@001a @#/ /yon tan kun gyi gzhi rten bla ma'i rnal 'byor gyi rim pa phyogs gcig tu bkod pa dngos grub bdud rtsi'i char 'bebs zhes bya ba bzhugs so/ / @001a @#/ /bla ma'i rnal 'byor rnam smin ches dkar zla ba zhes bya ba bzhugs/ /! na mo gu ru we/ /sgrib gnyis bag la nyal gyi 'ching ba'i rgya/ /thabs shes zung 'jug mtshon cha rnon po yis/ /yongs su bcad pa'i sangs rgyas kun ngo bo/ /bla ma rdo rje 'dzin pa snying dbus bzhugs/ /dag pa zhi khro lha dang lha mo'i tshul/ /gang skur 'dus pa yongs 'dren slob dpon che/ /rnal 'byor mchod pa'i phan yon gzhal med ces/ /rgyal bas yang yang gsungs pa'i don de spel/ /de la 'dir mchog dang thun mong gi dngos grub ma lus ba 'byung ba'i sgo dam pa ni dge ba'i bshes gnyen tshul bzhin du bsten pa nyid yin par/ 'jam mgon bla ma'i bka' las/ de nas 'di phyi'i legs tshogs ji snyed pa'i/ /rten 'brel legs par 'grig pa'i rtsa ba ni/ /lam ston bshes gnyen dam pa 'bad pa yis/ /bsam dang sbyor bas tshul bzhin bsten pa ru/ / @002a @#/ /mthong nas srog gi phyir yang mi gtong bar/ /bka' bzhin sgrub pa'i mchod pas mnyes par bya/ /zhes sogs rgyal ba kun gyis lan cig ma yin par gsungs pas thabs zab mo bla ma'i rnal 'byor la brten te 'di phyi'i mdun ma lhun grub tu bya ba la/ /thog mar skyabs su 'gro ba dang tshad med bzhi bsgom pa sngon du 'gro bas/ oM shU nya tA dza nyA na bdzra swa b+hA wa A da ma ko nya haM/ 'khor ba mya ngan 'das pa'i chos thams cad/ / snang ba rdzun pa sgyu ma'i 'phrul po che/ /rang bzhin gyis stong sngo sangs nam mkha'i dang/ /brgya byin gzhu yi snang ba 'gog med ltar/ /rang gi spyi gtsug gdong lnga pa yi khrir/ /sna tshogs pad ma 'dab ma ches yangs par/ /bsil zer zla ba nya gang gdan gyi steng/ /ngo bo sangs rgyas kun 'dus bka' drin can/ /bla ma thugs rje chen po'i rnam pa ni/ /sku mdog zla gzhon byugs pa'i gangs @002b ri ltar/ /dkar gsal zhal gcig tshad med phyag ldan pa'i/ /g.yas g.yon dang po thugs kar thal mo sbyar/ /g.yas kyi gnyis pas chu shel phreng ba'i grangs/ /brgya rtsa brgyad pa sems can 'dren pa'i rtags/ /g.yon lhag dus gsum sangs rgyas gsum mtshon pa'i/ /pad ma dkar po rgyas pa'i yu ba 'dzin/ /rin chen dbu rgyan snyan cha 'phyang ba'i 'phrul/ /mtho ris sgeg mo gar la brel ba'i zla/ / mgul rgyan gdu bu 'og pag g.yer ka'i sgras/ /chos kyi sgo mo brgya phrag dus gcig 'doms/ /pa nya tsa li ka reg 'jam lha rdzas kyi/ /stod g.yogs smad g.yogs 'dzin pa'i rnam 'gyur sgeg /sgrib med spyan gyis 'gro la rtag btsa' zhing/ /thugs rje rigs drug kun la khyab par gnas/ /dwangs gsal 'od kyi dra bas g.yogs pa'i klong/ /rdo rje skyil krung mi shigs tshul gyis bzhugs/ /de yi spyi bor oM yig zla ltar dkar/ /mgrin par AH yig pad ma rA ga'i mdangs/ /thugs kar hUM yig in nI la ltar/ /de las 'od zer lcags kyu rnon po'i gzugs/ /phyir 'phros phyogs bcur bzhugs pa'i bla ma dang/ /yi dam sangs rgyas zhi dang khro bo'i gar/ /byang chub sems dpa' nyan rang slob mi slob/ /srung ma ye shes lha yi 'khor lo dang/ /dpa' bo dpa' mo'i tshogs kyis yongs bskor ba'i/ /rtsa ba'i bla ma @003a @#/ /'phags pa gru 'dzin bdag /spyan drangs dam tshig pa dang dbyer med 'dres/ /de nyid rgyal dang rgyal sras bslu med skyabs/ /kun tshang 'dus pa'i bdag nyid can du gyur/ / slar yang thugs ka'i sa bon 'od phung po/ /'phros pas rigs lnga'i bde gshegs 'khor dang bcas/ /spyan drangs zla ba ltar dkar bum pa nas/ /bdud rtsi dri ma 'khrud pa'i chu babs pas/ /sku gang bde ba chen pos yongs su khyab/ /lhag ma spyi bo tshangs pa'i bu gnas/ /lud pa 'od mtshan stong du 'bar ba'i sku/ /mthong na mi mthun med par mngon bzhengs pa'i/ /cod pan rigs kyi bdag po nyid du gyur/ /mchod ba byin brlab spyi ltar byas rjes/ /dpag med ting 'dzin rnam par rol pa las/ /mchod yon zhabs bsil gaM gla'i chu bo ltar/ /me tog rnam bkra chu 'dzin lding khang 'khrug /bdug spos phyogs kyi khong pa kun tu rdzogs/ /snang gsal 'od kyis mun pa skabs med bcoms/ /dri chab li shi gsar pa'i ngad ldang zhing/ /ro brgya ldan pa'i zhal zas ri ltar mtho/ /lha yi rol mo dbyangs bdun nges pa rdzogs/ /lta na mi ngoms gzugs dang sgra yi tshogs/ /dri ro reg 'jam lha yi gos bzang po/ /zhen med blo yis gus pas 'bul byed na/ /brtse bas bzhes la dngos grub rnam gnyis stsol/ /oM gu ru @003b ra ta na rya lo ke shwa ra sa pa ri wAr argaM nas sha pa da'i bar gyis mchod/ /gang zhig bsod nams phung po mi zad mthus/ /gling bzhir gser gyi 'khor los sgyur mkhas lha'i/ /'dod dgu yid bzhin stsol ba'i rin po che/ /sna bdun 'bul gyis brtse bas bzhes su gsol/ /oM gu ru rta nA rya lo ke shwa ra sa pa ri wA ra sa pa ta rta na pU dzo ti swA hA/ /gdugs dkar gser nya gter gyi bum pa che/ /skyon med par ma snyan grags grog pa'i dung/ dpal gyi be'u rgyal ba'i mtshan mchog / 'khor lo bkra shis rtags kyis mnyes gyur cig /oM gu ru ra tnA rya lo ke shwa ra sa pa ri wA ra a ShTa mang ga la pU dze ti swA hA/ /rgyas par spron spyi khyab ltar mchod pa rer tshigs bcad sngags bcas 'bul/ /de nas/ gang gi drin gyis bde chen gnas/ /zhes sogs bla ma dang spyan ras gzigs kyi bstod pa gang shes kyis bstod cing yan lag bdun pa'ang bya/ /gsol ba gdab pa ni 'di ltar/ /gzod ma nyid nas thabs dang shes rab kyi/ /me 'od snang ba spros pa'i reg bya yis/ /sgrib gnyis bud shing skam po ma lus pa/ /bsregs pas bla med sangs rgyas nyid du grub/ /pad dkar gzhon nu 'gying ba'i 'dab ma brgya/ /snang byed nyi ma'i 'od las grol ba ltar/ /thugs rje sprul pa'i zlos gar zer brgya yis/ /gdul bya'i grol ba mi ring bzhad slad du/ /drang srong chen po'i bka' bzhin ma nor ba'i/ /rgyu 'bras theg pa mchog gi lam bzang gi /bsam 'phel 'phreng ba mgul ba'i rgyan nyid du/ /ster ba'i ded dpon bzang po bka' drin can/ /thugs rje gzhan phan @004a @#/ /mtshon cha rnon po yis/ /rang gzhan thar ba'i srog 'phrog srin po'i dpung/ /'joms mdzad dga' byed bdag po snying rje'i lha/ /gus gdung drag po gsol 'debs yud tsam dgongs/ ma rig mun pa btib pa'i btson rang tshud/ /chos brgyad 'du 'dzi'i dgra pos rgyun du gtses/ /'khrul snang gnyis 'dzin 'ching ba'i sgrog gis bcings/ /mgon skyabs dam pa'i mdza' bshes kun dang bral/ /nyon mongs mtshon cha rnon pos nyin re bzhin/ /mnar ba'i skye bo 'di nas 'phos ma thag /ngan song tsha grang sdug bsngal sna tshogs kyi/ /nyam nga'i g.yang sa chen por ltung nges pas/ /khyod thugs byams brtse legs sbyangs gser 'gyur rtsis/ /ma dag 'khor ba'i nyes pa lcags kyi khams/ /gzhal med rin chen gser gyi rang bzhin du/ /bsgyur la mgon po khyod ni mi ngal na/ /'phrin las bsil ba'i chu bo zad mi shes/ /bdag cag sdug bsngal gsum 'bar zhugs kyi khar/ /bsreg pa'i tsher re gzhi phyir rtag 'bab cing/ /ngan song mi khoms gnas nas drang du gso/ /khyod ni nyam thag sems can ma lus pa'i/ /mgon po nyid du sngon nas dam bcas na/ /da lta bdag ni sdug bsngal rabs med pa'i/ /chu bo 'di las myur du sgrol du gsol/ /sems can kun don khur khyer lhag pa'i sems/ /byams dang snying rje'i rlung shugs mi dman pas/ /sems bskyed theg chen 'jug sgo gru bo che/ /dman @004b spyod rgya mtsho'i pha rol son par mdzod/ /sbyin pa tshul khrims bzod pa brtson 'grus che/ /bsam gtan shes rab pha rol phyin drug gi /nyams len sar gnas dpa' bo rnams kyi dbus/ /khyu mchog khyu yi mgon bzhin bdag 'gyur mdzod/ /dag dang bdag gi longs spyod rdzas rnams la/ /nga dang nga yir 'dzin pa'i chos rnams kun/ /rang gi rang mtshan mngon zhen ri yi 'gros/ /shes rab shes byar thogs med rdo rjes choms/ /bskyed dang rdzogs pa'i rnal 'byor bla na med/ /'bras bu rdo rje theg pa'i bgrod pa mchog /ring min rdzogs nas nges pa lnga ldan mgon/ /gtan gyi bde ba mchog la reg par shog /de ltar gsol ba snying nas btab cing/ /yi ge drug pa'ang ci 'grub bzlas te dmigs pa dang bcas 'di bzhin bya/ thugs rje chen po'i spyi bo'i oM yig las/ /'od dkar zla ba gzhon nu'i zer lta bu/ /dwangs gsal yid kyi gdung pa 'phrog pa'i dbying/ /smin mtshams nas thim tshe rabs thog med nas/ /bsags pa'i lus kyi sgrib mun pa/ /sbyangs te dag pa mchog gi ngo bor sgrubs/ /sku yi byin rlabs bdud rtsi lus la zhugs/ /'bras bu sprul sku 'gru bar dbang bar byas/ /slar yang mgrin pa'i AH las rab dmar 'od/ /nyi ltar 'tsher ba snang ba dam pa'i gter/ /'phros nas mgrin pa la thim ngag gi las/ /don med don log tshig rtsub phra ma sogs/ /mi dge@005a @#/ /kun sbyangs drug cu'i dbyangs snyan sogs/ /gsung gi yon tan thob cing 'bras dus su/ /theg chen longs spyod yongs su rdzogs pa'i sku/ /myur du 'grub pa'i nus pa bla med bzhag/ /thugs ka'i hUM yig be DU ra ya 'od zer/ /snying ga dpal gyi be'ur thim pa yis/ /thog med nas bsags log par lta ba sogs/ /yid kyi kun tu spyod pa ngan pa dang/ /'khrul pa'i 'khor lor 'phyan pa ma lus pa/ /sbyangs shing thugs kyi byin rlabs ma lus thob/ /'bras bu sangs rgyas chos kyi sku mchog nyid/ /thob pa'i skal ba can du byas par mos/ /slar yang khrims las 'das pa'i nyes pa can/ /kha drag dag la skyabs gnas 'cha' ba ltar/ /gsol ba btab pas spyi gtsug bu gnas/ /rim byon snying ga'i pad mor bzhugs pa la/ /gdung shugs drag pos gsol ba btab pa yis/ /bla ma spyan ras gzigs gang 'od du gyur/ /rang gi sems dang dbyer med 'dres pa yis/ /byang chub bar du mi 'bral rjes 'dzin bsam/ /de ltar sangs rgyas kun gyi rdo rje gsum/ /yongs grub bla ma'i rnal 'byor bsgoms pa'i mthus/ /mar gyur sems can thams cad bsod nams dang/ /ye shes tshogs las su gnyis 'grub par shog / bdag kyang gang snang sku dang sgrar grag kun/ /sngags kyi gdangs shar stong par zhugs pa'i blo/ /snying rje zung du 'jug pas sangs rgyas nyid/ /myur thob spyan ras gzigs kyis rjes 'dzin shog /gzhan yang dge ba rdzogs byang du bsngo ba'i smon @005b las ci rigs pa bya/ shis brjod ni/ mtshan tsam thos pas sdig mun ma lus pa/ /rnam par skrod nus dpag par dka' ba'i dbyings/ /gsang gsum mngon par 'phags pa nam mkha'i nor/ /rtsa brgyud bla ma rnams kyi bkra shis shog/ /byang chub me tog gzugs sku'i yan lag 'dzin/ /phan bde'i dri bsung 'jig rten bdun rdzogs pa/ /ci 'dod dngos grub ster ba'i dpag bsam dbang/ /yi dam lha tshogs rnams kyi bkra shis shog/ /grol ba mthar phyin rdzogs pa'i sangs rgyas dang/ / zab dang nyer zhi 'gog lam dam pa'i chos/ /theg gsum slob dang mi slob dge 'dun te/ /bslu med dkon mchog gsum gyi bkra shis shog/ /byams dang snying rje'i gzhan phan phyogs med du/ /gnas kyang snang tshul dgra bgegs snying ga ru/ /rdo rje'i mtshon cha 'bebs pa'i ye shes lha/ /srung ma zhi khro rnams kyi bkra shis shog/ /gang zhig sangs rgyas chos dang dge 'dun te/ /skyabs mchog rin chen gsum gyi byin rlabs dang/ /lhag bsam zla ba ltar dkar bden pa'i mthus/ /yid la bsam pa thams cad 'grub par shog/ /gzhan yang bkra shis kyi tshigs bcad ci rigs bya/ /sangs rgyas byang chub chen po mchog/ /dbang gi nor bu re skong ba/ /lag tu stsol ba'i lam zab mo/ bla ma'i rnal 'byor 'di byas dge/ /ku mud pad rtsa ltar dkar bas/ /'gro kun mtshan nyid tshang ba'i/ /rdo rje slob dpon mnyes byas te/ /kha sbyor bdun ldan 'grub par shog/ /ces sangs rgyas kun gyi thugs rje gcig tu bsdus pa 'phags pa gru 'dzin bdag @006a @#/ /po dang rtsa ba'i bla ma dbyer med du bsgom pa'i bla ma'i rnal 'byor rnam smin ches dkar zla ba zhes bya ba 'di ni gnam sa'i bdag po chen po 'jam dbyangs gong ma chen po'i gser yig pa dza ga tA bla ma ye shes bstan pa'i bshes gnyen gyis bskul ba la brten nas 'du shes sum ldan shA kya'i btsun pa blo bzang bskal rgya mtshos sbyar ba'i yi ge ba ni ngag dbang yon tan 'byung gnas so/ / ! / /rgyal ba kun gyi thabs dang shes rab kyi/ /sgyu 'phrul gang gi ye shes me long las/ /'char bzod yi dam lha yi byin rlabs kun/ /'dren byed shing rta chen po 'di na spel/ /de la rang dang gzhan gyi don phun sum tshogs pa'i dpal yongs su grub par 'dod pa'i skyes bu dag gi re ba don ldan du 'grub par byed pa'i nor bu dbang gi rgyal po lta bu 'phags pa spyan ras gzigs dbang phyug dang lha mo sgrol mdzad ma gnyis lhan cig tu gsol ba 'debs shing nyams su len pa la/ thog mar skyabs 'gro sems bskyed tshad med bzhi bsgom pa sogs spyi ltar dang/ mchod rdzas rnams rgyud sde 'og ma'i lugs ltar byin gyis brlab/ /dngos gzhi ni/ swa b+hA wa sa stong par sbyangs/ stong pa'i ngang las rang gi mdun gyi nam mkhar pad ma 'dab ma rab tu rgyas pa'i lte bar zla ba'i dkyil 'khor gyi steng du rje btsun ma 'phags ma sgrol ma sku mdog mrgad kyi ri bo ltar ljang zhing yid du 'ong ba zhal gcig phyags gnyis ma g.yas mchog sbyin gyi phyag rgya dang/ g.yon ut pa la'i yu ba mtheb srin gyis thugs kar 'dzin pa'i 'dab ma snyan thad kha phye ba/ zhabs g.yas brkyang g.yon bskum gyis bzhugs pa'i steng du pad ma dang @006b zla ba'i gdan la ngo bo drin can rtsa ba'i bla ma la rnam pa mgon po spyan ras gzigs sku mdog dkar po zhal gcig phyag bzhi'i dang po gnyis thugs kar thal mo sbyar ba/ g.yas 'og mas chu shel gyi phreng ba/ g.yon 'og mas pad ma dkar po 'dzin pa/ /zhabs rdo rje'i skyil krung gis bzhugs pa/ gnyis ka'ang rin po che'i rgyan dang dar gyi stod g.yogs smad g.yogs sogs yongs su rdzogs pa dwangs gsal 'od kyi dbus na bzhugs pa'i stod du rtsa brgyud bla ma'i tshogs/ bar du yi dam/ 'og tu chos srung gi tshogs dang bcas pas bskor ba'i spyi bor oM/ mgrin par AH thugs kar hUM dang/ rang rang gi sa bon gyis mtshan pa las 'od zer 'phros pas lho phyogs po ta la sogs dag ba'i zhing khams rnams nas ye shes pa spyan drangs par sos la/ dzaH hUM baM hoH sa dam tshig pa dang dbyer med par gyur/ / slar yang thugs ka'i sa bon las 'od 'phros dbang gi lha tshogs rnams spyan drangs/ de rnams kyis spyi bo nas dbang bskur bas sku lus kyi nang gang/ chu'i lhag ma spyi gtsug tu 'khyil ba las snang ba mtha' yas kyis dbu brgyan par bsams la/ yan lag brgyad ldan sman gyi mchod yon chab/ /zhabs bsil lha yi chu bo'i rgyun ltar g.yo/ /me tog 'dzum phreng rgod pa'i do shal 'phyang/ /dri zhim bdug pa'i sprin gyis lha lam khyab/ /snang gsal nyi zla'i 'od ltar lham mer 'tsher/ /lha yi tsan dan btul ba'i dri chab dang/ /ro brgya rdzogs pa'i zhal zas ri @007a @#/ /ltar spungs/ /snyan 'jebs dbyangs dang rol mo'i sgra la sogs/ /dngos bshams yid kyis sprul pa'i mchod tshogs 'dis/ /skyabs kun 'dus pa'i bdag nyid mnyes gyur cig/ oM A ra ya lo ke shwa ra A ra ya tA re sa pa ri wa ra a rgaM ha/ sogs kyis mchod/ /gzhan yang rgyas par spro na 'dod yon lnga/ rgyal srid bdun/ /bkra shis rdzas rtags la sogs pa yang sngags dang phyag rgyas 'bul zhing yan lag bdun bskabs 'dir bya/ /de rjes/ /bye ba phrag brgya'i dkyil 'khor kun gyi gtso/ /khyab bdag rdo rje sems dpa' tshur mthong gi/ snang ngor sdom brtson mi yi gzugs 'chang ba/ drin can rtsa ba'i bla mar gsol ba 'debs/ /dman 'bring mchog gi rigs sad skyes bu gsum/ / rang rang skal bar 'tsham pa'i lam gyi gnad/ /ma 'dres ston cing mthar thug sangs rgyas sar/ /'khrid mdzad ded dpon chen por gsol ba 'debs/ tha mal phyi nang sbyang gzhi lcags kyi khams/ /spyod byed lha yi 'khor lo gser 'gyur rtsis/ /dag pa rin chen mchog gi ngo bo ru/ /bsgyur mdzad slob dpon chen por gsol ba 'debs/ /gang gi thugs rje'i 'od zer phra mos kyang/ /'jig rten rgyud pa'i mun pa stobs chen po/ /sel nus sngon med rgyu skar bdag po mchog/ /lag na pad dkar 'chang la phyag 'tshal lo/ /'gro la rjes su chags pa'i zur mig gis/ /rtag tu skyong zhing brtse dang byams pa yi/ /lang tsho'i mtshan ma mkhrang mtho ying 'ong ma/ / @007b rje btsun 'phags ma sgrol mar phyag 'tshal lo/ /zhes pa dang/ gzhan yang phyag 'tshal nyer gcig sogs 'don zhing/ snying po bzla bar 'dod na/ rang rang gi mngon rtogs gzhan nas 'byung ba ltar bya/ de rjes/ rgyal ba zhi khro kun gyi 'phrin las bzhi'i/ /bdag nyid rin chen bzhi yi khams brtan por/ /legs grub sku bzhi'i dbang phyug lhun po che/ /sum ldan rdo rje slob dpon brtse bas dgongs/ /gang la gang 'dul thabs kyis rigs drug tu/ /'khyams pa'i 'gro dang khyad par sA la'i ljongs/ /phan bde'i kun snang 'bar bas dus kun tu/ /skyabs mdzad nyin mor byed pa spyan ras gzigs/ /sgrib med shel ngos sna tshogs mtshon gyi mdangs/ /nye bar gyur bzhin zhi rgyas dbang drag gi/ /las la gcig tu ma nges du ma ru/ /sprul mdzad lha mo chen po sgrol mdzad ma/ /dngos brgyud bla ma yi dam zhi khro'i tshogs/ /sangs rgyas byang sems mthu ldan srung ma sogs/ /skyabs kun 'dus pa'i phung po bla ma lha/ /rnam gsum thugs rje chen pos nyer dgongs shig/ /blo bzang rgyal brgya mtsho'i 'phrin las chab/ /gcig tu 'khyil las legs byas brtson pa yis/ /nyer thon skal bzang re skong bdud rtsi che/ /rgya mtsho'i mgon po bskal brgyar zhabs brtan shog/ /bskal pa bzang po'i sgron me stong phrag gi/ /dbus na pad ma dkar po ltar bsngags pa/ /nyi ma'i gnyen gyi lugs bzang rgya mtsho'i mthar/ /khyab byed 'gro ba'i 'dren pa zhabs brtan shog/ /rgyal ba'i bstan pa bshad @008a @#/ /sgrub skyed mos tshal/ /zhwa ser lugs bzang ljon pas nyer mdzes shing/ rgya hor bod sogs skye dgu ma lus pa/ /dga' skyid bde dang ldan pas ngal bso shog/ 'di nas skye ba kun tu tshad ma'i lam/ /ston byed pad dkar 'chang bas rjes bzung ste/ /rgyu 'bras theg pa'i zab lam bsgom pa la/ /bgegs med rgyal sras spyod pa mthar phyin shog/ /sgyu mas sprul pa'i rta dang glang po ltar/ /snang yang rang ngos stong pa'i de bzhin nyid/ /brjod bral bde ba che dang zung 'jug pa'i/ /kha sbyor bdun ldan mgon po myur thob shog/ /khyad par gsang gsum dag byed chu bo yis/ /lus ngag yid gsum dri ma rab bkrus te/ /yon tan ma lus rdzogs pa ji lta bar/ da lta nyid du 'gyur bar byin gyis rlobs/ /de ltar gdung shugs drag pos gsol btab pas/ /skyabs gnas rnams kyi spyi bo'i oM yig las/ 'od zer dkar po zla ba zhun ma'i khams/ smin mtshams nas zhugs lus kyi sgrib pa dag/ /sku yi byin rlabs thob cing mgur gyi AH sa/ /'od zer dmar po nyi ma 'bum ldan gzi/ /mgrin par spros pas ngag gi nyes pa sbyangs/ /gsung gi yon tan ma lus thob par gyur/ /thugs ka'i hUM las 'od zer mthing ga'i mdangs/ /snying gar phog pas yid kyi mi 'dod pa/ /kun sbyangs mkhyen dang brtse sogs sangs rgyas kyi/ /thugs kyi yon tan ma lus thob par gyur/ /de ltar sku @008b gsung thugs kyi byin rlabs thob par mos rjes gong ltar mchod cing bstod pa dang/ ma 'byor ba dang nyams pa dang/ /zhes sogs bzod gsol byas pa'i mthar/ /rang snang mdun gyi nam mkhar 'ja' tshon ltar/ /dag gsal lha yi ye shes mgron gyi tshogs/ /rang bzhin gnas gshegs dam tshig pa rnams ni/ /'od zhu dmigs med ngang du ro gcig gyur/ /de ltar bsams pa'i rjes su bkra shis dang bsngo ba smon lam gyis rgyas 'debs yang dag par bya'o/ /mtshan tsam gyis kyang sdug bsngal gsum gyi me/ / 'bar ba'i tsha gdung sel byed bde legs kyi/ /dga' ston dad pa 'bum 'thul yi dam lha/ /ma la ya yi rlung bzhon de las su/ /sngon chad 'phags bod mkhas pa'i gsang sngags gzhung/ /go mthong sbyangs dang mtshan ldan bla ma'i lung/ /rim par brgyud pa med mod 'on kyang ni/ /bya spyod spyi yi lugs dang rgyab 'gal du/ /song ba'i yig nyog ma yin sgrub pa'i thabs/ /bgyis ba 'di la gang shar lha yi sku/ sgrar grag sngags kyi rang bzhin brag ca'i tshul/ /brtse stong zung 'brel 'khyer so sum ldan gces/ /tshul 'di las byung dge ba ku mud/ /bzhad pa'i 'dzum 'phreng ltar dkar gang bsags des/ /'gro kun ngan song las grol po ta lar/ /lha dang bla mas brtse bas 'dzin par shog/ /ces pa 'di ni dung dkar 'brug grags sku skye ngag dbang chos grags rgya mtsho'i rgyun 'khyer nyams len du 'di lta bu dgos tshul byung ba ltar 'du shes gsum pa blo bzang bskal bzang rgya mtshos sbyar ba'o/ / ' / /'dzin med dang nas spyi @009a @#/ /bor pad zla'i steng/ /hrIH las sangs rgyas thams cad 'dus pa'i zhal/ /bskal bzang 'dod pa'i re skong bsam 'phel nor/ /rgya mtsho'i bla ma rdo rje sems bdag nyid/ /rnam dkar gsal zla ba zhun ma'i khams/ /dang mtshungs gru 'dzin bdag po lo brgyad kyi/ /byis pa gzhon nu ltar sgeg phyag bzhi pa/ rgyan dang na bza'i tshogs kyis spa bar bzhugs/ /khro dang zhi ba'i rdzogs sangs rgyas kun gyi/ /cha shas rin chen khams las yongs grub pa'i rang bzhin sum ldan bla mas 'dzin dbang/ /yid ngor dran bzhin gus pas phyag 'tshal lo/ /ri rab gling bzhi gling phran rgyal srid bdun/ /la sogs stong khams 'di na mkho ba'i rdzas/ /ji snyed lus ngag yid gsum dang bcas pa/ /ma chags dmigs med ngang nas 'bul bar bgyi/ /dug gsum myos byed bcud kyis rab sbags shing/ /bag med kha lo bral ba'i smyo spyod kyis/ /rang bde pad ma'i srog 'phrog gnyis 'thung can/ /sdig ltung 'gyod bshags drag po'i lcags kyus 'debs/ /theg pa gsum gyi slob dang mi slob dang/ /tshur mthong phal gyis legs spyad cha bsags lus/ 'jo sgeg ngom pa'i bkra shis ma de la/ /bdag blo bde 'byung yi rang dga' bas 'khyud/ /'chi med tsher dbang rigs kun khyab bdag bzhin/ /sna tshogs gdul bya'i khams dang nyer 'tsham pa'i/ /dge legs zab gsang rgyu 'bras theg pa @009b yi/ /chos kyi 'khor lo rtag par skor du gsol/ /bskal pa bzang po'i rnam 'dren stong gi dbus/ /pad dkar ltar bsngags shA kya sang ge'i bstan/ /rgya mtsho'i gos can gzhi 'dir rab spel ba'i/ /byed po zla med bla ma zhabs brtan gsol/ /de ltar bsags dang gsog 'gyur dge tshogs rnams/ /rang bzhin dmigs su med pas rgyas btab ste/ /'gro kun thams cad gzigs pa gtan gyi skyabs/ /thob phyir bsam pa dag pas rab bsngo'o/ / de ma thob kyi tshe rabs thams cad du/ /spyan ras gzigs dbang thugs rje bzang po'i rtsis/ /blo rmongs lcags khams byang chub sems gnyis kyi/ /gser du rab sgyur 'dod don kun stsol shog/ /de lta bur nyams su blangs pa'i rjes su spyi bo'i bla ma 'od du zhu nas rang la thim pas sku gsung thugs kyi byin nus lus ngag yid la zhugs pa'i mos blo bya'o/ /zhes pa 'di ni gnas rnying zhabs drung gis 'di lta bu dgos zhes bsal ba ltar shA kya'i dge slong blo bzang bskal bzang rgya mtshos sbyar ba'i yi ge pa ni dag dbang yon tan 'byung gnas so/ / ! / /gang gi ba spu'i cha shas phra mor yang/ /dus gsum sangs rgyas kun gyi yon tan dag/ /rab rdzogs 'jam dpal rdo rje mi yi tshul/ /blo bzang grags pa snying gi ze'u 'brur bzhugs/ /de la 'dir mkhyen brtse nus gsum mtha' dag 'phags pa rigs gsum mgon po dang dbyer ma mchis pa khams gsum chos kyi rgyal po tsong kha pa chen po'i gsol 'debs tshig nyung zhing byin rlabs kyi mtshan ma shin tu che ba dmigs brtse mar grags pas/ gsol ba@010a @#/ /'debs ba'i sngon du gsol ba 'debs yul gsal 'debs pa ni/ gnas yid du 'ong bar phyag bdar dang mchod rdzas rten dgram pa sogs sngon du 'gro bas/ swa b+hA wa'i sngags brjod pas chos dang gang zag 'khor 'das thams cad rang gi mtshan nyid kyis grub pa rdul tsam yang med pa'i stong par bsam/ stong ba'i ngang las rang gi spyi bor seng ge'i khri yangs shing rgya che bar pad ma dang nyi zla'i gdan brtsegs pa'i steng du chu las chu wur rdol ba bzhin d+hIH dmar ser las ral gri yu ba d+hIH sa mtshan pa/ de las 'od 'phros pas 'phags pa mchod/ rigs drug gi sdug bsngal sbyangs/ tshur 'dus de yongs su gyur pa las rgyal ba tsong kha pa chen po sku mdog dkar la dmar ba'i mdangs chags pa mdzes shing yid du 'ong ba zhi zhing 'dzum pa/ phyag gnyis thugs kar chos 'khor gyi phyag rgya'i mtheb srin gyis utpa la'i yu ba nas bzung ba'i 'dab ma snyan thang kha bye ba'i g.yas steng mi shes pa'i 'ching ba mtha' dag bcad pa'i brdar shes rab kyi ral gri dang/ g.yon steng shes rab kyi pha rol tu phyin pa'i glegs bam bsnams pa/ dbul paN zhwa gser gyi mdog can gsol zhing sku la chos gos rnam gsum gsol ba/ zhabs rdo rje'i skyil krung gis bzhugs pa/ de'i spyi bor d+hIH las rje btsun 'jam dpal dbyangs dmar ser g.yas shes rab ral gri dang/ g.yon sher phyin gyi glegs bam thugs kar bsnams pa gzhon nu'i sku can dbu zur phud lngas brgyan pa/ mgrin par hrIH las spyan ras @010b gzigs dkar po phyag dang po gnyis thugs kar thal mo sbyar ba g.yas 'og mas shel phreng dang g.yon 'og mas pad ma 'dzin pa/ dbu skra ral pa thor tshugs su bcings shing khri gnyan sa la'i pags pas nu ma g.yon pa bkab pa/ gnyis ka'ang dbu rgyan/ snyan rgyan/ mgul rgyan/ phyag zhabs kyi gdu bu sogs rin po che'i rgyan dang dar gyi na bza' gsol ba/ zhabs rdo rje'i skyil krung gis pad zla'i steng du bzhugs pa/ thugs kar pad nyi'i steng du hUM las phyag rdor mthing nag g.yas rdo rje 'phyar zhing g.yon sdigs mdzub thugs kar mdzad pa/ smar dab smin ma dang dbu skra dmar ser 'bar ba/ rin po che dang sbrul gyi rgyan can/ dar sngon gyi stod g.yogs dang stag lpags kyi sham thabs gsol bzhabs g.yas bskum g.yon brkyang gis me dpung 'bar ba'i dbus na bzhugs pa/ de'i spyi bor oM dkar po/ mgrin par AH dmar po/ thugs kar hUM sngon pos mtshan pa/ thugs ka'i hUM las 'od 'phros bas rang bzhin gyi gnas nas 'jam mgon bla ma la bla ma yi dam sangs rgyas byang sems dpa' bo mkha' 'gro chos srung gi tshogs dang bcas pas bskor ba bdzras mA dzaH sa spyan drangs/ dzaH hUM baM hoH sa gnyis su med par bstim pas de nyid skyabs gnas kun 'dus pa'i bdag nyid du gyur par mos shing/ chu gnyis nyer spyod/ rol mo/ 'dod yon sna lnga/ bkra shis rdzas rtags/ yan lag bdun bsogs phul rjes/ gang gi blo gros bzang po'i mkha' dbyings la/ /thams cad mkhyen pa'i nyi ma rtag @011a @#/ /'char zhing/ /snyan grags pa dan dkar po srid gsum na/ /rab mdzes ston pa khyod las gzhan ma dmigs/ /mkhyen dang spobs pa 'jam dbyangs gzhon nu bzhin/ /byams dang snying rje gru 'dzin bdag po dngos/ /nus mthu gsang ba'i mdzod 'dzin khro rgyal te/ /rigs gsum kun 'dus khyod la gsol ba 'debs/ /chung 'bring chen po'i skyes bu gsum gyi lam/ /zab dang rgya che shing rta chen po las/ /nyer brgyud che ba bzhi dang ldan pa'i srol/ /ma rtogs pa dang log par rtog pa'i dri/ /kun bral sngon med legs bshad pad dkar kha/ /khyod drin nyi ma'i 'od kyis phye ba na/ /nyan bshad sbrang rtsi myang ba'i skal ldan gyi/ /bung ba de dag smin grol lang tsho rgyas/ / 'di phyi'i legs tshogs phal pa'i rin po che/ /lta zhog rnam grol nor bu dbang gi rgyal/ /'dren mchog rgya mtsho nyid la rag las phyir/ /blo ldan su dag khyod la brten mi bgying/ /rnyed par dka' ba dal dang 'byor ba bcu/ /rab tshang don chen rten bzang rnyed dus 'dir/ /khyod gsung cha shas phra mo 'dzin pa'am/ /thos pa yis kyang don ldan bgyid snyam sems/ /chu lbur bzhin du mi rtag 'jig sla ba'i/ /rten 'di stobs ldan 'chi bdag dgra bo yis/ / gzung tshe skyob 'os mgon po gang nyid dang/ /dam pa'i chos gnyis lhan cig 'jig rten dar/ /khor yug me lce 'bar bas dkrigs gyur cing/ /gtum drag gshin rjes mnar ba'i tsha dmyal dang/ /bu yug dang 'dres rlung gis @011b btab pa las/ /sha rus tshal ba brgyar gas grang ba'i dmyal/ /rtag tu bkres skom ngal ba'i yi dwags dang/ /blun rmongs gzhan dbang gyur pa'i dud 'gro sogs/ /gnas ngan g.yang sar mngon phyogs lus can rnams/ /skyob cing mngon mtho'i bde la sbyor ba'i mgon/ /tshogs gnyis spangs rtogs mthar phyin sangs rgyas dang/ /'gog lam 'phags pa'i mngon rtogs dam pa'i chos/ /rig grol dge 'dun dkon cog ma lus pa/ /'dus pa'i bdag nyid khyod las su zhig rnyed/ /dge dang mi dge'i 'bras bu bde sdug tu/ /yongs smin dkar dang gnag pa'i las 'bras dag /bsams tshe sngon chad sdug bsngal rgyu kho na/ /bsgrubs pas ngan 'gro'i g.yang du nges par ltung/ /de phyir sngon bsags sdig ltung 'gyod sdom sogs/ /shugs drag bshags pa'i stobs kyis legs sbyangs phyir/ /skyon zad yon tan ma lus rab rdzogs pa'i/ /mgon khyod kho na rten du nges pa thob/ /ngan song lta ci mi yi gnas na yang/ /phun tshogs 'byor pas dbul ba'i sdug bsngal dang/ /dpal las nyams par dogs dang bral ba dang/ /bsrung ba'i sdug bsngal yid la lhag par lci/ /lha yi rten kyang 'chi 'pho 'og ltung dang/ /'du byed phung po'i khur gyis non pas na/ /'jig rten mchod 'os tshangs dbang sogs la yang/ /bde ba'i go skabs cha tsam ga la zhig /de ltar srid pa'i dong du thog med nas/ /yan lag bcu gnyis 'khrul 'khor gzhan dbang gis/ /zo khyun @012a @#/ /'phyan bzhin gnod pa brgyas gtses par/ /gzigs te 'khor ba'i 'ching ba ring nas bcad/ /rtsa ba rab brtan tshul khrims gser gyi gzhir/ /ting 'dzin rin chen gzhal med lhun chags yangs/ /zag med shes rab snang ba rtag gsal dbus/ /khyod thugs thar pa'i bde las mi g.yo brnyes/ /snying rje la sogs rgyu tshogs ma tshang med/ /'dus pa'i rdzing bu las skyes sems bskyed kyi/ /pad dkar gzhon nus khyod thugs gtams pa'i mthur/ /rgyal dang rgyal sras sus kyang 'gran du med/ /ngag gis bgrang ba las 'das bskal pa'i bar/ /sar gnas rgyal sras dpa' bo thams cad kyi/ /phyin drug spyod pa gang yin ci 'dra ba/ /bdag gir bzung ba'i snying stobs go cha sra/ /'du byed brgyad dang sems gnas rnam pa dgur/ /goms stobs rlung gis bying sogs nyes pa lnga'i/ /sgrib g.yogs chu 'dzin mthar bskrad shin sbyangs kyi/ / khyod thugs zhi gnas g.yo med sngo sangs mar/ /mtha' bral dbu ma'i gnas lugs nyer 'jal ba'i/ /lhag mthong nyi ma'i gzi byin cher 'bar bas/ /sgrib gnyis mun pa mtha' dag drung phyung ste/ rdzogs pa'i sangs rgyas sa la mngon dbang bsgyur/ /mkho pa'idngos po thams cad yongs gtong zhing/ /'jig rten chos kyi tshul lugs snyan par smra/ /don spyod don dang mthun pa'i bsdu dngos bzhis/ /'gro kun bde ba mchog gi 'gron du bsus/ / @012b tha mal snod bcud kun rtog 'khrul snang bcas/ /sbyong byad bskyed dang rdzogs pa'i rnal 'byor rim/ /mthar phyin zung 'jug kha sbyor bdun ldan gyi/ /rdo rje 'dzin pa khyod las gzhan du med/ /de phyir 'khor ba'i gcong rong gting zab par/ /lhung zhing nyon mongs srin bu brgya phrag gis/ /lus zos ngan song sdug bsngal gnag dka' ba/ /myong bar mngon du phyogs pa'i nyam thag bdag /mgon po khyod la gtan gyi skyabs gsol na/ /spyi dang bye brag 'khor ba'i sdug bsngal me/ /rab bsil thugs rje'i chu klung shugs drag gis/ /gzhil te bla med bde ba'i dga' ston stsol/ /mi rtag la sogs 'du shes yang dag dang/ /sems bskyed phyin drug rim pa gnyis la sogs/ / mdo sngags sa lam bgegs med mthar phyin te/ /rdzogs pa'i sangs rgyas myur du 'thob byin rlobs/ /zhes byang chub lam gyi rim pa'i gnad mdor bsdus dang sbyar ba'i bstod pa 'di dang/ gzhan yang bstod pa dang gsol 'debs thugs rje bskul ba sogs blos gang lcogs bya zhing/ gtso bor mdun gyi bla ma rigs gsum kun 'dus kyi ngo bor mos te dmigs brtse mar chig sgril dang/ de dag gi skabs sku gsung thugs kyi byin rlabs zhu ba dang ting nge 'dzin gyi dbang bzhi len pa mjug bla ma spyi gtsug nas spyan drangs snying gar pad ma'i steng du 'bral ba med par bzhugs par bsam pa sogs ni bla ma'i zhal dang/ rje nyid kyis mkhas grub chos rjer stsal ba'i bla ma'i rnal 'byor gyi zin bris dang/ dmigs brtse ma'i TIkka tshig don rab gsal sogs las shes par bya'o/ /'dir 'bad dge @013a @#/ /mthus bdag gzhan 'gro ba kun/ /rgyal ba gnyis pas rtag tu mi 'bral bar/ /rjes gzung blang dor gnas la ji bzhin du/ /zhugs te gsang gsum yon tan kun 'grub shog /ces 'jam mgon bla ma tsong kha pa chen por dmigs brtse ma'i sgo nas gsol ba 'debs pa'i tshe rten gsal 'debs kyi mngon rtogs dang/ byang chub lam rim gyi don dang 'brel ba'i bstod pa 'di lta bu dgos zhes mtshan sgrog mkhan zur yon tan grags pa grwa slob 'gas bskul ba ltar rgyal ba gnyis pa'i bstan pa la deng dus tshig tsam gyis gus par smra ba dag dang mi 'dra bar gting nas yid ches kyi dad pa cung zad thob pa'i shA kya'i dge slong blo bzang bskal bzang rgya mtshos dga' ldan pho brang gi gzims chung dga' ldan snang gsal du sbyar ba'i yi ge pa ni drung yig ngag dbang 'jam dbyangs so//! // bla ma'i rnal 'byor dngos grub gter gyi sgrom bu zhes bya ba bzhugs/! /na mo gu ru ba b+hyaH yon tan dngos grub kun gzhi bla ma mchog /stobs bcu'i stobs kyis bdud bcom bde bar gshegs/ /dam pa'i chos dang tshogs mchog rin chen gsum/ /yi dam chos skyong rnams la skyabs su mchi/ /mar gyur 'gro la brtse ba'i snying rje dang/ /dad sogs sems rten nya lcibs khog pa la/ /smon 'jug byang chub sems kyi mu tig 'phreng/ /sems can mgu byed snying ga'i rgyan 'dzin shog /'gro rnams bde ba rgyu 'bras kun 'byor zhing/ /duH kha 'khor ba'i nyes rgya grol ba dang/ /thob zin bde ba'i mdzod la gnas bcas te/ /btang snyoms tshad med nor gyis phyug gyur @013b cig /ngo mtshar srid zhi'i chos kun gdod ma nas/ /snang tsam don dam spros bral bde chen ngang/ /mdun dbyings gdong lngas bteg pa'i gser khri'i steng/ /dar zab gdan dang pad dkar zla ba la/ /ngo bo drin chen blo bzang mtshan can nyid/ /rnam pa 'jam mgon bla ma tsong kha pa/ /dgyes zhal dkar la dmar mdangs chu skyes mchog /'dzum dbus tshems phreng ze'u 'bru ngom pa bzhin/ /chos 'chad phyag gi utpal sngon po ni/ /snyan thad kha phye bai DU'i rdzing ngogs su/ /glegs bam ngang dur gzhon nu rtsen 'dra zhing/ /zhabs gnyis mi bskyod rdo rje'i skyil krung bzhugs/ /yid 'phrog lta na sdug cing sgeg 'jo nyams/ /mtshan gyi zla ga dri med gsal gyur cing/ /dpe byad bdud rtsi'i 'od phung khor yug can/ /mthong thos dran reg kun da'i snying la dpyid/ /gang gi bde chen longs spyod chos 'khor cher/ /yig gsum gyis mtshan hUM gi 'od zer gyis/ /rig pa bslabs dang mdo sngags chos kyi tshul/ /ston mdzad dngos brgyud bla ma dam pa dang/ /rgyal ba sras bcas nyan rang dge 'dun tshogs/ /yi dam chos srung skad cig spyan drangs te/ /chu la chu bzhag lta bur gnyis su ni/ /mi dmigs dam tshig pa la thim par gyur/ /snyigs dus 'dul dka'i sems can yid kyi rta/ /rgyal kun thugs rje'i zhags kyis ma thul ba/ /thabs mkhas 'phrin las srab kyis thar lam du/ /kha sgyur drin chen bla mar phyag 'tshal lo/ /phyi nang snod bcud dkyil 'khor nyer spyod dang/ /legs sbyar @014a @#/ /bdud rtsi gsang ba de kho na'i/ /mchod sprin dngos bshams yid kyis rab sprul nas/ /skyabs gnas kun 'dus dpal ldan bla mar 'bul/ /nyon mongs 'dam skyes sgo gsum pad mo'i nags/ sdig ltung b+hra ma ra yi mchu sgros kyis/ /dam tshig sdom pa'i bcud 'thung spon bsags kyi/ /nyes rnams mgon po'i spyan sngar stobs bzhis bshags/ /skye 'phags kun gyi dge la yi rang zhing/ /zab rgyas chos 'khor bskor phyir bskal brgyar bzhugs/ /skye ba kun tu bsags pa'i rang gzhan dge /'gro rnams byang chub 'thob pa'i rgyu ru bsngo/ /mthong na mi mthun bral ba mtshan dpe'i dpyid/ /yongs rdzogs ba spu'i khung bu re rer yang/ /rab 'byams rgyal ba sras bcas kun tshang ba'i/ /dpal ldan bla ma'i sku la gsol ba 'debs/ /thog mtha' bar du dge ba'i mkha' dbyings las/ /dam chos legs bshad 'gag med dbyar rnga'i sgra/ /skal bzang rma bya'i snying la sdug pa'i sman/ /dpal ldan bla ma'i gsung la gsol ba 'debs/ /snang la gshis lugs bden par med pa yi/ /ji lta ji snyed kun mkhyen sngon med shel/ /chags sogs nyes pa'i tshon gyis mi sgyur ba/ /dpal ldan bla ma'i thugs la gsol ba 'debs/ /dal 'byor gru chen 'jigs rung 'khor ba'i mtshor/ /byings te sdug bsngal gsum gyis rtag mnar ba/ /mthong nas nyin mtshan kun tu thar 'dod blo/ /bcos min snying la skye ba'i bka' drin stsol/ /thub @014b dbang sngon gyi skyes rabs phreng ba ru/ /sbyin tshul bzod brtson bsam gtan shes rab kyi/ /pha rol phyin pas sa lam bgrod pa bzhin/ /zhum pa med par 'jug pa'i bka' drin stsol/ /lha sngags ting 'dzin mthar phyin nus pa yis/ /ma dag brtan g.yo'i phung khams legs sbyangs te/ /bde stong rdzogs pa'i rang rig 'og min mgon/ /kha sbyor bdun ldan 'thob pa'i bka' drin stsol/ /de ltar gsol btab rkyen gyis bla ma rje'i/ /sku las 'od zer dkar dmar mthing gsum byung/ /rang gi gnas gsum thim pas sgrib tshogs dag /dbang bzhis byin rlabs sku bzhi'i sa bon thobs/ /dge 'dis dngos grub 'byung gnas bla ma yis/ /skye ba kun tu 'bral med rjes 'dzin cing/ /bstan pa phyogs dus yongs dar mkha' mnyam gyi/ /'gro bas byang chen myur du thob gyur cig /zhes pa 'di ni mkhar rdo bla ma blo bzang sgom chung ri khrod dbang po dang 'brel ba'i bla ma'i rnal 'byor zhig dgos zhes bsam gtan gling gi ri khrod pa rnams kyis rdor dril dang/ rin chen gnyis pa sogs bdog pa bstabs te bskul ba'i ngor shA kya'i btsun pa blo bzang bskal bzang rgya mtshos gru 'dzin gnyis pa'i pho brang dmar po ri'i gzims chung nyi 'od 'khyil par sbyar ba'i yi ge pa ni ngag dbang yon tan 'byung gnas so//! // bla ma'i rnal 'byor thar pa'i gru gzings zhes bya ba bzhugs/! /rab 'byams zhing gi rgyal ba sras dang bcas/ /khyod thugs bde ba chen por ngang gcig pa/ /skyabs gnas kun 'dus drin can bla ma rje/ /snying ga'i ba@015a @#/ /mor rtag tu dgyes bzhugs gsol/ /'di phyi'i dngos grub yid bzhin dbang gi rgyal/ /len la mchog gsum byin rlabs gru gzings che/ /mos ldan gdul bya'i rlung phyogs dang mthun par/ /skul byed bla ma'i rnal 'byor dar chen g.yo/ /de la 'dir dngos grub ma lus pa'i 'byung gnas zab lam bla ma'i rnal 'byor nyams su len pa la/ sngon du rang gzhan thams cad kyi 'khor ba'i ngang tshul las 'jigs shing skrag pa'i nges 'byung dang/ /sems can thams cad dmar shes pas drangs pa'i snying rje chen po dang/ gzhan don du byang chub thob par dmigs pa'i sems bskyed sogs theg chen du 'gro ba'i byed chos med du mi rung ba dag gis rgyud legs par sbyangs te skyabs 'gro dang sems bskyad rgyas bsdus ci rigs dang/ tshad med bzhi bsgom pa sngon du 'gro bas 'di ltar bya'o/ /oM swa b+hA wa shu dd+hAH srba d+hrmA swa b+hA wa shu dd+ho nya haM/ chos kun mi dmigs stong pa nyid kyi ngang/ /mdun gyi nam mkhar seng ge'i khri chen por/ /pad ma nyi zla brtsegs pa'i gdan gyi steng/ /skyabs gnas kun 'dus bskal bzang rgya mtsho'i mgon/ /rnam pa chos kyi rgyal po tsong kha pa/ /sku mdog dkar dmar mdangs chags zhi 'dzum can/ /rung mthun chos gos gsum gyis mdzes par klubs/ /gser mdog paN zhwa gsol zhing phyag gnyis kyis/ /thugs kar chos 'chad las gyes u ta pa la steng/ /shes rab ral gri sher phyin glegs bam bsnams/ /zhabs gnyis rdo rje'i skyil krung @015b gis bzhugs pa'i/ /gnas gsum dkar dmar mthing ga'i 'bru gsum mtshan/ /hUM las 'od 'phros dag dang ma dag pa'i/ /sna tshogs phyogs bcu'i zhing nas bla ma dang/ /yi dam rgyal ba sras bcas srung ma'i tshogs/ / ma lus spyan drangs de la thim par gyur/ /yan lag bdun pa ni/ mkha' khyab spros dang bral ba chos kyi sku/ /dbyer med 'ja' lus rdo rje longs spyod rdzogs/ /gang 'dul sprul pa'i gar mdzad drin can rje/ /skyabs kun 'dus pa'i ngo bor phyag 'tshal lo/ /gzugs mdzes 'jo sgeg dar ba'i lang tsho ma/ /sna tshogs mchod pa'i bye brag thogs pa ni/ /mchod yon zhabs bsil me tog bdug spos dang/ /snang gsal dri chab zhal zas rol mor bcas/ /mdzes shing yid 'ong ji snyed gzugs mchog dang/ /snyan 'jebs sgra dbyangs dri zhim ngad pa 'thul/ /ro bda'i zas mchog reg bya mchog la sogs/ /rnam lnga 'dod pa'i yon tan ma lus 'bul/ / ri rab gling dang gling phran lha yi gnas/ /rin chen ri bo ko bi da ra'i shing/ /'dod 'jo'i ba mo ma rmos ma btab 'bras/ /khur du lci ba'i snye ma g.yur du za/ /mi dbang la 'od sna bdun rin chen dang/ /nye ba'i sna bdun gter gyi bum pa bzang/ /nyi ma zla ba bkra shis rtags rdzas brgyad/ /tshad skyob gdugs dang rgyal ba'i mtshan ma bsgreng/ /srid gsum 'gro ba'i legs byas byed pa yis/ /nyer bskrun bkod pa mtha' yas sems dpa' che'i/ / @016a @#/ /ting 'dzin kun tu bzang po'i mchod pa'i sprin/ /ji snyed blo yis blangs te 'bul bar bgyi/ /bdag sogs rnams kyis tshe rabs thog med nas/ /bsags pa'i sdig dang ltung ba ma lus pa/ / 'gyod sems drag pos mi 'chab 'thol bshags shing/ /bag yod dran shes brtan pos sdom par bgyi/ /bdag gzhan skye 'phags rnams kyis dus gsum du/ /bsags pa'i legs par spyad pa ji snyed la/ /mngon rlom nyon mongs can gyi sems spangs nas/ /bsam pa thag pas rjes su yi rang ngo/ /phyogs bcur bzhugs pa'i rgyal ba sras bcas rnams/ /gang 'tsham chos char 'jo bas 'gro ba'i rgyud/ /gnas skabs mthar thug don gnyis sa mos kha/ /bzhad phyir chos 'khor rgyun chad med skor gsol/ /'gro ba'i mgon po gang dag mya ngan las/ /'da' bar ston bzhed ji snyed mchis pa kun/ /phan dang bde pa'i dpal yon rgyas pa'i phyir/ /bskal pa rgya mtsho'i bar du bzhugs su gsol/ /bdag dang gzhan gyis dus gsum bsags pa yi/ /dge tshogs ji snyed mchis pas byang chub che/ /'gro ba kun gyi don slad myur 'grub ste/ /mar gyur sems can mtha' dag sgrol byin rlobs/ /mngon mtho nges legs bsam 'phel yid bzhin nor/ /ma lus 'byung gnas zab rgyas yon tan gter/ /rgyal ba rgya mtsho drin can chos kyi rje/ /bla ma rin po che la gsol ba @016b 'debs/ /byang chub sems kyi rtsa brtan bslab gsum gyi/ /sdong po rab rgyas phyin drug yal ga g.yo/ /bsdu bzhi'i 'bras dud sngon med dpag bsam dbang/ /bla ma rin po che la gsol ba 'debs/ /mi shigs rnam par dag pa gzugs kyi sku/ /'od gsal lhan skyes bde ba chen po'i dpyid/ /zung 'jug kha sbyor bdun ldan rdo rje sems/ /bla ma rin po che la gsol ba 'debs/ /yid bzhin nor las rnyed dka' dal 'byor 'di/ /mi rtag chu wur bzhin du 'jig sla bas/ /rtag 'dzin 'chi bdag dgra bo'i g.yul ngo las/ /thar pa'i snying po lon par byin gyis rlobs/ /dbang med las ngan gshed mas mdun nas 'khrid/ /nyon mongs srung ma gtum pos rgyab nas ded/ / 'jigs rung ngan 'gro'i btson rar 'khrid pa'i tshe/ /thugs rje'i phyag gis nye bar bzung du gsol/ /brgyal dka' srid pa'i rgya mtsho chen po 'dir/ /sdug bsngal gsum gyi 'dzin khri'i so rnon pos/ /rtag btab bde ba'i skabs med rmongs pa bdag /'jigs rung 'khrul 'khor klong las drang du gsol/ /bdag nyid gces par bskyangs pa'i drin can ma/ /nam mkha'i mtha' dang mnyam pa ji snyed la/ /byams dang snying rjes phan pa sgrub pa'i slad/ /byang chub don gnyer skye bar byin gyis rlobs/ /go 'phang de nyid 'thob slad rgyal sras spyod/ /phyin drug thabs shes zung du 'brel ba'i lam /spyi dang khyad par bla med rdo rje'i theg /brtson pa drag pos nyams @017a @#/ /su len byin rlobs/ /de yi mthu las kha sbyor bdun ldan mgon/ /zung 'jug rdo rje 'chang dbang myur 'grub ste/ /mtha' klas yid can kun kyang rnam 'dren sar/ /'khring pa'i ded dpon nyid du bdag gyur cig /ces pa dang/ gzhan yang/ blo bzang bstan pa'i gdugs dkar sa gsum blar/ /bsgreng 'dod lhag bsam ches dkar bskal bzang 'gro/ /'dren mdzad rgya mtsho'i bla ma skyabs gnas kun/ /'dus zhal drin can rje la gsol ba 'debs/ /zhes pa sogs ci tsam 'dod pa'i gsol 'debs mthar/ /skyabs gnas kun 'dus drin can rtsa ba'i bla ma rin po che la gsol ba 'debs so/ /bdag gi lus ngag yid gsum byin gyis rlob tu gsol/ /nges par 'byung ba'i bsam ba bcos ma ma yin pas drangs te byams pa dang snying rje byang chub kyi sems mtha' bral dbu ma'i lta ba phyin drug gi spyod pa spyi dang/ /rdo rje theg pa'i rim gnyis kyi rnal 'byor zab ma nyams su len nus par byin gyis rlob tu gsol/ tshe rabs thams cad du 'phags pa gru 'dzin gyi bdag pos theg pa'i chen po'i dge ba'i bshes gnyen mdzad de 'gro ba thams cad sgrol ba'i ded dpon chen por 'gyur bar byin gyis rlob tu gsol/ /zhes gsol ba btab pas bla ma'i spyi bo'i oM las sku yi yon tan thams cad kyi ngo bo 'od zer dkar po 'phros/ rang gi spyi bor thim pas lus kyi sgo nas bsags pa'i sdig sgrib thams cad @017b dag /bum pa'i dbang thob 'bras bu sprul sku 'grub pa'i nus pa khyad pa can thob par gyur/ /yang sngar bzhin gsol ba btab pas/ bla ma'i mgrin pa'i AHlas gsung gi yon tan thams cad kyi ngo bo 'od zer dmar po 'phros/ rang gi mgrin par thim pas ngag gi sgo nas bsags pa'i sdig sgrib thams cad dag /gsang ba'i dbang thong/ 'bras bu longs sku 'grub pa'i nus pa khyad par can thob par gyur/ /yang sngar bzhin gsol ba btab pas/ bla ma'i thugs ka'i hUM las/ thugs kyi yon tan thams cad kyi ngo bo 'od zer sngon po 'phros/ /rang gi snying gar thim pas yid kyi sgo nas bsags pa'i sdig sgrib thams cad dag /shes rab ye shes kyi dbang thob/ /'bras bu chos sku 'grub pa'i nus pa khyad par can thob par gyur/ /yang sngar bzhin gsol ba btab bas/ bla ma'i gnas gsum gyi yi ge gsum las/ 'od zer dkar dmar mthing gsum 'phros/ rang gi gnas gsum du thim pas sgo gsum gyis bsags pa'i sdig sgrib thams cad dag /tshig dbang rin po che thob/ 'bras bu zung 'jug rdo rje 'chang gi go 'phang 'grub pa'i nus pa khyad par can thob par mos rjes/ dpal ldan rtsa ba'i bla ma rin po che/ /zhes sogs kyis rtse gcig gsol ba btab pas bla ma dgyes bzhin du spyi gtsug nas byon/ 'ong du zhu nas snying gar thim pas rang gi sems bas ro gcig tu gyur par mos la/ rjes bsngo ba/ smon lam/ de kho na nyid kyi rgyas 'debs pa sogs dge ba rgya cher spel ba'i thabs bla na med pa dag gis brgyan par bya'o/ /de ltar nged rang la brten pa'i bla ma'i rnal 'byor @018a @#/ /thar ba'i gru gzings zhes bya ba 'di/ bdag nyid la gzhan byin gyis rlobs pa sogs nam mkha'i pad mo dang mtshungs mod kyang/ mos ldan rnams kyis bla ma dman pa'ang skyabs gnas kun 'dus su blta bar gsungs pa ltar/ nye char mi nyag sku skye sangs rgyas rin chen gyis 'di lta bu dgos zhes nan bskyed de bskul ba ltar shA kya'i dge slong lhu su ku ba blo bzang bskal bzang rgya mtshos g.yar khral du sbyar ba'i yi ge pa ni drung yig tshangs skyes blo ldan no// ! //bla ma mchod pa'i cho ga legs tshogs bdud rtsi'i char 'bebs zhes bya ba bzhugs so/ /oM swA sti/ nam yang mi g.yo mkha' ltar dag pa'i ngang/ /chos dbyings bde ba chen po dbyer med sku/ /khyab bdag dpal ldan rdo rje slob dpon cher/ /des rnyed gus/ ba chen pos phyag 'tshal lo/ /blo chen 'jam dpal rdo rje dus kyi mthar/ /bzang po'i gar mdzad snyan par rab grags pa'i/ /dngos brgyud yongs 'dzin rnam thar yid kyi ngos/ /shar bas dad pa'i sbu long ches cher ldang/ / dngos grub rtsa ba theg mchog bshes gnyen che'i/ /thugs rje chu 'dzin stug por 'khrigs pa las/ /legs tshogs bdud rtsi'i sbrang char chad med du/ /'bebs pa'i byed po rab gsal 'dir bshad bya/ /de yang rgyal bas pha rol tu phyin pa'i theg par lam ston bshes gnyen dam pa 'bad pas btsal zhing bsten dgos pa dang/ de nyid yon tan gyi gzhi rten mchog tu rgya cher bsngags shing/ de bas kyang khyad par du gsang sngags rdo rje theg par slob dpon sangs rgyas kun las lhag par blta zhing/ tshul bzhin bsten @018b pa'i rnal 'byor srog dam par bzung ste mnyes pa kho na sgrub dgos pas/ bla ma mchod pa'i tshul nyams su blang ba la/ skyabs sems ched med bsgom pa sngon du btang/ /rang bla med kyi yi dam gang yang rung ba'i rnal 'byor rgyas bsdus ci rigs zhig gi ngang nas sku las 'od zer 'phros snod bcud kyi ma dag pa thams cad sbyangs/ snod thams cad gzhal yas khang dang bcud thams cad lha dang lha mo'i rnam rol gyi dag pa rab 'byams 'ba' zhig tu gyur par bsams la/ nang mchod mchod gtor bla med kyi gzhung bzhin brlab/ dngos gzhi ni/ oM swA b+hA wa'i sngags brjod/ chos kun gdong nas spros pas dben pa bde stong zung 'jug mkha' dbyings su/ /dpag bsam 'khri shing yal ga phyogs yangs me tog 'bras bu ldem pa'i dkyil/ /rin chen 'od 'bar gdong lnga'i khri steng pad dkar nyi zla brtsegs pa'i dbus/ /khyab bdag dpal ldan sangs rgyas 'dus zhal drin can rtsa ba'i bla ma gang/ /rnam pa dge slong tshul bzung dkar dmar mdangs chags gser mdog paN zhwa gsol/ /chos gos gsum dang za 'og ber klubs phyag g.yas pad dkar yu ba bzung/ /g.yon pa lam ston glegs bam bsnams shing skyil krung tshul bzhugs mtshan dpe 'bar/ /thugs kar pad zla'i gdan steng rdo rje 'chang dbang yum dang dgyes pas rol/ / ye shes lnga rdzogs 'od lnga'i zer 'phreng mu med kun gsal pha mthar 'phro/ /de yi phung po bde gshegs rigs lnga khams bzhi spyan sogs lha mo bzhi/ /yul lnga rdo rje ma dngos tshigs dang rtsa rgyus skye mched sems dpa' @019a @#/ /brgyad/ /yan lag khro bo sku yi 'khor lo gcig las du ma'i rnam rol can/ /steng 'og mtha' bskor dngos brgyud bla ma bgrang yas dkyil 'khor rab 'byams lha/ /phyogs bcu'i bde gshegs byang chub sems dpa' gsung skyes rang rgyal slob mi slob/ /dpa' bo mkha' 'gro bstan srung rgya mtshos bskor ba'i gnas gsum yi ges mtshan/ /hUM las 'phros pa'i 'od zer lcags kyus ye shes pa rnams spyan drangs gyur/ /'od gsal chos sku lhun grub pho brang nas/ /me long gzugs bzhin gar dmigs snang ba can/ /drin can bla ma skyabs gnas ma lus pa/ /'khor dang bcas te gnas 'dir gshegs su gsol/ /dzaH hUM baM hoH gnyis su med par bzhugs par gyur/ /bla ma de nyid skyabs gnas kun 'dus kyi bdag nyid chen por bsam/ yan lag bdun pa'i thog mar phyag 'tshal ba'i yan lag ni/ gang thugs sgrib gnyis spangs pa'i lha lam khyon/ /sna tshogs sgyu 'phrul dra bas dbang gzhu ltar/ /yid 'ong phan bde ma lus 'byung ba'i gnas/ /skyabs gcig rje btsun bla mar phyag 'tshal lo/ /yan lag gnyis pa mchod pa la/ maN Dal rgyas bsdus ci rigs shig gi rjes chu bzhi 'dul ba ni/ 'dab stong tshar du dngar ba'i gser gyi snod/ /yol med rlabs phreng g.yo ba'i lha chu'i rgyun/ /dri bzang ngad ldang mchod yon bshams pa 'di/ /skyabs gcig bla ma mchog la 'bul @019b bar bgyi/ /oM ra tNa gu ru srba bu dd+ha bo d+hi sa twa sa pa ri wA ra a rg+haM pra tI tsa tsha ye swa hA/ de bzhin mchod yon gyi gnas su zhabs bsil/ /zhab bsil/ /bsang gtor zhes dang/ a rg+haM gyi gnas su pA Da yaM/ a nya tsa mA nAM/ pro ka ShA NaM/ zhes bsgyur/ nyer spyod rol mo 'bul ba ni/ 'dab ma brgyar grol pad ma u tpal/ /ma nda ra sogs lha dang mi yi rdzas/ /kha dog rnam bkra mchod 'os me tog tshogs/ /gus pas 'bul lo mchog thun dngos grub stsol/ /oM ra tan gu ru srba bu dd+ha bo d+hi sa twa sa pa ri wA ra pu Shpe pra tI tstsha ye swA hA/ tsna dan a ka ru sogs dri bzang spos/ /rab 'bar me yis bsregs las 'phyur ba'i dud/ /dbyar dus chu 'dzin rjes 'gro ba dug pa 'di/ /gus pas 'bul lo mchog thun dngos grub stsol/ /oM ra tna gu ru srba bu dd+ha bo d+hi sa twa sa pa ri wA ra d+hU pe pra tI tsa tsha ye swA hA/ rin chen snod du rtsi bcud 'bru mar rgyun/ /snying por sbar ba'i snang gsal sgron me dang/ /nyi zla nor bu 'od zer bzhad pa'i tshogs/ /gus pas 'bul lo mchog thun dngos grub stsol/ /oM ra tna gu ru srba bu dd+ha bo d+hi sa twa sa pa ri wA ra A lo ke pra tI tstsha ye swA hA/ stong gsum ltar yang rin chen snod rnams su/ /tsha ba'i gdung sel bzang po'i ngad ldan sman/ /bkos pa'i dri chab chal chil rlabs g.yo ba/ /gus pas 'bul lo mchog thun dngos grub stsol/ /oM ra tna gu ru srba bu dd+ha bo d+hi sa twa sa pa ri wA ra ga nd+he pra tI tstsha ye swA hA/ ro brgya'i dpal 'dzin lha dang mi yi zas/ /lhun po ltang@020a @#/ /spungs zhim dgu'i btung ba rnams/ /gtsang sbyar rin chen snod du bskyil ba'i tshogs/ /gus pas 'bul lo mchog thun dngos grub stsol/ /oM ratn gu ru srba bud d+ha bo d+hi sa twa sa pa ri wA ra nai wi dya pra tI tstsha ye swA hA/ /des pa bdun ldan glu dbyangs nga ro dang/ /sil snyan pheb rdob pi waM gling bu sogs/ /sna tshogs rna ba'i dpyid gyur rol mo rnams/ /gus pas 'bul lo mchog thun dngos grub stsol oM ratna gu ru srba bud d+ha bo d+hi sa twa sa pa ri wA ra shapda pra tI tstsha ye swA hA/ 'dod yon lnga 'bul ba ni/ dbang po'i yul du gang shar snang ba kun/ /rmad byung gzugs dang lang tsho'i dpal yon can/ /'khri shing lta bur lus phra 'jo sgeg ma/ /drug ldan glu len sna tshogs rol mo brdung/ /lus dang kha nas ga bur dri bzang 'thul/ /ma mchu'i ro mngar 'jam mnyen reg bya yis/ /lus sems bde stong 'dod yon lha mo'i tshogs/ /nam mkha' gang bar bsgoms te 'bul bar bgyi/ /oM ratna gu ru srba bud d+ha bo d+hi sa twa sa pa ri wA ra ka mgu Na phra tI tstsha ye swA hA/ gzhan yang mchod pa'i bye brag 'bul pa ni/ phyogs bcu'i zhing na bdag pos ma bzung ba'i/ /chu gtsang sman gyi ri bo yid du 'ong/ /nags tshal phreng ba rin chen me tog rgyan/ /bkod pas khyad par mdzes pa rnams kyang 'bul/ /lha sogs 'gro ba'i legs byas mthu smin pas/ /bdag tu bzung ba'i snod bdud 'byor pa @020b kun/ /blo yis blangs nas thugs rje'i gter chen la/ /'bul lo sems can don slad bzhes su gsol/ /rin chen khang bzang gdugs dang ba dan g.yo/ /nam mkha'i phyogs kun khyab pa'i bla bre bres/ /bkod legs nor bu'i khri dang gzims cha sogs/ /nyer spyad 'dod dgu'i tshogs kyang ma lus 'bul/ /dge mtshan 'byung gnas bkra shis rdzas rtags brgyad/ /mi dbang sngon 'gro rin chen sna bdun spro/ /'phangs shing gces pa'i bdag gi lus ngag yid/ /zhum pa med 'bul dran du spyad par gsol/ /rgyal sras ting 'dzin cho 'phrul rmad po che/ /kun bzang bla med mchod pa rgya mtsho'i sprin/ /nam mkha' khyab par kun tu bkram pa yang/ /mgon po skyabs kyi dam pa rnams la 'bul/ /sgrub pa'i mchod pa ni/ /bdag gzhan 'gro blo sa phyogs gtsang ma'i gzhir/ /dad pa'i sa bon bskyed bsrings rnam dkar gyi/ /las lam myu gu'i rtser dud 'dod pa dang/ /bsam gtan gzugs med 'jig rten dge 'bras smin/ /'phags pa'i bden bzhir dmigs pa'i rnam byang chos/ /mchog dman theg gsum lam dang rgyud sde bzhir/ /thos bsam bsgoms pa'i dge tshogs gcig bsdus nas/ /phul ba'i sgrub pa'i mchod pas mnyes gyur cig /ngang gi mchod pa ni/ srid gsum khyon 'gengs bde skyong thod pa'i nang/ /sha lnga bdud rtsi lnga yi bcud len rdzas/ /rigs lnga yab yum ye shes rang bzhin 'khyil/ /sbyangs rtogs sbar byas bdud @021a @#/ /rtsi'i mchod pa 'bul/ /gsang ba'i mchod pa ni/ mtshan ldan yid 'ong gzugs dang lang tsho dar/ /'dod pa'i sgyur rtsal mngon goms smin legs ma/ /sngags skyes zhing skyes lhan skyes pho nya mo/ /'bul bas bde chen dga' ston mchog la rol/ /de kho na nyid kyi mchod pa ni/ tha snyad sgra rtog dbang gis ming tsam las/ /rang bzhin cir yang ma grub gdod ma'i gshis/ /chos kun ro mnyam lhan skyes bde stong gi /zung 'jug phyag rgya chen po'i mchod pa 'bul/ /bshags pa sogs yan lag lhag ma rnams ni/ /sgo gsum nyon mongs dbang 'gyur mi dge'i las/ /sdig ltung bgyis dang bgyid du stsal ba kun/ /gnong 'gyod drag pos bshags shing slan chad du/ / bag yod dran shes brtan pos nye bar sdom/ /bdag gzhan skye 'phags rnam par dkar ba'i rgyus/ /mngon mtho nges legs 'bras ster slu med kyi/ /rten 'brel nges pa rnyed nas dge tshogs la/ /bsam pa thag pas dga' zhing yi rang ngo/ /dag dang ma dag bsam yas 'jig rten du/ /chu zla'i rol gar ji bzhin sems can don/ /sna tshogs khams dang 'tsham par zab rgyas kyi/ /chos 'khor rgyun chad med par skor du gsol/ /skye 'chin rga'i 'jigs las rnam grol gyi/ /rtag brtan zhi ba g.yung drung lhun chags kyang/ /tshur mthong blo ngor mya ngan mi 'da' bar/ /'khor ba de srid brtan par bzhugs su gsol/ /de ltar bsags pa'i rnam dkar @021b dge ba rnams/ /theg mchog bshes gnyen mgon dang mi 'bral zhing/ /bsam dang sbyor bas tshul bzhin bsten pa las/ /don gnyis myur du 'grub pa'i rgyu ru bsngo/ /zhes yan lag bdun pa bya zhing/ /spro na bshags pa'i mtshams der sdom pa gsum gyi bshags pa sogs rgyas par bya/ /de nas bstod cing gsol ba 'debs pa ni/ grangs med rgyal ba kun gyi gsang ba gsum/ /ma dag 'gro ngor bshes gnyen tshul bzung ste/ /bde ba'i lam ston mkhyen brtse nus par ldan/ /khyab bdag rnam 'dren chen por bstod par bgyi/ /rang bzhin 'dus ma byas khams lhun gyis grub/ /dri bral spangs rtogs mthar phyin rdzogs sangs rgyas/ /'gog lam dam chos rig grol yon tan brgyad/ /rab rdzogs dge 'dun kun 'dus khyod la 'dud/ /dkar po'i chos rgyas zla ba nya 'dra zhing/ /zhi ba'i lam ston nyi ma gsal ba bzhin/ /brtan pas ri dang mi 'khrugs rgya mtsho ltar/ /yon tan 'byung gnas khyod la gus bas 'dud/ /mang thos chu gter dbus su so thar khrims/ /dran shes bag yod lhun po rab brtan ngos/ /theg mchog bshes gnyen yon tan nyi zla'i 'gros/ /chad med snang ba stsol la gus pas 'dud/ /phung khams skye mched rigs lnga yab yum sogs/ /rnam dag sku yi 'khor lo mig 'phrul bzhin/ /lhan skyes bde ba chen po gcig pu'i gar/ /sgyur mdzad rdo rje sems dpa' de la 'dud/ /mi shigs 'od zer lnga pa'i rlung gi 'phrul/ /bem chos rags pa las @022a @#/ /'das ye shes kyi/ /rang snang 'ja' lus rdo rjer grub pa'i sku/ /'gyur med dang po'i mgon po khyod la 'dud/ /smra bsam brjod du med pa chos kyi dbyings/ /gnyis snang mtshan ma nub pa'i ye shes/ cha/ /gnyug ma lhan cig skyes dngos dbyer med pa'i/ /don dam byang chub sems mchog khyod la 'dud/ /ces phyi nang gsang ba de kho na nyid kyi bstod pas spyir bstod cing/ khyad par du/ blo bzang bde gshegs ring lugs ris med 'gror/ /spel bas bskal bzang rnam 'dren rgyal tshab tu/ /dbang bskur skyabs gnas kun 'dus bla ma mchog /rgya mtsho'i ded dpon chen por gsol ba 'debs/ /zhes pa sogs skabs su bab pa'i bla ma'i gsol 'debs gang mang gi mjug tu/ khyod ni bla ma khyod ni yi dam khyod ni mkha' 'gro chos skyong ste/ /deng nas bzung ste byang chub bar du khyod min skyabs gzhan mi 'tshol bas/ /'di dang bar do phyi ma'i mthar yang thugs rje'i lcags kyus bzung mdzod la/ /srid zhi'i 'jigs sgrol dngos grub kun stsol gtan gyi grogs mdzod bar chad srungs/ /zhes lan gsum la sogs pas gsol ba nan tan du btab/ de nas thun mong ba'i lam gyi rim par gsol ba 'debs shing smon lam du bya ba'i tshul ni/ rgyal ba kun las lhag pa'i thugs rje'i gter/ /legs par mchod cing gsol ba btab pa'i mthus/ /tshe rabs kun tu 'bral med rjes gzung zhing/ /bka' bzhin sgrub pas mnyes par byin gyis rlobs/ /dal @022b 'byor yon tan tshang ba'i mi lus 'di/ /yid bzhin nor bu bas kyang rnyed dka' ngas/ /chos brgyad tshe 'di'i bya bas mi g.yeng bar/ /snying nas dam chos sgrub par byin gyis rlobs/ /nyi ma nub rir phyogs pa'i grib ma bzhin/ /skad cig rer yang 'chi bdag drung du steg /de ring nyid kyang mi 'chi'i gdengs med pas/ /mi rtag bskul ma dran par byin gyis rlobs/ /phyugs dang mtshungs pa'i tshe 'di'i snang shas tsam/ /mnog chung glog dang 'dra ba'i skad cig mar/ /rtogs nas 'jig rten pha rol don gnyer gyi/ /chung ngu'i bsam pa skye bar byin gyis rlobs/ /bzod dka' ngan song gsum gyi sdug bsngal la/ /'jigs te snying nas dkon mchog bsten pa dang/ /dkar nag las 'bras phra zhing phra ba la'ang/ /blang dor tshul bzhin byed par byin gyis rlobs/ /srid pa'i phun tshogs kun kyang sdug bsngal mes/ /sreg pa'i bud shing nyid du nges rnyed nas/ /rnam dag nges 'byung bcos ma yin pa yis/ / thar pa don gnyer skye bar byin gyis rlobs/ /sems can kun kyang tshe 'di'i ma lta bur/ /drin can 'ba' zhig yin par nges rnyed nas/ /byas shes drin du gzo ba'i khrel gzhung gis/ /theg mchog lam sna zin par byin gyis rlobs/ /yid 'ong gnyen gyi dwangs ma'i 'gro ba kun/ /srid pa rgya mtsho'i klong du bying mthong nas/ /shugs drag snying rje chen pos gzhan phan khur/ /lhag bsam khyogs kyis longs par byin gyis rlobs/ /rang nyid gces @023a @#/ /par gzung bas sdug bsngal dang/ /mi 'dod gnod pa du ma thog tu babs/ /de phyir bdag bde 'dod pa'i 'phung sna 'di/ /rtag tu gnyen pos 'joms par byin gyis rlobs/ /gzhan la gces shing phan par sems pa'i blo/ /'di phyi'i bde legs rtsa bar yongs shes nas/ /dgra gnyen med par sems can thams cad la/ /phan pa 'ba' zhig sgrub par byin gyis rlobs/ /'gro 'ong rlung gi sbyor ba la brten nas/ /bdag gi bde dag gzhan la gtong pa dang/ /ma rnams sdig sdug rang la blangs pa yis/ /sems can bde ba rgyas par byin gyis rlobs/ /nad gdon sdug bsngal thog tu babs pa na/ /sngon chad rang gis lan pa'i 'bras bur shes/ /rang mnyam sdug bsngal blangs pas rkyen ngan kun/ /byang chub lam du 'gro bar byin gyis rlobs/ /sbyor ba bzhi dang stobs lnga'i nyams len gyis/ /byang chub sems gnyis sbel ba'i blo sbyong chos/ / nyams su blangs pas re dogs 'ching grol nas/ /gtan bde'i dga' ba rgyas par byin gyis rlobs/ /gang dang ldan na rgyal ba'i sras po zhes/ /'jig rten mchod 'os gcig gyur byang chub sems/ /smon dang 'jug pa'i bye brag legs bzung nas/ /dpag med gzhan don byed par byin gyis rlobs/ /rgyal sras sdom pas rgyud gtams phra rags kyi/ /bcas mtshams bslab pa'i rgya las mi 'da' zhing/ /dkar nag chos bzhi blang dang dor ba @023b yis/ /nyams len snying por byed par byin gyis rlobs/ /bdag gi lus dang longs spyod dge ba'i tshogs/ /ma chags sems can kun la gtong ba'i sems/ /rgya cher spel zhing chos dang mi 'jigs pa'i/ /sbyin pa'i nyams len rdzogs par byin gyis rlobs/ /so so thar sogs bag med nyes spyod las/ /sdom pa'i brtul zhugs yang dag blangs byas te/ /mig 'bras bzhin du gces par bsrung ba yi/ /tshul khrims nyams len rdzogs par byin gyis rlobs/ / gnod byed zhe sdang stobs kyis mi brdzi zhing/ /sdug bsngal tshogs la ma zhum snying stobs kyis/ /dge tshogs dka' ba med par rab bsgrub pa'i/ /bzod pa'i nyams len rdzogs par byin gyis rlobs/ /zhum dang le lo spangs pa'i brtson pa yis/ /mi ldog go cha chen po rab bgos te/ /dge chos sdud dang sems can don byed pa'i/ /brtson 'grus nyams len rdzogs par byin gyis rlobs/ /dran shes brtan pos bying rgod skyon spangs nas/ /dge ba'i dmigs pa gcig las mi rtog par/ /dwangs gsal shin sbyangs bde ster zhi gnas kyi/ /bsam gtan nyams len rdzogs par byin gyis rlobs/ /ji lta ji snyed chos la rnam 'byed rlos/ /lhag mthong so sor dbyod pa'i rtsal ldan zhing/ /spyan dang mngon shes yon tan rab grub pa'i/ /shes rab nyams len rdzogs par byin gyis rlobs/ /rigs pa'i stobs kyis chos kun gnas lugs la/ /dpyad mthar ci yang ma rnyed stong pa'i nyams/ /nam mkha' lta bu'i @024a @#/ /mnyam gzhag rnal 'byor gyis/ /bden 'dzin drung nas 'byin par byin gyis rlobs/ /de yi mthu las gang shar snang ba kun/ /ming tsam gsob tu lus pa'i rdzun po che/ /'khrul snang sgyu ma lta bus rig pa yis/ /rjes thob don ldan byed par byin gyis rlobs/ /dmigs gtad khas len bral ba'i stong pa dang/ /rgyu 'bras bya byed 'thad pa'i spang blang gnyis/ /res 'jog med par tshul bzhin go ba yi/ /mtha' bral gnas lugs rtogs par byin gyis rlobs/ /de ltar thabs shes zung 'brel gshog rlabs kyis/ /sa lam mthon po'i dbyings su rab 'phags pa'i/ /rgyal sras mkha' lding dbang por bdag gyur nas/ /kun mkhyen myur du thob par byin gyis rlobs/ /zhes gdung shugs drag pos gsol ba btab pa'i mthar ting nge 'dzin gyi dbang bzhi len pa ni/ de ltar gsol ba btang pas bla ma yi/ /gsang gsum mi zad rgyan gyi 'khor lo'i dpyid/ /gnas gsum 'bru gsum las 'ongs bdud rtsi dang/ /'od zer dkar dmar mthing ga dpag med byung/ /rang gzhan 'gro kun sgo gsum rim bzhin dang/ /cig car thim pas lus ngag yid kyi sdig /nyes tshogs kun dag byin rlabs ma lus thob/ /dbang bzhis sku bzhi'i sa bon bzhag pas gyur/ /slar yang gsang sngags kyi gsol 'debs bya ba ni/ skyabs med bdag gi mgon po thugs rje can/ /deng 'dir byin rlabs snying la zhugs pa des/ /skye ba kun tu rnam dag dbang bskur gyi/ /smin grol sa @024b bon thebs par byin gyis rlobs/ /rnam dag gzhal med dbus su rang nyid lhar/ /bskyed pa'i sku gsum rnal 'byor goms pa yis/ /srid par skye 'chi bar do sbyong ba dang/ /rab 'byams las kun 'grub par bying gyis rlobs/ /rdo rje'i lus la gnad du bsnun pa las/ /snying dpus a wa ngtU tI bcings pa'i rgya/ /ma rig sbubs las rnam grol rang gi sems/ /'od gsal snying po mthong bar byin gyis rlobs/ /kun byed snying dbus bzhugs pa'i bla ma lha/ /sgyu 'phrul dra bar bzhengs pa'i ris pa dang/ /zung 'jug gsang mtha'i myur lam la brten te/ /tshe gcig grol ba thob par byin gyis rlobs/ /khyab bdag kha sbyor bdun ldan longs spyod rdzogs/ /sgrib bral gnyug ma'i 'od gsal ma g.yos bzhin/ /bye ba ther 'bum sprul sku'i rnam rol gyis/ /mkha' mnyam 'gro ba sgrol bar byin gyis rlobs/ /gnas skabs su yang dam chos sgrub pa'i bgegs/ /phyi nang rkyen ngan 'tshe ba rab zhi zhing/ /'di dang phyi ma'i legs tshogs dgos 'dod kun/ /'bad med lhun gyis grub par byin gyis rlobs/ /de ltar gsol btab 'khor rnams gtso ber thim/ /bla ma dgyes bzhin rang gi spyi bor byon/ /snying dbus 'dab brgyad pad ma'i ge sar la/ /sems dang dbyer med ro gcig brtan par gyur/ /de lta bu'i rnal 'byor nyams su blangs pa'i dge ba rdzogs byang du bsdo ba dang/ bkra shis kyis mtha' brgyan cing/ /rjes thob kyi bya ba kun gsang sngags bla med kyi lugs bzhin bskyongs te gnas skabs@025a @#/ /mthar thug gi don bsgrub pa la 'bad par bya'o/ /'di ltar bskrun pa'i rnam dkar legs tshogs mthus/ /'gro kun theg mchog bshes kyis zin pa dang/ /myur lam rdo rje theg pa'i gdams ngag gis/ /bla med go 'phang bde blag thob gyur cig /ces bla ma mchod pa'i cho ga legs tshogs bdud rtsi'i char 'bebs zhes pa 'di ni/ /gnam bskos 'jam dbyangs gong ma'i lha rigs les dad stobs kyis mngon par 'phags shing/ bzang po'i bag chags sad pas rnam par dge ba'i mkhyen dpyod mchog tu yangs pa/ ho shos khengs se chin wang chen po gong ma 'jam dbyangs mi'i bdag po mchog gi sku'i tshab tu 'di gar phebs bskyod dus/ nged rang la brten pa'i bla ma mchod pa/ thams cad mkhyen gzigs chen po paN chen blo bzang chos kyi rgyal mtshan gyis mdzad pa'i bla ma mchod pa la gzhi byas pa ming sgra tshang ba'i gsol 'debs 'di lta bu dgos zhes bskul ma mdzad par/ ngos la mchod par 'os pa'i yon tan gang yang med pas wa skyes seng ger brdzu ba'i ngang tshul las ma 'das rung/ /dgyes pa chen po'i gsung ldog ma nus pas g.yar khral tsam du shA kya'i dge slong blo bzang bskal bzang rgya mtshos mgar thar yongs la sbyin pa gtong pa'i gtsug lag khang du sbyar ba'i yi ge pa ni drung yig tshangs skyes blo ldan no/ / ! / /bla ma'i rnal 'byor dngos grung nor bu'i bang mdzod ces bya ba bzhugs/ oM swa sti/ rnam 'dren stong gi dbus na pad dkar bzhin/ /ches bsngags lnga bde'i 'gro 'dren snying stobs phul/ /shA kya seng ge mi mjed zhing gi gtso/ /khams gsum @025b 'gro ba'i gtsug na rgyal gyur cig /sgrib pa gcod pa'i ral gri so gnyis pas/ /mi 'jigs spobs pa gzengs mtho chos kun la/ /rdzan par blta ba'i dbang phyug brgyad ldan mgon/ /'jam dpal snying pos byang chub par du skyongs/ /bshes gnyen mes po dgyes pa'i ral khur las/ /mchog thun dngos grub lha yi chu bo'i rgyun/ /'dzam gling 'gro ba'i mos pa dang mnyam par/ /'bebs byed skal ldan shing rta 'di na rings/ /'dir bla ma'i rnal 'byor la brten nas mchod dang thun mong gi dngos grub sgrub par byed pa'i rnal 'byor bas nyams su len pa la gnas dang yo byad mchod rdzas rnams bla med ltar byin gyis brlabs nas 'di ltar brjod par bya'o/ /gzung 'dzin spros dang bral ba'i rang gi sems/ /kun gsal chos dbyings mtha' dang mnyam nyid dang/ /rin chen 'od 'bar seng ges bteg pa'i khri/ /pad ma nyi zla brtsegs pa'i gdan steng du/ /rgyal ba kun dngos rtsa ba'i bla ma mchog /dka' gsal mdzes 'dzum zhi dul dge slong chas/ /phyag g.yas pad dkar yu ba ldem por bzung/ /g.yon pa thar pa'i lam ston pu ti bsnams/ /gser mdog paN zhwa nyi ma ltar lham zhing/ /rung mthun gos dang za 'og ber bzang klubs/ /skyil krung gis bzhugs sku las dwangs gsal 'od/ /rab 'byams zhing gi khyon dang mtshungs par 'bar/ /de yi phung po bde gshegs rigs lnga dang/ /khams bzhi yum dang skye mched sems dpa' brgyad/ /yul lnga 'dod yon lha mo @026a @#/ /yan lag bcur/ /gtum chen khro bo bcu yi 'khor lo rdzogs/ /de ltar gsol btab bla ma'i gnas gsum du/ /'bru gsum dkar dmar mthing mtshan thugs ka nas/ /'od zer pho nya phyogs bcu'i zhing du 'phros/ /rgyal ba ma lus bskul te spyan drangs gyur/ /mi phyed dad pa rnyog med rdzing bu ru/ /gsang gsum 'bum phrag zla gzugs rol pa bzhin/ /gang 'dul sku yi bkod pas zhing kun nas/ /dus gsum skyabs gnas ma lus gshegs su gsol/ /oM rtan gu rus pa ri wA ra bdzra sam dzaH sa spyan drangs/ dzaH hUM baM hoH sa gnyis su med par gyur/ /yan lag bdun gyi thog mar phyag 'tshal ba la/ 'gro la chags pas bzhad pa'i 'dzum phreng gis/ /chos kun mgron du bsus pa'i cho ga mkhan/ /rgyal kun dmigs med snying rje'i rang gzugs can/ /dpal ldan bla ma mchog la phyag 'tshal lo/ /lhan skyes bde ba gcig pu'i gar mkhan ma/ /dpag med dkyil 'khor 'khor lor brdzus pa'i gar/ /ston mdzad rdo rje 'chang dang mi gnyis pa'i/ /khyab bdag dpal ldan bla mar phyag 'tshal lo/ /ji lta ji snyed chos tshul mtha' yas la/ /lkog gyur dri ma phyis pa'i shel dkar ngos/ /chos phung 'bod grogs snang bas gdul bya'i blo/ /tshim mdzad kun mkhyen dbang por phyag 'tshal lo/ /mchod pa'i yan lag ni/ dpag tshad du ma'i khyon ldan 'byung ba yi/ /dkyil 'khor dbus @026b su rin chen lhun po brjid/ /khor yug ri dang chu mtsho lcags ri sogs/ /snod kyi 'jig rten bkod pa rab 'byams mtshar/ /gling dang gling phran lha yi khang bzang sogs/ /mi dbang nor mchog rgyal srid rin chen bdun/ / gter chen bum bzang nyi zla rang gzhan gyi/ /phun tshogs gcig tu spungs nas 'bul par bgyi/ /zhes pa dang/ gzhan yang maN Dal rgyas bsdus ci rigs gang mang 'bul/ /rin chen gser ri tshar du dngar ba'i snod/ /grangs med rol mtsho'i chu gter rba rlabs can/ /dri bzang bgos pa'i chu bzhi dal 'bab rgyun/ /rje btsun bla ma mchog la 'bul bar bgyi/ /thang dang chu skyes rnam bkra'i me tog tshogs/ /dbang po'i gzhung bzhin bar snang lding khang can/ /sman sna'i spos bsregs dud sprin lang ling du/ /g.yo bas nam mkha' khyab par gos bzhin dkris/ /nyi ma'i dkyil 'khor 'bum phrag shar ba ltar/ /snang gsal sgron mes 'jig rten mun pa 'phrog /ga bur tsan dan chus bgos byug pa yis/ /thugs kar bde ba skyed byed dri chab dang/ /brgya phrag ro ldan bdud rtsi sbyar ba'i zas/ /lus mchog brtas byed lhun po lta bur spungs/ /rgyud dkro brdung dang 'bud pa'i bye brag las/ /sna tshogs sgra dbyangs rna ba'i dga' ston 'jebs/ /yid 'phrog 'khri shing lta bur ldem pa'i lus/ /zla ba'i bzhin ngom gzugs kyi mdzes pa ston/ /snyan pa'i glu len lus las @027a @#/ /dri bzang 'thul/ /ma mchu'i ro bda' reg byas dga' ba ster/ /dbang po'i yul du gang shar snang ba rnams/ /'dod yon lha mo'i rol par mngon sprul nas/ /khrag med bde ba'i snying po spel bgyin/ /dgyes bzhin rol la dngos grub stsal du gsol/ /'jig rten legs byas rlabs chen chu mtsho las/ /'ongs pa'i phun tshogs dpag bsam shing gi rtser/ /ci 'dod 'bras bu rang gir bzung ba'i dpyid/ /ma lus bdag blos blangs nas 'bul bar bgyi/ /snod kyis gzhi kho lag yangs pa'i khyon/ /sna tshogs rtsi shing me tog nags sman sogs/ /bdag tu ma bzung ci 'dod 'byor pa yis/ /zhum pa med par rgyal bsras bcas mchod/ /rgya dang phyogs su ma chad mchod pa'i sprin/ /zhing kun khyab par ting 'dzin gyis bkang ste/ /kun bzang rnam sprul 'jig rten las 'das pa'i/ /bla med mchod pa mchog gsum rnams la 'bul/ /rang gi lus ngag yid gsum phang med du/ /ma zhum bsam pa thag pas bran du 'bul/ /thos bsam sgom sogs dge tshogs mtha' yas la/ /bka' bzhin sgrub pa'i mchod pas mnyes gyur cig /nang gi mchod pa ni/ stong gsum ltar yangs mtshan ldan thod pa'i nang/ /rigs lnga yab yum ye shes rang bzhin rdzas/ /sha dang bdud rtsi sbyangs rtogs sbar ba'i bcud/ /zag med nang gi mchod @027b pa rgya mtsho 'bul/ /gsang ba'i mchod pa ni/ bzhin mdzes shin tu gzhon pa'i lang tsho can/ /phra zhing ldem pa'i yid 'phrog pho nya mo/ /gsang ba'i pad ma bzhad pa'i 'dod chags ches/ /lhan skyes bde ba'i dga' ston mchog la rol/ /de kho na nyid kyi mchod pa ni/ bde ba chen po 'bar ba'i zhugs kyi khar/ /mtshan 'dzin yas shing bsregs pa'i gzigs ngo ru/ /gnas lugs stong pa nyid dang ro mnyam pa'i/ /bla med mchod bas rtag tu mnyes gyur cig /bshags pa ni/ nyon mongs shugs dang ldan pa'i glang smyon khyu/ /sgo gsum mi dger 'khyor ba'i gom stabs las/ /stobs bzhi'i zab gnad lcags kyu rnon po yis/ /nyer drangs bsam pa thag pas bshags par bgyi/ /rjes su yi rang ba ni/ rang dang gzhan rgyud chos dkar rlabs kyi 'dzum/ /g.yo ba'i rdzing bur 'khrungs pa'i dge tshogs phul/ /bcud ldan 'dab ma bzhad pa'i zil mngar la/ /bdag cag snying nas dga' zhing yi rang ngo/ /chos 'khor bskor bar bskul ba ni/ sna tshogs lus can khams dang bsam pa bzhin/ /chos phung brgyad khri bzhi stong sgo phye ste/ /mngon mtho nges legs bde 'bras gtong phod kyis/ zab rgyas chos kyi 'khor lo skor du gsol/ /mya ngan las mi 'da' bar gsol ba ni/ /'dren pa gang dag zung 'jug za ma tog /thun mong gdul byar bstan pa'i gzugs kyi sku/ /mya ngan 'da' bzhed de @028a @#/ /dag thams cad la/ /'khor ba ma stong bar du bzhugs gsol 'debs/ /bsngo ba ni/ /bdag gzhan dge tshogs phung po gcig bsdus nas/ /mar gyur 'gro rnams bde dang ldan pa dang/ /mthar thug byang chub 'bras bu'i dga' ston la/ /ltan cig ci dgar spyod pa'i rgyur bsngo'o/ /de ltar yan lag bdun pa byas rjes/ /bla ma'i skyon rtog gi blo gtan nas ma shor zhing/ /snying nas yon tan dran pa'i sgo nas gsol ba 'debs ba ni/ thog med brlang spyod dmu rgod sems rta'i kha/ /so thar tshul khrims srab kyis bcings pa yis/ /rtag tu dren shes phyogs su srung byed pa'i/ /dge sbyong 'dul pa 'dzin par gsol ba 'debs/ /bdag pas gzhan la gces pa'i byang sems sman/ /nyes brgya'i gcong nad sel ba'i thabs mkhas ches/ /phyin drug lam bzang yongs su rdzogs mdzad pa'i/ /bla med rgyal ba'i sras por gsol ba 'debs/ /gang gi ba spu'i sgo yi zhing re la/ /rab 'byams rgyal ba'i bkod pa legs rdzogs phyir/ /sri zhu chung ngus rlabs chen dge tshogs gter/ /sdud mdzad mchod yul dam par gsol ba 'debs/ /mtshan tsam rna bar ltungs pa'i dge ba kyang/ /gnas skabs mthar thug legs tshogs ma lus pa/ /stsol mdzad bka' drin can gyi bla ma la/ /sgo gsum gus pas btud cing gsol ba 'debs/ /phung khams skye mched lha dang lha mo yi/ /rnam rol dkyil 'khor 'khor lo bye ba brgyar/ /spro dang bsdu mdzad rdo rje @028b sems dpa' zhes/ /dpal ldan rigs kun gtso bor gsol ba 'debs/ /mi shig rlung gi 'phrul las 'ja' tshon ltar/ /cir yang 'char bzod ngo mtshar rdo rje'i khams/ /gsang gsum ngo bo gcig tu grub pa'i sku/ /ston mdzad thog ma'i mgon per gsol ba 'debs/ /kun tu bzang po chos rnams kun gyi gshis/ /thog mtha' med pa'i rang bzhin 'od gsal ba/ /don dam byang chub sems mchog lhan skyes kyi/ /bde ba'i ngo bo gcig pur gsol ba 'debs/ /zhes pa dang/ /gzhan yang bla ma'i sku bstod gsol 'debs sogs skabs su ga 'babs kyis snying thag pa nas gsol ba btab pa'i mthar 'dod bya'i don la smon lam dang gsol ba 'di ltar gdab par bya'o/ /skyabs gnas kun 'dus theg mchog bla ma rje/ /yon tan kun gyi rtsa bar nges rnyed nas/ /bsam dang sbyor bas tshul bzhin bsten pa yis/ /skyo med nor bzang lta bur byin gyis rlobs/ /sngon chad mi khom brgyad kyi klong 'khor du/ /las ngan rgyun phyogs khyer yang lan cig tsam/ /rnyed dka'i dal 'byor rten bzang 'di nyid la/ /snying nas dam chos sgrub par byin gyis rlobs/ /rlung dmar nang gnas snum zad mar me bzhin/ /'chi bdag dgra po'i lag na chud pa'i srog /de ring nyid kyang mi gcod gdengs med pas/ /rtag 'dzin phyi bshol bzlog par byin gyis rlobs/ /ri mor bris pa'i dmyal ba'i gzugs brnyan tsam/ /mthong yang 'jigs pa snyer ba'i brnag dka'i khur/ /ngan song sdug @029a @#/ /bsngal mi bzod shes pa yis/ /zhes log skyo ba bsgom par byin gyis rlobs/ /'khor 'das legs tshogs ma lus stsol mdzad pa'i/ /dkon mchog rin chen gsum la skyabs gsol zhing/ / snying nas yid ches blo gtad dag snang gis/ /slu med re ba skong bar byin gyis rlobs/ /rang rgyud dge dang mi dge'i las kyi 'bras/ /grangs med bskal ba'i mthar yang mi slu bar/ /bde sdug thog tu 'bab pang gnad rig pas/ /blang dor tshul bzhin spyod par byin gyis rlobs/ /bde 'gro na yang las nyon gzhan dbang gis/ /mtha' med sdug bsngal gsum 'bar me 'obs bzhin/ /srid pa'i phun tshogs bslu 'brid mtshang rig nas/ /nges 'byung bcos min skye bar byin gyis rlobs/ /bslab gsum glang po'i bzhon pa la brten nas/ /thar pa rin chen gling du phyin pa dang/ /khyad par so so thar pa'i sdom pa la/ /srog bzhin gces pas srung bar byin gyis slobs/ / nyam thag 'khor bar 'khyams pa'i sems can kun/ /yang yang drin gyis bskyangs pa'i mar shes nas/ /phan btags drin dran byas pa drin gzo ba'i/ /phan sems snying du 'grogs par byin gyis rlobs/ /yid 'ong gnyen du mthong bas 'gro ba kun/ /dal med sdug bsngal mnar ba ma bzod de/ /gzhan phan khur chen rang gi slos blangs pa'i/ /lhag bsam bcos min skye bar byin gyis rlobs/ /rang la gces gzung gnas skabs @029b thams cad du/ /sdug bsngal 'tshe ba 'bod pa'i g.yang mo bzhin/ /gzhan dag gces 'dzin 'di phyi'i don 'grub par/ /rig nas bdag gzhan brje nus byin gyis rlobs/ /sems can phan phyir sangs rgyas don gnyer ba'i/ /byang chub sems chus bdag rgyud brlan pa dang/ /sman dang 'jug pa'i sems kyi bslab bya la/ /blang dor snying pro byed par byin gyis rlobs/ /rang gi lus dang longs spyod dge ba'i tshogs/ /sems can kun la ser sna med pa'i blos/ /mchags gtong sems spel ba'i nyams len gyis/ /sbyin pa'i phar phyin rdzogs par byin gyis rlobs/ /nyes par spyod pa'i chu klung shugs ldog pa'i/ /spong sems sdom pa'i chu lon brtan po dang/ /dge ba chos sdud sems can don byed pa'i/ /tshul khrims phar phyin rdzogs par byin gyis rlobs/ /skye dgu ma lus khros shing dgrar langs kyang/ /lan du mi 'khrugs sdug bsngal dang len pa'i/ /dka' spyad khur du theg pa'i thabs kyi phul/ /bzod pa'i phar phyin rdzogs par byin gyis rlobs/ /gang brtsams las kyi mtha' lam skye bar/ /'bad pas yon tan ma lus bskyed pa'i gzhi/ /rtag tu zhum dang le lo med pa yi/ /brtson 'grus phar phyin rdzogs par byin gyis rlobs/ /phyi rol g.yeng bzhin nas rtse gcig tu/ /gzhan du mi rtog ting 'dzin brtan po yis/ /shin sbyangs dga' pa rgyas pa'i rnal 'byor che/ /bsam gtan phar phyin rdzogs par byin gyis@030a @#/ /rlobs/ /chos rnams kun gyi rang dang spyi yi mtshan/ /ma 'dres lhag par mthong ba'i rnam 'byed kyis/ /ji lta ji snyed chos kun rig pa yi/ /shes rab phar phyin rdzogs par byin gyis rlobs/ /de nyid dpyod pa'i rigs pa yang dag gis/ /mtshan 'dzin dmigs gtad pa shig pa'i mnyam gzhag ngor/ /nam mkha' lta bu mtha' bral dbu ma'i ltas/ /bden 'dzin rtsad nas gcod par byin gyis rlobs/ /kun rdzob snang ba dbang po'i gzhu ris ltar/ /ma brtags nyams su mtshar ba'i ltad mo la/ /rang bzhin stong par go ba'i zung 'jug gis/ /rjes thob sgyu mar shes par byin gyis rlobs/ /thar 'dod kun gyi bgrod pa gcig pu'i lam/ /thun mong sngon 'gros bdag rgyud legs sbyangs nas/ /rdo rje slob dpon dkyil 'khor gtso bo'i drung/ /rnam dag dbang bzhis smin par byin gyis rlobs/ /ma dag snod bcud dkyil 'khor 'khor lo ru/ /gsal snang nga rgyal brtan po'i rim pa yis/ /skye 'chi bar do gsum sbyong sku gsum gyi/ /smin byed mthar phyin 'grub par byin gyis rlobs/ /rang lus gnad du bsnun pa'i lde mig gis/ /rdzogs rim gsang mtha'i mdzod las zung 'jug nor/ / bsam 'phel rdo rje 'chang ba tshe 'di la/ /rnyed nas 'gro kun sgrol bar byin gyis rlobs/ /tshe rabs kun tu dge ba'i bshes gnyen ches/ /rjes bzung zab rgyas bdud rtsis 'tsho ba dang/ /bka' bzhin dam chos sgrub pa @030b lhur blangs nas/ /don gnyis mthar phyin 'grub par byin gyis rlobs/ /mdo sngags legs bshad kun la 'khrul pa yi/ /cha shas tsam spangs bla med gdams pa'i phul/ /blo bzang grags bstan skye ba thams cad du/ /'dzin cing phyogs brgyar spel nus byin gyis rlobs/ /mdor na gnas skabs dam chos sgrub pa'i rkyen/ /rab 'byams las kun thogs med yid bzhin 'grub/ /mthar thug sku gsum dbyer med rdo rje 'chang/ /da lta nyid du thob par byin gyis rlobs/ /de ltar shugs drag gsol ba btab pa'i mthus/ /bla ma'i spyi mgrin snying ga'i 'bru gsum las/ /'od dang bdud rtsi dkar dmar mthing ga gsum/ /rim dang rig car rgyun mi chad par 'phros/ /rang gi gnas gsum thim pas sgrib bzhi dag /sku gsung thugs dang 'phrin las byin rlabs zhugs/ /dbang bzhi thob cing mthar thug rgyal ba yi/ /sku bzhi mngon du gyur pa'i nus pa bzhag /slar yang bla ma dgyes bzhin gtsug gnas byon/ /snying dbus pad ma 'dab brgyad ge sar la/ /sems dang dbyer med skyil krung mi bshig pas/ /byang chub snying po'i bar du 'bral med gyur/ /de ltar nyams su blangs pa'i rjes bsngo ba smon lam bkra shis sogs spyi ltar bya'o/ / dpal ldan rigs brgya'i bdag po rdo rje can/ /snyigs dus bshes gnyen rnam rol bla ma mchog /byin rlabs khog pa yangs po'i du nd+hu b+hIH/ /bskul nas gtan mdun grub pa'i sgra dbyangs ldir/ /'dir 'bad dge tshogs gcig @031a @#/ /tu dkar ba yi/ /'bras bu mtha' yas sems can ma lus pa/ /theg mchog lam ston rje dang mi 'bral bas/ /mchog thun dngos grub ci dgar thob gyur cig/ /de ltar lam zab mo bla ma'i rnal 'byor ji ltar nyams su len pa'i tshul dngos grub nor bu'i bang mdzod ces pa 'di ni bstan pa'i gsal byed du byung pa'i dmar chen po lcang skya mchog sprul rin po che nas/ nged rang dang 'brel ba'i bla ma'i rnal 'byor zhig dgos zhes bskul ma gnang ba'i gsung nan ldog ma nus pas g.yar khral tsam du shA kya'i dge slong chos med chos ltar bcos pa'i snyoms las mkhan blo bzang bskal bzang rgya mtshos sgar bod du 'degs pa'i bshul lam li thang chos kyi sde'i nye zhol sgar thog tu sbyar ba'i yi ge ba ni drung yig tshangs skyes blo ldan no/ / ! / /rje btsun ma sgrol ma dang bla ma dbyer med du mchod cing gsol ba 'debs pa'i rnal 'byor sku gsum nor bu'i gter mdzod ces bya ba bzhugs so/ /gang gi gsang gsum za ma tog gi mdzod/ /'phrin las bsam 'phel nor bus yongs gtams las/ /chos nor 'dod thar ster ba'i rje btsun ma/ /myur skyob lha mos rtag tu skyong bar mdzod/ /bsam gyis mi khyab mkhyen brtse nus pa'i mthu/ /don yod 'phrul gyi zhags pa brkyangs pa las/ /dngos grub rjes su myur mgyogs 'dren pa'i slad/ /nyams len snying po gsal ba 'din 'god/ /'dir rje btsun ma seng ldeng nags kyi sgrol ma dang bla ma dbyer med du bskoms nas mchod cing gsol ba 'debs pa'i rnal 'byor ji ltar bya ba la/ /sngon du skyabs su 'gro ba dang/ theg chen chos su 'gro ba'i thabs gcig pu sems bskyed/ tshad med bsgom pa sngon du @031b btang nas sems ma g.yengs par 'di star brjod par bya'o/ /oM swa b+hA wa shu d+hAH srba d+hA rmAH swa b+hA wa shud d+hA nya haM/ mtshan 'dzin dmigs gtad bral ba chos kyi dbyings/ /dbyer med rang sems dag pa'i mdun gyi mkhar/ /yid 'phrog pad sdong rab rgyas ge sar rtser/ /bsil sbyin zla ba nya gang gdan gyi steng/ /tAM las rtsa ba'i bla ma sgrol mdzad yum/ /ma rgad mdangs 'dzin zhal gcig phyag gnyis ma/ /phyag g.yas mchog sbyin g.yon pas nyam thag 'gror/ /dbugs dbyung skyabs sbyin phyag rgya'i mthab srin las/ /u tpal sdong bur ba ldem snyan thad du/ /'dab rgyas zhal gyi mdzes par chags pas bzhad/ /yid 'phrog mtshan dpe phun tshogs gcig bsdus pa'i/ /sku mchog rgyan dang na bzas mngon par klubs/ /g.yas brkyang g.yon bskum nyi ma 'bum gyi zer/ /rab 'byams zhing gi khyon 'gengs gnas gsum du/ /dkar dmar mthing ga'i 'bru gsum thugs ka nas/ /tAM yig las 'phros 'od zer zhags pa yis/ / phyogs bcu'i rgyal ba rgya mtsho ma lus pa'i/ /thugs kar btab pas ye shes lha tshogs rnams/ /spyan drangs dzaH hUM baM hoH sa gnyis med gyur/ /mchog dang thun mong dngos grub pad mo'i tshal/ /khyod mtshan nyi ma'i zer gyi snang bas kyang/ /legs par grol mdzad skyabs mchog bla ma rje/ /ma lus rgyal ba'i 'dus zhal la phyag 'tshal/ /'khor gsum mtshan ma bral ba'i yid kyi mkhar/ /kun bzang mchos sprin gtibs pa'i sprin sna'i rtser/ /yid 'ong 'chi @032a @#/ /med bu mo bye ba brgyas/ /rin chen bum pa las 'ongs chu bzhi bsgrengs/ /lha rdzas me tog rnam bkra'i lding khang du/ /dri zhim bdug pa 'khyil zhing snang gsal 'bar/ /sman mchog dri dang ro brgya ldan pa yi/ /zhal zas sna tshogs glu dbyangs rol mo 'khrol/ /gzhan yang 'dod yon rnam lnga rin chen bdun/ /bkra shis rdzas rtags lha mi'i dpal 'byor sogs/ /'jig rten 'jig rten las 'das mchod pa rnams bla ma lha yi tshogs rnams mnyes phyir 'bul/ /oM rtra gu ru A rya tA re sa pa ri wA ra arg+haM sogs kyis mchod/ /maN Dal rgyas bsdus ji ltar rigs pa gang mang phul rjes/ /skyabs gnas kun 'dus drin can rtsa ba'i bla ma dang gnyis su med pa'i rje btsun 'phags ma sgrol ma la gsol ba 'debs so bdag gi lus ngag yid gsum byin gyis rlob tu gsol/ nges par 'byung ba'i bsam pa bcos ma ma yin pas drangs te byams pa dang snying rje byang chub kyi sems mtha' bral dbu ma'i lta ba phyin drug gi spyod pa spyi dang/ rdo rje theg pa'i mtshan bcas dang mtshan med rim gnyis kyi rnal 'byor zab mo nyams su len nus par byin gyis rlob tu gsol/ /tshe rabs thams cad du 'phags ma sgrol mdzad yum gyis theg pa chen po'i dge ba'i bshes gnyen mdzad de 'gro ba thams cad sgrol ba'i ded dpon chen por 'gyur bar byin gyis rlob tu gsol/ zhes nan tan du gsol ba btab/ yan lag ltag ma ni/ thog med dus nas sgo gsum glang @032b po'i snar/ /nyon mongs mtshon cha rnom pos gtan bde'i srog /'bral la rings par chas pa'i nyes chogs rnams/ /bsam pa thag pas bshags shing sdom par bgyi/ /mtha' klas rgyal brgyal sras nyan rang sogs/ /gzhan rgyud rnam par dkar ba'i dge tshogs dang/ /sngon bsags legs byas rang gi 'byor pa la/ /rlom sems med pa'i dga' bas yi rang ngo/ /gdul bya'i khams dang rigs kyi sa bon las/ mtho ris byang grol bde 'bras g.yur za ba/ / spel phyir gang 'tsham chos kyi phung po yi/ /sgrang char nam yang chad pa med dbab gsol/ /skye 'chin rga spangs pa'i rdo rje'i sku/ /rtag brtan zhi ba g.yung drung khams chen po/ /tha mal snang ngor nam yang mi g.yo bar/ /grangs ring bskal pa'i bar du bzhugs su gsol/ /'dis mtshon bdag dang gzhan gyis dus gsum du/ /bsags pa'i legs tshogs phung po gcig bsdus dge /mtha' klas drin gyis legs bskyangs mar gyur 'gro/ /bsgral phyir byang chub 'thob pa'i rgyur bsngo'o/ /de nas slar yang gsol ba 'di ltar gdab par bya ste/ mngon mtho nges legs phun tshogs dal 'gro'i rgyun/ /'dzad med 'byung ba'i gter gcig gi ga'i yab/ /drin can theg mchog bshes kyis mnyes bzhin du/ /rjes gzung bka' bzhin sgrub par byin gyis rlobs/ /blo sna chos la phyogs par byin gyis rlobs/ /chos bzhin lam du 'gro bar byin gyis rlobs/ /chos min bar chad zhi bar byin gyis rlobs/ / @033a @#/ /'khrul med nyams rtogs skye bar byin gyis rlobs/ /rnyed dka' yid bzhin nor las don che ba'i/ /dal 'byor rten 'di rlung nang mar me bzhin/ /de ring nyid kyang mi 'chi nges med pas/ 'di snang 'khri ba chod par byin gyis rlobs/ /blo sna chos laX/ chos bzhinX/ chos min bar chadX/ 'khrul medX/ las ngan dbang gis ngan song me 'obs su/ /lhung bar mngon du phyogs pa'i sdig can bdag /slu med skyangs gnas gsum gyis gtan skyabs shing/ dkar nang blang dor byed par byin gyis rlobs/ /blo snaX/ chosX/ 'khrulX/ mtho ba'i mtha' lhung 'dus pa'i tha mar 'bral/ /bsags pa slar 'dzad 'khor ba'i phun tshogs kun/ /bslu 'bring glog dang sgyu ma lar mthong nas/ /nges 'byung bcos min skye bar byin gyis rlobs/ /blo snaX/ chosX/ chosX/ 'khrulX/ dran shes lcags kyu rnon pos nyer drangs pa'i/ /dmu rgod sems kyi glang po thar pa'i gling/ /'khrid phyir bslab pa gsum gyi nyams len 'gros/ /rtag tu brtson pas skyong par byin gyis rlobs/ /bloX/ chosX/ chosX/ 'khrulX/ yang yang drin gyis rab bskyangs ma rgan 'gro/ /sdug bsngal mya ngam thang du 'khyams mthong nas/ /gzhan ched byang chub don gnyer sems mchog gis/ /theg chen lam @033b sna zin par byin gyis rlobs/ /bloX/ chosX/ chosX/ 'khrulX/ smon 'jug sems kyi rtsal rdzogs rnam mkha' lding/ /phyin drug thabs shes zung 'jug gshog rlabs kyis/ /sa lam nam mkha' pha mtha' rab brgal te/ /sangs rgyas myur du 'thob par byin gyis rlobs/ /bloX/ chosX/ chosX/ 'khrulX/ yang dag rigs pa'i ral gris bden 'dzin gyi/ /rnam rtog dra ba bcad pa'i mnyam gzhag ngor/ /spros pa ci yang mi dmigs mtha' bral gyi/ /gnas lugs ji bzhin rtogs par byin gyis rlobs/ /bloX/ chosX/ chosX/ 'khrulX/ rjes thob yul du gang shar snang ba rnams/ /rang bzhin stong ba'i rnam 'gyur rdzun po che/ /sgyu ma 'ja' tshon lta bu'i ltad mo yis/ /nyams rtogs gong du 'phel bar byin gyis rlobs/ /bloX/ chosX/ chosX/ 'khrulX/ thun mong lam gyis rgyud sbyangs dul ba'i zhing/ /rnam dag rdo rje slob dpon dbang gi chus/ /gsher te dam tshig sdom pa'i sa bon gyis/ /dngos grub myu gu bskyed par byin gyis rlobs/ /bloX/ chosX chosX 'khrulX/ don dam yi ge sgra gzugs phyag rgya dang/ /mtshan ma'i lhar gsal zab mo chos kyi dbyings/ /gnyis med bzlas brjod bzhi sogs rnal 'byor gyis/ /mchog thun dngos grub 'grub par byin gyis rlobs/ /bloX chosX/ chosX/ 'khrulX/ rgyud rgyal mthar thug dpal ldan gsang @034a @#/ /mtha'i lam/ /rim gnyis tshul bzhin nyams su bstar ba las/ /kha sbyor bdun ldan khyab bdag rdo rje sems/ /tshe 'dir myur du 'thob par byin gyis rlobs/ /bloX/ chosX/ chosX/ 'khrulX/ ma rig blta ba'i mig nyams las nyon gyis/ /g.yang sar gom stabs brdeg 'chos srid pa yi/ skye dang skye bar skyabs mchog bla ma lhas/ /rjes gzung bsam don thams cad 'grub byin gyis rlobs/ /bloX/ chosX/ chosX/ 'khrulX/ de ltar gsol btab bla ma'i gnas gsum las/ /'od zer dkar dmar mthing 'phros gnas gsum phog /sgo gsum dri ma dag cing sku gsum gyi/ /'bras bu myur du thob pa'i nus pa bzhag / slar yang drin can bla ma thugs rje'i gter/ /rang gi spyi bo nas byon snying ga ru/ /'dab rgyas pad mo'i gdan la dus nam yang/ /mi 'bral sems dang dbyer med ti Sha Tha ntu/ /de ltar nyams su blangs pa'i rjes dge ba bsngo zhing/ bkra shis phyogs kun tu spel bas mtha' brgyan no/ /de ltar rje btsun sgrol ma dang bla ma dbyer med du mchod cing gsol ba 'debs pa'i rnal 'byor ji ltar bya ba'i tshul sku gsum nor bu'i gter mdzod ces bya ba 'di ni/ /nged rang mdo smad du bskyod skabs rogs ba'i dge bshes gras dwags grwa tshang rab 'byams pa lhun grub rgya mtshos 'di lta bu dgos zhes bskul ba'i ngor shA kya'i dge slong 'du gsum pa blo bzang bskal bzang rgya mtsho pho brang po ta lar sbyar ba'o// ! //bla ma'i rnal 'byor gru 'dzin bzhing gi sgo 'bye ces bya ba bzhugs/ / @034b rgyal ba kun gyi ye shes 'phrul po che/ /rang snang dus su 'char ba'i bshes gnyen gar/ /ston mdzad drin can bla ma byang chub bar/ /snying ga'i pad mor bzhugs te byin rlobs shig /mchog dang thun mong dngos grung 'dod dgu'i tshogs/ /ster byed lha yaM 'khri shing rjes 'gro ba/ /kun 'dus bla ma'i rnal 'byor nyams len gyi/ /snying po gru 'dzin zhing gi sgo 'byed spel/ /'dir mchog dang thun mong gi dngos grub bla na med pa'i byed po rgyal ba thams cad mchod pa las kyang gang gi ba spu'i bu ga gcig mchod pa don che bar gsungs pa'i rje btsun bla ma'i rnal 'byor nyams su len pa ni/ skyabs su 'gro ba dang sems bskyed pa rgyud dang 'dres nges pa'i rtsis zin par bya ba ni theg pa chen po'i nyams len du 'gro ba'i byed chos gcig pu yin pas sngon du btang nas/ dngos gzhi 'di ltar ro/ /dag gsal mdun gyi nam mkha' la/ /yid 'phrog pad dkar zla ba'i steng/ /rje btsun bskal bzang rgya mtsho'i sde/ /rnam pa 'phags mchog snying rje'i lha/ /sku mdog dkar po gangs ri mtshungs/ /zhal gcig dbu skra thor tshugs can/ /spyan gnyis rigs drug 'gro la gzigs/ /phyag bzhi'i dang po thal mo sbyar/ /'og gnyis shel phreng pad dkar 'dzin/ /lha rdzas dar gyi stod g.yogs dang/ /smad g.yogs rin chen rgyan gyis mdzes/ /zhabs gnyis rdo rje'i skyil krung gis/ /legs par bzhugs pa'i sku yi khyon/ /rgyal ba'i zhing khams thams cad rdzogs/ /sku las sprul pa'i sprin 'phro bas/ /zhing@035a @#/ /khams thams cad 'geng bar snang/ /de yi gnas gsum yi ge gsum/ /dkar dmar mthing dang thugs ka yi/ /trIH las 'od zer phyogs bcur 'phros/ /skyabs gnas thams cad spyan drangs gyur/ /chos dbyings rang bzhin gdod nas dag pa'i khams/ /glo bur chu 'dzin bral ba'i nam mkha' las/ /gzugs sku'i dbang gzhu rnam bkra bla ma lha/ /ma lus 'khor dang bcas pa gshegs su gsol/ /ra ta na gu ru sa pa ri wA ra bdzra sa mA dzaH dzaH hUM baM hoH sa dbyer med du bstim nas/ skyabs gnas kun 'dus kyi bdag nyid du gyur par bsam/ yan lag bdun gyi thog mar phyag 'tshal ba ni/ gang gi mtshan snyan ga bur thigs pa tsam/ /rna bar lhungs mod srid dang zhi ba yi/ /chud pa'i tsha gdung sel mdzad ri bong can/ /drin can rtsa ba'i bla mar phyag 'tshal lo/ /dbyings rig rnam dag be DUr me long ngos/ /shes bya thams cad 'char ba'i snying rje'i mdangs/ /deng 'dir bshes gnyen rnam rol bla ma rjer/ /sgo gsum gus pas btud cing phyag 'tshal lo/ /mchod pa ni/ mchod yon phal cher mchod yon bla bre dang/ /mchod yon bkod pa'i 'od zer rab bkye ste/ /mchod yon sna tshogs kun tu bkram byas nas/ /bdag nyid chen po rgyal bsras bcas mchod/ /oM rat na gu ru sa pa ri wA ra arg+haM pra tI tstsha hUM swA hA/ nas/ shpda'i bar dang/ 'dod yon lnga yang tshigs bcad sngags ci rigs dang/ maN Dal rgyas bsdus @035b skabs su gang babs 'bul/ stong gsum 'di 'am gzhan yang phyogs bcu na/ /rab 'byams mi dang lha mi 'dod dgu'i dpyid/ /snod bcud legs tshogs bdag blos yongs blangs te/ /'bul gyi sems can don slad bzhes su gsol/ /kun bzang ting nge 'dzin gyi rdzing bu'i 'jing/ /snang stong rin chen pad mo bye ba brgya/ /mu med nam mkha' mnyam par spro ba yi/ /bla med mchod sprin rgya mtshos mnyes gyur cig /bshags pa ni/ thog med dus nas ma rig mun pa'i sbug /nyon mongs lto 'gro 'khyil ba'i kha rlangs dug /sgo gsum nag bo'i dri tshogs ci bgyis pa/ /gnyen po stobs bzhi'i sgo nas deng 'chags se/ /yi rang ni/ bde gshegs rnam par dkar ba'i 'phrin las chus/ /rang dang gzhan rgyud dag pa'i rtsi sman ljon/ /ji snyed ba skyed bsrings legs tshogs mtha' dag la/ /dga' ba chen po'i sgo nas yi rang ngo/ /bskul ba ni/ mi 'jigs kho lag rdzogs pa'i shing dbang drung/ /bla med bdud rtsis myos pa'i rgyal ba dag /'gro la phan phyir theg pa gsum gyi chos/ /rang rang dbang po ji bzhin skor du gsol/ /gsol ba 'debs pa ni/ nges pa'i don du spangs rtogs lhun rdzogs pas/ /'chi med rdo rje'i khams su legs grub kyang/ /tshul mthong snang ngor bgres rgud skye 'chi sogs/ /spangs nas bskal pa rgya mtshor zhabs brtan gsol/ /byang chub tu bsngo ba ni/ de ltar rang gzhan rnams kyis dus gsum du/ /bsags pa'i rnam dkar @036a @#/ /phung po ji snyed pa/ /mkha' mnyam 'gro ba sgrol ba'i ded dpon mchog /kun mkhyen ye shes myur du 'thob phyir bsngo/ /de ltar yan lag bdun pa phul rjes/ bla ma rin po che/ bdag gi blo chos su 'gro bar byin gyis rlob tu gsol/ zhes sogs tshig lhug pa'i gsol 'debs spron bya zhing/ tshigs su bcad pas 'di ltar gsol ba gdab po/ /rgyal ba kun gyi gsang gsum 'khor lo'i gar/ /bdag cag 'gro blor tshad med bka' drin can/ /rje btsun bla ma mchod cing gsol btab mthus/ /skye zhing skye bar brtse bas rjes gzung gsol/ /rnyed dka' don che'i mi lus rin po che/ /skad cig rlung dmar nang gi mar me ltar/ /'jig par mthong ste mnog chung 'di snang gi /chos brgyad 'khri ba chod par byin gyis rlobs/ /rmi lam yul gyi phun tshogs ji lta bar/ /srid 'byor blo brid nyes brgya'i mtshang ri gnas/ /mya ngan 'das mchog 'gyur med zhi ba'i sar/ /bgrod ba'i lam bzang rnyed pang phyin gyis rlobs/ /tshe rabs grangs med drin gyis legs bskyangs pa'i/ /ma rnams sdug bsngal sgrol phyir byang chub sems/ /bskyed nas rgyal sras snying rje'i lha gcig ltar/ /rlabs chen spyod pa'i dpa' bor bdag byin rlobs/ /gzugs kun snang stong dbyer med lha skur shar/ /'bru drug grag stor gsung dbyangs 'gags pa med/ /dran rtog stong nyid snying rje dbyer med pas/ /tha mal snang zhen chod par byin @036b gyis rlobs/ /'di dang phyi ma bar do'i gnas kun tu/ /sdug kun nyes tshogs ma lus zhi ba dang/ /myur lam theg pa mchog gi rnal 'byor ches/ /sku gsum go 'phang bde blag 'grub byin rlobs/ /de ltar shugs drag gsol ba btab pa yis/ /bla ma'i gnas gsum 'od zer dkar dmar mthing/ /rim dang cig car 'phros pa gnas gsum phog /dri ma dag cing dngos grub ma lus thob/ /slar yang rtse gcig gsol ba btab pa yis/ / bla ma dgyes bzhin 'od zer dkar por zhu/ /rang la thim pas skad cig bla ma ltar/ /mngon grub nam yang mi 'bral ro gcig gyur/ /de ltar bla ma dang spyan ras gzigs ngo bod byer med du bya ba'i bla ma'i rnal 'byor nyams su len pa'i rim pa gru 'dzin zhing gi sgo 'byed ces pa 'di ni rme ru bla zur dam chos legs ldan gyi mos ngor g.yar khral du shA kya'i dge slong 'du gsum pa blo bzang bskal bzang rgya mtshos pho brang po ta lar sbyar ba'i yi ge pa ni drung yig tshangs skyes blo ldan no// //rnam grol 'jigs pa med pa'i zhing khams su/ /lus can bder 'khrid thugs rje'i cang shes rta/ /rnam dkar kha lo gyen du sgyur byed pa'i/ /mtshan ldan bla ma'i zhabs kyi pad mor 'dud/ /'dir skal ldan gyi skyes bu dag gis 'jug par bya ba'i sgo gcig pu khyab bdag rdo rje sems dpa'i bla ma'i rnal 'byor nyams su len pa la/ /sngon 'gro skyabs sems tshad med bsgom pa sngon du btang/ oM swa b+hA wa shudd+ho sarb d+ha rmAH swa stA wa shudd+ho nya haM/ gdod nas skye 'gag bral ba'i chos dbyings dang/ /rang lus spyi gtsug seng @037a @#/ /ges bteg pa'i khrir/ /paM las pad dkar a las zla steng du/ /bde stong rang bzhin hUM yig dkar po las/ /skyabs gnas kun 'dus rtsa ba'i bla ma dang/ /dbyer med khyab bdag dpal ldan rdo rje sems/ /sku mdog dri med shel dkar dung lta bu/ /'gro la dri med spyan dkyus gzigs pas sgeg /zhal gcig phyag gnyis rdo rje dril bu 'dzin/ /zhabs gnyis mi bshig rdo rje'i skyil mo krung/ /pang du rdo rje snyems ma sku mdog dkar/ /gri gug thod 'dzin pad ma'i 'dug stangs can/ /yab yum rnges chags bde chen dga' bas 'khril/ /rin chen rgyan brgyad lha rdzas na bzas spa/ /mu med zhing khams 'geng pa'i dwangs gsal 'od/ /kun tu 'phro ba snang stong 'ja' tshon bzhin/ /de yi gnas gsum rdo rje gsum gyi lha/ /dkar dmar mthing ga'i 'bru gsum rnam pa can/ /thugs ka las 'phros 'od kyis rgyal ba kun/ /spyan drangs dzaH hUM paM hoH sa dbyer med gyur/ /mkha' la mkha' bzhin lhan skyes bde stong gi /rang bzhin dkyil 'khor dbang phyug zung 'jug mgon/ /dus gsum bde gshegs kun gyi byed pa po/ /rje btsun bla ma mchog la phyag 'tshal lo/ /bde stong ting 'dzin kun gsal yangs pa'i ngos/ /smin legs dbang gzhu bkra ba'i lang tshom/ /'dod pa'i bde ster sna tshogs mchod rdzas kyis/ /rab 'byams rgyal ba'i spyi gzugs mnyes gyur cig /oM bdzra @037b sa twa sa pa ri wA ra arg+haM pra tI tstsha hUM swA hA/ nas/ shpda'i bar gyis mchod/ /gzhan yang phyi nang gsang ba de bzhin nyid/ /dngos bshams yid sprul mchod rdzas mtha' yas dang/ /'jig rten 'jig rten las 'das phun sum tshogs/ / bdag blos zhum pa med par 'bul bar bgyi/ /thog med nas bsags sdig dang ltung ba'i mthus/ /mnar med dmyal mes sreg pa'i bud shing du/ /'gyur ba'i 'bras bu mthong nas dug bzhin du/ /'gyod sdom drag pos nyes tshogs ma lus bshags/ /skye 'phags rgyal ba rnams kyi rnam dkar la/ /mtshungs par spyod pa'i bsod nams rab kyi phul/ /bsam pa thag pas dga' zhing rang nyid kyis/ /sngon spyad legs tshogs kun la yi rang ngo/ /rtsibs stong gser sbyangs zhun ma'i 'khor lo che/ /phul te tshangs pa chen po'i rnam thar bzhin/ /'gro ba kun la gtan bde'i lam bzang sgo /dbye phyir chos 'khor rgyun chad med bskor gsol/ / zung 'jug dang po'i mgon po tha mal ngor/ /sprul sku'i sgyu mar 'char ba'i gzugs kyi sku/ /grangs med zhing gi rdul snyed gsang gsum gyi/ /ngo mtshar bkod pa mi bshig brtan par gsol/ /bdag gis srog med nas bsags dge ba'i chab/ /gzhan rgyud rnam dkar rgya mtshor babs pa'i klong/ /mtha' yas 'gro bas brgal ba'i pha rol tu/ /bla med byang chen nor bu 'thob phyir bsngo/ /tshe 'di mi rtag ston ka'i chu 'dzin bzhin/ /'jig par 'gyur @038a @#/ /yang chos brgyad sgrog tu chud/ /srid 'byor dug chus rab sbags sbrang rtsi'i bcud/ /myang ba'i rmongs chen bdag la thugs rjes skyobs/ /mtha' med sdug bsngal gsum rgyud 'phrul 'khor gyis/ /mnar ba'i nyam thag ma lus sgrol spang du/ /rdzogs pa'i byang chub myur thob rgyu 'bras kyi/ /theg mchog lam bzang bgrod par byin gyis rlobs/ /khyad par sngon chad sgo gsum nyes brgya yis/ /gtses bas las ngan 'khrul pa'i snang ngo ru/ /ma rung gshin rje'i pho nya 'jigs 'jigs gzugs/ /mthong ba'i mdo la su zhig skyabs su 'cha'/ /de ngas da lta nyid nas thugs rje'i gter/ /skyabs su bzung zhing nyam thag nga ro yis/ /nyes pa bsgrag cing slan chad srog phyir yang/ /sdom pas sdig pa ma lus sbyang du gsol/ /de ltar gsol btab rje btsun yab yum gyi/ /thugs ka'i zla steng hUM la yig brgya'i sngags/ /mu tig ltar bskor 'od zer phyogs bcur 'phros/ /ma lus rgyal ba mchod cing gzi byin kun/ /'od kyi rnam par sngags 'phreng la thim pas/ /mthu stobs thogs med bdud rtsi gang gA tsam/ /rang gzhan spyi gtsug nas zhugs sdig pa'i dri/ /bkrus pas dbang dang yon tan thob par gyur/ /ces dmigs pa ma yengs shing stobs bzhi'i gnad tshang ba'i sgo nas yig brgya bzla/ thun mthar/ bdag ni mi shes rmongs pa yis/ /dam tshig las ni 'gal zhing nyams/ /bla ma @038b mgon pos skyabs mdzod cig /gtso bo rdo rje 'dzin pa ste/ /thugs rje chen po'i bdag nyid can/ /'gro ba'i gtso la bdag skyabs mchi/ /de ltar gsol btab bla ma lhag pa'i lhas/ /legs par dbugs dbyung spyi bo nas brgyud de/ /'dab brgyad snying gi rtsa 'khor pad zla'i steng/ /mi bshig rang sems ngo bor brtan par gyur/ /de ltar bla ma dang rdo rje sems dpa' dbyer med du byas te sdig pa sgyong ba'i rnal 'byor nyams su len tshul 'di ni mgron gnyer kun dga' chos ldan gyis rgyun khyer du dgos zhes bskul ngor shA kya'i dge slong blo bzang bskal bzang rgya mtsho po ta lar sbyar ba'o// ! //dri med 'bras ldan dus kyi lha lam ngos/ /rab dkar zla gzhon dkyil 'khor rgyas pa bzhin/ /dbyings rig dag pa'i ngang las gzugs sku'i gar/ /gru 'dzin dgyes pa'i bdag por rtse gcig 'dud/ /mgon de'i byin rlabs ka tpU ra yi chab/ /snying gi bum par zhugs pa'i mod nyid la/ /srid zhi'i tsha gdung yongs su bcil byed pa'i/ /gso rig mkhas pa'i lag len rings par brel/ /'dir 'phags pa thugs rje chen po dang bla ma ngo bo dbyer med du byas nas gsol ba 'dabs pa'i rnal 'byor nyams su len pa la/ sngon 'gro skyabs su 'gro ba dang/ byang chub tu sems bskyed pa/ tshad med bsgom pa rnams spyi ltar byas nas dngos gzhi 'di ltar bya'o/ /oM swa d+hA wa shu dd+hAH srba d+ha rmAH swa b+hA wa shdd+ho nya haM/ snod bcud 'khor 'das kyis bsdus pa'i chos thams cad mi dmigs pa'i @039a @#/ /stong pa nyid du gyur/ /stong pa'i ngang las rang gi mdun gyi nam mkhar seng ges bteg pa'i rin po che'i khri yangs shing rgya che ba'i steng du paM las pad ma dang/ a las zla ba'i dkyil 'khor gyi steng du hrIH dkar po de las 'od 'phros/ 'phags pa mchod/ sems can gyi don byas/ 'od zer tshur 'dus pa yongs su gyur pa las bla ma dang dbyer med pa'i mgon po spyan ras gzigs sku mdog gangs ril nyi 'od kyis phog pa ltar dkar zhing 'tsher bzhal gcig phyag bzhi'i dang po gnyis thugs kar thal mo sbyar ba/ g.yas gnyis pas nor bu chu shel gyi 'phreng ba/ g.yon gnyis pas dus gsum sangs rgyas mtshon pa'i 'bras bu dang me tog kha bye ba dang/ /gang bu gsum gyis mtshan pa'i pad dkar sdong po'i yub nas 'dzin pa/ dbu skra ral pa'i thor tshugs can rin po che'i rgyan dang dar sna tshogs kyi na bza' klubs pa/ zhabs gnyis rdo rje'i skyil krung/ zhal 'dzum pa zhi bsgeg pa'i nyams kyis 'od zer gyi dra ba mu med du 'phro ba'i dbus na bzhugs par gyur/ de'i spyi bor oM/ mgrin par AH thugs kar hUM dang hrIH yig gis mtshan par gyur/ thugs ka'i sa bon las 'od zer 'phros pas po ta la sogs phyogs bcu'i zhing khams thams cad nas bla ma yi dam rgyal ba sras bcas nyan rang srung ma'i tshogs dang bcas pa'i skyabs gnas ma lus pa spyan drangs/ mtshan @039b ma bral yang thugs rje yol med 'di/ /'gro blo'i bu ga ji snyed 'jug pa'i nyi/ /rgud pa'i smag rum sel mdzad gru 'dzin bdag /ma lus skyabs gnas 'khor bcas gnas 'dir gshegs/ /dzaH hUM baM hoH dam tshig pa la gnyis su med par thim pas de nyid skyabs gnas kun 'dus kyi bdag nyid chen por gyur/ /mkha' khyab zhing rdul mnyam pa'i lus sprul nas/ /sgo gsum rtse gcig gus pas 'dud phyag 'tshal/ /dngos bshams yid sprul mchod tshogs rab 'byams kyis/ /stong gsum khyon kun bkang nas 'bul bar bgyi/ /oM gu ru Ar ya lo ke shA ra sa pa ri wA ra anhaM pra tI tstsha hUM swA hA/ nas/ shpda'i bar gyis mchod/ bye ba phrag brgya'i zhing khams 'byor pa dang/ /mi dbang la 'os rgyal srid rin chen bdun/ /dbang po tshim byed 'dod yon lnga la sogs/ /mnyes byed mchod pa'i sprin phung rgya mtshos mchod/ /kun bzang 'jo sgeg sgyu ma'i rnam 'phrul gyi/ /ba spu'i khung bu rer yang dus gsum zhing/ /mtha' klas ngo mtshar mchod pa'i bkod pa yis/ /bkang ba'i bla med mchod pa 'di bzhes shig /thog med dus nas ma rig smag chen gyis/ /bsgribs nas blang dor log pa'i sa phyogs su/ /sgo gsum gom stabs 'khyor ba'i sdig ltung rnams/ /snying nas 'chags shing slan chad sdom par bgyi/ /rang gzhan skye 'phags tshogs kyis nyer bsags pa'i/ /rnam dkar legs spyad kun la rjes yi rang/ /srid