@001a @#/ /tshad ma sde bdun gyi rgyan yid kyi mun sel zhes bya
ba bzhugs so//

@001a @##/ /rgya gar skad du/ pra ma Na shAsta sen sapta a laM
ka ra ma na ta nAm/ bod skad du/ tshad ma'i bstan bcos sde
bdun gyi rgyan/ yid kyi mun sel zhes bya ba/ rje btsun 'jam
pa'i dbyangs

la phyag 'tshal lo/ /bdud rtsi'i 'od can cod pan gyis mdze se
ral pa'i khur 'chad mgul nag spyi bos zhabs kyi padmor bung ba
bzhin/ /gang sku rin chen ri bo'i dpal 'phrog gzi brjid phung
po'i khur gyis ngal bas

rgya mtsho'i gos can 'dar bar sems/ /'phrin las nyin byed 'char
ka'i zer gyis bdud kyi sde dpon sgro ldan spangs nas yid la
mun pa'i brtul zhugs blangs/ /zhal gyi chu gter yan lag drug
cu'i rkang 'thung gis

mdzes thub dbang gsung gis 'jig rten rgud pa 'phrog gyur cig
/gang zhig mtha' yas 'gro ba'i don slad ? phan bde'i khur chen
gtsug na zla ba'i gtsug rgyan ji bzhin thugs rje'i gtsug gi
gtsug tor rgyan du legs par

blangs; ;yon tan me tog dad pa'i snyim pas cung zad bsten na
tsha zer byed pa'i 'od zer ji bzhin blo gros zer gyis rmongs
pa'i mun sel 'od zer 'gyed/ /'gro ba'i yid kyi ku mud mtsho la
zhi ba'i zla 'od kun mkhyen ye

@002a @#/ /shes kun la ji bzhin kun tu 'jug pa kun nas ster
ba'i dpal yon can/ /rab dmar ser mo'i 'dab phreng g.yo ba'i
'jam pa'i dbyangs kyi zhabs kyi padmo padmo'i gnyen gyis padmo
ji bzhin bdag blo

padmo'i dpal gyur cig /tshogs gnyis nor bu chu shel las grub
cing/ /bslab gsum dkyil 'khor rigs pa'i bsil zer can/ /phas
rgol sgra gcan skyon las rnam grol ba'i/ /phyogs glang grags
pa'i zla ba gtsug

gis mchod/ /thub bstan gser gyi dra bas gdong mdzes shing/
/bsdu bzhi'i 'gros ldan blo gros spyi gtsug mtho/ /mkhyen
brtse dag pa'i mche ba ches dkar ba/ /yongs 'dzin lag ldan
dbang po'i zhabs la 'dud/ /rigs

pa'i dbang phyug dgongs don dri ma med/ /ji bzhin 'byed la
dpal ldan grags pa dang/ /skal mnyam spyod pa'i blo gros mig
thob nas/ /rigs lam ma nor gsal bar ngas bshad kyis/ /'di na
gang dag blo mig ljongs pa'i

mthus; ;gnas don cha tsam gsal ba'i mthu med kyang/ /gzhung
tsam 'don pas na tshod mthar byed pa'i/ /bshes gnyen de dag re
shig ngal sos shig /log smra'i nags tshal thal bar rlog byed
cing/ /nyes bshad brag ri

ming tsam nyid 'gyur ba/ /kho bo'i blo gros sprin rum las
'ongs pa'i/ /lung rigs gnam lcags bye ba deng 'bebs kyis/ /blo
ngan nyes bshad dug chus myos pa'i mthus/ /sangs rgyas bstan
pa'i gzhung rgya ma mthong yang/ /rang 

@002b bzo'i gzu lum rang dgar spel byed pa'i/ /bshes gnyen de
kun bag yod dus la bab/ /rigs tshul 'dab brgya ldan pa'i gnyen
gcig pu/ /legs bshad 'od zer stong ldan deng 'dir shar/ /blo
gsal rkang drug ldan pa'i skye bo rnams/ /dgag sgrub snyan
pa'i sgra

ldan da ? sgrogs shig /'dir bde bar gshegs pa'i gsung gi gces
mdzod zab mo ches mngon pa'i sde snod kyi dgongs don gtan la
'bebs par byed pa grol ba don gnyer thar pa dang thams cad
mkhyen par 'gro ba'i theg pa gsum gyi lam gyi gnad ma lus pa

mtha' gzhan du drang bar mi nus pa'i tshad ma'i lam nas ston
pa/ rje btsun 'jam pa'i dbyangs kyi thugs las skyes pa'i sras/
bdag nyid chen po slob dpon phyogs glang yab sras kyis mdzad
pa'i tshad ma'i bstan bcos sde bdun mdo dang bcas pa'i dgongs
don

gtan la 'bebs pa la don rnam pa bzhi ste/ tshad ma'i bstan bcos
kyi dgos pa gtan la dbab pa/ dgos pa de bstan bcos la rag las
pa'i tshul/ dgos pa de ldan gyi bstan bcos gces par bzung bar
gdams pa/ bstan bcos kyi brjod bya'i lus

gtan la dbab pa'o/ /dang po la yang/ dgos pa la log par rtog
pa dgag pa dang/ yang dag pa'i dgos pa bstan pa gnyis/ dang po
la/ grol ba don gnyer la bltos te dgos med kyi log rtog dgag
pa dang/ yul gyi khyad par la bltos te dgos med kyi

log rtog dgag pa dang/ dgos pa yod kyang dman par 'dod pa dgag
pa'o/ /dang po ni/ kha cig na re/ tshad ma'i bstan bcos 'di dag
grol ba don gnyer la nye bar mkho ba ma yin te/ rtog ge'i
bstan bcos yin pas nang rig pa'i sde snod las phyi rol tu

@003a @#/ /gyur pa'i phyir ro zhes zer to/ /de la bshad par bya
ste/ de yang 'di ltar rtog ge zhes bya ba ni rnam pa gnyis te/
phyi rol pa'i ston pa drang srong gling skyes la sogs pas rtog
pas btags pa tsam gyi sgo nas bzhag pa'i rtog ge dang/

yang mdo sde rgyan las/ rtog ge rten cing ma nges la/ /ma
khyab kun rdzob skyo ba can/ /byis pa la ni brten par 'dod/
/ces bshad pa ltar/ dngos po'i de kho na nyid don spyi tsam
bzungs pa'i sgo nas rtog pas nges dgos kyi/ mngon du ma gyur
pa la rtog ger byas

pa'o; ;de'i phyir de dag ston pa'i bstan bcos la ni rtog ge'i
bstan bcos zhes bya'o/ /tshad ma'i bstan bcos 'di dag 'jog
mtshams snga ma'i dbang du byas pa'i rtog ge'i bstan bcos yin
par ni khyed rang yang mi 'dod la/ rigs pas kyang ma grub ste/
rang gi

ston pa thams cad mkhyen pa'i rjes su 'brangs nas bzhag pa'i
bstan bcos yin pa'i phyir ro/ /'jog mtshams gnyis pa'i dbang du
byas pa'i rtog ge yin pas/ grol ba don gnyer la mi mkho bar
'dod na/ sbyor lam chos mchog man chad grol ba don

gnyer la mi mkhe bar 'gyur te/ chos nyid don spyi'i tshul gyis
yul du byed dgos pa'i phyir ro/ /nang rig pa'i bstan bcos ma
yin par 'dod pa yang mi 'thad de/ nang rig pa'i bstan bcos
zhes bya ba ni/ spang bya ma rig pa spong ba dang/ gnyen po
bdag med rtogs

pa'i shes rab skyed pa'i thabs ston pa'i bstan bcos la brjod
pa yin la/ tshad ma'i bstan bcos 'di dag las kyang/ gang zag
dang chos kyi bdag med rigs pas legs par gtan la phab nas/
lhag pa shes rab kyi bslab pa gtso bor ston pa'i phyir ro//

@003b de tsam gyis nang rig par mi 'gyur na/ nang rig pa'i sde
snod gang yin pa smros shig /spyir nang rig pa ma yin pa tsam
gyis grol ba don gnyer la mi mkho bar 'dod pa yang rnam par
rtog pa'i phyin ci log yin te/ rig pa'i gnas lnga la mkhas par
ma byas par thams

cad mkhyen par mi 'gyur ba'i phyir ro/ /de ltar yang theg pa
chen po mdo sde rgyan las/ rig pa'i gnas lnga dag la brtson
par ma byas na/ /'phags mchog gis kyang thams cad mkhyen nyid
mi 'gyur te/ /de lta bas na gzhan dag tshar bcad rjes bzung
dang/ /bdag

nyid kun shes bya phyir de la de brtson byed/ /ces gsungs pa
yin no/ /'o na/ 'di dag nang rig pa'i sde snod du gtogs na/
gtan tshigs rig pa'i bstan bcos ma yin nam/ /zhe na/ gtan tshigs
rig pa'i bstan bcos kyang yin te/ gtan tshigs rig pa'i don

rgyu mtshan rig pa zhes pa yin la/ tshad ma'i bstan bcos 'di dag
kyang blang dor gyi gnas rgyu mtshan yang dag gi sgo nas rig
par byed pa'i thabs kyi gtso bo yin pa'i phyir ro/ /de bas na/
nang rig pa'i bstan bcos dang gtan tshigs rig pa'i bstan bcos
la

'gal ba yod pa ma yin la/ nang rig pa kho na'i bstan bcos 'dul
ba'i mdo lta bu dang/ nang rig pa dang gtan tshigs rig pa gnyis
ka'i bstan bcos tshad ma sde bdun lta bu dang/ gtan tshigs rig
pa kho na'i bstan bcos bram ze rkang mig gis byas pa'i rtog

ge'i tshig don bcu drug ston pa'i bstan bcos lta bu dang/ gnyis
ka ma yin pa gso dpyad kyi gzhung lta bu ste mu bzhir 'gyur ba
yin no/ /de lta ma yin par tshad ma rnam pa gnyis dang/ gtan
tshigs dang/ sgrub pa'i ngag dang/ sun 'byin pa ston par byed
pa tsam gyi

@004a @#/ /gtan tshigs rig pa yin pas nang rig pa'i bstan bcos
ma yin par 'dod na/ rgyal ba'i gsung rab kyang nang rig pa'i
sde snod ma yin par 'gyur te/ tshad ma gnyis dang gtan tshigs la
sogs pa de dag ston par byed pa'i phyir ro//

de yang 'di ltar/ bcom ldan 'das kyi chos mngon pa'i mdo las/
mig gi rnam par shes pas sngon po shes kyi sngon po'o snyam du
ni ma yin no/ /zhes pa dang/ mig dang gzugs la brten nas mig
gi rnam par shes pa skye'o/ /zhes sogs kyis dbang po'i mngon

sum rkyen gsum dang bcas pa gsungs la/ chos bcu pa'i mdo las/
du ba las ni mer shes dang/ /chu skyar las ni chur shes ltar/
/byang chub sems dpa' blo ldan gyi/ /rigs ni mtshan ma dag las
shes/ /zhes gsungs pa lta bu rnams kyis/ 'bras rtaD

dang/ de la brten pa'i rjes dpag bstan cing/ gang cung zad
skye ba'i bdag nyid can/ de thams cad ni 'gag pa'i chos can
no/ /zhes sogs kyis rang bzhin gyi rtags dang/ de nyid brjod
pa'i sgrub ngag bstan la/ nga'am/ nga dang 'dra bas gang zag
gi tshod gzung gi/

zhes gsungs pas snang rung ma dmigs pa'i rtags dang gang zag
gis gang zag gi tshod gzung bar mi bya/ zhes sogs gsungs pas mi
snang ba ma dmigs pa'i rtags gsungs shing/ sen rings kyis bcom
ldan 'das la bdag ni thams cad mi bzod do zhes

gsol pa la/ bcom ldan 'das kyis/ gang mi bzod pa de yang mi
bzod dam/ zhes gsungs pa sogs kyis thal ba dang/ sun 'byin
bstan la/ 'di yod na 'di 'byung/ zhes sogs kyis/ 'brel pa dang
snang ba skyes pa na mun pa 'gags pa ltar/ gnyen po

@004b skyes pa na spang bya 'gags par bstan pas/ 'gal ba'i
rnam gzhag bstan te/ mdor na/ sde bdun gyi brjod bya phal che
ba rgyal ba'i gsung rab dang re re nas sbyar bar nus mod kyi/
yi ge mangs par 'gyur bas ma bris so/ /des na/ tshad ma'i bstan
bcos 'di dag

nang rig pa'i sde snod ma yin na/ rgyal ba'i gsung rab kyang
nang rig pa'i sde sdod ma yin par 'dod par bya dgos so/ /gzhan
yang/ bcom ldan 'das kyis/ dge slong dag gam mkhas rnams kyis/
/bsregs bcad brdang ba'i gser bzhin du/ /legs par

brtags la nga yi bka'/ /blang bar bya yi gus phyir min/ /zhes
bka'i don kyang tshad mas brtag dgos par gsungs pa'i phyir
dang/ rje btsun byams pas kyang/ chos bzang rigs pas rnam
dpyad bsam pa can/ /rtag tu bdud kyi bar chad byed pa med/
/ces gsungs

shing/ dbu ma'i bstan bcos la 'jug pa las kyang/ so so skye bo
rnams ni rtog pas bcings/ /mi rtog rnal 'byor pa ni grol 'gyur
bas/ /rtog rnams log par gyur pa gang yin te/ /rnam par spyod
pa'i 'bras bur mkhas rnams gsungs/ /zhes gsungs la/ rigs

pa la mi brten par tshig tsam gyi rjes su 'brang ba dag dbang
po rtul po dad pa'i rjes su 'brang ba zhes 'phags pa'i gang
zag thams cad la grags pa'i phyir/ blang dor gyi gnas la rigs
pas rnam par dpyod pa ni/ chos kyi rjes su 'brang ba zhes
mkhas pas bsngags

pa yin no/ /de nyid kyi phyir rigs pas dpyod pa lhur len pa ni
rtog ge'i tshul yin pas/ grol ba don gnyer la mkho ba ma yin
no/ /zhes bya ba'i bdud kyi tshig la shes ldan dag gis rna ba
dgag par byos shig /gnyis pa yul gyi khyad par la bltos te
dgos

@005a @#/ /med kyi log rtog dgag pa ni/ kha cig na re/ sde bdun
gyi bstan bcos 'di dag gzhan sde phyi rol ba dgag pa tsam gyi
ched du nye bar mkho ba yin pas/ de dag med pa'i sa phyogs su
nyan pa dang sems pa sogs byed pa ni dgos pa med

do zhes zer to/ /'di yang ches spong ba'i log par rtog pa chen
po ste/ de yang 'di ltar skye ba snga phyi med pa'i phyir dge
sdig la blang dor byed pa don med pa dang/ thar pa dang thams
cad mkhyen pa med pas de bsgrub pa'i phyir lam la 'bad pa don
med pa dang/ phung po

gtsang ba dang bde ba dang rtag pa dang bdag tu lta ba la sogs
pa sgro 'dogs pa dang skur ba 'debs ba'i mtha' thams cad 'gog
par byed pa'i thabs rgyas par gzhung 'di dag gis gtan la 'bebs
pa yin pas/ phyi rol ba med pa'i sa phyogs su rang rgyud kyi
sgro

'dogs bsal dgos mi dgos dang/ mi rtag /sdug bsngal/ stong pa/
bdag med sogs rtogs pa'i blo skyed dgos mi dgos dang/ skye ba
snga phyi yod med dang/ las 'bras kyi 'brel pa dang/ thar pa
dang thams cad mkhyen pa yod pa'i nges shes drang dgos mi

dgos legs par sems shig /de bas na sgro 'dogs kun brtags ma
bkag na/ mthong spang spong ba'i thabs med la/ sgro 'dogs kun
brtags ni/ grub mtha' smra bas btags pa'i sgro 'dogs rnams yin
pas/ de'i phyir gzhung 'di dag tu/ sgro 'dogs

kun brtags dgag par 'dod nas phyi rol ba'i 'dod pa la dgag pa
bstan pa yin gyi/ mu stegs byed dang lhan cig rtsod par 'dod
pa'i bsam pa kho nas dgag sgrub kyi rnam gzhag byas pa ni ma
yin no/ /gsum pa dgos pa yod kyang dman par 'dod

@005b pa dgag pa ni/ sde bdun gyi bstan bcos 'di dag la thos
bsam byas na/ 'gal 'brel gyi dmigs phyed nas/ gzhung lugs
gzhan gyi brjod bya rtogs pa'i grogs su 'gyur ba yin pa'i
phyir/ lan tshwa ? dang 'dra ba yin gyi/ rang nyid la dgos pa
chen po yod

pa ni ma yin no zhes smra'o/ /de yang mi 'thad de/ gzhung 'di
dag tu bden bzhi blang dor thabs dang bcas pa dang/ chos kyi
bdag med la sogs pa theg pa gsum gyi lam gyi gnad rnams ma
tshang ba med par rigs pas ston pa'i phyir dang/ de las lhag
pa'i thos

bsam sgom pa'i gzhi gzhung gzhan la'ang yod pa ma yin pa'i
phyir ro/ /gnyis pa yang dag pa'i dgos pa bstan pa ni/ sde
bdun mdo dang bcas pa'i bstan bcos 'di dag rtsom pa'i dgos pa
yang/ thub pa nyag gcig grol ba don gnyer la mi slu ba'i tshad
mar

bsgrub pa'i phyir yin la/ de yang ston pa de'i bstan pa skyon
med par bsgrubs pa'i sgo nas yin no/ /de la ston pa'i bstan pa
ni gnyis te/ lung gi bstan pa dang rtogs pa'i bstan pa'o/
/dang po ni/ 'brel pa dang ni rjes mthun thabs/ /skyes bu'i
don ni rjod byed ngag /yongs

brtags dbang du byas yin gyi/ /de las gzhan pa'i dbang byas
min/ /zhes bshad pa ltar/ grol ba don gnyer gyi skyes bu'i
mngon par 'dod pa'i don dang/ dgos pa sgrub nus pa'i rjes
mthun gyi thabs dam pa dang/ de yang 'brel chags su ston pa
ste/ ngag

khyad par gsum ldan nyid yin la/ de skyon med du sgrub pa'i
tshul yangs de'i brjod bya'i don mngon gyur dang/ lkog gyur dag
tshad mas grub pa dang/ shin lkog brjod byar byed pa'i cha la
dpyad pa gsum gyis dag par bsgrubs nas skyon med par sgrub pa
yin te/

@006a @#/ /mthong dang ma mthong ba dag la/ /rigs pas grub dang
rang tshig gis/ /gnod med bstan bcos gang yin de/ /gzung bar
bya phyir dpyod 'jug 'gyur/ /zhes gsungs pa ltar ro/ /yang na
brjod bya'i gtso bo tshad mas grub par

bsgrubs nas/ de dang rtsom pa po gcig yin pa'i rtags kyis
brjod bya'i don phal pa ston pa rnams skyon med du sgrub pa
yin te/ gtso bo'i don la mi bslu ba phal pa'i don la bslu par
mi rigs pa'i phyir ro/ /de la lung gi bstan pa'i brjod bya ni/
mngon mtho

bde 'gro'i go 'phang dang/ nges legs thar ba dang thams cad
mkhyen pa'i go 'phang thabs dang bcas par 'dus pa yin la/ de
yang rgyud la skye ba'i rim pa'i dbang du byas na/ dang por
mngon mtho rgyud la skyes nas/ phyis nges legs skye ba yin
cing/ gtso

phal gyi dbang du byas na nges legs gtso bo dang/ mngon mtho
phal pa yin mod kyi/ tshad mas sgrub pa na/ dang por nges legs
thabs dang bcas pa tshad mas bsgrubs nas de'i rjes su mngon
mtho tshad mas sgrub par byed pa yin te/ blang dang dor bya'i
de nyid ni/ /

thabs bcas rab tu nges pa yis/ /gtso bo'i don la mi slu'i
phyir/ /gzhan la rjes su dpag pa yin/ /ces bshad pa ltar ro/
/rtogs pa'i bstan pa ni/ theg pa gsum gyi lam dang 'bras bur
bcas pa yin la/ de yang nges legs kyi go 'phang thabs dang

bcas pa las gzhan ma yin pa'i phyir/ brjod bya rtogs pa'i
bstan pa tshad mas bsgrubs pa'i sgo nas rjod byed lung gi bstan
pa skyon med par sgrub pa yin la/ bstan pa skyon med par grub
pa na/ de'i rtags kyis ston pa tshad ma'i skyes bur sgrub par
byed pa yin

@006b cing; bstan pa'i don tshul bzhin du sgrub pa'i dge 'dun
yang phyin ci ma log par grub pa yin no/ /de ltar sangs rgyas
nyag gcig grol ba don gnyer la tshad ma'i skyes bur grub pa na/
rigs can mtha' dag gi don bya bar 'dod pa'i snying rje dang/
lhag bsam

rnam par dag pa'i theg pa chen po'i rigs can dag ni sangs
rgyas las gzhan la rigs can gsum gyi don byed pa'i nus pa med
par mthong ba'i nges shes gting tshugs pa skyes nas/ sangs
rgyas thob par bya'o snyam pa'i theg chen sems bskyed sngar ma

skyes pa rnams skye zhing/ skyes pa rnams slar mi ldog pa'i
rgyur 'gyur la/ thar pa tsam don du gnyer ba dag kyang/ sangs
rgyas nyag gcig grol ba don gnyer gyi ston par yid ches nas/
des bstan pa'i lam la brten nas/ 'khor ba las grol ba 'thob

kyi/ chos 'di las phyi rol tu gyur pa ser skya sogs kyi bstan
pa la ni/ 'khor ba las grol ba'i thabs yod pa ma yin no snyam
du nges pa skyes te/ chos 'di ba'i ston pa dang bstan pa la
shes nas dad pa thob par 'gyur ba yin no/ /gang zhig 'jig

rten gzhan gyi bde ba tsam zhig la mngon par phyogs shing don
du gnyer ba dag kyang/ ston pa sangs rgyas nyag gcig tshad ma'i
skyes bur grub pa na/ sangs rgyas nyid 'jig rten gzhan gyi
sdug bsngal las skyob pa'i skyabs su 'dzin par 'gyur zhing/
dbang

phyug dang tshangs pa la sogs pa rang nyid kyang skyon gyi
'ching ba las ma grol ba dag ni/ gzhan gyi skyabs ma yin no
snyam du nges par 'gyur ro/ /lung dang rtogs pa'i bstan pa
skyon med par bsgrubs pa'i sgo nas theg pa gsum gyi lam gyi
ngo bo dang/ grangs nges

@007a @#/ /dang/ go rims dang nus pa sogs la mtha' gzhan du
srid pa'i dogs pa bcad pa na/ phyugs kyi mchod sbyin gyis bde
'gro'i go 'phang thob pa dang/ dbang phyug gi dbang bskur
dang/ lus gdung ba'i dka' thub kyis sdig pa 'dag cing

'khor ba las grol bar smra ba sogs mtha' dag byis pa brdol
thabs smra ba'am/ tshad pas nyen pa me'i 'obs su 'jug pa dang
'dra bar mthong nas/ rgyal ba'i lung gi bstan pa 'ba' zhig
thos bsam gyi gzhi dang/ rtogs pa'i bstan pa 'ba' zhig sgom
pa'i gzhir

nges nas/ lung dang rtogs pa'i bstan pa la thos bsam sgom pa'i
sgo nas/ thar pa dang thams cad mkhyen pa don du gnyer ba dag
'jug par 'gyur zhing/ 'jig rten rgyang 'phen sogs kyi nyes
bshad kyis blo mig ldongs par byas pa'i mthus/ 'jig rten 'di'i
bde

ba tsam zhig gi phyir srog gcod la sogs la ci dgar 'jug pa de
dag kyang rgyal ba'i bstan pa skyon med par tshad mas nges pa
na/ nyes par spyad pa'i las lam las phyir phyogs par 'gyur la/
'jig rten gzhan gyi bde ba dag la yid phyir phyogs pa dag
kyang

mi mthun pa'i rgyu sdangs nas/ dkar pa'i las kyi lam dang du
len par 'gyur ba zhes bya ba 'di ni/ sde bdun mdo dang bcas
pa'i bstan bcos kyi dgos pa yin par blo gros dang ldan pa dag
gis shes par byos shig/ gnyis pa dgos pa de tshad ma'i bstan
bcos

la rag las pa'i tshul ni/ ston pa dang bstan pa skyon med par
tshad mas nges pa zhes bya ba de yang mig gis gzugs la lta ba
ltar tshur mthong gi skye bos mngon sum du nges par byed pa'i
thabs yod pa ma yin gyi/ rjes su dpag pa'i tshad mas nges par
byed

@007b dgos la/ de lta bu'i rjes dpag tshad ma skye ba yang/
ston pa sangs rgyas dang/ lung rtogs kyi bstan pa skyon med
par sgrub pa'i gtan tshigs skyon med pa nyid la rag las la/ de
lta bu'i gtan tshigs skyon med pa yang tshul gsum tshad mas grub
pa la rag las shing

tshul gsum mtha' dag kyang mthar tshur mthong gi mngon sum gyis
grub pa dgos kyi rjes dpag kho nas sgrub dgos na thug med du
thal bar 'gyur ro/ /des na mngon par mtho ba dang nges par
legs pa'i go 'phang la thob 'dod skyes nas log pa'i lam spangs
te/

yang dag pa'i lam la tshul gzhan gyis bkri bar mi nus pa'i blos
tshul bzhin du slob pa ni ston pa dang/ bstan pa skyon med par
tshad mas nges pa la rag las shing/ de yang gtan tshigs dang
de'i tshul gsum sgrub byed kyi tshad ma sogs la rag las la/ don
de

dag mtha' gzhan du doD pa bcad pa'i sgo nas rdzogs par ston pa
ni rigs pa'i dbang phyug rnam gnyis kyi gsung rab las gzhan
pa'i dgongs 'grel gyi bstan bcos phal che ba la ma mthong ba'i
phyir/ 'di dag nyid la rag las pa 'bad pa med par grub pa yin
no/ /

gsum pa dgos pa de ldan gyi bstan bcos la gces par gzung bar
gdams pa ni/ rang gzhan 'khor ba las grol ba don du gnyer ba
dag gis ni/ 'khor ba'i rtsa ba gcod byed kyi thabs phyin ci ma
log pa ston par byed pa'i bstan bcos 'di dag la gces

spras su bya bar rigs te/ tha na lto ba khengs pa tsam zhig
don du gnyer ba dag kyang/ bza' btung kho na gces spras su
'dzin par mi mthong na/ go 'phang mchog don du gnyer bar khas
'che zhing/ dbang po rnon po rtog pa sngon du gtong bar khas
'che bzhin du mngon

@008a @#/ /par 'dod pa'i don du gnyer bya mchog thabs dang bcas
pa ni tshad mas nges par byed pa'i tshul gang la rag las pa de
nyid la gces spras su 'dzin par mi byed par/ bstan bcos 'di
dag rtsod pa lhur len gyi gzhung

lugs shun lpags dang 'dra bar bzungs nas/ lam dang lam ma yin
pa'i tha snyad tsam yang rna ba'i lam du sngon chad ma zhugs
na/ don la mkhas pa lta smos kyang ci dgos pa'i blun po ri'i
phug tu tshe yol bar byas pa tsam gyi nga rgyal 'ba' zhig la/

rang gi yid snying nas rangs par byas pa 'ga' zhig gis tshig
'bru byung rgyal du smras pa dag la bsam gtan pa'i man ngag tu
ming btags nas snying po lta bur 'dzin pa gang yin pa de ni/
dbang po rnon po lta smos kyang ci dgos/ dad pa'i rjes su
'brang pa

tsam yang ma yin te/ dad par bya ba'i gnas ma yin pa la dad
par byed pa'i phyir ro/ /de'i phyir de lta bu ni bsam pa rang
bzhin du mi gnas pa lbu ba'i rdog po la rkang pa'i stegs 'cha'
ba dang chos mtshungs so/ /de yang sde snod 'di lta bu la thos
bsam

sgom pas 'jug pa na yang/ rang gzhan gyi 'khor ba 'jug ldog gi
rim pa ji lta bu snyam du dpyod pa'i blos/ mnyan pa dang sems
pa sogs la 'bad par bya'i/ rang gi zla bo 'ga' zhig dang kha
gshags 'gyed pa tsam gyi ched du dmigs te zhugs na/

rang yang nyams par 'gyur zhing gzhan yang bstan bcos la ma
gus pa'i rgyur 'gyur pas/ shes ldan dag gis rang gi blo skyon
gyis mkhas pa'i legs bshad ma rungs par ma byed cig /bzhi pa
bstan bcos kyi brjod bya'i lus gtan la dbab

@008b pa la/ bstan bcos kyi brjod bya'i lus ngos gzung ba
dang/ de nyid kyi don rgyas par bshad pa gnyis las/ dang po
ni/ rigs sgo las/ mngon sum dang ni rjes su dpag /ltar snang
bcas pa bdag rig byed/ /sgrub pa dang ni sun 'byin ngag /ltar
snang

bcas pa gzhan rtogs phyir/ /ces gsungs pas/ rang nyid kyis ston
pa dang bstan pa skyon med du tshad mas nges pa'i thabs dang/
nges nas gzhan rjes su 'dzin pa'i thabs gnyis so/ /dang po ni/
mngon sum dang rjes su dpag pa ste/ de yang rang nyid kyis

ji ltar gtan la phab pa ltar/ don la gnas mi gnas ni/ gtan la
'bebs byed kyi blo yang dag tu song ma song la rag las pa yin
cing/ de la lkog gyur nges byed kyi blo skyon med rjes dpag
dang/ mngon gyur nges byed kyi blo skyon med mngon sum tshad ma

yin pas/ mngon rjes kyi tshad ma gnyis gsungs la/ blo gzhan gyi
rjes su 'brangs na bslu bar 'gyur bas/ lam gyi gol sa gcod
pa'i yan lag tu/ mngon rjes ltar snang gnyis gsungs shing/
rang gis des nas gzhan la rtogs pa bskyed

pa'i yan lag tu/ yang dag dang ltar snang phyi ma bzhi gsungs
te/ de yang mtha' gcig tu 'dzin pa'i log rtog gi dpal gzhom
pa'i phyir du sun 'byin bstan la/ mtha' gnyis su dogs pa'i the
tshom bsal ba'i phyir du sgrub dag gsungs shing /

gol sa gcod pa'i phyir ltar snang gnyis gsungs so/ /des na
tshad ma'i bstan bcos kyi lus yongs su rdzogs pa ni/ le'u gsum
du 'dus pa yin te/ mngon sum gyi le'u/ rang don rjes dpag gi
le'u/ gzhan don rjes dpag gi le'u'o/ /'o na

@009a @#/ /kun las btus su le'u drug gsungs pa ji ltar yin ce
na/ dpe brtag pa dang /sel ba brtag pa gnyis/ rang don rjes
dpag gi le'ur 'dus la/ ltag chod brtag pa gzhan don rjes dpag
gi le'ur 'dus so/ /de'i phyir

tshad me mdo dang /rnam 'grel nges gnyis/ rigs pa'i thigs pa
rnams ni chad ma'i bstan bcos lus yongs su rdzogs pa yin cing
/sde bdun gyi bstan bcos lhag ma bzhi ni 'phros pa yan lag gi
bstan bcos yin gyi/ lus yongs su rdzoD

pa min la/ de yang gtan tshigs thigs pa dang/ 'brel pa brtag pa
rang don le'u dang/ rgyud gzhan sgrub pa mngon sum le'u dang/
rtsod rigs ni gzhan don le'u las 'phros pa yin no/ /'o na/
rnam 'grel la le'u bzhi byung ba ji ltar zhe na/ ston

pa dang bstan pa skyon med par sgrub pa'i tshul bstan bcos kyi
brjod bya'i gtso bo yin pas de nyid ston pa la tshad ma grub
pa'i le'u gsungs la/ ston pa dang bstan pa skyon med par tshad
mas sgrub pa yang/ gtan tshigs yang dag gi sgo nas sgrub

dgos pas/ de gtan la 'bebs pa la rang don le'u bstan la/ gtan
tshigs skyon med du 'gyur ba yang tshul gsum mthar mngon sum
gyis grub pa la rag las pas/ de'i phyir mngon sum tshad ma gtso
bor gtan la 'bebs pa la mngon

sum le'u gsungs shing /rang gis nges pa de gzhan la ston pa'i
thabs gtan la 'bebs pa la gzhan don le'u gsungs pa yin no/
/bstan bcos kyi lus bshad zin to// //thar lam sbrang rtsi'i
'byung gnas sde bdun gzhung//

@009b sgos 'grel ge sar gsal ba'i chu skyes la/ /mkhas rlom
zla 'od gzhan dag padmo'i dgra /bdag blo'i nyin byed 'ba' zhig
snang bar zad/ /bar skabs kyi tshigs su bcad pa'o// //gnyis pa
de'i don rgyas par bshad pa la/ shes bya

yul gyi rnam gzhag /shes byed blo'i rnam gzhag/ shes pa yul la
ji ltar 'jug pa'i tshul gyi rnam gzhag dang gsum/ dang po la
rnam grangs dang /mtshan nyid dang /dbye ba dang gsum/ dang po
la/ dgag gzhag spang gsum las/ gzhan

lugs dgag pa la/ kha cig na re/ yul dang shes bya don gcig la
/yul dang gzhal bya don mi gcig ste/ sgra rtag pa'i don spyi
sgra rtag 'dzin rtog pa'i gzhal byar thal ba'i phyir ro/ /shes
bya dang gzhal bya'ang don mi gcig ste/ shes pa

thams cad tshad mar thal ba'i phyir ro/ /zhes zer to/ /'di ltar
smra ba'i rgol ba des/ yul yin na/ gzhal bya yin dgos na/ blo
de'i yul yin na'ang /blo de'i gzhal bya yin dgos snyam du
bsams par zad la/ de ltar na/ shes bya chos

can; me'i rgyu yin na/ me'i 'bras bu yin dgos par thal/ rgyu
yin na 'bras bu yin dgos pa'i phyir ro/ /bum pa'i sgra don
chos can/ khyod bum pa zhes brjod pa'i sgra'i shes bya yin par
thal/ de'i yul yin pa'i phyir/ ma khyab na/ yul dang

shes bya don gcig pa 'bud/ phud mtshams kyang khas blangs so/
/yang 'ga' zhig na re/ yul dang gzhal bya don mi gcig ste/
gzhal bya yin na rang mtshan yin pas khyab pa'i phyir/ de ltar
yang/ rang gi mtshan nyid gcig gzhal bya/ zhes pa

@010a @#/ /dang/ gcig nyid ce na kho bo'ang 'dod/ ces gsungs pa
yin no/ /zhes smra ba yang mthong ngo/ /spyi mtshan gzhal bya
ma yin par smra ba ni/ rjes su dpag pa tshad ma ma yin par smra
ba rgyang 'phen pa'i ring lugs 'dzin pa ste/ de ltar

na/ rjes dpag tshad ma mi srid par thal/ spyi mtshan gzhal bya
yin pa mi srid pa'i phyir/ ces brjod na ci smra/ ma khyab na/
gzhal bya med pa'i tshad ma srid pa'am/ rjes dpag tshad ma'i
gzhal bya yin na/ rang mtshan yin pas khyab pa gang rung gcig

khas len rigs par thal/ ma khyab pa de'i phyir/ 'dod mi nus
te/ gzhal bya med pa'i tshad ma yod na/ 'bras bu mi skyed pa'i
rgyu yod pa sogs su thal ba'i phyir ro/ /rjes dpag tshad ma'i
gzhal bya yin na rang mtshan yin pas khyab na/ rtog pa

thams cad rang mtshan yul du mi byed par khyed rang gis khas
blangs pa dang dngos su 'gal zhing /gzhung las/ med pa nges
phyir gzhal bya ni/ /min la ma nges pa nyid dam/ /de nges tshad
ma gnyis pa nyid/ /ces sogs bshad pa las phyi rol

tu gyur pa yin no/ /rtsa ba'i thal ba rjes dpag tshad ma mi
srid pa 'dod ce na/ 'o na/ lkog gyur yin na tshad mas ma dmigs
pas khyab par thal/ 'dod pa de'i phyir/ 'dod na/ skye ba snga
phyi dang/ sangs rgyas dang/ du ldan la'i steng gi me la sogs
pa

rnams med par thal/ tshad mas ma dmigs pa gang zhig /yod na
dmigs rung yin pa'i phyir/ zur snga ma khas blangs/ khyab pa
yod de/ dmigs su rung ba'i med pa ni/ /mi dmigs pa las gzhan
ma yin/ /ces bya ba la sogs pa sde bdun gyi

@010b gzhung du mas/ yod na dmigs rung ma dmigs pa med pa'i
don du lan gcig min par bshad pa'i phyir dang/ yod na dmigs
rung ma dmigs pas med par mi 'grub na/ ri bong gi mgo la rwa
med pa'i sgrub byed gzhan gang yang med pas/ de nyid kyang

med par sgrub mi nus par 'gyur ro/ /'dod na/ skye ba snga phyi
dang sangs rgyas med pa'i phyir las dge ba la 'bad pa dang/ mi
dge ba spong ba dang/ lam la bslab pa don med par thal ba
dang/ du ldan la'i steng gi me med pa'i phyir/ de'i steng gi
du ba

rgyu med du thal lo/ /gal te tha snyad tsam du spyi mtshan
gzhal bya yin pa'i phyir/ ji skad bshad pa'i skyon thams cad
med ce na/ spyi mtshan don dam par gzhal bya yin no zhes ni
rigs pa'i dbang phyug gi rjes su 'brang ba'i rigs pa smra ba
su yang khas

mi lan pa'i phyir/ khyod kyi thun mong ma yin pa'i 'dod pa'i
khyad par gang yin pa smos shig/ gzhan yang /spyi mtshan chos
can/ khyod tha snyad pa'i tshad mas dmigs par thal/ tha snyad
tsam du gzhal bya yin pa'i phyir/ 'dod na/ rang mtshan kho

na gzhal bya yin pa 'bud/ khyab pa yod de/ tha snyad tsam du
yod par tha snyad pa'i tshad mas dmigs pa dang/ don dam du yod
par don dam dpyod pa'i tshad mas dmigs pas 'jog pa'i phyir/ der
thal/ tshad mas dmigs pa tsam gyis yod pa

tsam du 'jog pa gang zhig/ tha snyad du yod pa don dam dpyod
pa'i tshad mas dmigs pa dang/ don dam du yod pa tha snyad dpyod
pa'i tshad mas dmigs pas 'jog pa ma yin pa'i phyir ro/ /ci ste/
tha snyad du yod pa ni blo 'khrul pas yod par bzungs pap

@11a @#/ /tsam gyis 'jog go zhe na/ 'o na sgra rtag pa yang tha
snyad du yod par thal/ blo 'khrul pas yod par bzungs pa'i
phyir/ 'dod na sgra thams cad tha snyad du mi rtag par thal/
blo 'khrul pas tha snyad du skra thams cad mi rtag par

bzungs pa'i phyir/ 'khor gsum/ mkhas par rlom pa kha cig tha
snyad du yod pa'i 'jog mtshams la rmongs pas sel ngor sgra rtag
pa yang yin/ mi rtag pa'ang yin/ ces smra dgos par byung ste/
lugs 'di la tha snyad du dngos 'gal mi srid pa dang/

kun rdzob rnam par 'jog pa'i skabs su/ ri bong gi mgo la rna
ba dang rwa yod med mtshungs pa dang/ sgra rtag mi rtag mtshungs
par 'gyur la/ de 'dod na/ rtags yang dag thams cad kun rdzob
tsam yin gyi/ don dam par med do zhes khyed rang yang

khas len pa'i phyir/ byas pas sgra rtag par sgrub pa dang mi
rtag par sgrub pa rtags yang dag yin min mtshungs par 'gyur la/
'di las phongs pa'i khas len ci yod shes ldan dag gis legs par
soms shig /rgol ba de gnyis kar yang/ yod

pa dang dngos po rnam grangs yin gyi/ yul dang yod pa don mi
gcig go zhes smra'o/ /'di la yang spyi mtshan med par thal/
de'i phyir/ 'dod na/ rjes dpag tshad ma'i gzhal bya med par
thal ba sogs gong gi skyon ji skad bshad pa rnams 'byung bas/

gzhal bya dang yod pa 'don pa brjes la phal che ba brjod par
gyis shig /gzhan yang bdag med pa med par thal/ bdag med pa
dngos po ma yin pa'i phyir/ rtags ma grub na med dgag thams
cad dngos med du khyed rang 'dod pa dang 'gal zhing/

@11b rigs pas kyang gnod do/ /rtsa khyab khas blangs/ 'dod na/
bdag yod par thal/ bdag med pa med pa'i phyir ro/ /rtags yang
dag rnams kyi rtags chos kyi 'brel ba thams cad med par thal/
de thams cad dngos po ma yin pa'i phyir/ 'dod na/

rtags chos 'brel pa ma grub pa'i rtags rnams rtags ltar snang
yin par/ med na med 'byung nges phyir ro/ /gtan tshigs ltar
snang de las gzhan/ /zhes sogs kyis lan du mar bshad pa thams
cad las phyi rol tu gyur pa yin no/ /'brel

pa dngos po ba mi srid par khyed rang yang 'dod cing/ rigs pas
kyang grub pa'i phyir/ rtsa ba'i rtags ma grub pa'i lan yang
med do/ /yang dngos po yin na shes pa skad cig cha med dam
rdul phran phyogs cha med pa yin dgos pa dang/ yod na dngos

po yin dgos par 'dod pa'i mkhas rlom de dag nyon cig / mdun
gyi gzhir bskal don sha za yod mi srid par thal/ der bskal don
sha za yin na shes pa skad cig cha med dang rdul phran cha med
ma yin pas khyab pa'i phyir/ khyab pa khas/ rtags

grub ste/ de yin na/ phung po bzhi tshogs kyi skyes bu yin pas
khyab pa'i phyir/ 'dod na/ mdun gyi gzhir/ bskal don sha za
med pas khyab par thal lo/ /gnyis pa rang lugs ni/ yul dang/
shes bya dang/ gzhal bya dang/ yod pa dang/ gzhi

grub pa rnams ni/ don gcig la ming gi rnam grangs yin no/
/gsum pa rtsod pa spang ba ni/ 'o na/ gzhal bya rang mtshan
gcig kho na/ zhes pa dang/ rang gi mtshan nyid gcig gzhal bya/
zhes sogs ji ltar drang zhe na/ de dag ni skyes bu'i mngon par

@12a @#/ /'dod pa'i 'bras bu ster ba'i nus pa yod med dpyad
nas/ nus pa de thob pa'i phyir du 'jug par bya ba'i gzhal
bya'am/ rang gi ngo bo sgrub pa rang dbang ba'i tshul du gzhal
bar bya ba rang mtshan gcig kho nar ston pa yin

te; shes byed rgyas par 'dir mi brjod do/ /'jig la 'bras dang
yod nyid bzhin/ /zhes yod pa sgra mi rtag sgrub kyi rtags yang
dag tu bshad pa ji ltar yin ce na/ yod pa dmigs pa las gzhan
min/ /zhes pa ltar/ yod pa dang tshad mas dmiD

pa don gcig tu byas pa'i yod pa ma yin gyi/ rang gi ngo bo
rang dbang bar yod pa la yod pa'i sgra spyi sgra bye brag la
sbyar nas/ de lta bu'i yod pa de sgra mi rtag par sgrub pa'i
rtags yang dag tu bshad pa yin no/ /des na/ yod pa la rnam pa
gnyis te/

rang gi ngo bo sgrub par dbang ba'i rnam par yod pa dang/ dgag
bya rnam par bcad pa tsam du yod pa'o/ /gnyis ka'ang tshad mas
dmigs pa'i phyir yod pa mtshan nyid pa yin la/ 'on kyang/ sgra
dog 'jug gi dbang du byas nas/ spyi sgra bye brag la

sbyar te/ rang gi ngo bo sgrub pa rang dbang gi sgo nas yod pa
la yod pa zhes pa'i sgra sbyar nas/ yod pa sgra mi rtag sgrub
kyi rtags yang dag tu bshad pa yin te/ rnam 'grel rang 'grel
las/ sgra la yod pa nyid du rnam par bzhag pa ni/ rang gi bdag
nyid yod

pa'i ngo bo nyid du grub pas/ zhes bshad pa ltar ro/ /kha cig/
yod pa sgra mi rtag sgrub kyi rtags yang dag tu bshad pa min
gyi/ dngos por yod pa sgra mi rtag sgrub kyi rtags yang dag tu
bshad pa yin no zhes zer to/ /de ltar na/ de lta bu'i rtags de
rang

@12b bzhin gyi rtags dag pa bar 'dod pa dang 'gal te/ dngos
por yod pa blo'i yul du 'char ba na/ yod pa de dngos pos khyad
par du byas nas blo'i yul du 'char ba'i phyir/ de lta min na/
skye ldan yang sgra mi rtag par sgrub pa'i khyad par bltos pa
ba'i rtags

min pa rnam pa kun tu mtshungs so/ /gnyis pa mtshan nyid la dgag
gzhag spong gsum las/ gzhan lugs dgag pa ni/ kha cig na re/
yul gyi mtshan nyid blos rig par bya ba'i chos/ chos zhes ma
smos na/ dbang shes 'khrul pas bzungs ba'i

zla gnyis sogs yul du thal bar 'gyur ro/ /yul dang shes bya
don gcig /shes pa dang rig pa don gcig ces zer te/ 'o na/
dbang shes 'khrul pas bzungs pa'i zla gnyis chos can/ khyod
shes par bya ba yin par thal/ rig par bya ba yin

pa'i phyir/ 'dod na dngos/ ma khyab na shes pa dang rig pa don
gcig pa 'bud/ phung mtshams kyang khas blangs so/ /ma grub na
blos rig par bya ba yin pa 'bud/ gnyis pa rang lugs ni/ yul
gyi mtshan nyid blos rig par bya ba'o/ /rtsod pa spong

ba ni/ 'ga' zhig na re/ 'o na yul can yin na blo yin pas khyab
par thal/ yul yin na/ blos rig par bya ba yin pas khyab pa'i
phyir ces dang/ log shes mi srid par 'gyur zhes pa'i skyon
brjod par byed la/ rgol ba de yul dang gzhal bya don

gcig tu smra'o/ /de la 'di brjod par bya ste/ yul can yin na
tshad ma yin pas khyab par thal/ yul yin na/ gzhal bya yin pas
khyab pa'i phyir/ 'khor gsum log shes mi srid par 'gyur zhes
pa'i skyon ni/ zla gnyis kyang zla ba gnyis 'dzin

@13a @#/ /dbang shes kyi yul du thal/ des rig bya yin pa'i
phyir/ 'dod na/ de log shes ma yin par 'gyur ro zhes bsams
pa'o/ /'di ni blos rig bya yin na yul yin na/ shes pa de'i rig
bya la yul yin pas khyab

par 'dod pa rnam grangs kyi skabs su gzhan gyi rtsod pa bkod
pa 'ga' zhig dang chos mtshungs pa yin la/ 'di dag ni spyi
khyab sgos khyab ma phyed pa'i bab col te/ gnod byed gong du
brjod zin to/ /smras pa/ spyi khyab nam mkha'i dkyil 'khor
dang/ /sgos

khyab rtsig pa'i bu ga gnyis/ /mtshungs par rlom pa'ang mkhas
yin na/ /'di na mi mkhas su zhig yin/ /skal chad nags kyi mun
khung na/ /nyi ma'i 'od las me khyer brin/ /dug sdong ljon
shing rgyas pa'i sar/ /sman gyi myu gu ga la smin/ /

bar skabs kyi tshigs su bcad pa'o/ /gsum pa dbye ba la dgag
gzhag gnyis las/ dang po gzhan lugs dgag pa ni/ kha cig na re
yul la dbye na/ dngos po dngos med thun mong gi chos dang
gsum/ mtshan nyid rim pa bzhin/ don byed

nus pa/ don byed nus stong/ dngos po dngos med gnyis ka la
rjes su 'gro ba'i chos/ zhes zer to/ /'di ni mi 'thad de/ tshul
'di grangs nges kyi dbye ba yin na/ shes bya mtha' dag dngos
po dang dngos por med pa gnyis su grangs des pas/ thun

mong gi chos zhes pa'i dbye sgo gsum pa don med la/ rigs kyi
dbye ba yin na dngos po dngos med gang dang yang rigs mi gcig
pa'i chos ma grub pa'i phyir/ gsum pa de don med cing/ yul gyi
gsal ba'i dbye ba yin na/ gsum ga las

@13b tha dad pa'i yul gyi gsal ba mtha' yas pa'i phyir/ de dag
re re nas brjod par bya dgos pa'i phyir ro/ /gzhan yang bum pa
chos can/ khyod dngos po dngos med gnyis ka la rjes su 'gro
ba'i chos yin par thal/ thun mong gi chos yin pa'i phyir/

der thal rang gi gsal ba du ma la thun mong du rjes su 'gro
ba'i chos yin pa'i phyir ro/ /gzhan yang/ thun mong gi chos
yin na dngos po dngos med gnyis ka'i thun mong gi chos yin
dgos na/ gzhi mthun pa'i chos yin na/ dngos po dngos

med gnyis ka'i gzhi mthun pa'i chos yin dgos par thal ba dang/
ka bum gnyis la rjes 'gro byed na/ dngos med la yang rjes 'gro
byed pa'i chos yin dgos par thal ba'i skyon la sogs pa mtha'
yas so/ /gnyis pa rang lugs ni/

yul la dbye na dbye sgo bzhi las/ dang po yul can tshad ma'i
'jal tshul gyi sgo nas phyir ba mngon gyur dang lkog gyur gnyis
sam/ rang mtshan dang/ spyi mtshan gnyis so/ /de la re shig
mngon lkog gnyis bshad par bya ste/ de la

mtshan nyid dbye ba 'gal mi 'gal dpyad pa dang gsum/ dang po la
dgag gzhag gnyis las/ dang po gzhan lugs dgag pa ni/ 'ga' zhig
mngon lkog gi mtshan nyid/ mngon sum gyis myong ba'i rnam par
rtogs par bya ba/ rjes dpag gis

'brel pa las spyi'i tshul gyis rtogs par bya ba zhes gsung pa
ni/ skabs 'dir 'thad par mi sems te/ sngon po sogs mngon gyur
'ga' zhig mngon sum tshad mas myong ba'i rnam pas rtogs par bya
ba mdo sde pa'i lugs la mi rung ba'i phyir te/ de dag

@14a @#/ /phyi rol gyi don yin pas shes pa gang dang yang myong
bya myong byed du mi rigs pa'i phyir ro/ /mtshan nyid 'di ltar
bzhag nas dbye ba'i skabs su/ la rgyab kyi me lta bu res 'ga'
rtags las rtags la/ res 'ga' mngon sum gyis rtogs

pa; nyi tshe ba'i lkog gyur ces bzhed pa dang/ mngon lkog 'gal
bar bzhed pa rnams nang 'gal bar mngon te/ 'di ltar/ shes bya
chos can/ mngon sum tshad mas rtogs par bya ba dang rjes dpag
tshad mas rtogs par bya ba la 'gal bar thal/ mngon lkog 'gal

ba'i phyir/ ma khyab na/ de dag de gnyis kyi mtshan nyid yin
par 'bud/ ma grub na dngos/ 'dod na/ la rgyab kyi me res 'ga'
rtags la brten nas rtogs/ res 'ga' mngon sum tshad mas rtogs
par bya ba yin pa 'bud/ yang 'ga' zhig mngon gyur gyi mtshan

nyid; mngon sum gyis rang gi ngo bo'i sgo nas rtogs par bya
ba/ lkog gyur gyi mtshan nyid/ rjes dpag gis spyi'i tshul gyis
rtogs par bya ba zhes zer ba dang/ mngon lkog 'gal bar 'dod pa
la yang/ mngon sum tshad mas rtogs bya yin na rjes dpag tshad
mas rtogs

bya yin par 'gal bar thal/ mngon lkog 'gal ba'i phyir/ rtags
khyab khas blangs/ 'dod na/ du ldan la'i steng gi me mngon sum
tshad mas rtogs pa mi srid par thal lo/ /gzhan yang/ mngon sum
gyis rtogs par bya ba dang/ rjes dpag gis rtogs

par bya ba/ mngon lkog gi mtshan nyid du smras nas/ mngon lkog
'gal bar 'dod pa thams cad la/ skyon de nyid so na gnas so/
/'ga' zhig/ mngon gyur gyi mtshan nyid/ mngon sum gyis rang gi
ngo bo'i sgongs rtogs par bya ba/ de la dbye na/

@14b don dang shes pa gnyis so/ /zhes smras nas/ don rig mngon
sum rnams kyis don rnams rang gi ngo bo'i sgo nas mi rtogs
zhes smra ba na dngos su 'gal ba smra bar zad do/ /gal te ngo
bo'i sgo nas mi snang bar smra'i/ ngo bo'i sgo nas mi rtogs
par mi smra'o/ /zhe

na; ngo bo'i sgo nas mi snang ba'i rgyu mtshan gang yin/ yul
gyi ngo bo snang na yul gcig kyang 'dod mi 'dod du ma'i bdag
nyid du thal ba'i skyon yod pa'i phyir ro/ /des na yul gyi
rnam pa snang ba la yul snang bar btags pa yin no zhe na/ 'o
na/ yul gyi ngo bo

rtogs na yang yul gcig 'dod mi 'dod du ma'i bdag nyid du thal
ba'i skyon 'byung ngo/ /des na yul gyi rnam pa shar ba la yul
rtogs par bzhag pa yin ces brjod na ci smra/ des na kun tu
mtshungs so/ /rang lugs ni/ mngon gyur gyi mtshan nyid/

mngon sum tshad mas dngos su rtogs par bya ba/ lkog gyur gyi
mtshan nyid/ rjes dpag tshad mas dngos su rtogs par bya ba'o/
/dbye ba la/ dgag gzhag gnyis las/ dang po ni/ kha cig na re/
shes pa lta bu rnam pa thams cad du mngon gyur yin pa dang/

sgra dang mi rtag pa'i tshogs don rang mtshan lta bu/ res 'ga'
mngon gyur yin pa gnyis/ mig dbang gzugs can pa lta bu rnam pa
thams cad du lkog gyur yin pa dang/ sgra mi rtag pa'i tshogs
don rang mtshan pa lta bu 'ga' zhig tu lkog tu gyur

pa gnyis/ zhes zer ba mi 'thad de/ shes pa de rnam pa thams
cad du mngon gyur yin pa'i rgyu mtshan gang yin/ gang zag thams
cad kyi blo la bltos te mngon gyur yin pa'i phyir ces zer ram/
gang zag 'ga' zhig gi blo la bltos te mngon

@15a @#/ /gyur yin pa'i phyir ces zer ram/ rang rgyud ldan gyi
gang zag la mngon gyur yin pas khyab pa'i phyir zer/ dang po
mi 'thad de/ gang zag thams cad kyi mngon sum tshad mas thun
mong du dngos su gzhal ba'i chos

mi srid pa'i phyir ro/ /gnyis pa ltar na/ sgra mi rtag pa'i
tshogs don rang mtshan chos can/ khyod rnam pa thams cad du
mngon gyur yin par thal/ gang zag 'ga' zhig gi ngor mngon gyur
yin pa'i phyir/ khyab pa dngos/ 'dod na/ ras 'ga'

lkog gyur yin pa 'bud/ ma grub na/ res 'ga' mngon gyur yin pa
'bud do/ /gsum pa ltar na/ gnas skabs lnga bral gyi bum pa
zhes brjod pa'i dag kun slong gi gang zag pha rol po'i rtog pa
chos can/ khyod rnam pa thams cad du

mngon gyur yin par thal/ rang rgyud ldan gyi gang zag la
mngon gyur yin pas khyab pa'i phyir/ rtags khyab khas blangs/
'dod na/ sgra mi rtag pa'i tshogs don rang mtshan res 'ga' lkog
gyur yin pa 'bud/ mig dbang gzugs can pa

rnam pa thams cad du lkog gyur yin pa'ang mi 'thad de/ de chos
can/ khyod mngon sum tshad mas 'jal ba mi srid par thal/ de'i
phyir/ 'dod na/ kun mkhyen ye shes mi srid par thal lo/ /ci
ste mngon lkog gi dbye ba'i rnam gzhag 'di/

tshur mthong gi blo'i dbang du byas pa yin pas skyon med ce na/
'o na/ so skye lha'i mig thab pa mi srid par thal/ mig dbang
gzugs can 'jal ba'i so so skye bo'i mngon sum mi srid pa'i
phyir/ 'dod na/ lha thams cad 'phags par thal

@15b lo; ;khyab ste/ lha'i mig gis stong gsum gyi gzugs phra
rags chad bskal thams cad mthong ba'i phyir/ rang lugs ni/
mngon gyur la dbye na/ rang rig mngon sum dang gzhan rig mngon
sum gyi byed pa dngos su 'jug pa'i yul gnyis/ lkog

gyur la dbye na/ dngos po stobs zhugs kyi rjes dpag dang/
grags pa'i rjes dpag dang/ yid ches pa'i rjes dpag gi gzhal
bya gsum mo/ /gsum pa 'gal mi 'gal dpyad pa ni/ kha cig na re/
mngon lkog gnyis 'gal te/ gang zag gang la

mngon gyur yin pa/ de la lkog gyur min/ gang zag gang la lkog 
gyur yin pa/ de la mngon gyur min pa'i phyir/ des na mngon
lkog gnyis rtogs pa bog cig gi dbang du byas pas so sor nges
pa yin la/ de lta ma yin par gang zag so so la bltos nas

mi 'gal bas mi 'gal bar 'dod na/ tshad ma dang tshad min gyi blo
yang mi 'gal bar thal/ yul so so la bltos nas mi 'gal ba'i
phyir/ bum pa yod med mi 'gal bar thal/ gzhi so so la bltos
nas mi 'gal ba'i phyir ces zer to/ /tshul 'di ni khyed rang la 

yang mtshungs te/ gang zag gcig la bltos te mngon gyur yin pas
mngon gyur yin pa'i go chod par thal/ gang zag gcig la bltos
te 'gal bas 'gal ba'i go chod pa'i phyir/ 'khor gsum/ rgyu
'bras 'gal bar thal/ gang gi rgyu yin pa de de'i 'bras bu

ma yin/ gang gi 'bras bu yin pa de de'i rgyu ma yin pa'i
phyir/ bsal ba yang zhe 'dod la khas len pas 'khor gsum mo/
/des na gzhal bya mngon gyur yin pa dang lkog gyur yin pa ni
mi 'gal te/ mngon sum tshad ma'i dngos kyi gzhal bya yin pa
dang rjes 

@16a @#/ /dpag tshad ma'i dngos kyi gzhal bya yin pa mi 'gal ba'i
phyir ro/ /blo gang la mngon gyur tu song ba blo de la lkog gyur
ma yin pas khyab pas/ blo gcig gi ngor chos gcig da lta mngon
gyur yin pa dang da lta lkog gyur yin pa

'gal ba yin no/ /'o na tshad ma mngon rjes gnyis mi 'gal bar
thal/ gzhal bya mngon lkog gnyis mi 'gal ba'i phyir/ ma khyab na
gzhal bya mngon lkog gnyis su nges pas chad ma mngon rjes gnyis
su nges pa ma yin par thal lo zhe na/ 'o na

ma grub pa dang 'gal ba dang ma nges pa'i rtags gsum mi 'gal bar
thal/ rtags yang dag gi mtshan nyid kyi yan lag phyogs chos rjes
khyab ldog khyab gsum mi 'gal ba'i phyir/ ma khyab na/ sel byed
rtags yang dag gi mtshan nyid la gsuM

du grangs nges pas bsal gzhi rtags ltar snang la ma grub pa sogs
gsum du grangs nges pa min par thal lo zhes brjod na ci smra/
grangs nges pa ma yin pa 'dod do zhe na/ 'o na snga ma la yang
'dod do/ /'o na mngon sum lkog tu gyur pa las/ /

gzhal bya gzhan ni yod ma yin/ /de phyir gzhal bya gnyis nyid
kyis/ /tshad ma gnyis su bzhed pa dang/ /zhes pa ji ltar drang
zhe na/ 'o na/ gtan tshigs kyi ni tshul gsum la'ang/ /de yi ma
grub zlog don dang/ /'khrul ba can gyi gnyen

por ni/ /nges pa brjod par mdzad pa yin/ /ces pa ji ltar drang
zhes brjod par bya'o/ /des na/ gzhal bya mngon lkog gnyis mi
'gal bas/ tshad ma mngon rjes gnyis mi 'gal dgos pa ma yin te/
spyir gzhal bya mngon lkog mi 'gal pa la/

@16b tshad ma gcig la bltos te mngon gyur yin pa dang lkog gyur
yin pa mi 'gal dgos pa ma yin pa'i phyir ro/ /lhas/ mngon sum
dang lkog tu gyur pa'i mtshan nyid de yang rtogs pa po ? dang da
ltar gyi gnas skabs la bltos pa yin no/ /de ltar min

na/ lta ba po dang snang ba dag gi gnas skabs kyi khyad par
gzhan du gyur pa dang/ mngon sum dang lkog tu gyur pa dag rnam
pa gzhan du 'gyur ba'i phyir/ mtshan nyid 'tshal ba yin no/ /zhes
gsungs pa'i don ni/ mngon sum dang lkog tu gyur pa'i

mtshan nyid so sor nges par bshad pa de yang/ rtogs pa po dang da
ltar gyi gnas skabs la bltos nas so sor nges par bshad pa yin
gyi/ de la ma bltos par ci rigs nas mngon lkog so sor nges par
bshad pa ma yin te/ ci rigs nas mngon gyur

kyang lkog tu 'gyur/ lkog gyur kyang mngon du 'gyur bas/ mtshan
nyid 'chol ba ste mi 'gal ba yin no zhes pa'i don to/ /de ltar
byas na/ de'i 'grel bshad du shAkya blos/ 'tshal bar snang ba
yin te/ mngon sum yang lkog tu 'gyur ba'i phyir dang/ lkog

tu gyur ba yang gzhan du mngon sum nyid du 'gyur ba'i phyir/ ces
bshad pa dang yang legs par 'grig go/ des na lha'i 'grel pa de'i
don mngon lkog 'gal ba'i sgrub byed du rtogs pa po gcig la bltos
pa yin pa'i phyir/ ces par bzungs nas log

pa'i tha snyad ma spel cig /da ni 'di dpyad par bya ste/ khyed
kyis lkog gyur gyi mtshan nyid du rjes dpag tshad ? mas dngos su
rtogs par bya ba zhes smra na/ 'di ni mi 'thad de/ gzhal bya de
kho la lkog gyur yin na kho sa ? de dngos su rtogs par 'gal pa'i
phyir

@17a @#/ /snyam du dogs na/ de la kho bos bshad par bya yi nyon
cig /yul mngon gyur gyi tshul gyis rtogs pa dang yul lkog gyur
gyi tshul gyis rtags pa gnyis 'gal ba yin gyi/ yul lkog gyur yin
pa dang yul de

dngos su rtogs pa ni mi 'gal te/ 'di ltar/ rjes dpag ched mas
rang gi gzhal bya de dngos su ma rtogs na shugs la rtogs dgos pa
yin te/ tshad mas yul rtogs ? tshul la dngos rtogs shugs rtogs ?
gang yang min pa'i rtogs ? tshul gsum

pa med pa'i phyir ro/ /rjes dpag tshad mas rang gi gzhal bya
shugs rtogs yin pa'ang mi 'thad de/ rang gi gzhal bya ma yin
pa'i gzhal bya 'ga' zhig dngos su gzhal ba'i stobs kyis rang gi
gzhal bya rtogs pa yin par thal ba'i phyir ro/ /

'o na/ dngos rtogs shugs rtogs zhes pa'i don gang zhe na/ 'di la
dngos rtogs ? shugs rtogs ? spyi'i don mngon sum tshad ma'i dngos
rtogs ? shugs rtogs kyi don/ rjes dpag tshad ma'i dngos rtogs
shugs rtogs kyi don dang gsum/ dang

po ni/ tshad ma de yul de la blo kha phyogs shing rnam pa shar
ba'i stobs kyis nges shes rjes kyi blo gzhan la bltos med du
'dren pa ni/ yul de dngos su rtogs pa'i don yin la/ yul de la da
lta blo kha ma phyogs kyang/ tshad ma des rang gi

gzhal bya dngos su gzhal ba'i stobs kyis yul da la skabs dang
mthun par sgro 'dogs bcad tshar bas phyis blo kha phyogs pa tsam
gyis tshad ma gzhan la bltos med du nges pa skye bar 'gyur ba ni/
shugs rtogs kyi don yin no/ /gnyis

@17b pa ni/ rang gi gzhal bya de'i rnam pa dngos su shar nas de
la sgro 'dogs gcod pa ni/ mngon sum tshad ma'i dngos rtogs kyi
don yin te/ dper na/ sngo 'dzin mngon sum tshad mas sngon po'i
rnam pa dngos su shar nas sngon po ? la sgro 'dogs gcod pa lta
bu'o

rang gi gzhal bya de'i rnam pa dngos su shar nas de la sgro
'dogs bcad stobs kyis rang la rnam pa ma shar ba'i chos gzhan la
yang sgro 'dogs gcod pa ni/ mngon sum tshad ma'i shugs rtogs kyi
don yin te/ dper na/ bum pas dag pa'i sa phyogs

kyi rnam pa dngos su shar nas nges pa drangs stobs kyis/ de'i
steng gi bum med kyi rnam pa dngos su ma shar kyang bum yod kyi
sgro 'dogs bcad cing/ blo kha phyogs pa tsam gyis bum med du
nges par 'gyur ba lta bu'o/ /de yang bum pas dag pa'i sa

phyogs su bum pa med pa'i nges pa rang stobs kyis 'dren nus kyi
bum pas dag pa'i sa phyogs 'dzin pa'i dbang po'i mngon sum ma
tshad ma de/ sa phyogs kyi steng gi bum med de la mngon sum ma
yin te/ de dang bum med de don gzhan gang zhig /de la

bum med de'i rnam pa dngos sum shar pa'i phyir ro/ /rjes dpag
kyang ma yin te/ de la bum med de'i don spyi ma shar pa'i phyir
ro/ /'on kyang de la tshad ma yin te/ ci'i phyir zhe na/ de lta
bu'i mngon sum tshad ma chos can/ khyed bum pas dag pa'i sa

phyogs kyi bum med la tshad ma yin par thal/ de khyod kyi yul yin
pa gang zhig /khyod de la ldog phyogs kyi sgro 'dogs bcad nas
nges pa rang dbang du 'dren pa'i tshad ma yin pa'i phyir/ zur
snga ma ma grub na/ shes na ches can/ blo'i ? yul yin na blo

@18a @#/ /de'i dngos yul yin pas khyab par thal/ de de'i yul ma
yin pa'i phyir ro/ /'dod na/ rjod byed kyi sgra'i brjod bya yin
na sgra de'i dngos kyi brjod bya yin pas khyab par thal lo/ /gal
te/ mngon sum de bum med la tshad ma

yin cing/ bum med la mngon rjes gang yang ma yin na/ tshad ma la
mngon rjes gnyis su grangs ma nges par thal lo zhe na/ tshad ma
mngon rjes gnyis su grangs nges zhes pa'i don ni/ tshad ma yin
na/ mngon rjes gang rung

yin dgos/ zhes pa yin la/ tshad ma yin na mngon rjes gang rung
yin dgos na/ de la tshad ma yin na/ de la mngon rjes gang rung
yin dgos pas khyab pa ni ma yin te/ gal te khyab na/ shes bya
chos can/ chos de'i yul yin no/ chos de'i snang yul/

gzung yul/ zhen yul/ 'jug yul/ gang rung yin dgos par thal/ yul
yin na bzhi po gang rung yin dgos pa'i phyir/ khyab rtags khas
blangs/ 'dod na/ bum pa'i sgra don chos can/ khyod bum pa zhes
pa'i sgra'i snang yul sogs bzhi po gang

rung yin par thal/ khyod de'i yul yin pa'i phyir/ gsum pa ni/
rang gi gzhal bya de'i don spyi dngos su shar ba'i sgo nas de la
sgro 'dogs gcod pa ni/ rjes dpag tshad ma'i dngos rtogs kyi don
yin te/ dper na/ sgra mi rtag rtogs kyi rjes dpag la sgra mi

rtag pa'i don spyi dngos su shar ba'i sgo nas sgra mi rtag pa ma
yin par 'dzin pa'i sgro 'dogs gcod pa lta bu'o/ /rang gi gzhal
bya de'i don spyi dngos su shar nas sgro 'dogs bcad stobs kyis
rang la don spyi ma shar ba'i chos gzhan la yang sgro 'dogs

@18b gcod pa ni/ rjes dpag tshad ma'i shugs rtogs kyi don yin te/
dper na sgra mi rtag rtogs kyi rjes dpag tshad ma la/ sgra'i
steng gi rtag pa med pa'i don spyi dngos su ma shar yang sgra la
rtag pa yod pa'i sgro 'dogs bcad cing/ blo kha phyogs tsam gyis
tshad

ma gzhan la bltos med du sgra la rtag pa med par nges par 'gyur
ba lta bu'o/ /'dir yang rjes dpag de sgra'i steng gi rtag pa med
pa de la mngon rjes gang yang ma yin zhing/ tshad ma yin pa'i
rgyu mtshan sngar ltar shes par bya'o/ /gal te bum med de mngon

sum tshad ma'i gzhal bya yin par thal/ de lta bu'i mngon sum de
bum med de la tshad ma yin pa'i phyir ro/ /'dod na/ mngon sum
tshad ma'i gzhal bya yin na rang mtshan yin pas ma khyab par thal
lo zhe na/ thal ba gnyis ka 'dod pa yin la/ mngon

sum tshad ma'i gzhal bya yin na/ rang mtshan yin pas khyab par
bshad pa ni/ kho mngon sum tshad ma yin na kho'i gzhal bya gang
yin rang mtshan yin pas khyab par ston pa ma yin gyi/ kho chos de
la tshur mthong gi mngon sum yi na/ chos de rang

mtshan yin dgos zhes pa yin no/ /de lta ma yin par/ kho mngon sum
tshad ma yin na/ kho'i gzhal bya gang yin rang mtshan yin dgos na
kun mkhyen ye shes kyi gzhal bya yin na rang mtshan yin pas khyab
par thal ba dang/ rang bzhin ma dmigs

pa'i rtags kyi phyogs chos mngon sum tshad mas grub par bshad pa
dang/ gzhal bya gnyis phyir tshad ma gnyis zhes sogs nang 'gal
gyi skyon du 'gyur ro/ /gal te/ rang bzhin ma dmigs pa'i rtags
kyi phyogs chos tshad mas grub kyang/ mngon

@19a @#/ /sum tshad ma'i gzhal bya ma yin no zhe na/ shes bya chos
can/ tshad mas grub pa la tshad mas gzhal bas ma khyab par thal/
mngon sum tshad mas grub pa la mngon sum tshad mas gzhal bas ? ma
khyab pa'i phyir/ 'dod

na; gzhi grub pa la gzhal bya ? yin pas ma khyab par thal lo/
/'o na rgyu 'bras kyi 'brel pa yang mngon sum tshed ma'i gzhal
byar thal/ des grub pa'i phyir/ 'dod na/ rgyu 'bras kyi 'brel ba
sgro btags ma yin par thal lo zhe na/ de yang snga ma

'dod cing/ phyi ma la khyab pa med de/ kho ches de la tshur
mthong gi mngon sum yin na/ chos de sgro btags ma yin dgos pa
yin gyi/ chos de mngon sum tshad ma'i gzhal bya yin pa la sgro
btags ma yin mi dgos so/ /gzhan yang/ shes bya

chos can/ kho mngon sum tshad ma yin cing/ kho chos de la tshad ma
yin na/ kho chos de la mngon sum tshad ma yin pas khyab par thal/
chos de mngon sum tshad ma'i gzhal bya yin na chos de rang mtshan
yin pas khyab pa'i phyir ro/ /'dod na/

sgra ma rtag rtogs ? kyi rjes dpag tshad ma chos can/ khyad sgra
mi rtag pa la 'khrul pa'i tshad ma yin par thal/ khyod 'khrul
pa'i tshad ma yin pa gang zhig /khyed sgra mi rtag pa la tshad ma
yin pa'i phyir/ lan med do/ /'di chos de la tshad ma yin na

chos de la mngon rjes gang rung yin dgos par 'dod pa'i rtsa ba
phyung ba yin la/ kho bo la rigs pa'i gsang tshig gzhan yang mang
du yod kyang yi ge ma ? ngas kyis dogs pas ma bris so/ /da ni
'di dpyad par bya ste/ spyir rjes dpag tshad ma'i dngos kyi

@19b gzhal bya yin na rtags yang dag gi bsgrub bya yin pas khyab
pa ma ma khyab/ gal te ma khyab na/ rjes dpag rnam gnyis rang
don ni/ /tshul gsum rtags las don mthong yin/ /ces pa'i gzhung ji
ltar 'chad/ 'on te/ khyab na/ spyi mtshan chos can/ khyod

rtags yang dag gi bsgrub bya yin par thal/ rjes dpag tshad ma'i
dngos kyi gzhal bya yin pa'i phyir/ rtags ma grub na/ gzhal bya
gnyis phyir tshad ma gnyis/ zhes sogs dang 'gal/ 'dod na/ chos
dang chos can gyi tshogs don du thal/ 'dod pa de'i phyir ce

na/ shes ldan dag la de lta bu'i dogs pa 'byung ba bden gyis
dang/ kho bos bshad pa 'di nyon cig /spyi mtshan rjes dpag tshad
ma'i dngos kyi gzhal bya yin la/ rtags yang dag gi bsgrub bya ni
ma yin no/ /'on kyang/ rjes dpag rnam gnyis rang don ni/ /

tshul gsum rtags las don mthong yin/ /ces pa dang mi 'gal te/
gzhung des rjes dpag tshad ma yin no/ rtags yang dag gi bsgrub
bya zhig 'jal bas khyab par bstan pa yin gyi/ rjes dpag tshad
ma'i gzhal bya yin na rtags yang dag gi bsgrub bya yin

dgos par bstan pa ma yin no/ /'o na/ rjes dpag tshad mas spyi
mtshan 'jal na/ gzhi dang 'brel par 'jal ba'am/ ma 'brel bar 'jal
zhe na/ gzhi dang 'brel par 'jal bas khyab ste/ rjes dpag tshad
mas rang gi gzhal bya yin na rtags la

brten nas 'jal bas khyab pa'i phyir ro/ des na 'di ltar/ spyi
mtshan chos can/ khyod rjes dpag tshad mas dngos su 'jal bar thal/
bum pa'i skra don da khyod yin par rjes dpag tshad mas dngos su
'jal ba'i phyir/ der thal/ bum pa'i sgra don de khyod

@20a @#/ /du sgrub pa'i rtags yang dag yod pa'i phyir ro/ /bsgrub
bya dang mi mtshungs te/ gzhi gcig gi steng du rtags yang dag gi
bsgrub bya yin pa la/ rtags yang dag gi bsgrub bya yin pas ma
khyab/ gzhi gcig gi steng du

rjes dpag tshad ma'i gzhal bya yin na rjes dpag tshad ma'i gzhal
bya yin pas khyab pa'i phyir ro/ /'o na mi rtag pa chos can/
khyod mi rtag pa sngar nas tshad mas nges zin/ ma brjed par yod
pa'i rgol ba'i rgyud kyi sgra mi rtag rtogs kyi rjes dpag tshad

ma des gzhal par thal/ des sgra'i steng du gzhal ba'i phyir/
'dod na/ rjes dpag de bcad shes su 'gyur zhing/ tshad ma gang
rung gcig don med du 'gyur ro zhe na/ des mi rtag pa 'jal ba
'dod pa yin la/ bcad shes su thal ba sogs kyi skyon med

de/ tshad ma snga phyi gnyis kas mi rtag pa gzhal tsam du khyad
par med kyang/ 'jal tshul la khyad par yod pa'i phyir te/ snga
mas sgra dang 'brel bar ma gzhal cing/ phyi mas sgra dang 'brel
bar gzhal ba'i phyir/ sgra dang 'brel ba'i mi rtag pa gzhal bas

mi rtag pa gzhal bar mi 'gyur na/ skad cig gnyis pa'i sngon po
bzungs pas kyang/ sngon po bzungs bar mi 'gyur bar mtshungs pas/
sngon po skad cig gnyis pa 'dzin pa'i mig shes sngo 'dzin mig
shes ma yin par 'gyur ro/ /spyir tshad ma

snga mas gzhal ba'i don 'jal ba tsam gyis kyang bcad shes su
'gyur ba ma yin te/ de'i rgyu mtshan rgyas par 'og tu 'chad do/
/'di dag la mkhas rlom phal cher the tshom tsam yang ma zhugs par
snang zhing/ cung zad zhugs pa dag la yang gang

@20b ci yin gtol ma byung bar snang ngo// //zla 'od reg pa'i chu
shel las/ /mu tig phreng 'dra'i chu rgyun 'dzag /bdag blo'i nyi
'od lhung ba yis/ /sngon med legs bshad 'dab stong rgyas/ /'di
gnyis sa gsum 'jig rten na/ /'gran zla med

pa'i mdzes chos yin/ /bar skabs kyi tshigs su bcad pa'o/ /da ni
gzhal bya rang mtshan dang spyi mtshan gnyis kyi rnam par bzhag pa
bshad par bya ste/ de la gzhal bya rang spyi gnyis su nges pas
tshad ma mngon rjes gnyis su nges par sgrub pa'i don bshad pa

dang; rang mtshan dang spyi mtshan gnyis kyi sgra don bshad pa
dang/ rang spyi so so'i ngo bo gtan la dbab pa dang gsum gyi
dang po ni/ gzhal bya gnyis phyir tshad ma gnyis/ zhes pas gzhal
bya rang spyi gnyis su nges pa'i rtags kyis tshad ma mngon rjes
gnyis su

nges par sgrub pa'i don/ de ni rang gzhan ngo bo yis/ /rtogs
phyir gzhal bya gnyis su bzhed ces sogs las shes dgos shing/ de
yang 'di yin te/ mngon sum tshad mar song ba'i gzhal bya rang
mtshan dang/ rjes dpag tshad mar song ba'i gzhal bya spyi mtshan

yin pas khyab pa'i phyir tshad ma mngon rjes gnyis su nges pa'i
rtags su rang spyi gnyis su nges pa bkod pa ma yin te/ sgra mi
rtag rtogs kyi rjes dpag tshad ma sgra mi rtag pa rang mtshan la
rjes dpag tshad ma yin pa'i phyir ro/ /mngon sum tshad ma'i gzhal
bya yin na rang

mtshan dang/ rjes dpag tshad ma'i gzhal bya yin na spyi mtshan yin
pas khyab pas kyang de ltar bshad pa ma yin te/ bum pas dag pa'i
sa phyogs kyi bum med lta bu spyi mtshan 'ga' zhig kyang mngon
sum tshad ma'i gzhal byar 'gyur ba dang/ sgra mi rtag pa lta bu
rang

@021a @#/ /mtshan 'ga' zhig kyang rjes dpag tshad ma'i gzhal byar
'gyur ba yod pa'i phyir ro/ /des na rang mtshan gzung yul du byas
nas gzhal bya 'jal ba dang/ spyi mtshan gzung yul du byas nas
gzhal bya 'jal ba'i 'jal tshul gnyis su

nges pa'i rtags kyis/ tshad ma mngon rjes gnyis su nges par sgrub
pa nyid/ gzhal bya gnyis phyir tshad ma gnyis/ zhes pa'i don yin
te/ de ni rang gzhan ngo bo yis/ /rtogs phyir gzhal bya gnyis su
bzhed/ /ces bshad pas so/ /des na/ don byed nus dang mi

nus phyir/ /ces sogs kyi don kyang/ don byed nus pa'i chos gzung
yul du byed pa dang mi nus pa'i chos gzung yul du byed pa'i sgo
nas gzhal bya 'jal ba gnyis su nges pa'i phyir/ ces sogs su shes
par bya'o/ /gnyis pa sgra don bshad pa ni/ ci'i phyir rang

gi mtshan nyid dang spyi'i mtshan nyid ces bya zhe na/ rang gi ngo
bo dgag bya sogs gzhan la bltos med du rang dbang du 'char rgyu
yod pa'i mtshan nyid de rang bzhin can yin pas rang gi mtshan nyid
dang/ rang gi ngo bo rang dbang ba ma yin par spyi tsam gyi rang
bzhin can

yin pas spyi'i mtshan nyid ces bya'o/ /gsum pa so so'i ngo bo
gtan la dbab pa la/ rang gi mtshan nyid gtan la dbab pa dang/
spyi'i mtshan nyid gtan la dbab pa gnyis/ dang po la mtshan nyid
bshad pa dang/ mtshan gzhi ngos gzung ba gnyis/ dang po ni/ gzhan

dag yul dus rang bzhin ma 'dres par gnas pa dang/ don byed nus
pa sogs rang mtshan gyi mtshan nyid du 'dod pa mi 'thad do/ /dbu
ma thal 'gyur ba/ rang mtshan don dam dpyod pa'i rtags kyi dgag
bya'i gtso bor 'dod pas/ dngos smra ba 'dod pa'i rang mtshan gyi

@021b don ldog de bkag pa don dam bden par 'dod pa yin la/ de'i
phyir dngos smra bas/ rang mtshan gyi don ldag tu gang 'dod pa
de/ dbu ma thal 'gyur bas tha snyad du yang gzhi ma grub par
'dod pa yin la/ yul dus rang bzhin ma 'dres pa dang don byed nus
pa sogs

dbu ma thal 'gyur ba yang khas len pa'i phyir ro/ /des na de dag
skabs 'dir rang mtshan gyi mtshan gzhi yin gyi mtshan nyid min no/
/rang lugs ni/ rang mtshan gyi mtshan nyid rtog pas btags pa min
par rang ngos nas thun mong ma yin pa'i rang bzhin du gnas

pa'i dngos po'i/ /gnyis pa mtshan gzhi ngos gzung ba ni/ yul dus
rang bzhin ma 'dres par gnas pa'i dngos po rnams rang mtshan gyi
mtshan gzhi yin la/ de yang/ yul dus rang bzhin ma 'dres pa'i don
la/ gzhan dag gis/ shar na yod na nub na med pa sogs

yul ma 'dres pa'i don dang/ kha sang yod na di ring med pa sogs
dus ma 'dres pa'i don dang/ khra bo la yod na nag sgur la med pa
sogs rang bzhin ma 'dres pa'i don du bzungs nas/ kha cig ni/
dngos po dang bum pa sogs rang gi gsal ba la rjes su 'gro

ba'i phyir/ rang mtshan ma yin gyi spyi mtshan yin la/ rang mtshan
yin na shes pa skad cig cha med dang/ rdul phran phyogs kyi cha
shas med pa yin dgos shing/ don byed nus pa la yang rang mtshan
yin pas ma khyab la/ don dam par don byed nus pa yin na rang

mtshan yin pas khyab pa yin no zhes zer to/ /mkhas par rlom pa'i
nga rgyal gyis khengs pa kha cig na re/ dngos po yin na rang
mtshan yin pas khyab pa yin la/ rang mtshan yin na gsal ba la rjes
'gro byed par 'gal bas/ dngos po yin na cha med yin dgos

@022a @#/ /pa yin no/ /de'i phyir dngos po dang bum pa soD ni
rdzas su ma grub cing/ rdzas su grub na skyon yod/ /ji ltar yod
na/ dngos po dang bum pa rdzas gcig gam tha dad/ tha dad na bum
pa dngos po ma yin par 'gyur ro/ /gcig na/ bum 'dzin mngon

sum gyis bum pa mthong ba na dngos po yang mthong bar thal/ de
gnyis rdzas gcig yin pa'i phyir/ ma khyab na/ mngon sum sgrub
'jug ma yin par 'gyur ro/ /dngos po dang bum pa skye 'jig cig
car byed par thal/ de gnyis rdzas gcig pa'i phyir/ 'dod na/

ka ba dang dngos po yang skye 'jig cig car byed par thal/ de
gnyis rdzas gcig yin pa'i phyir/ 'dod na/ ka bum skye 'gag gcig
par 'gyur ro/ /ka bum rdzas gcig yin par thal/ bum pa yang dngos
po dang rdzas gcig ka ba yang dngos po dang rdzas gcig

yin pa'i phyir/ thal ba gsum ga la khyab pa yod de/ chos de dang
rdzas gcig yin na/ chos de dang cig yin dgos pa'i phyir/ der
thal/ sgra dang sgra'i mi rtag pa lta bu rang mtshan rdzas gcig
pa rnams tha dad du med pa'i phyir/ der thal/ rang 'dzin mngon

sum gyis gcig tu dmigs pa'i phyir/ bum 'dzin mngon sum gyis
dngos po mthong na'ang skyon yod de/ bum 'dzin mngon sum chos
can/ spyi 'dzin gyi blor thal/ dngos po tsam de mthong ba'i blo
yin pa'i phyir/ ma khyab na/ dngos po tsam de spyi yin pa

'bud/ 'dod na/ mngon sum rtog bcas su thal lo/ /gzhan yang bum
pa dngos po yin na kho rang la yod pa'i gzugs dri ro reg bya
bzhi sa chu me rlung bzhi dang rdzas gcig gam ? tha dad/ rdzas
gcig na kho la yod pa'i rdzas brgyad po rdzas gcig yin par

@022b thal lo/ /rdzas tha dad yin na/ bum pa la yod pa'i rdzas
brgyad po las rdzas tha dad pa'i bum pa'i rdzas yod pa ma yin
par thal/ de las rdzas tha dad pa'i bum pa'i rdzas gzugs kyang
med/ dri ro reg bya sa chu me rlung yang med/ sgra yang med pa'i
phyir dang/

bum pa de phyi'i bem po yin pa'i phyir/ khyab pa yod de/ phyi'i
bem po yin na 'byung ba dang 'byung gyur gang rung yin dgos pa'i
phyir ro/ /gzhan yang/ bum pa tsam de rdzas su grub cing/ gser
bum dang rdzas gcig na de gser bum gyi rdzas su grub bam

ma grub/ grub na dngul bum la rjes 'gro mi byed par 'gyur/ ma
grub na gser bum dang rdzas gcig yin pa 'gal lo/ /bum pa tsam de
'das ma 'ongs kyi rdzas yin nam/ da ltar ba'i rdzas yin/ dang po
ltar na/ da ltar gyi bum gsal la rjes 'gro

mi byed par 'gyur/ phyi ma ltar na/ 'das ma 'ongs kyi bum gsal
la rjes 'gro mi byed par 'gyur ro/ /gang yang min na/ rdzas su
ma grub par 'gyur ro/ /bum pa de 'gag gam/ mi 'gag na dngos po
min par 'gyur/ 'gag na/ bum pa 'gags

rjes su grub pa'i gser bum sogs spyi med du 'gyur ro zhes zer
cing/ rigs pa de dag mtshungs par 'jug par mthong nas/ ming tshig
lta ci smos/ yi ge rnams kyang rdzas su ma grub par 'dod de/ de
yang 'di ltar/ yi ge'i thung mtha' a lta bu la

yang skad cig ma drug cu rtsa lnga yod pas/ khe ? rdzas su grub
na de rnams dang rdzas gcig dang tha dad gang rung yin dgos pa
la/ de ltar na skad cig dang po de zhig pa'i dus na kho zhig gam
ma zhig/ zhig na/ skad cig phyi ma dang rdzas gcig dang tha dad

@023a @#/ /gang yang min par thal/ skad cig phyi ma'i dus na
khyod rdzas su ma grub pa'i phyir/ ma zhig na phyis kyang mi
'jig par thal/ sngar ma zhig pa'i phyir/ 'dod na/ dngos po yin
pa nyams so/ /zhas mad du smra la/ rags

pa dang rgyun yin na yang rdzas su ma grub par 'dod de/ de yang
bum pa rags pa yin cing rdzas su grub na/ kho rang la yod pa'i
yan lag rnams dang rdzas gcig gam tha dad/ rdzas gcig na/ yan
lag rnams kyang rdzas gcig tu 'gyur ro/ /rdzas

tha dad na/ yan lag las ma gtogs pa'i yan lag can gyi rdzas yod
par 'gyur la/ de 'dod na bye brag pa dgag tu med par 'gyur ro/
/rgyun rdzas grub 'gog pa la yang/ kho rang la yod pa'i skad cig
snga phyi rnams dang rdzas gcig gam tha dad

ces brtogs na gong dang mtshungs so zhes smra zhing/ dngos po yin
na da ltar ba yin dgos pa dang/ bum pa gzhi grub dngos po min
bum gzugs sogs kyang rdzas su ma grub ces smra la/ 'di la yang
kha cig /dngos po'i mtshan gzhi gang yin ces

dris pa na/ shes pa skad cig cha med dang/ rdul phran cha med
yin ces lan 'debs la/ mkhas par rlom pa kha cig ni/ de tsam yang
smra ma nus par bum gzugs skad cig cha med yin na dngos po yin
ces brtag pa mtha' bzung gi tshul gyis lan

'debs par byed cing/ gnyis kas kyang dngos po dang bum pa sogs
spyi mtshan yin par 'dod pa yin te/ dper na/ lus la dbyug gus
bsmun cing mgrin ba zhags pas bcings te smra ba po rang dbang
med par byas pa las/ skyes bu snga ma'i dang tshul can

@023b dag gis tshig gi 'phreng ba byung rgyal du smra ba ltar/
'bral ba cung zad kyang med cing/ 'gal ba cam zhig snying por
zad ba'i tshig gi lbu ba la snying po'i don gyi ro cung zad tshol
bar byed pa yin no/ /da ni de dgag pa bstan par bya ste/ de la
yang dngos po yin na

rang mtshan yin mi dgos par 'dod pa'i phyogs de ? dgag pa dang/
dngos po sogs rdzas su ma grub par 'dod pa'i phyogs dgag pa'o/
/dang po ni/ shes bya chos can/ rang gi gzung yul du gyur pa'i
spyi mtshan 'jal ba'i mngon sum tshad ma yid par thal/

bum 'dzin mngon sum tshad ma'i gzung yul yin pa'i spyi mtshan yod
? pa'i phyir/ ma grub na/ bum pa spyi mtshan yin pa 'bud/ 'dod
na/ sgra don gzung yul du byed pa'i mngon sum tshad ma yod par
thal ba dang/ mngon sum rtog bcas yod par thal ba dang/

rang mtshan gzung yul du byed pa'i rjes dpag tshad ma yod par thal
ba'i skyon 'byung ngo/ /don byed nus pa la rang mtshan yin pas ma
khyab na/ gzhal bya rang spyi gnyis su nges pa'i rtags su don
byed nus dang mi nus phyir ces bkod pa 'bral med du 'gyur ro/ /

don dam par don byed nus pa yin na rang mtshan yin pas khyab na/
sngon po sogs rang mtshan ma yin par 'dod pa 'gal te/ sngon po
chos can/ khyod rang mtshan yin par thal/ khyod don dam par don
byed nus pa yin pa'i phyir/ khyab gsal dngos/ ma

grub na/ der thal/ don dam dpyod byed kyi tshad mas don byed par
gzhal ba'i phyir/ der thal/ mngon sum tshad mas der gzhal ba'i
phyir/ 'di la khyab pa yod pa'i rgyu mtshan 'og tu rgyas par
bshad par bya'o/ /shes bskad cig cha med dang rdul phran phyogs

@024a @#/ /kyi cha shas med pa rang mtshan du 'dod pa dang/ bum pa
rang mtshan ma yin par 'dod pa'ang 'gal te/ shes pa skad cig cha
med yin pa du ma yod dam med/ med na/ 'jig rten gyi khams na
shes pa skad cig cha med

gcig las med par thal lo/ /yod na shes pa skad cig cha med chos
can/ khyod spyi mtshan yin par thal/ rang gi gsal ba la rjes 'gro
byed pa'i phyir/ khyab gsal dngos/ ma grub na/ khyod yin du ma
yod pa 'bud/ khyod yin du ma yod kyang rang gi

gsal ba la rjes 'gro byed par mi 'grub na/ bum pa'ang rang gi
gsal ba la rjes 'gro byed par gang gis 'grub legs par soms shig
/shes pa skad cig cha med yin na/ rang mtshan yin dgos zhes
smra'i/ shes pa skad cig cha med rang

mtshan yin ces mi smra'o zhe na/ rang mtshan gyi mtshan gzhi 'dzin
pa na brtag pa mtha' bzung gi tshul du byed dgos pa 'di ni/ 'ga'
zhig dngos po'i mtshan gzhi brtag pa mtha' bzung gi tshul du byed
dgos pa dang/ tshul mtshungs pa yin pas

'og tu dgag par bya'o/ /gnyis pa dngos po sogs rdzas su ma grub
par 'dod pa dgag pa ni/ bum 'dzin mngon sum chos can/ khyod
dngos po yin par thal/ khyod kyis bum pa mngon sum du mthong
ba'i phyir/ ma grub na/ bum pa dang dngos

po rdzas gcig yin na/ khyod kyis bum pa mngon sum du mthod na/
dngos po mngon sum du mthong dgos pa 'bud/ ma khyab na/ mngon
sum yin na/ dngos po yin dgos pa'i grub pa'i mtha' khyod rang
yang khas len pa dang 'gal/ 'dod na/

@024b bum 'dzin mngon sum bum 'dzin mngon sum skad cig dang po
dad rdzas gcig gam tha dad/ rdzas gcig na/ bum 'dzin mngon su ma
chos can/ khyod bum 'dzin mngon sum skad cig dang po dang skye
'gag cig car byed par thal/ de dang rdzas gcig

yin pa'i phyir/ 'khor gsum la lan med do/ /rdzas tha dad na/ bum
'dzin mngon sum skad cig dang po chos can/ khyod bum 'dzin mngon
sum ma yin par thal/ de dang rdzas tha dad yin pa'i phyir/ yang
'khor gsum la lan med do/ /shes bya

chos can/ dngos po dang bum brdzas gcig yin na/ dngos po'i rdzas
dang bum pa'i rdzas gcig yin dgos par thal/ de gnyis rdzas gcig
yin na skye 'gag cig car byed dgos pa'i phyir/ 'di la phyogs 'di
khas len pa dag kha mthun du 'dod

lan 'debs par byed do/ /de dag thams cad nyon cig/ ba lang dkar
zal chos can/ khyod kyi rigs dang pa lang nag sgur gyi rigs gcig
yin par thal/ khyod dang de gnyis rigs gcig yin pa'i phyir/ 'dod
na/ de ma yin par thal/ ba lang

dkar zal ma yin pa las log pa'i ldog pa de ba lang dkar zal gyi
rigs yin/ ba lang nag sgur gyi rigs ma yin pa'i phyir/ 'di la
lan gdab par nus pa'i mkhas pa yod na/ kho bos stong gdags par
bya'o/ /shes bya chos can/ rtsol

byung gi dngos po dang/ rtsol ma byung gi dngos po gnyis bdag
gcig tu 'brel bar thal/ rtsol byung gi dngos po yang mi rtag pa
la bdag gcig tu 'brel/ rtsol ma byung gi dngos po yang mi rtag
pa la bdag gcig tu 'brel ba'i phyir/ ma khyab

@025a @#/ /na/ bum pa yang dngos po dang rdzas gcig/ ka ba yang
dngos po dang rdzas gcig na/ ka bum rdzas gcig dgos pa 'bud 'dod
na/ ka bum rdzas mi gcig pa 'bud/ ma grub na/ rtsol byung gis
dung sgra mi rtag par sgrub

pa'i rtags chos bdag gcig tu 'brel bar 'dod pa dang 'gal/ bum
'dzin mngon sum chos can/ spyi 'dzin gyi blor thal/ bum pa
mthong ba'i blo yin pa'i phyir/ 'dod na dngos su 'bud/ ma khyab
na/ bum pa spyi yin pa 'bud/ ma grub na/ bum

pa la sgrub 'jug gi blo yin pa 'bud/ bum pa skyi yin pa la bum
'dzin mngon sum gyis bum pa mthong na/ spyi 'dzin gyi blo yin
pas khyab mi dgos na/ dngos po spyi yi na na bum 'dzin mngon sum
gyis dngos po mthong na spyi 'dzin gyi blo yin

dgos pa 'bud do/ /gzhan yang rdzas gcig na gcig yin dgos par
'dod pa ni/ sgra dang sgra'i mi rtag pa sogs rdzas gcig pa
rnams/ rang 'dzin mngon sum gyis gcig tu dmigs pa'i phyir dang/
slo ma 'khrul pas gcig tu dmigs

na gcig yin dgos pa'i phyir snyam pa 'ba' zhig sgrub byed kyi
mthar thug par zad med/ 'di ni blo ma 'khrul bas gcig tu dmigs
pa dang/ tha dad du ma dmigs pa ma phyed pa yin te/ sgra 'dzin
nyan shes kyis sgra dang sgra'i mi rtag pa tha

dad du ma dmigs pa yin gyi/ gcig tu dmigs pa ma yin no/ /sgra
'dzin nyan shes kyis sgra dang sgra'i mi rtag pa tha dad du ma
dmigs pas gcig du dmigs dgos na/ sgra bdag yod du dmigs par
thal/ sgra bdag med du ma dmigs

@025b pa'i phyir ro/ /sgra'i steng gi bdag med sgra'i rdzas yin
na/ nyan shes kyis sgra dmigs pa na sgra'i bdag med dmigs dgos
kyang/ rdzas ma yin pas bdag med par ma dmigs pa yin la/ de'i
phyir bdag med par ma dmigs kyang bdag yod

par dmigs mi dgos so/ /zhe na/ 'dir yang sgra dang mi rtag pa
tha dad yin pa'i cha rdzas su grub na nyan shes kyis de gnyis
tha dad du ma dmigs na/ gcig tu dmigs dgos kyang/ de rdzas su ma
grub pas nyan shes kyis ma dmigs pa yin no zhes brjod

par bya'o/ /tha dad yin pa'i cha rdzas su ma grub pa'i rgyu
mtshan ci yin ce na/ sgra dang mi rtag pa'i tha dad rdzas su grub
na sgra dang mi rtag pa'i tha dad bden par grub dgos pas/ de
gnyis bden pa'i tha dad du 'gyur la/ de ltar na de gnyis rdzas
tha dad du 'gyur

ba'i phyir ro/ /sgra yang rdzas su grub/ mi rtag pa yang rdzas
su grub/ sgra dang mi rtag pa tha dad kyang yin na/ de gnyis tha
dad yin pa'i cha rdzas su ma grub par 'gal lo zhe na/ 'o na/
sgra skad cig cha med dang mi rtag pa skad cig cha med kyi bdag
med yin na/ rdzas su

grub dgos par thal/ de gnyis yin na rdzas su grub dgos shing/ de
gnyis yin na bdag med yin dgos pa'i phyir/ lan med do/ /des /na/
sgra dang mi rtag pa rdzas su grub cing/ de gnyis tha dad yin
kyang/ de gnyis tha dad yin pa'i cha de gnyis kyi rdzas ma

yin pa'i phyir/ de gnyis tha dad du mngon sum gyis dmigs mi dgos
pa yin na/ gal te/ de gnyis tha dad yin pa'i cha rdzas su ma
grub na/ de gnyis tha dad yin pa rtog pas btags pa tsam du 'gyur
bas/ de gnyis tha dad yin pa mi 'thad par 'gyur

@26a @#/ /ro zhe na/ 'o na/ shes bya chos can/ kun rdzob yin na
gzhi ma grub pas khyab par thal/ rtog pas btags pa tsam yin na
tshad mas gnod pa 'bab pa'i phyir ro/ /ma grub na/ tha dad yin pa
rtog pas btags pa tsam yin na/ tha dad yin

pa mi 'thad dgos pa 'bud do/ /bum 'dzin mngon sum bum pa la
sgrub 'jug yin pa'i rgyu mtshan gyis bum pa dang dngos po rdzas
gcig yin na/ des dngos po yang mthong dgos zhes smra ba yang/ de
phyir dngos po mthong ba yis/ /yon tan mtha' dag mthong ba nyid/
/

ces pa'i gzhung gi don rtogs pa'i blo gros med par/ sgra spyi
tsam gyi rjes su 'brangs pa'i bab col te/ thogs bcas kyi gzugs
skad cig cha med yin pa yod dam med/ med na bum gzugs skad cig
cha med yin pa yod pa 'bud/ yod na/ de dang

de la yod pa'i thogs pa'i reg bya gnyis rdzas gcig gam tha dad/
tha dad na/ rang gi yan lag las rdzas tha dad pa'i yan lag can
mi srid pa 'bud/ rdzas gcig yin na/ de 'dzin mig shes kyis de'i
reg bya yang mthong bar thal/ de de

la sgrub 'jug yin pa gang zhig /de dang de'i reg bya rdzas gcig
yin pa'i phyir/ 'khor gsum khas so/ /yang rnam rig pa'i dbang du
byas na/ sngon 'dzin mig shes kyi 'dzin rnam chos can/ khyod
kyis sngon po dngos su bzungs bar thal/ sngon 'dzin

mig shes la dngos su sgrub 'jug gang zhig /sngon 'dzin mig shes
dang sngon po rdzas gcig yin pa'i phyir/ 'dod na/ sngon 'dzin
mig shes dang de'i 'dzin rnam gnyis la rang rig gzhan rig gi
khyad par med par thal ba'i skyon 'byung zhing/ 'dzin rnam

@26b la sngon po'i rnam pa ma shar na sngon po dngos su rtogs
par mi 'thad la/ rnam pa shar na sngon 'dzin mig shes la shar
ba'i sngon po'i rnam pa dang/ de'i 'dzin rnam la shar ba'i sngon
po'i rnam pa gnyis gcig yin nam/ tha dad yin/ gcig yin na/ sngon

'dzin mig shes dang de'i 'dzin rnam yang gcig yin par thal lo/
/tha dad yin na/ skyes bu gcig gis sngon po gcig la mig shes
kyis bltas pa na sngon po'i rnam pa tha dad pa gnyis cig car
'byung bar thal lo/ /mdo sems gang gi dbang du byas kyang/

rdzas gcig yin na gcig yin pas khyab par 'dod pa la/ skyon 'di
yang yod de/ mig shes kyi 'dzin rnam chos can/ de'i gzung rnam
dang gcig yin par thal/ /rdzas gcig yin pa'i phyir/ 'dod na/
rang rig dang gzhan rig kyang gcig yin par thal lo/

ma grub na/ de de la rang rig mngon sum ma yin par thal lo/ /des
na/ don gyi rang gi ngo bo gcig /ces sogs dang/ de phyir dngos
po mthong ba yis/ /zhes sogs kyi don ni/ chos de dang grub bde
dbyer med kyi rdzas gcig yin na/ chos de mthong ba'i mngon sum

gyis mthong bas khyab ces pa'i don yin no/ /de'i phyir/ khyad
par cha shas rnam spangs pa/ /mngon sum gyis ni bzungs pa
la'ang/ /zhes dang/ rang 'grel du'ang/ de phyir dngos po mthong
ba yis/ /yon tan mtha' dag mthong ba nyid/ /ces pa'i sgrub byed
du/ cha shas med

pa la phyogs gcig mthong ba mi rung ba'i phyir ro/ /zhes gsungs
pa yin no/ /gzhan yang chos de dang rdzas gcig yin na chos de
dang cha med gcig yin dgos par thal/ chos de dang rdzas gcig yin
na chos de dang gcig yin dgos pa'i phyir/ khyab ste/ chos

@27a @#/ /de dang cha tha dad yin na chos de dang gcig yin par
'gal ba'i phyir ro/ /'dod na/ rnam rig pa'i dbang du byas na/
sngon 'dzin mig shes dang sngon po yang cha med gcig tu 'gyur
bas/ sngon 'dzin mig shes la sngon po rgyang ?

chad du snang ba bzhin du sngon 'dzin mig shes kyang rgyang chad
du snang bar thal lo/ /mdo sems gang gi dbang du byas kyang/
rtog pa dang de myong rang rig mngon sum cha med gcig tu thal/
de gnyis rdzas gcig yin pa'i phyir/ 'dod na/ rtog pa bzhin du

de myong rang rig mngon sum la yang sgra don dngos su snang bar
thal lo/ /'dod na/ mngon sum ma yin par thal lo/ /gzhan yang bum
pa chos can/ bum pa'i gzugs rdzas su grub par thal/ khyod rdzas
grub 'gog pa na bum gzugs dang rdzas gcig

gam/ tha dad brtags nas 'gog rigs pa'i phyir/ khyab pa tshad mas
grub/ rtags gsal dngos su khas blangs so/ /gzhan yang bum pa
dang bum pa'i gzugs sogs rdzas gcig na/ bum pa la yod pa'i rdul
rdzas brgyad po rdzas gcig

tu 'gyur zhes khas blangs pas ni/ bum pa'i gzugs sogs bum pa'i
rdzas su khas blangs pa yin pas/ bum gzugs rdzas su ma grub par
'dod pa dang dngos su 'gal ba yin no/ /bum pa phyi'i bem por
khas len pa dang/ bum pa dngos

med du khas len pa yang nang 'gal ba'i khur chen yin no/ /bum
pa de gser bum gyi rdzas su ma grub na/ gser bum dang rdzas gcig
yin par 'gal zhes pa la ni/ rdza bum chos can/ gser bum

@27b gyi rigs yin par thal/ gser bum dang rigs gcig yin pa'i
phyir/ ces pa'i thal ba mtshungs la/ de dang rdzas gcig yin
kyang/ de'i rdzas yin mi dgos pa'i rgyu mtshan bshad zin to/ /bum
pa da ltar ba'i rdzas yin na/ 'das ma 'ongs kyi bum gsal la

rjes 'gro mi byed par 'gyur/ zhes pa yang skyon min te/ 'das ma
'ongs kyi bum pa zhes pa/ 'das pa yin pa'i bum pa dang/ ma 'ongs
pa yin pa'i bum pa la zer ba yin na/ de lta bu gzhi ma grub pa'i
phyir dang/ kha sang lta bu la 'das pa'i dus su byas nas de'i

dus na yod pa'i bum pa yin pa la 'das pa'i bum pa zhes zer ba
yin na/ de lta bu'i bum pa da ltar ba'i bum pa yin pas/ de la
rjes 'gro byed pa dang da ltar ba'i rdzas yin pa mi 'gal ba'i
phyir ro/ /bum pa 'gags na bum pa 'gags rjes su skyes pa'i

gser bum spyi med du 'gyur/ zhes pa'ang skyon min te/ bum pa
chos can/ khyod 'gags na khyod 'gags rjes su skyes pa'i gser bum
spyi med du 'gyur dgos pa ma yin par thal/ khyod 'gags kyang
khyod 'gags rjes su skyes pa'i bum pa de

khyod 'gags rjes su skyes pa'i gser bum la rjes su 'gro ba'i
phyir ro/ /bum pa 'gags rjes su skyes pa'i bum pa mi srid do zhe
na/ 'o na dngos po da ltar ba 'gags rjes su skyes pa'i dngos po
da ltar ba mi srid par 'gyur ro/ /yi ge rdzas

grub 'gog pa'i rigs pa yang mi 'thad de/ tshes gcig yin pa rdzas
su grub bam/ ma grub/ grub na/ de'i snga dro dang gung dang phyi
dro dang rdzas gcig tha dad gang rung yin dgos la/ de lta na/
de'i snga dro zhig pa'i dus na de zhig gam ma zhig /zhig na phyi
dro sogs dang

@28a @#/ /rdzas gcig dang tha dad gang yang ma yin par thal/ phyi
dro'i dus na khyod rdzas su ma grub pa'i phyir/ 'khor gsum mo/
/ma zhig na phyis kyang mi 'jig par thal/ sngar ma zhig pa'i
phyir/ 'khor gsum mo/ gzhan

yang phyis kyang mi 'jig par thal/ sngar ma zhig pa'i phyir/ ces
pa ni/ bum gzugs skad cig cha med yin na dngos po yin dgos par
'dod pa la'ang mtshungs te/ de chos can/ khyod phyis kyang mi
'jig par thal/ sngar ma zhig pa'i phyir/ khyab pa

dngos/ 'dod na/ dngos po ma yin par thal/ de'i phyir/ 'khor gsum
dngos/ ma grub na/ dngos po ma yin par thal/ 'das pa yin pa'i
phyir/ 'khor gsum la lan med do/ /tshes gcig yin pa rdzas su ma
grub na/ zla ba dang lo dang bskal pa

sogs rdzas su ma grub dgos pas/ bskal pa grangs med gsum du
tshogs bsags nas 'tshang rgya ba mi srid par thal/ /gzhan yang yi
ge rdzas su ma grub pa la gnod byed mang du yod mod/ 'og tu
bstan par bya'o/ /rags pa yin na rdzas su

ma grub pas khyab par 'dod pa'ang mi 'thad de/ sngon po chos
can/ khyod rdzas su ma grub par thal/ rags pa yin pa'i phyir/
'dod na/ sngon 'dzin mig shes skad cig cha med yin na/ sngon po
dmigs rkyen du byas pa las skye dgos par 'dod

pa dang 'gal/ rtags ma grub na/ der thal/ phyi rol gyi don gang
zhig /rdul phra rab ma yin pa'i phyir/ rdul phra rab ma yin par
thal/ rang gi bdag nyid du gyur pa'i rang min cha shas tha dad
pa du ma'i tshogs pa yin pa'i phyir/ gzhan yang/ sngon

@28b po rdzas su ma grub na/ sngon po chos can/ khyod rtog pas
btags pa tsam du thal/ gzhal bya gang zhig /rdzas su ma grub
pa'i phyir/ 'dod na/ don rig ma 'khrul pa la khyod kyi rnam pa
dngos su shar ba mi srid par thal/ khyod rtog pas btags pa tsam

yin pa'i phyir/ 'dod na/ sngon 'dzin mig shes yin pa mi srid par
thal/ don rig ma 'khrul pa la sngon po'i rnam pa dngos su shar
ba mi srid pa'i phyir ro/ /shes bya chos can/ tshur mthong gi don
rig mngon sum gyi dngos kyi gzhal bya yin na rdzas su grub par

'gal bar thal/ rags pa yin na rdzas su ma grub pas khyab/ rdul
phran cha med tshur mthong gi mngon sum gyis dngos su 'jal ba mi
srid pa'i phyir/ rtags snga mkhas blangs so/ /phyi ma ma grub
na/ dus mtha'i skad cig ma mngon sum du rtogs pa'i so so skye bo

yod par thal lo/ /'dod na/ rtag 'dzin gyi sgro 'dogs kyi sa bon
bcom pa'i so skye yod par thal lo/ /'dod na/ so skye dang 'phags
pa'i gzhi mthun yod par thal lo/ /gzhan yang/ chos rnams rmi lam
'dra ba'i phyir/ ces sogs kyi skabs su dbu ma pas/

chos thams cad rmi lam dang 'dra bar bden pa'i rang bzhin med
par khas blangs pa la/ don smra bas/ nyin par gnyid sad pa'i dus
su mngon zhen drag pos bsags pa'i dge sdig gi las nges kyang
'bras bu bde sdug mi skyed par thal/ las 'bras de dag

bden pa'i rang bzhin med pa'i phyir/ ces 'phangs pa'i thal ba
de/ dbu ma pas don smra ba la bzlog nas 'phangs na/ don smra bas
'khor gsum ga dngos su khas len par thal/ thal ba de'i gsal ba
tshad bsal yin pa gang zhig /khyab pa tshad mas grub

@29a @#/ /par don smra ba rang gis dngos su khas blangs pa yin
la/ rtags kyang khyod ltar na/ tshad grub byed pa don smra ba
gnyis kyi rtsa ba'i grub mtha' yin pa'i phyir/ rang gi rtsa ba'i
grub mtha' de ma dor bzhin du de la rang nyid kyis sun 'byin

'phen pa'i don smra ba gnyis po de gang na bzhugs gzigs rgya
dang ldan pa khyod kyis ston cig /des na/ rags pa dang rgyun la
bzhag pa'i las 'bras de dag don dam par yod par rang gi rtsa
ba'i grub mtha' la khas len pas/ de dag bden med du khas len

pa'i dbu ma pa la thal ba 'phen pa yin no/ /'o na/ 'grel pa don
gsal du don smra ba'i 'dod pa brjod pa na/ don dam par gsad bya
gsod byed sogs med par bshad pa dang 'gal lo zhe na/ de ni don
dam dpyod byed kyi tshad ma blo ma 'khrul ba la don dam

zhes pa'i sgra bshad nas de'i gzung ngor rags rgyun dang bya
byed sogs kyi ldog pa mi srid par ston pa yin no/ /de'i rgyu
mtshan yang/ gsad bya gsod byed dang/ bskyed bya skyed byed dang/
rags rgyun sogs kyi ldog pa ni/ skad cig snga phyi dang dus snga
phyi dang yan

lag du ma cha shas su ldan pa'i cha can la 'jog dgos la/ blo ma
'khrul ba la cha bcas dngos su snang mi srid pa'i phyir ro/ /'o
na/ /sngon po rags par 'dod pa dang/ sngon po sngon 'dzin mig
shes la dngos su snang bar 'dod pa dang/ blo ma 'khrul pa la cha
bcas

su dngos su snang mi srid par 'dod pa rnams 'gal lo zhe na/ mi
'gal te/ sngon po rags pa yin cing sngon po sngon 'dzin mig shes
la dngos su snang ba yin kyang/ sngon po rags pa yin par sngon
'dzin mig shes la snang ba ma yin pa'i phyir/ de'i rgyu

@29b mtshan yang/ sngon po sngon 'dzin mig shes la cha bcas su
snang na/ sngon po dang sngon po'i cha shas rnams sngon 'dzin
mig shes la tha dad du snang dgos la/ de ltar na sngon po dang
sngon po'i cha shas rnams rdzas tha dad yin par thal ba'i phyir
ro/ /rags pa rdzas

grub khas len pa 'ga' zhig /dbang shes la rags pa'i rnam pa
snang bar khas len pa dag kyang gnod byed de dang du longs shig
/des na/ sngon po rags pa yin cing/ sngon po sngon 'dzin mig
shes la dngos su snang yang/ sngon pos sngon 'dzin mig shes la

rags pa'i rnam pa yang ma gtad la/ rdul phran gyi rnam pa yang
ma gtad kyis/ de gnyis gang gis kyang khyad par du ma byas par
sngon po yin pa'i rnam pa tsam zhig dngos su gtad pa yin no/
/des na/ dbang shes rnams skye mched kyi rang gi mtshan nyid kyi

yul can yin gyi rdzas kyi rang gi mtshan nyid kyi yul can ma yin
par bshad pa'i don kyang 'di yin te/ sngon po yin pa'i cha de
sngon po'i skye mched kyi rang gi mtshan nyid yin pa'i phyir te/
sngon po sngon po yin pa'i cha nas gzuD kyi skye mched yin pa'i
phyir ro/ kha cig /

rags pa yin na/ rdzas su ma grub pas khyab par khas blangs nas/
rdul phran yin na tshur mthong gi mngon sum la dngos su snang du
mi rung ba dang/ dbang shes yin na phyi rol rang mtshan dngos yul
du byed pas khyab par yang khas len pa dag snang ste/

'di ni nang 'gal ngo mi shes par zad de/ shes bya chos can/ rags
pa dang rdul phran gang yang ma yin pa'i phyi don rdzas su grub
par thal/ de'i phyir/ 'dod na/ rags pa dang rgyun yin pa'i rdzas
su grub pa mi srid pa 'bud do/ /kha cig /dbang shes kyi

@30a @#/ /gzung don yin na/ rdul phran yin pas khyab/ dbang shes
la rang gi gzung don rags pa'i rnam par snang zer ba'ang mi
'thad de/ dbang shes rnams rang gi snang yul la 'khrul par thal/
rang gi gzung don rags pa ma yin pa la

rags pa'i rnam par dngos su snang ba'i phyir ro/ /gzung don
rnams kyis kyang rang 'dzin dbang shes la rang 'dra'i rnam pa ji
lta ba bzhin ma gtad par thal lo/ /'o na/ sngon pos kyang sngon
'dzin mig shes la rang 'dra'i rnam pa ji lta ba bzhin ma gtad
par thal/

sngon po rags pa yin kyang de la rags pa'i rnam pa gtad pa ma
yin pa'i phyir ce na/ sngon po yin pa'i rnam pa dngos su gtad pa
ji lta ba bzhin du rang yang sngon por gnas pa nyid/ rang 'dra'i
rnam pa ji lta ba bzhin gtad pa'i don yin

gyi/ de lta ma yin par rang cha bcas yin cing/ rang gi ji lta
ba'i rnam pa gtad na rang cha bcas kyi rnam pa yang gtad dgos
na/ utpal sngon po chos can/ khyod kyis rang 'dzin mig shes ma
'khrul ba la rang gi dri dang ro dang bcas pa'i rnam pa yang
gtad par thal/

khyod kyis de la rang ji lta ba'i rnam pa gtad pa gang zhig
/khyod dri dang ro dang bcas pa yin pa'i phyir/ dbang shes la
rags pa'i rnam pa mi snang na/ rdul phran de dag gang gis na/
/rags par snang ba de 'drar byed/ /ces pa ji ltar yin ce na/ de
ni sems tsam

pas/ mdo sde pa la/ don gyis shes pa rang dang 'dra bar skyed
na/ bdag nyid thams cad kyis 'dra bar skyed dam/ phyogs re tsam
gyis 'dra bar skyed/ dang po ltar na/ dbang shes rags pa'i rnam
ldan du yang skyed dgos pa la/ de mi rigs zhes brtags nas

@30b 'gog pa'i gzhung yin gyi/ mdo sde pas dbang shes la rags
pa'i rnam pa snang bar 'dod pa 'gog pa ma yin no/ /rgyun yin na
rdzas su ma grub pas khyab par 'dod pa la/ gnod byed gong du
yang brjod zin la/ 'dir yang brjod par bya ste/ sgra chos can/
khyod

rdzas su ma grub par thal/ khyod rgyun yin pa'i phyir/ der thal/
skad cig du ma cha shas su ldan pa'i dngos po yin pa'i phyir/ ma
grub na/ sgra skad cig ma gcig las med par 'dod dgos so/ /'o na/
sgra la rgyun med par bshad pa ji ltar yin ce na/ de ni riD

'dra'i rgyun med par bshad pa yin gyi/ de lta min par skad cig
du ma cha shas su ldan pa'i rgyun yang ma yin na/ sgra chos can/
khyod dus thung pa'i mthar thug pa yin par thal/ khyod 'dus byas
gang zhig /khyod rgyun ma yin pa'i phyir/ 'dod na/ khyod tshur
mthong

gi mngon sum gyis rtogs pa mi srid par thal lo/ /des na skad cig
du ma cha shas su ldan pa'i dus la rgyun ces bya la/ rdul rdzas
du ma cha shas su ldan pa'i gong bu la rags pa zhes bya'o/
/gzhan dag na re/ rdul phran cha med gnyis chos can/ gzugs

kyi chung ba'i mthar thug pa yin par thal/ rdul phran cha med
yin pa'i phyir/ khyab pa khas blangs/ 'dod na/ rdul phran gcig
gi go sa las gnon pa'i nus pa med par thal lo/ /zhe na/ 'o na/
dus mtha'i skad cig ma brgya chos can/ khyod la dus mtha'i skad
cig ma

cig gi yun tshad las med par thal/ dus mtha'i skad cig ma yin
pa'i phyir/ khyab gsal khas so/ /rtags ma grub na/ dus mtha'i
skad cig ma du ma mi srid par khas len dgos pas dus mtha'i skad
cig ma yin pa gcig las mi srid par 'gyur ro/ /

@031a @#/ /dus mtha'i skad cig ma brgya 'thud pa rgyun yin kyang
dus mtha'i skad cig ma brgya po dus thung ba'i mthar thug pa yin
no/ /de ltar na/ dus mtha'i skad cig ma brgya po dus mtha'i skad
cig ma gcig dang yun ring thung mnyam par

'gyur ro zhe na/ de 'dod pa yin no/ /'o na/ skad cig ma brgya po
la skad cig ma gcig gi yun ched las med pas brgya 'thud kyang
rgyun du mi 'gyur ro zhe na/ skyon med de/ ring thung yin min
mtshungs kyang/ ring thung yod med mi mtshungs pa'i phyir ro/ /'on

kyang tshul 'di dag ni kho bo cag shin tu zhib pa'i blo gros dang
ldan pa dag kho na'i spyod yul yin pas/ bzhin bzang khyed kyis
ni zab mo'i gnas 'di lta bu rtogs kyang ci ma rung snyam du mos
par bya ba tsam yin no/ /rgyun rdzas su grub na kho la yod pa'i
skad

cig snga ma dang phyi ma rnams dang rdzas gcig tha dad gang rung
yin dgos la/ de lta na/ kho skad cig snga ma'i dus na zhig gam
ma zhig /zhig na phyi ma rnams dang rdzas gcig dang tha dad du
mi rigs te/ de'i dus na med pa'i phyir/ ma zhig na/ phyis kyang
mi

'jig dgos pas/ rtag par 'gyur zhes pa'ang rigs pa ltar snang
ste/ shar gyi rdul phran cha med dang /nub kyi rdul phran cha
med rdzas tha dad ma yin par thal/ shar rdul yod pa'i gzhi na
nub rdul med/ nub rdul yod pa'i gzhin shar rdul med pa'i phyir/

lan med do/ /gzhan yang/ snying po med pa'i rigs pa 'di la yid
brtan bcas nas/ rgyu 'bras rnams kyang rdzas su ma grub par 'dod
med kyi/ phyogs 'di la ni/ dngos po yin na rgyu las ma skyes pas
khyab par thal lo/ /gzhan yang shes bya chos can/

@031b du ba skyes na du ba rang gi rgyu me rgyu min dgos par
thal/ du ba skyes na du ba rang gi rgyu me 'gags pas khyab pa'i
phyir/ ma khyab na/ 'bras bu skyes na rgyu 'gags pas khyab na/
rgyu 'bras rdzas gcig dang tha dad gang yang min pas khyab pa
'bud do/ /'dod na/ du ba 'bras

bu yin na me rgyu min dgos pas khyab par thal lo/ /'dod na/ du
ba yod na me med dgos par thal lo/ /'dod na/ shes bya chos can/
me med par thal/ du ba yod pa'i phyir/ 'khor gsum mo/ /'o na/ du
ba skyes kyang rang rgyu me rdzas su grub na/ me ma 'gags

dgos pas/ rgyu 'bras dus mnyam du 'gyur ro zhe na/ 'o na/ 'bras
bu skyes na 'bras bu de'i rgyu med dgos pas 'bras bu gang skyes
thams cad rtag par 'gyur ro/ /gzhan yang/ du ba'i dus na me du
rgya 'bras yin na/ me'i dus na me du rgyu 'bras yin nam/ me

du rgyu 'bras min/ dang po ltar na/ du ba'i dus na me yod par
thal/ de'i dus na me du ba'i rgyu yin pa'i phyir/ 'khor gsum mo/
gnyis pa ltar na/ me'i dus na du ba yod par thal/ de'i dus na du
ba me'i 'bras bu yin pa'i phyir/ 'khor gsum mo/ /gsum pa

ltar na/ du ba du ldan la la me yod du sgrub pa'i 'bras rtags
yang dag tu 'gyur mi srid par thal lo/ /khyod rang la yang 'di
ltar brtag pa mi 'jug gam zhe na/ mi 'jug ste/ kho bo cag ni/
me'i dus dang du ba'i dus gnyis ka cha shas su ldan pa'i dus

la bltos nas me du rgyu 'bras su 'dod pa yin la/ khyed kyang de
bzhin 'dod pa rgyun yin na rdzas grub mi srid pa nyams so/ /da
ni dngos po'i mtshan gzhi 'dzin pa na/ bum gzugs skad cig ma gcig
yin na dngos po yin ces brtag pa mtha' bzung gi

@032a @#/ /tshul du lan 'debs pa de la/ 'di dri bar bya ste/ bum
gzugs skad cig ma gcig yin ba yod dam med/ med na/ dngos po'i
mtshan gzhi gang yin ces dris pa na/ ri bong gi rwa yin na dngos
po yin/ ces lan 'debs pa

dang mtshungs pas/ smras pa tsam nas mtshod rdzogs pa yin no/ /yod
na/ bum gzugs chos can/ khyod skad cig ma gcig mi srid par thal/
khyod 'jig pa mi srid pa'i phyir ro/ /'dod na dngos ma khyab na
skad cig ma yin na 'jig pas khyab par 'dod pa dang

'gal/ ma grub na/ khyed 'jig pa srid na khyod dngos med yin pa
'bud/ bum gzugs skad cig ma gcig yin na bum gzugs skad cig ma
snga phyi rnams dang rdzas gcig dang tha dad gang rung yin dgos
par thal/ de yin na rdzas su grub dgos pa'i

phyir/ khyab rtags khas blangs/ 'dod na/ bum gzugs skad cig cha
med yin na/ bum gzugs skad cig snga ma 'jig pa na 'jig gam mi
'jig/ 'jig na bum gzugs skad cig phyi ma yin na/ bum gzugs skad
cig cha med ma yin dgos par

'gyur/ mi 'jig na/ phyis kyang mi 'jig pas rtag par 'gyur ro
zhes sogs khyed rang gis smras pa'i sun 'byin thams cad mtshungs
par 'jug pa yin no/ /de bas na dngos po'i mtshan gzhi med do zhes
smra ma nus par zol smra 'di lta bu khas len pa

las ni/ kho bo cag ci yang mi smra'o zhes byas nas dang po nyid
nas gtam gyi rgyun bcad nas 'dug na kun nas nyon mongs par mi
'gyur ro/ /des na sgra dngos po ma yin pas dngos med du khas len
dgos pa byung zhing/ de'i phyir sgra rtag par khas

@032b len dgos pa byung ste/ phyogs 'di la ni/ byas pa'i rtags
la brten nas sgra mi rtag rtogs kyi rjes dpag tshad ma 'jug yul
la 'khrul pa'i log shes su thal lo// //smras pa/ mkhas rlom
gzhan dag mkhas pa'i mdun sa cher/ /rgyal mtshan

bzhin du rang nyid rgyan du 'phyir/ /dbyig gi bshes gnyen rang
gi spyod tshul kun/ /skye bo'i dbus su ston pa chos nyid yin/
/shes bya'i de nyid gtan la 'bebs pa na/ /rang gi de nyid gsal
bar ston byed cing/ /gzhan skyon brjod tsha rang gi tshig la

yang/ /thal ba mtshungs pa'i ltag chod e ma mtshar// //da ni rang
gi 'dod pa brjod par bya ste/ de yang yul dus rang bzhin ma
'dres pa zhes pa'i don ji ltar yin ce na/ da ni yul dus rang
bzhin 'dres par 'dzin pa'i blo'i 'dzin stangs kyi

bzlog phyogs yin la/ yul dus rang bzhin 'dres par 'dzin pa'i
rtog pa'i 'dzin stangs la yang/ snga dro yod na phyi dro yod pas
khyab pa dang/ khra bo la yod na ser skya la yod pa dang/ shar
na yod na nub na yod par 'dzin pa med par rang gi myong bas grub

pas rang mtshan gcig nyid/ snga dro yod na phyi dro med pa dang/
shar na yod na nub na med pa dang/ khra bo la yod na ser skya la
med pa lta bu yul dus rang bzhin ma 'dres pa'i don ma yin no/
/des na yul dus rang bzhin 'dres 'dzin gyi rtog pa'i 'dzin

stangs la snga dro'i ka ba de nyid phyi dro yod par 'dzin pa
dang/ ka ba de nyid shar nub kyi rdzas gzhan la reg pa'i tshe/
shar la reg pa de nyid kyis nub la yang reg pa dang/ ba lang
rang gi gsal ba kun la rjes su 'gro ba'i tshe/ khra bo la rjes su
song ba de nyid

@033a @#/ /ser skya la yang rjes su song bar 'dzin pa sogs yod
pas/ ma 'dres pa'i don/ snga dro'i ka ba phyi dro med pa dus ma
'dres pa'i don yin gyi/ ka ba snga dro yod na phyi dro med dgos
pa dus cha ma 'dres pa'i don ma yin la/ shar

la rag pa'i rdzas des nub la ma reg pa lta bu/ yul ma 'dres pa'i
don yin gyi/ rdzas de shar la reg na nub la ma reg dgos pa sogs
yul ma 'dres pa'i don ma yin zhing/ khra bo la yod pa'i rang
bzhin de sar skya la med pa sogs/ rang bzhin ma 'dres pa yin pa
la

pa'i don yin gyi/ rang bzhin da khra bo la yod na ser skya la
med pa sogs rang bzhin ma 'dres pa'i don ma yin no/ /des na bum
pa dang dngos po sogs rang gi gsal ba la rjes 'gro byed pa dang/
rang nyid yul dus rang bzhin ma 'dres pa yin pa la

'gal ba med pas/ dngos po yin na rang mtshan yin pas khyab pa yin
la/ rang mtshan yin kyang rang gi gsal ba la rjes 'gro byed pa'i
spyi yin par mi 'gal zhing/ spyi dngos po yin pa 'gog pa'i rigs
pa dang/ gzhung mang du yod kyang/ spyi yin

na dngos po yin par 'gal zhes pa'i rigs pa dang/ gzhung phyogs
glang yab sras gang gis kyang ma gsungs la/ spyi yin na dngos po
ma yin dgos zhes ston pa'i sde bdun gyi 'grel pa 'grel bshad
gang gi yang tshig gcig kyang med do/ /'o na/

shes la yod pa'i don de rnams/ zhes sogs ji ltar drang zhe na/
gzhung de dag gis ni spyi gzhi mthun gyi tha snyad 'jug pa'i
gzhi rtog pa'i yul du gyur pa'i sgra don du ston pa yin gyi/ de
dag yin na rang mtshan min pas khyab par ston pa ma yin te/

@033b dngos po yang rang gi gsal ba la rjes 'gro byed pa'i spyi
yin pa'i phyir te/ dngos po gsal ba la rjes 'gro mi byed na/
dngos po yin pa du ma med par thal lo/ /spyi yin na spyi mtshan
yin pas khyab pa ni ma yin te/ gal te

khyab na/ spyi yin na sgro btags yin dgos par 'gyur la/ de lta
na/ kho yin pa du ma yod na kho sgro btags yin dgos par 'gyur
bas/ kho rdzas su grub na kho yin pa 'jig rten na gcig las med
dgos par 'gyur ro/ /gzhan yang spyi zhes pa'i don ni/ thun mongs

zhes pa yin pas chos gnyis la rjes 'gro byed pa tsam gyis spyir
'jog nus la/ de dang rang mtshan yin pa mi 'gal te/ don byed nus
dang mi nus phyir/ /ces pas/ don byed nus na rang mtshan yin pas
khyab par bstan la/ byas pa sgra mi rtag sgrub kyi mthun dpe bum

pa dang/ sgra gnyis ka la rjes 'gro byed par sde bdun du lan
gcig ma yin par bshad pa'i phyir ro/ /des na/ de ni rgyu dang
'bras bur bshad/ /de ni rang gi mtshan nyid 'dod/ /ces pas/ 'bras
bu rang mtshan du yang bshad la/ bsgrub bya'i rjes 'gro phyir
'bras bu/ /spyis

kyang sgrub par byed pa la/ /zhes pas/ 'bras bu spyi yin par
yang bshad pa yin no/ /spyi mtshan zhes pa'i don ni/ rang gi ngo
bo'i sgo nas rtogs par byar med par spyi'i sgo nas rtogs dgos
pa'i mtshan nyid can/ zhes pa yin pas de yin na sgro btags yin
dgos

pa'i phyir/ spyi mtshan yin na dngos por 'gal ba yin la/ don byed
nus dang mi nus phyir/ ces pas kyang/ spyi mtshan yin na don byed
mi nus dgos par bshad la/ gzhan ni kun rdzob yod pa ste/ zhes
sogs kyis don dam du yod par mtshan mtshan gyi mtshan gzhi

@034a @#/ /dang/ kun rdzob tu yod pa spyi mtshan gyi mtshan gzhir
bshad pa yin no/ /de bas na/ spyi dang rags pa dang rgyun zhes
bya ba ni sgro btags rdzas su ma grub pa'i spyi mtshan yin kyang/
spyi dang rags pa dang rgyun yin na rdzas su

grub pa dang rang mtshan sogs yin par mi 'gal zhing /spyi mtshan
yin pas ma khyab po/ /de'i phyir bum pa lta bu spyi yang yin/
rags pa yang yin/ rgyun yang yin/ rang mtshan yang yin la/ spyi
mtshan ma yin no zhes shes par gyis shig /phyi rol pas

spyi dngos por khas blangs pa la gnod byed 'byung ba'i rgyu
mtshan ni/ grangs can gyis sngon po'i rang bzhin du gyur pa'i
gtso bo de nyid ser po'i rang bzhin du khas blangs zhing/ gtso
bo de rtag rdzas su khas blangs pas/ sngon po'i rang bzhin dang
ser po'i rang

bzhin cha med gcig tu 'dod dgos pa yin la/ de'i phyir/ sngo ser
skye 'gag cig car byed par thal ba dang /blo ma 'khrul pa la
sngo ser tha dad du mi snang bar thal ba sogs kyi skyon du 'gyur
ba yin no/ /des na/ tha dad pa/ med na cig car skye 'jig

'gyur/ zhes sogs kyang de ltar du shes par bya'i/ spyi de dang
bye brag de rdzas gcig yin na skye 'gag cig car byed dgos zhes
ston pa ma yin no/ /de bzhin du spyi gsal rdzas tha dad du khas
len pa'i bye brag pas kyang/ khra bo la rjes su 'gro ba'i spyi
de

nyid ser skya la yang rjes 'gro byed pa'i cha med du khas blangs
pas/ bum spyi dang bum pa skad cig dang po cha med gcig tu 'gyur
la/ de lta na bum pa skad cig dang po 'gags rjes su skyes pa'i
bum pa rnams spyi med du thal ba'i skyon 'phen pa yin te/

@034b de ltar min na/ phyis yod cha dang ldan pa'ang min/ /zhes
pa ji ltar 'chad soms shig /rjes 'gro de las 'bras mi 'byung/
/zhes pas ni/ gsal ba la rjes su 'gro ba'i spyi sgro btags yin
pas de las 'bras bu mi 'byung bar ston pa yin gyi/ spyi yin na
'bras

bu mi 'byung bar sten pa ma yin no/ /phyi rol pas ni rags pa
rdzas grub khas len pa'i tshe na'ang/ rags pa yan lag can gyi
rdzas de cha med du khas blangs shing/ de yan lag rnams dang
rdzas gcig tu khas blangs pa na/ yan lag rnams kyang cha med
gcig

tu 'gyur bas/ yan lag gcig g.yo na yan lag thams cad g.yo bar
thal ba sogs kyi skyon 'byung ba yin la yan lag can rnams rang
gi yan lag rnams las rdzas gzhan du khas blangs pa na/ yan lag
las ma gtogs pa'i yan lag can yod par

thal ba'i skyon 'byung ba yin cing /yan lag can rang gi yan lag
dang rdzas gcig yin cing /yan lag can de cha bcas kyang yin no
zhes 'dod pa'i phyi rol pa ni su yang med do/ /rang luD la/ bum
pa lta bu raD pa yin kyang cha bcas yin/ rang gi cha shas su
gyur pa'i yan lag rnams dang rdzas gcig tu

khas len pa yin pas ji skad brjod pa'i skyon rnams mi 'byung ba
yin no/ /tshes gcig gi gnyin lta bu rgyun yin cing rdzas su grub
kyang/ de'i snga dro 'jig pa na 'jig gam mi 'jig ces brtags pa
dang /skad cig ma ma yin par thal ba sogs kyi skyon med

de/ tshes gcig gi snga dro nas tshes gcig gi mgo zug pa'i phyir/
ches gcig yod kyang tshes gcig rdzogs par grub pa ma yin la/ tshes
gnyis kyi snga dro'i snga logs tsam du tshes gcig rdzogs par grub
kyang/ de'i skad cig gnyis par tshes gcig

@035a @#/ /zhig pa'i phyir dang/ rang grub dus las dus gnyis par
mi sdod pa nyid skad cig ma'i don yin pa'i phyir/ /'dis rgyun
ldan gyi dngos po kun la mtshon te shes par bya'o/ /gnyis pa
spyi'i mtshan nyid gtan la dbab pa la/ mtshan

nyid bshad pa dang/ mtshan gzhi ngos gzung ba gnyis kyi/ dang po
ni/ yul rang ngos nas grub pa'i gnas luD kyi ngo bo ma yin par
rtog pas btags pa tsam gyi chos su grub pa'i/ /gnyis pa mtshan
gzhi ni/ yul dus rang bzhin 'dres 'dzin gyi rtog pa'i gzung yul
du gyur pa gang

yin pa ste/ 'di rtogs pa la/ rtog pa la yul ji ltar snang ba
dang /rtog pa yul la ji ltar 'jug pa'i tshul shes dgos pas/ de
bshad par bya ste/ de yang gcig la mtshon nas brjod na/ gser bum
bum par 'dzin pa'i rtog pa la/ gser bum yang

bum par snang zhing /rang gi dngos kyi gzung bya de yang bum par
snang la/ de yang gser bum bum par snang ba'i snang ba dang
/rang gi dngos kyi gzung bya de bum par snang ba'i snang ba
gnyis so sor yod pa ma yin gyi/ rtog pa rang gi snang ngon de
gnyis gcig tu

'dres nas snang zhing /snang btags gnyis snang ngor so sor dbyer
med pas snang btags gcig tu 'dres pa zhes bya la snang pa ni bum
pa rang mtshan dang /btags pa ni bum pa'i sgra don no/ /bum pa'i
sgra don gang la bya snyam na/ bum 'dzin rtog pa la gser bum

bum par snang ba de yang sgra don yin la/ rang la snang ba de
nyid bum pa yin las log par snang ba de yang sgra don yin no/
/rtog pa de la gser bum bum par snang ba bzhin du/ gser bum bum
pa ma yin pa las log par snang zhing /rang gi dngos kyi gzung

@035b bye de yang bum par snang ba bzhin du snang ba de nyid bum
pa ma yin pa las log par yang snang yang /snang ba de gnyis gcig
tu 'dres nas snang zhing /de yang rtog pas rang gi snang ngor
snang ba de gnyis so sor mi byed pa yin gyi/ snang ba de gnyis
gcig yin no

snyam du 'dzin pa ni ma yin no/ /gser bum bum par snang ba de
dang rang gi dngos kyi gzung bya de nyid phyi rol gyi don dang
bum pa ma yin pa las log pa ma yin bzhin du dre dang der snang
bas rtog pa de rang gi snang yul la 'khrul pa zhes bya la/ yul
la 'jug

pa'i tshe gser bum bum par snang ba phyi rol gyi don du med pa de
la zhen nas phyi rol gyi don la 'jug pa yin kyang/ blo'i 'dzin
stangs la gser bum bum pa'o snyam du 'dzin pa yod kyi/ sgra don
bum pa'o snyam pa dang gser bum gyi snang ba de nyid bum pa'o
snyam

du zhen pa med pas/ zhen yul la 'khrul pa'i skyon med do/ /mdor
na 'di ltar shes par bya ste/ rtog pa de la snang tshul dang zhan
tshul gnyis yod cing /snang tshul la gser bum bum par snang ba de
dang /rang gi dngos kyi gzung bya de phyi rol don du med kyang
phyi rol

don du snang la/ bum min las log par med kyang bum min las log
par snang bas snang yul la 'khrul par 'jog la/ zhen tshul la gser
bum bum pa'o snyam du zhen cing/ de ltar don la yang gnas la/
phyi rol don du med kyang rang la phyi rol don du

snang ba'i snang ba de nyid/ bum pa'o snyam pa dang bum pa ma
yin pa las log pa'o snyam du zhen pa med pas zhen yul la 'khrul
par mi 'jog pa yin no/ /gzhan dag rtog pa'i gzung rnam rtog pa
la phyi rol lta bur snang zar ba ni mi 'thad do/ /rtog pa'i
gzung
 
@36a @#/ /rnam rtog pa nyid la zer ba yin pas rang nyid rang la
phyi rol lta bur snang ba mi srid pa'i phyir dang/ rtog pa'i
gzung rnam yang rtog pa yin pas de la yang gzung rnam gzhan gcig
phyi rol tu snang dgos pa sogs thug med du

thal ba'i phyir ro/ /rtog pa'i gzung rnam dang rtog pa la khyad
par med pa'i rgyu mtshan 'og tu bshad par bya'o/ /kha cig /gzung
rnam sgra don du 'dod pa'ang mi 'thad de/ gzung rnam shes pa'i
rdzas yin la/ sgra don yin na sgro btags yin dgos pa'i phyir ro/
/

kha cig /bum 'dzin rtog pa la shar ba'i bum pa'i gzugs brnyan la
phyi rol bum par sgro btags pa'i cha la ? bum pa'i sgra don du
'dod pa'ang mi 'thad de/ gzugs brnyan zhes pa gzung rnam la zer
ba yin na/ de lta bu phyi rol tu snang mi srid la/ rang la bum

par snang ba de la zer ba yin na/ de phyi rol bum par sgro btags
zhes pa'i don gang yin/ rtog pas phyi rol bum par zhen pa la
byed na/ sgro btags pa rtags ma grub ste/ bum 'dzin rtog pas
rang la bum par snang ba de phyi rol bum par zhen pa med pa'i

phyir te/ gal te zhen na/ de zhen yul la 'khrul pa'i log shes su
'gyur ro/ /des na rtog pa des rang la bum par snang ba la zhen
nas phyi rol bum pa la 'jug pa yin gyi/ rang la bum par snang ba
de phyi rol gyi bum par zhen nas 'jug pa ma yin no/ /sgro btags

pa'i don bum par snang ba de phyi rol bum par med kyang/ phyi
rol bum par snang ba la byed na/ de'i phyir bum 'dzin rtog pas
rang la snang ba phyi rol bum par sgro btags zer dgos pas/ snang
yul la 'khrul pa'i rtog pa thams cad sgro 'dogs su thal bar
'gyur ro/ /

@36b de yang rtog pa la gser bum bum par snang ba de sgra don
yin kyang/ rtog pa la bum par snang ba yin pa la sgra don yin
pas khyab pa ni ma yin te/ gser bum sgra don ma yin zhing/ gser
bum rtog pa la bum par snang ba'i phyir ro/ /bum pa'i sgra don
bum gsal rnams

kyi spyi ma yin zhing/ bum gsal rnams de'i bye brag ma yin te/
bum pa yin na bum pa'i sgra don yin par 'gal ba'i phyir ro/ /'on
kyang bum pa'i sgra don yin na bum gsal gyi spyi dang/ bum gsal
rnams de'i bye brag yin par 'gal ba ma yin te/ rtog pa la bum

par snang ba de bum pa'i sgra don yang yin la/ bum gsal rnams
kyi spyi yang yin pa'i phyir te/ de bum gsal mtha' dag la rjes
su 'gro ba'i phyir dang/ bum gsal rnams kyang de'i bye brag yin
pa'i phyir ro/ /des na bum gsal rnams la rjes su 'gro ba'i spyi
dngos po ba dang

dngos po ma yin pa gnyis gnyis yod de/ bum pa ni bum gsal rnams
la rjes su 'gro ba'i spyi dngos por gyur pa yin la/ rtog pa la
bum par snang ba de nyid bum gsal rnams la rjes su 'gro ba'i
spyi dngos med du gyur pa yin no/ /des na ji skad bshad pa lta
bu'i rtog pa'i gzung

yul mtha' dag ni spyi mtshan yin cing/ spyi mtshan yin na spyi yin
par yang mi 'gal lo/ /des na rtog pa la gser bum bum par snang
ba sgra don yin kyang/ snang ba de la zhen nas rtog pas gser bum
bum pa'o snyam du ji ltar thag bcad pa ltar/ gser bum bum pa yin

par dngos po la yang legs par gnas pas/ rtog pas don gyi gnas
lugs ji ltar yin pa yang gtan la phebs shing/ de lta na yang
rtog pa rang la snang ba rang mtshan du mi 'gyur ba 'di ni/ zhen
yul la mi 'khrul ba'i rtog pa kun la shes par bya'o/ /rtog pa la
brten

@37a @#/ /nas rang mtshan 'thob pa'i rgyu mtshan ni/ don rang mtshan
'dzin pa'i mngon sum gyis don du zhen pa'i bag chags 'jog pa'i
rgyu byas/ bag chags la brten nas don du zhen pa'i rtog pa skye
zhing/ des rang mtshan la 'jug par byed la/

zhugs pa las don thob nus pa yin no/ /don 'di ni/ ming don gang
ldan phan tshun du/ /tha dad pa 'di'i sa bon yin/ /ces sogs kyis
bstan pa yin no/ /kha cig na re/ rang mtshan yin na rtog pa'i yul
du 'gyur mi srid de/ 'di ltar sgra dang sgra'i byas mi rtag
rnams

rdzas gcig gam tha dad/ dang po ltar na/ sgra rang mtshan chos
can/ khyod nges pa'i rtog pa gcig gis khyod kyi byas mi rtag
kyang nges par thal/ khyod nges pa'i rtog pa yod cing/ khyod
dang khyod kyi byas mi rtag rdzas gcig yin pa'i phyir/ de ltar
yang/ rjes su dpag

pa las kyang dngos/ /'dzin na chos gcig nges gyur pas/ /chos kun
'dzin te/ zhes gsungs pa yin no/ /rdzas tha dad yin pa yang mi
'thad de/ blo ma 'khrul pas tha dad du ma dmigs pa'i phyir/ yang
chos can/ khyod la rtog pa'i rtog pas khyod kyi chos gcig

bsgrubs na kun bsgrubs pa dang/ chos gcig bkag na kun bkag par
'gyur bar thal/ rtags snga ma'i phyir/ de ltar yang/ de lta min
na don rnams kyi/ /zhes sogs gsungs pa yin no/ /des na rang
mtshan dgag sgrub kyi dngos rten yang ma yin no/ /tshad

ma yin na rang mtshan rtogs dgos par/ rang gi mtshan nyid mi shes
pa/ /shes pa gang yin ces dgongs phyir/ /ces sogs kyi bshad pa
ma yin nam/ zhe na/ skyon med de/ lung des rang mtshan rtogs byed
du ston pa yin gyi rang mtshan rtogs par ston pa

@37b ma yin no/ /zhes sogs spros pa dang bcas ta 'chad par byed
do/ /'di dag ni mi rigs pa dang mi 'thad pa dang 'gal ba dang
rang gi tshig la'ang thal ba mtshungs pa'i ltag chod dang bcas pa
yin te/ 'di ltar/ sgra rang mtshan chos can/ khyod 'jal ? ba'i

tshad ma gcig gis khyod kyi byas mi rtag kyang 'jal bar thal/
khyod 'jal ba'i tshad ma yod cing/ khyod dang khyod kyi byas mi
rtag rdzas gcig yin pa'i phyir/ ces brjod na ci smra/ 'dod de
zhe na/ 'o na/ khyod nges pa'i rtog pas khyod kyi byas mi rtag
nges pa

yang 'dod de/ /de lta na sgra byas mi rtag sogs su ngas pa'i
nges shes phyi ma rnams don med du 'gyur ro zhe na/ 'o na sgra
byas mi rtag sogs su 'jal ba'i tshad ma phyi ma rnams kyang don
med du 'gyur ro/ /gzhan yang khyab pa'ang med de/ sgra nges pa'i
rtog pa skad

cig dang pos sgra nges par byas pa'i phyir/ sgra nges pa'i rtag
pa skad cig phyi ma rnams don med du thal/ zhes mtshungs pas so/
/rtsa ba'i khyab pa mi mtshungs te/ 'di ltar/ sgra 'jal ba'i tshad
ma des sgra rtogs pa na/ sgra dang sgra'i byas mi rtag sogs
rdzas gcig yin

kyang/ byas mi rtag sogs gang la goms pa gsal ba sogs rtogs pa'i
rkyen yod pa de rtogs kyi/ rkyen med pa rnams mi rtogs so zhe
na/ 'o na/ rtog pas kyang sgra nges pa na/ sgra'i chos byas mi
rtag sogs gang la nges pa'i rkyen yod pa da nges kyi rkyen med
pa rnams

mi nges so zhes kun tu mtshungs so/ /thal ba 'og ma la yang/ sgra
chos can/ khyod 'jal ba'i tshad mas khyod kyi chos gcig bsgrubs
na kun bsgrubs pa sogs su thal/ khyod 'jal ba'i tshad ma yod/
khyod dang khyod kyi chos byas sogs rnams rdzas gcig yin

@38a @#/ /pa'i phyir/ ces pa mtshungs so/ /sgra rang mtshan chos
can/ khyod rtogs par byed pa'i rjes dpag tshad ma ngas khyod kyi
byas mi rtag sogs kyang rtogs par byed par thal/ khyod rtogs par
byed pa'i rjes dpag tshad ma yod pa gang zhig /

khyod dang khyod kyi byas mi rtag sogs rdzas gcig yin pa'i
phyir/ 'khor gsum mo/ /gzhan yang/ mngon sum tshad ma'i gzhal bya
yin na rang mtshan yin pas khyab par khas blangs nas/ mngon sum
tshad ma yin na rang gi gzhal bya la nges pa 'dren pas khyab

pa dang/ rang mtshan rtog pas nges pa mi srid par 'dod pa rnams
ni 'gal ba'i phung po'o/ /gzhan yang rang mtshan chos can/ khyod
dgag sgrub kyi gzhir rung bar thal/ khyod dgag sgrub kyi gzhir
rung ba 'gog pa dang/ mi rung ba sgrub pa'i gzhir rung ba'i
phyir/ lan

med do/ /'di ni/ med ces ldog pa de nyid ni/ /ci ltar med las
ldog par 'dod/ /ces ? pa'i gzhung gis bstan pa'i rigs pa yin
cing/ rang mtshan dgag sgrub kyi rten ma yin par 'dod pa 'gog
pa'i dbang du byas la/ dgag sgrub kyi dngos rten ma yin par 'dod

pa'ang mi 'thad de/ rang mtshan yin na tshad ma'i dngos rtogs su
mi rung bar thal/ de yin na dgag sgrub kyi dngos rten du mi rung
ba'i phyir/ khyab ste/ tshad ma rnams ni rang gi gzhal bya sgrub
pa dang/ gzhal bya'i ldog phyogs 'gog par byed pa yin pa'i phyir
te/ gzhan

du na/ sgra mnyan bya ma yin pa dang/ bum pa rtag pa sogs mngon
sum dang rjes dpag tshad ma'i bsal bar mi 'gyur ro/ /gzhan yang
rtog pas dngos po rtogs pa mi srid na/ sgra mi rtag rtogs kyi
rjes dpag tshad mas sgra mi rtag pa ma rtogs pa'am/ sgra mi rtag
pa dngos po

@38b ma yin pa gang rung du thal/ rtog pas dngos por gyur pa'i
yul rtogs pa mi srid pa'i phyir/ sgra mi rtag rtogs kyi rjes
dpag tshad mas sgra mi rtag pa ma rtogs na/ de'i gzhal bya gang
yin/ sgra mi rtag pa'i sgra don ni ma yin te/ de la log shes yin
pa'i phyir/ de gnyis las

gzhan yang yin par mi 'thad pas/ rjes dpag de tshad ma ma yin par
thal lo/ /sgra mi rtag pa dngos po ma yin no zhe na/ de lta na
dngos por med pa'i chos yin pa'i phyir/ sgra mi rtag pa rtag pa
yin par thal lo/ /'dod na/ byas pas sgra mi rtag par sgrub pa'i
phyogs chos

ma grub pa dang khyab pa 'gal bar thal lo/ /'di dag la rgya cher
bshad du yod kyang/ re shig mdor bsdu bar 'dod nas ma bris so/
/'o na/ rjes su dpag pa las kyang dngos/ zhes sogs ji ltar drang
zhe na/ de'i don ni rjes dpag sgrub 'jug yin na sgra nges pa'i
rjes dpag

gis de'i chos kun nges par 'gyur zhes pa yin la/ rjes dpag gis
sgrub pa yul du byed pas sgrub 'jug tu 'gyur dgos pa ma yin te/
yin na/ shes bya chos can/ blo des sel ba yul du byas na/ sel
'jug yin dgos par thal/ blo des sgrub pa yul du byas na/ blo de
sgrub 'jug yin dgos

pa'i phyir ro/ /'dod na/ bum pa dag pa'i sa phyogs 'dzin pa'i
mngon sum tshad ma chos can/ khyod sel 'jug tu thal/ khyod sel ba
yul du byed pa'i blo yin pa'i phyir/ der thal/ sa phyogs de'i
steng gi bum med yul du byed pa'i blo yin pa'i phyir/ de lta min
na don rnams kyi/ zhes sogs kyang/ rang mtshan

dgag sgrub kyi rten yin pa 'gog pa min gyi/ rang mtshan dgag
sgrub kyi rten yin pa de don dam par grub pa 'gog pa yin te/ de
yang 'di ltar/ sgra dgag sgrub kyi rten yin pa de don dam par
grub na/ sgra la dgag sgrub byed pa'i rtog pa'i yul don dam par
'gyur la/ de lta

@39a @#/ /na/ rtog pa de ma 'khrul pa'i shes par khas len dgos
pas/ rtog pa de sgrub 'jug tu 'dod dgos la/ rtog pa de sgrub
'jug yin na/ rtog pa des sgra la chos gcig bsgrubs na/ kun
bsgrubs pa sogs su 'gyur zhes pa yin no/ /de bzhin

du chos chos can dang bsgrub bya sgrub byed sogs sgro btags su
bshad pa rnams kyi don kyang/ sgra chos can mi rtag pa bsgrub
bya'i chos yin pa sogs don dam par grub pa 'gog pa yin gyi/ sgra
shes 'dod chos can yin pa dang/ mi rtag pa bsgrub bya'i

chos yin pa dang/ byas pa rtags yin pa sogs 'gog pa min la/ don
dam par ma grub pa rgyu mtshan/ sgra chos can yin pa sogs don dam
par grub na/ sgra dang por grub/ de'i rjes su sgra'i steng du
byas pa grub/ de'i rjes su sgra'i steng du mi rtag pa grub

pa'i grub tshul 'di don dam par grub dgos te/ shes 'dod chos can
dang por grub/ de'i rjes su phyogs chos grub/ de'i rjes su shes
'dod chos can gyi steng du bsgrub bya'i chos grub dgos pa'i
phyir ro/ /de 'dod na/ sgra rang rgyu las byas pa dang mi rtag
par

ma skyes par thal bar 'gyur ro/ /de'i phyir sgra dang mi rtag pa
dang byas pa rnams don dam par grub la/ de dag rim bzhin shes
'dod chos can dang bsgrub bya'i chos dang rtags yin cing/ de dag
shes 'dod chos can yin pa dang/ bsgrub bya'i chos yin pa dang

rtags yin pa'i cha rnams kun rdzob bden pa yin cing/ don dam par
grub pa ma yin la/ de la dgongs nas/ chos dang chos can rnam
gzhag dang/ /tha dad tha dad min ci 'dra/ /de nyid don ni ma
brtags par/ /'jig rten ji ltar grags de la/ /de bzhin

@39b kho nar brten nas ni/ /bsgrub bya sgrub pa kun gzhag pa/
/dam pa'i don la 'jug bya'i phyir/ /mkhas pa rnams kyis byas pa
yin/ /ces sogs gsungs pa yin no/ /de la spyir rgyal ba'i gsung
rab kyi brjod bya mtha' dag bden pa gnyis su 'dus la/ kun rdzob

bden pa mtha' dag ni/ don dam pa'i bden pa rtogs pa'i thabs su
bstan pa 'ba' zhig yin cing/ khyad par du chos chos can bsgrub
bya sgrub byed la sogs pa'i rnam gzhag mdzad pa thams cad ni/
chos chos can sogs kun rdzob yin kyang de la brten nas don

dam dngos po'i gnas lugs gtan la phebs pas/ dngos po'i gnas lugs
rtogs pa'i thabs su gsungs pa yin pas/ dam pa'i don la 'jug
bya'i phyir/ ces pa'i don kyang de nyid yin no/ /des na sgra
shes 'dod chos can yin kyang kun rdzob yin mi  

dgos la/ shes 'dod chos can sgro btags yin pa sogs rang ldog
gzhi ldog gi rnam dbye la mkhas par bya zhing/ rtog pa dang dgag
sgrub kyi rnam gzhag thams cad dngos po la ma reg par 'dod pa
'di dag ni/ yid la byed pa thams cad mi dge bar 'dod

pa rgya nag hwa shang gi ston pa dang gros ma byas kyang kha
'cham pa ste/ thar pa'i lam gyi srog rtsa gcod pa'i gshed ma yin
no/ /chos chos can sogs bden par grub pa dgag pa'i tshul 'dis/
spyi gzhi mthun bden par grub pa dgag pa sogs kyang shes par

bya ste/ 'di ltar spyi dang gzhi mthun bden par grub pa 'gog pa
yin gyi/ spyi yin na bden par grub pa dang/ gzhi mthun yin na
bden par grub pa 'gog pa ni ma yin te/ gong du bshad pa'i tshul
ltar dngos po yang spyi yin pa'i phyir dang/ utpa la sngon po
yang

@40a @#/ /gzhi mthun yin pa'i phyir ro/ /spyi bden grub 'gog pa
la yang tshul gnyis te/ phyi rol pas btags pa'i spyi gtso bo
sogs ni/ bden pa dang tha snyad gnyis kar du 'gog pa yin la/
rang lugs kyi spyi ni bden par grub pa 'gog

pa yin gyi/ tha snyad du grub pa 'gog pa ma yin zhing/ bden
par grub pa 'gog pa'i tshul yang/ spyi bden par grub na spyi
'dzin rtog pa ma 'khrul pa'i shes par 'gyur la/ de ltar na/
khos ? ji ltar bzungs ba ltar grub dgos shing/ kho yang rang
bzhin 'dres

'dzin gyi blo yin pa'i phyir/ gsal ba rnams ni rang bzhin
'dres nas phan tshun rjes su 'gro bar 'gyur na'ang/ de mi 'thad
pa'i phyir/ spyi de spyi 'dzin shes pas gzungs pa ltar bden
par ma grub ces pa ste/ de yis ji ltar kun brtags pa/ /de ni
dam

pa'i don du med/ /gsal ba rnams ni rjes mi 'gro/ zhes sogs
kyis bstan pa yin la/ gzhan dag gzhung 'di'i don/ spyi gsal
rdzas gcig na gsal ba rnams kyang rdzas gcig tu 'gyur zhes pa
la 'chad pa dang/ kha cig phyi rol pa 'dod pa'i spyi cha

med 'gog pa yin ces pa la 'chad pa gnyis ka yang/ slob dpon
gyi dgongs pa las rgya mtsho'i pha rol tshu rol bzhin du ches
ring du gyur pa yin la/ lhag par 'dod pa phyi ma 'di smra ba
dag gis ni/ de yis ji ltar kun brtags pa/ zhes pa'i de yis
zhes

pa phyi rol pa la de yis zhes par 'chad dgos shing  /de ltar
na/ da la bsam pa'i dbang gis na/ zhes pa'ang phyi rol pa de'i
bsam pa'i dbang gis zhes pa sogs su 'chad dgos pas/ ches ma
brtags pa'i bab col chen po

@40b yin no/ /gzhi mthun don dam par ma grub pa'i rgyu mtshan
yang utpa la dang sngon po gzhi mthun yin pa don dam par grub
na/ utpa la dang sngon po tha dad yin pa'ang bden par grub
dgos te/ gcig la gzhi mthun mi rung ba'i phyir ro/ /de ltar na
utpa la dang sngon

po bden pa'i tha dad du 'gyur bas/ rdzas tha dad du 'gyur la/
de lta na gzhi mthun du 'du mi srid par 'gyur ro/ /des na
utpa la dang sngon po gzhi mthun yin pa yang khas len cing/
utpa la dang sngon po rdzas su grub la/ 'on kyang de nyid
gzhi mthun yin pa'i cha

rdzas su ma grub kyi/ tha snyad pa'i blos btags pa tsam yin pa
zhes bya bar khong du chud par bya ste/ don 'di la dgongs nas/
de tshe blo yi ngor byas nas/ /gzhi mthun pa ni nyid du 'gyur/
/zhes sogs gsungs pa yin la/ sgro btags yin na tshad mas ma
grub

par 'dod pa ni/ kun rdzob bden pa gzhi ma grub par 'dod pa
chad pa pa'i ring lugs gsal bar 'ongs pa yin no/ /kha cig na
re/ sgra rnams kyis ni brda btags ston/ /de ni tha snyad ched
du byas/ /de tshe rang gi mtshan nyid med/ /des na de la brdar
ma yin/ /zhes

bya ba gsungs pa'i dgongs pa yin pas/ rang mtshan ni brda'i yul
min te/ de la brda byas pa la dgos pa med pa'i phyir/ der
thal/ brda dus kyi rang mtshan de tha snyad kyi dus kyi rang
mtshan la rjes 'gro mi byed pa'i phyir dang/ brda ni tha snyad
kyi ched du byas pa'i phyir/

gzhan yang/ gsal ba rang mtshan ni mtha' yas pa'i phyir de dag
la brda sbyor mi nus te/ tha dad pa dag bstan pa ni/ /dka'
dang mi nus 'bras med phyir/ /ces gsungs pa yin no zhes zer
cing/ rang lugs la sgra don la brda sbyor ba yin no zhes smra
bar byed do/ /

@041a @#/ /'o na sgra don la brda sbyar ba la yang dgos pa med
par thal/ brda dus kyi sgra don de tha snyad kyi dus kyi sgra
don dang rang mtshan gang la yang rjes 'gro mi byed pa'i phyir/
ces kun tu mtshungs pas/ sgra don la brda sbyar mi nus par thal/

sgra don mtha' yas pa'i phyir te/ gsal ba ji snyed yod pa'i
grangs dang mnyam pa'i sgra don yod pa'i phyir/ lan med do/ /des
na brda sbyor ba'i yul ni/ ba lang zhes pa'i sgra brda sbyor ba
na/ dkar zal lta bu rang mtshan gcig gzhir byas nas de'i steng du
ba lang

la brda sbyor ba yin la/ de ltar sbyar bas tha snyad kyi dus su
nag sgur sogs kyang ba lang du rtogs par 'gyur te/ sngar dkar
zal gyi steng du ba lang la brda sbyor ba na/ nog sogs dang ldan
pa rgyu mtshan du byas nas sbyar ba'i phyir dang/ ba lang nag
sgur sogs

kyang nog sogs dang ldan pa yin pa'i phyir ro/ /de lta na yang/
dkar zal ni ba lang zhes pa'i sgra brda sbyor ba'i gzhir byas pa
yin gyi/ dkar zal dang ba lang gi tshogs pa la sgra sbyor ba ni
ma yin te/ ba lang gi brda sbyar ba ni brda dang tha snyad kyi
dus kyi nog

sogs dang ldan pa thams cad la/ ba lang du shes pa'i phyir du
yin gyi/ tha snyad dus kyi nag sgur la sogs pa rnams dkar zal
dang ba lang gi tshogs par shes pa'i phyir du brda sbyor ba ma
yin pas so/ /des na ba lang zhes pa'i brda dkar zal gzhir byas

nas sbyar ba'i tshe brda'i yul gyi gtso bo ni ba lang dang ba
lang ma yin pa las log pa'i gzhan sel gnyis yin la/ dkar zal ba
lang ma yin pa las log par snang ba'i sgra don kyang brda'i yul
tsam du 'gyur ba yin no/ /de'i phyir ba lang yang brda'i yul

@041b yin pas/ brda'i yul yin na dngos po ma yin par 'dod pa ni
mi 'thad la/ 'on kyang ba lang brda'i yul yin pa'i cha don dam
par ma grub la/ sgra rnams kyis ni brda brtags ston/ /ces sogs
kyis kyang rang mtshan brda'i yul du don dam par grub pa

'gog pa yin cing/ de'i don kyang 'di yin te/ dkar zal la ba lang
zhes pa'i sgra don dam par sbyar ba ma yin par thal/ dkar zal
tha snyad kyi dus kyi nag sgur sogs la rjes 'gro mi byed pa'i
phyir/ de la khyab pa yod de/ dkar zal ba lang zhes pa'i brda'i

yul du don dam par grub na/ dkar zal ba lang zhes pa'i brda
sbyor ba'i brda sbyor rtog pa'i 'dzin stangs kyis ji ltar bzungs
ba ltar bden par grub dgos la/ de ltar grub na/ rtog pa des ba
lang dang dkar zal dbyer med du 'dzin pa'i phyir/ ba lang dang
dkar zal gcig

tu 'gyur la/ de lta na/ ba lang nag sgur la rjes 'gro mi byed
pa'am/ dkar zal kyang nag sgur la rjes 'gro byed pa gang rung du
'gyur ba'i phyir ro/ /des na chos chos can spyi gzhi mthun
bsgrub bya sgrub byed brda'i yul la sogs pa'i rang ldog yin na
sgro btags

yin pas khyab la/ sgro btags yin na spyi mtshan yin pas khyab
cing/ de dag ni gzhi ldog yin na sgro btags dang spyi mtshan yin
pas ma khyab bo zhes shes par bya ste/ spyi mtshan gyi mtshan nyid
rgyas par bshad zin to// //da ni rang spyi gnyis

kyi skabs su nye bar mkho ba'i zhar byung 'ga' zhig gtan la dbab
par bya ste/ de yang 'di ltar/ gang phyir dngos kun rang bzhin
gyis/ /rang rang ngo bo la gnas phyir/ /mthun dngos gzhan gyi
dngos dag las/ /ldog pa la ni brten pa can/ /ces rang mtshan

@042a @#/ /rnams rigs mthun mi mthun gyi chos gzhan gang dang
yang ma 'dres par bshad cing sgro btags pa'i chos 'ga' zhig la
yang rigs gcig mi gcig gi rnam dbye byas pa'ang byung na/ rigs
gcig mi gcig dang

mthun mi mthun la sogs pa'i don ji ltar gzung bar bya zhe na/ de
la rigs 'dra ba dang mi 'dra ba/ rigs mthun pa dang mi mthun pa/
rigs gcig pa dang mi gcig pa zhes bya ba rnams su yod pa las/
rigs 'dra ba dang rigs gcig pa dang rigs mthun

pa gsum ga la yang/ rdzas rigs 'dra ba dang gcig pa dang mthun
pa dang/ ldog pa rigs gcig pa dang 'dra ba dang mthun pa zhes
bya ba gnyis gnyis su 'gyur la/ rdzas rigs mthun pa sogs su 'jog
pa ni/ nyer len gcig las skyes pas

'jog pa yin pas/ nyer len gcig las skyes pa'i dngos po tha dad
pa rnams phan tshun rdzas kyi rigs mthun pa dang gcig pa dang
'dra ba zhes bya'o/ /de'i phyir nas kyi sa bon 'bru gcig gis
bskrun pa'i sdong bu las 'ongs pa'i nas 'bru tha dad

dag lta bu ni nyer len gcig las skyes pa'i phyir dang/ phan tshun
tha dad pa'i phyir/ rdzas rigs mthun pa zhes bya la/ ba lang
dkar bral dang nag sgur lta bu ni ba lang du mtshungs kyang nyer
len tha dad las skyes pa'i phyir/ rdzas rigs mi mthun pa zhes
bya'o/ /don

'di nyid gsal bar bshad pa ni/ shAkya blos/ de ltar na/ phyi
dang nang gi dngos po thams cad ni/ tha dad pa dang tha dad pa
med par rnam par bzhag pa ni nye bar len pa'i rgyus byas pa nyid
yin te/ dngos po rnams kyi skye ba ni nye bar len pa dang bral
na yod pa ma yin

@042b no; ;zhes dang/ de bas na rigs mthun pa dang rigs mi mthun
pa'i rgyun tha dad pa rnam par bzhag pa ni nye bar len pas byas
pa nyid yin no zhes rgya cher smas pa dag yin la/ tshul 'di/ tha
dad rgyu tha dad las yin/ /ces pa'i dgongs pa kha na ma tho ba
med par

brtags par bya'o/ /ldig pa rigs mthun pa zhes bya ba la sogs
pa'i don ni/ 'di yin te/ phyi rol pa grangs can la sogs pa dag
/tsandan dang sha ba dang ba lang sogs rdzas tha dad par mtshungs
kyang/ tsandan dang sha ba la rigs gcig gi sgra blo 'jug
/tsandan

dang ba lang la rigs gcig gi sgra blo mi 'jug pa ni/ shing gi
spyi gtso bo gcig tsandan dang sha ba la thun mong du yod la/
tsandan dang ba lang la med pas yin no zhes smra'o/ /slob dpon
gyis de bkag nas tsandan dang sha ba la shing gi gzhan sel ba'i
rigs thun mong du

rjes su 'gro la/ ba lang la rjes su mi 'gro bas yin no zhes
bzhed cing/ de la dgongs nas/ tha dad mtshungs pa yin na rigs/
/nye ba gang gis 'ga' zhig la/ /rab 'jug gzhan la min de nyid/
/sgra dang shes pa'i rgyu yin no/ /zhes bshad do/ /de yang dkar

bral dang nag sgur rigs gcig tu 'jag pa mthar gtugs na/ ba lang
gi spyid gnyis ka la thun mong du/ rjes su 'gro ba la rag las
na'ang/ ba lang la thun mong du rjes su 'gro ba'i phyir/ rigs
gcig yin ces smras na rtag mi rtag kyang rigs

gcig tu thal/ shes bya de gnyis la thun mong du rjes 'gro byed
pa'i phyir/ ces mtshungs la/ 'dod na chos thams cad rigs mthun
par 'gyur bas/ rigs mi mthun pa mi srid par khas len dgos par
'gyur ro/ /yang dkar zal dang gser bum rigs

@043a @#/ /mi mthun par thal/ dkar zal ba lang yin/ gser bum ba
lang min pa'i phyir/ ces byas na/ dkar zal dang nag sgur yang
rigs mi mthun par thal /nag sgur gyi kha dog nag po yin/ dkar
zal gyi kha dog nag po min pa'i

phyir/ ces pa mtshungs pas mthar shes bya phal che ba rigs mi
mthun par khas blang dgos par 'gyur ro/ /de bas na 'di ltar shes
par bya ste/ bum pa la sogs pa sgrub pa dngos po ba rnams kyi
rigs gcig pa'i tshul dang/ bum med la sogs pa dgag pa

rnams kyi rigs gcig pa'i tshul gnyis las/ dang po ni/ chos de gnyis
brda la byang ba dang ma byang ba'i skyes bu gang gis mthong
yang yid gtad pa'i tshul gyis mthong tsam nyid nas 'dra bar 'dzin
pa'i blo ngang gis skye bar 'gyur ba'i chos de gnyis la rigs

gcig pa zhes bya la/ de las zlog pa'i dngos po ni rigs mi gcig
pa yin no/ /de lta na/ dkar zal dang nag sgur ni yid gtad pa'i
sgo nas mthong tsam nas brda la byang ma byang kun gyi blo lhan
skyes la 'dra bar snang la/ dkar zal dang bum pa ni de lta ma
yin pa'i

phyir/ dkar zal dang nag skur rigs gcig la/ de dang bum pa rigs
mi gcig go zhes bya bar grub bo/ /de ltar 'dra mi 'dra so sor
snang ba'i blo skye ba'i rgyu mtshan ni/ nang gi rkyen thog ma
med pa nas dkar zal dang/ nag skur rigs gcig tu 'dzin pa'i

mngon par brjod pa'i bag chags goms pa mtshungs la/ dkar zal dang
bum pa la de lta bu ma yin cing/ phyi'i rkyen dkar zal dang nag
sgur nag sogs dang ldan par mtshungs la/ dkar zal dang bum pa de
lta bu ma yin pa'i phyir/ des na dngos po

@043b yin par mtshungs pa tsam gyis rigs gcig tu thal ba'i skyon
yang mi 'byung ste/ dkar zal dang mi dngos po yin par mtshungs
kyang/ rigs gcig tu 'dzin pa'i blo mi skye zhing/ dkar zal dang
nag sgur nog sog dang ldan pa rnams byis pa nas mkhas pa'i ba

gyi blo lhan skyes la rigs gcig par snang ba myong bas grub pa'i
phyir ro/ /dngos po med pa dgag pa rnams kyi rigs gcig mi gcig
ni/ dgag bya rigs gcig mi gcig gi sgo nas 'jog pa yin te/ dgag
pa la mi 'dra ba'i dbye ba byed pa thams cad dgag

bya'i sgo nas 'byed pa yin gyi/ ngo bo'i sgo nas dbye ba byar
med pa'i phyir/ tshul 'di ltar rtogs na 'dra ba dang mi 'dra ba'i
rnam par dbye ba rmongs par mi 'gyur ro/ /zhes gangs ri'i khrod
na 'dzam bu gling gi dpal kho bo gcig pu mgrin pa bsal te smra
bar byed

do/ /des ni rang mtshan dang spyi mtshan gyi rnam par gzhag pa
rgya cher bshad zin to// //da ni yul la ngo bo'i sgo nas dbye
na/ kun rdzob dang don dam pa'i bden pa'i rnam par gzhag pa
bshad par bya ste/ 'di la bden gnyis kyi sgra bshad/ mtshan

nyid/ mtshan gzhi nges gzung ba gsum/ dang po ni/ gzhan gyi ngo
bo sgrib byed pa/ /sgrib byed nges bdag tha dad kyang/ /zhes pa
'gyur rnying la/ kun rdzob nges bdag tha dad kyang/ zhes 'byung
ba ltar de kho na nyid mthong ba la sgrib pa zhes pa kun rdzob
kyi sgra bshad pa'i

don du 'dod pa la nang pa'i grub mtha' smra ba phal che ba mthun
la/ de'i phyir spyi 'dzin rtog pa kun rdzob ces pa'i sgra bshad
pa'i gzhir byas nas/ de la ci'i phyir kun rdzob ces bya zhe na/
dngos po'i de kho na nyid du gyur pa'i rang mtshan de dngos su
gzung yul du

@044a @#/ /byed pa la sgrib pa'i phyir/ kun rdzob ces bya'o/ /des
na spyi 'dzin gyi blo ni kun rdzob kyi sgra bshad gzhi yin la/
spyi mtshan rnams ni kun rdzob kyi sgra bshad pa'i gzhir gyur
pa'i blo de'i ngor bden pa'i phyir kun rdzob bden pa

zhes bya'o/ /'on kyang rtog pa de ni kun rdzob kyi sgra bshad
pa'i gzhi yin pas kun rdzob ces tha snyad byas pa yin gyi/ kun
rdzob mtshan nyid pa ma yin te/ shes pa yin pas don dam par grub
pa'i phyir ro/ /kun rdzob kyang yin la bden pa yang yin

pas/ kun rdzob bden pa zhes ni mi bya ste/ de lta na/ brdzun pa
yang yin bden pa yang yin zhes smra dgos pas/ 'gal ba 'du bar
'gyur ba'i phyir ro/ /don dam bden pa'i sgra bshad la/ /nyan
thos sde pa kha cig ni/ /rigs pas dpyad bzod du bden pa'i phyir

don dam bden pa zhes 'dod la/ sde bdun rigs pa'i rjes su 'brang
ba'i mdo sde pa dang/ sems tsam pa dag phyogs 'di la mthun pa
yin cing/ de yang don dam pa zhes pa'i sgra bshad pa'i gzhi shes
pa ma 'khrul pa la byas nas de'i ngor bden pa'i phyir/ don dam

bden pa zhes bya la/ shes pa de'i gzung yul du grub pa'i phyir
don dam par grub pa zhes bya'o/ /'on kyang mdo sems gnyis don
dam dngos yul du byed pa'i blo shes pa ma 'khrul pa la 'dod par
'dra yang/ shes pa ma 'khrul pa'i mtshan gzhi la mi mthun

te/ sems tsam pa gzhan rig mngon sum thams cad 'khrul shes su
'dod la/ mdo sde pa ma 'khrul ba'i shes par 'dod pa lta bu'o/
/gnyis pa mtshan nyid ni/ don dam bden pa'i mtshan nyid/ rtog pas
btags pa tsam ma yin par rang ngos nas grub pa'i

@044b chos/ kun rdzob bden pa'i mtshan nyid/ rtog pas btags pa
tsam du grub pa'i chos so/ /kha cig /don dam don byed nus pa
gang/ /de 'dir don dam yod pa yin/ /ces sogs kyis don dam bden
pa dang rang mtshan gnyis kyi mtshan nyid bstan pa yin ces

'dod pas ni/ yi ge tsam la'ang ma bltas par zad de/ de dag rang
spyi'i mtshan nyid bshad/ ces 'byung gi /rang spyi mtshan nyid kyi
mtshan nyid bshad/ ces mi 'byung ba'i phyir dang/ gang zhes pa
dang/ de zhes pa'i tshig gi nus pa dang skabs stobs las/ rkang pa
dang po gnyis ni/

don dam pa'i ngor don byed nus pa la don dam par yod pas khyab/
ces pa'i khyab pa ston pa tsam gyi ched du smos pa'i gzhung yin
pa'i phyir ro/ /skabs stobs ji lta bu zhe na/ gzhal bya gnyis
phyir/ ces pa'i rtags sgrub pa la/ don byed nus dang mi nus
phyir/ ces

bkod pa de'i khyab pa sgrub pa skabs su babs nas de'i ched du
smos pa'i gzhung yin pa'i phyir/ des na gzhal bya de don byed
nus mi nus gnyis su nges pa la/ de rang spyi gnyis su nges pas
khyab par thal/ don dam pa'i ngor don byed nus pa la don dam par
yod pas

khyab/ don dam par yod pa de dag la rang gi mtshan nyid ces bshad
cing/ de'i ngor don byed mi nus pa'i chos la kun rdzob tsam du
yod pas khyab/ kun rdzob tsam du yod pa de dag spyi'i mtshan nyid
ces bshad pa yin pa'i phyir/ ces bshad pa/ don dam don byed nus

pa gang/ zhes sogs rkang pa bzhi'i don yin no/ /don de nyid slob
dpon lha shAka gnyis kyang 'dod pa yin la/ ya ma ris gzhung
'di'i mtshams sbyor du/ zhar la theg pa tha shal gyi bden pa
gnyis kyi rnam gzhag bstan pa'i phyir ro/ /zhes bshad pa ni/ mdo
sde pa

@045a @#/ /theg dman pa yin pas theg pa chen po la ltos nas theg
pa tha shal ba zhes byas nas/ de'i lugs kyi bden gnyis kyi rnam
gzhag ston ces par bsam pa yin du zad mod 'thad par mi sems te/
mdo sems gnyis ka'i

thun mong gi rnam gzhag yin na theg pa tha shal gyi rnam gzhag
ces pa mi 'thad la/ mdo sde pa kho na'i lugs yin na don dam par
don byed nus pa la don dam par yod pas ma khyab par 'dod pa'i
sems tsam pa yod dgos na'ang/ 'phags pa'i yul

gyi rnam par rig pa tsam du smra ba la de ltar 'dod pa sngon
chad ma byung ngo/ /des na gzhung 'di ni mdo sems gnyis kas
mthun par 'dod dgos la/ 'on kyang don dam par don byed nus pa'i
mtshan gzhi la mi mthun pa yin no/ /gsum pa bden gnyis

kyi mtshan gzhi la dgag gzhag gnyis las/ gzhan lugs dgag pa ni/
kha cig na re/ don byed nus pa la don dam bden pas khyab par
bshad pa 'di/ don dam cha med kyi dbang du byas pa ma yin gyi/
yang dag kun rdzob la don dam bden par byas

pa'i rnam gzhag yin no/ /des na/ don dam bden pa yin na shes pa
skad cig cha med dang rdul phran phyogs kyi cha med yin dgos la/
don byed nus pa la don dam bden pas khyab na/ bum pa sogs kyang
don dam bden par 'gyur dgos na'ang/ de mi

'thad de/ gzhung 'di'i mdo sde pa'i bden gnyis kyi rnam gzhag
dang/ mdzod las/ gang la bcom dang blo yi gzhan/ /gsal na de blo
mi 'jug pa/ /bum chu bzhin du kun rdzob tu/ /yod de don dam yod
gzhan no/ /zhes bshad pa dang 'dra ba'i phyir

@045b dang/ der bum pa dang chu lta bu bcom gzhag gis der 'dzin
gyi blo 'dor ba'i phyir kun rdzob yin ces bshad pa'i phyir ro
zer to/ /'di ni mi 'thad de/ de lta na/ don dam par yod na rang
mtshan yin pas ma khyab par thal/ bcom gzhig gis der 'dzin gyi
blo mi 'dor

ba'i chos yin pa la/ rang mtshan yin pas ma khyab pa'i phyir/
'dod na/ gzhung dang khas blangs gnyis ka dang dngos su 'gal/
rtags ma grub na/ der thal/ rtag pa yang bcom gzhig gis der
'dzin gyi blo mi 'dor ba yin pa'i phyir/ ma grub ste/ blos
gzhigs

na 'dor ro zhe na/ rdul phran cha med dang rtag pa la blos
gzhigs pa'i der 'dzin gyi blo 'dor mi 'dor gyi khyad par mi
'thad par thal/ gnyis ka yang rdzas kyi cha shas med pa dang/
ldog pa'i cha shas du ma yod par khyad par med pa'i phyir/ ldog
pa'i cha shas du ma

yod par thal/ gnyis ka la rang min ji snyed yod pa de snyed las
log pa'i ldog pa yod pa'i phyir/ gzhan yang mdzod nas bshad pa
dang 'di'i mdo sde pa'i bden gnyis kyi rnam gzhag mdo sde pa'i
rnam gzhag tsam du mthar thug kyang lugs mi gcig ste/ mdzod

las bshad pa 'di ni/ rdzas su grub na cha med yin dgos par 'dod
pa'i mdo sde pa'i lugs yin la/ de'i phyir lugs de khas len pa
ni/ kha dog rdzas su grub pa yod de/ rdul phran la yang kha dog
gi rdzas yod pa'i phyir/ dbyibs rdzas grub mi srid de/

rdul phran la med pa'i phyir/ ces 'dod pa yin la/ de'i phyir/
gnyis gzung 'gyur te rdul la med/ /ces bshad pa yin no/ /'dir ni
dbyibs rdzas su ma grub par khas blang du mi rung ste/ dbyibs
sogs ci 'drar ba grub pa/ zhes sogs kyis dbyibs 'bras

@046a @#/ /bu yin par bshad pa'i phyir dang/ 'bras bu yin na rjes
su grub dgos par khyod rang yang smra ba'i phyir ro/ /des na/
mdo sde pa de dang 'di lugs tha dad pa'i phyir gcig tu bsre bar
mi bya'o/ /'o na/ thogs med sku mched kyi

lugs dang 'di nas bshad pa'i sems tsam pa'i lugs la don dam bden
pa'i 'jog mtshams la khyad par yod par thal/ 'di'i mdo sde pa
dang mdzod nas bshad pa'i mdo sde pa gnyis kyi don dam gyi rnam
gzhag la khyad par 'dug pa'i phyir zer na/

'o na; sems tsam pa de gnyis la shes pa 'ga' zhig rdzas su grub
par 'dod mi 'dod kyi khyad par yod par thal/ mdo sde pa de gnyis
la bem po 'ga' zhig rdzas su grub par 'dod mi 'dod kyi khyad par
yod pa'i phyir/ der thal/ dbyibs rdzas su grub

par 'dod mi 'dod kyi khyad par yod pa'i phyir ro/ /gzhan yang
bum gzugs chos can/ khyod brdzun par thal/ kun rdzob yin pa'i
phyir/ ma grub na/ yang dag kun rdzob yin pa 'bud/ 'dod na/ sgro
btags su thal/ 'dod pa de'i phyir/ 'dod na/ mngon

sum gyi gzung yul du 'gyur mi srid par thal lo/ /don dam cha med
ces pa'i tha snyad ni/ mdo dang dgongs 'grel gang gi yang tha
snyad ma yin zhing/ sngon gyi mkhas pa su la yang ma grags kyi/
mi shes bdag gis rang blun por mtshon byed du

smras par zad do/ /kha cig na re/ don byed nus pa dang mi nus
pa'i chos la/ don dam dang kun rdzob tu bzhag pa ni/ kun tu tha
snyad pa'i ched ma'i dbang du byas nas/ yang dag kun rdzob dang
log pa'i kun rdzob la bden gnyis su bzhag pa yin la/ mthar

@046b thug dpyod pa'i tshad ma la ltos nas/ don dam bden pa ni
dngos po skad cig cha med kho na yin cing/ de ma yin pa'i chos
thams cad kun rdzob bden pa yin no/ /bya byed thams cad sgro
btags su bshad pa'i phyir dang/ bskyed bya skyed byed sogs thams
cad bya byed kyis

bsdus pa'i phyir/ don dam par skyed bya skyed byed dang rgyu
'bras sogs thams cad med do zhes smra'o/ /'o na/ bdag med chos
can/ khyod log pa'i kun rdzob yin par thal/ don byed mi nus pa'i
chos yin pa'i phyir/ khyab pa khas blangs/ rtags tshad mas grub/
'dod

na/ khyod 'dzin stangs kyi yul du byed pa'i blo yin na/ log shes
yin pas khyab par thal/ khyod log pa'i kun rdzob yin pa'i phyir/
'dod na/ bdag med par 'dzin pa'i blo yin na log shes su thal lo/
/'dis ni lugs snga phyi gnyis ka sun phyung ba yin no/ /gzung

'dzin gnyis su bden pa rnam par bcad tsam gyi cha chos can/
khyod kyang log pa'i kun rdzob tu thal/ khyod don byed mi nus
pa'i chos yin pa'i phyir/ 'dod na/ khyod 'gyur med yongs grub ma
yin par thal lo/ /lan med do/ /don dam par gzhal bya 'jal byed

kyang med par thal/ don dam par bya byed ma grub ba'i phyir/
khyab rtags khas blangs so/ /'dod na/ don dam par tshad ma med
par thal/ 'dod pa de'i phyir/ ma khyab na/ rang gi gzhal bya la
gsar du mi slu ba'i shes pa tshad ma'i mtshan nyid du skad gsangs
mthon

pos khyod rang smra ba dang dngos su 'gal ba yin no/ /tshad ma
med pa 'dod na don dam par dngos po skad cig cha med med par
thal/ don dam par dngos po skad cig cha med yod na tshad mas
dmigs rung gang zhig /tshad mas ma dmigs pa'i phyir/ 'dod na/ de
don

@047a @#/ /dam bden pa yin par 'bud do/ /khyab pa med na snang
rung ma dmigs pa'i rtags thams cad la khyab pa med par thal lo/
/zur snga ma ma grub na/ mthar thug dpyod pa'i tshad ma gzhi ma
grub pa 'bud zur phyi ma ma grub na/

don dam par tshad ma ma grub pa 'bud do/ /gzhan yang don dam par
grub pa'i dngos po yin na/ rgyu min na don byed nus stong yin
pas khyab par thal lo/ /'dod na/ dngos med kyi mtshan nyid don
byed nus stong du smra ba dang dngos su 'gal zhing/ don dam

par grub pa'i dngos po yin na/ rtag par smra ba cis 'gog /rtag
na mi 'jig par 'gyur ro zhe na/ 'o na 'bras bu ma yin na ma
skyes par 'gyur ro/ /ma skyes pa 'dod do zhe na/ 'o na/ mi 'jig
pa yang 'dod do/ /spyir dngos po tsam la mi 'jig pa khaD

na bye brag bden dngos la yang mi 'jig pa khegs so zhe na/ spyir
dngos po tsam la ma byas pa khegs pa na/ bye brag bden dngos la
yang ma byas pa khegs so zhes sogs rigs pa shes pas bskal pa'i
bar du sgreng bar nus so/ /gzhan yang/ bden

dngos yin na mi rtag par sgrub pa la rtags su gang bkod kyang
sgrub byed yang dag tu mi 'gyur te/ byas pa yin pa sogs bkod na
phyogs chos mi 'grub/ shes bya sogs bkod na ma nges/ /dngos med
sogs bkod na 'gal/ dngos po yin pa sogs

bkod na sgrub byed bsgrub bya dang mtshungs shing /sgra yang dung
sgra mi rtag par sgrub pa'i rtags yang dag tu thal ba'i phyir
ro/ /gzhan yang/ dngos po yin na da ltar ba yin dgos pa dang/
bden dngos thams cad ma skyes par smra ba dang/ da ltar ba'i
mtshan

@047b nyid skyes la ma 'gags pa zhes smra ba rnams dngos 'gal
gyi phung po yin la/ ma skyes pa 'gags na dngos med 'gags par
smra ba'ang dgag mi nus par 'gyur la/ gzhan yang/ bden dngos yin
na skye ba med pas khyab na/ dbu ma pas/ dngos smra ba'i dor
mtha'

bzhi las mi skye ba'i rtags kyis dngos po don dam par skye ba
med par sgrub mi dgos par thal/ dngos smra bas don dam par dngos
po skye ba med par grub zin pa'i phyir ro/ /'dod na/ dbu ma pa
rang gi ngor ni sgrub mi dgos pas/ de lta bu'i rtags don med du
'gyur ro//

des na dngos smra bas dbu ma'i lta ba rtogs par khas len pa'am/
yang na bden dngos rgyu med du skye ba rgyang 'phen gyi lugs
'dzin pa gang rung gcig byed dgos pas/ 'gal 'du'i phung po 'di
las tha chad pa sngon chad ma mthong zhing/ phyis ni nges pa med
de/ lta

ba'i snyigs mar gyur ba'i dus kyi mtha' la babs pa'i phyir ro/
/kha cig /dngos po yin na don dam par grub pas khyab cing/ rags
pa yin na don dam par grub par 'gal snyam du bsams nas/ bum pa
sogs kyang rdul phran yin te/ 'di ltar/ rdul phran

du ma tshogs pa yin na rdul phran yin pas khyab par thal/ nor bu
du ma spungs pa'i phung po yin na/ nor bu yin pas khyab pa'i
phyir/ zer lo/ 'o na/ yan lag du ma tshogs pa yin na/ yan lag yin
pas khyab par thal/ rdul phran du ma tshogs pa yin na

rdul phran yin pas khyab pa'i phyir/ rtags khyab khas blangs/
'dod na/ rkang lag sogs tshogs pa yin na'ang de dag tu khas len
dgos pas/ skyes pa yin na po dbang dang/ bud med yin na mo'i
dbang por khas len dgos pa 'byung ste/ des mtshon pa'i

@048a @#/ /rigs pa gzhan yang shes par bya la/ rags pa yin pa'i
dngos po mi srid pa ni bkag zin to/ /gang dag dngos po rgyu las
ma skyes pa khas len pa dngos smra ba'i nang 'gal yin ces zer
to/ /'o na dngos po yin na rtag pa'ang yin mi rtag pa'ang

yin pa 'di yang dngos smra ba'i nang 'gal yin gyi/ kho bo ni
skyon dang bral ba yin no zhes rang gi skyon mtha' dag rigs
pa shes pa'i bdag nyid chen po la skur ba 'debs pa'i cha rkyen du
bsgyur la/ rigs pa'i gnod byed ci byung yang/

yang ba med par kha spu 'theg pa'i las la brtson par byos shig
/des na rags pa kun rdzob yin kyang/ rags pa yin na kun rdzob
yin pas ma khyab la/ bya byed sgro btags yin kyang/ bya byed yin
na sgro btags yin mi dgos pas/ rang ldog gzhi ldog

gi rnam dbye la mkhas par bya'o/ /'o na/ rags pa yang yin don
dam bden pa yang yin pa'i gzhi mthun yod na/ bye brag pas/ yan
lag can yan lag rnams las rdzas gzhan du yod ces pa'i rang tshig
des/ yan lag can zhes smras pa'i shugs la

yan lag tshogs tsam gyi kun rdzob par khas blangs pa ma yin par
thal/ yan lag can la kun rdzob pas ma khyab pa'i phyir/ 'dod na/
de lta bu'i rang tshig de brjod bya dngos shugs 'gal bar gang gis
'jog ce na/ de ni skyon med de/ chos de yan

lag can ces smras pa'i shugs la rang gi yan lag rnams rang las
rdzas gzhan ma yin par khas blangs pa yin te/ yan lag can yin na
yan lag rnams rang gi bdag nyid du gyur ba'i cha shas yin dgos
pa'i phyir ro/ /des na dngos su rdzas

@048b gzhan du khas blangs pa dang 'gal bas/ rang tshig 'gal ba
yin no zhes bzlog ste smras na ches 'grig pa'i phyir/ rang gi
bdag nyid du ma gyur pa'i cha shas yod pas/ yan lag can du 'gyur
na/ rdul phran cha med kyang yan lag can du 'gyur te/ kho'i

bdag nyid du ma gyur pa'i cha shas yod pa'i phyir te/ kho'i shar
nub sogs yod pa'i phyir ro/ /kho'i shar nub sogs kyang med na
phyogs bcu dbus dang gang na yang mi gnas pa'i phyir/ gzugs can
ma yin par 'gyur ro/ /gzhan dag rdul phra rab phyogs

cha med pa dang de'i shar dang nub yod pa mdo sde pa'i nang 'gal
yin no zhes zer ro/ /de yang ma yin te/ 'di ltar rang gi bdag
nyid yin cing rang min pa'i shar cha dang nub cha rdzas tha dad
du ma med pa cha med pa'i don min gyi/ spyir shar nub kyis stong
pa cha

med pa'i don ma yin la/ rdul phra rab de'i shar rdul phra rab
dang rdzas tha dad yin gyi/ de'i cha ma yin pas de'i shar yod
kyang de phyogs cha dang bcas par mi 'gyur ro/ /de bzhin du dus
mtha'i skad cig ma la'ang rang gi bdag nyid du gyur pa'i snga
phyi med pa dus

cha med pa'i don yin gyi/ spyir rang gi snga phyi yod pas dus
cha dang bcas par mi 'gyur te/ de lta ma yin na/ dus mtha'i skad
cig ma don byed nus stong dang rgyu med par 'gyur ro/ /gnyis pa
rang lugs gzhag pa ni/ bcom ldan 'das gyis chos kyi 'khor lo

rim pa gsum du bskor ba las/ bka' dang por ni chos kyi bdag med
bstan mod kyi/ bdag med dngos su bstan pa'i snod du re zhig mi
rung ba nyan thos kyi rigs can rjes su bzung bar bzhed nas/ phyi
rol gyi don la brten pa'i rnam gzhag gtso bor gsungs

@049a @#/ /shing gang zag gi bdag med pa tsam zhig bstan/ bka'
bar ba dang tha mas theg chen gyi rigs can rjes su bzung bar
bzhed nas chos kyi bdag med bstan mod kyi/ 'on kyang bka' bar pa
las chos thams cad

mtshan nyid med par gsungs pa ni/ bka' tha ma la brten nas dgongs
pa bshad par bya ba yin gyi/ sgra ji bzhin du khas blang du mi
rung ba'i phyir drang don yin la/ bka' tha ma ni dgongs pa gzhan
btsal mi dgos par sgra ji bzhin du khas blang du rung ba nyid
kyi

phyir nges don yin no zhes slob dpon yab sras bzhed pa yin la/
des na gzhung 'di dag tu yang nyan thos kyi rigs can rjes su
bzung ba'i phyir du/ gang zag gi bdag med ston pa'i dbang du
byas te bka' dang po'i rjes su 'brangs nas gzhan ngor phyi rol

gyi don khas blangs pa'i rnam gzhag dang/ rang lugs kyi theg
chen gyi lam bstan pa'i phyir du chos kyi bdag med gtan la 'bebs
pa'i dbang du byas te/ bka' tha ma'i rjes su 'brangs nas phyi
rol gyi don bkag cing/ gnyis med kyi shes pa de kho

na nyid du gtan la phab nas bka' bar pa dgongs pa can du 'chad
pa'i tshul gnyis las/ phyi rol gyi don khas len pa'i tshe mdo sde
pa'i lugs dang rjes su mthun par zhal gyis bzhes la/ mdo sde pa
la'ang shes pa gcig la rnam pa du ma 'char bar khas

len pa sna tshogs gnyis med pa dang/ shes pa gcig la rnam pa yang
gcig kho na 'char bar khas len pa sgo nga phyed tshal ba dang/
rnam pa du ma shar ba na shes pa yang du ma khas len pa rnam
shes grangs mnyam pa gsum yod par dbu ma rgyan las gsungs pa

@049b las; 'dir ni mdo sde pa'i rnam gzhag khas len pa'i tshe sna
tshogs gnyis med pa'i lugs la brten pa yin la/ sems tsam pa la
yang shes pa'i gzung rnam rdzas grub tu 'dod pa rnam bden pa
dang/ gzung rnam sgro btags su 'dod pa rnam brdzun pa gnyis yod

cing; rnam bden pa la sna tshogs gnyis med du smra ba sogs gong
du bshad pa dang rjes su mthun pa gsum dang/ rnam brdzun pa la
kun rdzob kyi snang ba mtha' dag ma rig pa'i bag chags kyi dbang
gis snang ba yin pas/ de log na ldog pa'i phyir sangs rgyas la
rdzun snang med par

'dod pa dri med pa dang/ kun rdzob kyi snang ba ma rig pa dang
'brel ba gang yang med pas de log kyang mi ldog pa'i phyir sangs
rgyas la yang rdzun snang yod pa dri bcas pa gnyis las/ slob
dpon lha shA ka gnyis kyis slob dpon gyi dgongs pa rnam bden du
bkral la/ rgyan

mkhan pos rnam rdzun dri med/ chos mchog gis dri bcas su bkral
mod/ bdag gi bla ma dag ni/ rnam rdzun las rnam bden grub pa'i
mtha' brling zhing/ slob dpon gyi dgongs pa yang de nyid du gnas
so zhes gsung pa ltar/ sde bdun gyi dgongs pa mthar thug sna

tshogs gnyis med du smra ba'i rnam bden pa yin par/ kho bos kyang
lung dang rigs pa du ma las shes la/ de dag gi rgyu mtshan rnam
gzhag dang bcas pa cung zad bstan par bya'o/ /bka' bar pa las
chos thams cad mtshan nyid med par gsungs pa'i dgongs

pa 'grel ba'i tshul ni/ dngos rnams tha dad gnas pa 'di/ /de tha
dad la brten pa yin/ /de ni bslad pa nyid yin na/ /de dag tha
dad kyang bslad 'gyur/ /gzung dang 'dzin pa'i rnam pa las/
/mtshan nyid gzhan ni yod ma yin/ /des na mtshan nyid stong pa'i
phyir/ /rang

@050a @#/ /bzhin med par rab tu bshad/ /phung po la sogs bye brag
gis/ /mtshan nyid thams cad byed pa yi/ /khyad par can de'ang de
nyid min/ /des kyang de dag mtshan nyid bral/ /ces pa rnams kyis
ston par byed de/ de la tshigs bcad

dang po gnyis kyi don ni/ rgyu 'bras mtshan mtshon bskyed bya
skyed byed sogs gnyis chos so sor 'byed pa ni/ gzung 'dzin rdzas
gzhan du snang ba'i rtog pas 'byed pa yin la/ gzung 'dzin rdzas
gzhan rigs pas khegs pa'i phyir/ rtog pa de 'khrul par grub
cing/ des

na mtshan mtshon sogs gnyis chos so sor phye ba'i rnam gzhag thams
cad/ blo 'khrul pas bzhag pa'i kun rdzob tsam du grub pas de dag
don dam par ma grub pa yin la/ de'i phyir chos thams cad mtshan
nyid med pa dang/ rang bzhin med par gsungs pa yin no

zhes pa'o/ /sho lo ka phyi ma'i don ni/ gzugs kyi phung po'i
mtshan nyid gzugs su rung ba sogs la/ mtshan nyid thams cad 'dis
mtshon par byed pas na/ mtshan nyid ces byed pas khyad par du byas
pa yin cing/ gzugs sogs mtshon bya thams cad 'dis mtshon

par bya bas na/ mtshon bya zhes bya ba khyad par du byas pa yin
la/ de dag bya byed yin pa'i cha de bden par grub na/ bden pa'i
tha dad du 'gyur bas/ gzugs sogs mtshon bya dang/ gzugs rung sogs
mtshan nyid rdzas tha dad du 'gyur dgos pas/ de'i phyir chos
thams

cad mtshan mtshon gyis bsdus la/ mtshan mtshon bya byed kyis khyad
par du byas shing/ bya byed yin pa'i cha don dam par ma grub
pa'i phyir/ chos thams cad mtshan nyid med pa dang/ rang bzhin
med pa zhes gsungs pa yin no zhes pa'o/ /kha cig /sho lo ka phyi
ma

@050b mdo sde pa'i lugs la sbyor ba ni mi 'thad de/ mdo sde pa
sogs nyan thos sde pa phal cher theg chen bkar mi 'dod pas de
dag gis bka' bar pa'i dgongs pa 'chad dgos pas nges pa med pa'i
phyir dang/ des kyang zhes pa'i kyang sgras snga ma sdud pa'i
phyir ro/ /des na snga phyi gnyis

ka rnam rig pa rang gi bshad pa'i rnam grangs yin no/ /de ltar
sde bdun du gzhan ngor mdo sde pa'i grub mtha' khas blangs pa'i
rnam gzhag dang/ rang lugs rnam rig pa'i lugs khas len pa'i rnam
gzhag gnyis ka la yang/ rang mtshan yin na don dam bden pa

yin dgos pa dang/ dngos po yin na rang mtshan yin dgos par 'dod
pa la khyad par med la/ de'i phyir don dam bden pa'i mtshan nyid
la yang mi mthun pa med do/ /'on kyang bden gnyis kyi mtshan gzhi
la mi mthun pa yin te/ 'di ltar rang mtshan yin na don dam

dang/ spyi mtshan yin na kun rdzob tu 'dod par 'dra yang/ mdo sde
pa phyi rol gyi don rang mtshan don dam bden par khas len la/
sems tsam pa phyi rol gyi don gzhi ma grub par 'dod pa'i phyir
ro/ /des na dngos po yin na don dam bden pa dang/ dngos por med
pa'i chos

yin na kun rdzob tsam du grub par 'dod pa la mi mthun pa med
pas/ bden gnyis kyi mtshan gzhi de ltar shes par bya la/ don byed
nus pa yin pa la don dam par don byed nus pa yin pas khyab pa
yin te/ don byed nus pa yin na rtog pas btags pa tsam ma

yin par rdzas su grub pas khyab pa'i phyir ro/ /slob dpon lha
shA ka gnyis kyis kyang/ don byed pa'i nus pa thams cad dang
bral ba'i chos la kun rdzob dang/ gang cung zad gcig don byed
nus pa ni rang mtshan dang don dam par yod pa yin par lan gcig
min pa

@51a @#/ /bshad do/ /'o na/ don dam yin na dngos po yin pas khyab
na/ bdag med sgro btags yin par thal lo/ /'dod na/ mngon sum
tshad mas dngos su 'jal ba mi srid par 'gyur bas/ 'phags pa rnams
kyis bdag med mngon

sum du ma rtogs par 'gyur ro zhe na/ bdag med sgro btags yin pa
'dod pa yin la/ de yang sgro btags zhes pa de ma yin bzhin du
der sgro btags pa'i sgro btags ma yin gyi/ btags yod la sgro
btags su byas pa de yin la/ btags yod yin pa'i

rgyu mtshan yang rang gi ngo bo rang dbang ba min par dgag bya
bcad tsam gyi sgo nas blo yul du 'char dgos pa'i phyir/ rdzas
yod yin na ni rang gi ngo bo rgyu las skyes pa'i phyir dgag bya
bcad pa tsam la mi ltos par rang gi ngo bo blo yul du 'char rgyu
yod pas

khyab pa yin no/ /des na 'phags pa slob pa rnams kyi mnyam gzhag
ye shes kyis kyang/ dngos po rnams bdag dang bral ba'i skad cig
ma tsam du mngon sum du gzigs la/ bdag bkag tsam gyi med dgag ni
shugs la 'jal ba yin gyi dngos rtogs ma

yin no/ /dngos med tshur mthong mngon sum la dngos rtogs su mi
rung ba'i rgyu mtshan ni/ dngos med la tshur mthong mngon sum la
rang gi rnam pa gtod pa'i nus pa med pa'i phyir/ gal te yod na/
dngos med dmigs rkyen du byed pa'i tshur mthong mngon sum

yod pa dgag mi nus par 'gyur ro/ /'o na/ rdzogs pa'i sangs rgyas
kyi ye shes kyis dngos med dngos su rtogs sam shugs la rtogs zhe
na/ rdzogs pa'i sangs rgyas kyi ye shes kyis chos thams cad
rtogs pa ni/ shes bya mtha' dag la sgrib pa'i

@51b shes sgrib bag chags dang bcas pa slar mi 'byung ba'i tshul
gyis spangs pa'i stobs las byung ba yin pas/ dngos med rtogs
pa'ang dngos po lta bu la dngos su sgro 'dogs bcad pa'i stobs
kyis shugs la rtogs pa ma yin gyi/ shes sgrib zad par spangs

pa'i stobs kyis dngos su rtogs pa yin no/ /'o na/ dngos med kyi
rnam pa shar bar 'gyur la/ de lta na/ dngos med la rang 'dzin
shes pa la rnam pa gtod pa'i nus pa yod par 'gyur te/ rtog pa
bzhin du bag chags kyi stobs kyis rnam pa shar ba mi 'thad pa'i
phyir

ro zhe na/ sangs rgyas kyi ye shes la dngos med kyi rnam pa shar
ba de yul gyis gtad pa'i rnam pa yang ma yin pa bag chags kyi
stobs kyis shar ba'i rnam pa yang ma yin gyi/ sgrib pa spangs
pa'i stobs kyis shar ba'i rnam pa yin no zhes brjod par bya'o/
/'o na/

sangs rgyas kyi ye shes la dngos med rnam pa mi gsal ba'i tshul
gyis shar na rtog par 'gyur bas/ rnam pa gsal bar shar dgos la/
de lta na/ sangs rgyas kyi ye shes chos can/ khyod dngos med la
mngon sum tshad mar thal/ khyod dngos med kyi rnam pa gsal

bar shar ba'i sgo nas rtogs pa'i tshad ma yin pa'i phyir/ 'dod
na/ dngos med de sangs rgyas kyi ye shes la mngon gyur du thal
lo/ /'dod na/ dngos med chos can/ khyod mngon gyur du thal/
sangs rgyas kyi ye shes kyis mngon gyur du gzhal ba'i phyir ce
na/ sangs rgyas

kyi ye shes la dngos med mngon gyur yin pa ni 'dod pa yin la/
sangs rgyas kyi ye shes la mngon gyur du snang bas mngon gyur
yin mi dgos te/ gal te dgos na/ zas ro mi zhim pa 'ga' zhig
kyang ro mchog dang ldan par thal/ sangs rgyas la ro mchog tu
snang ba'i

@52a @#/ /phyir/ 'di la ro mi zhim pa ro mchog snang/ zhes 'byung
bas so/ /de ni ro mi zhim pa'i zas ro zhim par snang zhes pa ma
yin gyi/ spyir zas ro mi zhim pa gcig kyang/ sangs rgyas kyi
gsel du bkod pa na/ ro brgya dang ldan pa'i zas su

'gyur zhing/ de nyid ro zhim par snang ba yin no zhe na/ 'o na/
gzhal bya mngon gyur ma yin pa mngon gyur tu snang ba ma yin
gyi/ spyir gzhal bya lkog gyur yin pa gcig kyang sangs rgyas kyi
ye shes la ltos nas mngon gyur du 'gyur zhing/ de nyid mngon
gyur tu snang ba

yin pas skyon med ces mtshungs so/ /'o na/ sangs rgyas kyi ye
shes chos can/ khyod 'khrul shes su thal/ spyir mngon gyur ma
yin pa'i dngos med lta bu yang khyod la mngon gyur du snang ba'i
phyir ce na/ 'o na/ sangs rgyas kyi ro 'dzin shes pa chos can/
khyod

'khrul shes su thal/ spyir zas ro zhim pa ma yin pa yang khyod
la ro zhim par snang ba'i phyir/ de ltar snang yang 'khrul par
mi 'gyur te/ 'khrul rgyu'i dbang gis de ltar snang ba ma yin
gyi/ bsod nams kyi tshogs mthar phyin pa'i dbang gis snang ba yin
pas so

zhe na/ spyir mngon gyur ma yin pa mngon du gyur pa'i tshul gyis
snang yang 'khrul par mi 'gyur te/ 'khrul rgyu'i dbang gis de
ltar snang ba ma yin gyi/ ye shes kyi tshogs mthar phyin pa'i
dbang gis snang ba yin pa'i phyir ro zhes kun tu mtshungs so/
/sangs rgyas kyi ye

shes la dngos med mngon du gyur pa'i tshul gyis snang yang/ sangs
rgyas kyi ye shes kyis dngos med mngon gyur yin par gzhal ba ma
yin pas/ chos der tshad mas gzhal ba la/ chos de yin dgos par
thal ba'i skyon yang med do/ /tshad ma la de mngon du gyur pa'i

@52b tshul gyis snang yang/ tshad mas de mngon gyur yin par ma
gzhal bar yod dam zhe na/ yod de/ dper na/ nyan shes la sgra'i
mi rtag pa mngon du gyur pa'i tshul gyis snang yang/ des de mngon
gyur yin par ma gzhal ba bzhin no/ /'di la spros pa rgya cher
yod kyang re zhig

bzhag go bden pa gnyis kyi rnam par gzhag pa bshad zin to// /da
ni yul gyi dbye sgo bzhi pa yul can blo'i 'dzin tshul sogs kyi
sgo nas phye ba/ snang yul dang gzung yul dang zhen yul dang
'jug yul dang bzhi bshad par bya ste/ 'di dag la dgag

gzhag gnyis las/ dang po gzhan lugs dgag pa ni/ kha cig na re/
rtog pa la snang yul med de/ yod na rtog pa yul la snang ba'i
sgo nas 'jug par thal lo/ /'dod na/ sel 'jug ma yin par thal lo/
/des na don spyi lta bu rtog pa'i dngos yul yin gyi/ snang yul

ma yin no zhes zer ro/ 'o na/ rtog pa yul la dngos po'i dbang
gis 'jug par thal/ rtog pa'i dngos yul yod pa'i phyir/ 'khor
gsum la lan med do/ /gzhan yang rtog pa la snang ba'i yul med
na/ rnam nges las/ rnam par rtog pa la snang ba'i don yul nyid
du bdag

gir byed do/ /zhes gsungs pa dang/ rtog pa la snang ba'i gzhan
sel sgra don yin par lan mang du bshad pa kun dang 'gal lo/ /kha
cig /snang yul dang dngos yul don gcig la/ de'i don kyang yul
dang shes pa'i bar du rnam pas bar ma chod pa zhes pa yin cing/
des na don

spyi dang shes pa kho na snang yul yin la/ yul can ni rtog pa
dang rang rig kho na yin cing/ dbang shes rnams dang yul gyi bar
du rnam pas chod pas/ dbang shes kyis phyi don dngos su rtogs pa
ma yin te/ gal te rnam pas bar ma chod par rtogs na/ skyes bu
gcig

@53a @#/ /gi gzugs la dgra gnyen gnyis kyis lta ba'i tshe na/
gzugs de 'dod mi 'dod du ma'i bdag nyid du thal/ lta ba'i shes
pa de gnyis gcig la 'dod par snang/ gcig la mi 'dod par snang ba
gang zhig / gnyis kas rnam pas bar ma

chod par rtogs pa'i phyir zer to/ ? /'o na/ shes bya chos can/
rtog pa'i dngos yul de phyi rol gyi don yin par thal/ de rtog pa
la phyi rol lta bur snang ba gang zhig / rtog pas de rnam pas
bar ma chod par rtogs pa'i phyir/ gzhan yang/ sngon 'dzin mngon
sum

tshad ma la sngon po mngon du gyur pa ma yin par thal/ de gnyis
kyi bar du rnam pas chod pa'i phyir/ rtags khyab khas blangs/
'dod na/ shes pa de gzhan rig mngon sum tshad mar song ba'i gzhal
bya yin na/ shes pa de la lkog gyur yin pas khyab par khas len

dgos pas/ kye ma phongs pa'i rgyu nyid yin/ ces bya ba'i gnas
skabs thob par 'gyur ro/ /skyes bu gcig gi gzugs la dgra gnyen
gnyis kyis lta ba'i tshe/ gzugs de'i rnam pa de 'dod pa'i rnam pa
dang mi 'dod pa'i rnam pa gnyis ka yin par thal/ de

gzugs de la lta ba'i shes pa gcig gi 'dzin rnam la yid du 'ong
ba'i rnam par snang/ gcig gi 'dzin rnam la yid du mi 'ong ba'i
rnam par snang ba gang zhig  /gnyis kas kyang gzugs de'i rnam pa
rnam pas bar ma chod par rtogs pa'i phyir/ 'khor

gsum la lan med do/ /gzhan yang/ rang rig rnam med du 'dod pa
'og tu dgag par bya'o/ /yang kha cig na re/ rang mtshan rtog pa'i
zhen yul du 'gyur ba mi srid de/ rtog pas rang mtshan rtogs pa mi
srid pa'i phyir/ des na don spyi rtog pa'i

@53b zhen yul yin te/ rtog pas don spyi la phyi rol tu zhen par
byed pa'i phyir/ des na rtog pa la zhen yul yod pas khyab bo
zhes smra'o/ /de yang mi 'thad de/ rtog pas rang mtshan yul du
byed pa mi srid pa dang/ rtog pas rang gi dngos yul phyi rol yin
par

zhen pa sogs sngar bkag zin pa'i phyir/ rtog pa yin na rang
mtshan yul du mi byed pas khyab cing/ zhen yul yod pas khyab pas/
rtog pa don mthun dang don mi mthun gyi dbye ba med par thal
ba'i phyir ro/ /yang kha cig na re/ shes pa'i yul ni gzung

yul dang zhen yul gnyis su grangs nges pa yin la/ de yang mngon
sum tshad ma'i gzung yul yin na skad cig re re ba yin pas khyab
la/ de'i phyir 'jug yul ma yin pas khyab ste/ skad cig re re ba
rnams ni skyes bus thob par mi nus pa'i phyir/ rjes dpag

gi gzung yul ni sgro btags dngos med yin pas khyab la/ de'i
phyir 'jug yul ma yin te/ rnam nges las/ tshad ma gnyis ka dngos
po'i yul can/ zhes gsungs pas tshad ma'i 'jug yul yin na dngos po
yin dgos shing/ sgro btags yin na dngos por

'gal ba'i phyir ro/ /rigs rgyun yin na/ sgro btags yin pas khyab
bo zhes khas blangs nas/ tshad ma'i 'jug yul ni skad cig du ma
'thud pa la rgyun du tha snyad btags pa dang/ rdul phran du ma
tshogs pa la rags par tha snyad btags pa tsam yin la/ de dag la

rags rgyun du tha snyad 'dogs pa po ni/ tshad mas drangs pa'i
nges shes la 'dod do/ /mngon sum tshad mas drangs pa'i nges shes
kyi zhen yul yang mngon sum tshad ma de'i zhen yul yin te/ mngon
sum tshad ma de'i stobs kyis zhen par byas pa'i yul yin

@54a @#/ /pa'i phyir/ dper na/ rgyal po'i stobs kyis gshed ?  mas
bsad pa la/ rgyal pos bsad par brjod pa bzhin zhes zer to/ /'di
dag kyang mi 'thad de/ skad cig du ma tshogs pa la rgyun dang/
rdul du ma tshogs pa la rags

par tha snyad byas pa de dag dngos po yin nam min/ yin na skad
cig re re ba yin nam/ rags rgyun yin/ dang po ltar na/ tshad ma'i
'jug yul ma yin par thal/ skad cig re re ba yin pa'i phyir/
'khor gsum dngos/ rags rgyun yin na dngos po ma

yin par thal/ rags rgyun yin pa'i phyir/ 'khor gsum dngos/ dngos
po ma yin na tshad ma'i 'jug yul ma yin par thal/ dngos po ma yin
pa'i phyir/ 'khor gsum dngos/ gal te de dag skad cig re re ba ma
yin gyi tshogs pa yin

la/ 'on kyang de dag la rags rgyun gyi tha snyad btags pa tsam
yin gyi rags rgyun ma yin pas skyon med do zhe na/ 'o na/ tha
snyad de dag don mthun yin nam min/ yin na/ de dag chos can/
khyod rags rgyun yin par thal/ khyod la rags

rgyun gyi tha snyad don mthun 'jug pa'i phyir/ don mthun ma yin
na/ de dag chos can/ khyod la rags rgyun gyi tha snyad 'dogs
pa'i rtog pa de don mi mthun gyi blor thal/ des khyod la rags
rgyun gyi tha snyad btags pa de tha snyad don mi mthun yin pa'i

phyir/ 'dod na/ de tshad mas drangs pa'i nges shes yin pa 'bud/
gzhan yang/ rags rgyun yin na sgro btags yin pa sogs dgag zin
to/ /mngon sum tshad ma yin na nges shes yin par 'gal lam mi
'gal/ mi 'gal na/ mngon

@54b sum ni gang gi yang nges par byed pa ni ma yin te/ zhes
sogs dang 'gal zhing/ mngon sum rtog bcas yod par 'gyur ro/
/'gal lo zhe na/ sngon 'dzin mngon sum tshad ma chos can/ khyod
kyis drangs pa'i sngon po nges pa'i rtog pa'i nges yul de

khyod kyi nges yul yin par thal/ khyod kyi stobs kyis rtog pa
des rang yul nges par byed pa'i phyir/ 'khor gsum la lan med do/
/yang kha cig /rtog pa yin na kho las tha dad du gyur pa'i yul
thams cad kho'i zhen yul yin pas khyab bo zhes

zer ba'ang mi 'thad de/ rtog pa la rang gi snang yul phyi rol
lta bur snang yang/ de nyid phyi rol yin par zhen pa yang ma yin
la/ phyi rol tu zhen pa yang ma yin no zhes bshad zin to/ /des
na snang yul de dag zhen yul ma yin no/ /kha cig /zhen yul

med pa'i rtog pa mi srid par khas blangs nas/ rjod byed kyi sgra
la zhen pa'i brjod bya yod med gnyis su smra ba ni nang 'gal ba
yin no/ /gzhan yang/ sgra la zhen pa'i brjod bya yod par 'dod pa
mi 'thad de/ sgra rang gis zhen par byed pa yin nam/ sgra kun

slong gi rtog pa'i zhen yul de'i brjod byar gyur pa yod pas zhen
pa'i brjod bya yod par 'jog pa gang yin/ dang po mi 'thad de/
sgra bem po yin pa'i phyir ro/ /gnyis pa ltar na/ sgra'i snang
yul yang yod par thal ba'i skyon 'byung ngo/ kha cig /rtog pa la

gzung yul yod de/ rtog pas gzung ba'ang yin yul yang yin pa yod
pa'i phyir/ ces smras nas/ rtog pa don mi mthun la zhen yul med
par 'dod pa'ang 'gal ba 'du bar 'gyur te/ 'di ltar rtog pa don
mi mthun la zhen yul yod par thal/ des zhen

@55a @#/ /pa'ang yin yul yang yin pa yod pa'i phyir/ 'khor gsum/
kha cig /rtog pa'i gzung yul yin pa mi srid de/ rgyu yi dngos po
ma rtogs par/ /gzung ba zhes bya gzhan ci'ang med/ /ces dang/
de'i 'grel par lhas/ rnam pa

'jog pa'i rgyu ni yul nyid yin no/ /zhes bshad pas so zer ba'ang
mi 'thad de/ de ni gzhan rig mngon sum gyi dbang du byas pa'i
phyir te/ gzhan du na/ yul yin na rgyu yin par 'dod dgos par
'gyur ro/ /kha cig rags pa yin na/ dbang shes kyi yul

yin par 'gal bar 'dod pa ni bkag zin to/ /gnyis pa rang lugs
bzhag pa ni/ snang yul dang gzung yul don gcig la/ de la rtog
med shes pa'i snang yul dang gzung yul ni/ rtog med shes pa gang
la chos de'i rnam pa gsal bar dngos su shar ba'i

sgo nas shes pa de'i yul du gyur pa rnams yin la/ de ltar na/
rtog med shes pa'i dbang du byas pa'i gzung yul dang snang yul
ni/ phyi rol don dang shes pa rnams yin cing/ yul can ni/ rtog
med gzhan rig gi shes pa phal cher dang rang rig gi shes pa
rnams

yin no/ /'o na/ dbang shes 'khrul ba la yang gzung yul yod dam
zhe na/ dbang shes 'khrul pa ni rigs gnyis te/ rang yul gyi rnam
pa 'char ba bdag rkyen dbang po bslad pa tsam dang/ de ma thag
rkyen nye bar yod pa las skye'i/ phyi rol gyi yul nye bar

yod pa la mi ltos pa skra shad 'dzag snang lta bu dang/ bdag
rkyen dbang po bslad par ma zad/ phyi rol gyi yul nye bar yod pa
la ltos pa zla ba gcig gnyis su snang ba lta bu'i dbang shes
gnyis las/ dang po la ni gzung yul med de/ kho la yul gyi rnam

@55b pa shar ba de/ yul la rag ma las par bdag rkyen dbang po
bslad pa tsam las skyes pa yin pas/ rkyen gzhan tshang na yul med
kyang/ skra shad sogs kyi rnam pa 'char ba'i dbang shes yin pa'i
phyir/ gnyis pa la ni gzung yul yod de/ mig mdzub

mos btsir ba'i tshe na'ang zla gcig nye bar med na/ zla ba gnyis
kyi snang ba 'char mi srid cing/ zla gcig nye bar yod pa'i tshe/
rgyu rkyen gzhan tshang ba na zla ba gnyis kyi snang ba 'byung
bas/ zla ba gnyis kyi rnam pa shar ba zla gcig yul du nye ba la
rag las par myong

bas grub pa'i phyir/ des na zla ba gcig la gnyis su mthong ba'i
tshe zla gcig rnam pa yang 'char bas khyab la/ 'on kyang zla gcig
gi rnam pa ji lta ba bzhin du mi 'char ba ni/ dbang po bslad
pa'i dbang gis yin no/ /de'i phyir skra shad 'jog snang sogs
rnam pa

'char ba yul la mi ltos pa'i dbang shes rnams la gzung don med
pa la dgongs nas/ skrar snang don med can yin no/ /zhes gsungs
la/ mar me'i rtse mo khra sgor bar snang ba dang/ zla ba gnyis
snang sogs rnam pa gtod byed kyi yul nye bar yod pa la ltos pa'i
dbang

shes 'khrul ba rnams la/ gzung don yod pa la dgongs nas/ mar me
tsam gyis yod pa'i phyir/ ces gsungs pa yin no/ /rtog med shes
pa'i gzung yul yin pa la gzung don yin pas khyab pa ni ma yin
te/ gzung don yin na phyi rol gyi don dgos par/ don

gyi stobs las skyes pa'i phyir/ ces sogs gzhung rtsa 'grel du
mas bshad pa'i phyir ro/ /rtog pa'i gzung yul ni/ rtog pa rnams
la rang rang gi mdun na 'dug pa lta bur snang ba'i yul gang yin
pa ste/ de yang don spyis bar ma chod par snang ba'i yul gang 

@56a @#/ /yin pa'o/ /des na rtog pa'i dbang du byas pa'i snang yul
gzung yul ni sgra don kho na'o/ shes pa des bzung ba'i yul yin
pas gzung yul du 'gyur dgos pa ma yi te/ de ltar na sgra mi rtag
pa chos can/ khyod sgra mi

rtag rtogs kyi rjes dpag tshad ma'i gzung don du thal/ des gzungs
ba'i don yin pa'i phyir/ 'dod na gzung don min par khyod rang
'dod pa dang dngos su 'gal zhing/ lung rigs kyis kyang gnod la/
'ga' zhig dngos dang brgyud pa'i bzung don gyi dbye ba byed 

pa ni lha dga' bar byed pa yin no/ /zhen yul ni rang 'dzin rtog
pa'i zhen stangs kyi yul du gyur pa ste/ dper na/ bum pa nyid
bum pa'o snyam du 'dzin pa'i rtag pa'i zhe na stangs kyi yul yin
pa lta bu'o/ /des na sgra mi rtag par 'dzin pa lta bu zhe na
stangs don dang

mthun pa rnams la zhen na yul yod la/ sgra rtag 'dzin lta bu zhe
na stangs don dang mi mthun pa rnams la med do/ /'jug yul ni/
tshad mas dongs su bcad pa ji lta ba bzhi du gnas pa'i chos/ yul
can ni tshad ma gnyis dang/ de dag rgyud la ldan pa'i skyes bu 

rnams yin la/ tshad ma'i 'jug yul yin na rang mtshan yin pas khyab
ma khyab ni 'og tu bstan par bya'o/ /kha cig/ tshad ma 'jug yul
ston byed yin gyi tshad ma'i 'jug yul med do zhes zer ba ni/ tshad
mas bstan pa'i 'jug yul de la tshad mar rang gis 

'jug pa med pa'i phyir te/ 'jug yul bstan pa tsam ni tshad ma
'gags pa'i phyir dang/ zhugs pa na sngar bstan pa'i yul 'gags
pa'i phyir snyam du bsams mod/ de ni skyes bu la yang kun tu
mtshungs so/ /'di dag la brjod par bya ba ming yang

@56b mangs par 'gyur bas ma bris la/ 'ga' zhig 'og tu bstan par
bya'o/ /smras pa/ rnam dpyod mtshungs med lhag bsam skyes bu des/
/rigs pa'i tshon che kha dog mdangs bkra bas/ /'jam dbyangs par
gyis legs bshad sa 'dzin la/ /shes ba

ma lus ri mor bris pa bzhin/ /dgag sgrub gang shog rtse bskyed
pa'i rlung shugs kyis/ /phas rgol spobs pa'i rag ri 'jig byed
pa/ /bdag bo 'dab bzang dbang po'i gzi brjid 'di/ /mkhas rlom
lag 'gro'i tshogs kyis bzod par dka'/ /zhes

bya ba ni bar skabs kyi tshigs su bcad pa'o/ /shes par bya ba yul
gyi rnam par bzhag pa bshad zin to// //da ni gnyis pa shes par
byed pa blo'i ram par gzhag pa bshad par ya ste/ de yang blo dang
shes pa dag sems dag rig pa zhes bya

ba rnams don gcig la/ blo'i mtshan nyid myong bar skyes pa'o/
dbye ba la dbye sgo gnyis las/ dbye sgo dang po byed las kyi sgo
nas dbye na/ tshad min gyi blo dang/ tshad ma gnyis/ dang po la/
rtog pa dang/ rtog med log shes gnyis rtog pa la mtshan nyid

dang dbye ba gnyis/ dang po'i/ kha cig na re/ rtog pa'i mtshan
nyid/ sgra don 'dres 'dzin gyi lo zhes zer cing/ kha cig 'dres
pa'am dper rung ba 'dzin pa'o/ /'dres pa gcig pu smos na/
brdal ma byang ba'i rtog pa la ma khyab par 'gyur la/ rung ba
gcig pu smos

nang rdal byang ba'i rtog pa la ma khyad par 'gyur zhing/ 'dres
pa'i don ming don gcig lta bur sag ba'i zhes zer la/ gyis kas
kyang/ sgra don 'dres 'dzin zhes pa'i sgra don ni/ sgra spyi
dang don spyi la 'dod do/ /rtog pa la dbye na/ sgra spyi rkyang
pa 'dzin pa dang/

@57a @#/ /don spyi rkyang pa 'dzin pa zhes sogs mang du smra mod/
'di dag 'gal ba yin te/ rtog pa'i mtshan nyid sgra spyi dang don
spyi 'dres pa'am/ 'drer rung bar 'dzin pa sogs yin na/ sgra
rkyang pa 'dzin pa 'dzin pa'i rtog pa yod pa 'bud/

gzhan yang/ 'drer rung bas brda la byang ba'i rtog pa la ma
khyab par 'dod pa dang/ 'dres pa'i don ming do gcig lta bur
snang ba la 'dod pa'ang 'gal ba yin te/ de lta na/ 'drer rung
ba'i don kyang ming don gcig lta bur snang du rung ba la 'dod
dgos

shing; brda byang ba'i rtog pa la ming don gcig lta bur snang ba
dang/ de ltar snang du rung ba ma yin pa 'gal ba'i phyir ro/
sgra don zhes pa'ang sgra spyi dang don spyi la 'dod pa mi 'thad
de/ de lta na/ shes gang gang la sgra don 'dzin/ /de ni de la
rtog pa

yin; /ces pa'i sgra don kyang de ltar kyang de ltar 'dod dgos
la/ de ltar na/ rang gi go bo sgra don min/ /zhes 'ang rang gi
go'o sgra spyi'ang mi don spyi'ang min/ zhes pa la 'chad dgos
na'ang/ tshul 'di ni shin tu mi mdzes pa'o/ /des a rang lugs la
rtog pa'i

mtshan nyid /sgra don 'dzin pa'i blo/ de la sgra don ni/ sgra
spyi don spyi zhes so sor 'byed rgyu min gyi/ rtog pa'i snang
yul la sgra don du byas pa/ sgra don chos ni rnam pa gsum/ zhes
pa'i sgra don de yin no/ /'o na; rnam nges las/ rtog pa ni rjod
pa dang 'drer 

rung bar snang ba'i shes pa ste/ zhes gsungs pa ji ltar yin ce
na/ de'i don ni/ rtog pa la sgra don snang zhing/ sgra don de
yang brda dngos su sbyar ba yin pa'i phyir/ rjod pa dang 'drer
rung ba yin la/ de'i phyir rtog pa la rjod pa dang 'drer rung
ba snang zhes bya 

@57b ba yin gyi/ sgra spyi dang don spyi 'drer rung bar snang
zhes pa ma yin no/ /gnyis pa dbye ba la/ dgos pa'i dbang gis dbye
na/ ming sbyor rtog pa dang/ don sbyor rtog pa gnyis/ dang po'i
mtshan nyid/ brda dus kyi ming dang tha snyad dus kyi don sbyar
nas 'dzin pa'i shes pa/ 

dper na dkar zal 'di ba lang ngo snyam du 'dzin pa'i rtog pa lta
bu'o/ /gnyis pa'i mtshan nyid/ khyad gzhi'i don dang khyad chos
kyi don sbyar nas 'dzin pa'i rtog pa'o/ /dper na/ skyes bu 'di
dbyug pa can no snyam du 'dzin

mi rtag rtogs kyi rjes dpag lta bu gnyis ka yin pa'i phyir ro/
/rtog pa la blo rigs mi 'dra ba'i sgo nas dbye na/ ma rtogs pa'i
rtog pa dang/ nges shes gnyis/ dag po'i mtshan nyid/ rang gi zhe
na stangs ched mas dngos su 'gog nus kyi blo/ /dbye na/ log
rtog dang/ 

the tshom gnyis/ dang po dang/ rtog pa leg shes don gcig cing/
de'i mtshan nyid/ rang gi zhe na stangs kyi yul tha spyad du'ang
ma grub pa'i rtog pa/ 'di dang sgro 'dogs kyang don gcig cing/
dper na/ sgra rtag 'dzin gyi rtog pa lta bu'o/ /kha cig log rtog
thams cad 

'dzin stangs mtha' gcig tu nges pa'i rnam pa can yin par 'dod pa
ni mi 'thad de/ sgra phal cher rtag las che snyam du 'dzin pa'i
rtog pa'ang log rtog ma yin par thal ba'i phyir ro/ /'dod mi nus 
te/ sgro 'dogs yin pa'i phyir ro/ /des na/ log rtog dang the 

tshom 'gal ba ma yin no/ /the tshom gyi mtshan nyid/ rang gi 'dzin
stangs mtha' gnyis su dogs pa'i rnam pa can gyi blo dbye na/
sgra rtag gam mi rtag gam snyam pa lta bu dogs pa phyogs gnyis
ka la cha mnyamn du yod pa dang/ phal cher mi rtag las che

@58a @#/ / snyam pa lta bu don 'gyur dang/ phal cher rtag las che
snyam pa lta bu do mi 'gyur ba gnyis kyis bspus pa'i the tshom
phyogs gang rung gcig la ldog pa shas cher phyogs pa gnyis su
yod do/ /kha cig /khron pa rnying pa ni 

chu yod nges snyam pa lta bu yang bag la nyal gyi the tshom du
'dod mod/ de ni mi rigs te/ bag la nyal gyi the tosm zhes pa/
bag la nyal yang yin the tshom yang yin pas/ bag la nyal gyi the
tshom zhes pa yin nam/ da lta the tshom gyi rnam par mad kyang
rang gi

'dzin stangs ltar grub pa la gnod byed mthong ba'am/ bzlog
phyogs la sgrub byad mthong ba na the tshom skye bar 'gyur bas
bag la nyal kyi the tshom zhes brjod pa yin/ dang po mi rigs te/
bag la nyal gyi rkyen dag phrad na 'bras bu skyed rung gi nus
pa'i ngo bo tsam yin 

pas dmigs rnam mi 'dzin pa'i phyir ro/ /gnyis pa mi 'thad de/
rtog pa don mi mthun yin na/ bag la nyal gyi the tshom yin pas
khyab par thal ba'i phyir ro/ /des na the tshom gyi bag la nyal
zhes pa ni/ rkyen dang phrad na the tshom bskyed rung gi nus pa
sa bon gyi ngo bo 

tsam dmigs rnam mi 'dzin pa de lta bu zhig yin pas/ the tshom gyi
rgyu yin gyi the tshom ma yin no/ /gnyis pa nges shes kyi mtshan
nyid/ tshad ma yin pa'ang tshadma'i stobs kyis drangs ba'i blo
gang zhig/ rang yul nges pa'i sgo nas 'dzin pa/ dbye na/ rjes
dpag 

tshad ma dang/ bcad shes gnyis/ dang po ni 'og tu shad par bya'o/
/bcad shes la dgag gzhag gnyis las/ dang po ni/ kha cig na re/
rjes dpag skad cig dang po ni tshad ma yin la/ rjes dpag skad
cig gnyis pa man chad bcad shes yi te/ tshad ma 

@58b snga mas bzung zin ma brjed pa'i don 'dzin pa'i blo yin
pa'i phyir ces zer to/ /'di ni mi 'thad de/ byas pa'i rtags las
sgra mi rtag rtogs kyi rjes dpag tshad ma'i rjes su sgra mi rtag
rtogs kyi lo skyes pa ni rjes dpag min te/ rtags kyi tshul gsum
tshad mas nges pa dran 

ba las dngos su skyes pa ma yin gyi/ rjes dpag tshad ma'i stobs
kyis drangs pa'i nges pa tsam yin pa'i phyir ro/ /de lta ma yin
par tshul gsum dran pa las brgyud nas skyes pa'i blo yin pa tsam
gyis rjes dpag tu 'gyur na/ phung po bdag med du rtogs pa'i
'phags/

pa'i mnyam gzhag ye shes kyang rjes dpag tu thal bar 'gyur ro/
/de'i phyir sgra mi rtag rtogs kyi rjes dpag tshad ma'i rjes su
skyes pa'i sgra mi rtag par rtogs pa'i blo ni rjes dpag ma yin
pas/ rjes dpag yin pa'i bcad shes mi srid do/ /kha cig/ sgra mi
rtag rtogs kyi

kyi rjes dpag tshad ma mi rtag pa la bcad shes su 'dod pa'ang mi
'thad de/ mi rtag pa sngar nges zin pa de nyid dran pa'i tshul
gyis nges pa ma yin gyis nges pa ma yi gyi/ mi rtag pa sngar
sgra dang 'brel bar ma nges pa de nyid gsar du nges pa'i tshul
gyis mi rtag pa nges pa yin pa'i phyir ro/ /kha cig/ 

mngon sum skad cig phyi ma rnams kyang bcad shes su 'dod pa ni ma
brtags pa ste/ bcad shes ni sngar nges zin gyi yul dran pa'i blo
yin la/ dran pa'i blo yin na rtog pa yin dgos pa'i phyir ro/ de
lta min par tshad ma snga mas bzungs zin 'dzin pa tsam gyis bcad 

rjes su 'gyur na/ kun mkhyen ye shes skad cig gnyis pa man chad
thams cad bcad shes su thal ba dang/ bdag med rtogs pa'i mngon
sum tshad ma mi srid par thal ba sogs mtha' yas pa'i gnod byed
yod kyang 'og tu bstan par bya'o/ /gnyis pa rang 

@59a @#/ /lugs ni/ bzung ba 'dzin phyir kun rdzob ni/ zhes pa'i
'grel par lha shAka rgyan gsum sogs kyis mthun par/ bcad shes
kyi ngo bo dran pa yin par bshad la chos kyi rjes kyang/ cad
shes 'das pa dran pa yin/ ces sogs 

gsungs pa yin pas/ bcad shes kyi ngo bo dran par 'dod pa la ni/
kho bo cag rigs pa shes pa phal che ba dgongs pa gcig dang
dbyangs gcig go/ des na bcad shes kyi mtshan nyid/ rang 'dren
byed kyi tshad ma snga mas des zin gyi don de nyid slar dran pa'i
sgo

nas nges pa'i blo zhes pa'o/ /gnyis pa rtog med log shes kyi
mtshan nyid/ rang gi bdag rkyen dbang po slad pa'i stobs kyi rnam
pa gsal bar snang ba'i gzhan rig gi shes pa/ kha cig/ rang gi
bdag rkyen dbang po bslad pa yod med kyi rjes su 'gro ldog

byed pa'i shes pa/ zhes zer ba mi 'thad de/ zla ba gnyis snang
gi dbang shes myong ba'i rang rig mngon sum tshad ma'ang rtog med
log shes su thal bar 'gyur ba'i phyir ro/ /rtog med log shes la
dbye na/ mgal me myur du bskor ba las 'khor lor snang ba'i mig

shes lta bu dbyibs la 'khrul pa dang/ dung dkar po ser por
snang ba'i mig shes lta bu kha dog la 'khrul pa dang/ gyur
zhugs stobs kyis ljon shing 'gro bar snang ba lta bu bya ba la
'khrul pa dang/ zla ba gcig gnyis su 'khrul pa'i mig shes lta bu
grangs la

'khrul pa dang/ skra shad 'dzag snang gi mig shes lta bu ngo bo
la 'khrul pa dang/ nam phyed na nyi ma shar bar snang ba'i rmi
lam gyi shes pa lta bu dus la 'khrul ba dang/ mya dam gyi thad
du rgyang ring po nas bltas pa'i tshe gong bu chung du yang chen
por snang ba'i mig shes

@59b lta bu tshad la 'khrul pa'i shas pa rnams su yod do/ /'di
dag las rmi lam gyi shes pa ni yid shas yin la/ gzhan rnams
dbang shes yin cing/ kha cig/ nyi ma nub kyi ri rtse la 'dar bar
snang ba lta bu yang 'khrul bar bzhed pa 'thad par ma mthong
ste/ nyi ma ri'i nub 

tu yul bar nye ba'i che/ nyi ma'i dkyil 'khor snang shes kyis
nyi ma'i dkyil 'khor dang ri'i bar gyi nam mkha' ma mthong ba
yin gyi/ nyi ma dang ri rtse 'jar bar mthong ba ma yin no/ /'di
dag la brjod par bya ba mang yang re shig bzhag go/ gnyis pa
tshad ma la/ 

mtshan nyid dang dbye ba gnyis/ dang po la dgag gzhag gnyis las/
gzhan lugs dgag pa ni/ rnam 'grel du/ tshad ma slu med can shes
pa/ zhes pa dang/ ma shas don gyi gsal byed kyang/ zhes tshad
ma'i mtshan nyid ston byed kyi gzhung rim pa gnyis gsungs pa'i
don 

la/ slob dpon lha shAka gnyis na re/ gnyis kas kyang mtshan nyid
yongs rdzogs re ston pa yin no zhes zer to/ /de yang snga ma ni
'jig rten la grags pa dang/ phyi ma ni bstan bcos la grags pa'i
mtshan nyid du 'dod pa mngon te/ slob dpon lha dbang blos/ de bas
na 

de ltar ched ma'i mtshan nyid mi slu ba gcig cig bshad do/ /ma
shes don gyi gsal byed kyang gzhan mtshan nyid gnyis pa yin no/
/zhes pa'i 'gral bshad du shA kya blos/ gzhan mtshan nyid gnyis
pa zhes bya ba ni 'jig rten gyis sngod par byed pas 'di ni gcig
yin la/ 'di 

ni gzhan rnam pa gnyis pa yin no/ /zhes 'byung bas so/ /tshul 'di
ni 'thad par mi sems te/ gzhung snga mas gsar du mi slu ba'i
shas pa mtshan nyid du bstan pa yin na/ snga phyi gnyis ka la
bstan bcos la grags pa dang 'jig rten la grags pa dang/ log 

@60a @#/ /rtog sel sogs gang gi yang khyad par dbye mi nus shing/
mi slu ba'i shes pa tsam mtshan nyid du bstan pa yin na/ bcad
shes kyang tshad mar thal bas mtshan mar thal bas mtshan nyid skyan
can du 'gyur ba'i phyir ro/ /lha dbang blo'i 'dod pa 'di la/ 

rigs gter du/ mtshan nyid gnyis kyis 'jog na ni/ /mtshon bya de
yang gnyis su 'gyur/ /zhes pa'i skyon brjod pa'i don la/ rjes
'brangs dag na re/ mtshon bya tshad ma gnyis su thal/ chad ma'i
mtshan nyid gnyis yod pa'i phyir/ ces par 'chad mod/ de lta na
rang la 

yang; mtshon bya bsgrub bya de gnyis su thal/ de'i mtshan nyid
gnyis yod pa'i phyir/ ces brjod na 'khor gsum la lan med do/
/des na kho bo ni chos rje'i bzhed pa 'di ltar smra ste/ lha
dban blo'i 'dod pa gzhung snga phyi gnyis kas mtshan nyid tha dad
pa re ston na/ de gnyis 

la dgos pa tha dad yod par mi 'thad pas mtshan nyid rnam grangs
pa ste/ mtshan nyid gnyis kas mtshon dgos par 'gyur la/ de lta na
don ldog gnyis kyis nges par 'jog dgos pa'i phyir/ ched ma'i
rang ldog kyang gnyis su 'gyur ro zhes pa yin no/ /slob dpon
rgyan 

mkhan pas/ snga ma tha snyid pa'i chad ma'i mtshan nyid dang/ phyi
ma don dam pa'i chad ma'i mtshan nyid du 'dod pa ni mi 'thad de/
don dam pa'i chad ma de rang gi gzhal bya la mi slu ba'i shes pa
min na/ don dam pa'i tshad ma chos can/ khyod tha snyad pa'i tshad
mar thal/ rang 

gi gzhal bya la mi slu ba'i chad ma yin pa'i phyir/ rang gi
gzhal bya la mi slu ba'i tshad ma ma yin na/ do dma pa'i tshad ma
chos can/ chad ma min par thal/ rang gi gzhal bya la slu ba'i
phyir ro/ /ci ste/ slu mi slu gang yang ma yin no zhe na mtshad
ma la rang gi gzhal 

@60b bya la slu mi slu gang yang ma yin pa'i phung gsum yod na/
gzhal bya la tshad mas gzhal ba ltar grub ma grub gang yang ma
yin pa'i phung gsum yod par 'gyur ro/ /snga rabs pa dag bram ze
chen po/ /bden pa'i don rtogs chos gsum ldan tshad ma'i mtshan 

nyid du bzhad la/ da yang chas gsum ni yul gyi khyad par sngar
ma rtogs pa 'dzin stangs kyi khyad par ma 'khrul ba/ byed las
kyi khyad par sgro 'dogs sel ba'o zhes zer ba ni/ tshig gi sgra
sgrog pa tsam zhig snying por zad de/ bram ze chen po'i gzhung
'od du 'gyur 

ba gang na yang zur tsam yang med pa'i phyir dang/ gzhan yang
bram ze de ltar bzhed pa'i khungs gang yang mi snang ba'i phyir
ro/ /slob dpon chos mchog/ mi slu ba khyad par gsum ldan/ tshad
ma'i mtshan nyid du bzhed la/ khyad par gsum ni/ nge bo'i khyad
par don thob 

byad kyi nus pa dang ldan pa/ yul gyi khyad par yongs su bcad
pa'i 'jug yul thob pa/ byed las kyi khyad par don yongs su gcod
byed la gnas pa'i nus pa zhes bya ba yin la/ ma khyab pa gcod
pa'i mtshan nyid kyi zur gcig kha bskang bar bya'o zhes bzhed do/

zhes snga ma dag la grags so/ /'di ltar smra bas 'grel pa mkhan
po'i dgongs don rtogs pa'i nus pa med par gsal bar byas pa yin
te/ slob dpon chos mchog ni/ chad ma la 'jug yul thob pa dgos
par bzhed pa ma yin gyi/ 'di dag gis yongs su bcad 

nas 'jug pa na don bya ba la slu ba med pa'i phyir ro/ /zhes
pa'i don ni/ khos 'jug yul de yongs su bcad pa'i stobs kyis
skyes bu'i 'jug yul de'i gnas lugs khong du chud par byas pa la
bzhed pa'i phyir te/ 'thad ldan las/ yongs su gcod par byed pa
ni 'jug/

@061a @#/ /par byed pa nyid yin no zhes bstan par 'gyur ro/ /zhes
dang/ 'jug pa yang khong du chud pa las gzhan ma yin te/ da'i
phyir tshad ma thams cad ni ma rtogs pa'i don can/ kho na yin no/
/zhes gsungs pas so/ /ma khyab pa gcod

pa kha bskang bar bya'o/ /zhes bya ba ni/ slob dpon chos mchog
gi gzhung gang na'ang zur tsam yang med pas snga ma dag gis ba
bcol byas par zad do/ /yang bod kha cig /sngar ma rtogs pa'i don
bden pa las bzlog pa'i sgro 'dogs dang 'gal ba tshad ma'i

mtshan nyid do/ /zhes smra ba ni/ rdzun pa 'jal ba'i tshad ma mi
srid par 'dod dgos pas kun rdzob bden pa rnam par chad par 'gyur
ro/ /kha cig /tshad ma slu med can shes pa/ /zhes pas/ rang gi
gzhal bya la gsar du mi slu bcan gyi shes pa/ tshad ma'i mtshan

nyid du bstan la/ ma shas don gyi gsal byed kyang/ zhas pas
mtshan nyid gnyis pa stan pa ma yin gyi/ snga ma la khyab ches pa
spong ba yin te/ de yang snga ma mtshan nyid du bzhag pa la/ 'o
na/ kun rdzob shes pa'ang tshad mar 'gyur ro zhes smra ba spang
ba'i phyir yin pas

kyang gi don kyang/ snga ma mtshan nyid du bzhag pa la sgra byung
gi shes pa la ma khyab pa'i skyon med par ma zad/ kun rdzob shes
pa la khyab ches pa'i skyon kyang med ces pa yin no zhes zer to/
/'di ni mi 'thad de/ kun rdzob shes pa la khyab ches pa'i skyon
bzung ba 'dzin

phyir kun rdzob ni/ mi 'dod/ ces pas spangs zin pa'i phyir ro/
/des da spong mi nus na/ sgra las byung ba yang/ mngon par 'dod
pa ston phyir ro/ /zhes pas kyang sgra byung shes pa la ma khyab
pa'i skyon spong mi nus par 'gyur ro/ /kha cig /tshad ma slu med
can shes

@061b pa; zhes pas mtshan nyid mdor bstan/ don byed nus par gnas
pa ni/ zhes sogs kyis rgyas bar bshad/ ma shes don gyi gsal byed
kyang/ zhes pas don bsdus pa yin la/ kyang gi don ni/ snga mas
ma khyab khyab ches mi srid gsum gyi skyon spong nus par ma zad/
ma shes

don gsal gyis kyang spong nus zhes pa yin no/ /des na gzhung
snga phyi gnyis kyis bstan pa'i mtshan nyid gcig yin no zhes zer
to/ /de la 'di dri ste/ gzhung snga mas ma khyab khyab ches mi
srid pa'i skyon spong nus par ma zad/ gzhung phyi mas kyang
spong nus zhes pa yin

nam; gzhung snga mas bstan pa'i mtshan nyid la skyon gsum po med
par ma zad/ phyi mas bstan pa'i mtshan nyid la yang skyon gsum po
med ces pa gang yin/ dang po ltar na/ rang gi gzhal bya la gsar
du mi slu ba'i shes pa tshad ma'i mtshan nyid du bzhag pa la ma

khyab khyab ches mi srid kyi skyon 'byung ba/ tshad ma slu med
can shes pa zhes pas spangs zin pa'i phyir ro/ /de spang ba'i
phyir du/ sgra las byung ba yang/ zhes sogs kyi gzhung lhag ma
rnams brtsams pa dgos med du 'gyur ro/ /gnyis pa ltar na/ gzhung
snga phyi gnyis kyis

bstan pa'i mtshan nyid gcig tu khas blangs pa'i phyir/ rang gi
gzhal bya la gsar du mi slu ba'i shes pa zhes pa des skyon gsum
spong nus par ma zad/ rang gi gzhal bya la gsar du mi slu ba'i
shes pa zhes pa des kyang spongs nus zhes par 'chad dgos pas/
shin tu

skyon chags pa nyid du 'gyur ro/ /de dag gis gzhung snga phyi
gnyis kyi khyad par la log par rtag pa bkag nas/ da ni; me shes
don gyi gsal byed kyang/ zhes gsungs pa'i don ces pa'i tshig gi
don la log par rtog pa dgag par bya ste/ de yang kha cig na re/
'di'i

@062a @#/ /don ces pa'i tshig gis ni de na rang mtshan nyid ston pa
yin pas/ tshad ma'i mtshan nyid sngar ma shes rtogs pa'i don rang
mtshan rtogs pa'i blo zhes bya ba yin la/ tshad ma yin na 'jug yul
rang mtshan yod pas khyab cing/ 'dus ma byas

nam mkha' dangs med du 'jal ba'i rjes dpag gi 'jug yul ni/ nam
mkha' dang dngos med kyi tshogs don gyi dgag gzhi rang mtshan pa
nyid yin la/ don byed pas stong pa'i rtags las rtag pa byas pas
stong par 'jal ba'i rjes dpag gi 'jug yul ni/ byas pas

stong pa'i rtag pa las log pa'i byas pa'i bdag nyid du gyur pa'i byas
pa rang mtshan pa'o zhes zer cing/ dgag gzhi rang mtshan dang rtag
pa las log pa'i byas pa sogs tshad ma de dag gi 'jug yul yin
kyang/ gzhal bya ma yin no zhes zer to/ /'o na/ rang gi yul

can du gyur pa'i tshad ma'i 'jug yul yin na/ rang gi yul can du
gyur pa'i tshad ma'i gzhal bya yin pas khyab bam ma khyab/ ma
khyab na rtag pa las log pa'i byas pa chos can/ khyod rtag pa
byas stong du 'jal ba'i rjes dpag tshad ma'i gzhal byar thal/
de'i

'jug yul yin pa'i phyir/ 'khor gsum mo/ /ma khyab na/ rang gi
yul can du gyur pa'i tshad ma'i 'jug yul chos can/ khyod yin na
gzhi grub pas ma khyab par thal/ khyod yin na rang gi yul can du
gyur pa'i tshad ma'i gzhal bya yin pas ma khyab pa'i phyir/

rtags dngos/ 'dod na/ rang mtshan yin pas khyab pa 'bud/ ma khyab
na/ gzhi grub dang gzhal bya don gcig par 'dod pa 'bud/ shes bya
chos can/ dgag bya 'gog pa dgag gzhi rang mtshan la ltos dgos pas
khyab par thal/ dgag rtags la brten pa'i

@062b rjes dpag yin na dgag gzhi rang mtshan yul du byed pas khyab
pa'i phyir/ rtags khas blangs 'dod na/ rtag pa la rang mtshan
'gog pa dgag gzhi rang mtshan la ltos dgas par 'gyur ro/ /de'i
cha rtag pa dang rang mtshan gyi tshogs pa dgag gzhi rang mtshan
gyi steng du 'gog

gzhan/ de lta na/ rtag pa rang mtshan yin pa 'gog pa na/ rtag pa
dang rang mtshan gyi tshogs don gzhi gzhan gcig gi steng du 'gog
pas khyab par khas len dgos la/ de lta na/ shes bya chos can/
sgra mi rtag pa yin par sgrub pa na sgra dang mi rtag pa'i tshogs
pa

gzhi gzhan gcig gi steng du sgrub pas khyab par thal/ rtag pa
rang mtshan yin pa 'gog pa na rtag pa dang rang mtshan gyi tshogs
pa gzhi gzhan gcig gi steng du 'gog pas khyab pa'i phyir/ gzhan
yang/ shes bya chos can/ rtag pa byas stong du sgrub pa'i rtags

kyi bsgrub bya 'jal ba'i tshad ma'i 'jug yul yin na/ rtags de'i
dgag bya'i chos yin par thal/ rtag pa byas stong du 'jal ba'i
rjes dpag tshad ma'i 'jug yul rtag pa las leg pa'i byas pa rang
mtshan yin pa'i phyir/ lan med de/ /'di dag la

gnod byed mang du yod kyang yi ge mangs par 'gyur pas ma bris
so/ /kha cig /tshad ma de dag gi 'jug yul ni/ tshad ma rang rang
gi gzung rnam la 'dod do/ /de yang mi 'thad de/ shes pa rnams
kyi gzung rnam ni shes pa rang rang kho na yin pas rang nyid
rang

gi 'jug yul du thal ba'i skyon 'byung ba yin la/ rang gi gzung
rnam rang gi yul du 'dod pa'i lugs ngan 'di 'og tu dgag par
bya'i/ /kha cig /'jug yul thob pa'i don kyang/ yul don gnyer gyi
skyes bu'i rgyud la yul de'i gnas lugs ji lta ba bzhin

@063a @#/ /khong du chud pa'i nges pa skyes pa'o zhes zer to/ /da
yang mi 'thad de/ de lta na/ skyes bus 'jug yul de'i gnas lugs
ji lta ba bzhin khong du chud pa'i nges pa skyes na 'jug yul de
thob bas khyab par 'gyur dgos la/ de 'dod na/

me thab par don du gnyar ba'i skyes bus/ me btso sreg sogs kyi
don byed nus pa yin par nges pa tsam gyis me thob par thal
zhing/ zas skom don du gnyer mkhan gyi skyes bus zas skom gyi
rang bzhin ngas pa tsam gyis zas skom thob par thal lo/ /gzhan

yang; yul de'i gnas lugs ji lta ba bzhin khong du chud pa la yul
de thob pas ma khyab na/ de 'jug yul thob pa'i don du mi 'thad
cing/ khyab na/ rdzogs pa'i sangs rgyas kyis ngan song gi sdug
bsngal thob par yang thal lo/ /gzhan yang/ sangs rgyas don

gnyer gyi skyes bus sangs rgyas kyi gnas lugs khong du chud ba
na sangs rgyas thob par thal ba sogs mtha' yas so/ /de'i phyir
tshul 'di ni rang gi blo gros kyi mchad ston par zad do/ /kha cig
/tshad ma yin na 'jug yul rang mtshan yod pas khyab cing/

'dus ma byas kyi nam mkha' dngos med du 'jal ba'i rjes dpag gi
'jug yul ni/ 'dus ma byas kyi nam mkha' dngos med du rtogs pa'i
nges shes skyes pa nyid yin no zhes zer to/ /phyogs 'di la yang
rjes dpag rang nyid rang gi 'jug yul du thal ba'i skyon

'byung ste/ gang zag de'i rgyud la nam mkha' dngos med du nges
pa'i nges shes dang por skyes pa ni rjes dpag de nyid yin pa'i
phyir ro/ /'on te/ rjes dpag ngas shes yin kyang 'jug yul ma yin
la/ rjes dpag gi rjes su skyes pa'i nges shes rnams 'jug yul

@063b yin no zhe na/ nam mkha' dngos med du 'jal ba'i rjes dpag
gis drangs pa'i nges shes chos can/ khyod rjes dpag de'i yul ma
yin par thal/ khyod rjes dpag de'i 'bras bu yin pa'i phyir ro/
/blo gros chung ngu'i log rtog/ bud shing ji tsam 'phel 'gyur
ba/ /

blo ldan kho bo'i rigs pa yi/ /me lce de bas slar yang 'phel/
/'on kyang yi ge'i 'du byed ni/ /mtha' yas phyir na re shig
bzhag / //da ni ma shes zhes pa'i tshig gi don la log par rtog pa
dgag par bya ste/ de yang gzhan dag na re/ tshad ma'i mtshan nyid

ston pa na/ ma shes zhes pa'i tshig smos pas ni/ sngar shes zin
pa'i yul rtogs pa tshad ma yin pa bsal ba yin no/ /de'i phyir
tshad ma yin na tshed ma snga mas rtogs zin pa ma brjod par yod
pa'i yul mi 'jal ba cig dgos so zhes zer to/ /'di ni ches mi
'thad

de/ 'o na; rnam mkhyen skad cig dang pos rtogs pa'i gzhal bya
rnams/ rnam mkhyen skad cig gnyis pas rtogs sam ma rtogs/ ma
rtogs na/ kun mkhyen ye shes ma yin par thal lo/ /rtogs na/ rnam
mkhyen skad cig gnyis pa man chad thams cad tshad

min gyi blor thal lo/ /ci ste/ mtshan nyid 'di tshur mthong gi
tshad ma'i dbang du byas so zhe na/ da ldan bcom ldan tshad ma
nyid/ ces bcom ldan 'das kyi tshad ma la'ang/ mtshan nyid de ldan
par bshad pa'i phyir/ tshul 'di ni rang gi blo gros yang btsam
zhig mtshon

pa yin no/ /gzhan yang/ don rang mtshan bdag med par mngon sum du
rtogs pa'i tshad ma mi srid par thal/ bdag med par mngon sum du
rtogs pa'i blo yin na/ bdag med par rjes dpag tshad mas gtan la
phab pa'i don sbyar lam gyi gnas skabs su goms

@064a @#/ /par byas pa las skyes pas khyab pa'i phyir ro/ /des na
don 'di khas len pas ni 'phags pa yin na ji lta ba 'jal ba'i
tshad ma rgyud la med pas khyab par khas len dgos so/ /brda la
byang ba'i skyes bu 'on pa ma yin pa rnams

la sgra 'dzin mngon sum tshad ma yod mi srid par thal/ sngar brda
la ma byang ba'i gnas skabs su nyan shes mngon sum tshad mas sgra
rtogs zin ma brjod par yod pa'i phyir ro/ /ci ste de'i dus su
rtogs pa'i sgra 'gags zin cing/ da lta brda la byang ba'i

dus su rtogs pa'i sgra/ de dus ma skyes pas ma rtogs pa'i phyir
skyon med do zhe na/ brda la ma byang ba'i nyan shes mngon sum
tshad ma des sgra rtogs sam ma rtogs/ ma rtogs na/ de psgra 'dzin
mngon sum tshad ma ma yin par thal lo/ /rtogs na/ brda la byang
ba'i dus kyi

nyan shes des sgra rtogs sam ma rtogs/ ma rtogs na sgra 'dzin
mngon sum ma yin par 'gyur ro/ /rtegs na/ de chos can/ tshad ma
ma yin par thal/ tshad ma snga mas rtogs zin gyi don rtogs pa'i
blo yin pa'i phyir/ ces pa'i skyon so na 'dug pa yin no de'i

phyir sngon 'dzin mngon sum skad cig phyi ma rnams tshad ma snga
mas bzungs zin 'dzin pa'i phyir/ tshad ma ma yin no zhes smra
ba'ang mi 'thad pa nyid do/ /gzhan yang/ sngon 'dzin mngon sum
skad cig phyi ma rnams tshad ma snga mas rtogs zin pa'i sngon po
rtogs pa'i blo yin

pa'i phyir bcad shes yin na/ sgra yang tshad mas nges zin ma
brjod/ mi rtag pa yang tshad mas sngar nges zin ma brjed par yod
pa'i lhas byin gyi rgyud kyi sgra mi rtag rtogs kyi rjes dpag
tshad ma chos can/ khyod kyang bcad shes su thal/ tshad ma snga
mas rtogs zin pa'i mi

@064b rtag pa rtogs pa'i blo yin pa'i phyir/ 'khor gsum/ ci ste
sgra mi rtag pa yin par gsar du rtogs pa'i phyir mi mtshungs so
zhe na/ 'o na; sngon po tsam sngar nas rtogs kyang/ skad cig
phyi ma'i sngon po gsar du rtogs pa'i phyir skyon med ces
mtshungs so/ /kha cig tshad ma yin na rang

rgyud ldan gyi gang zag gi rgyud la rang gi gzhal bya la nges
shes 'dren pas khyab ces zer to/ /'o na; rdzogs pa'i sangs rgyas
kyi rgyud la tshad ma mi srid par thal/ de'i rgyud la nges shes
mi srid pa'i phyir/ ma grub na/ nges shes yin na rtog pa yin par
khyed rang 'dod pa dang 'gal zhing

rigs pas kyang gnod do/ /kha cig /yid kyi mngon sum tshad ma shin
tu lkog gyur du 'dod pa dang/ tshad ma yin na/ rang yul la nges
pa 'dran pas khyab par 'dod pa ni nang 'gal ba yin te/ tshad ma
yin na/ gang zag de'i rgyud kyi sgro 'dogs sel byed yin pas
khyab par 'dod pa

'ang rigs pa 'di nyid kyis khegs so/ /gnyis pa rang lugs bzhag
pa la/ mtshan nyid dngos dang/ mtshan nyid nges byed kyi tshad ma
bshad pa gnyis kyi/ dang po ni/ tshad ma'i mtshan nyid/ rang dbang
du rang gis yongs su bcad pa'i gzhal bya la slu ba med pa'i shes
pa/ de ltar yang rnam nges las/ 'di

dag gis yangs su bcad nas 'jug pa na don bya ba la slu ba med
pa'i phyir ro/ /zhes gsungs pa yin no/ /tshad ma slu med can shes
pa/ zhes pas kyang don 'di nyid bstan pa yin la/ bzung ba 'dzin
phyir kun rdzob ni/ zhes sogs kyis kyang/ rang 'dren byed kyi
tshad mas gzhal ba'i

yul dran pa'i bcad shes lta bu tshad ma yin pa bkag pa yin gyi/
rang gi tshad ma snga mas bzungs zin 'dzin pa yin na/ tshad ma yin
par 'gal zhes ston pa ma yin no/ /ma shes don gyi gsal byed
kyang/ zhes pa ni/ ma shes pa'i don shes par byed pa zhes pa yin
la/ de yang

@065a @#/ /ma shes pa shes par byed pa'i nus pa yod pa tsam la
bya'i/ de lta ma yin par ma shes pa shes par byed pa'i blo yin
na/ da lta rgyud la yod pa'i ma shes pa bsal nas shes pa skyed
dgos pa'am/ sngar ma shes pa'i don

shes par byed dgos na/ snang bas mun pa sel ba yang/ da lta yod
pa'i mun pa sel dgos pa'am/ sngar ma gsal ba'i mun pa sel ba la
byed dgos pas/ gzhi gcig tu snang ba shar ba na snang ba de'i
skad cig gnyis pa man chad kyi snang bas mun pa mi

sel bar 'gyur ro/ /des na tshad ma yin na rang gi gzhal bya ma
shes pa shes par byed pa'i nus pa yod pas khyab pa yin par/ ma
shes don gyi gsal byed kyang/ zhes pas sten la/ 'on kyang gzhung
de tshad ma'i mtshan nyid ston byed ma yin no/ /de yang/

tshad ma'i 'jug yul ni rnam pa gnyis te/ tshad ma de rang nyid
rgyud la ldan pa'i gang zag gis mngon par 'dod pa'i 'bras bu don
du gnyer ba'i phyir/ 'jug par bya ba'i yul yang rang rgyud ldan
gyi gang zag de 'jug par bya ba'i phyir/ tshad mas yongs su gcod

par bya ba'i yul yin pas tshad ma'i 'jug yul zhes bya la/ yul
de'i 'bras bu thob phyir 'jug pa ma yin yang/ yul de yongs su
gcod pa la tshad ma'i byed pa 'jug pa yul gang yin pa de yang
tshad ma'i 'jug yul yin no/ /dang po yin na rang mtshan

yin pas khyab pa yin te/ don byed mi nus pa'i chos la 'bras bu
thob phyir du rtog ldan su yang mi 'jug pa'i phyir ro/ /don 'di
la dgongs nas/ rang gi mtshan nyid gcig gzhal bya/ /yod med nyid
du dpyod rnams kyi/ /don bya de las grub phyir ro/ /zhes

@065b dang/ gang gi bdag nyid 'dun byas nas/ /bsgrub bya de 'bras
'dod pa can/ /skyes bu 'di ni 'jug par 'gyur/ /zhes dang/ don
byed nus pa ma yin la/ don gnyer brtags pas ci zhig bya/ /zhes
sogs gsungs pa yin no/ /'jug yul phyi ma de yin pa la rang

mtshan yin pas ma khyab ste/ tshad mas yongs su gcod pa'i byed pa
'jug pa'i yul ni gzhal bya mtha' dag yin pa'i phyir ro/ /des na
nam mkha' dngos med du 'jal ba'i rjes dpag gi 'jug yul ni/ nam
mkha' dang dngos med kyi tshogs don yin la/ des

dgag rtags la brten pa'i rjes dpag kun la shes par bya'o/ /de
la/ tshad ma slu med can shes pa/ zhes pa'i mi slu ba'i don la
gnyis su 'gyur te/ gang la mi slu ba'i 'jug yul la bshad ma thag
pa gnyis yod pa'i phyir ro/ /de yang 'di ltar 'jug yul dang

po'i dbang du byas pa'i mi slu ba ni/ yul de tshad ma des ji ltar
don byed par gzhal ba ltar/ dngos po la yang don de byed par
gnas pa'o/ /don 'di ni/ don byed nus par gnas pa ni/ mi slu/
zhes pas bstan pa yin no/ /'jug yul gnyis pa la ltos pa'i mi

slu ba'i don ni/ tshad ma de la yul de'i gnas lugs ma shes pa
shes par byed pa'i nus pa yod pa ste/ don 'di/ ma shes don gyi
gsal byed kyang/ zhes pas bstan pa yin no/ /des na/ kyang zhes
pa'i don kyang 'di yin te/ don byed nus par gnas pa mi slu ba'i

don yin par ma zad/ ma shes don gyi gsal byed kyang mi slu ba'i
don yin no zhes pa'o/ /'o na/ rang gi mtshan nyid mi shes pa/
/shes pa gang yin zhes dgongs phyir/ /ces sogs ji ltar drang zhe
na/ don 'di ni kho bo 'ba' zhig gi spyod yul yin pas bshad

@066a @#/ /par bya'o/ /de yang 'di ltar/ mig shes kyi sngon po'i
rang gi ngo bo rtogs pa'i 'og tu rtog pas sngon po'i spyi shes
pa'ang tshad mar thal/ sngon po'i spyi ma shes pa shes pa'i blo
yin pa'i phyir ce na/ de'i lan bstan pa'i phyir/ rang gi mtshan

nyid mi shes pa/ zhes sogs gsungs te/ de'i don ni de yin kyang/
tshad ma yin mi dgos par thal/ de gnyis kyi nang nas sngon po'i
rang gi mtshan nyid mi shes pa shes par byed nus pa gang yin pa'i
mngon sum kho na tshad ma yin ces dgongs pa'i phyir te/ de'i

rjes su skyes pa'i sngon po'i spyi 'dzin rtog pa ni/ mngon sum
gyis sngon po'i rang gi mtshan nyid bcad zin pa dran pa tsam yin
pa'i phyir ro zhes pa'o/ /des na gzhung 'di dag gis/ sngon 'dzin
mngon sum dang/ de'i rjes su skyes pa'i sngon po'i spyi 'dzin
pa'i bcad shes

gnyis kyi nang nas mngon sum kho na tshad mar ston pa yin gyi
/tshad ma yin na rang mtshan kho na la tshad ma yin dgos par ston
pa ni ma yin no/ /gal te /de lta yin na /spyi mtshan yin na tshad
mas ma gzhal dgos pas/ dngos por med na gzhi ma grub dgos

par 'gyur ro/ /'o na/ tshad ma gnyis ka dngos po'i yul can/ zhes
gsungs pa ji ltar drang zhe na/ de'i don ni slob dpon chos mchog
gis/ de'i phyir 'jug pa'i yul gyi dngos po thob par gnyis ka
yang khyad par med pa yin te/ tshad ma gnyis ka dngos po'i

yul can zhes 'chad par 'gyur ro/ /zhes bshad pa lta bu yin la/ de
dag gi don kyang tshad ma yin na 'jug yul dngos po ba yod pas
khyab pas ston pa ma yin gyi/ mngon sum tshad ma ni rang mtshan
gyi yul can yin pas 'jug yul dngos po ba thob par

@066b byed nus na'ang/ rjes dpag tshad ma ni spyi mtshan gyi yul
can yin pas/ 'jug yul dngos po ba thob par byed mi nus sam snyam
pa'i dogs pa bzlog pa'i phyir/ rjes dpag tshad ma la brten nas
kyang 'jug yul dngos po ba thob nus par ston pa yin no/ /gzhan
dag na re/

slob dpon chos mchog gis/ de nyid kyi phyir dang po'i mngon sum
dang rjes dpag gi skad cig ma nyid kyis/ don byed par nus pa'i
dngos po'i rgyun nges pas 'jug pa'i yul du byed par nus pa'i
phyir/ de'i rgyun du gyur pa grub pa dang bde ba tha mi dad pa'i
phyi ma rnams tshad

ma yin pa spangs pa yin no/ /zhes bshad pas/ sngon 'dzin mngon
sum lta bu'i mngon sum skad cig phyi ma rnams/ mngon sum tshad ma
snga mas ma bcad pa'i 'jug yul gcod rgyu med pa'i phyir/ tshad ma
ma yin par 'dod ces zer to/ /slob dpon chos mchog

gis de ltar 'dod mi 'dod la rag mod/ 'dod na slob dpon chos
mchog rang nyid la 'gal ba 'du bar 'gyur te/ yid kyi mngon sum
tshad ma yin na rang gi de ma thag rkyen dbang po'i mngon sum gyi
gzhal bya'i rgyun gyi tha ma 'jal bas khyab par khas blangs pa'i

phyir ro/ /gnyis pa mtshan nyid nges byed kyi tshad ma bshad pa
la/ rang lugs gzhag pa dang/ gzhan lugs dgag pa gnyis/ dang po
ni/ tshad ma rnams kyi rang gi ngo bo gzhal bya la mi slu ba ni
rang rig gis 'grub la/ de'i phyir/ rang las rang gi ngo bo
rtogs/

zhes gsungs so/ /rang gis yongs su bcad pa'i gzhal bya la mi slu
ba'i shes pa de tshad mar rtogs pa ni/ tshad ma dang tshad ma ma
yin pa'i tha snyad gzhi gang la 'jug pa tshul bzhin du nges par
byas pa la rag las pas/ tha snyad las ni tshad ma nyid/ /ces

@067a @#/ /gsungs so/ /de ltar tshad ma dang tshad min gyi tha
snyad gzhi gang la 'jug pa tshul bzhin du nges par byed pa yang/
gang zag thams cad kyis rang stobs kyis nges par nus pa ni ma
yin te/ gzhan du na su yang tshad ma dang tshad min gyi rnam

dbye la rmongs par mi 'gyur ba'i phyir ro/ /des na tshad ma dang
tshad min gyi tha snyad gzhi gang la 'jug pa tshul bzhin du rtogs
pa'i thabs su/ /tshad ma'i mtshan nyid ston pa'i bstan bcos
brtsams pa yin la/ de'i phyir/ bstan bcos rmongs pa zlog byed
yin/ /ces

gsungs so/ /gzhan 'di dag gi don tshul bzhin du bshad pa sngon
ched rang rig pa'i tshul gyis kho bo 'ba' zhig mthong gi/ /gzhan
ni su yang ma mthong ngo/ /gnyis pa gzhan lugs dgag pa ni/ kha
cig/ me yin na ma min snyam pa'i the tshom dngos su 'dren byed
kyi

rgyang ring po'i me'i kha dog mthong ba'i mngon sum ni/ gzhan
las nges kyi tshad ma zhes bya ba yin no zhes zer ba mi 'thad de/
de rgyang ring po'i dmar 'bar ba dmar dbar ba yin pa'i cha la
rang stobs kyis nges pa 'dren par nus la/ dmar 'bar ba me'i kha
dog

yin pa'i cha la tshad ma ma yin pa'i phyir ro/ /dmar 'bar ba me'i
kha dog yin pa'i cha la tshad ma ma yin te/ kho la brten nas ma
yin min dpyod par 'gyur la/ dpyad pa las btso sreg sogs kyi don
byed pa mthong ba'i mngon sum mam/ du ba las me rtogs

pa'i rjes dpag gang rung skye zhing/ des mi la nges pa 'dren nus
pa'i phyir ce na/ de lta na/ khos drangs pa'i the tshom yang dmar
'bar ba me yin pa'i cha la tshad mar thal zhing/ sgo gseb kyi nor
bu'i 'od mthong ba'i mig shes kyang nor bu la tshad mar thal ba
sogs/

@067b ha cang thal ba'i nyes pa mang du 'byung ngo/ /'dis mtshon
nas/ dang po pa dang yid ma gtad pa la sogs pa gzhan las nges
kyi tshad ma gzhan 'dod pa rnams kyang dgag par bya'o/ /'di dag
la gzhan dag gis mang du bshad mod/ phal che ba nam mkha'/

bsdang ba 'ba' zhig tu snang bas/ 'dir ni de tsam las ma smos
so/ /lha sh'ka dang rgyan mkhan po sogs/ nor bu'i 'od la nor bur
'dzin pa tshad mar 'dod pa yin ces kun la grags so/ /'di ni rtog
pa yin pa'i phyir mngon sum ma yin la/ rtags la ma brten

cing log shes yin pa'i phyir/ rjes dpag tshad ma ma yin pas/ rigs
pa la blo kha phyogs pa su yang rang dbang yod bzhin du 'di ltar
smra ba mi srid do/ /des na 'grel pa mkhan po dag gi dgongs pa
kho bos bshad par bya ste/ lha sh'ka gnyis kyis rjes

dpag tshad mar bshad pa ni/ nor bu'i 'dod nor bu yin no snyam du
'dzin pa rjes dpag tshad mar bshad pa ma yin gyi/ nor bu'i 'od
mthong ba las phyogs 'di na nor bu yod do snyam du nges pa'i
blo/ rjes dpag tshad mar bshad pa yin la/ de'i phyir 'di nang du
ba

mthong ba las phyogs der me yod par rtogs pa'i blo rjes dpag yin
min mtshungs par bshad pa yin gyi/ gzhan du na/ du ba las me
rtogs pa'i rjes dpag dang/ du ba me yin par 'dzin pa'i blo rjes
dpag yin min mtshungs par 'dod dgos so/ /rgyan

mkhan pos/ de phyir nor bu'i 'od las ni/ /nor bur 'dzin pa'i blo
de ni/ /de nyid du na mngon sum mam/ /yang na rjes dpag nyid ces
nges/ /zhes bshad pa'i don ni/ nor bur 'dzin pa'i blo 'dren byed
kyi nor bu'i 'od mthong ba'i mig shes mngon sum yin la/

@068a @#/ /nor bu'i 'od las nor bu yod par rtogs pa ni rjes dpag
yin par bshad par yin cing/ de'i phyir nar bu mthong ba phyogs
chos 'grub byed kyi tshad ma dang/ nor bu 'dzin pa rjes dpag tu
bshad pa yin no/ /bdag blo gzhan gyi

blo gros dag/ gal te srang la gzhal rung na/ /rim bzhin ri ra ba
yungs 'bru tsam/ /srang la bcal ltar cis mi 'gyur/ /zhes smras
so/ /tshad ma'i mtshan nyid nges byed dang bcas pa bshad zin to//
//de ni gnyis pa tshad ma'i dbye ba bshad par bya ste/ de

yang dbye gzhi tshad ma cam mo/ /dbye grangs ni/ mngon sum tshad
ma dang/ rjes dpag tshad ma gnyis so/ /grangs nges pa'i rgyu
mtshan ni/ /tshad ma la mngon rjes gnyis su grangs nges te/ de la
spyi mtshan gzung yul du byas nas gzhal bya 'jal ba dang/ rang
mtshan

du gyur pa'i gzung yul la dmigs nas gzhal bya 'ang la ba gnyis
su grangs nges pa'i phyir ram/ rang gi gzhal bya de rang la
mngon du gyur pa'i sgo nas 'jal ba dang/ rang gi gzhal bya de
rang la lkog tu gyur pa'i sgo nas 'jal ba gnyis su nges pa'i
phyir ro/ /de

yang spyir grangs nges la shes bya la rtag mi rtag gnyis su
grangs nges zhes pa lta bu/ phung gsum sel ba dngos 'gal gcod
pa'i grangs nges dang/ rjes dpag la rang don dang gzhan don rjes
dpag gnyis su nges par bshad pa/ don la rjes dpag yin na

rang don rjes dpag yin bas khyab kyang/ dgos pa'i dbang gis de
gnyis su nges par bshad pa lta bu dgos pa can gyi grangs nges
dang/ rdzas kyi sgo nas de dag tu ma nges kyang/ ris bsdu na de
dag tu 'du bar nges pa la bsams nas de dag tu grangs nges par

@068b bshad pa/ dper na sangs rgyas kyi lam thams cad phar phyin
drug tu grangs nges par bshad pa lta bu ris bsdu ba'i grangs
ngas dang/ kha cig /tshad ma dbye gzhir byas pa la yang mngon
rjes gang yang ma yin pa'i tshad ma gzhan dbyer rung bar smra ba
dang/ kha

cig /gnyis su dbyar mi rung bar smra ba'i log rtog bzlog pa'i
phyir/ tshad ma la gnyis su grangs nges par bshad pa lta bu log
rtog bzlog pa'i grangs nges rnams su yod cing/ de dag las dngos
'gal gcod pa'i grangs nges la ni/ chos de de gnyis su grangs

nges na de gnyis gang yang ma yin pa'i chos de yin pa srid pa
skyon yin la/ gzhan rnams la de lta bu mi srid dgos pa'i nges pa
med do/ /de lta na/ tshad ma la dbye na mngon rjes gnyis las/
dang po mngon sum tshad ma la/ mtshan nyid/ dbye ba/ 'bras bu'i
rnam

gzhag dang gsum ste/ dang po ni/ mngon sum tshad ma'i mtshan nyid/
rtog pa dang bral zhing glo bur gyi 'khrul rgyus 'khrul bar ma
bskyed pa'i shes pa/ da yang/ rtog pa dang bral ces pa'i bral
bya rtag pa ni/ sgra don 'dzin pa'i rtog pa yin te/ ming dang
rigs

sogs sbyor ba yi/ /rtog pa dang bral mngon sum me/ /zhes gsungs
pas so/ /ma 'khrul ba la rtog pa dang bral bas khyab kyang/
gnyis ka smos pa ni/ mu stegs pa kha cig/ dbang shes rtog bcas
su 'dod pa'i blo ngo la ltos te log rtog dgag pa'i ched du

smos pa yin la/ ma 'khrul ba ma smos na rtog med log shes rnams
mngon sum du thal bar 'gyur bas gnyis ka smos so/ /rtog pa dang
bral ba'i don kyang rtog pa'i rdzas dang bral ba la byas na/
rtog pa myong ba'i rang rig mngon sum ma yin par 'gyur la/

@069a @#/ /ldog pa dang bral ba la byas na/ rjes dpag rtog pa ma
yin par 'gyur bas rang gi ngo bo rtog par ma skyes pa la bya'o/
/ma 'khrul ba ni/ glo bur gyi 'khrul rgyus 'khrul par ma bskyad
pa'i don yin par/ rnam nges las/ rab rib dang/

myur du bskor ba dang/ grur zhugs pa dang/ 'khrugs pa la sogs
pas 'khrul par ma bskyed pa zhes gsungs pas so/ /'di ltar byas
na/ mtshan nyid 'dis mdo sems gnyis ka'i lugs la khyab pa yin te/
sems tsam pa'i lugs la dbang shes rnams

kyang/ thog ma med pa nas/ 'brel ba'i gnyis snang gi bag chags
kyi dbang gis rang gi dmigs yul rang las phyi rol tu med kyang
phyi rol lta bur snang ba'i phyir 'khrul shes yin kyang/ mngon
sum thams cad rab rib la sogs pa'i glo bur gyi 'khrul rgyu

las 'khrul bar ma skyes par 'dod pa'i phyir ro/ /gzhan dag rtog
bral ma 'khrul ba tsam mngon sum gyi mtshan nyid du smras nas
mtshan nyid 'dis rnam rig pa'i lugs la'ang khyab ste/ rnam rig
pa'ang mngon sum rnams 'khrul rgyu bzhis 'khrul par ma

bskyed par 'dod pa'i phyir ces zer ba la ni/ sems tsam pa'i lugs
la/ 'khrul rgyu bzhis 'khrul par ma skyed pa la ma 'khrul pas
khyab par thal ba'i skyon 'byung ngo/ /gzhan dag rtog bral ma
'khrul ba mngon sum tsam gyi mtshan nyid yin gyi/ mngon

sum tshad ma'i mtshan nyid ma yin te/ tshad ma yin na nges pa 'dren
pas khyab pa'i phyir/ des na smig rgyu la chur 'dzin gyi sgro
'dogs skyed byed kyi smig rgyu'i kha dog mthong ba'i mig shes
dang/ yid gzugs mdzes la lhag par chags pa'i gnas skabs kyi sgra

@069b thos pa'i nyan shes lta bu mngon sum yin gyi tshad ma min
no zhes zer to/ /de ni mi 'thad da/ spyir tshad ma la nges pa
'dren pas khyab pa gong du bkag zin pa'i phyir dang/ rmig rgyu'i
kha dog mthong ba'i mngon sum yang sngo zhing 'khyug pa'i cha la
tshad ma yin cing/ de la nges

shes kyang drangs pa yin te/ de'i tshe sngo zhing 'khyug pa tsam
yang ma nges na/ chur sgro 'dogs par ga la 'gyur/ yid gzugs
mdzes la lhag par chags pa'i tshe/ sgra thos pa'i nyan shes skyes
par ma nges na/ de mngon sum yin par yang gang gis sgrub/ skyes
par nges

na sgra thos par nges nas sgra ma nges pa ga la srid/ rnam shes
don gzhan chags pa yis/ /nus med don gzhan mi 'dzin phyir/ /ces
pas ni/ de'i tshe yid gzugs mdzes la lhag par chags pa'i gegs
byas nas/ sgra nye bar yod kyang de 'dzin pa'i nyan shes ma

skyes par bstan pa yin gyi/ nyan shes skyes kyang sgra ma nges
par ston pa ma yin no/ /'o na/ nyan shes yin na sgra'i mi rtag
pa la mngon sum yin pas khyab bam/ ma khyab/ ma khyab na/ sgra
mngon sum du mthong ba na sgra'i mi rtag pa mngon sum du mthong
bas ma khyab par

'gyur ro/ /khyab na/ nyan shes yin na sgra'i mi rtag pa la tshad
ma yin pas khyab par 'gyur bas/ sgra rtag 'dzin gyi sgro 'dogs
mngon gyur rgyud la ldan pa'i gang zag la/ de'i tshe sgra mi rtag
rtogs kyi tshad ma yang yod pa mi 'gal bar 'gyur ro zhe na/ dogs
pa 'di ni

'byung ba srid pa ste/ 'on kyang/ mngon sum yin pa la mngon sum
tshad ma yin pas khyab kyang/ de la mngon sum yin pa la de la
mngon sum tshad ma yin pas ma khyab ste/ dper na/ rjes dpag tshad
ma yin pa la 'khrul shes yin pas khyab kyang/ de la

@070a @#/ /rjes dpag tshad ma yin pa la de la 'khrul shes yin pas
ma khyab pa lta bu'o/ /de'i phyir nyan shes ma 'khrul ba yin na
sgra'i mi rtag pa la mngon sum yin kyang/ de la mngon sum tshad
ma ma yin la/ spyir nyan shes ma 'khrul ba

yin na mngon sum tshad ma yin pas kyang khyab bo/ /gzhan yang/ de
mngon sum du mthong na de la mngon sum yin pas khyab na/ zla
gcig zla gnyis su snang ba'i dbang shes chos can/ khyod zla gcig
la mngon sum du thal/ khyod kyis zla gcig mngon sum du mthong

ba'i phyir/ ma grub na/ de mngon sum du mi snang bar 'gyur
zhing/ mar me'i rtse mo khra sgor bar snang ba'i dbang shes kyis
kyang/ mar me'i rtse mo mngon sum du ma mthong bar 'dod dgos
kyang/ 'di dag mngon sum du mthong bar myong bas grub bo/ /'dod
na /zla gcig

la mngon sum yin kyang mngon sum ma yin par smra'am/ mngon sum
yang yin par 'dod/ dang po ltar na/ de la tshad ma yin kyang
spyir tshad ma ma yin zhes smras na cis 'gog soms shig/ mngon sum
yin na mngon sum ltar snang du bshad pa dang 'gal lo/ /

gzhan yang/ bum 'dzin rtog pa chos can/ khyod bum pa la rjes
dpag yin par thal/ khyod kyis bum pa lkog tu gyur pa'i tshul gyis
rtogs pa'i phyir/ khyab pa khas blangs so/ /mi mtshungs te/ des
bum pa lkog tu gyur ba'i sgo nas rtogs kyang/ rtags la ma

brten pa'i phyir de la rjes dpag ma yin no zhe na/ 'o na/ chos
de mngon sum du mthong yang de myong stobs kyis yongs su gcod
pas ma khyab pa'i phyir/ de la mngon sum yin pas ma khyab bo
zhes mtshungs so/ /de ni mngon sum tshad ma'i don yin gyi mngon
sum gyi

@070b don ma yin no zhe na/ rtags la brten pa yang rjes dpag
tshad ma'i dbang du byas kyi/ rjes dpag gi dbang du ma byas so
zhes brjod na ci smra/ rtags la ma brten na/ rjes dpag gi sgra
don mtshang zhing/ rtags la ma brten pa'i blo rjes dpag yin pa
gang nas kyang ma bshad do zhe na/ /

de myongs stobs kyis yongs su gcod pa ma yin na mngon sum gyi
byed las ma tshang zhing/ mngon sum dang mngon sum tshad ma la
khyad par sde bdun mdo dang bcas pa gang nas kyang ma bshad do/
/mngon sum yin na byed las de tshang dgos pas ma khyab bo zhe na/
rjes dpag yin

na'ang rjes dpag gi sgra don tshang dgos pas ma khyab bo/ /gal te
khyab na/ mngon sum yin na'ang mngon sum gyi sgra don tshang dgos
la/ de ltar na/ mngon sum yin na dbang po la brten pas khyab par
'gyur te/ dbang po so so la brten pa mngon sum gyi sgra don yin
par bshad pa'i

phyir ro/ /'di dag la brjod par bya ba mang yang re shig ma
spros so/ /des na mngon sum dang mngon sum tshad ma la khyad par
che ba slob dpon yab sras gnyis kyis gang du yang ma bshad la/
chos kyi rje yang/ mngon sum rtog bral ma 'khrul ba/ /nyid kyis
tshad mar grub pa yin

ces bzhed do/ /mngon sum tshad ma la dbye na/ dbang po'i mngon
sum tshad ma/ yid kyi mngon sum tshad ma/ rang rig mngon sum tshad
ma/ rnal 'byor mngon sum tshad ma dang bzhi'o/ /dbye ba 'di yang
mdo sems gnyis ka'i lugs la rung ba yin la/ sems tsam pa

dbang mngon dang yid mngon mi 'dod ces smra ba ni mi rigs te/
mig shes dang nyan shes la sogs pa'i mngon sum 'dod pa'i phyir
dang/ de dag kyang bdag rkyen dbang po las skyes par 'dod pa'i
phyir ro/ /gzhan du na/ dmigs brtag tu/ rnam rig pa'i lugs kyi
dbang

@71a @#/ /shes kyi rkyen gsum gyi rnam gzhag byas pa mi 'thad par
'gyur zhing/ dbang shes su 'jog pa bdag rkyen dbang po las skyes
pa'i sgo nas mi 'jog par dmigs rkyen phyi rol don las skyes pa'i
sgo nas 'jog par yang thal

lo/ /dbang shes 'dod mod/ de tshad mar mi 'dod do zhe na/ mi rigs
te/ rnam nges las/ bag chags brtan pa'i phyir 'khor ba ji srid
par mi 'bral bar rjes su 'bral ba ni/ tha snyad la mi slu ba la
ltos nas 'dir tshad ma yin no/ /zhes sogs kyis dbang

shes 'khrul ba zla ba gnyis snang lta bu dang/ sngon 'dzin mig
shes lta bu 'khrul par khyad par med kyang/ bag chags brtan mi
brtan gyi sgo nas tha snyad la slu mi slu'i khyad par yod pas
tshad ma yin min gyi khyad par bshad pa'i phyir dang/ sngon 'dzin
mig shes

dang zla ba gnyis snang la slu mi slu'i khyad par med na/ sngon
po dang zla gnyis la rdzas su grub ma grub kyi khyad par med par
'gyur bas/ sngon po shes pa dang rdzas gcig tu lhan cig dmigs
nges kyi rtags kyis sgrub pa mi rigs par 'gyur zhing/ rigs gter

'grel par/ mngon sum bzhi po mdo sde'i lugs/ /bye brag smra gsum
rnam rig gnyis/ /zhes pa'i 'grel par/ rnam rig pa'i lugs ltar na
rang rig pa dang rnal 'byor gyi mngon sum gnyis las gzhan pa'i
tshad ma mi srid pa/ dpal ldan chos kyi grags pa'i

dgongs pa yin no zhes zla ba gcig snang gi dbang shes lta bu
tshad ma yin pa bkag cing/ bag chags brtan dang mi brtan pas/
/bden dang rdzun pa'i rnam gzhag byed/ /ces par 'grel par/ sems
tsam pa'i lugs la yang/ zla ba gcig snang dang gnyis snang la

@71b tshad ma yin min khyad par yod par bshad pa ni dngos su 'gal
ba yin no/ /de'i phyir 'di ni rtsa ba mkhan po'i dgongs pa ma
yin par sems mod/ dgongs pa ji ltar yin brtag pa kho bos gzhan
du bshad par bya'o/ /de ltar bzhi las/ dang po dbang po'i mngon
sum la

sgra don/ mtshan nyid/ dbye ba/ rkyen gsum gyi rnam gzhag dang
bzhi/ dang po ni/ ci'i phyir dbang po'i mngon sum zhes bya zhe
na/ bdag rkyen dbang po la brten nas skyes pa'i mngon sum yin
pa'i phyir de skad ces bya'o/ /gzugs 'dzin mngon sum sogs 'di
rnams

rkyen gsum las skyes par 'dra ba la dbang shes zhes dang/ mig
shes zhes sogs bdag rkyen gyi sgo nas tha snyad btags kyi/ dmigs
rkyen sogs kyi sgo nas tha snyad ma btags pa'i rgyu mtshan ci zhe
na/ dbang shes rnams dang yid shes la yul thun mong ba yod pas

yul gyi sgo nas tha snyad btags na thun mong ma yin par go nus
pa min la/ bdag rkyen ni thams cad kyang so sor nges pa kho na
yin pas/ de'i sgo nas tha snyad btags na thun mong ma yin pa go
nus pa'i phyir/ de'i sgo nas tha snyad btags kyi/ yul gyi sgo
nas tha snyad

ma byas so/ /des na/ thun mong ma yin rgyu yi phyir/ /de yi tha
snyad dbang pos byas/ zhes gsungs so/ /mtshan nyid ni dbang yid
gnyis kyi nang nas/ rang gi bdag rkyen dbang po kho na las dngos
su skyes pa'i gzhan rig gi shes pa rtog bral ma 'khrul pa/ gzhan

dag mtshan nyid 'jog na/ mdo sems kyi lugs so sor mi 'byed par/
rang gi bdag rkyen dbang po gzugs can las dngos su skyes pa'i
gzhan rig gi shes pa rtog bral ma 'khrul pa/ zhes smras nas/
sems tsam pa'i lugs la/ dbang shes kyi bdag rkyen

@72a @#/ /du gyur pa'i dbang po ni/ rigs mthun gyi shes pa snga
ma dang/ de'i steng gi nus pa sogs la 'dod pa'ang 'gal ba yin
no/ /dbye na/ gzugs 'dzin dbang po'i mngon sum nas/ reg bya
'dzin pa'i dbang po'i mngon

sum gyi bar lnga'o/ /mtshan nyid rim pa bzhin/ rang gi bdag rkyen
mig dbang las dngos su skyes pa'i gzhan rig gi shes pa rtog bral
ma 'khrul pa zhes sogs so/ /rkyen gsum gyi rnam gzhag la/ dbang
shes kyi rgyu tshogs rkyen gsum du nges ma

nges dpyad pa dang/ rkyen gsum gyi ngo bo gtan la dbab pa gnyis/
dang po la/ dgag gzhag gnyis las/ gzhan lugs dgag pa ni/ kha cig
na re/ dbang shes kyi rgyu tshogs mtha' dag /rkyen gsum du grangs
nges kyi gzhan med do zhes zer to/ /

de ni mi 'thad de/ dbang shes kyi rkyen gsum gang yang ma yin
pa'i dbang shes kyi brgyud rgyu mang du yod pa'i phyir ro/ /de
lta ma yin par/ dbang shes rnams kyi brgyud rgyu yang/ rkyen
gsum gang rung yin dgos na/ lce dbang chos can/ khyod rjod byed
kyi sgra

thos pa'i nyan shes kyi rkyen gsum gang rung du thal/ de'i
brgyud rgyu yin pa'i phyir te/ rjod byed kyi sgra'i rgyu yin
pa'i phyir/ 'dod na/ de'i bdag rkyen du thal/ de'i rkyen gsum
gang rung yin pa gang zhig /de'i dmigs rkyen dang de ma thag
rkyen ma yin par

nges pa'i phyir te/ de'i yul min zhing shes pa ma yin pa'i
phyir/ de 'dod na/ bdag rkyen lce'i dbang po las skyes pa'i nyan
shes yod par khas len dgos pas/ de las phongs pa'i khas len mi
'byung ngo/ /gzhan yang/ bu ram gyi gzugs snga ma bu ram

@72b gyi ro da ltar ba 'dzin pa'i lce'i rnam par shes pa'i rkyen
gsum gang rung du thal ba sogs mang du yod de/ kha cig /brgyud
rgyu yin na rgyu ma yin pas khyab bo zhes grag go /de lta na/ de
nyid kyis na nyes rnams kyi/ /rgyu ni gti mug yin par gsungs/
/zhes gti

mug nyes pa thams cad kyi rgyur bshad pa mi 'thad par thal/ nyes
pa thams cad gti mug las dngos su skyes pas ma khyab pa'i phyir/
gzhan yang/ gang gi dbang gis 'khor bar 'phen pa'i las bsags
pa'i nyon mongs rnams 'khor ba'i rgyu ma yin par thal

ba dang/ ma rig pa rga shi'i rgyu ma yin par thal ba dang/ theg
chen tshogs sbyor sa bcu rgyun mtha'i snga legs man chad thams
cad sangs rgyas kyi rgyu ma yin par thal ba dang/ brgyud nas
'brel bas kyang 'brel ba'i go mi chod par thal lo/ /'dod na/
brgyud nas

'gal bas kyang 'gal ba'i go mi chod dgos pas/ byas rtag mi 'gal
bar thal ba sogs/ gnod byed zad mi shes pa 'byung bas phyogs de
khas len pas ni/ 'khor 'das kyi rnam gzhag thams cad chad par
khas len dgos so/ /kha cig /dbang shes kyi dngos

rgyu mtha' dag rkyen gsum du nges la/ 'o na/ gzugs gsal byed kyi
snang ba gzugs 'dzin mig shes kyi rkyen gang yin zhe na/ de ni
de'i dmigs rkyen dang bdag rkyen gnyis ka yin te/ bdag po nyid
du 'gyur yin na/ /de ni 'gal ba dag la'ang mthong/ /dper

na snang gcig mtshan rgyu dang/ /de las gzhan pa'i dbang po dag
/gzugs mthong ba dang mi mthun dang/ /mthun pa gcig car byed pa
bzhin/ /zhes gsungs pas/ snang ba mig shes kyi bdag rkyen du
bshad pa'i phyir dang/ snang ba gzung ba ma yin mod/ /

@73a @#/ /ces pas dmigs rkyen du yang bshad pa'i phyir ro zhes
zer te/ /de nyid de'i dmigs rkyen dang bdag rkyen gyi gzhi mthun
du 'dod pa ni mi 'thad de/ snang ba gzugs 'dzin mig shes kyi
bdag rkyen yin na/ snang ba med na gzugs

'dzin mig shes skye mi srid par thal lo/ /'dod na/ shes bya chos
can/ mun pa mthong ba'i mig shes mi srid par thal/ 'dod pa de'i
phyir/ 'dod na/ mngon sum gyis bsal zhing chos mngon pa nas mun
pa kha dog yin par lan mang du bshad do/ /sgrub byed

kyang mi 'thad de/ dper na snang gcig mtshan rgyu dang/ zhes sogs
kyi don ni/ nyi ma'i 'od zer lta bu'i snang ba gcig /'ug pa sogs
kyi mig dbang gzugs gsal bar mthong ba'i mig shes skyed pa dang
rjes su mi mthun par byed pa'i bdag po'i rgyu yin la/ mi

la sogs pa'i mig dbang gzugs 'dzin mig shes skyed pa dang rjes
su mthun par byed pa'i bdag po'i rgyu yin ces/ mi dang 'ug pa
lta bu'i mig dbang gnyis rang 'bras mig shes skyed nus dang/
skyed mi nus su byed pa'i bdag po'i rgyur bshad pa yin pas/

snang ba mig dbang 'ga' zhig gis rang 'bras mig shes skyed pa'i
bdag rkyen du bshad pa yin gyi mig shes kyi bdag rkyen du bshad
pa ma yin no/ /don 'di slob dpon lha dbang blo yang 'dod de/
'grel par/ dper na snang gcig mtshan rgyu dang/ /de las

gzhan pa'i dbang po dag /mtshan rgyu ba dang skyes bu'i mig
/gzugs mthong ba dang mi mthun dang/ /mthun pa cig car byed pa
bzhin/ /skyes bu'i mig gzugs mthong ba dang rjes su mthun par
byed cing/ mtshan mor rgyu ba'i mig gzugs mthong ba

@73b dang mi mthun par byed pa zhes bya ba'i don to/ /zhes mig
la sbyar gyi mig shes la ma sbyar ba'i phyir ro/ /snang ba gzung
ba ma yin med/ /ces pa la 'chad tshul gnyis te/ /gzung ba skyed
byed las gzhan min/ /skyed byed gzung mtshan nyid min te/ /snang

ba gzung ba ma yin no/ /zhes byas nas gzhan gzhung du bshad pa
dang/ skyed byed gzung ba'i mtshan nyid de/ /snang ba gzung ba ma
yin med/ /ces byas nas rang gzhung la sbyar ba gnyis las/ dang
po ltar na/ snang ba zhes pa gsal byed kyi snang ba la sbyor
rgyu

yin kyang/ gnyis pa ltar na/ snang ba zhes pa gzugs gsal byed
kyi snang ba la byas na 'brel med du 'gyur bas/ dbang shes la
snang ba'i gzugs sogs la sbyar bar bya ba yin te/ gzhung de'i
don ni/ rang 'dzin shes pa skyed byed gzung ba'i mtshan nyid yin

te/ dbang shes la snang ba'i gzugs sogs gzung ba gang la yang
rang 'dzin shes pa skyed byed ma yin pa med pa'i phyir/ ces pa
yin no/ /gzhung 'di'i don la bshad par bya ba mang du yod kyang
ma nges par 'gyur bas ma bris la/ gzhan dag la ni yid brtan mi
snang

ngo; ;gnyis pa rang lugs ni/ dbang shes kyi dngos kyi rgyu tshogs
mtha' dag rkyen gsum du nges la/ de'i phyir/ de yang dbang po
don nam blo/ /yang na yid byed snga mar 'gyur/ /rgyu 'bras tshogs
pa 'di dag las/ /'brel pa can gzhan yod min te/ /zhes

gsungs pa yin la/ dbang shes kyi rgyu yin na rkyen gsum du nges
pa ni ma yin zhing rkyen gsum ni 'bras bu dbang shes gcig la
ltos nas phan tshun 'gal ba kho na yin no/ /gnyis pa dbang shes
kyi rkyen gsum gyi ngo bo gtan la dbab pa la/ mdo sde pa'i

@074a @#/ /lugs dang/ rnam rig pa'i lugs gnyis/ dang po la/ bdag
rkyen/ dmigs rkyen/ de ma thag rkyen gsum/ dang po ni/ kha cig
bdag rkyen gyi mtshan nyid/ rang gi bdag 'bras rang dbang du
skyed byed/ ces zer ba mi rigs te/ chos de kho'i

bdag 'bras su nges pa la kho chos de'i bdag rkyen du nges dgos/
kho chos de'i bdag rkyen du nges pa la yang chos de kho'i bdag
'bras su nges dgos pas rtogs pa phan tshun brten pa'i phyir ro/
/des na 'dir skabs su bab pa/ dbang shes kyi bdag rkyen gyi
mtshan

nyid/ rang 'bras dbang shes kyi thun mong ma yin pa'i khyad par
la lhag par dbang byed pa'i dbang po/ de yang mig shes lta bu la
yang/ rang gi ngo bo myong ba gsal rig gi cha dang/ gzugs kyi
rnam ldan du skyes pa'i cha dang/ gzugs kho na 'dzin par nges
kyi sgra sogs

gtan 'dzin mi srid pa'i khyad par gsum yod la/ dang po ni/ rang
gi de ma thag rkyen gyis gtso bor bskyed pa yin mod kyi/ de yang
gzhan dang mi 'dra ba'i thun mong ma yin pa'i khyad par ma yin
te/ shes pa kun myong ba gsal rig gi ngo bo can du mtshungs pa'i
phyir

ro; ;gnyis pa ni/ rang gi dmigs rkyen gyis gtso bor bskyed pa
yin la/ de yang gzhan dang mi 'dra ba'i thun mong ma yin pa'i
khyad par ma yin te/ yid shes 'ga' zhig kyang gzugs kyi rnam
ldan du skye ba'i phyir ro/ /gsum pa ni/ mig shes kho na'i thun
mong

ma yin pa'i khyad par yin la/ de yang bdag rkyen kyis gtso bor
byas pa yin pas/ bdag rkyen mig gi dbang po ni mig shes kyi thun
mong ma yin pa'i khyad par gtso bor skyed byed yin pa'i phyir/
mig shes la lhag par dbang byed pa zhes bya la/ des mtshon na

@74b rna ba'i dbang po sogs la 'ang shes par bya'o/ /de la mig
gi dbang po'i ngo bo ci zhe na/ de ma thag rkyen dang dmigs
rkyen tshad yang res 'ga' mi skye ba'i rtags kyis de gnyis ma yin
pa'i mig shes kyi rgyu yod par grub cing/ de lta bu'i rgyu des
mig shes gzugs kho na

'dzin byed du nges par skyed pa yin te/ mig shes gzugs kho na'i
'dzin byed du nges par skyed pa'i rgyu'i gtso bo yod par rigs
la/ de yang de ma thag rkyen dang dmigs rkyen yin par mi 'thad
pa'i phyir ro/ /des na/ mig shes kyi de ma thag rkyen dang/
dmigs rkyen

las gzhan pa'i rgyu mig shes gzugs kho na 'dzin byed du skyed
pa'i gtso bo'i rgyu de la mig gi dbang po zhes bya ste/ rang
'bras mig shes kyi thun mong ma yin pa'i khyad par bskyed pa la
lhag par dbang byed pa'i phyir ro/ /de nyid bem por 'dod pa yin
te/ shes pa yin

na rtog par mi 'thad pas rtog med du khas len dgos la/ rtog med
log shes su mi 'thad pas mngon sum tshad mar 'dod dgos na'ang/
dbang po tshad ma yin pa bye brag smra ba'i thun mong ma yin pa'i
lugs su bshad pa'i phyir dang/ mdo sde pa la dbang po

tshad mar byas pa'i tshad 'bras kyi rnam gzhag yod par thal ba'i
phyir ro/ /chos mngon par 'ga' zhig /dbyibs dang kha dog zar
ma'i me tog lta bu zhes sogs su 'dod kyang/ 'dir ni de ltar 'dod
mi 'dod brtag par dka'/ /des rna ba'i dbang po sogs kyi ngo bo

yang mtshan te shes par bya'o/ /gnyis pa dmigs rkyen ni/ rang
'dzin shes pa rang gi rnam ldan du dngos su skyed par byed pa
gang yin pa ste/ dbang shes kyi dmigs rkyen dang gzung don don
gcig la/ de yang dbang shes kyi gzung don yin na rags pa yin

@75a @#/ /par mi 'gal la/ 'on kyang dbang shes la rags pa'i rnam
pa 'char ba mi srid do zhes sogs dbang shes la yul gyi rnam pa
'char tshul dang/ dmigs rkyen dang/ gzung don gyi mtshan gzhir
gang 'byung ba sogs ni yul gyi skabs su

bshad zin to/ /rang 'dzin dbang shes rang gi rnam ldan du skyed
byed kyi gzung don rnams ni/ rang 'dzin dbang shes de dang dus
mnyam yin par mi 'thad de/ dus mnyam na gnyis ka grub zin par
mtshungs par 'gyur zhing/ grub zin pa slar yang skyed pa mi 'thad
pas/

rgyu 'bras ma yin par 'gyur ba'i phyir ro/ /rang 'dzin dbang
shes kyi rgyu yin pa'i phyir de las dus 'phyi bar yang mi 'thad
do/ /des na dbang shes rnams kyi rang rang gi gzung don ni/ rang
rang las snga rol du byung ba yin la/ de lta na yang gzung don
de rang gi yul ma yin

pa'i skyon med de/ rang nyid gzung don de'i rnam ldan du skyes
pa'i phyir dang/ chos de'i rnam pa shar ba nyid chos de yul du
byas pa'i don yin pa'i phyir ro/ /'o na/ dbang shes rang dus na
rang gi gzung don 'gags sam/ ma 'gags/ dang po ltar na/ rang dus
na de

ma bzung bar 'gyur ro/ /gnyis pa ltar na de rgyu ma yin par
'gyur ro zhe na/ dbang shes rnams rang dus na rang gi gzung don
'gags la/ 'on kyang ma gzung ba'i skyon med de/ dbang shes rnams
rang rang gi gzung don dang yul yul can du bzhag pa ni/ dbang

shes rnams rang dus dang gzung don gyi dus gnyis ka cha shas su
ldan pa'i dus la ltos nas bzhag pa'i phyir ro/ /zhes sogs rgyu
'bras kyi tshul sngar bshad pa nyid mtshungs so/ /kha cig /mdo sde
pa'i lugs la'ang rigs pas dpyad na shes pa rnams kyis

@75b phyi don mi 'dzin par bzhed pa 'thad par ma mthong ste/ 'o
na/ phyi rol gyi don rigs pas dpyad na ma grub par thal/ de rigs
pas dpyad na tshad mas ma dmigs pa'i phyir/ rtags gsal dngos su
khas blangs/ khyab pa'ang don gyis 'dod dgos pas/ 'khor gsum

ga bzhes dgos par 'gyur ro/ /de la sbyor shes pa la yul gyi rnam
pa 'char ba'i tshul la bzhi ste/ tshur mthong mngon sum la rang gi
gzung don gyi rnam pa shar ba lta bu yul gyi stobs kyis shar
ba'i rnam pa dang/ rtog pa la yul gyi rnam pa shar ba lta bu bag
chags

kyi stobs kyis shar ba'i rnam pa dang/ lha'i mig gi mngon shes
la phra rags chod skal gyi gzugs mtha' yas pa'i rnam pa shar ba
lta bu ting nge 'dzin gyi stobs kyis shar ba'i rnam pa dang/
rnam mkhyen ye shes la chos thams cad kyi rnam pa shar ba lta bu
tshogs gnyis

mthar phyin pa'i stobs kyis shar ba'i rnam pa rnams su yod do/
/sgra bum sogs don rnams la yang rang gi thun mong ma yin pa'i
rang bzhin dang/ thun mong gi rang bzhin gnyis gnyis yod la/
rang 'dzin mngon sum la ni rang gi thun mong ma yin pa'i rnam pa
'char

gyi; thun mong gi rnam pa 'char mi srid la/ rang 'dzin rtog pa
la ni rang gi thun mong gi rnam pa 'char gyi/ thun mong ma yin
pa'i rnam pa 'char mi srid pas/ de'i phyir bum 'dzin mngon sum
dang bum 'dzin rtog pa gnyis ka la bum pa'i rnam pa shar bar
mtshungs

kyang; rtog pa la shar ba'i bum pa'i rnam pa la/ bum pa'i spyi
rnam zhes bya la/ mngon sum la shar ba'i bum pa'i rnam pa la ni/
spyi rnam zhes mi bya'o/ /'o na; sgra mi rtag rtogs kyi rjes
dpag tshad mas sgra mi rtag pa'i thun mong ma yin pa'i rang bzhin
yul du mi byed
 
@076a @#/ /bar 'gyur la/ de lta na sgra mi rtag pa rang mtshan/
rjes dpag tshad mas yul du byed par 'dod pa dang 'gal lo zhe
na/ rjes dpag des sgra mi rtag pa'i thun mong ma yin pa'i rang
bzhin yul du byed kyang/ sgra mi rtag pa'i thun mong ma

yin pa'i rang bzhin de/ ? thun mong ma yin pa'i rang bzhin du
mi snang gi /thun mong gi rang bzhin du snang ba yin la/ de'i
phyir zhen yul la ma 'khrul ba dang/ snang yul la 'khrul pa'i
rnam dbye byas pa yin pas phyogs gnyis ka dang 'gal ba med do/
/thun mong ma yin

par mi snang na thun mong ma yin pa nyams so zhe na/ sgra mi
rtag pa chos can/ khyod rjes dpag tshad ma la mi gsal bar mi
snang bar thal/ khyod mi gsal ba ma yin pa'i phyir ma grub na/
gsal bar thal/ mngon sum tshad ma la gsal bar snang ba'i phyir/
'khor

gsum mo/ /de yang/ gzugs 'dzin mig shes lta bu la yang phyi
rol gzugs kyi rnam pa shar ba'i cha dang/ rang gi ngo bo myong
ba gsal rig gi cha gnyis yod pa yin la/ dang po ni/ mig shes
kyi gzung rnam zhes bya zhing/ de dang gzugs 'dzin mig shes
dang/

gzugs 'dzin mig shes la shar ba'i gzugs kyi rnam pa zhes pa
rnams khyad par med pas/ mig shes kyi gzung rnam ni mig shes
nyid yin la/ mig shes la rnam pa shar zhes pa'i don/ rang rgyu
las rang nyid yul gyi rnam par skyes pa la bya'i/ rang las
gzhan  

pa'i rnam pa 'char rgyu yod pa ma yin no/ /gnyis pa mig shes kyi
myong ba gsal rig gi cha la/ mig shes kyi 'dzin rnam zhes bya
zhing/ de dang mig shes nyams su myong ba'i rang rig mngon sum
khyad par med do/ /mig shes kyi gzung rnam mig shes nyid yin
pa'i rgyu

@076b mtshan ci zhe na/ bshad par bya ste/ 'di ltar mig shes kyi
gzung rnam mig shes ma yin na/ 'os gzhan med pas mig shes kyi
yul yin par 'dod dgos na'ang/ de mi 'thad de/ mig shes chos
can/ khyod rang rig mngon sum yin par thal/ khyod rang gi bdag

nyid du gyur pa'i yul rig pa'i mngon sum yin pa'i phyir/ gzhan
yang/ khyod de la rang rig mngon sum yin par thal/ khyod de la
mngon sum yin pa gang zhig /khyod de la gzhan rig mngon sum ma
yin pa'i phyir/ gzhan rigs mngon sum yin no zhe na/

mig shes chos can/ khyod la rang gi gzung rnam gyi rnam pa
shar bar thal/ khyod rang gi gzung rnam la gzhan rig mngon sum
yin pa'i phyir/ 'dod na/ khyod la rang gi gzung rnam gyi rnam
pa de'i rnam pa yang shar bar thal bas/ rnam pa thug med du
thal lo/ /

gzhan yang kha cig /dbang shes kyis phyi don dngos su mi rtogs
te/ rnam pas bar chod pa'i phyir/ des na dbang shes kyis phyi
don gyi rnam pa dngos su rtogs pa la/ phyi don dngos su rtogs
par btags pa yin no zhes zer ba dag gis 'dod lan btab na/ rnam

pa yang dngos su mi rtogs par thal/ rnam pas bar chod pa'i
phyir/ 'khor gsum la lan med do/ /gzhan yang/ mdo sde pa'i
lugs la mig shes rang gi gzung rnam la gzhan rig mngon sum du
khas blangs na/ skyon chen po 'byung ste/ mig shes kyi gzung
rnam

chos can/ khyod mig shes las don gzhan yin par thal/ mig shes
khyod la gzhan rig yin pa'i phyir/ mig shes chos can/ khyod la
rang gi gzung rnam rgyang chad du snang bar thal/ khyod rang
gi gzung rnam la gzhan rig gi shes pa yin pa'i phyir/ 'dod na/

@077a @#/ /khyod 'khrul shes su thal/ khyod rang gi gzung rnam
las rgyang chad min bzhin du rgyang chad du snang ba'i shes pa
yin pa'i phyir/ lan med do/ /mdo sems gang gi lugs la'ang/
sngon 'dzin mig shes chos can/ khyod kyis sngon

po'i rnam pa dngos su rtogs pa'i stobs kyis khyod kyi sngon po
rtogs par thal/ khyod la sngon po'i rnam pa dngos su shar ba'i
stobs kyis khyod kyis sngon po rtogs pa yin pa gang zhig
/khyod la sngon po'i rnam pa dngos su snang ba de khyod la
sngon po'i rnam pa dngos su shar

ba'i don yin pa'i phyir/ 'dod na/ sngon po sngon 'dzin mig
shes kyi shugs rtogs su thal lo/ /kha cig /dbang shes kyis
phyi rol dngos su mi rig ste/ rnam pas bar chod pa'i phyir/
des na dbang shes la snang yul med kyi snang yul yod pa rang
rig dang rtog pa  

kho na yin la/ snang yul yang don spyi dang shes pa kho na yin
cing  /de'i snang yul gyi don ni de'i rnam pa des par mchod
pa'i yul/ zhes pa yin no zhes khas blangs nas/ dbang shes kyi
gzung rnam dbang shes kyis dngos su 'dzin par 'dod pa ni nang
'gal te/

dbang shes kyi gzung rnam chos can/ khyod dbang shes kyi rnam
pas bar ma chod pa'i yul yin par thal/ des khyod dngos su
'dzin pa'i phyir/ rtags khyab dngos/ 'dod na/ khyod dbang shes
kyi snang yul yin par thal/ de'i phyir/ 'khor gsum la lan med
do/ /

gzhan yang/ mdo sde pa'i lugs la dbang shes kyi snang yul
dang/ dbang shes kyi gzung yul khyad med du smras na/ dbang
shes kyi gzung yul yin na dbang shes kyi rgyu yin dgos par
'dod pa dang/ dbang shes kyi gzung rnam dbang shes kyi snang
yul du 'dod pa

@077b ni 'gal ba yin te/ dbang shes kyi gzung rnam chos can/
khyod dbang shes kyi rgyur thal/ khyod dbang shes kyi gzung
yul yin pa'i phyir/ rtags khyab dngos/ 'dod na/ rnam pa rnams
rang 'dzin shes pa'i bdag nyid du 'dod pa dang 'gal zhing/
rgyu 'bras rdzas gcig yod

par thal ba dang/ rgyu 'bras dus mnyam yod par thal ba sogs
kyi skyon 'byung la/ rgyu yi dngos po ma gtogs pa/ /gzung ba
zhes bya gzhan ci'ang med/ /ces sogs kyis dbang shes kyi gzung
yul yin na dbang shes kyi rgyu yin pas khyab par bshad pa'i
phyir/ dbang shes

kyi gzung rnam dbang shes kyi rgyu yin par 'dod pa ni shin tu
mi 'thad do/ /gzhan yang/ dbang shes kyi gzung yul gyi rnam pa
la dbang shes kyi gzung rnam zhes brjod pa yin la/ de nyid
dbang shes kyi gzung yul yin na/ shes bya chos can/ dbang shes
la snang ba'i sngon

po'i rnam pa de dbang shes la snang ba'i sngon po yin par
thal/ dbang shes kyi gzung yul gyi rnam pa de dbang shes kyi
gzung yul yin pa'i phyir/ des na dbang shes kyi gzung rnam
dbang shes ma yin par 'dod na/ dbang shes kyi gzung yul du
khas len dgos la/ de

la ji skad bshad pa'i gnod byed dang/ gzhan yang mang du
'byung la/ rtog pa'i gzung rnam rtog pa ma yin par 'dod pa la
yang ji skad bshad pa'i rigs pa rnams ci rigs su sbyar bar
bya'o/ /kha cig /rang rig la yul gyi rnam pa mi 'char bar 'dod
pa mi 'thad de/ 'o na/

mig shes la gzugs kyi rnam pa mi 'char na skyon ci yod/ de
ltar na/ skyes bu gcig gi gzugs la dgra gnyen gnyis kyis lta
ba'i tshe skyes bu gcig gi gzugs de 'dod mi 'dod gnyis ka'i
bdag nyid du thal/ dgra gnyen gnyis kyi mig shes la rim bzhin
'dod

@078a @#/ /mi 'dod du snang ba gang zhig /mig shes de gnyis kyi
gzugs de rnam med rjen char du mthong ba'i phyir/ ces pa'i
skyon 'byung ste/ rang ngo bos/ ma yin du ma'i bdag skyon
phyir/ ces gsungs pas so zhe na/ de ni rang rig la yang

mtshungs so zhes snang yul gyi skabs su bstan zin to/ /rang ngo
bos/ ma yin du ma'i bdag skyon phyir/ ces pa yang/ mdo sde pas
bye brag smra ba shes pa rnam med du khas len pa la/ gong gi
tshul de ltar 'phangs par ston pa'i gzhung ma yin te/ yin na
mdo sde pa rang

la yang mtshungs par 'gyur ro/ /ji ltar 'gyur na/ dgra gnyen
gnyis kyi mig shes ma 'khrul bar khas mi len na/ kho la yang
skyon mi 'byung ste/ 'khrul shes kyis don gyi ngo bo rnam med
rjen char du 'dzin pa bye brag smra ba khas len pa'i phyir ro/
/ma 'khrul

bar khas len na skyes bu gcig gi gzugs des mig shes de gnyis
la rang ji lta ba'i rnam pa gtad par khas len dgos la/ de lta
na/ skyes bu gcig gi gzugs de 'dod mi 'dod du ma'i bdag nyid
du thal/ des mig shes de gnyis la gcig la

'dod pa dang/ gcig la mi 'dod pa'i rnam pa gtad pa gang zhig
/rnam pa de dag rang ji lta ba'i rnam pa gtad pa yin pa'i
phyir/ ces kun tu mtshungs so/ /'o na/ gzhung de'i don ji ltar
yin ce na/ kho bo ni 'di ltar smra ste/ mdo sde pas dbang shes
la

shar ba'i rnam pa don rang gi ngo bo gtad pa'i rnam par khas
blangs pa la/ sems tsam pas de ltar na rnam pa ji ltar shar ba
ltar don la gnas dgos la/ de lta na skyes bu gcig gi gzugs de
'dod mi 'dod du ma'i bdag nyid du thal ba'i skyon 'byung

@078b ba yin no/ /de'i phyir rnam pa ni don rang gi ngo bos
gtad pa'i rnam pa ma yin zhing/ bag chags kyi stobs kyis shar
ba'i rnam pa yin no zhes ston pa'i gzhung yin no/ /'o na/ phyi
rol don ni yod na yang/ zhes pa ji ltar drang zhe na/ de 'bras
rtog gsum pa'i skabs

su bshad par bya'o/ /des na/ yul rnam med du 'dzin par 'dod pa
'gog pa la/ gong 'og gi rigs pa mang du yod kyang/ mthar gtugs
pa ni/ mig shes la gzugs kyi rnam pa ma shar na/ rnam pa ma
shar bar mtshungs pa la/ gzugs 'dzin zhing/ sgra mi 'dzin

pa'i khyad par mi 'thad pas/ mig shes kyis gzugs rnam med du
'dzin na/ sgra sogs chos kun 'dzin par thal ba'i skyon 'phen
pa nyid yin la tshul 'di rang rig la yang mtshungs te/ mig shes
kyi 'dzin rnam gyis mig shes kyi gzung rnam rnam med du 'dzin
na/

rnam pa ma shar bar mtshungs pa la 'dzin mi 'dzin gyi khyad par
mi 'thad pas/ mig shes kyi gzung rnam 'dzin pa bzhin du/ nyan
shes kyi gzung rnam yang 'dzin par thal bas so/ /des na/ 'dzin
rnam la yang gzung rnam gyi rnam pa shar ba yin la/ rnam pa
shar

ba'i don kyang rang rgyu las rnam pa'i ngo bor skyes pa yin no
zhes bshad zin to/ /'o na/ sngon po'i rnam pa shar ba chos
can/ khyod la yang sngon po'i rnam pa shar bar thal/ khyod
sngon 'dzin shes pa yin pa'i phyir/ 'dod na/ de la yang sngon
po'i rnam pa shar bas thug

med du thal lo zhe na/ skyon med de/ sngon po'i rnam pa shar
ba'i don sngon po'i rnam par skyes pa yin pas/ thal ba de yang
sngon po'i rnam par skyes pa sngon po'i rnam par skyes pa yin
par thal zhes par 'gyur bas 'dod pa yin la/ de tsam gyis thug
med du mi 'gyur te/  

@079a @#/ /du ba skyes pa du ba skyes pa yin kyang/ thug med du
mi 'gyur ba bzhin no/ /de yang rnam pa shar ba'i don de ltar
'dod par mdo sems gnyis ka mthun kyang/ mdo sde pa mig shes
gzugs kyi rnam ldan du rang rgyu phyi rol gyi gzugs las

skyes par 'dod la/ rnam rig pa bag chags kyi dbang gis rnam
pa'i ngo bor skyes par 'dod pa khyad par yin la/ 'on kyang de
ltar 'dod pa'i rnam rig pa ni rnam bden pa'i dbang du byas pa
yin no/ /'o na/ sngo ser dkar dmar sna tshogs 'dzin pa'i mig
shes la shar

ba'i sngon po'i rnam pa dang ser po'i rnam pa sogs kyang/ khra
'dzin mig shes yin nam zhe na/ de'i tshe rnam pa so so ba de
dag mig shes kyi cha shas yin la/ de dag tshogs pa'i cha can du
gyur pa'i rnam pa khra 'dzin mig shes yin cing/ cha shas de
dag cha can dang

rdzas gcig la/ cha shas nang phan tshun rdzas tha dad do zhes
shes par bya zhing/ tshul 'di sna tshogs gnyis med du smra ba'i
mdo sems gnyis ka'i lugs su mthun no/ /'o na/ khra 'dzin mig
shes la shar ba'i sngon po'i rnam pa dang/ ser po'i rnam pa
sogs

dngos su myong ba'i rang rig yod dam med/ med na/ de dag gzung
rnam min par 'gyur ro/ /yod na/ rnam pa de dag phan tshun rdzas
tha dad pa bzhin du/ de dag myong ba'i 'dzin rnam rnams kyang
tha dad du 'gyur la/ de lta na/ khra 'dzin mig shes la 'dzin
rnam

rdzas tha dad du ma yod par 'gyur bas/ mig shes de la myong
byed rang rig rdzas tha dad du ma yod par thal lo zhe na/
sngon po'i rnam pa dang ser po'i rnam pa dang ser po'i rnam pa
sogs myong ba'i 'dzin rnam rnams rdzas tha dad kyang de dag
khra 'dzin mig shes myong

@079b byed ma yin la/ de dag cha shas su ldan pa'i cha can
'dzin rnam de khra 'dzin mig shes myong ba'i rang rig yin pas
ji skad bshad pa'i skyon mi 'byung ngo/ /gsum pa de ma thag
pa'i rkyen ni/ shes pa gzhan gyis bar mchod pa'i rang gi snga
logs kyi shes pa gang/ rang nyid

myong ba'i ngo bor skyed byed gang yin pa'o/ /de yang shes pa
gzhan gyis bar ma chod pa'i phyir de ma thag pa zhes bya la/
rgyu yin pa'i phyir rkyen zhes bya zhing/ rang dang shes par
'dra ba'i phyir mtshungs pa zhes bya ste/ des na mtshungs pa de
ma thag pa'i rkyen gyi don ni de ltar shes par

bya'o/ /mtshungs pa de ma thag pa la rnam pa thams cad du rigs
'dra ba dgos pa ma yin te/ rtog med kyi shes pa 'ga' zhig gis
rang 'bras su gyur pa'i rtog pa'i nyer len byed pa yod pa'i
phyir ro/ /'o na/ 'das lam zag med la mnyam par bzhag pa'i
shes pa las langs ma

thag pa'i zag bcas kyi sems skad cig dang po de'i nyer len
gang yin ce na/ de ni mnyam gzhag zag med kyi shes pa skad cig
tha ma de yin no/ /'o na/ de zag bcas su thal/ zag bcas 'bras
bur 'dzin pa'i phyir ce na/ zag pa'i 'bras bu yin na zag bcas
su 'gyur ba

yin gyi/ zag bcas 'bras bur 'dzin pas zag bcas su ga la 'gyur
te/ de lta na zag bcas su gyur pa'i rgyu la 'brel na'ang zag
bcas su 'gyur bar gsungs pas/ so so skye bo'i rgyud kyi sbyor
lam chos mchog las skyes pa'i mthong lam thams cad zag bcas su
thal bar

'gyur ro/ /'o na/ 'gog pa'i snyoms 'jug las langs ma thag pa'i
shes pa skad cig dang po'i nyer len gang yin ce na/ kho bo ni
'di ltar smra ste/ 'gog pa la snyoms par zhugs bzhin pa'i
skyes bu'i rgyud la/ yid gyi rnam par shes pa mi gsal ba'i
rnam pa can shin tu cha

@080a @#/ /phra ba'i tshul gyis 'jug pa cung zhig gdon mi za bar
khas blang bar bya ba yin te/ kun gzhi'i rnam shes ni skabs
'dir khas blang bar mi rigs pa'i phyir dang/ kun gzhi med na
de'i dmigs pa can gyi nyon yid yod par mi 'thad cing/ kun

gzhi khas len pa dag gis kyang/ de'i tshe nyon yid yod par mi
'dod la/ sgo lnga'i rnam shes dang yid shes rags pa 'khor bcas
ma lus par bkag pa'i phyir dang/ de'i tshe shes pa gtan nas med
par mi 'thad pa'i phyir ro/ /shes pa med par mi 'thad pa'i
rgyu mtshan

ci zhe na/ 'gog pa la snyoms par zhugs pa'i rnam par shes pa
lus dang ma bral ba yin/ zhes gsungs pa'i mdo dang 'gal ba'i
phyir dang/ sems can ma yin par thal ba'i phyir dang/ 'gog pa
la snyoms par zhugs pa'i lus dang/ shi ba'i ro mtshungs par
thal

ba'i phyir dang/ de'i tshe lus 'dzin pa'i shes pa med par yun
ring du gnas pa na/ snyoms par 'jug pa po'i lus rul ba la sogs
par thal ba'i phyir dang/ skyes bu yin na phung po bzhi'am ?
lnga'i tshogs pa yin par 'dod pa'i rang nyid kyi grub pa'i
mtha' dang 'gal

ba'i phyir dang/ gzhan yang/ de'i tshe snyoms 'jug gi ngo bo
shes pa yin na/ yid shes las gzhan du mi 'thad cing/ lus yin
na bem por 'gyur la/ lus sems gnyis ka tshogs pa'i skyes bu
bzhin du 'dod na'ang/ de'i tshe shes pa yod par grub la/ de
gsum

gang yang ma yin na/ tshor 'du rags pa ma lus pa bkag pa'i lus
kyi gnas skabs la btags pa'i btags yod du khas len pa'i phyogs
dang mthun par sma dgos la/ de lta na snyoms 'jug dngos po min
par khas len dgos te/ dngos po yin na

@080b btags yod du 'gal bar 'dod pa'i skabs yin pa'i phyir ro/
/dngos po min na mthong chos la bde bar gnas par byed pa'i nus
pa med par khas len dgos par 'gyur ro/ /'o na/ yid shes yod na
de'i 'khor du gyur pa'i tshor ba dang/ 'du shes yod dgos

la/ de lta na/ tshor 'du ma lus pa bkag par 'gal lo zhe na/
tshor 'du rags pa ma lus pa bkag pa yin cing/ rags pa yod par
nged kyang mi 'dod la/ de'i tshe tshor 'du mi gsal tsam yang med
dgos na/ kun gzhi de'i tshe yod par smra ba dag la yang skyon

'byung ste/ tshor ba sogs kun 'gro lnga kun gzhi'i nges pa'i
'khor du lan mang du smras pa'i phyir ro/ /'o na/ 'du shes med
pa'i snyoms 'jug dang khyad par ci yod ce na/ dgag bya sgo
lnga'i rnam shes dang yid shes rags pa 'khor bcas yin par
khyad par med kyang

'gog byed 'jig rten pa dang 'jig rten las 'das pa'i lam gyis
byas pa dang/ snyoms par 'jug pa'i 'du shes phyin ci log ma
log la sogs pa'i sgo nas khyad par shin tu che'o/ /'o na/ kun
gzhi'i khas mi len pa'i rgyu mtshan ci yod ce na/ kun gzhi khas

len na/ kun gzhi'i rnam shes rtog par khas len pa'i thabs med
de/ rtog gnyis cig car 'jug pa med/ /ces pa'i grub pa'i mtha'
dang 'gal bar 'gyur ba'i phyir te/ kun gzhi rnam shes ni sangs
rgyas ma thob kyi bar rgyun ma chad par 'jug pas/ yid

shes rtog bcas dang rgyud gcig la dus mnyam du 'jug par khas
len dgos pa'i phyir ro/ /des na rtog med du khas len dgos la/
de lta na/ rtog med log shes yin par mi 'thad de/ sangs rgyas
ma thob kyi bar du log shes rgyun chags su rgyud la 

@81a @#/ /yod pas khyab par thal ba'i phyir ro/ /des na mngon sum
du khas len dgos la/ de lta na/ tshur mthong mngon sum gyi dmigs
pa ris su chad pa dang/ rnam pa shin tu gsal bar 'jug pa sogs
kyi rang gi grub pa'i mtha' ji snyed

smras pa phal che pa dang 'gal bar 'gyur te/ kun gzhi'i rnam
shes kyi dmigs pa ni ris su ma chad par/ rang nyid tshe de la
sems can gzhan dang thun mong du spyod pa'i snod kyi 'jig rten
mtha' dag dang/ de'i sems can gyi 'jig rten mtha' dag la dmigs
nas/

rnam pa shin tu mi gsal pa tha na yid shes rtog bcas las kyang
mi gsal bar 'dod dgos pa'i phyir ro/ /gzhan yang/ de mngon sum
yin na/ mngon sum dbye gzhir byas pa'i dbye ba la/ dbang po
dang/ yid dang/ rang rig dang/ rnal 'byor mngon sum bzhi

po thams cad dang rigs mi gcig pa'i mngon sum yod par 'dod dgos
par 'gyur ro/ /gzhan yang/ kun gzhi khas len na/ de'i dmigs pa
can gyi nyon yid khas len dgos la/ de lta na/ bdag lta/ bdag
chags/ bdag tu rmongs pa/ bdag rgyal bzhi/

nyon yid kyi thun mong ma yin pa'i nges pa'i 'khor du 'dod dgos
la/ de lta na/ bdag lta bdag chags gnyis dus mtshungs par khas
len dgos na'ang/ rnam 'grel du bdag lta bdag chags kyi rgyur
bshad pa'i phyir/ snga phyi bar bzhed pa yin no/ /gzhan yang

nyon yid khas len na/ de ni dang rlom sems pa'i rnam pa can yin
pa'i phyir/ sgra don 'dzin pa'i rtog par khas len dgos la/ de
lta na/ nyon yid ni 'das lam la mnyam par bzhag pa dang/ 'gog pa
la snyoms par zhugs pa dang/ dman pa'i dgra bcom

@81b thob pa dang/ theg chen sa brgyad pa thob pa yin chad ma
gtogs pa'i 'khor ba'i gnas skabs thams cad du rgyun mi 'chad du
'byung bar/ nyon yid khas len pa thams cad kyis 'dod pas/ rtog
gnyis cig car 'byung bar khas len dgos na'ang/ de ltar na/ rtog

gnyis cig cang mthong ba med de ces pa'i grub pa'i mtha' dang
'gal bar 'gyur ro/ /gzhan yang nyon yid khas len pa dag gis bdag
lta dang bdag tu rmongs pa gnyis so sor 'dod dgos la/ 'dir ni de
ltar mi bzhed de/ bdag lta dang bdag tu rmongs pa don gcig

tu bzhed pa'i phyir te/ 'jig lta dang nyon mongs can gyi ma rig
pa don gcig tu bzhed pa'i phyir ro/ /des na/ nyon yid khas mi
len par grub cing/ de'i phyir kun gzhi yang khas mi len te/ kun
gzhi khas len na/ nyon yid gdon mi za bar khas len dgos pa'i
phyir

te; 'di ltar kun gzhi khas len pa dag kun gzhi nyid bdag lta'i
dmigs par 'dod pa yin la/ kun gzhi la dmigs nas bdag tu rlom
sems pa'i yid la nyon yid ces smra ba'i phyir ro/ /gzhan yang/
kun gzhi khas len pa dag ni/ khams 'og ma gnyis kyi skyes

bu'i rgyud kyi kun gzhi'i rnam shes kyis/ rang gzhan gyi mig
sogs dbang po rnams la dngos su dmigs par 'dod pa yin la/ de
ltar 'dir khas blangs na/ 'dod gzugs kyi so skye yin na rang
rgyud kyi shes pas mig sogs dbang po rnams dngos su yul du byas

pas khyab par khas len dgos na'ang/ 'dir ni de ltar mi 'dod do/
/mdor na kun gzhi khas blangs na/ sde bdun gyi grub mtha' shin
tu mang por gtan nas khas blang du mi rung ba yod pas/ 'dir kun
gzhi khas mi len la/ gang dag sde bdun gyi skabs su kun gzhi

@82a @#/ /khas len par 'dod pa de dag ni/ rang nyid ma rig pa'i
dmus long dag  /glang po che rtog par byed pa dang chos mtshungs
pa yin te/ ba glang rdzis rtags kyi rnam gzhag mang du smras
kyang mkhas pa dga' bar ga la 'gyur/ de'i phyir kun

gzhi khas mi len cing/ 'gog pa la snyoms par zhugs pa'i tshe sems
med par mi 'thad la/ yid shes las gzhan yang yod par mi 'thad
pa'i rigs pa dag gis de'i tshe yid shes yod par grub cing/ des na
snyoms 'jug las ldang kha'i yid shes skad

cig tha ma/ de las langs ma thag pa'i shes pa skad cig dang po'i
nyer len dang/ de ma thag rkyen yin par grub pas/ de ma thag
rkyen gzhan btsal mi dgos so/ /kha cig /snyoms par 'jug kha'i
shes pa skad cig tha ma de/ snyoms 'jug las langs ma khad

kyi shes pa skad cig dang po'i de ma thag rkyen yin la/ lus kyis
sems kyi nyer len byad pa mi srid cing/ de ma thag pa'i don/
shes pa gzhan gyis bar ma chod pa la bzhed do/ /'o na/ snyoms
'jug las langs ma thag pa'i shes pa skad cig dang po de'i dngos
kyi

nyer len yod dam med/ med na dngos po ma yin par thal lo/ /yod
na gang yin/ snyoms 'jug las ldang kha'i shes pa yin na/ 'jug
kha'i shes pa tha ma chos can/ khyod de'i de ma thag rkyen ma
yin par thal/ khyod dang de'i bar du shes pa gzhan gyis bar

chod pa'i phyir/ 'khor gsum mo/ /snyoms 'jug las ldang kha'i lus
tha ma de yin na/ de chos can/ khyod langs ma thag gi shes pa
dang po de'i dngos kyi nyer lan min par thal/ khyod lus yin pa'i
phyir/ 'khor gsum mo/ /'jug kha'i shes pa tha ma de

@82b yin na zhe na/ 'o na; snyoms 'jug de snyoms 'jug la 'jug
kha'i shes pa'i 'bras bu yin nam/ ma yin/ ma yin na/ gzhan yang
de'i rgyu yin par mi 'thad pas/ snyoms 'jug rgyu mang du 'gyur
ro/ /'bras bu yin na/ 'jug kha'i shes pa tha ma chos can/

khyod snyoms 'jug las langs ma thag pa'i shes pa dang po'i dngos
kyi nyer len min par thal/ khyod dang de'i bar du khyod kyi
'bras bu gzhan gyis bar chod pa'i phyir/ 'khor gsum mo/ /des na
gsum po de las gzhan pa'i dngos kyi nyer len yod na/ de nyid de

ma thag rkyen du khas blangs pas chog pas/ 'jug kha'i shes pa de
ma thag rkyen du 'dod mi dgos la/ gsum po de las gzhan pa'i
dngos kyi nyer len med na/ de'i dngos kyi nyer len mi srid par
'dod dgos pas/ tshul 'di yang ha cang 'grig par ma mthong ngo/
/kha

cig  ;snyoms 'jug las ldang kha'i lus skad cig tha ma de langs
ma thag gi sems skad cig dang pa'i nyer len dang mtshungs pa de
ma thag rkyen du 'dod cing/ gzugs med las 'chi 'pho kha'i sems
tha ma/ khams 'og mar skye ba'i bar srid kyi lus skad cig dang

po'i nyer len du 'dod pa ni/ sems kyis lus kyi nyer len byed pa
dang/ lus kyis sems kyi nyer len byed par 'dod pa/ gzhan sde dag
gi 'dod pa yin gyi/ sangs rgyas pa'i grub pa'i mtha' smra ba la
'di ltar 'dod pa sngon 'phags pa'i yul du ma byung ngo/ /tshul

'di ni/ lus kyis sems kyi nyer len byed na/ dbang po dang bcas
pa'i lus kyis sam/ dbang po med pa'i lus kyis nyer len byed ces
bya ba la sogs pa brtags nas 'gog pa dang/ yid shes du ma rgyud
gcig la cig car skye par thal ba la sogs pa/ gzhung

@83a @#/ /las bshad pa mi rigs pa mtha' dag gis dgag par bya ba
yin la/ snyoms 'jug las langs ma thag gi lus dang sems gnyis
rdzas rigs mthun du thal/ nyer len gcig las skyes pa'i phyir/
ces pa'i skyon

yang 'byung zhing/ lus kyis sems kyi nyer len byed pa yod na/
skye ba snga ma sgrub mi nus pa la sogs pa'i skyon mtha' yas pa
shin tu chen po dang mang po dag yod mod kyi/ 'on kyang gnas min
pa la'ang log par rtog pa 'char bar byed pa 'di dag ni

mkhas pa'i rigs pa bstan pa'i yul re shig ma yin no/ /gzhan
yang/ gzugs med nas shi 'phos nas 'dod khams su skye ba'i bar
srid kyi lus skad cig dang po rnams kyi nyer len/ gzugs med nas
'chi 'pho ba'i sems skad cig tha ma yin na/

bar srid de grub ma thag gi mig sogs dbang po lnga ka yang rdzas
rigs mthun du thal/ nyer len gcig las skyes pa'i phyir/ gzhan
yang/ mig sogs skad cig dang po nyer len yid shes las skye ba
bzhin du/ phyis kyang nyer len yid shes las skye bar

mtshungs pas/ lus yin na nyer len yid shes las skye bas khyab par
thal ches par yang 'gyur la/ dam bca' gnyis ka yang/ gang gi
rnam par shes pa ni/ /mi shes pa yi nyer len rgyu/ /zhes pa
dang/ rnam shes min pa rnam shes kyi/ nyer len

min pa'i phyir yang grub/ /ces sogs kyi gzhung rnams las phyi
rol tu gyur pa yin no/ /kha cig /le'u gnyis pa mdo sde pa rang
rkang gi gzhung yin na 'gal ba'i nyes pa yod kyang/ theg pa thun
mong gi gzhung yin pas skyon med ces zer to/ lha dga'

@83b pa'i blo gros can khyod theg pa thun mong gi gzhung gi don
ji ltar 'dod grang/ mdo sems gnyis kas kyang gzhung de'i don
thun mong du khas len pa la byed na/ mdo sde pas gzhung de'i don
dang 'gal bar smras kyang skyon med de/ gzhung de'i don mdo sems
gnyis

kas thun mong du khas len pa'i phyir/ ces par 'gyur bas smras pa
tsam nas rang gi blo gros kyi nus pa gsal bar byas pa yin no/
/mdo sems gang rung gcig gi thun mong ma yin pa'i gzhung yin
kyang/ theg pa thun mong pa'i gzhung du 'dod na/ theg pa thun
mong ma

yin pa'i gzhung mi srid par 'gyur ro/ /le'u gnyis pa theg pa
thun mong ba'i gzhung yin ces pa/ mdo sems kyi dbang du byed
dgos te/ le'u gnyis pa bye brag smra ba dang/ dbu ma pa sogs kyi
thun mong gi gzhung du rang nyid kyang mi 'dod cing/ skabs su
yang ma bab pa'i

phyir ro/ /gzhan yang 'di dag la brjod par bya ba shin tu mang
yang mangs par 'gyur bas ma bris so/ /'o na/ khyed rang gzugs
med khams nas shi 'phos nas 'dod khams su skye ba'i bar srid kyi
lus skad cig dang po'i nyer len ji ltar smra zhe na/ kho bo ni
gzugs

med khams nas 'chi 'pho kha'i yid shes kyi steng na yod pa/ 'dod
khams su skye ba 'phen byed kyi sngon gyi las kyis bzhag pa'i
bag chags nyid de'i nyer len yin par 'dod la/ 'di ni shing rta
chen po dag gi gzhung lugs phal che ba dang mthun cing/ rnam
'grel

las/ blo nyid la ni brten pa 'ga'/ /dbang po rnams kyi rgyu yin
pas/ /de phyir blo las dbang po yin/ /ces bshad pa'i don kyang
'di ltar yin la/ rgyan las/ gzugs med pa'i khams las shi 'phos
pa rnams kyi lus skyed pa la'ang/ de nyid 'du byed pa po

@84a @#/ /rnams kyi rgyu yin no/ /zhes pa'i don kyang 'di nyid
yin te/ de la 'du byed ni las kyi ming gi rnam grangs so/ /nyi
ma sbas bas kyang/ gzugs med pa'i khams nas shi 'phos pa'i lus
can rnams kyi lus skye ba yang/ de nyid kyi lus

skye mched lngas 'dus byas pa'i bag chags rgyur 'gyur ro/ /zhes
bshad do/ /'o na/ bag chags nyer len yin na shes pa nyer len ma
yin par 'dod pa dang 'gal te/ bag chags rnams ni shes pa yin
pa'i phyir ce na/ bag chags rnams shes par

'dod pa 'di ni gzhung lugs chen po dag la 'dres par ma byas pa'i
bab col te/ 'di ltar bag chags rnams shes pa yin na rang nyid
gang la ldan pa'i shes pa de yin nam/ de las gzhan yin/ dang po
ltar na/ yid shes dge ba'i steng na yod pa'i bag chaD

thams cad dge bar thal lo/ /de 'dod na/ yid shes dge ba'i steng
na yod pa'i sgrib pa'i bag chags thams cad dge bar thal lo/
/gzhan yang/ yid shes kyi steng na yod pa'i 'dod chags kyi bag
chags dang/ zhe sdang gi bag chags sogs kyang yid shes

su thal lo/ /'dod na/ gang zag gcig gi rgyud la gtso bo yid shes
rdzas tha dad pa du ma cig car yod par thal lo/ /bag chags de
dag rdzas tha dad ma yin no zhe na/ 'o na/ bag chags de dag nyer
len rdzas tha dad pa las so sor skyes pa ma yin par thal

lo/ /'dod na/ 'dod chags dang zhe sdang rdzas tha dad ma yin par
thal lo/ /rang gang la ldan pa'i shes pa de ma yin pa'i shes par
yang mi 'thad de/ 'di ltar na bag chags rnams rtog pa yin nam/
rtog med shes pa yin/ shes pa dbye gzhir byas nas phye ba'i

@84b shes pa la/ de gnyis gang yang min pa mi srid do rtog pa
yin na/ gang zag gcig gi rgyud la rtog pa rdzas tha dad du ma
dus cig car yod pa srid par thal te/ bag chags du ma cig car yod
pa srid pa'i phyir ro/ /rtog med kyi shes pa yin na/ rtog med
dbang shes su

mi 'thad pas/ yid shes su 'dod dgos la/ de lta na/ yid shes
rdzas tha dad du ma rgyud gcig la cig car 'byung bar thal ba'i
skyon son gnas so/ /ci ste mig shes kyi bag chags mig shes min
la/ nyan shes kyi bag chags nyan shes yin cing/ tshul 'dis bag

chags shes par 'gyur tshul mtha' dag shes par bya'o zhe na/ de
lta na gzugs med khams pa'i skyes bu'i rgyud la yang sgo lnga'i
rnam shes yod par thal/ de dag gi bag chags yod pa'i phyir ro/
/des na bag chags shes par 'dod pa ni mang du thos pa dang mi
ldan zhing

rigs pa'i tshul mi shes pa dag gi mun sprul yin no/ /gal te bag
chags nyer len yin na/ bag chags 'jog byed kyi las kyang nyer
len du 'dod dgos la/ las rnams ni shes pa yin pa'i phyir/ shes
pas lus kyi nyer len byed pa yod par grub bo zhe na/ las

kyis bzhag pa'i bag chags nyer len yin kyang/ las rnams ni rang
gi rnam smin gyi 'bras bu'i bdag rkyen yin gyi nyer len ma yin
pas skyon med la/ las rnams rang gi rnam smin gyi 'bras bu'i
bdag rkyen yin pa la dgongs nas/ gzugs sogs bzhin

skyon med ce na/ zhes pa'i lan du/ las rnams bdag po ma yin na/
der yang brtsod pa mtshungs phyir ro/ /zhes skyes bu'i gzugs sogs
kyi bdag rkyen du bshad pa yin no/ /mdo sde pa'i lugs kyi rkyen
gsum 'phros dang bcas pa bshad zin to// //de ni

@85a @#/ /rnam rig pa'i lugs kyi rkyen gsum gyi rnam par gzhag pa
bshad par bya ste/ de la rnam rig pa'i lugs kyi dbang shes kyi
dmigs rkyen/ bdag rkyen/ de la thag rkyen ngos gzung ba dang
gsum/ dang po la/ dngos dang/ zhar byung

lhan cig dmigs nges kyi rtags bshad pa gnyis/ dang po ni/ sngon
'dzin mig shes lta bu la mtshon na sngon 'dzin mig shes la shar
ba'i sngon po'i rnam pa dang/ sngon por snang ba dang/ sngon po
dang sngon 'dzin mig shes rang nyid kyi de ma thag rkyen shes pa
snga ma dang/

shes pa snga ma de'i steng gi sngon 'dzin mig shes yul gyi rnam
ldan du skyed pa'i nus pa rnams/ gang sngon 'dzin mig shes kyi
dmigs rkyen du 'dod par bya zhe na/ sngon po dang sngon por
snang ba dang/ sngon 'dzin mig shes la shar ba'i sngon po'i rnam
pa rnams ni sngon 'dzin

mig shes kyi dmigs rkyen du mi rigs te/ de'i dmigs rkyen yin na
de'i rgyu yin dgos shing/ sngon po sogs gsum ni sngon 'dzin mig
shes rang nyid kyi bdag nyid yin pas/ sngon 'dzin mig shes kyi
rgyur mi 'thad pa'i phyir ro/ /gal ta de'i bdag nyid yin kyang

de'i rgyur mi 'gal na/ bdag skye srid par thal lo/ /gal te rang
las rang skye na bdag skyer 'gyur yang/ rang gi bdag nyid du
gyur pa'i chos las skye bas bdag skyer mi 'gyur ro zhe na/ de
lta na/ grangs can pas/ bum pa rang gi bdag nyid du gyur ba'i
'jim pa

las skye bar khas blangs pa yang/ bdag skye khas blangs par mi
'gyur bas/ 'phags pa klu sgrub yab sras sogs shing rta chen po
mtha' dag gis/ bum pa rang gi bdag nyid du gyur ba'i 'jim pa las
skye na/ bdag skyer 'gyur ba'i skyon brjod mdzad pa mtha'

@85b dag mi rigs par 'gyur la/ bum pa las bum pa skye bar grub
pa'i mtha' las khas len pa su yang med pas/ bum pa bdag las skye
bar grub pa'i mtha' las khas len pa'i rgol ba su yang med par
'gyur ba'i phyir ro/ /tshul 'dis ni bdag skye'i don khong du ma
chud par

zad de/ /gzhan yang/ sngon po sogs gsum ni/ sngon 'dzin mig shes
kyi dmigs rkyen ma yin par thal/ de gsum sngon 'dzin mig shes
dang rdzas gcig dus mnyam yin pa'i phyir ro/ /khyab pa med na/
rgyu 'bras rdzas gcig dang dus mnyam srid par thal lo/ /

gzhan yang/ sngon 'dzin mig shes kyi dmigs rkyen yin na/ sngon
po sogs gsum po gang yang ma yin par thal/ de gsum gang rung yin
na/ sngon 'dzin mig shes dang dus mnyam yin dgos pa gang zhig
/sngon 'dzin mig shes kyi dmigs rkyen yin na de dang dus

mnyam yin mi dgos pa'i phyir/ zur phyi ma ma grub na/ 'o na/
de'i de ma thag rkyen yin na yang de dang dus mnyam yin dgos par
thal/ de'i dmigs rkyen yin na de dang dus mnyam yin dgos pa gang
zhig de'i dmigs rkyen yin na yang de'i dngos rgyu yin dgos/ de'i
de

ma thag rkyen yin na yang de'i dngos rgyu yin dgos pa'i phyir
ro/ /des na sngon po sogs sngon 'dzin mig shes kyi dmigs rkyen
du khas blangs na/ de dag sngon 'dzin mig shes dang dus mi mnyam
zhing rdzas tha dad pa'am/ yang na de'i de ma thag rkyen yang de
dang dus mnyam zhing

rdzas gcig par khas len dgos pas/ rnam par gzhag pa thams cad
'grig dka' bar 'gyur ro/ /kha cig na re/ sngon po sngon 'dzin
mig shes kyi dmigs rkyen yin la/ 'on kyang rgyu 'bras rdzas gcig
yin pa srid pa'i skyon med de/ de gnyis rigs pas dpyad pa'i

@086a @#/ /cha ? rdzas gcig yin kyang rgyu 'bras ma yin la/ rigs
pas ma dpyad pa'i tshe rgyu 'bras yin kyang rdzas gcig ma yin
pa'i phyir/ rigs pa yang rdzas su grub ma grub dpyad pa'i rigs
pa yin gyi/ don dam dpyod pa'i rigs pa ma

yin no zhes zer to/ /'o na/ de gnyis rgyu 'bras yin pa'i che
rdzas su grub ma grub dpyad du rung ngam mi rung/ mi rung na/
rdzas su grub ma grub gang yang ma yin pa'i rgyu 'bras srid par
'gyur ro/ /rung na/ de'i tshe rdzas su grub bam ma grub/ ma grub
na/ rgyu 'bras

rdzas ma grub srid par 'gyur ro/ /grub na/ de'i tshe de gnyis
rdzas gcig tha dad gang rung yin dgos par thal/ de'i tshe de
gnyis rdzas su grub pa'i phyir/ 'dod na/ de'i tshe de gnyis rdzas
tha dad yin dgos par thal/ de'i tshe de gnyis rdzas gcig tha dad
gang rung

yin dgos pa gang zhig /de'i tshe de gnyis rdzas gcig yin mi dgos
pa'i phyir/ rtags zur snga phyi gnyis ka dngos su khas len/ 'dod
na/ de gnyis rdzas tha dad yin par thal/ da gnyis rgyu 'bras yin
pa'i phyir/ 'khor gsum mo/ /rdzas su grub ma grub dpyod

pa'i rigs pa don dam dpyod pa'i rigs pa ma yin par 'dod pa dang/
khyod rang gis rdzas grub dang don dam gcig tu khas blangs pa
nang 'gal ba yin no/ /gzhan yang/ rigs pas dpyad pa'i tshe rgyu
'bras ma yin na/ de'i tshe de'i dmigs rkyen ma yin par 'gyur  

la; de'i tshe dmigs rkyen gzhan yang med par 'dod dgos pas/ rkyen
gsum las ma skyes pa'i dbang po'i mngon sum yod par thal/ rigs
pas dpyad pa na dbang po'i mngon sum yod kyang/ rkyen gsum las
ma skyes pa'i phyir/ 'dod na/ de lta bu mi srid bar

@086b 'dod pa'i khyod rang gi grub pa'i mtha' dang 'gal bar
'gyur ro/ /rang gi de ma thag rkyen du gyur pa'i shes pa snga ma
nyid dmigs rkyen du 'dod pa'ang mi 'thad de/ de lta na bdag
rkyen kyang shes pa snga ma nyid la 'dod dgos par mtshungs pas/
dbang po'i mngon sum la rang gi

de ma thag rkyen du gyur pa'i shes pa snga ma las tha dad pa'i
dngos rgyu mi srid par 'gyur la/ de lta na/ dngos rgyu gcig kho
nas bskyed pa'i 'bras bu mi srid par bshad pa'i rigs pa rnams
kyis gnod par 'gyur zhing/ nyer len gyis 'bras bu skyed pa lhan
cig byed rkyen la

ltos dgos pas ma khyab par 'gyur ro/ /kha cig /dbang shes snga
ma'i steng gi dbang shes phyi ma yul gyi rnam ldan du skyed pa'i
nus pa nyid/ dbang shes phyi ma'i dmigs rkyen yin la/ dbang shes
snga ma'i steng gi dbang shes phyi ma yul so sor nges par skyed
pa'i nus pa bdag

rkyen yin cing/ shes pa phyi ma myong ba'i ngo bor skyed pa'i
nus pa de ma thag rkyen yin la/ nus pa yang nus pa can las gzhan
ma yin pa'i phyir/ dbang shes phyi ma'i rkyen gsum ngo bo gcig
la ldog pa tha dad do zhes gsung ngo/ /rkyen gsum ngo bo gcig
pa'i sgrub byed de

ni ma nges te/ sgrub byed de'i don ni/ rkyen gsum ngo bo gcig tu
thal/ rkyen gsum shes pa gcig gi nus pa yin pa gang zhig /nus pa
nus pa can las gzhan min pa'i phyir/ ces pa yin la/ de lta na/
mig shes gcig gis sngo ser dkar dmar sna tshogs mthong ba

na; de lta bu'i sngo ser dkar dmar rnams chos can/ ngo bo gcig
yin par thal/ dbang shes gcig gi dngos yul yin pa gang zhig
/dbang shes kyi dngos yul dbang shes las gzhan ma yin pa'i
phyir/ rtags khyab khas blangs/ 'dod na/ sngo ser tha dad dag

@087a @#/ /la ni/ /zhes sems tsam pa'i lugs la'ang sngo ser rdzas
tha dad du bshad pa dang 'gal lo/ /kha cig /dmigs pa yang yin la
rkyen kyang yin pas dmigs rkyen zhes bya ba yin no zhes khas
blangs nas/ shes pa snga ma'am de'i

steng gi nus pa dmigs rkyen du 'dod pa dang/ dbang shes kyi
dmigs rkyen yin na dbang shes dang lhan cig dmigs nges su 'dod
pa dang/ lhan cig dmigs nges yin na dus mnyam yin par 'dod pa
rnams ni nang 'gal ba yin te/ dbang shes snga phyi dus

mnyam du thal ba'i phyir ro/ /gzhan yang/ de lta na/ dbang shes
phyi ma'i nang sems kyis bsdus pa'i gzung don du 'gyur bas/
dbang shes phyi ma dbang shes snga ma las gzhan pa'i yul la mi
'pho bar 'gyur ro/ /'o na/ 'thad pa'i phyogs gang yin ce na/
bshad

par bya ste/ de yang/ slob dpon phyogs glang gis/ dmigs brtag
tu/ nang gi shes bya'i ngo bo ni/ /phyi rol ltar snang gang yin
pa/ /don yin rnam shes ngo bo'i phyir/ /de rkyen nyid kyang yin
phyir ro/ /zhes gsungs pas bstan pa'i dmigs rkyen dang/ yang na

nus pa 'jog ? phyir rim gyis yin/ ces pa'i dmigs rkyen gnyis
las/ dang po'i don ni 'di yin te/ dbang shes la phyi rol lta bur
snang ba'i sngon po sogs ni/ dbang shes de dang de'i don te/
dmigs pa yang yin la de'i rkyen kyang yin pa'i phyir/ dmigs

rkyen yin no/ /ci'i phyir dmigs pa yin ce na/ rnam shes ngo bo'i
phyir/ ces smos te/ de'i dmigs par thal/ de'i rnam par shes par
bya ba'i ngo bo yin pa'i phyir/ ces pa'o/ /ci'i phyir rkyen yin
ce na/ gcig cha'ang mi 'khrul phyir na rkyen/ ces smos te/ dbang
shes

@087b la snang ba'i sngon po de dbang shes gcig po de'i bdag
nyid du gyur pa'i rgyu yin pas/ dus mnyam yin na'ang rkyen du
'thad de/ kho yul du yod na skye med na mi skye bas/ kho la rjes
su 'gro ldog mi 'khrul ba'i phyir/ ces pa'o/ /gzhan dag gis/ don
yin rnam shes ngo bo'i

phyir; ces pa la tha snyad du phyi don dmigs pa yin te/ yang dag
par rnam shes ngo bo'i phyir/ ces pa'i 'bru snon byas pa ni/
nang gi shes bya'i ngo bo ni/ zhes pa dang/ rnam shes ngo bo'i
phyir/ ces pa zlos par 'gyur ba'i phyir dang/ tha snyad du phyi
don yod pa la skabs 'dir

rigs pas gnod pa'i phyir dang/ yang dag par rnam shes kyi ngo bo
yin pas dmigs pa yin pa dang/ rkyen yin pa gang gi yang sgrub
byed du 'brel pa med pas skabs su ma bab pa'i phyir/ gzhung gi
dgongs pa las ring du gyur pas bshad pa 'di ni rna ba byad par
byed pa tsam yin

no; ;gzhung 'dis bstan pa'i dmigs rkyen gyi tshul 'di yang rgyu
'bras dus mnyam srid pa dang/ rgyu 'bras la rdzas gzhan gyis ma
khyab par 'dod pa/ chos mngon pa ba'i slob dpon dbyig gnyen la
sogs pa snga ma dag gi 'dod pa tsam yin gyi/ rigs pa'i dbang
phyug nyid kyi

'thad pa'i phyogs rnam par bzhag pa ma yin no/ /slob dpon rang
nyid kyi 'thad pa'i phyogs dam par bzhag pa'i dmigs rkyen ston
pa'i dbang du mdzad nas/ yang na nus pa 'jog phyir rim gyis yin
ces gsungs pa yin la/ de'i don ji ltar drang zhe na/ de la yang
na zhes pa ni/ rang 'grel

gyi mtshams sbyar ba'i tshig yin te/ slob dpon snga ma dag de ltar
'chad mod kyi/ yang na kho bo ni 'di ltar 'chad par byed do zhes
pa'o/ /nus pa 'jog phyir rim gyis yin/ ces pa'i don ni/ dbang
shes snga ma snga ma'i steng gi rang 'bras dbang shes phyi ma
yul gyi

@088a @#/ /rnam ldan du skyed pa'i nus pa de/ rim gyis dbang shes
phyi ma'i dmigs rkyen yin te/ rang 'bras dbang shes phyi ma phyi
ma de dag la yul gyi rnam pa 'jog pa'i rkyen yin pa'i phyir ces
pa'o/ /des na nus pa chos can du byas

nas; 'jog phyir ces pa sgrub byed du sbyar bar bya ba yin gyi
nus pa 'jog pa'i phyir/ ces sprel ? nas sgrub byed du 'god po ni
ma 'brel te/ dbang shes phyi ma'i dmigs rkyen yin te/ dbang shes
phyi ma la nus pa 'jog pa'i phyir/ zer na/ khyab pa ma 'brel

la; phyi ma'i dmigs rkyen yin te/ snga ma la nus pa 'jog pa'i
phyir/ ces zer na/ dbang shes kyi dmigs rkyen dbang shes kyi
brgyud rgyur thal ba'i skyon du 'gyur ba'i phyir ro/ /de lta bu
dbang shes snga ma'i steng gi nus pa dbang shes phyi ma'i dmigs
rkyen du

bzhag pa de yang/ dbang shes phyi ma de'i dmigs pa yang yin la
rkyen kyang yin pas/ de'i dmigs rkyen du 'jog pa ma yin gyi/
dbang shes phyi ma de rang gi dmigs pa'i rnam ldan du skyed pa'i
gtso bo'i rkyen yin pa'i phyir/ de'i dmigs rkyen ces bya'o/ /

de yang sems tsam pa'i lugs la dbang shes la yul gyi rnam pa
shar ba thams cad bag chags kyi dbang gis shar ba'i rnam pa yin
gyi/ yul rang ngos nas gtad pa'i rnam pa ma yin la/ de'i phyir
dbang shes yul gyi rnam ldan du skyes pas ni/ shes

pa snga ma'i steng gi bag chags kyi dbang gis skyes pa yin pas/
shas pa snga ma'i steng gi rigs mthun pa'i bag chags kyi ngo bor
gyur pa'i nus pa de nyid/ rang 'bras dbang shes phyi ma yul gyi
rnam ldan du skyed pa'i gtso bo'i rkyen yin pa'i rgyu mtshan
gyis/

@088b de'i dmigs rkyen du bzhag pa'i tshul 'di ni grub pa'i mtha'
las 'ongs ba'i rnam par gzhag pa rab tu brling pa/ kho na'o/ /'o
na; dmigs brtag rang 'grel du/ dmigs rkyen la chos gnyis dang
ldan pa dgos par gsungs pa'i don ji ltar yin ce na/ dbang shes

la snang ba'i sngon po sogs dmigs rkyen yin pa'i phyogs la ni/
shes pa de'i dmigs pa yang yin la rkyen kyang yin pa'i chos
gnyis dang ldan pa'i don yin la/ nus pa dmigs rkyen du 'dod pa
rang nyid kyi phyogs la ni/ dbang shes la dmigs pa'i rnam pa
'jog

byed yin pa dang/ dbang shes kyi rkyen yin pa nyid/ dbang shes
kyi dmigs rkyen chos gnyis dang ldan pa'i don yin no/ /de'i
phyir dmigs brtag rang 'grel las/ res 'ga' ni nus pa yongs su
smin pa las rnam par shes pa yul gyi rnam pa nyid 'byung la/ res

'ga' ni de'i rnam pa las nus pa'o/ /rnam par shes pa las de
gnyis gzhan dang gzhan ma yin pa nyid du ci dgar brjod par
bya'o/ /de ltar nang gi dmigs pa ni chos gnyis dang ldan pa'i
phyir/ dmigs pa'i rkyen du 'thad do/ /zhes gsungs pa yin no/ /

des na rang lugs la dbang shes kyi dmigs rkyen yin na/ dbang
shes dmigs pa'i rnam ldan du skyed byed yin dgos la/ dbang shes
dmigs pa'i rnam ldan du skyed byed yin kyang/ dbang shes kyi
dmigs pa yin mi dgos so/ /zhes shes par bya'o/ /shes

bya'i dmigs pa mtha' dag la/ /blo gros tshul bzhin dmigs pa can/
/kho bos dbang shes dmigs rkyen ni/ /'khrul med dmigs brtag ji
bzhin bshad/ /ces bya ba ni bar skabs kyi tshigs bcad do//
//gnyis pa lhan cig dmigs nges

@089a @#/ /kyi rtags bshad pa la /rtags kyi dgos pa bshad pa
dang/ rtags dgod cing don gsum ngos gzung ba dang/ rtags kyi
tshul bsgrub pa dang gsum/ dang po ni/ phyi rgol don smra ba'i
ngor snga rgol sems tsam pas/ dbang

shes la phyi rol lta bur snang ba'i sngo sogs rnams phyi rol gyi
don min par bsgrub pa'i phyir bkod pa yin la/ de'i phyir sems
tsam pas yul shes lhan cig dmigs nges kyi rtags kyis rdzas gzhan
ma yin par sgrub pa ni/ yul gang rang 'dzin gyi

shes pa gang dang rdzas gzhan ma yin par ma grub na/ nges par
yul de phyi rol gyi don yin par khas len dgos pa'i yul de rnams/
yul can shes pa rnams dang rdzas gzhan ma yin par sgrub pa yin
la/ de yang gzugs sgra sogs rnams ni rang 'dzin

tshur mthong dbang shes las rdzas gzhan ma yin par ma grub na/
tshur mthong dbang shes la gzugs sgra sogs rang las rgyang chad
lta bur snang ba ltar du grub par khas len dgos la/ de ltar grub
na shes pa las phyi rol tu gyur pa'i don grub par 'dod dgos pas/

de'i phyir de dag rang 'dzin tshur mthong dbang shes dang rdzas
gzhan ma yin par/ lhan cig dmigs nges kyi rtags kyis sgrub dgos
pa yin gyi/ lhas byin gyi sems lta bu lhas byin gyi sems shes
pa'i mngon shes lta bu las rdzas gzhan ma yin par sgrub mi nus
shing

ma bsgrubs kyang lhas byin gyi sems phyi rol don du thal ba'i
skyon kyang mi 'gyur bas/ de'i phyir de lta bu'i shes pa gzhir
byas kyi yul yul can 'ga' zhig /lhan cig dmigs nges kyi rtags
kyis rdzas gzhan ma yin par sgrub pa ma yin la/ de bzhin du
sngon po sogs kyang

@089b rang gi yul can sngon 'dzin mig shes sogs dang rdzas gcig
tu ma grub na/ phyi rol don du 'dod dgos par 'gyur bas rdzas
gcig tu lhan cig dmigs nges kyi rtags kyis sgrub pa yin gyi/
sngon po sogs rang gi yul can gyi shes pa gang yin thams cad
dang rdzas gcig

tu sgrub pa ma yin te/ gzhan du na/ sngo sogs rnams kun mkhyen
ye shes dang rdzas gcig tu 'dod dgos par 'gyur ba'i phyir ro/
/de bas na/ da lta gangs can gyi rtog ge pa phal che ba sems
tsam pa'i lugs la/ yul yul can yin na rdzas gzhan ma yin pas
khyab po

zhes smra ba ltar na/ bdag med mngon sum rtogs pa'i kun mkhyen
ye shes dang bdag 'dzin kyang rdzas gzhan ma yin par 'gyur bas/
sems tsam pa'i lugs la rdzas gzhan mi srid par 'gyur ro/ /gnyis
pa rtags dgod cing don gsum ngos gzung ba la/ rtags 'god pa

ni/ gang zhig gang dang lhan cig dmigs nges yin pa de de dang
rdzas gzhan ma yin te/ dper na/ sgra dang mnyan bya bzhin/ sngon
'dzin mig shes la snang ba'i sngon po dang sngon 'dzin mig shes
kyang lhan cig dmigs nges yin no zhes pa'o/ /'di'i rtags chos
don gsum la/

kha cig /sngon po'i rnam pa chos can du 'dzin pa mi 'thad de/
phyi rgol mdo sde pas sngon 'dzin mig shes la shar ba'i sngon
po'i rnam pa sngon 'dzin mig shes las rdzas gzhan ma yin par
grub zin la/ bye brag smra ba de 'dra'i rnam pa gzhi ma grub par
'dod pas chos can mthun snang

du grub pa med pa'i phyir/ /kha cig/ sngon por snang ba chos can
du 'dod pa mi 'thad de/ sngon por snang ba chos can du 'dzin na/
sngon 'dzin mig shes dang lhan cig dmigs nges yin pa'i rtags mi
'grub ste/ mig shes la sngon por snang ba yod pa'i phyir ro/
/sngon 'dzin mig shes la

@090a @#/ /sngon por snang ba chos can du 'dzin na/ bye brag smra
ba'i ngor chos can mi 'grub ste/ bye brag smra ba ni dbang bas
yul 'dzin par 'dod pa yin gyi/ mig shes kyis yul 'dzin par mi
'dod pas mig shes la sngon por snang ba/ zhes bya ba khas mi

len pa'i phyir ro/ /bye brag smra ba mig shes kyis yul mi 'dzin
par 'dod pa la shes byed ci yod ce na/ mig shes kyis gzugs 'dzin
na/ ri bo sogs kyis bar du chod pa'i gzugs mthong bar 'gyur te/
mig shes ni thogs med yin pa'i phyir ro snyam du bsams nas/

mig dbang gis gzugs 'dzin gyi de la brten pa'i mig shes kyis
gzugs 'dzin pa ma yin no zhes bye brag smra ba dag 'dod par byed
do/ /de'i phyir mdzod las/ bye brag smra ba'i 'dod pa 'chad pa
na/ mig gi gzugs rnams mthong rtan bcas/ /de la brten pa'i rnam

shes min/ /gang phyir bar du chod pa yi/ /gzugs ni mthong ba min
phyir lo/ /zhes gsungs pa yin no/ /de bas na rang gi lugs ni/
gzugs sgra sogs yul lnga po nyid la don du smra ba dang/ rnam
par rig pa tsam du smra ba gnyis kas mthun snang du grub cing/
rang

'dzin chur mthong dbang shes las phyi rol tu grub ma grub rtsod
pa'i gzhi yin pa'i phyir/ yul lnga po de nyid don smra gnyis
kyis phyi don du sgrub par byed cing/ rnam rig pas lhan cig
dmigs nges kyi rtags kyis rang 'dzin dbang shes dang rdzas gcig
tu sgrub par byad

pa yin pas/ gzugs sogs yul lnga po rang rang gi rang 'dzin dbang
shes dang rdzas gcig tu sgrub pa'i lhan cig dmigs nges kyi rtags
kyi chos can yin la/ de'i phyir sngon 'dzin mig shes dang rdzas
gzhan ma yin par sgrub pa'i lhan cig dmigs nges kyi

@090b rtags kyi chos can du yang sngon po nyid gzung bar bya ba
yin no/ /skabs 'dir gzhan gyi log par rtog pa cung zad dgag par
bya ste/ de yang 'di ltar/ kha cig na re/ sems tsam pa'i lugs la
sngon po sogs chos can du 'dzin pa mi 'thad de/ gzhi ma grub
pa'i phyir de'i rgyu

mtshan yang sngon po gzhi grub na bem po gzhi grub par 'gyur bas
phyi rol gyi don yod par 'gyur ro/ /de'i phyir gzugs sgra sogs
sems tsam pa'i lugs la ma grub pa yin no zhes smra'o/ /da lta
na/ shes bya chos can/ sems tsam pa'i lugs la phung po lnga'i
rnam

gzhag khas mi len par thal/ de'i lugs la gzugs phung gzhi ma
grub pa'i phyir/ 'dod na/ khams bco brgyad dang/ skye mched bcu
gnyis kyi rnam gzhag kyang khas mi len par 'gyur bas/ sems tsam
pa gsung rab kyi rnam gzhag phal che ba la skur pa 'debs par

byed do zhes smra ba'am/ yang na sems tsam pa'i gzhung lugs phal
che ba nas phung po lnga'i rnam gzhag sogs lan mang du 'gyur ba
dag la kho bo cag bsnyon par byed do zhes smros shig /gzhan
yang/ shes bya chos can/ sngo ser rdzas tha dad yin pa'i rgyu
mtshan gyis lhan cig

dmigs nges kyi rtags kyi mi mthun dper bkod pa mi 'thad par
thal/ lhan cig dmigs nges kyi rtags khas len pa'i lugs la sngo
ser gzhi ma grub pa 'thad pa'i phyir/ 'dod na/ sngo ser tha dad
dag la ni/ /myong ba'i nges pa yod ma yin/ /zhes bya ba la sogs
pa/ rnam

'grel nges las gsungs pa rnams spangs bar 'gyur ro/ /gzhan yang/
phyogs 'di khas len pa la ni/ khams gsum dang sku gsum la sogs
pa 'khor 'das kyi rnam gzhag phal che ba khas blang ba'i thabs
med pas rnam pa thams cad du rgud pa 'ba' zhig thob par

@091a @#/ /'gyur ro/ /yang kha cig na re/ sngo ser sogs gzhi grub
kyang/ sngon po sngon po ma yin gyi/ sngon po shes pa yin la/ de
yang sems tsam pa'i lugs la sngo ser sogs thams cad rang 'dzin
shes pa de dang de yin pas khyab pa yin no/ /

de'i phyir sngon po ni sngon 'dzin mig shes yin pa sogs su khas
blang bar bya'i/ de lta ma yin na/ sngo sogs bem por 'dod dgos
pas/ sngo sogs phyi don du 'gyur ro zhes zer to/ /de yang mi
'thad de/ sngon po yin na/ kun mkhyen ye shes yin pas khyab par
thal/ sngon

po yin na/ rang 'dzin shes pa de dang de yin pas khyab pa'i
phyir ro/ /tshul 'dis mtshon nas/ gzhi grub na kun mkhyen ye shes
yin pas khyab par smra dgos par 'gyur ro/ /gzhan yang/ sngon po
chos can/ khyod rang rig mngon sum yin par thal/ khyod rang
'dzin

pa'i mngon sum yin pa'i phyir/ rtags khas blangs/ 'dod na/ sngon
'dzin mig shes yin pa 'bud do/ /tshul 'dis mtshon nas/ gzhi grub
na rang rig mngon sum du yang mi 'dod bzhin du khas blang dgos
par 'gyur ro/ /gzhan yang/ shes bya chos can/ gzugs

can gyi skyes bu yin na/ mig shes yod pas khyab par thal/ gzugs
yin na mig shes yin pas khyab pa'i phyir/ 'dod na/ skyes bu long
ba mi srid par 'gyur zhing/ tshul 'dis mtshon nas/ sgra yin na
nyan shes yin pas khyab pa'i phyir/ skyes bu 'on pa mi srid

pa sogs su thal ba'ang shes par bya'o/ /gzugs sgra dri ro reg
bya lnga cheng ba'i bum pa lta bu la sgo lnga'i dbang shes tshang
bar 'gyur bas/ mthar ka bum sogs thams cad skyes bur khas len
dgos pa'i phyir/ sa sogs 'byung ba srog chags dang/ shing

@091b sogs sems ldan du smra ba'i rgyang 'phen pa dang/ gcer bu
pa'i ring lugs ches gsal bar byed par 'gyur ro/ /gzhan yang/
sngon po yin na/ sngon 'dzin rtog pa yin pas khyab par thal/
sngon po yin na sngon po rang nyid 'dzin pa'i shes pa de dang de
yin pas khyab

pa'i phyir ro/ /rtags khas blangs/ 'dod na/ 'di 'dri bar bya
ste/ sngon 'dzin mngon sum yin na rtog pa ma yin pas khyab bam
ma khyab/ ma khyab na/ mngon sum rtog bcas srid par 'gyur ro/
/khyab na/ sngon po chos can/ khyod rtog pa ma yin par thal/
khyod sngon

'dzin mngon sum yin pa'i phyir/ 'khor gsum dngos so/ /gzhan
yang/ shes bya chos can/ skyes bu gcig gi gzugs la dgra gnyen
gnyis kyi mig shes kyis lta ba'i tshe dgra gnyen gnyis kyi mig
shes mi 'gal bar thal/ skyes bu gcig gi gzugs de

dgra gnyen gnyis kyi mig shes gnyis ka yin pa'i phyir/ 'dis
mtshon nas mig shes yin na mi 'gal bas khyab par khas len dgos
par 'gyur ro/ /lhas byin 'gog pa la mnyam par bzhag pa'i lus
gzugs dri ro rnams kyang lus shes mig shes sogs

su 'dod dgos pa'i phyir/ 'gog pa la snyoms par zhugs pa la yang
sgo lnga'i dbang shes yod par thal bar 'gyur la/ rdzogs pa'i
sangs rgyas kyi sprul ? sku'i mtshan dpe gdul bya so skye'i mig
shes kyis mthong ba'i tshe yang/ mtshan dpe de dag mig shes de
dang der 'dod

dgos pas/ sangs rgyas kyi mtshan dpe so skye'i mig shes yin pa
yod par thal lo/ /de la sogs pa'i gnod byed shin tu chen po dang
mang po dag yod med kyi zad par brjod kyi ga la lang/ blo gros
dang ldan pa dag gis ji skad brjod pa dag la dpags te shes par
byos

@092a @#/ /shig /de yang sems tsam pa'i lugs la dngos po yin na
shes pa yin dgos zhes smra ba dang/ blo gros shin tu rtsing ba
'ga' zhig /shes bya yin na sems yin pas khyab par 'dod pa de dag
thams cad la'ang/ shes pa ji lta bu

yin ces brgal zhing brtags pa na/ rang 'dzin pa'i shes pa de
dang de dag tu smra ba las gzhan pa'i lan yod pa ma yin pa'i
phyir/ gong du brjod pa'i skyon gyi khur chen po dag mi 'dod
bzhin du yang 'khyer dgos pa yin no/ /yang kha cig na re/ sngon
po sogs

tha snyad du phyi rol gyi don yin la/ yang dag par shes pa yin
no zhes zer to/ /'di la ni phyogs gnyis ka la brjod pa'i skyon
mtha' dag 'byung ba yin te/ 'di ltar tha snyad du phyi don yin
pas phyi don yin pa'i go chod na/ phyi don khas blangs pa yin
pas/ drug

gis cig car sbyar ba na/ /phra rab rdul cha drug tu 'gyur/ /zhes
sogs kyi phyi don 'gog pa'i rigs pa mtha' dag gis gnod pa'i
phyir/ rnam rig pa'i dri tsam yang dri bar ga la 'gyur/ go mi
ched na tha snyad du yod pas kyang yod pa'i go mi chod par
mtshungs pas/

kun rdzob bden pa rnam par chad pa med pa ba'i phyogs su bslan
par 'gyur ro/ /ci ste/ tha snyad du phyi don yin pas tha snyad
du phyi don yin pa'i go chod cing/ don dam du phyi don yin pas
go mi chod la/ tha snyad dang don dam gang yang min pa'i phyi
don phung gsum med

pas; tha snyad dang don dam gang gi yang khyad par ma sbyar bar
phyi don yin pa'i go chod dam mi chod brtag pa byed pa ni mi
rigs so zhe na / bden gnyis la phung gsum med kyang brtag pa
gang byed kyi thog mar bden gnyis tshig gis zin par sbyar dgos

@092b pa ma yin te/ gzhan du na/ lhas byin tha snyad du 'gro 'am
don dam du 'gra zhes ma sbyar bar/ lhas byin 'gro 'am 'on te ma
'gro zhes dris pa na/ bden gnyis gang yang ma yin pa'i lhas byin
'gro ba yod par thal zhing/ bem po'i du ba yod pa'i phyir zhes
pa'am/ rig

pa'i du ba yod pa'i phyir zhes pa'i khyad par ma sbyar bar/ du
ba yod pa'i phyir zhes smras na/ bem rig gang yang min pa'i du
ba yod par khas blangs par thal lo/ /de bas na tha snyad du yod
pas yod pa'i go chod dam zhes dris pa'i tshig tha snyad du yod
pa'i go chod mi

chod 'dri 'am/ 'on te don dam du yod pa'i go tshad mi chod 'dri
'am/ de gnyis gang yang ma yin pa'i yod pa'i go tshad mi chod
'dri zhes lan 'dabs par byed pa ni/ 'bras mtshungs kyi lhag chod
yin te/ gzhan du na sgra mi rtag ste/ byas pa'i phyir zhes brjod
pa la/ sgra'i

byas pa yin pa'i phyir zhes zer ram/ bum pa'i byas pa yin pa'i
phyir zhes zer ngam/ de gnyis gang yang min pa'i byas pa yin
pa'i phyir zhes zer/ ces smra ba yang 'bras mtshungs kyi ltag
chod du mi 'gyur ro/ /des na tshul 'di ni lan 'debs par ma nus pa
na/

gtam shin tu 'drad ba zhig bya'o snyam du bsams nas/ g.yo
rgyu'i zol gyis smra ba tsam du zad do/ /yang dag par shes pa
yin zhes khas blangs pas/ gzugs sogs shes pa yin pa la brjod
pa'i skyon rnams kyang 'gyur ba yin no/ /kha cig /sngon 'dzin
mig

shes kyi gzung rnam de tha snyad du phyi rol gyi don dang sngon
po yin te/ rjes kyi rtag pas sngon po dang phyi rol gyi don du
zhen par byed pa'i phyir/ zhes gsung ba'ang mi 'thad de/ de lta
na sngon 'dzin mig shes kyi 'dzin rnam de tha snyad du phyi rol
gyi don du gyur pa'i yul

@093a @#/ /dngos su rig pa'i blo yin par thal/ sngon 'dzin mig
shes kyi gzung rnam de tha snyad du phyi don yin pa'i phyir/
'dod na/ de tha snyad du gzhan rig tu 'gyur bas/ tha snyad du
rang rig mngon sum mi srid par thal lo/ shes bya

chos can/ sems tsam pa'i lugs la gzung rnam gzhal bya/ 'dzin
rnam tshad ma/ rang rig 'bras bu yin pa'i tshad 'bras gzhal gsum
gyi rnam gzhag 'di/ don dam pa'i tshad 'bras gzhal gsum gyi rnam
gzhag yin par thal/ sems tsam pa'i

lugs la tha snyad du gzung rnam phyi don yin pa'i phyir/ 'dod
na/ don dam par gzung 'dzin rig gsum tha dad du 'dod dgos pas
sems tsam pa'i dri tsam yang mi dro 'o/ /gzhan yang tha snyad
rnam par 'jog pa ni/ tha snyad kyi tshad ma la rag las kyi rjes
kyi

rtog pa sogs blo 'khrul pa gang yin gyis gzhag nus pa ma yin te/
gzhan du tha snyad rnam par 'jog pa'i tshe 'gal 'du skyon med yin
par smra dgos so zhes gong du bshad zin to/ /de bas na gzhan dag
gis rnam par brtags pa dag ni/ tshig tsam zhig

snying por zad do/ /'o na; rang gi lugs la sngo sogs shes pa'am
bem po gang du 'dod par bya zhe na/ bem po yin na ni rdul gyi
rang bzhin yin pas phyi don yin par thal ba'i phyir dang/ shes
pa yin na'ang gong du bshad pa'i skyon gyis rig pa'i phyir/
phyogs de

gnyis ka khas mi len gyi/ 'di ltar tshul mthong dbang shes la
rgyang chad lta bur snang ba'i sngo sogs rnams ni rang 'dzin
tshur mthong dbang shes de dang rdzas gcig yin la/ de'i phyir
rang 'dzin tshur mthong dbang shes de'i bdag nyid du khas len pa
yin gyi bem

@093b rig gang du yang khas mi len no/ /'o na/ sngon po de kun
mkhyen ye shes kyi 'ang bdag nyid yin nam zhe na/ mi mtshungs de/
tshur mthong dbang shes la snang ba'i sngon po rnams ni dbang
shes de dang rdzas gcig yin par lhan cig dmigs nges kyi rtags
kyis 'grub la/

kun mkhyen ye shes dang sngon po sogs rdzas gcig tu sgrub mi nus
te/ lhan cig dmigs nges kyi rtags bkod na phyogs chos mi 'grub
cing/ rtags gzhan yang med pa'i phyir ro/ /gang dag bem rig gang
yang ma yin pa'i dngos po mi srid par 'dod pa ni rnam par

ma brtags pa ste/ bye brag smra bas nam mkha' sogs dang/ mdo sde
pas skyes bu sogs dang/ sems tsam pas 'gog snyoms sogs grub
mtha' smra ba phal che bas bem rig gang yang ma yin pa'i dngos
po khas blangs zhing/ thams cad kyis bag chags sogs bem

rig gang yang min pa'i dngos po mang du khas len dgos pas/ dngos
po la dbye ba byed pa na/ bem po dang rig pa gnyis zhes byis
pa'i gnas skabs nyid nas lan mang du smras pa'i 'don pa goms pa
tsam gyi rgyu mtshan gyis yid khong du chud par ma byed cig /chos
can gyi

don 'phros dang bcas pa bshad zin to/ /da ni bsgrub bya'i chos
kyi don bshad par bya ste/ de yang gzhan dag na re/ rnam bden pa
ltar na rdzas gcig tu sgrub par byed pa yin la/ rnam brdzun pa
ltar na rdzas gzhan ma yin pa tsam du sgrub pa yin no zhes zer
ba ni/ rnam pa

chos can du 'dzin na bden kyang/ rnam pa chos can yin pa la gong
du skyon bstan zin to/ /de bas na sngon po sogs ni sngon 'dzin
mig shes sogs dang rdzas gcig tu 'dod pa la rnam bden rdzun
gnyis ka mthun pa'i phyir dang/ chos can du yang sngo sogs nyid
gzung bya

@094a @#/ /yin par bshad zin pa'i phyir/ rdzas gcig tu sgrub pa
dang rdzas gzhan ma yin par sgrub pa gnyis ka ltar yang mi 'thad
pa med la/ gang du bsgrubs kyang 'dod pa'i don 'grub pa la yang
khyad par med de/ de gnyis gang yin

kyang phyi don yin par 'gal ba'i phyir ro/ /rtags kyi don ji lta
bu zhe na/ lhan cig dmigs par nges pa'i don/ kha cig na re/ rang
rig mngon sum gcig gis cig car du dmigs pas khyab pa yin no zhes
zer to/ /de ni mi 'thad de/ sngon 'dzin mig shes myong ba'i

rang rig gis sngon po dngos su dmigs na/ de gzhan rig tu thal
ba'i phyir dang/ sngon 'dzin mig shes myong ba'i rang rig yin
na/ sngon po'i rnam pa dngos su shar bas khyab par thal ba'i
phyir ro/ /rnam pa dngos su shar ba 'dod do zhe na/ de lta na
/mig shes la gzung rnam

'dzin rnam gnyis yod pa bzhin du/ mig shes kyi 'dzin rnam la
yang gzung rnam 'dzin rnam gnyis yod par thal bar 'gyur ro/
/yang kha cig /sems can thams cad kyi blo la ltos pa'i lhan cig
dmigs nges yin pa'i phyir zhes rtags su 'god do zhes na/ de ni
mi

'thad de/ sems can thams cad kyi blo dang lhan cig dmigs nges
yin pa gzhi ma grub pa'i phyir te/ gzhan du sems can thams cad
kyi blo snga phyi sogs mtshungs par thal ba'i phyir ro/ /ci ste/
sems can thams cad kyi blo la ltos zhes pa'i don sems can gcig
gi

blos sngon po na ma dmigs pa na/ de 'dzin gyi mig shes kyang
dmigs dgos pa bzhin du/ sems tsam gang gi blos sngon po dmigs pa
de 'dzin mig shes kyang dmigs pas khyab ces pa yin no zhe na/ de
tsam gyis der 'jog na/ shes bya chos can/ bdag med

@094b mngon sum du rtogs pa'i shes rab dang/ de'i spang bya bdag
'dzin gnyis sems can thams cad kyi rgyud la ltos pa'i spang
gnyen yin par thal/ sems can gcig gi rgyud la bdag med mngon sum
du rtogs pa'i shes rab skyes na de'i spang bya bdag 'dzin spong
ba bzhin

du; sems can gang gi rgyud la yang shes rab de skyes nas spang
bya bdag 'dzin de spong bas khyab pa'i phyir ro/ /'dod na/ bdag
med mngon sum du rtogs pa'i shes rab de sems can thams cad kyi
rgyud la ltos pa'i gnyen por thal lo/ /'dod na/ rang rgyud la
gnyen po

bdag med rtogs pa'i shes rab med pa'i sems can mi srid par thal
lo/ /lhan cig dmigs par nges pa'i phyir/ zhes pa tsam rtags su
bkod na/ snang gzugs lta bu sems can 'ga' zhig gi blo la ltos
nas lhan cig dmigs par nges pa rnams kyang/ rdzas gzhan

ma yin par thal ba'i phyir ro zhes zer ba ni/ skyon dang skyon
ma yin pa'i 'jug pa blo la ma shar bar zad de/ 'o na/ shes bya
chos can/ sems can 'ga' zhig gi blo la ltos te lhan cig dmigs
nges yin na/ lhan cig dmigs nges yin pas khyab par thal/ rdzas
gzhan ma

yin par sgrub pa la lhan cig dmigs nges yin pa tsam rtags su
bkod na/ snang gzugs lta bu sems can 'ga' zhig gi blo la ltos te
lhan cig dmigs nges yin na/ lhan cig dmigs nges yin pas khyab
pa'i phyir/ 'dod na/ bum pa dang sa phyogs dus mnyam yin pas
khyab

par thal lo/ /'dod na/ gcig yod na cig shos yod pas khyab par
thal lo/ /des na tshul 'di ni/ slob dpon gyis/ lhan cig dmigs par
nges pa'i phyir/ zhes rtags su bkod pa la tsa 'dri ba'i bsam pas
rang gi mtshang ston par zad do/ /yang lhan cig dmigs par nges
pa'i

@095a @#/ /don/ sngon po dngos su dmigs na blo des sngon 'dzin
mig shes kyang dngos su dmigs pas khyab/ sngon 'dzin mig shes
dngos su dmigs na blo des sngon po yang dngos su dmigs pas

khyab pa la 'dod pa mang du snang mod/ de ni mi rigs te/ sngon
'dzin mig shes kyis sngon 'dzin mig shes dngos su dmigs par
thal/ sngon po dngos su dmigs pa'i phyir/ 'dod na/ 'og tu rang
rig mngon sum gyi skabs nas 'chad par 'gyur ba'i rigs pa rnams

kyis dgag par bya'o/ /sngon 'dzin mig shes myong ba'i rang rig
mngon sum chos can/ khyod kyis sngon po dngos su dmigs par thal/
sngon 'dzin mig shes dngos su dmigs pa'i phyir/ 'dod na/ gzhan
rig tu thal ba sogs gong du bshad pa'i skyon thams cad kyis

gnod par 'gyur ro/ /gzhan yang sngon 'dzin yid kyi mngon sum
tshad ma chos can/ khyod kyis sngon 'dzin mig shes dngos su dmigs
pas khyab par tha/ sngon po dngos su dmigs pa'i phyir/ lan med
do/ /ci ste/ sngon 'dzin mig shes dang de la snang ba'i sngon po
gnyis

gcig dngos su dmigs pa'i blos gcig dngos su dmigs par 'dod pa
yin gyi/ sngon po tsam dang ni ma yin no zhe na/ 'o na/ lhas
byin dang mchod sbyin gyi mig shes gnyis kyis yul sngon po gcig
la thun mong du dngos su dmigs pa'i tshe na/ de lta bu'i lhas
byin gyi mig

shes chos can/ khyod kyis mchod sbyin gyi mig shes de dngos su
dmigs par thal/ mchod sbyin gyi mig shes la snang ba'i sngon po
de dngos su dmigs pa'i phyir ro/ /lan med do/ /lhan cig dmigs
nges kyi don/ gcig yod pa'i yul dus der cig shos kyang yod pas
khyab

@095b pa yin nam snyam na/ de yang ma yin te/ de lta na/ bu ram
gyi ro gzugs de ltar ba yang lhan cig dmigs nges su 'gyur bas
rdzas gzhan ma yin par thal ba'i phyir ro/ /de bas na lhan cig
dmigs par nges pa'i don ni 'di yin te/ lhan cig ces pa ni skabs
'dir yul

dus gcig pa'i don yin la/ dmigs pa ni tshad mas dmigs pa dang/
nges pa ni khyab pa'i don yin pas/ gcig tshad mas dmigs pa'i dus
de'i tshe cig shos kyang tshad mas dmigs pas khyab la/ cig shos
tshad mas dmigs pa'i dus de'i tshe yang gcig tshad mas dmigs

pas khyab/ ces par shes par bya ste/ dper na sngon po sngon
'dzin mngon sum tshad mas nam dmigs pa dang dus mnyam du sngon
sum yang rang myong ba'i rang rig mngon sum tshad mas dmigs pas
khyab la/ sngon 'dzin mngon sum tshad ma rang rig mngon sum tshad

mas dmigs pa'i tshe sngon po yang sngon 'dzin mngon sum tshad mas
dmigs pas khyab ces pa lta bu'o/ /tshul 'di bu ram gyi ro gzugs
da ltar ba la mi mtshungs sam zhe na/ mi mtshungs te/ mtshungs na/
bu ram gyi gzugs mthong ba na/ ro myong bar thal ba'i phyir ro/
/

rtags kyi don bshad zin to/ /gzhan dag lhan cig dmigs zhes pa'i
dmigs pa tshad mas dmigs pa la byas nas/ lhan cig dmigs nges kyi
rtags kyi mthun dper/ zla gnyis dang/ zla ba gnyis snang gi
dbang shes 'khrul pa bzhin/ zhes 'gong pa ni/ dran pa rnal

du ma bzhag pa ste/ zla gnyis tshad mas dmigs par thal ba'i phyir
ro/ /ci ste zla gnyis kyi rnam pa dang de snang gi dbang shes
bzhin zhes 'god do zhe na/ de lta na/ bye brag smra ba sogs phyi
rgol 'ga' zhig gi ngor dpe ma grub pa'i skyon du 'gyur te/ de
dag shes pa rnam med

@096a @#/ /du smra ba'i rgol ba yin pa'i phyir ro/ /'o na/ rnam
shes 'khrul bas zla ba gnyis/ /med par tha dad mthong ba bzhin/
/zhes gsungs pa ji lta yin zhe na /de'i don ni/ nges par blo
dang lhan cig tu// ci car du ni myong 'gyur ba'i/ /yul

ni de las gzhan nyid du/ /rnam gang gis ni 'grub par 'gyur/
/zhes smras pa la/ 'o na/ dbang shes las sngon po sogs gzhan ma
yin na/ rgyang chad du snang ba 'di ci zhe na/ de ni 'khrul pa'i
dbang gis yin no zhes bstan pa'i phyir/ rnam shes 'khrul pas zla

ba gnyis/ /med par tha dad mthong ba bzhin/ /zhes smras pa yin
te/ mdor na/ sngon po sogs dbang shes las gzhan ma yin bzhin du
gzhan du snang ba'i dper bkod pa yin gyi/ gzhan ma yin par sgrub
pa'i mthun dper bkod pa ma yin no/ /gsum pa tshul

sgrub pa la/ lhan cig dmigs par nges pa'i phyir/ zhes pa'i
phyogs chos ni rang rig mngon sum gyis 'grub la/ khyab pa gnyis
las/ rjes khyab sgrub tshul ni/ lhan cig dmigs nges yin na/ rdzas
gzhan ma yin pas khyab ste/ phan tshun tha dad gcig dmigs

na cig shos dmigs dgos na 'brel pa grub pas khyab cing/ lhan cig
gam dus mnyam du dmigs dgos pas de byung 'brel khegs pas/ lhan
cig dmigs nges yin na bdag gcig tu 'brel par grub la/ phan tshun
bdag nyid gcig yin na phan tshun

rdzas gzhan yin par 'gal ba'i phyir ro/ /ldog khyab sgrub tshul
ni/ sngo ser tha dad dag la ni/ /myong ba'i nges pa yod ma yin/
/zhes pas bstan te/ de yang rdzas gzhan yin na/ lhan cig dmigs
nges yin par 'gal bar thal/ rdzas gzhan lhan cig dmigs

@096b nges yin pa yod na/ snang du rung ba las de 'dra ma'i
dmigs pa'i phyir/ zhes snang rung ma dmigs pa'i rtags kyis rdzas
gzhan la lhan cig dmigs nges bkag pa'i sgo nas sgrub bo/ /de
'dra yod na snang rung yin pa'i rgyu mtshan kyang/ lhan cig dmigs
nges yin na/

lhan cig tu tshad ma la snang bas khyab pa'i phyir ro/ /'o na/
gtso bo sems dang de'i 'khor du byung ba'i sems byung rnams
kyang lhan cig dmigs nges su thal/ phan tshun gcig tshad mas dmigs
pa dang dus mnyam du/ cig shos kyang tshad mas dmigs pas khyab

pa'i phyir/ der thal/ gtso bo sems rang rig mngon sum gyis myong
ba dang dus mnyam du/ de'i 'khor gyi sems byung rnams kyang rang
rig mngon sum gyis myong bas khyab pa'i phyir ro/ /lhan cig
dmigs nges nges yin pa 'dod na/ rdzas gcig tu 'gyur ro zhe na/
gtso bo sems

dang de'i 'khor du byung ba'i sems byung rnams rdzas gcig yin pa
'dod pa yin te/ gtso bo sems dang de'i 'khor gyi sems byung
rnams rdzas tha dad yin na/ bdag gcig 'brel med cing/ dus mnyam
yin pa'i phyir de byung 'brel med pas/ 'brel med don gzhan du
'gyur

la/ de 'dod na/ rten dang brten pa ma yin par thal lo/ /de 'dod
na/ gtso bo dang 'khor gyi rnam gzhag btags pa tsam du 'gyur ro/
/gzhan yang/ shes bya chos can/ rgyud gcig la rtog pa rigs mthun
rdzas tha dad du ma cig car 'byung ba yod par thal/ gtso bo yid
shes

rtog pa dang de'i 'khor du byung ba'i sems byung rtog pa rnams
rdzas tha dad yin pa'i phyir ro/ /'o na/ slob dpon thogs med
kyis/ lnga nyid 'thad pa med phyir dang/ /zhes sogs kyi sgo nas
sems sems byung rdzas gcig yin pa la/ phung po'i lnga'i grangs
nges mi 'thad par thal/

@097a @#/ /rnam shes kyi phung po dang tshor ba'i phung po sogs
rdzas gcig yin pa'i phyir/ zhes sogs gnod byed mang du gsungs pa
ci zhe na/ de ni rdzas gcig yin pa la gnod byed ston pa ma yin
gyi/ yin na rang nyid la de ma thag mtshungs par

'gyur te/ 'di ltar gzugs sogs dang rnam shes rdzas gcig gam/ tha
dad/ tha dad na/ phyi don grub par thal lo/ /gcig na/ shes bya
chos can/ phung po lnga'i grangs nges mi 'thad par thal/ gzugs
phung dang rnam shes kyi phung po rdzas gcig yin pa'i phyir/
zhes

brjod na 'khor gsum la lan med pa nyid du 'gyur ro/ /de bas na
'phags pa thogs med sku mched dang/ rigs pa'i dbang phyug rnam
gnyis sogs phal che ba gtso bo sems dang de'i 'khor sems byung
rnams rdzas gcig tu bzhed pa yin la/ 'on kyang 'di dag la

brjod par bya shin tu mang yang re zhig bzhag go/ tshul gsum
sgrub tshul 'phros dang bcas pa bshad zin to/ /lhan cig dmigs
nges kyi rtags 'di mkhas pa'i dpyad gzhi cung zag che zhing rnam
rig pa'i grub mtha' la shin tu gal che yang/ ding ? sang gi rtog
ge bdag

la yid brtag mi snang bas cung zad rgyas par phye nas legs par
bshad pa'i snang bas 'dzam gling gsal bar byas pa yin no/ /smras
pa/ nam mkha'i khyon dang kho bo'i blo gros gnyis/ /pha mtha'
'gran phyir rtag tu ngal ba snyam/ /rol mtsho'i gting zab bdag
blo'i skad

cig la/ mthong bar dogs nas ri bo'i phag tu zhugs/ /sangs rgyas
zhal gyi padmo'ang legs bshad kyis/ /'od stong 'di la 'dzum pa
mdzad do zhes/ /dkar phyogs lha rnams mgrin pa'i lam bsal nas/
/tshigs gi pho nyam tshangs pa'i 'jig rten 'gro/ zhes bya ba ni
ngo

@097b mtshar ba gtam du byas pa'o/ /de ltar ji skad bshad pa
rnams kyis rnam rig pa'i lugs kyi dbang shes kyi dmigs rkyen
zhar las 'ongs pa dang bcas pa rgyas par bshad zin la// //da ni
bdag rkyen dang de ma thag rkyen bshad par bya ste/ de yang/ de
ma thag pa'i

rkyen gyi mtshan nyid ni/ sngar mdo sde pa'i 'dod pa 'chad pa'i
skabs su bshad pa ji lta ba bzhin du rig par bya ba yin pas/
slar yang zlos te bshad par mi bya'o/ /bdag po'i rkyen la mdo
sde pa dang rnam rig pa dag gi 'dod pa mi 'dra ba'i khyad par ni
'di yin te/ gnyis kas

kyang mig shes kyi bdag rkyen du gyur pa'i mig gi dbang po'i ngo
bo mig shes don lnga'i nang nas gzugs kho na la 'dzin byed du
'jug la/ gzhan la mi 'jug pa'i thun mong ma yin pa'i khyad par
gang yin pa de gtso bor skyes pa'i rgyu mig shes kyi rkyen gzhan
gnyis las tha dad du gyur

pa zhig la 'dod par 'dra yang/ mdo sde a de nyid bem por 'dod pa
yin la/ sems tsam pa de nyid rang gi de ma thag rkyen du gyur
pa'i shes pa snga ma'i steng na yod pa'i nus pa'i ngo bor 'dod
pa ni khyad par ro/ /de'i phyir slob dpon phyogs glang gis/ lhan
cig byed dbang nus pa

yi/ /ngo bo gang yin dbang po'ang yin/ /de yang rnam rig la mi
'gal/ zhes gsungs so/ /rnam rig pa'i lugs kyi dbang po'i mngon
sum gyis rkyen gsum rnam par bzhag pa bshad zin to/ /gnyis pa
yid kyi mngon sum la dgag gzhag spang gsum las/ dang po

gzhan gyi lugs dgag pa ni/ slob dpon rgyan mkhan po na re/ yid
kyi mngon sum gyi mtshan nyid goms pa'i dbang gis don mngon sum
du byed pa'i shes pa gang yid la brten pa zhes bya ba yin la/ de
nyid dang dbang shes kyi byed las mi 'dra ba'i khyad par ni/
dbang

@098a @#/ /shes yul snang ba tsam gyis bya ba byed pa yin la/ yid
mngon yul nges pas bya ba byed pa yin no/ /nges shes yin na rtog
par mi 'gyur ram zhe na/ nges shes yin kyang rtog par mi 'gyur
te/ rog pa rnams ni rang yul lkog tu

gyur pa'i tshul gyis 'dzin pa yin la/ yid mngon ni rang yul mngon
du gyur pa'i sgo nas nges pa'i phyir ro/ /de lta na yang/ mngon
sum ni gang gi yang nges par byed pa min te/ zhes sogs kyi
gzhung dang 'gal lo zhe na/ mi 'gal te/ der ni dbang shes nyid

la mngon sum gyi sgra sbyar ba yin te/ ak+Sha ra zhes pa'i mngon
sum gyi sgra ni dbang po so so la brten pa'i don can yin pa'i
phyir ro/ /zhes sogs rgyu mtshan dang bcas te smra bar byed do/
/'di dag ni rgyan 'grel bshad dang bcas pa'i dgongs don tshig la
ma ltos

par bris pa yin la/ yid kyi mngon sum skye ba'i tshul/ dang po
dbang mngon skad cig ma gcig skye/ de'i rjes su yid mngon gcig
skye/ de'i rjes su dbang mngon gcig skye ba'i tshul gyis/ mgo
dbang mngon gyis drangs/ mjug yid mngon gyis bsdus te/ dbang yid

spel nas skye bar rgyan mkhan po bzhed do zhes mkhas pa rnams la
grags pa tsam du zad kyi/ bod du 'gyur ba'i rgyan rjes 'brang
dang bcas pa'i gzhung lugs gang na yang mi gsal lo/ /phyogs 'di
dag 'thad pa ma yin te/ yid kyi mngon sum nges shes

yin na/ rang yul na ma bzungs pa na/ de dang rjes cha so sor
dbyer med pa'i de'i khyad chos kun nges pas khyab par thal/ yid
mngon yin na/ rang yul la sgrub 'jug yin pas khyab pa gang zhig
/de yin na nges shes yin pas khyab pa'i phyir ro/ /'dod na/
gzugs

@098b 'dzin yid kyi mngon sum sogs kyis gzugs sgra sogs bzungs
pa na/ de dag shes pa'i bdag nyid yin pa'i cha yang nges pas
khyab par thal lo/ /'dod na/ sems tsam pa'i grub mtha' la nges
shes ma skyes pa'i gang zag gi rgyud la yid mngon mi srid par
thal bar

'gyur ro/ /gzhan yang/ yid mngon nyid dbang mngon las ches shin
tu nges sla ba nyid du 'gyur te/ yid mngon ni nges pa'i rnam pa
can yin pas rags la/ dbang mngon ni yul snang ba tsam gyis khyad
par du byas pas chas phra bar 'gyur ba'i phyir ro/ /de lta na/
dbang

mngon las yid mngon med par 'dzin pa'i sgro 'dogs kyi gzhi chung
bar 'gyur te/ dper na/ rtog pa dang mngon sum bzhin no/ /spel
nas skye ba'ang mi 'thad de/ de lta na/ shes bya chos can/ dbang
mngon skad cig gnyis pa man chad thams cad la dngos kyi nyer

len mi srid par thal/ de thams cad la rang gi rigs mthun dbang
shes snga ma dang/ rang gi bar du yid kyi mngon sum gyis chod
pas khyab pa'i phyir ro/ /slob dpon chos mchog na re/ yid kyi
mngon sum ni lung la grags pa tsam yin gyi/ tshur mthong gi dngos
po

stobs zhugs tshad mas nges mi nus la/ de'i phyir/ mdo las yid
mngon yod par gsungs pa la/ de lta na tshad ma bcad shes yod
pa'am/ long bas kyang gzugs mthong ba gang rung du 'gyur ro zhes
pa'i rtsod pa spang ba'i phyir du/ de lta bu'i skyon med de/ yid
mngon

yod na/ rang gi de ma thag rkyen dbang mngon gcig las skye
zhing/ de'i gzung don gyi skad cig gnyis pa 'dzin pa la 'gal ba
med pa'i phyir ro/ /zhes de 'dra'i rgyu rkyen las skyes pa'i yid
mngon yod pa la gnod byed med par ston pa tsam zhig /rigs pa'i
dbang phyug gi

@099a @#/ /gzhung gi dgongs pa yin no zhes zer to/ /des na slob
dpon chos mchog gi lugs la/ yid mngon shin tu lkog yin pas lung
tsam gyis grub gyi/ dngos po stobs zhugs tshad mas ma grub la/
yid mngon rgyu rkyen ji lta bu las skyes

pa ni lung rigs gang gis kyang ma grub mod/ 'on kyang/ ji skad
bshad pa'i rgyu rkyen de lta bu las skyes pa la gnod byed kyang
med do zhes 'dod pa yin no/ /de lta na /kha cig /yid mngon shin
lkog yin na/ de'i rgyu rkyen dang skye tshul sogs dngos stobs
tshad

mas grub pa 'gal zhes pa'i skyon/ slob dpon chos mchog la rjod
par byed pa ni/ gzhan gyi 'dod pa ma rtogs bzhin du dgag pa la
rings pa tsam du zad do/ /skye ba'i tshul ni/ mig phyed pa dang
ldan pa'i tshe gzugs gsal bar snang ba'i shes pa ni mig shes las

gzhan du mi 'thad pas/ mig gi byed pa dang ni ldan pa na skye
bar rigs la/ dbang shes de ma thag rkyen du byas pa las skye bar
bshad pas/ gzugs 'dzin yid kyi mngon sum ni gzugs 'dzin dbang
mngon gyi rgyun 'gags pa'i mthar skye ba yin la/ de yang skad

ci ma gcig kho na las mang ba mi skye ste/ ldan skye na myong
stobs kyis nges par 'gyur bas/ med do zhes sgo 'dogs par mi
'gyur ba'i phyir ro zhes bzhed do/ /'di dag ni slob dpon chos
mchog gi dgongs pa dpyis phyin par bkod pa yin la/ bod kyi mkhas

rmongs mang po dag /slob dpon chos mchog gyi lugs 'thad ldan du
byed pa snang mod kyi/ kho bo ni 'thad par mi sems te/ 'di ltar/
tshur mthong gyi rgyud kyi yid mngon chos can/ rang rgyud ldan la
khyod myong byed rang rig mngon sum tshad ma med par thal/ khyod

@099b rang rgyud ldan gyi blo la ltos te shin lkog yin pa'i
phyir/ 'dod na/ shes pa yin pa nyams so/ /gzhan yang/ rang blo
lkog tu gyur pa srid pa tsam yang slob dpon gyis lan du mar bkag
na/ rang blo rang la shin lkog tu gyur pa srid pa ni de bas
kyang tha chad

do snyam du sems so/ /gal te/ rang blo lkog gyur mi srid na/ bye
brag pa'i der bde sogs shes par sgrub dgos pa ji lta bu zhe na/
bye brag pa la rang rgyud kyi bde sogs lkog gyur ma yin yang/
rang rgyud kyi bde sogs la shes pa'i tha snyad ma shes nas/ shes

par sgrub dgos pa byung ba yin pas/ bde sogs shes pa yin pa lkog
gyur yin te/ dper na/ sgra bsgrub bya ma yin yang sgra mi rtag
pa bsgrub bya yin pa bzhin no/ /gzhan yang/ yid mngon shin lkog
yin pa'i rgyu mtshan ci zhig yin/ tshur mthong tshad mas nges mi

nus shing/ lung rnam dag las bshad pa'i phyir ro zhe na/ tshur
mthong tshad mas nges mi nus pa'i rgyu mtshan ci zhig yin/ skad
cig ma gcig kho nar zad pa'i phyir ro zhe na/ skad cig ma zhes
pa ci yin/ rang grub dus gnyis par mi sdod pa'i skad cig ma'am/
'on te

dus mtha'i skad cig ma yin/ dang po lta na/ dngos po yin na tshur
mthong tshad mas nges mi nus pas khyab par thal lo/ /gnyis pa
ltar na/ yid mngon dus mtha'i skad cig ma yin pa'i rgyu mtshan ci
yin/ rgyun ldan yin na med do zhes log par rtog par mi 'gyur te/

nges sla ba'i phyir ro zhe na/ skye ba snga phyi yang med do
zhes skur ba 'debs par mi 'gyur bar thal/ de dag rgyun ldan yin
pa'i phyir ro/ /mi mtshungs ste/ skye ba snga phyi ni rgyun ldan
yin kyang myong bas ma gru la/ yid mngon rgyun ldan yin na rang
rgyud kyi myong bas

@100a @#/ /grub dgos pa'i phyir ro zhes na/ myong bas gru na med
do zhes skur ba 'debs pa mi srid mi dgos te/ gzhan du na/ rgyang
'phen gyi rgyud la pha med par 'dzin pa'i log lta mi srid par
thal/ rgyang 'phen rang nyid kyis pha mngon sum gyis grub

pa'i phyir ro/ /gzhan yang/ dus mtha'i skad cig ma yin pas tshur
mthong gi tshad mas nges mi nus na/ cha shad med pa'i dngos po
yin na/ shin tu lkog gyur yin pas khyab par khas len dgos pa
nyid du 'gyur ro/ /des na yid mngon shin lkog yin pa dang/ skad
cig

ma gcig kho nar skye ba sogs ni/ sgrub byed med pa'i dam bca'
tsam du zad do/ /dbang mngon gyi rgyun mtha' kho nar skye ba'i
shes byed mig byed pa dang ldan pa'i tshe/ gzugs gsal bar snang
ba'i shes pa yin na mig shes las gzhan du mi 'thad ces pa yang
mi

rigs te/ mig byed pa dang ldan pa'i tshe/ rang rgyud kyi ting nge
'dzin gyi shes pa la gzugs gsal bar snang ba so skye dang 'phags
pa gnyis ka la med du yod pa'i phyir ro/ /gzhan dag slob dpon
chos mchog gi yid mngon skye tshul la/ kha dog gi rgyun 'gag

kha ma 'dzin pa'i dbang shes kyi rjes su yang yid mngon skye bar
'gyur/ zhes pa'i thal ba 'phen pa ni gnod byed ma yin te/ slob
dpon chos mchog gis/ yid mngon skye na dbang mngon zhig gi rgyun
'gags pa'i mthar skye bar khas blangs kyi/ dbang sngon rgyun
'gaD

pa thams cad kyi mthar yid mngon skye bas khyab par khas ma
blangs pa'i phyir ro/ /kha cig rgyun mthar skye na de'i gong
du'ang skye bar rigs te/ rgyu la khyad par med pa'i phyir ro
zhes gsungs pa'ang slob dpon chos mchog la gnod byed ma yin te/
'di ltar/ rgyun

@100b mtha' dang rgyun ma rdzogs pa'i gong la rgyu tshogs tshan ma
tshang mtshungs kyang/ 'gal rkyen yod med mi mtshungs te brgyun ma
rdzogs pa'i gong du dbang shes bar ma chad pa byung bas/ yid
mngon kye ba'i go bkag pa'i phyir ro zhes lan gdab par nus pas
so/ /des na snga ma

mang po dag gis 'phags pa'i yul gyi slob dpon rnams kyi 'dod pa
ma rtogs par de dag la dag pa mang du bstan pa dang/ 'dod pa
phyogs mthong tsam longs kyang dag pa phyogs na mi gnas pa mang
du byas snang ngo/ /yang bod kha cig /dbang po'i mngon

sum skad cig dang po ni dbang mngon kho na yin la/ gnyis pa phan
chad yid mngon yin te/ rang gi gzung don gyi skad cig gnyis pa
grogs su yod pa'i dbang shes de ma thag rkyen du byas nas skyes
pa'i yid shes rtog bral ma 'khrul ba'i phyir ro/ /yid shes yin
pa'i rgyu

mtshan bdag rkyen yid dbang las skyes pa'i phyir te/ rang dang
rigs mthun pa'i rnam shes snga ma 'gag kha ma las skyes pa'i
phyir/ bdag rkyen yid dbang las skyes pas yid shes su mi 'grub
na/ dbang po gzugs can las skyes pas kyang dbang shes su mi
'grub par

'gyur ro zhes zer zhing/ rgol ba 'di'i lugs la/ dbang po'i mngon
sum gyi mtshan nyi/ rang gi bdag rkyen dbang po gzugs can pa las
skyes pa'i rtog bral ma 'khrul ba'i shes pa zhes zer to/ /'di ni
mi 'thad de/ 'o na/ dbang mngon skad cig dang po chos can/ khyod

kyang bdag rkyen yid dbang las skyes par thal/ rang gi nyer len
rnam shes snga ma 'gag kha ma las skyes pa'i phyir/ khyab pa
khas blangs/ rtags grub ste/ de ma thag rkyen yid byed snga ma
las skyes pa'i phyir ro/ /'dod na /de chos can /khyod yid mngon
yin

@101a @#/ /par thal/ rang gi bdag rkyen yid dbang las skyes pa'i
rtog bral ma 'khrul ba'i shes pa yin pa'i phyir ro/ /rtags gsal
dngos /ma khyab na/ rang gi bdag rkyen dbang po gzugs can las
skyes pa'i rtog bral ma 'khrul ba'i shes pa

la/ dbang po'i mngon sum yin pas khyab pa 'bud/ de la khyab pa
med na/ bdag rkyen dbang po gzugs can las skyes pa'i shes pa
dbang shes yin na/ bdag rkyen yid dbang las skyes pa'i shes pa
yid shes yin par mtshungs par 'bud/ gzhan yang/ shes bya chos

can/ chos de yid dbang yin cing de las skyes na/ chos de bdag
rkyen du byas pa las skyes pa'i khyab par thal/ rang dang rigs
mthun gyi rnam shes snga ma 'gag kha ma las skyes na/ bdag rkyen
yid dbang las skyes pa'i khyab pa'i phyir ro/ /'dod na/ gtso bo
sems yin na

rang gi 'bras bu thams cad rang gi bdag 'bras yin pas khyab par
'gyur ro/ /de bas na de ma thag rkyen dang bdag rkyen gyi khyad
par ma phyed pa'i blo gros rtsing po'i rnam thar la ngo mtshar ma
byed cig /'di la brjod par bya ba gzhan yod mod kyi/ byed pa
chung ba'i phyir re shig

bzhag go /yang bod kyi mkhas rlom kha cig dang/ rigs gter 'grel
pa mkhan po rnams na re/ dbang po gzugs can gyi skad cig snga ma
las gzugs can gyi skad cig phyi ma skye bas/ rigs 'dra skye ba
bar ma chad pa'i rgyun yod la/ yid kyi dbang po ni/ dbang shes
snga

ma 'gags ma thag pa tsam yin pas/ yid kyi dbang po gzhan las
gzhan mi skye ba'i phyir rgyun med la/ bdag rkyen dbang po gzugs
can la rgyun yod pas dbang shes rgyun bcas yin la/ bdag rkyen
yid dbang la rgyun med pas yid mngon rgyun med yin cing/ des

@101b na dbang mngon las yid mngon nges dka' ba yin no zhes zer
to/ /'di ni ches mi rigs te/ 'di ltar yid dbang las yid dbang
gzhan mi skye ba'i rgyu mtshan du/ yid dbang dbang shes snga ma
'gags ma thag pa tsam yin pa bkod pa la 'brel pa ci yod smros
shig /ci ste

dbang shes snga ma 'gags ma thag pa yin na/ dngos med yin pas
'bras bu skyed mi nus pa'i phyir ro zhe na/ 'o na/ yid dbang
chos can/ khyod dngos med yin par thal/ dbang shes snga ma 'gags
ma thag pa tsam yin pa'i phyir ro/ /rtags khyab dngos/ 'dod na/
yid mngon gyi

bdag rkyen yin pa 'bud/ ma khyab na/ dngos med yin na 'bras bu
skyed nus pa 'bud/ gzhan yang/ yid dbang yin na rnam shes snga
ma 'gags ma thag pa tsam du smras pas/ rdzas su ma grub par khas
blangs la/ de nyid yid mngon gyi bdag rkyen du khas blangs pa'i
phyir/ rdzas

su grub par khas blangs pas nang 'gal gyi ri bo chen po rtsig
par bas so/ /gzhan yang/ rgol ba 'di dag gis dbang sngon dang
yid mngon grangs mnyam du skye bar khas blangs pa dang/ ji skad
brjod pa'i khas len thams cad nang 'gal ba kho na yin te/ dbang
mngon dang yid

mngon grangs mnyam du skye na gcig rgyun bcas dang cig shos
rgyun med yin par 'gal ba'i phyir ro/ /'o na/ 'di dag rigs gter
las/ dbang po gzugs can las dbang skyes/ /des na dbang shes
rgyun bcas yin/ /yid dbang las ni yid dbang min/ /de yi phyir na

de rgyun med/ /ces gsungs pa'i dgongs pa min nam zhe na/ chos
kyi rje la 'di lta bu'i 'khrul pa rags pa ga la srid/ 'dod pa
ngan pa de dag rigs gter rtsa ba'i dgongs pa min pa'i tshul 'og
tu bshad par bya'o/ /yang blun po kha cig /yid kyi mngon sum gyi
mtshan

@102a @#/ /nyid/ /rang gi de ma thag rkyen dbang shes las byung
ba'i gzhan rig gi yid shes rtog bral ma 'khrul ba zhes smras
nas/ yid kyi mngon sum zhes bya ba ni gzhi ma grub bo zhes khas
len par byed do/ /smras pa/ ri bong rwa ltar ma grub kyang/ /de
ma

thag rkyen las byung zhing/ /gzhan rig yin pa yod do lo/ /'di
la'ang rjes su brjod pa yod/ /des na ngan pa'i mun pas khyab/
/rmongs pa blun po'i rjes sgrub cing/ /blo ldan mkhas pa'i legs
bshad sgrogs/ /dngos 'gal 'du ba ma shes pa/ /rigs pa bstan

nas ci zhig bya/ /phyugs ni dbyug pas ma gtogs par/ /bshad pas
lam la gzhug nus sam// //da ni gnyis pa rang lugs bshad par bya
ste/ de la yang/ /mtshan nyid/ dbye ba/ skye tshul/ zhar la yid
dbang ngos gzung ba dang bzhi/ dang po ni/ rang

gi bdag rkyen du gyur pa'i yid dbang las dngos su skyes pa'i yid
shes gzhan rig ma 'khrul ba/ dbye na/ gzugs 'dzin yid mngon sogs
lnga'o/ /skye tshul ni/ dang por dbang mngon skad cig ma gcig
skye la/ de'i rjes su de nyid kyis de ma thag rkyen byas shing/
de dang

dus mnyam pa'i dbang po gzugs can pas bdag rkyen dang/ de'i
gzung don gyi skad cig gnyis pas dmigs rkyen byas pa las dbang
mngon skad cig gnyis pa skye zhing/ de dang dus mnyam du yid
mngon skad cig dang po skye la/ de'i de ma thag rkyen dang dmigs
rkyen/ dbang

shes skad cig gnyis pa dang khyad par med cing/ bdag rkyen ni
dbang mngon skad cig dang po'i dus kyi yid dbang las skye zhing/
dbang po gzugs can las mi skye ba khyad par ro/ /de lta na/ yid
dbang skad cig gnyis pa dang/ dbang mngon skad cig gnyis pa dus
mnyam

@102b pa nas/ mthar gnyis ka yang dus mnyam du 'gag pa'i bar
sngar bzhin shes par bya'o/ /'di bram ze chen po'i bzhed pa yin
zhes snga ma dag la grags pa tsam ma gtogs/ bram ze'i bod du
'gyur ba'i gzhung lugs gang na yang khungs med cing/ rigs gter
gyi

dgongs pa 'di nyid dang mthun par gsal la/ de'ang rigs gter las/
skye tshul 'di la mngon sum 'gros gsum pa zhes pa'i tha snyad
mdzad de/ /de yang dbang yid gnyis dus mnyam du skye ba na phyir
lta don rig gi 'gros gnyis dang/ nang lta rang rig gi 'gros gcig

rnams su yod pas so zhes dgongs pa yin no/ /skye tshul 'di la
'gros du yod brtsis pa la dgos pa chen po yod par mgo bas/ 'gros
du yod brtsi dgos pa'i nges pa med la/ ci nas rtsi na chos rje'i
bzhed pa ltar 'gros gsum du byed pa nyid 'thad par rtogs so/
/kha

cig /bdag rkyen gyi sgo nas brtsis pa'i 'gros dang/ yul gyi sgo
nas brtsis pa'i 'gros dang zhes sogs kyi rnam dbye mang du byed
pa ni/ 'gros kyi rnam dbye ma rtogs pas smra ba dga' ba tsam du
zad de/ 'gros brtsi ba ni don rig mngon sum gyi rgyun 'gro ba
na/ mngon

sum rigs mi 'dra ba ji tsam zhig dus mnyam du 'gro rtsi ba yin
gyi/ yul dang bdag rkyen rdzas ji tsam zhig 'gro dpyod pa ma yin
no/ /bzhi ba zhar la yid dbang ngos gzung ba la/ gzhan dag rnam
shes tshogs drug gang yang rung ba 'gags ma thag pa la 'dod pa ni
gong

du bkag zin la/ 'dir rang gi 'dod pa brjod par bya ste/ de yang
mdzod las/ drug po 'das ma thag pa yi/ /rnam shes gang yin de
yid do/ /drug pa'i rten ni rab bsgrub phyir/ /khams ni bco
brgyad dag tu 'dod/ /ces bshad pa'i lugs ltar na/ yid dbang ni
drug pa yid

@103a @#/ /shes kho na'i rten byed par 'dod kyi/ rnam shes gzhan
lnga skye ba'i go 'byed pa'i cha nas yid dbang mi 'jog la/ de
lta na yang/ rnam shes rigs mi mthun du ma rgyud gcig la cig car
mi skye bar 'dod pas/ yid shes phyi ma skye ba la rnam shes

snga ma tshogs drug ka 'gag dgos par 'dod cing de'i phyir rnam
shes snga ma tshogs drug ka 'gags nas/ yid shes phyi ma skye ba'i
go 'byed pa'i nus pa nyid la yid dbang du 'dod do/ /de bas na/
drug po 'gags ma thag pa yi/ /zhes pa drug ka 'gags pa la 'dod
kyi/ drug

po gang yang rung ba tsam 'gags pa la mi 'dod do/ /'di dag kyang
'gags ma thag pa yid dbang du khas mi len mod/ blangs kyang 'das
pa rdzas grub 'dod pa'i rgol ba yin pas/ rang gi rtsa ba'i grub
mtha' dang 'gal ba'i skyon mi 'byung la/ 'dir ni de ltar khas
blangs na rtsa

ba'i grub mtha' nyams par 'gyur ro/ /rnam shes rigs mi mthun du
ma cig car skye bar 'dod pa dag ni/ 'phags pa thogs med kyis yid
dbang la de ma thag pa'i gnas su gyur pa'i yid shes zhes pa'i
tha snyad mdzad pa ltar/ rang gi de ma thag tu 'byung ba'i rnam
shes

phyi ma'i go 'byed pa'i cha la yid dbang du 'jog la/ de bas na
rnam shes tshogs drug gang yang rung ba gcig 'gag pa la mngon du
phyogs nas kyang/ rnam shes phyi ma skye ba'i go 'byed nus pas
drug ka 'gags pa la mi ltos so/ /don 'di nyid rigs gter gyi'ang

dgongs pa yin la/ des na rnam shes snga ma 'gag pa la mngon du
phyogs nas rnam shes phyi ma skye ba'i go 'byed pa'i cha la yid
dbang du 'jog go/ yid dbang las yid dbang phyi ma mi skye bas
yid dbang rgyun med pa la kho bos ni sgrub byed ma mthong zhing/
gzhung lugs

@103b chen mo dag las/ yid dbang dang gtso bo rnam shes ming gi
rnam grangs su lan mang du bshad pa dang 'gal bar mthong la/
rgyu la rgyun yod med kyis 'bras bu la rgyun yang med du 'gyur
mi dgos na/ yid dbang la rgyun med pas/ yid mngon la rgyun med
par mi 'grub

la/ dgos na yid mngon gyi dmigs rkyen dang de ma thag rkyen la
rgyun yod pas/ yid mngon rgyun ldan du 'gyur dgos shing/ dbang
mngon yid mngon gyi rgyu yin cing rgyun ldan yin la/ yid mngon
la rgyun med do zhes smra ba nyams so/ /yid kyi dbang po'i don
la mkhas

rlom mang po dmus long gzugs la blta ba dang chos mtshungs par
gyur to/ /gsum pa rtsod pa spang ba ni/ yid mngon dang dbang
mngon skad cig phyi ma rnams dus mnyam du skye bar gang gis
'grub ce na/ mtha' gzhan 'gog pa'i rigs pas grub ste/ 'di ltar
yid mngon yin

na rang gi de ma thag rkyen dbang shes las skye bar bshad pa'i
phyir/ dbang mngon skad cig dang po'i phyis skye bar grub cing/
de la'ang dbang mngon skad cig phyi ma rnams rdzogs pa'am/ ma
rdzogs pa'i gnas skabs gang rung du skye bar nges la/ ma rdzogs
pa la spel mar skye ba dang

ma spel par skye ba dus mnyam du skye ba gang rung du nges pa
las/ rgyun mthar skye ba dang spel mar skye ba gnyis gong du
bshad pa'i tshul gyis rigs pas khegs pa'i phyir dang/ dus mnyam
du skye ba'i tshul 'di la gnod byed med pa'i phyir/ gal te gnod
byed med pa ma

grub ste/ 'di ltar/ yid mngon skad cig dang po dang dbang mngon
skad cig gnyis pa rigs mthun du thal/ nyer len gcig las skyes
pa'i phyir ro/ /'dod na/ gang zag gcig gi rgyud la rnam shes
rigs mthun rdzas tha dad pa gnyis dus mnyam du 'byung bar 'gyur

@104a @#/ /la/ da lta na/ gang zag de rgyud tha dad gnyis su thal
bar 'gyur ro zhe na/ 'di ni mkhas pa dag la 'byung ba'i dogs
pa'i gnas yin pas kho bos bshad par bya ste/ 'di ltar nyer len
gcig las skyes bas rdzas rigs mthun par 'grub

kyi/ ldog pa rigs mthun par mi 'grub pa'i tshul gong du brjod zin
la/ ldog pa rigs mthun pa'i rnam shes rdzas tha dad dus mnyam pa
gnyis rgyud gcig la 'byung ba mi 'thad pa yin gyi/ rdzas rigs
mthun pa'i rnam shes gnyis rgyud gcig la dus mnyam du skye ba la

rgyud du mar thal ba'i skyon mi 'byung ste/ gzhan du na/ shes
bya chos can/ lhas byin gyi rgyud kyi sngon 'dzin mig shes skad
cig dang pos dngos su drangs pa'i sngon po nges pa'i yid kyi
rnam rtog dang/ de'i rjes kyi sngon 'dzin mig shes skad cig
gnyis pa rigs mthun du thal/

nyer len rdzas gcig las skyes pa'i phyir/ zhes brjod na ci smra/
rtags khyab khas blangs/ 'dod na/ gang zag gcig gi rgyud la rnam
shes rigs mthun rdzas tha dad pa gnyis dus mnyam du 'byung ba
yod par thal/ 'dod pa de'i phyir/ 'khor gsum khas so/ /sngon
'dzin

mig shes skad cig dang po las sngon po nges pa'i rtog pa dang/
sngon 'dzin mig shes skad cig gnyis pa dus mnyam du skyes pa mi
srid do zhe na/ de lta na/ sngon po la nges pa dngos su 'dren
pa'i mig shes yin na/ rigs 'dra phyi ma mi skyed pas khyab par
thal lo/ /des

na ldog pa rigs mthun pa mig gi rnam shes rdzas tha dad pa gnyis
lta bu/ gang zag gcig gi rgyud la dus gcig tu yod na rgyud du
mar 'gyur ba yin gyi/ rdzas rigs mthun kyang ldog pa rigs chos
mi mthun pa dbang shes dang yid shes lta bu/ gang zag gcig gi

@104b rgyud la dus mnyam du skyes kyang rgyud du mar mi 'gyur
ro/ /yang gal te mngon sum 'gros gsum pa zhes pa'i rnam gzhag de
ni mi 'thad de/ 'di ltar/ rdzas kyi sgo nas dbang mngon dang yid
mngon rdzas tha dad yin pa bzhin du/ de dag myang ba'i rang rig
kyang rdzas tha dad yin pas

'gros bzhir gyur la/ rigs kyi sgo nas myong byed gnyis rang rig
tu gcig pa bzhin du myong bya gnyis kyang don rig tu gcig pas/
'gros gnyis kho nar 'gyur ba'i phyir ro zhe na/ skyon med de/
'gros rtsi ba ni/ de'i tshe mngon sum mi 'dra ba ji tsam zhig dus
mnyam du 'gro

rtsi ba yin pa las/ de'i tshe myong byed gnyis rdzas tha dad
kyang/ ngo bo la rang rig tsam ma gtogs ldog pa rigs mi 'dra
ba'i khyad par med la/ myong bya gnyis don rig tu mtshungs kyang/
gcig dbang shes dang/ gcig yid shes yin pas/ ngo bo la ldog pa
rigs mi

'dra ba'i khyad par chen po yod pa'i phyir dang/ myong byed
gnyis tshad ma'i dbye ba byed pa'i tshe/ sde tshan gcig yin la/
myong bya gnyis de'i tshe sde tshan tha dad pa'i phyir ro/ /gzhan
du na/ tshad ma la mngon sum bzhir dbye ba'i tshul kyang mi 'thad
par thal/ dbang mngon dang

yid mngon gnyis rdzas tha dad pa bzhin du/ de myong byed gnyis
kyang rdzas tha dad pas dbye ba'i sde tshan lngar 'gyur la/ myong
byed gnyis rang rig tu gcig pa bzhin du/ dbang mngon yid mngon
gnyis kyang don rig tu gcig pas/ dbye ba byed pa na sde tshan
gsum du

byed rigs pa'i phyir/ 'khor gsum mo/ /yid kyi mngon sum bshad
zin to// //da ni rang rig mngon sum bshad par bya ste/ de la
yang dgag gzhag spang gsum las/ dang po gzhan lugs dgag pa la/
shes pa thams cad rang gi ngo bo la

@105a @#/ /rang rig tu 'dod pa dgag pa dang/ /rang rig mngon sum
yin na yul med par 'dod pa dgag pa gnyis dang po ni/ kha cig na
re/ shes pa yin na rang gi ngo bo la rang rig

mngon sum yin te/ rang mi rig na yul yang mi rig dgos pa'i
phyir/ de ltar yang/ ci ste rang dngos mi rig na/ /ji ltar gzhan
gyi ngo bo rig /ces gsungs pas so zhes sogs snying po med pa'i
rgyu mtshan dang bcas te smra bar byed do/ /'di ni mi 'thad de/
sgra mi rtag rtogs

kyi rjes dpag tshad ma'i rang gi ngo bo chos can/ khyod sgra mi
rtag rtogs kyi rjes dpag tshad ma'i dngos kyi gzhal bya yin par
thal/ de khyod dngos su 'jal ba'i tshad ma yin pa'i phyir/ ma
grub na/ de khyod rang la rang rig mngon sum yin pa 'bud/ 'dod
na/ de chos can/

khyod rang rgyud ldan gyi gang zag gi blo ngor lkog gyur yin par
thal/ khyod rang rgyud ldan gyi gang zag gi rjes dpag tshad ma'i
dngos kyi gzhal bya yin pa'i phyir/ rtags khas blangs so/ /'dod
na/ rang blo rang la lkog gyur tu 'gyur ro/ /gzhan yang/ rjes
dpag

tshad ma de chos can/ khyod rtog bral du thal/ gzung yul rang
mtshan gsal bar snang ba'i shes pa yin pa'i phyir/ ma grub na/
rang gi ngo bo rang mtshan mngon sum du snang ba'i shes pa yin pa
'bud/ gzhan yang/ shes bya chos can/ shes pa rang gi ngo bo
gzhal

bya/ rang nyid tshad ma/ rang rig 'bras bur byas pa'i tshad 'bras
kyi rnam gzhag 'thad par thal/ shes pa yin na rang nyid rang gi
ngo bo la rang rig mngon sum yin pas khyab pa'i phyir/ ma khyab
na/ gzung rnam gzhal bya/ 'dzin rnam tshad ma/ rang rig 'bras bur
byas

@105b pa'i tshad 'bras kyi rnam gzhag kyang 'thad par gang gis
sgrub sems shig /'dod na/ 'dzin rnam gzhal bya gzung rnam tshad
ma/ rang rig 'bras bur byas pa'i tshad 'bras kyi rnam gzhag kyang
'thad par thal/ 'dod pa de'i phyir/ khyab ste/ shes pa rnams kyi
rang gi ngo bo ni

gtso cher shes pa de dang de'i 'dzin rnam myong ba gsal rig gi
chal? brjod pa yin la/ shes pa de dang de'i gzung rnam ni shes
pa de dang de nyid la brjod par/ gong du rigs pas legs par
bsgrubs zin pa'i phyir ro/ /gzhan yang/ shes bya chos can/ sgra
rtag 'dzin

gyi log shes des kho rang gi ngo bo log shes yin pa mngon sum du
'dzin par thal/ des kho rang gi ngo bo mngon sum du 'dzin pa
gang zhig /kho rang gi ngo bo dang kho rang log shes yin pa
rdzas cha so sor dbyer med pa'i rdzas gcig yin pa'i phyir/ 'dod
na/ sgra tog 'dzin gyi

shes pa chos can/ khyod log shes min par thal/ khyod sgra rtag
'dzin gyi shes pa log shes su 'dzin pa'i blo yin pa'i phyir/
gzhan yang/ sgra mi rtag rtags kyi rjes dpag tshad ma chos can/
khyod rang gi ngo bo khyod kyi yul min par thal/ khyod nges shes
gang zhig /

khyod kyis khyod rang gi ngo bo ma nges pa'i phyir/ ma khyab na/
nges pa rnams kyi ma nges pa/ /de ni ji ltar de yul yin/ /zhes
pa'i gzhung dang 'gal/ 'dod na dngos/ ma nges pa ma grub na/
khyod de la nges shes yin par thal/ khyod de nges pa'i rtog pa
yin pa'i phyir/ 'dod

na/ khyod de la mngon sum yin pa 'bud/ gzhan yang/ shes pa thams
cad kyis rang gi ngo bo yul du byed na/ rigs pa can pas bde ba
dbang mngon gyis 'jal bar khas blangs pa la/ dbang po'i sems ni
nges phyir dang/ zhes dbang mngon phyi rol kho na'i yul can du
 
@106a @#/ /nges pas/ bde ba yul du byed pa mi 'thad do zhes
gsungs pa mi rigs par 'gyur ro/ /de bas na phyogs 'di ni ma
brtags pa'i bab tsal yin mod kyi/ gnod byed mtha' yas pa bstan
du yod kyang/ mnges par 'gyur bas 'dir

de tsam las ma spros so/ /yang kha cig na re/ rang ma rig na
gzhan mi rig pas/ shes pa thams cad rang gi ngo bo la rang rig
yin la/ 'on kyang rang rig mngon sum ma yin no zhes zer to/ /'di
ni de bas kyang ma brtags pa'i gtam yin te/ shes pa des

kho rang gi ngo bo rang la lkog tu gyur pa'i tshul gyis rtogs
sam/ 'on te mngon du gyur pa'i tshul gyis dngos su rtogs sam/ de
ste shugs la rtogs/ rang nyid rang la lkog gyur dang shugs rtogs
su smra ba ni/ smras pa tsam nas ma tshang rdzogs pa'i gtam yin

pas; skyon bstan mi dgos la/ mngon du gyur pa'i tshul gyis dngos
su rtogs na/ de la mngon sum ma yin pa 'bud/ yang kha cig na re/
shes pa thams cad rang gi ngo bo la rang rig mngon sum yin
kyang/ des rang rig mngon sum yin par mi 'gyur ro zhes

zer to/ /'di yang ma brtags pa ste/ rang rig mngon sum gyi don/
shes pa rang nyid kyis rang gi ngo bo rig pa sogs la byas nas/
des rang rig mngon sum gyi go mi chod par khas blangs na/ rang
rig mngon sum yin min gnyis kar du khas blangs par e

'gyur legs par smos shig /gzhan yang/ shes bya chos can/ yul
gcig la rjes dpag yin pas rjes dpag yin pa'i go mi chod par
thal/ yul gcig la mngon sum yin pas mngon sum yin pa'i go mi
chod pa'i phyir/ rtags khas/ 'dod na/ sgra

@106b mi rtag rtogs kyi rjes dpag yin pas kyang rjes dpag yin
par sgrub mi nus pa nyid du 'gyur ro/ /gzhan yang/ rang gis rang
ma rig na/ rang gis gzhan mi rig dgos na/ khos rang mi 'jal na
gzhan mi 'jal dgos par thal lo/ /'dod na/ tshad ma yin na rang la
tshad ma

yin pas khyab par thal lo/ /ci ste rang dngos mi rig na/ /ji
ltar gzhan gyi ngo bo rig /ces pa ni/ rang gi ngo bo 'dzin rnam
gyis ma rig na/ rang gis gzhan mi rig par ston pa yin gyi/ rang
gis rang mi rig na/ rang gis gzhan mi rig par ston pa ni ma yin
no/ /gnyis

pa rang rig yul med du 'dod pa dgag pa ni/ mkhas par rlom pa kha
cig na re/ rang rig mngon sum ni/ rang la rig bya rig byed gnyis
su byas pa'i rang rig ma yin gyi/ bem po las log nas rig par
skyes tsam de nyid yin no/ /de ltar yang rigs gter las/ rang

rig bem po ldog tsam yin/ /zhes gsungs so/ /des na rang rig
mngon sum thams cad la yul med do/ /gal te/ rang rig gis rang
rig na/ sgron med de sgron me dang gsal bya gsal byed yin par
thal/ rang rig de rang rig dang rig bya rig byed yin pa'i phyir/
de ltar yang

rnam 'grel las/ ji ltar de yi bdag nyid phyir/ /gsal byed rab tu
gsal ba dang/ /rang gi ngo bo gsal byed 'dod/ /ces gsungs so/
/zhes skad gsang sa ? mthon pos smra bar byed do/ /'di ni rang
tshig 'gal ba dang/ rang la yang thal ba mtshungs pa sogs gnod
byed rgyud mar

'bab pa'i gzhi rab tu yangs pa gcig ste/ 'dir yang phyogs mtshon
tsam brjod na/ rigs gter gyi/ mi slu ma shes don gsal gnyis/
/rang mtshan rtogs par don la mthun/ /zhes pa'i dgongs pa 'grel
pa na/ mdor na/ rang gi gzhal bya rang mtshan la gsar du mi slu

@107a @#/ /ba'i shes pa nyid tshad ma'i mtshan nyid yin no/ /zhes
khyod rang nyid kyis smras nas/ slar yang khyod kyis rang rig
mngon sum tshad ma thams cad la gzhal bya med par smra ba 'di/
khas blangs dngos su 'gal ba ji ltar min legs par

smos shig /gzhan yang/ tshad ma yin na gzhal bya 'jal bas khyab
pa'i phyir/ rang rig mngon sum tshad ma thams cad yul med par
smra ba ni/ tshad ma slu med can shes pa/ /zhes pa la sogs pa'i
gzhung lugs thams cad las phyi rol tu gyur pa yin no/ /shes

bya chos can/ sgron me la gsal bya med par thal/ rang rig la yul
med pa'i phyir/ 'khor gsum la lan med do/ /gzhan yang/ shes bya
chos can/ gzung rnam gzhal bya/ 'dzin rnam tshad ma/ rang rig
'bras bur byas pa'i tshad 'bras kyi rnam gzhag mi 'thad

par thal/ rang rig yin na/ gzhal bya med pas khyab pa'i phyir/
'di la lan 'debs tshul 'di ltar byed de/ shes bya chos can/ sel
ngor yin na yin dgos par thal/ de lta bu'i rnam gzhag 'thad na
gzung rnam 'dzin rnam gyi yul yin dgos pa'i phyir/ des na

gzung rnam 'dzin rnam rang rig gsum tha dad yin pa mi 'thad pas
de 'dra'i tshad 'bras kyi rnam gzhag kyang mi 'thad la/ 'on kyang
de dag tha dad du snang ba'i blo 'khrul ba'i ngor de lta bu'i
rnam gzhag mdzad pa tsam yin no/ /gzung 'dzin rig gsum tha dad
yin pa'ang mi

'thad de/ shes bya chos can/ sgyu ma mkhan gyi sngags rdzas kyis
bslad pa'i mig can la/ sgyu ma'i rta glang sogs snang ba de'ang
rta glang sogs yin par thal/ blo gcig gi gzung 'dzin rig gsum
tha dad yin pa'i phyir/ ma khyab na/ de dag dpe don du sbyar nas
bshad

@107b pa mi 'thad par thal lo/ /dpe don du gzhung gang gis sbyar
na/ /blo bdag rnam par dbyer med kyang/ zhes sogs kyis sbyar ro
zhes zer to/ /de la 'di 'dri bar bya ste/ de gnyis dpe don du
sbyar ba sel ngor yin nam snang ngor yin/ phyi ma ltar na/ dpe
don gyi rnam gzhag snang

ngor yin na/ chad 'bras kyi rnam gzhag sel ngor yin pa 'bud/ dpe
don du sbyar ba sel ngor yin no zhe na/ shes bya chos can/ sel
ngor yin na yin dgos par thal/ dpe don du de ltar sbyar ba 'thad
na/ gzung 'dzin rig gsum tha dad ma yin dgos pa'i phyir/

'khor gsum la lan med do/ /gzhan yang/ 'dzin rnam dang gzung
rnam tha dad yin pa blo 'khrul pas btags pa yin pa'i rgyu mtshan
gyis/ 'dzin rnam yul med du 'dod pa 'di shes pa thams cad kyi
yul la skur pa 'debs par zad de/ ? shes bya chos can/ rtag

pa thams cad la yul med ? par thal/ rtog pa rnams la phyi rol
lta bur snang ba ni blo 'khrul pas btags pa tsam yin pa'i phyir/
sems tsam pa ltar na/ sngon 'dzin mig shes yul med du thal/
sngon 'dzin mig shes dang de la snang ba'i sngon po tha dad yin
pa blo 'khrul pas

btags pa tsam yin pa'i phyir/ 'dod na/ sems tsam pa'i lugs la
gzhan rig thams cad yul med du mtshungs pas/ shes pa yin na yul
med yin pas khyab dgos par 'gyur ro/ /de lta na/ tshad ma yin na
gzhal bya med dgos pas gzhal bya yin na tshad mas

ma dmigs dgos par 'gyur la/ de'i phyir gzhal bya yin na med dgos
par 'dod pa'i grub mtha' 'bad nas khas len dgos par 'gyur ro/
/gzhan yang rang rig rdzas grub tu khas blangs nas/ de dang
gzung rnam tha dad ma yin par khas blangs shing/ sde bdun gyi

@108a @#/ /dgongs pa rnam rdzun du gnas so zhes khyod rang gis/
rigs gter gyi dgongs pa 'grel pa na/ zhe nas dam bcas pa 'di dag
kyang nang 'gal shin tu chen po yin te/ rnam rdzun pa ltar na
rnam pa rnams sgro btags su 'dod dgos

pas; blo gcig gi gzung rnam yin na kun rdzob bden par 'dod dgos
la/ rang rig rdzas su grub na don dam bden par 'dod dgos shing/
gcig kun rdzob yin pa dang cig shos don dam yin na tha dad yin
dgos pa'i phyir/ yang khyod kyis tshad 'bras kyi rnam

gzhag byed pa'i skabs su/ /sde bdun gyi dgongs pa mthar thug
rnam rdzun par dngos su smras shing/ rnam rdzun pa'i lugs la/
gzung

rnam sgro btags gzhal bya/ de 'dzin pa'i rnam pa tshad ma/ de
'dzin pa'i rang rig btags pa ba 'bras bur 'dod do zhes smras
pas/ sde bdun rang lugs la rang rig tshad ma med par khas blangs
pa yin la/ rang rig mngon sum gyi rnam gzhag byed pa na/ bem po
las

log nas rig par skyes tsam de nyid/ rang rig mtshan nyid par rang
lugs la khas blangs pa dngos su 'gal ba ji ltar min/ gzhan yang/
dran pa yul med yod par thal/ rang rig yin na/ yul med pas khyab
pa'i phyir/ 'di la khyab pa med na/ dran pa'i rtags

kyis rang rig sgrub pa 'di/ rang rig gis myong ba'i yul rjes kyi
dran shes kyis dran dgos pa'i rgyu mtshan gyis ma yin na/ gzhan
'brel ci yod rigs pa mkhyen pa khyod kyis smros shig /gzhan yang
gzung 'dzin rig gsum tha dad du phye ba sel ngo'i rnam gzhag

@108b yin pas/ de gsum tha dad yin pa mi 'thad do zhes smras pas
ni/ sel ngo'i rnam gzhag yin na mi 'thad dgos par khas blangs
pas/ kun rdzob bden pa yin na gzhi ma grub pas khyab par khas
blangs pa yin la/ de'i phyir don dam bden pa rtogs pa'i nus pa
med par khas

blangs pa yin te/ tha snyad bden pa la ma brten par don dam bden
pa rtogs mi nus par/ rgyal ba dang rgyal ba'i ring lugs pa dag
gis mthun par gsungs shing/ tha snyad bden pa yin na gzhi ma
grub par khas blangs pa'i phyir ro/ /de bas na phyogs 'dis 'khor
'das

dang kun byang gis bsdus pa'i chos thams cad la skur pa btab
pa'i phyir/ chos 'di pa'i zol gyis rgyang 'phen gyi ring lugs
gsal bar byas pa yin no/ /da ni gnyis pa rang lugs bshad par bya
ste/ de yang shes pa thams cad la rang gi ngo bo myong ba gsal
rig

gi cha dang/ rang yul gyi rnam pa shar ba'i cha gnyis gnyis yod
pa yin la/ dang po la 'dzin rnam zhes bya zhing/ mdo sems gang
gi lugs la yang/ de nyid rang rig mngon sum gyi mtshan gzhir 'dod
pa yin la/ phyi ma la gzung rnam zhes bya zhing/ de nyid rang
rig

mngon sum gyis myong byar 'dod pa yin no/ /de bas na 'dzin rnam
la rang rig ces pa'i tha snyad 'jug pa'i don/ shes pa rnams kyi
myong ba gsal rig gi cha nyid yin pa la dgongs nas/ rigs gter
du'ang/ rang rig bem po log tsam yin/ /zhes gsungs

pa yin gyi/ bem po las log nas rig par skyes tsam rang rig gi
'jog byed min pas/ rang rig la yul med do zhes ston pa ma yin
la/ gzhan du na/ rig par skyes pa'i rtags kyis yul med par sgrub
nus par 'gyur bas/ rig pa yin pas yul mi rig

@109a @#/ /pa dang/ yul yin na blos mi rig par sgrub dgos par
'gyur bas/ phyin ci log gi lugs 'ba' zhig snying por 'dzin pa'i
rgud pa thob par 'gyur ro/ /bye brag smra ba'ang shes pa rnams
kyi myong ba gsal rig gi cha de lta bu khas len

mod kyi/ 'on kyang de rang rig tu khas mi len pa yin la/ de'i
rgyu mtshan yang shes pa rnam med du khas len pas/ gzung rnam
zhes bya ba cung zad kyang khas mi len la/ de'i rgyu mtshan gyis
shes pa rnams kyi myong ba gsal rig gi cha rang rig tu khas mi
len pa yin te/ rig

bya med pa'i rang rig dang/ myong bya med pa'i myong byed mi
'thad snyam du bsams pa yin no/ /de bas na shes pa rnam bcas su
khas len pa dag gis gzung rnam yod par grub cing/ de nyid shes
pa'i myong ba gsal rig gi cha las don gzhan ma yin par grub pa
na/ rang

rig bde blag nyid du 'grub par 'gyur bas/ tshul gnyis pas kyang
rang rig grub/ ces gsungs pa yin no/ /de ltar ma yin par shes pa
gsal rig gi cha rang rig yin kyang yul rig mi dgos na/ gzung
rnam med par khas len pa dang rang rig yod par khas len pa

la 'gal ba med par 'gyur zhing/ gzung rnam grub pas rang rig
grub dgos pa'i 'brel pa ci yod/ shes ldan dag gis smos shig /des
na shes pa rnams kyi myong ba gsal rig gi cha ni myong byed
dang/ shes pa de dang de'i gzung rnam ni myong bya yin la/ don
'di la mkhas

pa rnams rang rig ces smra bar byed do/ /de yang mdo sde pa dag
ni/ rang gi bdag nyid du gyur pa'i yul rig pa'i mngon sum yin
pa'i phyir/ rang rig mngon sum zhes 'dod la/ sems tsam pa ni/
rang dang gnyis su med pa'i tshul gyis yul de rig pa'i mngon sum
yin pa'i

@109b phyir; rang rig mngon sum zhes brjod kyi/ rang gi bdag
nyid du gyur pa'i yul rig pas/ rang rig tu mi 'jog ste/ sngon po
yang sngon 'dzin mngon sum gyi bdag nyid du 'dod kyang/ sngon
'dzin mig shes sngon po la gzhan rig yin pa'i phyir ro/ /des na
mdo sde pa/ rang rig gzhan

rig gi khyad par yul de rang las don gzhan yin min gyi sgo nas
'jog la/ sems tsam pa/ yul de 'dzin pa na gnyis snang yod med
kyi sgo nas 'jog go /tshul des na mdo sde pa dang sems tsam pa
gnyis rang rig mngon sum gyi mtshan nyid kyang mi 'dra bas/

mdo sde pa ltar na/ rang rig mngon sum gyi mtshan nyid/ rang gi
bdag nyid du gyur pa'i yul dngos su rig pa'i rtog bral ma 'khrul
ba'i shes pa/ sems tsam pa ltar na/ rang rig mngon sum gyi mtshan
nyid/ rang gi gzung yul gnyis snang dang bral ba'i tshul gyis
dngos

su rtogs pa'i rtog bral ma 'khrul ba'i shes pa/ zhes sogs so sor
phye ste smra bar byed do/ /de nyid kyis na shes pa rnams kyi
ngo bo rang rig yin no zhes bya ba dang/ shes pa rnams rang rig
dang bcas pa'o zhes smra bar bya'o/ /shes pa rnams ngo bo la
rang rig pa'o zhes

bya ba dang/ shes pa rnams rang rig yin no zhes ni smra bar mi
bya'o/ /de ltar rang rig pa'i gzung bya shes pa'i gzung rnam
zhes brjod pa gang yin pa de yang/ shes pa de nyid la brjod pa
yin la/ rnam pa shar ba'i don rnam par skyes pa nyid la brjod pa
yin gyi/ yul

dang shes pa'i bar na rnam pa rib ma lta bu yod pa min no zhes
sngar rigs pas legs par gtan la phab zin pa de nyid/ mdo sems
gnyis ka'i grub pa'i mtha' yin la/ de'i phyir rtog ge 'bar ba'i
rnal 'byor spyod pa'i de kho na nyid la 'jug pa'i le'ur/ shes

@110a @#/ /pa rnam bcas su khas len pa'i dngos smra ba dag gi
'dod pa brjod pa na/ 'di ltar gsungs ste/ gzung ba dang 'dzin pa
gnyis kyi rnam par shes pa 'jug pa na/ gzugs la sogs pa yul sna
tshogs kyi rnam pa snang ba rab tu skyes te/ de'i

rnam pa sna tshogs rab tu snang ba de yang gang zhe na/ rnam par
shes pa yul gyi rnam par yongs su gyur pa gang yin pa'am/ zhes
gsungs so/ /gsum pa rtsod pa spang ba ni/ shes pa kun rang gi
ngo bo la mngon sum ma yin na/ rang gi ngo bo sgro don min/ /de
phyir de la

kun mngon sum/ /zhes pa dang 'gal lo zhe na/ gzhung de'i don ni/
shes pa rnams kyi rang gi ngo bo ni sgra don min gyi/ don rang
mtshan yin la/ de'i phyir de la myong byed du 'jug pa'i tshad ma
kun de la mngon sum yin no zhes bya ba'i don yin gyi/ shes pa
kun rang gi

ngo bo la mngon sum yin no zhes bya ba'i don ma yin no/ /kha cig
rtog pa rtog pa la shes pa'am bem po gang yin/ gang yang min na
rtog pa la dngos po ma yin par 'gyur ro/ /shes pa yin na rang
rig gam/ gzhan rig gang rung du 'gyur ba las/ gzhan rig yin par
mi

'thad pa'i phyir/ de de la rang rig tu khas len dgos so zhes zer
to/ /'di ni mi mkhas pa blo gros rab tu cing ? ba dag gi dpyod
pa'i tshul te/ dngos po la'ang bem rig gnyis su ma nges so zhes
sngar bshad zin la/ shes pa yin na rang rig gzhan rig gang rung
yin dgos

la; de la shes pa yin na de la rang rig gzhan rig gang rung yin
dgos pas ma khyab po zhes sngar mang du bshad zin pa las shes
par bya'o/ /mi mkhas pa dag gi log pa'i phreng ba mtha' yas
shing/ byed pa chung ba'i phyir dgag sgrub rgyas par mi spro 'o/
? /'dir smras

@110b pa; ji srid mig ldan skye bos ma dpyad pa/ /de srid dmus
long brgya yis rab dpyad kyang/ glang chen gzugs la log pa'i tha
snyad brgya/ / kun nas 'dogs pa'i mu chor ? 'phel ba tsam/ /de
bzhin blo gros gsal ldan kho bo yis/ legs par ma dpyad de srid
gnas 'di la/ /

khengs ldan mkhas rlom brgya yis rab dpyad kyang/ /log pa'i tha
snyad spel ba kho nar bas/ /bar skabs kyi tshigs su bcad pa'o/
/rang rig mngon sum legs par bshad zin to// //da ni bzhi ba rnal
'byor mngon sum bshad par bya ste/ de la yang mtshan

nyid dbye ba rnam gzhag dang gsum/ dang pa ni/ bdag rkyen ting
nge 'dzin la brten nas rang yul bden pa'i rnam pa mngon sum du
rtogs pa'i ye shes/ gnyis pa dbye ba ni/ nyan thos dang rang
sangs rgyas dang/ theg chen gyi rnal 'byor mngon sum mam/ mthong
lam

sgom lam/ mi slob lam gyis bsdus pa'i rnal 'byor mngon sum mo/
/sbyor lam ni rnal 'byor mngon sum ma yin no zhes kho bos phyogs
gzhan du lung dang rigs pa'i sgo nas bshad zin to/ /gsum pa rnam
gzhag gtan la dbab pa la/ yul bden pa bzhi spyir bshad pa dang/

bdag med pa'i rnam pa bye brag tu bshad pa gnyis dang po la/
bden bzhi'i ngo bo/ grangs dang/ go rims nges pa dang gsum/ dang
po ni/ rgyas par bshad na/ sdug bsngal bden pa la/ ma dag pa'i
snod bcud kyi 'jig rten mtha' dag gis bsdus pa'i sgo nas mtshan
gzhi rgya cher bshad

du yod kyang/ 'dir zag bcas nyer len gyi phung po kho na sdug
bsngal bden pa'i mtshan gzhir dngos su smos pa ni/ gang sdug
bsngal gyi rang bzhin du ma shes na 'khor ba la 'dor bar 'dod
pa'i nges 'byung dang/ thar pa don gnyer gyi blo rnal ma skye
ba'i thabs med cing/ gang
 
@111a @#/ /sdug bsngal gyi rang bzhin du shes pa las 'khor ba
la 'dor 'dod dang gis 'byung ba ni/ 'du byed kyi sdug bsngal
nyer len gyi phung po 'di nyid yin pas/ de'i phyir gtso bor
rnal 'byor nyams su len pa'i dbang du byas te/ sdug bsngal
bden pa'i

mtshan gzhi 'dzin pa na/ sdug bsngal 'khor ba can phung po/
zhes gsungs so/ /de yang nyer gyi phung po gtsang bde rtag
bdag tu sgro 'dogs pa'i gnyen por/ sgom par bya ba sdug bsngal
bden pa'i rnam pa bzhi ste/ skad cig re re zhing 'jig pa'i
phyir mi rtag pa dang/ las

dang nyon mongs pa'i gzhan dbang du gyur pa'am/ 'phags pa
rnams dang mi mthun pas sdug bsngal ba dang/ rang las don
gzhan du gyur pa'i bdag dang bral bas stong pa dang/ rang gi
ngo bo bdag dang bral bas bdag med pa ste bzhi po 'di dag go/
/sdug bsngal bden

pa'i rnam bzhi po 'di dag tshang bar tshad mas gtan la phebs
pa'i sgo nas ma rtogs na/ thar pa don gnyer gyi blo mtshan nyid
pa rdzogs par mi skye ste/ 'di ltar/ sdug bsngal du rtogs pas
'khor ba las 'bral 'dod skyes kyang/ mi rtag par ma rtogs na
phung po dang 'bral nges

su mi rtogs pas phung po la sred pa 'gog mi nus la/ bdag med
ma rtogs na dbang sogs bdag gi ba la sred pa dang gis 'dren
pas/ mi rtag pa dang sdug bsngal du rtogs pa'i sgo nas phung
po tsam la 'brel 'dod kyi blo skyes pa ltar snang yang/ bdag
'dzin des

bdag gi bde ba sgrub byed zag bcas kyi khyad par 'ga' zhig la
don gnyer gyi blo nges par 'dren pa yin no/ /des na mi rtag
par rtogs pas 'bral nges su shes shing/ sdug bsngal du rtogs
pas 'bral 'dod skyes kyang/ zag bcas kyi dngos po mtha' dag la
'dun

@111b pa log pa'i thar pa don gnyer mtshan nyid chod pa ? skye
ba la/ sdug bsngal bden pa'i rnam pa rang gzhan gyi bdag dang
bral ba nyid shes dgos so/ /kun 'byung gi bden pa ni/ 'khor
ba'i rtsa ba bdag tu 'dzin pa dang/ de'i dbang gis byung ba'i
'dod chags la sogs pa rnams dang/

nyen mongs pa'i dbang gis bsags pa'i las de thams cad kyang
kun 'byung gi bden pa zhes bya ba yin te/ zag bcas kyi dngos
po gang rang 'bras sdug bsngal gyi rgyur gyur pa yin pa'i
phyir ro/ /de bas na/ mi shes srid pa'i rgyu yin kyang/ /ma
brjod srid pa nyid bshad pa/ /

rgyun ni 'phan par byed phyir dang/ /de ma thag phyir las
kyang min/ /zhes bshad pa na/ me shas srid pa'i rgyu yin kyang
rab skye dang rkyen gyi rnam pa ston pa'i skabs 'dir dngos su
ma brjod par sred pa kho na dngos su ston pa dang/ las kyang
sdug bsngal gyi rgyu yin kyang skabs der dngos

su ma brjod par sred pa kho na dngos su ston pa'i rgyu mtshan/
rgyun ni 'phen par byed phyir dang/ /de ma thag phyir/ zhes
ston pa yin gyi/ mi shas pa dang las kun 'byung bden par ma
brjod ces ston pa ma yin te/ skabs gzhan du/ bdag yod na ni
gzhan du shes/ zhes sogs dang/

de phyir grol 'dod thogs med pa'i/ /zhes sogs gzhung gi tshe du
mas nyon mongs dang de grogs su yod pa'i las 'khor ba'i rgyur
lan mang du bshed pa'i phyir ro/ /'di'i don ma rtogs par/ rnam
'grel du/ 'dod sred 'jig sred srid sred gsum po kho na kun
'byung bden par

bstan cos smra ba dag gis/ sdug bsngal gyi rgyu phal mo chal
skur ba 'debs par zad do/ /de yang sdug bsngal rgyu med du
'dzin pa dang/ rgyu gcig pu kho nar 'dzin pa dang/ sgra'i
tshangs pa 'gyur bas byas par 'dzin pa dang/ dbang phyug sogs
kyi blo sngon du btang nas byas par

@112a @#/ /'dzin pa ste/ sgro 'dogs bzhi po de ldog pa'i phyir
du bstan pa kun 'byung bden pa'i rnam pa bzhi ste/ sdug bsngal
gyi ngo bo skyed pas rgyu dang/ sdug bsngal rdzas rigs kun gyi
'byung khungs su gyur bas kun 'byung dang/ sdug bsngal

drag tu skyed bas rab skye dang/ sdug bsngal ba rgyud mar lan
mang du skyed pas rkyen gyi rnam pa dang bzhi'i/ /'gog pa'i
bden pa ni/ lam bden gyis spang bya'i sa bon ci rigs par
spangs pa'i bral ba yin la/ de la yang thar pa gtan med du
'dzin pa dang/ nyon

mongs ma spangs pa'i zag bcas kyi khyad par 'ga' zhig thar par
'dzin pa dang/ sdug bsngal 'gags pa las lhag pa'i thar pa yod
par 'dzin pa dang/ ri shig thar kyang gtan du thar pa med par
'dzin pa'i sgro 'dogs bzhi'i gnyen por bsten par bya ba

'gog pa'i bden pa'i rnam pa bzhi ste/ 'di ltar/ sdug bsngal
spangs pas 'gog pa dang/ nyan mongs spangs pas zhi ba dang/
'di las ma chog tu gyur ba gzhan med pas gya nom pa dang/ de
thob nas slar mi ldog pas nges 'byung gi rnam pa dang

bzhi'o/ /lam gyi bden pa ni/ rang gi ngo skal gyi spang byar
gyur pa'i dri ma'i sa bon dngos su spong pa'i gnyan po bar
chad med lam dang/ de'i spangs pa la dbang byed pa rnam grol
lam dang gnyis kyis bsdus pa'i 'phags pa'i ye shes rnams yin
la/ de la yang

thar lam gtan med du 'dzin pa dang/ bdag med rtogs pa'i shes
rab thar lam ma yin par 'dzin pa dang/ de yul gyi gnas lugs la
log par bzhugs par 'dzin pa dang/ des sdug bsngal gtan nas zad
par byed mi nus par 'dzin pa'i phyin ci log

@112b bzhi'i gnyen por bsgom par bya ba lam gyi bden pa'i rnam
pa bzhi ste/ 'di ltar/ bgrod par byed pa'i don gyis na lam
dang/ /nyon mongs pa'i gnyen po byed pa'i don gyis na rigs pa
dang/ sems phyin ci ma

log par sgrub pa'i don gyis na sgrub pa dang/ rtag pa'i gnas
su gdon mi za bar phyin par byed pa'i don gyis na nges 'byin
gyi rnam pa dang bzhi'o/ /rtag pa'i gnas zhes pa ni slar mi
ldog pa'i gnas kyi don to/ /mi slob lam ni lam bden gyi 'bras
bu yin gyi/ lam bden

dngos ma yin te/ de yin na lam yin dgos la/ de lta na bgrod
byed yin dgos la/ de lta na sangs rgyas kyis las gong na'ang
'grod bya yod par thal bar 'gyur ro/ /tshogs sbyor ni lam bden
ma yin te/ spang bya'i sa bon gyi dngos gnyen du gyur pa'i
tshogs sbyor bar chad

med lam mi srid pa'i phyir/ des na lam bden mtshan nyid pa ni
mthong lam dang sgom lam kho na'o/ /kha cig /so sor brtags
'gog gi mtshan nyid/ 'gog pa gang zhig /de bzhin nyid la dmigs
pa'i blos spang bya spangs pa'i char gyur pa zhes smras nas/
slar yang

'gog bden yin na/ 'dus byas yin dgos par khas len pa'ang
mthong ngo/ /'o na/ mthong lam gyis mthong spang gi sa bon
spangs pa'i cha chos can/ khyod so sor brtags 'gog yin par
thal/ khyod 'gog pa gang zhig/ de bzhin nyid la dmigs pa'i
blos spang

bya spangs pa'i char gyur pa yin pa'i phyir/ 'dod na/ khyed
'dus byas su thal/ 'dod pa de'i phyir/ rtags khyab khas/ 'dod
na/ med dgag ma yin par thal lo/ /de bas na so sor brtags 'gog
yin na/ med dgag yin dgos pa'i phyir/ de yin na 'dus byas yin

@113a @#/ /dgos par smra ba ni/ rang nyid mang du thos pa ma
yin par ston pa tsam du zad la/ 'phags pa'i yul gyi grub pa'i
mtha' smra ba'i sangs rgyas pa la na/ 'gog bden rdzas grub tu
'dod pa bye brag smra ba ma yin pa med la/ de yang rtag

pa'i rdzas su 'dod kyi mi rtag pa'i rdzas su mi 'dod cing/ mdo
sde pa ni 'dus ma byas nam mkha' mo gsham gyi bu bzhin rdzas
su ma grub la/ so sor brtags 'gog dang brtags min gyi 'gog pa
gnyis kyang de dang mtshungs par rdzas su ma grub po zhes 'dod
pa

yin te/ ji skad du/ nam mkha' mo gsham bu dang mtshungs/ /'gog
pa dag kyang nam mkha' bzhin/ /'du byed bem po yod ma yin/
/dus gsum rjes 'gro dag kyang med/ /thegs pa med pa'i gzugs
yod min/ /zhes pa mdo sde pa yi rig /ces gsungs

pas so/ /khyed rang gis kyang gzhung 'di sgra ji bzhin du khas
blangs pas/ khas blangs dngos su 'gal ba'ang yin no/ /'gog
bdan lam gyi 'bras bur bshad pa ni/ lam la brten nas 'gog pa
mngon du byed dgos kyi/ lam la ma brten par mngon du byed

mi nus pa la dgongs pa yin gyi/ me du bzhin du ngo bo sngar
med gsar du skyed pa'i rgyu 'bras ma yin no/ /rtag pa rang
byung gi tshad ma med par bshad kyang/ 'gog bden tshad ma yin
par su yang mi 'dod pas skyon med do/ /'di la brjod par bya ba
mang yang

re shig bzhag go /gnyis pa grangs nges ni/ ci'i phyir bden pa
bzhir grangs nges zhe na/ kun nas nyon mongs kyi phyogs la
spang bya rgyu 'bras gnyis su nges la/ rnam byang gi chos
thams cad blang bya rgyu 'bras su des pa'i phyir dang/ blang
dor byar ba'i gzhi thams

@113b cad kun byang ? gnyis su nges pa'i phyir ro/ /go rims
nges pa'i tshul ni/ gzhung lugs dag nas 'byung ba'i go rims
nges pa'i tshul la/ rgyu 'bras don gyi rim pa dang/ nges dka'
sla'i rim pa dang/ bshad pa'i rim pa dang rtogs pa'i rim pa
dang/ dman mchog dang

mchog dman gyi rim pa dang/ skye ba'i dus kyi rim pa sogs mang
du yod pa las/ 'dir ni yul can mngon par rtogs pa skye ba'i
rim pa bzhin bstan pa yin te/ 'di ltar thar ba don gnyer gyi
blo skye ba na/ dang por 'khor ba 'di sdug bsngal gyi rang
bzhin du rtogs dgos

la/ de ltar rtogs pa na 'di dang bral bar 'dod pa'i blo skye
zhing/ de skyes pa na rtog pa sngon du gtong ba dag ni/ rgyu
ma spangs par 'bras bu spong mi nus par mthong nas/ sdug
bsngal gyi rgyu yod med dpyod par byed la/ dpyad pa na res
'ga' skye ba'i rtags las rgyu bcas su grub

cing/ rgyud yang rtag mi rtag gnyis su kha chen bcad nas gang
yin brtags pa na/ gang phyir de ltar rgyu gnas na/ /'bras log
gzigs pa med phyir ro/ /zhes sogs kyi rigs pas rtag pa'i rgyu
la rjes su 'gro ldog mi 'byung ba sogs su mthong nas/ rgyu mi
rtag par nges par

'gyur la/ mi rtag par gyur pa'i sdug bsngal gyi rgyu de yang
gang yin zhes btsal ba na/ gang zag gi bdag tu 'dzin pa las
bdag la chags pa'i srid pa dngos su skyel/ de las bdag gi bde
ba la srid pa skye zhing/ de las bdag gi bde ba sgrub byed
dbang sogs bdag gi ba la srid

pa skye ste/ gzhan la ltos med du bdag rang stobs kyis bde bar
byed mi nus par mthong ba'i phyir ro/ /de nas bdag gi bde ba
sgrub byed dbang sogs bdag gi ba bran lta bu des/ bde ba
bsgrub pa'i phyir du sgo gsum gyi las mngon par 'du byed de/
de yang tshe 'dir bde ba'i phyir du

@114a @#/ /srog gcod pa sogs bsod nams ma yin pa'i las 'du byed
la/ de las ngan 'gro'i phung po 'grub cing/ tshe phyi ma 'dod
yon gyi bde ba la chags nas bsod nams kyi las 'du byed la/ de
la brten nas 'dod khams su bad 'gro lha mi'i phung po

'grub la/ ting nge 'dzin gyi bde ba la chags nas mi g.yo ba'i
las 'du byed cing/ de la brten nas khams gong ma gnyis su
phung po 'grub bo/ /de ltar na/ gang zhig bdag mthong de la
ni/ /zhes pa la sogs pa'i rigs pa des sdug bsngal nyer lan gyi
phung po 'di'i rgyu/

las dang nyon mongs pa'i rang bzhin can gyi kun 'byung nyid
yin par rtogs par 'gyur la/ de'i phyir sdug bsngal dang por
bstan cing/ kun 'byung phyis bstan la/ yang kun 'byung la
spong 'dod skyes pa na/ las dang nyon mongs pa kun gyi rtsa ba
bdag 'dzin spong nus mi

nus dpyod par 'gyur la/ de ltar dpyad pa na phung po dang rang
bzhin gcig tha dad gang du yang ma grub pa la sogs pa'i rigs
pas/ bdag yod pa la gnod byed mthong bas bdag 'dzin spong nus
su rtogs par 'gyur la/ de rtogs pa na de'i 'bras bu sdug
bsngal dang

'bral nus su rtogs nas/ sdug bsngal spangs pa'i 'gog pa mngon
du byas nus su rtogs par 'gyur bas/ 'gog bden dus gsum par
bstan la/ 'gog bden mngon du bya bar 'dod pa na/ de'i rgyu lam
lam 'bad par mngon du bya mi nus par mthong nas/ lam la bslab

'dod dus bzhi par skye ba'i phyir lam bden ni phyis bstan pa
yin no/ /gnyis pa bdag med pa'i rnam pa bye brag tu gtan la
dbab pa la/ gang dgag par bya ba'i bdag gnyis ngos gzung ba
dang/ de dag 'gog byed kyi rigs pa bshad pa dang/ bdag med pa
ji ltar

@114b bsgom pa'i tshul dang/ bsgoms pas bdag 'dzin ji ltar
spong ba'i tshul dang bzhi/ dang po ni/ dgag bya'i bdag la gang
zag dang chos kyi bdag gnyis su phye ba'i sgo nas/ de bkag
pa'i bdag med la yang gang zag gi bdag med dang chos kyi bdag
med gnyis su 'gyur ro/ /de

la gang zag ni gang/ gang zag gi bdag ni ji lta bu zhe na/ de
yang sems can rnams la theg ma med pa nas rjes su 'brel ba/
dmigs pa ngal dmigs nas rnam pa tshogs rgyun gang la yang btags
pa tsam min par/ phung po dang mtshan nyid mi mthun pa'i rang
skya thub

pa'i rdzas yod du 'dzin pa gang yin pa'i blo 'di ni/ gang zag
la dmigs nas bdag tu 'dzin pa'i phyir gang zag gi bdag 'dzin
zhes bya la/ 'jig cing tshogs pa'i ngang tshul can gyi phung pa
la brten nas btags pa'i gang zag la/ 'jig pa sogs dang mtshan
nyid

mi mthun par lta ba'i phyir 'jig tshogs la lta ba zhes bya
zhing/ thog ma med pa nas rang rgyud la rjes su 'brel pa'i
phyir/ lhan cig skyes pa zhes bya'o/ /de lta bu'i blo de'i
dmigs yul nga tsam de nyid la gang zag ces bya zhing/ de la
skyes bu zhes kyang tha snyad 'dogs so/ /

de ni las 'bras kyi rten du gyur pa'ang yin te/ de'i phyir
gang zag dang skyes bu sems can sogs med na las gsag pa po
dang/ rnam smin myong ba pa la sogs pa med par thal bar 'gyur
ro/ /blo de'i 'dzin stangs kyi yul gang zag phung po dang
mtshan nyid mi mthun

pa'i rang rgya thub pa'i rdzas yod du gyur pa zhes bya ba nyid
gang zag gi bdag yin pas tshad mas khegs pa'i phyir/ tha snyad
du yang gzhi ma grub cing/ de bkag tsam gyi cha nyid la gang
zag gi bdag med ces bya'o/ /des na 'jig lta lhan skyes de'i
dmigs yul ni gang

@115a @#/ /zag yin gyi gang zag gi bdag ma yin la/ 'dzin stangs
kyi yul ni gang zag gi bdag yin gyi gang zag ma yin no/ /de
lta ma yin par gang zag dang gang zag gi bdag la khyad par med
na/ yang na gang zag kyang tha snyad du gzhi ma grub par 'gyur

bas/ las 'bras kyi rten las gsog pa po dang rnam smin myong ba
po med par 'gyur la/ yang na gang zag gi bdag kyang gzhi grub
pa nyid du 'gyur ro/ /gang zag gi bdag tha snyad du grub na
skyon ci yod/ gang zag gi bdag 'gog pa ni tha snyad du 'gog

pa ma yin gyi/ don dam du grub pa 'gog pa yin no/ /des na tha
snyad du rtag gcig rang dbang can gyi gang zag gi bdag 'gog gi
/gang zag gi bdag tsam mi 'gog ce na/ 'on/ chos bdag tha snyad
du grub cing/ de yang blo gcig gi gzung 'dzin rig gsum

tha dad pa'i cha yin la/ de don dam du grub pa 'gog pa yin
pas/ chos kyi bdag tsam gzhi grub la/ blo gcig gi gzung 'dzin
rig gsum rdzas tha dad du gyur ba'i chos bdag tha snyad du
yang 'gog ces brjod na ce smra/ chos bdag kyang gzhi grub par
khas len

na/ gang zag gi bdag dang chos bdag gnyis ka rang lugs ? yod
nges su khas len pa la sangs rgyas pa'i dri tsam yang lta dro
re skan/ gzhan yang/ bdag gzhi grub na/ bdag rigs pas dgag mi
nus par thal ba dang/ bdag med rtogs pa'i blo log shes su thal

ba dang/ bdag 'dzin gnyen pos spong mi nus par thal bar 'gyur
ro/ /gal te chos bdag gzhi grub par khas mi len la/ 'on kyang
gan g zag gi bdag dang mi mtshungs te/ gzung 'dzin rig gsum
rdzas tha dad pa chos bdag gi don yin gyi/ tha dad pa cam chos

@115b bdag gi don ma yin no zhe na/ 'o na phung po dang mtshan
nyid mi mthun pa'i rang rgya thub pa'i rdzas yod du gyur pa'i
gang zag gang zag gi bdag gi don yin gyi/ da tsam gang zag gi
bdag gi don ma yin no zhes kun tu mtshungs so/ /gzhan yang/
gang zag tsam dang gang zag gi bdag la khyad par med na/ chos 

tsam dang chos bdag la yang khyad par med par mtshungs pas/
gzhi grub na chos bdag yin pas khyab par thal lo/ /gzhan yang/
gnyen po bdag med rtogs pa'i shes rab dang/ de'i ngo skal gyi
spang bya bdag 'dzin gnyis/ dmigs pa gcig la

dmigs nas 'dzin stangs 'gal bar zhugs pa gcig dgos pa yin pa
la/ gang zag dang gang zag gi bdag la khyad par med na/ gang
zag gi bdag 'dzin bzhin du/ gang zag gi bdag med rtogs pa'i
shes rab kyis kyang/ gang zag gi bdag la dmigs

par thal bar 'gyur ro/ /de bas na spang gnyen de gnyis kas
kyang dmig yul gang zag tsam la dmigs nas/ rnam pa spang byas
bdag tu dmigs pa de gnyen pos bdag med par dmigs pa yin no/
/de'i phyir gang zag dang gang zag gi bdag gi khyad

par 'di ni/ chos dang chos bdag la yang mtshungs pa yin la/ 'on
kyang chos bdag gi ngo bo ni/ spyir grub mtha'i dbye bas 'jog
mtshams mi 'dra ba mang du yod kyang/ skabs 'dir gong du ji
skad bshad pa ltar/ gdul bya rigs can gsum ga'i lam ston pa
yin

pas/ bka' dang po'i rjes su 'brangs te/ nyan thos kyi lam ston
pa'i dbang du byas nas/ mdo snge pa dang mthun par phyi don
khas blangs pa'i rnam gzhag dang/ bka' tha ma'i rjes su
'brangs te/ bar pa dang don du gtan la phab nas theg chen gyi
lam ston pa'i dbang 

@116a @#/ /du byas te/ rnam rig pa dang mthun par phyi don 'gog
pa'i gnas skabs gnyis yod pa las/ dang po'i skabs su gang zag gi
bdag med tsam ma gtogs chos kyi bdag med khas mi len pas chos
bdag ngos gzung mi dgos

la/ rnam rig pa'i skabs su blo gcig gi gzung 'dzin rig gsum
rdzas tha dad pa'i cha chos bdag yin la/ de bkag ba nyid chos
kyi bdag med yin no/ /'di dag mkhas pa'i dpyad gzhi che zhing
/bstan bcos kyi brjod bya'i gtso bo yin pa dang/ thar pa dang
thams

cad mkhyen pa thob par 'dod na mi shes pa'i thabs med cing/ shes
nas bsgom bya'i gtso bo yin pas/ shin tu gal che bar snang
na'ang/ yi ge shin tu mangs par 'gyur bas 'dir de tsam las ma
spros so/ /da ni gnyis pa gang zag dang chos kyi bdag de dag
'gog byed kyi

rigs pa bshad par bya ste/ de la chos bdag 'gog pa'i rigs pa ni/
gzung 'dzin rdzas gzhan 'gog pa'i riD pa rnams yin cing de dag
gi yang gtso bo ni lhan cig dmigs nges kyi rtags yin la/ de yang
rgyas par gong du bshad zin to/ /gang zag gi bdag 'gos

pa'i rigs pa bshad pa la/ rtags dgod/ tshul bsgrub pa'o/ /dang po
ni/ rang gi phung po dang rang bzhin gcig tha dad gang du yang
med na rang bzhin med pas khyab/ dper na/ ri bong gi rwa
bzhin/ tshogs rgyun gang la yang btags pa tsam ma yin par phung
po dang mtshan nyid

mi mthun pa'i rang skya thub pa'i rdzas yod du gyur pa'i gang
zag kyang phung po dang rang bzhin gcig tha dad gang du yang med
do zhes pa rang bzhin ma dmigs pa'o/ /tshul bsgrub pa la/ khyab
pa bsgrub tshul dang /phyogs chos bsgrub tshul gnyis/ dang po ni/
rang bzhin gcig tha dad

@116b dngos 'gal du nges pa'i chad ma dang/ phyogs chos nges
pa'i tshad ma gnyis bsdoms pa'i byed las las/ rtags mi mthun
phyogs la med nges dang/ mthun phyogs la yod pa kho nar nges
pa'i ldog khyab dang rjes khyab 'grub bo/ /phyogs chos bsgrub pa
ni/ phung po dang gang zag rang

rkya ba rang bzhin tha dad tu med pa dbang po rnon pos mngon sum
gyis 'grub cing/ dbang po rtul pos rjes dpag la brten nas nges
dgos la/ de yang rang bzhin gcig tu ma grub par sgrub pa ni/
rang rgyud kyi phung po chos can/ khyod dang gang zag rang rkya
ba rang bzhin gcig tu med

de/ khyod mi rtog cing gzhan dbang can yin pa'i phyir/ khyab
ste/ gang zag phung po dang mtshan nyid mi mthun pa'i rang rkya
ba yin na/ rtag pa dang rang dbang can yin dgos pas so/ /rtags
sgrub pa ni/ de chos can/ gzhan dbang can yin te/ las nyon gyis
'dus byas pa yin pa'i

phyir/ de'i rtags sgrub pa ni/ sngar bshad pa'i/ gang zhig bdag
mthong de la ni/ zhes pa'i rigs pa la brten nas nges pa yin la/
rtags snga ma sgrub pa ni/ phung po chos can/ khyod mi rtag ste/
byas pa'i phyir/ de'i tshul sgrub tshul ni 'og tu bshad par bya'o/
/de bas na phung

po bdag med du sgrub pa'i rtsa ba'i rtags ni/ rang bzhin ma
dmigs pa'i rtags yin la/ de'i khyab pa sgrub pa'i rtags ni/ 'gal
zla dmigs pa'i rtags yin cing phyogs chos kyi zur dang po rang
bzhin gyi rtags dang/ phyi ma 'bras rtags la brten nas nges dgos
pa yin

no/ /des na bdag 'dzin spong pa la phung po bdag med du nges
dgos shing/ de nges pa la tshur mthong gis mngon sum du nges par
byed mi nus pas/ rtags la brtan nas nges par byed dgos la/ rtags
kyang gong du ji skad bshad pa'i tshul gyis 'bras rang ma dmigs
pa'i

@117a @#/ /rtaD gsum ga la brten nas nges dgos pas/ rigs pa la
blo kha ma phyogs pa rnams kyis bdag med pa'i don sgom pa la
'bad du zin kyang/ ngal ba tsam zhig snying por zad do/ /des na
phung po las dang nyon mongs pa'i gzhan dbang can yin

pa ni/ 'du byed kyi phung po'i don ldog yin la/ de dang phung po
mi rtag pa yin pa gnyis ma nges na/ phung po gang zag gi bdag
dang rang bzhin gcig tu med pa nges mi nus pas/ de'i phyir phung
po mi rtag pa dang sdug bsngal du rtogs pa nyid phung po bdag
med du rtogs pa'i

thabs dam pa yin pas/ de phyir mi rtag las sdug bsngal/ /sdug
bsngal las ni bdag med gsungs/ /zhes gsungs pa yin no/ /des na
phung po gang zag rang rkya bas stong par rtogs pa nyid gang zag
gi bdag med rtogs pa'i don yin la/ phung po mi rtag cing las
nyon

gyi gzhan dbang can du rtogs pa nyid gang zag gi bdag med rtogs
pa'i don ma yin no/ /gal te yin na phung po mi rtag pa dang sdug
bsngal du sgom pa'ang/ gang zag gi bdag med sgom par 'gyur bas/
'khor ba'i nyes dmigs sems pa nyid lhag mthong sgom par thal

bar 'gyur ro/ /des na gang zag gi bdag med rtogs na/ rnam pa mi
rtag la sogs bcu drug rtogs dgos pa yin kyang /rnam pa mi rtag
la sogs bcu drug rtogs pa gang zag gi bdag med rtogs pa'i don du
smra ba ni nor pa kho na'o/ /gsum pa bdag med ji ltar

sgom pa'i tshul ni/ spyir lam thams cad smin byed kyi lam dang
grol byed kyi lam gnyis su grangs nges pa yin la/ de la smin
byed kyi lam zhes pa ni/ rgyud zag med ye shes rtogs pa'i snod
rung du byed pa yin la/ grol byed kyi lam ni/ rgyud spang bya ci
rigs

@117b pa'i sa bon las grol bar byed pa'i gnyen pos bsdus pa'i
zag med kyi ye shes rnams yin no/ /de la dang por smin byed kyi
lam ma bsgoms par grol lam rgyud la skyed pa'i thabs med de/
'bras ma smin par brtol na nad skye ba bzhin no/ /de'i phyir
dang por smin byed

kyi lam bsgom pa la 'jug par bya ste/ de yang lam nyams su len
pa'i go rims ni/ dang por 'khor ba la yid 'byung nas 'bral bar
'dod pa'i blo mtshan nyid pa gcig ma skyes na thar pa la thob
'dod mi skye zhing /de ma skyes na thar lam la slob par mi 'gyur
bas/

dang por 'khor ba la yid 'byung bcos ma ma yin pa cig skye ba la
'bad dgos la/ de la yang 'khor ba'i sdug bsngal la nges pa
'drongs pa gcig dgos kyi/ 'khor ba la snying po med ces pa'i
tshig tsam gyis yid 'byung bar mi 'gyur te/ nyes dmigs ma mthong
na des

skyo bar mi 'gyur ba'i phyir ro/ /'khor ba'i sdug bsngal kyang
gsum ste/ dmyal ba'i sdug bsngal dang bkres skom gyi sdug bsngal
lta bu skyes tsam nas/ 'gro ba kun gyis sdug bsngal du 'bad med
la rtogs par 'gyur ba sdug bsngal gyi sdug bsngal dang /zag

bcas kyi bde ba lta bu 'ga' zhig skye ba na sdug bsngal du mi
rtogs kyang /'gyur ba na sdug bsngal du kun gyis 'bad med du
rtogs nus pa'i 'gyur ba'i sdug bsngal dang /'khor ba pa'i skye
bo mtha' dag la khyad par med par rjes su 'brel ba/ mi rtag cing
gzhan dbang du

gyur ba'i 'du byed kyi sdug bsngal dang gsum las/ 'khor ba spyi
la yid 'byung mtshan nyid pa cig skye ba la ni/ 'du byed kyi sdug
bsngal rtogs dgos kyi/ sdug bsngal gzhan gnyis sdug bsngal tu
bsgom mi dgos par skye ba phal che bas sdug bsngal gyi rang
bzhin du myong

@118a @#/ /bas grub kyang /de tsam gyis 'khor ba spyi la yid
'byung dngos su 'dren ma nus te/ gzhan du na sems can dmyal ba
la sogs kyi rgyud la/ 'khor ba spyi la yid 'byung ba'i blo 'bad
med du dngos su skye bas khyab par 'gyur ro/ /des na

sdug bsngal gyi sdug bsngal sogs rtogs pas/ yid 'byung ba 'khor
ba spyi la dmigs pa dngos su 'dren mi nus la/ tshangs pa'i go
'phang lta bu khams gong gis bsdus pa'i 'khor ba bye brag pa
'ga' zhig la sdug bsngal gyi sdug bsngal med par mthong nas slar

sred pa skye bar 'gyur ro/ /de bas na 'khor ba spyi la yid
'byung sha thag pa nas skye ba la ni/ 'du byed kyi sdug bsngal
gyi mtshan nyid legs par rtogs dgos pas/ nyer len gyi phung po
'di nyid sdug bsngal gyi rang bzhin du bsgom dgos pa yin no/
/de'i phyir/ 'du

byed sdug bsngal la dgongs nas/ /sdug bsngal bsgom par gsungs pa
yin/ /ces gsungs pa yin no/ /zag bcas nyer len gyi phung po 'di
sdug bsngal du rtogs nas spong bar 'dod cing /de dang bral ba'i
thar pa thob par 'dod pa na/ sdug bsngal 'di spang nus

mi nus dpyad pas/ 'di'i rgyu ma spangs par slar mi skye ba'i
tshul gyis spong mi nus par mthong nas/ 'di'i rgyu gang yin ces
bsam par bya la/ de ltar bsams pas gong du ji skad bshad pa'i
tshul gyis bdag tu 'dzin pa'i rtsa ba can du mthong bar 'gyur la/
de'i

tshe 'khor ba'i sdug bsngal dang 'bral bar 'dod pa des 'khor ba'i
rtsa ba bdag tu 'dzin pa de spong nus mi nus dpyad par bya zhing
/de yang blo de'i sa bon spong nus mi nus ni/ blo de'i 'dzin
stangs yul gyi gnas lugs la zhugs ma zhugs la rag las te/ 'di

@118b ltar blo de'i 'dzin stangs yul gyi gnas lugs dang mthun
na/ sems kyi rang bzhin dang mthun par zhugs pas sa bon spong mi
nus la/ mi mthun par zhugs na/ khos bzungs pa ltar grub pa la
gnod byed yod pas/ de'i phyir kho gnyen pos ma lus par

'gog nus pa yin no/ /de bas na bdag 'dzin spong nus mi nus dpyod
pa'i tshul yang/ bdag 'dzin gyi 'dzin stangs yul gyi gnas lugs la
zhugs ma zhugs dpyod pa yin la/ de yang bdag 'dzin gyi 'dzin
stangs don dang mthun mi mthun ni/ khos bzungs pa

ltar gyi bdag yod med la rag las pas/ de dpyad par bya zhing /de
ltar dpyad pa na/ gong du ji skad bshad pa'i bdag 'gog pa'i rigs
pa rnams kyis bdag med par nges par 'gyur la/ de ltar nges pa na
bdag 'dzin spong nus su nges nas/ de'i 'bras bu 'khor ba'i

sdug bsngal dang 'bral nus su nges par 'gyur la/ de'i tshe gtan
tshigs de la brten nas 'khor ba'i sdug bsngal ma lus par spangs
pa'i thar pa yod par yang nges par 'gyur te/ 'di ltar/ gang rang
gi rgyu la gnod byed stobs ldan yod pa de la/ rang gi rgyun
gnyen po'i

stobs kyis zad pa yod pas khyab/ dper na/ me stobs chen dang nye
bar grang 'bras spu long byed zang pa mthong ba bzhin/ nyer len
gyi phung po'i rgyu la yang gnod byed stobs ldan dmigs so zhes
bya ba'i tshul gyis so/ /yang gang la gnod byed stobs ldan mthong
ba de la/ de gnyen

pa'i stobs kyis zad pa yod pas khyab ste/ dper na me dang nye
bas grang reg log pa mthong ba bzhin/ blo gcig gi gzung 'dzin
rig gsum tha dad du bden par 'dzin pa'i rtog pa la yang/ gnod
byed stobs ldan dmigs so zhes bya ba'i rtags las/ chos kyi bdag

@119a @#/ /'dzin zad pa'i spangs pa yod par grub cing /de grub na
bden bzhi'i gnas lugs rtogs pa dang rgyud gcig la 'dur rung bar/
dngos stobs kyi rigs pas grub pas/ kun mkhyen ye shes yod par
yang dngos stobs kyis 'grub pa

yin te/ chos kyi bdag 'dzin spangs pas khyad par du byas pa'i
bden bzhi'i gnas lugs mkhyen pa'i ye shes de la kun mkhyen ye
shes zhes brjod pas so/ /skabs 'dir gang zag kha cig la log par
rtog pa'i gegs 'di lta bu dag 'byung ste/ bdag med rtogs

pa'i shes rab kyis bdag 'dzin ma lus par spang mi nus te/ de la
ni bdag med rtogs pa'i shes rab skye ba du mar goms par byas
pa'i sgo nas mtha' med du 'phel dgos pa la/ chu sros pas cung
zad tsha bar 'gyur yang mer 'gyur ba me srid la/ mtshangs pa goms
pas

cung zad 'phel bar 'gyur yang /mtha' med du 'phel nas rgyang ?
grags las lhag pa mchongs pa mi srid pa bzhin du/ bdag med rtogs
pa'i shes rab kyang cung zad 'phel bar 'gyur yang /mtha' med du
'phel ba mi srid pas so snyam du dogs par 'gyur ro/ /

de lta bu'i log par rtog pa ni/ bdag med rtogs pa'i shes rab
goms yul la gsal snang rab kyi mthar thug par bgyur ba sgrub
pa'i rigs pas bsal bar bya ste/ de yang 'di ltar/ bdag med rtogs
pa'i shes rab chos can/ khyod goms byed kyi yan lag

dang ma bral bar goms par byas na goms bya'i yul la gsal snang
rab kyi mthar thug par 'gyur te/ khyod rten brtan/ goms par byas
zin 'bad rtsol skyar ma la mi ltos pa'i sems rgyud kyi chos yin
pa'i phyir/ dper na/ 'dod chags bzhin zhes pa rang

@119b bzhin gyi rtags so/ /rten ni sems gsal rig tsam yin la/ de
brtan par gang gis sgrub na/ rig pa tsam gyi ya mtha' ma mtha'
thug med du sgrub pa'i sgo nas yin te/ 'di ltar/ skyes bu skyes
ma thag gi rig pa de la rgyu med na/ res 'ga' ba yin pas gnad

la/ rgyu yod na/ rtag pa'am mi rtag pa gang yin/ rtag dngos yin
na yul dang dus gang la yang ma khyab pa mi srid pas/ 'bras bu
dang rjes su 'gro ldog nges pa mi srid do/ /phyi ma ltar na/ bem
rig gang rung las gzhan pa'i dngos po las skye bar mi 'thad pas/

gang rung las skyes dgos la/ bem pos nyer len byed na/ dbang po
dang bcas pa'am/ phyi rol gyi bem pos yin/ dang po ltar na/
dbang po kun tshogs pa rgyur dgos sam/ gang rung res mchog /dang
po ltar na/ mig dbang ma tshang na yang yid blo mi skye bar

'gyur la/ phyi ma ltar na/ mig shes bzhin du rtog pas kyang
gzugs gsal bar 'dzin par 'gyur zhing /phyi rol gyi bem pos nyer
len byed na/ yan lag can gyi rdzas kyis sam/ rdul phran gyis
byed/ dang po ltar na/ yan lag can gyi rdzas cha bcas cha

med gnyis las/ cha bcas kyis nyer len byed pa ni/ cha thams cad
tshogs pa rgyur dgos sam/ gang rung res chog ces pa gong gi rigs
pa'i tshul gyis khegs la/ yan lag rnams las rdzas tha dad pa'i
yan lag can cha med kyis nyer len byed na/

gdong gos kyis bsgribs na/ yan lag gzhan rnams kyang gos kyis
bsgribs pa dang /gzhan ma bsgribs na bsgribs ma bsgribs cha
gnyis su yod par 'gyur ba dang /bsgribs ma bsgribs cha gnyis yan
lag rnams la yod kyi yan lag can la med na/

@120a @#/ /gdong gos kyis bsgribs pa'i cha yan lag can gyi gdong
gsal bar mthong bar thal la/ de bzhin du g.yo mi g.yo dang
/kha bsgyur ma bsgyur sogs la sbyar ba'i rigs pa rnams kyis gnod
do/ /rdul gyis nyer len phyed na/ re re

bas kyang ltos med du skye na yid rtog du ma cig car skye bar
'gyur la/ kun tshogs dgos na/ rdul phran gcig ma tshang na yang mi
skye bar 'gyur ro/ /mtha' gzhan 'gog pa'i rigs pa de dag la
brten nas shes pas nyer len byed par grub la/ de la

yang rang rgyud kyis bsdus pa dang /gzhan rgyud kyis bsdus pa
gnyis las/ gzhan rgyud pha ma lta bu'i shes pas dngos kyi nyer
len byed na/ pha bzo mkhas pa dang blun pa sogs kyi bu yang de
ltar thal ba'i skyon 'byung pas/ rang rgyud kyi rig pa snga ma
kho nas

nyer len byed par 'gyur la/ de lta na rig pa'i ya mtha' dang ma
mtha' thug pa med pa dang /skye ba snga phyi yod pa legs par
grub pa yin no/ /des na chu'i drod ni rten mi brtan te/ ha cang
bskol ba na bskams par 'gyur ba mngon sum gyis grub la/

mchongs pa yang rang gi rigs 'dra snga ma las skye ba'i nus pa
med par stsol ba so sos phan btags pa la ltos shing /brtse ba
dang shes rab la sogs pa rang gi rigs 'dra snga ma las skye
zhing /goms zin kyang rang gi stsol ba skyar ma la

mi ltos pa'i rtags rang rig mngon sum gyis grub pa yin no/ /'di
ltar rigs pa'i sgo du ma'i sgo nas tshul bzhin du legs par bsams
pas/ 'khor ba sdug bsngal gyi rang bzhin du shes nas/ de'i rgyu
bdag tu 'dzin pa spang bya dang spong nus su nges shing /thar pa

@120b yod nges dang thar pa la thob 'dod kyi bro snying thag pa
nas skyes pa na/ thar pa don gnyer gyi blo mtshan nyid yongs su
rdzogs pa yin cing /ji srid thar pa don gnyer gyi blos ma zin pa
de srid du legs par spyad pa ji snyed bsags pa thams cad kyang
/'khor ba'i bde

'bras tsam 'byin par byed pa'i bsod nams cha mthun zhes bya ba'i
grangs su gtogs pa yin la/ gang gi tshe blo 'dis legs par zin nas
tha na las dang po ba'i legs par spyad pa zas kham gcig tsam
stsal ba yan chad thams cad thar pa'i rgyu dang /'khor ba la

rgyab kyis phyogs par byed pa'i rgyur 'gyur pas/ thar pa cha
mthun gyi dge ba zhas bya ba'i grangs su bgrang ba yin no/ /de
lta bu'i thar pa don gnyer gyi blo rigs pa'i lam nas drangs pa'i
nges pa gting tshugs pa ma rnyed na/ gzhan gyi tshig tsam la brten
pa dang /rang la

sdug bsngal drag po thog tu bab pa ma bzod pas yid 'byung thar
'dod drag po skyes pa ltar snang yang gzhan gyi rigs pa ltar
snang dang tshig tsam la brten nas zlog par nus shing /'phral gyi
sdug bsngal drag po de cung zad log nas/ tshe 'di'i bde ba 'ga'
zhig gis yid

brid pa na/ yid 'byung de 'dra slar log nas yid 'byung dang bral
ba'i gnas skabs la brten par 'gyur te/ ji skad du/ de log na ni
rang nyid kyi/ /rang bzhin nyid la slar brten 'gyur/ /zhes
gsungs pa ltar ro/ /bzhi pa bsgoms pas bdag 'dzin ji ltar spong
ba'i tshul

ni/ de ltar thar pa don gnyer gyi blo mtshan nyid yongs su rdzogs
pa rgyud la skyes pa na/ thar pa de'i rgyu lam 'bad bar dang gis
thob pa'i nus pa med par mthong nas thar pa'i lam la slob par
'gyur la/ de lta bu'i sgo nas lam la slob pa'i rten gyi gang zag
la yang rigs

@121a @#/ /can gsum yod de/ 'di ltar rang bzhin gyis dbang po
rtul po dag ni/ rang nyid kho na gtso bor 'khor ba'i sdug bsngal
las thar bar 'dod nas/ nyan thos kyi lam mngon du byas te/ dgra
bcom pa'i go 'phang thob par byed do/ /rang

bzhin gyis dbang po 'bring po dag ni/ gtso bor rang nyid kho na
'khor ba las thar par 'dod nas rang rgyal gyi lam mngon du byas
te/ rang sangs rgyas kyi go 'phang thob par byed de/ rang bzhin
gyis dbang po rnon po dag ni/ rang nyid 'khor ba'i sdug bsngal
gyis sdug

bsngal ba bzhin du/ 'gro ba mtha' dag kyang sdug bsngal bar
mthong zhing /de yang sems can thams cad thog ma med pa nas ma
byas pa'i drin can sha stag tu mthong ste/ de mi bzod pa'i sgo
nas sems can sdug bsngal dang bral na ci ma rung snyam pa'i
snying rje chen

po mngon du byed la/ de lta bu'i snying rje chen po de la brten
nas/ sems can thams cad sdug bsngal las bsgral bar 'dod pa'i blo
skyes pa na/ rang nyid la da ? lta sems can thams cad sdug
bsngal las 'don pa'i nus pa med par mthong zhing/ nus pa yod pa
legs

bar btsal ba na/ sangs rgyas kho na la sems can thams cad sdug
bsngal las 'don pa'i nus pa yod par nges par 'gyur zhing/ de'i
tshe sems can thams cad sdug bsngal las bskal ba'i phyir du/ bdag
gi sangs rgyas kyi go 'phang thob par bya'o snyam pa'i theg

chen sems skyed skye bar 'gyur la/ de nas theg pa chen po'i lam
la bslabs nas sangs rgyas kyi go 'phang mngon du byed par 'gyur
ro/ /de lta bu'i lam la 'jug tshul mi 'dra ba gsum yod pa de la
yang/ nyan thos sde pa dag gi ltar na/ theg pa gsum gyi lam

@121b gyi lus mi 'dra ba'i khyad par ni/ rigs can gsum gis gang
zag gi bdag med las ma gtogs pa'i bdag med bsgom rgyu med par
'dra na'ang/ nyan thos kyi rigs can rnams kyis tshe gsum la sogs
pa yun shin tu thung bar goms par byas pa dang/ tshogs

gsogs shin tu rgya chung bar byas pas nyan thos dgra bcom thob
la/ rang sangs rgyas kyi rigs can dag gis/ bskal pa brgya la
sogs pa'i bar du tshogs gsog pa dang 'brel bar byas te/ gang zag
gi bdag med nyid bsgoms pas rang rgyal dgra bcom thob

cing/ theg chen gyi rigs can dag gis/ bskal pa grangs med gsum
la sogs par tshogs gsog pa'i sgo nas gang zag gi bdag med rtogs
pa'i blo de thabs mang po dang 'brel bar byas te bsgoms pas nyon
mongs pa can ma yin pa'i ma rig pa yang spangs te/ shes

bya kun la thugs gsal zhing gnas ngan len ma lus par spangs pa'i
rdzogs pa'i sangs rgyas thob pa yin no zhes 'dod do/ /de bas na
nyan thos bdag gi 'dod pa dang mthun par theg pa thun mong ba'i
lugs kyi thar ba dang thams cad mkhyen pa thob tshul ston pa'i

dbang du mdzad nas/ le'u gnyis par gang zag gi bdag med kho na
gtan la phab cing/ theg pa che chung gi lam gyi khyad par kyang
thabs rgya che chung dang tshogs gsog pa yun ring thung kho nas
'byed par gsungs pa yin te/ ji skad du/ rnam ba du mar thabs
mang

ngo/ /yun ring dus su goms pa las/ /de la skyon dang yon tan
dag/ rab tu gsal ba nyid du 'gyur/ /des na thugs kyang gsal ba'i
phyir/ /rgyu yi bag chags spangs pa yin/ /thub chen gzhan don
'jug can gyi/ /bse ru la sogs khyad 'di yin/ /zhes

@122a @#/ /sogs rgya cher gsungs pa yin no/ /theg chen thun mong
ma yin pa'i dbang du byas nas rnam rig pa rang lugs kyi thar pa
dang thams cad mkhyen pa 'thob par byed pa'i lam la slob tshul
ni/ nyan thos kyi rigs can dag

ni gang zag gi bdag med tsam goms par byas pas nyon sgrib spangs
te/ nyan thos kyi byang chub 'thob la/ rang sangs rgyas kyi rigs
can dag ni/ gang zag gi bdag med dang gzung ba chos kyi bdag med
tsam rang don du bskal ba brgya la sogs par goms

par byas pas nyon sgrib dang shes sgrib gzung rtog tsam yang
spangs te/ rang rgyal gyi byang chub thob par byed do/ /theg
chen gyi rigs can dag ni thabs snying rje chen po dang 'brel bar
byas nas/ gang zag dang chos kyi bdag med mtha' dag rigs pas
gtan la phab

nas/ rjes dpag tshad mas nges par byas pa'i nges shes kyi rgyun
de rtse gcig pa'i zhi gnas la brten te/ goms par byas pas ji
zhig ltar na rtog pa'i rba rlabs nye bar zhi nas/ bdag med pa
gnyis kyis khyad par du byas pa'i bden pa'i rnam pa mngon sum du

rtogs pa'i mthong lam gyi ye shes skyes te/ nyon mongs pa dang
shes bya'i sgrib pas bsdus pa'i mthong spang ma lus par spong
bar 'gyur la/ de nyid yun ring du goms par byas pas mthar sgom
spang gis bsdus pa'i sgrib pa ma lus par spangs te/ rnam mkhyen

gyi ye shes mngon du 'gyur ba yin no/ /de bas na theg chen thun
mong ma yin pa'i dbang du byas nas le'u gsum par chos kyi bdag
med rgyas par gtan la phab pa yin la/ gnyen po bdag med rtogs
pa'i lam gyi spang bya sgrib pa gnyis ji ltar spong ba'i tshul la

@122b sogs pa ni/ rgyas par phyogs gzhan du kho bos bshad zin
pas der blta bar bya zhing lam gyi bgrod tshul 'di dag la bshad
par bya ba ches mang du yod na yang/ yi ge mangs bar 'gyur bas
'jigs te 'dir ma bris so/ /rnal 'byor mngon sum 'phros ? dang

bcas pa mdo tsam bshad zin to/ /da ni gsum pa tshad ma'i 'bras
bu'i rnam par bzhag pa bshad par bya ste/ de la tshad ma'i 'bras
bu zhes bya ba ni gnyis te/ tshad ma'i chod pa'i 'bras bu dang/
mchod pa'i 'bras bu'o/ /tshad ma'i 'bras bu byed pa gzhan gyis
bar chod

pa ni gang zhe na/ de yang gtso bor skyes bu'i don mngon mtho
dang nges legs kyis bsdus pa rnams dang/ bden bzhi blang dor
thabs dang bcas pa rtogs nas de dag la 'jug ldog byed pa'o/ /don
de yang/ blang dang dor bya'i dngos po yi/ /'jug la de gtso yin
phyir dang/

zhes sogs kyis bstan to/ /'bras bu 'di ni tshad ma'i stobs las
skyes pa yin pas/ chad ma'i bskyed 'bras yin par rig par bya'o/
/byed pa gzhan gyis mchod pa'i tshad ma'i 'bras bu de yang gang
zhe na/ de la gnyis te/ tshad ma rang gi bdag nyid du ma gyur pa
dang

gyur pa'o/ /dang po ni/ tshad mas dngos su drangs pa'i nges shes
lta bu ste/ de yang tshad mas dngos su bskyed pa'i 'bras bu yin
pa'i phyir/ ma chod pa'i 'bras bu zhes bya'o/ /gnyis pa ni/ tshad
ma rang gis gzhal bya rtogs pa'i cha lta bu ste/ de la ci'i
phyir tshad mas

mchod pa'i 'bras bu zhes bya zhe na/ tshad ma rang gi bdag nyid
du gyur pa'i cha yin pas/ byed pa gzhan gyis bar ma chod pa'i
phyir dang/ yul gyi rnam par skyes pa'i tshad ma rang nyid kyis
rnam par gzhag par bya ba yin pa'i phyir/ de bas na 'di ni tshad
mas bskyed pa'i 'bras bu

@123a @#/ /ma yin te/ tshad ma bdag nyid yin pa'i phyir ro/ /'on
kyang 'bras bu yin par bshad pa ni/ rnam par gzhag par bya ba'i
'bras bu yin pas bzhag pa yin te/ blo des yul rtogs par 'jog pa
ni/ yul de'i ji lta ba'i rnam par

skyes pa'i sgo nas 'jog pa'i phyir ro/ /des na/ yul rnam can ni
tha dad pas/ /blo yis rtogs pa tha dad phyir/ /de yod na 'di yod
phyir ro/ /zhes gsungs pa yin no/ /de bas na tshad mas gzhal bya
rtogs pa'i cha ni/ gzhal bya'i rnam par skyes pa'i tshad ma de'i
rnam

par gzhag bya'i 'bras bu mtshan nyid pa yin la/ 'on kyang tshad ma
de'i 'bras bu ma yin no zhes shes par bya'o/ /gang gi sgo nas
gzhal bya rtogs par 'jog pa'i tshad ma dang/ gang rnam par gzhag
par bya ba gzhal bya rtogs pa'i tshad ma 'bras bu dang/ gang la
tshad mas

rtogs pa'i bya ba 'jug pa'i las gzhal bya ste/ gsum po 'di dag
gi rnam gzhag ji lta ba bzhin khong du ma chud pa las ni/ tshad
mas gzhal bya 'jal ba'i tshul la rmongs te/ tshad ma la brten nas
'dod pa dang mi 'dod pa'i don la blang dor bya mi nus par gzigs

nas/ slob dpon yab sras kyis tshang 'bras gzhal gsum gyi rnam
gzhag rgya cher gsungs so/ /de las 'dir skabs su babs pa mngon
sum gyi tshad 'bras bshad par bya ste/ 'di la gzhan gyi lugs dgag
pa/ rang gi lugs gzhag pa gnyis kyi/ dang po ni/

rtog ge smra bar khas 'che ba'i ding ? sang gi mkhas rlom phal
che ba dag/ 'bras rtog dang po dang/ gnyis pa dang/ gsum pa zhes
bya ba'i tshad 'bras kyi rnam gzhag phrugs gsum gzhung las gsungs
par khas blangs nas/ de dag las 'bras rtog gsum pa'i rnam gzhag

@123b ji ltar yin pa dang/ grub mtha' smra ba gang gi lugs yin
pa la 'dod pa mi mthun pa ma gtogs/ 'bras rtog dang po mdo sde
pa'i lugs thun mong ma yin pa'i dbang du byas pa'i tshad 'bras
kyi rnam gzhag dang/ 'bras rtog gnyis pa sems tsam pa'i thun
mong ma yin pa'i tshad 'bras

kyi rnam gzhag yin par 'dod pa la ni/ thams cad kyang 'dod pa
phyogs gcig par 'gyur la/ de la 'bras rtog dang po'i rnam gzhag
la/ kha cig na re/ gzugs sogs phyi rol gyi don gzhal bya/ de
gsar du rtogs pa'i blo 'bras bu/ de'i rnam pa shar nas de la
gsar du mi

slu ba'i shes pa tshad ma zhes zer to/ /kha cig na re/ phyi rol
gyi don gzhal bya phyi rol don la nges pa 'dren nus kyi phyi rol
don las skyes 'dra ba tshad ma/ phyi rol gyi don rtogs pa 'bras
bu zhes zer to/ /kha cig na re/ don lkog na mo gzhal bya/ don
gyi rnam pa shar pa'i blo tshad ma/

don rtogs 'bras bu zhes zer to/ /'bras rtog gnyis pa'i rnam
gzhag ni/ gzung rnam gzhal bya/ 'dzin rnam tshad ma/ rang rig
'bras bu zhes phal cher smra la/ mkhas rlom kha cig na re/ tshul
de rnam bden pa'i lugs yin la/ rnam rdzun pa'i lugs ltar na/
gzung

rnam sgro btags gzhal bya/ de 'dzin pa'i rnam pa tshad ma/ de rig
pa'i rang rig btags pa ba 'bras bu yin la/ rnam 'grel rang lugs
ni/ rnam rdzun pa'i lugs yin no zhes zer to/ /kha cig na re/
sems tsam pa yang/ tha snyad du phyi rol gyi don gzhal bya/ don
gyi

rnam pa shar ba'i blo tshad ma/ don rtogs 'bras bur byas pa'i
tshad 'bras kyi rnam gzhag khas len la/ yang dag par na/ gzung
rnam gzhal bya/ 'dzin rnam tshad ma/ rang rig 'bras bur 'dod do
zhes zer to/ /da ni de dag la dgag pa bstan par bya ste/ de yang
'di lta ste/

@124a @#/ /mdo sde pas gzhan rig mngon sum gyi rnam gzhag byed pa
na/ gzugs sogs phyi don yin pa gzhal bya zhes pa'am/ phyi rol
gyi don gzhal bya zhes 'jog pa mi 'thad de/ de lta na/ shes bya
chos can/ mdo sde ba'i lugs la gzhan

rig mngon sum tshad ma yin na/ rang yul phyi don yin pa la tshad
mar song bas khyab par thal/ mdo sde pa rang lugs kyi gzhan rig
mngon sum tshad ma'i tshad 'bras 'jog pa na/ gzugs sogs phyi rol
gyi don gzhal bya/ zhes 'jog dgos pa'i phyir/ 'dod

na/ mdo sde pa'i lugs rnam par 'jog pa'i tshe/ gzugs sogs phyi
don yin par rtags kyis sgrub mi dgos par 'dod rigs par thal/ mdo
sde pa'i lugs la gzhan rig mngon sum tshad ma yin na rang yul
phyi don yin pa la tshad mar song bas khyab pa'i phyir/

'dod na/ mdo sde pas sngo sogs phyi don du sgrub pa dang/ phyi
don yod par sgrub pa'i rtags mang du bshad pa thams cad/ mdo sde
pa rang lugs 'jog pa na yang/ don med par khas len rigs par
'gyur zhing/ mdo sde pas gzugs sogs phyi don yin par tshur

mthong mngon sum tshad mas grub par khas len na/ rnam rig pas
phyi don med par smas pa la/ mdo sde pas mngon sum gyi gsal ba
ston rigs pa las skabs gang du yang ma bstan pa'i phyir/ yang
mdo sde pa phyi don tshur mthong mngon sum tshad mas grub

par mi 'dod do/ /de bas na mdo sde pa rang lugs kyi tshur mthong
gzhan rig mngon sum gyi tshad 'bras 'jog pa na/ phyi don gzhal
bya zhes sam/ gzugs sogs phyi rol gyi don gzhal bya/ zhes smra
ba ni/ rigs pa'i gting ma slobs pa'i rtags su zad do/ yang

@124b mdo sde pa'i lugs la/ don lkog na mo gzhal bya/ zhes smra
ba yang/ shin tu mi rigs so zhes gnod byed rgyas par gong du
bshad zin to/ /yang /don rtogs 'bras bur byas pa la/ don gyi
rnam pa shar pa tsam tshad mar smra ba'ang mi 'thad de/ 'o na/
shes bya

chos can/ don gyi rnam pa shar pa na/ blo des don rtogs pas
khyab par thal/ don gyi rnam pa shar ba don rtogs pa'i 'jog byed
yin pa'i phyir/ 'dod na/ zla ba gcig gnyis su snang ba'i dbang
shes chos can/ khyod kyis zla gnyis rtogs par thal/ khyod la zla
ba gnyis kyi

rnam pa shar ba'i phyir/ 'dod na/ zla gnyis de yul du thal/ blos
rig pa'i phyir/ gzhan yang/ shes bya chos can/ gzung rnam gzhal
bya/ 'dzin rnam tshad ma/ rang rig 'bras bur byas pa'i tshad 'bras
kyi rnam gzhag 'di/ sems tsam pa'i thun mong ma yin pa'i tshad

'bras kyi rnam gzhag tu mi 'thad par thal/ de lta bu'i tshad
'bras kyi rnam gzhag mdo sde pa yang khas len pa'i phyir/ der
thal/ mdo sde pa yang blo gcig gi 'dzin rnam de blo gcig gi
gzung rnam la rang rig mngon sum du khas len pa'i phyir/ des na
mdo sde pa shes

pa rnam bcas dang/ rnam pa shes pa'i bdag nyid yin cing rdzas su
grub pa dang/ blo la rang rig yod par 'dod do zhes khas blangs
nas/ gzung rnam gzhal bya/ 'dzin rnam tshad ma/ rang rig 'bras bu
yin par khas mi len no zhes smra ba ni/ nang 'gal ba'i phung po
yin

pas/ ma brtags pa'i gtam gyis rmongs pa ngo mtshar skyed pa tsam
du zad do/ /rnam rdzun ba'i tshad 'bras kyi rnam gzhag de lta bu
yang mi 'thad de/ rnam rdzun pa gzung rnam sgro btags yin par
tshur mthong mngon sum gyis grub par 'dod na/ rnam bden pa'i ngar
rnam

@125a @#/ /pa sgro btags yin par rtags kyis sgrub pa mi rigs par
thal ba'i phyir ro/ /tshur mthong mngon sum tshad mas grub kyang
rtags kyis sgrub dgos na/ la me yod du sgrub pa la du yod rtags
su bkod pa lta bu/ phyogs chos mngon

sum gyis grub pa'i gtan tshigs rnams kyi phyogs chos slar yang
rtags kyis sgrub dgos pa sogs su ha cang thal lo/ /'bras rtog
dang po dang gsum pa mdo sde pa'i lugs su khas blangs shing/
gnyis pa rnam bden pa'i lugs su khas blangs/

'bras rtog gi rnam gzhag gsum por grangs nges byas nas/ sde bdun
rang lugs la rnam rdzun pa'i lugs 'thad ldan du bzhed do zhes
smra ba ni/ slob dpon yab sras kyis tshad ma dang 'bras bu'i rnam
gzhag rgya cher ston pa'i gzhung gi tshogs 'di

tsam zhig brtsams nas/ rang lugs kyi tshad 'bras gang du yang ma
bkod do zhes rigs pa'i dbang phyug la skur pa 'debs pa'i nga ro
sgrog pa yin no/ /sems tsam pa yang tha snyad du phyi don gzhal
byar byas pa'i tshad 'bras khas len pa ni/ mi rigs par sngar

bshad zin te/ sems tsam pas tha snyad du phyi don khas len pa
rgyas par bkag zin pa'i phyir/ da dung 'og tu yang dgag par
bya'o/ /'bras rtog gsum pa'i rnam gzhag la/ kha cig na re/ dngos
bstan gyi tshad 'bras dang/ shugs bstan gyi tshad 'bras kyi

rnam gzhag gnyis las/ dang po ni/ ma dpyad pa'i tshe phyi rol gyi
don gzhal bya/ gzung ba'i rnam pa tshad ma/ rnam pa don du nges
pa'i 'khrul ngor don rig btags pa ba 'bras bu/ gnyis pa ni/
dpyad pa'i tshe shes pa rang gi bdag nyid gzhal bya/ 'dzin pa'i
rnam

@125b pa tshad ma/ rang rig pa'i tha snyad 'bras bu/ des na 'bras
rtog gsum pa ni/ mtha' gcig tu mdo sde pa'i yin pa dang/ sems
tsam pa'i yin pa gang du yang gzhag mi nus kyi/ mdo sde pa sems
tsam pa'i grub mtha' la gzhug pa'i phyir/ mdo sems gnyis ka'i
phyogs

la brten nas rnam par bzhag pa yin no zhes zer to/ /'di ni mi
'thad de/ shes bya chos can/ rnam pa don du nges pa'i 'khrul
ngor/ phyi rol gyi don gzhal byar byas pa la gzung rnam tshad mar
mi rigs par thal/ rnam pa don du nges pa'i 'khrul ngor gzung
rnam phyi don

yin pa'i phyir/ shes bya chos can/ ma dpyad pa'i tshe phyi don
gzhal byar byas pa la don rig btags pa ba 'bras bu/ gzung rnam
tshad mar byas pa 'di/ mdo sems gnyis ka la brten pa'i rnam gzhag
tu mi 'thad par thal/ rnam gzhag 'di mdo sems gnyis

ka'i lugs dang 'gal pa'i phyir/ der thal/ mdo sde pa'i lugs la
gzung rnam tshad ma de rang gi gzhal bya phyi don la ltos te don
rig mtshan nyid pa yin pa'i phyir/ gzhan du na/ mdo sde pa'i lugs
la don rig mtshan nyid pa mi srid par 'gyur ro/ sems tsam pa'i

lugs la tha snyad du yang phyi don ma grub pas/ ma dpyad pa'i
tshe phyi don gzhal byar mi 'thad la/ ma dpyad pa'i tshe phyi don
mtshan nyid pa yod na/ gzung rnam yang ma dpyad pa'i tshe don rig
mtshan nyid pa yin dgos pas don rig btags pa ba 'bras bu yin par
mi 'thad

pa'i phyir/ shes bya chos can/ dpyad pa'i tshe gzung rnam gzhal
bya/ 'dzin rnam tshad ma/ rang rig 'bras bu'i rnam gzhag 'di/ mdo
sems gnyis ka la brten pa'i rnam gzhag tu mi 'thad par thal/
rnam gzhag 'di mdo sems gang gi lugs dang yang mi

@126a @#/ /mthun pa'i phyir/ der thal/ mdo sems gang gi lugs la
yang dpyad pa'i tshe blo gcig gi gzung 'dzin rig gsum tha dad ma
yin pa'i phyir/ ma grub na/ shes bya chos can/ blo gcig gi gzung
'dzin rig gsum mdo

sems gang gi lugs la yang/ dpyad pa'i tshe tha dad ma yin par
thal/ de gsum mdo sems gang gi lugs la yang/ bden pa'i tha dad
ma yin pa'i phyir/ ma grub na/ rdzas tha dad du thal lo/ /ci ste
dpyad pa'i tshe zhes pa don dam dpyod pa'i tshad mas

dpyad pa la mi 'dod kyi/ spyir tshad mas dpyad pa tsam la 'dod do
zhe na/ 'o na/ ma dpyad pa yang tshad mas ma dpyad pa la 'dod
dgos pas/ ma dpyad pa'i tshe phyi don gzhal bya yin ces pa de/
tshad mas ma gzhal ba'i tshe/ phyi don tshad ma'i gzhal bya yin ces
pa'i don du thal bar 'gyur ro/ /'dis

ni gang dag sems tsam pa tha snyad du phyi don gzhal byar byas
pa'i tshad 'bras khas len la/ yang dag par gzung rnam gzhal bya
sogs su 'dod ces smra ba de yang legs par khegs pa yin no/ /yang
kha cig na re/ phyi don gzhal bya/ gzung rnam tshad

ma/ rang rig 'bras bu/ zhes pa 'bras rtog gsum pa'i tshad 'bras
kyi rnam gzhag yin la/ 'di khas len pa'i sangs rgyas pa su yang
med cing/ bye brag smra ba dang mdo sde pa rnams drang ba'i
phyir gsungs pa yin la/ 'on kyang de gnyis kyis 'di khas len

mi dgos te/ bcom ldan 'das kyis gzugs la mngon par zhen pa rnams
drang ba'i phyir/ gzugs med ces gsungs pas so/ /des na gzung
'dzin du mngon par zhen pa rnams zlog nas gzung 'dzin gnyis med
kyi de kho na nyid mngon sum du rtogs

@126b par 'gyur bar bya ba'i phyir/ 'bras rtog gsum pa'i rnam
gzhag 'di bstan pa yin no zhes zer to/ /'di ni smra ba po'i
mtshang sgrog par byed pa'i bab col te/ 'di ltar phyi don gzhal
bya la gzung rnam tshad mar song ba'i tshe/ rang rig 'bras bu yin
pa gzhi

grub bam ma grub grub na gzung rnam phyi rol don la ltos te/
rang rig yin pa gzhi grub dgos pas/ phyi don shes pa'i bdag nyid
yin pa tshad mas dmigs par thal ba'i skyon 'byung ngo/ /ma grub
na/ gzung rnam chos can/ khyod phyi don la tshad mar song ba'i
tshe rang

rig 'bras bu yin par bstan pas gzung 'dzin gnyis med kyi de kho
na nyid rtogs par 'gyur ba ma yin par thal/ khyod phyi don la
tshad mar song ba'i tshe/ rang rig 'bras bu yin pa gzhi ma grub
pa'i phyir ro/ /ri bong gi rwa'i rnam gzhag bstan pas/ don dam

bden pa rtogs par 'gyur ro zhes smra ba ni/ sngon med pa'i
gzhung lugs so/ /gzhan yang 'bras rtog gsum pa'i rnam gzhag 'di
khas len pa'i sangs rgyas pa su yang med na/ 'di phyi rol pa'i
'dod pa yin nam/ 'on te grub mthas blo ma bsgyur ba rnams kyi
'dod

pa yin nam/ gang zag su'i yang 'dod pa min nam/ ji ltar rtog
grang /ci ste phyi rol pa'i 'dod pa'o zhe na/ 'o na phyi rol don
ni yod na yang/ zhes pa nas/ bden/ de 'dra ngas kyang mi shes
so/ /zhes pa'i bar gyi gzhung mtha' dag phyi rol pa'i rang
gzhung ngam /phyi rol

pa'i 'dod pa brjod pa'i phyogs snga ma'i gzhung gang rung du
thal bar 'gyur ro/ /grub mthas blo ma bsgyur ba rnams kyi 'dod
pa'o zhe na/ grub mthas blo ma bsgyur ba'i gang zag rnams chos
can/ khyod grub mthas blo bsgyur bar thal/ khyod tshad 'bras
gzhal gsum gyi rnam

@127a @#/ /gzhag khas len pa'i skyes bu yin pa'i phyir ro/ /'on
te gang zag su'i yang 'dod pa ma yin no zhe na /phyi rol don ni
yod na yang/ zhes pa nas/ de 'dra ngas kyang mi shes so/ /zhes
pa'i bar gyi gzhung chos can/ khyod gang zag

sus kyang khas mi len par thal/ khyod kyi bstan bya'i gtso bo
gang zag sus kyang mi 'dod pa'i phyir/ rtags khas blangs/ 'dod
na/ mngon sum gyis bsal/ ma khyab na/ shes bya chos can/ sgra mi
rtag par 'dod pa'i gang zag su yang med na/ sgra mi rtag ces
pa'i

dam bca' khas len gyi rgol ba su yang med dgos par thal/ 'bras
rtog gsum pa'i rnam gzhag 'di 'dod mkhan su yang med na/ 'bras
rtog gsum pa'i rnam gzhag ston pa'i gzhung 'di khas len pa su
yang med mi dgos pa'i phyir/ gzhan yang/ shes

bya chos can/ gzugs la mngon par zhen pa drang ba'i don du gzugs
yod par bstan dgos par thal/ gzung 'dzin du mngon par zhen pa
drang ba'i phyir phyi rol gzhal byar bstan dgos pa'i phyir/ ma
grub na/ de'i phyir/ phyi rol gzhal byar byas pa'i 'bras rtog
gsuM

pa'i rnam gzhag bstan dgos pa 'bud do/ /khyab pa'ang khas so/
/'dod na/ bcom ldan 'das chos can/ khyod la skyon chags par
thal/ gzugs la mngon par zhen pa drang ba'i phyir du gzugs yod
par bstan dgos pa gang zhig /khyod kyis de'i phyir du gzuD

med par bstan pa'i phyir/ rtags gnyis ka dngos/ gzhan yang/ mdo
sde pa drang ba'i phyir phyi rol gzhal byar byas pa la/ gzung
rnam tshad ma dang/ rang rig 'bras bur bstan to zhes bya ba yang
mi 'thad de/ phyi rol gzhal byar byas pas mdo sde pa rnam rig la

@127b drang mi nus par thal/ phyi rol gzhal byar 'dod pa rnam
rig pa'i grub mtha' rtogs pa'i gegs yin pa'i phyir/ rang rig
'bras bur bstan pas kyang drang mi nus par thal/ mdo sde pa yang
rang rig khas len pa'i sgo nas bye brag smra ba las khyad par
'phags pa'i phyir/

gzung rnam tshad mar bstan pas kyang drang mi nus par thal/ mdo
sde pa yang gzung rnam rang lugs la khas len pa'i phyir/ phyi
rol gzhal bya la gzung rnam tshad mar bstan pas kyang drang mi
nus par thal/ rnam rig pa'i grub mtha' rtogs pa la phyi rol
gzhal bya la gzung

rnam tshad ma yin pa kheD dgos pa'i phyir/ phyi rol gzhal bya la
gzung rnam tshad mar song ba'i tshe rang rig 'bras bur bstan pas
kyang/ mdo sde pa drang mi nus par thal/ mdo sde pas gzung rnam
phyi rol don la ltos te rang rig yin pa la tshad mas gnod pa
mthong ba'i phyir/ der thal/ mdo sde pas phyi don shes pa'i bdag

nyid yin pa riD yang dag gi sgo nas 'gog cing kheD pa'i phyir/
bye brag smra ba'i ngor de lta bu'i rnam gzhag byas pas bye brag
smra ba rnam rig pa'i grub pa'i mtha' la brten pa'ang mi 'thad
de/ phyi rol gzhal bya la gzung rnam tshad ma yin pa rnam rig
pa'i grub mtha' dgag bya yin

pa'i phyir dang/ phyi rol gzhal bya la rang rig 'bras bu yin pa
bye brag smra ba rang nyid kyi rigs pas khegs pas/ tshad mas gnod
pa mthong ba'i rnam gzhag la brten nas/ shes ldan su yang grub
pa'i mtha' gzhan la 'jug par mi 'gyur ba'i phyir ro/ /rang rig
'bras bur

bshad pa tsam gyis kyang rnam rig la gzhug mi nus te/ mdo sde
pa'i grub mtha' la gzhug pa la yang rang rig sgrub dgos pa'i
phyir/ de bas na tshul 'di rnam par ma brtags pa'i smra ba yin
la/ rigs pa 'dis/ mdo sde pa sems tsam pa'i grub mtha' la drang

@128a @#/ /ba'i phyir/ phyi rol gzhal bya la rang rig 'bras bur
bzhag go /zhes sogs smra ba thams cad dgag par bya'o/ /yang kha
cig na re/ phyi rol gyi don gzhal bya/ gzung ba'i rnam pa tshad
ma/ dpyad na rang gi ngo bo rig pa yin kyang/ ma

dpyad na don rig pa 'bras bu/ zhes pa 'bras rtog gsum pa'i tshad
'bras kyi rnam gzhag yin la/ 'di nyid mdo sde pa'i lugs kyi tshad
'bras kyi rnam gzhag yin no zhes smra'o/ /'o na/ 'bras rtog dang
po dang zlos par mi 'gyur ram zhes pa'i lan du kha cig na re/

'bras rtog dang po mdo sde pa'i ma dpyad pa'i tshad 'bras yin la/
'bras rtog gsum pa mdo sde pa'i dpyad pa'i tshad 'bras yin pas
skyon med do zhes zer to/ /gzhan dag na re/ 'bras rtog dang po
dang 'di gnyis dgos pa tha dad yin pa'i phyir zlos skyon med de/
'bras rtog

dang por ni/ don 'dra ba tshad mar mi 'dod pa'i dpyod pa ba sogs
bkag nas/ don 'dra ba kho na don rtogs 'jog byed kyi tshad mar
sgrub pa'i phyir gtso bor smos la/ 'bras rtog gsum par ni/ blo
la rang rig mi 'dod pa'i bye brag smra ba la sogs pa bkag nas/
phyi don

gzhal byar byas pa'i tshe'ang shes pa'i dngos su rig bya ni phyi
don ma yin gyi/ rang gi bdag nyid yin pas shes pa ni rang rig
par rigs so zhes bsgrub pa'i ched du yin no zhes zer to/ /'di
dag kyang mi 'thad de/ mdo sde pa'i lugs gzhir byas pa'i tshe
na'ang/ shes

bya chos can/ phyi rol gyi don dpyad na shes pa'i bdag nyid yin
par thal/ don rtogs dpyad na rang rig yin pa'i phyir/ ci ste/
shes pa rang gi ngo bo la ltos te rang rig yin cing/ phyi don la
ltos te don rig yin pa zhig 'bras bu yin la/ rang gi ngo bo la
rang rig

@128b yin pa'i rgyu mtshan yang/ shes pa thams cad rang gi ngo bo
la rang rig yin pa'i phyir/ don de la bsams nas/ dpyad na rang
gi ngo bo rig pa yin kyang/ ma dpyad pa na don rig pa 'bras bu
zhes smras kyi/ phyi don la ltos te dpyad na rang gi ngo bo rig
pa zhes mi smra'o zhe na/

'o na/ 'bras rtog dang po'i skabs su 'bras bur gzhag pa'i don
rtogs kyang chos can/ khyod rang gi ngo bo la ltos te rang rig
yin par thal/ khyod shes pa yin pa'i phyir/ 'dod na/ 'bras rtog
dang po dang gsum pa la khyad par med par thal/ phyi rol gzhal
bya la

gzung rnam tshad mar byas par yang khyad par med cing/ rang gi
ngo bo la ltos te rang rig dang phyi don la ltos te don rig yin
pa'i shes pa 'bras bur bzhag par yang khyad par med pa'i phyir/
rtags khas blangs/ khyab pa tshad mas grub/ 'dod na/ dpyad ma
dpyad dang dgag bya

sogs kyi sgo nas khyad par yod par 'dod pa dang 'gal lo/ /mdo
sde pa rang gi lugs la'ang/ shes pa thams cad rang gi ngo bo la
rang rig yin pa dang/ phyi don gzhal byar byas pa'i tshur mthong
mngon sum tshad ma spyi'i tshad 'bras kyi rnam gzhag sogs mi rigs
par thal

rigs pa yang dag gi sgo nas rgyas par gong du bkag zin pa'i
phyir/ shi zin pa la slar yang bsnun pas ci zhig bya/ ro la gsod
pa ni dgos pa med pa yin no/ /'bras rtog gsum pa mdo sde pa la
sbyor ba'ang mi 'thad de/ rnam nges kyi 'bras rtog gsum pa'i
skabs su

don gyi ngo bo ji lta ba bzhin du rnam pa gtod par byed pa po ni
ma yin te/ shes pa thams cad rnam pa gcig tu thal ba'i phyir ro/
/zhes dbang shes la shar ba'i rnam pa phyi don gyis gtad pa legs
par bkag zin pa'i phyir ro/ /de bas na gzhan dag gis rnam par
brtags

@129a @#/ /pa phal che ba ni/ tshig tsam zhig lhag mar gyur pa yin
no/ /da ni rang gi lugs brjod par bya ste/ de la yang 'bras rtog
dang po gzhan rig gi tshad 'bras/ 'bras rtog gnyis pa rang rig gi
tshad 'bras rnam gzhag de nyid nges par sgrub pa dang

gsum las/ dang po ni/ sngo sogs gzhal bya/ de'i rnam pa shar nas
de la gsar du mi slu ba'i shes pa tshad ma/ sngo sogs rtogs pa
'bras bu/ zhes bya ba yin la/ tshad 'bras kyi rnam gzhag 'di ni
mdo sems gnyis ka'i thun mong ba yin te/ mdo sems gnyis kas

sngon 'dzin mngon sum tshad mas sngon po'i rnam pa shar ba'i sgo
nas sngon po rtogs par khas len pa'i phyir/ 'di'i rgyu mtshan
yang gong du bshad zin to/ /tshad 'bras kyi rnam gzhag 'di 'chad
par byed pa ni/ tshad ma mdor/ bya dang bcas pa rtogs pa'i phyir/
tshad ma'i 'bras

bu nyid du 'dod/ /tshad ma nyid du 'dogs pa ste/ /bya ba med
pa'ang ma yin no/ /zhes gsungs shing/ de nyid 'chad par byed pa
ni/ rnam 'grel du/ bya ba sgrub par byed ces te/ zhes pa nas/
tha dad 'dod pas dngos rnams la/ /sgro 'dogs las ni 'jug phyir
ro/ /zhes pa'i

bar gyis gsungs so/ /gnyis pa rang rig gi tshad 'bras ni/ gzung
ba'i rnam pa gzhal bya/ de la mi slu ba'i 'dzin pa'i rnam pa
tshad ma/ rang rig pa 'bras bu zhes bya ba yin la/ rang rig gi
tshad 'bras 'di yang/ mdo sems gnyis ka mthun par khas len pa yin
te/

mdo sems gnyis ka blo gcig gi 'dzin rnam de/ blo de'i gzung rnam
la ltos te rang rig mngon sum yin par 'dod pa'i phyir ro/ /rnam
gzhag 'di nyid ston pa ni/ tshad ma mdor/ yang na rang rig 'bras
bu ste/ de yi ngo bo las don nges/ zhes gsungs pa yin la/ de

@129b nyid rgyas par 'chad pa ni /rnam 'grel las/ don rig gang
yin so sor rig  /ces pa nas/ 'dod pa'am mi 'dod pa des kyang/
/don rig par ni 'gyur ba yin/ /ces bya ba'i bar du gsungs so/
/gsum pa rnam gzhag de nyid nges par sgrub pa ni/ tshad ma mdor/
smras pa/ gang

tshe snang ba de gzhal bya/ /rang rig dang ni de 'bras bu/ /zhes
sogs gsungs la/ de nyid rgyas par 'chad par byed pa ni/ phyi rol
don ni yod na yang/ /zhes pa nas/ de 'dra ngas kyang mi shes so/
/zhes pa'i bar gyis gsungs te/ de yang 'di ltar/ shes pa rnam
bcas dang rang

rig dang bcas par grub kyang/ 'bras rtog gnyis pa rang rig gi
tshad 'bras kyi rnam gzhag ji lta ba bzhin rtogs pa'i gegs ni
gnyis te/ gzhal bya gzung rnam de/ phyi rol gyi don gyis gtad
pa'i rnam par khas len pa dang/ blo gcig gi gzung 'dzin rig gsum
tshad 'bras

gzhal gsum du bzhag pa na/ de gsum tha dad du bden dgos sam
snyam du 'dzin pa'o/ /dang po ni/ don rig gang yin so sor rig  /
ces sogs kyis bkag cing/ gnyis pa ni/ blo bdag rnam par dbyer
med kyang/ /zhes sogs kyis 'gog par byed do/ /de yang gzhung

de dag gis blo gcig gi gzung 'dzin rig gsum don dam par tha dad
du med kyang/ kun rdzob rnam par 'jog pa'i ngor tha dad du snang
ba ldog pa tha dad kyi tshul la brten nas/ kun rdzob tu tshad
'bras gzhal gsum gyi rnam gzhag byas so/ /zhes don dam par tha
dad min yang/

kun rdzob tu tha dad yin par ston pa yin gyi/ tha dad min yang
blo 'khrul pa'i ngor tha dad du snang ba la ltos te/ tha dad du
bzhag pa tsam yin no zhes ston pa ma yin no/ /gal te yin na/ blo
gcig gi gzung 'dzin rig gsum tha dad ma yin par 'gyur bas/ de
dag tshad 'bras

@130a @#/ /gzhal gsum du mi rigs par thal lo/ /'dod na/ rang rig
gi tshad 'bras mi srid par thal lo/ /'dod na/ rang rig mngon sum
tshad ma mi srid par thal lo/ /de bas na 'di ltar 'dod pa'i mkhas
rlom dag ni/ rang rig tshad ma la skur ba

'debs par zad do/ /'bras rtog dang po gzhan rig gi tshad 'bras ji
lta ba bzhin rtogs pa'i gegs ni gsum ste/ rtogs bya gzhal bya la
log par rtog pa/ rtogs byed tshad ma la log par rtog pa/ rtogs
tshul 'dzin stangs la log par rtog pa'o/ /dang po ni/ gzhal bya

sngo sogs shes pa las rdzas tha dad pa'i phyi don du 'dzin pa'o/
/gnyis pa ni/ sngo sogs rtogs par 'jog byed kyi tshad ma shes pa
ma yin pa'i dbang sogs su 'dzin pa dang/ tshad ma dang 'bras bu
rdzas gzhan du 'dzin pa'o/ /gsum pa ni/ tshad mas gzhal bya sngo
sogs rnam med

rjen char du 'jal bar 'dzin pa'o/ /'di dag las dbang sogs tshad
mar 'dzin pa dang/ tshad 'bras rdzas gzhan du 'dzin pa'i log rtog
rnams ni/ sgrub byed gzhan yin na de ni/ zhes sogs dang/ de
phyir mthong dang dbang 'brel dang/ zhes sogs kyis 'bras rtog
dang po'i

skabs su rgyas par bkag cing/ 'bras rtog gsum pa tshad mas gzhal
bya rnam med rjen char du 'jal bar 'dzin pa yang/ rnam 'gags
shes pa'i rang bzhin ni/ /tha dad par ni byed na yang/ /'di ni
don dang 'brel byed pa/ /don gyi ngo bo las gzhan min/ /zhes
sogs kyis

yul gyi rnam pa shar ba yul rtogs pa'i 'jog byed tshad mar
bsgrubs pa'i sgo nas 'bras rtog dang po'i skabs su bkag zin la/
gzhal bya sngo sogs shes pa las rdzas tha dad pa'i phyi rol don
du 'dzin pa'i log rtog ni/ phyi rol don ni yod na yang/ /zhes pa
nas/ de

@130b 'dra ngas kyang mi shes so/ /zhes pa'i bar gyis 'gog par
byed pa yin te/ de bas na 'bras rtog gsum par tha snyad byas
pa'i gzhung gi tshigs 'di rnams ni/ 'bras rtog dang po'i skabs su
gzhal byar bshad pa'i sngo sogs de 'jal byed tshad ma rang gi
bdag nyid yin pas/ sngon

'dzin mngon sum tshad ma lta bu yang/ gzhal bya sngon po la ltos
te rang gi bdag nyid du gyur pa'i sngon pa rig pa yin gyi/ rang
las rdzas gzhan du gyur pa'i phyi rol gyi sngon po rig pa ni ma
yin no/ /zhes bsgrub par bya ba'i phyir du gsungs pa yin gyi/
gzhung 'di dag gis 'bras

rtog dang po sogs las rnam gzhag logs par gyur pa'i tshad 'bras
gzhal gsum gyi rnam gzhag phrugs gsum pa gcig ston pa ni ma yin
no/ /'o na/ phyi rol don ni yod na yang/ zhes sogs ji ltar zhe
na/ gzhung de'i don bye brag smra bas shes pas yul rnam med

du rig par khas blangs pa la/ mdo sde pas skyes bu gcig gi gzugs
la dgra gnyen gnyis kyis bltas pa'i tshe/ skyes bu gcig pu de'i
gzugs 'dod mi 'dod du ma'i bdag nyid du thal/ de'i tshe gnyen gyi
shes pa la 'dod par snang dgra'i shes pa la mi 'dod par snang
zhing/

gnyis kas kyang rnam med rjen cher du bzungs ba'i phyir/ ces
pa'i skyon ston par 'dod pa ni/ mdo sde pa rang la'ang rnam pa
shar ba'i sgo nas reg par 'dod pa la'ang mtshungs te/ skyes bu
gcig gi gzugs la dgra gnyen gnyis kyi mig shes kyis bltas pa'i
tshe/ mig

shes de gnyis ma 'khrul bar mdo sde pa dang bye brag smra ba
gnyis kas khas mi len na/ bye brag smra bas kyang shes pa de dag
yul de rnam med rjen char du rig par khas mi len pas/ khas len
la mi 'gro zhing/ ma 'khrul bar gnyis kas khas len na/ mdo sde
pas/

@131a @#/ /shes pa de gnyis la skyes bu de'i gzugs kyi rnam pa
shar bar khas blangs kyang/ rnam pa de yul ji lta ba'i rnam pa
shar bar khas len dgos te/ yul ji lta ba min pa'i rnam pa shar
na 'khrul bar thal bas so/ /de lta na/ skyes bu

gcig gi gzugs de 'dod mi 'dod du ma'i bdag nyid du thal/ de
gnyen gyi mig shes la yid du 'ong ba'i rnam par snang/ dgra'i
mig shes la yid du mi 'ong ba'i rnam par snang zhing/ rnam pa de
gnyis ka yul ji lta ba'i rnam pa yin pa'i phyir/ zhes brjod na/
mdo

sde pa la 'khor gsum ga lan med du mtshungs par 'gyur ro/ /de bas
na gzhung de'i don de ltar 'chad pa ni/ ches 'khrul ba'o zhes
sngar yang bshad zin cing/ phyi don gzhal byar bzhag pa'i tshad
'bras mdo sde pa rang lugs la yang mi 'thad par sngar mang du
bshad

zin to/ /des na gzhung 'di dag gi don ni 'di yin te/ phyi rol
don ni yod na yang/ zhes sogs kyis mdo sde pa sngon 'dzin mig
shes sogs la shar ba'i rnam pa de/ sngon po sogs yul gyis gtad
pa'i rnam par 'dod pa 'gog pa yin te/ de yang 'di ltar/ mdo sde

pa khyed rang phyi rol don du 'dod pa'i sngon po sogs ni yod na
yang/ sngon po'i rnam pa de ni bag chags kyi dbang gis phar
bzhag ba'i rnam pa yin gyi/ yul gyis chur bzhag pa'i rnam pa ma
yin te/ yin na/ skyes bu gcig gi gzugs la dgra gnyen gnyis kyis

bltas pa'i tshe/ shes pa de gnyis la yid du 'ong mi 'ong gi rnam
pa shar ba gnyis ka/ yul rang ngos nas tshur gtad pa'i rnam par
khas len dgos pas/ skyes bu gcig gi gzugs de yid du 'ong mi 'ong
du ma'i bdag nyid du thal bar 'gyur ro zhes pa'o/ /

@131b khas blang na yang/ zhes pa nas/ 'tshams sbyor med sems
mthong ba yin/ ces pa'i bar ni/ skyes bu gcig gi gzugs 'dod mi
'dod gnyis ka'i bdag nyid du khas blangs na/ skyon 'byung ba'i
tshul ston pa'o/ /de phyir phyi rol gzhal bya la'ang/ rang nyid
nyams

myong 'bras yin rigs/ zhes pa'i don ni/ sngon 'dzin mig shes
sogs la sngon po sogs kyi rnam pa shar ba de/ yul rang ngos nas
gtad pa'i rnam pa yin na/ shes pa de dag la sngo sogs rang las
rgyang chad du snang bya de yang snang ba ltar du grub dgos pas/
sngo sogs

phyi rol don du 'byung na yang/ rnam pa de dag yul rang ngos nas
gtad pa'i rnam pa ma yin pa de'i phyir/ khyed rang phyi rol don
du 'dod pa'i sngo sogs gzhal byar byas pa la yang/ shes pa rang
gi bdag nyid du gyur pa'i sngo sogs myong ba 'bras bu yin par
rigs kyi/ khyed

'dod pa ltar/ rang las phyi rol tu gyur pa'i sngo sogs rtogs pa
'bras bu yin par mi 'thad do zhes pa'o/ /mdor na/ phyi rol don
ni yod na yang/ zhes pa nas/ rang nyid nyams myong 'bras yin
rigs/ /de ltar don ni rnam par nges/ /zhes pa'i bar gyis sngo
sogs kyi rnam

pa yul rang ngos nas gtad pa'i rnam pa yin pa/ skyes bu gcig gi
gzugs 'dod mi 'dod du mar thal ba'i rtags kyis bkag pa'i sgo
nas/ sngo sogs shes pa las rdzas gzhan pa'i phyi don yin pa bkag
ste/ sngo sogs gzhal byar byas pa'i tshe shes pa rang gi bdag
nyid

du gyur pa'i sngo sogs rig pa 'bras bur ston pa yin no/ /de yang
sngo sogs gzhal bya la sngo sogs rtogs pa 'bras bur byas pa'i
tshe/ rang gi bdag nyid du gyur pa'i sngo sogs rtogs pa yin gyi/
rang las rdzas gzhan du gyur pa'i sngo sogs rtogs pa ma yin no
zhes pa'i don yin

@132a @#/ /gyi; tshad 'bras kyi rnam gzhag 'jog pa na/ rang gi
bdag nyid du gyur pa'i sngo sogs rtogs pa 'bras bu/ zhes 'jog go
zhes pa'i don ni ma yin no/ /de tshe don snang 'di nyid ni/ zhes
sogs ni/ sngo sogs gzhal byar byas pa'i tshe sngo sogs

de shes pa rang gi bdag nyid yin no zhes smras pa de la rtsod pa
spong ba yin no/ /de yang skabs 'dir dogs pa gnyis te/ 'di ltar/
gzhal bya sngon po sogs shes pa rang gi bdag nyid yin na/ 'jal
byed kyi tshad ma ni/ 'dzin rnam nyid yin par rigs

so snyam pa dang/ sngo sogs gzhal bya de shes pa rang gi bdag
nyid yin na/ de'i tshe gzung rnam tshad mar byas na/ tshad 'bras
yul rdzas tha dad du 'gyur te/ tshad mar bzhag pa'i gzung rnam
des gang gzhal dris pa na/ sngon po gzhal lo zhes zer zhing/ de
ltar

gzhal ba'i 'bras bu la gang rtogs dris pas/ rang gi bdag nyid
rtogs so zhes par 'gyur bas/ tshad mas sngon po gzhal ba'i 'bras
bu la rang gi bdag nyid rtogs par khas blangs par 'gyur ba'i
phyir te/ dper na sta res shing bcad pa'i 'bras bu la

sta re rang nyid chad par khas len pa bzhin no/ /des na gzhal
bya sngo sogs shes pa rang gi bdag nyid yin na/ rang gi bdag
nyid rig pa 'bras bur 'jog rigs te/ rang gi bdag nyid du gyur
pa'i sngo sogs gzhal ba yin pa'i phyir snyam pa rnams so/ /

de dag las dogs pa dang po spong ba ni/ de tshe don snad 'di nyid
ni/ zhes pa nas/ gnas pa de ltar de rab gsal zhes pa'i par gyis
ston te/ de la yang sngon po shes pa'i bdag nyid yin kyang/ de
gzhal byar byas pa'i tshe/ 'dzin rnam tshad mar mi

@132b 'thad pa'i rgyu mtshan dang/ gzung rnam tshad mar 'thad pa'i
rgyu mtshan gnyis las/ dang po ni/ de tshe don snang 'di nyid ni/
/tshad yin yod du zin kyang ni/ don gzhan min phyir phyir rol la/
/'dzin bdag ltos par bya ba min/ zhes pa ste/ de'i don ni/ sngo

sogs shes pa rang gi bdag nyid yin kyang/ sngo sogs gzhal byar
byas pa de'i tshe/ sngo sogs don du med bzhin du don du snang
ba'i gzung ba 'di nyid ni tshad ma yin gyi/ de'i tshe 'dzin rnam
yod du zin kyang ni/ sngo sogs rang las don gzhan lta

bur snang ba ma yin pa'i phyir/ dbang shes la phyi rol lta bar
snang ba'i sngo sogs la/ 'dzin bdag ltos par bya ba min pa ste
'dzin rnam tshad ma min zhes pa'o/ /mdor na/ sngo sogs shes pa'i
bdag nyid yin kyang/ de gzhal byar byas pa'i tshe 'dzin

rnam sngon po sogs la ltos te gnyis snang dang bcas pa min pa'i
phyir/ tshad mar mi rigs zhes pa'o/ /gnyis pa gzung rnam tshad mar
'thad pa'i rgyu mtshan ni/ gang phyir ji ltar don bdag ste/ zhes
pa nas/ gnas pa de ltar de rab gsal/ zhes

pa'i par gyis ston te/ de'i don ni/ de'i tshe gzung rnam tshad mar
rigs par thal/ gzung ba'i rnam par skyes pa'i dbang shes kyis
sngo ser dang yid du 'ong mi 'ong sogs ma 'dres par gsal bar
nyams su myong zhing/ myong ba ltar tshad mas gnod

med du gnas pa'i don de la sngo ser sogs su 'jog pa'i phyir/
zhes pa'o/ /dogs pa gnyis pa ni/ don 'jog de yi bdag nyid phyir/
/rang rig yin yang don rig 'dod/ /de phyir yul tha dad pa'ang
min/ zhes pas spong ste/ de la rkang pa dang po gnyis kyi

@133a @#/ /don ni/ sngo sogs snang ba'i dbang shes chos can/ sngo
sogs la ltos te rang gi bdag nyid rig pa yin kyang/ khyod kyis
don sngo sogs rig pa 'bras bur 'dod pa la 'gal

ba med de/ khyod khyod rang gi stobs kyis drangs pa'i sngon po
rig go snyam pa'i bcad shes des sngon po rig par bzhag pa ltar
khyod kyis sngon po rig par 'jog nus shing/ sngon po de khyod
rang gi bdag nyid yin pa'i phyir zhes pa'o/ /de la don rig

'dod ces pa'i don ni/ nang gi shes bya'i ngo bo ni/ don yin/
zhes pa ltar yul tsam rig pa la bya'i/ don zhes pa gang yin phyi
don la mi gzung ngo/ don 'jog ces pa'ang/ sngo snang dbang shes
kyis drangs pa'i bcad shes kyis/ dbang shes de sngon

po rig par bzhag pa ltar 'jog nus zhes pa yin gyi/ sngo snang
dbang shes la shar ba'i rnam pa de rjes kyi bcad shes kyi don du
'jog ces pa min pas/ log pa'i lam gsal bar ma byed cig  /de
phyir yul tha dad pa'ang min/ zhes pa'i

don ni/ sngo sogs rig pa 'bras bur bzhag pa'i tshe/ rang gi bdag
nyid du gyur pa'i sngon po rig pa yin kyang/ tshad 'bras yul tha
dad du mi 'gyur te/ tshad mas kyang rang gi bdag nyid du gyur
pa'i sngon po gzhal ba yin pa de'i phyir/ zhes

pa'o/ /rang gi ngo bo dpyod pa na/ rang rig 'bras bu yin par
bshad/ /don rig de bdag nyid phyir ro/ /zhes pa ni/ rang rig yin
kyang don rig 'dod/ ces 'chad pa ste/ de yang/ sngo snang dbang
shes sogs sngo sogs la ltos te/ rang gi ngo bos

@133b rig pa yin/ zhes bshad pa ni/ sngo sogs shes pa rang gi
ngo bo yin par don de dbyad pa'i tshad mas dpyad pa'i dbang du
byas kyis/ tha snyad dpyod pa'i tshad mas sngo sogs shes pa rang
gi ngo bor rtogs mi nus la/ tha snyad dpyod pa'i tshad mas kyang
sngo sogs

su rtogs par byed pas don sngo sogs rig pa 'bras bur bshad do
zhes pa'i don to/ /sngo sogs shes pa rang gi ngo bor sgrub pa'i
don dam dpyod byed kyi tshad ma de yang/ nges par blo dang lhan
cig tu/ zhes sogs kyis 'og tu 'chad par byed la/ de'i don ni kho
bos

rgyas par gang du bshad zin to/ /de dang 'dra ba'am gzhan
'dra'ang rung/ zhes pa nas/ de 'dra ngas kyang mi shes so/ zhes
pa'i par gyis ni gong du bshad pa rnams kyi don bsdus te/ de
ltar na/ gzhal bya sngo sogs phyi rol gyi don yin pa de 'dra mi
'thad do zhes

ston pa'o/ /'bras rtog gsum par grags pa'i gzhung rnams kyi don
lhag ma med par bshad zin te/ de ltar na/ tshad ma dang 'bras
bu'i rnam bzhag rgya cher bshad pa yin no/ /tshad ma dang 'bras
bu'i rnam gzhag 'di dag shin tu don che zhing dgos pa rgya

che ba yin la/ rgya bod kyi mkhas rmongs rtog ge smra bar khas
'che ba phal che bas rang rang gi blo nus gang yod kyis 'bad pas
dpyad du zin kyang/ spyir grub pa'i mtha' gting zab cing/ gzhung
gi tshogs rtogs dka' ba dang/ khyad par 'bras rtog gsum par

grags pa'i gzhung 'di dag 'khrul pa'i gzhi che zhing/ tshig don
rab tu brlid ba sa phyogs mthong tsam yang shin tu nyung bar
snang zhing/ phyogs su ma phyin pa'i log pa'i tha snyad ches
mang du spel ba la/ 'bad pa chen pos blo gros rab tu ngal bar
gyur

@134a @#/ /par rtogs nas/ kye ma lugs ngan sna tshogs kyis blo
gros rab tu du ba pa 'di dag yang dag ba'i grib bsil gyis dbugs
phyin par gyur na ci ma rung snyam du bsams te/ yang dag pa'i
rigs pa mtha' dag gi gzhi rten gcig pur

gyur pa/ kho bo'i blo gros kyi sa gzhi rab tu yangs pa las legs
par bshad pa'i shing ljon pa 'di nyid mngon par sprul lo/ /mngon
sum tshad ma'i rnam gzhag bshad zin to/ /de ltar legs bshad bshad
pa'i me tog 'di/ /'jam dbyangs kyis

sprul sprul pa'i padma dang/ blo gsal nyer 'tsho mtsho skyes gzhon
nu'am/ /mkhas pa'i yid 'phrog 'phrog byed mgrin pa'i rgyan/
/gang yin snyam du du mar dpyad pa yis/ /shes ldan 'di kun kun
nas ngal ba snyam/ /bar skabs kyi tshigs su bcad pa'o// //

tshad ma'i dbye sgo gnyis pa rjes dpag tshad ma bshad pa la/ sgra
bshad/ dbye ba bshad pa gnyis/ dang po ni/ ci'i phyir rjes dpag
ces bya zhe na/ rtags mthong zhing 'brel pa dran pa'i rjes su
bsgrub bya dpog pas na/ rjes su dpag pa zhes bya'o/ /dbye ba ni/
rnam pa gnyis

te/ rang gi don gyi rjes su dpag pa dang/ gzhan gyi don gyi rjes
su dpag pa'o/ /de ltar yang tshad ma mdor/ rjes dpag rnam gnyis
rang don ni/ /tshul gsum rtags las don mthong yin/ zhes gsungs
pas so/ /'o na/ dang por rjes dpag gi mtshan nyid mi ston

par dbye ba sngar ston pa'i rgyu mtshan ci yin zhe na/ rang don
rjes dpag ni rjes dpag dngos yin la/ gzhan don rjes dpag ni rjes
dpag btags pa ba yin pas/ rjes dpag dngos btags gnyis ka la thun
mong du rjes su 'gro ba'i rjes dpag gi mtshan nyid

@134b mi srid pa'i phyir/ rjes dpag gi mtshan nyid zhugs na rjes
dpag btags pa bar 'gal ba'i phyir ro/ /rjes dpag dngos thams cad
la rjes su 'gro ba'i rjes dpag ni rang don rjes dpag nyid yin
pas/ de'i mtshan nyid las logs su rjes dpag spyi'i mtshan nyid

bstan mi dgos so/ /de bas na dbye ba sngar smos so zhes bya ba
ni dgongs pa yin la/ mkhas rlom kha cig  /slob dpon chos mchog
gis/ shes pa dang ngag gi rang bzhin yin pas shin tu tha dad
pa'i phyir/ mtshan nyid thun mong ba gcig rjes su 'gro ba med
pas/ zhes

pa'i 'grel pa sgra ji bzhin pa nyid kyi tshig la 'khrul te/ rjes
dpag gi dbye ba ston pa'i sngar mtshan nyid mi ston pa'i rgyu
mtshan/ rang don rjes dpag dang gzhan don rjes dpag la mtshan nyid
thun mong du rjes su 'gro ba mi srid pa'i phyir/ der thal/ rang
don rjes dpag

shes pa yin la/ gzhan don rjes dpag sgra yin pas shin tu tha dad
pa'i phyir/ zhes zer to/ /'o na/ shes bya chos can/ rtog pa dang
rjod byed kyi sgra gnyis la mtshan nyid gcig thun mong du rjes su
'gro ba mi srid par thal/ rtog pa shes pa yin zhing rjod byed
kyi sgra sgra yin

pas shin tu tha dad pa'i phyir/ rtags khyab khas so/ /'dod na/
de gnyis ka la yod pa'i mtshan nyid tshad mas dmigs pa zhes bya ba
de thun mong du rjes 'gro byed pa ma yin par thal lo/ /'dod na/
gang rung gcig med nges su thal lo/ /yang kha cig

/rjes dpag gi mtshan nyid dbye ba'i sngar mi ston pa'i rgyu mtshan/
rang don rjes dpag shes pa yin zhid/ gzhan don rjes dpag ngag
yin pas/ de gnyis la mtshan nyid thun mong ba gcig mi srid pa'i phyir
ro zhes  zer to/ /'o na/ shes bya chos can/ tshad ma'i mtshan nyid dbye

@135a @#/ /ba'i sngar ston pa mi rigs par thal/ mngon sum tshad ma
rtog med yin cing/ rjes dpag tshad ma rtog pa yin pas/ de gnyis
la mtshan nyid thun mong ba gcig mi srid pa'i phyir/ 'khor gsum
khas len no/ /de ltar rang don rjes

dpag dang gzhan don rjes dpag gnyis las/ dang po rang don rjes
dpag la sgra bshad pa ni/ rang rgyud ldan gyi gang zag gi sgro
'dogs sel ba'i bya ba byed pa'i phyir/ rang gi don ces bya la/
rtags mthong zhing 'brel ba dran pa'i rjes su bsgrub bya dpog
pa'i blo yin

pa'i phyir/ rjes dpag ces bya'o/ /mtshan nyid ni/ rang gi rten du
gyur pa'i rtags kyi tshul gsum dran pa'i dran shes las dngos su
skyes stobs kyis rang gi gzhal bya yongs su gcod pa'i blo/ dbye
na/ dngos po stobs zhugs kyi rjes dpag tshad ma/ grags pa'i rjes

dpag tshad ma/ yid ches pa'i rjes dpag tshad ma dang gsum/ dang
po'i mtshan nyid/ rang gi rten du gyur pa'i dngos po stobs zhugs
kyi rtags kyi tshul gsum dran pa'i dran shes las dngos su skyes
stobs kyis rang gi gzhal bya lkog tu gyur pa 'ga' zhig yongs su

gcod pa'i blo/ gnyis pa'i mtshan nyid/ rang gi rten du gyur pa'i
grags pa'i rtags kyi tshul gsum dran pa'i dran shes las dngos su
skyes stobs kyis rang gi gzhal bya 'dod pa tsam gyis bzhag pa
'ga' zhig yongs su gcod pa'i blo/ gsum pa'i mtshan

nyid/ rang gi rten du gyur pa'i yid ches pa'i rtags kyi tshul
gsum dran pa'i dran shes las dngos su skyes stobs kyis rang gi
gzhal bya shin tu lkog gyur 'ga' zhig yongs su gcod pa'i blo/
zhes so/ /rjes dpag tshad ma 'di dag gi tshad 'bras kyi rnam

@135b bzhag ni 'di yin te/ shes 'dod chos can 'ga' zhig go steng
du rtags yang dag 'ga' zhig gis bsgrub par bya ba'i don gzhal
bya de lta bu'i don spyi dngos su shar ba'i sgo nas/ de'i rnam
par skyes stobs kyis de la mi slu ba'i shes pa tshad ma/ de lta
bu rang la lkog

tu gyur pa'i tshul gyis rtogs pa 'bras bu/ zhes bya ba yin la/
rjes dpag gi tshad 'bras kyi rnam gzhag mngon sum dang mtshungs
par gsungs pa ni/ tshad 'bras kyi rnam gzhag gi 'jog 'tshams kyi
spyi mtshungs pa la dgongs pa yin gyi/ rnam pa thams cad du 'dra

ba ni ma yin te/ yin na ni/ mngon rjes kyi tshad mas gzhal bya
'jal ba'i tshul rnam pa thams cad du 'dra bar 'gyur la/ de 'dod
na/ rang gi dngos kyi gzhal bya de rang la mngon du gyur pa'i
sgo nas 'jal ba dang/ lkog tu gyur pa'i sgo nas 'jal ba'i khyad
par

med par thal lo/ /mngon sum dang rjes dpag gi tshad 'bras kyi
rnam gzhag 'di dag thams cad kyang tshad ma de dag gis dngos su
rtogs pa'i gzhal bya'i dbang du byas pa'i tshad 'bras gzhal gsum
gyi rnam gzhag yin gyi/ gzhal bya shugs rtogs

rnams kyi ma yin te/ shugs la rtogs pa'i gzhal bya rnams kyi
rnam pa dang/ don spyi 'char bas ma khyab bo zhes sngar bshad
zin to/ /'on kyang shugs rtogs kyi gzhal bya rnams ni dngos kyi
gzhal bya gzhal stobs kyis rtogs pa yin pas/ de

dag la ltos pa'i tshad 'bras kyi rnam gzhag logs su ma gsungs pa
yin no/ /gnyis pa gzhan don rjes dpag la/ gzhan don rjes dpag
bshad pa dngos/ de'i dngos kyi bstan bya gtan tshigs bshad pa/
shugs kyi bstan bya bsgrub bya bshad pa/ sgrub

@136a @#/ /ngag gi lam sbyong bshad pa dang bzhi/ /dang po la/
gzhan don rjes dpag gi rnam grangs/ sgra bshad/ mtshan nyid bzhag
/mtshan gzhi nges gzung ba bzhi/ dang po ni/ gzhan don rjes dpag
/rtags tshig yang dag/ sgrub dag yang dag don

gcig ming gi rnam grangs so/ /gnyis pa sgra bshad ni/ ngag smra
ba po rang nyid las gzhan pa'i gang zag gis bsgrub bya rtogs
pa'i don byed pas gzhan gyi don zhes smos la/ rjes dpag ces pa
ni/ rgyu mtshan dang dgos pa la brten nas/ rjes dpag tu btags pa

tsam yin zhing/ 'dogs pa'i rgyu mtshan ni/ 'bras bu rjes dpag gi
rgyu yin pas rgyu la 'bras bu'i ming gis btags pa'o/ /btags pa'i
dgos pa ni/ tshul gsum brjod pa'i ngag la rjes dpag skyes pa'i
nus pa yod par rtogs par bya ba'i phyir yin

la/ dngos la gnod byed ni/ ngag yin pas bem po'i rang bzhin yin
pa'i phyir ro/ /kha cig /btags pa'i dgos pa/ phyogs tshig sgrub
dag gi yan lag ma yin par rtogs par bya ba'i phyir yin zer ba ni
mi 'thad de/ gzhan don rjes dpag gi mtshan nyid

kyi zur du gsal byed smos pas kyang/ don de 'grub pas dgos pa
zlos pa'i skyon can du 'gyur ba'i phyir te/ gsal byed smos pas/
phyogs dngos su brjod pa'i sgrub dag lta bu lhag pa'i skyon can
rnams sgrub dag yang dag yin pa gcod pa'i phyir

ro/ /'o na/ khyed rang la yang dgos pa zlos pa'i skyon de 'byung
bar 'gyur te/ rjes dpag ces pa'i ming btags pa la brten nas/
tshul gsum brjed pa'i ngag la bsgrub bya rtogs pa'i rjes dpag
skyed pa'i nus pa yod par shes pa na/ phyogs tshig sgrub ngag

@136b gi yan lag ma yin par rtogs par 'gyur te/ phyogs tshig la
rjes dpag skyed pa'i nus pa med pa'i phyir/ zhe na/ skyon med
de/ tshul gsum brjod pa'i ngag la/ rjes dpag skyed pa'i nus pa
yod kyang/ ngag de'i yan lag thams cad la rjes dpag

skyed pa'i nus pa yod mi dgos pa'i phyir te/ tshul gsum chad pa'i
rtags la bsgrub bya sgrub pa'i nus pa yod pas tshul gang rung re
la bsgrub bya sgrub pa'i nus pa yod mi dgos pa bzhin no/ /'o na/
phyogs tshig sgrub dag gi yan lag ma yin pa'i sgrub byed

du phyogs sgrub byed ma yin pa bkod pa ma yin nam zhe na/ de'i
sgrub byed du phyogs sgrub byed kyi yan lag ma yin pa bkod pa
yin gyi/ phyogs sgrub byed ma yin pa bkod pa ma yin la/ /bkod na
skyon 'byung ste/ 'di ltar/ byas pas sgra mi rtag par sgrub pa'i

tshe na/ de sgrub kyi rjes khyab brjod pa'ang sgrub dag gi yan
lag yin par thal/ de sgrub kyi rjes khyab sgrub byed ma yin pa'i
phyir ro/ /ma grub na/ de sgrub kyi rjes khyab sgrub byed yang
dag tu 'dod dgos pas/ rjes khyab la yang tshul gsum tshad bar khas
len

dgos par 'gyur ro/ /sgrub byed yang dag brjod pa'i ngag yin pa'i
phyir/ sgrub dag yang dag ces bya la/ gtan tshigs yang dag gi
tshul gsum brjod pa'i tshig yin pa'i phyir/ rtags tshig yang dag
ces bya'o/ /gnyis pa mtshan nyid ni/ tshad ma mdor/ rang

gis mthong don rab gsal byed/ ces pa'i mod tshig gis ston par
byed pa yin la/ de la/ rang dang don dang gsal byed ces pa'i
tshigs sum gyis go rims bzhin du/ blo skyon dang don skyon dang
sgra skyon gsum sel bar byed de/ /'di ltar skye 'jig

@137a @#/ /sogs don la grub kyang/ grangs can rang gis ma grub
cing/ de lta na'ang/ phyi rgol gyi lung tsam gyis grub pa'i rgyu
mtshan gyis skye 'jig de blo bde sems med du sgrub pa'i rtags
yang dag yin la/ de'i phyir de lta bu'i rtags

brjod pa'i dag kyang sgrub dag yang dag yin no zhes smra ba bsal
ba'i phyir/ rang gis zhes smos la/ don la ma grub kyang skyes
bu'i 'dod pa dang lung tsam gyis bzhag pa'i rtags kyang yang dag
yin pas/ de nyid brjod par byed pa sgrub dag yang dag tu

smra ba bsal ba'i phyir/ don zhes smos shing/ rang gzhan gyi rto
ge pa sngar bas ba dag tshul gsum don la grub cing/ grub pa ltar
rang gis des kyang/ gzhan la ston pa na/ sgra ni mi rtag ste/
byas pa'i phyir/ dper na bum pa bzhin/ bum pa byas pa

bzhin du sgra yang byas/ de'i phyir sgra mi rtag ces pa lta bu/
ngag lhag chad can du smra ba bsal ba'i phyir/ bsal byed ces
smos so/ /ci'i phyir yan lag lnga ldan 'di dag lhag chad kyi
skyon dang bcas pa yin zhe na/ dam bca' brjod pa ni lhag pa yin
te/

bsgrub bya ni gang la bsgrub byar song ba'i gang zag de'i ngor
ma grub pa'i rang bzhin yin pas/ de brjod kyang rgol ba de'i
ngor bsgrub bya de la rtogs pa bskyed mi nus pa'i phyir ro/ /dpe
smos kyang de la rtags chos kyi 'brel ba ma bstan pas khyab

pa brjod pa ma tshang la/ nyer sbyor phyogs chos brjod pa dang
zlos shing/ mjug sdud dam bca' brjod pa dang zlos pa'o/ /de'i
phyir yan lag lnga ldan gyi sgrub pa'i ngag ni skyon dang bcas
pa'o/ /tshul gsum don la grub cing grub pa ltar tshad mas nges na/

@137b de rtags su smra ba po ji ltar skyon dang bcas par 'gyur
zhe na/ de lta na'ang/ phyi rgol la rtogs pa bskyed par 'dod
nas/ sgrub byed yang dag 'god par khas blangs bzhin du/ sgrub
pa'i yan lag ma tshang ba dang/ don med pa brjod na rgol ba la
skyon du

'gyur te/ rnam nges las/ gzhan gyi don gyi rjes su dpag par tshig
gi skyon yon gtso bor byed pa yin gyi don gyis ni ma yin te/ don
ji lta ba bzhin ma yin par brjod pas smra ba po la klan kar
'gyur pa'i phyir/ zhes gsungs pas so/ /de la rang gis mthong ba/

zhes pas/ rgol pa rang gis mthong ba dang/ phyi rgol rang gis
mthong ba gnyis ka'i dbang du byas pa yin la/ gal te nyan bar
byed pa la sogs pa mtshan nyid dang ldan pa yod na/ de dag gis
mthong ba'ang yin te/ de dag kyang dbang du bya ba yin pa'i
phyir ro/ /

zhes rgyan mkhan po 'dod la/ 'grel pa byed pa gzhan dag ni/ rang
gis mthong ba zhes pas snga rgol 'ba' zhig gis rtogs pa 'dzin no
snyam du sems so/ /de la rang gis mthong ba ni/ rang gi tshad mas
rtogs pa'o/ /don ni tshul gsum pa'i rtags so/ gal te/ snga rgol

rang gis mthong ba'i don ni bsgrub bya yang ma yin nam/ ji ltar
na/ tshul gsum pa'i rtags kho na rang gis mthong ba'i don du
bzhag ce na/ spyir rgol ba rang gis mthong ba'i don zhes pa snga
rgol gyis mthong ba'i bsgrub bya sgrub byed gnyis ka'i spyi sgra
yin kyang/ gsal

byed kyi tshig dang 'brel zhing/ shes byed ston pa'i skabs yin pa
nyid kyis tshul gsum pa'i rtags go bar byed kyi/ bsgrub bya ni ma
yin te/ tshul gsum pa'i rtags ni/ gzhan bsgrub bya la rtogs pa
skyed pa'i thabs yin pas/ gzhan don gyi skabs su gsal byed

@138a @#/ /kyi sgras ston par rigs kyi/ bsgrub bya ni rang nyid
shes byed gzhan gyis gsal bar bya ba yin pa'i phyir ro/ /de lta
na/ gzhan don rjes dpag gi mtshan nyid/ rgol ba rang gis mthong
ba'i tshul gsum skabs dang ma thun pa'i rgol ba gzhan la lhag
chad dang

bral ba'i sgo nas gsal bar byed pa'i ngag ces pa kha na ma tho
ba med pa yin no/ /bzhi pa mtshan gzhi ngos gzung pa la/ dbye ba
bshad pa dang/ yan lag gcig kho na can gyi sgrub dag yang dag
yod med dpyad pa gnyis kyi/ dang po ni/ gzhan don rjes dpag la
dbye na/ chos

mthun sbyor gyi sgrub dag yang dag dang/ chos mi mthun sbyor gyi
sgrub dag yang dag gnyis/ dang po'i mtshan nyid/ de sgrub kyi
rtags de sgrub kyi mthun phyogs kho na la yod par dngos su go
bar byed pa'i yan lag gnyis dang ldan pa'i ngag yang dag/ dper
na/ gang byas pa de thams

cad mi rtag/ dper na/ bum pa bzhin sgra yang byas/ zhes pa lta
bu'o/ /gnyis pa'i mtshan nyid/ de sgrub kyi rtags de sgrub kyi mi
mthun phyogs la med pa kho nar dngos su go bar byed pa'i yan lag
gnyis ldan gyi dag yang dag/ dper na/ gang rtags pa de thams cad
byas pa

min/ dper na nam mkha' bzhin/ sgra ni byas zhes pa lta bu'o/
/ding sang gang ri'i khrod kyi rtog ge ba mtha' dag 'di skad du/
chos mthun sbyor gyi sgrub dag yang dag yin na/ de sgrub kyi
shes 'dod chos can dang mthun dpe gnyis de sgrub kyi rtags dang
bsgrub bya'i chos su

chos mthun par dngos su ston pa yin dgos la/ chos mi mthun sbyor
gyi sgrub dag yang dag yin na/ de sgrub kyi chos can dang mi
mthun dpe gnyis rtags dang bsgrub bya'i chos su chos mi mthun
par dngos su sbyor zhing ston pa yin dgos so zhes smra'o/ /chos
mthun pa'i

@138b don kyang sgrub tshul yin sgrub rnams la ni yin par 'dra ba
dang/ yod sgrub rnams la ni yod par 'dra ba nyid mthun pa'i don
du 'dod do/ /de dag la kho bos 'di brjod par bya ste/ shes bya
chos can/ yin sgrub ltar gyi chos mthun sbyor gyi sgrub ngag
yang dag yin na/ de sgrub kyi shes 'dod chos

can de/ de sgrub kyi sgrub bya'i chos de yin par dngos su ston
pa'i ngag yin pas khyab par thal/ de yin na de sgrub kyi shes
'dod chos can dang/ mthun dpe gnyis de sgrub kyi bsgrub chos de
yin par 'dra bar dngos su ston pa'i ngag yin pas khyab pa'i
phyir/ rtags dngos 'dod

na; shes bya chos can/ de bsgrub kyi chos mthun sbyor gyi sgrub
dag yang dag yin na/ bsgrub bya dngos su brjod pa'i ngag yin
pas/ khyab par thal/ 'dod pa de'i phyir/ 'dod na/ bsgrub bya
dngos su brjod pa sgrub dag gi yan lag ma yin par ston pa'i
gzhung thams

cad dang 'gal zhing/ bsgrub bya dngos su brjod pa sgrub dag gi
skyon du khyed rang thams cad kyis khas blangs pa dang yang
dngos su 'gal lo/ /des na rigs sgor/ de la chos mthun pa ni gang
la gtan tshigs mthun pa'i phyogs nyid la yod pa ston par byed pa
ste/

gang byas pa de ni mi rtag par mthong ste/ dper na/ bum pa la
sogs pa bzhin/ zhes pa'o/ /chos mi mthun pa yang gang la bsgrub
par bya ba med pa la/ rtags med pa nyid du ston pa ste/ gang
rtag pa de byas pa ma yin te/ dper na nam mkha' bzhin/ zhes
pa'o;

zhes gsungs pa ltar/ rtag de sgrub kyi mthun phyogs kho na la
yod par mthun dpe dang sbyor zhing dngos su ston pa dang/ rtags
de bsgrub kyi mi mthun phyogs la med pa kho nar mi mthun dpe
dang sbyor zhing dngos su ston pa nyid chos mthun sbyor dang mi
mthun

@139a @#/ /sbyor gyi don yin gyi/ de lta ma yin par chos can dang
mthun dpe rtags dang bsgrub bya'i chos su chos mi tshungs par
dngos su sbyor ba dang/ chos can dang mi mthun dpe rtags dang
bsgrub bya'i chos su chos mi mtshungs par dngos su

sbyor ba nyid/ chos mthun sbyor dang/ mi mthun sbyor gyi don du
byas na/ sgrub dag yang dag gang yin thams cad/ bsgrub bya dngos
su brjod pa'i ngag tu smra dgos par 'gyur ro/ /de la chos mthun
sbyor gyi sgrub dag gis ni/ de sgrub kyi rjes khyab dngos su
brjod

cing/ ldog khyab shugs la brjod pa yin la/ chos mi mthun sbyor
gyi sgrub dag gis ni/ de sgrub kyi ldog khyab dngos su brjod
cing rjes khyab shugs la brjod pa yin la/ gnyis kas kyang de
sgrub kyi phyogs chos dngos su brjod par ni khyad par med do/ 'o
na/ rgol

ba gang la sgrub dag bstan dgos pa de la chos mthun sbyor dang
mi mthun sbyor gnyis ka ston nam/ gang rung ba gcig ston ce na/
gang rung ba gcig bstan pas chog gi/ gnyis ka ston pa skabs su
bab pa'i rgol ba rtog ldan mi srid de/ 'di ltar rtags kyi rnam
gzhag la blo

kha phyogs pa'i rgol ba rtog ldan/ de sgrub kyi sgrub dag yang
dag 'god pa skabs su bab pa yin na/ rtags de sgrub kyi mthun
phyogs kho na la yod par nges na/ mi mthun phyogs la med par don
gyis go zhing/ mi mthun phyogs la med pa kho nar nges na mthun

phyogs la yod par don gyis go bas khyab pa'i phyir/ de'i phyir/
de nyid kyi phyir 'brel shes na/ /gnyis las gang yang rung smras
pas/ /don gyis go bas cig shos la/ /dran pa yang dag skye bar
'gyur/ zhes gsungs pa yin no/ /gzhan dag rgol ba dbang rnon

@139b gyi der sgrub dag gang rung gcig gis rjes su 'gro ldog
gang rung gcig dngos su bstan pas cig shos shugs la rtogs pa'i
phyir/ sgrub dag gnyis ka bstan mi dgos la/ dbang rtul gyis de
ltar shugs la mi rtogs pa'i phyir/ sgrub dag gnyis ka bstan dgos
so zhes

smra ba rnams ni/ rang nyid kyis sgrub dag yang dag la yan lag
gnyis las mang ba mi srid par khas blangs pa dang dngos su 'gal
bar 'gyur te/ 'di ltar/ shes bya chos can/ rjes su 'gro ldog
gnyis ka dngos su brjod pa'i sgrub dag yang dag srid par thal/
rjes su 'gro

ldog gnyis ka sgrub dag yang dag gis dngos su bstan dgos pa'i
rgol ba srid pa'i phyir/ 'dod na/ sgrub dag yang dag yan lag
gsum ldan srid par thal lo/ /'dod na/ dngos su 'bud do/ /ci ste
sgrub dag yan lag gsum ldan yod pa'i skyon du mi 'gyur te/ rjes

khyab dngos su brjod pa dang ldog khyab dngos su brjod pa gnyis
ka yang/ khyab pa brjod pa zhes bya ba sgrub dag gi yan lag gcig
tu bgrang bar bya ba yin pa'i phyir te/ dpe brjod pa khyab pa
brjod pa las yan lag logs par mi 'jog pa bzhin zhe na/ 'o na
rjes

khyab dang ldog khyab gnyis ka yang khyab pa zhes bya ba rtags
yang dag gi tshul gcig tu bgrang bar bya ba yin par thal/ de
gnyis brjod pa khyab pa brjod pa zhes bya ba sgrub dag gi yan
lag gcig tu bgrang bar bya ba yin pa'i phyir/ rtags kyi dpe
khyab pa'i tshul

las tshul logs par mi 'jog pa bzhin zhes brjod na/ kun mkhyen
gyis kyang bzlog par dka'o/ /gzhan yang/ sgrub dag bstan dgos
kyi rgol ba dbang rtul gyis rtags mthun phyogs kho na la yod par
dngos su brjod pa'i don gyis rtags mi mthun

@140a @#/ /phyogs la med par go mi nus na/ de lta bu'i rgol ba
des/ sgra ni byas pa yin la/ /gang byas pa yin pa 'di 'dra kun
mi rtag ces brjod pas kyang/ sgra mi rtag pa yin zhes pa don
gyis mi go bar 'gyur te/ de dag shugs la

nges dka' sla mtshungs pa'i phyir ro/ /'dod na/ sgra ni byas yin
'di 'dra kun/ /mi rtag ces ni brjod bas kyang/ /don gyis des ni
'jig blor 'gyur/ zhes pa 'di ni rgol ba dbang rnon kho na'i
dbang du byas par 'gyur zhing/ rgol ba dbang rtul la sgrub dag
'god pa'i tshe/

rtags kyi nus yul rtogs par bya ba'i phyir bsgrub bya dngos su
bstan dgos par thal lo/ /gzhan yang/ shes bya chos can/ sgra mi
rtag par sgrub pa'i rtags yang dag 'god dgos kyi rgol ba dbang
rtul gyis sgra mi rtag par rtogs kyang sgra rtag pa ma yin par
rtogs mi nus

par thal/ sgra mi rtag sgrub kyi sgrub dag bstan dgos kyi rgol
ba dbang rtul gyis byas pa mi rtag pa kho na la yod par nges
kyang/ rtag pa la med par nges mi nus pa'i phyir ro/ /lan med
do/ /gnyis pa yan lag gcig kho na can gyi sgrub dag yang dag yod
med dpyad

pa la/ dgag gzhag gnyis las/ dang po gzhan lugs dgag pa ni/ kha
cig na re/ byas pa'i rtags kyis sgra mi rtag par sgrub pa'i
khyab 'brel shes zin ma brjed phyogs chos mi shes shes rung du
yod pa'i rgol ba'i ngor/ sgra byas zhes brjod pa'i ngag lta bu

ni/ sgrub dag yang dag yin te/ de sgrub kyi rtags kyi tshul brjod
pa'i ngag gang zhig/ de tsam gyis rgol pa'i rgyud la de sgrub
kyi bsgrub bya la rtogs pa skyed nus pa'i phyir/ des na/ mkhas
pa rnams la ni/ gtan tshigs 'ba' zhig brjod par zad ces gsungs

@140b pa yin no/ /de bas na/ yan lag gcig kho na can gyi sgrub
dag yang dag yod pa yin no zhes zer te/ /gzhan dag na re/ de ni
mi 'thad do/ /da lta bu'i ngag ni sgrub dag gi yan lag ma tshang
ba yin pa'i phyir te/ khyab pa brjod pa ma tshang ba'i phyir/ des
na/

gsum las tshul gang rung ba nyid/ /ma bstan ma tshang yin par
brjod/ ces gsungs pa yin no/ /de'i phyir/ de lta bu'i dag ni
sgrub dag skyon can de yin la/ byas pas mi rtag par sgrub pa'i
tshul gsum mi shes shes rung du yod pa'i rgol ba'i ngor byas

pas sgra mi rtag par sgrub pa'i tshul gsum dngos shugs la lhag
tshad med par brjod pa'i ngag yan lag gnyis ldan ni/ rgol ba de'i
ngor de sgrub kyi sgrub dag yang dag yin no/ /de lta ma yin par
yan lag gcig kho na can gyi sgrub dag yang dag yod na/

tshul gcig kho na can gyi rtags yang dag yod par thal lo/ /zhes
zer to/ /kho bos ni phyogs gnyis ka yang smig rgyu la tshur
bzungs nas de nyid yan lag brgyad dang ldan mi ldan rtsod pa
ltar/ ngal ba 'bras bu med pa'i rtsod par rtogs te/ gnyis kas
kyang

sgrub dag yang dag pa phyogs tsam yang ma mthong bar/ snying po
med pa'i rtsod pa lhur len pa'i phyir ro/ /de yang 'di ltar/
phyogs dang po/ /sgra byas par mi shes shes rung du yod pa'i
rgol ba'i ngor sgra byas zhes brjod pa'i ngag sgrub dag yang dag
yin par

'dod pa de la kho bos gnod byed bstan par bya ste/ shes bya chos
can/ sgra byas par mi shes shes rung du yod pa'i rgol ba'i dor/
dam bca' brjod pa'i tshig sgrub dag yang dag tu 'gyur ba yod par
thal/ rgol ba de'i ngor sgra byas zhes brjod pa'i

@141a @#/ /ngag ? sgrub ngag yang dag yin pa'i phyir/ khyab ste/
rgol ba de'i ngor de lta bu de dam bca' brjod pa'i tshig yin pa'i
phyir/ der thal/ de'i ngor sgra byas pa yin pa de bsgrub bya yin
pa'i phyir/ des na sgra byas par mi shes pa'i

rgol ba'i ngor sgra byas zhes brjod ba'i dag sgrub ngag yang dag
yin na/ de lta bu'i rgol ba'i ngor sgra byas pa yin pa de sgra
byas par sgrub pa'i sgrub byed yang dag tu thal zhing/ sgra mi
rtag par mi shes pa'i rgol ba'i ngor sgra mi rtag ces brjod pa
yang/ sgrub

ngag yang dag tu thal lo/ /de bas na phyogs 'di khas len pas ni/
phyogs tshig yin na sgrub ngag yang dag yin pas khyab par 'dod
dgos pas/ 'di de mi shes kyis bslangs yin/ zhes bya ba'i rnam
par thar bar zad do/ /gzhan yang/ sgra byas par

mi shes pa'i rgol ba'i ngor/ sgra byas zhes brjod pa de byas pas
sgra mi rtag par sgrub pa'i rtags kyi tshul brjod pa'i ngag yin
par thams cad 'dod pa de yang rnam par ma brtags pa ste/ shes
bya chos can/ de lta bu rgol ba de'i ngor de sgrub kyi rtags

kyi tshul brjod pa'i ngag ma yin par thal/ de lta bu de rgol ba
de'i ngor de sgrub kyi phyogs chos dang rjes su 'gro ldog gang
yang brjod pa'i ngag ma yin pa'i phyir/ phyogs chos brjod pa'i
ngag ma yin par thal/ sgra byas par ma shes pa'i rgol  ba'i

ngor/ byas pa de sgra mi rtag sgrub kyi phyogs chos ma yin pa'i
phyir/ der thal/ rgol ba de'i ngor byas pa sgra mi rtag sgrub
kyi phyogs chos yin na/ rgol ba des byas pa sgra'i steng du 'god
tshul dang mthun par yod par tshad mas nges dgos

@141b pa gang zhig/ rgol pa de sgra byas par ma shes pa'i rgol
ba yin pa'i phyir/ lan med do/ /des na/ phyogs chos kyi mtshan
nyid/ rang gi shes 'dod chos can gyi steng du 'god tshul dang
mthun par yod pa nyid du nges pa/ zhes smra ba dang/ sgra byas
par

ma shes pa'i rgol ba'i ngor/ sgra byas zhes brjod pa byas pas
sgra mi rtag par sgrub pa'i phyogs chos brjod pa'i ngag tu smra
ba dag ni/ 'gal ba'i phung po yin pas/ dag de phyogs chos brjod
pa'i ngag tu kha mthun byas pas/ ngag de sgrub ngag

yang dag yin min rtsod pa ni/ kye ma ngo mtshar che ba'i chos so/
/de'i phyir sgra byas par ma shes pa'i rgol ba'i ngor/ sgra byas
zhes brjod pa'i ngag sgrub ngag skyon can kyang min te/ yin na
sgra mi rtag par ma shes pa'i rgol ba'i ngor/ sgra mi rtag ces

brjod pa'ang sgrub ngag skyon can du thal lo/ /de 'dod na/
phyogs tshig yin na ngag skyon can yin pas khyab par thal/ phyogs
tshig yin na sgrub ngag skyon can yin pas khyab pa'i phyir ro/
/de 'dod na/ dam bca' yang dag mi srid par thal

lo/ /de bas na/ sgra byas par mi shes shes rung du yod pa'i rgol
ba'i ngor byas zhes brjod pa ni/ dam bca' brjod pa tsam gyi tshig
yin gyi/ sgrub ngag yang dag dang ltar snang gang gi'ang don med
do/ /phyogs gzhan dag gi 'dod pa ltar/

byas pas sgra mi rtag par sgrub pa'i tshul mi shes shes rung du
yod pa'i rgol ba'i ngor/ byas pas sgra mi rtag par sgrub pa'i
phyogs chos dang khyab pa lhag chad dang bral ba'i sgo nas brjod
pa'i ngag yan lag gnyis ldan yang/ rgol ba de'i

@142a @#/ /ngor sgrub ngag yang dag tu 'dod pa mi 'thad de/ byas
pas sgra mi rtag par sgrub pa'i phyogs chos dang rjes su 'gro
ldog mi shes pa'i rgol ba'i ngor/ sgra byas zhes brjod pa dang/
byas pa mi rtag pa kho na la yod pa

dang/ rtag pa la med pa kho nar brjod pa'i ngag thams cad dam
bca' brjod pa'i ngag yin pa'i phyir/ gzhan yang/ shes bya chos
can/ byas pas sgra mi rtag par sgrub pa'i tshul gsum mi shes shes
rung du yod pa'i rgol ba'i ngor byas pa de

sgra mi rtag sgrub kyi rtags yang dag tu thal/ rgol pa de'i ngor
de sgrub kyi phyogs khyab brjod pa'i ngag de rtags tshig yang dag
yin pa'i phyir/ 'dod na/ rgol ba de chos can/ khyod kyis byas
pa'i rtags kyis sgra mi rtag par sgrub pa'i phyogs

khyab nges par thal/ khyed kyi ngor byas pa de sgra mi rtag par
sgrub pa'i rtags yang dag yin pa'i phyir/ des na/ rtags yang dag
gi mtshan nyid tshul gsum so so'i mtshan nyid kyi zur du nges par
smos shing/ de yang rgol phyi rgol gnyis kas

nges pa'i dbang du byas pa yin par/ phyogs kyi chos ni rgol ba
dang phyir rgol gnyis ka la nges par gzung ngo/ /de bzhin du
mthun pa'i phyogs la yod pa dang med pa zhes bya ba la sogs pa
dag la yang ci rigs par brjod par bya'o/ /zhes

sogs kyis bshad pas/ tshul gsum ma nges pa'i rgol ba de'i ngor
rtags yang dag yin pa zhes bya ba mi srid pas/ de sgrub kyi tshul
gsum mi shes pa'i rgol ba'i ngor de sgrub kyi phyogs khyab brjod
pa'i ngag sgrub ngag yang dag

@142b yin pa mi srid do/ /gnyis pa rang lugs bzhag pa ni/ /sgrub
ngag yang dag 'god pa'i dus/ bkod pa'i dgos pa/ 'god pa'i tshul
rnams ji ltar yin zhe na/ bshad par bya ste/ de yang byas pas
sgra mi rtag pa bsgrub pa lta bu'i sbyor ba skor gcig la mtshon

nas bstan par bya ste/ 'di ltar/ sgra mi rtag par sgrub dgos kyi
rgol ba/ sgra rtag 'dzin gyi sgro 'dogs shas chung zhing/ the
tshom shas che bar gyur pa dang/ gtso cher sgro 'dogs shas che
bar gyur pa'i rigs gnyis las/ dang po ni/ sngar sgra rtag mi
rtag gang la yang blo

kha ma phyogs pa'am/ sngar nas blo kha phyogs kyang/ rtag mi
rtag gang gi phyogs la yang sgrub byed sogs ma mthong bas/ da
lta sgra rtag mi rtag gang yin snyam du the tshom za nas mtha'
gcig tu shes par 'dod pa ste/ 'di lta bu'i rgol pa la yang rtag
mi rtag la gnyis yin

gyi phung gsum srid par dogs pa dang/ mi dogs pa gnyis las/ dogs
pa la dang por sgra rtag pa'i gnod byed bstan nas/ de'i rjes su
sgra mi rtag par sgrub pa'i sgrub ngag 'god par byed pa yin
cing/ rtag mi rtag la gnyis yin srid bar mi dogs pa la ni/ sgra
rtag mi

rtag mtha' gcig tu shes par 'dod nas 'dri ba na/ sgra mi rtag
par sgrub pa'i sgrub ngag bstan pas chog gi/ sgra rtag pa'i gnod
byed bstan mi dgos so/ /sgro 'dogs shas che bar gyur pa'i rgol
ba la ni/ sgra rtag par bden zhen gyis mtha' gcig tu 'dzin
pa'am/ phal cher

sgra rtag las cha snyam du 'dzin pa'i rgol ba ste/ 'di la yang
rtag mi rtag phung gsum khegs pa'i dngos 'gal du nges pa dang ma
nges pa gnyis las/ nges pa la sgra rtag pa'i gnod byed dang/ mi
rtag pa'i sgrub byed gang yang rung ba gcig bstan pas chog gi/
gnyis

@143a @#/ /ka bstan mi dgos te/ rgol pa des sgra rtag pa ma yin
par mthong ba tsam gyis mi rtag par nges nus la/ mi rtag par
mthong ba tsam gyis kyang rtag pa ma yin par nges nus pa'i
phyir/ rtag mi rtag phung gsum khegs pa'i dngos 'gal du ma nges

pa la ni/ dang por sgra rtag pa la/ sgra dus rtag tu thos pa'am/
yang na lan gcig kyang mi thos par thal ba la sogs pa'i gnod
byed bstan nas/ phyis sgra mi rtag par sgrub pa'i sgrub ngag
dgod par bya ba yin no/ /sgrub ngag 'god pa'i tshul ni/ sgra mi
rtag pa'i sgrub

byed 'god pa skabs su bab pa'i rgol ba'i ngor/ sgra mi rtag pa'i
sgrub byed 'god par khas blangs pa'i rgol ba yang dag gis/ gang
byas pa de ni mi rtag/ dper na bum pa bzhin/ sgra yang byas pa
yin no/ /zhes pa'am/ gang rtag pa de ni ma byas/ dper na/ nam
mkha'

bzhin/ sgra ni byas pa'o/ /zhes pa'i tshul gyis 'god par byed la/
de'i tshe sgrub ngag 'god dgos kyi rgol ba des byas pas sgra mi
rtag par sgrub pa'i tshul gsum ma nges pas/ de'i ngor byas pa
sgra mi rtag sgrub la rtags yang dag tu bkod pa yin gyi/ song ba
ma yin la/ de'i phyir ngag

de yang sgrub ngag yang dag tu bkod pa yin gyi/ song ba ma yin
no/ /bkod pa'i rjes thogs su/ dang por phyogs khyab gnyis rim
gyis so sor sgrub par byed la/ phyogs khyab bsgrubs nas so sor
shes pa na/ rgol ba dbang rnon la ni/ sgrub ngag skyar ma 'god
mi dgos

par sngar bkod pa de dran pa'i stobs kyis tshul gsum so sor shes
pa de dag phyogs gcig tu dran par nus shing/ de'i tshe sngar bkod
pa'i sgrub ngag de nyid sgrub ngag yang dag tu song ba dang/
byas brtags su bkod pa de yang rtags yang dag tu song ba'i dus
yin no/ /rgol

@143b ba dbang rtul la ni/ tshul gsum so sor bsgrub nas shes par
byas pa 'og tu/ tshul gsum gcig car dran par bya ba'i phyir du
slar sgrub ngag skyar ma 'god dgos la/ sngar tshul gsum so sor
shes zin ma brjed pa de nyid sgrub dag gis tshul gsum dus gcig tu
brjod

pa la brtan nas/ tshul gsum dus gcig tu dran par nus pas/ phyis
bkod pa'i sgrub ngag ni/ bkod tsam nas sgrub ngag tu 'gyur ba
yin no/ /mdor na/ sgrub ngag gi byed las ni/ tshul gsum shes zin
dran par byed pa yin gyi/ ma shes pa shes par byed pa ma yin

pas/ nang gi yan lag nus pa ni/ /tshul gsum dag la yang dag gnas/
/de la dran pa skyed pa ni/ /de nyid tshig la yang dag gnas/ zhes
gsungs pa yin no/ /de lta ma yin par/ sgrub ngag gis tshul gsum
ma shes pa shes par byed nus na/ tshul gsum brjod pa'i

ngag tsam las tshul gsum nges pa'i blo skye bar thal lo/ /'dod
na/ bsgrub bya brjod pa'i tshig tsam las bsgrub bya nges pa'i blo
skye bar mtshungs pas/ rjes dpag 'jug pa don med pa nyid du 'dod
par gyis shig/ des na tshul gsum nges byed kyi tshad ? mas tshul

gsum nges par byed cing/ tshul gsum nges zin ma brjed pa de dag
dran par sgrub ngag gis byed la/ tshul gsum dran pa'i dran shes
las bsgrub bya rtogs pa'i rjes dpag skye ba yin no/ /de'i phyir
tshul gcig kho na brjod par byed pa'i sgrub ngag yang dag

ni mi srid de/ de lta bu'i sgrub ngag las tshul gcig kho na dran
pa skyed par nus kyi/ tshul gsum dus cig car du dran par byed mi
nus pa'i phyir ro/ /mkhas pa rnams la ni/ gtan tshigs 'ba' zhig
brjod par zad/ ces gsungs pa ji ltar yin zhe na/

@144a @#/ /dpe la de yi ngo bo dang/ zhes pa nas/ gtan tshigs 'ba'
zhig brjod par zang/ ces pa'i bar gyis/ /khyab 'brel mi shes pa
la rtags chos kyi 'brel pa nges byed kyi tshad ma dpe'i steng du
ston la

khyab 'brel shes pa'i mkhas pa phyogs chos mi shes pa rnams la
ni/ gtan tshigs 'ba' zhig des byed kyi thabs brjod pa'am chad ma
ston dgos par zad kyi/ khyab 'brel nges byed kyi tshad ma ston mi
dgos zhes pa'o/ /nges na/ dpe la de'i ngo bo dang/

zhes sogs kyis/ tshul gsum shes pa shes par byed pa'i tshad ma
ston tshul gyi khyad par bshad pa yin la/ de nyid kyi phyir 'brel
shes na/ zhes pa nas/ dran pa yang dag skye bar 'gyur/ zhes pa'i
bar gyis/ khyab 'brel shes zin dran par bya ba'i phyir

du sgrub dag 'god tshul gyi khyad par bstan pa yin no/ /gzhung
'di dag dpyis phyin par bshad pa sngon chad gangs ri'i khrod du
kho bo 'ba' zhig yin la/ 'phags pa'i yul du ni gzhung snga ma
tshul gsum des byed kyi tshad ma la 'chad par/ 'grel

pa mkhan po phal che ba mthun cing/ rang 'grel /shA kya blo/
bram ze chen po'i 'grel bshad sogs na ches gsal bar yod pas/ blo
gros dang ldan pa dag gis bltas pas rtogs par 'gyur la/ 'dir ni
yi ge mangs par 'gyur bas 'grel tshig rgya cher

'brib la ngal ba ma byas so/ /dzA ma ris/ gtan tshigs 'ba' zhig
brjod par zad/ ces pa gzhan don rjes dpag la sbyar nas bshad pa
ni/ ma brtags pa'am brtags kyang mgo rmongs pa'i bab col te/
rgyu mtshan gong du bshad zin to/ /sgrub dag gi tshul

@144b la bshad par bya ba mang du yod kyang/ mdor bsdu bar 'dod
nas ma spros so/ /thub pa'i nyi ma las gzhan pa/ /'jig rten nyi
ma mtha' dag ni/ u dumba ra rgyas pa'i tshal/ /rkang 'thung
mchog la mun pa ste/ /gting dpag dka' ba'i chu skyes la/ bdag
blo thub pa'i nyi ma bzhin/ zhes bya ba ni

bar skabs kyi tshigs su bcad pa'o// //gnyis pa gzhan don rjes
dpag gi dngos kyi bstan bya gtan tshigs bshad pa la/ gtan tshigs
yang dag bshad pa dang/ bzlog phyogs gtan tshigs ltar snang bshad
pa gnyis/ dang po la/ mtshan nyid gzhag pa/ rnam

gzhag dpyad pa/ dbye ba bshad pa dang gsum/ dang po la/ dgag
gzhag gnyis las/ gzhan lugs dgag pa ni/ kha cig na re/ tshul gsum
tshang ba la nges bsam khyab ste/ tshul gsum tshad ba la phyogs
khyab grub pa tsam gyis chog la/ tshul

gsum nges pa la phyogs khyab phyi rgol gyis tshad mas ngas dgos
pa'i phyir ro/ /des na/ gtan tshigs yang dag gi mtshan nyid/ tshul
gsum tshad mas nges pa zhes bya ba yin no zhes smra'o/ /tshul 'di
ni khyed rang gis phyogs chos kyi mtshan nyid/ rang gi

shes 'dod chos can gyi steng du 'god tshul dang mthun par yod pa
nyid du nges pa'i gtan tshigs/ zhes pa dang 'gal ba yin te/ 'di
ltar shes bya chos can/ phyogs chos yin na nges pas khyab par
thal/ phyogs chos yin na de sgrub kyi shes 'dod chos can

kyi steng du 'god tshul dang mthun par yod pa nyid du des pa yin
dgos pa'i phyir/ rtags gsal khas so/ /des na/ gtan tshigs kyi ni
tshul gsum la'ang/ zhes sogs kyis/ tshul gsum so sor mtshan nyid
kyi zur du des pa smos par gsungs pa yin

@145a @#/ /gyi/ rtags yang dag gi mtshan nyid kyi zur du nges pa
smos par gsungs pa ma yin la/ sde bdun gyi gzhung gi cha du ma
las tshul gsum so so'i mtshan nyid kyi zur du nges pa dngos su
smos nas bstan pa'i phyir/ tshul gsum

tshang na phyogs khyab nges pas khyab pa yin la/ des na tshul gsum
tshang ba la nges pas ma khyab par 'dod pa ni/ tshul gsum so so'i
mtshan nyid la ma brtags par zad do/ /des na/ phyi rgol gyi blos
nges dgos na/ grub na'ang phyi rgol gyi tshad mas grub

dgos par mtshungs pas/ rgyu mtshan kyang 'khrul pa kho na'o/ /rang
lugs ni/ rtags yang dag gi mtshan nyid/ tshul gsum tshang pa'o/
/gnyis pa rnam gzhag dpyad pa la/ tshul gsum so so ngos bzung
zhing 'gal mi 'gal dpyad pa dang/

ltos gzhi gsum ngos bzung zhing chos can gzhi ma grub pa'i rtags
yang dag yod med dpyad pa dang/ rgol ba gang gi ngor rtags yang
dag yin min dpyad pa dang/ rtags yang dag gi rtags chos don gsum
ngos gzung ba dang bzhi/ dang po la/

dgag gzhag gnyis las/ gzhan lugs dgag pa ni/ kha cig na re/
phyogs chos ni rtags shes 'dod chos can gyi steng du 'gong tshul
dang mthun par yod par nges pa yin la/ 'god tshul dang mthun pa'i
don yin 'god rnams la ni/ chos can

de rtags de yin pa dang/ yod 'god rnams la rtags de chos can de
la yod pa la 'dod do/ /rjes khyab ni de sgrub kyi rtags la
bsgrub bya'i chos kyi khyab pa gang zhig/ des sgrub kyi rtags
kyi tshul yin pa dang/ ldog khyab ni/ de sgrub kyi chos log pa
rtags

@145b log gis khyab pa'i rtags kyi tshul/ des na rjes su 'gro
ldog gi khyab pa ni 'gal ba yin te/ byas pas sgra mi rtag par
sgrub pa lta bu la mtshon na/ shes bya chos can/ byas pa sgra mi
rtag sgrub la rtags yang dag tu song ba'i tshe/ de sgrub kyi rjes
su 'gro ldog 'gal

bar thal/ byas pa la mi rtag pas khyab pa dang rtag pa la ma
byas pas khyab pa 'gal ba'i phyir/ der thal/ byas pa la mi rtag
pas khyab pa yin na mi rtag pa yin pas khyab/ rtag pa la ma byas
pas khyab pa yin na rtag pa yin pas khyab pa'i phyir/ zhes zer
to/ /kha

cig na re/ de sgrub kyi rjes su 'gro ldog gnyis mi 'gal ba yin
te/ byas na mi rtag pas khab ba dang rtag na ma byas pas khyab
ba gnyis mi 'gal ba'i phyir/ der thal/ gzhi grub na/ de gnyis ka
yin pas khyab pa'i phyir/ de gnyis rjes su 'gro ldog gi

khyab pa ma yin na/ gang byas na mi rtag pas khyab/ dper na bum
pa bzhin/ sgra yang byas zhes pa dang/ gang rtag na ma byas pas
khyab/ dper na nam mkha' bzhin/ sgra ni byas zhes pa de dag de
sgrub kyi chos mthun sbyor dang mi mthun sbyor gyi sgrub ngag ma
yin

par thal lo zhes zer zhing/ tshul gsum gyi mtshan nyid ni sngar
ltar smras/ /kha cig/ phyogs chos kyi mtshan nyid sngar dang 'dra
ba la/ rjes su 'gro ldog gi mtshan nyid/ rtags bsgrub bya'i chos
la 'brel stobs kyis de sgrub kyi mthun phyogs kho

na la yod par nges pa dang/ de'i stobs kyis de sgrub kyi mi
mthun phyogs la med pa kho nar nges pa/ zhes smras nas/ byas pa
la mi rtag pas khyab pa dang/ rtag pa la ma byas pas khyab pa
gnyis de sgrub kyi rjes su 'gro ldog yin la/ de yang ri

@146a @#/ /pa bzhin/ mi rtag pa dang rtag pa yin pas/ de sgrub
kyi rjes su 'gro ldog 'gal lo zhes zer zhing/ kha cig /rjes su
'gro ldog gi mtshan nyid phyi ma ltar smras nas/ byas na mi rtag
pas khyab pa dang/ rtag na ma byas pas khyab pa mi 'gal ba'i
phyir

de sgrub kyi rjes su 'gro ldog mi 'gal bar 'dod la/ thams cad
kyang/ byas pas sgra mi rtag sgrub kyi mthun phyogs mi rtag pa
dang/ mi mthun phyogs rtag pa la 'dod pa la khyad par med do/
/de dag thams cad kyang mi 'thad de/ 'di ltar phyogs dang po
gnyis la skyon 'di yod

de; rtag pa la ma byas pas khyab pa chos can/ khyod byas pa'i
rtags kyis sgra mi rtag par sgrub pa'i rtags kyi tshul ma yin par
thal/ khyod de sgrub kyi sgrub byed kyi yan lag ma yin pa'i
phyir/ ma grub na/ khyod sgra mi rtag par sgrub pa'i sgrub byed
kyi yan lag yin na khyod

rtag pa yin pa 'bud/ rtag na ma byas pas khyab pa la'ang des
rigs bsgre bar bya zhing/ byas na mi rtag pas khyab pa chos can/
khyod byas pas sgra mi rtag par sgrub pa'i rjes khyab ma yin par
thal/ de sgrub kyi mi mthun phyogs yin pa'i phyir/ der thal/
khyod dngos

por med pa'i chos yin pa'i phyir/ der thal/ gzhi grub na khyod
yin dgos pa'i phyir/ rtags dngos so/ /phyogs phyi ma gnyis la
ni/ dngos 'gal 'ba' zhig khas len dgos pa 'byung ste/ 'di ltar/
rtag pa la ma byas pas khyab pa chos can/ khyod byas pa'i rtags
kyis

sgra mi rtag par sgrub pa'i mi mthun phyogs la med pa kho nar
nges pa yin par thal/ khyod de sgrub kyi ldog khyab yin pa'i
phyir/ /khyab pa mtshan nyid la 'bud/ rtags dngos/ 'dod na/ rtag
pa yin pa 'bud/ phung 'tshams dngos la 'bud/ rtag na ma byas pas
khyab pa

@146b chos can/ khyod de sgrub kyi mi mthun phyogs ma yin par
thal/ khyod de sgrub kyi ldog khyab yin pa'i phyir/ rtags khyab
khas blangs/ 'dod na/ de chos can/ khyod de sgrub kyi mi mthun
phyogs yin par thal/ khyod rtag pa yin pa'i phyir/ 'khor gsum
dngos so/ /thams cad kyi

thun mong gi 'dod pa/ sbyor ba skor gcig gi rtags la bsgrub
bya'i chos kyis khyab pa rjes khyab dang chos log la rtags log
gis khyab pa ldog khyab tu 'dod pa mi 'thad de/ de lta na/ sbyor
ba skor gcig gi rtags la chos kyis khyab na/ chos lag la'ang
rtag log

gis khyab pa dang/ chos log la rtags log gis khyab na/ rtags
la'ang chos kyi khyab dgos par 'gyur te/ sbyor ba skor gcig gi
rjes khyab dang ldog khyab gcig grub na/ cig shos kyang grub
dgos par 'dod pa rigs pa smra ba dag gi spyi'i tshul yin cing/
khyed

rang yang 'dod pa'i phyir ro/ /de ltar 'dod na/ shes bya chos
can/ nam mkha' gzhal byar sgrub pa la rtag pa rtags su bkod pa'i
tshe/ gzhal bya ma yin pa la mi rtag pas khyab par thal/ rtag pa
la gzhal bya yin pas khyab pa'i phyir/ /'di la lan gdab

par nus pa yod na/ kho bos mchog sbyin par bya'o/ /ci ste/ de
sgrub kyi rtag log mi rtag pa ma yin no zhe na/ 'o na/ rtag mi
rtag dngos 'gal ma yin par thal lo/ /rtag pa la gzhal byas ma
khyab bo zhe na/ 'o na/ gzhal bya sgra rtag sgrub kyi mthun
phyogs

mi mthun phyogs gnyis ka la khyab byed du 'jug pa ma yin par
thal lo/ /gzhan yang/ shes bya chos can/ skyes bu yod nges su
sgrub pa la bdag dang bcas pa rtags su bkod pa'i tshe/ bdag dang
bcas pa la yod nges kyis khyab par thal/ yod

@147a @#/ /nges ma yin pa la bdag bcas ma yin pas khyab pa'i
phyir 'dod na/ ? bdag dang bcas pa de med nges ma yin par thal/
de la yod nges kyis khyab pa'i phyir ro/ /shes ldan dag lkugs
par ma gyur na legs so/ /gzhan yang shes bya chos

can/ mig shes yin na tshad ma yin par thal/ gzugs yin na gzhal
bya yin pa'i phyir/ zhes bkod na/ gzugs yin na gzhal bya yin na/
mig shes yin na tshad ma yin par thal/ mig shes min na tshad ma
yin na/ gzug yin na gzhal bya ma yin

dgos pa'i phyir/ khyab pa khas/ 'dod na/ mig shes yin na tshad ma
yin par thal/ gzugs yin na gzhal bya yin pa'i phyir/ 'dod na/
skra shad 'dzag snang gi mig shes mi srid par thal lo/ /rtsa
rtags ma grub na/ der thal/ mig shes yin na tshad ma ma yin na/ /

gzugs 'dzin tshad ma med dgos pa'i phyir/ phyogs chos kyi mtshan
nyid rang gis shes 'dod chos can gyi steng du 'god tshul dang
mthun par yod par nges pa/ zhes sogs smra ba mi 'thad de/ sgra
mi rtag par sgrub pa la sgra rtags su bkod pa yang phyogs

chos su thal/ sgra sgra yin pa kho nar nges pa'i phyir/ des na/
'di lta bu gzhi rtags tha dad med na ma ma grub pa'i rtags su
smras nas/ phyogs chos kyi mtshan nyid de ltar smra ba ni 'gal ba
yin no/ /gnyis pa rang lugs ni/ phyogs chos kyi mtshan nyid/ de

sgrub kyi 'god tshul dang mthun pa'i sgo nas rang gi gzhi shes
'dod chos can de'i chos su yod pa kho nar nges pa'i gtan tshigs/
dper na/ sgra mi rtag sgrub la rtags yang dag tu song ba'i byas
pa lta bu'o/ /rjes khyab kyi mtshan nyid/ de sgrub kyi mthun
phyoD

@147b kho na la yod par tshad mas nges pa'i gtan tshigs/ ldog
khyab kyi mtshan nyid/ de sgrub kyi mi mthun phyogs la med pa kho
nar tshad mas nges pa'i gtan tshigs/ de gnyis ka yang/ dper na/
sgra mi rtag sgrub la rtags yang dag tu song ba'i byas pa lta
bu'o/ /don 'di ni slob dpon

gyi gzhung lugs dag las gsal bar bstan te/ rnam nges las/ tshul
gsum po de ni/ rjes dpag bya dang de mtshungs la/ yod dang med la
med pa ni/ nges pa/ rjes su dpag par bya ba ni 'dir shes par
'dod pa'i bye brag dang ldan pa'i chos can te/ de la mngon sum
mam

rjes su dpag pas mthong ba'o/ /de bzhin du de dang mthun pa nyid
la yod/ ces pa nas/ bsgrub par bya ba dang rigs mthun pa la yod
pa'i gtan tshigs de'i med pa nyid ni tshul gsum pa ste/ de yang
nges pa yin no/ /mthar smos pa'i nges pa nyid ni tshul gsum

ga la blta'o/ /zhes sogs dang/ rigs thigs las kyang/ tshul gsum
pa nyid kyi rtags ni rjes su dpag par bya ba la yod pa nyid
dang/ mthun pa'i phyogs nyid la yod pa dang/ mi mthun pa'i
phyogs la med pa nyid du nges pa'o/ /zhes sogs dang/ gtan tshigs

thigs pa sogs las kyang/ de dang mthun par gsungs so/ /de yang
khyab pa la rnam pa bzhi ste/ rjes khyab/ ldog khyab/ dngos
khyab/ bzlog pa'i khyab pa rnams so/ /dang po gnyis ni gong du
bshad zin la/ dngos kyi khyab pa ni/ de skor gyi rtags la chos

kyis khyab pa yin cing/ de las bzlog pa'i khyab pa ni/ chos log
la rtags log gis khyab pa yin la/ rjes su 'gro ldog gi khyab pa
ni/ sbyor ba skor gcig gi steng du gcig yod pas khyab pa yin la/
dngos bzlog gnyis gcig yod na gcig yod pas

@148a @#/ ;khyab mi dgos so/ /de yang rtags yang dag la ni rjes
su 'gro ba dang ldog pa'i khyab pa nges par grub dgos shing/ ma
grub na rtags yang dag tu mi 'gyur la/ dngos khyab dang/ go
bzlog gi khyab pa grub cing/ phyogs chos grub pa tsam gyis

rtags yang dag tu mi 'gyur te/ sgra mi rtag sgrub la mnyan bya
bzhin no/ /des na rgol ba de'i ngor bsgrub bya la rtogs pa skyed
pa'i yan lag tu bkod pa'i rtags la/ khyab pa grub ma grub rtsi
ba ni/ rjes su 'gro ldog gi khyab pa grub ma grub rtsi ba yin
gyi go bzlog gi khyab pa grub

ma grub rtsi ba ni ma yin la/ grub pa dgos pa'i nges pa med cing
ma grub kyang skyon du 'gyur ba med do/ /thal 'gyur yang dag gi
khyab pa tshad mas grub ma grub rtsi ba ni/ gtso bor dngos khyab
tshad mas grub ma grub rtsi ba yin pas/ khyab pa tshad grub kyi
thal 'gyur la

dngos khyab nges par tshad mas grub dgos la/ rjes su 'gro ba'i
khyab pa yod dgos pa'i nges pa med de/ myu gu rgyu med du skye
ba khas blangs pa la/ myu gu chos can/ khyod lan gcig kyang mi
skye bar thal/ rgyu med du skye ba'i phyir/ zhes pa'i thal 'gyur
de'i khyab pa tshad

mas grub kyang/ dngos khyab ma gtogs rjes su 'gro ba'i khyab pa
grub pa ma yin pa'i phyir te/ grub na/ rgyu med du skye ba lan
gcig kyang mi skye ba la yod pa kho nar tshad mas nges dgos pas/
rgyu med du skye ba yod par thal ba'i phyir ro/ /des na/ rgyu
med du skye

ba lan gcig kyang skye ba la yod na/ rgyu med du skye ba yod
dgos la/ de la des khyab pa yod kyang/ de yod mi dgos te/ bzhi
ma grub pa la bdag med pas khyab pa yod kyang/ gzhi ma grub yod
mi dgos pa bzhin no/ /'di 'dra'i rigs can shin tu mang

@148b bas/ blo gros dang ldan pa dag gis dpyad pas shes par
'gyur ro/ /sgrub byed 'phan pa'i thal 'gyur la ni/ thal 'gyur
de'i dngos khyab go bzlog gi sbyor ba la/ rtags yang dag yod
dgos pa yin la/ 'on kyang thal 'gyur de la dngos khyab yod na/
go

bzlog gi khyab pa yod mi dgos so/ /nges na rjes su 'gro ldog gi
khyab pa zhes pa ni/ rtag mthun phyogs la rjes su 'gro ba dang/
mi mthun phyogs las ldog pa'i khyab pa zhes bya ba'i don yin la/
rtags la chos kyis khyab pa dang/ chos log la rtags log

gis khyab pa ni/ sgras dngos zin ltar gyi khyab pa dang/ de las
go bzlog pa'i khyab pa yin pas/ mi mthun phyogs las ldog pa
dang/ go bzlog pa nar ba'i lam chen po la ma 'jug cig /chos
mthun sbyor gyi sgrub ngag gis rjes khyab dngos su bstan pa'i

don kyang/ sgrub dag de las rtags mthun phyogs kho na la yod pa
dngos su rtogs nus shing/ de'i shugs la mi mthun phyogs la med
nges rtogs nus pas rjes 'gro dngos bstan dang/ ldog khyab shugs
bstan ces bya'i/ rtags la chos kyis

khyab pa rjes khyab yin pa'i rgyu mtshan gyis/ rjes khyab dngos
bstan du brjod pa ma yin no/ /tshul gsum gyi rnam bzhag bshad zin
to/ /gnyis pa ltos gzhi gsum des gzung zhing chos can gzhi ma
grub pa'i rtags yang dag yod med dpyad

pa la gnyis las/ dang po ltos gzhi ngos gzung ba la dgag gzhag
gnyis las/ gzhan lugs dgag pa ni/ kha cig na re/ mthun phyogs
kyi mtshan nyid/ chos can dang bsgrub bya'i chos kyi spyis don
mthun pa/ mi mthun phyogs kyi mtshan nyid/ de'i spyis

@149a @#/ /don mi mthun pa/ de dag gi don kyang/ chos can dang
bsgrub bya'i chos der mtshungs pa dang mi mtshungs pa la 'dod do/
/de ni mi 'thad de/ shes bya chos can/ gzhal bya'i rtags kyis
sgra rtag par sgrub pa'i mthun phyogs mi srid par

thal/ sgra dang rtag pa yin par mthun pa mi srid pa'i phyir/ lan
med do/ /mtshan nyid 'di ltar byas nas/ rjes khyab kyi mtshan nyid
rtags mthun phyogs kho na la yod par nges pa zhes zer ba ni/
'gal ba yin te/ 'di ltar/ shes bya chos can/ byas pa'i rtags
kyis

sgra mi rtag par sgrub pa'i rjes khyab nges pa bsgrub bya nges
pa la ltos par thal/ de sgrub kyi rjes khyab nges pa la/ byas pa
de sgrub kyi mthun phyogs kho na la yod par nges dgos/ de nges
pa la de sgrub kyi mthun phyogs kho na la yod par nges dgos/ de
nges pa la de sgrub

kyi mthun phyogs nges dgos/ de nges pa la sgra dang mi rtag pa
yin par mthun pa nges dgos pa'i phyir/ yang kha cig /mthun
phyogs kyi mtshan nyid/ rtags dang bsgrub bya'i chos kyi spyis
don mthun pa zer ba ni/ ha cang mi 'tsham pa'i bab col ? te/ 'o
na/ shes

bya chos can/ rtsol byung gis dung sgra mi rtag par sgrub pa'i
mthun phyogs yin na/ rtsol byung dang mi rtag pa gnyis ka yin
par mthun dgos par thal lo/ /'dod na/ mthun phyogs la cha gnyis
su 'jug pa mi srid par thal lo/ /ci ste de'i don

ni/ rtags dang chos gnyis kar du mthun pa la mi byed kyi/ sgrub
tshul ltar/ rtags de dang de sgrub kyi chos de yin par mtshungs
pa'am/ yod par mtshungs pa la 'dod do zhe na/ de lta na/ dung
sgra chos can/ rtsol ba las byung ste/ mi rtag pa'i phyir/ zhes
pa

@149b dang/ gzhal byas sgra mi rtag par sgrub pa sogs la mthun
phyogs mi srid par thal/ mi rtag pa dang rtsol byung yin par
mthun pa dang/ gzhal bya dang mi rtag pa gnyis yin par mthun pa
mi srid pa'i phyir ro/ /kha cig na re/ sgra mi rtag par sgrub pa
la byas

pa rtags yang dag tu song ba'i tshe na/ sgra de sgrub kyi mthun
phyogs ma yin te/ mthun pa'i don sgra dang mi rtag par mtshungs
pa yin pas/ rang nyid rang dang mtshungs par mi 'thad pa'i phyir
dang/ de sgrub kyi chos can mthun phyogs su khas blangs na/
mnyan bya sgra mi

rtag sgrub kyi mthun phyogs la mthong bar thal/ sgra la mthong
ba'i phyir/ 'dod na/ thun mong ma yin pa'i ma nges pa'i rtags ma
yin par thal lo/ zhes pa'i skyon 'byung ngo zhes zer to/ /'o na/
mi rtag pa yang sgra mi rtag sgrub kyi mthun phyogs ma yin par
thal/

mthun pa'i don mi rtag pa yin par mtshungs pa yin la/ mi rtag pa
rang nyid rang dang mtshungs pa mi 'thad pa'i phyir/ mi rtag pa
khyed rang la yang mthun phyogs su khas len pas/ 'khor gsum mo/
/byas pa chos can/ khyod sgra mi rtag sgrub kyi mi mthun phyogs

la mthong bar thal/ shes bya la mthong ba'i phyir/ shes bya mi
rtag pa ma yin zhing mi rtag pa ma yin pa'i chos thams cad de
sgrub kyi mi mthun phyogs su khyed rang yang khas len pa'i
phyir/ khyab gsal rtags mtha' dag khas len no/ /gzhan yang/ dung

sgra chos can/ khyod sgra mi rtag par sgrub pa'i mthun phyogs
yin par thal/ khyod de sgrub kyi chos can dang bsgrub bya'i chos
kyi spyis don mthun pa yin pa'i phyir/ rtags khyab ni/ khyed
rang gis chos can dang bsgrub bya'i chos kyi spyis don mthun pa

@150a @#/ /mthun phyogs kyi mtshan nyid dang/ de'i don kyang chos
can dang chos der mtshungs pa la khas blangs pa der khas len ngo
sprod par bya'o/ ? /'dod na/ mnyan bya chos can/ khyod sgra mi
rtag par sgrub pa'i mthun phyogs la mthong bar thal/ khyod dung
sgra

la mthong ba'i phyir/ 'khor gsum mo/ /yang de la 'dod na/ khyod
thun mong ma yin pa'i ma nges pa'i rtags min par thal/ mthun
phyogs la mthong ba'i phyir/ 'khor gsum dngos so/ /yang sgra de
byas pa'i rtags kyis sgra mi rtag par sgrub pa'i mthun phyogs
yin na/ sgra

mi rtag par sgrub pa'i ltos gzhi gnyis su nges par 'gyur la/ de
lta na/ de sgrub kyi rtags kyi tshul yang gnyis su 'gyur ro zhes
zer ba ni ma nges te/ shes bya chos can/ rtags yang dag gi ldog
khyab yin na bzhi grub pas ma khyab par thal/ rtags yang dag gi
mi mthun

dpe yin na gzhi grub pas ma khyab pa'i phyir/ gzhan yang/ mthun
phyogs kyi don/ de sgrub kyi bsgrub bya'i chos dang ldan pa
dang/ sgrub tshul ltar gyi bsgrub bya'i chos dang ldan pa dang/
bsgrub bya'i chos kyi spyis don mthun pa sogs gang la 'dod
kyang/ sgra mi

rtag sgrub kyi mthun phyogs yin na/ sgra mi rtag sgrub kyi
bsgrub bya'i chos yin dgos par 'gyur la/ de lta na/ sgra mi rtag
sgrub kyi mthun phyogs yin na/ mi rtag pa dang gcig yin pas
khyab par thal lo/ /gnyis pa rang lugs gzhag pa la/ sgra bshad/
mtshan nyid/

dbye ba dang gsum/ dang po ni/ sgra dang mi rtag par mthun pa'i
phyogs yin pa dang/ sgra dang der mi mthun pa'i phyogs yin pas/
sgra mi rtag par sgrub pa'i mthun phyogs dang/ mi mthun phyogs
zhes bya ba lta bu ste/ 'dis mtshon nas sbyor ba thams cad la
shes par

@150b bya'o/ /gnyis pa mtshan nyid ni/ mthun phyogs kyi mtshan
nyid/ chos de de sgrub kyi bsgrub bya'i chos gang zhig /de sgrub
kyi sgrub tshul ltar khyod chos de dang ldan pa/ mi mthun phyogs
kyi mtshan nyid/ chos de de sgrub kyi bsgrub bya'i chos gang zhig
/de sgrub kyi sgrub tshul ltar

khyod chos de dang ldan pa ma yin pa/ dbye ba ni/ mthun phyogs
la dbye na/ de sgrub kyi rtags su bkod pa'i chos des khyab pa
dang/ ma khyab pa gnyis/ mi mthun phyogs la dbye na/ gzhan pa/
'gal ba/ med pa mi mthun phyogs gsum ste/ dper na/ sgra mi

rtag par sgrub pa la shes bya dang rtag pa dang ri bong gi rwa
lta bu'o/ /de la mthun phyogs kyi sgra bshad pa'i don kyang yod
la/ mtshan nyid yang yod pa ni/ sgra mi rtag par sgrub pa la dung
sgra lta bu'o/ /mtshan nyid yod la sgra bshad pa'i don med la ni/
sgra rtag par

sgrub pa la nam mkha' lta bu'o/ /sgra bshad pa'i don yod la/
mtshan nyid med pa ni mi srid do/ /gnyis ka med pa ni/ sgra mi
rtag par sgrub pa la nam mkha' lta bu'o/ /tshul 'dis mi mthun
phyogs la yang ci rigs par shes par bya'o/ /da ni 'di dpyad par
bya ste/

sbyor ba skor gcig gi mthun phyogs dang mi mthun phyogs la/ yod
pa dang mthong ba dang nges pa zhes bya ba rnams kyi don ji lta
bu zhe na/ tshad ma tsam gyis yod mthong nges pa phan tshun khyab
pa yin la/ skabs kyi rgol ba des de sgrub kyi phyogs gnyis gang

rung la yod par tshad mas dmigs pa yin na/ rgol ba de'i dor
phyogs gnyis gang la yod pa de la des nges pa dang mthong bas
kyang khyab cing/ spyir rgol ba de'i ngor yod pa la rgol ba de'i
ngor mthong ba dang nges pas khyab kyang/ rgol ba des mthong ba
dang nges pas

@151a @#/ /ma khyab ste/ rgol ba des yod pa dang mthong ba dang
nges pa yin par bzungs ba tsam la/ rgol ba des mthong ba dang
nges pas ma khyab pa'i phyir ro/ /des na/ rgol ba des de sgrub
kyi mthun phyogs la mthong ba'i don ni/ sgra mi rtag sgrub la
mtshon

na; mi rtag pa de sgrub kyi bsgrub bya'i chos yin cing/ kho mi
rtag pa yin par tshad mas grub pa nyid/ kho de sgrub kyi mthun
phyogs la mthong ba'i don yin la/ mthun phyogs la mthong na
mthun phyogs la yod pa tsam du des dges la/ mthun phyogs kho na
la yod par

nges pas ma khyab ste/ kho chos der tshad mas grub kyang/ kho yin
na chos de yin dgos par tshad mas nges pas ma khyab pa'i phyir
ro/ /des na mthun phyogs la mthong yang ma nges na/ rjes khyab
mi 'grub par gsungs pa ni/ des tshul khyad par ba mthun phyogs

kho na la yod par nges pa'i dbang du byas pa'o/ /'di ltar rtogs
na/ rjes khyab ldog khyab kyi mtshan nyid kyi zur du kho na'i
tshig phrad dang 'brel ba'i nges pa smos pa'i don kyang dbyis
phyin par rtogs par 'gyur la/ gzhan du na tshig tsam zhig sgrogs
par zad do/ /mthun

phyogs la mthong ba dang nges pa'i tshul ji skad bshad pa des mi
mthun phyogs la'ang rigs bsgres te shes par bya zhing/ de ltar
na/ shes bya la mthong na sgra mi rtag sgrub kyi mi mthun phyogs
la mthong bar thal ba sogs/ skyon thams cad las grol te bde

bar gnas par 'gyur ro/ /phyogs gnyis kyi rnam par gzhag pa la
ding sang gangs ri'i khrod kyi rtog ge ba dag glang po che'i
gzugs la rtog pa'i dmus longs dang mtshungs par gyur kyang/ rang
gi tshul mngon par mi shes so/ /chos can bzhi ma grub pa'i rtags

@151b yod med dpyad pa ni/ kha cig na re/ rtags yang dag gi shes
'dod chos can yin na gzhi grub pas khyab ste/ gzhan du na chos
can gzhi ma grub pa'i steng du rtags yod par tshad mas nges pa mi
srid pas/ phyogs chos ma grub pa'i nyes pa dang/ gzhi chos can/
khegs

na de dang chos tshogs pa'ang khegs pas dam bca' tshad mas bsal
ba'i nyes par 'gyur ro zhes zer to/ /de ni mi 'thad de/ phung po
dang mtshan nyid mi mthun pa'i rang rkya thub pa'i rdzas yod du
gyur pa'i bdag med par sgrub pa'i rtags kyi chos can gzhi

ma grub pa yin pa'i phyir ro/ /'di la kha cig /gang zag tsam
chos can du byas nas/ khyod phung po dang mtshan nyid mi mthun
pa'i rang rkya thub pa'i rdzas yod du gyur pa'i bdag tu med de/
zhes 'god pas skyon med do zhes zer to/ /de yang mi 'thad de/
gang zag de

lta bu'i bdag tu med par bsgrubs tsam gyis/ /de lta bu'i bdag
rang ldog nas yod pa mi khegs pa'i phyir ro/ /yang blun po kha
cig  /de lta bu'i bdag gi sgra don chos can yin no zhes zer bas
ni/ de lta bu'i bdag gi sgra don med par khas blangs pa yin

pas rang gi mtshang bsgrags pa yin no/ /gzhan dag ni de lta bu'i
gang zag gi bdag chos can/ med de/ phung po dang rang bzhin gcig
tha dad gang du yang tshad mas ma dmigs pa'i phyir/ zhes 'god
pa'i shes 'dod chos can ni/ phyi rgol gyis gang zag rang rkya ba

dang/ der snang ba'i sgra don gcig tu 'khrul nas/ shes 'dod
zhugs shing/ der snang ba'i sgra don gyi steng du rtags tshad mas
grub la/ gang zag rang rkya ba chos can du ma bzung na/ gang zag
gi bdag rang ldog nas mi khegs shing/ phyi rgol gyis de dang der
snang

@152a @#/ /gi sgra don gcig tu zhen nas 'jug pas sgra don chos
can du mi rung ba'i skyon kyang med de/ /des na de lta bu'i
rtags la/ gang zag rang rkya ba yang chos can yin cing/ gang zag
rang rkya ba'i sgra don kyang chos can yin no/ /sgra don chos
can du sgrub

pa ni/ de'i sgra don de de sgrub kyi rtags kyi shes 'dod chos
can yin par thal/ de sgrub kyi phyi rgol gyis de dang de'i sgra
don gcig tu 'khrul pa la shes 'dod zhugs shing/ phyis kyang de
dang der snang gi sgra don gcig tu zhen nas 'jug la/ de sgrub
kyi rtags/ de

lta bu'i sgra don gyi steng du tshad mas grub pa'i phyir ro/
/byas pas sgra mi rtag par sgrub pa la mi mtshungs te/ sgra'i
sgra don la byas pa ma grub pa'i phyir ro/ /des na rtags yang
dag yin na/ shes 'dod chos can gzhi grub pas khyab la/ rtags
yang

dag gi shes 'dod yin na gzhi grub pas ma khyab pa yin no zhes
bzhed do/ /'di la yang brtag pa 'di yod de/ de lta bu'i rtags
dang bsgrub bya'i chos su/ bdag de lta bu med de/ bdag de lta bu
phung po dang rang bzhin gcig tha dad gang du yang ma grub

pa'i phyir ro zhes sbyor ram/ 'on te med de/ phung po dang rang
bzhin gcig tha dad gang du yang ma grub pa'i phyir ro zhes pa
tsam zhig 'god/ dang po ltar na/ dam bca' nyid bsgrub bya'i chos
su thal lo/ /gnyis pa ltar na/ de lta bu'i bdag gi sgra don chos

can/ med par thal/ phung po dang rang bzhin gcig tha dad gang du
yang ma grub pa'i phyir/ 'khor gsum dngos so/ /rdzas sngo 'phyur
dang ldan pa'i phyogs kyi khyab par du med du sgrub pa la me ma
dmigs rtags su sod tshe'ang/ gzhi de lta bu'i

@152b sgra don chos can du thal bar mtshungs so/ /'dod na/ de lta
bu'i rtags kyi chos can mngon sum tshad mas dngos su grub par
bshad pa dang 'gal lo/ /gzhan yang/ byas pas sgra mi rtag par
sgrub pa'i chos can la yang mtshungs pa spang dka' ga sems

so/ /de bas na rang lugs ni/ de lta bu'i rtags kyi shes 'dod
chos can ni/ de lta bu'i bdag kho na yin la/ chos can gzhi ma
grub pa'i skyon kyang med de/ de lta bu'i rtags la ni/ chos can
dang med nges kyi tshogs don bsgrub bya yin pas/

chos can gzhi ma grub pa nyid dam bca' tshad mas ma grub pa'i
sgrub byed yin la/ chos can gzhi grub na/ dam bca' tshad mas gsal
bar 'gyur ba'i phyir ro/ /'di ltar/ chos can de gzhi ma grub na
chos can de dang med nges kyi tshogs don

gzhi grub dgos pa'i phyir te/ gzhi grub na ri bong gi rwa med
nges yin pas khyab pa bzhin no/ /rtags phyogs chos ma grub pa'i
skyon kyang med de/ bdag de lta bu tshad mas ma grub kyang/ bdag
de lta bu phung po dang rang bzhin gcig tha dad gang du yang

ma dmigs pa tshad mas grub pa'i phyir te/ shes bya thams cad de
yin pa'i phyir ro/ /chos can zhes pa'ang blo dor dgag chos dang
bsgrub chos rtags kyis dgag sgrub byed pa'i gzhir byung ba yin
pas chos can zhes bya'i/ don steng nas khyad gzhi khyad chos

gnyis su byas pa'i khyad gzhi lta bur yod nas ma yin no/ /des
na/ gzhi ma grub kyang rtags nges pa'i shes 'dod chos can yin pa
mi 'gal te/ gzhi ma grub kyang khyab pa nges pa'i mthun dpe yin
pa mi 'gal ba bzhin no/ /de bas na chos can gzhi ma grub

@153a @#/ /pas dam bca' tshad mas bsal ba dang/ phyogs chos ma
grub par 'gyur ro zhes pa la lan 'di ltar smra bar bya'i ngal ba
gzhan gyis dub par mi bya'o/ /don 'di ni slob dpon ka ma la shI
las gsal bar bshad do/ /mngon sum

don dang rjes dpag dang/ yid ches grags pas rang rten la'o/
/zhes pa la sogs pas kyang/ rang gi rten du gzhi grub dgos pa'i
chos can bkag na rtags kyi skyon du ston pa yin gyi/ chos can
yod pa bkag pa tsam rtags kyi skyon du ston pa ma yin no/ /de'i
phyir/

rang rten la zhes pa'i tshig smros so/ /gsum pa rgol ba gang gi
ngor rtags yang dag yin pa dpyad pa ni/ phyi rgol bsgrub bya la
shes 'dod dang ldan pa la snga rgol yang dag gi rtags bkod de/
tshul so so'i sgrub byed ji tsam bstan dgos pa bstan pa las de
sgrub kyi tshul

gsum tshad mas nges shing/ bsgrub bya nges pa la mngon du phyogs
pa'i dus rtags yang dag tu 'gro ba'i dus yin la/ bsgrub bya tshad
mas nges pa'i rjes dpag skyes pa la rtags yang dag tu song zhes
brjod do/ /snga rgol gyi dor rtags yang dag yin nam ma yin

zhe na/ kha cig na re/ snga rgol yang dag gi ngor rtags yang dag
ma yin te/ de'i ngor phyogs chos ma grub pa'i phyir/ der thal/
bsgrub bya la shes 'dod med pa'i phyir/ khyab ste/ gtan tshigs
the tshom la brjod phyir/ zhes gsungs pas so zhes zer to/ /de mi
'thad de/

sgra mi rtag sgrub la rtags yang dag tu 'god mkhan gyi snga rgol
yang dag chos can/ /khyod kyi ngor byas pa de de sgrub kyi rtags
yang dag yin par thal/ khyod kyi ngor byas pa de de sgrub kyi
tshul gsum tshang ba'i gtan tshigs yin pa'i phyir/ ma grub na/ rang
nyid nges shing

@153b gzhan dag la/ /nges pa skyed par 'dod pa yis/ /phyogs chos
'brel ba bsgrub bya dag  /brjod pa las gzhan spang bar bya/ zhes
pa dang 'gal lo/ /gtan tshigs the tshom la brjod phyir/ zhes pas
ni/ rtags yang dag 'god dgos kyi rgol ba yin na shes 'dod yod
dgos par

ston pa yin gyi/ rtags yang dag yin na der ston pa ni ma yin no/
/'o na/ snga rgol de 'dra'i ngor sgra mi rtag pa bsgrub bya yin
par thal/ byas pa de sgrub kyi rtags yang dag yin pa'i phyir ce
na/ mi mtshungs te/ snga rgol gyis sgra mi rtag par grub pa de/
/sgra mi rtag pa snga rgol

gyi ngor bsgrub bya min pa'i sgrub byed yin la/ snga rgol gyis
de sgrub kyi tshul gsum tshad mas nges pa de/ snga rgol gyi ngor
byas pa de sgrub kyi rtags yang dag yin pa'i sgrub byed du 'gyur
ba'i phyir ro/ /des na/ ding sang gi rtog ge ba blun po dag
/phyogs chos snga rgol lam grub

pa/ ma grub pa'i rtags su smra ba dang/ rtags yang dag yin na
snga rgol gyi ngor phyogs chos ma grub par smra ba'i 'gal ba'i
khur chen dngos su khyer ba la'ang zhum pa mi mnga' ba e ma
rmongs pa'i khol po ngo mtshar to/ /'di dag la brjod par bya ba
med yang byed pa cher

chung zhing/ yi ge mangs bar 'gyur bsam bris so/ /bzhi pa rtags
yang dag gi rtags chos don gsum ngos gzung ba la/ dgag gzhag
gnyis las/ gzhan lugs dgag pa ni/ kha cig na re/ byas pas sgra
mi rtag par sgrub pa lta bu la mtshon na/ shes 'dod

chos can dang/ chos dang/ rtags gsum ga la rloms tshod dang/ song
tshod gnyis gnyis te/ 'di ltar 'god pa pos/ don rang mtshan gyi
sgra chos can dang/ mi rtag pa bsgrub bya'i chos dang/ byas pa
rtags su rloms nas bkod kyang/ song tshod la/ sgra'i don spyi
dang/

@154a @#/ /mi rtags pa'i don spyi dang/ byas pa'i don spyi rnams
chos can dang chos dang rtags rnams su song ba yin gyi/ rang
mtshan du gyur pa'i byas mi rtag sogs ni ma yin te/ dpe la rtags
rjes 'gro mi byed par thal ba'i phyir ro/ /zhes zer to/ /'di

ni mi 'thad de/ shes bya chos can/ byas pa sgra mi rtag sgrub la
rtags yang dag tu bkod pa'i tshe/ 'god pa po'i rloms tshod la don
rang mtshan gyi byas pa sgra mi rtag sgrub kyi rtags su bkod par
rloms kyang/ song tshod la/ byas pa'i don spyi sgra'i don spyi mi
rtag

pa'i don spyir sgrub pas rtags yang dag tu song bar thal/ byas
pa sgra mi rtag sgrub la rtags su 'god tshul dang/ sgrub tshul yin
sgrub yin pa gang zhig /de'i tshe rloms tshod la don rang mtshan
gyi sgra byas mi rtag pa rtags chos don gsum du rloms

kyang/ song tshod la don spyi gsum rtags chos don gsum du song
ba'i phyir/ 'dod na/ byas pa'i don spyis sgra'i don spyi mi rtag
pa'i don spyir sgrub pa'i rtags ma grub pa dang/ khyab pa 'gal
ba yin te/ sgra'i don spyi byas pa'i don spyi ma yin pa'i phyir

dang  ;byas pa'i don spyi yin na mi rtag pa'i don spyi yin par
'gal ba'i phyir te/ byas pa'i don spyi dang mi rtag pa'i don
spyi mi 'gal na/ byas mi rtag gi ldog pa yang mi 'gal bar
mtshungs so/ /gzhan yang/ shes bya chos can/ byas pas sgra

mi rtag par sgrub pa'i bsgrub bya'i chos yin na/ rtag pa yin pas
khyab par thal/ de yin na dngos por med pa'i chos yin pas khyab
pa'i phyir/ rtags khas/ 'dod na/ de sgrub kyi mthun phyogs yin
na mi rtag pa yin dgos par khyod rang gis kyang khas

@154b blangs ba dang dngos su 'gal bar 'gyur la/ sgra mi rtag
rtogs kyi rjes dpag tshad ma'i gzhal bya yin na/ rtag pa yin dgos
par yang mtshungs so/ /rtag pa chos can/ khyod sgra mi rtag sgrub
kyi rtags yang dag gi dgag bya'i chos ma yin par thal/ de sgrub
kyi bsgrub

bya'i chos yin na khyod kyi khyab bya yin pas khyab pa'i phyir/
rtags khas/ khyab ste/ bsgrub bya'i chos yin na de sgrub kyi
rtags yang dag gis sgrub dgos shing/ dgag bya'i chos yin na 'gog
dgos la/ khyab byed bkag na khyab bya khegs pa'i phyir ro/ /sgra
dang

mi rtag pa'i tshogs don bsgrub byar rloms kyang/ song tshed la
sgra mi rtag pa'i don spyi de sgrub kyi bsgrub byar song bar
thal lo/ /'dod na/ sgra mi rtag pa'i don spyi chos can/ khyod
sgra mi rtag sgrub kyi bsgrub bya ma yin par thal/ khyod de
sgrub kyi bsgrub byar snga rgol gyis

zhe bas 'dod pa ma yin pa'i phyir ro/ /ma grub na snga rgol gyi
zhi 'dod la sgra mi rtag pa nyid bsgrub byar rloms pa yin pa
'bud do/ /'di dag la da dung gnod byed brjod par bya ba med
yang/ re shig mangs par 'gyur bas ma bris so/ /'di dag gis sgra
mi

rtag sgrub kyi rtags chos don gsum yin na dngos por ma grub par
'dod pa thams cad rigs bsgres te dgag par bya'o/ /rang mtshan yin
na dpe la rjes 'gro mi byed par 'gyur ro zhes smra ba ni/ rang
mtshan yin na chos du ma la thun mong du rjes 'gro mi

byed pas khyab par 'dod pa ste/ de ni rgyas par gong du bkag zin
to/ /rang lugs ni/ byas pas sgra mi rtag par sgrub pa'i tshe/
sgra shes 'dod chos can/ mi rtag pa bsgrub bya'i chos/ byas pa
rtags yin la/ de sgrub kyi shes 'dod chos can dang bsgrub bya'i
chos

@155a @#/ /dang rtags rnams sgro btags yin zhing/ de sgrub kyi
shes 'dod chos can sogs yin na/ rim pa bzhin sgra dang mi rtag
pa dang byas pa rnams yin dgos pas sgro btags su 'gal ba yin no/
/sgra dang mi rtag pa dang byas pa gsum sgro btags

min zhing/ shes 'dod chos can sogs yin kyang/ sgra de sgrub kyi
shes 'dod chos can yin pa dang/ mi rtag pa bsgrub bya'i chos yin
pa dang/ byas pa rtags yin pa rnams ni sgro btags yin no/ /'di
dag gi sgrub byed rgyas par gong du bshad zin to/ /gsum

pa rtags yang dag gi dbye ba bshad pa la/ sgrub byed kyi sgo nas
dbye ba/ bsgrub bya'i sgo nas dbye ba/ sgrub tshul gyi sgo nas
dbye ba dang gsum/ dang po la 'bras rang ma dmigs pa'i rtags
yang dag dang gsum las/ dang po 'bras bu'i rtags yang dag la

sgra bshad/ mtshan nyid/ dbye ba/ rnam gzhag dpyad pa dang bzhi/
dang po ni/ de sgrub kyi rtags kyi 'bras bus dngos su zin pa'i
sgo nas 'bras bu de'i rgyu dngos su zin pa'i bsgrub bya'i chos
go bar byed pa'i rtags yin pa'i phyir 'bras bu'i rtags

zhes bya'o/ /gnyis pa mtshan nyid ni/ de sgrub kyi rtags kyis
dngos su zin par bkod pa'i 'bras bu de'i rgyu bsgrub bya'i chos
kyis dngos su zin par byas pa'i sgo nas/ rang gi shes 'dod can
gyi steng du sgrub pa la tshul gsum tshang ba'i gtan

tshigs/ gsum pa dbye ba ni/ du ba drag 'phyur ba dang ldan pa'i
la la me yod par sgrub pa la du ba drag 'phyur ba rtags su bkod
pa lta bu rgyu dngos sgrub pa'i 'bras rtags dang/ rig byed kyi
sgra 'dzin nyan shes rang rgyu mi rtag pa'i sgra sngon du song
bar

@155b sgrub pa la rtse la byung nyan shes rtags su bkod pa lta
bu rgyu sngon song sgrub pa'i 'bras rtags dang/ gzugs 'dzin
dbang shes la dbang yid las gzhan pa'i rgyu yod par sgrub pa la/
dbang yid las gzhan pa'i rgyu med na mi skye ba rtags su bkod pa
lta bu rgyu'i

khyad par sgrub pa'i 'bras rtags dang/ sdug bden rang rgyu yod
par sgrub pa la res 'ga' skye ba'i dngos po yin pa rtags su bkod
pa lta bu rgyu'i rang ldog sgrub pa dang/ kha nang bu ram gong
bu'i steng gi bu ram gyi ro da ltar ba chos can/ rang rgyu bu
ram gyi ro

snga mas bu ram gyi gzugs da ltar ba 'di'i lhan cig byed rkyen
byed pa'i nus pa snga ma sngon du song ste/ bu ram gyi ro da
ltar ba yin pa'i phyir/ zhes bkod pa lta bu rgyu chos rjes dpag
gi 'bras rtags rnams so/ /'di dag kyang phyi rgol gyi shes 'dod
dang

snga rgol gyi dpag 'dod kyi dbang gis rtags kyi 'god tshul ji
ltar 'byung ba dang mthun par tha dad byas pa tsam yin gyi/ shes
'dod dang dpag 'dod kyi dbang gis rtags kyi 'god tshul mtha' yas
pa'i phyir/ 'bras rtags kyi rtags kyi 'god tshul gyi riD

ji skad bshad pa 'di dag tu grangs nges pa ni ma yin te/ 'di
ltar/ myu gu chos can/ khyod rang gi rgyu rkyen du ma tshogs pa
las skye dgos te/ khyod rang gi nyer len dang lhan cig byed
rkyen gyi tshogs pa grangs ma tshang na mi skye ba'i dngos po yin
pa'i phyir/

zhes bkod pa la sogs pa mang du srid pa'i phyir ro/ /ji skad
bshad pa'i 'bras rtags kyi dbye ba de dag tha snyad pa ma gtogs
don tha dad pa ni ma yin te/ la me yod du sgrub pa lta bu'ang
rgyu'i khyad par sgrub pa'i 'bras rtags su khas len dgos

@156a @#/ /pa'o/ /bzhi pa rnam gzhag dpyad pa la/ rtags chos
don gsum ngos gzung ba dang/ tshul gsum nges byed kyi tshad ma
bshad pa dang/ rtags skyon can du thal ba'i dogs pa bcad pa'o/
/dang po la/ dgag gzhag gnyis las/ gzhan lugs

dgag pa ni/ kha cig na re/ la me yod du sgrub pa la du yong
rtags su bkod pa na/ bsgrub bya'i chos ni me dang rtags ni du
ba nyid yin la/ me yod dang du yod ni bsgrub bya'i chos dang
rtags ma yin no zhes zer to/ /'di ni ding sang gi rtog ge ba
rnams la rlung ltar grags mod kyi

chos shin tu gnod pa du ma'i gnas su rtogs te/ 'di ltar/ shes
bya chos can/ me ma yin de sgrub kyi dgag bya'i chos su thal/
me de sgrub kyi bsgrub bya'i chos yin pa'i phyir/ 'dod na/
shes bya chos can/ du ldan la'i steng du du ba khegs par thal/
me ma yin khegs pa'i

phyir/ khyab ste/ khyab byed bkag na khyab bya khegs pas so/
/gzhan yang/ shes bya chos can/ tshang mang de sgrub kyi mthun
dper bkod pa'i tshe/ tshang mang dang du ldan la gnyis de sgrub
kyi rtags dang bsgrub bya'i chos su mthun pa'i don du bar
mthun pa dang mar mthun pa

yin par thal lo/ /'dod mi nus te/ tshang mang du bar mthun pa
mi srid pa'i phyir ro/ /gzhan yang/ me ma yin chos can/ khyod
yin na de sgrub kyi mi mthun phyogs yin pas khyab par thal/
khyod de sgrub kyi dgag bya'i chos yin pa'i phyir/ 'dod na/
chos can la dang/ rtags

du ba dang/ mthun dpe tshang mang gsum ga de sgrub kyi mi mthun
phyogs su thal lo/ /ci ste/ dgag bya'i chos ni me med yin gyi/
me ma yin dgag bya'i chos ma yin no zhe na/ de lta na/ me yod
bsgrub bya'i chos yin gyi me bsgrub bya'i chos ma yin no zhes
bya

@156b bar grub ste/ bsgrub bya'i chos kyi dngos kyi ldog
phyogs gang yin pa de nyid dgag bya'i chos su 'dod dgos pa'i
phyir/ gzhan yang/ shes bya chos can/ gzugs 'dzin dbang shes
la dbang yid las gzhan pa'i rgyu yod par sgrub pa'i tshe/ dbang
yid las

gzhan pa'i rgyu nyid bsgrub bya'i chos su thal lo/ /'dod na/
de ma yin dgag bya'i chos su thal lo/ /'dod na/ gzugs 'dzin
dbang shes la dbang yid las gzhan pa'i rgyu ma yin pa khegs
par thal lo/ /'dod na/ de la dbang yid rgyu yin pa khegs par

thal lo/ /des na de lta bu'i rgud pa 'ba' zhig thog ? tu 'bab
par 'gyur ro/ /rang lugs la/ me yod bsgrub bya'i chos dang du
yod rtags su smra ba'o/ /'o na/ 'bras rtags zhes ji ltar brjod
ce na/ 'o na/ grang reg med par sgrub pa'i tshe me tshad mas
dmigs

pa rtags su bkod na ma dmigs pa'i rtags zhes ji ltar brjod/
'di ni dngos su dmigs pa bkod kyang/ ma dmigs pa'i mthar thug
pa yin pas de skad du brjod ce na/ 'di yang 'bras bu dang
rgyu'i mthar thug pa can yin pas de skad du brjod de/ du yod

kyis me yod 'grub pa me du rgyu 'bras su 'grub pa la rag las
pa'i phyir ro/ /gnyis pa tshul gsum nges byed kyi tshad ma bshad
pa ni/ rtags ni phal cher mngon sum gyis 'grub la/ khyab pa ni
rgyu 'bras nges byed kyi tshad ma'i stobs las 'grub bo/ /'o na/

rgyu 'bras nges byed kyi tshad ma phrugs dus me du rgyu 'bras
su nges par byed ce na/ rgol ba dbang po rnon pos ni/ du ba me
las skye bzhin pa mthong ba'i mngon sum phrugs gcig gis du ba
me'i 'bras bu yin par nges nus la/ dbang po 'bring pos ni/
dang por

@157a @#/ /me du gnyis kas dag pa'i sa phyogs dmigs pa'i mngon
sum gcig /de nas me dmigs pa'i mngon sum gcig /de nas sa
phyogs der me yod stobs kyis du ba skye ba dmigs pa'i mngon
sum gcig ste/ du ba me yod stobs kyis skye ba'i rjes

'gro nges byed kyi mngon sum phrugs gsum gyi stobs kyis du ba
me'i 'bras bur nges nus la/ yang na dang por me du gnyis ka
dmigs pa'i mngon sum gcig /de nas gzhi der me log pa dmigs
pa'i mngon sum gcig de nas me ldog stabs kyis du ba

log pa'i gzhi dmigs pa'i mngon sum gcig ste/ ldog pa ngas byed
kyi tshad ma phrugs gsum gyi byed las las du ba me'i 'bras bur
rtogs nus so/ /dbang po rtul pos ni/ dang por me du gnyis kas
dag pa'i gzhi dmigs pa'i mngon sum gcig /

de nas gzhi der me dmigs pa'i mngon sum gcig /de nas gzhi der
me yod stobs kyis du ba skye bar dmigs pa'i mngon sum gcig /de
nas gzhi der me log pa dmigs pa'i mngon sum gcig /de nas me
ldog stobs kyis du ba log par dmigs

pa'i mngon sum gcig ste/ rjes su 'gro ldog gnyis ka nges byed
kyi mngon sum phrugs lnga'i byed las las du ba me'i 'bras bur
rtogs nus la/ tshul 'dis rgyu 'bras gzhan la yang shes par
bya'o/ /des na tshad ma 'di dag las me du rgyu 'bras su

nges pa na/ me yod stobs kyis du ba skye ba dang/ me med na du
ba med par nges nus pas/ du yod kyis me yod sgrub pa'i khyab
'bral mngon sum 'di dag gis 'grub par bshad pa yin gyi/ mngon
sum 'di dag gis me du'i 'brel pa'am khyab 'brel dngos su 'jal

@157b ba ni ma yin te/ de dag sgra btags yin pa'i phyir ro/
/'on kyang me yod na du ba skye ba dang/ med na mi skye bar
mngon sum du mthong yang/ me du la rgyu 'bras kyi tha snyad ma
shes par tha snyad la rmongs pa'i rgol ba blun po 'ga' zhig
kyang yod de/ gzhan du na rgyang 'phen dag

du ba rgyu med du sgro 'dogs par mi 'gyur ro/ /des na da lta
bu'i ngor ni/ du ba chos can/ khyod me'i 'bras bu yin te/
khyod me phan byed du yod med kyi rjes su 'gro ldog byed pa'i
phyir/ zhes pa'i rtags las me du rgyu 'bras su nges par byas
dgos so/ /de'i phyir/ me'i 'bras

bu du ba ste/ 'bras bu'i chos kyi rjes 'jug phyir/ zhes pa'i
rtags kyi rnam gzhag gsungs pa yin no/ /gsum pa rtags skyon
can du thal ba'i dogs pa bcad pa ni/ la la me yod par sgrub pa
la du yod rtags su bkod pa'i tshe na/ du ba de dang me de rgyu
'bras min na/

'bras rtags su mi 'thad la/ rgyu 'bras yin na 'bras dus na
rgyu med cing rgyu dus na 'bras bu med pas/ du ldan la la du
ba yod dus na de'i rgyur gyur pa'i me med pa'i phyir/ rtags
'di'i phyogs chos grub dus na dam bca' tshad mas gsal bar 'gyur
la/ dam bca'

tshad mas grub dus na phyogs chos mi 'grub ste/ la la me yod
dus na me de'i 'bras bu dra ? ba med pa'i phyir ro zhe na/
skyon med de/ la la du ba yod pa'i rtags kyis du ba'i dus na
me yod par sgrub pa min gyi/ du ba'i rgyur gyur pa'i me yod pa
tsam zhig dus kyang ?

khyad par du ma byas par sgrub pa yin la/ la la du ba yod na
de'i tshe rang rgyu me yod mi dgos kyang/ spyir ? la la rang
rgyu me yod dgos te/ dper na tshes gcig gi nyin mo la phyi dro
yod na de'i rgyur gyur ba'i snga dro yod dgos kyang/ tshes gcig
gi phyi dro yod dus snga dro yod mi dgos pas

@158a @#/ /tshes gcig nyin mo la/ snga dro yod de phyi dro yod
pa'i phyir la phyogs chos grub na dam bca' bsal ba'i skyon mi
'byung ba dang 'dra'o/ /des na me yod pa'i dus kyi gzhi dang/
me'i 'bras bu du ba yod pa'i dus kyi gzhi gnyis ka cha shas su
ldan pa'i la chos can du byas nas/

de la du ba yod pas me yod pa dus kyis khyad par du ma byas
par sgrub pa yin par shes par gyis shig 'bras bu'i rtags yang
dag bshad zin to// //gnyis pa rang bzhin gyi rtags yang dag
la/ mtshan nyid/ dbye ba/ tshul gsum nges byed

kyi tshad ma bshad pa dang gsum/ dang po ni/ /rang dang rang
bzhin gcig pa'i bsgrub bya'i chos sgrub pa la tshul gsum tshang
ba'i sgrub rtags gang zhig /de sgrub kyi bsgrub bya 'grub pa/
rtags dang bsgrub bya'i chos kyis dngos su zin pa'i chos

gnyis rgyu 'bras su ngas pa la ltos mi dgos pa'o/ /dbye na
gnyis las/ dang po khyad par dag pa ba'i rang bzhin gyi rtags
yang dag gi mtshan nyid/ rang bzhin gyi rtags yang dag gang
zhig /khyod brjod pa'i sgras khyod kyi ltos pa rang gi byed
chos ma 'phangs pa/ dper

na; sgra mi rtag par sgrub pa la dngos po rtags su bkod pa lta
bu'o/ /gzhan dag dngos por yod pa rtags su 'god pa ni gong du
bkag zin to/ /gnyis pa khyad par ltos pa pa'i rang bzhin gyi
rtags yang dag gi mtshan nyid/ rang bzhin gyi rtags yang dag
gang zhig /

khyod brjod pa'i sgras khyod kyi ltos pa rang gi byed chos
'phangs pa/ de la dbye na/ byed chos tha mi dad pa la ltos pa
dang/ tha dad la ltos pa gnyis/ dang po ni/ dper na sgra mi
rtag sgrub la skye ldan rtags su bkod pa lta bu'o/ /gnyis pa
la byed chos dngos su 'phangs

@158b pa dang/ shugs la 'phangs pa gnyis/ dang po ni/ sgra mi
rtag sgrub la rgyu rkyen las skyes pa rtags su bkod pa dang/
gnyis pa ni/ sgra mi rtag sgrub la byas pa rtags su bkod pa
lta bu'o/ /gsum pa tshul gsum nges byed kyi tshad ma bshad pa
ni/ sbyor ba skor gcig

la mtshon na/ sgra mi rtag sgrub la byas pa rtags su bkod pa'i
tshul gsum tshad ma gang gis nges par byed ce na/ de'i phyogs
chos ni dbang po rnon pas sgra rang gi rgyu rkyen las skye bar
mthong ba'i mngon sum tshad mas nges par byed nus la/ dbang po
rtul po

kha cig la ni/ tha snyad sgrub kyi rtags la brtan pa'i rjes
dpag tshad mas nges par byed dgos so/ /khyab pa ni/ rjes dpag
tshad mas nges par byed pa yin pas/ de'i rten rtags la/ rjes
khyab sgrub pa ltos med kyi rtags dang/ ldog khyab sgrub pa
gnod pa

can gyi rtags gnyis/ dang po la rtags dgod pa ni/ byas pa chos
can/ khyod rang grub tsam nas 'jig pa'i ngo bo yin te/ khyod
'jig par 'gyur ba rang las phyis 'byung ba'i rgyu sogs la ltos
pa med par rang rgyu las 'jig par skyes pa'i phyir/

dper na/ glog bzhin zhes pa ste/ de'i khyab pa dpe'i steng du
mngon sum gyi stobs kyis nges par phyed cing/ phyogs chos ni/
phyis byung gi rgyus/ 'jig pa byas pa'i ngo bor gyur pa skyed
dam/ byas pa las don gzhan pa nyid skyed/ dang po ltar na/
phyis rgyu don

gzhan med de/ byas pa rang gi ngo bor gyur pa'i rdzas kyi chos
rnams ni/ rang rgyu las skyes zin pa'i phyir ro/ /gnyis pa
ltar na/ phyis rgyu de chos can/ byas pa 'jig par ma skyed par
thal/ byas pa las don gzhan pa'i 'jig pa kho na la phan byed
yin

@159a @#/ /pa'i phyir/ zhes pa la sogs pa gnod pa can gyi rtags
bstan nas de la brton pa'i tshad mas nges par byed do/ /gnyis
pa ldog khyab sgrub byed kyi gnod pa can gyi rtags ni/ rtag pa
chos can/ khyod byas pas stong ste/ rim dang cig car gyi

don byed pas stong pa'i phyir/ dper na 'dus ma byas kyi nam
mkha' bzhin/ zhes pa ste/ 'di'i khyab pa ni/ rim dang cig car
gyi don byed pa las gzhan pa'i don byed tshul phung gsum bkag
pas 'grub la/ phyogs chos ni/ rtag pas 'bras bu thams cad cig
car byed

pa la/ 'bras bu rnams rim gyis skye bar mngon sum gyis grub
pas gnod cing/ rim gyis 'bras bu skyed na rgyu la'ang 'bras bu
rim bzhin skyed pa'i snga phyi'i rim pa du ma khas len dgos
pas/ rgyu yang mi rtag par 'gyur gyi rtag pa nyams so zhes
gnod pa bstan

pas 'grub po/ /de yang slob dpon gyis/ 'brel ba med par ni
rjes su 'gro ba dang ldog pa nges pa med de/ zhes rjes su 'gro
ldog gi khyab pa 'grub pa la 'brel ba 'grub dgos par bshad
pa'i don ni 'di yin te/ byas pa mi rtag pa las tha dad/ mi
rtag pa log na byas

pa ldog pa ni/ byas pa mi rtag pa la 'brel ba'i don yin la/
byas pa mi rtag pa la 'brel ba'i don ldog gi mi rtag pa log na
byas pa ldog pa zhes bya ba de nyid gnad pa can gyi rtags 'dis
sgrub pa min te/ rtags 'dis/ mi rtag pa log pa'i gzhi la byas
pa log

pas khyab par sgrub pa'i phyir ro/ /des na/ rtags 'di la brten
nas byas pa mi rtag pa la 'brel ba'i don ldog gi/ mi rtag pa
log pa'i gzhi la byas pa log pas khyab pa zhes bya ba de nyid
nges pa dang/ rtags byas pa nges pa'i tshad ma dang gnyis la
ltos nas de sgrub kyi rjes

@159b su 'gro ldog nges par byed pa yin no/ /de ni 'di bsam
par bya ste/ ci don byed pas stong pa'i rtags la brten nas/
rtag pa la byas pas stong pa nges pa'i tshad ma des/ rtag pa'i
gsal ba'i dbye ba mtha' dag la byas pa mi srid par nges sam ma
nges/ ma nges na/ da dung phyi rgol

des rtag pa'i gsal ba 'ga' zhig la byas pa srid par dogs pa ma
chod dam chod/ dang po ltar na/ gnod pa can gyi rtags la brten
pa'i rjes dpag skyes kyang/ rtags mi mthun phyogs la med nges
su ma grub pas/ tshad ma des ldog khyab nges pa 'gal lo/ /phyi
ma ltar na/

dogs pa de lta bu chod cing/ tshad ma des bcad pa ma yin pa'i
phyir/ dogs pa de gcod byed kyi tshad ma gzhan bstan dgos
na'ang rnyed pa ma yin zhing/ rnyed na tshad ma mtha' med bstan
dgos te/ rtag pa'i gsal ba la mtha' med cing/ de re re nas
byas pa srid pa'i dogs pa gcod

byed kyi tshad ma bstan dgos pa'i phyir/ gal te/ rtag pa byas
stong du 'jal ba'i tshad ma de nyid kyis rtag pa'i gsal ba
mtha' dag la byas pa mi srid par nges na/ byas pa la mi rtag
pas khyab pa nges pa'i tshad ma nges kyang/ byas pa'i gsal ba
mtha' dag la mi rtag pas khyab pa

nges par 'gyur zhing/ de lta na tshad ma des sgra la'ang mi
rtag pas khyab pa nges dgos pas/ khyab pa nges pa na bsgrub
bya grub par 'gyur ro zhe na/ skyon med de/ gnod pa can gyi
tshad ma des/ byas pa rtag pa'i gsal ba'i dbye ba mtha' dag la
'jug pa mi srid par ma nges kyang/

'jug par 'dzin pa'i sgro 'dogs bcad cing/ phyis rtag pa'i
khyad par la blo kha phyogs pa tsam gyis tshad ma gzhan la ltos
med du de nyid byas pas stong pa'i nges pa 'dren pa yin no/
/'o na/ rjes khyab nges pa'i tshad ma des byas pa'i gsal ba
mtha' dag la mi rtag pas

@160a @#/ /ma khyab par 'dzin pa'i sgro 'dogs gcod nus par
'gyur la/ de lta na rjes khyab nges na bsgrub bya la sgro
'dogs chod pas khyab par thal lo zhe na/ mi mtshungs te/ spyis
khyab kyang de'i bye brag gis khyab mi dgos shing/ spyi khegs
na de'i bye brag kyang

khegs dgos pa'i phyir ro/ /rang bzhin gyi rtags yang dag mdo
tsam bshad zin to// //gsum pa ma dmigs pa'i rtags yang dag la/
mtshan nyid/ dbye ba gnyis/ dang po ni/ 'ga' zhig na re/ de
sgrub kyi shes 'dod chos can gyi steng du snang du

rung mi rung gi chos ma dmigs pa rtags su bkod nas rang gi
dgag bya 'gog pa la tshul gsum tshad mas nges pa zhes zer ba ni/
'gal zla dmigs pa'i rtags thams cad la yid mi gtad par byung
rgyal smra ba tsam du zad do/ /'ga' zhig /de sgrub kyi rtags

yang dag gang zhig de sgrub kyi bsgrub bya'i chos de dgag pa
yin pa/ zhes smra ba la'ang/ rtags yang dag yin na ma dmigs
pa'i rtags su thal/ de yin na/ de sgrub kyi bsgrub bya'i chos
dgag pa yin pas khyab pa'i phyir te/ dngos med yin pas khyab
pa'i phyir/

der thal/ sgro btags yin pas khyab pa'i phyir ro/ /des na
rtags yang dag gi bsgrub bya'i chos yin na/ dngos med dang
dgag pa yin pas ma khyab la/ rtags yang dag yin na de'i bsgrub
bya'i chos dngos med dang dgag pa yin pas/ khyab pa yod do/ /

de'i phyir rang ldog gzhi ldog rnam dbye la mkhas par gyis
shig /rang lugs ni/ ma dmigs pa'i rtags yang dag gi mtshan
nyid/ de sgrub kyi tshul gsum tshang ba'i gtan tshigs gang zhig
/de sgrub kyi bsgrub bya'i chos yin na med dgag yin dgos pa
zhe  

@160b bya'o; ;de yang spyir rtags yang dag yin na/ dgag par
gyur pa'i chos shig sgrub pas khyab pa yin te/ dper na sgra mi
rtag par sgrub pa na rtag pa ma yin par shugs la sgrub pa lta
bu'o/ /de'i phyir sgra mi rtag rtogs kyi rjes dpag tshad mas
kyang dngos su sgra mi rtag par

rtogs pa'i shugs la rtag pa ma yin par rtogs pa yin no/ /'on
kyang/ 'bras rang gi rtags gnyis kyis ni/ rang rang gi shes
'dod chos can gyi steng du/ bsgrub bya'i chos sgrub par gyur
pa dngos su bsgrubs pa'i shugs la dgag pa sgrub par byed pas/
ma yin

dgag sgrub pa yin la/ ma dmigs pa'i rtags kyis ni/ rang gi
bsgrub bya'i chos yin na med dgag dngos su sgrub par byed pas
khyab pa'i phyir ro/ /sgrub rtags dang dgag rtags so sor nges
pa yin la/ de'i phyir/ 'dis ni dngos la'ang dngos po'i cha/
/khas

blangs med par dgag pa nyid/ /sgrub byed snga ma dag gis ni/
/ma yin sgrub par byed phyir ro/ /zhes gsungs pa yin no/
/gnyis pa dbye ba la/ mi snang ba ma dmigs pa'i rtags yang dag
dang snang rung ma dmigs pa'i rtags yang dag gnyis so/ /dang
po'i mtshan

nyid ni/ yod kyang gang zag de la snang mi rung gi chos gang
zag des tshad mas ma dmigs pa rtags su bkod nas/ gang zag de'i
ngor chos de yod nges 'gog pa la tshul gsum tshang ba'i gtan
tshigs/ dper na/ mdun gyi gzhi 'dir/ 'dre sha za bskal

don du song ba'i skyes bus/ 'dre sha za yod nges kyi tha snyad
don mthun mi 'jug par sgrub pa la/ 'dre sha za bskal don du
song ba'i skyes bu'i tshad mas sha za ma dmigs pa rtags su bkod
pa lta bu'o/ /rtags 'di ni/ sha za gang la bskal don du song
ba'i 

@161a @#/ /gang zag de'i ngor 'god dgos pa ma yin gyi/ gang zag
de'i ngor sha za yod nges kyi tha snyad don mthun 'jug mi 'jug
dpyod pa'i gzhir byas nas/ rtags rgol ba gzhan la 'god pa srid
pa'i phyir ro/ /gzhan dag na re/ mdun gyi

gzhi 'dir chos can/ bskal don sha za yod nges kyi tha snyad don
mthun mi 'jug ste/ bskal don sha za tshad mas ma dmigs pa'i
phyir/ zhes 'god par byed la/ rtags 'dis sha za yod nges 'gog pa
yin gyi med nges su sgrub nus pa ma yin pas/ gzhi der

sha za yod nges dad med nges gang yang ma yin no zhes smra bar
byed do/ /shes bya chos can/ gzhi der bskal don sha za dmigs
pa'i kun mkhyen ye shes kyang med par thal/ gzhi der sha za
dmigs pa'i tshad ma med pa'i phyir/ rtags dngos/ 'dod

na/ der de med nges ma yin pa 'bud/ des na/ de lta bu'i rtags
kyi phyogs chos grub pa na/ sha za med nges su rtogs par 'gyur
bas/ med nges sgrub mi nus par gzhung las lan mang du bshad pa
dang/ rang nyid kyis khas blangs pa thams cad dang 'gal zhing/

gzhi der sha za med nges su rtogs na/ sha za de gzhi der khyod
la bskal don yin pa'ang 'gal lo/ /da ni 'di dpyad par bya ste/
ci/ mi snang ba ma dmigs pa'i rtags yang dag ces bya ba 'di/
dngos sam/ btags pa gang du smra/ ci'i phyir mi snang ba ma
dmigs

pa'i rtags zhes bya zhing/ 'di la dgag gzhag gnyis las/ gzhan
lugs dgag pa ni/ kha cig na re/ rtaD 'di rgyu ma dmigs pa'i
rtags yin te/ rtags 'di'i dgag bya'i chos ni sha za yod nges kyi
tha snyad don mthun yin la/ de'i rgyu sha za dmigs pa'i tshad

@161b ma yin pa'i phyir te/ 'jug pa blo sngon can nyid phyir/
zhes gsungs so/ /des na/ rgyu ma dmigs pa rtags su bkod nas
'bras bu 'gog pa yin pas/ rgyu ma dmigs pa'i rtags yin no zhes
smra'o/ /'di ltar rmongs pa dag kha mthun par smras nas/ de las
kyang kha

cig ni/ rtags 'di snang rung ma dmigs pa'i rtags yin la/ de'i
phyir mi snang ba ma dmigs pa'i rtags ma yin no zhes smra bar
byed/ kha cig ni/ snang rung ma dmigs pa'i rtags dang mi snang
ba ma dmigs pa'i rtags gzhi mthun du/ smra bar byed/ kha cig ni/
mi

snang ba ma dmigs pa'i rtags mtshan nyid pa yin la/ 'on kyang
rgyu ma dmigs pa'i rtags yin pa la snang rung yin pas ma khyab
pa yin no zhes smra bar byed la/ mi snang ba ma dmigs pa'i rtags
su smra ba dag/ dgag bya'i chos kyi don kyang snang du mi rung

ba'i phyir/ zhes pa rgyu mtshan du 'god cing/ snang rung ma dmigs
par smra ba dag/ dgag bya'i chos yod na snang rung yin pa'i
phyir/ zhes smra bar byed de/ skye bo blo gros dman pa dag gi
rnam par rtog pa'i tshul ni 'di ltar mtha' yas so/ /'di dag la/
dgag

pa rgyas par bstan pas ci zhig bya ste/ blun po mang du smra
ba'i kha 'brid pas/ zab don rgya cher 'byed po'i go ? skabs 'gog
pa'i phyir ro/ /des na mtshon pa tsam zhig bstan par bya ste/
mdun gyi gzhi 'dir bskal don sha za dmigs pa'i tshad ma chos can/

khyod yod par thal/ khyod bskal don sha za yod nges kyi tha
snyad don mthun gyi rgyu yin pa'i phyir/ rtags gsal dngos/ spyir
kyang/ chos de dmigs pa'i tshad ma chos can/ khyod chos de yod
nges kyi tha snyad don mthun gyi rgyu ma yin par thal/ de yod
nges kyi tha snyad

@162a @#/ /don mthun yin pa'i phyir/ der thal/ de lta bu'i blo'i
tha snyad yin pa'i phyir/ 'jug pa blo sngon can nyid phyir/ zhes
pas/ chos de yod nges kyi tha snyad don mthun 'jug pa la/ chos
de dmigs pa'i tshad ma sngon du 'gro dgos par bstan gyi/

rgyur bstan pa ni ma yin no/ /de yang slob dpon gyi gzhung dang/
rang 'grel dang/ 'grel bshad byed pa dag/ thams cad kyis shin tu
gsal bar ma dmigs pa'i rtags thams cad kyis rang phyogs chos su
grub pa'i chos can la/ yod nges kyi tha snyad 'gog par khyad par

med la/ 'on kyang mi snang ba ma dmigs pa'i rtags kyis ni/ yod
nges kyi tha snyad 'gog pa tsam gyi bya ba byed kyi/ med nges
sgrub mi nus la/ snang rung ma dmigs pas med nges kyang go bar
byed do/ /zhes lan gcig ma yin par bshad de/ de'i don ni/ snang
rung ma dmiD

pa'i rtags thams cad kyis/ rang gi dgag bya'i chos med des dngos
su go bar byed pa'i phyir/ yod nges kyi tha snyad dan mthun 'gog
par yang byed do snyam du dgongs so/ /khyed rang yang bum pa ma
dmigs pa'i rtags kyis bum med sgrub pa lta bu/ tha

snyad 'ba' zhig sgrub yin pas/ bum med kyi tha snyad sgrub pa
yin par smra ba'i phyir/ bum yod kyi tha snyad 'gog par smra
dgos la/ de dag gi phyir bum pa ma dmigs pas sa phyogs 'ga' zhig
bum med tu sgrub pa lta bu/ khyed rang rang bzhin ma dmiD

pa'i rtags su 'dod pa de dag kyang/ rgyu ma dmigs pa'i rtags su
thal/ bum pa yang nges kyi tha snyad 'gog pa'i rtags yin pa gang
zhig/ bum pa yod nges kyi tha snyad yin na bum pa dmigs pa'i
tshad ma sngon du 'gro dgos pas/ rgyu bkag pa'i rtags kyis

@162b 'bras bu 'gog pa yin pa'i phyir/ 'khor gsum khas so/ /des
na mthar gtugs na/ ma dmigs pa'i rtags yang dag thams cad rgyu
ma dmigs pa'i rtags su khas len dgos pa 'byung ngo/ /snang rung
ma dmigs pa'i rtags su 'jog pa dang/ mi snang ba ma dmigs

pa'i rtags su 'jog pa'ang/ dgag bya'i chos dang dgag bya'i chos
kyi don gang gi yang ngas nas 'jog pa min gyi/ gang zag de la
yod kyang bltar mi rung gi chos ma dmigs pa rtags su bkod pas mi
snang ba ma dmigs pa dang/ chos de yod na snang rung ba zhig

tshad mas ma dmigs pa rtags su bkod pa'am/ de lta bu'i mthar thug
pa'i rtags yin pas/ snang rung ma dmigs pa zhes bya ste/ des na
ma dmigs pa'i rtags zhes pa'i ma dmigs rgyu de yod na snang rung
mi rung gi sgo nas 'jog pa yin no// kha cig /

mi snang ba ma dmigs pa'i rtags gzhi ma grub par khas blangs
nas/ yang mi snang ba ma dmigs pa'i rtags yang dag gi mtshan
nyid/ ma dmigs pa'i rtags yang dag gang zhig/ rang gi dgag bya'i
chos kyi don yod kyang bltar mi rung ba zhes smra ba yang

byung ste/ gzhi ma grub pa dang/ ma dmigs pa'i rtags yang dag la
gzhi mthun khas len pa 'di las/ slar yang rang gi de nyid bstan
par bya ba ni ci zhig yod/ smras pa nyid na de 'gog byed kyang
rang gis smus pa yin no/ /rang lugs ni/ de lta bu'i rtags de de
sgrub

kyi mi snang ba ma dmigs pa'i rtags yang dag yin la/ rgyu ma
dmigs pa'i rtags yang dag ma yin zhing/ snang rung ma dmigs pa'i
rtags yang dag yin pa lta smos kyang ci dgos/ 'o na/ 'di rtags
yang dag yin na/ yod med nges pa'i 'bras can min/ phyir mtshang
ma

@163a @#/ /nyid mi 'gyur/ zhes bshad pa ci zhe na/ sha za bskal
don du song ba'i ngor sha za yod med gang du yang nges par byed
mi nus pa'i phyir/ sha za gang zag de'i tshad mas ma dmigs pa de/
de'i ngor sha za med nges su sgrub pa'i rtaD yang dag ma yin
zhes ston

pa yin gyi/ de'i tshad mas ma dmigs pa de de'i ngor sha za yod
pa'i tha snyad don mthun 'gog pa'i rtags ma yin zhes bstan pa ma
yin no/ /gnyis pa snang rung ma dmigs pa'i rtags yang dag la
gnyis las/ dang po mtshan nyid ni/ skabs kyi phyi rgol gyi ngor/
yod na

snang rung gi chos tshad mas ma dmigs pa dngos su rtags su bkod
pa'am/ ma dmigs pa de lta bu mthar thug pa can gyi tshul gsum
tshang ba'i gtan tshigs gang zhig/ de sgrub kyi bsgrub bya'i chos
yin na med dgag yin pa/ gnyis pa dbye ba la/ 'brel zla ma

dmigs pa'i rtags yang dag dang/ 'gal zla dmiD pa'i rtags yang
dag gnyis/ dang po'i mtshan nyid/ chos de'i 'brel yul bkag pa
rtags su bkod nas/ chos de 'gog pa la tshul gsum tshang ba'i gtan
tshigs/ de la dbye na/ rgyu dang/ khyab byed dang/

rang bzhin dang/ dngos 'bras ma dmigs pa'i rtags yang dag dang
gzhi/ dang po'i mtshan nyid/ chos de'i rgyu bkag pa rtags su bkod
nas/ chos de dngos su 'gog pa la tshul gsum tshang ba'i gtan
tshigs/ dper na/ sngo 'phyur ba dang ldan pa'i mtshan mo'i

rgya mtsho du med du sgrub pa la/ me med rtags su bkod pa lta
bu'o/ /kha cig rgya mtsho chos can du 'dzin pa mi 'thad de/ rgya
mtshor nges na du ba yod par dogs pa mi srid pa'i phyir/ zhes zer
ba mi 'thad de/ grog mkhar la du ba yod par dogs pa yang mi srid
par thal

@163b ba'i phyir ro/ /khyab byed ma dmigs pa'i rtags yang dag gi
mtshan nyid/ chos de'i bdag gcig pa'i khyab byed bkag pa rtags su
bkod nas/ chos de dngos su 'gog pa la tshul gsum tshang ba'i gtan
tshigs/ dper na shing gis dag pa'i brag rdzong na sha pa med par
sgrub

pa la shing ma dmigs pa rtags su bkod pa lta bu'o/ /kha cig /
'di la'ang/ shing med kyi brag rdzong du nges na sha pa med par
nges pas/ de 'dra chos can du 'dzin pa mi 'thad do zhes smra ba
mi 'thad de/ sha pa shing du ma nges pa mi srid par thal ba'i
phyir/ /gzhan yang kha

cig 'di skad du rgyu khyab byed ma dmigs pa'i rtags 'di dag gi
dgag bya'i chos/ gzhi der yod kyang skabs kyi phyi rgol gyi tshad
ma la snang mi rung yin te/ de'i phyir/ rgyu dang khyab byed
bkag pa'i sgo nas 'gog dgos pa yin gyi/ gzhan du na rang bzhin
ma dmigs

pa'i rtags sbyor bar rigs so zhes smra'o/ /'o na/ phyi rgol de'i
rgyud la sngo 'phyur ba dang ldan pa'i rgya mtsho la/ du ba yod
med gang du yang nges pa'i tshad ma skye mi rung bar thal zhing/
rgol ba de'i ngor rgya mtsho de la du ba bskal don du thal lo/
/du ba drag 'phyur bas khyab

par non pa'i gzhir/ kha ba stobs chen rgyun chags pa med par
sgrub pa la/ du ba stobs chen pos khyab par non pa rtags su bkod
pa'i tshe 'ang/ de sgrub kyi dgag bya'i chos yod kyang phyi rgol
la snang du mi rung bar thal/ de snang du rung na/ de 'gog pa la
rang bzhin

ma dmigs pa'i rtags sbyor ba rigs kyi/ 'gal zla dmigs pa'i rtags
sbyor ba mi rigs pa'i phyir/ rtags khyab khas blangs so/ /'dod
na/ gzhi der kha ba stobs chen yod kyang snang du mi rung/ du ba
stobs chen yod na snang rung zhes smra ba ni/ mngon sum la

@164a @#/ /bsnyon par byed pa yin no/ /gzhan yang/ rgya mtsho'i
steng gi du ba yod kyang snang mi rung du 'dod pa dang/ rlangs
pa sngo 'phyur ba snang bar 'dod pa'ang 'gal ba yin no/ /'o na/
rang 'grel las/ 'bras bu yod kyang snang bar mi 'gyur na/ de
'di/ sbyar

bar bya'o/ de snang ba la ni snang ba ma dmigs pa nyid go bar
byed do/ /zhes gsungs pa ji ltar drang zhe na/ de'i don ni/ bzhi
der rlangs pa sngo 'phyur ba dmigs pa nyid/ du ba dmigs par
'khrul nas/ du ba yod par dogs pa de la mngon suM du du ba ma
dmigs pa rtags su

bkod kyang/ des du ba med par nges mi nus pas/ me ma dmigs pa
rtags su sbyar bar bya'o zhes ston pa ste/ de nyid kyi 'grel
bshad du shAkya blos kyang/ mtsho chen po rlangs pa 'phyur ba la
sogs pa du ba dang 'dra bas bslus pa me med par ni rang bzhin ma
dmigs

pas nges par byed la/ du ba med pa ni ma yin pa de kho na la
rgyu ma dmigs par sbyar bar bya'o// zhes bshad do/ /rang bzhin
ma dmigs pa'i rtags la mtshan nyid dang/ mtshan gzhi ngos gzung ba
gnyis/ dang po ni/ chos de dmigs pa'i tshad ma bkag pa rtags su

bkod nas/ chos de bkag tsam dngos su sgrub pa la tshul gsum tshang
ba'i gtan tshigs/ gnyis pa mtshan gzhi ngos gzung ba la/ dgag
gzhag gnyis las/ dang po gzhan lugs dgag pa ni/ kha cig na re/
bum pas dag pa'i mdun gyi sa phyogs na chos can/ du ba med

de/ buM pa tshad mas ma dmiD pa'i phyir/ zhes pa ni/ rtags kyi
skya ris tsam yin pas/ rtag dngos la khyod pa po la yod pa dang/
bya ba las la yod pa'i rang bzhin ma dmigs pa'i rtags gnyis las/
dang po ni/ bum pas dag pa'i mdun gyi sa phyogs 'dzin pa'i dbang
po'i mngon

@164b sum chos can/ mdun gyi gzhi 'dir bum pa med pa'i shes
brjod tha snyad skye rung ste/ gzhi der bum pa yod na khyod kyis
dmigs dgos pa las/ khyod der bum pa ma dmigs pa'i dbang po'i
mngon sum yin pa'i phyir/ zhes pa dang/ las la yod pa ni/ bum
pas

dag pa'i sa phyogs chos can/ bum pa med pa'i tha snyad byar rung
ste/ bum pa yod na rang 'dzin mngon sum gyis dmigs dgos pa las
snang rung bum pa rang 'dzin mngon sum gyis ma dmigs pa'i sa
phyogs yin pa'i phyir/ zhes pa lta bu'o zhes zer

to/ /'di ltar smra ba la ni/ dgag pa mang du bstan pas ci zhig
bya/ gzhi der bum pa yod na/ gzhi der bum pa med dgos par thal/
gzhi der bum pa yod na/ bum pas dag pa'i sa phyogs 'dzin pa'i
dbang po'i mngon sum gyis dmigs dgos pa'i

phyir/ de bzhin du yul can la'ang rigs bsgres la/ dngos 'gal
'ba' shig brjod par gyis shig / gzhung lugs las bshad pa'i mtshan
gzhi bor nas/ rang bzo'i mtshan gzhis rang gi mtshan nyid gsal bar
ston pa'i mkhas pa rnams shin tu ngo

mtshar to/ /mkhas pa snga ma dag dang da lta'i rtog ge smra ba
dag kha cig / rang bzhin ma dmigs pa'i rtags ni tha snyad sgrub
kyi gtan tshigs yin pas/ bum pa med pa'i tha snyad byar rung ste/
bum pa yod na snang du rung ba las bum pa tshad mas ma dmigs pa'i

phyir/ zhes 'god dgos la/ de'i phyir 'di'i bsgrub bya'i chos yin
na sgrub pa yin pa'i phyir rang bzhin gyi rtags su smra'i/ ma
dmigs pa'i rtags ma yin no zhes smra'o/ de ni mi 'thad de/ rgyu
dang khyab byed ma dmigs pa dag kyang tha snyad sgrub kyi rtags
yin par

@165a @#/ /de phyir rgyu dang rang bzhin dag / med pas 'ga' zhig
sgrub pa'i yang/ zhes pa'i 'grel bshad las/ yang zhes bya ba ni
dgag pa dang dgag pa'i tha snyad kyi yang gtan tshigs yin no/
/zhes bshad pa'i phyir ro/ /de dag gi bsgrub bya'i chos su

yang tha snyad byar rung dngos su sbyar dgos par 'gyur la/ de
lta na/ de dag kyang rang bzhin gyi rtags su 'gyur bas/ ma dmigs
pa'i rtags la lhag ma lus par mi 'gyur ro/ /gzhan yang/ phyi
rgol gyis bum pa med par des kyang med pa'i tha snyad 'jug tu
rung mi rung

the tshom za ba la rtags 'di 'god dam/ 'on te/ bum pa med par ma
nges pa'i rgol ba'i ngor bum pa med par nges par bya ba'i phyir
rtags 'di 'god/ gnyis po 'di las mi 'da'o/ dang po ltar na bum
pa med pa'i tha snyad ni bum pa med par nges pa'i blo dang der
brjod

po'i sgra dang de dang mthun par blang dor byed pa'i lus kyi
gnas skabs gsum ga yin pa la bum pa med par nges kyang/ bum pa
med par nges pa'i blo 'jug tu rung mi rung the tshom za ba'i gang
zag ga la srid /bum pa med par nges kyang bum pa med ces brjod
du mi

rung dam snyam pa la ni rgyal po'i chad pa mi 'byung ba'i tshul
la sogs pa smras nas dogs pa bsal bar bya'i/ rtags bstan pas ci
zhig bya/ phyi ma ltar khas len na/ gzhi de bum pa med pa'i tha
snyad 'jug rung du bsgrubs pas/ gzhi de bum med du nges par

byed pa mi 'thad par thal/ gzhi grub na/ bum pa med pa'i tha
snyad 'jug rung yin pas khyab pa'i phyir/ der thal/ gzhi grub
na/ bum med kyi sgras brjod rung yin pas khyab pa'i phyir te/
rtag yul na yod pas khyab pa'i phyir/ 'on te/ tha snyad don
mthun 'jug tu rung ba

@165b sgrub pas skyon med do zhe na/ 'o na/ sgra mi rtag par
sgrub pa'i tshe'ang/ mi rtag pa'i tha snyad dan mthun 'jug tu
rung ste/ zhes bkod na ci nongs/ sgra mi rtag par grub zin na/
de tsam gyis sgra rtag 'dzin gyi sgro 'dogs chod cing/ sgra la
mi rtag par nges pa'i blo skye bas shes brjod kyi tha

snyad 'jug tu rung bar ched kyis sgrub mi dgos so zhe na/ de ni
mtshungs te/ sa phyogs bum med du nges na/ de tsam gyis bum yod
du 'dzin pa'i sgro 'dogs chod cing bum med du nges pa'i blo skye
bas/ shes brjod kyi tha snyad 'jug tu rung bar ched kyis sgrub
mi dgos so/ /

sa phyogs su bum pa tshad mas ma dmigs par nges nas bum med ma
nges pa mi srid do zhes kha cig smra'o/ /des ni rigs pa'i brda
tsam la yang ma sbyangs par zad de/ mtshan nyid nges kyang de la
rang gi mtshon bya'i tha snyad ma thogs pa mi srid na/ mtshan nyid
rtags su bkod

nas ma tshon bya sgrub pa'i rtags mi srid dgos pas/ sgra byas par
sgrub pa la rgyu rkyen las skyes par tags su song ba mi srid par
thal lo/ /gzhan yang/ tha snyad sgrub ces pa ni/ tha snyad dang
don gnyis kyi nang nas tha snyad du gyur pa'i ches shig sgrub
pas tha snyad sgrub

ces pa yin gyi/ bsgrub bya'i chos su tha snyad byar rung yin te
zhes pa dngos su sbyar bas tha snyad sgrub tu 'jog pa ga la yin/
gal te yin na/ bsgrub bya'i chos su don yin te zhes dngos su
sbyar bas/ don sgrub kyi rtags su 'jog dgos par thal lo/ /rang
lugs

ni/ rang bzhin ma dmigs pa'i rtags kyi sbyor ba ni/ dper na/ lto
ldir ba'i rnam pas dben pa'i 'jim gong chos can/ khyod la bum pa
med de/ khyod la bum pa yod na snang du rung ba las/ khyod la
bum pa yod par tshad mas ma dmigs pa'i phyir/ zhes pa lta

@166a @#/ /bu'o/ /rang bzhin ma dmigs pa'i rtags kyi sbyor ba 'di
ni/ med pa la ni de nyid kyi/ /tshad med rtags su brjod gang yin/
ces pa la sogs pa rnam 'grel nges kyi gzhung du mas bstan/ /de
nyid kyi phyogs la bshad par bya ba mang

du yod mod kyi/ gzhan du bshad par bya'o/ /'o na/ tha snyad bya
rung dngos su sbyor na/ dmigs su rung ba'i med pa ni/ /mi dmigs
pa las gzhan ma yin/ /de phyir de yod pa la de'i/ /rgyu mtshan
can gyi sgra shes sgrub/ ces bshad pa ji ltar yin zhe na/ chos
de ma

dmigs pa dang/ chos de med pa ni gzhan min te/ ma dmigs pa nyid
med pa'i don yin pas/ ma dmigs pa grub pa na med pa'i don grub
kyang/ shin tu blun pas ma dmigs pa la med pa'i tha snyad ma
thogs pa thogs par bya ba'i phyir/ ma dmigs pa'i

rtags kyis med pa sgrub ces pa yin gyi/ ma dmigs pas med pa'i
tha snyad 'jug rung sgrub ces pa ma yin pas/ rang bzhin ma dmigs
pa'i rtags bkod pa'i dgos pa dang/ rtags 'god pa'i tshul nor ba'i
gtam de ni mkhas pa'i rna bar mi 'ong ngo/ /

rang bzhin ma dmigs pa'i rtags 'di rang bzhin gyi rtags ma yin
na/ rgyu las 'bras bu sgrub pas na/ 'di ni rang bzhin nang 'dus
phyir/ zhes bshad pa ji ltar zhe na/ rtags 'di rnam 'jog gi rgyu
las rnam gzhag gi 'bras bu sgrub pa'i gtan tshigs

yin pas/ rtags chos bdag gcig tu 'brel ba'i dbang gis khyab
'brel grub pa yin la/ de'i phyir rang bzhin gyi rtags dang khyab
'brel grub tshul chos mtshungs pas/ rang bzhin gyi rtags kyi nang
du 'du ba bshad pa yin gyi/ der 'du na de yin ga la dgos/

@166b gzhung lugs rgya mtsho lta bu'i brda la ma byang ba'i bab
col de ma smras na rang nyid mdzes so/ /dngos 'bras ma dmigs
pa'i rtags yang dag gi mtshan nyid chos de ma dmigs pa rtags su
bkod nas/ chos de'i dngos rgyu'i nus pa thogs med bkag pa'i med
dgag dngos sgrub

pa la tshul gsum tshang ba'i gtan tshigs/ dper na du bas dben pa'i
ra ba na/ du ba'i dngos rgyu nus pa thogs med mod par sgrub pa
la/ du ba ma dmigs pa rtags su bkod pa lta bu'o/ /gnyis pa 'gal
zla dmigs pa'i rtags la gnyis las/ dang po mtshan nyid ni/

chos de dmigs pa dngos su rtags su bkod nas/ rang gi shes 'dod
chos can gyi steng du chos de'i gnod bya'i bye brag cig bkag
pa'i med dgag dngos su sgrub pa la tshul gsum tshang ba'i gtan
tshigs/ de la dbye na/ lhan cig mi gnas 'gal la brten pa dang/

phan tshun spangs 'gal la brten pa'i 'gal zla dmigs pa'i gtan
tshigs gnyis/ dang po'i mtshan nyid/ chos de dmigs pa dngos su
rtags su bkod nas/ rang gi shes 'dod chos can gyi steng du chos
de dang lhan cig mi gnas 'gal gyi bye brag cig bkag pa'i med

dgag dngos su sgrub pa la tshul gsum tshang ba'i gtan tshigs/ dbye
na/ 'gal ba'i rang bzhin dmigs pa bzhi/ 'gal ba'i 'bras bu dmigs
pa bzhi/ 'gal ba'i khyab bya dmigs pa bzhi rnams so/ /dang po
bzhi ni rang bzhin dang 'gal ba'i

rang bzhin dmigs pa/ rgyu dang 'gal ba'i rang bzhin dmigs pa/
'bras bu dang 'gal ba'i rang bzhin dmigs pa/ khyab byed dang
'gal ba'i rang bzhin dmigs pa rnams te/ dper na/ rim pa bzhin/
me stobs chen pos khyab par non pa'i gzhir/ grang

@167a @#/ /reg dang/ grang 'bras spu long byed dang/ grang rgyu
nus pa thogs med dang/ ba me'i reg pa rnams med par sgrub pa la/
me stobs chen pos khyab par non pa bkod pa lta bu'o/ /'gal ba'i
'bras bu dmigs pa bzhi ni/ rang bzhin dang

'gal ba'i 'bras bu dmigs pa/ rgyu dang 'gal ba'i 'bras bu dmigs
pa/ 'bras bu dang 'gal ba'i 'bras bu dmigs pa/ khyab byed dang
'gal ba'i 'bras bu dmigs pa rnams te/ dper na/ rim pa bzhin/ du
ba dag 'phyur bas khyab par non pa'i

gzhir grang reg sogs bzhi po med par sgrub pa la/ du ba drag
'phyur bas khyab par dmigs pa so sor rtags su bkod pa lta bu'o/
/'gal ba'i khyab bya dmigs pa bzhi ni/ rang bzhin dang 'gal ba'i
khyab bya dmigs pa/ rgyu dang 'gal ba'i khyab bya dmigs

pa/ 'bras bu dang 'gal ba'i khyab bya dmigs pa/ khyab byed dang
'gal ba'i khyab bya dmigs pa rnams te/ dpe rim bzhin/ tsandan
gyi me stobs chen pos khyab par non pa'i gzhir grang reg sogs
bzhi med par sgrub pa la/ tsandan gyi me stobs chen pos khyab

par dmigs pa rtags su bkod pa lta bu'o/ /gnyis pa phan tshun
spangs 'gal la brten pa'i 'gal zla dmigs pa'i rtags yang dag gi
mtshan nyid/ chos de dngos su rtags su bkod nas/ rang gi shes
'dod chos can gyi steng du chos de dang phan tshun spangs

'gal gyi bye brag tu gyur pa gcig bkag pa'i/ med dgag dngos su
sgrub pa la tshul gsum tshang ba'i gtan tshigs/ dper na/ myu gu
slar yang skye dgos pa ma yin te/ rang gi bdag nyid skyes zin
pa'i ngo bor yod pa'i phyir/ zhes bkod pa lta bu'o/ /'di la dbye
ba'i

@167b tshul mang du smra ba la snying po ma mthong ngo/ /ma dmigs
pa'i rtags bshad zin to// //rtags yang dag la bsgrub bya'i sgo
nas dbye na/ dngos po stobs zhugs kyi dang/ yid ches pa'i dang/
grags pa'i rtags yang dag dang gsum/ dang po la mtshan nyid ni/
tshul gsum

tshang ba'i gtan tshigs gang zhig /de sgrub kyi bsgrub bya yin na/
tshur mthong gi dngos stobs tshad mas grub pa'i don yin pa/ dper
na/ sgra mi rtag par sgrub pa la byas pa rtags su bkod pa lta
bu'o/ /gnyis pa yid ches pa'i rtags yang dag la/ dgag gzhag
spong gsum

las/ dang po gzhan lugs dgag pa la/ yid ches pa'i rtags yang dag
mi srid par 'dod pa dgag /srid kyang rtags kyi rnam gzhag gzhan
du 'dod pa dgag pa gnyis/ dang po ni/ kha cig na re yid ches
pa'i rtags yang dag mi srid de/ srid na/ lung rang gi

bstan bya'i don la 'brel par 'gyur bas/ sgra don la mi 'khrul
ba'i 'brel pa grub pa yod dgos par 'gyur ro zhes zer to/ /yid ches
pa'i rtag yang dag mi srid par 'dod pa shin tu mi 'thad de/ 'di
ltar/ de ltar khas len pa la ni yid ches pa'i rjes

dpag tshad ma yod par 'dod pa ga la nus te/ yod par 'dod pa'ang
med do/ /de nyid kyi phyir na/ skyon chen po dag thog tu 'bab
par 'gyur te/ shes bya chos can/ shin tu lkog gyur yin na/ de
'jal byed kyi tshad ma med pas khyab par thal/ yid ches rjes

dpag tshad ma yin pa mi srid pa'i phyir/ khyab ste/ lung tsam
gyis grub pa'i don la tshad ma gzhan 'jal byed du mi 'jug pa'i
phyir/ 'dod na/ sbyin pa'i ches las ma 'ongs pa na rnam smin bde
ba 'byung ba la sogs pa/ las rgyu 'bras kyi 'brel pa la che ba
dag la med

@168a @#/ /do zhes skur pa 'debs dgos par 'gyur ro/ /de bas na
las 'bras med par lta ba 'di ni/ dge ba'i rtsa ba ma lus pa gcod
pa'i log lta rnams kyi 'ang tha chad du gyur ba 'jig rten rgyang
'phen gyi rid lugs te/ gal te khas 'tshe ba po sdom pa dang

ldan pa zhig yin na ni/ sdom pa yang lhag ma ma lus par gtong
ba'i rgyu yin te/ ji skad du/ rtsa ba chad dang mtshan 'das las/
/so sor thar pa'i 'dul ba gtong/ zhes gsungs pa ltar ro/ /des
na/ bcom ldan 'das kyis/ las 'dis 'bras bu 'di lta

bu dus 'di tsam na 'byin no/ /zhes gsungs pa'i lung gi brjod bya
lta bu/ gzhal bya shin tu lkog gyur gyi don la log par rtog pa'i
sgro 'dogs yin na/ de la gnod byed kyi tshad ma mi srid par thal/
yid ches pa'i rjes dpag tshad ma mi srid pa'i phyir/

'dod na/ sgro 'dogs de spong mi nus par thal zhing/ dri ma sems
kyi rang bzhin du'ang thal te/ sgro 'dogs de'i 'dzin stangs la
gnod byed tshad ma med na/ de'i 'dzin stangs yul gyi gnas lugs
dang mthun par zhugs dgos pa'i phyir/ 'on kyang yid

ches pa'i rtags yang dag yod na/ sgra don la mi 'khrul ba'i
'brel pa yod mi dgos pa'i tshul ni 'chad par 'gyur ro/ /'di la
gang dag 'di skad du/ gzhal bya shin lkog tshad mas grub nas/
lung de'i sgrub byed du khas len nam/ tshad mas ma grub

par lung de'i sgrub byed du khas len/ dang po ltar na/ lung de'i
sgrub byed du khas len pa don med par thal/ de tshad mas grub
pa'i phyir/ gnyis pa ltar na/ ma nges te/ de tshad mas ma grub
bzhin du de'i sgrub byed du khas blangs pa'i phyir/ des na/ lung
sgrub

@168b byed du mi 'thad pas/ yid ches pa'i rtags ma 'thad do zhes
zer to/ /'o na sgra mi rtag par tshad mas grub nas byas pa de'i
sgrub byed du khas len nam/ tshad mas ma grub par byas pa de'i
sgrub byed du khas len/ dang po ltar na/ byas pa de'i sgrub byed
du don med

par thal/ de tshad mas grub pa'i phyir/ 'khor gsum/ gnyis pa ltar
na/ de'i khyab pa ma nges par thal/ de tshad mas ma grub bzhin du
de'i sgrub byed du khas blangs pa'i phyir/ 'khor gsum mo/ /gzhan
yang/ dngos po stobs zhugs kyi rtags yang dag yod pa'i

phyir na/ sgra mi rtag nges pa'i phyogs tshig sgra mi rtag pa'i
sgrub byed yang dag tu 'gyur ba yod par thal lo/ /ma khyab na/
yid ches pa'i rtags yang dag yod na/ sbyin pa las longs spyod
'byung zhes pa'i lung tshig /sbyin pa las longs spyod 'byung bar
sgrub pa'i sgrub byed yang dag tu 'gyur dgos

pa 'bud/ rtags gsal yang khas len pas 'khor gsum mo/ /yang blun
po kha cig /sangs rgyas shin lkog yin zhing/ yid ches pa'i rjes
dpag tshad ma med par 'dod pa'ang mthong ste/ de dag la ni sangs
rgyas med par 'dod dgos te/ yod na tshad mas

dmigs dgos pa'i phyir/ de'i phyir kha cig /sangs rgyas yod kyang
snang mi rung yin la/ des na sangs rgyas bskal don yin no zhes
ngo tsha bor ba'i tshig smra bar byed do/ /des na sangs rgyas
bskal don du song ba khyod/ sangs rgyas yod med the tsom za

zhes brjod par gyis shig /de lta na chos dang dge 'dun yang yod
med the tsom za zhes brjod par gyis shig /de lta na dkon mchog
gsum la skyabs su 'gro ba na yang/ gal te dkon mchog gsum yod
srid na de la skyabs su mchi'o/ /zhes brjod par

@169a @#/ /gyis shig /de lta bas na/ sangs rgyas shin lkog tu
khas blangs nas/ yid ches tshad ma med par 'dod pa dag gis ni/
sangs rgyas thob phyir du lam sgom pa thams cad bskal pa grangs
med gsum du ri bong rwa'i sgrub pa byed pa dang

mtshungs par 'dod dgos la/ sangs rgyas bskal don du 'dod pas ni
sdom pa gsum dang/ gsung rab yan lag bcu gnyis sa lam dang bcas
pa thams cad/ yid brtan mi rung ba dang/ lam sgom pa thams cad
gzhi 'dir 'dre sha za sgrub pa dang mtshungs

par 'dod dgos so/ /sangs rgyas shin lkog min zhing/ dngos stobs
kyis grub pa'i tshul la sogs pa ni/ rgyas par gong du bshad zin
to// //gnyis pa rtags kyi rnam gzhag gzhan du 'dod pa dgag pa
ni/ kha cig na re/ sbyin sogs dkar chos chos

can/ khyod las ma 'ongs pa na rnam smin bde ba 'byung ste/ de
'byung bar bcom ldan 'das kyi lung rnam dag las bshad pa'i
phyir/ zhes pa nyid yid ches pa'i rtags yang dag gi sbyor ba'o
zhes smra ba dang/ sbyin pas longs spyod khrims kyis bde/ zhes
pa'i lung

de sbyin sogs dkar chos las rnam smin longs spyod 'byung bar
sgrub pa'i rtags yang dag yin no zhes smra'o/ /'di ni mi 'thad
de/ rtags 'di'i chos can nges na bsgrub bya nges pas khyab pa'i
phyir te/ sbyin sogs dkar chos su nges pa la sbyin sogs las rnam
smin

bde ba 'byung bar nges dgos pa'i phyir/ ci ste/ sbyin sogs tsam
chos can du 'dzin gyi/ dkar chos mi 'dzin no zhe na/ de lta na
yang skyon gyi mtha' las grol pa min te/ 'di ltar shes bya chos
can/ phyogs tshig sgrub dag tu 'gyur ba yod par thal/ sbyin pa
las longs

@169b spyod 'byung zhes pa'i lung tshig de/ sbyin pa las longs
spyod 'byung bar sgrub pa'i rtags yang dag yin pa'i phyir/ des
na de lta bu'i lung tsam gyis rang gi brjod bya de sgrub nus na/
sbyin pa las longs spyod 'byung zhes pa'i tshig tsam gyis sbyin
pa las longs spyod 'byung bar

'grub par 'gyur bas/ sgra mi rtag ces pa'i tshig gis kyang/ sgra
mi rtag par 'grub par 'gyur ro/ /de bas na sbyin pa las longs
spyod 'byung zhes pa'i lung ni/ sbyin pa las longs spyod 'byung
bar sgrub pa'i rtags kyi bsgrub bya tsam brjod pa'i tshig yin
pas/ de sbyin pa las longs

spyod 'byung ba'i sgrub byed du khas blangs na/ phyogs tshig
sgrub byed du 'gyur ba mi 'dod bzhin du khas blangs dgos so/
/gzhan yang/ shes 'dod chos can sbyin pa las longs spyod 'byung
bar ston pa'i lung de grub bam ma grub/ ma grub na/ phyogs chos
ma grub pas rtags yang

dag nyams so/ /grub na rtags yang dag gi phyogs chos su 'gyur
bas/ rtags chos can la grub tshul gnyis te/ yin 'god rnams la ni
chos can de rtags de yin par grub pa dang/ yod 'god rnams la
chos can la rtags de yod par grub pa'o/ /'di la de gnyis ka mi
'thad

de; dang po ltar na/ sbyin pa nyid lung du 'gyur ro/ /gnyis pa
ltar na/ sbyin pa la lung de yod par khas len dgos la/ de ltar
na/ rgyu mtshan mtshungs pa'i phyir/ sangs rgyas kyi gsung gi
brjod bya mtha' dag la/ de ston pa'i sangs rgyas kyi gsung de
dang de yod par thal lo/ /'dod

na/ sangs rgyas kyi ye shes kyi yul mtha' dag la sangs rgyas kyi
ye shes yod par thal lo/ /'dod na/ gzhi grub na/ sangs rgyas kyi
ye shes yod par thal lo/ /des na de lta bu'i rtags ni phyogs
chos ma grub pa'i phyir/ rtags yang dag ma yin no/ /gzhan yang/
'di ltar

@170a @#/ /khas len pa dag gis ni/ yid ches pa'i rtag yin na/
'bras rtags yin pas khyab cing/ shin lkog ston pa'i lung rnam
dag yin na/ rang gi brjod bya de sgrub pa'i yid ches pa'i rtags
su khas len mod/ de la skyon 'di yang yod de/ sbyin pa chos

can/ khyod las rnam smin sdug bsngal 'byung ba med de/ de med
par bcom ldan 'das kyi lung rnam dag las bshad pa'i phyir/ zhes
bkod pa'i tshe na/ de lta bu'i lung de de sgrub kyi 'bras rtags
su thal/ de sgrub kyi yid ches pa'i rtags yin pa'i phyir/ rtags
khyab khas

blangs/ 'dod na/ bsgrub bya'i chos dgag par gyur pa'i 'bras
rtags yod par 'gyur bas dgag rtags dang/ sgrub rtags kyi gzhi
mthun khas longs shig /yang kha cig na re/ de lta bu'i yid ches
pa'i rtags ni khas mi len na/ 'on kyang thub pa sangs rgyas

bcom ldan 'das chos can/ rang gi rgyu brtse ba snying rje chen
po sngon du song ste/ don gnyis mthar phyir pa'i skyes bu yin
pa'i phyir/ zhes pa lta bu/ yid ches pa'i 'bras rtags dang/ de
chos can/ don dam pa'i tshad ma yin te/ don gnyis mthar phyin
pa'i skyes bu yin pa'i phyir

zhes pa lta bu yid ches pa'i rang bzhin gyi rtags yang dag dang/
de chos can/ nyes pa chags sogs med de/ sgrib gnyis bag chags
dang bcas pa spangs pa'i phyir/ zhes pa lta bu/ yid ches pa'i ma
dmigs pa'i rtags dang gsum du yod cing/ 'di dag

rtags yang dag yin no zhes smra'o/ /'di dag kyang mi 'thad de/
sgrib gnyis bag chags dang bcas pa spangs par nges nas/ nyes pa
chags sogs spangs ma spangs the tshom za ba mi srid pas/ phyogs
chos grub na bsgrub bya grub zin par 'gyur ba'i phyir

@170b dang/ chos can ma nges na rtags su mi 'gyur zhing/ chos
can des na sangs rgyas su nges zin pas/ de la nyes pa yod med
the tshom za ba mi srid pas/ chos can grub zin pa na/ bsgrub
ya'ang grub zin par 'gyur ba'i phyir dang/ 'di dag yid ches pa'i
rtags yang dag

yin na/ 'di dag bsgrub bya shin lkog kho na sgrub par thal
zhing/ de 'dod na/ sangs rgyas kyi spangs rtogs thams cad shin
lkog tu khas len dgos pas phongs pa'i tshul la brten dgos pa
'byung na'ang/ sangs rgyas kyi spangs rtogs dngos stobs kyis
grub pa'i

tshul bshad zin to// //gnyis pa rang lugs la/ yid ches pa'i rtags
yang dag yod na/ de'i tshul ji lta bu zhe na/ yid ches pa'i rtags
yang dag gi mtshan nyid/ tshul gsum tshang ba'i gtan tshigs gang
zhig /de sgrub kyi bsgrub bya yin na shin lkog

yin pa/ zhes bya la/ de yang rtog pa sngon du gtong ba'i skyes
bu dag /shin tu lkog gyur gyi don la 'jug ldog byas pas phan yon
dang nyes dmigs chen po bshad pa'ang thos la/ de lta bu la 'jug
ldog ma byas na don chen po las nyams par 'gyur

ba yang srid snyam zhing/ thabs gang la brten nas 'jug ldog bya
snyam du sems so/ /de ltar bsams pa na lung la ma brten par tshad
ma gzhan la brten nas 'jug ldog bya mi nus par shes shing/ lung
de nyid rang gi bstan bya'i don la ni slu pa yin

min ji lta bu zhes dpyod par byed la/ dpyad pa na lung de'i
bstan bya de lta bu yod pa la mngon sum dang/ dngos po stobs
zhugs kyi tshad mas gnod pa med cing/ lung de nyid kyi brjod bya
shin lkog ston byed kyi tshig rang la yang/ snga phyi dang dngos
shugs 'gal ba

@171a @#/ /sogs kyis gnod pa ste/ dpyad pa gsum gyis gyis dag par
mthong nas de'i tshe lung de nyid rang gi bstan bya'i don la mi
slu bar nges te/ lung des bstan pa dang mthun par 'jug ldog byed
par 'gyur ba 'di ni/ lung gi brjod bya la nges par

ji ltar skye ba'i tshul yin te/ don 'di gzhung las ches gsal bar
mang du bshad kyang/ 'jim gong glegs bam gyi drung du bzhag pa
dang chos mtshungs 'di dag gis ji ltar khong du chud par 'gyur/
de bas na yid ches pa'i rtags kyi sbyor ba ni/ lung don la

dpyod pa'i skyes bu nges/ lung dpyod byed kyi rigs par mi byed
par/ dpyod pa'i gzhir byas nas/ dpyod pa'i rigs pa dpyad pa gsum
gyis dag ma dag rtog pa'i rigs pas/ dpyad bya lung de rang gi
bstan bya la slu mi slu gtan la 'bebs pa des na/ sbyin pas

longs spyod khrims kyis bde/ zhes pa'i lung chos can/ khyod rang
gi bstan bya'i don la mi slu ste/ dpyad pa gsum gyis dag pa'i
lung yin pa'i phyir/ zhes pa nyid kha na ma tho ba med pa yin
no/ /sbyor ba 'di lta bu gzhung gang gis bstan ce na/ 'brel

pa dang ni rjes mthun thabs/ /skyes bu'i don ni brjod byed dag/
ces pas chos can ngos bzungs pa yin te/ 'dis ni rgol ba rtog
ldan khyad par gsum ldan gyi lung 'di lta bu bstan bya la slu mi
slu dpyod pa'i gzhir byed kyi/ lung gang yang rung ba dpyod pa'i
gzhir

mi byed ces bstan to/ /'di ni mi slu ba'o/ /zhes pas bsgrub
bya'i chos bstan no/ /mthong dang ma mthong dngos po yi/ zhes
sogs kyis rtags bstan te/ /mdor/ yid ches tshig ni mi slu/ zhes
pas dam bca' bstan/ spyi las rjes su dpag pa nyid/ ces pas/ de
rtogs

@171b kyi blo rjes dpag tu bstan/ 'o na/ mi slu rgyu'i/ yid ches
kyi lung de gang yin zhe na/ 'brel pa dang ni rjes mthun thabs/
/skyes bu'i don ni brjod byed dag /yongs brtag dbang du byas yin
gyi/ /de las gzhan pa'i dbang byas min/ zhes pas yid ches kyi
lung ngos bzung ngo/ /

mthong dang ma mthong dngos po yi/ /don de dag la mngon sum
dang/ /rjes su dpag rnam gnyis kyis kyang/ /gnod med 'di ni mi
slu ba'o/ /zhes pas mi slu pa'i sgrub byed bkod nas/ yid ches
kyi rtags kyi rtags sbyor gsal bar bstan pa yin no/ /gang dag
yid

ches kyi rtags sbyor la lung de nyid rtags su 'god dgos pa dag
gis ni/ 'brel pa dang ni rjes mthun thabs/ zhes sogs kyis khyad
par dang ldan pa'i lung yongs su brtag pa'i gzhir mi byed par/
rtog byed kyi rigs ? par byed dgos pas gzhung lugs rgya mtsho lta
bu'i

don la pha rol tshu rol bzhin du/ ches ring du gyur pa yin no/
/dpyad pa gsum gyis dag pa'i tshul kyang/ lung de'i brjod bya
mthong pa mngon gyur ston pa'i cha rnams mngon sum tshad mas
grub/ ma mthong pa lkog gyur ston pa'i cha rnams dngos stobs
rjes dpag

tshad mas grub/ ma mthong ba shin lkog ston pa'i cha rnams la
rang tshig 'gal ba sogs kyis gnod pa med pa rnams la byed pa mi
'thad de/ de lta na/ dpyad pa gsum gyis dag pa'i lung yin na/
lung de'i brjod byar gyur pa'i mngon gyur lkog gyur shin tu

lkog gyur gsum ga yod dgos par 'gyur la/ de lta na/ shin lkog
kho na ston pa'i lung dpyad pa gsum gyis dag pa med par 'gyur
la/ de 'dod na/ sbyin pas longs spyod khrims kyis bde/ zhes pa'i
lung de dpyad pa gsum gyis dag pa ma yin

@172a @#/ /par thal lo/ /de bas na dpyad pa gsum gyis dag pa'i
don ni/ mngon rjes gnyis dang rang tshig snga phyi 'gal ba sogs
dang gsum gyis gnod pa med pa'i lung yin pa la bya'o/ /de'i
phyir/ gnod med 'di ni mi slu ba'o/ /zhes gsungs so/ /

des na/ mthong dang ma mthong dngos po yi/ zhes sogs kyi don
kyang/ mthong ba mngon gyur ston pa'i cha la/ zhes sogs sbyor ba
ma yin gyi/ khyod kyi brjod bya la mthong ba mngon gyur 'jal
ba'i mngon sum tshad mas kyang gnod pa med/ ma mthong ba lkog
gyur

'jal ba'i rjes dpag tshad mas kyang gnod pa med/ rang tshig 'gal
ba sogs kyis kyang gnod pa med pa'i lung yin pa'i phyir/ zhes
sbyar rgyu yin no/ /gzhung 'di dag dpyis phyin par bshad pa'i
'grel pa byed pa po ni/ sngon chad gangs ri'i khrod 'dir kho bo
gcig

bu ste/ 'grel byed gzhan dag smyu gu'i rtsom pa ngal bar ma gyur
pa ngo mtshar to/ /de yang gtan tshigs 'di'i bsgrub bya ni shin tu
lkog gyur yin la/ tshul gsum ni dngos po stobs zhugs kyi tshad mas
grub pa yin no/ /gal te/ tshul gsum dngos po stobs zhugs

kyi tshad mas grub na/ bsgrub bya shin tu lkog gyur yin pa mi
'gal lam zhe na/ mi 'gal te/ 'di ltar/ rtags yang dag la dngos
po stobs zhugs dang grags pa dang yid ches pa'i rtags yang dag
gsum du dbye ba 'di/ tshul gsum dngos po stobs zhugs

dang grags pa dang yid ches pa'i lung gsum gyis grub pa'i dbye
ba yod nas phye ba ma yin gyi/ bsgrub bya la dngos po stobs
zhugs tshad mas grub pa dang/ bsgrub bya 'dod pa tsam gyis bzhag
pa dang/ sgrub bya shin tu lkog tu gyur pa lung tsam gyis grub
pa

@172b gsum du yod pas/ de ltar phye ba yin la/ bsgrub bya shin
tu lkog tu gyur bas de sgrub kyi tshul gsum yang shin tu lkog tu
gyur dgos par 'dod pa dang/ yid ches pa'i rtags sbyor 'god pa
na/ sbyin sogs chos can/ khyod las ma 'ongs pa na rnam smin bde

ba 'byung ste/ de ltar lung las gsungs pa'i phyir/ zhes 'god pa
ni/ rnam par ma brtags pa'i nang 'gal chen po yin te/ de lta
bu'i rtags sbyor de'i rtags su lung 'god dam lung las gzhan pa
'god kyang rung ste/ gnyis ka yang mngon sum tshad mas grub

pa'i phyir/ rtags dngos po stobs zhugs kyis ma grub pa'i shin tu
lkog gyur tu smra ba dngos su nyams par 'gyur ro/ /des na rtags
'god tshul 'di ltar byas nas/ phyogs chos shin lkog tu 'dod pa
dag ni/ mkhas pa'i bzhad gad kyi gnas yin no/ /gzhan yang

tshul gsum dngos stobs kyi tshad mas grub na/ bsgrub bya shin lkog
ma yin dgos na/ du bas la la me sgrub pa'i tshul gsum mngon sum
gyis grub par khyod rang 'dod pa la'ang mtshungs te/ shes bya
chos can/ de sgrub kyi bsgrub bya lkog gyur tu 'gal bar thal/

de sgrub kyi tshul gsum mngon sum gyis grub pa'i phyir/ 'khor
gsum mo/ /'o na/ tshul gsum sgrub byed kyi tshad ma ji lta bu zhe
na/ lung de dpyad pa gsum gyis dag par mngon sum gyis grub la/
dpyad pa gsum gyis dag pa la/ rang gi brjod bya la mi slu ba'i
khyab

pa rtags kyis 'grub ste/ brjod bya'i don la bslu na/ lung des
bstan pa ltar ma grub dgos la/ de ltar na/ lung des bstan pa
ltar brjod bya'i don la tshad mas gnod pa 'bab dgos la/ dpyad pa
gsum gyis dag na/ tshad mas gnod pa med dgos pa'i phyir ro// zhes

@173a @#/ /pa'i rtags las rtogs par 'gyur ro/ /gzhan yang /dngos
po stobs zhugs kyi rtags sogs gsum du dbye ba 'di/ bsgrub bya'i
ngos nas phye ba ma yin par/ sgrub byed kyi ngos nas phye ba yin
na/ dgag rtags dang sgrub rtags su 'jog

pa'ang/ sgrub byed kyi ngos nas 'jog par thal lo/ 'dod na/ 'gal
khyab dmigs pa'i rtags la sogs pa thams cad sgrub rtags su 'dod
rigs par thal lo/ der ma zad/ gnod byed kyi tshad ma la bzhir
phye ba'i dgos pa/ yid ches dang grags pa'i gnod yul so sor

nges par bstan pa'i phyir yin par bshad pa 'di la yid brtan med
par zad de/ khyod 'dod pa ltar na/ gnod yul so sor nges pa'i
dbang gis ma yin par/ gnod byed tshad ma'i rten rtags kyi tshul
dngos stobs kyi grub pa dang/ lung tsam gyis grub pa sogs so

sor nges pa'i dbang gis yin par 'dod dgos pa'i phyir ro/ /des na
gnod phyir rjes dpag las/ khas blangs phyi rol gyur min yang/
/yul gyi khyad par bstan pa yi/ /phyir na tha dad byas pa yin/
/zhes pa sems ? shig /da lta'i rigs pa smra bar khas 'chi ? ba
'di dag

sbyin pa las longs spyod 'byung ba ston pa'i lung rtags su bkod
nas/ lung de nyid rna bas ? thos shing/ dag gis smras bzhin
du'ang/ rtags shin tu lkog gyur tu smra ba 'di 'ang ? /rigs pa
smra bar khas 'chi ? na/ su zhig mi rigs pa smra bar 'gyur/
rtsod pa spang pa ni/ 'o na/

sgra mi rtag par sgrub pa la'ang/ sgra mi rtag par ston pa'i
lung chos can/ khyod rang gi bstan bya la mi slu ste/ dpyad pa
gsum gyis dag pa'i lung yin pa'i phyir/ zhes bkod na skyon ci
yod ce na/ dgos pa med pa'i skyon yod de/ lung de dpyad pa gsum
gyis dag

@173b par sgrub pa la/ sgra mi rtag par tshad mas grub pa sgrub
dgos la/ de sgrub pa la sgra mi rtag par sgrub pa'i rtags 'god
dgos pa'i phyir ro/ /yid ches pa'i rtags 'di la shin tu gal che
bar mthong na'ang/ gzhan dag la yid brtan cung zad kyang mi
snang bas dam pa'i dgongs pa

bzhin rgyas par bkral pa yin no// //grags pa'i rtags yang dag
la/ dgag gzhag gnyis las/ dang po gzhan lugs dgag pa ni/ kha
cig/ yod pas ri bong can zla ba'i sgras brjod rung du sgrub pa'i
rtags 'di dag rtags yang dag ma yin te/ de ltar

na/ sgra don la dngos stobs kyi 'brel ba grub par 'gyur ba'i
phyir ro/ /zhes zer ba dang/ kha cig /rtog yul na yod pa/ ri
bong can zla ba'i sgras brjod rung du sgrub pa'i rtags yang dag
ma yin te/ de sgrub kyi chos la 'brel pa rang bzhin gyis ma grub
pa'i phyir te/ rtags

chos gnyis po de'i 'brel pa 'dod pa'i dbang gis gzhag pa'i
phyir/ der thal/ sgra ni brda la brten nas don go bar byed la/
brda yang 'dod pa tsam la rag las shing/ 'dod pas ci yang brjod
par 'dod pa'i rgyu mtshan gyis/ yod pa la zla ba'i sgras brjod
rung gis

khyab pa yin pa'i phyir/ des na grags pa'i rtags ni rtags yang
dag ma yin no zhes zer to/ /gnyis ka mi 'thad de/ snga mas ni
sgra dang sgras brjod rung nor ba'i phyir te/ 'di ltar yod pa
chos can/ khyod sgras brjod rung dang rang bzhin 'brel pa grub
na/ sgra

dang rang bzhin 'brel pa grub dgos par thal/ khyod sgras brjod
rung ri bong can gyi steng du sgrub pa'i khyab 'brel grub pa'i
gtan tshigs yin na/ sgra don la rang bzhin 'brel pa grub dgos
pa'i phyir/ 'dod na/ khyod sgras brjod rung gi rang bzhin yin
na/

@174a @#/ /khyod sgra'i rang bzhin yin dgos par thal lo/ /'dod
na/ chos thams cad sgra'i rang bzhin du thal lo/ /lugs phyi mas
ni/ chos de la zla ba'i sgra 'dod pa'i dbang kho nas 'jug pa
dang/ chos de la zla ba'i sgra 'jug tu rung bas khyab pa'i

khyab pa 'dod pa'i dbang kho nas bzhag pa gnyis kyi khyad par ma
phyed par zad do/ /gzhan rgyu mtshan 'di la brten nas/ de sgrub
kyi rtags yang dag ma yin par smra bas ni/ khyab 'brel de 'dod
pa'i dbang gis bzhag na/ tshad mas ma grub dgos par 'dod dgos

la/ de ltar na/ rtog pas btags na gzhi ma grub dgos pa'i grub
pa'i mtha' yongs su bzung bar 'gyur bas/ kun rdzob bden pa la
skur ba btab pa yin no/ /gzhan dag yod pa ri bong can zla ba'i
sgras brjod rung du sgrub pa'i dngos po stobs zhugs kyi rtags
yin no

zhes smra ba ni/ de sgrub kyi tshul gsum dngos stobs kyis grub
pa'i phyir/ zhes rgyu mtshan du 'god par byed mod gong du bkag
zin to/ /kha cig /ri bong can zla ba'i sgras brjod rung yin pa
dngos stobs kyis grub par smra ba dang/ ri bong can chos can/
zla ba'i sgras brjod du

rung ste/ de ltar 'jig rten na grags pa'i phyir zhes 'god kyi/
yod pa'i phyir zhes mi 'god la/ 'di grags rtags yang dag tu
gsungs pa ni/ btags pa'i dbang du byas te/ 'dogs pa'i rgyu
mtshan/ de nyid kyang yang dag pa'i gnas lugs rtogs pa'i thabs

yin pa'i phyir gsungs te/ tha snyad la ni ma brten par/ /dam
pa'i don ni rtogs mi 'gyur/ zhes gsungs pa'i phyir/ dgos pa 'jig
rten gzhug pa'i phyir/ dngos la gnod byed rtags de mthun phyogs
la zhugs pa'i phyir/ zhes smra mod/ zla ba'i sgras brjod

@174b mi rung gzhi ma grub pa'i phyir/ rtags mi mthun phyogs la
zhugs pa'ang ma grub la/ tha snyad la ni ma brten par/ zhes pa'i
tha snyad ni kun rdzob bden pa tsam la zer ba yin pas/ de dang
skabs 'di'i grags pa phyogs tsam la yang mi mtshungs pa'i phyir
dang/ rtags sbyor

de 'dra'i 'god tshul gzhung rtsa 'grel kun las phyi rol tu gyur
pa la dngos su mi 'dzem ? par mu cor smra bar zad mod/ blun po
thams cad kyi 'dod pa'i mtha' 'gog pa'i yi ge 'dri bar su zhig
gis nus/ gnyis pa rang luD la/ grags rtags yang dag gi mtshan
nyid/ de

sgrub kyi tshul gsum tshang ba'i gtan tshigs gang zhig /de sgrub
kyi bsgrub bya yin na 'dod pas bzhag pa tsam gyi chos yin pa/
dper na/ ri bong can chos can/ khyod zla ba'i sgras brjod du
rung ste/ khyod rtog yul na yod pa'i phyir/ /dper na ga bur
bzhin zhes pa lta bu'o/ /

de yang/ spyir gzhal bya tsam la myong stobs kyis rtogs par bya
ba dang/ rtogs pa myong stobs las gzhan la rag las pa gnyis/
/dang po ni/ mngon sum tshad ma'i dngos kyi gzhal bya rnams yin
no/ /gnyis pa la/ chos de rtogs pa nges par lung la ltos pa
dang/

mi ltos pa gnyis dang po ni/ yid ches pa'i rtags kyi bsgrub bya
dang/ yid ches pa'i rjes dpag gi gzhal bya'o/ /lung la ma ltos
pa la 'dod pa tsam gyis gzhag mi nus pa dang nus pa gnyis/ dang
po ni/ dngos po stobs zhugs kyi rtags kyi bsgrub bya dang/ rjes

dpag gi gzhal bya'o/ /'dod pa tsam gyis gzhag nus pa ni/ grags
pa'i rtags kyi bsgrub bya dang rjes dpag gi gzhal bya yin la/ 'o
na/ 'dod pa tsam gyis bzhag na tshad mas gzhal bar mi 'gal lam
zhe na/ mi 'gal te/ 'di ltar/ rtog pas btags pa la tshad

@175a @#/ /mas ma grub pa/ thag khra la sbrul du btags pa lta bu
dang/ tshad mas grub pa gnyis yod la/ grub pa la'ang/ 'dod pa
tsam gyis bzhag mi nus pa byas mi rtag gi tha dad lta bu dang/
gzhag nus pa ri bong can zla ba'i sgras brjod du rung ba lta bu
gnyis

su yod de/ de yang byas mi rtag tha dad rtog pas btags kyang/
'dod pa tsam gyis bzhag mi nus pa'i rgyu mtshan/ de ni 'dod pas
brda gang sbyar gyi rjes su byed pa ma yin gyi/ byas mi rtag kho
na'i chos su nges pa'i phyir/ ri bong can zla ba'i sgras brjod
rung ni/ 'dod pa tsam gyis

bzhag nus pa yin te/ zla ba'i sgra ni gang la brda sbyar ba la
'jug la/ brda ni 'dod pas sbyor zhing /'dod pa don thams cad la
rang dgar 'jug pa yin pa'i phyir/ des na/ zla ba'i sgra ni 'dod
pas gang la brda sbyar ba de la 'jug pa'i phyir/ ri bong can la
zla ba'i sgra

'jug pa'ang 'dod pas brda sbyar ba tsam gyis yin la/ de'i phyir
ri bong can zla ba'i sgras brjod rung yin pa'ang 'dod pas bzhag
pa tsam yin gyi/ yul gyi ngos nas grub pa ma yin no/ /des na/ ri
bong can zla ba'i sgras brjod rung min pa tshad mas grub cing/
dngos

po stobs zhugs tshad mas grub na/ 'dod pa tsam gyis bzhag par
'gal te/ dngos po'i stobs kyis zhugs pa'i tshad mas bzhag pa'i
phyir ro/ /de'i phyir 'dod pa ni tha snyad thams cad sbyor ba po
yin pas/ byed pa po la brda sbyar nas de la'ang grags pa'i tha
snyad

'jug mod kyi/ 'dir ni brjod rung grags pa la grags par byas nas/
brjod rung gi don sgrub pa la grags pa'i gtan tshigs zhes bya la/
de la brten pa'i rjes dpag kyang tshad ma yin te/ gzhan du na/ ri
bong can zla ba'i sgras brjod dung du tshad mas ma grub par

@175b thal ba'i phyir te/ gong gi rigs pas dngos stobs tshad ma'i
gzhal bya yin pa khegs pa'i phyir dang/ lung tsam gyis grub
pa'ang ma yin pa'i phyir ro/ /ri bong can zla ba'i sgras brjod
rung yin pa tshad mas ma grub na/ ri bong can la zla ba'i sgra
'jug pa tshad mas ma

grub par 'gyur la/ de ltar na/ zla ba'i sgras ri bong can go bar
byed pa mngon sum gyis grub pa dang 'gal lo/ /de'i phyir grags
pa'i rtags yang dag 'bad pa med par grub la/ ri bong can zla
ba'i sgra la brjod rung du dngos stobs kyis grub par smra ba
sogs legs

par khegs pa yin no/ /'o na/ rtags 'di'i tshul gsum tshang pa gang
gis 'grub ce na/ phyogs chos ni/ rang rig mngon sum gyis shugs
la grub ste/ ri bong can rtogs pa'i rtog pa nyams su myong ba'i
rnag rig mngon sum gyis dngos su rtog pa de ri bong can gyi

rnam ldan du myong ba na/ ri bong can rtog pa de'i yul na yod
par shugs la 'grub pa'i phyir ro/ /khyab pa sgrub pa ni/ gang
'dod pa tsam gyi rjes su byed pa de ni/ don thams cad la 'jug tu
rung bas khyab ste/ dper na/ rnam rtog rang dga' ba bzhin/ zla
ba'i sgra yang

'dod pa tsam gyi rjes su byed pa yin no/ /zhes pa'i rtags kyis
khyab pa grub la/ rtags de'i phyogs chos ni/ rang rig gis shugs
la grub bo/ /'dir 'ga' zhig 'di ltar dogs par 'gyur te/ zla ba
zhes pa'i sgra de ri bong can la sel 'jug ma yin par thal/

des ri bong can ma yin pa gcod mi nus pa'i phyir te/ shes bya
mtha' dag la 'jug tu rung bas khyab pa'i phyir/ snga ma khyab
ste/ gal te 'di la rnam gcod yod/ /sgra rnams dgos pa de tsam
du/ /zad pa min nam khyed la der/ /spyi gzhan gyis ni ci zhig
bya/ zhes

@176a @#/ /gsungs pas so zhe na/ skyon med de/ ri bong can la zla
ba'i sgra sbyar ba na/ ri bong can zla ba ma yin pa gcod kyi/
zla ba ma yin pa'i gsal ba mtha' dag mi gcod la/ zla ba ma yin
pa gcod du chug kyang/ de tsam gyis zla ba ma yin pa thams

cad gcod mi dgos so/ /grags pa'i rtags yang dag bshad zin to//
//gsum pa rtags yang dag la sgrub tshul gyi sgo nas dbye ba la/
don sgrub kyi rtags yang dag dang/ tha snyad sgrub kyi rtags
yang dag gnyis/ dang po la/ mtshan nyid ni/ de sgrub kyi

tshul gsum tshang ba'i gtan tshigs gang zhig /de sgrub kyi dngos
kyi bsgrub bya'i ches yin na mtshan nyid yin pa/ dper na sgra
skad cig mar sgrub pa la byas pa rtags su bkod pa'am/ sgra rgyu
rkyen las skyes par sgrub pa la sngar med gsar byung rtags su
bkod pa lta bu'o/ /

gnyis pa'i mtshan nyid de sgrub kyi tshul gsum tshang ba'i gtan
tshigs gang zhig /de sgrub kyi dngos kyi bsgrub bya'i chos yin na
mtshon bya yin pa/ dper na/ sgra mi rtag par sgrub pa la byas pa
rtags su bkod pa lta bu'o/ /des na 'dir don sgrub dang tha snyad
sgrub kyi rtags

zhes pa'i don dang tha snyad ni/ mtshan nyid la don dang mtshon
bya la tha snyad du byas pa'i don dang tha snyad yin gyi/ sgra
blo lus gsum gyi tha snyad dang de'i tha snyad kyi yul la tha
snyad dang don du byas pa ni min te/ sgra blo lus gsum gyi tha
snyad kyi yul ma yin pa mi srid pas/

tha snyad 'ba' zhig sgrub kyi rtags mi srid par thal ba'i phyir
dang/ sgra blo lus gsum gyi tha snyad sgrub pa'i don shes brjod
kyi tha snyad byar rung te/ zhes dngos su sgrub pa la byed pa
ltar na/ tha snyad sgrub kyi gtan tshigs yin na sgrub rtags yin
dgos pas/ rgyu khyab ?

@176b byed rang bzhin ma dmigs pa gsum ga la tha snyad sgrub kyi
gtan tshigs bshad pa 'gal zhing/ tha snyad sgrub kyi don/ shes
brjod kyi tha snyad 'jug pa'i phyir bsgrub pa la 'dod pa ltar
na/ rtags yang dag yin na tha snyad sgrub tu thal/ shes brjod
kyi tha snyad 'jug pa'i phyir du

sgrub pas khyab pa'i phyir te/ bsgrub bya rtogs pa'i rjes dpag
bskyed phyir tu ma bkod pa'i rtags yang dag mi srid pa'i phyir/
des na/ deng sang phal che ba don dang tha snyad de ltar 'dod pa
ni rnam par 'khyams pa yin no/ /de yang mi rtag pa'i don ldog
skad cig mar nges

kyang/ sgra'i steng du de gnyis ka ma nges pa'i rgol ba'i dor
ni/ don bsgrubs pas tha snyad sgrub mi dgos shing/ tha snyad
bsgrubs pas don sgrub mi dgos la/ de'i phyir don sgrub dang tha
snyad sgrub gang rung gcig bkod pas chog go /mi rtag pa'i don
ldog skad cig ma

ma nges shing/ sgra la gnyis ka ma grub pa'i rgol ba'i ngor/
dang por don sgrub kyi rtags 'god la/ de'i rjes su tha snyad
sgrub dbang po rnon po la 'god mi dgos shing rtul po la 'god
dgos so/ /sgra'i steng du mi rtag pa'i tha snyad tsam grub
kyang/ skad cig ma ma grub pa bye

brag pa lta bu la ni/ don sgrub kho nas chog la/ sgra'i steng du
don skad cig ma grub kyang/ de la mi rtag pa'i tha snyad ma grub
pa'i rgol ba ni/ dbang po rtul po ming don gyi 'brel ba la
rmongs pa ste/ de'i ngor mi rtag ste/ skad cig ma yin pa'i
phyir/ zhes pa lta bu/

mtshan nyid kyis mtshon bya sgrub pa'i rtags 'god dgos pa yin la/
'di la tha snyad 'ba' zhig sgrub yin kyang/ tha snyad byar rung
ste/ zhes dngos su sbyar mi dgos kyi/ rtags sbyor 'di ltar bkod
nas de'i khyab 'brel sgrub pa na/ mtshan mtshon gyi 'brel

@177a @#/ /pa shes nas skad cig ma rnams la mi rtag pa zhes pa'i
tha snyad sbyor shes par 'gyur ba yin no/ /de lta bu'i mu rnams
rtags sbyor gzhan dag la'ang mtshon te shes par gyis shig /don
sgrub tha snyad sgrub 'di dag la/ gzhan

dag gis log pa'i tha snyad mang du snang na'ang/ de dag gi rtsa
ba gang yin pa rnams ni bkag zin la/ mkhas pa'i dgag sgrub kyi
yul min pa gnas min pa la log rtog 'char bar byed pa dag gi 'dod
pa rnams ni ma bris so/ /don sgrub dang tha snyad sgrub kyi

rtags kyi rnam par gzhag pa bshad zin to// //da ni rtags yang
dag gi skabs su nye bar mkho ba'i gnas 'di dpyad par bya ste/ ci
slob dpon gyis rtags yang dag rnams kyi rtaD 'dzin gyi sems las
rtags can rjes dpag gi blo skye par gsungs na/ rtags

'dzin gyi sems zhes bya ba 'di lta bu zhig yin pa brjod par bya
dgos so zhe na/ 'di la dgag gzhag spang gsum las/ dang po gzhan
lugs dgag pa ni/ slob dpon rgyan mkhan po na re/ rang bzhin gyi
rtags kyi rtags 'dzin ni/ rtags can rjes dpag nyid yin

te; don dam par rang bzhin gyi rtags kyi rtags dang rtags can
tha mi dad pa'i phyir/ 'bras rtags la ni don dam par yang rtags
dang rtags can tha dad pa'i phyir/ de dag gi blo yang tha dad
do/ /de yang shin tu goms pa dang ldan pa la ni/ du ba'i ngo bo
'dzin pa'i mngon

sum nyid rtags 'dzin sems yin la/ goms pa dang mi ldan pa la ni/
tshad med gi du ba dang khyad par med pa'i rtags las du bar nges
pa'i rjes dpag gnyid rtags 'dzin gyi sems yin no zhes zer to/
/slob dpon chos mchog na re/ rtags ni dbang po dang mar me

@177b bzhin du yod pa tsam gyis don gsal bar byed pa ma yin la/
rang la dmigs pa'i rnam shes la snang ba tsam gyis kyang ma yin
te/ de dang bsgrub bya'i 'brel pa mthong bas kyang rtogs par
thal ba'i phyir ro/ /de'i phyir rtags chos kyi 'brel pa 'dzin pa
nyid rtags 'dzin pa

yin na/ /des na rtags 'dzin pa'i sems ni gnyis te/ gcig ni dpe'i
steng du rtags chos kyi 'brel ba 'dzin pa yin la/ gzhan ni chos
can gyi steng du rtags chos kyi 'brel ba 'dzin pa yin no/ /snga
ma ni/ rtags 'dzin kho na yin la/ phyi ma ni/ rtags can gyi blo

yang yin no zhes zer to/ /shAkya blo na re/ rtags kyi yul can
mngon sum gyi phyis 'byung ba can gang yin pa de yang tshad mar
tha snyad byas pa yin te/ tshad ma'i rgyu nyid yin pa'i phyir ro/
/zhes pa la sogs pa'i sgo nas phyogs chos 'jal ba'i tshad mas
drangs nas skyes

pa'i phyogs chos dran pa'i tshad ma nyid rtags 'dzin sems su smra
bar byed do/ /bod dag la yid brtan cher ma mthong mod/ 'on
kyang/ kha cig na re/ shAkya blo ltar smra ba la/ kha cig ni/
tshul gsum gang rung dam rtags 'jal ba'i tshad ma la 'dod cing/
kha cig /rtaD

phyogs chos sngon 'gro la ni phyogs chos dran pa'i shes pa rtags
'dzin sems dang/ khyab pa dran pa'i shes pa bar du gcod byed yin
cing/ khyab pa sngon 'gro la ni khyab pa dran pa'i shes pa rtags
'dzin sems dang/ phyogs chos dran pa'i shes pa rtags 'dzin

sems dang rjes dpag gi bar du gcod par byed pa'i dran pa yin no
zhes zer to/ /de dag thams cad kyang mi 'thad pa dang 'gal ba
dang gnod byed dang bcas shing/ sgrub byed dang bral ba kho na
yin te/ 'di ltar/ rang bzhin gyi rtags ni/ rtags can bsgrub bya
nyid yin par thal

@178a @#/ /don dam par rang bzhin gyi rtags dang/ rtags can tha
mi dad pa'i phyir te/ rgyan la 'khor gsum mo/ /chos mchog gis
'brel pa nges pa'i blo la 'dod pa rgyan gyis rgyas par bkag zin
pa'i phyir/ /slar yang 'dir bkag ci dgos/ ro la gsod

pa dgos pa med do/ /'on kyang rtags 'dzin sems tshad mar 'dod
pa'i rgya bod rnams la 'di brjod par bya ste/ ci/ rtags 'dzin
gyi sems la 'bras rtags kyi phyogs chos sgrub byed kyi tshad ma
la la du ba mthong ba'i mngon sum lta bu dang/ byas pas sgra mi
rtag

sgrub kyi phyogs chos dang khyab pa 'jal ba'i tshad ma lta bu
rjes dpag tshad ma dang gnyis ka yod na/ slob dpon yab sras kyis
rtags 'dzin gyi sems thams cad rtog pa mngon sum ltar snang yin
par gsungs pa dang/ rjes dpag rjes su dpag las byung/ zhes

rtags 'dzin sems rjes dpag tu bshad pa brtags pa'i dbang du byas
pa dang/ rjes su dpag las byung/ zhes pas rjes dpag mtshan nyid
pa bstan pa'i dbang du byas nas gsungs pa'i gzhung thams cad
khyed dag nyid kyi sug las kyis dbyi bar gyis shig /

der ma zad rtags 'dzin sems mngon rjes gnyis su nges na/ rtags
'dzin sems kyi mngon sum gyi cha rnams mngon sum ltar snang min
zhing/ rjes dpag gi cha rnams ni mngon sum ltar snang du bstan
pa nyid kyis tshog pas/ rtags 'dzin sems mngon sum ltar

snang gi snga tshan logs par 'jog pa dgos pa med do/ /rgya bod
kyi rtags 'dzin sems phyogs chos dran pa'i blo la 'dod pa dag la
skyon 'di yod de/ shes bya chos can/ de sgrub kyi phyogs chos
'jal ba'i tshad mas drangs nas skyes pa'i phyogs chos dren pa'i
shes

@178b pa yin na/ de sgrub kyi rtags can rjes dpag gi rgyur gyur
pa'i rtags 'dzin sems yin pas ma khyab par thal/ rtags ltar
snang 'ga' zhig la'ang de lta bu yod pa'i phyir te/ phyogs chos
tshad mas grub pa'i rtags ltar snang yod pas so/ /des na/ phyogs
chos rkyang pa dran

pa'i shes pa dang/ khyab pa rkyang pa dran pa'i shes pa sogs de
sgrub kyi rtags 'dzin sems su smra bas ni/ rtags ltar snang
la'ang rtags can rjes dpag gi rgyur gyur pa'i rtags 'dzin sems
yod par khas blang dgos so/ /rtags 'dzin sems yin pa la rtags

can rjes dpag gi rgyu byed pas ma khyab po zhe na/ 'o na/ rtags
yang dag yin pa la bsgrub bya sgrub nus pas ma khyab po zhes
smras na ci/ rtags 'dzin sems la rtags yang dag gi sems yin pas
ma khyab po zhe na/ 'o na/ tshul gsum tshang ba la rtags yang

dag gi tshul gsum tshang bas ma khyab pas/ rtags yang dag min pa'i
tshul gsum tshang ba'i rtags yod do zhes bcis 'gog /tshul gsum
tshang ba rtags yang dag gi mtshan nyid du bshad pa dang 'gal lo
zhe na/ 'o na/ rtags 'dzin sems la rjes dpag gis

'dogs pa'i rgyu mtshan/ rtags 'dzin sems rnams rtags can rjes
dpag gi rgyu yin pas/ 'bras ming rgyu la btags par bshad cing/
khyed rang yang de ltar khas len pa dang 'gal lo/ /de ni rtags
'dzin sems 'ga' zhig rjes dpag gi rgyu yin gyi/ thams

cad ma yin la/ de'i phyir rtags 'dzin sems rjes dpag gi rgyur
khas len gyi/ rtags 'dzin thams cad de'i rgyu yin pas/ btags par
ma bshad do zhe na/ 'o na/ ka pa'i ming gis dngos po la btags
na'ang 'bras ming rgyu la btags par 'gyur bar thal/ dngos

@179a @#/ /po yin pa 'ga' zhig ka ba'i rgyu yin pa'i phyir/ rtags
khyab khas so/ /brjod par bya ba med yang re shig bzhag go
/gnyis pa rang lugs ni/ rtags yang dag gi don ldog de sgrub kyi
tshul gsum chad ba yin la/ de sgrub kyi rtags yang dag gi don

ldog tu 'gro rgyu'i/ de sgrub kyi tshul gsum ga dus gcig tu dran
pa'i shes pa tshad ma'i stobs las skyes pa nyid rtags 'dzin sems
yin la/ de'i phyir/ sgra bshad ni/ rtags yang dag gi don ldog
tshul gsum po de dran pa'i sgo nas 'dzin pa'i sems yin pa'i

phyir/ rtags 'dzin sems zhes bya'o/ /mtshan nyid ni/ de sgrub kyi
tshul gsum 'jal ba'i tshad mas drangs nas skyes pa'i de sgrub kyi
tshul gsum ga dus gcig tu dran pa'i shes pa/ des na/ tshul gsum ma
shes pa shes par bya ba'i phyir ni/ /tshul gsum

'jal ba'i tshad ma 'jug la/ shes zin dus gcig tu dran pa'i rtags
'dzin sems bskyed pa'i phyir ni/ sgrub ngag 'jug cing sems de
las rtags can rjes dpag skye ba yin no/ /rtsod pa spang pa ni/
'o na/ kun las btus las/ rtags kyi shes pa ni

rjes dpag gi dngos kyi rgyu ma yin te/ dran pas bar chod pa'i
phyir/ zhes rtags 'dzin sems las rtags can dngos su mi skye bar
bshad pa ma yin nam zhe na/ ma yin te/ rtags kyi shes pa zhes pa
ni/ rtags kyi tshul gsum 'jal ba'i tshad ma dang/ dran

pa'i sems gnyis ka la 'jug pa las/ skabs der tshad ma la 'jug
pa'i dbang du byas te/ tshul gsum 'jal ba'i tshad ma las bsgrub
bya 'jal ba'i tshad ma dngos su skye'am zhe na/ mi skye ste tshul
gsum dran pa'i shes pas bar du chod pa'i phyir ro zhes

@179b pa yin gyi/ phyogs chos dran pa'i shes pa las rjes dpag
dngos su mi skye ste/ khyab pa dran pas bar chod pa'i phyir/
zhes sogs skabs der 'od ? don med de/ /des na/ ri bong cal gyi
rjes su 'brangs pa'i bshad pa brag ca lta bu dag la yid ma rton
cig /'o na/ rtags

rnams de sgrub kyi rtags 'dzin sems kyi rgyur bshad pa'i rgyu
don gang zhe na/ de ni/ dngos gang ji lta bur gyur pa/ zhes sogs
kyi gzhung gi don dpyis phyin par rtogs pa la rag las pas/ kho
bos byas pa'i gzhung gi rnam bshad du rtogs par bya'o/ /rtags
'dzin sems

phyin ci ma log par bshad do/ /de lta na/ rtags yang dag gi rnam
par gzhag pa bshad zin to/ /smras pa/ gzhung lugs ral pa 'thug
pos gnya' khebs shing/ /sgrub dang sun 'byin rigs pa'i gang
rgyangs can/ /mkhas rlom glang chen stong gi spyi bo la/ /

'jigs med smra ba'i sengge gom pa 'god/ /lung dang rigs pa'i
sgron mas lag mdzes shing/ /mtshungs med blo gros dag pa'i mgo
ldan pa/ shes bya'i dkyil mkhor lta la kun mkhyen dang/ /dge
legs gang gis gang zhig mtshon par bya/ zhes pa ni bar

skabs kyi tshigs su bcad pa'o// //gnyis pa ldog phyogs gtan tshigs
ltar snang bshad pa la/ mtshan nyid dang/ dbye ba gnyis/ dang po
ni/ tshul gsum tshang ba ma yin pa'i gtan tshigs/ dbye na/ ma grub
pa'i rtags/ 'gal ba'i rtags/ ma nges

pa'i rtags dang gsum/ dang po la/ mtshan nyid ni/ rtags su bkod
kyang phyogs chos ma grub pa/ de la dbye na/ don la ltos nas ma
grub/ blo la ltos nas ma grub/ rgol ba la ltos nas ma grub pa'i
rtags dang gsum/ dang po la dbye na/ rtags kyi ngo bo mi srid

@180a @#/ /nas ma grub/ chos can gyi ngo bo mi srid nas ma grub/
gzhi rtags kyi 'brel ba mi srid nas ma grub/ rtags kyi phyogs
gcig chos can la mi srid nas ma grub/ chos can gyi phyogs gcig
la rtags mi srid nas ma grub pa lnga/ dang po ni/

dper na skyes bu bdag bcas su bsgrub pa la/ bdag gi yon tan dang
ldan pa rtags su bkod pa lta bu'o/ /gnyis pa ni/ dper na/ bdag
chos can/ thams cad la khyab ste/ yon tan bde sogs thams cad la
dmigs pa'i phyir/ zhes bkod pa lta bu'o/ /

des na rtags gnyis po 'di lta bu/ bsgrub bya'i chos sgrub pa'i
rnam bcas sgrub pa la/ rtags gzhi ma grub pa bkod na ma grub
pa'i rtags su 'gyur pa yin gyi/ bsgrub bya'i chos dgag bya bcad
tsam gyi med dgag sgrub pa la rtags gzhi ma grub

pa bkod kyang skyon du mi 'gyur la/ rtags yongs gcod kyi chos
rtags su bkod pa la chos can ma grub na ma grub pa'i rtags su
'gyur ba yin gyi/ rtags rnam bcad tsam bkod pa la chos can gzhi
ma grub skyon du 'gyur ba min no/ /gsum pa ni/

dper na/ sgra mi rtag par sgrub pa la mig gis bzung bya bkod pa
lta bu'o/ /bzhi pa ni/ dper na/ zla ba gnyis snang gi dbang shes
mngon sum du sgrub pa la/ rtog bral ma 'khrul ba'i shes pa bkod
pa lta bu'o/ /lnga pa ni/ dper na/ dbang shes kyi

rkyen gsum chos can/ rang 'bras dbang shes phyi ma'i rgyu yin
te/ myong byar skyes pa'i phyir/ zhes bkod pa lta bu'o/ /gnyis
pa blo la ltos te ma grub pa la dbye na/ the tsom za nas ma grub
pa dang/ shes 'dod la ltos nas ma grub pa gnyis/ dang po la dbye
na/

@180b chos can la the tsom za nas ma grub/ rtags la the tsom za
nas ma grub/ de gnyis kyi 'brel ba la the tsom za nas ma grub pa
dang gsum/ dpe rim bzhin mdun gyi gzhi 'dir sha za'i bskal don
du song ba'i ngor mdun gyi sha za'i bum pa mi rtag par sgrub

pa la khyas pa bkod pa lta bu dang/ du ba dang rlangs pa gang
yin ma nges pa'i sngo long po yod pa'i sa phyogs na/ me yod par
sgrub pa la du ba rtags su bkod pa lta bu dang/ rma bya'i sgra
ri su la gsum po gang na yod ma nges pa'i ngor/ ri su la gsum
gyi dbus ma na chos can/ rma

bya yod de/ rma bya'i sgra grag pa'i phyir/ zhes bkod pa rnams
so/ /shes 'dod la ltos nas ma grub pa la dbye na/ gzhi rtags tha
dad med nas ma grub/ gzhi chos tha dad med nas ma grub/ chos
rtags tha dad med nas ma grub pa'i rtags dang gsum/ dang po ni/
dper na/ sgra

mi rtag par sgrub pa la sgra rtags su bkod pa lta bu'o/ /'di ma
grub pa'i rtags su 'jog pa ni/ phyogs chos yin na/ shes 'dod
chos can dang por nges nas de'i steng du rtags phyis nges te
chos can dang rtags la khyad gzhi khyad chos lta bu'i spyi 'char
rgyu dgos pa la/ sgra dang

sgra la de med pa'i phyir ro/ /des na/ 'di shes 'dod med nas ma
grub pa dngos min yang/ dbye ba bsdu ba'i skabs su bsdus nas
'dir bstan pa tsam yin no/ /'di sgra la sgra ma grub pa'i rgyu
mtshan sogs kyis phyogs chos ma grub pa min pas don la ltos nas
ma grub

pa'i rtags su byed pa ni mi shes pa'o/ /gnyis pa ni/ dper na/
sgra chos can/ sgra yin te/ byas pa'i phyir/ zhes bkod pa lta
bu'o/ /'di ni phyi rgol sgra sgra yin min shes 'dod med pas/
sgra de de sgrub kyi shes 'dod chos can ma yin la/ de'i phyir
byas pa de sgrub kyi shes

@181a @#/ /'dod chos can gyi chos su ma nges bas phyogs chos ma
grub pa'i rtags su bzhag gi/ byas pa sgra la ma grub pa'i rgyu
mtshan gyis ma yin pas/ 'di don la ltos te ma grub par 'dod
pa'ang ma shes pa'o/ /gsum pa ni/ dper na/ sgra mi rtag par
sgrub pa la

mi rtag pa rtags su bkod pa lta bu'o/ /'di ni sgra mi rtag par
ma shes pa shes par bya ba'i phyir bkod pa yin pa la/ mi rtag pa
dang mi rtag pa la nges dka' sla med pas/ mi rtag pa sgra'i
steng du bsgrub bya yin gyi/ sgrub byed ma yin pas/ ma grub pa'i
rtags su bzhag gi/ don steng

nas mi rtag pa sgra la ma grub pa sogs kyi sgo nas ma yin pa'i
phyir/ 'di don la ltos nas ma grub par 'dod pa'ang ma shes pa'o/
/gsum pa rgol ba la ltos te ma grub pa la dbye na/ snga rgol la
ltos nas ma grub/ phyi rgol la ltos nas ma grub/ gnyis ka la
ltos nas ma

grub pa dang gsum/ dang po ni/ dper na/ grangs can pas/ sangs
rgyas pa la blo bde sems med du sgrub pa la/ skye 'jig byed pa
rtags su bkod pa lta bu ste/ grangs can blo bde sngar yod gsal
ba la skye ba dang/ bag la zhi pa la 'jig par tha snyad byed pa
ma gtogs/

skye 'jig gi don sngar med gsar du skye ba dang/ sngar yod rgyun
chad pa zhes bya bde blo bde la med par 'dod pas/ snga rgol gyi
rtags chos can la tshad mas ma des pa'i phyir ro/ /gnyis pa ni/
dper na/ gcer bu pas sangs rgyas pa la/ shing sems ldan du sgrub
pa la

shun pa bshus na 'chi ba rtags su bkod pa lta bu'o/ /phyi rgol
sangs rgyas pas/ srog 'gag pa 'chi ba'i don du tshad mas nges
pas/ phyogs chos phyi rgol gyi tshad mas bsal ba'i phyir/ rtags
'di snga rgol la ltos nas ma grub pa ma yin pa'i rgyu mtshan ci
zhe

@181b na; 'di la gzhan dag na re/ shun pa bshus na bskams 'gro
ba nyid/ shing gi 'chi ba'i don du snga rgol rang gis 'dod cing/
de snga rgol rang lugs la grub pa'i phyir/ zhes zer to/ 'o na/
grangs can gyis blo bde sems med du sgrub pa la skye 'jig byed
pa rtags su bkod

pa'ang snga rgol la ma grub par thal/ skye 'jig gi don sngar yod
gsal ba la skye ba dang/ de nyid bag la zha nas mi gsal bar gyur
pa la 'jig par 'dod cing/ de grangs can rang lugs la'ang blo
bde'i steng du grub pa'i phyir ro/ /'khor gsum mo/ /de nyid kyi
phyir rgyu mtshan

de ni 'khrul la/ shun pa bshus na bskams pa shing gi 'chi ba'i
don dang/ sngar yid gsal mi gsal skye 'jig gi don yin pa gnyis
ka'ang mi rigs par mtshungs pa'i phyir/ rtags snga phyi 'di gnyis
snga rgol la ltos nas phyogs chos grub ma grub kyi khyad par
shin

tu dbye dka' bar snang mod/ kho bo ni 'di ltar smra ste/ shun pa
bshus na 'chi ba'ang ma grub/ shun pa bshus na bskams pa shing
gi 'chi ba'i don du ma grub kyang/ shing gi 'chi ba'i don du
snga rgol gyis 'dod pa'i shun pa bshus na bskams pa nyid chos
can gyi

steng du snga rgol gyis tshad mas grub la/ skye 'jig gi don du
'dod pa'i sngar yod gsal mi gsal/ blo bde'i steng du grangs can
rang gis khas len pa tsam ma gtogs grangs can rang gi tshad mas
kyang ma grub ste/ de lta bu shes bya la mi srid pa'i phyir/

de tsam la dgongs nas rtags snga phyi la snga rgol la grub ma
grub kyi khyad par bshad pa yin gyi/ don la de lta bu'i khyad
par yod nas bshad pa ma yin te/ rtags snga ma yang phyi rgol la
ltos nas kyang phyogs chos ma grub pa yin pa'i phyir te/ rtags
de'i

@182a @#/ /bsgrub bya phyi rgol sangs rgyas pa'i tshad mas bsal
cing/ blo bde sems yod du sangs rgyas pas des zin pa'i phyir
chos can la bsgrub bya'i chos shes 'dod med pa'i phyir ro/ /des
na phyogs chos yin na skabs kyi phyi rgol bsgrub bya la shes
'dod yod dgos

pa yin la/ 'on kyang/ rgol ba de'i ngor/ phyogs chos grub na/
rgol ba de'i ngor shes 'dod yod mi dgos pas/ de'i khyad par
phyed dgos so/ /rtags phyi ma yang/ snga rgol la ltos nas kyang
phyogs chos ma grub ste/ grub na/ snga rgol gyis rtags de shes
'dod chos can gyi

steng du tshad mas nges dgos pa la/ shing 'chi bar nges pa'i tshad
ma shes bya la mi srid pa'i phyir ro/ /gsum pa gnyis ka la ltos
nas ma grub pa ni/ snga rgol la byas ma byas gang du'ang ma nges
pas/ phyi rgol sgra byas ma byas gang du yang ma nges pa'i ngor/
? sgra mi rtag

par sgrub pa la/ byas pa'am ma byas pa rtags su bkod pa lta
bu'o/ /gnyis pa 'gal ba'i rtags la/ mtshan nyid dang/ dbye ba
gnyis/ dang po ni/ de sgrub kyi phyogs chos grub cing/ khyab pa
phyin ci log tu tshad mas nges pa'o/ /dbye na/ chos kyi ngo bo
'gog pa dang/

chos can gyi ngo bo 'gog pa dang/ chos kyi khyad par 'gog pa
dang/ chos can gyi khyad par 'gog par 'gyur ba la ltos pa'i 'gal
rtags kyi tshul bzhi'o/ /'di dag gi dper brjod dang ngo bo ji lta
bu zhe na/ dang po ni/ sgra chos can/ rtag ste/ byas pa'i phyir/

zhes bkod pa lta bu'o/ /sbyor ba gnyis pa'i don la dgag gzhag
gnyis las/ dang po gzhan lugs dgag pa ni/ chos can gyi ngo bo
'gog pa'i 'gal rtags/ dngos gyur gyi nam mkha' rtag par sgrub pa
la don byed pas stong pa rtags su bkod pa lta bu'o/ /

@182b 'di nyid chos can gyi ngo bo 'gog pa'i 'gal rtags kyi dpe
yin gyi/ dngos ni ma yin te/ chos can med pa'i phyogs chos can
gyi rtags mi srid pa'i phyir/ 'di smras chos la 'gal rtags ma
yin la/ zhe 'dod la 'gal rtags su 'gyur srid de/ 'di'i zhe 'dod
kyi sbyor

pa ni / mkha' sogs chos can/ rtag pa rdzas gcig gi dngos po yin
te/ don byed pas stong pa'i phyir/ zhes pa 'di ltar 'gyur te/
bye brag pas mkha' sogs rtag pa rdzas gcig gi dngos por sgrub
par 'dod nas/ smras chos la/ dper na/ mkha' sogs chos can gyi/

zhes sogs 'god pa'i phyir/ zhes smras ba dang/ gzhan dag 'di
'gal rtags mtshan nyid pa yin la/ phyogs chos ma grub pa'i skyon
med de/ chos can gyi ngo bor gzung ba'i dngos gyur gyi steng du
ma grub kyang/ chos can gyi khyad par nam mkha'i steng du grub
pa'i

phyir/ zhes sogs sna tshogs su smra ba 'di thams cad la snying po
med de/ 'di ltar/ chos can med pa'i phyogs chos can gyi rtags mi
srid par legs par gong du bsgrubs zin pa'i phyir dang/ smras
chos dang zhe 'dod kyi sbyor ba de 'dra gnyis yod pa la/

sgrub byed gang yang med pas 'dod pas btags pa tsam yin pa'i
phyir dang/ rtag pa rdzas gcig gi dngos por sgrub 'dod nas sbyor
ba de bkod pas/ sbyor ba de'i zhe 'dod kyi rtags de ltar 'gyur
na/ byas pas sgra mi rtag par sgrub pa'i rtags kyi ldog khyab

sgrub pa'i phyir/ rtag pa chos can/ byas pas stong ste/ don byed
pas stong pa'i phyir/ zhes bkod pa'i zhe 'dod kyi sbyor ba
la'ang/ sgra chos can/ mi rtag ste/ don byed pas stong pa'i
phyir/ zhes pa'i sbyor ba 'byung ba thal/ sgra mi rtag pa zhe
'dod la sgrub 'dod

@183a @#/ /nas sbyor ba de bkod pa yin pa'i phyir/ zhes pa'i
skyon bzlog mi nus pa'i phyir dang/ lugs phyi ma'i chos can gyi
ngo bo la ma grub kyang khyad par la grub pas/ phyogs chos grub
par 'gyur ba ltar na/ bdag med pa'i sgra chos can du bzhag pa

la rtags su gang bkod kyang phyogs chos ma grub pa mi srid par
thal zhing/ rtags chos can gyi phyogs gcig la ma grub pas/ ma
grub pa'i rtags su bshad pa'i rnam gzhag thams cad nyams par
'gyur ro/ dngos gyur gyi nam mkha' chos can/ khyod

rtag ste/ don byed pas stong pa'i phyir/ zhes pa 'gal rtags
mtshan nyid pa yin na/ don byed pas stong bas rtag pa sgrub pa'i
khyab pa 'gal bar thal zhing/ don byed nus stong dngos gyur gyi
nam mkha' mi rtag par sgrub pa'i rtags yang dag tu thal

bas/ 'di lta bu khas len pa las blun pa su zhig 'jig rten na
btsal bar bya/ de bas na/ de dag thams cad ni nam mkha' la ldan
par byed pa yin te/ rtsa ba'i phyogs su ma phyin par yal ga tshol
pas nyon mongs so/ /'o na 'thad pa'i phyogs

gang zhe na/ gnyis pa rang lugs ni/ 'gal rtags kyi sbyor ba chos
can gyi ngo bo 'gog pa dang chos can gyi khyad par 'gog pa la
sogs pa 'di dag thams cad kyang 'gal rtags su song ba'i rtags de
dang de la dgag bya 'gog tshul sogs rig

mi 'dra ba'i khyad par med kyi/ thams cad kyang 'gal rtags su
song ba'i rtags de'i bsgrub bya 'gog pa dang/ de yang/ chos can
gyi steng du rang 'gal rtags su song ba'i rtags de'i chos kyi
ngo bo 'gog par khyad par med mong 'ong kyang/

@183b gzhan gyi 'dod pa 'gog tshul la ltos te/ 'gog tshul gyis
'phangs pa'i sbyor ba'i dbye ba tha dad pa tsam yin no/ /de'i
phyir/ de ni ltos nas chos dag dang/ /chos can khyad par yin pas
brjod/ ces dang/ rnam nges las kyang/ rnam par gzhag pa tsam
zhig tha dad

pa yin gyi/ don ni ma yin no/ /zhes gsungs pa yin no/ /de la
chos can gyi ngo bo dang 'gal ba'i rtags ni/ gzhan 'gog tshul ji
lta bu'i 'phangs pa'i sbyor ba yin/ de'i dper brjod ni/ ji lta
bu zhe na/ bye brag pas nam mkha'i ngo bo rdzas grub tu khas
blangs

shing/ sangs rgyas pa/ thogs bcas kyi gzugs bkag tsam gyi med
dgag tu khas len pas na/ nam kha'i ngo bo mthun snang du grub
pa'i steng du/ dngos por gyur pa khyad chos su ldan mi ldan
rtsod ba min gyi/ khyad gzhi nam mkha'i ngo bo/ /thogs pa

bkag tsam yin nam/ 'on te/ rdzas su grub pa yin zhes rtsod par
byed do/ /de'i tshe sangs rgyas pas bye brag pa la/ nam mkha'i
ngo bo dngos por gyur pa yin na/ nam mkha'i de rtag pa yin nam/
'on te mi rtag/ ces dris pas rtag par smra'o/ /rtag pa'i sgrub

byed ci/ zhes dris pas/ don byed pas stong pa'i phyir/ zhes
smras pas don byed nus stong dngos gyur gyi nam mkha' rtag par
sgrub pa'i sgrub byed yang dag tu khas blangs so/ /de'i rtags
sbyor de la slob dpon phyogs glang gis/ skyon brjod nas 'gog
tshul ni/

slob dpon gyis/ 'di ni chos can gyi ngo bo phyin ci log tu sgrub
par byed pas 'gal ba yin no/ /zhes gsungs te/ 'dir chos can zhes
pa nam mkha' la bya zhing/ de'i ngo bo ni dngos po la bya ste/
nam mkha'i ngo bo mthun snang du grub nas/ de'i steng du dngos

@184a @#/ /po khyad chos su ldan mi ldan rtsod pa/ dper na/
sgra'i ngo bo mnyan bya yin par gnyis kas grub nas/ khyad gzhi
de'i steng du khyad chos mi rtag pa yod med rtsod pa de lta bu
ma yin par khyad gzhi nam mkha' ngo bo thogs pa bkag tsam

yin nam/ dngos por gyur pa yin/ mthun snang du ma grub pa'i
skabs su dngos po'i ngo bo yin par bsams nas dngos gyur gyi nam
mkha' chos can/ rtag ste/ don byed pas stong pa'i phyir zhes
bkod pa yin pas so/ /de 'gog tshul de'i don ni/ don byed nus
stong

chos can/ khyod dngos gyur gyi nam mkha' rtag par sgrub pa'i
sgrub byed yang dag ma yin par thal/ de sgrub kyi chos can gyi
ngo bo 'gog pa'i rtags yin pa'i phyir/ der thal/ chos can/ nam
mkha'i ngo bo dngos por gyur pa las phyin ci log tu sgrub par
byed pa'i rtags yang

dag yin pas/ chos can nam mkha' de'i ngo bo dngos por gyur par
sgrub pa'i 'gal rtags yin pa'i phyir/ zhes pa'o/ /des na/ bye
brag pas dngos gyur gyi nam mkha' rtag par sgrub pa la don byed
nus stong rtags su bkod pa/ de sgrub kyi sgrub byed yang dag yin
pa

'gog byed du slob dpon gyis/ 'di ni chos can gyi ngo bo phyin ci
log tu sgrub par byed pas 'gal ba yin no/ /zhes gsungs pa'i don
ni de ltar yin pas/ bye brag pa'i rtags de 'gog tshul de ltar
byas pa la ltos pa'am/ nges 'phangs pa'i 'gal rtags ni/ nam
mkha'

chos can/ khyod kyi ngo bo dngos por gyur pa yin te/ don byed
nus stong yin pa'i phyir/ zhes pa yin la/ 'di ni/ 'gal brtags
mtshan nyid pa yin min bsnyon med la/ des na/ bye brag pas bkod
pa'i rtags de'i chos can gyi ngo bo 'gog pa la rtags de bkod na/

@184b rtags yang dag dang/ bye brag pas bkod pa'i rtags de'i
chos can gyi ngo bo sgrub pa la rtags de bkod pa 'gal rtags su
gsungs kyi/ dngos gyur gyi nam mkha' chos can zhes chos can dang
de'i ngo bo gnyis ka chos can du byas pa'i steng du rtag pa
sgrub pa la/ don byed

nus stong rtags su bkod pa 'gal rtags su gang nas kyang bshad pa
med cing/ 'di ni chos can gyi ngo bo'i steng du rtag pa sgrub pa
la rtags su bkod pa yin gyi/ chos can gyi ngo bo sgrub pa la
rtags su bkod pa med pas/ chos can gyi ngo bo dang 'gal ba'i
rtags yin min

rtsod pa 'byung ba'i go skabs ga la yod/ des na/ nam mkha' chos
can/ khyod kyi ngo bo dngos po yin te/ don byed nus stong yin
pa'i phyir/ zhes pa'i rtags 'di/ rtags kho rang gi chos kyi ngo
bo dang 'gal ba'i 'gal rtags yin la/ bye brag pas bkod pa'i
rtags de'i chos

can gyi ngo bo 'gog byed yin pas/ gzhan 'gog tshul la ltos nas
sbyor ba'i dbye ba tha dad pa dang/ thams cad kyang chos kyi ngo
bo 'gog pa'i 'gal rtags su don gcig par bshad pa thams cad legs
par bshad par 'gyur te/ gangs ri'i khrod du kho bo 'ba' zhig gi

legs par bshad pa yin no/ /'gal ba'i rtags kyi sbyor ba'i dpe/
chos kyi khyad par dad 'gal ba'i rtags dang/ chos can gyi khyad
par dang 'gal pa'i rtags gnyis kyi don bshad pa la/ 'thad pa'i
phyogs dgong pa dang/ mi 'thad pa'i phyogs dgag pa gnyis/ dang

po ni/ rgol ba grangs can gyis/ shes bya thams cad nyer lngar
grangs nges par smra ba yin la/ de las kyang shes rig gi skyes
bu ni/ bdag yin zhing/ gzhan rnams bdag des longs spyod bya dang
dbang bsgyur bya yin zhing/ de rnams kyis kyang bdag gi dgos pa
sgrub par byed

@185a @#/ /pas bdag gi bar 'dod do/ /de la sgrub byed dang bral
ba'i dam bca' tsam ni/ rigs pa smras pa su yang mi 'dod pas/
grangs can gyis 'dir rigs pa'i sgo gnyis smras te/ shes rig gi
skyes bu bdag tu sgrub pa'i rigs pa dang/ dbang sogs bdag

gi bar sgrub pa'i rigs pa'o/ /dang po ni/ skyes bu chos can/
khyod bdag yin te/ bcing thar gyi rten yin pa'i phyir/ zhes pa
la sogs pa ste/ de dag dang de dag 'gog byed kyi rigs pa sogs ni
skabs gzhan du bshad do/ /gnyis pa dbang sogs bdag gi bar sgrub

pa'i rigs pa ni/ grangs can gyi smras chos dang zhe 'dod gnyis
las/ /smras chos ni/ mig sogs chos can/ gzhan don byed de/ 'dus
shing bsags pa'i phyir/ dper na/ mal cha dang stan bzhin/ zhes
smra bar byed la/ de'i zhe 'dod ni/ mig sogs chos

can/ bdag don byed de/ 'dus shing bsags pa'i phyir/ zhes pa yin
no/ /'o na/ dang po nyid nas/ bdag don byed de/ zhes mi 'god pa
ci zhe na/ sangs rgyas pas/ dpe bsgrub bya'i chos kyis stong
pa'i nyis pa brjod nas/ rtags chos gnyis ldan gyi

dpe ma grub par 'gyur du dogs te/ dngos su smras tshod la dpe la
chos rjes 'gro byed par rgol ba gnyis kas grub cing/ zhe 'dod la
dbang sogs bdag gi bar grub pa cig 'dod nas/ zol sbyor de ltar
smras pa yin no/ /de yang grangs can gyis/ mig sogs

chos can/ gzhan don byed de/ 'dus shing bsags pa'i phyir/ zhes
pa'i rtsa ba'i sbyor ba de nyid 'god tshul gyi sgo nas gnyis su
'gyur te/ mig sogs 'dus pa ma yin pa'i don chos can/ gzhan don
byed de/ 'dus shing bsags pa'i phyir/ zhes

@185b pa dang/ mig sogs chos can/ 'dus pa ma yin pa'i yul can
gzhan gyi don byed de/ 'dus shing bsags pa'i phyir/ zhes pa'o/
/de la mig sogs zhes pa ni/ grangs can pas shes bya nyer bzhi po
thams cad bdag don byed par sgrub dgos mod kyi/ 'on kyang mig

sogs dbang po dang/ gzugs sogs yul rnams bdag gi bar grub na/
gzhan dag kyang 'bad med du grub par 'gyur zhing/ dang po nas
nyer bzhi po thams cad chos can du byas na/ chos can phyi rgol
la mthun snang du mi 'grub pas/ de'i phyir rgol ba gnyis ka la

mthun snang du grub pa'i mig sogs dbang po dang/ gzugs sogs yul
rnams bdag gi bar sgrub 'dod nas/ mig sogs chos can/ zhes smros
pa yin pas/ chos can gyi don de ltar du shes par gyis shig/ de
yang/ grangs can pas/ shes rig gi skyes bu bem po

min gyi/ gzhan thams cad bem por 'dod pas/ shes rig gi skyes bu
la ni 'dus pa ma yin pa zhes zer la/ gzhan rnams la 'dus bsags
zhes zer to/ /de bas na/ 'dus bsags kyi don kyang/ rim dang cig
car du 'dus pa'i sgo nas/ rdul du ma bsags

pa la rjod la/ de las bzlog pa ni/ 'dus pa ma yin par 'dod de/
'dus bsags ni bem po'i don ldog go/ shes rig gi skyes bu kho na/
shes bya nyer bzhi po'i yul can yin la/ shes rig gi skyes bu'i
yul yin par 'dod do/ /nges

na/ mig sogs ni/ 'dus pa ma yin pa'i bdag de'i yul yin pas/ 'dus
pa ma yin pa'i don zhes bya ste/ de ltar na/ mig sogs 'dus pa ma
yin pa'i don chos can/ zhes pa ni/ mig sogs bdag gi yul chos can
zhes pa'o/ /bdag ni 'dus pa ma yin

@186a @#/ /pa yang yin la/ shes bya nyer bzhi po thams cad kyi
yul can yang yin pas/ 'dus pa ma yin pa'i yul can zhes bya ste/
'dus pa ma yin pa'i zhes pa ni gzhi mthun gyi sga yin gyi/ drug
sga ma yin la/ de ltar na/ 'dus pa min pa'i yul

can gzhan don byed de zhes pa ni/ bem po min zhing/ yul can yin
pa/ rang las gzhan pa'i bdag de'i don byed de/ zhes pa yin no/
/don byed de/ zhes pa ni/ 'dir 'bras bu bskyed pa lta bu la
bsams pa ma yin te/ mal chas skyes bu'i grang ba skyab pa sogs

kyi dgos pa sgrub pa ltar/ bdag de nyid dbang po lnga'i sgo nas
yul lnga la longs spyod pa la sogs pa'i sgo nas/ dbang sogs
rnams bdag gi dgos pa sgrub byed yin la/ de nyid bdag gi don
byed pa'i don du 'dod do/ /de ltar na/ bdag gi don byed de/ zhes

pa ni/ bdag gi dgos pa sgrub ste zhes pa'i don yin zhing/ bdag
gi dgos pa sgrub bde nyid bdag gi pa'i don ldog yin pas der
bsgrubs pas dbang sogs bdag gi par bsgrubs par 'gyur pa yin no/
/des na grangs can pas bkod pa'i sbyor ba'i don

dang dgos pa ni de ltang yin la/ grangs can gyis dbang sogs bdag
gi bar bsgrub pa'i phyir/ rtags dngos su de ltar bkod pa dag la
slob dpon gyis skyon 'di ltar brjod par mdzad de/ khyod kyi
gzhan don byed de/ zhes pa'i gzhan de bdag la bsams

pa yin nam/ 'on te/ gzhan don byed pa tsam zhig sgrub par 'dod
pa yin/ phyi ma ltar na/ khyod rang gi 'dod pa'i don mi 'grub
cing/ ded kyis grub zin bsgrubs la/ gzhan don byed de/ zhes pa/
bdag gi don byed pa la bsams pa yin na/ 'dus bsags