@001a @#/ /rgyas pa'i bstan bcos tshad ma rnam 'grel gyi rgya cher
bshad pa rigs pa'i rgya mtsho las mngon sum le'u'i rnam bshad
bzhugs so//

@001b @##/ /rab rgyas pad mo gsar pa'i ngos la stong phrag nyi
ma'i thigs pa lhung bas rgya cher bzhed pa'i dang la 'bar ba/
/gang gi drin las skal bzang bung ba legs bshad sbrang rtsi'i
dog ba rgya chen rnam

par 'god pas rol pa'i gar/ /bdud rtsis drags pa'i blo gros lus
can rigs pa'i glu dbyangs sa gsum skye bo'i rna ba'i bcud len
spro ba gang/ /slar yang de yis de nyid mchod phyir tshangs
dbyangs las rgyal dge

legs de yis 'jig rten 'di dag rgyal gyur cig /de ltar tshad ma
slu med can shes pa/ zhes pa la sogs pas bshad pa'i mtshan nyid
de lta bu dang ldan pa'i tshad ma de'i grangs dang/ spyod yul
dang/ ngo bo dang/ 'bras

bu la lag par rtog pa bsal te/ de dag yang dag par bstan pa'i
phyir dang/ rang don le'ur bstan pa'i gtan tshigs de lta bu la
brten nas/ le'u gnyis par ston pa dang/ bstan pa skyon med par
sgrub pa'i tshul

ji skad bshad pa de dag yang dag par rtogs pa 'ang mthar mngon
sum nyid la rag las pa yin pas/ mngon sum tshad ma'i tshul phyin
ci ma log par gtan la dbab pa'i phyir mngon sum gyi le'u gsung

@002a @#/ /te/ de la log par rtag pa de dag gi tshul ni ji lta bu/
lag par rtog pa gang bsal ba'i phyir gzhung gang bstan par mdzad
tsa na/ grangs la lag par rtag pa ni/ grangs can pa na re/ mngon
rjes dang/

sgra las byung ba dang/ tshad ma gsum kho na'o zhes zer ro/ /sgra
las byung ba ni/ sgra la brten nas lkog tu gyur pa'i don 'dzin
pa'i shes pa ste/ dbye na skyes bus ma byas pa'i sgras bskyed pa
dang/ yid ches pa'i skyes bu'i

tshig gis bskyed pa'o/ /'di dag lkog tu gyur pa'i yul can yin pas
mngon sum ma yin la/ tshul gsum pa'i rtags la ma brten pas rjes
dpag kyang ma yin no/ /zhes zer ro/ /'dod pa de ni/ slob dpon
zhi ba

'tshos/ gzhan gyi sgra las byung ba yi/ /shes pas don rtogs sgra
las byung/ /yang na yid ches tshig yin zer/ /'di ni lkog tu gyur
pa yi/ /yul can yin phyir mngon sum min/ /rjes dpag tu yang mi
'thad do/ /de

yi mtshan nyid bral phyir ro/ /zhes pa la sogs pas rgya cher
gsungs so/ /rigs pa can pa na re/ gsum po de dang/ nye bar 'jal
ba'i tshad ma dang bzhi kho na'o/ /zhes zer ro/ /nyer 'jal ni/
dper na/ ba men mthong ba las

@002b srog chags 'di dang 'dra ba ni ba lang ngo zhes lkog tu
gyur pa'i ba lang la 'dra bar 'dzin pa lta bu ste/ zhi ba 'tshos/
gang gi ba min ci 'dra zhes/ /grong ba dag gis dris ba na/ ba
lang ci 'dra de 'dra zhes/ /'brog pas smras pa lta bu'o/ /nye
bar 'jal bar grags

ldan pa/ /de la slar yang ri khrod pas/ zhes pa la sogs pas
rgyas par gsungs so/ /rgyal dpog pa ni/ de bzhi dang/ don gyis
go ba dang/ dngos po med pa'i tshad ma dang drug kho na'o/ /de la
don gyis go ba ni/ lha sbyin gson po khyim na med pas phyi rol
na yod

par rtogs pa lta bu'o/ /de la dbye na/ mngon sum sngon du 'gro
ba'i don gyis go ba la sogs pa drug ste/ tshad ma drug yod pa'i
dbye bas so/ /de yang zhi ba 'tshos/ tshad ma drug tu shes bya
ste/ /gang du don gzhan du 'gyur min/ ma mthong pa la rtog pa
gzhan/ /

de ni don gyi go bar brjod/ ces pa la sogs pas gsungs so/ /dngos
po med pa'i tshad ma ni/ /tshad ma gzhan lnga po gang yang 'jal
byed du ma skyes pa'i yul rtogs pa la 'dod la/ yul de la dbye
na/ snga nas med pa/ zhig nas med pa/ phan

tshun med pa/ shin tu med pa bzhir 'dod do/ /de ltar yang zhi ba
'tshos/ dngos po gang zhig ngo bo la/ /tshad ma lnga po ma skyes
pa'i/ /dngos yod rtogs phyir de la ni/ /dngos po med pa tshad ma
nyid/ /mngon sum la sogs mi skyed pa'ang/ /dngos po med

pa'i tshad mar 'dod/ /bdag nyid yangs su ma gyur ba'am/ dngos
gzhan rnam par rig pa'am/ /tshad ma med pa'i dngos po rnams/
/dngos po med par rtogs par byed/ /snga na med pa la sogs pas/
/'di ni rnam pa bzhi ru dbye/ /zhe sogs

@003a @#/ /'o ma la med gang/ /de ni snga na med par brjod/ /zho
la 'o ma med pa nyid/ /zhig nas med pa'i mtshan nyid brjod/ /rta
sogs ba lang la med gang/ /gcig la gcig med par brjod de/ /de la
gzhan dngos med ring de'i/ /bdag

nyid gzhan la med pas so/ /mgo'i cha ni dma' mo la/ /'phel dang
bri sogs ngo bo yi/ /ri bong rwa dag med gyur pa/ /'di ni shin
tu med par 'dod/ /zhes sogs gsungs so/ /de yang rgol ba 'di/
/zho la 'o ma med pa'i cha lta bu yang dngos

por 'dod pa yin no/ /gzhon nu ma len gyis ni dngos po med pa
gsum du brjod de/ bdag yongs su ma gyur ba dang/ dngos po'i
khyad par gzhan shes pa dang/ tshad ma log pa tsam mo/ /zhes zer
ro/ /tsa ra ka pa'am/ sman dpyad pa na re/ rigs

pa dang/ mi dmigs pa dang/ zhes grags pa dang/ srid pa dang/
snyam sems pa zhes bya ba'i tshad ma gzhan dag kyang yod do/
/zhes 'dod do/ /de yang de yod na yod pas de'i 'bras bu rtogs pa
ni rigs pa'i tshad ma ste/ 'di rtog bcas yin

pas mngon sum min la/ de'i rten du gyur pa'i rtags la dpe med
pas rjes dpag kyang ma yin no/ /dpe med pa'i rgyu mtshan/ de yod
na yod pa nyid kyi nang tshan ma yin pa'i dpe bstan rgyu med la/
nang tshan de nyid de'i dper bstan na/ de

la'ang de'i nang tshan gzhan zhig dper bstan dgos pas thug pa med
par 'gyur ba'i phyir ro/ /zhes 'dod do/ /de dmigs pa med par
rtogs pa ni/ ma dmigs pa'i tshad ma zhes bya ste/ de yang rjes
dpag ma yin pa'i rgyu mtshan snga ma

@003b ltar smra'o/ /smra ba po snga ma dag gis bstan pa'i grags
pa brgyud pa ni zhes grags kyi tshad ma ste/ dper na shing ljon
pa 'di la gnod sbyin gnas so zhes pa bzhin no/ /zhes zer ro/
/tshogs pa yod par rtogs pa na/ tshogs pa

can yod par rtogs pa ni srid pa'i tshad ma ste/ steng yod par
shes pa na brgya yod par shes pa bzhin no zhes zer ro/ /rgyu
mtshan gang yang med par 'di lta bu 'byung ngo snyam du sems pa
las de ltar byung ba ni snyam sems pa'i tshad ma ste/ dper na

gzhon nu ma dag de ring bdag gi ming pho 'ong ngam snyam pa na
'ongs pa lta bu'o zhes zer ro/ /'di dag ni tshad chen 'grel bar
bris pa ltar 'dir yang bris pa'o/ /rgyang pan pa na re/ mngon
sum gcig pu tshad ma yin gyi/ rjes dpag tshad ma med

do zhes zer ro/ /de ltar tshad ma'i grangs la log par rtog pa ji
skad bshad pa de dag thams cad kyang sgro 'dogs pa dang skur pa
'debs pa'i lta ba mi bzod par skyed par byed pa yin te/ de yang
mngon sum gcig pu tshad mar smras pas ni

lkog tu 'gyur pa'i chos thams cad tshad mas ma grub pa'i phyir
med do zhes skur ba 'debs pas skye ba snga phyi sogs thams cad
med par lta ba'i chad lta chen po skyed par byed la/ mngon rjes
gang yang min pa'i tshad ma khas len pa dag

gis ni tshad ma ma yin pa la tshad mar bzung ste/ de la brten nas
shes bya gtan la 'bebs pa dang/ blang dor la zhugs pa na/ bslus
nas shes bya'i gnas lugs dang/ blang dor gyi gnas thams cad la
phyin ci log tu 'dzin pa'i

@004a @#/ /rtag chad kyi mthar lta ba sna tshogs bdag 'byung ba
yin no/ /mdor na/ phyi nang gi rgol ba rtog ldan du khas 'che ba
tha na gcer bu ba yan chad thams cad tshad mas ma grub pa'i don
gang yang khas len par mi 'dod pa sha

stag yin zhing/ tshad ma ni gzhal bya la mi slu pas tshad ma yang
dag pa cig rnyed na/ de la yid brtan bcas nas shes bya'i chos
gang la dpyad kyang log par ltung bar mi 'gyur zhing/ tshad ma
ma
yin pa tshad mar bzung na/ de ni phal cher

rang gi gzhal bya la mi slu ba ma yin pas/ ma rtogs pa dang/ log
par rtog pa dang/ the tshom gyi rtsa ba can las ma 'das pa'i
phyir/ phyin ci log gi g.yang sar lhungs nas gnas skabs dang
mthar thug gi don thams cad las nyams

par 'gyur pa yin no/ /de bas na tshad ma'i grangs la log par rtog
pa de lta bu dag 'gog pa ni don chen po dang ldan pa yin pas/
slob dpon phyogs kyi glang pos kyang/ mngon sum dang ni rjes su
dpag /tshad ma'o mtshan nyid gnyis gzhal

bya/ de la rab sbyor phyir tshad ma/ /gzhan ni yod pa ma yin no/
/zhes gsungs shing/ de'i don rgya cher 'grel pa la/ slob dpon
gyis/ gzhal bya gnyis phyir zhes bya ba nas/ dran min ma yin
'khrul phyir ro/ /zhes bya ba'i bar gsungs so/ /

de'ang mdo tshig rkang pa dang po gsum gyis rang lugs la tshad ma
mngon rjes gnyis su nges pa'i rgyu mtshan ston la/ de nyid rgyas
par 'chad pa ni/ gzhal bya gnyis phyir zhes pa las/ gsum gcig
grangs ni bsal ba yin/ zhes

@004b bya ba'i bar gyis gsungs la/ mdo tshig rkang ba tha mas
tshad ma'i grangs la log par rtog pa'i gzhan lugs 'gog pa'i dam
bca' tsam zhig bstan pa de'i rigs pa rgyas par 'chad pa ni/ med
pa gzhal bya ma yin phyir/ zhes pa

nas/ dran min ma yin 'khrul phyir ro/ zhes pa'i bar gyis gsungs
so/ /tshad ma'i spyod yul la log par rtog pa ni/ don dam par grub
pa'i chos dag kyang/ kun rdzob tsam du zad do/ /zhes skur pa
'debs pa chad par lta ba'i mtha'

dang/ kun rdzob tsam gyi chos dag kyang/ don dam pa'i dngos por
khas len pa sgro 'dogs pa'i mtha' gnyis las 'di dag 'gog pa ni/
rang lugs kyi tshad ma'i grangs nges sgrub pa'i rtags kyi tshul
sgrub pa'i skabs las 'phros

nas rgyas par gsungs te/ de yang skur pa 'debs pa'i mtha' 'gog
pa ni/ gal te thams cad nus med na/ zhes bya ba nas brtsams nas
gsungs la/ sgro 'dogs pa'i mtha' 'gog pa ni/ skra shad sogs ni
spyi min te/ zhes

bya ba nas brtsams te gsungs so/ /gsum pa tshad ma'i ngo bo la
log par rtog pa la/ rjes dpag tshad ma'i ngo bo la log par rtog
pa ji snyed pa ni rtags kyi tshul dang/ rtog pa'i 'jug tshul khong
du ma tshud pa'i rtsa ba can yin la/

de dag kyang rgyas par rang don le'ur bstan pa'i phyir le'u 'dir
mi 'chad do/ /mngon sum rang gi ngo bo la log par rtog pa la/
rigs pa can pa dag mngon sum thams cad nges pa'i bdag nyid yin
pa'i phyir rnam par rtog pa

@005a @#/ /dang bcas pa kho na'o zhes 'dod pa dang/ rgyal dpog pa
ni dang por don la gtod par byed pa'i shes pa skad cig ma kho na
rtog med yin la/ mngon sum gzhan thams cad ni rnam par rtog pa
kho na'o zhes smra ba dang/ sgra'i

tshangs pa 'gyur bar smra ba dag /sgra'i rjes 'jug ma gtogs pa'i/
/shes de 'jig rten na yod min/ /shes pa thams cad sgra dang ni/
/ldan pa nyid du mthong ba yin/ /zhes shes pa'i rigs thams cad
sgra'i rjes su 'jug pas mngon

sum yang sgra don 'dzin par 'dod pa yin te/ 'di dag ni mngon sum
rtog bcas su smra ba sha stag yin la/ de yang rgol ba 'di dag
yid mngon dang rang rig gnyis khas mi len pas/ dbang mngon la
log par rtog pa yin la/ 'di dag

ni dbang mngon gyi ngo bo rtog bral du sgrub pa'i rigs pa nyid
kyis sel par byed pa yin te/ mngon sum rtog dang bral bar ni/
zhes pa la sogs pas 'chad par byed do/ /'di 'dra'i log rtog dag
ni/ dbang mngon gyi ngo bo la log

par rtog pa'i log rtog kun btags kun rdzob la log zhugs yin la/
dbang mngon la rang yul rgyangs chad du snang ba de snang ba
de
snang ba ltar grub par 'dzin pa ni/ dbang mngon gyi 'dzin stangs
la log par rtog pa'i chos kyi bdag 'dzin shes

bya'i sgrib pa dang/ nyon mongs pa can ma yin pa'i ma rig pa
dang/ gzung 'dzin rdzas gzhan du 'dzin pa'i shes pa zhes brjod
pa de'i gtso bo yin la/ /'di nyid rigs pas legs par khegs pa'i
nges shes de nyid rtse gcig pa'i zhi gnas la

@005b brten te bsgoms pas gnyis snang 'khrul ba'i bag chags de
nyid rim gyis log nas thams cad mkhyen pa'i go 'phang thob par
'gyur ba yin la/ de'i phyir de lta bu'i log par rtog pa 'gog pa
ni don gyi gtso bo yin zhing/ de la'ang bdag

'dzin lhan skyes dang kun btags gnyis las/ gnyis kas kyang dbang
shes la rgyangs chad du snang ba de snang ba ltar bden par 'dzin
par khyad par med la 'on kyang rgyu mtshan la ma brten par thog
ma nas goms pa'i bag chags kyi dbang tsam

las de ltar 'dzin pa ni lhan skyes te 'khor ba ba thams cad la
khyad med du rjes su 'brel pa'o/ /grub mtha' ngan pa sogs kyi
dbang las rgyu mtshan phyin ci log la brten te slar yang/ lhan
skyes kyi 'dzin stangs gsos btab nas 'dzin

pa ni kun btags yin no/ /de las lhan skyes kyis gzung ba ltar/
dbang mngon gyi 'dzin stangs la log par rtog pa bkag ste/ de
nyid bcom ldan 'das kyi nges don gyi mdo'i dgongs pa 'grel ba'i
tshul dang bcas pa ni/ sna tshogs snang can don rnams la/

zhes pa nas brtsams te mngon sum rtog bral du sgrub pa las
'phros pa'i tshul gyis rgyas par 'chad par byed do/ /dbang shes
la snang ba ltar bden par 'dzin pa kun btags kyi sgo nas dbang
mngon gyi 'dzin stangs la log par rtog pa 'geg

pa ni/ tshad 'bras la log par rtog pa 'gog pa'i skabs su rgyas
par 'chad do/ /bcom ldan 'das kyi/ dge slong dag gzugs shes pa
ni gnyis te/ mig dang yid la brten pa'o/ zhes yid la brten pa'i
Tmngon sum gsungs pa la/

@006a @#/ /rna ba ma phug pa la sogs pa dag/ de 'dra'i mngon sum
med do zhes rgol ba ni yid kyi mngon sum la log par rtog pa ste/
de 'gog pa'i sgo nas/ mdor/ yid kyang don dang zhes sogs gsungs
brgyas par 'chad pa ni/ sngar

myang ba ni 'dzin pa na/ zhes sogs so/ /rang rig med par 'dod pa
ni/ rang rig mngon sum gyi ngo bo la log par rtog pa yin la/ de
la'ang mu stegs bye brag pa dang/ grangs can pa la sogs pa bde
sags shes pa ma yin ba'i rgyu mtshan gyis rang

rig med par 'dod pa dang/ bye brag smra ba la sogs ba shes pa
yin kyang yul gyi rnam pa blo la 'char ba med pa'i rgyu mtshan
gyis rang rig med bar 'dod pa gnyis las/ phyi ma 'gog pa dang
tshad 'bras kyi rnam gzhag rgyas par 'chad par byed pa gcig

gis 'grub pa'i phyir tshad 'bras kyi skabs su bshad la/ snga ma
'gog pa ni/ mdor/ chags la sogs/ rang rig rnam par mi rtog pa/
zhes gsungs pa rgyas par 'chad pa'i sgo nas/ bde sogs bdag nyid
gzhan mi brtan/ zhes pa la sogs pas 'chad

par byed do/ /spyod pa ba la sogs ba skyes bu thams cad sogs
dang bcas pa yin pas dbang po las 'das pa'i don mthong ba med
do/ /zhes zer ba ni rnal 'byor mngon sum rang gi ngo bo la log
bar rtog pa ste/ de lta bu'i log rtog bkag

pa'i sgo nas/ rnal 'byor rnams kyi bla mas bstan/ /ma 'dres pa
yi don tsam mthong/ zhes sogs kyi mdo tshig rgyas par 'chad pa
ni/ rnal 'byor shes pa sngar bshad pa/ zhes pa la sogs pa'o/
/mngon sum gyi ngo bo la log par rtog ba sngar bshad

@006b pa de dag thams cad ni mngon sum yin pa la ma yin par rtog
pa'i log rtog yin la/ kun las btus kyi 'grel byed kha cig la
sogs pa dbang shes 'khrul pa'ang mngon sum du 'dod pa ni mngon
sum ma yin pa mngon sum du rtog pa ste/ de lta

bu'i log rtog bsal nas/ slob dpon gyis/ 'khrul dang kun rdzob
shes pa dang/ zhes sogs gsungs pa'i mdo tshig rgyas ba bshad pa'i
sgo nas mngon sum ltar snang gi rnam gzhag 'chad ba ni/ mngon
sum ltar snang rnam pa bzhi/ zhes pa la

sogs pa'o/ /tshad ma'i 'bras bu la log par rtog pa la/ 'dir 'bras
bu ni gzhal bya rtogs pa dang/ tshad ma ni gang gi sgo nas gzhal
bya rtogs par 'jog pa'i 'jog byed nying la brjod ba yin la/ rang
gzhan gyi sde ba dag gi bya byed rdzas tha dad du 'dod pa

dag blo rnam med tshad mar 'dod pa dang/ shes pa las rdzas tha
dad pa'i phyi don rtogs pa'i tshad 'bras khas len pa'i sogs log
par rtog pa du ma yod ba de bsal nas/ tshad ma mdor 'bras bu'i
rtog pa gsungs pa dag rgyas par 'chad pa 'phros

dang bcas pa ni bya ba sgrub par byed ces te/ zhes pa nas/ bsal
na 'gro 'di bsal bar 'gyur/ zhes bya ba'i bar gyi mthar thug ba
ste/ 'de dag gi nang gses kyi bsdu ba ni zhib bar 'og tu bshad
par bya'o/ /de ni gzhung gi tshogs de dag

go rims de ltar ston ba'i rgyu mtshan brjod par bya ste/ de yang
tshad ma dang gzhal bya'i tshul la log par rtog pa bsal ba'i sgo
nas khong du ma chud na/ tshad ma des gzhal bya de rtogs par
gang
gi sgo nas 'jog pa'i tshul mi shes te/ dang

@007a @#/ /por sta re dang shing khong du ma chud par sta res
shing gcod pa'i tshul mi rtogs pa bzhin no/ /des nas tshad ma yul
dang bcas pa la log rtog sel ba'i tshul sngar bstan nas de dag gi
mjug tu tshad 'bras la log

rtog sel pa gsungs so/ /tshad ma la'ang dbye gzhi'i ngo bo ma
shes par dbye ba yang dag bar mi shes bas/ dbye gzhi tshad ma'i
ngo bo sngar shes dgos pa la/ de ni le'u gnyis par bshad zin to/
/dbye ba la'ang dang por dbye ba'i

grangs nges khong du ma chud par/ phye ba so so'i ngo bo mi shes
pas grangs la log rtog sel ba sngar bstan la/ tshad ma'i grangs
ni gzhal bya'i grangs la rag las pa'i yin pas yul la log rtog
bsal ba yang de nyid kyi skabs

su bstan pa yin no/ /phye ba so so'i don la yang mngon rjes
gnyis las/ rjes dpag ni dgos pa'i dbang gis le'u dang por bshad
zin la/ mngon sum la/ dngos btags gnyis las/ bshad par bya ba
mang ba nyid kyis

mchog dman gyi rim par yang dag sngar bstan cing/ ltar snang
phyis bstan no/ /yang dag la skye 'phags thams cad kyi thun mong
ba dang/ 'phags pa kho na'i mngon sum gnyis las/ bshad par bya
ba mang ba dang/ thun mong ma

yin pa'i tshad ma skye ba'i sngon du/ thun mong gi tshad ma'i skye
ba 'gro dgos pas/ thun mong gi mngon sum sngar bstan la/ rnal
'byor mngon sum phyis bstan no/ /thun mong pa gsum la'ang/ rig
bye gzung rnam ma shes par de

@007b rig pa'i 'dzin rnam mi shes pas gzung rnam gyi ngo bo
dbang yid gnyis sngar bstan la/ 'dzin rnam gyi ngo bo rang rig
mngon sum phyis bstan no/ /dbang yid gnyis po ni dbang mngon de
ma thag rkyen du byas pa las yid mngon skye

dgos pas rgyu 'bras kyi rim pa bzhin bstan pa'o/ /de dag gi
grangs nges pa ni/ spyir sgro 'dogs bcad par bya ba'i chos thams
cad/ rtogs bya gzhal bya/ rtogs byed tshad ma/ des da rtogs tshul
gsum du grangs nges pas/ tshad ma dang/ yul

dang/ tshad 'bras la log rtog bsal pa gsum du grangs nges la/
tshad ma la'ang dbye gzhi dang dbye ba gnyis su grangs nges
shing/ dbye ba la'ang mngon rjes gnyis su grangs nges la/ mngon
sum la yang dag pa dang/ de'i ldog phyogs gnyis

las/ yang dag la skye 'phags thams cad kyi tshad ma dang/ 'phags
pa kho na'i tshad ma gnyis su nges shing/ dang po la/ rang rig
gzhan rig gnyis dang/ gzhan rig mngon sum la dbang yid gnyis su
nges pas de dag la log rtog sel ba'i gzhung gi tshogs 'di dag
la'ang grangs mngas pa dang nyungs pa'i skyon med do/ /de ltar
na mngon sum le'u'i gzhung gi tshogs dag gi spyi'i don bshad zin
to/ /de ni so so'i don bshad par bya ste/ de la tshad ma'i grangs
dang yul la log rtog

bsal/ mngon sum ngo bo'i don la log rtog bsal/ mngon sum 'bras
bu'i don la log rtog bsal ba'o/ /dang po la/ yul gyi dbyangs
tshad ma'i grangs nges sgrub/ gnod byed bstan pas grangs gzhan
'dod pa dgag ba'o/ /dang po la/ snang

@008a @#/ /yul rang spyi gnyis su nges pas tshad ma gnyis su nges
par sgrub/ 'jug yul mngon lkog gnyis su nges pas tshad ma gnyis
su nges par sgrub/ dang po la rtags dgong/ tshul sgrub/ de las
'phrog pa'i don bshad pa'o/ /dang po ni/ shes

bya chos can/ tshad ma dbye gzhir byas nas phye ba'i tshad ma
thams cad mngon rjes gnyis su rigs nges te/ tshad ma'i snang yul
du gyur pa'i gzhal bya thams cad rang spyi gnyis su nges pa'i
phyir ro/ /gzhan dag tshad ma'i gnyis yod de/ zhes 'god

mod/ 'dir mngon rjes gnyis kho nar nges par bsgrubs nas grangs
la log rtog 'gog pa yin gyi/ mngon rjes gnyis yod pa tsam ni
tshad ma drug la sogs pa 'dod pa dag kyang khas len pa'i grangs
nges sgrub pa'i nus pa dngos gzhi bor pa'i phyir rang

mtshan bstan pa yin no/ /gnyis pa tshul sgrub pa la/ rtsa pa'i
rtags kyi phyogs chos sgrub pa dang/ de'i khyab pa sgrub pa
gnyis las/ dang po phyogs chos sgrub pa ni/ der thal/ tshad ma'i
snang yul du gyur pa'i gzhal bya thams cad don byed nus pa dang
mi nus

pa gnyis su nges pa'i phyir/ 'o na dbang shes 'khrul pa la snang
ba'i skra shad sogs rang spyi gang yin zhe na/ skra shad la sogs
don nam yul min te/ don nam/ yul du tshad mas mos shing dmigs pa
med pa'i phyir ro/ /gzhal bya rang spyi gnyis

su nges pa'i sgrub byed gzhan yang yod de/ der thal/ tshad ma'i
snang yul du gyur pa'i gzhal bya thams cad 'dra ba ste/ rang
snang yul du byed pa'i shes pa la thun mong par snang ba dang/
mi 'dra ba rang snang yul du byed pa'i shes pa la thun mong min

@008b par snang ba gnyis su nges pa'i phyir dang/ sgra yi yul
dang yul min pa ste sgra don yin min gnyis su nges pa'i phyir
dang/ rgyu mtshan gzhan ni grogs su yod pa na rang 'dzin gyi blo
ni skyed byed du yod pa dang med pa gnyis su nges pa'i phyir ro/
/gzhan

dag gis 'dra mi 'dra thun mong yin min las byas pas/ rang mtshan
yin na thun mong par 'gal snyam nas/ spyi yin pa'i dngos po mi
srid pa dang/ sgra'i yul zhes sgra don la mgo bas rang mtshan yin
na sgras brjod mi nus pa sogs kyi 'khrul pa chen

po dag byung mod kyi de dag ni rgyas par gzhan du bkag zin la/
TI ka chen dbyed dag gis gzhung 'di dag mor par bshad pa'i
stebs kyis 'og nas 'byung pa'i gzhung phal cher nor bar bshad
do/ /rang spyi gnyis su nges par rtags gang rung cig gis 'grub
bzhin

du/ rtags bzhi bkod pas ci bya zhe na/ ngo bo'i khyad par don
byed nus pa dang/ snang tshul gyi khyad par thun mong ma yin par
snang ba dang/ yul can gyi khyad par sgra rtog gi snang yul las
'das pa dang/ byed las kyi khyad par rang 'dzin shes pa

bskyed pa ste bzhi ni rang mtshan gyi chos dang/ de las ldog pa
bzhi spyi mtshan gyi chos su shes par bya ba'i phyir/ des na
sngon po la sogs pa dag gi rang yin du ma la rjes su 'gro bas
thun mong ba yin kyang/ rang snang yul du byed pa'i shes pa las

gzhan la rjes su 'gro ba'i thun mong gi cha snang mi srid kyi
yul dus rang bzhin ma 'dres pa'i thun mong ma yin pa'i cha kho
na snang ba yin no/ /'o na snang yul du gyur pa'i gzhal bye don
byed nus mi nus gnyis su nges pa dang 'dra mi 'dra gnyis

@009a @#/ /su nges pa sogs tshad ma gang gis 'grub ce na/ rang rig
mngon sum gyis shugs la 'grub ste/ tshad ma thams cad rang yul
thun mong pa'i rnam ldan dang/ thun mong ma yin pa'i rnam ldan
gnyis su nges par tshad ma de dag

myong pa'i rang rig mngon sum gyis grub pas so/ /des na tshad ma
thams cad rang mtshan snang yul du byas nas gzhal bya 'jal ba
dang/ spyi mtshan snang yul du byas nas gzhal bya 'jal ba gnyis
su nges pa'i don rang rig mngon sum

gyis grub kyang tha snyad la rmongs pa bzlog pa'i phyir/ don
byed nus pa dang mi nus phyir zhes sogs kyi rtags bkod pa yin pa
yin te/ don byed nus min nus sogs la rang spyi'i tha snyad ma
thogs pa'i dbang du byas pa'o/ /gnyis pa khyab par sgrub pa

ni/ don byed nus mi nus sogs su nges pas rang spyi gnyis su nges
par 'grub pa rgyu mtshan ce zhe na/ de dag la rang spyi'i tha
snyad byas pa yin pa'i phyir ro/ /zhes ston pa ni/ don dam don
byed nus pa gang/ zhes sogs te/ de yang rgya dpe

phal che ba la don dam zhes pa'i tshig med de zhes dpang lo gsung
la/ rnam nges sogs na'ang don dam gyi tshig med pas/ 'dir ni/ don
byed nus pa gang yin pa zhes gdon par bya'o/ /shes bya chos can/
don byed nus mi nus gnyis su nges pa la rang spyi gnyis su nges
pas khyab

ste/ don byed nus pa gang yin pa de thams cad don dam du yod pa
yin la/ de dag la rang gi mtshan nyid du bshad cing/ gzhan don
byed mi nus pa'i chos ni kun rdzob tu yod pa ste/ de dag la
spyi'i mtshan nyid du bshad pa'i phyir ro/

@009b don byed nus pa gang yin pa/ zhes pa ni mtshon pa ste/ thun
mong min par snang ba gang/ de 'dir don dam yod pa yin/ zhes
dang/ sgra don min pa gang yin pa/ de 'dir don dam yod pa yin/
zhes dang/ rgyu mtshan gzhan ni yod pa na/ /rang blo skyed

par byed pa gang/ /de 'dir don dam yod pa yin/ /zhes kyang sbyar
ro/ /'dir zhes pa ni lugs gzhan las khyad par du bya ba'i phyir
ro/ /gzhung 'di rang spyi'i mtshan nyid ston byed du 'chad pa ni/
phyogs gzhan du rgyas par bkag zin to/ /gsum

pa de las 'phros pa'i don bshad pa la/ don byed nus pa gang yin
don dam du bshad pa la rtsod pa spang/ don byed mi nus pa gang
yin kun rdzob tu bshad pa la rtsod pa spang/ spyi mtshan yin na
dngos po min pa'i sgrub byed bshad/ de nyid kyis

dngos po yin na rang mtshan du grub par bstan/ spyi mtshan dngos
por med kyang dngos po la brten pa'i spyi mtshan gyi dbye ba rung
bar bstan/ don la gnas tshul gyi gzhal bya rang mtshan gcig pur
bstan/ blo la snang tshul gyi gzhal bya rang

spyi gnyis su bstan/ rgyu mtshan de nyid kyis de dag snang yul du
byed pa'i tshad ma la 'khrul ma 'khrul gyi khyad par yod par
bstan pa'i/ /dang po ni/ gal te/ don byed nus pa gang yin pa/ de
'dir don dam yod pa yin/ zhes pa mi

'thad de/ dngos po thams cad la don dam par 'bras bu skyed pa'i
nus pa med pa'i phyir te/ chos thams cad don dam par rang bzhin
med pa'i phyir zhe na/ shes bya chos can/ don dam par 'bras bu
skyed pa'i nus pa med pa ma yin par

@010a @#/ /thal/ sa bon sogs ni myug sogs la phan 'dogs nus par
mngon sum gyis mthong ba'i phyir/ gal te de kun rdzog tu 'dod do
zhe na/ ci ste kun rdzob yin na mngon sum gyis dngos su dmigs pa
de ltar ji ltar 'gyur

te 'gyur ba mi 'thad de/ yul brdzun pa snang ba'i ma 'khrul ba'i
shes pa ni 'ga' yang med pa'i phyir ro/ /mdor na ma 'khrul pa'i
shes pa yin na/ yul bden pa snang bas khyab snyam du dgongs
pa'o/ /gzhung 'di'i bod kyi 'grel ba

dag gi bshad pa la snying po ma mthong ngo/ /gal te spyi mtshan
gyis kyang rang 'dzin shes pa skye ba'i dmigs pa byed pas rang
spyi kun la don byed nus pa de yos do zhe na/ spyi'i mtshan nyid
chos can/ rang 'dzin shes pa bskyed pa min te/ rang yod

med kyi rjes su 'gro ldog byed pa can gyi rang 'dzin gyi blo la
phan 'dogs par tshad mas ma mthong ba'i phyir/ mi mthun dpe dngos
su smos pa'i sgo nas ldog khyab sgrub pa ni/ spyi 'dzin shes pa
spyi las skye na/ spyi la rjes su 'gro ldog mi

'khrul dgos te/ dper na gzugs 'dzin mig blo mig dang gzugs sogs
la rjes su 'gro ldog byed pa bzhin no/ /rigs pa des ni dbye brag
pa sogs bum pa'i snyam pa'i blo ni bum pa'i gzugs dri sogs yan
lag rnams las rdzas

tha dad pa'i yan lag can rgyur yod pa las skye ba dang/ 'degs
'jog sogs bya ba la rteg pa ni/ bum pa sogs las rdzas tha dad
pa'i bya ba don gzhan las skyes ba dang/ ba lang dkar zal sogs
la dmigs nas ba lang ngo snyam

@010b du rtog pa'i spyi blo ni ba lang gi gsal ba rnams las
rdzas tha dad pa'i ba lang gi spyi las skyes pa dang/ phreng ba
sogs la brgya stong sogs su rtog pa'i blo ni/ phreng ba sogs las
rdzas tha dad pa'i grangs sogs kyi yon tan las skyes par 'dod

pa dag mi 'thad par bshad pa yin te/ blo de dag ba lang gi brda
byas pa sogs dang/ kun slong gi rtsol ba sogs nang gi yan lag
tsam gyi rjes su 'jug gi yan lag can rdzas gzhan sogs la rjes su
'gro ldog byed pa ma mthong ba'i

phyir ro/ /gnyis pa don byed min nus pa gang yin spyi mtshan du
bshad pa la rztods pa spng ba ni/ gal te gzhan ni kun rdzob yod
pa ste/ zhes sogs kyi don byed nus mi nus pa gang yi kun rdzob
tu yod cing de dag la spyi mstan su bshad pa ltar

na skra shad dogs kyang don byed mi nus pa'i phyir spyi mstan su
thal lo zhe na/ gzhal bya gzhir byas la son byed mi nus thams
cad spyi mtshan su bshad pa yin la/ skra shad sogs ni don byed mi
nus kyang gzhal bya min pas

spyi mtshan du mi 'gyur ro zhes ston pa ni/ skra shad sogs ni don
byed mi nus kyang spyi mtshan min te/ tha snyad pa'i tshad mas don
nam yul du zhen pa med pa'i phyir ro/ /dngos med la'ang mi
mtshungs sam zhe na/ shes bya chos can/

dngos por med pa la/ de 'dra'i nyes pa dag tu thal par mi 'gyur
te/ dgag bya rnam par bcad pa'i sgo nas shes byar 'dzin pa'i
phyir ro/ 'on dbang shes 'khrul pa la skra shad sogs su snang ba
de skra sogs su mi bden no zhe'am/

@011a @#/ /bden pa'i skra sogs dang 'dra'o snyam pa'i blo'i shes
bya yin pa'i phyir/ skra sogs kyang gzhal byar thal lo zhe na/
skra sogs snang ba'i dbang shes de dag gi snang ba yang snang ba
ltar mi bden no zhe'am/ bden pa'i skra sogs

de lta bu'i dngos po dang 'dra'o snyam du rtogs pa'i blo la skra
sogs su snang ba chos can/ spyi mtshan yin pa bkag pa med de/
rtog pa de dag gi snang yul du gyur pa'i sgra don yin pa'i phyir
ro/ /dbang shes la shar ba'i skra sogs kyi rnam pa ni

dbang shes myong ba'i rang rig la gsal bar snang ba nyid kyis
shes pa'i ngo bo'i don nyid yin pa'i phyir/ rang mtshan yin
zhing/ bden pa'i skra sogs dang 'dra'o zhes bya bar rtogs pa'i
blo dag ni spyi'i spyod yul can yin la/ skar snang

dbang shes gzung don med pa can yin no/ /mdor na/ de dag gi yang
de lta'i dngos/ /bkag med ces pas rtog pa la skra sogs su snang
ba spyi mtshan du bstan/ gsal bar snang ba nyid/ shes pa'i ngo
bor don nyid phyir/ zhes pas skrar

snang dbang shes myong ba'i rang rig rang mtshan gyi yul can du
bstan/ skra sogs zhes bya'i blo dag ni/ spyi'i spyod yul can yin
la/ zhes pas skra sogs la rtog pa'i blo spyi'i yul can du bstan/
skrar snang don med can yin no/

zhes pas skra snang dbang shes la gzung don med par bstan pa yin
no/ /gal te/ shes pa'i ngo bo'i don yin pas rang mtshan yin na
bum pa'i spyi 'dzin gyi blo la snang ba yang shes pa'i ngo bo'i
don nyid yin pas na rang mtshan du

@011b thal bar 'gyur ro zhe na/ bum pa'i spyi 'dzin gyi blo la
snang ba zhes pa bum spyi'i rnam pa la zer ba yin na/ shes pa'i
ngo bo yin pas rnag mtshan de ltar du 'dod pa'i phyir skyon yod
pa min la/ bum pa'i spyi 'dzin gyi blo la bum par

snang ba la zer na/ de ni bum gsal gyi don gyi ngo bo nyid kyi
spyi yin pas shes pa'i ngo bo ma yin te/ rtog pa la bum par
snang ba de bum gsal kun la ngo bo mtshungs par rjes su 'gro ba'i
phyir dang/ de bum pa ma yin pa las ldog pa la

brten pa'i phyir ro/ /skabs 'dir Tik byed dag bum pa'i spyi
'dzin rtog pa la snang ba'i rnam par shes pa'i ngo bo yin pa'i
cha nas rang mtshan dang/ rtog pas phyi rol bum par btags pa'i
cha nas spyir bzhag ces rang spyi 'dres pa'i

gzhal bya gsum pa khas len dgos pa dang/ mkhas rlom kha cig spyi
dngos po ba mi srid par 'dod bzhin du yang/ rnam pa de rang
mtshan du thal ba la 'dod lan dang/ rtog pas bum par btags pa'i
cha nas sel ba'i spyir khas

len pa gnyis ka 'dod dgos pa byung ste/ dbyis phyin par bshad pa
ni kho bo tsam mo/ /brten phyir ro zhes pa'ang/ spyi gsal chos
chos can gyi rten dang brten pa yin pas de ltar bshad kyi skyes
pa'i don min no/ /gsum pa spyi

mtshan yin na dngos po min pa'i sgrub byed bshad pa ni/ gal te
spyi mtshan gang yin thams cad rang 'dzin shes pa bskyed pa tsam
gyi don byed pas kyang stong pa'i dngos med du smras na/ de la
rigs pa ci zhig yod ce na/ de'i

@012a @#/ /lan la/ rigs pa rgyas par bstan pa dang/ de grub pa'i
don bsdu ba gnyis/ dang po la rigs pa bzhi las/ dang po sgra don
yin pas dngos po min par sgrub pa la/ dngos dang/ skyon spong
dgag pa gnyis/ dang po ni

spyi mtshan de chos can/ dngos po min te/ sgra'i dngos kyi brjod
bya ste sgra don nyid yin pa'i phyir/ ldog khyab sgrub pa ni/
dngos po rnams ni sgra don ma yin te/ gzugs sogs sgra don yin na
de dag brjod pa'i sgra las byung ba'i gzugs

sogs su rtog pa'i rtog pa'i snang yul du 'gyur dgos la/ des na
rtog pa de la'ang mig shes dang 'dra bar gzugs snang dgos pas
mig dbang sogs ma tshang ba la'ang mig shes yod pa lta bu'i gzugs
kyi snang ba 'byung dgos

pa la gzugs sogs snang yul du byas pa'i shes pa skyed byed du
mig dbang sogs 'bras bu dang bcas pa nyid de mig dbang sogs med
pa sgra tsam las de 'dra'i shes pa skye ba med pa'i phyir ro/
/gzhung 'di shod pa'i TIka byed sngon chad

ma byung ba snang ngo/ /gnyis pa skyon spong dgag pa la gsum
las/ skyon spong dang po dgag pa ni/ bye brag smra ba sogs na
re/ sgra ming la 'jug /de mtshan ma la 'jug /de las don rtags pas
ming sogs ldan pa ma yin pa'i 'du byed nyid

sgra'i dngos kyi brjod byar gyur pa'i sgra don yin la/ de rdzas
su grub pa'i phyir dngos por gyur pa'i sgra don yod kyang dbang
sogs don med du thal bar mi 'gyur ro zhe na/ de'i lan ston pa
ni/ 'chad pa dang zhes sogs te/ de yang 'dir

@012b rtsod pa'i gzhi ni/ bum pa zhes brjod pa'i sgra lta bus
bum pa brjod byar byas shing sgra des bum pa la 'jug par byed
par 'dod pa la ni rang gzhan thams cad khyad par med do/ /'on
kyang sgra de'i sgra don rang lugs la rtog pa la bum par snang
ba

nyid la 'dod cing/ de ni dngos po ma yin pa gzhan sel ba'i spyi
zhes bya ba yin la/ gzhan dag ni de mi 'dod par ming sogs ldan
min 'du byed dang/ spyi rtag pa sogs dngos po ba sgra don du
'dod pas de 'gog pa yin la/ des na sgra don gang

yin rtog pa'i snang yul du'ang 'gyur dgos so/ /de'i phyir 'di la
sogs pa'i gzhung dag gis sgra don yin na dngos po yin pa 'gog pa
yin gyi/ sgras brjod byar byas na dngos po yin pa 'gog pa min
pas rtsod gzhi ngo shes par byos shig ces bya ba

nam spyi'i don no/ /de ni gzhung gi don bshad par bya ste/ ci
bum pa'i sgras bum pa'i ming sogs brjod na 'chad pa po'i blo
dang rdzas gcig pa brjod dam/ nyan pa po'i blo dang rdzas gcig
pa brjod dam/ brjod bya bum sogs dang rjes su 'brel ba ste

rdzas gcig pa can brjod dam/ de gsum gang dang yang rdzas tha
dad pas 'brel ba med pa can brjod/ dang po gnyis ltar na/ bum
sgra las nyan pa po bum sogs kyi don la 'jug par mi 'gyur ro/
/ci'i phyir zhe na/ 'chad nyan byed pa'i blo dang

rdzas gcig pa'i ming sogs ni bum pa dang 'brel ba med pa can yin
la/ de nyid kho na sgra de'i sgra don yin pa'i phyir ro/ /gal te
bum pa'i mong sogs dang tshul 'dra ba las gcig tu 'khrul nas nyan
pa po don bum sogs la 'jug par

@013a @#/ /'gyur ro zhe na/ 'dra bas 'khrul na res 'ga' 'khrul
srid kyang dus kun dang yul kun la 'khrul bar rigs pa min la/
'dra bas gcig tu 'khrul nas 'jug pa yin na/ res 'ga' ming sogs
la'ang 'jug par

thal lo/ /khyed rtog pa'i snang ba sgra don du 'dod pa la'ang
don la mi 'jug pa'i skyon med dam zhe na/ rtog pa'i shes pa la
snang ba sgra don du 'dod pa la skyon de mtshungs pa min te/ bum
sgra las bum pa'o snyam du rtog pa'i blo skye ba na/ rang

la snang ba phyi rol gyi bum pa'i rnam pa de 'drar snang ba'i
blo skye bas khyab pa'i phyir/ gzhan ming sogs sgra don du 'dod
pa dag la tshul de med de/ de ltar 'dod pa dag rtog pa rang la
snang ba'i ming sogs phyi rol don du snang ba yi blo ni khas len

pa med pa'i phyir ro/ /ci ste skyon de spong 'dod nas/ bum sgra
las bum pa'o snyam pa'i rtog pa skye ba na/ rtog pa rang la
snang ba'i ming sogs phyir rol gyi bum pa lta bur snang ba khas
len no zhe na/ spyir bum 'dzin shes pa rang nyid las

tha dad pa'i ming sogs rdzas grub snang yul du yod par grub na/
de sgras brjod kyang don la mi 'jug pa'i skyon de nyid kyis
spong du chug na yang/ rnam shes rtog pa las tha dad pa'i ming
sogs rdzas grub de'i snang yul du yod pa la

ni sgrub byed tshad ma yod pa can min te/ rtog pa las tha dad
pa'i ming sogs rdzas grub de'i snang yul du yod na rtog pa de de
las skye dgos pa la/ ming sogs de phan byed du log stobs kyis
rtog pa de ldog pa grub pa

@013b med pa'i phyir/ gal te sgrub byed yod de/ shes pa kun
gzung don dang ldan pas/ khyab pa'i phyir/ rtog pa de dag la'ang
gzung don yod dgos la/ de yang ming sogs las gzhan yin par mi
'thad do zhe na/ shes pa kun gzung don dang

ldan pa 'thad pa ma yin te/ rmi lam gyi shes pa sogs gzung don
yod pa las rnam pa gzhan du med par mthong ba'i phyir/ de'i
tshe'ang ming sogs ldan pa ma yin pa'i 'du byed gzung don no zhe
na/ sngo sogs su snang ba'i rmi lam gyi

shes pa ni ming sogs ldan min 'du byed gzung don du byas pa las
kyang skye ba min te/ de ni sngon po la sogs pa'i rnam par snang
gi ming sogs kyi rnam par mi snang ba'i phyir ro/ /gal te de'i
tshe sngo sogs gzung don ma yin nam zhe na/

sngo sogs de'i gzung don ma yin te/ sngo sogs ni thogs bcas yin
la/ de'i tshe sngo sogs su snang ba ni thogs med yin pa'i phyir
ro/ /'o na rmi lam la sngo sogs su snang ba de gang yin zhe na/
de shes pa rang gi bdag nyid yin

te rung yul de na gang zag gzhan gnas kyang des mi shes pas/
khyab pa'i phyir dang/ rang nyid kyis gsal bar myong ba'i sgo
nas shes pa'i phyir ro/ /sngo sogs su snang ba de phyi rol gyi
sngo sogs yin na rung yul de na gnas pa'i

gang zag mig byed pa dang ldan pa gzhan gyis kyang mthong ba
ci'i phyir mi srid/ rmi lam gyi sngo sogs su snang ba phyi don
yin na rung yul de na gnas pa'i gang zag gzhan gyis kyang
mthong
dgos par bstan pa des ni shes

@014a @#/ /pa'i bdag nyid ma yin pa'i ming sogs rdzas grub sgra
las byung ba'i rtog pa'i snang yul du yod na rung yul de na gnas
pa gzhan gyis kyang mthod srid par thal ba'i skyon yang brjod
cing bstan pa yin no/ /TIka byed gzhan

dag shes par brjod pa yin zhes zer mod/ ming sogs shes par brjod
ces zer na brjod byed kyi sgra shes pa yin pa ngo mtshar ro/
/ming sogs kyi rnam pa shes par brjod ces zer na bye brag smra
bas ming sogs kyi rnam pa khas ma

blangs bas de bas kyang ngo mtshar ro/ /rtog pa la ming sogs su
snang ba shes par brjod ces zer na snang ba de ni sgra don yin
pas de las kyang ches ngo mtshar ro/ /shes pa kun gzung don dang
ldan par khas blangs pa la gnod byed gzhan

yang bstan pa ni/ mig la sogs pa'i blo ma 'khrul bar 'dod pa de
nyid gzung don dang ldan par rgyu mtshan gang gis 'dod/ gal te
gzung don gyis phan pa'i nus pa mthong ba'i phyir zhe na/ 'o na
de las gzhan pa 'khrul ba'i shes

pa dag gzung don med pa can du thob par 'gyur te/ de dag la rang
gi gzung don gyis phan pa'i nus pa ma mthong ba'i phyir ro/ /gal
te brtag pa phyi ma khas blangs nas 'chad nyan don gsum gang
dang yang 'brel ba med pa'i ming sogs

sgra don du 'dod do zhe na/ de lta na yang sgra las don la 'jug
par mi 'gyur bar thal ba'i sngar gyi skyon de nyid se na gnas
so/ /gal te don bum sogs dang 'brel ba ldan pa ste rdzas gcig tu
gyur pa'i ming sogs brjod do

@014b zhe na/ shes bya chos can/ 'das pa dang ma 'ongs ba'i chos
rnams sgras brjod par bya ba ma yin par thal/ de dag brjod na de
dag dang rdzas gcig pa'i ming sogs sgra don du 'gyur dgos pa la
don de dang de ni/ dngos po zad pa dang ma

skyes pa'i cha yin pas de dag dang rdzas gcig pa'i ming sogs mi
srid pa'i phyir ro/ /dri ba gzhan gsum ni mtha' dpyad pa tsam
yin gyi bye brag smra ba'i rang lugs kyi 'dod pa min la/ dri ba
phyi ma 'di nyid 'dod pa yin no/ /de bas

na TIka byed dag gis 'das pa'i don dang de'i ming sogs lhan cig
tu zad cing 'gags pa'i phyir zhes bkod nas 'di khos khas blangs
pa'i rgyu mtshan don dang ming sogs gcig tu khas blangs pas so/
/zhes zer ba ni bab col te/

gzugs sogs gzugs phung dang/ ming sogs ldan min du 'dod bzhin du
de dag gcig yin par smra ba'i bye brag smra ba de gang na bzhugs
khyod kyis ston cig /skabs 'dir gzhan yang nor pa'i phreng ba
'ba' zhig yod mod

dgag pa ma bris so/ /skyon spong gnyis pa dgag pa ni/ bye brag
pa sogs na re/ gal te gzugs sogs dang ming sogs sgra don ma yin
kyang sgra yis gsal ba la ltos ming kyi spyi rtag dngos yan gar
ba ni brjod pas de nyid

sgra don yin pa'i phyir/ dngos por gyur ba'i sgra don yod kyang
dbang po don med pa sogs kyi skyon du thal bar mi 'dod do/ /zhe
na/ de yang 'thad pa min te/ gsal ba la ltos med kyi spyi ni yan
gar ba sgras brjod pa med pa'i

@015a @#/ /phyir ro/ /gal te brjod par 'dod na yang skyon yod de/
spyi de gsal ba kun la mtshungs par rjes su 'gro ba'i chos min
par thal/ gsal ba la ltos med yin pa'i phyir/ khyed rang spyi
'dzin shes pa gzung

don du byas pa las skye bar 'dod pa dang yang 'gal te/ spyi de
chos can/ khyod kyis spyi 'dzin shes pa bskyed pa gsal ba grogs
su yod pa la ltos pa min par thal/ khyod gsal ba ltos med kyi
rtag dngos yin pa'i phyir/ 'dod do

zhe na/ des na spyi de spyi 'dzin shes pas rtag tu dmigs par
'gyur te spyi de gsal ba la ltos med du rang 'dzin shes pa skyed
byed kyi rtag pa nyid yin pa'i phyir ro/ /gal te sgras brjod pa
gsal ba la mi ltos na yang gsal ba

grogs su yod pa las spyi 'dzin mngon sum la gsal bar snang ba
yin pa'i phyir/ gtan nas/ gsal ba la mi ltos pa'i skyon med do
zhe na/ gsal ba la ltos nas spyi blo skyed na gsal ba grogs su
yod pa'i tshe skyed cing/ med

pa'i che mi skyed dgos pa la rtag pas bdag la dmigs pa'i shes pa
bskyed pa la lan cig nus pa yod pa gang yin pa de dus rtag tu
nus pa yod pa nyid yin dgos shing/ gal te dus 'ga' zhig gi tshe
nus pa med

na de ni dus kun gyi tshe'ang nus med du 'gyur dgos te/ de'i nus
pa'am nus pa med pa ni/ rgyus ma bskyed par ngo bo nyid kyis
gang gnas pa'i rtag pa yin pa'i phyir rkyen gyis bcos su yod pa
min pas na/ sngar yod

@015b kyi nus pa de zad par bya ba'i phyir du 'gal rkyen gyi nus
pa dang/ sngar med bskyed pa'i phyir du mthun rkyen gyi nus pa
gang 'jug ste 'jug par mi 'thad pa'i phyir ro/ /gzhan yang spyi
rtag par khas len pa dang spyi 'dzin shes pa'i gzung

don du khas len pa yang 'gal ba yin te/ 'di ltar spyi de spyi
'dzin shes pa'i gzung don yin na/ spyi 'dzin shes pa la shar
ba'i rnam pa ni/ spyi des rang 'dra'i rnam pa gtad pa yin par
khas len dgos na'ang/ spyi'i rnam par shes pa

de dang rjes su 'brel ba'i sngon po la sogs pa'i rnam pa'i cha
ni rnam par nges shing myong bar grub pa gang yin pa de ni spyi
'dzin shes pa de la spyi gang gis sprul zhing rang 'dra'i rnam
pa gtad par mi 'thad par thal/ spyi de rtag

pa'i phyir te/ rtag pa la sngo sogs kyi chos med pa'i phyir/
skyon spong gsum pa dgag pa ni/ gal te gzugs sogs sgra don yin
khyad dbang po don med du thal ba min te/ dbang sogs ni gzugs
sogs mngon sum du shes

pa'i don nyid du 'jug pa'i phyir zhe na/ shes bya chos can/ sgra
sogs las skyes pa'i bum 'dzin rtog pa dang/ dbang sogs las skyes
pa'i bum 'dzin mngon sum gnyis snang tshul tha dad pa'i blo gang
las yin te ma yin

par thal/ de gnyis ka bum pa'i dngos po gcig pa de snang yul du
byed par khyad par med pa'i phyir/ rtags khas blangs te/ rtog
pa'i snang yul ma yin na/ sgra don yin par 'gal ba'i phyir ro/
/des na dbang sogs don med du

@016a @#/ /thal ba so na gnas so/ /skyon spong dang po bye brag
smra ba dang/ gnyis pa bye brag pa 'dod la gsum pa 'di mtha'
dpyad tsam yin no/ /gnyis pa gsal ba dang rdzas gcig dang tha
dad brtags nas 'gog pa ni/ rigs

ldan rigs min gang gi phyir zhes sogs te/ de yang rigs pa snga
ma dang 'di'i khyad par ni/ snga mas rang lugs kyi gzhan sel
ba'i spyi sgra don yin pa'i rtags kyis dngos po min par sgrub pa
yin la/ 'di ni spyi rtag pa yin pas de

dngos por khas blangs na/ phyi rol ba 'dod pa lta bu'i spyi
rtags dngos yod dgos na'ang de ni gsal ba dang rdzas gcig tha
dad brtags na mi 'thad de zhes 'gog pa yin pas dgag bya la khyad
par che'o/ TIka byed dag la ni yid brtan

mi snang ngo/ /de la dang por rdzas gcig tha dad du med pa'i
rtags sgrub pa dang/ de nyid kyi phyir rdzas su grub pa dgag
pa'i rtags dgod pa dang/ de la rtsod pa spang ba dang/ de dag la
'phros nas rang lugs kyi spyi'i rnam gzhag bstan

pa dang/ phyi rol ba'i spyi rtag dngos yod pa'i sgrub byed dgag
pa'o/ /dang po ni/ gsal ba thams cad la rjes su 'gro ba'i spyi
rtag pa rdzas su grub na/ spyi de gsal ba rnams dang rdzas gcig
gam tha dad/ dad po ltar na/ rigs

ldan gsal ba rnams dang rigs rtag pa rdzas gcig min te/ gang gi
phyir na rtag rdzas yin na cha med kyi rdzas yin dgos pas gsal
ba rnams dang cha med rdzas gcig tu 'gyur dgos la/ de lta na
gsal ba rnams kyang gcig tu 'gyur

@016b ba las gsal ba'i ngo bo rnams gzhan rten med pa ste phan
tshun 'dres par gnas pa'i phyir/ gal te rdzas tha dad du grub bo
zhe na/ 'di lta na spyi gsal ba la mi ltos na spyi gsal du 'gal
bas ltos dgos la/ gsal ba dang rdzas tha dad

cing ltos pa'i phyir gsal ba'i 'bras bu nyid du brjod rigs par
thal lo/ /'bras bu ma yin zhing rdzas tha dad na 'brel med du
'gyur te/ 'di ltar na rgyu 'bras rnams la 'brel ba'i tha snyad
byed pa yang 'brel ba bden pa yod pa la

rag las pa med par rag gi rgyu las grub pa'i phyir/ 'bras bu yin
no zhes pa tsam rgyu mtshan du byas nas rtog pa yis ni 'brel par
tha snyad byed pa yin pa la gsal ba las rdzas tha dad cing 'bras
bu min pa'i spyi ni gsal ba

dang ji ltar yang ci zhig ste don dam par 'brel ba lta zhog
/rtog pas 'brel bar tha snyad byed pa'i rgyu mtshan yang mtshang
ba'i phyir ro/ /gnyis pa de'i phyir dngos por med par sgrub pa'i
rtags 'god pa ni/ rdzas gcig yin na gsal ba

rnams gcig tu 'gyur bar ma zad/ gzhan nyid yin na de dag 'brel
med du 'gyur bas rdzas gcig tha dad gang du yang mi 'thad pa'i
phyir spyi de ni rang bzhin med par grub po/ /gsum pa rtsod pa
spang ba ni/ rang bzhin med par

mtshungs pa la spyi yin min gyi khyad par mi 'thad pas ri bong
rwa sogs kyang spyir thal lo zhe na/ rang bzhin med kyang med
pa'i rigs su thal bar mi 'gyur te/ de gsal ba la ltos pa ste
rjes su 'gro ba med pa'i phyir ro/ /

@017a @#/ /bzhi ba de dag la 'phros nas rang lugs kyi spyi'i rnam
gzhag bstan pa ni/ bsdus pa'i don ni 'di ltar shes par bya ste/
de phyir zhes sogs rkang ba gnyis kyis rang lugs kyi spyi ngos
bzung/ de nas rkang ba gnyis kyis spyi

de sgra don du bstan/ de nas rkang ba bzhis spyi de rtog pa la
ji ltar snang ba'i tshul dang/ de ltar snang ba'i rgyu mtshan
bstan/ de nas rkang ba bdun gyis spyi de bden par med pa'i rgyu
mtshan rgyas par bshad/ de nas rkang ba gsum gyis de'i don bsdus/

de nas rkang ba drug gis spyi de dngos por med pa'i phyir gsal
ba dang rdzas gcig tha dad gang du'ang mi rigs par bstan pa yin
no/ /de ni tshig gi don bshad par bya ste/ 'o na gsal ba dang
rdzas gcig tha dad du thal ba sogs kyi skyon de dag mi 'byung

ba'i spyi'i rnam gzhag khyod rang ji ltar 'dod ce na/ de'i phyir
'di ltar shes par bya ste gsal ba rnams kyi ngo bo la brten nas
snang zhing/ phyi rol gyi dpe med pa'i rigs phyi rol gyi ngo bo
lta bur rtog pas btags pa'i snang ba de la gzhan sel ba'i spyi
zhes bya la/ phyi rol gyi khyad par de la 'jug pa'i don du brda
sbyar ba can gyi sgra rnams kyis ni rab tu bstan pa'i sgra don
yang de yin zhing/ rtog pas rang la snang ba de la phyi rol gyi
ngo bor snang ba'am phyi rol bum sogs kyi

don la rang la snang ba de nyid du 'dzin pa gang yin pa de ni
snang btags gcig tu 'khrul pa ste/ de ltar snang ba'i rgyu ni/
thog ma med pa'i dus can don bum sogs mthong ba goms pa'i bag
chags kyis sprul zhing bzhag pa yin no/ /

@017b de lta bu'i spyi de dngos po ma yin pa'i rgyu mtshan ci zhe
ne/ bum pa la sogs pa'i don rnams kyi ni spyi gang yin pa bum ma
yin sogs gzhan las ldog par snang ba'i mtshan nyid can bum pa
zhes pa la sogs pa'i sgra 'di dag gis gang brjod

pa de la bden pa'i ngo bo cung zad kyang med de/ ngo bo 'dre ba
med pa can gyi gsal ba rnams spyi blo la spyi ste 'dre ba nyid
du mthong zhing snang ba'i snang ba tsam yin pa'i phyir dang/
don bum sogs la rang la snang ba der 'khrul ba'am der med

pa'i rang gi snang ba la don bum sogs der 'khrul pa'i rtog pa'i
snang yul yin pa'i phyir/ des na'am zhes pa dang ni zhes pa'i
tshig ni don la don du med pa'i snang ba der 'khrul ba'i don du
med pa ni don der 'khrul zhes pa'i nus pa

'byin pa'i tshig go /de'i don bsdu ba ni spyir 'dod pa'i rtog
pa'i snang ba de yang chos can/ bden pa'i ngo bo grub pa can ma
yin te/ bag chags kyis bslad pa'i 'khrul snang yin pa'i phyir
dang/ don du snang yang de kho na nyid du na

don dngos su med pa'i phyir/ des na spyi chos can/ khyod rang gi
gsal ba rnams dang rdzas gcig dang tha dad gang du'ang brjod
par
bya ba min te/ bden pa'i ngo bo med pa'i phyir/ gal te brjod
bya'am sgra don du gyur pa'i spyi de 'ga'

zhig las rdzas gcig tha dad gang rung yin na dngos por 'dod dgos
te/ dngos po rnams ji ltar yang rdzas gcig tha dad gang rung du
brjod bya min pa nyid ma yin pa'i phyir/ gal te 'o na bum pa'i
spyi dang snam pu'i spyi yang

@018a @#/ /rdzas gzhan ma yin nam zhe na/ de gnyis rdzas gzhan du
brjod par bya ba min te/ rtog pas nye bar btags pa tsam yin pas
rdzas su ma grub pa'i phyir/ 'o na rdzas gzhan du snang ba ci
zhe na/ nyer len bum pa mthong

ba goms pa dang/ snam bu mthong ba goms pa'i bag chags rdzas tha
dad pa'i phyir/ rtog pa la de gnyis rdzas gzhan du snang ba yin
no/ /rgyan sogs nyer len gsal ba la 'chad cing shAkya blo nyer
len zhes mi 'don par rten

zhes 'don te/ mdor na gsal ba bum snam rdzas tha dad pa'i phyir
de dag gi spyi rdzas tha dad du snang zhes pa 'grel byed dag gi
'dod pa'o/ /lnga pa phyi rol pa'i spyi rtag dngos yod pa'i sgrub
byed dgag pa ni/ gal te spyi dngos por

gyur pa med na gsal ba rnams la sgra thun mong ba cig 'jug par
mi 'gyur ro/ /zhe na/ de lta na 'das pa bum pa 'gags pa dang ni
ma 'ongs pa bum pa ma skyes pa'i son la'ang bum spyi dngos po
ba'i rgyu can gyi bum pa zhes pa'i

mnyan pa dag ni 'jug par 'gyur dgos na/ de yang mi 'thad de/ bum
spyi chos can/ dngos por med pa bum pa 'gags pa sogs la rjes su
'gro ba'i chos su ji ltar 'gyur te mi 'gyur par thal/ khyod rjes
su yod pa'i phyir/

gal te de dag la bum sgra nye bar btags pa las btags ming du
'jug pa'i phyir/ bum spyi rjes su mi 'gro bar 'dod do zhe na/
gang zhig snam bu sogs la med la/ da lta ba'i bum pa yi dngos
por med pa'i bum pa 'gags

@018b pa sogs dang ni nye ba ste de dag la yod pa'i bum sgra
btags ming du 'jug pa'i rgyu mtshan de gang yin/ gal te brjod bya
dngos por med pa ni sgra de de la btags ming du 'jug pa'i rgyu
mtshan yin la/ de las ldog pa ni dngos ming gi rgyu mtshan no

zhe na/ shes bya chos can/ de lta bu'i dngos btags kyi rnam
gzhag mi 'thad par thal/ sgra de thos pa'i dus rtag tu ming don
'brel ba shes pa'i blo ni don gzhan la 'khrul pa med par don de
la 'jug pa re dwags kyi rgyal po la sengge zhes pa

lta bu dngos ming dang/ dngos ming du 'jug pa'i don de las don
gzhan la phyis sgo 'dogs pa'i sgo nas ming de nyid sbyar ba bram
ze'i khye'u la sengge zhes pa lta bu btags ming ngo zhes dngos
btags kyi rnam gzhag de ltar brjod pa'ang/

'jig rten gyi tha snyad kyi rnam gzhag la yod pas de ltar khas
len pa la gnod pa 'bab pa'i phyir/ gzhan yang brjod bya'i don
dngos po med na yang 'gro ba brda sbyor shes pa yis don gang la
brjod 'dod grags pas thog mar sgra bkod pa na don

de la sgra de dngos ming 'jug pa mngon sum du mthong zhing/
dngos ming du 'jug pa'i don de dang chos 'ga' zhig mtshungs pa'i
phyir/ de tsam rgyu mtshan du byas nas don gzhan la brda sbyar ba
na phyis brda sbyar ba na phyis brda sbyar ba'i don de yang
sngar brda

sbyar ba'i don de 'khrul pa'i rtog pa skyed par byed pa can ni
ming gzhan phal pa btags ming yin la de ni brjod bya dngos por
yod pa la'ang 'jug par mthong ba'i phyir/ khyod kyi dngos btags
kyi rnam gzhag de 'khrul pa yin

@019a @#/ /te/ dper na/ ji ltar bu glen gyi dngos po dgra 'dul ba
sogs kyi nus pa med pa la/ bu med pa'i sgra btags nas 'jug
pa'am/ bu med pa dngos por med kyang de la bu med pa'i sgra
dngos ming du 'jug pa bzhin no/ /rtog

pa ji bzhin du zhes sogs ni grangs can rang la grags pa'i dpe
ston pa'i thabs kyis khas blangs nang 'gal gyi skyon ston pa yin
te/ grangs can khyod rang rtog cing 'dod pa ji lta ba bzhin du
khas blangs na'ang dngos po la btags ming 'jug pa

yod dgos te/ gtso bo dang bdag po'o sgra ni spyi rtag pa dang
shes rig gi skyes bu la dngos ming du 'jug kyang yul gyi bya ba
byed nus pa'i mi la'ang gtso bo'i sgra dang la sogs pas rgyal po
sogs la bdag po zhes pa'i mnyan pa skye bos sgro

btags nas byas pa yin pas btags ming du 'jug go /zhes smra ba
bzhin no zhes pa'o/ /gsum pa snang tshul mtshungs pa'i rtags kyis
sgrub pa ni/ zhig la sgra las blo ci 'dra zhes sogs te/ de yang
yul dngos por med pa la rtog

pa dag gi snang tshul dang snang tshul mtshungs pa'i rtags kyis bum
sogs dngos por yod pa la rtog pa dag gi snang tshul yang dngos
por med par sgrub pa yin te/ de yang 'di ltar/ ma zhig pa da
ltar gyi bum pa la rtog pa'i

blo'ang chos can/ khyod kyi snang yul dngos por med de/ khyod
bum sgra las zhig zin pa'i bum pa la rtog pa'i blo la ji 'dra
snang bde 'drar snang zhing de dang snang tshul mtshungs pa'i
phyir/ khyab ste/ rna ba la sogs pa'i rnam

@019b par shes pa gzung don dngos por yod pa can dag la snang
yul dngos por med pa'i blo dang snang tshul mtshungs pa de dag med
pa'i phyir/ gal te zhig zin pa'i bum pa dang da ltar gyi bum pa
la rtog pa gnyis kas kyang dngos por gyur pa'i bum spyi tsam

'dzin par byed pa'i phyir sems gnyis po 'di dag ni snang tshul
mtshungs pa yin gyi/ snang yul dngos por med pa'i rgyu mtshan gyis
ma yin no zhe na/ gsal ba dang 'brel med kyi spyi de 'ba' zhig
ni 'dzin par byed pa/ de mtshungs min dang gsal ba

min zhes sogs su sngar ni rnam par bzlog zin to/ /grangs can na
re/ spyi 'dzin shes pa la gsal ba rnams khyad med du snang ba
yin pas zhig zin pa dang da ltar gyi bum pa la rtog pa gnyis ka
la'ang bum gsal rnams khyad med du snang bas snang tshul

mtshungs pa yin zhing/ de 'dra'i snang yul yang dngos por yod pas
snang yul dngos por med pa'i rgyu mtshan gyis snang tshul mtshungs
pa ma yin no zhe na/ bum gsal rnams ni chos can/ khyad med ngo
bor ji ltar 'gyur te mi 'gyur bar thal/ phan tshun

khyad par can gyi sgo nas ma 'dres par gnas pa'i phyir ro/ /de'i
phyir spyi blo la khyad med du snang ba 'khrul ba yin pas snang
yul dngos med du grub bo/ /gal te bum gsal rnams la spyi gtso
bo'i ngang du rang bzhin khyad par med pa dang/ gnas skabs

khyad par can gyi ngo bo nyid gnyis gnyis yod pas skyon de med
do zhe na yang/ bum gsal de rnams chos can/ khyad med kyi dngos
po gcig tu ji ltar 'gyur te/ mi 'gyur par thal/ gnas skabs khyad
par can yin pa'i phyir/ 'dod na/ khyad

@020a @#/ /med du snang ba'i rtog pa'i snang yul dngos por grub
pa 'gal lo/ /gal te bum gsal de dag mtshungs ba ste khyad med du
snang ba yi rtog pa'i snang yul du gyur pa'i dngos po de bum
gsal de dag rnams las rdzas gzhan nyid yin

pas bum gsal rnams gnas skabs khyad par can yin pa dang/ snang
yul de dngos po yin pa mi 'gal lo zhe na/ 'o na bum pa'i spyi
blo'i snang yul dang bum gsal rnams 'brel med du 'gyur bar thal/
rdzas tha dad cing rgyu 'bras ma yin pa'i

phyir/ 'dod na/ spyi blo'i snang yul de gsal ba de dag gi spyi'o
zhes 'dod mi rigs par thal lo/ /skyon de rang la mi mtshungs par
bstan pa ni/ bum 'dzin rtog pa la bum ma yin las ldog par snang
ba bum spyir 'dod pa la ni bum gsal dang

rdzas tha dad na 'brel med du 'gyur zhes sogs kyis sun dbyung du
med de/ de bum gsal dang rdzas gcig tha dad gang yang ma yin
pa'i phyir ro/ /de dag gis grub pa'i don bsdu ba ni/ zhig zin
pa'i bum pa la rtog pa dang/ da ltar gyi bum

pa la rtog pa sogs snang tshul mtshungs pa de'i phyir/ rtog pa'i
snang yul du gyur pa gsal ba rnams la mtshungs shing rjes su 'gro
ba nyid kyi spyi 'di ni dngos po med pa'i mtshan nyid yin no/
/gzhan dag phan tshun khyad par can rnams ni/

zhes pa man chad spyi yin pa'i rtags kyis dngos po min par sgrub
pa zhes pa'i rigs pa'i rnam grangs ston par 'chad mod/ spyi
dngos po yin min rtsod pa'i skabs su spyi yin pa dngos po min
pa'i sgrub byed du ga la rung gzhung gi yi ge'i

@020b don la'ang ma zhugs so/ /gal te spyi gsal ba dang rdzas
tha dad kyang 'brel med du mi 'gyur te/ gsal ba med pa'i snga
rol nas spyi yod par mi 'thad bas gsal ba bum sogs 'phel ba na/
de'i spyi'ang 'phel ba'i phyir spyi de ni gsal ba'i 'bras

bu'o zhe na/ 'o na gsal ba bzhin du spyi'ang du ma dang 'jig par
'gyur ro/ /de yang 'dod pa ma yin te/ spyi ni rtag pa gcig pur
khas blangs pa'i phyir ro/ /gzhan yang spyi dngos po yin na/
rtag pa nyid ma yin te/ dngos po dang 'jig pa ni rang

grub tsam nas dbyer med du rjes su 'brel ba'i phyir ro/ /de'i
don bsdu ba ni/ rigs rnams 'bras bu min pa'i phyir gsal ba dang
rdzas tha dad nam 'brel bar thal ba dang/ 'bras bu min pa'i
phyir dngos med du'ang 'gyur ro zhes pa'am/ yang na rtag

na dngos med du 'gyur ro/ /gzhan dag da 'bras zhe na zhas pa man
chad 'bras bu min pa'i rtags kyis dngos med du sgrub pa yin zhes
pa'i rigs pa'i rnam grangs cig ston par 'chad la de ltar sbyor
tshul shes sla'o/ /bzhi pa spyi blos bum pa

'dzin pa brda la ltos pa'i rtags kyis sgrub pa ni/ bum pa'i
spyi'i ni blo chos can/ khyod kyi snang yul dngos por med de/
brda la ma ltos par khyod la bum pa de ltar du snang ba med pa'i
bum 'dzin shes pa yin pa'i phyir/ khyab ste/ gzung

don gyi stobs las skyes pa'i shes pa gang yin pa de yul 'dzin pa
brda dag la ltos pa ma yin pa'i phyir/ gal te spyi blo ni spyi
dngos po ba las skye ba yin gyi brda la ltos pa ma yin te/ brda
mi shes pa'i byis pa la'ang khro bo dang

@021a @#/ /khu yu rigs gcig tu 'dzin pa'i spyi blo mthong bas
so zhe na/ khra bo dang khu yu lta bu'i dngos po gnyis mthong
ba la sngar ba lang gi brda shes pa med na yang rigs tha dad
med par mthong ba'i blo 'ga' zhig rjes su 'jug

pa gang yin pa de ni de gnyis la spyi rtag dngos thun mong du
yod pa'i dbang gis ma yin gyi/ de gnyis ka la bzho rmo sogs
kyi don byed nus pa nye bar 'brel pa las yin no/ /ji ltar te
dper na/ rigs rtag dngos rjes su 'go ba med

kyang mig gi shes pa'i 'bras bu can gyi mig dang snang ba yid
byed sogs nye ba tsam gyis mig shes de skye bar 'dod pa bzhin
no/ /'o na khyod rang gi lugs la bum gsal rdzas tha dad pa
rnams la bum spyi gcig thun mong du rjes su 'gro

bar gang gis sgrub ce na/ bum gsal rnams rdzas tha dad kyang
bum pa'i rigs kyang thub mong du rjes su 'gro ba yin te/ de
rnams rdzas tha dad kyang chu skyor ba'i don byed par mtshungs
pa gang gis bum ma yin las rnam par phye ba

yis so/ /gal te ji ltar rigs med shes pa yi/ /'bras can mig
sogs nye 'dod bzhin/ zhes bya ba'i dpe ma grub ste/ mig dbang
sogs la'ang de dag gi rigs rtags dngos rjes su 'gro 'o zhe na/
de mi 'thad bar thal/ de 'dra yod

na mngon sum gyis dmigs dgos pa la/ mig dbang sogs la rjes su
'gro ba'i rigs rtag pa de 'dra'i dngos po rnam pa 'gas kyang
rnam shes la snang ba med pa'i phyir/ de'i skyon spong ni/ mig
dpang sogs kyang med par thal/

@021b @#/ /mi snang ba'i phyir/ zhe na/ dbang po rnams da lta
mngon sum la mi snang ba ni/ lta ba po nus pa can med bas yin
gyi/ gal te/ rnal 'byor ba la sogs pa'i lta ba po yod na de
dag gi lus snang bar 'gyur te/ gzugs can yin pa'i phyir ro/
/de dag

gi rigs rnams ni lta ba po yod kyang mngon sum la snang ba ma
yin te/ 'di ltar gsal ba dang ma 'brel ba'i yan gar bar nam
yang mthong ba min pa'i phyir dang/ gsal ba rnams mngon sum
gyis 'dzin pa'i tshe na yang gsal ba de dag

gi sgra yin pa'i cha dang/ ngo bo kha dog dbyibs gzugs yin
pa'i cha lta bu thun mong ma yin pa kho na snang gi de dag las
gzhan pa'i thun mong gi cha snang ba med pa'i phyir ro/ /gzhan
dag sgra zhes pa ming la 'chad do/ /gnyis pa de dag gis

grub pa'i don bsdu ba ni/ ji skad bshad pa'i rigs pa mtha' dag
gis spyi mtshan dngos por grub pa khegs pa de'i phyir/ spyi
mtshan de ni rang 'dzin shes pa bskyed ba tsam gyi don byed par
yang mi rung ngo zhes sngar bshad pa de nyid legs

par grub pa yin no/ /don byed par mi rung ba de'i phyir/ spyi
mtshan ni bden pa'i rang bzhin med pa yang yin te/ don byed par
mi rung ba de ni dngos med kyi mtshan nyid yin la/ dngos med
yin na bden par grub pa 'gal ba'i phyir ro/

de'i phyir spyi mtshan ni kun rdzob tsam gyi chos su sngar
bshad pa de yang legs par grub pa yin no/ /de yang gzhung 'di
dag gis spyi'i don ni/ gzhal bya gnyis phyir tshad ma gnyis
zhes pas/ rjes dpag tshad ma'i snang yul gyi

@022a @#/ /gzhal bya thams cad spyi mtshan dang/ mngon sum tshad
ma'i snang yul du gyur ba'i gzhal bya thams cad rang mtshan du
bshad nas de 'dra'i spyi mtshan thams cad don byed mi nus par/
don byed nus dang mi nus phyir/ zhes sogs

kyis bshad pa la don byed mi nus pa'i rgyu mtshan/ brjod bya
nyid phyir de dngos min zhes sogs kyis bshad pa yin pas gzhung
'di dag gis bstan pa'i spyi mtshan dngos por yod pa 'gog pa'i
tsa ba'i rigs pa rnams ni/ rjes dpag dang

rtog pa'i snang yul du gyur ba'i spyi mtshan dngos por yod pa
'gog pa yin la/ phyi rol bas khas blangs pa'i spyi mtshan kho
na 'gog pa dang/ spyi gang yin thams cad dngos po yin pa 'gog
pa la 'chad pa dag ni phyogs su ma phyin pa'i

gtam mo/ /bzhi ba de nyid kyis dngos po yin na rang mtshan du
grub par bstan pa ni/ shes bya chos can/ dngos po yin na rang
mtshan yin pas khyab ste/ don byed mi nus pa'i chos yin na spyi
mtshan yin pas khyab par bshad pa ltar gyi rigs pa rnam dag gis
grub pa gang zhig /spyi mtshan du ji skad bshad pa las bzlog pa
gang yin pa de ni rang gi mtshan nyid yin par rigs pa shes pa
dag 'dod pa'i phyir ro/ /lnga pa spyi mtshan dngos po la brten
pa'i spyi mtshan gyi

dbye ba rung bar bstan pa ni/ gal te spyi mtshan dngos po ma
yin pas khyab na dngos med thams cad ngo bo med pas ngo bo mi
'dra ba'i khyad par med pa'i phyir spyi mtshan la dbye ba ji
ltar bya zhe na/ ngo bo rang dbang du grub tshul

@022b mi 'dra bas byas pa'i dbye ba med kyang/ rten gyi sgo
nas dbye ba yod de/ 'di ltar rteg pa'i snang yul du gyur ba'i
spyi de'ang chos can/ rnam pa gsum du dbyer yod de/ dngos po
dang/ dngos med dang/ gnyis ka'i thun mong gi ches la brten
pa'i spyi rnams

su yod pa'i phyir/ gal te dngos po la brten pa'i spyi yod na
de 'dzin pa'i blo ni spyi de'i rten du gyur ba'i dngos po de
yod med kyi rjes su 'gro ldog byed pa'i sgo nas dngos po de la
'brel dgos pa'i phyir/ dngos po'o stobs kyis rang yul

'dzin pa'i spyi 'dzin shes pa yod par 'gyur ro zhe na/ dngos
stobs kyis rang yul 'dzin pa'i spyi blo yod pa min te/ de lta
bu yod pa la sngar bstan pa'i rigs pa rnams kyis lan btab cing
khegs pa'i phyir/ dngos po la brten

pa'i spyi 'dzin pa'i blo yin na spyi de'i rten du gyur ba'i
dngos bo yod med kyi rjes su 'gro ldog byed dgos pas kyang ma
khyab ste/ 'das pa'i dus kyi bum pa la rtog pa sogs dngos po
la brten pa'i spyi 'dzin kyang spyi de'i rten gyi dngos

po yod med kyi rjes su 'gro ldog byed pa las rnam pa gzhan du
mthong ba'i phyir/ gal te de lta na spyi de dngos po la brtan
pa'i chos yin pa nyid nyams so/ /zhe na/ bum 'dzin rtog pa
chos can/ khyod rang gi snang yul gyi rten

du gyur ba'i dngos po yod med kyi rjes su 'gro ldog byed pa ma
yin kyang/ khyod kyi snang yul de dngos po la brten pa'i spyi
ma yin pa'i nyes pa 'di med de/ khyod dngos po bum pa 'dzin
pa'i mngon sum sngon du 'gro ba can

@023a @#/ /gyi sgo nas des bzhag pa'i bag chags kyi stobs las
bum pa de shes pa'i rtog pa yin pa'i phyir/ drug pa don la
gnas tshul gyi gzhal bya rang mtshan gcig bur bstan pa ni/ don
byed nus pa gang yin don dam

du yod cing de nyid rang mtshan yin pa/ sngar bshad kyi rigs pa
rnams kyis grub pa des na don rang ngos nas grub pa'i gzhal
bya'o/ /blos ma btags pa'i gzhal bya ni rang mtshan gcig pu'o
zhes ston pa ni/ shes bya chos can/ rang

spyi gnyis kyi nang nas don rang ngos nas grub pa'i gzhal bya
rang gi mtshan nyid gcig pu yin te/ mngon par 'dod pa'i don
byed pa'i nus pa yod med nyid du dpyod pa rnams kyi mngon par
'dod pa'i don bya ba'i nus pa rang spyi gnyis kyi

nang nas rang mtshan de kho na la grub pa'i phyir ro/ /de yang
blos don byed nus par btags pa tsam ma yin par dbyed pa na
yang/ yul rang ngos nas don byed nus par grub pa'i phyir/ zhes
pa'i don to/ /bdun pa blo la snang tshul gyi gzhal bya

rang spyi gnyis su bstan pa ni/ don byed mi nus pa'i chos gang
yin dun rdzob tu yod cing de nyid spyi mtshan yin par sngar
bshad kyi rigs pa rnams kyis grub pa des na/ spyi 'dzin rtog
pas btags pa tsam gyi gzhal bya yin par grub la/

des na yul rang ngos nas snang ba dang/ blos btags pa tsam gyi
sgo nas snang ba'i snang tshul gnyis yod pa de dag gi sgo nas
gzhal bya rang spyi gnyis su phye ba yin no zhes ston pa ni/
shes bya chos can/ gzhal bya rang spyi gnyis su 'dod pa

@023b la rgyu mtshan yod de/ gzhal bya rang spyi gnyis su phye
ba de ni rang gi ngo bo yis grub pa'i yul snang ba'i sgo nas
gzhal bya rtogs pa dang/ gzhan blos btags pa tsam gyi yul
snang ba'i sgo nas gzhal bya rtogs pa'i tshul gnyis yod pa'i
rgyu mtshan

gyis phye ba yin pa'i phyir ro/ /dpyis phyin pa'i 'chad tshul
gzhan yang yod mod mangs par 'gyur bas 'jigs te bzhag go
/brgyad pa rgyu mtshan de nyid kyis de dag snang yul du byed
pa'i shes pa 'khrul ma 'khrul gyi khyad par yod par bstan pa
ni/ tshad

ma gnyis pa rjes dpag tshad ma chos can/ 'khrul ba yin par
bzhed de/ rang la yul phyi rol sogs ji lta ba bzhin du snang
zhing mngon par zhen pa'i rang gi snang yul de snang ba ltar
grub pa min pa'i phyir/ gal te gzhan gyi ngo bos ni rtogs nas
'khrul

ba yin pa bzhin du tshad ma ma yin par yang ci'i phyir mi 'gyur
zhe na/ rjes dpag tshad ma chos can/ 'khrul ba yin na yang tshad
ma nyid yin te/ rtags yang dag la brten nas dpyad cing bas mas
pa'i don la ni slu ba med pa'i shes pa yin pa'i phyir/

'khrul na mi slu bar ji ltar 'gyur zhe na/ 'khrul na 'jug yul
la slu bas ma khyab ste/ ma 'khrul ba las rnam pa gzhan gyis
kyang don rtogs shing thob pa mthong pa'i phyir/ gzhan yang
'khrul na mi slu bar 'gal zhes pa'i phyogs 'di la ni gang la

dngos dang 'brel yod pa zhes sogs su lan btang zin to/ /rnam
gzhan gyis kyang rtogs pa mthong/ zhes smras pa'i mthong ba de
ji lta bu zhe na/ mthong zhing grub pa'i dpe dang don sbyar
nas bstan pa ni/ nor bu sgron me'i 'od dag la/ /nor bu'i

@024a @#/ /blo yis mngon par rgyug pa na blo de gnyis snang
tshul log pa'i shes par khyad med kyang/ ji ltar nor bu thob
pa'i don byed pa la khyad yod pa de ltar rjes dpag der snang
ba'i sgro 'dogs dag rang la snang ba ji lta ba bzhin gyi gzung

don med par mtshungs na'ang/ 'jug yul rtog pa'am/ thob pa'i don
byed pa dang rjes su 'brel bas mi slu ba'i phyir/ rjes dpag
ni/ tshad ma nyid du rnam par bzhag la/ sgro 'dogs de las ldog
pa'i phyir tshad ma ma yin par bzhag go /ngag don

ni/ sgra mi rtag rtogs kyi rjes dpag dang/ sgra rtag 'dzin gyi
sgro 'dogs chos can/ snang yul la 'khrul bar 'dra yang tshad ma
yin min gyi khyad par yod de/ der 'dra yang rang gi 'jug yul
la mi slu ba'i shes pa yin min gyi khyad par yod pa'i phyir

gzhung snga phyi 'di dag la dbyis phyin pa'i 'chad tshul mang
yang ma bris so/ /gnyis pa 'jug yul mngon lkog gnyis su nges
pas tshad ma gnyis su nges par sgrub pa la/ gzhal bya rang la
mngon du gyur ba'i tshul gyis 'jal ba mngon sum

tshang mar bstan/ rang la lkog tu gyur ba'i tshul gyis 'jal ba
rjes dpag tshad mar bstan/ 'jal tshul gnyis po der nges pas
tshad ma dang gzhal bya'i grangs nges sgrub pa'o/ /dang po ni/
yul gang la don nam yul gyi nus pa las de'i rjes

su 'gro ldog byed pa can gyi sgo nas 'jal byed du 'jug pa'i
blo ni mngon sum tshad ma yin la/ blo de yul de la 'dzin byed
du 'jug pa na rang dbang can nam/ rang la mngon du gyur ba'i
sgo nas 'dzin pas khyab ste/ yul de'i rnam ldan

@024b du skyes pas khyab pa'i phyir ro/ /gnyis pa ni/ rang
'jal ba'i tshad ma rang la rjes su 'gro ldog grung pa de las
gzhan bag chags sogs kyi stobs las tshad ma 'jal byed du 'jug
dgos pa'i dngos po'am/ gzhal bya rnams ni chos can/ lkog tu

gyur ba yin te/ dbang po'i shes pa sogs kyis mngon sum du
mthong ba'i yul las 'das pa'i chos yin pa'i phyir/ lkog gyur
'jal ba'i tshad ma yul gyi stobs las skyes pa ma yin no/ /de'i
rten gang yin zhe na/ rten rtags yin no

zhes ston pa na/ mngon sum du ma mthong ba'i bdag nyid kyi ngo
bo lkog gyur de rtogs pa'i rten ni yul las don gzhan gtan
tshigs yin no/ /gtan tshigs ji lta bu zhe na/ shes bya chos can/
gtan tshigs yin pa tsam gyis lkog gyur

rtogs pa'i rten du 'gyur bas ma khyab ste/ gal te rtags de
rang gi shes 'dod chos can la brten pa dang/ rang gi bsgrub
bya'i chos la 'brel ba can yin na de'i tshe rtags de rang gi
bsgrub bya lkog gyur go byed nyid yin gyi/ de las gzhan

pa'i rtags kyis bsgrub bya sgrub mi nus pa'i phyir/ dper na
sgra ni mi rtag ste byas pa'i phyir/ dper na bum pa bzhin shes
pa lta bu'o/ /'o na de'i tshe sgra'i byas pa'am bum pa'i byas
pa sogs gang rtags yin zhe na/ de'i tshe sgra bum sogs

thams cad la rjes su 'gro ba thun mong pa spyi'i ngo bo nyid
du rtogs pa'i byas pa tsam go byed yin gyi sgra'i byas pa sogs
ni ma yin te/ de brten dang 'brel can zhes par bshad pa'i
mtshan nyid de ma tshang ba'i phyir ro/ /des na shes bya

@025a @#/ /chos can/ lkog tu gyur ba'i don thams cad rang 'jal
ba'i tshad mas khyad par du ni ste gzhan dang ma 'bres ba'i ngo
bor rtogs par mi 'gyur gyi spyi'i ngo bo tsam du rtogs pa yin
te/ chos can dang dpe sogs la thun mong du rjes

'gro byed pa'i snang ba'i rtags la brten nas rtogs dgos pa'i
phyir/ 'dis ni rjes dpag tshad ma rang bzhin 'dres 'dzin gyi
rtog par yin gyi rang mtshan mi rtogs par bsten pa ma yin no/
/lkog gyur rtags la brten nas rtogs dgos pa de

bas na rtags las bsgrub bya dpog pa rjes dpag gi mtshan nyid
yin pa'i phyir lkog gyur 'jal ba'i tshad ma rjes dpag yin par
grub po zhes ston pa ni/ shes bya chos can/ gzhal bya lkog
gyur gyi sgrub byed dam dngos su 'jal ba'i tshad

ma ni rjes dpag yin par mtha' gcig tu nges pa yin te/ skabs
kyi bsgrub bya'i chos dang mi 'khrul ba'i brel ba grub pa can
gyi phyogs chos las ni rang gi chos can la skabs kyi bsgrub
bya'i chos rtogs pa'i blo skye ba gang yin pa des na rjes

dpag tu bzhag pa'i phyir ro/ /gsum pa 'jal tshul gsum po de
las gzhan med pa'i tshad ma dang gzhal bya'i grangs nges sgrub
pa la/ dngos dang/ rigs pa des grangs gzhan 'dod pa'ang khegs
par bstan pa'o/ /dang po ni/ shes bya chos can/

gzhal bya mngon lkog gnyis nyid du grangs nges te/ gzhal bya
de rang la mngon sum du snang ba'i sgo nas 'jal ba dang/ rang
la lkog tu gyur ba'i sgo nas 'jal ba las ma gtogs pa'i gzhal
bya 'jal tshul gzhan ni yod pa ma

@025b yin pa de'i phyir/ rtags 'di myong stobs kyis grub po/
/des na/ tshad ma mngon rjes gnyis su nges te/ gzhar bya mngon
lkog gnyis su nges shing mngon gyur dngos su 'jal ba'i tshad ma
mngon sum dang/ gzhal bya lkog gyur dngos su

'jal ba'i tshad ma rjes dpag yin pa nyid kyis so/ /rtags 'di
dag gong gi rigs pa rnams kyis bsgrub pa yin no/ /gnyis pa ni/
gzhal bya gnyis su ni grangs nges par mthong ba'i phyir/ zhes
pa'i rtags kyis tshad ma gsum la sogs pa dang/

gcig kho nar 'dod pa'i grangs ni bsal ba yin te rtags des tshad
ma gnyis su nges par grub pa'i phyir/ dang zhes pa ni rigs pa
'dis grangs nges 'grub par ma zad grangs gzhan 'dod pa'ang
khegs par ston pa'i sdud tshig go /bzhed

ces pa'i tshig snga phyi dag /lha shAka ltar na kun las btus
kyi'ang dgongs pa yin zhes ston pa'i tshig yin la/ rgyan 'dod
ces 'chad kyi bzhed ces pa'i tshig mi 'don la/ de ltar na rgyu
mtshan de nyid kyi phyir kho bo 'di ltar 'dod pa yin

zhes pa'o/ /gnyis pa gnod byed bstan pas grangs gzhan 'dod pa
dgag pa la/ grangs nyung ba dgag pa dang/ mang ba dgag pa
gnyis/ dang po la/ tshad ma mngon sum gcig bu yin pa'i rgyu
mtshan dgag pa dang rjes dpag tshad ma ma yin

pa'i rgyu mtshan dgag pa gnyis/ dang po ni/ rgyang phan la sogs
pa na re/ skye ba snga phyi sogs dngos por med pa gzhal bya ma
yin pa'i phyir/ gzhal bya rang mtshan gcig kho na yin pa de'i
phyir de 'jal ba'i tshad ma'ang mngo 

@026a @#/ /sum gcig nyid kho na yin pas gzhal bya gnyis ni ma
mthong ba'i phyir/ gsum gcig grangs ni bsal ba yin zhes bya ba
ma grub bo zhe na/ rang mtshan snang yul du byas nas 'jal ba'i
tshad ma mngon sum gcig bu

yin pa kho bo'ang 'dod med kyi/ dngos med yin na tshad ma'i gzhal
bya min par 'dod pa ni khyod rang gi khas blangs dang 'gal te/
'di ltar khyod skye ba snga phyi med par tshad mas ma grub bzhin
du smra ba yin nam/ der tshad mas grub dang

po ltar na rigs pa smra ba'i tshul las brgal te mu cor 'ba' zhig
go /gnyis pa ltar na skye ba snga phyi sogs med pa'ang tshad mas
nges pa'i phyir/ dngos med thams cad gzhal bya ni min par smra
ba la nges ma nges pa nyid dam/ der

ma zad skye ba snga phyi sogs med pa de nges pa'i tshad ma gnyis
pa rjes dpag nyid 'dod dgos te/ dbang shes de la 'jal byed du
'jug mi srid cing mngon sum gzhan yang khas mi len pa'i phyir
ro/ /dbang shes kyis mi 'jal pa'i rgyu

mtshan ni/ dngos por med pa la dbang po las skyes pa'i blo ma
'khrul ba ni dngos kyi 'jal byed min te/ dbang shes thams cad
gzung don gyi stobs las skyes pa'i phyir/ der thal/ dbang shes
rnams gzung don gyi nus pa la

ltos pa med na ri bos bar du chod pa la sogs yod na yang de
'dzin gyi dbang skyes blo ni skye bar 'gyur ba dgag mi nus pa'i
phyir/ gal te de dmigs pa'i mngon sum nyid log pa las de med par
nges pa yin pas rjes dpag 'dod

@026b mi dgos so zhe na/ skye ba snga phyi sogs dmigs pa'i mngon
sum med tsam gyis de med par nges par byed pa la 'dod dam/ dgag
gzhi mngon sum gyis dmigs pa'i rgyu mtshan gyis med par nges pa
la 'dod/ dang po ltar na/ skye ba snga phyi sogs

dmigs pa'i mngon sum med tsam ni dngos med yin pas dngos med
thams cad tshad mas ma grub par 'dod pa dang/ de skye ba snga
phyi sogs med par nges byed du 'dod pa 'gal bar 'gyur ba'am/
yang gnyis pa ltar khas len na/ dgag gzhi

mngon sum gyis dmigs pa'i rgyu mtshan gyis rang phyogs kyi chos
su grub pa'i gzhir/ dgag bya med par sgrub pa de nyid ldog pa
dang rjes 'gro can gyi rtags yin no/ /de'i phyir dgag gzhi mngon
sum gyis dmigs pa las dgag bya med par

nges pa'i blo ni rjes dpag yin pas rjes dpag med par 'dod pa
dang 'gal lo/ /des na dgag gzhi mngon sum gyis dmigs pa'i rgyu
mtshan gyis dgag bya med par nges pa'i blo khas len na ma dmigs
pa'i rtags la brten pa'i rjes

dpag khas len dgos so zhes bstan nas/ 'bras rtags la brten pa'i
rjes dpag 'dod dgos par ston pa ni/ der ma zad rtags la brten
nas gzhan sems dag ni rtogs pa'i phyir yang tshad ma gnyis pa
rjes dpag ni grub pa

yin no/ /rtags ji lta bu las rtogs zhe na/ gang zag pha rol po
chos can/ kun slong gi sems de'i ngo bo nges par grub ste/ zhes
pas smra ba sogs la ni 'jug pa'i phyir/ rgyang phan khyod rang
bzhin zhes pa'i rtags las so/ /

@027a @#/ /rtogs de 'dra las gzhan sems yod par rtogs pa'i blo de
tshad ma ma yin no zhe na/ blo de chos can/ tshad ma nyid yin te/
rang gis yongs su dpyad pa'i gzhal bya la slu ba med pa'i shes
pa yin pa'i phyir/ gnyis pa rjes dpag

tshad ma min pa'i rgyu mtshan dgag pa ni/ gal te rjes dpag tshad ma
med de/ de'i rten rtags la yid brtan med pa'i phyir/ der thal/
sngo bsangs kyi bu yin pa'i rtags kyis sngo bsangs yin par sgrub
pa lta bu'i skabs la la dag tu ni/

rtags 'khrul pa'i phyir dang/ mtshan nyid dang ldan pa gcig la
gnod na/ de'i rigs can kun la yid brtan med pas so zhe na/ de
lta bu rtags phyin ci log cig 'khrul par mthong ba'i phyir na/
de rgyu mtshan du byas nas rtags thams

cad yid brtan med pa de 'dra yin no zhes smra ba mi 'thad de/
rjes dpag gi rten du 'dod pa'i rtags rnams ni phyin ci ma log pa
yin pas so/ /'o na phyin ci ma log pa'i rtags ji lta bu zhe na/
rtags gang las 'ga' zhig gi

che bsgrub bya'i dngos po 'ga' la de'i rtogs pa grub par gyur
pa'i rtags de ni bsgrub bya'i chos de las skyes pa'am de'i ngo
bor gdon mi za bas 'bras bu'i rtags kyis rgyu sgrub pa dang/
khyab byas rang dang ngo bo gcig pa'i khyab

byed sgrub pa'i rtags ni nam yang khyab pa 'khrul pa mi srid de/
rang gi rgyu'am khyab byed kyi ngo bo dag med par 'bras bu dang
khyab bya'i don ni srid pa min pa'i phyir/ des na 'bras rtags
dang rang bzhin gyi rtags ni rtags chos

@027b med na mi 'byung ba'i 'brel pa grub pa'i dbang gis khyab
pa mi 'khrul ba yin la/ de dag la de 'dra'i rang bzhin mthong ba
gang yin pa de nyid gzhan du'ang mtshan nyid yin te/ rtags yang
dag thams cad kyi khyab pa ma 'khrul pa'i

rgyu mtshan ni/ rtags chos med na ma 'byung ba'i 'brel pa grub pa
las gzhan med do/ /'o na khyod rtags yang dag tu khas len pa'i
dgag pa sgrub pa'i gtan tshigs dag la/ rtags chos med na mi
'byung ba'i 'brel ba ji ltar grub ste/

rgyu 'bras kyi 'brel pa ma grub cing ngo bo med pa'i bdag gcig
pa'i 'brel pa'ang med pas so zhe na/ de dag la'ang med na mi
'byung ba'i 'brel pa grub ste/ yod na ltar rung ba'i gzhir rang
gi ngo bor gyur pa'i khyab byed dam rang rgyu mthong ba'i

mngon sum skye ba'i rgyu gzhan dbang po la sogs pa dag yod pa na
yang yul med pa'i stobs kyi de dag snang ba'i mngon sum med na
ni rgyu dang khyab byed de dang ldan pa'i 'bras bu dang khyab
bya ji ltar yod de med pas khyab pa'i phyir/ rjes

dpag tshad ma med pa'i sgrub byed gzhan yang dgag pa ni/ rgyang
phan sogs dbang shes kyis ma dmigs na med pas khyab pa'i phyir/
spyi'i blo ni tshad ma min pas khyab ce na/ 'das pa'i dus kyi kun
dga' ra ba sogs med pa thob par 'gyur

te/ khyod kyi dbang shes kyis ma mthong ba'i phyir/ dper na 'jig
rten pha rol gyi dngos po bzhin/ gal te de ni dbang shes rnams
kyis dus gzhan du rtogs la 'jig rten pha rol nam yang tshur
mthong dbang shes kyis ma dmigs pas mi mtshungs

@028a @#/ /so zhe na/ tshur mthong dbang shes kyis nam yang ma
dmigs na med pas khyab pa de yang min te dbang pe lnga dang
rgyus 'bras bu skyed pa'i nus pa sogs la dngos su dmigs pa'i
tshur mthong dbang po'i blo ni mi srid pa'i phyir/ de

dag med par thal lo/ /de dag med par rtogs pa yin par 'dod na
ni/ blo dbang shes dang 'bras bu skye ba'i rgyu med par 'gyur
ro/ /des na shes bya chos can/ dbang po lnga dang rgyus 'bras bu
skyed pa'i nus pa sogs de la rjes dpag nyid tshad mar

'dod dgos te/ de dag tshur mthong gis mngon sum du mthong mi srid
pas spyi'i tshul gyis 'dzin dgos pa gang zhig /rnam rtog med par
rang yul spyi'i tshul gyis 'dzin pa min pa'i phyir/rtags phyi ma
der thal/ mngon sum ni rnam rtog

med pa nyid kyis na snang yul rang gi mtshan nyid la 'jug pa'i
phyir ro/ /gnyis pa grangs mang ba dgag pa ni/ kun las btus su/
gal te mi rtag pa la sogs pa'i rnam pas kha dog la sogs pa 'dzin
pa dang/ lan cig ma yin par 'dzin pa de

ji ltar zhe na/ de ltar 'dzin pa ni yod mod kyi 'on kyang/ de la
rab sbyor phyir tshad ma/ /gzhan ni yod pa ma yin no/ /yang yang
shes pa'ang mi yin te/ thug pa med 'gyur dran sogs bzhin/ zhes
gsungs pa 'grel pa la/ dang po phyogs snga ma

ston pa'i mdo tshig bkral ba'i sgo nas gzhan gyi 'dod pa brjod pa
dang/ de'i lan bstan pa'i mdo tshig bkral nas rtsod lan bshad pa
gnyis/ dang po ni gal te/ gzhal bya gnyis su nges na kha dog ni
mi rtag pa nyid du rtogs par mi 'gyur te/

@028b kha dog rang mtshan dang mi rtag pa spyi mtshan yin pas rang
spyi 'dres pa'i gzhal bya gsum pa yin pa'i phyir/ des na de
rtogs pa'i blo mngon rjes las tshad ma gzhan du 'gyur te yul
mngon sum du ma rtogs pas mngon sum min la/ rjes dpag kyang min
te/

rang gi rten du gyur pa'i rtags med par ni yod pa'i phyir ro/
/gzhan yang sngar khang nang du tsandan gyis me mthong zhing/
phyis du ba mthong ba na sngar gyi me dran nas sngar gyi me de
yod pa rtogs pa'i blo ni khyad par mthong ba zhes bya la/ mngon
rjes gnyis las

de ni tshad ma gzhan yin no/ /de'i rgyu mtshan rang yul mngon sum
du ma rtogs shing de'i rten du gyur pa'i rtags dang ni chos kyi
'brel pa tshad mas rtogs pa med pa'i phyir ro/ /des na gzhal bya
gnyis su nges pa'i rtags kyis tshad ma gnyis su nges

par 'grub par mi 'gyur te/ de 'grub na rang mtshan mngon sum kho
na dang spyi mtshan rjes dpag kho nas 'jal zhing de las gzhan
pa'i phung gsum med dgos pa gang zhig /gzhal bya med phyir tshad
ma rnams/ mang po nyid dam yul gcig la

yang tshad ma du ma nyid ni 'jug pa'i phyir te/ dper na khyad par
mthong ba bzhin no/ /des na gzhal bya gnyis su nges pa'i rtags
kyis tshad ma gcig gsum grangs kyang sel bar mi 'gyur te/ tshad ma
rnams yul nges pa ni med pa'i phyir la/ rang spyi

gnyis las gzhal bya gzhan ni yod pa'i phyir ro/ /zhes zer ro/
/gnyis pa de'i lan bshad pa la/ 'dres pa 'dzin pa'i tshad ma gsum
pa dgag pa dang/ /khyad par mthong ba'i tshad ma gsum pa dgag pa
gnyis/ dang po la/ rtags la

@029a @#/ /brten na rjes dpag tshad mar bstan/ bcad shes yin na
tshad ma min par bstan/ dang po ni/ kha dog mi rtag par rtogs pa
de byas sogs kyi rtags la brten nas kha dog mi rtag par rtogs pa
la 'dod dam/ kha dog mthong

ba'i mngon sum kyis drangs pa'i kha dog mi rtag par nges pa la
'dod/ dang po ltar na de ni rang spyi 'dres pa'i gzhal bya gsum
pa 'jal ba'i tshad ma ma yin gyi/ spyi mtshan snang yul du byas
nas dngos por gyur pa'i kha dog mi rtag par

'jal ba'i rjes dpag yin no zhes ston pa ni/ 'dzin pa la ni tshul
'dir 'dod/ ces pa'i bar ro/ /de la yang dngos dang 'phros don
gnyis/ dang po ni/ byas pa'i rtags las kha dog mi rtag pa rtogs
pa'i blo de kha dog rang mtshan dang mi rtag

pa spyi mtshan sbyar nas 'dzin pa'i tshad ma gsum pa yin pas tshad
ma'i grangs nyis pa'i skyon 'dir thal bar mi 'gyur te/ snang yul
gyi dbang du byas na'ang rang spyi 'dres pa 'dzin pa ma yin la/
'jug yul gyi dbang du byas na'ang de ma yin pa'i phyir/ snang

yul gyi dbang du byas na rang spyi 'dres pa 'dzin pa ma yin te/
rang la kha dog tu snang ba'ang spyi mtshan yin zhing/ de la rang
la mi rtag par snang ba sbyor ba'i sgo nas rang la snang ba kha
dog mi rtag pa ma yin bzhin du kha dog mi rtag par

snang ba'i shes pa yin pa'i phyir ro/ /'jug yul gyi dbang du
byas na'ang rang spyi 'dres par 'dzin pa ma yin te/ 'jug yul ni
kha dog mi rtag pa la brjod la de ni rang mtshan yin te/ 'di ltar
byas pa'i rtags la brten nas kha

@029b dog mi rtag par rtogs pa'i blo chos can/ rang gi 'jug yul
kha dog mi rtag pa de dngos por med pa'i ngo bo min gyi/ dngos
po yin te/ kha dog de'i mi rtag pa de ltar byas pa'i rtags kyis
grub pas de rgyu mtshan du byas te/ kha dog mi rtag par sgrub

cing 'jal ba'i shes pa yin pa'i phyir ro/ /gnyis pa de las
'phros pa'i don la/ blo de 'jug yul la slu ba'i skyon med par
bstan tshul de sgrub rtags la brten pa kun la mtshungs par bstan/
dgag rtags la brten pa mi slu ba'i tshul

gzhan bshad pa'o/ /dang po ni/ rjes dpag des gzhan snang la
gzhan grub par 'thad pa min pas rang la snang ba kha dog mi rtag
pa min na kha dog mi rtag par grub pa 'gal lo zhe na/ de 'dra'i
skyon yod pa min te/ rang la snang ba kha dog mi

rtag pa ma yin yang 'bral pa'i dbang gis kha dog mi rtag pa de
nyid ji ltar gzhal ba ltar grub pa'i sgo nas mi slu ba'i phyir
ro/ /'brel ba las mi slu ba'i tshul ji lta bu zhe na/ byas pa
sogs kha dog mi rtag par sgrub pa'i tshul gsum

pa'i rtags kyis dngos po gang ji lta bur gyur pa de 'dra de ni/
tshul gsum po de dran pa'i rtags 'dzin sems kyi rgyu yin la sems
de las kha dog mi rtag pa de lta'i dngos po la dmigs pa'i rtags
can gyi blo sems des skyed pa skye la/ tshul

de ltar kha dog mi rtag pa sgrub pa'i rtags dang rtags can blo
brgyud pa yis ni/ kha dog mi rtag pa'i dngos po la 'brel pa'i
phyir rjes dpag de rang la kha dog mi rtag pa der snang ba kha
dog mi rtag pa'i dngos por grub pa yis ni stong

@030a @#/ /yang kha dog mi rtag pa'i dngos po la slu bar byed pa
nyid ma yin no/ /yang na dngos po la 'brel phyir zhes pa kha dog
mi rtag par sgrub pa la tshul gsum tshang ba'i rtags kyis dngos po
la 'brel ba'i phyir zhes sbyar ro/ /ngag don ni/

byas pa'i rtags las kha dog mi rtag par rtogs pa'i blo chos can/
khyod la snang ba kha dog mi rtag pa yin pas stong yang kha dog
mi rtag pa la mi slu te/ de sgrub la tshul gsum tshang pa'i rtags
byas pa la mi 'khrul pa'i de sgrub kyi rtags 'dzin

sems las skyes pa'i kha dog mi rtag par 'jal ba'i blo yin pa'i
phyir/ de nyid 'jug yul la mi slu yang/ rang la snang ba ltar ma
grub pas 'khrul par 'jog go zhes zhar byung gi tshul gyis ston pa
ni/ de chos can/ rang gi 'jug yul

kha dog mi rtag pa'i dngos po la slu byed nyid min yang 'khrul
par rnam gzhag byas pa 'thad pa yin te/ rang la snang ba la kha
dog mi rtag pa de yi ngo bos stong pa de dag de'i ngo bor snang
nas kha dog mi rtag pa la zhen pa'i blo yin pa'i phyir/

tshul de sgrub rtags la brten pa kun la mtshungs par bstan pa ni/
rtags gzhan la brten pa'i rjes dpag rnams kyang 'bral ba'i dbang
gis 'jug yul la/ mi slu ba'i tshul de dang 'dra'am zhe na/ bsgrub
rtags la brten pa rnams

'dra'o zhes ston pa ni/ de ltar yin pa de'i phyir dngos por gyur
pa'i rtogs bya'am bsgrub bya sgrub pa la khyab byed bsgrub bya'i
chos rtags de'i ngo bo'am rgyu yin pa'i rtags yang dag la ni
khyab par bya ba rtags de de sgrub kyi rtags

@030b 'dzin sems kyi rgyu mtshan yin la/ sems de yang bsgrub bya
de rtogs pa'i blo'i rgyu yin pas de 'dra'i 'brel ba'i dbang gis
rtags de dag la brten pa'i rjes dpang rnams rang la snang ba
dngos po ma yin kyang dngos por gyur pa'i 'jug yul la mi

slu ba'o zhes bya ba'i tshul byas pa'i rtags las kha dog mi rtag
par rtogs pa'i blo dang 'dra'o/ /gsum pa dgag rtags la brten pa
mi slu ba'i tshul gzhan bshad pa la/ dgag rtags la brten pa 'brel
pa las mi slu ba'i tshul gzhan bshad

pa dngos dang/ de la rtsod pa spangs nas dgag rtags kyis dgag
bya 'gog pa tshad mas ma dmigs pa la rag las par bstan pa dang/
dgag bya 'gog pa'i dgag rtags de las gzhan du sbyor ba 'khrul
bar bstan pa dang/ zhar la dgag

rtags kyi dbye ba brtan pa dang bzhi/ dang po ni/ 'o na dgag
rtags la brten pa rnams 'brel ba'i dbang gis 'jug yul la mi slu
ba'i tshul ji lta bu zhe na/ dgag pa dngos por ma grub pas gong
du bshad pa'i dngos 'brel de lta bu'i dbang

gis mi slu ba ma yin kyang ldog 'brel gyi dbang gis mi slu'o
zhes ston pa ni/ shes bya chos can/ dgag bya med pa'i dgag pa
nyid ni thams cad du/ dgag bya de tshad mas mi dmigs pa las 'grub
pa yin te/ chos de yod pa'i don chos de tshad

mas grub par smra ba rnams kyi med par 'jog pa'ang yod pa'i don
gyi bzlog phyogs tshad mas ma dmigs pa nyid las yin dgos pa'i
phyir ro/ /des na dgag rtags rnams ldog 'brel de lta bu'i dbang
gis mi 'khrul ba'i phyir de la

@031a @#/ /brten pa'i rjes dpag rnams kyang 'jug yul la mi slu ba
yin no/ /gnyis pa ni/ /dgag pa nyid ni thams cad du/ /mi dmigs
pa las 'grub pa yin/ zhes smras pa dang/ grang reg 'gog pa la me
yod rtags su sbyor ba

'gal lo zhe na/ grang reg dgag pa la de dang 'gal ba me rtags su
brjod pa'am/ grang 'bras spu long byed 'gog pa la de'i rgyu
grang reg dang 'gal ba me yod pa rtags su brjod pa ni me tshad
mas mthong ba gang yin pa de yang gzhi der

grang reg de'i yul can gyi tshad ma nyid med pa 'phen bar byed
pa'i rgyu mtshan gyis yin te/ de ltar 'phen pa las gzhan du mi
'phen na me lta bu'i dngos po gcig yod par brjod pas grang rig
sogs gzhan med pa de ni gang las rtogs

te mi rtogs pa'i phyir ro/ /de'i mtha' dpyad pa ni/ me yod pas
grang reg med par sgrub nus pa de grang reg dmigs pa'i tshad ma
med par 'phen nus pa'i rgyu mtshan gyis ma yin na gzhan gang gis
yin/ me dang grang reg 'gal

ba'i phyir yin no zhe na/ 'gal ba de nyid kyang rgyu mtshan cis
grub/ de gnyis lhan cig mi gnas pa'i phyir zhe na/ lhan cig mi
gnas pa de yang rgyu mtshan gang las grub par 'dod/ me nye ba'i
stobs kyis sngar nas snang bzhin pa'i

grang reg gi rgyun phyis mthong ba med pa'i phyir zhe na/ de ni
grang reg dmigs pa'i tshad ma med pa nyid yin pas/ de yang de'i
tshad ma nyid/ /med pa 'phen par byed pa yin/ /zhes grub bo/
/de'i phyir grang reg med par sgrub

@031b pa la me rang nyid sgras zin par rtags su brjod na yang
don gyi grang reg ma dmigs pa de nyid grang reg med pa'i sgrub
byed yin te/ grang reg ma dmigs pa de nyid grang reg med pa'i
sgrub byed yin pa'i rgyu mtshan gyis me yod pas kyang grang reg
med par sgrub nus pa yin gyi grang reg

ma dmigs pas med par sgrub mi nus par me yod rtags su bkod pa
min zhes pa'i don to/ /des na grang reg med par sgrub pa gang la
grang reg ma dmigs pa de ni sgrub byed tshad ma min par smra ba
des ni ma dmigs pa sogs kyi rtags

kyis kyang grang reg la dgag pa rnam pa kun tu brjod par bya ba
ma yin te/ me dmigs pas grang reg med par 'grub pa grang reg ma
dmigs pas med par 'grub pa'i rgyu mtshan gyis yin pa'i phyir ro/
/tshul 'di rang bzhin 'gal dmigs

dang/ rgyu 'gal dmigs kho na'i dbang du byas sam zhe na/ 'gal
'bras dmigs pa sogs kyang de dang 'dra'o zhes ston pa ni/ dgag
la de'am de rgyu dang/ /'gal ba brjod pa mthong gang yin/ /de
yang de'i tshad ma nyid/ /med pa

'phen par byed pa'i rgyu mtshan gyis yin pa des na grang reg med
de/ du ba stobs chen yod pa'i phyir zhes pa lta bu/ de dang 'gal
don gyi 'bras bu brjod pa de yang de yi tshad ma nyid med pa
'phen par byed pa'i rgyu mtshan gyis yin

par bshad pa yin te/ de chos mtshungs pa'i phyir ro/ /de dag gis
grub pa'i don bsdu ba ni/ des na dgag rtags kun la 'brel zla ma
dmigs pa dang/ 'gal zla dmigs pa'i sbyor ba 'god tshul tha dad pa
nyid yin gyi chos de tshad

@032a @#/ /mas ma dmigs pa tshig gis dngos su zin pa'am rtags kyi
nus pas 'phangs pa'i sgo nas chos de med par sgrub pa'i don la
mi 'dra ba tha dad pa med pas/ dgag pa nyid ni thams cad du/ /mi
dmigs pa las grub pa yin/

zhes bya ba legs par 'grub bo/ /gsum pa ni/ chos de dang 'gal ba
tshad mas grub cing dmigs pa dang/ chos de ni tshad mas bkag cing
ma dmigs pa dang/ de'i thabs rgyud dang khyab byed tshad mas
bkag
pa dang/ bcas pa ste dngos 'bras tshad mas

bkag pa sogs gang yang rtags su bkod pa med par ni chos de dgag
pa la sgrub byed tshad ma yin par smra ba'i rtags gang yin pa de
rigs pa'i rjes su 'brang ba can nam/ rigs pa'i tshul dang mthun
pa'i rtags ma yin te/ de 'dra'i

rtags kyang ji lta bu zhe na/ rgyal dpog pa dang rgyad phan pa
dag ngag smra ba'i rtags la sogs pas kun mkhyen med par sgrub pa
dang/ rgyang phan pas 'jig rten gzhan dang lha la sogs pa med
par bsgrub pa'i rtags smras ba bzhin

no; ;rtags de dag 'khrul ba'i rgyu mtshan ji lta bu zhe na/ kun
mkhyen med par sgrub pa'i rtags 'khrul bar bstan pa ni/ kun
mkhyen yin par ngag smra ba'i rtags kyis sgrub mi nus par thal/
kun mkhyen sogs tha mal ba'i

dbang po'i yul las 'das pa'i don rnams dang sma ba la gnod bya
gnod byed kyi 'gal ba grub pa med pa'i phyir ro/ /rtags ma grub
po zhe na/ shes bya chos can/ shes bya kun rig pa dang ngag smra
ba gnyis gnod bya gnod byed kyi ngo bo

@032b gang yin te min par thal/ gal te shes bya kun rig pa na
smra ba med dgos na da lta'ang gang shes pa'i don de smra mi nus
dgos pa la/ rang gis rig pa'i don smra ba po yang yin/ smras
pa'i don rig pa yang yin pa'i gzhi mthun mngon sum gyis grub pas

na'o/ /rgyang phan pas 'jig rten gzhan sogs med par sgrub pa'i
rtags 'khrul pa'i tshul la dang por rtags dgod pa ni/ kun mkhyen
med par sgrub pa la rtags 'god pa'i tshul/ smra ba sogs pas zhes
sngar bstan zin kyang/ 'jig rten gzhan

sogs med sgrub bzhin zhes pa ma gtogs de la sgrub byed ji ltar
'god sngar ma bstan pas 'dir ston pa yin te/ de'i gnad ma shes
par Tikk dang 'grel bshad byed pa'i rgya bod dag gis rang gi
mtshang chen po bstan te/ 'jig rten pha rol med

par sgrub pa la'ang ngag smra rtags su bkod par bshad pa dang/
kun mkhyen med par sgrub pa la de 'dra mi dmigs phyir zhe na/
zhes pa bkod par go nas/ de nyid sgrub byed yin par brjod ces pa
la/ kun mkhyen med par sgrub pa la ma dmigs

pa de nyid kho na sgrub byed yin na sngar nas kun mkhyen med de
ma dmigs pa'i phyir/ zhes brjod pas chog mod/ ngag smra ba sogs
rtags su bkod nas ci bya/ zhes pa'i bshad pa byas mod/ de lta na
rang gis grang reg ma dmigs pa med pa'i sgrub

byed du smras pa la'ang mtshungs te/ khyed rang yang dang po nas
grang reg med de ma dmigs pa'i phyir zhes brjod pas chog mod/ me
yod pa sogs rtags su bkod nas ci bya zhes brjod na lan ci 'debs
grang reg med par sgrub pa la ma dmigs

@033a @#/ /pa kho na rtags yin par ma smras so/ /zhe na/ khos
kyang de 'dra ma dmigs pa'i phyir zhe na/ zhes smras kyi ma
dmigs pa kho na rtags yin par gang du smras/ khas len med pa'i
thal 'gyur ma 'phen zhig /de ltar nor pa'i dbang gis/ de phyir

shin tu lkog gyur la/ yod med nges pa yod ma yin/ zhes pa'ang
kun mkhyen la sbyar mod/ kun mkhyen shin lkog yin pa dang/
sangs
rgyas yod med gang du'ang tshur mthong gis nges mi nus par 'dod
pa las 'chal gtam che ba ci zhig smra rgyu yod/

skyabs gnas yod nges min par 'dod pa'i sangs rgyas pa dang/ ngag
smra ba 'jig rten pha rol med pa la rtags su 'god pa'i phyir rol
pa de lta bu yod par gang nas bshad/ gzigs rgya can khyod kyis
ston cig/ de ni dkyus ma bshad par bya ste/ rgyang

phan khyod 'jig rten pha rol dang mtho ris kyi lha la sogs pa
med pa sgrub pa la rtags gang 'god/ de 'dra tha mal pa'i dbang
shes kyis ma dmigs pa'i phyir zhe na/ tha mal pa'i dbang shes la
yod na snang rung gi don yin na/ dbang shes des ma

dmigs pa de nyid chos de med pa'i sgrub byed yin par brjod kyi
yod kyang tha mal pa'i dbang shes la snang mi rung la/ dbang
shes des mi dmigs pa ni de lta bu chos de med par nges byed min/
skye ba snga phyi dang srid pa bar do sogs tha mal

pa'i dbang shes kyis ma dmigs pas med par mi 'grub par/ ma
mthong phyir na med pa min/ zhes sogs su rab tu brjod zin la/
de'i phyir/ mtho ris kyi lha la sogs pa tha mal ba'i dbang po'i
yul las 'das pa'i shin tu lkog tu gyur la yang

@033b dbang shes nges ma dmigs pa tsam gyis yod med gang du'ang
ngas pa yod pa ma yin no/ /bzhi par zhar la dgag rtags kyi dbye
ba bstan pa la/ 'gal zla dmigs pa'i dbye ba dang/ 'brel zla ma
dmigs pa'i dbye ba gnyis/ dang po ni/ dgag bya 'gog pa la/ 'gal

ba rtags su sbyor ba de yang/ rtags dang dgag bya'i chos ni
rdzas tha dad dam rdzas tha dad med pa'i dgag bya'i chos 'gog pa
la sbyor ba'i tshul gnyis yod de/ dper na rang phyogs kyi chos su
grub pa'i gzhir/ kha ba med par sgrub pa la me rtags su bkod

pa dang/ grangs can pa'i bum pa sngar nas rtag par yod par khas
blangs pa la/ bum pa chos can/ skye ba don med par thal/ zhes pa
la/ sngar nas rtag pa yod pa'i phyir zhes gnod byed du bkod pa'i
thal bas 'phangs pa'i rtags/ bum pa

chos can/ sngar nas rtag par yod pa min te/ skye ba'i phyir zhes
pa bzhin no/ /'dis ni 'gal zla dmigs pa'i rtags la lhan cig mi
gnas 'gal la brten pa dang/ phan tshun spang 'gal la brten pa
gnyis yod cing/ lhan cig mi gnas

'gal la brten pa'i 'gal zla dmigs pa'i rtags yang dag yin na/
rtags dang dgag bya'i chos rdzas tha dad pas khyab pa dang/ phan
tshun spang 'gal la brten pa'i rtags dang dgag bya'i chos rdzas
tha mi dad pas khyab par bstan pa yin no/ /gnyis

pa 'brel zla ma dmigs pa'i dbye ba ni/ ji ltar bsgrub bya dngos
por gyur ba nyid bsgrub pa la dngos po rnams kyi sgrub byed de
de sgrub byed kyi sgrub byed yang dag yin na'ang dngos po yin
dgos par 'dod do/ /de bzhin du sgrub byed de dngos po nyid rang
log

@034a @#/ /cing dngos med yin na bsgrub bya yang dngos po rnams
log pa'i dngos med zhig go bar byed pa yin no zhes te/ 'dis
dngos po log pa'i dngos med zhig tshig gis zin par rtags su bkod
nas bsgrub bya dngos por

med pa bsgrub pa zhig 'brel zla ma dmigs pa yin/ zhes pa tsam
zhig spyir bstan pa yin no/ /des zhar la gzhan yang khegs par
ston pa de/ bsgrub bya dngos po bsgrub pa'i rtags yang dag yin
na dngos po yin dgos

pa bzhin du dngos por med pa'i rtags yang dag yin na de'i bsgrub
bya'ang dngos med yin pas khyab par bstan pa des ni 'brel ba ma
grub bzhin du/ rtog pas sbyar ba'i chos/ sgra chos can/ byod
rtag pa yin te/ rtag pa sgrub

pa'i phyogs btags pa ba chos can dang mthun pa'i phyogs dag la
gang rung nyid yin pa'i phyir/ zhes smra ba sogs rtags yang dag
yin pa bsal ba yin te/ rtag pa sgrub pa'i rtags kyi chos can
dang mthun phyogs gang rung yin pa ni

rtag mi rtag ci yang rung ba la srid pa'i phyir ro/ /de ltar
spyir bstan zhar byung dang bcas pa brjod nas/ de dbye ba dngos
ston pa yin te/ de yang 'di ltar/ de bzhin dngos nyid rang log
na/ /dngos rnams ldog par byed pa yin/ zhes smras

pa'i rtags dngos por med pas bsgrub bya dngos por med par sgrub
pa de ci lta bu zhe na/ de la'ang dngos po med pa'i rtags gang
yang rung bas dngos por med pa'i bsgrub bya gang yang rung
bsgrub nus pa min gyi/ khyab par byed pa'i

@034b chos me dang shing sogs log pa nyid khyab par bya ba'i
chos du ba dang sha ba sogs log pa'i go byed yin par 'dod do/
nam gyi tshe zhe na/ gal te/ me med dang shing med sogs rang gi
ldog pa ni rnam pa 'gar tshad mas yongs su

bcad cing grub pa na de'i tshe yin gyi/ rang tshad mas ma grub par
bsgrub bya go byed du 'gyur ba min no/ /gal te dngos por med
pa'i rtags kyis dngos por med pa'i bsgrub bya sgrub pa thams cad
de tsam du zad dam zhe na/ der ma zad chos de

med pa sgrub pa la ni chos de nyid kyi yul can gyi tshad ma med
pa rtags su brjod pa gang yin pa/ dper na rgyu 'jim gong la
'bras bu bum pa de'i bdag nyid du gyur ba med de/ ma dmigs pa'i
phyir/ zhes pa lta bu yang go byed du 'dod do/ /de

'dra'i rtags de ni 'jim gong sogs la 'bras bu bum sogs ma dmigs
kyang grub mtha' ngan pas bslad pa'i dbang gis med pa'i tha
snyad ma thogs pa'i grangs can sogs shin tu rmongs pa'i don du
bkod pa'i tha snyad sgrub

'ba' zhig yin te/ bum pa ma mthong ba la med pa'i tha snyad blun
po gnag rdzi mo'i bar la grags pa'i phyir ro/ /des na ma dmigs
pa ni 'di tsam zhig med pa des pa'i 'bras can yin te/ dngos por
med pa'i rtags kyis dngos por med

pa'i bsgrub bya sgrub nus pa ni rgyu khyab byed rang bzhin ma
dmigs pa gsum po dar zad la/ gsum pa de yang yod na/ snang du
rung bar 'dod pa ni rgyu'am khyab byed kyi rang bzhin sogs snang
ba med pa nyid kyi dbang du byas kyi yod

@035a @#/ /kyang snang mi rung gi rgyu khyab byed sogs ma dmigs
pas 'bras bu dang khyab bya sogs med par sgrub mi nus so/ /de
dag gi 'phros don bshad zin nas dkyus ma'i mjug bsdu ba ni/ des
na rjes su dpag pas kha dog mi rtag pa

sogs 'dzin pa la ni kha dog spyi la sbyor phyir ro/ zhes sogs
kyi tshul 'dir 'dod do/ /gnyis pa bcad shes yin na tshad ma min
par bstan pa la dngos dang/ zhig pa'i don la'ang tshad ma gsum pa
min par bstan pa dang/ lnga pa las 'phros

pa'i don bshad pa'o/ /dang po ni/ gal te kha dog mi rtag par
rtogs pa tshad ma gsum pa'o/ /zhes smras pa de byas sogs kyi
rtags la brten nas rtogs pa la mi 'dod kyi/ kha dog mthong ba'i
mngon sum gyi drang pa'i kha dog mi rtag

par rtog pa'i blo la 'dod do zhen na byas sogs kyi rtags la
brten nas kha dog mi rtag par rtogs pa las gzhan du/ kha dog
mthong ba'i mngon sum gyis drangs pa'i kha dog mi rtag par rtogs
pa'i blo ni chos can/ tshad ma nyid du 'dod

pa ma yin te/ rang 'dren pa'i mngon sum tshad mas bzung zin 'dzin
pa'i bcad shes yin pa'i phyir/ der thal/ kha dog gi dngos po las
de'i mi rtag pa rdzas kyi cha shad gzhan du med cing kha dog de
yang rang 'dren pa'i dbang po'i

mngon sum las sngar grub pa'i sgo nas kha dog mi rtag par rtogs
pa'i blo yin pa'i phyir/ gal te kha dog dang/ de'i byas mi rtag
sogs rdzas kyi cha shas tha dad med na de dag brjod pa'i sgra
tha dad 'jug pa ci zhe na/ kha dog

@035b dang de'i byas mi rtag sogs rdzas tha dad du ma'i dngos
por yod pas de dag sgra tha dad kyi brjod bya min te/ de dag don
dam par tha dad med bzhin du rtog pas bskyed cing sgro btags
pa'i ldog pa'i chos tha dad pa'i rgyu mtshan gyis sgra tha dad

kyi brjod bya yin pa'i phyir/ gal te kha dog mthong ba'i mngon
sum gyis de'i mi rtag pa'ang grub na kha dog mi rtag par sgrub
pa'i rjes dpag 'jug pa don med do zhe na/ gang la mthong ba ltar
nges pa'i mthun rkyen goms pa dang gsal

ba sogs yod pa la ni kha dog gi spyi'am chos mi rtag pa'i rten
kha dog ni mngon sum gyis grub pa na kha dog ni spyi'i mchos mi
rtag pa de nyid ni mngon sum gyis grub pa yin pas de 'dra'i
dbang du byas nas rjes dpag 'jug

ba don med kyang/ 'ga' zhig gis kha dog mthong ba na mngon sum
gyis de'i mi rtag pa'ang mthong kyang mthong ba ltar ma nges pas
kha dog gi mi rtag pa de ma grub na kha dog de mi rtag pa de
ltar du rab tu grub par bya ba'i phyir

rjes dpag 'jug pa yin pas rjes dpag don med du mi 'gyur ro/ /kha
dog sogs kyis mi rtag pa mngon sum gyis mthong yang ma nges pa
ci zhe na/ mngon sum gyis kha dog sogs kyi mi rtag pa mthong
yang mthong ba bzhin skabs

la lar yongs su mi shes te/ de'i rgyu mtshan skabs la lar rjes
kyi nges shes kyis skad cig snga phyir tha dad du mthong ba med
pa'i phyir ro/ /mi mthong ba'i rgyu mtshan skad cig snga phyi
gcig tu 'khrul pa'i phyir ro/ /'khrul pa'i

@036a @#/ /rgyu mtshan skad cig snga phyi rigs 'dra ba gzhan ni
bar ma chad par yod pa'i phyir ro/ /tha dad kyang 'dra bas
gcig tu 'khrul ba ni dper na 'dra bas sgong gi tha dad ma nges
par gcig tu 'khrul ba bzhin no/ /spyi'i rten ni grub

pa na/ spyi de nyid ni grub pa yin zhes dngos po de mngon sum
gyis grub pa na de'i mi rtag pa yang mngon sum gyis grub par
bshad pa de ji lta bu zhe na/ de ni 'di ltar rtags la ltos pa
med kyang mkhas pa nas byis pa'i bar gyi skye bos rigs 'dra

phyis 'byung ba dang ni 'brel ba med pa'i mar me la sor kyi
'jig pa mngon sum gyis mthong bas yongs su gcod cing nges par
byed nus pa nyid yin pa lta bu'o/ /la lar yongs su mi shes te/
zhes skabs la lar 'khrul rgyu'i dbang gis mngon

sum gyis mthong ba bzhin nges mi nus pa yod par bshad pa de ji
lta bu zhe na/ sa bon gyis myu gu skyed pa'i nus pas sa bon
gyi dngos po'i rang bzhin du gyur bas sa bon mthong ba'i tshe
mthong ba yin kyang sa bon la myu gu skyed pa'i nus pa med par
rgyang

phan sogs rmongs par gyur ba lta bu'o/ /de ltar rmongs pa'i
rgyu ni nus pa de mthong yang mthong ba ltar nges pa'i mthun
rkyen gsal bo med cing 'gal rkyen yod pa'i phyir ro/ /'gal
rkyen ji lta bu zhe na/ sa bon las myu gu de ma thag 'byung ba

med pas sa bon mthong yang de las 'bras bu myu gu 'byung bzhin
pa mthong ba med pa'i phyir/ de tsam gyis 'khrul gzhi byas nas
myu gu sa bon las ma skyes par rtog pa yin no/ /des na/ de ma
grub na de ltar de/ /rab tu grub phyir rdzas

@036b dpag yin/ zhes smras pa ni 'di lta bu'i dbang du byas
pa'o zhes ston pa ni/ de lta bu'i rmongs pa de nyid bzlog pa'i
ched du ni rjes su dpag pa brjod pa yin no/ /'o na/ spyi'i
rten ni grub pa na/ /spyi de nyid ni grub pa yin/ zhes mngon
sum gyis mi rtag pa mthong ba

ltar nges pa yod par bshad pa de/ 'di ltar rtags med byis par
gyi/ zhes sogs su bshad pa ltar rigs 'dra mi skyed pa'i dngos
po tha mar mthong ba kho nar zad dam zhe na/ 'dus byas thams
cad mi rtag pa sogs su nges pa'i blo gros chen pos dngos

po de mngon sum gyis mthong ba nyid las gang mngon sum gyis
mthong ba'i dngos po'i rnam pa thams cad mi rtag par rtags la
ltos med du nges par byed kyi rigs 'dra phyi ma skyed pa'i
dngos po rnams kyang 'dra bas skad cig snga phyi gcig tu
'khrul te rtag par

sgro 'dogs pa med do/ /yang 'di ltar sbyar te/ da ltar 'khrul
rgyu'i dbang gis sa bon sogs la 'bras bu skyed pa'i nus pa med
par rmongs pa de nyid bzlog pa'i ched du ni rjes su dpag pa
brjod pa yin gyi rgyu 'bras kyi 'brel ba la ma rmongs pa'i blo

gros chen pos dngos po de mngon sum gyis mthong ba nyid las
gang mthong ba'i dngos po'i rnam pa thams cad 'bras bu skyed
nus su nges par byed kyi sa bon myu gu mi bskyed pa sogs su
sgro 'dogs pa med pas de 'dra'i sgro 'dogs pa bzlog pa'i phyir

du rjes dpag brjod mi dgos so/ /gzhung snga phyi 'di dag la
gzhan yang 'chad tshul mkhas pa dga' bar byed pa mang du yod
na'ang mangs pas 'jigs te ma bris so/ /gzhan dag blo gros chen
po 'phags pa la byas nas des dngos po gang mngon sum

@037a @#/ /gyis mthong yang de'i 'bras bu skyed pa'i nus pa
rnam pa thams cad mngon sum gyi stobs kyis nges par byed pas
khyab/ cas 'chad pa na 'khrul te/ las 'bras kyi 'brel ba phra
zhing phra ba kha cig ni nyan rang 'phags pa thams cad kyi
spyod

yul ma yin pa las mthong yang de'i 'bras bu skyed pa'i nus pa
thams cad nges pas ma khyab pa'i phyir ro/ /kha cig blo gros
chen po dbang po las 'das pa'i don mthong ba la 'chad mod/
drang srong mngon shes thob pa dag kyang skye ba snga phyi med
par lta ba

gsung rab las mang du bshad pa dag ma mthong bar zad do/ /de
bas na kho bo ni mngon shes kyis dbang po las 'das pa'i don
mthong ba kha cig las/ rigs stobs kyis dngos po'i gnas lugs la
sgro 'dogs gcod par nus pa'i mkhas pa dag blo gros

che bar smra'o/ /du ma'i dngos de brjod bya min/ /rtog pas
skyed chos brjod bya yin/ zhes byas mi rtag don la tha dad med
kyang rtog pas tha dad du btags pa'i sgo nas sgra tha dad du
'jug par smras pa de la/ don la tha dad med bzhin du rtog pas
tha dad du 'dogs

pa'i rgyu mtshan gang yin zhe na/ logs tha dad las ldog pa nyid
de ltar 'dogs pa'i rgyu'o zhes ston pa ni/ ma byas rtag pa
sogs thams cad las ni ldog pa yis/ byas mi rtag sogs rdzas tha
dad med pa'i don de la ni logs tha dad las

ldog pa'i rgyu mtshan can gyi blo dang ji ltar brdar btags pa
yi sgra tha dad pa dag byas mi rtag don tha dad pa la brten pa
can bzhin te/ don tha dad pa'i chos la 'jug pa dang 'dra bar
'jug par 'gyur ro/ /gal te dngos po gcig la yang log sa

@037b du ma las log pa'i ldog pa'i chos du ma yod na/ dngos po
las mi rtag gzhan du med pas dngos po mngon sum gyis mthong ba
na/ de'i mi rtag pa sogs kyang mthong ba bzhin du rtog pas
kyang dngos po gcig nges pa na de'i ldog pa'i chos thams cad

nges sam zhe na/ bum 'dzin rtog pa ngo bo nyid kyis 'khrul bar
skye ba'i rgyu med na bum pa de yis ni rang gi ngo bo nyid
kyis rang ji ltar gnas pa dang ni rjes su mthun pa'i bum pa
'dzin pa'i blo rtog pa de skyed par byad dgos pas rang nges
pa'i rtog

pas rang nyid lag sa gang dang gang las log par gnas pa dang
rjes su mthun pa'i ldog pa thams cad nges par 'gyur na yang/
bum 'dzin rtog pa ni bum pa'i ngo bo nyid kyis bskyed pa ma
yin gyi/ bag chags sogs kyi rgyu las 'khrul bar

skyes pa yin pas bum pa la ldog pa'i chos ji ltar yod pa thams
cad nges mi dgos so/ /zhes pa ste/ kho bos ni rgyan gyi dgongs
pa ji lta ba bzhin dpyis phyin par bshad la 'grel byed gzhan
dag gis gzhung 'di/ 'di ltar rtags med

byis par gyi/ zhes sogs gzhung snga ma dag dang ma bzlogs pa
'chad ma shes so/ /gnyis pa zhig pa'i don la'ang tshad ma gsum
pa min par bstan pa ni/ de ltar kha dog mi rtag par rtogs pa'i
blo tshad ma gsum par 'dod pa la kha dog de

byas pa'i rtags las mi rtags par rtogs pa la 'dod na rjes dpag
yin la/ mngon sum gyi stobs las kha dog mi rtag par nges pa'i
blo la 'dod na bcad shes yin pa'i phyir tshad ma min no/ zhes
byas pas/ kho na re/ kha dog gi mi

@038a @#/ /rtag pa ni kha dog gi dngos por gyur ba'i 'jig pa la
'dod na/ de nyid byas pa'i rtags las rtogs pa dang/ mngon sum
gyis mthod pa'i stobs kyis nges pa sogs yin dgos pas skyon de
dag tu 'gyur na yang/ kho bo ni mi

rtag pa'am 'jig pa kha dog gi dngos por mi 'dod kyi/ kha dog
zhig zin pa'i dngos med nyid la 'dod pa yin la/ de ni byas
sogs kyi rtags kyis sgrub mi nus shing mngon sum gyis mthong
ba'ang mi srid pas de nges pa'i blo rjes dpag

dang mngon sum gyis drangs pa'i bcad shes sogs gang yang ma
yin gyi tshad ma gsum pa'o zhe na/ kha dog gi mi rtag pa kha
dog gi dngos por gyur ba yin pa las yang na/ kha dog zhig zin
pa'i cha la 'dod pa 'dir ni/ kha dog sngar nas

snang bzhin pa las rigs 'dra'i rgyun phyi ma tshad mas ma dmigs
pa'i rtags las kha dog gi 'jig pa'am mi rtag pa grub pa yin
te/ sngar byung ba'i kha dog gi dngos po phyis zhig nas med
par gyur ba nyid la kha dog mi rtag ces

pa'i don du brjod pa yin pa'i phyir dang/ dgag pa nyid na
thams cad du/ /mi dmigs pa las 'grub pa yin/ zhes sngar bshad
zin pa'i phyir ro/ /'grel ba byed pa dag gi bsam pa ni/ kho bo
cag sangs rgyas pa la mi rtag pa dngos

po'i ngo bor 'dod pa dang/ dngos po zhig zin pa'i cha la 'dod
pa gnyis las/ nged 'jig pa dngos po'i ngo bor 'dod pa dag gi
lugs la sngar bshad pa ltar yin la yang na sangs rgyas pa'i
sde ba bye brag smra ba sogs mi rtag pa

@038b zhig pa'i cha la 'dod pa dag gi lugs 'dir ni ma dmigs
pa'i rtags las 'jig pa grub pa yin te/ snga byung dngos po med
gyur pa/ /mi rtag ces ni brjod pa yin pa'i phyir/ zhes 'chad
pa yin la/ skabs 'dir snge ba gzhan gyi lugs 'chad

la rang lugs la'ang yang na de ltar khas len 'dod pa yin na
sngar mi rtag pa zhig pa la 'dod pa rgyas par bkag pa dang
dngos su 'gal bar 'gyur la/ 'gog pa'i phyir brjod pa yin na
dgag pa ma bstan pas mi rigs shing/ bshad pa'i

rnam grangs sam sangs rgyas pa la 'dod tshul mi gcig pa gzhan
yod par ston pa'am sangs rgyas pa gzhan gyi lugs la'ang khyod
kyi 'di mi 'thad do zhes ston 'dod nas bkod pa yin na/ skabs
gzhan du'ang 'chad dgos par rigs pa

mtshungs pa'i phyir snying bo med pa'i bshad pa ste gzhan gyi
sgra tsam la brten pa'i bod dag la ri bong gi cha la gyi rjes
su 'brangs pa las thabs gzhan ci zhig yod/ blo gros chung ngu
dag gi 'khrul ba ni chos nyid yin no/ /gsum pa snga ma las

'phros ba'i don bshad pa ni/ rigs pa can pa sogs na re/ dngos
las mi rtag gzhan du med/ ces dngos po dang de'i mi rtag pa
gzhan ma yin par smras pa dang/ thams cad las ni ldog pa yis/
zhes dngos po thams cad ma byas rtag pa

sogs thams cad las ldog pa'i ldog pa tha dad pa'i rgyu mtshan
gyis sgra tha dad 'jug par smras pa de dag mi 'thad de/ bdag
la sogs pa'i dngos po dag ni rtag pa yin pa'i phyir dang/ mi
rtag pas khyad par du byas pa'i dngos po kha

@039a @#/ /dag lta bu dag kyang rang las rdzas gzhan pa'i mi
rtag pa khyad chos su ldan pa'i rgyu mtshan gyis kha dog gi mi
rtag pa zhes drug pa'i rnam dbye sbyor ba yin pa'i phyir te/
dper na lha sbyin gyi ril ba zhes pa bzhin no/ /'o na

kha dog gi mi rtag pa kha dog las don gzhan du gyur ba de yang
ji lta bu zhe na/ lha dbang blo'i 'grel bar/ gang gi mtha'
gnyis chod pa dang/ zhes 'don pa ltar bshad par bya ste/ kha
dog sogs dngos po gang gi stang na/ mtha' gnyis chod pas

khyad par du byas pa'i yod pa zhes pa'i spyi yod la/ yod pa
khyad par can de dang dngos po de 'phrod pa 'dus pa'i 'brel ba
dngos po dang yod pa gnyis ka las don gzhan du gyur ba yod
cing/ de lta bu'i 'brel ba de brjod pa'i ngang tshul can gyi

sgra ni kha dog sogs dngos po de'i chos su gyur ba'i mi rtag
pa nyid kyi sgra yin pas sgra de 'jug pa'i rgyu mtshan gyis mi
rtag pa ni de lta bu'i 'brel ba de la 'dod do zhes zer ro/ /de
la mtha' gnyis kyis chod pas khyad par du byas pa'i yod

pa zhes smras pa'i yod pa de khyad par du byed pa'i mtha' de
dag gang la brjod ces dris pas/ kho na re/ gal te yod pa tsam
ni rtag tu yod pa yin kyang kha dog gi yod pa lta bu ni sngar
yang med cing/ phyis kyang med par snga phyi gnyis kyi dbus

da ltar ba'i gnas skabs na yod pa yin pas yod pa de kha dog
sogs ma skyes pa'i sngar med pa thog ma'i mtha' chod pa dang/
kha dog sogs zhig pa'i phyis med pa tha ma'i mtha' chod pa'i
don yin no zhe na/ 'o na sngar med cing phyis

@039b kyang med par 'gyur ba de nyid mi rtag pa zhes pa'i sgra
'jug pa'i rgyu mtshan cis ma yin gang gis na mi rtag pa'i sgra
'jug pa'i rgyu mtshan/ yod pa khyad par ba dang 'brel ba zhes
bya ba'i chos don gzhan rtog par byed/ de ltar na sngar med pa
dngos pa'i

khyad chos su 'gyur bas sngar med pa'i dngos po'i zhes pa'i
drug sgra sogs sbyor dgos na'ang de 'dra'i drug sgra dang sogs
pas gnas gzhi'i bdun pa sogs sbyor du mi rung ba'i phyir te
sngar med pa de rdzas su ma grub pa'i phyir/ zhe na 'o na
mtha'

gnyis la'ang/ mtha' gnyis po des ched pa'i yod pa zhes pa'i
drug sgra de ji ltar sbyar du rung ste mi rung bar thal/ mtha'
gnyis po dngos por med pa'i phyir/ 'khor gsum khas blangs so/
/gzhan yang khyod rang gi grub pa'i mtha'

las/ 'brel ba thams cad rtag par smras pa dang/ phyogs 'di
'gal ba yin te/ 'di ltar/ mtha' gnyis kyis chod pa'i yod pa
nyid dang 'bral ba chos can/ khyod sngar med dang phyis med
kyi mtha' khyad par du 'gyur ba min par thal/ khyod

rtag pa'i phyir/ gsal ba dngos/ rtag ma grub na/ 'brel ba
thams cad rtag pa bud do/ /gal te/ mtha' gnyis kyis chod pa
zhes pa'i mtha' ni sngar med phyis med la mi byed kyi/ rgyu
'bras mtha' yin la des chod pa'i yod pa dang

'brel ba mi rtag pa'i don yin no zhe na/ de yang dngos po dang
sngar med ma 'brel bar 'dod pa dang 'gal te/ rgyu 'bras chos
can/ khyod dngos po'i yod pa khyad par du byed chos su med pa
nyid du 'gyur te/ khyod dngos po dang 'brel ba

@040a @#/ /med pa'i phyir ro/ /rtags khas te rigs pa can pa de
yis ni dngos po dang sngar med la 'brel ba 'dod pa min pas so/
/de la khyab pa yod pa'i rgyu mtshan ni sngar med pa'i dngos po
gsar du skyed par byed pa rgyu'i don yin pas  

so/ /des na rigs pa can pa de la rgyu 'bras dngos po'i yod pa
khyad par du byed pa'i chos su mi 'grub pas rgyu 'bras de yi
khyad par du byas pa can gyi yod pa dang 'brel ba mi rtag
pa'o/ zhes brjod pa de yang mi 'grub pa'i phyir/ gal te

rgyu 'bras mtha' yin na/ zhes bya ba'ang 'thad pa ma yin no/
/kho na re/ 'dir/ gal te rgyu 'bras mtha' yin na/ zhes smras
pa'i rgyu 'bras ni dngos po sngar med gsar du skyed pa la rgyu
dang/ gsar du skyes pa la 'bras bur byas pa ma yin

gyi/ yod pa nyid dang du pa'i rang rgyu me lta bu dag lhan cig
'du zhing 'brel bar byed pa'i phyir na/ de ltar sbrel ba'i
'phrod 'du la rgyu zhes bya zhing nges sbrel ba'i 'brel ba de
la 'bras bu zhes bya'o/ /zhes rigs pa can ngag drag go zhes

pa ni/ 'di mtha' dpyad pa tsam ma yin par rigs pa can rang
nyid kyis smras pa'i 'dod par ston pa'o/ /des na 'di ltar
'gyur te/ du ba la sogs pa'i dngos po rnams kyis rang rgyu
dang yod pa 'du zhing 'brel bar byed pa'i 'phrod 'du

dang/ 'phrod 'du des sprel ba'i yod pa dang rang rgyu'i 'brel
ba de gnyis kyis chod cing khyad par du byas pa'i yod pa dang
'du ba'i 'brel ba de du ba la mi rtag pa zhes pa'i sgra 'jug
pa'i rgyur gyur ba'i mi rtag pa yin no/ /zhes

@040b pa'o/ /de yang yod pa dang me'i 'brel ba byed pa'i
'phrod 'du de mtha' gnyis kyis ched pa zhes pa'i mthar gyur
ba'i rgyur 'dod pa yin gyi du ba'i skye rgyur 'dod pa ma yin
no/ /phyogs 'di dang 'brel ba rtag par 'dod pa khas blangs
nang

'gal bstan pa ni/ 'o na yod pa nyid dang rang rgyu'i 'brel ba
'di 'phrod 'du'i 'bras bu gang las yin te ma yin par thal/ yod
pa nyid rang rgyu de dang 'brel ba de yang rtag pa yin pa'i
phyir na'o/ /de ltar 'brel ba rtag pa 'dod pa dang/

'phrod 'dus byas pa'i 'brel ba 'bras bur 'dod pa nang 'gal bar
bstan nas/ 'phrod 'du rgyur 'dod pa la yang 'brel ba rtag pa
dang 'gal ba bstan nas dgag pa ni/ dngos po gang zhig sngar
med pa de skyed par byed na rgyu rigs

pa yin na'ang/ khyod ltar na/ 'phrod 'du ni 'brel ba dngos po
sngar med 'bras bur ldan pa min te/ khyod rang gi grub pa'i
mtha' las 'brel ba sngar med gsar skye khas len pa med pa'i
phyir ro/ /de'i rgyu mtshan 'brel ba thams cad rtag

par khas len pa'i phyir ro/ /des na/ gang gi mtha' gnyis chod
yod pa'am zhes sogs kyi rtsa ba'i 'dod pa nyams so/ zhes ston
pa ni/ ji skad bshad pa'i tshul gyis khyod kyi 'dod pa la rgyu
'bras sogs mi 'thad pa de'i phyir/

dngos po ril 'di rtag par 'gyur bas bdag la sogs pa'i dngos po
'ga' zhig rtag la/ mtha' gnyis ched pas khyad par du byas pa'i
yod pa dang 'brel ba'i dngos po mi rtag go zhes khyad par
smras pa de nyams so/ /de 

@041a @#/ /na dngos po la mi rtag pa don gzhan du yod pa mi 'thad
pa de'i phyir bum pa dang de'i byas mi rtag sogs don gzhan du
med kyang bum pa dang mi rtag pa zhes brjod pa'i tshe rang la
snang ba don du med pa don du sgro 'dogs shing snang

ba'i sgo nas brjod bya bum pa dang mi rtag pa gnyis tha dad pa
can du snang ba'i blo skye ba ni bum pa dang mi rtag pa ldog pa
tha dad pa la brten pa ste/ ldog pa tha dad pa'i rgyu mtshan gyis
yin no/ /der ma zad don tha dad med par mngon par 'dod ba can

gyi bum ba dang mi rtag pa brjod pa'i sgra tha dad 'jug pa
la'ang de gnyis ldogs pa tha dad pa rten nam rgyu mtshan yin no
de'i phyir thams cad las ni ldog pa yis zhes sogs kho bos ji
skad bshad pa de legs par gnas pa yin no/ /mdor

na ji skad bshad pa'i rigs pa rnams kyis khyod dngos po 'ga'
zhig rtag cing/ 'ga' zhig mi rtag pa'ang/ mi rtag pa don gzhan
ldan pa'i sgo nas yin pa dang/ de'i phyir dngos po dang mi rtag
pa la sgra tha dad 'jug par 'dod pa khegs

nas kho bo cag dngos po thams cad mi rtag pa dang don tha dad
med cing/ 'on kyang ldog pa tha dad pa'i dbang gis sgra blo tha
dad 'jug par 'dod pa legs par gnas so zhes bya ba'i don to/
/rigs pa can pa 'gog pa'i skabs kyi gzhung

'di dag dbyis phyin par 'chad shes pa sngon chad gangs ri'i
khrod du byung na ston cig/ gnyis pas khyad par mthong ba'i tshad
ma gsum pa dgag pa la/ mdor bstan dang/ phye te dgag pa gnyis/
dang po ni/ khyad par mthong la rtags

@041b dang ni/ /'brel pa rtogs pa med pa'i phyir/ /de ni tshad ma
gzhan yin no/ /zhes smras pa de yang 'thad pa ma yin te/ sngar
khang nang du tsandan gyi me mthong zhing phyis phyi rol nas du
ba mthong na khang nang de na me yod par 'dzin pa'i blo ni
tsandan gyi me'i khyad

par sngar gyi tsandan gyi me de phyis ngo shes pa'i tshad ma ma
yin no/ /de'i rgyu mtshan/ phyis du ba mthong ba'i dus kyi khang
nang gi me dang/ sngar mthong ba'i tsandan gyi me gnyis skad cig
snga phyi so so tha dad pa'i phyir ro/ /gnyis pa phye ste dgag
pa ni/ gal te khyod

'dod pa'i khyad par mthong ba'i tshad ma de/ sngar khang nang der
tsandan gyi me mthong zhing phyis phyi rol nas du ba mthong ba
na/ sngar khang nang na tsandan gyi me yod pa dang mtshungs par
da lta'ang khang nang 'di na tsandan gyi me yod do snyam du
'dzin pa la 'dod

dam/ de ltar mthong ba na khang nang 'di na sngar gyi tsandan
gyi me de da lta'ang yod do snyam du 'dzin pa la 'dod dam/ de
ltar mthong bas rkyen byas te sngar khang nang 'di na tsandan
gyi me yod do snyam du 'dzin pa la 'dod grang/ dang po ltar na/
de chos can/

tsanna gyi me'i khyad par sngar mthong ba'i tsandan gyi me de
yul du yod ba can gyi tshad ma nyid kyang ma yin par thal/ sngar
khang nang der tsandan gyi me mthong ba dang mtshungs par
khang
nang na tsandan gyi me yod pa de tsam 'dzin pa'i shes pa yin
pa'i phyir/

des na 'di ni khang nang de na tsandan gyi me spyi tsam yod pa
'dzin gyi/ tsandan gyi me'i khyad par sngar mthong ba yod par
'dzin pa min pas/ de 'jal byed kyi tshad mar mi 'thad do zhes
pa'o/ /TIka byed dag khyad par zhes pa rang mtshan la nor pas ci
bya

@042a @#/ /gtol ma byung bar snang zhid nor ba brgyud ma byas so/
/gal te tsandan gyi me sngar mthong ba de nyid phyis kyang sngar
gyi tsandan gyi me 'dzin pa'i dpo yin pa'i phyir/ sngar gyi
tsandan gyi me de sngar khang nang 'di na yod pa dang mtshungs
par

da lta'ang yod do snyam du 'dzin pa yin pas so/ /des na khang
nang der tsandan gyi me'i khyad par sngar mthong ba de nyis ka
'dzin pa yin gyi/ tsandan gyi me spyi tsam 'dzin pa min no zhe
na/ de ltar na/ gang zag des phyis du ba mthong gong nas khang
nang der

sngar gyi tsandan gyi me/ gru zin ma brjed par yod par thal/
de'i dus na sngar gyi me khang nang de na yod par gang zag des
rtags pa'i dpe nyid yin pa'i phyir/ 'dod na/ gang zag de chos
can/ phyis du ba mthong ba'i dus na khang nang gi me de khyod
kyis rtogs par

bya ba'i phyir/ de la mngon sum tshad ma las gzhan gyis ci zhig
bya ste mi dgos par thal/ khyod kyis de sngar mngon sum tshad mas
gzhal zin ma brjod par yod pa'i phyir/ 'dod na khyad par mthong
ba'i tshad ma 'jal byed du 'jug dgos pa nyams so/

gal te de'i tshe sngar mthong ba brjed pa'i phyir skyon med do
zhe na/ brjod pa de nyid kyi phyir na dpe ma yin te/ dpe ni
khyab pa nges pa'i ltos gzhi yin pa'i phyir ro/ /gal te brtag pa
gnyis pa ltar khas len pa yin te/ sngar mthong ba'i tsan an gyi
me la phyis

du ba mthong ba'i dus kyi tsandan gyi me de'i dngos por ni khyad
par mthong ba'i tshad mas grub cing 'jal lo zhe na/ de ltar na
khyad par mthong ba'i tshad ma chos can/ khyod blo phyin ci log
yin par thal/ phyis kyi khang nang gi me las dngos po gzhan la

@042b de nyid du sgro 'dogs pa'i blo yin pa'i phyir/ des na de
tshad ma yin pa'i phyir/ des grub pa'ang tshad mas grub pa can
nyid ma yin pas tshad mas grub na/ zhes smras pa mi 'thad do/
/gal te de ni sgro 'dogs ma yin te/ 'di ltar khang nang der
sngar mthong

pa'i tsandan gyi me dang/ phyis du ba mthong ba'i dus kyi
tsandan gyi me gnyis dngos po gzhan ma yin gyi gcig yin no zhe
na/ de lta na mngon sum ste mngon du gyur pa'i me dang cig shos
ldog tu gyur pa'i me gnyis gcig yin pa'i phyir gcig mngon du
gyur

pa'i me mngon sum gyis dngos su grub pa na mngon gyur dang lkog
tu gyur pa'i me gnyis ka mngon sum des dngos su grub par thal
lo/ /gal te brtag pa gsum pa ltar khas len pas khyad par mthong
ba'i tshad ma ni/ sngar khang nang du tsandan

gyi me mthong zhing phyis du ba mthong ba na du ba mthong ba des
dran pa'i rkyen byas te sngar khang nang 'di na tsandan gyi me
yod do snyam du nges pa la 'dod do zhe na/ de 'dra'i blo chos
can/ mkhas pas dran par shes te/ phyis du ba mthong ba des sngar

mthong ba'i me gzhan dang mtshams ni sbyor ba yi rkyen byas nas
sngar khang nang 'di na tsandan gyi me yod do snyam du zhe na
pa'i blo yin pa'i phyir ro/ /des na bcad shes yin pa'i phyir
tshad ma min no/ /TIka byed dag phyis du ba mthong ba'i dus kyi

khang nang gi me sngar mthong ba'i mer 'dzin pa'i blo tshad ma ma
yin na/ khyed gang yin par 'dod ce na/ gzhan dang 'tshams ni
sbyor ba yi/ /zhen pa yin pas mkhas pas blo de dran par shes
zhes 'chad pa ni/ sngar de nyid sgro 'dogs phyin

@043a @#/ /ci leg ces leg shes su smras pa'i de ma thag tu bcad
shes su smra ba 'di las mtshang che ba ci zhig bstan du yod/
skabs 'dir bod kyi TIka byed dag blo gros myos par zad do/ /gal
te blo de rtags la ltos pa'i phyir

dran pa ma yin no zhe na/ de yang 'thad pa ma yin te/ rtags la
ltos pas dran pa min par sgrub pa khyab pa 'khrul pa'i phyir ro/
/dper na tshul gsum dran pa'i blo lta bu'o/ /tshad ma'i grangs
dang yul la log rtog bsal ba bshad zin to/ /

gnyis pa mngon sum ngo bo'i don la log rtog bsal ba la/ spyir
btang rtog bral bshad nas mngon sum yang dag bshad/ dmigs bsal
ma 'khrul pa shes phyir mngon sum ltar snang bshad pa gnyis/
dang po la/ dbang po'i mngon

sum la log rtog bsal ba/ yid kyi mngon sum la log rtog bsal ba/
rang rig mngon sum la log rtog bsal ba/ rnal 'byor mngon sum la
log rtog bsal ba dang bzhi/ dang po la/ gzhung spyi'i bsdu ba
bshad pa dang/

yan lag gi don bshad pa gnyis/ dang po ni/ mngon sum 'di dag gi
log rtog sel ba'i tshul yang/ dbang po'i mngon sum la ni/ tha na
rgyang phan lta bu med pa pa'i gtso bo dag kyang bsnyon par mi
byed par dbang po'i mngon sum

gcig pu tshad ma'o zhes smra par byed na/ rgol ba gzan dag lta ci
smros/ nges na dbang po'i mngon sum tshad ma ma yin no zhes
bsnyon par byed pa med pas dbang po'i mngon sum tshad mar sgrub
pa lhag mi dgos kyi/ 'on kyang mthong

@043b rtog gcig tu 'khrul pa sogs kyis rkyen byas nas dbang shes
rtog par sgro 'dogs pa ni gong du bshad zin pa ltar shin tu mang
pas de'i phyir dbang mngon la log rtog bsal pa'i skabs su ni
dbang shes rtog bral du sgrub pa'i rigs

pa nyid gtso bor bstan la/ yid mngon sogs gsum ni med do zhes
sgro 'dogs pa ches mang bas/ de dag la log rtog bsal ba'i skabs
su ni/ mtshan gzhi mngon sum de dag bsgrub pa'i rigs pa gtso che
bar bstan cing/ 'on kyang

mtshan gzhi de dag grub ba na mtshan gzhi de dag la mngon sum gyi
mtshan nyid zhugs par shes par bya ba'i phyir rtog bral du'ang
bstan dgos mod kyi/ yid mngon ni dbang po'i mngon sum gyi gzung
don skad cig gnyis pa'i snang yul

can du bstan pa nyid kyis rtog bral du'ang bstan par 'gyur bar
dgongs nas de las tha dad pa'i rtog bral du ston pa'i gzhung
rtsom pa ma mdzad la/ rang rig dang rnal 'byor mngon sum la ni/
bde sogs shes pa yin pa dang/ dbang po las

'das pa'i don mthong ba yod par grub kyang/ de dag mngon sum du
grub pa la mngon sum gyi mtshan nyid zhugs par shes dgos pas rtog
bral du shes par bya ba'i phyir/ rnag rig gi skabs su brda'i
dngos yul ma yin pa dang/ rnal

'byor mgnon sum gyi skabs su gsal bar snang ba'i rtags gnyis mdo
tsam bstan par mdzad la dag kyang dbang shes rtog bral du
sgrub
pa'i rigs pa rgyas par bshad pa dag mtshon pa'i phyir yin pas
rgyas par ma bshad do/ /de

@044a @#/ /la dbang po'i mngon sum la log rtog bsal ba'i gzhung
dag gi bsdu ba ni 'di yin te/ gzhung 'di dag gis tshad ma mdo'i
dbang mngon la log rtog sel ba'i gzhung dag 'chad par byed pa
yin la/ de yang tshad

ma mdor/ ming dang rigs sogs sbyor ba yi/ /rtog pa dang bral
mngon sum mo/ zhes bya ba tsam zhig gsungs kyi/ mngon sum rtog
pa dang bral ba'i sgrub byed kyi rigs pa dngos sum gsungs pas/
/'dir rtog bral gyi rigs pa rgyas par bstan

pa'i sgo nas mdo de'i don btan la dbab pa'i phyir/ mngon sum
rtog dang bral bar ni/ zhes bya ba nas/ brten nas mig blo skye
bar 'gyur/ shes bya ba'i bar gsungs la/ de'i zhar byung la dbang
shes zhes pa'i tha snyad la rtsod pa spang ba'i

phyir/ mdor/ thun mong min pa'i rgyu yi phyir/ /de yi tha snyad
dbang pos byas/ zhes gsungs pa de nyid rgyas par 'chad pa la/
gal te mngon sum shes bskyed la/ zhes bya ba la sogs pa gsungs
so/ /mngon sum rtog bral du bstan pa

de nyid la lung dang 'gal ba'i skyon spang ba'i phyir/ mdor/ der
don du mas bskyed pa'i phyir/ /rang don spyi'i spyod yul can/
zhes gsungs pa de nyid rgyas par 'chad pa la/ bsags pa dag ni
tshogs pa yin/ zhes bya ba la sogs pa

gsungs so/ /dbang shes rtog bral du bstan pa la rigs ba dang
'gal ba spang ba'i phyir/ mdor/ du ma'i ngo bo'i chos can ni/
/dbang po las rtogs srid ma yin/ /rang rang rig bya tha snyad
kyis/ /bstan min ngo bo dbang po'i yul/

@044b zhes gsungs pa de nyid rgyas par 'chad pa ni/ chos can
thams cad las ldog pa zhes pa nas/ byed pa yin zhes brjod zin
to/ zhes bya ba'i bar te/ de dag gis mdo dang rnam 'grel gnyis
ka tshar phyin to/ /yang na 'di ltar shes par bya ste/ dbang

shes rnams kyang rtog par 'dzin pa ni ril po'i bdag tu 'dzin pa
ste gang zag gi bdag 'dzin gyi char gtogs pa yin la/ de nyid
dang por phyir rol gyi don khas blangs pa'i tshul la brten nas/
rtog pa med par grub pa yin/ zhes pa'i bar

gyis rgyas par bkag cing/ dbang shes la snang ba phyi don du lta
ba ni chos kyi bdag tu 'dzin pa ste slar de nyid kyang bkag nas
gnyis med kyi de kho na nyid ston pa ni/ sna tshogs snang can don
rnams la/ zhes sogs so/ /phyir don khas blangs

pa'i tshe na yang/ don du ma 'dzin pa'i blo yang du mar thal ba
sogs pha rol gyis brjod pa'i skyon mi 'byung ba'i tshul ston pa
ni/ ras sogs gzugs ni gcig yin na zhes pa man chad do/ /de bas
na gzhung 'di dag gis dbang po'i mngon

sum la bdag gnyis su log par rtog pa dag sel bar byed do/ zhes
shes par bya'o/ /gnyis pa yan lag gi don bshad pa la/ dbang shes
rtog bral du sgrub pa'i rigs ba spyir bstan/ dbang shes rtog
bral du sgrub pa'i rigs

pa so sor bshad/ dbang shes rtog gral la lung 'gal spang/ dbang
shes rtog bral la rigs 'gal spang pa'o/ /dang po la/ rang lugs
kyi dbang shes rtog bral du sgrub pa'i rigs pa bshad pa dang/
gzhan gyi dbang shes rtog bral du

@045a @#/ /sgrub pa'i rigs pa dgag pa'o/ /dang po la/ dbang shes
rtog bral yin pa'i sgrub byed dang/ dbang shes rtog pa yin pa la
gnod byed dang/ dbang shes rtog pa yin pa'i sgrub byed dgag pa
dang gsum/ dang po ni/ ming dang rigs

sogs sbyor ba yi/ /rtog pa dang bral mngon sum mo/ /zhes smras
na/ gzugs 'dzin mngon sum la sogs pa 'di dag rtog pa dang bral
bar gang las shes zhe na/ gzugs 'dzin pa la sogs pa'i mngon sum
'di dag rtog pa dang bral bar ni

rang rig mngon sum snang tshul nyid kyis 'grub par 'gyur te/
skyes bu kun gyi rnam rtog thams cad cing dam brda la brten pa
can yin pas sgra don snang yul du byed pas khyab la/ dbang shes
rnams ni rang gi snang yul rang mtshan 'dzin

pas khyab pas de dang de'i rnam pa can du so so rang gi myong
byed rang rig mngon sum gyis rig bya yin pa'i phyir ro/ /des na
'dir/ mngon sum nyid kyis 'grub par 'gyur zhes pa ni/ /dbang
shes rtog bral yin te/ dbang shes dang rtog

pa rnam pa tha dad par rang rang gi myong byed rang rig rnams
la
snang ba'i phyir zhes pa'i tshul gyis 'grub par 'gyur ro/ /zhes
bya ba'i don te ngag don yang de nyid do/ de lta min par rang
rang gi myong byed rang rig gis rtog bral du gzhal pa la

byas na su yang dbang shes rtog par sgro 'dogs mi srid par thal
lo/ /'di tsam la blo kha phyogs pa'ang su yod smos shig /de ltar
mngon sum rtog bral yin par rang rig mngon sum la snang tshul
gyis grub par bstan nas rtog

@045b ba med pa'i gnas skabs na'ang mngon sum yod pa'i rtags
kyis sgrub ba ni/ shas bya chos can/ dbang shes thams cad rtog
pa yin pa mi 'thad de/ rtog pa med pa'i gnas skabs 'ga' zhig na
yang dbang shes yod pa'i phyir/ der

thal/ yul thams cad la ni sems rtog pa 'gro ba bsdus nas/ nang
gi bdag nyid rtog pa'i rlung gis g.yo ba med par gnas pa'i tshe
na'ang mig gi shes pas gzugs dag ni mthong ba'i blo de dbang
skyes yin pa'i phyir/ gal te

de'i tshe'ang gzugs la rtog pa yod pa ma yin nam zhe na/ ma yin
te/ de yod na slar yang rjes kyi dran shes kyis mnyam par bzhag
pa'i gnas skabs na ci ltar gyur snyam du cung zad rnam par rtog
pa na mnyam bar bzhag pa'i tshe kho

pa'i rnam rtog 'di 'drar 'gyur zhes rig dgos pa la sngar bshad
pa'i gnas skabs kyi dbang po'i rtog pa la rjes kyi dran shes
kyis de ltar rig pa med pa'i phyir ro/ /gnyis pa dbang shes rtog
pa yin pa la gnod byed bstan pa ni/

gcig tu mthob pa'i khyad par ni zhes sogs te/ dbang shes thams
cad rtog pa yin na/ dbang shes dang brda sbyor rtog pa yul gyi
snang ba 'dra bar 'gyur na'ang de lta min bas rtog par mi 'thad
ces pa'o/ /yang na gzhung 'di dag gi 'brel

'di ltar yin te/ kun gyi rnam rtog ming rten can zhes par rtog
apa thams cad brda rten can yin pas sgra don snang yul du byed
pas khyab la/ dbang shes rnams ni de lta ma yin no/ zhes brda
sbyor rtog pa dang dbang shes yul snang tshul mi

@046a @#/ /'dra bar smras pa de'i sgrub byed 'chad pa yin te/ 'di
ltar shes bya chos can/ dbang po las skyes pa'i blo mig shes
sogs thams cad khyad par rang mtshan kho na'i yul can yin te/
dbang shes kyi yul dus gcig tu

mthong ba'i khyad par gzugs sogs ni yul dus gzhan 'ga' zhig tu
rjes 'gro byed par dbang shes des mthong bar mi 'gyur bas khyab
cing/ gzugs sogs khyad par de dag las tha dad pa'i spyi gzhan
yang yod pa min

pas gsal pa las rdzas tha dad pa'i spyi snang ba'i blo dbang
shes med pa'i phyir/ des na dbang shes kyi snang yul yin na rang
mtshan yin dgos pa'i phyir/ dbang shes rnams rtog pa yin na khyad
par rang mtshan rnams la don

dam par sgra sbyor dgos na'ang/ khyad par rang mtshan rnams la
don dam par sgra dag ni 'jug pa srid pa yod pa min te de dag la
don dam par brda 'jug pa ni med pa'i phyir ro/ /der thal/ rang
mtshan la don dam par brda

sbyor na/ bum sogs la brda sbyor ba'i rtog pa ma 'khrul dgos bas
de la ji ltar snang ba ltar grub dgos shing de la bum gsal rnams
rang bzhin 'dres par snang bas bum gsal phan tshun rang bzhin
'dres dgos na'ang/

khyad par bum gsal sogs phan tshun rjes 'gro med pas na'o/ /des
na shes bya chos can/ rtog pa dang dbang shes kyi snang yul 'gal
bar thal/ sgra rnams yul yang ste sgra don gang de nyid la rtog
pa de rnams nyid ni brda sbyor

@046b bar byed pas don de'i ming 'di zhes ni 'brel ba byed pa'i
rtog pa la sgra don snang ba ni gang yin pa de dag nyid ni rtog
pa'i snang yul du 'brel ba'i khyab pa yin la/ de ni dbang bo'i
shes pa'i dngos kyi spyod yul min pas khyab pa'i phyir/ phyi ma

der thal/ dbang shes ni rang mtshan snang yul du byed pas khyab
pa gang zhig /sgra don snang yul du byed pa de'i tshe gsal bar
snang ba'i don rang mtshan snang ba ni med pas khyab pa'i phyir
ro/ /snga ma la khyab pa yod de/ rang 'dzin shes pa'i

snang tshul tha dad pa yis ni don rnams khyad par byed pa yin pas
so/ /gal te rang mtshan la brda dngos su mi sbyor ba mi 'thad de/
mig shes kyis gzugs mthong ba'i tshe 'di gzugs so zhes brda sbyor
ba ni mig shes la snang ba'i gzugs

de nyid la dngos su sbyor pa ma yin nam zhe na/ mig shes la don
gzugs sogs snang ba na yang 'di gzugs so zhes brda sbyor byed pa
gzhan gyis bstan pa gang yin pa ni gzugs so snyam pa'i rtog pa'i
snang yul de nyid sgra yis dngos

su sbyor bar byed kyi mig gi dbang po'i shes pa'i spyod yul la
dngos su brda sbyor ba ma yin te/ de yin na mig gi dbang po'i
bya ba med pa la'ang gzugs so zhes pa'i gzhan gyi ngag tsam gyis
gzugs de dbang shes la snang ba ltar snang dgos pa la de ltar
snang ba med pa'i phyir/ gal te dbang shes kyi snang yul la brda
dngos su mi sbyor yang dbang shes kyis sgra don 'dzin pa mi 'gal
te/ dbang shes kyi snang yul de dag dang po nas rang rang gi
ming dang gcig

@047a @#/ /tu skyes pa'i phyir zhe na/ lto ldir ba chos can/
khyod rang ming dang brda'i 'brel ba ma byas pa can gyi gong nas
gcig tu skyes pa min te/ de yin na brda la ma ltos bar rang nyid
mthong tsam gyis bum pa'o snyam du thams cad kyis shes

par thal ba'i phyir ro/ /gsum pa dbang shes rtog pa yin pa'i
sgrub byed dgag pa ni/ rtog bcas rtag pa med pa'i yid/ ces sogs
te/ dbang shes rtog pa yin pa'i rgyu mtshan mthong rtog gcig tu
smras pa de 'gog pa yin no/ /yang na 'di ltar

'brel te/ mig la don snang ba na yang/ zhes par mig shes la
gzugs snang ba na 'di gzugs so zhes bya ba'i brda sbyor ba ni
gzugs so snyam du 'dzin pa'i rtog pa'i snang yul la dngos su
sbyor gyi/ dbang shes kyi snang yul la dngos su mi sbyor

zhes smras pa de mi 'thad de/ de'i tshe gzugs mthong ba'i mig
shes de nyid ka gzugs so snyam du 'dzin pa'i rtog pa'ang yin
pa'i phyir te/ de'i rgyu mtshan de gnyis shes pa tha dad par ma
mthong ba'i phyir dang/ yul gcig la dus gcig tu rgyud gcig la
'jug pa'i phyir/ de 'dra yin na shes pa tha dad yin par 'gal te/
rgyud gcig la blo du ma cig char skye mi srid pa'i phyir ro/
/zhes rigs pa can dag smra'o/ /de'i lan ston pa yin te/ 'di
ltar/ mig shes kyis gzugs mthong

ba'i tshe 'di gzugs so snyam du rtog pa na blo de gnyis tha dad
du ma mthong ba ni 'khrul rgyu'i dbang gis mthong rtog gcig tu
'khrul ba yin gyi/ blo de gnyis gcig tu yod pa ma yin no/
/mthong rtog gcig tu 'khrul ba'i rgyu de yang 'di ltar

@047b rgyud gcig gi rtog bcas rtog pa med pa'i yid kha cig yul
gcig la cig car du ni 'jug pa'i phyir blun po dag de dag la ni
gcig tu zhen pa yin la/ rim zhes pas 'khrul rgyu gzhan yang ston
te/ blo kha cig rim gyis 'byung yang skad cig gzhan gyis

bar ma chod pas 'jug pa myur ba'i phyir gcig tu 'khrul lo zhes
pa'o/ /'dir lha dbang blos lan snga ma rnam shes du ma cig car
rgyud gcig la skye bar 'dod pa'i lan dang/ phyi ma rgyud gcig la
blo du ma cig car skye mi srid par 'dod pa'i phyogs

la brten pa'i lan du byas nas don dam par kho bo cag lan 'di
'dod pa ma yin no/ /de nyid kyi phyir kho bo 'di la mgu ba mi
ston pas phyis rnam shes cig car 'jug pa ston par 'gyur ro zhes
bshad la/ de'i rjes su 'brangs nas bod kyi TIka byed dag kyang
de ltar smra zhing/ 'jug pa myur ba gcig gi 'khrul rgyur rang
lugs la mi bzhed do zhes smra mod/ 'jug pa myur ba zhes pa ni
skad cig snga phyi bar ma chad du byung ba la zer ba yin pas de
snga phyi gcig tu 'khrul ba'i rgyur rang lugs

la mi bzhed na/ 'dra ba gzhan ni yod pa'i phyir/ la lar yongs su
mi shes te/ 'khrul phyir sgong gi tha dad bzhin zhes pa dang
dngos su 'gal ba ji ltar spong/ 'jug pa myur bas gcig tu 'khrul
pa rang lugs la khas mi len par

'dod pas ni/ skad cig snga phyi gcig tu 'khrul nas/ rtag par
sgro 'dogs pa'i tshul la yid ma gtad par zad do/ /'o na/ yi
ge'ang cig car thos par 'gyur/ zhes sogs kyi 'jug ba myur bas
gcig tu 'khrul ba 'gog pa ma yin

@048a @#/ /nam zhe na/ de ni 'jug pa myur ba mngon sum gyis gcig
tu/ mthong ba'i rgyur smra ba 'gog pa yin gyi/ gcig tu 'khrul
pa'i rgyur smra ba 'gog pa ga la yin/ de gnyis ma phyed bas
nongs pa yin no/ /yang rgyan mkhan

po na re/ khyed rang rigs pa can pa'i lugs la blo du ma cig car
mi skye bas rim gyis 'byung yang 'jug ba myur bas gcig tu zhen
par 'dod pa de bzhin du/ nged kyi lugs la yang rtog bcas rtog pa
med pa'i yid tha dad yin yang cig car du ni 'jug

pa'i phyir blun po dag gcig tu zhen par 'dod pas skyon med ces
'chad mod/ rigs pa can pa dag/ 'jug pa myur ba gcig tu 'khrul
ba'i rgyur khas mi len te/ de'i phyir/ dngos phyogs stobs dang
lan 'dod na/ zhes pa'i skabs su/ mgal me myur du bskor ba na/
mngon sum gyis gcig tu mthong bar smra ba yin no/ gzhan du na/

rigs pa can ba dag ma gal me myur du bskor ba na/ skad cig snga
phyi bar ma chad du 'byung ba snga phyi gcig tu 'khrul ba'i
rgyur smra ba yin par 'gyur la/ de lta na/ yi ge'ang cig car
thos par 'gyur/ zhes pa'i skyon 'phen pa ni rang la'ang mtshungs
par 'gyur te/ 'dab gzhan ni yod pa'i phyir/ la lar yongs su mi
shes te/ zhes pa la'ang/ 'dra ba gzhan ni yod pa'i phyir/ yi

ge'ang yongs su mi shes 'gyur/ zhes mtshungs pa'i phyir ro/ de
bas na rang lugs la'ang/ mthong rtog cig car ba la gcig tu
'khrul pa dang/ mthong rtog rim gyis pa la gcig tu 'khrul pa
gnyis yod pa las/ dang por 'khrul

rgyu yul gcig la dus mnyam du 'jug pa yin la/ gnyis pa'i 'khrul
rgyu 'jug pa myur ba yin zhes pa'o/ /bshad par bya ba mang yang
mangs par 'gyur bas mtshon pa tsam las ma bris shing/ kho bo 'ba'
zhig smra ba'i

@048b khyu ma chog ste/ gzhan dag ni skabs 'dir grub pa'i mtha'
la bdag gzhan rje ba'i lhag bsam 'dzin to/ /da ni dkyus ma bshad
par bya ste/ gal te gzugs 'dzin mig shes dang gzugs 'dzin rtog
pa rdzas tha dad rgyud gcig la dus mnyam du 'jug na rnam rtog
gis skad cig snga phyi'i bar bcad pas gzugs mthong ba'i mig shes
rgyun chad cing 'byung bar 'gyur ro zhe na/ gzhan rigs pa can pa
khyod kyi lugs la'ang mig shes kyis gzugs mthong zhing yid shes
kyis gzugs pas

rigs ni tha dad pa'i chos 'das pa'i dus kyi sgra sogs la rnam
par rtog pi tshe/ rnam rtog des mig shes snga phyi bar gcod pa ji
ltar yin te bar gcod dgos par thal lo/ /gal te ma gal me myur du
bskor ba na gzhan gyis bar gcod mi nus

shing/ 'jug pa myur bas me'i cha shas dag gcig tu 'tshams sbyar
te dbang shes la 'khor lo'i rnam par mthong ba bzhin du/ gzugs
'dzin mig shes lta bu da lta dngos por yod pa 'dzin pa'i phyogs
ni/ da lta dngos po med pa 'dzin

pa las ches stobs dang ldan pa'i phyir 'das pa'i dus kyi sgra la
rtog pas bar gcod mi nus shing/ 'jug pa myur bas snga phyi
'tshams sbyor ba yin no zhes 'dod na/ de ni gzhan la'ang mtshungs
pa yin te/ gzugs 'dzin mig shes

chos can khyod gzugs 'dzin rtog pa dang dus mnyam du 'byung ba
na'ang des khyod kyi skad cig snga phyi bar gcod mi nus par
thal/ khyod kyi gzung don dngos por yod pas snang yul dngos por
med pa'i rtog pa las ches stobs dang ldan

@049a @#/ /pa'i phyir/ 'khor gsum khas zhes so/ de'i yul dngos
por yod pa 'dzin pa'i phyogs dngos po med pa 'dzin pa la ni
stobs dang ldan pas bar gcod mi nus zhes smras pa de mgo mtshungs
kyis bkag nas/ 'jug

pa myur bas snga phyi gcig tu 'tshams sbyor zhes smras pa de 'gog
pa ni/ sa raHra sa zhes skyen par brjod pa'i tshe/ sarHra sa'i yi
ge'ang cig car thos par 'gyur bar thal/ yi ge de dag 'jug pa
myur bas gcig tu 'tshams sbyar

te thos pa'i phyir/ 'dod na dang por sa dang/ de'i rjes su thos
pa'i rim pa las ro go zhing/ dang por dang/ de'i rjes su sa thos
pa'i rim pa las mtshog ba'i khyad par med par 'gyur te/ sa raH
zhes brjod pa dang/ ra sa zhes

brjod pa gnyis ka'i tshe yangs dang raH cig car thos par khyad
par med pa'i phyir ro/ gal te de'i tshe 'ga' zhig la ltos te myur
ba tsam yod kyang/ snga phyi gcig tu 'tshams sbyar nas blo la cig
car smrang ba tsam gyi myur ba

med do zhe na/ khyod blo du ma rgyud gcig la cig car mi skye bar
'dod pa'i lugs 'dir/ gzugs sogs don drug po kun dang cig car du
yul rung bar 'dus pa can gyi dbang po drug po rnams gang zag
gcig gi rgyud la yid byed dang

bcas te yod pa ni/ 'jug shes drug ka cig car skye ba ni mi rung
bas re ra'ang 'jug shes gzhan lnga po rnams kyis bar chod cing
skye bo zhes 'dod dgos la/ de lta na yang nga'i tshe 'jug shes
drug par chad pa med par dus mnyam du yod

@049b ba bzhin du snang ba'i blo 'byung ba gang yin pa de ni
'jug pa myur bas yin no zhes 'jug shes lngas par chod kyang 'jug
pa myur bas bar mchod bar snang bar 'dod cing/ ming gi mthar
thug pa'i yi ge sarHra sa thos pa'i shes pa ni/ yul

yi ge skad cig snga phyi bar ma chad du 'dres shing 'brel chags
par thos kyang/ de tsam gyis 'jug pa myur ba med pas bar chod
par snang ngo zhes smra ba de ngo mtshar ro/ /zhes 'gal ba bstan
pa'o/ /phyir zhes pa ni rgya dpe'am 'gyur ma dag

pa ste/ shes pa skad cig dang 'dres kyang zhes gden par bya'o/
/des na yi ge'ang cig car thos par 'gyur zhes pa'i skyon so na
gnas shing/ skyon de lta bu yod pa de'i phyir/ gang zag gcig gi
rgyud la'ang rkyen ji lta ba bzhin du blo du ma ni cig

car skye bar 'gyur ba 'thad pa yin no/ /gzhan yang/ 'dus can
dbang rnams yod pa na/ lnga po rnams kyis chod ces 'dod pa la ni
skyon gzhan yang yod de/ lha sbyin gyi rgyud kyi dbang po drug
ka don rnams dang yul rung bar 'dus pa'i tshe'i

gzugs 'dzin mig shes dang/ mig dbang dang gzugs kho na yul rung
bar 'dus pa'i tshe'i gzugs 'dzin mig shes chos can/ 'jug shes
lngas bar chad dang bcas pa dang/ bar chad med pa ci ltar yin te
min par thal/ rang

gi skad cig snga phyi 'brel chags su 'byung ba'i sgo nas gzugs
gsal bar snang ba la yang khyad med pas na'o/ /'jug pa myur bas
snga phyi gcig tu 'tshams sbyar te/ cig car 'dzin par 'dod pa la/
yi ge'ang cig car thos par 

@050a @#/ /'gyur zhes pa'i skyon yod par ma zad/ de lta na yid kyi
rtog pa 'ba' zhig rgyun ldan du 'byung ba de la'ang yul rim ca
du 'dzin par mi 'gyur ba'i skyon yod de/ 'jug pa myur ba'i phyir ro/
gal te rgyud gcig la shes pa du ma cig car skye na/ yid gzugs mdzes
la chags pa'i tshe sgra nye bar yod kyang de 'dzin pa'i shes pa mi skye
ba ci zhe na/ skabs la lar gzugs mdzes la kun tu chags pa'i sems can
'ga' zhig sgra la sogs pa'i don nye ba

la'ang 'dzin pa med pa gang yin pa de ni yid gzugs mdzes la
chags pas sgra 'dzin sogs gzhan skyed pa'i de ma thag rkyen gyi
nus pa nyams par byas pa'i phyir/ rkyen ma tshang nas ma skyes pa
yin gyi/ shes pa du ma rgyud gcig

la gcig car 'byung du mi rung ba'i rgyu mtshan gyis ma yin no/
/gnyis ka la'ang rtsod 'dod yod/ ces pa'i don la rgya bod kyi
'grel byed dag 'di ltar 'chad de/ kho bo cag gnyis ka la yang/
yid gzugs mdzes la chags

pa'i che sgra 'dzin sogs mi skye ba ci yin zhes pa'i rtsod pa
'di mtshungs par yod pa yin la/ de'i lan nged kyis ji skad smras
pa 'di la khyed kyis kyang brten par rigs so zhes pa'o/ /kho bo
ni 'di ltar 'chad de/ phyogs

gnyis ka la yang rtsod pa 'di mtshungs par yod pa yin la/ kho bo
cag ni ji skad bshad pa'i lan gyis rtsod pa spong zhing/ khyed
blo du ma cig car mi skye bas yin no zhes smra dgos mod/ de lta
na gzugs 'dzin pa'i skabs

@050b nam du'ang sgra 'dzin pa mi srid dgos pa la/ mig gis utpa
la'i gzugs la lta zhing rna bas rgyud mangs kyi sgra nyan pa lta
bu mngon sum gyis mthong ba'i phyir/ khyod kyis blo du ma rgyud
gcig la cig car skye bar 'dod pa'i phyogs

la bkod pa'i skyon 'di khyod rang blo du ma cig car mi skye bar
'dod pa la gnod byed du 'gyur ro zhes pa'o/ /de ltar/ dngos
phyogs stobs dang ldan 'dod na zhes sogs phyogs snga ma'i don
bkag nas/ gal te 'gal me mthong

ba bzhin/ zhes pa'i dpe 'gog pa ni/ mgal me myur du bskor ba de/
'khor lo'i rnam par mthong ba ni 'jug pa myur bas me'i cha shes
snga phyi dag gcig tu 'tshams sbyor ba las skyes pa ma yin par
thal/ mgal me la sogs myur du 'jug

pa'i rjes su 'gro bas gnod pa can gyi mig dbang bslad pa las
'khor lor 'khrul ba skye ba yis de ltar mthong ba yin pa'i
phyir/ gnyis pa gzhan gyi dbang shes rtog bral du sgrub pa'i
rigs pa dgag pa ni/ kun las btus kyi 'grel

byed srid pa'i bdag po la sogs pa la la na re/ brda la byang
ba'i skyes bu'i dbang shes chos can/ rtog med yin te/ dbang po
las skyes pa dang las sogs pa myong ba'i rnam pas 'jug pa dang/
yid las byung ba ma yin pa'i phyir/

dper na skyes ma thag pa'i byis pa'i dbang blo bzhin zhes smra
ba dang/ byis pa'i dbang shes rtog med yin pa nyid kyi rgyu
mtshan byis pa'i rgyud la brda 'dzin pa'i nus pa nyams pa nyid
yin pa'i phyir zhes smra'o/ /de la dpe byis pa'

@051a @#/ /dbang shes rtog med du sgrub pa'i rigs pa de'i khyab
pa dgag pa ni/ rgol ba de dag gi ni ltar na/ byis pa'i shes pa
thams cad rtog med du 'gyur te/ brd 'dzin pa'i nus pa nyams pa'i
phyir ro/ /'dod na de'i phyir

byis pa'i rgyud kyi blang dor byed pa'i shes pa ni/ mngon sum
kho nar 'gyur la/ de lta na'ang byis pa bkres pas zas yid la
byed pa'i dran pa sogs med par 'gyur ro/ /byis blo rtog med du
sgrub pa'i rigs pa'i phyogs chos dgag pa ni/ byis

pa de ni phyis nar son nas kyang brda la byang bar mi 'gyur ro/
/skyes tsam nas brda'i rgyu dang bral ba'i phyir/ gal te byis
pa'i rgyud la brda la ma byang ba'i yid rtog med yod pa des na
des phyis brda de 'dzin par 'dod ce na/ byis pa'i yid

shes da lta rtog med yin kyang phyis rtog bcas su 'gyur ba de
bzhin du byis pa'i dbang skyes la yang da lta rtog med yin kyang
phyis rtog bcas su 'gyur bas mtshungs so/ /'di 'dra 'di yang zhes
sogs rkang pa bzhi'i don la rgya bod kyi

'grel byed mkhas pa dag 'di ltar 'chad de/ gal te byas pa'i
dbang shes rtog med yin te/ dbang po las skyes pa'i phyir zer
na/ rtags 'di 'dra 'di yang lhag ldan yin zhes bkag nas/ byis
pa'i dbang shes rtog med yin te/

don mngon du byed pa'i rnam pas 'jug pa'i phyir zhe na/ rigs pa
de brda la byang ba'i dbang shes rtog med du sgrub pa la'ang
sbyor bar rigs so/ /zhes ston pa ni/ byis la sgrub par byed gang
yin/ /de nyid 'dir yang brjod bya ste/ /dbang po'i blor ni

@051b mtshungs phyir ro/ zhes pa'o zhes 'chad do/ /kho bo ni 'di
ltar smra ste/ de bzhin dbang skyes la yang 'gyur zhes pa yan
gyis byis pa'i dbang shes rtog med du sgrub pa la brda'i nus pa
nyams pa bkod pa de'i khyab pa dang phyogs chos bkag nas/ brda
la byang ba'i dbang

shes rtag med du sgrub pa la/ dbang skyes la sogs phyir zhes
smos pa de 'gog pa ni/ dbang po las kyes pa 'di 'dra 'di yang
chos can/ brda la byang ba'i dbang shes rtag med du sgrub pa'i
lhag ldan gyi rtags yin te/ de sgrub kyi phyogs chos grub cing

mthun phyogs la mthong yang/ mi mthun phyogs dang 'gal ba med
pa'i phyir/ brda la byang ba'i dbang shes rigs pa can pa'i ngor
rtog med du sgrub pa la byis pa'i dbang shes dper bkod kyang dpe
sgrub pa'i rigs pa des bsgrub bya'ang 'grub

pas de lta bu dper 'god pa mi rigs so zhes dpe dang bsgrub bya
mtshungs pa'i skyon ston pa ni/ shes bya chos can/ brda la byang
ba'i rgyud kyi dbang shes rtog med du sgrub pa la rigs pa can
pa'i ngor/ byis pa'i dbang shes mthun dper ston pa mi 'thad par

thal/ de'i ngor byis pa'i dbang shes rtog med yin pa la sgrub
par byed pa gang yin pa de nyid/ brda la byang ba'i dbang shes
rtog med yin pa 'dir yang sgrub byed du brjod par bya ba ste/
dpe sgrub pa'i rigs pas bsgrub bya'ang 'grub pa'i phyir ro/ /

der thal/ brda la byang ma byang gi dbang shes gnyis ka'ang rigs
pa can pa'i ngor rtog med du sgrub dgos kyi/ dbang bo'i blor ni
mtshungs pa'i phyir ro/ /brda la byang ba'i dbang shes rtog med
du sgrub pa la dbang po las skyes pa'i rtags

@052a @#/ /'khrul par bstan pa 'dis ni/ myong ba'i rnam pas 'jug
pa dang sogs pa yid las byung ba ma yin pa'ang de sgrub kyi
rtags 'khrul par bshad pa yin te/ de dag kyang dbang po las
skyes pa rtags su bkod pa dang 'dra bar lhag ldan

yin no/ /gnyis pa dbang shes rtog bral gyi/ rigs pa so sor bshad
pa la/ dbang shes don sbyor rtog par 'dod pa dgag pa dang/ dbang
shes ming sbyor rtog par 'dod pa dgag pa gnyis/ dang po la/ rigs
don gzhan rdzas la sbyar nas 'dzin pa'i

rtog pa 'dod pa dgag /'phrod 'du'i 'brel pa 'dzin pa'i rtog par
'dod pa dgag /'phrod 'du'i 'brel ba rdzas grub yod pa'i sgrub
bya dgag /rigs rdzas gzhan yod pa'i sgrub byed dgag /rigs rdzas
gzhan med kyang spyi'i sgra bloa 'jug

pa 'thad pa'i tshul bstan pa'o/ /dang po ni/ kun las btus su/
rigs sogs sbyor sogs sbyor ba yi/ rtog pa dang bral mngon sum
mo/ /zhes gsungs kyang/ rigs sogs sbyor ba'i rtog pa dang bral
ba'i sgrub byed rgyas par ma gsungs bas 'dis

de'i sgrub byed rgyas par bstan pa'i sgo nas/ bye brag pa dang
rigs pa can pa dag /dbang shes de lta bu'i rtog bcas su khas len
pa 'gog pa yin te/ de yang spyi khyab bsgrubs nas rigs pa ston
pa ni/ khyad par byed chos dang ni khyad par

byas gzhi dang/ de dag gi 'brel ba dang/ 'jig rten na grags pa'i
gzhung lugs de dag gi ming gi tha snyad rnams ni dang por so sor
bzung nas phyis de dag bsdoms par bya te/ byad chos kyis byas
gzhi khyad par du byas

@052b pa de ltar rtogs kyi/ de las gzhan du so sor 'dzin pa med
na phyi ma bsdams nas khyad gzhi khyad chos su sbyor ba min te/
'di ni khyad chos dang byas gzhi don gzhan khyad gzhi khyad chos
su sbyar nas 'dzin pa spyi'i tshul yin no/ /dper na skyes

bu dbyug pa can du 'dzin pa bzhin no/ /'dir ni shes bya chos
can/ dbang shes 'di la rigs sogs rdzas la sbyar nas 'dzin pa'i
rtog pa'ang med de/ rigs sogs de dang ldan pa'i rdzas la sbyor
ba yod pa min pa des na'o/ /der thal/

rigs don gzhan dang yon tan sogs kyi bye brag gam khyad par so
sor rtogs pa med pa'i phyir ro/ /gal te rigs sogs kyi/ bye brag
rtogs pa med pa'i phyir zhes pa mi 'thad de/ ba lang gi spyi
'dzin pa'i shes pa dmigs pa'i phyir zhe na/

ba lang gi gsal ba rnams la rjes su 'gro ba can gyi spyi 'dzin
pa'i rnam par shes pa gang yin pa de yang ba lang zhes pa'i sgra
spyi dang/ nog sogs 'dus pa'i don spyi gsal bar snang gi/ de lta
bus khyad par du ma byas pa'i ba lang nyid ces bya

pa'i rnam pa snang ba med pa'i phyir/ ba lang nyid ces bya ba'i
spyi don gzhan snang yul du byed pa ma yin no/ /khyab pa khas
blangs te/ khyod kyis ba lang nyid la sogs pa'i spyi rnams rang
'dzin shes pa la sngang ba na/ kha dog dbyibs yig rnam pa

yis/ stong par brjod pa'i phyir ro/ /gal te nog sogs 'dus pa'i
gong gu sogs su snang ba'i spyi 'dzon shes pa'i snag yul de nyid
dbang shes la'ang snang ba ma yin nam zhe na/ spyi 'dzin shes pa
la nogs sogs 'dus pa'i gong bu

@053a @#/ /sogs su snang pa de nyid rang gi gsal ba rnams la
mtshungs par rjes 'gro byed pa'i spyi nyid yin yang de lta bu mig
sogs dbang shes kyi snang yul la mthong ba med de/ de ni rang
'dzin shes pa la mi gsal ba'i rnam par

snang bas khyab cing/ dbang shes kyi snang yul yin na rang 'dzin
dbang shes la thun mong ma yin pa'i rnam pa gsal bar snang bas
khyab la/ shes pa gcig la rang gi snang yul rnam pa gsal mi gsal
du snang ba tha dad pa gnyis ni med pa'i phyir ro/ /

tha dad pa gnyis yod na skyon ci yod ce na/ snang yul gsal bar
snang mi snang gi rnam pa tha dad kyang/ yul can gyi blo tha dad
par ma grub na/ blo tha dad pa'ang rnyed dka'o/ /gnyis pa 'phrod
'du'i 'brel ba 'dzin pa'i rtog par 'dod pa dgag pa ni/

bye brag pa dang rigs pa can pa dag na re/ dbang shes kyis kyang
'phrod pa 'du ba'i 'brel ba 'dzin pa'i phyir rtog pa dang bcas
pa'o zhe na/ 'di ni khas blangs dang 'gal te/ khyod rang gis
'phrod 'du dbang po'i yul las 'das par khas

blangs pas/ de lta na dbang pos 'phrod 'du 'dzin pa med pa'i
phyir/ dbang shes kyis 'brel ba mthong ba med par gnas so/ /gsum
pa 'phrod 'du yod pa'i sgrub byed dgag pa ni/ rigs pa can sogs
na re/ 'phrod 'du'i 'brel ba rdzas

su grub pa yin te/ yan lag snal ma dag la yan lag can snam bu'i
sgra sbyor ba'i phyir dang/ ba lang la rVa yod ces pa'i sgra
sbyor ba'i phyir/ de dag ni snal ma dang snam bu dang ba lang
dang rVa la 'phrod 'du'i 'brel ba yod pas yin

@053b gyi/ gzhan du na de ltar sbyor ba mi 'thad do zhe na/ de'i
lan ston pa'i gzhung/ snal ma 'di la snam bu zhes sogs rkang ba
bzhi pa'i don la/ rgya bod kyi TIk byed dag 'di ltar 'chad de/
snal ma la snam bu/ rVa la ba lang zhes pa'i tha snyad 'di yang

rigs pa can pa khyod rang gis byas kyi 'jig rten na ba lang la
rVa yod ces grags kyi rwa la ba lang yod ces ma grags so/ /zhes
tshig gong 'og nor ba'i skyon rjod par byed mod kyi des 'phrod
'du khegs pa la phan par ma mthong gno/ /kho bo ni

'di ltar 'chad de/ snal ma 'di la snam bu zhes bya ba'i sgra 'di
dag kyang/ 'phrod 'du'i 'brel pa la ma ltos par sgsra sbyor ba
po rang gis 'dod pas byas pa yin la/ ba lang la rVa yod ces
pa'ang 'phrod 'du'i 'brel ba kho na'i rgyu mtshan

gyis min te/ yin la rVa ba lang la 'phrod 'du'i 'brel ba grub pa
bzhin du ba lang la yang rVa la 'phrod 'du'i 'brel pa grub par
khyad med pas/ ba lang la rVa yod pa'i tha nyad byed pa ltar rVa
la ba lang yod pa'i tha snyad kyang byed dgos pa la/ ba lang la

rVa yod ces 'jig rten na tha snyad byed kyi/ rVa la ba lang yod
ces 'jig rten na tha snyad byed pa min pa'i phyir/ 'o na ba lang
la rVa yod ces pa'i tha snyad byed pa'i rgyu gang zhe na/ ba
lang zhes bya ba'i yan lag ni mgo la sogs pa lhag ma rnams dang

steng gi rVa bar rnam par chad par dmigs pa med cing bar ma chad
du dmigs pa na/ de'i phyir de tsam la 'dod pas ba lang la rVa
yod ces pa'i tha snyad sbyor ba yin no/ /'o na snal ma la snam
bu'i sgra sbyor ba 'phrod 'du'i 'brel pa'i

@054a @#/ /dbang gis ma yin no/ gang gis yin zhe na/ sgra sbyor
ba'i tshul bzhi ste/ snal ma de rnams kyis snam bu 'di byed do
zhes sbyor ba'i tshe ni/ snal ma rkyen gyis 'dus byas pa las snam
bu de phyis 'byung ba'i 'bras bur brjod pa yin gyi/ ji

lta bur yang dus gcig pa'i snam bu dang snal ma brjod pa min pas
'phrod 'du'i dbang gis ma yin te/ 'phrod 'du ni dus mnyam pa kho
na la yod par smras pa'i phyir ro/ /yang sngar gyi snal ma de
gang zhes dris pa'i lan du/ snal ma'i sgra'i rten ni

ston pa na/ de snam bu 'di'o zhes brjod pa'i tshe ni/ 'ga' yis
rgyu snal ma la 'bras bu snam bur sgro btags pa'am yang de'i
tshe/ snam bu las sna la ma gcig ni bkar bar byas nas sngang kyi
snal ma de'i 'di'o zhes brjod pa'i tshe ni/ 'bras

dus kyi snal ma la rgyu dus kyi snal ma zhes sgro btags nas 'jug
par 'gyur ba yin pas 'phrod 'du'i 'brel ba'i dbang gis min no/
/snal ma btags zin pa'i tshe 'di snam bu'o zhes pa'i sgra sbyar
ba ni/ snal ma thag pa sogs

kyis 'dus byas pa snga ma dang phyi ma dang phan gdags bya dang
phan 'dogs byed nyid dan dus mnyam pa'i snal ma phan tshun grogs
can gyi sgo nas phan btags te/ snal ma rnams par rnam par chad
pa med par lings po gcig

tu snang pa nyid la de tsam rgyu mtshan du byas nas snam bu zhes
pa'i sgra brda sbyar ba yin zhing/ de'i tshe yang/ dang po yi
gnas skabs su don de la snam bu zhes pa'i ming 'dod pas brda
sbyar ba yi spyod yul gang yin pa'i sgo nas ming de

@054b las don de 'khrul med can du shes pa'i phyir/ don de la
snam bu zhes pa'i sgra dngos ming du 'jug pa yin gyi 'phrod
'du'i 'brel pa grub pa'i rgyu mtshan gyis dngos ming du 'jug pa
ma yin no/ /bzhi ba rigs sogs rdzas gzhan yod pa'i sgrub

byed dgag pa ni/ dngos po las ni tha dad pa'i zhes sogs te/ 'di
dang skabs gzhan du'ang bye brag pa'i 'dod pa'i khyad par dag ma
shes pa las gzhung gi don rtogs dka' bar mthong bas 'die rigs pa
can dang bye brag pa'i 'dod pa'i tshul

grub pa'i mtha' rigs pa dag bshad par bya'o/ /de kyang bram ze
rkang mig gi rjed su 'brang ba ni rigs pa can pa dang/ drang
srong gzegs zan gyi rjes su 'brang ba'i phyir gzegs zan pa dang/
'ug pa'i brtul zhugs blangs pa'i phyir 'ug

phrug pa ste bye brag pa yin la/ de dag la nang gses kyi 'dod
pa'i khyad par mi mthun pa cung zad yod kyang grub pa'i mtha'
spyi mtshungs pa yin pas 'dir rags pa tsam zhig thun mong du
'chad do/ /de yang rgol ba de dag ni/ shes bya chos

thams cad/ rdzas dang yon tan las dang spyi/ /bye brag 'du ba
rnam pa drug /ces bya ba 'di tsam du zad kyi gzhan ni med do
zhes smra'o/ /de la rdzas ni dgu ste/ rkang mig gi mdo las/ sa
dang/ chu dang/ me dang/ rlung dang/ nam mkha' dang/ dus

dang/ phyogs dang/ bdag dang/ yid ces bya ba ni rdzas dag yin
no/ /zhes 'byung ngo/ /'di dag la ci'i phyir rdzas zhes bya zhe
na/ rang nyid chos gzhan la brten pa ma yin par rang rkya thub
cing yon tan la sogs pa chos gzhan gyi rten byed

@055a @#/ /pa'i phyir ro/ /des na rdzas kyi mtshan nyid ni/ bya ba
dang ldan pa/ yon tan dang ldan pa/ 'du ba'i rgyur gyur pa zhes
bya bar 'dod pa yin te/ rtog ge 'bar ba las/ rdzas kyi mtshan
nyid spyi ni/ bya ba dang ldan pa/ yon tan dang

ldan pa/ 'du ba'i rgyu gyur ba ste rdzas kyi mtshan nyid do zhes
so/ /'dbu ba'i rgyur gyur pa zhes pa ni/ /rdzas kyi steng du yon
tan tha dad bdag lhan cig 'du ba'i rgyu rdzas yin par 'dod pa'o/
/ rdzas de dag kyang rtag pa'i rdzas dang/ mi rtag pa'i rdzas
gnyis su nges

la/ nam mkha' la sogs pa lnga ni thams cad du rtag pa kho na yin
zhing/ sa la sogs pa bzhi'i rdul phran rnams ni rtag pa yin la/
rdul phran gyis brtsams pa'i rtags pa rnams ni mi rtag par 'dod
do/ /de yang rtags pa yan lag can

gyi rdzas rtsom pa'i tshul ni/ thog ma nyid du 'byung ba bzhi'i
rdul phra rab rigs mi mthun pa rnams phan tshun phrad pas ldan pa
tsam skyed kyi rdzas mi skyed de/ rigs mi mthun rnams rtsom med
phyir/ zhes pa grub pa'i mtha' yin no/ /de phyir bum

pa lta bu'i yan lag can gcig la'ang/ sa'i rdzas dang chu'i rdzas
la sogs pa rags pa'i rdzas bzhi yod la/ de'i sa'i rdzas ni sa'i
rdul phra rab kyis brtsams zhes sogs su shes par bya'o/ /de la
sa'i rdul phra rab lta bu'i rdul phran

rigs mthun rdzas tha dad pa dag yul 'dab 'byar du phrad pa na/
thog mar rdul phran rnams phan tshun phrad pa'am ldan pa zhes
pa'i yon tan rdul phran de rnams las don gzhan du gyur pa skyed
de/ gzhan du na rdul phran

@055b rnams phan tshun phrad ces pa'i tha snyad rgyu med du 'gyur
ba'i phyir ro/ /de'i 'og tu yan lag rnams las don gzhan du gyur
pa'i yan lag can gyi rdzas skye bar 'gyur ro/ /bum pa lta bu'i
yan lag dag tshogs pa na de dag las don gzhan du gyur pa'i lan
lag

can mi skye na/ ji ltar bum pa'i yan lag gi rdzas la sogs pa re
re bdag la bum pa'i tha snyad mi byed pa ltar yan lag dag tshogs
pa na yang/ bum pa'i tha snyad mi 'jug par 'gyur ro/ /rdul phran
gnyis phrad pa las ni yan lag can dang po rdul phran

gnyis pa'i ming can skye'o/ /de ni mngon sum gyi yul ma yin te/
de'i phyir de la ni rdul phran zhes kyang tha snyad du bya'o/
/rdul phran du ma phrad pas bskyed pa'am/ yan lag can dang po
lta bu yan lag can gzhan gyis bskyed pa'i yan lag can ni mngon
sum gyi

yul yin pas de'i phyir de dag la ni rigs pa zhes tha snyad
bya'o/ /des na 'byung ba bzhi'i rdzas kho nas yan lag can gyi
rdzas rtsom par nus kyi rdzas gzhan gyis yan lag can gyi rdzas
rtsam par mi nus la/ yan lag ni gsum yod de/ rdul

phra rab re re ba dang/ rdul phran gnyis phrad pas brtsams pa'i
yan lag can dang po dang/ rdul phran gsum la sogs pa phrad pas
brtsams pa'i yan lag can rags pa'o/ /de dag las dang po ni yan
lag kho na yin la/ phyi ma gnyis yan lag dang yan lags can gnyis
ga'o/ /

de dag gis brtsams pa'i yan lag can yang gsum ste/ rdul phran re
re bas btsams pa dang/ yan lag can dang pos brtsams pa dang/ yan
lag can rags pas brtsams pa'i yan lag can no/ /rdul phran re re
ba ni yan lag can dang rags pa gnyis ka

@056a @#/ /ma yin la/ yan lag can dang po ni yan lag can yin
kyang mngon sum la mi snang bas rdul phran zhes bya ba'i rags
pa ma yin zhing/ yan lag can rags pa ni rnam pa thams cad du
mngon sum gyi yul yin pas khyab pa'i phyir

rdul phran ma yin na zhes zer ro/ /gzhan yang rdzas dgu las
nam mkha' sogs lnga ni/ thams cad du song ba'i rdzas zhes
bya'o/ /sa sogs bzhi ni/ thams cad du song pa ma yin pa'i
rdzas zhes bya'o/ /de yang rdul phran ra re bdag rtag pa'i
rgyu

mtshan ni/ rdul yin pa gzhir byas la/ rgyu yod na rtsom byed
yod dgos pa la rdul phran re re bdag la ni rtsom byed med de/
gzhan du ni yan lag can du 'gyur ro/ /des na rgyu med pa'i
phyir rtag pa yin no/ /yan lag can dang po yan chad ni rtsom

byed kyis brtsams pas rgyu dang bcas pa'i phyir mi rtag pa'o/
/zhes smra'o/ /yon tan ni nyi shu rtsa bzhi ste/ rkang mig gi
mdo las/ gzugs dang/ ro dang/ dri dang/ reg pa rnams dang/
grangs dang/ tshad dang/ so so ba dang/ ldan pa dang/ rnam par

dbye ba dang/ gzhan dang gzhan ma yin pa nyid dang/ blo rnams
dang/ bde ba dang/ sdug bsngal dag dang/ 'dod pa dang/ sdang
bdag dang/ 'bad pa ni yon tan dag go/ zhes 'byung zhing/ slob
dpon ka ma la shi las/ dang gi sgra las lci ba

nyid dang/ snum pa dang/ 'dus byas pa dang/ chos dang/ chos ma
yin pa dang/ sgra rnams gzung ngo/ /zhes gsungs shing/ skabs
gzhan du dro ba dang gsher ba yang yon tan du bshad pas de
ltar nyi shu rtsa bzhi'o/ /yon tan gyi mtshan

@056b nyid ni/ rdzas la brten pa/ yon tan gzhan dang mi ldan
pa/ 'du ba'i rgyu mi byed pa/ ltos pa med pa ste/ rtog ge 'bar
ba las/ rdzas la brten pa/ yon tan gzhan dang mi ldan pa/ 'du
ba dang 'bral ba na yang de'i rgyu med pa/ ltos pa med pa ni
yon tan gyi mtshan nyid de

zhes so/ /ltos pa med pa ni rtag la mi ltos pa'o/ /de yang yon
tan ni rdzas kyi rtags yin la/ rdzas ni rtags can yin te/ yon
tan 'di lta bu dang ldan pa'i phyir zhes pa'i rtags las rdzas
su sgrub dgos pa'i phyir te/ yon tan gyi rten byed pas rdzas
su

bzhag pa'i phyir ro/ /yon tan la ni yon tan gnyis pa mi brten
pas yon tan ni rtags kho na'o/ /'o na yon tan gang rdzas gang
gi yon tan yin/ yon tan gang dang ldan pas rdzas gang du dpag
par bya zhe na/ gzugs ni mig gi gzung bya ste/ rdzas

sa chu me gsum la gnas so/ /ro ni lce dbang gi gzung bya ste/
sa dang chu la gnas so/ /dri ni sna'i dbang po'i gzung bya ste
sa'i yon tan no/ /reg ni lus kyi dbang po'i gzung bya ste sa
chu me rlung la gnas so/ grangs ni/ gcig la sogs pa'i tha

snyad 'jug pa'i rgyur gyur pa'i dngos po ste/ de yang rdzas
gcig dang/ rdzas du ma yin la/ grangs gcig ni rdzas gcig dang/
grangs gnyis la sogs pa ni rdzas du ma'o/ /de yang dper na/
bum pa gcig ni bum pa yang ma yin/ bum pa brjod pa'i sgra yang
ma yin/ bum

pa las rdzas tha dad cing zla med pa'i bum pa la bum pa gcig
ces pa'i sgra 'jug pa'i rgyur gyur pa/ /sgra de'i dngos kyi
brjod bya dang/ bum pa gcig go snyam du 'dzin pa'i rtog pa'i
snang yul du gyur pa'o zhes 'dod cing gnyis dang gsum

@057a @#/ /la sogs pa la yang des rigs bsgre'o/ /grangs de yang
gzugs can gyi rdzas rnams kyi yon tan yin la/ gzugs can kho na
la 'du'i gzugs can ma yin pa la mi 'du ba'i phyir/ mngon sum
gyi gzung bya yin no zhes 'dod

de/ zhi ba 'tshos/ glang po sogs las tha dad pa'i/ grangs ni
snang bar khyod 'dod de/ zhes so/ /bongs tshod dam tshad kyi yon
tan ni/ rdzas gang la/ chen po la sogs pa'i tha snyad 'jug
pa'i rgyur gyur pa ste/ de la dbye na/ chen po dang/ chung ngu
dang

ring po dang/ thung ngu'o/ chen po ni gnyis te/ rtag pa dang
mi rtag pa'o/ /rtag pa'i chen po ni/ nam mkha'/ dus phyogs/
bdag rnams kyi yon tan du gyur pa'i chen po'o/ /mi rtag pa'i
chen po ni/ rdul phran gsum yan chad kyis brtsams pa'i

rags pa yan lag can gyi rdzas kyi yon tan no/ /chung ngu yang
gnyis te/ rtag pa dang mi rtag pa'o/ /rtag pa'i chung ngu ni/
rdul phran yid la zlum pa'i mtshan nyid can gyi yon tan no/ /mi
rtag pa'i chung ngu ni/ rdul phran gnyis kyi brtsams pa'i

yan lag can dang po yon tan no/ /rdul phran rab gsum yin chad
'byar pa'i rdzas la ring po'i yon tan ldan pa/ rdul phran
gnyis 'byar pa'i rdzas la thung ngu'i yon tan mi rtag pa brten
cing/ rdul phran rab re re pa la rtag pa'i thung ngu brten par

'dod la/ nam mkha' sogs la ring thung gi yon tan brten par ma
bshad do /gal te rdul phran rab gsum pa la sogs pa la ldan
pa'i chen po dang ring po la khyad par yod pa dang/ rdul phran
rab kyi chung ngu dang thung ngu la yang khyad par yod

@057b par gang las shes zhe na/ chen po rnams kyi nang nas
ring po 'on cig/ ring po rnams kyi nang nas chen po 'on cig
ces pa'i tha snyad mthong pa las shes la/ rdul phra rab dang
de'i chung ngu dang/ thung ngu sogs kyi khyad par ni de dag
mthong pa'i rnal 'byor ba'i

mngon sum gyis grub po zhes zer ro/ /mdor na che chung sogs
tshad kyi yon tan ni bum pa mtshon na/ bum pa'i chen po bum pa
ma yin zhing/ bum pa las rdzas tha dad pa/ bum pa la chen po
zhes pa'i sgra 'jug pa'i rgyur gyur pa/ bum pa

chen po zhes brjod pa'i sgra'i dngos kyi brjod bya dang/ de
ltar 'dzin pa'i rtog pa'i snang yul du gyur pa'i dngos po la
'dod do/ /bum pa la chen po'i yon tan med na chen po'i sga
'jug pa rgyu med du 'gyur bas yo par grub la/ de yang bum pa
las rdzas

gzhan yin par bum 'dzin rtog pa dang/ bum pa chen por 'dzin
pa'i rtog pa gzung bya tha dad pa'i rtags kyis 'grub po zhes
smra zhing/ des gzhan dag kyang mtshon par bya'o/ /'o na rdul
phran gsum pa yan tshad la chen po'i yon tan ldan na/

skyu ru ra sogs la skabs 'gar chung ngu'i sgra 'jug pa ci zhe
na/ de ni chos gzhan la ltos nas chung ngu'i sgra btags pa yin
la/ btags pa'i sgra dag la ni rgyu mtshan dngos po pa yod dgos
pa ma yin la/ sgra de don de la dngos su 'jug na don de la
sgra

de 'jug pa'i rgyu dngos po pa yod dgos so/ /so so ba zhes pa'i
yon tan ni/ zhi ba 'tshos/ gang zhig phan tshun tha dad so so
bar brjod/ ces 'byung ba ltar te/ bum pa snam bu lta bu la
mtshon na/ bum pa dang snam bu'i chos su gyur pa bum snam

@058a @#/ /gnyi ga ma yin zhing/ gnyi ga las rdzas tha dad pa/
bum snam gnyi ga la ldan pa yang ma yin zhing/ bum snam gnyis
phan tshun so so par 'byed pa'i sgra blo'i dngos kyi brjod bya
dang/ snang yul du gyur pa ste/ 'di

med na bum snam sogs so sor par shes par mi 'gyur ro zhes zer
ro/ /ldan pa ni/ gang phran pa'i rdzas rnams phrad pa'am bar
med par 'dzin pa'i shes pa'i snang yul du gyur cing/ phrad pa
rdzas de dang de bar med par brjod pa'i sgra dngos

yul du gyur pa'o/ /dper na snam bu la yod pa'i snal ma phan
tshun 'dab 'byar du gnas shing phrad pa dag la bar med par
'dzin pa'i blo skye ba'i rgyu ni/ snal ma de dag phan tshun
phrad pa'i ldan pa snal ma de dag las don gzhan du

gyur pa yod pa de nyid yin no zhes bya ba lta bu'o/ /gal te
de'i tshe snam de dag phrad pa las bar med du 'dzin pa'i rgyu
don gzhan mi skye na snal ma rnams ma phrad pa na'ang par med
par 'dzin par thal lo/ /gal te snal ma rnams

phrad pa na bar med du 'dzin pa'i rgyu don gzhan skya ga la
dgos/ snal ma rnams phrad pa'i nyid snal ma rnams bar med par
'dzin pa'i rgyu'o zhe na/ snal ma rnams phrad pa nyid snal ma
las don gzhan yin te/ snal ma 'dzin pa'i shes pa

dang/ snal ma rnams phrad pa'o snyam du 'dzin pa'i shes pa'i
gzung bya tha dad pa'i phyir ro/ /de bas na bar med pa'o snyam
pa'i blo skye ba'i rdzas rnams kyi phrad pa ni ldan pa yin la/
gzhan yang rdzas rnams phrad pa'i ldan pa dngos por

@058b ma grub na/ sa chu sogs rgyu rkyen rnams phrad pa las
myu gu skyed la ma phrad pa na mi skyed pa'i khyad par mi
'thad do/ /de bas na rgyu rkyen rnams phrad pa ni dngos por
grub pas rgyu rkyen rnams kyi ldan pa 'bad med du 'grub po/
/zhes zer

ro/ /rnam dbye ni/ rdzas gang sngar ma bye pa las phyis bye
bar gyur pa rnams la phrad pa zhig pa'am/ phan tshun bye bar
'dzin pa'i shes pa'i snang yul du gyur pa ste/ byi rgyu'i de
dag las ma gtogs shing/ de dag gi chos kyang yin pa zhig

tu 'dod la/ 'di med na sngar par med pa'i rdzas gnyis phyis
bye ba na bar dang bcas par 'dzin pa'i blo skye ba'i rgyu med
par 'gyur ro/ /so so ba dang khyad par ci yod ce na/ rnam dbye
ni rdzas phan tshun sngar phrad pa las phyis bye ba zhig dgos
la/ so so

ba ni dang po nas rdzas so sor yod cing ma phrad pa cig gi
dbang du byas pa'o/ /gzhan dang gzhan ma yin pa zhes pa la/
gzhan ni ka bum lta bu la mtshon na/ /gzhan min pa ni de 'dra'i
tshe/ bum pa de nyid la bum pa la ltos med gzhan min par 'dzin
pa'i shes

du 'dzin pa'i shes pa skye ba'i rgyu dang/ de ltar 'dzin pa'i
shes pa'i snang yul du gyur ba bum pa'i chos bum pa las rdzas
gzhan du 'gyur ba'o/ /gzhan min pa ni de 'dra'i tshe/ bum pa de
nyid la bum pa la ltos med gzhan min par 'dzin pa'i shes

pa skye ba'i rgyu dang/ shes pa de lta bu'i snang yul du gyur
ba ste bum pa'i chos bum pa las rdzas gzhan du gyur pa'o/ /des
thams cad la mtshon te shes par bya'o/ /'di dag kyang gzugs can
kho na'i chos yin pas mngon sum la snang rung du 'dod

@059a @#/ /de rkang mig gi mdo las/ grangs dang/ tshad dang/ so
so ba nyid dang/ ldan pa dang/ rnam par dbye ba dag dang/
gzhan nyid dang/ gzhan ma yin pa nyid dag dang/ las rnams ni
gzugs can dang 'du ba yin pa'i phyir mig gi gzung bya yin

no/ /zhes so/ /bla ni shes pa ste/ rkang mig gi mdo las/ blo
dang dmigs pa dang shes pa zhes bya ba ni don gzhan du gyur pa
ma yin no zhes so/ /de yang mtshan gzhi ni 'jug shes lnga yin
la/ de dag yang rang gi ngo bro rig pa mi 'dod kyi/ blo

gzhan gyis rtogs par bya bar 'dod de/ ka ma la shI las/ de
yang de lta bu'i ngo bo yin na'ang/ gzhan dag gis rang rig
pa'i ngo bo ni mi 'dod kyi/ 'on kyang blo gzhan gyis rtogs par
bya ba nyid yin te zhes so/ /bde ba ni sim pa dang/ sdug
bsngal ni

yongs su gdung ba dang/ 'dod pa ni chags pa dang/ sdang ba ni
zhe sdang dang/ 'bad pa ni rtsol ba ste/ 'di dag kyang shes pa
ma yin pa bems por 'dod pa yin la/ de'i rgyu mtshan ni/ shes pa
yin na mig gis gzugs yid du 'ong ba mthong ba'i

tshe phyi'i gzugs mthong ba'i mig shes dang nang du sim pa'i
rang bzhin gyi shes pa gnyis cig car skye bar 'gyur na'ang/
rgyud gcig la shes pa gnyis cig car skye mi srid pa'i phyir
ro/ /'o na bems po yin na rang rig gis myong ba mi 'thad

cing/ dus mnyam pa'i shes pa'ang med na gang gis rig par byed/
gzhan yang bems po yin na gzugs la sogs pa bzhin du gang zag
gzhan gyis kyang gzhan rgyud kyi bde ba thun mong du myong
bar
ji ltar mi 'gyur zhe na/ bde sdug ni

@059b bdag la 'du ba'i yon tan yin pas bdag las rgyud gzhan
gyi gang zag gis thun mong du myong bar thal ba'i skyon med
la/ bdag la 'du ba'i yid shes kyi dran pa'i sgo nas rig par
byed pos rig byed med pa'i skyon yang med do zhes smra'o/ /lci
ba ni yan

lag can chos gsum ldan rigs pa'i rdzas kyi yon tan gang gis
mthus thur du 'gro ba'i bya ba 'dren pa'o/ /gsher ba ni rlan
pa'i ngo bo chu'i yon tan yin zhing/ dro ba ni me'i yon tan
dang/ snum pa ni mar la sogs pas dang chu phrad pa'i rdzas
'ga'

zhig gi yon tan yin la/ yon tan de dag kyang yon tan can dag
las don gzhan yin te/ shes pa tha dad pa'i gzung bya yin pa'i
phyir ro zhes zer ro/ /'dus byas pa ni gsum ste/ shugs dang/
bag chags dang/ gnas pa 'jig pa'o/ /shugs ni/

sa chu me rlung yid de lus can gyi rdzas lnga po la 'bad pas
rtsom pa'i khyad par la ltos pa las skyes pa ste/ dper na mda'
'phangs pa'i tshe 'bad pa'i khyad par gyis bskyed pa'i mda' bar
du mi ltung bar byed pa'i rgyur gyur pa lta bu ste/ de yang
mda' dang mda'

'phen pa'i 'bad rtsol sogs las rdzas gzhan du gyur pa'o/ /bag
chags ni rang gi rgyur gyur pa'i shes pa las skyes shing/
'bras bu shes pa skyed par nus pa'i ngo bor gyur pa'o/ /de
yang sngar mthong ba dang thos pa dang nyams su myong ba dag

la phyis dran pa skye ba'i rtags las yod par grub ste/ mthong
thos sogs kyis bag chags ma bzhag na phyis dran par mi 'gyur
ro/ /zhes zer ro/ /gnas pa 'jig pa ni/ lus can gyi rdzas kyi
yon tan gang zhig/ 'bad pas gzhan du du gnas par byed

@060a @#/ /kyang 'bad pa btang ba na de zhig nas sngar ji ltar
ba bzhin du gnas par byed pa ste/ dper na ta la'i lo ma sogs
yun ring por bltab pa 'bad pas brkyang yang/ 'bad pa btang ba
na sngar bltab pa dang mthun par gnas par 'gyur pa'i byed

pa po lta bu'o/ /chos ni/ khrus dang/ dbang bskur ba dang/
smyung bar gnas pa dang/ bla ma'i khyim du gnas pas tshangs par
spyod pa dang/ nags su gnas pa dang/ mchod spyin dang/ spyin
sreg dang/ spyin pa sogs las ma mthong ba'i 'bras bu bde ba
ster

bar byed pa'i las so/ /gang chos su bshad pa'i las rnams las
ldog pa ma thong ba'i 'bras bu sdug bsngal ster bar byed pa'i
las ni chos ma yin pa'o/ /de dag las blo dang/ bde sdug dang/
'dod sdang dang/ chos chos min/ 'dus byas/ 'bad rtsol

te dgu ni bdag kho na'i yon tan yin la/ blo lnga so sor
bgrangs pas bdag gi yon tan bcu gsum dang/ 'dus byas gsum so
sor bkrangs pas bco lngar 'gyur ro/ de yang bdag ni lus dbang
blo gsum las don gzhan du gyur pa'i rdzas

blo la sogs pa'i yon tan de rnams kyi rten du gyur cing/ yon
tan de rnams rang la 'du ba'i rgyu byed pa/ sems ma yin pa'i
ngo bo/ /mi 'jig pa/ thams cad du khyad par 'dod la/ skyes bu
dang gang zag kyang de'i rnam grangs so/ /bdag de nyid sgrub

pa'i rigs pa ni/ gal te bdag de lta bu med par gyur na/ de'i
tshe shi nas las kyi 'bras bu la longs spyod pa de su yin/
gzhan gyis byas pa gzhan gyis longs spyod pa yang ma yin te/
de ltar na las byas ba chus zos shing ma byas pa dang/

@060b phrad par 'gyur ro/ /de bas na las byed pa po dang 'bras
bu za ba por gyur pa'i bdag nges par brtag par bya'o/ /gal te
bdag rtag pa yin pa las byed pa dang 'bras bu myong bar ji
ltar 'thad de/ der ma zad bdag rtag pa skye ba dang 'chi bar
yang ji ltar

'gyur zhe na/ bdag rang gi ngo bos las cing 'bras bu longs
spyod pa ma yin gyi/ shes pa dang 'bad pa dang byed par 'do
dpa la sogs pa bdag la 'du ba'i yon tan de dag gis chos dang
chos ma yin pa'i las byed pa la bdag gis las

byed par brjod cing/ bdag la bde ba la sogs pa nyams su myong
pa 'du ba nyid bdag 'bras bu la logs spyod pa'i don yin te/
dper na bdag la 'du ba'i mig shes kyis gzugs mthong ba nyid
bdag gis gzugs mthong ba'i don yin

pa lta bu ste/ de lta ma yin na lha sbyin nam yang gzugs la
lta bar mi 'gyur ro/ /lha dang mi la sogs pa'i ris mthun khyad
par can dang/ lus dang dbang po dang/ blo dang/ tshe ba snga na
med pa dag dang 'brel pa bdag la gsar du 'dus pa

ni bdag de'i skye ba yin par brjod do/ /de yang lus dang/
dbang po dag phrad pa ni ldan pa yin la/ ldan pa de yang bdag
la ldan zhing/ blo la tshor ba bde sdug dag 'du ba yin la/ de
yang bdag la 'du ba'i mtshan nyid do/ /ldan pa dang ldan

pa ma yin pa yang yod dam zhe na/ yod de/ ma mthong ba'i las
kyis mngon par 'dus byas pa'i rnam ba'i bu ga ni bdag dang sldan
la/ de dang yang nam mkha'i bdag nyid kyi rnam ba ldan pa
lta bu'o/ /sngon nye bar blangs pa'i lus dang dbang po dan

@061a @#/ /blo dang tshor ba rnams dang bral ba ni bdag 'di'i 'chi
bar brjod do/ kha dag de'i gson pa ni/ lus dang bcas pa/ chos
dang chos ma yin pa'i las gsog pa la ltos pa'i yid dang ldan pa
gang yin pa'o/ /'tsho ba ni/ bdag

la 'dus pa'i mig dang lus la sogs pa la gnod pa'i phyir bdag 'di
la 'tsho bar rtog cing brjod la/ de bzhin du 'bras bu'i rten
dang/ 'bras bu byed pa po bdag la 'dus pa dag la gnod pa ni/
bdag la gnod cing 'tsho ba'i don to/ /

gal te bdag rtag pa yin pas bdag la lus dang dbang po gsar du
'du ba dang/ sngar yod 'bral ba sogs mi rung na/ nam mkha'i
khams la yang gzugs can gyi chos 'du 'god byed par mi 'gyur ro/
/gzhan yang rigs pa 'di lta

bus bdag sgrub par byed de/ bdag ces pa'i tshig chos can/ lus
dbang yid blo tshor ba'i tshogs las ma gtogs pa gcig brjod de/
gcig tshig yin pa'i phyir/ bum pa'i sgra bzhin no zhes te/ 'dis
ni bdag phung po dang mtshan

nyid mi mthun pa'i rang rkya bar sgrub par byed do/ /yang gson
lus chos can/ bdag dang bcas te/ srog dang ldan pa'i phyir/ zhes
pa dang/ rtags 'di'i rnam par bzhag pa ni gzhung las rgyas par
bshad par 'gyur bas bdir ma bris so/ /gzhan

yang rna ba ma phug pa na re/ mngon rjes/ nyer 'jal/ sgra dran
pa/ ngo shes dran pa'am grub pas mthong ba/ gtsug /the tshom/
phyin ci log /ma nges pa/ rmi lam/ rmi lam gyi mtha'i shes rab
sogs chos can/ lus dang dbang po dang blo las tha dad

@061b pa'i rig par byed pas rig par bya ba yin te/ rang rgyu la
rag las/ skye ba dang ldan/ spyi dang khyad par dang ldan/ rtogs
pa'i bdag nyid dang/ shin tu myur ba dang/ 'jig pa dang/ 'dus
byas bskyed/ shes pa yin pa'i phyir/ skyes bu gzhan gyi sems

bzhin no/ /zhes pas bdag sgrub par byed la/ bye brag pa'i ston
pa bde byed bdag po ni/ 'dod pa dang sdang ba sogs chos can/
'ga' zhig la brten te/ dngos po yod pa'i 'bras bu yin pa'i
phyir/ gzugs sogs bzhin no/ zhes pa'i rtags

kyis 'dod sdang sogs la rten yod par bsgrub pa nas rten de rdzas
gzhan brgyad po yin par bkag pa na/ 'dod sdang sogs la rdzas
gzhan brgyad po gang yang ma yin pa'i rten yod par 'grub pas
bdag yod par 'grub po zhes zer ro/ /

yang gsal byed pa na re/ lha sbyin gyi rgyud kyi gzugs sogs
'dzin pa'i shes pa gcig dang du ma chos can/ rgyu gcig yod de/
bdag gis zhes pa'i shes pas 'tshams sbyor ba'i phyir/ dper na/
gar mkhan gyis smin ma bskyod pa na

'dir 'dus pa'i mi thams cad kyis gos 'phang bar bya'o zhes brda
chad byas pa na/ skyes bu rnams kyis gos 'phang bar bya'o snyam
pa'i shes pa du ma'i rgyu gar mkhan gyis smin ma bskyod pa gcig
pu yin pa bzhin no/ /rtags 'dis

gzugs sogs 'dzin pa'i shes pa rnams la thun mong gi rgyu gcig
yod par grub pa na/ rgyu gcig po de yang bdag las gzhan du mi
'thad pas bdag yod par grub po/ zhes zer te/ rigs pa 'di dag gi
tshul sgrub tshul sogs

@062a @#/ /rgyas par ni ches mngos su dogs nas ma bris so/ /gzhan
yang bdag de ni bcings thar gyi gzhir yang 'dod pa yin te/ 'di
ltar gang gi tshe/ shes pa dang/ 'bad pa dang/ byed par 'dod pa
la sogs pa ji srid du bdag la 'du zhing/

de dag gis chos dang chos ma yin pa'i las bsags pa na/ chos las
ni bde ba 'byung zhing/ de las 'dod chags 'phel la/ chos ma yin
pa las ni sdug bsngal 'byung zhing/ de las zhe sdang 'phel te/
bde 'gro dang ngan 'gro'i 'khor bar

'khor zhing 'jug par 'gyur te/ de ltar bdag la dbang yid sogs
'dus nas chos dang chos ma yin pa'i las gsog pa ni bdag ma
mthong bas yin la/ de yang/ bdag lus dang/ dbang po dang blo la
sogs pa rnams las don gzhan

yin pa la de dag bdag la 'du ba'i don gzhan ma yin par 'khrul
te/ bdag bde ba la sogs pa'i phyir chos dang chos ma yin pa'i
las gsog pa yin gyi/ gang gi tshe bla ma'i man ngag las rnal
'byor bsgoms te/ bdag dbang sogs

rnams las don gzhan du shes nas bdag gi de kho na nyid mthong
zhing tshig gi don drug gi rang bzhin khong du chud pa na/ bdag
ni khyab pa'i rang bzhin yin yang byed pa med par shes te/ chos
dang chos ma yin pa'i las gang yang gsog

par mi byed cing/ las gsar pa ma bsags shing rnying pa zad pas
sngar blangs pa'i lus dang dbang po dang blo dang bde sdug 'dod
sdang sogs bdag dang bral zhing/ gsar ba'i lus dang dbang po
sogs ma blangs pas/ bud shing zad pa'i

@062b me bzhin du skye ba'i rgyun chad de bdag 'ba' zhig tu gnas
par gyur na thar pa thob ces bya ste/ de ltar na bcings pa dang
thar pa'i bdag gi rnam par bzhag pa ni de lta bu'o zhes smras
te/ lus dang yid kyi rnam rtog ni/ /thams cad spangs nas dri med
pa'i

yongs su 'da' bar de 'gro ste/ /shing zad pa yi me bzhin no/
/zhes dang/ blo sogs bdag gi yon tan bcad/ /drungs nas phyung
ba'i rnal 'byor pa/ /yid la bdag ces smras pa ni/ /bye brag pa
yi thar par shes/ zhes 'byung ba bzhin no/ /sgra ni brnyan

par bya ba ste/ de yang nam mkha' kho na'i yon tan yin gyi rdzas
gzhan la ni mi brten no/ /'di cis mngon zhe na/ gang skye 'jig
dang ldan pa de 'ga' zhig la brten pas khyab/ dper na mar me la
sogs pa bzhin/ sgra yang skye 'jig byed pa yin no/ /zhes

pas sgra rdzas zhig la brten par grub la/ nam mkha' las gzhan
pa'i rdzas la brten pa khegs pa na/ nam mkha' kho na la brten
par grub pa yin no/ /gzhan la brten pa ji ltar khegs zhe na/ sa
chu me rlung bzhi la brten pa ma yin te/ brten na

sa sogs gang yod du sgra yod dgos pa la med pa'i phyir dang/ sa
sogs bzhi las logs su chad par sgra thos pa'i phyir ro/ /bdag gi
yon tan ma yin te/ phyi rol tu dbang shes kyis dmigs pa'i phyir
dang/ bdag gzhan du mas thun mong du dmigs

pa'i phyir ro/ /phyogs dus yid gsum gyi yon tan ma yin te/ rna
bas gzung bya yin pa'i phyir ro zhes zer ro/ /'o na dus kyi
rdzas la yon tan gang zhe na/ rkang mig gi mdo las 'phyi ba
dang/ snga ba dang/ cig car ba dang cig car ba ma yin pa dang/
yun ring

@063a @#/ /ba dang myur du zhes bya ba la sogs pa ni dus kyi
rtags yang dag yin no zhes 'byung ba lta bu ste/ de yang lo dang
zla ba dang nyi ma la sogs pas rdzas tha dad cing/ yun ring ba'o
myur ba'o snyam pa sogs su 'dzin pa'i shes pa'i snang yul

du gyur pa ni yun ring ba dang myur ba sogs yin la/ de nyid gang
la brten pa'i rten de la dus zhes bya'o/ /zhes yun ring thung
myur bul snga phyi la sogs pa'i yon tan gyi rtags las dus kyi
rdzas yod par rtogs par bya'o/ /'o na phyogs kyi rdzas ji lta

bu/ de la yon tan gang brten zhe na/ 'di shar ro snyam pa nas
'di steng ngo 'og go snyam pa la sogs pa'i shes pa bcu'i snang
yul du gyur pa'i dngos po ni shar la sogs par brjed la/ de dag
lus can gyi rdzas gang la brten pa'i rten de la phyogs zhes
brjod do/ /shar la sogs pa phyogs gzhan du don gang gis sgrub ce
na/ shes pa rdzas tha dad pa'i gzung bya yin pa'i phyir ro/ /yid
kyi rdzas ni ji lta bu/ rtags gang gis dpag par bya zhe na/
dbang po lnga dang yul lnga phrad

pa cig car nye yang/ shes pa lnga cig car mi skye ba'i rtags
las/ dbang po dang don las ma gtogs pa'i shes pa'i rgyu yod par
grub la/ de la yid ces brjod do zhes smras ste/ rkang mig gi mdo
las/ shes pa cig car mi skye ba

ni yid kyi rtags so zhes 'byung ngo/ /de yang shes pa ma yin
pa'i lus can gyi rdzas rtag par 'dod la/ rna ba'i sgor zhugs dus
mig gi sgor ma zhugs pa la/ sogs pa'i sgo nas khyab pa ma yin
pa'i nyi tshe bar 'dod do/ /don de

@063b dag kyang zhi ba 'tshos/ 'jig pa la sogs gtan tshigs kyis/
/sgra rnams 'ga' zhig la brten yin/ /de ni nam mkhar 'gyur ba
min/ zhes dang/ gang las mtshan nyid mi 'dra'i rgyu/ /de ni dus
zhes bya bar brjod/ /shar dang gzhan sogs blo

rnams las/ /phyogs nyid rjes su dpog pa yin/ /shes pa rim gyi
skye ba las/ /yid kyang rjes su dpag par 'dod/ ces sogs rtsa
'grel gyis rgyas par bshad do/ /rdzas dgu dang yon tan rnams kyi
ngo bo dang phan tshun rten dang brten pa'i tshul

bshad zin te/ /da ni tshig gi don lhag ma dag bshad par bya ste/
de yang las ni lnga ste/ rkang mig gi mdo las/ 'degs pa dang/
'jog pa dang/ brkyangs pa dang/ bskums pa dang/ 'gro ba zhes bya
ba rnams ni las yin no zhes 'byung ngo/ /de

yang 'degs pa ni/ steng phyogs kyi ldan pa dang/ 'og phyogs kyi
rnam pa spyi las skyes shing/ 'og nas steng du 'dren pa'i bya
ba/ 'deg bya dang/ 'degs bya gnyis ka las rdzas gzhan du gyur
pa'o/ /steng gi rnam dbye dang 'og gi ldan pa las

skyes shing gzhag bya dang/ 'jog byed gnyis ka las rdzas tha dad
pa steng nas 'og tu 'bab pa'i bya ba'i ngo bo/ skyes bu'i rtsol
ba la skyes pa ni 'jog pa'o/ /bskum pa ni/ dpung pa la sogs pa'i
mtshan nyid kyi rdzas drang po 'khyog po nyid du sgrub

par byed pa na rgyur gyur pa ste/ bskum bya dang bskum byed
gnyis ka las ma gtogs pa'i las so/ /brkyang ba ni/ gang gi mthum
rkang ba la sogs pa'i mtshan nyid kyi rdzas 'khyog por gnas pa
drang po nyid du sgrub par byed pa ste/ brkyang bya dang

@064a @#/ /skyod byed gnyi ga las ma gtogs pa'i bya ba'i ngo bor
gyur pa'o/ /'gro ba ni/ 'gro bya dang 'gro ba po gang las kyang
ma gtogs pa'i las yul dang phyogs la sogs pa gzhan dang gzhan du
phyin par byed pa'i rgyur gyur pa'o/ /de

yang/ las dang po ba bzhi ni/ yul dang phyogs nges pa can gyi
nam mkha' sogs dang ldan pa dang/ rnam dbye'i rgyu yin la/ 'gro
ba ni ma nges pa'i phyir/ yul dus phyogs thams cad pa'i ldan pa
dang rnam dbye'i rgyu yin te/ dper na shar du 'gro ba'i

tshe/ de dus kyi 'gro ba ni/ nub kyi phyogs las dbye ba'i rnam
dbye'i rgyu yin la/ shar phyogs dang phrad pa'i ldan pa'i rgyu
yin pa lta bu'o/ /des na las lnga kho na ste/ 'khyam pa dang/
g.yo ba dang/ spro ba sogs ni 'gro ba'i khong du 'du'o/ zhes
zer ro/ /las

'di yang/ lus can gyi rdzas la gnas pa'i ldan pa dang/ rnam
dbye'i rtags las yod par grub po/ /mngon sum la snang rung du
yang 'dod de/ rkang mig gi mdo pas/ las rnams ni gzugs can dang
'du ba'i phyir mig gis gzung bar bya ba yin

no/ /zhes bshad do/ spyi ni gang la rang nyid rjes su 'gro ba'i
chos de la thun mong gi sgra blo 'jug pa'i rgyur gyur pa ste/ de
la dbye na khyab pa'i spyi dang/ nyi tshe ba'i spyi gnyis/ dang
po ni/ yod pa nyid ces bya ba ste/ de yang rdzas dang yon tan
dang las gsum

po mtha' dag la 'jug cing/ gsum po las gzhan la mi 'jug la/ gsum
po de dag la yod pa'o snyam du 'dzin pa'i shes pa'i snang yul
dang/ de ltar brjod pa'i sgra don du gyur ba sgra blo de dag gi
rgyur gyur ba ste/ 'di ni spyi kho na yin gyi

@064b bye brag ma yin no/ /nyi tshe ba'i spyi ni/ rdzas nyid
dang/ yon tan nyid dang/ las nyid dang/ ba lang nyid dang/ shing
nyid la sogs pa ste de yang rdzas nyid ni rdzas kho na'i spyi
yin la/ yon tan nyid ni yon tan kho na'i spyi yin pa la sogs
pa'i phyir/ nyi tshe ba'i spyi zhes

bya'o/ /de la ba lang nyid ni ba lang ma yin zhing/ ba lang las
rdzas gzhan du gyur ba/ ba lang ngo snyam pa'i spyi 'dzin shes
pa'i rgyu dang snang yul du gyur cing/ de 'dra'i spyi sgra 'jug
pa'i rgyu dang/ sgra don du gyur ba/ ba lang gi gsal ba rnams la
khyab byed

du gyur ba'i sgo nas rjes su 'gro ba'o/ /'di ni bye brag kyang
yin te/ rang gi gsal ba rnams ba lang ma yin pa las bye brag tu
'byed pa'i chos yin pa'i phyir ro/ /de nyi tshe ba'i spyi gzhan
dag kyang mtshon te shes par bya'o/ /de la dkar zal la sogs

mthong ba'i tshe ba lang ngo snyam pa'i shes pa skye ba ni dbang
po'i bya ba yod pa'i phyir dbang shes yin la/ mig gis ba lang
mthong ba'i tshe ba lang ngo snyam du 'dzin pa'i shes pa las tha
dad pa'i dbang shes yod na shes pa gnyis cig car skye bar 'gyur
dgos

na'ang/ de ltar 'thad pa'ang ma yin no/ /de bas na ba lang nyid
ces pa'i ba lang gi spyi de ni ba lang gi spyi 'dzin dbang shes
kyi snang yul yang yin no zhes 'dod do/ /de 'dra'i spyi yod pa'i
rgyu mtshan ni/ gal te ba lang gi gsal ba rnams la ba lang ngo
snyam

pa'i shes pa'i rgyu thun mong ba gcig med na/ ji ltar dkar zal
dang/ nag sgur la rigs gcig tu 'dzin pa'i shes pa skye ba ltar/
dkar zal dang/ tsan dan la'ang rigs gcig tu 'dzin pa'i shes pa
skye bar 'gyur dgos te/ de dag thams

@065a @#/ /cad kyang rigs gcig tu 'dzin pa'i shes pa skye ba'i
rgyu thun mong ba med par mtshungs pa'i phyir ro/ /des na thun
mong gi sgra blo 'jug pa'i rtags kyis de'i rgyur gyur pa'i spyi
yod par grub la/ de yang gsal ba rnams las rdzas

tha dad par shes pa rdzas gzhan gyi gzung byar gyur pa'i rtags
kyis 'grub bo/ /de lta na gsal ba rnams las rdzas gzhan du gyur
pa'i spyi dngos po ba yod par grub pa yin no/ /zhes zer ro/ /de
yang spyi mi rtag na spyi zhig rjes kyi gsal ba rnams

spyi med du 'gyur bas rtag par 'dod do/ /bye brag ni/ rdul phra
rab dang/ bdag phyogs dus nam mkha' sogs rtag pa'i rdzas la'ang
'jug pa 'khor ba'i mthar gyur ba'i grol ba'i bdag la yod pa'i
mtha' lta bu la 'dod de/ mdor na/ chos gang gis

rang gi rten de gzhan las khyad par du go bar byed pa'i rgyu
byed pa ni bye brag gam khyad par du 'dod de/ 'di med na chos
gang yang gzhan pas khyad par du go bar mi 'gyur ro zhes zer ro/
/des na/ nam mkha' las rdzas gzhan du gyur cing/ nam mkha'i

chos nam mkha' de rdzas gzhan sa chu sogs thams cad las khyad
par du go bar byed pa'i rgyur gyur pa zhig yod pa de nam mkha'i
bye brag go zhes bya ba lta bu'o/ /'du ba ni/ yul so so ma yin
par grub pa'i rten dang brten pa'i chos rnams

la dmigs nas/ 'di la 'di yod pa'o snyam du 'dzin pa'i shas pa'i
gzung yul du gyur cing/ rtan rdzas sogs dang brten pa yon tan
gnyis phrad cing 'brel ba'i char gyur pa'i chos rten dang brten
pa de gnyis ka las rdzas tha dad du gyur pa'o/ /

@065b dper na bum pa la gzugs yod do snyam du 'dzin pa'i shes
pa'i gzung don du gyur ba/ bum pa dang gzugs phrad cing 'brel
ba'i cha lta bu ste/ 'di med na bum pa dang gzugs phrad pa
na'ang bum pa la gzugs yod do snyam pa'i shes pa mi skye ba'am
yang na

ma phrad pa na yang skye bar 'gyur ro/ /bum pa dang gzugs gnyig
las rdzas gzhan yin te/ bum pa 'dzin pa dang bum pa'i gzugs
'dzin pa'i shes pa gnyis ka las rdzas tha dad pa'i shes pa'i
gzung bya yin pa'i phyir ro/ /ldan pa dang gnyis la khyad ci

yod ce na/ ldan pa ni chos phrad pa gnyis par med par 'dzin pa'i
shes pa'i rgyu min la/ 'du ba ni rten la brten pa yod pa'i 'dzin
pa'i blo'i rgyu yin te khyad par ni de lta bu'o/ /de yang spyir
phrad pa ni 'brel ba yin la/ de la ldan pa'i 'brel ba dang

'du ba'i 'brel ba gnyis ka yod cing/ de yang so sor phye bas
'brel ba'i tshul lngar 'gyur te/ sbyor ba'i 'brel ba dang/ sbyor
ba'i 'du ba'i 'brel ba dang/ 'du ba'i 'brel ba dang/ 'dus pa'i
'du ba'i 'brel ba dang/ 'byor ba'i khyad par gyi khyad par can
gyi

dngos po'i 'brel ba'o/ /de dag kyang dper na bum pa'i yul can du
gyur ba'i mig dbang dang/ bum pa phrad pa'i phrad pa ni sbyor
ba'i 'brel ba yin la/ bum 'dzin dbang po de dang/ bum pa'i yon
tan gzugs sogs ni sbyor ba'i 'du ba'i 'brel ba yin

la/ bum pa'i yon tan gzugs sogs kyi spyi gzugs nyid la sogs pa
dang bum 'dzin dbang po ni 'dus pa'i 'du ba'i 'brel ba grub
cing/ rna ba'i dbang po dang sgra phrad pa lta bu ni 'du ba'i
'brel ba ste rna ba ni nam mkha'i bdag nyid yin la/

@066a @#/ /sgra yang nam mkha'i yon tan yin pas yon tan rdzas la
'du ba'i phyir ro/ /rna ba'i dbang po dang sgra nyid ni 'dus
pa'i 'du ba'i 'brel ba yin no/ /sa phyogs kyi bum med dang/ mig
gi dbang po ni 'byor ba'i khyad par gyi khyad

par can gyi dngos po'i 'brel ba'o/ /zhes zer zhing des gzhan dag
la'ang mtshon te shes par bya'o/ /gzhan yang yon tan la yon tan
gnyis pa med/ rdzas las gzhan la yon tan mi brten/ spyi la spyi
gnyis pa rjes su ma 'gro/ las ni mi rtag

bye brag dang 'du ba ni rtag par 'dod do/ /de dag gis bye brag
pa dang rigs pa can pa'i grub pa'i mtha' rags pa tsam bshad zin
la/ de rnams kyang da lta'i gzhung 'chad pa po dag la/ phyogs
snga ma'i 'dod pa ci yin gtol mi snang bas/ slob

dpon chen po zhi ba 'tsho dang/ mkhas mchog ka ma la shI las
tshad chen rtsa 'grel las ji ltar rgyas par bshad pa dag gi don
bsdus te mdo tsam zhig bris pa yin no/ /de ni gzhung gi don
bshad par bya ste/ kho na re/ gsal ba'i dngos po

rnams las rdzas tha dad pa'i rigs sogs med na/ ba lang gi gsal
ba rdzas tha dad pa rnams la ba lang do snyam pa'i sgra blo thun
mong ba 'jug par mi 'gyur ro/ /des na gang zhig rdzas tha dad
pa'i chos du ma la sgra blo thun mong du 'jug pa de

ni chos de dag las don gzhan pa'i rgyu mtshan gyis yin no zhe na/
gsal ba'i dngos po las ni rdzas ni rdzas tha dad pa'i rigs sogs
yod pa la ni sgrub byed kyi rjes dpag med de/ rtags de la mthun
dpe med pa'i phyir ro/ /gal te skyes bu

@066b dbyug pa can zhes pa ni don gzhan dbyug pa kho na'i rgyu
mtshan gyis yin pa bzhin zhes pa mthun dpe'o zhe na/ mi 'thad de/
dbyug pa can sogs thams cad la'ang/ skyes bu dang dbyug pa'i
'brel ba kun rdzob las tha snyad 'dogs pa yin pa'i phyir

te/ de lta min par dbyug pa kho na'i rgyu mtshan gyis yin na/
dbyug pa yan gar ba la yang dbyug pa can du shes par thal lo/
/de ltar dpe bkag nas du ma la sgra gcig 'jug pa rgyu mtshan don
gzhan gyis yin pas khyab pa la khas blangs nang

'gal gyis gnod pa bstan pa ni khyod kyis du ma la sgra gcig 'jug
pa rgyu mtshan rdzas gzhan la ltos dgos par 'dod pa ni/ mi 'thad
de/ tshig gi don drug la dngos po zhes pa'i sgra gcig 'jug pa
dang/ khang bzangs rdzas tha dad du ma tshang

du dngar ba la phreng ba zhes sogs kyi sgra gcig 'jug pa yang
tshig gi don drug las gzhan pa'i dngos po dang/ khang bzangs
rnams las rdzas gzhan pa'i phreng ba yod pa la ltos pa yin pa'i
phyir te/ tshig gi don drug las gzhan pa'i

shes bya med pa'i phyir dang/ khang bzangs las rdzas tha dad
pa'i phreng ba khang bzangs la brten na phreng ba ni yon tan yin
pas rdzas la brten dgos pa'i phyir/ khang bzangs rdzas su 'gyur
na'ang khang bzangs ni rdo shing sogs rigs mi mthun

gyi rdzas kyis brtsams pa yin la/ rigs mi mthun gyis rdzas rtsom
pa med par khas blangs pa'i phyir ro/ /gal te khang pa ni rdzas
rigs mi mthun phreng ba'i ldan pa yin gyi/ rdzas ma yin no zhe
na/ 'o na khang pa de la brten pa'i phreng ba de ni yon

@067a @#/ /tan ma yin dgos shing/ yon tan ma yin na shes bya tshig
gi don drug gi nang nas gzhan ci zhag yin rdzas dang las yin par
mi 'thad de/ ldan pa'i rang bzhin gyi khang ba la brten pa'i
phyir/ 'du ba dang bye brag kyang yin par mi

'thad de/ rten 'di la brten pa 'di yod do snyam pa'i shes pa
dang/ rang gi rten chos gzhan las leg par 'dzin pa'i shes pa'i
rgyu ma yin pa'i phyir/ gal te phreng ba ni rigs yin la rigs ni
ldan pa la yang yod par mi 'gal bas skyon med

do zhe na/ de na khang ba gcig kyang khang ba'i phreng ba'o zhes
rjod cing shes par 'gyur bar thal/ phreng ba rigs su ldan pa'i
phyir/ dper na shing nyid rigs su ldan pas dpe lta bu gcig la
yang shing zhes brjod pa bzhin no/ /gzhan yang phreng ba

rigs yin na/ phreng ba mang po la phreng ba de'i sgra ji ltar
'jug par 'gyur te mi 'jug par thal/ de 'jug na phreng ba mang po
la yang phreng ba yod dgos pa gang zhig /phreng ba yang rigs yin
zhing/ rigs la rigs gnyis pa med pa'i phyir/ /rtags

snga phyi thams cad grub pa'i mtha' las khas len no/ /gzhan yang
khang ba'i phreng ba la chen po'i sgra yang mi 'jug par thal/ de
'dug na phreng ba la chen po yod dgos pa la/ chen po ni yon tan
yin pas rdzas kho na la

brten la/ phreng ba rigs yin pa'i phyir ro/ /rtags phyi zur gong
du khas blangs/ snga ma rnams grub pa'i mtha' las khas len no/
/gal te sgra de don de la 'jug pa'i rgyu don gzhan yod na/ dngos
dang/ med na btags nas 'jug pa yin

@067b pas khang ba'i phreng ba sogs la chen po sogs kyi sgra
btags nas 'jug go zhe na/ phreng sogs la ni chen po sogs kyi
sgra nye bar btags pa las 'jug par 'dod pa gang yin pa de yang
mi 'thad de/ 'di ltar khang ba'i phreng ba chos can/ khyod la
chen

po'i sgra nye bar btags nas 'jug pa min par thal/ ri bo sogs
chen po dngos dang chen por khyad med du rnam shes kyis gzung
bya nyid yin pa'i phyir/ don de la sgra de 'jug pa'i rgyu don
gzhan yod pa dngos ming gi don du 'dod pa'ang mi 'thad de/

khyed rang don de la sgra de dngos su mngon par 'dod pa 'ga' la
yang rgyu don gzhan yod pa min pa nyid de mtshungs pa'i phyir/ ji
ltar mtshungs na rdzas dang yon tan sogs drug po rnams la tshig gi
don zhes pa'i sgra dngos su 'jug kyang rgyu

gzhan gang la ltos par mthong ste/ drug po las don gzhan pa'i
chos med par khas blangs pa'i phyir ro/ /des na ji ltar don de
la sgra de thog mar brda sbyar zhing grags pa las don de'i ming
du grub pa gang yin pa ni don de'i dngos ming dang/ don de

dang 'brel ba'am cha 'ga' zhig mtshungs pa'i phyir/ phyis don
gang la de skad du brjod pa ni phal ba btags ming yin gyi btags
ming gi yul dngos por med pas ma khyab ste/ bu glen gyi dngos po
la yang bu'i dngos po med par brjod

pa'i sgra btags nas 'jug pa'i phyir ro/ /gal te grags pa las
dngos btags kyi dbye ba grub pa de lta na'ang/ grags pa nyid
rgyu mtshan dngos po ba med par ji ltar 'jug ce na/ grags pa
brda'i rjes 'gro can yin zhing/ brda de yang brjod 'dod rjes

@068a @#/ /'gro can yin la/ 'dod pas brda sbyor ba ni rgyu mtshan
dngos po ba la mi ltos par rang dgar/ ming las don rtogs pa tsam
gyi tha snyad don du byas pa ste dper na/ sdeb sbyor gyi khyad
par 'ga' zhig la me tog phreng 'dzin zhes

sogs kyi ming dang/ sgra'i cha shas la rang bzhin dang rkyen la
sogs pa'i tha snyad btags pa bzhin no/ /lnga ba rigs rdzas gzhan
med kyang spyi'i sgra blo 'jug pa 'thad pa'i tshul bstan pa ni/
gal te gsal ba rnams la rjes su 'gro ba'i spyi rdzas

gzhan med na gsal ba tha dad pa du ma la spyi sgra gcig 'jug par
ji ltar 'gyur zhe na/ shes bya chos can shing gsal rnams la spyi
rdzas gzhan med kyang shing zhes pa'i spyi sgra 'jug pa'i rgyu
mtshan yod de/ shing gsal rnams rdzas tha dad du ma

yin kyang rang 'dzin dbang shes dngos su skyed cing/ des bzhag
pa'i bag chags sa dang las spyi 'dzin shes pa skye ba gang yin
pa'i dngos pa'i chos nyid kyis spyi 'dzin shes pa de 'dra'i rnam
shes bskyed pa'i rgyu byed pa yi ni don de dag la spyi

'dzin shes pa des rigs gcig pa de ltar rtogs par 'gyur ba yin
pa'i phyir/ mdor na shing gsal rnams la spyi rdzas gzhan med
kyang 'bras bu dbang shes rigs gcig bskyed pas spyi 'dzin shes
pa skye ba yin zhes pa'o/ /gsal

ba rnams bzhin du de 'dizn dbang shes rnams kyang tha dad du ma
yin pa'i phyir 'bras bu rigs gcig byed pa ma grub po zhe na/
shing gsal rnams 'dzin pa'i dbang bo'i shes pa'ang chos can/
shing gsal de bzhin du tha dad du ma yin

@068b kyang rigs gcig yin te/ rang gi bag chags bzhag pa'i sgo
nas shing gsal tha dad rnams rigs tha dad min par ni rtogs pa'i
shes pa skyed pa la khyad par med pa'i phyir/ de'i phyir shing
gsal rnams la rdzas gzhan du gyur ba'i spyi dngos

po ba gcig yod pa ma yin yang/ spyi med du mi 'gyur te/ shing
gsal de rnams 'bras bu rigs gcig med pa dang bral bas khyad par
du byas pa'i gzhan sel ba'i spyi de shing gsal ba rnams la thun
mong du rjes su 'gro ba'i

phyir; des na shes bya chos can/ shing gsal gyi dngos po rnams
la shing zhes pa'i mnyan bya 'jug pa de shing ma yin rnam par
bcad pa'i gzhan sel ba'i spyi de'i mtha' can nam rgyu mtshan yin
te/ shing gsal gyi dngos po

rnams la de khyab byed du yod cing shing gsal rnams shing ma yin
bcad par shes pa'i phyir du shing sgra sbyar ba de'i phyir ro/
/gal te bum pa'i gzhan sel ba'i spyi zhes brjod pa bum 'dzin
rtog pa la bum pa ma yin las log par

snang ba de dngos por ma grub na/ de brjod pas bum pa go bar ji
ltar 'gyur zhe na/ bum pa zhes pa'i sgra de ni/ phyi rol/ bum pa
chu skyor ba'i don byed nus pa bum ma yin rnam par gcod pa'i
dngos po la reg pa med kyang/ rnam par

rtog pa'i gzugs brnyan rtog pa la bum ma yin las log par snang
ba de ni don byed pa de'i mthar thug pa'i bum pa rnams dang
brgyud nas 'brel ba des na bum pa'i gzhan sel ba'i spyi ni bum
pa rang mtshan gyi mthar thug

@069a @#/ /pa'i phyir bum pa zhes pa'i mnyan bya bum pa'i gzhal
sel brjod kyang bum pa rang mtshan go bar byed par brjod do/
/ngag don ni bum sgra chos can/ phyi rol bum pa khyod kyi sgra
don ma yin kyang/ bum pa'i gzhan sel ba'i spyi brjod

pas bum pa go nus te/ bum pa'i gzhan sel ba'i spyi de bum pa
rang mtshan la brgyud nas 'brel ba'i bum spyi yin pa'i phyir/ 'o
na bum 'dzin rtog pa la bum ma yin las ldog par snang ba de
dngos por ma grub pa'i rgyu mtshan ci zhe na/ bum

pa zhes pa'i sgra de dag la rtog pa'i shes pa la gzhan phyi rol
gyi bum pa'i gzugs brnyan bum pa lta bu dang/ bum pa ma yin las
ldog pa bzhin du snang ba gang yin pa de'ang chos can/ don gyi
bdag nyid du gyur ba'i dngos po min te/ bag

chags las byung ba'i 'khrul snang yin pa'i phyir/ kho na re 'o
na bum 'dzin rtog pa la snang ba'i bum pa'i rnam pa brjod na'ang
bum pa go bar 'gyur te/ bum pa la brgyud nas 'brel ba'i phyir
ro/ /des na bum pa'i rnam pa'ang bum sgra'i

brjod byar mtshungs so zhe na/ shes bya chos can/ bum 'dzin rtog
pa'i rnam pa bum sgra'i brjod byar mi 'thad par thal/ rnam pa de
ni mnyen byas brjod pa na bum pa'i don gyi cha gang yang rtogs
par 'gyur ba min pa'i phyir/ khyab

pa yod de bum sgra las bum pa'i cha de dag gang yang ma rtogs na
bum pa de rtogs pa'i don can du bum sgra brda byed pa ni don med
par 'gyur ba'i phyir/ 'o na bum sgras rtogs pa la bum ma yin las
log par snang ba brjod pa'i tshe bum

@069b pa'i chos gang rtogs zhe na/ de'i tshe bum sgras bum pa'i
don gyi cha ni ci brjod ces/ 'dri ba de la bum pa'i chos gzhan
bum ma yin sel zhing rnam par bcad pa'i ched brjod do zhes brjod
par bya'o/ /'o na rnam pa brjod pa'i tshe na'ang don gyi cha gang
rtogs

par 'gyur/ zhes pa rtags ma grub bo zhe na/ shes bya chos can/
bum 'dzin rtog pa'i rnam pa de brjod pa na ji ltar don bum pa la
brtan pa'i chos brjod pa yin te/ min par thal/ rnam pa de yang
don bum pa la mod pa'i phyir/ gzhan yang shes bya chos

can/ bum pa zhes brjod pa'i sgra don bum 'dzin rtog pa'i rnam pa
yin par mi 'thad par thal/ bum gsal la rjes su 'gro ba can gyi
bum pa'i spyi sgra ni/ bum gsal la rjes su 'gro ba can gyi bum
spyi rtogs pa'i don gyi 'bras bu can yin la/ bum 'dzin

rtog pa'i rnam pa bum gsal la rjes su 'gro ba'i spyi ma yin pa'i
phyir/ de rtags ma grub bo zhe na/ bum pa rang mtshan mthong ba
goms pas bzhag pa'i bag chags kyis sprul cing bskyed pa'i bum
'dzin rtog pa'i rnam pa de'ang chos can khyod bum gsal

rnams la rjes 'gro med pa can yin par thal/ bum pa 'dzin pa'i
rtog blo las bdag nyid tha dad pa med pa'i shes pa'i rdzas yin
pa'i phyir ro/ /gzhan yang rnam pa ni don dang 'brel ba yin
kyang don du snang ba sogs med la/ gzhan sel ba'i spyi ni/

don dang brgyud nas 'brel bar ma zad snang btags gcig tu 'khrul
ba'i rgyu mtshan gyis kyang de brjod pa na don thob par 'gyur ba
yin no/ zhes ston pa ni bum 'dzin rtog pas rang la snang ba de
don bum pa la brgyud nas 'brel bar ma zad/ rang

@070a @#/ /la snang ba de bum pa'i dngos por sgro btags shing
snang btags gcig tu rtogs pa yis rang la snang ba de gzhan bum
ma yin las log par rtogs pa'i phyir yang bum pa'i sgra don gang
yin na rtog pa la bum ma yin las

log par snang ba de nyid yin no/ /zhes brjod pa la phyi rol bum
pa mi thob pa'i skyon du 'gyur ba sogs kyi 'gal ba med do/ /der
ma zad/ rjes 'gro can sgras rjes 'gro can/ /don gyi 'bras yin
zhes smras pa de yang phyogs 'di la 'thad pa yin te/ shes bya
chos

can/ rtog pa la bum ma yin las log par snang ba bum pa'i sgra
don yin na/ bum sgra las bum spyi bo ba 'thad par thal/ rtog
pa'i shes pa bum sgra yis nges par sprul zhing bskyed pa de dag
la bum ma yin las log par snang ba nyid 'di don bum gsal

rnams kyi cha la rjes su 'gro ba'i spyi yin pa'i phyir/ de ltar
na bum pa zhes pa'i mnyan bya ni bum pa'i gzhan sel brjod par
byed kyi shes pa'i rnam pa sogs brjod pa ma yin no/ /skabs 'dir
rigs mdzod la sogs pa'i TIka snga phyi mang po dag

gis gong du rnam pa sgras brjod par 'dod pa shes pa las tha dad
med pa'i rtags kyis bkag nas don gyi cha la 'di rjes 'gro zhes
sogs su bum 'dzin rtog pa bum spyi dang bum pa'i sgra don du
khas len pa sogs dngos 'gal gyi phung po dag nye

bar blangs mod/ de thams cad sgra don gang la zer gtol ma byung
bas nongs so/ /gzhan sel sgra don yin pa de na/ brda sbyor
ba'ang sel ba'i sgo nas sbyor gyi sgrub pa'i sgo nas sbyor ba ma
yin no/ /zhes ston pa ni/ gang gi phyir de lta yin pa de'i

@070b phyir/ dang po ba lang gi brda sbyor ba yi dus na'ang ba
lang rang nyid tha snyad kyi dus na rtogs pa'i 'bras bu can na
ma dgos pa'i phyir du sbyor la/ de ltar brda sbyor ba'i tshe
na'ang ba lang zhes pa'i brdas bstan pa'i don nog sogs 'dus pa'i
gong bu rang mtshan

dang 'brel ba yi nog sogs 'dus pa ma yin pa las log par snang
ba'i gzhan sel ba lang zhes pa'i sgra dang 'brel bar 'gyur ba
ste sgra don yin la/ des na brda sbyor ba yang gzhan sel ba'i
sgo nas brda sbyor gyi sgrub pa'i sgo nas sbyor ba ma yin te/

ba lang zhes pa'i brda sbyor ba'i tshe rta la sogs pa gzhan la/
nog sogs ma mthong ba la ltos pa dang/ khra bo la sogs pa la lar
nog sogs de mthong ba la ltos pa'i phyir/ gzhan nog sogs dang mi
ldan pa sel zhing rnam par bcad pa'i sgo

nas ba lang zhes pa'i sgra dang brda 'brel byed par 'gyur gyi
tshul de ni sgra don dngos po ba la bsgrub pa'i sgo nas brda byed
pa la mi rung ngo/ /rkang ba brgyad kyi ngag don ni/ shes bya
chos can/ ba lang zhes pa'i sgra brda byed pa'i tshe nog sogs
'dus pa

ma yin pa las log par snang ba nyid sgra don du byas nas sel
ba'i sgo nas brda sbyor ba yin te/ nog sogs 'dus pa'i gong bu ma
yin pa rnam par bcad pa shes pa la ltos nas ba lang zhes pa'i
sgra brda sbyar ba yin pa'i phyir/ sngar bshad

rnams kyi mjug bsdu ba ni/ rigs sogs rjes su yod pa la sgrub
byed med cing/ gnod byed mthong ba de'i phyir rigs sogs rdzas
gzhan dang de ldan pa'i rdzas dang/ de gnyis kyi 'brel ba sogs
ni don la yod pa min cir de la sgrub pa'i sgro

@071a @#/ /nas sgra mi sbyor te/ gzhan las ldog par snang ba'i
gzhan sel ba'i spyi la sgra rnams nyid ni sbyor ba'i phyir ro/
/gzhung 'di lha dbang blo'i 'grel bar/ de phyir rigs sogs de
ldan ni/ /don la yod min de la sgra/ /mi sbyor gzhan

las ldog pa la/ /sgra rnams nyid ni sbyor phyir ro/ zhes 'byung
ba ltar bton nas bshad pa'i phyir ro/ /gnyis pa ming sbyor rtog
pa yin pa dgag pa ni/ kun las btus las/ ming dang rigs sogs
sbyor ba yi/ /rtog pa dang bral mngon sum

mo/ /zhes gsungs pa las/ rigs sogs sbyor ba'i rtog pa dang bral
ba'i sgrub byed rigs sogs rdzas la sbyor ba mi srid pa'i rigs pa
rgyas par bshad nas/ rigs sogs rdzas la sbyor ba mi srid kyang/
ming don sbyor ba'i rtog pa ni yod

pa'i dbang shes kyang de lta bu'i rtog bcas so snyam pa la/ ming
dang sbyor ba yi/ rtog pa dang bral mngon sum mo/ zhes pa de'i
sgrub byed rgyas par bshad nas ming sbyor rtog pa dang bral bar
sgrub pa yin te/ de la rigs pa'i rnam grangs

drug las/ dang po snga phyi bsre ba med pa'i rtags kyis sgrub pa
ni/ gzugs 'dzin mig shes la ni chos can/ ming don sbyar 'dzin de
ci ltar yod de med par thal/ snga phyi dang bcas pa'i chos gnyis
bsres nas 'dzin pas stong ba'i phyir

khyab ste/ ming sbyor rtog pa yin na don gang la dang por ming
de brda byas pa dran pa'i rgyu can gyi ste dran pa la brten nas/
phyis don de dang rigs 'dra ba gzhan mthong ba na'ang 'di'i ming
'di'i zhes bsre bar byed pa'i bdag nyid can

@071b yin pas khyab pa'i phyir/ gnyis pa rtog pa yul gzhan 'dzin
yang dbang shes mthong ba'i rtags kyis sgrub pa ni/ shes bya
chos can/ dbang shes yin na/ rtog pa yin pas khyab pa ma yin par
thal/ rtog pa yul gzhan 'das pa'i dus kyi sgra

sogs la 'jug pa'i sems can gyi yang mig gis gzugs dag mthong bar
gyur ba der ni gsal bar snang ba'i gzugs de yi brda mi 'dzin
zhing/ brda des bskyed pa'i gzugs 'dzin rtog pa'ang med pa'i
phyir te/ rgyud gcig la rtog gnyis

cig car mi srid pa'i phyir ro/ /gsum pa sgra don mi snang ba'i
rtags kyis sgrub pa ni/ dbang skyes chos can/ khyod kyi snang
yul yin na sgra don yin par thal/ khyod rtog pa yin pa gang zhig
/gang la sgra ni nges par 'god pa'i sgra don zhig snang yul

du byas nas de la dmigs te rtog pa skye bar 'gyur dgos pas khyab
pa'i phyir/ 'dod na/ rang yul la 'dod pa yis 'jug par 'gyur ro/
/'dod na/ phyi don snang yul du byas nas mthong bar mi 'gyur ro/
/bzhi ba rtog myong med par thal ba'i

sgo nas sgrub pa ni/ blo kun rtog pa yin na gzugs la 'di gzugs
so zhes mthong zhing rtog pa na/ gzugs nges pa'i rtog pa de
myong byed med par 'gyur la/ de lta na de gzugs mthong ba'i
blo'o zhes pa ni ji ltar mthong zhing dran par 'gyur te/ dran

pa myong ba'i rjes su 'brang ba'i phyir ro/ /blo kun rtog pa yin
kyang de'i nyams su myong ba yang yod par khas len mod/ skyon ci
yod ce na/ 'o na de ni rtog med ji ltar yin te/ blo kun rtog pa
yin pa'i phyir rtog par 'dod dgos la/ da

@072a @#/ /lta na gzugs nges pa'i rtog pa de nyid yin nam de las
tha dad yin/ rtog pa de rtog pa de nyid kyis myong ba yin na ni/
shes pa gcig la 'di gzugs so snyam du rtog pa dang/ 'di gzugs
mthong ba'i shes pa'o snyam du

rtog pa'i 'dzin stangs gnyis yod dgos pa la rgyud gcig la de
ltar rtog pa gnyis cig car mthong ba med pa'i phyir ro/ /'on te
shes pa de las tha dad pa'i shes pa gzhan gyis myong ngo zhe na/
'o na tha dad pa'i shes pa dus mnyam pas myong

dam/ 'on te phyis 'byung bas myong/ dang po ltar na/ gzugs 'dzin
rtog pa de ni dus mtshungs pa'i rnam par shes pa gzhan gyis myong
ba mi 'thad par/ rtog gnyis cig car mthong ba med ces pa des
bstan pa yin no/ /gnyis pa

ltar na/ gzugs 'dzin rtog pa myong ba'i blo chos can/ gzugs
'dzin rtog pa la ni dran par 'gyur bar thal/ rang dus na 'das
pa'i gzugs mthong ba'i blo'o snyam du rtog pa'i blo yin pa'i
phyir/ 'dod na/ de chos can/ rtog pa de la dran pa ci ltar yin
te min par thal/ de yin na rtog pa de myong ba sngon du 'gro
dgos pa la khyod kyi sngon du de myong ba med pa'i phyir/ dran
pa yin na skyon gzhan yang yod de/ lha sbyin rang gi blo'i myong
byed du gyur ba'i lha sbyin gyi blo

chos can/ khyad dang gzhan mchod sbyin gyi blo yongs su gcod
pa'i lha sbyin gyi blo gnyis rang yul rang la lkog gyur yongs su
gcod pa'i ngo bor gcig par 'gyur bar thal/ khyod rang dus na
'das pa'i yul dran pa'i blo yin pa'i

@072b phyir ro/ /skabs 'di dag tu bod kyi TIka byed dag gis ni
nor ba'i phreng ba brgyud mar bris so/ /gzhan yang shes pa rnams
kyi myong byed kyi blo ni rang la phyis byung gi dran pa yin pas
khyab na/ skyon gzhan yang yod de/ da lta 'das pa'i don rig
sngar rang

rgyud la byung bar tshad ma cis grub ste tshad mas ma grub par
'gyur ro/ /gang gi phyir na de 'jal ba'i mngon sum tshad ma yod
pa ma yin zhing rtags can rjes dpag kyang yod pa ma yin pa'i
phyir/ dang po ma grub na/ rang mngon sum du myong byed med

pa'i blo yin pa bud/ zur phyi ma'ang khas len dgos te/ de sngar
skyes pa'i tshe ma myong na/ de sngar rang rgyud la skyes par
sgrub pa'i chos ldan gyi dpe dag dang bral bas de sgrub kyi
rtags yang dag ni yod pa ma yin pa'i phyir ro/ /gal te mdo sde
pa dag

gzugs sogs de'i ngo bor ni snang ba can gzugs sogs kyi de ma
thag par byung ba'i blos gzugs sogs mngon sum du 'dzin par 'dod
pa bzhin du 'das zin pa'i gzugs 'dzin dbang shes kyang de'i rnam
par snang ba'i glo de ma thag

tu byung bas mngon sum du 'dzin par 'gyur zhing myong bar 'dod
pas lkog gyur du thal ba dang/ tshad mas ma grub par thal ba sogs
kyi skyon thams cad med do zhe na/ des na gzugs 'dzin dbang shes
skad cig du ma rgyun ldan du skye ba'i

tshe/ gzugs 'dzin myong byed kyi blo rang la gang gi rnam pa
snang ba'i gzugs 'dzin skad cig tha ma de kho na myong bar 'gyur
gyi/ de'i sngar byung ba'i blo de dag 'dzin par mi 'gyur ro/ /ji
skad bshad pa'i tshul de lta bas na shes pa'i myong

@073a @#/ /byed rtog med yod par grub po/ /gal te rang gi bdag
nyid myong ba'i shes pa rtog med yin yang/ yul rang las rdzas
gzhan 'dzin pa'i dbang shes rtog pa yin no zhe na/ ji ltar rang
gi bdag nyid du gyur ba'i shes pa yul du

yod pa can gyi gzugs 'dzin rnam shes nyams su myong byed de rtog
med yin pa de bzhin du gzugs sogs 'dzin pa'i dbang shes gzhan
yang rtog pa med par 'gyur te/ brda bya mi nus pa ste sgra don
ma yin pa'i rang mtshan snang yul du yod

par mtshungs pa'i phyir/ lnga pa rang mtshan mthong ba med par
thal ba'i sgo nas sgrub pa ni/ shes bya chos can/ khyad par rang
mtshan shes pa gang gis kyang snang yul du byas nas rtogs par
'gyur mi srid par thal/ rtog pa med pa'i shes pa

med pa'i phyir/ khyab ste/ spyi brjod ngang tshul can sgra dang
rtog pa'ang de dang don gcig pa ste sgra don dang rtog pa'i
snang yul yin na spyi mtshan yin pas khyab pa'i phyir ro/ /gal te
rang mtshan snang ba'i rtog med 'ga' zhig kyang yod do

zhe na/ 'o na de dang rgyu rigs mtshungs pa can gyi dbang shes
thams cad rtog med yin par rigs 'dra ba de bzhin du 'dod rigs
te/ 'bras bu'i bdag nyid rigs 'dra mi 'dra tha dad pa ni rgyu
rigs 'dra mi 'dra tha dad pa las yin pa'i

phyir ro/ /drug pa brda la mi ltos pa'i rtags kyis sgrub pa la/
dngos dang de las 'phros pa'i don gnyis/ dang po ni/ shes bya
chos can/ dbang shes yin na ming sbyor rtog pa ma yin pas khyab
par thal/ ming sbyor

@073b rtog pa yin na rang gi snang yul phyi rol don la ltos pa
med par brda dran pa las ming don sbyor ba yin pas khyab la/ de
bzhin du brda la ltos pa med par rang gi snang yul dngos po ba'i
nus pa nyid las mig shes sogs dbang blo

skye bar 'gyur bas khyab pa'i phyir/ gal te gzugs ni brda dran
pa la ltos nas rang 'bras dbang po'i blo dag la phan 'dogs nus
par 'gyur gyi de la ltos pa med par ma yin no zhe na/ rtags yang
dag gi tshul gsum 'jal ba'i tshad mas

dngos su tshul gsum dran pa'i shes pa bskyed/ de las bsgrub bya
'jal ba'i rjes dpag skye ba bzhin du/ gzugs kyis kyang/ dngos su
rang gi brda dran pa nyid la phan btags nas dran pa de las dbang
shes skye bar 'gyur ro/ /de 'dod

do zhe na/ lha dbang blo'i 'grel bar/ de ni mngon phyogs skye
ba'i phyir/ /dran pas dbang blo 'gyur ba'ang min/ zhes 'don pa
ltar bton nas bshad par bya ste/ shes bya chos can/ gzugs kyis
rang gi brda dran pa'i shes pa skyed cing/ dran pa

de las gzugs 'dzin dbang blo skye bar 'gyur ba'ang min par thal/
mig shes de ni gzugs de rang la dngos su mngon du phyogs pa las
skye ba'i phyir/ gzhan yang/ mig shes gzugs las dngos su mi skye
bar brda

dran pa las dngos su skye na/ rkyen gsum nus ldan du yod pa'i
tsha dbang shes skye la/ med na mi skye ba'i nges pa mi 'thad par
thal/ dbang shes rang gi snang yul phyi don las dngos su mi skye
bar brda dran pa las dngos su

@074a @#/ /skye ba gang zhig /rkyen gsum nus ldan du yod pa de
las dus gzhan du'ang/ brda dran par 'gyur zhing de dag yod pa'i
skabs la lar yang rnam par g.yengs nas brda ma dran pa srid
pa'i phyir/ gal te rim gyis brda dran pa dang mig shes gnyi

ga'i dngos rgyu yin te gzugs kyis dang por brda dran dngos su
bskyed/ de nas mig shes dngos su bskyed do zhe na/ de lta na
gzugs de rang 'bras brda dran pa'i shes pa bskyed nas ma zhig
par 'dod dgos pas rtag par 'gyur te/ rang grub dus las dus gnyis
par ma zhig pa'i phyir ro/ /de lta na rtag pas 'bras bu skyed pa
la sngar mi skyed cing phyis skyed pa'i khyad par tha dad med
pa'i phyir sngar brda dran pa skyed pa nyid kyi dus na mig shes
kyang skyed par 'gyur ro/ /gal te brda dran skyed byed dang
dbang

po'i blo'i rgyu gzhan yin te/ gzugs skad cig snga mas brda dran
pa'i shes pa skyed la/ phyi mas dbang shes skyed do zhe na/ de
lta na dran pa'i don yang gzhan yin la/ mig shes kyis mthong
ba'i don yang gzhan yin pa'i phyir/ mig shes skyed pa

de la brda dran pa don med par 'gyur ro/ /de ltar dbang shes
skye ba brda dran la ltos pa la gnod byed bstan nas mi ltos pa'i
sgrub byed bshad pa ni/ shes bya chos can/ dbang shes skyed pa
de la brda dran pa don ci yod de med par thal/ brda dran pa ni

ji ltar brda btags pa grub pa'i don du 'dod cing brda las byung
ba yin pa dang/ dbang shes ni brda btags med pa ste sgra don ma
yin pa'i khyad par rang mtshan snang yul du byas nas 'dzin pa'i
shes pa yin pa'i phyir/ de dag gi don bsdu ba ni/ de ltar

@074b ji skad bshad pa'i tshul gyis brda la ltos nas spyi tsam
'dzin pa yin na ni khyad par rang mtshan yul du nye ba la ltos
par mi rung ngo/ /de'i phyir mig dang gzugs dag la brten nas mig
blo skye bar 'gyur gyi dbang shes skye ba brda la mi ltos so/
/gnyis pa de dag las 'phros pa'i don bshad pa ni/ de phyir mig
dang gzugs dag la/ /brten nas mig blo skye bar 'gyur/ zhes smras
pa la 'di ltar rgol te/ gal te gzhan rig mngon sum gyi shes pa
skye ba la dbang po bzhin du yul yang nus pa yod pa yin

pa'o na ci'i phyir yul dbang gnyis ka la rag las nas skye ba de
ni dbang shes dang/ mig shes zhes sogs dbang po'i sgo nas tha
snyad byed kyi gzugs shes zhes sogs yul gyi tha snyad des mi
brjod pa ci zhe na/ dgos pa de'i lan/ tshad ma mdor/ thun mong

min pa'i rgyu yi phyir/ /de yi tha snyad dbang pos byas/ zhes
gsungs pa'i don 'chad pa ni rtog pa sngon du gtong bdag phongs
pas tha snyad byed pa ma yin gyi/ ming des don de 'khrul med du
go bar byed pa nyid mthong nas tha snyad nges par sbyor ba yin
no/ /mig

shes zhes sogs dbang po'i sgo nas tha snyad byas pa la'ang/
gzhan rig mngon sum de dang de thun mong ma yin par 'khrul med
du go bar byed pa de yod de/ mig sogs dbang po de dag ni rang
'bras mngon sum de dang de'i thun mong ma yin pa'i nges pa'i
rgyu

yin pa'i phyir/ dper na rnga'i sgra dang nas kyi myu gu zhes pa
bzhin no/ /yul rnams ni de lta ma yin te/ dper na gzugs shes la
mig dang yid la brten pa gnyis ka yod pas tha snyad des gang
rung cig thun mong ma yin par go mi nus pa bzhin no/ /des

@075a @#/ /na don de thun mong ma yin par go ba'i phyir du sbyar
bar bya ba'ang don de'i dngos ming la khyab pa'i chos yin pa/
de'i phyir mig shes zhes pa'i tha snyad 'di la ni chos can/ mig
gzugs la brten nas skyes pa'i shes pa la khyod kyi brda

'dogs pa'i rgyu mtshan yod de/ shes pa de thun mong ma yin par go
ba'i phyir du khyod sbyar bar bya ba'i ming yin pa'i phyir zhes
pa rang bzhin gyi rtags yin no/ /gzugs shes zhes pa'i tha snyad
chos can khyod shes pa de 'dra'i dngos ming du sbyar bar bya ba
ldog

par 'gyur te/ de'i dngos ming gi khyab par byed pa'i rang bzhin
shes pa de thun mong min par go nus pa ni khyod la log pa'i
phyir na'o/ /gsum pa dbang shes rtog bral la lung 'gal spang ba
la/ tshad ma mdor/ gal te de gcig tu mi rtog na rnam par shes pa
lnga po de 'dus pa la dmigs pa ji ltar yin/ gang yang skyed
mched kyi

rang gi mtshan nyid kyi yul can yin gyi rdzas kyi rang gi mtshan
nyid kyi yul can ma yin no/ /zhes kyang ji ltar gsungs zhe na/
zhes pa'i phyogs snga ma bkod pa de'i don khas blangs pa'i
phyogs snga ma dgod pa ni/ khyod rang gi slob dpon snga ma dbyig
gnyen la sogs pa dag gi lung las dbang shes lnga rdzas kyi rang
gi mtshan nyid kyi yul can ma

yin zhes dngos su smros nas rdzas du ma tshogs ba'i spyi'i lus
gdu bshad la rnam par shes pa'i tshogs snga ni bsags pa la dmigs
bcan no/ /zhes mdo las bshad pas/ bsags gdag ni tshogs pa yin
zhing/ tshogs pa de spyi yin la spyi de la dbang po'i blo 'dzin
byed du 'jug pa'i phyir dbang shes

spyi blor 'gyur zhing/ spyi sla gdon mi za bar yang rnam par
rtog pa dang rjes su 'brel ba'i phyir ro/ /dbang shes rtog bral
du smras pa ni lung dang khas blangs gnyi ga dang 'gal lo zhe
na/ de'i lan bstan pa'i phyir/ tshad ma mdor/ der don du mas
bskyed

@075b pa'i phyir/ rang don spyi'i spyad yul can zhes gsungs pa
de'i don 'phros dang bcas te rgyas par 'chad pa la/ lung don
bshad de'i 'gal ba spang/ lung gi don la rtsod pa spang ba
gnyis/ dang po ni/ nyes pa 'di yod pa ma yin te/ rdul phran re
re ba dag rdul

phran don gzhan dang ni 'dab 'byor du mngon par 'brel ba'i phyir
rdul phran re re ba las gzhan tshogs pa'i dngos po gang skye bar
'gyur ba de dag /bsags pa zhes bshad la/ de dag ni rang 'dzin
dbang po'i shes pa skye ba'i rgyu mtshan yin no des na

rdul phran gzhan dag 'dab 'byor du gnas pa med par ni rdul phran
re re ba las khyad par can rdul du ma tshogs pa'i dngos po de
yang med pas khyab la/ dbang shes de dag rdul phran zla med
gcig
la 'dzin byed du nges pa min pas khyab pa'i phyir/

dbang shes rnams rdzas kyi rang gi mtshan nyid zla med re re ba'i
yul can ma yin par rdul rdzas du ma tshogs pa'i spyi'i spyod yul
can du yod pa yin gyi rdzas su ma grub pa'i spyi mtshan 'dzin par
bshad pa min pas spyi blor thal bar mi 'gyur ro/ /

rkang ba brgyad kyi ngag don ni/ lung de chos can/ khyod kyis
dbang shes rnams spyi 'dzin rtog par bstan pa'i skyon med de/
khyod kyis dbang shes rnams la rdul phran zla med mi snang gi
rdul du ma tshogs pa'i dngos po snang ngo zhes btsam zhig bstan

pa yin pa'i phyir/ gnyis pa lung gi don la rtsod pa spang ba la/
rtsod pa dgod pa dang/ de dgag pa gnyis/ dang po ni/ gal te bum
gzugs kyi rdul du mtshogs pa de rnams/ gzugs kyi skye mched yin
par khyad med pas skye mched kyi rang gi mtsha

@076a @#/ /nyid gcig yin yang zla med kyi rdzas re re ba dbang
shes la mi snang bar du ma tshogs pa snang dgos na de dag las don
gzhan pa'i yan lag can med pa'i phyir yan lag rdul du ma dbang
shes la cig car snang bar 'gyur la/ de

yang mi 'thad de/ blo gcig gis cig car don du ma 'dzin pa srid
pa ma yin pa'i phyir ro zhe na/ gnyis pa de dgag pa la/ til sogs
cig car 'dzin pa med par la khra bo cig car 'dzin pa med par
thal/ nog sogs cig car 'dzin pa med par thal/ rang

gi khas blangs dang yang 'gal bar thal lo/ /dang po ni/ blo gcig
gis du ma cig car 'dzin pa mi srid na/ til sogs tha dad du ma'i
phung po la ji ltar cig car 'dzin par snang ba yin/ 'di la 'jug
pa mgyogs pas cig car 'dzin par snang ba

yin no zhes pa'i skyon spong mi 'thad par sngar bshad zin to/
/gzhan yang 'jug pa myur bas cig car 'dzin na 'bru'i rgyun bar
ma chad par 'byung khungs nas rim bzhin 'bab pa de nyid la ji
ltar rim min 'dzin par mi 'gyur te/ 'jug pa myur

ba yod pa'i phyir ro/ /gzhan yang blo rnams dag ni thams cad
kyang 'jug pa myur bar dus mtshungs pa'i phyir/ ci ltar de dag la
'ga' zhig rim min snang ba dang/ gzhan ni rim ldan snang ba'i
khyad par 'thad par 'gyur/ de'i phyir don kun

'dzin pa la shes pa 'di dag ni rim min cig car bar thal bar
'gyur ro/ /rkang ba drug gi ngag don ni/ shes pa chos can/ khyod
yin na rang yul cig car du 'dzin pas khyab par thal/ khyod yin
na rang yul 'dzin pa myur bas khyab pa'i

@076b phyir/ der thal/ khyod yin na/ rang grub dus las skad cig
gnyis par mi sdod pa'i sgo nas yul 'dzin dgos pa'i phyir/ rtsa
bar 'dod na/ blo gcig gis don du ma cig car 'dzin pa mi srid pa
'gal lo/ /gnyis pa khra bo cig car 'dzin pa med par

thal ba la/ dngos dang/ de las 'phros pa'i don gnyis/ dang po
ni/ blo gcig gis don du ma cig car 'dzin pa mi srid na/ blo gcig
la bye ma leb phra la sogs gzugs du ma'ang ji ltar snang bar
'gyur te de 'dra snang ba mi srid par 'gyur ro/ /

gal te phye ma leb dang/ rma bya'i mdongs sogs mthong ba'i tshe
sngo ser sogs san tshogs snang ba de yan lag can gcig yin gyi yan
lag sngo ser sogs du ma snang ba ma yin no zhe na/ rma bya'i
mdongs kyi bkra ba de bas kyang rma bya'i mdongs kyi

sngo ser sogs sna tshogs su snang ba cig yin par 'dod pa 'di ches
ngo mtshar che'o/ /de'i rgyu mtshan ni/ dbang shes kyis rma bya'i
mdongs la lta ba'i che snang ba'i sngo ser sogs de dag chos can/
cha med pa'i yan lag can gcig gi rang

bzhin min te/ rdzas sna tshogs yin pa'i phyir/ dper na nor bu'i
phung po la yod pa'i gzugs sna tshogs pa de bzhin no/ /sngo sogs
zhes sogs rkang ba gnyis kyi don la/ rgyan mkhan po 'di ltar
bzhed de/ gal te rma bya'i mdongs kyi sngo

ser sogs phan tshun spangs par dmigs kyang phan tshun bar yongs su
tshad pa ma yin pa'i phyir/ reg bya'i khyad par gcig la 'du ba'i
phyir gcig yin no zhe na/ sngo sogs kyi rnam par dbye ba bar
chad pa med cing rig bya'i khyad par

@077a @#/ /gcig la 'du ba ni snam bu khra bo la sogs pa dag
la'ang mtshungs pa'i phyir de dag gi sngo ser sogs kyang gcig tu
thal lo/ /'dod mi nus te de dag ni rgyu tshogs so sos bsgrub dgos
par mngon sum gyis 'grub pa'i

phyir zhes 'chad do/ /lha dbang blo 'di ltar bzhed de/ ras khra
la sogs la sngo sogs/ /rnam pa tha dad mtshungs pa yin/ zhes bton
nas/ gzhan yang tshon sna tshogs kyis bsgyur ba'i ras khra sogs la
yod pa'i sngo ser sogs blo la rnam pa

tha dad du snang ba ltar rma bya'i mdongs kyi sngo ser kyang blo
la rnam pa tha dad du snang bar mtshungs pa yin pa'i phyir/ ras
khra'i sngo ser tha dad yin pa bzhin du rma bya'i mdongs kyi
sngo ser kyang tha dad du 'dod dgos so zhes rkang pa gong ma
gnyis dang

rigs pa rnam grangs par 'chad do/ /'di ni 'grel ba gnyis kyi
lugs gsal bar bris pa yin la/ gzhan dag la yid brtan mi snang
ngo/ /gal te snam bu khra bo sogs bcos ma de dag la yan lag gi
gzugs 'ba' zhig sna tshogs

pa de ltar mi thong ba yin zhing/ bcos ma ma yin pa rma bya'i
mdongs sogs la ni yan lag can don gzhan nyid sna tshogs par snang
ba yin pas mi mtshungs so zhe na/ gal te rma bya'i mdongs la sngo
ser sogs spangs pa'i khra bo gzhan

mthong ba ngo mtshar ro zhes te/ dag don ni/ rma bya'i mdongs
chos can/ khyod la khyod kyi sngo ser sogs las rdzas gzhan pa'i
khra bo med de/ de 'dra tshad mas ma mthong ba'i phyir/ 'on te/
snam bu sogs bcos ma la ni/ sngo ser sogs rim

@077b gyis snang zhing bcos ma ma yin pa rma bya'i mdongs kyi
sngo ser sogs cig car snang ngo/ /zhe na/ shes bya chos can/
bcos ma'i sngo ser sogs snang ba dang bcos ma ma yin pa'i sngo
ser sogs snang ba'i blo de dag las gcig ni rig ldan don mang

dang/ gcig ni rim min don gcig gis 'dzin pa'i khyad par mi 'thad
par thal/ de gnyis kas kyang dus cig car dang don gyi rnam pa ni
sna tshogs su mtshungs par snang ba'i sgo nas rtogs pa'i phyir/
rma bya'i mdongs kyi sngo ser sogs

tha dad yin pa'i rgyu mtshan gzhan yang yod de/ de 'dra'i don
rnams chos can/ sna tshogs pa'i ngo bo nyid yin te/ rang 'dzin
dbang po'i blo ma 'khrul ba rnams la sna tshogs ngo bo ste rnam
pa mi 'dra bar snang ba'i phyir/ gal te blo ma 'khrul

ba la rnam pa mi 'dra bar snang ba de tha dad du 'jog pa'i rgyu
min no zhe na/ 'o na snam bu'i sngo ser sogs rdzas tha dad du
bzhag pa 'di rnams rdzas tha dad yin par tshad ma gang gis 'grub
ste mi 'grub par thal/ blo ma 'khrul pa la rnam pa tha

tha dad du snang bas tha dad du 'jog mi nus pa'i phyir/ gzhan
yang/ phye ma leb kyi phra bo sogs bcos ma ma yin pa rnams kyi
sna tshogs su snang ba yan lag can gcig yin par 'dod pa ni rigs
pa can pa khyod rang gi khas blangs dang

'gal te/ phyi ma leb kyi khra bo'i ri mo sogs 'dzin pa'i blo
dbang shes la sna tshogs su snang ba de chos can/ khyod yan lag
can gyi rdzas min par thal/ khyod sngo ser sogs rigs mi mthun
gyis brtsams pa gang zhig /rigs

@078a @#/ /mi mthun rnams yan lag can gyi rdzas rtsom pa med pa'i
phyir/ rtags phyi zur grub pa'i mtha' las khas blangs so/ /gal
te de'i tshe yan lag can gyi rdzas sna tshogs su snang ba min gyi/
sngo ser sogs phrad pa'i ldan pa sna

tshogs su snang ba yin no zhe na/ rma bya'i mdongs kyi sngo ser
sogs phrad pa'i ldan pa chos can/ khyod dbang shes ma 'khrul ba
la sna tshogs su snang ba ma yin par thal/ khyod la gzugs med
pa'i phyir/ rtags khas blangs te/ ldan pa la

gzugs kyi yon tan mi brten pa grub pa'i mtha' yin pa'i phyir/
gal te de 'dra'i ldan pa khra bo dngos min kyang khra bo dngos
dang sngo ser sogs la 'phrod pa 'du bar chos mtshungs pas phra
bor nye bar btags te sna tshogs su snang ba

yin no zhe na/ shes bya chos can/ de 'dra'i ldan pa de de ltar
chos mtshungs pa'i sgo nas khra bor nye bar btags pa la brten
pa'ang min par thal/ de ltar yin na sngo ser sogs re re ba la
khra ba dngos 'phrod pa 'du bas sngo ser sogs re

re yang dbang shes ma 'khrul ba la khra bor snang dgos pa la
sngo sogs re re ba dbang shes ma 'khrul ba la sna tshogs su snang
ba min pa'i phyir ro/ /yang na 'di ltar bshad par bya ste/ kho
na re snam bu sogs bcos ma'i khra bo dbang

shes la snang ba de yang yan lag can nyid sna tshogs snang ba yin
par khas blangs na skyon ci yod ce na/ khas blangs 'gal bar
'gyur te/ rigs mi mthun rnams rtsom med phyir/ ri mo sogs blo
sna tshogs min zhes byas pa la/ kho

@078b na re de yan lag can ma yin kyang/ sngo ser sogs rdzas tha
dad du ma blo gcig la snang bar khas len mi dgos te/ snam bu'i
sngo ser sogs phrad pa'i ldan pa gcig nyid dbang shes la sna
tshogs su snang ba yin no zhe na/ de yang khas blangs dang 'gal

te/ gzugs med phyir ldan sna tshogs min zhes byas pas/ kho na re/
de 'dra'i ldan pa de khra bo dngos ma yin kyang bcos ma ma yin
pa rma bya'i mdongs kyi yan lag can lta bu khra bo dngos yin pa
dang chos mtshungs pas khro bor btags pa yin no zhe na/ de

ltar du nye bar btags pa la brten pa'ang min par thal/ de yin na
rma bya'i mdongs kyi yan lag can khra bo dngos yin dgos pa la
yan lag can yin na cha med gcig yin pas khyab pa gang zhig /cha
med re re yin na sna tshogs min dgos pa'i phyir

ro/ /gang zhig ces pa grub pa'i mtha' las khas blangs so/
/gzhung 'di dag shin tu dka' yang bod kyi TIka byed dag gis
'chad shes pa ma byung ngo/ /kho na re bcos ma dang bcos ma min
pa'i khra bo gang yin kyang dbang shes kyis sngo ser sogs re re
kho

na mthong gi sna tshogs su snang mi srid la/ rjes kyi rtog pas
sngo ser sogs bsres te sna tshogs su 'dzin pa yin no/ /de'i phyir
gong du bshad pa'i skyon thams cad mang ngo zhe na/ de ltar
dbang shes kyis rim bzhin du ni gzung ba la rjes kyi blo yis
bsres

nas sna tshogs su 'dzin pa min te/ de yin na rjes kyi rtog pas
don du ma cig car 'dzin dgos pa gang zhig /blo gcig gis don du
ma cig car mi 'dzin pas khyab pa'i phyir/ rtags phyi ma dang
gsal ba dngos su khas blangs so/ /gzhan yang de lta

@079a @#/ /yin na dbang shes rtog med grub par 'gyur te/ shes bya
chos can/ sngo ser sogs mthong ba'i dbang shes rtog pa med par
grub pa yin par thal/ gang gi phyir rtog pas sngo ser sogs don
du ma cig car du bsres nas 'dzin zhing/ rtog pa na'ang

dbang shes de dag gis sngo ser sogs re re ba gzhan dag rim gyis
mthong ba de'i phyir ro/ /gnyis pa de las 'phris pa'i don bshad
pa la/ rtsod pa dang/ lan gnyis/ rtsod pa ni/ gal te sna tshogs
su snang ba can gyi don rnams la sna tshogs de dag yan lag can

gcig gi bdag nyid yin pa nyid mi rigs na/ re shig gcig bu'i blo
de nyid sna tshogs su ni ji ltar snang/ zhes pa ste/ sna tshogs
gcig pa'i rang bzhin min/ zhes smras pa la/ sngo ser sogs sna
tshogs yan lag can gcig gi bdag nyid yin par 'gal

na/ rnam pa sna tshogs blo gcig gi bdag nyid yin par 'gal zhes
rtsod pa'o/ /gnyis pa lan la/ phyi don 'gog pa la brtan pa'i lan
dang/ phyi don khas blangs pa la brten pa'i lan gnyis/ dang po
la ma bcos pa'i khra bo mthong ba'i dbang shes

la snang ba'i sngo sogs spyir phyir don yin pa dgag pa dang/
khyad par rigs pa yan lag can gcig gi bdag nyid yin pa dgag pa
dang/ phyi don med pa gnyis med kyi shes pa don dam du bstan pa
dang/ de la rang sde'i lung 'gal spang ba dang/

dbang shes de la snang ba'i sngo sogs kyi rnam pa du ma blo de'i
bdag nyid du sgrub pa'o/ /dang po la spyi don dang/ gzhung gi
don gnyis/ dang po la/ drang don dang nges don gyi rnam par dbye
ba ji ltar byed pa'i tshul dang/ ngo bo nyid gsum gyi rnam par
bzhag

@079b pa dang/ gzhung spyi'i bsdu ba bshad pa'o/ /dang po ni/
bde bar gshegs pas chos kyi 'khor lo rim pa gsum du bskor ba 'di
dag las/ gang zhig ni drang ba'i don dang/ gang zhig ni nges
pa'i don yin/ drang ba dang nges pa'i don yang ji lta bu zhe na/
bcom ldan 'das

kyis mdo nyid las/ gang gi sgo nas drang don dang nges don du
'jog pa'i tshul mang du gsungs kyang/ 'phags pa klu sgrub yan
sras ni/ blo gros mi zad pas bstan pa'i mdo'i rjes su 'brangs
te/ brjod bya kun rdzob kyi bden pa gtso bor ston pa'i mdo sde
dag

ni drang ba'i don yin te/ chos rnams kyi rang bzhin des bstan
pa'i kun rdzob kyi tshul de tsam du nges pa ma yin gyi/ de dag
las gong du drangs nas don gzhan du bshad dgos pa'i phyir ro/
/mdo sde gagn brjod ba don dam pa'i bden pa gtso bor ston pa de

dag ni nges pa'i don zhes bya ste chos rnams kyi rang bzhin des
ji ltar bstan pa ltar gyi don der mtha' gcig tu nges pa'i phyir
ro/ zhes bzhed la/ de'i phyir 'khor lo dang po dang/ tha ma
drang ba'i don dang/ bar ba nyid nges pa'i don du bzhed do/
/'phags

pa thogs med sku mched ni/ mdo de'i don mdo gzhan gyis bshad
dgos pa la drang ba'i don dang/ de las bzlog pa mdo de'i don
gzhan gyis bshad mi dgos par sgra ji bzhin du khas blangs pas
chog pa ni nges pa'i don yin par bzhed cing/

des na 'khor lo bar ba yang drang don yin te/ dgongs pa nges
'grel sogs kyi de'i don bshad dgos pa'i phyir/ 'khor lo tha ma
ni nges pa'i don yin te/ mdo gzhan gyis de'i don bshad mi dgos
par sgra ji bzhin du khas blangs pas chog

@080a @#/ /pa'i phyir ro/ /de bas na 'khor lo bar ba nas chos
thams cad ngo bo nyid med par gsungs pa yang dgongs 'grel sogs
nas ngo bo nyid med tshul bshad pa'i rjes su 'brangs te khas len
gyi /chos thams cad bden par ma grub pa

ngo bo nyid med pa'i don du byas nas sgra ji bzhin du khas len
par mi byed do/ zhes bzhed cing de'i tshul rgyas par theg bsdus
dang/ byang sa dang/ gtan la dbab pa bsdu ba dang/ mdo sde rgyan
dang/ dbus mtha' rnam 'byed rtsa 'grel sogs las bshad

la/ rigs pa'i dbang phyug rnam pa gnyis kyang/ drang nges kyi
tshul de dang mthun par bzhed de/ slob dpon phyogs kyi glang pos/
brgyad stong pa'i don bsdur/ drang nges kyi tshul theg bsdus ji
lta ba bzhin du bshad pa'i phyir ro/ /de bas na 'khor lo dang
por

phyi rol gyi don yod par bshad pa drang don yin te/ dar phyi rol
gyi don yod par bshad pa ni/ gnyis snang gi bag chags kyis bslad
pa'i shes pa la rang yul rgyangs chad du snang ba ltar du grub
par bshad pa yin la/ de ltar grub pa la phyi rol gyi don 'gog
pa'i

rigs pas gnod pa'i phyir drang don yin zhing/ 'khor lo bar ba
las chos thams cad ngo bo nyid med par bshad pa yang drang don
yin te/ chos thams cad la ngo bo gtan med nas ngo bo med par
bshad pa ma yin gyi ngo bo med tshul khyad par ba

zhig gis chos thams cad la khyab pa la dgongs nas chos thams cad
ngo bo nyid med pa dang/ rang bzhin med pa dang/ mtshan nyid med
pa sogs su gsungs pa yin pa'i phyir/ des na 'khor lo tha ma las
kun btags bden par med cing/ bzhin

@080b dbang dang yongs grub bden par bshad pa'i tshul nges don
yin te/ dgongs pa dang dgongs gzhi sogs bshad pa la ma ltos par
sgra ji bzhin du khas blangs pa la rigs pas gnod pa mi 'bab pa'i
phyir/ zhes bya ba ni phyogs glang yab sras kyi dgongs

pa mdor dril ba yin la/ de dag gi tshul cung zad rgyas par gzhung
dang sbyar te bshad par bya zhing/ ches zhib tu bkod na mangs
kyi dogs te 'dir ma bris so/ /gnyis pa ngo bo nyid gsum gyi rnam
par bzhag pa la/ ngo bo nyid ni rnam pa gsum te/ kun

btags pa'i ngo bo nyid dang/ gzhan gyi dbang gi ngo bo nyid
dang/ yongs su grub pa'i ngo bo nyid do/ /dang po la/ sgro 'dogs
pa'i rgyu ni/ gnyis snang gi bag chags thog ma med pa nas rgyun
ma chad par gnas pa dang/ bshes gnyen ngan pas nye bar

bstan pa sogs kyi rkyen gyis blo bur du sems rgyud la bsgos pa
dag go /gang la 'dogs pa'i gzhi ni/ gtso bor gzhan dbang nyid
yin la/ yongs grub dang kun btags kyang sgro 'dogs pa'i gzhir
byas te/ phyin ci log tu sgro 'dogs

pa ni yod do/ /gdags gzhi de dag la bag chags de dang de la
brten nas ji ltar kun btags pa'i ngo bo ni gnyis te/ btags pa
dngos po dang 'brel ba dang ma 'brel ba'o/ /'brel ba la gnyis
te/ dang po ni/ bag chags brtan pa las

byung ba'i rtog med gzhan rig gi shes pa dag la rang yul rgyangs
tshad du snang ba gang yin pa'o/ /'dir yang kun btags pa tsam yin
gyi bden par ma grub ste/ de 'dra'i yul yul can bden pa'i tha
dad du 'gyur ba'i phyi don grub par thal

@081a @#/ /ba'i phyir ro/ /gal te sngo 'dzin mig shes la sngon po
rang las rgyangs chad du snang ba ni/ sngo 'dzin mig shes nyid
ma yin nam zhe na/ de ni ma yin te/ rtog pa la bum par snang
ba'ang rtog par thal ba'i phyir ro/ /thal ba de 'dod do zhe na

mi 'thad de/ bum pa yin na rang 'dzin pa'i rtog pa la bum par
snang bas khyab pa'i phyir ro/ /btags pa dngos po dang 'brel ba
gnyis pa ni/ brgyud nas dngos po dang 'brel ba'i rtog pa don
mthun dag gi snang yul gang yin pa ste/ dper na

bum 'dzin rtog pa la bum par snang ba lta bu'o/ /'di dag kyang
kun btags pa tsam yin gyi bden par ma grub ste/ rtog pa de dag
snang yul la ma 'khrul ba'i shes par thal ba'i phyir ro/ /btags
pa dngos po dang ma 'brel ba yang gnyis te/ dang po

ni/ bag chags mi brtan pa las byung ba'i rtog med gzhan rig gi
shes pa dag la rang yul phyin ci log tu snang ba gang yin pa
ste/ dper na zla ba gnyis snang gi dbang shes la zla ba gcig
gnyis su snang ba lta bu'o/ /gnyis pa ni/ rtog pa don mi

mthun dag gi snang yul gang yin pa ste dar 'dzin lhan skyes la
nga rang dbang bar snang ba lta bu dang/ sgra rtag 'dzin rtog pa
la sgra rtag par snang ba lta bu'o/ /yang na/ kun btags pa'i
dbye ba ni lhan skyes kyi bag chags kyi dbang gis btags

pa dang/ kun btags kyi bag chags kyi dbang gis btags pa gnyis su
'gyur ro/ /des na sngo 'dzin mig shes dang/ sngon po lta bu
dang/ bum 'dzin rtog pa dang bum pa lta bu ni kun btags ma yin
te/ dngos por grub pa'i phyir ro/ /sngon po

@081b sngo 'dzin mig shes la rgyangs chad du snang ba ltar grub
pa dang/ bum 'dzin rtog pa rang la snang ba phyi rol bum pa yin
pa'i cha lta bu ni kun btags pa'i ngo bo nyid ma yin te/ shes
bya la mi srid pa'i phyir ro/ /shes bya la mi srid na yang kun
btags

pa'i ngo bo nyid yin pa 'gal te/ gzhi ma grub na btags yod yin
par 'gal ba'i phyir ro/ /des na sgra rtag pa sgro btags ma yin
nam zhe na/ ma yin te/ sgro btags yin na brdzun par 'gyur la/
brdzun pa ni kun rdzob kyi don ldog yin pas sgra rtag pa

kun rdzob tu thal ba'i phyir ro/ /kun rdzob yin kyang mi srid
par 'dod pa ni/ chad par lta ba mi bzad pa mngon du 'ongs pa'o//
//des na sgra rtag 'dzin rtog pa ni sgro 'dogs dang/ de la sgra
rtag pa snang ba sgro btags yin cing/ kun btags

yin gyi sgra rtag pa ni mi srid pa'i phyir sgro btags dang kun
btags gang yang ma yin no/ /gzhan yang dar 'dzin lhan skyes la
nga rang dbang bar snang ba snang ba ltar grub pa ni/ gang zag
gi bdag 'dzin lhan skyes kyis btags pa'i gang zag gi

bdag dang/ bdag rtag pa gcig pur 'dzin pa sogs dar 'dzin kun
btags la bdag rtag pa gcig pur snang ba sogs snang ba ltar grub
pa ni gang zag gi bdag 'dzin kun btags kyis btags pa'i gang zag
gi bdag yin no/ /bdag

de dag ni gang zag gi bdag med gtan la 'bebs pa'i rigs pa'i dgag
bya yin pas tha snyad tsam du'ang gzhi ma grub cing/ bdag de lta
bur rtog pa la snang ba ni kun btags pa yin cing/ rigs pa'i dgag
bya ni ma yin pas 'di gnyis

@082a @#/ /kyi rnam dbye rnam par phye dgos so/ /de bzhin du sngo
'dzin mig shes la sngon po rgyangs chad du snang ba snang ba
ltar grub pa chos kyi bdag rigs pa'i dgag byar gyur ba yin
zhing/ rigs pas khegs pa'i phyir tha snyad du yang gzhi

ma grub ste/ tha snyad du yod na chad mas dmigs dgos pa'i phyir
ro/ /des na sngo 'dzin mig shes la snang ba'i sngon po sems tsam
pa'i lugs la tha snyad du phyir rol gyi don yin zhes 'dod pa dag
la ni sngo 'dzin mig shes la sngon po rgyangs chad du snang

ba de tha snyad du snang ba ltar grub par khas len dgos shing/
de lta na/ bum 'dzin rtog pa la bum par snang ba de yang tha
snyad du snang ba ltar grub par 'gyur la/ de 'dod na/ bum 'dzin
rtog ba'i snang yul tha snyad du phyi rol gyi bum pa yin par
'gyur

ro/ /der ma zad sngo 'dzin mig shes la sngon por snang ba tha
snyad du phyi don yin te/ rtog pas de la don du zhen pa'i phyir
zhes bya ba'i sgrub byed kyang bum 'dzin rtog pa'i snang yul la
kun tu mtshungs so/ /brjod par bya ba mang yang re shig bzhag go
/sngo 'dzin mig shes la sngon por rgyangs chad du snang ba de
snang ba ltar grub par 'dzin pa sogs ni/ chos kyi bdag 'dzin
lhan skyes yin no/ /'o na nga rang dbang bar snang ba'i blo gang
zag gi bdag 'dzin yin pa bzhin du/ sngon po rang

las rgyangs chad du snang ba'i sngo 'dzin mig shes chos kyi bdag
'dzin ci'i phyir ma yin zhe na/ sngon po rgyangs chad du snang
ba tsam ni chos kyi bdag ma yin zhing snang ba ltar grub pa chos
kyi bdag yin kyang/ sngo 'dzin mig shes

@082b la sngon po rgyangs chad du snang ba tsam yod kyi/ de
snang ba ltar grub par 'dzin pa'i 'dzin stangs med la/ ngar
'dzin lhan skyes la ni/ nga rang dbang bar snang bar ma zad/ nga
rang dbang bar grub par 'dzin pa'i 'dzin stangs yod pa'i phyir
mi mtshungs

so/ /de bzhin du bum 'dzin rtog pa la yang rang la snang ba phyi
rol gyi bum par snang ba yod pas snang yul la 'khrul ba yin
kyang/ de ltar zhen pa'i zhen stangs med de/ zhen yul la ma
'khrul ba'i phyir ro/ /des na de dag kyang chos kyi bdag

'dzin du thal ba'i skyon med do/ /sngo 'dzin mig shes la snang
ba'i sngon po rdul phran gyi rang bzhin dang/ des brtsams pa'i
rags pa dang/ de rtsem byed kyi rdul phran cha med yod par 'dzin
pa dang/ der ma zad sngo 'dzin mig shes dang/ de'i snang yul

du gyur ba'i sngon po snga phyir gyur ba'i rdzas gzhan du 'dzin
pa sogs thams cad kyang chos kyi bdag 'dzin kun btags yin zhing/
de dag gis bzung ba ltar grub pa ni bdag 'dzin kun btags kyis
btags pa'i chos kyi bdag tha snyad du yang rigs

pa'i dgag byar gyur ba yin no/ /'o na zla ba gnyis snang gi
dbang shes la zla ba gcig gnyis su snang ba de snang ba ltar
grub par 'dzin pa dang/ sgra rtag par snang ba de snang ba ltar
grub par 'dzin pa sogs kyang chos kyi bdag 'dzin ma yin na gong
du bshad

pa de dag kyang ma yin par mtshungs shing/ yin na/ log shes la
bdag 'dzin gyis khyab pa cis 'gog ce na/ de dag chos kyi bdag
'dzin ma yin zhing/ de lta na yang/ gong du bshad pa dag dang mi
mtshungs te/ sngar bshad pa'i blo de dag gis

@083a @#/ /bzung ba ltar grub pa 'gog pa chos kyi bdag med btan
la 'babs pa'i mthar thug dpyod pa'i rigs pa la ltos shing/ zla
ba gnyis snang gi dbang shes la snang ba ltar grub pa dang/ sgra
rtag 'dzin rtog pas bzung ba ltar grub pa sogs

'gog pa ni/ de 'dra'i rigs pa la mi ltos bar tha snyad dpyod
byed kyi tshad mas khegs pa'i phyir ro/ /des na/ de 'dra'i blo
dag ni log shes yin kyang bdag 'dzin gnyis gang yang ma yin
zhing/ des bzung ba ltar grub pa'ang rtags kyi dgag byar gyur
ba'i bdag

gnyis gang yang ma yin no/ /de dag ni gzhan rig gi shes pa'i
gzung 'dzin la ltos nas rnam par bzhag pa yin la/ nang shes pa'i
gzung 'dzin la ltos pa'i rnam par gzhag pa 'di yin te/ sngo
'dzin mig shes lta bu gzung rnam gyi ngo bo dang/ de

myong byed 'dzin rnam gyi cha myong ba gsal rig gi ngo bor gyur
ba gnyis ni sbyar gzung 'dzin yin pa 'gog pa ma yin te/ gzhal
bya dang 'jal byed yin pa'i phyir ro/ /de lta ma yin na/ rang
rig gi tshad 'bras kyi rnam par bzhag pa la rigs pas gnod

pa 'bab par 'gyur zhing/ de lta na tshad mas khegs pa'i phyir
rang rig gi tshad 'bras gzham sgrub par 'gyur ro/ /'on kyang de
gnyis gzung 'dzin du bden par grub pa 'gog pa yin te/ 'di ltar
gzung 'dzin du bden par grub na de gnyis tha dad du

bden dgos shing/ de ltar na bden pa'i tha dad yin pas rdzas tha
dad du 'gyur ba'i phyir myong bya myong byed yin pa nyams so/
/de ltar yin yang sngon 'dzin mig shes la sngon po rang las tha
dad du snang ba ltar 'dzin rnam la gzung rnam rang las tha dad

@083b du snang ba ni med de/ 'dzin rnam ni gnyis snang dang bral
bas rab tu phye ba'i phyir rol de yang mdo sde ba dag /rang las
don gzhan pa'i yul rig pa dang/ rang gi bdag nyid du gyur ba'i
yul rig pa'i sgo nas rang rig gzhan rig tu 'jog kyang 'dir ni de
lta ma

yin te/ sngod po sogs kyang rang 'dzin mig shes sogs kyi bdag
nyid du khas len pa'i phyir ro/ /de bas na gnyis snang dang bcas
pa dang gnyis snang med pa'i sgo nas yul 'dzin pa nyid gzhan rig
dang rang rig gi khyad par du 'dod pa yin no/ /des na rtog pas
de

gnyis tha dad du sgro 'dogs par byed pa yin la/ de yang gang gi
tshe blo gcig la 'dzin rnam dang gzung rnam gyi cha gnyis yod par
nges pa de'i tshe de ltar nges pa'i rtog pa la de gnyis tha dad
du snang bar 'gyur gyi/ /blo gcig la de'ang cha gnyis yod

par ma nges par de gnyis tha dad du 'dzin pa med de/ khyad gzhe
blo yul du ma shar par de'i khyad chos blo yul du mi 'char ba'i
phyir ro/ /de ltar shes pa gcig la gzung rnam dang 'dzin rnams
gyi cha gnyis yod par nges pa'i rtog pa dang/ de gnyis

myong bya myong byed du 'dzin pa dang/ gzung rnam gzhal bya/
'dzin rnam tshad ma/ rang rig 'bras bu'o snyam du nges pa'i blo
la blo gcig gi 'dzin rnam dang gzung rnam tha dad par snang
zhing/ de lta na yang de dag tha dad par snang ba de kun btags
yin gyi

chos bdag ma yin te/ chos bdag yin na chad mas khegs dgos pa la
blo gcig gi 'dzin rnam dang gzung rnam tha dad yin par tshad mas
grub pa'i phyir ro/ /'o na kun btags yin pa ci zhe na/ de dag
tha dad yin pa ni rtog pas btags

@084a @#/ /pa tsam yin gyi/ dngos po'i gnas tshul ma yin te/ de
ltar yin na blo gcig gi gzung rnam dang 'dzin rnam rdzas tha dad
du thal ba'i phyir ro/ /des na de dag tha snyad du snang ba kun
btags yin no zhes bya bar grub bo/ /de ltar tha dad

du snang ba de snang ba ltar bden par grub par 'dzin pa ni chos
kyi bdag 'dzin yin la/ tha dad du snang ba ltar bden par grub pa
ni chos kyi bdag rigs pa'i dgag byar gyur ba yin no/ /'o na/ 'di
chos kyi bdag 'dzin lhan skyes sam kun btags

gang yin zhe na/ kun btags yin gyi lhan skyes ni ma yin te/ lhan
skyes yin na grub mthas blo ma bsgyur ba de dag gi rgyud la yang
de ltar 'dzin pa yong dgos pa la med pa'i phyir ro/ /kun btags
kyi rnam par bzhag pa 'di shin tu gal che bar snang na yang/
mang bar 'gyur bas mdor bsdus pa tsam zhig go bde bar bris pa
yin no/ /gzhan dag la ni sde bdun rang lugs kyi ngo bo nyid gsum
rnam par bzhag pa'i tshul phyogs mthong tsam yang mi snang bas
gzhung gzhan nas btus te pha

rol dang tshu rol sgrig par byed do/ /gnyis pa gzhan gyi dbang gi
ngo bo nyid gang zhe na/ gnyis snang can gyi shes pa thams cad
dang/ de 'dra'i shes pa rtog med kyi snang yul du gyur ba'i
dngos po gang yin pa dang/ de 'dra'i shes pa rtag bcas kyi

zhe na yul du gyur ba'i dngos po gang yin pa de dag thams cad ni
gzhan gyi dbang gi ngo bo nyid ces bya ste/ gnyis snang gi bag
chags kyis gzhan dbang du gyur ba'i phyir ro/ /'di dag kyang
bden par grub pa yin te/ rang rgyu las 'bras bu skyes

@084b nus kyi ngo bor skyes pa rdzas yod kho na yin gyi/ rtog
pas btags pa ma yin pa'i phyir ro/ /gsum pa yongs su grub pa'i
ngo bo nyid gang zhe na/ gzhan dag na re/ gzung 'dzin du bden
pas stong ba'i stong nyid gang yin pa de yongs su grub pa'o/
/zhes zer ro/ /de ni skabs 'di

'thad pa ma yin te/ de ni dngos por med pas mngon sum gyi snang
yul du 'gyur mi srid pa'i phyir/ chos nyid mngon sum du mthong
ba mi srid par thal ba'i phyir dang/ rdzas su ma grub pas btags
yod du 'dod dgos shing de yin na bden par grub pa 'gal ba'i

phyir/ yongs grub don dam bden pa ma yin par thal ba'i phyir ro/
/des na sems kyi rang bzhin 'od gsal zhes brjod pa gang yin pa
shes pa rnams kyi myong ba gsal rig gi cha gnyis snang gi bag
chags kyis ma bslad pas rtag tu gnyis med kyi

ngo bo las gzhan du rkyen gyis bya bar mi nus pa gang yin pa de
nyid la yongs su grub pa zhes bya la/ de la 'gyur med yongs grub
ces kyang bya ste/ de yang skad cig re re zhing gzhan du mi
'gyur ba ni ma yin gyi/ rang nyid gnyis med kyi ngo bo las gzhan

du rkyen gyis 'gyur bar byed mi nus pa'i phyir ro/ /dper na me
ni rtag tu cha zhes pa lta bu'o/ /'di dang shes pa'i 'dzin rnam
la khyad par med do/ /de yang gang gi tshe bsgoms pa'i stobs kyis
gnyis snang gi dri ma thams cad rim gyis dag ste/ phyi rol tu

phyogs pa'i gnyis snang gtan med par gyur nas nang gnyis med kyi
shes pa myong rig gi cha ji lta ba bzhin mngon du gyur ba'i
stobs kyis shugs la shes pa gzung 'dzin gnyis su bden pas stong
bar rtogs te de 'dra'i bden 'dzin

@085a @#/ /gyis bon 'joms nus par gyur na/ 'phags pa'i ye shes
mngon sum du byas pa zhes bya'o/ /'o na chos kyi bdag med rtogs
par yang shes pa gcig la gzung rnam 'dzin rnam gyi cha gnyis yod
par rtogs pa'am/ 'dzin rnam shes

pa'i rang bzhin yin par rtogs pa tsam gyis 'jog nus par 'gyur
la/ de lta na mdo sde pas kyang chos kyi bdag med rtogs par
'gyur ro zhe na/ skyon med de/ mdo sde pas blo gcig la gzung
rnam dang 'dzin rnam gyi cha gnyis yod pa dang/ de 'dra'i

'dzin rnam de gzung rnam de la rang gi bdag nyid du gyur ba'i
yul rig pa'i rang rig yin par nges pas 'dzin rnam de gzung rnam
dang rdzas gcig cing/ de tsam gyi dbang du byas pa'i ngo bo gcig
yin par nges kyang/ 'dzin rnam gyis gzung rnam

'jal ba na gnyis snang med pa'i sgo nas 'jal bas/ 'dzin rnam ni
gnyis snang thams cad dang bral ba'i myong ba tsam yin zhing/ de
nyid gzung rnam gyi gnas lugs su gyur ba'i rang bzhin yin par ma
nges pas chos kyi bdag med

rtogs pa ma yin te/ chos kyi bdag med rtogs pa la ni de ltar
rtogs dgos so/ /mdo sde bas de ltar ma nges pa'i rgyu mtshan yang
gnyis snang thams cad dang bral ba gzung rnam gyi gnas lugs yin
par nges na gzung rnam la rang yul

snang ba'i tshe gnyis snang dang bcas pa de 'khrul bar nges dgos
pa la/ mdo sde ba ni gzhan rig mngon sum la rang yul rgyangs
chad du snang ba ma 'khrul bar 'dod pa'i phyir ro/ /des na chos
kyi bdag med nges pa la 'dzin rnam gyi don ldog ji lta ba

@085b bzhin du/ nges dgos shing/ de nges pa la gnyis snang thams
cad dang bral ba'i gsal rig rang gi myong bya shes pa'i gnas
lugs su gyur ba zhes bya ba 'di nges dgos pa yin no/ /de'i phyir
mdo sde bas ni 'dzin rnam gyi mtshan gzhi kha nang bltas

myong ba'i ngo bor gyur ba tsam zhig nges shing/ de la 'dzin
rnam gyi tha snyad thogs kyang 'dzin rnam gyi don ldog ji lta ba
bzhin du ma nges pa yin no/ /de lta bu'i 'dzin rnam dang gzung
rnam tha dad du bden pa khegs pa chos kyi bdag med dpyod pa'i
rigs pa la ltos

pa'i tshul la sogs pa rgyas par bshad du yod kyang mangs su dogs
nas ma bris shing/ mdor na kun btags kyi mtshan nyid/ gnyis snang
gi bag chags kyi bslad pa'i shes pa'i snang ba gang zhig /mthar
thug dpyod pa'i rigs pas dpyad

mi bzod pa'i chos/ gzhan dbang gi mtshan nyid/ gnyis snang gi bag
chags kyi gzhan dbang du gyur ba'i dngos po/ /yongs grub kyi
mtshan nyid/ rang gi myong byar gyur ba'i shes pa'i gnas lugs
gang zhig /gnyis snang dang bral ba'i gsal

rig ces shes par bya'o/ /gsum pa gzhung spyi'i bsdu ba bshad pa
ni/ bcom ldan 'das kyis 'khor lo dang por phyi rol gyi don dang/
nang shes pa'i gzung 'dzin tha dad du bden pa sogs la brten pa'i
rnam gzhag rgyas par gsungs

shing/ 'khor lo tha mar/ phyi rol gyi don med cing gzung 'dzin
tha dad du mi bden pa'i tshul rgyas par gsungs pa 'di gnyis sgra
ji bzhin gyi don dngos su 'gal bas gang yang rung ba zhig gi
sgra ji bzhin gyi don rigs pas

@086a @#/ /gnod med du sgrub pa dang/ cig shos kyi sgra ji bzhin
gyi don la gnod byed kyi rigs pa ston pa thun mong du byed pa
gcig gis 'grub par dgongs te/ ji lta ji ltar don bsams pa/ zhes
sogs rkang pa gnyis 'khor

lo tha ma'i sgra ji bzhin gyi don de dag dngos stobs kyi tshad
mas grub po zhes dam bcas nas/ de'i rgyu mtshan ci zhes 'dri ba
la 'khor lo dang po'i sgra ji bzhin gyi don/ de dag la dngos
stobs kyi rigs pas gnod pa'i tshul ston par

byed de/ de yang phyi don bden grub 'gog pa'i rig pa ni/ gcig la
sna tshogs de cir 'gyur zhes sogs kyis ston la/ nang shes pa'i
gzung rnam dang 'dzin rnam tha dad du bden pa 'gog pa ni/ yongs
gcod nang yin phyi rol ltar/

zhes sogs kyis ston par byed cing/ 'khor lo dang po las bshad
pa'i sgra ji bzhin gyi don de dag rigs pas tshul de ltar khegs
pa'i phyir/ 'khor lo tha ma nas gzung 'dzin gnyis med kyi shes
pa de kho na nyid du bshad pa de nges don du grub

po/ /zhes ston pa ni/ de phyir gnyis stong gang yin pa/ zhes
sogs so/ /'o na 'khor lo tha ma'i sgra ji bzhin gyi don nges don
yin na/ gzhan dbang dang yongs grub bden par grub dgos shing/ de
ltar na 'khor lo bar pa las chos

thams cad rang bzhin med pa dang/ mtshan nyid med pa sogs su
gsungs pa'i dgongs pa'ang gang zhe na/ de'i dgongs pa bshad nas
'khor lo bar ba'ang drang don du ston pa ni/ dngos rnams tha dad
gnas pa 'di/ zhes sogs sho lo ka gsum mo/ /

@086b 'o na 'khor lo dang po'i sgra ji bzhin pa'i don de dag
rigs pas gnod pa dang bcas pa yin na/ dgongs gzhi gang la dgongs
te de ltar gsungs zhe na/ de'i dgongs gzhi ston pa ni/ ma rig
gis bslad bdag nyid la/ zhes sogs so/ /dgongs gzhi de dag la
dgongs

te tshul de ltar bstan pa la dgos pa ci yod ce na/ dgos pa ston
pa ni/ pha rol mthong min thams cad kyis zhes pa nas/ phyi rol
dpyod la 'jug par mdzad/ ces pa'i mthar thug pa'i bar ro/ /de
yang 'dir ni grub pa'i mtha'i gzhi 'dings bar 'dod nas gsung

rab kyi drang nges 'byed pa'i tshul dang/ de ltar drang nges phye
nas grub pa'i mtha' ji ltar 'jog pa'i tshul mdor bsdus pa tsam
zhig bstan cing de'i phyir phyi don 'gog pa'i rigs pa sogs rgyas
par ma bstan te/ 'dir ni dkyus ma 'chad pa'i gegs su 'gyur ba

spang pa'i phyir ro/ /de bas na chos kyi bdag med gtan la 'bebs
pa'i rigs pa dag rgyas par tshad 'bras sogs kyi skabs su 'chad
par 'gyur ro/ /spyi'i don bshad zin to/ /da ni gnyis pa yan lag
gi don brjod par bya ste/ de yang bye ma leb kyi khra bo mthong

ba'i dbang shes la snang ba'i sngo sogs ni phyi rol du grub pa
ma yin te/ ji lta ji ltar phyi rol gyi don gyi grub tshul bsams
pa na de lta de ltar phyi rol du grub pa dang rnam par bral zhes
mkhas pa rnams kyis 'khor lo tha ma'i mdo dang/ de'i dgongs
'grel

bstan bcos tshad ldan rnams las gang gsungs pa de ni/ sgra ji
bzhin gyi don dngos stobs kyi tshad mas grub pa'i sgo nas 'ongs
pa'i nges don yin pa'i phyir ro/ /gal te de phyi don min na yang
blo de 'dra gcig la sngo sogs sna tshogs de rang las rgyangs cad

@087a @#/ /du snang bar ci ltar 'gyur te/ blo ma 'khrul ba de la
yang rgyangs chad du snang bar mi 'gyur ro zhe na/ gal te blo de
la don du snang ba rnams shes pa de rang gi bdag nyid du grub pa
'dir 'dod na de la nges rigs pa'i dgag pa ci bya ste/ ci'ang
byar

med do/ /de'i phyir blo de ni rang don du snang ba de la ltos te
ma 'khrul ba ma yin no/ /gnyis pa rags pa yan lag can gcig gi
rang bzhin yin pa dgag pa ni/ de'i phyir bye ma leb kyi khra bo
mthong ba'i dbang po'i shes pa la snang ba'i sngo sogs de phyir
rol don du

yod pa ma yin zhing/ der ma zad rags pa yan lag can gyi rdzas
kyi bdag nyid du yod pa min te/ sna tshogs de dag nyid cha med
gcig la bkag pa nyid kyi phyir dang/ cha mang po can la yang yan
lag can yin pa yod pa ma yin pa'i phyir te/ de ma grub

na rigs pa can pa khyod rang gis yan lag can/ cha med rtag pas
khyab par khas blangs pa dang 'gal lo/ /'o na rigs pa can gyi
ngor tshul de lta bus dgag par bya yang rang sde don du smra ba
dag gi dor ji lta bus dgag par bya zhe na/ 'dir ni don

'gog pa rtsod gzhi gang las 'phros pa'i phyogs snga ma smra ba
po rig pa can pa yin pas/ de nyid kyi khas blangs la ltos te
'gog pa'i rigs pa 'di ltar gsungs la/ rang sde don smra ba dag
gi lugs 'gog pa'i rigs pa rgyas par tshad 'bras kyi skabs

su 'chad pas 'dir ma gsungs pa yin no/ /'o na phyi rol med mod
nang sems kyi gzung 'dzin bden pa'ang med dam zhe na/ med de/ de
yang 'di ltar/ dbang shes rang nyid myong ba'i sgo nas yongs su
gcod byed gsal rig gi cha ni nang 'dzin pa'i

@087b rnam pa yin zhing/ rang la snang ba phyi rol ltar gnas
pa'i rnam pa 'di ni cha gzhan gzung rnam yin la/ nang blo la
ltos pa'i gzung 'dzin du bden pa yod na/ de gnyis tha dad du
bden dgos la/ de yin na/ bden pa'i tha dad du 'gyur ba'i phyir
rdzas tha dad du 'gyur

bas myo bya myo byed yin pa nyams so/ /des na shes pa'i gzung
rnam dang 'dzin rnam tha dad du bden par med pa can yin yang/
tha dad du bden pa lta bur snang zhing zhen pa ni bslad pa'am
'khrul ba nyid yin no/ /de ltar phyi rol gyi don khegs pa na de
la

ltos pa'i 'dzin pa bden pa yang khegs so zhes ston pa ni/ shes
bya chos can/ phyi rol don la ltos pa'i 'dzin pa bden pa ba med
de/ de la ltos pa'i gzung ba bden pa ba med pa'i phyir/ khyab
ste/ gnyis po de la gang rung gcig ni bden par med pas kyang
gnyi

ga bden par yod pa nyams par 'gyur ba yin pa'i phyir/ gsum pa
phyi don med pas gnyis med kyi shes pa don dam du bstan pa ni/
ji skad bshad pa de'i phyir gzung 'dzin gnyis kyis stong pa'i
myong ba gang yin pa de ni shes pa de'i de kho na

nyid yin no zhes bya bar grub po/ /gnyis stong gi rang rig don
dam du byed pa sha'kya blos kyang bshad de/ slob dpon des ji
skad du/ byang sems chos bdag med du mkhyen pas ni gnyis kyis
stong pa'i rang rig pa kho na mkhyen to/ zhes bshad

pas so/ /bzhi ba de la rang sde'i lung 'gal spang ba ni/ rang
sde dbu ma pa las sogs pa na re/ shes pa bden par grub na/ 'khor
lo bar ba'i mdo las chos thams cad rang bzhin med pa dang/ mtshan
nyid med pa sogs su gsungs pa ji ltar

@088a @#/ /drang zhe na/ de'i dgongs pa ni 'di yin te/ chos thams
cad rgyu 'bras mtshan mtshon bskyed bya skyed byed sogs su gnyis
chos so sor phye ba'i sgo nas dngos rnams tha dad gnas pa 'di
dngos po'i gnas tshul gyi sgo nas 'ongs pa

ma yin gyi/ de lta bu'i tha dad du snang ba'i rtog pa la brten
pa ste/ rtog pa des bzhag pa yin la/ rtog pa de ni bslad pa'am
'khrul pa nyid yin pas na chos de dag gi tha dad pa'i rnam gzhag
rnams kyang bslad pa'am sgro btags su 'gyur ro/ /

des na gzung dang 'dzin pa'i rnam pa las mtshan nyid gzhan ni yod
pa ma yin pa ste/ gzung 'dzin gnyis su snang ba'i rtog pas bzhag
pa'i gnyis chos kyis chos thams cad la khyab cing rtog pas bzhag
pa'i gnyis chos kyi rnam bzhag

thams cad sgro btags yin pa des na chos thams cad gnyis chos so
sor bye ba'i mtshan nyid dam rnam gzhag de ltar du bden pas stong
pa'i phyir chos thams cad rang bzhin med par rab tu bshad do/
/gzhan yang phung po'i mtshan

nyid spung pa la sogs pa'i bye brag gi mtshan nyid thams cad ni
byed pa yis khyad par du byas pa can dang/ mtshon bya thams cad
bya bas khyad par du byas ba can yin la/ de 'dra'i bya byed kyi
cha bden par grub na/ mtshan mtshon rnams

bden pa'i tha dad du 'gyur ba'i phyir/ rdzas tha dad du 'gyur
dgos pas/ bya byed kyi cha de'ang de kho na nyid du grub pa min
zhing chas thams cad la mtshan mtshon gnyis kyis khyab pa'i rgyu
mtshan des kyang chos de dag mtshan nyid bral ba'am/

@088b mtshan nyid med par gsungs pa yin no/ /gzhan dag tha ma 'di
mdo sde pa'i lugs la sbyor ba 'thad pa ma yin te/ de nyid theg
chen bkar mi 'dod pas 'khor lo bar ba'i mdo'i dgongs pa de'i
lugs la bshad mi dgos pa'i phyir dang/ des kyang zhes

ba snga ma sdud pa'i tshig yin pa'i phyir ro/ /des na snga phyi
gnyi ga rnam rig pa'i bshad pa'i rnam grangs yin no/ /rang sde
don smra ba gnyis na re/ phyi don med na 'khor lo dang po las
yod par bshad pa dang 'gal lo zhe na/ de yang dgongs pa can yin
no/ /

gang la dgongs na/ ma rig gis bslad pa'i shes pa'i bdag nyid la
ji lta ba'i rang gi rkyen nye bar yod pa la ltas nas/ rang la
snang ba rnam par rig pa'i bdag nyid du gyur pa de bzhin min par
phyi rol du snang ba'i rnam par skye bar 'gyur te/ dper

na/ rab rib la sogs kyis dbang po bslad pa'i snang ba bzhin no/
/des na de 'dra'i snang tshul la dgongs nas phyi don yod par
gsungs so/ /de ltar gsungs pa la dgos pa ci yod ce na/ pha rol
mthong ba min pa'i byis pa thams cad kyis

de kho na nyid de ni ji ltar bstan pa bzhin rig pas khyab pa ma
yin te/ gzung dang 'dzin pa'i bslad pa dag gis gzung 'dzin rdzas
gzhan du sgro 'dogs pa med na rang la snga ba don du zhen pa de
ni med dgos pa la de ltar zhen pa'i dbang gis da

lta de kho na nyid dngos su bstan pa'i snod du ma gyur pa yod
pa'i phyir ro/ /des na de 'dra'i gdul bya'i ngor bcom ldan 'das
des de kho na nyid ston pa re shig btang snyoms su mdzad pa can
phyi don med par mkhyen kyang ma mkhyen pa ltar glang chen

@089a @#/ /gzigs stongs nyid mdzad nas 'jig rten la thugs ni
brtse ba 'ba' zhig gis phyi rol spyod la 'jug par mdzad pa yin
no/ /lnga bar dang shes de la snang ba'i sngo sogs kyi rnam pa
du ma blo de'i bdag nyid du sgrub pa na/ de ltar

sngo sogs du ma phyi rol gyi yan lag can gcig gi bdag nyid yin
pa rigs pas khegs la/ rnam pa du ma blo gcig gi bdag nyid du
grub ste/ shes bya chos can/ dbang shes la sngo ser sogs sna
tshogs pa snang ba'i tshe shes pa de'i khyad par

ram cha shas rnam pa de rnams shes pa de las rdzas gzhan du
brten pa med de yod na rang rig mngon sum gyis so sor mthong
dgos pa la de ltar mthong nus pa min pa'i phyir ro/ /'o na rjes
kyi rtog pas de dag tha dad du 'byed pa de rang rig la de ltar

snang ba'i rjes su 'brangs pa min nam zhe na/ shes bya chos can/
de min te/ de'i tshe rtog pas de ltar rnam dbye byed pa ni sgra
don la 'jug par 'gyur ba tsam yin pa'i phyir/ snga ma khyab ste/
shes pa gang la rnam pa ji ltar snang ba de lta nyid du rang rig

gis myong bas khyab pa yin pa'i phyir/ sngar bshad bsdu ba ni/
de ltar sems kyi rnam pa ni sna tshogs gcig gi ngo bor 'gyur ba
la 'gal ba med do/ /gnyis pa phyi don khas blangs pa'i tshe'ang
rnam pa du ma blo gcig gi bdag nyid yin pa la skyon

de mi 'byung ba'i tshul bstan pa ni/ ras khra bo sogs kyi gzugs
mthong tshe sngo ser sogs sna tshogs pa de rnams ni gcig yin na/
cha shas su gyur ba'i rnam pa rnams las ma gtogs pa'i cha can
shes ba rdzas gzhan rnam par dbye mi

@089b nus pa de bzhin du/ sngon po dang ser po sogs de rnams
kyang dbang shes la so sor snang ba'i rnam dbye med par 'gyur
ro/ /gal te de'i tshe dbang shes la sngo sogs sna tshogs su snang
ba na yan lag can gyi rdzas yin zhing/ yan lag gi sngo ser sogs
la rnam

dbye yod kyi yan lag can gyi sngo ser sogs la rnam dbye yod pa
min no zhe na/ shes bya chos can/ yan lag gi sngo ser sogs rnam
dbye tha dad can ni rnam par gsal pa rnam dbye tha dad med pa'i
yan lag can rdzas gzhan gyi sngo ser sogs mi srid par

thal/ de 'dra tshad mas mthong ba med pa'i phyir/ de ltar don sna
tshogs gcig min bkag nas rnam pa du ma blo gcig gi bdag nyid du
'thad pa'i tshul ston pa ni/ yan lag can rdzas gzhan med na/ yan
lag rdzas tha dad du mas blo gcig ji ltar skyed ce na/ gal

te bye brag pa khyod rang gi lugs la dbang po dang la sogs pas
don dang bdag nyid rnams re res dbang shes mi skyed cing/ de
rnams la yan lag can rdzas gzhan med kyang de rnams phrad pas
dbang shes skyed par 'dod pa bzhin du/ rdul phran re res dbang

shes mi skyed cing yan lag rdzas gzhan med kyang rdul phran
phan
tshun 'dab 'brar du phrad pa'i khyad par skyes par gyur pa'i sgo
nas rdul phran mang po tshogs pa dag cig car dbang blo'i rgyur
'gyur yang 'gal ba dag ni ci zhig yod/ rgyu yin pas gzung don

du 'gyur na/ dbang po yang der thal lo zhe na/ rang gi rnam ldan
du skyed byed kyi rgyu'i dngos po ma gtogs pa dbang shes kyis
gzung ba zhes bya gzhan ci'ang med pas na/ dbang shes kyi rgyu
tshogs de las blo dbang shes gang du snang ba'i rnam par skyes
pa'i

@090a @#/ /rnam pa de nyid gtod byed de ni dbang shes de'i gzung
bar brjod kyi/ rgyu gzhan rnams ni ma yin no/ /skabs don dag don
du dril na/ rnam pa du ma blo gcig gi bdag nyid yin pa yod de/
yan lag can rdzas gzhan med kyang yan lag can

gyi rdzas du ma rnam pa gtong byed kyi rgyur yod pa'i sgo nas
blo gcig de dang de'i rnam par skyes pa 'thad pa'i phyir zhes
pa'o/ /gsum pa nog sogs cig car 'dzin pa med par thal ba ni/ blo
gcig gis don du ma cig car 'dzin mi srid pa la skyon gzhan yang

yod de/ yan lag can pa lang chos can/ khyod ji ltar rang gi yan
lag nog lkog shal sogs dang bcas cig car dbang shes kyi gzung
bya yin te ma yin par thal/ blo gcig gis don du ma cig car 'dzin
mi srid pa'i phyir/ 'dod na lkog shal

sogs mthong med par ni/ ba lang shes pa mthong pa med pas bsal
lo/ /gal te phan tshun khyad par dang khyad par can du ma gyur
pa'i du ma cig car mi 'dzin pa yin gyi/ nog sogs ni yon tan dang
ba lang gtso bor gyur pa'i rdzas dag yin zhing/

yon tan gyis rdzas khyad par du byas nas 'dzin pas khyab pas ba
lang mthong ba'i dbang shes kyi de dag cig car rtogs par 'dod do
zhe na/ de lta na yang skyon yod de/ 'di ltar ba lang gi yan lag
nog sogs chos can/ khyed rnams cig car rdzogs par

'dzin pa srid pa ma yin par thal/ khyed rnams phan tshun khyad
par dang khyad par can du ma gyur pa'i du ma yin pa'i phyir/
'khor gsum khas blangs so/ /gzhan yang ba lang gi rnam pa la yod
pa'i yon tan sngon po dang/ de'i spyi ba lang gi rna ba nyid
dang

@090b g+yo 'gul la sogs pa dang/ ldan pa'ang cig car 'dzin pa
srid pa min par thal/ ba lang gi rna ba'i yon tan dang/ spyi
dang las de rnams phan tshun khyad par dang khyad par can ma
yin
pa'i du ma yin pa'i phyir/ 'dod na ba lang gi rna ba sngon po
'gul bar byed do/ /

zhes shes par mi 'gyur ro/ /gzhan yang shes bya chos can/ ba
lang gi yan lag nog sogs rnams kyis ba lang khyad par du byas
nas 'dzin pa'i khyab pa ma yin par thal/ ba lang gi rVa de ma
he'i ra la sogs pa las khyad par du ston 'dod nas ba lang

gi ra zhes brjod pa'i tshe ra khyad gzhi dang ba lang khyad chos
yin pas ba lang gis rVa khyad par du byas nas 'dzin zhing/ khu
yu sogs las khyad par du shes pa 'dod de/ ba lang ra can zhes
pa'i sgra sbyar ba'i tshe rVas ba lang khyad par du byas nas
'dzin

pa yin pas nogs sogs dang ba lang khyad pa dang ni khyad par can
brjod pa'i gzhan dbang gis yin gyi mtha' gcig tu nges pa ma yin
pa'i phyir/ des na nog sogs dang ba lang gnyis las yan lag gam
khyad chos nyid du brjod 'dod kyis

nye bar gzung pa gang yin pa de nyid kyis ni cig shos de khyad
par du byas nas 'dzin par 'gyur gyi/ nog sogs kis ba lang khyad
par du byas nas 'dzin par mtha' gcig tu nges pa min no/ /yang na
shes bya chos can/ ba lang mthong ba'i

dbang shes kyis ba lang de nogs sogs kyi khyad par du byas nas
rtogs shing yan lag dang yan lag can khyad gzhi khyad chos su
sbyor ba mi 'thad par thal/ khyad par dang ni khyad par can du
sbyor ba'i blo ni brjod par 'dod pa'i gzhan dbang

@091a @#/ /can yin pas khyab pa'i phyir/ des na nog sogs rnams
ba lang gi yan lag nyid du nye bar gzung ba gang yin pa'i rtog
pa de nyid kyis ni nog sogs dang ba lang de khyad gzhi khyad
chos su sbyar nas 'dzin par 'gyur gyis

dbang shes kyis ma yin no/ /gzhung 'di dag gi bshad pa byed pa
gzhan dag ni sgrogs par zad do/ /bzhi pa rang gi khas blongs
dang yang 'gal bar thal ba ni/ blo gcig gis don du ma cig car
'dzin pa la dgag pa brjod pa'i gzhan sde

dag gi gtso bo ni bye brag pa dang grangs can pa yin pas de
gnyis la rang gi khas blangs dang 'gal ba'i skyon ston pa yin
te/ de yang dang po bye brag pa la bstan pa ni/ ba lang rang
nyid kyis ba lang dang ba lang ma yin pa las log pa gang du

yang go bar byed mi nus kyis/ ba lang nyid ces pa'i rigs dang
ldan pas des khyad par du byas nas gzung ba na ba lang ma yin
pa dag las khyad par du rtogs par 'gyur ro/ zhes bya ba la
sogs pa ni rig pa can pa dang bye brag pa khyod

rang gi gzhung lugs yin pas blo gcig gis don du ma cig car mi
'dzin par 'dod pa khas blangs 'gal ba yin te/ 'di ltar/ shes
bya chos can/ rta dang ba lang sogs gzhan dang gzhan mthong
yang blo la rigs gcig tu snang bar

'gyur gyi tha dad du mi phyed par thal/ ba lang sogs rang gi
dngos po gzhan dag las tha dad du go bar byed pa'i nus pa med
cing ba lang mthong ba'i blo des yon tan dang rigs sogs ba
lang de nyid gzhan las tha dad du go bar byed pa'i

@091b chos kyang ma bzung ba'i phyir/ 'khor gsum grub pa'i
mtha' las khas blangs so/ /gal te sngar rdzas ba lang bzung
zhing/ phyis rigs dang yon tan la sogs khyad par ni bzung ba'i
phyir du ma rim gyis rtogs pa 'gyur ba yin pas skyon de dag
med do zhe na/

du ma rtogs par 'gyur mod/ de lta yin na'ang/ khyad par dang
khyad par can lhan cig tu bzung ba med pa'i phyir/ 'di dag gi
'brel pa 'chol nas 'di ni 'di yi khyad par ro zhes mi shes par
'gyur ro/ /da ni grangs can la khas blangs nang 'gal

brjod par bya ste/ de yang grangs can gyi ltar na/ bum pa la
sogs pa ni de tsam lnga dang yon tan gsum gyi bdag nyid du
gyur ba'i bkod par khas len cing/ blo gcig gis du ma cig car
'dzin mi srid par 'dod pa 'gal te/ shes bya chos can/

blo gcig gis cig car du ma 'dzin pa grub par thal/ bum pa de
sgra sogs de tsam lnga dang yon tan gsum ste du ma'i bkod pa
nyid yin pa'i phyir/ khyab ste/ bkod pa can ni ma bzung bar
bkod pa 'dzin par mi rung ba'i phyir/ dper na

sor mo ma bzung bar khu tshur mi 'dzin pa bzhin no/ /bzhi pa
dbang shes rtog bral la rigs pa dang 'gal ba spang ba ni/ gal
te dbang shes rtog bcas mi srid na/ byas pa'i rtags kyis sgra
mi rtag par sgrub pa'i chos can mngon sum gyis

'dzin nam rjes dpag gis 'dzin/ gnyis pa ltar na chos can de
'dzin pa'i rjes dpag gang la brten pa'i rtags kyi chos can
yang rjes dpag gis 'dzin dgos pa la sogs pa thug med du 'gyur
ba'i phyir de sgrub kyi chos can tshad

@092a @#/ /mas nges pa mi srid par 'gyur ro/ /chos can mngon
sum gyis 'dzin na chen po de nyid rtags byas pa dang bsgrub
bya'i chos mi rtag pa la sogs pa chos tha dad ba du ma'i khyad
gzhi lta bu dang/ de dag de'i khyad chos lta bur

'dzin dgos pas mngon sum de rtog bcas su 'gyur pa'i phyir
mngon sum la rtog bral gyis khyab pa nyams so zhe na/ de'i lan
ston pa la/ tshad ma mdor/ du ma'i ngo bo'i chos can/ dbang po
las rtogs srid ma yin/ /rang rang rig bya tha snyad kyis/ /

bstan min ngo bo dbang po'i yul/ zhes gsungs pa de'i don 'chad
pa ni/ chos can sgra de ma byas rtag pa sogs thams cad las
ldog pa yin zhing/ de ltar log sa gang dang gang las log pa de
rgyu mtshan du byas pa las sgra'i steng gi byas

mi rtag sogs tha dad par rtog pas btags pa'i ldog pa tha dad
pa can yin pas sgra de ni rtog pas btags pa'i sgo nas rtags
byas pa dang bsgrub bya'i chos ma rtag pa la sogs pa du ma'i
rten byed pa'i ngo bo nyid du rnam par bzhag go/ /de ltar

rtog pa la brtags pa'i rang bzhin tha dad pa sna tshogs snang
ba de dag ni rtog pa med pa'i sems don rang mtshan dang byas mi
rtag sogs sna tshogs su snang ba min pa rang gi gzung don gyi
stobs las res 'ga' skye ba'i shes pa dag gi

spyod yul min no/ /rkang pa brgyad kyi ngag don ni/ sgra 'dzin
nyan shes chos can/ khyod kyis sgra gzhal yang rtog med kyi
shes pa yin te/ sgra dang byas mi rtag gi tha dad sogs mi
snang bar sgra rang mtshan gzung don du yod pa'i stobs las res

@092b 'ga' skye ba'i shes pa yin pa'i phyir/ de la sgra byas
mi rtag pa'i tha dad mi snang bar thal/ sgra byas mi rtag pa'i
tha dad na logs so sor las log pa rgyu mtshan du byas nas rtog
pas btags pa'i chos yin pa'i phyir/ bum 'dzin dbang shes la
bum pa dkar

bor sna g.yod pa ma yin nam/ de nyid ji ltar na dum ba dkar
bor snang ba'i rtog pa dang snang tshul gcig pa ma yin nam zhe
na/ gal te dbang shes la bum pa'i dkar sogs snang ba yod par
gyur kyang dbang po'i spyod yul ci 'dra ba de ni sgra yis
brjod pa'am

sgra don min te/ dbang shes la bum pa'i dkar sogs snang ba'i
tsha yang bum pa dang dkar po tha dad du mi snang la bum pa
dkar por 'dzin pa'i rtag pa lan de gnyis tha dad du snang bas
bla de dag shes pa'i rang bzhin nam rnam pa snang tshul rigs

mi 'dra ba tha dad pa'i phyir/ gal te bum pa dkar po mthong
ba'i dbang shes dang/ bum pa dkar por 'dzin pa'i rtog pa lta
bu'i blo rnams gzung don gcig nyid yin yang rten mig dbang
dang yid dbang lta bu rdzas tha dad sna tshogs pas rnam pa
snang tshul

rigs mi 'dra ba der 'gyur ro zhe na/ blo de gnyis bdag rkyen
so so las skye zhing rnam pa snang tshul rigs mi 'dra yang
gzung don gcig yin par 'dod pa de ni rna ba la sogs pa'i sems
drug tha dad pa'i gzung don can yin pa de rgyu mtshan gang

las 'grub ste/ mi 'grub par thal lo/ /gzhan yang blo de gnyis
sems kyi rten ni gzhan dang gzhan las skyes su chug kyang/
gzung don gcig nyid kyi dngos po de rang bzhin nam rnam pa
rigs mi 'dra ba sna tshogs su snang ba de ni gang las

@093a @#/ /yin zhes pa ste/ dag don ni blo de gnyis chos can/
bdag rkyen so so las skyes kyang rnam pa snang tshul rigs mi
'dra ba ma yin par thal/ bdag rkyen so so las skyes shing bum
pa dkar po de khyod gnyis ka'i gzung don yin pa'i phyir/ gal

te blo gnyis rnam pa snang tshul rigs mi 'dra yang gzung don
gcig yin te/ sngar dbang shes kyis mthong ba'i stobs kyis
phyis 'di'o zhes ngo shes 'jug pa'i phyir zhe na/ de lta na ba
lang 'dzin pa'i rtog pa yin na ba lang mthong ba'i dbang shes
kyi

stobs kyis bskyed pa'i ngo shes yin pas khyab par 'dod dgos
te/ gzhan du na ba lang 'dzin pa'i rtog pa dang ba lang mthong
ba'i dbang shes gzung don gcig yin pa'i sgrub byed du 'brel ba
med pa'i phyir ro/ /de yang mi 'thad de/ shes bya chos can/

ba lang ngo snyam pa ya sogs pa'i rtog pa rnams/ ba lang la
sogs mthong ba'i mngon sum las skyes pa'i ngo shes yin pas
khyab pa ni rigs pas bzlog pa yin te/ sngar mngon sum gyis
mthong ba'i don rang mtshan rtogs pa med par yang ni ba lang
sogs

brjod pa'i sgra dang 'dzin pa'i rnam rtog 'jug pa'i phyir ro/
/rigs pa 'dis zhar la gzhan yang khegs par bstan pa ni/ ba
lang la sogs mngon sum gyis mthong ba'i don la de dag dngos
kyi brjod bya dang snang yul du byed pa'i rigs sogs brjod

dang rnam rtog dag rjes su 'gro ba las rigs don gzhan yod par
rjes su dpog pa gang yin pa de yang rtog pa'i snang yul mngon
sum la snang mi srid par bstan pa'i rigs pa 'di yis sun phyung
ngo/ /gal te rtog pa la mngon sum gyis mthong pa'i

@093b don de zhes pa yin pas ma khyab kyang kha lang mngon sum
gyi mthong ba'i rjes su rtog pas sngar gyi ba lang de 'di'i
zhes ngo shes pa yod pa'i phyir dbang shes la snang ba'i don
rtog pa la snang ba yod pa ma yin nam zhe na/ de 'dra'i tshe
yang dbang shes kyis mthong ba'i don dang/ rtog pa'i snang yul
tha dad nyid yin yang sngar gyi de 'di'o zhes ngo

shes pa zhes bya ba'i rnam rtog gcig ni snang btags gcig tu
'khrul pa skyed pa'i bag chags sad pa'i rang bzhin gyis byed
pa yin zhes sngar brjod zin to/ /dbang po'i mngon sum la log
rtog bsal ba bshad zin to/ /gnyis pa yid kyi mngon sum la logs

rtog bsal ba la/ yid kyi mngon sum mi 'thad pa'i rtsod pa
dgod/ de la gzhan lan dgag/ rang lan bstan pa'o/ /dang po ni/
'di'i rtsod pa smra ba po nyan thos gnas ma bu la sogs pa yin
par slob dpon ka ma la shI las bshad cing/ rtsod pa'i yul ni/
mdo las/ gzugs

shes pa ni gnyis te/ mig dang yid la bsten pa'o/ /zhes gsungs
pa la de'i don/ yid la brten pa'i mngon sum yod pa la dgongs
nas/ slob dpon phyogs glang gis yid kyang don dang zhes gsungs
pa la rtsod pa yin no/ /rtsod pa'i tshul ni/ yid mngon

yod na des dbang mngon gyis gang gzung ba de nyid ka 'dzin
nam/ dbang mngon gyis ma bzung ba'i don 'dzin/ dbang mngon
gyis sngar myong ba'am dmigs pa gang yin pa ni 'dzin pa na yid
kyi mngon sum ni tshad ma nyid ma yin par 'gyur te rang yul
rang dbang du

yongs su gcod pa'i nus pa med par sngar bzung zin kho na 'dzin
pa'i phyir ro/ /yid mngon gyis dbang mngon gyis ma mthong ba'i
don 'dzin na long ba la sogs pa yis kyang don gzugs la sogs pa
mthong bar 'gyur te/ mig med kyang yid mngon gyis

@094a @#/ /gzugs mngon sum du 'dzin pa'i phyir ro zhe na/ rtsod
pa 'di'i spong tshul tshad ma mdor ma gsungs pas 'dir rgyas par
'chad pa yin la/ de la gzhan lan dgag pa ni/ snga rabs kyi
mkhas bdag /slob dpon gyi slob ma mdo 'grel byed pa kha cig gi

'dod pa 'gog pa yin zhes gsungs pa ltar shin tu legs pas kun
las btus kyi 'grel byed kha cig/ rtsod pa de la lan 'debs pa
na/ sngar dbang shes kyis gzhal zin kho na 'jal bas khyab par
'dod pa yin la/ dbang mngon gyi rjes su 'brang nas yul 'dzin

pa ma gtogs rang dbang du yul yongs su gcod pa'i nus pa med
cing/ de lta na'ang mngon sum tshad ma ma yin par thal ba'i
skyon med de/ yul mngon du byed pa'i rnam pas 'jug pa'i phyir/
zhes smra ba de 'gog pa yin no/ /de 'gog pa'i tshul ni/ grub
pa'i mtha' gnyi

ga'i lugs las brgal bar bstan pa'i sgo nas 'gog ste/ de yang
tshul 'di sems pa'i grub pa'i mtha' gzhir byas na mi 'thad de
yid mngon gyi de ma thag rkyen du gyur ba'i dbang mngon gyi
gzung yul ni rang grub dus las dus gnyis par mi sdod pa'i skad

cig ma nyid yin pa'i phyir/ yid mngon gyi dus na 'das pas
khyab cing/ yid mngon gyis rang dus na 'das pa'i don mthong ba
yod pa ma yin te/ mngon sum tshad ma rnams ni rang gi snang yul
dang lhan cig dmigs pa des pa'i phyir ro/ /yang na gzhung 'di
'di

ltar bshad de/ tshul 'di mdo sde ba'i grub mtha' las kyang phyi
rol du gyur te/ de ma thag rkyen dbang mngon gyi gzung don ni
dbang mngon gyi rgyu yin zhing rang dus las dus gnyis par mi
sdod pa'i skad cig ma nyid yin pa'i phyir/ dbang mngon gyi dus
na 'das

@094b dgos la/ rang gi de ma thag rkyen dbang mngon gyi dus na
'das pa yi don yid mngon des mthong ba yod pa ma yin te/ don
de ni yid mngon de la mngon gyis bar chod pa'i sgo nas shin tu
bskal bas lkog tu gyur pa'i phyir ro/ /phyis kyi Tika byed
dag/ grub pa'i mtha'i

rnam dbye gang yang mi 'byed par yid mngon gyi gzung don rang
dus na 'das na de 'dra'i don mthong ba yod pa ma yin zhes pa'i
bshad tshul byed mod/ rgyu rnams thams cad sngar yod yin/ zhes
sogs kyi gzhung rnams dang dngos su 'gal ba ngo mi shes par

zad do/ /ci ste dbang mngon gyi gzung don de rang dus las dus
gnyis par mi sdod pa'i skad cig ma min no zhe na/ 'o na rang
grub dus las dus gnyis par mi 'jig pa bzhin du phyis kyang mi
'jig dgos pas rtag par 'gyur la/ rang gi snang yul rtag pa

'dzin pa'i shes pa ni rtog pa yin pas khyab pa'i phyir ro/
mngon sum gyi mtshan nyid rtog bral ma 'khrul ba'i shes ba zhes
pa de ni dmigs gsal gyis khyad par dang bcas nas yid kyi mngon
sum rtog pa dang bcas pa yin la/ gzhan rnams rtog pa dang

bral ba'i zhes brjod par bya bar 'gyur ro/ /yang na slob dpon
gyi mngon sum gyi mtshan nyid de ni/ mtshan nyid kyi skyon gsum
gyi khyad par ma khyab pa dang bcas pa'o zhes brjod par bya
bar 'gyur ro/ /des na gzhung 'di la yid mngon med par rtsod
pa'i rgol ba

'gog pa'ang don med de/ khos yid mngon dbang mngon gyis bzung
zin 'dzin pa mi 'thad par khas blangs kyi 'thad par khas ma
blangs shing/ mi 'thad par khas blangs bzhin du'ang khyod de
'thad par khas len na skyon 'di yod do zhes 'gog pa don med
cing/ blun

@095a @#/ /par mtshon byed yin pa'i phyir dang/ de 'go gpa na
nged kyis mtshan nyid 'di ltar smras pa skyon can du 'gyur pa'i
phyir/ zhes pa'i gnod byed brjod kyang rang res bkod pa'i rgyu
mtshan nyid de khos skyon med du khas mi len pas de 'dra'i
skyon

brjod lugs mkhas pa'i bzhad gad kyi gnas yin te/ khyod de ltar
'dod pa mi 'thad de/ khyod kyis de ltar khas blangs na nged
kyis brjod pa'i mtshan nyid la skyon 'byung ba'i phyir zhes pa
'gyur bas so/ /yang kha cig/ tshad ma'i mtshan nyid/

ma shes don gsal las khyad par dang bcas pa rtogs zin byed pa
ma nyams pa'i don las bsnan nas 'dzin pa'i yid shes rtog bral
ma 'khrul ba zhes pa yid mngon gyi mtshan nyid du brjod par bya
bar 'gyur ro zhes sogs kyi bshad pa byed pa la 'di

snying po med de/ mtshan nyid de slob dpon phyogs glang gis kun
las btus rang 'grel dang bcas pa gang du'ang zur tsam yang ma
bshad kyi/ slob dpon phyogs glang gis tshad ma spyi'i mtshan
nyid dngos su ma gsungs ba slob dpon chos grags

kyis khas bkangs te bshad pa tsam yin pas/ de 'dra'i bshad
tshul de/ kun las btus 'grel byed sogs dang/ yid mngon med par
rtsod pa sogs/ 'gog pa la sbyor kyang/ khyod de ltar 'dod pa
mi 'thad de/ chos grags nga rang gis bzhag

pa'i tshad ma'i mtshan nyid 'di la skyon 'byung ba'i phyir zhes
par 'gyur ba us thug pa'i rigs par 'gyur ro/ /des na bshad pa
byed pa dag gi ngang tshul 'di ltar gyur kyang ding dang gi
nyan po dag ni 'chad pa po'o kha la blta ba tsam gyis

@095b tshim par snang ngo/ /de ltar slob dpon phyogs glang gi
slob ma kha cig/ yid mngon gyis rang gi de ma thag rkyen dbang
mngon gyis gzung ba'i don de kho na 'dzin par 'dod pa bkag
nas/ de'i phyir yid mngon dni rang dbang du gzhal bya yongs su
gcod pa de ma

yin no zhes smras pa de 'gog pa ni/ dbang mngon skad cig dang
pos yongs su gcod pa'i bya ba bsgrubs zin pa can gyi las su
bya bar gyur pa'i gzhal bya la ni/ de'i de ma thag 'bras su
gyur pa'i yid mngon gyis rang dbang du yongs su gcod

pa'i khyad par cung zad kyang mi byed na dbang po las skyes pa
can gyi shes pa dbang mngon skad gcig gnyis pa'am/ gzhan yid
mngon dag ni gzhal bya de sgrub par byed par ji ltar 'dod de/
gzhal bya de la tshad ma ma yin par thal lo/ /'di ni

dbang mngon skad cig dang po'i de ma thag 'bras su gyur ba'i
yid mngon gyis de ma thag rkyen dbang mngon gyi gzung don
'dzin na dbang mngon phyi mas kyang 'dzin dgos te/ gnyi ga'ang
dbang mngon snga ma de ma thag rkyen du byas pa las skye zhing

gzung don gcig la dus mnyam du dmigs pa'i phyir/ des na de gnyis
tshad ma yin min sogs mtshungs so snyam du dgongs nas/
dbang po can nam gzhan dag ni/ zhes gsungs pa yin gyi/ gzhan
du na/ yyid mngon gyis rang gi de ma thag

rkyen dbang mngon gyis gzung zin 'dzin par khas blangs pa la/
dbang mngon phyi ma dbang mngon snga ma'i gzhal zin pa tshad ma
ma yin par thal/ de la khyad par cung zad kyang mi byed pa'i
phyir zhes pa'i thal 'gyur 'phangs kyang khas blang 

@096a @#/ /med pa'i thal 'gyur du 'gro'o/ /des na gzhung 'dis
yid mngon 'gros gsum pa ches gsal bar bstan no/ /gzhan yang
gzugs 'dzin dbang mngon gyi gzung don de rang dus las dus
gnyis par mi 'jig na rtag par 'gyur bas/

de 'dra'i dngos po de las skyes pa'i blo'ang thams cad cig car
'byung bar 'gyur ro/ /rtag kyang rkyen la ltos nas 'bras bu
rim bzhin bskyed pa ci 'gal zhe na/ mi 'thad de/ rkyen gyis
khyad

par bya ba min na/ rkyen de la ltos pa 'gal ba'i phyir ro/
/gsum pa rang lan bstan pa ni/ ji skad bshad pa'i skyon 'byung
ba de'i phyir yid kyi mngon sum ni rang gi sngar byung ba'i
dbang mngon gyis bzung yul las gzhan pa'i yul nyid 'dzin par
byed pas tshad ma

ma yin par thal ba'i skyon med la/ rang gi sngar byung ba'i
dbang po'i rnam par shes pa de ma thag rkyen du byas pa las
byung ba can yin pa de'i phyir long bas gzugs mthong ba sogs
kyi skyon du 'gyur ba min no/ /ngag don ni/ gzugs

'dzin yid mngon chos can/ khyod kyis rang gi sngar byung ba'i
dbang mngon gyis bzung ba'i yul ma yin pa'i rang yul 'dzin
kyang long bas gzugs mthong ba yod pa'i skyon med de/ khyod
rang gi de na thag rkyen gzugs 'dzin dbang mngon snga ma

las skye dgos pa'i phyir/ gal te yid mngon gyis dbang po'i
mngon sum gyi yul las gzhan pa'i yul 'dzin na/ chod pa dang
bskal ba la sogs pa'i don yang ci'i phyir mi 'dzin zhe na/
dbang mngon gyi yul las rigs gzhan du

@096b gyur ba 'dzin pa ma yin gyi/ rdzas gzhan du gyur ba
'dzin pa yin la/ de yang rang gi gzung don gyi rjes su 'gro
zhing de'i skad cig gnyis par gyur pa'i yid kyi mngon sum gyi
gzung don grogs su yod pa la ltos pa can gyi dbang skyes blo
ni yid mngon de'i

de ma thag pa'i rgyu yin no/ /de'i phyir yid mngon 'di rang gi
de ma thag rkyen dbang mngon gyi yul las yul gzhan 'dzin na
yang/ yul nges pa can mngon du gyur ba kho na 'dzin par 'dod
pa yin gyi/ chod pa dang bskal ba la sogs pa 'dzin pa ma yin
no//

de ltar dbang mngon dang yid mngon gyi gzung don dus mnyam
par
khas blangs pa la/ yid mngon gyi gzung don ni yid mngon dang
dus mnyam dgos pas ji ltar yid mngon gyi de ma thag rkyen dang
dus mnyam pa 'thad dam snyam nas rtsod pa ni/ dbang mngon

de dang yid mngon skyed par byed pa'i dus mtshungs pa med pa
can rang 'dzin shes pa yid mngon dang dus mtshungs pa can gyi
don de dag ni ji ltar dbang bo'i shes pa yis yid mngon bskyed
pa'i lhan cig byed pa'i grogs yin zhe na 'brs bu grub

ma zin pa'i sngar med pa ni 'bras bu bskyed ma zin pa'i tshe
'bras bu la phan pa'i nus pa med pa'i phyir dang/ phyis 'bras
bu grub zin nas 'bras bu la phan pa nye bar mi sbyor te sbyar
dgos pa'i phyir rgyu rnams thams cad rang gi 'bras bu'i sngar
yod

pa yin zhing/ gzung don yang rang 'dzin shes pa'i rgyu yin pa
de'i phyir/ rang 'dzin gyi bo dang bcas pa'am dus mnyam pa ni
blo de'i gzung don ma yin no/ /'o na dus tha dad pas ji ltar
'dzin zhe na/ rigs pa shes pa yis/ shes pa'i rnam pa 'jog

@097a @#/ /par nus pa'i rgyu ste nus pa nyid la ni shes pa de'i
gzung don yin par shes so/ /ngag don ni/ gzugs 'dzin mig shes
chos can/ gzugs de rang dus na med kyang gzung don yin par mi
'gal te/ gzugs las khyod gzugs kyi

rnam ldan du skyes pa de gzugs khyod kyi gzung don yin pa'i
'jog byed yin pa'i phyir/ des na rgyu yin par mtshungs pa la
dbang yid sogs kyang ci'i phyir mi 'dzin zhes kyang brjod par
mi bya ste/ dbang shes la rgyu du ma nyid yod na yang/ 'bras

bu dbang shes de rgyu gang gi rnam pa'i rjes su byed par skye
ba gang yin pa de ni rgyu de yis/ dbang shes kyi ngo bo'am
rnam pa de bzhag pa dang/ dbang shes kyis kyang rgyu de bzung
zhes brjod pa yin zhing/ dbang shes kyang yul gyi rnam ldan du
skye ba'i

dbang yid sogs kyi rnam ldan du mi skye ba'i phyir ro/ /des na
gzung don ni rgyu yin par 'thad pa'i phyir yid mngon gyi gzung
don yang yid mngon dang dus mnyam pa ma yin pas/ de ma thag
rkyen dbang mngon dang dus mnyam pa'i gzugs

sogs yid mngon gyi gzung don du 'gyur pa la skyon med do zhes
bya bar grub bo/ /de yang 'di la sogs pa'i skabs du mar phyi
rol gyi don khas blangs nas mdo sde ba'i grub mtha' la brten
pa'i rnam bzhag mang du mdzad pa ni/ bye brag

smra ba man chad rang gzhan gyi sde pa gang 'gog kyang de dag
phal cher chos kyi bdag med da lta dngos su bstan pa'i snod du
mi rung bas re shig bka' dang po'i rnam bzhag dang mthun par
bkri bar bya yi/ 'khor lo tha ma gnyis kyi

@097b rnam bzhag la brten nas bkrir mi rung ste/ rung na bcom
ldan 'das kyis kyang ci'i phyir gdul bya thams cad 'khor lo
tha ma gnyis kyis bkri bar mi mdzad/ de lta na'ang 'khor lo
dang po'i don kyang mdo sde pa'i grub pa'i mtha' dang tshul

mtshungs pa yin gyi/ bye brag smra ba sogs dang ni ma yin te/
gzhan rig gi shes pa la yul gyi rnam pa ma shar ba dang/ rang
rig med pa sogs ni blo 'khrul ba lhan skyes kyi snang tshul
dang yul gyi gnas tshul gnyis ka dang mi mthun

zhing/ phyi rol gyi don khas blangs pa'i rnam bzhag la'ang
shes pa rnam bcas dang rang rig dang bcas pa'i phyogs la brten
nas chos kyi bdag med pa'i tshul la gzhug par sla zhing/ phyi
rol rnam par bzhag pa'i steng du rnam pa

dang rang rig kyang bkag na de bas kyang chos kyi bdag med
rtogs pa la chos ring du 'gyur bar byed pa'i phyir ro/ /de bas
na 'khor lo dang po'i tshul la brten te mdo sde pa'i grub pa'i
mtha' re shig khas blangs nas da lta chos kyi bdag med dngos
su bstan

pa'i slad du mi rung ba dag gi ngor dgag sgrub kyi tshul la
'jug par byed pa yin no zhes blo gros dang ldan pa dag gis
shes par bya'o/ /yid kyi mngon sum la log rtog bsal ba bshad
zin to/ /gsum pa rang rig mngon sum la log rtog

bsal bdag rang rig la mngon sum gyi mtshan nyid zhugs par sgrub
pa dang/ mtshan gzhi rang rig la log rtog dgag pa gnyis/ dang
po ni/ mngon sum gyi mtshan nyid rtog bral ma 'khrul pa yin pa
la/ ma 'khrul ba tshang bar/ dbang mngon dang

@098a @#/ /yid mngon dang rang rig dang rnal 'byor mngon sum
rnams re re nas sgrub mi dgos kyi/ rtog bral du bsgrubs pas
rtog pa 'khrul ba ma yin par shugs la 'grub cig rtog med
'khrul shes thams cad mngon sum ltar snang yin

par mngon sum ltar snang 'chad pa'i skabs su sgrub par 'gyur
ba'i phyir/ mngon sum bzhi bo la rang rang gi skabs su rtog
bral du sgrub pa'i rigs pa gsungs kyi/ ma 'khrul bar sgrub
pa'i rigs pa zur du ma gsungs so/ /ngos na 'dir rang rang rig
rtog bral du sgrub pa'i rigs pa ni/ bde sogs de dag

myong ba'i rang rig ni chos can/ brjod pa dang/ rjes su 'brel
ba can gyi rtog pa ma zin te rang gi snang yul dngos su brda
byed par ni nus pa'i sgra don ma yin pa de'i phyir/ der thal/
khyod la rang gi myong bya bde sogs kyi bdag nyid gzhan dang
thun mong

ba'i chos su snang ba la mi brten par myong bya bde sogs kyi
thun mong ma yin pa'i ngo bo ji lta ba bzhin du snang ba'i
phyir/ gnyis pa mtshan gzhi rang rig la log rtog dgag pa la/
bde sogs nang gi bems po yin pas de myong rang rig med par
'dod pa dgag/ bde

sogs phyi'i bems po yin pas de myong rang rig med par 'dod pa
dgag/ dang po la phyogs snga ma dgod pa dang/ de dgag pa
gnyis/ dang po ni/ bye brag pa dang rigs pa can pa la sogs pa
'ga' zhig na re/ bdag gi yon tan du gyur pa'i nang

la bems po yin pa'i phyir/ yul gzhan yang rig par byed pa min
pa'i bde sogs de dag ni rang gi ngo bo rang rig mngon sum gyis
ji ltar rig/ des na bde sogs dang bdag rtag pa'i don gcig la
brten cing lhan cig 'phrod pa 'du ba'i rnam shes

@098b kyis rig par bya ba yin no zhes zer ro/ /gnyis pa de
dgag pa la/ bde sogs shes pa yin par sgrub/ de myong rang rig
yod par sgrub/ dang po ni/ dbang shes 'khor gyi bde sogs de
chos can/ khyod rgyu mtshan cis shes pa ma yin te/ yin par
thal/ khyod rang gi gtso bo dbang

po'i rnam par shes pa'i rgyu tshogs las gzhan min pa ste rgyu
tshogs de nyid kho na las skyes pa'i phyir/ khyab ste/ rdzas
rigs 'dra ba de dang rigs 'dra ba de min pa'i rang bzhin can
gyi dngos po rnams ni rigs 'dra ba de dang rigs 'dra ba de min
pa'i dngos

rgyus bskyed pas khyab pa'i phyir ro/ /rtsa rtags kyi phyogs
chos sgrub pa ni/ der thal/ yid du 'ong mi 'ong bar ma gsum
gang yang rung ba'i don dang bcas shing dus mnyam du tshogs
pa'i dbang po nad la sogs pas ma bslad pa'i nus pa mthu can du
gyur pa'i

rung ba dang/ mya ngan dang gdon la sogs pa'i rkyen gyis ma
dkrugs pa'i bdag nyid ji lta bar gnas pa'i sems yid de nus pa
mthu can rnams yod na dbang shes 'khor gyi bde ba la sogs pa
skye bar mthong zhing/ yid kyang dbang shes de dang mtshungs

par rgyu tshogs de tsam las skye ba yin pa'i phyir/ 'dir yid
ces pa ni/ dbang shes kyi zlas drangs pa'i yid shes ma yin
gyi/ sems yid rnam shes rnam rig rnams/ /rnam grangs zhes pa'i
dbang du byas pa'o/ /yang na kho bo ni 'di ltar smra ste/
rkang pa dang

po gsum pa rtsa ba'i rtags sgrub pa yin pas/ bde ba la sogs
skye bar mthong gi/ de las gzhan la mi skye ba'i phyir zhes
bkod nas de yan chad kyis dbang shes 'khor gyi bde sogs shes
par bsgrubs shing/ yid shes 'khor gyi bde sogs shes

@099a @#/ /bar sgrub pa ni/ yid kyang de dang mtshungs pa yin
zhes pa ste/ dbang shes 'khor gyi bde sogs shes pa yin par ma
zad yid shes 'khor gyi bde sogs kyang shes pa yin te/ dbang
shes 'khor gyi bde sogs dbang shes dang rgyu tshogs

gcig las skye ba de dang mtshungs par yid shes 'khor gyi bde
sogs kyang yid shes dang rgyu tshogs gcig las skye ba'i phyir
zhes pa'o/ /gal te rgyu rkyen gsum tsam las mtshungs par skye
ba'i rtags ma grub ste/ bdag gi yon tan 'dus byas dang 'bad
rtsol sogs

kyis bsags pa'i chos dang chos ma yin pa'i las las bde sogs
skye la/ dbang po dang don dang bdag yid phrad pa las dbang
shes skye ba'i phyir zhe na/ shes bya chos can/ ji skad bshad
pa'i rkyen gsum po de las dbang shes dang de'i 'khor gyi bde
sogs

de skye'i/ bdag yid phrad pa sogs gzhan las skye ba ma yin te/
de'i 'dra'i rkyen gsum po de dag phan byed du yod pa dang med
pa na skyes bu 'ga' la dbang shes 'khor gyi bde ba la sogs pa
dang blo dbang shes skye ba dang mi skye ba'i sgo nas rgyu
tshogs de tsam gyi

rjes su 'gro ldog byed par mthong gi/ rgyu gzhan gyi rjes su
'gro ldog byed par ma mthong ba de'i phyir/ gal te dbang shes
'khor gyi tshogs pa rnams dbang shes kyi rgyu tshogs rkyen gsum
kho nas skyed par khyad med na/ rkyen gsum las skyes par
mtshungs

pa la bde sdug sogs kyi khyad par 'byung ba ci zhe na/ rkyen
gsum tsam las skyes par khyad par med kyang ekyen gsum de dag
nyid kyi nang gses kyi khyad par yid du 'ong ba'i gzugs dmigs
rkyen du yod pa dnag/ yid du mi 'ong ba'i gzugs dmigs

@099b rkyen du yod pa sogs las/ dbang shes 'khor gyi bde sdug
la sogs tha dad du 'gyur ba yin te/ dper na khyed rang gi lugs
la blo yid shes de nyid kyi/ rgyu bdag yid phrad pa yin par ni
khyad med kyang/ yid shes rang yul gsal ba la yang dag par
gtan

la phebs pa dang/ mi gsal ba phyin ci log tu gtan la 'bebs pa
dang/ gang du'ang gtan la ma phebs pa'i the tshom gsum yod pa
bzhin no/ /gzhan dag blo zhes pa dbang shes la byas nas rang
lugs kyi dper 'chad pa dag ni/ the tshom zhes pa mi 'grig

bzhin du bsgrig par zad do/ /'dir ni chos mchog gi lugs bzhin
du bshad pa'o/ /gnyis pa de myong rang rig yod par sgrub pa
la/ myong byed rdzas gzhan yod pa dgag pa dang/ rang gi bdag
nyid du gyur ba'i shes bas myong ba'i tshul bshad pa'o/ /dang

po ni/ de ltar ji skad bshad pa'i rigs pas bde sogs shes pa
yin par grub pa'i phyir/ de dag la myong byed yod par grub la/
de yang rang las rdzas gzhan pa'i myong byed yod pa mi 'thad
de/ 'di ltar bde sogs de rang la rdzas gzhan pa'i myong byed

kyis myong na/ dbang shes 'khor gyi bde sogs rang dang dus
mnyam pa'i dbang shes kyis myong dam/ rang las phyis byung
ba'i yid shes kyis myong/ dang po ltar na/ don gang nye ba'i
blo dbang shes dang/ de'i 'khor gyi bde sogs de dag skye bar
'gyur ba'i

don de kho nas ni bde sogs nyid dbang shes des ni ci ltar
rtogs par 'gyur zhes pa ste/ ngag don ni/ gzugs mdzes mthong
ba'i mig shes chos can/ khyod khyod rang gi 'khor gyi bde ba
myong byed ma yin par thal/ khyod dang de gnyis gzugs

@100a @#/ /mdzes gzung don du nye ba las skye bar khyad par med
pa'i phyir khyab ste/ dbang shes gcig gis gzugs mdzes dang bde
ba gnyis ka gzung yul du byed mi srid pa'i phyir/ gnyis pa
ltar na rang las phyis byung ba'i yid shes

kyis myong zhing/ de yang dang por dbang shes kyis gzugs sogs
'dzin/ de'i rjes su yid shes kyis dbang shes 'khor gyi bde
sogs myong ba'i sgo nas rim gyis 'dzin no/ /zhe na/ de'i tshe
bde sogs de myong ba bar rnam par chad pa med par smad par mi
'gyur

pa ste gzugs mdzes mthong ba'i tshe gzugs mdzes mthong ba'i mig
shes de'i 'khor gyi bde ba bar ma chad du snang bar mi 'thad
par thal/ dang por gzugs mthong ba'i mig shes skad cig dang po
skyes/ de nas de'i 'khor gyi bde ba myong ba'i yid

shes skyes/ de nas mig shes skad cig gnyis pa skyes/ de nas
de'i 'khor gyi bde ba myong ba'i yid shes skye ba la sogs pa'i
rim pas skye dgos pa'i phyir/ gal te yid shes kyis bde ba
myong ba 'jug pa mgyogs pa'i phyir/ bar ma chad

du snang ngo zhe na 'o na yid shes kyis bde ba myong ba de
dang 'jug par mtshungs pa'i phyir/ bde sogs myong ba med par
gzugs mdzes mthong ba'i mig shes kyang skad cig snga phyi bar
ma chad du snang ba cis ma yin te snang bar thal lo/ /

de 'dod na/ mig shes kyis gzugs mdzes mthong ba'i tshe gzugs
mthong ba'ang bar ma chad du snang ba dang/ bde ba'ang bar ma
chad du myong bar snang na/ gzugs dang bde ba rim gyis 'dzin
gyi bar ma chad du mi 'dzin pa bud do/ /gal

@100b te dbang shes kyis gzung don dang bde sogs gnyi ga 'dzin
mi srid pa'i rgyu mtshan ci zhe na/ dbang shes gcig gis gzung
don phyi rol dang rang gi 'khor gyi bde sogs gnyi ga dngos su
shes pa srid pa ma yin te/ dbang po'i sems ni phyi rol kho

na'i dngos kyi yul can du nges pa'i phyir dang/ dbang shes ma
'khrul pa yin na bde sogs snang yul du med kyang gzung don
phyi rol dag las skye bas khyab pa'i phyir dang/ dbang shes
'khor gyi bde sogs kyis dbang shes de la phan pa'i nus

pa grub pa med pa'i phyir/ 'dis rtags sbyor gsum bstan no/
/kho na re/ gcig gis gnyis shes ma yin te/ /bde sogs med kyang
don dag las/ /skye phyir zhes pa la khyab pa med de/ sngo ser
sogs du mas mig shes skyed kyang ser po sogs

med pa'i sngon pos mig shes skyed pa mi 'gal ba bzhin du gzugs
sogs dang bde sogs gnyi gas dus mi nyam du rang 'dzin dbang
shes skyed kyang/ der ma zad gzugs sogs dang bde sogs gnyis
kyis so so so sor yang rang 'dzin

mig shes sogs skyed nus pa min no zhe na/ de ltar na sngo sogs
re re kho na 'dzin pa'i mig shes srid pa bzhin du bde sogs
'ba' zhig 'dzin pa'i mig shes srid par 'gyur ro/ /de lta na/
bde sogs skye ba de'i rgyu'i don gzugs

yid du 'ong mi 'ong sogs ni ma bzung bar bde sogs de myong bar
ni 'gyur dgos na'ang de ni mi rigs so/ /gcig gis gnyis shes ma
yin te/ de nus grub med phyir zhes pa rtags ma grub bo zhe na/
dbang shes kyis rang gi gzung yul phyi 

@101a @#/ /don 'dzin pa dang lhan cig gam dus mnyam pa nyid du
bde sogs 'dzin cing myong ba'i tshe na/ dbang shes de la bde sogs
kyis ni/ phan 'dogs pa'i nus pa ci ltar yod de med par thal/
gang gi phyir na rang dang dus mnyam

pa'i bde sogs des skyed pa'i blo dbang shes tshad mas ma grub
pa'i phyir/ khyed rang rigs pa can pa yang bde sogs kyis bskyed
pa'i dbang shes yod par mi 'dod pas rtsa ba'i grub mtha' dang
yang 'gal bar 'gyur ro/ /de'i rgyu'i don ni

ma bzung bar/ de myong bar ni mi rigs so zhes pa la rgyu mtshan
ci yod ce na/ der thal/ don med par ni bde la sogs/ /mig sogs
rnams kyis myong na ni/ bde sogs myong bar bya ba'i phyir du
gzugs sogs bud med sogs khyad par

nam yang mig gis 'dzin cing lta bar mi 'gyur ba'i phyir/ gcig
gis gnyis shes ma yin te/ /dbang bo'i sems ni nges phyir dang/
zhes pa ma khyab po zhe na/ gzung don phyi don 'dzin par nges na
ni de las skyes pa'i dbang shes kyis

bde ba la sogs myong bar mi 'gyur bas khyab par thal/ nang gi
yan lag gis phan 'dogs nus pa'i sgo nas myong byar gyur pa'i
gzung don yod pa'i dbang shes yin na/ de rtag tu kha nang kho na
la phyogs dgos pas phyi rol mthong

bar mi 'gyur ba'i phyir/ gal te gzugs mdzes la sogs pa'i yul de
dang ni de yod pa las/ yul de 'dzin pa'i dbang shes dang/ de'i
'khor gyi bde sogs myong ba'i blo yid shes ni cig car skye bar
'gyur ba yin pas/ rim

@101b gyis 'dzin na de myong ba/ /rnam chad med par snang mi
'gyur/ zhes sogs gong gi skyon de mi 'byung ngo zhe na ni/ yul
nye ba cig gyis bde sogs myong ba'i blo skye na/ cig car yid du
'ong mi 'ong la sogs pa'i don ni yod pa na/ rgyud gcig la cig

car bde sdug dag ni myong ba'i sgo nas rig par 'gyur ro/ /gal te
yul nye ba tsam gyis bde sdug sogs 'byung ba ma yin gyi yul yod
cing nang gi nyer len shes pa yang yod na sdug bsngal sogs
'byung ba yin la/ shes pa gcig po de ni bde

sdug 'gal ba'i cig car nyer len min par 'dod do zhe na/ rgyu
mtshan gang gis rnam par shes pa de ni bde sogs kyi nyer len kyi
rgyu yin te ma yin par thal/ bde sogs de mi shes pa'am bems po
yin pa'i phyir/ rtags gsal khas

blangs so/ /gal te rnam shes bde sogs kyi nyer len du mi 'dod
kyi bdag po'i rgyu nyid du 'gyur pa yin no zhe na/ bdag po'i
rgyu de ni 'bras bus 'gal ba dag la'ang thun mong ba yod par
mthong ste/ dper na nyi ma'i 'od lta bu'i snang ba

gcig mtshan mo rgyu ba 'ug pa lta bu dang/ de las gzhan pa bya
rog la sogs pa'i mig gi dbang po dag rang 'bras gzugs mthong
ba'i shes pa skyed pa dang mi mthun pa dang/ mthun pa'i ngo bor
cig car skyed par byed pa'i bdag po'i rgyu

yin pa bzhin no/ /gnyis pa rang gi bdag nyid du gyur ba'i shes
pas myong ba'i tshul bstan pa ni/ nges na bde sogs shes pa yin
pas myong byed yod cing/ rang las rdzas gzhan pa'i shes pas
myong ba mi 'thad pa de'i phyir/ bde sogs

@102a @#/ /myong byed rang rig mngon sum yod par grub la/ de yang
bde sogs rang rig mngon sum gyis myong ba'i tshul ni/ bde sogs
rnams ni rang nyid la rnam pa 'phos pa'i don yid du 'ong mi 'ong
sogs ni snang ba'i gzhan rig gi

shes pa yin la/ bde sogs rang gi bdag nyid rig par byed pa'i
mngon sum 'di dag ni gzugs sogs don las skye ba tsam du zad kyi/
gzugs sogs kyi rnam pa snang ba'i shes pa ma yin na/ /des na don
gyi bdag nyid dam rnam par skyes pa'i bde sogs

gzung rnam gyi cha myong bya yin zhing/ bde sogs de dag gi rang
gi bdag nyid du gyur pa'i 'dzin rnam des gzung rnam de dag myong
ba yin no/ /des na bde sogs kyi bdag nyid du gyur ba'i 'dzin
rnam na rang gi don nam yul bde sogs myong ba'i rang rig

yin par bshad de/ myong bya myong byed kyi tshul ni de ltar yin
pas bdag nyid gcig pa zhig dgos la/ de'i phyir bde sogs ni gzugs
sogs dmigs pa tsam yin gyi myong ba ma yin zhing/ bde sogs kyis
gzugs sogs dmigs pa

nyid du 'jog pa ni/ bde sogs gzugs sogs de ltar snang ba'am/
de'i rnam par skyes pa'o/ /de myong phyir na 'jig rten 'dogs/
/phyi rol don ni dngos su min/ zhes pa'i rkang pa 'di gnyis rgya
gar dang kha che'i rtsa ba'i dpe la med cing/ lha

dbang bla'i rgya dpe la yod pa la yang tshigs cad kyi sdeb sbyor
mi snang ngo/ zhes dbang la gsung zhing/ rgyan dang/ nyi ma sbas
pa/ ya ma ri la sogs kyi 'grel pa thams cad na'ang med pas/ rmas
lha dbang blo'i 'grel ba bsgyur ba na 'grel tshig

@102b rtsa ba shar ba min no/ /des na don myong bar bshad de/
zhes pa'i don yul la ma go bar phyi don la bzung ba'i TIka byed
dag gis bab col chen po byas la/ der ma zad/ bod kyi TIka byed
dag gis bde sogs kho rang myong byed kyi rang rig tu bzung nas
gzhung 'di

dag phyin ci log dba' zhig tu bshad mod/ rang rig ma nges pa'i
'chal gtam de ni kho bos tshad ma yid kyi mun sel du bkag zin
cing/ 'dir bde sogs ni myong bya gzung rnam yin la/ de myong
byed rang rig ni 'dzin rnam yin par shes par bya zhing/ bde

sogs myong ba'i rang rig yod par sgrub pa'i rtags ni/ bde sogs
chos can/ rang gi bdag nyid du gyur ba'i myong byed yod de/
myong byed yod cing rang las rdzas gzhan gyi shes pas myong ba
mi 'thad pa'i phyir/ zhes pa yin la/ rtags de'i phyogs chos dang

dpe sgrub pa ni/ de dang de min rang bzhin can/ zhes sogs kyis
bstan cing/ phyogs chos phyi ma sgrub pa/ don gang nye bas blo
dang ni/ zhes sogs kyis bstan la/ de phyir bde sogs rang nyid
la/ zhes pa man gyis dam bca' bstan pa yin no/ /gnyis pa

bde sogs phyi'i bems po yin pas de myong rang rig med par 'dod
pa dgag pa la/ 'dod pa brjod pa dang/ de dgag pa gnyis/ dang po
ni/ grangs can pa 'ga' zhig bde sogs phyi rol na gnas pa nyid
dang ni sems med pa'i bems po dang/ /dbang shes

kyi gzung don yin par smra ste zhes pa'o/ /ste zhes pa phyi ma
dag 'dren pa'i tshig go /gnyis pa de dgag pa la/ de sogs dbang
shes kyi gzung don dang phyi'i bems po yin pa dgag pa dang/ nang
sems kyi bdag nyid yin par sgrub pa gnyis/ dang po ni/ de

@103a @#/ /ltar 'dod pa de yi lugs la yang dbang shes kyis bde
sogs dang gzugs sogs gnyis cig car 'dzin dgos na'ang/ dbang po'i
sems ni nges phyir dang/ zhes sogs sngar bshad pa'i tshul gyis mi
rigs so/ /gal te bde sogs dang

sngo sogs tha dad yin na sngar bshad pa'i skyon rnams 'byung
yang/ sngo sogs rang bzhin bde sogs dang gcig yin pa'i phyir/
dbang shes kyis cig car 'dzin kyang skyon med cing/ de nyid kyi
phyir phyi'i bems po yang yin no/ zhe na/ bde sogs dang sngo

sogs de chos can/ ci ltar tha mi dad pa yin te ma yin par thal/
rnam pa tha dad du snang ba can gyi sgo nas ma 'khrul ba'i sems
kyis ni/ so sor bzung ba'i phyir/ gzhan yang bde sogs sngo sogs
dang gcig yin na/ yul phyi rol gcig la dus gcig

tu dmigs pa der khyad par yod pa min yang goms pa yi ni khyad
par las blo la dga' ba dang yongs su gdung ba'i khyad par du ni
mi 'gyur ro/ /phyi rol bems po'i bag chags goms pa'i dbang gis
gzhan dang gzhan du mi 'gyur ba'i phyir/ gal te blo

yang bde sogs kyi bdag nyid yin pas blo goms pas khyad par du
gyur pa na/ bde sdug sogs mi 'dra ba'i khyad par du 'gyur ba mi
'gal lo zhe na/ blo bde sogs kyi bdag nyid yin pa de ni phyi rol
don de bde sogs kyi bdag nyid dang gcig yin zhes ji

ltar rtogs de rtogs pa mi 'thad do/ /gal te bde sogs shes pa yin
na sngo sogs dang rigs ni tha dad dag tu 'gyur bas gzugs 'dzin
ma yin par 'gyur ro zhe na/ skyes bu ni bde sogs kun gyi 'dzin
byed ma yin par 'gyur te/ bde sogs

@103b bems po yin zhing skyes bu shes pa yin pas rigs tha dad
pa'i phyir ro/ /khyab rtags khas te/ rtags rtsa ba'i grub pa'i
mtha' yin pa'i phyir ro/ /de yang skyes bu kho na shes pa yin la
gzhan shes bya thams cad bems por 'dod pas blo yang bems

por 'dod pa yin no/ /'dod na/ des na skyes bu de bde sogs myong
ba'i sgo nas za ba po nyid yin pa nyams so/ /rigs pa 'dis ni blo
dang sgra sogs gzung 'dzin yin pas rgyu dang 'bras bu nyid du
smra ba yang bsal ba yin te/ ji ltar bsal na/ skyes

bu dang sgra sogs chos can/ rgyu 'bras su thal/ /gzung 'dzin yin
pa'i phyir ro/ /'dod na skyes bu rtag pa yin pa bud do/ /rtags
khyab dngos/ gzhan yang blo dang sgra sogs gzung 'dzin yin pa'i
rgyu mtshan gyis rgyu dang 'bras bu yin pa 'thad pa min te/

de gnyis gzung dang 'dzin pa nyid du med pa'i phyir/ rtags ma
grub na gnyi ga bems po yin pa bud do/ /gzhan yang blo dang sgra
sogs gzung 'dzin yin pas rgyu 'bras su yod na/ de ni gzhan
la'ang mtshungs bar 'gyur te/ ji ltar 'gyur na/ bde

sogs dang sngo sogs kyang rgyu 'bras su thal/ gzung 'dzin yin
pa'i phyir/ rtags dngos/ khyab pa gong la mtshungs/ 'dod na de
gnyis gcig yin pa phud/ yod na de ni gzhan la'ang 'gyur zhes pa
la/ rgya bod kyi 'grel byed dag gis 'chad

tshul gzhan sna tshogs pa byas mod/ thams cad la snying po ma
mthong ngo/ /gnyis pa nang sems kyi bdag nyid yin par sgrub pa
ni/ ji skad bshad pa'i tshul gyis bde sogs goms pa'i dbang gis
khyad par du 'gyur ba de'i phyir/ bde sogs

@104a @#/ /de ni nang shes pa nyid yin la/ dang zhes pa rnam
grangs phyi ma bsdu ba'i tshig yin pas der ma zad myong bya nyid
yin pa'i phyir sems yin no/ /de la khyab pa yod de/ gang gi rang
bzhin myong ba ma yin pa de ni de yi yul can gyi myong ba

ma yin pa'i phyir/ dper na mig shes gyis gzugs ma myong ba
bzhin/ gal te myong ba'i rang bzhin ma yin pa'i bde sogs de'i
rnam pa blo la gnas pa yin zhing rnam pa de myong ba'am shes pa
des rig cing myong ba yin gyi bde sogs shes pas

myong ba ma yin no zhe na/ 'di ni grangs can pa'i grub pa'i
mtha' yin te/ myong ba dang shes pa dang rig pa rnams rnam
grangs yin zhing de la ni skyes bu zhes kyang bya la/ blo'i me
long zhes bya ba shes pa ma yin zhing/ de la yul gyi gzugs
brnyan

shar ba shes pas 'dzin par 'dod pa yin no/ /bde sogs mngon sum
du myong ba'i rnam pa can dang/ sngar bde sogs myong ba phyis
dran pa'i rnam pa can gyi myong ba ma gtogs bde sogs 'di'i rnam
pa shar ba'i blo gang yod de yod par mi 'thad

do/ /de'i rgyu mtshan yang/ gzugs sogs de dang de'i don la brten
nas bde ba dang sdug bsngal sogs myong ba'i bde sogs kyi rnam pa
can gyi shes pa gcig nyid 'byung bar 'gyur bar mthong gi bde
sogs dang shes pa'i bar du de gnyis las

gzhan pa'i bde sogs kyi rnam pa can gyi blo ni yod na snang dgos
pa la ma mthong ba'i phyir ro/ /gal te mgar gyi so mal gyi lcags
gong dang ni me bzhin du/ rdzas tha dad kyang/ 'dres pas rnam
par dbyer med par mthong ba yin no zhe na/ de lta

@104b yin na dngos po kun la rdzas tha dad dang tha dad min pa'i
rnam gzhag nyams par 'gyur te/ blo ma 'khrul bas tha dad med
par
myong bde ba gcig yin na de ltar gang yin pa blo ma 'khrul bas
tha dad du dmigs pa de rdzas tha dad pa can du grub la/ blo ma
'khrul bas gcig tu dmigs pa 'di gcig gi sgrub byed ma yin na blo
ma

'khrul bas tha dad du dmigs pa'ang tha dad kyi sgrub byed du
'grub pa ma yin pa'i phyir/ de ltar blo ma 'khrul bas gcig tha
dad dmigs pas gcig tha dad du mi 'grub na gcig tha dad kyi can
khyod kyi lugs de ltar na/ tha dad dang tha dad med par can
khyab la'ang gcig tha dad kyi rnam bzhag byar med do zhes ston
pa ni/ grangs

can khyod kyi lugs de ltar na/ tha dad dang tha dad med par
sgrub pa'i rten ci yod de med par thal/ sdug bsngal dang dkar
chos blo ma 'khrul ba la tha dad du snang yang tha dad ma yin
la
blo myong gnyis ni tha dad med par snang yang tha dad pa yin pas
na'o/ /

gal te khyed rang gi lugs la gtso sems gcig gi 'khor du tshor ba
sogs sems byung rdzas tha dad pa du ma yod kyang/ rjes kyi rtog
pas gang rung re nges kyi gzhan mi nges pa bzhin du/ blo myong
rdzas tha dad du yod kyang gang rung re mthong gi

gnyi ga mi mthong ba yin no zhe na/ dus gcig gi tshe tshor ba lta
bu gcig chos gsal bar rgyu bas 'du shes sogs gzhan rnams bsgribs
shing nges pa'i gegs byas na'ang/ sems kyi khyad par rgyun gyis
'jug pa dag la brtags pa na

mtshan mar 'dzin pa sogs sems byung gzhan rnams kyi byed las tha
dad par ni mngon sum gyis mthong zhing rtog pas nges pa'i phyir/
tshor ba sogs nang phan tshun rdzas tha dad pa'i rnam gzhag tshad
mas grub pa yin la/ blo

@105a @#/ /myong tha dad mngon sum gyis nam yang ma mthong ba'i
phyir mi mtshungs so/ /'di ni sems du ma dus gcig tu 'byung ba
rnams tha dad pa ma yin par thal zhes rtsod pa dang/ lan gyis
kyang de dag nang phan tshun rdzas tha dad

par ston pa yin gyi/ sems dang de'i 'khor gyi sems byung rdzas
tah dad du ston pa ma yin yang/ kha gcig sems sems byung rdzas
tha dad pa'i sgrub byed du gzhung 'di 'dren pa dang/ gzhan dag
skabs 'dir sems sems su byung rdzas

tha dad du 'dod pa'i gzhan lugs la brten pa yin zhes 'chad pa
gnyi ga'ang rnam par 'khyams pa'o/ /rang rig mngon sum la log
rtog bsal ba bshad zin to/ /bzhi ba rnal 'byor mngon sum la log
rtog bsal ba la/ dngos

dang/ zhar la mngon sum spyi'i mtshan nyid kyi rtsod spang bshad
pa gnyis/ dang po ni/ tshad ma mdor/ rnal 'byor rnams kyi blo mas
bstan/ /ma 'dres pa'i don tsam mthong/ zhes pa 'chad pa ste/ mdo
'di'i rang 'grel du/ rnal 'byor ba rnams

kyis kyang lung las rnam par rtog pa dang ma 'dres pa'i don tsam
mthong ba ni mngon sum mo/ zhes gsungs pa'i lung las zhes pa ni/
bla mas bstan zhes pa'i 'grel pa yin la/ de yang bla mas lung po
gcig gdams ngag bstan pa las

zhes bya ba'i don yin gyi/ bsgom pa'i tshe rigs pa bor nas tshig
tsam la skyabs su gzung dgos par ston pa ma yin pas skabs 'di'i
lung zhes pa rigs pa'i zlas drangs pa'i lung la bshad pas ni lam
gyi rtsa ba gcod par byed do/ /de

@105b yang/ de lta bu'i mdo tshig rtsa 'grel 'chad pa la gtso bor
rnal 'byor mngon sum gyi mtshan nyid dang mtshan gzhi rgyas par
bstan pa'i sgo nas rtog bral du sgrub pa'i rigs pa mtshon pa tsam
zhig ston par byed pa yin te/ 'di ltar rten gyi gang zag

rnal 'byor ba'i rgyad kyi shes pa yin pa/ yul gyi khyad par
sngar le'u gnyis par bshad pa'i bden pa bzhi bo de dag gi rnam
pa bcu drug po de'am/ yang na sngar dbang po'i mngon sum du
bshad pa'i chos de dag gi de kho na nyid gnyis ming kyi myong ba
de la dmigs pa/ de yang bdag rkyen gyi khyad par bsgoms stobs
las byung ba yin pa/ snang tshul gyi khyad par rtog pa'i dra ba
rnam par bsal ba'i dbang gis yul gsal ba nyid du snang ba gang
yin pa ni rnal 'byor mngon sum yin no/ /

gal te de'i tshe nye bar yod pa da lta'i dus kyi dngos po'i yul
can gyi rnal 'byor ba'i shes pa ni yul gsal bar snang ba 'thad
na/ de'i tshe nye bar med pa 'das ma 'ongs kyi dus kyi chos la
dmigs pa'i rnal 'byor ba'i shes pa bsgoms

stobs kyis yul gsal bar snang ba ji ltar 'thad ce na/ de'i tshe
nye bar mi gnas pa'i don kyang bsgoms stobs kyis gsal bar snang
ba 'thad de/ 'di ltar/ 'dod chags dang/ stag la sogs pas 'jigs
pa dang/ bu sdug pa shi ba'i mya ngan

gyis yid brlams pa dang/ rkun po rmi ba sogs kyis yid bslad pas
chags yul gyi bud med la sogs pa yang dag pa'am/ de'i tshe nye
bar yod pa ma yin pa rnams mdun na gnas pa bzhin du ni gsal bar
mthong bar 'gyur ba'i phyir ro/ /

@106a @#/ /gal te de 'dra'i bsgoms byung gi shes pa de yul gsal
bar snang yang rtog pa'i dra ba bsal ba'i dbang gis yin pa ma
nges te/ rmi lam gyi shes pa rnam par rtog pa dang bcas kyang
yul gsal bar snang ba'i phyir ro zhe na/

gnyid log pa'i gnas skabs kyi shes pa la'ang rtog bcas rtog
med gnyis yod pa las/ rnam par rtog pa dang rjes su 'brel ba
ni don gsal bar snang ba can ma yin te/ rmi lam na yang/ rtog
bcas kyi shes pa skyes pa rnams gnyid sad

pa'i tshe dran pa na de shes pa yul gsal bar snang ba de 'dra'i
don ldan min par mi gsal ba'i rnam pa can du dran pas khyab
pa'i phyir/ ni zhes pa'i dgar tshig gis 'di dag gis shugs la
'phangs pa ni gnyid log pa'i gnas skabs na yang

rmi lam gyi shes pa bskyes pa 'ga' zhig sad pa'i tshe yul gsal
bar snang ba'i rnam pa can du dran pas khyab pa'i phyir/ rtog
med yin zhes pa'o/ /'grel byed kha cig /dran pa zhes pa rmi
lam gyi gnas skabs kyi dran pa la byas nas rkang

pa dang po gnyis kyis ldog khyab bstan/ phyi ma gnyis kyis mi
mthun dpe bstan/ rtog pa'i dra ba rnam bsal bas/ zhes pa gnyis
kyi rnal 'byor mngon sum rtog bral du sgrub pa'i rigs pa'i
rjes khyab bstan/ 'dod 'jigs zhes

sogs rkang pa bzhis/ mthun dpe bstan pa zhes 'chad la/ chos
mchog ni/ rnam par rtog dang zhes sogs rkang ba gnyis kyis
ldog khyab bstan/ de nas rkang pa gnyis kyis de sgrub pa'i
rigs pa bstan pa yin pas/ rnam par rtog dang rjes 'brel

@106b ni/ don gsal snang ba can ma yin/ /rmi lam na yang dran
pa de de 'dra'i don ldan min par dran pas khyab pa'i phyir
zhes 'chad do/ /'o na bsgoms stobs kyis yul gsal bar snang na
rtog med yin pas khyab na/ bsgoms stobs kyis yul gsal bar
snang ba'i

rnal 'byor pa'i shes pa thams cad rnal 'byor mngon sum yin nam
zhe na/ rus gong la sogs pa mi gtsang ba dang/ zad par sa dang
chu la sogs pa yang dag pa ma yin pa'i don yang dang yang du
bsgoms pa'i stobs kyis sprul zhing bskyed pa na bsgom bya'i

don la rtog pa med pa dang gsal bar snang ba can du mthong ba
de'i phyir/ bden pa'i rnam pa la sogs pa yang dag pa dang/ zad
par la sogs pa yang dag pa ma yin pa'i don gang dang gang shin
tu bsgoms par gyur ba bsgoms pa yongs su rdzogs pa na/ bsgom

pa de gsal la mi rtog pa'i blo'i 'bras bu can yin zhing/ de'i
tshe bsgom bya gsal bar snang ba'i mi rtog pa'i blo na bsgoms
pa'i 'bras bur gyur pa'i rnal 'byor ba'i shes pa yin no/ /de
ltar bsgoms stobs kyis gsal bar snang ba'i rtog med kyi shes

pa yul yang dag pa dang/ yang dag pa ma yin pa can gnyis yod
pa de la sngar tshad ma grub par bshad pa'i bden bzhi'i dngos
po mi rtag la sogs bcu drug lta bu yang dag pa'i don rtogs
pa'i bsgoms byung gi shes pa rtog med rang gi gzhal bya la slu
ba med

pa can gang yin pa de bsgoms byung mngon sum tshad mar 'dod
kyi/ de las lhag ma zad par la sogs pa ni gsal bar snang zhing
rtog med yin kyang/ nye bar bslad cing 'khrul pa'i shes pa yin
pa'i phyir/ mngon sum tshad ma ma yin no/ /'dis ni rnal

@107a @#/ /'byor mngon sum gyi ngo bo'i khyad par ma 'khrul
ba'i shes pa yin pa zhes bya ba bstan pa yin no/ /rgyan mkhan
pos/ mi gtsang zad par sa la sogs zhes bye brag sogs smra ba'i
rtsod spong du 'chad de/ 'di ltar bye brag smra ba na re/ dus
gsum

po ni dngos por yod pas de dag gi yul can gyi rnal 'byor pa'i
shes pa bsgoms stobs kyis gsal bar snang ba 'thad na'ang/
dngos por med pa'i yul can gyi rnal 'byor pa'i shes pa bsgoms
stobs kyis yul gsal bar snang ba ji ltar 'thad

ce na/ mi gtsang zad par sa la sogs/ /yang dag min pa'ang
bsgoms pa yi/ /stobs kyis sprul pa rtog med dang/ /gsal bar
snang ba can du khyod rang gi grub pa'i mtha' las kyang mthong
ba'i phyir/ yul dngos por med kyang bsgoms stobs kyis gsal
snang

skyes pa mi srid par 'dod pa ni khas blangs nang 'gal lo/ /'o
na zad par sogs kyi ting nge 'dzin de dag kyang rnal 'byor
mngon sum yin nam zhe na/ bsgoms stobs kyis yul gyi rnam pa
gsal bar snang ba'i rtog med kyi shes pa yin kyang 'khrul pa'i
phyir rnal

'byor mngon sum ma yin la/ yang dag pa'i don la gsal snang
skyes pa'i rtog med kyi shes pa dag rnal 'byor mngon sum mo/
/zhes ston pa ni/ de phyir yang dag yang dag min/ zhes pa man
chad do zhes 'chad de shin tu legs so/ /gnyis pa zhar

la mngon sum spyi'i mtshan nyid kyi rtsod spang bshad pa ni/
tshad ma mdor/ ming dang rigs sogs sbyor ba yi/ /rtog pa dang
bral mngon sum mo/ /zhes mngon sum gyi mtshan nyid du rtog bral
smros pa de nyid la rtsod pa spong pa'i phyir/ tshad ma mdor/

@107b rtog pa'ang rang rig nyid du 'dod/ /don la ma yin de
rtog phyir/ zhes gsungs la/ de yang/ lo tstsha ba dad pa shes
rab dang/ zha ma seng rgyal gyi 'gyur la tshig de ltar yod
kyang/ rmas/ lha dbang blo'i 'grel pa'i nang du mdo tshig
drangs pa na/ rang rig la'ang rtog mi 'dod

don la rnam par rtog phyir ro/ zhes bsgyur ba de 'gyur legs
so/ /de la 'dir yang/ mngon sum gyi mtshan nyid rtog bral ston
pa'i mdo tshig rgyas par bshad nas/ dbang po dang/ yid dang/
rang rig dang/ rnal 'byor ba'i mngon sum thams cad re re nas
rtog

bral du sgrubs zin pa'i rjes su/ rtsod spong gi mdo tshig de
'grel ba la/ shes gang gang la sgra don 'dzin/ zhes sogs rkang
pa bzhi gsungs ba yin no/ /des na mdo dang rnam 'grel gnyi ga
ru/ rtsod spong 'di mngon sum thams cad rtog bral du bshad

pa la/ rtsod pa spong ba yin pas mngon sum thams cad re re nas
rtog bral du bsgrubs zin pa'i rjes su bshad pa yin gyi/ gzhan
dag 'chad pa ltar rang rig mngon sum la sgos su rtsod pa spong
ba yin na ci'i phyir rang rig mngon sum gyi skabs

su mi 'chad par rnal 'byor mngon sum gyi rjes su 'chad/ des na
rtsod pa'i tshul ni 'di ltar yin te/ gal te khyod kyis mngon
sum thams cad rtog bral du smras pa dang/ rang rig mngon sum
gyi skabs su shes pa thams cad la rang gi bdag nyid

du gyur pa'i myong byed rang rig mngon sum yod par smras pa
'gal ba yin te/ de ltar na rtog pa la'ang rang gi bdag nyid du
gyur pa'i myong byed rang rig mngon sum yod par 'gyur la/ de
lta na rtog pa'i bdag nyid du gyur ba'i shes pa ni rtog pa

@108a @#/ /dang bral bar mi 'thad pas/ rtog myong rang rig
mngon sum rtog bral ma yin par 'gyur la/ de lta na mngon sum
gyi mtshan nyid rtog bral nyams so/ /de bas na khyod kyi mngon
sum gyi mtshan nyid ni khyod rang nyid kyi rang

rig gi rnam par bzhag pas bkag pa yin no zhes pa'o/ /de bas na
rang rig gi rnam gzhag dang 'gal ba bstan nas mngon sum spyi'i
mtshan nyid rtsod pa yin no/ /de yang tshad ma mdo'i rtsod spong
gi gzhung de'i skabs kyi rang 'grel du rtsod pa bsu

ba na/ gal te 'dod chags la sogs pa'i rang rig pa mngon sum
yin na rtog pa'i shes pa yang mngon sum du 'gyur ro/ /zhe na/
zhes gsungs la/ 'di'i tshig 'khrul gzhi che bas 'khrul te/
rtsod pa 'dir rang rig mngon sum kho na'i rtsod spong

dang/ rtsod tshul yang 'dod chags la sogs pa myong ba'i rang
rig mngon sum yin na/ rtog pa'ang rang gi ngo bo rig pa'i
mngon sum du 'gyur la/ de lta na rtog pa'ang rtog bral du
'gyur ro zhe na/ zhes pa'i rtsod pa bsu nas/ lan 'debs pa na/

shes gang gang la sgra don 'dzin/ zhes sogs kyi don la rtog pa
rang gi snang yul sgra don la rtag pa yin kyang/ mngon sum ma
yin la/ rang gi ngo bo ni sgra don ma yin pas de la ltos te
shes pa kun mngon sum yin gyi/ rtog pa ma yin

pas skyon med ces 'chad med/ rtog pas rang gi ngo bo rig par
mdo dang rnam 'grel gnyis ka ru 'di'i gong du zur tsam yang
khas blangs pa med cing/ rtsod pa 'di ni rang rig khas mi len
pa dag gi rtsod pa yin pas rtsod pa smra ba pos kyang

@108b rtog pa rang rig gi ngo bo la mngon sum du khas mi len
pa'i rtsod pa 'di 'dra 'ong ba'i gzhi med cing/ dogs pa khong
blangs kyang ma yin te/ dogs pa khong blang de 'dra byed na
rang nyid rtog pa rnams rang gi ngo bo la mngon sum du khas
len dgos na'ang tshul de

ni ches 'khyams pa'i bab col yin pas kho bos tshad ma yid kyi
mun sel du rgyas par bkag zin cing/ des na shes pa thams cad
rang gi ngo bo la mngon sum yin pa'i lan kyang ches 'khrul bar
shes par bya la/ shes pa rnams rang gi ngo bo  

la rang rig yin pas rang rig yin pa'i go mi chod na/ 'dzin
rnam kyang gzung rnam la rang rig yin pas rang rig yin par
'jog mi nus par mtshungs pa'i phyir/ rang rig gi mtshan gzhi mi
rnyed par 'gyur zhing/ go chod na rtog pa'ang rang rig

mngon sum du 'gyur bas rang rig mngon sum la rtog bral gyis
khyab pa nyams so/ /des na kun las btus rtsa 'grel gyi rtsod
pa bkod pa de'i don ni 'di yin te/ gal te 'dod chags la sogs
pa'i myong byed rang rig pa de mngon sum

yin na rtog pa'i shes pa myong ba'i rang rig pa yang mngon sum
du 'gyur la/ de lta na rtog pa'i bdag nyid du gyur pa'i myong
byed de rtog bral du 'gyur dgos na'ang/ rtog pa'i bdag nyid
yin pa dang/ rtog pa dang bral ba 'gal lo zhe na zhes

pa'o/ /de'i lan tshad ma mdor/ rang rig la'ang rtog mi 'dod/
/don la rnam par rtog phyir ro/ /zhes gsungs pa'i tshig gi don
ni 'di yin te/ rtog pa myong ba'i rang rig la'ang rtog pa yin
pa yod par mi 'dod de/ rtog pa yin na rang gi snang yul

@109a @#/ /sgra don la rnam par rtog pas khyab pa'i phyir ro/
/zhes pa'o/ /de'i don 'grel pa la/ shes gang gang la sgra don
'dzin/ de ni de la rtog pa yin/ zhes pa ni/ don la rnam par
rtog phyir ro/ zhes pa'i 'grel ba yin la/ rang gi ngo bo sgra
don min/ /

de phyir de la kun mngon sum/ zhes pa ni/ rang rig la yang
rtog mi 'dod/ ces pa'i 'grel pa yin pas 'di ltar bshad par bya
ste/ shes bya chos can/ rtog pa'i ngo bo de la myong byed du
'jug pa'i rang rig kun rtog pa dang bral ba'i mngon sum yin
te/ rtog pa'i

rang gi ngo bo sgra don ma yin par shes pa rang mtshan yin pa
de'i phyir/ khyab ste/ shes pa gang snang yul gang la ltos te/
sgra don 'dzin pa de ni snang yul de la rtog pa yin pa'i 'jog
byed yin pa'i phyir ro/ /zhes pa'o/ /skabs 'dir bod kyi TrIka
byed

thams cad kyis nor ba'i 'phreng ba kho na bshad la/ rgya 'grel
kha cig gis kyang 'chad tshul sna tshogs yod kyang/ 'dir yi ge
mangs pas 'jigs te dgag sgrub rgyas par ma bris kyi ngag las
zhib tu shes par bya'o/ /rnal 'byor mngon sum la log

rtog bsal ba zhar byung dang bcas pa bshad zin to/ /gnyis pa
dmigs bsal ma 'khrul ba sogs shes phyir mngon sum ltar snang
bshad pa la/ mngon sum ltar snang grangs kyi dbye bsdu bstan/
rtog pa mngon sum ltar snang drug tu phye ba'i

dgos pa bstan/ bslad pa mngon sum ltar snang logs su smros
pa'i dgos pa bstan pa'o/ /dang po ni/ tshad ma mdor/ 'khrul
dang kun rdzob shes pa dang/ /rjes dpag rjes su dpag las
byung/ /dran dang mngon 'dod ces bya'o/ /mngon sum

@109b ltar snang rab rib bcas/ zhes gsungs la/ de la mngon sum
ltar snang gnyis ni/ rtog pa mngon sum ltar snang dang/ rtog
med mngon sum ltar snang ngo/ /dang po ni drug ste/ 'dir ltar
smig rgyu la chur 'dzin pa'i rtog pa lta bu 'khrul pa'i shes
pa dang/ bum pa sogs yan lag can   

la rtog pa lta bu kun rdzob pa'i shes pa dang/ rtags 'dzin gyi
sems rjes dpag dang/ rtags can gyi blo rjes su dpag las byung
ba dang/ 'das pa'i don dran pa'i shes pa dang/ ma 'ongs pa'i
don mngon par 'dod pa'i shes pa'o/ rtog pa med pa ni/

rab rib sogs kyis bdag rkyen dbang po bslad pa las byung ba
zla ba gnyis snang gi dbang shes lta bu'o/ /de yang bum pa lta
bu la/ rtog pa la kun rdzob pa'i shes pa zhes bshad pa'i don
ni bum pa yan lag can yin zhing/ yan lag can yin na kun

rdzob yin pas khyab pas/ de ltar bshad do snyam du gzhan dag
sems so/ /de ni ma yin te/ yan lag can yin na kun rdzob yin
pas khyab pa kho bos tshad ma yid kyi mun sel du rgyas par bkag
zin to/ /de bas na/ bum 'dzin rtog pa yin na bum pa

de rang gi cha shas du ma tshogs pa'i yan lag che lta bur snang
bas khyab cing/ bum pa cha shas du ma tshogs pa'i yan lag can
yin pa ni kun rdzob kho na yin la/ brda sbyor rtog pas sgro
btags pa kho na yin pas/ de la kun rdzob shes pa zhes pa

dang/ brda rten can zhes gsungs pa yin no/ /yang grangs sogs
tshig gi don drug la rtog pa la kun rdzob shes pa zhes gsrungs
te/ de'i don ni yan lag can dang/ yon tan dang/ las dang/ spyi
dang/ bye brag dang/ 'brel ba rnams bye brag pa

@110a @#/ /sogs su ma zad/ rang yang khas len zhing/ kho 'di
rnams thams cad dngos por grub par khas len kyang/ rang lugs
la 'di dag sgro btags pa yin zhing/ bum pa yan lag can yin pa
dang/ bum gzugs bum pa'i

yon tan yin pa sogs nas/ bum pa dang byas pa'i 'brel ba la
sogs pa'i bar thams cad sgro btags yin pas/ tshig gi don drug
la rtogs ni kun rdzob shes par bshad do/ /'on kyang bum pa yan
lag can yin pa'i cha rdzas su ma grub kyang/ bum

pa yan lag can yin na rdzas su ma grub mi dgos pa la sogs pa'i
rang ldog gzhi ldog gi rnam dbye la mkhas par bya ste/ gzhan
du bshad zin to/ /rtags 'dzin sems la rtags can rjes dpag gi
ming gis 'dogs pa'i rgyu mtshan ni/ rjes dpag

gi rgyu yin pa'i phyir ro/ /dgos pa ni rjes dpag rtags 'dzin
sems las skye bar shes pa'i sgo nas bsgrub bya rtogs pa tshul
gsum shes pa la rag las par shes par bya ba'i phyir ro/ /dngos
la gnod byed ni/ rtags mthong zhing 'brel ba dran pa'i

rjes su bsgrub bya dpog pa'i blo ma yin pa'i phyir ro/ /de
ltar kun las btus las mngon sum ltar snang gi dbye ba ston pa
na/ rtog pa mngon sum ltar snang drug tu phye nas bstan kyang/
'dir rtog pa de dag gi rigs so sor shes par bya ba'i phyir

rigs gcig pa rnams grangs 'dzin re rer bgrangs pa'i sgo nas
grangs gsum du bsdus te bstan pas mngon sum ltar snang gi dbye
ba rnam pa bzhi ste/ brda rten can dang/ don gzhan la sgro
'dogs pa dang/ lkog tu gyur pa'i don can zhes

@110b bya ba rtog pa'i shes pa rnam pa gsum dang/ bdag rkyen
dbang bo glo bur gyi 'khrul rgyus bslad pa las byung ba'i rtog
pa med pa'i shes pa gcig yin no/ /gcig ces pa ni/ de 'dra'i
rtog med kyi shes pa du ma yod kyang so sor ma phye bar 'dir
mngon sum ltar

snang gi dbye ba ston pa na grangs 'dzin gcig yin zhes pa'o/
/de la bum pa sogs la rtog pa'i kun rdzob pa'i shes pa ni/
brda rten can zhes bya la/ smig rgyu la chur 'dzin pa lta bu
ni don gzhan la sgro 'dogs pa dang/ rjes dpag sogs bzhi ni
thams cad

kyang yul lkog gyur la 'jug par 'dra ba'i phyir lkog tu gyur
pa'i don can zhes bya'o/ /'dir rigs gcig pa rnams grangs 'dzin
re rer bgrangs pa'i tshul yang/ brda rten can ni rigs pa can
dang gzhan dag kyang dbang shes su 'dod pas de'i ngo bor dbang

shes min par bsgrub pa'i phyir/ tshad ma mdor/ mngon sum ltar
snang gi dbye bar bstan pa yin pas 'dir yang dbye ba'i grangs
'dzin gcig tu byas la/ don gzhan la sgro 'dogs pa ni rigs pa
can kho nas dbang shes su 'dod pas/ de'i ngor dbang

shes min par bsgrub pa'i phyir/ mdor/ mngon sum ltar snang gi
dbye bar bstan pa yin pas/ 'dir yang/ dbye ba grangs 'dzin
gcig tu byas la/ rjes dpag sogs bzhi ni/ snga ma gnyis dbang
shes ma yin par sgrub pa'i rtags kyi mthun dpar gzung ba'i
phyir di/ tshad ma mdor/ mngon sum ltar snang gi dbye bar bstan
pa yin pa rigs gcig pas 'dir lkog tu gyur ba'i don la zhes par
bsdus nas dbye ba'i grangs 'dzin gcig tu byas pa'o/ /gnyis pa
rtog pa mngon sum ltar snang drug tu phye g

@111a @#/ /ba'i dgos pa bstan pa ni/ tshad ma mdor/ rtog pa mngon
sum ltar snang drug tu ston pa'i dgos pa ci zhig yod/ rtog pa
mngon sum ltar snang yin pa thams cad re re nas shes par bya
ba'i phyir yin na/ rtog pa'i gsal ba'i dbye

ba thams cad re re nas 'dir smos dgos la/ gzhan du na rtog pa
dang/ zhes pa'i dbye grangs gcig gis kyang rtog pa mngon sum
ltar snang gi dbye ba shes par 'gyur bas so zhe na/ dgos pa
gzhan yod de/ 'di ltar dbang po las skyes pa'i shes pa min

par sgrub pa'i don du brda rten can dang/ don gzhan la sgro
'dogs pa gnyis bshad de/ de ltar bsgrub dgos pa'i rgyu mtshan
rigs pa can pa la sogs pa dag/ de gnyis dbang shes su 'khrul bar
mthong ba'i phyir ro/ /rjes dpag sogs bzhi rgol

ba de dag gis dbang shes min par grub zin kyang mngon sum ltar
snang gi dbye bar brjod pa ni/ snga ma gnyis nyid dbang shes ma
yin par sgrub pa'i rtags kyis mthun dper gzung bar bya ba'i
phyir ro/ /'o na de gnyis dbang shes su 'khrul ba'i

rgyu gang yin zhe na/ brda rten can dang don gzhan la sgro
'dogs
pa'i rnam par rtog pa dag bum pa dang smig rgyu'i kha dog mthong
ba'i mngon sum sogs dang yul dus nye bas 'jug pa'i phyir 'ga'
zhig gi tshe de dag dbang shes su 'khrul ba'i

rgyu yin no/ /'o na rjes dpag sogs bzhi mthun dper bkod nas de
dag dbang shes ma yin par sgrub pa'i rtags sbyor 'god pa'i tshul
ji lta bu zhe na ji ltar lkog tu gyur pa'i don can gyi dran pa
la sogs pa'i rtog pa 'di dag brda la

@111b ltos pa'i ngang tshul can yin pas mngon sum du gyur ba'i
don la 'dzin par mi byed pa de ltar sngon nyams su myong ba'i
bum gzugs dang chu la sogs pa dran pa med par bum pa dang smig
rgyu la sogs pa dag la 'di bum pa'o/ /'di chu'o zhes

shes pa yod pa min pas brda rten can dang don gzhan la sgro
'dogs pa de yang ni mngon sum yin pa las ni yongs su nyams par
'gyur ro/ /zhes pa'o/ /gsum pa bslad pa mngon sum ltar snang
logs su smos pa'i dgos pa bstan pa la/ rang lugs

bzhag pa dang/ gzhan lugs dgag pa gnyis/ dang po ni/ tshad ma
mdor mngon sum ltar snang gi dbye ba ston pa na ci'i phyir rab
rib bcas zhes smos zhe na/ kun las btus su rtog pa mngon sum
ltar snang la ltos nas mngon sum ltar snang

gnyis par bstan cing/ rnam 'grel 'dir ni/ rtog pa gsum du phye
ba'i grangs la ltos nas/ mngon sum ltar snang bzhi bar bstan pa
bslad pa mngon sum ltar snang de ni mngon sum gyi mtshan nyid
ston pa'i skabs su/ rtog bral zhes smos

pa'i tshig gis bsal ba rtog pa mngon sum ltar snang gi dpe zhig
ston par 'dod pa ma yin gyi/ sngar ming dang rigs sogs sbyor ba
yi/ /rtog pa dang bral mngon sum mo/ /zhes spyir btang ba las
rtog pa dang bral yang 'khrul na mngon

sum ma yin no/ /zhes dmigs kyis bsal te ma 'khrul ba mngon sum
gyi mtshan nyid kyi lhag mar bstan pa'i don du smos pa yin no/
/de yang rab rib bcas zhes smos pa'i skabs der ni rab rib tu ma
zad/ mig ser la sogs pas

@112a @#/ /dbang po la nye bar gnod pa byas pa las skyes pa'i
shes pa thams cad mngon sum ltar snang du brjod pa yin la/ de
ltar yin pa la/ rab rib 'ga' zhig dngos su smos pa ni dbang po
la nye bar gnod pa'i rkyen mig ser gyi nad la

sogs pa gzhan dag mtshon par byed pa yin gyi/ de kho na gzung
ba'i phyir ma yin no/ /gnyis pa gzhan lugs dgag pa ni/ kun las
btus kyi 'grel byed kha cig na re/ zla ba gnyis snang gi shes pa
de yang yid kyi shes pa rtog pa dang bcas pa yin

no/ /de yang ji ltar zhe na/ dang por dbang shes ma 'khrul bas
smig rgyu'i kha dog bzung nas de'i 'og tu chu mthong ba'i bag
chags sad pa na/ rtog pas smig rgyu de nyid chur 'dzin pa bzhin
du/ dang por dbang shes kyis zla ba gnyis mthong zhing/ phyis
zla

ba gnyis su rtog pas sgro btags pa yin te/ 'di ltar mig gi dbus
na rab rib gnas pas zla ba de nyid zur gnyis su snga phyi rim
gyis mthong ba na/ dus myur ba'i phyir cig car du yod pa ltar
snang zhing/ de la rtog pas zla ba gnyis yod par sgro btags

pa yin no/ /des na rab rib bcas zhes smos pa ni/ rtog med mngon
sum ltar snang ston pa ma yin gyi/ rtog pa mngon sum ltar snang
gi dpe ston pa yin no zhes zer ro/ /de ltar na slob dpon rang gi
gzhung dang nang 'gal bar 'gyur te/ kun las btus

kyi rtsod sgrub brtag pa'i skabs su/ sngon po sogs kyi rdul phra
rab rnams dbang shes skyed byed yin pa'i phyir yul yin no zhes
smra ba 'gog pa na/ mig la sogs pa'i rdul phra rab dag kyang
dmigs pa nyid du thal bar 'gyur te/ de dag kyang

@112b don dam par rnam pa gzhan du yod pa'i zla ba gnyis dang
sngon po la sogs par snang ba'i shes pa'i rgyu yin no/ /zhes
gsungs la/ de'i tshig bsdu ba ni/ sngo dang zla gnyis la sogs
blo'i/ dbang po'ang rgyu yin/ zhes bya ba ste/ de lta bu'i
gzhung 'di dang ni zla

ba gnyis snang gi shes pa dbang shes ma yin pa slob dpon gyi
dgongs par smra ba de dag 'gal ba'i phyir ro/ /kun las btus kyi
gzhung 'di ni rang 'grel gyi gzhung yin gyi/ rtsa ba'i ma yin
la/ de yang dbang los bcas pa'i 'gyur dang/ dad pa shes

rab kyi 'gyur la/ rdul phra rab ces pa'i tshig med kyang/ rgyan
du drangs pa dang/ nyi ma sbas pas drangs pa sogs la rdul phra
rab ces pa'i tshig 'byung zhing/ de nyid dag pa yin te/ rnam nges
su/ gzhan du yang mig la sogs pa'i rdul phra rab rnams zla ba

gnyis dang sngon po la sogs par snang ba'i rnam par shes pa'i
rgyu nyid du gsungs pa'i phyir ro/ /zhes gsungs pas so/ /de'i
'grel bar/ chos mchog gis/ tshad ma kun las btus par/ mngon sum
gyi mtshan nyid sgrub pa las/ gzhan rtsod

pa sgrub pa brtag par yang/ mig la sogs pa'i rdul phra rab de
dag rnams zla ba gnyis dang sngon po la sogs pa de dag gang la
snang ba'i shes pa de'i rgyu yin par gsungs so/ /de las ni gal
te ji ltar yod pa rnam pa gzhan du snang ba'i yang shes

pa'i rgyu yin pa de ltar/ de dag yul yin na/ de lta na ni/ 'o na
mig la sogs pa'i rdul phra rab rnams kyang zla ba gnyis snang ba
dang/ sngon po la sogs par snang ba'i yul nyid du thal bar 'gyur
te/ rgyu yin pa'i phyir ro zhes gsungs so/ /zhes

@113a @#/ /bshad la/ 'grel ba rnams su drangs pa 'di dag la 'dra
min mang po 'byung zhing/ lo tsatsh ba dad pa shes rab kyis
bsgyur ba'i rtsa 'grel gang na'ang/ rgyan chos mchog gis drangs
pa 'di dag dang tshig gi rnam pa tsam yang mi 'dra

cebar snang la/ spyir kun las btus kyi rang 'grel bod du 'gyur
ba 'di 'dres dang bcas pa'am/ 'dres ma shor ba gang yin dpyad
pa'i gzhir snang ngo/ /'on kyang rnam nges kyi gzhung dang bstun
pas/ rdul phra rab ces pa'i tshig yod par gsal

la/ de'i phyir rtsod sgrub dgag pa'i skabs 'di mdo sde pa'i tshul
la brten te don khas blangs pa'i dbang du byas pa yin par gsla
lo/ /de bas na rgyan mkhan po rjes 'brang dang bcas pa'i rgya
bod kyi Tik byed pa dag gis skabs 'dir dbang po'i rnam

par rig pa'i rgyu/ phra rab rdul dag yin mod kyi/ de mi snang
phyir de yul ni/ /rdul phran ma yin dbang po bzhin/ zhes pa
drangs nas/ de dang yang 'gal zhes 'chad pa ni/ ches cher mi
rigs te/ dmigs brtag gi gzhung de'i dbang po'i rdul phra rab

dbang shes kyi rgyu yin pa'i phyir/ yul du 'gyur ro zhes pa'i
rtags pha rol po la khas len la gtod ngam/ rang rgyud du khas
len/ dang po ltar na/ dbang po'i rdul phra rab dbang shes kyi
rgyu yin pa'i phyir/ zhes pa pha rol don smra la khas len la

gtod rgyu des rang lugs la dbang po dbang shes kyi rgyu yin par
ji ltar bsgrub nus/ gzhan du na/ sgra chos can/ ma byas par
thal/ rtag pa'i phyir/ zhes pa'i rtags pha rol po la khas len la
gtod rgyu des kyang/ rang lugs la sgra rtag pa yin

@113b par bsgrub nus par thal lo/ /gal te rang rgyud du khas len
na/ rang lugs la rnam par rig pa'i skabs su/ mig dbang gi rdul
phran mig shes kyi rgyur khas len dgos pas/ rdul phran khas len
pa'i sems tsam pa ches ngo mtshar che'o/ /nges na kun

las btus kyi rtsod sgrub brtag pa'i skabs kyang/ rtsod sgrub
mkhan po rnam rig pa'i lugs la brten nas 'gog pa yin zhes smra
ba dag la/ rdul phran khas len pa'i sems tsam pa'i grub pa'i
mtha' rang lugs su 'dod dgos

pa'i skyon 'di 'byung bar shes par gyis shig/ 'di la da dung
dpyad cing rtag par bya ba'i gnas du ma yod kyang/ yi ge mangs
par 'gyur bas ma bris la/ gzhan dag ni the tshom tsam yang ma
zhugs par snang ngo/ /da ni dkyus ma bshad par bya ste/

kho na re/ gal te gzhung de dang 'gal ba'i skyon med de/ gzhung
de ni rab rib kyis bslad pa'i mig gi rdul phra rab dag/ zla ba
gnyis snang dbang shes kyi brgyud pa'i rgyu yin par bshad pa yin
no zhe na/ rtsod sgrub mkhan po'i 'dod pa dbang po'i

shes pa'i spyod yul dag ji ltar yin zhes dpyad nas 'gog pa'i
tshe/ dbang shes kyi dngos rgyu yin pa'i dbang gis dmigs rkyen du
'jog ces pha rol pos khas blangs pa 'di la 'o na/ mig la sogs
pa'i rdul phra rab kyang zla ba gnyis

snang yid shes rtog pa'i dmigs par bya ba yin par thal/ de'i
brgyud rgyu yin pa'i phyir zhes 'phangs pa 'di skabs su bab pa'i
thal 'gyur yang dag tu ji ltar 'gyur ba yin te skabs su ma bab
par 'gyur te/ pha rol pos thal 'gyur

@114a @#/ /de'i khyab pa khas mi len zhing/ tshad mas kyang ma
grub pa'i phyir ro zhes bya ba'i tha tshig go/ /de ltar zla ba
gnyis snang gi shes pa yid ches rtog par 'dod pa slob dpon rang
nyid kyi gzhung dang 'gal bar bstan nas/ rigs pas

'gog pa de/ ci dbang po la brten pa'i shes par gang gis 'jig pa
yin/ gal te shes pa gang bdag rkyen dbang po yod med kyi rjes su
'jug pa can no zhe na/ de lta na gzugs sogs snang ba'i mig shes
sogs dbang po yod med kyi rjes

su 'gro ldog byed pa ltar/ mig rab rib kyis bslad pas zla ba
gnyis sogs snang ba'i shes pa yang de dang mtshungs par dbang po
yod med kyi rjes su byed pa'i phyir/ dbang po la brten pa'i shes
pa yin par rigs so/ /gal te bdag

rkyen dbang po 'gyur ba'i dbang gis rang la yul snang ba'i tshul
yang 'gyur ba dang ldan pa'i shes pa dbang shes kyi 'jog byed
yin no zhe na/ tshul de ni mig rab rib gyis bslad pas zla ba
gnyis su snang ba'i shes pa 'di nyid la yang

yod pa yin na ci'i phyir 'di dbang shes yin pa 'gog/ gzhan yang/
thag pa la sbrul la sogs par 'khrul ba'i che yid shes kyis sbrul
ma yin par yongs su dpyad pa na/ sngar sbrul du 'khrul ba'i dus
dang/ mig gi dbang po'i 'gyur ba

rkyen gyis bslad ma bslad kyi khyad par med kyang sbrul du
'khrul ba ldog pa bzhin du/ yid shes kyis zla ba gnyis med par
nges na mig rab rib kyis bslad pa'i dbang po'i 'gyur ba yod
na'ang zla ba gnyis su snang ba ldog par 'gyur la/ yid

@114b shes kyis thag pa de sbrul du bzung na mig btsums kyang
thag pa de sbrul du 'khrul ba'i shes pa mi ldog par sbrul lo
snyam du 'dzin pa bzhin du/ yid kyis zla ba gnyis su med par ma
nges na/ rab rib kyis sngar gyi dbang po'i bslad pa ni ldog
kyang zla ba

gnyis su snang ba ldog par mi 'gyur te/ zla ba gnyis su snang ba
ni dbang po la brten pa'i shes pa ma yin par yid shes yin pa'i
phyir ro/ /zhing zhes pa rigs pa'i rnam grangs 'og ma bsdu ba'i
tshig go/ gzhan yang thag pa sbrul du 'khrul ba'i skyes bu

des/ 'di sbrul lo zhes brjod na/ pha rol po la'ang sbrul 'dzin
gyi blo de dang 'dzin stangs mtshungs ba skye ba de bzhin du/ zla
ba gnyis su snang ba'i skyes bu des nam mkha' la zla ba gnyis so
zhes brjod pa dag gis dus 'ga'i tshe skyes bu pha rol po la'ang/

nam mkha'i zla ba gcig gnyis su snang ba'i shes pa de lta bu
'jog pa'am skye bar byed nus par thal/ zla ba gcig gnyis su
snang ba'i shes pa de yid shes yin pa'i phyir ro/ /gzhan dag gis
de bzhin du zhes pa sbrul sogs 'khrul ba bzhin zhes

pa la sogs ma shes pas gzhung 'di tsam la'ang nus pa 'don ma
shes na/ rtogs dka' ba'i gzhung dag lta ci smos/ gzhan yang zla
ba gnyis su snang ba'i shes pa des zla ba gnyis su mthong ba
brda dran pa la ltos par 'gyur zhing yul gyi rnam pa

yongs su gsal bar snang bar ma 'gyur par thal/ rtog pa yin pa'i
phyir/ phyi ma khyab ste/ gnyid log pa'am sad pa na'ang yul gyi
rnam pa gsal bar snang ba can gyi blo gang yin pa de ni rtog med
shes pa yin la dus gnyis kar yang rnam pa gsal

@115a @#/ /bar snang ba de lta min pa'i shes pa yin na rtog pa
yin pas khyab pa'i phyir/ des na ji skad bshad pa'i rigs pa dag
gis rtog pa yin pa khegs pa de'i phyir/ rab rib kyis mig dbang
bslad pas zla ba gnyis su snang ba'i shes pa de

rtog med yin la de lta na'ang mngon sum ltar snang gi dbye bar
ston pa ni tshad ma yin pa nyid ni bkag pa'i phyir du bstan pa
yin te/ de tshad ma ma yin pa'i rgyu mtshan rang gis yongs su
dpyad pa'i yul la slu ba'i phyir ro/ /des na dbang po bslad pa

las skyes pa'i shes pa de dag rtog med yin na'ang/ tshad ma ma
yin pas mngon sum ni rtog pa dang bral zhing ma 'khrul ba zhig
dgos so zhes bya ba de shes pa'i don du rtog pa'i sde tshan las
logs su rab rib bcas zhes smos pa'i sgo nas/ mngon

sum ltar snang la rtog pa dang/ rtog med kyi sde tshan gnyis su
slob dpon phyogs kyi glang pos bshad do zhes pa/ 'dir ni bzhi pa
dmigs bsal te/ man chad kyi don bsdu ba'o/ /mngon sum ltar snang
bshad zin to/ /gsum pa mngon sum 'bras bu'i don

la log rtog gsal ba la/ spyi'i don dang/ yan lag gi don gnyis/
dang po ni/ tshad ma dang/ 'bras bu dang/ zhes bya ba 'di ci zhig
ce na/ tshad ma ni sngar le'u gnyis par bshad pa'i tshad ma slu
med can shes pa/ zhes pa'i mtshan nyid de lta bu dang ldan pa
gong

du ji skad bshad pa'i mngon sum dang rjes dpag gnyis su phye ba
de'o/ /de'i 'bras bu ni gnyis te/ tshad ma'i 'bras bu dang/ mchod
pa'i 'bras bu'o/ /tshad ma'i 'bras bu byed pa gzhan gyis bar chod
pa de yang gang zhe na/ de yang gtso bor skyes

@115b bu'i don mngon mtho dang nges legs kyis bsdus pa rnams
dang/ bden bzhi blang dor thabs dang bcas pa rtogs nas de dag la
'jug ldog byed pa rnams so/ /don de yang/ blang dang dor bya'i
dngos po yi/ /'jug la de gtso yin phyir dang/ zhes sogs

kyis ston par byed do/ /'bras bu 'di ni tshad ma'i stobs las
skyes pa yin par tshad ma'i skye 'bras yin par rig par bya'o/
/byed pa gzhan gyis bar ma chod pa'i tshad 'bras bu de yang gang
zhe na/ de la gnyis te/ tshad ma rang las don gzhan du

gyur pa dang/ rang gi bdag nyid du gyur pa'o/ /dang po ni/ tshad
mas dngos su drangs pa'i nges shes lta bu ste/ de yang tshad mas
dngos su bskyed pa'i 'bras bu yin pa'i phyir/ tshad mas mchod
pa'i 'bras bu zhes bya'o/ /gnyis pa ni/ tshad ma rang nyid kyis

gzhal bya rtogs pa'i cha lta bu ste/ de la ci'i phyir tshad mas
mchod pa'i 'bras bu zhes bya zhe na/ tshad ma rang gi bdag nyid
du gyur pas byed pa gzhan gyis bar ma chod pa'i phyir dang/ tshad
mas rnam par bzhag bya'i 'bras bu yin pa'i phyir ro/ /

de bas na 'di ni tshad mas bskyed pa'i 'bras bu ma yin la/ 'on
kyang rnam par bzhag bya'i 'bras bu yin pas 'bras bu zhes bshad
de/ blo rnams kyi yul rtogs pa tha dad pa ni/ rnam pa tha dad
pas 'jog pa'i phyir ro/ /de ltar yang yul gyi

rnam pa tha dad pas/ blo'i rtogs pa tha dad phyir/ zhes gsungs
pa yin no/ /de bas na 'dir tshad ma'i 'bras bu zhes bya ba la/
'bras bu ni mtshon bya/ tshad ma ni mtshan nyid/ gzhal bya ni tshad
ma dang 'bras bu de gnyis kyis sgro 'dogs bcad

@116a @#/ /par bya ba'i yul lo/ /de dag ni rim pa bzhin/ bya ba
dang/ byed pa dang/ las kyi bdag nyid du brjod do/ /de lta bu'i
tshad ma'i 'bras bu de la yang/ rjes dpag tshad ma'i tshad 'bras
kyi rnam bzhag dang/ mngon sum gyi tshad 'bras kyi

rnam gzhag gnyis la/ skabs 'dir ni phyi ma nyid gtan la 'bebs
par byed pa yin la/ de la yang 'bras bu'i rtog pa gsum yod pa
las/ gzhan dag na re/ 'bras rtog pa dang po ni mdo sde pa'i tshad
'bras kyi rnam gzhag yin la/ de yang phyi

rol gzhal bya/ phyi rol gyi rnam pa shar nas de la mi slu ba'i
shes pa tshad ma/ phyi rol gyi don rtogs pa 'bras bu'o zhes
smra'o/ /de lta na mdo sde pa'i lugs la gzhan rig mngon sum tshad
ma yin na/ rang gi gzhal bya phyi rol yin pa'i cha la

sgro 'degs chod pas khyab par khas len dgos pas gzugs sogs phyi
don yin par rtags kyis bsgrub mi dgos par thal ba'i skyon du
'gyur ba'i phyir/ phyi don gzhal bya dang/ de'i rnam pa shar ba
tshad ma yin pa ni/ lugs de

las phyi rol tu gyur pa'o/ /'bras rtog gnyis pa'i rnam gzhag ni/
gzung rnam gzhal bya/ 'dzin rnam tshad ma/ rang rig 'bras bu zhes
bya ba ste/ 'di sems tsam pa kho na'i tshad 'bras kyi rnam gzhag
go zhes bya bar smra ba dag kyang

'thad pa ma yin te/ mdo sde pa'ang 'dzin rnam de gzung rnam la
rang rig mngon sum du khas len pa'i phyir ro/ /gzhan du na shes
pa rnam bcas dang/ blo la rang rig mi 'dod par 'gyur ro/ /'bras
rtog gsum pa ni/ mdo sde

@116b pa'i rnam gzhag yin la/ de yang phyi don gzhal bya/ gzung
rnam tshad ma/ dpyad na rang rig yin pa'i don rtogs 'bras bu/
zhes smra ba ni mdo sde pa'i lugs las brgal ba yin te/ de lta na
phyi don dpyad na shes pa yin par thal/ dpyad pa na don

rig de rang rig yin pa'i phyir ro/ /gzhan yang dpyad pa zhes pa
spyir tshad mas dpyad pa tsam la byed na/ tshad mas ma dpyad pa'i
tshes mi srid pas/ dpyad pa dang ma dpyad pa'i dbang du byas pa'i
rnam gzhag gnyis gnyis byed pa mi rigs la/ don dam dpyod

pa'i tshad mas dpyad pa'i dbang du byas pa yin na/ dpyad pa'i
tshad 'bras kyi rnam gzhag 'dod pa de bas kyang mi rigs te/ mdo
sems gang gi lugs la'ang tshad 'bras don dam par tha dad ma yin
pas don dam par rnam par bzhag 'jog tu

mi rung ba'i phyir ro/ /don dam par tha dad yin na ni bden pa'i
tha dad du 'gyur bas tshad 'bras rdzas tha dad du thal bar 'gyur
ro/ /de bas na tshad ma dang 'bras bu don dam par grub kyang de
gnyis tha dad pa'i cha rdzas su ma grub cing kun rdzob tsam

mo zhes bya ba 'di mdo sems gnyis ga'i lugs so/ /dpyad ma dpyad
zhes pa'i tshig tsam zhig la skyabs su bzung nas de'i sgo nas
lugs ngan pa sna tshogs rnam par 'jog pa'i blo gros ngan pa thams
cad rnam par dpyad pa'i tshul 'di lta

bus dgag par bya'o/ /yang kha cig na re/ phyi don gzhal bya/
gzung rnam tshad ma/ rang rig 'bras bu zhes bya ba 'bras rtog
gsum pa'i tshad 'bras kyi rnam gzhag yin la/ 'di khas len pa'i
sangs rgyas pa su'ang med cing/ bye

@117a @#/ /brag smra ba dang mdo sde ba dag rnam rig la dang ba'i
phyir du bstan pa yin no zhes zer ro/ /'di ni ma smras na rang
nyid blun por mi ston pa yin te/ de lta bu'i tshad 'bras kyi rnam
gzhag bstan pas mdo sde pa sems tsam la gzhug

mi nus par thal/ de lta bu'i tshad 'bras kyi rnam gzhag mdo sde
pa rang nyid kyis tshad mas khegs pa'i phyir/ der thal/ mdo sde
pas phyi rol gzhal bya la rang rig 'bras bu yin pa tshad mas
khegs pa'i phyir/ der thal/ mdo sde pas bems po yin

na/ shes pa ma yin dgos par tshad mas grub pa'i phyir ro/ /gzhan
yang/ sems tsam gyi grub mtha' rtogs pa la ni phyi rol gzhal bya
yin pa khegs dgos pa'i phyir/ phyi rol gzhal byar bstan nas grub
mtha' de la 'jug pa ni sngon med

pa'i gzhung lugs so/ /yang kha cig na re/ 'bras rtog gsum pa la
dngos bstan dang/ shugs bstan gyi tshad 'bras kyi rnam gzhag
gnyis las/ dang po ni/ ma dpyad pa'i tshe/ phyi rol gyi don gzhal
bya/ gzung ba'i rnam pa tshad ma/ rnam

pa don du nges pa'i 'khrul ngor don rig btags pa ba 'bras bu/
gnyis pa ni/ dpyad pa'i tshe/ shes pa rang gi bdag nyid gzhal bya
'dzin pa'i rnam pa tshad ma/ rang rig pa 'bras bu/ des na 'bras
rtog gsum pa ni/ mtha' gcig tu mdo

sems gang gi'ang lugs ma yin gyi/ mdo sde pa sems tsam pa'i grub
mtha' la gzhug pa'i phyir mdo sems gnyis ga'i phyogs la brten
nas rnam par bzhag pa yin no/ /zhes smra ba de dag gi blo gros
ni lha dga' bar byed pa ste/ gzung rnam

@117b don du nges pa'i 'khrul ngor gzung rnam phyi don yin pas
tshad mar mi 'thad la/ blo de'i ngor don rig mtshan nyid pa yod
pas don rig btags pa 'bras bur mi 'thad cing/ mdo sems gang gi
lugs la'ang blo gcig gi gzung 'dzin rig gsum tha dad pa

dpyad na ma grub pas/ dpyad pa'i tshe gzung rnam gzhal bya sogs
su ji ltar rnam gzhag byed/ de bas na lugs gnyi ga dang mi mthun
pa 'di lugs gnyis la brten pa'i rnam gzhag tu shes ldan su zhig
smra/ 'on kyang rgyas par gzhan du ba/ /ga zin

to/ /da ltar gzhan dag gis smras pa rnams ni snying po dang bral
ba 'ba' zhig tu zad pas/ 'dir ni rang lugs rnam par 'jog pa na/
'di ltar bshad par bya ste/ sngon po gzhal bya/ sngon po las
dngos su skyes pa'i gzung rnam tshad ma/ sngon po

mngon sum du rtogs pa'i shes pa 'bras bu/ zhes bya ba ni mdo sde
pa'i gzhan rig mngon sum gyi tshad 'bras yin la/ sngon po gzhal
bya la sngon po la mi slu ba'i sngon po'i rnam pa tshad ma/ sngon
po rtogs pa'i tshad ma 'bras bu/ zhes pa tsam zhig

mdo sems gnyis ka 'dod par khyad par med kyang/ mi 'dra ba'i
khyad par ni/ mdo sde ba dbang shes la shar ba'i sngon po'i rnam
pa sngon po las skyes par 'dod bas sngon po yul du yod pa'i
stobs kyis shar ba'i rnam par 'dod la/ sems

tsam pa rnam pa de bag chags kyi stobs las skyes par 'dod cing/
des na sngon 'dzin mig shes la sngon po rgyangs chad du snang ba
de snang ba ltar grub ma grub dang/ sngo 'dzin mig shes 'khrul
ma 'khrul sogs su 'dod pa'i khyad par grub mtha'

@118a @#/ /gnyis po la 'byung ba'ang de nyid kyis yin no/ /des na
'bras rtog dang po ni/ mdo sde ba'i dbang du byas pa'i tshad
'bras kyi rnam gzhag yin te/ gzhan rig mngon sum gyi gzung rnam
yul gyi stobs las skyes par

legs par bsgrubs nas/ gzung don las gzung don dang 'dra bar
skyes pa'i rnam pa tshad mar bshad pa'i phyir ro/ /sems tsam pa
la rang rig gi dang gzhan rig gi tshad 'bras gnyis las/ dang po
ni/ gzung rnam gzhal bya/ 'dzin rnam tshad

ma/ rang rig 'bras bu zhes bya ba tsam zhig mdo sems gnyi ga
'dod par khyad par med kyang/ mi 'dra ba'i khyad par ni/ mdo sde
ba gzung rnam de don las skyes pa'i gzung rnam du 'dod la/ sems
tsam pa bag chags las skyes pa'i gzung

rnam du 'dod cing/ 'dzin rnam de gzung rnam la rang rig du 'jog
pa'ang mdo sde pa rang gi bdag nyid du gyur ba'i yul rig pa'i
sgo nas 'jog la/ sems tsam pa rang gi bdag nyid rig pa tsam gyis
mi 'jog ste/ sngon po yang

sngor snang dbang shes kyi bdag nyid yin par 'dod pa'i phyir ro/
/de bas na 'dzin rnam gyis gzung rnam de rang dang gnyis su med
pa'i tshul gyis rig pa'am/ gnyis snang dang bral ba'i sgo nas rig
pas rang rig du 'jog go/ de

yang gtso bor mdo sems kyi grub mtha'i khyad par gyi rtsa ba ni/
phyi don grub ma grub yin la/ de yang dbang shes la sngo sogs su
snang ba'i rnam pa yul sngo sogs kyi stobs las skyes pa khegs ma
khegs la rag las te/ de ma khegs na/ sngon

@118b po de sngor snang dbang shes las rdzas gzhan du 'gyur bas
dbang shes de la sngon po rang las rgyangs chad du snang ba de
snang ba ltar grub par 'gyur dgos shing/ de lta na sngon po phyi
don yin pa grub dgos pas so/ /de'i phyi don yod par sgrub pa'i
rigs

pa ji snyed smras pa thams cad kyi'ang rtsa ba 'di yin pas phyi
don yod par sgrub pa na rigs pa 'di nyid la rtsal du brton te
smra ba yin te/ /des na rigs pa 'di nyid sun 'byin na mdo sde
ba'i grub mtha' snying po med par gyur pa yin pas phyi don 'gog

pa'i skabs phal che bar 'di nyid rtsal du bton nas 'gog par byed
do/ /de bas na 'bras rtog gnyis pa'i gzhung du grags pa/ don rig
gang yin zhes bya ba man chad kyi skabs nas/ gzung rnam gzhal
bya/ 'dzin rnam tshad ma/ rang rig 'bras

bu'i rnam gzhag gsungs pa thams cad mdo sems thun mong ba ma
yin
gyi/ sems tsam gyi tshul la brten pa kho na'i rnam gzhag yin te/
skabs de dag tu dbang shes kyi gzung rnam don gyi stobs las
skyes pa rgyas par bkag

pa'i phyir ro/ /sems tsam pa'i lugs kyi gzhan rig mngon sum gyi
tshad 'bras ni/ sngon po gzhal bya/ bag chags brtan pa las byung
ba'i sngon po gsal bar snang ba'i gzung rnam tshad ma/ rang gi
bdag nyid du gyur ba'i sngon

po mngon sum du rtogs pa'i shes pa 'bras bu zhes bya ba ste/ 'di
nyid gzhung gang gis ston pa sogs 'og tu rang rang gi skabs su
bshad par bya'o/ /spyi'i don mdo tsam bshad pa'o/ /gnyis pa yan
lag gi don la/ mdo sde

@119a @#/ /ba'i tshad 'bras kyi rnam gzhag dang/ rnam rig pa'i
tshad 'bras kyi rnam bzhag dang/ rnam bzhag de dag 'thad par
sgrub pa'o/ /dang po la/ thog mar gzhung spyi'i bsdu ba dang/
gzhung don bshad pa dngos la 'jug

pa gnyis las/ dang po ni/ tshad ma mdor/ 'bras rtog dang po ston
pa na/ rtsa bar/ bya dang bcas par rtogs pa'i phyir/ /'bras bu
nyid yin 'jal byed la/ /tshad ma nyid du 'dogs pa ste/ /bya ba
med pa'ang ma yin no/ /zhes gsungs shing/ de'i

rang 'grel du/ 'di la phyi rol ba rnams kyi bzhin du tshad ma las
'bras bu don gzhan du gyur ba ni med kyi/ 'bras bur gyur ba'i
shes pa de nyid yul gyi rnam pa can du skyes pa dang/ bya ba
dang bcas pa rtog pa de nye bar blangs nas tshad

ma nyid du 'dogs pa ste/ bya ba med pa'ang ma yin no/ /dper na
'bras bu rgyu dang rjes mthun par skyes pa la rgyu'i gzugs 'dzin
zhes brjod kyi bya ba med pa'ang ma yin pa de bzhin du 'dir yang
yin no/ /zhes gsungs te/ 'di

dag ni mda'i 'bras rtog dang po ston pa skabs kyi rtsa 'grel gyi
tshig rdzogs pa'o/ /de nyid rnam par 'grel ba ni/ bya ba zhes
sogs sho lo ka bcu dgu po 'di yin la/ de yang/ bya ba sgrub par
byed ces te/ zhes sogs rkang

pa bzhes bya byed kyi rnam gzhag spyir ston la/ kun las btus kyi
rtsa ba rkang pa dang po gsum po de'i tshig don 'chad pa'i dngos
'grel ni/ 'bras bur gyur ba'i shes pa de nyid yul gyi rnam pa
can du skyes pa dang/ bya ba

@119b dang bcas par rtog pa de nye bar blangs nas tshad ma nyid
du 'dogs zhes pa ste/ 'dis gzung don las skyes pa'i gzung rnam
don rtog 'jog byed kyi tshad mar bstan pa yin zhing/ de nyid rnam
par 'grel ba ni/ de la nyams myong tsam du zhes

pa nas/ sgrub byed gzhal bya'i rang bzhin nyid/ ces pa'i bar
gyis bstan la/ de yang rnam 'byed/ ces pa yan gyis/ don rtog
'jog byed kyi tshad ma de spyir shes pa yin pa cig dgos par
bstan/ de bdag 'gyur ba yin zhes pa nas/ des

byed min/ zhes pa'i bar gyis don rtogs rang gi bdag nyid yin pa
gcig dgos par bstan/ spyir shes pa yin zhing khyad par don rtogs
rang gi bdag nyid yin pa de'ang de nyid kyi mi 'dra ba'i khyad
par gang gi sgo nas sngo ser sogs rtogs

pa'i don rtogs tha dad du 'jog nus pa gcig dgos par/ de phyir
zhes sogs rkang pa bzhis bstan/ khyad par du gsum po de dang
ldan pa don rtogs 'jog byed kyi tshad mar 'thad na/ gsum po de
dang ldan pa gang yin zhe na/ de yang don las

skyes pa'i gzung rnam nyid las gzhan med do zhes par rnam 'gas
zhes pa nas/ rang bzhin nyid ces pa'i bar gyis bstan no/ /de
yang skabs 'di dag tu gzung rnam de la don gyi rang bzhin zhes
pa dang/ gzhal bya'i rang bzhin nyid ces kyang bshad

la/ don rtogs kyi shes pa rang gi bdag nyid du'ang bshad cing/
rnam pa de phyi rol gyi ngo bo yin na/ shes par mi 'gal lam zhe
na/ don gyi rang bzhin du bshad pa ni/ don gyi rang bzhin ji
ltar yod pa bzhin du shar ba'i rnam pa zhes bya ba'i don

@120a @#/ /yin gyi don gyi rang bzhin yin pa'i rnam pa zhes bya
ba ma yin pas rnam pa shes par bshad pa dang mi 'gal lo/ /TIk
byed dag gis don gyi ngo bo dang/ don gyi rnam pa khyad med du
byas nas ngo bo'am gzung rnam zhes pa'i 'bru snon byas

pas rang nyid yongs su gsal bar byas so/ /kun btus rang 'grel
gyi tshad ma las/ 'bras bu don gzhan du gyur ba ni med kyi/ zhes
bya ba de 'chad pa ni/ sgrub byed gzhan yin na de ni/ zhes sogs
rkang pa bzhi'o/ /bya ba med pa'ang ma yin no/ /zhes pa'i

rtsa tshig des/ tshad mas gzhal bya rtogs pa'i bya ba gtan nas med
pa'ang ma yin no/ /zhes dngos su bstan nas 'ang zhes pa'i nus
pas bya ba don gzhan yod pa'ang ma yin no/ /zhes khong nas 'dren
par byed la/ de nyid dpe dang bcas te

'chad pa'i rang 'grel ni/ bya ba med pa'ang ma yin no/ /dper na
'bras bu rgyu dang rjes su mthun par skyes pa la/ rgyu'i gzugs
'dzin zhes brjod kyi/ bya ba med pa'ang ma yin pa de bzhin du
'dir yang yin no/ /zhes pa ste/ de nyid 'grel

pa ni de yi bdag nyid 'dzin pa de/ zhes sogs rkang pa bcu'o/
/kun btus rang 'grel gyi 'di la phyi rol ba rnams kyi bzhin du/
zhes pa'i tshig des phyi rol ba rnams chad 'bras don gzhan du
'dod ces pa tsam zhig bstan kyang/ ji ltar 'dod

pa'i tshul 'gog byed kyi rigs pa dang bcas pa ma bstan pas/ de
dag rgyas par bstan pa'i sgo nas mdo tshig de 'grel ba ni/ de
phyir mthong dang dbang 'grel dang/ zhes bya ba nas/ bzhag med
phyir/ zhes bya ba'i bar ro/ /rang nyid la rtsod pa

@120b spang ba ni/ gal te zhes sogs so/ /gnyis pa gzhung don
bshad pa dngos la 'jug pa la/ rang lugs kyi tshad 'bras bstan/
gzhan lugs kyi tshad 'bras dgag/ rang lugs la rtsod pa spang
ba'o/ /dang po ni/ gal te khyod kyis dbang po dang yid kyi mngon
sum zhes bya

ba de dag sngo ser la sogs pa'i don rtogs pa'i tshad mar spros pa
dang bcas te smras na/ de dag don rtogs pa nyid du gang gi sgo
nas 'jog par 'dod ce na/ de la spyir bya byed kyi tshul ni 'di
yin te/ byed pa des bya ba 'ga' zhig sgrub par byed/ ces te/ de

tsam gyi byed pa de las kun gyi ni bya ba sgrub byed dag tu
'gyur ba ma yin zhing/ las gcig la yang bya ba thams cad sgrub
byed du 'gyur ba ma yin gyi/ byed pa gang gi mthu las 'bras
bu'am bya ba gang rnam par 'jog nus pa yin pa'i bya ba de ni
byed pa

des bsgrub pa'am rnam par 'jog pa yin no/ /de bas na/ kho bo cag
ni byed pa gang gis don rtogs 'jog par nus pa de nyid don rtogs
kyi 'jog byed du khas len gyi/ gzhan dag gis btags pa ltar/ don
rtogs 'jog par mi nus pa dag kyang de'i

'jog byed du khas mi len no/ /'o na don rtogs 'jog par nus pa'i
tshad ma gang yin zhe na/ /de la nyams myong tsam du ni/ /'dra
ba'i bdag can shes pa ni gang gi las ni so so la/ don rtogs tha
dad rnam par 'byed nus kyi shes pa ma yin pas/

don rtogs so sor 'byed mi nus pas shes pa yin pa zhig dgos la/
de yang don rtogs 'jog byed kyi shes pa de don rtogs kyi bdag
nyid du 'gyur ba yin gyi bdag nyid du 'gyur ba min pa'i/ rgyu
dag la mi 'dra ba'i khyad par tha dad yod kyan

@121a @#/ /de'i sgo nas sngo ser sogs tha dad kyi las la/ don
rtogs tha dad du 'jog pa'i nus pa med pa 'di 'bras bu don rtogs
tha dad par ni nges byed kyi don rtogs 'jog byed du rigs pa min
no/ /don rtogs rang gi bdag nyid ma yin pa'i rgyu dag la/ don

rtogs tha dad du 'byed pa'i nus pa med pas/ don rtogs 'jog byed
du mi 'thad pa de'i phyir/ don rtogs 'di'i bdag nyid du gyur pa/
de'i tha dad pa'i khyad par gang las 'di sngon po 'di'i rtogs pa
po'o 'di ser po 'di'i rtogs pa'o/ zhes 'jog nus

pa'i sgo nas byed pa don rtogs pa yi ni las sam yul 'dzin pa'i
tshul so sor nges par byed pa de don rtogs de'i sgrub byed dam
'jog byed yin pa can du grub bo/ /'o na shes pa rang gi bdag
nyid yin zhing don rtogs tha dad du 'jog nus pa de don

rtogs 'jog byed du rigs na/ de yang gang yin zhe na/ dbang po
gsal mi gsal sogs kyi rnam pa 'gas shes pa'i rang bzhin ni gsal
mi gsal sogs tha dad par ni byed na yang/ de tsam gyis don rtogs
tha dad du 'jog mi nus te/

dper na 'di ni dbang po gsal ba las skyes pa'i shes pa yin pas
sngon po rtogs pa'o/ /'di ni dbang po mi gsal ba las skyes pa'i
ser po rtogs pa'o/ /zhes sogs su bzhag mi nus pa lta bu'o/ /des
na gang gi mi 'dra ba'i khyad par

rgyu mtshan du byas nas sngo ser sogs kyi rtogs pa yi rigs tha
dad du dbye nus pa'i sgo nas gzhan rig mngon sum 'di ni don
dang/ yul yul can du 'brel ba 'jog pa 'jog par byed pa don gyi
ngo bo ji lta bar skyes pa'i rnam pa las

@121b gzhan ma yin no/ /de'i phyir gzhal bya sngo ser sogs rtogs
pa'i tshad ma yi sgrub byed dam 'jog byed ni gzhal bya sngo ser
sogs de'i rang bzhin ji lta ba bzhin dang 'dra bar skyes pa'i
gzung rnam nyid yin no/ /gzung rnam mi 'dra ba'i khyad par gyis
sde

ser sogs kyi rtogs pa mi 'dra ba'i khyad par so sor 'jog nus
mod/ de don rtogs rang gi bdag nyid yin nam zhe na/ sngon po
rtogs pa'i mngon sum tshad ma'i sgrub byed sngon po'i gzung rnam
de yang tshad ma de las rdzas gzhan yin na/ tshad ma de ni

gzung rnam de las sngon po dang yul yul can du 'brel bar mi
'grub po/ /de'i phyir de yang de'i bdag nyid yin pa des na tshad
ma dang 'bras bu don gzhan ma yin no/ /bye brag pa sogs na re/
tshad 'bras don gzhan ma yin na/ tshad mas gzhal bya

rtogs pa'i bya ba don gzhan med par 'gyur la/ de lta na/ tshad
mas gzhal rtogs pa mi 'thad do zhe na/ de yang bye brag pa ni
yul rtogs pa'i bya ba don gzhan dang ldan pa'i sgo nas yul rtogs
par 'dod pa yin pas/ de'i rtsod pa 'gog pa

la/ de'i bdag nyid ces sogs gsungs pa ste/ gzhan dag gis ni/
'dir yang bya byed gcig tu 'gyur zhe na/ zhes pa'i rtsod pa
spong byed du sbyar bas 'di dang/ gal te bya byed gcig yin par
zhes sogs rtsod lan gyi gzhung dag bzlos pa kho

nar bshad do/ /sngon po de'i bdag nyid ji lta ba dang 'dra ba'i
rnam par skyes pa'i sgo nas sngon po 'dzin pa'i mngon sum de
chos can/ khyod kyis don sngon po rtogs pa'i bya ba rdzas gzhan
med kyang khyod sngon po rtogs par 'jog pa'i rgyu mtshan

@122a @#/ /yod de/ don sngon po rtogs pa ni shes pa khyod rang gi
bdag nyid gzung rnam gyi byed pas rang gi las sngon po la ni
rtogs pa'i bya ba byed pa dang bcas pa lta bur tha snyad dpyod
pa'i tshad ma la snang ba'i sgo nas/ bdag nyid bya ba rdzas gzhan

dang ldan pa'i byed pa po min na yang sngon po ji lta ba'i rnam
par skyes pa de'i dbang gis sngon po rtogs pa der bzhag pa yin
pa'i phyir/ dper na 'bras bu rgyu ba rnams kyi bdag nyid 'dra
bar 'byung ba'i phyir/ bus pa'i gzugs 'dzin pa'i

bya ba don gzhan dang ldan pa nyid ma yin yang/ 'jig rten na bus
rgyu pha'i gzugs 'dzin zhes brjod pa bzhin no/ /gnyis pa gzhan
lugs kyi tshad 'bras dgag pa la/ 'dod pa brjod de gnod byed mdor
bstan pa dang/ so sor phye ste dgag

pa rgyas par bstan pa gnyis/ dang po ni/ gang gi phyir/ de lta
yin pa de'i phyir/ dpyod pa pa gang dag dang por don gyi ngo bo
tsam mthong ba'i blo skye zhing/ de las rigs sogs khyad par nges
pa'i blo skye'o/ /de las don la 'jug go/ de

las don 'thob bo/ /de las bde ba ste/ de ltar na blo spa ma snga
ma ni tshad ma yin la/ phyi ma phyi ma ni 'bras bu yin no/ zhes
zer ba dang/ bye brag pa dbang po dang don phrad pa'i 'brel ba
tshad ma/ don rtogs 'bras bur 'dod pa dang/

rigs pa can pa/ spyi sogs khyad par mthong pa'i blo tshad ma/
khyad par can rjes 'dzin 'bras bur 'dod pa de dag gi 'dod pa
ltar gyi dbang po dang don phrad pa'i 'bras bu la sogs pa de dag
don rtogs 'jog byed kyi tshad ma

@122b nyid du mi 'dod de/ tshad mas don rtogs pa'i bya ba la ni
chod pa ste/ bya ba de nyid sgrub byed ma yin pa'i phyir/ chod
ces pa las 'brel byed dag gi bsam pa ni/ bya ba don rtogs dang
de dag gi bar du byed pa gzhan gyis chod pa'i phyir/ zhes pa yin
la/

de yang kha cig ni/ don rtogs 'jog byed kyi byed pa don 'dra ba
yin zhing/ nges par chod pa la 'dod la/ kha cig don rtogs kyi
rgyu yin pa la 'dod do/ /sngon po rtogs pa'i mngon sum gyi gzung
rnam dang/ mngon sum de la khyad med pas de nyid mngon

sum de dang/ chos gzhan gyis bar du gcod byed du mi 'thad cing/
bye brag pa 'dod pa ltar gyi dbang don phrad pa'i 'brel ba rdzas
gzhan dang/ rigs pa can pa 'dod pa'i khyad par dang khyad par
can gyi blo de lta bu ni gzhi ma grub pa'i phyir/

de dag dang don rtogs kyi bar du rnam pas chod pa ji ltar rigs/
de gnyis gzhi ma grub cing/ dang por don la lta ba'i mngon sum
ni don rtogs nyid yin pas de dang rgyu 'bras su de bas kyang ji
ltar 'thad/ de pa na kho bo ni/ chod pa dang bskal

ba don gcig cing/ yul rtogs par mi nus pa la yul de bskal zhes
brjod pa ltar/ bya ba de sgrub par mi nus pa'am 'jog par mi nus
pa la bya ba de la chod pa'am bskal zhes brjod pa yin pas/ bya
ba la ni chod pa'i phyir/ zhes pa don rtogs

pa'i bya ba ni 'jog mi nus pa'i phyir zhes bya ba'i don du
smra'o/ /gnyis pa la/ spyod pa bas/ blo snga ma phyi ma'i 'jog
byed tshad mar 'dod pa dang/ bye brag smra ba sogs dbang po don
rtogs 'jog byed kyi tshad mar smra ba dgag pa ni/ sngo sogs
rdzogs

@123a @#/ /pa'i bya ba la ni byed pa dbang po dang blo snga ma
sogs rnams phan pa nye bar sbyor mdo/ de lta na yang don rtogs
kyi rgyu yin pa tsam gyis don rtogs 'jog byed kyi tshad mar mi
rigs kyi/ rgyu de dag las tha ma'am 'bras bur gyur pa'i don

rtogs tha dad du gang gi sgo nas 'jog par byed pa gang yin pa de
don rtogs de'i sgrub byed dam par 'dod do/ /dbang pos don rtogs
rigs mi 'dra ba so sor 'jog mi nus pa'i rgyu mtshan ci zhe na/
rgyu dbang po mi 'dra bas 'bras bu don rtogs

rigs mi 'dra ba so sor 'jog na/ rgyu dbang po rigs tha dad pa'i
sgo nas 'jom gam/ rdzas tha dad pa'i sgo nas 'jog/ dang po ltar
na/ shes bya chos can/ rgyu gang zhig rigs tha dad pa'i rgyu
mtshan gyis 'bras bu sngo ser rtogs pa'i mngon

sum rigs tha dad du 'jog nus pa'i 'di 'dra mngon sum de gnyis
kyi rgyur gyur pa'i dbang po la yod pa min par thal/ sngo ser
sogs rtogs pa'i dbang po'i mngon sum kun gyi rgyu dbang po rnams
rigs mtshungs pa yin pa'i phyir/ gnyis

pa ltar na/ chos can 'di sngon po rtogs pa'i mngon sum mo/ /'di
ser po rtogs pa'i mngon sum mo/ zhes bya ba'i rigs tha dad par
'jog pa de rgyu dbang po rdzas tha dad pa gang las yin te min
par thal/ lha sbyin gyi rgyud kyi sngon 'dzin

dbang shes dang/ mchod sbyin gyi rgyud kyi sngon 'dzin dbang
shes gnyis rgyu dbang por rdzas tha dad kyang gnyis ka sngon po
rtogs pa'i mngon sum du rigs tha dad med pa'i phyir/ rgyan mkhan
po ni 'di ltar 'chad de/ don rtogs tha

@123b dad du 'byed nus pa 'di 'dra dbang po la yod pa min par
thal/ dbang po ni sngo ser sogs rtogs pa'i yul kun gyi rgyu thun
mong ba yin pa'i phyir/ gal te sngo ser sogs pa lta ba'i dbang
shes rnams khyad par yod pa bzhin du/ rgyu dbang po rnams la

yang yod de/ sngon po la mngon du phyogs pa'i dbang po dang/ ser
po la mngon du phyogs pa'i dbang po zhes bya ba lta bu'o/ /des
na dbang po'i sgo nas don rtogs tha dbang 'jog nus te/ 'di ni
sngon po la mngon du phyogs pa'i dbang po las skyes pas sngon

po rtogs pa'o zhes bya ba la sogs pa tshul gyis so zhe na/ yul
sngo ser de dag tha dad kyang yul can shes pa rnams la rnam pa
tha dad bshad pa med pa na/ sngon po mthong ba dang/ ser po
mthong ba tsam du yang gzhag mi nus na/ de dag gi rgyu dbang po
rnams la 'di

sngon po la mngon du phyogs pa'o/ /'di ser po la mngon du phyogs
pa'o/ /zhes bya ba'i khyad par de dag las rtogs par 'gyur zhes
'chad do/ /lha dbang blo ni/ rkang pa dang po gnyis 'chad tshul
rgyan dang 'dra la/ phyi ma gnyis rgyu dbang po de dag gsal

mi gsal sogs tha dad kyang de'i sgo nas don rtogs tha dad du
'jog pa'i nus pa med de/ dbang po gsal ba las skyes pas 'di
sngon po rtogs pa'o/ /mi gsal ba las skyes pas 'di ser po rtogs
pa'o/ /zhes bya ba'i khyad par de gang las yin/

zhes 'chad cing/ bod dag kyang cha tsam de'i rjes su 'brang bar
mos mnos byed do/ /'on kyang/ dbang po dbang shes kun gyi rgyu
thun mong ma yin pa'i phyir zhes pa 'di brtag mi bzod do/ /'o na
gzung rnam yang don rtogs 'jog byed ma yin par thal/ de

@124a @#/ /dbang shes kun gyi rang bzhin thun mong ba yin pa'i
phyir/ zhes brjod na ci smra/ spyir rnam pa shes pa'i rang bzhin
yin pa tsam la khyad med kyang/ nang gses kyi dbye ba/ sngon
po'i rnam pa dang ser po'i rnam pa sogs khyad par che'o

zhe na/ spyir dbang shes kun rang rgyud dbang po las skyes par
khyad par med kyang/ nang gses kyi khyad par sngo 'dzin dbang
shes sngon po 'dzin nus su skyed pa'i dbang po dang/ ser 'dzin
dbang shes ser por 'dzin nus su skyed pa'i dbang po sogs khyad

par che'o zhes brjod na/ slar yang phongs pa ci zhig len/ gzhan
yang dbang po gcig nyid dbang shes kun gyi rgyu thun mong ba yin
pa la 'dod na ni mkhas pa'i ngang tshul ches gsal bar byas la/
dbang shes kun la rang rgyu yin pa'i dbang po re

yod par mtshungs pa tsam la 'dod na ni/ dbang shes kun la rang gi
bdag nyid du gyur ba'i rnam pa re yod par mtshungs pas dbang po
bzhin du rnam pas kyang 'jog mi nus par thal lo/ /des na rgyu
mtshan de tsam gyis dbang po tshad ma yin

pa 'gog pa ni rnam pa la yang mtshungs shing dgag sgrub rgyas bar
brjod rgyu yod kyang mangs su dogs nas ma bris so/ /lha dbang
blo'i rkang pa phyi ma gnyis kyi bshad pa ni/ rnam 'gas shes
pa'i rang bzhin ni zhes sogs kyi don yang yang

bzlas te smra ba las bo gos dbyung du med do/ /da ni dkyus ma
bshad par bya ste/ ji skad bshad pa'i rigs pas dbang sogs tshad
ma yin pa bkag pa 'dis ni/ de las lhag ma 'brel ba tshad ma yin
pa sogs thams cad la'ang gnad

@124b byed bshad pa yin te/ de dag gi mi 'dra ba'i khyad par gyi
sgo nas don rtogs so sor 'jog pa'i nus pa med pa'i phyir ro/ /da
ni rig pa can pa'i tshad ma dang 'bras bu dgag par bya ste/ de
yang rigs pa can pa khyod blo rnam med du khas len pa dang/
khyad par

gyi chos rigs sogs 'dzin pa tshad ma khyad par can rdzas 'dzin pa
'bras bur 'dod pa ni mi 'thad do/ /zhes 'gog pa gnod byed dang
po yin la/ tshad 'bras yul don gzhan du mi rigs par ston pa gnod
byed gnyis pa yin zhing/ rigs pa can pa'i

lugs la/ rdzas bum pa rtogs pa bum pa'i khyad chos su gyur pa'i
rigs sam spyi rtag pa rtogs la rag las par 'dod pas tshad 'bras
de ltar smra ba yin zhing/ blo de gnyis rgyu 'bras su 'dod do/
/tshig gi don ni/ shes pa yul de'i dngos po'i

rnam pa 'char ba med na/ khyad par gyi blo yang tha dad du rtogs
pa med par 'gyur te/ 'di ltar 'di ni bum pa'i rigs sogs khyad
par rtogs pa'o/ /'di ni ba lang gi rigs sogs khyad par rtogs
pa'o/ /zhes sogs kyi dbye ba tha dad rtogs mi nus

par thal/ blo de gnyid ka la gang gi'ang rigs sogs khyad par gyi
rnam pa ma shar bar mtshungs pa'i phyir/ des na blo gzhan khyad
par can rdzas 'dzin dag kyang khyad par rigs sogs 'dzin pa'i blo
de bzhin du nang gses kyi dbye ba rnam pa tha dad du

mi rtogs par 'gyur te/ 'di ltar 'di ni khyad par can bum pa'i
rdzas 'dzin no/ /'di ni khyad par can ba lang gi rdzas 'dzin no/
/zhes sogs su dbye mi nus par thal/ blo de gnyis ka la rdzas
gang gi'ang rnam pa ma shar ba'i phyir/ zhes pa'am/ yang na/

@125a @#/ /khyad par can rdzas 'dzin so sor rtogs pa khyad par
rigs sogs 'dzin pa so sor rtogs pa la rag las pa gang gi zhig/
de dag so sor rtogs pa med pa'i phyir/ zhes bya'o/ /yang na 'di
ltar bshad par bya ste/ khyad par gyi blo

yang khyad par can gyi blo las tha dad du rtogs pa med par 'gyur
zhing/ de bzhin du khyad par can gyi blo gzhan dag kyang khyad
par gyi blo las tha dad du rtogs pa med par 'gyur te/ gnyis ka
la khyad par dang khyad par can gang gi'ang rnam pa ma shar
bar

mtshungs pa'i phyir/ 'dod na tshad 'bras rdzas gzhan yin pa nyams
so/ /zhes bya'o/ /gzhan yang blo de gnyis tshad ma dang 'bras bur
mi 'thad de/ bya ba dang de'i sgrub par byed pa gnyis las su bya
ba'i yul rdzas tha dad pa'ang rigs pa

shes pa dag mi 'dod cing mi 'thad pa'i phyir te/ gzhan du na/ ba
la sha la sta re'i byed pa zhugs pas nya gro ta chad par 'gyur
ro/ /gal te tshad ma dang 'bras bu'i don nam yul gcig yin no zhe
na/ 'o na tshad ma dang 'bras bu'i yul la

rim pa bzhin khyad par dang khyad par can gnyis btags pa don med
par thal lo/ /yang na 'di ltar bshad par bya ste/ gal te blo de
gnyis don nam yul gcig yin no zhe na/ 'o na khyad par dang khyad
par can gnyis rdzas tha dad du btags pa don

med par thal/ khyad par dang khyad par can 'dzin pa'i blo gnyis
yul gcig yin pa'i phyir/ yang na khyad par ma rtogs pa rtogs par
bya ba'i phyir du rigs sogs 'dzin pa dang/ khyad par can ma
rtogs pa rtogs par bya ba'i phyir du 

@125b rdzas 'dzin gyi blo gnyis so sor btags pa don med par thal/
blo de gnyis kyi yul gcig yin pa'i phyir/ zhes bya'o/ /'di ni lha
rgyan gnyis ka'i 'ang dgongs pa'o/ /gzhan yang blo de snag phyi
rim bzhin 'byung ba med par 'gyur te/ de gnyis kyi yul

gcig yin pa'i phyir ro/ /blo de dag dus gcig car 'byung bar
'gyur ro zhe na/ blo de gnyis bskyed bya ba skyed byed kyi
bsgrub byed du med par 'gyur ro/ /'o na khyad rang la'ang mi
mtshungs sam zhe na/ kho bo cag la tshad 'bras dus mnyam na
bskyed

bya bskyed byed ma yin par thal ba'i mi 'dod pa 'phen pa thog tu
bab pa'i nyes pa med de/ shes pa gcig gi gzung don rnam par
skyes pa'i cha dang/ yul rtogs pa'i cha dag ldog pa so sor phye
nas de gnyis rnam par bzhag 'jog yin pa la brten

nas ni bsgrub bya bsgrub byed du bzhag pa tsam yin pa'i phyir
ro/ /da ni bye brag pa'i lugs kyi tshad ma dang 'bras bu'i rnam
par bzhag pa dgag par bya ste/ de yang bye brag pa ni/ bum 'dzin
mig dbang de bum pa dang sbyor ba'i 'brel pa dang/ bum pa'i

yon tan thams cad sbyor bar 'dus pa'i 'brel ba dang/ bum pa'i
yon tan la rjes su 'gro ba'i spyi dkar po nyid la sogs pa dang/
'dus pa'i 'du ba'i 'brel ba grub par dam bcas nas slar yang
dbang po dang don phrad pa'i 'brel ba don rtogs

'jog byed kyi tshad mar smra ba nang 'gal ba yin te/ 'di ltar mig
gi dbang po de bum pa'i gzugs sogs yon tan gyi bdag nyid kun
gyis phrad cing 'brel bar khyad par med na yang mig shes kyis
bum pa'i gzugs sogs yon tan

@126a @#/ /gyi chos 'ga' zhig ni rtogs par 'gyur la/ sgra sogs mi
rtogs pa'i nges pa der ni mi 'gyur te/ mig dbang bum pa'i yon
tan thams cad dang 'brel bar bye brag med pa'i phyir ro/ /khyab
pa khas blangs te/ mig dbang bum pa'i dri

dang 'brel ba grub kyang mig shes kyi bum pa'i dri ma rtogs na/
dbang po dang don phrad pa'i 'brel ba don rtogs kyi 'jog byed
yin pa 'gal ba'i phyir ro/ /yang na 'di ltar bshad par bya ste/
mig dbang de bum pa dang yon tan gyi bdag nyid kun

gyis 'brel ba grub par grub pa'i mtha' las khas len pa/ de lta
na yang/ mig shes kyis bum pa'i kha dog dang dbyibs kyi chos
'ga' zhig ni rtogs par 'gyur la/ bum pa'u mi rtag pa sogs mi
rtogs pa'i des pa der ni mi 'gyur te/ bum

pa'i yon tan thams cad dang 'brel ba grub pa la bye brag med
pa'i phyir ro/ /'di ni chos mchog gi lugs yin la/ snga ma ni lha
rgyan gnyi ga'i lugs so/ /yang na kho bo ni 'dir ltar 'chad de/
bye brag pa khod dbang po dang don phrad pa'i 'brel

ba don rtogs 'jog byed kyi tshad mar 'dod na/ 'brel ba thams cad
rtag dngos su khyed rang gis khas blangs pa'i phyir/ mig dbang
de bum pa dang 'brel ba'i tshe/ mig dbang dang bum pa'i bdag nyid
kun gyis 'brel dgos te/ rtag pa'i

rdzas la cha shas mi 'thad pa'i phyir ro/ /de lta na'ang mig
shes kyis bum pa'i phyi'i kha dog dang/ tshu rol gyi ngos la sogs
pa'i chos 'ga' zhig ni rtogs par 'gyur la nang gi 'khyog dang/
gseng la sogs pa'i chos 'ga' zhig mi

@126b rtogs pa'i des pa der ni mi 'gyur te/ mig dbang dang/ bum
pa'i phyi nang sogs thams cad 'brel ba grub par bye brag med
pa'i phyir ro/ /rtags khyab khas blangs/ 'dod na mngon sum gyis
bsal lo/ /des na dbang po dang 'grel ba grub par tha dad med
kyang

gzung rnam gang gi khyad par las/ don rtogs tha dad du 'byed
nus
pa'i gzung rnam tshad ma de don rtogs 'di'i 'jog byed tshad ma
nyid yin par 'thad kyi/ dbang po dang don phrad pa'i 'brel ba
tshad mar mi 'thad do/ /gal te de lta na yang/ gzung

rnam tshad mar khas len mi dgos te/ bdag gi yon tan 'dus byas kyi
bye brag bag chags las don rtogs so sor 'jog nus pa'i phyir ro/
/zhe na/ bye brag pa khyod/ bag chags ni shes pa las skye zhing/
shes pa'i rgyu byed pa zhig la 'dod pa yin

la/ blo la yul gyi rnam pa 'char ba med na/ de lta bu'i bdag gi
yon tan 'dus byas las ni don rtogs so sor 'jog nus pa min te/
blo la shar ba'i yul gyi rnam pa de'i dngos po med na/ shes pa
rnams so sor dbye mi nus pas shes pas bzhag

pa'i bag chags de yang so sor bzhag tu med pa'i phyir/ TIk byed
phal che bas/ bdag gi yon tan 'dus byas kyi nang mtshan bag chags
la sbyor ma shes par 'dus byas tsam la sbyar bas mun sprul byas
so/ /gsum par rang lugs la rtsod pa spang

pa ni/ gal te shes pa gcig gi rdzas kyi cha la tshad 'bras kyi
rnam bzhag byed pa mi 'thad de/ bya byed gcig yin pa 'gal lo zhe
na/ shes bya chos can/ shes ba rdzas gcig gi cha la tshad 'bras
kyi rnam gzhag byed na bya byed gcig tu 'gyur

@127a @#/ /dgos pa mi bden te/ tshad 'bras gnyis shes pa gcig gi
rdzas kyi cha yin kyang/ ldog ba'i chos tha dad pa yin par khas
len nus pa'i phyir/ des na tshad 'bras gnyis dngos su'am/ rdzas
tha dad med par 'dod kyi/

ldog pa tha dad med pa tsam du'ang khas mi len pas/ klan ka de'i
gnas med do/ gal te tshad 'bras kyi bya byed 'ba' zhig de ltar
yin nam zhe na/ bya byed pa'i tha snyad dag thams cad bye byed
rdzas tha dad pa'i dbang gis ma yin par/ ldog

pa tha dad pa tsam la brten nas bzhag ba de ltar du rnam par
gnas te/ sta re dang/ shing lta bu rdzas tha dad du 'dod pa'i
dngos po rnams la'ang sta res shing gcod pa'i bya byed rdzas tha
dad med par rtog pas bya byed de gnyis tha dad yin par

sgro 'dogs pas ni 'jug pa'i phyir ro/ /de'i rgyu mtshan yang sta
re las rdzas tha dad pa'i 'bar ba dang/ 'bab pa'i bya ba yod na
sta res shing bcad ba ma yin par 'gyur zhing/ shing las rdzas
tha dad pa'i shing chad ba yod par

'gyur ro/ /gnyis pa rnam rig pa'i tshad 'bras kyi rnam gzhag
bshad pa la/ gzhung spyi'i bsdu ba bshad pa dang/ gzhung don
bshad pa dngos la 'jug pa gnyis/ dang po ni/ rnam rig pa'i lugs
kyi mngon sum gyi tshad 'bras

ni gnyis te/ gzhan rig mngon sum dang/ rang rig mngon sum gyi
tshad 'bras so/ /dang po ni/ sngon po gzhal bya/ bag chags bstan
pa las byung bas sngon po gsal bar snang ba'o gzung rnam tshad
ma/ sngon po mngon sum

@127b du rtogs pa'i shes pa 'bras bu/ zhes bya ba 'di yin zhing/
rang rig gi tshad 'bras ni/ gzung rnam gzhal bya/ 'dzin rnam tshad
ma/ yul las rdzas gzhal du med pa'i gzung rnam gnyis snang dang
bral ba'i sgo nas rig pa'i rang rig 'bras bu zhes bya

ba ste/ de lta bu'i rang rig gi tshad 'bras de nyid 'chad par
byed pa ni/ tshad ma mdor/ yang na rang rig 'bras bu yin/ zhes pa
ni/ 'dir gnyis su snang ba skyes te/ rang rig gi snang ba dang/
yul gyi snang ba'o/ /snang ba gnyis las/ gang rang rig pa de

ni 'bras bur 'gyur ro/ /zhes pa de nyid la/ de'i don 'grel ba
ni/ don rig gang yin so sor rig ces pa nas/ myong ba nyid ni
'bras bu yin/ zhes pa'i bar ro/ /gzhan rig gi tshad 'bras de nyid
'chad ba ni/ tshad ma mdor/ de'i ngo bo las don nges/ gang gi tshe

shes pa yul dang bcas pa don yin pa de'i tshe/ de'ang rjes su
mthun ba'i rang rig pa 'dod pa'am mi 'dod pa'i don rtogs par
byed do/ zhes pa ste/ de nyid 'grel pa ni/ gang tshe rnam rig
rgyu'i yul/ zhes pa nas/ don rig par ni 'gyur ba yin/ zhes pa'i

bar ro/ /'di ltar du 'grel byed mkhas pa dag byang mthun bar
bzhed cing/ de'i phyir lha dbang blos/ myong ba nyid ni 'bras bu
yin/ zhes pa'i 'grel bar/ des ni gnyis du snang ba'i shes pa
skye bar 'gyur ro zhes bya ba nas brtsams te/ rang rig pa de

ni 'bras bu yin no/ /zhes bya ba'i bar de rnam par bshad pa yin
no/ /de ltar na/ gzung pa'i rnam pa ni gzhal bya yin zhing/ bdag
nyid nyams su myong ba ni 'bras bu yin la/ 'dzin pa'i rnam pa ni
sgrub par byed pa yin pa de ltar na/ don med pa

@128a @#/ /la 'bras bu'i rtog pa 'di ni gcig yin no/ /zhes gsungs
pas de yan chad sems tsam pa'i rang rig gi tshad 'bras 'chad pa'i
mdo tshig gi 'grel bar bshad la/ don rig par ni 'gyur pa yin/
zhes pa'i 'grel bar

lha dbang blos/ rnam par rig pa tsam nyid kyi/ 'bras bu'i rtog
pa 'di bshad do/ /zhes gzung 'di dag rang rig gi tshad 'bras kyi
mjug tu/ smes tsam pa'i 'bras rtog gzhan ston byed du bshad pa
yin no/ /'di nyid mthun par rgyan dang chos mchog na

yang gsal bar yod cing/ de'i phyir bod kha cig lha dbang blo'i
'grel ba'i don du bsams nas/ gang tshe rnam rig rgyu'i yul/ zhes
sogs mdo sde pa'i lugs la sbyor ba ni/ 'grel ba'i tshig ma mthong
zhing don ma rtogs par mtshon pa'o/

sems tsam pa'i gzhan rig gi tshad 'bras de nyid la dogs pa gcod
pa ni/ tshad ma mdor/ gang gi tshe phyi rol gyi don gzhan bya yin
pa de'i tshe/ yul gyi snang ba de nyid de 'di'i/ tshad ma/ de'i
tshe na/ shes pa rang rig pa yin yang/ rang gi ngo bo la

mi ltos pa'i don gyi snang ba 'di'i tshad ma'o/ /gang gi phyir
don de/ de yis mjal bar byed/ ji lta ji ltar/ don gyi rnam pa
dkar po dang/ dkar po ma yin pa la sogs pa nyid shes pa la snang
ba na/ de dang de'i ngo bo yul dang bcas pa 'jal bar byed

de/ zhes gsungs shing/ gzhung de'i don ni/ ji ltar ji ltar dkar
sogs kyi rnam pa shar ba'i sgo nas/ rang gi ngo bor gyur pa'i
yul dkar sogs 'jal ba yin la/ de'i tshe shes pa rang gi bdag nyid
du gyur pa'i dkar sogs rig pa 'bras bu yin

@128b yang/ don du snang ba'i gzung rnam tshad ma yin gyi/ 'jon
rnam tshad ma yin no zhes pa ste/ de nyid 'grel ba ni/ phyi rol
don ni yod na yang /zhes pa nas de 'dra nges kyang mi shes so/
/zhes pa'i bar ro/ /lha dbang blos kyang/ 'di thams cad kyis ni
gang gi tshe/ phyi rol

gyi don gzhal bya yin pa de'i tshe zhes bya ba la sogs pa bshad
pas 'bras bu'i rtog pa gsum pa bshad pa yin no/ /zhes gsung so/
/'bras rtog gsum pa bshad ces pa ni/ sems tsam pa'i gzhan rig gi
tshad 'bras rgyas par bshad pa'i don

te/ 'bras rtog gnyis pa smes tsam pa'i dang rig gi tshad 'bras de
nyid la dogs pa bcad pa'i sgo nas rgyas par 'chad pa ni/ tshad ma
mdor/ de ltar rnam par du ma rig pa'i shes pa nye bar blangs pa
ste/ de lta de ltar tshad ma dang/ 'bras bu dang/ gzhal

bya nyid du nye bar 'dogs pa yin te/ chos thams cad ni bya ba
dang bral ba yin pa'i phyir ro/ /'di nyid smras pa/ gang tshe
snang ba de gzhal bya/ /tshad ma dang de'i 'bras bu ni/ /'dzin
rnam rig pa'i de'i phyir/ /de gsum tha dad du ma byas/ zhes
gsungs la

de nyid 'brel ba ni/ blo bdag rnam par dbyer med kyang/ zhes pa
nas/ rang rig ces pa ni rab tu bshad/ ces pa'i bar ro/ /de dag
gis ni kun las btus kyi gzhung dang/ rtsa 'grel ji ltar sbyor
ba'i tshul bshad la/ da ni don gyi 'grel bshad

par bya ste/ de yang gong du ji skad bshad pa'i tshul gyis/ theg
pa thun mong gi gdul bya te shig chos kyi bdag med dngos su ston
pa'i snod du mi rung ba dag la phyi rol gyi don khas blangs pa
la brten pa theg pa thun mong gi lam gyi rnam gzhag

@129a @#/ /ston pa'i tshe/ ston pa sangs rgyas dang/ de'i lung
rtogs kyi bstan pa skyon med par nges par byed pa la nye bar
mkho ba'i mngon sum gyi tshad 'bras/ /'bras rtog dang por gtan la
phab cing/ de nyid theg chen thun mong ma yin

pa'i dbang du byas te/ chos kyi bdag med gtan la 'bebs pa na/ ji
lta ba bzhin du khas blang bar 'os pa ma yin te/ de'i tshe phyi
rol gyi don dgag par bya ba yin pa'i phyir ro/ /de bas na rnam
rgig lugs rang rig dang gzhan rig gi chad

'bras ji lta ba bzhin rtogs pa la gegs kyi gtso bo ni bzhi ste/
gzhal bya la log par rtog par dang/ tshad ma la log par rtog pa
dang/ 'bras bu la log par rtog pa dang/ de gsum ga la log par
rtog pa'o/ /dang po la gnyis las/

gzhan rig mngon sum gyi gzhal bya la log par rtog pa du ma zhig
yod kyang/ 'dir rnam rig pa'i grub pa'i mtha' ji lta ba bzhin du
rtogs pa'i gegs thun mong ma yin pa ni/ sngo sogs phyi rol gyi
don du yod cing/ phyi rol gyi don med

na sde sogs kyang med dgos snyam du 'dzin pa'o/ /de'i phyir sngo
sogs mthong ba'i mngon sum gyi gzung rnam phyi rol don gyis
gtad
pa'i gzung rnam du 'dzin pa ni/ gzhan rig gi tshad 'bras kyi tshad
ma la log par rtog pa dang/

rang rig gi gzhal bya la log par rtog pa'o/ /de yang log rtog
'di ni sngo sogs 'jal ba'i tshad ma dang/ rang rig gi gzhal bya
yod par nges kyang/ gzung 'dzin rdzas gzhan du 'dzin pa'i sgro
'gos ma chod pa'i dbang gis

@129b byung ba yin la/ de'i phyir sngo sogs phyi rol gyi don du
grub pa bkag pa'i sgo nas/ tshad 'brad gnyis kyi tshad ma dang/
gzhal byar bzhag pa'i gzung rnam la log rtog 'gog pa'i rigs pa
dag ni/ chos kyi bdag med btan la 'bebs pa'i don

dam dpyod byed kyi rigs pa dngos yin cing/ des gtan la phab pa'i
don rtogs pa'i tshad ma yang/ chos kyi bdag med rtog pa'i tshad ma
yin te/ gzung 'dzin rdzas gzhan du med pa dang/ sngo sogs phyi
rol gyi don du med par sgrub byed kyi rigs

pa dang/ de ltar 'jal ba'i tshad ma yin pa'i phyir ro/ /bye brag
smra ba la sogs pa dag gi 'dod pa ltar/ blo rnam med du 'dzin pa
ni/ gzhan rig gi tshad 'bras kyi tshad ma dang/ rang rig gi tshad
'bras kyi gzhal bya gtan med du 'dzin pa ste/ de lta

bu'i log par rtog pa 'gog par byed pa'i shes pa rnam bcas su
sgrub pa'i rigs pa thun mong ba 'ga' zhig ni/ don dam dpyod byed
kyi rigs pa dngos ma yin zhing/ des grub pa'i don rtogs pa yang/
chos kyi bdag med rtogs pa ma yin te/

mdo sde pa dag gis kyang/ shes pa rnam bcas su tshad mas grub
pa'i phyir ro/ gzhan rig mngon sum dag gis rang las rdzas gzhan
du gyur pa'i phyi rol gyi don rtogs par 'dod pa pa ni/ gzhan rig
mngon sum gyi tshad 'bras kyi 'bras bu la

log par rtog pa ste de ni phyi rol gyis don bkag nas/ sngo 'dzin
mig shes kyis rang gi bdag nyid du gyur pa'i sngon po rig pa yin
pas/ sngon po gzhal byar byas pa'i tshe na'ang rang gi bdag nyid
du gyur pa'i sngon po rig pa 'bras bur

@130a @#/ /rigs so/ /zhes bsgrubs pa'i sgo nas sel bar byed do/
/rang rig gtan med du 'dod pa ni/ /rang rig gi tshad 'bras kyi
tshad ma dang 'bras bu la log par rtog pa ste/ de ni blo la rang
rig sgrub pa'i rigs pa dag gis

'gog par byed cing/ rigs pa de dag kyang thong mong ba pha cher
don dam dpyod dam dpyod kyi rigs pa dngos ma yin zhing/ dang
sgrub pa'i don rtogs pa yang chos kyi bdag med rtogs pa ma yin
ste/ mdo sde pa dag gis kyang blo la rang rig

yod par tshad mas grub pa'i phyir ro/ /tshad 'bras yul so sor la
'jug pa dang/ tshad 'bras gzhal gsum rdzas gzhan du 'dzin pa ni/
thun mong du log par rtog pa ste/ de yang tshad 'bras ngo bo gcig
pa dang/ tshad ma las gzhal bya rdzas

gzhan ma yin par sgrub pa'i rigs pa dag gis sel bar byed do/ /de
ltar yin pa la/ rang rig mngon sum gyi tshad 'bras kyi gzhal bya
gzung rnam de phyi rol don gyis gtad pa'i gzung rnam yin pa
dang/ gzhan rig mngon sum gyi

tshad 'bras kyi tshad ma gzung rnam de/ phyi rol don gyis gtad
pa'i rnam pa yin pa gnyi ga thun mong du dgag par bzhed nas/ don
rig gang yin bya ba nas gzung ste/ sngo sogs myong bar snang ba
yin/ zhes pa'i bar gyis gzung

dam de phyi rol don la ltos pa'i tshad ma yin pa 'gog par byed
cing das ni/ gzhan rig mngon sum gyi tshad 'bras kyi 'bras bu
yang rang las rdzas gzhan du grub pa'i phyi rol gyi don rig pa
yin pa yang bkag pa yin no/ /de nas/

@130b ji ltar de'i bdag nyid phyir zhes pa nas bzung ste rang
rig 'bras bu yin par 'dod/ ces pa'i bar gyis rang rig gi tshad
'bras dngos ston par byed do/ /gal te phyi rol myong gyur na
zhes pa na/ myong ba nyid ni 'bras bu yin/ zhes pa'i bar

gyis gzung rnam gyis phyi rol mi rigs pa'i tshul zhar byung dang
bcas ba ston par byed do/ de yang 'di dang snga ma gnyis kyi
rigs pa mi 'dra ba'i khyad par ni/ don rig gang yin ces sogs
kyis phyi rol gyis don rig pa'i sgrub byed mdo sde pas smras pa
dag 'gog par byed pa yin la/ gal te phyi rol myong gyur na/ zhes
sogs kyis gzhan rig mngon sum gyi gzung rnam phyi rol don las
skyes pa ma yin par sgrub pa'i sems tsam pa rang lugs kyi gtan
tshigs ston pa yin no/ /gang

tshe rnam rig rgyu yi yul/ zhes pa nas/ don rig par ni 'gyur ba
yin/ zhes pa'i bar gyis/ g+han rig gi tshad 'bras dngos ston cing/
phyi rol don ni yod na yang/ zhes pa nas/ de 'dra nges kyang mi
shes so zhes pa'i bar gyis gzhan rig gi tshad

'bras de la dogs gcod rgyas par ston par byed cing/ dogs pa ji
ltar gcod pa'i tshul ni 'og tu 'chad par 'gyur ro/ /yang na dogs
gcod dngos/ don rig gi de bdag nyid phyir ro zhes bya bas rdzogs
shing/ de dang 'dra ba'am zhes sogs

rigs pa gzhan ston pa ste/ de yang tshig don gyis rtogs par 'gyur
ro/ /blo bdag rnam par dbyer med kyang/ zhes pa nas/ rang rig
ces ni rab tu bshad ces pa'i bar gyis/ rang rig gi tshad 'bras
gzhal gsum/ rdzas tha dad yin

@131a @#/ /pa sogs kyi log par rtog pa bkag nas/ kun rdzob tu
rang rig gi tshad 'bras ji ltar 'jog pa'i tshul rtsod spong dang
bcas pa rgyas par 'chad do/ /yul rnams las ni byung ba yi/
zhes pa man chad ni/ blo tshul gnyis

dang rang rig sgrub pa'i rigs pa rgyas par 'chad pa ste/ de
yang mdo sems gnyi ga'i rang rig dang gzhan rig gi 'bras rtog
thams cad la 'di gnyis grub pa shin tu gal che ste/ gzhan du
na mdo sems gnyi ga'i gzhan rig gi tshad ma dang/

rang rig gi gzhal bya ri bong gi ra dang mtshungs pa'i phyir
dang/ de ltar na/ gzhal bya dang 'bras bu rnams kyang de dang
mtshungs pas 'bras rtog gi rnam gzhag ji tsam zhig byas kyang/
rus sbal gyi spu las gos bsgrub pa'i phyir/ bdag nyid

sha thang bar byed pa dang mtshungs par 'gyur la/ de ltar na
gnas skabs dang mthar thug gi blang dor gyi gnas rnam par
'byed pa'i tshad ma skra rtse'i rdul tsam yang khas blangs pa
med pas/ de'i phyir don de gnyis sgrub pa la rigs pa'i

tshul rgya cher bstan par mdzad cing/ 'on kyang gzhung de dag
gi spyi'i bsdu ba ni gzhung de dag gi skabs nyid du bshad par
bya'o/ /gnyis pa gzhung don bshad pa dngos la 'jug pa la/ rnam
rig pa'i rang rig mngon sum gyi 'bras rtag

bshad/ rnam rig pa'i gzhan rig mngon sum gyi 'bras rtog bshad/
gzhan rig gi 'bras rtog de la dogs pa spangs te rgyas par
bshad/ rang rig gi 'bras rtog de la dogs pa spangs te rgyas
par bshad pa'o/ /dang po la/

@131b mdo sde pa'i don rig gi sgrub byed dgag rang rig gi tshad
'bras dngos bstan/ dbang shes kyi gzung rnam don las ma skyes
pa'i sgrub byed bshad pa'o/ /dang po ni mdo sde pa la phyi rol
gyi don dngos su rig pa'i mngon sum gang yin zhes phyi rol

gyi don rig pa'i mngon sum gyi mtshan nyid dris pas/ gzugs sgra
sogs so sor rig pa'i mngon sum gang yin pa 'di nyid do/ /zhes
zer ba la/ gzugs sgra sogs rig pa'i mngon sum de ni rgyu mtshan
gang gis phyi rol gyi don rig par

'jog pa yin zhes dres pas/ mngon sum de dag phyi rol don du
gyur pa'i gzugs sgra sogs de dang 'dra bar skyes pa las phyi
rol don du gyur pa'i gzugs sgra sogs rtogs par 'jog pa yin no
zhe na/ de lta na 'jog byed 'khrul bar

'gyur te/ zla ba gnyis snang gi dbang shes kyang zla ba gnyis
rtogs par thal/ zla gnyis dang 'dra bar skyesk pa'i phyir ro/
/'on te de de'i 'jog byed ma yin na/ gsugs sgra sogs so sor
rig pa'i mngon sum 'di gzugs sgra sogs de

myong bar gang las 'jog pa yin/ phyi rol don du gyur pa'i
gzugs sogs ma myong ba na/ gzugs sogs myong bar mi 'thad de/
phyi rol gyi don ma yin pa'i gzugs sogs ni 'ga' yang yod pa ma
yin no zhe na/ gzugs sogs

myong ba'i mngon sum med do zhes kho bo cag kyang bsnyon par
mi byed kyi/ 'on kyang don rig gang yin zhes sogs kyis khyod
la dris pa 'di ni/ mngon sum gyis myong pa'i gzugs sogs de
nyid phyi rol gyi don yin min rnam par

@132a @#/ /dpyod pa'i rigs pa bston pa'i phyir dris ba yin no/
/yang na 'di ltar bshad par bya ste/ 'on te de de'i 'jog byed
ma yin na/ gzugs sgra sogs so sor rig pa'i mngon sum 'di phyi
rol don du gyur pa'i gzugs sogs

myong ba yin pa de rgyu mtshan gang las 'jog pa yin/ khyod kyis
smros shig ce na/ kho bo cag gis khyod la don rig gang yin
zhes sogs dris pa 'di ni/ mngon sum 'di dag phyi rol don du
gyur pa'i gzugs sogs byed pa yin par kho

bo cag rang gis kyang khas blangs nas de'i 'jog byed khyod ji
ltar 'dod dris pa ma yin gyi/ mngon sum de nyid phyi rol don
du gyur pa'i gzugs sogs rig pa yin pa'i sgrub byed gang yin
zhes rnam par dpyod pa'i sgo nas/ de la sgrub byed

yang dag 'dod pa dgag pa'i phyir/ khyod la dris pa yin no/ Tri
ka byed gzhan dag/ 'di ni sgrub byed de nyid khyod las shes
par 'dod nas rnam par dpyod pa yin pas kho bo cag la 'dri bar
mi rigs so/ /zhes pa 'chad mod/ slob dpon chos

grags mngon sum gyis phyi don rig pa'i sgrub byed la shes 'dod
skyes nas mdo sde pa 'dri ba ngo mtshar che'o/ /gal te mig shes
sogs de dag phyi rol don du gyur pa'i gzugs sogs dang 'dra bar
skyes pa/ phyi rol don du gyur pa'i gzugs

sogs rtogs pa'i 'jog byed 'khrul pa'i rgyu mtshan ci zhe na/
dbang shes de dag phyi rol don du gyur pa'i gzugs sogs dang/
dngos po'i bdag nyid thams cad kyis 'dra bas phyi rol don du
gyur pa'i gzugs sogs rtogs par 'jog

@132b gam/ 'on te de dang 'dra ba tsam gyis 'jog/ dang po ltar
na/ phyi rol don du gyur pa'i gzugs sogs kyi cha shas su khyed
rang gis khas blangs pa'i rdul phran de dag dang yang 'dra bar
khas len dgos la/ de ltar na/ rdul phran gyis dbang shes la

rang 'dra'i rnam pa gtad nas dbang shes kyis sngon po mthong
ba na/ sngon po'i rdul phran rnams kyang sil bur mthong dgos
pa la de ltar ma mthong ba'i phyir/ rdul phran gyis dbang shes
la rang 'dra'i rnam pa gtad pa mi 'thad pas/ sngon po la

yod pa'i rdul phran rnams kyis dbang shes la rags pa'i rnam pa
gtad par khas len dgos na yang/ sngon pa'i rdul phran de dag
rgyu mtshan gang gis na/ rang 'dzin dbang shes la rags par
snang ba'i rnam pa de 'drar 'jog byed yin pa 'thad/

sngo snang dbang shes snang yul la 'khrul par yang 'gyur ro/
/de'i phyir sngo snang dbang shes de ni phyi rol don du gyur
pa'i sngon po dang/ dngos po thams cad kyi 'dra ba 'thad pa ma
yin no/ /gnyis pa ltar na/ don de dang 'dra ba tsam yin yang/
de

tsam gyis don de rtogs par 'jog mi nus te/ zla ba gnyis snang
gi dbang shes kyis kyang zla ba gnyis rtogs par thal ba'i
phyir ro/ /des na don dang 'dra ba tsam ni don rtogs par
bsgrub pa'i khyab pa 'khrul ba can yin pas rtags de las don de

myong pa'i ngo bo nyid du sgrub par byed par nus pa ma yin no/
/yang na 'di ltar bshad par bya ste/ ci dbang shes la snang
ba'i gzugs sogs de dag phyi rol gyi don ma yin no/ /de yin
pa'i gnod byed ji lta bu zhe na/ de dag phyi rol gyi don yin
na cha

@132a @#/ /bcas yin pa'i phyir/ de dag rtsom byed kyi rdul
phran yod dgos na'ang/ rdul phran de dag gang gis na rags par
gyur pa'i sngon po sngo snang dbang shes la snang ba de 'dra
rtsom par byed pa 'thad pa ma yin te/ rdul phran gzhi ma grub

pa'i phyir ro/ /de'i rgyu mtshan yang/ phyogs kyi dbye bas rnam
par dpyad na/ brtag mi bzod pas/ rdzas su grub pa'i rdul phran
med pa'i phyir dang/ dngos por med pa'i rdul phran su yang
khas mi len pa'i phyir ro/ /de'i phyir dbang shes la snang
ba'i sngo sogs

de ni phyi rol gyi don dngos ma yin zhing/ gal te de phyi rol
gyi don yin yang de dang 'dra ba tsam ni de rtogs par sgrub
pa'i khyab pa 'khrul ba can yin te/ zla ba gnyis snang gi
dbang shes kyis kyang/ zla ba gnyis rtogs par thal ba'i phyir
ro/ /des na/

rtags des don de myang ba'i ngo bo nyid du sgrub par byed par
nus pa ma yin no/ /bshad tshul gnyis po 'di 'on te/ 'di myong
de gang las/ /'di ni de nyid rnam dpyod yin/ zhes pa'i bshad
tshul gnyis dang re re zhing sbyar na/ yid 'phrog par byed do/

TrIka byed gzhan dag gis dbang shes la sngo sogs rigs pa'i
rnam par snang ba mdo sems gnyi ga'i lugs yin pa zhe bzhag
byas nas/ rnam pa de lta bu rdul phran gyis gtad pa mi 'thad
ces dgag pa byas mod/ dbang shes la sngon po

rags pa'i rnam par snang bar 'dos sems su'ang khas mi len pas
bab bcol 'ba' zhig go/ gal te gzugs sogs de dang 'dra ba dang/
gzugs sogs de las byung ba gnyis ka tshogs pa de phyi rol don
du gyur ba'i gzugs sogs

@132b myong ba'i mtshan nyid yin no/ zhe na/ de'i lan ston pa
ni/ don mtshungs zhes pa rkang pa gnyis te/ 'di'i don la rgyan
mkhan pos/ 'o na ni/ de'i tshe yul mtshungs pa'i shes pa de ma
thag pa yul yin par 'gyur ro/ /gang gi tshe snga na yang sngon
po'i

rnam pa can yin la/ de'i de ma thag pa las skye ba phyi ma
yang sngon pa'i rnam pa can yin pa de'i tshe/ rgyu yin pa'i
phyir dang/ 'dra bar byed pa yin pa'i phyir snga ma yul yin
par 'gyur ro zhes bshad cing/ de'i rjes su bod 'ga' zhig kyang
'brangs nas/

sngo 'dzin dbang shes phyi ma chos can/ rang dang yul mtshungs
pa'i dbang shes snga ma gzung don du byes nas myong bar thal/
de las skye zhing de dang 'dra ba'i phyir/ 'dra bar thal/ snga
ma yang dngon po'i rnam pa can yin/ khyod kyang sngon po'i
rnam pa can yin

pa'i phyir/ zhes zer mod/ 'di ni ches mi 'thad de/ skabs don
bor/ 'brel med kyi lan btab/ rang la'ang mtshungs pa'i phyir
ro/ de yang 'di ltar/ mdo sde pas/ don rtogs 'jog byed mthar
thug pa/ de 'dra ba dang de las byung/ zhes pa 'di yin zhing/

de'i don yang/ don las don dang 'dra bar skyes pa zhes pa ste/
'dra ba'i don ni/ seng ge dang/ bram ze sna nyag par 'dra ba
lta bu ma yin gyi/ shes pa de la yul de'i rnam pa shar ba nyid
yul de dang 'dra ba'i don yin no/ /des na mdo sde bas 'dra
ba'i don de la

bsams nas smras kyang skyon ston pa na 'dra zhes pa'i tshig
tsam la 'kris nas skyon ston na/ skabs don bor bar 'gyur
zhing/ mdo sde pa'i 'dod pa la gnod pa nyi zer gyi rdul tsam
yang med do/ 'on te 'dra ba'i don rnam pa shar ba la byas na
rtsa ba'i

@133a @#/ /thal 'gyur gyi khyab pa khas len la mi 'gro zhing/
rtags sgrub kyi 'khor gsum ga rang la mtshungs par 'gyur te/
'di ltar mdo sde pas sngon 'dzin dbang shes chos can/ phyi rol
don du gyur pa'i sngon po gzung don du byas nas rdzogs

por thal/ sngon po las sngon po'i rnam ldan du skyes pa'i
phyir/ zhes smras pa la/ sngo snang dbang shes skad cig gnyis
pa chos can/ sngo snang dbang shes skad cig dang po gzung don
du byas nas rtogs par thal/ khyod dang de gnyis ka sngon po'i
rnam ldan

du 'dra zhing/ khyod de las skyes pa'i phyir zhes 'phangs par
song la/ 'di'i khyab pa khas len la mi 'gro bar nu zho len pa
dag gis kyang rtogs nus so/ /yang 'dra ba'i phyir zhes pa tsam
ka bkod nas/ de sgrub pa la sngon po'i rnam ldan du mtshungs

pa rtags su bkod na/ shes pa yul dang 'dra ba'i don yul gyi
rnam pa shar pa la 'dod par mdo sems gnyis ka khyad med pas/
'khor gsum ga rang la mtshungs par 'gyur te/ sngo snang dbang
shes skad cig phyi ma chos can/ sngo snang dbang

shes snga ma'i rnam pa shar bar thal/ de dang 'dra ba'i phyir/
'dra ba'i don rnam pa shar ba la sems tsam par rang yang 'dod
pas/ khyab rtags dngos su khas len/ gsal ba yang khas blangs
pas 'khor gsum ga lan med du 'gyur ro/

des na tshul 'di ni 'grel ba byed pa'i zol gyis chos kyi grags
pa tshar bcad pa'i rgol ba'i 'dug gnas su 'jog par zad do/ lha
dbang blo'i 'grel pa'i don du bsams nas/ bod kha cig sngo
snang dbang shes las kyes pa'i sngon

@133b po dran pa'i blo chos can/ dbang shes de myong bar thal/
de las skyes shing de dang 'dra ba'i phyir/ 'dra bar thal/ de
sngon po'i rnam ldan du mtshungs pa'i phyir/ zhes zer ba yang/
mdo sde bas yul dang 'dra ba'i don/ yul de'i rnam par skyes pa
la bsams

pa ma go bar/ 'dra ba thug med la khyer ba yin pas/ rang nyid
blo gros yang ba tsam du gsal bar byas so/ /des na lan kyi
gzhung ma rtogs par ma zad/ phyogs snga ma'i don rtogs pa yang
mi snang ngo/ /'thad pa'i phyogs ni 'di yin te/ mdo sde 

pas/ sngo 'dzin dbang shes kyis sngon po rtogs pa tsam sgrub
'dod nas rtags 'di bkod pa ma yin cing/ don de ni sems tsam
pas kyang grub zin to/ /des na sngo 'dzin dbang shes kyis phyi
rol don du gyur pa'i sngon po rtogs ma rtogs mdo sems

kyi rtsod pa'i gzhi yin pas/ mdo sde pas kyang de nyid bsgrub
pa'i phyir rtags 'god cing/ sems tsam pas kyang de nyid la
gnod byed ston dgos pa yin no/ /des na mdo sde bas sngo 'dzin
dbang shes chos can/ phyi rol don du gyur ba'i sngon po

rtogs par thal/ sngon po las skye zhing sngon po dang 'dra
pa'i phyir zhes 'god par byed de/ rtags su phyi rol don du
gyur pa dang sbyar na/ rtags dang bsgrub bya khyad med du
'gyur bas ma sbyar bar/ de las skyes na de dang rdzas tha dad
yin dgos shing/

sngon po sngo snang dbang shes las rdzas tha dad du grub na/
phyi rol gyi don du 'bad med du grub snyam pa'o/ /de nyid
khyab pa ma nges par bstan pa ni/ sngo 'dzin dbang shes kyis
drangs pa'i dbang shes de drab pa'i blo chos can/ rang dang
don

@134a @#/ /dam yul mtshungs pa can gyi rnam par shes pa rang gi
mtshungs pa de ma thag rkyen sngo snang dbang shes phyi rol don
du gyur pa rtogs shing/ myong bar 'gyur bar thal/ de las skyes
shing de dang 'dra ba'i phyir/ 'dra bar  

thal/ khyod la dpe rnam pa shar ba'i phyir/ zhes pa'o/ /des na
bsgrub bya'i chos la phyogs snga mar phyi don ma sbyar na
skabs don bor zhing/ rtags la'ang sbyar na lan gyi skabs
su'ang sbyar dgos pas mi 'dod pa thog tu bab par 'gyur ro/

gzhan dag gis ni sngon po dran pa dang/ sngo snang dbang shes
dran pa'i khyad kyang ma phed cing/ sngo snang dbang shes dran
pa shes pa la sngo snang dbang shes kyi rnam pa shar ba shin
tu sgrub pa sla'o/ /de lta na yang don mtshungs can zhes pa
dang 'gal

ba'i skyon med de/ sngo snang dbang shes dran pa'i shes pas ni
sngo snang dbang shes sngon pos khyad par du byas nas dran
dgos pas/ sngo snang dbang shes dang/ de dran pa'i shes pa
gnyis kas sngon po yul du byed par mtshungs shing/ dran shes

de la sngon po dang sngo snang dbang shes gnyis ka'i rnam pa
shar bas/ shes pa rnam gcig lhag pa nyid/ ces gsungs pa yin
no/ /lha dbang blo'i 'grel bar/ de ma thag tu byung ba dran pa
las byung ba de las de'i rnam pa can yin

zhing/ de las byung ba de ltar na/ de yi ni snga ma de yul du
'gyur ro/ /gang gi phyir nyam su myong ba des yul mtshungs pa
can nyid du 'dod pa de nyid kyi phyir/ don mtshungs can gyi
zhes bya ba smos so/ /zhes bshad pa yang kho bos

@134b bshad pa dang don mtshungs par shes par byos shig/ gal te
skyon med de/ yul de las yul de'i rnam par skyes pa dang/ yul
de phyi rol gyi don yin par snang ba'i nges shes 'dren pa nyid
phyi rol gyi don du gyur pa'i yul rtogs pa'i

sgrub byed yin la/ de yang gzugs sgra sogs rtogs pa'i dbang
shes kyi rjes su/ gzugs sgra sogs gang la dmigs pa'i blo ni
gzugs sgra sogs shes pa las phyi rol tu grub pa lta bur snang
ba'i sgo nas/ gzugs 'di mthong

sgra 'di thos zhes bya bar nges pa de lta bu 'dren zhing/
sngon po dran pa'i blos/ sngo 'dzin dbang shes shes pa las
phyi rol du grub pa lta bur snang ba'i nges shes mi 'dren pa'i
phyir/ skyes la 'dra ba tsam mtshungs kyang/ nges shes 'dren
tshul mi

mtshungs pas/ dran shes des phyi rol du gyur pa'i shes pa snga
ma myong ba ma yin la/ gzungs sgra sogs rtogs pa'i dbang shes
des/ phyi rol don du gyur pa'i gzugs sogs myong ba yin no zhe
na/ nges shes 'dren tshul gang gis

de de'i sgrub byed yin par 'dod pa sgra snang ba dang/ gzugs
mthong ba'i dbang shes de dag gi yul du nye ba gzugs sgra sogs
de nyid rjes kyi nges shes la/ shes pa las phyi rol tu grub pa
ltar/ snang ba de snang ba ltar grub ma grub dpyad

par bya ba yin zhing/ de ltar dpyad pa na yang gong du bshad
pa'i rigs pas snang ba ltar grub pa mi 'thad pa'i phyir/ nges
shes de dag snang yul la 'khrul pa yin no/ /des na phyi rol
don du gyur ba'i gzugs dang/ migs shes de dag yul

@135a @#/ /yul can du 'brel ba grub pa la brten nas gzugs la
lta ba po'i rgyud kyi nges shes la gzugs sogs phyi rol tu
snang ba de snang ba ltar du grub par sgrub dgos shing/ nges
shes de la snang ba ltar du grub pas/ snang ba de snang ba
ltar du grub par dgos shing/ dnges shes de la snag ba ltar du
grub par

bsgrubs pa'i sgo nas dbang shes la snang ba phyi rol du sgrub
dgos pas/ rtogs pa phan tshun brten pa'i phyir/ glang po che'i
khrus dang 'dra ba zhig go/ gzhan dag khyad par gang yang mi
sbyor bar/ spyir nges pa 'dren mi 'dren tsam gyi sgo

nas shan 'byed pa la sbyor mod/ dbang shes kyi stobs las skyes
pa'i dran shes kyis rang yul la nges pa 'dren mi srid par 'dod
pa'i mdo sde ba de 'dra gang na bzhugs khyed kyis ston cig/
'di dag mdo sde pa'i grub mtha' 'gog

pa'i rigs pa'i rtsa ba yin pas rigs pa 'di dag dbyis phyin par
'don pa ma shes na/ phyi rol gyi don 'gog pa la dga' ba tsam
du zad cing/ rnam rig pa'i grub pa'i mtha'i rkang tshugs pa mi
srid kyang/ sngon chad gangs ri'i

khrod du gzhung 'di dag 'chad shes pa ma byung zhing/ rigs
pa'i gnas phra rags rnams las gang zhig dga' ba'i gnas su gyur
ba yin gyi/ phyogs tsam mthong ba'ang mi snang ngo/ /rigs pa
de dag gis grub pa'i don bsdu ba

ni/ de ltar na/ sngo 'dzin dbang shes de'i myong bya sngon po
de sngo 'dzin dbang shes kyi bdag nyid du gyur ba yin te/ der
ma zad/ sngo 'dzin dbang shes de yang rang las rdzas gzhan
'ga' zhig gi myong byed du 'gyur ba min no/ /de'i phyir

@135b mngon sum gyis gzugs sgra sogs so sor rig par bya ba
yang rig bya de ni rig byed de'i bdag nyid yin pas/ sngar don
rig gang yin zhes 'dris pa'i lan du so sor rig/ mngon sum gang
yin 'di nyid do/ zhes smras pa de yang dag pa ma yin par grub/

pa/ kho na re/ gal te sngon po ji skad bshad pa'i rigs pas
phyi rol gyi don ma yin par grub tu chug mdo/ sngon po phyi
rol gyi don ma yin kyang sngo 'dzin dbang shes las rdzas gzhan
yin pa ci 'gal/ zhe na/ sngon po phyi rol gyi don yin

pa la ji skad bshad pa'i rigs pas gnod pa des na/ sngo 'dzin
dbang shes la nyams su myong bya rdzas gzhan med cing/ sngon
po de la'ang myong bar byed pa rang las rdzas gzhan yod pa yin
te/ phyi rol gyi don yod pa la gnod byed yod

pa ltar/ sngon po sngo 'dzin dbang shes las rdzas gzhan yin pa
der yang brtsad pa'am skyon 'byung bar mtshungs pa'i phyir/ des
na sngo 'dzin dbang shes de ni shes pa rang gi rdzas nyid
gzung yul du gsal ba yin no/ /gang dag gong

du bshad pa'i phyi rol 'gog pa'i rigs pa thams cad 'di la yang
'jug par mtshungs zhes 'chad pa ni mi 'thad de/ sngon po shes
pa yin kyang sngo 'dzin dbang shes las rdzas gzhan yin no zhes
khas blangs pa dang/ 'dzin rnam dang

gzung rnam rdzas gzhan du khas blangs pa 'gog pa gnyis la
sbyar ba med cing/ de gnyis gang la sbyar kyang rdul phran de
dag gang gis ma zhes sogs kyi sogs pas ji ltar 'gog/ shes pa
la rdul phra rags kyi dbye ba byed pa n  

@136a @#/ /su yang med do/ /'on kyang sngon po sngo 'dzin dbang
shes las rdzas gzhan yin pa la 'og tu lhan cig dmigs nges kyi
rtags kyis gnod pa ston pas 'dir ma bstan pa yin no/ /'o na
sngon 'dzin mig shes rang nyid kyi

rdzas sngon po myong zhes ji ltar brjod ce na/ sngo 'dzin
dbang shes de'i rang gi dngos po bag chags kyi dbang gis rang
gi gzung byar snang ba de sngo sogs kyang yin la/ dbang shes
de de la ltos nas rang gi

rang bzhin nyams su myong ba'ang yin pa'i phyir/ sngor snang
dbang shes de rang gi ngo bo myong bar gyur kyang/ sngo sogs
myong bar brjod cing snang ba mi 'gal ba yin no/ /gnyis pa
rang rig gi tshad 'bras dngos bstan pa ni/ sngon po sngo snang

dbang shes las rdzas gzhan ma yin mod/ sngo snang dbang shes
de rang las don gzhan gyi myong byed kyis myong ba ma yin nam
zhe na/ ji ltar sgron me ni gsal ba de'i bdag nyid yin pa'i
phyir/ gsal byed gzhan la ltos med du rab tu

gsal ba na/ rang gi ngo bo gsal byed du 'dod pa de ltar blo
rnams kyang myong ba'i ngo bo yin pa'i phyir/ myong byed gzhan
la mi ltos par rang gi bdag nyid du gyur pa'i myong byed kyis
rig cing myong ba can yin no/ /de ltar ma yin par 'dzin

rnam de'i rig bya gzung rnam de 'dzin rnam las don gzhan yin
na/ de gnyis tshor bya tshor byed ni/ myong bya myong byed du
'thad par dka'o/ /TIk byed gzhan dag gzhung 'di sngo snang
dbang shes kyi gzung bya sngon po de sngo snang dbang shes

@136b las don gzhan yin na/ tshor bya tshor byed 'thad par dka'
zhes 'chad mod/ de lta na dpe'i skabs su yang/ sgron me'i gsal
bya bum sogs rnams sgron me rang gi bdag nyid yin pa bzhin du
zhes sbyar dgos pas/ bum pa dang sgron me rdzas gcig tu 'gyur

la/ da ltar ma sbyar na dpe don ma 'brel zhing/ 'og tu des na
gzhan rig med pa'i phyir/ zhes pa'i don kyang/ rang rig 'bras
bu yin te/ sngon po sngo snang dbang shes las rdzas gzhan ma
yin pa'i phyir/ zhes par 'gyur bas/ sngon po gzhal bya la sngo
snang dbang

shes tshad mar byas pa'i tshe/ rang rig 'bras bur 'gyur ro/ /gal
te 'dzin rnam la gzung rnam de rang las tha dad pa lta bur
snang ba'i gnyis snang med na de gnyis rig bya rig byed gnyis
su phye ba'i rnam bzhag kyang mi 'thad la/ gnyis snang yod na/
'dzin

rnam dang sngo snang dbang shes la rang rig dang gzhan rig gi
khyad par mi 'thad de/ gnyi gas kyang rang gi bdag nyid du
gyur pa'i yul rig pa dang/ gnyis snang yod par mtshungs pa'i
phyir ro zhe na/ rig bya gzung rnam de rig byed 'dzin rnam la
rang las

tha dad pa lta bur snang ba'i gnyis snang gi rnam pa med cing/
de lta na yang 'dzin rnam rang gi snang tshul la ltos nas rig
bya rig byed gnyis su phye ba'i rnam gzhag byas pa ma yin gyi/
sgra sogs rang las tha dad du med kyang yod pa ltar snang ba'i
shes pa'i snang

tshul bzhin du gang gi tshe thog ma med pa nas gzung 'dzin tha
dad du rnam par phye ba'i mtshan nyid kyi bag chags goms pa'i
dbang gis rnam par bslad pa can gyi 'khrul pa'i shis pas ji
ltar gzung rnam dang/ 'dzin rnam tha dad du mthong bar gyur
pa'i snang

@137a @#/ /tshul de ltar gzung rnam dang 'dzin rnam don dam par
tha dad du med kyang/ kun rdzob tsam du tha dad pa la brten
nas 'di gnyis rig bya dang rig byed du rnam gzhag byas pa yin
pas de'i tshe gzung rnam dang 'dzin pa'i rnam pa yi myong bya

myong byed kyi mtshan nyid la ni khyod kyis ji skad brjod pa'i
tshul des brtsad par bya ba min zhing klan ka'i gnas med do/
/don ni 'di yin te/ gzung rnam dang 'dzin rnam rig bya rig
byed gnyis su phye ba'i rnam gzhag 'di 'dzin rnam la gnyis
snang yod pa dang

mthun par byas pa ma yin gyi/ rnam gzhag byed pa'i rtog pa kho
rang la de gnyis tha dad du snang ba dang mthun par byas pa
yin zhing/ des na de gnyis kun rdzob tsam du tha dad kyi/ don
dam par tha mi dad la/ 'on kyang/ tha dad du mi bden kyang/
rnam gzhag

byed pa'i rtog pa la tha dad du snang ba ni/ gnyis snang goms
pa'i bag chags kyi 'khrul rgyus bslad pa'i dbang gis yin te/
dper na/ 'khrul rgyus bslad pa'i dbang gis skra shad 'dzag
snang gi dbang shes la rang las tha dad pa'i skra shad med
kyang

yod pa lta bur snang ba bzhin no/ /zhes pa'o/ /gzhung 'di
sngon chad 'chad shes pa ma byung ngo/ /shes bya chos can/
gzung rnam gzhal bya/ 'dzin rnam tshad mar byas pa'i tshe/ rang
rig 'bras bu yin par 'dod rigs te/ ji skad bshad pa'i tshul des
na

'dzin rnam des rang gi bdag nyid du gyur pa'i gzung rnam de
rang las don gzhan du yod pa lta bur snang ba'i sgo nas rig pa
med par gnyis snang dang bral ba'i sgo nas myong ba'i phyir/
gsum pa dbang shes kyi gzung rnam don las ma skyes pa'i sgrub

@137b byed bshad pa ni/ rgya bod kyi 'grel byed dag/ gal te
phyi rol khyod gyur na/ /khyod la nyes pa ci yod ces zer na/
kho bo cag la nyam thag pa la sogs pa'i nyes pa ci yang med
kyi/ dngos po'i gnas tshul mi 'thad pa yin no/ /zhes 'chad par
byed la/ kho bo ni

'di ltar 'chad de/ gal te dbang shes kyis phyi rol myong ngo
zhes khas blangs par gyur na nyes pa ci yod de ci'ang med do
zhe na/ dbang shes kyis phyi rol don ni myong bar 'gyur ro/
/zhes pa'i dam bca' 'di nyid kyis ni rigs pa dang ldan pa'i
don ci zhig brjod

par 'gyur te/ ci yang brjod pa ma yin no/ /de'i rgyu mtshan
yang gal te blo rnams ni yul de'i rnam pa can yin pas/ sngo
'dzin mig shes la yang sngon po'i rnam pa rjes su zhugs pa can
de yod do zhes khyed mdo sde pa dang/ deng rnam rig pa gnyis

kas khas blangs pa yin la/ de'i phyir sngo 'dzin mig shes la
shar ba'i sngon po'i rnam pa de ni phyi rol don du gyur ba'i
sngon pos gtad pa'am/ de las gzhan pa'i rgyu'i stobs las shar
ba yin zhes bya ba 'di ni dpyad par rigs pa yin cing/ de

ltar dpyad pa na/ sngon pos gtad pa yin na/ sngon po sngo
snang dbang shes kyi rgyu yin pa'i phyir/ sngon po sngo snang
dbang shes las rdzas gzhan du 'gyur bas phyi rol gyi don yod
dgos na'ang/ sngon po sngo snang dbang shes las rdzas gzhan ma
yin pa'i

phyir/ sngon po sngo snang dbang shes la rnam pa gtod byed ma
yin no/ /rdzas gzhan ma yin pa'i rgyu mtshan ci zhe na/ sngon
par snang ba chos can/ rang mthong ba'i dbang shes kyi bdag
nyid yin te/ rang mthong ba'i dbang shes de myong byed kyi
khyad par

@138a @#/ /dang bral ba na/ khyod dbang shes des mi 'dzin cing
mi myong bas khyab/ dbang shes de myong byed kyis 'dzin cing
myong ba na/ de dang dus mnyam du dbang shes des khyod 'dzin
cing myong bas khyab pa'i phyir/ lhan cig dmigs nges kyi rtags

'dis/ sngon po dang sngo snang dbang shes rdzas gcig tu sgrub
pa mi 'thad de/ de lta na/ rtags 'di la brten pa'i rjes dpag
gi rgyun goms pa las skyes pa'i 'phags pa'i mnyam gzhag ye
shes kyi 'dzin stans la de gnyis rdzas gcig tu

'dzin pa yod par 'gyur ro zhe na/ de ni khyed rang la'ang
mtshungs te/ rtags 'dis de gnyis rdzas tha dad ma yin par sgrub
pa yin na/ de 'di'i ye shes kyi 'dzin stangs la de gnyis rdzas
tha dad ma yin par 'dzin pa yod par 'gyur ro zhes

brjod na/ ci smra/ ye shes des de gnyis rdzas so sor ma mthong
ba yin gyi/ rdzas gcig tu dmigs pa ma yin na/ ye shes des de
gnyis rdzas tha dad du ma dmigs pa yin gyi/ rdzas tha dad ma
yin par dmigs pa ma yin no zhes kyang brjod

nus so/ /rdzas tha dad du ma dmigs pas tha dad ma yin par
dmigs dgos na gcig ma yin par ma dmigs pas gcig yin par dmigs
dgos pa dang/ bdag yod par ma dmigs pas/ bdag med par dmigs
dgos pa la sogs

par yang mtshungs so/ /des na rjes dpag de la de gnyis rdzas
gcig tu 'dzin pa'i 'dzin stangs yod na/ rjes dpag de'i rgyu
las goms par byas pa las skyes pa'i 'phags pa'i ye shes la'ang
'dzin stangs de yod mi dgos te/

@138b sbyor lam la rtog pa'i 'dzin stangs yod kyang mthong lam
la yod mi dgos pa bzhin no/ /rtags 'di'i mtha' dpyad pa rgyas
par kho bos tshad ma yid kyi mun sel du bshad zin to/ /des na
sngo 'dzin mig shes chos can/ khyod las phyi rol yan gar

bar gyur pa'i sngon po khyod kyi gzung don du yong ba min te/
sngon po khyod dang rdzas gcig yin pa'i phyir/ gal te sngo
'dzin mig shes de dbang po dang yid de tshad yang res 'ga' mi
skye ba mi 'thad par thal/ sngon po de'i dmigs rkyen ma yin
pa'i phyir

te/ dmigs rkyen yin na ni rgyu ma yin pa 'gal lo zhe na/ rnam
rig pa'i skabs 'dir shes bya chos can/ phyi rol gyi gzung don
la ltos pa'i dbang gis sngon 'dzin mig shes res 'ga' skye bar
nges pa ma yin no/ /sngo 'dzin dbang blo ni/ phyi rol med
kyang

bag chags kyi dbang gis res 'ga' skye bar rnam par nges pa'i
phyir/ der thal/ phyi rol med kyang shes pa snga ma 'ga' zhig
ni/ don snang gi shes pa phyi ma 'ga' zhig gi bag chags rab tu
sad byed yin pa de'i phyir/ yang na/ sngar de ni phyi'am gzhan

las zhes/ 'di ni dpyad par rigs pa yin/ zhes pa'i skabs su/
sngon po'i rnam pa phyi rol gyi stobs las skyes sam/ rgyu
gzhan las skyes dpyad dgos par bstan nas/ de ltar dpyad pa na/
phyi rol las mi skye bar rkang ba bzhis bstan nas/

'o na phyi rol las mi skye na/ rgyu gzhan ji lta bu las skye/
zhes pa'i lan du bag chags las skye bar gzhung 'di nyid kyis
ston pa yin no/ /rigs pa de dag gis zhar la don gzhan yang
grub par bstan pa 'phros dang bcas pa ni/ phyi rol gyi

@139a @#/ /don khegs pa de'i phyir/ blo gcig la gzung rnam dang
'dzin rnam gyi tshul gnyis yod par grub ste/ gzhan rig mngon
sum gyis sngon po rnam med rjen cher du rtogs pa'am/ de'i rnam
pa shar ba'i sgo nas rtogs

pa gang rung du nges shing/ phyi rol gyi don khegs pa na sngon
po rnam med rjen cher du rtogs pa khegs pa'i phyir/ sngo 'dzin
mig shes la sngon po rgyangs chad du snang bar myong bas grub
cing/ phyi rol du gyur pa'i sngon po khegs pa na/ sngon po
sngo 'dzin

mig shes la rgyangs chad du snang ba de phyi rol tu gyur ba'i
sngon po ma yin bzhin du phyi rol du gyur pa'i sngon po yin pa
de lta bu'i rnam pa shar ba tsam du 'grub pa'i phyir ro/
/gzhan yang blo tshul gnyis su sgrub pa'i rigs pa

gzhan yang yod de/ gang gi phyir na de ltar du rtog med kyis
myong ba dang/ rtog pas dran pa'i blo 'di'i rnam pa gnyis yod
par grub la/ de grub pas gzung rnam gzhal bya la 'dzin rnam
tshad ma dang/ myong ba rang rig pa nyid ni 'bras

bu yin par grub bo zhes pa'am/ tshul gnyis sgrub pa'i rtags de
dag gis myong ba rang rig pa nyid ni 'bras bu yin par grub bo/
/yang na/ kho bo ni 'di ltar 'chad de/ de'i phyir mdo sde pa
khyod 'dod pa ltar/ blo gcig la phyi rol gyi

don gyis gtad pa'i gzung rnams dang/ de myong ba'i 'dzin rnam
ste tshul gnyis yod pa ma yin gyi blo gcig la bag chags kyi
dbang gis shar ba'i gzung rnam dang/ de myong ba'i 'dzin rnam
gyi tshul gnyis yod pa yin zhing/

@139b gang gi phyir tshul gnyis yod pa de ltar du myong ba dang
dran pa'i rtags kyis blo gcig po 'di yi gzung ba dang/ 'dzin
pa'i rnam pa gnyis yod par grub pas/ bye brag smra ba khyod
'dod pa ltar/ gzung rnam gtan nas med pa'ang mi 'thad cing/
'dzin rnam

de bag chags kyis bslad pa'i dbang gis shar ba'i gzung rnam la
ltos te/ myong ba rang rig pa yin pa nyid ni 'bras bu yin gyi/
mdo sde pa 'dod pa ltar phyi rol don gyis gtad pa'i gzung rnam
myong ba'i rang rig 'bras bur mi 'thad cing/ bye brag

smra ba dag 'dod pa ltar/ gzung rnam myong ba'i rang rig gtan
nas med pa'ang mi 'thad do/ /zhes rigs pa snga ma dag gis grub
pa'i don bsdus pa'o/ /bshad pa'i rnam grangs snga ma ni rgya
bod kyi 'grel byed dag gi lugs bris pa tsam mo/ /gnyis pa rnam

rig pa'i gzhan rig gi mngon gsum gyi 'bras rtog bshad pa ni/
gang gi tshe sngon po rnam par rig pa'i dbang shes kyi rgyu
byed pa'i yul sngon po rdzas gzhan 'dod pa'am mi 'dod pa de'i
dngos por ma grub par sngo 'dzin de ni rang gi bdag nyid du

gyur pa'i phyir sngon po 'dod mi 'dod de ltar myong ba yin te/
phyi rol don du gyur pa'i sngon po tshad mas khegs pa'i phyir
ro/ /'o na mig shes kyis sngon por mthong ba'i tshe/ kho bos
phyi rol gyi don rig go snyam du zhen pa skye ba ji ltar zhe
na/ gang

gi tshe sngon por snang ba'i mig gi shes pa/ yul sngon po dang
bcas pa de'i tshe rang gi bdag nyid du gyur pa'i sngon po nyams
su myong ba gang yin pa de nyid la ni/ blo 'khrul pas phyi rol
gyi don du rnam par nges shing/ zhen pa'i rgyu mtshan yod de/

@140a @#/ /shes pa rang gi rdzas kyi cha sngon po de nyid rang
la rgyangs chad du snang bar 'khrul gzhi byas nas rjes kyi
rtog pas phyi rol gyi don du ni bzhag pa yin pa'i phyir/ des
na gal te sngo 'dzin dbang shes 'di rang gi bdag nyid du gyur

pa'i sngon po 'dod pa'i rnam pa dang/ rnam pa gzhan du myong
bar gyur pa'i phyir na sngon po de nyid 'dod pa'am mi 'dod
pa'i rnam par shar ba'i gzung rnam tshad ma des kyang sngon po
'jal ba'i tshe/ rang gi bdag nyid du gyur pa'i don sngon po

rig pa ni 'bras bur gyur pa yin no/ /gsum pa gzhan rig gi
'bras rtog de la dogs pa spangs te rgyas par bshad pa ni/ rnam
rig pa'i lugs kyi gzhan rig gi tshad 'bras/ sngon po gzhal bya/
bag chags bstan pa las byung

ba'i sngon po'i gzung rnam tshad ma/ rang gi bdag nyid du gyur
pa'i sngon po rig pa'i tshad ma 'bras bu/ zhes pa 'di la/ mdo
sde pas nye bar bkod pa'i dogs pa gsum te/ sngon po gzhal byar
byas pa'i tshe/ rang gi bdag nyid rig pa 'bras

bur mi 'thad de/ sngon po sngon 'dzin mngon sum la rang gi ngo
bos rnam pa gtod byed yin pas de'i rgyu yin pa'i phyir zhes pa
dang/ mdo sde pa rang gi lugs la rang las rdzas gzhan du gyur
pa'i yul rig pa gzhan rig dang/ rang gi

bdag nyid du gyur pa'i yul rig pa rang rig yin pas/ rang gi
bdag nyid du gyur pa'i sngon po rig pa 'bras bu/ zhes smras pa
na/ de ltar na rang rig 'bras bur song snyam du bsams nas
sngon po gzhal byar byas pa'i tshe/ gzung rnam

@140b tshad mar mi rigs kyi 'dzin rnam nyid tshad mar 'dod dgos
te/ rang rig 'bras bu yin pa'i phyir/ zhes pa dang/ tshad 'bras
yul so sor 'gyur te/ tshad mas sngon po gzhal zhing/ 'bras bu
rang rig pa yin pa'i phyir ro/ /zhes pa rnams

so/ /de lta bu'i dogs pa dang po la lan bstan pa ni/ mdo sde
pa khyod phyi rol don du 'dod pa'i sngon po sogs ni gzhal byar
yod na yang/ ji ltar sngon po nyams su myong ba nyid kyi dbang
shes de la/ sngon po 'dod mi 'dod sogs su snang ba ni/

bag chags kyi dbang gis 'dod mi 'dod kyi rnam pa so sor nges
pa'i bdag nyid yin gyi/ sngon po rang gi ngo bos gtad pa'i
rnam pa ma yin te/ de yin na sngon po gcig nyid lha sbyin gyi
mig shes la 'dod par snang/ mchod sbyin gyi mig shes la

mi 'dod par snang ba'i tshe/ shes pa de gnyis la sngon po'i
rang ngos nas rnam pa shar bar 'gyur zhing/ de lta na sngon po
de 'dod pa yang yin/ mi 'dod pa yang yin pa'i sgo nas mi mthun
pa du ma'i bdag nyid du gnas par thal ba'i skyon yod pa'i

phyir/ ngag don ni/ shes bya chos can/ sngon po de yid du'ang
mi 'ong gnyi ga yin par thal/ lha sbyin gyi mig shes la sngon
po yid du 'ong bar snang/ mchod sbyin gyi mig shes la sngon po
yid du mi 'ong bar snang ba'i tshe na blo de gnyis ka la sngon

po'i rang ngos nas rnam pa shar ba yin pa'i phyir/ gzhan dag
gzhung 'di bye brag smra ba shes pas yul rnam med du 'dzin par
'dod pa la/ de lta na skyes bu gcig gi gzugs la dgra gnyen
gnyis kyi mig shes kyis lta pa'i tshe/ skyes bu gcig g 

@141a @#/ /gzugs de dgra'i mig shes la mi 'dod par snang zhing/
gnyen gyi mig shes la 'dod par snang ba'i tshe shes pa de gnyis
kas gzugs de rnam med rjen cher du mthong ba'i phyir/ skyes bu
gcig gi gzugs de 'dod mi 'dod gnyi ga

yin par thal lo/ zhes pa'i gnod byed ston pa la sbyor ba ni mi
'thad de/ de ltar na mdo sde ba rang gis kyang dbang shes
gnyis ka ma 'khrul ba'i shes par 'dod pa la ji ltar ba bzhin
du mtshungs par 'gyur te/ de 'dra'i tshe na/ shes bya chos can/

skyes bu gcig gi gzugs de yid du 'ong mi 'ong gnyi ga yin par
thal/ mig shes de gnyis gcig la 'dod par snang/ gcig la mi
'dod par snang ba gang zhig /mig shes de gnyis ka snang yul la
mi 'khrul ba'i shes pa yin pa'i phyir/ 'khor

gsum ga mtshungs so/ /bye brag pa na re/ de 'dod mi 'dod gnyis
ka'i bdag nyid yin par khas blangs na yang skyon med de zhe
na/ skyes bu gcig gi gzugs la dgra gnyen gnyis kyi mig shes
kyis lta ba'i tshe na/ mig shes de gnyis kyis skyes

bu gcig gi gzugs de 'dod mi 'dod gnyis po dag du tha dad par
ni myong bar mi 'gyur bar gnyis ka la yang 'dod mi 'dod gnyis
ka ru snang bar thal/ gzug de mig shes de gnyis ka la rang
ngos nas sgrub pa'i tshul gyis snang ba gang zhig /

skyes bu gcig gi gzugs de 'dod mi 'dod gnyi ka'i rdzas su gnas
pa'i phyir ro/ /gal te ma mthong ba sngon bsags pa'i las kyi
dbang gis gang rung re bsgribs pa'i phyir/ gnyi ka mthong ba
min no zhe na/ de lta na/ shes pa de gnyis

@141b kyis skyes bu gcig gi gzug de don gyi ngo bo'i dbang gis
rtogs por mi 'gyur te/ ma mthong ba'i las kyis gzugs de'i gnas
lugs ji lta ba bzhin mthong ba bsgribs pa'i phyir ro/ /gal te
las kyi dbang gis don gyi gnas lugs

mthong ba mi 'gal lo zhe na/ du ma'i bdag nyid dngos de la/
gcig gi bdag tu mthong byed pa'i/ /ma mthong ba de ji ltar na/
don gyi gnas lugs mthong bar byed par 'gyur ba yin te/ tshul
'di ni 'gal ba'o/ /gal te 'dod pa dang mi 'dod

par snang ba rtog pa'i 'dzin stangs yin gyi/ don snang ba'i
blo dbang shes kyi 'dzin stangs min no zhe na/ mi 'thad de/
dbang bo'i shes pa de la'ang 'chi ltas kyis thebs pa sogs kyis
dbang gis sngar lan gcig ma yin par yid du 'ong ba mthong

pa'i bu sdug pa'i gzugs la sogs pa yang yid du 'ong bar 'tshams
sbyor ba med par/ yid du mi 'ong ba'i phyogs su snang ba
mthong ba yin pa'i phyir/ khas blangs na yang zhes pa nas/
'di'i bar mu stegs bye brag pa dag don rang ngos nas blo

la snang zhing/ de lta na'ang ma mthong ba chos dang chos ma
yin pa'i las kyi dbang gis 'dod mi 'dod nyi tshe bar snang ba
yin no/ zhes smras pa de 'gog pa yin gyi/ rang sde 'gog pa ma
yin no/ /des na ji skad bshad pa'i tshul gyis don rang

gi ngo bos dbang shes la rnam pa gtod byed yin pa mi 'thad pa
de'i phyir/ phyi rol don du mdo sde ba dag 'dod pa'i sngon po
sogs gzhal byar byas pa la'ang/ rang gi bdag nyid du gyur ba'i
sngo sogs nyams su myong ba 'bras bu yin

@142a @#/ /par rigs te/ gang gi phyir na ji ltar shes pa 'di'i
rang bzhin du gyur ba'i rdzas kyi cha nyid bag chags kyi dbang
gis 'dod mi 'dod sogs kyi rnam par snang ba de ltar don sngon
po ni 'dod mi 'dod sogs kyi rnam par nges par

'jog pa yin pa'i phyir/ dogs pa gnyis pa spang ba ni/ sngon po
gzhal bya la rang gi bdag nyid du gyur ba'i sngon po rig pa
'bras bur byas pa de'i tshe/ don sngon po snang ba'i gzung rnam
'di nyid ni tshad ma yin gyi 'dzin rnam bdag nyid de'i

tshe yod du zin kyang ni phyi rol du chad pa lta bur snang ba'i
sngon po la ltos par bya ba'i tshad ma yin te rang gi snang yul
gnyis snang dang bral ba'i tshul du snang gi /don gzhan lta bur
snang ba min pa'i phyir/ gzung rnam tshad ma yin na'ang/ rang

gi bdag nyid du gyur ba'i sngon po rig pa 'bras bu yin te/
gang gi phyir na/ ji ltar don sngon po shes pa rang gi bdag
nyid du gyur ba de bag chag kyi dbang gis sngon 'dzin shes pa
la 'dod mi 'dod du snang zhing gnas pa de lta bur/ sngon po 
'di ni 'dod mi 'dod de ltar gnas so zhes nges par byed kyi/
phyi rol du gyur ba'i sngon pos rang ngos nas rnam pa gtad
pa'i dbang gis nges par byed pa ma yin pa'i phyir/ de phyir
phyi rol gzhal bya la'ang zhes sogs rkang ba bzhi dang/

'di'i khyad par ni/ snga mas sngon po gzhal byar byas pa la
rang gi bdag nyid du gyur ba'i sngon po rig pa 'bras bu yin
par sgrub pa yin zhing/ 'dis gzung rnam tshad mar byas pa'i yid
nyid 'bras bu yin par sgrub pa yin la/

@142b rtags la khyad par med do/ /'o na sngon po shes pa'i
bdag nyid yin pa la/ phyi rol gyi sngon por nges pa skye ba mi
'thad do zhe na/ skyon med do/ /'di ltar sngo 'dzin mig shes
kyis sngon po mthong ba na/ phyi rol gyi sngon po mthong bar
'dod pa'i blo skye ba ni/

dbang shes de la phyi rol don gyi bdag nyid du gyur ba'i sngon
po snang ba'i dbang gis blo 'di skyes pa ma yin gyi/ bag chags
kyi dbang gis sngo 'dzin mig shes la rgyangs chad de ltar du
snang ba'i sngon po de nyid rjes kyi rtog pas phyi rol don du
gyur

ba'i sngon po rig par 'dod cing zhen pa tsam yin pa'i phyir
ro/ /de dag gi don bsdu ba ni/ des na rang gi bdag nyid du
gyur ba'i sngon po rtogs pa de'i sgrub byed tshad ma ni sngo
'dzin gyi blo la gnas pa don sngon po dang 'dra ba'i gzung
rnam nyid

yin zhing sgrub byed de'i rnam par bzhag par bya ba'i 'bras bu
ni rang gi bdag nyid du gyur ba'i sngon po rtogs pa de yin te/
gang gi phyir na don sngon po de ni blo la gnas pa'i rdzas
gzung bya sngon po de ltar du snang ba'i tshad mas sngon po de
rang

tu gsal zhing rtogs par 'jog pa'i phyir/ dogs pa gsum pa'i lan
ston pa ni/ shes bya chos can/ sngo 'dzin mngon sum gyis rang
gi bdag nyid du gyur ba'i sngon po rig pa yin yang don sngon
po rig pa 'bras bur 'dod pa mi

'gal te/ don rnams yul du 'jog pa'i sngon po de sngo 'dzin
mngon sum de'i bdag nyid yin pa'i phyir/ des na gzung rnam
tshad mas sngon po gzhal ba na/ rang gi bdag nyid du gyur ba'i
sngon po rig pa 'bras bu yin kyang/

@143a @#/ /tshad 'bras yul tha dad pa kho nar thal ba'i skyon
yod pa'ang min te/ gzung rnam tshad mas gzhal ba'i sngon po de
gzung rnam rang gi bdag nyid yin pa de'i phyir/ sngon po de
phyi rol du zhen pa'i rjes kyi rtog pa

ni/ tshad mas drangs ba'i bcad shes ma yin gyi/ zhen yul la
'khrul ba'i rtog pa gzhan yin la/ kha cig sngon 'dzin mig shes
kyi gzung rnam de nyid rjes kyi nges shes kyis phyi rol don du
zhen pa yin zhing/ des na gzung rnam

de tha snyad du phyi rol don du gyur ba'i sngon po yin la/
yang dag par shes pa yin pas sems tsam pa'i lugs la tha snyad
du phyi don yod do zhes zer ro/ /sngo 'dzin mig shes kyi gzung
rnam ni sngo 'dzin mig shes nyid la zer ba

yin gyi/ sngon po dang/ sngo 'dzin mig shes kyi bar na/ gzung
rnam yol ba bcad pa lta bu yod na/ sngo 'dzin mig shes la ltos
te sngon po lkog gyur du thal ba dang/ gzung rnam kyi'ang rnam
pa 'char dgos shing/ de'i yang rnam pa 'char

dgos pa sogs thugs med du thal ba sogs gnod byed du ma yod
kyang kho bos gzhan du rgyas par bshad zin la/ tha snyad du
phyi don khas len pa'i sems tsam pa ni de bas kyang ngo mtshar
che zhing/ phyi don yin pa'i dngos po de yang

dag par shes pa yin pa de bas kyang ches ngo mtshar mod/ lugs
ngan pa 'di dag kho bos tshad ma yid kyi mun sel du rgyas par
bkag zin pas 'dir ni ma bris te/ shi zin pa la mtshon bsnun pa
dgos pa med do/ /gal te rang gi

@143b bdag nyid du gyur ba'i sngon po rig pa 'bras bu yin na/
sngo 'dzin mngon sum gyis sngon po rang las rdzas gzhan ma yin
pa la rang stobs kyis sgro 'dogs chad nus par 'gyur la/ de lta
na so so skye bo rnams kyis kyang chos kyi bdag med mngon

sum gyi stobs kyis nges bar 'gyur ro zhe na/ sngo 'dzin mngon
sum gyis sngon po rang las rdzas gzhan ma yin pa la rang stobs
kyis nges pa 'dren pa'i rgyu mtshan gyis/ rang gi bdag nyid du
gyur ba'i sngon po rig pa 'bras bu zhes bshad pa

ma yin gyi/ sngon po rang gi ngo bo sngo 'dzin las rdzas gzhan
du yod mod don dam dpyod byed kyi rigs pas dpyad pa na/ rdzas
gzhan du med pa grub pas rang gi bdag nyid du gyur ba'i sngon
po rig pa 'bras bu yin par bshad do/ /don dam dpyod

byed kyi rigs pas tshul ji ltar grub na/ gong du ji skad bshad
pa'i lhan cig dmigs nges kyi rtags kyis don sngon po dang/ de
rig pa'i dbang shes de bdag nyid gcig yin par grub pa'i phyir
ro/ /de lta na sngon po sogs phyi rol gyi don du 'dod

pa khyed la rgyu mtshan yang dag cung zad kyang med do zhes
ston pa ni/ gong du ji skad bshad pa'i tshul gyis dbang shes la
yul rang gi ngo bos rnam pa 'char ba ma yin gyi/ bag chags kyi
stobs kyis yul gyi rnam pa 'char ba yin pa na/

sngon po dang 'dra ba ni phyi rol don du gyur ba'i sngon po
rtogs pa'i sgrub byed du 'brel ba med par grub zin cing/ rgyu
mtshan gang yang med pas sngo sogs de dang 'dra ba'am/ gzhan
dang 'dra yang rung/ shes pa la sngon po de ltar snang ba'i
rgyu ni/

@144a @#/ /dbang yid du ma zad/ don sngon po yang yin pas na/
phyi rol don du gyur ba'i sngon po ni gzhal bya nyid du 'dod
dgos par 'gyur gyi/ rgyu mtshan gzhan gang yang khyod la med
do/ /ji ltar skra shad la sogs pa'i rnam pa 'ga'

zhig ltar sngo 'dzin mig shes la shar ba'i sngon po'i rnam pa
yang/ bag chags kyi 'khrul rgyu'i dbang gis shar ba'i rnam pa
yin la/ rnam pa de phyi rol don gyi dngos po rgyur med par
yang snang ba can gyi rnam pa yin dgos pas/ shes pa

de ji ltar phyi rol gyi don rgyur yod pa'i sgo nas 'dzin pa
yin zhe na/ phyi rol don gyi dbang gis yul gyi rnam pa ma shar
bar/ rang gi rgyur gyur ba'i phyi don gzung don du byas nas
'dizn pa mi srid pa bden te/ de 'dra mdo sde bar ma zad/ rnam

rig pa ngas kyang mi shes so/ /des na rgyu mtshan gang gi sgo
nas kyang phyi rol don du gyur ba'i sngo sogs rtogs pa'i tshad
ma yod par mi 'grub po/ /bzhi ba rang rig gi 'bras rtog de la
dogs pa spangs te rgyas par bshad pa la/ don dam

par rang rig gi tshad 'bras bzhag tu med kyang/ gzung 'dzin rig
gsum tha dad du snang ba'i 'khrul ngo dang mthun pa kun rdzob
tu 'jog par bstan/ don dam par rang rig gi tshad 'bras bzhag tu
med pa'i rgyu mtshan bshad/ gzung 'dzin

rig gsum tha dad du 'khrul ba mi rigs pa'i rtsod pa spang/ kun
rdzob tu rang rig gi tshad 'bras ji ltar 'jog pa'i tshul dang
bzhi/ dang po ni/ sngon po 'dzin pa'i blo dbang shes rang gi
bdag nyid la gzung 'dzin rig gsum rdzas tha dad pa rnam

@144b par dbyer med kyang gnyis snang 'khrul ba'i bag chags
kyis bslad pa'i mthong ba phyin ci log rnams kyis gzung ba
dang 'dzin pa'i rnam pa dang/ myong ba rang rig pa dag tha dad
pa dang ldan pa bzhin du rtogs par 'gyur te/ dper na/ mig gi
dbang

bo sgyu ma'i sngags sogs kyis bslad pa rnams la 'jim dum sogs
rta glang de'i gzugs dang bral ba yang 'jim dum las rnam pa
gzhan rta glang du snang ba bzhin no/ /gal te de'i tshe 'jim
dum nyid rta glang du med kyang rta glang du snang

ba ma yin gyi/ sgyu ma'i sngags rdzas kyi dbang gis rta glang
gi ngo bor skyes nas rta glang du snang ba yin no zhe na/ de
yang 'thad pa ma yin te/ de ltar na sgyu ma'i sngags sogs kyis
ma bslad pa'i mig can gyi rung yul der 'ongs na yang de

dag rta glang de ltar du mthong dgos pa la mthong ba med pa'i
phyir ro/ /sgyu ma byed pa'i tshe/ nye bar gnas pa'i skye bo
'ga' zhig gis de dag rta glang du mthong yang/ mig ma bslad
pa'i skyes bu gzhan gyis rung yul der 'ongs pa na/

de dag rta glang du mthong ba mi srid na/ de dag rta glang du
med dgos te/ dper na mya ngam gyi thang du thag ring bo nas
bltas pa na gong bu chung ngu 'ga' zhig chen por snang yang
mig ma bslad pas thag nye bar 'ongs te bltas pa na/ chung

ngur snang gi chen por mi snang bas chen por med dgos pa bzhin
no/ /gzhan dag gis dpe snga phyi gnyis kyi khyad par tsam yang
ma shes shing/ don gcig nyid dpe gnyis kyis mtshon par bzung
bas/ dpe gnyis smos pa'i

@145a @#/ /dgos pa ci yin gtol ma byung bar snang la/ snga ma
bstan bcos la grags pa'i dpe dang/ phyi ma 'jig rten la grags
pa'i dper 'chad pa yang mi 'thad de/ sgyu ma'i rta glang sogs
su snang ba na rta glang sogs su

bden par 'jig rten na yang ma grags so/ /des na mtshon bya'i
don tha dad pa gnyis dpe tha dad pa gnyis kyis mtshon pa kho
bos ji skad bshad pa bzhin du shes par byos shig /des na gzung
ba'i rnam pa dang/ 'dzin pa'i rnam

pa dang/ rang rig pa dag don dam pa tshad 'bras gzhal gsum du
tha dad par yod pa min yang de gsum gzhal bya dang/ 'jal byed
dang/ 'bras bur gnas pa'i rnam gzhag 'di ni gong du ji skad
bshad pa ltar gyi blo 'khrul ba

de la de gsum tha dad du rjes su snang ba'i snang tshul bzhin
du kun rdzob tsam la brten nas byas so/ /gzhung 'di dag gi don
mthong ba phyin ci log rnams kyis/ gzung dang 'dzin pa myong
ba dag /tha dad ldan bzhin rtogs pa 'gyur/  

zhes pa'i gzung 'dizn rigs gsum rdzas tha dad du med bzhin du
de gsum rdzas tha dad du zhen pa'i blo 'khrul bar bstan pa ma
yin te/ de yin na ji ltar rjes su snang bzhin byas/ zhes pa 'di gzhung
gang mas bstan pa'i blo

'khrul ba'i snang tshul de dang mthun par tshad 'bras kyi rnam
gzhag byas par ston pa yin pas/ gzung 'dzin rig gsum tshad
'bras gzhal gsum du bye ba'i rnam gzhag 'di gzung 'dzin rig
gsum rdzas tha dad du

@145b zhen pa'i rtog pa'i snang tshul dang mthun par rnam gzhag
byas pa yin par 'gyur la/ rtog pa de la ni de gsum rdzas tha
dad du zhen pa'i zhen tshul yod par ma zad/ de gsum rdzas tha
dad du snang ba'i snang tshul yang yod de/ dper na sgra rtags

'dzin rtog pa la sgra rtag par snang ba bzhin no/ /de'i phyir
tshad 'bras kyi rnam gzhag 'di yang gzung 'dzin rig gsum rdzas
tha dad yin pa'i phyogs la brten pa'i rnam gzhag tu 'gyur bas/
rnam gzhag 'di nyid tshad mas gnod pa dang bcas par

'gyur ro/ /de bas na/ gzung dang 'dzin pa myong ba dag /rdzas
tha dad dang ldan pa bzhin du rtogs pa 'gyur zhes pa'i bshad
pa byed pa dag ni gzhung lugs kyi gting ma phyin pa'i gtam yin
no/ /des na mthong ba phyin ci log rnams kyis/ zhes sogs

kyis gzung 'dzin rig gsum rdzas tha dad du zhen pa'i rtog pa
log shes ston pa ma yin gyi/ de gsum lags tha dad las log pa'i
sgo nas tha dad du snang ba'i rtog pa don mthun bstan pa min
la/ de'i phyir blo bdag rnam par dbyer med kyang/

zhes pas de gsum rdzas tha dad du med par bstan/ rkang ba 'og
ma gsum gyis rtog pa la log sa tha dad la slog pa'i sgo nas
tha dad pa lta bur snang bar bstan cing/ mthong ba phyin ci
log ces pas ni/ snang tshul phyin ci log tu ston pa yin

gyi/ zhen tshul phyin ci log tu ston pa min la/ rtog pa don
mthun yin pa dang/ snang yul la 'khrul ba ni mi 'gal lo/ /gal
te rtog pa don mthun la yang de gsum rdzas tha dad du zhen pa
med kyang/ de gsum rdzas tha dad pa lta bur snan 

@146a @#/ /pa yod de/ dper na bum 'dzin rtag pa la rang las snang
ba phyi rol gyi bum pa lta bur snang ba yod pa bzhin zhe na/ de
ltar na rtog pa don mthun la chos de gnyis log sa tha dad log
par snang na/ ngo bo tha dad du snang

dgos par thal lo/ /de 'dod na sgra mi rtag rtogs kyi rjes dpag
tshad ma la sgra dang mi rtag pa ngo bo tha dad du snang bar
'gyur zhing/ byas mi rtag ngo bo gcig yin kyang ldog pa tha dad
yin no snyam du 'dzin pa'i rtog pa mi srid par thal lo/ /des na

gzung ba 'dzin pa rig pa dag ces pa rkang pa bzhis de gsum rdzas
tha dad ma yin pas/ don dam par tshad 'bras gzhal gsum du bzhag
tu med kyang de gsum rang 'dzin rtog pa don mthun la logs tha

dad las log pa'i sgo nas tha dad par snang ba'i phyir/ ldog pa
tha dad yin zhing/ de la brten nas kun rdzob tu tshad 'bras gzhal
gsum du bzhag ces pa bstan to/ /des na gzhung 'di dag gzung
'dzin rig gsum tshad 'bras gzhal gsum du 'jog pa de gsum

tha dad yin pa la brten dgos te/ gcig la tshad 'bras mi rung ba'i
phyir ro/ /de yang ldog pa tha dad yin pa la brten nas bzhag
dgos kyi/ rdzas tha dad yin pa la brten nas bzhag tu mi rung
zhing/ ldog pa tha dad du 'jog pa'ang rang

'dzin rtog pa la tha dad du snang pa la brten nas bzhag dgos pas
tshad 'bras kyi rnam gzhag blo gang la brten nas bzhag pa'i rten
ngos 'dzin pa'i gzhung yin gyi/ blo 'khrul pa'i snang tshul dang
tshad 'bras kyi rnam gzhag 'dra chos

@146b sgrag pa tsam ma yin cing/ blo 'khrul pa lag shes yan chad
kyi snang tshul la brten nas tshad 'bras kyi rnam bzhag byas par
sten pa'ang ma yin no/ /kha cig gzhung 'di dag gi don don gzung
'dzin rigs gsum tha dad med bzhin du blo 'khrul pa

la tha dad du snang zhing/ de'i snang tshul dang mthun par gzung
'dzin rig gsum la tshad 'bras kyi rnam gzhag byas pa yin pas/ sel
ngo'i nam gzhag tsam yin la/ sel dor tha dad pa'i go mi chod
pa'i phyir/ sel ngor tshad 'bras

gzhal gsum yin par smra'i/ sel ngo zhes pa'i tshig thog mar ma
sbyar ba rnam gzhag 'di khas blangs na de ma thag tu nod pa 'bab
par 'gyur ro/ /zhes smra'o/ /'di nyid kyi lugs dang/ gnod byed
rgyas par kho bos gzhan du bshad zin

pa'i phyir dang/ tshig mngas su dogs pas 'dir ni ma bris ste/ kho
bo cag smyon pa'i zlos gar byed pa yang ma yin no/ /gnyis pa don
dam par rang rig gi tshad 'bras gzhag tu med pa'i rgyu mtshan
bshad pa ni gnyis te/ tshul sgrub pa dang/ rtag

dgod pa'o/ /dang po ni/ de lta min ni zhes pa nas/ gcig dad du
ma'i rang bzhin med ces pa'i bar gyi gzhung 'di dag gis gcig
dang bral gyi rtags la brten nas gzung 'dzin rig gsum tshad 'bras
gzhal gsum du bden pa 'gog gi

pa yin zhing/ de yang gzung 'dzin rig gsum chos can du byas nas
de kho na nyid du na/ tshad 'bras gzhal gsum grub pa'i dngos por
med de/ gcig tu yang mi bden/ du mar yang mi bden pa'i phyir/
zhes 'god par byed pa

@147a @#/ /pa yin la/ de'i tshul sgrub pa la/ phyag chos sgrub pa
dang/ khyab pa sgrub pa gnyis las/ khyab pa sgrub pa ni/ gcig
dang du ma la phung gsum mi srid par nges pa'i rtags kyi stobs
las 'grub pas cung zad go sla ba'i phyir

ma bshad do/ /zhes kha cig sems so/ /kho bo ni 'di ltar smra
ste/ rtags 'did 'gog dgos kyi rgol ba ni/ blo gcig la gzung rnam
dang 'dzin rnam dang rang rig gsum srid par tshad mas nges pa'i
rgol pa zhig yin dgos te/ snga rgol dang

phyi rgol gyis rtsod gzhi mthun snang du ma grub pa'i rtags yang
dag mi srid pa'i phyir/ dper na sgra mi rtag par sgrub pa la
byas pa rtags yang dag tu 'gog pa skabs su bab pa'i phyir rgol
yin na/ sgra tshad mas grub dgos pa bzhin no/ /des na

rtags 'di 'gog pa skabs su bab pa'i phyir rgol ni shes pa rnam
bcas dang/ blo dang rang rig yod par gyur kyang gzung 'dzin rig
gsum tshad 'bras gzhal gsum du bden 'dzin gyi sgro 'dogs ma chod
pa'i rgol ba yin zhing/ de yang bye

brag smra ba man chad kyi rang gzhan gyi grub mtha' smra ba su
yang ma yin te/ shes pa rnam bcas dang blo la rang rig yod par
bye brag smra ba man chad kyi phyi nang gi grub mtha' smra ba su
yang med pa'i phyir ro/ /des na grub

mtha' gong ma la zhugs kyang tshad 'bras kyi rnam gzhag la sgro
'dogs ma lus par ma chod pa'i rgo ba zhig gi dbang du byas pa
yin gyi/ gzhan rtags 'di 'god pa'i yul gyi rgol ba shin tu
dka'o/ /tshul 'di nmi gzung

@147b 'dzin rig gsum dang/ bla gcig gi gzung 'dzin rig gsum tha
dad pa'i cha gang chos can du 'dzin yang 'dra ste/ blo gcig gi
gzung 'dzin rig gsum tshad mas ma grub par de gsum tha dad pa'i
cha tshad mas ma grub pa ni mi srid pa'i phyir

ro/ /de bas na rtags 'di nyid dgod pa skabs su bab pa'i phyi
rgol des/ rdzas su grub na/ rdzas gcig dang tha dad gang rung
yin dgos par nges zin pa'i dbang byas nas/ khyab pa'i tshul sgrub
pa'i gzhung skabs 'dir ma bstan pa

yin no/ /phyogs chos sgrub pa la gcig tu mi bden par sgrub pa
dang/ du ma mi bden par sgrub pa gnyis las dang po ni/ de lta
min na/ zhes pa nas/ tha dad med par nges par 'gyur ro/ /zhes
pa'i bar gyis bstan nas/ du mar mi

bden par sgrub pa'i gzhung ma bstan no/ /de mi ston pa la rgyu
mtshan ci yod ce na/ gong du ji skad bshad pa'i tshul gyis rtags
'di 'god pa skabs su bab pa'i phyir rgol yin na/ gzung rnam dang
'dzin rnam dang/ 'dzin rnam de gzung

rnam la ltas nas rang rig yin pa'i gsum po tshad mas grub dgos
kyi/ de ma grub na/ chos can tshad mas ma grub par 'gyur ro/ /de
grub na yang 'dzin rnam de gzung rnam dang rdzas tha dad ma
yin
par nges dgos te/ de ma

nges par 'dzin rnam gzung rnam pa rang rig mngon sum yin par
mtshad mas grub pa'i rgol ba su yang mi srid do/ /'dzin rnam dang
gzung rnam rdzas tha dad ma yin par nges na/ tha dad du bden
par
'dzin pa'i sgro 'dogs chos car ba

@148a @#/ /de'i phyir rtags 'di 'god pa skabs su bab pa'i phyir
rgol gyis de gsum du mar mi bden par grub zin pa'i dbang du byas
nas de sgrub pa'i rtags ma gsungs pa yin no/ /'o na rgol ba des/
gzung 'dzin rigs gsum

tha dad me bden par grub zin nas de gsum tshad 'bras gzhal gsum
du mi bden par ma grub pa 'gal te/ gcig la tshad 'bras gzhal gsum
mi rung ba'i phyir ro zhe na/ de lta na byas pa rtag tha du mi
bden par nges na/ byas

pa sgra mi rtag par sgrub pa'i rtags yang dag tu bden par 'dzin
pa'i sgro 'dogs tshad dgos par thal lo/ /gang dag rtags 'di'i
shes pa chos can du gzung 'dzin rig gsum tha dad pa'i cha 'dzin
pa shin tu mi 'thad de/ de ltar na

phyogs cohs kyi phyogs gcig du mar me bden par nges na/ bsgrub
bya la sgro 'dogs gcod par 'gyur te/ gzung 'dzin rig gsum tha
dad pa'i cha de spyir tha dad tsam du bden pa khegs pa na/ bye
brag gsung 'dzin rig gsum gyi tha

dad du bden pa'i sgro 'dogs chos cing/ de chod pa ni gzung 'dzin
rig gsum ma tha dad du bden pa'i sgro 'dogs yang chod pas so/
/gzung 'dzin rig gsum tha dad pa'i de gzung 'dzin rig gsum gyi
tha dad du bden pa'i sgro 'dogs

chod kyang gzung 'dzin rig gsum tha dad du bden pa'i sgro 'dogs
mi chod na/ gzung 'dzin rig gsum tha dad pa'i cha de bden pa'i
sgro 'dogs chod kyang gzung 'dzin rig gsum de tha dad du bden
pa'i sgro 'dogs mi chod par 'gyur

@148b bas gzung 'dzin rig gsum tha dad pa'i cha chos can/ bden
par med de/ gcig tu yang mi bden/ du mar yang mi bden pa'i
phyir/ zhes pa'i rtags sbyor gzung 'di dag gi don du khyod kyis
smras pa 'dis/ gzung 'dzin rig gsum tha dad du bden pa'i sgro

'dogs mi chod bas/ de'i sgro 'dogs gcod byed kyi rtags gzhan
bstan dgos pa'i phyir/ skabs 'dir skabs su bab pa'i sgro 'dogs
gcod byed kyi rtags ma bstan par rtags gzhan bstan par 'gyur ro/
/des na rtags sbyor 'di ltar 'dod

pa dag gis ni/ gcig tu'ang mi bden zhes pa'i rtags kyi phyogs
gcig bo 'di bsgrub bya la sgro 'dogs gcod byed kyi yan lag tu
bkod pa don med pa dang/ khyab pa bsgru bya la sgro 'dogs gcod
byed kyi yan lag tu nges mi dgos pas

khas blangs pa yin no/ gzhan yang bod kyi TIk byed du ma zhig
blo gcig gi gzung 'dzin rig gsum tha dad pa'i cha chos can du
bzung nas/ de lta min na snang tshogs kyi/ /ngo bor snang can/
zhes sogs kyi skabs su gcig tu yang mi

bden te/ blo ma 'khrul ba la snang tshogs kyi ngo bor snang ba'i
phyir/ zhes 'god pa ni de bas kyang mi 'thad de/ blo gcig gi
gzung 'dzin rig gsum tha dad pa'i cha chos can/ blo ma 'khrul pa
la snang tshogs su snang ba ma yin par thal/ /khyod

blo ma 'khrul pa la snang mi srid pa'i phyir/ der thal/ /khyod
sgro 'dogs yin pa'i phyir/ 'o na sgro btags sgro blo ma 'khrul
bas shugs la rtogs pa'i mi srid dam zhe na/ rtog pa dang snang
ba la khyab par che ste/ shes pa de la chos de snang na chos
de'i rnam pa shar dgos shing/ rnam ba shar na

@149a @#/ /dngos rtogs su 'gyur pa yin la/ chos de'i rnam pa ma
shra par de las tha dad pa'i chos shig gi rnam pa shar ba'i
stobs kyis chos de la yang sgro 'dogs chod pa ni/ shugs rtogs
kyi don yin pas/ rtogs pa

la rnam pa shar mi dgos so/ gzhan yang gzung 'dzin rig gsum tha
dad pa'i cha chos can/ tha dad du bden par thal/ blo ma 'khrul
pa la tha dad snang du ba'i phyir/ rtags gsal dngos ma khyab na
tha dad du bden par sgrub byad mi rnyed

cing/ tha dad du mi bden kyang/ tha dad du snang na 'khrul par
'gyur pas blo ma 'khrul ba yin pa nyams so/ /rgyan mkhan pos
gzhung 'di dag grangs can gzung 'dzin rig gsum bda' shes rig gis
myong pa'i ngo bor khyad par med pa'i

rang bzhin gcig yin cing/ de lta na yang rnam 'gyur sna tshogs su
snang ba yin no/ /zhes 'dod pa 'gog pa la sbyor pa ni/ 'ga' zhig
bde sogs phyir rol na/ zhes sogs kyi skabs su grangs na pa rang
rig khas mi len par/

rang nyid kyis smras pa dang dngos su 'gal zhing/ gzhung gi don
dang yang 'gal lo/ /de ni gcig tu mi bden pas sgrub pa'i gzhung
gi tshig don bshad par bya ste/ gal te gzung 'dzin rig gsum de
don dam par tshad 'bras

gzhal gsum du bzhag tu med pa'i rgyu mtshan ci zhe na/ de gsum
tshad 'bras gzhal gsum du mi bden pa de lta min par bde na de
gsum gcig tha dad gang rung du bden dgos na'ang/ de gnyis gang
du'ang mi bden no/ /

@149b gcig tu mi bden pa'i rgyu mtshan ci zhe na/ blo'i dngos po
gci gla gnas pa'i gzung rnam dang 'dzin pa'i rnam pa dang/ rang
rig rnams chos can/ ji ltar na gcig tu bden pas 'gyur nas/ mi
bden te/ gcig tu bden na gcig yin

dgos pa gang zhig/ khyed rnams gcig pa nyid de nyams pa'i phyir
ro/ /phyi ma der thal/ rang 'dzin rtog pa la ldog pa sna tshogs
kyi ngo bor snang ba can yin pa'i phyir/ de la khyab pa yod de/
ldog pa tha dad pas tha dad du mi 'grub na/

gzhan yin par 'dod pa rnams la'ang gzhan yin pa nyid kyi rgyu
mtshan nyams nas mi rnyed pa'i phyir ro/ /gzhan yang de gsum chos
can gcig tu bden pa'i min te/ gcig gi rang bzhin du don dam
snang yul du byed pa'i tshad mas mthong

ba med pa'i phyir/ khyab ste/ don bden pa mthong ba'i blos dngos
po tha dad du med par mthong ba'i rgyu mtshan gyis/ dngo po tha
dad du med par nges par 'gyur pa'i phyir/ de yang/ gcig tu bden
na gcig yin dgos kyang/ bden pa'i

gcig yin na gcig yin mi dgos te/ gcig yin par rdzas su grub na
gcig yin dgos kyang/ rdzes gcig yin na gcig yin mmi dgos pa'i
phyir/ de'i phyir/ 'dir yang gcig tu yang mi bden du mar yang mi
bden pa'i phyir/ zhes

dgod par bya'i/ bden pa'i gcig dang du mar ma grub pa'i phyir/
zhes dgod par mi bya ste/ de ltar bkod na/ bden pa'i gcig ma yin
par sgrub pa la rigs pa 'di dag shin tu 'grig dka' zhing/ blo
gcig gi gzung 'dzin rig

@150a @#/ /gsum bden pa'i gcig ma yin par sus kyang sgrub mi nus
te/ de gsum rdzas gcig yin pa'i phyir ro/ /gnyis brtags dgod pa
ni/ blo gcig gi dngos po gzung 'dzin rig gsum de dag chos can/
de kho na nyid du/ tshad

'bras gzhal gsum de'i dngos por med de/ gang gi phyir na don dam
dpyod pa'i rigs pa gang gis rnam par dbyad pa na/ khod la gcig
tu bden pa dang/ du mar bden pa'i rang bzhin gang yang med pa'i
phyir/ des na gzhan dag gi 'dod pa ni/

rtags 'dis blo gcig gi gzung 'dzin rig gsum tha dad du bden pa
bden pa 'gog pa skabs kyi don 'dod pa yin la/ kho bo ni gsum
tshad ma 'bras gzhal gsum du bden par sgrub pa 'gog pa skabs kyi
don du 'dod pa yin no/ / gsum pa gzung 'dzin

rig gsum tha dad du mkhrul pa mi rigs pa'i rtsod spang ni/ chos
mthun pa'i nyid mthong ba las shes sogs kyi rtsod pa'i gzhung
'di'i don la/ gzhan dag na re/ 'khrul pa skye ba ni bden brdzus
chos mthun par mthong ba las skye dgos

pa la/ 'gro ba 'di la gzung 'dzin rdzas gzhan gcig kyang med
pa'i phyir/ gzung 'dzin rdzas gzhan du 'khrul pa skye ba mi rigs
so zhe na/ zhes 'god pa tsam gyis rtsod pa smra ba po'i 'dod I
gting ma sleb pa'i don ni 'di yin te/

nya phyis la dngul du 'khrul ba skyes ba na/ nya phyis kyang
mthong dngul kyang mthong zhing/ de nas nya phyis su ma nges
par
dkar bar chos mthun pas 'khrul gzhi byas nas dngul de'i bdag
nyid min pa la/ de'i bdag nyid du zhen pas 'jig rten pa

@150b dag gi nya phyis la dngul du 'khrul ba skyes ba yin no/
/de bzhin du gzung 'dzin gsum tha dad du mi bden kyang/ tha dad
du 'khrul pa skye na/ tha dad du bden pa'i gzung 'dzin kyi dngos
po 'ga' zhig mthong nas de dang chos mthun pas 'khrul gzhi byas
te/ gzung 'dzin rig

gsum tha dad du 'khrul pa skyed dgos pa yin pa la sems tsam pa
'di la/ de 'dra'i 'khrul pa skye tshul khas blangs pa med de/
sems tsam pa'i lugs la 'gro ba 'di la tha dad du bden pa'i gzung
'dzin de'i bdag nyid mthong ba gcig kyang med

pa'i phyir ro/ zhe na/ nya phyis la dngul du 'khrul ba sogs
phyi'i 'khrul rgyu la ltos pa 'ga' zhig kyang yod mod/ nang gi
ma rig pas bslad pa las byung ba'i shes pas gang yin pa de ni/
gnyis snang 'khrul pas bzhag pa'i bag chags kyi nyes pa las

byung ba'i phyir 'khrul rgyu la ltos pa med par rang bzhin gyis
ni phyin ci log tu snang ba can 'di yang yod pa yin la/ de'i
phyir gzung 'dzin rig gsum tha dad du bden par med kyang tha
dad
du 'khrul pa'i shes pa yang na nang gi bslad pa las byung ba yin
pa'i

phyir/ de ni chos mthun par mthong ba sogs can nyid la ltos pa
med de/ dper na rab rib la sogs kyis rig bslad pas sgra shar
shad snang ba bzhin no/ /bzhi pa kun rdzob tu rang rig gi tshad
'bras ji ltar 'jog pa'i tshul ni/ rang rig gi 'bras rtog gi

rnam par bzhag pa de la rang gi myong byar gyur pa'i blo ni
yongs su gcod pa'i 'dizn pa'i rnam par 'dod pa ni/ rang gi myong
bya de'i bdag nyid gnyis snang med pa'i tshul kyis rig pa'i
phyir/ de la bdag rig gam rang rig mngon sum yi

@151a @#/ /zhing/ de'i phyir 'dzin rnam de nyid rang rig de'i
sgrub byed kyi tshad ma yin no/ /des na de lta bu'i rang rig gi
tshad 'bras de shes pa gcig la mtshon nas dper brjod na 'dod chags
sogs gzhal bya de myong ba'i 'dzin

rnam tshad ma de rig pa'i rang rig 'bras bu zhes pa bzhin no/ /'o
na de lta bu'i rang rig gi tshad 'bras de shes pa ji lta bu dag
la sbyar bar bya zhe na/ shes pa rang gi bdag nyid yul du gzhag
pa na/ shes pa rang gi bdag nyid gzhal

bya/ de 'jal byed 'dzin rnam tshad ma/ rang rig 'bras bur gnas
pa'i rnam gzhag 'di ni shes pa kun la sbyar bar bya'i/ rang rig
gi tshad 'bras bzhag tu med pa'i shes pa mi srid do/ /'o na gzung
rnam gzhal byar byas pa'i rang

rig gi tshad 'bras bzhin du 'dzin rnam gzhal byar byas pa'i rang
rig gi tshad 'bras kyang yod dam zhe na/ 'dzin rnam de dag rang
gi bdag nyid du gyur ba'i myong byed tshad mas myong par byed
rung ste/ nyams su myong ba'i bdag nyid du

skyes pa'i shes pa yin pa'i phyir/ ma khyab na/ rang rig med
pa'i shes pa yod par 'gyur ro/ /des na 'dzin rnam de la yang ji
skad bshad pa'i tshul de ltar gnyis snang med pa'i tshul gyis rang
nyid yongs su gcod par byed pa'i

rang myong bar byed rung nyid de tshad ma/ 'dzin rnam rang gi
bdag nyid gzhal bya/ rang rig 'bras bu yin no/ /des na rang rig
yod pa'i shes pa thams cad la rang rig gi tshad 'bras sbyar du
rung zhing/ 'dir yang rang rig gi tshad

@151b 'bras sbyar du rung ba'i shes pa thams cad la ji ltar
sbyor ba'i tshul spyi'i rnam gzhag ston pa yin pas/ gzhal bya la
gzung rnam dngos su ma smos par/ rang bdag yul du bzhag pa ni
zhes pa dang/ de tshad bdag gzhal bya/ zhes gsungs pa

yin te/ shes pa rang gi bdag nyid gzhal byar byas pa'i rang rig
gi tshad 'bras ni/ shes pa thams cad la sbyar du rung la/ gzung
rnam gzhal byar byas pa'i rang rig gi tshad 'bras ni/ kha nang
bltas kyi shes pa kho na'i dbang du byas pa'i rang rig

gi tshad 'bras la sbyar du mi rung pa'i phyir ro/ /des na tshul
'di ni kho bo 'ba' zhig gis legs par bshad pa yin no/ /des na
TIk byed gzhan dag gis/ 'di ni kun la sbyar bar bya zhes pa kha
phyir bltas kyi shes pa kun la sbyar bar bya/ zhes 'chad pa

yang khyab tshungs pa yin zhing/ lha dbang blos/ rnam rig par ma
zad mdo sde ba la sogs pa kun gyi lugs la sbyar bar bya dgos so
zhes 'chad la/ de la'ang nyams myong bdag nyid phyir zhes pa/
dper na 'dod chags sogs myong bzhin zhes pa'i

rgyas bshad du byas nas/ 'dod chags sogs nyams su myong ba'i
rang rig gi tshad 'bras ji ltar sbyor ba'i tshul ston par 'chad
do/ /rgyan mkhan po ni/ 'dod chags dang bde ba la sogs pa myong
ba'i rang rig gi tshad 'bras sbyor bar rigs mod/ sngo

sogs nyams su myong ba'i shes pa la rang rig gi tshad 'bras ji
ltar bzhag tu rung zhes pa'i lan ston pa la/ gzhung 'di dag
sbyar nas 'chad cing/ sngon po gzhal byar byas pa'i rang rig gi
tshad 'bras dang sngo 'dzin shes pa gzhal byar byas

@152a @#/ /pa'i rang rig gi tshad 'bras 'dres pa lta bur snang
med/ tshig mangs su dogs nas dgag sgrub rgyas par ma bris so/
/bdag la 'dzin pa'i rnam pa zhes/ zhes sogs rkang pa bzhi rgyan
mkhan po mi 'don no/ /lha dbang blo

ltar na/ slob dpon phyogs glang gis 'khrul bas bya ba'i ngo bo
'dzin pas/ yang 'dir 'dzin pa'i rnam pa nyid dpog pa yin no/
zhes rang rig tshad mar bshad pa dang/ 'dir rang rig 'bras bur
bshad pa 'gal lo zhe na/ 'dzin pa'i rnam pa zhes

pa de ni/ bdag la yongs su gcad pa'i bdag nyid de/ rang myong
bar byed rung nyid ces bya ba yin pas de lta bu'i rang rig byed
pa'i cha la dgongs nas slob dpon phyogs glang gis tshad mar bshad
pa dang/ 'dir rang rig bya'i cha la bsams

nas rang rig 'bras bu zhes ni rab tu bshad pa yin pas mi 'gal
zhes pa'o/ /slob dpon chos mchog gis gzhung 'di'i 'tshams sbyar
du rnam par shes par smra ba la/ tshad ma'i sgra'i rnam grangs
bstan pa'i phyir bshad pa zhes gsungs

pas/ de'i ltar na/ rang rig gi 'bras rtog gi tshad mas rnam
grangs ston pa yin te/ de yang shes pa rang gi bdag nyid gzhal
byar byas pa la 'dzin pa'i rnam pa zhes pa dang/ rang gi myong
byar gyur ba'i shes pa yongs su gcod pa'i bdag

nyid ces pa dang/ shes pa rang gi bdag nyid de myong bar byed
rung nyid ces bya ba dang/ 'dis rang rig par byed pa zhes pa
rnams ni/ tshad ma rnam grangs pa yin par rab tu bshad do zhes pa
ste shin tu legs so/ /gsum pa rnam gzhag de

@152b dag 'thad par sgrub pa la/ blo tshul gnyis su sgrub pa
dang/ blo la rang rig yod par sgrub pa gnyis/ dang po la gzhung
spyi'i bsdu ba bshad pa dang/ gzhung don bshad pa dngos la 'jug
pa gnyis/ dang po ni/ gong du ji skad bshad pa ltar/ blo gcig la
gzung

rnam dang 'dzin rnam gyi tshul gnyis yod pa dang/ blo la rang rig
yod par ma grub na/ mdo sems gang gi lugs la'ang 'bras rtog gi
rnam gzhag cung zad kyang bzhag tu med cing/ de ltar na tshad
mas
gzhal bya rtags pa ri bong gi rVa dang mtshungs par

'gyur bas/ gnas skabs dang mthar thug gi blang dor gyi rnam
gzhag thams cad rgyun chad par 'gyur ba'i phyir/ de las ma rungs
pa ci zhig yang/ de bas na don de gnyis sgrub pa la 'bad pa byed
do/ /de yang tshul gnyis sgrub par byed pas

kyang/ zhes pa man chad kyis blo la rang rig yod par sgrub pa'i
rnam gzhag dag ston par byed cing/ yul rnams las ni byung ba yi/
zhes pa nas/ rnam 'byed blo med tshe sogs bzhin/ zhes pa'i bar
gyis blo tshul gnyis su sgrub pa'i

tshul rgyas par stan pa yin la/ rang rig sgrub pa'i gzhung rnams
kyi bsdu ba ni/ skabs de nyid du bshad par bya zhing/ blo tshul
gnyis su sgrub pa'i gzhung rnams kyi bsdu ba 'dir bshad par bya
ste/ de la yang gzhan lugs dgag pa dang/

rang lugs bzhag pa gnyis/ dang po ni/ TIk byed gzhan dag na re/
yul rnams las ni byung ba yi/ de tshe blo don med can 'gyur zhes
pa'i bar ni/ slob dpon phyogs kyi glang po'i gzhung gis ma bstan
pa'i chos grags rang nyid kyi

@153a @#/ /rigs pas tshul gnyis sgrub pa yin la/ de yang/ de med
par na de ma 'gyur/ zhes pa'i bar gyis gzung don rang mtshan dang
ldan pa'i shes pa la tshul gnyis sgrub pa'i rigs pa ston pa yin
cing/ de'i mjug thogs

kyi gzhung lhag ma dag gis ni gzung don rang mtshan dang mi ldan
pa'i shes pa la tshul gnyis sgrub pa'i rigs pa stan pa yin no/
zhes zer ro/ /de ni mi 'thad de/ de med par ni de mi 'gyur zhes
pa yan chad kyis/ gzung don rang mtshan dang

ldan pa shes pa la/ tshul gnyis yod par sgrub pa'i rigs pa bstan
na/ gzhung 'di dag gis ni dbang shes kyi rkyen gsum ka rgyu yin
par mtshungs kyang/ yul gyi rnam par skye'i rkyen gzhan gnyis kyi
rnam par mi skye zhing/ dmigs

rkyen de nyid kyi rnam pa shar ba'i cha nas yul du 'dod kyi/
rnam pa ma shar na dbang shes kyi yul du mi 'gyur ro/ zhes pa
tsam zhig dpe dang bcas te bstan gyi/ rigs pa gzhan gang yang ma
bstan pas/ dbang shes la rnam pa shar

te/ de'i yul yin pa'i phyir/ zhes pa nyid gzhung de dag gis
bstan pa'i rigs par 'dod dgos na'ang/ dbang shes la yul gyi rnam
pa ma shar bar 'dod pa'i rgol ba'i ngor/ de 'dra rigs pa yang
dag yin na/ sgra rtag par

'dod pa'i rgol ba'i ngor/ dung sgra chos can/ mi rtag ste/ sgra
yin pa'i phyir/ zhes pa'ang rigs pa yang dag yin pa dgag tu med
do/ /don dang ldan pa'i sems la ni/ zhes pa nas/ de tshe blo don
med can 'gyur/ zhes pa'i bar

@153b mtha' dag gzung don rang mtshan dang ma ldan pa'i shes pa
la tshul gnyis sgrub pa'i rigs pa ston pa'i gzhung yin na/ rnam
pa 'di 'dra'i shes pa ni/ zhes pa man chad dran pa rnam ldan yin
pa'i rtags kyis dran shes des dran pa'i gzung don rang

mtshan dang ldan pa'i shes pa rnam ldan du sgrub pa'i rigs pa la
khyed rang TIk byed thams cad kyis kyang sbyar ba dang dngos su
'gal la/ /paNDi ta kha cig/ yul shes pa zhes pa la brten nas
tshul gnyis sgrub pa dang/ de shes zhes pa la brten nas

tshul gnyis su sgrub pa zhes so sor phral nas so sor 'chad do/
/zhes zer mod/ yul shes pa dang de shes pa'i/ /dbye bas blo'i
tshal gnyis nyid/ ces pa'i rang 'grel du/ de gnyis so sor ma
phral bar rigs pa gcig la sbyar ba dang 'gal

lo/ /yang bod kha cig na re/ nges par blo dang lhan cig tu/ zhes
pa nas/ lhan cig myong ba'i nges pas 'grub ces pa'i bar ni phyi
rol gyi don khas blangs pa la brten pa'i rigs pa yin no/ /'di
nyid slob dpon lha dbang blo'i yang dgongs

pa yin te/ de nyid kyi 'grel ba las/ nges par blo dang lhan cig
tu zhes pa'i 'tshams sbyar du/ de de ltar na yul shes pa zhes bya
ba la sogs pa bshad pa'i phyir/ nges par blo dang bcas pa ni/
zhes bya ba la sogs pas bdag nyid

kyi rig pa gzhan gyis ston par mdzad do/ /zhes bshad pas/ yul
shes de'i shes pa yi/ zhes sogs kyi/ mdo'i tshig don khas blangs
pa la brten nas 'grel ba'i gzhung/ yul rnams las ni byung pa yi/
zhes sogs yin

@154a @#/ /par de nyid du gong du bshad cing/ gzhung 'di dag de'i
rgyas bshad du bshad pas so/ /zhes zer ro/ /'di ni gzhung 'di
dag gis/ phyi rol gyi don gzhung btsugs nas bkag pa la dngos su
bsnyon par byed pa yin

cing/ slob dpon phyogs glang gis gzhung gis bstan pa'i rigs pa'i
rgyas bshad du smras pa dang/ slob dpon phyogs glang gi gzhung
gis bstan pa las gzhan pa'i slob dpon bdag nyid kyi rigs par
smras pa'ang rang tshig 'gal

ba yin no/ /lugs 'di'i rjes su 'brangs nas bod kyi TIk byed kha
cig kyang/ 'di dag don khas blangs pa la brten pa'i rigs pa yin
zhing/ de yang sngon po dang sngo 'dzin dbang shes rdzas tha dad
ma yin par sgrub pa'i lhan cig dmigs

nges ma yin gyi/ sngon po'i rnam pa dang sngo 'dzin gyi rnam pa
rdzas tha dad 'gag pa'i lhan cig dmigs nges yin no zhes zer ro/
/de ltar na gzung rnam dang 'dzin rnam rdzas tha dad bkag pa la
med du rgyu 'bras ma yin par thal ba'i rtsod

pa 'ong don med cing/ de gnyis rdzas tha dad bkag pa tsam gyis
blo tshul gnyis su ji ltar 'grub/ shes pa rnam med du 'dod pa dag
kyang de gnyis rdzas tha dad du khas mi len te/ ri bong gi rVa
dang/ mo gsham gyi bu rdzas tha dad yin par

khas len pa'i rgol ba nam su'ang med do/ /ci ste de gnyis rdzas
gcig tu sgrub pa yin no zhe na/ de gnyis rdzas gcig tu grub na/
blo tshul gnyis su grub pa bden mod/ shes pa rnam med du 'dod
pa'i rgol ba'i ngor/ de 'dra'i rtags

@154b bkod kyang/ bsgrub bya chos can du bzung nas de'i khyad
chos sgrub pa'i rtags su 'gyur bas/ 'god pa po blun par ston
pa'i rnam gzhag yin la/ phyi rgol gyis chos can tshad mas ma grub
pa'i sgrub rtags yang dag mi srid do/ /yang lha dbang

blo na re/ nye ring la sogs khyad par gyis/ zhes par ma sleb kyi
bar gyi gzhung mtha' dag phyi rol gyi don khas blangs pa la
brten pa'i rnam gzhag yin la/ de nas lhag ma blo ngan lugs ngan
yin ces pa'i bar ni/ phyi rol gyi don med pa'i phyogs khas
blangs pa'i rigs pa yin no/ /zhes zer te/ gzhung de'i 'tshams
sbyar du/ da ni phyi rol gyi don nyid yod pa ma yin gyi/ 'on
kyang blo nyid gzung ba dang 'dzin pa'i rnam par skyes bar snang
ba yin no/ zhes bshad par bya ba'i phyir/ nye ring

la sogs khyad par gyi/ zhes bya ba la sogs pa smos te/ zhes
bshad pas so/ /bod kyi TIk byed kha cig/ 'di'i rjes su 'brangs
mod kyi/ de dag ni ches mi 'thad de/ rags pa de'i don bsdur/ de
phyir don brten skyes gyur ba'i/ /myong ba ji

lta'i rgyu bzhin du/ /rnam pa tha dad 'dzin byed de/ zhes sngo
snang dbang shes sogs don las skyes pa'i dbang gis/ don gyi rnam
pa shar ba yin par bshad pa dang 'gal ba'i phyir dang/ phra rdul
du ma tha dad mthong/ /mi mthong tha dad gang las

yin/ zhes rdul phra rags la gsal bar mthong mi mthong gi khyad
par shes pa la rnam pa shar ba'i dbang gis 'thad par bshad pa
dang 'gal ba'i phyir te/ rdul phra rags khas len pa'i rnam rig
pa ngo mtshar ro/ /de bas na slob dpon

@155a @#/ /gyi gzhung dag bzlog ste 'chad par yid dam khas blangs
pa min na legs so/ /bod kyi TIk byed mang po dag la ni phyi rol
gyi don khas blangs pa dang ma blangs pa'i skabs 'byed pa tsam
gyi rnam dbye yang lta ci smos/ snga phyi 'brel

ba med pa'i bsdus don 'ba' zhig gi gzhung gis rnam par bcad nas/
rigs pa mtha' dag 'bru'i phung po gtor ba ltar blo yul du ston
par byed mod 'dir se'u bcu ba'i tshig la zlos gar byed pa ma yin
pas/ de dag gi lugs rnam par dgod pa ma byas

so/ /de ni gnyis pa rang gi lugs bshad par bya ste/ de yang
sngar ji skad bshad pa ltar bye brag smra ba man chad chos kyi
bdag med dngos su bstan pa'i snod du mi rung ba dag gi ngor rnam
rig pa'i grub pa'i mtha' la brten te/ gzung 'dzin gnyis

su med pa'i tshul ston par mi byed kyi/ re shig mdo sde ba'i grub
pa'i mtha' la brten te/ phyi rol gyi don khas blangs pa'i dbang
du byas nas mngon mtho dang nges legs thabs dang bcas pa ston
par byed pa yin no/ /de'i phyir sngar tshad ma'i dbye ba

dang/ gzhal bya dang/ 'bras bu'i rtog pa 'chad pa'i skabs thams
cad du'ang phyi rol gyi don khas blangs pa dang ma blangs pa'i
dbang du byas pa'i tshul gnyis gnyis bshad pa yin la/ de ltar
phyi rol gyi don khas blangs pa'i dbang du byas

pa'i tshad ma dang gzhal bya'i rnam par bzhag pa ji tsam zhig
bshad pa de thams cad kyang blo tshul gnyis dang rang rig yod par
ma grub na gzhag tu med pas de'i phyir/ phyi don khas blangs
pa'i dbang du byas pa'i blo tshul gnyis sgrub pa'i

@155b rigs pa rgyas par ston par byed cing/ 'on kyang rnam rig
pa rang gi rigs pas blo tshul gnyis bsgrub par ma nus na/ grub
pa'i mtha' de nyid kyi rnam par bzhag pa ji tsam zhig byas pa
thams cad kyang nam mkha'i me tog gi phreng ba rgyus pa dang

mtshungs par 'gyur bas/ de'i phyir/ phyi don bkag pa'i sgo nas
blo tshul gnyis su sgrub pa'i rigs pa dag kyang ston par byed do/
/de yang tshad ma mdor/ yul shes de'i shes pa yi/ /dbye bas blo'i
tshul gnyis nyid/ ces pa dang/ dus phyis

dran pa las kyang ste/ gang phyir ma myong bar 'di med/ ces pa'i
blo tshul gnyis su sgrub pa'i rigs pa gnyis gsungs pa las/ rkang
ba dang po gnyis kyi don 'grel ba'i dbang du byas nas/ phyi don
khas blangs ste/ blo tshul gnyis su sgrub pa'i sgrub

byed kyi rigs pa ston pa ni/ yul rnams las ni byung ba yi/ zhes
pa nas/ shes pa phyi ma phyi ma min/ zhes pa'i bar ro/ /phyi don
dgag pa'i sgo nas blo tshul gnyis su sgrub pa'i tshul rtsod spang
dang bcas pa ston pa ni/ nges par blo dang

lhan cig tu/ zhes pa nas/ lhan cig myong ba'i nges pas 'grub/
ces pa'i bar ro/ /phyi don khas blangs te blo tshul gnyis ma yin
pa la gnod byed bstan pa ni/ dbang po'i khyad par gyis gsal
dang/ zhes pa nas/ 'dir yang skyon ni

sngar bzhin no/ /zhes pa'i bar ro/ /tshad ma mdo'i rigs pa gnyis
pa'i don 'chad pa na/ de bdag nyid kyis myong ba la/ zhes pa
nas/ cho sogs bzhin zhes pa'i bar ro/ /de yang/ yul rnams las ni
byung ba yi/ zhes pa nas/ de med

@156a @#/ /par ni de mi 'gyur/ zhes pa'i bar ni/ gzhan rig mngon
sum yul gyi rnam ldan du skye'o/ /zhes pa'i dam bca' ston pa'i
tshig yin zhing/ dam bca' de nyid sgrub pa na tshul ji ltar sgrub
pa ni/ tshad ma mdor/ yul shes

de'i shes pa yi/ /dbye bas blo'i tshul gnyis nyid/ ces gsungs pa
la/ yul shes zhes pa gzhan rig mngon sum de dang shes pa ni/
gzhan rig mngon sum dran pa'i shes pa la zer zhing/ de'i dbye
bas blo tshul gnyis su'ang 'grub

ces pa'i don ni/ shes pa thams cad phyi rgol gyis rnam med du
'dod pa la khyad med kyang/ mngon sum las dran shes rnam ldan
du
sgrub pa sla bas dang por dran shes yul gyi rnam ldan du bsgrubs
nas/ de grub pa na/ de'i rtags

kyis mngon sum yang yul gyi rnam ldan du sgrub pa yin no/ /des
na/ don dang ldan pa'i sems la ni/ don rnams med par dgos na
yang/ zhes pas gzhan rig mngon sum dang/ dran shes gnyis rnam
med du 'dzin pa'i dogs

pa dran shes la gcod sla bas/ dang por dran shes rnam ldan du
sgrub pa yin no/ /zhes dran shes rnam ldan du dang por sgrub
pa'i 'brel bstan te/ mdor na/ mngon sum rnam ldan du sgrub pa'i
phyir du dran shes rnam ldan du sgrub pa

yin zhing/ de nyid sgrub pa'i tshul/ de tshe blo don med can
'gyur/ zhes pa yan chad kyis ston par byed do/ /dran shes rnam
ldan du grub pa na/ de'i rtags kyis gzhan rig mngon sum rnam
ldan du sgrub pa'i rigs pa dngos/ nyams myong

@156b rnam shes de yang ni/ zhes pa nas/ shes pa phyi ma phyi ma
min/ zhes pa'i bar gyis ston par byed do/ /gnyis pa gzhung don
bshad pa dngos la 'jug pa la/ phyi rol gyi don khas blangs nas
dran pa yul gyi rnam ldan yin pa'i rtags kyis blo

tshul gnyis su sgrub/ phyi don bkag pa'i sgo nas blo tshul gnyis
su sgrub pa'i rigs pa rgyas par bstan/ phyi don khas blangs nas
blo rnam med du 'dod pa la gnod byed rgyas par bstan/ slar yang
dran pa myong ba'i rjes su 'brang

ba'i rtags kyis tshul gnyis sgrub pa'o/ /dang po la gzhan rig
mngon sum yul gyi rnam ldan yin pa'i dam bca' dgod/ dran shes
yul gyi rnam ldan du sgrub pa'i rigs pa dang por bstan/ dran
shes yul gyi rnam ldan yin

pa'i rtags kyis gzhan rig mngon sum yul gyi rnam ldan du sgrub
pa'o/ /dang po ni/ sngo ser sogs yul rnams las ni byung ba yi/
dbang po'i rnam par shes pa thams cad dag yul de las gzhan dbang
yid sogs rgyur yod

pa yin na yang rten 'brel gyi rnam pa 'gas yul gyi rnam par
'gyur gyi/ dbang yid kyi rnam par skye ba ma yin te/ dper na/
zas dang dus la sogs pa bu skye ba'i rgyu yin yang bu de ni pha
ma gang rung gcig gi gzugs 'dzin par

'gyur gyi zas la sogs pa gzhan 'ga'i rnam par skye ba ma yin no/
/des na sngon po de las gzhan dbang yid dang yul sngon po dag
ni/ sngo 'dzin mig shes de'i rgyu nyid du mtshungs na yang/ sngon
po de'i rnam par skyes pa'i cha

@157a @#/ /nas sngon po de sngo 'dzin mig shes kyi dngos yul nyid
yin par 'dod de/ sngon po'i rnam par shar ba de med par ni sngon
po sngo 'dzin mig shes kyi dngos yul der mi 'gyur ro/ /gnyis pa
dran shes yul gyi rnam ldan

du sgrub pa'i rigs pa dang por bstan pa la/ 'brel dgod/ rigs pa
dngos bstan/ dogs spong dgag pa dang gsum/ dang po ni/ gzung don
rang mtshan dang ldan pa'i sems la ni/ gzung don gyi rnam pa med
par 'dzin pa'i don pa shes chen yang/ gzung don rang mtshan med
pa'i shes pa la/ de'i dogs

pa shes chung bas rnam ldan du sgrub pa sla ba'i phyir/ dran
shes yul gyi rnam ldan du dang por bsgrubs nas/ de'i rtags kyis
gzung don rang mtshan dang ldan pa'i shes pa yul gyi rnam ldan
du
sgrub par byed pa yin pas dran shes

yul gyi rnam ldan du sgrub pa'i tshul dang por 'chad do/ /gnyis
pa ni/ sngon po dran pa'i blo chos can/ khyod sngon po'i rnam
ldan yin te/ gang dus na 'das pa'i don sngon po 'dzin pa'i shes
pa yin pa'i phyir/ khyab pa yod de/ rang dus

na 'das pa'i don rnam med du 'dzin na/ thug phrad du 'dzin dgos
shing/ de lta na rang dus na yod dgos pas rang dus na 'das pa'i
don rang dus na yod par 'gyur ba'i phyir/ des na de lta bu'i blo
la gzung rnam dang 'dzin rnam gyi

tshul gnyis yod par grub cing/ de'i phyir/ rang rig kyang yod par
grub pa yin no/ /gsum pa la bye brag pa'i dogs spong dgag pa ni/
gal te rang dus na 'das pa'i don dran pa'i shes pa la gzung don
rang mtshan med pa

@157b ma yin te/ sngon po dran pa'i shes pa'i dus na sngon po
med kyang/ sngon po'i rigs rtag dngos yod cing/ de nyid sngon po
dran pa'i shes pa'i gzung don no zhe na/ sngo ser sogs dran pa'i
shes pa chos can/ sngo ser sogs kyi rigs don gzhan khyod kyis
gzung

don du yod pa ma yin te/ khyod la rang yul sngo ser sogs kha dog
tha dad pa can du snang ba'i phyir/ khyab ste/ rigs rtags dngos
po kha dog dang ldan pa min pa'i phyir/ gzhan yang sngo ser sogs
kyi rigs don gzhan de yang khyod kyi lugs

la mi rtag par mi 'gyur te/ khyod kyis rigs thams cad rtag par
khas blangs pa'i phyir/ rtag na'ang sngo ser sogs 'dzin pa'i
dran shes kyi gzung don du gyur ba'i sgo nas ji ltar yang dran
shes de skyed byed yin te/ yin par mi 'thad do/ /

bye brag smra ba'i skyon spong dgag pa ni/ bye brag smra ba na
re/ ming sogs ldan pa ma yin pa'i 'du byed sngon po dran pa'i
shes pa'i gzung don no zhe na/ de 'dra'i ming sogs gzung don
rang mtshan yin pa rigs pa yang dag gis sngar

bkag zin pa'i phyir mi 'thad do/ /de dag las gzhan pa'i skyon
spong dgag pa ni/ gal te ming dang rigs sogs gzung don ma yin
kyang/ spyir dran shes la gzung don yod pa ci 'gal zhe na/ rang
dus na 'das pa dran pa'i tshul

'di chos can/ gzung don dang ldan pa ma yin te/ gzung don gyis
dran pa'i nus paj grub pa ma yin pa'i phyir/ der thal/ 'dod pa
tsam dang rjes su 'brel ba'i phyir/ gal te sngo 'dzin mig shes
kyi rjes su skyes pa'i sngon po dran pa'i

@158a @#/ /shes pa de nyid la/ sngon po'i rnam pa ma shar na
sngon po thug phrad du 'dzin dgos pas/ sngon po'i rnam pa shar
ba bden yang/ rnam pa de nyid gtod byed kyi gzung don rang
mtshan
med pa mi 'thad de/ sngon po dran pa'i

rnam pa 'di 'dra'i shes pa ni sngar sngon 'dzin mig shes kyis
mthong ba'i sngon po de dran pa yin zhing/ de yang sngo 'dzin
mig shes kyis myong ba'i sngon po de las byung ba yin no/ /des
na de lta bu'i dran shes de yang gzung don gyis gtad

pa'i rnam pas stong na sngar sngo 'dzin mig shes kyis mthong
ba'i sngon po de dran shes de'i gzung don ma yin par 'gyur
zhing/ de de'i gzung don ma yin na/ sngo 'dzin mig shes de ni ji
ltar de ni ji ltar na/ sngon po de gzung don

dang ldan par 'gyur te/ ldan pa mi 'thad do/ /de'i rgyu mtshan
sngo 'dzin mig shes dang sngon po dran pa'i shes pa gnyis ka
yang/ rang yul du gyur pa'i sngon po las skyes par 'dra ba'i
phyir zhe na/ gang dag gzung 'di rang gzhung

du byas nas dran pa'i rtags kyis gzung don rang mtshan dang ldan
pa'i shes pa rnam ldan du sgrub pa'i rigs pa la sbyor ba dag la
ni/ gzhung phyi ma dag ma 'brel bzhin du sbrel bar byed dgos
shing/ de yang yang dag dran

las grub ces sogs kyi skabs nas bstan pa'i rigs pa dag dang
bzlos par 'gyur ba sogs skyon mang po bshad du yod do/ /de'i
phyir 'di nyid gzhan gzhung la sbyor ba shin tu 'brel zhing/
rgyan mkhan pos kyang/

@158b gzhan gzhung du gsal bar bshad de/ brgyan las rnam pa 'di
'dra'i shes pa ni/ dran yin de yang myong las byung/ /de yang
don rnam ston na de/ /de ni ji ltar de ltar 'gyur/ nyams su
myong ba las skye ba'i dran pa don med par 'gyur

ba ji ltar sngon po la sogs pa'i rnam pa dang lhan cig pa'i
'gyur/ de'i rnam pa can gyi dran pa ni/ de'i phyir don nyid las
'byung ngo/ /zhe na/ de la bshad pa/ de tshe med phyir don las
min/ de ltar myong la'ang de 'gyur ro/ /zhes gsungs

pas so/ /des na kho bos ni rgyan gyi dgongs pa bzhin du dbyis
phyin par bshad pa yin no/ /de'i lan ni/ sngon 'dzin mig shes
las skyes pa'i sngon po dran pa'i blo chos can/ sngo 'dzin mig
shes kyi gzung don du gyur ba'i sngon po de rang gi

gzung don du yod pa las skyes pa ma yin par thal/ rang gi de ma
thag rkyen du gyur ba'i sngo 'dzin mig shes kyi khyod skyed pa'i
bya ba byed pa de'i tshe de 'dra'i sngon po med pa'i phyir te/
sngo 'dzin mig shes kyi dus na 'gags pas so/ /sngon

po las skyes pas sngon po'i rnam pa dang ldan pa de ltar 'gyur
na/ myong ba sngo 'dzin mig shes la'ang sngon po'i rnam pa shar
ba der 'gyur ro/ /gzhan yang dran pa'i rnam pa de ni gzung don
gyis dngos su bzhag pa min te/ gsal ba'i

rnam pas dben pa'i phyir ro/ /gal te rnam pa de ni/ dran shes de
las rdzas tha dad pa'i phyir/ dran shes la shar ba'i rnam pa de
nyid dran shes de'i gzung don no zhe na/ de ltar na rnam pa de
phyi rol gyi don du 'gyur bas rung yul der

@159a @#/ /gnas pa'i skyes bu gzhan gyis kyang/ dran pa po'i
skyes bu de bzhin du rtogs par 'gyur ro/ /gal te dran pa po'i
skyes bu bdag nyid kyi rgyud la rtag tu 'brel ba'i rdzas yin pas
nang gi don yin pa'i phyir/ gzhan gyis mi rtogs

te dper na mig gi dbang po'i gzugs bzhin no/ /zhe na/ 'o na shes
bya chos can/ sngon po dran pa'i skyes bu des kho bos sngon po
dran no zhes brjod kyang/ gang zag gzhan gyis rtogs par mi 'gyur
ba ste/ gang zag gzhan gyi shes pa la sgra la brten nas

sngon po'i rnam pa 'char mi srid par thal/ /sngon po'i rnam pa
de sngon po dran pa'i skyes bu bdag nyid kho na'i rgyud dang
'brel ba'i phyir/ gzhan dag gis sngon po'i rnam pa brjod kyang
rtogs par mi 'gyur ro/ /zhes pa ma gtogs sbyor ma shes pas rigs

pa'i phyogs su ma phyin to/ /gal te 'chad pa po dang nyan pa
po'i shes pa gnyi ga yang sngon no zhes pa'i sgra'i brjod bya
shes pa rang nyid las rdzas tha dad pa'i sngon po'i rnam pa re
re dag dang/ yul yul can du 'brel bar 'dod na ni don sngon po
gcig

la thun mong du mngon par zhen pa'i bdag nyid can 'chad pa po
dang/ nyan pa po'i sems dag gi yul sngon po de gcig yin par
'tshams sbyor bar ni mi 'gyur ro/ /gnyi ga'i 'ang gzung don phan
tshun rdzas tha dad pa'i phyir/ gal te 'chad pa po'i

sems kyi gzung don du gyur ba'i sngon po'i rnam pa dang/ nyan pa
po'i sems kyi gzhung don du gyur ba'i sngon po'i rnam pa de
gnyis/ rdzas tha dad kyang/ rigs 'du ba las gcig par tha snyad
'dogs pa'i 'jig rten na yod pa yin no zhe na/ 'chang ba

@159b po'i sems kyis rang gi gzung don nyan po'i sems kyi gzung
don dang 'dra bas gcig tu zhen cing/ nyan pa po'i sems kyis
kyang de bzhin du zhen na/ gnyi ga la'ang gnyi ga'i gzung don
phan tshun snang dgos na'ang/ de ltar snang ba min te/ 'chad pa
po'i sems

kyi gzung don nyan pa po'i sems kyi gzung don las rdzas tha dad
pa'i bdag nyid yin pa'i phyir/ nyan pa po'i sems kyis ji ltar
gzung ste/ gzung ba mi 'thad cing/ nyan pa po'i sems kyi gzung
don yang 'chad pa po'i sems kyi gzhung don las rdzas tha dad
pa'i

bdag nyid yin pa'i phyir/ 'chad pa po'i sems kyis ji ltar bzung
ste bzung ba mi 'thad pas so/ /sngar bshad rnams kyis grub pa
don bsdu ba ni/ ji skad bshad pa'i rigs pa rnams kyis rigs dang/
ming sogs dang/ myong ba snga ma'i dmigs rkyen

dang/ rang la shar ba'i rnam pa sogs gang yang dran shes kyi
gzung don yin pa mi 'thad pa de'i tshe rang dus na 'das pa'i don
dran pa'i blo gzung don med pa can du 'gyur ba 'thad pa yin no/
/rgyan mkhan po ni rnam pa gzung don yin pa mi 'thad pa

de'i tshe/ mi bden pa brjod pa'i brdzun tshig las de'i don la rtog
pa'i blo la rnam pa shar yang/ gzung don med pa can du 'gyur
bas/ gzung don med pa'i lbo rnam ldan du legs par grub po/ zhes
'chad do/ /gsum pa dran shes yul gyi

rnam ldan yin pa'i rtags kyis gzhan rig mngon sum yul gyi rnam
ldan du sgrub pa ni/ 'og nas 'chad ma thag pa'i gzhung rnams kyi
bsdus pa'i don ni 'di yin te/ sngar bshad pa'i rigs pas dran pa
yul gyi rnam ldan du sgrub pa na/

@160a @#/ /sngo 'dzin mig shes dran pa'i shes pa la sngo 'dzin
mig shes kyi rnam pa 'char bar grub cing/ de la yang 'char tshul
gnyis las mi 'da' ste/ sngo 'dzin mig shes sngon po'i rnam ldan
du skyes pa'i sngon po'i rnam pa 'char ba dang/ sngo

'dzin mig shes kyi myong pa gsal rig tsam gyi rnam pa 'char
ba'o/ /de yang sngo 'dzin mig shes la sngon po'i rnam pa ma shar
na/ sngo 'dzin mig shes dran pa'i dran shes la sngon po'i rnam
par skyes pa'i rnam pa 'char mi srid pas/ myong ba gsal rig tsam

kho na'i rnam pa 'char dgos la/ de ltar na sngo 'dzin mig shes
dran pa'i blo de nyid dran pa'i shes pa la/ sngo 'dzin mig shes
dran pa'i rnam pa 'char ba na'ang gzung rnam gyi cha'i rnam pa
'char rgyu med par myong ba gsal rig tsam gyi

rnam pa 'char dgos pas sngo 'dzin mig shes dran pa'i blo de nyid
dran pa'i shes pas sngo 'dzin mig shes dang/ sngo 'dzin mig shes
dang/ sngo 'dzin mig shes dran pa'i blo so sor mi phyed par
'gyur ro/ /de bas na sngo 'dzin mig shes dran pa'i shes pa la
ngon po'i

rnam pa yang shar zhing sngon po mthong pa'i gzung rnam gyi
rnam
yang shar ba'i sgo nas sngo 'dzin mig shes dran dgos pa'i phyir/
sngo 'dzin mig shes la sngon po'i rnam pa shar bar grub po/ zhes
pa'o/ /da ni tshig don bshad par bya ste/ sngon po

nyams su myong ba'i rnam shes de yang ni/ gzung rnam dang 'dzin
rnam gyi cha gnyis la ni brten par gyur pa min par rang las
gzung pa'i rnam pa gcig gis lhag pas khyad par du byas pa can
gyi rnam shes de dran pa'i shes pas dmigs par 'gyur

@160b ro/ /de las gzhan du sngo 'dzin mig shes de sngon po'i
rnam pa can min na/ ci ltar/ sngo 'dzin mig shes dran pa'i shes
pa la sngon po mthong ba'i gzung rnam gyi rnam par gnas par
'gyur te sngo 'dzin mig shes dran pa'i shes pas sngo 'dzin mig
shes de

sngon pos khyad par du byas nas dran par mi 'thad do/ /rnam pa
gcig gis khyad par can/ /de shes pa yi dmigs par 'gyur/ zhes
smras pa de'i don ji lta bu zhe na/ de'i don ni 'di ltar sngo
'dzin mig shes dang/ dran shes de dran pa'i shes pa

dag phyir phyi ma phyi ma'i shes pa la/ snga ma snga ma'i shes
pa las gzung rnam gcig gis lhag pa nyid yin te/ shes pa gnyis pa
sngo 'dzin mig shes dran pa'i blo de ni don dam yul gyi ngo bos
sngon po'i rnam pa dang/ sngo 'dzin mig shes kyi rnam

pa ste/ gzung rnam gnyis dang bdag gi ngo bos 'dzin pa'i rnam pa
ste/ rnam pa 'ga' zhig can dus gsum pa'i shes pa dran shes de
nyid dran pa'i blo yis ni rtogs par 'gyur ro/ /des na shes pa
gsum pa ni/ gzung rnam gsum dang/ rang

gi ngo bor gyur ba'i 'dzin rnam ste rnam pa gzhi pa can yin no/
/gal te sngo 'dzin mig shes de don sngon po'i 'bras bu yin pa
nyid kyis sngo 'dzin mig shes de dran pa na don sngon po yang
dran pa yin pa'i phyir na/ 'khrul pa yis sngo 'dzin mig shes

sngon po'i rnam ldan lta bur dran pa yin no snyam du bsreb pa
yin gyi/ sngo 'dzin mig shes sngon po'i rnam ldan du skyes nas/
dran shes kyis de ltar dran pa ma yin no zhe na/ 'o na mig shes
de'i rgyu snang ba dang/ dbang po dang/ yid byed la'ang tshul

@161a @#/ /der 'gyur ro/ /gzhan yang sngon po'i 'bras bu yin pa'i
rgyu mtshan gyis/ kho dran pa na sngon po'ang dran dgos na de
bzhin du 'bras bu thams cad kyang rgyu dang lhan cig 'dzin dgos
par 'gyur zhing/ de'i phyir rdza mkhan la

sogs pa dran pa med par rdza'i bum pa dran par mi 'gyur ro/ /gal
te dbang po'i shes pa la don gyis byas pa'i khyad par dbang yid
sogs kyis ma byas pa dag yod pas don dang lhan cig tu dran no
zhe na/ don gyis byas pa'i khyad par gang las

dbang po'i shes pa ni don dang lhan cig tu 'dra ba bstan pa de/
shes pa don dang 'dra ba las gzhan cir yang 'gyur ba mi 'thad
de/ mtshe ma spun dang mig 'phrul mkhan gyi sgo nga sogs la 'dra
bas gcig tu bsre ba mthong zhing/ mi 'dra ba dag

gcig tu 'khrul ba ma mthong ba'i phyir ro/ /gzhan yang shes pa
dang po sngo snang shes pa'i rang bzhin gzung rnam dang 'dzin
rnam gyi cha gnyis pa can min par myong ba gsal rig tsam du gnas
na mig shes de dran pa'i blo la yul gyi gzung

rnam 'char rgyu med pas shes pa gnyis pa sngo 'dzin mig shes
dran pa'i shes pa de yang myong ba gsal rig tsam gyi rang bzhin
gcig pu la ni rnam par gnas par 'gyur la/ de lta na dran shes de
nyid nges par 'dzin cing dran pa'i sems

kyi sngo 'dzin mig shes dang/ de dran pa'i blo gnyis so sor
'byed nus par 'gyur ba ma yin par thal/ de gnyis ka'ang myong ba
gsal rig tsam du gnas kyi de las gzhan pa'i rnam pa tha dad pa
med pa'i phyir/ de yan chad kyis sngo

@161b 'dzin mig shes dran pa'i blos sngo 'dzin mig shes yul gyi
rnam ldan du ji ltar dmigs pa'i tshul bzlog pa la gnod byed dang
bcas pa bstan nas/ rtags 'god pa ni/ shes bya chos can/ dran
shes kyi mdun na'am sngon na gnas par 'gyur ba'i sngo

'dzin dbang blo de sngo sogs kyi rnam pa'i ngo bor grub ste/
sngo 'dzin don sngon po dang lhan cig tu bsre ba'i bya ba dang
'brel ba can/ blo gnyis pa dran shes dang po des ni sngo 'dzin
dbang shes dran pa na/ sngon po'i rnam pa can du dmigs pa'i tshul
gyi dran par

'gyur dgos pa'i phyir/ shes pa la rnam pa snang ba las gzhan du
na/ yul gang yin thug phrad du 'dzin dgos par 'gyur la/ de lta
na/ don gyis rang 'dzin shes pa brgyud nas skyes pa mi srid pas
dran shes sogs don las ma byung bar 'gyur zhing/ des

na shes pa dang po sngo 'dzin gcig pu nyid don dang 'brel bar
dran par 'gyur gyi/ snga ma'i don dang/ dran shes 'brel bar
mthong ba med pa ste/ sngo 'dzin mig shes dran pa'i shes pa dran
pa na/ sngo 'dzin mig shes kyi gzung don du gyur pa'i sngon pos
khyad

par du byas nas dran pa mi 'thad par thal/ sngo 'dzin mig shes
gcig pu don sngon po las byung zhing de dran pa sogs shes pa
phyi ma phyi ma rnams don sngon po de las byung ba min pa'i
phyir/ gnyis pa phyi don bkag pa'i sgo nas blo tshul gnyis sgrub

pa'i rigs pa rgyas par bstan pa la/ phyi don bkag nas tshul gnyis
sgrub pa dngos/ zhar la phyi don yod pa'i sgrub byed dgag /phyi
don bkag pa'i don la rtsod pa spang/ 'on kyang mdo dang 'gal ba
med par bstan pa'o/ /dang po la rtags dgod pa ni/

@162a @#/ /yul sngon po ni chos can/ sngo 'dzin mig shes de las
rdzas gzhan nyid du rigs pa'i rnam pa gang gis kyang 'grub par
'gyur ba mi 'thad de/ nges par sngo 'dzin dbang blo dang lhan
cig tu cig car du ni myong bar 'gyur bas

khyab pa'i phyir/ rdzas gzhan du med na mig shes la sngon po
rgyangs chad du snang ba ci zhe na/ gnyis snang 'khrul ba'i bag
chags kyis bslad pa'i dbang gis yin te/ dper na/ rnam shes
'khrul pas zla ba gnyis med par zla ba tha

dad pa gnyis su mthong ba bzhin no/ /'di nyid lhan cig dmigs
nges kyi rtags kyi mthun dper 'dod pa dag gis ni/ zla ba gnyis
dang zla ba gnyis snang dbang shes lhan cig dmigs nges su 'dod
dgos te/ mthun dpe rtags kyis

stong ba'i rtags yang dag mi srid pa'i phyir ro/ /des na zla
gnyis tshad mas grub par 'dod dgos pas rang nyid phyugs su ston
par byed do/ /ci ste/ zla gnyis kyi rnam pa dang/ zla ba gnyis
snang dbang shes lhan cig dmigs

nges yin zhing dpe'i skabs su yang de nyid ston pa yin no zhe
na/ de lta na/ tha dad mthong ba bzhin/ zhes pa'ang de nyid la
sbyar dgos pas/ zla ba gnyis snang gi dbang shes la zla gnyis
kyi rnam pa rang las tha dad du snang ba

yod par 'gyur zhing/ de lta na rang nyid las rang nyid tha dad
du snang ba yod par 'gyur te/ zla ba gnyis snang dbang shes kyi
gzung rnam ni zla ba gnyis snang dbang shes nyid la zer ba yin
pas de gnyis la khyad par med

@162b pa'i phyir ro/ /rtsa ba'i rtags kyi ldog khyab sgrub pa
ni/ shes bya chos can/ lhan cig dmigs nges yin na rdzas gzhan ma
yin pas khyab par thal/ sngo ser lta bu rdzas tha dad dag la ni
lhan cig myong ba'i nges pa 'di yod pa ma yin pa'i phyir/ rtsa

ba'i rtags sgrub pa ni/ shes bya chos can/ sngon po dang sngo
'dzin mig shes lhan cig dmigs nges yin te/ sngo 'dzin mig shes
'dzin rnam gyi myong ba med pa de'i tshe/ sngo 'dzin mig shes
kyis don sngon po myong ba 'ga' med cing/ sngo 'dzin

mig shes kyis don sngon po myong ba med pa'i tshe/ myong ba sngo
'dzin mig shes yang 'dzin rnam gyis myong bar 'gyur ba ma mthong
bas khyab pa'i phyir/ rtags des grub pa'i don bsdu ba ni/ des na
sngon po dang sngo 'dzin mig shes sogs

de dag rdzas tha dad ma yin pa de'i phyir shes pa rang gi dus
na/ snang ba'i sngo sogs kyi don ni shes pa las gzhan ma yin pa
chad mas bzlog par rab tu dka' ba nyid yin pas shes pa rnam pa
dang bcas par grub ste sngo 'dzin mig shes la

sngon po rgyangs chad snang bar myong bas grub cing/ phyi rol
du
gyur ba'i sngon po khegs pa na/ sngon po sngo 'dzin mig shes la
rgyangs chad du snang ba de/ phyi rol tu gyur pa'i sngon po ma
yin bzhin du phyi rol tu gyur pa'i sngon po yin pa

lta bu'i rnam pa shar ba tsam du 'grub pa'i phyir ro/ /gnyis pa
zhar la phyi don yod pa'i sgrub byed dgag pa ni/ gal te phyi rol
gyi don med pa mi 'thad de/ mig shes skye ba'i rgyu gzhan dbang
yid dag ni yod pa'i gnas skabs 'ga' zhig

@163a @#/ /gi tshe na yang/ gzugs 'dzin pa'i dbang po'i blo rnams
skye ba med pa'i phyir/ dbang yid las tha dad pa'i mig shes kyi
rgyu ni yod par rjes su dpog nas par 'gyur la/ de yang gzugs las
gzhan pa yod par mi 'thad pas

gzugs nyid dbang yid las tha dad pa'i mig shes gyi rgyu yin par
grub cing/ de ltar na/ gzugs nyid mig shes las rdzas tha dad du
grub pa'i phyir phyi rol gyi don yin par grub po zhe na/ gal te
dbang yid yod kyang mig shes skabs

'gar mi skye ba ni/ mig shes mtshungs pa de ma thag pa'i rkyen
gyi steng na yod pa'i mig shes gzugs kyi rnam ldan du skyed byed
kyi nus pa'i ngo bor gyur pa'i bag chags de nyid sad ma sad las
nges par mi smra na/ dbang yid

yod cing 'gal rkyen med pa'i skabs 'gar mig shes mi skye ba'i
rtogs las gzugs nyid mig shes la gzugs kyi rnam pa gtod byed kyi
rgyu yin par 'grub na yang/ kho bo cag gzugs snang gi bag chags
sad pa'i stobs kyis gzugs kyi

rnam pa 'char bar smra zhing/ de ltar rigs pas grub pa'i phyir/
rtags des gzugs mig shes kyi rgyu yin par mi 'grub po/ /gsum pa
phyi don bkag pa'i don la/ rtsod pa spang ba ni/ gal te phyi rol
gyi don med na/ sa bon las ni myu gu skye ba'i byed

pa po dang/ du ba las sa grub pa zhes pa'i shes byed 'bus rtags
gnas pa gang yin pa de mi 'thad par 'gyur te/ de 'dra rnams ni
phyi rol gyi don la brten pa can yin dgos pa'i phyir ro zhe na/
sa bon dang myu gu me dang du ba la sogs pa de yang

@163b gal te rgyu 'bras de'i ngo bor blo la snang ba de ltar
bskyed bya skyed byed du nges par 'brel ba'i blo'i snang tshul la
brten nas rgyu 'bras su rtogs par byed na/ phyi rol gyi don med
kyang 'gal ba dag ni ci zhig yod ces pa ste/ ngag don ni/ shes
bya chos can/ phyi

rol gyi don med kyang med du rgyu 'bras yin pa mi 'gal te/ phyi
don med kyang me las du ba skye bar snang zhing snang ba ltar
du
grub pa'i blo'i snang tshul la brten nas me du rgyu 'bras yin par
gzhag nus pa'i phyir/ gal te shes pa las phyi rol na yod pa'i
don gyi

grub tshul la brten nas me du sogs rgyu 'bras su mi 'jog par me
las du ba skye bar snang ba'i blo'i snang tshul kho na la brten
nas med du rgyu 'bras su 'jog na/ mer snang dang dur snang kho
na me dur gzhag dgos kyi/ de ma yin pa'i me du gzhag mi nus so/
/de

lta na yang/ mer snang dang dur snang ni bag chags kyis bskyed
par khas blang dgos te/ gal te mtshungs pa de ma thag rkyen las
nges par mi smra na'o/ /zhes sngo snang yang de'i bag chags las
skyes par khas blang dgos pa'i phyir ro/ /des na/ du ba mes
bskyed par

'gyur ba min te/ dur snang nyid du ba yin gyi/ de ma yin pa'i du
ba med cing/ dur snang ni dbang yid dang dur snang gi bag chags
sad pa tsam las skye ba'i phyir/ de'i phyir 'bras bu du ba'i
rtags las rgyu me rtogs pa min par thal lo/ /gal te mar snang
dang/ dur

snang las gzhan pa'i me du med kyang/ mer snang de dur snang gyi
rgyu dag ni yin zhing/ de nyid med du ba'i rgyu yin pa'i don du
'dod na yang/ du ba'i 'bras rtags gang las ma nges par rtogs par
'gyur ba mi 'thad par/ rgyu 'bras kyi go rim

@164a @#/ /'chol bar 'gyur te/ dur snang sngar 'byung zhing mer
snang phyis 'byung ba yod pas du ba rgyu dang me 'bras bur 'gyur
ba'am/ yang na 'bras bu sngar 'byung zhing rgyu phyis 'byung bar
'gyur ro/ /de lta na phyi rol gyi don la ltos pa med par blo'i

snang ba tsam la brten nas med du rgyu 'bras su 'jog pa mi 'thad
do/ /gzhan yang shes pa'i rdzas min pa'i me du med na du bas la
la mi lkog gyur dpog pa ji ltar rung zhe na/ mdo sde ba khyed
rang ltar na/ du ba'i rtags las la la me yod par nges pa'i tshe/

rtags du ba de la brten nas la'i steng du lkog gyur gyi me rang
mtshan dpags par gang las shes/ gal te rtags de la brten nas la
la me yod par nges pa na/ me thob phyir du zhugs pas la'i steng
du btso sreg sogs kyi don byed par nus pa'i me gsal

bar mthong ba'i mngon sum skye zhing de'i phyir sngar du ba'i
rtags las me dpog pa'i tshe/ rtags des lkog gyur gyi me dpags par
grub po zhe na/ phyi rol du gyur pa'i me du khas mi len pa'i
lugs de la'ang du ba'i rtags kyis du ldan la la phyi rol du gyur

ba'i ma nyad dpog pa ma yin mod/ 'on kyang du ldan la la me yod
par sgrub pa la du ba rtags su bkod pa'i tshe/ rtags des du ldan
la la me lkog gyur dpags par song ba'i tshul mdo sde pa khyod
rang smra ba dang mtshungs te/ 'di ltar du ba'i rtags

las la la me yod par nges pa'i tshe/ me mngon sum du mthong ba
med kyang/ de la brten nas me thob phyir du zhugs pa na/ du bar
snang ba'i blo des bag chags gsal bar sad par byas pa can gyi
la'i steng du btso sreg sogs kyi don byed pa'i

@164b mer mngon sum du snang ba'i blo nyid ni skye bar 'gyur
zhing/ blo de la brten na me rtogs pa'am thob par 'gyur ro/ /de
bas na mdo sems gnyis la me du phyi rol gyi don yin par 'dod mi
'dod kyi khyad par yod kyang/ du ldan la la chos can/me yod de/

du ba yod pa'i phyir/ zhes pa'i 'bras rtags 'god tshul la khyad
par med cing/ sems tsam pa'i lugs la shes pa'i bdag nyid ma yin
pa'i me du med kyang 'bras rtags kyis rgol ba rang gi blo'i bdag
nyid du gyur pa'i me mngon gyur dpog pa ma

yin la/ lkog tu gyur ba'i me dpog pa yin pa'i tshul mdo sde ba
dang khyad par med do/ /'dis ni phyogs snga ma'i skabs su shes
pa'i bdag nyid ma yin pa'i me du med na 'bras rtags kyis rgol ba
rang gi shes pa'i bdag nyid du gyur ba'i me dpog dgos

pas/ me mngon gyur dpog par song gi/ lkog tu gyur pa'i me dpog
pa mi 'thad do/ /zhes pa'i 'di'i lan bstan pa yin no/ /ngag don
ni/ shes bya chos can/ shes pa'i rdzas ma yin pa'i me du med
kyang 'bras rtags kyis lkog tu gyur ba'i me dpog

pa 'thad de/ de med kyang du ba'i rtags las la la me yod par
nges pa'i tshe me mngon sum du ma mthong yang/ zhugs pa na/ dur
snang gi mer snang gi bag chags sad par byas te/ me mngon sum du
mthong ba'i blo skyes nas me thob par 'gyur ba

'thad pa'i phyir/ de ni phyi rol gyi don med kyang me du rgyu
'bras su 'gyur pa'i tshul ston pa de/ sems rgyud ces sogs rkang
pa bzhi yin cing/ de'i don ni 'di yin te/ sems tsam pa'i lugs la
me mthong ba'i dbang shes kyi snang yul du gyur ba'i

@165a @#/ /me ni/ dbang shes de dang grub bde dbyer med kyi rdzas
yin te/ gzhan du na/ de gnyis lhan cig dmigs nges su mi 'gyur
ro/ /des na de 'dra'i me de rang 'dzin dbang shes dang rgyu
tshogs gcig las skyes pa yi te/ de dang grub bde dbyer med

kyi rdzas gcig yin pa'i phyir des na dbang shes de ni mer snang
gi bag chags las skyes pa yin zhing/ dbang shes de la snang ba'i
me de yang dbang shes kyi rgyur gyur pa'i mer snang gi bag chags
las skyes pa yin no/ /tshul 'di ni/ dur snang dbang

shes dang/ dur snang dbang shes kyi snang yul du gyur ba'i du ba
gnyis la'ang rigs 'dra ba yin par shes par bya'o/ /de bas na
sems rgyud kyi steng na yod pa'i dur snang gi bag chags las
skyes pa'i me de dur snang dbang shes dang/ dur snang bag

chags las skyes par mtshungs pa'i du ba'i rgyu yin pas/ phyi rol
gyi don med kyang me las du ba skye ba mi 'gal zhes pa'o/ /'o na
dur snang dbang shes yang me'i 'bras bu yin nam zhe na/ de ni
mdo sems gnyi ga'i lugs la 'dod pa yin no/ /

de bas na tshig gi don 'di ltar bshad par bya ste/ sems rgyud kyi
steng na yod pa'i me der snang du rung ba'i bag chags kyi snying
po rgyur yod pa can gyi me nyid dur snang gi bag chags las skyes
pa'i du bar ni snang ba'i blo dang de'i snang yul du 'gyur ba'i

du ba dag gsal zhing skyed par byed pa'i rgyu yin pa des na/
phyi rol gyi don med kyang me las du ba skye ba 'thad pa yin no/
/ngag don yang shes sla'o/ /gzhan dag skabs 'dir dur snang gi
rtags las mer snang gi bag chags gsal bar

@165b sad pa can yin gyi/ mer snang gi blo ma 'ongs pa na 'byung
rung dpag par 'dod pa dag ni rnam par 'khyams pa'i bshad pa ste/
mdo sde bas du ba'i rtags las me dpog pa'i 'bras rtags mi srid
par 'gyur zhes pa'i lan la/ 'di lta bu'i rtags sbyor

'god tshul bshad pa 'brel pa med de/ dur snang gi rtags las mer
snang gi blo ma 'ongs ba na 'byung rung dpog ni nus shing/ gal
te nus na'ang rang bzhin gyi rtags su 'dod dgos pa'i phyir ro/
/dpog mi nus pa'i rgyu mtshan ni/ skabs 'di'i dur snang

dang mer snang zhes pa ni/ dbang shes kyi dbang du byas kyi rtog
pa dang dbang shes yin kyang rtog med log shes kyi dbang du byas
pa ni ma yin no/ /des na dur snang mngon sum gyi rtags las mer
snang mngon sum ma 'ongs pa na 'byung rung dpog nus par

'gyur la/ de lta na du ba'i rtags las me ma 'ongs pa na 'byung
rung sgrub par 'gyur bas me du rgyu 'bras go log tu thal ba so
na gnas so/ /gzhan yang sems tsam pas rtags 'god pa na/ mer
snang dang dur snang dngos su smos dgos na/ mdo sde

ba'i 'bras rtags 'god pa na/ phyi rol don du gyur pa'i me yod
de/ phyi rol don du gyur ba'i du ba yod pa'i phyir/ zhes 'god
dgos par 'gyur ro/ /gal te de dag me du ma yin bzhin du me dur
snang ba tsam yin pas dur snang rtags su smos so zhe

na/ de ltar na gzugs nas rnam mkhyen gyi bar gyi chos thams cad
la der snang ba tsam yin gyi/ de ma yin no zhes khas len dgos
shing/ tshul 'di ni sems tsam pa'i lugs la gzugs sgra sogs khas
blangs na/ phyi rol gyi don

@166a @#/ /khas len dgos par mthong nas de dag tu snang ba tsam
yin gyi gzugs sgra sogs sems tsam pa'i lugs la yod pa ma yin no
zhes khas len pa de nyid la brten pa yin la/ de ltar na phung po
lnga'i rnam par bzhag pa la sogs

pa shes bya phal mo che zhig la skur ba 'di bas pa'i log par lta
ba mi bzad pa len dgos shing/ don 'di ni kho bos tshad ma yid kyi
mun sel du rgyas par bkag zin to/ /de bas na dmo sde pas khyed
la me dur snang ba tsam du zad kyi/ de dag las

tha dad pa'i me du rang mtshan cung zad kyang med pas du ba'i
rtags kyis lkog gyur gyi me dpog pa mi 'thad par 'gyur la/ thog
mar du ba snang zhing/ de rjes me snang bas dur snang rgyu dang
mer snang 'bras bur khas len dgos pa'i phyir/ du bas me sgrub

pa'i 'bras rtags mi 'thad pa dang/ rgyu 'bras go log tu thal bar
'gyur ro zhes rtsod pa la/ de ltar 'dod do zhes lan ma 'debs
shig/ des na 'di ltar smra ba dag gis ni rang nyid la shing rta
chen po dag gi grub pa'i mtha' gang gi yang phyogs tsam

yang blo yul du ma shar ba mtshon pa'i rdo la thabs smra ba yin
no/ /bzhi pa 'on kyang mdo dang 'gal ba med par ston pa ni/ gal
te de ltar yin na/ slob dpon phyogs kyi glang pos/ tshad ma mdor/
phyi rol gyi don khas blangs pa la brten pa'i

don bkag pa'i sgo nas sgrub pa'i rigs pa 'di dag ci'i phyir/ don
bkag pa'i sgo nas sgrub pa'i rigs pa 'di dag ci'i phyir/ ma
gsungs zhe na/ gang zhig phyi rol gyi don bkag nas chos kyi bdag
med dngos su bstan pa'i snod du rung

@166b ba'i rgol ba mkhas pa rnams la/ blo tshul gnyis su ston
pa'i tshe rigs pa ji skad bshad pa 'di lta bu'i sgo nas brjod
pa'i tshul 'di yod pa yin pas/ slob dpon yang 'di lta bu'i blo
tshul gnyis su sgrub pa'i rigs pa mi bzhed pa ma yin

mod/ 'on kyang tshad ma mdor ni/ chos kyi bdag med dngos su bstan
pa'i snod du mi rung ba'i rgol ba dag gi ngor/ phyi rol la ni
brten nas su/ blo tshul gnyis sgrub pa'i rigs pa brjod pa yin no/
/des na/ phyi rol gyi don med par lhan cig dmigs

nges kyi rtags kyis 'grub par ma zad/ blo tshul gnyis de'ang ni
lhan cig myong bar nges pa'i rtags kyis 'grub bo/ /gsum pa phyi
don khas blangs pa'i phyogs la brten nas blo rnam med du 'dod pa
la dgag pa rgyas par bstan pa la/ yul gcig

la dmigs pa'i dbang shes thams cad snang tshul khyad med yin pas
khyab par thal ba dang/ dbang shes 'khrul ba la ji ltar snang ba
bzhin grub par thal ba dang/ thag nye ring las yul gsal mi gsal
gyi khyad par med par thal ba dang/

gzung don skad cig ma dbang shes kyis 'dzin pa mi 'thad par thal
ba'o/ /dang po ni/ dbang po'i mngon sum de rang gi gzung don la
dmigs nas de'i rnam pa de'i snang ba min na/ sngon po de'i don
can gyi yid dbang po'i mngon sum kun

ni yul snang tshul gyi rang bzhin gcig pa nyid du 'gyur bar thal/
don gyi rang bzhin gcig thug phrad du 'dzin par khyad par med
pa'i phyir 'dod mi rigs te/ yid byed goms pa che chung dang/ yul
thag nye ring dang gsal mi

@167a @#/ /gsal gyi dbang po'i khyad par gyis yul gsal ba dang/
mi gsal ba dang/ 'dren ma la sogs pa snang ba tha dad pa'i sgo
nas 'dzin pa'i shes pa du ma don sngon po gcig la thun mong du
dmigs pa mthong ba'i phyir/ yul gyi rnam

pa khas len pa la yang nyes pa de med dam zhe na/ don sngon po
la brten nas 'byung bar 'gyur zhing/ sngon po de'i rnam pa'i ngo
bo'i rjes su byed pa can gyi sngo 'dzin mngon sum de ni rgyu'i
khyad par gzhan 'ga' zhig las kyang gsal mi gsal

sogs cha 'ga' yis ni/ snang tshul tha dad par 'gyur ba mi 'gal
te/ dpe 'di ltar/ pha la brten nas bu pha de yi ni gzugs dang
'dra bar brjod pa yin yang rgyu'i khyad par 'ga' zhig las ni cha
'ga' yis bu rnams la mi 'dra ba'i khyad par

tha dad par ni dmigs pa yin pa bzhin no/ /gnyis pa ni/ shes pa
la yul gyi rnam pa 'char ba med na/ mar me la sogs pa'i rtse mor
dkyil 'khor ni rma bya'i mdongs kyi rnam pa can sngo dang dmar
dang mdangs gsal bar mig mi gsal bas mthong

bar 'gyur ba de yang med bzhin du rnam pa shar ba ma yin par/ de
lta bu'i phyi rol gyi don dngos thug phrad du mthong ba yin par
thal zhing/ de 'dod na dbang po gsal la ci nus med de/ dbang po
gsal ba la yang de ltar du snang bar thal

zhing/ yang dag mthong na de mthong ba dbang po nyams pa'ang ji
ltar yin te/ ma yin par thal lo/ /gzhan yang mig bsam gtan gyis
sbyangs pa ltar du/ de 'dra mthong ba'i mig kyang rab rib kyis
sbyangs nas tha mal ba'i dbang po skyon med

@167b gzhan gyis yul las 'das pa'i don mthong ba yin par thal
zhing/ de 'dra'i mig shes de la gzhan gyis mthong ba'i don khra
khor bas dben pa'i mar me'i rtse mo de yang ji lta bur na gsal
ba ma yin te/ yin par thal/ khra khor bas dben pa'i mar me'i

rtse mo nye bar gnas pa la mngon du phyogs pa'i mig shes skyon
med yin pa'i phyir/ gzhan yang mar me'i rtse mo khra khor bar
snang ba'i mig shes la lta ba po rang nyid dang mar me'i bar gyi
snang ba bar snang gi kha dog skya bo seng seng po dang/ mig gi
dbang

po dang/ mar me lta 'dod kyi yid la byad pa rnams las gzhan pa'i
rgyu ni mar me gcig gis phan pa'i nus pa tshad mas rtogs pa yin
gyi/ khra khor bas phan pa'i nus pa tshad mas ma mthong ba des na
mar me las gzhan pa'i khra khor ba ni mig shes

de'i rgyu ma yin zhing/ rgyu min pa mig shes kyi gzung yul phyi
rol du gyur ba yang ji ltar yin te/ mig shes kyi rgyu ma yin
pa'i gzung don ni med do/ /gal te khra khor ba de nyid blo de'i
gzung yul gyi rgyu yin na/ de kho na yin nam/ de dang mar me
gnyi

ga yin/ dang po ltar na/ blo de 'dra chos can/ khyod skye ba ji
ltar mar me yul du yod pa la ltos par 'gyur ba mi 'thad par
thal/ khyod mar mes dben pa'i don rang mtshan gzung yul du yod
pa'i dbang shes yin pa'i phyir/ gnyis pa ltar na/ de

chos can/ mar me dang khra khor ba gnyi ga dag kyang/ khyod kyi
rgyu ma yin par thal/ 'gal rkyen med cing sngar bshad kyi rgyu
gsum po de dang phyi rol gyi mar me nye ba tsam gyis skye ba'i
dngos por yod pa'i phyir/ gsum pa la/ rigs pa dngos dang/ de'i

@168a @#/ /skyon spong dgag pa dang/ don bsdu ba dang gsum/ dang
po ni/ shes bya chos can/ yul gcig nyid nye ring la sogs khyad
par gyis gsal dang mi gsal mi rung bar thal/ shes pas yul rnam
med thug phrad du 'dzin pas khyab

pa'i phyir gnyis pa de'i skyon spong dgag pa la gnyis/ snang ba
la brten pa'i skyon spong dgag pa dang/ las la brten pa'i lan
dgag pa'o/ /dang po ni/ gal te yul dbang bar gyis snang ba'i
khyad par las gsal mi gsal der 'gyur ba yin gyi/ rnam pa'i khyad
par las ma yin no zhe na/ snang bas don de chod cing sgrib pa
yin nam/ ma chod cing ma bsgribs pa dag yin/ phyi ma ltar na
thag nye ring gnyi ga nas gsal bar mthong bar mtshungs par 'gyur
bar thal/ sgrib byed med par rnam med du mthong

bar mtshungs pa'i phyir/ zhes pa'am/ dang po ltar na/ thag nye
ring gnyi ga nas mi mthong bar mtshungs par 'gyur bar thal/ bar
du sgrib byed kyis bsgribs shing yul gyi rnam pa ma shar ba'i
phyir/ gal te snang ba'i khyad par sgrib byed la mi 'dod kyi/

snang bas yul gsal bar byed dgos pa yin pa la/ yul thag ring
ba'i tshe snang ba de nyid mi gsal bas yul de'i cha phra mo 'ga'
zhig ni ma mthong la/ thag nye ba nas de lta ma yin pa de'i
phyir/ thag nye ring las yul gsal mi gsal tha

dad du snang gi/ yul gyi rnam pa'i dbang gis ma yin no zhe na/
bum pa gcig nyid la thag nye ring nas lta ba'i tshe/ cha can phyi
rol gyi don bum pa gcig pu de nyid gsal bar mthong ba dang mi
mthong ba'i khyad par tha dad gang las yin te/ ma

@168b yin par thal/ de nyid rnam med thug phrad du mthong bar
khyad par med pa'i phyir/ des na thag nye ring nas lta ba'i tshe/
bum pa'i cha shas phra mo 'ga' zhig mthong ma mthong gi khyad
par yod par ma zad/ bum pa rang yang gsal bar mthong ma mthong
gi khyad

par yod pa yin la/ de yang rnam pa dang bcas na 'thad kyi thug
phrad du 'dzin na mi 'thad ces pa'i don to/ /gzhan yang bum pa
la thag nye ring nas lta ba'i tshe/ bum pa la yod pa'i phra ba'i
rdul du ma tha dad du mthong ba dang mi mthong ba'i khyad par
tha dad pa

gang las yin te ma yin par thal/ de gnyi ga'i tshe bum pa rnam
med thug phrad du mthong ba khyad med pa'i phyir/ des na rkang
ba snga ma gnyis kyis cha shas su ma zad/ cha can bum pa rang
nyid kyang gsal bar mthong ma mthong gi khyad par mi 'thad par

'gyur zhes bstan la/ rkang pa phyi ma gnyis kyis de'i cha phra
mo 'ga' zhig ni mthong ma mthong gi khyad par yang mi 'thad pa
yang 'gyur te/ cha can thug phrad du bzung bar khyad med pa'i
phyir/ zhes bstan cing/ de yang bum pa rnam med thug phrad du

snang dang/ bum pa'i cha shas thams cad rnam med thug phrad du
snang dgos pas bum pa mthong nas bum pa'i cha shas phra mo ma
mthong ba mi srid ces pa'i don to/ /lha dbang blo na re/ gzung
bya'i don de rags pa'i cha med gcig yin nam/ phra ba'i cha med

du ma yin/ dang po ltar na/ phyi rol don gcig mthong ba dang/
/mi mthong tha dad gang las yin/ zhes pa'i skyon yod la/ gnyis
pa ltar na/ phra rdul du ma tha dad mthong/ /mi mthong tha dad
gang las yin/ zhes sbyar nas/ 'di nyid phyi rol gyi don

@169a @#/ /'gog pa'i rigs pa yin no zhes zer ro/ /de ni mi 'thad
de/ mtha' gnyis po de khegs pa tsam gyis phyi rol gyi don dgag
par mi nus pa'i phyir te/ mdo sde bas/ sngon po rags pa'i cha
med gcig yin pa dang/ phra ba'i cha med du ma

yin pa gnyi ga rang lugs kyi rigs pa yang dag gis khegs pa'i
phyir dang/ bye brag smra ba yang sngon po de gnyis gang du yang
mi 'dod pa'i phyir dang/ mdo sde ba dang bye brag smra ba gnyi
ga yang rdul phran yan gar ba khas len zhing/ rdul phran yan
gar
ba yin

na/ rags pa'i cha med gcig dang phra ba'i cha med du ma gnyi ga
ma yin par 'dod pa'i phyir ro/ /de bas na/ phyi rol gyi don khas
len pa'i rgol ba gtso bo thams cad kyi 'dod pa gnyis po 'dir
mtha' ma chod kyang/ gnyis po 'dir mtha' bcad nas 'gog

pa phyi don 'gog pa mtha' gzhan 'gog pa'i rigs pa yang dag tu
khas len pa ni ngo mtshar ro/ /de'i phyir/ 'di'i rjes su 'brangs
pa'i bod kyi TIka byed rnams kyi bshad pa phal che ba ni/ ri
bong gi chal sgrog par zad do/ /gzhan yang tshul

'di ni phyi rol gyi don yod na/ mthong mi mthong gi khyad par mi
'thad ces 'gog pa'i rigs par song gi/ rnam pa med na mthong mi
mthong gi khyad par mi 'thad ces 'gog par ma song bas skabs don
las nyams so/ /rgyan mkhan po

ltar na/ 'di nyid phyi don khas len cing shes pa rnam med du
'dod pa'i phyi rol ba kha cig gi 'dod pa 'gog pa la sbyar nas
bshad cing/ gal te der yang mthong med la/ zhes sogs bye brag
pa'i 'dod pa 'gog pa yin pas/ snga phyi gnyis

@169b ga'i phyogs snga smra ba po gcig tu byas na yang ma 'brel
ba skyon med do/ /gal te snang ba gsal mi gsal gyi khyad par
gyis cha can bum pa'i gzugs kyang gsal mi gsal gyi blo tha dad
du 'gyur ba yin no zhe na/ de lta na snang ba gsal mi gsal gyi
khyad par

gyis bum pa mthong ba'i blo'i snang ba gsal mi gsal tha dad du
'gyur bar khas len na/ blo la rnam pa med pa 'gal zhing/ snang
ba gsal mi gsal gyi khyad par gyis bum pa gsal mi gsal tha dad
du gyur bar 'dod na/ shes bya chos can/ snang

ba gsal mi gsal gang las bum pa gsal mi gsal tha dad par snang
bar 'gyur ba med par thal/ snang ba dang bum pa 'brel med don
gzhan yin pa'i phyir/ khyab ste/ 'brel med kyi chos gzhan tha
dad pas gzhan tha dad du 'gyur ba med pa'i phyir/ gzhan yang

thag ring ba'i tshe/ snang ba de yang rgyu mtshan cis mi gsal ba
yin zhes dris pas du ba dang khug sna sogs kyi rdul gyis snang
ba'i rdul bsgribs pa'i phyir zhe na/ 'o na de dag thag nye ba
'dir snang ba'i rdul gyi sgrib byed cis ma yin zhes dris pas/

sgrib rdul srab cing nyung ba'i phyir ro/ zhe na/ 'o na thag nye
ba'i tshe snang ba'i rdul yang srab cing nyung ba da lta nyid du
thal/ thag nye ba'i rgyu mtshan gyis/ sgrib rdul srab cing nyung
ba gang zhig/ rgyu mtshan mtshungs pa'i phyir/ 'dod na thag nye ba
tsam

gyis snang ba ches mi gsal bar thal lo/ /thag nye ba las gzhan
du thag ring po'i gzugs la lta ba na/ snang rdul yang srab min
mang po yod pa nyid du thal/ de'i tshe sgrib rdul da ltar yod pa
gang zhig/ rgyu mtshan mtshungs pa'i phyir/ gal

@170a @#/ /te thag nye ba nyid snang ba ches gsal ba'i rgyu yin
na/ rdzi ma la sogs pa mig la shin tu nye ba de la ltos nas
snang ba cher gsal dgos pa'i phyir/ rdzi ma de yang mig shes la
ches gsal bar snang bar 'gyur ro/ /gnyis pa las

la brten pa'i lan dgag pa ni/ gal te thag nye ring nas sngon po
la lta ba der yang mthong ba med pa chos dang chos ma yin pa'i
las la brten nas skyes pa'i gzugs gzhan zhig yul dbang bar du
'byung bar 'gyur la/ de yang thag nye ba nas blta ba'i

tshe/ las gzugs de gsal zhing/ thag ring ba na las gzugs de mi
gsal bas thag nye ring nas blta ba'i tshe/ sngon po gsal mi gsal
gyi snang ba byung ba yin gyi/ rnam pa'i dbang gis ma yin no/
zhe na/ de lta na sngon po dang las gzugs de dag

rnams ni phan tshun du bsgrib bya sgrib byed du 'gyur zhing/ de'i
phyir/ sngon po dbang shes la snang ba ni/ las gzugs kyis sgrib
par byed par 'gyur bas/ sngon po la lta ba po de la thag nye
ring gang nas bltas kyang las gzugs gcig pu snang bar 'gyur

gyi/ sngon po snang mi srid par 'gyur ro/ /gal te/ de'i tshe yul
dbang bar du las gzugs kyis chod kyang yul de las gzugs kyis ma
bsgribs so/ /zhe na/ de lta na/ thag nye ba nas blta ba'i tshe/
cig car du gsal ba'i rang bzhin gyi las gzugs

dang sngon po so sor mthong bar 'gyur zhing/ thag ring ba nas
blta ba'i tshe/ mi gsal ba'i rang bzhin gyi sngon po dang las
gzugs dag cig car du so sor mthong bar 'gyur dgos na'ang/ de
ltar so sor snang ba ma mthong ba'i phyir mi 'thad do//

@170b gal te/ thag nye ring nas blta ba'i tshe/ las la brten nas
gzugs don gzhan skye ba ma yin gyi/ 'on kyang/ mthong ba med pa
chos dang chos ma yin pa'i las kyis thag ring ba'i tshe gcig gsal
ba bsgribs nas yul de mi gsal bar snang bar byed

cing/ thag nye ba'i tshe gcig mi gsal ba bsgribs nas gsal bar
snang bar byed do zhe na/ ma mthong ba chos dang chos ma yin
pa'i las chos can/ khyod kyis thag nye ring nas blta ba'i dbang
shes de la yul gsal mi gsal du snang bar ci zhig byed de

byed par mi rigs par thal/ khyod kyis byed pa gang gis thag nye
ba nas lta ba'i dbang shes la yul gsal ba la phan 'dogs pa'i don
dang/ yul mi gsal ba la don min pa gnod par byed pa'i nus pa med
cing/ de bzhin du/ thag ring ba nas lta

ba'i tshe/ yul mi gsal ba la phan 'dogs pa'i don dang/ yul gsal
ba la don min pa gnod par byed pa'i nus pa med pa'i phyir/
gzhung 'di dag gi don la gangs ri'i khrod kyi TIka byed pa
thams cad kyis/ de dag rnams ni phan

tshun du sgrib 'gyur zhes pa'i don las gzugs gsal mi gsal gnyis
po phan tshun gcig gis gcig bsgribs par 'gyur ram mi 'gyur zhes
dris pa la sbyar nas gal te bsgribs so zhe na/ de phyir snang ba
ni/ sgrib byed de la gcig snang

'gyur ro zhes pa las gzugs gnyis po rang 'dzin dbang shes la
isnang ba phan tshun sgib par byed pa'i phyir/ dbang shes de la
las gzugs gsal mi gsal gnyis po gang rung gcig kho na snang bar
'gyur ro/ /de ma bsgribs na cig car ni/

@171a @#/ /gsal dang mi gsal rang bzhin dag mthong 'gyur zhes
pa'i don las gzugs gnyis phan tshun ma bsgribs na/ thag nye ring
nas blta ba'i dbang shes gnyi gas kyang/ cig car du gsal mi gsal
gyi rang bzhin gyi las

gzugs dag mthong bar mtshungs par thal/ dbang shes de gnyis ka
las gzugs de gnyi ga ma bsgribs par mthong rung du yod pa'i
phyir zhes 'chad mod/ 'di dag ni ches mi 'thad de/ 'brel med kyi
dri ba byas pa rang la'ang mtshungs/

khas len med pa'i thal 'gyur lan gnyis su 'phangs pa'i phyir ro/
/de yang 'di ltar bye brag pas/ gal te der yang mthong med la/
/brten nas gzugs gzhan 'byung 'gyur na/ zhes smras pa'i don ni/
thag nye ba'i tshe las gzugs gsal ba gzhan

'byung la/ thag ring ba'i tshe las gzugs mi gsal ba gzhan yul
dbang bar du 'byung ngo zhes smras kyi/ thag nye ring nas blta
ba gnyi ga'i tshe'ang yul dbang bar du las gzugs gnyis ka 'byung
bar ma smras so/ /des na/ phyogs snga

ma smra ba po'i 'dod pa de ltar yin pa la/ las gzugs gnyis phan
tshun bsgribs sam ma bsgribs zhes 'dri ba ni/ 'brel med kyi dri
ba yin no/ /de'i phyir/ de ltar dris nas 'phangs pa'i skyon
thams cad rang la yang mtshungs par

'gyur te/ 'di ltar thag nye ba nas blta ba'i tshe mig shes la bum
gzugs gsal bar snang/ thag ring ba'i mig shes la mi gsal bar
snang na/ bum gzugs gsal ba dang mi gsal ba de gnyis phan tshun
gcig gis gcig

@171b bsgribs sam ma bsgribs/ bsgribs na/ dbang shes de gnyi ga
la bum gzugs gsal ba gcig bu snang bar thal/ de gnyi ga la gnyi
ga snang rung gang zhig/ gsal bas mi gsal ba bsgribs pa'i phyir/
'khor gsum phud 'tshams

dang bcas pa khas blangs so/ /ma bsgribs na dbang shes de gnyi
gas gsal mi gsal gyi bum gzugs gnyi ga mthong bar mtshungs par
thal/ dbang shes de gnyi gas bum gzugs de gnyi ga ma bsgribs par
mthong rung du yod pa'i phyir/ yang 'khor gsum

khas blangs so/ /de la gnyis snang 'gyur zhes pa'i don du/ bsams
pa'i thal 'gyur gyi gsal ba khas len la mi 'gro zhing/ de ma
bsgribs na cig car ni/ zhes sogs kyi don du smras pa'i thal
'gyur gyi rtags khas lan la mi 'gro

ste/ phyogs snga smra ba pos thag nye ba nas blta ba'i tshe/ gsal
ba'i las gzugs mthong gi mi gsal ba'i las gzugs mi mthong zhing/
thag ring ba'i tshe/ de las bzlog par smras kyi/ gnyi ga'i tshe/
gnyi ga mthong rung du ma smras pa'i

phyir ro/ /de yang TIka byed dag gis ji skad smras pa 'di ni/
lha dbang blo dang/ rgyan mkhan po gang gi yang dgongs pa ma
yin
zhing/ bod dag gis rang rang gi blo gros kyi mtshad gsal bar bya
ba'i phyir smras pa tsam du zad la/ phyogs 'di la da dung brjod

par bya ba med du yod mod kyi yi ge mangs pas 'jigs te ma bris
so/ /gsum pa don bsdu ba ni/ ji skad bshad pa de dag gi phyir
don la brten nas skyes par gyur pa'i myong ba dbang shes rnams
thag nye ring sogs ci ltar yod pa'i rgyu

@172a @#/ /bzhin du/ yul gsal mi gsal gyi rnam pa tha dad 'dzin
par byed de/ de las lhag ma shes pa rnam med du 'dod pa dag gis
gang smras pa de dag rnams ni blo gros ngan

pas kun nas bslang pa'i lugs ngan yin no/ /bzhi ba gzung don
skad cig ma dbang shes kyis 'dzin pa mi 'thad par thal ba la/
rigs pa dngos dang/ skyon spong dgag pa gnyis/ dang po ni/ shes
pa sgra dang mar me rnams/ rang 'dzin mngon

sum dang ni cig shos mngon sum de dran pa'i blo skyed byed yin
pa nyid kyis na/ de dag las snga ma'i dus su byung ba yin zhing/
skad cig ma yin pas de rnams ni mngon sum dang dran shes kyi dus
na zhig pa'i phyir/ rgyu mtshan gang gis mngon sum dang

dran shes la rang dus na med pa de dag rnam med thug phrad du
gsal bar 'gyur zhes pa ste/ ngag don ni shes pa sgra dang mar me
rnams chos can/ rang 'dzin mngon sum dang dran shes la rnam
med
thug phrad du snang ba ma yin par thal/ de dag gi

dus na zhig nas med pa'i phyir/ der thal/ de dag las dus sngar
byung zin pa'i skad cig ma yin pa'i phyir der thal/ de dag gi
skyed byed yin pa'i phyir/ gnyis pa ni/ rgyu yin na skyon de med
kyang/ rgya ma yin zhing dus mnyam yin pas thug phrad du

'dzin pa mi 'gal lo zhe na/ sgra 'dzin mngon sum chos can/ sgra
de khyod kyi gzung don du gsal na don kun gsal bar 'gyur bar
thal/ de khyod la phan 'dogs byed ma yin pa'i don gzhan yin pa'i
phyir/ gal te de gnyis dus mnyam

@172b yin yang rgyu tshogs gcig las skyes pas sgra gzung don du
nges kyi de las gzhan rnams ma yin no/ zhe na nyan shes dang
sgra rgyu tshogs gcig las skyes pas rang dang dus mnyam pa'i sgra
kho na 'dzin no zhes nyan shes la de ltar rtogs pa 'di yang
'thad pa

med de/ de lta na nyan shes kyis rang dang dus mnyam pa'i rna
ba'i dbang po'ang 'dzin par thal/ de dang rgyu tshogs gcig las
skyes pa'i phyir/ TIka byed gzhan dag na re/ sgra 'dzin mngon
sum des sgra rang dang rgyu tshogs gcig las skyes pa'i gzung don
du

byed pa ma yin par thal/ sgra 'dzin mngon sum la sgra 'di kho bo
dang rgyu tshogs gcig yin pas gzung bar bya'o snyam pa'i rtog pa
yod na de ltar 'thad na yang/ shes pa de la de 'dra'i rtog pa
'di yang med pa'i phyir zhes zer ro/ /de lta na sgra 'dizn mngon

sun la sgras rang 'dra'i rnam pa gtad pa'i sgo nas kyang gzung
don du byed pa ma yin par thal/ sgra 'dzin mngon sum la sgra 'di
kho bo la rang 'dra'i rnam pa gtod byed yin pas gzung bar bya'o
snyam pa'i rtog pa yod na de ltar 'thad na yang/ nyan shes la
'di

'dra'i rtog pa 'di yang med pa'i phyir/ 'khor gsum khas so/ /'o
na sgra de sgra 'dzin mngon sum gyi rgyu yin na/ de'i dus na med
pa ji ltar gsal bar spang zhe na/ sgra des byas pa'i sgra 'dzin
shes pa'i dus na/ sgra de med kyang sgra de gsal ba zhes brjod

pa rigs pa yin te/ sgra las sgra'i don du snang ba'i rnam par
skyes pa nyid kyi phyir ro/ /dus mnyam pas rnam pa gtad pa ci
'gal zhe na/ rang dang lhan cig skyes pa'i don gzhan ni rang la
phan 'dogs pa yin pa'i phyir/ rnam pa gtod par mi

@173a @#/ /byed de/ rnam pa gtod byed ni rgyu yin pa'i phyir ro/
/des na dus mnyam pas rnam pa gtod par mi byed cing/ shes pa de
la rang gi rnam pa gtad pa yis rnam par 'byed par byed pa min
na/ shes pa de'i gzung don du gsal bar yang ji

ltar 'gyur/ de bas na gzung don yin na/ shes pa de'i rgyu yin
dgos so zhes bya ba 'di 'grub po/ /gal te gzung don skad cig ma
rnams ni rnam med du mi 'dzin yang/ rdo rje la sogs pa rang grub
nas kyang yun rang du mi 'jig pa'i dngos po rnam

med du 'dzin pa mi 'gal lo zhe na/ rang grub dus la sdus gnyis
par mi 'jig pa'i brtan dngos su 'dod pa gang yin pa'i rdo rje
sogs kyi don yang chos can/ 'gro ba kun gyi shes pa ni cir car
rang nyid kho nas bskyed par 'gyur bar thal/ rkyen

gzhan la ltos med du 'bras bu bskyed pa'i phyir/ ma grub na/
rtag dngos yin pa bud/ gal te lhan cig byed pas phan 'dogs pa la
ltos pa'i phyir/ rdo rje sogs 'di'i 'bras bu de dag rim gyis
'byung ngo zhe na/ 'o na rdo rje sogs skad cig so sor gzhan

dang gzhan rgyun ldan du 'byung ba yin par brjod rigs par thal/
de dag gis rkyen la ltos nas 'bras bu rim gyis bskyed pa'i
phyir/ de 'dod na skad cig snga phyi tha dad du 'byung ba'i rdo
rje sogs kyi rang bzhin shes pa rnam med du bskyed pa 'dir

yang skyon no sngar gang gis shes la med gsal 'gyur/ zhes sogs
su bshad pa bzhin no/ /bzhi ba slar yang dran pa myong ba'i rjes
su 'phrad pa'i rtags kyis tshul gnyis sgrub pa ni/ tshad ma mdor/
dus phyis dran pa las kyang ste/ de

@173b ni shes pa med par min/ zhes gsungs shing/ de'i don gyi
kun las btus kyi 'grel byed snga ma kha cig na re/ gzhun 'das
rig bya rig byed kyi tshul gnyis sgrub pa yin gyi/ shes pa rnam
ldan du skye ba'i tshul gnyis sgrub pa ma yin no/ zhes zer ro//

de ni mi 'thad der bye brag smra ba la sogs pa shes paj rnam pa
med par smra ba rnams kyang/ shes pas gzugs sogs de bdag nyid
dam ngo bo nyid kyis myong ba la ni brtsod pa 'ga' yang yod pa
ma yin pas/ rig bya rig byed kyi tshul gnyis grub zin pa'i

phyir ro/ /de ltar na yang rgol ba de dag gis mig la sogs pa'i
shes pa de dag gzugs la sogs pa'i don gyi rnam pa'i rang bzhin
nyid du ma grub pas/ de grub par bya ba'i phyir/ shes pa yul gyi
rnam par skyes pa'i tshul gnyis bsgrub dgos

shing/ de yang sngon po dang ser po sogs so sor mthong ba so sor
yang dag par dran pa'i rtags las grub pas/ de'i phyir/ mdo tshig
de ni shes pa rnam bcas kyi tshul gnyis dran pa'i rtags kyis grub
par ston pa yin no/ /'o na dus phyis dran pa las

kyang ste/ de ni shes pa med par min/ zhes pa'i gzhung gi don du
smras pa'i dran pa'i rtags las/ shes pa rnam bcas su sgrub pa'i
tshul ji lta bu zhe na/ shes bya chos can/ dbang shes rnams kyis
gzugs sgra sogs tha dad par gsol

bar myong ba med par thal/ dbang shes rnams rang gi spyod yul
gyi rnam pa tha dad du shar ba'i sgo nas so sor bye ba med pa'i
phyir/ 'dod na dbang shes de dag la 'di ni 'di ltar sngon po
rtogs pa yin la/ 'di ni 'di ltar sngon po rtogs

@174a @#/ /ba min gyi ser po rtogs pa'o zhes tha dad du dran pa
'di med par 'gyur te/ dbang shes kyis sngo ser sogs tha dad du
myong ba med pa'i phyir ro/ /gal te dbang po sogs rgyu rkyen gyi
khyad par las myong ba mi 'dra ba'i khyad par du

'gyur bas/ de'i phyir tha dad de dran pa yin gyi/ rnam pa tha
dad du shar ba'i sgo nas tha dad du dran pa ma yin no zhe na/
rgyu rkyen gyi tshogs pa'i khyad par las byung ba nyams su myong
ba'i khyad par cung zad yod kyang/ de tsam gyis ni dbang shes
rnam yul

rtogs tshul tha dad par dran pa'i khyad par 'ga' zhig rnam par
'byed nus pa min te/ de lta na yang/ shes pa la yul gyi rnam pa
shar ba med pa'i phyir dang/ yul gyi rnam pa tha dad pa gsal por
myong ba med pa la ni yul rtogs tshul tha dad du rnam

par 'byed pa'i dran blo skye ba med pa'i phyir te/ dper na mtshe
ma spun la sogs pa'i mi 'dra ba'i khyad par gsal por nyams su ma
myong ba na/ de dag tha dad du rnam par 'byed pa'i dran pa mi
skye ba bzhin no/ /gnyis pa blo la rang rig yod par sgrub

pa la tshul gnyis grub pa'i rtags kyis rang rig grub par bstan pa
dang/ dran pa'i rtags kyis rang rig grub par bstan pa gnyis/
dang po la gzhung spyi'i bsdu ba bshad pa dang/ gzhung don bshad
pa dngos la 'jug pa gnyis/ dang po ni/ blo

tshul gnyis su grub pa na/ shes pa chos can/ rang rig yod de yul
gyi rnam par skyes pa'i phyir/ zhes bkod pa'i tshe rtags de'i
phyogs chos phyi rgol kho rang gis grub zin pa'i phyir sgrub mi
dgos shing/ khyab pa gcig pu bsgrubs pas

@174b bsgrub bya la rtogs pa skye bar 'gyur la/ don de la dgongs
nas/ tshul gnyis sgrub par byed pas kyang/ rang rig phal cher
grub pa yin/ zhes gsungs pa yin te/ de bas na phal cher zhes
pa'i don ni de ltar shes par bya yi/ blo tshul gnyis sgrub pa'i

rigs pas shugs la rang rig tu 'grub pas de'i phyir rang rig phal
cher grub pa yin/ zhes gsungs pa ma yin te/ gal te de ltar yin
na/ shes bya chos can/ blo tshul gnyis sgrub pa'i rtags la brten
nas shes pa rnam bcas su nges pa na/ rang

rig med pa sgra 'dogs shugs la chod pas khyab par thal/ rtags
des blo tshul gnyis su grub pa na/ rang rig shugs la grub pas
khyab pa'i phyir/ 'dod na/ blo rnam bcas su nges nas rang rig
med par 'dod pa'i rgol ba mi srid par thal lo/ /

de yang 'dod par nus pa ma yin te/ dbu ma thal 'gyur ba dag shes
pa rnam bcas su nges kyang/ rang rig 'gog pa'i phyir dang/ gal
te de dang 'dra ba las/ myong gzhan ci yod ces 'dod na/ zhes
sogs gzhung gi skabs 'gar rang rig med par

'dod pa dag gis shes pa rnam bcas kyi phyogs la brten nas/ lan
'dabs pa'i dogs pa bsu zhing de dag la lan btab pa thams cad don
med du 'gyur ba'i phyir ro/ /des na/ tshul gnyis sgrub par byed
pas kyang/ zhes sogs rkang pa bzhis blo

tshul gnyis su sgrub pa'i rgol ba'i ngor/ shes pa chos can/ rang
rig yod de/ yul gyi rnam par skyes pa'i phyir/ dper na/ bad sogs
bzhin/ zhes pa'i rtags kyis phyogs chos tshul gnyis sgrub pa'i
rigs pas grub zin pa'i khyab pa gcig pu

@175a @#/ /bsgrubs pas chog par dngos su bstan cing/ de'i shugs
kyis sngar blo tshul gnyis su ma grub pa'i rgal ba'i ngor/ rtags
'di bkod pa'i tshe/ rtags de'i phyogs chos sgrub pa'i rigs pa ni/
blo

tshul gnyis su bsgrub pa'i rigs pa ji skad bshad pa rnams yin par
bstan pa yin no/ /rtags de'i khyab pa sgrub pa'i tshul ni/ shes
pa de la yul gyi rnam pa shar pa'i gzung rnam de la myong byed
yod dgos shing/ rang las rdzas gzhan

gyis myong ba bkag nas/ rang gi ngo bo myong ba gsal rig gi char
gyur pa'i 'dzin rnam de nyid kyis gzung rnam de myong bar grub
pa na/

gzung rnam yod pa la rang rig yod pas khyab pa 'grub pa yin no/
/des na rtags de'i khyab pa la tshad ma bzhi dgos te/ gzung rnam
nges pa'i tshad ma dang/ gzung rnam la myong byed yod dgos par
nges pa'i tshad ma dang/ rang la rdzas gzhan

gyis myong ba 'gog pa'i tshad ma dang/ rang gi ngo bo myong ba
gsal rig gi char gyur pa'i 'dzin rnam nyid de'i myong byed yin
par nges pa'i tshad ma'o/ /de yang gzhi gzung rnam nges pa'i tshad
ma ma skyes na/ de myong byed yod dgos par nges

pa'i tshad ma dang/ 'dzin rnam de'i myong byed yin par nges pa'i
tshad ma skyes med cing/ rang las rdzas gzhan gyis myong ba khegs
pa tsam gyis rang rig yod pas khyab par mi 'grub ste/ ri bong gi
rVa bzhin no/ /gzung rnam tshad mas nges

@175b kyang de la myong byed yod dgos par ma nges na/ 'dzin rnam
de'i myong byed du nges pa'i tshad ma mi skye zhing/ rdzas gzhan
gyis myong ba khegs kyang/ de tsam gyis rnam pa de la myong
byed gtan med du 'dzin pa'i dogs pa gcod mi nus pas/ rnam pa yod pa

la rang rig yod pas khyab pa mi 'grub po/ /myong byed rdzas
gzhan gyis myong ba ma khegs na/ spyir myong byed yod par nges
kyang/ de tsam gyis rang rig yod pas khyab par mi 'grub cing/
tshad ma gzhan gsum skes kang 'dzin rnam nyid de'i myong byed yin

par ma nges na/ rang rig tshad mas mi nges te/ 'dzin rnam rang
rig gi 'jog byed yin pa'i phyir ro/ /de ma nges na yang khyab
byed rang rig nyid tshad mas ma nges pa'i phyir/ gzung rnam la
des khyab pa ga la nges/ 'dzin rnam de'i myong byed yin par nges

na/ de la myong byed yod par nges pas khyab kyang/ 'dzin rnam
de'i myong byed yin par nges pa la/ spyir myong byed yod par
nges pa dang/ myong byed rdzas gzhan gyis myong ba khegs pa'i
tshad ma gnyis sngon du 'gro dgos pa yin no/ /des na rnam pa

yod pa la rang rig yod pas khyab pa 'grub pa la tshad ma bzhi bo
'dir grangs nges pa yin no/ /de yang gzung rnam nges pa'i tshad
ma ni/ rtags de'i phyogs chos nges pa'i tshad ma nyid yin pa'i
phyir/ sngar tshul gnyis sgrub pa'i rigs pa

bshad pa las gzhan med pas tshad ma de khyab pa sgrub pa'i yan
lag tu nye bar mkho yang/ rang rig sgrub pa'i skabs 'dir bzlas
te bshad pa ma byas so/ /gzung rnam spyir myong byed yod par
nges pa'i tshad ma khyab pa 'grub pa'i

@176a @#/ /yan lag tu dgos kyang/ gzung rnam nges nas/ de la
myong byed gtan med du 'dzin pa'i dogs pa gcod sla zhing/ shes
pas yul gtan nas ma myong bar 'dod pa'i rgol ba phyi nang gi
grub mtha' smra ba su'ang med pas/ de'i phyir shes

pa la myong byed med pa 'gog pa'i rigs pa zur du gzhung btsugs
nas rgyas par ma gsungs par myong byed rdzas gzhan gyis myong
ba 'gog pa sogs kyi mtha' gcod pa'i yan lag tu zhar byung gi
tshul gyis cung zad tsam gsungs te/ de dag ni

tshig don bshad pa nyid kyis rtogs par 'gyur ro/ /shes pa rnams
myong byed rdzas gzhan gyis myong bar 'dod pa'i phyogs la grub
pa'i mtha' mi 'dra ba gnyis te/ shes pa mngon gyur yin pas
shes pa mngon sum du myong ba'i myong byed yod

kyang rang gi bdag nyid du gyur ba'i myong byed med kyi/ rang
las rdzas gzhan du gyur ba'i phyis byung gi shes pas myong
dgos pa yin no zhes 'dod pa dang/ spyod pa ba gang dag shes pa
thams cad lkog gyur yin pas/ mngon sum du myong byed mi srid
cing/

de lta na yang rang las phyis byung gi blo rdzas gzhan gyis
lkog tu gyur ba'i sgo nas myong ba yin no zhes smra ba'o/ /de
yang rang sde bye brag smra ba dang/ spyod pa ba ma gtogs pa'i
rang rig khas mi len pa'i phyi rol ba dag rang las phyis byung
gi blo rdzas

gzhan gyis mngon sum du myong bar 'dod pa yin zhing/ bye brag
smra ba ni rang las phyis byung gi blo rdzas gzhan gyis myong
dgos par mi 'dod kyi/ shes pa rnams yul myong ba nyid kyis
myong ba'i ngo bo grub zin pa'i phyir/ rang gi bdag nyid du
gyur

@176b pa dang/ rang las rdzas gzhan du gyur ba'i myong byed
yod pa gang gi sgo nas kyang shes pa rnams myong ba'i ngo bor
bzhag mi dgos te/ dper na sgron me bzhin no zhes smra bar byed
la/ de yang blo rdzas gzhan gyis myong ba 'gog pa'i skabs su
shes pa yul myong ba'i ngo

bo yin pa dang/ rang rig med pa la nang 'gal ston pa'i rigs pa
dag gis khegs pa'i phyir/ tshig tshegs skyung ba'i ched du bye
brag smra ba'i 'dod pa de 'gog pa'i rigs pa gzhan zur du
gzhung btsugs pa ma mdzad do/ /blo la rang rig med par 'dod
pa'i

rgol ba 'di dag thams cad kyang rgyud gcig la shes pa du ma
cig car skye mi srid pas khyab par 'dod pa sha stag yin pas/
shes pa rnams rang dang dus mnyam pa'i blo rdzas gzhan gyis
myong dgos par 'dod pa su'ang med cing/ de'i phyir de nyid
'gog pa'i

rigs pa ma gsungs so/ /de la/ de dngos can gyi blo yis ni/
zhes pa nas/ myong la med pa'ang ci yi phyir zhes pa'i bar gyi
blo mngon sum du myong byed yod kyang/ rang las phyis 'byung
gi blo rdzas gzhan gyis myong dgos par 'dod pa dag gi phyogs
la shes

pa rnams rang las phyis byung gi blo rdzas gzhan gyis myong ba
'gag pa'i rigs pa ston pa yin cing/ gzhan yang dkar sogs
mthong ba na/ zhes pa nas/ don mi gsal ba nyid du 'gyur/ zhes
pa'i bar gyis rang rig med par 'dod pa'i rgol

ba thams cad la thun mong du/ shes pa rnams rang gi bdag nyid
du gyur ba'i 'dzin rnam gyis myong dgos par sgrub pa'i mtha'
gzhan 'gog pa'i rigs pa ston pa yin cing/ bdag rig min pa'i
phyogs dag la/ zhes sogs kyis/ shes pa thams

@177a @#/ /cad lkog gyur du 'dod pa'i phyogs la dgag pa ston pa
yin la/ de yang shes pa thams cad lkog gyur yin pa'i rgyu
mtshan gyis/ rang rig med do zhes 'dod pa de nyid rigs pa snga
mas khegs par/ bdag rig min

pa'i phyogs dag la/ zhes sogs rkang ba bzhis bstan cing/ brten
dmigs goms pa'i khyad par las/ zhes pa nas/ rang nyid gsal ba
bdag myong yin/ zhes pa'i bar gyis/ don de nyid 'gog pa'i rigs
pa gzhan rgyas par ston par byed la/

gzhan yang mngon sum med pas na/ zhes pa nas/ rab tu grub pa
yod min phyir/ zhes pa'i bar gyis shes pa thams cad rang rgyud
ldan gyi gang zag la lkog gyur yin pa 'gog par byed cing/
khyod kyi blo ni blo gzhan gyis/ zhes pa nas/ gzhan de'ang

mthong bar gdon mi za/ zhes pa'i bar gyis rgol ba de'i lugs
la'ang shes pa rnams rang las phyis 'byung gi blo rdzas gzhan
gyis myong dgos par 'dod pa 'gog pa yin no/ /gnyis pa gzhung
don bshad pa dngos la 'jug pa la/ gzung  rnam yod pa'i rtags
kyis blo la rang rig yod pa bsgrub pa'i rtags kyis phyogs chos
tshul gnyis sgrub pa'i rigs pas 'grub par bstan pa dang/ rtags
de'i khyab pa sgrub pa'i rigs pa rgyas par bshad pa gnyis/
dang po ni/ gang yang

bye brag smra ba la sogs pa rang gzhan gyi rgol ba gang dag
blo la rang rig med par 'dod pa de yang 'thad pa ma yin te/
shes pa rnams ni rang rig dang bcas pa nyid du rtags yang dag
gis 'grub pa'i phyir ro/ /rtags yang dag ji lta bu

@177b zhe na/ shes pa chos can/ rang rig yod de/ yul gyi rnam
par skyes pa'i phyir/ dper na/ bde ba la sogs pa bzhin no/
zhes bya bas so/ /rtags de'i tshul ji ltar grub ce na/ tshul
gnyis sgrub par byed pa'i rigs pa rnams kyis kyang rang rig
sgrub pa'i

rtags de nyid kyi tshul phal cher grub pa yin te/ rtags de'i
phyogs chos rigs pa de nyid kyis grub cing/ gang gi tshe shes
pa rnams rang gi ngo bor gyur ba'i gzung ba'i rnam par skyes
pa'i sgo nas yul snang ba yin par grub pa de'i tshe gzung rnam

de nyid rang las rdzas gzhan gyis myong ba khegs shing/ 'dzin
rnam gyis myong bar grub pa tsam gyis myong ba rang rig yod
par bde blag tu grub pa'i phyir ro/ /de bas na tshul gnyis
sgrub pa'i rigs pa rnams kyis rtags 'di'i phyogs chos grub

par ma zad/ khyab pa 'grub pa la yang phan pa nye bar sbyor
ba'i sgo nas bsgrub bya rtogs pa la chos nye bar byed pa'i
phyir/ phal cher zhes smos so/ /gnyis pa rtags de'i khyab pa
sgrub pa'i rigs pa rgyas par bshad pa la/ shes pa rnams rang
las

phyis 'byung gi blo rdzas gzhan gyis mngon sum du myong bar
'dod pa dgag pa dang/ 'dzin rnam gyis myong ba mtha' gzhan
'gog pa'i rigs pas sgrub pa dang/ shes pa thams cad lkog gyur
yin pas rang rig med cing blo rdzas gzhan gyis

myong bar 'dod pa dgag pa dang gsum/ dang po la/ dgag pa dngos
dang/ de'i skyon spong dgag pa gnyis/ dang po ni/ gal te shes
pa rnams la myong byed yod kyang/ rang rig yod mi dgos te/
rang las phyis 'byung gi blo rdzas gzhan gyis

@178a @#/ /myong ba'i phyir/ des na shes pa snga ma snga ma
rnams ni phyi ma phyi ma rnams kyis myong ba yin gyi/ rang gi
bdag nyid du gyur ba'i myong byed yod pa ma yin no zhe na/
shes bya chos can/ rang rig med kyang sngon po de'i dngos
po'am rnam pa

can gyi dbang blo phyi ma yis ni sngo 'dzin dbang shes snga ma
'gags pa de ji ltar myong ba yin te/ ma yin par thal/ rang rig
med na dbang shes des gang yang myong bar mi 'thad cing/ sngo
snang dbang shes snga ma'i myong byed yin na/ sngon po ma

myong bar thal ba'i skyon yod pa'i phyir/ skyon de dag ji ltar
yod pa'i tshul 'cahd pa ni/ sngo snang dbang shes de chos can/
nyams myong ma lus bzlog par 'gyur zhing khyad myong ba'i ngo
bo ma yin par thal/ khyod rang gi ngo bo'ang myong byed rang
gi

bdag nyid du gyur ba med pa'i phyir/ 'dod na/ sngon po'ang ma
myong bar thal lo/ /de yang rang gi ngo bor gyur ba'i myong
byed med na/ myong ba'i ngo bo yin par 'gal zhing/ myong ba'i
ngo bo ma yin na yang yul myong ba yin par 'gal la/ yul myong

na myong ba'i ngo bo yin dgos zhing/ myong ba'i ngo bo yin na
yang/ rang gi ngo bor gyur ba'i myong byed yod dgos pas/ rang
rig med pa 'gal zhes bya ba'i don te/ tshul 'di ni shes pa
rnams kyis yul myong ba dang/ rang rig med par khas

blangs pa la nang 'gal ston pa'i rigs pa'i snying po yin par
shes par bya'o/ /shes bya chos can/ yul sngon po gang gi ni
rnam par snang ba gang yin pa'i dbang shes phyi ma des sngon
po de myong ba min zhes pa'ang thob par thal/ de sngo

@178b snang dbang shes snga ma'i myong byed yin pa'i phyir/
khyab ste/ don du snang ba dang ldan pa'i shes pa de ni kha
phyi rol du mngon par phyogs pa'i sgo nas yul snang bas khyab
la/ rang gi myong byar gyur ba'i blo la mngon sum du 'dzin par
byed pa'i blo rnams

rtag tu bdag la nang mngon phyogs pas khyab pa'i phyir/ gnyis
pa de'i skyon spong dgag pa la/ skyon spong dgod pa dang/ de
dgag pa gnyis/ dang po ni/ gal te shes pa rnams la rang gi ngo
bor gyur ba'i myong byed med kyang/ myong ba'i ngo bo ma yin

pa'i skyon med de/ shes pa rnams yul de dang 'dra ba las ma
gtogs pa'i myong ba'i ngo bor 'jog byed gzhan ci zhig yod ces
'dod do zhe na/ gnyis pa de dgag pa la 'dra ba'i don chos
mtshungs la 'dod na yul shes khyad med du thal/ 'dra

ba'i don gzung rnam la 'dod na myong ba'i 'jog byed du mi
'thad/ 'dra ba chos mtshungs pa thugs med kyi skyon gzhan
bstan/ gzung rnam myong ba'i 'jog byed du 'gyur tshul gyi lan
dgag pa'o/ /dang po ni/ khyod kyis shes pa yul dang

'dra ba nyid shes pa myong ba'i ngo bo yin pa'i 'jog byed du
smras pa de la 'dra ba'i don chos mtshungs pa tsam la 'dod dam/
yul gyi rnam par skyes pa la 'dod/ dang po ltar na/ 'dra ba
thams cad phan tshun du myong ba nyid ni thob par

'gyur te/ shes pa yul dang chos mtshungs pa bzhin du/ yul yang
shes pa dang chos mtshungs pas/ shes pas yul myong ba bzhin du/
yul gyis kyang shes pa myong bar thal ba'i phyir ro/ /gal te
yul dang chos mtshungs pas

@179a @#/ /yul myong bar 'jog pa bzhin du/ yul yang yul can
dang chos mtshungs pas yul gyis yul can myong bar 'jog pa'i
skyon med de/ yul can dang yul phan tshun chos mtshungs par
khyad med kyang/ yul can mig shes

sogs ni blo yin zhing/ yul gzugs sogs ni blo ma yin pa'i phyir
ro/ /des na blo yin pa dang 'dra ba yin pa gnyis tshogs pa de
myong ba'i ngo bo yin pas 'jog byed du 'dod do zhe na/ de ltar
yin pa de ni blo gcig pu nyid 'jog byed du smra bar

rigs kyi/ 'dra ba de'i zur du smos pa don med de/ yul dang
'dre ba las myong ba'i ngo bor 'grub pa ma yin zhing/ blo yin
pa tsam gyis myong ba'i ngo bor bsgrub nus pa'i phyir ro/
/gnyis pa ni/ gal te yul dang 'dra ba'i don yul dang chos
mtshungs

pa tsam la mi 'dod par yul gyi rnam par skyes pa la 'dod na/
de ni myong ba'i ngo bo yin pa'i 'jog byed du mi 'thad de/ 'di
ltar shes bya chos can/ myong ba'i ngo bo yin pa de ni don
dang 'dra ba'i rnam 'jog gi rgyu mtshan can min par thal/

shes pa de'i myong ba'i ngo bo de rang nyid myong ba'i 'dzin
rnam de'i rnam par bzhag bya yin pa'i phyir/ gzung rnam de
myong ba'i ngo bo'i 'jig byed ma yin na/ des gang 'jog par nus
zhe na/ gzung rnam tshad ma 'di ni 'jig rten na/ gzugs sgra

la sogs pa'i las rnams la/ don rtogs pa'i bya ba tha dad du
rnam par bzhag pa'i rgyur 'gyur ro/ /'o na 'jig rten na dbang
shes rnams kyis phyi rol don du gyur ba'i gzugs sogs rtogs par
tha snyad byed pa yod pa bzhin du

@179b gzung rnam tshad ma de nyid phyi rol du gyur ba'i gzugs
sogs rtogs pa'i 'jog byed yin nam zhe na/ shes pa rang gi ngo
bor gyur ba yi sngo sogs kyi rang bzhin de myong ba la thog ma
med pa nas brgyud de 'ongs pa'i gnyis snang 'khrul ba'i bag
chags

sad pa las sngo sogs phyi rol du sgro 'dogs pa'i sgo nas phyi
rol du gyur ba'i sngo sogs myong bar grags pa yin gyi/ dbang
shes las rdzas gzhan gyi bdag nyid du gyur ba'i sngo sogs
myong ba las de ltar grags pa min no/ /de'i phyir gzung rnam
tshad

min phyi rol du gyur ba'i gzugs sogs rtogs pa'i 'jog
byed yin par mi 'dod do/ /gzhan yang phyi rol gyi don yod pa
ni/ ji ltar yang 'thad pa ma yin te/ 'di ltar sngo sogs snang
ba'i dbang blo ni sngo sogs dang dngos po gcig yin na/ phyi
rol

don la tshad ma gang yang med cing/ de 'dra'i blo ni sngo sogs
dang dngos po gcig ma yin na/ blo de ni ji ltar don sngo sogs
myong ba yin te/ dus mnyam rdzas tha dad la 'brel ba gang yang
med pa'i phyir dang/ 'brel ba med pa yang gzung don du mi
'thad

pa'i phyir ro/ /des na sngon po dang sngo snang dbang shes dus
mnyam yin pas de gnyis rdzas tha dad yin na 'brel med du 'gyur
dgos shing/ de ltar na/ de de'i gzung don yin pa mi 'thad la/
sngon po de rang 'dzin dbang shes kyi gzung don ma yin na/

phyi rol gyi don yin pa nyams so/ /de'i phyir sngon po ni sngo
snang dbang shes dang rdzas gcig dang tha dad gang du khas
blangs kyang phyi don yod par mi 'thad do/ /zhes pa ste/ 'di
nyid phyi rol 'gog pa'i rigs pa rmad du byung ba'o/ /lha dbang
blo dang

@180a @#/ /rgyan mkhan po gnyi ga'ang skabs 'dir phyi don khas
mi len par mthun zhing/ lha dbang blos rkang pa dang po gnyis
pha rol pos bkod pa'i dri bar bshad la/ rgyan gyis rang gzhung
du bshad cing/ de dag gi tshul ni mangs par 'gyur bas

ma bris so/ /de dag gi don bsdu ba ni/ de bas na gang gi tshe
shes pa'i myong ba'i bdag nyid ni don dang 'dra ba'i rgyu can
ma yin na de'i tshe shes pa 'di yi myong ba'i ngo bo de rang
nyid gsal rig gi ngo bor skyes pa'i 'dzin rnam nyid kyis grub
pas na/ phyi rol don

gyis myong ba'i ngo bo gcig nye bar sgrub ste cung zad kyang
byed pa ma yin no/ /gsum pa ni/ gzhan yang gal te shes pa yul
dang 'dra ba'i don yul dang chos mtshungs pa la byas nas/ de
nyid myong ba'i 'jog byed du khas blangs na don ma yin pa chen

por 'gyur te/ 'di ltar shes pa de yul dang bdag nyid kun gyis
'dra na ni/ shas pa shes nyid min 'gyur zhing/ cha 'ga' zhig
gis mtshungs na ni/ thams cad thams cad kyis myong 'gyur ba'i
phyir ro/ /bzhi pa ni/ rang rig med par 'dod pa'i

rgol ba dag gi rtsa ba'i grub mtha' la shes pa rnam bcas su
khas len pa med kyang/ skabs 'dir rnam par dpyad pa'i rigs
pa'i dpung ma bzod par/ shes pa rnam pa dang bcas pa'i phyogs
khas blangs te/ tshul 'di ltar smra na lan 'di lta bus

dgag par bya'o/ zhes dogs pa bsu ba'i sgo nas mtha' gcad pa'i
tshul ston pa ni/ ji ltar sngo sogs las skye zhing/ de'i ngo bo
yi rnam par snang ba'i phyir sngo sogs nyams su myong bar 'dod
la/ sngo sogs myong ba nyid kyis myong ba'i ngo bor grub pa

@180b yin no/ /des na skyes 'dra ba sngo sogs myong ba'i 'jog
byed yin bye/ myong ba'i ngo bo'i 'jog byed ma yin la/ sngo
sogs myong bas myong ba'i ngo bor grub pa yin no zhe na/ de
bzhin du sngo snang dbang shes dran pa'i blos sngo snang dbang
shes de yang/ nyams su myong

bar 'gyur bar thal/ nyams myong snga ma sngo snang dbang shes
de las skyes shing/ de'i rnam pa'i ngo bo yin pa'i phyir/
nyams myong snga ma nyams su myong ngo zhes don bzhin du ni
nges pa 'dren pa min pa de'i phyir/ nyes pa med do zhe na/ de
yang lan yang dag pa ma yin

te/ don la'ang nges pa de ni rtag tu 'dren pa'i khyab pa med
cing/ res 'ga' nyams myong snga ma la'ang nges pa 'dren pa'i
phyir ro/ /gal te don la'ang nges pa rtag tu 'dren pa'i khyab
pa yod pa yin te/ nges pa de nyid kyi rgyu don gyi rnam par
skyes pa yod pa'i phyir

zhe na/ de lta na myong ba med pa'ang ci'i phyir te/ dran shes
la'ang myong ba snga ma'i rnam par skyes pa yod pa'i phyir ro/
/gnyis pa 'dzin rnam gyis myong bar mtha' gzhan 'gog pa'i rigs
pas sgrub pa ni/ gzhan yang dkar sogs mthong ba na dkar sogs
mngon par

gsal ba'i rang bzhin gyi rig pa gsal ba ni skyes pa'i snang ba
'di gang yin/ de ci dkar sogs mngon par gsal ba las rdzas
gzhan pa'i dngos po'i 'on te de'i bdag nyid du gyur ba yin/
zhes pa ste dkar sogs snang ba'i dbang shes de dkar sogs gsal
ba'i ngo bor skyes pa yin nam/ de las rdzas gzhan yin zhes
dris pa'o/ /de de las rdzas gzhan pa'i dngos

po yin no zhe na/ dkar sogs gsal ba snang ba'i dbang shes ni/
chos can ci ltar dkar sogs khyod kyi yul du gsal bar 'gyur ba
mi 'thad par thal/ khyod dkar sogs mngon par gsal ba'i ngo bor
skyes pas phyir/ khyab ste/ shes pa rnams gsal ba'i ngo bor
skyes na yul gsal ba yin pa 'thad kyi/ shes pa de rnams gsal
ba'i ngo bo 

@181a @#/ /skyes pa min na/ 'gro ba ma lus pa'i shes pa la yul
gang yang gsal ba ma yin dgos pa'i phyir/ gal te skyon med de/
shes pa rnams rang nyid gsal ba'i ngo bor skyes pa ma yin
yang/ yul gsal ba ni rang nyid gsal

byed gzhan gyis gsal bar byas pa'i sgo nas yin no zhe na/ de
lta na'ang rang nyid gsal byed kyi blo rdzas gzhan de'ang de
las rdzas gzhan gyi blos gsal bar byed dgos pa la sogs pa
thugs med par thal bar 'gyur ba'i phyir mi 'thad do/ /skabs

'di dag gi gsal ba zhes pa ni/ myong ba dang don gcig go/
gzhan yang shes pa rnams rang nyid myong ba'i ngo bor skyes pa
ma yin par rang las phyis 'byung gi shes pa rdzas gzhan gyis
myong bar byed dgos na mthong ba dkar sogs dang de 'dzin pa'i

blo'i 'bral ba rjes kyi dran shes kyis shes pa med par 'gyur
te/ gang gi phyir na de gnyis las gcig dkar sogs rtogs pa'i
tshe/ gnyis pa dkar sogs snang ba'i dbang shes mthong ba yod pa
ma yin pa'i phyir/ de 'dod na/ rjes kyi dran shes kyis

nga'i mig shes kyis dkar sogs mthong ngo snyam du ji ltar yul
dkar sogs yul can mig shes de yi khyad par du byas nas dran
par 'gyur ba mi 'thad par thal/ dran shes kyis de gnyis ka yul
yul can du 'brel bar mthong ba na/ mig shes

kyis dkar sogs mthong zhes bya bar nges par 'gyur ba 'thad
kyi/ gzhan du na de ltar nges pa mi 'thad pa'i phyir/ de gnyis
la pha rol pos shes pa rnam bcas kyi phyogs la brten te lan
'debs pa ni/ mig shes gang gis dkar sogs mthong

@181b ba na/ dkar sogs dang 'dra ba'am dkar sogs kyi rnam pa
shar ba ni/ dkar sogs mthong ba dran pa'i sems gzhan gyis ni
mthong zhing nges par gyur ba de la mig shes kyis dkar sogs
mthong ba dran no zhes brjod ce na/ zhes pa ste/ don ni dran
shes

kyis mig shes la dkar sogs rnams kyi rnam pa shar ba dran pas
dkar sogs mig shes kyis khyad par du byas nas dran pa yin gyi/
mig shes kyis dkar sogs mthong ba'i tshe/ mig shes rang nyid
kyang myong byed kyis myong ba'i rgyu mtshan gyi de ltar

du dran pa ma yin no/ /zhes pa'o/ de'i lan ston pa ni/ mig
shes kyis dkar sogs mthong ba dran pa'i shes pas mig shes 'di
dkar sogs kyi rnam pa shar bar dran pas na/ rang rig yod par
'grub ste/ 'di ltar dkar sogs mthong ba'i mig

shes chos can/ ci ltar khyod gzhan dkar sogs kyi ngo ba'am
rnam par skyes pa de rjes kyi dran shes kyis rig pa mi 'thad
par thal/ ci ste na rang dkar sogs kyi dngos po'am rnam par
skyes pa de de'i tshe myong byed kyis mi rig pa'i phyir/ dper
na dkar

sogs ma mthong na dkar sogs dran pa'i blo mi skye ba bzhin no/
/yang na dkar sogs mthong ba'i mig shes 'di dkar sogs dang
'dra ba'am/ dkar sogs kyi rnam par skyes pas na/ rang rig yod
par grub ste/ ci ste rang gi dngos por gyur

ba'i myong byed kyis mi rig na de la ci ltar gzhan dkar sogs
kyi ngo bo'am rnam pa shar ba'i sgo nas dkar sogs rig par
'gyur/ zhes pa ste/ ngag don ni/ dkar sogs snang ba'i dbang
shes chos can/ khyod kyis ji ltar gzhan dkar sogs

@182a @#/ /kyi rnam pa shar ba'i sgo nas dkar sogs rig pa mi
'thad par thal/ khyod khyod rang gi dngos por gyur ba'i myong
byed kyis mi rig pa'i phyir/ TIk byed gzhan dag gzhung 'di
dag gi don la glang po che rtog pa'i dmus long dang chos
mtshungs

shing/ khyod kyis gzhan mi rig pa'i thal/ khyod kyis khyod
rang mi rig pa'i phyir/ zhes 'chad pa dag ni kho bos tshad ma
yid kyi mun sel du rgyas par bkag zin te/ /gzhan yang mig shes
la dkar sogs kyi rnam pa shar ba'i rgyu mtshan gyis dkar

sogs dran pa na/ yul can mig shes kyis khyad par du byas nas
dran dgos na/ dkar sogs kyi rnam pa shar bas dkar sogs myong
bar 'dod dgos na'ang phyogs de ni 'thad pa ma yin te/ 'dra ba
las ni myong zhes pa'ang/ yin yang 'khrul

ba can yin pas/ zhes sogs kyi skabs su sngar nyid rnam par
bsal ba yin pa'i phyir/ gzhan yang ci ltar dkar sogs mthong
ba'i dbang shes de ni mthong ba dkar sogs dang 'dra ba yin par
rjes kyi dran shes des nges par 'gyur ba mi

'thad par thal/ don ni sngar mthong ba'i dus na shes pa myong
byed yod pa min pas so/ /khyab ste/ 'dra yul gnyis ka tshad mas
mthong ba dag ni phan tshun 'dra bar 'dzin dgos pa'i phyir/ des
na/ shes pa yul gyi rnam ldan du skyes par khas

blangs kyang rang rig khas ma blangs na/ don mthong ba'i tshe
shes pa mthong ba med pas don dran pa'i tshe shes pa dran pa mi
'thad pa bzhin du shes pa yul dang 'dra ba nyid kyang mi 'dod
pa gang yin pa de la yul dang shes pa gnyis ka tshad mas

@182b mthong ba med par 'gyur zhing/ de'i tshe don dang shes pa
zhes pa'i tha snyad de dag smos su ga la yod de don dang shes
pa gang yang dran pa mi 'thad pa'i phyir ro/ /de dag gis dkar
sogs gsal bar snang ba'i dbang shes dkar sogs mngon par gsal

ba las rdzas gzhan yin pa bkag nas dbang shes de dkar sogs
mngon par gsal ba'i ngo bor skyes pa yin na/ rang gi bdag nyid
du gyur ba'i 'dzin rnam myong byed yin dgos pas rang rig med
pa mi 'thad do/ /zhes ston pa ni/ ci ste dkar

sogs gsal bar snang ba'i dbang shes de rang nyid dkar sogs
mngon par gsal ba'i dngos po'am ngo bor skyes pa yin na/ 'o na
ni/ dbang shes de rang nyid rab tu gsal ba'i myong ba gsal rig
gi char gyur ba'i 'dzin rnam des myong bar 'gyur

dgos te/ gang gi phyir na/ dbang shes de rang gi ngo bor gyur
ba'i myong byed kyis mi gsal na/ dbang shes de la don mi gsal
ba nyid du 'gyur bas/ dkar sogs mngon par gsal ba'i ngo bor
skyes pa 'gal ba'i phyir ro/ /de bas na rang rig dang bcas pa
nyid du legs par grub bo//

zhes bya ba'i tha tshig go/ gsum pa shes pa thams cad lkog gyur
yin pas rang rig med cing blo rdzas gzhan gyis myong bar 'dod
pa dgag pa la/ rig pa snga mas kyang/ de 'gog byed kyi rigs
pa'i zangs par bstan pa dang/ tshul de 'gog

pa'i rigs pa gzhan rgyas par bshad pa gnyis/ dang po ni/ shes
pa mngon gyur yin kyang/ bdag rig yod pa min pa'i phyogs dag
la don kun mthong ba med pas don dang shes pa'i tha snyad
thams cad rgyun chad par 'gyur ro zhes

@183a @#/ /bshad pa 'di yis ni blo thams cad ni mngon sum min
cing lkog du gyur bas rang rig yod pa ma yin no/ zhes smra
ba'i spyod pa ba gang yin pa de la'ang lan btab bo/ /ji ltar
lan btab na/ shes pa don mngon sum du mthong ba

med par thal/ shes pa su yang mngon sum du mthong ba med pa'i
phyir/ 'dod na/ dbang shes kyis gzugs sogs mthong ba dran pa
mi srid dgos pas tha snyad thams cad rgyun chad par 'gyur ro
zhes bya ba'i tshul gyis so/ /gnyis pa tshul de 'gog

pa'i rigs pa gzhan rgyas par bshad pa la/ shes pa thams cad
lkog gyur yin pas rang rig med par 'dod pa dgag/ shes pa thams
cad lkog gyur yin pa dgag/ shes pa thams cad blo rdzas gzhan
gyis myong dgos pa dgag pa dang gsum/

dang po la/ bde sogs shes pa mngon sum gyis grub cing rang rig
yod par bstan/ bde sogs shes pa rdzas gzhan gyis myong dgos
pa'i lan dgag/ dang po ni/ shes bya chos can/ shes pa thams
cad lkog gyur yin pa mi 'thad par

thal/ bde bas 'dod cing sim pa dang/ sdug bsngal gyis gdung ba
la sogs pa'i khyad par rang rgyud la mngon sum du grub pa'i
phyir/ gal te bde sdug mngon sum du grub kyang shes pa ma yin
no zhen pa bde sdug de dag ni chos can/ blo nyis yin

par thal/ rten dbang po dang/ dmigs pa yul dang/ de ma thag
rkyen yid byed sogs goms pa'i khyad par las 'dod mi 'dod tha
dad par ni 'jug pa can de yin pa'i phyir/ des na shes bya chos
can/ rang rig yod de/ bde sdug de

@183b dag blo gang zhig/ de dag las rdzas gzhan tha dad pa'i
blo gzhan de shes shing myong ba gang yin pa cung zad kyang
tshad mas rtogs pa med pa'i phyir/ gnyis pa bde sogs shes pa
rdzas gzhan gyis myong dgos pa'i lan dgag pa ni/ gal te bde
sdug shes

pa rdzas gzhan gyis rig cing myong ba yin na/ skyon ci yod ce
na/ de lta na ni/ rgyud gzhan gyi bde sdug gang zag gzhan gyis
kyang spyod cing myong bar 'gyur te/ rang rgyud kyi bde sogs
la rtog pa'i blo rdzas gzhan dang/ gzhan gyi rang rgyud kyi
bde sogs

la rtog pa gnyi ga yang rtog tshul mtshungs pa'i phyir/ gal te
rang rgyud kyi bde sogs des bskyed pa dang dar snang ba'i blo
rang rgyud kyi bde sogs rig cing myong byed yin gyi/ de las
gzhan pa dag ni min pas skyon med do zhe na/ dmigs par byed pa

gzhan la yang gnyis po 'di dag gdon mi za bar yod do zhes
khyed kyis khas blangs dgos te/ shes pa thams cad rnam pa med
par khyod kyis khas blangs pa gang zhig/ gzhan rgyud kyi bde
sogs la rtog pa'i blo de ci ste/ bde sogs de las

skyes pa min cing/ de'i rnam par snang ba can yang ma yin na/
blo de yul med can du 'gyur ba'i phyir te/ de las skyes pa
dang de'i rnam pa shar ba gang gi sgo nas kyang de yul du
bzhag du med par 'gyur ba'i phyir ro/ /gal te bde sdug de nyid

gzung yul du ma byas kyang/ de'i spyi'i rtag dngos yan gar ba
gzung yul du byed do zhe na/ gzhan rgyud kyi bde sdug la rtog
pa'i blo chos can/ bde sdug de ma bzung na de'i spyi rtag
dngos de dag kyang mi 'dzin par thal/ spyi rtag pa de ni cung
zad kyang dngos po min na

@184a @#/ /zhes kyang/ rig pa yang dag gis sngar bshad zin pa'i
phyir/ de dag gi don bsdu ba ni/ de'i phyir bde sdug sogs kyis
don snang ba'i sgo nas bde sdug sogs myong byed de ni bde sdug
sogs kyi blo de las rdzas gzhan min pa des na/ mngon

sum du gyur ba'i blo dang ni bdag rig yod par grub bo/ /gal te
de la 'dzin byed kyang zhes sogs kyi gzhung lhag ma 'di dag
spyod pa pa'i 'dod pa 'gog pa yin te/ spyod pa ba ni/ shes pa
thams cad lkog gyur du 'dod pas rang rgyud kyi bde sogs rang
rgyud kyi blo

rdzas gzhan gyis mngon sum du myong bar mi 'dod pa'i phyir
dang/ mi mthong don gcig ldan sogs kyis zhes pa ni/ bye brag
pa'i grub pa'i mtha' yin gyi/ spyod pa ba de ltar khas mi len
pa'i phyir dang/ bye brag pa sogs rnal 'byor mngon sum khas
len

gyi rgyang phan pa dang/ spyod pa ba rnal 'byor mngon sum khas
mi len pas gang dag rnal 'byor mngon sum gyis/ zhes sogs khas
len med pa'i thal 'gyur du 'gyur ba'i phyir ro/ /de bas na
spyod pa ba bde sogs shes pa rdzas gzhan gyis myong na/

rgyud gzhan gyi bde sdug gang zag gzhan gyis myong ba yod par
'gyur ro/ /zhes pa'i gnod byed bstan pa de nyid bye brag pa
dang rigs pa can pa bde sogs shes pa rdzas gzhan gyis myong
bar 'dod pa la yang mtshungs par 'jug pa yin pas/ rgol

ba de dag gi lugs kyis gnod byed 'di la skyon spang ji ltar
byed pa'i tshul dang/ de la lan gdab pa'i tshul dang bcas pa
spyod pa ba la gnod byed brjod pa'i zhar la 'ongs pa'i tshul
gyis ston pa'i gzhung yin no/ /des na 'di ltar bshad par bya
ste/

@184b bde sogs shes pa rdzas gzhan gyis myong na/ gzhan gyis
kyang nad gcod 'gyur/ zhes smras pa de la bde sogs shes pa
rdzas gzhan gyis myong bar 'dod pa'i bye brag pa dang/ rigs pa
dang grangs can pa dag na re/ gal te lha sbyin gyi bde sogs la
rtog pa'i mchod sbyir gyi blo ni/ lha sbyin gyi bde sogs de la
'dzin byed yin kyang mngon sum nyid ni min la lha sbyin gyi
bde sogs la rtog pa'i lha sbyin rang rgyud kyi blo rdzas gzhan
ni de la mngon sum yin pas mi mtshungs so zhe na/ tshor ba bde

sdug chos can/ rang rgyud kyi blo rdzas gzhan gyis khyod mngon
sum du myong ba dang/ gzhan rgyud kyi shes pas lkog gyur du
'dzin pa'i tshul tha dad pa de gang las kyang mi 'thad par
thal/ de gnyi gas don khyod rnam med thug phrad du 'dzin par
mtshungs

pa'i phyir/ rtags khas blangs/ gal te rnam med du 'dzin par
'dra yang/ rang gi bde sdug rang gis myong ba'i rgyu sngon gyi
ma mthong ba'i las yod la/ gang zag gzhan gyis rang gi bde
sdug myong ba'i rgyu las med cing/ rang gi bde sdug dang de
myong

byed kyi rang rgyud kyi blo rdzas gzhan bdag gi don gcig la
ldan pa sogs kyis 'brel la/ gzhan rgyud kyi blo dang rang gi
bde sogs bdag gi don gcig la ldan pa'i 'brel ba med pas/ de
gnyis myong ba dang ma myong ba so sor nges pa yin no zhe

na; lha sbyin gyi bde sogs la rtog pa'i lha sbyin rang rgyud
kyi blo phyi ma chos can/ khyod kyis rang las rdzas gzhan du
gyur ba'i bde sogs snga ma rnams ni rnam pa kun tu 'dzin cing
myong bar mi 'gyur bar thal/ de dag dang bdag gi don gcig

@185a @#/ /la ldan pa'i 'brel ba ma grub pa'i phyir te/ bdag
rtag pa'i don gcig la ldan pa'i 'brel ba grub na dus mnyam yin
dgos pa'i phyir/ gzhan yang yul rnam med thug phrad du 'dzin
par mtshungs pa la sngon gyi las dbang

gis myong ma myong gi dbye ba yod pa'ang/ gal te der yang
mthong med la/ /brten nas gzugs gzhan 'byung 'gyur na/ zhes
sogs 'gog pa'i skabs su rigs pa yang dag gis bsal zin to/
/skabs 'dir/ gangs ri'i khrod kyi TIk byed mtha'

dag mgrin gcig tu 'di ltar smra ste/ lha sbyin gyi rgyud kyi
bde sogs la rtog pa'i mchod sbyin gyi blo chos can/ khyod kyis
gzhan lha sbyin gyi rgyud kyi bde sogs ni rnam pa kun tu 'dzin
par mi 'gyur bar thal/ de 'dzin pa'i rgyur gyur ba'i sngon

gyi las med pa'i phyir/ zhes zer mod/ /thal 'gyur 'di'i khyab
pa de 'dzin pa'i rgyur gyur ba'i sngon gyi las med pa la de mi
'dzin pas ma khyab na/ de myong ba'i rgyu gyur ba'i sngon gyi
las med pa la de mi myong bas khyab pa yod pa bud/ ces pa

ma gtogs gzhan khas len la 'grig pa med cing/ de yang ches
shin tu mi 'thad de/ lha sbyin rgyud kyi dge sdig gi 'bras bur
gyur ba'i bde sdug myong ba la/ de'i rgyu gyur ba'i sngon gyi
dge sdig gi las dgos kyang de 'dzin pa la/ de 'dzin

pa'i rgyur sngon gyi dge sdig gi las mi dgos pa'i phyir ro/
/gzhan du na dge sdig gi las ma bsags par dge sdig gi 'bras
bur gyur ba'i bde sdug myong ba yod pa'am/ yang na/ lha sbyin
gyi rgyud kyi dge sgig gi 'bras bur gyur ba'i bde sdug la

@185b [@##line apparently missing this page] rtog pa'i mchod sbyin
gyi blo de yang dge sdig gi las kyi 'bras bur thal lo/ /'dod na
dngos su 'gal/ ci ste/ gzhan rgyud kyi bde sogs mngon sum du mi
'dzin par thal/ de mngon sum du 'dzin pa'i rgyu sngon gyi las med
pa'i phyir/ zhes mngon

sum gyi khyad par sbyor bas skyon med do zhe na/ shes bya chos
can/ dmyal ba'i sdug bsngal myong ba la de myong ba'i rgyur/
sngon gyi las dgos pas ma khyab par thal/ dmyal ba'i sdug
bsngal mngon sum du 'dzin pa la de mngon sum du 'dzin pa'i
rgyur/ sngon

gyi las dgos pas ma khyab pa'i phyir/ ma grub na/ kun mkhyen
ye shes can/ khyod kyis dmyal ba'i sdug bsngal mngon sum du mi
'dzin par thal/ khyod kyis de mngon sum du 'dzin pa'i rgyur
sngon gyi las med pa'i phyir/ de bas na rnam par ma brtags

pa'i gtam gyis sbyor bas bdag nyid chen po'i rigs pa ma rungs
par ma byed cig/ gzhan yang bye brag pa la sogs pa gang dag
rnal 'byor mngon sum 'dod pa de de dag gi ltar na/ rnal 'byor
mngon sum gyis gzhan gyi bde ba la sogs pa dmigs

pa'i tshe/ bde sogs rang rgyud la myong ba'i skyes bu'i rgyud
kyi bde sogs myong ba'i shes pa dang/ bde sogs rnam med thug
phrad du nyams su myong bar mtshungs pas ni/ rnal 'byor ba de
yang bde sdug can gyi skyes bu de bzhin du/ bde bas sim zhing

sdug bsngal gyis gdung bar 'gyur ro/ /gal te gang la brten nas
bde sdug sogs skye ba'i yul dang dbang po phrad pas/ bde ba la
sogs pa skyes pa de nyid bde ba la sogs pa myong bar tha snyad
byed pa yin no/ /de bas na pha rol po'i rgyu 

@186a @#/ /kyi 'khrig pa'i bde ba mngon sum du rtogs pa'i rnal
'byor ba la ni/ bud med la sogs pa'i yul dang/ de'i dbang po
phrad cing 'dus pa med pas de las byung ba'i bde ba dang/ sdug
bsngal ni rnal 'byor ba de dag la ni skye ba min no

zhe na/ de ltar na sdug bsngal rgyud la skyes pa nyid sdug
bsngal myong ba'i don du 'gyur dgos na'ang rang rgyud la sdug
bsngal skyes par 'gyur nyid ni sdug bsngal myong ba'i don min
par thal/ de yin na/ rang rgyud la sdug bsngal skyes pa'i tshe
sdug bsngal

myong dgos pa gang zhig/ sdug bsngal myong byed yin na rang las
phyis 'byung gi blo rdzas gzhan yin pas khyab pa'i phyir/ thal
chos dang rtags phyi zur dngos/ des na shes pa rnams rang las
phyis 'byung ba'i blo rdzas gzhan gyis myong bar khas len

pa'i grub pa'i mtha' la/ sdug bsngal rang rgyud la skyes pa nyid
sdug bsngal myong ba'i don du khas blangs na/ de lta bu'i khas
blangs nang 'gal ba'i skyon yod pa 'on kyang ni sdug bsngal la
dmigs pa'i mngon sum gyi shes pa skyes pa sdug

bsngal myong ba'i don yin par 'dod dgos la/ de ltar na/ rnal
'byor bas gzhan rgyud kyi bde sdug myong bar thal ba son gnas
so/ /gzhan dag gis gzhung 'di tsam yang 'chad shar pa ma byung
bar snang ngo/ /'o na khyed rang la yang/

rang rgyud kyi bde sdug myong byed kyi blo dang rnal 'byor
mngon sum gnyi gas bde sdug de nyid mngon sum du dmigs par mtshungs
pa'i phyir/ rnal 'byor bas kyang gzhan rgyud kyi bde sdug myong
bar thal ba ma yin nam zhe na/

@186b sdug bsngal sogs myong ba'i ngo bor skyes pa min par gdung
dang phan 'dogs rgyu ma yin gyi gang tshe rang nyid sdug bsngal
gyi rang gi ngo bor snang ba ni/ gdung ba'i don yin zhing/ de
mngon sum du dmigs pa tsam du mngon sum du shes pa'i don yin

pa de'i tshe de ltar thal bar mi 'gyur ro/ /des na shes pa thams
cad kyis dmigs myong dag ni 'jog byed tha dad yin te/ don dang
'dra ba'i dmigs par 'jog cing/ rang nyid gsal ba bdag myong yin
pa'i phyir/ gnyis pa shes pa thams cad

lkog gyur yin pa dgag pa la/ rang blo thams cad rtags kyis sgrub
dgos par thal ba dang/ de nyid mi 'thad pa'i tshul rgyas par
bshad pa gnyis/ dang po ni/ gzhan yang/ shes pa thams cad lkog
gyur yin pa'i rgyu mtshan gyis rang rig med par

'dod pa la ji skad bshad pa'i skyon yod par ma zad/ shes pa yin
na rang rgyud ldan gyi gang zag la lkog gyur yin pas khyab par
'dod pa ni/ de bas kyang gnod pa du ma'i gnas yin te/ 'di ltar
skyes bu rnams kyis rang rgyud kyi blo ni rtags las

rtogs par 'gyur dgos pas khyab par thal/ gang zag su'i rgyud la
yang rang rgyud kyi blo rtogs pa'i mngon sum med pas/ khyab pa'i
phyir/ gnyis pa la dbang shes rtags las rtogs dgos pa mi 'thad
par bstan pa dang/ yid shes rtags las

rtogs dgos pa mi 'thad par bstan pa gnyis/ dang po la/ de sgrub
kyi rtags yang dag mi srid par bstan pa dang/ de sgrub kyi mthun
dpe mi srid par bstan pa gnyis/ dang po la/ de sgrub kyi rtags
yang dag yod pa spyir dgag pa dang so sor

@187a @#/ /dgag pa gnyis/ dang po ni/ shes pa thams cad rang
rgyud ldan gyi gang zag gi ngor rtogs yang dag gis sgrub dgos
pas khyab pa 'dod do zhe na/ shes bya chos can/ de lta ba mi
'thad par thal/ dbang shes rnams rang rgyud ldan

gyi gang zag gi ngor yod par sgrub pa'i rtags yang dag yod na
rtags de yang bdag rkyen dbang po'am/ dmigs rkyen don nam
dbang
shes rang gi 'bras bu'am/ 'khor du gyur ba'i blo dang yang na de
ma thag rkyen yid byed snga ma rnams gang rung zhig

tu 'gyur dgos pa gang zhig/ de rnams gang yang de sgrub kyi
rtags yang dag yin par mi 'thad pa'i phyir/ zur snga ma der
thal/ rgyu 'bras tshogs pa 'di dag las ma gtogs pa'i dbang shes
dang/ 'brel ba can gzhan de sgrub kyi rtags yang dag

du 'os pa yod pa ma yin pa'i phyir/ bdag yid phrad pa sogs kyang
dbang shes kyi rgyu ma yin nam zhe na/ ma yin te/ de 'dras dbang
shes bya la phan 'dogs pa'i nus pa mthong ba med pa'i phyir ro/
/zur phyi ma sgrub pa ni/ dbang po gzugs can chos can/

rang rgyud ldan gyi gang zag gi ngor/ rang gi 'bras bur gyur
ba'i dbang shes yod par sgrub pa'i rtags yang dag min te/ de
sgrub la khyab pa 'khrul ba'i phyir/ don yang de bzhin du shes
par bya'o/ /dbang shes kyi 'bras bur gyur ba'i blo dang/ de

ma thag rkyen du gyur ba'i yid byed snga ma de yang chos can/ de
sgrub kyi rtags yang dag min te/ shes pa yin pas bsgrub bya grub
pa'i sngar rang rgyud ldan gyi gang zag de'i ngor ma grub pa
nyid yin pa'i phyir/ rtags khas khyab pa yod de/

@187b bsgrub bya sngar ma grub pa ni rtags sam phyogs chos nyid
min pa'i phyir/ zhes pa ste rtags yang dag min pa'i phyir/ zhes
bkod na/ khyab pa dang khyab sgrub kyi tshig don gang yang khyad
med par 'gyur ro/ /gnyis pa so sor dgag pa la/ rang gi ngor

rang blo yod par sgrub pa'i rang bzhin gyi rtags yang dag 'dod
pa dgag pa dang/ de sgrub kyi 'bras rtags yang dag yod pa dgag
pa gnyis/ dang po la/ don gsal rtags yin pa dgag pa dang/ rang
blo'i chos rtags yang dag yin pa dgag pa

gnyis/ dang po ni/ gal te don gsal ba nyid de sgrub kyi rtags
yin par 'dod do zhe na/ don gsal de nyid 'dis gsal bar byed pa
la 'dod dam/ 'di gsal bar bya ba'i don la 'dod/ dang po ltar na/
don gsal bar byed pa de nyid shes pa

ma yin nam/ ji ltar na blo go bar byed pa'i rtags yin/ gsal bar
byed pa'i shes pa rtags ma yin par bstan pa 'dis ni des gsal bar
gyur ba'i don yang rtags yin pa gsal te/ gsal bar byed pa'i shes
pa nyams su myong ba ma yin

na/ de yis gsal bar gyur ba'i don yang tshad mas mi nges pa'i
phyir ro/ /'on te rang blo'i rtags don gsal ba de sngar mi gsal
ba'i ngo bor gnas pa rkyen gyis gsal bar byas pa'i don nyid kyi
khyad par 'ga' zhig yin par 'dod do zhe

na/ don la khyad par 'ga' yang rkyen gyis byar med par thal/ don
gsar du skye ba dang 'jig pa med pa'i phyir/ ma grub na/ sngar
nas rtag par yod pa nyams so/ /skye 'gag byed pa de 'dod na
yang/ don 'dzin gyi

@188a @#/ /shes pa snga phyi so sor skyes pa'i tshe/ de'i rgyu'i
don yang skad cig gis 'jig par thal bar 'gyur te/ skye 'gag byed
pa gang zhig/ rgyu 'bras dus mi mnyam pa'i phyir/ 'dod na sngar
mi gsal ba'i ngo bor grub zin nas gnas pa'i

don de nyid phyis rkyen gyis gsal bar byas nas rang blo sgrub
pa'i rtags su 'gyur ba nyams so/ /don gsal de yang tshad mas shos
par gyur pa'am/ tshad mas shes par ma gyur ba gang de sgrub kyi
rtags yin/ gal te tshad mas shes par gyur ba'i

don gsal rtags yin no zhe na/ tshad ma yang blo yin pa'i phyir/
shes par mngon sum du yongs su bcad pa med par don gsal de tshad
mas shes pa zhes bya ba gang las 'thad/ shes pa zhes 'byung ba
ltar na/ shes pa nyid da dung

tshad mas yongs su bcad pa med par tshad ma des shes pa'i don gsal
zhes bya ba de rang rgyud la blo sgrub pa'i rtags su gang las
'thad/ ces bshad par bya'o/ /gal te tshad mas shes par ma gyur
ba'i don gsal rtags yin no zhe na/

de yang mi 'thad de/ don gsal de tshad ma shes par gyur ba nyid
du bcad pa med kyang/ de ni ci ltar go byed du 'gyur ba yin pa
mi 'thad pa'i phyir/ zhes pa ni lha dbang blo'i dgongs pa yin
la/ 'grel byed gzhan dag 'di rkang pa snga ma gnyis

kyi khyab sgrub tu byas nas/ da'ang shes pa'am shes ma gyur/ ces
pa'i dri ba phyi ma khas len pa 'gog pa ni/ mthong ba gyur min
gzhan gyis/ /mthong gyur 'gar yang mthong 'gyur med/ /khyad par
de gzhan mthong ba la'ang//

@188b yod phyir rang blo rtags par 'gyur/ zhes pa ste/ gal te
mthong ba don gsal de rang rgyud la blo ma grub pa'i sngar rang
gi tshad mas mthong bar gyur ba yin no zhe na/ skyes bu gzhan
gyis mthong bar gyur ba'i don gsal de rang rgyud la blo rtogs
pa'am sgrub pa'i rtags

yang dag tu thal/ don gsal ba der rang rgyud la blo sgrub pa'i
rtags yang dag gang zhig/ de bsgrub bya ma grub pa'i sngar rang
gi tshad mas 'gar yang mthong bar gyur ba med la rtags kyi khyad
par don gsal ba de gzhan gyis mthong ba'i don la yang yod

pa'i phyir/ zhes 'chad do/ /lha dbang blo dang/ shA kya blo
ltar na/ ma mthong mthong can gzhan gyis ni/ /mthong ba la lar
mthong ba med/ /bye brag de gzhan ma mthong la'ang/ /yod phyir
rang blo rtogs par 'gyur/ zhes bton nas der ma zad don gsal rang

gi tshad mas ma mthong ba rang rgyud la rang gi ngo blo bsgrub
pa'i rtags yin na/ ha cang thal bar 'gyur te/ 'di ltar don la
lta ba po ma yin pa ni ma mthong can zhes bya zhing/ don la lta
ba ni mthong can zhes bya la/ de gnyis kyi nang nas don la lta
ba por

mngon par 'dod pa las/ gzhan lta ba po ma yin pa de nyid kyis
ni/ lta ba po'i skyes bus mthong ba'i don de dag la lar mthong
ba med cing ma mthong ba zhes bya ba 'di ltar yin pa la don gsal
ba'i skyes bu rang nyid kyis don gsal ba tshad mas ma

dmigs kyang don mthong bar khas len na/ bum gzugs la lta ba po
ma yin pa'i skyes bus ma mthong ba'i mngon par gsal ba'i bum
gzugs de bum gzugs la lta ba po ma yin pa'i skyes bu'i rgyud la
yang bum gzugs 'dzin pa'i rang

@189a @#/ /blo rtogs pa'am sgrub pa'i rtags yang dag yin par
'gyur bar thal/ mngon par gsal ba'i bye brag de lta ba po las
gzhan gyis ma mthong ba'i bum gzugs la yang yod cing lta ba pos
kyang don gsal tshad mas ma dmigs

pa'i phyir/ des na bum gzugs la lta ba po dang lta ba po ma yin
pa thams cad kyis bum gzugs mthong ba dang ma mthong ba'i
khyad
par cung zad kyang med par 'gyur ro zhes 'chad do/ /de dag gi
don bsdu ba ni/ de'i phyir rang rgyud kyi blo'i chos la

ltos pa med pa can gyi don chos yan gar ba las ni blo ni rjes su
dpog nus pa ma yin no/ /gnyis pa rang blo'i chos rtags yin pa
dgag pa ni/ gal te rang gi ngor/ rang rgyud la dbang shes yod
par sgrub pa'i rtags ni/ dbang shes rang gi 'khor du gyur

ba'i bde ba la sogs pa yin pas ji skad brjod pa'i skyon rnams
med do zhe na/ rang rgyud la blo sgrub pa rtags rang gi mngon
sum gyis grub par 'dod pa gang yin pa dbang shes rang gi chos
sam/ 'khor du gyur ba'i bde sogs chos can/ rang rgyud la blo

dbang shes yod par sgrub pa'i rtags yang dag ma yin par thal/
rang rgyud kyi blo dbang shes las gzhan ci zhig yin te ma yin
par dbang shes de'i rdzas yin pas bsgrub bya'i sngar ma grub
pa'i phyir/ de de las rdzas gzhan ma yin pa'i rgyu mtshan ci

zhe na/ dbang shes 'khor gyi bde sogs de chos can/ blo dbang
shes las rdzas tha dad gang las yin te/ ma yin par thal/ de dang
rgyu tshogs mtshungs pa las skyes pa'i phyir/ gal te dbang shes de
dang rgyu tshogs gcig las skyes pa'i bde sogs

@189b de sgrub kyi rtags ma yin kyang/ dbang shes kyi rgyu tshogs
las gzhan las skyes pa'i bde sogs de sgrub kyi rtags yin no zhe
na/ rgyud kyi dbang shes dang rgyu tshogs gzhan las skyes pa'i
bde sogs de yang chos can/ de sgrub kyi rtags yang dag ma yin

par thal/ de sgrub kyi khyab pa 'khrul ba can yin pa'i phyir/
gnyis pa de sgrub kyi 'bras rtags yang dag yod pa dgag pa ni/
shes bya chos can/ rang gi ngor rang rgyud la dbang shes yod par
sgrub pa'i 'bras rtags yang dag med par thal/ gzugs sogs

yul ni lnga po dang dbang po lnga dang ni dmigs pa blo phyi ma
dag ma gdogs/ de'i 'bras bu gzhan nye bar mtshon pa ma yin zhing/
de dag gang yang de sgrub kyi 'bras rtags yang dag ma yin pa'i
phyir/ de'i rgyu mtshan yang/ de la dbang po dang blo phyi ma
gnyis

ni dbang shes dang dbang po las 'das par mtshungs pa'i phyir/
dbang shes go byed kyi 'bras rtags ma yin te/ 'bras rtags yin na
de'i tshe mngon sum gyis grub dgos pa'i phyir ro/ /de yang dbang
po gzugs can rnams tshur mthong tha mal ba'i

dbang po las 'das par rang lugs kyi tshad mas grub cing/ blo phyi
ma rnams lkog gyur yin pa pha rol pos khas blangs pa yin no/
/don lnga po de dag kyang de sgrub kyi 'bras rtags ma yin te/
gzugs sogs don lnga po gang yang de mthong dbang shes las skyes
pa dang/

dbang shes phan byed du yod pa las gzhan du skye srid pa dang
bral ba'i rjes su 'gro ldog gang yin pa gcig kyang tshad mas
rtags pa med pas dbang shes kyi 'bras bu ma yin pa'i phyir/ de
ltar na/ de'i 'bras bu tshad mas shes pa med pa gang yin/

@190a @#/ /pa'i dbang po la sogs pa de de sgrub kyi 'bras rtags
yin no zhes bya ba bab col yin no/ /gnyis pa de sgrub kyi mthun
dpe mi srid par bstan pa ni/ de sgrub kyi rtags yang dag yod na
yang rtags de dang ni lhan cig bsgrub bya'i chos

kyi 'bral ba mthun dpe'i steng du tshad mas mthong ba med par ji
ltar rtags de las bsgrub bya rtogs par 'gyur te/ rtags yang dag
ni rang dang skabs kyi bsgrub bya'i chos kyi 'brel ba mthun
dpe'i steng du tshad mas ma mthong ba'i rgol ba'i

ngor bsgrub bya gsal byed ma yin no/ /de bas na rang gi ngor
rang rgyud la blo yod par bsgrub pa la rtags su gang bkod kyang
mthun dpe yang dag mi srid pa'i phyir ro/ /de sgrub kyi rtags
yang dag yod pa ma yin te/ de sgrub kyi mthun dpe yang dag yin
na blo

yin dgos shing/ blo thams cad bsgrub byar mtshungs pa'i phyir ro/
/ci ste/ rtags de nyid las rang la blo sgrub pa'i sngar rgyud
gzhan la blo de ni grub par byas nas/ de'i 'og tu gzhan blo
mthun dper byas te/ rang blo go byed nyid du brjod pa yin no
snyam

na ni/ gzhan rgyud la rtags kyis blo sgrub pa de la yang ni dpe
gzhan zhig de'i sngar rtags kyis bsgrub dgos shing de la yang
de'i sngar dpe gzhan zhig rtags kyis bsgrub par bya ba yin pa'i
phyir thug pa med par thal bar 'gyur ro/ /de'i

phyir/ phyogs de ni 'thad pa ma yin no/ /gzhan yang gzhan blo
rtags kyis sgrub na/ rtags ji lta bus sgrub/ ci ste/ yul gyi
rtags kyis sgrub bo zhe na/ blo mngon sum gyis nyams su myong ba
las don grub kyi don gyi rtags las ji ltar

@190b yang blo de grub pa min par thal/ blo de 'dzin rnam gyis
rab tu ma grub par don rang nyid sus kyang rab tu grub pa med
pa'i phyir ro/ /gzhan dag ni sho lo ka 'di nyid snga ma rnams
kyis don bsdur bsams par snang ngo/ /gal te lus ngag gi rnam par
rig byed kyi

rtags las gzhan blo dgog par byed pa yin no/ /zhe na/ rang rgyud
la mngon sum tshad mas blo kun slong gi rtog pa dngos su grub
cing/ rtog pa de las ni brjod dang g.yo 'gul sogs 'byung bar
mthogn nas de nyid per byas te/ gzhan la yang lus ngag gi

rnam par rig byed kyi rtags las blo dpog pa yin yang/ khyod kyi
ltar na de lta bu'i sgo nas gzhan sems rjes su dpog pa 'thad par
mi 'gyur te/ bdag rgyud la blo dang lus ngag gi rnam par rig
byed kyi 'brel ba tshad mas mthong ba med pa'i phyir ro//

gnyis pa yid shes rtags las rtogs dgos pa mi 'thad par bstan pa
ni/ gal te yid shes rtog pa rang rgyud la yod par rtags gang gis
sgrub/ de ma thag rkyen sogs blo'i chos dang dbang po gzugs can
sogs kyi rtags kyis sgrub par mi

nus te/ de la gnyis na dbang po 'das/ zhes sogs kyis bkag zin
pa'i phyir ro/ /de'i phyir snga mas go nus pa la dgongs nas 'dir
mtha' de dag 'gog pa'i gzhung dngos su ma bkod do/ /ci ste/
gzung don gyi rtags kyis sgrub pa zhe na/ de

yang 'thad pa ma yin te/ yid kyi blo rtog pa yod par sgrub pa la
gzung don gyi rtags 'ga' yang rab tu grub pa yod pa min pa'i
phyir te/ de ni sgro btags pa'i spyod yul can yin pa'i phyir ro/
/gsum pa shes pa thams cad blo rdzas

@191a @#/ /gzhan gyis myong dgos pa dgag pa la/ dngos dang/ rtsod
pa spang ba gnyis/ dang po ni/ khyod kyi ltar na/ blo snga ma ni
blo phyi ma gzhan gyis ci ltar rab tu gsal bar 'gyur zhing/ gsal
bya gsal byed gang las yin te/ ma yin

par thal/ gnyi ga'ang gsal ba min pa'i bdag nyid du mtshungs pa'i
phyir/ rtags ma grub na/ lkog gyur kho na yin pa 'gal lo/ /gnyis
pa rtsod pa spang ba ni/ gnyis ka gsal ba ma yin pa'i bdag nyid
du mtshungs na/ gsal bya gsal

byed du mi 'thad/ ces smras pa de la gsal bya gsal byed yin na
gnyi ga'ang mngon par gsal ba'i bdag nyid du mtshungs pa zhig
dgos so zhes zer bar go nas de ltar na yul rnams ni ji ltar rang
gi yul can gyi shes pa dang/ gsal ba'i

ngo bor mtshungs pas khyab pa yin/ 'di ltar yang na ni/ yul thams
cad kyang myong ba'i ngo bo nyid du thal bar 'gyur la/ yang na
ni shes pa gang gis kyang yul mi rig pa nyid du 'gyur ro zhe na/
shes bya chos can/ sngon po shes pa min yang sngo

'dzin mig shes la gsal bar snang ba yin no zhes brjod pa'i rgyu
mtshan yod de/ gsal ba sngo 'dzin mig shes la sngon po de'i ngo
bo ji lta ba'i rnam pa 'pho ba'i phyir ro/ /sngon po gsal bar
snang ba'i mig shes de yang chos can/ rang

nyid rab tu gsal ba yod pa yin te/ sngon po de'i rnam pa'i ngo
bo yin pa'i phyir/ de ltar khyod kyang blo phyi ma la blo snga
ma'i rnam pa 'char bar 'dod na blo phyi ma ni chos can/ rang
nyid rig par grub par thal/ yul gyi rnam par skyes pa'i

@191b phyir/ blo la yul gyi rnam pa 'char ba de lta min na yul
yang ni blo dang lhan cig chos mtshungs nyid de/ yul la blo'i
rnam pa ma shar ba bzhin du blo la yang yul gyi rnam pa ma shar
bar khyad med pas blos yul rtogs pa bzhin du/ yul gyis kyang blo
rtogs pa'i/

yang na yul gyis blo ma rtogs pa bzhin du/ blos kyang yul ma
rtogs par thal bar 'gyur ro zhes pa ste/ bod kyi TIka byed dag
gis gzhung 'di dag 'chad shes pa sngon chad ma byung bar snang
ngo/ /de'i phyir nged kyi lugs la/ blo rang nyid gsal ba'i ngo
bos

rab tu gsal zhing gzhan gzugs sogs gsal ba'i shes pa de gzugs
sogs kyi ngo bo ji lta ba'i rnam pa 'pho ba yis gzugs sogs de
shes pa de'i snang yul du gsal ba na ni/ shes pa de la gzugs
sogs mngon sum du rab tu gsal

ba nyid du brjod pa yin pas/ yul dang yul can gnyi ga gsal ba
min pa'i ngo bor mtshungs na/ yul rtogs pa mi 'thad kyang shes
pas yul rtogs pa la yul yul can gnyis ka gsal ba'i ngo bo yin mi
dgos kyi/ shes pa nyid yul

gyi rnam par skyes pa'i gsal ba'i ngo bo yin pas chog pa yin no/
/de'i phyir khyod kyis ji skad bshad pa'i klan ka'i gnas med do/
zhes bya ba'i don to/ /gal te shes pa la yul gyi rnam pa shar
ba'i sgo nas yul gsal bar 'dod pa de bzhin

du/ mig shes dran pa'i blo phyi ma la yang/ mig shes kyi rnam pa
shar ba yin pas ci'i phyir/ mig shes de nyid rang gi rjes su
skyes pa'i blo phyi ma dran shes des rjes su myong bar mi 'dod
do zhe na/ blo gzhan snga ma dbang shes chos can/ blo phyi ma

@192a @#/ /khyod dran pa'i shes pa de/ khyod dang 'dra ba'am
khyod kyi rnam par skyes pa yin yang de yis ni/ khyod rab tu
gsal zhing myong dgos par mi 'dod pa'am mi rigs te/ khyod rang
nyid rab tu gsal ba'i ngo bor skyes pa'i phyir/ 'on kyang

khyod la don gsal zhes brjod pa'i rgyu mtshan yod de/ don de'i
ngo bo ji lta ba'i rnam pa shar ba'i sgo nas don de khyod la rab
tu gsal bar snang ba yin pa'i phyir/ des na de nyid ji lta ba'i
rnam pa shar ba'i don de gsal bar grub kyang don de myong bar mi
'grub

cing/ shes pas yul gsal bar byed dgos kyang/ shes pa rang nyid
myong ba'i ngo bor skyes pa yin pas myong byed gzhan gyis myong
bar byed mi dgos pa'i phyir/ mi mtshungs so zhes bya ba'i don te/
dper na/ sgron me skad cig dang po dang/ sgron ma

skad cig phyi ma gnyis ka gsal ba'i ngo bor skyes par khyad med
pas sgron me skad cig dang po de rang las phyis 'byung gi sgron
me gnyis pa'i gsal bar byed mi dgos pa bzhin/ zhes pa ni/ shes
pa snga phyi gnyis ka myong ba'i ngo bor mtshungs

pas shes pa snga ma de phyi mas myong bar byed mi dgos pa mtshon
pa'i dpe'o/ /mar me dang mun khung gi bum pa dag kyang bum pa de
mar me der bsten nas mig shes la snang dgos pa'i phyir/ de gnyis
gsal bya gsal byed ngo bo yis tha snyad

rab tu rgyas par byed pa bzhin zhes pa ni/ shes pa la yul gyi
rnam pa 'phos pa la brten nas yul gsal bar byed pa mtshan pa'i
dpe'o/ /gzhan dag gis gzhung 'di dag gi brda sprod nus pa ma
byung bar snang ngo/ /gnyis pa dran pa'i rtags

@192b kyis rang rig yod par sgrub pa ni/ tshad ma mdor/ gang gi
phyir yul bzhin du shes pa la yang dus phyis myong ba'i dran pa
skye ste/ de'i phyir rang rig pa nyid du yod do/ /ci'i phyir zhe
na/ gang phyir ma myong bar 'di med/ nyams su ma myong bar don
dran pa

mthong ba ni med de/ gzugs la sogs pa'i dran pa bzhin no/ /zhes
gsungs shing/ de'i don yang nges sngar gzugs mthong ngo snyam
du
dran pa'i tshe/ dran pa de'i 'dzin stangs la gzugs mthong snyam
pa'i yul dran pa'i cha dang/ ngas mthong

snyam pa'i yul can dran pa'i cha gnyis yod la/ gang gi tshe gzugs
mthong ba'i shes pa sngar ma skyes par gzugs mthong snyam du
dran pa'i blo mi skye ba bzhin du/ gzugs mthong ba'i shes pa
myong ba'i blo sngar ma skyes par yang shes

pa de nyid dran pa'i blo skye bar mi 'thad do/ /de'i phyir gzugs
dran pa'i tshe na de'i yul can yang dran pa nyid kyis sngar gzugs
myong ba'i tshe/ de'i yul can gyi shes pa yang myong bar grub po
zhes bya ba'i don te/ de nyid 'chad par byed pa ni

yul dang dbang po tsam gyis ni/ zhes pa nas/ bdag rig grub ces
pa'i bar ro/ /mdo snga ma de'i mjug thogs de ma thag tu/ ci ste
gzugs la sogs pa bzhin du shes pa'ang shes pa gzhan gyis myong
ba yin no zhe na/ de'ang rigs pa

ma yin te/ gang gi phyir shes pa gzhan gyis nyams su myong ma
thug med thug pa med pa zhes bya ba ni/ shes pa shes pa gzhan
gyi myong bar phyed pa na'o/ /ji ltar zhe na/ de la'ang dran pa
ste/ zhes sogs gsungs pa'i don 'chad pa ni/ shes pa

@193a @#/ /gzhan gyis rig na ni/ zhes pa nas/ myong la myong ba
gzhan ma yin/ zhes pa'i bar ro/ /tshad ma mdor/ de bzhin du/ yul
gzhan dag la 'pho ba ni/ med 'gyur de'ang 'dod phyir ro/ /de'i
phyir gdon mi za bar rang rig pa'i

shes pa khas blang bar bya'o/ zhes pa'i don 'chad pa ni/ shes pa
gzhan gyis rjes myong bar zhes pa man chad do/ /de bas na 'di
man chad kyi gzhung gi tshogs dag ni/ kun las btus su rang rig
sgrub pa'i mdo tshig ji skad bshad pa de dag gi don

'grel bar byed pa yin la/ yang tshad ma mdor/ de'i phyir shes
pa'i tshul gnyis 'grub pa yin no/ /rang rig pa nyid du yang ngo/
zhes pa'i tshig gi nus pas 'phangs pa'i tshul gnyis grub pas rang
rig ji ltar grub tshul gyi rigs pa dag

'chad par byed pa ni/ tshul gnyis sgrub par byed pas kyang/ zhes
bya ba la sogs pa sngar bshad pa dag yin par shes par bya'o/ /de
dag gis gzhung spyi'i bsdu ba bshad zin to/ /da ni gzhung don
bshad pa dngos la 'jug par bya ste/ de la

yang dran pa'i rtags kyis rang rig sgrub pa dngos bshad pa dang/
rtags de'i khyab 'brel nges pa'i yan lag tu blo rdzas gzhan gyis
myong ba rgyas par dgag pa gnyis dang po ni/ yul dang dbang po
nye bar yod pa tsam gyis ni/ des gzugs mthong

zhes bya bar nges pa skye ba ma yin te/ des na/ rgyu gang las
kho bos gzugs mthong ngo/ zhes yul dang yul can gnyi ga dran
pas
khyad par du byas pa'i nges pa 'dir 'gyur ba don mthong bar ma
zad don las gzhan don mthong ba'i shes

@193b pa de yang mthong zhing myong ba yod par gdon mi za ste/
des na gzung rnam yod par grub pa'i rtags kyis rang rig yod par
grub par ma zad/ yul dang yul can gnyis dran pa'i rtags las
kyang bdag rig yod par grub po/ /ngag don ni/ shes pa chos can/

rang rig yod de/ ngas gzugs mthong ngo snyam du dran pa yod pa'i
phyir/ gnyis pa la/ yi ge ring po sogs 'dzin pa'i shes pa mi
srid par thal ba dang/ gzhan rig phyi ma yul la mi 'pho bar thal
ba gnyis/ dang po la/ thal ba 'god pa dang/ de'i

lan dgag pa gnyis/ dang po ni/ gal te/ yul dang yul can gnyis ka
dran pa'i rtags kyis yul can dbang shes la myong byed tsam yod
par grub kyang/ rang rig yod par mi 'grub ste/ shes pa snga ma
rnams shes pa phyi ma rdzas gzhan gyi rig cing

myong ba yin no zhe na/ de ltar na yi ge ring bo dang thung ngu
sogs cha shas snga phyi du ma rim can du 'byung ba rnams nyan
shes kyis 'dzin par mi 'gyur bar thal/ yi ge'i cha shas dang po
thos pa'i nyan shes de yi ge'i cha shas tha ma rdzogs kyi bar du

yun ring du gnas nas cha shas snga phyi rnams mi 'dzin cing/ yi
ge'i cha shas snga ma rnams cha shas phyi ma rnams rdzogs kyi
bar du gnas nas nyan shes la snang ba yang med pa'i phyir dang/
cha shas du mas nyan shes du ma bskyed pa yang khyod

kyi lugs la mi 'thad pa'i phyir ro/ /gal te yi ge'i cha shas
snga ma rnams cha shas phyi ma'i bar du gnas na/ shes bya chos
can/ ye ge ring po la cha shas snga phyi'i go rim med par thal/
cha snga ma rnams cha tha ma'i bar du tshogs nas gnas

@194a @#/ /pa'i phyir/ 'dod na rang 'dzin nyan blo la cha de dag
cig car snang bar thal/ cha de dag nyan shes kyi gzung don gang
zhig /snga phyi'i go rim med pa'i phyir/ 'dod na yi ge ring po
thos pa'i nyan shes chos can/ ye ge ring po gzung don du

byas nas 'dzin par mi 'gyur bar thal/ khyod kyi gzung don de la
cha snga phyi'i rim pa med pa'i phyir/ gzhan yang/ yi ge ring
po'i cha shas rnams chos can/ ci ltar na khyed rnams rim pa med
par cig car du 'dzin pa'i nyan shes ni bskyed par byed pa

ma yin par thal/ khyed rnams phan tshun dus des 'dra ba med pa'i
go rum dang ldan pa'i phyir/ gnyis pa de'i lan dgag pa la/ ye ge
ring po'i cha shas kun gyis nyan shes gcig kho na bskyed pa dgag
pa dang/ de'i cha shas du mas nyan shes du ma bskyed par

brtags la dgag pa gnyis/ dang po la cha snga ma phyi ma'i bar du
gnas pa dgag pa dang/ cha shas rnams cig car skye ba la'ang nyes
pa de yod par bstan pa gnyis/ dang po ni/ yi ge ring po'i cha
shas snga phyi rnams kyis nyan shes gcig kho na skyed

dam /du ma skyed/ dang po ltar na/ de'i cha shas rnams snga phyi
rim gyis 'byung bas nyan shes gcig kho na bskyed dam/ cig car
'byung ba'i sgo nas nyan shes gcig kho na bskyed/ /dang po ltar
na/ ye ge ring po'i cha shas snga ma rnams phyi ma'i bar du

gnas nas/ de'i mthar de dag thos pa'i nyan shes gcig po de skye
'am/ ye ge ring po'i cha shas snga ma thos pa'i nyan shes de cha
shas phyi ma rdzogs kyi bar du gnas nas/ des cha shas thams cad
thos pa yin/ gal te ye ge ring po'i cha snga ma

@194b mtha'i cha'i bar du gnas nas kun gyis nyan shes gcig skyed
pa yin na/ ye ge ring po de'i cha snga ma skyes pa'i 'og nas/
'og tu yi ge ring po'i sgra je che je cher 'phel bar 'gyur bar
thal/ yi ge ring bo'i cha snga ma snga ma skyes zin pa rnams
kyang cha phyi ma phyi ma dag

rdzogs kyi bar du bsdad pa'i phyir ro/ /yi ge ring bo'i tha mar
ni/ de'i cha shas snga phyi rnams rim ldan du thos pa'i nyan blo
yang med par 'gyur te/ de'i cha shas snga phyi rnams rim min
lhan cig tu tshogs pa'i rjes su de 'dzin nyan shes gcig kho na
skye ba'i

phyir/ gal te brtag pa phyi ma ltar/ ge ge ring po'i cha shes
snga ma thos pa'i nyan shes de nyid cha shas phyi ma rdzas sogs
kyi bar du gnas nas des yi ge ring po'i cha shas rnams snga phyi
rim ldan du 'dzin pa yin na zhe na/ ye ge ring po'i cha snga ma
thos pa'i nyan blo ni

chos can/ yi ge ring po'i cha snga ma de'i 'og cha gnyis pa de'i
rjes su rang nyid gnas pa ma yin par thal/ cha gnyis pa de'i dus
na khyod kyis gzung yul cha snga ma de ni gnas pa med pa'i
phyir/ de lta min par cha snga ma thos pa'i nyan shes rang nyid
cha

phyi ma rnams kyi bar du gnas na de rnams rdzogs pa'i phyis
kyang de mi 'jig pa'i rtag par 'gyur te/ rang grub dus las dus
gnyis par gnas na/ dus thams cad du gnas dgos par khyad par med
pa'i phyir/ ro/ /gnyis pa cha shas rnams cig

car skye ba la'ang nyes pa de yod par bstan pa ni/ gal te yi ge
ring po'i cha shas rnams cig car 'byung ba'i sgo nas de 'dzin
nyan shes gcig kho na bskyed do zhe na/ yi ge ring po'i cha shas
rnams rim med cig car ni skyes nas de nyid yun ring du gnas

@195a @#/ /pa'i sgo nas de 'dzin nyan shes gcig skyed pa la yang/
ji skad bshad pa'i skyon 'di yod de/ rang grub dus las dus gnyis
par gnas na/ rtag pa yin dgos pa'i phyir ro/ /gzhan yang yi ge
ring bo'i cha shas phyi ma phyi ma kun nas

slong ba'i kun sgong gi rtsol ba phyi ma phyi ma don med du
'gyur bar thal/ dang por lan gcig brtsal ba las cha shas thams
cad dus gcig tu skyes zin pa'i phyir/ rig byed pa gang dag rig
byed kyi yi ge rnams ni rtag pa yin pas cha shas thams cad sngar

nas grub zin yin cing/ de lta na yang rkyen gyis gsal bar byed
par 'dod pa la'ang/ rtag pa rkyen gyis gsal bar byed na/ cig car
du gsal bar byed dgos shing/ de lta na rtsol ba phyi ma rnams
don med du thal ba'i skyon 'di rjes su gnas pa

nyid do/ /gnyis pa de'i cha shas du mas nyan shes du ma skyed pa
brtags la dgag pa ni/ gal te yi ge ring po'i cha shas snga phyi
rnams kyis nyan shes gcig kho na bskyed pa ma yin gyi/ nyan shes
du ma bskyed pa yin pas ji skad bshad pa'i skyon

med do zhe na/ yi ge'i cha shas re res de 'dzin gyi nyan shes re
bskyed na/ yi ge'i cha dang po 'dzin pa'i nyan shes dang/ de
myong gi blo rdzas gzhan rim gyis skye 'am/ cig car skye/ dang
po ltar na/ yi ge'i cha shas snga phyi rnams thos pa'i

nyan shes snga phyi rnams dang de dag myong ba'i blo rdzas
gzhan
rnams ma spel bar skye'am/ 'on te spel nas skye/ dang po ltar
khas len pas nyan shes snga phyi du ma yis ni/ yi ge'i cha snga
phyi de dag 'dzin de rnams rdzogs pa'i rtags

@195b su myong byed rdzas gzhan rnams skye'o zhe na/ de ltar na
myong byed kyi blo phyi ma des yi ge ring bo'i cha shas tha ma
thos pa'i nyan shes de kho na myong bar 'gyur gyi/ snga ma rnams
ni ma yin te/ shes pa gzhan gyis par chod pa'i phyir ro/ /de bas
na/

cha shas tha ma thos pa'i nyan shes de yang yi ge ring bo 'dzin
pa min pa des na yi ge ring bo thos pa'i nyan blo dran par mi
'gyur te/ myong byed med pa'i phyir ro/ /gal te brtag pa gnyis
pa ltar yi ge'i cha shas re re 'dzin pa'i nyan blo rnams so

so tha dad du myong byed rdzas gzhan re res spel nas myong ngo
zhe na/ ye ge'i sgra thos pa'i nyan shes kyi cha snga phyi rnams
blo ma 'khrul ba la bar ched med par snang par mi 'gyur bar
thal/ myong byed rdzas gzhan gyis bar bcad pa'i phyir/ 'jug

pa myur bas bar ma chad du 'tshams sbyor bar byed pa'ang mi 'thad
par thal/ de sngar rigs pa yang dag gis bsal ba yin pa'i phyir/
gal te nyan shes kyis ye ge'i cha shas snga phyi rnams/ bar chad
par mthong zhing thos na yang

'jug pa myur bas 'khrul rgyu byas te bar rnam par chad pa med
par 'khrul par 'gyur ro zhe na/ ye ge a i lta bu'i thung ngu
gnyis ni skyen par brjod pa'i tshe na yang yi ge de gnyis par
rnam par chad pa med par gcig tu 'khrul

bar 'gyur bar thal/ myur bar thos pa'i phyir/ gzhan yang yi ge
ring bo'i cha shas snga phyi rnams 'jug pa myur bas 'khrul rgyu
byas te/ bar ma chad pa'i gcig tu 'khrul bar 'gyur ro zhes bya
ba 'di ci/ dbang shes kyis

@196a @#/ /bar ma chad par thos/ yang dbang shes kyis yi ge'i cha
shas de dag gcig tu 'khrul ba yin nam/ yid shes la de dag bar
chad par snang yang/ yid shes kyis de dag gcig tu 'khrul ba yin
nam/ dbang shes la yang

chad par gsal bar snang zhing rtog pas bar ma chad du 'khrul ba
yin grang/ dang po ltar na/ yi ge ring po nyin pa'i dbang po'i
shes pas yi ge par rnam par chad par mthong zhing thos na yang
dbang po'i shes pa de las te de nyid kyis yi ge'i

cha shas rnams bar chad pa med par sgro 'dogs pa mi rung bar
thal/ de lta na yi ge ring po thos pa'i dbang po'i blo rnams kun
phyin ci log tu thal ba'i phyir ro/ /gzhan yang yi ge'i bdag
nyid kun gyi thung ba'i mthar thug pa yang mig 'dzums

pa'i yun chad du gnas pa yin la de lta bu'i yun tshad de yang rim
gyis rdul phran ni go sa du mar 'phos pa'i yun chad dag dang
'brel bas rdzogs pa yin no/ /de yang rdul phra rab gcig bla 'og
bsgres pa'i dus kyang dus chung pa'i mthar thug pa'i

phyir/ dus mtha'i skad cig ma gcig yin par 'dod do/ /des na
gzhung 'di dag gi don ni/ rdul phran gcig bla 'og bsgres pa'i
yun tshad ni dus mtha'i skad cig ma'i chad yin pas mig 'dzums
pa'i yun tshad gcig la dus mtha'i skad cig

ma de lta bu du ma rim gyis 'byung ba'i yun tshad yod dgos shing/
yi ge thung mtha'i tshad kyang mig 'dzums pa'i yun chad du nges
pas/ des na yi ge ring thung gang la yang yi ge'i cha shas du ma
rim can du yod pas khyab ces pa'o/ /dag don

@196b ni/ shes bya chos can/ yi ge ring thung gang la yang cha
shas snga phyi du ma rim gyis 'byung ba yod pas khyab ste/ yi ge
thung ngu'i yun tshad la yang dus mtha'i skad cig ma du ma rim
gyis 'byung ba'i yun tshad yod pas khyab pa'i phyir/ der thal/
de'i yun tshad dang mig

'dzums pa'i yun tshad dus mtshungs pa'i phyir/ des na yi ge thos
pa'i blo yang skad cig ma du ma rim gyis 'byung ba cha shas su
ldan pas khyab ste/ dus mtha'i skad cig ma du ma rim gyis 'byung
ba'i yun tshad kyis rdzogs dgos pa'i yi ge gzung don

du yod pas khyab pa'i phyir/ de'i phyir yi ge rnams ni skad cig
ma rim gyis 'byung ba'i yun chad kyis rtogs par 'gyur bas khyab
pa yin la/ des na yi ge ring po'i cha shas re re thos pa'i nyan
shes ni/ yi ge ring po thos pa yin par mi 'thad

cing/ de bzhin du yi ge thung ngu'i cha shas re re 'dzin pa yang
yi ge thung ngu 'dzin par mi 'thad do/ /de'i phyir/ yi ge ring
po'i cha shas snga phyi rnams cha can du ldan pa'i yi ge nyid yi
ge ring po dang/ de bzhin du de'i cha shas re re thos pa'i cha
shas rnams cha

shas su ldan pa'i cha can nyan shes nyid yi ge ring po thos pa'i
nyan shes su 'jog dgos pa yin pa la/ yi ge ring bo'i cha shas
snga phyi dag thos pa'i cha snga phyi rnams myong byed kyi rtag
pa rdzas gzhan gyis bar chod cing skye na de dag cha shas su
ldan

pa'i sgo nas yi ge ring bo thos pa'i nyan shes gzhag tu med pa'i
phyir/ yi ge ring bo sogs thos pa'i nyan shes mi srid par 'gyur
ro/ /de'i phyir yi ge ring thung dang/ gzugs sogs la dmigs pa'i
dbang shes kyi cha snga phyi rnams kyi bar du myong

@197a @#/ /byed kyi blo gzhan gyis ni chod na yang chod pa med
par snang ba can thams cad leg pa'i don can du 'gyur ba yin no/
/gal te yid shes la/ de dag par chod par gsal bar snang yang/
yid shes kyis bar ma

chad du 'khrul ba yin no zhe na/ snga phyi bar chad kyang bar ma
chad du snang ba de dbang po'i shes pa 'khrul ba las gzhan du
yid shes yin na/ de 'dra'i yid shes de dngos po'i skad cig snga
phyi rnams ni tha dad du mtshon pa med par gcig tu sbyor

bar byed pa'i sgo nas 'khrul ba can gyi dran pa yin pa'i phyir/
de ni rnam par rtog pa can gyi shes pa yin par 'gyur la/ de lta
na yang/ de la ni/ skad cig snga phyi bar chad par gsal bar
snang nyid ga la zhig ste/ rtog pa rnams kyi snang yul ni brjod

pa dang rjes su 'brel ba'i sgra don yin pas khyab pa'i phyir/
dbang pos gzung ba'i rang mtshan sgra don du byas pa la sgra
sbyor ba yod pa min zhes bshad zin te/ /gal te brtag pa gsum pa
ltar khas blangs nas dbang po'i shes pas

bar chod par mthong na yang rtog pas bar ma chad du sbyor bar
byed pa yin no/ /zhe na/ don yi ge ring bo'i cha shes snga phyi
rnams dang de'i myong ba'am yi ge ring bo thos pa'i nyan shes
kyi cha snga phyi rnams chos gzhan gyis bar chod pa zhes

bya ba de rigs pa gang las kyang mi 'thad par thal/ yi ge ring
bo thos pa'i nyan shes kyi cha shas snga phyi rnams rgyun mi
'chad par snang ba dag snang ba ltar grub pa la rigs pa dam pa
gnod pa can gyi tshad ma med pa'i phyir/ /gal te de dag

@197b rgyun mi 'chad par skyon de dag myong byed kyi blo rnams
de dag dang dus mnyam du skye dgos na'ang blo du ma dus cig car
skye ba med de/ blo snga ma rnams blo phyi ma re re kho na
bskyed pa'i nus pa nges pa'i phyir zhe na/ nus pa nges pa de ni
tshad ma gang las ma

grub par 'dod/ cig car blo du ma skye ba mthong ba med pa'i
phyir zhe na/ cig car blo du ma skye ba mthong ba med pa de nyid
blo re re kho na skye ba'i nus pa nges pa 'di ltar du dpyad par
bya zhing bsgrub par bya ba yin pa'i phyir/ de'i sgrub byed du
mi 'thad do/ /rgyan mkhan po ni

'di ltar 'chad do/ /de ltar na yi ge ring bo thos pa'i nyan shes
kyi cha shas snga phyi dag kyang myong byed blo rdzas gzhan
gyis
bar rnam par chod pa ma yin par thal/ bar chod par ma mthong
ba'i phyir/ de bas na blo du ma cig car skye bar ma mthong bas
cig car mi

skye bar sgrub pa 'di ltar bar rnam par chad par de nyid kyang
ma mthong bas med par bsgrub par bya ba'am/ yang na/ de nyid ma
mthong bas med par mi 'grub pa ltar/ blo du ma cig car skye ba
yang mthong bas med par mi 'grub pa 'di ltar du 'gyur ba

gang yin zhes dpyad pa'i bya ba yin te/ cig la ma mthong bas med
par mi 'grub pa dang/ cig shas la 'grub par khas blangs na nang
'gal lo zhes bya ba'i don to/ /zhes 'chad do/ /gal te shes pa du
ma rgyud gcig la cig car du skye na/ khyed rang gi mdo

dang 'gal te/ mdo las 'di ltar/ sems gnyis lhan cig 'byung ba
gang yin pa 'di ni gnas ma yin te/ pho skabs med do zhes bshad
pa yin no zhe na/ lung de'i don ni/ rgyud gcig la rnam shes du
ma cig car skye mi srid par ston pa

@198a @#/ /ma yin gyi/ rigs mthun pa'i rnam shes gnyis rgyud gcig
la cig car mi skye bar bstan pa yin no/ /rigs mthun gnyis cig
car mi skye ba'i rgyu mtshan ci zhe na/ rnam par shes pa snga ma
de rnams rigs mthun pa'i rnam par

shes pa re re kho na nyid skyed pa la nus pa nges par 'gyur ba
yin te/ 'di ltar rnam par rtog pa rnams rim gyis 'byung bar yang
dag rtogs kyi rtog gnyis cig car skye mi srid pa'i phyir ro/ /de
yang shes pa snga mas shes pa rigs mthun gnyis kyi nyer len byed
pa srid na/ mngon sum gcig gis rtog pa gnyis kyi nyer len cig
car du byed ci'i phyir mi srid/ de lta na rtog pa gnyis cig car
skye ba yod dgos na'ang/ rtog gnyis cig car srid pa ma yin pa'i
phyir/ shes pa rnams rang dang rigs mthun pa'i

shes pa re re kho na'i dngos kyi nyer len du nges so zhes bya
ba'i tha tshig go /gal te brjod dang rjes 'brel de la ni/ gsal
bar snang nyid ga la zhig ces pa mi 'thad de/ ngo shes pa'i rtog
pa la yang gang ngo shes pa'i dngos po de gsal bar snang ba'i

phyir re zhe na/ shes pa rigs mthun du ma cig car mi 'byung bar
bstan pa 'dis ni/ spyod pa ba gang zhig mngon sum gyis mthong
ba'i don la 'di'o zhes ngo shes par byed pa'i rtog pa dag yul
gsal bar snang bas dbang po'i mngon sum du rtog

pa de yang bsal ba yin te/ de yin na/ rgyud gcig la dbang shes
rdzas tha dad gnyis cig car skye bar thal ba'i phyir ro/ /gzhan
yang mngon sum gyis mthong ba'i don la 'di'o snyam du rtog pa
yin na/ yul gsal bar snang bas khyab pa

@198b mang po 'thad de/ skra dang sgang dang mar me sogs snga
phyi rdzas tha dad pa dag mngon sum gyis mthong ba na/ gcig tu
'khrul nas sngar gyi de 'di'o snyam du log par rtog pa dag la
yang chos can/ gsal snang yod par thal/ mngon sum gyis mthong
ba'i don

la 'di'o snyam du rtog pa yin pa'i phyir/ khyab pa dngos/ 'dod
na/ de 'dra'i blo chos can/ mngon sum yin par thal/ gsal snang
yod pa'i phyir/ rtags khyab dngos/ 'dod na/ ci ltar mngon sum
yin par 'gyur ba mi 'thad par thal/ log shes yin pa'i phyir

de'i phyir/ sngar gyi de 'di'o snyam du ngo shes pa yod kyang de
'dra'i ngo shes las ni/ yi ge sogs kyi snga phyi rnams gcig tu
'grub pa'i nges pa med pas ngo shes mngon sum tshad mar mi 'thad
do/ /gzhan yang/ sngar gyi de nyid ni 'di'o zhes bya bar ngo
shes pa de

yang chos can/ ji ltar dbang bo las skyes pa'i mngon sum yin pa
mi 'thad par thal/ sngon myong ba'i don dran pa las snga ma de'i
chos da ltar gyi chos su sgro 'dogs pa med par khyod skye ba med
pa'i snga phyi gcig 'dzin gyi shes pa yin pa'i phyir/ de dag

gis yi ge ring bo'i cha shas re re 'dzin pa'i nyan shes rnams
dang/ de dag myong ba'i blo rdzas gzhan rnams spel nas skye ba
dang/ ma spel bar skye ba gang gi sgo nas kyang rim bzhin skye
ba mi 'thad par bstan nas/ phyogs gnyis pa 'gog pa ni/

gal te kho bo cag yi ge ring bo'i cha shas re re thos pa'i nyan
shes rnams dad de dag myong ba'i blo rdzas gzhan rnams rim gyis
'byung bar mi 'dod kyi yi ge ring bo'i cha shas dang po thos
pa'i nyan shes dang/ de myong gi blo rdzas gzhan cig car skye ba

@199a @#/ /la sogs pa'i sgo nas dus mnyam du skye bar 'dod do zhe
na/ de yang khyod rang gi khas blangs dang 'gal te/ don sngon po
'dzin pa dang/ sngo snang shes pa myong ba'i blo rdzas gzhan dag
cig car 'byung bar rigs pa can pa khyod rang

yang 'dod pa ma yin pa'i phyir te/ shes pa du ma cig car mi skye
ba ni yid kyi rtags so zhes grub pa'i mtha' las khas blangs pa'i
phyir ro/ /de ltar khas blangs nang 'gal ba'i skyon du 'gyur
zhing der ma zad rigs pas kyang gnod de/ 'di ltar/

shes bya chos can/ shes pa rnams dang de dag myong byed kyi blo
rdzas gzhan dag dus mnyam du skye ba ma yin par thal/ don sngon
po snang ba dang/ sngor snang shes pa snang ba dag rgyud gcig la
dus mnyam du rdzas so sor yod na de gnyis so sor

rtogs dgos pa gang zhig /de gnyis rdzas so sor rtogs pa'ang yod
pa ma yin pa'i phyir/ don du snang ba'i rnam shes myong byed
dang phyi rol gyi don 'ba' zhig myong byed gnyis sngon po'i rnam
pa can gyi blo rtog pa gcig gis gcig

tu bzung bas de gnyis so sor ma rtogs pa yin no zhe na/ de yang
'thad pa ma yin te/ blo des gcig tu bzung bas gcig tu mi 'grub
na/ de'i rgyu mtshan gyis de gnyis so sor ma rtogs mi 'thad cing/
'grub na blo de gnyis

tha dad med par thal ba'i phyir ro/ /gzhan yang don sngon po
dang/ don sngon po shes pa'i blo gang yin pa de dag phyi nas ji
ltar so sor dran par 'gyur ba ma yin par thal/ sngo 'dzin shes
pa de myong byed yin na/ de las rdzas gzhan

@199b yin dgos pa gang zhig /legs par rtogs pa'i khyad par gyis
sngon po myong ba dang sngo 'dzin myong ba so sor legs par rtogs
pa med pa'i phyir/ TIka byed gzhan dag gis don dang shes pa'i
myong ba dag /ces sogs kyi skabs su phyogs snga ma 'god

pa na/ shes pa dang de'i myong byed rdzas gzhan cig car 'byung
ba'i 'dod pa bkod nas lan gyi gzhung 'di dag thams cad don sngo
sogs dang de 'dzin gyi shes pa'i snang ba gnyis rdzas gzhan cig
car skye ba 'gog pa la sbyar ba ni shin tu bden

te/ yun ring mo nas ma 'bral ba 'ba' zhig smra ba lhur blangs
pa'i goms pa mthu ches pa'i gzhan dbang du gyur ba'i phyir ro/
/shes pa rnams dang de dag myong ba'i blo rdzas gzhan cig car
skye bar 'dod pa la brjod pa'i rigs pa 'di nyid kyis de dag

rim gyis skye ba'ang khegs pa yin te/ don sngon po 'dzin pa'i
shes pa dang/ sngon po'i don gyi yid sngo snang shes pa dag gis
myong byed rdzas gzhan snga phyi rim bzhin du skye ba la yang
sngon po kho na'i rnam pa snang ba dang/ sngo snang shes pa'i
rnam pa

snang ba'i rnam pa sna tshogs pa nyid kyi myong byed rdzas gzhan
dmigs rung ma dmigs pa'i brtsad pa'i skyon 'di 'don pa dka'
zhing 'jug pa yin pa'i phyir/ de'i rgyu mtshan yang 'di ltar
utpal sngon po sogs mthong ba'i tshe/ sngon po la sogs

pa'i rnam par skyes pa'i gzung rnam gcig nyid dam de'i myong ba
gsal rig gi char gyur ba'i 'dzin rnam gcig tshad mas rtogs kyi
de'i tshe sngo snang las rdzas gzhan pa'i myong byed rdzas gzhan
de'i rjes su skye bar tshad mas ma rtogs pa'i phyir/ /

@200a @#/ /de bas na sngon por snang ba'i dbang shes ni myong bar
byed pa la 'dzin rnam nyid 'dzin rnam las ma gtogs pa'i myong
rdzas gzhan yod pa ma yin no/ /gnyis pa gzhan rig phyi ma yul la
mi 'pho bar thal ba la/ thal ba dngos

dang/ de'i lan dgag pa gnyis/ dang po ni/ sngo 'dizn gyi shes pa
de sngo 'dzin gyi shes pa phyi ma gzhan gyis rjes su myong bar
'gyur ba 'dod pa de la'ang sngo 'dzin gyi shes pa phyi ma de
dran pa mthong ba'i phyir/ myong byed yod dgos pas sngo 'dzin

gyi shes pa phyi ma de ni gang gis myong ba yin/ gal te de yang/
de las phyis skyes pa'i shes pa rdzas gzhan gyis myong ba yin
na/ shes pa snga ma snga ma rnams shes pa phyi ma phyi ma rnams
kyis rig cing myong ba'i phreng ba rjes su 'brel ba can gyi

shes pa phyi ma phyi ma 'di rnams skyed byed kyi nyer len de ni
gang zhig yin/ gal te myong bya blo snga ma rnams myong byed
blo
phyi ma rnams kyi nyer len de nyid yin no zhe na/ snga 'dzin mig
shes phyi ma chos can/ khyod yul

gzhan sngon po la ni 'dzin byed du 'pho bar mi 'gyur bar thal/
khyod rang gi snang yul du gyur ba'i sngo 'dzin mig shes snga ma
las de'i rnam ldan du skyes pa'i phyir/ gnyis pa de'i lan dgag
pa la/ phyi don nye bas snga ma btang ste yul la

'pho ba dgag /snga ma 'dzin pa'i nus pa zad nas yul la 'pho ba
dgag /yul dang rnam shes snga ma cig car 'dzin pa dgag/ yul la
'phos pa'i rnam shes tha ma kho nas snga ma mi myong bar 'dod pa
dgag pa'o/ /dang po ni/ gal te

@200b skyon med de/ sngo sogs phyi rol gyi don nye ba na/ des
rnam shes snga ma 'dzin pa'i gegs byas nas rnam shes snga ma
'dzin pa btang ste/ sngo sogs phyi rol gyi don la 'dzin byed du
'pho ba yin no zhe na/ shes bya chos can/ shes pa phyi ma'i
gzung ba'i

mtshan nyid kyis gyur ba'i sgo nas sngo 'dzin mig shes phyi ma'i
snang yul du nye ba yang yin zhing/ de nyid skyed byed yang yin
zhing/ de nyid skyed byed yang yin pa'i sngo 'dzin dbang blo
snga ma de dag mi 'dzin par ni sngo sogs phyi rol gyi don nye ba
tsam gyis sngo 'dzin mig shes phyi ma de ci

ltar gzhan sngo sogs ni 'dzin par 'gyur ba mi 'thad par thal/
sngo 'dzin mig shes phyi ma de/ sngo 'dzin mig shes snga ma las
de'i rnam ldan du skyes pa yin na/ des sngo 'dzin mig shes snga
ma 'dzin pa la phyi rol gyi sngo sogs nye ba tsam

gyis gegs byed mi nus pa'i phyir/ rtags ma grub na/ der thal/
bdag la dmigs pa'i shes pa phyi ma bskyed pa'i rang bzhin du
nges pa'i nang gi yan lag ni/ de dag la gzhan phyi ma ni yan lag
gang gis kyang gegs byed par 'gyur ba mi

srid pa'i phyir/ /gzhan yang phyi rol gyi don nye bar yod pa
tsam gyis gegs byed par 'dod dam/ phyi rol gyi don gzung don du
nye ba yod pas gegs byed par 'dod/ dang po ltar na/ phyi rol gyi
don ni nye bar yod pa tsam gyis kyang de la gegs

byed nus pa ma yin te/ gzhan du na phyi rol gyi yul ni nye ba
na/ shes pa phyi ma rigs kyang dbang blo snga ma myong bar mi
'gyur ro/ /de 'dod na phyi rol gyi don de nyi pa min pa'i gnas
skabs 'ga' yang yod pa min pa des na dbang shes gang la

@201a @#/ /yang myong byed mi srid par 'gyur zhing/ rtsa ba myong
byed ni med na/ blo'i dran pa yang med par 'gyur ba'i phyir/
myong ba dang/ dran pa thams cad rgyun chad par 'gyur bas
khyod
kyi 'dod pa 'di ni a re mdzes te/ de las mi mdzes

pa ci zhig byar yod ces bya ba'i tha tshig go/ /gal te phyi rol
gyi don du nye bas gegs byed par 'dod do/ /zhe na/ 'das pa'i dus
kyi sgra sogs la rnam par rtog pa'i blo gang dag chos can/ khyod
don la dpyod pa mi srid par 'gyur bar thal/ khyod la phyi

rol gzung don du nye ba ni yod pa min pas don la 'pho ba'i rgyu
ni med pa'i phyir/ gnyis pa snga ma 'dzin pa'i nus pa zad nas
yul la 'pho ba dgag pa la/ dgag pa dngos dang/ de'i skyon spong
dgag pa gnyis/ dang po ni/ gal te shes pa snga ma

bdag nyid la dmigs pa'i shes pa phyi ma bskyed pa'i nus pa rim
gyis zad pa na/ shes pa phyi ma yul gzhan phyi rol la ni 'pho
bar 'gyur ro zhe na/ de ltar na shes pa snga ma la shes pa phyi
ma don 'dzin nus su skyed pa'i nus pa mi srid dgos

shing/ de ltar na don blo de nyid gang las yin te/ de'i nyer len
med par 'gyur bas sngar gyi blo ni shes pa phyi ma rang 'dzin
nus su skyed pa'i nus pa zad pa na shes pa phyi ma de don la
'pho bar mi 'gyur te/ shes pa phyi ma don 'dzin nus

su skyed pa'i blo sngon la med par don 'dzin pa'i blo phyi ma
skye ba med pa'i phyir/ der thal/ yid gzugs mdzes kyi don gzhan
la chags nas sgra 'dzin shes pa skyed pa'i nus pa nyams pa na
shes pa de skye ba tshad mas ma rtogs pa'i phyir/

@201b gnyis pa de'i skyon spong dgag pa la/ rang sde dag gi
skyon spong dgag/ /gzhan sde dag gi skyon spong dgag /mtha'
gzhan bcad pa'i skyon spong dgag pa dang gsum/ dang po ni/ rang
sde kha cig na re/ yid byed snga ma'i nus pa nyer len du yod pa

las rnam par shes pa rnams skye dgos pa ma yin te/ bcom ldan
'das kyis kun gzhi'i rnam par shes pa nyid 'jug pa'i rnam par
shes pa drug po thams cad kyi nyer len du gsungs pa'i phyir ro/
/rang gi nyer len kun gzhi'i rnam par

shes pa las skyon/ yid byed snga ma'i nus pa nyams kyang skye ba
yod dgos te/ kun gzhi'i rnam par shes pa ni 'khor ba'i gnas
skabs thams cad du rgyun chad pa ma yin pa'i phyir ro/ zhe na/
khyod mdo'i rjes su 'brangs te/ kun gzhi'i rnam par

shes pa nyid 'jug pa'i rnam par shes pa rnams kyi nyer len du
khas len na/ rnam shes de las dus cig car 'jug shes rigs mi
mthun du ma skye yang yid gzugs mdzes la lhag par chags pa'i
skabs 'gar/ gzugs mdzes la chags

pa'i shin tu gsal ba'i sems gcig gis de'i tshe kun gzhi'i rnam
shes kyis sgra 'dzin sogs bskyed pa'i nus pa nyams par byas pa'i
phyir/ de'i tshe kun gzhi'i rnam shes las 'jug shes gzhan 'byung
ba min no zhes khas len par rigs kyi/

dbang shes phyi ma skye ba la yid byed snga mi'i nus pa rgyu ba
don med do zhes khas len par mi rigs te/ de lta min na/ yul drug
pa thams cad nye bar yod pa'i tshe/ yid gzhan 'jug shes drug pa
thams cad cig car du skye ba yod byed snga ma'i

@202a @#/ /'jug pa ni mtshungs par yod pa la ltos par mi 'gyur
pas/ yid gzugs mdzes la lhag par chags pa'i tshe/ sgra sogs nye
bar yod kyang de 'dzin gyi blo mi skye ba mi 'thad do/ /zhes bya
ba ste/ sngon med pa'i legs par

bshad pa'i dga' ston kho bos bsgrubs so/ /gzhan yang rnam shes
phyi ma skye ba de nyid yid don gzhan la chags pa'i tshe/ shes pa
gzhan mi skye ba'i rigs par ma zad/ yid kyi rnam par shes pa rim
bzhin skye bas kyang/ blo snga ma'i nus

pa la ltos par rab tu grub pa yin no/ /gnyis pa gzhan sde dag gi
skyon spong dag pa ni/ bye brag pa na re/ yid de rtag pa gcig bu
yin pa'i phyir de sna sgor song ste/ yul gzhan dri la ni chags
pa na dbang po gzhan la mi 'gro ba'i phyir/ shes

pa gzhan mi skye ba yin gyi/ shes pa snga ma'i nus pa la ltos
pas ma yin no/ zhe na/ de yang 'thad pa min te/ skabs la lar
rgyud gcig la shes pa du ma cig car 'byung ba'i phyir ro/ /gzhan
yang 'jug shes drug ka yul la 'jug pa mtshungs

par yod pa la yang yul gcig las gzhan rtogs par mi 'gyur bar
thal/ dus thams cad kyi tshe yid gcig kho nar mtshungs pa'i phyir
khas blangs dang yang 'gal te/ khyod rang ltar na yang shes pa
du ma cig car skye bar 'gyur bar thal/

bdag yid rtog pa phrod pa'i ldan pa tsam las ni dbang shes rnams
skye ba khyod rang gi grub pa'i mtha' yin pa gang zhig/ rtag pa
la res 'ga' phrad cing/ res 'ga' ma phrad pa'i khyad par mi
'thad pa'i phyir/ gal te byed pa gcig las

@202b bya ba gcig yin pas khyab pa'i phyir/ yid shes gcig gis
shes pa du ma skyed pa mi srid do zhe na/ de lta na'ang ci ltar
mar me gcig gis skyes bu du mas gzugs mthong ba'i bya ba byed pa
mi 'thad par thal lo/ /gzhan yang yid chos can/ rim gyis

kyang shes pa du ma bskyed pa'i nus pa med par 'byung bar thal/
cig car du ma mi bskyed pa gang zhig /phyis kyang sngar dang nus
pa mi 'dra ba'i bye brag med pa'i phyir ro/ /rtags gsal thams
cad khas blangs/ yid rtag pas shes pa bskyed pa 'gog pa'i

rigs pa 'dis ni/ rgyad phan pa gang dag 'byung ba'i rang bzhin
gyi lus rtag pas shes pa bskyed pa dang/ grangs can pa skyes bu
rtag pas yul la longs spyod par 'dod pa la gnod byed bshad pa
yin te/ rtag pas bya ba byed pa khegs pa'i phyir ro/ /rigs

pa can pa na re/ gal te bdag gi yon tan 'du byed las shes pa re
re kho na skye bar nges pa yin no zhe na/ 'du byed rtag na 'bras
bu bskyed pa rigs pa snga mas khegs shing/ mi rtag na sngar med
pa'i 'du byed de phyis gang las skye ba yin/ gal te bdag

gi yon tan 'du byed kyi khyad par bag chags zhes bya ba de nyid
blo snga ma nyid las skye ba yin no zhe na/ de ltar yin mod don
'di ni kho bo cag 'dod pa nyid yin te/ blo snga mas bsgos pa'i
bag chags las blo phyi ma skye ba'i phyir/ blo phyi ma skye ba
blo snga

ma'i nus pa la lngos so zhes bya ba 'di grub pa yin no/ /gsum pa
mtha' gzhan bcad pa'i skyon spong dgag pa ni/ gal te rnam shes
snga ma la rnam shes phyi ma'i gzung yul gyi nus pa dang/ nyer
len gyi nus pa gnyis yod cing/ de la gzung

@203a @#/ /yul gyi nus pa nyams pa nyid na/ shes pa phyi ma yul
phyi rol la 'pho ba yin gyi/ skyed byed kyi nus pa nyams nas
'pho ba min pas skyon med do/ /zhe na/ dbang po'i rnam par shes
pa rnams kyi gzung don la rang 'dzin dbang

shes kyi gzung don byas pa nyid kyi sgo nas bskyed par byed pa
las gzhan pa'i rang 'dzin dbang shes bskyed pa'i nus pa yod pa
min te/ rang snang yul du byed pa'i shes pa rang gi rnam ldan du
skyed par byed pa nyid gzung don gyi mtshan nyid yin pa'i phyir

ro/ /gal te shes pa snga ma shes pa phyi ma'i gzung yul yin na/
shes pa snga mas shes pa phyi ma'i gzung yul byed pa dang/ shes
pa phyi ma bskyed pa'i nus pa gnyis so sor yod pa ma yin dgos
na/ shes pa snga ma la shes pa phyi ma bskyed pa dang/ mi bskyed

pa'i cha gnyis med pa bzhin du shes pa snga ma la shes pa phyi
mas bzung ba dang gzung ba'i cha gnyis kyang med par 'gyur dgos
shing/ de ltar na dbang shes la snang ba'i gzugs sogs rnams la
yang dbang shes kyis gzung ba ma yin pa'i cha

shas med dgos pas/ bum pa mthong ba na bu ma pa'i khog pa dang
mgrin pa'i sbugs la sogs pa mthams cad mngon sum du mthong dgos
par 'gyur ro/ /zhe na/ gzugs sogs ni phyogs kyi cha dang bcas pa
yin pa'i phyir/ de'i cha shas su

gyur pa'i rdul phran dang/ pha rol gyi ngos la sogs pa dbang
shes kyi skyed byed yin yang/ gzung yul ma yin pa srid kyi/ rnam
par shes pa phyogs kyi cha shas med pa la rdul phran rab dang
pha rol gyi ngos la sogs pa de dag gang yang med

@203b pa'i phyir/ rnam par shes pa gzhan gyi snang yul du 'gyur
ba na/ bum pa mthong nas de'i khog pa ma mthong ba lta bu'i cha
gnyis 'thad pa ma yin no/ /TIka byed gzhan dag/ /snang ba gzung
ba ma yin med/ ces pa rang gzhung du byas nas snang ba dbang

shes kyi skyed byed yin kyang gzung yul ma yin pas/ gzung la
gzung nyid skyed byed las/ /gzhan min skyed byed nyid mtshan
nyid/ ces pa la snang bas ma nges so zhe na/ skyon med de/ yul
dbang bar gyi snang ba dbang shes kyis bzung ba ma yin pa med

pa'i phyir ro/ /gzhan yang snang ba bzhin du shes pa snga mas
shes pa phyir ma'i gzung yul byed pa dang/ bskyed pa'i nus pa so
sor yod pa'i dpe don mi mtshungs te/ snang ba ni rags pa phra bar
song ba sogs kyi sgo nas dbang shes kyis ma bzung ba srid kyang

yul gyi cha med pa'i shes pa snga ma la phra rags sogs med pa'i
phyir/ zhes 'tshad med/ de la phra sogs ngo bo yi/ zhes sogs kyi
skabs su bstan pa dang/ bzlos pa'i nyes par 'gyur du dogs so/
/de ltar dbang shes kyi gzung don tsam la spyi khyab

sgrub pa 'phros dang bcas pa bshad nas/ shes pa snga phyi la
sgos khyab sgrub pa ni/ shes pa phyi ma yul la 'pho ba na/ shes
pa snga ma'i gzung ba'i nus pa nyams par 'gyur gyi/ skyed byed
kyi bdag nyid kyi nus pa gzhan nyams pa min na/ shes

pa snga ma shes pa phyi ma'i gzung ba'i don gyi mtshan nyid can
min par 'gyur dgos na'ang/ shes pa snga ma la phyi ma'i gzung
don gyi nus pa las gzhan pa'i shes pa phyi ma skyed byed kyi nus
pa med de/ gzugs sogs rnams rang 'dzin dbang

@204a @#/ /shes kyi gzung don byas pa'i sgo nas bskyed pa de lta
min par ni rang 'dzin dbang blo la dngos su phan 'dogs pa med pa
bzhin no/ /des nas gzung ba'i don gyi mtshan nyid rang snang yul
du byed pa'i shes pa rang gi rnam ldan

du dngos su bskyed pa las gzhan gzung don 'di'i dngos por 'jog
pa'i thabs kyi nges pa gzhan ci zhig yod de/ ce yang med cing/
blo snga ma la'ang blo phyi ma la ltos te gzung don gyi mtshan
nyid de yod par khyod kyis khas len dgos pa

de'i phyir/ blo snga ma de yang blo phyi ma'i gzung don de nyid
du rnam par gnas par khyod kyis khas len dgos pas/ shes pa phyi
ma'i gzung don gyi nus pa las gzhan pa'i shes pa phyi ma'i skyed
byed kyi nus pa can du khas len par mi rigs so/ /blo snga

ma la blo phyi ma'i gzung don gyi mtshan nyid yod par khas len
dgos pa'i rgyu mtshan ci zhe na/ shes pa snga ma chos can/ khyod
rang 'dzin pa yi ni sems kyi gzung don gyi mtshan nyid rang snang
yul du byed pa'i sems phyi ma rang gi rnam ldan du dngos su
bskyed

pad dang ldan par khas len rigs par thal/ khyod sems phyi ma
de'i nyer len dang des khyod myong ba yin pa'i phyir/ des na
gzhung 'di'i don ni/ zhes pa snga ma shes pa phyi ma'i nyer len
dang/ shes pa phyi ma shes pa snga ma'i myong byed du khas

blangs na/ shes pa snga ma shes pa phyi ma rang gi rnam ldan du
dngos su skyed byed yin pa dang/ shes pa phyi ma'i snang yul yin
pa gnyi ga khas len dgos pas rang snang yul du byed pa'i shes pa
phyi ma rang gi rnam ldan du dngos su skyed byed

@204b yin pa zhes pa'i gzung don gyi mtshan nyid de shes pa phyi
ma la ltos nas shes pa snga ma la tshang bar khas len dgos pas/
shes pa phyi ma'i gzung don du khas len dgos zhes ston pa yin
gyi/ rang 'dzin shes pa'i nyer len dang myong bya yin pa de nang
sems

kyi gzung don gyi mtshan nyid du ston pa ma yin zhing/ de 'dra de
nang sems kyi gzung don yod na/ de'i mtshan nyid yin dgos zhes
brtag pa mtha' bzung gi tshul gyis ston pa yang ma yin no/ /kha
cig rang 'dzin shes pa rang gi rnam ldan du dngos

su skyed byed gzung don gyi mtshan nyid du khas blangs nas// nang
sems kyi gzung don med par 'dod pa la ni/ mig shes de rang gi de
ma thag 'bras su gyur pa'i mig shes dran pa'i blo'i gzung don du
thal ba bzlog tu med do/ /gal te/ shes pa phyi

mas shes pa snga ma snang yul du byed na/ shes pa phyi ma yul la
'pho mi srid par 'gyur na/ rnal 'byor pa'i mngon shes kyis rang
gzhan gyi sems dang phyi rol gyi gzungs sogs gnyi ga mngon sum
du rtogs pa ci zhe na/ gzugs sogs

dang ni sems snga ma gnyis ka sems phyi mas snang yul du byas pa
de ltar gzung ba'i mtshan nyid mi 'thad do zhes dpyod pa 'di
gzugs sogs snang yul du byed pa bdag rkyen dbang po gzugs can
la
nges par brten dgos pa'i ma dag pa'i

blo can tha mal pa'i dbang du byas pa yin gyi/ rnal 'byor pa'i
mngon shes kyis rang gzhan gyi sems dang/ phyi rol gyi gzungs
sogs gnyi ga mngon sum du rtogs pa ni bdag rkyen ting nge 'dzin
gyi mthu bsam gyis mi khyab pa la brten

@205a @#/ /pa yin pa'i phyir/ tshul de gnyis mtshungs pa ma yin no/
zhes bya ba ste/ sngon chad gangs ri'i khrod kyi rtog gi smra ba
mtha' dag gis rnam bar ma lhung ba'i legs par bshad pa'i gtam
yin no/ /gzhan yang shes pa snga ma shes pa

phyi ma'i gzung don du 'gyur na/ shes pa snga ma de/ shes pa
phyi mas res 'ga' 'dzin zhing res 'ga' mi 'dzin pa'i khyad par
mi 'thad de/ gzugs sogs phyi ma'i gzung ba de la ches phra ba
dang/ thag ring ba dang/ sgrib byed kyis bsgribs pa

sogs kyi ngo bo yis res 'ga' dbang shes kyi gzung yul min pa
nyid du 'gyur na yang/ gzugs sogs 'dzin pa'i blo snga ma la
sngar med pa'i sgrib byed sogs gang gi sgo nas shes pa phyi ma'i
sgo nas shes pa phyi ma'i snang yul du gyur pa'i gegs

phyis skyes pa ni ci zhig yod de/ de'i phyir/ rang blo snga ma
gzung don du byas nas 'dzin par 'gyur na ni/ de ma thag pa'i
rgyu'i sems gang gi yin pa de nyid kho na 'dzin par 'gyur dgos
pa des na don gzhan phyi rol rtogs par mi 'gyur ro/ /zhes

bya bar grub po/ gal te shes pa snga mas shes pa phyi ma'i gzung
don byed pa'i nus pa las don gzhan pa'i shes pa phyi ma skyed
pa'i nus pa med do zhes bya ba mi 'thad de/ dngos po rnams la
nus pa don gzhan du ma ldan pa'i phyir ro/ /de bas na

shes pa snga mas shes pa phyi ma'i gzung don byed pa'i nus pa
dang/ de nyid skyed pa'i nus pa gnyis rdzas tha dad cing/ nus pa
de gnyis ka yang nus pa can rnam shes snga ma las rdzas tha dad
do zhe na/ dngos po rnams chos can/ rang las rdzas

@205b tha dad pa'i nus pa don gzhan yod pa'i sgo nas 'bras bu
bskyed pa ma yin par thal/ rang las rdzas tha dad pa'i nus pa du
ma dang/ gcig med kyang rang 'bras bskyed pa'i ngo bor skyes pa
nyid kyis 'bras bu gcig dang du ma byed ces brjod pa 'thad pa'i

phyir/ gal te nus pa don gzhan du ma yod pa'i sgo nas 'bras bu
du ma byed pa ma yin na/ rgyu gcig glas 'bras bu du ma 'byung ba
min no zhe na/ rgyu gcig nyid la rang las rdzas tha dad pa'i nus
pa du ma yod pas rgyu gcig las 'bras bu du ma skye

skye ba ma yin gyi/ 'bras bu dag rgyu las 'byung ba'i tshul ni
'di ltar/ rgyu gcig kho na las 'bras bu gcig ni skye ba cir yang
mi rung gi 'on kyang 'bras bu thams cad rgyu rkyen gyi tshogs pa
dag las byung ba yin la/ de ltar na dngos po gcig kyang

'bras bu 'ga' zhig gi nyer len du 'gyur zhing/ 'ga' zhig gi lhan
cig byed rkyen du 'gyur bas 'bras bu so so la ltos te/ rgyu
rkyen gyi tshogs pa gnyis su 'gyur pa'i phyir/ rgyu gcig po de ni
'bras bu du ma byed ces brjod pa yin no/ /'di ni lha

dbang blo'i 'brel par/ gcig las gcig ni cir mi rung/ /tshogs pa
dag las thams cad 'byung/ zhes 'don pa ltar bshad pa yin cing/
rgyun mkhan pos/ ma yin 'ga' zhig gcig las gcig /'bras bu tshogs
pa dag las

'byung/ zhes bton nas/ 'bras bu thams cad rgyu rkyen tshogs pa
dag las 'byung zhing/ 'on kyang dngos po 'ga' zhig ni nyer len
gcig las nyer len can gcig kho na dngos su skye ba la yod de/
dper na mar me'i skad cig snga

@206a @#/ /ma re re las phyi ma re re kho na dngos su skye ba
bzhin no zhes 'chad do/ /gsum pa yul dang rnam shes snga ma cig
car 'dzin pa dga pa ni/ gal te blo phyi ma gzhan gyis phyi rol
gyi don dang rnam shes snga ma gnyis ka cig car

'dzin par 'gyur bas nyes pa de dag med do zhe na/ yi ge a i
'dzin pa'i shes pa bar ma chad du skyes pa na/ i la dpyod pa'i
blo gcig pu de la brjod pa a i gnyis rim min cig car nyid du
snang bar 'gyur bar thal/ rang gi gzung don

i 'dzin pa na de dang dus mnyam du rang gi nyer len a 'dzin
pa'i shes pa de yang as khyad par du byas nas gzung don du byed
pa'i phyir/ des na snga phyir snang ba can nyid phyir/ zhes pa
lha dbang blo'i 'grel bar 'byung yang rgyan du/ snga dang phyi
ma'i

don snang phyir/ zhes 'byung ba ltar bshad par bya ste/ shes pa
snga ma'i gzung gdon a dang phyi ma rang nyid kyi gzung don i
gnyis ka dus mnyam du snang ba'i phyir/ zhes bya ba'i don to/
/la sogs zhes pa'i tshig ni/ 'di dag dang rigs mtshungs pa'i gnod
byed gzhan

yang sdud par byed pa'o/ /'dod par mi rigs te/ a i gnyis thos
pa'i dus rtag tu rim gyis mthong ba'i phyir ro/ /gzhan yang a
gcig pu thos pa'i tshe gcig kyang lan gnyis gnyis snang bar 'gyur
bar thal/ a bdag nyid 'dzin pa'i

shes pa dang de rig pa'i myong byed don gzhan gnyis ka la snang
ba'i phyir/ bzhi ba yul la 'phos pa'i rnam shes tha ma kho nas
snga ma mi myong bar 'dod pa dgag pa ni/ gal te rnam shes yul
gzhan phyi rol la 'pho ba na/ 'pho

@206b kha ma'i blo tha ma de de'i blo phyi mas nyams su myong ba
min par blo phyi ma des don 'dzin pa yin no zhe na/ de ltar na
rgyud gzhan gyis nyams su myong ba'i bde ba la sogs pa rang gis
ma myong ba bzhin du/ rang rgyud kyi blo snga ma thams cad
rang
gis nyams su myong

ba med par thal bar 'gyur te/ don la 'pho kha'i blo tha ma ma
myong ba'i phyir dang/ de ma myong na des shes pa snga ma myong
bar mi rtogs shing/ des na snga ma snga ma rnams la myong byed
tshad ma yod par tshad mas mi rtogs par 'gyur ba'i phyir te/ rang
rig med pa'i

phyir dang/ shes pa phyi mas myong bar mi rtogs pa'i phyir ro/
/gal te bdag gis myong ba ni mngon sum yin la/ gzhan gyis myong
bar gyur ba ni mngon sum ma yin pas bdag gis myong ba yang
gzhan
gyis myong ba bzhin du thal ba'i skyon med do zhe na/ rgyu mtshan

gang gis na/ bdag gis myong ba mngon sum yin la/ gzhan gyis
myong ba bdag la mngon sum ma yin no zhes brjod par 'gyur ba
bdag gis myong ba de nyid tshad ma gang las 'grub re zhig rang
las ni ma yin te/ rang rig pa khas mi len pa'i phyir ro/ /

gzhan las kyang ma yin te/ blo phyi mas myong ba mi 'grub pa'i
tshul bshad zin pa'i phyir ro/ /gal te mig la sogs pa rang rig
med cing shes pa gzhan gyis myong ba ma yin yang/ mig la sogs
pas don gsal lo zhes tha snyad byed pa ltar rang rig med cing

blo phyi mas myong ba ma yin yang/ bdag rgyud la myong bar 'jog
pa mi 'gal lo zhe na/ don gsal ba'i shes pa'i rgyu mig la sogs
pa'i dbang bo rnams ni rang gsal bar ma grub kyang/ rnag gis
bdag rkyen byas pa'i sgo nas shes pa la don gsal bar byed

@207a @#/ /pas dbang bos don gsal bar byed do zhes bya ba'i tha
snyad du 'gyur gyi rnag nyid kyis yul gsal bar 'do dpa'i shes pa
rnams ni rang nyid gsal ba'i ngo bo ma yin na/ don gsal bar byad
pa 'thad pa ma yin te/ gal te rab gsal ba'i

ngo bor ma grub kyang don gsal bar byed na 'gro ba 'di mtha' dag
don gsal bar byed pa'i bdag nyid du 'gyur ro/ /de ltar na mngon
sum gyi le'u'i gzhung gi tshogs mtha' dag bshad zin cing/ mngon
sum gyi le'u 'di la gzhung gi tshad ni sho lo ka sum brgya dang

lnga bcu rtsa gsum rgya dpe las 'byung ngo zhes grags so// !
//kha ba can 'dir sngon chad grags pa'i gzhung/ /klog pa las
gzhan dgos pa ma gzigs te/ /tshul 'di ma bzod rang nyid gzhung
'di la/ /'grel byed ri mo'i rtsom pa blangs pa

snyam// //rgyas pa'i bstan bcos tshad ma rnam 'grel gyi rgya cher
bshad pa rigs pa'i rgya mtsho zhes bya ba las mngon sum gyi
le'u'i rnam par bshad pa ste gsum pa'o/ /dge'o// //