@001a @#/ /rgyal ba kun gyi mkhyen brtse nus gsum gyi bdag nyid
rje btsun tsong kha pa chen po la dmigs brtse ma'i gsol 'debs
dang 'brel ba'i bla ma'i rnal 'byor dga' ldan lha brgya ma'i
khrid yig dngos grub kun 'byung zhes bya ba bzhugs so/ /

@001a @#/ /na mo gu ru ma nydzu g+ho ShA ya/ spros bral ngang du
zhugs pa'i mkhyen rab kyi/ /ral gris 'khor ba'i 'ching rgya kun
bcad kyang/ /srid 'khyams 'gro la bu gcig ltar 'khyud

pa'i/ /'jam mgon lhag pa'i lha la phyag 'tshal lo/ /gangs can
legs byas skya rengs kha lo pas/ /nyer drangs thub bstan yongs
rdzogs snang zer gyis/ /srid zhi'i rgyud mun mthar mdzad rta

ljang can/ /blo bzang grags pas byang chub bar du skyongs/ /blo
gros 'jam dbyangs gzhon nu la 'khyud pa'i/ /rjes chags snying
rje'i rang gzugs grub 'dzin bdag/ /mthu stobs gsang ba kun

'dzin khro rgyal gyi/ /rigs gsum gcig tu 'dus 'di khyad par
chos/ /rnyog bral yid kyi me long gtsang ma'i ngos/ /mgon khyod
bka' drin gzugs kyi snang ris gsar/ /yang yang shar ba'i

@002a @#/ /ngo mtshar 'di mthob tshe/ /tha mal 'khrul ba'i 'khor lo
zhig pa snyam/ /de phyir skyabs kun ngo bo bla ma rjer/ /dung
dung yid kyis gsol 'debs rnal 'byor rim/ /'khrul bral

dam pa'i zhal lung bla na med/ /mchog thun dngos grub yongs kyi
byed por spel/ /de yang 'jam dpal rtsa rgyud las/ /nga ni mya
ngan 'das 'og tu/ /sa yi steng 'di stongs pa na/ /khyod nyid
byis pa'i gzugs

can gyis/ /sangs rgyas mdzad pa byed par 'gyur/ /de tshe dgon
chen rab dga' ba/ /kha ba can nang yod pa yin/ /zhes dus kyi
mthar rje btsun 'jam dbyangs nyid byis pa tha mal pa'i gzugs su
bstan nas sangs

rgyas kyi mdzad pa byed pa dang/ de'i tshe dgon pa'i ming dga'
ldan du thogs par gsal bar lung bstan la sogs mkhyen brtse nus
gsum 'phags pa rigs gsum mgon po dang dbyer med par lung dang
rnam par

@002b thar pa mtha' yas bas rtsod med du 'grub cing/ mdo sngags
kyi thub bstan yongs su rdzogs pa la ma rtogs pa dang/ log par
rtog pa dang the tshom gyi dri ma mtha' dag rgyang ring du
bsrings nas skal ldan kun la tshul ji lta

ba bzhin du 'doms par mdzad pas bstan pa 'di la ston pa gnyis pa
ltar gyur pa'i bka' drin bla na med pa chos kyi rgyal po tsong
kha pa chen po la skyabs gnas kun 'dus kyi bdag nyid du mos nas
gsol ba 'debs pa

dngos grub thams cad kyi 'byung gnas yin par ma zad/ gsol 'debs
dmigs brtse mar grags pa 'di rgyud kyi gsang sngags zab dgu las
kyang lhag pa lta bu'i byin rlabs kyi tshan ka che zhing/ 'di la
brten nas 'phrin las

kyi rim pa'ang ji snyed cig sgrub tu yod pa bcas gsol 'debs 'di
dang 'brel ba'i bla ma'i rnal 'byor thun mong dang thun mong ma
yin pa'i rim pa sna tshogs pa las 'dir srad rgyud pa'i dam pa
gong ma mkhas grub sha stag tu byon pa

rnams kyi zhal shes snyan nga rgyud du bzhugs pa las rim byis
bdag gi drin can rtsa ba'i bla ma khyab bdag rdo rje sems dpa'i
ngo bo khri chen ngag dbang mchog ldan pa'i zhal snga nas las
legs par nos pa'i gdams pa khyad par can dga' ldan

lha brgya mar grags pa 'di nyid dmigs rim snying por 'dril zhing
nyams su len bde ba dang/ 'di'i brgyud pa'i bla ma gong ma 'dul
nag pa dpal ldan bzang pos srad kyi nang du khyim bdag zhig la
rgyal po pe har gyi gnod pas mi mang po gum zhing

@003a @#/ /lhag par shin tu gces pa'i bu zhig gi khog tu brlams
nas gnod pa byed pa btul/ de'i tshe 'dul nag pas bka' bsgos pa
bzhin be har gyis bla ma'i rnal 'byor 'di dang 'brel

ba'i dmigs brtse ma 'don mi la bar gcod mi byed par bro por ba
ltar/ rnal 'byor 'di dang 'brel bar dmigs brtse ma 'don pa su
la'ang sde brgyad spyi dang khyad par be har sogs rgyal gdon
gyis gnod mi nus

par 'dug ces gong ma rnams kyi gsung las byung ba bzhin par gcod
bzlog pa sogs gegs sel bogs 'don thams cad kyi mchog yin pas 'di
nyams su len pa la sngon 'gro/ dngos gzhi/ rjes kyi

rim pa gsum/ dang po ni/ gtsang zhing yid du 'ong ba'i gnas su
dkon mchog gi rten spyi dang/ khyad par rje bla ma'i bris 'bur
gyi sku gang yang rung ba bzhugs pa'i spyan sngar mchod pa dang
maN Dal sogs

bkod pas mdzes par bsham/ rang nyid stan bde ba la 'khod nas dge
sbyor gang la'ang kun slong gi bsam pa la brtags nas 'chos pa
gal che bas na/ kha phyir bltas su ma song bar ga re bdag gis
dal

'byor gyi mi lus rang gzhan thams cad kyi 'di phyi'i don bde
blag tu bsgrub par nus pa yid bzhin nor bu las kyang lhag pa 'di
rnyed/ dud 'gro la sogs pa ngan song rnams lta ci/ mi yi lus
rnyed pa phal che

@003b ba 'di dag kyang tshe 'di 'ba' zhig bde skyid kyi thabs kho
na bsams nas sdig pa dang spyod lam lung ma bstan gyi ngang du
mi tshe zad nas mthar shi ba'i 'og tu ngan song mu mtha' med par
skye dgos pa 'di rnams dang 'dra bar bdag kyang tshe 'di'i bde
thabs

kho na bsam na dud 'gror skyes pa dang khyad par mi 'dug pas/
rten 'di chud ma zos par 'di phyi thams cad du phan nges pa'i
dam pa'i chos kyi snying po lon pa zhig bya dgos par 'dug/ /dam
pa'i chos bsgrub pa de yang sang bya gnangs bya'i ngang

du lus na/ lus srog la yid brtan gang yang med pas de ring rang
yang mi 'chi ba'i nges pa ci yod/ /gal te de ring lta bur shin
sngon sems la brtan pa ma thob pas sdig pa de tsam zhig bsags/
/dge ba blo bde nges pa gang yang

bsags pa mi dran 'dug pas ci rang drag/ /shi ba'i 'og tu ngan
song log pa'i gnas kho nar 'gro ba las ma 'das 'dug/ /da rang
gis rang sdug tu ma bcug par da lta shi yang mi 'gyod pa'i chos
shig de ring rang nas bya dgos pa la/ rje btsun

tsong kha pa chen po rigs gsum gyi bdag nyid du gsol ba 'debs
pa'i rnal 'byor 'di nyid lam gyi rtsa bar 'dug pas nyams su len
pa la 'bad par bya snyam du bsam/ de yang bdag gi 'khos ka 'di
la spyir 'khor ba khyad par ngan song gi

sdug bsngal las thar pa zhig gi nus pa ma mchis pas/ bdag dang
nyam thag pa'i sems can thams cad gnas skabs thams cad du skyob
nus pa'i yul khyad par can zhig la brten dgos par 'dug / /de
yang sangs rgyas skyon kun zad/ /

@004a @#/ /yon tan kun ldan gyi mgon po thugs rje nye ring med
pa/ shes bya thams cad gzigs pa yin pas bdag nam yang mi bslu
bar skyob par nus pas de la skyabs gnas dang ston pa zhu/ /bdag
gzhan thams cad sdug

bsngal rgyu dang bcas pa las grol bar byed pa'i thabs dngos ni
dam pa'i chos kho nar 'dug pas/ de skyabs dngos su bsten pa
dang/ chos de bsgrub pa'i grogs mi bslu ba dge 'dun yin pas de
la lam bsgrub pa'i zla grogs zhus nas/ bdag

gis rang gzhan sems can thams cad kyi don du skyabs dkon mchog
gsum la brten par bya'o snyam du bsams nas/ mdun du pad ma'i
sdong po yang shing rgya che ba'i lte bar drin can rtsa ba'i bla
ma dang ngo bo dbyer med pa'i chos kyi rgyal po

tsong kha pa chen po/ g.yas g.yon du sras kyi thu bo gnyis/
de'i mtha' skor du dngos brgyud kyi bla ma yi dam sangs rgyas
byang sems dpa' bo mkha' 'gro chos skyong srung ma'i tshogs thams
cad kyis bskor ba mngon sum lta bur gsal legs

par btab/ skyabs yul de rnams kyi sku gsung thugs 'phrin las
dang bcas pa'i yon tan dran nas dad gus shugs drag po dang/ rang
nyid 'khor ba spyi dang bye brag ngan song gi sdug bsngal la
shin tu skrag pa'i blo dang/ skyabs yul

rnams la de las skyob pa'i nus pa yod par yid ches pa'i sgo nas
'di phyi bar do'i gnas skabs gang du mtho dman cir gyur yang bla
ma dkon mchog khyed rnams mkhyen snyam pa dang/ mtha' skor du
pha ma rigs drug gi sems can thams cad

@004b kyang 'khod pas skyabs yul rnams legs par mthong bas rang
dang 'dra bar yid khyed shes kyi mos gus dang 'jigs skrag gi blo
shugs drag pos skyabs su 'gro ba dang/ rang gis skyabs 'gro'i
tshig 'don pa dang mnyam du de rnams kyis kyang brjod

par mos la/ bdag dang 'gro ba nam mkha' dang mnyam pa'i sems can
thams cad dus 'di nas bzung ste byang chub snying po lam chis
kyi bar du dpal ldan bla ma dam pa rnams la skyabs su mchi'o/
/rdzogs pa'i sangs rgyas bcom ldan 'das

rnams la skyabs su mchi'o/ /dam pa'i chos rnams la skyabs su
mchi'o/ /'phags pa'i dge 'dun rnams la skyabs su mchi'o/ /zhes
pa'i skyabs 'gro bzhi skor lan gsum la sogs par brjod/ /de nas/
sems can thams cad rang gi

tshe rabs sngon ma mang por phan pa tshad med pas bskyangs te rang
gi phyir srog dor ba'ang grangs med pa zhig byas pa'i ma yin
lugs dang/ de'i drin dran pa dang drin gzo ba'i blo sngon du
btang nas/ ma 'di rnams bdag la de tsam gyi drin che ba

yin pa la/ 'khor ba'i sdug bsngal mtha' dang mu med pas bar
mtshams med par mnar ba'i gnas skabs 'di 'dra shin tu snying re
rje/ da de rnams kyi sdug bsngal sel ba dang bde ba bsgrub pa'i
khur bu bdag la babs mod kyang/ de rnams

skyob pa'i nus mthu gang yang med pas skyon kun zad yon tan kun
ldan gyi sangs rgyas kyi go 'phang zhig thob na/ rang ngos nas
spangs rtogs thams cad mthar phyin pa'i bde ba bla na med pa
rnyed pa dang/ sems can rnams kyang sgrol nus par

@005a @#/ /'dug pas/ ci nas kyang sangs rgyas kyi go 'phang myur
ba myur bar thob pa bya'o snyam pa'i blo shugs drag po bskyed
nas/ sangs rgyas chos tshogs ma lta bu'i byang chub sems gzung gi
tshig lan gsum brjod/ /de nas

sems can rnams bde bas phongs lugs dang sdug bsngal gyis mnar
tshul bsam nas 'di rnams bde ba dang bde ba'i rgyu thams cad dang
ldan na ci ma rung/ ldan par gyur cig/ ldan par bdag gis bya'o
snyam pa sogs kyi sgo nas/

sems can thams cad bde ba dang bde ba'i rgyu dang ldan par gyur
cig /sdug bsngal dang sdug bsngal gyi rgyu dang bral bar gyur
cig/ /sdug bsngal med pa'i bde ba dang mi 'bral bar gyur cig/
nye ring chags sdang gnyis dang bral

ba'i btang snyoms la gnas par gyur cig /ces pa lan gsum gyis
tshad med bzhi sgom mo/ /gnyis pa dngos gzhi la/ tshogs kyi zhing
spyan 'dren pa dang/ de la tshogs bsag pa dang/ gsol ba btab nas
dngos grub

zhu ba gsum las/ dang po ni/ ri rab kyi steng du sum cu rtsa
gsum dang/ de'i steng gi nam mkhar thab bral de'i steng gi nam
mkhar dga' ldan gyi lhag nas yod cing/ dga' ldan gyi lha byings
kyi gnas nas grong las dgon pa

ltar 'phags pa'i char/ rje btsun byams mgon gyi pho brang rgyal
mtshan mthon po dang/ de'i mdun du rje btsun gyis chos gsung sa'i
kun dga' ra ba yid dga' chos 'dzin zhes bya ba yod par gsungs
pas/ rang kha ri rab

@005b la phyogs par mos pa'i steng gi nam mkhar rje btsun gyi
zhing khams sa gzhi rin po che sna tshogs las grub pa mnan na nem
dang bteg na sbar byed pa'i mnyen pa la/ mtsho dang rdzing bu
dang/ 'bab chu dang/ bsams pa tsam gyis dgos

'dod thams cad rang gi mdun du 'byung ba'i dpag bsam gyi shing
dang/ gzhan yang shing dang me tog gi tshal la sogs pa yid la
dran pa tsam gyis kyang dga' ba bskyed nus pa'i dbus su khang
bzang rgyal mtshan mthon po rin po che sna

tshogs las grub cing nyi zla zil gyis gnon nus pa lta bu'i 'od
zer 'phro ba/ rin po che'i dra ba dang/ dra phyed dang/ dril bu
dang/ rnga yab la sogs pa'i rgyan du ma 'phyang 'phrul du g.yo
ba/ de'i mdun du yid dga' chos 'dzin gyi kun

dga' rab gser gyis gzhi la bai DU ra ya'i mig mang ris su bris
pa/ dri zhim zhing ro mngar gyi 'bras bu dang ldan pa'i shing
dang/ kha dog khyad par 'phags pa'i me tog la sogs pa lta bas mi
ngoms pa'i dbus su seng ge'i brgyad kyis

bteg pa'i rin po che'i khri yangs shing rgya che ba'i steng du
rje btsun byams pa mgon po sku mdog gser btso ma lta bu/ nyi ma
'bum dang 'dra ba'i 'od zer can/ rin po che'i rgyan dang lha
rdzas kyi dar gyi na bza' gsol ba zhabs gnyis bzang

po'i 'dug stangs kyis zhal rang la phyogs par bzhugs pa'i mtha'
skor du/ jo bo a ti sha dang/ rje yab sras la sogs pa phyogs
bcu nas 'dus pa'i dag pa'i 'khor tshogs grangs med pas bskor ba
gsal btab nas rang yang gnas der@006a @#/ /sleb nas zhing gi yon tan thams
cad
mig gis mthong ba
snyam byed pa dang/ rje btsun gyi gsung chos kyi sgra rna bas
lhang lhang bar thos pa'i mos pa shugs drag po yun mi thung tsam
bya ste dag pa'i zhing sbyong du 'gro ba dang

phyi mar gnas der skye ba'i bag chags 'jog pa sogs kyi dgos pa
shin tu che/ de nas rje btsun gyi thugs ka gser gyi gtan pa
phyis pa lta bu la dpal be'u'i dra mig khra seng ba'i dbus su
sprin dkar po lding ba'i steng na rje bla ma sku mdog

dkar la dmar ba'i mdangs chags pa phyag gnyis thugs kar chos
'khor gyi phyag rgya mdzad pa las g.yas g.yon du g.yes pa'i
uT pa la'i 'dab ma snyan gyi thad sor gnas pa'i g.yas steng
shes rab kyi ral gri dang/ g.yon steng sher phyin

gyi glegs bam bsnams pa/ dbu la gser mdog gi paN zhwa dang sku
la chos gos rnam gsum gsol ba zhabs rdo rje'i skyil krung gis
bzhugs pa'i g.yas phyogs rgyal tshab thams cad mkhyen pa dbu
cung zad 'dud pa'i rnam pa dang/ g.yon phyogs

mkhas grub thams cad mkhyen pa sku cung zad 'gying ba lta bu/
gnyis ka'ang sku mdog dang na bza' sogs gtso bo dang 'dra ba la
phyag g.yas chos 'chad dang/ g.yon mnyam gzhag gi steng na
glegs bam bsnams pa zhabs rdo rje'i skyil

krung gis bzhugs pa gsum gsal legs par btab cing/ gzhan yang
byams mgon gyi thugs ka nas 'od zer gyi sne la gang 'dul gyi
sprul pa mu med du 'phro ba dang/ sdud par mdzad par bsam/ de
nas rje bla ma la sku gsung thugs

@006b kyi yon tan dran pa'i dad gus chen po'i sgo nas bdag gi
mgon skyabs dang dpung gnyen gyi slad du 'dir gshegs na ci ma
rung snyam pa'i gdung shugs drag pos/ dga' ldan lha brgya'i mgon
gyi thugs ka nas/ /rab dkar zho

gsar spungs 'dra'i chu 'dzin rtser/ /chos kyi rgyal po kun
mkhyen blo bzang grags/ /sras dang bcas pa gnas 'dir gshegs su
gsol/ /zhes spyan drangs pas byams mgon gyi thugs ka nas sprin
dkar po dar dkar brkyang ba 'dra

ba'i sner rje yab sras gsum bzhugs pa rang gi mdun thad yer gyis
byon pa'i mtha' skor du bla ma yi dam sangs rgyas byang sems
dpa' bo mkha' 'gro chos skyong srung ma'i tshogs thams cad kyis
bskor ba khrom tshogs lta bu'am/ yang na rje

yab sras gsum po skyabs gnas kun 'dus kyi bdag nyid du mos pas
kyang chog ste phyi ma kun 'dus nor bu lugs so/ /de yang gsang
bdag las kyi rdo rjer/ yi dam lhas/ byams pa yid la bslab pa tus
zhus zhes lung bstan pa ltar rje

tsong kha par bslab btus gsan pa'i tshe/ grub chen rin po ches
rje'i dbu steng du byams pa/ sku dpung g.yas par 'jam dbyangs/
g.yon par lha mo dbyangs can ma bzhugs par gzigs pa dang/ rje
sku drung du phebs par nye skabs/ mgon

po byams pa 'byon gyin yod zer ba'i lung bstan byung ba sogs rje
bla ma byams pa dang ngo bo gcig yin pa dang/ tha mal pa'i ngor
sku tshe de'i rjes ma dga' ldan du rgyal sras 'jam dpal snying po
zhes par 'khrungs pa'i lung bstan bzhin sprul ba zhig

@007a @#/ /zhing der byams mgon gyi sras kyi thu bor bzhugs pa'i
tshul bstan pa sogs la dgongs nas 'dir rje btsun gyi thugs ka nas
spyan 'dren par mdzad pa yin zhes gsungs/ gnyis pa ni/ de ltar
bsod nams kyi

zhing spyan drangs pa la yan lag bdun gyis tshogs gsog pa'i thog
mar mya ngan las mi 'da' bar gsol ba gdab pa ni/ mdun gyi thad
drang du seng ge'i khri yangs shing rgya che ba dang/ g.yas
g.yon du de las dma' ba'i seng ge'i khrir pad ma

dang zla ba'i gdan la rje yab sras gsum bzhugs par mos nas/ bdag
dang bdag 'dra'i sems can blang dor gyi gnas la mig long ba lta
bu rnams kyi long khrid dang/ nyon mongs pa'i nad shugs drag pos
gtses pa rnams gso byed kyi

sman pa dang sdug bsngal gyi rgya mtsho chen po'i klong du bying
ba rnams 'byin byed kyi mnyan pa lta bur mgon med skyabs med du
lus pa bdag cag gi skyabs gnas khyed las gzhan su la re bas bdag
cag gi mgon dang/ mdo sngags kyi bstan

pa'i gnad dri ma med pa rnams bshad sgrub kyis dar zhing rgyas
pa'i slad du bskal brgyar mi g.yo bar bzhugs su gsol lo snyam
nas/ mdun gyi nam mkhar seng khri pad zla'i steng/ /rje btsun
bla ma dgyes pa'i 'dzum dkar can/ /bdag

blo dad pa'i bsod nams zhing mchog tu/ /bstan pa rgyas phyir
bskal brgyar bzhugs su gsol/ /zhes gsol ba gdab/ 'dir thog mar
mya ngan las mi 'da' bar gsol ba'i yan lag 'byung ba ni/ tshogs
gsog pa'i zhing

@007b 'gran zla med pa ni bla ma yin la/ de la tshogs gsog pa la
tshogs kyi zhing du brtan par bzhugs pa zhig dgos pas thog mar
brtan bzhugs kyi gsol ba gdab pa yin gsungs/ phyag 'tshal ba'i
yan lag ni/ rang gi lus zhing gi

rdul grangs dang mnyam par sprul pa rnams dang sems can thams
cad kyis kyang lus kyis phyag 'tshal ba dang ngag gis bstod
dbyangs brjod pa dang yid kyis dad gus chen pos gsol ba gdab par
mos nas/ shes bya thams cad res 'jog ma

yin par skad cig gcig gis dus cig car du mngon sum du gzigs pa'i
thugs rnam pa thams cad mkhyen pa dang brjod pa gcig la yang
skal ldan gyi 'gro ba rang rang gi skad dang dbang por 'tshams
pa'i chos su go nas gnas skabs dang mthar

thug gi dge legs ster bar mdzad pa'i gsung dang/ 'khor los sgyur
ba dang/ nyan rang dang so skye phal pa thams cad kyi bsod nams
brgya 'gyur gyis ba spu gcig 'grub pa sogs/ bsod nams mtha' yas
dpag tu med pas bskrun pa'i

mtshan dpe gsal rdzogs kyi sku'i yon tan rnams dran par byas la/
shes bya'i khyon kun 'jal ba'i blo gros thugs/ /skal bzang rna
ba'i rgyan gyur legs bshad gsung/ /grags pa'i dpal gyis lham mer
mdzes pa'i sku/ /mthong thos dran

bas don ldan la phyag 'tshal/ /zhes brjod/ mchod pa'i yan lag ni/
mdzes shing yid du 'ong bas mig dang mid la dga' ba bskyed nus
pa'i mchod pa'i lha mo lag na mchod yon/ zhabs bsil/ zhal bsil/
bsang gtor/ sil ma

@008a @#/ /dang sdong po'i me tog dri zhim zhing kha dog rnam par
bkra ba/ bdug spos kyi dud sprin/ mun sel gyi snang ba/ byug
pa'i dri chab/ ro brgya ldan pa'i bza' btung gi bye brag /'bud
dkrol brdung rgyud kyi rol mo'i bye

brag thogs pa bsam gyis mi khyab pa dang/ gzhan yang gzugs mdzes
pa/ sgra snyan pa/ dri zhim pa/ ro 'da' ba/ reg bya 'jam pa'i
'dod yon sna lnga dang/ rgyal srid rin chen bdun/ bkra shis pa'i
rtags rdzas la sogs pa

dang/ bdag pos ma bzung ba'i chu mtsho/ nags tshal me tog /sman
gyi ri bo sogs mdor na mnyes byed kyi mchod pa'i bye brag gang
yang ma tshang ba med pa dang/ rgyal ba sras bcas kyi ting nge
'dzin gyi rol pa las byung ba'i kun bzang mchod

sprin gyi tshogs kyang blos blangs te phul bar bsams la/ yid 'ong
mchod yon sna tshogs me tog dang/ /dri zhim bdug spos snang gsal
dri chab dang/ /dngos bshams yid sprul mchod sprin rgya mtsho
'di/ /bsod nams zhing mchog khyed

la mchod par 'bul/ /zhes brjod pas mchod pa rnams bdag gir bzhes
te thugs rgyud la bde ba khyad par can 'khrungs te mnyes shing
tshim par bsam/ bshags pa'i yan lag ni/ rang gis thog med nas
'khor ba 'dir 'khyams

pa'i tshe rabs su bsags pa'i sdig ltung mtha' yas pa zhig 'bras
bu phyung ma zin par yod pa rnams dang/ khyad par tshe 'dir sdom
gsum dang 'gal ba'i bcas rang gi nyes ltang ji snyed bsags pa
dran pa'i yul du gyur pa rnams la bsngo

@008b bgrang byas nas/ 'di dag dang gzhan yang dran pas ma zin
pa'ang mtha' yas pa zhig yod pas 'di rnams kyi 'bras bu la bdag
phyi mar dmyal bar skye ba sogs sdug bsngal tshad med pa myong
dgos par ma zad/ tshe 'di la yang yon tan skya

ba la gegs byed pa sogs kyi nyes dmigs shin tu che bar bdug pas
ci rang drag 'di lta bu'i sdig pa bsags pa la ang snyam pa'i
'gyod sems dug khong dug khong du song ba la 'gyod pa ltar shugs
drag po dang/ da phyin chad 'di 'dra'i sdig pa

mi bgyid snyam pa'i sdom sems kyi sgo nas/ skyabs yul rnams kyi
spyan sngar sdig pa rnams mi 'chab par/ gdung pa'i 'o dod kyis
bshags par mos te/ bdag gis thog med dus nas bsags pa yi/ /lus
ngag yid kyi sdig pa ci

bgyis dang/ /khyad par sdom pa gsum gyi mi mthun phyogs/ /snying
nas 'gyod pa drag pos so sor bshags/ /zhes brjod pas/ bshags yul
rnams kyi sku las 'od zer 'phros pa rang gi lus ngag yid gsum la
phog pas sdig sgrib

thams cad mun khung du nyi zer zhugs pa bzhin sangs kyis sbyangs
pa'i mos pa bya la/ gzhan sems can thams cad kyi sdig sgrib
sbyong ba'i dmigs pa byas na'ang legs pas zhib par man ngag las
shes par bya/ bshags yul

gsal btab pa la mos gus kyis skyabs su 'gro ba dang/ rang 'dra'i
'gro ba sdig pa'i rgyu 'bras la spyod pa rnams kyi ngang tshul
bsams nas snying rje shugs can bskyed de nyam thag 'di rnams kyi
phyir du bdag gis sangs rgyas kyi go 'phang zhig

@009a @#/ /thob na snyam pa'i byang chub kyi sems du re ba bskyed
pa gnyis ni rten gyi stobs/ sngon chad sdig pa byas pa la 'gyod
pa rnam par sun 'byin pa'i stobs/ slan chad mi byed par sdom pa
nyes pa las slar ldog pa'i

stobs/ bla ma tshogs zhing du gsal ba la phyag 'tshal mchod 'bul
sogs bgyis pa dang/ bshags pa'i 'khor gsum la mi dmigs pas rgyas
'debs pa gnyen po kun spyod kyi stobs yin pas de bzhi tshang ba'i
sgo nas sdig pa

bshags pas shin tu stobs che ba'ang sbyang bar nus pa'i thabs
bla na med pa'o/ /rjes su yi rang ba'i yan lag ni/ rje bla ma'i
sku tshe gzhan dang 'dir phal pa'i blos dpag par mi nus pa'i
gsang ba gsum gyi mdzad pa rnams lta ci/

tshur mthong gi blo rang gi bas gzhal bar nus pa'i sku tshe 'di'i
mdzad pa sku na phra mo nas mdo sngags kyi gzhung phyogs re ba
tsam ma yin par rgyud sde bzhi dang phar phyin theg pa'i sde
snod gsum la 'grel byed tshad mar gyur pa'i mkhas grub rnams

dang grub mtha' bzhi'i bzhed srol phra zhing phra ba la'ang phu
thag chod par sbyangs pas mkhas pa gangs can gyi ston chen sus
kyang 'gran zla med par gyur pa dang/ gang thos pa de rnams
kyang thos lo tsam ma yin par gzhung lugs thams

cad gdams ngag tu shar nas/ thos don mtha' dag la 'dor rgyu spu
tsam yang med par smin grol gyi thabs zab mor gzigs nas bsam pa
dang bsgom pas tshul bzhin sgrub pa la brtson pa dang/ de yang
chos brgyad kyi bslad pa phra mo

@009b tsam yang ma zhugs par/ bstan pa dang gzhan gyi don kho
nar thugs nyams su bzhes pas mchog dang thun mong gi dngos grub
thams cad brnyes nas rang nyid grub pa mchog gi sar gshegs/ skal
ldan gyi gdul bya la bla med kyi rim

pa gnyis la sogs pa rgyud sde bzhi'i thun mong ma yin pa dang
zab mo dbu ma'i lta ba la sogs pa phar phyin theg pa'i thun mong
ba'i lam gyi gnad thams cad gsal la rdzogs pa gangs can 'dir
sngon byon gyi mkhas grub sus kyang ston par

ma nus pa'i legs bshad kyis lhug par bstan nas da lta'i bar
du'ang mtha' dbus kun tu bstan pa yongs rdzogs la phyogs mthong
tsam gyis thos bsam bsgom pa byed pa 'di thams cad rje 'di nyid
kyi bka' drin yin pa gzur gnas kyis

bltas na shes pas de 'dra'i rnam par thar pa dran par byas la
sems dga' bas yi rang ba dang/ bdag gis kyang 'di lta bu'i rnam
thar skyong nus par shog cig snyam nas/ snying ma'i dus 'dir
mang thos sgrub la brtson/ /chos brgyad

spangs pa'i dal 'byor don yod byed/ /mgon po khyod kyi rlabs
chen mdzad pa la/ /bdag cag bsam pa thag pas yi rang ngo/ / zhes
brjod/ chos 'khor bskor bar bskul ba'i yan lag ni/ rje yab sras
rnams kyi thugs sgrib pa bag

chags dang bcas pa dag pa'i bde stong gi 'od gsal las nam yang
g.yo ba med bzhin du sngon gyi smon lam dang thugs rje'i shugs
kyis gang 'dul gyi gdul bya la sku gsung thugs kyi snang ba 'bad
med lhun grub tu 'char bas na/ dper na

@010a @#/ /nam mkha' g.ya' dag pa la sprin 'khrigs pa las char
gyi rgyun sa gzhir 'bad med du 'bab pa bzhin chos sku'i mkha'
dbyings su mkhyen dang brtse ba'i sprin 'khrigs pa las zab pa
deng rgya che ba'i dam chos kyi

char bdag cag gdul bya rnams kyi blo gros kyis gzhir chad med du
dbab tu gsol snyam pas/ rje btsun bla ma dam pa khyed rnams
kyis/ /chos sku'i mkha' la mkhyen brtse'i sprin 'khrigs nas/ /ji
ltar 'tshams pa'i gdul bya'i 'dzin

ma la/ /zab rgyas chos kyi char pa dbab tu gsol/ /zhes brjod la/
'di dang mya ngan las mi 'da' bar gsol ba gnyis la gang gsol ba
ltar zhal gyis bzhes pa'i mos 'dun bya/ bsngo ba'i yan lag ni/
bdag gis lam zab mo bla

ma'i rnal 'byor bsgoms pa 'dis mtshon dus gsum bsagas dang bsag
bzhin gsog 'gyur gyi dge tshogs ji snyed pa thams cad spyir bstan
pa rgyas pa dang/ mkha' khyab kyi 'gro ba mtha' dag la gang phan
pa'i thabs dang/ khyad par

rje bla ma'i mdo sngags lung rtogs kyi bstan pa dri med 'di nyid
phyogs dus gnas skabs thams cad du mi mthun phyogs kyi dri mas
ma gos par nyi ma bzhin du gsal bar byed nus pa'i rgyur gyur cig
snyam du bsams nas/ bdag gis ji snyed

bsags pa'i dge ba 'dis/ /bstan dang 'gro ba kun la gang phan
dang/ /khyad par chos kyi rgyal po tsong kha pa'i/ /bstan pa'i
snying po ring du gsal byed shog/ /ces brjod la 'di ni dge ba
chung ngu yang rgya cher 'phel zhing/ byang chub

@010b kyi bar du mi 'dzad pa'i thabs bla na med pa yin par ma
zad rgyal ba'i bstan pa 'dzin pa'i smon lam 'di nyid rgyal sras
kyi smon lam btab pa ji snyed thams cad dam chos 'dzin pa'i smon
lam gyi nang du 'dus par gsungs pas bsngo ba smon lam

thams cad 'dus pa'i sdoms lta bu mchog gong na med pa'o/ /gsum
pa gsol ba btab nas dngos grub zhu ba ni/ dmigs brtse ma ci
'grub kyi sgo nas gsol ba gdab par bya la/ de yang byang chub
sems dpa' thams cad kyi nang nas

dmigs pa med pa'i brtse ba chen po'i gter chen po mnga' ba la
'phags pa spyan ras gzigs 'gran zla dang bral ba dang/ ji lta ji
snyed kyi shes bya'i gnas thams cad la dri ma med pa'i mkhyen
rab/ byang sems thams cad kyi nang nas

'gran zla dang bral ba 'jam dpal dbyangs yin pa dang mtshungs
par/ bod 'dir sngon byon gyi mkhas pa thams cad kyi nang na mdo
sngags gang gi skabs su'ang gzu bo'i blos zhib par brtags na rje
'di nyid kyi mkhyen pa dang mnyam pa su

yang med par legs bshad rnams las dpags te shes nus pa bzhin
gangs can gyi mkhas pa thams cad kyi nang na 'gran zla med pas
gtsug gi rgyan du gyur ba shar phyogs tsong kha'i yul du sku
'khrungs ba blo bzang grags pa'i dpal gyi

sku'i cha dma' shos zhabs kyi pad mo la bdag gi spyi bos btud
nas gsol ba 'debs so bdag kyang khyed rang lta bur mkhas pa'i
yon tan phul du phyin pa thob par byin gyis brlab tu gsol snyam
du sems pa ni phyi mtshungs pa gsal byed@011a @#/ /kyi sgo nas gsol ba gdab pa rje
bla ma'i phyi sgrub
yin la/ gsol ba ni zhu ba dang 'debs pa ni 'bul ba'i don te zhu
ba 'bul zhes pa'o/ /yang dmigs pa med pa'i snying rje chen pos
'grol rtag tu gzigs

ba'i yon tan mnga' ba la spyan ras gzigs dang/ bden gnyis kyi
shes bya'i ka nas thams cad la mkhyen pa dri ma med pa mnga'
ba'i dbang por gyur pa la rje btsun 'jam dpal dbyangs dang 'dra
ba ste/ mdor na snying rje dang mkhyen rab/ spyan

ras gzigs dang 'jam dbyangs kyi thugs rgyud la ji ltar mnga' ba
de lta bu dang ldan pa'i rje tsong kha pa la gsol ba 'debs so/
/bdag kyang sgrub pa lhur blangs nas rtogs pa'i yon tan khyad
par can de lta bu thob par byin gyis brlab

tu gsol snyam pa ni nang yon tan de ldan gyi sgo nas gsol pa
'debs ba rje bla ma'i nang sgrub po/ /yang rgyal ba thams cad
kyi brtse ba gcig tu bsdus pa'i ngo bo lhar shar ba ni 'phags pa
spyan ras gzigs yin la/ rje 'di yang de

dang ngo bo gcig yin pas rgyal ba thams cad kyi snying rje'i
bdag nyid yin cing/ rgyal ba thams cad kyi mkhyen rab gcig tu
bsdus pa'i ngo bo ni rje btsun 'jam dbyangs yin la/ rje 'di rje
btsun 'jam dbyangs nyid mi'i rnam par

bstan pa yin pas rgyal pa thams cad kyi mkhyen pa'i ngo bo yin
pa dang/ sangs rgyas thams cad kyi mthu nus gcig tu bsdus pa'i
ngo bo lhar shar pa ni dpal gsang pa'i bdag po yin la/ rje 'di
yang de dang ngo bo gcig yin pas/

@011b rgyal ba kun gyi mthu stobs kyi bdag nyid du'ang grub la/
/de ltar rigs gsum gyi ngo bo rje tsong kha pa blo bzang grags
pa'i sku'i cha dma' shos zhabs kyi pad mor bdag gi mgo pos btud
de gsol ba 'debs so/ /bdag kyang khyed rang lta bur

lhag pa'i lha rigs gsum mgon po'i mkhyen brtse nus gsum gyi yon
tan thams cad thob par byin gyis brlab tu gsol snyam pas/ dmigs
med brtse ba'i gter chen spyan ras gzigs/ /dri med mkhyen pa'i
dbang po 'jam dpal

dbyangs/ /bdud dpung ma lus 'joms mdzad gsang ba'i bdag/ /gangs
can mkhas pa'i gtsug rgyan tsong kha pa/ /blo bzang grags pa'i
zhabs la gsol ba 'debs/ /zhes brjod pa ni gsang ba lhag pa'i lha
dang ngo bo dbyer med

du gsol ba 'debs pa ste rje bla ma'i gsang sgrub yin la/ de
yang/ bdag nyid chen po 'di mgon po 'jam dbyangs yin par sngar
drangs pa'i 'jam dpal rtsa rgyud kyi lung bstan sogs las gsal
bar 'grub cing/ de ltar na/ bka'

gdams glegs bam las/ 'phags pa rigs gsum mgon po ngo bo gcig par
gsungs pas/ rje 'di rigs gzhan gnyis kyi rnam rol yin pa'ang
'grub par ma zad gsang ba'i rnam par thar par zur tsam gsal bas
mtshon tshad

ma'i lung rigs gzhan gyis kyang spyan ras gzigs dang/ gsang bdag
dang ngo bo gcig par sgrub tu yod/ de ni rje bla ma rigs gsum
gyi bdag nyid du mos nas gsol ba 'debs pa yin la/ yang rje 'jam
dbyangs dang/ rgyal tshab spyan

@012a @#/ /ras gzigs/ mkhas grub gsang bdag gi ngo bor mes nas
dmigs brtse mas gsol ba 'debs pa'i 'khrid tshul kyang yod par
gsungs/ de ltar gsol ba 'debs tshul gsum gyi snga ma ni/ gtso bor

mkhas pa'am lung gi yon tan gyi sgo nas bstod pa dang/ phyi ma
gnyis ni grub pa'am rtogs pa'i yon tan gyi sgo nas bstod pa yin
la/ de rnams dran bzhin pa'i sgo nas legs par gsol ba btab na
rigs gsum mgon po la

yang gsol ba btab par 'gyur ba dang/ de rnams kyi gzungs sngags
zab mo bzlas pa dang 'dra ba'i phan yon sogs thob par 'gyur ba
gdon mi za'e/ /tshul de lta bu gsol ba 'debs bzhin par dngos grub
zhu ba'i dmigs pa bya

tshul ni/ ma dag 'khrud dang mi shes gsal/ /sku yis che zhing
gsung gis gsal/ /sa bon myur ba phyag mtshan zab/ /glegs bam ral
gri glegs ral gyis/ /'chad dang rtsod dang rtsom pa'o/ /zhes
pa'i sdoms tshig ltar/

ma dag pa 'khrud pa'i dmigs skor sngon du btang nas dngos gzhi
la/ sku'i sgo nas shes rab che ba/ gsung gi sgo nas gsal ba/
thugs sa bon gyi sgo nas myur ba/ phyag mtshan gyi sgo nas zab
pa/ glegs bam gyi sgo nas 'chad

pa/ ral gri'i sgo nas rtsod pa/ glegs ral gnyis ka'i sgo nas
rtsom pa'i shes rab sgrub tshul bdun las/ dang po ni/ de ltar
gsol ba btab pas rje yab sras gsum mnyes nas thugs ka nas 'od
dkar po'i spu gu phu dung lta bu brkyang

@012b pa'i sne mo gcig tu gyur pa rang gi spyi bo'i tshangs bug
la zug /de'i nang brgyud ngo bo ye shes la rnam pa bdud rtsi
dkar po 'o ma'i rgyun lta bu dpag tu med pa babs/ spyi bo nas
zhugs lus kyi nang thams cad gang bas tshe rabs thog med

nas bsags pa'i sdig sgrib dang mi shes pa thams cad dung khu
dang sol khu'i rnam pa/ nad gdon thams cad sdom dang sdig pa
sbal lcong la sogs pa'i rnam par/ phu chu chen pos rtswa sbur la
sogs pa ded pa bzhin du ba sbu'i sgo

thams cad nas phyir ded/ lus ye shes kyi bdud rtsis khrig mer
gyis gang zhing gsal sing nge bar song bar bsam/ /slar yang gsol
ba btab pas/ sbu gu nas 'od zer dmar ser gyi rgyun babs spyi bo
nas zhugs pas lus kyi nang

thams cad gang/ khyad par bdud rtsi'i rdul phra rab thams cad
rje btsun 'jam dbyangs kyi sku'i rnam bas bar mtshams med par
gtams pa/ de thams cad las 'od zer 'phros pas phyogs bcu'i rgyal
ba sras dang bcas pa'i

mkhyen rab thams cad rje btsun 'jam dbyangs kyi sku'i rnam pa
dpag tu med par spyan drangs/ ba spu'i bu ga nas zhugs/ lus kyi
nang gi 'jam dbyangs rnam la thims pas lus kyi nang thams cad
lha sku 'od zer dang bcas pas gsal

sing sing bar byas nas/ ma rig pa'i mun pa dang khyad par blang
dor gyi gnas rnams rang stobs kyis 'byed pa la rmongs pa thams
cad bsal/ zhes bya thams cad la blo gros kyi snang brgyas/ bye
brag gsung rab kyi dgongs don sogs blang

@013a @#/ /dor gyi gnas thams cad rang stobs kyis 'byed nus pa'i
shes rab rlabs che ba thob byung snyam pa'i dmigs pa ma yengs
par bya/ gnyis pa gsung gi sgo nas shes rab gsal bsgrub pa la/
ma dag pa 'khrud tshul

sngar bzhin byas nas gsol ba btab/ bdud rtsi dmar ser gyi rgyun
byung/ lus kyi nang thams cad gang/ khyad par bdud rtsi'i rdul
phra rab thams cad a ra pa tsa na dang/ dmigs brtse ma'i yig
'bru'i rnam pas lus kyi nang

khyab/ de dag las 'od zer 'phros rgyal ba sras bcas thams cad
kyi thugs rgyud kyi gsal ba'i shes rab la sogs pa'i mkhyen rab
rnams/ a ra pa tsa na dang dmigs brtse ma'i yig 'bru'i rnam par
spyan drangs/ lus kyi

nang gi yig 'bru rnams la thims pas/ lus yig 'bru 'od zer dang
bcas pas gang bas mi shes pa'i mun pa spyi bye brag rnams bsal/
kun byang gi cha shas phra zhing phra ba rnams kyang ku sha'i
rtse ltar ma 'dres par ji lta ba bzhin

'byed nus pa'i shes rab gsal ba thob byung snyam du bsam/ gsum
pa thugs sa bon gyi sgo nas shes rab myur bsgrub pa ni/ ma dag
pa 'khrud pa dang gzhan thams cad sngar bzhin la/ bdud rtsi'i
rdul phra rab rnams d+hIH yig gi rnam

pa dang/ spyan drangs pa'i mkhyen rab rnams kyang d+hIH yig gi
rnam par bstim pa'i 'od zer gyis mi shes pa spyi bye brag
sbyangs/ ma rtogs pa dang phyin ci log tu rtog pa dang the tshom
gyi blo skyes ma thag 'gog nus pa'i shes rab myur ba thob

@013b byung snyam du bsam/ bzhi pa phyag mtshan gyi sgo nas zab
pa'i shes rab sgrub pa ni/ ma dag pa 'khrud pa sogs sngar bzhin
la/ bdud rtsi'i rdul phra rab rnams ral gri dang glegs bam gyi
rnam pa dang/ spyan drangs ba'i mkhyen rang rnams

kyang glegs ral gyi rnam par thims pa las mi shes pa sbyangs/
gsungs rab kyi tshig don gang la yang thogs rdug med cing rigs pa
mtha' yas pa'i rnam par 'byed pa 'jug nus pa'i shes rab zab mo
tshad bzung med pa thob byung snyam du

bsam/ lnga pa glegs 'am gyi sgo nas 'chad pa'i shes rab sgrub
tshul ni/ ma dag pa 'khrud pa sogs sngar bzhin la/ bdud rtsi'i
rdul phra rab thams cad gang 'chad rgyu'i glegs bam gyi rnam pa
dang/ rgyal ba sras bcas spyi dang bye

brag 'chad pa la thogs pa med pa'i mkhas pa paN Di ta la sogs pa
rnams kyi 'chad pa'i shes rab thams cad sngar lta bu'i glegs bam
gyi rnam par spyan drangs nas thims pa las lus kyi nang glegs
bam 'od zer dang bcas pas gang/ gsung

rab kyi tshig don la rmongs pa'i mi shes pa thams cad spyangs
nas/ tshig don ji lta ba bzhin khong du chud nas/ gzhan la ston
nus pa'i shes rab thob 'byung snyam pa byed/ drug pa ral gri'i
'khor lo'i sgo nas rtsod pa'i shes rab sgrub pa ni/ gzhan

thams cad sngar bzhin la/ bdud rtsi'i rdul phra rab rnams ral
gri'i 'khor lo lte bar ral gri so gnyis ma gyen 'greng gi yub
g.yer kha'i kha lta bu nas 'thon pa'i ral gri'i rtsibs drug/
/dbus kyi ral gri'i yu ba'i mtshams su zla gdan la

@014a @#/ /d+hIH phyi nang gnyis kar gsal ba dang/ rtsibs drug gi
steng du ma reg tsam gyi zla gdan la oM a ra pa tsa na zhes
pa'i ye ge re re'ang dmigs brtse ma/ /mtshams rnams su zla gdan
la d+hIH re dang bcas pa'i 'khor

lo'i rnam par gyur pa dang/ spyi bye brag gi mkhyen rab kyang de
lta bu'i 'khor lo'i rnam par spyan drangs nas thim/ 'khor lo
g.yas skor du myur bar 'khor bas phas rgol gyi log rtog thams
cad 'joms pa la rmongs pa'i dra ba thams

cad bcad/ rtsod pa la thogs pa med pa'i shes rab khyad par can
thob byung snyam pa byed/ /bdun glegs ral gnyis ka'i sgo nas
rtsom pa'i shes rab sgrub tshul ni/ gzhan sngar bzhin la/ bdud
rtsi'i rdul phra rab rnams glegs bam

dang ral gri'i 'khor lo sngar lta bu'i rnam pa dang/ spyi dang
bye brag gi mkhyen rab kyi yon tan rnams kyang de 'dra'i glegs
ral gyi rnam par spyan drangs nas thims pas gang rtsom pa la
rmongs pa'i mi shes pa thams cad sbyangs shing ral gris

bcad/ rtsom pa la thogs med kyi shes rab khyad par can thob
byung snyam pa byed/ dmigs skor bdun las rang gang sgrub 'dod pa
de nyid bya ba las/ /thams cad rim bzhin bya dgos pa min zhing/
gzhan yang nad zhi ba'i ched du

byed na/ bad kan la bdud rtsi sngon po bsil ba'i rang bzhin can
dang/ mkhris pa la dkar po bsil ba'i rang bzhin can du bsgom pa
lta bu nad so sor bdud rtsi'i kha dog dang reg bya'i khyad par
bsgyur pa dang/ mgon po 'jam dbyangs

@014b kyi bka' las/ zhi ba dkar po pad dkar 'dzin/ /mchog sbyin
skyabs sbyin phyag rgya can/ /bum chu me long la sogs te/ /zhes
sogs gsungs pa'i kha dog dang phyag mtshan gyi khyad par sogs las
zhi rgyas dbang drag gi 'phrin las rab 'byams

kyang sgrub tshul yod pa bzhin skabs su gang babs kyi bsgyur kha
shes par byas nas nyams su len par byas chog ste/ sngar bkod pa
de dag dang bcas pa la da dung rgyud don man ngag tu shar ba'i
bla ma dam pa'i zhal las shes dgos pa'i

gnang kyi don gyang mang du yod par snang ngo/ /gsum pa mjug gi
bya ba ni/ de ltar dmigs brtse ma'i sgo nas gsol 'debs 'ji tsam
rigs pa byas rjes slar yang lam gyi rim pa rgyud la skye ba'i
gsol 'debs dmigs kyis bsal ba byed

par 'dod na 'di ltar bya ste/ rgyal kun mkhyen pa'i rang gzugs
'jam dpal dbyangs/ /rigs drug 'gro la snying rjes pad dkar sgyu
'phrul rdo rje tsong kha pa/ /mgon sgyu 'phrul rdo rje tsong kha
pa/ /mgon

khyod sku gsung thugs gsang las 'ongs pa'i/ /byin mthus rdo rje
gsum du bdag bsgrub cing/ /deng nas brtsams te skye ba thams cad
du/ /mnyes bzhin rjes su 'dzin par mdzad du gsol/ /dal 'byor yon
tan tshang ba'i rin chen

lus/ /rnam dag bstan pa'i srol dang mjal dus 'dir/ /'grub kyang
de yi mod la 'dor dgos pa'i/ /chos brgyad snang shas ldog par
byin gyis rlobs/ /'chi bdag srog la rgol ba'i chad pa de/ /rnam
yong nges pa med pas zhe skrag

@015a @#/ /nas/ /gnas skabs kun tu phan nges dam chos la/ /brtson
'grus drag pos 'bad par byin gyis rlobs/ /mkhan slob yi dam
spyan sngar khas blangs pa'i/ /sdom pa gsum gyi bcas mtshams la
sogs pa/ /

dkar nag las rnams phra zhing phra ba la'ang/ /blang dor tshul
bzhin byed par byin gyis rlobs/ /thog med zhig nas rigs drug
gnas ngan 'dir/ /sdug bsngal 'ba' zhig myong ba'i snang tshul la/
/gting nas nges 'byung skyo shas

drag po yis/ /thar pa don gnyer skye bar byin gyis rlobs/
/grangs med skye bar bdag gi don gyi slad/ /sdig dang sdug
bsngal zug rngus ches mnar ba'i/ /'gro rnams pha mar mthong nas
snying rje dang/ /byang chub sems mchog

'byongs par byin gyis rlobs/ /gdod nas spros pa bral ba'i chos
kyi dbyings/ /legs par rtogs pa'i yang dag lta ba dang/ /sbyin
sogs bsod nams rgya chen sdud pa'i tshogs/ /zung 'brel nyams sul
ten par byin gyis rlobs/

las rlung kun rtog srid pa'i dra ba rnams/ /myur lam 'khor lo'i
mtshon gyis rab bcad nas/ /tshe 'di nyid la khyab bdag rdo rje
'chang/ /sku bzhi'i dbang phyug thob par byin gyis rlobs/ /zhes
pa rnams don dran bzhin par

brjod cing bsdus skabs ma byas kyang chog go /de nas/ dpal ldan
rtsa ba'i bla ma rin po che/ /bdag gi snying gar pad mo'i steng
bzhugs la/ /bka' drin chen po'i sgo nas rjes bzung ste/ /sku
gsung thugs kyi dngos grub stsal du

@015b gsol/ /zhes gsol ba btab pas/ /'khor gsal btab yod na de
rnams yab sras gsum la thim zhing/ sras gnyis gtso bo la thim/
de gnyis kyi seng khri yang gtso bo'i khri la thim/ yang/ dpal
ldan rtsa ba'i bla ma rin po che/ /

zhes sogs kyis gsol ba btab bas/ rje bla ma'i seng khri pad zla
dang bcas pa rang gi lus kyi dbus drang thad du rtsa dbu ma gsal
btab pa'i yar sne tshangs bug tu kha gdangs nger yod pa nas
zhugs/ dbu ma'i nang gi snying ga'i thad du rang gi

snying blos gyen du bslang nas tshal pa brgyad du gyes pa la
thims pas snying pad ma 'dab brgyad kyi rnam par gyur par bsam/
yang sngar bzhin gsol ba btab pas rje bla ma rang dang kha blta
phyogs mthun par spyi gtsug nas dbu ma'i nang brgyud

byon/ snying ga'i pad mo'i dbus su rang gi rlung sems la thims
nas dbyer med du 'dres pa las/ de nyid rje bla ma'i skur gyur
bar bsams nas bde 'dab rnams spungs sku kha bsdus pa ltar 'dus
pa'i nang 'od zer sna lngas zhal zhal

byas pa lta bu'i phyir dmigs brtse ma dang a ra pa tsa na'i
sngags phreng gis bcings par bsam pa'i rtser rdo rje nag po rtse
lnga pa phyed pa'i tog lcibs mnan par bsam zhing/ rdo rje bsgom
pa 'di ma byas kyang rung la mkhas grub rjer tshig brgyud

kyi tshul du gnang ba'i bla ma'i rnal 'byor las/ rtsa dbu ma'i
yar sne 'gag nas/ nang 'od zer sna lngas zhal zhal byas pa'i mos
pa bya bar yang gsungs/ dpal ldan rtsa ba'i bla ma rin po che/
/zhes sogs kyi gsol 'debs lan cig las mi

@016a @#/ /byed pa yang yod pas gang bde bya/ de nas rjes bsngo
ba dang smon lam bya ba ni/ de ltar dngos grub ma lus 'byung
ba'i gnas/ /rje btsun bla ma mchod cing gsol btab mthus/ /skye
ba kun tu 'jam dbyangs bla

ma yis/ /mnyes bzhin rjes su 'dzin pa nyid gyur cig /rin chen du
ma las grub dga' ldan zhing/ /ngo mtshar bye ba'i dbus na mi pham
mgon/ /legs par bsgoms par rnam dag zhing 'grub cing/ /tshe 'phos
mod la gnas der skye

bar shog /rje btsun thugs ka nas 'phros pryin dkar yug /brkyang
ba'i sne mor bla ma sras dang bcas/ /spyan drangs yan lag bdun
gyi tshogs bsags pas/ /bdag rgyud bde blag nyid du smin par shog
/dus gsum rgyal ba'i

mkhyen brtse nus pa rnams/ /zung 'jug sprul skur shar ba'i rnam
'dren gang/ /rigs gsum ngo bor thag bcad gsol btab mthus/ /mchog
thun dngos grub ma lus myur thob shog /khyad par dag pa ye shes
bdud rtsi'i chus/ /sgo

gsum sdig sgrib mi shes kun 'khyud cing/ /'chad rtsod rtsom sogs
mtha' yas shes bya la/ blo gros mgon po 'jam dbyangs mtshungs par
shog /byang shar ngo mtshar rmad byung ba khod pa'i zhing/ /rnam
'dren seng ge'i nga ro'i zhabs drung du/ /'khor

gyi thog mar skyes nas mdo sngags la/ thos bsam bsgom pas rtag
tu 'da' bar shog /mdor na skye zhing skye ba thams cad du/ /rje
btsun blo bzang grags pa yab sras dang/ /mi 'bral rgyal ba'i
chos tshul kun bzung nas/ /bstan dang 'gro ba'i

@016b don chen lhur len shog /ces sogs bsngo ba dang smon lam
rnam par dag pas mtha' brgyan par bya/ snying ga'i bla ma'i
sku'i bkod pa 'chi kha bar du mi bsdu bar 'jog pas thun rje ma
sogs kyi tshe mdun gyi gsol ba 'debs yul rim gyis byon

pa snying ga'i sngags 'phreng gi thag pa dkrol nas pad 'dab
rnams sbar ltar gyes pa'i dbus kyi bla ma la thim par bsam
zhing/ /rgyun du snying ga'i rang sems bla ma'i ngo bor gsal ba
yang yang dran nas de la gsol ba gdab pa dang/ kha zas kyi tshe

bza' btung bdud rtsir mos nas snying ga'i bla ma la phul nas
mchod pa'i mos pa bya la/ gzhan yang cir snang thams cad bla
ma'i gsang ba gsum gyi ngo bor sgoms nas gsol ba 'debs pa dang/
de thams cad kyang rang gi blos phar btags pa

tsam ma gtogs yul gyi ngos nas grub pa rdul tsam yang med pa'i
lta bas rgyas btab ste rmi lam dang sgyu ma lta bur shar ba'i
ngang nas dge sbyong thams cad kyi mchog bla ma'i rnal 'byor
sbyong ba la 'bad par bya'o/ /sras bcas rgyal ba'i mkhyen rab
'chi

med bcud/ /rings par 'thung ba'i mtshan bzang 'dab brgya'i kha/
/lus can yongs lam 'dris mdza' bshes su/ /nyi bar 'dzum pa'i
mgon gcig tsong kha pa/ /mtha' dang thogs pa yongs dral nam
mkha'i dbyings/ /phyogs bcur re yang mi 'jug

go skabs ci/ /de bzhin 'jam dbyangs bla ma'i 'phrin las kyis/
/nye bar ma bzung lus can dmigs su med/ /'on kyang dngos grub
bla med 'dus ba'i chub/ /dag byed gang dga' gsar ba de yi slad/
/mi phyed dad gus skal ldan shing rta yi/ /brtson pa'i

@017a @#/ /chog la bltos rten 'brel mthu/ /de phyir gsol 'debs
rnal 'byor bya ba'i rim/ /'di bkod dge bas tshe rabs thams cad
du/ /blo bzang grags pa'i bshad dang sgrub pa'i bstan/ /bzung la
snying stobs brtson pa mi lhod

shog /khyad par dus kyi mtha' 'dir mdo sngags bstan/ /nyan bshad
sgrub pas tshul bzhin gsal nus shing/ /de yi 'gal rkyen mi mthun
kun zhe nas/ /mthun rkyen legs tshogs yid bzhin lhun grub shog
/ces rgyal ba kun gyi mkhyen brtse

nus gsum gyi bdag nyid rje btsun bla ma stsong kha pa chen po la
dmigs brtse ma'i gsol 'debs dang 'bres pa'i bla ma'i rnal 'byor
bya tshul dga' ldan lha brgya mar grags pa'i dmigs skor nyams su
len tshul dngos grub kun 'byung zhes bya ba 'di ni mtshan brjod
par dka' ba'i drin can rtsa ba'i bla ma khyab bdag rdo rje sems

mchog khri chen ngag dbang mchog ldan pa'i zhal snga nas kyis
'di'i khrid yi gcig rtsoms shigs bkas gnang ba dang/ bstan pa'i
gsal byed dza ya paN Di ta hu thog thus kyang bskul ma mdzad pa
bcas rtsom 'dun gyi thog /khal kha g.yon ru thu she ye gung
rgyal mtshan gyi shog /tA bla ma e rte ni dar han shi rE ge
thu blo

bzang bsod nams dang/ nang so blo bzang brtson 'grus/ dka' bcu
blo bzang chos dbang gsum gyis bla ma'i rnal 'byor 'di ga'i
dmigs rim sbyor dngos rjes gsum tshang ba'i khags khyer bde
bzhing dgos tshul don gnyer chen pos bskul pa la brten nas 'di
ga'i khrid yig grub mchog 'jam dpal rgya mtshos

mdzad pa la gzhi byas te rje bla ma'i bstan pa la shes nas dad
pa thob pa'i shA kya'i dge slong blo bzang bskal ba rang rgya
mtshos sug bris su bgyis pa 'dir 'gro ba mtha' dag phan pa rgya
chen po 'grub par gyur cig/