nyid 'bras bu yin pa de'i phyir/
rjes kyi rtog pa ni/ tshad ma'i lag rjes kyi

bcad shes ma yin gyi/ zhen yul la 'khrul pa'i rtog pa gzhan zhig
go /tshad 'bras dngos ni/ sngon po gzhal bya/ rang yul gyi rnam
pa shar ba'i sgo nas sngon po la gsar du mi slu ba'i shes pa
tshad ma/ rang gi bdag nyid du

@307b gyur ba'i sngon po dngos su rtogs pa'i tshad ma 'bras bu
zhes bya'o/ /gsum pa ni/ sngo 'dzin mngon sum gyis sngon po rang
las don gzhan ma yin pa la rang stobs kyis nges pa 'dren pa'i
rgyu mtshan gyis rang gi bdag nyid du gyur pa'i

sngon po rig pa 'bras bu zhes bshad pa ma yin te/ sngon po rang
gi ngo bo sngo 'dzin las rdzas gzhan du yod med don dam dpyod
byed kyi rigs pas dpyod pa na/ rdzas gzhan du med par grub pas
rang gi bdag nyid du gyur pas sngon po rig

pa 'bras bu yin par bshad pa'i phyir/ de gnyis rdzas gzhan ma
yin par thal/ don rig tu 'dod pa'i sngo 'dzin mngon sum de'i
bdag nyid yin pa'i phyir/ gsum pa ni/ sngo 'dzin de sngon po de
dang 'dra ba'am/ gzhan dang 'dra bar grub

kyang rung/ sngo 'dzin dbang po'i shes pa chos can/ don sngon po
de khyod la sngon po'i rnam pa de ltar snang ba yi rgyu yin pas
gzhal bya nyid du 'dod rigs par thal/ 'dra bar skyed byed gzhal
bya'i mtshan nyid gang zhig /phyi rol gyi don dang

'dra ba mi srid pa'i phyir/ 'dod na/ dbang po dang yid byed dang
phyi rol gyi don yang rgyur khas blangs pas dbang yid gnyis
kyang gzhal byar thal zhes pa'o/ /ji ltar skra shad sogs snang
ba'i shes pa'i rnam pa 'ga' zhig ltar sngo 'dzin

de'i phyi rol don gyi rnam pa'i dngos po med par sngon po snang
ba can yin na/ de ji ltar phyi rol gyi don gzung don du 'dzin pa
yin zhe na/ phyi rol don gyi rnam pa mi snang na phyi rol don
gzung don du mi 'dzin par thal ba rnam rig pa la gnod

@308a @#/ /byed du 'jug pa ma yin par thal/ de'i rnam pa ma shar
bar de gzung don du byas nas mi 'dzin pa de bden/ de 'dra rnam
rig pa ngas kyang ma shes pa'i phyir/ gnyis pa la/ tshad 'bras
kyi rnam gzhag ji ltar snang ba bzhin

yin pa dang/ gzung 'dzin rig gsum tha dad pa'i cha bden par grub
pa dgag pa/ rnam rig pa'i tshad 'bras 'thad par bstan pa'o/ /dang
po ni/ sngo 'dzin gyi blo rang gi bdag nyid la/ gzung 'dzin rig
gsum rdzas tha dad par rnam

par dbye med kyang gzung bya dang/ 'dzin pa dang/ myong ba rig
pa dag rdzas tha dad pa dang ldan pa bzhin du/ 'khrul pas rtogs
par 'gyur ba'i rgyu mtshan yod de/ mthong ba phyin ci log rnams
kyis de ltar zhen pa'i phyir/ dper

na/ dbang po sngags sogs kyis bslad pa rnams la 'jim du ma sogs/
rta dang glang po de yi gzugs dang bral ba yang rnam pa gzhan du
rta glang du snang ba bzhin no/ /blo bslad pa'i dbang gis de
ltar snang ba ma yin no zhe na/

'jim dum de dag rang gi ngos nas rta glang du grub pa ma yin par
thal/ de lta na ma bslad pa'i mig can gyis de ltar mthong dgos
pa las de ltar mthong ba med pa'i phyir/ dper na/ thag ring po
mya ngan gyi phyogs na chung ngu

yang chen por snang ba bzhin no/ /snga ma bstan bcos dang/ phyi
ma 'jig rten na grags pa'i dpe 'o/ /gzung ba dang/ 'dzin pa
dang/ rig pa dag tha dad pa'i cha 'di don dam par yod pa ma yin
yang/ tshad mas gnod pa med de/ blo

@308b rdzas gcig la gzhal bya dang/ 'jal byed dang/ 'bras bur
gnas pa'i cha tha dad pa'i cha 'di/ ji ltar 'khrul pa la rjes su
snang ba bzhin du byas pa'i phyir/ gnyis pa la/ dgag pa dngos
dang/ rtsod pa spang ba'o/ /dang po ni/ dbang shes

kyi dngos po gcig la gnas pa'i gzung ba'i rnam pa dang/ 'dzin
pa'i rnam pa dang/ rang rig pa'i cha gsum po tha dad pa'i cha
chos can/ ji ltar yang gcig tu bden par 'gyur ba mi 'thad par
thal/ blo ma 'khrul ba la sna tshogs kyi ngo bor

snang ba can yin pa'i phyir/ der thal/ snang ba ltar bden pa de
lta yin pa'i phyir/ snga ma la khyab pa yod par thal/ de lta na
gcig pa nyid yin pa de nyams par 'gyur ba'i phyir/ rtags ma grub
na/ rdzas gzhan la rdzas gzhan nyid

yin pa'i sgrub byed nyams par thal/ blo ma 'khrul ba la du mar
snang yang du mar mi 'grub pa'i phyir/ yang de chos can/ gcig
tu bden pa ma yin par thal/ gcig gi rang bzhin du mthong ba
med pa'i phyir/ rtags ma grub na/ tha

dad med par nges par 'gyur bar thal/ blo ma 'khrul ba'i dngos
pos tha dad med par nges shes 'dren nus su mthong ba'i phyir/
gzung 'dzin rig gsum tha dad pa'i cha de dag la chos can/ rigs
pa gang gis bden pa'i dngos por grub

ma grub rnam par dpyad na/ de kho na nyid du na de bden pa'i
dngos por med de/ gang gi phyir na bden pa'i gcig dang bden pa'i
du ma'i rang bzhin du med pa'i phyir/ gnyis pa ni/ phyi rol gyi
don la 'khrul pa skye ba mi 'thad par thal/ bden

@309a @#/ /rdzun phan tshun chos mthun par mthong ba nyid las
dngul de'i bdag nyid min pa'i nya phyis la dngul de'i bdag nyid
du zhen pas 'jig rten pa dag gi 'khrul pa skye ba yin la/ gzung
'dzin rdzas tha dad 'di la phan

tshun chos mthun pa mthong ba de med pa'i phyir/ dus gnyis par mi
sdod par 'gro ba'i dngos po 'di la phyi rol gyi don de'i bdag
nyid gcig kyang mthong ba med pa'i phyir ce na/ chos mthun pa
mthong ba las 'khrul pa skye

ba 'di'ang yod pa yin mod/ gzung bya phyi rol gyi don du zhen pa
'di chos mthun pa mthong ba chos can nyid la bltos pa med de/ de
med kyang de ni rang gi nyes pa las byung ba'i rang bzhin gyis
ni phyin ci log tu snang ba can

yin pa'i phyir/ der thal/ nang gi gzung 'dzin rdzas tha dad du
zhen pa'i bdag 'dzin gyis rgyud bslad pa las byung ba gang de
tsam gyis gzung 'dzin rdzas tha dad du zhen pa de yin pa'i
phyir/ chos mthun pa mthong ba la mi bltos

pa'i 'khrul pa ni/ dper na/ rab rib can la sgra shad la sogs par
snang ba bzhin no/ /gsum pa ni/ de la gzung ba'i rnam pa'i blo
yongs su gcod pa 'dzin pa'i rnam par 'dod pa de chos can/ bdag
rig de 'bras bu yin te/

de khyod kyi rnam par bzhag bya yi bdag nyid yin pa'i phyir/
khyod rang rig de'i sgrub byed yin te/ de'i 'jog byed yin pa
de'i phyir/ dper na/ 'dod chags sogs gzhal byar byas nas/ de
myong ba'i 'dzin rnam tshad ma/ de rig pa'i

@309b rang rig 'bras bu yin pa bzhin no/ /shes pa rang gi bdag
nyid yul du bzhag pa na/ gzung rnam gzhal bya/ 'jal byed 'dzin
rnam chad ma/ rang rig 'bras bur gnas pa'i chad 'bras kyi rnam
gzhag 'di ni chos can/ rnam rig pa

sogs kun gyi lugs la sbyar bar bya ste/ kun gyis khas blang bar
'os pa'i phyir/ yang na/ rang rig kho na la sbyar bar bya ba ma
yin te/ kha phyir blta'i shes pa kun la'ang sbyar bar bya ba'i
phyir/ mdo sde pa'i lugs de la'ang chos

can/ kha phyir blta'i shes pa de dag rang gi bdag nyid 'dzin
rnam gyis myong bar rung ste/ nyams su myong ba'i bdag nyid yin
pa'i phyir/ de ltar shes pa rang gi bdag nyid myong bar byed
rung nyid de tshad ma/ shes pa rang gi

bdag nyid gzhal bya/ rang rig 'bras bu yin te/ kha phyir blta'i
shes pa gcig la/ ched 'bras kyi bya byed 'thad pa'i phyir/ shes pa
rang gi bdag nyid gzhal byar byas pa la/ 'dzin pa'i rnam pa zhes
pa dang/ nang du shes pa yongs

su gcod pa'i bdag nyid ces pa dang/ shes pa de myong bar byed
rung nyid ces bya ba dang/ 'dis rang rig par byed pa zhes pa
rnams chos can/ ming tha dad tsam ma gtogs/ rdzas tha dad ma yin
te/ rang rig de'i tshad ma'i don gyi

rnam grangs tsam du rab tu bshad pa'i phyir/ 'dir rang rig 'bras
bur byas pa dang/ slob dpon phyogs glang gis rang rig chad mar
bshad pa gnyis 'gal lo zhe na/ de mi 'gal bar thal/ slob dpon
phyogs glang gis/ 'dis

@310a @#/ /rig par byed pas na rang rig pa zhes pa'i byed pa'i
cha de tshad mar bzhag 'dir 'di rig pas rang rig ces bya ba'i cha
'bras bur bzhag pa'i phyir/ dper na/ sngo 'dzin mngon sum de la
rang rig gi bya byed kyi sgra bshad

na/ 'di de'i rig par bya ba yin pas na rang rig ces sgra bshad
pa'i tshe/ las su gyur pa sngo 'dzin mngon sum de la bshad la/
'di rig pa zhes pa'i bya ba'i cha de ni mtshon bya la zer la/
'dis rig par byed pas na rang rig

ces byed pa la bshad pa'i tshe/ 'dzin rnam de nyid rang rig yin
no/ /'dir rang rig tu mtshon na las su gyur pa de'i mtshan gzhi ma
yin la/ gal te mtshan gzhir byed na/ sngo 'dzin mtshan gzhi/ rig
par mtshon/ 'dzin

rnam gyis myong ba zhes so/ /yongs su gcod pa zhes pa ni/ nang
shes pa de nyid dngos su yongs su gcod byed do/ /myong bar byed
rung zhes pa yang shes pa myong byed du rung ba zhes pa'i don
to/ /rnam pa shar ba zhes pa yang bum pa'i

rnam pa shar ba ni/ bum pa'i rnam pa yin pa dang/ blo'i rnam pa
shar ba ni/ blo'i rnam pa yin pa'i don te/ de'i rnam pa snang ba
la/ de'i rnam pa shar ba'i nges pa med do/ /gnyis pa tshad 'bras
kyi rnam gzhag de dag 'thad par bsgrub

pa la/ blo tshul gnyis sgrub pa'i rigs pa dang/ rang rig sgrub
pa'i rigs pa'o/ /dang po la/ yul shes de yi shes pa yis/ zhes
pa'i rigs pas bsgrub pa dang/ dus phyis dran pa las kyang ste/
zhes pa'i rigs pas bsgrub pa'o/

@310b dang po la/ don khas blangs nas bsgrub pa dang/ khas ma
blangs par bsgrub pa dang/ sgrub byed kyi rigs pa gzhan bstan
pa'o/ /dang po la/ phyogs glang gi gzhung la brten pa'i rigs pa
dang/ rnam 'grel mdzad pa rang nyid kyis bkod pa'i riD

pa'o/ /dang po la/ phyogs glang gi gzhung la brten nas 'chad
pa'i 'bral dang/ ji ltar 'chad pa'i tshul dang/ lung de la brten
nas rnam 'grel mdzad pas rigs pa gzhan bstan pa'o/ /dang po la/
gzung don rang mtshan dang ldan pa'i shes pa

la brten nas tshul gnyis bsgrub pa dang/ de dang mi ldan pa'i
shes pa la tshul gnyis rtogs par sla ba'o/ /dang po ni/ gal te
shes pa la yul gyi rnam pa snang ba mi 'thad de/ bum snang yang
phan tshun gcig la gcig gi rnam pa snang

par thal ba'i phyir ro/ /gal te shes pa shin tu drangs pa yin na
me long shin tu dwangs ba la shin tu nye ba'i gzugs kyi gzugs
brnyan 'char ba ltar/ dbang shes la yang mig gi dbang po'i gzugs
brnyan snang bar thal bar 'gyur ro

zhe na/ phyi rol gyi gzung yul rnams las byung ba yi dbang po'i
rnam par shes pa thams cad dag chos can/ gzung yul de las gzhan
pa'i dbang yid khyod kyi rgyu yin na yang/ gzung yul gyi rnam
par skye bar 'gyur ba'i rgyu mtshan

yod de/ rten 'brel gyi chos nyid kyi rnam pa 'gas de ltar 'gyur
ba'i phyir/ dper na zas dang dus la sogs pa yang/ bu skye ba'i
rgyu yin yang/ bu de ni chos can/ pha ma gang rung gcig gi gzugs
kyi rnam pa 'dzin par 'gyur la/ zas
 
@311a @#/ /la sogs pa gzhan 'ga'i ma yin pa'i rgyu mtshan yod de/
las kyi bye brag 'ga' zhig las de ltar 'gyur ba'i phyir/ ces pa
bzhin no/ /gzung yul de las gzhan dbang yid dang/ phyi rol gyi
gzung yul dag dbang

po'i mngon sum de'i rgyu nyid du mtshungs na yang/ dbang po'i
mngon sum de chos can/ rang gi dmigs rkyen gyi rnam pa shar ba'i
cha nas/ de rang gi gzung yul nyid yin par 'dod de/ rang gi
dmigs rkyen des khyod la rnam pa'i lag

rjes de bzhag pa med par ni/ de khyod kyi dmigs rkyen der mi
'gyur ba'i phyir/ gnyis pa la/ dngos dang/ rtsod spang ngo/
/dang po ni/ gzung don dang ldan pa'i dbang po'i sems la ni chos
can/ yul gyi rnam pa ma shar bar dogs pa'i

rgyu mtshan yod de/ phyi rol gyi don rnam pa med par thug phrad
du 'dzin par dogs pa'i phyir/ de ltar na yang/ 'das pa'i don
'dzin pa'i dran pa chos can/ khyod yul yul can gyi rnam pa'i
tshul gnyis pa can dang/ rang rig gi

myong byar grub pa yin te/ gzung yul rang mtshan dang mi ldan
pa'i shes pa yin pa'i phyir/ gzung rnam med na/ 'das pa thug
phrad du 'dzin par thal ba dang/ rang rig med na/ de 'dra'i blo
ma myong bar thal lo/ /gnyis pa la/

dran pas rigs don gzhan 'dzin pa dgag /ldan min 'du byed 'dzin
pa dgag /phyi rol rang mtshan gzung don du byed pa dgag pa'o/
/dang po ni/ kha dog dran pa'i blo chos can/ rigs don gzhan
gzung don du byed pa ma

@311b yin te/ sngo ser sogs kha dog tha dad pa can gyi rnam pa
snang ba'i phyir/ khyab par thal/ spyi don gzhan de kha dog de
dang ldan pa ma yin pa'i phyir/ rigs don gzhan de'ang mi rtag
na/ gsal ba kun la 'jug pa'i cha med kyi spyir mi 'gyur

bar thal/ rtag na'ang spyi 'dzin shes pa ji ltar yang skyed byed
yin pa mi 'thad par thal lo/ /gnyis pa ni/ ldan pa ma yin pa'i
'du byed kyi ming dang mtshan ma sogs gzung don du byed pa ma yin
par thal/ de sngar bkag zin pa'i phyir/

gsum pa ni/ 'das pa dran pa'i tshul 'di chos can/ gzung don dang
ldan pa ma yin te/ dmigs rkyen gyi don gyis phan 'dogs pa'i nus
pa grub pa ma yin pa'i phyir/ der thal/ 'dod pa tsam dang rjes
su 'brel ba'i phyir/ dran pa yul gyi rnam

pa dang ldan yang/ phyi rol gzung don du byed pa'i shes pa rnam
pa dang mi ldan no zhe na/ dran pa de ni ci ltar yang yul gyi
rnam pa dang ldan par 'gyur ba mi 'thad par thal/ don rang mtshan
'dzin pa'i dbang shes de yang don gyi rnam pas

stong pa'i phyir/ khyab par thal/ 'das pa'i rnam pa mi gsal bar
snang ba 'di 'dra'i shes pa ni dran pa yin la/ de yang sngar don
rang mtshan myong ba'i yul de la dmigs pa las byung ba'i phyir/
yang na sngar gyi myong ba de las byung zhes

sbyar ro/ /dran pa myong ba las byung ba ma yin gyi/ dmigs rkyen
rang mtshan las byung ngo zhe na/ 'das pa dran pa chos can/ khyod
khyod rang gi de ma thag rkyen dbang mngon gyi gzung don de las
gzung don gyi tshul gyis byung ba ma yin te/

@312a @#/ /khyod skye ba la mngon du phyogs pa de'i tshe/ de 'gags
nas med pa'i phyir/ don las skyes pas don gyi rnam pa dang ldan
pa de ltar 'gyur na/ myong ba dbang shes la'ang rnam pa snang ba
der 'gyur bar thal lo/ /dran

pa'i rnam pa de ni chos can/ gzung don gyis dngos su bzhag pa ma
yin te/ gsal bar snang ba'i rnam pas dben pa'i phyir/ dran pa'i
rnam pa de ni/ dran pa las rdzas tha dad pa'i dngos po yin no
zhe na/ rang yul der gnas pa'i skyes

bu gzhan gyis kyang/ dran pa po'i skyes bu de bzhin du rtogs par
'gyur bar thal/ de yul gyi rnam pa gang zhig /rang snang ba'i
blo las rdzas tha dad pa'i phyir/ skyes bu bdag nyid kho na'i
rgyud la rtag tu yul yul can du 'brel ba

yin pas gzhan gyis mi rtogs she na/ 'o na/ dran pa'i rnam pa 'di
lta bu'o zhes brjod kyang gzhan gyis rtogs par mi 'gyur bar
thal/ dran pa po kho na'i yul du 'brel ba'i phyir/ 'chad pa po
dang/ nyan pa po brjod bya rdzas tha dad

pa re re dag dang yul yul can du 'brel lo zhe na/ 'chad pa po
dang nyan pa po'i sems dag gi yul don gcig tu mngon par zhen
pa'i bdag nyid can du mtshams sbyor zhing/ sbyar ba ltar don gcig
thun mong du go bar mi 'gyur

bar thal/ bshad pa'i yul dang/ thos pa'i yul gnyis rdzas tha dad
pa'i phyir/ 'dod na/ thos pa'i shes rab rgyun chad par 'gyur ro/
/gal te yul de gnyis rdzas tha dad kyang 'dra ba las de gnyis
gcig par tha snyad 'jig

@312b rten na yod do zhe na/ 'chad pa po la ji ltar snang ba der
nyan pa po'i blo la 'khrul med du snang ba ma yin par thal/ de
gnyis kyi yul rdzas tha dad pa kho na yin pa'i phyir/ de'i tshe
'das pa dran pa'i blo gzung don med pa can du 'gyur

bar thal/ ji ltar rdzas tha dad pa'i bdag nyid gcig tu gzung ba
yin pa'i phyir/ gnyis pa la/ rnam bcas 'thad pa dang/ rnam med
mi 'thad pa/ don bsdu ba'o/ /dang po ni/ yul shes de yi shes pa
yi/ /bye brag las ni tshul

gnyis nyid/ /yul shes pa sngo 'dzin dang/ de shes pa sngo 'dzin
dran pa'i shes pa gnyis yul so sor mthong ba'i bye brag las
sngar gyi sngo 'dzin de gzung rnam dang 'dzin rnam gyi tshul
gnyis pa can du grub pa'i don to/ /

sngon po nyams su myong ba'i dbang po'i rnam par shes pa de yang
ni chos can/ gzung rnam dang 'dzin rnam gyi cha gnyis la brten
par gyur pa yin te/ rang las gzung ba'i rnam pa gcig gis lhag
pas khyad par du byas pa

can gyi khyod dran pa'i shes pa yis tshul de ltar dmigs par 'gyur
ba'i phyir/ de'i don ni/ ngas sngar sngon po mthong zhes dran
pa'i tshe/ sngon po dang sngo 'dzin gnyis dran pas sngar myong
dus na/ gnyis ka'i myong ba yod pa yin

la/ de la sngon po myong ba gzung rnam dang/ sngo 'dzin myong ba
'dzin pa'i rnam pa yin la/ sngo 'dzin la sngon po'i gzung rnam
gcig pu dang/ de dran pa'i blo la/ sngo 'dzin gyi gzung rnam
yang snang bas/ gzung rnam gcig gis lhag pa yin gyi

@313a @#/ /'dzin rnam gyis lhag pa ma yin no/ /de las gzhan du
sngo 'dzin de sngon po'i rnam pa can min na/ ci ltar sngo 'dzin
dran pa'i shes pa la sngon po'i rnam pa can du snang zhing gnas
par 'gyur ba mi 'thad par thal lo/ /

sngo 'dzin dang/ de dran pa'i shes pa dang/ dran shes de dran
pa'i shes pa rnams phyi ma phyi ma yi shes pa snga ma snga ma
las gzung rnam gcig gis lhag pa nyid yin te/ 'di ltar shes pa
gnyis pa dran shes dang po de ni yul gyi don

gyi ngo bos gzung ba'i rnam pa gnyis dang/ bdag gi 'dzin pa'i
rnam pa can 'ga' zhig tu gsum pa yi shes pa rang dran pa de yis
rtogs par 'gyur ba'i phyir/ gnyis pa ni/ gal te don shes don gyi
'bras bu yin pa nyid

kyis shes pa dran pa na/ ngan yang dran pa'i phyir/ dran yul gyi
don dang shes pa gnyis 'khrul ba yis gcig tu bsre ba tsam yin
gyi/ yul gyi rnam pa dang ldan pa ma yin no zhe na/ 'o na rang
rgyu snang ba dang/ dbang po dang/ yid byed

la'ang don shes dang/ gcig tu bsre ba der 'gyur bar thal/ don
shes de dag gi yang 'bras bu yin pa'i phyir/ de bzhin du/ 'bras
bu thams cad kyang rgyu dang lhan cig tu 'dzin par 'gyur bas
khyab par thal/ don shes don

gyi 'bras bu yin pa tsam gyi lhan cig tu dran dgos pa'i phyir/
'dod na/ rdza mkhan la sogs pa dran pa med par rdza'i bum pa
dran par mi 'gyur bar thal/ 'dod pa de'i phyir/ shes pa la don
gyis byas pa'i khyad par dbang

@313b yid sogs kyis ma byas pa dag yod pas don dang lhan cig tu
dran no zhe na/ don gyis byas pa'i khyad par gang las shes pa
don dang 'dra ba ste don dang lhan cig tu bsra ba bsten pa don
gyis byas pa'i khyad par de chos can/ don dang 'dra

ba las gzhan cir yang 'gyur ba mi 'thad par thal/ don shes lhan
cig tu dran pa'i thun mong ma yin pa'i rgyu yin pa'i phyir/ mtshe
ma spun dang mig 'khrul mkhan gyi sgo nga sogs la 'dra bas gcig
tu 'khrul ba mthong ba bzhin

no/ /shes pa gnyis pa dran shes dang po de'i rang bzhin 'dzin
rnam gcig po kho na la rnam par gnas par thal/ shes pa dang po
sngo snang shes pa'i rang bzhin gzung rnam dang gnyis pa can min
par 'dzin rnam kho na la gnas pa

gang zhig /rigs pa mtshungs pa'i phyir/ 'dod na/ dran shes dang
po nges par 'dzin cing dran pa'i sems kyis shes pa snga ma gnyis
so sor 'byed ? nus par 'gyur ba ma yin par thal/ shes pa snga ma
de gnyis 'dzin rnam rkyang pa

can du mtshungs pa'i phyir/ gsum pa ni/ des na/ dran shes kyi
mdun na gnas par 'gyur ba'i dbang blo sngo sogs kyi rnam pa'i
ngo bor grub par thal/ sngo 'dzin don sngon po dang gcig tu bsre
ba'i bya ba dang 'brel pa can blo gnyis pa

dran shes dang po des sngo 'dzin sngon po'i rnam pa can du dmigs
par 'gyur ba'i phyir/ der thal/ de lta min na nyes pa snga mar
'gyur ba de'i phyir/ rnam pa snang ba las gzhan du na/ yul gang
yin gzhan gyis bar mchod par

@314a @#/ /thug phrad du 'dzin dgos par 'gyur la/ de ltar na/ don
gyis shes pa brgyud nas bskyed pa mi srid pas dran shes sogs don
las ma byung bar thal/ 'dod na/ shes pa dang po sngo 'dzin gcig
pu nyid don dang 'brel bar

dran par 'gyur gyi/ blo snga ma'i dad dang/ dran shes 'brel par
mthong ba med par thal/ de gcig pu don las byung zhing/ shes pa
phyi ma phyi ma don las byung ba ma yin pa'i phyir/ gsum pa la/
blo tshul gnyis pa can du lcan

cig dmigs nges kyis bsgrub pa dang/ rtsod pa spang ba/ don bsdu
ba'o/ /dang po ni/ yul sngon po ni sngo 'dzin de las rdzas gzhan
nyid du rigs pa'i rnam pa gang gis kyang 'grub par 'gyur ba mi
'thad de/ de nges par sngo 'dzin gyi blo

dang lhan cig tu dus cig car du myong zhing dmigs par 'gyur bas
khyab pa'i phyir/ rtags de mthun phyogs la mthong ste/ rnam shes
'khrul pas zla ba gnyis med par zla ba tha dad pa gnyis mthong
ba bzhin yin pa'i phyir/ tsa ?

ba'i rtags la/ ldog khyab grub par thal/ sngo ser rdzas tha dad
dag la nges par lhan cig tu myong ba'i nges pa 'di yod pa ma yin
pa'i phyir/ rtsa ba'i rtags bsgrub pa ni/ sngon po dang sngo
snang shes pa lhan cig dmigs nges su thal/

myong bsngo 'dzin de migs byed kyi rdzas su med par don sngon po
dmigs pa 'ga' 'am/ don sngon po dmigs pa'i rdzas su med pa yi
sngo 'dzin myong ba dus nam yang myong bar 'gyur ba ma mthong
zhing de gnyis dmigs pa'i

@314b phyir/ 'dod na/ de dag rdzas tha dad ma yin par thal/ 'dod
pa des na'i phyir/ shes pa rang dus na snang ba yi don sngon po
ni sngor snang shes pa las rdzas gzhan min pa ldog par rab tu
dka' ba nyid yin te/ rdzas gzhan ma yin par rtaD

kyis grub pa de'i phyir/ gnyis pa la/ phyi don yod pa'i sgrub
byed dgag /med pa'i gnod byed spang ba'o/ /dang po la/ tshig don
dang/ rnam rig pa'i rkyen gsum ngos gzung ba'o/ /dang po ni/
sngo 'dzin dbang po'i mngon sum gyi rgyu gzhan

dbang yid dag yod na yang/ de 'dra'i dbang po'i blo rnams skye
ba med pa mthong zhing/ skabs 'gar skye ba'i phyir/ de gnyis las
rdzas tha dad pa'i rgyu gcig yod par rjes su dpog nus par 'gyur
la/ de yang phyi rol gyi don yin no zhe

na; gal te dbang yid yod kyang sngo 'dzin skye ba ldog pa'i
rtags las phyi rol gyi don yod par mi 'grub par thal/ sngo 'dzin
yod med de sngor snang gi bag chags sad byed kyi mtshungs pa de
ma thag pa'i rkyen yod med las nges par mi smra na

phyi don grub kyang/ de ma thag rkyen gyi dbang gis res 'ga'
skye bar nges pa yin pa'i phyir/ gnyis pa ni/ sngo snang shes pa
la dper brjod na/ sngo 'dzin rang dus na snang ba'i sngon po de
dmigs rkyen du 'dod pa mi 'thad de/ de rdzas su med

na rkyen du 'gal la/ rdzas su yod na rdzas tha dad mi 'thad pas/
rdzas gcig tu 'gyur la/ de ltar na/ bdag skye khas len dgos par
'gyur ba dang/ med pa sngar nus med phyir dang/ zhes sogs kyi
rigs pa ltar snang 'ba' zhig tu

@315a @#/ /'gyur ba'i phyir ro/ /'o na/ gcig cha'ang mi 'khrul
phyir na rkyen/ zhes bshad pa dang 'gal lo zhe na/ de ni/ shas
pa rang gi rdzas kyi cha sngon po de la rjes su 'gro ldog mi
'khrul ba dang/ de dmigs pa yin pas rkyen

btags pa yin gyi/ rkyen mtshan nyid pa ma yin no/ /'o na dbang
mngon la dmigs rkyen med par 'gyur la/ de lta na/ mdo dang/ rigs
ba du ma dang 'gal bar 'gyur ro zhe na/ khyod phyi rol gyi don
khas len pa ltar na/ ji lta

bu zhig dmigs rkyen yin/ gal te/ sngo 'dzin la sngon po'i rnam
pa'i lag rjes 'jog byed dmigs rkyen no zhe na/ kho bo cag la
dmigs rkyen mi 'thad pa'i skyon med par thal/ sngo 'dzin gyi
mtshungs pa de ma thag rkyen gyi rdzas

la yod pa'i sngo 'dzin sngon po'i rnam pa can du bskyed pa'i nus
pa de/ de'i dmigs rkyen du khas len rigs pa'i phyir/ de'i lag
rjes 'jog pa'i nus pa med na/ de rgyu med du 'gyur la/ yod na/
bem po'i rdzas su mi 'thad

pas shes pa'i rdzas la yod do/ /yang rang gi de ma thag rkyen
dang rdzas gcig pa'i sngon po de sngo 'dzin gyi dmigs rkyen du
khas blangs pa la 'gal ba ci zhig yod/ 'o na sngo 'dzin gyis de
'dra'i sngon po dmigs par thal/ de'i

dmigs rkyen yin pa'i phyir/ 'dod na/ de ma thag rkyen yang dmigs
par thal lo zhe na/ khyab pa med de/ sngon po dmigs kyang sngon
po'i mi rtag pa ma dmigs pa mthong ba'i phyir ro/ /phyi rol gyi
don yod par thal/ sngon po'i

@315b rnam ldan du bskyed pa'i sngon po yod pa'i phyir ce na/
khyab pa med de/ phyi rol gyi don rnam pa thams cad du mi srid
la/ sngon pos rang gi rnam pa can gyi blo bskyed pa mthong ba'i
phyir/ bdag po'i rkyen ni mig ge dbang po yin la/ de yang

rdul phra rab bsags pa'i rdzas su rnam pa thams cad du mi srid
pas shes pa'i rdzas 'ba' zhig kho na'o/ /des na/ mig gi dbang po
bdag po'i rkyen dang/ yid byed snga ma de ma thag pa'i rkyen
dang/ de ma thag rkyen dang/ rdzas gcig pa'i sngo

'dzin sngon po'i rnam ldan du bskyed pa'i nus pa zhes sam/ de
dang rdzas gcig pa'i sngon po dmigs pa'i rkyen no/ /gnyis pa la/
rgyu 'bras mi 'thad pa spang ba dang/ 'bras rtags mi 'thad pa
spang ba'o/ /dang po ni/ sa pon las myu gu

skye ba'i byed pa po dang/ du ba las me grub pa zhes pa'i shes
byed 'bras rtags gnas pa gang yin pa de mi 'thad par thal/ phyi
rol gyi don med pa'i phyir/ khyab ste/ de 'dra phyi rol gyi don
la brten pa can yin pa'i phyir ro zhe na/

gal te/ phyi rol gyi don med na/ rgyu 'bras dang/ 'bras rtags de
yang mi 'thad pa'i skyon med par thal/ rgyu 'bras de yi ngo bor
snang ba de ltar nges par 'brel zhing mi slu ba'i blo'i rdzas la
brten nas rgyu 'bras bu rtog cing khas len

par byed na 'gal ba dag ni ci zhig kyang yod pa ma yin pa'i
phyir/ gnyis pa ni/ phyi rol med na/ bag chags 'ba' zhig gis
bskyed par khas len dgos la/ de lta na/ du ba mes bskyed par
'gyur ba ma yin par thal/ du ba bag

@316a @#/ /chags 'ba' zhig las skye ba'i phyir/ 'dod na/ 'bras bu
du ba'i rtags las rgyu me rtogs pa ma yin par thal/ 'dod pa de'i
phyir/ me snang de du snang gi rgyu dag yin par khas len na
yang/ du ba'i 'bras

rtags gang las me nges par rtogs par 'gyur ba ma yin par thal/
du snang sngar 'byung zhing mer snang phyis 'byung ba'i phyir ro
zhe na/ 'di'i lan gyi don du bsams nas 'god tshul la/ lar snang
chos can/ mer snang

yod de/ du snang yod pa'i phyir ces bkod nas rtags su song tshul
la/ du snang gi rtags las me snang ba'i bag chags gsal bar sad
pa can gyi/ me snang gi blo ma 'ongs pa na 'byung rung dpog par
'dod pa dag ni lugs

'di las phyi rol tu gyur pa yin te/ rang lugs la/ me du dang/ sa
bon dang/ myu gu sogs khas len nam/ mi len/ dang po ltar na/
'god tshul la/ me du snang bas khyad par du byas nas bkod pa dgos
pa med par

thal/ mdo sde pa ltar me yod de du ba yod pa'i phyir/ ces smos
pas chog pa'i phyir/ 'on te de khas len kyang/ de dag rgyu 'bras
su khas mi len no zhe na/ 'o na/ sngar de dag rgyu 'bras su mi
'thad par brtsad pa la 'gal ba dag

ni ci zhig yod/ ces lan 'debs mi rigs par thal/ khyed ltar na/
rgyu 'bras mi 'thad pa'i 'dod lan 'debs rigs pa'i phyir/ gal te/
rgyu 'bras su 'dod pa'i don de dag me du ma yin bzhin du/ me dur
snang ba tsam yin

@316b pas du bar snang ba rtags su smos so zhe na/ khyod 'dod
pa'i rtags de yang dag tu mi rigs par thal/ de la 'brel pa grub
par snang ba tsam yin gyi 'brel pa ma grub pa'i phyir/ de ltar
gzugs nas rnam mkhyen gyi bar gyi chos thams

cad la der snang ba tsam yin gyi de ma yin no zhes khas len dgos
pas lan de ni rang nyid grub mtha' gang la yang yid brtan cung
zad kyang med pa'i log par rtog pa 'ba' zhig yin no/ /'on te/ du
snang rgyu yin la mer snang 'bras bu

yin no zhe na/ myu gur snang ba rgyu dang/ sa bon du snang ba
'bras bur khas len dgos pas rgyu 'bras thams cad phyin ci log tu
thal ba dang/ 'jig rten na so nam byed pa dag /thog mar myu gur
snang ba'i thabs byas nas/ de'i rjes su sa

bon du snang ba'i thabs la 'bad rigs par 'gyur ro/ /des na rtsod
pa dang lan gyi don 'di ltar yin te/ mdo sde pa na re/ khyed la
blo la me dang du bar snang ba tsam du zad kyi de dag blo las
logs su cung zad kyang med pas thog mar lkog gyur

gyi me snang na/ rtags kyis dpag mi dgos par 'gyur ro/ /des na/
thog mar du bar snang zhing/ de rjes mer snang bas/ du snang
rgyu dang/ me snang 'bras bur khas len dgos pas/ du bas me dpog
pa'i 'bras rtags mi 'thad par 'gyur

ro/ /zhes rtsod pa la/ de ltar 'dod do zhes lan ma 'debs shig
des na 'di ltar/ mdo sde pa khyod rang ltar na/ du ba'i rtags
las lkog gyur gyi me rang mtshan dpags par gang las shes dris
pas/ lkog gyur gyi me nges pa la

@317a @#/ /brten nas zhugs pas btso bsreg sogs kyi don byed nus
pa'i me gsal bar mngon sum du thob pa'i phyir ro zhe na/ blo'i
rdzas las ma gtogs pa'i phyi rol gyi me du khas mi len pa'i lugs
de la'ang chos can/

du ba'i rtags las du ldan la la phyi rol don gyi me nyid dpog pa
ma yin yang/ du ldan la la me dpog pa'i 'bras rtags mi rung ba'i
skyon med par thal/ du ba'i rtags las me dpag pa'i stobs kyis du
bar snang ba'i blos bag

chags gsal bar sad pa can gyi btso bsreg sogs kyi don byed nus
pa'i mer gsal bar snang ba'i dbang po'i mngon sum gyi blo nyid
dang/ de gang la mngon sum du song ba'i me rtogs pa ste thob par
'gyur ba mdo sde pa dang mtshungs

pa'i phyir/ 'bras rtags 'god tshul yang/ mdo sde pa kho na ltar
yin la/ du bar snang ba'i blos zhen pa ni/ blo la snang ba'i
rdzas ma gtogs phyi rol gyi don med kyang 'bras rtags las me
snang ba'i don byed snang can gyi mngon

sum skye tshul 'di ltar ro/ /zhes pa'i don to/ /'o na me du rgyu
'bras su 'gyur ba'i tshul ji lta bu zhe na/ phyi rol gyi don med
kyang/ me las du ba skye ba 'thad pa yin te/ sems kyi rgyud
mngon sum la me der snang ba 'byung du rung

ba'i bag chags kyi snying po can nyid kyi mer snang gi blo dang/
de'i rdzas kyi me nyid dang/ du bar snang ba'i blo dang/ de'i
rdzas kyi du ba dag gsal zhing bskyed par byed pa des na'i
phyir/ gsum pa ni/ me du rgyu 'bras su khas

@317b len pa la/ phyi rol nges par khas blang dgos pa ma yin par
thal/ rigs pa shes pa'i mkhas pa rnams la/ blo'i rdzas su gyur
pa'i me du rgyu 'bras su brjod pa'i rnam gzhag yang dag 'di yod
pa'i phyir/ chos kyi bdag med bstan du mi

rung ba'i gdul bya 'ga' zhig gi ngor/ phyi rol khas blangs pa la
brten nas su rgyu 'bras dang/ blo tshul gnyis su sgrub pa'i rigs
pa brjod par bya ba yin te/ de 'dra'i gang zag thar lam la bkri
dgos/ chos kyi bdag med bstan du

mi rung ba'i phyir/ gang zag de'i ngor blo rdzas gcig la gzung
rnam dang 'dzin rnam kyi tshul gnyis po de yang tshad mas ma grub
pa'i skyon med par thal/ lhan cig myong zhing dmigs pa'i nges pa
lhan cig dmigs nges kyi rtags las 'grub

pa'i phyir/ 'di ni/ sngon po dang/ sngo 'dzin rdzas tha dad 'gog
pa'i lhan cig dmigs nges ma yin gyi/ sngon po'i rnam pa dang/
sngo 'dzin gyi rnam pa gnyis rdzas tha dad 'gog pa'i lhan cig
dmigs nges so/ /gnyis pa rnam 'grel mdzad

pa rang nyid kyis rigs pa gzhan bstan pa la/ dbang shes ma
'khrul ba la brten nas blo tshul gnyis su bsgrub pa dang/ 'khrul
pa la brten nas bsgrub pa'o/ /dang po ni/ dbang po'i mngon sum
de don las don gyi rnam pa der snang ba

ma yin na/ sngon po gcig pu la bltas pa'i tshe/ sngon po de'i don
can gyi yid dbang po'i mngon sum kun gyi rnam pa'i rang bzhin
snang tshul gcig pa nyid du 'gyur bar thal/ don gyi rang bzhin
gcig la dmigs pa'i phyir/ 'dod

@318a @#/ /mi rigs par thal/ yid byed goms pa che chung dang/ yul
thag nye ring dang/ gsal mi gsal gyi dbang po'i khyad par gyis
yul gsal ba dang mi gsal ba dang 'dres ma la sogs pa snang ba
tha dad du 'tshar

zhing 'dzin pa yi shes pa sngon po'i don gcig la dmigs pa mthong
ba'i phyir/ yul gyi rnam pa khas len pa la yang nyes pa der
'gyur ro zhe na/ don sngon po la brten nas 'byung bar 'gyur
zhing sngon po de yi rnam pa'i ngo bo'i

rjes su byed pa can gyi sngo 'dzin mngon sum de ni chos can/
sngon po la dmigs par khyad par med kyang rgyu mi 'od ? pa'i cha
shas 'ga' yis gsal mi gsal tha dad du snang bar 'gyur ba la 'gal
ba med de/ sngon po las

gzhan pa'i dbang po sogs kyi khyad par 'ga' zhig las kyang de
ltar 'gyur ba'i phyir/ dpe 'di ltar pha la brten nas bu la de'i
gzugs dang 'dra bar brjod pa yin yang rgyu'i cha 'ga' yis tha
dad par dmigs pa yin te/

las kyi cha shas 'ga' zhig las tha dad par dmigs pa'i phyir/
gnyis pa ni/ mar me'i rtse mo la sogs pa dkyil 'khor khra bo'i
rnam par snang ba blo tshul gnyis pa can du thal/ mar me'i rtse
mo la med bzhin du rma bya'i

mdongs kyi rnam pa can sngo ba dang dmar ba dang/ mdangs gsal
bar mig mi gsal bas mthong bar 'gyur ba'i phyir/ de ltar snang
ba de phyi rol gyi dngos po yin na/ dbang po gsal ba la cis na
snang ba'i nus pa med pa

@318b mi 'thad par thal/ de phyi rol yin na nges par mthong dgos
pa'i phyir/ khra bo de mthong ba bdag rkyen dbang po nyams
pa'ang ji ltar yang yin pa mi 'thad par thal/ yang dag par grub
pa'i don mthong ba yin pa'i phyir/

rab rib kyis mig dbang gi skyon sbyangs par thal/ rab rib de'i
dbang gis gsal ba'i mig gi dbang po'i shes pa'i yul las 'das
pa'i don rang mtshan mthong bar byas pa'i phyir/ khra sgor ba
snang ba'i dbang shes de la dbab

po skyon med gzhan gyis mthong ba'i khra sger bas dben pa'i mar
me'i don de yang ji lta bur na gsal bar snang ba ma yin pa mi
'thad par thal/ mar me de la mar me'i rang bzhin du med pa'i don
rang mtshan dbang po skyon med

kyi yul las 'das pa mthong ba'i phyir/ de dbang shes 'khrul pa
de'i gzung don ma yin par ma zad rgyu yang ma yin pa ni/ mar me
las gzhan mar me'i rtse mo'i khra sgor ba der snang gi dbang
shes kyi rgyu ma yin par thal/ rang

rgyu snang ba dang/ dbang po dang yid la byed pa las gzhan ni
phyi rol gyi mar me gcig gi nus pa tshad mas rtogs kyi khra sgor
ba'i nus pa ma rtogs pa des na'i phyir/ 'dod na/ de ji ltar phyi
rol gzung yul yang yin pa mi 'thad

par thal/ de rgyu ma yin pa'i phyir/ 'dir snang ba ni/ bar snang
gi mngon par skabs yod kyi gzugs te/ de med par thag ring po'i
bum pa sogs mthong ba mi srid la/ de ni mig shes kyi dmigs rkyen
gyi khongs su 'dus la/

@319a @#/ /sngar bshad pa'i nyi ma'i 'od zer dang 'bras bu'i
khyad par mi 'dra ste/ des ni dbang shes so so la bltos nas rang
nyid gzung don du 'gyur yang gzugs gzhan gsal bar mthong ba'i
cha dang/ mi gsal bar mthong

ba'i cha bdag po'i rkyen du 'gyur ba yin no/ /'di ni kha dog
dang dbyibs las gzhan pa'i mig shes kyi yul du gyur pa'i gzugs
so/ /rtog pa'i yul du gyur pa'i mngon par skabs yod kyi gzugs
zhes bsnyad pa de ni gzugs

ma yin gyi/ de ni rtog pa'i yul gyi sgro btags te/ de la chos
kyi skye mched kyi gzugs zhes kyang gzhan las bshad do/ /gal te
khra bo de nyid blo 'khrul pa de'i gzung yul gyi rgyu yin no zhe
na/ de skye ba ji ltar mar me la nges par

bltos par 'gyur ba ma yin par thal/ mar mes dben pa'i don rang
mtshan gzung yul du mthong ba'i phyir/ mar me dang/ khra bo gnyis
ka dag kyang 'khrul snang de'i rgyu ma yin par thal/ sngar bshad
pa'i rgyu gsum pa de

dang/ phyi rol gyi mar me'i rgyu tsam gyis 'khrul snang de yod
pa'i phyir/ gnyis pa phyi rol khas ma blangs par tshul gnyis
sgrub pa'i rigs pa la/ rigs pa brjod pa/ de'i lan dgag pa/ don
bsdu ba'o/ /dang po ni/ phyi rol gyi

don khas blangs pa dang/ don khas ma blangs pa'i gzhung gi gcod
mtshams 'di dag ni/ slob dpon lha dbang blo'i 'grel pas gsal bar
phye ba bzhin du bkod do/ /yul gcig la thag nye ba dang/ ring ba
nas blta ba la

@319b sogs pa'i khyad par gyis yul gsal ba dang mi gsal ba so
sor mi rung bar thal/ yul gyi rnam pa med pa'i phyir/ rnam pa
med na gsal mi gsal gyi 'jog byed cung zad kyang med pa dang/
thug phrad du 'dzin par khas len dgos

par 'gyur ro/ /gnyis pa la/ yul dbang bar gyi snang ba'i khyad
par gyi lan dgag snang ba gsal mi gsal gyi lan dgag las dbang la
be brten pa'i lan dgag pa'o/ /dang po ni/ gal te/ yul dang dbang
po'i bar gyi snang ba'i khyad

par las gsal mi gsal der 'gyur ba yin gyi/ rnam pa'i khyad par
las ma yin no zhe na/ snang bas don de chod cing bsgribs pa yin
nam/ ma chod cing ma bsgribs pa dag yin/ phyi ma ltar na/ thag
nye ring gnyis ka nas gsal

bar mthong bas mtshungs par 'gyur bar thal/ sgrib byed med par
rnam med du mthong bar mtshungs pa'i phyir/ dang po ltar na/ ngam
gyi sgras gnyis kas thag nye ring gi gzugs mi mthong bar mtshungs
par 'gyur bar thal/ bar du sgrib byed

kyis bsgribs shing yul gyi rnam pa med pa'i phyir/ gnyis pa ni/
gal te snang ba'i khyad par sgrib byed la mi zer gyi/ yul thag
ring ba'i tshe snang ba de nyid mi gsal bas yul de'i cha phra mo
'ga' zhig ma mthong la/ thag nye ba nas de

las ldog pa de'i phyir/ yul gsal mi gsal tha dad du snang gi yul
gyi rnam pa'i dbang gis ma yin no zhe na/ phyi don cha med bkag
pas cha bcas kyang khegs par 'gyur bas gzung bya'i don de rags
pa'i cha med gcig

@320a @#/ /yin nam/ phra ba'i cha med du ma yin/ dang po ltar na/
phyi rol gyi don rags pa cha med gcig po de/ thag nye ring nas
gsal bar mthong ba dang/ mi mthong ba'i tshul tha dad gang las
kyang yin pa mi 'thad

par thal/ thag nye ring nas blta ba'i dbang shes gnyis kas de
rnam med du 'dzin pa'i phyir/ phyi ma ltar na/ rtags de nyid la
thal ba ni/ phra rdul du ma tha dad pa gsal bar mthong ba dang
mi mthong ba'i tshul tha dad gang las

kyang yin pa mi 'thad par thal lo/ /gal te yul dbang bar gyi
snang ba gsal mi gsal gyi khyad par gyis yul blo la gsal mi gsal
tha dad du 'dod na/ 'dis kyang gnod de/ snang ba'i khyad par
gang las phyi rol

bsal mi gsal tha dad par snang bar 'gyur bar mi 'thad par thal/
snang ba dang phyi rol gyi gzugs 'brel med don gzhan yin pa'i
phyir/ khyab par thal/ 'brel med gzhan tha dad pas tha dad med
pa'i don gcig gsal

mi gsal tha dad du mi 'gyur ba'i phyir/ thag ring ba'i snang ba
de yang rgyu mtshan cis mi gsal ba yin dris pas/ du ba dang khug
sna tshogs kyis bsgribs pa'i phyir ro zhe na/ 'o na/ de thag nye
ba 'dir sgrib byed cis ma yin te yin

par thal/ rgyu mtshan mtshungs pa'i phyir/ nye ba nas sgrib rdul
srab cing nyung ba'i phyir ro zhe na/ bar gyi snang ba'ang srab
pa de lta nyid du thal/ thag nye ba'i sgrib rdul dang srab mthug
mtshungs pa'i phyir/ 'dod na/ thag nye ba nas

@320b blta ba na mi gsal bar thal/ gsal bar snang ba'i rgyu shes
chung ba'i phyir/ thag nye ba las gzhan du thag ring po'i gzugs
la blta ba dang/ bar gyi snang rdul yang srab min mthug po yod
pa nyid du thal/ de'i sgrib rdul

mthug pa gang zhig /de gnyis srab mthug gi tshul mtshungs pa'i
phyir/ de'i don ni/ sgrib rdul du 'dod pa'i phyogs kun tu yul
'dab 'byar du snang rdul gyis bskor bas khyab/ snang rdul gyi
yul 'dab 'byor du sgrib rdul gyi

bskor bas khyab pa gzhan dag gis khas len dgos pa'o/ /thag nye
ba ches gsal ba'i rgyu yin na/ mig dbang la shin tu nye ba'i mig
gi ya thog de yang mig shes la snang ba na cher gsal bar snang
bar 'gyur bar thal/ mig

dbang la shin tu nye ba'i phyir/ gsum pa ni/ gal te thag nye
ring der yang mthong ba med pa dge mi dge'i las la brten nas yul
dbang bar du las kyi rnam smin du gyur pa'i gsal mi gsal gyi
gzugs gzhan zhig 'byung bar 'gyur

ba mthong ba yin gyi rnam pa'i dbang gis min no zhe na/ las kyi
rnam smin gyi gzugs de dag rnams phan tshun du bsgrib bam/ mi
sgrib/ bsgribs par 'gyur ro zhe na/ thag nye ring nas blta ba'i
skyes bu de gnyis ka la mi gsal ba'i

las gzugs gcig pu de snang bar 'gyur bar thal/ de gnyis ka la
las gzugs snang ba gang zhig mi gsal ba'i las gzugs de thag nye
ba'i skyes bu de'i mdun phyogs na gnas pas/ gsal bar snang ba'i
las gzugs la

@321a @#/ /des sgrib par byed pa de'i phyir/ de dag phan tshun du
ma bsgribs so zhe na/ cig car gsal mi gsal gyi rang bzhin gyi
las gzugs dag mthong bar 'gyur bar mtshungs par thal/ gnyis kas
gnyis ka ma bsgribs par

mthong rung du yod pa'i phyir/ mthong ba med pa'i las kyis gang
rung gcig bsgribs pas gnyis ka mthong ba ma yin no zhe na/ thag
nye ring nas gzugs la blta ba'i skyes bu de la ma mthong ba dge
mi dge'i las kyis yul dbang

bar du las kyi rnam smin gyis gzugs mthong ba'i bya ba ci yang
byed pa mi 'thad par thal/ thag nye ring gi dbang gis gzugs gsal
ba dang mi gsal bar snang ba'i gzugs gang gis don phan pa dang/
don min gnod pa

cung zad kyang med pa'i phyir/ 'o na/ rgya mtsho'i mtha' na de'i
chu skems par byed pa'i rta'i gdong dang 'dra ba'i me yod pa de
yang sems can gyi las kyi rnam smin ma yin par thal/ phan gnod
mi byed pa'i phyir ce na/ ma grub ste/

chu na gnas pa'i srog chags du ma dang/ nor bu len pa'i mi kha
cig la yang gnod pa mthong ba'i phyir/ gsuM pa ni/ don la
brten nas skyes par gyur ba'i myong ba dbang shes de dag dbang
po gsal mi gsal sogs ji ltar yod pa'i rgyu bzhin

du rnam pa tha dad snang zhing 'dzin par byed de/ lhag ma rnam
med du 'dod pa de dag blo gros ngan pas kun nas bslang pa'i lugs
ngan pa yin pa de'i phyir/ gsum pa tshul gnyis sgrub pa'i rigs pa
gzhan bstan pa la/ rigs pa dngos

@321b dang/ de la rtsad pa spang ba'o/ /dang po ni/ shes pa dang
sgra dang mar me rnams rgyu mchan gang gis rang 'dzin mngon
sum
dang/ cig shos kyi dran pa'i shes pa la gsal bar snang bar 'gyur
ba mi 'thad par thal/ yul can gyi dus na yul de dag

dang; de'i rnam pa gnyis ka med pa'i phyir/ yul de dag med par
thal/ de'i dus na zhig pa'i phyir/ der thal/ de'i skyed byed yin
pa nyid kyis de las snga mar gyur pa yi skad cig ma yin pa'i
phyir/ sgra 'dzin mngon sum chos can/ sgra khyod kyi

gzung don du gsal na don kun gsal bar 'gyur bar thal/ de khyod
la phan 'dogs par byed pa ma yin pa'i 'brel med gzhan yin yang
gzung don du gsal ba'i phyir/ gnyis pa ni/ gal te de gnyis dus
mnyam yin yang rgyu

tshogs gcig las skyes pa'i sgra de gzung don du nges la/ gzhan mi
'dzin no zhe na/ sgra 'dzin shes pa la tshogs pa gcig la rag las
pas sgra 'dzin pa'i rtog pa 'di yang 'thad par med de/ de lta na
dbang po'ang 'dzin par thal ba'i

phyir/ yang na sgra 'dzin mngon sum des sgra de rang dang tshogs
pa gcig las skyes pas de gzung don du byed pa ma yin par thal/
sgra 'dzin la 'di kho bo'i rgyu'i rigs yin pas gzung bar bya'o
snyam na/ de ltar 'thad na yang shes pa

de la rtog pa 'di yang med pa'i phyir/ kho bo cag gi lugs la
sgra des byas pa'i sgra 'dzin shes pa'i dus na sgra de med kyang
sgra de gsal ba zhes brjod pa rigs pa yin te/ sgra'i don du rnam
pa snang ba nyid kyi phyir/ dus lhan cig skyes

@322a @#/ /pa'i don gzhan sgra ni chos can/ dus mnyam pa'i sgra
'dzin la rang 'dra'i rnam pa gtod par mi byed de/ de la phan
'dogs pa ma yin pa'i phyir/ de'i gzung don du gsal bar ji ltar
yang 'gyur ba mi 'thad par thal/ shes

pa de la rang gi rnam pa dang 'dra ba ? yis rnam pa gtod par
byed pa ma yin pa'i phyir/ yang na rnam par 'byed cing gsal ba
min zhes so/ /skad cig ma ni rnam med du mi gsal yang/ rtag par
'dod pa'i shes pa rnam pa med

kyang gsal bar snang ngo zhe na/ rtag cing brtan pa'i dngos po
gang rdo rje dang rdo ba sogs kyi don yang chos can/ 'gro ba kun
gyi shes pa dus cig car rang nyid kho nas bskyed par 'gyur bar
thal/ rkyen gzhan la bltos med du

'bras bu bskyed pa'i phyir/ dbang po la sogs pa'i lhan cig byed
pas phan 'dogs pa la bltos pa'i phyir/ 'di yi 'bras bu de dag
rim gyis 'byung ngo zhe na/ 'o na/ rdo rje sogs skad cig so sor
rdzas gzhan dang gzhan skye

ba yin par brjod rigs par thal/ lhan cig byed rkyen la bltos nas
'bras bu bskyed pa'i phyir/ 'dod na/ de dag gis rang 'dzin shes
pa bskyed pa 'dir yang dus mnyam pa dang mi mnyam pa gang yang
mi gsal ba'i skyon

sngar bzhin 'byung bar thal/ yul rnam med du 'dzin pa'i phyir/
gnyis pa dus phyis dran pa las kyang ste/ zhes pa la brten nas
blo tshul gnyis su bsgrub pa ni/ bye brag smra ba sogs rnam med
pa'i ngor sngon po dang sngo 'dzin

@322b rig bya rig byed tsam la tshul gnyis su byas pa'i tshul
gnyis pa can sgrub dgos pa ma yin par thal/ sngo 'dzin des sngon
po de bdag nyid dam ngo bo nyid kyis gzung don du byas nas myong
ba la brtsad pa 'ga' yang yod pa ma yin

par grub zin pa'i phyir/ de lta na yang tshul gnyis bsgrub pa
dgos pa med pa ma yin te/ sngo 'dzin de sngon po'i rnam pa'i
rang bzhin dang ldan pa nyid du ma grub pa de sgrub dgos pa'i
phyir/ de yang tshad mas ma grub pa'i skyon med de/

yul yang dag par dran pa'i rtags las 'grub pa'i phyir/ gzugs
dang sgra la sogs pa tha dad par gsal por myong ba med par thal/
yul can rang gi spyod yul gyis rnam pa tha dad du shar bas so
sor phye ba med pa'i phyir/

'dod na/ de la gzugs 'di ni 'di ltar yin la/ 'di ltar ni ma yin
no zhes pa'i tha dad du dran pa'i blo 'di med par 'gyur bar
thal/ 'dod pa de'i phyir/ blo 'ga' zhig nyams su myong ba tsam
gyis dran pas tha dad du rnam

par 'byed nus pa ma yin par thal/ yul gyi rnam pa ma shar ba'i
phyir/ dbang po sogs kyis byas pa'i khyad par phra mo yod kyang/
dran pas tha dad du 'byed mi nus par thal/ rnam pa ma shar pa'i
phyir/ khyab par thal/ tha dad

du gsal bar myong ba med pa la tha dad du rnam par 'byed pa'i
dran blo med pas khyab pa'i phyir/ dper na/ mtshe ma spun la sogs
pa bzhin no/ /gnyis pa rang rig sgrub pa'i rigs pa la/ rigs pa
snga mas grub pa dang/ riD

@323a @#/ /pa gzhan gyis bsgrub pa'o/ /dang po ni/ gzung rnam
dang 'dzin rnam gyi tshul gnyis sgrub par byed pa'i rigs pas
kyang rang rig mngon sum phal cher te zhar ram shugs la grub pa
yin te/ shes pa rang gi

ngo bor gyur pa'i gzung ba'i rnam pa snang bar grub pa de'i tshe
de 'dzin rnam gyis myong bar grub pa'i phyir/ de yang shes pa
gcig la gzung rnam dang 'dzin rnam gyi tshul gnyis yod par bsgrub
pa na/ de gnyis myong

bya myong byed du grub la/ myong byed de nyid rang rig mngon sum
mo/ /gnyis pa la/ myong byed don gzhan gyis myong ba dgag pa
dang/ dran pa'i rtags kyis rang rig bsgrub pa'o/ /dang po la/
blo mngon gyur du 'dod kyang

rang rig med pa mi 'thad/ rang blo lkog gyur du 'dod pa dgag
pa'o/ /dang po la/ blo snga phyi la brtags la dgag/ dkar sogs
gsal ba la brtags la dgag/ rang rig med na ha cang thal ba'o/
/dang po la/ myong ba

gtan med du thal ba dang/ de'i lan dgag pa'o/ /dang po ni/ rang
rig med kyang myong byed med par mi 'gyur te/ phyis byung gi
shes pa gzhan gyis myong ngo zhe na/ blo snga ma de'i rnam pa'i
dngos po can gyi blo phyi ma yis shes

pa snga ma ji ltar yang myong ba yin pa mi 'thad par thal/ phyi
ma'i dus na shes pa snga ma 'gags pa'i phyir/ don dang shes pa'i
nyams su myong ba ma lus pa ldog par 'gyur bar thal/ shes pa
snga ma des don du ma zad rang

@323b gi ngo bo'ang myong ba med pa'i phyir/ myong byed blo phyi
ma de ni chos can/ kha phyi rol tu mngon par phyogs par snang
bar thal / rang las rdzas tha dad pa'i rang mtshan gzung don du
snang ba dang ldan pa'i shes pa yin pa'i phyir/ 'dod

mi rigs par thal/ blo la 'dzin par byed pa'i 'dzin rnam gyi blo
rtag tu rang gi bdag nyid la/ kha nang kho nar mngon par phyigs
? pa'i phyir/ gnyis pa la/ don mi myong bar thal ba dang/ de'i
lan dgag pa'o/ /dang po ni/ yul sngon po

gang gi rnam pa snang ba'i blo gang yin pa des sngon po de myong
ba ma yin no zhes pa'ang 'thob par thal/ rang rig med pa'i
phyir/ gnyis pa la/ don dang 'dra ba tsam don rig pa'i rgyu
mtshan du mi 'thad/ 'dra ba khyad par can rgyu mtshan du

mi 'thad/ 'dra ba nyid brtags la dgag pa'o/ /dang po ni/ gal te
don myong ba med par ma grub ste/ don dang 'dra ba yod pa'i
phyir/ don de dang 'dra ba las myong ba'i rgyu mtshan gzhan ci
yang yod pa ma yin no zhes 'dod na/ bzhin dang

de'i gzugs brnyan sogs 'dra ba thams cad phan tshun du myong ba
nyid ni thob par 'gyur bar thal lo/ /gnyis pa ni/ gal te/ blor
gyur pa'i 'dra bas de myong bar 'jog go zhe na/ de ni 'dra ba
las myong bar 'jog nus pa ma yin par thal/

de 'jog pa la blos khyad par du byas pa'i 'dra ba dgos pa'i
phyir/ des na myong ba rang rig de ni don dang 'dra ba'i rnam
'jog gi rgyu mtshan can ma yin par thal/ shes pa de'i myong ba
rang rig de rang nyid myong ba'i 'dzin rnam de'i rnam par

@324a @#/ /bzhag bya yin pa'i phyir/ rang rig 'jog mi nus na don
med pa ma yin par thal/ don la mi slu ba'i don dang 'dra ba 'di
ni/ 'jig rten na bya ba las su gyur pa'i don rtogs kyi rnam
gzhag gi rgyur 'gyur ba yin

pa'i phyir/ 'jig rten na phyi rol gyi don myong bar grags pa ji
lta bu zhe na/ shes pa las rdzas gzhan gyi bdag nyid myong ba
las phyi rol myong bar grags pa ma yin par thal/ sngo 'dzin rang
gi ngo bo'i rnam pa'i rang bzhin de'i

myong ba la don du sgro 'dogs pa'i blo 'khrul pa las phyi rol
gyi sngo sogs myong bar grags pa tsam yin pa'i phyir/ sngo 'dzin
gyi blo ni sngo sogs kyi rnam pa'i dngos po de myong ba la phyi
rol myong bar btags pa tsam yin na/ phyi rol gyi don

la tshad ma gang yang med par thal lo zhe na/ sngo 'dzin gyi blo
de ni chos can/ ji ltar don sngon po gzung don du byas nas myong
ba yin pa mi 'thad par thal/ phyi rol gyi sngo sogs kyi rnam
pa'i dngos po shar ba ma yin pa'i phyir/

gsum pa ni/ don dang 'dra pa nyid kyis shes pa'i myong ba'i cha
ci zhig nye bar sgrub ste sgrub mi nus par thal/ gang gi tshe
shes pas myong ba'i bdag nyid kyi cha don dang 'dra ba'i rnam
'jog gi rgyu mtshan can ma yin pa de'i tshe/ 'di

shes pa de rang nyid myong ba'i 'dzin pa'i rnam pa des grub zin
pa'i phyir/ phyi rol dang bdag nyid kun gyis 'dra na ni/ sngo
'dzin shes pa de chos can/ shes pa nyid ma yin par 'gyur bar
thal lo/ /cha 'ga' zhig gis mtshungs

@324b pas don myong bar 'jog na/ 'dra ba thams cad thams cad kyi
sa myong bar 'gyur bar thal lo/ /ji ltar sngo sogs las skyes
shing de dang 'dra ba'i ngo po yin pa'i phyir/ sngo sogs gzung
don du nyams su myong bar 'dod do zhe na/ de bzhin

du sngo snang shes pa snga ma de yang phyi ma des gzung don du
nyams su myong bar 'gyur bar thal/ nyams myong snga ma de las
skyes shing de dang 'dra ba'i ngo po yin pa'i phyir/ nyams myong
snga ma nyams su myong ngo zhas phyi rol gyi don bzhin du

nges pa 'dren nus pa ma yin pa de'i phyir nyes pa med do zhe na/
'o na/ sngo 'dzin gyis phyi rol gyi sngon po'i don la'ang gzung
don du mi byed par thal/ ngas shes de ni sngon po la rtag tu
'dren pa'i nges pa med pa'i phyir/ sngon po la nges shes

'dren byed du yod pa nyid kyi rgyu/ sngon po las skyes pa dang
'dra ba yod do zhe na/ myong ba sngo snang dbang shes snga ma
chos can/ khyod la sngo snang shes pa phyi ma des nges pa 'dren
pa med pa'ang ci'i phyir yang mi 'thad par thal/ /de khyod las

skyes shing khyod dang 'dra ba'i phyir/ gnyis pa la/ gsal ba'i
don brtag pa dang/ brtags la dgag pa'o/ /dang po ni/ gzhan yang
dkar sogs mngon sum du mthong ba na shes pa la dkar sogs mngon
par gsal ba yi rang bzhin

dkar po rig pa gsal ba skyes pa'am/ shes pa'i snang ba 'di gang
yin/ de ci/ dkar po sogs dkar sogs mngon par gsal ba'i shes pa
las rdzas gzhan pa'i dngos po yin nam/ 'on te shes pa de'i bdag
nyid du gyur pa

@325a @#/ /yin/ gnyis pa la/ gsal byed las rdzas gzhan yin pa
dgag pa dang/ gsal byed rang gi bdag nyid yin na rang rig grub
pa'o/ /dang po la/ yul mi gsal bar thal ba dang/ yul shes pa'i
khyad par can du

mi 'dzin par thal pa'o/ /dang po ni/ shes pa mngon par gsal ba'i
dkar sogs las rdzas gzhan pa'i dngos po yin na/ yul gsal bar
byed pa'i shes pa ni chos can/ ci ltar khyod dkar po gsal bar
'gyur ba ma

yin par thal/ rang gsal ba ma yin pa'i phyir/ khyab par thal/
shes pa rang gsal ba yin na/ yul gsal ba 'thad la/ shes pa de
rang gsal ba ma yin na/ 'gro ba ma lus pa yul du gsal ba ma yin
pas

khyab pa'i phyir/ rang mi gsal yang shes pa phyi ma gzhan gyis
gsal bar byed do zhe na/ yul gsal ba'i sgrub byed thug pa med
par thal bar 'gyur te/ gsal ba'i shes pa snga ma rang mi gsal
bar shes pa rdzas gzhan

gyis gsal bar bya dgos pa'i phyir/ gnyis pa la/ thal ba dgod pa
dang/ de'i lan dgag pa'o/ /dang po ni/ shes pas dkar po mthong
ngo zhes ci ltar shes pa dkar po de yis khyad par du byas pa
dran par 'gyur ba

mi 'thad par thal/ /mthong byed shes pa dang/ don gyi 'brel ba
shes pa med pa'i phyir/ der thal/ gang gi phyir na don dang shes
pa gnyis las gang rung gcig rtogs pa'i tshe gnyis pa mthong ba'i
tshad ma yod pa ma

@325b yin pa'i phyir/ snga ma la khyab pa yod par thal/ don shes
gnyis yul yul can dag tu 'brel par mthong ba na shes pas don
mthong ngo zhes bya bar nges par 'gyur ba'i phyir/ gnyis pa ni/
rgyu mtshan gang gis mthong ba dkar

'dzin dang/ dkar po'i rnam pa can du 'dra ba bskyes pa'i sems
phyi ma gzhan gyis mthong bar 'gyur ba de la shes pas dkar po
mthong zhes brjod pa yin gyi/ don mthong dus na shes pa mthong
ba'i rang rig yod pa ma yin no zhe na/

shes pa phyi ma 'di chos can/ rang rig grub par thal/ dkar po
dang 'dra ba'i rnam pa snang ba'i phyir/ ci ste/ dkar 'dzin rang
rig dngos po rang myong byed kyis mi rig na/ dkar 'dzin chos
can/ ci ltar dkar po gzhan gyi ngo bo rig pa

mi 'thad par thal lo/ /gzhung 'dis rang rig min na gzhan rig ma
yin pas khyab par bstan pa mi 'thad de/ mgo mjug kun tu yul shes
gnyis kyi 'dzin byed so sor sgrub pa'i phyir ro/ /don dang 'dra
ba las myong ba

'jog nus pa ma yin par thal/ de 'jog nus so zhes pa'ang sngar
nyid rnam par bsal ba yin pa'i phyir/ phyis kyi shes pa des ci
ltar dkar po de ni mthong ba dkar 'dzin dang 'dra ba yin par
nges par 'gyur ba mi

'thad par thal/ don sngar mthong ba'i dus na shes pa myong byed
byed pa ma yin pa'i phyir/ khyab par thal/ tshad mas mthong ba'i
yul dag ni phan tshun 'dra bar 'dzin dgos pa'i phyir/ shes pa yul
dang 'dra ba nyid
 
@326a @#/ /kyang mi 'dod pa'i bye brag smra ba sogs gang yin pa'i
lugs de la don dang shes pa gnyis ka tshad mas mthong ba med par
thal/ rang rig med cing yul gyi rnam pa'ang med pa'i phyir/ 'dod
na/ de'i tshe

'di ni don dang/ 'di ni shos pa zhes don shes de dag so sor smos
su ga la yod de med par thal/ 'dod pa de'i phyir/ gnyis pa ni/
ci ste shes pa rang nyid dkar po gsal ba'i dngos po yin no zhe
na/ 'o na/ shes

pa de rang nyid rab tu gsal bar 'gyur bar thal/ shes pa yul gsal
ba yin pa'i phyir/ gang gi phyir/ shes pa de rang mi gsal ba'i
ngo bo yin na/ de la don mi gsal ba nyid du 'gyur bar thal/ rang
mi gsal

ba'i phyir/ gsum pa la/ rigs pa de dag gis gzhan yang khegs pa
dang/ bde sogs la rang rig bsgrub pa dang/ shes pa rdzas gzhan
gyis myong na ha cang thal ba'o/ /dang po ni/ shes pa bdag nyid
rig pa ma yin

pa'i phyogs dag la shos pas don kun mthong ba med pa'i nyes pa
brjod pa 'di yis ni chos can/ rang blo mngon sum ma yin par smra
ba gang yin pa'i spyod pa pa de la'ang lan btab zin te/ don shes
gnyis ka rig pa'i blo

med par thal ba'i gnod pa brjod pa'i phyir/ gnyis pa ni/ tshor ba
bde sdug dang/ 'dod pa dang mi 'dod pa la sogs pa'i khyad par
mngon sum du grub par thal/ rtog med ma 'khrul bas gsal bar
rtogs pa'i phyir/ mngon sum

@326b du grub kyang blo ma yin no/ zhe na/ de dag ni blo nyid
yin par thal/ rten dbang po dang/ dmigs pa yul dang/ yid byed
goms pa'i khyad par las 'dod mi ? 'dod tha dad par yul la 'jug
pa can de yin pa'i phyir/ des ci grub ce na/ rang rig

grub par thal/ bde sdug de dag blo gang zhig de las tha dad pa'i
rdzas gzhan de shes shing myong ba gang yin pa cung zad kyang
tshad mas rtogs pa med pa'i phyir/ gsum pa la/ ha cang thal ba
dngos dang/ de'i lan dgag pa'o/ /dang po ni

bde sdug shes pa rdzas gzhan gyis rig cing myong dgos pa yin na
skyes bu gzhan gyis kyang rang gi bde sdug de spyod cing myong
bar 'gyur bar thal/ rang gi bde sdug myong ba'i blo dang gzhan
gyis de la rtog pa'i blo gnyis po de myong tshul

mtshungs pa'i phyir/ gal te/ bde sdug des bskyed pa dang der
snang ba'i blos rig cing myong ba yin gyi gzhan gyi blo rang gi
bde sdug las skyes pa ma yin pa'i phyir/ de rig pa yin yang
myong ba ma yin no zhe na/ rang gi bde sdug la dmigs par byed

pa'i skyes bu gzhan gyi yid rtog la yang chos can/ rang gi bde
sdug myong bar thal/ rang gi bde sdug las skyes pa dang dmigs
pa'i gnyis tshogs 'di gdon mi za bar yod pa'i phyir/ ma grub na/
de rnam med thug phrad du myong ba 'gal

lo/ /ci ste/ bde sdug de las skyes pa ma yin zhing bde sdug der
snang ba can yang ma yin na/ gzhan gyi yid blo rtog pa de chos
can/ gzung yul med pa can du 'gyur bar thal/ rang yul gyi rnam
pa ma shar ba'i phyir/ bde sdug de nyid

@327a @#/ /gzung yul du ma byas kyang/ de'i spyi yan gar ba gzung
yul du byed do zhe na/ gzhan gyi bde sdug la rtog pa'i blo chos
can/ bde sdug de ma gzung na/ de'i spyi yan gar ba dag kyang
gzung don du byas nas mi 'dzin

par thal/ spyi yan gar ba de ni cung zad gzung don gyi dngos por
yod pa min no zhes kyang sngar bshad zin pa'i phyir/ gzhan gyi
bde sdug la rtog pa'i blo la don snang ba de ni blo de las rdzas
gzhan ma yin te/ de rdzas su ma grub

pa de'i phyir/ des na bde sdug mngon sum du grub pa dang/ de
yang rang gi bdag nyid 'dzin rnam des rig par grub ste/ myong
byed rdzas gzhan rigs pas mi 'thad pa des na'i phyir/ gnyis pa
la/ gnod byed dgod pa dang/ rnal

'byor mngon sum la ha cang thal ba'o/ /dang po ni/ gal te/ gzhan
gyi bde sogs de la dmigs nas 'dzin par byed kyang de mngon sum
nyid du 'dzin pa ma yin la/ rang gi bde sdug myong byed des
mngon sum du 'dzin pas myong

ba'i tshul mi mtshungs so zhe na/ tshor ba bde sdug chos can/ rang
rgyud kyi myong byed phyi mas mngon sum du myong ba dang/
gzhan
rgyud kyi rtog pas lkog gyur du 'dzin pa'i tshul tha dad pa de
rgyu gang las kyang mi 'thad par thal/ de gnyis

kas don khyod rnam med thug phrad du 'dzin par mtshungs pa'i
phyir/ gal te rnam pa 'dra yang myong mi myong gi khyad par mi
'gal bar thal/ rang gi bde sdug rang gis myong ba'i rgyu sngon
gyi ma mthong ba'i las yod la/ gzhan la rang

@327b gi bde sdug myong ba'i rgyu de med pa'i phyir/ rang gi bde
sdug dang de myong byed kyi blo phyi ma bdag gi don gcig ldan pa
sogs kyis 'bral la/ gzhan la de med pa'i phyir/ des na/ gal te/
myong byed kyi blo so sor nges pa yin no zhe na/ gzhan

gyi bde sdug gzhan gyis rnam pa kun tu 'dzin par mi 'gyur bar
thal/ de 'dzin pa'i rgyu sngon gyi las la sogs pa med pa'i
phyir/ rang gi bde sdug rang blo phyi mas myong la skyes bu
gzhan rgyud kyi blos mi myong ba'i khyad par yang mi

'thad par thal/ de gnyis kyi sa ? myong ba dang mi myong ba'i
dbye ba'ang bsal zin pa'i phyir/ gnyis pa ni/ rgyang phan pa
dang/ spyod pa pa sogs ma gtogs/ rnal 'byor mngon sum khas len
pa gang dag rnal 'byor mngon sum gyis

gzhan gyi bde ba la soD pa myong zhing dmigs pa'i rnal 'byor pa
de yang skyes bu gzhan de bzhin du bde bas sim zhing sdug bsngal
gyis gdung bar 'gyur bar thal/ bde sdug can gyi skyes bu de dang
nyams su myong tshul mtshungs

pa'i phyir/ ma grub na/ shes pa rdzas gzhan gyis rnam pa med par
'dzin par mtshungs pa nyams so/ /gal te/ bde sdug bskyed pa'i yul
dang/ rnal 'byor pa'i dbang po 'dus shing phrad pa med pas yul
dbang 'dus pa de las

byung ba'i bde ba dang sdug bsngal ni rnal 'byor pa de dag gi
rgyud la skye ba min no zhe na/ bde ba dang sdug bsngal la dmigs
pa'i shes pa skyes pa tsam gyis bde sdug myong ba yin par thal/
bde ba dang sdug bsngal myong byed kyi ngo bor

@328a @#/ /skyes par gyur pa nyid ni/ bde ba dang sdug bsngal
myong ba'i don ma yin gyi / 'on kyang rnam pa med pa'i myong
byed phyi ma skyes pa tsam gyis myong bar 'jog

pa'i phyir/ 'dod na/ rnal 'byor pas kyang gzhan gyi bde sdug
myong bar thal ba so na gnas so/ /'o na/ khyed rang la yang rang
gi bde sdug myong byed dang/ rnal 'byor pa gnyis kas rang gi bde
sdug mngon sum du dmigs

pa'i phyir mtshungs so zhe na/ rang rgyud kyi sdug bsngal gyis
rnal 'byor pa la gdung ba dang/ bde bas de la phan 'dogs pa'i
rgyu ma yin par thal/ bde ba dang/ sdug bsngal la sogs pa myong
byed kyi ngo bor skyes pa ma yin

pa'i phyir/ kho bo cag la gang gi tshe/ bde sdug de la dmigs pa'i
shes pa rdzas gzhan skyes pa yin pa de'i tshe/ bde sdug can de
ltar sim zhing gdung bar thal bar mi 'gyur bar thal/ myong byed
rang nyid myong bya sdug

bsngal gyi rang gi ngo bor snang ba de'i tshe/ sdug bsngal gyis
gdung ba yin pa'i phyir/ des na shes pa thams cad kyi dmigs
myong dag ni 'jog byed tha dad pa can yin par thal/ dmigs bya'i
ngo bor ma skyes kyang dmigs

bya'i don dang 'dra bas don de dngos su dmigs par 'jog la/ myong
byed rang nyid myong bya'i ngo bor gsal bar skyes pa'i sgo nas
myong bya'i bdag nyid myong bar 'jog pa yin pa'i phyir/ gnyis pa
la/ rang blo rtags las

@328b rtogs dgos par thal ba dang/ de 'dod na mi 'thad pa'o/
/dang po ni/ rang rgyud la blo rtags las rtogs dgos par 'gyur
par thal/ rang blo 'jal ba'i tshad ma yod pa gang zhig tshad ma
gzhan yang mngon sum med pa'i phyir/ gnyis pa

la/ rang rgyud la blo sgrub pa'i rtags mi srid pa rgyas par
bshad pa dang/ rang blo lkog tu gyur na 'brel pa nges byed kyi
tshad ma mi 'thad pa'o/ /dang po la/ dbang sogs las gzhan rtags
su mi rung ba/ dbang sogs nyid rtags su mi rung

ba/ rang blo'i chos rtags su mi rung ba'o/ /dang po ni/ rang
rgyud la blo sgrub pa'i 'bras rtags yang dag de yang mig sogs
dbang po dang/ gzugs sogs don nam/ blo dbang shes sam/ yang na
yid byed snga mar 'gyur bar thal/ de

'dra'i 'bras rtags yod pa gang zhig rgyu 'bras kyi tshogs pa 'di
dag las blo dang 'brel pa can bdag yid phrad pa sogs gzhan yod
pa min pa'i phyir/ der thal/ bdag yid phrad pas su la yang phan
'dogs pa'i nus pa tshad mas

mthong ba med pa'i phyir/ gnyis pa la/ dgag pa dngos dang/ de'i
lan dgag pa'o/ /dang po ni/ mig gi dbang po lta bu chos can/
rang rgyud la blo sgrub pa'i rtags yang dag ma yin par thal/ blo
de la 'khrul pa'i phyir/ don yang chos

can du gzung nas de bzhin du thal ba 'phen no/ /blo dbang shes
dang/ yid byed snga ma de yang chos can/ rtags der mi rung bar
thal/ shes pa yin pas bsgrub bya grub pa'i sngar ma grub pa nyid
yin pa'i phyir/ khyab par thal/ bsgrub

@329a @#/ /bya'i sngar ma grub pa ni rtags yang dag nyid min pas
khyab pa'i phyir/ gnyis pa ni/ gal te/ sngon po la sogs pa'i don
gsal bar mthong bas de blo sgrub pa'i rtags yin par 'dod do zhe
na/ don gsal de nyid 'dis

gsal bar byed pa'i gsal byed yin nam/ 'di gsal bar bya ba'i don
gyi khyad par yin/ dang po ltar na/ de rang rgyud la blo sgrub
pa'i rtags su mi rung bar thal/ de nyid shes pa min nam yin pa'i
phyir/ de rtags yang dag

ma yin par bstan pa 'dis ni/ shes pas gsal bar gyur pa'i don
yang rang blo sgrub pa'i rtags yin pa bsal te/ gsal bar byed
pa'i blo nyams su myong ba ma yin na de yis gsal bar gyur pa'i
don mi nges pa'i phyir/

'on te/ rang blo'i rtags don gsal ba de don nyid kyi khyad par
'ga' zhig yin par 'dod do zhe na/ phyi rol gyi don la khyad par
'ga' yang byar med par thal/ don la skye ba dang 'jig pa med
pa'i phyir/ ma grub na rtag pa nyams so/ /

skad cig gis 'jig pa de 'dod na yang/ don 'dzin gyi shes pa snga
phyi so sor skyes pa'i tshe/ de'i rgyu'i don yang skad cig gis
'jig par thal bar 'gyur te/ rgyu 'bras dus mi mnyam pa'i phyir/
skad cig gis 'jig pa 'dod na/

sngar mi gsal bar gnas pa'i don de nyid phyis gsal nas blo'i
rtags su 'gyur ba nyams so/ /don gyi khyad par gyi gsal ba de
yang tshad mas shes zin pa'am/ tshad mas shes par ma gyur pa'i don
gsal rang rgyud la

@329b blo sgrub pa'i rtags yin/ gal te/ tshad mas shes zin pa'i
don gsal rtags yin no zhe na/ tshad ma nges shes pa'i don gsal
zhes bya ba de rang rgyud la blo sgrub pa'i rtags su gang las
kyang mi 'thad par thal/ shes pa nyid da dung ? tshad

mas gsal rtags su bcad pa med pa'i phyir/ khyab par thal/ don
gsal de tshad mas shes par gyur pa nyid du bcad pa med kyang de
ni go byed du 'dod pa ci ltar yang go byed yin pa mi 'thad pa'i
phyir/ gal te/ mthong ba don gsal de

rang rgyud la blo ma grub pa'i sngar rang gi tshad mas mthong bar
gyur pa min pa'i don gsal gcig blo sgrub pa'i rtags yin no zhe
na/ skyes bu gzhan gyis mthong bar 'gyur ba'i don gsal rang
rgyud la blo sgrub pa'i rtags

yang dag tu thal/ gsal ba don gyi khyad par rang rgyud la blo
sgrub pa'i rtags yang dag gang zhig de bsgrub bya ma grub pa'i
sngar tshad mas ma mthong ba'i phyir/ gzhan gyis mthong bar gyur
pa'i don de rang gis 'gar yang mthong

bar 'gyur ba med pas rtags su mi rung ngo zhe na/ gzhan gyis
mthong ba'i don gsal ba'i rtags las/ rang rgyud kyi blo rtags
par 'gyur bar thal/ rtags kyi khyad par don gsal de gzhan gyis
mthong ba'i don gsal

la'ang yod pa'i phyir/ des na rang blo'i chos la bltos pa med pa
can gyi don chos yan gar ba las rang blo rjes su dpog nus pa ma
yin par thal/ de tshad mas grub na/ rang rgyud kyi blo grub zin/
ma grub na/ rtags su mi

@330a @#/ /rung ba de'i phyir/ gsum pa la/ blo'i rdzas su gyur
pa'i blo'i chos rtags su mi rung ba dang/ rdzas gzhan rtags su
mi rung ba'o/ /dang po ni/ rang blo'i chos bde ba la sogs pa
rang rgyud la blo sgrub pa'i rtags yin

no zhe na/ blo sgrub pa'i rtags mngon sum du grub pa gang yin pa
rang blo'i chos bde ba la sogs pa chos can/ rang blo las rdzas
gzhan du tsar yang ma grub par thal/ rang gi gtso bo rnam shes
dang/ dngos rgyu mtshungs

pa gcig las skyes pa'i phyir/ 'dod na/ de yang rtags las rtogs
dgos par 'gyur ro/ /khyab par thal/ blo dang dngos rgyu mtshungs
pa gcig las skyes pa de blo las rdzas tha dad gang las kyang yin
pa mi 'thad

pa'i phyir/ gnyis pa ni/ blo'i rgyu las gzhan la skyes pa'i bde
ba de las rang rgyud kyi blo mi 'grub par thal/ bde ba de yang
rang gi yin nam gzhan gyi yin ma nges pas rang gi blo la 'khrul
pa can yin pa'i phyir/

rang rgyud la blo sgrub pa'i 'bras rtags yang dag mi srid par
thal/ gzugs sogs yul lnga po dang/ dbang po lnga dang/ dmigs par
byed pa dbang shes lnga dag ma gtogs blo'i sngar de yi 'bras bu
gzhan nye bar mtshon

nus pa ma yin la/ de dag blo'i 'bras rtags su mi rung ba'i
phyir/ der thal/ de la dbang po dang shes pa lnga tshan gnyis po
ni/ dbang po'i mngon sum gyi yul las 'das pa'i phyir dang/ don
lnga po dag la gzugs mthong ba'i

@330b shes pa lta bu gang rung gcig las skyes pa las gzhan du
skye ba srid pa dang bral ba gang yin pa'i ldog pa gcig kyang
tshad mas rtogs pa med pa'i phyir/ de ltar dbang sogs gang yin de
rang rgyud la blo sgrub pa'i rtags yin no zhes bya ba

legs par ma brtags pa'i bab col 'ba' zhig yin par thal/ rang
rgyud la blo ma grub pa'i sngar rtags de dag tshad mas shes pa
med pa'i phyir/ gnyis pa la/ 'brel pa nges byed kyi tshad ma med
pa dang/ de med pas gzhan rgyud kyi blo

yang mi rtogs par thal ba dang/ blo rdzas gzhan gyis myong ba la
gnod pa gzhan dgod pa'o/ /dang po ni/ don la sogs pa'i rtags
'ga' zhig yod na yang/ de las rang rgyud kyi blo ci ltar yang
rtogs par 'gyur ba mi 'thad par thal/

de dang blo lhan cig 'brel pa tshad mas mthong ba med pa'i phyir/
khyab par thal/ rtags dag ni 'brel pa ma mthong ba lkog gyur gyi
don gsal byed ma yin pa'i phyir rang rgyud la blo sgrub pa'i
rtags de nyid las sngar gzhan rgyud la blo de ni

grub pa nyid du byas na/ phyis rang rgyud la blo sgrub pa'i
rtags su brjod do zhe na/ rang rgyud la blo sgrub pa'i 'brel pa
sgrub byed thug med du 'gyur bar thal/ rang rgyud kyi blo sgrub
pa'i sngar gzhan rgyud la blo rtags kyis sgrub dgos/ de la yang
mthun

dpe skyes bu gzhan zhig la blo rtags kyis bsgrub par bya ba yin
pa'i phyir/ gang rung gcig tu blo mngon sum gyis grub na/ rang
blo lkog gyur yin pa nyams so/ /'brel pa nges byed med pa de'i
phyir blo mngon sum gyis nyams su myong ba las don
 
@331a @#/ /grub kyi/ don gyi rtags las ji ltar yang rang rgyud
kyi blo de grub pa ma yin par thal/ blo de 'dzin rnam gyis rab
tu ma grub par don rang nyid sus kyang rab tu grub pa med pa'i
phyir/ gnyis pa ni/ rang rgyud la mngon sum

tshad mas/ blo rgyu dang de las ngag brjod pa dang lus g.yo 'gul
sogs skye bar mthong ba'i rgyu mtshan gyis/ gzhan la yang de dag
mthong nas gzhan gyi sems rjes su dpag par mi 'gyur bar thal/
bdag rgyud la de gnyis kyi

'brel pa tshad mas mthong ba med pa'i phyir/ khyad par du yid kyi
blo rtog pa rang rgyud la yod par bsgrub pa la/ dmigs rkyen gyi
don gyi rtags las 'grub pa ma yin par thal/ de la dmigs rkyen
rab tu grub pa yod pa min pa'i phyir/

gsum pa la/ blo snga phyi gsal bya gsal byed du mi 'thad/ de la
rtsod pa spong ba/ des na rang rig nges par khas len dgos pa'o/
/dang po ni/ khyod kyi ltar na/ don blos gsal bar byed dgos pa
ltar/ blo yang rang gis ma

myong bar blo gzhan gyis gsal bar byed dgos par 'dod pa mi rigs
te/ 'di ltar blo ni blo phyi ma gzhan gyis ci ltar yang rab tu
gsal bar 'gyur ba mi rigs par thal /blo snga phyi gsal bya gsal
byed rgyu gang las kyang

yin pa mi 'thad pa'i phyir/ der thal/ de gnyis rang gsal ba min
pa'i bdag tu mtshungs pa'i phyir/ gnyis pa ni/ 'o na phyi rol gyi
yul ci ltar yang gsal ba yin no zhes pa'i tha snyad mi 'thad par
thal/ rang rig med

@331b pa'i phyir ce na/ sngon po chos can/ rang rig ma yin yang
gsal lo zhes brjod pa'i rgyu mtshan yod de/ gsal ba dbang shes la
rnam pa'i ngo bo 'pho bas de ltar brjod pa'i phyir/ gsal ba
dbang shes de'ang chos can/ rang nyid rab tu gsal ba zhes

brjod pa yin te/ rang rig gi myong bya yul gyi rnam pa de yi ngo
bo nyid yin pa'i phyir/ de ltar blo phyi ma la blo snga ma'i
rnam pa 'pho bar 'dod na/ blo phyi ma ni chos can/ rang nyid rig
par grub par thal yul gyi rnam pa shar ba'i phyir/ de

lta min na phyi rol gyi yul yang blo phyi ma dang lhan cig blo
gzhan gyi gsal byed du chos mtshungs pa nyid du thal/ rang rig
med par mtshungs pa gang zhig blo phyi ma blo gzhan gyi gsal byed
yin pa'i phyir/ nged kyi ltar na/ blo rang

nyid gsal ba'i ngo bor skyes pas rab tu gsal zhing gzhan phyi
rol gsal ba shes pa der rnam pa'i ngo bo 'pho ba yis de yul du
gsal ba na/ rab tu gsal ba nyid ces brjod de/ de ltar gong du
bsgrub pa de'i phyir/ blo gzhan snga ma

chos can/ blo phyi ma khyod dang 'dra ba yin yang de yis khyod
rab tu gsal dgos pa mi 'dod cing mi rigs te/ rang nyid rab tu
gsal ba'i ngo bor skyes pa'i phyir/ don gsal zhes brjod pa'i
rgyu mtshan yod de/ don de yi rnam pa'i

ngo bo khyod la rab tu gsal bar snang ba yin pa'i phyir/ dper na
sgron me gnyis ka gsal bar mtshungs pas gsal bya gsal byed du mi
'thad pa bzhin dang/ mar me dang/ mun khung gi bum pa dag kyang
gsal bya gsal byed

@332a @#/ /kyi ngo bo yi tha snyad rab tu rgyas par byed pa'i
rgyu mtshan yod de/ sgron me'i 'od der brten nas de blo yul du
gsal bar byed dgos pa'i phyir/ gsum pa ni/ rgyu gang las kho bos
gzugs mthong zhes pa'i dran pa

'dir 'gyur pa don mthong bar ma zad don las gzhan shes pa de'ang
mthong zhing myong ba yod par gdon mi za ste/ yul dang dbang po
tsam gyis kho bos gzugs mthong ngo zhes bya bar nges pa 'dren
nus pa ma yin pas/ myed

ba'i lag rjes 'jog byed de ma thag rkyen gyi nus pa yang nges
par yod pa'i phyir/ gnyis pa dran pa'i rtags kyis rang rig
bsgrub pa la/ mdor bstan dang/ rgyas bshad do/ /dang po ni/ rang
rig sgrub pa'i riD pa blo tshul gnyis

sgrub pa'i rigs pa 'ba' zhig tu zad pa ma yin te/ dran pa'i
rtags las kyang shes pa bdag nyid rig par grub pa'i phyir/ dran
pa'i rtags las myong ba tsam dpag nas myong ba de don gzhan yin
pa 'gog pa'i mtha' gzhan

'gog pa'i rigs pa la brten nas kyang rang rig grub mod kyi/ dran
pa las rang rig dpog pa'i tshul 'di ltar go bar bya ste/ kho bos
sngar gzugs mthong snyam du dran pa'i tshe/ sngar gzugs mthong
snyam pa dang/ ngas mthong snyam

pa'i yul dran pa dang/ yul can dran pa gnyis dran pa'i 'dzin
stangs la yod la/ dran pa'i yul du yul dang yul can gnyis byung
ba na myong ba'i yul du yul dang yul can gnyis yod par grub bo/
/myong ba yod de/ dran

@332b pa yod pa'i phyir/ ces pa'i rtags kyi nus pa so sor phye
na/ yul myong ba yod de/ yul dran pa yod pa'i phyir/ ces pa
dang/ yul can myong ba yod de/ yul can dran pa yod pa'i phyir/
ces par 'gyur la/ de la yul myong ba ni/ sngo 'dzin

lta bu gzung rnam dang/ yul can myong ba ni/ sngo 'dzin myong
byed 'dzin pa'i rnam pa lta bu don gyi gtso bo'o/ /shes pa 'di
la kha nang du phyogs pa'i cha dang/ phyir phyogs pa'i cha gnyis
yod la/ snga ma ni/ 'dzin pa'i rnam pa rang rig

pa'i mngon sum du grags pa de yin la/ gtso bor de nyid sgrub
bzhed pa yin no/ /gzhung 'di nas bshad pa'i rang rig gi dpog
tshul ni/ 'di kho na ltar gnas te/ rang rig zhal gyis me bzhes
pa'i shing rta chen po gzhan gyis

kyang/ lugs 'di kho na ltar/ phyogs snga mar bkod nas dran pas
myong ba dpog nus kyang/ yul dang yul can gyi myong ba mi 'dra
ba gnyis dpog mi nus par bshad do/ /gnyis pa la/ rang rig med
na/ yi ge ring po sogs 'dzin

pa'i shes pa mi srid par thal ba dang/ de nyid kyi gzhung 'dzugs
par bzhed nas kha phyir phyogs nas yul 'dzin pa mi srid par thal
ba'o/ /dang po la thal ba dgod pa dang/ de'i lan dgag pa'o/
/dang po ni/ gal te/ dran pa'i rjags

kyis myong ba tsam sgrub na/ grub zin pas yang sgrub byed bkod
pa don med pa'i ma grub par 'gyur la/ rang rig yod par sgrub na
mthun dpe med pas sgrub mi nus pa'i 'gal rtags kho nar 'gyur ro/
/des na/ shes pa snga ma rnams

@333a @#/ /shes pa rdzes gzhan gyis rig cing myong ba yin no zhe
na/ yi ge ring po dang/ thung ngu sogs nyan shes kyis 'dzin par
mi 'gyur bar thal/ yi ge ring po'i cha snga ma 'dzin pa'i tshe/
de 'dzin pa'i blo myong byed med pas

de tshad mas ma grub/ yi ge ring po 'dzin pa'i nyan shes rdzogs
pa'i rjes su myong byed rdzas gzhan skyes pa'i tshe/ yi ge'i cha
snga ma cha tha ma 'dzin pa'i snga logs kyi bar yun ring du gnas
pa med pa'i phyir/ don bsdus na/ yi

ge ring po 'dzin pa mi srid par thal/ yi ge ring po'i cha tha ma
thos pa'i nyan shes tha ma kho na myong gi snga ma rnams myong
byed med pa'i phyir/ ces pa'o/ /snga ma'i rtags ma grub na/ yi
ge ring po la cha snga phyi'i go rims med par

thal/ cha snga ma cha tha ma'i bar du gnas pa'i phyir/ 'dod na/
rang 'dzin gyi blo la /cha de dag cig car snang bar thal/ cha de
dag nyan shes kyi gzung don gang zhig / snga phyi'i go rims med
pa'i phyir/ 'dod na/ yi ge ring po

thos pa'i nyan shes chos can/ yi ge ring po gzung don du byas
nas 'dzin par mi 'gyur bar thal/ khyod kyi gzung don de la cha
snga phyi'i rim pa med pa'i phyir/ cha snga phyi kun gyis nyan
shes skad cig ma gcig bskyed pas

skyon med do zhe na/ yi ge ring po'i cha de dag chos can/ ci
ltar na/ cha snga phyi'i rim pa med pa'i nyan shes skad cig ma
gcig gzung don gyi sgo nas bskyed par byed pa mi 'thad par thal/
khyed rnams phan tshun dus

@333b gcig tu 'dre ba'i tshogs pa med pa yi snga phyi'i rim pa
dang ldan pa yin pa'i phyir/ gnyis pa la/ yi ge ring po'i cha
kun gyis nyan shes gcig kho na bskyed pa'i phyogs mi 'thad pa/
du mas nyan blo du ma bskyed pa'i phyogs brtags

la dgag pa'o/ /dang po la/ cha snga ma phyi ma'i bar du gnas pa
dgag pa dang/ cha de dag cig car skye ba la yang nyes pa de yod
pa'o/ /dang po ni/ gal te/ yi ge ring po'i cha snga ma mtha'i
cha'i bar du gnas nas/ kun gyis nyan

shes gcig bskyed la de shes pa phyi ma rdzas gzhan gyis myong
ngo zhe na/ yi ge ring po'i cha phyi ma skyes pa'i tshe/ cha snga
ma de dag phyi ma dang gcig tu 'dre'am/ so sor gnas/ dang po
ltar na/ 'og nas 'og tu yi ge ring po'i sgra

je che je cher 'phel bar 'gyur bar thal/ cha snga ma snga ma la/
yi ge'i cha phyi ma phyi ma rdzas gcig tu bsnan pa'i phyir/ phyi
ma ltar na/ cha tha ma skyes pa'i tshe/ gling bu dang pi wang gi
sgra ltar cig car du ma thos par thal lo/ /cha tha mar

yi ge'i cha rim ldan du 'dzin pa'i nyan blo yang med par 'gyur
bar thal/ cha thams cad rim min cig car 'dzin pa'i phyir/ yi ge
ring po'i cha snga ma de'i 'og cha tha ma de'i phyi logs su cha
snga ma gzung don du byed pa'i nyan shes kyi blo

rang nyid gnas pa ma yin par thal/ cha tha ma'i dus na/ de'i
gzung yul cha snga ma gnas pa med pa'i phyir/ de lta min na/
phyis kyang nyan shes de mi 'jig par gnas par thal/ sngar rang
nyid rtag par gnas pa gang zhig /snga phyi

@334a @#/ /la rtag mi rtag gi khyad par med pa'i phyir/ gnyis pa
ni/ yi ge ring po'i cha snga phyi rim med cig car skyes nas nyan
shes bskyed pa la yang skyon 'di yod par thal/ sngar rtag pa yin
na /phyis mi rtag par 'gyur ba mi

srid pa'i phyir/ yi ge ring po'i cha phyi ma phyi ma kun nas
slong ba'i kun slong gi rtsol ba phyi ma phyi ma don med du
'gyur bar thal/ dang por lan cig btsal ba las snga phyi dus gcig
tu skyes zin pa'i phyir/ yi ge rnams sngar nas

grub zin rkyen gyis gsal bar 'dod pa la yang skyon 'di rjes su
gnas pa nyid yin te/ cha thams cad gsal byed gcig gis gsal zin
na/ gsal byed phyi ma don med pa'i phyir/ gnyis pa la/ don 'dzin
pa'i blo dang/

blo de myong byed rdzas gzhan rim gyis skye ba dgag cig car skye
ba dgag pa'o/ /dang po la/ myong byed rdzas gzhan ma spel bar
skye ba mi 'thad/ spel nas skye ba mi 'thad do/ /dang po ni/
nyan shes snga phyi du ma yis yi ge'i cha du

ma de 'dzin la/ de rdzogs pa'i rjes su myong byed skye'o zhe na/
myong byed blo phyi ma chos can/ yi ge ring po 'dzin pa'i blo ma
myong bar thal/ yi ge'i cha tha ma 'dzin pa'i nyan blo gang yin
pa de kho na myong la/ de yang yi ge ring po

'dzin pa min pa'i phyir/ 'dod na/ yi ge ring po dang/ de 'dzin
pa'i blo dran par mi 'gyur bar thal/ blo de myong byed med pa
des na'i phyir/ gnyis pa la/ thal ba dgod pa dang/ de'i lan dgag
pa'o/ /dang po ni/ yi ge'i cha

@334b 'dzin pa'i blo rnams so so tha dad du myong byed rdzas
gzhan gyis spel nas myong ngo zhe na/ yi ge'i sgra thos pa'i
nyan shes kyi cha snga phyi blo ma 'khrul ba la bar chod pa med
par snang bar mi 'gyur bar thal/ myong byed rdzas gzhan gyis

bar bcad pa'i phyir/ 'jug pa myur bas bar ma tshad du mtshams
sbyor bar byed pa'ang mi 'thad par thal/ de yang bsal zin pa yin
pa'i phyir/ gal te nyan shes kyis bar chad par mthong zhing thos
na yang 'jug pa myur bas

bar rnam par tshad pa med par 'khrul bar 'gyur na/ yi ge sa ra
lta bu'i thung ngu gnyis brjod na yang bar rnam par tshad pa med
par 'khrul bar 'gyur bar thal/ thos pa ches myur ba'i phyir/
gnyis pa la/ dbang shes kyis mtshams

sbyam ba mi 'thad/ yid shes kyis mtshams sbyar ba mi 'thad/ gnyis
ka 'dus nas yin pa mi 'thad pa'o/ /dang po ni/ snga phyi myur
bas bar ma tshad du mtshams sbyor ba de dbang shes yin nam/ yid
shes yin/ dang po ltar na/ nyan pa'i

dbang po'i shes pas yi ge'i par rnam par bcad par mthong zhing
thos na yang/ dbang po'i shes pa de las te/ nges par tshad pa med
par sgro 'dogs pa mi rung bar thal/ de lta na/ dbang po'i blo ma
'khrul bar 'dod pa rnams kun yang

phyin ci log tu thal ba'i phyir/ yi ge ring thung kun lnga
phyi'i cha dang bcas pas khyab par thal/ yi ge'i bdag nyid kun
gyi thung mtha' a thung lta bu yang mig 'dzums pa'i yun tshad du
gnas pa yin la/ de yang rim gyis rdul

@335a @#/ /phran gcig go sa du ma dag tu 'phos pa'i yun gyi dus
tshod dang 'brel bas rdzogs dgos pa'i phyir/ rdul phra rab gcig
gos gcig kho nar bsgres pa'i yun gyi dus kyang chos can/ dus
mtha'i skad

cig mar 'dod de/ dus tshung zhing thung ba yi mthar thug pa yin
pa'i phyir/ yi ge ring po'i cha rnams nyan shes kyis rim gyis
rtogs shing thos par 'gyur te/ yi ge ring po thos pa'i nyan blo
yang mig 'dzums pa'i yun

tshad du gnas dgos la/ de'i cha thung ba'i mthar thug pa yang dus
mtha'i skad cig ma yin pa de yi phyir/ yi ge ring thung dang
gzugs sogs la dmigs pa'i dbang blo ma 'khrul ba myong byed rdzas
gzhan gyis bar chod na

yang chod pa med par snang ba can gyi blo thams cad log pa'i don
can du 'gyur ba'i phyir/ de la 'dir/ yi ge ring thung ni snga
phyi'i cha du ma dang bcas pa'i cha can yin la/ de thos pa'i
nyan shes kyang skad cig snga phyi du ma'i

cha dang bcas pa'i cha can yin no/ /yi ge ring po'i cha re re ba
rnams yi ge ring po min te/ dper na bum pa bzhin no/ /gang dag
yi ge'i cha shas thos pa yin gyi/ yi ge mi thos so zhes smra bas
ni/ yi ge sgrar mi 'thad na/ de las

gzhan pa'i dngos por yang mi 'thad pas/ dngos med du 'gyur la/
dngos med la ring thung 'dod pa ni sngon med pa zhig go / des na
gzhung 'di dag gi 'brel ni/ yi ge ring po 'dzin pa'i blo rang gi
bdag nyid du gyur pa'i myong

@335b byed med na yi ge ring po 'dzin pa mi srid par 'gyur te/
de lta na /de myong byed med pa'i phyir/ de'i rgyu mtshan nyan
shes rdzogs pa'i rjes su myong byed skye bar 'dod na/ cha tha ma
thos pa'i nyan shes las gzhan ma myong la/ de ni yi ge ring

po 'dzin pa ma yin no/ /myong byed rdzas gzhan spel nas skye na
yang yi ge ring po 'dzin pa mi srid par 'gyur te/ cha re re ba
thos pa'i nyan shes yi ge ring po 'dzin pa ma yin par thal/ yi
ge ring po 'dzin pa la mig 'dzums pa'i

yun tshad du mas rdzogs dgos pa'i phyir/ cha snga phyi 'dzin pa'i
nyan shes kyi cha de dag cha shas su ldan pa'i cha can gyi nyan
shes de yang yi ge ring po 'dzin pa ma yin par thal/ myong byed
rdzas gzhan gyis bar chod pas de dag bsdoMs

pa'i cha can gcig mi srid pa'i phyir/ dngos po la bar chod kyang
bar ma tshad du zhen pas snga phyi bsdoms pa'i cha can du 'jog go
zhe na/ de ltar zhen pa de yi te thos pa'i nyan shes yon na/
dbang shas thams cad 'khrul par thal

zhes pa'o/ gnyis pa ni/ snga phyi bar chod kyang bar ma tshad du
snang ba de dbang po'i shes pa'i 'khrul pa las gzhan du yid kyi
shes pa'i 'khrul pa yin na/ dngos po rnams kyi skad cig snga
phyi gcig tu sbyor bar byed pa'i blo de ni

chos can/ rnam par rtog pa can yin par thal/ snga phyi'i cha tha
dad du mtshon pa'i nus pa med par gcig tu 'khrul pa can gyi dran
pa yin pa'i phyir/ 'dod na/ blo de la snga phyi bar ma chad gsal
bar snang ba nyid ga la zhig mi 'thad

@336a @#/ /par thal/ de brjod pa sgra dang rjes su 'brel pa can
gzung yul du byed pa'i phyir/ khyab par thal/ dbang po'i shes
pas gzung ba'i don rang mtshan la/ don dam par sgra sbyor ba yod
pa min zhes bshad zin pa'i

phyir/ gsum pa la/ gnod byed dgod pa dang/ des gzhan yang khegs
pa'o/ /dang po ni/ dbang po'i shes pas bar chod par mthong na
yang/ gal te rtog pas bar ma tshad du sbyor bar byed do zhe na/
yi ge'i don 'dzin pa'i shes

pa dang/ shes pa de yi myong bar byed pa'i blo bar chod pa zhes
bya ba de rigs pa gang las kyang mi 'thad par thal/ de gnyis bar
ma chad du rgyun mi 'chad par snang ba ltar grub pa dag la/ rigs
pa dam pa gnod pa can

gyi tshad ma med pa'i phyir/ gal te/ blo du ma cig car skye ba la
rigs pas gnod de/ blo snga mas phyi ma re re kho na bskyed pa'i
nus pa nges pa'i phyir ce na/ de de'i gnod byed du mi 'thad par
thal/ re re kho na skye ba'i nus pa

nges pa de ni tshad ma gang las kyang grub par 'dod pa mi 'thad
pa'i phyir/ cig car blo du ma skye ba mthong ba med pa'i phyir/
re re kho na skye ba'i nus pa nges par grub bo zhe na/ blo du ma
cig car skye ba mthong ba med pa de blo snga mas

phyi ma re re kho na bskyed pa'i nus pa nges pa'i sgrub byed
yang dag tu mi rung par thal/ sgrub byed de nyid bsgrub bya 'di
lta bur dpyad par bya ba yin zhing bsgrub bya de ma grub pa'i
sngar de nyid ma grub pa'i phyir/ du ma cig car

@336b skye ba la lung gis gnod de/ mdo las/ 'di ltar sems gnyis/
lhan cig 'byung ba gang yin pa 'di ni gnas ma yin te/ go skabs
med do zhes 'byung ngo zhe na/ lung de'i dgongs pa spyir shes pa
du ma cig car mi skye bar bstan pa

ma yin par thal/ rnam par shes pa snga mas rigs mthun gyi rnam
shes re re kho na dngos su bskyed kyi/ du ma cig car mi skyed pa
la dgongs nas de ltar gsungs pa'i phyir/ rnam shes snga ma de
rnams rigs mthun pa'i rnam pa re

re kho na nyid la dngos su phan pa'i nus pa nges par 'gyur ba
yin te/ 'di ltar/ rnam par rtog pa rnams rim gyis 'byung bar
yang dag par rtogs kyi/ skyes bu gcig gi rgyud la rtog pa rdzas
tha dad du ma dus gcig tu skye ba mi

srid pa'i phyir/ 'di dag gi don ni gong du bshad zin to/ /gnyis
pa ni/ rnam shes rigs mthun du ma cig car mi skye bar bstan pa
'dis ni chos can/ spyod pa pa gang zhig mngon sum gyis mthong
ba'i don la 'di'o zhes ngo

shas par byed pa'i rtog pa dag yul gsal bar snang bas dbang po'i
mngon sum du 'dod pa'i ngan pa'i rtog pa de yang bsal ba yin te/
rnam shes rigs mthun du ma cig car mi skye bar bstan pa'i phyir/
sgra snga phyi dang/

mig 'khrul mkhan gyi sgo nga gnyis dang/ mar me'i skad cig snga
phyi sogs tha dad pa dag la 'di'o snyam du gcig tu log par rtog
pa de 'dra'i blo chos can/ gsal snang yod par thal/ 'di'o snyam
pa'i phyir/ 'dod na/

@337a @#/ /mngon sum du thal/ 'dod pa de'i phyir/ de 'dod mi rigs
par thal/ ci ltar yang mngon sum yin par 'gyur ba mi 'thad pa'i
phyir/ snga phyi gcig tu ngo shes pa las yi ge dang gzugs sogs
snga phyi

gcig tu nges pa med par thal/ ngo shes tshad mar mi rung ba de'i
phyir/ sngar gyi de nyid 'di'o zhes bya bar ngo shes pa'i blo de
yang chos can/ mngon sum du ma zad/ ji ltar dbang po las skyes
pa'i shes pa yin pa yang mi 'thad

par thal/ sngon myong ba'i dran pa las snga ma de yi chos/ da
ltar gyi don dang gcig tu sgro ? 'dogs pa med par khyod skye ba
med cing snga phyi gcig tu 'dzin pa'i shes pa yin pa'i phyir/
gnyis pa la/ khas blangs dang rigs pa dang

'gal ba dang/ myong byed rdzas gzhan rim gyis 'byung ba la yang
nyes pa de 'byung bar bstan pa'o/ /dang po ni/ kho bo cag ltar
na/ don 'dzin pa'i shes pa dang/ shes pa de myong ba'i myong
byed rdzas gzhan cig car skye ste/ khyed

rang shes pa du ma cig car skye bar 'dod pa bzhin no zhe na/ don
'dzin dang shes pa de 'dzin pa'i myong byed rdzas gzhan cig car
du 'byung ba mi 'thad par thal/ don sngon po 'dzin pa dang sngo
snang shes pa myong ba'i myong ba rdzas

gzhan dag cig car 'byung bar riD pa can pa khyod rang yang 'dod
pa min zhing/ rigs pas kyang mi 'thad pa'i phyir/ shes pa du ma
cig car mi skye ba ni yid kyi rtags so zhes khas blangs pas so/
/rtags phyi ma der thal/

@337b don sngon po snang ba'i sngo snang shes pa dang/ sngo
snang shes pa'i rnam pa snang ba'i blo rdzas gzhan dag dus gcig
tu so sor yod na rtogs dgos pa la/ de ltar rtogs pa'ang yod pa
ma yin pa'i phyir/ blo de gnyis yod kyang sngon po'i rnam pa

can gyi blo gcig gis gcig tu gzung nas tha dad du ma rteD pa yin
no zhe na/ de gnyis gcig tu zhen pa tshad ma min na/ blo 'khrul
pas gcig tu gzung yang tshad mas tha dad du shes la/ tshad ma yin
no zhe na/ sngon po'i don du snang ba'i sngo 'dzin

rnam shes dang phyi rol gyi don 'ba' zhig pa gnyis chos can/
rdzas tha dad med par thal/ tshad mas rdzas tha dad med par shes
pa'i phyir/ blo sngon po'i rnam pa can gcig gis gcig tu gzung
bas so sor dbyer mi rung pa ma yin

par thal/ tshad mas rdzas tha dad du rtogs pa'i phyir/ don sngon
po dang/ don de snang ba'i shes pa gang yin pa de dag phyi nas
ji ltar yang so sor dran pa mi 'thad par thal/ de gnyis so sor
nges shes 'dren nus su legs par rtogs

pa'i khyad par gyis/ de gnyis kyi myong byed so sor legs par
rtogs pa med pa'i phyir/ sngon po dang sngo snang shes pa gcig
tu gzung nas so sor ma phyed pa la gnod pa brjod pa dang/ sngon
po 'dzin byed kyi sngo snang shes pa dang/ de myong

byed rdzas gzhan gcig tu bzung nas ma phyed pa la gnod pa 'dra
ba yin no/ /gnyis pa ni/ de sngon po 'dzin byed dang/ sngon po'i
don gyi yid sngo snang shes pa dag gi 'dzin byed kyi myong ba
rdzas gzhan snga phyi rim bzhin du skye ba'ang

@338a @#/ /mi 'thad par thal/ de la'ang/ sngon po 'ba' zhig pa'i
rnam pa snang ba dang/ sngo snang shes pa'i rnam pa snang ba'i
rnam pa sna tshogs pa can nyid kyi myong byed rdzas gzhan dmigs
rung ma dmigs pa'i brtsad pa'i skyon

'di gdon par dka' zhing 'jug pa'i phyir/ don dang shes pa'i
myong byed rdzas gzhan rim gyis mi skye bar thal/ de dmigs rung
ma dmigs pas khegs pa'i phyir ces pa'o/ /de'i rgyu mtshan 'di
ltar/ g.yu'i kha dog sngon

por snang ba'i myong ba sngo snang dbang shes la de myong ba'i
myong byed rdzas gzhan yod pa ma yin par thal/ dbang shes kyis
sngon po 'dzin pa'i tshe/ sngon po'i rnam pa can gcig nyid dam/
de myong ba'i 'dzin pa'i rnam pa gcig rtogs

kyi/ sngo snang las rdzas gzhan pa'i de myong byed ma rtogs pa'i
phyir/ la sogs pa'i sgras ser 'dzin sogs sdud do/ /gnyis pa la/
phyi rol gyi yul la blo 'pho ba mi srid par thal ba rgyas par
bshad pa dang/ rigs pa gzhan bstan

pa'o/ /dang po la/ thal ba dgod pa/ de'i khyab pa bsgrub pa/
de'i lan dgag pa'o/ /dang po ni/ sngo 'dzin gyi shes pa shes pa
phyi ma rdzas gzhan gyis rjes su myong bar 'gyur bar 'dod pa
de'ang/ myong byed shes pa phyi ma de ni gang gis myong

ba yin te/ myong byed yod par thal/ de la'ang dran pa mthong
ba'i phyir/ gal te blo phyi ma de yang myong byed rdzas gzhan
gyis myong ngo zhe na/ shes pa snga ma dang/ de rig cing myong
ba'i phreng ba snga phyi rjes su 'brel pa can shas pa phyi ma
'di skyed

@338b byed de ni gang zhig yin te/ skyed byed yod par thal/ de
rgyu med du mi 'thad pa'i phyir/ gal te/ skyed byed kyang snga
ma'i blo rang gi myong bya de nyid yin no zhe na/ sngo snang
shes pa chos can/ yul gzhan sngon po la 'pho zhing dmigs par mi
'gyur bar

thal/ rang skyed byed kyi blo snga ma de gzung don ? gyi sgo nas
dmigs shing myong ba'i phyir/ gnyis pa ni/ sngo snang shes pa
phyi ma de chos can/ myong bya blo snga ma de dag mi 'dzin par
ci ltar gzhan sngon po 'dzin par 'gyur ba mi 'thad par thal/
khyod

rang gi myong bya bla snga ma de khyod kyi gzung ba'i don gyi
mtshan nyid kyi myong byar gyur pa'i sgo nas yul du nye ba dang/
de khyod kyi skyed byed kyang yin pa'i phyir/ gal te/ phyi rol
nye bar gnas pa na/ rang gi myong byed blo phyi ma skye ba la/
des gegs byas pas blo

phyi ma don la 'pho'o zhe na/ sngo snang shes pa phyi ma de'i
nang gi yan lag gi rgyu sngo snang shes pa snga ma de dag chos
can/ khyod kyis phyi ma de bskyed pa la gzhan phyi yi yan lag
gang gis kyang gegs byed par 'gyur ba mi 'thad par thal/ khyod

bdag la dmigs pa'i sngo snang shes pa phyi ma de gzung yul dang
nyer len gnyis ka'i sgo nas bskyed pa'i rang bzhin du nus pa
nges pa'i phyir/ gzhan yang phyi rol gyi don nye bas kyang blo
snga ma des phyi ma de bskyed pa la gegs byed nus pa ma yin

par thal/ gzhan du na/ phyi rol gyi yul nye ba na/ skyes bu 'gas
kyang rang rgyud kyi blo myong bar mi 'gyur ba'i phyir/ phyi rol
gyi don nye bar yod pa ma yin pa'i gnas skabs 'ga' zhig tu blo
myong ba yang ma yin par thal/ de mi nye ba'i skabs

@339a @#/ /'ga' yang yod pa min pa'i phyir/ blo'i dran pa yang
med par thal/ rtsa ba myong ba med pa des na'i phyir/ khyab par
thal/ myong ba med pa'i dran pa 'dod pa a re mdzes mi 'thad
pa'i phyir/ 'das pa'i sgra sogs la rnam par rtog

pa'i blo gang dag chos can/ khyod don la 'pho ba'i rgyu med par
thal/ khyod la phyi rol gyi gzung don nye bar yod pa min pa'i
phyir/ 'dod na/ don la spyod pa mi srid par 'gyur bar thal/ 'dod
pa de'i phyir/ gsum pa la/ phyi rol don la

'pho ba'i tshul gyi lan dgag don dang rnam shes snga ma cig car
'dzin pa'i lan dgag pa'o/ /dang po la/ dgag pa rgyas par bshad
pa/ don bsdu ba'o/ /dang po la/ blo snga mas phyi ma bskyed pa'i
nus pa zad nas 'pho ba dgag rgyu yin

yang gzung yul min pa dgag pa'o/ /dang po la/ thal ba dgod pa
dang/ rtsod pa spang ba'o/ /dang po ni/ gal te/ blo snga ma bdag
nyid la dmigs pa'i shes pa phyi ma bskyed pa'i nus pa rim gyis
zad pa na/ shes pa phyi ma yul gzhan phyi

rol la 'pho bar 'gyur ro zhe na/ don la 'phos pa'i blo de nyid
chos can/ rgyu gang las kyang skyes pa yin pa mi 'thad par thal/
shes pa gang zhig khyod rang gi sngar gyi blo ni khyod bskyed
pa'i nus pa zad pa'i phyir/ khyab par thal/ blo sngon

ma nus pa can med par blo phyi ma 'byung ba ma yin pa'i phyir/
der thal/ yid gzugs mdzes kyi don gzhan la chags nas/ sgra 'dzin
shes pa bskyed pa'i nus pa nyams na/ shes pa de skye ba tshad mas
ma rtogs pa'i phyir/ gong gi

@339b thal ba 'dod na/ blo phyi ma don la 'pho bar mi 'gyur bar
thal lo/ /rkang pa 'di kha cig rgyan gyi 'grel tshig tu mdzad do/
rigs pa'i 'brel gyi dbang du byas na rtsa chag tu mngon no/
/gnyis pa la/ lan dngos dang/ de la rtsod spang ngo/

dang po ni/ 'o na kun gzhi'i rnam par shes pa 'jug shes drug
ka'i nyer len du bshad pa mi 'thad par thal/ yid byed snga ma'i
nus pa yod med kyi rjes su 'gro ldog byed pa'i phyir/ khyab pa
yod de/ kun gzhi las skye na/ yid byed snga ma'i

nus pa nyams kyang skye ba'i phyir ro zhe na/ kun gzhi'i rnam
par shes pa khas len pa dag gi ltar na yang/ dus cig car de las
rnam shes rigs mi mthun du ma skye yang/ yid gzugs mdzes la lhag
par chags pa'i skabs 'gar

kun gzhi las 'jug shes gzhan 'byung ba ma yin te/ de'i tshe yid
gzugs la gtod pa'i shin tu gsal ba'i sems gcig gis 'jug shes
gzhan bskyed pa'i nus pa nyams par byas pa'i phyir/ 'di ni/ kun
gzhi'i rnam

par shes pa khas len pa'i dbang du byas na/ de ma thag rkyen nam
yang med pa ma yin pas/ dbang yid yod pa'i skabs 'gar sgra 'dzin
gyi shes pa mi skye ba mi 'thad par thal ba'i rtsod pa 'di la/
lan ji ltar 'debs she na/ der

yang skyon med de/ yid byed kyi nus pa la yang bltos dgos pa'i
phyir ro/ /zhes lan 'debs pa yin gyi/ 'dir 'jug shes las rdzas
tha dad pa'i kun gzhi sgrub bzhed pa min no/ /yid snga ma yul
gyi 'jug pa mtshungs pa can

@340a @#/ /la yid phyi ma gzhan skye ba bltos par mi 'gyur bar
thal/ blo phyi ma snga ma nus pa can la bltos pa de lta min pa'i
phyir/ blo phyi ma snga ma nus pa can la bltos par

rab tu grub pa yin par thal/ yid don gzhan la chags pa'i tshe/
shes pa gzhan mi skye ba'i rigs par ma zad/ yid kyi rnam par
shes pa rim pa bzhin skye bas kyang de ltar grub pa'i phyir/
gnyis pa ni/ bye brag pa na re/

yid rdul phran tsam gyi rtag pa gcig yin pa'i phyir/ de sna'i
sgor zhugs te/ yul gzhan dri la chags pa na/ dbang po gzhan la
mi 'gro ba'i phyir/ shes pa gzhan mi skye ba yin gyi/ rigs
'dra'i shes pa gzhan nus pa can

la bltos pa ma yin no zhe na/ yid rtag pa gcig yin pas shes pa
re re kho na skye ba min par thal/ skabs la lar shes pa du ma
cig car 'byung ba'i phyir/ 'jug shes drug ka yul la 'jug pa
mtshungs par yod pa la yang/ yul

gcig las gzhan rtogs par mi 'gyur bar thal/ dus thams cad kyi
tshe yid gcig kho nar mtshungs pa'i phyir/ khyod rang ltar na yang
shes pa du ma cig car skye bar 'gyur bar thal/ rtag pa'i nus pa
nyams pa mi srid/ bdag

yid rtag pa phrad pa'i ldan pa tsam las shes pa skye ba'ang yin
pa'i phyir/ byed pa yid gcig las bya ba gcig yin pas shes pa re
re kho na skye ba yin no/ zhe na/ ci ltar mar me gcig skyes bu
du mas mthong ba ma sred par

@340b thal/ byed pa gcig gis bya ba gcig kho na byed pa'i phyir/
yid chos can/ rim gyis kyang shes pa du ma bskyed pa'i nus pa
med par 'gyur bar thal/ cig car du ma mi skyed pa gang zhig
phyis kyang nus pa mi 'dra ba'i bye brag med

pa'i phyir/ yid rtag pa gcig gis shes pa bskyed pa 'gog pa'i
rigs pa 'dis ni/ rgyang phan 'byung ba'i lus rtag pas shes pa du
ma bskyed pa dang/ grangs can skyes bu rtag pas yul du ma la
longs spyod pa la sun 'byin bshad

pa yin te/ rtag pas bya ba gang yang me byed pa'i phyir/ rigs pa
can pa na re/ gal te/ bdag gi yon tan 'du byed las shes pa re re
kho na skye bar nges pa yin no zhe na/ des ni 'bras bu bskyed pa
mi 'thad par thal/ rtag pa'i phyir/

rtag pa ma yin gyi de phyis skyes pa'i zhe na/ rgyu gang las
skyes dris pas/ blo snga ma nyid las so zhe na/ shes pa phyi
ma'i nyer len de ming ji ltar yang rung blo snga ma las skye ba
yin mod kyi mi 'dod pa cung zad kyang bsgrub pa med par

thal/ blo snga ma nus pa can la bltos nas phyi ma skye ba kho bo
yang 'dod pa nyid yin pa'i phyir/ gnyis pa la/ dgag pa dngos
dang/ de'i lan dgag pa'o/ /dang po ni/ blo snga ma phyi ma'i
rgyu yin yang gzung don gyi nus pa nyams pa'i

tshe phyis don la 'pho'o zhe na/ gzung don la gzung don nyid kyi
sgo nas bskyed par byed pa las gzhan pa'i nus pa yod pa ma yin
par thal/ rang 'dra'i rnam pa dngos su bskyed par byed pa nyid
gzung don gyi mtshan nyid yin/ 

@341a @#/ /nyer len blo snga mas phyi
ma'i gzung don byed pa'i
phyir/ snang bas ma nges so zhe na/ yul dbang bar gyi snang ba
rang 'dzin dbang po'i mngon sum gyi gzung ba'i don ma yin bzhin
du bskyed pa'i nus pa med par thal/ de de'i

gzung don yin pa'i phyir/ snang ba bzhin du nyer len shes pa
snga mas phyi ma'i gzung don mi byed pa'i dpe don mtshungs pa ma
yin par thal/ snang ba thag nye ba ring ba dang/ rags pa phra
bar song nas dbang mngon gyis ma gzung ba srid

kyang/ yul gyi cha med pa'i shes pa snga ma la phra rags sogs
med pa'i phyir/ gnyis pa ni/ gal te/ shes pa snga ma la nus pa
gnyis yod de/ shes pa phyi ma'i gzung don gyi nus pa dang/ nyer
len gyi nus pa gnyis las skabs 'gar

gzung ba'i nus pa nyams nas phyi ma don la 'pho bar 'gyur gyi/
skyed byed nyer len gyi bdag nyid kyi nus pa gzhan nyams pa min
no zhe na/ shes pa snga ma chos can/ shes pa phyi ma'i gzung don
las bskyed par byed pa'i nus pa gzhan

med de/ phyi ma das khyod gzung don gyi sgo nas gzung ba'i mtshan
nyid can yin pa'i phyir/ gzugs dri sogs chos can/ nga 'dzin byed
du bskyed pa de lta min par rang 'dzin dbang po'i mngon sum gyi
blo la dngos su phan 'dogs pa'i

nus pa med de/ de la rang 'dra'i rnam pa dngos su gtong byed yin
pa'i phyir/ dpe de ltar blo snga ma de yang phyi ma'i gzung don
de nyid du rnam par gnas par thal/ blo snga ma la'ang phyi ma de
yi rang 'dzin byed du dngos su bskyed pa der

@341b yod pa de'i phyir/ khyab ste/ gzung ba'i don gyi mtshan
nyid rang 'dzin byed du dngos su bskyed pa las gzhan gzung don
'di yi dngos por 'jog pa'i thabs kyi nges pa gzhan ci yang yod
pa ma yin pa'i phyir/ shes par nga 'dzin byed du bskyed

pa phyi'i gzung don gyi mtshan nyid yin gyi/ nang blo'i ma yin no
zhe na/ shes pa snga ma'i chos can/ shes pa phyi ma'i gzung don
du thal/ de rang 'dzin byed du dngos su bskyed pa'i phyir/ khyab
par thal/ nang blo'i gzung don yod na rang 'dzin

par byed pa yi nyer len yin pa de myong ba sems kyi gzung don
gyi mtshan nyid yin pa'i phyir/ 'di ni brtag pa mtha' gzung gi
tshul yin gyi/ rang lugs la blo'i gzung don khas len pa min no/
/'o na gzhan rgyud kyi rig pa rnal 'byor pa'i

gzhan sems shes pa'i mngon shes kyi nyer len yin par thal/ de'i
nang blo la bltos pa'i gzung don yin pa'i phyir ce na/ gzugs la
sogs pa dbang po'i mngon sum gyi gzung don du bzhag pa dang/
sems snga ma phyi ma'i nyer len

yang yin myong bya yang yin na/ de'i gzung don du thal ba
'phangs pa la/ gzhan sems shes pa'i mngon shes gnod byed du mi
'jug par thal/ de ltar gzung ba'i don gyi mtshan nyid spyod pa
'di/ rang rig khas mi len pa'i ma dag pa'i blo

can la dngos stobs kyi tshad ma'i gnod byed ston pa'i dbang du
byas pa yin gyi/ rnal 'byor pa'i gzhan sems shes pa'i mngon shes
kyi rtogs pa rtogs chul dang bcas pa tshu rol mthong ba'i mngon
sum gyi tshad mas bsam gyis mi

@342a @#/ /khyab pa'i phyir/ 'di yi don bshad pa de ltar yin gyi/
rnal 'byor pa'i rtogs pa so skye'i tshad mas rtogs mi nus par
ston pa min te/ rnal 'byor pa'i rtogs pa 'ga' zhig so skye'i
dngos stobs kyi tshad ma dang/ kha

cig yid ches rjes dpag gis ci rigs su grub pa'i phyir/ so skye'i
don rig mngon sum yin na/ nges par de'i dngos stobs kyi tshad mas
grub pas khyab pa yang min te/ de ltar yid kyi mngon sum gyi
skabs su bshad zin pa'i

phyir/ blo snga ma phyi ma'i gzung don yin par res 'ga' gzung
don ma yin par 'gyur te/ gzugs la sogs pa bzhin no zhe na/ dpe
don mi mtshungs te/ gzugs la sogs pa sngar gzung ba phyis gzung
don min pa nyid du

'gyur ba'i rgyu mtshan yod de/ de la sngar rags pa phyis phra ba
la sogs pa'i 'gal rkyen gyi ngo bo yis de ltar 'gyur ba'i phyir/
gzugs la sogs pa'i blo snga ma la sngar med pa'i rang myong byed
blo phyi mas mi myong ba'i 'gal rkyen

gang phyis skyes pa ci zhig kyang yod pa ma yin par thal/ myong
byed med pa'i blo mi srid/ de yang myong byed don gzhan gyis
myong bas khyad pa'i phyir/ gnyis pa ni/ blo phyi mas blo las
don gzhan rtogs par mi 'gyur bar

thal/ des de ma thag pa'i rgyu yi sems gang yin pa de nyid kho
na 'dzin par 'gyur ba des na'i phyir/ der thal/ rang blo snga ma
phyi ma kho nas 'dzin cing myong bar 'gyur ba de'i phyir/ gzung
don gyi dngos po la gzung don las

@342b gzhan pa'i nus pa med pa mi 'thad de/ dngos po rnams la
nus pa don gzhan du ma dang ldan pa'i phyir ro/ /zhe na/ dngos
po rnams la nus pa don gzhan du ma yod pas 'bras bu du ma bskyed
ba ma yin par thal/ nus pa can las rdzas

tha dad pa'i nus pa du ma dang gcig med kyang/ dngos po rnams
ngo bo nyid kyis rang gi 'bras bu gcig dang du ma byed ces brjod
pa'i phyir/ gal te/ dngos po gcig la nus pa don gzhan du ma yod
pas 'bras bu du ma byed pa yin

gyi/ de lta min na gcig las du ma 'byung ba min no zhe na/ nus
pa don gzhan du ma yod pas rgyu gcig las 'bras bu du ma skye ba
ma yin par thal/ dngos po 'ga' zhig rigs 'dra snga ma gcig las
phyi ma gcig 'byung/ 'bras

bu phal cher rang gi rgyu rkyen du ma tshogs pa las 'byung ba'i
phyir/ 'o na ji ltar gcig las du ma 'byung zhes brjod ce na/ nus
pa can las don gzhan pa'i nus pa'i dbang gis gcig las du ma
'byung ba ma yin par thal/ rgyu gcig kyang

rang gi 'bras bu so so la bltos nas nyer len dang lhan cig byed
rkyen gyi tshogs pa gnyis su 'gyur bas/ de ni rang gi 'bras bu du
ma byed ces brjod pa'i phyir/ gnyis pa ni/ gal te/ blo phyi ma
gzhan gyis phyi rol gyi don dang rnam

shes snga ma gnyis ka cig car 'dzin par 'gyur bas nyes pa de dag
med do zhe na/ a i 'dzin pa'i shes pa bar ma chad du skyes pa
na/ i la spyod pa'i blo gcig bu de la brjod pa a i gnyis
rim min cig car nyid du snang bar

@343a @#/ /'gyur bar thal/ rang gi gzung don i dang/ de dang
dus mnyam du rang gi nyer len a 'dzin pa'i shes pa as khyad
par du byas nas gzung yul du byed pa'i phyir/ 'dod mi rigs par
thal/ a i gnyis thos

pa'i dus rtag tu rim gyis mthong ba yi phyir/ der thal/ de gnyis
snga phyir snang ba can nyid yin pa'i phyir/ la sogs pas gzhan
sdud do/ /a gcig pu thos pa'i tshe/ gcig kyang lan gnyis gnyis
su snang bar 'gyur bar thal/ a

bdag nyid 'dzin pa'i shes pa dang/ de rig pa'i myong byed den
gzhan la snang ba'i phyir/ gnyis pa ni/ gal te/ yul gzhan phyi
rol la 'pho ba na 'pho kha ma'i blo tha ma de myong byed phyi ma
gzhan gyis nyams su myong ba min par de'i blo phyi ma nges

don 'dzin no zhe na/ gzhan gyis nyams su myong ba'i bde ba la
sogs pa rang gis ma myong ba bzhin/ rang gi blo snga ma thams
cad myong byed med par thal bar 'gyur te/ rang gi blo tha ma don
la 'pho kha ma myong byed med pa gang zhig /de dag

la myong byed yod med mtshungs pa'i phyir/ gal te/ rang rig med
kyang bdag gi myong bya rang la mngon sum du gyur pa yin la/
gzhan gyis myong bar 'gyur ba'i bde sags de lta ma yin pas/
rang gi myong bya yang gzhan gyi myong bya

bzhin du thal bar mi 'gyur ro zhe na/ rgyu mtshan gang gis bdag
dang gzhan gyi myong bya mngon sum gyis grub ma grub kyi khyad
par de skad brjod par 'gyur ba rigs pa ma yin par thal/ bdag gis
myong ba de tshad ma gang las

@343b kyang grub pa mi 'thad pa'i phyir/ de ma grub na rang rig
med pa nyams so/ /rang rig med pas myong ba mi 'thad na/ mig la
sogs pa gsal lo zhes pa'i tha snyad mi 'thad par 'gyur ro zhe
na/ mig gi dbang po chos can/ /

rang nyid rig pa'i ngo bor ma grub par yang gsal lo zhes pa'i
tha snyad 'dogs par 'gyur ba'i rgyu mtshan yod de/ gsal ba mig
shes kyi bdag po'i rgyu yin pas tha snyad de ltar 'gyur ba'i
phyir/ rang gsal bar 'dod

pa'i shes pa chos can/ rang gsal ba'i ngo bor ma grub bzhin du/
yul gsal ba ma yin par thal/ yul can gyi blo yin pa'i phyir/
khyab par thal/ gal te rang gsal bar ma grub kyang/ don gyi gsal
byed yin na/

'gro ba 'di kun gyis don gsal bar 'gyur ba'i phyir/ tshad ma yul
bcas grangs kyi nges pa dang/ /mngon sum mtshan nyid de yi tshad
'bras dang/ /thun mong min pa'i bden gnyis rnam dbye mkhas/
/mngon sum le'u'i byed

las yin par rtogs/ /tshad ma rnam 'grel gyi rnam bshad thar lam
gsal bar byed pa las mngon sum gyi le'u'i 'grel pa ste/ le'u
gsum pa'i 'grel pa'o/ /'dis kyang bstan pa rin po che sgo thams
cad nas phyogs thams

cad du dar zhing rgyas la yul ring du gnas par gyur cig/ ! //rje
btsun bla ma rnams la phyag 'tshal lo/ /gnyis pa rang gis gzhal
bya nges nas gzhan rjes su 'dzin pa'i thabs la/ mtha' gnyis su
dogs pa'i the tshom

@344a @#/ /gcod pa'i tshul dang/ mtha' gcig tu 'dzin pa'i log rtog
'gog pa'i tshul lo/ /dang po la/ rjod byed ngag gi rang bzhin
dang/ brjod bya don gyi rang bzhin no/ /dang po la/ spyi'i don
dang/ yan lag gi don to/ /

dang po la/ sgrud ngag dang/ sun 'byin gnyis kyi byed las kyi
khyad par/ rang don le'u dang gzhan don le'u'i dgos pa'i khyad
par/ gzhan don rjes dpag gi mtshan nyid bshad pa'o/ /dang po ni/
chos mi mthun sbyor gyi sgrub dag dang

chos mi mthun pa'i sun 'byin gyi thal 'gyur gnyis sgrub pa'i
ngag yin min gyi khyad par med par thal/ gnyis kas kyang phyir
rgol gyi ngor mi 'dod pa 'phen zhing 'dod pa 'gog par byad la/
rgol ba'i 'dod pa sgrub par byed cing/ mi

'dod pa 'gog pa'i phyir ro zhe na/ skyon med de/ gnyis kas 'brel
ba ston par khyad par med kyang/ rang rgyud kyi rtags dang/ thal
'gyur gyi rtags blo yul du song ba'i dngos kyi 'bras bu mi 'dra
ste/ thal 'gyur la ni rtag na ma byas pa'i

khyab pa nges/ sga ni rtag pa'i phyir ma byas par thal ba
'phangs pa na/ sngar mi 'dod pa'i don/ sgra ma byas par 'dod
dgos par 'dug snyam pa ni mi 'dod pa 'phen pa yin la/ de ni
khyab pa ngas shing thal 'gyur gyi rtags rtag pa blo

yul du song ba'i dngos kyi 'bras bu yin la/ chos mi mthun pa'i
bsgrub dag la ni sgra ni byas zhes pa'i rang rgyud kyi rtags
tshad ma'i yul du song zhing/ khyab pa nges pa'i dngos kyi 'bras
bu la bsgrub bya nges par byed pa yin no/ /des na/

@344b sun 'byin gyis ni/ mtha' gcig tu 'dzin pa'i log rtog log
nas blo the tshom can du byed pa yin la/ sgrub dag la brten nas
mtha' gnyis su dogs pa'i the tshom gcod par byed do/ /gnyis pa
ni/ rang don le'u las logs su gzhan don le'u brtsams pa

don med par thal/ gzhan don le'u ni/ tshul gsum brjod pa'i ngag
ston par byed pa yin na/ de rang don le'us bstan zin pa'i phyir/
der thal/ rang don du tshul gsum pa'i rtags gtan la 'bebs par
byed pa yin la/ tshul gsum

brjod nas tshul gsum brjod pa'i ngag ma bstan pa mi srid pa'i
phyir ro/ /gal te tshul gsum ston pa'i ngag gi dbye ba shes par
bya ba'i ched du yin no zhe na yang/ mi 'zad de/ rang don du
tshul gsum pa'i rtags kyi dbye ba gsal bar

bstan pa na/ de brjod pa'i ngag gi dbye ba yang bde blag tu
'grub pa'i phyir ro/ /yang brjod tshul gyi dbye ba shes pa'i
phyir tu yin no zhe na/ rmongs pa 'ba' zhig gi ched du le'u tha
ma brtsams par 'gyur ro zhe na/ skyon med de/ dngos kyi 'bras bu

tha dad pa'i phyir ro/ /der thal/ rang don le'u'i bstan bya'i
gtso bo tshul gsum pa'i rtags yin la/ de blo yul du song ba'i
dngos kyi 'bras bu rtags can bsgrub bya go bar byed pa yin la/
gzhan don le'u'i gtan la dbab bya'i gtso

bo sgrub ngag yin la/ de blo yul du song ba'i dngos kyi 'bras bu
ni tshul gsum la go ba bskyed par byed pa yin no/ /des na le'u
gnyis ni/ dngos po la gnas pa'i go rims nges pa yin no/ /gsum pa
ni/ tshad ma mdor/ gzhan

@345a @#/ /don rjes su dpag pa ni/ /rang gis mthong don rab gsal
byed/ /ces gsungs te/ tshig 'dis blo skyon dang/ don skyon dang/
sgra'i skyon gsum dang bral ba zhig dgos par bstan pa na/ spyor
ba'i 'god tshul yang bde

blag tu 'grub pa'i phyir te/ khyab pa ma brjod pa dang/ bsgrub
bya dngos su brjod pa sogs skyon can du bstan pa na/ phyogs chos
ma brjod pa dang/ phyogs chos nyer gtod brjod pa sogs kyang
skyon can du don gyis go bas phyogs

chos dang/ khyab pa dngos su ston zhing/ bsgrub bya dngos su mi
ston pa zhig sgrub dag tu don gyis go bar 'gyur bas so/ /de la
rang gis mthong ba dang/ don dang/ gsal byed gsum gyis rim pa
bzhin du/ phyir rgol gyi khas blangs

tsam gyis rtags kyi tshul grub par 'dod pa dang/ tshul gsum tshad
ma'i yul du mi gnas par 'dod pa dang lung tsam gyis bzhag pa
rtags su smra ba dang/ ngag lhag chad can du brjod pa rnams sel
ba yin no/ /de la ngag lhag

chad can ni/ sgra ni mi rtag ste/ byas pa'i phyir/ dper na bum
pa bzhin/ bum pa byas pa de bzhin du sgra yang byas/ de'i phyir
sgra mi rtag ces pa bzhin te/ bsgrub bya dngos su brjod pa don
med de/ de nyid sgrub pa'i phyir tu sgrub byed kyi

dag bkod pa yin pas/ sgra mi rtag ste mi rtag pa'i phyir/ ces
par 'gyur bas so/ /dpe brjod kyang khyab pa ma bstan pas khyab
pa mtshang la/ nyer gtod phyogs chos brjod pa dang zlos shing/
mjug sdud dam bca' brjod pa

@345b dang zlos so/ /sgra skyon zhugs kyang tshul gsum don la
grub cing/ grub pa ltar tshad mas nges nus pas/ rtags skyon dang
bcas par ji ltar 'gyur zhe na/ tshad ma rnam ngas las gzhan gyi
don gyi rjes su dpag par tshig gi skyon yon gtso bor

byed pa yin gyi/ don gyi ni ma yin te/ don ji lta ba bzhin ma
yin par brjod pas smra ba po la klan kar 'gyur ba'i phyir ro/
/zhes gsungs pas/ rgol phyir rgol rtsod pa'i skabs su sgra skyon
can gyi ngag bkod na rgol ba pham par 'gyur

ba'i phyir ro/ /des na rang gis mthong ba ni/ tshul gsum rgol ba
rang gi tshad mas mthong ba ste/ de nyid phyir rgol gyi blo yul
du gsal bar ston pa'i phyir ro/ /gnyis pa la/ rang gis mthong
ba'i don bshad pa/ don zhes smos pa'i

dgos pa/ gsal byed smos pa'i dgos pa'o/ /dang po la/ 'dod pa
brjod pa dang/ de dgag pa'o/ /dang po ni/ tshul gsum pa'i rtags
ston pa gzhan don rjes dpag go zhes smos pas chog mod/ rang gis
mthong ba zhes smos pa

la dgos pa ci yod ce na/ tshul gsum rang la bstan par bya ba yin
na rang gis grub pa dgos kyang/ phyir rgol gzhan la tshul gsum
bstan nas de rtogs pa nyid kyis bsgrub bya rtogs par bya ba nyid
yin pa'i phyir/ tshul gsum

rgol ba bdag nyid kyi tshad mas mthong ba min yang/ phyir rgol
gzhan dag gis tshad ma'am lung tsam la brten nas mthong ba sgrub
byed yin no zhes grangs can pa kha cig smra bas de'i log rtog
dgag pa'i ched du yin no/ /log

@346a @#/ /rtog gi sbyor ba ni/ blo bde chos can/ sems med bem po
yin te/ skye 'jig can yin pa'i phyir/ dper na gzugs la sogs pa
de tsam lnga po bzhin no/ /de'i rtags chos gnyis mthun dpe'i
steng du sangs rgyas pa'i lung

las khas blangs pa dang/ rtags sngar med gsar du skye ba dang/
sngar yod gsar du 'jig pa yang blo dang bde ba la grub par sangs
rgyas pa'i lung las khas blangs pa dang/ sems pa can la skye
'jig mi byed pas khyab pa ni/

grangs can rang nyid kyis khas len te/ sems pa can ni/ bcings
grol kun gyi gzhir gyur cing/ de nyid lus 'dor len byed pa po'i
bdag yin pas rtag pa'i dngos por khas len pa'i phyir ro/ /gnyis
pa la/ gzhan gyis khas

blangs tsam sgrub byed du mi rung ba/ rang gi thal 'gyur la
mtshungs pa spang ba'o/ /dang po la/ mdor bstan/ rgyas bshad do/
/dang po ni/ tshad ma kun las btus chos can/ gzhan don rjes dpag
gi mtshan nyid 'chad pa na/

bdag gis mthong ba'i tshig smos pa la dgos pa yod de/ phyir rgol
gyis khas blangs tsam rtags yang dag tu smra ba de spang ba'i
phyir tu smos pa'i phyir/ gnyis pa la/ sgrub byed la brtags la
dgag pa dang/ des sgrub par

bya ba'i don la brtags la dgag pa'o/ /dang po la/ sangs rgyas
pa'i khas blangs tsam sgrub byed du mi rung/ grangs can rang la
grub pa'i sgrub byed brjod rigs pa/ khas blangs tsam sgrub byed
yin na ha cang thal ba'o/ /dang

@346b po la/ dngos stobs kyi yul la lung gi gnod sgrub mi rung
ba spyir bstan/ rtags 'di la mi rung ba bye brag tu bshad pa'o/
/dang po ni/ dngos stobs rjes su dpag pa'i yul la tshig rang gi
brjod bya sgrub byed kyi tshad ma nyid du

'dod pa rigs pa ma yin par thal/ dngos stobs kyi yul la dpyod
pa'i skabs der lung don la dpyod pa'i skabs yin pa'i phyir/
khyab par thal/ lung gi don la tshad mas yongs su brtags nas
dpyad pa gsum

gyis dag pa'i lung de shin tu lkog gyur gyi yul la sgrub byed du
yongs su len rigs kyi/ dang po gnyis kyi yul la len mi rigs pa'i
phyir/ gnas dang por tshig rang gi brjod bya sgrub byed yin na/
sgron mes gzugs

gsal bar byed pa bzhin du/ rang nyid blo yul du song ba tsam
gyis rang gi brjod bya'i gsal byed du 'gyur la/ de lta na/ sangs
rgyas pa dang/ grangs can pa'i tshig gnyis ka la mtshungs pas blo
bde sems pa can

der ni/ dngos stobs rjes dpag gnod byed du 'jug pa nus pa dang
bcas par mi 'gyur bar thal/ de sangs rgyas pa'i tshig tsam gyis
grub pa'i phyir/ blo bde sems med der ni dngos stobs rjes dpag
'jug pa dgos pa dang bcas

par mi 'gyur par thal/ de grangs can gyi tshig tsam gyis grub
pa'i phyir/ gnyis pa ni/ blo bde sems med du bsgrub pa de yi
tshe/ sangs rgyas pa'i lung de ni/ sgrub byed tshad ma ma yin par
thal/ de yi tshe sangs rgyas pa'i lung

@347a @#/ /don la gnod pa'i phyir tu lung don las gzhan blo bde
sems med la sgrub byed yang dag brjod pa'i phyir/ 'dod na/ sangs
rgyas pa'i lung 'ba' zhig pa des grub par 'dod pa'i skye 'jig
can dang/ rtags

des grub par 'dod pa'i blo bde sems med sogs ma lus pa grub pa
ma yin par thal/ 'dod pa de bas na'i phyir/ gal te kho bo cag
gis sangs rgyas pa'i lung don la gnod pa brjod pas/ ded kyi ngor
tshad ma min yang lung de

tshad mar khas blangs pa dang ldan pa'i sangs rgyas pa kho ? na
la tshad mar grub pas des grub pa'i rtags kyang 'grub la/ tshul
gsum grub na/ bsgrub bya mi 'dod bzhin du yang grub bo can/ lung
skabs 'dir sangs rgyas pa kho na

la gnod sgrub tu 'gyur ba de khas blangs pa'i dbang gis yin ma/
khas ma blangs kyang skyes bu rang nyid kyi mig bzhin du ngo bo
nyid kyis de kho na la ldan pa yin/ dang po ltar na/ dngos stobs
la spyod pa'i skabs 'dir chos can/ sangs

rgyas pas gnod byed dang sgrub byed du khas blangs pa'i rgyu
mtshan gyis sangs rgyas pa kho na la lung de ldan pa ma yin par
thal/ sangs rgyas pa gang gis gnod sgrub tu khas blangs pa'i
lung gang yin pa de med pa'i phyir/ phyi ma ltar na

lung de khas ma blangs kyang/ sangs rgyas pa dang ngo bo nyid
kyis 'brel pa'i rgyu mtshan gyis de kho na la ldan pa ma yin par
thal/ sangs rgyas pa gang gi dang po nas ngo bo nyid kyis 'brel
pa'i khung gang ? yin pa de med pa'i phyir/ grangs

@347b can du ma zad sangs rgyas pa'i der yang sangs rgyas pa'i
lung de sgrub byed yang dag tu ji ltar yang grub pa yin pa mi
'thad par thal/ lung de'i don la tshad mas gnod par gyur pa'i
phyir/ lung de tshad ma ma yin yang de ltar mi shes shing

tshad mar zhen pas de las bsgrub bya 'grub par 'gyur ro zhe na/
sangs rgyas pa de nyid kyis blo bde sems pa can du ston pa'i
lung de tshad ma ltar snang du mi shes shing/ tshad mar zhen pas
sgrub byed yang dag tu ji ltar yang 'gyur ba mi 'thad

par thal/ lung de'i don dang 'gal ba blo bde sems med khas len
pa rigs pa'i phyir/ khyab par thal/ lung de'i don las gzhan pa
dngos 'gal khas len na/ lung de sgrub byed yang dag yin pa dar
ba'i yan lag yin gyi sgrub byed tshad

ma min pa'i phyir/ slob dpon chos mchog ltar na/ dngos stobs yul
la lung gi gnod sgrub khas ma blangs pa dang/ khas blangs kyang
dor ba gnyis las/ dang po ni/ yongs brtags zhes so/ /gnyis pa
la/ rgol bas dor ba dang/ phyir rgol

gyis dor ba'o/ /dang po ni/ lung la gnod phyir ces so/ /phyi ma
ni tshad mas zhes so/ /des na lung la gnod phyir dang/ tshad mas
dang/ de dang 'gal ba zhes pas rim pa bzhin du lung 'dor ba'i
dus gsum bstan te/ sun 'byin la

rna ba gtod pa'i dus dang/ lung don la gnod pa mthong ba'i dus
dang/ lung don dang 'gal ba khas len pa'i dus de dag snga mar ma
dor yang phyi ma gnyis su lung sgrub byed du khas len pa nges
par 'dor dgos shing/ de ltar grangs

@348a @#/ /can khyod rang gis kyang 'dod dgos pas skabs der sgrub
byed du ga la rigs zhes pa'i don du gsungs so/ /gnyis pa la/ blo
bde sems med du grangs can rang gis rtogs pa'i thabs de brjod
rigs pa/ de lung

gis grub pa mi 'thad/ rnal 'byor mngon sum gyis grub pa mi 'thad
pa'o/ /dang po ni/ grangs can chos can/ khyod rang gis blo bde
sems med du rtogs pa gang las byung bar gyur pa'i sgrub byed de
ni/ sangs rgyas pa la ci nas kyang mi

brjod pa mi 'thad par thal/ de'i ngor blo bde sems med rtags
yang dag gis sgrub par 'dod pa'i rgol ba yin pa'i phyir/ gnyis
pa ni/ kho bo cag gis lung la brten nas rtogs la/ de khyed tshad
mar khas mi len pas ma brjod

do zhe na/ lung de tshad ma min na grangs can rang nyid kyis
kyang/ de las rtogs par mi rung la/ tshad ma yin no zhe na/ de
chos can/ rigs pa gang gis lung tshad mar 'dzin pa'i rigs pa de
ni/ sangs rgyas pa la brjod rigs

shing/ sangs rgyas pa 'dis kyang de ci nas tshad mar mi 'dzin pa
mi 'thad par thal/ sangs rgyas pa'i blo ngor blo bde sems med
sgrub 'dod kyi rgol ba gang zhig/ de lung tshad ma kho nas grub
pa'i phyir/ gsum pa ni/ kho bo

cag gis blo bde sems med rnal 'byor mngon sum gyis rtogs la de
yang rnal 'byor pa kho nas rig par bya ba yin pas gzhan la ma
bstan pa yin no zhe na/ sngar ni/ so so skye bo tha mal par gyur
pa las phyis lam bsgom

@348b pa la sogs pa'i sgrub byed gang dag goms par byas pa dag
gis/ blo bde sems med rtogs pa'i rnal 'byor mngon sum 'byung bar
rtogs pa dang thabs gang las dbang po ste rnal 'byor mngon sum
'byung ba'i sgrub byed da dag thabs

de'i 'bras bu'i don sgrub nus par shes nas gang zag de la thog
mar thabs de bstan nus pa yin gyi/ dang po nas grub pa'i rnal
'byor pa grangs can khyod rang yang mi 'dod do/ /de chos can/
blo bde sems med rtogs pa'i rnal

'byor mngon sum de'i thabs sangs rgyas pa la bstan rigs par
thal/ de yi ngor blo bde sems med rtogs pa'i rtogs pa bskyed
'dod ?  kyi rgol ba gang zhig de rnal 'byor mngon sum kho nas
rtogs pa'i phyir/ gal te/ thabs

'ga' zhig dang rnal 'byor mngon sum de 'brel pa rnam par tshad pa
can yin pas/ don 'di las 'bras bu 'di 'byung ngo zhes spyi'i
tshul gyis kyang bstan par mi nus pas ma bstan pa yin no zhe na/
blo bde sems med dang/

skye 'jig can gyi don de dag la bsgrub bya dang sgrub byed kyi
dpyod pa byas pa la dgos pa cung zad kyang med par thal/ blo bde
sems med rnal 'byor mngon sum kho nas rtogs pa gang zhig rnal
'byor mngon sum de thabs gang dang

yang 'brel pa rnam par tshad pa can yin pas/ spyi'i sgo nas kyang
'brel pa 'jal ba'i tshad ma'i spyod yul ma yin pa'i phyir/ rtags
chos gnyis 'brel pa med par bsgrub pa 'og nas 'chad pas gzhung
'di'i don min no/ /gsum

@349a @#/ /pa ni/ skyes bu'i bsam pa'i dbang tsam dag gis gtan
tshigs yang dag de nyid dang/ de nyid min pa'i ltar snang 'jog
nus par thal/ phyir rgol gyi khas blangs tsam tshul gsum sgrub
byed du rung ba'i phyir

'dod na/ gtan tshigs yang dag dang/ der snang mtha' gcig tu nges
pa med par 'gyur bar thal/ 'dod pa de'i phyir/ khyab par thal/
skyes bu'i 'dod pa de ni dngos po'i gnas tshod ji lta ba la brten
pa min par rang dgar

yang 'jug pa'i phyir/ des na tshul gsum don la med pa rtog pas de
dang ldan par shes pas sgrub byed yang dag tu 'gyur ba min par
thal/ rtags yang dag yin na/ tshul gsum don la yod cing de ltar
tshad mas shes

pa la bltos pa dang bcas pa yin pas khyab pa'i phyir/ gnyis pa
la/ bsgrub bya la brtags la dgag pa dang/ 'brel pa la brtags la
dgag pa'o/ /dang po ni/ gzhal byas sgra mi rtag par bsgrub pa
bzhin du sgrub byed

yang dag tu ma grub kyang bsgrub bya dngos po la gnas pa yin no
zhe na/ blo bde sems med yod du chug kyang skye 'jig gi rtags
las de rtogs pa cung zad kyang rtogs pa med pa dang mtshungs par
thal/ rtags de bsgrub

bya'i chos dngos dang 'brel pa med pa'i phyir/ rtags de de sgrub
kyi rang bzhin gyi rtags dang/ 'bras bu'am yod na snang du rung
ba las yod par mthong ba med pa nyid kyi rtags gang rung du
thal/ de de sgrub  kyi rtags yang

@349b dag yin pa'i phyir/ gnyis pa ni/ rtags chos kyi 'brel pa
de dngos po la grub pa yin na/ 'brel pa de grangs can rang la
yang ci'i phyir ma grub ? sangs rgyas pa'i lung kho na las grub
pa mi 'thad par thal/ lung la bltos pa med

par dngos po'i stobs la gnas pa'i phyir/ rtags chos 'brel pa med
na/ sangs rgyas pa gzhan gyis kyang tshul gsum pa'i rtags las/
gzhan las bsgrub bya rtogs par mi rigs par thal/ rtags chos
'brel pa med

pa'i phyir/ gnyis pa ni/ gal te gzhan gyi khas blangs rtags su
mi rung na/ khyed dang sngon gyi slob dpon phyogs glang sogs
kyis gzhan gyi khas blangs rtags su bkod nas/ mi 'dod pa'i chos
gzhan thal bar bsgrub pa ji lta bu

zhe na/ bya brag pas ba lang gi spyi cha med ? gcig gsal ba
thams cad la dus gcig tu 'phrod 'du 'brel bar 'dod pa la/ ba
lang gi spyi chos can/ cha du ma dang bcas par thal/ rang gi
gsal ba rnams la dus gcig tu

'phrod 'du 'brel ba'i phyir/ ces 'phangs pa'i thal ba de'i rtags
tshad mas ma grub pa dang/ grangs can gyis rang rgyud 'dod pa'i
rtags khas blangs tsam du mi rung bar bshad pa'i nyes pa mi
mtshungs par thal/ thal ba

'di ni/ rtags bya brag pa gzhan gyis brtags pa'i khas blangs
tsam rtag su bkod pa yis mi 'dod pa'i chos gzhan thal bar sgrub
cing 'phen pa tsam yin pa'i phyir/ phyir rgol gyi blo ngor mi
'dod pa sgrub cing 'phen pa yin

@350a @#/ /no/ /thal ba de 'phangs pa la dgos pa yod de/ ba lang
gi spyi de tsha bcas gcig tu med na gsal ba du ma la 'phrod 'du
'brel ba gzhan du grub ba dgag pa'i phyir tu yin pa'i phyir/ cha
bcas su med na gsal ba du

ma dang 'brel ba dgag nus par thal/ de cha bcas kyi bdag gcig
pa'i khyab bya yin pa'i tshul gyis de gnyis 'brel ba'i phyir/ de
la 'dir tshad ma rnam nges su thal pas 'phangs pa'i rang rgyud
dngos su bstan pa ni/

thal 'gyur rang rgyud kyi mtha' can shes par bya ba'i ched du
yin no/ /de la rang rgyud 'phen pa'i thal 'gyur yin na/ dam bca'
la tshad ma'i bsal ba bstan dgos te/ de lta min na rang rgyud kyi
phyogs chos mi 'grub pa'i

phyir ro/ /rtags pha rol pos khas blangs pa dgos te/ de lta min
par tshad mas grub na/ rang rgyud rtags kyi dam bca' tshad mas
bsal bar 'gyur ba'i phyir ro/ /de bzhin du khyab pa yang tshad
mas grub pa dgos so/ /

thal ba 'phan pa'i tshe/ ba lang gi spyi chos can/ du ma yin par
thal/ gsal ba du ma la dus gcig tu 'brel ba'i phyir/ ces pa mi
rigs te/ de lta na bum pa'i nga chos can/ der thal/ de'i phyir/
'dod mi rigs te/ bum pa du

ma yin na/ gcig gi mtshan gzhi cung zad kyang mi rnyed la/ de ma
rnyed na du ma yang mi srid par 'gyur ba'i phyir ro/ /des na cha
du ma dang bcas par thal/ zhes bya'o/ /'o na/ ba lang gi spyi de
yang cha du ma dang bcas pa yin pas

@350b thal ba'i dam bca' tshad mas ma bsal bar 'gyur ro zhe na/
ba lang gi spyi tsam rtsod gzhir gzung na da lta yin na yang/
bye brag pas btags pa'i rtag dngos kyi spyi chos can du gzung
bar bya ba yin pas nyes pa med do/ /gsal ba du ma dang

'brel na/ cha du ma dang bcas pa'i khyab pa bye brag pa'i blo
ngor grub bam/ ma grub/ ma grub na/ de'i ngor rang rgyud 'phen
pa'i thal 'gyur yang dag tu ma song bar thal lo/ /'on te grub ?
bo zhe na/ des btags pa'i ba lang gi spyi chos can/

de'i ngor ? cha du ma dang bcas par thal/ de'i ngor gsal ba du
ma la dus gcig tu 'bral ba'i phyir/ khyab pa khas blangs so zhe
na/ 'o na ched ma'i ngor byas na mi rtag pa'i khyab pa grub bam
ma grub/ ma grub na/ de tshad ma'i gzhal

bya ma yin par 'gyur ro/ /grub ? na/ tshad ma'i ngor byas pa yin
na/ tshad ma'i ngor mi rtag pa yin pas khyab par thal/ 'dod na/
rtags yang dag gi phyogs chos grub pa na/ bsgrub bya grub par
thal/ zhes brjod na lan ci yod/ tshad ma'i

ngor byas na mi rtag pa'i khyab pa grub kyang/ tshad ma'i dor
byas pa yin na/ tshad ma'i dor byas pa yin na/ tshad ma'i ngor mi
rtag pa yin pa'i khyab pa grub mi dgos so zhe na/ snga ma la
yang mtshungs so/ /rang rgyud dang thal 'gyur gyi dbye ba sogs
ni/ gzhan du

bshad par bya'o/ /gnyis pa ni/ gzhan don rjes dpag gi mtshan nyid
'tshad pa'i skabs su don smros ? pa de ni chos can/ dgos pa yod
de/ don rang mtshan dang 'brel pa med par rjod byed kyi sgra dag
dang/ rtog pas sgro btags pa tsam

@351a @#/ /gyi bdag nyid can gyi rtags rnams rtags yang dag nyid
min par sgrub pa'i don du yin pa'i phyir/ 'dod pa tsam gyis
bzhag pa rtags yang dag tu mi rung ste/ rang mtshan dang 'brel
ba'i khyab bya'i don las rab

mtshan dang 'brel ba'i khyab byed kyi don ni ngas par grub dgos
pa'i phyir/ sngar bshad pa ltar tshul gsum don la grub pa zhes pa
ni/ tshad ma'i yul du grub pa yang yin mod kyi don gyi gtso bo ni
dngos su rtags sbyor don gsum sgro

btags yin yang/ brgyud nas de 'jal ba'i tshad ma don rang mtshan
'jal ba'i tshad ma'i mtha' can yin pas khyab ste/ de lta min na
tshad ma gang yang mi rung ba'i phyir ro/ /rang mtshan dang brgyud
nas kyang 'brel ba med

pa'i gzhan gyis glo bur du btags pa dag ni mngon par 'dod pa'i
don la 'khrul pa yin pas khyab ste/ de dag ni rtog par byed pa
po dang lung dag byed pa po'i 'dod pa tsam dang rjes su 'brel
ba'i phyir/ khyab par thal/

de dag gi 'dod pa dngos po'i gnas lugs las gzhan du yang 'jug
srid pa'i phyir/ gsum pa la/ tshig gnyis rang nyid kyis sgrub mi
nus par mtshungs/ sgrub byed ston pa'i nus pa yod med mi mtshungs
/rtsod pa spang ba'o/

dang po ni/ tshul gsum gsal bar byed mi nus pa'i phyogs tshig la
sogs pa sgrub ngag gi yan lag tu 'dod pa dgag pa'i ched du gsal
byed smos la/ rtags tshig gis tshul gsum gsal bar byed nus kyang/

@351b sgrub byed yang dag tu mi rung bar ston pa yin no/ /sgra
mi rtag pa'i don bsgrub pa la/ sgra mi rtag pa'i phyogs tshig
dang/ gtan tshigs brjod pa'i tshig ngo bo nyid kyis nus pa med par
thal/ byas pa lta bu'i bsgrub bya'i chos kyi khyab

bya rtags su bkod pa'i don gyis don sgra mi rtag pa nges par
rtogs dgos pa'i phyir/ 'dod na/ tshig de dag rang gi ngo bo nyid
las sgra mi rtag par sgrub par byed par gnas pa rigs pa ma yin
par thal/ 'dod pa des

na'i phyir /ci ste/ phyogs tshig bsgrub bya dang ma 'brel bas
de'i sgrub byed du mi rung na/ rtags tshig kyang sbyor ba gcig po
de'i bsgrub bya sgrub byed du mi rung mod/ gtan tshigs kyang
sgrub byed du mi rung bar 'gyur te/ de dang 'brel

pa med pa'i phyir ce na/ bden te/ gtan tshigs kyi tshig chos can/
rang gi ngo bo nyid las gtan tshigs kyang sgrub byed yang dag ma
yin par thal/ rang phyogs kyi chos su grub pa'i gzhir/ rang smra
ba po'i kun slong gi bsam pa

ston par byed pa tsam la sgrub byed tshad ma yin pa'i phyir/ 'o
na /slob dpon gyis sla byung tshad mar bshad pa ji ltar yin zhe
na/ sgra mi rtag ces pa'i phyogs kyi tshig de ni chos can/ sgra
mi rtag pa sgrub byed yang dag ma yin na/

don gang gi yang sgrub byed du mi rung ba ma yin par thal/ rang
phyogs kyi chos su grub pa'i gzhir rang smra ba po'i kun slong
gi bsam ba ston zhing dpog par byed pa la sgrub byed tshad ma yin
pa'i phyir/ sgra mi rtag pa dngos su sgrub byed

@352a @#/ /min te/ khyod brjod kyang/ de las the tshom dag skye'i
nges pa dngos su mi skyed pa'i phyir/ gnyis pa ni/ de chos can/
brgyud pa yis kyang sgra mi rtag pa sgrub pa'i nus pa med de/
bsgrub par bya ba sgra mi rtag pa tsam dngos

su brjod pa yis so/ /sgra mi rtag par sgrub pa'i gtan tshigs
brjod pa'i tshig chos can/ rang nyid la sgra mi rtag pa sgrub
pa'i nus pa med kyang/ de'i sgrub byed du gdags su rung ste/ de
sgrub pa'i nus pa can gyi tshul gsum ston par

byed pa'i lhag chad dang bral ba'i ngag yin pa'i phyir/ de la
'dir/ rtags tshig brgyud nas sgrub byed yang dag tu 'dod pa dpyad
mi bzod de/ don gang dngos su sgrub pa'i sgo nas sgra mi rtag
pa'i sgrub byed yang dag tu 'dod pa yin/ sgra mi

rtag par sgrub pa'i tshul gsum mo zhe na/ 'o na/ phyogs tshig
phyogs dngos su sgrub byed yang dag tu thal/ rtags tshig gtan
tshigs dngos su sgrub byed yang dag yin pa'i phyir/ mi mtshungs
te/ gtan tshigs kyi tshig gis tshul

gsum la dran pa bskyed par byed la/ phyogs tshig gis phyogs la
dran pa bskyed mi nus pa'i phyir ro zhe na/ tshul gsum sngar grub
zin brjed pa dran par byed dam/ ma brjed bzhin du dran par byed/
de gnyis ka phyogs tshig la

yang mtshungs pa'i phyir/ de phyogs sgrub byed yang dag tu thal/
phyogs tshig las the tshom tsam skye'i dran pa mi skyed do zhe na/
de'i don ci yin/ sgra rtag mi rtag the tshom za nas dris pa na/
sgra mi rtag ces brjod na the tshom de nyid las

@352b ma 'das pa'i phyir ro zhe na/ 'o na rtags tshig kyang rtags
la the tshom tsam bskyed par byed kyi dran pa skyed byed du mi
rung bar thal/ phyogs khyab la the tshom za bzhin du dris pa'i
tshe/ sgrub ngag bkod na yang the tshom de nyid las ma

'das pa'i phyir/ gal te/ sgrub ngag bkod pa'i tshe the tshom las
ma 'das kyang/ gang zag de'i ngor tshul gsum legs par bsgrubs
nas/ mthar tshig las dran pa skye'o zhe na/ 'o na/ phyogs tshig
kyang phyogs sgrub byed yang dag tu 'gyur

bar thal/ dang por the tshom las ma 'das kyang/ mthar sgrub byed
mthong ba'i tshe/ tshig las kyang nges pa bskyed par byed pa'i
phyir/ gal te/ sngar tshul gsum grub zin brjed nas ma dran pa
dran rung du yod pa la rtags tshig brjod pas

dran pa bskyed pa'i phyir/ tshul gsum sgrub byed du 'gyur ro zhe
na/ 'o na phyogs tshig kyang phyogs sgrub byed du 'gyur bar thal/
sngar phyogs grub zin brjod nas dran rung du yod pa phyogs tshig
gis dran par byed nus pa kun nas

mtshungs pa'i phyir/ phyogs tshad ma'i yul du 'gyur ba tshul gsum
tshad ma'i yul du song ba la nges par bltos pas tshig de'i mthu ma
yin no zhe na/ 'o na tshul gsum la dran pa bskyed pa rtags tshig
gi mthu ma yin par thal/

tshul gsum tshad ma'i yul du 'gyur ba nges par de'i sgrub byed
tshad ma'i yul du song ba la bltos dgos par mtshungs pa'i phyir/
des na gtan tshigs kyi tshig gis don gang dngos su bsgrubs nas
phyogs brgyud nas sgrub byed

@353a @#/ /yang dag tu 'gyur ba sma dgos so/ /gal te /tshul gsum
sgrub byed du mi smra'i/ tshul gsum ston par byed pas phyogs
brgyud nas sgrub byed yin no zhe na/ de la khyab pa legs par
bsgrub dgos so/ /

tshul gsum ston par byed pa yin pas tshul gsum ston par byed pa'o
zhes pa tsam zhig smra'am/ 'on te tshul gsum la dran pa bskyed
par byed pa'o/ /zhes smra/ dang po ltar na/ legs par smras so/
/phyi ma ltar na/

sbyor pa skor gcig gi tshul gsum sgrub pa'i ched du bkod pa'i
sgrub ngag de rnams kyang rtsa ba'i tshul gsum du sgrub byed yang
dag yin par thal/ de la dran pa bskyed pa'i phyir/ 'khor gsum ga
khas blangs so/ /rtags

ma grub na sngar tshul gsum grub zin rtags tshig gis dran par byed
nus pa 'gal lo/ /bsgrub bya sgrub nus pa'i don brjod pa tsam
gyis bsgrub bya sgrub byed yang dag yin na/ byas zhes brjod pa'i
tshig de sgra mi rtag

pa'i sgrub byed yang dag tu thal /byas pa de cig shos de sgrub
nus yin pa'i phyir/ de dung sgrub byed med bzhin du tshul gsum
ston byed yin pas bsgrub bya sgrub byed do zhes smros shig 'o na
phyogs tshig la brgyud pa

yis kyang nus pa med ces smros pa la rnam bcad med par thal lo
zhe na/ 'o na/ skye phyir dngos su sgrub byed min/ zhes pas
phyogs tshig brgyud nas sgrub byed yin pa dang/ rtags tshig dngos
su sgrub byed yin pa 'phan

@353b par thul/ phyogs tshig brgyud nas sgrub byed min par ston
pa'i tshig des rtags tshig brgyud nas sgrub byed yin pa 'phen pa'i
phyir/ dngos brgyud gang gi sgo nas kyang de gnyis sgrub byed
min par mtshungs na/ de gnyis kyi khyad

par phye ba ji lta bu zhe na/ phyogs tshig sgrub ngag gi yan lag
yin pa legs par bkag nas/ sgrub ngag gi yan lag yin na/ sgrub
byed kyi yan lag ston par byed pa dgos kyi/ tshig de la yang rang
nyid la sgrub pa'i nus pa

med do zhes pa'i don to/ /gsum pa la/ lung dang 'gal ba spang
ba/ rigs pa dang 'gal ba spang ba'o/ /dang po ni/ slob dpon
phyogs tshig sgrub byed du bzhed pa ma yin na/ phyogs chos 'brel
ba bsgrub bya dag/ brjod pa las

gzhan spang bar bya/ zhes pa ji ltar zhe na/ slob dpon phyogs
glang phyogs tshig sgrub ngag gi yan lag tu bzhed pa ma yin par
thal/ rjes dpag bya der bstan pa ni/ /gtan tshigs don gyi yul du
'dod/ ces pa'i tshig de nyid kyis/

phyogs tshig des phyogs sgrub pa'i nus pa med pa'i phyogs de ni
brjod par bshad pa'i phyir/ 'o na tshig snga ma'i don ji lta bu
zhe na/ de ni bsgrub bya'i chos la/ bsgrub bya'i ming gis btags
pa yin gyi bsgrub bya mtshan nyid pa min

no/ /gang dag de bsgrub bya mtshan nyid pa yin pa tshig de'i don
du bzung nas 'gal spong byed pa ni ma rtogs pa'i rnam 'gyur ro/
/gnyis pa la/ phyogs tshig sgrub ngag gi yan lag yin pa'i rgyu
mtshan dgag pa dang/ rang gi phyogs

@354a @#/ /kyi mtshan nyid la mtshungs pa spang ba/ 'grel byed
gzhan gyi rtsod lan 'brel med du bstan pa'o/ /dang po ni/ gal
te/ phyogs tshig de la'ang bsgrub bya sgrub pa'i nus pa yod de/
de las gtan tshigs kyi tshig

'jug pa'i phyir ce na/ 'o na/ bsgrub bya la dmigs pa'i the tshom
dang/ phyir rgol gi shes 'dod dang/ sgrub byed 'dri ba'i skabs
la sogs pa yang sgrub ngag gi yan lag tu thal/ rtags tshig de ni
the tshom gyis drangs pa'i mtha' gcig

tu shes par 'dod pas sgrub byed 'dri ba'i skabs la brten nas
kyang 'jug pa yin pa'i phyir/ sgra mi rtag pa'i sgrub byed thug
med du 'gyur bar thal/ sgra mi rtag pa'i mi mthun phyogs sgra
rtag ces khas len na yang sgra mi rtag pa'i rtags

tshig de 'jug par mtshungs pa'i phyir/ de yang dam bca' de dgag
pa'i ched du sgrub byed kyi ngag 'god pa yod pas so/ /phyogs
tshig sgrub ngag gi yan lag tu smos pa don med par thal/ bsgrub
bya sgrub pa'i nus pa'ang med/ tshul

gsum la dran pa dngos su bskyed pa'i nus pa'ang med/ dgos pa
gzhan yang med pa'i phyir /rtags snga ma der thal/ nang gi yan
lag bsgrub bya sgrub pa'i nus pa ni tshul gsum pa'i rtags dag kho
na la yang dag par gnas

pa'i phyir/ rtags par pa der thal/ tshul gsum de la dran pa
bskyed pa'i nus pa ni/ de nyid ston pa'i rtags tshig la yang dag
par gnas kyi phyogs tshig la mi gnas pa'i phyir/ gal te gar 'bab
nges pa med pa'i thog ltar/

@354b gtan tshigs kyi byed pa 'jug pa'i yul bstan pa med par gtan
tshigs 'jug pa rigs pa med pa'i phyir byed pa 'jug pa'i yul
phyogs dngos su bstan pa dag sngon du 'gro ba nyid las rtags
tshig 'jug pa'i phyir /phyogs tshig kyang

bsgrub bya la nus pa grub par 'dod do ce na/ /sgrub ngag yan lag
lnga dang ldan pa mi 'thad par thal/ de gong 'go kun tu bkag
cing 'gog par 'gyur ba'i phyir/ des na nges par yan lag gnyis
ldan khas len dgos la/ khyab pa brjod

pa sngon du 'gro ba can gyi ngag yan lag gnyis ldan pa la/ sgra
mi rtag pa sgrub ngag des dngos su brjod pa la dgos nus med par
thal/ de dngos su brjod pa med kyang sgra ni byas pa yin la/
gang byas pa 'di 'dra kun mi rtag ces ni

brjod pas kyang don gyi shugs kyis sgra de ni 'jig par rtogs
pa'i blo skye bar 'gyur ba'i phyir/ bshad zin 'di la de med
kyang/ zhes bltar na/ phyogs tshig sgrub ngag gi yan lag tu mi
rigs par thal/ de la lan bshad zin pa'i

phyir ces te/ gzhung lhag ma ni snga ma ltar ro/ /gzhung 'dir
phyogs chos sngon du brjod pa tshig gi sdeb sbyor gyi dbang yin
pa'am/ yang na dam bca' sngon 'gro 'gog pa'i mtshon byed du khyab
sngon can zhes smos so/ /'dir bsgrub bya shugs

rtags su bshad pa tshul gsum 'jal ba'i tshad ma'i shugs rtogs ma
yin te/ de lta na/ tshul gsum ga mngon sum tshad mas grub pa'i
tshe/ bsgrub ya phyir rgol de'i mngon sum gyis shugs rtogs su
thal bar 'gyur ro/ /des ni/ de'i shugs

@355a @#/ /kyis rtogs pa'i don yin gyi/ des shugs la rtogs pa'i
don min no/ /yang na gzhung 'di yi don 'di ltar bshad de/ rgol
ba gang la dpag 'dod yod pa go ba'i ched du dam bca' dngos su
brjod pa dgos pa

med par thal/ de dngos su brjod pa med kyang rgol pas sgra ni
byas pa yin la/ gang byas pa 'di 'dra kun mi rtag ces brjod pas
kyang/ sgra de ni 'jig blo ste/ de la dpag 'dod yod pa phyir
rgol gyis don gyi shugs kyis go

bar 'gyur ba'i phyir/ 'di ni/ gnas skabs 'ga' yis 'dod 'gyur
zhing/ zhes pa ltar /tshig de las sgra mi rtag pa shugs rtogs ma
yin gyi rgol ba sgra mi rtag ces zer 'dod pa'i 'dod pa shugs
rtogs so/ /phyogs dngos

su bstan pa med na yang/ sgrub ngag gi yan lag ma tshang ba'i
skyon med par thal/ de dngos su ma bstan yang bsgrub bya 'grub
pa la gegs med pa'i phyir/ gsum las tshul gang yang rung ba nyid
ma bstan na gzhan don

rjes dpag gi yan lag ma tshang ba yin par brjod rigs te/ tshul
gsum rtags yang dag gi mtshan nyid yin pa'i phyir/ gnyis pa ni/
phyogs tshig phyir rgol gyis ma grub pa brjod pa yin pas bsgrub
bya brjod pa

yin gyi/ sgrub byed kyi yan lag ma yin par khas lan na/ khyed
rang gis/ bsgrub byar khas blangs phyogs mtshan nyid/ ces bsgrub
bya brjod pa dam bca'i mtshan nyid du khas blangs pas/ dpe rtags
ma grub pa brjod pa

@355b yang bsgrub bya brjod par thal/ phyir rgol gyi sa ma grub
pa brjod pa'i phyir/ 'dod na/ dam bcar thal lo zhe na/ kho bo
cag gis bsgrub ya brjod pa dam bca'i mtshan nyid du ma smras mod
kyi de ltar dam bcas su tshug na'ang bsgrub bya

brjod pa dam bca'i mtshan nyid du smra ba de la dpe rtags ma grub
pa brjod pa sbyor ba skor gcig po'i dam bcar thal ba'i skyon
'thad pa min par thal/ de la rtags ma grub kyi lan thebs pa'i
phyir/ de nyid bshad pa ni/ dpe dang gtan tshigs

ltar snang brjod pa sbyor ba skor gcig po'i dam bcar thal ba'i
skyon yod pa min par thal/ de sbyor ba skor gcig po'i sgrub byed
kyi dbang du byas pa'i ma grub pa brjod pa yin gyi/ bsgrub bya
brjod pa ma yin pa nyid kyis skyon de med pa'i

phyir/ lan gzhan yang kho bo cag gi dam bca'i mtshan nyid bzhag
pa la dpe rtags ma grub pa brjod pa dam bcar dogs pa'i skyon med
par thal/ ngo bo kho na zhes pa'i nges gzung gi khyad par med
par/ spyir bsgrub bya brjod

pa tsam dam bca'i mtshan nyid du brjod na dogs pa de skye na
yang/ bsgrub bya kho na brjod pa dam bca'o zhes smras pa'i
phyir/ khyab par thal/ rigs gcig pa'i ba lang dang ba men lta bu
dag la the tshom skye bar rigs par 'gyur

gyi bud shing dag la ba lang gi dogs pa skye mi rigs pa'i phyir/
de las gzhan du ma grub pa brjod pa tsam du rigs gcig pas dam
bcar the tshom skye na/ rdza mkhan rdza bum sgrub par bya'o zhes
brjod pa kun yang dam

@356a @#/ /bcar thal bar 'gyur te/ des kyang ma grub pa'i don
brjod pa'i phyir/ de dag ni/ rigs pa can pa sogs phyogs tshig
sgrub ngag gi yan lag tu 'dod pa bkag pa la/ rang lugs kyi
phyogs kyi mtshan

nyid la yang dpe rtags ma grub pa brjod pa sun 'byin du 'phen pa
mi rigs te/ bsgrub bya kho na brjod pa dam bca'o zhes smos pa
na/ bsgrub bya sgrub byed gzhi mthun brjod pa dam bca' yin nam
snyam pa'i dogs pa nges

gzung gi tshig de nyid kyis chod pa'i phyir/ the tshom skye mi
rigs par bstan pa yin gyi/ rigs tha dad la the tshom skye mi rigs
par ston pa ma yin te/ de lta na/ gang zag su la yang the tshom
gang yang skye ba mi rigs par 'gyur

te/ sgra dang rtag pa yang rigs mi mtshungs pa'i phyir/ gal te
phyogs tshig sgrub ngag gi yang lag tu 'dod pa gzhan dag la yang
dpe rtags ma grub pa brjod pa dam bcar thal ba'i skyon med de/
grub zin brjod pa sgrub byed kyi yan

lag yin pa'i phyir/ slob dpon phyogs glang gis rigs pa can pa la
nyes pa de brjod pa ci ltar rigs she na/ da ni bsgrub bya bstan
pa'i tshig dag chos can/ ci ltar yang sgrub byed kyi yan lag yin
pa mi 'thad par thal/ phyir

rgol gyis ma grub pa brjod pa'i phyir/ gsum pa ni/ rigs sgo'i
'grel pyed kha cig dam bca' ni sgrub byed yin te/ sgrub byed
ltar snang dang bcas te brjod pa'i phyir/ ces rigs pa can pa zer
na/ mngon sum gyis ma nges pa

@356b dang/ tshig yin pas khyad par du byas nas 'god na/ sun
'byin gyis ma nges so zhes sogs gzhan gyi dogs pa bkod pa dang
de la lan 'debs pa ni chos can/ bzhad gang kyi gnas yin te/ dogs
pa 'brel med rang gis bkod nas/ de

la lan 'brel med btab pa yin pa'i phyir/ 'o na lan ji ltar 'debs
she na/ 'di ltar phyogs tshig sgrub ngag gi yan lag tu sgrub pa'i
sgrub byed de ni rigs pa nyid ma yin te/ de las ldog na gnod pa
can gyi tshad ma med do zhes bshad

zin pa'i phyir/ de yang rig byed 'gog pa'i skabs su/ 'di ltar/
'don pa ni 'don pa gzhan sngon du 'gro ba can yin no/ /zhes bya
ba la b+ha ra ta 'don pas ma nges par brtsad pa na/ rig byed
khyad par can yin pa'i phyir ro zhes lan brjod

na/ rig byed la khyad par ci zhig yod/ gang zhig gzhan du gdon
par mi nus pa'o zhe na/ 'di ni lan ma yin te/ mi mthun pa'i
phyogs dang 'gal ba med pa'i khyad par gyis ni de las gtan tshigs
ldog par mi nus so zhes rang 'grel

du bshad do/ /gnyis pa brjod bya don gyi rang bzhin la/ shugs
bstan bsgrub bya'i rang bzhin dang/ dngos bstan gtan tshigs kyi
rab dbye bshad pa'o/ /dang po la/ rang lugs kyi dam bca'i mtshan
nyid bshad pa/ gzhan gyi dam bca'i

mtshan nyid dgag pa/ gzhan gyi dam bca' ltar snang gi dpe dgag
pa'o/ /dang po la/ mdor bstan/ rgyas bshad do/ /dang po la/ tshig
don dang/ mtha' dpyad pa'o/ /dang po ni/ dam bca'i mtshan nyid
sgrub ngag gi yan lag tu mi rung na/ khyed

@357a @#/ /sgrub ngag 'chad pa'i skabs su bsgrub bya'i mtshan nyid
'chad pa mi rigs par 'gyur ro zhe na/ sgrub byed dngos su brjod
pa la brten nas bsgrub bya rtogs pa'i don can nyid yin yang/
skabs 'dir phyogs kyi mtshan nyid smos

pa la dgos pa yod de/ gzhan dag phyogs kyi mtshan nyid la rmongs
pa mthong bas/ de dag gi rmongs pa med pa'i ched du yin pa'i
phyir/ gtan tshigs so sor nges pa mthar thug pa'i tshe/ dam bca'
dngos su brjod mi dgos kyang bstan bcos

su dam bca'i mtshan nyid smos pa dgos pa dang bcas pa'i don to/
/dam bca'i mtshan nyid du phyir rgol gyis ma grub pa'i ngo bo
zhes pa'i tshig smos pa la dgos pa yod de/ dam bca' yang dag yin
na de sgrub dgos kyi phyir rgol gyis ma grub pa zhig

dgos so zhes shes ba'i ched yin pa'i phyir/ kho na'i tshig phrad
smos pa la dgos pa yod de/ dam bca' yang dag yin na/ sbyor bskor
gcig po'i sgrub byed du bkod bzhin pa min pa zhig dgos par shes
pa'i ched yin pa'i phyir/ bdag

nyid 'dod ces pa'i 'dod pa dang bdag nyid smos pa la dgos pa yod
de/ dam bca' yang dag yin na dngos su ma smras kyang don gyi
bsgrub byar brjod pa zhig dgos pa dang/ rgol bas khas blangs pa
zhig bsgrub byar bzung ngo zhes

rtogs pa'i ched yin pa'i phyir/ phyogs de yi mtshan nyid kyi zur
bzhi smos pa chos can/ dges pa yod de/ phyogs kyi mtshan nyid la
log rtog ldog pa'i ched yin pa'i phyir/ 'dir mtshan nyid kyi zur
bzhi las ma smos

@357b pa ni/ phyogs kyi mtshan nyid mtshan gzhi gang la zhugs
dpyod par bzhed pa yin la tshang mas bsal ba ni mtshan nyid 'jug
mi 'jug dpyod pa'i gzhir rung ba ma yin pas ma smos so/ /des na
'og tu yang/ bsal ba gnod dang lhag ma

la/ /mtshan nyid 'jug pa med phyir ro/ /zhes gsal ba zur du bcad
nas gsungs so/ /'o na rgyas bshad du yang logs su 'tshad par mi
rigs par 'gyur ro zhe na/ der ni dam bca' yang dag yin na/ tshad
ma gang gis kyang ma bsal

ba zhig dgos par shes pa'i ched yin no/ /gnyis pa ni/ mtshan nyid
yan lag lnga gsungs pa ni/ rigs mi mthun sel ba dang/ log rtog
sel ba gnyis ka'i dbang du byas pa yin te/ so sor phye na gsum
gyis rigs mi mthun sel

la/ gnyis kyis log rtog sel lo/ /de la rgol bas dam bcar khas ma
blangs pa dang/ khas blangs kyang skyon dang ma bral ba gnyis su
'gyur la/ dang po ni/ 'dod pas sel la/ phyi ma la grub zin pas
sgrub mi dgos pa dang/ bsal zin

pas sgrub mi nus pa gnyis las/ dang po ngo bos sel la/ phyi ma
ma bsal bas sel lo/ /rgol bas mi 'dod pa'i bstan bcos mkhan po'i
'dod pa phyogs yang dag yin pa 'dod pas bsal zin yang/ de yang
phyogs yang dag yin nam

snyam pa'i dgos pa'i gnas log pa'i ched du rang nyid du zur du
smos la/ phyis sgrub dgos shing da lta sgrub byed du bkod bzhin
pa'i dpe rtags ma grub pa bsgrub bya yin nam snyam pa'i dogs pa
ldog pa'i ched du tshig phrad smos so/ /des

@358a @#/ /na tshig phrad la nus pa gnyis yod de/ bsgrub bya sgrub
byed gzhi mthun phyogs yang dag yin pa sel ba dang/ rtsod pa'i
skabs kyi rgol ba'i 'dod yul dang/ bstan bcos mkhan po'i 'dod
yul gzhi mthun

phyogs yang dag yin pa sel ba'o/ /so sor phye na de ltar yin
gyi/ snga ma gsum gyis kyang log rtog sel bar byed do/ /don
bsdus na/ bsgrub bya'i ngo bo kho na/ rgol ba rang kho nas 'dod
cing tshad mas bsal ba ma zhugs

pa zhes bya'o/ /tha snyad zor yang bar bya ba'i ched du bsal bya
sel tshul de ltar smos kyi/ don ni/ sgra dang mi rtag pa'i tshogs
don mtshan gzhi/ gzhan don bsgrub byar mtshon/ ngo bo'i don sogs
chos lnga tshang ba zhes brjod

pa na/ sgra dang mi rtag pa'i tshogs don de/ gang la bsgrub byar
song ba'i phyir rgol des grub zin pas khyab pa ngo bos sel ba
nas/ de phyir rgol gyis bsal zin pa ma bsal bas sel ba'i tshul de
ltar shes par bya'o/

bsgrub bya'i mtshan nyid kyi zur du bsgrub byar 'dod pa zhes smos
dgos na rtags yang dag gi mtshan nyid du yang/ rtags yang dag tu
'dod pa zhes ci'i phyir ma smos she na/ de ni rnam pa kun tu me
mtshungs te/ rtags

yang dag ni/ ma grub pa'i don 'ga' zhig sgrub pa'i phyir tu
sgrub byed bkod pa yin la/ phyir rgol gyi ngor tshul gsum tshad
mas grub na rgol bas rtags yang dag tu khas ma blangs kyang
bsgrub bya 'grub la/ phyir rgol gyis

@358b tshul gsum tshad mas ma grub na/ rgol bas rtags yang dag tu
khas blangs kyang/ phyir rgol gyi ngor sgrub byed yang dag tu mi
'gyur bas de'i mtshan nyid du khas blangs pa zhes smos pa la dgos
pa cung zad kyang med do/ /phyir rgol

gyi ngor sgrub dgos kyang rgol bas bsgrub byar dam ma bcas shing
khas ma blangs na rgol ba'i dam bcar 'gyur mi srid la/ rgol bas
dam bcar khas blangs na phyir rgol gyi ngor sgrub mi dgos kyang
rgol ba'i dam bca'

tsam zhig tu 'gyur ba yin no/ /des na dam bca' 'dod pa dang khas
len la bltos pas de mi 'dod cing des khas ma blangs pa de'i khas
len du mi rigs pa'i phyir/ des na bsgrub bya'i mtshan nyid kyi
zur du 'dod pa nges

par smos dgos so/ /gzhan yang bsgrub bya phyir rgol gyis ma grub
pa la sun 'byin yang dag mi 'jug cing/ de bsgrub bya'i yon tan
yin la/ phyir rgol gyis ma grub kyang rgol bas 'dod pas der
'gyur ro/ /tshul gsum

phyir rgol gyis ma grub pa la/ sun 'byin yang dag 'jug cing
sgrub byed kyi skyon yin pas de la nges par tshad mas grub pa
gtso'i/ rgol ba'i 'dod pa tsam mi gtso'o/ /gnyis pa rgyas bshad
la/ 'dod pa rgyas bshad/ rang nyid

rgyas bshad/ ma bsal ba rgyas bshad do/ /dang po la/ yongs gcod
gyi dgos pa dang/ rnam bcad kyi dgos pa'o/ /dang po la/ rgol
ba'i zhe 'dod bsgrub byar bstan pa dang/ de min na ha cang thal
ba'o/ /dang po ni/ phyogs

@359a @#/ /kyi mtshan nyid kyi zur du 'dod pa smos pa chos can/
dgos pa yod de/ dag tu dngos su ma brjod na yang /rgol bas zhe
ba'i 'dod pas khyab ba'i phyogs de bsgrub byar go ba'i ched yin
pa'i phyir/ dpar na grangs

can gyis/ mig sogs chos can/ gzhan don byed de/ 'dus shing bsags
pa yin pa'i phyir/ mal cha dang stan la sogs pa'i yan lag bzhin
zhis bkod pa na/ bdag gi don byed pa dag tu ma smras kyang
bsgrub byar 'dod pa

bzhin no/ /de la 'dir gang dag mig gi sogs khongs nas rna ba la
sogs pa'i dbang po bzhi gzung gi/ bem bo nyer gsum mi bzung ste/
de lta na/ phyogs chos mi 'grub pa'i phyir ro zhes zer ba na mi
rigs te/ de lta na grangs

can gyis mngon par 'dod pa'i don rtags 'dis ci zhig bsgrub pa
cung zad kyang mi go ba'i phyir ro/ /des na grangs can shes bya
thams cad grangs nyi shu rtsa lngar 'dus par 'dod la/ de'i nyer
bzhi bem po dang/ nyer lnga pa rig

pa yan la/ da nyid longs spyod pa po'i bdag dang/ nyer bzhi las
kha cig bdag gi longs spyad bya yin la/ kha cig bdag gi longs
spyod de dag sgrub byed yin pas bdag gi nyer mkho 'ba' zhig tu
zad la/ bam pos shes

pa'i don byed pa sangs rgyas pas kyang 'dod pas/ bem po mtha'
dag da las gzhan gcig gi don byed par sgrub na bdag rtag pa
'grub par 'gyur te/ de las gzhan shes rig gi bdag 'ba' zhig yin
pa'i phyir ro/ /dngos

@359b su gzhan rnam shes kyi don byed ba 'bras bu rnam shes
bskyed pa'i don du sangs rgyas pas 'dod pas mthun dpe la rjes
'gro byad snyam du bsams so/ /des na/ mig gi sogs khongs nas/
bem bo nyer gsum bzung la/ phyogs

chos ma grub pa'i skyon med de/ blo grangs can gyis bem por 'dod
kyang blo tsam sangs rgyas bas kyang 'dod cing/ grangs can gyis
kyang blor tha snyad 'dogs pa'i gzhi gzung rnam la bsams pa'i
phyir/ gtso bo'i tha snyad mi 'dogs

kyang bde sdug btang sloms gsum cha mnyam pa'i cha sangs rgyas
ba rang nyid kyis kyang khas len pas se/ de lta ma yin na sgra
mi rtag par sgrub pa'i tshe yang/ rtsod gzhi mthun snang du ma
grub par 'gyur te/ grangs can gyis sgra rtag par

'dod pa'i phyir ro/ /'dod pa zhes pa'i tshig gis rgol ba'i 'dod
yul bsgrub byar ston na/ rgol bas mi 'dod pa'i don mtha' dag
bsgrub bya yin pa bsal zin par thal/ 'dod na/ rgol ba mi 'dod
pa'i bstan bcos mkhan po'i 'dod pa

phyogs yin pa yang bsal zin par thal/ 'dod na/ rang nyid kyi
sgra smos pa dgos pa med par thal lo zhe na / 'dod pa smos pas
rgol ba mi 'dod cing rgol ba las gzhan pa'i 'dod yul thams cad
phyogs yin pa ldog zin na

yang /kun las btus kyi 'grel bar bdag nyid ces pa'i sgra bshad
pa 'di ni chos can/ dgos pa yod de/ rgol bas dngos su ma smras
kyang rtsod pa'i tshe bstan bcos mkhan po'i 'dod yul yang phyogs
su byed dgos snyam pa dgos

@360a @#/ /pa'i gnas ni ldog pa de'i don du byas pa yin pa'i
phyir /dgos pa gnas ni dogs pa'i rgyu ste rgol bas kyang rang gi
tshad mar khas blangs pa'i bstan bcos kyi don mtha' dag dang mi
'gal ba zhig phyogs su

byed dgos snyam pa dogs pa skye ba'i rgyu yin la/ des na rtsod
pa'i tsho rang tshad mar khas len pa'i bstan bcos mkhan po'i 'dod
yul yang bsgrub byar byed dgos sam snyam pa dogs ba'o/ /gal te
rgol ba'i zhe 'dod kyi

tshogs don 'ba' zhig bsgrub bya yin na/ de phyin ci log tu byed
pa'i 'gal ba yang gcig kho nar 'gyur bas 'gal ba du mar dbye ba
mi 'thad par 'gyur ro zhe na/ 'gal rtags yin na/ tshogs don phyin
ci log tu sgrub nus

pa'i rgyu mtshan gyis 'gal rtags du mar dbye mi rung ba ma yin
par thal/ tshogs don de ni sgra'i sbyor tshul la bltos nas chos
kyi khyad par dag dang/ chos can gyi khyad par sgrub pa'i 'gal
rtags du ma dbye rung ba yin par

brjod rigs pa'i phyir/ de ji lta bu zha na /mig sogs chos can/
'dus pa ma yin pa'i yul can gzhan don byed de /'dus shing bsags
pa yin pa'i phyir ces bkod pa na /chos kyi khyad par sgrub pa'i
'gal rtags su

'gyur te/ gzhan don byed pa khyad par gyi gzhi yin /'dus pa ma
yin pa'i yul can khyad par gyi chos so/ /'dus pa ma yin ba ni/
rdul dang skad cig bsags pa ma yin pa'i don yin la /yul can ni
shes rig go /

@360b de bzhin du pa ma yin pa yul can mig sogs chos can/ zhes
brjod pa'i tsho/ mig sogs khyad par gyi gzhi dang/ cig shos khyad
par gyi chos so/ /chos kyi ngo bo sgrub pa'i 'gal rtags ni rtogs
par spal /chos can gyi ngo bo

sgrub pa'i 'gal rtags ni /dngos por gyur pa'i nam mkha' chos can
/mi rtag ste 'dus ma byas yin pa'i phyir /ces pa ste de yang
sgra'i 'god tshul yin gyi/ don ni/ nam mkha' chos can /dngos bo
yin te 'dus ma byas yin pa'i phyir

ces pa ste/ 'di ni 'og tu 'chad par 'gyur ro/ /rtags yang dag la
yang chos kyi khyad par bsgrub pa sogs bzhir dbye rung bar thal/
/ 'gal rtags la bzhir yod pa'i phyir ce na / 'dod pa yin te/
'gal rtags

la bzhir phye ba ni / gzhan gyi log rtog ldog pa'i ched du yin
te/ grangs can la bdag rtag pa dngos su ma smras kyang rung
/chos dang chos can gyi khyad par du smras kyang rung /'dus
shing

bsags pa de de sgrub pa'i gtan tshigs yang dag tu mi rung gi 'gal
rtags su 'gyur ro zhes ba'i don to/ /rtags yang dag la de ltar
phye ba la dgos pa yod na dbyer rung ste /sgra chos can /skad
cig ma'i dngos po yin te /byas pa'i phyir

dces bkod pa na /chos kyi khyad par sgrub pa'i rtags yang dag tu
'gyur ba bzhin no/ /zhe 'dod mig sogs bdag don byed pa sgrub
'dod par gang las shes she na /'dus shing bsags pa chos can /mig
sogs bdag don byed pa

@361a @#/ /khyod kyi bslub byar dngos su ma brjod na yang de
grangs can gyi zhe bas 'dod pa'i bsgrub byr sgrub byed 'god pa'i
skabs las rtogs bar 'gyur ba yin te/ grangs cang gyi zhe 'dod
de 'grub par bya ba'i ched du khyod sangs 

rgyas pI blo dor sgrub byed du bkod pa yin pa'i phyir/ rtags
de'i zhe 'dod kyi bsgrub byI chos de nthun dber rjes 'gro med
pa yi skyon yang yod de/ badg rtag pa'i don byed pa de mthun dpe
mal cha sags la rjes 'gro mi byed 

pa'i phyir/ khyab par thal/ ji skad du/ slob dpon dbyig gnyeb
gyis/ khyod kyi bom pi nyer bzhi las gazhn de gang yin zhes dris
pa na/ rtag pa'i badg de nyid gazhn gyi sgras brjod pa yin no
zhes smras pa'i tshe na/ slob dbon gyis

de dpe la rjes 'gro na grub ces bashd pa'i phyir/ de bzhin du
'dir yang/ dpe la rjes 'gro me d pa'i nyes pa ston pa'0//ttags
der ni chos can/ zhe 'dod meg sogs badg rtag pa'i don byed pa la
gnod byed yin te de'i log 

phyogs sgrub pa'i rtags yang dag yin pa'i ph yir/ gnyis pa ni/
gal te/ 'dus shid bsags pa  chas can/ khyod kyis meg sogs gazhn
don byed par sgrub pa'i zhe 'dod kyi bsgrub bya ci yin med par
thal/ mig sogs badg

rtag pa'i don byed pa yin min gang la rtsod pa yis don de sgrub
par byed pa'i sgrub byed du khyod bkod pa'i don de khod kyi zhe
'dod kyi bsgrub bya min/ skags der zhe 'dod sgrub rgyu gzhan med
pa'i phyir/ zhe 'e 'dod las gazhn du smras chos

@361b gzhan don byed pa bsgrub bya yin na/ khyed kyis rgol ba
sgrub mi 'dod pa bsgrub pa 'am / phyir rgol gyi ngor sgrub byed
bkod pa 'bras bu med par 'gyur bar thal/ mig sogs gzhan don byed
pa de khyod kyi zhe 'dod kyi bsgrub bya gong zhig

de thir rgol sgnas rhyas bas kyang  sngar nas grub zin/ grangs
can rang nyid kyang de dag gis 'bras bu bskyed ba tsam zhig
skabs 'dir sgrub mi 'dod pa'i phyir/ dper na/ bard sbrod pa'i
slob ma/ sgra bye brag tu bashd du yed par 'dod 

pa dang med par 'ded pa gnyis/ sgra la shas byen zhes pa sta bu
ming gi sga dang/ ba lang zhas pa lta du rgas kyi sgra gnyis
las/bye brag tu bshad du  yod par /'dod pas/ sgra bnyis ka
brda ma sbyar ba'i skon rol nas lhas byin

pa'i don gyis na/ lhal byin zhes pa dang/ 'gra ba'i dan gyis na
ba lang zhas phyi rol gyidon gyi don ldan du mtshungs  par 'dod
la/ ngo bo nyid kyi don ldan du mi 'dod do// bye brag yu bshad
du mad  par 'dod pa. rogs kyi sgar de ltar

yin yang/ ming gi sgra brga ma sbyar bI sdon rol nas ngo bo
nyid kyis don ldan yin gyi/ phyi rol gyi don ldan ma yin par
'dod pas/ phyi ma 'dis sng ma la minga go sgra ngo bo nyid kyis
den ldan du zal thbas kyi sbyor bas sgrub 'dod na 

mina gi sgra chos can/ don dang ldan pa yin te/ sgra'i rnam dbye
brgyad dang ldan par mthong ba'i phyir/ dber na rigs kyi skra
bzhin zhes bkod pa na/ ngo bo'i don ldan bsgrub kya ma yin par
thal/ dag tu ma smras ba'i phyir/ 'dod na 

@362a@#/ /rgol ba sgrub mi 'dod pa'i phyi rol gyi don ldan bsgrub
byar 'gyur la/ de lta na phyir rgol gyi ngor yang grub zin sgrub
pa'i nyes par 'gyur ba'o/ /ngo bo'i don ldna ni dber na /go zhes
pa lta bu'i sgra gcig la brjod 

'dpd kyi rtog pa dang/ rang gi brjod bya'i son dang/ ga dang/ o
dang/ u la sogs pa don gsum gsum go ba'i nus pa brda la mi
bltos par yod pa'/ /gnyis pa la/ gang rung gi spyi don gzhan zhe
'dod kyi bsgrub bya yin 
 
'dod kyi rtog pa dang/ rang gi brjod bya'i don dang/ ga dang/ o
dmg/ u la sogs pa don gsum gsum go ba'i nus pa brda la mi bltos
par yod pa'/ gnyis pa la/ gang rung gi spyi don gzhan zhe 'dod
kyi bsgrub bya yin 

pa khgas pa dang/ mi 'dod pa'i tshogs spyi don gzhan bkag pas
'dod pa'i bsgrub bya la gnad  par 'dod  pa?ng khegs pa'o// dang
po la/ rgyang phan gyi sbyoy ba star snang du bsgrub pa/ rang la
mtshungs pa spang pO//dang

po ni/ gungas can gyi zol sbyor 'gog pa'i rigs pa 'dos ni chos
can/ rgyang phan gyi gnyis bcas sbyor ba la yang nyes pa bshad
pa yin te/ di yangzhe 'dod kyi bsgrub bya'i chos dpe la rjes
'gro med pa dang/ bsgrub

yua phin ci log tu sgrub pa'i 'gal ba dag tu bstan pa yin pa'i
phyir/ de yang rgyad phan pas sgns rgyas pa la/ bum pa chas can/
lus sems rdzas gcig pi skyes bu'i lus dang bum bum pa gang rung
ge gnyis pa dang bcas

@362b kyis sems dang rdzas gcig pa'i lus kyi zla bcas su grub
la/ de lta na/ lus sems rdzas gcig pas lus zhig na blo yang med
par 'gyur bas/ skye ba snga phyi med par 'grub snyam du bsams
so/ /ci ste yang/ bsgrub par bya ba ni/ gang

rung gi spyi'i zla dang bcas par sgrub par 'dod do zhe na/ bum
pa de lus sems rdzas gcig pa'i lus dang bum pa gang rung las don
gzhan du grub pa ma yin par thal/ bum pa de nyid bum pa las don
gzhan du med pa'i phyir dang/ sems

dang rdzas gcig pa'i lus kyang bum pa las don gzhan du mi 'gyur
ba'i phyir/ gal te/ shugs kyis zhe 'dod kyi bsgrub bya'i chos
dpe la rjes 'gro byed par grub bo zhe na/ rtags kyi shugs kyis
'grub pa ma yin par thal/ rtags des

bsgrub bya 'gog pa'i phyir/ tshig gi shugs kyis so zhe na/ rgyang
phan gyi dam bca'i tshig 'di'i shugs kyis zhe 'dod kyi bsgrub bya
'grub pa ma yin par thal/ zhe 'dod kyi brjod byas stong pa'i
tshig yin pa'i phyir/ khyab par thal/ brjod byas

stong pa brjod pa'i tshig rnams kyis zhe 'dod kyi bsgrub bya 'di
'phen no zhes pa de mi shes pa nyid kyis kun nas bslang ba yin
pa'i phyir/ gnyis pa ni/ khyad par bsgrub byar mi rung bas spyi
yang bsgrub byar mi rung na sgra'i 'jig pa dang bum

pa'i 'jig pa'i khyad par gyis rtog na/ de gnyis bsgrub bya ma
yin pas sgra 'jig pa la'ang bsgrub bya ma yin par mtshungs so zhe
na/ byas pa chos can/ sgra la 'jig pa'i khyad par bsgrub bya ma
yin pas/ 'jig pa tsam bsgrub bya ma yin pa

@363a @#/ /dpe de dang mtshungs pa ma yin par thal/ sgra dang bum
pa'i 'jig pa gang yang ma yin pa'i 'jig pa tsam tshad mas grub pa
yis sgra ni 'jig pa tsam de dang ldan par mi ldan rnam gcod kyi
tshul de ltar khyod kyis grub

pa yin pa'i phyir/ de bzhin du bum pa'ang chos can/ khyad par
spangs pa'i lus bum gang rung gi spyi don gzhan de dang ldan par
'gyur ba ma yin par thal/ de 'dra'i gang rung gi spyi don gzhan
yod par gyur na/ de ltar 'thad na yang

de mi srid pa'i phyir/ mi rtag pa'i spyi zhes brjod kyang/ mthar
gtugs na/ sgra kho na la gnas pa'i mi rtag pa sgra yi khyad par
can de nyid bsgrub byar 'gyur la/ de dpe bum pa la rjes 'gro med
pas de dung nyes pa mtshungs so zhe

na/ sgra kho na la gnas pa'i mi rtag pa bsgrub bya ma yin par
thal/ sgra la mi rtag pa tsam ma 'brel ba rnam par ldog cing
gcod pa tsam zhig bsgrub byar byed pa'i phyir/ rnam gcod byad na
gzhan ldan rnam gcod kho nar 'gyur

ba ma yin par thal/ mi ldan pa gcod pa dang/ gzhan la ldan pa
rnam par gcod pa'i tshul rnam pa gnyis yod pa'i phyir/ des na/ mi
rtag pa chos can/ sgra las gzhan dang rjes 'gro med par 'gyur ba
ma yin par thal/ sgra la

mi ldan rnam gcod du ldan pa'i phyir/ mi rtag pa tsam dpe la
grub zin pa'i phyir/ grub zin sgrub pa'i skyon du 'gyur ro zhe
na/ byas pa dre chos can/ sgra la mi rtag pa tsam sgrub pa'i tshe
grub zin pa la bsgrub pa nyid kyi nyes pa yod

@363b pa ma yin par thal/ sgra de'i spyi mi rtag pa tsam dang
ldan par ma grub pas sgrub par bya ba yin pa'i phyir/ des na/
chos can sgras khyad par du byas pa can yin pas mi rtag pa de ni
gzhan la rjes 'gro med pa'i skyon dang ldan pa ma yin par

thal/ sgras mi ldan rnam gcod tsam gyis khyad par du byas pa'i
phyir/ gnyis pa ni/ 'dod pa smos pa 'dis ni chos can/ sgra la
rtag pa tsam bkag pas chos can sgras khyad par du byas pa dag gi
chos mi rtag pa'i spyi don gzhan dang/

chos mi rtag pa dag gis khyad par du byas pa can gyi chos can
sgra'i spyi don gzhan bkag pas sgra la rtag pa 'gog pa'i 'gal ba
dag tu 'dod pa bsal ba yin te/ zhe 'dod kyi bsgrub bya min pa
bkag kyang/ zhe 'dod 'gog pa'i

'gal bar mi 'gyur bar bstan pa'i phyir/ byas pa chos can/ khyod
kyis chos can sgra la tshogs pa'i spyi don gzhan dag bsal ba'i
sgo nas zhe 'dod la gnod pa'i 'gal bar 'gyur ba ma yin par thal/
chos can sgra de tshogs spyi don

gzhan dang ldan pa de ltar rgol bas ma sgrub pa'i phyir/ der
thal/ gang gi phyir na/ de ltar rgol bas sgrub 'dod yod pa min
pa'i phyir/ der thal/ sgra la rtag pa 'gog pa 'dir/ chos mi rtag
pa tsam 'ba' zhig sgrub par bya ba yin

pa'i phyir/ 'di ni/ bye brag pas grangs can la/ sgra mi rtag
pa'i sgrub byed bkod pa na/ grangs can na re/ sgra la rtag pa
tsam bkag pa na/ spyi rtag pa don gzhan yang bkag la/ de bkag
na/ chos can sgra yang bkag pas zhe 'dod la gnod

@364a @#/ /pa'i 'gal bar 'gyur ro zhes smra ba la/ slob dpon gyis
rgol ba sgrub 'dod med pa bkag pas rgol ba'i zhe 'dod la gnod
par mi 'gyur ro zhes gsungs so/ /'gal rtags la zhe 'dod 'gog
pa'i 'gal rtags

yin pa'i nges pa med de/ sangs rgyas pas sgra mi rtag par bsgrub
pa na/ sgra rtag par sgrub pa'i 'gal rtags yin yang/ zhe 'dod la
gnod pa'i 'gal ba ma yin no/ /phyogs kyi mtshan nyid kyi ngo bo
smos pa dogs pa'i gnas

tshung ba'i phyir rgyas bshad ma mdzad la/ tshig phrad kyang rang
nyid kyi zhar byung tsam yin pas/ rgyas bshad mang po ma mdzad
do/ /gnyis pa rang nyid rgyas bshad la/ dngos dang/ zhar byung
tshig phrad kyi don bshad pa/ rang

nyid kyi dgos pa bsdus te bstan pa'o/ /dang po la/ dgos pa mdor
bstan/ rgyas par bshad pa/ phyogs kyi mtshan nyid bstan pa'i dgos
pa'o/ /dang po ni/ kun las btus su phyogs kyi mtshan nyid 'chad
pa na/

bdag nyid kyi sgra smos pa chos can/ dgos pa yod de/ chos can
sgra lta bu gcig la/ rang gzhan gyi bstan bcos las/ rtag mi rtag
bdag yod med la sogs pa'i chos rnams du ma rnam par bzhag kyang/

rtsod pa'i tshe rgol ba bdag nyid kyis de'i tshe 'dod yul du byas
pa de kho na rtags de'i bsgrub bya yin gyi/ lung don mtha' dag
ma yin no zhes shes pa'i ched yin pa'i phyir/ gnyis pa la/ rang
sgra'i dgos pa 'thad

@364b pa'i phyogs bzhag pa dang/ mi 'thad pa'i phyogs sun dbyung
ba'o/ /dang po la/ gzhan sde lung don bsgrub byar 'dod pa dgag
pa dang/ rang sde lung don bsgrub byar 'dod pa dgag pa'o/ /dang
po la/ mdor bstan pa dang/ rgyas par bshad

pa'o/ /dang po ni/ rigs pa can pa segs na re/ rang gis khas
blangs pa'i bstan bcos kyi don mtha' dag dang mi 'gal pa'i don
gcig rtsod pa'i tshe yang skabs kyi bsgrub byar byed dgos kyi/
lung gi don gang rung gcig la gnod

na/ skabs kyi bsgrub bya la yang gnod par 'gyur te/ de'i rgyu
mtshan rang gis khas blangs pa'i lung tshad ma yin pa rgyu mtshan
du byas nas/ de'i don gyi phyogs gcig gzhan la ston par byed pa
ni dam btsa' yin la/ lung de'i don

gyi phyogs gcig rtags de la brten nas khegs na lung de tshad ma
yin pa bkag bar 'gyur la/ de lta na skabs kyi dam bca' de lung
tshad ma'i phyogs gcig yin pa bkag par 'gyur la/ de lta na/ rang
gis tshad mar khas blangs pa'i lung

gi ngon gyi phyogs gcig gzhan la dam bcar byas nas bsgrub bya
'gal bas/ des na gal te/ bstan bcos tshad mar khas blangs pa'i
phyir/ de'i don thams cad tshad mas 'thad par gzung bas/ de'i don
gcig la rtsod pa'i skabs

kyis gtan tshigs des rab tu gnod pa byas na'ang/ gtan tshigs 'gal
ba dang skabs kyi dam bca' ba dag kyang tshad mas bsal ba'i skyon
du 'gyur ro zhe na/ byas pa chos can/ khyod kyi sga mi rtag par
bsgrub pa na rigs pa can pa'i lung

@365a @#/ /las bshad pa'i dri la rtag pa sa'i yon tan ldog pa'i
sgo nas kyang khyod sgra mi rtag par sgrub pa'i gtan tshigs 'gal
bar 'gyur bar thal/ de'i tshe bye brag pa'i lung don gcig bkag
pa'i phyir/ dri skabs su bab

pa'i chos can min pa'i phyir/ de la sa'i yon tan bkag pas sgra
mi rtag par bsgrub pa 'gal bar 'gyur ba ma yin no zhe na/ byas
pas sgra mi rtag par sgrub pa'i tshe sgra la nam mkha'i yon tan
bkag pa'i sgo nas kyang/ sgra mi rtag par

sgrub pa'i rtags 'gal bar 'gyur ba ma yin par thal/ sgra mi rtag
par sgrub pa'i tshe rtsod pa'i skabs min pa de ni/ gzhan nam
mkha'i yon tan la'ang mtshungs pa'i phyir/ mi mtshungs te/ ci ste
'dir chos can sgra'i chos la rtsod pa skabs su bab pa

yin pas/ sgra'i chos su gyur pa'i nam mkha'i yon tan la gnod na/
skabs kyi bsgrub bya la gnod par 'gyur gyi/ dri la sa'i yon tan
bkag pas mi 'gyur ro zhe na/ byas pas sgra la rtag pa nam mkha'i
yon tan can bkag pa dang/ dri

la rtag pa sa'i yon tan can bkag pas sgra mi rtag par sgrub pa'i
skabs kyi bsgrub bya la gnod pa'i 'gal bar 'gyur mi 'gyur
mtshungs par thal/ de gnyis sgra'i chos su 'brel med du mtshungs/
de gnyis la gnod na/ bstan bcos

kyi don la gnod pa nyid di mtshungs pa'i phyir/ de dag gi don ni/
sgra la nam mkha'i yon tan can bkag pas rigs pa can pa'i bstan
bcos tshad ma yin pa bkag la/ de lta na/ dri rtag pa sa'i yon tan
yin pa bkag pas de'i tshe/

@365b dri sa'i yon tan ma yin par sgrud pa'i sgo nas/ byas pa
sgra mi rtag sgrub kyi 'gal rtags su 'gyur bar thal/ zhes ha
cang thal ba 'phen pa'o/ /ci ste sgra mi rtag par sgrub pa'i
tshe/ chos can sgra'i chos yin pa dang/ sgra mi rtag par sgrub
pa'i bsgrub bya

spyi'i phyogs gcig tu gyur pa'i khyad par yin pa sogs kyi sgrub
byed kyis/ nam mkha'i yon tan yang skabs der rgol ba'i 'dod yul
gyi bsgrub bya yin par brjod do zhe na/ sgra mi rtag par sgrub
pa'i tshe/ rgol ba sgra mi rtag pa la dpag 'dod

skye bar 'gyur ba'i rgyu mtshan yod de/ sgra mi rtag pa'i sgrub
byed 'dri ba'i gnas skabs 'ga' yis de ltar skye bar 'gyur ba'i
phyir/ rgol ba de sgra mi rtag pa la dpag 'dod yod pa/ phyir
rgol gyis rtogs pa'i rgyu mtshan yang yod pa yin te/ sgrub

byed 'god pa'i tshe de dag gis de ltar rtogs pa'i phyir/ de
'dra'i sgrub byed med bzhin du nan gyis sgra mi rtag par sgrub
hpa'i rgol ba khyod nam mkha'i yon tan 'di yang bsgrub byar 'dod
ces pa gsal bar dbang phyug gi spyod pa dang mtshungs

pa yin te/ rigs pa med bzhin du dam bca' ba de yin pa'i phyir/
sgrub byed 'god pa'i tshig de tsam la brten nas bsgrub bya la
dpag 'dod yod pa rtogs par 'gyur ba yin no/ /sgra mi rtag par
sgrub pa'i rgol ba sgra nam mkha'i yon

tan yin pa dpag par 'dod pa sgrub byed 'god pa'i tshig gi 'bras
bu'i rtags can ma yin par brjod rigs par thal/ de 'dra'i 'bras
rtags yang dag med pa'i phyir dang/ sgra mi rtag par sgrub pa'i
sgrub byed kyi tshig de nam mkha'i

@366a @#/ /yon tan gyi dpag 'dod la 'khrul par mngon sum gyis
grub pa yis gnod par 'gyur ba'i phyir/ sgra la nam mkha'i yon
tan gyi don la gnod kyang/ gzhan mi rtag pa la ci zhig kyang
gnod pa med par thal/ nam mkha'i

yon tan med na/ mi rtag pa mi 'byung ba min pa'i phyir/ gnyis pa
la/ dngos stobs yul la lung gnod byed du mi rung ba/ lung gis
gnod pa'i yul ngos gzung ba/ de'i lan dgag pa'o/ /dang po ni/
lung yul kun la gnod

sgrub tu 'jug pa ma yin par thal/ dngos stobs rjes dpag rang gi
spyod yul 'grub pa la lung gi sgrub byed la bltos pa med par
bshad zin pa'i phyir/ dngos stobs yul la dpyod pa de'i tshe/
bstan bcos kyi sgrub byed la

bltos pa ma yin par thal/ dngos stobs tshad ma des grub pa'i don
de ni/ tshad ma des legs par grub cing/ lung gis rnam pa gzhan du
bya bar mi nus pa'i phyir/ de la spyir dngos stobs kyi skabs su
rang gi ston pas

mi rtag pa dang bdag med la sogs gsungs pa yang thos/ gzhan dag
gis rtag pa'i dngos po dang bdag la sogs pa bshad pa yang mthong
nas/ 'di dag las gang phyin ci ma log par grub pa yin/ gang dag
ni phyin ci

log pa yin snyam du gzu bor gnas pa'i blos dpyod par byed pa yin
gyi/ thog ma nyid nas blo'i mthu phul du byung ba dag sgrub byed
ma mthong bzhin du/ rang gi ston pas bshad pa 'di nyid bsgrub
bya'o snyam du 'dzin par

@366b mi byed do/ /de lta na/ dpyad pa ma dag bzhin du lung gnod
byed dang sgrub byed du khas blangs bar 'gyur te/ sgrub byed
gzhan ni sngar ma mthong/ rang gi ston pas gsungs pas snyam du
zad pa'i phyir/ de lta na/ gzhan dag gis bdag la sogs pa

smras pa dang/ sgrub byed yod med khyad par cung zad kyang med
par 'gyur bas so/ /des na lung don bsgrub byar mi rung zhes pa'i
don yang gnod sgrub ma mthong bzhin du/ rang gi ston pas gsungs
pa rgyu mtshan du byas nas de nyid bsgrub

byar byed pa mi rung ba'i don to/ /gal te gzhal bya'i gnas gsum
la dpyod pa de'i tshe/ rang gzhan gyi ston pa'i lung gi don 'thad
mi 'thad dpyod pa 'ba' zhig tu zad pas/ lung tshad mar khas mi
len na/ lung gi don la rtsod

'dor bar 'gyur ro zhe na/ dngos stobs yul la spyod pa de'i tshe
chos can/ lung gnod byed du khas blang 'os pa'i rgyu mtshan gyis
de khas ma blangs na lung gi don la rtsod pa dor bar 'gyur ba ma
yin par thal/ lung gnod byed du

khas blangs pa med pa'i phyir/ de'i tshe lung khas blangs pa yod
kyang gnod byed kyi yan lag ma yin par thal/ dngos stobs yul la
dpyod pa 'di ni shin tu lkog gyur gyi yul 'ba' zhig la/ lung
gnod byed du khas len

pa'i thabs yin pa'i phyir/ gnyis pa ni/ 'o na du sa gang gi tshe
lung gnod byed du 'jug ce na/ de ltar shin tu lkog gyur la dpyod
pa de yi tshe dpyad pa gsum gyis dag pa'i bstan bcos kyis dam
bca' ltar snang gi don la gnod

@367a @#/ /par 'gyur te/ de ltar gzhal bya'i gnas kyi yul gnyis
la dpyad pa rnam par dag na/ de'i tshe dpyad pa gsum gyis dag
pa'i bstan bcos tshad mar yongs su 'dzin cing sgrub byed yang dag
par 'dod pa'i dus

yin pa'i phyir/ der thal/ de 'dra'i bstan bcos des grub pa'i don
la de dang 'gal bar sems pa mi rung zhing 'gal bar khas blangs
na bstan bcos kyis gnod pa'i phyir/ gzhal bya'i gnas gsum par
spyod pa 'pho

ba na/ dpyad pa gsum gyis dag pa'i bstan bcos sgrub byed du khas
len pa rigs pa dang ldan pa yin te/ shin tu lkog gyur tshad mas
grub/ dngos stobs dang grags pa skabs der gnod byed du mi 'jug
pa'i phyir/ shin tu

lkog gyur la dpyod pa'i skabs der yang chos can/ bsgrub bya'i
chos dang med na mi 'byung ba'i bsgrub bya'i chos kyi 'brel yul
la lung gis gnod pa'i rtags nyid spang bar bya ba yin te/ de
'dra'i rtags ltar snang yin

pa'i phyir/ 'brel med kyi lung don gzhan la gnod pas rtags kyi
skyon du 'gyur ba min te/ de lta na 'gal ba thug pa med par thal
ba'i phyir/ gzhal bya'i gnas gnyis la yang lung sgrub byed du
khas blang bar bya ba yin

te/ de kun gyi sgrub byed yin pa'i phyir ce na/ dpyod pa'i gnas
kun la bstan bcos dag sgrub byed du gzung dgos so zhes pa'i lugs
'di chos can/ rigs pa gang gis kyang byas shing grub pa mi 'thad
par thal/ sgrub

@367b byed cung zad kyang med pa'i phyir/ rigs pas byas pa yin
na/ da ni lung gi grub mtha' tshad mar khas len pa med pa rnams
kyis/ du ba'i rtags las me rtogs par mi 'gyur bar thal/ gnas
gsum ga la lung sgrub byed du khas len dgos

pa'i phyir/ lung dang ngo bo nyid kyis 'brel ba'i rgyu mtshan
gyis/ 'jig rten rang dga' ba rnams gnas dang po gnyis la lung
gnod byed du khas len pa ma yin par thal/ 'jig rten pa'i skye bo
rnams dang por lung gi yan lag med

par reng bur skye bar 'gyur ba'i phyir/ lung gi skyon yon tshad
mas mthong ba'i sgo nas 'jig rten rang dga' ba rnams lung sgrub
byed du khas len pa yang ma yin par thal/ lung don tshad mas grub
pa'i yon tan dang/ tshad mas gnod

pa'i nyes pa gang yang de dag gis ma mthong ba'i phyir/ des na
lung gi grub mtha' mi bzad pa'i gdon dang 'dra ba mi 'dod bzhin
du rjes su 'brel ba 'di ni/ kye ma su yis gsar du bgos pa yin te
bgos par thal/ dang po nas rjes

su 'brel pa ni med/ mi 'dod bzhin du gsar du rjes su 'brel ba'i
phyir zhes dpyas pa'i tshig go / gsum pa la/ dngos stobs la lung
gi sgrub byed dgag pa/ don bsdu ba/ rtsod pa spang ba'o/ /dang
po la/ khyab pa lung la bltos

pa dgag lung don bkag kyang mi 'khrul pa'i sgrub byed la lung
gis mi gnod pa/ lung don bkag pa rgol ba'i skyon du 'dod pa dgag
pa'o/ /dang po ni/ gal te mthun dpe la rang gis khas blangs pa'i
bstan bcos de'i don kun gyis

@368a @#/ /sgrub par byed pa gcig nyid la yang khyab par bstan pa
sgrub byed yang dag tu 'gyur bas lung don rtags kyis bkag na/
rtags kyi skyon du ci'i phyir mi 'gyur/ rang gi khyab byed bkag
pa'i phyir ro zhe na/ rang gis

khas blangs pa'i lung don kun gyi khyab pa sgrub pa'i rtags 'di
ni 'jig rten las 'das pa'i lugs yin par thal/ rigs pa can pas de
ltar dam bcas pa gang zhig 'jig rten gsum po 'di na de 'dra'i
rtags mi srid pa'i phyir/

'brel med nam mkha'i yon tan bkag pas mi rtag pa bkag par 'gyur
ba ma yin par thal/ sgra la nam mkha'i yon tan gyi chos ma grub
pas mi rtag pa ma grub par ji ltar yang 'gyur ba mi 'thad pa'i
phyir/ byas pa chos can/ khyod

kyis sgra la mi rtag pa de grub pa yin na/ de la nam mkha'i yon
tan ma grub pas sgra mi rtag sgrub kyi gtan tshigs skyon ldan ji
ltar yang yin pa mi 'thad par thal/ khyod sgra mi rtag pa de'i
sgrub byed yang dag tu brjod pa yin gyi/ cig

shos kyi sgrub byed ma yin pa'i phyir/ gal te gtan tshigs yang
dag yin na chos can du gang bzung de'i chos su lung las bshad pa
kun gyis khyab pa grub cing bstan pa sgrub byed yang dag tu
'gyur dgos pas/ sgra'i chos nam mkha'i

yon tan bkag pas gtan tshigs skyon can du ji ltar mi 'gyur zhe
na/ gtan tshigs yang dag yin na chos can du gang bzung de'i chos
su lung las bshad pa kun gyis khyab pa grub cing bstan pa dgos
pa ma yin par thal/

@368b chos can de'i chos ma lus pas rtags la khyab pa mthun dper
blangs pa med pa kho nar skye bo'i tshig dang du ba sogs kyi
rtags las gzhi 'gar sems ldan dang/ me la sogs pa rjes su dpog
par byed nus pa myong bas grub pa'i phyir/ gnyis

pa ni/ byas pa chos can/ sgra la rang gi rang bzhin mi rtag par
sgrub pa'i tshe/ 'ga' yis smra ba sgra nam mkha'i yon tan yin pa
la gnod pas sgra mi rtag par sgrub nus pa'i ngo bo nyid las ldog
pa ma yin par thal/ de sgrub kyi phyogs chos dang/ bsgrub

bya'i chos la mi 'khrul pa'i 'brel pa grub pa'i phyir/ de bzhin
du du ldan la la rang rgyu me dag sgrub par byed pa'i don du ba
chos can/ 'ga'i smra ba me med brgya byin gyi spyi bo las du
bskye ba la gnod pas de sgrub kyi rtags las ldog pa

ma yin te/ de sgrub kyi tshul gsum tshang ba'i phyir ces sbyar ro/
/gal te lung mi shes pa'i ngor rtags yin pa mi ldog kyang/ lung
de tshad mar khas len pa'i ngor/ lung don bkag na rtags de yang
dag tu mi rung ngo zhe na/ sngar sgra

nam mkha'i yon tan du ston pa'i lung khas blangs shing/ byas na
mi rtag pa'i khyab 'brel shes pa'i gang zag gzhan dag chos can/
gtan tshigs byas pa des rang phyogs kyi chos su grub pa'i gzhir
mi rtag pa ci ltar yang rtoD

par 'gyur ba ma yin pa mi 'thad par thal/ byas pa de ni/ 'dod
pa'i bsgrub bya yi chos mi rtag pa'i don dang med na mi 'byung
ba'i 'brel pa grub par rtogs pa'i phyir/ gsum pa ni/ gal te lung
don bkag pas rtags skyon

@369a @#/ /can du mi 'gyur na yang rgol ba skyon can du 'gyur te/
rang gis sngar khas blangs pa'i lung don la gnod byed brjod pa'i
phyir ce na/ rgol bas gtan tshigs bkod pa'i cha nas sgra rtag pa
'dir/ gsar du

gnod pa ci yang byas pa ma yin par thal/ gtan tshigs brjod dam ma
brjod kyang rung/ byas pa sgra rtag pa dang ngo bo nyid kyis
'gal zhing de la gnod pa'i phyir/ des na rgol ba des gtan tshigs
brjod pa'i nyes pas bstan

bcos kyi don la de gnod byed du gsar du skyes pa min par thal/
de ma brjod pa'i sngar nas ngo bo nyid kyis gnod pa'i phyir/ gal
te/ gtan tshigs de gnod byed du ma brjod na/ gzhan gyis lung ltar
snang du mi shes pa la

gnod byed du brjod pa'i phyir/ gzhan gyis go bar byas pas rgol
ba skyon can yin no ce na/ byas pa sgra mi rtag sgrub kyi rtags
yang dag tu 'god mkhan gyi rgol ba chos can/ byas pa de sgra nam
mkha'i yon tan yin pa la gnod

byed du brjod pa'i cha nas mi rigs pa byed pa min te/ gal te ma
brjod na de ci/ gnod pa min nam ma brjod kyang gnod pa'i phyir/
rgyu mtshan cis na/ rgol ba skyon can yin pa mi 'thad par thal/
skabs dang mthun par gnod

byed yang dag brjod pa'i phyir/ 'o na gtan tshigs ltar snang
brjod pas rgol ba skyon can du mi 'gyur bar thal/ ngo bo nyid
kyis de bsgrub bya sgrub mi nus su gnas pa'i phyir ce na/ gtan
tshigs ltar snang 'god pa'i rgol ba

@369b chos can/ skyon can du 'gyur bar thal/ gtan tshigs don med
phyin ci log brjod pa'i phyir/ der thal/ phyir rgol gzhan dag la
gtan tshigs yang dag 'god par khas blangs nas/ rang 'dod nyid
sgrub pa'i nus pa med pa'i gtan tshiD

brjod pa'i phyir/ sgra mi rtag sgrub la byas pa rtags su bkod pa
'dir rgol ba skyon can ma yin par thal/ rtags des bsgrub bya de
sgrub nus pa'i phyir/ gal te/ bstan bcos la lar bshad pa'i nam
mkha'i yon tan la sogs pa'i

don 'ga' zhig rigs pas grub pa min pa bkag pas rigs pas grub par
smra ba'i sgra mi rtag pa gzhan pa dag kyang 'gog byed du 'gyur
ro ces bya ba 'dod pa'i rgol ba chos can/ rgyal rigs ngan pa'i
lugs dang mtshungs

pa yin par thal/ mi rigs pa bkag pas rigs pa yang 'gog dgos par
smra ba'i phyir/ gnyis pa ni/ lung khas len pa'i dus kun tu
bsgrub bya dang sgrub byed yang dag gi rnam gzhag 'di nyams par
'gyur bar thal/ khas

blangs pa'i lung don kun gyis khyab pa grub pa sgrub byed du
'gyur dgos/ de 'dra'i lung don kun mtshungs par khyab byed du
byas nas sgrub byed yang dag sus kyang brjod par nus pa ma yin
pa des na'i phyir/ 'di dag ni rang gis

khas blangs pa'i lung gi don phyogs gcig dang 'gal na yang skabs
kyi bsgrub bya bkag par 'gyur bas khas blangs pa'i bstan bcos
de'i don kun dang 'gal ba med pa rtags de'i bsgrub byar 'dod pa
'gog pa yin gyi/ shes

@370a @#/ /bya la srid tshad kyi lung don mtha' dag rtags gcig gi
bsgrub byar 'dod pa'i rgol ba su yang mi sred cing/ 'dir srid
par byas nas 'gog pa yang min no/ /gsum pa la/ 'gal ba la mi
'khrul pa skyon min par

thal ba spang ba/ lung don la gnod pa rtags kyi skyon du 'dod pa
dgag pa'o/ /dang po ni/ 'gal ba la mi 'khrul ba'i sgrub byed
bkod pa skyon can ma yin par thal/ sgra la nam mkha'i yon tan
bkag kyang gtan tshigs de'i

skyon du mi 'gyur ba'i phyir/ khyab par thal/ der yang dngos
'gal sgrub byed gnyis kyis bsgrub pas skyon du song ba yin la/
'dir yang sgra la mi rtag pa byas pas grub la/ nam mkha'i yon
tan lung las grub pa'i phyir

ro zhe na/ bye brag pa'i slob mas 'gal ba la mi 'khrul ba'i gtan
tshigs bkod pa skyon can du thal/ de dag gis chos can ba lang gi
spyi gcig pu la/ ba lang gi bsal ba med pa'i bar na yod pa dang
med pa'i

dngos kyi 'gal ba dag gzhi mthun du mi rung ba la/ rgyab rten
lung tsam la brten nas dngos 'gal gnyis la so sor sgrub byed
bkod pa'i phyir/ sgra mi rtag par bsgrub pa la byas pa rtags su
bkod pa 'dir ni/ nam mkha'i

yon tan dang de 'dra ba'i 'gal ba stobs mtshungs su yod pa ma yin
par thal/ sgra la mi rtag pa dang 'gal bar nges pa'i nam mkha'i
yon tan la cig shos des gnod par 'gyur ba'i phyir/ yang na dngos
'gal nges

@370b pa gnyis chos can gcig la sgrub pa'i rtags la tshad mas
gnod par 'gyur te/ chos can gcig la 'gal ba dag gzhi mthun du mi
rung ba'i phyir/ lhag ma ni snga ma bzhin no/ /gnyis pa ni/ gal
te de dag las mi rtag pa gnod bya

dang; nam mkha'i yon tan bkag pa gnod byed min zhing/ mi rtag pa
nam mkha'i yon tan dang 'brel pa med kyang nam mkha'i yon tan
bkag na bstan bcos kyi don bslad cing bkag pa'i phyir/ skabs kyi
bsgrub bya la gnod do ce na/

bsgrub bya thams cad la rtags thams cad kyis gnod par 'gyur bar
thal/ lung don 'brel med gcig bkag pas skabs kyi bsgrub bya la
gnod pa'i phyir/ gal te/ nam mkha'i yon tan de sgra'i chos su
'brel pa yod pa

des na de nyid la rtags kyis gnod na/ skabs kyi bsgrub bya la
gnod par 'gyur gyi/ dri la sa'i yon tan bkag pa'i sgo nas sgra
mi rtag pa la gnod par 'gyur ba ma yin no zhe na/ byas pas sgra
la nam mkha'i yon tan bkag

pas/ sgra mi rtag pa bkag par 'gyur ba ma yin par thal/ sgra mi
rtag pa skabs kyi bsgrub bya yin gyi cig shos bsgrub bya ma yin
pa'i phyir ro/ /khyab par thal/ rtags kun rang gi bsgrub bya la
bltos nas de sgrub mi nus na

skyon can dang/ nus na yon tan can du dpyad par bya ba yin pa'i
phyir/ sngar gyi nyes pa de nyid las da dung ma 'das pa ni/ byas
pas sgra mi rtag par bsgrub pa 'dir ni/ sgra la nam mkha'i yon
tan bkag pas sgra mi rtag par sgrub

@371a @#/ /pa'i gtan tshigs skyon can du 'gyur ba bstan bcos kyi
don la gnod pa 'ba' zhig gi sgo nas skyon can du song ba yin par
thal/ de 'dra'i lung don bkag pa'i sgo nas skyon can du song ba
gang zhig nam mkha'i yon tan

med na bsgrub bya'i chos mi rtag pa mi 'byung ba'i 'brel pa de
ni 'dir tshad mas rtogs pa med pa'i phyir/ 'dod na/ rtsol byung
gis dung sgra la rtag pa bkag pa dang/ rtags gzhan gyis dri la
sa'i yon tan bkag pas byas pas sgra mi rtag

par sgrub pa'i rtags 'gal bar 'gyur bar thal/ lung don la gnod
pa de ni/ rtags gzhan gyis gnod pa byas pa dang/ chos can gzhan
la gnod pa byas pa la'ang mtshungs pa'i phyir/ gnyis pa rang sde
lung don bsgrub byar 'dod pa dgag

pa ni/ gal te bstan bcos tshad mar khas blangs pa'i phyir rang
gis khas blangs pa'i bstan bcos de las bshad pa mthong ba'i don
ma lus pa rang gis bsgrub byar byed dgos te/ bstan bcos rang
dbang du sgrub byed tshad ma yin na de

nyid kyis grub zin pa'i phyir/ bstan bcos kyi don gtan la 'bebs
pa'i tshad ma gzhan dgos pa med par 'gyur ro/ /des na bstan bcos
tshad mar rtags yang dag gi bsgrub bya yin pas/ khas blangs pa'i
lung don gcig la

gnod na yang skabs kyi bsgrub bya la gnod pas rtags skyon can du
'gyur ro zhes zer to/ /lugs 'di ni/ khas blangs pa'i lung don
mtha' dag byas pa lta bu'i rtags gcig gi bsgrub byar byed dgos
zhes smra ba yang min la/ dngos

@371b stobs kyi skabs su bstan bcos gnod byed du 'dod pa yang
min no/ /'o na ci zhe na rang gis khas blangs pa'i bstan bcos
rnam 'grel lta bu rang gi brjod bya la tshad ma yin zhes pa yang
rang gi brjod bya la mi slu zhing 'brel ba'i don yin la/

des na/ rnam 'grel lta bu tshad ma yin min rtsod pa na/ de chos
can/ khyod rang gi brjod bya la mi slu ba'i tshad ma yin te/ zhes
dngos stobs kyi skabs su yang de ltar bsgrub byar byas nas sgrub
dgos so zhes 'dod pa yin no/ /de ltar rtsod pa mkhan po

'di'i 'dod pa rang lugs su byed pa'i phyogs su byung na yang
legs shos gcig tu 'ong bar snang ba/ /rang gis khas blangs pa'i
lung las dpe dang gtan tshigs ma grub par smra ba yang/ dam bca'
bar thal bar 'gyur te/ rang gis khas blangs

pa'i bstan bcos de 'dra'i don la mi slu ba dngos stobs kyi skabs
su yang bsgrub byar bzung nas sgrub dgos pa'i phyir/ gal te
sgrub byed nyid du brjod pa'i dpe rtags ma grub pa dam bcar thal
ba ma yin te/ de bsgrub bya yin pa bcad pa'i phyir

tu 'dod pa smos pa'i phyir ro zhe na/ 'dod pa'i tshig las de
bsgrub bya yin pa ldog pa ma yin par thal/ de bsgrub byar rigs
pas grub cing thob pa'i phyir/ de 'dra rgol bas bsgrub byar mi
'dod pa'i phyir bsgrub bya min no zhe na/ 'o na rgol

bas skabs kyi bsgrub byar mi 'dod pa'i khas blangs pa'i bstan
bcos kyi don gyi chos gzhan yang skabs kyi bsgrub bya ma yin par
thal/ der rgol bas mi 'dod pa'i phyir/ 'dod na/ de'i tshe skabs
kyi sgrub par bya ba min pa'i khas

@372a @#/ /blangs pa'i lung don gyi phyogs gcig la gnod pas skabs
kyi bsgrub bya 'grub pa ci zhig kyang 'gal ba med par thal/ 'dod
pa de'i phyir/ rang nyid kyi sgra yang myogs kyi mtshan nyid las
phyi rol tu gyur pa'i

don can yin gyi/ de'i zur du smos pa don med du 'gyur bar thal/
dngos stobs kyi skabs su yang khas blangs pa'i lung don dngos su
bsgrub byar bzung dgos pa'i phyir/ gnyis pa mi 'thad pa'i phyogs
sun dbyung ba la/ bstan bcos la

'dod pas 'jug ldog byed par shes pa'i don can yin pa dgag chos
can grub zin du shes pa'i don can yin pa dgag chos can rang
mtshan bsgrub bya min par shes pa'i don can du 'dod pa dgag pa'o/
/dang po ni/ khas blangs

pa'i bstan bcos snga ma la gnod pa mthong na/ de dor nas bstan
bcos gzhan la 'dod pas 'jug par shes pa'i don du rang nyid 'dod
ces smos zhe na/ de ltar yin pa 'o na/ bstan bcos la 'dod pas
'jug ldog byed mi nus

sam snyam pa'i dogs pa ldog pa'i ched du rang sgra smos pa ma
yin par thal/ de 'dra'i dogs pa 'di/ gang zag su la yang rgyu
gang las kyang skye ba yin pa mi 'thad pa'i phyir/ rtog ldan gyi
dogs pa de 'dra ldog pa'i ched du rang

sgra smos pa dgos pa med par thal/ de ni lung de'i don tshad mas
bkag pa med par grub na/ de tshad mar 'dzin pa gang gis byang
ldog par nus pa mi 'thad/ gal te de'i don tshad mas bkag par nges
na yang tshog la sogs pa gang gis

@372b kyang de la 'jug par 'gyur ba mi 'thad pa'i phyir/ blun
po'i dogs pa de 'dra ldog pa'i ched du yang rang sgra smos pa
don med du thal/ rgol ba blun po de dag sngar yang grub mtha'
rang gi 'dod pa tsam nyid kyis tshad mar 'dzin pa de ni 'dod na/

phyis kyang dpyod pa med par ji zhig ltar lung gzhan tshad mar
'dzin pa cis mi thob ste thob pa'i phyir/ 'o na rang nyid smos
pa'i dgos pa de ci yin zhe na/ kun las btus pa 'dir ni rang nyid
kyi sgra smos par mdzad pa chos can/ dgos pa

yod de/ log par rtog pa bsal ba'i tshad yin pa'i phyir/ der thal/
lung don la gnod pas skabs kyi 'dod yul la gnod pa med par shes
pa dang khas blangs pa'i lung don mtha' dag skabs kyi bsgrub bya
min par shes pa

dang/ lung don la gnod pas skabs kyi bsgrub bya la gnod na nyes
pa thug pa med par bstan pa'i ched yin pa'i phyir/ gnyis pa ni/
'grel byed gzhan dag ni phyi nang gi gzhung lugs kyis byas pa'i
nam mkha'i yon tan dang/ 'byung ba las

gyur pas khyad par du byas nas sgra dag chos can du 'dzin pa
yongs su spangs nas rgol phyir rgol gnyis ka la mthun snang du
rab tu grags shing grub pa'i chos can sgra dag rtsod gzhir bzung
ba shes pa'i don du rang nyid kyi sgra brjod

pa yin no zhes zer ro/ /bsgrub bya'i chos kyi rten chos can de
la rtsod pa'i tshe/ rgol ba gnyis ka'i mthun snang du grub pa
dgos par shes pa'i ched du rang sgra smos pa don med par thal/
bsgrub bya'i chos rang gi rten chos can khyad gzhir bzung

@373a @#/ /nas/ khyad par gyi chos la dpyad pa byed pa nyid kyi
skabs su rtogs pa nyid kyis bsgrub bya'i chos rang gi rten de
gnyis ka la rab tu grags pa'i rten du 'grub par 'gyur ba'i
phyir/ der thal/ rang rang gi thun mong ma yin

pa'i 'dod pa tsam gyis btags nas bzhag pa'i khyad par can gyi
dngos po rnams bsgrub bya'i chos rang gi rten chos can du gzung
nas khyad par gyi chos la rtsod pa med pa'i phyir/ 'di ni 'og
nas 'chad pa'i rang rten la zhes smos

pa'i don/ bsgrub bya'i chos dang rten dang brten par grub pa'i
khyad par gyi chos la rtsod pa'i tshe/ rten mthun snang du grub
dgos pa gzhung snga mas bstan pa yin gyi/ rtsod gzhi mtha' dag
mthun snang du grub dgos pa 'og nas

'gog pa'i phyir ro/ /gzhung 'og mas kyang de 'dra'i bsgrub bya'i
chos kyi rten thun mong ma yin pa'i 'dod pas bzhag pa tsam gyis
mi chog par ston pa yin gyi/ gzhan du na mthar gtugs pa'i rten
bdag rtag pa sogs su

'dod pa la rtsod pa med par thal ba'i phyir ro/ /gsum pa ni/ ci
ste chos can grub zin du shes pa'i ched kho nar ma zad kyi chos
can gnyis ka la grub zin par bstan pa yi sgo nas rang mtshan gyi
mthar thug pa'i chos can

yan gar ba bsgrub bya min par shes pa'i don du rang nyid kyi
sgra brjod do zhe na/ so sor nges pa'i rang mtshan gyi chos can
yan gar ba bsgrub bya min par shes pa'i ched du rang sgra smos
pa la dgos pa med par thal/ de rang gi ngo

@373b bo kho na nyid bstan par bya ba zhes bya ba 'di nyid kyis
te/ 'di la brten nas de bsgrub bya min par rtogs pa'i phyir/ der
thal/ phyir rgol gyis grub zin dang/ sgrub byed du bkod bzhin
pa'i dus na bsgrub bya'i ngo bor bstan pa dag yod pa yin na

de bcad pa'i tshad du bsgrub bya'i ngo bo kho na nyid du bstan pa
zhes bya ba 'di ni 'bras bu dang ldan par 'gyur ba'i phyir/ de
'dra'i chos can bsgrub bya min par shes pa'i ches du rang sgra
smos pa la dgos pa med par thal/ rjes su dpag

pa so sor ma nges pa'i spyi yi yul can nyid du bshad pas de go
ba yin pa'i phyir/ phyogs kyi mtshan nyid 'dir ni rang nyid ces
pa'i tshig de skad ma bstan kyang phyogs la ma khyab khyab ches
kyi 'gal ba cung zad kyang med par

thal/ de 'dra'i chos can bsgrub bya yin pa ldog pa'i ched du
rang sgra smos pa la dgos pa med cing dgos pa gzhan yang med
pa'i phyir/ 'dir rjes dpag spyi mtshan gyi yul can du bshad pas
de ldog pa yin no/ zhes smos pa mi

'thad de/ de lta na rjes dpag gis rang mtshan mi 'jal bar khas
len dgos la/ de la gnod pa gong du rgyas par brjod zin to/ /des
na rjes dpag spyi'i spyod yul can du bshad pa ni/ la la me dpog
pa lta bu so sor ma nges

pa'i rang mtshan tsam zhig rtogs kyi/ gsal ba dang/ 'bar ba dang/
rtswa las byung ba dang/ sog ma las byung ba sogs kyi khyad par
mi rtogs par bstan pa ltar ro/ /gal te so sor nges pa'i rang
mtshan gyi chos can yan

@374a @#/ /gar ba bsgrub byar byas na de las nyes pa cir 'gyur
dris pas/ de bsgrub bya ma yin par thal/ chos dang bral ba'i
chos can yan gar ba de sgrub mi nus pa'i phyir/ de mi nus pa
ci'i phyir dris pas/ de sgrub pa'i

rtags mi srid pa'i phyir dang/ mthun dpe la rjes 'gro med pa'i
phyir/ rtags med pas rtags dpe dang rtsod gzhi la rjes 'gro med
pa'i skyon dang/ mthun dpe la rjes 'gro byed mi srid pas bsgrub
bya'i chos dpe la rjes 'gro med

pa'i skyon yod do zhes zer to/ /rtags dpe dang rtsod gzhi la
rjes 'gro med pa dang/ bsgrub bya'i chos dpe la rjes 'gro med pa
'di chos can/ sbyor ba skor gcig gi phyogs skyon min par thal/
sbyor ba de'i rtags dang dpe de dag

gi skyon min nam ste yin pa'i phyir/ khyab par thal/ sbyor ba
skor gcig gi yan lag phyi ma rtags dang/ dpe la bltos pa'i skyon
phyogs kyi skyon dang gzhi mthun du 'dod pa rigs pa min pa'i
phyir/ gal te de dag gis phyogs

sgrub mi nus pa'i phyir/ phyogs kyi skyon du 'gyur ro zhe na/ de
lta yin na'ang gtan tshigs dang dpe la sogs pa'i nyes pa ma lus
pa yang phyogs kyi skyon du thal bar 'gyur te/ de thams cad kyis
phyogs 'grub pa la gnod cing sgrub mi

nus pa'i phyir/ phyogs kyi skyon dang rtags kyi skyon dper brjod
na/ mig shes kyi gzung bya sgra'i steng du 'god tshul dang mthun
par ma grub pa'i tshe/ sgra mi rtag par sgrub pa'i ma grub pa'i
rtags kyi skyon yin gyi phyoD kyi skyon min te/ de khyad chos

@374b su ldan pa'i cha nas ma grub pa'i gtan tshigs skyon can du
song ba yin gyi/ de yod pa dang med pas phyogs skyon can dang
skyon med du sgrub mi nus pa'i phyir ro/ /rtsod gzhi la 'god
tshul ltar ma grub pa phyogs chos kyi skyon du 'dod pa ni/ de'i
skyon dang

mtshan nyid kyi bsal bya ma phyed pa'i 'khrul pa yin la/ de ma
grub pa'i rtags kyi yon tan du 'dod pa ni/ khyad par gyi chos
dang/ yon tan ma phyed pas nongs pa'o/ /ltar snang gsum po rtags
yang dag gi skyon du 'dod na/ rtags yang

dag yin na skyon can yin pas khyab par thal/ gzhi so so la bltos
nas ltar snang ngo bor mi ldan pa mi srid pa'i phyir/ de bzhin
du sgra mi rtag sgrub kyi rtags yang dag tu song ba'i tshe byas
pa sgra la 'god tshul ltar ma grub pa'i cha de phyogs chos

su mtshon pa'i mtshan nyid kyi ched du bsal bya yin gyi de'i skyon
min la/ de sgra la 'god tshul ltar grub pa'i cha phyogs chos kyi
yon tan yin la/ de bzhin du gtan tshigs yang dag dang ltar snang
gzhan dag la yang shes par bya'o/ /de bzhin

du grub zin gyi sgra mnyan byar dam bcas pa'i tshe/ tshad mas grub
pa'i cha de phyogs yang dag gi mtshan nyid kyi bsal bya ma yin
la/ tshad mas grub bsal ma zhugs pa'i cha phyogs yang dag gi
khyad par gyi chos su 'dod pa yang phyir rgol

gyi blo ngo la bltos pa yin te/ grub bsal ma zhugs pa tsam
phyogs yang dag gi mtshan nyid du dgos pa ma yin te/ rgyab rten
tshad ma med pa phyogs yang dag tu mi rigs pa'i phyir ro/ /de
bzhin du phyir rgol gyis ma grub pa phyogs yang dag

@375a @#/ /gi skyon du 'dod pa yang rnam pa thams cad du mi rigs
so/ /des na phyogs skyon gyi don ni/ phyogs su gzung bya de
phyogs skyon can du 'jog pa'i thun mong ma yin pa'i chos dang/
de bzhin du rtags kyi skyon yang/ rtags su gzung

bya rtags skyon can du 'jog pa'i thun mong ma yin pa'i chos so/
/'dir dam bca' yan lag snga ma dang/ dpe rtags yan lag phyi mar
bzhag pa ni/ sgrub ngag yan lag lnga ldan pa'i tha snyad de/
khyod yan lag phyi mar 'dod pa'i rtags dang

dpe'i skyon de dag yan lag snga mar 'dod pa'i dam bca'i skyon du
mi rigs zhes pa'o/ /des na dam bcas pa de tsam dang 'brel ba'i
skyon gang yin pa de phyogs kyi skyon du 'dod rigs kyi/ dpe
rtags sogs de las gzhan pa'i skyon

phyogs skyon min par thal/ de ltar bshad zin pa de'i phyir/ dper
na mngon sum dang rjes su dpag pa la sogs pa dang 'gal ba/ sgra
mnyan bya ma yin/ bum pa rtag go zhes pa bzhin no/ /gsum pa la/
phyogs kyi mtshan nyid rgyas

par bshad pa'i dgos pa dang/ bsdus nas bstan pa'o/ /dang po ni/
phyogs kyi mtshan nyid zur lngar phye nas bshad pa dgos pa dang
bcas pa yin te/ shes byed kyi rgyu dpe dang rtags la sogs pa'i
mtshan nyid kyi bsal bya sel ba

la bltos pa med par phyogs kyi mtshan nyid mtshan gzhi 'ga' la ma
khyab pa dang/ mtshan gzhi min pa la ldog pa khyab ches pa dag
spang ba'i ched du yin pa'i phyir/ 'o na gang gis gang sel bar
byed pa yin zhe na/ rang nyid tshig

@375b phrad ngo bo'i sgra ma bsal ba dang bcas pa dag chos can/
dgos pa yod de/ ma khyab pa las ldog ? pa phyogs ma yin pa la
khyab ches pa sel bar byed pa yin pa'i phyir/ 'dod pa'i sgra
smos pa chos can/ dgos pa yod de/ ngag tu ma smras pa'i

zhe 'dod kyi phyogs yang dag la phyogs kyi mtshan nyid ma khyab
cing ma zhugs pa sel bar byed pa'i phyir/ sgra dang mi rtag pa'i
tshogs don phyogs yang dag tu bsgrub pa la/ dam bcar 'os pa phyir
rgol gyi ngor ngo bo'i don sogs chos lnga chang

ba sgrub byed yang dag tu 'god pa mi rigs par thal/ rtags de
'god dgos kyi phyir rgol des sgra mi rtag pa tshad mas ma grub na
chos can ma nges pas de la ngo bo'i don sogs chos ? lnga chang
ba'i phyogs chos mi 'grub la/ de tshad mas

grub phyir rgol gyis tshad mas ma grub pa'i ngo bo'i don de la
'god tshul dang mthun par grub pa 'gal bas/ de las kyang phyogs
chos ma grub par 'gyur ba'i phyir ro zhe na/ 'o na bum pa tshad
mas grub bam ma grub/ ma grub na/ mngon sum

dang 'gal zhing/ gzhi grub na bum med yin pas khyab par 'gyur
la/ tshad mas grub na/ gzhi bum pa la med nges tshad ma'i yul du
ma grub pa'i phyir/ gzhi grub na bum yod yin pas khyab par thal
bar 'gyur ro/ /zhes ? smras na lan ci

yod/ gzhi bum pa la med nges tshad ma'i yul du yod kyang bum pa
med nges yin mi dgos pas bum med yod pa dang/ bum pa med pa mi
mtshungs pa'i phyir ro zhe na/ 'o na phyir rgol gyi ngor sgra mi
rtag pa tshad mas grub pa yang yin

@376a @#/ /ngo bo'i don sogs chos lnga tshang ba yang yin pa mi
'gal bar thal/ rtags de'i phyir rgol des sgra mi rtag pa tshad
mas grub pa yang yin/ de phyir rgol gyis ma grub pa gzhal ba
yang yin pa'i phyir/ mdor bsdus

na/ sngar gyi rtags de'i phyir rgol gyi tshad ma de'i yul du sgra
mi rtag pa yang yod/ sgra mi rtag pa phyir rgol des ma grub pa
yang yod pa'i don te/ de la tshad mas ma grub pa yod pas de la
tshad mas grub pa khegs mi dgos pa'i

phyir ro/ /gnyis pa ni/ sgra mi rtag pa chos can/ phyogs yang
dag yin te/ bsgrub byar 'os pa bsgrub byar khas blangs pa'i
phyir/ khyab par thal/ bsgrub byar 'is pa bsgrub byar khas
blangs phyogs yang dag gi mtshan nyid yin

pa'i phyir/ rigs pa'i sgor bsgrub par bya ba nyid du 'dod pa
'gal ba'i don gyis ma bsal ba phyogs yin no/ /zhes gsungs so/
/rigs sgor phyogs kyi mtshan nyid bsdus nas bstan pa ni rigs mi
mthun sel ba gtso bor byas pa yin

la/ kun las btus su rgyas par bshad pa ni/ log rtog sel ba gtso
bo'i don te/ de la ni tshig zur phyin pa dgos pa'i phyir ro/
/rigs sgo'i don de kun las btus su rgyas par bshad pa tsam yin
gyi snga ma la phyi ma'i don de ?

ma tshang na/ don ldog gzhan du 'gyur ro/ /rigs sgor smos pa'i
bsgrub byar khas blangs pa la/ rang nyid kyis khas blangs pa
yang shugs kyis gnas pas rang nyid kyi don yod la/ de la ka ta
ba'i rkyen da ltar gyi dus go byed du

@376b yod pas tshig phrad kyi don yang gnas par 'chad par 'gyur
ro/ /tshad mas gnod pa 'bab pa phyogs su dam 'cha' ba mthong bas/
des na 'di la phyogs yang dag nyid du yod pa ma yin nam zhe na/
tshad mas bsal ba sogs de rnams la

phyogs yang dag nyid du khas blang bar 'os pa med de/ tshad mas
bsal ba ni mtshan gzhi la tshad mas gnod cing bsal ba zhugs pa'i
phyir dang/ sgrub dgos kyi phyir rgol de'i ngor grub zin sogs
lhag ma bzhi tshad mas ma bsal yang de

la phyogs yang dag gi mtshan nyid 'jug pa med pa'i phyir/ 'dir
bsal ba gnod dang/ zhes sogs logs su bcad pa ni/ mtshan gzhi la
tshad ma'i bsal ba zhugs par mthong na/ de la mtshan nyid 'jug mi
'jug dpyad mi dgos la/

mtshan gzhi de spyir yod na/ 'dod pa'i don de'i mtshan gzhir rung
mi rung dpyod pa ni mtshan nyid de zhugs ma zhugs dpyod dgos pa'i
don to/ /gnyis pa ni/ kun las btus su tshig phrad smos pa/ dgos
pa med par thal/ rgol ba rang nyid

bsgrub byar 'dod pa zhes pa'i tshig des nges gzung gi don rtogs
pa'i phyir/ de mi rtogs na/ rigs sgor yang nges gzung smos dgos
par 'gyur te/ mtshan nyid kyi rnam bcad ma tshang ba'i phyir ro
zhe na/ phyogs kyi mtshan nyid ston pa'i rang

nyid 'dod pa zhes brjod pa de yis chos can/ bstan bya khyad
gzhir ma 'brel na khyod la brten nas nges gzung gi rnam bcad kyi
don sgrub byed dang gzhi mthun pa bsgrub bya ma yin pa rtogs par
'gyur te/ khyod rgol ba rang nyid kyi 'dod

@377a @#/ /yul phyogs su go ba'i ched du smos pa'i phyogs kyi
mtshan nyid kyi rnam bcad brjod pa yin pa'i phyir/ de la brten
nas nges gzung gi don rtogs na yang kun las btus kyi phyogs kyi
mtshan nyid ston pa'i skabs su tshig

phrad bshad pa dgos pa dang bcas pa yin te/ ma 'ongs pa'i dus
gzhan du bsgrub byar 'gyur rung sgrub byed du bkod bzhin pa'i
dus na phyogs yang dag yin pa gcad pa'i ched yin pa'i phyir/ kun
las btus kyi skabs der tshig phrad

nges par smos dgos te/ phyoD kyi mtshan nyid kyi rang nyid 'dod
pa dus gsum ga'i yul can byed pa'i rkyen gyi mtha' can bstan bya
khyad gzhi'i tshul gyis de dang khyad gzhi khyad chos su 'brel
ba'i phyir/ 'o na rigs sgor yang tshig phrad smos

dgos par 'gyur ro zhe na/ rigs pa'i sgo 'dir ni chos can/ 'dod
pa'i tshig la Ta'i ming can gyi rkyen yan lag gam khyad chos ston
byed du 'brel ba min to/ khyad gzhi khyad chos gnyis kyi nang
nas khyad gzhi ston pa'i tshig tu

yod pa'i phyir/ yang na snga mas grub pa'i don du sbyar te/ 'dod
tshig la yod pa'i rkyen de kun las btus pa 'dir ni ma 'ongs pa
gcod byed kyi yang lag tu yod pa min par thal/ 'dir dus gsum
ga'i yul can gyi bstan bya khyad

gzhir 'brel ba'i phyir/ rigs sgo'i rang nyid 'dod par gyur pa'i
tshig dag de yis ni sgrub byed du bkod bzhin pa'i gtan tshigs ma
grub pa dang dpe ma grub pa sogs dus der bsgrub bya yin pa 'gog
nus te/ de bstan bya khyad

@377b gzhir ma 'brel bas ma 'ongs pa gcod byed kyi yan lag nyid
du yod pa'i phyogs kyi mtshan nyid kyi rang nyid 'dod par 'gyur
ba'i tshig yin pa'i phyir/ 'dod rkyen 'dir ni yan lag yin/ zhes
'don pa ltar na/ kun las btus la sbyor

ba'i tshe/ 'dod tshig yan lag gam/ phal pa yin zhes sbyar la/ rigs
sgo dang sbyor na/ ma 'ongs pa gcod byed kyi yan lag yin zhes
sbyar ro/ /don ni bstan bya dus gsum ga la zhugs pas de khyad
gzhir 'brel ba na 'dod pa yang

'dod par 'gyur ba la yang zhugs pas/ da lta sgrub byed du bkod
bzhin pa yin yang dpe rtags ma grub pa bsgrub byar thal/ bsgrub
byar 'dod par 'gyur ba'i phyir/ ces par 'gyur bas de gcad pa'i
ched du tshig phrad smos so/ /'o na tshig

phrad kyis kyang ma 'ongs phan bsgrub byar 'gyur ba gcod mi nus
par thal/ de yang bstan bya khyad gzhir 'brel bas ma 'ongs pa la
zhugs pa'i phyir ce na/ de yang ma 'ongs pa dang 'brel yod kyi/
de lta na yang/ dus nam yang bsgrub bya sgrub

byed gzhi mthun du grub pa tshig phrad kyis gcod pa'i phyir ro/
/'o na rigs pa'i sgo ltar phyogs kyi mtshan nyid smos par rigs
kyi nyes pa mang po spang dgos pa'i bstan bya smos pas ci zhig
bya zhe na/ de la slob dpon chos mchog na re/

sgrub ngag yan lag lnga ldan du 'dod pa dag gi log rtog dgag
pa'i ched du dam bca' sgrub ngag gi yan lag tu bstan par bya ba
ma yin mod kyi/ gal te bstan par bya ba yin du chug na yang/
mtshan nyid 'di lta bu dang ldan pa zhig

@378a @#/ /bstan par bya ba yin no zhes brtag pa mtha' gzung gi
tshul du smos par mdzad do/ /gsum pa rang nyid kyi dgos pa bsdus
te bstan pa ni/ rang nyid ces pa'i tshig bstan bcos la 'dod pas
'jug ldog byed

par shes pa'i don can yang yin pa mi rigs par thal/ de 'dra'i
don rjod byed min pa'i phyir/ rgol ba rang nyid ces pa'i tshig
des rgol ba bdag nyid 'dod pa min pa'i bstan bcos kyi don kun la
bltos pa med par

rgol ba de'i 'dod yul du byas pa bsgrub bya nyid du go bar byed
de/ de ltar bshad zin pa des na'i phyir/ des ci zhig grub ce na/
rgol ba mi 'dod pa dang 'brel ba'i bstan bcos mkhan po'i 'dod pa
la yang gnod pa na

skabs su bab pa'i phyogs dang gtan tshigs la skyon med pa nyid du
bstan to/ lung don gyi phyogs gcig la gnod kyang rgol ba'i 'dod
yul ji ltar yin pa bsgrub pa la gnod pa med par bstan pa des
na'i phyir/ gsum

pa ma bsal ba rgyas bshad la/ sel byed gang gis ma bsal ba dang/
gzhi gang la ma bsal ba dang/ chos can gyi khyad par la gnod pa
la sogs pa'i dpe mi ston pa'i 'thad pa'o/ /dang po la/ mdor
bstan/ rgyas bshad

do/ /dang po ni/ rgol bas bsgrub byar khas blangs pa de yang
chos can/ tshad ma dag gis bkag pa med pa yin par 'dod rigs te/
tshad mas bkag na sgrub mi nus shing khyod bsgrub byar khas
blangs 'os pa'i phyir/ bsal ba

@378b phyogs ma yin pa'i rgyu mtshan ci yin zhe na/ tshad mas bsal
ba sgra rtag pa chos can/ phyogs yang dag ma yin te/ gtan tshigs
yang dag gi byed pa 'jug pa'i rten ma yin pa'i phyir/ der thal/
the tshom gyi yul ma yin pa'i phyir

khyab par thal/ gtan tshigs yang dag de ni bsgrub bya la dmigs
pa'i the tshom dang ldan pa la brjod rigs pa'i phyir/ gal te tshad
mas bsal ba'i don ni/ gzhi gang la bsal bya sel nus kyi 'gal zla
blos bsgrubs nus sel

ba yin la/ de yang tshad ma'i blos bsgrub pa zhig dgos pas/ de
mngon rjes gnyis su ma 'dus na sngar grangs nges bsgrub pa dang
'gal la/ de gnyis su nges na tshad ma'i gnod pa bzhir dbye ba mi
'thad do zhe na/ tshad mas gnod

bya la gnod pa de ni chos can/ rnam pa bzhir bshad pa'i rgyu
mtshan yod de/ mngon sum tshad ma dang rjes su dpag pa'i dbye ba
gsum du byas pa yis de ltar phye ba'i phyir/ tshad ma'i bsal ba
nyid la bzhir phye ba ma yin

te/ de ltar dbyer mi rung ba'i phyir/ des na/ tshad mas gnod pa'i
tshul bzhir phye ba yin no/ /gnod tshul bzhir yod pa de la tshad
mar khas blang bar 'os shing tshad mar khas blangs pa'i lung chos
can/ khyod rang phyogs kyi

chos su grub pa'i gzhir/ rang gi bstan bya'i don sgrub pa'i
'bras rtags yang dag yin te/ de sgrub kyi 'bras bu'i tshul gsum
tshang ba yin pa'i phyir/ der thal/ sbyin pas longs spyod khrims
kyis bde/ zhes pa'i lung lta

@379a @#/ /bu rang gi brjod bya sgrub pa'i rtags yang dag dang/
brjod bya'i log phyogs la gnod byed bsgrub pa ni ma yin te/ de
lta bu sgrub mi nus shing mi rigs pa'i phyir ro/ /de ni slob
dpon chos mchog gis de 'dra ba yang smra ba

po'i nga rgyal gyi rjes su dpag pa'i tshad ma yin no/ /zhes bshad
pa ltar/ lung tshig dang rang tshig gang yin yang rung/ yang dag
dang ltar snang gang yin yang/ rang tshad mar khas len pa pos
tshig de rang gi brjod bya de la mi 'khrul zhing/

tshig de las rang gi brjod bya de rtogs par 'dod kyang de 'dra'i
rjes su dpog pa'i blo ni smra ba po'i bsam ngo nas bzhag pa'i
rjes dpag yin gyi/ rjes dpag tshad ma min no/ /'di ni re shig yid
ches rtags yang dag gi phyogs khyab

tshad mas nges mi nus pa de srid du rang gis tshad mar khas len
pa'i 'chad pa po'i tshig de nyid las don rtogs par 'dod pa yin
la/ gzhan don gyi skabs nas bstan par bya ba'i gtso bo ni de
nyid yin la/ tshul gsum tshad mas bsgrub

pa la bltos nas yid ches kyi rtags su 'gyur ba ni gtso bo rang
don gyi skabs su bab pa yin la/ 'dir yang dam bca' yang dag yin
na lung gis kyang mi gnod pa zhig dgos par shes pa'i yan lag tu
yid ches rjes dpag gi dam bca'i

bsal bya sel tshul rgyas par 'tshad pa yin no/ /'gro ba la grags
pa rtogs yul na yod pa chos can/ ri bong can zla ba'i sgras
brjod rung du sgrub pa'i rang bzhin gyi rtags yang dag yin te/
de sgrub kyi sgrub rtags yang dag gang zhig /zla ba'i

@379b sgras brjod rung la bdag gcig tu 'brel ba'i phyir/ 'di dag
gi don 'og tu 'chad par 'gyur ro/ /gnyis pa la/ yid ches bsam
bsal ba'i tshul dang/ graD pas ma bsal ba'i tshul dang/ mngon sum
gyis ma bsal ba'i tshul lo/ /dang po la/ spyi'i

don dang/ yan lag gi don to/ /dang po la/ lung gnod byed dang
gegs byed du 'dod pa'i lugs so sor bshad pa dang/ 'thad pa'i
phyags ngos gzung ba dang/ bsal bya sel tshul dang/ de las ldog
pa 'chad pa sun dbyung ba'o/ /dang po ni/ lung

gnod byed du 'dod pa dag dpyad pa gsum gyis dag pa'i lung yin na
rang gi brjod bya sgrub byed yang dag dang/ log phyogs la gnod
byed yang dag tu 'dod de/ de'i rgyu mtshan yid ches bsal ba'i dpe
ston pa na/ sbyin sogs dkar po'i chos ni

bde ba 'byin byed ma yin no zhes dam bcas pa'i tshe/ sbyin sogs
dkar po'i chos khas blangs pa tsam gyis bde ba bskyed pa'i nus
pa khas blangs la/ de nas bde ba 'byin byed ma yin no zhes dam
bcas pa na /dam bca' snga mas phyi ma la gnod

pa yin te/ de yang sbyin sogs dkar po'i chos su ston pa'i dpyad
pa gsum gyis dag pa'i lung khas blangs pa tsam gyis grub pas/
lung rang gi brjod bya'i log phyogs la gnod byed du 'dod pa yin
gyi/ lung ltar snang gnod byed du 'dod pa'i

rang sde ni su yang med do lung gegs byed du 'dod pa dag ni/
dpyad pa gsum gyis dag pa'i lung yin yang rang gis bstan pa'i
don de la the tshom tsam bskyed par byed kyi/ de sgrub byed yang
dag dang de'i log phyogs la gnod byed yang dag tu 'gyur

@380a @#/ /ba min gyi gegs byed tsam yin te/ sgra rtag mi rtag
the tshom za nas dris pa na/ slar yang sgra mi rtag ces dam bcas
pa ltar dam bca'i tshig tsam du 'gyur bas so/ /sbyin sogs dkar
po'i chos su lung gi gtan tshigs

yang dag la brten nas bde ba mi 'byin pa la gnod byed yang dag
tu 'gyur ba yin gyi khas blangs tsam gyi dbang gis ma yin par
'dod do/ /gnyis pa ni/ lung rang gi brjod bya'i log phyogs la
gegs byed tsam dang/ rang gi brjod

bya la the tshom tsam bskyed par byed pa yin gyi/ de sgrub byed
yang dag tu 'gyur ba mi srid de/ rang gi brjod bya dang 'brel ba
tshad mas mthong na brjod bya de nyid grub zin pas sgrub mi dgos
la/ 'brel ba ma grub na sgrub mi nus pa'i phyir

ro/ /de lta min par rang gi brjod bya sgrub byed yin na/ lung
khas blangs pa tsam gyis sgrub byed yang dag tu 'gyur la/ de lta
na/ sgra mi rtag par smras tsam gyis sgra mi rtag par 'grub par
'gyur ro/ /des na rang gi brjod bya'i log phyogs la

gnod byed dang 'gegs byed kyi phyogs gnyis las phyi ma 'thad
pa'i phyogs so/ /gsum pa ni/ sbyin sogs dkar po'i chos ni bde ba
'byin byed ma yin no/ /zhes dam bcas pa tsam yin na/ khas blangs
snga phyi 'gal bar 'gyur te/ dkar

po'i chos su dam bcas pa'i tshe/ bde ba 'byin par khas blangs
nas/ phyis yang bde ba mi 'byin par khas blangs so/ /ya gyal
gang rung gcig la rgyab brten tshad ma med na/ khas blangs snga
phyi phan tshun gegs byed tsam du 'gyur gyi gnod

@380b bya gnod byed du mi 'gyur ro/ /nam khas blangs snga ma
tshad mas mthong ba de'i tshe phyi ma la gnod pa yin no/ /dper na/
rang tshig dang 'gal ba gzhal bya'i don can gyi tshad ma dag med
do/ /zhes bden zhen gyis smras na/ dam bca'i dngos

shugs phan tshun gegs byed du 'gyur ba yin te/ gzhi chos can tshad
ma gcig po de'i steng du gzhal bya 'jal byed du med par dngos su
dam bcas na/ shugs la gzhal bya 'jal byed du med pa de nyid tshad
mas gzhal bar dam

bcas pas rang tshig gi khas blangs la bltos pa'i dngos shugs 'gal
ba tsam yin gyi tshad ma'i 'gal ba ma yin te/ gzhi chos can tshad
ma'i steng du ya gyal gang yang tshad mas ma grub pa'i phyir ro/
/de yang yid ches bsal

ba'i phyogs mtshon gyi dpe tsam yin gyi/ gsal ba'i dpe ma yin te/
tshad ma gzhal bya 'jal byed du med pa la dngos stobs kyi tshad
mas gnod pa'i phyir ro/ /de ni bden zhen gyis dam 'cha' ba'i dam
bca' ltar snang dper brjod

pa yin no/ /bzhi pa ni/ gang dag yid ches kyi rtags yang dag yod
na/ dpyad gsum gyi dag pa'i lung yin na rang gi brjod bya sgrub
byed kyi rtags yang dag yin pas khyab pa kha mthun du byas nas/
kha cig de rtags yang dag

ma yin par 'dod la/ kha cig de rtags yang dag yin no zhes zer
to/ /phyogs de gnyis kas legs par ma smras te/ gcig gis ni shin
tu lkog gyur mtha' dag la skur ba btab la/ cig shos kyis ni du
bas me bsgrub pa bzhin

@381a @#/ /du/ lung ngo bo nyid kyis grub pa'i sgrub byed tshad
mar khas blangs shing/ sgrub byed brjod pa na yang don de yin
te/ yin par lung las bshad pa'i phyir/ ces pa ma gtogs cung zad
kyang smra bar mi nus la/ gal

te lung rnam dag las don mthun du gsungs pa'i phyir/ ces smra'o
zhe na/ sgra mi rtag par bsgrub pa la mi rtag pa rtags su bkod
pa lta bu/ bsgrub bya de nyid sgrub byed du byas pa'o/ /lung
rang gi brjod bya sgrub byed yin pa dang ma yin

fpa'i phyogs gnyis las phyi ma rigs mod kyi/ shin tu lkog gyur
sgrub byed kyi rtags ni de min te/ dpyad pa gsum gyis dag pa'i
lung tsam zhig gis sgrub pa'i phyir ro/ /de lta min na/ shin tu
lkog gyur gyi don med nges su

thal/ yod na kun mkhyen gyis gzigs dgos pa las kun mkhyen gyis
ma gzigs pa'i phyir/ rtags phyi ma ma grub na/ kun mkhyen gyis
gzigs pa rang gi tshad mas grub na/ don de rang nyid kyis kyang
tshad mas grub par nges

par khas blang dgos so/ /gnyis pa la/ lung gnod sgrub tu 'gyur
ba'i tshul dang/ tshad mar gyur pa'i lung ngos gzung ba'o/ /dang
po la/ kun las btus su lung dang rang tshig sel byed phyogs gcig
tu sdud pa'i rgyu mtshan dang

lung gis gnod pa'i yul ngos gzung ba'o/ /dang po ni/ rang tshig
sma@ ba'i rgol ba bdag dang gzhan lung byed pa po'i skyes bu
chos can/ rang tshad mar khas len pa po'i yid ches kyi gnas su
brjod pa'i rgyu mtshan yod de/ des brjod

@381b bya'i don yang dag par tshad mas nges pa dang ldan pa'i sgo
nas tshig dang rang lung tshig brjod par 'dod pas de ltar smras
ba'i phyir/ kun las btus su rgol ba rang gi tshig dang bstan bcos
gnyis yid ches zhes gcig tu bsdus nas bshad pa'i

rgyu mtshan yod pa yin te/ de gnyis rang tshad mar khas len pa pos
khas blang bar bya ba'i yid ches kyi tshig tu mtshungs pas de ltar
bshad pa'i phyir/ gcig tu bsdus pa la dgos pa yod de/ ji ltar
rgol ba bdag nyid kyi tshig tshad mar

khas len pa min na rang gi bsam don gzhan la bstan pa'i ched du
tshig 'jug par mi 'gyur ba de bzhin du/ bstan bcos tshad mar khas
len pa la mi rten na bstan bcos der grags pa'i shin tu lkog gyur
gyi don la dpyod pa yang

mi 'jug par mtshungs par bstan pa'i ched yin pa'i phyir/ de ltar
lung 'di rang gi tshig dang lhan cig tu bsdus nas bshad pa'i dgos
pa yod de/ bstan bcos rnam dag de'i gnod sgrub tu 'jug pa'i dus
ni/ skabs kyi rten chos can shin

tu lkog gyur nyid la gnod byed yin no/ /ces pa'i don 'di bstan
pa'i ched du yin pa'i phyir/ tshig rang gi brjod bya la mi 'khrul
bar khas blangs pa ni/ tshad mar khas blangs pa yin la/ rgol ba
yang dag gis de ltar khas blangs na/ brjod

bya la mi slu ba'i tshad ma yin dgos te/ sgra mi rtag par tshad
mas rtogs nas sgra mi rtag ces smras pa na/ tshig de tshad ma de
las skyes la/ de rang gi gzhal bya la 'brel bas tshig rang gi
brjod bya la mi slu bar 'gyur ba yin gyi/ gzhung

@382a @#/ /'dir yang/ tshig brjod bya sgrub byed kyi tshad mar ston
pa min no/ /rang tshig dang lung chag 'gal ba 'di la gzhal bya'i
don can gyi tshad ma dag med do zhes ba'i dpe dag kyang mtshungs
ba nyid du bstan pa la dgos

pa yod pa yin te/ de gnyis sel byed kyi tshul mtshungs par shes
pa'i ched du de ltar bsten pa des na'i phyir ro/ /de 'dra'i dpe
thun mong du bstan pa la dgos pa yod de/ tshad ma rnams yod pa
min na/ bstan bcas dang tshig tshad

mar mi rung bar shes pa'i ched du de ltar smos pa'i phyir/ gang
dag slob dpon chos mchog gi 'brel ba'i don du bsams nas/ gzhal
bya'i don can gyi tshad ma dag med do zhes smas na/ dngos stobs
kyi bsal bar 'gyur la/ tshad

mas gzhal bar bya ba'i don med do/ /zhes smras na/ yid ches bsal
bar 'gyur ro/ /zhes pa ni mi rigs te/ kun nas mtshungs pa'i phyir
dang/ dam bca' de gnyis gang yang bsal ba bzhir bye ba'i yid
ches bsal ba ma yin

no/ /de ni tshad ma med bzhin du bden zhen gyis dam 'cha' ba'i
gang zag de'i khas blangs dngos shugs 'gal ba yin la/ 'gal ba de
yang gzhan gyis gnod pa ma bstan bar du/ dam 'cha' ba po de nyid
kyis yod med kyi 'gal

par nges mi nus so/ /gnod pa mthong ba'i tshe dngos stobs kyi
tshad mas bsal ba yin no/ /des na dpe ni/ tshad ma chos can/ gzhal
bya 'jal byed du med de/ zhes pa'o/ /gal te/ gzhi chos can tshad
ma de lung gis ma bzhag

@382b bar dngos stobs kyis grub pa'i phyir/ yid ches bsal ba'i
dper/ ji ltar rigs she na/ gzhal bya'i don can gyi tshad ma dag
med do zhes pa'i tshig de rang tshig 'gal ba la gsal ba'i dpe yin
te/ de'i bye brag cig dper bkod

ba'i phyir/ lung dang 'gal ba la gsal ba'i dpe ma yin te/ de dpe
dngos ma yin bzhin du phyogs tsam zhig mtshon nas bstan pa yin
pa'i phyir/ der thal/ de'i dpe dngos ma yin yang/ rang tshig 'gal
ba chos can khas blangs kyis

bzhag pa tsam gyis dngos shugs 'gal bar 'gyur ba des mtshon nas/
lung dang 'gal ba chos can lung tsam gyis bzhag pa'i sgo nas
dngos shugs 'gal bar go ba'i ched yin pa'i phyir/ 'o na lung
dang 'gal ba'i gsal ba'i dpe

ji lta bu zhe na/ de la sbyin sogs dkar po'i chos ni spyad pa
las ma 'ongs pa na/ bde ba mi 'grub ces bya ba'i dam bca' de
lung dang 'gal ba'i gsal ba'i dpe yin te/ chos can lung kho nas
grub pa gzhir bzung nas de la chos

can sgrub byed kyi lung de nyid kyis gnod pa'i 'gal ba ltar
snang dam bcas pa yin pa'i phyir/ de la 'dir rang tshig dang 'gal
ba dag dang lung tshig dang 'gal ba gnyis su phye ba ni/ yid ches
bsal ba'i dbye ba gnyis yod par shes

pa'i tshad ma yin te/ chos can khas blangs tsam gyi bden zhen
gyis sgras shing/ de ma dor bzhin du khyad chos dam bcas pa na/
kha cig dngos shugs 'gal ba dang/ gzhan dag khas blangs 'gal bar
'gyur bas yid ches tsam gyis

@383a @#/ /bzhag pa'i dam bca' ltar snang gi dpe gnyis yod par go
ba'i ched yin gyi/ snga ma ni yid ches bsal bar btags pa tsam
mo/ /gnyis pa la/ chos can dngos stobs kyis grub pa'i skabs su
lung gegs byed

du bston/ shin tu lkog gyur gyis sgrub pa'i skabs su lung gnod
byed du bstan/ de'i lan dgag pa'o/ /dang po ni/ gal te chos can
lung gis grub pa der/ lung khas blangs pas gnod byed du 'gyur
na/ chos can dngos stobs kyis

grub pa der yang lung khas len pa mthong ba'i phyir lung gnod
byed du 'gyur ro zhe na/ chos can lung gis grub pa de la brten
pa min pa'i chos can gyi dngos po sgra lta bu la tshad mas ma
grub bzhin du mi rtag par dam bcas pa la

sgra nam mkha'i yon tan can du ston pa'i bstan bcos dang 'gal
zhing gnod byed brjod na yang gnod pa ma yin par thal/ dam bca'
gnyis po dag phan tshun gegs byed tsam du 'gyur ba'i phyir/ der
thal/ gnyis ka gzhi gcig

la tshad ma med bzhin du chos 'gal ba dam bcas pa'i dam bca' nus
pa mtshungs pa yin pa'i phyir/ dper na/ bden zhen gyis kho bo'i
ma mo gsham mo zhes pa'i rang gi tshig 'gal ba bu bskyed pa'i

nus pa yod pa dang med pa gnyis/ gzhi bud med gcig pu de'i steng
du gnod bya gnod byed ma yin te/ gegs byed tsam yin pa'i phyir/
ces pa bzhin no/ /bstan bcos de yang gzhi chos can dngos stobs
kyis grub pa

@383b de'i tshe rang tshig gi bdag nyid dang mtshungs par thal/
gegs byed tsam yin pa'i phyir/ sgra mi rtag par tshad mas ma nges
na sgra rtag par ston pa'i bstan bcos dang nus pa mtshungs su
chug mod/ sgra mi rtag par tshad mas grub na ji ltar

zhe na/ dam bca' de dag las sgra mi rtag pa gang la rgyab rten
tshad ma yod na/ de ni sgra rtag par ston pa'i bstan bcos kyi don
gzhan la gnod byed du 'gyur te/ tshad mas grub pa'i don gyis rang
gi log phyogs kyi don la gnod

pa'i phyir/ rgyab rten tshad ma can gyis rang gi log phyogs la
gnod pa de lta min na/ tshad mas grub bzhin du sgra mi rtag par
dam bcas pa dang/ sgra rtag ston gyi bstan bcos gnyis nus pa
mtshungs pa yi dam bca' yin pa'am/

yang na sgra mi rtag pa la cig shos kyis gnod par thal/ de gnyis
gzhi gcig gi steng du chos dngos 'gal dam bcas pa gang zhig
/sgra mi rtag pas cig shos la mi gnod pa'i phyir/ 'dod na/ tshad
mas ji lta ba bzhin du grub pa'i don can

gyi sgra mi rtag pa la cig shos kyis gnod pa ma yin par thal/ de
'dra'i bstan bcos de rgyab rten rigs bral gyi dam bca' yin
zhing/ dngos stobs rjes dpag gis grub pa'i don la lung gis ji
ltar yang gnod pa mi 'thad pa'i phyir/

rtags phyi ma der thal/ lung rnams dngos stobs kyi skabs su gnod
byed tshad ma yin pa sngar nyid rnam par ldog zin pa yin pa'i
phyir/ gnyis pa la/ dngos dang/ khas blangs rjes dpag las tha
dad du ston pa'i rgyu mtshan dang/ rang

@384a @#/ /tshig bstan bcos las logs su bshad pa'i dgos pa'o/
/dang po ni/ lung sgrub byed du khas blangs nas dpyod pa'i gnas
dag la lung dang 'gal na des gnod pa'i skyon 'di 'jug par 'dod
de/ chos can

tshad mas grub pa la lung gis mi gnad/ chos can lung gis grub
pa'i skabs su lung gis gnod pa de'i phyir/ gnyis pa ni/ lung
tshad mar khas blangs pa la brten pa'i yid ches rjes dpag chos
can/ rjes dpag tshad

ma las phyi rol tu gyur pa ma yin te/ tshad ma gang zhig rtags la
brten pa'i sgo nas dam bca' ltar snang gi don la gnod dgos pa
des na'i phyir/ khyod de las phyi rol tu gyur a min yang/ sel
byed rtsa ba'i dbye ba 'chad pa'i skabs

su rjes dpag las tha dad du byas pa la dgos pa yod pa yin te/
rjes dpag tshad ma'i gzhal bya gzhir bzung nas de la khyod kyi
yul gyi thun mong ma yin pa'i khyad par bstan pa'i ched du byas
pa'i phyir/ yul kyi khyad par bstan

pa'i logs su byas pa de lta min na/ rjes dpag gi gsal ba'i dbye
ba bstan pa'i ched du yid ches rjes dpag skabs der rjes dpag las
tha dad du byas par thal/ dgos pa de dang yul gyi khyad par
bstan pa gang rung gcig gi ched du

byas pa gang zhig /yul gyi khyad par bstan pa'i ched du byas pa
de lta min pa'i phyir/ 'dod na/ skabs der 'bras rang gi rtags la
brten pa'i rjes dpag gi gsal ba'i dbye ba yang bstan dgos pa ha
cang thal ches par 'gyur bar thal/ sel byed

@384b rtsa ba'i dbye ba 'chad pa'i skabs der rjes dpag gi gsal
ba'i dbye ba bstan pa'i ched kho nar yid ches rjes dpag rjes
dpag las tha dad du byas pa'i phyir/ 'am sgras rtags gsum la
brten pa'i rjes dpag rjes dpag tsam gyi nang du

'dus zin pa'i phyir/ logs su byas pa don med do zhe na/ 'o na
yid ches rjes dpag rjes dpag las lags shig tu byas pa don med
par 'gyur par thal/ de yang rjes dpag gi nang du 'dus pa'i
phyir/ de la/ mngon sum don dang rjes

dpag dang/ /yid ches grags pas rang rten la'o/ /zhes bshad pa'i
bzhir phye ba'i rjes dpag ces pa de dngos stobs kyi rjes dpag
yin yang rjes dpag tsam du bstan cing/ yid ches dang grags pa de
las logs su bstan pa na de dag

rjes dpag tu ma 'dus sam snyam pa'i dogs pa bcad pa'i ched du
gsungs kyi dngos stobs rjes dpag tu nges zin na dgas pa skye
ba'i gzhi med pa'i dngos stobs rjes dpag las tha dad du byas pa
la dgos pa yod de/ zhes pa ni skabs

'dir don min na/ /yul gyi khyad par zhes pa'i don yang rjes dpag
tsam gyi gzhal bya gzhir gzung nas de la lung gi rtags kho na la
brten nas grub pa'i khyad par gyis shin tu lkog gyur gya log
phyogs kyi don la gnod par

bstan pa yin no/ /gsum pa ni/ gal te rigs sgor/ ji ltar smra ba
thams cad rdzun yin zhes pa lta bu/ rang tshig gi gnod pa dang
zhes khas blangs pa dang 'gal ba las de tha dad du bstan pa la
dgos pa ci yod ce na/ rigs

@385a @#/ /sgor dngos shugs 'gal ba'i rang gi tshig kyang lung
dang 'gal ba las tha dad du byas pa la dgos pa yod de/ rgyab
rten tshad ma med pa'i tshig tsam rang gi log phyogs brjod pa la
gegs byed yin par shes pa'i ched yin

pa'i phyir/ gsum pa ni/ gal te lung khas blangs pas gnod byed du
'gyur na/ rgol pa de yis gzhal bya kun la bstan bcos tshad mar
khas blangs pa'i phyir/ gzhal bya'i dngos po kun gyi log phyogs
la gnod byed du 'dod ce na/ gal

te bstan bcos de gnod byed du mi 'dod bzhin du gnod byed yin nam
ci ste yin par thal/ dngos stobs la bstan bcos sgrub byed du
khas len mi rigs kyang sgrub byed du 'gyur ba'i phyir/ gal te
sngar bstan bcos de shin tu lkog

gyur la gnod byed du khas blangs pa de nyid phyis kyang gzhan
gyis de'i don gyi phyogs gcig dngos stobs kyi skabs la rtsod pa
byed na yang bstan bcos skabs de la sgrub byed ma yin yang sgrub
byed yin pa dor du mi rung ste/ dor na

rang gi tshig dang 'gal bar 'gyur ro zhe na/ rang tshig dang 'gal
ba dang bstan bcos dang 'gal ba gnyis gzhi mthun mi srid pa'i
tha dad pa med par 'gyur bar thal/ bstan bcos dang 'gal ba yang
rang tshig dang 'gal bar 'gyur

ba'i phyir/ gal te dngos stobs la yang sgrub byed du 'dod pas
sgrub byed yin no zhe na/ bstan bcos 'di mtshan nyid phyin ci log
tu yongs su rdzogs pa'i tshad ma nyid yin par thal/ skyes bu'i
'dod pa tshad mar byas pa tsam yin pa'i phyir

@385b gnyis pa tshad mar gyur ba'i lung ngos gzung ba ni/ dngos
stobs kyi tshad ma la rab tu grags pa'i don dag la bstan bcos
sgrub byed yin pa dor na'ang nyes pa med par thal/ der de sgrub
byed du mi rung ba des na'i phyir/ shin tu lkog gyur gyi don

dag la/ bstan bcos sgrub byed du mi 'dod pa mi rigs par thal/ de
mi 'dod na/ tshad ma'i khyod pa nyid skabs der mi 'jug dgos pa'i
phyir/ lung gang yang rung ba sgrub byed du khas blang bar bya
ba ma yin par thal/ lung 'di'i don la brtag

pa byas pa na phal cher nang 'gal ba brjod par mthong ba yin
pa'i phyir/ de ji lta bu zhe na/ 'di lta ste/ der thal/ chags
sogs chos min sdig pa'i rtsa bar khas blangs nas khrus kyis chos
min sdig pa dag par 'gyur bar ston par mthong

ba'i phyir/ de ni khas blangs 'gal bar ji ltar 'gyur zhe na/
gang zhig gang gi rgyu la mi gnod pa de ni/ de'i rgyu bkag pa'i
sgo nas 'joms nus pa ma yin te/ snum pa'i rdzas kyis bad kan
'gog mi nus pa bzhin khrus kyis chags sogs

mngon gyur la yang mi gnod do zhes bya ba'o/ /chags sogs kyis
sdig pa bskyed pa'i nus pa mngon sum gyis mi 'grub cing/ de la
khrus kyis mi gnod pa yang mngon sum gyis mi 'grub kyang/ khrus
byas pas chags pa mngon gyur chung

du mi 'gro ba rang rig mngon sum gyis grub pas khas blangs snga
phyi 'gal bar shes so/ /de lta na yang shin tu lkog gyur gyi don
la mngon sum gnod sgrub tu 'jug pa ma yin te/ chags sogs kyis
sdig pa bskyed pa'i nus pa'i

@386a @#/ /khyad par dang/ nus pa'i khyad par de la khrus kyis mi
gnod pa mngon sum gyis mi 'grub pa'i phyir ro/ /'o na lung ji
lta bu khas blang bar bya zhe na/ shin tu lkog gyur gyi don
sgrub byed la dpyod pa 'jug par 'gyur ba'i

rgyu mtshan yod de/ mthong ba dngos stobs kyi yul la dngos stobs
kyis rigs pas grub pa dang/ ma mthong ba shin tu lkog gyur dag
la snga phyi 'gal ba dang/ dngos shugs 'gal ba'i rang tshig gis
gnod pa med pa'i dpyad pa gsum

gyis dag pa'i bstan bcos gang yin pa de gnas gsum par sgrub byed
du gzung bar bya ba'i ched du dpyod pa 'jug pa'i phyir/ gnyis pa
grags pas ma bsal ba'i tshul la/ spyi'i don dang/ yan lag gi don
to/ /dang po la/ grags pa'i

gtan tshigs kyis tshul ji ltar grub pa dang/ grags pa'i rjes dpag
gi gzhal bya'i khyad par dang/ grags pa'i dbye ba'o/ /dang po
ni/ gang rtog yul na yod pa de ni zla ba'i sgras brjod rung yin
pas khyab ste/ dper na/ bum pa bzhin/

ri bong can yang rtog yul na yod pa yin no/ /zhes pa'i phyogs
chos rang rig mngon sum gyis 'grub la/ khyab pa ni/ gang 'dod pa
tsam gyi rjes su byed pa de ni don thams cad la 'jug tu rung
ste/ dper na rnam rtog rang dga' ba

bzhin/ zla ba zhes pa'i sgra de yang 'dod pa tsam gyi rjes su
byed pa yin no/ /zhes bya ba'i rtags la brten nas grub ste/ de'i
phyogs khyab gnyis ka rang rig mngon sum gyis shugs la grub pa
yin no/ /'o na dngos stobs kyi rtags su

@386b thal bar 'gyur te/ tshul gsum dngos stobs kyis grub pa'i
phyir ce na/ skyon med de/ de dag ni bsgrub bya'i sgo nas khyad
par zhugs pa yin gyi sgrub byed kyi sgo nas ma yin te/ dam bca'
yang dag thams cad mthar mngon sum tshad ma la

brten dgos pa'i phyir ro/ /gnyis pa ni/ grags pa'i rjes dpag gi
gzhal bya de 'dod pa tsam gyi rjes su 'brel bas khyad par du
byas pa ste/ 'dod pa tsam gyis bzhag pa'i phyir ro/ /brjod rung
tshad mas grub pa ma yin par thal ba dang/

don gang la yang 'jug par thal lo zhe na/ phyi ma 'dod la/ snga
ma khyab pa med de/ don thams cad la 'jug rung 'dod pa'i rjes su
byas pa de nyid tshad mas grub pa'i phyir ro/ /gsum pa ni/ grags
pa mtshan nyid pa ni/ 'jig rten

gyi tshul lugs las grub pa'i shes brjod kyi tha snyad kyis khyad
par du byas pa rnams yin la/ de dag ni gnod byed mtshan nyid pa
ma yin te/ de lta na dngos stobs kyi yul la grags pa gnod byed
du thal bas so/ /gnod

byed mtshan nyid pa ni brjod rung de nyid yin la/ de la grags
pa'i ming gis btags pa'o/ /kha cig brda ma sbyar ba'i dus na
sgra de 'jug pa rtog pa'i yul na yod pa tsam la rag las pas/ des
brjod rung bsgrub pa brda'i grags

pa'i ming gis bstan pa dang/ phyis tha snyad la 'jug pa'i dus su
rgyu mtshan nges pa can las da trig shing du bsgrub pa lta bu tha
snyad kyi grags pa'i ming gis bstan pa gnyis su 'byed pa ni mi
'thad de/ de shing ma yin la dngos

@387a @#/ /stobs kyi tshad mas bsal ba'i phyir ro/ /'o na grags
pas gnod pa'i dper smos pa ji lta bu zhe na/ de ni da trig shing
zhes pa'i sgras brjod du mi rung ba la grags pas gnod par bstan
pa yin no/ /gnyis pa la/ grags

pas bsal ba'i tshul dang/ grags pa'i dbye ba dang/ rjes dpag las
tha dad du bstan pa'i rgyu mtshan no/ /dang po la/ mdor bstan/
rgyas par bshad pa'o/ /dang po ni/ skye bo rnams kyi 'dod pa
rnam rtog yid ches pa'i tshul

gyis bzhag pa'i 'dod rgyal ba'i zla ba zhes pa'i sgra chos can/
khyod don thams cad la 'jug tu rung ba la gnod pa med pa'i ngag
yin par thal/ khyod kyi brjod bya nyid du rung ba don thams cad
la bkag pa med pa'i phyir/

der thal/ khyod skyes bu'i 'dod pa tsam dang rjes su 'brel ba'i
sgra yin pa'i phyir/ gnyis pa la grags pa'i ming den dang/ grags
pas kun la khyab par bstan pa/ de lung dang sbyar te bshad pa'o/
/dang po ni/ brjod rung gis

gnod na grags pas gnod ces ji ltar brjod ce na/ ri bong can zla
ba'i sgras brjod rung de chos can/ grags pa'i sgra yis brjod
pa'i rgyu mtshan yod de/ grags pa mtshan nyid pa rnam par rtog
pa'i tha snyad las skyes pa yi rjod byed

kyi sgra de'i yul rtags su bkod pa'am/ rtog pa'i yul gyi chos
rtags su bkod pa las khyod 'grub pas de ltar du brjod pa'i
phyir/ spong na mngon sum gyis gnod 'gyur/ zhes sogs der yang
yul can gyi blo dngos su gnod byed

@387b du bstan pa ma yin te/ mngon sum sogs kyi gzhal bya gnod
byed mtshan nyid pa de la 'jal byed yul can gyi ming gi sgra sgro
btags nas brjod pa tsam yin pa'i phyir/ gzhung de dag gis yul
can la gnod byed kyi ming gis bstan

pa ma yin gyi/ yul gnod byed la yul can gyi ming gis btags nas
bstan pa'i don to/ /gnyis pa la/ rtags dgod pa dang/ de'i log
phyogs la gnod byed du bstan pa'o/ /dang po ni/ 'dod pa tsam de
la brten nas 'byung ba can gyi zla

ba zhes pa'i sgra chos can/ don thams cad la 'jug tu rung ba
dgag tu med pa yin te/ 'dod pas 'jug pa'i sgra yin pa'i phyir/
ri bong can chos can/ khyod la sngar brda byas pa dang/ sngar
brda ma byas pa'i rjod byed sna tshogs rnams su byung

ba'i rjod byed kyis brjod du rung ste/ rtog yul na yod pa'i rang
bzhin nyid kyis so/ /gnyis pa ni/ ri bong can sngar brda byung
zin pa'am 'byung bar 'gyur ba byung ma zin pa'i rjod byed sgra'i
brjod rung nyid de yis rang 'gal mi mthun pa'i

phyogs dag la gnod par 'gyur te/ rtog yul gyi don tsam de sgrub
byed dang/ de'i bsgrub byar rjes su 'brel ba can yin pa'i phyir/
gsum pa la/ lung drangs nas 'brel dgod pa dang/ de'i don bshad
pa'o/ /dang po ni/ slob dpon gyis

gang la thun mong ma yin pa'i phyir rjes su dpag pa med la/ sgra
las byung ba'i grags pa dang 'gal ba'i don gyis na bsal ba de
yang phyogs ma yin no/ /zhes gsungs so/ /rtog yul gyi don thams
cad la zla ba'i sgra dngos su grags

@388a @#/ /pa med kyang rtog yul gyi don de la zla ba'i sgra de
ni brjod rung nyid du grub pa yin te/ de ltar med kyang rtog yul
na yod pa'i rtags kyis ri bong can gyi dngos po la rjod byed
sgra'i brjod rung nyid grub pa de yi stobs nyid

las rtog yul gyi don de la rjod byed kyi sgra kun gyis brjod
rung du 'brel zhing grub pa des na'i phyir/ gnyis pa la/ lung
don bshad pa dngos dang/ lung gi dper brjod la brgal ba'i lan
no/ /dang po la/ lung dang po'i don grags pa

la gnod byed med pa dang/ lung gnyis pa'i don sgra byung grags
pa la sgrub byed yod par bstan pa/ lung gi don gzhan bshad pa'o/
/dang po ni/ grags rung grags par bzhed pa las gzhan du grags zin
nyid grags par bzhed

pa yin na/ brda sprod pas gnod byed du bkod pa'i ri bong can la
'dod rgyal ba'i zla ba'i sgras brjod du mi rung ste/ zhes pa
'dir ni mthun phyogs la mi 'jug pa'i gtan tshigs thun mong min pa
nyid du mi 'gyur bar thal/ zla bar

ma grags pa'i don du ma yod pa'i phyir/ ri bong can zla ba'i
sgras brjod rung de 'gog na rjes dpag las 'gog par 'gyur bar
thal/ de tshad mas 'gog pa gang zhig /sgra'i don la dbang po la
sogs pa'i mngon sum 'dzin

byed du 'jug pa med pa'i phyir/ de 'dod de/ log phyogs sgrub
pa'i rtags des gnod pa'i phyir ce na/ de na gnod pa ma yin par
thal/ rtags de mthun phyogs la mi 'jug pa'i thun mong ma yin pa
yin pa'i phyir/ ri bong can bla

@388b ba ma yin te/ yod pa'i phyir/ ces pa'i gtan tshigs 'dis mi
gnod kyang rtags gzhan gyis gnod do zhe na/ de ltar dam bca'
ltar snang gi dpe 'chad pa'i skabs su ri bong can zla ba'i sgras
brjod du mi rung ste yod pa'i phyir/ ces

pa'i gtan tshigs ltar snang dper brjod pa chos can/ 'bras bu dang
ldan par 'dod de/ ri bong can zla ba'i sgras brjod mi rung gang
la yod pa mthun phyogs la rjes 'gro med pa'i rtags de de 'dra'i
rtags rnams mthun phyogs

la mi 'jug pa'i thun mong min pa nyid do ces mtshon pa'i ched yin
pa'i phyir/ dgos pa de dang mi ldan na/ dam bca' ltar snang gi
skabs su gtan tshigs ltar snang gi dpe smos pa la 'bras bu med
do/ /gnyis pa ni/ sgra las byung ba'i grags

pa dang zhes gsungs pa la dgos pa yod de/ rjod byed sgra yis
brjod rung du grub pa 'di don gang la yang mi 'grub pa min no/
/zhes de ltar shes pa'i ched du gsungs pa'i phyir/ de don gang
la yang mi 'grub pa ma yin par thal/ rjod byed

kyi sgra ni brda la brten pa can yin la/ brda de yang 'dod pa
tsam la brten pa yin pa'i phyir/ gsum pa la/ gang la thun mong
ma yin pa'i phyir rjes su dpag pa med la zhes pa'i lung des/
dngos stobs rjes dpag gis grub pa'i don

la log phyogs sgrub byed med par bstan pa dang/ ri bong can
dngos dbang gis zla ba'i sgras brjod rung du 'jal ba'i rjes dpag
med par bstan pa'o/ /dang po ni/ lung dang po chos can/ khyod
kyi shugs la dngos stobs rjes su dpag

@389a @#/ /pas sgrub pa'i don rnams la log phyogs sgrub byed 'gal
ba la 'khrul pa med pa can med par ston pa yin te/ de lta bu
shugs la bstan pa'i ched du sgra byung grags pa de lta bu'i yul
can gyi grags pa'i rjes

dpag gi gzhal bya mtha' gcig tu nges par bstan pa yin pa'i
phyir/ slob dpon lha dbang blos gang la zhes pa'i lung snga mas
sgra byung grags pa la gnod byed med par bstan nas/ sgra las
byung ba'i zhes pa'i lung gnyis pas

dngos su grags pa'i rjes dpag gi gzhal bya mtha' gcig tu nges
par bstan nas/ shugs la dngos stobs rjes dpag gi yul la 'gal ba
la mi 'khrul pa med par ston zhing/ lung gnyis pa'i don de nyid
ni gzhung 'dis

'chad pa la sbyor ro/ /slob dpon chos mchog gi lugs de bkag nas/
slob dpon lha dbang blos lung gnyis pa'i don du byas pa de nyid
lung dang po'i don du 'chad cing/ gzhung 'di yang lung dang po'i
don 'grel du sbyor ro/ /gzhung

'di ni tshad ma rnam nges las zla bo'i tshad ma med pas nges par
bstan pa'i phyir ro/ /zhes pas 'chad do/ /slob dpon rgyan mkhan
pos lung snga mas sgra byung grags pa la gnod byed med pa gtso
bo dang/ lung phyi mas 'gal ba la mi

'khrul ba'i gtan tshigs med pa gtso bor bstan pa 'chad do/ /gnyis
pa ni/ lung de dag gi don sngar bshad pa las yang na lung dang
po smos pa chos can/ dgos pa yod de/ 'jig rten na ri bong can
zla ba'i sgras brjod pa la

@389b dngos po stobs zhugs kyi rjes dpag med par brjod pa yin
pa'i phyir/ de chos can/ dngos stobs rjes su dpag pa las grags
pa'i rjes su dpag pa yul rigs tha dad pa'i yul can nyid du bstan
te/ ri bong can dngos dbang gis zla

ba'i sgras brjod rung du 'jal ba'i rjes dpag med par brjod pa
des na'i phyir/ rgyu mtshan des na dngos po rnams yod pa dang med
pa'i rjes su 'jug ldog byed pa can gyi dngos stobs rjes dpag las
grags pa yul tha dad du bstan pa

la dgos pa yod de/ grags pa de dngos po'i dbang gis mi 'jug par
de 'dod pa las skyes pa yin no/ /zhes bstan zhing rtogs pa'i
ched du yin pa'i phyir/ lung snga ma'i don ri bong can dngos
dbang gis zla ba'i sgras brjod rung du sgrub

pa'i rjes dpag med par bshad pa na/ dpe de'i dbang du byas nas
lung gnyis pa'i don yang 'di ltar bshad de/ ri bong can dngos
dbang gis zla ba'i sgras brjod rung du bsgrub pa la yod pa rtags
su bkod pa mthun phyogs la mi 'jug pa'i

thun mong ma yin pa yin no/ zhes ston pa ni/ gzhan du 'dir ni
zhes so/ /de tshad ma gzhan gyis grub ce na/ de sgrub rjes dpog
las 'gyur te/ /sgra don la dbang 'jug med phyir/ ces bshad do/
/gtan tshigs des mi sgrub kyang/ gtan

tshigs gzhan gyis sgrub nus so zhe na/ gang la yod rjes zhes
bshad do/ /sgrub byed med mod gnod byed kyang med do zhe na/
gnod pa ston pa ni/ sgra ni brda la brten pa can/ zhes bshad do/
/gnyis pa la/ ri bong can zla ba ma yin te/ yod pa'i

@390a @#/ /phyir/ ces pa'i dpe la rtsod pa'i lan du sbyor ba
dang/ zla ba yin te/ zhes pa'i dpe la rtsod pa'i lan du sbyor
ba'o/ /dang po ni/ ri bong can zla ba ma yin te/ yod pa'i phyir/
ces pa 'di mthun phyogs la mi 'jug pa'i

'gal rtags ma yin nam/ ci ltar thun mong ma yin pa yin zhe na/
rtog yul na yod pa de ni chos can/ ri bong can zla ba'i sgras
brjod mi rung du sgrub pa'i thun mong ma yin pa'i rtags su 'dod
cing bshad pa'i rgyu mtshan yod de/ mthun phyogs

la cung zad kyang mi 'jug cing grags pa mtha' dag la log par
zhugs pa'i brda sprod pa'i blo ngor mi mthun phyogs la yang mi
'jug pas de ltar bshad pa'i phyir/ brda sgrod pa'i ngor ri bong
can grags dbang gis zla ba'i sgras brjod

rung du bsgrub pa de la'ang mthun dpe med pa can yin par thal/
des zla bar ches shin tu grags pa'i ri bong can yang grags dbang
gis zla ba'i sgras brjod rung du mi 'dod pa gang zhig /de mi
'dod na grags dbang gis zla ba'i sgras

brjod rung gzhan gang zhig kyang 'dod par 'gyur ba mi 'thad pa
de'i phyir/ 'jig rten na zla ba gcig las med pas rtags de thun
mong ma yin par bshad pa ma yin nam/ ji ltar rtags de brda sprod
pa'i blo ngo la bltos nas

thun mong ma yin par bshad ce na/ ri bong can 'dod rgyal ba'i
zla ba'i sgras brjod mi rung du sgrub pa'i dpe 'di nyid kho na
la grags pas gnod pa'i dbang du byas nas lung dang po smos par
thal/ 'jig rten na zla ba gnyis med pa'i

@390b rgyu mtshan gyis log phyogs sgrub pa'i rtags thun mong ma
yin par lung des bshad pa'i phyir/ 'dod na/ de kho na la grags
pas gnod pa'i dbang du byas nas lung dang po de skad bshad pa
min par thal/ ri bong can 'dod rgyal ba'i zla ba'i sgras

brjod mi rung du bsgrub pa la grags pas gnod pa de bzhin du da
trig shing gi sgras brjod rung min no zhes brjod cing dam 'cha'
ba la yang grags pas gnod do/ /zhes grags pas gnod pa'i spyi'i
mtshan nyid bstan pa'i ched du lung

dang po smos pa'i phyir/ gnyis pa ni/ ri bong can zla ba yin te/
yod pa'i phyir/ grub pa'i brjod bya bzhin zhes bkod na mthun dpe
yod pa ma yin nam/ ci ltar mthun phyogs la mi 'jug pa'i thun
mong ma yin pa yin zhe na/ sangs

rgyas pa chos can/ yod pa de ri bong can dngos dbang gis zla
ba'i sgras brjod rung du sgrub pa'i mthun phyogs la mi 'jug pa'i
thun mong ma yin par 'dod pa'i rgyu mtshan yod de/ de la mthun
dpe med pa can yin pas de ltar 'dod pa'i

phyir/ mthun dpe med par thal/ zla bar tshes grags pa'i ri bong
can yang dngos dbang gis zla ba'i sgras brjod rung du mi 'dod pa
yin na/ de las gzhan gang zhig kyang de ltar 'dod par 'gyur ba
mi 'thad pa de'i phyir/ zla ba

gcig las med pas rtags thun mong ma yin par bshad pa ma yin nam
zhe na/ ri bong can grags dbang gis zla ba'i sgras brjod mi rung
du sgrub pa'i dam bca' gcig pu de nyid la grags pas gnod pa'i
dbang du byas nas sgra
 
@391a @#/ /las byung ba'i grags pa dang zhes pa'i lung gnyis pa
gsungs par thal/ 'jig rten na zla ba gnyis med pa'i rgyu mtshan
gyis ri bong can zla ba'i sgras brjod rung du sgrub pa'i thun
mong min par go ba'i ched

du/ lung dang po gsungs pa'i phyir/ 'dod na/ dam bca' ltar
snang gi dpe 'di nyid kho na la grags pas gnod pa'i dbang du
byas nas de skad du lung gnyis pa bshad pa min par thal/ de la
grags pas gnod pa bzhin du

da trig shing gi sgras brjod rung min par dam bcas pa la yang
grags pas gnod do/ /zhes grags pas gnod pa'i spyi'i mtshan nyid
bstan pa'i ched yin pa'i phyir ri bong can 'dod rgyal ba'i zla
ba'i sgras brjod mi rung du sgrub

pa'i rtags thun mong ma yin par ston pa'i dus su 'dod rgyal
ba'i zla ba'i sgras brjod rung du sgrub pa'i mthun dpe brda
sprod pa'i ngor med ces bshad pa ni/ rtags snga ma mi mthun
phyogs la mi 'jug par sgrub pa'i ched du yin no/ /ri

bong can zla ba'i sgras brjod rung du sgrub pa'i mthun dper
zla bar grags zin kho na dgos pa 'dir yang chos can/ mthun dpe
med pas rtags thun mong ma yin par 'gyur ba ma yin par thal/
ga bur dang dngul chu la sogs la 'jig

rten na zla ba'i sgra sbyor ba mthong ba'i phyir/ rtags ma
grub na/ zla ba'i sgra chos can/ ri bong can kho na la thun
mong min pa nyid du 'jug pa nyid kyang 'thad pa ci yang med
par thal/ brda'i dbang las 'jug par 'gyur ba'i sgra yin pa'i

@391b phyir/ gal te ri bong can la la kho nar zla ba'i sgra de
'jug par grub na/ zla ba'i sgra de ni dngos po'i stobs las
'jug par grub pa yin par thal lo/ /gal te ri bong can la grags
pas grub par khas len no zhe na/ zla ba'i sgra chos

can/ ri bong can ma yin pa la'ang grags pa'i dbang gis 'jug
rung yin pa ldog tu med par thal/ ri bong can la de ltar 'jug
pa gang zhig/ 'dod pa tsam gyi rjes su byed pa'i sgra yin pa'i
phyir/ 'dod na/ ri bong can grags

dbang gis zla ba'i sgras brjod rung du sgrub pa'i mthun dpe
med pa nyams so/ /gnyis pa grags pa'i dbye ba la/ rgyu mtshan
can gyi sgra yul nges par bstan pa dang/ rgyu mtshan can ma yin
pa'i sgra yul ma nges par bstan pa'o/ /dang po

ni/ ga pur sogs la yid tshim pa dang dkar ba la sogs pa rgyu
mtshan nges pa'i dngos po yod pas de dag la zla ba'i sgra dngos
po'i rgyu mtshan gyis 'jug pa yin pas/ grags dbang gis zla ba'i
sgras brjod rung du sgrub pa'i mthun

dper mi rung ngo zhe na/ ga pur la sogs pa'i dngos po la zla
ba'i sgra 'jug pa'i rgyu mtshan grub pa de ri bong can la yod
dam med/ dang po ltar na/ ri bong can la'ang zla ba'i sgra
dngos po'i rgyu mtshan gyis 'jug pa ldog pa med par

thal/ yid tshim pa dang/ dkar ba sogs yod pa'i phyir/ 'dod na/
ri bong can zla ba'i sgras brjod rung du sgrub pa rgyu mtshan
can gyi sgra'i brjod rung sgrub pa'i don du song bas de ltar
yin yang mthun dpe med pa nyams so/ /gal te zla ba'i sgra

@392a @#/ /'jug pa'i rgyu mtshan gyi dngos po de dag ri bong can
la med do zhe na/ ri bong can la zla ba'i sgra 'jug pa ldog
kyang nyes pa yod pa ma yin par thal/ zla ba'i sgra de rgyu
mtshan can gyi sgra gang zhig de 'jug pa'i rgyu

mtshan ri bong can la med pa'i phyir/ gnyis pa la/ bstan pa
dang/ rtsod spong dang/ don bsdu ba'o/ /dang po ni/ rgyu mtshan
can gyi sgra rgyu mtshan med par mi 'jug pa de'i phyir/ dngos
po'i dbang gis 'jug pa'i nges pa med pa'i

brda can gyi rjod byed kyi sgra las byung ba'i chos rnams kyi
brjod rung don rnams thams cad la khyab pa nyid yin te/ rjod
byed kyi sgra 'dod pas 'jug pa la gegs byed pa med pa'i phyir/
gnyis pa ni/ gal te ga pur soD

la lar zla ba'i sgra de 'jug par brda sprod pa'i blo ngor yang
grub pas de'i ngor mthun dpe med pa ma grub bo zhe na/ brda
sprod pa'i ngor zla ba'i sgra de ni ga pur sogs la yang dngos
po'i stobs las grub pa yin par thal/ de'i

ngor de dag ri bong can dngos dbang gis zla ba'i sgras brjod
rung du sgrub pa'i mthun dpe yang dag yin pa'i phyir/ gal te
de dag la zla ba'i sgra grags pas grub par khas len no zhe na/
ri bong can la'ang brda sprod pa'i ngor zla

ba'i sgra grags pa'i dbang gis 'jug pa ldog ? tu med par thal/
de'i ngor don snga ma la grags pa'i dbang gis 'jug pa gang
zhig snga phyi gnyis ka'i rjod byed du 'jug par mtshungs pa'i
phyir/ des ci zhig grub ce na/

@392b don thams cad la zla ba'i sgras brjod du rung ba nyid
dgag mi nus par thal/ de 'gog pa la don gang la yang 'dod pas
brda sbyor ba 'gog tu med pa'i stobs las skyes pa yi grags pa
zhes bya ba'i rjes su dpag pa brjod rung gi

yul can gyis gnod pa byed par bstan pa'i phyir/ gsum pa la/
dngos dang/ de dag gis grub pa'i don to/ /dang po ni/ sngar
bshad pa'i rigs pa 'dis ni chos can/ rjod byed kyi sgra de dag
rnams don thams cad der

'jug tu rung ba 'gog pa tshad ma dang 'gal bar bstan pa yin te/
brda'i rjes su 'jug pa'i rjod ? byed sgra rnams la brjod bya'i
don mtha' gcig tu nges pa yod pa min no zhes brjod pa'i phyir/
gnyis pa ni/ sgra 'dod

pas 'jug par bstan pa des ni chos can/ rgyu mtshan can gyi sgra
yi brjod bya'i don nam/ 'dod rgyal ba'i sgra rnams kyi brjod
bya'i don don dam par grub pa nyid 'gog pa la tshad mas gnod pa
med par bstan pa yin te/ de

dag don dam par ma grub par bstan pa'i phyir/ 'dod pas sbyar ?
du mi rung ba'i rgyu mtshan can gyi sgra ni 'gar yang srid pa
ma yin te/ rjod byed thams cad 'dod pa tsam la rag las pa'i
phyir ro/ /'o na rgyu mtshan can gyi sgra yul nges

par bshad pa mi 'thad par thal/ rjod byed thams cad 'dod rgyal
ba'i sgra yin pa'i phyir ce na/ ming gang las lto ldir zhabs
zhum pa'i blo 'khrul med du 'jug pa'i ming de don de nyid kyi
dngos ming yin pas yul nges pa zhes bya'i/ de'i

@393a @#/ /ming de nyid don gzhan la sbyar du mi rung ba mi
srid cing/ 'dod rgyal ba'i sgra ma yin pa'i rjod byed kyang mi
srid do/ /gsum pa la/ grags pa rjes dpag las tha dad du byas
pa'i dgos pa dang/ yid ches dang gnyis ka tha

dad du byas pa'i dgos pa'o/ /dang po ni/ grags pa'i rjes dpag
rjes dpag las phyi rol tu gyur pa ma yin yang/ snga ma yid
ches rjes dpag sel byed rtsa ba'i dbye ba 'chad pa'i skabs der
rjes dpag las tha dad du bstan pa bzhin du

tha dad du byas pa la dgos pa yod pa yin te/ grags pa'i rjes
dpag gi yul gyi khyad par bstan pa'i ched du byas pa des na'i
phyir/ rjes dpag tsam gyi gzhal bya gzhir byas nas 'dod pa
tsam gyi rjes su byed pas khyad par du byas

pa grags pa'i rjes dpag gi yul du shes par bya ba'i ched du
yin no/ /gnyis pa ni/ slob dpon phyogs glang gis yid ches
dang/ grags pa'i rjes dpag gnyis yul gyi khyad par bstan pa'i
ched du rjes dpag tsam las logs su

smos pa yin pa gang las shes she na/ rjes dpag gnyis po de
rjes dpag tu grub zin pa yin kyang rtsa ba'i dbye ba 'chad
pa'i skabs der yul gyi khyad par bstan pa'i ched du rjes dpag
tsam las tha dad du bshad pa yin te/ der yul

gyi khyad par go ba'i dgos pa de nyid bstan cing rtogs pa'i
phyir tu rjes dpag 'di gnyis gnod tshul rgyu mtshan dang bcas
par rab tu brjod pa'i phyir/ yul gyi khyad par shes pa'i ched
du med na/ gnod tshul rgyu mtshan dang bcas pa

@393b bstan pa la dgos pa gzhan cung zad kyang med do/ /de
ltar bstan pa ji lta bu zhe na/ gzhal bya'i don can gyi tshad
ma dag med do/ /zhes bya ba ni dam bcas pa tsam gyi 'gal ba
yin la/ zhes dam bcas pa tsam nas gnod pa 'bad

tshul dang/ gang la thun mong ma yin pa'i phyir rjes su dpag pa
med la/ sgra las byung ba'i grags pa dang 'gal bas bsal ba de
yang phyogs ma yin no/ /zhes dngos po'i dbang gis gnod pa ma
yin gyi grags pa'i dbang gis

gnod do zhes bstan to/ /skabs der mngon sum dang dngos stobs
rjes dpag tshad mas dam bca' ltar snang gi don la gnod pa la
gnod tshul rgyu mtshan dang bcas pa rgyas par ston pa min pa la
rgyu mtshan yod de/ skabs der de

gnyis kyi gnod tshul mdo tsam zhig bstan bzhed la/ de tsam zhig
rtogs sla bas ma bstan pa'i phyir/ yang de gnyis kyi thun mong
ma yin pa'i gnod tshul bstan na yang/ dngos stobs kyi tshad ma
gnyis kyi gnod tshul mdo tsam

rtogs sla bas kyang skabs der ma bstan no/ /gsum pa mngon sum
gyis ma bsal ba'i tshul la/ mngon sum gyis gnod pa'i tshul dang/
don smos pa'i dgos pa dang/ mnyan bya smos pa'i dgos pa'o/
/dang po ni/ mngon sum

gyis dam bca' ltar snang gi don la gnod pa 'di la yang brjod
par bya ba du ma yod de/ rigs pa rgyas par 'chad par 'gyur
ba'i phyir/ sgra ni byas mi rtag sogs ldog pa tha dad du ma'i
dngos po nyid du grags pa'i tha dad pa'i ngo bo

@394a @#/ /nyid gang zhig yin pa'i tha dad kyi cha de dag sgra
la don dam par ma grub par thal/ de ltar grub na byas mi rtag
sogs sgrul mgo'i gdengs ka bzhin du sna tshogs su snang ba yi
nyan pa'i blo skye dgos pa la de skye ba med

pa'i phyir/ gnyis pa ni/ mngon sum don dang zhes bshad pa la
dgos pa yod de/ nyan shes ma 'khrul ba la sgra dang sgra'i
chos de dag gnyis su snang ba med par snang bar 'gyur ba'i
gzung don de don dam par grub par rtogs

pa'i don du bshad pa'i phyir/ nyan shes ma 'khrul ba la spyi
gsal gnyis su med par snang ba'i don rang mtshan 'di nyid chos
can/ sgra la med do zhes spong na mngon sum gyis gnod par
'gyur te/ sgra la mngon sum gyis grub pa'i phyir/

ngo bo de nyid chos can/ don zhes pa'i sgras stan pa'i rgyu
mtshan yod de/ sgra de la don dam par grub pa'i phyir/ lhag ma
ldog pa'i mtshan nyid can gyi byas mi rtag gi tha dad kyi cha
de dag chos can/ sgra la don dam par grub pa ma yin

te/ dngos po med pa'i ngo bor gyur pa'i spyi yin pa'i phyir/
de dbang po'i mngon sum gyi gzung don gyi spyod yul min par
thal/ dngos med yin pa de'i phyir/ gsum pa la/ dngos dang/
rtsod spang ngo/ /dang po ni/ mngon sum gyi bsal

ba 'chad pa'i skabs su sgra med do zhes smos pas chog mod sgra
mnyan bya ma yin no zhes smos pa la dgos ba ci yod ce na/
mngon sum gyi bsal ba'i dper/ sgra ni mnyan bya ma yin no zhes
mnyan bya'i sgra smos pa dgos pa dang

@394b bcas pa yin te/ nyan shes kyis gzung du mi rung ba'i
spyi'i chos rnams sgra la med do/ /zhes spong yang nyan shes
mngon sum gyis gnod pa yod pa min no zhes bstan pa'i ched du
yin pa'i phyir/ de med do zhes spong yang des gnod pa

med par thal/ de 'dra'i spyi'i chos rnams nyan shes mngon sum
gyi yul min par grub pa'i phyir/ der thal/ sgrub zin pa des
na'i phyir/ yang ldog pas phye ba'i mi rtag pa dang bdag med
sogs sgra la med do zhes spong yang/ nyan shes

mngon sum tshad mas gnod pa med do/ /zhes rtags sgrub dang bcas
pa sbyar ro/ /sgra'i chos med do zhes pa tsam zhig bsal ba'i
dper bsten na/ sgra rtag par med pa yang nyan shes kyis bsal
bar dogs pa skye bas mnyan bya zhes

smos so/ /'o na sgra rang mtshan med do zhes smos pas tshig mod
ce na/ des kyang dogs pa mi chod do/ /gnyis pa ni/ 'o na mnyan
bya'i sgras sgrar gyur pa'i mi rtag pa sogs kyang brjod pa'i
phyir/ mnyan bya'i sgras smos kyang de dag me

pa mngon sum gyis bsal ba yin pa'i dogs pa mi chod pas sgra
rang mtshan med do/ /zhes pa tsam zhig brjod rigs so zhe na/
rang mtshan zhes pa'i sgras kyang rnam pa kun tu rang mtshan kho
na brjod bya'i dngos por byed pa

min par thal/ des spyi mtshan yang brjod pa'i phyir/ mnyan
bya'i sgras bstan pa la dgos pa gzhan yang yod de/ sgra de la
mnyan bya'i sgras ston pa'i rgyu mtshan yod de/ nyan shes de la
brten nas grub pa'i phyir ram/ yang na  

@395a @#/ /de nyan shes kyis grub pas nyan shes de la brten nas
log phyogs la gnod pa'i phyir/ mnyan bya'i sgras dbang po'i
mngon sum gyi spyod yul bshad pa la dgos pa yod de/ sgra mnyan
bya yin pa don

nyan shes kyis grub pa yi stobs kyis sgra mnyan bya ma yin pa
la gnod par shes pa'i ched yin pa'i phyir/ gnyis pa gzhi gang
la tshad mas ma bsal ba bshad pa la/ rang rten la'o zhes smos
pa'i dgos pa rgyas

par bshad pa/ khyad gzhi ma grub pa sogs phyogs skyon du mi
ston pa'i rgyu mtshan no/ /dang po la/ yongs gcod kyi dgos ba/
rnam bcad kyi dgos pa/ don bsdu ba'o/ /dang po ni/ mngon sum
la sogs pas ma bsal

pa zhes smos pas chog mod/ rang rten la zhes smos pa la dgos
pa ci yod ce na/ rang rten la'o zhes smos pa la dgos pa yod
de/ rtsod pa'i dum kun tu rgol ba bdag nyid kyis bsgrub byar
'dod pa'i bsgrub bya'i chos gang

yin pa'i chos de dang ldan pa'i rang gi rten gzhi de la gnod
na skabs kyi bsgrub bya la gnod par 'gyur gyi/ 'brel med kyi
chos gzhan gyi chos can la gnod pas skabs kyi bsgrub bya la
gnod pa min par shes pa'i tshed

yin pa'i phyir/ 'brel med la gnod pas skabs kyi bsgrub bya la
mi gnod par thal/ skabs gzhan du chos can gzhan la gnod kyang
skabs kyi bsgrub bya 'di la ci zhig kyang bkag pa med pa'i
phyir/ 'brel med gzhan

@395b la gnod pas skabs kyi bsgrub bya la mi gnod par shes
pa'i ched du rang rten la zhes smos mi dgos par thal/ de sngar
rang nyid 'dod pa zhes pa'i tshig las rtogs zin pa'i phyir ce
na/ ji skad bshad pa'i don 'di phyogs kyi mtshan

nyid la brten nas rtogs zin kyang/ rang gi rten chos can zhes
smos pa chos can/ dgos pa yod de/ des rang gi rten chos can la
gnod pas kyang skabs kyi bsgrub bya la gnod par 'gyur zhes
grub pa'i don can yin pa'i phyir/ rang gi rten

gzhi chos can la gnod na skabs kyi bsgrub bya la gnod par
thal/ rten gzhi chos can grub par 'gal zhing khegs par gyur pa
yis/ de la nges par brten dgos pa'i chos grub par 'gal zhing
khegs par 'gyur ba'i phyir/ gnyis

pa la/ dgos pa dngos dang/ rtsod spang dang/ de rigs gzhan
la'ang mtshungs par bstan pa'o/ /dang po ni/ rang gi rten chos
can/ zhes smos pa la dgos pa yod de/ tshogs don de la gnod pa'i
sgo kho na nas skabs kyi bsgrub bya la gnod pa

nyid yin par sems pa ldog pa'i ched du smos pa des na'i phyir/
rang rten la zhes ? smos pa las gzhan du na/ sgo de la gnod pa
kho nas dam bca' la gnod pa yin no snyam pa'i dogs pa skye bar
'gyur te/ chos can de lta bu'i rnam

pa can gyi chos dang chos can gyi tshogs don bsgrub bya yin no
zhes brjod pa'i phyir/ de la 'dir rang rten zhes smos pa'i
dgos pa ni/ bsgrub bya'i chos rang nyid gang la brten pa'i
gzhi chos can tshad mas khegs nas ya gyal bkag

@396a @#/ /pa'i tshogs pa mi srid cing bsgrub bya'i chos kyang
khegs par 'gyur bas/ skabs kyi bsgrub bya la gnod pa'i 'gal bar
'gyur ba yin no/ /bsgrub pa'i chos dang 'brel med kyi chos can
'ba' zhig pa bkag

pas skabs kyi bsgrub bya la gnod pa'i 'gal bar 'gyur ba'i log
rtog dgag pa'i ched du yang smos so/ /de la chos can 'ba' zhig
pa ji lta bu de bkag pas nyes par mi 'gyur ba'i don ci yin zhe
na/ dngos por gyur pa'i nam

mkha' chos can/ rtag pa'i rdzas ma yin te/ yon tan don gzhan gyi
rten mi byed pa'i phyir ces bkod pa na/ dngos por gyur pa'i nam
mkha' ni bsgrub bya'i chos kyi rten gzhi ma yin pas 'ba' zhig pa
zhes bya la/ de bkag kyang

bsgrub bya la gnod pa'i nyes par mi 'gyur te/ dngos gyur gye nam
mkha' khegs pa nyid rtag rdzas khegs pa'i yan lag tu 'gyur
zhing/ de khegs na/ de rtag rdzas kyis stong ba bde blag tu
'grub pa'i phyir ro/ /gal te nam mkha' cam

rgol phyir rgol gnyis ka la mthun snang du grub par byas nas
rtag rdzas yin pa dgag par rigs mod/ 'brel med chos can du bzung
bas ci zhig bya zhe na/ sangs rgyas pa dang bye brag pa gnyis
rtsod pa na/ nam mkha' don mthun

snang du grub pa med de/ sangs rgyas pa ni thogs pa'i reg bya
rnam par bcad tsam nyid nam mkhar 'dod la/ bye brag pa ni dgag
bya bcad pa la mi bltos par bsgrub pa rang dbang ba'i rtag rdzas
kyi khyad par zhig la nam mkhar 'dod

@396b do; H ?'o na sgra yang mthun snang du grub pa med par
'gyur te/ sangs rgyas pa 'byung 'gyur du 'dod la/ bye brag pa
nam mkha'i yon tan du 'dod pas so zhe na/ mi mtshungs te/ der ni
khyad par dor ba'i nyan shes kyi gzung ba'i don tsam zhig

gnyis ka la mthun snang du grub pa yod la/ nam mkha' la ming
tsam zhig ma gtogs don mthun snang du grub pa cung zad kyang
med
pa'i phyir ro/ /nges na gzhan 'ba' zhig gis khas blangs pa'i
dngos por gyur pa'i nam mkha' chos can du

bzung nas/ de yon tan don gzhan du ma'i rten byed pa'i rdzas yin
pa dgag par bya ba yin no/ /chos can dngos por gyur pa'i nam
mkha' ni/ 'dus ma byas kyi nam mkha' dang dngos po gzhi mthun
khegs shing de dngos med du nges pa'i

tshad mas khegs pa yin no/ /des na dngos por gyur pa'i nam mkha'
chos can/ rdzas yin pas stong ste/ don byed nus pas steng ba'i
phyir/ ces bkod na chos can 'gog pa'i rtags yang dag dang/ rdzas
yin te zhes brjod na/ chos can

'gog pa'i 'gal bar 'gyur ba yin no/ /dngos por gyur pa'i nam
mkha' don byed nus stong du tshad mas nges na/ des de 'gag par
'gal lo zhe na/ de lta na don byed nus stong gis 'dus ma byas
kyi nam mkha' dngos med du sgrub pa'i rtags

yang dag mi srid par 'gyur te/ 'dus ma byas kyi nam mkha' dngos
po yin pa ma khegs na rtags de'i dgag bya mi khegs par 'gyur la/
de khegs na don byed nus stong du grub zin pas snga ma dang 'gal
ba ci zhig yod/ gnyis pa la/ log

@397a @#/ /rtog ldog pa'i ched yin pa dang/ log rtog gi sbyor ba
dper brjod nas de bkag kyang skyon du mi 'gyur ba'o/ /dang po
ni/ skabs kyi chos can bkag pas bsgrub bya la gnod pa 'di yang
'dod yul bsgrub byar bstan

pa dang/ de la gnod na dam bca'i skyon du bstan pas don gyis
grub pa min nam zhe na/ 'dod yul bsgrub byar bstan pas skabs kyi
chos can la gnod na skabs kyi bsgrub bya la gnod par shugs kyis
grub pa bden yang/ rang rten

la smos pa dgos pa dang bcas par thal/ bye brag pa 'ga' zhig
chos can 'ba' zhig pa bkag pa la yang phyogs kyi skyon dang ldan
par khas len pa dgag pa'i ched yin pa'i phyir/ gnyis pa ni/ dper
na bye brag pa dngos por

gyur pa'i nam mkha' rtag pa'i rdzas dang/ sgra la sogs pa de la
brten pa'i yon tan don gzhan du 'dod pa la sangs rgyas pas dngos
por gyur pa'i nam mkha' sogs chos can/ lhan cig byed pa'i rkyen
gzhan dag gis sngon med pa'i rang

bzhin gsar du bskyed du med pa'i rtag rdzas min te/ dus cig car
du rang gi yon tan sgra la sogs pa'i rgyu byed pa min pa'i phyir
ro/ /zhes bshad pa la bye brag pa sun 'byin par byed de/ khyed
sangs rgyas pa'i rtags des

dngos por gyur pa'i nam mkha' rtag pa'i rdzas yin yin pa gkag pa
de gzhin du dngos por gyur pa'i nam mkha' sogs chos can gyi ngo
bo'ang dngos med du bsgrub par byed pas chos can 'gog pa'i 'gal
bar 'gyur ro/ /zhes bye brag pa

@397b brjod pa bzhin no/ /de dag gi don bsdus na/ rang rten la
zhes smos pa'i bsal bya log rtog med pa ma yin te/ sangs rgyas
pas bye brag pa'i ngor chos can 'ba' zhig pa bkag pa ni/ chos
can bkag pas skabs kyi bsgrub bya la gnod ba'i

'gal rtags su 'gyur ro/ /zhes bye brag pas sangs rgyas pa la sun
'byin brjod pa thos pa'i phyir/ de ltar dngos por gyur pa'i nam
mkha' bkag pas dngos por gyur pa'i nam mkha' rtag rdzas kyis
stong ba bsgrub byar 'dod pa'i bsgrub bya la gnod

pa 'ga' yang med pa nyid yin par thal/ dngos por gyur pa'i nam
mkha' bkag pa dang/ de rtag rdzas kyis stong par bsgrub pa la
'gal ba ci yang med pa'i phyir/ rang rten la zhes smos pa 'dis
ni chos can/ chos dang chos can gnyis

ka bsgrub bya'i yan lag nyid yin na skabs kyi chos can la gnod
pa gang yin pa des skabs kyi bsgrub bya de la gnod ces bstan pa
yin te/ gnyis ka bsgrub bya'i yan lag yin na chos can la gnod
na/ de la brten pa'i bsgrub par bya

ba'i chos 'gog par bstan pa'i phyir/ rten brten pas bsdus pa'i
chos dang chos can gyi tshogs don bsgrub bya yin na/ de'i chos
can bkag pas bsgrub bya bkag par 'gyur bar thal/ de lta bu nyid
du chos can yang bsgrub bya'i yan

lag nyid yin pa'i phyir/ chos can 'ba' zhig pa bkag pas skabs
kyi bsgrub bya la gnod par 'gyur ba min par thal/ de bsgrub
bya'i yan lag ma yin pa'i phyir/ dngos por gyur pa'i nam mkha'
mngon sum gyis dgag mi nus pas

@398a @#/ /rtags kyis dgag dgos la/ de lta na nam mkha' dngos med
du bsgrub pa'i rtags de nyid kyis rtag rdzas yin pa yang khegs
pas rtags gzhan don med pa dang/ dngos med du ma nges pa'i sngar
nam mkha' nges par byar yod pas

nam mkha' tsam la chos can mthun snang med pa nyams so zhe na/
nam mkha' dngos po yin min bye brag pa dang rtsod pa ni/ yod med
rtsod pa yin pas chos can gzhan gyi mthun snang dang mi 'dra'o/
/gsum pa ni/ gal te chos can/ gzhan la

gnad pas skabs kyi bsgrub bya la gnod pa de lta yin na/ sangs
rgyas pas grangs can la bkag pa'i skyor ba 'dir yang chos can
bkag pas dam bca' la gnod par 'gyur te/ sangs rgyas pas grangs
can pa la bde sogs yon

tan gsum cha mnyam pa'i gtso bo chos can/ skyen gzhan gyis
bskyed nus min pa'i 'bras bu thams cad kyi nus pa'i rang bzhin
du gyur pa'i rtag pa ma yin te/ dus cig car sgra sogs rnam 'gyur
rnams kyi rgyu min pa'i phyir/ ces

bya ba sangs rgyas pas bshad pa la snga ma bye brag pas rgol ba
bzhin du/ chos can gtso bo bkag na skabs kyi bsgrub bya bkag pas
'gal bar 'gyur ro zhes rgol bar byed do/ /rang rten la zhes smos
ba'i bsal bya log rtog

yod de/ sangs rgyas pas grangs can la bkod pa'i sbyor ba de'i
chos can bkag pas bsgrub bya bkag pa'i 'gal bar 'gyur ro/ /zhes
sun 'byin pa mthong ba'i phyir/ nyes pa de med par bstan pa ni/
sbyor ba de'i don ni/ bde sogs

@398b chos can/ mi rtag ste/ rim gyis don byed pa'i phyir/ ces
par 'gyur la/ gal te cig car sgra sogs rgyu min phyir/ ces pa'i
rtags 'di la chos can bkag pas skabs kyi bsgrub bya la gnod pa'i
'gal ba'i skyon med par thal/

gtan tshigs kyi don ni don byed pas stong ba tsam du tshad mas
nges na chos can bde sogs dang 'gal bar 'gyur ba nyid yin na
yang rim gyis don byed pa nyid gtan tshigs kyi don yin pa'i
phyir/ des na gtan tshigs da la chos

can 'gog pa'i 'gal bar 'gyur ba'i skyon med par thal/ don rim pa
bzhin du byed pa dang chos can mi rtag pa nyid kyi bde sogs 'gal
ba med pa'i phyir/ sngar gyi dngos su bkod tshod kyi gtan tshigs
'di ni lhag ldan gyi khyad par

du 'dod de/ mthun phyogs la mthong yang mi mthun phyogs la ldog
pa la the tshom za ba'i phyogs chos can gyi gtan tshigs yin pa'i
phyir/ gsum pa ni/ bsgrub bya'i yan lag tu gyur pa'i rten chos
can la gnod na skabs

kyi bsgrub bya la gnod pa yin gyi/ chos can 'ba' zhig pa nyid
dam 'brel med gzhan gyi rten chos can la gnod pas skabs kyi
bsgrub bya la gnod pa min no zhes bstan pa'i rgyu mtshan yod de/
gang gi phyir na rgol ba rang

nyid kyi 'dod yul du byas pa'i chos gang yin pa de nyid bsgrub
bya yin pa de'i phyir/ dper na phyogs kyi rang nyid ces pa'i
sgra yis 'brel med kyi chos gzhan la gnod pas skabs kyi bsgrub
bya la gnod pa min no/ zhes bstan pa

@399a @#/ /de bzhin du rang gi rten chos can zhes smos pa'i shugs
kyis kyang 'brel med kyi chos gzhan la gnod pas skabs kyi bsgrub
bya la yang gnod pa med do zhes brjod do/ /rang sgra smos pa la
dgos pa yod de/ 'brel med

kyi lung don gzhan la gnod pas rgol ba'i 'dod yul la gnod pa med
par bstan pa'i phyir/ rang rten la zhes smos pa chos can/ dgos
pa yod do/ 'brel med kyi chos gzhan dang chos can 'ba' zhig pa
bkag pas

skabs kyi bsgrub bya la mi gnod cing/ bsgrub bya'i 'brel yul gyi
chos can la gnod na skabs kyi bsgrub bya la gnod par bstan pa'i
phyir/ gnyis pa ni/ gal te khyad par can ma grub pa dang/ khyad
par ma grub pa dang/ gnyis

ka ma grub pa zhes bya ba'i phyogs ltar snang gzhan yang yod pa
ma yin nam/ de dag kyang dam bca' ltar snang gi dper brjod pa'i
skabs 'dir ci'i phyir ma bkod ce na/ de la khyad par can ma grub
pa ni/ dper na bdag ni

khyab pa'o zhes bya ba lta bu'o/ /khyad par ma grub pa ni grangs
can la sgra 'jig go zhes bya ba lta bu'o/ /gnyis ka ma grub pa
ni/ bdag ni 'du ba can gyi rgyu yin no zhes bya ba lta bu'o/
/dam bca' snga ma la phyogs kyi skyon ci yod

dris pas/ chos can ma grub pas gtan tshigs kyi rten ma grub pa'i
phyir ro zhe na/ de ni gtan tshigs kyi skyon yin gyi phyogs kyi
skyon ma yin no/ /khyad par 'jig pa gang la ma grub pas skyon du
song ba yin dpe lam grub

@399b pa'o zhe na/ de ni dpe'i skyon yin gyi phyogs kyi skyon ma
yin no/ /sgra la ma grub pa'o zhe na/ de ni phyogs nyid yin gyi
phyogs kyi skyon ma yin no/ /de bzhin du dam bca' tha ma la yang
sbyar ro/ /de dag phyogs skyon yin te/ phyogs 'grub

pa la gnod pa'i phyir ce na/ sgrub byed kyi skyon thams cad kyis
phyogs nyid 'grub pa la gnod par 'gyur ba de lta na yang sbyor
ba gcig po de'i phyogs skyon ma yin par thal/ de'i yan lag phyi
ma dang 'brel ba'i skyon yin pa'i

phyir/ rtags dang dpe'i skyon chos can/ sbyor bskor gcig po'i
phyogs skyon ma yin par thal/ de'i dam bca' tsam dang 'brel ba'i
skyon ma yin pa'i phyir/ khyab bar thal/ dam bca' ba tsam dang
'brel ba'i skyon de phyogs

skyon gyi don yin pa'i phyir/ thal ba snga ma la khyab pa yod
par thal/ yan lag phyi ma dpe rtags bkod pa la ltos pa'i skyon
gang yin pa de ni yin na yan lag phyi ma de nyid dang rjes su
'brel dgos so zhes bshad pa de

yi phyir/ rten chos can sogs ma grub pas rtags ma grub pa chos
can/ sbyor ba skor gcig po'i phyogs skyon min par thal/ de'i
rtags skyon yin pa'i phyir/ gsum pa chos can gyi khyad par la
gnod pa sogs kyi dpe mi ston pa'i rgyu mtshan la/

mdo mdzad pas dpe rgyas par mi ston pa'i rgyu mtshan dang/ rnam
'grel mdzad pas mtshon byed kyi dpe bshad pa dang/ des gzhan yang
rtogs par bya ba'o/ /dang po ni/ sgra mnyan bya ma yin/ bum pa
rtag/ rjes su dpag

@400a @#/ /pa tshad ma ma yin/ ri bong can zla ba ma yin no/ /zhes
pa 'di dag gi skabs su chos can gyi ngo bo dang khyad par dang
chos kyi khyad par la gnod pa 'bab pa'i dam bca' ltar snang gi
dpe dang/ de la

gnod tshul sogs rgyas par mi ston pa ci yin zhe na/ dbang po rnon
po'i 'jug pa la bltos nas chos kyi ngo bo la tshad mas gnod pa'i
dam bca' ltar snang gi dpe bstan pa nyid kyis rtogs nus so/ mdo
mdzad pas chos

kyi ngo bo la tshad mas gnod pa'i dam bca' ltar snang gi dpe
'chad pa'i skabs der/ dam bca' ltar snang gzhan gyi dpe dang de
la gnod tshul rgyas par mi ston pa'i rgyu mtshan yod de/ chos kyi
ngo bo la gnod pa 'bab

pa'i dam bca' ltar snang gi dpe 'dis bsgrub bya'i yan lag tu
gyur pa yi chos can dang chos kyi khyad par dang chos can rang
gi ngo bo la tshad mas gnod pa'i dam bca' ltar snang gi dpe dag
kyang bstan pa ste rtogs nus pas dngos

su ma bstan pa yin pa'i phyir/ gnyis pa la/ chos kyi khyad par
la gnod byed kyi dam bca'i dpe ngos gzung ba dang/ gnod bya'i
dam bca' ngos gzung ba dang/ des de la ji ltar gnod pa'i tshul
lo/ /dang po ni/ de la 'dir

bye brag pa'i chos kyi khyad par la gnod tshul gyi dpe'i phyogs
tsam brjod pa la dgos pa yod de/ dam bca' ltar snang gsum la
gnod pa'i don bstan cing rtogs pa'i don du yin pa'i phyir/ gnod
byed kyi dpe ni/ yan lag

@400b dag las gzhan pa'i yan lag can med de/ srang dma' pa'i
khyad par mi 'dzin pa'i phyir ces pa'o/ /'god tshul la yan lag
can yan lag las gzhan ma yin te zhes 'byung yang/ don snga ma
ltar te/ bye brag pas yan lag las

yan lag can gzhan du dam bcas pa'i yan lag can gzhan chos kyi
ngo bo yin la/ lcid don gzhan sogs gsum chos kyi khyad dbang du
dam bcas pas de la gnod pa ston pa yin no/ /gnyis pa ni/ rdul
rigs mthun phrad

cing ldan pas bskyed pa'i don lcid kyi yon tan dang ldan pa
dang/ lcid des drangs pa'i 'og tu 'gro ba'i bya ba don gzhan
dang ldan la/ de gnyis 'phrod pa 'du ba'i rgyu byed pa'i rdzas
kyi mtshan nyid can gyi yan lag can mngon

sum gyis mthong ba la brten pa'i gzhan yod par dam bcas pa yin
par thal/ bye brag pas de ltar dam bcas pa'am/ mngon sum gyis ma
mthong zhing khyad chos gsum gyis khyad par du byas pa can min
pa'i yan

lag can yan lag las gzhan du dam bcas pa gang rung yin nas/ dam
bca' ba phyi ma la yan lag can don gzhan 'grub pa'i dgos pa med
par mthong ba'i phyir dang/ mngon sum gyis ma mthong pa'i rdul
phran

la sgrib thogs sogs byed pa'i 'bras bu med par mthong nas yan
lag can rdzas gzhan sgrub 'dod pa da'i phyir/ dam bca' snga na
la rtags snga phyi so sor 'god do/ /khyad chos de dag gis khyad
par du byas pa can min

@401a @#/ /pa'i bum pa dang/ de'i yan lag rnams gzhan tsam du yod
par sgrub na/ grub zin pa la bsgrub pa nyid du thal/ yan lag
dang yan lag can gzhan yin pa sangs rgyas pas grub zin ma brjed
pa'i phyir/ rang lugs

la bum pa'i yan lag dang yan lag can rdzas su grub kyang/ de
gnyis gzhan yin pa'i cha kun rdzob pa tsam yin gyi rdzas grub
min no/ /gsum pa la/ lcid kyi yon tan don gzhan dgag pa/ dri la
sogs

pa'i yon tan dgag pa'o/ /dang po la/ rigs pa dang/ de'i lan dgag
pa'o/ /dang po ni/ gal te yan lag las rdzas tha dad pa'i yan lag
can gyi lcid kyi yon tan med par thal/ 'di la lci ba'i yon tan
don gzhan

yod na/ 'di 'og tu 'gro ba'i bya ba gzhan mthong bar 'gyur ba
las de ma mthong ba'i phyir/ rtags ma grub ce na/ 'jim ril lcid
mnyam bcu tshan gnyis las snga ma ma bsres shing/ phyi ma rim
gyis bsres nas srad grangs

mnyam po la bcal na/ phyi ma'i srang mgo thur du dma' ba dag tu
'gyur bar thal/ sngar lcid mnyam du yod pa gang zhig phyis phyi
ma la snga ma la med pa'i yan lag can gyi rdzas dgu'i lcid gsar
du bsnan yod pa'i phyir/ 'dod

na/ mngon sum tshad mas bsal bas lcid kyi yon tan don gzhan mi
'grub bo/ /lcid des drangs pa'i 'og tu 'gro ba'i bya ba don
gzhan med par thal/ lcid kyi yon tan don gzhan med pa des na'i
phyir/ yan lag ca

@401b chos can/ yon tan dang bya ba de gnyis 'phrod pa 'du ba
can gyi rgyu min par thal/ de gnyis med pa de'i phyir/ yan lag
can rdzas gzhan de tshad mas mthong ba min par thal/ lcid la sogs
pa'i 'bras bu dang khyad chos gsum dang

ldan pa de'i ngo bo dag tshad mas mthong ba med pa'i phyir/ der
thal/ de ltar bstan ma thag pa de'i phyir/ des na khyad chos
gsum gyis khyad par du byas pa'i yan lag can rdzas gzhan la tshad
mas gnod pa yin par thal/ khyad chos

gang med na yan lag can mi 'byung ba'i khyad par gsum po la tshad
mas gnod pa'i phyir/ yang na bye brag pas yan lag las yan lag
can gzhan du dam bcas pa'i chos kyi khyad par la tshad mas gnod
par thal/ khyad chos

gsum po chos kyi khyad par du dam bcas pa gang zhig khyad par
rdzas gzhan gsum po la tshad mas gnod pa yin pa'i phyir/ gnyis pa
ni/ phra mo gnyis nas brtsams te tshogs chen po'i bar gyi yan lag
can rdzas kyi phreng ba dag

rim gyis bsnan nas srang la bcal ba nyid kyi phyir na/ rdzas
gzhan saur bsnan pa'i dus kyi lcid nyid yod kyang mi rtogs pas
dmigs rung ma dmigs pa'i gtan tshigs ma grub ste/ dper na ras bal
gyi 'dab ma srang khar bzhag

pa na/ re re ba rnams kyi ngo skal gyi lcid so sor mi rtogs pa
bzhin no/ /zhes bye brag pa gzhan dag zer ro/ /'jim ril lcid
mnyam bcu tshan gnyis yod pa de'i bcu tshan gcig dus cig car du
srang khar ldan par byas pa dang/

@402a @#/ /bcu tshan gcig saur re re nas rim gyis srang khar ldan
par byas pa'i rdul gyi tshogs pa gnyis po dag srang so sor dus
lhan cig tu bcal ba na lcid che chung tha dad du dmigs par 'gyur
bar thal/ rim gyis

bsnan pa de la 'jim ril dang po de'i lcid las logs su gyi ma
rnams kyi lcid so sor rtogs pa med/ dus gcig tu srang khar bzhag
pa la 'jim ril bcu'i lcid rtogs pa'i phyir/ TIga byed pa kha
cig gis ni gzhan du bshad

de/ dpe dang 'grig par mi sems so/ /gzhan yang gser ma sha ka la
sogs pa lcid mnyam lnga tshan gnyis/ lcid mnyam rim dang cig car
gyis srang so so la bcal ba na lnga la sogs pa'i rim pa yis
grangs mtshungs pa mi

rung bar thal/ rim gyis bsres pa la ma sha ka gcig gi lcid las
mi rtogs cig car bcal ba la ma sha ka lnga'i lcid rtogs pa'i
phyir/ yang na yan lag can phyi ma skyes pa na yan lag can snga
ma 'jig pas 'jim ril

lcid mnyam bcu tshan gnyis rim gyis bsres pa dang ma bsres pa la
yan lag can mang nyung du thal ba'i skyon med do zhe na/ 'o na
ma sha ka lnga tshan gnyis gcig rim gyis bsres pa dang/ cig shos
ma bsres pa la ma sha

ka lnga'i grangs mtshungs pa mi rung bar thal/ snga ma la yan lag
can gyi ma sha ka gcig las med/ phyi ma la lnga yod pa'i phyir
ces sbyar ro/ /gal te yungs kar gyi tshad tsam nas brtsams te
tshogs chen po gong nas gong

@402b du 'phel ba dang ldan pa'i 'bras bu yan lag can gyi rdzas
kyi phreng ba yi lci ba ya gyal re re ba mi rtogs pa bzhin du
thams cad kyang rtogs pa ma yin pas/ srang ni dma' ba dag tu
'gyur zhes pa'i skyon med do zhe na/ 'bras bu'i

rdzas yan lag can gyi lcid srang la bcal bas mi rtogs par thal/
rdul phran gnyis phrad pa nas yungs kar gyi tshad du longs pa'i
bar gyi yan lag can gyi lcid dag kyang chung ngur gyur pas shin
tu rtogs dka' tshad de yan

chad kyi yan lag can gyi lcid kyang mi rtogs pa'i phyir/ 'dod
na/ de rtsom pa yi rgyu rdul phran nyid kyi lcid srang las gzhal
bar bya bar 'gyur bar thal/ srang las rtogs pa'i lcid yod pa
gang zhig 'bras bu'i rdzas kyi lcid mi rtogs

pa'i phyir/ yan lag can dang ras bal gyi lcid gnyis dpe don mi
mtshungs par thal/ ras bal gyi 'dab ma mthong ba bzhin du yan lag
can don gzhan de tshad mas mthong ba med/ ras bal gyi lcid mthong
ba bzhin du de yi lcid

la sogs pa'i 'bras bu'ang rtogs pa med pa'i phyir/ gnyis pa ni/
lcid kyi sgo nas ma rtogs kyang thabs gzhan gyi sgo nas rtogs so
zhe na/ lcid ma yin pa'i thabs gzhan gyi sgo nas kyang yan lag
can rdzas gzhan de rtogs pa ma yin

par thal/ lcid nyid rtogs pa med pa bzhin du de'i gzugs dri la
sogs pa'i yon tan don gzhan thams cad tshad mas rtogs pa med pa'i
phyir/ gser ma sha ka la sogs pa'i yan lag can yan lag gi rdzas
las lhag pa

@403a @#/ /rdzas gzhan yod pa min par thal/ de tshad mas khegs
pa'i phyir/ 'o na slob dpon gyis srang dma' ba'i khyad par mi
'dzin pa'i rtags kyis lcid kyi yon tan kho na 'gog pa ci yin zhe
na/ slob dpon phyogs glang

gis srang dma' ba'i khyad par med pa'i rtags gyis de 'dra'i
rdzas kyi lcid kyi yon tan 'gog pa'i rgyu mtshan yod de/ de ni
yan lag can don gzhan 'gog pa'i rigs pa gzhan gyi nye bar mtshon
byed yin pa'i phyir/ des na

yan lag gi rdzas las ma gtogs pa'i gzugs dri la sogs pa'i yon
tan don gzhan lhag po dang/ de dag gang la ldan pa'i yan lag can
lhag po yod pa ma yin par thal/ de 'dra yod na ci ltar yod pa
bzhin du

rang gi dbang po'i shes pas mthong dgos pa las de mthong ba med
pa'i phyir/ gsum pa ni/ bstan bcos 'dir bye brag pa'i chos kyi
khyad par la tshad mas gnod pa'i dam bca' ltar snang 'gog tshul
rgyas par bshad pa la

dgos pa yod de/ de 'dra'i 'gog tshul ji skad bshad pa'i phyogs
kyis dam bca' ltar snang gi dper brjod gzhan 'gog pa'i rigs pa
yang rtogs par bya ba'i ched yin pa'i phyir/ tshul 'di la brten
nas dam bca' ltar

snang 'gog pa'i rigs pa gzhan yang rtogs par bya dgos te/ dam
bca' ltar snang gang la khas blangs snga phyi dang/ rang tshig
dngos shugs 'gal ba dang/ mngon rjes dang grags pa sogs kyis
gnod pa dag srid pas de

@403b dag dgag dgos pa'i phyir/ de yang chos can gyi ngo bo dang
khyad par gnyis la gnod pa 'bab chul dang/ chos dang chos can
gnyis ka'i khyad par la gnod pa 'bab tshul rnams rtogs par bya'o/
/bye brag pas rdzas ni yod do/ /zhes

pa ni chos can gyi ngo bo la tshad mas gnod pa'i dam bca' ltar
snang gi dpe yin te/ de la slob dpon gyis rdzas dang yon tan
phan tshun 'tshol bar thal ba'i sgo nas gnod pa brjod de/ rdzas la
yon tan don gzhan brten pa'i rgyu

mtshan bum pa sngon po'o snyam pa'i blo skye ba sogs mthong ba
tsam zhig smras la/ /bum pa'i sngon po mdzes so snyam pa'i blo
skye ba yang khas blangs pas sngon po la'ang mdzes pa'i yon tan
don gzhan dang ldan par thal

ba dang/ /'dod na/ /yon tan de nyid rdzas su thal ba dang/ /
rdzas dang yon tan 'brel ba grub pa dgag nus pas rdzas rdzas ma
yin par thal/ yon tan gyi rten mi byed pa'i

phyir/ ces khas blangs nang 'gal gyi thal ba dngos su 'phangs
nas rang rgyud shugs la 'phen par byed do/ /chos can gyi khyad
par la gnod pa 'bab pa'i dam bca' ltar snang ni/ yan lag can
chos can du bzhag na mngon sum gyis

mthong rung chos can gyi khyad par yin la/ yan lag chos can du
bzhag na mngon sum gyis mthong du mi rung ba chos can gyi khyad
par yin pas de dag la gnod pa ston pa yin no/ /de yang bum pa la
shar nub la sogs pa'i cha du

@404a @#/ /ma mngon sum gyis mthong bar khas blangs pa dang/ yan
lag can gyi bum pa cha med du khas blangs pa dang/ rdul phran
mngon sum gyis mthong du mi rung bar khas blangs pas khas blangs
nang 'gal ba yin te/ mngon sum du mthong

bar khas blangs pa'i don cha bcas 'di yan lag can yin na de cha
med du khas blangs pa dang 'gal la/ rdul phran yin na mngon sum
gyis mthong mi rung du khas blangs pa dang 'gal lo/ /gang dag
yan lag can don gzhan

yod na mngon sum gyis dmigs rung ma dmigs pas khegs pa yin pas
yan lag can don gzhan med pa/ bye brag pas kyang khas len dgos
pas khas blangs nang 'gal lo zhes smra ba ni/ khas blangs nang
'gal ston pa'i

rnam gzhag ma chogs pa'i gtam yin te/ ya gyal khas ma blangs par
khas blangs nang 'gal na khas blangs 'gal ba med pa mi srid par
'gyur ro/ /de dag kyang khas blangs pa dang/ khas blang dgos pa
gnyis kyi khyad par ma

phyed pa ste/ de lta na bye brag pas kyang gzung 'dzin rdzas tha
dad kyis stong par khas blangs par thal/ dbang shes khas blangs
pa'i phyir/ smra ba thams cad rdzun yin no/ /zhes pa'i dam bca'
ni chos dang chos can gyi ngo bo dang khyad pa

gnyis ka la gnod pa 'bab pa'i dam bca' ltar snang gi dpe yin te/
de la tshig thams cad rdzun tshig yin na/ tshig gang las kyang don
go ba'i nus pa med par 'gyur zhing/ sma ba thams cad rdzun du
bden zhen gyis dam bcas

@404b na tshig gang las kyang don rnal ma go ba'i nus pa med par
shugs la khas blangs shing/ tshig thams cad rdzun no zhes pa'i
tshig de nyid la don rnal ma go ba'i nus pa yod par yang shugs la
khas blangs pas/ tshig thams cad chos can

gyi ngo bo dang don bden pa ston pa'i nus pa med pa chos kyi ngo
bo yin la/ tshig gang las kyang don go ba'i nus pa med pa shugs
la khas blangs pas bden tshig bkag la/ de bkag pa na rdzun tshig
kyang bkag pas chos can gyi ngo bo dang

khyad par mtha' dag bkag go/ tshig las brjod bya'i don bden pa
ston pa'i nus pa med pa de nyid rnal mar go ba'i nus pa yod pa
yang bkag pas chos kyi ngo bo dang khyad par gnyis ka yang bkag
go/ 'di yang sgra'i brjod tshul

dang blo'i spu ris ma 'chol bar byas nas tshig 'di nyid smras
pa'i shugs kyis chos dang chos can gyi ngo bo dang khyad par
bzhi ga la gnod pa 'bab tshul rtogs par bya'o/ /yan lag can don
gzhan med pa'i don mngon sum gyis

grub cing tha snyad rjes dpag gis grub pas/ yan lag can don
gzhan yod par dam bcas pa'i don la rjes dpag gis gnod cing/ rgyu
mtshan bkod pa la mngon sum gyis gnod la/ mngon rjes kyis grub
pa'i log phyoD

la grags pas kyang gnod pa yin no/ /gnyis pa gzhan gyi dam bca'i
mtshan nyid dgag pa la/ mtshan nyid khyab ches pa'i gnod pa dang/
de'i lan dgag pa/ brtags la dgag pa'o/ /dang po ni/ slob dpon
gyis/ bsgrub bya

@405a @#/ /ston pa zhes 'di la/ /grub pa med la don byas nyid/
/de lta na ni rtags dang dpe/ /ma grub brjod pa thal bar 'gyur/
/zhes pa de nyid 'chad bzhed nas/ rigs pa can pas bsgrub bya
bstan par bya ba dam

bca'o/ /zhes phyogs kyi mtshan nyid smras pa la mig shes kyi
gzung bya dang/ blo lta bu dpe rtags su grub pa de lta bu'i bdag
nyid min bzhin du gzhan dag la de ltar sgra mi rtag par sgrub
pa'i dpe rtags su bkod pa de/ bkod

bzhin pa de yi tshe na bsgrub byar mi 'dod na'ang bsgrub byar
'gyur bar thal/ dpe rtags de dus phyis sgrub dgos pa'i phyir/
khyab pa khas blangs te/ bstan par bya ba zhes pa'i tshig de dus
gsum ga'i yul la 'jug pa'i

yul can yin pa'i phyir/ gnyis pa la/ bya ba'i sgra de ltar ba
kho na la 'jug pa'i lan dgag las la byed pa po'i rkyen yod pas
bsgrub byar bzung ba kho na la go ba'i lan dgag pa'o/ /dang po
ni/ bsgrub bya'i sgras bum

pa bya'o/ /zhes pa lta bu mi go ba ltar ma 'ongs pa na bsgrub
par bya dgos pa de ltar sgrub byed du bkod bzhin pa yang bsgrub
byar mi 'phen zhing/ da ltar bsgrub byar bzung ba kho na go'o
zhe na/ bsgrub bya nyid du bstan par bya ba ni

dam bca'o zhes pa'i bstan par bya ba'i sgras da lta bsgrub byar
'dod bzhin pa'i khyad par kho na brjod byar yod pa la brten pa
min par thal/ des shes byed rtags kyi skabs kyi phyir rgol gyis
ma grub pa thams cad brjod

@405b byar rtogs par byed pa yin pa de'i phyir/ des na slob dpon
phyogs glang gis dpe dang gtan tshigs dag ma grub pa sun 'byin
gyi dper byas pa rgyu mtshan dang bcas pa yin te/ rtags snga ma
nyid sbyar ro/ /de las gzhan du ma

grub pa tsam zhig brjod na/ ri bong gi rwa la sogs pa'i ma grub
pa kun kyang rigs pa can pa la bsdu ba byar thal ba 'phen rigs
par 'gyur bar thal/ rigs pa can pa'i dam bca'i mtshan nyid des ma
grub pa thams cad bsgrub

byar ston pa'i phyir/ gnyis pa ni/ dpe rtags ma grub pa la dam
bca'i mtshan nyid khyab ches par mi 'gyur te/ las la byed pa po'i
rkyen yod pa'i phyir/ dper na byed pa po rdza mkhan rdza bum
bsgrub byar byed do zhes brjod

pa na/ las su gyur pa'i rdza bum de nyid byed pa po'i 'dod phugs
dam pa yin pas/ de nyid bsgrub byar go bar 'gyur gyi/ byed pa
'khor lo la sogs pa bsgrub byar mi go ba ltar/ sgrub byed 'god
pa po'i 'dod phugs dam pa

yang da lta bsgrub byar bzung ba nyid bsgrub byar go bar 'gyur
gyi/ byed pa sgrub byed du bkod bzhin pa bsgrub byar go bar mi
'gyur la/ gzhan yang dpe rtags ma grub pa brjod pa sgrub dag yan
lag lnga'i dam bca'i yan lag

ma yin pa'i phyir dang/ grub mtha' bzhi po rgyud thams cad pa
bang ? / mi mthun pa'i rgyud dang/ dbang du byed pa dang/ khas
blangs pa dag las khas blangs pa'i grub mtha' ma yin pa'i phyir
ce na/ byed pa po'i las ma yin pa dang
 
@406a @#/ /khas blangs pa'i grub mtha' ma yin pa la sogs pa yi
rtags kyi khyad par nye bar bkod pa yi lan gyis dpe rtags ma
grub pa brjod pa dam bca' las logs su rnam par 'byed nus pa ma
yin par

thal/ dpe rtags ma grub pa thams cad phyir rgol gyis rnam pa
'ga'i sgo nas ma grub/ dam bca'i mtshan nyid des shes byed skabs
kyi phyir rgol gyis ma grub pa thams cad bsgrub byar 'phangs pa
des na'i phyir/ dpe

rtags ma grub pa brjod pa bsgrub bya'i yan lag ma yin no zhes pa
lan du rung ba min par thal/ de bsgrub pa 'god pa'i sngar phyir
rgol gyis ma grub pa brjod pa gang zhig bsgrub pa 'god pa'i
sngar phyir rgol gyis ma

grub pa'i rang bzhin la rtags kyi bsgrub byas khyab pa khas
blangs pa'i phyir/ dpe rtags ma grub pa de yang khas blangs pa'i
grub mtha' nyid du yang bsgrub byar 'dod pa de dang mtshungs par
thal/ rgol ba gang

gis bsgrub byar khas blangs pa khas blangs pa'i grub mtha'i
mtshan nyid du smras pa gang zhig dam bca'i mtshan nyid des dpe
rtags ma grub pa brjod pa bsgrub byar 'phen par 'gyur ba'i
phyir/ gsum pa la/ bsgrub bya'i

don la brtag pa dang/ des gzung gi sbyar sa la brtag pa'o/ /dang
po ni/ slob dpon phyogs glang gis/ chos bsgrub bya na chos mthun
med/ /chos can bsgrub bya rtags don med/ /ces bsgrub bya'i chos
bsgrub bya yin na/

@406b rtags chos gnyis ldan gyi mthun dpe mi srid la/ rtsod gzhi
bsgrub bya yin na sgrub byed bkod pa don med par thal ba brjod
nas/ 'dir chos dang chos can gyi tshogs pa bsgrub par bya ba nyid
yin no zhe na'ang/ spyir 'thad mod kyi/

rigs pa can pa la khas blangs nang 'gal du 'gyur ba ni/ mi rtag
pas khyad par du byas pa'i sgra'am/ sgras khyad par du byas pa'i
mi rtag pa gnyis phan tshun khyad par du byas pa can gang rung
gcig bsgrub byar thal/ sgra dang

mi rtag pa'i tshogs don bsgrub bya yin pa'i phyir/ 'dod na/ dpe
rtags kyi mtshan nyid khas blangs pa dang 'gal lo/ /khas blangs
de nyid gsal bar byed pa ni/ de'i tshe dpe dang chos mthun pas
bsgrub bya bsgrub par byed pa

gtan tshigs kyi mtshan nyid dang/ bsgrub bya dang chos mthun pas
bsgrub bya de'i chos rjes su 'gro ba can dpe yi mtshan nyid du ma
grub par 'gyur bar thal/ 'dod pa de'i phyir/ skye ba can sgra mi
rtag sgrub kyi rtags yang

dag ma yin par thal/ phyir rgol gyis bsgrub bya ma grub pa'i
sngar mi rtag pas khyad par du byas pa'i sgra dang dpe bum pa
gnyis skye ba can du chos mtshungs su ma grub pa'i phyir dang/ mi
rtag pas khyad par du byas pa'i

sgra'i chos skye ba can bum pa la rjes 'gro byed par yang phyir
rgol gyis ma grub pa'i phyir/ de dag grub na bsgrub bya 'grub
par yang 'gyur ro/ /gal te dpe rtags kyi mtshan nyid ston pa'i
skabs kyi bsgrub bya'i sgra tshogs don la

@407a @#/ /'jug mi srid pa'i phyir na rtsod gzhi chos can la 'jug
par 'dod pas nyes pa de dag med do zhe na/ bstan bcos su dpe
rtags kyi mtshan nyid bshad pa des dgos pa ci zhig kyang bya ba
ma yin par thal/

rtsod pa'i tshe ci ltar rigs par dpe rtags kyi mtshan nyid gzhan
rang nyid khas len pa la 'jug par 'gyur ba yin pa'i phyir/ gnyis
pa ni/ khyod sangs rgyas pa ltar kho bo cag kyang dam bca'i
mtshan nyid du kho na'i nges gzung

sbyor bas dpe rtags ma grub pa dam bcar thal ba med do zhe na/
'o na bsgrub bya bstan par bya ba kho na dam bca'o zhes mi ldan
rnam gcod du sbyor ram/ bsgrub bya kho ma bstan par bya ba dam
bca'o zhes gzhan ldan rnam gcod du

sbyor/ dang po ltar na/ bsgrub bya phyir rgol gyis grub ma zin
du rtogs pa'i don can yin nam/ sgrub byed du bkod bzhin pa
bsgrub bya min par rtogs pa'i don can yin/ dang po'i don du nges
gzung de ltar sbyar ba dgos pa med

par thal/ de ma sbyar yang don de sgrub pa'i sgrub byed bstan
pa'i shugs nyid las don de bsgrub bya nyid du rtogs zin pa'i
phyir/ phyi ma ltar na yang mi 'thad de/ sgrub byed du bkod
bzhin pa bsgrub bya yin pa bcad pa'i ched du nges

gzung smos pa don med par thal/ de ma smos kyang sgrub byed du
bkod bzhin pa la bsgrub byar dogs pa'ang med pa rigs pa can pa
rang nyid kyis khas len rigs pa'i phyir/ der thal/ rigs pa can
pa rang nyid kyi gtan tshigs dang

@407b dpe la sogs pa'i mtshan nyid ston pa'i tshig de nyid kyis
sgrub byed du bkod bzhin pa bsgrub bya min pas khyab pa 'phangs
par khas blangs pa'i phyir/ gal te bstan par bya ba'i tshig gi
sngar nges gzung smos so zhe na/ rigs pa can pa de

yis dam bca'i mtshan nyid du nges gzung brjod pa dod med par
thal/ sgrub byed du bkod bzhin pa bsgrub bya yin pa bcad pa'i
ched du de bkod pa gang zhig  /de'i ched du brjod mi dgos pa'i
phyir/ don de la khyab byed du 'jug pa 'phen

pa'i mi ldan rnam gcod kyi 'bras bu can yin par tshad mas rtogs
par thal/ gzhan ldan rnam gcod kyi nges gzung dgos pa med pa'i
shugs kyis mi ldan pa rnam par gcod pa der brjod pa de'i phyir/
'dod na/ dpe rtags ma

grub pa dam bcar thal ba son na gnas so/ /gsum pa gzhan gyi dam
bca' ltar snang gi dpe dgag pa la/ rtags la bsgrub bya sgrub
pa'i nus pa med pa dam bca' dang 'gal ba'i skyon yin pa dgag pa/
rtags chos rtsod gzhi la lhan

cig mi gnas pa dam bca' dang 'gal ba'i skyon yin pa dgag pa'o/
/dang po ni/ rigs pa can pa na ro/ sgra rtag ste thams cad mi
rtag pa'i phyir/ ces pa 'di rtags dam bca' dang 'gal ba'i dam
bca'i skyon yin te/ sgra rtag na thams cad

mi rtag par 'gal bas so zhes zer to/ /rtags dam bca' dang 'gal
ba 'dod yul gyi bsgrub bya dang/ bsgrub bya sgrub byed kyi 'brel
pa med pa yin la/ de yang bsgrub bya bsgrub pa la phan pa med
pa'i sgo nas dam bca'i skyon du song

@408a @#/ /ba'am; rtags chos rtsod gzhi la lhan cig mi gnas pa'i
sgo nas dam bca'i skyon du song ba gang rung yin par thal/ de
'dra'i rtags de dam bca' dang 'gal ba'i sgo nas dam bca'i skyon
du song ba yin pa'i phyir/

phan pa med pa de lta'o zhe na/ rtags kyi skyon thams cad dam
bca'i skyon du 'gyur bar thal/ de dag la bsgrub bya sgrub pa'i
nus pa med pa'i phyir/ 'dod mi rigs par thal/ phyogs skyon ni
sgrub byed kyi yan lag gzhan bkod

pa la bltos pa ma yin par dam bcas tsam nas skyon du go ba zhig
dgos so zhes kyang bstan zin pa'i phyir/ gnyis pa la/ ma grub
pa'i rtags kyi skyon du bstan pa dang/ de'i tshul rgyas par bshad
pa'o/ /dang po ni/ gtan

tshigs bsgrub bya'i chos su 'dod pa dang/ rtsod gzhi la lhan cig
tu gnas pa med pas dam bca'i skyon yin no zhe na'ang/ bsgrub
bya'i chos dang lhan cig rtags rtsod gzhi la ma grub pa chos
can/ sbyor ba skor gcig po

de'i dam bca'i skyon ma yin par thal/ de'i ma grub pa'i rtags
kyi skyon yin pa'i phyir/ sgra rtag ste thams cad mi rtag pa'i
phyir/ ces pa'i rtags 'di rtags dam bca' dang 'gal ba'i dam
bca'i skyon ma yin

par thal/ sbyor pa des sgra la mi rtag pa gtan tshigs dang ldan
par bkod pa'i sgo nas mi rtag pa gtan tshigs yin pa de ltar brjod
par byed na/ de ltar sgra rtag pa'i dam bca' de ni ldog par
'gyur na yang/ mi rtag pa

@408b rtags su ma 'phangs pa'i phyir/ gnyis pa la/ thams cad ma
yin pas sgra ? rtag par sgrub pa'i chos mi mthun sbyor gyi
phyogs tsam 'phangs pa dang/ de yang rtags su mi rigs pa'o/
/dang po ni/ de 'dra'i sbyor dag des mi rtag pa rtags su 'phangs

pa ma yin par thal/ sbyor ngag 'di la thams cad ma yin pa'i
rtags kyis sgra rtag par sgrub pa'i chos mi mthun dpe'i sbyor
ba'i khyab pa'i phyogs tsam zhig bstan pa nyid las brjod bya'i
don gzhan ci zhig kyang mthong ba yod pa

ma yin pa'i phyir/ rtags ma grub ste/ mi rtag pa rtags su
'phangs so zhe na/ sbyor ba des sgra la mi rtag pas khyab pa
'phangs pa ma yin par thal/ thams cad kyi khyad par sgra la
gzhan rtag pa dmigs bsal gyis sngar brjod nas

thams cad mi rtag ces pa'i spyir btang gi tshig de ni de'i rjes
su 'jug par smras pa'i phyir/ de lta min na/ sgra rtag par dam
bcas nas thams cad mi rtag ces pa'i spyir btang rjes su 'jug par
brjod pa la 'bras bu'ang ci zhig

kyang yod pa ma yin par thal/ sgra yang mi rtag par 'phangs pa'i
phyir/ des na de rtags dam bca' dang 'gal ba'i dam bca'i skyon
ma yin par thal/ slob dpon gyi sgra la gnas pa yi mi rtag pa
nyid kyis sgra rtag pa sel

zhes gsungs pa gang zhig sgra mi rtag par ma 'phangs pa de'i
phyir/ gnyis pa la/ thams cad ma yin pa tsam sgra rtag par sgrub
pa'i rtags su mi rung/ sgra ma yin pa thams cad ma yin pa rtags
su mi rung ngo/ /dang po ni/ sbyor ba

@409a @#/ /des sgra thams cad las gzhan du brjod pa yin par thal/
sgra las yul gzhan thams cad la sgra la yod par 'gal ba'i mi
rtag par smras nas/ sgra la de dag la yod par 'gal ba'i mi rtag
par smra ba'i phyir/

de 'dod de/ thams cad ma yin pa rtags yin no zhe na/ thams cad
ma yin pa de yang sgra rtag par sgrub pa'i rtags su 'thad pa ma
yin par thal/ spyi thams cad ni khyad par sgra mi spong ba'i
phyir/ rtags ma grub ste/ dper na

skabs 'gar shing sha pa nyid kho na shing min no/ /zhes pas
spyis khyad par spangs pa bzhin no zhe na sgra kho na thams cad
ma yin no zhes pa'i tshig de tsam gyis sgra de thams cad min par
'gyur ba min par thal/ tshig des

thams cad ces pa'i mnyan pa sgra gcig pu nyid la 'jug pa 'gog
par 'gyur ba tsam yin pa'i phyir/ der thal/ skabs 'gar shing sha
pa nyid kho na shing min no zhes pa'i tshig des shing gi spyi
sgra sha pa kho na la 'jug pa

bkag pa tsam zhig 'phangs pa bzhin yin pa'i phyir/ gzhung 'dis
gang dag bum pa kho na shes bya'o zhes smras na/ snam bu shes
bya ma yin par khas len dgos pa bkag ste/ de skad smra ba gzhung
'di'i phyogs snga

'ba' zhig yin pa'i phyir/ des na bum pa kho na shes byar dam
bcas pa'i tshe/ shes bya zhes pa'i sgra bum pa las gzhan la 'jug
pa bkag pa tsam mo/ /bum pa la sogs pa'i khyad par kun yang
thams

@409b cad der med par 'gyur bar thal/ sgra de thams cad kyi
khongs su gtogs pa min pa gang zhig /de dag rigs mtshungs pa'i
phyir/ gnyis pa la/ thal ba dgod pa dang/ de la rtsod pa spang
ba'o/ /dang po ni/ thams cad ma yin pa tsam rtags

ma yin gyi sgra ma yin pa thams cad min pa rtags yin no zhe na/
sgra ma yin ma yin pa de nyid rtags su 'gyur la/ de nyid sgra
nyid rtags su bkod pa dang khyad par med pa mi rigs te/ chos can
sgra rang nyid sgra rtag pa'am mi rtag par sgrub pa'i

sgrub byed du ma grub par thal/ chos can gyi ldog pa de nyid
gtan tshigs kyi dngos por gyur na shes byed yang dag nyid du ma
grub pa'i phyir/ der thal/ rtags kyi shes bya dang shes byed kyi
rtags sbyor don gsum tha dad yin dgos

pa'i phyir/ gnyis pa la/ rang bzhin gyi gtan tshigs spyi la rtsod
spang dang/ bye brag la rtsod spang ngo/ /dang po la/ mdor bstan
dang/ rgyas bshad do/ /dang po ni/ sgra byas mi rtag pa'i dngos
po kun la chos dang chos can gyi rnam dbye so sor

med pa'i phyir rang bzhin tha dad med pas rtags su mi rung na/
rang bzhin gyi rtags kun la dam bca'i phyogs gcig rtags su bkod
pa'i nyes pa mtshungs so zhe na/ byas pa sgra mi rtag par sgrub
pa'i rtags chos don gsum tha dad med

pa'i ma grub pa'i nyes pa yod pa min par thal/ de dag la ldog pa
tha dad pa'i khyad par yod pa'i phyir/ byas mi rtag gi rdzas
rtags chos su song bas rdzas tha dad du 'gyur ro zhe na/ kun
rdzob pa yi ? dngos po ste sgra byas mi rtag pa

@410a @#/ /gsum tha dad pa'i cha dang/ chos chos can tha dad pa'i
cha rnams chos can/ khyod la rdzas de nyid dang rdzas gzhan nyid
du grub pa 'gog pa rigs par 'gyur te/ khyod don dam par rnam par
dpyad na byas mi rtag de

lta bur gyur pa'i rdzas su ma grub pa'i phyir/ 'di ni sgra byas
mi rtag pa gsum tha dad pa'i cha dang/ rtags dang/ shes 'dod
chos can dang/ bsgrub bya'i chos rnams rdzas su ma grub par
bstan gyi sgra byas mi rtag pa gsum rdzas

su ma grub par bstan no snyam na tsher 'khrul ba'o/ /'o na don
dam par rnam par dpyad na zhes smos ci dgos she na/ kun rdzob
pa'i ngo bo de rnams tha snyad pa'i tshad ma rang dga' bas rdzas
su ma grub par rtogs mi nus pas da

ltar bshad do/ /gnyis pa ni/ gzhi rdzas gcig la dpag bya dang
dpog par byed pa yi chos chos can tha dad pa'i don gyi tha snyad
'jug pa'i gzhi so sor gnas pa 'di chos can/ don dam par grub pa
ma yin te/ rtog pa'i shes

pa la grub pa'i tha dad la brten nas rnam par btags pa tsam yin
pa'i phyir/ 'o na rang mtshan la mi sla bar mi rigs so zhe na/
chos chos can tha dad pa'i sgra rtog gi tha snyad 'di chos can/
rang mtshan la 'khrul ba'i skyon med

de; phyi rol gyi bdag nyid ji lta ba'i rang ma yin las tha dad
kyi rang mtshan gyi mthar thug pa'i rtog pa'i shes pa la/ chos
dang chos can tha dad par snang bar gyur ba de ni khyod 'jug
pa'i rten yin pa'i phyir/ rang bzhin gyi

@410b rtags de rnams la ldog pas byas pa'i tha dad pa'i khyad
par yod la/ sgra mi rtag sgrub la sgra rtags su bkod pa 'dir ni
chos can/ ma grub pa'i gtan tshigs su bstan te/ chos can gyi ldog
pa de nyid sgrub byed ? du byas pa des na'i phyir/

der thal/ chos can dang rtags gnyis ldog pa tha dad pa'i tha
snyad kyis bzhag pa'i rnam pa tha dad snang ba'i blo la tha dad
du snang ba dang 'brel ba med par gcig tu snang ba can yin pa'i
phyir/ gnyis pa ni/ 'o na sgra'i dngos po

chos can/ mi rtag ste/ dngos po yin pa'i phyir/ ces pa'i rtags
'di ma grub pa'i gtan tshigs su thal/ chos can gyi ldog pa de
nyid gtan tshigs su byas pa'i phyir ce na/ rtags de la rtags dang
rtags can nyid tha dad du thal/ ldog chos tha dad pa'i phyir/
der thal/ bye brag chos

can du bzung nas spyi rtags su bkod pa des na'i phyir/ dper na
rtsol byung yin pa nyid kyi phyir/ rtsol ba las byung ba'i sgra
ni chos can/ mi rtag ste/ zhes pa bzhin no/ /rtsol byung sgra'i
khyad par byed chos yin pas de'i nang du 'dus

pa'i phyir/ dam bca'i phyogs gcig rtags su bkod pa'i nyes pa der
yang 'gyur ro zhe na/ rtsol byung chos can/ khyod rtsol ba las
byung ba'i sgra mi rtag par sgrub pa'i phyogs kyi yan lag yin
na'ang chos can rtsol sgra dang tha dad du

ma grub pa min par thal/ khyod kyis bsgrub bya de 'grub pa la
gnod pa med pa'i phyir/ dper na gong bu rwa can 'di chos can/
rwa can nyid yin pa'i phyir rta min te zhes pa bzhin no/ /rtsol
byung de nyid phyogs kyi yan lag yin pa

@411a @#/ /las yang na/ khyod
rtsol ba las byung ba'i sgra mi
rtag par sgrub pa'i bsgrub bya rjes dpag gis 'jal ba'i dus su
rjes dpag de'i ngor rtsol byung de chos can sgra'i mtshon byed
kyi yan lag min par thal/ sngar

phyogs chos 'jal ba'i dus su rtsol byung des rtsol ba las byung
ba'i sgra de mtshon cing rtogs pa'i bya ba byas nas phyis ldog
pa'i phyir/ dper na lhas byin gyi khyim gang yin zhes dris pa
na/ gang na bya rog sgra sgrogs pa'o/ /zhes

brjod pa na/ bya rog gis lhas byin gyi khyim mtshon par byas nas/
phyis bya rog med kyang lhas byin gyi khyim rtogs pa bzhin du
rtsol byung gis sngar phyogs chos 'jal ba'i dus su rtsol ba las
byung ba'i sgra de lce rkan la sogs

pa'i rkyen las byung bar mtshon par byas nas/ gyis bsgrub bya
'jal ba'i tshe mtshon pa'i bya ba mi byed pas/ dam bca'i phyogs
gcig ma yin pa'i lan gzhan yin no/ /slob dpon chos mchog ni gos
dkar can de khrid

shog ces pa na/ gos dkar gyis khrid bya'i skyes bu mtshon par
byas kyang khrid 'ong ba'i bya ba'i khongs su gtogs pa ma yin
te/ gos dkar 'ong ngam mi 'ong yang sla/ skyes bu nyid 'dod pa
bzhin du rtsol pa las byung

bas rtsol ba las byung ba'i sgra mtshon pa'i bya ba byed kyi/
bsgrub bya'i khongs su 'du ba ma yin te/ rjes dpag gis rtsol
byung la blo kha ma phyogs par rtsol ba las byung ba'i grags
pa'i rnam pa can de nyid mi rtag par

@411b rtogs pa'i phyir ces bzhed do/ /khyad par mnyan bya yang
chos can/ sgra mi rtag par sgrub pa'i dam bca'i phyogs gcig chos
can rtags su bkod pa'i don du 'thad pa ma yin par thal/ sgra
dang ldog chos tha dad pa'i phyir/ sgra ma yin

las log pa de nyid mnyan bya'i ldog pa ma yin nam zhe na/ ma yin
te mnyan bya ni nyan shes kyis gzung du mi rung ba las log pa
yin la/ sgra ni grag pa ma yin pa las log pa'o/ /de ltar yin mod
kyi gnyis ka yang logs

gnyis ka las log pa ma yin nam zhe na skyon med de/ mnyan bya ni
yul can gyi ngos nas ldog mtshams bzhag la/ sgra ni yul gyi ngos
nas ldog mtshams bzhag pas tha dad do/ /gnyis pa dngos bstan gtan
tshigs kyi

rab dbye la/ bstan pa dang/ bshad pa'o/ /dang po ni/ phyogs chos
can dgur rab tu dbye ba yi sgo nas/ phyogs chos can mdor bsdus
pa gsungs pa la dgos pa yod pa yin te/ gtan tshigs dang gtan
tshigs ltar snang gi rab

tu dbye ba'i don tshad ma'i yul du bde bar gzung ba grub par bya
ba'i ched yin pa'i phyir/ yang na mthun phyogs la khyab byed du
'jug pa dang cha gnyis pa'i gtan tshigs kyi rab tu dbye ba'i don
sbyor ngag tu brjod bde bar gzung

ba grub par bya ba'i ched yin pa'i phyir/ 'di sngar gzhan don
rjes dpag gi mtshan nyid las 'phros pa yin te/ mthun phyogs la
khyab byed du 'jug pa dang/ cha gnyis su 'jug pa'i sbyor ngag
'god tshul gyi dbye ba shes pa'i phyir

@412a @#/ /yang phyogs chos can dgur dbye ba yin no/ /de la/
phyogs chos mthun phyogs yod med dang/ /rnam gnyis re re dag la
yang/ /rnam gsum mi mthun phyogs la yang/ /yod med rnam pa gnyis
phyir ro/ /zhes

mthun phyogs la khyab byed du yod pa dang/ khyab byed du med pa
dang/ cha gnyis su 'jug pa gsum po re re la/ mi mthun phyogs la
khyab byed du yod pa dang/ khyab byed du med pa dang/ cha gnyis
su 'jug pa rnam pa gsum gsuM

du dbye ba'o/ /gnyis pa la/ phyogs chos kyi nges gzung gi don
bshad pa dang/ phyogs chos can dgur dbye ba'i dgos pa'o/ /dang
po la/ nges gzung dngos su sbyar ba'i rnam bcad gcod tshul dang/
nges gzung dngos su ma sbyar yang

rnam bcad kyi don rtogs pa'i dpe'o/ /dang po ni/ rtags chos can
gyis khyad par du byas na rjes 'gro med par 'gyur la/ khyad par
du ma byas na phyogs chos med par 'gyur ro zhe na/ byas pa sgras
khyad par du byas na sgra las

gzhan la rjes 'gro med pa ma yin par thal/ gtan tshigs kyi chos
kyi kho na'i tshig phrad sbyar sa tha dad par sbyar bas rnam gcod
du ma'i bya ba byed pa'i phyir/ byas pa sgra la yod pa kho na
zhes brjod na mi ldan pa gcod de/ khyad

par yod chos dang nges gzung lhan cig tu sbyar ba'i phyir/ byas
pa sgra kho na la yod ces smos na gzhan la ldan pa rnam par gcod
de/ de'i tshe khyad par can yod pa dag dang nges gzung lhan cig
tu brjod pa'i phyir/ ba las be'u

@412b 'byung ba srid pa kho na zhes smos na shin tu mi srid pa
rnam par gcod par byed de/ 'byung srid pa'i bya ba dag dang nges
gzung lhan cig tu brjod pa'i phyir/ gnyis pa ni/ nges gzung
dngos su sbyar ba med kyang brjod 'dod kyi dbang las

rnam gcod de'i don nyid rtogs par 'gyur te/ gang gi phyir na
ngag rnams ni rang gi brjod bya'i dngos 'gal rnam par gcod pa'i
'bras bu can yin pa'i phyir/ dper na nag pa 'phong skyen zhes
pa'am/ srid sgrub 'phong skyen zhes pa'am

sngon po mtsho skyes la srid par 'gyur ro zhes pas rim pa bzhin
du nges gzung dngos su ma sbyar yang mi ldan pa dang/ gzhan la
ldan pa dang/ mi srid pa rnam par gcod pa bzhin no/ /nges gzung
dngos su ma sbyar yang rnam gcod kyi don

rtogs pa yod de/ nag pa 'phong skyen zhes brjod pas kyang/ smra
ba po'i 'dod pas dmigs pa'i 'gal zla rnam par gcod pa'i phyir/
de bzhin du gzhan gnyis la'ang sbyar ro/ /dpe de nyid bsgrub pa
ni/ rag pa 'phong skyen zhes brjod

pa der yang 'gal ba'i zla bo 'phong mi skyen pa rnam par gcod
pa'i don rnams la rtogs pa skye bar 'gyur te/ nag pa 'phong
skyen pa de ltar grags pas mi ldan pa gcod nus/ 'phong skyen pa
gzhan yod par grags pas gzhan la ldan pa

gcod mi srid pa bcad mi dgos pa'i phyir/ mi ldan pa gcod nus par
thal/ mi ldan pa gcod pa'i brjod 'dod kyi rjes su 'brang ba'i
sgra'i nus pa'i dbang gis rnam gcod de go ba'i phyir/ de bzhin
du srid sgrub lta bu 'phong skyen pa gzhan

@413a @#/ /yod pa bcad pa'i phyir/ srid sgrub 'phong skyen zhes
brjod pa der yang 'gal ba'i zla bo gzhan ldan rnam gcod kyi don
la rtogs pa skye bar 'gyur te/ srid sgrub de ltar nag pa las
'phong skyen par sngar nas grags zin

pas mi ldan pa dang mi srid pa bcad mi dgos/ srid sgrub lta bu'i
'phong skyen pa gzhan yod pa bcad dgos shing bcad nus pa'i
phyir/ rtags phyi ma der thal/ gzhan la ldan pa rnam par gcod
pa'i brjod 'dod kyi rjes su 'brang

ba'i sgra'i nus pa'i dbang gis rnam gcod go nus pa'i phyir/
sngon po mtsho skyes la srid do zhes pa'i ngag des mi srid rnam
gcod kyi don la rtogs pa bskyed par byed de/ mtsho skyes las
gzhan la sngon po yod pa de ltar grags

pas gzhan la ldan pa gcod mi nus/ sngon po mtsho skyes la khyab
byed du mi 'jug pas mi ldan pa gcod mi nus/ mi srid pa bcad dgos
shing bcad nus pa'i phyir/ der thal/ sgra'i nus pa'i dbang gis
de ltar go ba'i phyir/ nges gzung

dngos su ma sbyar yang dag gsum gyis rnam gcod so sor go ba'i
nus pa yod de/ rjod byed sgra ni brjod 'dod kyi rjes su 'brangs
nas don ston pa'i phyir/ des chos can sgra de rtags kyi chos
kyis mi ldan pa rnam par gcod pas

khyad par du byas pa yin te/ de ltar gong du bsten pa des na'i
phyir/ sgra de yis khyad par du byas pa can gyi chos byas pa
sgra las gzhan la rjes 'gro med pa'i skyon bsten pa min par
thal/ sgras mi ldan rnam gcod kyis khyad par

@413b du byas pa'i phyir/ gnyis pa la/ bstan pa dang/ bshad
pa'o/ /dang po la/ mtha' dpyad pa dang/ tshig don to/ /dang po
ni/ phyogs chos can dgu 'ba' zhig skabs 'dir ston pa'i grangs
nges pa la rgyu ci zhig yod ce na/ 'bras rang gi gtan tshigs

gnyis kyi rjes su 'gro ldog dngos po'i dbang gis nges pa yin
gyi/ 'dod pa tsam gyis 'jug ldog byed pa ma yin te/ 'dod pa tsam
gyis 'jug na 'gal rtags gnyis po yang dag tu 'gyur ba srid par
thal la/ de 'dod mi rigs te/

dus nam yang khyab pa 'khrul pa'i phyir/ 'dod pa tsam gyis ldog
na/ rtags yang dag gnyis po 'gal rtags su 'gyur ba srid par thal
la/ de 'dod mi rigs te/ dus nam yang khyab pa 'khrul ba mi srid
pa'i phyir/ de ltar gtan tshigs

gnyis 'dod pas mi 'jug par shes pa'i ched du 'gal rtags gnyis
smos la/ dngos po'i dbang gis ldog dgos par bstan pa'i shugs
kyis rgyu dang khyab byed ma dmigs pa mi 'dod bzhin du nan gyis
grub par 'gyur bas/ gtan tshigs

yang dag gi mtshan gzhi 'bras rang ma dmigs pa gsum du nges par
bya ba'i ched du phyogs chos can bzhi smos so/ /ldog khyab gcig
pu can gyi gtan tshigs yang dag dang/ rjes khyab gcig pu can gyi
gtan tshigs yang dag yod pa dgag

pa'i ched du rjes su 'gro ldog phan tshun mi 'khrul bar bsgrubs
shing/ de yang phyogs chos dang ldan pa'i gzhi nyid la bsgrubs
pas gtan tshigs yang dag tu mtshon pa'i mtshan nyid tshul de la gsum
du grangs nges sgrub pa'i ched du phyogs

@414a @#/ /chos can gnyis smos so/ /rjes 'gro grub tsam dang/
rjes 'gro gtso bor grub pa dang/ rjes su 'gro ldog cha mnyam du
grub pa tsam gyis bsgrub bya go ba bkag nas mi mthun phyogs
mtha' dag las ldog pa dgos par bstan

pa'i sgo nas rtsod gzhi'i steng du mi mthun phyogs mtha' dag
rnam par bcad pa/ gtan tshigs kyi nus yul du shes pa'i ched du
phyogs chos can lhag ma gsum smos so/ /gnyis pa ni/ gtan tshigs
yang dag gnyis dang/ ldog pa 'gal

ba gnyis smos pa chos can/ dgos pa yod de/ rang bzhin dang 'bras
bu'i gtan tshigs gnyis dngos su mi 'khrul par grub nas gtan tshigs
yang dag gi mtshan gzhi 'bras rang ma dmigs pa'i yang dag gsum du
nges pa'i don du yin

pa'i phyir/ khyad par mnyan bya dang spyi gzhal bya dag rtags su
bkod pa'i phyogs chos can gnyis smos pa chos can/ dgos pa yod
de/ rjes su 'gro ldog gi khyab pa 'khrul par rtsod pa bkag nas
gtan tshigs yang dag tu mtshon pa'i mtshan

nyid kyi tshul de la gsum du grangs nges sgrub pa'i ched yin pa'i
phyir/ lhag ma dngos kyi ma nges pa'i gtan tshigs gsum smos pa
chos can/ dgos pa yod de/ gtan tshigs yang dag mi mthun phyogs
mtha' dag las ldog pa'i sgrub

byed dngos su bkod nas rtsod gzhi la yi mthun phyogs mtha' dag
rnam par bcad pa rtags kyi nus yul du shes pa'i ched du yin pa'i
phyir/ gnyis pa la/ phyogs chos can bzhi smos pa'i dgos pa/
khyad par thun mong ma yin

@414b pa smos pa'i dgos pa/ ma dmigs pa'i dpe dngos su mi smos
pa'i rgyu mtshan no/ /dang po la/ 'bras rtags la rtsol byung dper
smos pa'i dgos pa/ rang bzhin rtags la byas pa smos pa'i dgos
pa/ gnyis ka smos pa'i dgos pa'o/ /dang po ni/

rang bzhin gyi gtan tshigs nyid las gzhan pa'i 'bras rtags nyid
kyis go bya mthun phyogs la khyab byed du 'jug pa yod pa min te/
rgyu 'bras bu la 'khrul pa srid pa'i phyir/ 'bras bu du ba chos
can/ me la rnam pa gnyis su 'jug ste/ de la

'jug pa gang zhig khyab byed du mi 'jug pa de'i phyir/ rtsal ma
thag tu byung ba'i shes pa sgra mi rtag pa'i 'bras bur mi rigs
te/ sngar yod rkyen gyis gsal bar byas pa'i phyir ce na/ rig
byed kyi sgra thos pa'i nyan pa'i shes pa ni lce rkan la

sogs pa'i rkyen rtsal ma thag tu 'byung bar nges pa min par
thal/ rtsol pa'i sngar nas rtag par yod pa yi sgra thos pa yin
pa'i phyir/ khyab par thal/ rkyen rtsol ba des sgra rtag pa thos
pa'i sgrib byed sel ba dang/ rna ba'i dbang po dang/ sgra rtag
pa

rang gi ngo bo la rnam pa kun tu phan pa nye bar sbyor ba min
pa'i phyir/ rig byed kyi sgra chos can dus 'ga' zhig gi tshe
'bras bu mi byed pa 'gal zhing dus rtag tu bskyed par thal/
rkyen la bltos pa med par de bskyed pa'i phyir/ rtsol ba las

byung ba'i nyan pa'i shes pa 'di 'dra chos can/ rang phyogs kyi
chos su grub pa'i gzhir res 'ga' ba'i sgra de sngon du song bar
sgrub pa'i 'bras rtags yang dag yin te/ de'i 'bras bur grub pa'i
phyir/ gnyis pa ni/ byas pa dper smos pa don

@415a @#/ /med par thal/ rtsol byung smas pa nyid kyis rang bzhin
rtags kyi dpe yang grub pa'i phyir ce na/ phyogs chos can gyi
dbye ba ston pa'i skabs 'dir/ rtsol byung 'di nyid kyis rang
bzhin gyi gtan tshigs nyid kyi dpe grub kyang

de las tha dad du byas pa dper smos pa chos can/ dgos pa yod de/
'bras rtags kyi dpe dang lhan cig byas pa dper bstan pa na rang
bzhin gyi rtags thams cad mthun phyogs la cha gnyis su 'jug pa
de 'drar shes par mi 'gyur bar

khyab byed du 'jug pa yod par shes pa'i ched yin pa'i phyir/
gsum pa ni/ rang don du gtan tshigs kyi dbye ba smos zin pa'i
phyir/ yang 'dir smos pa la dgos pa ci zhig yod ce na/ skabs
'dir mthun phyogs la cha gnyis

pa dang khyab byed du 'jug pa'i rtags kyi rab tu dbye ba tsam
bshad pa la dgos pa yod de/ sngar rang don rjes su dpag par
bshad zin pa'i gtan tshigs yang dag gi don tshul gsum dang ldan pa
de phyir rgol la gtan tshigs

brjod pa'i dbang du byas nas/ mthun phyogs la cha gnyis pa dang
khyab byed du 'jug pa'i gtan tshigs ston pa'i sbyor ba'i dbye ba
rtogs pa'i don du yin pa'i phyir/ yang na rang don rjes su dpag
par bshad zin pa'i gtan tshigs

kyi mtshan nyid kyi don de dang ldan pa'i gtan tshigs phyir rgol
la brjod pa'i dbang du byas nas sbyor ba'i dbye ba rtogs pa'i
don du yin pa'i phyir/ mtshan nyid tshul gsum po'i ngo bo sgrub
pa'i phyir tu mi ston pa'i rgyu mtshan yod de/

@415b mtshan nyid tshul gsum gyi ngo bo sgrub pa'i ched du ston pa
la rang don du bshad pa las brjod bya dang dgos pa tha dad med
pas ma bshad pa'i phyir/ 'o na mthun phyogs la cha gnyis pa'i
rang bzhin rtags kyi dpe yang smos rigs par thal/ de

phyir rgol la brjod rigs pa'i phyir ce na/ skabs 'dir mthun
phyogs la cha gnyis pa'i rang bzhin rtags kyi dpe ma smos pa'i
skyon med de/ rtsol byung des 'bras bu'i rtags mtshan par byas pa
nyid kyis rang bzhin gyi rtags pa thun phyogs kyi

phyogs gcig la brten pa'ang bshad pa'i phyir/ rtsol byung des
gnyis ka mtshon nus par thal/ nyan shes de rtsol ba las gsal ba
dang dung sgra rtsol ba las skye ba gnyis rtsol byung du 'dra
bar gnas pas/ slob dpon gyis gnyis ka'i

thun mong gi dper brjod pa des na'i phyir/ skabs 'dir gtan tshigs
yang dag 'di gnyis su rab tu phye ba la dgos pa yod de/ sngar
bshad pa'i gtan tshigs yang dag gnyis po de ni bsgrub bya'i chos
de dang dngos po'i dbang gis 'khrul

par mi 'gyur ro zhes shes par bya ba'i don du phye ba'i phyir/
de gnyis bsgrub bya'i chos la mi 'khrul par thal/ rgyu gang yod
pa na/ 'bras bu gang da'i rjes su 'byung zhing/ rgyu gang sngon
du song ba med na 'bras bu de mi 'byung ba'i 'bras bu

de rgyu de la mi 'khrul pa'am/ rang gi bdag nyid dang ngo bo
rnam par dbyer med pa can gyi khyab bya gang de khyab byed de la
mi 'khrul pa'i phyir/ der thal/ gzhan gyis btags pa'i ldan pa
can dang 'du ba can la sogs pa'i 'brel pa gang

@416a @#/ /dag la mi 'khrul ba de 'dra ba'i 'brel ba yod pa min
pa'i phyir/ ldan 'du tsam la brten pa'i gtan tshigs de dag yang
dag min no zhes bshad pa la rgyu mtshan yod pa yin te/ de dag
bsgrub bya'i chos la 'khrul ba srid

pas de ltar bshad pa'i phyir/ de dag la yang bdag gcig dang de
byung gi 'brel ba yod pa yin no zhe na'ang/ bsgrub bya go ba la
'brel ba phung gsum btags pa dgos pa med par thal/ 'brel ba
gnyis po de nyid kho na bsgrub bya rtoD

pa'i sgrub byed kyi yan lag tu gyur ba'i 'brel ba yin pa'i
phyir/ der thal/ tha dad mi 'khrul ba'i nges pa yod na de nyid
med na mi 'byung ba'i 'brel ba nges pa yin la/ mi 'khrul ba'i
nges pa med pa yin na sgrub byed kyi yan lag tu gyur

pa'i 'brel ba min pa'i phyir/ gnyis pa la/ srog sogs ldog khyab
can du mi 'thad/ de mnyan bya dang mtshungs par bsgrub pa/ des
rigs can gzhan yang de ltar grub pa'o/ /dang po la/ 'brel ba la
brtags la dgag mi mthun phyoD

la brtags la dgag bye brag pa'i thal ba ma nges par bstan pa'o/
/dang po la/ dgag pa dngos dang/ de'i lan dgag pa'o/ /dang po
ni/ srog ldan chos can/ gson lus bdag bcas su sgrub pa'i bsgrub
bya'i chos med na mi 'byung ba yin

par brjod rigs par thal/ de sgrub kyi mi mthun phyogs las ldog
pa'i khyab pa nyid nges pa nyid kyi phyir/ khyab par thal/ ldog
khyab de yang 'brel ba med pa la med pa'i phyir/ snga ma 'dod
na/ rjes 'gro'i khyab pa gnas par thal/

@416b bsgrub bya'i chos dang med na mi 'byung ba'i 'brel ba grub
pa de nyid kyi phyir/ khyad par srog sogs ni chos can/ de sgrub
kyi ldog khyab med cing rjes 'gro'i khyab pa'ang yod pa ma yin
par thal/ de sgrub kyi bsgrub bya'i chos dang 'brel ba med pa
de'i

phyir/ khyab par thal/ bsgrub bya'i chos de rang gi bdag gam
rgyu'i dngos por gyur ba'i 'brel ba grub na ldog pa grub par
'gyur ba yin la/ 'brel ba med na rjes su 'gro ldog gi khyab pa
gnyis ka mi 'grub pa'i phyir/ 'o na slob dpon phyogs

glang gis thun mong ma yin pa ldog pa can du bshad pa dang 'gal
lo zhe na/ slob dpon gyis ldog khyab grub pas ldog pa can du
bshad pa ma yin par thal/ mi mthun phyogs la ma mthong tsam la
brten nas ldog pa'ang 'ba' zhig

pa can du bshad pa'i phyir/ mthun phyogs la rjes 'gro ma bshad
ces pa'o/ /mnyan bya chos can/ sgra mi rtag par sgrub pa'i ma
nges pa'i gtan tshigs su thal/ phyogs chos grub/ mi mthun phyogs
la ma mthong tsam yin pa de yin

pa'i phyir/ ldog khyab grub na bsgrub bya go bar byed par 'gyur
bar thal/ phyogs chos grub ma mthong tsam las gzhan du ldog
khyab grub pa'i phyir/ gnyis pa ni/ rigs pa can pa na re/ gal te
bdag ldog pa yis srog sogs dag ni ldog

par 'gyur te/ srog sogs med pas bum sogs bdag med la khyab par
'gyur ba'i phyir ro zhe na/ srog med pas bdag med la khyab pa'i
rgyu mtshan gyis bdag ldog stobs kyis srog ldog pa ma yin par
thal/ khyab pa de yang yod

@417a @#/ /pa ma yin pa'i phyir/ gzhan bdag ldog par 'gyur ba yis
gzhan srog ldog par mi rung bar thal/ de gnyis 'brel med don
gzhan yin pa'i phyir/ 'brel med ma grub ste/ srog de bdag de'i
bdag nyid dam/

yang na de las byung ba yin no zhe na/ bdag srog gi rgyu ma yin
par thal/ gal te thog mar bdag dmigs pa na de rjes srog de dmigs
de rjes bdag ma dmigs/ bdag rtogs pa med par der rjes yang srog
ma rtoD na bdag srog 'di rgyu 'bras su grub

par gyur na yang de 'dra'i rgyu 'bras nges byed med pa'i phyir/
bdag de gzhi 'ba' zhig tu mngon sum gyis mthong ba dang/ 'ga'
zhig tu yod na dmigs su rung ba las ma mthong ba'i mngon sum
dang ma dmigs pa'i rgyu 'bras des byed de grub pa med par

thal/ gzhan gyis btags pa'i bdag de shin tu lkog tu gyur pa'i
phyir/ gzhan gyi snying gi dkyil na bdag rdul phran tsam yod par
khas blangs nas de blo la sogs pa'i rgyur khas blangs pa la sogs
pa'i bdag de 'dra yod kyang

mngon sum la snang du mi rung bas shin tu lkog tu gyur pa'i
phyir/ rgyu 'bras nges byed kyi mngon sum med la/ rjes dpag
kyang med de/ gzhal bya kun gyi mthar thug pa bdag de yin pas/
de yod na mngon sum gyis dmigs

pas khyab pa gzhan gyis khas len dgos pa'i phyir ro/ /bdag srog
rdzas gcig pa yang ma yin te/ bdag rtag la srog mi rtag par khas
blangs pa'i phyir/ gzhan gyis btags pa'i bdag kyang med nges yin
gyi/ spyir shin tu

@417b lkog gyur yin par ston pa min no/ /gnyis pa ni/ srog med
pas khyab pa'i mi mthun phyogs bdag med de gang yin bum pa'o/
/de bdag med du cis grub/ mngon sum gyis dmigs rung ma dmigs pas
so zhe na/ bum sogs la bdag med

ces bdag gis dag pa'i dag 'dzin mngon sum gyis gyur pa gang las
kyang mi 'thad par thal/ bdag de gzhi gzhan la mngon sum gyis
mthong rung du med pa'i ngo bo can yin pa'i phyir/ 'dod na/ bdag
ldog pas srog ldog pa'i khyab pa'ang ci

ltar yang grub pa yin pa mi 'thad par thal/ bdag ldog pa shes pa
med pa yi phyir/ bum sogs la srog med par rtogs pa bzhin du bdag
kyang med par rtogs so zhe na/ srog dang blo la sogs pa gson lus
la yod pa dang/ bum sogs la

med pa nyid du rtogs par 'gyur te/ bum sogs la ma mthong gson
lus sogs la lar tshad mas mthong ba yis so/ /bum sogs la bdag
srog med par rtogs pa'i tshul mi mtshungs par thal/ gal te srog de
ltar bdag kyang gzhi 'ga' zhig tu

mthong nas gson lus la yod pa dang/ bum sogs la med pa nyid du
rtogs par 'gyur na yang bdag de gzhi 'gar yang mthong rung ma
yin pa'i phyir/ gsum pa la/ rigs pa dngos dang/ rtsod spang ngo/
dang po ni/ gson lus chos can/ srog med

par thal/ bdag med pa'i phyir/ bum pa bzhin zhe na/ bum pa la
srog mthong ba med pa'i rgyu mtshan yod de/ srog gi rgyu blo la
sogs pa gang zhig med pa yis srog ma mthong ba yin pa'i phyir/
de bzhin du gson lus la yang blo med na gson

@418a @#/ /lus la srog med par rigs pa yin par thal/ gson po'i
lus la'ang gal te blo de med pa'i phyir/ don bsdus na/ bum pa
dper byas nas gson lus la bdag med pas srog med pa'i thal ba
'phen mi rigs par

thal/ bum pa la srog gi rgyu blo log pas srog log pa de ltar/
gson lus la yong srog gi rgyu log na srog med du thal ba 'phen
rigs kyi/ bdag med la srog med kyi khyab pa ma nges pa'i phyir/
gnyis pa la/ dngos dang/ don bsdu

ba'o/ /dang po ni/ gal te gson lus dang bum pa cung zad bdag med
du chos mthun pa'i phyir bum pa ltar srog med las tha dad pa'i
gson lus kyang srog med par thal ba der rtog go zhe na/ bum sogs
rnams chos can/ bdag

dang bcas par cis mi dpog ste dpog rigs par thal/ bdag bcas su
'dod pa'i gson lus dang/ gzhal bya nyid du chos mtshungs pa'i
phyir/ bum sogs bdag bcas su mi 'dod ce na/ bum sogs bdag bcas
su 'dod rigs

par thal/ der tshad mas grub pa'i phyir/ khyab par thal/ tshad mas
grub pa nyid yod par 'dod pa kun gyi dam bca' ba'i rgyu mtshan
yin pa'i phyir/ der thal/ tshad mas grub pa de med par ni dngos
po dang dngos med kyi rnam gzhag don mthun

gang gis kyang nus pa ma yin pa'i phyir/ gal te bdag blo la sogs
pa'i rgyu yin la blo srog gi rgyu yin no zhe na/ dbugs 'byung
rngub kyi rang bzhin gyi srog dang mig 'byed 'dzums la sogs pa
chos can/ bdag rtag pa las

@418b skyes pa ma yin te/ rang rgyu dran 'dod dang rtsol ba las
skyes pa yin pa'i phyir/ dran sogs de dag kyang chos can/ bdag
rtag pa las skyes pa ma yin te/ rang rgyu yul dbang dang blo yid
byed snga ma las 'byung ba'i phyir/ de yang bdag rtag pa las

skyes pa ma yin te/ phan tshun gyi rkyen la bltos pa'i rang gi
rigs 'dra snga ma las byung ba'i phyir/ gnyis pa ni/ bdag tu
btags pa'i nang skye mched drug gi dngos po 'di chos can/ rang
gi rigs 'dra snga ma de tsam las skyes pa yin te/ de tsam

phan byed du yod med kyi rjes su 'gro ba dang ldog pa la brten
pa yin pa'i phyir/ gzhan du na rgyu thug pa med par thal/ phan
'dogs pa'i nus pa ma mthong ba yang rgyur rtog rigs pa'i phyir/
gnyis pa mnyan bya dang mtshungs par bsgrub pa la/

mtshungs pa'i tshul/ mi mtshungs pa dgag pa/ srog bdag gi go byed
du mi rung ba'i rgyu mtshan no/ /dang po ni/ mnyan byas sgra mi
rtag par bsgrub pa dang/ srog sogs kyis gson lus bdag bcas su
bsgrub pa 'di ni ldog khyab ma grub par

mtshungs par 'gyur par thal/ mi mthun phyogs la the tshom za bas
ldog pa 'khrul ba nyid kyi phyir/ mtshungs pa ma yin te/ srog
sogs ldog pa can yin yang mnyan bya 'di ni ldog pa 'khrul ba'i
phyir ce na/ ci ltar 'khrul dris pas/

bsgrub bya'i chos min pa mi mthun phyogs kho na nyid las de ldog
pa min te/ mthun phyogs las kyang ldog pa'i phyir ce na/ 'o na
don gyis mnyan bya de bsgrub bya'i chos kyi rjes su 'jug pa min
pas ldog pa 'khrul ba de ltar brjod par 'gyur bar

@419a @#/ /thal/ de mthun phyogs las ldog pas ldog pa 'khrul bar
brjod pa'i phyir/ 'dod na/ srog sogs kyang ldog pa 'khrul bar
thal/ mthun phyogs la rjes su mi 'gro ba de ni gzhan srog sogs
la'ang mtshungs pa'i phyir/

gnyis pa la/ nges gzung la dpyad nas ldog khyab grub pa dgag mi
mthun phyogs ma grub pas ldog 'brel ma grub pa/ don bsdu ba'o/
/dang po la/ thal ba dgod pa dang/ rtsod pa spang ba'o/ /dang po
ni/ srog mi mthun phyogs kho na la med ces

pa'i tshig des bsgrub bya'i chos la gnas par brjod pa yin par
thal/ bsgrub bya'i chos min pa kho na nyid las yod pa rnam par
bcad pa'i phyir/ slob dpon gyis go bas rjes su 'gro ldog gi
khyab pa gang rung gcig ston pa'i tshig

gis gnyis ka bstan par brjod pa'i rgyu mtshan yod de/ ldog khyab
ston pa'i nges gzung gi rjes 'gro 'phen pa de nyid kyi phyir/
mthun phyogs la rjes 'gro med pa las 'di 'dra ba'i mi 'khrul
ba'i ldog khyab grub pa ma yin par thal/

rjes su 'gro ldog phan tshun mi 'khrul ba de nyid kyi phyir/ srog
ldan chos can/ gson lus bdag bcas su sgrub pa'i mthun phyogs la
yod par bsgrub pa las gzhan ci 'dra zhig kyang mi 'thad par
thal/ mthun phyogs la bkag

pa de nyid 'gog par byed pa rigs pa'i phyir/ gnyis pa la/ dngos
med la rtags ldog pa dgag mi rigs par thal ba dang/ dngos med la
tha snyad rgyun chad par thal pa dang/ rang la mtshungs pa spang
ba'o/ /dang po ni/ srog sogs de bsgrub bya'i

@419b chos sam/ mthun phyogs bdag las ldog pa med de/ sangs
rgyas pa khyed ltar na bdag dngos med yin pas/ dngos med las
rtags ldog pa med de/ dgag sgrub kyi tha snyad 'jug pa'i gzhi
yin na/ dngos po yin pas khyab pa'i phyir/ mthun phyogs las

ldog pa med pa des na bsgrub bya'i chos min pa'i mi mthun phyogs
kho na nyid la med pa'i ldog pa grub bo zhe na/ srog de bdag
dngos med las ldog pa med do zhes bdag las ldog pa de nyid ci
ltar yang bdag la dgag mi rigs par thal/

bdag dngos med yin pa'i phyir /khyab pa khas blangs te/ dngos
med la chos gang yang 'jug pa dang ldog par 'dod mi rigs par
khas blangs pa'i phyir/ don bsdus na/ dngos med la rtags ldog pa
dgag mi rigs

par thal/ dngos med dgag sgrub gang gi yang gzhir mi rung ba'i
phyir/ 'dis ni rang mtshan dgag sgrub gang gi yang gzhir mi rung
bar smra ba rang tshig 'gal bar bstan te/ rang mtshan dgag sgrub
gang gi yang gzhir mi rung bar dngos su dam

bcas pa'i shugs la dgag sgrub kyi gzhir rung ba dgag pa'i gzhir
khas blangs pa'i phyir/ srog chos can/ bdag la yod par bsgrub pa
rigs pa yin par thal/ bdag la ldog pa med pa'i phyir/ 'dod na/
rigs pa can pa'i blun po yi rnam

dpyod la ltos shig ste de'i rnam dpyod can du thal/ srog ldog pa
med pa srog gi dngos por yod pa bdag dngos med yin na'ang de la
yod pa yin la/ srog ldog pa'i dngos po med pa'ang bdag dngos med
la yod pa yin no zhes khas

@420a @#/ /blangs pa'i phyir/ gal te srog bdag de las ldog pa med
na gtan tshigs srog de 'jug par 'dod dam ci 'dod rigs par thal
lo/ /bdag de la 'jug pa de yang min no zhe na/ srog chos can/ ci
ste bdag la 'jug pa 'gog

mi rigs par thal/ bdag la ldog pa bkag pa'i phyir/ khyab par
thal/ de la ldog pa bkag pa ni de la 'jug pa 'di nyid yin pa'i
phyir/ gzhung 'di dag gis dngos med dgag sgrub kyi gzhir mi rung
ba la/ rang tshig 'gal ba dang/ rang

lugs kyi dgag sgrub byed pa'i tshul thun mong ma yin pa ston pa
yin la/ 'di dang tshad ma rnam par nges pa gnyis kar rtags kyi
ldog tshul la 'phros pa'i don du bstan par 'dra yang rnam nges su
rang don gyi skabs su ston pa ni/ gang du

bstan yang mi 'gal ba'i don to/ /rnam nges su rtags yang dag gi
ldog tshul la 'phros la/ 'dir ltar snang gi ldog tshul la 'phros
so/ /dgag sgrub byed pa'i tshul rang don du bstan zin mod kyang/
'dir thun mong ma yin pa'i riD

pa gzhan bstan pa'i phyir ro/ /gnyis pa ni/ dngos med 'dir ni
gnas tshul dris pa na ci yang mi smra ba thob par thal/ bsgrub pa
dang dgag pa'i tha snyad de yang dngos por med pa la 'jug pa med
pa'i phyir/ tha snyad gzhan yod ce na/ khyab

par thal/ sgrub pa'i tha snyad dang dgag pa'i tha snyad ma gtogs
par sgra las byung ba'i tha snyad phung gsum gzhan yod pa min
pa'i phyir/ dngos med dgag sgrub gang gi yang gzhir mi rung ba'i
rigs pa 'di yis 'gro ba shes bya 'di

@420b la med par dgag pa'i don dang tha snyad don mthun gang
yang med par 'gyur bar thal/ dngos por yod pa rnams la med dgag
tu mi rung bas med par dgag pa'i tha snyad don mthun 'jug pa med
la/ med dgag gi tha snyad de ni dgag sgrub kyi gzhir

mi rung bas dngos med la'ang yod pa ma yin pa'i phyir/ 'dis bum
pa med do/ /zhes pa lta bu'i med dgag gi don dang tha snyad gang
yang mi srid par thal ba brjod pa yin gyi spyir dgag pa mi 'thad
pa tsam ni ma yin te/ dgag pas bsdus pa'i

dngos po yod pas rtags snga ma tshad mas kyang ma grub/ khas
kyang ma blangs par 'gyur ba'i phyir ro/ /gal te yul 'di'i bum
pa yul gzhan na med pa dang/ de ring gi bum pa sang nyin par med
pa sogs yul dus la bltos nas 'gog pas

med dgag gi don dang tha snyad mi 'thad pa'i skyon med do ce na/
yul 'di'i bum pa yul gzhan na med pa de la yul 'di'i bum pa med
pa'i med dgag gi tha snyad don mthun mi 'jug par thal/ ci ltar
yul gzhan na yul 'di'i bum pa

med pa de dngos por yod pa yin na/ de ltar med dgag gi tha snyad
'jug pa'i sgo nas dgag bya mi 'gog cing/ ci ltar de dngos por
med pa de ltar yin na yang med dgag gi tha snyad kyi sgo nas
dgag bya 'gog pa rigs par mi 'gyur ba'i

phyir/ de bzhin du dus la yang sbyar ro/ /gsum pa la/ dgag sgrub
kyi dngos rten sgra don du bsgrub pa dang/ rang mtshan yin pa
dgag pa dang/ sgra don la dgag sgrub byed pa'i tshul lo/ /dang po
ni/ 'o na khyed la yang dgag sgrub kyi tha snyad rgyun

@421a @#/ /chad par 'gyur te/ sngar nas yod na sgrub mi dgos
shing dgag mi nus/ sngar nas med na dgag mi dgos shing sgrub mi
nus pa'i phyir ce na/ 'di ni tshad ma'i dgag sgrub dang/ dngos
po'i dgag sgrub ma phyed pa'i rtsod pa yin

te/ bum pa tho bas bcom zin na de nyid slar yang gzhom mi dgos
pa dang/ bum pa bzos zin na de nyid slar yang bzo mi dgos pa
ltar/ tshad mas bsgrub pa sngar med yod par byed pa dang/ bkag pa
sngar yod med par byed

pa'i don ma yin te/ yod pa la yod pa gtan la phebs par bsgrub pa
dang/ med pa la med par gtan la phebs pa bkag pa'i don to/ /'di
ma go bar stong nyid rigs pas gtan la phab na blos byas kyi
stong pa zhes pa'i skyon can

dang/ cir yang mi rtog par 'jog pa gzhi yin lugs kyi stong pa
bsgom par 'dod pa'i log rtog rnams 'byung ba yin no/ /snying nas
sgrub pa byed na rigs pa'i rnam gzhag shes mi dgos pa'i log rtog
gi tha chad rnams

kyang dgag sgrub kyi tshul 'di dag ma go ba las yin la/ gsung rab
dgongs 'grel dang bcas pa sgrub pa byed pa'i yan lag tu mi dgos
par mthong nas 'chad pa dang nyan pa 'dor ba'i rkyen yang log
rtog gi tha chad/

'dis byed pas mkhas pa rnams kyis mchil ma'i thal ba bzhin du
rgyang ring du dor bar bya'o/ /dgag sgrub byed pa'i dngos rten
de phyi rol rang mtshan min par thal/ dgag sgrub kyi tha snyad
kyi gzhi yin na dngos po yin

@421b pas khyab par 'dod pa nyes pa du ma'i 'byung khungs yin pa
de'i phyir/ dngos rten de sgra don yin pa la brten nas mkhas pa
rnams 'dir ni bsgrub pa dang dgag pa thams cad byed par 'dod pa
yin te/ dgag sgrub byed pa'i dngos rten de rtog pa'i

snang yul yin pa'i phyir/ sgra don la du ma dbyer rung ste/
dngos por zhen pa dang/ dngos med du zhen pa dang/ gnyis kar
zhen pa la brten pa can gyi rtog pa'i gzung yul rnams su yod
pa'i phyir/ dgag sgrub byed pa'i dngos rten rang mtshan yin

pa 'gog par byed pa yin gyi rang mtshan dgag sgrub kyi dngos rten
yin pa 'gog pa rnam pa thams cad du mi rung ste/ sngar gyi log
rtog de nyid slar yang 'ongs pa yin pa'i phyir ro/ /dgag sgrub
byed pa'i dngos rten de rang mtshan ma yin par

thal/ phyi rol na sgra thog mar grub dus na byas mi rtag ma
grub/ de'i rjes su byas pa grub/ de grub dus su mi rtag pa ma
grub par de'i rjes su grub pa'i rim can de 'dra med na'ang chos
can sgra de dgag sgrub byed pa'i rtog pa'i ngor rim can de dag
dang

'brel bar snang ba'i phyir/ sgra don de yang yod ces yod nges
kyi tha snyad don mthun rten par 'dod de/ don gang gi sgra don
snang ba'i don de brjod pa'i sgra 'jug pa nyid kyi phyir/ bum
pa'i sgra don rtog pa'i snang yul du yod de/ bum pa zhes pa'i

sgra sbyor ba mthong ba'i phyir/ ces pa'o/ /gnyis pa ni/ yul la
sbyar ba dang/ yul can la sbyar ba gnyis kyis shes par bya'o/
/dang po ni/ dgag sgrub byed pa'i rtog pa'i snang ba rang mtshan
min pa de lta min na/ sgra byas par nges pa'i shes pa de sgra

@422a @#/ /byas pa'i ngo bo sngar med gsar du sgrub byed yin par
thal/ tshad ma de la sgra byas pa'i ngo bo sngar med gsar du grub
par snang ba gang zhig ji ltar snang ba de nyid phyi rol rang
mtshan yin pa'i phyir/ 'dod na/ rtog pa des sgra la sogs

pa'i don rnams kyi byas pa'i chos gcig bsgrub pa na/ mi rtag pa
la sogs pa'i sgra dang grub sde rdzas gcig pa'i bdag nyid thams
cad bsgrub par thal/ des sgra'i byas pa'i ngo bo sngar med gsar
du bsgrub pa gang zhig sgra'i steng gi byas mi rtag

gi bdag nyid grub sde tha dad med par dus cig car skye 'jig byed
pa'i phyir/ don ni sgra'i byas pa de skyed byed du thal/ de'i
ngo bo sngar med gsar du sgrub pa'i lag rjes 'jog byed yin pa'i
phyir/ 'dod na/ sgra'i mi rtag pa'ang skyed byed kyi sgo nas

sgrub byed du thal zhes pa'o/ /rtags phyi ma ma grub na/ byas pa
bsgrub pa dang mi rtag pa gnyis chos can sgra gcig la gzhi mthun
du 'du bar mi 'gyur bar thal/ de gnyis 'brel med rdzas tha dad
yin pa'i phyir/ dper na bum snam lta bu

gzhan dang gzhan sgrub pa'i don gzhi mthun du mi 'du ba bzhin
no/ /de bzhin du sgra ma byas pas stong par nges pa'i blo des
sgra la ma byas pa bkag pa na rtag pa la sogs pa'i bdag nyid
thams cad bkag par 'gyur bar thal/ sgra la ma

byas pa'i ngo bo sngar yod gsar du bkag pa gang zhig sgra'i
steng gi grub sde rdzas gcig gi chos de rnams rdzas kyi bdag
nyid tha dad med pa'i phyir/ rtags ma grub ste/ sgra la ma byas
pa bkag pa dang rtag pa bkag pa ngo bo rim can du

@422b grub pas rdzas tha dad do zhe na/ ma byas pa dgag pa dang
rtag pa dgag pa dag chos can/ sgra gcig la gzhi mthun du 'du bar
mi 'gyur bar thal/ de gnyis 'brel med rdzas tha dad yin pa'i
phyir/ dper na snam bu ma yin pa bkag pa dang/

bum pa ma yin pa bkag pa lta bu'i gzhan dang gzhan bkag pa gzhi
mthun du mi 'du ba bzhin no/ /'di ni sgrub pa yang bum pa bzo ba
bzhin du song bas/ grub sde rdzas gcig gi chos thams cad skyed
byed du thal ba dang/ bkag pa yang bum pa

tho bas bcom pa bzhin du song bas/ grub sde rdzas gcig gi chos
thams cad dus gcig tu 'gog byed du thal zhes pa'o/ /gnyis pa yul
can la sbyar ba ni/ sgra byas par nges pa'i nges shas snang yul
la sgrub 'jug tu thal/ de'i snang yul sgra

don de lta bu min par phyi rol rang mtshan yin pa'i phyir/ 'dod
na/ sgra byas par nges pa'i nges shes chos can/ khyod kyis
sgra'i byas pa lta bu'i chos gcig bsgrub pa na sgra'i mi rtag pa
la sogs pa'i bdag nyid thams cad bsgrub pa dang/ sam gyi sgras

sa la ma byas pa lta bu gcig bkag pa na rtag pa la sogs pa'i
bdag nyid thams cad bkag par 'gyur bar thal/ khyod sgra'i byas
pa la sgrub pas 'jug pa'i nges shes gang zhig sgra'i byas mi
rtag sogs kyi rdzas kyi bdag nyid la grub sde tha dad

med pa'i phyir/ rtags ma grub ces sam/ khyab pa med de/ gcig
bsgrubs shing de'i log phyogs bkag pa na gzhan la dgag sgrub ma
byas so zhe na/ byas mi rtag kyang rdzas tha dad dang ma byas
pas dben pa dang rtag pas dben pa yang rdzas tha

@423a @#/ /dad du khas blangs pas/ tha dad yin na zhes lhag ma
sngar bzhin du brjod do/ /gsum pa la/ dgag sgrub byed pa'i rtog
pa la snang tshul dang/ de la tha snyad pa'i tshad mas mi gnod pa
dang/ tshad ma gzhan la mi bltos par snang

yul la 'khrul par mi shes pa'i rgyu mtshan no/ /dang po ni/ dgag
sgrub byed pa'i rtog pa'i snang yul dngos por med par thal/ ldog
pa sna tshogs pa'i chos kyi gzhir gyur pa chos can sgra lta bu
gcig gi dbang du byas te/ byas pa lta bu gcig

bsgrub pa na sgra grub rjes su byas pa de sgra la gsar du brten
pa lta bu dang/ mi rtag pa sogs gzhan rnams yod med btang snyoms
pa lta bu dang/ ma byas pa 'gog pa na sgra grub rjes su ma byas
pa de yis gsar du dben pa dang de las gzhan pa'i

byas pa la gsar du bltos pa lta bur snang ba'i phyir/ dam bca'
gcig pu la rtags rnams so sor sbyar yang rung ngo/ /'di ni
gzhung gzhan nas/ dgag bya yod pa ma yin pas/ /yang dag tu na
bkag med gsal/ /zhes bshad pa rnams dang

rigs mtshungs par chad ma'i dgag sgrub de nyid dngos po'i dgag
sgrub tu 'dod pa la/ sgra sngar nas ther zug tu yod pas gsar du
dben ba der yang med de/ sgra sngar nas ther zug tu yod ma myong
ba'i phyir/ ces ston bzhed nas lta bur zhes smos so//

gnyis pa ni/ sgra don la dgag sgrub byas pas dngos po la sgro
'dogs chod pa mi 'thad do zhe na/ de'i skyon med par thal/ rang
gi ngo bo dngos por med pa yi don can te gzung yul can gyi rjes
dpag gi blos dgag sgrub kyi tha snyad ji ltar bstan

@423b pa ltar rang mtshan gyi gnas lugs phyin ci ma log par nges
nus pa'i phyir/ des bstan pa'i don la zhen pa skye ba mi 'thad
de/ de snang yul la 'khrul pa'i phyir ce na/ de snang yul la
'khrul ba yin yang rjes dpag gis bstan pa la zhen

pa mi skye ba'i nyes pa med par thal/ rjes dpag gi snang yul
dngos por med pa'i de bzhin nyid de ma brtags par zhen yul ji
ltar zhen pa ltar khas len pa'i phyir/ sgra don dngos por med
kyang de snang ba'i rjes dpag las rang mtshan mi

thob pa'i skyon med par thal/ tha dad pa'i don rang mtshan la
brgyud nas brten pa'i tha snyad don mthun yin pa'i phyir/ ji
ltar snang ba ltar phyi rol tu med na rgyu med bu 'byung ba'i
nges pa med de/ thog ma med pa nas brgyud de 'ongs pa'i rang
rgyu

rtog pa'i bag chags las byung ba'i phyir/ 'jig rten dgag sgrub
byed pa'i don la dngos po'i gnas tshod sems pa'i tshad mas gnod
par mi 'gyur te/ tha snyad pa'i tshad ma la don dam pa'i tshad mas
mi gnod pa'i phyir/ don gcig la

yang dgag sgrub kyi tha snyad du ma 'jug pa'i gzhi yod de/ bum
pa de chu skyor ba'i don mi byed pa de las kyang tha dad/ snam
bu'i don byed pa las kyang tha dad yin pa'i phyir/ der thal/ chu
skyor ba de'i 'bras bu can dang bgo ba la sogs de'i 'bras bu

med pa can min pa'i phyir/ rang mtshan dgag sgrub kyi rten yin
yang dngos kyi rten min no zhes kyang brjod mi nus te/ dgag pa
dang bsgrub pa ni tshad ma'i yul du yin pas tshan mas dngos su
bsgrub pa mi srid par thal/ rang mtshan sgrub

@424a @#/ /pa'i dngos rten min pa'i phyir/ 'dod na/ tshad mas
dngos su rtags pa mi srid pas shugs rtags 'ba' zhig tu 'gyur ro/
/gzhi 'gar bum pa med par dngos su rtogs pa mi srid par thal/
gzhi 'gar rang mtshan dngos

su 'gog pa mi srid pa'i phyir/ gsum pa ni/ sgra la mi rtag pa
gsar du 'phel ba lta bu dang rtag pa gsar du 'grib pa lta bur
dgag sgrub byed pa yi sgra mi rtag rtogs kyi rjes dpag sogs
bslad pa de dang de dag gis chos can/ rang mtshan

gzung don du yod pa de dang ldan pa nyid min yang rang mtshan
mngon sum du mthong ba'i lam du 'gyur ba la sbyor bar byed nus
te/ tha dad pa'i don rang mtshan la brgyud nas brten pa can gyi
'brel pa 'ga' las de ltar nus pa'i phyir/ de dag

chos can/ rang nyid bslad pa yin pa'i nga dngos su shes nus pa
ma yin te/ snang btags so sor mi phyed pa'i chad ma yin pa das
na'i phyir/ gnyis pa mi mthun phyogs ma grub pas ldog 'brel ma
grub pa la/ srog bdag med kho na las ldog

pa ma grub pa/ de grub kyang bdag bcas su mi 'grub pa'o/ /dang
po la/ bum sogs bdag med du mi 'grub/ gson lus bdag bcas su mi
'grub pa'o/ /dang po ni/ bum sogs de bdag med par ngas pa ma yin
par bdag yod med the tshom can

du 'gyur par thal/ gson lus dang bdag yod med kyi rgyu mtshan
mtshungs ba gang zhig gson lus la bdag yod pa nyid du sgrub pa'i
sgrub byed 'jug pa'i phyir/ bum sogs bdag med du sangs rgyas pas
khas blangs bas grub po zhe na/

@424b sangs rgyas pa'i khas blangs las bum sogs bdag med pa nyid
kyang 'grub par rigs pa min par thal/ de'i khas blangs tshad ma
can min pa'i phyir/ srog chos can/ bdag dngos med las ldog pa
med du chu ga na yang mthun phyogs bdag las ldog

mi ldog the tshom za rigs par thal/ bdag de la yod med the tshom
za ba'i phyir/ 'dod na/ mi mthun phyogs bdag med las ldog par
yang the tshom za rigs par thal/ 'dod pa de'i phyir khyab par
thal/ bdag yod med kyi phung po gnyis las gang

rung gcig kho na la yod par nges par grub na gzhan cig shos las
ldog pa grub dgos kyi bdag la ma mthong bzhin du bdag med las
ldog pa mi 'grub pa'i phyir/ srog de mi mthun phyogs la ma
mthong ba yin yang med nges su mi 'grub par

thal/ snang rung gi bdag med la ma mthong bas med par grub tu
chug kyang mthong rung du med pa'i bdag med dag la yod med the
tshom za ba'i phyir/ srog chos can/ bdag med 'ga' zhig la ma
mthong bas bdag med 'gar yang med par nges pa med

par thal/ bdag med kyi gsal ba mtha' dag la khyab byed du 'jug
pa ma yin yang bdag med de'i rigs su gyur pa'i don 'ga' zhig la
yod pa srid pa'i phyir/ mkhregs pa'i rdzas shing la sogs pa phal
cher mtshon kyis chod kyang rdo rje la

sogs pa mtshon gyis mi ched pa bzhin no/ /gnyis pa ni/ srog chos
can/ bdag med las ldog mi ldog gi the tshom gang las kyang ldog
par 'gyur ba ma yin par thal/ bdag med la yod pa la sgrub byed
kyang ma mthong/ de la yod pa

@425a @#/ /la 'gal ba yang ma mthong ba'i phyir/ phyi ma der
thal/ de yang bdag med la yod pa la gnod pa yod na la lar bdag
de'i 'bras bu dang/ kha cig tu bdag de'i bdag nyid du nges pa
las thabs gzhan ci yang yod pa ma

yin pa ? gang zhig/ bdag dang 'brel pa ma grub pa'i phyir/ des
na srog 'di ni chos can/ bdag med pa las kyang ldog par the tshom
za ste/ bdag dang 'brel ma 'brel the tshom za ba des na'i phyir/
gnyis pa ni/ srog bdag med las ldog/

tu chug pa de lta na yang bdag med la med pa las bdag bcas su mi
'gyur bar thal/ rigs pa gang gis rigs pa can pa de ni srog gzhi
de la ldog pa med pa yin yang nges par dngos por te yod par 'dod
pa ma yin pa'i phyir/

dper na srog sogs mthun phyogs bdag las ldog pa med kyang bdag
la yod pa min par 'dod pa bzhin/ gsum pa don bsdu ba ni/ gal te/
gson lus bdag med ma yin pas bdag bcas su 'grub pa min par thal/
gtan

tshigs srog sogs de mthun phyogs bdag las ldog pa med na de'i
rgyus rjes 'gro can du 'dod dgos pa gang zhig/ de la ldog pa med
kyang rjes 'gro can ma yin pa'i phyir/ khyab par thal/ bdag de
la rjes su 'gro ba can yang

min ldog pa can yang min par khas blangs pa'i phyir/ yang na
rtags su sbyar ro/ /gsum pa srog bdag gi go byed ma yin pa'i
rgyu mtshan la/ go byed 'brel pa la bltos pa dang/ de bdag srog
la ma grub pa/ 'brel pa nges byed kyi tshad

@425b ma bstan pa'o/ /dang po ni/ du ba gang gi rang gi bdag
nyid chos can/ me gang med na mi 'byung ba can du grub pa yin
te/ du ldan la la me go byed du 'dug pa'i phyir/ me ldog pa de
nyid khyod ldog byed yin te/ ma nus pa mthu can du 'jug pa na
yang

khyod 'jug cing skye bar byed pa yin pa de'i phyir/ me du med na
mi 'byung ba'i 'brel pa de yang ni chos can/ sgrub byed khyed
par can la bltos pa yin te/ rgyu 'bras nges byed kyi tshad ma
khyad par pa la bltos pa'i phyir/ der thal/ me phan

byed du yod pa dang med pa las 'bras bu du bskye ba mthong ba
dang ma mthong ba'i mngon sum dang ma dmigs pa de dag las me
rgyu dang du ba 'bras bu nyid du nges pa'i phyir/ gnyis pa la/
sgrub byed dgod pa/ rtsod pa spang ba'o/ /dang po ni/ srog chos

can/ gson lus la bdag don gzhan yod par rtogs pa'i rten rtags
yang dag tu yod pa ma yin par thal/ khyod yod na bdag don gzhan
yod pa'i nges pa med pa'i phyir/ bdag yod pa na de'i rjes su
srog yod pa'am/ bdag log cing

med pa na srog de dag med par 'gyur ba mi srid par thal/ bdag
nge rtag tu rtag pa'i rdzas su yod pas de log pa'i gzhi mi srid
pa'i phyir/ srog de chos can/ ci ltar bdag des bskyed pa'i rang
bzhin yin pa mi 'thad par thal/ bdag de dag

med par rgyu gzhan las 'byung pa'i phyir/ /khyab par thal/ 'bras
bu'i rang bzhin 'dra mi 'dra tha dad pa rnams rgyu rigs 'dra mi
'dra tha dad pa rnams las 'byung pa'i phyir/ de'i rgyu mtshan ni/
blo dang srog la sogs pa 'bras bu'i dngos po rnams chos

@426a @#/ /can/ sna tshigs pa'i ngo bo nyid du 'byung pa'i rgyu
mtshan yod de/ rgyu rkyen tshogs pa'i nus pa rdzas tha dad las
sna tshogs su skyes pa'i phyir/ gal te rgyu'i nus pa tha dad
pas 'bras bu tha dad du 'jog par byed pa min no zhe na/ dus
gnyis

par mi sdod par 'gro ba'i dngos po 'di thams cad chos can/ ngo
bo gcig tu 'gyur bar thal/ rdzas su grub/ rdzas tha dad du
'jog byed med pa'i phyir/ gnyis pa la/ rtsod spang dngos dang/
de'i lan dgag pa'o/ /dang po ni/ 'bras bu 'di tha dad par

'byed par byed pa rgyus tha dad du 'byed par byed pa min te/
de lta na du ba me las kyang skye/ me med brgya byin gyi spyi
bo las kyang skye bas rang bzhin gnyis su 'gyur ro zhe na/ du
ba chos can/ me'i 'bras bu ma yin par thal/ me ldog kyang
khyod mi ldog

pa'i phyir/ 'dod na/ me'i 'bras bu yin par thal/ me las skyes
pa'i phyir/ des na khyod rang bzhin gcig nyid yin pa nyams par
thal/ khyod me'i 'bras bu yin pa dang ma yin pa gnyis ka'i
gzhi mthun yin pa'i phyir/ brgya byin gyi spyi bo gcig ni

chos can/ me yin pa dang me min pa'i rang bzhin dngos 'gal
gnyis kyi gzhi mthun du thal/ du ba sngar med gsar du bskyed
pa'i nyer len dang mes dben pa yang yin pa'i rang bzhin du ma
yin pa'i phyir/ khyab pa ma grub po zhe na/ des na gzhan

me med brgya byin gyi spyi bo de ni me yod de nyid du thal/ du
ba de spar med gsar du bskyed pa'i nyer len gyi rang bzhin yin
pa'i phyir/ me yod ma yin na/ du ba de ni brgya byin gyi spyi
bo de las sngar med gsar du ji ltar yang 'byung ba mi 'thad
par

@426b thal/ du ba de bskyed pa'i me yod kyi rang bzhin ma yin
pa'i phyir/ des na rgyu me dang 'bras bu du ba dag phan tshun
mi 'khrul ba'i rang bzhin nges pa nyid yin te/ rjes su 'gro
ldog 'khrul pa la tshad mas gnod pa de'i phyir/ me'i rang bzhin
mngon sum

du mthong ba bzhin du 'bras bu du ba mthong na yang de'i rtags
las me de rtogs par 'gyur te/ du ba me'i 'bras bur nges pa des
na'i phyir/ gnyis pa ni/ gal te chu dang 'o mas 'bras bu 'bras
can rul bar 'gyur ba gcig bskyed pa bzhin du

rgyu du ma las 'bras bu gcig ji ltar yang skye bar 'gyur ba mi
'thad par thal/ rgyu rigs mi mthun pas 'bras bu rigs gcig mi
byed pa'i phyir ce na/ chu dang 'o ma gnyis ka'ang chos can/
rigs gcig pa nyid yin te/ gsher ba'i nus pa gang

las rang 'bras 'bras can rul par 'gyur ba gcig thun mong du
bskyed pa'i phyir/ ci chu dang 'o ma 'di ni rdzas tha dad cing
nus pa gcig pa'i bdag nyid dam ste nus pa gcig par thal/ mngon
sum la rdzas tha dad du snang zhing gsher ba'i nus pa can

yin pas 'bras bu thun mong ba gcig bskyed pa'i phyir/ de lta
min na rdzas tha dad pa yang yin gsher ba nyid du gcig pa yang
ji ltar yin zhe na/ chu dang 'o ma chos can/ nus pa gcig ma
yin par thal/ rang rang gi ngo bo ma 'dres par rdzas so so

la gnas pa'i phyir/ de lta na yang rigs gcig ces brjod du rung
ste/ gsher ba de yi rnam pa'i rang bzhin can gyi lus kyi
dbab po'i blo ma 'khrul ba la gsher bar tha dad med pa'i rnam
pa gtong byed yin pa'i phyir/ dpe de bzhin du me'i

@427a @#/ /gsal ba du ma ni chos can/ rdzas tha dad kyang rigs
gcig tu brjod du rung ste/ mi ma yin las log par mtshungs pa'i
cha gang gis ni mar rtogs shing de'i rnam pa snang ba'i dbang
mngon gyi rtogs shing de'i rnam pa snang ba'i dbang mngon gyi
rten te gzung don yin pa'i phyir/

du ba de rang phyogs kyi chos su grub pa'i gzhir me ma yin las
log pa de ltar rtogs par 'gyur ba yin te/ me ma yin las log pa
des ni du ba bskyed pa des na'i phyir/ gsum pa la/ rgyu 'bras
nges byed bshad pa/ bdag gcig 'brel ba bshad zin

dran par byed pa'o/ /dang po ni/ du ba me de las 'khrul ba med
pa can du thal/ mer shes pa'i mngon sum gyi gzung don me des
nyer len byas lhan cig byed rkyen gyi yan lag gzhan bud shing
la bltos ba nyid las byung ba'i phyir/ de ltar me du de bzhin

du 'bras bu gzhan yang rang gi rgyu la mi 'khrul par 'grub par
thal/ rgyu 'bras nges byed kyi tshad ma las de ltar grub pa'i
phyir/ snga ma la khyab par thal/ du ba'i nyer len dang bud
shing 'gyur ba yi lhan cig byed pa yi yang lag gi rten dmar
'bar

ba de la mer 'jog pa'i phyir/ gal te me med brgya byin gyi
spyi bo chos can/ khyod las byung ba'i sngo 'phyur ba de du ba
min par thal/ me yod min pa'i phyir/ gal te khyod las byung
ba'i sngo 'phyur ba de du ba yin na/ khyod me yod de nyid du
thal lo/

gnyis pa ni/ rang bzhin dang rang bzhin can yang med na mi
'byung ba'i 'brel pa grub par shes par bya ste/ ci ltar bdag
gcig gi 'brel ba nges pa'i rang gi rgyu mtshan khyad par can la
bltos nas de rnyad grub pa'i phyir/ dper na 'jig pa dang

@427b byas pa nyid bdag gcig 'brel ba grub ste/ de ltar sgrub
pa'i rigs pa bltos med kyi gtan tshigs gong du ji skad bshad pa
bzhin yin pa'i phyir/ gsum pa rigs can gzhan yang de ltar grub
pa ni/ mnyan bya sgra mi rtag sgrub kyi ldog khyab ma grub par
bstan

pa las srog ldan ldog khyab can gyi gtan tshigs min pa nyid du
rtogs pa yi tshul 'dis thun mong ma yin pa thams cad la dpag
par bya ste/ slob dpon phyogs glang gis mi mthun phyogs la ma
mthong tsam gyi ldog pa can gyi thun mong ma yin pa'i ma

nges pa'i gtan tshigs thams cad ldog khyab ma grub par mtshungs
bar bstan par bya ba'i phyir tu mnyan bya nyid dper brjod par
mdzad pa'i phyir/ rjes/ bya ba gcig bu can gyi gtan tshigs dgag
pa tshad ma rnam par nges par rgyas par bshad kyang  

'dir rtsa bar ma bkod do/ /gsum pa ma dmigs pa'i dpe dngos su
mi ston pa'i rgyu mtshan la/ rgyu dang khyab byed ma dmigs pa'i
dpe mi ston pa'i rgyu mtshan dang/ rang bzhin ma dmigs pa'i dpe
mi ston pa'i rgyu mtshan dang/ ma dmigs pa'i don

gtan pa dbab pa'o/ /dang po ni/ phyogs chos can dgur phye pa
na rgyu dang khyab byed ma dmigs pa'i dpe mi ston pa'i rgyu
mtshan ci yin zhe na/ phyogs chos can gyi rab dbye 'chad pa'i
skabs der chos can/ 'bras rang gi dper brjod las tha dad par

ma dmigs pa gnyis kyi dper brjod dngos su ma bshad pa'i rgyu
mtshan yod de/ bltar rung gi rgyu dang khyab byed kyi ngo bo
ldog pa nyid kyis 'bras bu dang khyab bya'i don ldog par brjod
pa las mi dmigs pa gnyis kyi dpe shugs la grub zin

@428a @#/ /pas dngos su ma bkod pa'i phyir/ ma dmigs pa'i rtags
de dag bltar rung gi khyad par la bltos pa gang las shes she
na/ ma dmigs pa gnyis po de la'ang slob dpon phyogs glang gis
yod na bldar rung gi don la ma

dmigs pa med nges de go bar byad pa yin no zhes stan te/ skyes
bu ste bdag gzhi gang du yang mthong rung du med pa las srog
la sogs pa'i gtan tshigs gson lus bdag bcas su bsgrub par byed
pa'i ldog pa la the tshom za bar bshad

pa'i phyir/ srog sogs bum pa la ma mthong mas bdag med las
ldog pa des pa med par thal/ bdag la 'jug mi 'jug the tshom za
ba'i phyir/ de la slob dpon gyis bdag bltar mi rung ba'i
phyir/ bum pa la sogs pa bdag med pa nyid du

ma grub ste/ ma dmigs pa tsam ni the tshom ? gyi rgyu yin pa'i
phyir ces bshad do/ /gtan tshigs thams cad dgag bya rnam par
bcad pa tsam bsgrub par byed pas ma dmigs par 'gyur ba ma yin
nam gsum du ji ltar dbye zhe na/ 'bras

rang ma dmigs pa'i rtags gsum gar gyis med dgag 'ba' zhig
bsgrub par byed pa ma yin par thal/ rgyu dang khyab byed ma
dmigs pa 'dis ni dgag gzhi'i dngos po la'ang 'bras bu dang
khyab bya'i dngos po'i rgya khas blangs pa med

cing de gnyis rnam par bcad tsam gyi med par dgag pa nyed
dngos su bsgrub par byed la/ snga ma 'bras rang gi rtags dag
gis dngos su bsgrub pa dang/ shugs la ma yin par dgag pa
bsgrub bar byed pa'i phyir/ 'dis sgra mi rtag pa ma

@428b yin dgag tu ston pa ma yin gyi/ sgra mi rtag pa ma yin
pa las log pa ma yin dgag dang/ de rjes dpag gi shugs rtogs su
bstan pa yin no/ /phyogs chos de chas khyab pa yi/ zhes sogs
kyi 'grel bshad du/ slob dpon shA kya blos

bshad pa ltar ro/ /gnyis pa la/ 'brel pa nges byed dang/
bsgrub bya ngos gzung ba dang/ logs su mi ston pa'i rgyu mtshan
gyis don bsdu ba'o/ /dang po ni/ don grub zin kyang tha snyad
mi shes pa shes par bya ba'i ched du tha snyad 'ba' zhig

sgrub pa'i mi dmigs pa'i dpe gnyis las logs pa gcig kyang slob
dpon phyogs glang bzhed pa yin te/ de la dmigs rung rnams kyi
yod pa'i don ldog tshad mas dmigs pa las gzhan ma yin par bzhed
pa de'i phyir/ gnyis

pa la/ dngos dang/ rtsod spang ngo/ /dang po ni/ bum pas dag
pa'i sa phyogs der bum pa'i yul can gyi shes brjod dang/ bum
pa yod dam snyam pa'i the tshom 'gog nus par 'gyur te/ der yod
na snang rung gi yul bum pa med pa'i

phyir/ dper na mes stong pa'i gzhir tshos kyi sdong bu de sreg
par byed pa min pa'i phyir/ me ma yin te zhes bya ba bzhin no/
/yod na dmigs rung gi bum pa ma dmigs pa de yod pa las rang
phyogs kyi chos su grub pa'i gzhir ma dmiD

pa de'i rgyu mtshan can bum pa med pa'i sgra dang nges shes
'jug rung sgrub nus te/ yod na dmigs su rung ba'i med pa'i don
ldog ni yod na dmigs rung ma dmigs pa las gzhan ma yin pa de'i
phyir/ 'di ni sbyor ba 'tshad pa'i dus

@429a @#/ /yin gyi 'god pa'i tshe bum pa med pa'i sgra blo'i tha
snyad byar rung ste zhes 'god na rnam gzhag ma chags pa'o/
/gnyis pa ni/ ma dmigs pa rgyu yin la/ sgra blo'i tha snyad
'bras bu yin pas rgyu 'bras bu la 'khrul pa'i phyir/

de las ji ltar 'grub ce na/ bum pa med pa'i sgra blo'i tha
snyad de bum pa dmigs rung ma dmigs pa'i sa phyogs dang mngon
sum gyi 'bras bu yin yang/ bum pa dmigs rung ma dmigs pa de
las sum pa med pa'i blo dang sgra the tshom med

par grub par thal/ yod na snang du rung ba las ma mthong na
med ces bya ba'i tha snyad 'di gnag rdzi'i bar la grub pa'i
phyir/ yang na bum med de bum pa dmigs rung ma dmigs pa'i rnam
par bzhag bya'i 'bras bu yin yang zhes sbyar nas

lhag ma snga ma ltar ro/ /tha snyad 'ba' zhig sgrub tu bstan
pa ni/ ma dmigs na med pa'i tha snyad kyi khyab pa gnag rdzi'i
bar la grub na dmigs rung ma dmigs pa grub nas med pa'i tha
snyad rtags kyis sgrub mi dgos par 'gyur ro zhe na/ 'jim

gong 'dir grangs can pa gzhan dag yul bum pa dmigs rung ma
dmigs pa grub zin du yod na'ang bum pa med pa'i tha snyad rjes
su mi brjod pa'i rgyu mtshan yod de/ spyi khyab grub zin ma
brjed kyang 'jim gong la bum pa dmigs rung

ma dmigs pa de 'jim gong la bum pa med pa'i rgyu mtshan du
rmongs pa'i phyir/ grangs can gyi ngor 'jim gong la bum pa med
pa'i don sgrub dgos pa ma yin te/ sngar rang nyid kyis dmigs
rung ma dmigs na med pa'i tha snyad 'jug

@429b pas khyab pa grub zin pa dang chos mthun du bstan pa las
bum pa med pa'i brda dran par byed pa tsam 'ba' zhig yin pa'i
phyir/ ci ltar te dper na/ me de phan 'dogs byed du mthong ba
las du ba skye/ de ma mthong zhing log pa las du ba mi skye
bar mthong

ba'i rjes su 'gro ldog byas dang byed pa po'i rtags las me
rgyu dang du ba me'i 'bras bu nyid du bsgrub pa bzhin no/
/rgyu 'bras kyi don ldog rtags su bkod pa'i tha snyad 'ba'
zhig sgrub rtags su sbyar ro/ /don gzhan snga ma phan 'dogs
byad du yod med

kyi rjes su 'gro ldog byed pa po dang/ byas sa de rang phyogs
kyi chos su grub pa'i gzhir 'bras bu dang rgyu'i tha snyad
'ba' zhig sgrub pa'i rtags yang dag tu thal/ rjes su 'gro ldog
byed pa po de nyid la 'bras bu'i dngos ming dang sogs pas rjes
su

'gro ldog byas de nyid la rgyu'i dngos ming gi sgra tha snyad
zor yang ba'i don du bkod pa yin pa'i phyir/ gsum pa ni/ gtan
tshigs kyi rab dbye bshad pa na 'bras rang gi rtags las tha dad
par rang bzhin ma dmigs pa'i gtan tshigs dper dngos

su ma bstan pa'i rgyu mtshan yod de/ ma dmigs pa 'di ni rang
bzhin rtags kyi nang du 'dus pas go sla bar dgongs nas dngos
su ma bshad pa'i phyir/ de ni rang bzhin rtags kyi nang du
'dus par thal/ rnam 'jog gi rgyu las rnam par bzhag

bya'i 'bras bu sgrub pa'i rtags yang dag yin pa'i phyir/ dngos
su na rgyu tshogs grangs chang gis 'bras bu 'byung rung bsgrub
par 'chad pa ni don min no/ /gsum pa la/ snang rung ma dmigs
pa'i don dang/ mi snang ba ma dmigs pa dang/

@430a @#/ /ma dmigs pa'i sbyong ba'i dbye ba'o/ /dang po la/
rang bzhin ma dmigs pa'i rtags kyi phyogs chos mngon sum gyis
grub pa/ de ji ltar grub pa'i tshul/ gzhan du ha cang thal
ba'o/ /dang po la/ bstan pa dang/ bshad pa/ de

grub pa'i don to/ /dang po ni/ ma dmigs pa ni med par dgag pa
yin pas rgyu ma yin pa'i phyir de las ci ltar sgra ble'i tha
snyad skye bar 'gyur zhe na/ lto ldir ba med pa'i sgra blo'i
tha snyad mi skye ba'i skyon med par thal/ gcig lto ldir bas
dag pa'i sa

phyogs dbang po'i mngon sum gyis dmigs shing de rang rig mngon
sum gyis nyams su myong ba las sa phyogs dag pa ba 'di ni
dmigs so zhes bya ba'am/ lto ldir ba 'di ni ma dmigs so zhes
rtog pa can gyi blo gnyis skye bar

'gyur ba yin pa'i phyir/ gnyis pa ni/ gcig dmigs pa las skye'o
zhes smos pas chog mod/ nyams su myong ba las skye'o zhes smos
pa la dgos pa ci yod/ dgag pa dang sgrub pa'i rtog pa de dag
rang rig mngon sum gyi lag rjes

min pa'i phyir ro zhe na/ rtog pa de dag nyams su myong ba las
skye'o zhes smos pa la dgos pa yod de/ sa phyogs dag pa ba
'dzin pa'i myong ba khyad par can dbang po'i mngon sum nyid
las sa phyogs dag pa ba la sogs pa'i don rnams

bum pa las khyad par can du rtogs la/ dgag byas dben pa de lta
bu'i rnam pa'i bdag nyid can du rang rig mngon sum gyis nyams
su myong ba las bum pas dag pa'i sa phyogs 'dzin pa'i dbang
po'i mngon sum 'di ni sa phyogs kyi

@430b bum pa las tha dad du 'byed pa'i rtog blo'i rgyu yin
pa'i phyir/ gsum pa ni/ lto ldir bas dag pa la nges pa 'dren
pa rang rig mngon sum la nges par bltos te/ bum pa'i rnam pa
can gyi dbang blo'i dbye ba rang nyid myong ba'i

rang rig mngon sum tshad ma nyid las grub par 'gyur la/ rang
rig mngon sum gyis grub pa'i dbang po'i mngon sum de dag gis
de'i yul gyi don bum pa dang des dag pa tha dad du rtogs dgos
pa'i phyir/ blo rang rig mngon sum gyis ma grub na

sa phyogs dag pa sgrub byed thug med du 'gyur bar thal/ dbang
mngon rang rig mngon sum gyis grub pa de lta min pa'i phyir/
'dod na/ bum pa dang des dag pa 'ga' yang tha dad du grub par
mi 'gyur bar thal/ 'dod pa de'i phyir/ gnyis pa ni/ dgag

gzhi dmigs pas dgag bya dmigs par mi 'grub ste/ dgag sgrub tha
dad pa'i phyir ce na/ lto ldir nga las rang bzhin khyad par
can lto ldir bas dag pa'i sa phyogs myong ba'i dbang po'i
mngon sum las gzhan lto ldir ba 'dzin pa'i mngon sum

bsal ba ni grub sde gzhan ma yin par thal/ bdag nyid gcig cing
tshad ma gcig gi byed pa 'jug pa'i yul yin pa'i phyir/ 'dod na/
lto ldir ba de dmigs rung ma dmigs pa yang lto ldir ba de las
rang bzhin khyad par can mngon sum du

dmigs pa'i sa phyogs dag pa ba las grub sre gzhan ma yin par
thal/ 'dod pa de'i phyir/ don bsdus na/ dag 'dzin mngon sum
dang/ bum 'dzin mngon sum gyis dben pa tshad ma gcig gi byed pa
'jug pa'i yul du mi rung ba ma yin par 

@431a @#/ /thal/ rang rig mngon sum tshad ma gcig gis dngos shugs
la rtogs pa'i phyir/ lto ldir bas dag pa'i sa phyogs dang/ lto
ldir bas dag pa gnyis kyang tshad ma gcig gi byed pa 'jug pa'i
yul du mi rung ba ma yin par

thal/ dbang po'i mngon sum tshad ma gtsog gis dngos shugs la
rtags pa'i phyir/ dgag gzhi nyid dgag byas dben ? pa las gzhan
ma yin pa des na/ lto ldir ba snang rung ma dmigs pa de rang
phyogs kyi chos su grub pa'i gzhir

bum pa med pa'i rnam gzhag go byed yang dag yin par thal/ de
rang nyid don ldog tu yod tsam gyis bum pa med pa'i dngos ming
gi tha snyad 'jug pa can yin pa'i phyir/ ma dmigs pa 'di ni tshad
mas ma grub pa'i skyon med par thal/

de rang nyid dbang po'i mngon sum tshad ma las rtogs pa'i phyir/
gsum pa ni/ ma dmigs pa mngon sum gyis grub pa las gzhan du na
bum pa'i don gyi med pa nyid sgrub byed thug med du 'gyur bar
thal/ de ma dmigs pa'i rtags las

rtogs par 'gyur la de yang mngon sum gyis ma grub par rtags
gzhan gyis dmigs rung gi med pa nyid sgrub dgos pa yin pa'i
phyir/ gnyis pa ni/ mi snang ba ma dmigs pa'i rtags kyis med
nges las gzhan du rang bskal

don du song ba'i gang zag des yod nges kyi tha snyad don mthun
bzhag nus pa 'gog par 'gyur ba tsam yin te/ yod kyang mi snang
ba'i don med par nges pa mi rung ba'i phyir/ dper na sems can
gzhan gyi rgyud la yod par mngon suM

@431b gyis kyang mi 'grub sgrub byed kyi rtags kyang med pa'i
rnam rtog gi grangs la sogs pa 'di tsam mo zhes ma dmigs pas med
nges su mi 'grub pa bzhin no/ /des na mi snang ba ma dmigs pa
'dis ni yod nges las ldog pa med nges

bsgrub par nus pa ma yin par thal/ med nges kyi 'bras bu sgrub
nus pa'i nges pa med pa can yin pa'i phyir/ ma dmigs pa'i gtan
tshigs la med nges sgrub pa'i nus pa yod par bshad pa dang mi
'gal te/ dang po snang rung ma dmigs

pa'i dbang du byas pa yin pa'i phyir/ der thal/ ngas med par
nges pa sgrub nus shing cig shos kyis mi nus pa'i phyir/ gsum pa
la/ lhan cig mi gnas 'gal la brten pa'i ma dmigs pa'i sbyor ba'i
dbye ba dang/ phan tshun spang 'gal

la brten pa'i ma dmigs pa bshad pa'o/ /dang po ni/ ma dmigs pa
rang gi rtags su sbyor ba'i tshul dag la chos can/ rnam pa gnyis
su yod de/ rgyu dang khyab byad dang/ khyab mnyam pa'i ngo bo
bkag pa rtag su bkod pa ma dmigs

pa de'i rang gi ngo bo rtags su sbyor ba dang/ gzhi 'gar dgag
bya'i chos kyi don la gnod byed kyi 'gal dmigs kyi ngo bo rtag
su sbyor ba rnams su yod pa'i phyir/ 'gal dmigs go byed yang dag
tu 'gyur te/ mes khyab par non pa de

grang rig rgyun chags su gnas pa la gnod byed yin pa'i phyir/ der
thal/ gnod bya grang rag rgyun ma gtugs par yong pa na gnod byed
me nye bar yod pa'i stobs kyis gnod bya'i rgyun med par song ba
mthong ba'i phyir/  'am dang ram gyi

@432a @#/ /sgras phyi ma sdud do/ /gnyis pa la/ phan tshun spang
'gal gyi dngos 'gal dang/ rtags dang dgag bya'i chos kyi 'gal ba
dang/ 'gal ba nges byed kyi tshad ma bshad pa'o/ /dang po ni/
sngon po chos can khyod sngo ma yin dang/

phan tshun spang 'gal la brten pa'i dngos 'gal yin te/ rnam bcad
yongs gcod kyi sgo nas tha dad cing phung gsum med pa'i 'gal bar
grub pa'i phyir/ sngon por yongs su bcad pas sngo ma yin rnam
bcad la khegs pas gnyis yin gyi

phung gsum sel la/ sngon po ma yin pa rnam bcad la khegs pas
sngon por yongs su gcod nus pa'i phyir gnyis ma yin gyi phung
gsum sel lo/ /'di ni tsha grang ltar mngon sum gyis ngo bo so sor
mthong ba'i sgo nas 'gal bar nges nus pa ma

yin gyi/ mtshan nyid tha dad pa'i sgo nas 'gal bar nges dgos pa
yin no/ /dper na brtan pa'i dngos po dang 'jig pa bzhin no/
/gnyis pa ni/ mi rtag pa chos can/ sgra khyod du sgrub pa'i
rtags yang dag yin na/ khyod ma yin dang tshad ma

gzhan gyis gnod pa'i 'gal ba yin te/ dngos su 'gal bar nges mi
nus kyang gnod pa can gyi tshad ma bstan pa'i sgo nas 'gal bar
nges dgos pa'i yang phyir ro/ /dper na rang grub tsam nas dmar
por nges par gyur pa dang/ dmar por 'gyur

ba phyis byung gi tshon don gzhan la bltos pa dang bcas pa 'gal
bar nges pa bzhin no/ /gang dag tshad mas gnod pa'i 'gal ba dang
tshad ma gzhan gyis gnod pa'i 'gal ba gnyis su 'byed pa ni rmongs
pa ngo mtshar bskyed pa'i rnam gzhag

@432b ste/ tshad mas gnod 'gal la rgyud 'gal gyis khyab pa tshad
ma rnam nges su rgyas par sgrub pa'i phyir ro/ /phan tshun spang
'gal la brten pa'i 'gal khyab dmigs pa'i dgag rtags kyi dpe ni/
sgra chos can/ rtag pas stong ste/ byas pa'i phyir ces pa lta

bu'o/ /gsum pa la/ phyis byung gi rgyu la bltos pa la 'jig nges
dgag pa/ bltos med kyi sbyor ba bstan pa'o/ /dang po ni/ byas pa
chos can/ khyod kyi 'jig pa gdon mi za bar khyod rang grub tsam
nas nye bar ga la yod de med par thal/ khyod kyi

'jig pa khyod rang las phyis byung gi rgyu gzhan las skyes pa'i
phyir/ bum pa'i dngos po'i rgyu las bum pa dang/ de las 'jig pa
'byung ba yin pas 'jig par nges so zhe na/ de 'dra'i brgyud ba'i
du ba pas ci zhig bya ste don med par thal/ bum pa

rang nyid rgyu las 'jig pa'i dang cad du byung ba nges par khas
len dgos pa'i phyir/ gal te bum pa'i rgyu des 'jig pa don gzhan
bskyed pa des dum pa de ni 'jig par 'gyur bar khas len no zhe
na/ bum pa'i dngos po de nyid rang rgyu las 'jig

pa yi dang du bskyed na nyes pa ci zhig tu yang 'gyur ba ma yin
par thal/ de ltar khas mi len pa la gnod pa mthong ba'i phyir/
bum pa chos can/ phyis byung gi 'dzag pa des khyod kyi bdag nyid
la gnod pa dang phan 'dogs par byed pa gang yang

ma yin par thal/ khyod kyi 'jig pa de ni khyod rang gi bdag nyid
du grub par gyur pa'i phyir/ 'dod na/ phyis kyi 'jig pa de bum
pa de yi bltos par bya ba gang ci zhig ste de la bltos nas des
'jig par byed pa ma yin par thal/ des bum

@433a @#/ /pa'i bdag nyid la gnod pa dang phan 'dogs pa gang yang
byed pa min pa'i phyir/ bum pa'i dngos po chos can/ dus nam yang
'jig nges de lta min par ci ltar yang 'gyur ba min par thal/
phyis byung gi 'jig rgyu la bltos pa

med par rang gi rgyu las 'jig par skyes pa'i phyir/ dper na
phyis byung gi rgyu la bltos par smra ba rnams kyi ltar na yang/
dngos po de nyid 'jig rgyus 'jig par 'gyur ba dus gnyis su sdod
pa la brten par mi 'dod pa bzhin no/ /'jig par

'gyur rang rgyu gzhan la bltos pa med pa yin na/ skad cig kyang
dngos po gnas pa yod pa min par 'gyur ro zhen/ dngos po gnas pa
nyid yin par thal/ phyis byung gi rgyu la bltos pa med pa de
ltar 'jig par gyur pa'i phyir/ khyab par thal/

dngos po gnas pa med na bltos med du 'jig pa de ltar ci ltar
yang 'gyur ba mi 'thad pa'i phyir/ gnyis pa ni/ gang dag de'i ngor
yod pa phyis kyi rgyu gzhan la bltos pa med par grub tsam nas
de'i ngo bor yod pa yin pas khyab pa de dag

de'i rang bzhin du yod pa la nges par gnas pas khyab pa yin te/
myu gu la sogs pa'i 'bras bu'i las bskyed pa la gegs byed pa med
pa can gyi tshogs pa tha ma rang grub tsam nas myu gu bskyed nges
yin pa bzhin/ byas pa 'jig par

'gyur ba yang rang yod tsam du bskyed pa'i rgyu las phyis kyi
rgyu las bltos pa med par rang grub tsam nas de'i ngo por gnas
pa yin no zhes bya ba'o/ /bstan bcos 'dir lta ba dkar rtags kyi
phyag rgya bzhi'i nang nas kyang/ 'dus byas

@433b mi rtag pa nyid rgyas par rigs pas gtan la phab pa yin no/
/zhes go ba'i ched du bltos med kyi rtags kyis mjug bsdu bar
mdzad do/ /de'i dgos pa yang rtag dngos khegs na gang zag gi
bdag la grub mtha' 'cha' ba mi srid pas/ gang

zag gi bdag med pa rtogs pa'i yan lag tu yin par shes par bya'o/
/zag pa dang bcas pa thams cad sdug bsngal ba dang/ mya ngan las
'das pa zhi ba yang sngar rgyas par bstan zin to/ /gnyis pa
mtha' gcig tu 'dzin pa'i log rtog sel

ba sun 'byin la/ yang dag dang ltar snang gnyis kyi tshul ni/
tshad ma rnam nges su bshad pa ltar sgrub ngag rdzogs pa'i rjes
su go rim nges pa can du ma bstan yang/ bar bar du bstan pas
rtog ge'i tshig don brgyad ka tshang bar ma bstan no snyam du

ma sems shig/ 'di dag gi don bdag gis byas pa'i chad ma rnam
ngas dang/ rigs thigs kyi rnam bshad las shes par bya'o/ /cung
zad go sla bas 'dir ni ma brjod do/ /gsum pa bshad pa mthar
phyin pa'i bya ba la/ gzhung rtogs dka'

bar bstan pa'i sgo nas che ba brjod pa dang/ 'di'i don rtogs pa
shin tu phan yon che bar bstan pa'o/ /dang po ni/ chos kyi grags
pa kho bo'i gzhung 'di ni/ thog mar yang rang gi blo gros kyi
rgya mtsho las byung zhing/ mthar yang rang gi blo gros kyi lus
la

thim zhing nub pa nyid du 'gyur ro/ /dpe ji lta bu zhe na/ sprin
gyis chu ni mang blangs kyang/ /rgya mtsho'i chu ni mi zad 'gyur/
/zhes pa ltar/ rgya mtsho chen po las sprin gyis chu blangs te/
'dzam bu'i gling du char phab pa las byung ba'i chu po chen po
rnams

@434a @#/ /mthar yang rgya mtsho chen po la thim par 'gyur ba
bzhin du'o/ /mthar rang gi blo gros la thim par 'gyur ba'i rgyu
mtshan yod de/ rang 'das pa'i 'og tu 'gro ba rnams la rtsom pa po
rang dang mtshungs par legs bshad 'di

sung ? 'dzin par byed pa mi rnyed pa can yin pa'i phyir/ blo
gros kyi mthu chung bas mi rtogs su chug mod/ blo gros phul du
byung ba dang/ brtson 'grus phul du byung bas ci'i phyir mi
rtogs she na/ der thal/ bla zhan par ma zad blo'i nus pa chung
ba med

pa mdo sde pa la sogs pa de dag gis kyang 'dir bstan pa'i zab
mo'i de kho na nyid gang zag dang chos la bdag med pa'i stong
nyid mtha' dag kho bo ltar rtogs pa med pa can yin pa'i phyir
dang /brtson 'grus zhan par ma zad brtson

'grus shin tu lhag par gyur pa de dag gis kyang 'dir bshad pa'i
mchog gi de kho na nyid thar pa dang/ thams cad mkhyen pa dang
der bgrod pa'i lam dang de dag dngos stobs kyi rigs pas sgrub
pa'i tshul kho bo ltar mthong ba med pa dang

ldan pa'i phyir/ de dag gis brjod bya zab pa dang 'bras bu rgya
che bar bstan to/ /gnyis pa ni/ de ltar shin tu rtogs par dka'
ba'i don blo gros dang skal ba ngan pa rnams kyis 'byung po'i
bya rnams kyis nyi ma'i 'od zer spong ba bzhin

du/ gzhung mchog 'di spong yang thar pa dang thams cad mkhyen
pa'i lam mig shes kyis gzugs la blta ba ltar dri ma med pa'i
rigs pas gsal bar byas nas/ snying nas sgrub pa lhur len pa'i
rnam grol don gnyer rnams kyis

@434b gzhung 'di la brten par rigs so zhes ston pa ni/ mkhas
pa'i gzhung lugs rnam 'grel 'di ni nyin mor byed pa dang chos
mtshungs te/ rnam pa lnga'i sgo nas mtshungs pa'i phyir/ der thal/
nyi ma'i dkyil 'khor gyis skye dgu rnams la blang dor

gyi yul gsal bar ston pa ltar/ 'khor ba'i 'jug ldog phyin ci ma
log par ston pas blang dor gyi tshul dang tshul min pa rnam par
'byed pa la mkhas par byed pa'i phyir dang/ nyi mas bskal ba
'jig pa'i tshe tshad tshang bsreg pa ltar/ 'dis

kyang gang zag dang chos kyi mthar blta ba'i lta ba ngan pa'i
tshang tshang ma lus par bsreg pa'i phyir dang/ nyi mas kun gyi
bgrod par byed pa'i lam gsal ba ltar 'dis kyang sprul pa dang
'khor btang ba ma yin par/ 'phags pa 'jam dpal

rang nyid dngos su byon pa nyid kyis rjes su bzung ba'i phyogs
kyi glang po'i yang dag pa'i rigs pa'i lam gdul bya la gsal bar
ston pa'i phyir dang/ srin bya la sogs pa'i 'byung po'i bya
rnams kyis nyi ma'i 'od zer mi bzod par spangs pa bzhin

du/ gzhung lugs 'di yang yon tan brgyas mtshon pa'i dpag tu med
pa dang ldan yang/ gang zag dang chos kyi bdag tu 'dzin pa'i
gzhan dbang du gyur pa'i blo ngan rnams nyin mo dang 'dra ba'i
dbu ma'i lam gyis 'jigs pas ring du spangs

pa'i phyir dang/ de dag gis spangs pa de lta yin mod kyi 'on
kyang byed las phun sum tshogs pa dang ldan te/ nyi ma'i 'od zer
gyis padmo'i ? tshul rgyas par byed pa ltar/ 'dis kyang blo gros
kyi mig rnam par dag pa dang ldan pa'i mkhas pa rnams kyi

@435a @#/ /legs bshad kyi sbrang rtsis gtams pa'i blo gros kyi
padmo rgyas par byed pa yin pa'i phyir ro/ /tshad ma rnam 'grel
gyi tshig le'ur byas pa'i rnam bshad thar lam phyin ci ma log pa
gsal bar byed pa las gzhan gyi

don gyi rjes su dpag pa ste le'u bzhi pa'i 'grel ba'o// //rigs
par smra ba'i gtsug gi nor bu yi/ /gzhung mchog shin tu rtogs
par dka' ba'i gnas/ /mkhas mang brgya phrag bye bas bgrod pa'i
lam/ /go sla'i ngag gis cung

zad rnam par phye/ /snga phyi'i 'brel dang so so'i tshig don
rnams/ /lha shA ka rgyan dang chos mchog bram ze'i 'grel/ /legs
par bshad dang bla ma'i man ngag las/ /tshul bzhin sems pa'i rigs
pa'i lam nas drangs/ /mang thos

don gnyer tshul bzhin sgrub mi brtson/ /rnal 'byor sgrub tshe yang
dag rigs lam 'dor/ /de dag rgyal ba dgyes par ma mthong nas/
/brtse ba'i bsam pa kho nas 'di byas so/ /bdag gi bsod nams gya
gyu'i bsam pa yi/ /rnyed dang

bkur sti grags snyam bdag la med/ /thub pa'i bstan pa nyams pa
ma bzod nas/ /de nyid yun rings gnas ched kho nar byas/ /bde
gshegs bstan pa phra zhing rtogs par dka'/ /bdag ni blo gros
nyam chung sbyangs pa dman/ /gal

te ma bshad log par bshad la sogs/ /dam pa spyan ldan rnams kyis
bzod par mdzad/ /bdag ni deng nas tshe rabs thams cad du/ /gcig
tu thub pa'i brtul zhugs bzang mnos te/ /mang thos tshul bzhin
sgrub la brtson pa

@435b yis/ /rgyal ba rnams kyi dam chos 'dzin gyur cig/ rje
btsun bla ma'i thugs rje 'ba' zhig las/ /bdag la legs bshad dge
tshogs ji snyed yod/ /nam kha'i mthas gtugs gyur pa'i ma rnams
kun/ /theg mchog bshes gnyen

mnyes pa'i rgyur gyur cig/ /tshad ma rnam 'grel gyi rnam bshad
thar pa dang thams cad mkhyen pa'i lam phyin ci ma log par gsal
bar byed pa zhes bya ba 'di ni/ gcig tu gzhan la phan pa'i thugs
rje chen pos/ shing rtag chen po klu

sgrub dang/ thogs med gnyis kyi dgongs pa'i don phyin ci ma log
pa ches char gsal bar mdzad pa'i sgo nas thub pa'i bstan pa rin
po che la gces spras su mdzad pa/ khyad par du phyi dang nang gi
rten cing 'brel par 'byung ba rnams/

smig rgyu dang/ sprin dang/ rmi lam lta bur thugs su tshud pa'i
sems dpa' chen po dpal ldan bla ma rje ? btsun chen po red mda'
ba'i zhal snga nas dang/ mdo sngags kyis bsdus pa'i bstan pa
mtha' dag gi don dri ma med pa'i riD pa'i lam

nas legs par drangs te/ de dag gi don mtha' dag bsgrubs pas tshul
bzhin du nyams su len cing/ brtse ba thugs rje chen pos kun nas
bslangs nas/ de nyid gsung ngag dri ma med pas skal ldan rnams
la tshul bzhin du 'doms

pa'i sgo nas rgyal ba rnams kyi dam pa'i chos ma lus pa rgyal
ba'i dgongs pa ji lta ba bzhin du 'dzin pa'i smon lam legs par
grub pa'i skyes bu chen po/ khyad par yang sdom pa gsum gyi bcas
mtshams mtha' dag la mig gi 'bras

@436a @#/ /bu bas kyang ches cher gces spras su mdzad pa'i sems
dpa' chen po dpal ldan bla ma dam pa rje btsun gyi rgyal po blo
bzang grags pa dpal bzang po'i zhal snga nas kyi zhabs kyi rdul
spyi bos blangs pa'i sku drin

las dang/ bla ma rje btsun mkhas pa'i dbang po kun dga' dpal gyi
zhal snga nas las/ tshad ma rnam par nges pa cha lag dang bcas pa
legs par thos shing/ 'phags pa spyan ras gzigs dbang phyug gi
thugs rje'i rnam 'phrul

'gro ba du ma'i skyabs gnas/ bshad sgrub kyi bstan pa 'dzin pa
rnams kyi nang na rgyal mtshan gyi tog ltar mtho ba dpal ldan bla
ma dam pa rin chen rgyal mtshan dpal bzang po'i zhal snga nas kyi
gsung gis bskul ba dang/ bslab

pa gsum la gces spras su mdzad pa'i sde snod 'dzin pa mkhas pa'i
dbang po du mas yang yang du bskul nas/ thub pa'i ring lugs pa
chen po dge ba'i bshes gnyen 'bre chen po la sogs pa'i dam pa du
ma brgyud mar byon pas byin

gyis brlabs shing/ bstan pa ring du gnas pa'i bkra shis pa'i dge
mtshan du ma dang ldan pa/ dpal gnas rnying gi gtsug lag khang du
theg pa mchog gi brtul zhugs la gnas shing rigs par smra ba dar
ma rin chen gyis sbyar ba'o/ /

yi ge pa ni lung dang rigs pa smra ba nam mkha' dpal bzang po'i/
/'dis kyang bstan pa rin po che sgo thams cad nas phyogs thams
cad du dar zhing rgyas la yun ring du gnas par gyur cig/ / //!
oM swa sti/ phan bde'i 'byung gnas

@436b rgyal bstan yongs 'du'i ljon/ /rab rgyas 'gro kun thar
mchog 'bras bzang la/ /spyod phyir dga' ldan lhun grub chos grwa
cher/ /chos sbyin 'dzad med ngal 'gro'i rgyun 'di spel// //sarba
ma ngag la //?

(7 ? bod gzhung shes rig par khang nas dpar bskrun zhus pa'o//
bod rgyal lo 2111 phyi lo 1984

@001a @#/ /don dang don min thob dang spong ba ni/ /yang dag shes
pa skyed la rag las pas/ /de tshul ston pa'i sde bdun mdo dang
bcas/ /thar 'dod skye bo'i 'jug ngogs nyid du

grub; ;dgongs 'grel 'phags bod mkhas pa'i gzhung brgya'i khrod/
/'gran zla kun bral rgyal tshab dam pa'i gsung/ /thar 'dod lam
bzang gsal la nyin byed bzhin/ /nam yang nub med

thub bstan mkha' ru mdzes/ /phyag na padmo dge 'dun grub pa
dang/ /mdo sngags rab 'byams bsod nams grags pa'i sde'i/ /chos
kyi grags pa'i tshad ma'i gzhung chen gyi/ /tshig don

'grel pa'i legs bshad rmad du byung/ byang chub don gnyer 'gro
la sman phyir dang/ /thub bstan rgyal mtshan yun du sgreng slad
du/ /khyim 'dzin dang ldan phur bu sgrol ma yis/ /gzhung bzang

'di dag dang bas par du bkod/ /de las thob pa'i rnam dkar dri
med des/ /'gro kun 'jug ldog shes bya'i gnas gsal ba'i/ /blo mig
thob ste mngon mtho'i rten bzang brgyud/ /nges legs

sku gsum grong du phyin gyur cig /(ces pa 'di yang dad dam 'gyur
med rmar khams byang chub rgyal mtshan 'das po'i rjes shul khyim
'dzin ma phur bu sgrol mas rgyal tshab thams cad mkhyen pas mdzad
pa'i rnam 'grel thar lam gsal byed dang/ rje dge 'dun grub

kyi rtsa Tik /paN chen bsod nams grags pa'i dgongs pa rab gsal
bcas par bskrun bgyis pa'i dge bsngo'i smon tshig cig dgos zhes
bskul ngor shAkya'i dge slong bstan 'dzin rgya mtshos bris
pa'o// //bod rgyal lo 2112 phyi lo 1985)