@#/ /chos smra ba'i dge slong blo bzang chos kyi rgyal mtshan gyi
spyod tshul gsal bar ston pa nor bu'i phreng ba zhes bya ba
bzhugs so/ /

@001a @##/ /na mo gu ru manydzu g+ho ShA ya/ btso ma'i gser zhun
mdangs kyis phyug pa'i mkhyen brtse'i 'od zer stong 'bar

bas/ /gdul bya'i ma rig mun pa kun sel phan bde'i 'dab brgya
bzhad pa'i dpal/ /nyag phran bdag po kun da'i gnyen

bcas gzi 'joms ngo 'dzum gnag mdzad pa/ /thub pa'i nyi ma chos
dang tshogs bcas bdag snying mkha' dbyings rtag bzhugs

gsol/ /sangs rgyas kun gyi ye shes gcig bsdus nas/ /ngur smrig
zol gyis rgyal ba'i mdzad pa rnams/ /deng 'dir bsgrub

@002a @#/ /mdzad bslu med skyabs kyi phul/ /bka' drin mnyam med
bla ma'i tshogs la 'dud/ /skyon mang dug gi tsher ma'i tshogs
'khrigs kyang/ /yon tan

yongs 'du'i tshal bzhin sgro btags te/ /dbyar skyes rnga gsangs
stong ltar cher sgrogs pa'i/ /rnam thar tshul la kho bo yid ma
ches/ /dam pa'i snying la 'jigs pa

sbyin byed pa/ /dug gsum chang gis rab tu myos pa yis/ /zlos gar
mngon par bsgyur kyang tshul bstan zhes/ /yol ba'i phag tu 'chel
la'ang bdag mi dad/ /mdo

rgyud dam pa'i gzhung dang bstun pa na/ /mngon mtho'i 'bras
bzang bskrun pa'i sa bon kyang/ /rnam par myags mod 'on kyang
kun mkhyen tu/ /rlom zhing gsal bar

@002b sgrog la'ang bdag mi mgu/ gti mug mun pas yid bslad ngo
tsha bral/ /bag med smyon pa'i rnam 'gyur sna tshogs kyang/ /theg
mchog gsang ba'i rnal 'byor spyod pa ces/ /gya gyu'i rnam thar
tshul

la'ang bdag mi mos/ /chags sdang brlang po'i thugs rgyud zho
'thung bu'i/ /rus par 'gran kyang gsung 'jam zhi dul can/ /ngur
smrig gis mdzes tsher ma dang gtums bzhin/ /'phyon ma'i

rnam thar tshul la'ang bdag mi dga'/ /de phyir 'ching ba kun ldan
pa/ /bdag lta'i byis pa'i skye bo la/ /mkhas rnams yid ni dga'
byed pa'i/ /rnam par thar pa ga la zhig /khyad par du yang

bdag gi skyabs gcig pu/ /zla med ston pa shA-kya'i gtso bo des/
/rang skyon mi gsang yon tan kun sbed ces/ /legs par gsungs
phyir tshul 'dir dga' ma gyur/ /de lta mod kyi bser bus

dbang bsgyur shing bal 'dab ma'ang pad dkar mig can bzhon par
'gran/ /dbyug gu'i reg pas nye bar bsnun pa'i pa tra ha yang chu
'dzin glal ba'i dbyangs bzhin sgrog /de bzhin dang ldan 'dun

@003a @#/ /pa'i shugs kyis yang yang bskul tshe bdag nyid kyi/
/spyod tshul ji bzhin gsal bar ston pa'i rtogs brjod nor bu'i
'phreng ba spel/ /tshur rol mthong bas sngon dang phyi mtha' yi/
/

byung dang 'byung tshul ston par mi spobs shing/ /da lta'i rang
gi thun mong dang tshul la/ /bdag nyid mngon sum gyur pas cung
zad brjod// ! de yang bdag cag gang du skyes pa'i yul

ni/ /sgra pa shes rab rin chen pa'i rnam thar du/ lung pa kha
byang bstan la lhan dang/ lho bstan la lang 'gro bzang bar bshad
pa ltar/ gtsang rong gi mtshams lhan gyi nang drug brgya zhes bya
ba yin la/

rigs ni pha mes rim pa'i kha brgyud du mtshungs med g.yag sde
paN chen gyi brgyud pa yin ces pa tsam zhig grags kyang/ de nyid
ji lta bu'i rigs sum nges pas/ kho bos kyang rje btsun bla ma

mkhas grub sangs rgyas ye shes kyi rnam thar du spro bar ma
spyod la/ phyis g.yag sde paN chen gyi rnam thar rgyas pa
mthong ba na/ sba'i rigs su gsal bar mchis pa/ de ltar na 'o
skol gangs ri'i

khrod na 'khod pa rnams kyi jo bo chos skyong ba'i rgyal po khri
srong lde'u btsan gyi sku ring la/ mkhan chen byang chub sems
dpa' zhi ba 'tsho dang/ slob dpon padma sam b+ha ba gnyis kyis
mkhan slob mdzad

@003b nas/ kha ba ri pa rnams la rab tu byung ba rung mi rung
brtag pa'i phyir/ sad mi mi bdun rab tu byung zhing bsnyen par
rdzogs pa'i nang tshan/ sba ye shes dbang po la sogs pa dam pa
mang po nye bar byon pa'i rigs brgyud du 'dug /de

yang rgyal ba blo bzang don grub kyi sku skye'i dbang du bgyis
na/ rje grub pa'i dbang phyug de nyid ni/ sku tshe mang po'i snga
rol nas mkhas pa dang grub pa du ma'i skye ba brgyud mar byon
pa/ sku tshe de nyid la'ang grub pa'i go 'phangs mthon

por gshegs pa'i tshul bstan pas lung rtogs kyi yon tan nam mkha'i
mdzod la mnga' brnyes pa'i phyir/ de nyid kyi ba sbu'i yon tan
gyi cha shas tsam yang kho bo cag la ma mchis shing mngon sum
gyis dran pa'ang mi snang mod/

'on kyang sngon gyi chos rgyal mes dbon rnam gsum sogs/ rigs
gsum mgon po sogs kyi sprul par grags shing don la'ang de ltar
grub kyang/ gdul bya rnams jo 'brom yab sras la gus pa lhag par
bskyed pa'i

phyir/ de dus kyi mkhan slob thams cad jo bo rje dang/ chos
rgyal thams cad 'phags pa spyan ras gzigs kho na'i sprul par
gsungs pa ltar/ rje grub pa'i dbang phyug nyid kyi mtshan gyi
byin gyis brlabs pas bstan pa dang

'gro ba la phan par 'gyur ba'i thabs mkhas la dgongs pa 'dra/
bdag nyid chen po tha mal gyi sku'i bkod pa bsdu bar phyogs pa'i
drung du/ rje btsun sangs rgyas ye shes nyid kyis dngos su tshig
gi lam nas zhu ba ni ma

@004a @#/ /spobs/ yid la gdung ba mi bzad pa skyes shing/ sku'i
skye ba myur du 'byon par gsol ba rtse gcig tu btab pa'i sems
kyi rtog pa thugs kyis mkhyen nas/ drung rab 'byams pa de tsam
gyi thugs ngal

mdzad mi dgos/ /nged kyang spel ba'i de ru myur du yong/ zhes
gsungs pas slar yang 'jigs pa dang mos pas yid chad chod du song
nas rgyu mtshan zhu ba ma byung/ slar lha khud spel ba zer ba
'dir re ba bcas te/ dogs pa

tsam yang ma byung/ phyis drug brgya pa'i spe'u mthon po de
la'ang dgongs sam snyams pa dang/ rmi lam du'ang lung bstan
mtshar ba zhig byung/ 'on kyang da dung gdengs ma bkal bar/ rje
glang mig pa chos kyi rgyal mtshan pa

'di mngon mkhyen thogs med du gsung bar byed pas mol mching
zhib
tu zhus pa na/ drug brgya'i de skye ba gcig 'phar dgos byung ba
ma gtogs the tshom dgos pa mi sdog /ming kyang nged gnyis mtshungs
pa yod pas/ chos

kyi rgyal mtshan zhes 'dogs pa mdzod gsung bas/ blo bzang zhes
kho bos sbyar ba yin ces rje rin po che sangs rgyas ye shes
gsung ngo/ /de ltar rgyal ba blo bzang don grub nyid zad byed
ces pa me stag lo zhing gzhan du gshegs

nas ring po ma yin par/ brjod ma thag pa'i rigs dang/ yul der/
pha phyi 'char du 'tsho byed tshe rings dpal 'byor du grags kyang/
don gnas la gso ba rig pa'i yon tan phul du byung ba dang ldan
zhing/ 'phags pa

@004b brgyad stong pa la rgyun du kha 'don byed pa dge ba'i
ngang tshul can mes po drung 'tshe ba kun dga' 'od zer zhes bya ba
dang/ ma ni rang bzhin drang zhing gzhan la phan sems che ba
mtsho rgyal ces bya ba'i mngal tu nying 'tshams

sbyar te/ rab byung zhes pa me yos sa ga zla ba'i tshes bco
lnga'i snga gro khye'u zla ba ltar dkar zhing sna'i gzengs mtho
ba mdzes shing blta na sdug pa zhig btsas nas/ mthun pa'i dngos
po dag gis skyed bsrings pas/ rdzing

gi pad ma bzhin du skyed drag cing/ kun gyis mthong na dga' ba
zhig yod ces grags so/ /de ltar skyes nas lo gcig lhag tsam song
ba'i tshe/ pha 'tsho byed dpal 'byor bar grags pa de nyid myos
'gyur la lhag par dga'

zhing gdon gyis brlams pa'i byed pos dung lha nang pa'i dpon po
rgan pa dmar gsod byas 'phral/ byis pa chung ngu de lus gnad
bsrangs te 'dug pa khrag can gyi lag pas pang du blang zhing
'khyud pas/ skad cig de 'phral

ji ltar padmo gzhon nu la ba mo'i reg pas bsnun pa bzhin du lnga
pa'i mtha' la rten no/ /de'i tshe ma rgan mya ngan gyi me 'bar
bas kun tu gdungs pa'i rmi lam du/ dzo ki'i rnam pa ras kyi
angga rag gyon pa zhig byung nas/ grib dang mi

gtsang ba lam 'jems pa spyod pa rtsing po'i bya ba la de las 'os
med/ da sdug bsngal byas pas ci la phan/ 'on kyang slar yang
gnas g.yar po 'dra yong shas 'dug pa/ de ltar na bag yod pa
gyis zer ba zhig rmis/ de nas

@005a @#/ /ring po ma lon par slar nying 'tshams sbyar te/ rab
myos kyi lo la byis pa lus chung zhing mdog sngo ba/ dngos ngan
cing ba spu'i dra bas khebs pa zhig btsas pas pha ma dag kyang
rmi ltas sogs dang bstun

na 'di 'dra min pa cig yong thang pa la zhes sgrog cing/ dngos
cag gi a lce yid 'dzin na re o lo sngon ma de shib las/ 'di
skyes pa sdug pa 'dug ces smras zhes kyang grags/ /'on kyang
mthun pa'i rkyen gyis skyed bsrings cing

rmi ltas mkhan po zhig gi lung bstan ltar/ ming chos rgyal dpal
ldan bzang po ces bya bar btags/ de 'dra ba'i gnas skabs su
gzhan dag gis sgrol ma dang/ shes rab snying po sogs ngag 'don
byas pa na/ ngag nas

smra bar mi nus kyang/ sems la tshig 'bru go rims dang bcas pa
gsal bar 'char ba tsam ni byung la/ drung 'tsho ba zhag re bzhin
mtshan brjod zhal 'don 'chag med mdzad pa thos pas/ mthar lo gsum
pa'i skabs

mtshan brjod blo la gsal ba ngag tu'ang gtsang sing ba 'don nus
pa byung zhing/ lo lnga lon dus zhag re bzhin mtshan brjod tshar
lnga re 'don pa'ang lan mang du byas/ de dus dben dgon pa dpon
slob kyis dbyar gnas drug

brgyar mdzad/ byis pa chung ngu de phyi rol tu thabs ci byas
kyang sdod ma 'dod par/ tshogs kyi nang du zhugs te/ bka' bcu pa
dpal mgon gyi gong der 'dug ba zhig yod pa'i rgyus/ rdo rje
'jigs byed kyi cho ga dang/ mgon

@005b po; chos rgyal/ lha mo/ phyag bzhi pa/ gur/ zhal rnams kyi
bskang gso rnams zhor thegs pa zhig byung/ dgag dbye grol nas
grwa pa rnams bsod snyoms la byon/ mkhas grub sangs rgyas ye
shes zla ba gcig tsam

bzhugs pa'i ja'i gral du/ /o lo 'di dbyar gnas kyi ring tshogs
dkyil rang du sdod tshugs cing/ yi dam dang/ bskang gso'i zhor
'degs kyang yong ba 'dug gsungs pas/ drung 'tsho ba chen mo na
re/ 'di shes rab dga'

rab yin pa 'dra/ bdag gis kha 'don byas pa'i rna chags kyis/ na
ning lo gsum pa'i mjug tu mtshan brjod shin tu byang ba byung
nas/ kha sang skabs cig nyin re la tshar mang po 'don gyi 'dug
lags/ da lta ska

gzhogs su rgyugs phul dang gsung/ de 'phral du ye shes yon tan
bzang po'i bstod pa sngon du btang/ rgya gar skad du nas mngon
par bstod do'i bar dang/ mjug tu shes bya'i mkha' dbyings la
sogs gtsang

bsing ba zhig bshar bas/ rje rin po che shin tu dgyes nas 'don
khyer dag cing byang ba 'dug /btsun pa zhig byed dgos pa yin/
btsun pa len mi len yong blta'o gsungs nas dbu paN de phung kho
bo'i mgo la g.yogs

nas btsun pa len po yong ba 'dug ces gsungs shing bzhad gnang
bas/ phyis rab tu byung zhing bsnyen par rdzogs pa'i rten 'brel
bsgrigs shing byin gyis brlabs par 'dug /rang lo lnga la phyogs
pa'i tshe bde

@006a @#/ /gshegs bdun gyi cho ga bzung ste dus bzang rnams la
'chag med du ston/ de nas rdor gcod zhig yang yang bklags pas/
klog byang ba dang khong du chud pa mnyam du byung/ dus de
skabs
mkhas

grub sangs rgyas ye shes kyang ston dus phal cher drug rgyar
bzhugs pas/ tshe dbang/ mgon po phyag drug pa'i bka' rdzogs pa/
rta mgrin gyi rim pa mang po'i rjes gnang/ rta spod kyi lung/
rigs gsum mgon po/

sgrol ma/ rnam rgyal 'dzoms/ chos skyong mang po'i rjes gnang
sogs dbang lung mang du thob cing/ skyed tshal ba'i dge ba'i
bshes gnyen chen po rin po che grangs can pa bye gling gi bla ma
mdzad/ dge ba'i bshes gnyen sku

yon che zhing btsun pas pha ma rnams kyang mos shing/ rin po che
sku chas shin tu bkren pa nas drug rgyar yang yang gdan 'dren
cing/ rgyun rings bzhugs pas/ brgyad stong pa sogs shar phyogs
dang/ mdo mangs

dang/ 'dul ba lung dang/ rgyud 'ga' zhig sogs lung shin tu mang
ba drung 'tsho ba chen mo sogs dang lhan cig zhus/ mes po drung
'tsho ba nyid kyi drung du phu'o drung 'tsho ba rta mgrin bzang
pos rigs brgyud kyi bsrung ma/ drang

srong chen po rA hu la'i rigs gtang/ gdams pa yongs rdzogs kyi
lung/ zhang blon gyi rjes gnang/ bsgrub skor dang rgyud bzhi'i
lung sogs sman dpyad kyi skor gyi dbang lung zhu yi 'dug pa
rnams kyang zhor la nyan/ lo

@006b bdun pa'i dus su 'gram so gnyis gsar du skyes pas/ de gong
du skye bo 'ga' zhig phag 'gram skyes nas tshe phyed song/ zer ba
thos shing/ 'di yang phag 'gram yin 'dug la/ de ltar na myur du
'chi bar 'gyur ba gdon

mi za'o snyam du 'chi ba rtsol med du dran pa yun ring pa'i bar
byung/ sbyin pa 'jig rten phyi mar nor bcol len pa dang 'dra
snyam/ bdag nyid kyi kha zas la bgo bsha' byas shing/ bza' btung
sogs ngos dang/ lkog du brkus nas/ slong

mo ba dang/ khyi dang bya byi'u sogs la byis pa'i blos ci lcogs
byin cing/ phyi ma'i rten bzang ba tshul khrims la rag las pa'i
rnam dbye'ang cung zad shes pas/ gzhan ni ma spobs dus bzang
rnams la/ mi dge bcu la sdom

sems rten goms yang yang byas/ spyir na byis pa chung ngu'i gnas
skabs nas/ rab tu 'byung kha'i bar rang bzhin gyi kha na ma tho
ba gzhan lta zhog /bsams bzhin du srog chags grog sbur phra mo
bkugs pa tsam yang

dran lam du ma mchis so/ /de dus khyim du 'dug pa la btson ra'i
'du shes yod pas/ 'ga' zhig gi rtsad mo dang/ byas pa'i zhen pa
bsregs pa'i phyir khyim du 'dug dgos pa dang/ mchil brang len pa
sogs kyi

gtam smras tshe gting nas khros shing du bar nus spyir rab tu
byung ba dang/ khyad par dben dgon pa'i dge slong dag byung ba
na lhag par dga' zhing/ rang dbang 'dus na de dag dang 'grogs
nas 'dug pa la skyo ba mi yong/ /

@007a @#/ /btsun pa'i bag chags bzang ba zhig 'dug pas ngal bar
rtse ba'i dus su/ rdul gzan sham thabs su byas/ drung gnas tshul
khrims pa'i zhwa ser bsams bzhin blangs nas gyen te byis pa mang
po'i

dbus su/ res 'ga' chos 'chad nyan/ res 'ga'i bgro gleng/ res
'ga' gla tshang 'jugs pa lta bu'i rtsed mo 'ba' zhig byed pa ni/
bdag dang dus mnyam pa'i skye bo mang po la mngon sum du gyur
pa
lags so/ /

de nas rim gyis sna tshogs zhes pa'i lo mgo na tshod rang lo bcu
gsum pa'i ngo mthong ba'i tshe nye du la sogs pa'i 'ching ba med
par ma zad/ de dag gis mthun pa'i rkyen nye bar sbyar te cho
'phrul rta'i zla ba'i tshes bcu'i nyin

khyim nas 'thon te/ dben sa chos kyi pho brang du slebs/ zla ba
de kha'i tshes bcu gsum la rgyal phur 'dzom pa'i 'grub sbyor thog
/mkhas grub chen po rje btsun sangs rgyas ye shes kyis mkhan
slob zung 'brel du mdzad

nas grib tshod nyi ma'i brgyad cha shar ba la tshigs snga ma dge
tshul gyi sdom pa legs par thob cing blo bzang chos kyi rgyal
mtshan zhes pa'i ming stsal/ rab tu byung 'phral du mkhan slob
tshogs pa dang bcas pa rab ston gya nom

pas mnyes par byas so/ /dgong ja'i thog tshogs la byin rlabs nye
brgyud kyi bla ma'i rnal 'byor lam gyi gnad tshang ba shin tu zab
cing rgyas pa zhig gnang/ zla ba de'i gsum mchod dang bstun sman
thang pa chos kyi rje

@007b dkon mchog lhun grub pas sngon nas gsol ba btab 'dug pa
ltar/ dpal gsang ba 'dus pa'i dkyil 'khor du dbang bzhi yongs su
rdzogs pa thob/ dpyid rje rin po che gzhan du phebs skabs// !
rje btsun tsong kha

pa'i gsung 'bum gnang nas bstod chen bzhir grags pa sogs gzung
zhig gsungs/ de dag 'dzin pa la 'bad rtsol cher ma dgos pas/
bka' gdams lha bzhi dang/ 'jam dbyangs rigs 'ga' zhig dang/
khyad par

dbang ma thob kyang/ 'jigs byed dang/ mgon po phyag drug pa'i
bsnyen pa gcig dril du ma byung kyang/ rgyun bsnyen gyi tshul du
byas/ de'i tshe yi dam dang chos skyong gi gzungs mang tsam bzlas
res kyis rmi lam du/ dur khrod 'jigs

su rung ba dang/ khro bo dang/ gcan gzan sna tshogs pa'i rnam pa
'byung ba dang/ dngos su yang 'khrul snang mchog dman du ma
'char zhing/ skye bo 'ga' zhig gi nyes legs kyi mtshan ma cung
zad nges pa yang byung ba ltar/ byis pa'i rgyus

de dang mtshungs par thar thor smras pas dben dgon pa'i dge slong
'ga' zhig 'di ni 'bal la ba zhig kyang byed kyi 'dug ces gleng
ba byung/ dbyar chos la lam rim 'khrid dang sbyar nas tshogs chos
su gsungs pa bsgrims te nyan/

dbyar thog de la dben dgon du 'jigs byed kyi sgrub mchod thog
mar tshugs thog /tshogs pa la rdul tshon gyi dkyil 'khor du yi dam
gyi dbang bzhi rgyas par gnang bas/ dbang don brnga 'phrod cing
dmigs rim shin tu gsal

@008a @#/ /ba dang dbang bshad nyan stobs kyis bla med spyi'i
dbang gi rnam gzhag phal cher chags pa zhig byung/ de'i ston
grogs stobs kyis/ bka' gdams glegs bam cha lag dang bcas pa/ jo
bo'i lam yig

rgyas bsdus/ shar ba'i lam rim/ rgyal sras bka' 'bum/ lam mchog
rtsa 'grel rnams kyi lung yongs su rdzogs pa thob/ de nas dgun
stod rje rin po che dpon slob ri bo dge 'phel du phebs/ bdag cag
dben dgon rang

du 'dug nas ris med pa'i dam pa mang po'i rnam thar nyin mtshan
khor yug tu bltas pas phyogs med kyi bstan pa dang dam pa rnams
la chos kyi rjes su 'brang ba'i dad pa thob cing sems 'khrul ba
dang/ bdag nyid kyang dam pa

rnams kyi rnam thar 'dzin pa'i dam bca' brtan po dang spro shugs
'phel bar gyur kyang/ kha 'don dang 'dzin shar sogs las cung zad
g.yel tsam byung bas/ phyis dpe 'chal bar chod kyi rgyu yin
gsung bka' bkyon pa

zhig byung/ de skabs zhi gnas bka' bcu pa tshul khrims pa dang
snga phyi'i lo rgyus/ dam pa mang po'i mdzad spyod/ gzhan yang
chos dang mthun pa'i 'brel mching mang du byung bas/ khong kho
bo la shin tu mos par gyur te/ khong

rang gi spyil bor bos/ ja gung bzang ba zhig drangs/ zha thul
ser po legs pa gcig phul nas chos 'brel zhig cis kyang dgos
gsungs/ nan shin tu che bas/ bla ma'i rnal 'byor zhig byas/ de'i
rkyen gyis dge slong gzhan 'ga'

@008b zhig gis kyang nan gyis chos 'brel dang byin rlabs zhus pa
na/ dben dgon pa bying sos kyang mgrin gcig tu rgyal ba blo
bzang don grub kyi sku'i skye ba yin pa'i khungs kyis tshogs pa
spyis byin rlabs zhus chog pa'i dgongs pa zhu bar

'dug /kho bo cag rang ngos nas ni rje grub pa'i dbang phyug de
nyid kyi sprul pa yin pa dran yul du yang mi snang zhing/ yid la
gsal ba ltar gzhan su gang la yang rgyu mtshan can cung zad
smras
pa yang med la/ der ma zad tshe 'di la bltas

pa'i yang/ lta ba'i gdengs dang/ bsgoms pa'i nyams/ bslabs pa'i
shes rgya gang yang ma mchis mod/ 'on kyang de snga gang dang
phyis nas kyang/ 'di nang gi 'dod pa la zhen pa spangs nas/ gzhi
tshul khrims rnam par dag pa la

gnas bcas/ re shig mdo sngags kyi thos bsam phyogs rer ma song
ba zhig byas/ dbus gtsang gi ljongs 'dir phyogs ris su ma song
bar skyes bu dam pa rnams kyi zhabs la gtugs te/ gsung gi bdud
rtsi'i bgo skal la

spyad nas/ 'du 'dzis dben pa'i nags kyi sman ljongs rnams su tshe
dang bsgrub pa snyoms pa zhig cis kyang byed snyam du blo la
bcos min du 'char ba zhig yod pa'i yang gegs dang/ gtso bor
'phags pa mo'u 'gal gyi bu'i

yan lag dang nying lag /kun tu rgyu dag gis bcom pa na/ las kyi
dbang gis rdzu tsam yang ma dran na 'phrul lta smos kyang ci
dgos gsungs pa ltar/ de'i tshe sngon las kyi zil gyis non pas/
rje bla ma la seng bkrol dang bcas

@009a @#/ /te dgongs pa zhu bar yang ma spobs/ tham thom gyi
ngang nas nyi ma ces pa chu lug zla ba gnyis pa'i tshes gsum gyi
nyin/ bslab gsum ldan pa'i dge slong ri khrod pa 'dus pa'i tshogs
kyi dbus su mi

'jigs pa'i khri la bkod de rje'i zhal snga nas nyid kyis shis pa
rgyas par brjod cing me tog gtor nas byin gyis rlabs/ de'i tshe
nam mkha' shin tu dangs pa la me tog kha dog sna lnga pa'i char
babs pa/ thog mar dge

bshes dpal 'byor sogs mtshams pa rnams kyis mthong nas/ phyis
tshogs pa thams cad kyis nges 'dug pa/ rje bla ma nyid kyi thugs
rjer go /de'i tshes brgyad la dbyangs can dkar mo'i rjes gnang
zhus/ gnangs nyin

tshes bcu la rje'i zhal snga nas dpon slob nyang phyogs la phebs
khar dpyid 'di lam rim 'bring po bzung na legs pas zungs gsung
ba la/ sngon tu dbyangs can ma'i bsnyen pa zhig byas/ de rjes
'dzin par zhus nas/ thog

mar bsnyen pa zhag bdun byas pas nyams dang rmi ltas bzang po
'ga' zhig byung cing/ tshe 'dir de gong du snyan dngags sogs la
sbyangs pa ma byas na'ang/ thun mtshams su lha mo'i bstod pa
rtsom 'dod cing blo la

'char ba zhig byung bas 'di ltar thogs med du bris/ ! //na mo
swa ra swasti yA/ sgra dbyangs lha mo dbyangs can ma la bstod
pa lha'i glu dbyangs zhes bya ba/ bcom ldan 'das ngag gi dbang
phyug la phyag

@009b 'tshal lo/ /dbang sngon zhu ba 'khyil 'dra'i yid bzhin
mtsho/ /dal gyi rlabs 'phreng dbu ba'i 'dzum dkar can/ /chu skyes
bla bres brgyan pa'i chu gter ngogs/ /tsa sha gzhon nu'i kha dog
ltar bkra ba'i/ /yid 'phrog

baiDUr sngon po'i ne'u sing steng/ /zla ba nor bu'i do shal
bkrams pa ni/ /'chi med lam du skar tshogs gsal ba bzhin/ /marka
ta yi khu ba byugs 'dra ba/ /yid 'ongs rkang 'thung mdzes pa'i
lag gnyen ni/ /dad pa'i

ser bu'i pho nyas bskul ba na/ /chags ldan yid dbang 'gugs pa'i
g.yab mo bzhin/ /gsar pa'i lang tsho rgyas pa'i padmo rnams/
/ldem ldem gar bsgyur ge sar ze'u 'bru rgod/ /me tog sbrang
rtsis byugs pa'i lding

khang du/ /bung ba gzhon nu mgrin pa'i rgyud mang bsgreng/ /ne'u
tso'i gshog pa ltar mdzes nags tshal gyi/ /phun tshogs gzhal med
kun dga' bskyed pa'i dbus/ /pad dkar lan tshar g.yo ba'i lte bar
ni/ /bdud rtsi'i

'od can gzi byin rgyas pa'i steng/ /'bum phrag nam mkha'i nor
bu'i 'od stong gis/ /rab myos kai la sha yi rdul brtsegs la/
/'khu ldan dung gi 'khril shing mdzes ma 'di/ /lta byed bdud
rtsi ma lus spungs pa bzhin/ /bsil

'od bdag po'i phyed pas thor tshugs dang/ /thor tshugs nam mkhar
bsgreng bas me tog 'phreng/ /spel legs me tog 'phreng bas gsil
ma'i sku/ /kun kyang gdugs dkar yan lag mchog gis mdzes/ /dpal
ldan nam

@010a @#/ /mkha'i lus can khyed nyid kyis/ /'dren byed yon por
'khyog pa'i sgro ldan ni/ /panytsa rdzogs pa ci smos gcig gis
kyang/ /dpal rkang yid kyi bstan pa rdo rje'i go /lan brgyar
'bigs na de las gzhan

pa'i ci/ /mchu sgos byu ru'i skyed tshal nyams dga' bar/ /chu
shel gsar pa'i spu long phang phung la/ /'gongs pa'i tshems dkar
'phreng ba tshar du dngar/ /snyan tshig gre 'gyur gdangs kyis sgra
'dzin gyi/ /dbang po rnam par

bzhad pa'i bcud len 'dis/ /dri za'i na chung mkhar nyal gnas
bros shing/ /gser mngal skyangs nas bsam gtan zol la brten/ /rin
chen sor gdub mdzes mas dam 'khyud pa'i/ /phyag zung 'jam mnyan
ka ma la yi

steng/ /'phang 'gro'i rnga bsang dbyar skyes dbyangs bzhin sgrog
/'khrang zhing rab rgyas nu ma'i khur 'chang ba/ /smin legs na
chung gtsug rgyan khyod kyis ni/ /lus can chags pa'i bsam gtan
la 'god na/ /'di las

gzhan pa'i yid srubs mnga' de gang/ /ring nas chags dang bral
ba'i drang srong kyang/ /ya mtshan khyod sku'i dpal 'dir yid
'khyor bas/ /mand+ha rA yi dbu ba brtsegs 'dra ba'i/ /mu tig
'phreng tshogs 'cha' bas rgod pa

bzhin/ /dbang sngon 'dab brgya bzhad pa la 'gran pa'i/ /srab
'jam lha rdzas stod g.yogs rnam par g.yo/ /padma rA ga'i
mdangs kyi mdzes sdug kyang/ /pham byed smad g.yogs sham thabs
dra bas dkris/ /yid 'ong

@010b rnam 'gyur stong gi rnam rol can/ /'pho 'gyur spangs pa'i
brgyad zung lang tsho'i dbyings/ /mngon dgyes dus gsum rgyal ba'i
yum de la/ /gtsug skyes 'dzin mar bkod pa'i phyag bgyid do/
/snying la khyod sku'i snang ba dran tsam

gyis/ /rab 'byams shes bya'i tshogs rnams ma lus pa/ /ji bzhin
rtogs pa'i rnam dpyod 'od stong gis/ /'gro ba'i rmongs mun ma
lus sel bar shog /bshad pas blo gsal rna ba mdzes byed cing/
/rtsod pas log smra ma

lus klad pa 'gems/ /rtsom pas mkhas rnams mgrin pa'i rgyan
'chang ba'i/ /dbyangs can lha mos bkra shis deng 'dir stsol/
/ces pa 'di/ btsun pa blo bzang chos kyi rgyal mtshan gyis na
tshong lo bcu bzhi pa'i dus su

sbyar ba'o/ /zhes pa lag bris su byas/ /de nas rje btsun bla
ma'i bka' bzhin lam rim 'bring po bzung nas zhag bcu bskor song
mtshams/ lam rim che ba zhig bklags pas blo shin tu 'gro ba byung
zhing/ de nub rmi

lam du bdag cag gi ston pa'i sku ri bo ltar che zhing 'od zer
'phro ba zhig la bskor ba lan gsum byas pa gsal ba rmis nas/ lam
rim che ba yongs su rdzogs pa bzung ste/ rje rin po cher rgyugs
kyang phul/ lo bcu drug

lon pa'i dus su/ mgon po zhi ba lha'i rtogs brjod padma dkar
po'i 'phreng ba zhes pa snyan dang gas kyi lam nas 'ongs pa zhig
brtsams pas/ skye bo blo'i nor can dag dga' ba bskyed par gyur/
rab tu byung nas khas blangs pa'i

@011a @#/ /tshul khrims mig 'bras ltar gces par bsrung 'dod kyis
thams cad mkhyen pa dge 'dun grub kyis mdzad pa'i gleng 'bum
chen mo yang yang bltas pas don khong du chud cing tshig kyang
phal cher blo la zig

pa byung/ de dus dkor gyis cher ma sbags shing na tshong gsar pa
rtsa khams shes pa sogs kyang gsal bas yin pa 'dra/ glegs bam
bdag nyid kyis bltas pa dang/ chos bla mas gsungs pa sogs lan re
lan gnyis tsam gyis

don blo la 'char ba byung/ mdor na lo bcu bzhi nas/ bco brgyad
kyi bar mkhas grub chen po sangs rgyas ye shes kyi zhal snga
nas/ gdul bya'i bsod nams kyi zhing du phyogs su gshegs pa'i
skabs ma gtogs rgyun tu

zhabs drung du 'dug nas/ bu ston thams cad mkhyen pa'i gsung rab
'gangs che ba 'ga' zhig gi lung dang/ blo sbyong gi rim pa mang
po'i lung dang/ dpe chos rin spungs rtsa 'grel/ be'u bum sngon
po rtsa 'grel gyi lung zhus/

gzhan yang lam rim che ba dang/ 'dus pa'i 'grel pa bzhi sbrag tu
grags pa sogs cung zad ma gtogs/ /rgyal ba blo bzang grags pa/
sras kyi thu bo gsum/ rje dge 'dun grub/ ba so chos rje sogs kyi
gsung

rab yongs su grags pa phal cher gyi lung 'di ma zhus snyam pa
med cing/ ston gyi dus 'gol ba'i skabs/ snar thang brgya rtsa'i
rjes gnang/ jo bo lugs kyi sgrol ma nyer gcig gi rjes gnang/
bka' gdams lha bzhi'i  

@011b rjes gnang/ dpal mgon sde lnga so so'i dbang rjes gnang/
be'u bum so so'i lung dang bcas pa/ rdo rje 'phreng ba dang/ mi
tra brgya rtsa'i dbang lung yongs su rdzogs pa zhus shing/ rje'i
zhal snga nas la thugs brel byung ba'i dus su/ dbang rjes

gnang thob pa'i lha rnams la bsten pa gang 'gro yang byas/ mi
zad zhes pa me khyi'i dgun gnas rnying pa'i gdung brgyung chos
rje rwa lo gsung chos zhu bar byon pa dang lhan cig tu bde mchog
lo i pa'i lugs kyi dbang bzhi rgyas

par thob/ mgon po'i bka' bcu gsum du grags pa'ang thob/ de skabs
chos rje a yu ba bgres pa rin po che ngag dbang grags pa gshegs
nas/ mkhas grub sangs rgyas ye shes dpon slob shangs phu la blo
bur du phebs/

kho bo cag dge bshes dpal 'byor dang lhan cig 'dug nas gleng
bslang ste/ snga sor byis pa chung ngu'i dus nas/ rig pa nang
par 'chi yang slob/ /phyi mar nor bcol len dang 'dra/ zhes dang/
mgon po klu sgrub kyis kyang/ skra dkar

gnyer ma lhag dus su'ang/ /thos pa bsag par bya ba ste/ /gang du
thos mang 'gro 'gyur ba/ /der ni phung po 'gro mi 'gyur/ /zhes
gsungs pa glo ba la gcags te mtshan nyid kyi slob gnyer cig byed
pa'i shes 'dod cher

yod kyang/ rje zhal snga nas kyi thugs la yod shas mi kha ba'i
stengs su/ slob dpon rin po che grangs can pas kho bo rab tu
byung ba gsan pas de shin tu legs 'dug /'on kyang mtshan nyid la
btang gzhan pa dra mtshan nyid

@012a @#/ /pa'i grwa pa sna mangs kyis bslad nas lad 'gro zhes
gsungs pa de/ rje rin po che'i thugs la lhag par zhen cing/ rang
gi bsam pa la'ang rje 'di nyid la mnga' ba'i dbang lung gdams
ngag thams

cad bum pa gang byo'i tshul nga zhu thub pa zhig byed bsams pa
yod pas rtsol ba cher ma byas/ de ni dbang lung gdams ngag phal
cher yang zhus zin/ mdo sngags kyi lam gyi rim pa rnams la yang
go ba rags pa tsam

chags/ lhag pa'i lha mang po'i bsnyen bsgrub sogs kyang dga' rab
byung/ 'on kyang/ na ning sman bla chos kyi rje blo bzang
ba'ang/ dbus nas 'di las snga ba slebs na/ khyod slob gnyer la
gtong ba'i bskul ma byed dgos yod

pas; ma byung 'dug ces gsungs pa'ang bden par 'dug /des na dge
bshes la rje rin po che'ang thugs 'jog pas dgongs pa zhu grogs
kyis/ slob dpon rin po che grangs can pas slob gnyer la btang na
lang 'gro

gsungs 'dug kyang chal la chol le'i spyod rtsing ma byed pa kho
bo rang gis shes zhes zhib tu mol/ de nas myur du rje rin po che
dben dgon du phebs 'phral dgongs pa zhus/ sngar dang gtan mi
'dra ba'i dgyes pa'i 'dzum

mdangs dang bcas te/ khyed dpon slob gnyis kyis bka' bgros byas
pa de/ nged shangs phu na yod pa'i dus su rgyu mtshan dang bcas
nas ji bzhin du shes byung bas/ da ni bkra shis lhun por slob
gnyer gyi rtsis cis kyang legs

@012b ces bka' stsal te yongs su grags pa'i lo de kha'i zla ba
bcu gcig pa'i yar ngo'i tshes gsum la chos grwa chen po bkra shis
lhun por slebs/ de nub rmi lam du bud med gzhon nu ma pho chas
su byas pa gcig na re/ 'di sngar

khyod rang gis bzung ba'i nyi ma'i dkyil 'khor yin no zer ser
khob pa 'od zer cher med pa maNDal gyi dbyibs can zhig lag tu
gtad byung ba la nyi ma yin na 'od chen po yong dgos rgyu la
byas pas/ de na re/ 'od zer rnams phyis

nas gsal bar 'gyur ro/ /zer ba zhig rmis/ dben dgon spyi pa'i
bsgrub sde yin par ma zad/ rje rin po che'i dgongs pa dang/ rang
ngos nas kyang grwa tshang gsum po gang gi'ang phyogs su ma
lhung
ba'i spyis yin yang yin la

de bzhin byed 'dod yod na'ang/ de ltar byas tshe bla chugs bzung
ba'i gab gob tu song nas slob gnyer rnam dag byed pa'i gegs su
'gyur snyam pa dang/ mgon po klu sgrub kyis kyang/ yon tan dag
la 'bad bya yi/ /'gying tshul

dgos pa ci zhig yod/ /ba ni 'o ma med pa la/ /dril bu btags
kyang nyo mi 'gyur/ /ces gsungs pa yang sems la gcags/ zos bde'i
ngang nas blo gnyer byas so zhes pa'i mi kha gcog phyir gyi
grags pa tsam don du gnyer

na de bzhin byas pas 'gal bar mi sems kyang/ shes rab sdong bur/
bde ba 'dod na rig pa dor/ /rig pa 'dod na bde ba dor/ /bde ldan
rig pa ga la 'grub/ /rig pa don gnyer ga la bde/ zhes gsungs pa
ltar/ blo gnyer

@013a @#/ /gsha' ma cig byed na snying thag pa nas chos grwa rig
lung dus las ma yol ba 'grim pa sogs dka' ba ma spyad na dam
pa'i skye bo mkhas pa rnams dgyes pa bskyed mi nus pa'i nyes pa
mthong nas skyes

dang bstun/ thos bsam gling gi chos grwa rgyu bar byas/ de dus
grogs kyang dge bshes dpal 'byor gcig pu las med cing grwa
rkyang snyoms chung rang la shes 'dod zhugs pas de kha'i brtul
zhugs 'dzin pa yin kyang bkra shis lhun

po'i bla ma slob dpon thams cad kyis phyag dang bsnyen bkur
mthong zos cher mdzad cing/ khyad par khri thog na paN chen
bsam
'grub dpal bzang bzhugs pa mjal/ de rjes khong la grwa pa zhig
gis de ring rje drung dben sa pa dang mjal

'dzoms mdzad 'dug pa zhes zhus pas/ shin tu mjal/ nged gnyis
phyag 'tshal res ni ma byung gsungs/ ci yin zhes pas/ khong ni
thams cad mkhyen pa dge 'dun grub la 'tshal gyi 'dug /ngas ni
rgyal ba blo bzang

don grub la btsal/ nged gnyis phyag 'tshal res ma byung ces zhal
kyal kyang gsungs shes zer/ de'i tshe gzims khang dang chos
khrims pa sogs mang pos/ mkhan slob thams cad kyis kyang phyag
sogs mdzad nas/

tshogs chen mor khri stan mtho ba zhig cis kyang bdag gir bya
dgos shes nan tan gyis gsung ba yang yang byung kyang/ ji skad
brjod ma thag pa'i khe nyen khong du chud cing/ rje btsun bla ma
dam pa'i dgongs pa yang de kho

@013b na yin pas dang du ma blangs/ 'o na btsun chung rnams dang
lhan cig gral 'dzin gyi dka' ba mi dgos shing/ nyes pa gzhan
gang yang med pas dre'u rdog gis khyad par du byas pa'i gral
khungs zhig cis kyang bzung dgos

zhes paN chen rin po che'i bka' lcid ches pas/ 'dod pa rang ma
byung kyang dang du blangs/ de nas thos bsam gling gi slob dpon
rin po che dpal 'byor rgya mtsho nged rang gi slob ma yang yin
pas/ de'i drung du sbyor ba brtsi ba'i mgo

'dzin par phyin pa'i tshe/ spyil po'i sgo nas 'phags pa'i tshe/
rten 'brel khyad par can zhig byung cing/ rtsis shag gi mgo
tshugs mtshams/ mang yul rgyal po 'jam dbyangs kyis gser 'gyed kyi
dung bus pa mgo

mtshungs byung bas legs par go /de'i sang gnang ma 'gyangs par
dgun chos dang po'i rig lung chugs pa'i 'phro dang/ dgun chos
gnyis pa'i yun sbyor ba brtsis/ de'i mjug spyi bsgyur gyi skabs
sngon nas thos pa bsags

shing mkhas grub chen po rje btsun sangs rgyas ye shes chos smra
ba po gzhan las khyad zhugs pa'i gsung gi bdud rtsi doms pa med
par 'thungs pa'i bka' drin gyis bshad pa dang 'brel gtam sogs
yang dag dang ltar

snang gi khyad par ji bzhin du nges pa byung kyang/ nged rang
blo sbyang la gsar du 'dam thag pa'i rgyu mtshan gyis/ bum nang
gi mar me lta bu'i tshul du bsdad/ dbyar gnas la grub gnas dam
par shog gsung/ rje bla ma'i bka' byung

@014a @#/ /ba ltar 'gro bar ba rtsams pa na/ bkra shis lhun po'i
dpon slob mang pos blo gnyer 'phel ba'i bar chad yin pas bsdad
na legs tshul byung kyang/ rje bla ma'i bka' tshul bzhin bsgrub pa
dngos grub kyi rtsa

bar bsams te/ dben dgon du dbyar gnas thog /tshogs pa dang lhan
cig spyan snga chos drug gi bshad lung dang/ chos rje 'ba' ra
ba'i gsung 'bum gyi lung sogs dang/ dger gyi 'khrid chen brgyad
sogs dang/ rjes

gnang ma thob pa du ma zhus/ ston rje btsun ming la'i rnam mgur
gyi lung sogs zhus shing/ dben pa la yid spro bas/ na mo gu ru
manydzu g+ho ShA ya/ gang la brten na bslu ba med pa'i skyabs/
/bu ram shing pa'i zhabs

sen zla tshes dkar/ /bdag snying kun da'i ze'u 'brur rtag gzims
pa'i/ /mdzes sdug nam yang nyams pa med gyur cig /lhar bcas 'dun
pa ston pa sangs rgyas kyang/ /deng dus thos pa'i lam du gshegs
gyur na/

mthon po'i nor 'dzin las 'ongs 'bab chu ltar/ /g.yo ba'i 'jig
rten rtag pa'i go skabs ci/ /dpag med tshe gnas sngon gyi mi
rnams kyang/ /ding sang ming gi lhag ma tsam zhig na/ /skal ngan
snyigs dus skye bo 'di

dag gi /tshe ni bar snang glog dang cis mi mtshungs/ /skye rga na
'chi'i dge tshogs kun bcoms shing/ /nyon mongs g.yul las rgyal
ba'i mkhas pa'i tshogs/ /kun kyang dus kyi rim pas byon zin na/
/bdag lta myur du

@014b mi 'chi'i nges pa gang/ /tshe ni ser bus bskyod pa'i utpal
gyi/ /'dab rtser 'breng ba'i chu thig ltar mthong zhing/ /srid
pa'i phun tshogs gdug pa'i sbrul gyi lce/ /g.yo ba'i zlos gar
'di la dga' ba ci/ /'khor ba'i bde 'byor kun gyi

rtser gsan pa/ /tshangs dang dbang po 'khor las bsgyur rgyal
yang/ /dbang med 'jigs rung mnar med mes bsreg na/ /mkhas pa su
zhes 'dod la chags par byed/ /'jig rten phun tshogs stobs kyi
myos chu yis/ /mngon par

myos pa'i dregs ldan 'di dag kyang/ /ring por mi thogs rgya mtsho
'khrugs pa'i nang/ /gru ngan ji bzhin 'gyur ba'i chos can nyid/
/mdor na mthon po'i mtha' rgud bsags pa mdzad/ /'dus pa 'bral
zhing skyes pa kun 'chi zhes/

bslu med bden pa gsung bas gang gsungs pa/ /de de bzhin du 'jig
rten 'di na snang/ /rgyal ba'i zhal gyi nyin byed las 'ongs
pa'i/ /'od zer gang gis yid la ma reg pa/ /mi khom brgyad kyi
mun pa'i gling chud na/ /de tshe dge

legs go skabs ga la yong/ /sna tshogs 'gro ba'i mtho dman 'gyur
ldog dang/ /sdang dang phrad dang gnyen dang bral ba dang/
/skye
rga na 'chi'i snang tshul mthong nas ni/ /bdag kyang de dang 'dra
bar cis mi blta/ /dbyar dus

mkha' la shar ba'i 'ja' tshon dang/ /chu 'dzin lang ling g.yo
ba'i 'du 'god ltar/ /lang tsho'i rang bzhin 'jig pa'i ngang tshul
can/ /'di la blo ldan su zhig yid rab ston/ /gser gyi ri las
g.yu yis khron 'bab cing/ /

@015a @#/ /mi rnams bdag gi bshes su song yang ci/ /'bral med nor
du 'phags pa'i nor bdun dang/ /gtan gyi grogs por bla med byang
chub bzang/ /de phyir 'di nang chos brgyad smros pa'i rgya/
/shes rab ral

gri rnon pos bral byas te/ /thub pas bsngags pa dben pa'i nags
tshal der/ /sems khyod zhi ba'i bdud rtsi cis mi len/ /spang
ljongs 'ja' tshon bkra ba'i lding khang du/ /zla ba nor bu'i rdo
leb gcal du bkram/ /g.yur

gyis dud pa'i 'dab ma'i grib bsil la/ /nyin mo spyod pa'i rnal
'byor skyong bar spro/ /de bzhin zla ba'i sgron me 'ong 'bar
zhing/ /rgyu skar do shal rgod pa'i mtshan dus su/ /g.yeng med
rnal 'byor brtson pa'i dga' bde

'di'i/ /dpe yang srid pa gsum na ga la yod/ /padma'i dra bas
khebs pa'i nyal 'gro'i rgyun/ /yongs mdzes chu bya'i tshogs rnams
snyan sgrog cing/ /rma bya gzhon nu dga' ba'i gar byed pa'i/
/gnas der dal 'byor don

ldan byas na snyam/ /me tog 'bras bus gang ba'i ljon shing gi
/spu long mngon par rgyas pa'i sa 'dzin khrod/ /sngo ljang lo
ma'i spyil chung nyams dga' bar/ /ting 'dzin dga' bde'i dpal la
spyod par spro/ /gang du za zir

g.yeng ba kun bor nas/ /ri skyibs nor bu'i phugs yangs nyams
dga' bar/ /'phags pa'i rigs bzhi la gnas dga' bde gang/ /de 'dra
rgyal po rnams la'ang yod re kan/ /'chi med skyed tshal 'dra ba'i
sman

@015b ljongs su/ /mi dge'i sbyong tshul phra mo'ang rgyang
bsrings te/ /sgo gsum dam pa'i lam bzang skyon med par/ /ma bcos
lhag par 'jog la snying nas spro/ /der ni thub gzhung bdud
rtsi'i bcud len gyis/ /nyon mongs yid

kyi rnag khrag kun sbyangs te/ /ting 'dzin sgo brgya phye nas
yon tan gyi/ /ngo mtshar bgrang yas ltad mo blta bar smon/ /de
skad smra ba dben pa'i nags tshal la/ /mngon par spro ba'i dge
sbyong gyi na pa/ /blo bzang chos kyi rgyal mtshan

zhes bya bas/ /smon pa ji bzhin tshig gi lam du spel/ /zhes sogs
dben par dga' ba'i gtam 'ga' zhig kyang brtsams/ slar dgun chos
dang po la bkra shis lhun por 'ongs te rig chen la bsgrigs/ chos
grwa dang

rig lung chen mo'i grwa thams cad du bgro gleng la brtson pa
shin tu che bar byas pas lag mthil la sgal pa chags shing/ /sor
mo'i mtshams rnams utpal ltar gas pa byung/ 'gal ba ces pa lo de
kha'i sa ga zla ba'i dus

chen dang bstun/ chos rje sman bla blo bzang pas sbyin bdag
mdzad dben dgon du bde mchog bsgrub mchod thog mar tshugs pa'i
rdul tshon gyi dkyil 'khor du dbang gnang rgyu yin 'dug cing/ de
gong bde mchog rigs

mang po'i dbang thob kying/ da res dbang zhu bar phyin na lags
pa'i mtshan ma gsal ba zhig byung bas/ glo bur du phyin pas rje
bla ma yang shin tu mnyes 'di phyi'i legs tshogs la khyad par che
ba'i rten 'brel 'grig /

@016a @#/ /slar bkra shis lhun por slebs/ dbyar sos gling seb
'brum nad kyis khyab kyang 'dzem pa sogs ye ma byas/ dbyar gyi
chos grwa rig lung la bar chad med pa shin tu 'phel/ mthar dge
skos kyis

bsngags te dbyar gyi tsho chen rig chen pa'i khrod du dam bca'
bzhag pas bgro gleng gtong mkhan kyang rags la mang ba nas
rgyun
ring du song ba na/ lus ngal zhing lhag par thang chad par gyur
kyang bgro gling gtong mkhan

rnams kyi thugs khengs pa zhig ma byung na 'dzems pa 'dra bar
gdon mi za'o snyam du bzod bsran bskyed/ mjug tu char gyis kyang
lus gsher bar byas/ de nub lan 'debs rgyun rings pas ngal lo
snyam/ blos phab nas

nyal; sang snga bar mang ja snga ja la phyin nas kyang ngal ba
ma sangs pas/ brtags pa na/ 'brum bu mthon par gzod shes nas/
dge bshes kyis dben dgon du rje'i zhabs drung du 'phros phul
song bas/ nang par dgag

dbye'i nyin rje'i zhal snga nas phebs zhag gsum bzhugs nas byin
rlabs mdzad de 'phral dang yun du dge ba'i bka' tha ma stsal nas
tshes gsum la dben dgon du phebs/ de'i nyin mang ja 'thung 'dod
nas/ grogs

rnams mi 'dod cing 'jigs bzhin du ja sogs 'thung zhing kha glod/
mdor na nyer bdun brgyad gnyis ngal ba tsam ma gtogs na tsha ci
yang med pa zhag lnga la 'brum pa bsangs kyis grag pa zhig byung
ba/ bla ma dkon  

@016b mchog gi thugs rjer go de yang dge bshes mngon sum du yod
pa ma gtogs/ 'brum rjes la dpags te gzhan 'ga' ni bden nam
brdzun zhes the tshom gyi spyang thag 'dzin pa'ang mchis so/ /de
nas slob dpon rin

po ches tshad ma rnam 'grel gyi spyi bskyur byed dgos tshul nan
chags pa ltar khas len phul/ 'brum bu'i mjug nas mtshams bskyangs
te/ 'jam dkar dang/ 'jigs byed kyi bsnyen pa sprel nas zla ba
gcig lhag

tsam mtshams byas rmi lam ngo mtshar ba du ma byung kyang bri bar
ma spobs/ de'i sngon rnam 'grel gyi Tika gzhung cha tshang ba
zhig khong du chud cing nges par byas/ de nas rnam 'gyur gyi lo
de'i zla ba bcu gcig pa'i tshes bcu

bzhi la/ rje thams cad mkhyen pa mkhas grub chen po sangs rgyas
ye shes gdul bya'i dbang gis dag pa'i zhing du gshegs te dben
dgon du 'gro dgos byung/ dgongs pa yongs su rdzogs pa byas pa
sogs de nyid kyi rnam

thar du gsal cing/ phyi rten chos sku'i ring bsrel gyi snying po
can gyis tsha khri phrag du ma bzhugs pa'i sku tshe byin rlabs kyi
mchod rten bzo dbyibs mdzes shing byin rlabs che ba bzhengs/
dbyar gnas la bkra shis lhun por dbu grwa

la bsgrigs/ dbu gsar yin bsam thog mar blo zhum pa tsam byung
kyang 'brel gtam rnam par gtan la dbab pa na lung dang rig pas
phas rgol zil gyis gnon nus par gyur pas yongs su rdzogs pa'i
dge bshes de dag gi

@017a @#/ /dbus su dpa' zhum pa dang bral/ de dus snga gong
bsnyen rdzogs ri bo dge ldan du sgrub pa'i thag bcad kyang/
phyis bkra shis lhun por yun rings 'dug dgos shing phan pa cung
zad yong pa'i rten 'brel

yin pa 'dra/ blo bur du bkra shis lhun por bsnyen rdzogs byas na
legs pa'i mtshan ma gsal ba zhig byung bas/ lcags yos kyi mar ngo
sngon du 'gro ba'i gro zhun zla ba'i dkar ba'i tshes gsum gyi nyi
ma ma nub tsam la gzims

khang rgyal mtshan mthon bor don gyi slad du mtshan nas smos te
mkhan po rin po che paN chen dam chos yar 'phel ba'i zhal snga
nas dang/ las kyi slob dpon rin po che dpal 'byor rgya mtsho ba
dang/ gsang ston paN chen

lha dbang blo gros te dad pa'i dge 'dun grangs tshang ba'i dbus
su bsnyen par rdzogs pa dge slong gi dngos po yongs su rdzogs
par thob/ de kha'i ston mjug dbus phyogs su phyin/ jo zhal rnam
gnyis sogs kyi drung du dngos

bshams yid sprul gyis mchod cing bstan pa rgyas pa sogs kyi smon
lam rnam par dag par tab pas byin gyis brlabs pa'i mtshan ma
khyad par can yang byung/ de nas mthar gyis ri bo dge ldan du
phyin/ der dgun

chos kyi mgo rin po che dam chos dpal 'bar ba'i khri ston sa
skyong mi'i dbang po dga' ldan pas bsgrubs nas/ ri bo dge ldan
gyi khri gdan zur rgyud pa sogs kyi dge bshes thams cad 'tshogs
pa'i gral la

@017b chos kyi rje khri pas/ kho bo la phye gtor dang bcas dam
bca' zhog ces thog babs su gsungs byung ba/ de snga dogs pa tsam
dang bsam blo cung zad kyang gtong long med par/ mdo sngags
yongs rdzogs kyi dge bshes brgya

phrag mang po dang/ sde pa skyid shod pa khu dbon sogs skya ser
tshogs che ba'i dbus su lung rig gi mngon thogs par yang mi 'gyur
mod/ de lta na yang gral gyi dbus 'dir mi nus par gsol ba'am mi
sma ba'i brtul zhugs bzung na ni de

bas kyang ngo tsha/ des na skyes rabs las/ zhum pas 'phongs las
thar la mi phan gyi/ /de bas rab tu brtan pa'i sems bskyed na/
/don rnams thams cad grub pa lag na yod/ ces gsungs pa'i ngon
dran te/ dbu tshad gnyis

gtso bor byas/ bka' chen gzhan rnams la yang spyad ma stong
tsam
gyi dam bca' bzhag /dge bshes drag rim phal cher gyis nyin thog
thag bgro gleng btang kyang/ dkon mchog gsum gyi thugs rje'i
bdag rkyen gyis

khas blangs 'gal ba dang dam bca' la gnod pa gtan ma byung/ 'ga'
zhig gis khyab hrul bcas nas brgyugs pa sogs la'ang de kha'i lan
lon par byas pas phyogs las rnam par rgyal ba'i grags pa thob/
gnas der

slob dpon rin po che mkhyen rab dbang phyug /rje btsun nam
mkha'i mtshan can gyi drung du/ gtso bor dus kyi 'khor lo'i dbang
yongs rdzogs/ bsdus rgyud/ 'grel chen/ dbang mdor bstan sogs kyi
lung yongs rdzogs/ bde

@018a @#/ /mchog dril bu phyi nang gnyis kyi dbang/ kyai rdor
thod pa can dang mtshon cha can gnyis kyi dbang/ 'khor chen gyi
dbang/ rta mgrin yang gsang gi dbang/ bde mchog nag po pa'i
dbang/ gshed dmar lha

lnga; bka' gdams thig le bcu drug gi dbang/ kun rig gi dbang
sogs rnal 'byor rgyud kyi dbang 'ga' dang/ tshe dpag med/ mi
'khrugs pa sogs bya spyod rnams kyi dbang mang po dang/ dmar po
skor gsum gyi rjes gnang

dang; gsum ka'i gdams pa yongs su rdzogs pa'i lung/ bde mchog
dkar po/ phag dkar shes rab gsal byed/ sna tshogs yum/ lha mo
shra ma Na/ dur khrod bdag po yab yum/ lha mo phyag bzhi ma/
rnam sras ser

chen gyi rjes gnang/ bka' gdams gzhung drug /bka' gdams chos
'byung/ bu ston chos 'byung/ dpe chos rin spungs rtsa 'grel/ rje
rang nyid kyis mdzad pa'i 'jigs byed kyi bskyed rdzogs/ shes
spring/ tshig gsal

'jug pa'i rang 'grel/ lam rim chen mo rnams kyi lung zhus/ slob
dpon rdo rje 'dzin pa dge 'dun rgyal mtshan pa'i drung du/ 'dus
pa'i 'grel pa bzhi sbrag gi lung bshad/ rje dge 'dun rgya mtsho'i
gsung 'bum thor bu

bas mtshon/ gsung rtsoms thams cad kyi lung/ tshe dbang/ phyag
rdor u tsa/ rnam sras ser chen rnams kyi rjes gnang rnams zhus/
slob dpon rin po che rnam rgyal dpal bzang ba'i drung du/ rgyud
pa rnams dang lhan cig

@018b tu gsal sgron gyi bshad lung/ bod du 'gyur pa'i 'dus pa'i
bshad rgyud rnams kyi lung/ tshal lugs kyi mgon po phyag bzhi
pa'i dbang bzhi yongs rdzogs rnams zhus/ khri thog pa sems dpa'
chen po dam chos dpal

'bar ba'i drung du/ khros nag gi dbang dang/ nam mkha' sgo
'byed/ skal ldan skor gsum gyi lung sogs gcod skor yongs rdzogs
zhus/ de dang de dag gi tshe don gnyer can mang po la chos ci
rigs pa mang du bshad dgos

pa'ang byung/ de dus yer pa dang/ tshal gung thang gi gnas mjal
kyang zhib tu byas/ yer pa bzhag bdun bsdad ring dge sbyor la
brtson par byas shing/ drung pa bsam gtan pa sogs dge slong ri
khrod pa mang po la lam

rim dang blo sbyong gi khrid pog /phyir lam tshal yang dgon gyi
mgon po des byin gyis rlobs pa'i mtshan ma ston pa dang/ lhag par
gung thang gi mgon po'i zhabs la bzung nas 'phrin las bcol ba na
zhabs 'gul bskyod

mdzad pa byung ba phyis ya mtshan par nges/ slar bde bar dben
dgon du 'khor/ dga' ba zhes pa chu 'brug de'i dbyar gnas la bla
ma slob dpon dang bka' bcu rab 'byams sogs dge ba'i bshes gnyen
chos nyan pa mang po

'dus pa'i thugs bzheng lam rim 'bring po khrid dang sbyar/ mdo
dang rgya gzhung mang po'i lung gis brgyan/ gzabs bshad byas pas
dge ba'i bshes gnyen rnams lhag par dgyes/ sgo mangs slob dpon
gzhu khang rab

@019a @#/ /'byams pa na re/ ngas dge ldan khri gdan zur sogs dbus
gtsang gi bla ma mang po la chos nyan/ mgo bo shin tu 'khregs pa
cig yin kyang/ khyod la gzhan las dad pa mchog tu skyes zhes
zer/

ston mtshams bsdams nas dkyil 'khor chen po 'ga' zhig gi bsnyen
pa byas ha cang gnad du 'gro ba rang yang ma byung/ lnga mchod
chen mo grol/ sku mdun blo bzang pa yang dbus nas byon te/ rje
btsun bla ma sangs rgyas

ye shes kyi nang rten rje nyid kyi sku 'bag gser zangs las grub
pa mi tshad che la gtogs pa bzhengs nas rnam 'gyur zhes pa'i lo
nang du rdzogs par grub ste/ dpal 'khor lo sdom pa'i rdul tshon
gyi dkyil 'khor du rab

gnas rgyas par byas shing bzo bo rnams kyang yon gyis mnyes par
bgyis so/ /rten bzhengs grub 'phral du da ni skye ba 'di la
bltos pa'i rnam g.yeng dang 'dres pa'i bya ba byed dgos kyang
de tsam gyis mjug bsdus/ tshe

'di don gnyer gyi mi dang mi 'phrad/ 'jig rten chos brgyad kyi
rnam rtog dang mtshams po che bcad nas/ tshe dang bsgrub pa
mnyam
pa zhig bya'o snyam du yid la bcangs shing/ sku mdun blo bzang
ba dang yang bgros te/ khong

dpon slob dbus phyogs la bteg /de 'phral mtshams yang dag par
bsngams/ thun mtshams su dpe lta ba sogs kyang ma byas par zla ba
drug bdun gyi bar dge sbyor la brtson par byas pas dge sbyor la
brod pa brnyed

@019b 'di kha'i rgyun lo gcig gnyis skyong rgyu byung na lam sna
zin pa la tshegs mi yong ba 'dug sems pa'ang shar/ 'on kyang gegs
kyis de'i bar du gcod pa'i rtags su snang bas/ bar skabs zhig tu
deng sang gi skabs tshun chad

kyi 'byung 'gyur rmi lam du gsal ba yang yang byung bas ji ltar
snyam du cung zad blo yang ma bde/ de lta mod kyis nying 'khrul
la nges pa ci yod/ sngon gyi dam pa mang du thos pa rgya mtsho'i
pha rol tu son pa rnams la 'gran par ga la

bzod/ gzhan ma dus skabs kyis mdo rgyud dbang lung man ngag
sogs
mang du thos pa bsags pa'ang de tsam yin/ sngar gyi dam bca' las
g.yel ba med pa zhig bya'o snyam du rgyun pa'i rnal 'byor nyams
su blangs pa'i

tho rangs rmi lam du rje rin po che tsong kha pa mdun gyi nam
mkhar byon nas/ rang dang gzhan la phan pa'i phyir/ /thos pas
ngoms par mi bya ste/ /sa gsum brnyes pa'i sems dpa' yang/ /thos
pas ngom pa med la bltos/ /

zhes gsungs pa zhig gsal bar byung/ ring por ma lon par phyi
nang gi rkyen gyis mtshams mi 'dod bzhin 'grol dgos byung/ rmi
lam dang bstun/ da dung dbang lung ma thob pa 'ga' nyan par 'os
pa byung na nyan cing/

gzhung chen mo'i rtsa 'grel rnams la'ang zhib tu dpyod pa'i mdun
pa bskyed de/ mngon rtogs rgyan/ rgyud bla ma/ rtsa ba shes rab/
rin chen 'phreng ba/ rig pa drug cu pa/ shes pa'i sbring yig
/bzhi brgya pa/ dbu ma 'jug

@020a @#/ /pa; bslab btus rtsa ba/ byang chub sems dpa'i spyod pa
la 'jug pa/ byang chub lam sgron/ blo sbyong rtsa ba 'ga'/ 'dus
pa'i rtsa rgyud/ bde mchog rtsa rgyud/ rtag gnyis/ dus 'khor
bsdus rgyud bsdus

pa; mgon po'i rim lnga sogs gzhung chen mang po la kha 'don re
mos su byas/ ston slob dpon rin po che bkra shis rin chen pas
bde mchog gi dbang 'khrid yongs rdzogs zhig dgos zhes sngon nas
yang yang byung bas/

gnas skabs su gang bab zhig tu/ mi mngon pa'i tshul gyis phebs
pa'am 'ong bar byas pa las/ na tshod kyi 'jug pa bde bar bsams/
drung gnas dar rgyas pa/ sgrub chen rgyan rin pa/ bka' bcu pa
bsod nams rin chen

gsum ma gtogs grogs dang/ zhon pa sogs kyang med par 'phur
sdings su phyin/ rje rin po che bkras rin ba/ tshogs chen mkhan
po rin rgyam pa sogs dge ba'i bshes gnyen bcu tsam zhig la bde
mchog lo i

pa'i dbang dang/ dmar 'khrid/ snar thang brgya rtsa'i rjes
gnang/ sgrol ma nyer gcig gi rjes gnang/ brgyad stong pa'i lung/
bka' gdams gzhung drug gi lung/ lam rim gyi 'khrid sogs chos kyi
rnam grangs

shin tu mang ba phul/ dam pa de nyid kyi drung du'ang/ nA ro
mkha' spyod ma'i dbang/ mkha' spyod gzhan gnyis kyi rjes gnang/
'jam dbyangs chos bskor/ zhabs brgyad pa'i rjes gnang/ gleng
'bum chen mo/ mdo rtsa

@020b sum brgya pa/ mngon pa kun las btus dang mdzod rtsa ba
'grel pa don gsal/ mdo kun las btus/ jo bo'i chos 'byung brgya
rtsa/ dbu ma rigs tshogs drug byams chos lnga 'jigs byed kyi
bskyed rim chen mo mkhas

grub thams cad mkhyen pa'i gsung gi 'phro chos rje blo gros chos
skyong bas mdzad pa rnams kyi lung zhus/ nyin mtshan 'khor yug
lta bur phan tshun re mos su chos kyi 'khor lo bskor te/ sngar
bzhin mngon chung bar dben

dgon du sleb/ de dus dben pa la shes 'dod che zhing/ da lam bya
bral gyi brtul zhugs blangs te phyir bzlog pa med pa sngon gyi
grub thob rnams dang mtshungs pa zhig byed/ de ltar byed pa la
'di nang gi lto gos tsam la

yang 'khri ba chod pa zhig ma byung na bya bral gyi ming btags
pa'i gnyis med seng ger song na ma legs so snyam du yid la
brnags te/ bcud len gyi rnam grangs du ma la goms pa nyams 'og
tu chud par byas shing/

rlung sbyor 'khrul 'khor sogs la goms pa dga' rab yod kyang/
dgun stod brag rgyar phyin nas rtsa rlung 'khrul 'khor gtum mo'i
rnal 'byor sogs la'ang brtson par byas pas zhag bdun tsam gyis
bka' brgyud pa'i lugs

kyi re sa phud btang chog pa byung/ der g.yeng ba med cing lus
sems bde bas/ mgur mang po 'then cing/ grogs 'ga' zhig la dge
bskul gyi phyir gang bder 'then pa tshig don 'brel chags pa zhig
byung ba slar yi

@021a @#/ /ger bkod pa 'di ltar/ //na mo gu ru manydzu g+ho ShA
ya/ blo gtang thub kyi bla ma dkon mchog gsum/ /rkang rus pa'i
khong nas skyabs bzungs te/ /bka' mdo rgyud kyi lam las 'ongs

pa yi; ;glu tshig gsum gyi snying gtam 'di skad smra/ /dus da lta
rang dbang yod pa'i tshe/ /don 'bras med sbun pa ma 'phyar bar/
/las byas pas 'tshed ba'i rnam dkar la/ /yid rtse gcig tu dril na
don po yin/ /tshe

'di yi mngan ma ci byas bla/ /tshe phyi ma shul ring 'jigs pa
che/ /lam bshul ring 'jigs pa'i bskyal bsu dang/ /brgyags 'dzad
med kyi grabs gshams byas na legs/ /sngar 'dod yon rol ji tsam
spyad/ /de bsams

na snying po ci 'dra 'dug /da rang nyid rang gis ma bslu bar/
/blo 'gyod med kyi gdangs drad tshags su tshud/ /rang mngal tu
zhugs pa nas bzung ste/ /dgra 'chi bdag drung du chas zin cing/
/dus yud tsam sdod pa'i skabs

med pas/ /snying dang rings kyi long yong bdud kyis bslus/
/dgung mkha' la shar ba'i 'ja' tshon de/ /gzugs mdzes kyang myur
du yal nas 'gro/ gzhon sha khrag rgyas pa'i lang tsho yang/ /dus
skad cig gis me rtag

'gyur ba'i chos/ /dbyar char sprin nang gi glog dmar bzhin/ /dus
snyigs ma'i tshe thung zhag 'ga' 'o/ /mi rgan gzhon go rim mi
'dug pas/ /phyis g.yeng med du bag zon dam po mdzod/ /gnyen
'khor g.yog sprin

@021b gyi 'du 'god dang/ /srog mi brtan chu yi chu lbur dang/
/nor longs spyod rmi lam dpal 'du bas/ /tshe rtag 'dzin gyi mdun
grabs bcom ste zhog /rten dal 'byor ldan pa'i mi yi lus/ /'di
rnyed par dka' zhing 'jig

par sla/ /dus da res lan gcig rnyed pa 'di/ /don mdo med du
gtang na smyon pa yin/ /yul yul can gyi chos rnams ji snyed pa/
/blos ma brtags ma dpyad nyams dga' yang/ /don dpyad na mi dmigs
stong pa'i ngang/ /dbyings

de ru rig pa gcer bur zhog /sems chags sdang rjes su ma 'brang
bar/ /rje rgyal ba'i gsung gi gces pa'i mdzod/ /lam stong nyid
snying rje'i snying po can/ /'di 'bral med du bsgoms dang yun du
dge /phyi thos bsam sgro 'dogs

mchod kyang/ /sems 'khor 'das rtsa bar gsungs pa'i phyir/ /nang
shes rgyud zhi zhing dul bar gyis/ /chos zab don gyi snying po
bsdus pa yin/ /lus snang stong tshogs pa lha yi sku/ /ngag grag
stong bzlas pa rgyun mi 'chad/ /

yid bde stong dbyings las ma g.yos par/ /pha bla ma'i rnam thar
rjes su skyongs/ /gtam 'di ltar smras pa'i dge ba des/ /khams
gsum 'khor ba'i sems can rnams/ /rgyu kun 'byung 'bras bcas
yongs spangs te/ /sku

gsum gyi go 'phangs myur thob shog /ces so/ de ltar rang lo sum
cu la nye ba'i tshe dben dgon du car mar 'dug cing/ de la brten
nas che gnyan dang sde snod 'dzin pa mang po bzhugs mkhan yang
byung bas tshogs pa dang

@022a @#/ /phyogs gcig tu/ lam rim/ blo sbyong/ bka' gdams glegs
bam/ dpe chos rin spungs/ 'dul ba'i bslab bya/ /'jigs byed dang/
bde mchog sogs kyi bskyed rdzogs/ dmar 'khrid/ lta 'khrid/

gsang bde 'jigs gsum/ gdugs dkar sogs kyi dbang/ /snar thang
brgya rtsa'i rjes gnang/ chos skyong mang po'i rjes gnang/
bsgrub skor sogs rgyas par byed pa sogs klog pa thos bsam gyi
'khor lo dang/ ston dang

dgun gyi dus dben pa dang/ 'tshams su 'dug nas lhag pa'i lha mang
po'i bsnyen cing bsgrub pa sogs bsam gtan gyi 'khor lo dang/ sos
dang dbyar 'jug nyang stod/ shab shangs thon sogs ci rigs su
phyin nas

chos dang 'thun par sde dpon rigs dang ban skye'i tshogs mang
po'i bzhed pa 'gengs pa sogs bya ba las kyi 'khor lo la'ang
brtson par byas/ de dag gi skabs su'ang/ dam pa'i 'gro ba gnyis
yin te/ thams cad phun sum

tshogs pa'am/ /yang na nags su gnas pa'o/ /zhes 'byung ba ltar/
rab mi gral nas bud de/ mang du thos pa nags kyi nang dag tu/
/lang tsho yol ba rnams kyis gnas pa bde/ /zhes bka' stsal ba
ltar/ gzhan

gyi don du rang don gtso bo ltar bsgrub pa'i sgrub pa cig byed/
de min rang don gyi 'khri ba bcad de bstan pa dang sems can gyi
don phun sum tshogs pa gang rung gcig bsgrub par bya'i/ de gnyis
gang yang ma yin pa'i gson

@022b pa tsam las shi ba legs so snyam du blo la yang yang byung
zhing/ de dang 'thun par bla ma dkon mchog la yang snying nas
re
dogs dang bral ba'i gsol ba 'debs pa mang du byas te 'di ltar//
//na mo A rya mai

tri ya/ steng dga' ldan lha brgya'i gtsug rgyan du/ /rje sa
bcu'i dbang phyug mi pham mgon/ /dpal nam mkha' dri ma med pa
dang/ /pha mnyam med 'jam dpal snying po'i zhabs/ /sras dpag med
sems dpa'i 'khor

dbus su/ /chos theg mchog dga' ston 'gyed pa nger/ /bdag gdung
ba'i sems kyis gsol 'debs na/ /thugs brtse ba'i lcags kyus
drangs su gsol/ /dus ding sang bstan pa'i gzugs brnyan 'di/ /lar
yid

la brnags kyang phan pa med/ /don de phyir yid dga' chos 'dzin
du/ /dus myur ba nyid du bgrod par smon/ /tshe 'di snang 'gags
pa'i de ma thag /rje rgyal tshab chos kyi mdun sa der/ /yid dang
ba'i rlung gis rab 'phangs

nas; ;chos theg pa che la spyod par shog /tshe 'di nang rang
gzhan don 'grub pa'i/ /las mthu dang ldan pa ma mchis na/ /pha
khyod la thugs rje tshad med pas/ /dus da lta gnas der drang du
gsol/ /mi kho bo'i 'di phyi'i

bde legs kun/ /rje bla ma khyed rnams mkhyen lags pas/ /dus 'di
nas byang chub ma thob bar/ /lam ngan pa'i g.yangs las skyabs
su gsol/ /ces bya ba la sogs pa yi ger bris pa yang du ma yod/
de kha'i dus

@023a @#/ /nas da lta'i bar dben dgon rang du bsdad rgyu byung
na/ deng sang bsgrub sde dbus gtsang gi longs na bzang ba zhig
yong tshod du 'dug /de nas rnam 'phyang zhes pa'i lo chos grwa
chen po gangs can chos 'phel

gyi mkhan por yong dgos tshul sde pa lhun po rtse pa dang mchod
yon thams cad kyis nan can byung/ 'phral du legs nyes kyi ltas
sogs ci yang ma byung kyang/ sngon paN grub gsum gyi rnam thar
yang yang mthong bas

rkyen byas khro phu'i byams chen de dngos su yang mjal/ 'di nyid
du 'dus pa'i tshogs dang lhan cig byams pa'i bstan pa la bya ba
byed pa'i bden tshig dang/ smon pa rnam par dag pa bsgrub pa zhig
byung na'ang ci ma rung

snyam du yid la shar ba de yang dran nas/ lnga mchod chen mo'i
nyin chos gla chen po gangs can chos 'phel gyi khri thog tu
slebs/ tshogs pa la lam rim zab bshad dang/ de'i dus gangs can
dge bshes rags

shing mang bas/ dka' bcu rab 'byams bzhi bcu tsam gyis gsol ba
btab nas/ lam rim gyi 'khrid phog cing/ thams cad kyi ngag 'dzin
dang shar bsgom du byas/ de'i mthus de dus kyi dge bshes deng
sang

yang ri khrod du bzhugs pa dang/ 'khrid kyi rgyun skyong ba mang
du mchis/ dpyid tshogs par snar thang brgya rtsa'i rjes gnang
dang/ gnas pa paN chen mkhar brag pa/ shar byang slob dpon gnyis
sogs dge bshes

@023b drag rim nyi shu skor la dgong ja gnyis sbrel gyi ring/
rdo rje 'chang chen po'i lam gyi rim pa'i bshad lung byas nas/
mjug tu mdo sngags kyi bka' gnas kyi 'grel mchid dang rig lung
rgyun ring nyin re bzhin byung/ de'i tshe

bdag cag bkra shis lhun por blo gnyer gyi khungs byed yun thungs
pas re ba med pa yin pa 'dra/ slob dpon kun rgyam pa na re/ 'di
lta bu'i lung rig la rtsal byang ba'i zhib cha byed kyi med bsam
byung ste log rtog tu song 'dug

ces kyang gsung/ de nas khro phu'i smon lam tshugs/ de snga nyin
re mang ja gnyis gnyis las med pa'i thugs dam shin tu dka' ba'i
tshogs pa sku mnyel bar yod 'dug pas/ nged rang gis sbyin bdag
dad pa can rnams

la bskul te nyin re mang ja gsum re tsam bskol ba'i rgyun deng
sang gi bar du gnas pa 'di bzhin yin /snga sor mkhan po rnams
bzhugs sa yang/ gur chung sle'u'i lding can yin pa las/ dus der
sde pa lhun rtse

pas; kho smon lam thog yod tshe gzims khang cha 'grig zhig dgos
zhes 'phral du bsgrubs/ shes ldan dag na ning nas sprang lding
'bigs pa yin/ gangs can pa rnams la bka' drin 'di gcig pus chog
pa

'dug ces kyang zer/ sngon srol mi 'dug kyang/ skye bo stong
phrag 'tshogs pa la/ byams pa lung bstan pa'i mdo dang/ skyes
rabs thun re re'i spyi chos kyi srol gsar du btsugs/ mdor na
sangs rgyas kyi bstan pa dang/

@024a @#/ /sems can gyi phan bde rgyas pa/ bdag nyid mthong thos
dran reg tu gyur pa thams cad rje btsun gyi zhabs drung du skyes
nas/ byams bstan la bya ba byed pa'i smon pa yid ches pa
bsgrubs/ gangs

can gyi bdag bzung byed dus dbyar chos dang/ ston dus sogs rgyun
par dben dgon rang du bsdad nas bshad sgrub kyi rgyun bskyangs/
de nas gangs can kyang yun rings 'dzin mi thub/ gang byed ring
phan pa zhig bya'o bsams

nas; ka gdung gnas rnying nas drangs/ gtsug lag khang gsum gog
bong bu'i rna ba ltar song ba legs par bcos te/ kun ldan ces pa
lcags byi zla ba gsum pa'i nyer gsum la dbu btsugs te/ bir thogs
rgyal po

sman bla chos kyi rje blo bzang pa dang/ chos kyi rje dkon mchog
lhun grub khu dbon dpon slob bcu gsum tsam gyis shing rtsi dang/
seng g.yabs kyi logs bris mdzad/ de'i tshe 'du khang du tshon
'dul ba'i byis pa dang nag mo

'ga' zhig yod pa dang lha mo gnyan pas yin pa 'dra/ kho bo seng
g.yabs kyi khri stengs nas phal thog gnyis lhag tsam gyi
g.yangs la lhung pa'i steng du sngo bsang khu ba'i khrus gsol
bar gyur kyang khru gang tsam gyi g.yangs

la lhung pa'i na zug kyang med pa zhig byung/ sa ka zla ba'i
tshes lnga la legs par grub nas rab gnas rgyas par byas te tshes
bdun gyi nyin khro phu'i smon lam la byon/ gser btul ma mgur zho
bco lngas/ rje btsun dang/

@024b paN grub gsum gyis gdan drangs pa'i sku gsum so gsal zhal
gser dang/ dar yug zung gi snyan dar sogs dngos bsham yid sprul
gyi mchod pas mchod de phan bde'i rgyun du 'gyur bar sogs spyod
rgyud dang/ dam tshig gsum bkod/ rnam rgyal 'joms/

srang rgyud du phyin nas/ slob dpon rin po che rgyud chen sangs
rgyas rgya mtsho'i drung du/ 'jam rdor/ gshin rje gshed dmar nag
gnyis/ 'jigs byed lugs gsum sogs bla med dang/ rdor dbyings/
dpal rtse sogs rnal

'byor rgyud/ rnam snang mngon byang/ phyag rdor dbang bskur ba
sogs spyod rgyud dang/ dam tshig gsum bkod/ rnam rgyal 'joms/
gdugs dkar/ 'od zer can/ ston pa la khrus kyi lha mo brgyad kyis
bskor ba dang/ yang

ston pa la bkra shis kyi lha mo brgyad kyis bskor ba'i dbang
sogs/ rgyud sde bzhi'i rigs kyi dbang sum cu so lhag pa dang/
'dus pa/ bde mchog /rnal 'byor ma'i sngags btu/ sgrub thabs
brgya rtsa/ sgrub thabs rgya mtsho/

legs ldan/ stag zhon/ dung sol ma/ traka shad rigs mang po/ ba
mo/ srog sgrub ma/ dus mtshan ma/ nam mkha'i gos can ma sogs kyi
rjes gnang/ rnam sras kyi bka' mi 'dra ba bcu gsum/ de'i bi'u
bum yongs

rdzogs kyi lung rnams dang/ gzhan yang zab rgyas kyi gdams pa
zhal shes shin tu mang ba zhus/ srad rgyud na yod dus bkra shis
lhun po'i khri thog tu myur bar yong dgos pa'i rmi lam gsal ba
byung/ dang po nas

@025a @#/ /thams cad mkhyen pa bu ston rin po che la tshe rabs
snga ma rnams nas 'brel yong pa 'dra ba lhag par dad pa zhig yod
pas/ tshur lam zha lu ri mthil gnyis kyi gnas mjal zhib pa byas/
ring

po ma lon pa nying phyogs la 'gro ba shar/ dge tsha dang bstun
dpal 'khor bde chen du grwa tshang so sor 'dod chos kyi char phab
cing/ spyi thog tu bla ma slob dpon mang po dge bshes rag bsdus
rnams la bde mchog lo

i pa'i dbang yongs rdzogs byas/ slar dben dgon du dbyar gnas la
chos kyi thun dang ja tshul nar mar bsgrubs/ de yang sgrub sde
'di spyir gyi rje gong ma gnyis ka'i thugs kyi gtad sa yin pa
dang/ khyad par rang

ngos nas kyang rtsa ba'i dgon pa yin pas yid la gcags/ rje mkhas
grub sangs rgyas ye shes yan gyi phyi nang gi sprod rnams ma god
pa'i steng/ de dus lag tu byung ba'i rten gsum thams cad/ rten
khri yang thon nas

gsar du drangs te phon che ba tshar du dngar/ thub dbang gi gos
sku che ba dang/ rje bla ma'i gos sku/ 'phyar dar gsum/ gug
gting bre bo che gang lhag tsam 'gro ba bdun cha gnyis kyis
mtshon pa'i bdun tshar mang po dang/

gser dngul gyi tshags kyis mdzes pa'i dgang gzar blugs rgya bzo
khyad du thon pa/ khro zangs khal phyed tsam las gsar du
bsgrubs
pa'i mchod kong zung/ hor slog gi sbug chol bzang ba gnyis kyis
gtsos pa'i

@025b sbug sil 'ga'/ rgya dung cha gcig /gtor stegs kyi manyji
legs pa che chung/ gtsang khang dang/ 'du khang gi khyams stod
dang shar nub khebs pa'i rten khebs/ bzang bsgrigs kyi bla bre
dang/ khyams smad la ras khra'i bla bre/ rje sang

rgyas ye shes kyi dus nas dril bu dang/ rten khebs bco brgyad
tsam yod pa'i 'phro 'thud pa de gnyis sum cu so bdun re/ gos
bzang po'i phye phur dang/ 'phan dang/ gos dar gyi lda lngi'i
'phreng ba/ rnga 'ga' zhig ste/ rten mchod cha

sogs phun sum tshogs pa thams cad kyis mngon sum du gyur pa 'di
ltar bsgrubs/ kho bo car sdod kyi phan pa ma byung kyang/ de'i
dod thub rgyun gyi phan pa la bsams/ zla ba gnyis tsam mtshams la
zhugs pa'i phogs kyi thes dang/

rje gong ma gnyis kyi bka' drin bsab pa'i phyir/ gsum mchod
dang/ bcu bzhi mchod pa'i dus chen la nyin thub dang/ gzhan ma
zla ja 'chag med kyi thes dang/ gnas brtan bgres po rnams kyang
shing 'dren la 'byon pa 'o rgyal ba

yod pas/ gtso bor de la dmigs te/ phyis bkra shis lhun po dang
nang 'phrul nas snum ri yongs rdzogs spyi'i chos gzhis dang/ dus
kyi dbang gi bla brang du'ang gzhi rten cher med na bla ma yang
dka' ba 'dug pas/ gos dar

sogs spyad dngos 'gangs che bas lhan gyi sa la sgang lho byang
gnyis kyi yong sgo dang/ dpon grong nyos nas bla gzhis su sbyar
te lugs gnyis kyi sgo nas phan gdags so snyam du sems so/ /de
kha'i ston bkra shis lhun po nas

@026a @#/ /spyi sos khri thog tu yong dgos tshul gyi mi sna bka'
bcu pa sangs rgyas dpal bzang/ rab 'byams pa yon tan/ rab 'byams
pa legs pa/ chos khrims chen mo bka' bcu pa tshul khrims rnams yi

ge nan can dang bcas pa byung/ rgyu mtshan mtha' yas pa'i sgo nas
gsol ba btab cing/ sku mdun blo bzang pas kyang/ khyod bkra shis
lhun po'i grwa pa des/ gangs can gyi gdan sa byas nas/ bkra shis
lhun po'i gdan sa ma

byas na lugs gang dang yang mi mthun ces nan ches pas lo gnyis
gsum zhig byed pa'i khas lan phul/ de nas yongs su grags pa'i
kun ldan gyi lo de kha'i zla ba bcu gnyis pa'i tshes gsum/ 'dul
ba'i lugs kyi 'phag

ba ces pa lcags glang gi dgun stod zla ba gnyis pa'i dkar phyogs
kyi tshes gsum la/ chos grwa chen po bkra shis lhun po'i khri
thog tu slebs/ sde dpon rigs/ grwa rigs so so nas legs jar dmigs
pa'i tshogs chen

du mang ja zla ba 'brel ba'i dgongs ja'i thog snar thang brgya
rtsa'i rjes gnang/ sgrol ma nyer gcig gi rjes gnang/ bka' gdams
chos 'byung chen mo'i lung/ rtsa shes 'jug /mngon rtogs rgyan
rnams kyi lung byas/

dpyid gangs can du phyin nas/ dge slong lnga drug tsam dang/
'ga' zhig gsar pa dang/ phal cher mkhan po la 'dun pa'i gong
'phel phun tshogs kyi dgongs pas dge tshul phyed dang sum brgya
tsam bsgrubs/ bslab bya

@026b gnam rtse ldeng ma gleng gzhi dang sbyar nas rgyas par
bshad/ mjug tu rim bzhin tshogs pa la gsang bde 'jigs gsum ka'i
dbang bskur/ gangs can rang na yod pa'i ka cha rnams kyi stengs
bsnon pa yang mang du btab nas

khro phu'i smon lam steng du mang 'gyed bzang ba zhig byas/ de'i
lo dkon pa'i 'du shes kyis skya ser mtha' dag gi tshogs dang/
smon lam dang spyi sger gyi chos la dad 'dun mchog tu che ba
ltar/ mtho ris dang thar pa dang thams cad

mkhyen pa'i lam gsal bar byas/ spyir gangs can pa rnams dbu
mkhregs/ stang stob tu 'dun shin tu dka' ba zhig yin na'ang/ kho
bo la ni rtsa ba'i dgon pa 'debs pa po paN chen bzang po bkra
shis las kyang dad mos che ba

mdzad/ de'i rgyus gdan sa 'jog pa yang dka' mo rang yong ba 'dra
bsam pa byung kyang/ khong rnams kyi thugs la sde pa lhun rtse
pa'i dgongs pa mi khrol ba gzhir byas/ dngos su gleng brjod ci
yang ma byung bas/ gzhag bla

ba'i ngos sna tshogs pa'i tshul gyis gsar sprod gang drag byas
shing/ phyis nas kyang mgon khang du/ shab skor na yags pa'i hor
slog gi sbug chol cha gcig /hor sil shin tu bzang ba/ bkra shis
kha btags las grub pa

ston pa'i skus spras pa'i 'phan skor gnyis/ chab bum kha phye ma
zung dang/ cho 'phrul gyi tshes bco lnga la mang ja re'i gzhi
rten/ grwa tshang gnyis la chos grwa ja du ma'i gzhi rten btsugs/
deng sang gi bar lo re bzhin mang 'gyed re

@027a @#/ /yang ci thong byas pa lags/ de nas bkra shis lhun por
dbyar gnas thog tshogs par/ thams cad mkhyen pa dge 'dun rgya
mtsho'i gsung 'bum thor bu ba'i lung dang/ 'jug pa'i Tika chen
dgongs pa

rab gsal gyi lung phul/ de'i ston gser khang gong pa dpon slob
kyis gdan drangs/ dgon rgya 'og dang bcas pa la 'gro don 'phrin
las ji ltar bskyangs tshul de kha'i dus mkhan chen nor bzang rgya
mtshos bskul nas de

'phral tshig bcad du bsdebs so/ /de ltar gser khang grwa tshang
rnams kyis spyan drangs rjes/ sna tshogs dbyig gi lo'i bar gyi
ston rim bzhin dpal 'khor bde chen gyi grwa tshang zhi gnas pa/
la grub pa/ lha khang pa/ nor bu dge

ldan pa rnams kyis rim gyis rang rang gi dgon rgya 'og dang bcas
par gdan drangs te/ rnyed pa dang bkur sti bzang po 'gran pa
bzhin du bsgrubs/ skya ser gyi skye bo stong phrag mang po la
gang 'tsham kyi chos kyi char phab ste ngan 'gro'i

sgo gtan bcad cing mtho ris dang thar pa'i lam lam po che bzhin
tu byas so/ /de nas bkra shis lhun por dgun chos la 'jam dbyangs
chos skor yongs su rdzogs pa byas/ dpyid dben dgon du ri khrod
pa rnams la 'dod chos ci

rigs stsal nas/ sgrub thabs rgya mtsho dang brgya rtsa'i lha gtso
bo rnams kyi bsnyen bsgrub zhig byas/ mtshams grol nas/ sos chos
kyi rje dgra 'dul bas nan chags la brten nas shangs phur phyin/
grags che bar 'dug pas

@027b za phu'i gter lung bcu gsum pa tshun dang/ zangs tog dpal
ri/ ma tshor sogs zhib par mjal/ de'i tshe nam mkha' 'ja' tshon sna
lngas gang zhing/ mtsho 'ga' zhig las snod bcud kyi snang ba sna
tshogs shar ba thams cad kyis mthong

ba ni byung/ phyir lam cog po rtse sogs mkhas grub khyung po'i
bsgrub gnas mtha' dag mjal nas lha bzhi dril bsgrub dang/ bla ma
mgon po dbyer med kyi rnal 'byor mdor bsdus pa tsam nyams su
blangs te gnas 'brel byas pas/

gnas de dag nyams kyi 'gyur ba che zhing dmigs pa gsal ba byung/
smon lam chen mo la bkra shis lhun por slebs/ de dus thug tshul
gyi khro mo che khrol tshags ltar gyur 'dug pa/ khro zangs khal
drug cu re gsum gyi mthil

gsar du brjes shing phyis nas kyang gdan sa yun ring bas kyang
yin pa 'dra kha rgyer ma gtogs lan drug brjes shing drug pa'i
tshe ja khro chen mo gsar bzhengs byas pa snga sor tshogs che dus
ja khro gnyis gsum tsam dgos pa las/ deng

sang tshogs pa phyed dang nyis stong tsam gyi mang ja yang ci
bder thon pas las byed rnams bya ba sla zhing/ khyams stod smad
ja bzang ngan dang tsha grang mtshungs pas tshogs pa'i zhabs tog tu
gyur ces sems/ khro lugs dang po grub

mtshams nyid stong du zangs ltir bco brgyad bcos pa yang sleb
byung bas/ mang ja bzang ba dang bcas tshogs pa'i spyan lam phab
cing phul/ dbyar chos la bka' gdams glegs bam yongs rdzogs
bshad/ de'i ston sku mdun

@028a @#/ /blo bzang pa dang bcas thon gzhis kar/ bdag cag gi
ston pa'i gos sku mdzad pa brgyad ma de dang/ dben dgon du phul
ba'i ston pa'i gos sku gnyis/ phir thogs dbang po'i rnam dpyod
kyis mig gi

bdud rtsi lta bu/ byin rlabs kyi gzi byin 'bar ba gegs med du
grub/ sde pa thon pa rang gi 'phags pa'i gnas brtan bcu drug gi
gos yol gsar pa mdzad pa'i rab gnas rgyas par byas te me tog
gtor/ de nas bkra shis lhun

po'i dgun chos dang bstun nas dgongs ja'i thog skyes rabs thun
re gzabs bshad byas/ de yang snyigs ma lnga lhag par bdo ba'i
dus 'di 'dra bar ni yul rten phun sum tshogs par ban btsun sogs
kyis sbags pa med

par; gzhi tshul khrims rnam par dag pa'i dge 'dun brgya phrag
mang po dang lhan cig tu cho 'phrul chen po'i dus bzang por dkon
mchog gsum la skyabs su song zhing byang chub tu sems bskyed/
bsag sbyang gi gnad bsdus

pa'i yan lag bdun pa sngon du btang nas/ kun tu bzang po'i smon
lam tshul bzhin du bsgrubs pa ni dus skabs kyis bstan pa dang
sems can gyi don bla na med pa dang/ rang bzhan gtam gyi mdun
ma
'grub pa'i rtsa ba yin no

snyam du bsams nas thog mar mdzes byed kyi lo rta ba zla ba'i
dkar tshes gsum nas bcu drug gi bar du smon lam chen mo legs par
btsugs/ dang po mang ja re re tsam yang 'grig pa ji ltar snyam
du yid 'phyang mo nyug

@028b tu gyur kyang/ phyis ni nyin re mang ja mang dus lnga drug
tsam gtong dgos pa yang byung/ de nas bzung ste rab byung gi lo
'di nyid yan la lo nyi shu rtsa lnga song ba'i bar rten gsum
dang/ mchod rdzas dang/ dge 'dun gyi 'du 'tshogs rnyed

bkur dang bcas pa dang/ dkon mchog gi mchod 'bul smon pa yang
dag pa bsgrubs pa sogs phun sum tshogs shing gong 'phel du gyur
pa yin/ 'di ni kho bo'i tshe 'di la ltos pa'i rnam thar bzang ba
zhig yin snyam pa yod de/ dge ba'i

bshes gnyen po to ba'i rnam thar du/ bod na dge 'dun stong phrag
du ma rnam thar gcig la 'god nus pa'i dge slong yod ces/ dam pa
'di nyid rgya gar du'ang grags zhes 'byung ba ltar/ dge 'dun
stong rwa can brgal ba lo grangs de

snyed du/ thams cad mkhyen pa bsgrub pa la rtse gcig tu thugs
bstun nas 'dun pa rmad du byung ba'i rnam thar la 'god par byas
pa'i phyir dang/ ji skad du/ gang gis phyogs bcu'i zhing rnams
ji snyed pa/ /rin chen brgyan te

rgyal ba rnams la phul/ /lha dang mi yi bde ba'i mchog rnams ni/
/zhing gi rdul rnyed bskal par phul ba bas/ /gang gis bsngo ba'i
rgyal po 'di thos nas/ /byang chub mchog gi rjes su rab mos
shing/ /lan gcig tsam

yang dad pa bskyed pa ni/ /bsod nams dam pa'i mchog tu 'di 'gyur
ro/ /zhes sogs rgyal ba'i bka' tshad mar gyur pas zhal gyis bzhes
pa'i bsod nams gzhal du med pa rang gzhan gyi rgyud la bskrun
par byas pa'i phyir

@029a @#/ /ro; ;de ltar cho 'phrul chen po'i dus nyin re mos kyi
'grems pa/ yang dag par rdzogs pa'i sangs rgyas kyi mdzad pa
brgyad pa'i gos sku rmad du byung bas mtshon/ bdag cag gi ston pa
gtso bor byas pa'i gos sku

lnga; jo bo rje/ rgyal ba tsong kha pa/ rje dge 'dun grub rnams
gtso bor byas pa gsum/ rgyal ba 'od dpag med gtso bor byas pa
gsum/ rje btsun byams pa sangs rgyas tshul bstan pa'i rnam thar
rgyas par bkod pa/ bde bar gshegs pa

sman bla/ rgyal ba seng ge'i nga ro/ rje btsun 'jam dbyangs/
'phags pa spyan ras gzigs zhal bcu gcig pa/ phyag bzhi pa/ kha
sar pa Ni/ seng ldeng nags sgrol/ mi g.yo mgon po rnams gtso
bor byas pa'i gos sku/ thags grub

kyi gnas bcu dang/ bkral btags dang si hu'i thang sku du ma
bsgrigs pa'i gos sku gnyis/ dras shing drubs pa ma yin pa'i
khyad ras la bris pa'i sangs rgyas lung bstan ma ste gos sku nyi
shu rtsa gsum/ ston pa'i sku yis

mdzes par byas pa'i bkra shis kha btags bsgrigs pa'i 'phan skor
dang/ yang gong pa la lam rim bla brgyud bris pa/ bkra shis kha
btags dang rten khebs dang smad gsham spel ba'i 'phan skor dang/
yang bkras btags

sogs spel ba'i 'phan skor gsum/ bkra shis kha btags nyin bde
legs 'dom gsum ma la ding phon kha btags kyis brgyan pa'i 'phan
khyad mtshar ba cha gcig gis mtshon pa'i gos bzang po'i 'phan cha
bcu/ pye phur dang

@029b rgyal mtshan nyi shu rtsa bdun/ mu tig gi snam sbyar bdun
gyis thog drangs khyad du thon pa'i snam sbyar bcu gnyis/ dngul
gyi maNDal/ mu tig gi rten khebs phul du byung ba zhig dang/
gzhan ma rten khebs gcig /dngul gyi khrus

bum rgya bzo ma gcig dang/ gu gu shel gyi khrus bum gcig /gos
bzang po la 'dod yon nyer spyod sogs ri mor bris pa'i yug cha
gnyis dang/ lu hang gcig /ka yug la bris pa cha gcig /gos sku'i
steng du dbus su ding phon/

g.yas g.yon du bum gdan ma bsgrigs pa'i bla bre/ ding phon kha
gang pa dang kha thi bzang po dang/ gos bzang po sna tshogs pas
kun dga' ra ba yongs su khebs pa'i bla bre legs par bsgrubs/
gtsang khang dbus ma'i bdag cag gi ston

pa'i sku la gos lu hang bzang po'i snam sbyar dang/ rje btsun
byams chen la lung gi yug sum cu so bdun las byas pa'i chos gos
phul/ gzhan yang zla ba lnga pa'i smon lam chen mo'i dus su
'grems pa/ thams cad mkhyen pa dge

'dun grub pa'i dus kyi bla re phal cher yang/ dus kyi rnyings
shing ral ba dang 'thor bar gyur pa de dag kyang gsar du brjes
shing legs par bsos/ dpyid sos mgon khang chen mo'i steng du li
ma lha khang ka gnyis sngon med

gsar du bskrun nas/ ston dus shing rtsi'ang legs par grub/ li ma
lha khang gi thog ma'i bzo tshugs nas mi ring bar thon la 'gro
dgos pa byung cing/ de skabs rtsub chags che ba'i rnam pa snga
gong nas yod pa'i gegs sel

@030a @#/ /phyir gsang thabs su lha sar phyin nas gser btul ma
zho bco brgyad kyis/ jo bo rnam gnyis kyi sku yongs rdzogs dang/
gzhan ma lha khang nang gi lha thams cad la zhal gser rgyas pa
gsol/ gsol

ba btab cing byin rlabs zhus pas 'tshub 'gyur zhi ba'i rtags
khyad par can byung/ rdo rje slob dpon yin pas/ rdo rje 'chang
dge 'dun rgyal mtshan pa'i zhal snga nas gsang thabs su mjal te
zab chos 'ga' zhig zhus nas/

dben dgon du bde mchog sgrub mchod la slebs/ dbyar gnas bkra
shis lhun por byas/ dgag dbye grol nas/ srang rgyud slob dpon
dge ba'i bshes gnyen byams pa rgyal mtshan gyis/ slob dpon rin po
che rdo rje 'dzin

pa sangs rgyas rgya mtsho'i nang rten rje yab sras kyi sku
bzhengs pa'i rab gnas la yong dgos tshul snga mo nas yang yang
byung ba ltar dga' ldan pho brang du phyin nas/ dpal ldan 'dus
pa la brten pa'i spyan dbye rgyas par byas

te 'phral du bkra shis lhun por 'ongs/ 'tshams dam par bcad nas
sngar ma grub pa'i yi dam 'ga'i bsnyen bsgrub byas/ khams dangs
shing/ rtags dang mtsha nam dge ba du ma byung ba gsal bar brjod
ma spobs/

mtshams grol 'phral rta nag la phyin nas dang ldan gyi skye bo
mtha' yas pa 'dun par byas shing/ rje mgos kyi bsgrub gnas zhal
gzigs phug pa mjal bas/ gnas kyi khyad par gyis yin pa 'dra/
lhas me tog gi

@030b char phab cing tshe chu'i rgyun babs/ de'i 'og mkha' spyod
na yang dpal ldan lha mo'i logs bris byin rlabs shin tu che ba
zhig 'dug pa la me tog dor bas 'od zer kha dog sna lnga 'phro
zhing/ rnam 'gyur sna tshogs ston pa mthong/ ston

de la mchog gi sprul pa'i sku yon tan rgya mtsho yang byang
phyogs kyi brgyud nas phebs/ phyi nang gi rkyen du mas bskul te/
bkra shis lhun po'i mkhan slob thams cad kyis mjal bar byon/ lam
bar du yang mig 'phrul lta bu byis pa

ya mtshan du byed pa 'dra byung de dus rang ngos kyi bdog pa'i
dngos po'i phyag brten gzabs shing/ 'bras spungs su mang ja
'gyed dang bcas pa byas/ slob dpon pa rnams phyir thegs/ kho bo
cag la re zhig 'dug nas/ thams cad

mkhyen pa'i sprul sku la chos bka' rnam grangs mang ba 'bul dgos
tshul nan chags pa ltar/ dgun 'bras spungs rang du bsdad nas
dbang lung rjes gnang sogs lam pa ka'i sku sha'i grangs dang
mtshungs pa 'gro gang che gtso bor

ston pa'i/ thun mtshams zhar byung du 'bras spungs kyi bka' bcu
rab 'byams phal cher 'dus pa la bka' chen bzhi'i rtsa ba'i lung
yongs rdzogs dang/ slob dpon pa rnams gdan 'dzom pa la dmar
nag gnyis/ zhe dgu ma/ ro

langs brgyad skor/ dpa' gcig rnams kyi dbang byas/ de ltar sprul
sku thams cad mkhyen pa dang thog mar mjal skabs/ phyi nang gi
rten 'brel phun sum tshogs pa gegs med par rang 'grig /bdag nyid
kyang mchog tu yid

@031a @#/ /ches pa dang/ dad pa lhag par thob ste/ ji ltar bzheng
pa'i chos rnams las/ lung rgyun gyi tshogs rnams 'bul ba'i long
cher ma byung/ gzhan ma snga phyir dbang dang/ rjes gnang dang/
zab khrid man ngag zhal

shes sogs phal cher bum pa gang byo'i tshul du phul/ mchog gi
sprul pa'i sku rang nyid kyis kyang/ sku tshe mang po'i snga rol
nas/ kho bo cag la mngon par dgyes pa'i thugs kyi bag chags sad
pa ltar mdzad nas/ chos gsan

pa'i bla ma mang po'i nang nas/ bdag cag rigs kyi bdag por legs
par bzhes te/ thog mtha' bar gsum du so skye'i blo yul las 'das
pa'i rnyed pa dang bkur stis mchod pa ni/ dge bshes ston pa'i
rnam thar dri ma med pa'i

rgyun 'phrul med du nges so/ /lha sa'i smon lam grol nas dgongs
pa zhus te/ byang ra bsgreng gi gnas mjal du phyin/ khong rnams
kyi bsu ba gser 'phreng rgyas par mdzad cing rten 'brel legs
tshogs phun sum tshogs pa byung/

nang par tsha ba thon 'phral rab 'byams pa bzang rgyan pa sogs
grogs bcu tsam dang bcas/ phyi bskor la phyin nas jo bo chen
po'i sku rang byon gyi tha snyad byed pa'i mdun der ser bu phra
mo tsam yang med cing nyi ma shin tu gsal ba la 'phying

dkar ba'i steng gi mdun ngos na 'ja' sprin kha dog sna lnga zhig
kyang 'dug /de'i tshe 'ja' sprin de las byung ngam/ gtsug lag
khang gi steng ngos tsam nas byung ma nges la/ shar ngos kyi bar
snang gi mthongs nas kha dog sngo ljang lhab lhub

@031b g.yo ba zhig ne'u tso 'phur ba bzhin byung bas/ shing lo
gsar pa che ba zhig yin pa 'dra snyam/ de na de na zhes brjod pa
na gzhan rnams dbu phar ril tshur ril byed pa'i dang der/ kho
bo'i mdun gyi g.yas ngos su babs byung ba

blangs pas dar ljang sngon byang dar bzang po las kyang cung
zad
bzang zhing/ khyon che tsam zhig bzhi bltab byas nas byung bas
kun ngo mtshar du gyur kyang/ 'di ltar zhes nges pa zhig ma
byung/ phyis rgyu mtshan dang bcas pa rtogs

kyang gzhan la ma rjod par/ rje btsun sgrol ma'i sku bris te/
rje btsun byams pa'i li sku'i nang du bzhugs so/ /der ci tsam
sngod ring bsags sbyangs dang smon lam la brtson par byas shing/
ra bsgreng tshogs pa la bka' gdams

glegs bam gyi chos thun re yang bshad do/ /slar skyid shod du
sleb gtsang du 'gro bar chas kyang/ mchog gi sprul pa'i sku dpon
slob rgyal du phebs pa'i zhabs phyir dbang lung gi 'phro
bskyangs dgos tshul gyi bka' bzhin/ thog mar

gzhi sa ka bde chen du phebs/ sku mtshams zhag nyer gcig tsam gyi
khongs su thams cad mkhyen pa la rje btsun tsong kha pa chen
po'i gsung rab du ma'i dbang lung sogs phul/ mi'i dbang po
g.yul rgyal ba/ yang dgon zhabs

drung/ gung ru dbyangs dpon pa mchod yon gsum la/ bde mchog
dril
bu pa'i lus dkyil du dbang bskur nas dril bu rim lnga'i 'khrid
phog nyams len la brtson par mdzad/ de nas rim bzhin lam bar gyi
bzhugs zhag dang/

@032a @#/ /bsnyen bkur zhabs tog gi sa rnams su'ang/ 'jos bde bar
byas te/ bsnyen bkur gyi 'a 'ur la ma bltas par/ lo dgon pa sogs
bka' gdams kyi gnas rnams dang/ rgyal ba dben sa pa'i

bka' rgyud 'di'i zab chos mang po'i rgyud pa'i rtsa ba yin pas/
spangs yang dgon du/ bla ma rtogs ldan 'jam dpal rgya mtsho'i sku
gdung mjal/ rdzing phyir jo bo byams pa'i drung du zhal gser
dang snyan shal mdzes byed

rgyas par phul te/ tshangs spyod ma mang du ston nas/ gsol ba
'debs pa dang/ smon pa yang dag par bsgrubs/ 'ol ka'i gzhis kar
zla phyed lhag tsam gsung chos shin tu 'phel ba'i ngos/ chung
ngu nas mjal 'dod chen

po yod pa ltar/ rje thams cad mkhyen pa'i bsgrub gnas rgya sog
lha sdings/ chos lung/ byams pa gling sogs ched gtad mjal bas/
rje btsun bla ma de nyid kyis sa phyogs 'di dag tu/ bdag cag
rnams kyi don du spyod

lam rnam bzhi mdzad pa dang/ mdo rgyud rgya mtsho lta bu'i dka'
gnas la zhib tu dpyad pa dang/ dpyad pa mthar phyin nas/ mngon
par rtogs pa rmad du byung ba brnyes pa'i tshul bstan no snyam du
dad pa dang dga' ba skyo ba gsum ka

'gran pa bzhin du gyur to/ /mthar gyis rgyal me tog thang du
phebs nas thams cad mkhyen pa'i sprul pa'i sku'i drung du sngar
gyi chos 'phro rnams dang/ dpal ldan lha mo'i dbang bzhi sogs
phul/ tshogs pa spyi la chos 'brel

@032b dang/ ri khrod pa rnams la lha mo'i rjes gnang byas der
phyag mdzod seng ges gsar du bzhengs pa dang/ spyan drangs pa'i
gser gyi bka' 'gyur tshar gnyis/ ston pa'i gos sku chen mo dang
bcas pa la rab gnas rgyas par byas

de dus cho ga ci 'dra zhig byed kyang byang 'dren la bltos pa
med pas kho bo rang gi rang dbang du bgyid pa yin/ der mthil
dang/ dga' tshal gyi rten mjal zhib tu byas shing/ nam dus sogs
kyis mtsho zhal ma bye zhing kha char lhag par

che bas phyin pa mi legs zhes zer kyang brtson pa bskyed nas
dpal ldan lha mo'i bla mtsho blta bar phyin/ gdong gnyan gnyis
kyi mtsho yan chad/ kha bas g.yogs pas lam nyen che zhing 'grod
dkar ba 'dug kyang/ rkang thang du phyin pas

bdag nyid thams cad las snga bar slebs/ slebs 'phral mtsho
'khyags pas khebs pa de sngo mer gyis zhu nas zhal khebs 'dra ba
rim gyis bsal phyag mtshan sogs sna tshogs 'phyar ba'i skabs su/
thon nas 'bod mi don bzang

yang yod pa/ gzhan las snga ba byung nas ci 'dra 'dug zer/ mtsho
zhal legs po yod pa 'dug go mgyogs po byon cig byas/ khong byung
nas/ g.ya' mtsho 'khyags 'dug pa zer bas rkyen byas nas skad cig
de la 'khyags pas

dkar mer gyis khebs song/ 'on kyang dger bskang zhig btang/ de
nas dgongs pa zhus te/ slar log 'ol khar dpon sa la tshe dbang
dgung grangs byas nas/ phyir lam mkhar rtag brgyud/ zangs rir
sde pa rgya ri ba khri pa khu dpon

@033a @#/ /phebs 'dug pa ltar dgongs pa bzhin bar chod sel byed
kyi dbang phul cing/ mi khrom kyang shin tu che ba 'tshogs 'dug
pa la yi ge drug pa'i bsgom bzlas byas/ gdan sa thil dang bsam
yas kyi lha

khang mtha' dag zhib cing rgyas par mjal te/ skying shod rgyud
nas zla ba bdun pa'i tshes gsum gyi snga char bkra shis lhun po
ba rnams kyis kyang mchog tu gzabs pa'i bsu ba ser 'phreng dang
bcas bde bar sleb cing/ tshogs

pa stong rwa can lhag pa la mang ja bzang po/ byang dar gyi kha
'gyed/ rnam gzhag rgyas par bsgrubs/ de dus sos than dbyar gung
la reg ste tsha ba me ltar 'bar ba'i skabs su 'dug pa la/ nged
rang slebs pa'i nub rgyal khams

yongs su khyab pa'i char chen po babs pas/ phyogs lhung dang
bral ba'i skye bo mi nag dag kyang/ bkra shis lhun po'i paN chen
gyis/ bkra shis lhun po ba la dar dang/ rgyal khams spyi la nas
kyi skyes bzang po byas song ngo/ /

zhes kyal ka dag kyang byed ces 'dzer to/ /spyir gyi ni de dus
kho nar ma zad/ snga phyi mang por sos lhag par than pa'i dus su
'gro 'dug byas tshe gang dang gang du phyin pa der/ phal cher
char 'bab pa dang/ dgun dus su nyi ma dro ba

'byung zhing/ khyad par nyang stod kyi pha phu rnams dang/
'bring 'tshams lho byang/ lce lung la sogs par/ de'i sngon du bar
skabs zhig lo nyes mang po sbrel nas/ sa bcud shor bas dge mtshan
dang bral ba'i dus der/ dad can rnams

@033b kyis spyan 'dren dang bstun nas sa phyogs dang yul grong
de dang der rkang pas bcags shing/ khrom dbang dang/ rab tu
gnas
pa'i me tog gtor ba der nad rims dkon cing lo legs pa byung zhes
gleng cing/ mchog tu lce lung du mkha'

spyod pa'i mkhan slob che bgres thams cad 'dus pa'i chibs bsu
gzabs mo dang bcas yong dus/ kun mkhyen chos 'byor dpal bzang
'khrungs pa'i sa dris pas/ rgur spe zer ba 'di lags zhes/ kho bo
la ngo sprad pa na skad cig de

la shel ltar 'tsher ba'i 'od kyi phung po chen po zhig sa der
'dug pa thams cad kyi mngon sum du gzigs/ de nas bzung ste sa
bcud phebs shing bde skyid ldan pa byung zhes yul phyogs de dag
gi skye bo mtha' dag mthun par smra

mod kyang/ bdag cag la ni de 'dra ba'i byin rlabs dang mthu nus
ci la yod/ 'on kyang kho bo bla ma dkon mchog la mchog tu mi
'gyur ba'i dad pa dang ldan pas/ dkon mchog rin po che'i thugs
rje bslu ba med pa'i byin rlabs su

nges so/ /de ltar khro mo zhes pa'i lo de'i dgag dbye grol
'phral mtshams bcad/ de yang snga sor myos byed kyi lo la thon
rgyal byed chal du sde pa zhal ngo dang/ tshogs pa spyi la dus
kyi 'khor lo'i dbang bskur ba'i sngon du bsnyen pa

zhig byas zin na'ang/ lo phyi ma sna tshogs dbyig gi sos sprul
sku thams cad mkhyen pa la/ bcom ldan 'das dus kyi 'khor lo'i
dbang dgos tshul bka' nan chags pa byung bas/ dus 'khor gyi
bsnyen pa'i kha bso zhig byas pa'i

@034a @#/ /mjug tu bsdus rgyud 'grel pa dang bcas pa la zhib tu
bltas/ dgun chos dang rting skabs tshogs chen la sgrub thabs rgya
mtsho'i rjes gnang lung dang bcas pa phul/ cho 'phrul smon lam
grol rjes 'bras

spungs nas 'bod mi dos brag byung ba ltar/ dbus su phyin nas
dga' ldan pho brang gzims chung nyi 'od du nag nya dang bstun
dpal dus kyi 'khor lo'i rdul tshon gyi dkyil 'khor bzhengs te/
thams cad mkhyen pa mchog gi sprul

pa'i sku la dus kyi 'khor lo'i dbang yongs su rdzogs pa mtha'
rten dang bcas pa dang/ gzhan yang chos bka' ci rigs pa phul/
de'i tshe lho rgyud phyogs nas sde dpon du mas yong dgos tshul
grangs mang cing nan ches pas

'gro bar shar/ de dus mkhar tog /'phyong rgyas/ ri bo bde chen/
spyan g.yas/ sne'u gdong/ rtses thang/ rong cha dkar sogs su/
jo gdan tshogs chen pa'i mkhan chen gyis mtshon pa'i bla ma slob
dpon dang/ dge 'dun mang

du bzhugs pa rnams la/ dbang/ 'khrid/ lung sogs kyis phan gdags
pa dang/ gang du phyin pa de dang der skye bo'i tshogs brgya
stong du ma 'dus pa la yig drug gi lung dang/ bla ma'i rnal
'byor sogs dam pa'i chos

kyi sgra bsgrags pa dang/ sngon gyi dam pa mang po'i bsti gnas
jo bo chen po lha cig gi gdung khang bzhugs pa/ thang po che/
spyan g.yas/ 'om bu bla mkhar/ khra 'brug /rtses thang/ byams
pa gling/ slar yang bsam yas

@034b sogs kyi gnas dang rten mjal zhib tu byas/ mchod 'bul/
bsags sbyangs/ smon lam rnam dag tshul bzhin du bgyis pa sogs ni
rjes su yi rang bar 'os pa'i rnam thar tsam du mchis/ de min
'di'i dus dang/ gzhan yang

snga phyi du mar sde dpon mang pos bsu ba dang/ rnyed bkur rgya
cher bstabs pa sogs 'jig rten zang zing gi 'ar 'ur byung tshul
sgro skur dang bral ba bsam gyis mi khyab pa brjod par byar yod
kyang/ de tsam bdag nyid kyis tshe rabs

sngon mar sbyin pa btang ba dang/ bla ma dang pha ma dang nad
pa
sogs zhing bzang po rnams la nga rgyal spangs te gus par byas
pa'i rnam smin tsam du ni nges/ gzhan du 'dod khams kyi bdag po
bdud sdig can dang/ tshangs pa brgya byin

'khor los bsgyur ba'i rgyal po sogs 'jig rten gyi phun tshogs kyi
rtser son kyang/ slar yang dmyal me 'bar bas yang yang bsreg
pas/ zang zing gi 'du 'god la snying po med pa'i phyir dang/
bdag nyid kyang ston pa bu ram shing

pa'i rnam thar dang mi mthun pa sde bla'i mdzad spyod la snying
nas spro ba med pa dang/ zang zing lhur byas pa'i ngang tshul la
'phags pa rnams kyis snying rjer mdzad cing/ chos dang mthun
pa'i mkhas pa rnams kyang dgyes par mi

'byung ba'i phyir ma bkod do/ /de lta bu'i tshul gyis slar skyid
shod nas mthar gyis bkra shis lhun por dbyar gnas kyi mgo bsgang
du slebs nas/ tshogs chen la mang 'gyed bzang po dang/ gangs can
chos 'phel dang/ dben

@035a @#/ /dgon la yang de dang mtshungs shing/ gtsang gi grwa sa
che chung phal cher la mang ja btang/ dbyar gnas khongs su nyi
shu rtsa lnga rtsa lnga grangs su bcad de tshogs chen la gdugs
dkar gyi dbang rgyas par phul/

dgag dbye thon nas zhag nyer gcig 'tshams la 'dug dkon mchog rjes
su dran pa gtso bor bsgoms nas/ bsags sbyangs la brtson par byas
pas ston pa'i bka' drin dran pa'i blo bcos min shugs drag skyes
shing

zhal dkyil mngon sum du ma mthong bas yid skyo shing mya ngan
gyis sems blong blong por gyur nas tshigs su bcad pa 'di dag
smras pa yi ger bkod pa ni// //na mo gu ru mu ni intra ya/ 'jig
rten stobs

kyis mngon rlom mtha' dag gi /gtsug rgyan gzhal med nor bu'i
'phreng mdzes la/ /zhabs sen gsar pa'i zla tshes ngal bso ba/
/thub dbang lha yi bla mas dge legs stsol/ /gang sku gser gyi sa
'dzin mthon pa'i rtser/ /zhal dkyil nyin

byed rgyas pa'i 'dzum zer gyis/ /phan bde'i 'od brgya'i snang
bas srid pa gsum yongs 'gengs ston pa de la bdag cag dang/ /lan
dang rnam par smin la mi re bar/ /mgon med nyam thag rnams la
rjes brtsa ba/ /bcom ldan zhabs zung rten pa'i

padma la'ang/ /byang chub snying po'i bar du bdag skyabs mchi/
/grangs med bskal par gang gi mtshan tsam kyang/ /thos par dka'
zhing lan cig thos na yang/ /'jigs pa kun sel dge legs mchog
stsol ba'i/ /lhar bcas 'gro ba'i bla mas

@035b bdag skyobs shig /thugs rje che mnga' rgyal ba gzhan rnams
kyis/ /gdul bar ma nus dmu rgod 'dul dka' ba/ /bdag dang bdag
'dra'i snyigs dus 'gro rnams la/ /khyod las lhag pa'i mgon dang
skyabs gzhan ci/ /bde med

sdug bsngal rgyas gang srid pa 'dir/ /grogs mang gcig pur yang
yang 'khor ba na/ /nyam chung bdag gi skyid sdug legs nyes kun/
/mkhyen brtse'i bdag nyid thub chen dpa' bo mkhyen/ /skyon bral
yon tan kun gyi gter gyur

cing; ;ma bcol bar yang phan dang bde mdzad pa'i/ /rnam thar
bsams na gang gi khong nas kyang/ /yid rab dad par mi byed sems
ldan su/ /thub dbang rjes su rab tu byung gyur kyang/ /mngon sum
ma mthong sems kyi zug rdu de/ /

bsal phyir yid mtshor rgyal ba'i sku bskrun kyang/ /sel bar ma
nus slar yang ston pa dran/ /dgra dang bshes med kun la brtse
ba'i gnyen/ /thams cad mkhyen pa'i nyi ma nub ri'i phag /thos
pa'i lam du gshegs pa'i dus

mtha' 'dir/ /srog gi lhag ma gsod kyang ci zhig rung/ /des na
dbang phyug brgyad ldan mgon khyod kyis/ /ston dus dgung sngon
dbus su zla rgyas bzhin/ /bsod nams phung po'i sku dang 'dzum
pa'i zhal/ /da lta mngon sum

ston la bdag dbugs dbyung/ /rnam dkar bye ba las grub rtsibs
stong can/ /'khor lo'i mtshan mnga' dad pa'i dra ba ltar/ /rab
mdzes nor bu'i 'od 'bar zhabs sen byis/ /reg pas bdag snying
ze'u 'bru skal bzang

@036a @#/ /mdzod/ /ston pa mchog de da lta 'dir bzhugs zhes/
/nges pa min yang rgyal ba'i mdzad pa yis/ /rol pa'i zhing der
rtse cig yid gtad kyis/ /bdag cag re ba'i 'bras bu mchis par
mdzod/ /pha rol

bskyas chen 'degs par phyogs pa'i tshe/ /bsod nams brgya phrag
las 'khrungs gser sbyangs kyi/ /glang po'i sna ltar mdzes pa'i
phyag g.yas de/ /bdag gi spyi bor mngon sum bzhag tu gsol/ /gal
te sngon gyi las ngan

dbang btsan pas/ /srid pa nyam pa'i gnas su lhung gyur kyang/
/yid la shAkya'i gtso bo dran pa dang/ /thub mtshan rna bar thos
dang 'bral ma gyur/ /'jigs dang sdug bsngal brgyas nyen sdug
pa'i bu/ /brtse ba'i pha yis

bsams shing dor ba ltar/ /nyam chung skal ngan bdag cag yal bor
nas/ /lhar bcas ston pa mchog de gang du gshegs/ /'on kyang thub
pa'i mkhyen brtse nus pa la/ /sgrib thogs mi mnga' 'phongs pa'i
gnyen gcig ces//

bden pa gsung ba'i bka' yi 'thor 'thung gis/ /sten dang bral
ba'i tsha gdung cung zad bsal/ /de bzhin bu ram shing pa'i lugs
bzang rnams/ /bdag la dngos su 'doms pa'i bla ma'i tshogs/ /mgon
de'i ye shes sgyu

ma'i rnam rol du/ /bsams shing dran pas yid kyi ngal bso thob/
/zas gtsang sras kyi mdzad pa'i cha shas tsam/ /rgyud nas mthong
thos dran pa tsam gyis kyang/ /dad dang mos dga'i phun tshogs 'di
'dra na/ /mngon sum

@036b mthong na e ma ci 'dra zhig /bde bar gshegs pa'i snang
tshul phra mo 'ga'/ /yid la shar tshe dad dang gdung ba yis/ /myos
pa'i bla brdol me tog 'phreng ba 'di/ /yid kyi gdung ba sel
phyir mgon pos bzhes/ /de las 'ongs

pa'i dge chogs ku mud ta/ /zla shel dung ltar dkar ba ci thob
pas/ /thub dbang gang du bzhugs pa'i zhabs drung du/ /skyes nas
'bral med rjes su 'dzin gyur cig /ces pa'o/ /de kha'i ston
'bring 'tshams dang lce lung phyogs

su phyin nas skya bo brgya phrag mang po bsnyen gnas smyung
gnas/ srog gcod spong ba/ gzungs sngags sogs bzlas brjod kyi dam
bca' lan pa sogs dge ba la bkod cing/ khyad par mkha' spyod du
tshogs pa la dpal gsang ba

'dus pa mi bskyod pa'i dbang bzhi yongs su rdzogs pa dang/ gzhan
yang 'dod chos mang du byas/ de yang nyang stod nas bzung lha
rtsa khog brgyud nas lci lung gi bar gang dang gang du phyin pa
de dang der/ khrom chen

po ble bur du 'tshogs cing ring po mi thogs par 'gyes pa dang/ de
dag gi nang nas mang po zhig ni gnyen bshes yid du 'ong ba dang
bral bas mchim dang bcas bzhin bsngo ba zhu ba dang/ 'ga' zhig
ni lang tshos rgyags

shing 'phyor sgeg dang bcas pa dang/ la la ni rgas shing rgan po
'chi kha ma la gzigs shig ces snying rje rje ltar du 'dug pa
dang/ mang po ni ma brtags nyams dga' bas bzhad brgad dang bcas
te 'dug pa dang/ phal cher

@037a @#/ /ser snas bsags pa'i dngos po bdag nyid la re ba'i sems
kyis 'bul ba mthong bas 'khor ba thog ma med pa nas lta ci smos/
tshe thung 'di cig pu la yang gnyen bshes dang dar rgud khrom gyi
'du

'tshogs dang/ gzhon pa'i lang tsho nam mkha'i 'ja' tshon dang/ ser
snas bsags pa'i nor rdzas sbrang ma'i sbrang rtsi dang 'dra ba
'di ltar mngon sum du gsal bar ston pa'i slob dpon no snyam du/
skyo zhing yid shin

tu 'byung bar gyur nas sems la gsal bar rdzogs pa phyis dal
skabs bris pa 'di ltar// //na mo gu ru manydzu g+ho ShA ya/ dus
gsum sangs rgyas kyi ngo bo/ /bka' drin gsum ldan gyi bla ma/
/'bral

med spyi gtsug tu bzhugs las/ /byin rlabs dngos grub kyi char
phob/ /yid 'ongs snying grogs dang mdza' bshes/ /nges med 'du
'bral gyi rol pa/ /dbyar dus dgung sngon la 'khrigs pa'i/ /mi
rtag lang long gi chu

'dzin/ /ngal ba brgya phrag gis bsgrubs pa/ /srid pa'i phun
tshogs kyi dga' ston/ /lho phyogs dri bzhon gyis bskyod pa'i/
/padmo'i 'dab steng gi zil pa/ /chags ldan byis pa yi dga'
bskyed/ /yid 'ong gzugs

mdzes kyi lang tsho/ /ngan skyugs bshang gci yis gang ba'i/
/dbyibs legs mi gtsang ba'i bum pa/ /ding sang 'dzam gling gi mi
tshe/ /rgan gzhon go rims kyi nges med/ /shugs drag rlung dmar
gyi nang gi /mar me ji

@037b bzhin du 'dug pa/ /srid gsum sgyu ma yi grong khyer/ /bde
med sdug bsngal gyi 'byung gnas/ /thar med 'jigs rung gi btson
rar/ /lcags khang 'bar ba yi rang bzhin/ /stong gsum zas nor la
dbang yang/ /sgren mo lag

stong du 'gro 'di/ /mya ngam nyam thag gi thang la/ /gcig pur
dgra bo yis bcoms 'dra/ /nyon mongs las ngan gyi shugs kyis/
/'di nang 'dod yon la zhen pa/ /mi gtsang phung po la chags
pa'i/ /gdol pa khyi phag gi rnam

thar; ;ci drag sangs rgyas dang byang sems/ /dam pa'i skyes bu
rnams thegs bzhud/ /blun po bdag nyid kyis nyes pas/ /da dung
btson ra 'dir lus byung/ /mtha' med sdug bsngal gyi rgya mtshor/
/grogs med gcig pu ru

'gro tshe/ /skyabs gnas bla ma dang dkon mchog /phan pa dam chos
las med pa'i/ /tshul 'di snying khong nas ma dran/ /bag med gu
yangs kyi spyod pas/ /nyin mtshan don med du 'da' ba/ /sems med
yang na ni smyon pa/ /nam

zhig 'chi bdag gis bzung nas/ /'jigs skrag sdug bsngal gyis gzir
cing/ /ngan song 'khrul snang kun shar ba'i/ /dus der 'gyod po
cig 'byung bas/ /bsam blo da lta nas thong la/ /sgo gsum dam pa
yi lam bzang//  

nyin mtshan khor yug tu bsten la/ /thar pa'i grong khyer du
bsnyegs shig /ces pa dang/ rang nyid kyi spyod tshul la yang yid
skyo nas 'di ltar// //na mo gu ru manydzu g+ho ShA ya/ gsum ldan
gyi bla ma rdo rje 'dzin/ /bdag

@038a @#/ /snying gi padmo'i dbus bzhugs la/ /byang chub kyi
snying por mchis kyi bar/ /'bral med du rjes su bzung du gsol/
/thog med nas tha ma da lta'i bar/ /'jigs rung gi 'khor ba'i
btson khang 'dir/ /las

nyon gyi lcags sgrog dam pos bcings/ /sdug bsngal gyi gshed mas
yang yang gtses/ /ngan song gi gnas su gtan yul byas/ /tsha grang
gi sdug bsngal drag pos mnar/ /rang sha dang rnag khrag grangs
med zos/ /brdeg

'tshog gi mnar shing ngal thag bcad/ /lan 'ga' mtho ris kyi rten
thob kyang/ /skyid 'dod kyi sdig pa'i las byas pas/ /ngan song
gi yul du yang yang log /bde med kyi sdug bsngal brgya phrag
myong/ /da dung kyang nyon

mongs chu klung 'di/ /bzlog nges kyi chu lon ma sgrubs na/
/mtha' med kyi srid pa'i rgya mtsho 'dir/ /nyam thag gi klong du
bying nyen gda'/ /bar snang gi glog 'dra'i tshe thung 'di/ /skyid
pas kyang mi 'tshed sdug mi phung/ /

mnar med kyi khro chu khol ma'i nang/ /yun ring du bsregs na e
bzod soms/ /dal 'byor dang ldan pa'i mi lus 'di/ /don med kyi
bya bas dus 'da' ba/ /rin chen gyi gling nas lag stong du/ /gcer
bu ru rang khyim ldog

pa bzhin/ /tshe thung 'di ci ltar byas kyang phyid/ /byang chub
'di phyis nas brnyed par dka'/ /skyid sdug gi 'dam kha da res
byung/ /bsam blo de snying gi dkyil nas thong/ /dbyar dgun sogs
nam zla'i 'gyur ldog dang/ /skya

@038b ser gyi skye bo'i 'chi lugs sogs/ /mngon sum du mig gis
mthong bzhin du/ /ji snyam yang mi sems rtag 'dzin can/ /gnyen
bshes dang longs spyod kun bor nas/ /'chi bdag gi gshin rjes
dbang med khrid/ /rgyus med

du gcig pur 'gro ba'i tshe/ /phan nges de dam chos kho na rang/
zhes smras so/ /de'i dus zangs kyi 'bul ba rgya cher byung bas/
/dgun chos kyi dus su/ gtsang khang dbus ma byang chub chen po'i
dbu thog tu lcags srang gi zangs khal

brgya dang lnga/ mgur mo'i gser zho lnga brgya las grub pa'i
ganydzir/ rtse ba'i sboms su 'dom lnga dang/ dkyus su phal thog
gsum tsam yod pa bzo khyad phul du byung ba bzhengs/ de dang
dus
mnyam du zangs rnying la li 'dres

pa lcags srang gi khal bco brgyad dang/ pad gdan la zangs khal
gcig dang/ gser srang gang dang/ khri khro khal nyi shu las grub
pa'i rje btsun byams pa'i sku dang/ dngul srang brgya las grub
pa'i bdag cag gi ston pa'i

sku dang/ de dang sku tshad mtshungs par jo mo rdzong pas sbyin
bdag byas pa rgyal ba seng ge'i nga ro'i sku gsum legs par
bsgrubs/ khyad par rje btsun gyi sku 'di ni lugs su blug pa'i
tshe bdag cag sku mdun sman thang pa

dang bcas/ mngon sum du bzhugs pa las/ li dang 'dres pa'i zangs
zhun lugs su blug tsam nas tsheg sgra dang tog sgra rna ba 'geng
pa lta bu dang bcas/ lugs kha nas zangs zhun khol cing 'thor bas
bzo gra bar

@039a @#/ /mtshams med par khyab/ par gyi nang du gtan ma song ba
'dra bas/ bal po rnams kyang ngo 'dzum gnag cing/ bal skad du
lugs nyes pa'i ca co'i sgra sgrog /gzhan rnams ci bya gtol med
du gyur te/ cang

mi smra ba'i skabs/ kho bos ci 'dra byung yang mi shes/ par
bshig la gzigs dang/ zhes bskul nas/ grangs su bzhugs long yang
med par/ bsil ba'i chab mang pos tsha reg bcom ste/ par bshig pa
na rje btsun

gyi sku bkra lam mer byung bas/ thams cad kyang shin tu ngo
mtshar ba dang mngon par dga' bas myos nas a la la zhes brjod
par byed do/ /mdor na de'i dus su zil dang 'jigs pa'i rnam 'gyur
gyi cho 'phrul ya mtshan

shin tu che ba dang bcas 'phags yul dbus kyi li ma'i 'gran zla
rang byung lta bur byon/ rgyu mtshan de dag gi phyir dang/ spyan
dbye'i ye shes pa dgug gzhug gi dus su bltas dang mtshan ma phul
du byung ba du ma mngon du

gyur pa'i rtags las na rje btsun gyi sku 'di nyid mthong thos
dran reg gis 'gro ba rnams skyob par nus pa phan bde'i rtsa lag
tu gyur pa yin no/ /de ltar sku gsum ganydzir dang bcas pa legs
par grub ste/ dben dgon

nas dge slong ri khrod pa nyi shu gdan drangs/ chos grwa chen
po'i mkhan slob rnams dang bcas dpal rdo rje 'jigs byed kyi rdul
tshon gyi dkyil 'khor bzhengs nas/ rab tu gnas pa rgyas pa nyi ma
lnga'i bar mdzad cing grol

@039b ba'i nyin tshogs chen la rab ston mang ja 'gyed bcas gya
nom pa/ bzo rigs pa rnams la gser ji snyed song ba dang 'thun pa
sngon gyi dam pa'i bka' bcad dang mtshungs pa bgyis pa sogs zhib
par dkar chag rgyas pa logs

su bkod pa ltar ro/ /de dus slob dpon pa rnams kyi gsol ba nan
gyis btab pa la brten nas/ tshogs chen la rdul tshon gyi dkyil
'khor de nyid du dpal rdo rje 'jigs byed kyi dbang bzhi rgyas
par phul/ dbyar gnas grol 'phral

bdun phrag gsum mtshams byas bsnyen bsgrub sogs kyi bcad rgya'i
nges pa med par lam gyi rim pa'i bsam sgom 'dra byas pa'i skabs
sngon chad bla ma'i ming btags chos brgyad dang 'dres pa'i rnam
g.yeng gi gzhan dbang du

song; sbyin pa'i rnams kyis sen mo dkar dmar gyi steng nas bcad
pa'i dad rdzas dang gshin rdzas rnams chud ma 'dza' tsam e yod
bsam lha khang dang rten bzhengs sogs blos ci lcogs bgyis shing
bstan pa dang gzhan don

yin rgyu'i khungs kyi dbang bskur lung 'khrid sogs chos bshad
mang du byas mod kyang/ nges 'byung dang lta ba rnam dag gi
rtsis zin pa ni shas cher dka'/ de gnyis ci rigs pas ma zin pa'i
zag bcas kyi dge ba rgya cher byas kyang/ /

'khor ba'i 'khor lo bskor ba kho nar 'dug /srid pa'i phun tshogs
ji tsam thob kyang skye rga na 'chi rgud pa'i sdug bsngal gyi me
rab tu 'bar bas skad cig tsam yang bzod glags mi 'dug /mi bzod
bzhin du 'jigs pa chen po lnga

@040a @#/ /po 'di las thar pa'i thabs la brtson par mi byed pa ni
kye ma kye hud bdag la snying med pa'am smyon pa dngos so snyam
du/ 'khor ba'i phun tshogs thams cad kyang sdug bsngal gyi rang
bzhin du mthong ba'i blo

rang gi ngang gis skye ba zhig byung cing/ don de dag yi ger
yang bris pa ni 'di ltar// //na mo gu ru ma nydzu g+ho ShA ya/
skyon bral yon tan kun gyi mchog mnga' ba'i/ /zla med ston pa
shAkya'i rgyal po dang/ /dbyer med rje

btsun bla ma'i zhabs pad la/ /byang chub snying po'i bar du
skyabs su mchi/ /nyon mongs chu bo las ngan rba rlabs can/
/shugs drag dbang gis skye ba'i rgya mtsho cher/ /kye ma yang
yang nying 'tshams sbyar ba'i tshul/ /rgyun du

legs par soms dang shes ldan dag /mdog stobs gzi nyams mi sdug
rnying pa'i lus/ /yid 'ongs yul brgya 'tshogs kyang spyod mi nus/
/dran dbang blo nyams 'gums par mngon phyogs pa/ /'jigs rung
rgas

pa'i tshul 'di grogs dag ltos/ /'byung ba 'khrugs pa'i zug rngu
rgyas gtses pas/ /nyin mtshan mi 'khyol 'dod rnams bsten dbang
med/ /bcos kyi mi phan 'chi bar shes shing 'gyod/ /thar med nad
kyis gdungs 'di

kyi tung 'jigs/ /phun tshogs bde skyid 'byor ba'i pad tshal yang/
/bsod nams min pa'i glang pos bcoms pa na/ /mya ngan me 'bar
shin tu ya nga ba/ /kye ma 'jig rten rgud pa'i tshul 'di ltos/
/yid 'phrog gnyen 'khor

@040b lus dang longs spyod sogs/ /'byor pas dregs kyang sgren mo
lag stong du/ /grogs med myur du 'jig rten pha rol tu/ /glo bur
'chi ba 'di ko mkhas pas soms/ /stobs dang dpung gis bzlog pa'i
skabs med cing/ /rdzas sngags

nor dang mdzes mas bslur med pa'i/ /'jigs rung dus kyi chad pa
rnam pa lnga/ /thog ltar 'bab po mkhas pas bag yod bsten/ /srid
pa'i rtse mo nas bzung dmyal ba'i bar/ /kun la 'dod dgur dbang
byed rgyal po lnga'i/ /snang

tshul dran tshe cung zad yid skyo bas/ /blo bzang chos kyi rgyal
mtshan zhes byas smras zhes bya ba yang bkod/ /de yang skyid
kyang mi 'tshengs sdug kyang mi phung ba'i dgun nyi dang 'dra
ba'i tshe thung 'di'i lus srog longs spyod la gnod pa

byed pa'i skye bo la'ang/ dgra'i gtso bor 'dzin par byed na
'khor ba thog ma med pa nas mgal me'i 'khor lo ltar rgyun mi
'chad par skye rga na 'chi rgud pa'i sdug bsngal 'bar ba'i ral
gri rnon pos 'debs pa'i byed pa po ni/ rang

rgyud kyi nyon mongs pa dug gsum po yin pas/ de nyid phyi rol
gyi dgra bo thams cad kyis dper mi phod pa/ 'jigs pa dang ya nga
ba dang sdug bsngal thams cad kyi 'byung gnas/ gshed ma bur
rdzus lta bu'i dgra bor bzung ste/

'dem bya'i gtso bor shes nas/ 'bur 'joms byas shing/ de dang
mthun par 'phags pa'i dbyangs su bsdebs pa'ang 'di ltar// //na
mo gu ru manydzu g+ho ShA ya/ rgyal dka' dug gsum g.yul las
rnam rgyal ba'i//

@041a @#/ /drang srong chen po de la gus 'dud kyi/ /nyon mongs
'bras dang zug rngu 'chi bdag ltar/ /kun gyis mthong zhing rtogs
par byin gyis rlobs/ thogs med goms pa'i rgyun gyis stobs ldan
zhing/ /tshul

min yid byed bsir bus cher bskyod pas/ /sdig sdug gtam ngan rba
klong rab 'khrug pa'i/ /nyon mongs chu bo'i rgyun 'di bcad par
dka'/ /thub pas smad cing 'phags tshogs kun gyis spangs/ /bsten
pa tsam gyis

'bad rtsol mi dgos pa/ /rang gi ngang gis 'thur nas 'thur 'gro
ba'i/ /kye ma bzlog dka'i zag rgyun shugs re drag /dga' mgu'i
zol gyis bdag yid khrid khrid nas/ /ring por mi thogs thar med
btson khang du/ /

brgya phrag sdug bsngal dung mo'i dka' thub dag /ster byed nyon
mongs las gzhan yod re kan/ /gang zhig reg na rdo rje'i ri rab
kyang/ /yud tsam zhig gis thal bar brlag 'gyur ba/ /rab tsha mnar
med 'bar ba'i me nang

du/ /bsreg pa'i rgyu gang 'di las gzhan pa ci/ /mtha' dang dbus
med 'jigs rung skyi g.ya' ba'i/ /mi bzad 'khor ba'i 'brog dgon
nyam nga bar/ /skyabs med mgon med lan gcig ma yin par/ /yang
yang nying 'tshams

sbyor ba'ang nyon mongs dbang/ /bsten cing goms na dam pas khrel
'gyur zhing/ /thar pa dam pa'i dpal dang gtan bral byed/ /bdud
rnams dga' ba'i gnyen gyur nyon mongs tshogs/ /'di la shes ldan
su zhig dgrar m  

@041b blta/ /de bzhin sdig tshogs mtha' dag 'bod pa'i grogs/
/mtha' bral srid pa'i rgya mtshor 'jug pa'i rgyun/ /ngan song
gsum du 'gro ba'i sgo mo che/ /'di ko thabs tshul stong gis 'gegs
pa'i rigs/ /tshe 'di'i lus srog

lan gcig ma yin par/ /lan brgya stong du 'joms byed gang gis
kyang/ /dper 'os min pa'i nyon mongs dgra bo la/ /yid rab rton
pa de dag phyugs las phyugs/ /de phyir khams gsum rgud pa'i
'ching ba las/ /rnam grol

'chi med bdud rtsi'i dpal thob ste/ /bde dga' rgya mtshor 'jug
'dod mkhas pa dag /dug gsum g.yul las rgyal ba'i dgra thabs
bsten/ /rigs tshul 'bum phrag rno ba'i ngar ldan pa/ /stobs ldan
gnyen po'i

ral gri rab 'bar bas/ /bzlog dka'i nyon mongs dgra tshogs srog
'phrog pa/ /e ma ho 'di dag mkhas pa rnams kyis bsngags/ /bdag
kyang deng nas skye ba thams cad du/ /lha sogs 'gro ba ma lus
dgrar langs ste/ /srog dang

'tsho ba yang yang phral gyur kyang/ /cung zad sdang dang khro
bas ma gyur cig /de bzhin yid 'phrog phyi nang dngos po'i tshogs/
/dga' bskyed yul brgya dag gis kun bskor kyang/ /mi rtag mi
gtsang sgyu ma ltar mthong nas/ /rmi lam du

yang chags par ma gyur cig /'jig rten 'jig rten 'das pa'i lam
bzang la/ /kun nas 'thoms pa'i mun nag mi bzad pa/ /thos bsam
bsgom pa'i shes rab sgron 'bar bas/ /nam yang rmongs pas gos par
ma gyur cig /ces bya

@042a @#/ /ba bris/ /mtshams grol 'phral/ thon nas 'bod mi byung
ba ltar nyang brgyud/ gnas rnying du 'phags pa 'jig rten dbang
phyug dbyangs can ngag gi dbang po yab sras kyis gtso mdzad
mkhan slob dge ba'i bshes

gnyen gtso bsdus la dpal gsang ba 'dus pa mi bskyod pa'i dbang
gis mtshon bzhed pa dang mthun pa'i chos bka' mang du phul/ 'phur
thang gis mtshon pa'i phyi nang gi rten gsum gnas mjal rnams
rgyas par byas shing bstan

pa rin po che rgyas pa'i smon lam yang dag bsgrubs/ mthar gyis
thon phyogs su zhal ngo rnams kyi bzhed pa bskangs nas bde bar
'khor te/ thams cad mkhyen pa yon tan rgya mtsho spyan 'dren pa'i
gra bsgrigs te/ spre'u zhes pa

me lug zla ba drug pa'i yang tshes la chos grwa chen po'i mkhan
slob rnams kyis gtso mdzad gzabs 'phyor gyi rta pa brgya phrag
rgal ba phebs bsu la byon/ chu shar du dpon slob zhal mngon du
gyur mtshams/ lha'i rnga bo che'i

sgra lta bu'i sgra bsgrags shing lha rnams kyis me tog gi char
chen po legs par phab pa thams cad kyi mngon sum du gyur/ dge
bdun sum stong lhag pa'i ser bsgreng dang bcas/ dge mtshan phun
sum tshogs pa dang ldan/  

pas chos grwa chen por phebs/ zla ba phyed gnyis lhag tsam
bzhugs su gsol te ci 'byor pa'i bsnyen cing bkur ba dang/ mthar
bdag nyid kyi bzhon pa sogs bdog pa'i dngos po yod 'bul byas
shing/ zab chos kyi

@042b rim pa ci rigs pa'ang phul nas mnyes par bgyis te/ gangs
can chos 'phel gyi bar du phebs skyel zhus/ slar bkra shis lhun
por yongs nas dgag dbye grol 'phral du mtshams bsngams/ de'i tshe
yid la chos ldan gyi

bya ba yin kyang/ za zir gyi rnam par g.yeng ba shin tu che ba
'khrul pa'i bya byed de dag thams cad ni snying po med pa sgyu
ma dang/ rmig rgyu'i phung po lta bu kun rdzob kyi gnas tshul
rjen cher gyis 'char ba dang/ de'i mthus bden stong gi don

spyi blo la lam lam shar byung ba bzhin 'di ltar brjod do// //na
mo gu ru manydzu g+ho ShA ya/ sku mthong bas don ldan gzi 'od
'bar/ /gsung yan lag drug cu'i dbyangs snyan sgrog /thugs srid
zhi las 'das mkhyen brtse'i

gter/ /rje rdo rje 'chang zhabs padmor 'dud/ /gdon dngos 'dzin
'khrul pas yid bskyod nas/ /sgro phyin ci log tu btags shing
zhen/ /de'i mthu las bdag gzhan rigs su bcad/ /las nyon mongs
dbang gis 'khor bar

'khyams/ /nga yin lugs rtogs pa'i mtshon rnon gyis/ /dgra bdag
'dzin srog dang ma phral na/ /gnas 'jigs rungs srid pa'i rgya
mtsho 'dir/ /yang sdug sngal 'khor lo rgyu mi 'chad/ /blo ma rig
sgyu ma'i

'khrul 'khor 'di'i/ /yul gdod nas skye ba med mthong bas/ /phyi
gzung 'dzin spros pa dbyings su thim/ /dpe chab rom rgya mtsho'i
klong du bzhin/ /chos kun gyi gnas lugs gdod ma'i gshis/ /don
dbyer med

@043a @#/ /spros pa kun dang bral/ /dpes mtshon du med pa'i rang
bzhin gyi/ /dbyings 'di 'dra'i rang zhal bltas pa'i tshe/ /rje
sangs rgyas chos dang dge 'dun gyi/ /mtshan tsam yang dmigs su ma
mchis

na/ /sems ma rig dri mas sbags mthong ba'i/ /gnas 'khor ba'i
sdug bsngal ga la yod/ /yul 'od gsal dang du rig pa zhugs/ /chos
kun gyi ngo bo rjen par mthong/ /slar bltas kyang mthong ba yul
las 'das/ /

dpe 'gag med nam mkha'i pha mtha' 'tshol/ /khyed 'khor bas skrag
pa'i 'gro kun kyang/ /gzhi bden stong yangs pa'i gzigs mo mdzod/
/'di mthong na snang sring skye bo kun/ /dgra'i gtso bor gyur
kyang 'jigs mi dgos/ /las

dge sdig 'bras bu ma dmigs shing/ /lam spangs gnyen dgag bsgrub
ngang yang bral/ /yid 'bad pas bsgrubs pa'i 'bras bus dben/
/dbyings 'di 'dra rgyal ba'i dgongs pa snyam/ /yang 'khor 'das
chos la phar bltas

pas/ /rkyen 'di pa tsam gyi rgyu dang 'bras/ chos phra zhing
bslu ba med par mthong/ /dpe 'chi med lam nas 'ja' tshon bzhin/
dbyings spros bral gdod nas dag pa dang/ /las rgyu 'bras bslu ba
med pa yi/ /yul snang stong res

'jog ma yin pa'i/ /don zung 'jug mtha' bral dbu ma'i lam/ /lam
'di 'dra brnyed pa bla ma'i drin/ /drin che'o rgyal ba gnyis
pa'i rje/ /ma drin can 'gro ba rnams kyis kyang/ /don 'di 'dra
rtogs par byin gyis rlobs/ /zhes pa

@043b dang/ yang// //na mo gu ru manydzu g+ho ShA ya/ dbyings
rig pa dbyer med lha yi lam/ /zhing kun khyab mig 'phrul zlos
gar mkhan/ /pha bden med rmi lam lta bu la/ /bu sgyu ma'i skyes
bus snying nas 'dus/ chos can kun bltas

pas sgyu ma tsam/ /chos nyid la bltas kyang cang ma mthong/
/sgyu ma dang stong pa zung 'brel lam/ /zung 'jug 'di bla ma'i
drin gyis brnyed/ /a la la yod med kyi mtha' dang bral/ /mtha'
bral gyi dbyings su mnyam par gzhog /chos

nyid la bltas pas chos can bkra/ /chos can la dpyad pas stong
par bros/ /snang stong gnyis res 'jog mi byed pa'i/ /zung 'jug
'di bla ma'i drin gyis brnyed/ /a la la yod med kyi mtha' dang
bral/ /mtha' bral gyi dbyings su

mnyam par gzhog /don dam gyis rgyu 'bras bslu med bstan/ /kun
rdzob kyi don dam rang zhal phye/ /bden gnyis kyi rang bzhin
dbyer med pa'i/ /zung 'jug 'di bla ma'i drin gyis brnyed/ /a la
la yod med kyi mtha' dang bral/ /mtha' bral

kyi dbyings su mnyam par gzhog /don dam gyi dbyings la bcad pa'i
tshe/ /rten 'brel gyi ming yang med pa dang/ /stong pa dang rten
'brel zung 'jug 'di/ /'gal med du bla ma'i drin gyis shes/ /zung
'jug 'di bla ma'i drin gyis brnyed/

a la la yod med kyi mtha' dang bral/ /mtha' bral gyi dbyings su
mnyam par gzhog /'khor 'das kyi chos rnams ma lus pa/ /bden med
du shes pas bden pa go /bden brdzun gyi rang bzhin dbyer med
pa'i/ /zung 'jug 'di bla

@044a @#/ /ma'i drin gyis brnyed/ /a la la yod med kyi mtha'
dang bral/ /mtha' bral gyi dbyings su mnyam par gzhog /ming
rkyang gi chos rnams bden pas stong/ /bden stong kun rgyu 'bras
rol par shar/ /stong pa dang

rgyu 'bras dbyer med lam/ /e ma ho bla ma'i drin gyis brnyed/
/a la la rtag chad kyi g.yangs las grol/ /zhes bya ba yi ger
bris/ de dus nges don zab mo'i nyams len la brtson par byas pas
gzhung chen mo rnams dang

'thun pa'i mnyam gzhag dang rjes thob kyi rnal 'byor gnyis ka la
blo bkol du btub pa tsam byung nas/ 'di ka'i rgyun skyong rgyu
byung na stong nyid mngon sum du rtogs pa la dka' ba mi yong ba
'dug snyam pa sems la shar/

snang bas yod mtha' dang/ stong pas med mtha' sel ba'i thal
'gyur ba'i thun mong ma yin pa'i khyad chos la nges shes khyad
par can thob nas 'di ltar smras// //na mo gu ru manydzu g+ho ShA
ya/ dbyings brjod bral

lhan skyes bde ba che/ /don spyir yang 'char ba'i sgyu 'phrul
mkhan/ /pha rdo rje 'chang dbang bla ma'i zhabs/ /dgra srid pa'i
'jigs 'phrog de la 'dud/ /dus de ring nyams kyi snang ba la/
/spyir 'gal med 'gal ba ltar

snang ba'i/ /yid ngo mtshar ri mo sna tshogs shar/ /cha tsam zhig
'phags pa'i dbyangs su bsdebs/ /yul gang shar ngo la phar bltas
pas/ /khong rang tshugs ma thub brdzun khung rig /de rig pas bden
pa'i rang zhal bstan/ /

@044b sems gcer bu stong nyid gos kyis klubs/ /chos kun byang
dbye ba tha dad rnams/ /dbyings don dam ngang du dbyer med
'dres/ /lam dgag bsgrub bral yang mdzangs pa'i blos/ /las dge
sdig blang dor bya ru byung/ /nges dang po

ngar 'dzin dgrar bltas te/ /lung rigs pa'i mtshon rnon snying la
bsnun/ /de dmigs med yangs pa'i me long la/ /yang nga zhig bltar
med tshul du blta/ /chos ji snyed bltas pas gzhi rtsa bral/ /yul
chos nyid bltas pas cir yang

snang/ /don snang stong zung 'jug yangs pa'i lam/ /lam 'di
'dra'i zhags pas chos kun bcings/ /gcig tha dad spangs kyang ro
gcig la/ /yang gcig kyang du ma'i rol par shar/ /dpes mtshon
kyang mtshon par mi nus pa'i/ /ngag brjod

bral don 'di brjod snying 'dod/ /gzhi 'khor ba spang byar ma
dmigs shig /lam thar pa thob tu ma mchis kyang/ /ma 'gro ba'i
sdug bsngal ma bzod pas/ /mchog sku gsum myur du thob par shog
/ces pa sug bris su byas/ de lta bu'i tshul

gyis 'khor 'das kyis bsdus pa'i chos thams cad kyi snang tshul
dang gnas tshul mthong zhing snang tshul la bltas pas/ bdag 'dzin
gyi dug chus myos pa'i ma gyur 'gro ba mtha' dag la snying rje
'bad rtsol med par skye ba dang/ gnas tshul rtogs

pa'i rjes su spro ba yang ngang gi skye ba zhig byung bas rkyen
nas 'di skad kyang brjod do// //na mo gu ru manydzu g+ho ShA ya/
'gag med du snang ba chos kyi dbyings/ /bden stong du 'char ba
sems kyi rgyun/ /dbyer med du 'dres pa'i ro cig pa/

@045a @#/ /sems dpa' de sems kyi rdo rjer song/ /sred ldan gyi ma
rgan sems can rnams/ /'dod yon la sred pa'i zhags pas bcings/
/thar med kyi btson khang ra bar bcug /sdug bsngal gyi tshor ba
drag pos mnar/ /bdag

'dzin gyi 'gong po snying zhugs pas/ /ltos med kyi bdag zhig
gces par bzung/ /de nyid la dmigs nas rtag chad sogs/ /lta ngan
gyi 'dre gdon mang pos gtses/ /chags sdang gi tsha grang nad mang
'khrugs/ /las ngan gyi 'khru skyugs

khrag tu 'bab/ /dge legs kyi tshe srog yang yang 'gag /yang srid
du sdug bsngal phung chen grub/ /snang tshul 'di mthong bas mchi
ma shor/ /snying re rje nyam thag 'jigs shing skyo/ /gnas tshul
'di mthong bas gad mo shor/ /nyams re

dga' gting nas zhe blo bde/ /mo gsham gyi bu mo'i mdzes sdug la/
/chags sdang gis bslad pa'i 'du byed kyis/ /bde sdug gi nyen
pa'i skye bo la/ /shes ldan gyi grogs rnams ji ltar dgongs/
/rgyud ldan gyi rje la blo phugs gtad/ /nges

don gyi gzhung mang thos bsam byas/ /zab don gyi snying gi ze'u
'bru gtams/ /zegs ma tsam tshig gi lam du 'thor/ /ces kyang
smras/ /lo de'i lnga mchod chen mo la byang 'grul stobs tsa ba
ri bo dge ldan du slebs nas/ dgun chos dus bkra shis

lhun por yang mang 'gyed bsam gyis mi khyab pa byung kyang/ nag
phyogs kyis yod bskyod pa bdud kyi gnyen du gyur pa kha cig gi
rkyen gyi grwa tshang phan tshun rtsod gzhi sna tshogs pa byung
cing/ gzhan yang de dus rgyu mtshan cher med pa la blo bur du

@045b 'thab 'dzings che chung ci rigs yang yang yong ba zhig
'dug pa la'ang phan du re ba dang/ de dag gi rkyen 'byung po'i
rgyu lam 'dra ba cig kyang bcad dgos 'dug pa ltar/ phur bu zhes
pa sa sprel nag zla'i tshes bco lnga'i nyin chos grwa chen po'i
gdengs

can phyogs kyis stong der dpal gsang ba 'dus pa'i sgo nas sa'i
cho ga byas nas/ lto 'phye'i thig gdab/ pir thogs rgyal po chos
kyi rje dkon mchog lhun grub pas zhal bkod dang/ kho bo rang gis
byang drangs bslab gsum ldan pa'i 'dus

pa rgya mtshos bya ba las kyi 'khor lo legs par bskor te 'phangs
su gzhu 'dom bco lnga tsam yod pa'i de bzhin gshegs pa'i ring
bsrel gyi snying po can gyi dge 'dun dben bsdum gyi mchod rten
legs par bsgrubs/ de yang 'phags pa

thogs med kyi phyag dpe/ kha che paN chen gyis de thog nas 'chad
nyan lan dgu mdzad pa/ khro phu'i rje btsun byams mgon gyi nang
bzhugs gtso bo 'phags pa brgyad stong pa dang/ brtag gnyis kyi
rgya dpe'i glegs bam la sogs pa byin rlabs

rten 'gangs che ba bsam gyis mi khyab pas byur bur gtams te
mdzes shing lhun chags par grub cing/ dpal rdo rje 'jigs byed
kyi dkyil 'khor la brten nas rab tu gnas pa rgyas pa dang/ tshogs
chen gyis kyang thugs dam gyi rten du/ byin gyis

brlabs te bkra shis pa brjod pa'i me tog gi char phab cing rab
ston mang 'gyed bzang pos mnyes par byas pa sogs rgyas par dkar
chag zur du bkod pa ltar ro/ /mchod rten gyi nang bzhugs gzungs
kyi snying po can gyi tsha tsha nye bar bsgrub pa'i

@046a @#/ /skabs/ dzo ki zhig gis/ sa rdo'i thum po zhig gtang
nas 'di na rdo rje gdan/ bya rgod phung po'i ri/ poTa la/ dpal
ldan 'bras spungs/ o Di ya na sogs/ gnas chen phal cher gyi sa
sna rdo sna yod do/ /zer nas song/ de 'phral

brtsad bcad kyang 'dir song ma byung/ gzhan dag ci yin zhes the
tshom gyi khyogs la brten par gyur/ mi dang mi min ci ltar na
yang rten 'brel shin tu legs pa byung/ de lta bu'i mchod rten de
ni grub tsam nas yul phyogs su mi nad dang phyugs

nad sad ser sogs dkon pa dang/ khyad par bkra shis lhun por dge
'dun rnams thugs mthun cing/ grwa tshogs bshad sgrub/ longs spyod
rnams 'gran pa bzhin du 'phel ba dang/ sngon thams cad mkhyen
pa
dge 'dun rgya mtsho sku na

phra ba'i dus rnal lam du byung ba ltar/ dgon pa'i nub kyi sa
stod phal cher sbyil bus gang ba sogs bkra shis dang dge mtshan
phun sum tshogs pa'i bdag nyid du gyur pa thams cad kyi 'thun
snang du grub pa 'di lags so/ /de'i ston thon du phyin

nas dpon sa yum gyis rje btsun bla ma tsong kha pa chen po'i
rnam thar thang sku gras gtsang gsar bzhengs mdzad pa'i rab tu
gnas pa dang/ bar chad sel ba'i dbang rjes gnang sogs thugs
bzhed yongs su gang ba byas/ de dus gtsang sa nas sde srid

rin po che dang/ shangs mdo ri bo dge 'phel ba mchod yon rnams
kyis/ kun mkhyen chen po shes rab dpal bzang gi gdan sar yong
dgos tshul che gnyan du ma'i ngo brgyud dang bcas nan bskyed la
brten nas khas blangs te/ lnga mchod chen mo'i dus su

@046b dge 'phel du phyin nas tshogs pa la bde gshegs bdun gyi
rjes gnang dang/ mdo chog gi lung sogs nyer mkho'i chos kyi char
phab/ slar bkra shis lhun por slebs nas/ zhi ba'i lo'i dgun chos
dus su/ nub gcig rmi lam du dge slong

snam sbyar dmar ser gsol cing/ rigs lngas dbu brgyan pa/ phyag
na po tin bza' legs po du ma dang/ sku rags mdzes par bcings pa
bsnams pa zhig gis/ glegs bam de kho bo'i lag tu gtad nas/ 'di
sngon nas bris zin te/ da bar rab tu

gnas pa ma grub pas/ da lam khyod kyis zhal phye la/ rab gnas
cig gyis gsung/ blangs nas sku rags bkrol te bltas pa na/ 'dus
pa'i rtsa rgyud mthing shog la gser gyis bris pa shin tu legs pa
zhig 'dug pas/ rab yangs nam mkha' til

gyi gong bu bzhin/ zhes bdag nyid kyis 'don gyi 'dug pa na/ 'di
nas byung med par ngo shes pa dang mi shes pa'i tshogs pa chen po
zhig 'dus nas sa g.yo ba tsam gyi ram bteg ste/ 'dus pa'i shis
brjod yongs rdzogs ston pa zhig gsal bar byung/ de'i sang

bka' bcur pa 'byams bzhi lnga tsam gyis 'dus pa'i rtsa rgyud kyi
'grel bshad rgyas pa gcig khyer nas 'di'i steng nas chos thun re
cis kyang zhu zer ba na nyid 'khrul la mtha' gcig tu nges pa med
kyang/ mdang gi rmi lam dran nas/ Tikka'i 'dzin chos

dang; bzhi sbrag gi bshad pa rgyas par byas pas/ de dus dge
bshes de dag la zla ba gcig gnyis tsam la'ang rdo rje theg pa'i
lam gyi rnam gzhag chags pa byung cing/ da lta'i bar du bka' bcu
rab 'byams 'ba' zhig gi grwa la brten pa'i 'chad

@047a @#/ /nyan je 'phel du song ba 'di ltar yin cing/ sngar gyi
rmi lhas de yang rgyud grwa 'di nyid tshugs pa'i ltas dang/
phyi'i mchod rten gyi sa chog de yang bsam gzhig med par dpal
'dus pa'i sgo nas byed pa shar song ba yang de

kha'i rten 'brel du 'dug /rgyu mtshan de dag gi phyir bdag nyid
kyis kyang thog mtha' bar gsum du chos dang/ chos ldan gyi sgo
nas sman gyi ljon shing ltar bskyangs pa'i lag rjes mkhas pas
bsngags par 'os pa zhig yin no snyam du rlom

pa'ang mchis so/ /de'i stod bde 'byor grwa tshang dang/ stod sher
la sogs par skye bo'i tshogs mang po bsnyen gnas smyung gnas la
sogs pas mtshon dge ba'i lam bzang po la bkod do/ /snga sor dben
bsdum mchod rten dang dus mnyam du/

gzims khang gi mdun ngos su gzims chung dang ka drug ma mdo
phugs sogs gzabs khang gsar bcos rnams kyi shing rtsi rgyas pa
byas/ thun mong zhes pa'i lo'i dpyid dgra 'dul ba chos kyi rje
shAkya mchog grub pas shar rtse'i grwa khang gsar

bzhengs logs bris kyi bar mthar phyin nas gsol ba btab pa ltar
rab gnas rgyas pa 'phrin las bzhi'i sbyin bsreg dang bcas pa'i
sgo nas dge legs kyi me tog gis khyab par byas/ sos rab 'byams
smra ba nyi shu rtsa lnga drug dang bcas te thon du zla

chos gnyis la nye bar gsal sgron gzabs bshad rtsar ba cig song
cing spyi dgos kyi chos shin tu 'phel ba byung/ de nas 'gal byed
ces pa'i lo'i cho 'phrul smon lam grol 'phral bsam grub dge ldan
pa mchod yon rnams kyis gdan 'dren

@047b ngos drag pa la brten nas 'gro ba shar/ /lam zhor du dngul
chu chos rdzod du phyin/ gzims phug dang sku 'dra rin po che
mjal/ rgyal sras rin po che dang dngos su mjal shing byin gyis
brlabs pa lta bu'i dad mos dang dga' ba thob cing smon lam yang
dag

pa btab/ mthar gyis bsam grub dge ldan du slebs nas spyi sger
thams cad kyis bkur sti rnyed pa bsam gyis mi khyab pas mchod/
nged rang gis kyang ser ja 'gyed spyi 'bul dang bcas pa gzabs
shing/ tshogs pa la 'jigs gsang gnyis kyi dbang

bzhi dang/ chos skyong mang po'i rjes gnang dang/ bsnyen rdzogs
gcig gnyis dang dge tshul bdun cu lhag tsam bsgrubs phyi rol du
khrom la tshe dbang sogs 'dod dgu'i chos kyis tshim par byas dus
lha rnams kyis me tog gi char phab ces sgrog

par snang/ phyir lam spang yul bde ba can pa rnams kyis bsnyen
bkur phun sum tshogs pa byung zhing/ der yang khrom dbang bskur/
byang sems bde ba can pa dang/ chu bzang pa sogs kyi bsgrub gnas
mjal te dam pa de dag gi rnam thar skyong ba'i rten

'brel bsgrags/ rim gyis bo dong dang/ bya rgod shod dang/ snar
thang rnams kyi rten mjal zhib tu byas te/ bkra shis lhun por
slebs pa na/ 'bras spungs nas 'bod mi dos drag slebs 'dug pa
ltar/ 'phral du bshad rtsol byas/ stod lung khri zam khar

chibs bsu dang ser 'phreng rgyas pa can 'dug /de dus thams cad
mkhyen pa yon tan rgya mtsho dang/ gzims khang gong ma sprul
pa'i
sku bsod nams dge legs dpal bzang/ ser 'bras kyi bla ma slob
dpon dge bshes drag rim nyi 'od 'khyil du shong

@048a @#/ /tsam la rdo rje phreng ba'i dbang yongs su rdzogs par
phul nas rtsol ba chen pos gtsang phyogs su 'ongs/ de yang 'gal
byed kyi lo de kha'i nang du dgos pa'i dbang gis gsang ba'i slob
dpon zhig la rnying lugs gshed

dmar/ tshe bdag /bka' brgyad gsang ba yongs rdzogs dang/ bder
'dus kyi dbang lung sogs rnying mi'i chos skor mang po zhus
shing/ gsang ba'i rdo rje 'dzin pa la lho brag grub chen las kyi
rdo rje la gsang bdag gis dngos su gnang ba'i dbang lung

mdor na grub chen gyi bka' 'bum yongs rdzogs cha tshang zhus/ lo
de'i dpyid dus der/ bsam grub dge ldan nas bzung 'bras spungs
kyi bar du lam mi 'chag lta bur yong dgos byung ba dang/ yang ha
cang 'gyang ba med par bkra shis lhun por

slebs nas bsams pa na/ gnas dang dus dang gang zag la sogs pa
skad cig kyang rtag pa med pa 'phral 'phral 'gyur 'gro ba mngon
sum du gyur pas rkyen byas/ 'bad rtsol gyis goms pa la ma ltos
par/ 'khor ba'i phun tshogs thams

cad ni rmi lam gyi dga' ston nam/ sgyu ma'i rol rtsed lta bu
dang/ 'dus byas kyi ngang tshul ni glog gi zlos gar ram/ chu
'dzin gyi 'du 'god lta bu dang/ snyigs dus kyi skye bo'i tshe ni
chu yi chu lbur 'am/ rtswa rtse'i zil ba bzhin du mthong/ khyad
par rang

nyid kyang dang po mngal du zhugs pa nas 'chi bdag gi khar chud
cing/ nyi ma re re bzhin yang 'chi rkyen shin tu mang bas mi
'chi ba'i gdeng ni ci yang mi 'dug /sngon chad dus kyi chad pa
ma phog pa yang ngo mtshar che/ da ni blo bur nyid du bskyas chen

@048b 'degs par yang nye 'am ci cha snyam du yid la bsams shing/
don de nyid// //na mo gu ru manydzu g+ho ShA ya/ dus gsum gyi
sangs rgyas mi gzugs can/ /gsum ldan gyi bla ma'i zhabs pad la/
/byang chub kyi bar du skyabs su mchi/ /'bral

med du brtse bas rjes 'dzin mdzod/ /mtha' med kyi 'khor ba'i
rgya mtsho 'dir/ /las nyon gyi 'ching ba dam pos bcings/ /skye
rga dang na 'chi'i rba klong 'khrugs/ /gnas tshul 'di bsams shing
glo snying 'dar/ /tshangs dbang dang khyab 'jug drag po sogs/ /

'chi med kyi bdag po'i dpal thob kyang/ /dbang med du mnar med
mes bsreg na/ /mtho ris kyi bde la yid brtan ci/ /dpag med kyi
tshe dang 'byor pa can/ /gser dngul gyi 'khor los bsgyur rgyal
yang/ /nges med du 'khor ba'i yang bran 'gyur/ /

a tsa ma srid 'dir snying po gang/ /tshe sngon gyi dgra bo 'di
nang gnyen/ /'di nang gi dgra yang phyi ma'i grogs/ /za zir gyi
'khor ba'i ngang tshul 'di/ /'brel med kyi smyon pa'i zlos gar
rang/ /skad cig kyang 'bral bar mi phod pa'i/ /yid 'ong gi
snying grogs

mdza' bshes rnams/ /dus tshod kyi so sor 'gro ba 'di/ /yid re
skyo sems la cung ma bab/ /sdig sdug dang gtam ngan khyad bsad
nas/ /ser sna yis bsags pa'i zas nor las/ /rdul phran tsam
'khyer ba'i dbang med par/ /lag stong du 'gro ba

'di sems la gzan/ /tshe lhag gi bskyel ma yud tsam la/ /'chi bdag
gi bsu ma bang re mgyogs/ /pha rol gyi g.yangs sa 'jigs pa che/
/ci rang drag 'bros thabs e 'dug soms/ /sngar byas kyi rang gi
las la 'gyod/ /sdig ltung gi khur po

@049a @#/ /ri bas lci/ /grogs med du bskyas chen 'degs pa 'di/
/gting nas rang skyo zhing mtsher la 'jigs/ /'chi mal du bdag
nyid chud pa'i tshe/ /kha drag gi dpa' bos mi bzlog cing/ /stong
gsum kun gang ba'i zas nor dang/ /

mdzes sdug gi lang tsos bslu ru med/ /'tsho byed kyi rgyal po
gzhon nu de/ /mngon sum du byon kyang ci byar yod/ /rtse gdung
dang ldan pa'i grogs dbus nas/ /gcig pu ru 'gro ba 'di shin tu
'tsher/ /rgyus med kyi bar do lam 'phrad dog /las ngan gyi

'khrul snang chu ltar 'khrugs/ /'jigs skrag gi sdug bsngal ya
nga ba/ /mngon sum du shar tshe ci tsug byed/ /'di nang gi dga'
skyid 'dzom po dang/ /sgyu lus kyi khang stong shul du bzhag
/rnam shes de bya spu rlung khyer bzhin/ /don med du 'khyam pa

'di sems kyi gcong/ /las ngan gyis nying 'tshams sbyar ba'i tshe/
/ljan ljin gyi mi gtsang dang 'dres nas/ /mun khrod kyi mnga'
nang dring bar/ /'dug tshul 'di bsam na snying rlung ldang/
/mngal grib kyi dam chos bag chags brjed/ /rab rmongs kyi byis
pa'i

gnas skabs gyur/ /blang dor gyi gnas la lkug pa 'dra/ /spyod
tshul de dran pas shes pa 'phyo/ /gzhon nu dang lang tsho dar ba'i
dus/ /sdig grogs dang dug gsum shugs drag gis/ /bslad nas kyang
ngan 'gro'i sdug bsngal rgyu/ /bag med du sgrub na ci rang

drag ;gting zab kyi 'khor ba'i khron pa 'dir/ /legs nyes kyi
mtho dman sna tshogs pa'i/ /bde sdug gi gan bub mang po zhig
/'gal me ltar 'khor ba 'di yid rab skyo/ /'khor ba na skyid sdug
ci yod rnams/ /thog med nas tha ma da lta'i bar/ /yang

@049b yang rang nyams su myong lags na/ /da ka tsam tshim mam sun
re ran/ /dred po khyod rang la snying rjes ltas/ /skyid sdug gi
'dam ka da res byung/ /rang nyid la rang gi gnyer babs pas/ /ji
ltar ba rang gi sems la dris/ /sems nyid kyi dngul dkar me long

la; ;'khor ba 'di'i snang tshul shar ba'i tshe/ /bab col gyi tshig
'phreng yi ge'i gzugs/ /'god pa po blo bzang chos rgyan yin/
/zhes bya ba la sogs pa tshigs su bcad pa 'ga' zhig dbyangs
su'ang bsgrags pa dang/ rmi lam mkhan po dang/ mi

ma yin pa'i 'byung po 'ga' zhig gis kyang don de dang mtshungs
par lung ston pa thos pas/ dbus gtsang gnyis ka nas/ bdag la
phan par 'dod pa'i grogs po mang pos kyang/ don de dag gi gnyen
po khyod nyid kyis bsgrub par 'os so/ /zhes

mgrin cig tu sgrog pa sgra 'dzin gyi bu khar sim pa ni/ kho bo
cag gi sems la 'di ltar shar pa glu dbyangs su mtshon par byas pa
ni/ ! /rje gsum ldan bla ma rdo rje 'dzin/ /mi bdag snying
padmo'i dbus bzhugs la/ /dgra chos brgyad snang zhen bkrag po

che; ;'di rtsad nas thon par byin gyis rlobs/ /tshe ring du gnas
na rnam dkar gyi/ /lam bzang po sgrub po shi yang bde/ /las bag
chags bzang po'i ngang du 'chi/ /a la la gson shi sems la
snyoms/ /tshe sgrub kun ji ltar dgyes dgyes mdzod/ /dpal

phun tshogs 'byor na mchod sbyin gyis/ /tshogs gsog go dbul por
gyur kyang sla/ /chud zos dogs ser sna'i sdug bsngal med/ /a la
la 'byor rgud sems la snyoms/ /nor sgrub kun ji ltar dgyes dgyes
mdzod/ /yongs kun gyis bstod cing snyan

@050a @#/ /grags na/ /yid mi bde med do smad kyang bla/ /sgra
grag stong sgyu ma'i bslu bring yin/ /a la la bstod smad sems
la snyoms/ /snyan grags kun ji ltar dgyes dgyes mdzod/ /nga lus
sems bden dkon mchog gi /drin

yin no sdug bsngal gyur kyang sla/ /yid nges 'byung snying rje
ngang gis 'phel/ /a la la bde sdug sems la snyoms/ /skyid 'dod
kun ji ltar dgyes dgyes mdzod/ /srog 'tsho 'chi 'byor rgud bde
sdug dang/ /yang bstod smad snyan dang mi snyan sogs

gang byung kyang bla ma'i byin rlabs yin/ /a la la ci byas blo
ba dga'/ /re dogs kun ji ltar dgyes dgyes mdzod/ /dpal zhi ba
lha dang mar me mdzad/ /rje rgyal ba gnyis pa las 'ongs pa/ /dug
bdud rtsir bsgyur ba'i gdams pa yis/ /a la la

ltas ngan g.yang du len/ /rkyen ngan kun ji ltar dgyes dgyes
mdzod/ /ces pa dang/ yang don dam pa'i dbang du bgyis nas// //na
mo gu ru manydzu g+ho ShA ya/ /pha rgya chen spros pa kun mkhyen
kyang/ /dbyings spros bral ngang du rtag

gzims pa/ /rje rgyal ba gnyis pa blo bzang grags/ /'bangs bdag
cag da dung thugs rjes skyongs/ /sngon thog ma med nas da lta'i
bar/ /gdon rang gi snyid la gnas bcas nas/ /yul bdag med cig la
bdag tu bzung/ /'phral phan pa'i

zol gyi bslus byas te/ /nga dmyal bar bsregs pa'ang bgrangs las
'das/ /dus de ring bla ma'i bka' drin gyis/ /dgra bdag 'dzin
'gong po'i mtshang rig pas/ /sems spros bral gnyug ma'i ngo bo
mthong/ /bu rang byung rig pa'i gzhon nu dang/ /

@050b yul 'od gsal chos dbyings mdzes ma mjal/ /dbyings rig pa
dbyer med thabs shes 'brel/ /'di 'du 'bral med pa'i grogs su
bzang/ /ye gdod nas cir yang ma grub pas/ /yul bdag med rtogs
pa'i nges shes kyi/ /las rgyu 'bras

bslu ba med par rtogs/ /nga chad pa'i g.yangs la nyam nga med/
/yang rten nas 'byung ba'i chos rnams kun/ /snang tsam gyis sgyu
ma'i rol par mthong/ /de mthong bas a 'thas 'ching ba zhig /don
de phyir rtag pa'i mtha' las grol/ /da stong nyid

nam mkha'i rnal 'byor pa/ /yul gang shar brdzun pa'i rgyas thebs
pas/ /khong bden par 'dzin pa'i chom skun pa/ /gzhi skye med
gdod ma'i dbyangs su bros/ /lar 'khor 'das chos rnams ma lus pa/
/ming btags yong tsam gyi rol pa

las; ;dbyings ngo bo cir yang ma mchis pas/ /nga skye 'chi gnyis
la ya nga med/ /sngar dal med 'khyams pa'i ngal bso'i gnas/
/chos stong nyid bdud rtsi'i snying po brnyed/ /'di bsams shing
rje btsun bla ma'i drin/ /drin che bar nges so bla ma rje/ /

nga blo bzang rgyal ba gnyis pa'i bu/ /lam phyag rgya chen po'i
rol rtsed kyis/ /chos lta ba'i glu dbyangs 'di bzhin len/ /grogs
thar 'dod kun kyang 'di ltar mdzod/ /ces bris te dbus ngos nas
tshe bsgrub cis kyang bya dgos gsung ba'i bla ma 'ga'

zhig la bskur/ de nas dbyar gnas la spyi dger gyi chos grwa
'phel cing/ dgag dbye grol nas zla ba lhag tsam mtshams khongs su
dge sbyor kyang dga' rab byung/ ston mjug sbyin bdag grwa rigs
dang bcas pa'i nan gyis/ rin chen rtse brgyud/ 'bringe

@051a @#/ /'tshams dang lci lung phyogs su 'gro dgos shar/ de dus
sngon nas kyang mjal 'dod cher yod pa dang/ zar byang phug gi jo
bo mjal/ zhal gser sogs mchod sprin rgya mtshos mchod de bstan pa
dang/ sems can

gyi phan bde 'byung ba'i smon lam btab/ 'phags pa'i sku de
bzhugs pa ma gtogs lung pa de shin tu yid mi chags pa zhig 'dug
pas kyang yin nam/ der 'dug ring spyir gyi skyo zhing yid 'byung
ba dang/ khyad par bdag nyid kyi rnam thar

la bsams shing lhag par yid mi dga' bar gyur nas/ jo bo'i pho
brang gi steng nyi gugs zhig tu 'di ltar bris// //na mo gu ru
manydzu g+ho ShA ya/ sku gsum gyi go 'phangs mchog brnyes kyang/
/gzhan snang du tha mal dge slong tshul/ /

sangs rgyas kyi ye shes blo bzang grags/ /bdag snying gi padmo'i
dbus bzhugs la/ /ngur smrig gi phyi tshul mdzes lags kyang/ /dug
gsum gyi chang gis cher myos pas/ /seng lpags kyis g.yogs pa'i
wa skyes 'dra'i/ /snying rul gyi bu la brtse

bas gzigs/ /dug lnga yi nyon mongs mtshang rig kyang/ /ngan goms
kyi bag chags shugs drag cing/ /gdong bzlog gi gnyen po ngar
chung bas/ /mnar med kyi me nang bsreg nyen gda'o/ /dag snang
gis rgyal khams skor 'dod kyang/ /kun slong gi

la chu 'phrang dog pas/ /phrag dog dang 'khon 'dzin gzer mgo
rno/ /chos spong gi g.yangs su lhung nyen gda'o/ /chos bshad
kyi gzhan sems bsgyur mkhas kyang/ /rang rgyud kyi ko skam
gyong
por lus/ /glu mkhan dang ne tso'i chos bshad bzhin/ /chos

@051b rgyus mkhan chos kyi 'phongs nyen gda'o/ /zab don gyi
nyams len byed 'dod kyang/ /rnyed grags kyi mi mgo bskor phyir
du/ /chos chung gi rnam grangs gsog gsog nas/ /kun shes kyi gcig
rdugs byung nyen gda'o/ /skyo shas dang nges 'byung

bsgoms lags kyang/ /rtag 'dzin gyi gdon chen thugs gsol bas/
/phyi nang gi dngos la shi sbar 'thams/ /gsung tshul dang rnam
thar 'gal nyen gda'o/ /theg chen gyi lam du zhugs rlom kyang/
/rang 'dod kyi gshed ma bur brdzus pas/ /

chags sdang gi phyogs ris su bas che/ /'gro drug gi pham bslus
nyen gda'o/ /bden med kyi rang zhal bltas bltas kyang/ /mnyam
gzhag gi goms pa 'dris chung bas/ /bden snang gi 'dzin pa spring
spring shar/ /dran shes kyi so ba yengs nyen

gda'o; ;zhes sug bris su byas/ de nas slar bkra shis lhun por
slebs dgun chos thog tshogs chen la thams cad mkhyen pa dge 'dun
grub pa'i rnam thar bshad/ yongs 'dzin ces pa la de'i dbyar sos
rje btsun byams chen gyi dbu thog tu zangs

lcags srang gi khal nyis brgya lhag tsam dang/ mgur mo'i gser
zho brgya phrag lnga dang/ sum cu so grangs las grub pa'i gser
thog bkod pas khyad par du 'phags pa bsgrubs/ zla ba brgyad pa'i
tshes bcu gsum gyi nyin rab 'byams smra ba'i sde rnams kyis rab

gnas mdzad cing/ tshogs chen la yang rab ston mang 'gyed gya nom
dang bcas pa bsgrubs/ de yang lho phyogs pa rnams kyis lo mang
po'i bar du yang yang spyan 'dren byung ba la brten/ zla ba de
kha'i tshe bcu dgu la lho mon phyogs su bteg ste thog mar khang
bu stag lung du

@052a @#/ /lha rin po che dpon slob la 'khor lo bde mchog gi
dbang dang/ 'jigs byed ro langs brgyad bskor gyi dbang/ bde
mchog dkar po'i tshe sgrub/ mgon po traka shad kyi chos skor
yongs rdzogs/ sman bla'i rjes

gnang lung dang bcas pa sogs ji ltar bzhed pa'i don legs par
bsgrubs/ lha pa'i blon po drag pa zhig 'drer skyes zhes rnam
rtog ngan pas/ phyis khang bur shi ba phal cher de'i rjes su
zhugs pa thams cad bsregs shing

gnas spor byas pas rnam rtog chom pas yin nam/ phyin chad sman
yon chen por gyur te zhes brjod do/ /de ltar rim gyis spa gro
thim bu/ dar dkar gyi bar du phyin/ spyir lho mon de rang rang
gi grub mtha' dang/ bla ma so so'i

phyogs 'dzin gzhan las che yang/ nged rang la ni rang ngos nas
kyang chags sdang ngan pa la brten pa'i grub mtha'i phyogs 'dzin
med pa'i 'bras bu yin nam/ thams cad kyis bsnyen bkur 'bul ba
zhabs tog tshad med pa

byung zhing/ bdag nyid kyis kyang/ dge 'dun gyi sde rnams su
zang zing gi sgo nas mang 'gyed bzang po dang/ chos phyogs ngos
nas dpal 'dus pa dang/ 'jigs byed la sogs pa'i dbang dang/ zab
'khrid du ma dang/ yi dam

dang chos skyong mang po'i rjes gnang sogs 'dod chos kyi re ba
bskangs shing/ mi khrom stong phrag mang po tshogs pa rnams la/
las 'bras kyi rnam gzhag gtso bor byas pa'i tshe dbang dang/ yi
ge drug pa'i lung phog nas/ dge

@052b ba'i dam bca' ched du bskul bas bsnyen gnas kyi dam bca'
len mi brgya phrag du ma dang/ bzang spyod/ byams smon/ ltung
bshags/ sgrol ma/ sher snying/ skyabs 'gro/ rang gang mos kyi
bla ma'i gsol 'debs/ ma Ni dung nas bzung

nyin re nyer gcig re yan/ srog gcod spong ba/ nyal phyag lang
phyag /dus kyang rab rnams kyis ji srid 'tsho'i bar/ tha mas lo
gcig gi bar du dam bca' lan mi bsam gyis mi khyab pa byung bas
kho bo cag gang du song ba'i yul de

dang der dam bca'i rgyun skyong bas dge ba'i lam gsal bar byas
so/ /khyad par dgung wang la brten pa'i mi brgya stong phrag
mang po gsod res byed cing rang rang gi bla ma rnams kyis kyang
ma 'doms pa'i rtsa ba mi sha len par

chas pa mang po la/ dngos po'i sbyin pa sngon du 'gro bas/
'phreng ba spyi bor bzhag ste/ mi sha mi len pa'i dam tshig la
bzhag nas sdig pa'i rtsa ba bcad pas deng sang gi bar du yang
bde 'jam la gnas pa yin/ de lta bu'i

tshul gyis bstan pa dang sems can la phan pa rgya chen po byung
zhing/ slar 'bad rtsol gyis bod du yongs pa na/ dbus gtsang
gnyis kar dus 'khrug mtho dman gyis 'gyur ldog lhag par che bas
la la sdug bsngal dngos la

spyod; la la sdug bsngal gyi rgyu la dga' dga' ltar spyod pa
mthong bas rkyen byas nas yid la shar ba'i don tshig tu bsdebs pa
ni// //na mo gu ru manydzu g+ho ShA ya/ dang por 'khor 'das kyi
skyon yon rig /bar du blang dor gyi rol

@053a @#/ /pas 'das/ /tha mar kun byang gi rang bzhin rnams/
/dbyer med du mkhyen nam bdag gi skyabs/ /rtag 'dzin gyi gdon
chen thugs zhugs pas/ /phyi rtsis kyi grabs shoms byed byed nas/
/'bras med kyi spun pa

'phyar ba bzhin/ /don med du 'da' ba 'di a tsa ma/ /sdig sdug
dang gtam ngan khyad bsad de/ /ser sna yis zas nor bsag bsag
nas/ /rdul phran tsam 'khyer ba'i dbang med par/ /lag stong du
'gro ba 'di a tsa ma/ /nyon mongs kyi goms

pa shugs drag pas/ /lang shor gyi bag yangs spyod spyod nas/
/thar med kyi dmyal ba'i btson khang du/ /tsha grang gi sdug
bsngal 'di a tsa ma/ /gnyen grogs dang 'khor mangs 'tshogs pa'i
dbus/ /nga snyam du mngon par 'gying 'gying nas//

mya ngam gyi thang la dgras bcom bzhin/ /grogs med du nyam
thag
'di a tsa ma/ /sha khrag gi lang tsho yid 'phrog cing/ /mdzes
byed kyi gser g.yus rgyan rgyan nas/ /keng rus kyis khyab pa'i
dur khrod du/ /gcer bu ru 'gro ba 'di a tsa

ma; ;blo mthun gyi snying sdug mang po dang/ /dga' 'dus kyi
nyams dga' skyong skyong nas/ /dbang med du 'chi bdag bdud po
nges/ /so so ru 'phral ba 'di a tsa ma/ /khang bzang gi bkod pa
brgya byas shing/ /dbyibs legs kyi

gnas mal gshom gshom nas/ /rnag khrag gis sbags pa'i ro khung
du/ /sgren mo ru nyal ba 'di a tsa ma/ /'jam legs kyi gyon pa
brgya phrag dang/ /zhim dgu yi bza' btung spyad spyad nas/ /myur
ba ru dur brgyags kham

@053b gang za/ /ro shun gyis dkri ba 'di a tsa ma/ /stong gsum
gyi khyon la dbang bsgyur zhing/ /phun tshogs kyi stobs kyis
dregs dregs nas/ /'jigs rung gi gshin rje chos rgyal gyis/
/dbang med du 'khrid pa 'di a tsa ma/ /ma rtags

par nyams dga'i skye bo'i tshogs/ /'di nang gi bde la zhen zhen
pa'i/ /thugs rgyud la glu 'di mi 'bab mod/ /de kun kyang de bas
a tsa ma/ /a tsa ma bcu yi glu chung 'di/ /phyogs med kyi
rgyal khams nyul nyul nas/ /snyoms las kyi

mal du rtag nyal ba'i/ /blo bzang gi chos rgyal zhes byas smras/
/zhes pa yi ger bris/ tshur lam gnas rnying du chos skyong lcam
bral gyi 'cham sku la sogs pa'i bsu ba ser 'phreng rgyas par
mdzad cing/ rim gyis bkra shis lhun

por slebs nas mang 'gyed rgyas par bsgrubs/ de'i tshe lha sa'i
smon lam mgon du yong dgos tshul/ thams cad mkhyen pa'i bka'
shog
nan chags mi sna dang bcas pa skye chu'i bar du byung ba ltar
bag yod kyi lo de nas bzung/

dus kyi pho nya'i lo'i bar smon lam chen mo'i tshogs dbu rgyun du
byed dgos byung/ glang lo'i smon lam grol nas sprul pa'i sku
bsod nams dge legs dpal bzang dang/ ser 'bras rgyud pa sogs kyi
dge ba'i bshes gnyen bzhi bcu tsam

bsnyen par rdzogs pa bsgrubs pa'i mkhan po byas shing/ 'bras
spungs kyi tshogs chen la 'jam dbyangs chos skor yongs rdzogs
dang/ thams cad mkhyen pa la mgon po zhal gyi rnam 'gyur mang
po'i bka' dang/ thun mong dang thun mong

@054a @#/ /ma yin pa'i be'u bum gyi lung zhal shes dang bcas pa
phul/ yar lam thon du sde pa rta mgrin dbang rgyal yab yum gyis
bka' 'gyur gsar bzhengs mdzad pa'i rab gnas legs par byas/ dbyar

sos gzims khang gong gi sprul pa'i sku bkra shis lhun por thugs
gnyer la phebs/ lugs gnyis kyi sgo nas zhabs 'degs legs par byas
shing dge ba'i bshes gnyen du mtshan gsol/ dbyar gnas la bkra
shis lhun

por rab 'byams pa rnams la 'dus pa'i bshad nyan gyi steng du/
dpal dus kyi 'khor lo'i rgyud 'grel gyi 'chad nyan btsugs/ ston
gyi ring mtshams kyi bcad rgya byas pas rig pa shin tu dwangs
shing bskyed rdzogs kyi lam zab

mo rnams la 'bras bu lam byed kyi rnam pa blo la gsal po 'char
ba byung bas rdo rje'i tshig 'di dag kyang gtam du byas so// //na
mo gu ru manydzu g+ho ShA ya/ rje dus gsum sangs rgyas thams cad
kyi/ /dpal bde ba chen po'i

ye shes sku/ /phyi ngur smrig gar gyis rnam rol ba/ /pha ma ti
b+hI tra'i zhabs la 'dud/ /dus nyin gcig rig pa dwangs pa'i tshe/
/chos thos pa'i snying po cung zad bsams/ /de bsams pas bla ma'i
bka' drin dran/ /lung man ngag rig

pas nges pa'i don/ /'di 'bras bu lam byed tshul nyid du/ /rje bla
ma'i bka' drin rjes dran pa'i/ /ngag rdo rje glu dbyangs 'di
bzhin len/ /mgon thugs rje can de'i bka' drin gyis/ /rten dal
'byor tshang ba'i mi lus thob/ /rje rgyal

@054b ba gnyis pa'i bstan dang mjal/ /rgyud sdom pa gsum gyis
mdzes par byas/ /gzhi dam tshig sdom pa gces par bsrungs/ /'di
bsams shing rje btsun bla ma'i drin/ /drin che bar nges so bla
ma rje/ /bka' mdo rgyud don la sgro 'dogs

bcad/ /gnas 'khor ba'i rgyu 'bras ngang tshul rig /byams snying
rje byang chub sems nyid sbyangs/ /dbyings gnas lugs rtogs pa'i
lta ba go /lam rim gnyis zab mo'i nyams len shes/ /'di bsams
shing rje btsun bla ma'i drin/ /

drin che bar nges so bla ma rje/ /gzhi ma dag skye shi bar do
gsum/ /rgyud smin byed sku gsum ngo bor bsgyur/ /yul gang snang
dag pa'i rol par shar/ /lus zab gsal gnyis med lha yi sku/ /ngag
brag stong sngags kyi bzlas pa shes/ /

'di bsams shing rje btsun bla ma'i drin/ /drin che bar nges so
bla ma rje/ /nang rdo rje lus kyi gnas lugs rtogs/ /rtsa 'dab
brgyad nor bu'i chu skyes dbus/ /chos khyad par gsum ldan smin
legs mar/ /sems rtse gcig chags pa'i

rol rtsed kyis/ /ma ye shes DA ki'i gzi brjid rgyas/ /steng chu
shel zla zer spros shing bsdus/ /phyis ji snyed chos kyi ri
dwags kun/ /sngar mnyam gzhag dran pa'i rgya ru bcug /rgya de
nyid bde stong lha skur shar/ /'di bsams shing

rje btsun bla ma'i drin/ /drin che bar nges so bla ma rje/
/snying mtshon cha 'khor lo rtsibs brgyad dbus/ /sngags bzang
po'i thig les ngar blud nas/ /dgra gzung 'dzin bzhon pa'i bdud
sde yi/ /mgul cig car 'bral ba'i dgra thabs

@055a @#/ /mkhas/ /yang chos 'khor pad mo'i lte ba la/ /dpal ye
shes rdo rje'i rang bzhin gyi/ /nor baiDUr dkar po'i pi wang
ni/ /rgyud 'od zer lnga yi ri mo can/ /gdangs mi shigs rdo rje
gsum gyi dbyangs/ /dpal

mkha' spyod grub pa'i gtam snyan 'dis/ /dbye dka' ba ma rig mdud
pa 'byed/ /'di bsams shing rje btsun bla ma'i drin/ /drin che
bar nges so bla ma rje/ /thabs shes rab nges gsang rtsa mchog
ni/ /ches phra ba'i chu skyes myu gu'i

rtser; ;rdzas dkar dmar 'bras bu'i thig le mdzes/ /'di zos pas
zhe sdang 'dod chags dang/ /de'i 'bras bu gti mug me tog rgyas/
/srog ma 'gags bzhin du mngon sum shi/ lar 'gal 'du'i bltas mo
ci yang mthong/ /

'di bsams shing rje btsun bla ma'i drin/ /drin che bar nges so
bla ma rje/ /blo myur mgyogs dran pa'i lha bzo yis/ /khams phra
mo'i gser sbyangs btso ma las/ /rten ye shes rang bzhin lha sku
bzhengs/ /sku de yi cho 'phrul bsam

mi khyab/ /khams gsum po ma lus ril gyis ming/ /mthar de bzhin
gshegs pa'i tshogs kun gzigs/ /rje sangs rgyas yum kyang bdag tu
bzungs/ /de'i ngo tshas rang yang stong par bros/ /'di bsams
shing rje btsun bla ma'i

drin; ;drin che bar nges so bla ma rje/ /slar nam mkha'i lam las
'ja' tshon 'khrungs/ /'ja' de nyid mtshan dpe'i 'od du 'bar/
/thabs dbang po'i gzhu yi na chung dang/ /yul 'od gsal chang gis
rtag myos pa'i/ /dbyings lhan

@055b skyes gzhon nu mig yangs po/ /dus 'du 'bral med pa'i grogs
por song/ /grogs mdza' bas dngos po gcig tu 'dres/ /dpal zag med
nor dang longs spyod tshogs/ /khong gzhan las phrags te bdag gir
bzung/ /'di bsams

shing rje btsun bla ma'i drin/ /drin che bar nges so bla ma rje/
/don de bzhin mngon du ma gyur kyang/ /chos zab mo thos dang
bsam pa'i mthus/ /rje sangs rgyas las kyang ches dkon pa'i/ /lam
'di 'dra bla ma'i drin gyis brnyed/ /mi nga

la gtad pa ma mchis kyang/ /glu 'di nyid gsang tshan rgyud sde'i
bcud/ /yul nyer bzhi'i dpa' bo rnal 'byor ma/ /glu 'di 'dra
gsang ba'i mgur du 'dzer/ /'di blo bzang chos kyi rgyal mtshan
gyis/ /rje'i bka' drin dran tshe dbyangs

su bsdebs/ /gtam 'di yi dge bas 'gro ba kun/ /dpal zung 'jug rdo
rje'i sku thob shog /ces bshar bsgom du byas pa bzhin du yi ger
bris so/ /de'i dgun bkra shis lhun po'i khri thog 'jog bsams
kyang/ ri sgul

mtsho skyong tshogs chen gyis tshogs phyag dang bcas gsol 'debs
drag pas bzhag ma thug sngar gtsang pa dbyangs dpon gyis bkra
shis lhun po ba rnams kyi gru gla lo bcur bcag pa'i dus rdzogs
pas/ bkras sgang mnyan

pa la/ dngos po tshan che ba byin nas lo sum cu so gsum par gru
gla mi dgos pa'i yig dan byas/ kun dga'i lo smon lam dang bstun/
thams cad mkhyen pa yon tan rgya mtsho bsnyen par rdzogs pa
mdzad pa'i mkhan po byas/

@056a @#/ /de'i lo byang 'grul kyang ltos mi chung ba 'dug pa
ltar/ lha btsun chung bas mtshon pa'i rab byung bsnyen rdzogs
brgya phrag mang po bsgrubs/ 'bras spungs tshogs chen la sgrub
thabs rgya mtsho rdzogs par byas/ de

dus ded rang gi slob ma bstan pa la phan du re ba rgan gzhon du
ma blo bur du shi ba thos pas bdag kyang de lta bu'i chos nyid
las ma 'das kyang/ rtag 'dzin phyin ci log gi rtog pas bsgribs
pas blo bur du 'chi ba snying nas ma

dran/ snyigs dus skye bo'i tshe tshad phal cher rdzogs par nye
yang da dung gtan du sdod grabs byed/ nam zhag gtan gyi mdun
ma
mi sgrub par/ tshe 'di don med kyi bya bas 'da'/ de ring rang
yang mi 'chi ba'i gdengs mi 'dug kyang/

'chi grabs tshags su mi 'jud pa'i snying rul khyod 'dra ba snyam
du// //na mo gu ru manydzu g+ho ShA ya/ kun mkhyen gyi rgyal po
tsong kha pa'i/ /gdams pa yi mdzod 'dzin dben sa pa/ /dus gsum
gyi sangs rgyas ye shes dngos/ /mi

bdag snying gi padmo'i ze'u 'brur bzhugs/ /'jigs rang 'jigs lnga
bcu kha ral dus/ /lo rgan tsho bzhi bcu lnga tsam lon/ /rnam
g.yeng gi ngang la mi tshe zad/ /da tshe lhag 'di snum zad mar me
tsam/ /ri gzar gyi 'bab chu drug po

ltar; ;snyigs dus kyi tshe thung zhag 'ga'o/ /sus bzung bar mi
nus nam mkha'i glog /'di bsams na tshe 'di'i mdun mas ci/ /mtho
dman gyi grogs po phal mo che/ 'jigs rung gi gshin rjes zos nas
zin/ /thar med kyi 'chi

@056b bdag za res de/ /mi bdag cag gi thog tu 'bab la khang/
/rgyus med kyi bar do'i 'phrang brgyud nas/ /rgyang ring du gcig
bur 'gro dgos na/ /bslu med kyi grogs dang 'dzad med kyi
brgyags/ /'gyod med du tshags su tshud lags

sam; ;'di nang gi phun tshogs ci 'byor kyang/ /rmi lam gyi yul
gyi longs spyod bzhin/ /don chung la mi tshe 'dzad pa'i rgyu/
/dug gsum gyi sa bon skyug re bro/ /snying sdug gi mdza' grogs
mang na yang/ /ngan song gi 'than thag 'ching ba'i

lcags/ /sing gling gi srin mo mdzes ma ltar/ /bde 'gro yi srog
gcod thar pa'i gshed/ /gzhon grogs dang dga' ba'i rtsed 'jo
yang/ /zhim 'dod kyi btsan dug za ba bzhin/ /thar med kyi ro
myags 'dam rdzab du/ /yun ring du nyam thag

a re sdug /ro zhim gyi myos 'gyur mang 'thungs kyang/ /dmar
'bar gyi khro chu 'thung ba'i rgyu/ /'bum phrag gi skye ba du ma
ru/ /sems rnal du mi gnas ba ma glang/ /ban bun gyi 'jig rten
bya ba 'di/ /a mthas su zhen pas sdug la

bkod/ /bag chags kyis bslad pa'i rmi lam bzhin/ /nyin mtshan kun
'khrul ba'i bya bas 'das/ /dug gsum gyi bag chags chan ches pas/
/lang shor gyi bag med bsam sbyor 'di/ /btsan chod du gnyen pos
ma sdangs na/ /'o

brgyal tshod dung byung gis dgas/ /'dus byas kyi mtshan nyid mi
rtag cing/ /snyigs dus kyi tshe la longs med pas/ /da don med kyi
bya bas mi 'da' bar/ /yang dag gi snying po len par 'dod/ /zhes
bya ba bab col du smras so/ /srin

@057a @#/ /bu zhes pa'i ston skyid shod sde pa chos kyi rjes
mtshon dge ba'i bshes gnyen lnga drug la mtshams khongs su/ 'dul
ba'i spyi don rdzogs par ngag 'dzin btang ba'i mthar dpon slob
de rnams bsnyen par rdzogs pa

dge slong gi dngos por yang bsgrubs/ lo de la yang byang 'grul
phon shin tu che ba byung zhing/ stong 'khor sprul sku 'jam
dbyangs rgya mtsho bas thog drangs/ gsar pa stong phrag brgal ba
rab byung bsnyen rdzogs su bsgrubs/ de dang

mtshungs par byang ra bsgreng du/ lha btsun bgres pa dpon slob
brgyar nye ba rab tu byung ba dang bsnyen par rdzogs pa'i mkhan
po yang byas/ ra bsgreng tshogs pa la thig le bcu drug gi dbang
bskur/ ri khrod pa rnams la 'khrid phog

cing bsgrub pa'i dam bca' blangs/ me khyer gyi kho'i dbyar bkra
shis lhun po'i dben bsdum mchod rten gyi chos 'khor bcu gsum
gdugs tog dang bcas pa zangs khal bdun cu/ gser mgur zho'i bzhi
brgya tsam gyis rgy

byas te gser zangs kyis dril/ dbyar chos la bkra shis lhun po
rang du de mo sprul pa'i sku lha dbang phyogs las rnam rgyal
dang/ skyid shod sde pa bstan 'dzin blo bzang rgya mtsho ba dang/
bkra shis lhun po'i slob dpon rnams kyis

thog drangs sde snod 'dzin pa sum brgya lhag tsam la rdo rje
'phreng ba dang/ ston mi tra brgya rtsa'i bka' rnams rgyas par
phul/ mtshams der lhun rtse chos sde ba rnams kyis gdan drangs
nas/ gsang bde 'jigs gsum gyi dbang

@057b chen dang/ chos skyong mang po'i rjes gnang sogs dang/
'dod chos kyis tshim par byas shing/ phyir lam srad rin chen
rtser zhal ngo rnams kyi bzhed pa bsgrubs/ bzo thab de kha'i
rgyun las dngul srang brgya phrag phyed gsum la rgyal ba

tsong kha pa chen po'i sku blta bas chog mi shes pa phyag gi
mchod sdong nang du thams cad mkhyen pa tsong kha pa rang
nyid
kyi tshems mrgad ma dang/ yang de nyid kyi tshems 'khrul med yongs
rdzogs gcig dang gnyis/ g.yu tshoms kyi

g.yas na thams cad mkhyen pa dge 'dun grub kyi tshems srin bus
cung zad zos pa gcig dang bcas bzhugs pa'i sku 'bag legs par
bsgrubs te/ dmar zor can gyi rgyal zla ba'i yar ngo la tshogs
chen du rab ston mang 'gyed

bzang po dang bcas spyan dbye rgyas par byas/ de dus sde srid
gtsang pas/ rje karma pa yab sras bsam grub rtser spyan drangs/
ser mo ba'i rigs thams cad ser 'phreng la bkug pa la/ dus thog
'gyangs pas thams cad brgyags

zad cing sku mnyel bar 'dug pa blos ma bzod par/ dge 'dun gyi
sde che kha rnams nas/ rtog ldan bzhi sde yan chad la bsrubs lus
med par skam za rdor dang bcas pa'i 'gyed dang/ thun mong du
g.yang 'dzin nag rtse 'dres

pa'i mang ja bzang pos mchod cing/ phyis byi lo bsam rtser rje
karma pa yab sras phebs dus kyang/ ris med pa'i ser 'tshogs la
mang ja bzang pos tshim par byas so/ /lo de'i zla ba bcu gnyis
pa'i tshes bcu gcig la bkra shis

@058a @#/ /lhun po'i sngags grwa'i gtsug lag khang gsar bzhengs
byed pa'i sa chog dang 'gram bting/ tshes bcu gnyis la dben dgon
du phyin nas/ bcu gsum 'grub sbyor bzang ba'i thog /lha khud nas
mkhas

grub chen po rje sangs rgyas ye shes kyi sprul pa'i sku spyan
drangs/ rab tu byung ba bsgrubs te blo bzang bstan 'dzin rgya
mtshor mtshan gsol/ /gsang bde 'jigs gsum gyi dbang dang/ chos
skyong mang po'i rjes gnang

phul; chos kyi rgyal srid dang 'gro ba'i 'dren par mnga' gsol/
/zla ba de kha'i nang du/ thams cad mkhyen pa yon tan rgya mtsho
blo bur gyi rkyen gyis zhing gzhan du gshegs nas dgongs pa chos
kyi dbyings su rdzogs pa

bya ba dang/ lha sa'i smon lam gyi tshogs dbu dus mtshungs byed
dgos shar/ smon lam grol 'phral/ lha btsun bstan skyong rgya
mtsho bro 'tshal ba'i bar chod sel phyir ra bsgreng du phyin nas/
dgon gong du zla lhag tsam mtshams

dam par bcas/ sku 'dra rin po che dbu yon ma spyan drangs/ gsol
ba rtse gcig tu btab pas/ byin gyis brlabs pa'i nges shes khyad
par can skyes te/ jo bo chen po la// //na mo gu ru manydzu g+ho
ShA ya/ rje mi pham chos kyi

mdun sa'i rgyan/ /lha skal ldan grangs med yongs kyi mgon/ /dpal
nam mkha' dri ma med pa'i zhabs/ /mi bdag snying padmo'i ze'u
'brur zhog /zhing bde ba can na 'od dpag med/ /rje rgyal ba'i
spyan sngar bzang po skyong/ /yongs

@058b lnga rig paN chen kun gyi gtso/ /thugs brtse bas gzigs
shig a ti sha/ sngon dpag med dus nas sangs rgyas kyang/ /bdag
mgon med 'gro ba'i don gyis phyir/ /khrims bslab gsum ldan pa'i
dge slong tshul/ /thugs brtse bas

gzigs shig a twi sha/ bod 'dre srin gdul dka' 'dul mdzad pa'i/
/dpal mthu stobs dbang phyug padma 'byung/ /mgon khyod kyi ye
shes sgyu ma'i 'phrul/ /thugs brtse bas gzigs shig a ti sha/
dus mi bzad snyigs ma lnga

bdo ba/ /yul byang phyogs rmongs pa'i mun khrod 'dir/ /chos phan
bde'i gzi 'od stong 'bar ba'i/ /dpal mar me mdzad dpal a ti
sha/ rigs khyab bdag bde gshegs kun gyi dngos/ /chos brgyad khri
bzhi stong 'byung ba'i gnas/ /

tshogs 'phags mchog kun gyi 'dren pa mchog /skyabs bslu med mgon
po a ti sha/ pha khyod zhabs bsten cing mchod pa dang/ /yid
rtse gcig gdung bas gsol 'debs na/ /mchog mthun mong dngos grub
ma lus kun/ /dus myur

du stsol mdzad a ti sha/ da deng nas byang chub snying po'i
bar/ /mgon khyod zhabs padmo spangs nas ni/ /bdag re ba'i skyabs
gzhan mi 'tshol bas/ /pha thugs rjes zungs shig a ti sha/ rten
rnyed dka' 'jig sla'i mi lus 'di/ /phyis

'bras med spun pa mi 'phyar bar/ /don rtse gcig snying po len pa
ru/ /rgyud byin gyis rlobs shig phul byung zhabs/ /dgra bdag
'dzin 'gong po rtsad nas bton/ /gnyen 'gro drug sems can gces
par bzungs/ /lam stong nyid snying

@059a @#/ /rje dbyer med par/ /rgyud byin gyis rlobs shig phul
byung zhabs/ /slar ma 'ongs skye ba rnams su yang/ /sprang bdag
gi skyid sdug legs nyes rnams/ /dpal lha gcig jo bo khyed rang
mkhyen/ /lam log par ma

gtong a ti sha/ tshe 'di nang 'gags par gyur pa na/ /dpal mar me
mdzad dpal snang mtha' yas/ /don de phyir thugs rje'i 'od zer
gyis/ /bu snying med bde ba can du drongs/ /mi nga la dad cing
gus pa rnams/ /steng dga' ldan lha

brgya'i gnas mjal zhes/ /bka' 'gyur med zhal gyi bzhes pa yi/
/don mngon sum bdag la bstan du gsol/ /ces pa dang/ 'brom la//
//na mo gu ru manydzu g+ho ShA ya/ lha gangs ri'i mgon po spyan
ras gzigs/ /dpal

mar me mdzad pa'i thugs kyi sras/ /rje rgyal ba kun gyi 'byung
gnas zhes/ /mtshan snyan par grags pa'i rgyal ba 'brom/ /sras sa
bcu'i dbang phyug pad dkar 'dzin/ /rgyud ma dag 'gro ba 'dren
pa'i phyir/ /rten tshangs spyod dge

bsnyen tshul 'dzin kyang/ /don snying po'i dge slong rgyal ba
'brom/ /yul byang phyogs u pa sI ka zhig /ming chos 'phel skad
du 'byung ngo zhes/ /rje rgyal ba'i lung bstan mchog brnyes
pa'i/ /bod gangs can mgon po rgyal ba

'brom/ /zhing phyogs bcu'i bde gshegs thams cad kyi/ /thugs
brtse ba'i ye shes gcig bsdus nas/ /dpal bka' gdams mes po'i
skur ston pa/ /pha bstan pa'i bdag po rgyal ba 'brom/ /tshe mi
rtag dgun nyi lta bu 'di//

@059b dgra chos brgyad rkyen gyis mi g.yeng bar/ /nga rtse gcig
dam chos bsgrub pa ru/ /rgyud byin gyis rlobs shig 'brom ston
rje/ /gyong lto gos gtam gyi steng du bskur/ /tshe 'di nang lus
srog theng la bor/ /rang gces 'dzin gcod nad thon

pa ru; ;rgyud byin gyis rlobs shig 'brom ston rje/ /byams snying
rje byang chub sems gnyis 'byongs/ /dbyings spros bral bdag med
mngon sum rtogs/ /lam rim gnyis rnal 'byor mthar phyin par/
/rgyud byin gyis rlobs shig 'bro

ston rje/ /zhes yab sras gnyis kyi gsol 'debs de yang 'phral du
bris so/ /de nas 'bras spungs su sleb pa na/ ser 'bras kyi mkhan
po byed dgos tshul byung bas/ spyir 'di nang 'jig rten la bltos
pa'i gos sogs kyang 'phar

rgyu mi 'dug /chos phyogs la bltos pa'i yang sngar 'phrin las
bskyangs pa las/ da lhag po yong rgyu ma mchis mod/ 'on kyang
snga mo nas dben pa la shes 'dod che ba dang/ lhag par tshe mjug
'di 'gol ba zhig tu thugs dam la gcig

dril bya'o snyam kyang/ ring nas 'dris pas nan chos shing/ /dad
ldan bskyur bar ma phod pas/ /bya ba thongs pa dka' mor gdal/
zla med gcig pur byin gyis rlobs/ zhes zer ba ltar snang ba'i
gnyen por 'gyur bas/ re zhig ser 'bras kyi

gdan sa khas blangs kyang/ 'dir ni spyi sgos kyi byed pa po so
so'i khur len gyis bdag nyid bya sla ba'i ngos nas zhi ba'i nags
khrod du ngang gis gzhol bar 'gyur ro snyam dwang du blangs
nas
re zhig mtshams gdams nas bsam blo btang ba

@060a @#/ /na; rnam g.yeng gis sun pa'i khungs su byas nas/ rnam
g.yeng gi mgo rtsom/ rang gar 'gro med pa'i gzhan gyi lam sna
'dren/ rang mgo mi thon pa'i mang po'i mgon byed/ bkra shis lhun
po lta bu'i grwa sa 'jog

'dod cing/ 'jog ma thub par/ ser 'bras kyi mkhan po'i ming btags
byed/ e ma byis pa chung ngu'i kun spyod dang mtshungs par 'dug
/slan chad kyi mdun ma thams cad spyir bla ma dkon mchog dang/
khyad par du ston pa bla na med

pa de nyid mkhyen snyam du// //na mo gu ru mu ni intra ya/
bskal bzang 'dren pa rgyu skar stong gi dbus/ /snying stobs cha
shas rdzogs pa'i 'od dkar can/ /thub dbang smra ba'i zla ba'i
zhabs pad la/ /byang chub snying po'i bar du skyabs

su mchi/ /'jigs rung snyigs ma'i byin za cher 'bar bas/ /rgyal
gzhan mtha' dag skrag pa 'dzin pa'i tshe/ /mkhyen brtse'i sprin
phung thugs rje'i chu res can/ /gdung sel shA kya'i gtso bo las
gzhan ci/ /de phyir thub pa'i nyi ma mang

po yis/ /yal bar dor ba'i dmu rgod gdul dka' ba/ /nyam thag mgon
skyabs med pa bdag cag la/ /re ba'i skyabs gzhan med do
shAkya'i tog /bsam zhing bsams shing kun mkhyen nyi ma'i gnyen/
/mngon sum ma mthong gdung

ba'i me 'bar ba/ /gzhom phyir sprin dang pral yang mig mkha'
las/ /mchi ma'i char zim g.yo bas ci yang khebs/ /de slad lhar
bcas ston pa mchog de nyid/ /dran pa'i yul du gshegs kyang gus
pa yi/ /zhabs phyir bsnyegs

@060b par 'dod pa bdag cag la/ /brtse bas phyi bzhin gzigs dang
zas gtsang sras/ /khyod kyi bstan pa'i cha tsam mi sgrub par/
/nyon mongs dug gsum chang gis rab myos pa/ /khrel med smyon pa
lta bu bdag cag la/ /bcom ldan thugs rje mnga

bas skyabs mdzod cig /dal 'byor don chen snying po mi len par/
/don chung tshe 'di'i bya bas dus 'da' ba/ /rin chen dor nas
mching bu len pa yi/ /bag med bzang rdzum khan la thugs rjes
gzigs/ /'dus byas mi rtag khyad par rang gi

tshe; ;rtswa rtse'i zil pa bar snang glog 'dra yang/ /rnyed bkur
don gnyer rtag tu sdod grabs byed/ /rtag 'dzin phyi bshol mkhan
la thugs rjes gzigs/ /tsher ma'i sdug bsngal tsam yang mi bzod
kyang/ /bskal brgyar ngan 'gro'i sdug

bsngal myong ba'i rgyu/ /dge sdig khyad du gsod pa'i khrel med
po/ /sdig ldan ser gzugs can la thugs rjes gzigs/ /nyon mongs
dgra bor shes kyang sems la 'chang/ /sdom gsum gnyen du mthong
kyang yal bar 'dor/ /gzhan gyi

dam par bkur yang tha mal pa/ /'gal 'du'i phung po bdag la thugs
rjes gzigs/ /ldan grol mi ldan dkor gyis rang rgyud tshos/ /nyin
mtshan khor yug rnam g.yeng ro nyal mkhan/ /chos brgyad khol
po
gzhan ngor tshul 'chos pa/ /

snying rul blun po bdag la thugs rjes gzigs/ /gar 'gro'i gtol
med gzhan gyi lam sna 'dren/ /rang rgyud ma dul gzhan la dam
chos 'chad/ /rang mgo mi thon mang po'i tshogs dpon byed/ /btsun
pa'i gzugs brnyan bdag la

@061a @#/ /thugs rjes gzigs/ /tshul 'di bu ram shing pa'i rnam
thar dang/ /rang gzhan spyod tshul dran pas rkyen byas te/ /dge
slong blo bzang chos kyi rgyal mtshan gyis/ /dpal ldan 'bras
spungs chos sde chen por smras/ /zhes

bya ba gtam du byas/ dus de dang gzhan gyi tshe yang khrims 'chal
dur smrig gis dkris shing dad pas byin pa la 'dzem med spyad
kyang dbul ba'i sdug bsngal gyis nyam thag pa du ma mig lam du
snang bas lhag par snying rje skyes shing/ yang nga

bar yang gyur/ des mtshon nas tshe 'di'i bde skyid don du gnyer
ba'i phyir sdig pa 'ba' zhig byed pa rnams kyi bsam sbyor mthong
bas kyang rkyen byas nas/ 'di ltar sems la shar ba bzhin yi ger
bkod// //na mo gu ru manydzu g+ho

ShA ya/ pha rje btsun bla ma'i zhabs la 'dud/ /khyed gson rang
rnam dpyod yangs pa kye/ /kha snog chung gi bya bas ci zhig
byed/ /bde 'dod na dam pa'i lha chos mdzod/ /nor zang zing gi
'du 'god ston ka'i sprin/ /gnyen 'khor g.yog gi

lang long tshong 'dus 'gron/ /lus sha khrag gi lang tsho nam
mkha'i 'ja'/ /'di dgongs sam shes ldan grogs po dag /rten dal
'byor 'di nyin mo'i skar ma 'dra/ /dgra 'chi bdag kho mi sdod
tshur tshur 'ong/ /tshe pha rol gyi ngam grog g.yang

sa che/ /'di dgongs sam shes ldan grogs po dag /spyir 'khor ba'i
gnas 'di dug sbrul tshang/ /dgos 'dod yon gyi longs spyod kim
pa'i 'bras/ /lha tshangs dbang gi dpal yang chu shing 'dra/ /'di
dgongs sam shes ldan

@061b grogs po dag /nyen che dus su skyob pa dkon mchog gsum/
/dus mthar thug gi gtan grogs drin can rje/ /rang dgos dus su
phan pa dam pa'i chos/ /'di dgongs sam shes ldan grogs po dag
/bshul thag ring gi brgyags

phye sbyin pa'i gter/ /lam mtho ris kyi them skas tshul khrims
dang/ /rgyan gzugs bzang gi byed po bzod pa ste/ /'di dgongs sam
shes ldan grogs po dag /khyed 'di nang gi bde la chags rin med/
/yul 'di las dga' ldan lha

yul skyid/ /zas 'di las lha yi bdud rtsi zhim/ /'di dgongs sam
shes ldan grogs po dag /gos 'di las lha rdzas na bza' dro/
/rgyan 'di las nor bu rin chen mdzes/ /grogs 'di las lha dang
lha mo bzang/ /'di dgongs sam shes

ldan grogs po dag /mi'i 'dod pa'i bde la zhen pas ci/ /kye; lha
yi lus dang longs spyod yod/ /kwa'i 'khor ba'i bde ba 'dod na
yang/ /chos tshul bzhin mdzod dang 'di bzhin 'byung/ /zhes so/
/de skabs na tshod kyang lo lnga bcu la nye

bar sleb pas rgas pa'i sdug bsngal 'jigs su rung bas khad kyis
non par nye/ des na da lta lus kyi rkyen bzod cing rang dbang
yod dus dben pa'i nags khrod me tog mngon par rgyas pa'i bsti
gnas su/ skye rga na 'chis skrag pa

med pa'i nyams len la ci'i phyir brtson par mi byed snyam du
shar ba'i don 'di ltar// //na mo gu ru manydzu g+ho ShA ya/ rje
sangs rgyas kun gyi ye shes nyid/ /pha 'gran zla med pa'i blo
bzang grags/ /mi bdag snying padmo'i dbus

@062a @#/ /bzhugs la/ /mchog mthun mong dngos grub stsal du gsol/
/gnas 'jigs rung 'khor ba'i btson ra 'dir/ /sngar skye rga na
'chi'i 'khor lo bskor/ /da rje btsun bla ma'i thugs rje yis/
/las nyon mongs skye ba

bzlog tu gsol/ /gzhon lang tsho rgyas pa'i myu gu de/ /mthar lo
zla 'gyur bas rim bzhin smin/ /sems col chung byis pa rgad po'i
lus/ /'di bsams shing shes pa gting nas skyo/ /dbyar spang
ljongs bkra ba'i me tog de/ /dbyibs rang

mdzes mthong na yid 'phrog kyang/ /dus nam zla ston du gyur pa
na/ /mdog mi legs rnyings shing yid mi chags/ /don de bzhin yid
'ong blta na mdzes/ /rgyan lang tshos dregs pa'i gzhon nu yang/
/mthar dar yol rgas pa'i dus

kyi tshe/ /gzugs mi sdug ro langs mngon sum bzhin/ /nang sha dang
khrag gi stobs bri bas/ /phyi lhab lhab 'phyang pa'i pags pa de/
/rgya snyer ma mang pos rgya gram bcings/ /lus drang por skyes
pa'ang bzhu ltar sgur/ /so'i ge sar

phal cher lhung gyur pas/ /mchu'i yal 'dab g.yo yang mdzes pa
med/ /ngag mi gsal ldab ldeb smra ba 'di/ /mdun kha chus chag
chag 'grems pa bzhin/ /yar ldang tshe sug bzhi sa la bgrad/ /mang
sdod tshe 'bebs chen rgyag

dang mtshungs/ /rkang byin pa sor bzhi'i khri des kyang/ /lus sgrom
bu mi theg ling ling mdar/ /skra zigs shing lhag ma skya bor gyur/
/mig mi gsal mig 'bras nang du bros/ /gtam 'gro 'ong rna ba'i sgo
la bkag /blo rmongs shing

@062b dran dang dbang po nyams/ /lus 'bad pas 'khar ba la brten
kyang/ 'gros 'khyor zhing 'khyor zhing res 'ga' 'bub/ /tshe phal
cher zad pas pha rol nye/ /gnyen nye 'brel 'khor g.yog bcas pas
kyang/ /da med na bde zhes shi smon byed//

rgas 'khogs shing lang tsho nyams gyur pas/ /shing khong rul
sdong po rnying pa 'dra/ /tshul 'di 'dra'i 'jigs rung sdug bsngal
yang/ /dus lan re kho na ma yin te/ /rgyun mi 'chad yang dang
yang du myong/ /lar rgas pa'i snang tshul 'di lta

bu/ /yongs kun la 'byung ba'i rang bzhin kyang/ /gzhon lang tsho
rgyas pa'i byis pa rnams/ /'di mi shes na tshod rtag tu re/ /phyi
gsar chus g.yogs pa'i bshang gci la/ /sems chags kyang rang
mtshang myur du ston/ /tshon ri mo bkra ba'i

dbang po'i gzhu/ /mdangs legs kyang myur du yal nas 'gro/ /don
de phyir lus kyis rkyen bzod tshe/ /nags sman ljongs mdzes pa'i
dga' tshal der/ /grangs bcu gnyis sbyangs pa'i yon tan blangs/
/bka' mdo rgyud dam pa'i rnam thar

blta/ /chos mang du thos pa'i gnad rnams sems/ /don ting 'dzin
bde la rtse gcig rol/ /slar rjes thob sgyu ma'i rnam thar
skyong/ /dus res 'ga' sa 'dzin yangs par 'chag /lam thun mong
rim pa nas bzungs te/ /dpal zung

'jug bde ba chen po'i bar/ /gzhi stan thog gcig tu dril byas
nas/ /dus nyin mtshan khor yug bsgom par spro/ /mthar na tshod
yongs su smin gyur kyang/ /rje kun mkhyen thub pa'i dbang po
yis/ /chos mang du thos pa'i dge slong

@063a @#/ /de/ /nags bzang po'i skyed mos tshal gyi khrod/ /tshe
lang tsho yol ba gnas pa bde/ /zhes gsungs bzhin rga shis skrag
pa med/ /sems chos brgyad spros pa rtsad nas bcad/ /lha'i skyed
tshal 'dra ba'i dben gnas

der/ /pha bla ma'i rnam thar skyong bar spro/ /steng chu 'dzin
bla bre lang ling g.yo/ /bar rmugs pa'i stod g.yogs yol bas
bris/ /smad nags tshal sngon po'i sham thabs mdzes/ /gzhi ne'u
gsang me tog phang phung can/ /'grogs bde

ba'i bya dang ri dwags grogs/ /yid bag phebs bde bar zlos gar
sgyur/ /tshe 'di nang chags sdang skye ba'i yul/ /gnyen nye du
dgra sogs ming yang med/ /kun mngon dga' bskyed pa'i sman ljongs
der/ /nor 'byor rgud gsog bsrung

sdug bsngal bral/ /'phral gang byung chog shes bdud rtsis 'tsho/
/chos 'phags nor bdun gyi bang mdzod 'dzin/ /las ci byed sna
thag rang gis bzung/ /rje rgyal ba kun gyi rjes su slob/ /tshul
'di 'dra'i bde skyid khyad par gang/ /

lha'i dbang pos kyang ni rnyed dkar gsungs/ /don de phyir
padmo'i dra ba yis/ /steng mdzes par khebs pa'i yid bzhin mtsho/
/rgyang mig lam babs pa'i ngang pa bzhin/ /gnas dben pa'i dga'
tshal snying la dran/ /las nyon mongs chu

srin mang pos gtses/ /rlabs skye rga na 'chi'i rba klong 'khrug
/gting mtha' med 'khor ba'i rgya mtsho las/ /da myur du sgrol
phyir dben par 'gro/ /lam thabs shes zab mo'i nyams len gyis/
/dgra skye rga na 'chi rtsad bcad nas/ /

@063b dus rtag tu 'du 'bral mi byed pa'i/ /lus longs spyod grogs
sogs sgrub par smon/ /tshul 'di ltar re ba'i don po rnams/
/skyabs bslu med bla ma dkon mchog gis/ /yun mi ring myur du
'grub pa yi/ /gegs zhi zhing mthun

rkyen 'grub par mdzod/ /ces bris/ mtshams grol nas dbyar chos
chen mo la rje btsun thams cad mkhyen pa tsong kha pa chen po'i
rnam thar gzabs bshad dang/ gleng 'bum chen mo'i lung byas/ de'i
ston khal kha'i rgyal rgyud gnyis

kyis gtsos pa'i byang 'grul mchog tu mang ba byung ba ltar rab
byung bsnyen rdzogs stong du nye ba'i mkhan po'i bya ba byas
shing/ jo bo rin po che'i pho brang du lha mchod dang mi mchod
phun sum tshogs pa'i smon lam yang dag pa

bsgrubs/ de nas snga sor la mang po sbrel nas yong dgos tshul
byung ba ltar/ lo sngon ma dmar ser can gyi dbyar thog de gu ge
nas spyan 'dren gyi mi sna byung ba bzhin/ 'gro bar brtsams te
bkra shis lhun por slebs/ /zla phyed

lhag tsam 'dug nas/ rim gyis lam bar du bzhugs pa'i dge 'dun gyi
sde dang/ dad pa can rnams kyis bsnyen cing bkur ba yang dang du
blangs shing/ ci 'dod pa'i chos kyis kyang tshim par byas/ zla ba
bzhi pa'i nyer gsum

la ma pham mtsho 'gram du son nas khrus byas shing mtsho'i rde'u
sbar gang blangs pas phal cher lha'i rnam par snang bas ngo
mtshar du 'dzin par 'dug /sang gangs ri'i mdun na phar phyin dus
gangs ri'i rtse nas 'ja' tshon kha

@064a @#/ /dog sna lnga rgyal mtshan dang/ ba dan dang/ gdugs lta
bu dang/ dar brkyangs pa 'dra ba dpag tu med pa byung ste/ ded
rnams 'gro ba'i steng ngos chags pa byung bas/ 'bri khung pa'i
rdor 'dzin dad par gyur te phyi

bzhin bsnyegs nas/ sha la tsa gong du mjal bar byung ste/ nged
gangs rir slebs nas lo bcu tsam song kyang de ring las rtags ya
mtshan che ba ma byung zer gus par byed cing 'dug /de nas zla ba
lnga pa'i dkar phyogs kyi tshes

bcu gsum la zhang zhung gi lung nang spa'i lding zhes bya bar
zhabs drung chos rje/ jo bo bdag po lha sde mi sde'i gtso bo dag
gi rta pas sa gzhi khebs pa lta bus bskor nas bsu bar byon pa
dang zhal mngon du gyur cing/ lha

rnams kyis kyang me tog char du phab pa sogs dge mtshan phun sum
tshogs par gyur/ tshes bco lnga la mtho lding gser gyi lha khang
du zhabs drung mi dbang gis/ skyes bu'i mchog lo tstsha ba rin
chen bzang po'i bzhugs khrir gdan

drangs te rin po che'i me tog gi maNDal phul/ ser 'tshogs kyi
'dus pa rgya mtsho la mang 'gyed bzang po dang/ bla ma'i rnal
'byor gyi chos 'brel byas so/ /de nas shas cher chos grwa sar
'dug nas mchod yon rnams la gsang bde

'jigs gsum gyi dbang bskyed rdzogs/ snar thang brgya rtsa/ 'jam
dbyangs chos skor/ bka' gdams chos 'byung gi lung la sogs pa zab
rgyas kyi chos bka' mang du phul/ mdor na gu ge bdag po sku
mched khu dbon gyis thog

@064b drangs/ phyogs de'i lha sde mi sde thams cad kyis/ dpe zla
med pa'i dad pa'i rol mtsho las 'khrungs pa'i rnyed pa dang/ bkur
sti'i bye brag bsam gyis mi khyab pa'i me tog gis yang dag par
mchod de bu ram shing pa'i gdung dri ma med pa'i

chos kyi rgyal po'i rnam thar skyong bar mdzad do/ /gzhan yang
mu dkar/ mang nang/ mda' pa bkra shis lhun po/ shangs rtse sogs
su phyin nas/ ji ltar 'dod pa'i chos bstan/ khyim pa rnams kyang
bsnyen gnas sogs dag pa'i lam

la bkod/ mang yul rgyal pos 'bod mi nan chags byung kyang 'gro
ma thub pas yul de'i lha sde mi sde gtso bo mang po mjal bar
byung bas dge ba'i 'brel pa bzhag /zhabs drung chos rje dang/
drung pa blo bzang rnam rgyal la sogs

pa gu ge mang yul ru thog gsum ka nas rab byung bsnyen rdzogs
bsgrub mkhan kyang brgya phrag rgal ba byung cing/ zhabs drung
chos rje nyid phyogs der bstan pa'i bdag por mnga' gsol te/ zla
ba dgu pa'i tshes bcu gsum la

gu ge nas bteg /gangs ri'i bar du zhal ngo mchod yon rnams kyis
kyang skyel mar phebs/ gangs bskor byas nas gangs ri'i mdun du
nyin gung khrom dbang zhig byed skabs/ gangs ri de ni
baiDUrya'i mdog 'dra ba la gzugs

brnyan sna tshogs 'char ba zhig 'dug /nye skor gyi grwa pa zhig
la gangs ri 'di ci 'dra dris pas dkar zhing 'tsher ba 'dug zer/
mkhar nag chos mdzad la dris pas rgya mthing bzang po'i mdog
lta
bu shin tu sngo ba zhig 'dug zer/

@065a @#/ /de tsam cig mthong nas ya mtshan du byed cing 'dug go
/de nas zla ba bcu gcig pa'i tshes bcu gsum la/ bkra shis lhun
por slebs nas ser ja gser 'byed dang bcas pa byas/ de dus lha sa
dang 'bras

spungs rgyab rir mi stong phrag du ma kha btags shing/ ser 'bras
gnyis dmag gis bcom skabs su mchis kyang/ yang dag par rdzogs
pa'i sangs rgyas bzhugs pa'i skabs su'ang/ grong khyer ser skya
pa rnams dang/ ko

sa la pa'i dmag 'khrug tshan che ba dang/ rgya bod gnyis kar
bstan pa'i 'phel 'grib sna tshogs byung kyang/ las kyi rnam smin
bcos su dka' ba ltar thabs dang bral yang/ deng sang phan yon du
'gyur ba 'di'o snyam du/ ser 'bras

gnyis kar mang ja gser 'gyed dang bcas pa lan lnga/ kha che'i
chab bum spus gtsang ba cha re re/ 'bras spungs byams khang dang
dngul gdung khang du gug tang cha legs bdun tshar re re phul/
don
grub kyi lo'i bkra shis lhun

po'i dpyid chos grol 'phral dge 'dun stong tsam la phogs dang/
ja tshul bsgrigs nas zla gcig gi bar chos 'khor gsar du btsugs te
spyi sgos kyi chos grwa rig lung thugs dam rnams phan tshun 'gran
pa bzhin du 'phel/ gzhan

du lo 'khor mar slob gnyer byas pa las/ de kha'i zla chos blo
bskyed che ba byung zhes mthun par gleng/ de nas bzung rab byung
gi lo 'di'i bar chos 'khor lo re bzhin ma chag par tshugs pas/
tshul 'di yang kho bo'i tshe 'di la bltos

@065b pa'i rnam thar dam pa rnams dgyes pa bskyed pa zhig yin
no/ /de skabs sgrol ma lha khang gcod can du song/ mchod rdzas
ci yang med par ma zad/ dge skos dang bsod snyoms pa ci rigs kyi
mdzod dang/ tshogs chen la bsnyen bkur

byed pa rnams kyis tsam khang byas te/ rje btsun ma rdul khrod
na sku mnyel bar bzhugs pa las chos khrims pa'i mdzod dang/
rtsam khang gsar du bsgrubs/ lha khang bsra zhing brtan par
bcos/ steng khebs pa'i gos bzang po'i bla bre

sogs mchod rdzas cha 'grig gsar du legs par bsgrigs pa 'di ltar
lags/ de nas drag po'i dpyid kyi chos 'khor thon 'phral gnas
rnying du/ 'phags pa 'jig rten dbang phyug ngag gi dbang po
zhing gzhan du gshegs nas

'gro dgos shar/ dgongs pa chos kyi dbyings su rdzogs par byas
nas/ sku mched so sor snyan sgron rgyas par phul te/ sku gzhon
pa rim gyis bkra shis lhun por gdan drangs/ dge ba'i bshes gnyen
sdom pa gsum lan du

bsgrubs te/ 'gro ba mang po'i 'dren par mnga' gsol/ mi ring bar
sku 'bring po yang de dang rjes su mthun par bsgrubs/ sku bgres
pa gnas rnying rang gi khri thog tu 'gran zla dang bral bar
byas/ de kha'i ngang nas rkyen ngan grogs

su shar te chos sde khrims gtsang zhing dge 'dun 'phel rgyas che
bar mchis so/ /de nas lo de nyid kyi ston mjug sog dmag dpung
che ba byang rgyab tu slebs/ sde srid dpon blon gyi bka' nan
chags pa la brten nas/ chings lugs

@066a @#/ /la 'gro dgos shar/ snga sor bzungs kyang phyis gdon
pa ma byung bas dngos su thon pa yod shas mi 'dug ste lha sar
slebs pa'i zhag rmi lam du 'dun legs ma tshang bar bton pa rmis
pas chings dga' rab

yod pa 'dra bsam rong po 'dam gyi bar du phyin kyang/ lab
'phen tsam ma gtogs don 'bras smin pa zhig ma byung bas/ re
zhig 'bras spungs su bsdad nas slar yang ser 'bras gnyis ka'i
srog rtsa nas bzungs/ gser phyogs rgyab/

khyad par thams cad mkhyen pa bsod nams rgya mtsho'i dngul
gdung gi sgo rgyan thams cad gshig nas ma rungs par byas 'dug
pa/ rten 'brel la phan par bsams nas gser g.yu la sogs pa rin
po che'i phung po las gsar

du bsgrubs te/ thams cad mkhyen pa nam mkha' mdzod brnyes pa'i
phyag mdzod/ phyag rdzas dar la babs pa'i dus su bsgrubs pa'i
sgo'i rgyan zil gyis gnon pa lta bu bcos pa mngon sum du gzigs
pa 'dir gsal/ gzhan

yang ser 'bras gnyis kar bdag cag gi ston pa'i sku brnyan bkra
ba'i bkra shis kha btags kyi 'phan gyi 'phreng ba re re dang/
grwa sa gsum kar mang jas yang yang bsnyen bkur cing/ re zhig
mtshams dam par bcad do/ /de nas

zla ba bdun pa'i zla mgo la bod dmag thams cad rkyang thang
sgang du 'gril/ tshes bcu gcig gi tsha ba grol mtshams su/ skad
cig la sog po'i rta pa sgar thog rgyugs nas/ mi brgya phrag du
ma yang bsad ces/ rna ba'i bu gar son

@066b ma thag /blos ma bzod par mtshams la har 'don byas te/
ngan 'bag gi skyed skabs tshun rkang thang gis song nas mgyogs
phar phyin pa na/ bod dmag rnams lcags po ri'i mtshams su 'khor
zhing/ sog po'i rta pa lan gnyis

pa rgyug par rtsom pa me mda' dang nyag phran gyi char 'bab
pa'i skabs su slebs/ dngos po tshan chen po dang bcas lha btsun
la dngos su zhu ba nan chen po byas pas/ de dus sog po la bod
kyi g.yo sgyu sogs ma 'gos pa'i phan yon

gyis rgyug 'phro bcad pas/ dmag mi 'bum du nye ba srog gces pa
las bskyabs shing/ gtsang sog gnyis ka sa lha sa spyi mchod
kyi phyir nged rang la phul/ so sor tshig sbyangs sngon du 'gro
ba'i khra ma btang nas/ jo bo rin po che'i

gser thog gi 'od kyis khyab pa'i sar bro dam pos bkag cing
brtan par byas/ de yang sngon lha sbyin gyis smran mar lcags
mda' mang du zos pas lhag par bro 'tshal ba/ bdag cag gi ston
pas sgra gcan 'dzin dang/ lhas sbyin

gnyis la nye ring spangs pa'i bden tshig gis bsos kyang/ lhas
sbyin drin gzo med pa'i/ ring lugs la brten pa'i phan tshun gyi
skye bo 'ga' zhig ma gtogs/ bod rna ba can mtha' dag smos ci
'tshal/ 'dzam gling yangs pa'i

rgyal khams kyi gzur gnas shes ldan mtha' dag rjes su yi rangs
te ched du brjod par byed pa ltar/ kho bo'i tshe 'di la bltos
pa'i rnam thar bzang bar rtogs pa zhig yin no/ /de nas rnga
chen gyi lo thams cad mkhyen pa yon

@067a @#/ /tan rgya mtsho'i mchog gi sprul sku 'bras spungs su
spyan drangs/ gtsug phud blangs te mtshan blo bzang rgya mtsho'i
dpal du gsol/ mig dmar gyi lo tshig snga ma'i mkhan po bgyis
shing/ de dang mtshungs par

gzims khang gong gi sprul pa'i sku yang ngos bzung ste gtsug
phud blangs mtshan grags pa rgyal mtshan du btags/ tshe dbang/
rdo rje 'jigs byed kyi dbang/ chos skyong 'ga'i rjes gnang/ jo
bo'i lam yig gi lung rnams phul/

dpyid ra bsgreng du mtshams zla ba lhag tsam byas/ phyi rol du
byang chub mchod rten de bzhin gshegs pa'i ring bsrel gyi
snying po can bsgrubs pa'i dkar chag kyang logs su bkod pa
ltar ro/ /khrag skyug gi lo 'bri phag gi sde

gzar 'khyoms che ba byung/ de la brten nas slar yang chings
'thud/ de skabs jo bo rang byon lnga ldan gyi pho brang gi
rgya phibs de/ gser zad pas g.yas zos thar thar du 'thor/
shing rnams rul bas thog kyang sdib nyen shin tu

che yang/ lha khang 'di lhag par gnyan pas/ bla slob dpon/ sde
dpon ris sus kyang 'chos ma nus pa 'dug kyang/ kho bos ni
'phags pa'i zhabs tog gi phyir lus srog kyang yal bar dor te
rtsa ba nas bshig /zangs

khal brgya phrag du ma dang/ gser zho stong phrag du ma brgal
ba las/ gzhi nas gsar du bcos pas gegs phra mo tsam yang med
pa zla ba drug gi khongs su legs par grub nas rab tu gnas pa
bgyis te/ bod spyi'i

@067b bde skyid kyi gsos sman du byas pa 'di yang dam pa'i
mdzad pa dang rjes su 'thun par rung ngam snyam du bgyid do/
/'di nyid kyi dkar chag kyang zur du gsal/ mig dmar gyi lo
sngar nas 'bod mi yang yang byung ba ltar/

chos kyi rje dpal 'byor dbang pos/ bsam grub dge ldan gyi
gtsug lag khang logs bris dang bcas pa gsar bzhengs mdzad pa
rab gnas byas/ yar lam 'ga' zhig gi rmi lam ltar a dpyi mas
rgyud bskul ba 'dra

bo dong pa rnams kyis ser 'phreng rgyas pa bsgrigs 'dug /de
kha'i dbyar sos bkra shis lhun po'i rab 'byams pa'i sde'i
rgyud khang gi logs bris dbus gtsang gi ljongs na phul du
byung ba dang/ spen bad la sogs pa'i mjug

skyongs grub/ khro bo'i lo byang 'grul rgyas par byung ba
ltar/ byams pa sprul pa'i sku la sogs pa brgya phrag brgal ba
rab byung bsnyen rdzogs bsgrubs shing/ rdo rje 'phreng ba la
sogs pa'i dbang dang/ 'grel pa bzhi sbrag la

sogs pa'i lung gi nor bus/ dam pa de nyid sogs kyi thugs kyi
bang mdzod yongs su bskangs/ de dus dang lo phyi ma'i smon lam
dus dang bstun pa'i tshogs che zhing/ dge 'dun la bsnyen cing
bkur ba 'di lta bu ni sngon ma

byung ba 'dra zhes kha mthun/ lo snga ma la tshogs pa lnga
stong tsam la gser 'gyed bzang po dang/ gzhan rnams kyi dus
su'ang tshogs pa la mang 'gyed tsha gro dang bcas pa dang/ lha
sa ba rnams la'ang sgo 'gyed byas/ khro bo'i lo de'i

@068a @#/ /dbyar sos bkra shis lhun por mgon khang gi lho
phyogs su 'gram gsar bting nas/ gser sku lha khang ka ba gsum
gyis gsum thog /spen bad shing rtsi tshun chad grub/ li ma gser
sku gnyis kar hor gos

leb chen dang bum gdan mas legs par khabs pa'i bla bre dang/
gser sku lha khang du gser sku stong phrag tshar du dngar ba
kun gyi mig gi bdud rtsi spungs pa lta bu zla ba bcu pa yan la
grub par bgyis so/ /zad byed kyi lo yang

byu nang rgyal pos gtso byas pa'i byang 'grul dang/ pad dkar
'dzin pa 'phags pa lha dpon slob ltos che ba byon/ dam pa de
nyid kyis mtshon pa'i lho byang dang gzhir bzhugs pa'i dang
ldan brgya phrag mang po rab tu byung zhing bsnyen

par rdzogs pa nye bar bsgrubs/ rgyal ba 'phags pa lha rang gi
thugs bzhed dang/ rmi ltas kyi khyad par dang yang bstun nas
mtshan 'phags pa chos kyi rgyal po zhes bya bar gsol te/ dbang
lung/ mdo rgyud rgya mtsho'i bdud

rtsi'i char gyis dgongs pa tshims shing dgyes par byas/ smon
lam gyi spyi chos la/ skyes rabs kyi dpe lus pas/ rgya che rol
pa/ mngon byung/ mdo sde/ 'dul ba lung sogs/ gung bsgrigs/
ston pa'i rnam thar blo thog nas/

rgyas par bshad pas/ chos smra ba dag /da lam skyes rabs kyi
dpe ma byung ba legs/ blo bskyed shin tu che ba byung ces
gleng/ de dus dge ldan nas spyi dger rnams kyis che gnyan du
ma sgul nas/ byang rtser yong dgos tshul

@068b shin tu nan can byung/ de yang snga mo thams cad mkhyen
pa yon tan rgya mtsho thog mar phebs skabs/ slob dpon rin po
che dge 'dun rgyal mtshan pa'i zhal snga nas kyis kyang de
bzhin byung kyang dgongs pa zhus/ lo sngon ma khri thog

tu yong dgos tshul byung kyang ma phyin/ de'i rgyu mtshan 'jig
rten dang 'brel ba'i go sa'i dbang du byas na ni/ snga mo nas
rje bla ma'i bzhugs khri'i steng du 'gro bzhin pa yin par ma
zad/ phyis kyi khri gdan zur thams cad nged rang gi

slob ma sha stag yin/ chos phyogs kyi ngos nas kyang sngar med
pa'i 'phrin las zur du bskyangs rgyu ma mchis pas shes 'dod
gtan med kyang/ khong rnams kyis rje bla ma'i dngul gdung rin
po che thig pas chud 'dza' bar nye ba 'di

la cis kyang dgongs pa'i rigs so/ /zhes mchi ma dang bcas gsol
ba sems kyi zug rngur gyur/ de ltar bcar sdod ni thub kyang ma
thub/ gser thog bsgrub phyir byang rtse tsam khas blangs kyang
'gal ba med do snyam du/ khong rnams

kyi 'dod dang bstun/ nag pa zla ba'i tshes gcig la 'dus pa rgya
mtsho'i tshogs kyis ser 'phreng rgyas pa dang bcas/ dge ldan
rnam par rgyal ba'i gling du sleb/ mang ja tsha rting ma'i
steng du khri gtsang khang gi bzhugs khri'i steng nas tshogs

chen la dmigs brtse ma'i bla ma'i rnal 'byor byas/ chu mgo'i
bzhugs khri'i steng du lam rim chen mo'i bshad lung gi dbu
btsugs/ thams cad kyis zhabs tog bsnyen bkur bsam gyis mi
khyab pa byung cing/ nged rang gis kyang

@069a @#/ /ser ja dang khri ja zung/ bkra shis kha thags dang/
ma hA tse ne kha re re'i 'gyed gnyis sogs yang dag par
bsgrubs/ slar rim gyis sa ga zla ba'i tshes bcu bdun la bkra
shis lhun por sleb nas thog mar li ma lha

khang gi zangs dra dang/ de nas sgrol ma lha khang la zhig
bsos gdeng khel ba/ steng du ston pa'i mchod rten gyi bzhugs
khang gsar du bcos pa'i thog /ding phon dang/ bkras thags
dang/ padma mthon thi'i bla bres mdzes par byas/

lha khang gi dbus su dngul srang stong phrag phyed dang gnyis
las grub cing/ bal mo zas spyan drangs pa'i rang byon gyi rje
btsun ma dang/ de bzhin gshegs pa'i ring bsrel gyi snying po
can gyi byang chub kyi mchod rten bzo khyad legs

cing g.yu rnying dang/ mu tig sogs rin po che sna tshogs dang/
mgur mo'i gser zho nyis brgya dang bdun cu las grub pa'i sgo
rgyan gyis mdzes par byas/ de'i nang du bdag cag gi ston pa'i
sku dngul srang brgya las grub pa bzhugs

su gsol/ /mchod rten gyi bzo phud la dngul srang bzhi brgya
las grub pa'i bdag cag gi ston pa'i sku mi tshad tsam dang/
dngul srang brgyad cu las grub pa'i maNDal gcig /dngul srang
sum cu sum cu las grub pa'i mchod

kong gnyis rnams legs par grub nas/ rab gnas rab ston mang
'gyed sogs rgyas par bsgrubs te/ zhib par dkar chag ltar ro/
/gsung gi rten bde bar gshegs pa'i bka' 'gyur ro cog bzheng
bar 'dod pa'i shes

@069b 'dod che ba yod pa da bar ma thub kyang/ bka' 'gyur
yongs rdzogs zhig gsar du spyan drangs nas gser sku lha khang
na bzhugs/ bu ston thams cad mkhyen pa dang/ rje yab sras kyi
gsung rab rnams kyis mtshon/ rgya bod kyi bstan bcos

po ti sum brgya lhag tsam li ma lha khang du bzhugs/ sku re
re'ang rten gtsor 'os pa grags pa dang byin rlabs 'bar ba'i li
ma bcu lhag gis mtshon pa'i li ma stong zin pa dang/ gser sku
lha khang du yang gser sku de tsam gyi grangs dang/

mchod cha/ rol mo'i rnam grangs bsam gyis mi khyab pa sogs/
bod gangs can gyi dgon gnas zhig la bzang zhing ya mtshan che
ba mngon sum du gsal ba 'di ltar lags cing/ 'di rnams kyang
sku skye dang/ gdung nye bar brgyud pa dang/

stobs kyis dregs pas bsdus pa ma yin par/ kho bo cag so skye'i
dge slong 'khum chung zhig la 'bad rtsol cher med pa lag tu
'ongs pa/ bdag tu 'dzin pa spangs te/ bstan pa dang 'gro ba'i
don du dge 'dun gyi sde la sbyar ba 'di yang

mkhas pas rjes su yi rangs bar 'os pa'i rnam thar ro snyam du
bgyid do/ /mdor na rgyal sras sku mched gsum gyi mdzad pa rjes
su bsgrubs te/ dge bshes chen po po to ba'i gsung nas/ gcig
gis dad rdzas me la bsregs/

gcig gis dang rdzas mkhar du brtsigs/ nga'i dad rdzas dkon
mchog so can gyi kha na/ zhes gsungs pa bzhin/ dge bshes phul
byung ba de dkon mchog mchod pa gtso bor mdzad de/ khong rang
gi gsung nas/ ngas dang po spang spos

@070a @#/ /sna tsha ting nge ba phul/ de nas reng bu bzhi sbyor
mngar sing nge ba 'bul rgyu byung/ da lta a ka ru dang/ du ru
ka sogs bsung ching de ba 'bul gsungs shing/ res cig gser
srang nyi shu rtsa gnyis kyi spos sbyar

ba ltar/ kho bos kyang spyir dkon mchog gi mchod pa la gtso
bor byas shing/ khyad par chung ngu nas da lta'i bar gur gum
bzang po rin thang che zhing spus mi rnyed pa'i dus su/ kha
che bzang po gcig pu'ang/ snga phyi sdoms

na srang grangs brgya phrag du ma sbyar ba'i bzang spos khor
yug tu phul/ dge bshes spyan snga ba de gtsug lag khang dang
rten gsum bzheng pa gtso bor mdzad pa ltar/ kho bos kyang/ ra
bsgreng dang/ dben dgon dang/

bkra shis lhun po'i phyi'i mchod rten dang/ 'bras spungs dang/
bkra shis lhun po'i dngul gyi mchod rten gnyis dang/ thugs rje
chen po'i dbu thog sogs dbus gtsang gnyis ka'i gser thog dang
ganyji ra dang/ dben

dgon du rje bla ma'i sku/ bkra shis lhun por dngul sku bzhi/
rje btsun gyi li sku/ ston pa'i gos sku sogs/ bris 'bur mang
po dang/ dben dgon dge 'phel/ gangs can rnams su'ang bstan pa
la bsams pa'i mkhar

las cung zad bgyis shing/ khyad par bkra shis lhun por/ sngags
khang/ lha khang rnam pa gsum/ gzims khang/ tha na chos khrims
khang dang/ dkon gnyer khang steng shod/ gos sku spe'u/ grwa
sa'i rgyun la phan par re

@070b ba'i klu sding gnyis la sogs pa gsar du bgyis/ dge bshes
po to ba dge 'dun gyi bsnyen bkur gtso bor mdzad pa ltar/ kho
bos kyang spyir sngar smos pa ltar bod dbus gtsang/ mnga' ris/
lho mon tshun gyi ris med pa'i dge 'dun

gyi sde la bsnyen bkur sna re tsam ma byas pa med cing/ bkra
shis lhun po'i grwa tshang gsum/ gangs can gyi grwa tshang
gnyis/ dpal 'khor sde chen grwa tshang bdun/ 'brong rtse chos
sde/ ri bo dge 'phel/ grwa tshang chen mo/ ri mkhar chos sde/
lhun grub

rtse'i chos sde rnams su mang ja gnyis gsum gyi dge rgyun
btsugs/ khyad par bkra shis lhun por ni/ rtsa ba thams cad
mkhyen pa dge 'dun grub de nyid sprul pa'i skyes mchog tu gyur
pas dge 'dun gyi bsnyen bkur phul du byung ba

mdzad pa'i rgyun dang/ de'i steng du brgyad mchod/ bdun mchod
sogs mkhan pos rgyun chags su btang dgos pa rnams bla ma de
dang/ de dag gi mdzad pa 'phrin las kyi stobs las/ mchog dman
sna tshogs byung ba rnams kyang/

gong 'phel du byas pa'i steng du/ dkon mchog gzhan gyi ched du
bsngos pa ma gtogs/ lhag po'i bdog pa ci yod rang don du ser
snas ma bzung bar 'dus pa rgya mtsho'i tshogs rnyed pa dang bkur
stis yang dag par mchod/ des

na thams cad mkhyen pa'i rnam thar rnams la'ang zhib tu brtags
na/ gdan sa'i rgyun dang/ rten gsum mchod cha'i rim pa bsgrubs
pa dang/ dge 'dun gyi bsnyen bkur zhabs tog gi cha ni/ rje de mnyid
las kyang cung zad lhag

@071a @#/ /gam snyam du rlom pa yang mchis so/ /mkhas pa'i bya ba
gsum gyi sgo nas kyang bstan pa la phan pa dang/ ston pa la bya
ba cung zad byas te/ de yang ngal bso med pa phyogs med kyi
rgyal khams kun tu nyul

nas gang la gang 'tshams kyi rgyud sde bzhi dang 'brel ba'i
dbang/ rjes gnang/ mdo sngags kyi lung bshad/ man ngag gi char
phab cing/ ched du bsnyen rdzogs kyi mkhan po byas pa ni/ lo
lnga'i bar zin bris 'dug pas stong tsam

zin pa'i rgyu mtshan las na/ da tsam khri phrag brgal bar snang
la/ rab byung bsnyen rdzogs kyi mkhan po byas pa'i mkhan bu
thams cad la/ tshe rabs thams cad la/ tshe rabs thams cad du mkhan
po'i bya ba byas te phan pa bsgrub pa'i yi dam bcas/ 'di ni/

ston pas kun dga' bo/ khyod kyis mkhan po dang slob dpon byas
nas rab tu byung ba dang/ bsnyen par rdzogs pa byas na nga la
bya ba byas pa yin no/ /zhes bka' stsal ba'i phyir/ kho bo'i
rnam par thar pa'i mchog yin no/ /de ltar na

rje rgyal ba gnyis pa'i ring lugs la brten pa shar rgya nag po
nas nub dzA lan d+ha ra'i bar gyi chos kyi gdan khri 'dzin pa
dang/ dregs ldan gyi cod pan du gyur pa dang/ rigs mthon po'i
brgyud pa 'dzin pa dang/ sdom pa gsum dang

ldan cing rim gnyis kyi rnal 'byor lhur len pa phal cher la chos
kyi phan pa bsgrubs/ mdor na kho bo rang gi yon tan du byas pa
la'ang/ grub mtha' gang la yang chags sdang gi kun nas bslangs
pa'i phyogs 'dzin gtan nas

@071b med pa'i mthus/ bdag la mngon par dgyes pa'i chos kyi bdud
rtsi yang dag par bzhes pa/ grub mtha' sna tshogs pa'i bstan
'dzin gyi skyes bu che phra du mas ni bod dbus gtsang gi phyogs
mtshams kun tu khyab cing/ gzhan yang gra

sa che chung gi mgon du bzhugs pa/ lha khang gsar du bgyi bar
brtson pa dang/ gtsug lag khang gi zhig bsos dang/ gsar thog
gser phru sogs bya bar 'dod pa dang/ rang rang gi sde de dang
de'i gtong sgo rnams khral 'jal tsam

la ngo tshar byas te gong 'phel du bzhed pa rnams kyang/ kho bo
la spyan yar gzigs pa'i 'phrin las kyi rgyan tu sems so/ /rtsod
pa'i dbang du bgyis na/ bdag cag dang lhan cig brgal cing brtags
pas lung dang rig pa dri ma med

pa'i 'jug pa zhugs pa na pha rol gyi khas blangs bye ma'i chang
bu ltar 'gyur ba ni/ kho bo dang lhan cig 'brel ba'i gtam gyi
dga' ston myong ba rnams la mngon du gyur pa'i phyir na/ rig pa
smra ba zhes pa'i ming don dang ldan pa lags/

rtsom pa ni rnam par dpyod pas legs bshad gsar pa mang du spro
nus mod dgos pa lhag po ma mthong bas btang snyoms su bzhag
/gzhan du na/ bla ma che ge mo zhig gi gsung 'bum la po ti bcu
gnyis dang/ bcu gsum la

sogs pa yod do zhes pa'i grags pa 'dod pa'i mgo bcad mjug sdum
gyi rtsom pa la snying po ma mthong/ 'on kyang rang gi ngang gis
spro ba dang/ gzhan gyis bskul ba'i byed pos/ brtsams chos su po
ti gsum bzhi zhig mchis

@072a @#/ /so; ;de ltar na snga dus bzang po dang mi 'dra ba
snyigs ma lnga'i dus mtha'/ nag phyogs stobs dang ldan pa'i
rkyen ngan gyis ru 'dzings par gyur kyang/ 'khor lo gsum gyi
rnam par rol pa sna tshogs pas/ lus can

kun gyi phan pa dang bde ba'i 'byung gnas rgyal ba'i bstan pa
rin po che dar zhing rgyas pa'i thabs la brtson par gnas pa lags
so/ /de ltar rab byung zhes pa me yos kyi dgun chos thog gangs
can mkhan po chos rje 'phrin las

dbang phyug pas gangs can gyi gtsug lag khang gi logs bris
rnying pa rnams gshegs su gsol te gsar du bsgrubs tshe 'tshub
'gyur sogs bar chad med par myur du ji ltar 'grub dang/ bar chad
med na 'phral du rtsol ba

bgyis pa'i rab tu gnas pa la yong dgos tshul byung ba ltar/ brtag
pa dang mtshan ma yang legs par byung ba bzhin lung bstan/ de
kha'i chos thog spyi dang/ nged rang gi gsar du bsgrubs pa'i
chos thog rnams la dge 'dun

tshogs che zhing spyi sgos kyi chos grwa dang bstan pa'i sku rim
shin tu 'phel bar byung/ dbyar mdo sngags yongs su rdzogs pa'i
dge slong dge ba'i bshes gnyen brgya phrag brgal bas thog drangs
dge 'dun bdun brgya lhag tsam

dang bcas dbyar snga ma zhal gyis bzhes pa'i bu ston chos 'byung
gi lung/ de dag gi skabs su'ang 'dus pa'i sde spyi dang bye brag
gi bsnyen bkur nar ma dang/ 'phar ma 'gyed bcas gya nom pa legs
par bsgrubs/ dbyar

@072b gnas kyi khongs su gangs can gyi gtsug lag khang gi ri mo
yongs rdzogs grub pa'i 'bod mi byung ba ltar/ glo bur gyi dgag
dbye grub 'phral gangs can du phyin pa'i rab tu gnas pa rgyas
par byas pas dam tshig pa la ye shes pa

dngos su zhugs pa'i mtshan ma rmad du byung ba'ang byung/ de'i
nang par khrom dbang zhig dgos tshul nan ches pas byed par shar
tshe chos khri chen mo dang/ mdun gyi gsing ma'i steng sogs
su'ang mi tshogs ha cang ches bas ma shom par

dgon pa'i shar gyi phyi rol tu skya ser gyi skye bo'i tshogs chen
po la tshe rta zung 'brel gyi dbang bskur/ shab sgo lnga gzhung
du da res las mi tshogs che ba sngon ma byung zhes gleng/ tshogs
pa la mang ja 'gyed bcas ston pa'i sku brnyan

bkra ba'i bkra shis kha btags kyi 'phan skor tshar du dang ra ba
phul khong dpon slob rnams kyis kyang phul du byung ba'i rnyed
pa bkur sti yang dag par bsgrubs/ slar bkra shis lhun lhun por
slebs pa'i tshe snga sor dpyid dus nas

kyang lha rin po che mtshan ldan pa zhing gzhan du gshegs pa'i
thugs dam gyi gegs sel sogs la yong dgos tshul yang yang byung ba
ltar/ gdan 'dren gyi mi sna 'byor pa bzhin 'phral du bkra shis
lhun po nas bteg /rgyang ro

brgyud lha khang grwa tshang pa rnams kyis yul stod smad gnyis
kar dbang gzhi 'bul ba zhabs tog tshad med pa byung ngos khang bu
stag lung du bde bar 'byor/ der chos rje bde bar bshegs pa'i
gdung/ rgyud sde dang mthun par

@073a @#/ /legs par sbyangs shing/ gdung rgyud sku mched la sogs
la lha pa rang gi thun mong ma yin pa'i yi dam dang chos skyong
gi dbang lung man ngag rags rim tsam zhig kyang phul/ mon bod
kyi skye bo'i tshogs mang

du 'dus pa la yang tshe dbang dang yi ge drug pa'i bzlas lung
sogs stsal zhing/ de dag gis kyang bsnyen gnas smyung gnas srog
gcod spong ba/ yig drug bzla ba'i dam bca' sogs mtho ris dang
thar pa'i bshul/ lam po che lta bur

byas; de kha'i lho nub mtshams na btsan rgod drag po zhig gi gnas
gzhi yod ces gleng ba brtags pa na beg rtse lcam sring gi gnas
su rtogs te/ der phyin nas mchod gtor phul zhing 'phrin las
gnyer du gtod pa sogs byas

pas; bcol don g.yel ba med par bsgrub pa'i rtags mtshan gsal bar
bstan/ de skabs lung pa de yang ri klung phal cher mrgad zhun
mas phyugs pa 'dra ba la baiDUrya gtso bor byas pa'i rin po che
sna tshogs pa'i mdangs

dang ldan pa'i me tog gi phreng ba ni ched du byas pa lta bur
rnam par bkra/ sa 'dzin dbang po'i rtse mo mtho ba 'ga' zhig ni
shel gyi mchod sdong lta bur kha bas g.yogs/ ri'i logs phan
tshun dang sdings phal cher ni g.yu'i spu

long rgyas pa'i nags tshal gyi sham thabs nye bar bgos/ dbu ba'i
phreng ba mu tig gi do shal ltar mdzes pa'i 'bab chu du ma ni
lhung lhung gi sgra sgrog /lha'i skyed tshal lta bur mdzes shing
yid du 'ong bas yid spro bar gyur te ljongs

@073b rgyu zhing nags kyi sman ljongs nas sman ljongs su nyin mo
spyod cing brgyu ba'i tshe/ phyi nang gi rkyen nyid 'di pa tsam
gyi rten cing 'brel bar 'byung ba'i rang bzhin yid la gsal bar
shar zhing grogs 'ga' zhig gis kyang nye bar bskul ba

la brten nas tshig 'di ltar smras so// //na mo gu ru/ rje dus
gsum sangs rgyas kun gyi dngos/ /pha bka' drin gsum ldan bla ma
dang/ /dpal mnyam med bu ram shing pa'i zhabs/ /dgra srid pa'i
'jigs 'phrog de la 'dud/ /lha

bstan skyong chen mo gnas pa'i mgul/ /bod gang sa can lho bod
gnyis kyi mtshams/ /yul sbas lung 'bras mo gshongs kyi 'dabs/
/sa'i thig le khang bu zhes grags pa/ /gzhi ri klung thams cad
ma rgad kyi/ /mdangs bzang po'i

'jo sgeg rol pa 'dzin/ /nor padma rA ga baiDUrya/ /gser btso
ma dung dang g.yu 'dra ba'i/ /mdog sna tshogs dbyibs legs me tog
gis/ /phyogs kun tu 'ja' tshon bkram pa bzhin/ /spang sdo ljang
ri bo mkha' la snyegs/ /g.yu mtsho 'dab

mdzes pa'i nags tshal rgyas/ /bya sna mang mgrin pa'i gsung snyan
sgyur/ /phu gangs dang g.ya' yi ra bas bskor/ /shel dkar 'tsher
dbu ba'i gos gyon pa'i/ /chu mi che mi chung snyoms par 'bab/
/stong chu 'dzin sngon po lang ma ling/

dus res 'ga' sbrang char zim bu 'bab/ /nad bzhi brgya rtsa bzhi
'joms byed cing/ /ro kha dog nus pa sna tshogs pa'i/ /sman bzang
pos sa yi phyogs kun brgyan/ /li ga dur sba shug ba lu sogs/
/spos bzang po'i dri ngad rgyun du

@074a @#/ /'thul/ /lha'i dga' tshal lta bu'i yul ljongs der/ /rje
zas gtsang sras kyi rnam thar bzhin/ /dran shes bzhin ldan pas
'chag cang 'dug /dus de ring nags kyi sman ljongs ngogs/ /blo
'khrul pas brtags shing

mthong ba yi/ /yid ngo mtshar ri mo sna tshogs kyang/ /don dpyad
na mi dmigs stong ba'i ngang/ /rje rgyal ba kun gyi thugs kyi
bcud/ /bka' brgyad khri bzhi stong snying po'i don/ /sras dus
gsum 'phags bzhi bskyed pa'i yum/ /'di

gsal bar ston pa'i slob dpon rang/ /yul snang tsam ma brtags
nyams dga' yang/ /don gnas tshul nam mkha'i padmo bzhin/ /'di ma
rtogs 'khor ba'i sems can rnams/ /chos bzod dka'i sdug bsngal
yang yang myong/ /

gdon dngos 'dzin sgyu mas rmongs pa yi/ /ma khams gsum 'khor
ba'i sems can gyis/ /don 'di 'dra rtogs na dga' ba la/ /lam 'di
'dra brnyed na skyid pa la/ /mi nga la nges pa ma mchis kyang/
/mi kho bo'i dpung gnyen zas

gtsang sras/ /mgon de nyid nas bzung zab mo'i lam/ /tshig sgra
spyi'i brgyud 'dzin ma yin pa/ /'di mngon du mdzad pa'i grub
thob kyi/ /pha brgyud ldan bla ma tshul bzhin bsten/ /bod gangs
can bstan 'dzin mtha' dag la/ /sems

khongs nas dag pa'i snang ba sbyangs/ /rgyud chos spong log ltas
ma sbags tsam/ /'di bstan pa 'gal med rtogs pa'i drin/ /spyir
'khrul ba'i sems can thams cad dang/ /sgos rmi lam yul gyi gnyen
bshes 'dra'i/ /bdag

@074b mthong thos dran reg gyur rnams la'ang/ /dus kun tu dge
ba'i smon lam bsgrubs/ /skyabs mchog gsum bslu med thugs rje
yis/ /nga brdzun pa sgyu ma'i dge slong la/ /las ci byas 'bras
bu 'tsheng ngam snyam/ /da shi yang 'gyod pa cung zad

med; ;gtam 'dis kyang 'gro ba ma lus pa/ /rgyud chags sdang dri
mas ma gos par/ /lam stong nyid snying rje'i snying po can/
/chos thams cad gzigs pa thob par shog /ces pa 'di ni mon bod
gnyis kyi mtshams/ bstan skyong chen mo

gnas pa'i mgul/ khang bur 'dug nas me tog rnam par bkra zhing
nags kyi spu long rgyas pa'i spang ljongs su 'chag par song ba'i
tshe/ tshe dang ldan pa dge tshul blo bzang phun tshogs dang/ blo
bzang dar rgyas gnyis kyis nan gyis

bskul ba la brten nas/ chos smra ba blo bzang chos kyi rgyal
mtshan gyis smras pa'i yi ge pa yang blo bzang phun tshogs nyid
do/ /der don gnyer can 'ga' zhig gis bskul ba la brten nas
bsgrub pa'i thabs sogs 'ga' zhig kyang

brtsams shing/ khyad par jo mo lha ri rdo rje g.ya' mo skyong
yin nam/ dpal gyi lha mo'i rnam 'gyur ci ltar na'ang/ nyams dang
rmi lam 'dres pa'i snang ba gsal bar byung ba la brten nas/ dpal
lha'i mchod gtor 'bul tshul mdor

bsdus zhig 'phral du bkod/ der mon bod kyi skye bo'i tshogs mang
po la dge ba'i lam gsal bar byas te/ slar gser khang grwa tshang
dgon rgya 'og dang bcas pa rnams su bsnyen cing bkur ba bdag gir
byas shing rang rang ji ltar

@075a @#/ /'dod pa'i chos kyis kyang char phab ste/ gnas rnying
du chos skyong lcam dral mkhan slob dge 'dun dang bcas pas
gzabs
'byor gyi bsu ba dang bcas sleb cing/ de mthun mang ja 'bul ba
spyi 'gyed dang bcas pa

yang dag pa bsgrubs/ de'i tshe yol ston sku mched kyi gzims phug
dang/ lhan skyes kyi rten mjal bar phyin pa na bsir bu'i rgyu ba
sogs snod bcud gang gis kyang bsal byed phra mo tsam yang med
kyang/ chos skyong rang nyid kyis

zhal khebs rang bsal te sku mngon sum du bstan pa der 'dus pa
gzhan rnams kyis kyang mthong bas ya mtshan du gyur/ de nas dga'
ldan chos 'phel ba rnams kyis gdan drangs gus pas bsnyen bkur
cing dbang dang gdams

pas tshim par byas/ der ri khrod pa'i gnas brtan zhig gis dge
slong ma dpa' mo'i gsol lhung 'bras bus bkang ste phul/ de nas
dpal 'khor sde chen brgyud tshe zhabs 'bring pa 'ga' zhig gis
bskul ba'i byed pos 'di ltar

bris// //rje na mo gu ru dkon mchog gsum/ /mi bdag snying
padmo'i dbus bzhugs la/ /mchog thun mong dngos grub ma lus pa/
/dus da lta nyid du stsal du gsol/ /spyir sangs rgyas 'byung ba
rnyed dka' zhing/ /sgos dal 'byor gyi

mi lus thob dka' na/ /tshe 'di nang bde la ma chags par/ /dus
gtan gyi 'dun ma sgrub re ran/ /gzhon sha khrag rgyas pa'i lang
tsho yang/ /dgung mkha' la shar ba'i 'ja' tshon dang/ /srog chu
spur bzhin du 'jig 'gyur bas/ /da

@075b rtag 'dzin ma byed chos la 'bungs/ /khong tshangs dbang
'khor los bsgyur rgyal yang/ /gnas 'khor ba'i bde 'byor phun
tshogs kyang/ /slar mnar ra med 'bar ba'i mes bsreg na/ /da srid
pa'i bde la yid brtan ci/ /khyed snying nas rang

la phan dgongs na/ /rje lam sna 'dren pa'i bla ma dang/ /tshe kun
tu mi 'bral dge ba'i nor/ /lam bslab gsum 'bral med bsten na
legs/ /'di phyogs med myul ba'i bya bral ba/ /sprang smyon pa
chos kyi rgyal mtshan la/ /bu

sbyin pa rgya mtshos bskul ba'i ngor/ /dpal 'khor lo bde chen
zhes byar bkod/ /ces so/ /chos sde nas sde pa lcang ra bas gdan
drangs/ gus mchod phun sum tshogs shing 'gal rkyen sel ba'i dbang
rjes gnang 'dod dgur stsal

der yang gser khang 'og ma'i rin po che sgrub pa la nye bar
zhugs pa mjal bar byung ba la dpal rta mgrin gyi chos skor yongs
su rdzogs pa dang/ gzhan yang zab khrid 'ga' zhig gis tshim par
byas shing bzhed pa dang mthun

pa'i tshigs bcad 'di dag kyang bkod// //na mo gu ru mahA mu trA
ya/ rje rigs kun khyab bdag rdo rje 'chang/ /gsum ldan gyi bla
ma'i zhabs la 'dud/ /tshe gcig gis sangs rgyas bsgrub pa'i thabs/
/mtshan ldan

gyi rje btsun bla ma la/ /yengs med du gsol ba 'debs pa 'di/
/zab lam gyi snying po bsdus pa yin/ /rgyu 'bras kyi rten 'brel
mi bslu ba/ /chu zla ltar snang ba kun rdzob gshis/ /ri bong gi
rwa yi rno rtul ltar/ /spros pa dang bral ba

@076a @#/ /don dam yin/ /gzhi bden gnyis kyi rnam dbye rtogs pa'i
blo/ /thabs byang chub sems kyi rtsis zin pa/ /lam stong nyid
snying rje'i snying po can/ /'di chos kun yang snying mthar thug
lags/ /lam de 'dra

bsgoms pa las byung ba/ /sgrib bral gyi yon tan nam mkha'i
mdzod/ /mthar thug gi zung 'jug phyag rgya che/ /sku gsum gyi
bdag nyid 'bras bu yin/ /bden 'dzin gyi 'ching ba bshig byas te/
/'khor 'das kyi chos

rnams ma lus pa/ /rang bzhin dang bral ba'i stong pa nyid/ /ji
bzhin du rtogs pa lta ba'i mchog /'khor 'das kyi rang bzhin
stong pa'i ngang/ /rnam dag gi rig pas mdung bskor byas/
/g.yeng med du chu bo'i gzhung bzhin

du; ;rtse gcig tu 'jog pa sgom pa yin/ /don dam du spros pa kun
bral yang/ /rjes thob tu 'khyer so gsum gyi ngang/ /rgyal sras
kyi spyod pa'i rjes slob pa/ /skyon med kyi rlabs chen spyod pa
yin/ /lam 'di 'dra bsgom pa'i rnal

'byor pa/ /e ma ho skyid pa'i nyi ma 'char/ /a la la dga' ba'i
glu dbyangs len/ /dbyangs mchod par bzhes shig dkon mchog gsum/
/tshul 'di yang rgyal ba'i gsung rab rgya mtsho lta bu la thos
pa'i pha rol tu son nas/ nges

pa'i don rtse gcig tu bsgrub pa snying por byed pa rin po che
bzang po bkra shis kyis nan cher bskul ba la brten nas/ dge
slong spong ba pa blo bzang chos kyi rgyal mtshan gyis sbyar ba'i
yi ge pa blo bzang phun tshogs so// //

@076b phyi lam sde pa 'brong rtse nas kyis gdan drangs te legs
tshogs spel ba'i dbang dang rjes gnang gi rim pa mang po dang/
phyir yang mi stong phrag brgal ba la tshe dbang byas shing/
khyad par chos sde'i mgon khang phan tshun lo mang po'i

snga rol nas rgyas btab pa bkrol te chos skyong rnams kyi sku
rdul khrod du bying ba lta bu dngos cag rang gis legs par bsal/
snyan dar dang mchod gtor bzang po bshams/ 'phrin las gnyer du
gtad pa sogs byas pa'i nub bsrung

ma rnams dgyes pa'i mtshan ma legs par yang byung/ sde pa dpon
g.yog thams cad kyis rnyed bkur zhabs tog phul du byung ba
mdzad/ de nas bkra shis lhun por lnga mchod chen mo la sleb cing
dge 'dun stong lhag pa dang bcas dgun

chos 'phel ba'i ngos nas sngar khang bur rmi lam gyi rten 'brel
sogs spyi sgos kyi gdan 'dren nan ches pas lha sar smon lam chen
mo'i mgon du phyin nas ris med pa'i bstan pa dang sems can thams
cad la phan pa dang bde ba 'byung bar

gsol ba yang dag par btab cing/ smon pa dang bden tshig bsgrubs
pas 'jig rten mtha' dag la skal ba bzang po'i gsos su 'gyur ba
byas/ dge ldan pa rnams kyis kyang yong dgos tshul nan chen
mdzad
pa ltar/ phyin nas rje bla

ma'i gsang ba'i rnam thar gyi lung bshad sogs kyis spyi sgos
rnams chos kyis tshim par byas shing/ de'i dpon slob khams tshan
so so dang bcas pas gzhis len 'bul nod rgya chen po mdzad cing/
nge rang gis kyang mang ja 'gyed

@077a @#/ /so so'i lan dang bcas pa byas nas/ phyi lam lhas
brgyud 'bras spungs su mchog gi sprul pa'i sku dang/ rje zhal
snga nas gling smad chos rje sogs dpon slob kha shas la 'jam
dbyangs chos bskor dang/ rje

dge 'dun rgya mtsho'i gsung kha cig ma gtogs phal che ba'i lung
phul nas slar thon du slebs nas zhag bdun phrag gsum du mtshams
bcad nas rten 'brel snying po'i bsnyen bsgrub 'grus par byas pas
tho rangs zhig rmi lam

du rten 'brel snying po kha dog sna tshogs pa'i yi ge'i gzugs
rang sgra sgrogs pa nam mkha'i mthongs nas byung ba snying
khar
thim pas zag med kyi bde bas gang bsnyam byed pa byung/ thun
mtshams su sde pa dpon g.yog kha

shas la snyan ngag me long gi bshad pa don rgyan so lnga yon gyi
rtsom bsgyugs lon pa dang/ tshe mgon gyi dbang sogs bzhed pa
bkang ste dbyar chos bkra shis lhun por shin tu 'phel bar byung/
de kha'i dbyar sngar rje dge

'dun grub kyis gtsug lag khang gi thog yongs su khebs pa'i bla
bre sgrigs pa rnams dus kyi dbang gis hrul por gyur pa 'ga' zhig
de snga gong du spos kyang/ da dung lhag par rnyings pa mang du
'dug pas/ thams cad lha

rdzas kyi gos bzang pos gsar du sgrigs te kun dga' ra ba mdzes
par byas/ de'i ston re zhig mtshams la 'dug cing/ slar gdul bya
'ga' zhig gi re ba rdzogs par byas/ dgun chos thog ma phun sum
tshogs pa'i

@077b ngang nas/ nan tan gyis 'bod mi yang byung ba ltar/ lha
sar smon lam che chung gi tshogs dbur phyin lho byang gi 'grul
yang med pas mang ja dkon par 'dug na'ang/ lag nas yang mang ja
bdun brgyad tsam dang bcas phan bde rgyas

pa'i smon lam dang/ jo bo rin po che'i mgul du gser ljang
brdungs las grub pa'i phreng ba dang/ dpal lha la yang byu ru
las byas pa'i mgul rgyan dang/ gzhan lha rnying ma phal cher la/
ras bzang po kha dog sna lnga las bsgrubs

pa'i stod g.yogs/ smad g.yogs dang bcas mdor na dngos bshams
yid kyis sprul pa'i mchod sprin rgya chen po phul te/ 'dod don
la gsol ba rtse gcig tu 'debs pa sogs byas pas 'dod don gegs med
par 'grub pa'i ltas

bzang po yang byung/ de'i tshe ri bo dge ldan gyi gser thog
bsgrub pa'i phyi dus yin pa'i chos rje bkra shis ljongs pa bar
khams phyogs la 'bul sdud dang/ khyad par dngul chu len par
song
ba yin na'ang/ dngul chu gtan ma byung bas 'gyangs/

'di tshor yang de kha'i re bas dngul chu bsgrub rtsol byed pa ma
byung/ 'on kyang bzo 'gyangs na bar chad kyi dbang du song dogs/
dkar po zhes pa sbrul lo zla ba dang po'i gnam gang gi nyi ma
rtse shar la mkha' 'gro chos skyong gzhi bdag rnams la

'phrin las 'chol ba'i mchod gtor dang bcas las kyi mgo 'dzugs
par dngul gdung steng du slebs pa dang dus mtshungs su bar khams
pa'i mang 'gyed thog mar slebs pa'i tshogs dud 'bud pa dang 'grig
pas legs tshogs

@078a @#/ /rten 'brel phun sum tshogs pa rang 'grig /gser thog kho
na brje rtsis yin na'ang/ gser thog mkhas grub thams cad mkhyen
pas thog mar phug pa nas bzung zhig gsos gnyis gsum tsam song
'dug

kyang; bya mdab thog ma'i de kha nas gso mkhan ma byung bas
thams cad rtsa brgyad gog po ltar mthor zhing/ gyo thog rnams
kyang kun tu grum pa la zwa dang 'jag ma sogs tshang tshang du
'khrigs pas gtsug lag khang snyigs pa

las kyang che cher rnying bar mtshon pa'i phyir ched du byas pa
lta bur mthong bas/ bya mdab kyang gsar du bgyid par brtsams te
shing bzo rdo bzo tshon rtsi'i bkod pa rnams lhan cig tu tshugs
bya mdab glo bur byed dgos shar bas

tshon rtsi yang de'i sngon du grabs ma byas par gsar du sgrub
stsol dgos par shar tshe/ de'i sang nyin spang mthing spus gtsang
ba ci 'dod sgrigs pa bzhin du tshong mi chab sgor byung ba mkha'
'gro chos skyong gis bkug par

sems/ bya mdab kyi shing sgrigs gtsug lag khang chen mo'i nang
du byas pa ka chen nyi shu rtsa bzhi rgya yongs su khor ba byung
bas gser thog gi rgya yang lho ngos kyi bya mdab gtsang khang
dang bcas pa 'dom gang tsam ma

gtogs rgya yongs su khebs pa dang/ 'phangs su yang mda' gang
tsam gyis rgya dpangs 'phar bar byas/ rgya phigs kyi steng
du'ang bya mdab gsar du bgyis pas shing gi phung po chen po bsam
gyis mi khyab pa dgos

@078b pa byung ba rnams kyang skye bo dmangs kyi phan bde'i
gshed mar gyur pa'i chos dang 'gal ba ma yin par 'dus pa'i sde
dang bcas pa'i dad ldan gyi skye bo rnams kyis bla na med pa'i
byang chub bsgrub pa'i thabs bzang po ni 'di'o

snyam du dgongs pa gcig pa'i sbyor bas 'bad rtsol med par dkar
phyogs skyong ba rnams kyi rdzu 'phrul gyis kyang grogs byas
pas/ tsher ma tsam gyi gnod pas kyang ma gos par sa 'dzin mthon
pa'i rtse mor rim gyis 'byor/ de kha

bzhin bya mdab bzang po tshon gyis mngon par bkra ba yang 'phral
du grub/ snga phyir shing gi bzo rtsom pa la 'byar byed kyi
sbyin mang du dgos pa'ang ra sgreng sogs su bzhugs pa bdag nyid
kyi slob ma dge slong ri khrod pa mang pos bsod

snyoms kyi tshul du slongs nas brel ba med par byas/ de dus
bsgrub chen gnas bcu rab 'byams pa dang/ hang stong bka' bcu ba
shes rab seng ge sogs kyis/ snga phyir nan gyis gsol ba btab pa
la brten nas/ phyag

chen gyi rtsa tshig lta bu'i 'khrid yig brgyud pa'i gsol 'debs
dang bcas pa de yang yi ger bkod pa yin/ zangs gser gyi bzo
'dzugs par rlom yang dngul chu zho gang dor longs pa lag tu
med
pas grogs byed thams

cad kyang sems kyi khur du gyur te glo bur bar khams phyogs su
bsgrub rtsol byed par spo bo dge slong blo gros rgya mtsho dang/
dge bshes sbyin pa rgya mtsho gnyis kyi dad blang byas kong po
brgyud de 'gro bar chas pa'i tshe/ rta on pa'i

@079a @#/ /chos rje bra nye dpon chung dang bcas ja pa dang sdebs
nas ri bo dge ldan du bzo 'dzugs pa dang ched du bsams nas
sgrigs pa bzhin/ rgya mtsho'i rlabs ltar dus las mi 'da' bar gyur
te 'dus pa'i sde

la mang 'gyed phul du byung ba dang/ lhag par sman chen po'i
bcud 'jal byed khri phrag mang po'i skyes brgya 'bul dang bcas
'grig pas/ lha dang bla ma'i byin gyis brlabs dang thugs rje
bslu ba med pa'i bden pa mngon sum du

bstan pas skye bo thams cad kyang ya mtshan du 'dzin par gyur to/
/de ltar bya ba las kyi 'khor lo legs par brtsams te bar du gcod
pa bzlog pa dang mthun rkyen 'grub byed lha dang bla ma la gsol
ba 'debs pa'i phyir

bdag nyid mtshams bcad de dge sbyor la brtson par byas pas/ de'i
bar gyi rmi lam du yang dkon mchog gi snang ba dang ma bral bar
byung ste de kha'i nyams myong sogs brjed thor bkod pa 'di ltar/
/swasti/

ma dang gnyid kyis log pa'i rmi lam du/ /bag chags kyi nyid
'khrul sna tshogs shar/ /dus dang por bden pa'i rgya yis bcings/
/slar 'khrul pa'i rang 'tshang rig pa yis/ /sems chos nyid nam
mkha'i dbyings su thim/ /

dpe rgya mtsho'i nang du chab rom bzhin/ /yang dgung sngon
dbyings nas 'ja' tshon dang/ /slar chu nang zla ba'i gzugs brnyan
ltar/ /blo yang dag dang ltar snang ci rigs pa'i/ /yul sna tshogs
kyi bkod pa ma 'dres par/ /lar ngo

@079b mtshar gyi ri mo sna tshogs mthong/ /dpe dgung sngon gyi
dbyings nas 'ja' tshon bzhin/ /tshig gsal bar bkod kyang sgro skur
rgyu/ /don de phyir kha byang tsam zhig bkod/ /ces dge ldan
du'o/ /de dus zhag gnyis gsum zhig khug sna

'khrigs pa yin nam/ nyi ma khrag mdog tu 'char ba byung/ de dang
bstun dge ba'i bshes gnyen 'ga' zhig gis lung bstan mang po bkod
pas skye bo du ma re dogs kyi ca co kun tu sgrog pa rna ba'i bu
gar son pas/ kho bo'i

sems la kye ma 'gro ba 'di dag ni shes bya thams cad la lkog tu
ma gyur pa'i spyan mnga' ba sangs rgyas bcom ldan 'das bden pa
gsung ba des/ tshe rabs thams cad du mi shis pa dang/ sdug bsngal
dang/ 'jigs pa mtha'

dag 'byung ba'i sa bon dang/ ltas ngan par lung gsal bar bstan
pa g.yo sgyu khram gsum gyis mi dge ba spyod pa la rang gi
ngang gis 'jug /ched du ser gzugs phal cher ni sdom pa dang dam
tshig yal bar dor nas mkhan

slob mched grogs dgra bo'i dang mar 'dzin/ khyad par skye bo
phal cher 'chi bdag gi gshin rje mche ba gtsigs shing 'jigs su
rung ba ma rungs pa'i gad mo rgod pa/ rang gi slad bzhin 'brang
ba'i chad pa drag po thog tu nges

par 'bab cing/ de yang nam yong nges pa med pa la bag zon nam
nyams snang cung zad kyang med par/ tshe 'di'i phyi nang gi mtshan
ma cung zad tsam la dogs pa 'di ltar byed pa/ kye ma ma la ches
cher rmongs pa'am/ gdon thugs

@080a @#/ /la zhugs pa rang yin pa 'dra/ /bshes gnyen chen po po
to ba'i zhal nas/ 'o skol sangs rgyas kyi mkhyen pa la mo ma rno
shes tsam du 'ang mi rtsi gsung ba shin tu thugs bden snyam du
yid la shar ba cha tsam

tshig tu gsal bar byas pa 'di ltar/ /oM swasti/ gang la rten na
bslu ba med pa'i skyabs/ /bden pa gsung ba de la gus btud nas/
/rnam dpyod ldan pa dam pa'i rjes 'brang ba'i/ /gzur gnas skye
bo yongs la 'di

ltar gleng/ /yong ngam mi yong the tshom za ba yi/ /rgya sog bod
kyi 'dre yi dmag 'dus pa'i/ /dmag dpon bdud nag seng ge'i mgos
byas te/ /byung dogs mkha' dbyings sbar mos gzhal bas ci/ /yong
nges shes shing bzlog

thabs med pa yi/ /dus kyi srin po'i kha yi nang chud cing/
/'jigs rungs ngan 'gro'i g.yangs sa mdun gnas pa/ /bzlog pa'i
thabs mkhas bsgrubs na mi legs sam/ skyid kyang mi 'ched sdug
kyang mi phung ba'i/ /tshe thung 'di

yi re dogs mdun mas ci/ /nges par yong zhing nam yong cha med
pa'i/ /'chi grabs tshags su rtsud na mi legs sam/ /tshe gcig gnyen
'dun 'jigs sar skyel ma sogs/ /rmongs pa rnams kyang 'bad pas
tshol

byed na/ /nam gzhag gtan gyi mdun ma bsgrub pa la/ /dus rnams
kun tu brtson pa bsten pa'i rigs/ /tshul 'di dran pa yis kyang
gdung sel ba/ /'dren pa mnyam med sgyu 'phrul sras po yi/ /phyi
bzhin 'drang ba'i dge

@080b slong gyi na pa/ /blo bzang chos kyi rgyal mtshan zhes byas
springs/ /dge bas 'gro kun grog skam nya rgya dang/ /sgyu ma'i
gshin rje khros la 'jigs pa lta'i/ /re dogs chos brgyad 'ching
ba las grol te/ /kun mkhyen 'gro ba'i rtsa

lag thob par shog /ces pa'ang 'phral du bris/ skabs der snye mor
dpon sa bstan 'dzin rgyal mo gshegs pa'i 'dren par nan ches pas
skor tsam song ba'i phyi lam 'bras spungs su sprul pa'i sku la
grub rgyal ma'i tshe dbang

brgya rtsa phul/ de nas lha sa ba rnams kyis nan tan gyis gsol
ba btab ste dkyil 'khor sdings su lha mi thams cad la tshogs kyi
'khor lo'i dga' ston rnyed bkur phun sum tshogs pa dang bcas te
brtan bzhugs phul

cing rten 'brel legs tshogs kyis brgyan par gyur/ slar ri bo dge
ldan du slebs pa'i tshe rgya phigs kyi shing bzo yang dka' ba
dang gegs med par rags rim grub/ de'i tshe rlung gnon gyi gdung
chen po dag 'gel ba la

thams cad mtsher zhing skye bo mang pos thang la gnas che bsgul
bskyod kyang dka' ba de steng du 'gel bar phyogs pa na 'bad
rtsol med par rang gi ngang gis shugs sgra dang bcas byung/ zhes
gzhi byas kyi las byed pa

rnams mgrin gcig tu gleng ngo/ /de dang mtshungs par bal po rnams
kyis zangs gser gyi bzo yang legs par btsugs/ kho bo cag rang
gis kyang zhag bdun phrag re tsam mtshams bcad pa'i bar bar du
las kyi rim pa so

@081a @#/ /sor rtog pa dang/ don gnyer 'dun pa dang ldan pa spyi
dang/ khyad par dge slong ri khrod pa 'ga' zhig la ngo sprod
sogs ji ltar 'dod pa'i chos ston pa dang/ khyad par tshogs chen
la 'jam dbyangs chos bskor gyi lung

rjes gnang dang bcas pa char du phab/ de dus rgyud smad pa dpon
slob rnams kyis snga mo nas yang yang gsol ba btab pa bzhin/
rgyud pa dang dge ldan tshogs pa rnams la rim bzhin dpal gsang
ba
'dus pa'i dbang bzhi

yongs su rdzogs pa dam pa bar ma chad pa'i gdams ngag gis brgyan
pa gzabs bshad phyag len gyis mdzes par byas pa'i lcags kyus mdo
sngags yongs rdzogs kyi dge ba'i bshes gnyen mtha' dag gi rnam

dpyod kyi ri dags cig car bzung ba lta bur gyur/ de ltar 'khor
lo gsum gyi rol pa las g.yel ba med pa'i skabs skabs su dbyar
gyi mdzes ma lang tsho dar la bab pa'i nor 'dzin mrgad kyi spu
long mdzes pas khebs/ ljon

shing g.yur gyi mngon par dud cing me tog ge sar rgod pas
sbrang rtsi'i zil dngar chags pa dang/ nyal 'gro mngon par rgyas
pa pa tra'i 'dzum khyil ltar khyogs por 'bab pas brgyan/ chu
'dzin gyi lang ling g.yo zhing/ skabs 'gar

bai DUrya ltar dwangs pa'i nam mkha'i lang tsho ched du ngom pa
ltar 'dug pas yid spro bar gyur te sa 'dzin gyi ngos su 'chag pa
la yang dang yang du phyin skabs/ yid la shar ba sug bris su
byas pa 'di ltar/ /na mo gu ru

@081b dkyil 'khor gyi 'khor lo bye ba'i gtso/ /dus mtha' 'dir
ngur smig rnam rol gyis/ /sangs rgyas kyi mdzad pa mngon sum
bsgrubs/ /da dung yang ye shes spyan gyis gzigs/ /'khor 'das kyi
chos rnams ji snyed pa/ /snang

ba ltar ma zhen gnas tshul ltos/ /snang gnas kyi ngo bo gnyis
mthong na/ /rtag dang chad pa'i mtha' las grol/ /mdo rgyud kyi
rgyab brten dpung che zhing/ /gdams ngag gi nang byin tshud pa
yi/ /byin rlabs kyi brgyud pa ma nyams

pa'i/ /mtshan ldan gyi rje btsun bsten pas 'tsheng/ /thar 'dod kyi
skal ldan khyed rnams kyang/ /tshes nyid kyi rang zhal gzigs
bzhed na/ /skam bshad kyi tha snyad mkhan po dang/ /thos chung
gi sgam sgom ma yin pa'i/ /yongs

grags kyi rje la blo snying gtod/ /shugs drag gi bsags sbyangs
yun du bsrings/ /snang thog tu zhon pa'i gzhi rtsa shig /rig
thog tu yod med mtha' dang bral/ /snang tsam gyi rten 'brel mi
bslu zhing/ /rten 'brel gyis stong pa'i

don ston pa/ /zung 'jug tu skyong ba'i rnal 'byor 'di/ /lta ba
dang bsgom pa spyod pa gsum/ /zung 'jug tu 'khyer ba'i nyams len
yin/ /ces kyang smras so/ /de'i tshe dge ldan gyi bla ma slob
dpon khams tshan rags rim sogs spyi

sgos thams cad kyis gdan 'dren dang bzo bo rnams la ja chang
ston mo dang bcas khur bzhes rmad du byung ba mdzad/ yang dus
der gung tshigs grol nas byang ngos kyi ri bo'i rtse mor rkang
pa'i 'degs 'jog nye bar bkod pa'i tshe nang du

@082a @#/ /cung zad bsams pa'i nyer len dang/ phyi'i yul snang so
sor snang ba'i lhan cig byed rkyen gyis yid la shar ba ngag gi
lam du mtshon pa ni 'di ltar/ /rje bka' drin gsum ldan rdo rje
'chang/ /mi bdag

snying padmo'i dbus bzhugs la/ /mchog thun mong dngos grub ma
lus pa/ /dus da lta nyid du bdag la stsol/ /lo dkar po'i sa ga
zla ba la/ /dus nyin gcig dge ldan ri bo'i ngos/ /khams 'dus pa
bsang phyir song ba'i tshe/ /

yul ri mo sna tshogs so sor snang/ /sgo ma 'gags snang ba'i tshul
brtags pas/ /kun byang gi chos rnams ngo bos stong/ /ngo bo dang
bral yang ci yang shar/ /snang stong gnyis 'gal ba ma yin pa'i/
/zung 'jug gi gzhal med

nyams dga' ba/ /'di gang shar gyi ngo bo bskyangs pas mthong/
/chos phung po brgyad khri bzhi stong kun/ /lam 'di nyid kyi
steng du 'bab par gsungs/ /bzang ngan gyi snang ba gang shar
yang/ /ming rtog pas btogs pa tsam zhig

las/ /rdul tsam yang dmigs su ma mchis na/ /lar dgag sgrub kyi
spros pas ci rang byed/ /da mnar med 'bar ba'i me nang du/ /yun
bskal par bsregs kyang nyams nga med/ /rmi lam gyi rab 'bar mes
bsregs kyang/ /sreg

mkhan dang bsreg bya sreg byed gang/ /don de phyir tshangs dbang
la sogs pa/ /dpal srid pa'i phun tshogs thams cad la'ang/ /lar
'dun cing chags pa cung zad med/ /lar sgyu mas sprul pa'i longs
spyod bzhin/ /don 'di bzhin nges

@082b pa bla ma'i drin/ /tshig skam bshad kyi brgyud pa ma yin
pa/ /dpal byin rlabs kyi brgyud pa ma nyams pa'i/ /pha yongs
grags kyi rje btsun bstan pas 'tsheng/ /ces pa dang/ yang ha ha
sems gsal rig 'gag med du skye ba 'di/ /skye med

du mthong ba ya re mtshan/ /skye med la gnas dang 'gag pa gang/
/mo gsham gyi bu mo'i 'gying bag bzhin/ /sems rang bzhin spros
pa'i mtha' dang bral/ /gdangs 'gag med cir yang 'char zhing
snang/ /dbyings gzung 'dzin gyi

sgrog las rnam grol kyang/ /deng sbar 'dzin byed pa 'di ci 'dra
zhig /khong gzhan mtsho lta 'khrid dang phyag chen bsgom/ /mi kho
bo la bsgom bya sgom byed dang/ /don 'di bsgom gyi mtshan ma rdul
tsam med/ /sgom sgrub kun ji ltar

dgyes dgyes mdzod/ /da myur du shi'am gson kyang sla/ /sems
snang stong bde chen gyi grogs mchog dang/ /dus skad cig kyang
mi 'bral 'grogs nas 'gro/ sdug bsngal kun ji ltar dgyes dgyes
mdzod/ /kha phyi

blta'i tha snyad rtog ge pas/ /'di thos na 'gal 'du'i phung por
sems/ /don nyams myong can gyi rnal 'byor pas/ /glu 'di 'dra
gsan na 'dzum pa 'chor ces pa'ang sug bris su byas/ de dus gung
thang nag gu ba'i

sgrub chen pas bka' 'gyur gyi glegs bam yongs su rdzogs pa dang
ba'i sems gyis phul cing/ mgon po phyag drug pa'i chos bskor
'ga' zhig gi dbang lung yang byas/ zhal gdams yi ger bkod nas
dgos tshul byung ba'ang 'di ltar/ /

@083a @#/ /na mo ma hA mu trA ya/ pha bka' drin mnyam med bla
ma rje/ /mi bdag snying padmo'i ze'u 'brur bzhugs/ /rten dal
'byor mi lus rnyed dka' zhing/ /'di mi rtag myur du 'chi bas na/
/rgyud ngang ring le lo ma mchis

par/ /da g.yel med bsgrub la brtson par mdzod/ /rje bslu med
bla ma dkon mchog la/ /snying rus pa'i gting nas skyabs 'gro
zhing/ /ma khams gsum 'khor ba'i sems can la/ /byams snying rjes
dangs pa'i sems bskyed

'tshal/ /sngon thog ma med nas da lta'i bar/ /sems 'khrul pa'i
dbang gis 'khor bar 'khyams/ /da 'khrul pa'i rjes su ma 'brang
bar/ /chos kun gyi rang bzhin gdod ma'i shis/ /don g.yel med
sems kyi rdo rje ste/ lam

phyag rgya chen por grags pa yin/ /der re dogs dgag sgrub ma
byed par/ /sems chos dbyings ngang du lhod kyis glod/ /lus snang
stong dag pa lha yi sku/ /ngag grag stong rdo rje'i bzlas pa
dang/ /sems gsal stong phyag rgya chen

po'i ngang/ /dus rtag tu g.yengs med mnyam par gzhog /rjes
mtshan ma'i dug dang ma 'dres par/ /dpal tshogs gnyis byang chub
chen por bsngo/ /ces pa'i gdams pa'ang stsal/ /gzhan yang don
gnyer can 'ga' zhig

gis bskul bas yid ma 'ga' zhig gi sgrub thabs dang/ bskyed
rdzogs kyi 'khrid dang nyams len gyi gnad tshigs bcad du sgrigs
pa dang smon pa'i tshigs su bcad pa sogs zhar byung du yi ger
bkod pa'ang shin tu mang/ de ltar

@083b bshad sgrub la brtson pa'i ngang nas zla ba drug pa'i yar
ngo la gser thog gi bzo rnams legs par grub ste/ gza' skar
'phrod sbyor bzang ba la dpal rdo rje 'jigs byed kyi sgo nas rab
gnas rgyas pa dang/ de thog bzo rigs pa rnams

kyang gser la sogs pa'i yon gyis mgu bar byas shing/ tshogs chen
la'ang rab ston mang 'gyed dang bcas pa phul du byung ba
bsgrubs/ gser thog de yang rgya dbangs gnyis ka sngar las cher
'phar bas zangs khal brgya phrag du ma dang

sa le sbram zhe stong phrag du ma las legs par bsgrubs pas gzi
mdangs rgyas pa nyi ma gnyis pa lta bu dang/ bzo dbyibs phun sum
tshogs pa rnam par rgyal ba'i khang bzang gi mdzes byed la 'gran
pa lta bur mngon sum gyis

spyod yul du gyur pa 'di ltar lags/ snga sor rnam sras la 'gran
pa'i stobs ldan rnams kyis gsar thog zhig gsos kyi yun kyang lo
lnga drug tsam dgos pa/ da lam zla ba phyed dang drug gi khongs
su gegs med legs par

grub pa'i 'di yang rje bla ma thams cad mkhyen pa rang gi thugs
rjer go /de nas zla ba drug pa'i tshes bcu gsum la skya ser mang
pos bskul nas skya ser gyi skye bo'i tshogs stong phrag mang po
'dus pa la tshe dbang byas pas de rang la

ltos pa'i mi tshogs kyang de dus kho na che bas skye bo mang
po'ang dge ldan chags pa nas da res las mi tshogs che ba ma byung
ba 'dra zhes gleng/ de dus dngul gdung rin po che'i sku mdun gyi
rten mchod cha rnams kyang go rims des med

@084a @#/ /khrom tshogs su byas shing/ mchod stegs rnams kyang
rtse mo can gyi ril ming du byas par nye ba dang/ nye skor gyi
khyams 'ga' zhig kyang rnam par grum du nye ba sogs gzhi nas
legs par gsos te bkod pa phun

sum tshogs pas ma dzes par byas/ gser thog chen mo'i zhor la
byang rtse'i steng du'ang ganyji ra mi tshad tsam dang/ mdun gyi
mchod rten gyi steng du'ang ganyji ra dang/ gtsug lag khang gi
rgyal mtshan dbus ma'i steng du'ang ji ltar 'tsham

pa'i gser tog legs par bsgrubs/ sol ba'i lhag rnams kyis bkra
shis lhun po'i lim lha khang gi lcags khra'ang zla mjug de la
grub par byas te/ zla ba bdun pa'i mgo la lha sa dang 'bras
spungs thon sogs rim

gyis brgyud nas bkra shis lhun por slebs/ de nas mi ring bar
khams nas sprul sku ngag gi dbang po dpon slob kyang bsnyen par
rdzogs pa dang chos mang po gson bzhed pas byon byung ba ltar
bzhed pa'i 'bras bu phun sum tshogs

par bsgrubs/ de kha'i ston dngul gdung lha khang gi nang du cho
'phrul chen po/ lha babs nor skyong btul ba/ bris sku mthong ba
don ldan rgyas pa/ gzhan yang bla ma sangs rgyas byang sems
sogs
kyi brgyud ris brtsams te lo phyi ma

lcags rta'i sa ga zla ba'i yar ngo'i nang tshun la legs par grub/
lo de kha'i dpyid chos gnyis pa dang bstun chos thog gsar pa
sngar khyud ltar gyi tshogs chen la rdo rje 'chang chen po'i lam
gyi rim pa'i lung dang/ sngags gwa pa rnams

@084b la rim lnga gsal sgron gzabs bshad yongs su rdzogs pa sogs
spyi sgos kyi chos grwa rig lung 'phel bar byung/ de rjes chos
rje dpal 'byor dbang pos yang yang snyan gsan byung ba ltar/
byang phyogs su rkang pa'i 'degs 'jog nye

bar bkod/ yar lam grwa tshang stod pa rnams kyis ser 'phreng
rgyas pa dang bcas dgon pa ma lung du spyan drangs gus pa phun
sum tshogs pas bsnyen bkur yang dag par bsgrubs shing/ nged rang
gis kyang tshogs pa rnams la chos dang

mang 'gyed ston pa'i sku brnyan bkra ba'i 'phan 'khor gtsug lag
khang gi rgya mthongs 'khor ba phul/ bsam 'grub dge ldan du
yang
tshogs pa la kun rig gi dbang sogs ji ltar bzhed pa'i chos kyis
tshim par byas shing/ spyi sgos

so so nas rnyed bkur phun sum tshogs pa'i ngos bkra shis lhun por
bde bar 'khor/ de kha'i dbyar thug tshul gyi khro mo che'i kha
rgyar man chad legs par spos shing/ de dang mtshungs par 'bul
ba'i khro che chung thams cad bsags pa

rnams la tshogs chen gyi mang ja thug tshul ci rigs thon pa'i khro
mo che gsar bzheng byas pa lan gsum tsam bskyar dgos byung
kyang
mthar skyon bral yang dag pa grub pa'i dga' ston gyi gro cha
dang 'bras tshas tshogs pa rnams mnyes par

byas/ ston zla ba gcig tsam ma tshams kyi bcad rgya'i ngos dge
sbyor shin tu 'phel bar byung zhing/ mtshams grol nas/ dad ldan
mang pos bskul ba la brten/ 'bring mtshams lho byang/ lce lung
sogs su 'gro phan rmad du byung ba

@085a @#/ /byung zhing/ phar tshur gnyis rin chen rtsa brgyud pa'i
zhal ngo rnams la'ang ji ltar bzhed pa'i zab chos kyis tshim par
byas/ de skabs lho ngos su tshigs bcad nyung du zhig lag ngal du
bris pa 'di ltar// //

na mo gu ru budd+ha ba d+hi satwa b+hyaH pha bka' drin gsum ldan
bla ma rje/ /bdag mos pa'i bu la thugs rjes gzigs/ /lo rab myos
skyes bdag gnyis kyi mtshams/ /khong dad ldan skya bos mtshams
sbyar nas/ /bod mon mtshams nor

'dzin yangs pa'i bzhir/ /zas bsod snyoms 'tshol ba'i don du
phyin/ /der phyin pas lha chen bzang ra sogs/ /khong dkar phyogs
skyong ba'i gzhi bdag rnams/ /yid dga' bas mchod pa'i sprin gyis
bsus/ /spyir dad ldan skye

bo'i zhing sa la/ /dus kun tu dge ba'i sa bon btab/ /khram 'du
'gyes rol pa sna tshogs pa'i/ /phyi rnam g.yang ban bun rgyar
chud kyang/ /yul gang shar mi rtag sdug bsngal ba/ /dpe sgyu ma
rmi lam dri za'i grong/ /chu dwangs pa'i zla gzugs

ltar mthong bas/ /dbyings spros bral gsal bar ston pa bzhin/
/don de phyir sgyu mas bslus pa yi/ /ma khams gsum 'khor ba'i
'gro kun la/ /snying rus pa'i gting nas snying rje skyes/ /de
skyes kyang gzhi med rtsa ba bral/ /don sna mang

bye ba'i sgrog chud cing/ /rgyud snyoms las le lo'i dbang gyur
kyang/ /chos phung po brgyad khri bzhi stong gi /don gces pa'i
brjod bya mchog gyur pa/ /lam stong nyid snying rje'i snying po
can/ /'di res 'jag res 'ga' zung 'jug pa'i/ /

@085b don nyams len gnad dang ma bral tsam/ /bka' mdo rgyud kun
gyi snying po mchog /chos stong nyid snying rje'i snying po can/
/'di kun gyis nges na a la la/ /don nges nas grol na e ma ho/
/ces lag bris su bgyis so/ /de nas dgun chos/ smon

lam/ dpyid chos/ chos thog gsar pa thams cad dge 'dun tshogs shin
tu che zhing/ ris med pa'i sbyin po rnams kyis bsnyen bkur yang
rgyun mi chad pa'i ngos/ 'khor lo gsum gyi rol pa dbyar gyi dpal
mo lang tsho la bab pa'i rin po

che'i 'byung gnas la 'gran pa ltar gyur/ skabs zhig tu ri khrod
'dzin pa'i sgom chen pa zhig gis chos kyi 'grel pa rgyas par nos
te/ khyod rang gi 'dod pa ltar gyi gzhi lam 'bras gsum/ lta sgom
spyod pa dang bcas pa'i mgur mdor

bsdus zhig cis kyang dgos zer ba la 'di ltar byas// //na mo gu
ru manydzu g+ho ShA ya/ dpal phun tshogs kun 'byung yid bzhin
nor/ /pha rje btsun bla ma'i zhabs la 'dud/ /gzhi bden gnyis kyi
bzhugs tshul skad pa de/ /snang

ba dang stong pa'i rang bzhin nyid/ /de thabs mkhas kyis zin
pa'i rnal 'byor la/ /lam thabs shes kyi nyams len mi zer ram/
/sgrib bral gyi zab rgyas dbyer med pa/ /'bras dus kyi zung 'jug
e ma ho/ /sems skye med dri bral gdod ma'i

shis/ /'di gcer mthong lta ba'i rgyal po yin/ /don de nyid dran
shes zhags pa yis/ /dus rgyun du 'ching ba sgom pa'i gnad/ /nang
bdag 'dzin rten phur drung phyung nas/ /yul ci dgar skyong ba
spyod pa'i mchog /da rnal 'byor gyi gzhi

@086a @#/ /lam 'bras bu dang/ /lta sgom dang spyod pa 'di ltar
lags/ /khyed bzhed na thugs kyi bum bzangs su/ /lha'i bdud rtsi
lta bur bsten par mdzod/ /'di bsten na sku gsum bde ba che/ /yun
mi ring myur du lag rtser

'ong; ces smras so/ /de nas sde pa lha pa dpon blon la dpon yig
mkhas pa mang ba zhig rdzong dgos tshul zhus pa ltar/ snga phyi
sdoms pa bdun cu tsam lcags lug zla ba gsum pa'i tshes bzhi la
slebs nas tshes brgyad 'phrod sbyor

dge ba la bde bar gshegs pa'i dka' 'gyur ro cog bzheng pa'i dbu
gtsugs/ phyi mo'ang zhwa lu lo chen gyis zhus dag mdzad pa'i ma
dpe chen mor grags pa dang/ de la'ang cung zad the tshom sogs
byung ba/ zhwa lu'i gsung rab khrod

nas spyan drangs te ma phyi'ang dag par bsgrubs/ /khyad par zhus
dag kyang kho bo cag bdag nyid kyis bgyis/ mgyogs dar sogs ma
byas par/ yi ge gzugs legs pa dang gtso bor dag pa rnams la
'phral du'ang bsrung dar dang

gzengs stod pa sogs byas pas lo de kha'i zla ba bcu pa'i tshes
bco lnga'i khongs su yongs rdzogs grub/ de yang skya chos yin
kyang gtso bor dag pa dang bris shog glegs shing sog cha thams
cad nas/ gangs ri'i ra bas bskor ba'i

ljong 'di'i bka' 'gyur ro cog mtha' dag gi rgyan du che bo zhes
gzu bor gnas pa'i rnam dpyod can gzigs rgya dang ldan pa rnams
dbyangs gcig gis sgrog go /de kha'i chos bco brgyad gza' skar
'phrod sbyor bzang ba'i snga dro

@086b mtshan nyid pa'i bka' bcu rab 'byams 'dres pa brgya dang
brgyad kyis rten khebs sogs gos dar gyi na bza' bzang po'i
khyogs la blangs te glegs bam re re gdan drangs/ bdag nyid kyis
dri bzang po'i dud sprin 'phro ba'i dngul gyi spos

por thogs te sna khrid nas mdo rgyud rab 'byams smra ba'i dge
slong snam sbyar gyon pa bcu phrag bdun lhag tsam gyis gdugs
rgyal mtshan bdug spos rol mo sogs mchod pa'i bye brag sna tshogs
pa dang bcas pa'i ser 'phreng

dang ldan pas gtsug lag khang chen mor spyan drangs/ dpal
gsang
ba 'dus pa'i sgo nas spyan dbye'i cho ga rgyas par mdzad cing/
sngags grwa pa rnams dang/ tshogs chen gnyis kar rab ston ja
'gyed phul du byung bar bsgrubs shing

dpon yig pa rnams kyang gser dngul sogs yon rdzongs gya nom
pas
lhag par mgu bar byas te/ de las byung ba'i dge ba rnams bstan
pa rin po che dang/ 'gro ba mtha' dag gi phan bde bla na med
pa'i rgyur bsngos shing/ smon pa rnam

par dag pas rgyas btab/ shis pa brjod cing me tog gi char phab
ste ris med pa'i rgyal ba'i bstan pa dang ston pa la bya ba cung
zad byas so snyam du sems so/ /de kha'i ston dben rtsa sprul
pa'i skus thog drangs/ o'i rod kyi 'grul pa

'ga' zhig dang rjes su khal kha a kha has kyis mtshon pa'i byang
'grul mi nyung tsam rim pas byung ba dang bstun dbus phyogs su
yong dgos tshul snga phyir byung kyang/ spyir 'gro 'dug mang pos
yid sun cing/ khyad par na tshod yongs su

@087a @#/ /smin pas 'gro ba'i shes 'dod med na'ang/ stag lung
zhabs drung gi phyag dam nan che ba/ sde srid rin po ches kyang
'gro dgos tshul byung ba la brten 'gro bar shar/ de skabs mthu
stobs kyi dbang phyug rwa lotstsha ba rdo

rje grags pa'i mchog gi sprul sku gnas rnying chos rje rwa lo
zhing gzhan du gshegs pa'i dgongs rdzogs me mchod 'bul ba sogs
la yong dgos tshul nan can byung bas bzhed pa bsgrubs/ de skabs
chos rje de nyid dang na tshod

mtshungs shing rdo rje spun kyang yin pas/ 'dus byas rnams ni 'di
ltar mi rtag cing dbugs ma phyin pa'o snyam du sems la bcags
shing/ khyad par mgon po zhi ba lhas/ /dur khrod song nas gzhan
dag gi /rus gong dag dang

bdag gi lus/ /'jig pa'i chos can dag tu ni/ /nam zhig mgo snyoms
byed par 'gyur/ /ces gsungs pa ltar/ bdag kyang ring po mi thogs
par dang tshul 'di las ma 'das shing/ dus kyi chad pa 'di lta bu
da lta rang yang thog

tu mi 'bab pa'i nges pa cung zad kyang mi 'dug snyam du mi rtag
pa'i 'du shes rang gi ngang gis skyes/ ched du sku chas thams
cad kyang mi snas rgyas btab ste/ grwa rkyang zhig dus byas pa'i
dge rtsa tsam yang gtong dbang ma byung song bas/

rgyal sras rin po ches/ phyi ma'i so chos grog skam nya rgya
'dra/ /bsams pa thog tu mi khel 'dod 'dun skyungs/ /ces kyang
dran na 'byor rgud 'du 'bral soms/ /ltos thub chos las 'dug ge
ma Ni pa/ /ces gsungs pa bzhin phyi rtsis

@087b kyis zas nor bsags kyang/ sbrang ma'i sbrang rtsi dang
'dra bar mngon sum du mthong zhing grub kyang/ da dung snying
po
med pa la snying por 'du shes pa'ang dag ni kye ma kye hud
snying dang mig med pa'o snyam du mi rtag pa dang/ sdug bsngal
ba dang/ bdag med

par cung zad nges pa'i kun tu rtog pas drangs te/ sgyu mas
rmongs pa'i 'gro ba mtha' dag la snying rje'i bsam pa yang yang
skyes shing/ yid la shar ba'i don tsheg gis mtshon par byas pa ni
'di lta ste// //na mo shAkya mu na ya/ tshangs

dbang dang 'khor los bsgyur ba yi/ /dga' ston kyang gshed ma
ltar dgongs te/ /chog shes kyi bdud rtsis ngoms pa rnams/ /e ma
ho mchog tu bsngags par 'os/ /rtag 'dzin gyi 'byung pos yid
bsgyur nas/ /chos brgyad kyi dug chus

rab myos pa'i/ /dred po khong skye rga na 'chi yi/ /gnas tshul
'di snying nas bsam pa'i rigs/ /nyi rgas kyi grib ma ji bzhin
du/ /'chi bdag kha mi sdod tshur tshur 'ong/ /bros pas kyang thar
sa mi 'dug pas/ /'chi grags la phyi shol ma byed

cig; stong gsum gyi khyon la dbang bsgyur cing/ /zas nor sogs
rgya mtsho'i 'jings gnas kyang/ /'chi bdag gi gshin rje'i zhags
pa yis/ /dbang med du pha rol gcer bur 'khrid/ /gnad gcod kyi
mtshon rnon drag pas bsnun/ /ngan

song gi 'khrul snang sna tshogs shar/ /sngar byas kyi las la
'gyod cing mtsher/ /a tsa ma ci bya btol med gyur/ /ngan skyugs
dang bshang gci dri nga ba/ /'dam rdzab kyi nang du bying zhing
nub/ /byad sha rnams phyir spos ming 'bras sdib/ /kha

@088a @#/ /zas kyi zhen khog skom pas gdungs/ /rig rig tu blta
zhing yan lag g.yab/ /ngar ngar gyi dbugs 'phreng gyen du
brtseg /nyam thag gi nga ros bos byas kyang/ /rang nyes kyi
skyob mkhan gcig kyang med/ /

'jigs rung gi g.yangs sar lhung mthong nas/ /rang nyid la gting
nas yi mug skyes/ /lag stong du sgren mor 'gro dgos pa/ /nam
yang la nges pa med 'dug na/ /zon med du bde bar sdod phod dam/
/don chung gi khe nyen rtsi rtsi

nas; ;glo bur du skyas chen 'degs dgos pa'i/ /ngang tshul 'di
snying nas mi dran pa/ /phyugs las kyang blun pa'am yang na
smyo/ /gtam ngan dang sdug bsngal khyad bsad nas/ /ser sna yis
bsags pa'i zas nor las/ /rdul

tsam yang khyer ba'i dbang med pa/ /gcer bu ru bar do'i 'phrang
la 'khyam/ /'bad rtsol gyis bsgrubs pa'i nor rdzas de/ /sbrang
ma yis bsags pa'i sbrang rtsi bzhin/ /'brel med kyi skye bo
gzhan gyis spyod/ /gnas tshul 'di

mngon sum mthong bzhin du/ /da dung phyi rtsis kyi gsog rum
mkhan/ /blo ngan gyi skye bo ce re long/ /da gsog na dus gsum
'phags pa'i nor/ /'gyur med kyi dad pa rnam dag khrims/ /thos pa
dang gtong ba ngo tsha shes/ /khrel

yod dang shes rab nor rnams gsogs/ /'phags nor gyis gang ba'i
bang mdzod de/ /skye rga dang na 'chi'i dgra rkun gyis/ /dus nam
yang 'phrog par mi nus pa/ /mthar thug tu mi 'bral 'grogs pas
bde/ /ces kyang smras

@088b so; de ltar nyang brgyud skyid shod du phyin nas/ /ser
'bras kyi dge bshes 'ga' zhig dang/ a mdo ba'i bla ma 'bul dpon
du ma dang/ sog po'i dpon 'ga' zhig dang bcas pa la rdo rje
'phreng ba'i dbang dang/ gzhi byes kyi rab

byung bsnyen rdzogs brgya phrag brgal ba sgrub pa dang/ rgyud
smad pa rnams la phyag chen gyi rtsa ba'i steng nas bshad lung
rgyas pa zhig kyang byas/ gtso bor smon lam chen mo dang 'brel
bas bstan pa rin po che dang/ 'gro ba mtha'

dag gi phan bde bsgrub pa'i phyir mchod pa dang bden tshig yang
dag pa bskrun/ /skyes rabs kyi chos thun yang rdo rus thug pa
zhib tu rgyas par bshad/ der dge bshes dpal 'byor gyi nang rten
du dmigs dngul lha nyag gi khal re

las byas pa'i rje btsun 'jam dbyangs dang/ bcom ldan 'das ma
sgrol ma'i sku gnyis bzhengs te phyis bkra shis lhun po'i lha
khang du bzhugs su gsol/ de nas 'bras spungs su yang thams cad
mkhyen pa'i sprul pa'i sku la dus kyi

'khor lo'i dbang yongs rdzogs sogs chos bka' du ma dang/ tshogs
pa la 'jigs byed kyi dbang bzhi dang/ bdag nyid kyi brtsams chos
thor phu'i lung rnams phul/ slar ra mo cher rgyud stod pa dpon
slob kyis nan cher gsol ba

btab pa la brten nas dpal 'dus pa'i dbang yongs rdzogs snyan
rgyud kyi gdams pas brgyan pa'i lcags kyus dge ba'i bshes gnyen
mkhas pa de rnams kyi rnam dpyod yongs su bzung/ mthar gyis snye
thon dgon gsum gyis

@089a @#/ /gus mchod phun sum tshogs pa mdzad cing/ khyad par snye
mor sde pa dbang sdud rgya mtshos bka' 'gyur yongs rdzogs gsar
bzhengs mdzad pa'i rab tu gnas pa rgyas par byas/ de dag gi
skabs su kun rtog gi

pir gyis sems kyi me long la ri mo 'ga' zhig bris pa/ mgrin pa'i
lam du mtshon pa ni 'di ltar// //na mo gu ru manydzu g+ho ShA ya/
bskal bzang 'di la bde gshegs ni/ /mang po'i mdzad pas rnam rol
ba/ /drin can rtsa

ba'i bla ma de/ /dran pas srid pa'i gdung ba sel/ /deng nas
byang chub ma thob bar/ /ngan song 'jigs pa las sgrol cing/
/mtho ris thar pa'i lam 'dren pa/ /bla ma mchog la rag las
kyang/ /bka' drin gsum ldan bla ma las/ /lhag

pa'i skyabs gnas gzhan 'tshol ba/ /yid bzhin nor bu mchog thob
pa/ /dor nas mching bu len pa bzhin/ /lha las lhag pa'i rten
bzang 'di/ /rnyed dka' don chen shes gyur kyang/ /don chen
snying po mi len par/ /tshe 'di'i bya bas

dus 'da' ba/ /dbul po 'ga' zhig stes dbang gis/ /nor bu'i gling
du slebs nas kyang/ /lag stong gcer bur rang khyim du/ /'jug pa
las kyang shin tu blun/ /'di na lo zla'i khongs tsam du/ /yod
par nges shing nam 'ong ba/ /nges

pa med pa'i dgra dag la/ /rmongs pa'i 'jig rten skye bo yang/
/nyin re bzhin du bag byed na/ /nges par 'ong zhing nam 'ong ba/
/nges med 'chi bdag dgra bo la/ /zod med bde bar 'dug pa 'di/
/kye ma kyi hud phyugs las blun/ /'jigs

@089b rung 'chi bdag za res de/ /de ring thog tu mi 'bab pa'i/
/bdag la gdeng yod ma yin na/ /ci phyir bdag yid bde bar 'dug
/mi bzad bzod dka'i nad kyis btab/ /bshang gci'i gdan la 'gre
ldog byed/ /drod bsdus dbugs rtseg

ngar sgra dag /'byin pa'i dus cig myur du 'ong/ /gnyen bshes du
bas mtha' skor zhing/ /sman dang rim gros bcos su med/ /yan lag
g.yob cing rig rig blta/ /'on kyang rtag 'dzin dbang gyur pas/
/da dung son par re na yang/ /'chi

bdag gshin rje gnyar zhon te/ /ma rangs khrel nas gad mo rgod/
/gces par bskyangs pa'i sha rus kyang/ /bzhag nas grogs med gcer
bu ru/ /'jigs pa'i thang la dgras bcom ltar/ /myur du 'gro ba'i
dus cig 'ong/ /stong

gsum nor la dbang bsgyur yang/ /rdul phran tsam yang khyer
dbang
med/ /gnyen bshes mdza' bas mtha' bskor yang/ /gcig tsam rjes su
'brang ba med/ /de tshe bdag gi ming tsam yang/ /shul du lus na
gzhan ci smos/ /'jigs

chen 'di 'dra ma dran pa/ /'brel med tsho 'di'i bya ba la/ /zhen
pa bdag dang bdag 'dra ba'i/ /mgon med 'gro ba mtha' dag la/
/brtse bas gzigs shig bla ma lha/ /ces pa bris/ de skabs sog po
'gas mtshor phu'i mdzo ru ded cing/

de rjes 'bri khung gi mu thal la'ang gnod pa byas pas/ tshul 'di
lta bus sngon yang sangs rgyas kyi bstan pa'i dkrugs shing dang/
skye 'gro'i bde skyid kyi gshed mar gyur pa yid la bcags te/ glo
bur du brtson pa chen pos byang phyogs su

@090a @#/ /so so'i gshed 'don gtsang mar byas/ sog po'i byag pa
rnams la hor smad pas nyal brdung byas/ mang du bsad pa'i lan
du/ sog dmag chas song bar bzhon rta gser chas sga 'khor dang
bcas pa sogs

gtong ba sngon du 'gro bas nan gyis bzlog ste mang po zhig srog
gi 'jigs pa las skyabs/ slar log nas 'bam rom gyi gnas mjal der
sgam po'i ri khrod pa gnyis 'dug pas tshogs 'khor bshams shing
blo sbyong gi 'khrid

phog; lam bar phal cher ne'u gsing dang/ spang ljongs me tog sna
tshogs pas brgyan pa mthong bas rkyen byas yid la shar ba tshig tu
brjod pa ni// //na mo gu ru ratna tra yA ya/ dbyar dus mdzes
sdug dang ldan pa'i me tog

sna tshogs/ /yid 'ong dbyibs legs kyi lang tsho mngon par bkra
yang/ /nam zla'i rgyal mo 'gyur ba'i dus kyi ba mo/ /nyin bzhin
char ltar 'bab pa 'di snang skyo bas/ /me tog 'dab stong rgyas
shing sbrang char 'bab dus/ /bsod nams

bsag phyir dkon mchog zhags drung snyegs dang/ /sngon bsags
rnam
dkar gyis 'phangs pa'i dal 'byor mi lus/ /tshe 'di'i snang shas
kyis don med bya bas g.yengs kyang/ /lo zla skad cig gis mi
sdod 'chi bdag gshin rjes/ /

rgyus med pha rol 'khrid pa 'di snang skyo bas/ /da lta rang
dbang rang la yod pa'i skabs 'dir/ /skye rga na 'chis 'jigs pa
med par snyegs dang/ /ces sogs bla brdol lta bu yang mang du
smras so/ /de nas 'dam du gtsang dpung slog pa la

@090b phyin pa'i dmag gi grib yin nam/ 'gro 'dug gi ngal bas yin
nam/ ji ltar na'ang gnyid shin tu che ba zhig byung bas/ bdag
nyid gnyid dang snyoms las las slong phyir 'di ltar brjod// //na
mo gu ru manydzu g+ho ShA ya/ thugs rje'i

bdag nyid rje btsun bla ma dang/ /bslu med skyabs kyi dam pa
dkon mchog gsum/ /lha yi lam las dbang po'i gzhu bzhin du/ /'od
gsal bde chen chos sku'i dbyings las bzhengs/ /kye ma ro ltar ma
nyal yar langs shig /thog med

dus nas tha ma da lta'i bar/ /gti mug ngang du yun ring nyal bas
chog /da ni yar longs dge ba'i las la 'bungs/ /nyam thag srid
pa'i btson khang ra ba 'dir/ /las dang nyon mongs mal khri mthon
po'i steng/ /skye rga na 'chi'i mal cha mang

gyon nas/ /yun ring nyal bsad ni chog shes kyis/ /yid bzhin nor
mchog las kyang don che zhing/ /sangs rgyas spyan ltar shin tu
rnyed dka' ba/ /lan cig tsam gyi dal ba'i rten bzang 'di/ /ro
nyal dbang gis chud zos 'gyur ta

re; ;skyes tsam nyid nas 'chi bdag khar chud pas/ /de ring sang
yang mi 'chi'i gdeng med kyang/ /bag med snyoms las gnyid kyis
dus 'da' ba/ /blang dor gnas la rmongs pa'i gdol pa bzhin/ /thar
med gshin rje'i mche ba'i phrag

gnas shing/ /'jigs rung ngan 'gro'i g.yangs sar mngon phyogs
pa'i/ /ngang tshul ma dran gnyid kyis dus 'da' ba/ /kye ma bdag
la mi 'jigs su yis byin/ /de phyir pang du gdug pa'i sbrul 'ongs
na/ /skrag pas ldang dang mgo

@091a @#/ /la me shor ba/ /zlog 'dra'i brtson pa rgyun mi 'chad
pa yis/ /thar pa dam pa'i lam bzang bsgrub pa'i rigs/ /ces brjod
cing yi ger yang bris so/ /de nas rim gyis bkra shis lhun por
slebs/ zla ba gcig lhag

tsam mtshams bsdams/ dge sbyor yang shin tu 'phel bar byung/ ston
rte nag phyogs kyi sbyin bdag dad pa can rnams kyis spyan drangs
te bkur sti dang rnyed pa mchog tu gya noms pas mchod cing/
gang
la gang 'tshams pa'i chos kyis kyang

tshim par byas/ de rjes chos kyi rje dpal 'byor rgyal mtshan gyis
gtso byas grang mo che'i grwa tshang rgya 'og dang bcas pas gdan
drangs/ /jo bo rin po che dang byin rlabs mnyam par grags pa dge
sdings jo bo'i drung du'ang mchod bstong smon pa yang

dag pa bgyis shing jo bo'i mdun sar smyung gnas pa brgya zin
tsam yang byung/ rgyang dkyil mag sogs nas 'dus pa'i skye bo'i
tshogs chen po la che rta/ lo ma gyon ma sogs kyi rjes gnang
dang/ gzhan yang rang rang ji ltar 'tshams pa'i 'dod

chos kyis phan bde'i lam gsal bar byas/ phyir lam sde pa 'dol
chung nas kyis snyen bkur tshad med pa mdzad cing mchod yon
rten
'brel phun sum tshogs pa 'grig /slar chos grwa chen por 'khor/ de
yang sngar dge ldan gsar thog

gi dus/ bkra shis lhun po'i slob dpon pa rnams dang yang gros
bstun/ dkyil khang slob dpon pa sangs rgyas dpal bzang dang/
shar rtse slob dpon pa dge 'dun 'od zer gnyis dang bcas gtsang
phyogs su sprul pa'i sku gdan 'dren pa'i

@091b snyan san phab/ bod spyi'i bde skyid la bsams/ jo bo rin
po che'i dbu thog gi gser phugs kyang gser bzang rgyu mi 'dug
pas gser skyar gtong zhig dang/ khyad par ra mo che'i gser thog
tshes gsum bzhi'i zla ba ltar 'dug pa 'di bco

lnga'i nya rgyas lta bur myur du byas te/ sprul pa'i sku'i phrin
las rgya cher spel phyir bkra shis lhun por spyan drangs nas/
phyi nang gi yongs su bzung ba mtha' dag kyang de kha'i dus su
'bul snyam pa thun mong ma yin pa glo bar bcags kyang/ 'dod pas

lhag par zil gyis non pa'i skye bo dag gis/ /rgya mtsho dang ni
ri rab dang/ /sa rnams bdag gi khur min gyi/ /byas pa mi gzo
gang yin pa/ /de ni bdag gi khur chen yin/ /zhes gsungs pa dang
du blangs te nyes pa med par/ kho bo cag gnas nas

phyung kyang sngon las su go /de'i tshe gzhis kha rtser zhu ba po
rnams la dpa' dar rgyas pa btags pa'i gtam phyogs lhung med pa'i
gzhan phyogs 'gas thos pa'i tshe/ rje btsun sa paN gyis/ /snying
nas khrel 'das 'ga' zhig ni/ /rang gi gtam ngan

ngo sor byed/ /kan rtsi'i yul gyi rgyal phran 'ga'/ /phabs dpal
rgyal rnga brdung/ /ces pa der 'dug zhes zer/ /kho bo cag rang
la ni kun nas mnar sems pa dang/ 'khrug pa dang/ yid mi bde ba
dang/ 'khon 'dzin pa'i bsam pa drag po

ma byung/ 'on kyang dam tshig gi sel chen po zhugs pas ni snying
brtse ba dang/ cung zad 'jigs shing skrag par yang gyur to/
/ci'i phyir na rgyud don bsdus pa lnga bcu par/ /nam yang slob
dpon dag gi ni/ /kun tu sems dkrug mi bya

@092a @#/ /ste; ;gal te rmongs pas byas gyur na/ /dmyal bar nges
par 'tshed par 'gyur/ /mnar med la sogs 'jigs rung ba'i/ /dmyal
ba bstan pa gang yin pa/ /slob dpon la ni smod pa rnams/ /der ni
gnas pa

yang dag bshad/ /ces sogs gsungs pa'i phyir dang/ rlung sems
sogs 'byung ba la dbang bsgyur ba'i grub chen gling yang/ tshogs
chos dam tshig lnga pa 'chad pa'i tshe dam sel yod pa'i mi gnyis
de'i khrod du nyan par byung ma

thag tshems khrig 'grig nas/ zhing gzhan du gshegs shing/ grub
thob chen po u rgyan pa'ang/ dbye dmyal phyogs su 'gro don la
byon dus bla ma chag lo'i nye gnas chag lo dang dam tshig nyams
pa zhig mjal bar byung bas mjal

kha ma btang bar bka' bkyon/ lam du kho'i grong dang nye ba'i
sar/ grub chen rin po che'i gsung nas/ dam nyams mthong du'ang
mi btub na phrad pa dang smra ba lta ci smos/ kho'i grong mi
mthong ba'i ched du yol bas sgribs/ rnal 'byor

gang zhig dam tshig nyams pa dang/ /skad cig tsam yang phrad smra
mi bya/ zhes bya ba de thams cad kyis sgyer cig ces gsung/ zhes
rnam thar las 'byung bas/ sngon gyi grub thob chen po de dag bla
ma gzhan dang dam sel zhugs pa

la'ang ches cher 'jigs par mdzad pa'i phyir ro/ /sngar dge ldan
gser thog grub 'phral nas byang rtse brtsis sprod yang yang byas
pas len ma 'dod kyang/ rkyen de la'ang brten nas mgyogs par nan
gyis gtad kyang da dung dge

@092b ldan spyi dger thams cad kyis yang yang gsol 'debs mdzad
byung na'ang khri thog tu 'gro ma thub/ 'on kyang sde pa sbrag
kha bas nged rang la phul bas phug thang gi yong 'bab ci yod
spyi so chen mo dang/ 'bri g.yag bdun cu don bdun dngul

gdung rin po che'i dkar me'i thes su 'bul sbyor byas pa lags/ de
dus rnam rtog gi ri mo 'ga' zhig yi ger bkod pa ni// //na mo gu
ru manydzu g+ho shA ya/ thugs rje dang ldan pa'i rgyal gzhan
gyis/ /'dul ba ru ma nus spangs

pa yi; ;mgon med kyi long ba bdag cag la/ /g.yel med du gzigs
shig zas gtsang sras/ /'dus byas kyi ngang tshul ston ka'i sprin/
/dgra gnyen gyi 'tshig 'du tshong dus 'gron/ /snyigs dus kyi mi
tshe nam mkha'i glog /shes ldan

'dra yod na bsam pa'i rigs/ /nag phyogs kyi bdud rigs stobs ldan
pas/ /khrel med kyi ngan spyod chu ltar 'khrug /'dod nag gi dug
chus yid myos pas/ /ya rabs kyi spyod tshul rgyang du bsrings/
/dam tshig dang sdom pa rtsa ltar  

dor; ;ngo tsha dang gtam ngan khyad bsad nas/ /'jigs rung gi ngan
'gro'i g.yang sa cher/ /su mgyogs rang mdzad tshos ci dgongs na/
/rgyang ring gi snang tshul phar zhog gi /dbyar dgun sogs nam
zla'i 'gyur ldog dang/ /deng dus kyi

skye bo'i dar rgud 'di/ /shes bzhin du mi mthong ce re long/
/'di nang gi bya ba ci byas bde/ /byang chub 'di phyis nas btsal
thabs med/ /thar med kyi btson khang ra ba las/ /'bros thabs
'dra e 'dug legs par soms/ /ri gzar gyi

@093a @#/ /'bab chu drag po ltar/ /skyes tsam nas 'chi bdag
phyogs rgyug pa/ /gang gis kyang zlog par mi nus na/ /bde mo ru
sdod pa phyags las blun/ /'di nang gi dgra 'dul gnyen skyong
sogs/ /'jig rten gyi bya bar

zhen pa tsho/ /'bras med kyi sbun pa 'phyar 'phyar nas/ /don po
mnar med kyi bud shing nyid/ /stong gsum la dbang bsgyur rgyal
po yang/ /skad cig kyang sdod pa'i dbang med par/ /pha rol tu
gcir pur 'gro dgos na/ /'khor ba'i

phun tshogs la yid gtan ci/ /don chung la mi tshe 'dzad pa'i rgyu/
/ban bun gyi g.yeng bas ci rang mdzad/ /rlung dmar gyi nang gi
mar me bzhin/ /nam 'chil nges pa ma mchis pa/ /rmi lam gyi dga'
ston lta bu yi/ /zag bcas kyi

bde la zhen rin med/ /'gyur med kyi zung 'jug bde ba che'i/
/grong khyer du zhugs na mi legs bsam ces bya ba sogs lag dal du
bris/ de nas lo gsar cho 'phrul smon lam tshugs par nye'i tho
rangs rmi lam na seng ge'i

khri'i steng na lha rdzas kyi 'bol kha dog bkra ba zhig gi gdan
la bdag cag gi ston pa'i gser sku mi tshad che ba tsam zhig 'dug
pa la yid mos pas yan lag bdun pa zhig phul bas sku'i rnam 'gyur
cung zad g.yo zhing 'od kyang

'phro ba mthong bas dpe med pa'i mos pa skyes/ slar ye shes pa
zhig kyang stim/ sems can thams cad dmigs yul du byas te gdung
bas gsol ba btab pa na/ sku de ston pa dngos su gyur pa 'dra
ba'i mtshams der gnyid sad byung

@093b bas nyid 'khrul du 'dug kyang shin tu 'phangs pa zhig
byung/ de'i tshe tshig 'di dag bkod// //na mo gu ru mu ni inta
ya/ mi mjed kyi zhing gi ston pa dang/ /dbyer med kyi rtsa ba'i
bla ma la/ /byang chub kyi snying por skyabs su

mchi; ;'bral med du thugs rje'i lcags kyus bzung/ /rgyud drug gi
ma rgan sems can rnams/ /khams gsum gyi btson khang ra ba 'dir/
/nyon mongs kyi lcags sgrog dam pos bcings/ /las ngan gyi rlung
nag 'tshubs mas

g.yengs/ /sdug bsngal gyi mda' char drag pos mnar/ /grogs med
du mya ngam thang la 'khyams/ /mgon med kyi long ba nyam thag
pa/ /snyigs dus kyi skal ngan 'gro ba la/ /bslu med kyi 'dren
mchog shAkya'i tog /longs sprul gyi

zhing khams gar bzhugs kyang/ /sgrib bral gyi spyan gyis gzigs
mdzod la/ /btso ma yi gser sbyangs me long 'dra'i/ /'dzum zhal
gyi bdud rtsis dbugs phyung la/ /thugs rje dang thabs tshul brgya
phrag gis/ drin can gyi 'gro ba ma  

lus pa/ /mtho ris kyi them skas la brgyud nas/ /sku gsum gyi
gzhal med khang du drongs/ /ces pa smras/ dpyid sos gtsug lag
khang gi shing rtsi dang/ khyad par seng g.yabs dpangs dma'
zhing/ shing cha rnams kyang ngan par

'dug pa gsar du bsgrub pa'i sbyor ba nye bar brtsams/ de'i tshe
khro phu'i smon lam la yong dgos tshul gangs can pa dpon slob
rnams kyis mgrin gcig tu yang yang byung bas rkang pa'i ldeg
'jog nye bar bkod nas rje btsun gyi mdun

@094a @#/ /sar 'dus pa'i sde dang lhan cig tu skye dgu'i phan
bde'i 'byung gnas ris med pa'i bstan pa rgyas pa'i smon pa rnam
par dag pa btab/ khro mda'i gong rnam sras gling gi gsing thang
der skye bo brgya phrag du

ma tshogs pa la tshe dbang bskur bas lha rnams kyis me tog gi char
phab pa der tshogs pa thams cad kyi mngon sum du gyur/ sngar
gangs can du khrom dbang byas pa las kyang mi tshogs 'dab 'gyur
tsam gyi che zhes gleng/

de nas gnas chos sde/ lhun rtse chos sde/ seng ge rtse'i chos
sde sogs su mthar gyis rgyu zhing/ don du gnyer ba rnams dbang
rjes gnang/ lung sogs kyis bzhed pa tshim par byas/ lha sde dpon
slob so so dang/ sbyin bdag

dad pa can rnams kyis zhabs tog 'bul ba sogs bsam gyis mi khyab
pa yang dag par bsgrubs/ de'i sos gnas bcu rab 'byams pas phyag
chen gyi rtsa ba de la/ rang nyid kyis bgrel pa snying po'i don
rjen par

gsal bar ston cing/ mtha' chod pa rgyab brtan lung rig dang
'brel ba zhig cis kyang dgos shes nan gyis bskul ba la brten nas
mgyogs par bris/ de yang phyag chen lugs so so'i rjes 'brang
rtog pa mtho sma dang/

mkhas rmongs kyi bye brag gis khyad par ma gtogs/ de dag gi
'byung khungs kyi dam pa rnams kyi bzhed pa mdo rgyud rgyal ba'i
dgongs pa rma med pa yin tshul mdor bsdus rtsa bar bris pa/ 'grel
par dam pa so so'i

@094b bzhed pa rgyas par bkrol bas/ ris med pa'i skye bo rnam
dpyod can rnam pa mchog tu dges shing/ phal cher chos spong gi
g.yangs sa'i 'jigs pa chen po las srung ba'i rdo rje'i ra ba
lta bur byas/ yang gzhan mang po ni/ spyir

mtshan nyid pa/ sgos ri bo dge ldan pa la nges don phyag chen gyi
nyams len 'di 'dra yod bsam ma byung zer ces grags pas/ rje
rgyal ba gnyis pa'i bstan pa rin po che'i rgyan du'ang gyur to/
/de nas dbyar snga ma bkra shis lhun por

dge 'dun drug brgya lhag tsam dang lhan cig tu chos dang/ zang
zing gi longs spyod phun sum tshogs pa byung zhing/ de skabs sems
la goms pa ngag gi lam du cung zad brjod pa ni// //na mo gu ru
manydzu g+ho ShA ya/ /bkra

shis zhabs sen 'od chags utpal gyi/ /ge sar bde 'byung tshangs
dbang drag po sogs/ /kun gyi gtsug rgyan nor bus gus mchod pa/
/'dren mchog shAkya'i rgyal pos dge legs stsol/ /'dus byas
dbyar gyi chu 'dzin

ltar g.yo zhing/ /khyad par 'dzam gling skye bo yongs kyi tshes/
/nges med bar snang glog ltar myur 'gro na/ /don med bya bas
'da' ba khyod khom mam/ /dbyar dus pad mtsho mdzes pa'i me tog
kyang/ /nyin bzhin dus kyi ba mo'i reg pas

'joms/ /de bzhin sha khrag rgyas pa'i lang tsho yang/ /skad cig
re rer rgas pa'i zhags pas 'ching/ /tshong 'dus mgron khang yangs
pa'i skye bo'i tshogs/ /snga dro 'du zhing phyi dro 'gyes pa
ltar/ /'dza' bas 'brel pa'i gnyen

@095a @#/ /bshes 'khor g.yog sogs/ /mtha' dag ring du mi gnas so
sor 'bral/ /bung bas bsags pa'i sbrang rtsi gzhan dag gis/
/spyod pa ji bzhin sdig sdug gtam ngan la/ /ma 'dzems ser snas

bsags pa'i zas nor de/ /glo bur nyid du don med gzhan gyis
spyod/ /srid pa'i phun tshogs kun gyi rtser son pa/ /tshangs dbang
lha chen 'khor los sgyur rgyal gyi/ /'byor pa'i dpal la yun ring
longs spyod nas/ /slar yang

mnar med 'bar ba'i me nang bsreg /mtho ris 'dod dgu 'byin pa'i
ljon pa las/ /byung ba'i bdud rtsi ngoms med 'thungs nas kyang/
/mi gtsang rnag khrag phyi sas 'tsho ba yi/ /ta la yi thog skam
'dra'i yi dwags 'gyur/ /lus

sems gdung bral ting 'dzin la gnas pa/ /gzugs dang gzugs med lha
yi gnas thob kyang/ /slar yang bkol bcad gcig la gcig za ba'i/
/sdug bsngal me char 'bab pa'i dud 'gror 'gyur/ /de phyir mkhas
pa

rnams la mtho ris kyang/ /dmyal ba dang mtshungs 'jigs pa skye
'gyur na/ /blo ldan su zhig bde 'gro'i phun tshogs la/ /'dod cing
chags pas don du gnyer bar byed/ /mdor na bur ma shing pa'i
gsung rab las/ /skyes pa

kun gyi tha ma 'chi ba dang/ /'dus pa kun gyi tha ma 'bral ba
dang/ /bsags pa kun gyi tha ma 'dzad pa dang/ /mthon po kun gyi
tho ma rgud par gsungs/ /gsungs pa ji bzhin mngon sum snang gyur
kyang/ /lug ltar lkug pa

@095b rnams kyis 'di ma nges/ /spu gri rnon po'i sor chags
sbrang rtsi dang/ /yid 'ongs lo 'dab rgyas pa'i 'dug sdong ltar/
/snog chung nyes pa kun gyi gzhir gyur pa'i/ /srid pa'i phun
tshogs su zhig don du gnyer/ /las dang nyon mongs

gangga'i chu rgyun gyis/ /mtha' med 'khor ba'i rgya mtsho chen
por khyer/ /nyam thag 'gro ba mgon med 'di rnams kyi/ /mgon
skyabs mdzod cig kun mkhyen zas gtsang sras/ /gnyen bshes phyogs
la 'dod chags su ltar

'khrugs/ /dgra la zhe sdang dus mtha'i me ltar 'bar/ /blang dor
gnas la rmongs pa'i 'gro rnams kyi/ /mgon skyabs mdzod cing bcom
ldan thugs rje'i gter/ /sdug bsngal mi 'dod sdig la rngams shing
rgyug /bde ba 'dod

kyang dge la dgra ltar ba blta/ /'gal 'du'i phung po dus mtha'i
'gro rnams kyi/ /mgon skyabs mdzod cig 'dren mchog shAkya'i tog
/ya rabs spyod tshul byas shes drin gzo dang/ /dam tshig sdom pa
bzhin mdo'i rtsa bzhin dor/ /ngo

tshul khrel med ma rungs 'gro rnams kyi/ mgon skyabs mdzod cig
khams gsum skye dgu'i gnyen/ /bdag kyang tshe rabs kun tu lha
dang mi'i/ /yid 'ong phun tshogs 'byor pa mchog rnams kyang/ /dug
sprul chags pa'i tshang

tshing ltar mthong nas/ /skad cig tsam yang zhen pa med par shog
/ces pa 'ang smras so/ /de'i ston nyang stod phyogs kyi dad ldan
rnams kyis mgron du gnyer ba ltar thog mar 'brong rtse dang/
lcang ra dang/ gnas rnying rnams su/ bsnyen

@096a @#/ /bkur phun sum tshogs pa'i ngos bar chad sel ba'i dbang
rjes gnang ci rigs phul/ gtsang grag tu khrom dbang dang/ gser
sdings su tshogs pa la dpal rdo rje 'jigs byed kyi dbang bzhi
yongs rdzogs

dang; sho nang/ bya ra gsal/ 'bras mo/ rgya grags/ dga' ldan
chos 'phel/ snyugs grong/ zhi gnas grwa tshang rnams su/ skya ser
so so'i 'dod chos dang/ spyir khrom dbang sogs kyis bzhed pa
bkang ste/ thams cad kyis

'bul ba dang zhabs tog phan tshun 'gran pa bzhin du bsgrubs/
khyad par zhi gnas grwa khang gzhi nas ri mo'i bar grub pa'i rab
gnas byas/ phyi lam 'dol chung brgyud de srad dga' ldan pho
brang du chos rje sngags ram pa

dpal ldan mchog sbyin gyis gtso mdzad dpon slob rnams kyi rgyud
pa'i gtsug lag khang gsar bzhengs/ logs bris dang bcas pa grub
pa ltar dpal 'dus pa'i sgo nas rab tu gnas pa rgyas pa dang/ zab
rgyas kyi dbang

rjes gnang lung sogs chos bka' mang po dang/ srad lung pa'i skye
bo'i tshogs 'dus pa la tshe dbang yang byas/ thams cad kyis dad pa
rnam par dag pa'i chu gter las 'khrungs pa'i rnyed bkur phun sum
tshogs pa'i me tog

gis mchod cing/ rin chen rtse brgyud nas chos grwa chen por
slebs/ sngar dpyid sos kyi dus nas mgo brtsams/ seng g.yabs
gsar du 'chos pa dang/ gzhan yang 'khyog po'i ka ba 'ga' zhig
kyang drang por bcos te shing rtsi

@096b logs bris 'jig rten gyi mig gi dga' ston gcig tu spungs pa
lta bur grub pa ltar bzo rigs pa rnams kyang yon gyis mnyes par
byas/ dgun dpyid kyi chos spyi dang/ khyad par chos thog gsar pa
yang sngar rgyun bzhin chos dang

zang zing gi 'byor pas brgyan/ de nas mthong thos dran reg gi
yid can rnams kyis mtshon mtha' yas pa'i 'gro ba rnams/ bde ba
can du 'jug pa'i them skas su bsams/ gos sku spel rang la tshad
de yongs su khebs pa/ ling tshe

gsum du byas pa'i dbus kyi gtso bo mgon po 'od dpag med/ ldam
'jam dbyangs dang phyog rdor/ steng gi grwa gnyis su jo bo rje
dang/ rje bla ma/ 'og gi grwa gnyis su bcom ldan 'das mi 'khrugs
pa dang/ ston pa sman pa'i rgyal

po; ling tshe g.yas pa'i gtso bo 'phags pa spyan ras gzigs/ de'i
steng du rgyal ba seng ge'i nga ro dang/ 'og tu mi g.yo mgon
po/ ling tshe g.yon pa'i gtso bo rje btsun ma sgrol ma/ de'i
steng du bdag cag gi ston pa dang/ 'og tu 'dod

khams dbang phyug ma rnams dang/ phyis de rnams kyi lhag
la'ang/
gos sku gsar rnying thams cad kyi gtso bo las che ba'i thub pa
chen po'i sku/ de'i steng gi grwa gnyis su/ rgyal ba mar me
mdzad/ rje btsun byams pa/ 'og gi grwa

gnyis su/ rgyal ba 'od dpag med dang/ las byed pa rnams nan ches
pas gnang ba byin te/ bla ma'i snang brnyan rnams/ thog ma shing
khyi zla ba lnga pa'i dkar phyogs kyi gza' skar 'phrod sbyor
bzang ba la thig btab/ de yang gos

@097a @#/ /sku snga phyi gnyis ka thog mar thig 'debs pa'i tshe/
sgra snyan po dal gyis sgrog pa'ang kun gyi rna ba'i bcud len du
gyur/ mthar zla ba bcu pa'i tshes bco brgyad la gtsug lag khang
du spyan 'dren pa sogs

kyang sngar bka' 'gyur gyi dus ji ltar bzhin du byas te/ dpal
gsang ba 'dus pa'i sgo nas rab gnas rgyas pa/ tshogs chen la'ang
mang 'gyed dang bcas bkra shis kyi me tog char du phab cing/ bzo
rigs pa rnams kyang

yon gyis dgyes par byas/ zla ba de kha'i nyer lnga drug la gzhis
ka rtse'i sku rim ser tshogs dang yang 'grig pas/ phyogs bcu'i
dge 'dun brgya phrag du ma 'dus pa'i dbus su zhal phye nas dge
ba'i sa bon bskrun cing/

'dus pa rgya mtsho'i tshogs la lo ma bzang po'i mchod yon gyis
kyang mchod par bgyis so/ /dus der 'phan yul phyogs nas bla ma
zhig gis lta sgom spyod pa'i tshigs su bcad pa 'then chog pa zhig
cis kyang dgos

ces nan gyis bskul bas 'di ltar// //na mo gu ru/ zhing rab
'byams rgyal ba'i 'khor lo kun/ /dus snyigs ma'i 'gro ba 'dren
pa'i phyir/ /sku cir yang 'char ba'i zlos gar mkhan/ /pha rje
btsun bla ma'i zhabs

la 'dud/ /gzhi 'khor 'das chos rnams ji snyed pa/ /rang blo la
snang tsam ma gtogs pa/ /don logs su grub pa ma mchis pa'i/
/dbyings ji bzhin nges pa lta ba yin/ /sngon thog med dus nas
rjes 'brel ba'i/ /dgra bdag

@097b 'dzin 'gong po'i srog bcad de/ /chos kun gyi rang bzhin
stong nyid la/ /sems rtse gcig 'jog pa sgom pa yin/ /thabs byang
chub sems kyi rtsis zin pa'i/ /rjes sgyu mar rtogs pa'i rnal
'byor gyis/ /dpal sdom pa gsum

dang mi 'gal ba/ /sgo gsum gyi nyams len spyod pa'i mchog /sems
g.yeng med dran shes rgya yis btab/ /ngar 'dzin pa'i phung rgan
brdzun mtshang btib/ /chos kun byang gnas tshul gang yin pa/ /de
legs par shes pa yang

dag lta/ /ches phra zhing zhib pa'i rnam dpyod kyis/ /chos kun
gyi rang bzhin gdod ma'i shis/ /dbyings de ru rig pa'i rtsal
sbyong ba/ /'di nges don zab mo sgom pa yin/ /don dam par spros
pa'i mtha' bral yang/ /ming tsam gyi

bzang ngan rten 'brel dag /lha'i lam gyi 'ja' ltar gsal mthong
nas/ /thabs shes rab zung 'brel spyod pa'i mchog /rje dus gsum
rgyal ba'i dgongs pa bzhin/ /dpal lta sgom spyod pa'i gnad bsdus
pa/ /khyed dang ldan

skye bo'i mgul rgyan du/ ming chos kyi rgyal mtshan zhes byas
bkod/ /de'i dge bas 'gro ba ma lus pa/ /sku gsum gyi go 'phang
myur thob shog /ces pa dang/ yang sgom chen pa 'ga' zhig gis
kyang bskul ba'i ngor// //

na mo gu ru/ bka' drin mnyam med rtsa ba'i bla ma/ /'bral med
snying kha'i padmor bzhugs shing/ /rang sems la sogs 'khor 'das
chos rnams/ /bden pa'i dngos por rdul tsam med pa/ /rtag dang
chad pa spangs pa'i chos

@098a @#/ /nyid; ;ji bzhin rtogs pa lta ba'i rgyal po/ /rtogs don
spros bral zab mo'i dbyings de/ /byings rgod skyon rnams legs
par bsal te/ /dran dang shes bzhin gangga'i rgyun bzhin/ /skyong
bar byed pa sgom pa'i

mchog yin/ /rjes thob mnyam gzhag rtsi yis zin pa'i/ /sgyu ma
lta bu'i rnal 'byor ngang nas/ /sgo gsum sdig bral dge ba'i lam
du/ /ci dgar 'jug pa dam pa'i spyod pa/ /'di lta'i lta sgom
spyod pa'i tshul 'di/ /sgyu mas

rmongs pa'i 'gro ba kun gyis/ /ji bzhin rtogs pa'i shes rab ral
gris/ /bdud bzhi'i g.yul las rgyal phyir bsngo'o/ /ces pa'ang
smras so/ /de nas 'phar ma dang bcas pa'i chos thog rnams kyang
dbyar gyi lang tsho dar la

babs pa'i skal ldan shing rta'i rgyun ltar gyur/ de yang phan
bde'i 'byung gnas thub pa'i bstan pa snyigs ma'i skyon gyis
sbags pa'i nyin re bzhin chu dang bral ba'i padmo ltar gyur pa'i
sos su cung zad 'gyur re ba dang/ bdag

nyid dang mthong thos dran reg gi 'gro ba rnams la sman yon
phun
sum tshogs pa'i rgyu ni/ rgyal ba'i mdzad pa kun gyi nang nas
gsung gi mdzad pa mchog tu bsngags pa'i phyir/ ston pa sangs
rgyas kyi bka' la ri mor

bgyid pa'o snyam du yid la brnags te sa le spram 'ba' zhig las
grub pa'i bka' 'gyur yongs rdzogs zhig bsgrub par brtsams/ dgun
stod nas gser rnams bzhu btul byas/ na tshod ldan gyi lo'i zla ba
dang po'i tshes

@098b brgyad 'phrod sbyor bzang ba la dpon yig pa rnams kyis dbu
tshugs par byas pa yin/ de yang lo snga phyi gnyis kar skeg chen
po zhig kyang yod cing/ de rang mthun par phyi nang gi ltas mi
shis pa'i tshub 'gyur shin tu che ba byung na'ang/

kho bo cag rang ngos nas lnga par gyur nas 'di ltar bya'o snyam
pa'i gdengs ma mchis kyang/ 'di ma grub snyam pa'am/ 'gyod cing
skrag par 'gyur ba'i gnas cung zad tsam yang med pas btang
snyoms su bzhag /'on kyang bkra shis

lhun po'i dpon slob spyis sku rim brtson pa chen pos yang dag
par mdzad cing/ dngos cag rang la'ang mtshams bcad de che sgrub
byed dgos pa'i nan skyed mdzad pa byung kyang/ skabs dang bstun
pa'i mtshams ni yang yang bcad/ /rang

don du dbang sdud dang/ tshe sgrub dang/ nor sgrub sogs byed pa
la ni/ sngon nas blos long po med pas rang bzhin gyi dge sbyor
la brtson par byas/ de'i thun mtshams zhig tu rnam rtog gi ri
mo'i 'char sges 'di ltar bris// //

na mo gu ru ratna tra yA ya/ gang la brten na bslu ba med pa'i/
/dkon mchog gsum dang rje btsun bla ma/ /dbyer med snying kha'i
padmor bzhugs la/ /mchog dang thun mong dngos grub kun stsol/
/deng sang bar snang glog 'dra'i tshe thung/ /

srings kyang dgun gyi dgong nyi 'dra ba/ /son yang ci bya de bas
gtan gyi/ /mdun grabs byas na legs pa min nam/ /rmi lam lo brgya
lon dang yud tsam/ /song nas sad pa gnyis ka mtshungs ltar/ /mi
rtag sgyu ma chu sbur glog

@099a @#/ /'dra; ;de bas nam mkha' gnas pa de srid/ /skye rga na
'chi med pa'i phun tshogs/ /bsgrubs na 'grub cing sgrub dbang yod
dus/ /sgrub par mi byed byis pa'i spyod pa/ /sdig sdug gtam ngan
khyad du bsad

nas; ;skyid kyang mi 'tsheng sdug mi phung ba'i/ /tshe 'di'i phun
tshogs sgrub rnams mthong tshe/ /gang zhig thob pas nyes kun mun
tshogs/ /yong ye mthar byed nam mkha'i nor bu/ /'gyur med bde ba
chen po'i rang bzhin/ /sku

gsum gzhal med pho brang chen por/ /sems shes ldan pa su zhig mi
'jug /'jig rten 'di yi bde skyid sgrub dang/ /grub rnams brtan
dang rgyas pa'i don du/ /bzlas brjod rim gro mchod sbyin la
sogs/ /brtson pa

chen pos legs par bsgrubs kyang/ /bzang po'i kha zas rnon po'i
dug dang/ /sbyor ba'am gser bzang sil ma'i rin gyis/ /mi gtsang
khrod kyi 'bras med sbun pa/ /nyo ba las kyang blun pa min nam/
/rang don kho nar nor dang tshe

sgrub; ;dbang sdus drang po'i mngon spyod la sogs/ /ngan song
sgrub pa'i myur lam yin zhes/ /mdo rgyud kun las gsungs pa min
nam/ /bdag la phan par 'dod pa'i grogs po/ /rnam dpyod yangs
pa'i skye bo gang dag /tsa nag

kya yi bram ze'i khye'u'i/ /rnam thar tshul la rjes su 'jug na/
/mig can g.yang du mchong ba min nam/ /chos brgyad 'ching ba'i
lcags sgrog spangs nas/ /bdag nyid phyir du brgya phrag dka'
bas/ /g.yel med thar pa bsgrub pa de

@099b yang; ;theg mchog lam las rgyab kyis phyogs na/ /'di nang
bde skyid 'ba' zhig sgrub phyir/ /bzlas brjod dka' thub rnam
dkar dge tshogs/ /brtson pa'i 'bras bu ji ltar 'gyur zhes/ /shes
ldan rnams la dal bus gleng ngo/ /

ces sug bris su byas te bzhag /de'i dus yang nges par 'byung
ba'i blo shugs drag zhig skyes te 'di ltar// //na mo gu ru/ /lha
dkon mchog gsum gyi ngo bo nyid/ /pha rje btsun bla ma'i zhabs
la 'dud/ /dus ma

rungs snyigs ma lnga bdo bas/ /bdud nag po'i rigs rnams stobs
ldan zhing/ /lha dkar po'i phyogs rnams bsgrub thag ring/ /mi
phal cher mi dge sdig la rngams/ /khyim spangs pa'i dge sbyong
phal cher kyang/ /rgyud khrims

'chal g.yo sgyu tshul 'chos mkhan/ /rje zas gtsang sras kyi
bstan pa yang/ /snum zad pa'i mar me dag dang mtshungs/ /don de
phyir thar pa 'dod pa rnams/ /sems bag yod brtson pa bsten pa'i
rigs/ /spyir 'dus byas mtshan

nyid dbyar gyi sprin/ /sgos ding sang mi tshe glog 'dra bas/ /don
'do med bya bas mi g.yengs par/ /dus gtan gyi 'dun ma bsgrub re
ran/ /da ran par ma zad 'phyis pa tsam/ /gnas 'khor ba'i rgya
mtsho gting zab cing/ /sgos ngan

song sdug bsngal bzod dka' bas/ /sems yod na 'bros pa'i dus la
bab/ /lus 'dor len yang dang yang byas pas/ /sha rus pa bsags na
lhun po rgal/ /zangs bzhu ba'i khu ba btungs pa dang/ /zas mi
gtsang rnag khrag

@100a @#/ /spyad pa dang/ /lha'i bdud rtsi 'thungs pa gang yin
pa'i/ /dper rgya mtsho rung ba ma yin gsungs/ /khong gzhan dang
'thabs shing rtsod pa yis/ /mgo bcad nas spungs na'ang ri rab
'das/ /snying nye ba'i mdza'

bshes dang bral bas/ /ngag smra zhing dus pa'i mchi ma yang/
/phyogs gcig tu bskyal na rgya mtshor mtshungs/ /'di shes shing
bde bar sdod khom pa/ /yid myos sam khyod snying lcags las byas/
/tshe 'di snang skyel mas 'dor

la khad/ /dgra gshin rje'i gdan 'dren mdun du slebs/ /lam bar
do'i 'phrang 'di ya yang nga/ /tshe phyi ma'i 'byon sa ci 'dra
rang/ /yar bde 'gror skyes kyang mkhas pa yis/ /don bsams na
dmyal me lta bur 'jigs/ /

mi snying can rang la snying rjes ltos/ /rang bsams na phyi ma'i
'dun grabs kyis/ /sngon lan brgyar myong ba ma yin pa'i/ /lar
srid pa'i bde ba gang zhig yod/ /de spyad pas don 'bras ci 'dra
'byung/ /da bsams na snying

po gang 'dra 'dug /'di soms la phyin chad 'dod 'dun bskyungs/
/rje 'dren mchog rgyal po bla ma'i zhabs/ /'di 'bral med spyi
bo'i rgyan bzung la/ /bka' mdo rgyud rgya mtsho'i bcud bsdus pa/
/lam thabs shes zab

mo'i nyams len gyis/ /dpal sku gsum bde ba chen po de/ /tshe 'di
la bsgrubs na mi legs sam/ zhes pa bkod/ de yang snga mo zhig
mi'i dbang po la/ sngags grwa'i chos gzhis zhu rten bzang po
dang bcas zhus kyang

@100b 'gyangs ba zhig byung/ 'di skabs zhu ba sogs la ma ltos
par/ grub rgya ba dpon g.yog /dung lha nas grong bzhi lnga
gzhan yang/ sa kha 'thor 'ga' zhig dang bcas pa'i gzhi rten yang
dag sbyor 'jags gnang/ de snga ba so

dgon pa la brten pa'i 'dzin bdag gang yod dang/ skyid shod kyi
glo bo khang gser dngul srang dgu brgyar reg pa dang/ tshong
byas
pa'i chos gzhis snga phyi sdoms pas/ dge 'dun brgya lhag tsam
gyi lo re'i chos thog rnams kyi

phogs dang/ ja tshul rgyun chags su 'gro ba yod pa grwa tshang
spyi'i gzhi rten dang/ ba so'i bla gzhis ci yod bkra shis lhun
po'i sngar gyi grwa tshang gsum ka'i slob dpon gyi cha rkyen las
bzang ba 'dug pa sngags pa 'chad nyan pa'i

cha rkyen du gtsang mar sbyar ba yin/ mdor na rten mchod cha/
dbu rgyan rdo dril/ sbug sil/ rnga rol sogs deb du gsal ba ltar
gangs ris bskor ba'i ljongs kyi rig sngags 'chang ba'i sde zhig
la dman par mi spyod dam snyam du

sems so/ /de ltar chos thog gal che skabs ma gtogs shas cher
mtshams kyi rgyun bskyangs shing/ ched du gnyen po ma bsten
kyang
bla ma dkon mchog gi thugs rjes sngar gyi skeg chen po de las re
shig grol ba'i mtshan ma

byung; de dag gi skabs spyir 'khor ba'i ngang tshul/ khyad par
bdag nyid kyi gnas tshul dang/ ding sang gi skye bo rnams kyi
dgra gnyen dang mtho sman yid brtan mi rung ba'i 'gyur ldog
/lhag par dus ngan gyi khrel med spyi dang bye brag

@101a @#/ /tu bstan pa'i sgor zhugs par rlom pa'i ser gzugs/
snyigs ma lnga'i gdon gyis bskyod cing/ chags sdang dang phrag
dog dang g.yo sgyu'i chang gis yid lhag par myos pas ngan
'gro'i me dong 'jigs

su rung ba'i steng du dga' mgur zlos gar bsgyur ba mang po
mthong zhing thos pas thun 'tshams su/ de dag gi rnam thar la
'khril nas sgrub byed 'phen pa'i tshul 'di ltar bris// //na mo gu
ru manydzu g+ho ShA ya/

spros dang bral yang mtshan dpe'i rgyan gyis spras/ /gsung gcig
nyid kyang du ma so sor ston/ /dbyings las g.yo ba med kyang
chos kun gsal/ /'ching ba bcad kyang snying rjes dam du bcings/
/bslu med 'dren pa shAkya'i rgyal

po dang/ /dbyer med rje btsun bla ma thugs rje can/ /dus ngan
snyigs ma'i bdag cag 'gro rnams la/ /'bral med brtse bas gzigs
la ma chog stsol zhig /chos med mi la chos kyi rjer btags pa/
/bdag dang bdag 'dra'i

bla mar rlom mthong tshe/ /dul zhing zhi sogs yon tan bcu ldan
pa'i/ /bzlog phyogs bla ma'i mtshan nyid lags sam snyam/ /'gro
ba'i 'dren par mngon rlom phyogs res can/ /khros pa'i tshe na yul
dang sde dgon 'joms/ /

rgyal po'i rnam thar skyong rnams mthong ba'i tshe/ /mtho ris
thar pa'i yar 'dren ci 'dra rang/ /phan bde'i 'byung gnas bstan
dang bstan 'dzin ces/ /gsungs mod bstan 'dzin phal cher chags
sdang gis/ /skye dgu'i phan

@101b bde 'joms pa mthong ba'i tshe/ /sangs rgyas bstan pa'ang
sdug bsngal 'byung ba'i sgo/ /dge legs rtsa ba tshul khrims yongs
bor ba'i/ /theg mchog rnal 'byor dbang po mang mthong tshe/
/'gram rtsa med pa'am zags pa'i khang

rul steng/ /khang brtsegs brtan po'i bkod pa rung snyam sems/
/grong 'dabs dang 'brel dgon pa'am gzhan du yang/ /bkod pas
mdzes pa'i khri gdan la 'dug ste/ /ma jo'i zhabs 'bring can
de'ang rnam grol gyi/ /srog ldan

ci zhig tshul khrims nor la soms/ /bka' drin gsum ldan bla ma'i
thugs dkrug cing/ /bka' bzhin mi sgrub slob ma'i tshogs mthong
che/ /mnar med khro chu khol ba'i zangs mo che/ /chag gam rdol
ba'i gtam snyan

thos sam snyam/ /bstan pa'i sgor zhugs ngur smrig gos gyon nas/
/khrims 'chal bag med spyod pa'i tshogs mthong tshe/ /ngan song
gsum gyi gnas de legs bris kyi/ /dga' ba'i 'tshal ltar mthong ba
yin nam

snyam; ;skra bregs lus bsgyur chos kyi sgor zhugs kyang/ /kun
slong dug chus yid myos dge 'dun gyi/ /sde bcas dam chos spong
ba'i tshogs mthong tshe/ /bstan la zhugs pa yis kyang lhag par
phung/ /brdzun dang ngan g.yo khram

gyis rang don dag /sgrub rnams spyang grung 'dzom par byed
mthong tshe/ /rang don dor nas gzhan don gtsor mdzad pa'i/ /sems
dpa' mchog rnams mi drung blun pa snyam/ /dam pas smad pa'i mi
dge'i las rnams la/ /bag med

@102a @#/ /dga' mgur 'jug rnams mthong ba'i tshe/ /dge sdig shan
'byed chos kyi rgyal po de/ /shi'am mche ba zad par shes pa
'dra/ /sems can mgu bya ma gtogs rgyal ba rnams/ /mnyes pa'i
thabs gzhan

med kyang mchod sbyin phyir/ /skye 'gro khral gyis mnar ba
mthong ba'i tshe/ /'tshe ba chos su smra la nyes pa ci/ /dus
mtha'i skye bo kun gyi spyod tshul rnams/ /ston pa'i gsung rab
baiDUr sa gzhi'i ngos/ /gsal bar shar ba'i snang

tshul cung zad tsam/ /blo bzang chos kyi rgyal mtshan zhes byas
bkod/ /dge bas mtha' yas 'gro ba ma lus pa/ /dus bzang yon tan
brgya la longs spyod cing/ /skyon bral sdom pa gsum gyis rgyud
bsdams nas/ /sku gsum

go 'phang myur du thob par shog /bdag kyang tshe rabs kun tu 'gro
rnams kyi/ /ngan spyod skyon gyi tshogs la mi rtog par/ /dag
snang byams brtse'i 'od kyis khyab byas te/ /rnam grol dga' ba'i
tshal du myur 'jug shog /ces

bya ba bris shing /yang 'di ltar// //na mo gu ru manydzu g+ho
ShA ya/ gang gi zhabs sen nor bu'i 'od chags/ /dran pas dngos
grub 'dod dgu stsol mdzad/ /bla ma mchog dang shAkya'i gtso bo/
/dbyer med snying kha'i

padmo'i dbus bzhugs/ /thog med dus nas da lta'i bar du/ skye rga
na 'chi'i rba klong 'khrug cing/ /sdug bsngal chu srin mang pos
gang ba'i/ /'khor ba'i rgya mtsho chen po'i nang 'khyams/ /ngan
song gnas su gtan yul byas

@102b shing; ;phal cher mnar med 'bar ba'i mes bsregs/ /skabs
'gar bde 'gro'i lus rten thob kyang/ /ma rig 'thug pos blo mig
bsgribs pas/ /mi dge'i bshes dang sdig pa'i grogs dang/ /sdug
bsngal 'grub pa'i rgyu dang

sdug bsngal/ /bde bar 'dzin pa'i log shes dbang gis/ /dga' 'gyur
rgod cing byas pa'i 'bras bu/ /'jigs rung btson khang ra bar
bcug nas/ /mi bzad sdug bsngal char ltar 'bab cing/ /mgon med
skyabs med mchi

mas gdong g.yogs/ /du bzhin nyams su myong bar 'gyur ro/ /skye
rga na 'chi yid 'ong bral dang/ /mi sdug phrad dang 'dod pa ma
rnyed/ /'du byed sdug bsngal 'bar ba'i mtshon gyis/ /bcom zhing
mi 'joms srid na ci zhig /

srid na nga rgyal rlom pas 'gying zhing/ /dregs pa'i nga ro che
cher sgrog pa'i/ /lha chen tshang dbang mda' lnga pa sogs/ /'dod
pa'i bde la yun ring spyad nas/ /mnar med rab tu tsha ba'i me
nang/ /bsreg cing 'bar ba'i tho bas

phyer 'thag /mtho ris bu mo'i nu ma'i reg pas/ /mngon par dga'
zhing rtses nas slar yang/ /rab rno gzangs ring shal ma'i ri
yis/ /gting du 'bigs shing tshal par gsheg go /lha yul ro brgya
ldan pa'i bdud rtsi/ /  

ngom pa med par yang yang spyad nas/ /mi gtsang rang bzhin rnag
khrag rul pa/ /dri nga btsog pa'i bshang gcis 'tsho 'gyur/ /gling
bzhi'i khyon la 'dod dgur bsgyur ba/ /stobs kyis snyam pa'i gtso
bor gyur nas/ /phyis nas

@103a @#/ /blun cing rmongs pa'i dud 'gro/ bkol bcad gzhan gyis
dbang du 'gyur ro/ /yud tsam zhig kyang 'bral mi phod pa'i/
/gnyen 'khor mdza' ba mang pos bskor yang/ /myur du rgyus med
nyam nga'i gnas

su; ;phrogs med rang nyid gcig pur 'gro'o/ /ser snas bsags pa'i
zas nor phung po/ /rgya mtsho'i gos can gang bar dbang yang/
/ring por mi thogs lhan cig skyes pa'i/ /lus kyang bzhag ste lag
stong 'gro'o/ /mtho ris

bde 'gro'i lus dang longs spyod/ /gnyen grogs 'khor g.yog phun
tshogs gang la'ang/ /yid gtan rung ba cung zad med cing/ /bde med
sdug bsngal brgya yis gtses nas/ /las ngan dbang gi lus ngan
blangs pa'i/ /dmyal

ba yi dwags dud 'gro la sogs/ /ngan song log par ltung ba rnams
kyi/ /sdug bsngal 'di la bzod thabs e 'dug /mi bzod bzhin du
rang nyes 'bras bu/ /dus kyi lo thog bzhin du smin nas/ /mi 'dod
tshor ba drag

pos mnar tshe/ /sangs rgyas kyis kyang skyob pa'i thabs med/ /de
phyir rang dbang yod pa'i dus 'dir/ /skye rga na 'chi rgud pa'i
sdug bsngal/ /mtha' dag spangs pa'i sku gsum go 'phang/ /bsgrub
pa'i tshul la brtson par

gyis shig /ces sogs bris/ de ltar yi ge pa yang snga phyi sdoms
pas brgyad cu la reg pa tsam byung ba rnams la rgyun pa dang/
dus tshigs kyi ston mo rnams deng dus kyi dper 'os pa bsgrubs
shing/ dpon yig pa rnams

@103b kyis kyang/ mgyogs ma brtsis pa dag pa dang/ gzugs yags pa
gtso bor byas/ de skabs snga sor sngags khang la gtsang khang
sogs med par kun dga' ra ba'i nang du rten mchod cha spungs nas
'jog dgos pa shin tu dog par yod

pas/ gsar du gtsang khang mgon khang dang bcas pa sogs dang/
gtsug lag khang chen mo'i steng du'ang/ bde bar gshegs pa'i bka'
'gyur gsar pa gnyis bzhugs pa'i mchod khang yang legs par
bsgrubs/ dbyar gyi dus

su bal po rkos mkhan gnyis kyang byung bas/ chos rje blo bzang
chos 'phel gyis bkod pa mdzad nas tsan dan dmar po 'ba' zhig las
byas pa'i rje btsun byams mgon gyi sku khri 'od bskor dang bcas
pa la mi tshad tsam yod pa zhig

zla ba gnyis kyi nang du grub/ rje btsun gyi sku 'di ni 'phags
yul dbus kyi lha dang mtshungs pa'i bzo khyad phul du byung ba
mngon sum du gyur pa 'di bzhin lags shing/ byang phyogs dbus
gtsang gi ljongs 'dir tsan dan las

gsar du rgyal ba'i sku bzhengs pa la mi chung ngam sems par
mchis/ bka' 'gyur rin po che ni chos brgyad kyis kun nas bslangs
pa grags pa'i phyir ma yin par shog bu yang spus gtsang ba 'bad
rtsol gyis ched du bsgrubs

pa tshon rams yang dag pas kha dog bsgyur ba'i mthing shog gi
ngos/ gser btso ma bzang pos bris pa la/ gzugs dang dag pa gtso
bor byas pa'i rgyan gyis brgyan pa/ steng 'og gi dgab bya rnams
kyang padma rA ga'i byang bu la

@104a @#/ /'gran pa lta bu'i ngos la gser sbyangs kyi ri mos
mdzes par byas shing/ zhal khebs dang gdong dar rnams kyang
kha
thi gtso bor gyur pa'i gos dar bzang po 'ba' zhig las bsgrubs/
mdor na legs shing

rnams kyi gser ris kho na la'ang yongs sdoms mgur mo'i zho sum
cu so bgrang ba song/ glegs thag rnams kyang se tha ho dang gos
dmar po bzang ba 'ba' zhig las byas te/ dam pa'i rjes su 'brang
ba'i skye bo mtha' dag dgyes

pa bskyed pa dang/ rgyal ba'i bstan pa la ri mo cung zad bgyis
pas/ bla ma dkon mchog gi thugs rje bslu ba med pas mgo brtsams
pa nas mjug rdzogs par ma grub bar du 'gal rkyen bar du gcod pa
cung zad kyang med cing/

dus kyang ring po ma yin pa legs par grub/ de dag gi skabs su
phal cher mtshams kyi bcad rgya'i ngos dge sbyor la 'grus par
byas kyang/ ser 'bras dge gsum dang/ khams phyogs nas dge tshul
slong bsgrub pa sogs

'dod chos don gnyer ba ma chad pa yong mkhan shin tu mang bas/
dus mtshams dus mtshams su so so'i 'dod pa rdzogs par yang byas/
de'i skabs rin po che sangs rgyas rdo rjes phyag chen gyi rang
'grel de gzigs pas thugs  

shin tu mos shing lung gsan nas/ phyag rgya chen po'i mgo 'don
rang du byung 'dug /da 'di'i 'phrin las ngas spel la zhes dam
bca' yang mdzad/ gzhan yang sgam po sprul sku dang/ yu mo sprul
sku sogs ris med pa'i bstan

@104b 'dzin chen po mang du byon pa rnams kyi bzhed pa yang chos
kyi bdud rtsis tshim par byas pa lags/ mthar lo de kha'i zla ba
dgu pa'i lha babs kyi dus chen 'grub sbyor dge ba dang 'brel
ba'i nyin rab gnas kyi skar 'dzin byas te/ zla ba bcu

pa'i tshes mtshams su/ sku gsung bzhugs khang dang bcas pa yongs
su grub nas tshes gsum gyi nyin bar/ sngar gyi bka' 'gyur dang/
gos sku rnams spyan 'dren pa'i bkod pa ji lta ba bzhin spyan
drangs te/ sngags grwa pa rnams dang

bcas dpal ldan 'dus pa'i sgo nas/ rab tu gnas pa rgyas par mdzad
pas 'ja' 'od kyi gur khyim 'khrigs pa sogs dge mtshan phun sum
tshogs shing/ spyi sger du rab ston/ mang ja 'gyed bcas dang/ bzo
rigs pa rnams kyang

gser dngul gtso bor byas pa'i yon gyis mnyes par byas/ mchod
khang gsar pa'i rten gtso tsan dan las grub pa'i rje btsun gyi
sku dang/ dngul las byas pa'i 'jam dbyangs dang/ sgrol ma gtso
bor byas pa'i g.yas g.yon du paN grub kyi

sku 'bag li ma 'ga' zhig dang/ bka' gdams kyi bla ma'i li sku
mang po dang/ gzhan yang grub pa'i mtha' ris su ma chad pa'i dam
pa mang po'i sku rnyan lag tu ci byung thams cad tshar du dngar
ba'i/ phyogs gnyis su rgyal ba'i bka'

'gyur ro cog gnyis kyi glegs bam bzhugs su gsol/ 'phan bla bre
mchod cha'i bye brag mtha' yas pa yang/ g.yas len g.yon 'jog
ma yin pa gsar pa sgrigs te/ byin rlabs kyi gzi 'od rab tu 'bar
zhing/ 'jig rten

@105a @#/ /kun gyi mig gi bdud rtsi lta bur mngon du gyur pa lags
so/ /de nas dgun chos dang po nas bzung ste/ tshe 'phrul smon lam
gyi bar dge 'dun tshogs che zhing/ sku rim chos grwa rigs lung
yar ngo'i zla ba la 'gran pa

lta bu dang/ dang ldan rnams kyi bsnyen bkur phul du byung ba
rgyun mi 'chad pa sogs chos dang zang zing gi 'du tshogs rmad du
byung ba byung/ de dag gi skabs su yang/ phal cher mtshams su
gnas nas dge sbyor la brtson par

byas shing/ dpyid chos gnyis pa dang bstun pa'i chos thog gsar
pa btsugs nas phogs dang ja tshul rgyun par bsgrubs/ de skabs
phyogs mtha' dag tu 'brum bu'i nad kyis khyab pas grwa tshogs ha
cang che ba rang ma byung kyang

phogs len drug brgya tsam dang bcas pa'i tshogs chen la/ lho brag
grub chen phyag na rdo rje'i bka' 'bum yongs su rdzogs pa'i lung
phul te phan bde'i rgyun du 'gyur ba byas/ de nas mi ring bar
chos rje blo bzang chos

'phel dpon slob kyis bka' 'gyur lha khang du mdzad bcu'i ri mo'i
mgo brtsams shing/ bal po rnams kyis sngags khang dang/ bka'
'gyur rnam pa gnyis kyi steng du gsar gyi ganydzi ra che ba re
re bsgrub pa'i bzo thab

kyang bcugs/ 'di kha'i dus gdan sa chen po ri bo dge ldan lugs
gnyis kyi sgo nas grwa sa 'gran zla las dben pa yin kyang/
spyi'i thab cha rnams/ ngo mtshar can gtan mi 'dug pa nas/ rgyun
tshogs kyi mang ja thon pa'i khro

@105b che ba zhig bcud dang bcas te phul/ kho bo cag rang nyid
mtshams dam par byas shing/ rgyang ring po'i phyogs mtha' dag nas
byon pa rnams ni/ skabs skabs su btang nas so so'i bzhed pa
'bras bu dang ldan par yang byas pa lags/ de nas dbyar gnas

dus tshogs chen la bsgrub thabs brgya rtsa phul/ de yang lo snga
ma'i mjug sog po phon che ba byung ba la brten nas/ sde gzar
rgyun ring zhing khyon che ba byung ba'i bar 'tshams/ bod kyi bla
chen phal che ba dgongs pa bstun pa'i bskor 'phen

mang po mdzad pa'i grub 'bras thag gcod kyi dbang bar yong dgos
tshul mchod yon thams cad kyis nan chags byung ba ltar dbyar
byin
brlabs byas nas pa rnam klu sdings su phyin te/ yangs pa'i rgyal
khams bde ba la 'god

pa'i 'phrin las chen pos khyab par byas/ de skabs snga mo lha sa
la brten nas las byed so so'i rkyen gyis shin tu mi mdzes pa
zhig byung yang/ thams cad mkhyen pa sprul pa'i skus/ lo tstsha
ba ni bla ma gnyis pa bsten/ /'brom rje

khyod ri kho bo gcig pu sems/ ces pa'i rnam thar legs par
bskyangs pa'i gzi byin dang/ nang so bsod nams chos 'phel rang
nyid kyang rnam smin la 'jigs pas/ snga ma nas lha rin po che
sogs che gnyan du ma bskul/ khyad par

der 'dus pa'i mchod yon rnams dang bcas bshags pa len dgos tshul
nan cher byung ba dang/ bsam pa dag pas shad sbyang byed pa
dang du ma blangs tshe/ pha rol shad kyi chags pa spang/ zhes byang
sems kyi nyes byas dang/

@106a @#/ /gzhung bzang po ma bsten/ ces blo sbyong gi dam tshig
dang yang 'gal bar dogs pa dang/ lhag par thams cad mkhyen pa'i
zhabs tog dang/ bstan pa spyi'i rgyun la bsams/ bka' blon dang/
mi sna gzhan rnams

dang mtshungs par phyog 'bul bar gegs med par byas/ slar bkra
shis lhun po'i tshogs chen dbus su/ tshul dang 'thun pa'i zhu
bshags yang dag par bsgrubs pas/ rten 'brel dang legs tshogs phun
sum tshogs pas

brgyan no/ /de nas ring po ma lon par rab 'byams pa dge 'dun
tshul khrims kyis gzhis ka brag dkar gyi rten gtso/ rje nA ro
pa'i thugs dam rten yin nges shes pa'i bde mchog dang/ slob dpon
padma'i thugs dam rten dngos

rdo rje phur pa'i li ma rmad du 'byung ba dang/ jo bo rje'i
thugs dam rten bde mchog gi bum sku ra sgreng dgon gong gi rten
gtso dang gsum gyis mtshon pa'i rten ngo mtshar ba du ma 'bul bar
byung bas/ sa mtha' mang po bskor yang/

gang gis kyang dgag tu med pa/ gdul bya gang na yod pa'i sar
thog ltar 'bab pa'i sangs rgyas rnams kyi thugs rje dang 'phrin
las ni e ma ho zhes ched du rjod pas ched du brjod do/ /de
kha'i dus thams cad mkhyen pa sprul

pa'i sku bsnyen par rdzogs pa mdzad pa'i mkhan por yong dgos
pa'i bsu mi byung ba bzhin/ zla ba bcu pa'i nang du nyang
brgyud/ 'bras spungs na 'brum pa 'ga' zhig 'dug pas thams cad
mkhyen pa sprul pa'i sku yang dga'

@106b ldan khang gsar du bzhugs pa'i skabs lnga mchod chen mo'i
nyin sleb/ dus der gu shri rgyal pos chog tu bcom ste/ thams cad
mkhyen pa'i zhabs drung du 'bul ba rgya chen pos mnyes par byas
'dug pa ltar/ nged rang la'ang dngul

srang nyis stong gis mtshon pa'i 'bul ba rmad du byung ba 'dug
cing/ bar chod sel ba'i dbang rjes gnang sogs kyis bzhed pa
bsgrubs/ mchog gi sprul pa'i skur thams cad mkhyen pa tsong kha
pa chen po'i gsung rab phal che

ba'i lung yongs su rdzogs pa'i nor bus thugs kyi gsang mdzod
bkang/ smon lam grol 'phral chos kyi rje bsod nams grags pas sa
gseb tu gdan drangs/ brtan bzhugs nyin gsum gyi bar rgyas par
phul ba dang du

blangs shing/ bzhed pa ltar chos kyis tshim par byas/ gdan sa
chen po ri bo dge ldan nas dpon slob thams cad kyi bka' nan la
brten ri bo dge ldan du phyin/ der khri gdan zur rtse shar khams
tshan so so thams cad kyis

bsnyen bkur bsam gyis mi khyab pa mdzad/ nged rang gis kyang/
mthong thos dran reg thams cad skyob par nus pa'i dngul gdung
rin po che'i mchod rdzas rnams par skabs su 'thor zhing/ gsar
'bul ma byung 'dug pa gang ci'i

rten 'brel la bsams/ dngul srang brgya las grub pa'i maNDal phul
nas phan bde rgyas pa'i smon pa bsgrubs/ spyi bye brag thams cad
kyang 'bul nod mang ja 'gyed bcas gya nom pas mnyes par byas/
rgyud pa rnams byon pa'i

@107a @#/ /tshogs chen la brgyud kyi gtso bo dam tshig gsum bkod
kyi dbang rgyas par phul/ rab byung bsnyen rdzogs brgya phrag
brgal ba bsgrubs/ rab 'byams pa bsam gtan dpal bzang gis nan
shin tu che

bas la mos gseb tu gdan drangs/ bsnyen bkur 'bul ba phun sum
tshogs shing/ chos skyong btsun mo tshal bas kyang brkyangs phyag
gsum sngon du btang ba'i gus pa'i rnam 'gyur yang dag pa byas/
der skye bo brgya

phrag tshogs pa la snying po don gsum gyi 'khrid lung byas/ slar
dge ldan khang gsar du thams cad mkhyen pa la rdo rje phreng
ba'i dbang yongs rdzogs phul rjes zla ba bzhi pa'i tshes lnga'i
nyin bsnyen par rdzogs pa'i mkhan

po dang/ de kha'i tshes bdun la sprul pa'i sku grags pa rgyal
mtshan pa bsnyen par rdzogs pa'i mkhan po'i bya ba byas/ de dus
'bras spungs su 'brum pa thag mchod pas thams cad mkhyen pa
phebs ma thub/ kho bo cag

gis zla ba de kha'i nyer lnga drug gza' skar dge ba la dpal ldan
'bras spungs kyi gtsug lag khang gi logs bris yongs rdzogs grub
pa'i rab gnas rgyas par byas shing/ de kha'i mod la 'brum thag
kyang chod par 'dug /de nas

skyor mo lung chos sder tshogs pa rnams la dpal rdo rje 'jigs
byed kyi dbang bzhi yongs rdzogs sogs bzhed pa 'bras ldan du
byas te/ rim gyis bsam yas su slebs/ rten mjal rnams zhib par
byas/ bstan

@107b pa dang 'gro ba'i phan bde rgyas pa'i smon pa yang dag
bsgrubs/ khyad par du dge rgyas li ma gling gi rten gtso 'od
dpag med kyi sku de blta bas chog mi shes shing/ thugs ka nas
'od zer 'phros pas zhing rab 'byams bkang/

mdzad pa mdzad/ bdag nyid la thim pa/ snyam du dpe med pa'i dga'
ba dang mos pa skyes/ bde ba can gyi smon lam zhing mchog sgo
'byed tshar gcig nye 'khor ba rnams dang lhan cig tu bton/ rdo'i
dge ldan rnam rgyal du dpal rdo rje

'jigs byed kyi dbang bzhi dang/ bcom ldan 'das ma rnam par rgyal
ma'i dbang byas/ brag khar zhal ngo rnams dang mnga' ris grwa
tshang ba dpon slob rnams la 'dod chos ci rigs pa stsal te/ lha
rgya ri ba dpon blon gyis rta bsu ser

'phreng sogs shin tu rgyas pa 'dug pa ltar mchang dkar brgyud/
re sgor phyin nas 'dug sa phal cher bkra shis mthong smon du
byas/ der dwags po grwa tshang pa dpon slob dang gzhan yang
dwags
po 'ol kha sogs nas 'dus pa'i ri

khrod pa dang/ gzhi dgon so so nas byon pa dang/ gzhi na 'khod
pa'i dge 'dun 'dus pa'i tshogs la'ang rang bzhed pa'i chos kyis
tshim par byas/ khyad par zhabs drung ma'i dbang po'i sku skye
rab 'byams smra ba blo bzang bstan pa dar rgyas

pa sogs bsnyen rdzogs dang rab byung bsgrub bya mang du byung
ba'i mkhan slob byas shing/ skye bo stong phrag mang po bsnyen
gnas la bkod nas mtho ris kyi lam gsal bar byas/ bar skabs der
dbye chung ba'i nang du dge 'dun gyi sde

@108a @#/ /gtsug lag khang bris 'bur gyi rten sogs phul du byung
ba gsar bzhengs mdzad pa'i rab tu gnas pa rgyas par byas/ de
kha'i phu na chu dron grags pas mdzes pa zhig 'dug par zhag gcig
khrus bgyis shing/

rgya ri dgon dang dge ldan rab brtan du yang skya ser tshogs che
bas gus mchod yang dag bsgrubs pa ltar dge legs char du phab
ste/ bkra shis mthong smon du 'khor/ de kha'i dus dwags po lcang
ra ba mchod yon gyis gdan 'dren

nan chags byung kyang 'gro ma thub/ dpon g.yog 'ga' zhig byon/
'bul ba sogs kyang rmad du byung ba 'dug cing/ dbang lung du ma
dang/ khyad par gdams pa dgos tshul nan chags pa byung ba bzhin/
'di ltar// //

na mo gu ru manydzu g+ho ShA ya/ phun tshogs thugs rje'i 'od zer
'bum 'phro ba/ /snying mtshor dge legs 'dab stong bzhad pa'i
dpal/ /nyi ma'i gnyen dang rje btsun bla ma yi/ /zhabs kyi
padmor gus pas phyag 'tshal lo/ /rnam

dkar rgya mtsho'i rlabs kyis bskyod pa yi/ /dal 'byor rin chen
rnyed pa da res tsam/ /rnyed kyang dgung sngon dbyings kyi 'ja'
tshon ltar/ /mi rtag myur du 'jig pa'i ngang tshul soms/ /sha
khrag lang tsho rgyas pa'i me tog kyang/ /

dus kyi ba mo'i reg pas nyin bzhin 'joms/ /gnyen 'khor tshong
'dus dbus kyi 'gron po yang/ /ston dus chu 'dzin gsar pa'i 'du
'god bzhin/ /tshe 'di'i blo khrid byis pa'i rol rtsed dang/ /mnog
chung nyes pa du ma'i

@108b sger gyur pa/ /srid pa'i phun tshogs mi bzad gdug pa'i
sbrul/ /chags pa'i tshang tshing lta bur mkhyen par mdzod/ /mtha'
med 'khor ba'i sdug bsngal rgya mtsho cher/ /grogs med gcig pu
nyam ngar rgyur ba'i tshe/ /dkon mchog

gsum las lhag pa'i gnyen med pas/ /nyin mtshan dus drug skyabs
'gro'i nyams len 'tshal/ /bu ram shing pas mngon mtho nges legs
kyi/ /yid 'ong chu skyes dga' ba'i tshal rgyas pa/ /lhag pa'i
bslabs gsum rta

bdun bdag po la/ /rag las gsungs phyir gus pas spyi bor sten/
/rgyal ba rnams kyis rang don phyir bsal te/ /gzhan don gser
sbyangs las bsgrubs sku gsum gyi/ /mchog brnyes ji bzhin byams
dang snying rje dang/ /

byang chub sems gnyis thugs dam mthil du zungs/ /mdor na gser
dngul mu tig bai DUrya'i/ /gru char 'bab la dbang yang ci zhig
bya/ /gtan gyi phan bde bsgrub phyir dus kun tu/ /dge ba'i lam
las g.yel ba med par

mdzod/ /tshul 'di dad sogs yon tan dang ldan pa/ /lcang ra chos
mdzad blo bzang chos 'dzin gyis/ /bskul phyir rgyal khams myul
ba'i spong ba pa/ /blo bzang chos kyi rgyal mtshan zhes bya bas/
/'phyong rgyas ri bo sde chen

chos sde yi/ /gtsug lag khang du sbyar ba'i yi ge pa/ /gsol dpon
chos mdzad blo bzang dar rgyas te/ /dge bas 'gro kun byang chub
myur thob shog /ces pa'ang phyis mi ring bar bris nas phul/ der
dpon blon gnyis kas

@109a @#/ /bsnyen bkur 'bul ba tshad med pa dang khyad par bkra
shis lags kyis gser zho brgya phrag du mas mtshon/ 'bul ba bsam
gyis mi khyab pa mdzad/ de'i tshe skye bo stong phrag tshogs pa la
bla ma'i rnal

'byor bstan/ de skabs dbye phyogs su dge slong ri khrod pa'i sde
rnam par dag pa zhig byung tshe/ bstan pa'i rgyun la phan par
bsams/ rje grub pa'i dbang phyug ngag dbang grags pa'i grub gnas
mkha' spyod gur khang du ri

khrod pa lngar ma mtha' byas 'dzugs dgos pa sogs bkra shis lags
la 'phral yun du dge ba'i bslab ston byas/ phyi lam mchad dkar
du skye bo stong phrag brgal ba la nyin re bzhin bsnyen gnas
dang/ khri rin po cher

tshe dbang brgya rtsa sogs bar gcod sel ba'i rjes gnang du ma
byas/ de dang 'dab chags pa lhun grub chos sdings su dpon sa
'phyong rgyas ma yum sras la tshe dbang dang gdams pa dgos tshul
nan chags byung bar 'di ltar// //

na mo gu ru manydzu g+ho ShA ya/ thugs rje'i lcags kyu snying la
reg tsam gyis/ /yid kyi gnyis 'thung dam pas gshegs bshul du/
/'god mdzad rje btsun bla ma'i zhabs btud nas/ /phan pa'i gdams
ngag don po tshig gsum

bri; ;brgal dka' sdug bsngal chu bo chen po las/ /sgrol ba'i gru
rdzings dal ba'i rten 'di yang/ /rnyed dka' 'jig par sla ba'i
don dgongs la/ /nyin mtshan kun tu don dang ldan par mdzod/ /tshe
'di chu bdag ngos song sa

@109b 'dzin rtser/ /mngon phyogs nyi ltar ring du mi gnas shing/
'di nang phun tshogs rmi lam dga' ston dang/ /mtshungs phyir blo
ldan su zhig don du gnyer/ /khams gsum 'khor ba'i rgya mtsho chen
po 'dir/ /nyon mongs dug gsum chu

bzhi rgyun mi 'chad/ /'jigs rung las ngan rba klong drag po
'khrug /sdug bsngal gsum gyi chu srin mang pos gtses/ /skyes pa
kun 'chi bsags pa thams cad 'dzad/ /'dus pa 'bral zhing mthon
po'i mtha' rgud pa'i/ /tshul 'di bsams

tshe 'dod pa'i bde 'byor kun/ /mnar med 'bar ba'i me dang cis mi
mtshungs/ /rang nyid ji bzhin mar gyur 'gro ba kun/ /sdug bsngal
gsum gyis gdungs pa'i tshul bsams te/ /de dag don du byang chub
sems bskyed

nas; ;zab dang rgya che'i lam la brtson par mdzod/ /rab tu
'byung bar mi spyod skye bo la/ /bden pa gsung bas sbyin sogs
chos gsum po/ /mchog tu bsngags shing bsgrub par sla ba'i phyir/
/tshul bzhin sten par byed

pa gdams pa'i phul/ /lha dang bla ma gtsug gi rgyan 'dzin cing/
/bslu med dkon mchog gsum la skyabs song nas/ /dge ba'i sems
kyis bsag sbyang gnad bsdus pa/ /yan lag bdun pa'i cho ga dus
drug bskyangs/ /gal

te rdo rje'i theg pa la dgyes na/ /rang lus lha skur gsal ba'i
rnal 'byor dang/ /rang bzhin bden med rtogs pa'i lta ba gnyis/
/zung 'brel grag stong sngags kyi bzlas brjod 'tshal/ /de ltar
bsgrubs pa'i rnam dkar phung po yang/ /lan dang rnam par smin

@110a @#/ /la mi re bar/ /ma rnams don du 'khor gsum yongs dag
gis/ /myur du rdzogs pa'i sangs rgyas thob phyir bsngo/ /zhes pa
'di yang rgyal ba gnyis pa'i bstan pa bstan 'dzin dang bcas pa
la mi phyed pa'i

dad pa dang ldan pa sa skyong dbang mo pad dkar chos nyid
bzang
mos bskul ba'i ngor/ rgyal khams pa blo bzang chos kyi rgyal
mtshan gyis dbye chos lung dkar pa'i sa'i cha/ rong mchad dkar
gyi gzhis kar sbyar ba'i yi ge pa ni dge

tshul blo bzang dar rgyas so/ /de nas tshogs chen mkhan po dge
legs rgyal mtshan pas gtso mdzad/ sne'u gdong rtse nas mchod yon
rags rim dang/ rtse thab nas ris med pa'i drag rim gyis chibs
bsu 'ban tshigs

mtshams su byung ba ltar/ rtse thang du zhag gcig 'dug tshe/ khrom
cher 'dus pa la snying po don gsum gyi chos 'brel byas/ de'i
sang yar lung mthil gyi sa kar rnying gsum sogs/ grub mtha' sna
tshogs pa'i dge 'dun

tshogs shin tu che zhing/ mchod rdzas bsam gyis mi khyab pa bkod
pas mdzes pa'i ser 'phreng dang bcas/ ka bzhi tshogs khang du
slebs/ de'i tshe nam mkha' 'ja' tshon sna lnga ba'i dra bas 'brel
ba sogs byung zhing/ kha cig

me tog gi char bab ces kyang brjod/ de nas rim bzhin khra 'brug
/ri bo chos gling/ ri bo sde chen/ spyan g.yas rnams su phyin
cing/ ri bo sde chen du yang gnas rnying zhabs drung gis gtso
mdzad/ 'phyong rgyas phu mda'i grub mtha'

@110b sna tshogs pa'i ser 'phreng tshad med pa 'dug cing/ der yang
dbang lung man ngag sogs kyi bdud rtsis spyi sgros so so'i thugs
kyi bum bzang gang bar byas/ slar mkhan rin po ches tshogs khang
rnam par rgyal ba'i khang bzang

la 'gran pa lta bu grub pa dang/ khyad par mgon khang du chos
skyong rnams kyi ri mo gsar du bsgrubs pa'i rab gnas rgyas par
byas/ de dus sne'u gdong zhabs drung rin po che yang mchod yon
'brel chags kyi chos gsan

bzhed yod 'dra ba la/ sna mo shag pa nang so karma sangs rgyas
kyis mtshams sbyar/ sa skya zhabs drung dang zhwa dmar thams cad
mkhyen pa la mjal 'dzom ji ltar mdzad pa ltar/ zhabs drung rin
po ches kyang gnang ba yod

tshul byung ba'i dgongs pa dang sbyar/ dang por mjal 'dzom de
ltar byas 'phral thugs bzhed bzhin/ tshe dbang sogs rjes gnang du
ma dang/ yid ches gsum ldan gyi rgyun spyan snga chos drug sogs
zab chos 'ga'

zhig phul/ smon lam zhal gdams dang bcas pa nyung bsdus cig
dgos
phebs par 'di ltar// //oM swa sti sidd+haM/ lha gzigs rigs kyi
skyed tshal nyams dga' bar/ /legs 'khrungs lha mi'i dbang

phyug 'dab brgya pa/ /sku tshe chab srid mdzad pa'i dri bsung
gis/ /phyogs kyi 'khor lo 'gengs shing brtan gyur cig /lha mi'i
dbang phyug dal 'byor rten bzang 'di/ /don chen rnyed dka' 'jig
par sla bas na/ /g.yel ba med

@111a @#/ /par gnas skabs mthar thug gi /bzhed don bsgrub phyir
brtson pa bsten par mdzod/ /mchog gsum gtsug rgyan nor bu'i
rgyan 'dzin cing/ /mnga' ris byams pa'i thugs kyis skyong ba
dang/ /zab rgyas zung

'brel rgyal ba'i sras rnams kyi/ /spyod pa'i lam du gshegs pa'i
'phrin las mdzod/ /mi yi dbang por mang du gsol ci 'tshal/ /phan
pa'i gdams ngag snying po mdor bsdu na/ /sngon gyi sa skyong dam
pa de rnams kyi/ /lugs

gnyis mdzad pa ji bzhin skyong 'tshal lo/ /zhes pa 'di yang mi'i
dbang po mi pham bsod nams dbang phyug grags pa rgyal mtshan
dpal
bzang po'i zab bzhes spel ba'i bskul mar/ btsun pa blo bzang
chos kyi rgyal

mtshan gyis rgyal po'i pho brang sne'u gdong rtser sbyar ba dge
legs 'phel zhes kyang gang mas shing rim gyis yar lam bye rdzing
tshogs pa dpon slob dang/ byams pa gling pa rnams kyis bsu ba ser
phreng sogs rgyas pa

mdzad cing/ khyad par byams pa gling du zhag gsum 'dug nas
mchod
yon thams cad kyis mgrin gcig tu gsol ba btab pas/ khrom dbang
zhig byas/ de dang 'dab chags pa ri bo rnam rgyal du phyin thog
/tshong 'dus rgyal

pos chos 'brel cis kyang dgos ces byung ba ltar/ slob dpon rin
po che padma'i bla ma'i rnal 'byor rgyas pa zhig byas/ sang nyin
gong dkar rdo rje gdan pa dpon slob rnams kyis kyang bsu ba ser
'phreng rgyas pa gzhi len dang

@111b bcas gzabs shing/ phyi nang gi rten mjal yang zhib rgyas
ngos chu bo ri'i gru dang thon snye sogs brgyud de bkra shis
lhun por 'byor/ de res dbus gtsang gnyis ka'i dgon pa phal cher
gyi dge 'dun rnams la dngul 'gyed zho re byas/

de kha'i ston bka' 'gyur lha khang du ston pa'i mdzad pa 'ga'
zhig gi ri mo yang 'dren byed kyi bdud rtsi lta bu grub/ de dus
sa skyong mi'i dbang po'i bzhed pa bzhin gos dar yug spus gtsang
ba mang du phul ba la brten chos gzhis

su bzhad ga bur dang lhan lhun rab sogs sbyor 'jags kyang mdzad/
de dus gzims khang rgyal mtshan mthon po shin tu hrul por song
ba'i khar/ lo sngon ma char lhag par che bas 'jig par nye ba cho
'phrul smon lam grol

'phral la las mgo brtsams/ zla ba bdun gyi khongs su shing rtsi
ma gtogs yongs su rdzogs par grub/ de kha'i ston se chen chos
rje dang du ral mchod yon sogs byang 'grul phon che ba byung ba
ltar/ skyid shod du 'gro dgos

shar/ chos rje mchod yon la/ 'jigs byed kyi dbang bzhi/ 'jam
dbyangs chos skor/ sgrub thabs rgya mtsho sogs dbang rjes gnang
mang po byas/ de skabs thams cad mkhyen pa la 'grel chen dri med
'od/ khro phu brgya rtsa/ bu

ston thams cad mkhyen pas mdzad pa'i gsang 'dus chos 'byung/
mkhas pa 'jug pa'i sgo sogs rje btsun sa paN gyi gsung thor bu/
khyad par 'phags bstod dang lha las phul byung gi bstod pa/
g.yu thog snying thig /rgyud

@112a @#/ /bzhi sogs lung rjes gnang mang po phul/ smon lam chen
mo la yang skyes rabs kyi chos thun dang phan bde 'byung ba'i
smon pa yang dag par bsgrubs/ slar bkra shis lhun por slebs nas
bka' 'gyur

gser ma la gos bzang po dang/ rgya ras las byas pa'i na bza'
phyi nang gnyis gnyis phul/ ston rta nag /rgyal tshan rtse/ gangs
can chos 'phel/ lhun po rtse/ rin chen rtse/ srang rgyud rnams
su phyin pa'i lhun rtser bde

gsang 'jigs gsum/ kyai rdo rje sogs kyi dbang rjes gnang/ srang
rgyud du dpal 'dus pa'i dbang rgyas par byas te so so'i bzhed pa
bskangs/ de nas chos grwa chen por dgun chos cho 'phrul chen
mo'i smon lam sogs

phul du byung ba bsgrubs nas/ dngul srang stong rwa can las
bgyis pa'i bdag cag gi ston pa'i sku lha sa'i jo bo rin po che'i
sku las cung che ba gtso bor byas/ dngul srang stong phrag re re
las bgyis pa'i bde gshegs

mchod rten brgyad bzheng ba'i sbyor ba brtsams/ de yang 'brug
lo'i ston mjug bstan 'dzin chos kyi rgyal pos dga' ldan pho
brang du mi sna btang bar brten/ mchod yon gnyis kas/ rgyal mo
che ba lhag par rgas pas bkra

shis lhun por yong mi thub pa/ des na kho bo cag la/ rgyal po
yab yum jo mjal la 'byor gong du dbus su slebs dgos tshul nan
chags dang/ rtser yang mthun 'gyur dgos ces yod 'dug pa bzhin sa
skyong mi'i dbang pos

@112b 'gro dgos tshul nan can mdzad byung ba ltar/ 'grul tshes la
yang ma bltas par zla ba bzhi pa'i tshes bco brgyad la bkra shis
lhun po nas phyin/ rin spungs su 'byor tshe/ rtse nas sog po 'dam
du slebs yod 'dug pa ci 'dra yin

shes dka' bas/ phyir ldog dgos tshul byung ba ltar slar log /'bum
tsho'i mtshams der yang re zhig rin spungs su sdong ces pa'i bang
phyin slebs pa bzhin/ zhag bcu skor 'di byed med par bsdad skabs
sog po gtsang la 'ong ba

yong 'dra bas yar 'ongs nas lhan du 'dug la byung tshe ldog thabs
kyis gsung ba ltar/ lhan du slebs pa'i nyin sde pa skyid shod pa
dpon g.yog rgya mkhar byon pa'i 'gros pa nga sang nyin rgyal po
dmag dang bcas/ pa rnam du 'byor pa

yod tshul byung bas/ 'phral du dmag rjes bsnyegs/ thog mar bkra
shis lhun po rang du yong rtsis byas par/ sog po rnams spe sngon
na khar babs pas mthong/ rta pa brgya tsam zhig byung ste zam
chen gyi shar sne nas sog khrod du

rang dbang phral nas gdan drangs de yang sa skyong mi'i dbang
po
la skyon chags pa'i thugs bsam log pa ci mnga'/ 'on kyang bkra
shis lhun po'i nye 'dab rang du chos sde shin tu che ba gsar
rgyag ngos/ bkra shis lhun po'i ltag tu

lcags ra'i spe'u mthon po brtsigs pa la skye bo bra 'chal mang
pos/ bkra shis zil gnon zhes btags pa sogs kyi rgyus/ kho bo cag
sog dmag 'dren pa'i rtsa ba dang/ gros la nges par the zhing/
rgyus yod snyam pa phal cher

@113a @#/ /la yod 'dug kyang/ spyir yang las 'bras kyi rnam dbye
cung zad nges shing/ khyad par mkhas mchog dbyig gnyen gyis/
dmag la sogs pa don gcig phyir/ /thams cad byed pa po bzhin
ldan/ /zhes

gsungs pa'i don shes pa'i phyir/ /dmag nang du nged rang 'byor
ba'i nyin yan chad rgyal po phyag mdzod sogs la yi ge dang mol
mchid tsam yang med pa/ dkon mchog rin po ches mkhyen pa bzhin
yin/ de skabs gtsang sa

dpon blon gyis chings byed dgos tshul yang yang byung ba bzhin/
rgyal po la nan chags byas kyang/ da lo bdun gyi bar du mi ldog
pa'i dam bca' byas gsung/ gsan dgongs gtan med par da lta 'bras
spungs su 'gro

dgos tshul ltar byang lam brgyud nas dbus su song ba'i lam bar so
sor 'gal ba'i rkyen gyi skul byed rim bzhin byung 'dug kyang/
lha dang bla ma'i thugs rjes bde bar phyin/ se rar co ni chos
rje sbyin pa dar rgyas sku gshegs

pa'i dgongs rdzogs kyi tshogs dbu byas shing/ phyis de nyid kyi
dngul gdung gi gzungs gzhug rab gnas rgyas par byas/ lhag par
dge 'dun 'du ba'i 'khor lo bzhugs su gsol bas grwa tshang mthun
cing dge 'dun

ngar rgyas che 'byung ces gleng ngo/ /de nas sde chen rdzong
dpon gnyis sogs kyi srog skyob dbang lag tu 'ong dgos tshul nan
chen byung ba bzhin de ma thag tu song nas skyid shod kyi rta pa
'bring gi sa cha dang/ nas khal lnga brgya re phye/

@113b rdzong gi kha 'dzin skyid shod pas mdzad/ lha sar zla ba
gnyis tsam mtshams byas/ 'bras spungs su thams cad mkhyen pa la
rgyal ba blo bzang don grub kyi gsung 'bum sogs dbang lung man
ngag mang po dang/ gzims khang gong gi

sprul pa'i skus thog drangs/ dge ba'i bshes gnyen rnam grangs
mtha' yas pa la rgyal sras bka' 'bum sogs 'dod chos dgongs pa
dang sbyar/ de'i dus khal kha o'i rod kyi chos rje dang rgyal
rgyud shin tu mang bas dge 'dun gyi

bsnyen bkur 'bul ba sogs/ rdzogs ldan gyi sprin la 'gran pa
bzhin du gyur/ de nas lcags sbrul zla ba bcu gcig pa'i nang du
gtsang sa dang rgyal po mchod yon gyi mi sna yi ge so so dang
bcas/ kho bo dang/ drung pa rgyal tshab pa

gnyis 'phral du chings la yong dgos lugs byung ba ltar 'phral du
chas/ mi sna rnams drung pa rin po che'i sku zhabs su rdzong sta
byas/ zla ba bcu gnyis pa'i tshes lnga la 'bras spungs nas bteg
/stod lung brgyud/ lam pa chu

bzang sogs de nang gi dgon che chung thams cad kyis bkur sti
zhabs tog yang dag bsgrubs shing/ nged rang gis kyang mang ja
dngul 'gyed gzabs/ khyad par lam pa'i rten mjal snga phyir zhib
par byas te gling dkar du sleb

pa'i nyin/ rgyal po mchod yon gyi mi sna byung nas/ karma pa yab
sras ci rigs dang bstun nas yong dgos 'dug pas re zhig gling
dkar rdzong du sdod ces byung ba ltar zla ba phyed gnyis la reg
tsam song/ de bar bzhon pa bshad nas

@114a @#/ /sgar pa gdan 'dren lan gnyis btang song kyang/ rgyal
ba'i dbang po ma phebs/ drung pa mnyel nas phebs ma thub/ mthar
zla ba dang po'i tshes brgyad la chos sde zhol bcas shor/ sde
srid rin po cher mdzad dka'

byung ba'i bla ma gnyis srog skyob la bos/ rgyal po rang gi
dgongs bcang lto skal ma gtogs bla ma gnyis kyang dbu bsnyung
mi
'jug gsung ba'i dbu rtsi dang zhu ba mdzad 'dug pa ltar/ so so'i
phyag tham dang bcas/ sa skya zhabs drung yang

gdan 'dren song bas ci myur shog ces byung 'phral du rtsol bas
bkra shis lhun por slebs tshe/ sa skya zhabs drung phebs grub
'dug /rgyal pos bla ma gnyis thog mar mjal ni dgos/ mjal tshul ji
ltar byed ces sa skya zhabs

drung la zhus tshe/ spyir karma pa yang ma mjal kyang/ da lam
rgyal po rang gi gsung dang bstun pa yin phebs 'dug pa ltar/
rgyal pos thog mar sa skya zhabs drung gi mjal dar thong/ de'i
lan du nged kyis mjal dar phul ces/

mjal sna'i mi dang bcas byung kyang/ rgyal po dregs pa'i gsung
la cha bzhag khungs kyi mjal dar rtse sprod ngos/ mjal 'dzom
legs lam che ba mdzad de/ sde srid rin po che'i zhabs 'degs su
gang 'gyur byed rtsis mol kyang/

sngon du bro dam pos bkag pa'i rgyu mtshan gyis sku srog skyob pa
ma gtogs phan rgya cher ma thub/ sngon chad dar rgud kyi
phreng
ba ma gul bar ma bzhes pas zhag gcig tsam gyi 'tsho chas kyang ma
mchis par/ gsol chas ja mar

@114b sogs yang dag phul zhing/ sku chas dos stong tsam nan gyis
thon pa byas/ de kha'i skabs spyir 'khor ba'i gnas tshul dang/
khyad par deng sang gi skye bo dug gsum gyi gdon dag gos yid
myos pas/ /smyon pa'i zlos gar

bsgyur bas blang dor go ldog pa'i nyams len 'jigs rung gi
g.yangs sar gom pa 'dor ba dang/ 'ga' zhig bral ba dang/ brlag
pa dang/ rgud pa'i 'gyur byad kyi khro chu rab tu 'bar ba dus
mtha'i me dpung lta bus bsregs pa'i

ngang tshul mngon sum du mthong bas/ lhag par yid gdungs kyang
gzhan bya ba'i thabs ma rnyed/ nges 'byung dang snying rjes
bskul ba'i dkon mchog la gsol ba 'debs pa la brtson par byas pa
sogs yid la bsams pa tshig

tu mtshon pa 'di ltar// //gu ru budd+ha bo d+hi satwa ya na maH
sgyu mas rmongs pa'i 'gro ba 'di'i/ /dug gsum dri ma 'khrud pa'i
phyir/ /dam chos bdud rtsi'i char 'babs pa'i/ /shA kya'i gtso
bo de la 'dud/ /

'jigs rung srid pa'i rgya mtsho 'dir/ /las dang nyon mongs rba
klong 'khrug /sdug bsngal chu srin gyis gtses pa'i/ /nyam thag
'gro 'di thugs rjes skyobs/ /dmyal ba yi dwags dud 'gro sogs/
/sdug bsngal drag pos

mnar ba yi/ /mgon skyabs med pa'i 'gro ba kun/ /thugs rje mnga'
bas skyab tu gsol/ /bde bar 'gro ba zhes grags kyang/ /'du byed
'gyur ba'i sdug bsngal gyi/ /mnga' char 'bab pa 'di dag la/
/thugs rje mnga'

@115a @#/ /bas skyab tu gsol/ /'dus pa 'bral zhing bsags pa
mdzad/ /skyes ba 'chi zhing mthon pa'i mtha'/ /rgud pas mnar
ba'i 'gro ba rnams/ /thugs rje mnga' bas skyab tu gsol/ /skye
rgan 'chi

rgud pa yi/ /'jigs rung srin po'i mche ba bzhi'i/ /phrag tu
zhugs pa'i skye bo yi/ /mgon skyabs mdzod cig zas gtsang sras/
/deng sang dus kyi 'gyur ba 'di/ /kun mkhyen thub pa'i gsung rab
las/ /srid pa'i

phun tshogs rmi lam dang/ /zas nor sbrang ma'i sbrang rtsi dang/
/'dus byas sa 'dzin mthon po yi/ /rtse nas lhung ba'i 'bab chu
bzhin/ /gsungs don rmongs pa'i skye bo la/ /mngon sum ston pa'i
slob dpon bzhin/ /kha cig

rngon pas gtses pa yi/ /ri dwags ji bzhin skrag pas nyen/ /la la
'jigs rung mya ngam gyi/ /thang la dgras bcom 'gron pa bzhin/
/'ga' zhig bde ba 'dod pa'i phyir/ /rgod cing sdig pa'i las byas
pas/ /mchi

mas gdong g.yogs ngu bzhin du/ /rnam smin myong ba'i las la
spyod/ /phal cher bar do'i sems can bzhin/ /las ngan gdon gyis
dkrugs pa yi/ /nyam thag 'gro ba 'di rnams la/ /thugs rje mnga'
bas mi

dgongs na/ /khyod las lhag pa'i skyabs gzhan ci/ /de phyir bskal
pa dpag med nas/ /bdag cag snyigs ma'i 'gro ba rnams/ /phyag
mtshan bzhes bzhin thugs rjes skyobs/ /ces bsam don smras pa'o/
/gtsang

@115b sa babs rjes/ sgar chen yab sras phebs byung kyang thal
char song/ sger gyis so sor ja zhus 'bul ba ci drag dang/ rgyal
tshab drung pas dri ba mdzad byung bar bsam pa dag pas legs lam
gyi rgya mtshan yang dag par phul/ de skabs

mchod yon gyis 'bras spungs nas thams cad mkhyen pa spyan
drangs/ chibs bsu ser 'phreng rgyas pa dang bcas bkra shis lhun
por phebs/ zhag 'ga' zhig ma gtogs car bzhugs mdzad/ sngon du
bdag cag gi ston pa'i sku

brnyan bde gshegs mchod rten brgyad dang bcas bsgrub pa dmag
'khrug gis cung zad 'gyangs pa yang/ 'phral du gzungs gzhug phul
te thams cad mkhyen pas gtso mdzad/ /ser 'bras sogs kyi bla ma
mang po dang/ chos

grwa chen po'i bla ma rnams kyis mtshon 'dus pa stong rwa can
brgal ba'i dbus su dpal ldan 'dus pa'i sgo nas rab tu gnas pa
rgyas par mdzad de/ rgyal po mchod yon sbyin bdag tu bskos/ rab
ston mang 'gyed tsha dro 'bul ba

phun sum tshogs pa sogs rten 'brel legs tshogs snyigs ma'i dus su
bstan pa rin po che'i rgyan du 'gyur ram snyam du sems so/ /de
dag gi skabs/ dpal 'khor bde chen/ snar thang sogs/ ris med pa'i
chos sde mtha'

dag gi mkhan po byed dgos tshul yang yang byung zhing/ /byas tshe/
bstan pa dang 'gro ba la phan pa cung zad 'byung bar 'dug
na'ang/ sngon gyi rten 'brel gyis yin nam/ gegs kyi mtshan ma che
bas khas ma blangs/ de rjes zha lu

@116a @#/ /mthil dang ri phug gi bla ma rnams kyis kun mkhyen bu
ston rin po che de nyid/ sa skya ba'i gdung rgyud gong ma dang/
drung chen rin po che ta'i si tu byang chub rgyal mtshan sogs
dpon sa gong mchen po'i bla ma

yin pa dang/ rgya nag rgyal pos mkhas pa chen po'i bsngags
brjod/ lung las ka shel tham dang bcas phul bas/ zha lu 'di
gangs can gyi gdan sa mtho shos cig yin pas spyir cis kyang yong
dgos tshul nan bskyed

yang yang byung bar/ spyir go sa la blta ba min kyang thams cad
mkhyen pa bu ston rin po che de nyid/ ris med pa'i bstan pa'i
bdag po rgyal ba gnyis pa lta bus bstan pa dang sems can gyi
phan bde'i phyir/ mchod rten rdzu

'phrul gyis bzhengs pa'i rdo gdugs yo zhing/ 'dzin ma'i mthil du
lhung bar nye yang/ stobs dang ldan pa'i sde dpon/ gdan sa
skyong ba'i bla ma sus kyang btang snyoms su bzhag pa myur du
mchod rten gyi 'jig rgyur nges

pas kun mkhyen bu ston nyid kyi 'phrin las dang byin rlabs
snying la zhugs tshe bsgrub par nus sam snyam khas blangs te/ chu
pho rta lo hor zla drug pa'i tshes gnyis gza' skar dge ba la zha
lur phyin/ tshes gsum gyi nyin khri thog

tu slebs/ phyi nyin chos 'khor bskor ba'i dus khyad par can la
ri phug tu phyin nas chos khri thang gar rnam thar snyim pa'i me
tog bshad/ 'du khang chen mor dus mchod chen mo'i tshogs dbu byas
shing/ ri mthil gnyis kar

@116b ser ja khri ja ma hA tsi na dang/ bkra shis kha btags kyi
'gyed sogs yang dag pa bgyis nas/ bkra shis lhun por dbyar gnas
thog tshogs chen la bslab pa kun las btus kyi lung dang/ dge ba'i
bshes gnyen ri khrod

'dzin pa 'ga' zhig la spyan snga blo gros rgyal mtshan gyis mdzad
pa'i blo sbyong 'ga' zhig dang/ bcom ldan 'das 'khor lo sdom
pa'i bskyed rim rnam bshad chen mo dang/ sbas don kun gsal sogs
rje'i gsung rab kyi

lung byas/ de skabs chos gzhis gsar pa rnams la brten nas/ chos
grwa chen por thug tshul sngar rgyun ngos zla rer phogs khal
gnyis ma dang/ thug tshul bzhag nas phogs khal gsum ma bya ba
gang 'thad slob dpon pa rnams

la dri ba zhus par/ phyi ma bzhed pa ltar/ da lta'i bar chos
thog rnams la phogs rgyun chags su phul/ rta lo de kha'i zla ba
bcu pa'i skyed skabs bod khams spyi'i bde skyid kyi gshed ma lta
bu'i 'khrug long shin tu che ba byung kyang

rgyan ring ma gnas/ zla ba tshes 'tshams khal kha'i rgyal po er
te ni hong tha'i ji dang/ sku skye gnyis sogs skya ser phon che
ba byung/ 'dam du yong dgos tshul nan che bar brten/ gling dkar
bud mtshams me tog lhas su

phyin nas/ dge ldan chos rje dpal 'byor rgya mtsho dang/ stong
'khor sprul sku gnyis kyis mtshon/ rab byung bsnyen rdzogs dge
bsnyen sgrub pa dang bsnyen gnas len pa mang po byung zhing/
dbang lung sogs 'dod chos kyis tshim

@117a @#/ /par byas/ bsnyen bkur 'bul ba bsam gyis mi khyab pa
byung zhing/ phyir bde bar 'khor/ bar rlung sde 'khrug de'i thog
ma kong phyogs kar lugs kyi chos sde mang po'i dmag mis/ 'ol
dga' rdzing phyi'i

gtsug lag khang skya ser lnga brgya tsam dang bcas/ 'jig dus
kyis mes ji lta ba bzhin du bsregs/ phyis dga' ba gdong 'og min
gling sogs rdo char bab pa'i pad tshal lta bur song rjes/ rgyal
ba karma pas chos sde rnams

la phan pa byed dgos pa'i bka' yig byung kyang gzhan ma rnams ni
thal zin/ dkar brag gsung rab gling pa gnyis kyis rnam gling
bzung/ de'i gnyen por dbus gtsang gi dmag rags mas bskor/ shangs
nang phal cher

gzan so che bar byung song skabs/ phyi nang phan tshun thams cad
la phan par bsams/ rnam gling du phyin/ bar chings byas/ phyi'i
dmag rnams kyang 'gyes su bcug /gsung rab gling gi btsan dmigs
tsam bshig nas

sngar 'jags gdengs khel gyi rgyal ba'i dbang por yang dam phrug
zhus shing/ mchod yon gnyis la yang nan tan bsngags pa'i yong
nges byas kyang/ khong rnams kyis tshod ma zin/ slar nyen chen du
song ba la 'jigs

skyob tu 'gro bar brtsams pa chu ha cang ches pas gegs byas
kyang/ dngos su phyin pa dang 'dra bar mchod yon la nan chags
byas pa'i/ gnyis ka'i chos gzhis phyed 'jags/ gnas gzhi rje ba
tsam ma gtogs dge

@117b 'dun gyi sde 'thor rkyen du mi 'gro ba'i phan thogs pa
byas/ 'bras yul skyed tshal ba rnams kyis kyang rin spungs su
dmag la phyin pa'i dgon gnas 'jig par the tshom med pa srog rtsa
nas bzung ba mthun snang du grub

pa 'di bzhin lags/ de dag gi skabs su rang gzhan gyi skye bo
phal mo che'i snang tshul sna tshogs pa zhig mthong bas yid la
gdung ba skyes shing/ 'khor ba'i gnas su nyam thag pa'i 'gro ba
'di dag la phan pa bla na med pa

sbyin pa'i skyabs gnas ston pa mtshungs pa med pa shAkya'i gtso
bo la gsol ba gdab pa'i phyir smras pa// //na mo gu ru manydzu
g+ho ShA ya/ btso ma'i gser sbyangs lhun po ni/ /li khri'i
mtshams sprin gos gyon nas/ /

dge mtshan 'od kyis 'gengs 'dra ba'i/ /shA kya'i gtso bo de la
'dud/ /kye ma bdag cag skal ba ngan/ /'jigs rung dus kyi srin po
lngas/ /snod bcud kun gyi mdangs phrogs pa'i/ /mtha' 'khob mun
pa'i yul

'dir skyes/ /thub dbang smra ba'i nyi ma de/ /dus kyi nub ri'i
phag tu gshegs/ /rgyal sras 'phags pa'i tshogs rnams dang/ /bstan
'dzin dam pa'i skyes bu rnams/ /dag pa'i zhing du btang snyoms
mdzad/ /bstan pa

rin chen sgron me yang/ /bud shing zad pa'i me dang mtshungs/
/ston pa'i bka' khrims yid bzhin nor/ /gus pas gtsug gi rgyan
'dzin pa/ /'od stong bdag po'i gzi byin gyis/ /lha lam bkang
ba'i rgyu skar bzhin/ /

@118a @#/ /dam pa'i gzugs kyi tshang tshing nags/ /chags sdang
g.yo sgyu phrag dog gi /gdug pa'i sbrul gyis gang ba yi/ /kha
rlangs me yi 'bras bus khyab/ /ngur smrig mdzes pa'i gos 'chang
yang/ /khrel dang ngo

tsha sdom pa gsum/ /cig car spangs pa'i zlos gar gyis/ /chu srin
rgyal mtshan can sde'i tshogs/ /nyin byed zer gyis reg pa yi/
/padmo gzhon nu lta bur 'dzum/ /tha mal skye bo phal cher yang/
/chags sdang drag po'i gdon

zhugs pas/ /dam pas smad pa'i las rnams la/ /'dzem med ci dgar
kun tu spyod/ /sngon dus dge ba'i mi dbang gis/ /skye dgu bde
ba'i don bcas pa'i/ /khrims rnams bzhi mdo'i rtswa ltar 'dor/
/rang 'dod gzu lums

spyod pa yi/ /sdig spyod rgyal po'i khral gyis mnar/ /nad rims
'thab rtsod mu ge yi/ /gnam lcags ser chen stong bab pas/ /skye
dgu'i phan bde'i pad tshal bcom/ /'di 'dra'i 'gro ba nyam thag
pa/ /ri dwags rgya ru chud

'dra ba'i/ /mgon skyabs med pa bdag cag la/ /thugs rje che ldan
ston pa las/ /lhag pa'i skyabs gzhan cang ma mchis/ /khyod sngon
bde gshegs rin po che/ /snying po'i yab tu gyur pa'i tshe/ /rnyog
mas sbags pa'i rtsod

dus 'di/ /brtse ldan gzhan gyis spangs dus su/ /rlabs chen smon
lam 'bum phrag gis/ /thabs mkhas thugs rjes phyag mtshan bzung/
/de phyir snyigs ma'i byin za yis/ /gdungs pa'i bdag cag 'gro ba
rnams/ /

@118b thugs rje'i char gyis bsil bar mdzod/ /mtha' med 'khor
ba'i rgya mtsho che/ /sdug bsngal rba klong 'khrug pa'i klong/
/bying ba'i mgon med 'gro ba 'di/ /thugs rje'i lcags kyus drang
du gsol/ /blang dor gnas la blta ba'i

mig ;ma rig ling thog gis bsgribs pas/ dmus long g.yangs sar
mchongs 'dra ba'i/ /rmongs pa'i 'gro la brtse bas gzigs/ /khyi
phag mi gtsang phung po la/ /chags shing zhen pa ji lta bar/
/sdug bsngal bde bar

'dzin pa yi/ /log shes can rnams thugs rjes skyobs/ /'dod chags
ri gzar chu bzhin 'khrug /zhe sdang dus mtha'i me ltar 'bar/
/phrag dog rlung dmar ltar 'tshubs pa'i/ /rmongs pa'i 'gro rnams
thugs rjes skyobs//

bde 'dod sdug bsngal 'dor 'dod kyang/ /dge la dgrar blta sdig pa
la/ /dga' zhing brtson pas 'jug pa yi/ /log shes can rnams thugs
rjes skyobs/ /tha ma'i dus kyang skyongs byed pa'i/ /mtshon dang
mu ge nad rims

kyi; ;mi bzad mda' char drag po yis/ /gdungs pa'i 'gro rnams
thugs rjes skyobs/ /rgyal ba'i bstan la rab byung nas/ /chos gos
bzhin du go cha gyon/ /gsil byed bzhin du mda' mtshon thogs/ /mig
can

'bar ba'i me nang du/ /mchongs 'dra'i 'gro rnams thugs rjes
skyobs/ /mi bzad dri nga mi gtsang ba'i/ /ljan ljin mun pa'i
nang zhugs te/ /bzod dka' gdung bas nyam thag pa'i/ /skye gnas
can rnams thugs rjes

@119a @#/ /skyobs/ /lang tsho rgyas pa'i me tog kyang/ /dus kyi ba
mos bcom pa yis/ /'gram zags khang rul ltar 'jig pa'i/ /'chi bar
nye rnams thugs rjes skyobs/ /mdza' ba'i gnyen dang bsags

pa'i nor/ /lus dang longs spyod kun bor nas/ /mgon med skyabs
med pha rol tu/ /gcig pur 'gro rnams thugs rjes skyobs/ /sdug
dang bral zhing dgra dang phrad/ /'dod 'bras kyis dben mi 'dod
pa'i/ /dngos rnam

thog ltar bab pa yi/ /mgon med rnams la thugs rjes skyobs/ /zas
nor longs spyod stobs rnams kyis/ /nga rgyal dregs pas 'gying
rlom yang/ /dbang med rgud pa'i lcags sgrog gis/ /dam por bcings
rnams

thugs rjes skyobs/ /tsha grang bzod dka'i sdug bsngal dang/
/bkres skom bkol spyad gcig la gcig /za ba'i 'jigs rung sdug
bsngal gyis/ /mnar ba'i 'gro rnams thugs rjes skyobs/ /mdor na
nam mkha'i

mthas klas pa'i/ /mar gyur 'gro ba ma lus pa/ /srid zhi'i rgya
mtsho las bsgral te/ /thams cad gzigs pa'i gnas su drongs/ /ces
smras so/ /de kha'i dus skyid shod nas zhabs drung chos rje dpon
slob kyang

chos gsan pa la phebs pa'i dbyar chos thog /dge 'dun stong rwa
can tsam 'dus pa la bka' chen bzhi'i rtsa ba'i lung dang/ sger
du skyes rabs so bzhi pa dang/ kho bo cag rang nyid kyis brtsams
chos snga phyir yi ger

@119b 'khod pa dang/ 'grel pa bzhi sbrag sogs dang/ dbang rjes
gnang mang pos thugs kyi bzhed pa bskangs/ de dus bkra shis lhun
po'i gtsug lag khang gi lho'i phyi skya zhig pa slong bar
brtsams/ sde gzar lo 'gros sogs

kyi stabs mu ge shin tu nyam nga ba byung bas/ las mi rnams dka'
bar 'dug pa la 'tsho ba sbyar te/ lha khang rmad du byung ba gsum
yan lag dang bcas pa bkod pas mdzes par grub pa byas/ chu lug
hor zla bcu gnyis

pa'i tshes bcu dgu la zha lur phyin/ zlog chen bzhi sogs sngon du
song ba'i nyer bzhi'i nyin/ rnam sras mchod pa chen mo'i tshogs
dbu dang/ kun mkhyen bu ston rin po che'i bzhugs khri chen mo'i
steng nas/ skya ser tshogs

che ba la theg pa chen po'i sems bskyed kyi cho ga byas/ de dus
rab 'byams smra ba blo bzang bstan pa dar rgyas kyis bskul nas
mgon po klu sgrub kyis mdzad pa'i rim lnga'i TIkka de 'phral du
brtsams/ dgun stod dben

sa sprul pa'i sku dang/ o'i rod rgyal po thor kho ta'i jing
mchod yon rnams phyin nas/ mang 'gyed 'bul ba bsam gyis mi khyab
pa mdzad/ 'on kyang bar chod kyi rnam pas sprul pa'i sku 'brum
pas zhing gzhan du

gshegs/ zhabs 'bring pa rnams kyis dgongs pa chos kyi dbyings su
rdzogs thabs yang dag par byas/ dngul srang nyis stong tsam phul
ba la gzims mal sku 'dra dang lha babs mchod rten rin po che'i
rgyan gyis bkra

@120a @#/ /ba bzhengs te dben dgon du bzhugs su gsol/ dben dgon
gyi tshogs pa dang lhan cig tu dpal rdo rje 'jigs byed kyi sgo
nas rab gnas mdzad de/ bkra shis pa'i me tog char du phab/ de
dang

'brel bar da lta chab mdo'i mkhan po dbon drung sku skye yang
bsnyen rdzogs mdzad pa dang/ 'dod chos gsan pa'i phyir byon pa'i
bzhed pa yongs su bskangs/ thor kho ta'i jing dang gu shri chos
rjes sku rgyu phul ba la gzhi

byas; rgyan drug mchog gnyis/ chos rje sa paN/ kun mkhyen bu/
rje yab sras/ thams cad mkhyen pa na rim rgyal ba dben sa pa yab
sras sogs/ rgya bod kyi lo paN mang po'i sku 'bag re re yang
dngul srang brgyad cu

tsam las grub pa dang/ dngul srang nyis stong las grub pa'i bdag
cag gi ston pa'i sku brnyan jo bo rin po che'i sku las cung zad
che ba legs par bzhengs/ lha khang gsar pa'i dbus kyi gtso bo
sgang chen nas rje zhal snga

nas kyis sbyin bdag rang skya thub par bsgrubs pa'i kho bo cag
gi gzugs brnyan de che ba'i rgya mtshan gyis dbus su byas pa'i
bla ma lha khang dang/ shar du ston pa rin po che'i sku gtso bor
bzhugs pa'i rgya nag lha khang dang/

nub tu chu mig rje btsun sgrol ma gtso bor bzhugs pa la li ma
lha khang sngon ma rang 'jags ngos/ gsar du bsgrigs pa'i li ma
lha khang rnams la gnam rgyan/ mchod cha sna tshogs pa phul du
byung zhing bkod pas

@120b mdzes pa bsgrubs/ bzo bo rnams kyang yon gyis tshim par
byas/ de rnams dang cho 'phrul chen mo'i tshes bdun nas/ bco
lnga'i bar gyi mdzad pa'i go sa sku dras shing drubs pa khyad
par can rnams la shing spre zla ba brgyad pa'i

yar tshes dge bar chos grwa chen po'i mkhan slob sngags grwa ba
rnams dang bcas/ dpal 'dus pa'i sgo nas rab gnas rgyas par mdzad
cing/ /tshogs chen gyis kyang shis pa brjod cing rab ston mang
'gyed gya nom pa bsgrubs

shing spre de kha'i thog mar o'i rod dpon po che ba mkha' 'gro
skyabs gnyen bshes 'khor g.yog thams cad kyis dgag tu med pa
sde dmangs dang bcas byung nas/ dbus gtsang thams cad du dge
rtsa 'bul ba sogs

yang dag pa byas pa'i mthar/ lus longs spyod thams cad phul/
bsnyen par rdzogs/ bya bral gyi brtul zhugs yang dag par blangs
nas dge sbyor la brtson par gnas pa 'di bzhin no/ /sa chen chos
rje sngar byon

dus nor gan cha'i rgyud sbyor jid kyi rgyal po 'di/ khal kha
o'i rod ma gtogs/ sog yul thams cad dang/ rgya nag gi grong
khyer khri phrag yod pa'i yul khams la dbang byed pa'i stobs
shin tu che ba/ sangs rgyas kyi

bstan pa'i sgor ma chud pa yod tshul byung bas/ de ltar na chos
rje nyid byon na bstan pa dang 'gro ba la phan pa yong shas che
zhes mol mchid byung ba na/ chos rje'i gsung nas/ kho bo'i lus
ngag yid gsum khyod la 

@121a @#/ /phul bas khyod kyis songs zer na 'gro gsung ba ltar/
sbyor jid kyi rgyal po la yi ge rten ldan dang/ thams cad mkhyen
par yang zhus pa'i bka' shog rten ldan dang bcas lo lnga'i
khongs su 'khor

dgos tshul byas nas 'byon bcug pa ltar/ yul der byon tsam nyid
nas ngo mtshar ba'i rtags mtshan du ma byung 'dug cing/ rgyal po
sde dang bcas mchog tu dad pas bstan pa la zhugs/ chos rje nyid
rigs kyi cod pan du

bzung/ 'bul ba bsnyen bkur bsam gyis mi khyab pa byas/ rten
'brel legs tshogs 'grig ngos/ rgyun du bzhugs dgos tshul nan chags
pa byas 'dug kyang/ sngar gyi dus tshigs las thal dogs/ slar myur

du 'byon pa'i zhal len mdzad/ 'byon par phyogs pa na/ rgyal pos
bla ma rin po che thams cad mkhyen pa dang/ kho bo cag dpon
slob
la yi ge dngul srang stong phrag re re/ rin po che sna tshogs kyi
shel spyad rnam grangs mang

ba; gos dar la sogs pa'i rten shin tu bzang ba dang/ phyogs ris
med pa'i bod kyi bla ma che ba/ karma pa/ sa skya pa/ stag lung
pa/ 'brug pa rnams la yang yi ge dngul gyi yol go res mtshon pa'i
rten/ dbus gtsang gi

dge 'dun gyi sde rnams la mang ja/ dngul 'gyed bzang po gser yig
pa'i tshogs dang bcas pa shing spre zla ba bcu pa'i nang du byon
pa'i 'bul ba bsam gyis mi khyab pa dang/ 'dus pa rgya mtsho'i
tshogs la mang ja 'gyed bcas

@121b rdzogs ldan gyi sprin bzhin du bsgrubs/ de kha'i mjug khal
kha'i rgyal po che ba us jid dpon po yang 'byor ba'i brjod ma
thag pa la 'gran pa'i 'bul ba dang mang ja 'gyed kyi rnam grangs
mang du byas/ mthar glo bur du rigs

sad cing dad pa 'bar bas/ sde dmangs kyis gegs byed kyi 'ching
bas bcings kyang/ snying stobs kyis dum bur bcad de rab tu byung
zhing dge tshul gyi brtul zhugs blangs/ de dang de dag gi skabs
snga phyir rdo rje phreng ba la sogs pa'i

dbang dang/ snar thang brgya rtsa la sogs pa'i rjes gnang/ bu
ston rin po che dang/ thams cad mkhyen pa dge 'dun grub gnyis
kyis mdzad pa'i gleng 'bum/ dpe chos rin spungs la sogs pa'i
lung mang po dang/ gnyug mar

gnas pa dang phyogs nas byon pa'i sde snod 'dzin pa bsnyen par
rdzogs pa dang/ dge tshul nye bar bsgrub pa dang sang gi bar
rgyun mi 'chad par shin tu mang ba byung ba rnams kyi bzhed pa
bskangs/ shing spre zhing thebs

'tshams zha lu'i mchod rten chen mo zhig gsos byed rtsis byas
kyang/ sde dgon gyi gtso bo 'ga' zhig gi sku 'dra rin po che
dang/ thugs rje chen po rang byon gnyis ka'i drung du brtag pa
ma bab tshul byung bas re zhig btang

snyoms su 'jog dgos byung/ 'on kyang rmi lam du/ dge slong sku
bongs che ba ngur smrig gi chos gos gsum pa zhig gis/ nyid kyis
'di nyid 'chos pa'i dus la bab ces bskul zhing/ me tog gtor ba'i
nyams zhig

@122a @#/ /byung bar/ slar zla ba bcu gcig pa'i tshes bcu skor/ pu
ston rin po che'i bzhed pa'i 'grub sbyor gyi nyin/ chos rje blo
bzang chos 'phel gyis bkod pa mdzad de las kyi 'go brtsams/ de
dag gi skabs su dgun

la reg kyang grang ba'i nyes pa med pa dang/ skabs 'gar rlung
ldang bar phyogs pa ni/ 'di kha nas lag gis reg cing byin gyis
brlabs pa'i nas/ gang zag ci yang rung bas gtor bas 'bab chu
drag po la rdo rje'i chu

lon bkod pa lta bur gyur ces gleng/ gdugs la 'degs 'jog byas
pa'i skabs 'ja' tshon sna lnga pa bkra shis rtags brgyad kyi ri
mos mdzes pas mkha' dbyings khyab pa dang/ lha rnams kyis me tog
gi char

phab pa kha ba'i dum bu ltar 'khrigs pa ni thams cad kyi mngon
sum du grub pa yin/ sngar rdo gdugs kho na yin kyang/ bde bar
gshegs pa mchod pa dang bstan pa'i rgyun la phan par bsams/ rdo
gdugs kyi na bza' dra ba dra

phyed; ganyji ra dang bcas bzangs khal lnga bcu rtsa bgrang
dang
gser zho brgya phrag gnyis lhag tsam las grub pa zla ba bcu
gnyis pa'i tshes 'gor 'gal rkyen bar chod kyi rnam pa ci yang med
par grub/ ri sbug dbu mdzad

chos rje rin chen bsod nams mchog grub pas phul ba'i chu zangs
che ba yang gong gi rgyu steng du zla 'dres byas/ zla ba de
kha'i tshes bco lnga la zha lur phyin pa'i sang nyin/ dpal rdo
rje dbyings kyi dkyil 'khor chen po la brten

@122b nas; tshogs chen dang lhan cig tu rab tu gnas pa'i sta gon
dang/ tshes bcu bdun gyi nyin 'grub sbyor dge ba la rab gnas
dngos gzhi rgyas par mdzad de/ me tog gi char phab/ de'i tshe/
rgyal po'i sras lcam sring dang/ khal

kha'i u'i jid dpon po rnams sbyin bdag tu bskos/ de yang/ bu
ston thams cad mkhyen pa nyid kyis mchod rten chen mo thog mar
brtsams shing/ spyan dbye mdzad pa'i gza' skar dang/ sbyin bdag
hor gyi dpon po la bsko ba

mdzad pa dang/ da lam kyang thog ma 'jugs pa dang/ mthar rab tu
gnas pa'i gza' tshes sbyin bdag sogs ji lta ba 'grig pa'i legs
tshogs rten 'brel phun sum tshogs ces/ mkhyen pa'i spyan dang ldan
pa dag gsung

ngo; ;de'i tshe bzo rigs pa rnams kyang yon gyis mgu bar byas
shing/ tshogs pa rnams la yang rab ston gya nom pa dang/ bkra
shis kha btags kyi kha 'gyed yang dag pa bsgrubs/ dgun dus yin
kyang bser bu sogs grang

ba'i reg pa dang bral zhing/ 'ja' 'od dang me tog la sogs pa'i
char gyis skye bo mtha' dag yi rang bar gyur te/ /de'i sang nyin
zha lu mthil du rnam sras kyi mchod pa legs par byas te/ slar
bkra shis lhun por se chen

chos rje dang/ grwa tshang chos rje gnyis kyis bzhengs pa'i dngul
sku gnyis sogs dngul sku 'ga' zhig dang/ ngo mtshar bkod par pir
thogs dbang po chos rje blo bzang chos 'phel dpon slob kyis yi
dam dang lha mo gtso bor

@123a @#/ /byas pa sogs dang/ sprul sku chos dbyings rgya mtsho
dpon slob kyis cho 'phrul chen po'i mdzad pa rgyas pa dang/
khong rang gis sbyin bdag byas bla ma'i rnam thar bkod pa rnams
gzabs bris rmad du

byung ba grub pa la dpal gsang ba 'dus pa'i sgo nas rab tu gnas
pa rgyas par mdzad/ de yang skye dgu'i phan bde'i rtsa ba rgyal
ba'i bstan pa la rag las shing/ bstan pa'i snying po bshad sgrub
kyi sde rnam par dag pa la

bltos pa ltar/ ris med pa'i dge 'dun gyi sde mtha' dag la mang
ja 'gyed dang bcas pa yang yang btang zhing/ khyad par thos bsam
mthar phyin nas sgrub pa snying por byed pa rgyal ba mnyes pa'i
mchod pa'i mchog

tu mthong nas shangs mdo rgod tshang ri khrod du/ dka' chen
rgyal
tshab pas gtsos pa'i sde snod 'dzin pa nyi shu lhag tsam sgrub pa
rtse gcig tu mdzad pa'i sde/ chums kyi dga' ldan lha sdings
dang/ lcags kyi dngos grub

chos rdzong gnyis su dka' bcu rab 'byams 'dus pa'i sgrub pa'i
sde btsugs shing/ rje drung tre ba yang ri khrod 'dzin pa'i ston
sgom gzhan dang mi 'dra ba yin pa nas khong la mngags te 'tsho
ba'i cha rkyen chos gzhis

bzang po dang bcas dar rgyas dgon par sgrub sde rnam par dag pa
legs par btsugs/ gzhan yang ra sgreng/ dwags po/ skyid shod thon
la sogs par yang sdom gsum ldan pa'i dge slong ri khrod pa mang
po bzhugs

@123b pa'i mthun rkyen yang dag par bsgrubs/ sde de dag so sor
dge 'dun rnams gzhi gsum gyi phyag len rnam par dag pa la brten
cing/ mdo rgyud rgya mtsho lta bu'i gdams pa'i bcud kyis yid kyi
bum bzang bkang ste

bstan pa rin po che'i rgyan du bzhugs pa yin no/ /de mtshungs
dben dgon du rje gong ma rnams kyi dus kyi gzims khang gtsug
lag
khang dang bcas pa byin rlabs kyi gzi 'od 'bar yang cung zad
rgya khyon chung ba'i skyon yod

pas; de kha'i mdun du gtsug lag khang ka chen nyi shu rtsa bzhi
tsam gyi sa'i rmang gsar du btings/ zla ba bdun gyi ring la zhal
ba spen bad la sogs pa'i bar yongs su rdzogs par bsgrubs/ spyir
yang ma 'dris pa'i mdza'

bshes chen po ston pa bla na med pa de nyid kyis thugs brtse
bas/ gdul bya rnams la phan par mdzad pa ni/ ji skad du/ thub
rnams sdig pa chu yis mi 'khru zhing/ /'gro ba'i sdug bsngal
phyag gis mi sel la/ /nyid kyi rtogs

pa gzhan la spo min te/ /chos nyid bden pa bstan pas grol bar
mdzad/ /ces mdzad pa rnams kyi mchog tu gyur pa gsung gi mdzad
pa yin pa ltar/ shing mo bya lo zla ba bzhi pa'i nang du slar
yang rgyal ba'i bka' 'gyur ro

'tshal gser sbyangs 'ba' zhig las bsgrub pa'i bsam pas/ sde pa
lha rgya ri ba dpon blon la bskul te/ dbye'i dpon yig thams cad
tshogs pa'i nang nas bkrabs/ mkhas pa 'ba' zhig bsdus pa brgya
dang bcu gcig

@124a @#/ /dang; de bzhin du dben dgon dang sngags gra'i mgon
khang gnyis su so so'i chos skyong rnams kyi sku 'bag bzheng
ba'i phyir/ lha bzo ba yang bdun lhan cig tu 'byor ba ltar/ sna
tshogs pa'i gser zho

khri phrag brgal ba bzhu btul legs par byas/ rgya shog mthing ga
'ga' zhig dang/ tshon rams legs pas kha bsgyur ba'i baiDU rya
ltar dangs pa'i shog bu'i ngos la/ dpon yig pa rnams kyis gser
ci 'drongs byas

pa'i glegs bam re re la/ mgur mo'i zho sum cu rtsa drug re'i
rtsis byas pa'i pu ti brgya dang brgyad/ zhal khebs rnams hor
dus kyi ding phon dang kha thi bzang po gtso bor byas pa'i gos
tshon sna tshogs pa lnga sbrags/

gdong dar bzhi brtsegs/ padma thon thi kha re'i khor yug gan gos
dmar po/ rgya ba dar hor dus kyi sman tses byas pa'i na bza'/
glegs shing rgya mtshal bzang pos byugs pa padma rA ga'i 'dab ma
lta bu la gser btul ma

zho brgya phrag gi ri mos mdzes par byas pa rnams zla ba dgu
pa'i khongs su yongs rdzogs grub/ zhus dag kyang lo tstsha ba rab
'byams pa tshe brtan rgyal mtshan/ dpon tshad rje drung blo bzang
dbang rgyal gnyis dang/ kho bo cag

gis kyang lung rgyun la bsams/ rab 'byams smra ba blo bzang
bstan pa dar rgyas dang lhan cig tu dag par bcos nas/ phyis nas
kyang yid brtan rung ba'i phyi mor 'os pa legs par bsgrubs te/
bka' bcu rab

@124b 'byams 'dus pa'i rig sngags 'chang ba'i sde dang bcas pas
mchod rdzas sna tshogs pa'i sprin 'khrigs pa dang/ rang nyid kyis
kyang dri bzang po'i bdug spos 'thul ba'i snod thogs nas sna
drangs te/ gtsug lag khang chen

mar spyan drangs/ dpal gsang ba 'dus pa'i sgo nas rab tu gnas pa
rgyas par mdzad cing/ spyan dbye ba rnams dang 'dus pa rgya
mtsho'i tshogs la/ spyi dang bye brag gi rab ston mang 'gyeng phun
sum tshogs pa byas/ bka' 'gyur

spyan 'dren dang rab gnas kyi dngos gzhi'i nyin/ shel ltar 'tsher
ba'i me tog mi chen po'i lag mthil tsam gyi char bab pa yang kun
gyi mthun snang du grub ces zer/ lha bzo ba rnams kyis/ sngags
khang du skyes bu gsum

gyi chos skyong/ dpal 'dus pa'i chos skyong/ dpal ldan lha mo/
lcam sring rnams kyi sku dang/ dben dgon du bzhugs rgyu'i dpal
mgon sde lnga/ lha mo rnam pa gsum sogs kyi sku/ gzungs gzhug
rmad du byung ba snying

por byas/ sman dang dar 'dam bzang po las grub pa la/ g.yu dang
byu ru mu tig /padma rA ga la sogs pa'i rin po che'i phras
brgyan pa/ log 'dren rnams 'jigs par byed cing/ mkhas pa rnams
kyi yid 'phrog pa/ rang

rang gi ye shes pa mngon sum du byon pa lta bu yang bka' 'gyur
dang dus mnyam du legs par grub/ dpon yig pa dang lha bzo ba
rnams la yang rgyun par dang/ tshigs so sor ston mo gya nom pa
dang/ gser dngul

@125a @#/ /g.yu byu ru spos shel/ ja gos dar rta khrab la sogs
pa'i dngos po tshan che ba'i yon bzang po 'gran zla med pas tshim
par byas so/ /dben dgon gyi gtsug lag khang du yang tsandan
dmar
po las grub

pa'i bcom ldan 'das bde mchog yab yum dang/ dpal rdo rje 'jigs
byed zhal phyag yongs su rdzogs pa sku tshad khyi'u lo brgyad pa
tsam gnyis ka rin po che'i phra rgyan gyis mdzes par byas pa
dang/ gzhan yang tsandan

dmar po las grub pa'i bdag cag gi ston pa'i sku lung bstan ma
gzhon nu lo bcu lon pa'i tshad tsam gyis mtshon/ tsandan dkar dmar
las grub pa'i rje btsun byams pa/ 'jam dbyangs/ spyan ras gzigs/
thub pa'i

sku lung bstan ma chung ba sogs snga phyir bsgrubs pa rnams legs
par phul/ bka' 'gyur gyi rab gnas grub 'tshams su/ de mo sprul
pa'i sku dang/ sde pa gzhi rtse rnam rgyal bkra shis/ tsha ba go
bo dpon po sogs

bar khams pa'i 'grul pa shin tu stobs che ba 'byor nas/ 'dus pa
rgya mtsho'i tshogs la mang ja/ ja 'gyed phun sum tshogs pa dang/
sger du'ang rnam mang thos sras grub pa lta bu ja la sogs pa'i
'bul ba bsam gyis mi

khyab pa dang bcas rten 'brel legs tshogs 'grig /de'i tshe dal
'byor la snying po len par 'dod pa'i dge ba'i bshes gnyen 'ga'
zhig la gdams pa// //na mo gu ru manydzu g+ho ShA ya/ 'dren
mchog nyi ma'i

@125b gnyen dang mar me mdzad/ /rgyal ba gnyis pa blo bzang
grags pa'i dpal/ /bka' drin mnyam med rtsa ba'i bla ma la/
/snying nas 'dud do brtse ba'i lcags kyus bzung/ /rnyed dka' yid
bzhin nor 'dra'i rten thob nas/ /don chen

gtan gyi 'dun ma mi sgrub par/ /rin chen dor nas mching bu len
'dra ba'i/ /dal 'byor stong log mkhan la thugs rjes gzigs/ /ston
dus dgung sngon dbyings kyi chu 'dzin ltar/ /deng sang skye bo'i
dar rgud 'gyur ldog

sogs/ /mngon sum mthong yang nges par 'byung blo dang/ /bral
ba'i 'gro ba 'di dag phyugs las phyugs/ /srid pa'i phun tshogs
gser bus bskyod pa yi/ /utpal 'dab rtser chags pa'i chu thigs
ltar/ /yid

brtan mi rung g.yo ba'i tshul bsams na/ /'di nang bde la zhen pa
smyon pa rang/ /skyes tsam nyid nas 'jigs rung 'chi bdag gi
/gzangs ring mche ba 'bar ba'i phrag zhugs kyang/ /ji snyam mi
sems tshe 'dir 'dun gros

mkhan/ /rtag 'dzin le lo can rnams kye ma blun/ /gnyen 'khor
longs spyod phun sum tshogs dbus nas/ /mya ngam thang la dgra
bos
bcom pa ltar/ /rang nyid gcig pur pha rol 'gro ba'i tshe/ /chos
las gzhan gyis

phan pa cang 'dug gam/ /bsod nams bsod nams ma yin 'du byed las/
/'jig rten phyi mar bde dang sdug bsngal dag /'byung bar shes
shing dag la mi brtson par/ /bag med 'jug rnams bsams bzhin

@126a @#/ /g.yangs sar mchong/ /srid pa'i rtse mo nas bzung
dmyal pa'i bar/ /las dang nyon mongs rba klong rab 'khrug cing/
/skye rga na 'chi'i chu yi srin po'i rigs/ /brgya phrag du mas
rtag tu mnar tshul

bsam/ /'jigs rung 'khor ba'i rgya mtsho chen po las/ /sgrol ba'i
gru rdzings sgrol byed ded dpon mchog /bshes gnyen dam pa'i mgon
dang bcas pa'i dus/ /nyin mtshan kun tu brtson pa bsten pa'i
rigs/ /bsags

pa kun 'dzad 'dus pa'i tha ma 'bral/ /mthon po'i mtha' rgud
skyes pa kun 'chi ba'i/ /ngang tshul bsams nas mgo la me shor ba/
/gzhil 'dra'i brtson pa rtag tu bsten pa'i rigs/ /tshe 'di'i chos
brgyad snang ba 'drid

mkhas shing/ /snyigs dus 'gro ba'i tshe ni bar snang glog /pha
rol ngan 'gro'i g.yangs sa nyam nga bas/ /thar pa dam pa'i lam
la brtson pa bsten/ /sdug bsngal gsum gyis gdungs pa'i 'gro ba
rnams/ /bsgral phyir byang chub

dam par sems bskyed nas/ /thabs shes zung du 'brel ba'i nyams
len gyis/ /sku gsum nor bu'i grong du phyin na legs/ /ces gdams/
de mo sprul pa'i sku dang/ sde pa mchod yon sogs phon che ba la
rdo rje phreng ba/

sgrub thabs so so'i rjes gnang gi rim pa dang/ dka' bcu rab
'byams pa 'ga' zhig bsnyen par rdzogs pa sogs bzhed pa 'bras
ldan du byas shing/ sde pa rnam rgyal bkra shis la gdams pa dgos
tshul nan che ba

@126b byung bas/ /'di ltar// //na mo gu ru manydzu g+ho ShA ya/
'bum phrag nyi 'od rtse dga' las rgyal ba/ /gser sbyangs 'dab
brgya ldan pa'i utpal gyis/ /mkha' dbyings ngo mtshar ri mo 'god
'dra ba'i/ /ston mchog

thams cad mkhyen pa'i zhabs la 'dud/ /mgon des slar yang dus
mtha'i 'gro ba la/ /brtse bsam bzod skyon bral lugs bzang po'i/
/nor bus sa gsum 'gongs phyir ngur smrig gis/ /rnam rol rgyal ba
gnyis pa'i zhabs

la 'dud/ /dal ba'i rten bzang 'byor bcu'i rgyan gyis brgyan/
/nyes pa'i dri bral legs lam byi dor gyis/ /mtho ris byang grol
gzhon nu mig yangs zung/ /grogs su nges par 'gugs pa'i lcags kyu
nying/ /shin tu rnyed

dka'i bde gshegs lam rten 'di/ /bag med rtse dga' sdig pas dus
'da' ba/ /ring por mi thogs mchi mas gdong g.yogs te/ /bzod
dka'i sdug bsngal rgyun du 'byung ba'i sgo/ /sdig pa'i rnam smin
'phral du mtshon

rnon gyis/ /ljon shing dum bur byed bzhin mi gcod kyang/ /rang
gi ngang gis 'jig rten pha rol tu/ /ci 'dra'i ngo bo mngon sum
mthong bar 'gyur/ /de phyir mi dge shin tu phra mo la'ang/ /bag
dang ldan pas skabs dbye mi bya ste/ /

nam mkha'i dbyings kun 'gengs 'dra'i n+ya gro d+ha/ /sa bon til
'bru tsam gyis bskrun pa lags/ /de bzhin sgo gsum rnam dkar phra
mo la'ang/ /btang snyoms brnyas dang phyi bsnur mi bya ste/
/dpyid kyi dpal mo myos tshe chu lung

@127a @#/ /drod/ /sa bon tshogs pas 'bras bzang char du 'bab/ /rga
nad rgud pa'i mche ba gtsigs bzhin du/ /'chi bdag dgra bo pang
gnyen nub phyogs kyi/ /sa 'dzin phag tu gzhol ba'i grib ma ltar/
/skad cig

re re zhing yang drung du 'ong/ /snyigs dus skye dgu'i tshe 'di
dri bzhon gyi/ /reg pas gzir ba'i chu yi dbu ba ltar/ /nam 'jig
cha med yid brtan rung min pas/ /g.yeng med dam pa'i lam la
brtson pa'i rigs/ /nyam thag

'khor ba'i gnas 'dir rgyu ba'i tshe/ /mtshan nyid ldan pa'i bla ma
dkon mchog gsum/ /sbyin dang tshul khrims bzod pa las lhag pa'i/
/skyabs dang gnyen dang grogs gzhan cang ma mchis/ /lha dang
bla
ma spyi bo'i rgyan 'dzin

cing; ;dkar 'jam phyog gnyis gtong ba'i gdu bus mdzes/ /khrims
brgyad rin chen do shal gyis brgyan cing/ /khro bral bzod pas ya
rabs spyod tshul skyongs/ /mnga' ris byams pas bu bzhin bskyangs
byas na/ /de dag

gis kyang bdag nyid pha bzhin bkur/ /bya dang ri dwags nya la
sogs pa yi/ /tsher ma rnams dang chom rkun mtha' dag sdoms/
/phyogs 'dir rang rang grub pa'i phyogs 'dzin gyi/ /kun slong me
ltar 'bar yang nyams len sogs/ /

slong mo'i phye dang tshong 'dus 'o ma ltar/ /bsten pa'i tshul
spongs rgyal ba gnyis pa yi/ /skyon bral lha yi bdud rtsi'i
rgyun bzang po/ /ma 'dres ma sbags pa dag sten par mdzod/ /srid
pa'i phun tshogs me 'obs ltar mthong

@127b nas; ;ma rnams don du byang chub sems bskyed de/ /rlabs
chen rgyal sras spyod pa'i tshul rnams la/ /'dun cing smon pa'i
tshul gyis bslab par gyis/ /dbang thob dam tshig sdom pa srog las
kyang/ /gces par 'dzin pa

gdams pa'i don po ste/ /thos bsam sgom pas nyams su ma lon
kyang/ /ring por mi thogs sku gsum mngon du 'gyur/ /rang gzhan
rnam dkar phung po thams cad kyang/ /byang chub mchog bsdo
gser
'gyur rtsi dang mtshungs/ /

rnam dpyod can la mang du gsol ci 'tshal/ /snying por dril na
sngon gyi sa skyong ba'i/ /skyes mchog rnams kyi mdzad pa ji
bzhin du/ /gzhi gsum dam pa'i lam la brten par mdzad/ /ces pa
'di dad stobs dang ldan pa'i sde pa

gzhi rtses bskul ngor/ mdo rgyud man ngag 'dzin pa blo bzang
chos kyi rgyal mtshan gyis chos grwa chen po bkra shis lhun por
smras pa'o/ /de skabs gling stod chos rje skyed tshal mkhan po
rin chen bkra shis/ thub bstan rnam rgyal gyi

mkhan po khri gdan zur so so dang/ bzang ldan mkhan po sogs
dge
ba'i bshes gnyen mang po la/ ye shes mgon po phyag drug pa/
zhal; tshe dbang sogs kyis thugs bzhed bskangs/ de bzhin du bo
dong rje btsun mtshan

ldan ma dpon slob byon nas bla ma'i rnal 'byor dang/ dpal ldan
lha mo'i rjes gnang sogs dgos ces nan chags byung ba'i thugs
bzhed yongs su bskangs/ de nas mi ring bar/ stong 'khor zhabs
drung rgyal ba rgya mtshos

@128a @#/ /grong 'jug mdzad par grags pa'i stong 'khor ba dpon
slob sogs 'grul pa mang ba zhig byung ba ltar/ stong 'khor zhabs
drung bsnyen par rdzogs shing/ mtshan mdo rgyud rgya mtsho zhes
bya bar gsol

te 'phrin las kyi sgo 'phar phye/ gzhan yang se chen tha'i ji
sogs bsnyen rdzogs dang/ dpon po kho lo ja'i sku skye sogs rab
byung yang mang du bsgrubs/ de skabs ka thog bla ma 'od zer
rgyal mtshan gyi sprul skus zhal gdams

snying por dril ba dgos tshul byung ba la 'di ltar// ! //na mo gu
ru manydzu g+ho ShA ya/ chos dbyings bde ba chen po'i rnam rol
las/ /mkha' khyab sgyu 'phrul dra ba'i zlos gar gyis/ /mtha' yas
'gro ba'i phan bde

rgyas mdzad pa'i/ /thub dbang smra ba'i nyi mas dge legs stsol/
/rgya mtshor gnas pa'i gnya' shing bu ga ru/ /lo brgya nas thon
rus sbal mgrin chud ltar/ /lan cig tsam zhig rnyed pa'i dal
'byor 'di/ /nyin mtshan

kun tu don dang ldan par mdzod/ /'dus byas mi rtag ston ka'i chu
'dzin dang/ /lang tsho'i dpal yang rtsa rtse'i zil par mtshungs/
/tshe ni nam mkha'i glog dang 'dra bas na/ /brtul ba brtan pos
dam pa'i chos la 'bungs/ /

'jigs rung sdug bsngal gsum gyi me 'bar ba'i/ /tshangs dbang
'khor los bsgyur ba'i phun tshogs la'ang/ /rmi lam du yang 'dod
pa'i sems spangs te/ /thar ba dam pa'i lam la brtson pa'i rigs/
/mngon mtho des legs

@128b lo ma me tog 'bras/ /skye gnas 'phel ba gang la rag las
pa/ /tshul khrims ljon pa rtsa bar gsungs bas na/ /srog dang
bsdos te bsrung ba dam pa'i phul/ /'gro ba 'di dag ma lus bdag
gi ma/ /yang yang drin gyis bskyangs

pa'i tshu la bsams nas/ /dge legs 'byung gnas byams dang snying
rje dang/ /byang chub sems mchog thugs dam mthil du zungs/ /chos
kun rang bzhin spros pa kun bral yang/ /ma rig mun pas bden par
snang zhing zhen/ /de

phyir bdag med rtogs pa'i mtshon rnon gyis/ /bdag 'dzin 'byung
po'i srog gi rtsa ba chod/ /grangs med gsum la mi ltos snyigs
dus kyi/ /tshe gcig sangs rgyas bgrod pa zab mo'i lam/ /bla med
rin chen shing rta la brten nas/ /

sku gsum skyed mos tshal du zhugs na legs/ /ces gdams so//
//sprul pa'i sku thams cad mkhyen pa'i bkas bskul nas rgyal po
mchod yon kyang gegs sel/ mthun pa bsgrub phyir bsam grub rtser
byon byung ba

ltar; skabs su bab pa'i dbang rjes gnang sogs kyis thugs bzhed
bskangs/ rta lo bskyar langs kyi rjes dang/ de dus rtsed gdong
dang/ gser mdog can/ brag dmar chos sde sogs chos sde mang po
dang/ sde dpon che phra

'ga' zhig la rgyal po mchod yon gyis bka' shin tu bkyon pa'i zhu
phrin tsam yang bgrod dka' ba'i tshe/ lhag bsam rnam par dag pas
nyes dmigs su mi 'gyur ba'i dge legs kyis khyab par byas/ de nas
zla ba dang po'i

@129a @#/ /cho 'phrul chen po'i smon lam la dge 'dun tshogs che
zhing/ bstan pa dang phan bde rgyas pa'i smon lam phun sum tshogs
pa byung/ smon lam grol nas zla ba phyed gnyis tsam mtshams kyi
ngos/ dge sbyor

la brtson par byas/ de kha'i dgun stod dbus phyogs kyi gtsang po
lho rgyud gong dkar chos sde nas dwags lha sgam po yan chu lho
byang gi ris med pa'i chos sde che phra thams cad la/ mang ja/
gos chen gyi 'gyed/ bsngo rten rnam

gzhag sogs rgyas pa bsgrub par sku skye'i drung dpon slob mngags
shing/ gtsang khul chos sde che kha rnams la yang de mtshungs
bgyis/ de las byung ba'i dge ba'i rtsa ba rnams/ sems can thams
cad kyis bla na med pa'i byang

chub 'thob pa'i rgyur bsngo ba'i 'dun pa bgyis so/ /dpyid bzhad
kyi chu tshan la phyin/ yul de'i lha sde mi sde'i gtso bo thams
cad 'dus pa'i bsu ba dang ser phreng rgyas pa 'dug pa ltar/ ser
tshogs dgu brgya 'thor tsam la

ser ja zung/ tsha dro nas 'gyed dang bcas pa byas/ sgam po sprul
sku dang chos rje sher dpal bas rten gsar bzheng mdzad pa rnams
la ye shes pa gzhug pa'i me tog 'thor bar 'ong dgos tshul nan
chags par brten

so sor me tog gtor zhing/ ri bo gru 'dzin du bsgrub pa ba rnams
la snying po don gsum gyi tshogs chos rgyas par byas/ de bzhin du
thub bstan dang dar sding sa su yang 'ong dgos ces nan ches pas/
nyin 'khor ngos/

@129b thub bstan tshogs chen la blo sbyong don bdun ma rgyas par
bshad/ rkang pa'i 'degs 'jog nye bar bkod pa'i dgon gnas rnams
dang/ gzhan yang grwa tshang chen mo/ bya rgod gshongs/ rog tsho'i
dgon pa sogs nye skor

gyi chos sde thams cad la mang ja sman tse'i kha 'gyed/ bsngo
rten rnam gzhag /bla bre legs pa re re dang bcas pa phul/ der
thams cad kyis gsol ba btab nas/ skya ser stong phrag brgyad
lhag pa la tshe rta zung 'brel gyi

khrom dbang bskur/ chu tshan khar sdod ring rgyal sras rin po
che'i sku 'dra byin rlabs can de gdan drangs/ mchod bstod smon
pa legs par bsgrubs/ ri bo gru 'dzin/ grwa tshang chen mo/ thub
bstan/ bkra shis dge 'phel

rnams la/ snga phyir chos gzhis bzang ba re re sbyar/ phyi lam
rgyal chen rtser/ jo bo'i sku la rab gnas dang/ chos sde ba
rnams la yang mang 'gyed bzang po byas/ brag dmar chos sde ba
dpon slob rnams kyis kyang/ bsu ba

ser phreng rgyas gshom sngon du 'gro ba'i bsnyen bkur phun sum
tshogs pa byung zhing/ gtsug lag khang gsar bzhengs sogs la rab
tu gnas pa'i me tog gtor/ mang ja rnam gzhag /bkra shis kha
btags kyi 'gyed dang bcas

pa byas te/ bkra shis lhun por bde bar slebs/ de nas srad rin
chen rtse nas 'bod mi byung ba dang bstun/ 'gro bar phyogs te/
lam bar du snar thang mkhan slob dge 'dun dang bcas pas gzabs
gshom gyi ser phreng dang bcas

@130a @#/ /gdan drangs/ zhag gcig 'dug nas/ phyi nang gi rten
mjal zhib par byas/ bsnyen bkur bzang po mdzad cing/ mang ja
sman rtse'i kha 'gyed dang bcas pa gya nom pa bsgrubs/ ngor nas
kyang/ slu gu rir gzhi

len yang dag pa byung/ rin chen rtser dge 'dun gyi sde dang
gtsug lag khang bkod pas mdzes pa gsar du bsgrubs 'dug pa la/
bkra shis lhun po sngags grwa'i rab 'byams pa rnams dang rgyud
gser gnyis bcas pas/ rab

tu gnas pa rgyas par byas/ de skabs dpyid 'khyags shin tu 'tshub
pa zhig 'dug kyang/ rab gnas sogs kyi skabs/ nam mkha' lhag par
legs pa sogs/ rten 'brel phun sum tshogs pa byung/ der 'dus pa'i
dge

'dun thams cad la yang mang ja dang 'gyed bzang po byas/ slar
bkra shis lhun por slebs skabs/ gzims khang gong nas sprul pa'i
sku dpon slob glo bur du phebs pa'i/ chos bka' mang du dgos tshul
byung ba/ ched gtang du

chos gsan par phebs pas/ brel ba shin tu 'dzings pa yod kyang/
re zhig la bsal te chos btsugs/ thog mar rje btsun tsong kha
chen po dang/ mkhas grub thams cad mkhyen pa'i gsung 'bum thor
bu ba/ bka' gdams

glegs bam dang lam rim chen mo yongs rdzogs/ tshegs chen dang
lhan cig bka' gdams chos 'byung phal cher dang/ sger du sngags
rim 'phro can/ kho bo cag rang gi ngag 'phran bu bkod pa rnams
kyis mtshon pa'i lung

@130b mang po dang/ snar thang brgya rtsa/ sgrub thabs rgya
mtsho/ mgon po'i bka' bcu gsum/ mgon po zhal rnam 'gyur mang po/
chos kyi rgyal po phyi nang gsang gsum/ jo bo chen po'i bka'
bsrung bka' gdams sgrol ma bcu gnyis

sogs/ rjes gnang rnam pa mang po phul/ de skabs rgyal mtshan
mthon po'i steng du gser zangs las byas pa'i rgyal mtshan dang/
bkra shis dge legs 'od zer stong 'bar ba/ /rin chen phra bkod
gser sbyangs cod pan 'di/ /

zas gtsang sras kyi dbu la legs phul ba'i/ /dge bas sangs rgyas
bstan pa rin po che/ /phyogs dus kun tu dar zhing rgyas pa dang/
/sa gsum phan bde rgya mtshos yongs gang zhing/ /mkha' mnyam mar
gyur 'gro ba thams cad kyis/ /

sku gsum go 'phang myur du thob par shog /ces pa'i tshigs su bcad
pa dang bcas/ rgya nag lha khang gi rten gtso ston pa'i dngul
sku la/ gser srang nyi shu rtsa bdun las grub pa'i prog zhu phra
rgyan phul du byung bas spras pa legs

par phul/ dbyar gnas kyi skabs su/ sprul pa'i skus gtso ma dzad/
bkra shis lhun po'i dpon slob tshogs chen stong rwa can brgal ba/
dpal 'khor chos sde'i mkhan slob rnams dang bcas pa la/ rdo rje
phreng ba'i dbang yongs su

rdzogs pa rgyas par phul/ dgag dbye grol 'phral/ gangs can chos
'phel du phyin nas/ bdag cag gi ston pa'i sku gsar du spyan
drangs te bsgrigs pa sogs grub pa'i rab tu gnas pa yang dag pa
dang/ mang 'gyed bzang pa

@131a @#/ /byas; gangs can 'khor 'phral/ ston dge 'dun lnga brgya
lhag tsam la zla ba gcig gi phogs ja tshul dang bcas pa bsgrubs
te/ chos grwa rigs lung bsnyen bkur sogs dbyar gyi dga' ma lang
tsho dar

ba'i 'bab ldan la 'gran pa bzhin du gyur/ de nas sprul pa'i sku
dang lhan cig dben dgon du phyin/ zab chos kyi 'phro 'ga' zhig
yod pa phul te/ khong dpon slob rnams dbus phyogs su phebs/ pir
thogs dbang po chos

dbyings rgya mtshos mgon byas/ gtsug lag khang bde bar gshegs pa
dang 'phags pa'i gnas brtan la sogs pa'i sku brnyan gyi ri mo
'jig rten kun gyi mig gi bdud rtsi spungs pa lta bus mdzes par
byas pa

dang; de kha'i gtsang khang dang mgon khang gnyis su yang/
sangs
rgyas byang sems dang bstan bsrung rnams mngon sum tshar du
dngar
ba lta bu bsgrubs pa rnams la phyogs gcig tu spyan dbye dang rab
ston/ 'gyed sogs

lus can rnams kyi phan bde'i rgyan du 'gyur ba byas/ de'i dus
su/ chos rje se chen zhabs drung gis/ shes rab bla ma dpon slob
mi snar mngags te/ dpal rdo rje 'jigs byed kyi gser sku che ba
byin rlabs can dang/ li ma

mchod cha bcas pa mang po/ kho rang la rgya nag rgyal pos phul
ba'i nor sna khyad par can sna tshogs pa'i 'bul skyel sogs kyang
byung/ der gsang phu gling stod chos rje dpon slob rnams dang/
gzhan yang sde snod 'dzin pa

@131b dang ri khrod pa rnam grangs mang po rgyun mi 'chad du
byon pa rnams kyi dam pa'i chos kyi bzhad pa bskang zhing/ khyad
par dben dgon gyi tshogs pa rnams la/ dpal rdo rje 'jigs byed
dang 'khor lo sdom pa'i dbang bzhi/ dpal

mgon sde lnga dang/ dpal ldan lha mo rnam pa gsum la sogs pa'i
rjes gnang byas/ der sdod ring khong rnams la ja tshul rgyun du
bsgrubs/ rab 'byams pa blo bzang bstan pa dar rgyas la/ dpal dus
kyi 'khor lo'i zab mo rdo

rje'i rnal 'byor gyi khrid phog /de nas shangs phyogs kyi sbyin
bdag grwa rigs dang bcas pas gsol 'debs nan can yang yang byung
ba ltar/ ri bo dge 'phel ba rgyud/ rgod tshang ri khrod du phyin
nas/ drung pa rgyal tshab pa brtson

'grus rgyal mtshan dang/ chos rje dka' bcu pa snying stobs rgya
mtshos gtso byas/ sde snod 'dzin pa'i dge slong ri khrod pa rnams
la/ be'u bum sngon po lha 'bri sgang pas mdzad pa'i 'grel pa
dang bcas pa'i lung dang/ gzhan yang

chos bka' ci rigs byas/ der ri khrod pa rnams kyis/ dad pa'i rol
mtsho las 'khrungs pa'i gsnyen bkur rmad du byung ba dang bcas
brtan bzhugs rgyas par phul/ dge 'phel rgod tshang gnyis kar mang
'gyed bzang po bsgrubs/

de nas bkra shis rtser gdan drangs/ bsnyen bkur phun sum tshogs
shing/ bar gcod sel ba'i dbang rjes gnang sogs kyis bzhed pa
bskangs/ de nas rtse nas chos drung gi dgon gsar bkra shis chos
rdzong du phyin te/ shis

@132a @#/ /brjod kyi me tog 'thor ba sogs byas/ tshur lam rje
drung kre pa'i bsgrub sde dar gyas dgon par/ lnga mchod chen mo
dang rten 'brel 'grig cig ri khrod pa rnams la bla ma'i rnal
'byor gyi chos sbyin stsal/

shis pa brjod pa'i me tog gtor/ mdo brjod pa dang mchod yon
gnyis kas bsnyen bkur yang dag pa byung/ phan tshun gyi lam zhor
gnyis kar/ bka' bcu tshogs gsog pa legs pa chos 'byor gyis/ grong
stod khang

gsar du zhabs tog phun sum tshogs ngos/ dge mtshan gyi shis pa
brjod cing me tog gtor/ slar bkra shis lhun por slebs nas/ dgun
chos snga phyi sogs sngar rgyun bzhin dang/ ched du cho 'phrul
smon lam chen

mo'i mchod rdzas kyang/ mu tig gi snam sbyar phul du byung ba
rnams kyis mtshon/ gong 'phel ngos/ 'dus pa rgya mtsho'i tshogs la
yang bkur sti gya nom pa dang bcas/ sangs rgyas kyi bstan pa
dang/ skye dgu'i phan bde

rgyas pa'i bden pa'i tshig gi me tog gis sa gsum khyab par bgyis
so/ smon lam grol 'tshams/ ra sgreng yan/ sbus ri byang rgyud kyi
dgon che phra thams cad la/ mang ja gos chen gyi 'gyed/ bsngo
rten rnam gzhag

sogs gtong bar rdo rje rgyal mtshan mngags shing/ gtsang phyogs
kyi chos sde rags pa la yang de dang mtshungs par byas/ de nas
dpyid chos gnyis pa'i chos 'khor gsar pa dang lhan cig tu/ tshogs
chen la bka'

@132b gdams chos 'byung gi 'phro yongs rdzogs/ 'dul ba'i bslab
bya dang bcas pa dang/ phyogs mtha' dag nas/ dka' bcu rab 'byams
ri khrod pa sogs snga phyir byon pa thams cad la/ ji ltar bzhed
pa'i chos dang/

dge tshul slong gi sdom pa sogs yang dag pa stsal/ chos 'khor gyi
skabs/ 'dus pa rgya mtsho'i tshogs la/ nyin re mang ja bzang po re
re/ grol 'tshams su nas 'gyed dang bcas pa byas/ 'di dus bdag cag
gi ston pa'i dngul

sku gcig gis mtshon/ li ma par slog byas pa bcu bgrang dang/
tshogs chen gyi mang ja ci bder thon pa'i tshogs khro khyon yangs
shing mthug pa bzo khyad phul du byung ba bsgrubs te/ chos 'khor
gsar pa'i thog /kha 'bebs

kyi mang ja bzang po dang bcas phul/ dpyid 'tshams skabs/ grwa
tshang bzhi gar/ ja tshul gyi thebs kyi gsos 'ga' zhig dang/ mtshan
nyid grwa tshang gsum la 'khar rnga legs pa re yang phul/ de yang
lo sngon ma'i dus nas

mkhan rin po che sher rab yon tan gyis/ dpal 'khor bde chen du
'ong dgos tshul nan chags yang yang mdzad pa'i 'bod mi byung ba
ltar/ zla ba lnga pa'i tshes gcig la chos grwa chen po nas chas/
lam bar du yang jo gdan

mtshan sgrog pa dpon slob/ grwa tshang brang mo che ba dpon slob/
'brong rtse chos sde/ rgyal byed tshal pa gzhi byes thams cad
kyis/ ser phreng rgyas pa mchis shing/ khyad par chos sde chen
po dpal 'khor sde chen dang rtse chen chos sde gnyis

@133a @#/ /ga'i mkhan slob/ spyi chos drag rim rnams kyis chibs
bsu ser phreng rgyas pa/ bkod pa phun sum tshogs pas brgyan pa
dang bcas/ bla brang dkar por song ste/ de kha'i mkhan slob rags
rim la/ ye shes mgon

po phyag drug pa'i bka' bcu gsum yongs su rdzogs pa'i dbang lung
stsal/ mkhas grub thams cad mkhyen pa'i chos khri chen mo'i
steng nas/ tshogs chen spyi la mtshan brjod kyi lung/ blo sbyong
don bdun ma'i khrid/ byang chub lam

sgron gzabs bshad 'phro mchis pa rnams dang/ grwa tshang phal
che
bas gdan drangs pa de dang der yang/ zab rgyas kyi chos bka' ci
rigs kyi char phab/ der brang mo che grwa khang gi logs bris
yongs rdzogs grub 'dug par/ rab tu

gnas pa yang dag pa byas/ mdor na chos sde chen po de nyid kyi
dpon slob spyi sger thams cad kyis/ dad pa'i ljon shing las
'khrungs pa'i bsnyen bkur gyi me tog gis mngon par mchod/ de
bzhin du ri khrod dga' ldan pa dpon

slob rnams kyis kyang spyan drangs/ zhabs tog gya nom pa bsgrubs
shing sgrub pa ba spyi la dpal dus kyi 'khor lo'i bla ma'i rnal
'byor dang bcas pa'i zab lam rdo rje'i rnal 'byor sbyor drug gi
lung byas/ gdan sa chen po gnas

rnying nas kyang/ 'ong dgos tshul snga phyir nan chags byung ba
ltar/ rkang pa'i 'degs 'jog nye bar bkod/ mkhan slob che bgres
rnams kyi chibs bsu/ dge 'dun byings kyi ser phreng/ chos skyong
lcam dral gyi bsu ba dang bcas

@133b 'dug cing/ der yang mkhan rin po ches/ bris 'bur gyi rten
mang du bzhengs pa rnams la spyan dbye rgyas pa dang/ sger du
rjes gnang 'ga' zhig dang/ tshogs pa spyir chos bka' ci rigs
phul/ mtshan sgrog tshogs pa nas bzung

dge 'dun gyi sde de dang de dag thams cad la/ lam bzang po'i
mchod yon dang/ gan gos kyi 'gyed phul du byung bas mnyes par
byas shing/ khyad par gnas rnying dang dpal 'khor chos sder/
bkra shis kha btags kyi 'gyed

'phar ma re dang/ chos sder mang ja lnga tsam gyis mchod/ slar
lcang ra/ 'brong rtse/ spos khang tshogs pa/ pa rnam rdzong dpon
sogs kyis bskrun pa'i bsnyen bkur dang du blangs nas/ zha lu ri
phug tu bu ston thams cad mkhyen pa'i

dus mchod chen mo'i mgon du slebs/ der ni au Di ya na'i rdo
rje'i pho brang du phyin pa ltar/ dpa' bo'i gar chas su zhugs
pa'i bsu ba dang/ ser phreng ngo mtshar ba byung zhing/ chu stod
zla ba'i gso sbyong bcu bzhi pa dang rten 'brel

legs par 'grig pas/ bstan pa'i rtsa ba so sor thar pa'i mdo gdon
pa'i dga' ba mngon du gyur/ chos sde 'dir yang thams cad lags
bzang pa dang/ sgrub mchod pa rnams la lhag por sman tse kha
re'i 'gyed byas/

skabs der/ se chen rab 'byams pas/ khong rang gi chos gzhis
lcags gzhis kar gdan drangs te/ zhag bdun phrag gcig mtshams byas
pas dge sbyor 'phel zhing bsnyen bkur phun sum tshogs pa byung/
ngor deng nas

@134a @#/ /kyang ja 'dren byung ba ltar/ mang ja dang gos chen
gyi 'gyed rnam gzhag dang bcas pa btang/ rab 'byams pas sbyin
bdag byas/ gsar du btsugs pa'i ri khrod dngos grub chos rdzong
du zhag zung 'dug

nas/ bkra shis kyi gso sbyong mdzad de rten 'brel legs par
bsgrigs/ tshur lam zab mo brag gi ri khrod pa dpon slob rnams
kyis gdan drangs/ sgrub pa ba rnams la mang ja 'gyed bcas bzang
po dang/ rje btsun rdo rje rnal

'byor ma'i gdams pas dgyes par byas/ de nas bkra shis lhun por
'ongs te/ dge 'dun stong phrag brgal ba dang lhan cig dbyar snga
ma zhal gyis bzhes/ dbyar gyi skabs tshogs chen la lam rim 'bring
po skyes bu

'bring tsam du sleb pa rgyas par bshad/ de dag gi skabs su yang/
skyid shod nas rje btsun ma dpon slob dang/ phyogs mtha' dag nas
ri khrod pa dang/ dge tshul slong gi sdom pa don du gnyer ba
sogs/ legs lam gyi 'bras

bu bzhed pa padma'i mtsho la ngang ba 'du pa ltar byon pa rnams
kyi ji ltar bzhed pa'i baiDU r+ya'i yol go 'bras bus legs par
bkang/ dgag dbye grol nas/ ston chos zla ba gcig gi bar phogs
dang ja tshul rgyun par bsgrubs/

de yang bdag cag gi ston pa'i mdzad pa ngo mtshar ba gtso bo 'ga'
zhig dang/ 'phags pa'i gnas brtan bcu drug /rje btsun byams pa
'tshang rgya tshul bstan pa'i rnam thar/ rje thams cad mkhyen pa
tsong kha pa chen po'i rnam

@134b thar rgyas pa/ rgyal ba blo bzang don grub dang mkhas grub
sangs rgyas ye shes kyi rnam thar te/ ras bris bcu gnyis kyi ji
ltar bya ba'i tshul legs par mngags pa ltar/ pir thogs dbang po
sprul sku chos dbyings rgya mtshos/ dad 'dun

brtson pa chen pos yang dag par bsgrubs pa mthar phyin nas/ hor
gos bzang po'i gong gsham lag /byang dar gyi zhal khebs sogs
'jig rten mtha' dag gi rgyan dang mchod pa'i rten du gyur pa
yongs su rdzogs pa grub/ ston

mtshams kyi bcad rgya dam pa zhig byas skabs/ sngon du se chen
chos rje byon pa nas bzung/ rgyal ba tsong kha pa chen po'i
bstan pa la thun mong ma yin pa'i dad pa thob pa sbyor jid kyi
rgyal po/ rgya nag gi rgyal srid la 'khod pa de nyid kyi

dad pa'i rol mtsho las 'ongs pa'i yi ge ngo mtshar rmad du byung
ba'i skyes bzang po/ tshogs chen la mang ja dang/ dge 'dun re rer
dngul srang re lhag tsam gyi 'gyed dang bcas mi sna byung ba
ltar/ gong ma rgyal po sogs la lan

'debs dang rten gang drag dang/ mi sna rnams kyang ji ltar 'dod
pa bzhin lugs gnyis kyi sgo nas tshim par bgyis/ de skabs rgya
nag gi gan mdzod las byung ba'i mu tig rnams kyang/ mang ja dang
lhan cig /gtsang phyogs kyi

dgon che ba phal cher la phyog 'gyed du btang/ de ga'i dus/ dpal
'khor chos sde'i grwa tshang bcu gsum la/ bkral btags dang leb
rgan gyi bla bre dang/ kha thi bzang ba yug sne tshang re spyi
rdzas su sbyar/ de mtshungs ngam ring chos

@135a @#/ /sder yang/ gser mu tig dang bcas pa'i 'gyed gnyis
dang/ mang ja yang gsum bzhi zhig btang/ de skabs/ d+ha la'i chos
rje/ khal kha'i rgyal mo'i skor/ 'bul dpon sogs rnam grangs mang
po byung ba

rnams kyis 'bul ba dang/ dge 'dun gyi sde la mang 'gyed bsnyen
bkur bsam gyis mi khyab pa byung zhing/ sgrub thabs rgya mtsho
sogs/ so so'i bzhod pa ltar gyi chos kyis tshim par byas/ dgun
stong sprul sku chos dbyings rgya

mtshos skya bris dang bkod pa byas/ rgyal chen rnam thos sras kyi
gos sku bzang po phul du byung ba bsgrubs te/ zha lur rnam sras
mchod pa'i thog phyin nas phul/ tshogs pa yang mang 'gyed kyis
mnyes par byas/ 'di lo ja spus

shin tu dkon pas/ cho 'phrul smon lam gyi mang ja nged rang gis
gtong rtsis byas kyang/ grwa rigs sbyin bdag bcas pas dad pas
kun nas bslangs te/ mang ja zhu mi shin tu mang zhing/ dge 'dun
tshogs che ba dang/ smon lam

kyang lhag par 'phel ba/ chos dang longs spyod zla ba yar gyi
ngo la 'gran pa lta bur gyur/ gangs can gyi thub sku gsar du
spyan drangs pa de'i sku sha la tsha gser grang gser gang yang mi
'dug pa/ cho 'phrul gyi tshes bco

lnga de la/ gser btul ma srang lnga legs par gsol zhing/ tshogs
pa la yang mang 'gyed bzang po byas/ sngon du yang/ gangs can pa
rnams la rten 'brel bsgrig pa'i phyir/ bdag cag gi ston pa'i
dngul sku bzo khyad

@135b phul du byung zhing/ rab tu gnas pas legs par brgyan te
'bul ba yang byas/ de yang gser btul ma zho grangs mang pos/
bkra shis lhun po'i byams chen gyis mtshon pa'i lha khang thams
cad kyi sku brnyan phal cher la

gser gsol dang/ byams chen gyi sku la/ padma rA ga /bai DUr+ya
la sogs pa rin po che sna tshogs pa'i do shal/ byams khang dang
gtsang khang chen mo'i thog /gan gos bzang ba yug bsgrigs kyi
bla re/ mgon khang chen mo'i sku

brnyan thams cad dang/ lha khang gzhan rnams kyi rten gtso so
sor/ na bza'/ mgul rgyan/ snyan dar sogs mdzes byed phun sum
tshogs pa'i rgyan dang bcas pa snga phyir phul/ zla ba gsum pa'i
mgor/ rgyal po mchod

yon kyang byon/ bar gcod sel byed dbang rjes gnang gi bzhed don
bskangs/ dpyid chos gnyis pa'i steng du/ dbus gtsang gnyis ka
nas/ dge tshul slong sgrub pa dang/ /chos don du gnyer ba'i ri
khrod pa mang po dang gser sdings

pa'i tshogs pa dpon slob sogs 'dus pa rnams la tshogs chen dang
lhan cig phogs ja tshul nar ma 'gyed gya nom pa dang/ tshogs pa
spyir mkhas grub thams cad mkhyen pas mdzad pa'i rdo rje 'jigs
byed kyi bskyed rim zhabs

stegs bcas pa dang sbyin sreg dngos grub rgya mtsho'i lung yongs
rdzogs byas/ ri khrod pa rnams la spyan snga blo gros rgyal
mtshan gyis mdzad pa'i lam rim gzhan phan snying po'i khrid lung
stsal/ gser sdings pa dpon slob dang

@136a @#/ /ri khrod pa phal cher tshogs pa la mgon po zhabs brgyad
pas mtshon pa'i chos skyong rnams kyi rjes gnang rgyas par byas/
chos 'khor de ga'i skabs su/ yang dag par rdzogs pa'i sangs
rgyas 'khor ba

'jig sogs de bzhin gshegs pa bzhis rab gnas mdzad par grags pa'i
rje btsun byams pa gsung byon kyang thugs rje dang smon lam gyi
dbang gis phebs/ dge 'dun stong phrag brgal ba'i bsu ba dang
bcas nged rang

gis kyang song ste spyan drangs/ gan gos bzang po'i chos gos
dang rgya nag nas phul ba'i mu tig rdog che ba'i phreng ba/ byu
ru bsrubs ma legs pa'i phreng ba che chung gnyis sogs mchod
tshogs rgya mtshos legs par mchod/

slar yang rang gzhan gyi 'gal rkyen bzlog phyir bzhad man gyi
dgon che kha thams cad la mang ja rta dre'u'i 'gyed bcas dang
bkra shis lhun por gser 'gyed bzang po btang/ de nas ring po ma
lon par thog mar bzhengs

pa'i bka' 'gyur skya pod yongs rdzogs la gos dar bzang po'i na
bza' phul/ sgra pa shes rab rin chen pas rje bla ma'i gsung rab
la gzhan ngor rtsod pa'i lan seng ge'i nga ro zhes bya ba legs
par brtsams shing dbyar

gnas kyi skabs tshogs chen la de'i lung dang gser gyi 'gyed/ ston
chos la yang phogs ja tshul mu tig gi 'gyed dang bcas pas mnyes
par byas/ kun 'dzin gyi lo zla ba brgyad pa'i nang du lhan lhun
rab tu phyin/ byams

@136b chen gyi slob dpon pas dge tshul sgrub mkhan grwa pa mang
po khrid byung ba dang/ khams pa rgyud stod smad sogs nas
bsnyen
rdzogs sgrub mi 'ga' zhig byung ba rnams kyi bzhed pa bskangs/
skyed tshal mkhan po la spyod 'jug gi

lung dang/ dpal 'khor bde chen gyi mkhan po la chos kyi rgyal
po'i gdams pa sogs kyis chos kyi bzhed pa rdzogs par byas/ lhan
gyi mi ser byings la tshe dbang zung 'brel zhig kyang bskur/ ba
so'i lha khang rnams la'ang snyan

dar rgyas par phul zhing/ dge ldan rab rgyas gling pa sogs lhan
khul gyi ser phreng ba rnams la mang ja dang nas kha ru'i khal
gnyis re'i 'gyed/ mi ser them che ba la khal re dang chung ba la
khal phyed re/ rong byams chen skyed

tshal sogs la mang ja gser 'gyed dang bcas pa btang/ slar dben
dgon du 'ongs nas spyil po sar pa rnams la rab gnas dang/ 'du
khang steng mkha' spyod du thub pa gser gling ma gtso bor gyur
pa'i rten mchod gsar

pa rgyas pa de ba 'khod ltar legs par bsgrigs/ rje gong ma gnyis
kyi sku 'dras mtshon 'du khang gtsang khang gong 'og gi sku 'dra
rnams la gsar gsol/ rgyal ba blo bzang don grub kyi sku 'dra la
snam sbyar dang/ rje sangs rgyas ye shes

kyi sku 'dra la zhal dkar/ dbu thog tu ding pon bzang po'i gnam
rgyan dang/ mgon khang gsar snying du snyan dar phul/ de skabs
nyi sdings nas sems dpa' chen po dpon slob dang dbus gtsang
gnyis ka nas ri khrod pa mang po yang

@137a @#/ /byon pa rnams dang dben dgon gyi tshogs pa sogs lhan
cig tu dpal rdo rje 'jigs byed kyi dbang bzhi dang/ dud sol ma'i
rjes gnang gis mtshon dbang rjes gnang du ma dang/ lam rim phyag
chen 'jigs

byed kyi bskyed rdzogs sogs mdo sngags kyi bshad lung mtha' yas
pas mnyes par byas/ de nas hor dka' bcu pa dang hor dpon po dpon
g.yog rnams kyang byon nas mang ja 'bul 'gyed phun sum tshogs pa
'dug cing snar

thang brgya rtsa tshe dbang sogs rgyas par byas/ lam gyi srog
gsum la brten pa'i gdams pa dgos tshul byung ba 'di ltar// //na
mo ratna tra yA ya/ blo mchog bzang po'i mdzad pa bla na med/
/chos kyi rgyal srid skyong

ba'i rnam dkar gyis/ /gdul bya'i mtshan 'dzin rgud pa kun sel
ba'i/ /dpal ldan bla ma'i zhabs la gsol ba 'debs/ /deng nas
bzung ste tshe rabs thams cad du/ /bshes gnyen dam pas 'bral med
rjes 'dzin cing/ /

dkar nag las 'bras tshul la yid ches nas/ /sdig spong dge ba
bsgrub par byin gyis rlobs/ /'khor ba'i ngang tshul me 'obs ltar
mthong zhing/ /'gro rnams don du byang chub sems bskyed de/
/rgyal sras spyod pas nyin mtshan

'da' ba dang/ /bdag med gnas lugs rtogs par byin gyis rlobs/
/ces gdams/ dben dgon gyi grwa rigs khrod nas bde mchog rtsa
rgyud yongs rdzogs kyi rgyugs 'bul ba mang po byung ba rnams
zang zing gis tshim par byas/

@137b ri khrod pa gzhan rnams dang dben dgon gyi tshogs pa la bde
mchog rtsa rgyud kyi lung dang grwa pa re re la gser mgur zho
re
phul/ de nas bkra shis lhun por slebs nas mi ring bar/ zhal snga
nas shar pa/ ri khrod mkhan po/ gu ge chos

rje sogs ri khrod pa 'ga' zhig dang bcas par lam rim gyi dmar
khrid/ rtsod lan seng ge'i nga ro dang bla ma lnga bcu pa'i rnam
bshad kyi lung rgyas par byas/ de skabs sde pa rin chen rtse pas
grwa khang gsar rgyag grub pa'i rab gnas byas

shing mchod yon rnams la tshe rta zung 'brel gyi dbang dang bla
ma mchod pa'i lung sogs kyi bzhed don bsgrubs/ zhal snga nas
sngags pa la sogs pa dge ba'i bshes gnyen 'ga' zhig la sngon du
rdo rje 'jigs byed kyi 'phrul

'khor gyi thig rtsa rnam bshad kyi lung sogs zhib par grub cing
'di skabs man ngag gi yig chung sogs lag len le lag dang bcas pa
bzhed tshul byung ba ltar yongs rdzogs byas/ dgun chos thog bkra
shis lhun por tshogs

pa phyed dang nyis stong tsam la grwa pa gsum re'i sar gser mgur
zho re dang ched du sngags grwa ba grwa pa rer gser zho re'i
phyag 'gyed btang/ de mtshungs gtsang phyogs kyi dgon che kha
rnams la mang 'gyed bzang po yang byas/ de

skabs mnga' ris pa dang khams pa a mdo ba sogs bsnyen rdzogs
dang dge tshul sgrub pa brgya phrag brgal ba byung/ de nas ring
po ma lon par rta tshags sprul pa'i sku phebs nas tshogs chen la
mang ja 'gyed bcas 'bul

@138a @#/ /ba bzang po mdzad/ khong dpon slob ri khrod pa rnams
dang bcas pa la rim lnga'i 'grel pa/ dus 'khor gyi mngon rtogs/
rdo rje'i rnal 'byor rnams kyi lung bshad sogs chos bka' mang po
phul/ sbyor

jid kyi mi sna shes rab bla ma gser khang dka' bcu pa sogs dang
bstun/ rgyal po'i yig rten bzang po dang bcas pa 'byor/ mi sna
so sos mang 'gyed 'bul ba phun sum tshogs pa byung zhing/ dge
tshul rab 'byams

pas jo bo chen po rje'i thugs dam gyi rten mi g.yo ba'i sku
brnyan khyad par can phul ba yang phebs/ gser khang dka' bcu pa
sogs rab byung bsnyen rdzogs sgrub mi mang ba'i 'dod pa bskangs
zhing/ mi sna skya ser rnams

la sna len bzang po dang rgyal po dpon blon sogs kyi lan 'debs
rgyas par byas/ zla ba bcu gnyis pa'i nang du de mo sprul pa'i
sku yang phebs/ cho 'phrul smon lam grol 'phral nas chos thog gi
bar mtshams bcad/

mtshams khongs su de mo sprul sku/ grom mda'i chos rje/ ngor nas
thar brtse ba sogs dbang chos zhu bar byon pa rnams la so so'i
bzhed pa bzhin chos mang du bstan cing dus der dge tshul sgrub mi
yang brgya phrag brgal ba

byung; 'gal ba'i lo zla ba gnyis pa'i tshes bco brgyad la sprul
sku chos dbyings rgya mtshor mngags te byams chen gyi gos sku'i
thig btab/ skya bris skabs ras gzhi'i steng du nam mkha' las 'od
kyi phung po babs

@138b pa skye bo mang pos mthong zhing de rjes kyang 'ja' sprin
ngo mtshar ba sngon mthong ma myong ba lta bu 'khrigs pa byung/
ston pa'i gzungs ring gzungs thung/ byams pas dam bcas kyi
gzungs dang gzungs chen sde lnga sogs dang

smon lam rgyas 'bring bsdus pa'i tshigs bcad sogs kyis gos sku'i
rgyab sha'i khyon gang ba bris/ de mtshungs su rje drung blo
bzang chos grags kyis bkod pa byas nas gos sku spel yang rgya
cher gtong ba'i las kyi mgo brtsams/

tshogs chen la sman tse'i kha 'gyed dang nye skor gyi dgon che ba
thams cad la mang ja dang gos chen gyi 'gyed bzang ba btang/ de
dus tsha ba sku skye/ a chi thu chos rje sogs 'grul pa 'ga' zhig
gis tshogs chen la mang 'gyed dang

'bul ba bzang po byung zhing/ chos thog gsar par de'i skabs de
mo sprul sku/ o'i rod chos rje/ ri khrod pa 'ga' zhig dang bcas
pa la blo sbyong dang mgon po'i bka' chen bcu gsum/ tshogs chen
dang lhan cig tu sgrol ma nyer gcig

gi rjes gnang phul/ chos thog grol khar tshogs chen la gos bzang
po'i kha 'gyed byas/ gong gi chos nyan rnams la dge ba'i bshes
gnyen sha ra ba dang glang thang ba'i be'u bum gyi lung dang
thub pa dam tshig gsum bkod dang nam

mkha' sgo 'byed kyi dbang stsal/ gzims khang gong nas sprul pa'i
sku dang de mo sprul pa'i sku sogs kyis snga phyir nan gyis
bskul bas gzungs gzhug gnod sbyin 'khor lo bya tshul lag len
snying par dril ba brtsams shing de mo

@139a @#/ /sprul pa'i sku sogs la lung yang byas/ drung pa rgyal
tshab pa sogs la spyan snga blo gros rgyal mtshan gyis mdzad pa'i
lta khrid gzabs bshad dang chos drug gi khrid yig yid ches gsum
ldan gyi bshad lung stsal/

de thog 'jag pa chos rjes gsol ba btab nas bshes springs dang
spyod 'jug gi lung bshad byas/ tsha ba sku skye/ drung pa rgyal
tshab pa/ dka' chen nam mkha' sogs nyung bsdus la bde mchog dril
bu lus dkyil gyi dbang dang bde

mchog TIka chen gyi lung yongs rdzogs byas/ mgon khang chen
mor
kha thi yug gi gong pa la mthing khra gtso bor gyur pa'i kha
btags mang po btags pa la phrin las gsol ba'i tshig gis brgyan pa
legs par phul/ dbyar gnas

skabs tshogs chen la dngul srang re'i 'gyed dang gtsang phyogs
kyi dgon che ba gzhan rnams la yang mang ja gser dngul gyi 'gyed
bzang ba dang dpal 'khor chos sder nas khal re'i 'gyed byas/ zla
ba drug pa'i nang du byams chen gyi

gos sku yongs su rdzogs pa grub nas kho bo rang gis gtso byas
ser phreng gis spyan drangs sngags grwa ba rnams dang lhan cig
zhi rgyas drag po'i sbyin sreg dang bcas pa'i rab gnas rgyas par
byas shing cho ga ba rnams la kha btags bzang ba re'i

'gyed 'phar ma dang tshogs chen la byu ru'i phyag 'gyed phul/ las
byed bzo bo rnams kyang yon gyis mnyes par byas/ de yang gos
sku'i rgyur gos kha bco lnga rer yug re brtsis pa'i gos yug nyis
brgya bdun cu skor dang/ ding phon

@139b bzang po leb gnyis/ bkral btags legs pa leb gnyis/ lcags
rir kha thi zhe mchungs yug dras med khor yug tu khyab par sang/
dbyar gnas thog tshogs chen la thub dbang la sogs pa nye bar
mkho
ba'i rjes gnang nyi shu

rtsa bgrang phul/ zla ba brgyad pa'i nang du thos bsam gling gi
shing rtsi logs bris grub par shis brjod kyi me tog 'thor bar
phyin/ de skabs 'grul pa 'ga' zhig dang dge tshul slong sgrub
mkhan brgya phrag brgal ba byung ba rnams kyi 'dod

pa bskangs/ de nas re zhig mtshams bcad pa'i mtshams khongs su
dka' chen mkhar skya ba sogs ri khrod pa kha cig la 'jigs byed
kyi bskyed rdzogs kyi khrid phog /de nas ser 'bras dge gsum ra
sgreng sogs dbus byang rgyud dge

lugs kyi dgon pa che kha rnams la mang ja dngul 'gyed bzang po
gtong bar rje drung dpon tshang 'byon du bcug /skabs der bkra
shis lhun po'i 'du khang du 'od dpag med dang rje btsun byams
mgon gyi ldebs bris gsar pa yang legs

par grub/ rgyud khang du chos ra sogs la rab gnas kyi me tog
char du phab cing mgon khang gi sku brnyan so sor snyan dar
'phrin 'chol gyi tshigs bcad bris pa dang rgyud pa spyi sar dbu
rgyan gser shog ma dang gos bzang po las

grub pa'i rten khebs grwa mchungs rnams phul/ rnam 'gyur gyi lo
zla ba lnga pa'i smon lam chen mo'i zla stong la bzhad khul gyi
lha sde mi sde bod 'brog thams cad kyis tshogs chen du mang ja du
mas bsnyen bkur zhing bla brang du tshogs

@140a @#/ /'khor 'bul ba sogs dang bcas brtan bzhugs phul/ de'i
tshes bcu bzhi la byams chen gyi gos sku gsar pa zhal phye ba'i
thog rgya nag gi mi sna 'byor ba'i 'bul ba bzang po dang bcas
pa'i rten 'brel

'grig /dbyar gnas thog tshogs chen la rje bla ma'i rnam thar dad
pa'i 'jug ngogs kyi lung phul/ ston chos la ja tshul phogs dang
bcas pa chos thog dpe 'dra ltar dang rgya mu tig phon che ba'i
'gyed/ nye skor gyi dgon pa

che ba thams cad la yang mang ja dang rgya mu tig gi 'gyed bzang
po btang/ de rjes sde pa rin chen rtse pas chos sde gsar pa'i
rten bzhengs shing rtsi logs bris sogs grub pa'i rab gnas la
'ong dgos tshul nan

bskyed pa ltar/ sngags grwa ba dpon slob thams cad dang bcas
rkang pa'i 'degs 'jog bsgyur ba'i lam bar lu gu rir ngor pa
mkhan chen byin rlabs zhu gsung byon nas zhabs tog 'bul nod
rgyas par mdzad/ rim gyis rin chen

rtser slebs/ nor bu chos 'khor gling gi rten bris 'bur thams cad
la spyan dbye sbyin sreg dang bcas pa dang/ srad nang gi skye
bo'i tshogs 'dus pa la tshe dbang stsal zhing mchod yon rnams la
dbang rjes gnang zab rgyas kyi chos

'ga' zhig gis mnyes par byas/ der bsnyen bkur dang 'bul ba phun
sum tshogs pa mdzad/ yar lam srad rgyud pa dpon slob rnams kyis
kyang zhabs tog dang 'bul ba gzabs rgyas byung zhing tshogs pa la
chos dang mang 'gyed

@140b bzang ba yang btang/ tshur lam se chen rab 'byams pas
bsnyen bkur phun sum tshogs pa bsgrubs te lcags brgyud nas bkra
shis lhun por slebs/ de nas rje drung blo bzang chos grags kyis
kyang bkod pa do dam byas te zangs

khal stong phrag bzhi dang drug cu skor dang gser 'dul sbyong
byed rgyu mgur mo'i zho stong phrag brgyad dang nyis brgya
brgyad cu tsam las grub pa'i rgya phig sa che chung gnyis kyi
bzo'i dbu btsugs/ de nas rgyal po mchod yon gyis rtag

brtan la 'gro dgos tshul nan chags mdzad byung ba ltar zla ba
dgu
pa'i nyer bdun la 'gro bar brtsams/ yar lam bzhad du thub bstan/
grwa tshang chen mo/ bkra shis dge 'phel sogs de khul gyi dgon
che phran rnams la mang ja sman

tse'i kha 'gyed/ bsngo rten rnam gzhag sogs legs par btang/
bzhad kyi dgon gsar dge ldan chos sdings su shis brjod kyi me
tog 'thor bar phyin zhing/ bkra shis dge 'phel du zhal snga nas
sher dpal bas gdan drangs te de

mtshungs shis brjod kyi me tog 'thor bar byas/ rim gyis rtag
brtan du sleb ste zla ba bcu pa'i tshes gsum nas bzung/ gsang bde
'jigs gsum gyi dbang bzhi yongs su rdzogs pa dang/ mgon po chos
rgyal lha mo sogs kyi

rjes gnang dang chos spyod mang po'i lung khor yug tu stsal/ der
mang ja kha shas dang/ grwa pa brgyad brgya tsam la bkra shis
kha btags te/ gos chen kha re/ sman tse kha re rnams kyi 'gyed
kyis mnyes par byas shing gso sbyong yang

@141a @#/ /rgyas par byas/ rtag brtan gyi lha khang steng 'og
thams cad kyi gtso bo rnams la snyan dar legs par phul/ de nas
jo mo nang du btsun ma rnams la yang bla ma'i rnal 'byor gyi
chos 'brel dang mang ja sman tse'i

kha 'gyed bcas pa byas/ slar bkra shis lhun por sleb/ rgyal po
mchod yon gyis byang chen dang dngul chu chos rdzong phul ba
ltar/ de gnyis su ri khrod pa'i sde rnam par dag pa gsar du
btsugs/ de nas ring po ma lon par dge ldan

chos 'khor ba dpon slob dang thar pa ba dpon slob rnams rim par
byon pa la bde mchog 'jigs byed gnyis kyi dbang bzhi dang/ chos
skyong 'ga'i rjes gnang/ gsang 'dus dang kun rig gi mngon dkyil
gyi lung sogs chos kyi

bzhed pa bskangs/ dgun chos dang po'i thog bkra shis lhun po'i
tshogs pa la byu ru'i 'gyed dang gtsang phyogs kyi dgon che kha
thams cad la yang de dang mtshungs pa'i mang 'gyed btang/ de nas
bung bu'i lo'i spyi bskyur smon

lam sogs gong 'phel phun sum tshogs pa byung/ zla ba gsum pa'i
nang du 'jam dbyangs sprul pa'i sku dpon slob dang thu sha'i thu
yab sras sogs khal kha'i 'grul pa skya ser phon che ba 'byor/
mang 'gyed dang 'bul ba

bzang po byung zhing sprul pa'i skus dge tshul gyi sdoms pa yang
dag par bzhes/ gzhan yang 'jigs byed kyi dbang bzhi sogs dbang
rjes gnang ci rigs pa phul/ chos thog gsar pa'i skabs tshogs chen
la bla ma lnga

@141b bcu pa'i rnam bshad kyi bshad lung rgyas pa dang dngos po
sna tshogs pa'i 'gyed byas/ zla ba lnga pa'i nang du rje drung
bskul du bcug nas/ ba so dgon pa'i nyams gsos mkhar las shing
rtsi logs bris sogs bsgrubs shing grwa tshang

gtsang ma gsar du btsugs/ dbyar gnas thog tshogs chen la 'jam
dbyangs chos skor yongs su rdzogs pa'i dbang lung dang gser gyi
'gyed byas/ chab bum kha che ma cha gcig kyang phul/ dus der
bsnyen rdzogs sgrub mi brgya phrag tu

nye ba byung bas/ du ma mkhan po gcig pa gsum man chad tshigs
gcig gis bsnyen par rdzogs par byar rung ngo/ /zhes mdo rtsa las
gsungs pa bzhin/ khang pa lho byang gnyis su dkyil 'khor ba so
sor bcas pa'i mtshams su

'dug ste/ du ma mkhan po gcig pa'i tshogs bsnyen par rdzogs pa
bsgrub dgos pa yang 'ga' zhig byung/ zla ba brgyad pa'i tshes bco
brgyad la gser sku lha khang gi rten gtso byams pa'i sku brnyan
zhig gsos kyi bzo btsugs shing

nyer brgyad la rgyud pa dpon slob rnams dang lhan cig tu rgya
phigs che chung gnyis kyi rab tu gnas pa'i me tog gtor/ rgyud pa
rnams la yon 'gyed 'phar ma bzang ba dang tshogs chen la gos chen
kha do re'i 'gyed bsgrubs/ sngon du

rgya phigs kyi bzo bo so so yang yon bzang pos mgu bar byas/ de
rjes tshogs chen la mang ja byu ru'i 'gyed bcas byas pa dang
bstun gnyer gtad lha mo'i bris sku chen mo gegs med du grub pa
spyan drangs pa'i thog mkhan slob dge

@142a @#/ /'dun dang bcas pas phyag nas mdzad cing mgon khang
chen mor bzhugs su gsol/ zla ba bcu pa'i nang du rgyal ba 'phags
pa lha'i sku skye phebs pa'i gtsug phud blangs te mtshan 'phags
pa rgyal ba rgya

mtshor gsol zhing chos bka' ci rigs pa phul/ zla ba bcu gcig pa'i
nang du chos grwa 'di nyid du mang 'gyed bzang po dang gtsang
phyogs kyi 'chad nyan yod pa'i dgon sde rnams la gser la sogs
pa'i 'gyed dang chos thog

gsar pa re 'dzugs pa'i cha rkyen so sor phul/ de nas blo bzang
bstan 'dzin gyis do dam byas nas ba so spyi khang du tshogs khang
gi logs bris sogs rgyas par grub 'dug pa la sngags grwa pa thog
cig dang bcas rab gnas kyi

me tog gtor/ de nas rim bzhin o'i rod dpon po du ral hong tha'i
ji dpon g.yog /khal kha'i dpon po no ma a jin dpon g.yog
/rgya nag gi mi sna cha kar bla ma shes rab bla ma sogs 'grul pa
stobs chen 'byor ba'i 'bul

ba mang 'gyed sogs rgya che ba byung/ de rjes gzims khang gong
gi sprul pa'i sku yang chos gsan par phebs pa'i bzhed pa
bsgrubs/ de nas hor zla bcu gnyis pa'i nyer bdun la/ sprul pa'i
sku/ o'i rod khal kha'i dpon po gnyis

sde pa thon pa sogs dang bcas zha lur phyin/ sngon du zha lu'i
mkhan po 'ga' zhig gis bka' bsgo mdzad pas rengs shing brgyal ba
dang shangs khrag thal ba sogs 'tshub 'gyur 'ga' zhig byung bas
phyis mkhan po

@142b rnams kyi bka' bsgo mdzad pa'i rgyun chad 'dug kyang/ kho
bo cag gis bstan pa rin po che dang skye dgu'i phan bde 'byung
ba'i rgyur bsams te bka' bsgos shing phrin las gnyer du gtad/
chos rgyal yab yum la gos phod bzang

po dang snyan dar rgyas pa dang phyag mtshan gyi rtse gsum dang
bcas pa phul/ gnam gang la rnam sras mchod pa mdzad/ rgyal
chen
gyi seng ge'i gsham bu dang rta bdag brgyad la na bza' gsar pa
yang phul/ sang nyin ri sbug tu

phyin nas gtsug lag khang yongs su khebs pa'i gos bzang po'i
gnam rgyan dang ri sbug tu sman tse kha re'i 'gyed 'phar ma/ ri
mthil gnyis kar mang ja grwa pa rer kha btags re'i 'gyed dang
bcas pa btang/ de nas bkra shis

lhun por dgu gtor spyi bskyur smon lam sogs phun sum tshogs pa'i
ngos nas/ dga' ba'i lo zla ba gnyis pa'i 'gor rab 'byams pa
zhabs drung du grags pa dpon slob dang/ skyid shod sde pa chos
rje'i sku skye/ de'i yab a

kha'i chos kur/ skyid shod kyi tha'i ji mtsho skyes rdo rje rnams
rim pa bzhin byon nas/ mu tig gi maNDal che bas mtshon 'bul ba
mang 'gyed dang bcas pa'i mchod sprin spros/ mchod yon de rnams
bzhed pa dang mthun pa'i dbang rjes

gnang sogs chos kyi mgron du gnyer/ zla ba de ga'i nyer bzhi la
ser tshogs byas dge 'dun khri tsho tsam dang/ rtogs ldan btsun ma
sngags pa sogs stong phrag gnyis tsam 'dus pa la nyin gsum gyi
bar nyin re mang ja lnga re

@143a @#/ /'bras thug re/ tsha gung gnyis la rtsam pa bre sbor
rgyag re/ mar nyag re dkar ba dang sha khog la nyi shu dras kyi
rtsis byas pa'i gdan rgyar bzang ba dang bcas btang ba'i cha
rkyen khyon bsdoms bzang ja 'bo gshor gyi

khal nyis brgya bzhin bcu/ 'bras khal phyed dang nyis brgya/
rtsam khal khri tsho gcig dang stong phrag lhag pa/ mang ja'i
sngor dang gdan rgyar gyi mar sogs la mar khal sum stong drug
brgya skor/ gdan rgyar dang bzhes thug gi sngor sogs

la sha khog nyis stong bzhi brgya skor gyi rtsis rnams song 'dug
cing/ 'gyed nyi ma dang por grwa pa rer kha btags re/ gnyis pa
la sman tse rnying pa kha 'brel re dang skam ja bre do tsam re/
gsum pa la dngul srang re dang gos rnying kha

'brel re phul/ chos sde khag rnams grwa tshogs kyi 'gros dang
bstun pa'i so sor spyi 'bul byas pa khyon dril/ kha btags che ba
bco lnga/ bla bre bco lnga/ gos ber bcu bdun/ gos chen gyi tsar
mo bcu/ kha thi yug tshang bco brgyad

gser sga nyi shu rtsa bzhi/ dngul sga bcu gsum rnams so sor gser
dngul gyi sga chas cha tshang ba/ gos chen gyi tho khom sum cu so
bdun/ rta nyi shu rtsa gsum/ ka ras bco lnga rnams dang/ tshogs
dbur byon pa'i mkhan slob dbu

chos sogs la nyung ja gsol rkang 'phar ma bsngo rten rnam gzhag
gi rim pa sogs bab thob dang bstun pa'i gzabs rgyas btang/ rtogs
ldan sogs kyi skor mi rer kha btags re gos kha re sman tse kha
'brel re rnams dang/ 'u lag

@143b pa dang slong mo ba sogs stong phrag brgal ba la yang skam
ja phor pa re dang dar kha re sbyin par byas/ de las byung ba'i
dge ba rnams rang gzhan gyi don du bla na med pa'i byang chub
'thob pa'i rgyur bsngo ba'i 'dun pa yang dag par bgyis so/ /

de nas rgyal ba thams cad mkhyen pa rgya nag la phebs khar/ na
dkar mar mjal 'dzom gyi dus sgo bsgrigs pa bzhin zla ba gsum
pa'i tshes bcu gcig la bkra shis lhun po'i slob dpon pa rnams
dang bcas dben dgon brgyud rim

gyis dge ldan rab rgyas gling pas chibs bsu ser phreng dang bcas
gdan drangs/ tshogs pa la tshe khrid kyi chos 'brel dang mang ja
kha btags kyi 'gyed sogs byas/ thob rgyal gyi la brgyud grwa
dkar gyis mtshon pa'i 'od yug gi

dgon rnams la mang ja dang sman tse kha re dngul 'gyed dang
bcas
btang/ shog gu la brgal mtshams su ngor pa mkhan chen dang mjal/
nyer gnyis la thams cad mkhyen pa dang mjal nas legs tshogs phun
sum tshogs pa'i

des gnang cha sogs bsnyen bkur yang dag pa byung zhing/ phar la
yang dngos po 'gangs che ba 'ga' zhig gis gtsos pa'i bdog pa'i
yo chas gzabs rgyas kyis mnyes par byas/ zhag bdun gyi bar
bzhugs nas blo sbyong

zin bris chen mo'i lung gis mtshon thugs kyi bzhed pa legs par
bsgrubs/ de skabs khro gtum can 'ga' zhig la brtse ba'i sems
kyis gdams pa 'di ltar// //na mo gu ru mai trI ya/ bka' drin
mnyam med

@144a @#/ /rtsa ba'i bla ma dang/ /dbyer med shAkya'i rgyal po'i
zhabs btud nas/ /rang la phan par 'dod pa'i grogs dag la/ /brtse
ba'i sems kyis snying gtam 'di ltar gleng/ /khon 'dzin khro
'khrug zhe sdang

las gzhan pa'i/ /sdig che med ces dam pa rnams kyis gsungs/
/de'i phyir srog la bab kyang khro ba'i sems/ /skad cig tsam
yang bskyed par mi bya'o/ /rgyal sras rnams la khros na khro
sems kyi/ /skad cig ji snyed

yod pa'i bskal par ni/ /'jigs rung mnar med 'bar ba'i me nang
du/ /bsreg par 'gyur zhes dam pa rnams kyis gsungs/ /de bzhin
tshangs spyod phan tshun nang khros na/ /'khor sgyur grangs med
thob pa'i dge tshogs

kyang/ /bsrabs cing zad par 'gyur zhes lung las gsungs/ /de
bzhin gcig la gcig kyang gnod pa'i sems/ /byas na thos dang tshul
khrims bde gshegs rnams/ /mchod pas mi skyob rnam smin la sogs

pa'i/ /mi 'dod 'bras bu rnam gsum rang gis myong/ /mdor na lha
dang lha min srin po'i tshogs/ /thams cad bdag la dgrar langs
khros gyur kyang/ /bdag nyid ngan 'gror 'dren cing bskyur mi
nus/ /rang gi rgyud kyi

nyon mongs khro 'khrug dang/ /'jigs rung zhe sdang 'bar ba'i
sems 'dis ni/ /rab brtan rdo rje'i rang bzhin ri rab kyang/ /yud
tsam zhig gis thal bar brlag byed pa'i/ /bzod dka' mnar med 'bar
ba'i me nang du/ /bskyur

@144b nas bskal brgyar bsreg par byed par 'gyur/ /de'i phyir
rang la gces par 'dzin dgongs na/ /khro 'khrug zhe sdang gdug
pa'i sems spangs nas/ /bzod dang des pas zhi zhing dul byas na/
/'di phyi kun tu bde nas bde bar

'gro/ /'di ltar bskrun pa'i dge bas 'gro ba kun/ /phan pa'i zol
gyis gnod pa'i phul ster ba'i/ /rang rgyud zhe sdang khro ba'i
sems spangs nas/ /thams cad mkhyen pa'i go 'phang myur thob shog
/der gzhan yang gzims

khang gong nas sprul pa'i sku dang yangs pa can gyi mkhan po la
sogs pa'i bla ma slob dpon mang po dang/ rgyal po yab sras/ lha
rgya ri ba/ sde pa skyid shod pa yab sras sogs sde dpon rigs
mang po byon pa rnams la yang

dbang rjes gnang sogs kyi bzhed pa bskangs/ der yang bsnyen
rdzogs bsgrub mi mang bar byung ba rnams kyi 'dod pa yang rdzogs
par byas/ sde pa thon pas gdan 'dren nan chags byung yang 'gro
ma thub/ yangs pa can dang

stod lung stod kyi dgon pa rnams la mang 'gyed kyang btang/
gnam
gang la gtsang du phyogs te lhan du slebs/ chibs bsu ser phreng
yang rgyas par 'dug cing ba sor zhag bdun 'dug ring la/ mang ja
mang ba dang grwa pa rer dngul

srang re'i 'gyed byas/ yi dam chos skyong gi rjes gnang sogs
dang gzhi gsum gyi phyag len ma nyams par tshugs pa'i rten 'brel
bsgrig phyir gso sbyong yang rgyas par byas/ grwa pa sum cu skor
la dge tshul gyi sdom pa phog /

@145a @#/ /rnam snang gi sku la gser chab gsol zhing rten dang
mchod chas gsar pa rgyas par bsgrigs mgon khang du chos skyong
gi sku brnyan rnams la snyan dar kyang phul/ 'du khang gi ldebs
bris gsar pa rnams dang/

grwa shag gsar rgyag rnams la rab tu gnas pa'i me tog gtor/ lung
nang gi dgon pa rnams dang byams chen skyed tshal sogs la mang
'gyed btang/ de nas dben dgon du slebs nas zhag bdun mtshams bcad
pa grol

'phral rtsed gdong zhabs drung phebs/ 'brong rtse lha sras rje'i
phyag bzo/ thams cad mkhyen pa dge 'dun grub kyi thugs dam rten
du grags pa ze'u lha khang du bzhugs pa'i rten khyad 'phags kyis
gtsos 'bul ba bzang po

mdzad cing/ khong dpon slob rnams la lan 'debs gang drag kyang
byas/ dben dgon du zla ba gcig lhag tsam 'dug nas nyin rer mang
ja re dang/ grwa pa phyed dang nyis brgya skor la skam 'gyed
phon che ba dang/ dngul srang re dang

kha btags re'i 'gyed btang/ bla ma mchod pa dang dben sa bka'
brgyud rim par byon pa'i rnam thar gyi lung sogs chos bka' ci
rigs stsal/ rgya nag nas phul ba tsan dan dkar po las grub pa'i
chos skyong gi sku 'dra grwa

tshar rnams kyang mgon khang steng mar phul/ yar lam gser mdog
can pa rnams kyis chibs bsu ser phreng rgyas pa dang bcas/ thog
mar bya rgod phung po'i bzhugs khrir spyan drangs te/ gos sku'i
zhal 'byed mdzad 'dug

@145b par gus mchod byas/ de nas gtsug lag khang chen mor tshogs
pa la bdag cag gi ston pa la brten pa'i bla ma'i rnal 'byor dang
mang ja grwa pa rer dngul srang re'i 'gyed dang bcas bsgrubs
shing khong dpon slob rnams kyis bsnyen bkur phun

sum tshogs pa mdzad/ rten mjal zhib par byas shing gtso bo rnams
la snyan dar yang phul/ de nas bkra shis lhun po ba rnams kyis
ser phreng rgyas par 'dug cing mang ja dang bcas grwa pa rer
dngul srang re'i phyag 'gyed kyang

btang/ de nas byams chen gyi gos skur zhal khebs phul/ rje btsun
byams pa'i pang gdan lha khang gi ldebs bris/ rje btsun gyi ldem
gnyis sgrol ma lha khang gi rje btsun ma'i sku gnyis rnams la
gser shog dang byams khang steng

shod yongs su khebs pa gos bzang po'i gnam rgyan bsgrubs/ zla ba
drug pa'i nang du byams chen gyi sku la gser chab gsol zhing/
snam sbyar/ gan gos yug zung gi snyan dar/ phye phur gnyis/
dngul gyi mkhar gsil drang

srong gi snod dang bcas pa phul/ zhal ras lha khang gi shing
rtsi yang gsar du gsol/ tshes bco lnga'i nyin kha thi 'ba' zhig
las byas pa'i gnam rgyan gyis gtsug lag khang chen mo'i thog
yongs su khebs pa phul zhing/ tshogs

pa yang gos chen bzang ba'i kha 'gyed kyis mnyes par byas/
gtsang phyogs kyi dgon che ba gzhan rnams la yang mang 'gyed
bzang po btang/ dbyar gnas thog tshogs chen la blo bzang bka'
'bum nas lam rim gyi khrid rgyas pa sogs

@146a @#/ /lung kha cig dang/ rnam par rgyal ma'i rjes gnang sogs
phul/ ston chos la ja tshul sogs sngar 'khyud ltar la gra pa rer
kha btags re'i 'gyed byas/ zla ba bcu pa'i nang du dbus chu lho
brgyud e tshun gyi chos sde

rnams la mang ja dang gos chen gyi phyag 'gyed btang/ zla ba bcu
gcig pa'i nang du chos rje blo bzang brtan pa sog yul nas byon
pa'i mang 'gyed 'bul ba shin tu bzang ba byung zhing rgyud khong
du tshe chog thog mar 'jugs pa'i sbyin

bdag kyang mdzad/ de mtshungs skyid shod zhabs drung sku bgres
pas tshe dpag med lha dgu'i dkyil thang bkral btags phul ba 'byor
pas rten 'brel shin tu legs pa byung/ de rjes ga tsang phyogs
kyi dgon sde rnams su mang ja dang

bstun rta brgya dang drug cu skor gyi 'gyed song/ zla ba bcu
gnyis pa'i nang du bkra shis lhun po'i tshogs chen la skam 'gyed
phon che ba zhig dang gtsang phyogs kyi dgon che ba rnams la
mang ja gos chen gyi 'gyed bzang po dang bcas

btang/ rnam rgyal gyi lo cho 'phrul smon lam thog phyogs phyogs
nas 'ongs pa'i skor chen pa sogs skye bo stong phrag gnyis tsam
la tshe dbang bskur/ de dus dwags phyogs kyi dgon che phran rnams
la mang ja byu ru'i 'gyed bsngo rten rnam

gzhag dang bcas btang/ zla ba gnyis pa'i nyer gsum la ser 'tshogs
bsags pa'i dge 'dun khri tsho gnyis dang sum stong tsam/ rtogs
ldan btsun ma sngags pa sogs sum stong tsam 'dus pa la nyi ma
gsum gyi bar bsnyen

@146b bkur ser tshogs snga ma bzhin btang bas/ 'di skabs su 'du
'tshogs che ba'i stabs kyis/ ja mar 'bras rtsam pa sha sogs sngon
ma las phul dgu tsam gyis 'phar ba song zhing/ bsngo rten rnam
gzhag spyi 'bul sogs sngon

ma cha 'dra dang/ 'gyed grwa pa rer bkra shis kha btags re/ sman
tse kha do 'brel re/ gos chen kha re/ dngul srang re/ gnyis bar
du gser mgur zho re rnams phul/ de skabs su 'dus pa gzhan rnams
la yang gser tshogs

snga ma dang mtshungs pa'i bza' btung rnyed pa sogs kyis tshim par
byas/ de ltar ser tshogs snga phyi'i mi grangs dang dgos cha yo
chas song lugs rnams rje drung blo bzang chos grags sogs do dam
las byed rnams kyis yi

ger bkod pa ltar 'dir yang bris so/ /chos 'khor gsar pa'i thog
tshogs chen du grwa pa re la sbab ja re'i 'gyed byas shing zla ba
de ga'i tshes bcu gsum la rgya shog mthing ga dang gser btul ma
mgur mo'i zho nyis stong

drug brgya las bka' 'gyur rin po che bzhengs pa'i yig grwa
btsugs/ zla ba bzhi pa'i nang du dben dgon du spyil po nyi shu
skor 'debs pa'i bkod pa rim bzhin byas/ zla ba lnga par bkra
shis li ma mang du bzhengs pa'i gad

bdar dang gsar gsol gyi dbu btsugs/ dbyar chos thog tshogs pa la
spyan snga blo gros rgyal mtshan gyis mdzad pa'i lam rim gzhan
phan snying po'i lung sogs phul/ thub bstan mkhan chen dag
dbang
brtan pa la yang

@147a @#/ /bzhed pa ltar dge ba'i bshes gnyen po to ba chen po'i
chig labs kyi lung stsal/ chos grwa 'di nyid kyis mtshon/ gtsang
rong gi dgon che kha thams cad la mang ja dang mu tig gi 'gyed
bzang ba btang/ de dus

dngul srang phyed dang bdun brgya las grub pa dpal rdo rje 'jigs
byed zhal phyag yongs su rdzogs pa yab yum gyi sku brnyan phul
du byung ba yang bzhengs/ zla ba brgyad pa'i nang du bka' 'gyur
rin po che grub par rab gnas

sbyin sreg dang bcas mnga' gsol rgyas par byas/ sngags grwa pa
rnams la kha btags bzang ba re'i 'phar dang/ tshogs pa byings la
gos chen kha do re'i 'gyed/ dpon yig pa brgya dang bco brgyad la
mi rer nas khal sum

brgya drug cu re'i rtsis kyi yon bzang pos mnyes par byas/ bka'
'gyur rin po che'i na bza' zhal khebs gdong dar rnams ho rigs
kha thi thon thi sogs gos bzang po yug bzhi bcu skor las byas pa
grwa mtshungs na bza'

dang zhal khabs kyi rgyab sha byang dar rnying pa 'ba' zhig las
bsgrubs pa dang/ gser khang dka' bcu pas phul ba'i se ta ho'i
sku chings sogs kyis mdzes par byas/ de rjes kyang gtsang rong
gi dgon pa rnams la mang

'gyed re btang/ skyid shod zhabs drung chos rje'i sku skye sogs
la sgrol ma nyer gcig gi rjes gnang dang/ de mtshungs ri khrod pa
'ga' zhig dang bcas pa la lam rim gyi khrid rgyas par bshad/ zla
ba bcu gcig pa'i nang

@147b du chos grwa 'di nyid kyis mtshon/ gtsang rong gi dgon pa
so sor mang ja gos chen gyi 'gyed bcas dang yang brjod ma thag
pa'i chos grwa rnams la mang ja byu ru'i 'gyed dang bcas pa legs
par btang/ dus der rgya nag nas

khal bla ma/ d+har khan chos rje/ gser khang dka' bcu pa sogs mi
sna rnams dang bstun/ rgyal po'i phyag rtags rten bzang po dang
bcas pa dang/ kha shig wang sogs kyis 'bul ba rmad du byung ba
rnams 'byor ba bzhin lan 'dabs

kyang gang drag bgyis/ rgyal ba'i lo zla ba dang po'i smon lam
chen mo'i thog /o'i rod kyi dpon po 'ga' zhig dang/ gangs can
chos 'phel gyi mkhan slob rnams byon nas/ tshogs chen dang lhan
cig brtan bzhugs rgyas par

phul/ de skabs phyogs mtha' dag nas 'dus pa'i skya ser stong
phrag phyed gsum tsam la tshe dbang gi sbyin pa yang byas/ snga
sor rgyal ba rgya nag nas phebs gdong 'di gnas 'bul skyes tshan
grangs dang bcas mi ched gnyer

mngags shing/ 'di skabs nged rang la gnang cha gya nom pa dang
tshogs par yang mang 'gyed bzang po gnang ba'i mi sna 'byor/ de
nas gtsang khul gyi chos grwa so sor chos thog gsar 'dzugs kyi
kha 'debs kha thi yug gsum

re dang/ mang ja mu tig gi 'gyed dang bcas pa/ khyad par gangs
can gyi grwa tshang gnyis su ja thebs rgya mu tig zho drug re
dang gos yug bzang po re/ 'di ga'i grwa tshang bzhi la yang byu
ru rdog rer spor gang tsam yod pa re phul/ smon

@148a @#/ /lam grol 'phral rje drung blo bzang chos grags kyis
bkod pa byas te rdo gcal sgo mchor rung khang sogs gsar ba
bsgrub par brtsams shing/ sngags grwa ba rnams la yang 'du khang
gtsang khang sgo

mchor steng 'og sogs gsar slongs byed pa'i bkod pa dang dgos
cha'i mthun pa bsgrubs/ de skabs li ma rnying pa'i rten gtso rje
btsun byams mgon gyi sku brnyan bzhugs khang gser sbyangs las
byas shing bzo bkod phul du

byung ba legs par bsgrubs/ zla ba gsum pa'i nang du gzims khang
gong sprul sku rin po che phebs shing/ de mtshungs ri khrod pa
brgya phrag brgal ba dang/ zla ba lnga pa'i 'gor skyid shod nas
sde pa chos rje yang phebs/ snga phyi so sor

skyabs 'gro sems bskyed kyi khrid dang phyag chen gyi khrid lung
zab rgyas sogs thugs bzhed bzhin du chos bka' mang po dang
dbang
rjes gnang ci rigs phul/ skabs 'dir ngam ring mkhan chen gyis
gsol 'debs nan

tan dang bcas maNDal phul zhing/ thugs bzhed ltar rje btsun bla
ma sangs rgyas ye shes kyis mdzad pa'i blo sbyong gi khrid kyi
lung yang stsal/ chos thog gsar pa'i steng chos grwa 'di nyid
kyis mtshon gtsang rong gi dge 'dun gyi

sde rnams la ser tshogs kyi dod du mang ja dang bcas grwa pa rer
kha btags re/ sman tse kha do 'brel re/ gos kha re/ dngul srang
re rnams kyi 'gyed dang bsngo rten rnam gzhag rgyas pa sogs
btang/ de nas rdo gcal grub

@148b 'phral spu ja rnying pa'i mang ja dang bcas tshogs chen la
dben sa kha btags re'i phyag 'gyed dang/ tshe dpag med kyi bla
ma'i rnal 'byor zab pa'i chos bka' yang phul/ slar yang tshogs
chen la skam 'gyed zhig btang/ deng

skabs dben dgon du rje btsun bla ma sangs rgyas ye shes kyi phyi
rten phyi'i mchod rten chen mo'i gdugs dang ganyjir yang gser
zangs las gser du bsgrubs pas mdzes par byas/ zla ba drug pa'i
nang du gtsang phyogs kyi

dgon che kha rnams la mang ja dben sa kha btags kyi 'gyed bcas
dang/ de mthun gangs can gyi grwa tshang gnyis su chos grwa ja'i
thebs kha thi bzang ba yug re yang phul/ zla ba bdun pa'i mgor
rgyal ba thams cad mkhyen

pa mchod yon rnams bkra shis lhun por phebs pas chibs bsu ser
phreng rgyas par byas shing/ zhag lnga bzhugs par spyi sgos
thams cad nas zhabs tog 'bul ba la sogs pa phun sum tshogs pas
mnyes par

bgyis/ de nas gzhis ka rtser bsnyen bkur phul du byung ba dang
bcas dpon slob lhan cig zla ba phyed lhag gi bar bzhugs nas/
dben sa bka' brgyud kyi thun mong ma yin pa'i snyan brgyud kyi
gdams pas mtshon/ thugs kyi bzhed pa

dang bstun pa'i chos bka' 'ga' zhig phul bas dgyes par byas/ de
skabs rgyal po mchod yon sogs skya ser mang po la so so'i thugs
'dod bzhin dbang rjes gnang ci rigs kyang stsal/ zla ba brgyad
pa'i dkar phyogs kyi gza'

@149a @#/ /tshes bzang ba la thams cad mkhyen pa'i bkas bskul te
rgyal po mchod yon bkra shis lhun por byon nas/ mang 'gyed 'bul
ba bzang po dang bcas tshogs su spyan drangs/ gsung rtsom gyi
brtan bzhugs tshigs

bcad gsar 'dzugs sogs kyis rten 'brel legs par bsgrigs/ de nas
ring po ma lon par 'du khang chen mo'i tshogs gdan khyab par grum
yug phul ba dang bstun/ 'di kha'i grwa tshang rnams dang dben
dgon gangs can

chos 'phel rnams su tshogs gdan grum yug 'ga' zhig re dang/ slob
dpon ba rnams la 'phar ma re mang ja dang bcas phul/ chos grwa
'di nyid du grwa pa bcu rer gser mgur zho re'i 'gyed kyang
btang/ de nas zla ba dgu pa'i

'gor/ sde pa rin chen rtse pas ri khrod pa thams cad spyan
drangs nas maNDal phul/ de skabs byon pa'i ri khrod pa brgya
phrag brgal ba la gser mgur zho re'i phyag 'gyed byas/ zla ba
bcu pa'i tshes bco lnga la tshogs chen ru

skam 'gyed bzang ba dang/ gtsang phyogs kyi chos sde gzhan
rnams
la mang ja rta 'gyed dang bcas pa btang/ zla ba bcu gcig pa'i
nang du chos grwa 'di nyid kyis mtshon/ gtsang rong gi dgon che
phran mtha' dag la mang ja mu tig gi

'gyed bzang po dang bcas pa btang/ zla ba bcu gnyis par o'i rod
dpon po o chir thu tha'i ji dpon g.yog sogs byang 'grul mang
ba 'byor nas mang 'gyed phun sum tshogs pa bsgrubs/ khong gis
sbyin bdag byas te dngul

@149b ljang brdungs las grub pa'i 'od dpag med kyi sku brnyan mi
tshad che ba tsam zhig gsar du bzhengs pa yang rgyud khang du
bzhugs su gsol/ de nas cho 'phrul smon lam skabs 'dus pa'i skya
ser rnams dang bcas par tshe dbang bskur/

myos byed kyi lo zla ba gnyis pa'i nang du sog po'i dpon po a
pa la'i dpon mo sogs 'byor pas kyang mang 'gyed 'bul nod rgya
cher byung zhing de nas dka' chen dge 'dun tshul khrims kyis ri
khrod pa thams cad spyan drangs bsnyen

bkur phun sum tshogs pa dang bcas maNDal phul/ nged rang gis
kyang ri khrod pa re re la dngul srang re'i phyag 'gyed dang dge
ba'i bshes gnyen 'chad kha ba chen po'i blo sbyong gcig dang
lnga ma'i khrid bshad legs par stsal/ zla

ba lnga pa'i nang du manydzu shri bla ma dang nor bu dbon pa
gnyis kyis gtsos pa'i rgya nag gi mi sna dang rgya kar bla mas
bka' 'gyur gyi rgya shog rmad du byung ba rnams 'bul bar dpon
tshang chos grags mngags pa yang gegs med du 'byor/ zla

ba drug par rdo gcal gyi g.yabs steng 'og dang sgom chor gyi
shing rtsi bskal bzang sangs rgyas kyi rdo sku gsar rnying gi
gser shog sogs mjug 'khyongs pa grub par 'dus pa'i sde dang bcas
shis pa brjod cing grwa pa rer gser

mgur zho re'i 'gyed dang blo sbyong tshig brgyad ma'i chos bkas
mnyes par byas/ dbyar gnas thog tshogs chen la dngul srang re'i
'gyed dang gtsang rong gi dge 'dun gyi sde so sor mang ja dang
gos chen kha re'i 'gyed rnam gzhag dang

@150a @#/ /bcas pa bsgrubs/ ston chos thog chos gra 'di nyid du
kha thi yug bzang ba sne tshang bco brgyad kyi 'gyed dang gser
mdog can du mang ja bsngo rten rnam gzhag gra pa lnga re re
dngul srang re'i 'gyed dang

dben dgon du nyi ma bzhi'i bar bka' 'gyur yongs rdzogs bsgrags
pa'i bsnyen bkur zhabs tog dngul srang re'i 'gyed dang bcas pa/
de mthun rje gong ma gnyis kyi sku brnyan gyis mtshon sangs rgyas
byang sems kyi sku 'dra

brgya phrag brgal ba la gser gsol dang mgon khang du spyan
gzigs
snyan dar sogs rgyas par phul/ zla ba dgu ba'i nang du gtsang
rong gi chos sde che phra thams cad la mang ja rta 'gyed dang
bcas pa btang zhing/ skyid shod sku skye

rin po cher ye shes mgon po'i be'u bum yongs rdzogs kyi lung
dang ri khrod pa mang du byon pa rnams la bka' gdams kyi chos
skor sna tshogs pa phul/ zla ba bcu pa'i tshes gcig gi nyin/ gu ge
mar yul sogs kyi dge lugs

kyi dgon che phra rnams la mang ja ja khal phyed dang brgyad/
spyi 'gyed kha btags stong phrag gnyis dang nyis brgya drug cu/
bsngo rten rnam gzhag sogs dgos char kha btags sman tse kha
bdun
cu skor/ de phyin mnga' ris skor gyi

dgon sde ris med du mang ja'i rtsis ja 'khor drug ma gnyis sngor
rin dang bcas pa/ 'gyed kha btags stong phrag gcig dang brgya
sum cu skor rnams song zhing/ de skabs 'brug pa grub dbang sprul
sku yang byon nas phyag rten

@150b rmad du byung ba 'dug cing de ga'i lan 'debs dang bla ma'i
rnal 'byor gyi chos 'brel yang phul/ chos grwa 'di nyid kyis
mtshon/ gtsang rong gi dgon pa che kha rnams la mang ja dang
rta
nyis brgya skor gyi 'gyed kyang btang/ de nas

sprul sku chos dbyings rgya mtshos gtso byas pa'i ri mo ba mkhas
'dus kyis sngags grwa'i 'du khang gi ldebs bris dpe zla dang
bral ba gangs ri'i ljongs kyi gtsug lag khang mtha' dag gi rgyan
du gyur pa gegs med du legs par

grub ste/ zla ba bcu gcig pa'i tshes brgyad gza' skar shis pa'i
thog dpal gsang ba 'dus pa'i sgo nas rab gnas shis brjod kyi me
tog char du bab cing thor go'i dpon po mgon po yel ding mchod
yon sbyin bdag tu bskos/

rgyud pa grwa pa rer kha btags bzang po re'i 'gyed dang lha bris
pa rnams kyang yon gyis tshim par byas so/ /nyer bzhi nas khams
cung zad ma bdebs bdun phrag gcig tu mtshams dam par bcad
mtshams
grol 'phral 'jam

dbyangs sprul pa'i sku yang phebs/ khong rang gis gtso mdzad/
sna tshogs pa'i mchod sprin dang bcas brtan bzhugs rgyas par
phul/ rgyun rgyang tsam bzhugs par dpal rdo rje 'jigs byed kyi
dbang bzhi dang/ snar thang brgya rtsa

sogs dang/ lam rin gyi khrid rgyas bsdus/ bla ma lnga bcu pa'i
rnam bshad/ 'jigs byed kyi bskyed rim sogs dbang lung mang po'i
sger chos/ rgyud pa zhal snga nas/ sku skye rnam pa sogs lhan
cig slob dpon rin po che nam mkha' rgyal

@151a @#/ /mtshan gyis mdzad pa'i yid dam gyi bskyed rdzogs kyi
lung sogs thugs 'dod dang bstun pa'i chos kyi bzhed pa bsgrubs/
zla ba bcu gnyis pa tshes 'phral tshogs pa nyi sa stong tsam la
dngul srang re dang kha btags

re gos kha thi yug tshang bcu drug gi 'gyed/ slob dpon sku skye
rnams la lnga tshan bzang ba res mtshon rnam gzhag rgyas pa dang
bcas bsgrubs/ rgyud pa rnams kyis bka' 'gyur yongs rdzogs tshar
gnyis gsung sgrogs mdzad

ring bsnyen bkur nyin thub dang yon grwa pa rer gser mgur zho
re
dang skam 'gyed bzang ba byas/ de mtshungs gangs can/ ngor/ ri
sbug /gser mdog can/ dben dgon rnams su mang ja rnam gzhag
rgyas
pa/ 'gyed gangs

can du dngul srang brgya dang drug cu re lnga/ kha thi yug
lnga/
ngor du dngul srang nyis brgya dang bcu/ kha thi yug lnga/ ri
sbug tu dngul srang brgya dang bcu/ kha thi yug gnyis/ gser mdog
can du dngul srang nyis brgya dang bcu/ kha thi yug

lnga; dben dgon du dngul srang brgya dang lnga bcu nga gcig
/kha
thi yug gnyis rnams btang zhing/ zla ba de ga'i nang gangs can
du mang ja drug cu re gsum sdebs la btang ba'i thog /'gyed grwa
pa gsum rer gser zho re'i rtsis

mgur zho brgya dang nyi shu rtsa bzhi/ dben dgon du mang ja bzhi
bcu zhe gcig /gser mdog can du mang ja nyer gcig gi thog spyi
'gyed kha btags bzhi brgya dang nyi shu/ so sor rnam gzhag rgyas
pa dang bcas btang/ de mthun

@151b gtsang khul gyi ri khrod pa brgya nyi shu skor la yang
mang ja dang gser zho re'i 'gyed phul/ de nas ring po ma lon par
ra sgreng brag par/ rgya ma chun/ ser 'bras dge gsum rgyud stod
smad sogs skyid shod phu mda' stod lung dang bcas

pa'i dgon khag bzhi bcu skor la mang ja rnam gzhag rgyas pa/
'gyed khyon bsdoms gser mgur zho stong phrag gcig dang dgu
brgya
sum cu so gcig /dngul srang stong phrag lnga dang bdun brgya
nyi
shu rtsa drug rnams dang/ de dang

mtshungs par sbus ri lho rgyud kyi dgon che phra phal cher la
mang ja gos chen gyi 'gyed bzang ba rnam gzhag dang bcas pa
song/ zla ba de'i nyer lnga la bkra shis lhun por grwa pa nyis
stong la gnyis bar du gser sil ma mgur zho re'i

'gyed rnam gzhag rgyas pa dang bcas btang/ zla ba 'di nang chos
grwa chen po 'di nyid kyi bla ma rnam pa/ grwa tshang mi tshan che
chung grwa rigs sogs dang/ gser mdog can sogs phyogs mtha'i chos
sde sbyin bdag dang bcas pa'i

mchog dman thams cad nas 'bad pa chen pos brtan bzhugs la
dmigs
pa'i mang ja nyin rer gsum bzhi nyung mtha' byas pa ma chag par
byung zhing/ 'dus pa'i sdes kyang sku rim la brtson pa lhur len
yang dag pa mdzad/ de nas cho 'phrul chen

pa'i smon lam skabs/ rgyal ba thams cad mkhyen pas kyang brtan
bzhugs su gnang cha bzang po dang bcas chos mdzad na kha can
pa
rdzong sta gnang ba 'byor pas rten 'brel legs pa byung/ 'di
skabs sprul sku chos dbyings rgya mtshos

@152a @#/ /'od dpag med rgya lha rtsod med gtso 'khor gsum phul
ba rang gzhan gyi tshogs rdzogs pa'i yan lag tu tshogs chen gyis
gsol ba 'debs pa'i rten la rje bla ma'i dngul sku byin rlabs can
dang cha mtshungs

mdun gral gyi ka ba g.yas pa'i logs su pad gdan bkod pas mdzes
pa bsgrubs te bzhugs su gsol/ gdong ngan gyi lo zla ba gnyis
pa'i nang du bzhad phu mda' dgon rnams dang/ bya rgod gshongs/
rtag brtan/ lha

rtse chos sde rnams la mang ja/ 'gyed bsdoms par gser mgur zho
brgya dang drug cu re bdun/ bsngo rten rnam gzhag dang bcas pa
btang/ zla ba gsum pa'i tshes bcu drug la dpon yig pa brgya dang
brgyad tsam 'byor ba'i bka'

'gyur rin po che gsar bzhengs kyi dbu btsugs/ de yang rgya nag
gi mthing shog dbu dum rnams dar shog 'ba' zhig dang/ gser btul
ma mgur zho stong phrag gsum dang bdun brgya sum cu so gsum
las
grub par na

bza' zhal khebs gdong dar rnams ding phon gtso bor gyur pa'i
khyad gos 'ba' zhig dang/ rgyab sha ling bzang po las sgrub par
brtsams/ chos 'khor gsar pa'i thog bkra shis lhun por 'gyed len
stong phrag gcig dang

dgu brgya bdun cu skor la 'gyed mi rer bkra shis kha btags re/
dngul srang re/ gos rnying kha do re/ rnam gzhag rgyas pa dang
bcas btang/ de dus gzims khang sprul pa'i sku dang/ dben sa
sprul pa'i sku phebs/ de mtshungs

@152b byams pa sku skye dang o'i rod kyi dpon po 'ga' zhig sogs
'grul pa stobs chen 'byor ba rnams kyis 'dus pa'i sde dang bcas
pa la bsnyen bkur 'bul nod phul du byung ba bsgrubs shing de dag
gi bzhed pa yang gang

par byas/ zla ba bzhi pa'i nang du gser mdog can/ stag lung sna
dkar/ zha lu ri mthil/ mtshon sgrogs pa/ snar thang rnams su mang
ja grwa pa gnyis bar du gos kha re'i 'gyed rnam gzhag dang bcas
pa dang/ gsang ne'u thog

tu mang ja bsngo rten rnam gzhag /spyi 'gyed gser mgur zho bdun
brgya dang bcas btang/ zla ba lnga par bzhad kyi dgon che phran
rnams la mang ja grwa pa gnyis bar du gos kha re'i 'gyed rnam
gzhag sogs dang/ dben dgon du mang

ja sbyor sbrel 'gyed grwa pa rer dngul srang re dang/ gos kha
re'i rtsis kyi gos chen rnams song/ zla ba drug pa'i nang du
chos grwa 'di nyid kyis mtshon/ gtsang rong gi dgon che phra so
sor mang ja bsngo rten rnam gzhag rgyas pa dang 'gyed yongs

su dril ba rgya mu tig mgur mo'i zho brgyad brgya dang brgyad cu
skor gser zho lnga brgya dang dgu bcu skor kha btags khri phrag
gcig dang dgu brgya skor rnams song/ de mtshungs 'di ga'i grwa
tshang bzhi la gnam rgyan legs pa re dang

ri khrod kyi sde bcu la zhal grangs dang mthun pa'i gser/ mu tig
kha btags dang bcas pa'i 'gyed so sor phul/ zla ba dgu pa'i tshes
bcu gsum bcu bzhi gnyis la bka' 'gyur rin po che yongs rdzogs
legs par grub pa/

@153a @#/ /bzhugs yul gyi bkod pa bzang po dang bcas rdo gcal du
spyan drangs te rdo lha gsar rnying dang chabs gcig tu rab gnas
rgyas par mdzad cing/ rab ston tshogs chen la grwa pa bcu rer
gser mgur zho

re dang/ sngags grwa ba rnams la bkra shis kha btags re'i 'phar
ma phul/ dpon yig pa rnams la lag gtong dben sa kha btags re/
gser zho gsum re/ dngul srang bzhi re rnams dang/ spyir gos dar
byu ru spos shel/

chas gos kyi rigs/ rta la sogs pa phon che ba'i yon gyis tshim
par byas/ mdor na bka' 'gyur gsar bzhengs snga phyir dpon yig pa
rnams la rgyun gyi phogs sogs bdag rkyen smyug 'dzugs/ 'dzugs
ston/

bar ston/ rtsi dras/ grub ston sogs so sor ston mo dang ston
rgyab/ yig dpon dang legs dar mgyogs dar gyi 'phar kha dgos pa/
zhus dag pa'i yon sogs gang cir mig rkyen du 'gyur ba bgyis so/
/de skabs

cha kar bla ma dang er khe wang gnyis kyis se ta ho'i glegs
thag dngul gyi a long gis mdzes pa brgya brgyad re phul ba yang
'byor bas rten 'grel legs par 'grig /zla ba bcu par gtsang rong
gi dgon sde rnams la mang

ja dang bcas rta nyis brgya skor gyi 'gyed btang/ zla ba de ga'i
tshes bco brgyad 'dul ba lugs kyi lo mgo la/ skyid shod sku skye
rin po che bcu tshogs kyi sgo nas bsnyen par rdzogs shing/ nged
rang la 'bul nod bzang po dang/

@153b slob dpon las gral dang bcas par yang bsnyen bkur phun sum
tshogs pa mdzad cing des mtshon snga phyi bar skabs rnams su
phyogs mtha' dag nas bsnyen rdzogs bsgrub mi rgyun chags lta
bur
byung ba rnams kyi re ba yang rdzogs par

bgyis/ de nas rgya nag nas byams gling e ma ji sogs mi sna skya
ser dang bstun/ rgyal po'i phyag rtags skyes bzang po dang bcas
pa dang/ gzhan yang 'bul sna ci rigs 'byor ba rnams la so sor
lan 'debs gang drag byas byams gling

e ma ji rang nyid dad pas gsol ba bzhin/ dge tshul gyi bslab pa
rnam par dag pa la bkod cing sangs rgyas rgyal mtshan zhes pa'i
ming stsal/ khong gis bka' 'gyur gyi na bza' brgya brgyad phul
ba dang bcas/ bka' 'gyur rin po che

gsar bzhengs lnga ga la se ta ho'i glegs thag dngul gyi a long
sogs kyis brgyan pa/ gos phyi nang gi na bza' bzang po/ b+hu la
ka re'i bzhugs khom rnams grwa mtshungs su legs par bsgrubs/ de
nas bdag cag gi ston pa dang

rje btsun bla ma tsong kha pa chen po'i sku brnyan gser mgur
mo'i zho nyis stong las grub pa re dang/ rgyal ba 'od dpag med
kyi sku brnyan gser zho bdun brgya dang sum cu so gsum las grub
pa/ rgyal ba tshe dpag med kyi sku bsnyan gser zho

drug brgya dang lnga las grub pa rnams lnga mchod chen mo'i
gong
du legs par grub/ zla ba bcu gcig pa'i tshes lnga la khon jin bla
ma dang shes rab bla ma gnyis kyis bkra shis lhun po'i bla ma
rnam pa dang/ ri khrod pa rnams spyan drangs

@154a @#/ /nas maNDal phul zhing smon pa rnam par dag pa mdzad/
de nas gtsang phyogs kyi chos sde che kha rnams la mang ja
bsngo
rten rnam gzhag dang bcas pa/ gos yug tshang drug cu skor gyi
'gyed/ gser mdog can

du mang ja bcu gcig dang 'gyed gos yug bcu bdun bsngo rten rnam
gzhag gzabs pa dang bcas btang/ de nas khal kha nom e jin
bsnyen par rdzogs pa zhu ba'i 'dod pa yang bsgrubs/ sngon du bde
ba can gyi zhing bkod dang/ 'di

lo'i brgyad mchod thog dga' ldan gyi zhing bkod thang ka yang
phun sum tshogs pa grub nas/ gong gsham zhal khebs tog sogs rgyu
dang bkod pas mdzes pa bsgrubs te cho 'phrul dus chen gyi skabs/
'dus pa'i sde'i gsol

'debs smon lam rten du 'grems rtsis kyi bzhugs sgam dang bcas
spyi sar phul/ zla ba bcu gnyis pa'i tshes bcu drug la thos bsam
gling gi rten bzhengs grub par sngags grwa ba rnams dang bcas
rab tu gnas pa'i me tog gi

char phab/ dus der o'i rod rgyal po ba dur tha'i ji/ ju nang/
dge ldan dar rgyas sogs sbyin bdag rnams 'byor bas rten 'brel
'grig cing khong rnams kyang dbang rjes gnang sogs kyis 'dod pa
tshim par byas/ de nas tshogs

chen du mang ja gnyis sprel re dang 'bras tsha re bcas nyi ma
bdun gyi bar bka' 'gyur gsung sgrogs mdzad/ grol nyin tshogs pa
nyis stong skor la kha thi'i kha 'gyed byas shing gtsang phyogs
kyi dgon phal cher la mang ja rnam

@154b gzhag sogs dang bcas gser mgur zho brgya/ rta nyi shu/
spos shel rdog che ba 'gas mtshon pa'i bdun cu skor/ shal pa che
chung bdun dang bcas pa'i 'gyed kyang song/ dus der chos skyong
rgyal po chen pos dpal ldan

'bras spungs kyi dpon slob rnams la rgyal ba'i brtan bzhugs
tshigs bcad kho bo las blangs te yang yang phul zhes bskul ba
ltar/ 'bras spungs kyi gnyer chen 'di gar byung ba la brtan
bzhugs kyi rtsom pa 'phral du byas te

phul; de mthun gser 'phyang gi lo'i cho 'phrul chen po'i chos
gsum la mang ja bkra shis kha btags kyi 'gyed dang bstun/ 'di
ga'i tshogs chen du yang legs par btsugs/ cho 'phrul smon lam
thog chos grwa chen po'i slob

dpon pa/ sku skye rnam pa/ chos lung mkhan chen/ sog po'i dpon
po rnams dang bcas pas tshogs su spyan drangs shing brtan bzhugs
phul/ smon lam grol khar gos chen dang gser sga sogs kyi skam
'gyed shin tu bzang ba

yang byas/ skabs der grwa tshang chos rje 'jam dbyangs shes rab
kyis dpal rdo rje 'jigs byed kyi sku thang rgya nag ma khyad par
can dang gser gyi maNDal phul te/ dge ba'i bshes gnyen tshul
bzhin du bsten pa 'di phyi'i bde legs

thams cad kyi rtsa bar gsung 'dug kyang/ yul phyogs mang por
rang 'dod pa'i chos zhus nas/ phyis rang nyid cher rlom zhing/
phyag dang bsnyen bkur sogs bla ma'i mthong mi byed pa'i sdig
can mang po zhig 'dug pa la thugs brtse

@155a @#/ /bas bla ma bsten tshul gyi gdams pa tshigs bcad du
bsdebs pa zhig rnam thar gyi mtshams 'dir chud pa dgos ces bskul
ba la brten nas 'di ltar// //na mo gu ru manydzu g+ho ShA ya/
sangs rgyas

kun gyi sgrib bral ye shes lnga/ /gang 'dul cir yang 'char ba'i
zlos gar mkhan/ /bslu med skyabs kyi dam pa bla ma rje/ /bdag
snying padmo'i ze'u 'brur rtag bzhugs gsol/ /mtha' yas 'gro ba
kun gyi gnas skabs dang/ /

mthar thug phan dang bde ba ma lus pa'i/ /'byung gnas dge ba'i
bshes gnyen tshul bzhin du/ /bsten pa yin ces nyi ma'i gnyen gyis
gsungs/ /tshigs bcad gcig tsam nyan pa'i bla ma de/ /yang dag
ltar snang ji ltar

yin yang rung/ /skyon rtog spangs nas dad par bya dgos te/ /mdo
las mkhan po thos nyung rmongs pa'am/ /tshul 'chal la yang ston
pa sangs rgyas la/ /dga' dang dad pa ji bzhin bya bar gsungs/
/drag shul can gyis

zhus pa'i mdo las kyang/ /gang las lung zhus lung der yi ge'i
'bru/ /ji snyed yod pa'i bskal par g.yo med par/ /mchod kyang
gus par bya ba ma rdzogs gsungs/ /mdor na yig drug lung tsam
zhus pa der/ /bskal

pa drug tu mchod cing bsnyen bkur yang/ /drin lan lon pa min
pa'i don yin no/ /bshes gnyen dam pa gus pas mchod byas na/ /rab
'byams rgyal ba mchod pa las lhag pa'i/ /bsod nams 'thob ces
'phags

@155b mchog klu sgrub gsungs/ /mchod pa thams cad yongs spangs
nas/ /bla ma mchod pa yang dag brtsam/ /de mnyes pas ni kun
mkhyen gyi/ /ye shes mchog ni 'thob par 'gyur/ /chos zhus sdig
can tshul khrims 'chal ba

la'ang/ /bla mar ma bzung nyes pa ches lci ste/ /tshigs bcad gcig
tsam nyan pa la'ang/ /gang gis bla mar mi 'dzin pa/ /khyi yi
skye gnas brgyar skyes nas/ /sme sha can du skye bar 'gyur/
/sdig pa'i nang nas ches che ba/ /mtshams

med byas pa mnar med du/ /bar bskal gnas pa tshe yi tshad/ /bla
mar brnyas pa mnar med du/ /mtha' yas bskal par gnas par bshad/
/gsang ba'i bdag pos ston pa la/ /slob dpon brnyas pa'i nyes pa
zhus/ /lha

dang bcas pa'i 'jig rten 'di/ /skrag 'gyur 'on kyang cung zad
brjod/ /mnar med la sogs mi bzad pa/ /dmyal ba gang dag ngas
bshad pa/ /de rnams kyi ni gnas su brjod/ /der ni bskal pa mtha'
yas so/ /dpal

ldan 'dus pa'i rgyud las kyang/ /sems can mtshams med la sogs
pa'i/ /sdig pa chen po byed pa yang/ /rdo rje'i theg pa rgya
mtsho che/ /theg pa mchog ni 'di la 'grub/ /snying nas slob dpon
smod pa dag /bsgrubs kyang

'grub par yongs mi 'gyur/ /de bzhin snying po rgyan las kyang/
/gang gis slob dpon yang dag smad/ /de yis rgyud kun bsgrub pa'i
mchog /gnyid dang 'du 'dzi rnam spangs te/ /bskal pa stong du
legs bsgrubs kyang/ /

@156a @#/ /dmyal sogs sgrub par byed pa'o/ /des na snying gtam
'di yin te/ /rang la rang gis gces 'dzin na/ /khyi rgan lam zan
tshol ba ltar/ /gang phrad de las mi len par/ /dam chos ston pa'i
bla ma ni/ /legs

par brtags te blang dor bya/ /snyigs dus mtshan nyid yongs rdzogs
pa'i/ /skyon bral bla ma ches dkon kyang/ /tshul khrims rnam par
dag pa dang/ /shes rab phun sum tshogs pa yi/ /dge ba'i bshes
gnyen gus pas bsten/ /

sangs rgyas gnyis pa klu sgrub kyis/ /skyes bu rigs gzugs thos
dang ldan rnams kyang/ /shes rab tshul khrims bral ba bkur ma
lags/ /de ltas gang la yon tan 'di gnyis ldan/ /de ni yon tan
gzhan dang bral yang

mchod/ /gsungs pa ji bzhin nyams su blang byas na/ /phyi nang
bdud sde'i g.yul las legs rgyal te/ /gnas skabs mthar thug dge
legs padmo'i tshal/ /me tog 'bras bu bzang pos mdzes par 'gyur/
/zhes sbyar ro/ /de nas

dpal 'khor bde chen gyi mkhan po byon nas maNDal bzang po phul
zhing/ lta khrid dang blo sbyong gi khrid lung bzhed pa ltar
phul/ zla ba gnyis pa'i tshes bco lnga la rgyud chen dkon mchog
rgyal mtshan gyis sbyin bdag mdzad de/ sngags grwa

ba dpon slob rnams dang/ bkra shis lhun po'i bla ma rnam pa sogs
'dus nas/ tshe chog rgyas pa dang 'brel ba'i brtan bzhugs legs
par phul/ de nas re zhig mtshams byas/ skabs der yang khams 'grul
'ga' dang/ bsnyen

@156b rdzogs sgrub mi sogs bar ma chad dang/ khyad par gangs can
mkhan po/ rgyal byed mkhan po/ thub bstan mkhan po sogs rim
bzhin byon/ thub bstan mkhan po'i bzhed pa ltar 'phags pa spyan
ras gzigs kyi sgom lung zab

rgyas byas shing/ sdom pa sogs don du gnyer ba rnams kyi 'dod pa
yang gang bar bgyis/ gtsang rong gi dgon che chung thams cad
la
mang ja byu ru'i 'gyed dang bcas pa yang byas/ zla ba gsum pa'i
tshes drug nas gtsang khang chen

mo'i zhig gso'i dbu btsugs te/ byang sems nye ba'i sras brgyad
kyi dbu rgyan dang gand+ho la'i chag grum 'ga' zhig dang/ 'phags
pa spyan ras gzigs phyag bzhi pa'i sku brnyan pad gdan med pa la
pad gdan sogs legs par

bzos shing gand+ho la'i ngos rnams la sku brnyan dang rin po
che'i phra rgyan bzang pos mdzes par byas/ thub chen gtso 'khor
gand+ho la dang bcas pa la gser btul ma mgur zho bzhi brgya dang
drug cu re gcig dang/ gser shog stong pa ma

brgyad dang drug brgyas khyab par byas te mig gi bdud rtsi lta
bur bsgrubs shing gos bzang po'i bla bres yongs su khyab pa dang
'phan skor ka 'phan bzhi dang bcas pa phul/ 'di dag gi skabs su
lha dang bla mas byin gyis brlabs pa'i

ltas bzang po yang byung/ de skabs bkra shis lhun por grwa pa re
la nas khal nyi shu re thob rtsis kyi skam 'gyed bzang po dang/
rtsed gdong chos sder byu ru rdog che ba nyis brtsegs gsum gyi
'gyed dang/ bkra shis lhun po'i rgyud grwar

@157a @#/ /byu ru che chung 'dres pa spus gtsang ba sum cu so
bzhi'i 'gyed bzang po byas/ zla ba bzhi pa'i nang du dben dgon
du mang 'gyed bzang po btang zhing/ de'i dus bdag cag gi ston
pa'i sku brnyan gser lcags srang gi khal

gsum las grub pa gcig dang rje btsun byams mgon gyi sku brnyan
gser lcags nyag bco brgyad las grub pa gcig rnams lugs su blug
pa shin tu legs par byon/ de'i nyin dus bzang po la gtsang khang
chen mo'i sku brnyan rnams

kyi spyan 'byed 'grig pas rten 'brel phun sum tshogs par gyur to/
/gser dngul gar bur blug pa'i sku brnyan rje bla ma/ bdag cag gi
ston pa/ rje btsun byams mgon 'od dpag med la sogs pa snga phyir
mang du bzhengs pa yang bdag

nyid la bltos pa byas pa'i sems can rnams kyis mtshon/ 'gro ba
mtha' dag dga' ldan dang bde ba can la sogs pa dag pa'i zhing du
bgrod par 'dod pa'i bsam pa dge bas bgyis pa lags so/ /de nas
gser mdog can du

mang ja dang gos sna tshogs pa yug dgu'i spyi 'gyed rnam gzhag
dang bcas pa bsgrubs/ skabs der byams pa gling dang tshogs dge
'dun sgang gnyis kyi mkhan po/ rin po che mkhas btsun pa dpon
slob kyis 'bul ba dang brtan bzhugs

phun sum tshogs pa phul zhing chos bka' mang du byas/ de nas ring
por ma thogs par/ rtses thang lnga mchod pa/ ri bo sde chen pa/
gong dkar rdo rje gdan pa rnams kyis kyang brtan bzhugs rnam
gzhag rgyas par byung ba ltar chos sde so

@157b sor tshogs pa'i zhal grangs dang bstun pa'i mang ja gos dar
byu ru spos shel la sogs pa'i 'gyed rnam gzhag dang bcas pa
rgyas par bsgrubs/ de mtshungs bkra shis lhun po'i grwa tshang
bzhi'i chos grwa ja'i thebs su byu ru phon che

ba phul ba la 'ga' zhig gis rin thang brtsis pa'i rin gsum bcad
bar par phab pa la grwa tshang re la nas khal stong phrag phyed
dang lnga re thob nges pa yin ces kyang zer ro/ /de nas zla ba
lnga pa'i nang du bdag cag gi ston pa'i sku brnyan

gser lcags srang gi khal gnyis dang/ byams pa'i sku brnyan gser
lcags srang gi nyag bco brgyad dang/ bdag cag gi ston pa'i sku
brnyan dngul srang phyed dang nyis brgya las grub pa gsum lugs
su blug cing/ zla ba de'i mjug tu

rgyud grwar zhabs tog byas nas bskang gso sbrel mar mdzad cing
kha btags bzang ba re'i phyag 'gyed phul/ dus der sems dpa' chen
po'i gdan sa pa dpon slob la chos rgyal dang zhal bzhi pa sogs
kyi 'dod chos kyis dgyes

par byas so/ /lo sngon ma'i zla ba brgyad pa'i nang du sog po
'ga' zhig dang/ khams pa dwags kong sogs bod thams cad kyi dmag
dpung lho phyogs su bcug /de dang dus mnyam du sa skya zhabs
drung sku dngos dang/ sde pa skyid

shod pa dpon g.yog rnams 'dun chings kyi dgongs pas byon nas
skor 'phen sna tshogs yang yang mdzad 'dug kyang/ phar tshur gnyi
ga nas gsan dgongs ma byung ba'i ngang nas lo 'khor la thug
tsam
dpung ma gyes/ ji skad du tshogs

@158a @#/ /kyi gtam las/ ngan 'gro'i sdug bsngal ma lus pa/ /mi
rnams la yang yod par mngon/ /tsha grang gzir bas dmyal bar
mtshungs/ /dbul bas gshin rje'i 'jig rten pa/ /'di yi dud 'gro'i
sdug bsngal

yang; ;mthu ldan stobs kyis mthu med pa/ /rnam par gnon cing
'tshe ba dag /chu bo lta bu nyid yin no/ /zhes gsungs pa ltar/
rgyal khams thams cad sdug bsngal gyi me 'bar bas mnar shing
kun
tu mnar ba'i skabs su

'ga' zhig gis/ khyod kyis chings shig byas na bde ba la 'god pa
zhig e yong ces bskul ba dang/ bdag nyid kyis kyang ston pa bla
na med pa des/ sems can don byed nga la gus yin nga ni sems can
kun la byams/ /ces bka'

stsal pa spyi bor nod/ sems can thams cad la dmigs pa'i snying
rje chen pos kun nas bslangs te lag stong du chings byas kyang
skabs su mi bab snyam/ sde pa phyag mdzod pa dang/ 'brug pa
gdung brgyud rin po cher rnam gzhag

dpangs mtho ba re re dang/ so so'i dmag dpon rnams la thams cad
bsdoms pa'i kha btags brgya lhag /dngul srang stong phrag /sman
tse yug brgya/ gos yug lnga bcu/ gser srang gsum/ g.yu gru dkar
dmar sogs dngos

po rnam grangs mang po dang bcas/ chos mdzad bsod nams phun
tshogs dang/ dka' chen tshogs gsog pa chos 'byor legs pa dpon
g.yog 'ga' shas chings par btang bas/ dngos po'i rnam gzhag
btang ba la ma bltos

@158b par phan tshun gnyis kas gsan dgongs rnam par dag pa mdzad
nas lo bzhi lnga'i bar lab chings yang dag par bsdams te lho bod
kyi skye bo thams cad btson khang me 'bar ba nas legs par thar
ba lta bu'i spro ba thob yod 'dug cing/

lho'i dpung 'jug snga gong gi skabs nas bzung gnas rnying rje
btsun drung sogs drag zhan sna tshogs phar tshur gnyis kar btson
du lus nas lo mang du song ba rnams kyang ma lus par brje sprod
grangs nyis brgya tsam byas te rang rang gi

yul du bde ba'i dbugs dbyung ba thob par byas shing/ de las
byung ba'i dge ba rnams bla na med pa'i byang chub tu bsngo ba'i
phyir smras pa/ swa sti; 'di ltar bsgrubs pa'i rnam dkar phung
po'i tshogs/ /srid pa'i rtse mo nas

bzung dmyal ba'i bar/ /las dang nyon mongs dba' klong drag
'khrug cing/ /sdug bsngal gsum gyi chu srin mang pos gtses/
/nyam thag 'khor ba'i rgya mtshor chud pa yi/ /mar gyur 'gro
rnams thabs shes gru rdzings kyis/ /

bsgral nas sku gsum rin chen mchog len pa'i/ /lam ston ded dpon
bzang por bdag gyur cig /de nas dbyar chos thog ngam ring/ lha
rtse chos sde/ rtag brtan/ gangs can/ ngor/ snar thang/ zha lu/
gser mdog can/

dben dgon/ stag lung sna dkar rnams su mang ja rnam gzhag gser
'gyed du gser gsil ma zho nyis brgyar rig pa rnams so sor bgo
bsha' byas nas brdzangs/ yang dben dgon du gos bzang po'i gnam
rgyan gyis gtsang khang

@159a @#/ /gtsug lag khang khyab pa dang 'phan skor ka 'phan
rnams phul zhing/ ched du chos grwa 'di nyid du dbyar chos kyi
phogs ja tshul sogs sngar mkhyud dang gser gsil ma'i 'gyed dang
bcas pa bsgrubs/ lo de'i dbyar

gyi sbyor ba'i nyin bdag cag gi ston pa'i sku brnyan gnyis kyi
sku rgyur gser lcags nyag gi khal bzhi dang/ rje btsun byams
pa'i sku brnyan gser lcags srang gi nyag bco brgyad las grub pa
rnams kyis mtshon pa'i gser gar bu'i

sku brnyan lo 'di nang du bdun bzhengs pa'i sku rgyur gser mgur
mo'i zho stong phrag drug dang lnga brgya lnga bcu nga gnyis
song/ sngon du rje bla ma tsong kha pa'i sku brnyan nas brtsams
gser 'ba' zhig las sku brnyan bcu gcig tsam bzhengs

pa la; shes ldan 'ga' zhig rjes su yi rang mdzad cing/ phal cher
ser snas bcings pas blor mi chud cing brnab sems skyed pa rnams
kyi tshul mthong bas/ bdag nyid tsan dan ste'ur mtshungs pa dang/
gser dang bong ba mnyam pa'i

yon tan gong ma thob pa ma yin kyang/ mnyam med bu ram shing
pas
'khor ba'i phun tshogs thams cad me 'bar ba'i klong dang ston
ka'i sprin tshogs dang/ chu shing gi snying po lta bur gsungs
pa'i don cung zad nges pas 'dir yid la bsams

pa tshig tu brjod pa ni/ swa sti; stong gsum khyon ltar yangs
pa'i zhing rnams kun/ /nor dang 'dod dgu'i 'byor pas gang ba
dang/ /sa steng skye bo kun la dbang bsgyur ba/ /khengs shing
stobs ldan mi yi dbang po yang/ /'jigs

@159b rung gshin rje'i pho nyas zin pa'i tshe/ /ri ltar spungs
pa'i nor gyi phung po dang/ /phyogs kun gang ba'i 'dod dgu'i
'byor pa las/ /rdul phran tsam yang 'khyer ba'i mthu med cing/
/g.yog byed gcig tsam 'khrid pa'i dbang med par/ /mi

bzad mya ngam thang la dgras bcom bzhin/ /gcer bu lag pa stong
par 'gro 'gyur na/ /srid pa'i 'dod la chags pa smyon pa dngos/
/de phyir bde 'gror rang dbang yod pa'i dus/ /gtan du bde pa'i
phun tshogs bsgrubs na legs/

'di ltar bskrun pa'i dge tshogs rgya mtsho yang/ /bstan dang 'gro
la phan pa'i rgyu ru bsngo/ /zhes kyang smras/ dus der dngul
srang bzhis lhag pa'i phyed drug brgya las grub pa'i thub pa'i
dbang po'i dngul sku gar blugs gcig dang/

de mtshungs bkra shis li ma'i gras bdag cag gi ston pa'i sku
brnyan bcu dang/ byams mgon khri bcas bcu/ byams pa bzhengs sku
gnyis te bcu gnyis/ mgon po tshe dpag med kyi sku brnyan gnyis
dang/ gzhan ma khri 'ong kor dang

bcas pa 'ga' zhig sku rgyu mkhar nyag gi zangs khal bzhi bcu zhe
brgyad las grub pa lugs su blug cing gser mgur zho drug cu re
lnga'i tsha gser gsol nas bkod pa phun sum tshogs pas mdzes par
byas/ 'di ltar snga phyir bsgrubs

pa rnams kyang bla ma sangs rgyas byang sems kyi sku brnyan
dang/ srog shing khab tsam gdugs skyu ru ra'i lo ma tsam gyi
mchod rten bzhengs pas ma 'ongs par mtshon gyi bskal pa las thar
bar gsungs shing/ de bzhin du bde bar gshegs

@160a @#/ /pa'i sku gzugs rtsig pa'i ngos la bris pa la sems
'khrugs bzhin pas blta ba tsam dang/ sangs rgyas mchod pa'i
phyir lcags kyi sil khrol brdungs pa tsam gyis kyang srid pa
mtha' can du gsungs pa la

nges pa gting nas rnyed pa'i rgyu mtshan gyis yin pas shes rab
dang ldan pa rnams kyis don 'di khong du chud par gyis shig /de
yang 'di ltar/ /swa sti/ 'phags yul dbus dang rdo rje can phyogs
kyi/ /ril byed mkhas pa'i rnam

dpyod sor mo'i rtses/ /legs bsgrubs skyob pa nyid gzigs thugs
rje dang/ /paN grub dam pa'i 'phrin las las grub pa'i/ /rten
mchog nor bu'i tshogs la 'gran bzod pa/ /byin rlabs gzi byin 'od
zer stong 'bar bas/ /

'gro kun sdug mun kun sel dge legs kyi/ /snang ba mchog stsol
sangs rgyas byang sems sku/ /phun tshogs bkra shis li mar rab
grags pa/ /bla ma sras bcas rgyal ba'i byin rlabs dang/ /dad
ldan lhag bsam dag pa'i

mthu las grub/ /de las byung ba'i rnam dkar dge ba'i tshogs/
/thog med dus nas drin gyis bskyangs pa yi/ /mar gyur mkha'
mnyam 'gro ba ma lus pa/ /sdug bsngal rgya mtsho che las grol
gyur nas/ /sku gsum rin chen

gling du 'jug phyir bsngo/ /zhes smras so// de skabs chos grwa
'di nyid du 'dus pa stong dang sum brgya zhe gsum la dge 'dun
nyi shu rer gser gsil ma mgur zho re'i phyag 'gyed dang/ de dang
'dab chags par dge 'dun

@160b grangs gong mtshungs la grwa ba re'i phyag tu bkra shis kha
btags re phul/ ring por ma lon par skyid shod zhabs drung yid
bzhin dang rgyal po mchod yon rnams rim gyis byon pa la tshe
dbang sogs kyis bzhed pa bskangs/ mchod yon

rnams chibs kha bsgyur 'phral mtshams dam par bsdams te sgo gsum
dge ba la sbyar/ de nas chos thog gsar pa ston chos la dge 'dun
zhal grangs bdun brgya bdun cu don bdun la chos thog gi zhabs
tog bsnyen bkur

sngar mkhyung bzhin dang/ mu tig gi phyag 'gyed bzang ba byas te
chos kyang 'phel bar byung/ de skabs dben dgon du rdo gcal gyi
sku 'dra rnams la'ang gser shog gis brgyan cing dad pa'i rten
mig gi bdud rtsi lta bur bsgrubs

dus der chos grwa 'di ga'i rgyud pa rnams kyis bka' 'gyur yongs
rdzogs gsung sgrogs tshar gnyis mdzad pa'i yon du gser gsil ma
mgur zho bco lnga phul/ lo de'i zla ba brgyad pa'i dkar phyogs
la skyid shod sprul pa'i

skus rgyud pa dang sngags mtshan nyid kyi slob dpon bzhi dang
bcas tshe dpag med kyi dkyil 'khor yongs su rdzogs pa zhal phye
ba'i sgo nas brtan bzhugs phul zhing/ sprul pa'i skus cho ga'i
yan lag tu smon lam shis brjod

tshigs bcad ma zhig dgos tshul nan chags pa la brten nas bya rgyud
thun mong ma yin pa'i lugs kyi tshe dpag med kyi smon lam shis
brjod gsar du brtsams nas cho ga'i mtha' rten du mdzad cing 'dus
pa spyi la mang ja rgyud grwa

@161a @#/ /dang so so'i zhabs 'bring pa rnams dang bcas par dngul
srang re'i 'gyed sogs bsnyen bkur bzang po mdzad do/ /de dag gi
snga phyi'i skabs ser 'bras dge gsum dang/ lho rgyud khog dang/
khams dwags kong

sogs nas dge ba'i bshes gnyen bka' bcu rab 'byams pas mtshon
bsnyen rdzogs sgrub mi bsam gyis mi khyab pa rgyun mi chad pa
byung ba rnams la bstan pa'i rtsa bar gsungs pa ltar/ mkhan po'i
bya ba byed dgos pa rnams na tshod

mthon po rkyen mi bzod pa ltar gyur kyang le lo dang sla chos su
ma song bar 'dul 'dzin mkhas pa rnams kyi phyag len nyams pa med
par bsgrubs/ zla ba de ga'i nang du shangs kyi dgon pa rnams la
mang ja byu ru spos shel gyi 'gyed

bcas dang/ dben dgon du dge 'dun phyed dang nyis brgya lhag
tsam
la grwa pa lnga re la gser gsil ma mgur zho re'i 'gyed mang ja
dang bcas pa byas/ zla ba dgu pa'i zla stod la gtsang phyogs kyi
'chad nyan 'phel ba'i chos sde rnams

kyis mtshon/ dgon sum cu so brgyad tsam la mang ja rnam gzhag
dang/ spyi 'gyed bsdoms pa'i rgya mu tig mgur zho drug brgya
dang lnga bcu nga lnga rnams dgon che chung gi dbye ba dang
mthun par phul cing/ bkra shis lhun po'i

lha khang gsar rnying thams cad kyi sku byams chen gyis mtshon
pa'i sku brnyan che chung thams cad la zhal gser du gser btul ma
mgur zho nyis brgyar reg pa gsol/ de nas skye rga na 'chi'i
'jigs pas gzir ba'i 'gro ba

@161b rnams sdug bsngal las bsgral bar 'dod pa'i bsam pas/ chos
grwa chen po 'di nyid du tshogs pa spyis bka' 'gyur tshar gsum
tsam gsung sgrogs mdzad cing yon du mu tig phon che ba dang
skam
'gyed rgya che ba byas/ de mthun dben

dgon dang 'di kha'i rgyud pa grwa tshang gnyis kas zhag du mar
bskang gso dang gtor bzlog gi rim pa mdzad pa'i yon du byang dar
kha 'gyed dang/ sngags grwa ba rnams la 'phar ma skam 'gyed
bzang ba yon du phul/ de nas ring por ma

lon par chos grwa 'di nyid kyis mtshon 'chad nyan 'phel ba'i grwa
sa rnams gtso bor byas/ dgon sde che chung shin tu mang ba la
mang ja spyi 'gyed du rta bzang ba brgya phrag rnams dge 'dun
gyi zhal grangs dang mthun par so sor bsngo rten

rnam gzhag dang bcas nas phul cing de mthun chos grwa chen po
'di kha'i grwa tshang bzhi la chos grwa ja'i thebs su dre'u bzang
ba gnyis gnyis rnams phul/ 'di'i skabs hor chos rje dpon slob
rnams kyang byon nas mang 'gyed 'bul ba

bzang po dang/ chos rje sa paN gyi thugs dam rten 'jam dbyangs
kyi sku shar li legs pa gcig dang/ rgyal ba yang dgon pa'i thugs
dam rten thub pa'i sku gsung 'byon ma byin rlabs can gnyis kyang
phul nas gsol ba btab

pa bzhin ji ltar bzhed pa'i chos kyis tshim par byas shing dus
'dir bsnyen par rdzogs pa brgya phrag tsam bsgrubs/ zla ba bcu
pa'i zla stod gza' tshes bzang po la gtsang khang dbus ma'i thub
chen gyi sku 'dra rin po che la gos bzang

@162a @#/ /po'i bla gos nang ldan zhig sku tshad dang mthun par
bsgrubs shing/ smon lam tshigs su bcad pa 'di ltar// //na mo ra
tna tra yA ya/ dran pa tsam gyis mchog dang thun mong gi /'dod
dgu'i dngos

grub ma lus stsol mdzad pa'i/ /bla ma mchog dang dbyer med
shAkya'i gtso/ /zla med ston pa de yi zhabs la 'dud/ /gang de'i
sku brnyan gser gyi sa 'dzin mchog /mdzes byed lha rdzas gos
bzang las grub pa'i/ /bla gos 'tshams

sprin gsar pa'i 'od chags pa/ /phyi nang mchod pa'i tshogs dang
lhan cig tu/ /legs par phul ba'i dge tshogs nyal 'gro'i rgyun/
/mtha' yas 'gro 'di'i legs par spyad pa yi/ /dus gsum skal ldan
shing rta'i rgyun tshogs dang/ /

lhan cig kun mkhyen rgya mtshor 'jug phyir bsngo/ /gzhan yang 'di
ltar bskrun pa'i dge ba'i mthus/ /phan bde'i 'byung gnas thub
pa'i dbang po yi/ /bstan pa'i dga' tshal phyogs bcur rgyas pa
dang/ /'gro kun bde dge'i

dpal la spyod par shog /khyad par du yang phyogs dus thams cad
du/ /bkra shis lhun gyis grub pa'i chos grwa che/ /mdo rgyud sde
snod 'dzin pas yongs gang zhing/ /bshad sgrub dar rgyas yun ring
gnas gyur cig /ces pa'ang

bris nas phul/ de nas mi ring bar thub bstan rnam rgyal gyis
mtshon chu byang gi dgon che phra rnams la mang ja rnam gzhag
grwa pa'i zhal grangs dang mthun pa'i rta mang po'i spyi 'gyed
btang zhing/ chos grwa 'dir dge 'dun stong rwa

@162b can gyis bka' 'gyur yongs rdzogs dang/ 'bum tshar gnyis
brgyad stong pa brgya dang bco lnga rnams gsung sgrogs mdzad
pa
la mang ja sum cu lhag dang dge 'dun re rer dngul srang re'i yon
phul/ de skabs sngags grwar rab

'byams pa brgya phrag brgal bas tshe chog mdzad pa la kha btags
bzang po re re'i yon dang/ dben dgon du'ang dge 'dun phyed nyis
brgyas bka' 'gyur gsung sgrogs mdzad pa la dngul srang re re
rnams phul/ de dang mthun

par 'chad nyan 'phel ba'i gtsang phyogs kyi dgon sde brgyad du
mang ja bsngo rten rnam gzhag dang spyi 'gyed du kha thi thon
thi bzang ba yug sum cu dge 'dun zhal grangs dang mthun par so
sor phul zhing/ ri khrod kyi sde bcu'i ri

khrod pa zhal grangs brgya dang bcu lhag pa la mang ja gos
bzang
po kha re re dang sog ja ja phag re re'i 'gyed phul zhing/ sa
skya chos 'khor lhun po sogs su yang mang ja bsngo rten rnam
gzhag spyi 'gyed rta gsum re'i 'gyed dang/

de mtshungs nyang khul gyi dgon bdun la yang mang ja bsngo rten
rnam gzhag zhal grangs dang mthun pa'i rta 'gyed rgyas par
song/
lo de'i mjug tu dbus phyogs kyi chu lho kha'i dgon che chung
drug cu skor la mang ja bsngo rten

rnam gzhag dang spyi 'gyed du ras chen yug stong phrag lnga
rnams dge 'dun zhal grangs mthun par so sor song zhing/ chos
grwa 'di nyid du dge 'dun stong phrag lhag pa la mang ja skam
'gyed bzang po dang/ gzhan ma gtsang

@163a @#/ /phyogs kyi dge 'dun gyi sde che chung sna tshogs pa la
mang ja rta'i 'gyed dgon che chung gi dbye ba dang mthun par
byas/ zla ba de kha'i nang du bkra shis lhun po'i grwa tshang
bzhir chos grwa ja'i rgyud ja khal drug cu

skor rdor bcas phul zhing skyid shod khul gyi chos sde rnams la
yang gser zho nyis brgya dang don dgu /kha thi thon thi sogs gos
kha stong drug brgya so lnga rnams dge 'dun gyi sde che chung
gi
dbye ba dang mthun par mang ja bsngo

rten rnam gzhag dang bcas nas btang/ de mthun chos grwa 'di
khar
dge 'dun nyis stong brgya phrag dang bcas pa'i phyag tu nas khal
bcu gsum tsam re thob nges kyi skam 'gyed bzang ba byas shing
skabs der snye thon yan nas

bya rgod gshongs man chad kyi dgon che chung thams cad la
mang
ja bsngo rten spyi 'gyed du nas khal khri phrag dang lnga brgya
bzhi bcu rnams zhal grangs dang mthun pa so sor btang/ de yang
dga' ba'i lo nas bzung phyogs su 'gro

'dug sogs spangs nas shas cher mtshams khongs nas dge sbyor la
brtson par byas shing/ snga phyir lo re re re bzhin bsnyen par
rdzogs pa stong du nye ba bsgrub pa'i mkhan po byed dgos pa shas
cher byung ba rnams kyang/ ston

pa bla na med pa des lung las/ mkhan po dang slob dpon byas nas
rab tu byung ba dang bsnyen par rdzogs par byas na ston pa rang
nyid la bya ba byas par gsungs pa dang/ bstan pa rin po che 'di
nyid dar zhing rgyas pa'i phrin las

@163b la bsams nas/ na tshod lo brgya la nye ba'i rgas shing
'khogs pa'i tshe yang dal ba la ma bsams par mkhan po'i bya ba
byas te smon pa rnam par dag pa btab pa ni 'di ltar// swasti/
lha bcas ston pa bden pa gsung ba

yis; ;mdo dang rgyud sde'i rgya mtsho chen po las/ /mngon mtho
nges legs phun sum tshogs pa yi/ /'byung gnas rtsa ba lhag pa'i
tshul khrims ces/ /dpal gyi mgur nas bsngags pa'i tshul mthong
nas/ /sngon nas

bzung ste brgya phrag lor nye bar/ /ngal ba spangs te phyogs
dang phyogs bral nas/ /'phags nor don du gnyer ba'i skye bo ni/
/rim bzhin 'dus pa gcig tu bsdoms pa na/ /'bum phrag nye ba'i
yid kyi bum bzang rnams/

yongs rdzogs tshul khrims lha yi bdud rtsi yis/ /legs par bkang
ste mtho ris thar pa yi/ /lha yi rin chen skyed mos tshal du
bkod/ /de lta'i skal bzang skye bo'i tshogs rnams kun/ /bag yod
lha rdzas gos

bzang legs bgos pas/ /ring po mi thogs nyes pa'i dgra bcom ste/
/kun mkhyen rgyal ba'i gdung la reg 'gyur zhes/ /bstan pa'i gtso
bos gsungs pa ji bzhin du/ /bdag nyid yid kyis de yi rjes su
bsngos/ /bsngos

pa ji bzhin 'bras bus mdzes gyur cig /ces pa'o/ /chos grwa chen
po 'di nyid gtso bor gyur pa'i gtsang rong gi dgon bcu phrag
lnga lhag pa dang/ ri khrod kyi sde bcu phrag rnams la mang ja
rnam gzhag kha thi thon this gtsos pa'i

@164a @#/ /gos yug brgyad cu zin pa'i spyi 'gyed phul/ rnam
'phyang gi lo la chos grwa 'di nyid kyi dus mtshams kyi chos thog
rnams la bsnyen bkur zhabs tog phun sum tshogs pa'i ngos/ dge
'dun nyis stong

brgal ba la dngos po'i 'gyed ches bzang ba/ las byed pa rnams
kyis rin thang bar pa'i dbang du byas pa la nas khal khri phrag
gsum dang nyis stong lnga brgya sum cur zin pa btang/ de skabs
sog po'i sku skye dang shes rab bla ma

spun la sogs pa dang ldan mang pos bsnyen bkur phun sum tshogs
pa'i brtan bzhugs 'bul ba 'ga' zhig byung/ de nas dben dgon du
mang ja dang sog ja sbab cha che chung 'dres pa brgya nyi shu
rtsa bdun dang dngul srang nyi shu

kha btags sman tse kha nyis brgya dang nyi shu rnams phul/ sog
po'i dpon po khon du li dang rgya nag gi mi sna shes rab bla ma
dpon slob rnams kyang byon nas dge 'dun gyi sde la mang 'gyed
dang 'bul ba phun sum tshogs pa 'dug  

cing; shes rab bla mas mkhar sngon por ri khrod kyi sde gsar du
'dzugs pa la khrims su bca' ba'i yi ge dgos tshul byung bas rgyal
ba'i gsung rab dang mthun pa'i bca' yig mdor bsdus zhig kyang
brtsams/ sog po'i

rgyal po sogs 'ga' zhig la tshe dbang dang rgya nag gi rgyal po'i
mtshams 'dri skyes bzang po dang bcas byung ba'i lan 'debs dang
gser yig pa rnams la'ang zang zing gi dngos pos tshim par byas te
btang/ ring por ma lon

@164b par chos grwa chen po 'di nyid kyis mtshon pa'i gtsang rong
gi dgon grub mtha' ris med pa drug cu tsam la mang ja bsngo rten
rnam gzhag spyi 'gyed du spos shel che chung 'dres pa bzhi brgya
dang don gcig /byu ru che chung 'dres pa sdog

nyis brgya dang zhe brgyad rnams so sor zhal grangs dang mthun
par phul/ dus 'di kha'i sngon tsam du sgrub chen lha btsun dang
hung tha'i ji yon mchod rnams sog khrod nas 'khor ba'i dge 'dun
gyi sde rnams la mang 'gyed dang

'bul ba bzang po byung zhing/ 'di'i dus su yang khal kha'i zhabs
drung lha btsun dang/ sgrub chen lha btsun gnyis kyis gtsang
phyogs kyi ri khrod pa brgya nyi shu lhag pa gdan drangs nas
brtan bzhugs rgyas pa tshogs kyi 'khor

lo rgya chen po 'gyed dang 'bul ba bzang pos nyin gnyis mchod/
de nas ring po ma lon par tshogs chen du dge 'dun nyis stong dang
bcu phrag brgal ba 'dus pa la mang ja'i thog tu kha btags che
chung 'dres pa bdun brgya dang

gya brgyad/ gos chen dang ling gi chos gos dang snam sbyar bco
lnga/ gos por bcu gcig /bla bre bzang po nyer bzhi/ gos kha dog
sna tshogs pa kha stong dang sum brgya lnga bcu nga drug /ling
dang byang dar 'dres pa kha dgu brgya dang gya bzhi/

sman tse kha brgya dang dgu bcu go bzhi rnams kyi phyag 'gyed
bzang po btang/ dgun chos dang po nas bzung chos thog gsar pa'i
bar tshun du sbyin bdag dang grwa ris thams cad nas brtan bzhugs
la dmigs pa'i tshogs chen du mang ja sbyor

@165a @#/ /sbrel gyi thog sku rim shin tu 'phel ba'ang byung/ de
mtshungs tshogs chen gyis rgyal ba'i bka' 'gyur rin po che yongs
su rdzogs pa tshar gsum dang/ brgyad stong pa brgya lhag dang
bcas pa gsung sgrogs

mdzad/ de dag gi bar du sog po'i rgyal po se chen tha'i ji sogs
mang du byung ba rnams kyi bzhed pa'ang bskangs bar byas/ de
skabs sa skya zhabs drung yang dbus phyogs nas phebs pa'i gser
mdog can nas tshad gnyer mjal

'dzom dgos tshul gyi 'phros byung ba la/ mtshams kyi bcad rgya dam
par yod kyang gangs can gyi gdan sa che shos yin pa dang gdung
rus kyis mngon par mtho zhing/ bla ma'i bgres khar 'dug pas
dgongs pa dang bstun pa'i

mjal 'dzom gyi skabs su/ byang phyogs thub bstan ris med yongs
kyi mgon/ zhes sogs/ brtan bzhugs gsung rtsom gsar du mdzad pa
zhig dang bcas dag snang gi phyag legs par mdzad cing/ kho bo
rang gis kyang phyag  

dang rjes mthun pa'i phyag babs legs par byas/ ring po ma lon
par chos rje sher dpal bas tshogs 'khor bzang po dang bcas nas
brtan bzhugs phul cing/ zha lu ri mthil rnams kyi dpon slob drag
rim rnams kyis

kyang brtan bzhugs kyi cho ga rgyas par mdzad/ chos 'khor gling
pa dpon slob rnams gzhis ka rtser phebs pa'i 'di khar rjes gnang
dgos tshul mdzad byung ba bzhin/ rje btsun 'jam dbyangs kyi rjes
su gnang ba zhig dang/ grwa

@165b pa rer dben sa kha btags re dang gnyis bar du gser zho
re'i 'gyed kyang byas/ ched gnyer gyis thon nas zhabs drung dmag
dpon drung dang bdag mo sogs dpon g.yog 'ga' shas dang/ dpal
'khor chos sde'i mkhan slob

drag rim mang du phebs nas brtan bzhugs kyi maNDal rgyas par
phul zhing gsol ba btab pa bzhin dbang chos kyi re ba bskangs
zhing/ zang zing gi gzhi lon yang bab 'brel dang mthun par byas/
de yang/ gangs can gyi ljongs

'dir phyogs ris su ma song ba'i bstan pa rin po che dar zhing
rgyas pa'i khur bzung nas chos dang zang zing gi sgo nas rjes su
bskyangs pa la brten/ chos kyi gdan khri 'dzin pa'i dge ba'i
bshes gnyen mtha' dag gis kyang

mngon par dad pa'i thal mo sbyar nas/ bstan pa dang 'gro ba'i
phan bde'i gzhir yun ring du 'tsho ba'i brtan bzhugs kyi gsol ba
'debs pa mang du byung zhing/ so sor lan 'debs kyang 'di skabs
su ri bo bde chen spyan

g.yas chos sde gnyis la mang ja byu ru spos shel gyi 'gyed
bzang ba dang/ dpal 'khor chos sde sogs nyang khul gyi dgon 'ga'
zhig la nas 'gyed mang ja dang bcas pa/ gdan sa chen po sa skya
man 'od yug grwa dkar yan

gyi dgon bzhi bcu lhag pa la mang ja dang gos kha thi thon thi
sogs kha dog sna tshogs pa yug brgya dang brgyad/ kha thi'i gnam
rgyan bcu rnams bgo bsha' byas te btang zhing/ dbyar zla 'bring
po'i dkar phyogs gza' tshes

@166a @#/ /bzang ba'i 'grub sbyor nyin/ kun dga' rab yongs su
khebs pa'i bla bre skyid si'u khyad gos bzang po 'ba' zhig las
grub pa phul/ rnam 'phyang gi lo 'di skabs gser gar bu las grub
pa/ bdag cag gi ston

pa'i sku brnyan drug /'od dpag med kyi sku brnyan bcu gsum/ rje
btsun 'jam pa'i dbyangs kyi sku brnyan gsum ste/ nyi shu rtsa
gnyis bzhengs pa'i sku rgyur gser srang stong phrag gnyis dang
brgya dang nyi shu rtsa bdun dang/ khri 'od skor rnams

la zangs khal so lnga las byas pa tsha gser mgur zho sum cus
byugs shing/ phra rgyan g.yu bzang po mu tig sogs kyis spras pa
mig gi bdud rtsi lta bu bzhengs/ gtsang khang chen mo'i steng gi
gnas bcu lha khang gi sku brnyan rnams la

gser btul ma mgur zho brgya dang lnga bcu nga brgyad gsol
zhing/
gos dar gyi na bza' gra rtsegs mang po dang bkod pas mdzes pa'i
mchod cha 'ga' zhig phul nas bstan pa rgyas pa'i smon pa btab/
'di skabs su rgya dngul bzang po srang

stong phrag gnyis dang bzhi brgya las/ gar bur blug pa'i thub
pa'i dbang po'i sku brnyan bdun/ rgyal ba 'od dpag med kyi sku
brnyan bcu gcig /rje btsun byams pa'i sku brnyan gcig /rgyal ba
rigs lnga'i sku brnyan rnams dang bcas

khyon bsdoms nyi shu rtsa bzhi bzhengs pa yang lugs shin tu legs
par byon/ snga gong nas brtsams te dkon mchog gsum gyi rten
mang
po zhig gsar du bzhengs pa dang/ bsod nams kyi zhing du gdul bya
gang na yod pa'i sar

@166b dgag tu med par byon pa'i rten khyad par can rnams bzhugs
pa'i mchod khang yang/ gtsug lag khang gi lho'i 'gram nas
bzhengs pa'i bzo bcos dgos pa 'ga' zhig shing rtse'i bar mjug
'khyongs par grub nas/ rten so so yang

dngos bshams yid kyis sprul pa'i mchod pa'i tshogs dang bcas
bzhugs su gsol/ dbyar gnas pa'i dge 'dun rnams kyang phogs ja
tshul sogs bsnyen bkur bzang pos mchod cing/ las byed pa rnams
kyis bskul

ba bzhin gro bzhin zla ba'i gza' skar 'phrod sbyor bzang po la
gtsug lag khang chen mor slob dpon pa rnams dang bcas song
nas/
steng shod kyi lha khang rnams kyi rten gtso bo rnams la snyan
dar dang/ gser gar bu'i sku brnyan

'ga' zhig la mgul zhal/ mgon khang chen mo'i sngags sku rnams la
snyan dar sogs mchod pas mchod nas/ shis pa brjod pa'i me tog
gtor zhing bstan pa dang 'gro ba la phan bde rgya chen po 'byung
ba'i smon pa btab/

de'i nyin dkar phyogs la mngon par dga' ba'i lhas me tog char du
phab pa sogs ltas bzang po mngon du gyur to// //swasti; phyogs
bcu'i rab 'byams rgyal ba sras dang bcas/ /mngon sum byon

nas bzhugs pa ci 'dra ba'i/ /bkod legs mchod khang sku brnyan
dang bcas par/ /mchod bstod bkra shis me tog char du phab/ /'di
ltar bskrun pa'i dge tshogs rgya mtsho yang/ /sdug bsngal gsum gyi
tsha bas

@167a @#/ /gdungs pa yi/ /mkha' mnyam 'gro ba ma lus skyob pa'i
phyir/ /phan bde'i chu 'dzin bla bres khyab phyir bsngo/ /de nas
bka' 'gyur rin po che mchod pa'i yo byad du/ tsan dan dkar dmar
dang a ka ru'i

sdong po dri bzang po'i ngad ldang ba 'ga' zhig dang/ rgya mu
tig srang brgyad dang zho bzhi/ hor shel gyi phreng ba lnga/ mu
men dang g.yang tri'i phreng ba/ gzhan yang sbyin pa po rnams
kyi byin pa'i rin po che'i phra sna tshogs pa yang chud ma gson
par

tshogs rdzogs pa'i ched du phreng bar brgyus pa'i dra ba dra
phyed dang/ yang rtse mchod rten lha khang du yang rgya mu tig
dang gser dngul sogs rin po che du ma las byas pa'i dra ba dra
phyed phul zhing/ rgyal ba byams pa'i sku brnyan lnga'i sku
rgyur

gser srang sum brgya dang bdun cu don brgyad las gar bur blug
pa
bzhengs/ zla ba de ga'i nang du 'od yug gi dgon gnyis dang byams
chen skyed tshal yan gyi gtsang phyogs kyi dge 'dun gyi sde
brgyad cu lhag pa la mang ja dang 'gyed gser

zho nyis brgya dang sum cus mtshon byu ru spos shel gos chen sogs
dgon che chung gi dbye bas so sor phul zhing/ dben dgon gyi kun
dga' ra ba la gos ding phon dang kha thi bzang po sogs kyi gnam
rgyan yongs su khebs pa phul/ chos

grwa chen po 'di nyid kyis gtso byas dbus gtsang gi dge 'dun gyi
sde rnam la bsnyen bkur ba dang/ skye bo mtho dma' sna tshogs pa
zhig la'ang yul dus kyi dgos cha'i dngos po sna tshogs pa zhig
sgrub dka' ba'i dus ji ltar 'dod pa'i re

@167b ba bskangs pa sogs phan ci nus kyi 'brel ba bzhag pa la
brten nas/ gzu bor gnas pa'i blo can rnams kho bo cag la'ang
'dod dgu 'byung ba'i gter dang/ bum pa bzang po lta bu'o zhes
mngags pa'i me tog 'thor bas na/ sa

la zhugs pa'i rgyal ba'i sras po rnams kyi mdzad pa dang smon
lam gyi rjes su mthun pa bsgrubs/ sngon 'phags pa'i yul dang
gangs can gyi ljongs gnyis kar/ bstan pa'i bdag por bzhugs pa'i
skyes chen de dang de'i phrin

las las grub pa'i bzo bo sprul pa lta bu byung ba bzhin/ skabs
'dir yang sku gsung thugs kyi rten bzheng ba'i bzo bo mkhas pa'i
dper 'os pa 'bad rtsol la ma bltos par 'dus pa rnams la mthun
pa'i yo byad sbyar nas

gsar du bzhengs pa 'di dag kyang/ mkhyen pa'i spyan ldan rnams
bod yul 'dir sngon chad 'di 'dra ba ma byung ba 'dra zhes ngo
mtshar bar 'dzin to/ /de la chos grwa 'di nyid 'debs pa po thams
cad mkhyen pa rang nyid kyis bzhengs

pa'i thub chen dri gtsang khang dang bcas pa/ byams chen lha
khang dang bcas pa dang/ sgrol ma bzhugs pa'i sgrol ma'i lha
khang sogs rten gsum lha khang dang bcas pa sngar yod gong
'phel
du byas shing/ gsar du lha khang bzhengs

pa'ang dngos gtsang ba bcu phrag lhag pa mchis pa'i rten gsum
mchod rdzas dang bcas pa rgyas par deb chen du bkod pa ltar yin
cing/ bkra shis li ma lha khang nub ma'i rten mchod rdzas dang
bcas pa 'phro can gyi skabs su

@168a @#/ /mchis pa slar 'og tu 'chad la/ gzhan ma snying po
bsdus pa tsam zhig brjod na/ dngul gdung chen mo dang bde bar
gshegs pa'i mchod rten brgyad grwa mtshungs kyi mtshon/ gser dngul
mu tig sogs

las grub pa'i mchod rten che chung 'dres pa sum cu so bdun/ go
gdung mchod rten bka' gdams gdung rten/ gser zangs las grub pa'i
mchod rten sum brgya dang gya gnyis rnams bzhug /gsung gi rten/
bde bar gshegs

pa'i bka' 'gyur gser ma gsar bzhengs bzhi la zhal khebs dang
gdong dar sogs/ ding phon kha thi gos bzang po lnga brtsegs/ sku
rag se ta ho gra mtshungs/ glegs shing gser shog ma dang gser ris
ma gra 'grig /gsar

bzhengs kyi bka' 'gyur skya pod yongs rdzogs la gos dar bzang
bsgrigs kyi zhal khebs gdong dar/ mngags btags kyi sku rags grwa
mtshungs dang/ gsar bzhengs lnga ka la sbu la kha re'i bzhugs
khom kyang so sor

yod/ yang bka' 'gyur gsar ma pu ti brgya dang bcu gnyis yod pa
gcig la sku rags gos dmar 'jam las grub pa gra mtshungs yod cing/
gong du smos pa'i bka' 'gyur tshar drug ka la na bza' gos kha thi
thon thi gan

gos sogs kyi rtan khebs nang ldan drug brgya dang lnga bcu lhag
pa/ gzhan ma bka' 'gyur skya pad tshar gcig dang/ kha 'thor sna
tshogs pa'i skor la/ gser ma pu ti brgya dang so gcig /ra ma lug
pu ti drug cu re brgyad/ skya

@168b pod pu ti mang po zhig bzhugs so/ /sku'i rten la/ rje
btsun bla ma shar tsong kha pa chen po'i sku brnyan dang/ sangs
rgyas byang sems kyi sku brnyan gser gar bu las grub pa bzhi bcu
zhe gcig /gser ljangs bdungs las grub pa gnyis/ skal

bzang gi 'dren pa bzhis rab tu gnas pa mdzad pa'i byams pa gsung
'byon ma sogs/ yi dam sangs rgyas byang sems kyi sku brnyan/
paNDi ta dang grub pa thob pa'i skyes chen du ma'i thugs dam
rten re re nas rten gyi gtso bor 'os pa

mang ba zhig gis mtshon 'phags yul gyi rten li ma rtsod med stong
phrag gcig lhag pa/ klu 'jim las grub pa nyi shu rtsa gnyis/
grub chen mi Ta dzo ki'i thugs dam rten thugs rje chen po sogs/
tsan dan dkar dmar sogs las

grub pa'i sku brnyan drug cu re dgu/ rdo ris mu men shel sogs
las grub pa'i sku brnyan sum cu/ bla ma sangs rgyas byang sems
kyi sku brnyan dngul gar bu dang ljangs brdungs las byas pa
brgyad cu gya dgu /bla ma sangs rgyas byang

sems kyi sku brnyan rag sku rnying mas gtsos pa'i rag sku sum
brgya dang bzhi bcu zhe gsum/ rgya nag thugs dam ma sogs sku
brnyan brgya dang nyi shu/ bkra shis li ma nyis brgya dang dgu
bcu go lnga/ bla ma sangs rgyas byang

sems kyi sku brnyan gser zangs las grub pa bdun brgya dang bzhi
bcu zhe gnyis/ bkra shis do kha mas gtsos pa'i sman 'jim las
grub pa'i sku brnyan sum cu so gnyis rnams te/ khyon bsdoms
stong phrag gsum dang brgya dgu

@169a @#/ /bcu go dgu rnams bzhugs/ bla ma sangs rgyas byang sems
kyi bris sku ras bris dang/ gos thags grub si'u bkral btags kyi
bris sku brgya dang bco lnga rnams bzhugs/ rten gtso bo rnams
kyi mgul

shal du/ byi la'i mig lta bu'i rin po che rin thang che ba'i
phreng ba gcig /mu tig gi phreng ba nyi shu rtsa gnyis/ byu ru'i
phreng ba drug cu re gsum/ padma rA ga'i phreng ba bzhi/
g.yang Ti'i phreng ba drug /spos shel gyi phreng ba bcu gnyis

rnams te mgul shal brgya dang brgyad/ rdor dril DA ma ru dgang
gzar blugs hor tshags ma 'ga' zhig dang/ ma na ho'i mchod rdzas
brgya dang nyi shu rtsa bzhi/ g.yang tri'i mchod rdzas sum
brgya dang lnga bcu nga lnga/ byu ru'i rgya lag

sum cu so bdun/ mu tig gi maNDal dang sgam cog sogs mu tig las
grub pa'i mchod rdzas bcu gnyis/ gser gyi maNDal dang sgam cog
sogs mchod rdzas bzhi/ dngul las grub pa'i mchod rdzas lnga
brgya dang lnga bcu nga

bzhi; mrgad kyi mchod sna bdun/ hor shel las grub pa'i mchod
rdzas nyi shu rtsa dgu/ dwangs shel dang bzhu shel gyi mchod
rdzas nyis brgya dang brgyad/ zhal dkar 'bras shel dang karma
gan dkar sogs kyi mchod

rdzas nyis brgya/ 'brug sgong gi bya ma bum sogs mchod rdzas ngo
mtshar ba brgyad/ yul gru sna tshogs nas thon pa'i bzo bkod rmad
du byung ba'i mchod rdzas lnga brgya dang drug /rgya sbug dang
hor sbug cha lnga bcu nga gcig /rgya

@169b sil dang hor sil bsdoms pa cha drug cu/ rgya rnga dang hor
rnga bsdoms pa bcu/ gu gu sha'i ting bdun tshar nyi shu rtsa drug
/gu gu sha'i me tog bum pa cha lnga/ chos ting bdun tshar lnga/
gug ting kha che ma sogs kyi ting bdun tshar drug cu/

ljang ser gyi ting bdun tshar sum cu so drug /ljang ser dang
'khar ba sogs kyi me tog bum pa cha bzhi bcu zhe lnga/ ljang ser
dang 'khar ba sogs las grub pa'i skong bu drug cu re lnga/ gos
bzang po'i rgyal mtshan dang phye phur cha bcu gsum

mu tig sogs rin po che'i dra ba dra phyed dang khyad gos kyi
'phan bdun cu/ lha khang thams cad la hor gos bum stan ma/ ding
phon mkha' 'gro bkral btags sogs kyi gnam rgyan yongs su khebs
pa dang/ sngon lha khang so sor mchod

pa'i rgyun cher mi 'dug kyang deng sang gi skabs mar me la lo re
bzhin mar lcags srang gi khal sum brgya bgo bsha' byas nas phul/
gzhan yang gos sku spe'u la 'grems pa'i gos sku chen mo rnams
kyis mtshon gos sku sum

cu so lnga/ cho 'phrul smon lam gyi mchod rdzas la gser srang
brgya dang bzhi bcu zhe drug dang zho gsum las grub pa'i maNDal
gnyis/ thog 'jog ri rab gzugs/ khrus bum gcig dang/ yang gser
srang gsum tsam gyis rgyan

sprod byas pa'i dbu rgyan gsum dang ri rab kyi gzugs kyi thog
'jog /mu tig gi snam sbyar bcu drug /gos si'u sogs kyi snam
sbyar brgyad/ mu tig gi rten khebs gsum/ si'u ma dang bris pa'i
mchod lha yol gzugs brgyad/

@170a @#/ /dngul srang stong dang brgyad brgya dgu bcu go lnga
las grub pa'i ji ltar che ba bcu dgu /dngul srang brgya dang bcu
las grub pa'i ji ltar gnyis/ za ra tshags kyi mtshon 'phan brgya
dang lnga bcu nga bdun/ rgyal

mtshan phye phur bsdoms pa drug cu re gnyis/ kun dga' ra ba yongs
su khebs pa'i gnam rgyan skying si'u kha thi gos bzang bsgrigs
kyi bla bre yongs rdzogs bzhi rnams lags/ gzhan yang nang mjal
rin po che ji ltar

bzhugs pa la/ 'phags pa klu sgrub dang/ slob dpon dbyig gnyen
sogs kyis 'chad nyan mdzad pa'i brgyad stong pa'i rgya dpe sogs
rgya bod kyi skyes chen du ma'i phyag dpe rgya gar ma du ma/ bla
ma 'phags pa rin po che dang rje

btsun red mda' ba chen po'i thugs dam rten brgyad stong pa'i
glegs bam byin rlabs can gnyis/ sku gdung gi ring bsrel la/ de
bzhin gshegs pa'i 'phel gdung dang/ dpal mar me mdzad ye shes
kyi 'phel gdung

sogs yungs 'bru lta bu'i ring bsrel gyis mtshon rgya bod kyi dam
pa mang po'i gdung ring bsrel byin rlabs can du ma/ rje btsun
tsong kha pa chen po dang/ mkhas grub thams cad mkhyen pa sogs
kyi phyag dril na bza' sogs dang/

then chen chos rje'i dbu zhwa rgya nag mas mtshon grub mtha' ris
med kyi skyes chen dam pa rnams kyi na bza' dbu rgyan dbang
rdzas thugs dam rten bris thang dang/ rdo rje 'jigs byed kyi
btags sku che ba byin rlabs can ngo

@170b mtshar bas mtshon btags sku gnyis sogs nang mjal bsam gyis
mi khyab pa bzhugs sgam bdun dang bcas mchis pa 'di rnams ni
rags pa tsam brjod pa yin la/ de ltar bsgrubs pa rnams kyang
khengs dregs lo 'dod

sogs ma yin par lhag bsam rnam par dag pa'i sbyor bas bskrun
pa'i rnam dkar rnams mkha' mnyam sems can rnams kyi don du
smon
pa'i gnas su ji ltar bya ba'i tshul smras pa/ oM grub par gyur
cig /'di ltar bskrun

pa'i legs par spyad pa'i tshogs/ /dbang sngon mdangs ldan lha yi
lam gang ba'i/ /chu 'dzin phang phung 'khrigs pa las 'thon pa/
/yan lag brgyad ldan bsil ba'i gru char gyis/ /mi bzad snyigs ma
lnga yi bud shing

las/ /'bar ba 'jigs rung dus mtha'i me lta bu/ /skad cig gis
bcom zhi zhing bsil byas te/ /srid dang zhi ba'i dge legs rgya
mtsho yis/ /thog med dus nas yang yang bskyangs pa yis/ /mkha'
/mnyam mar gyur 'gro

ba ma lus pa/ /thams cad gzigs pa'i go 'phang thob phyir dang/
/thub bstan yun ring gnas shing rgyas phyir bsngo/ /zhes pa'i
bsngo ba'i tshigs bcad kyang byas/ de mthun bkra shis lhun po'i
mgon khang chen mor

yang sku rgyan spyan gzigs gsar du phul ba la/ dpal ldan lha
mo'i dbu la rgya mu tig dkar dmar gyi thog gser ljang brdungs
kyi rigs lnga'i sku brnyan dang/ gser gyi rgyan thag gi rtsa
bsdoms dag bzang g.yu'i phra dang

@171a @#/ /shel ris mang pos spras pa'i prog zhu la 'phrin 'chol
gyi tshig 'di ltar/ dpal ldan 'dod khams dbang phyug re ma tir/
/dbu rgyan rin chen las grub 'di phul bas/ /nad gdon 'byung po'i
gnod pa

las grol ba'i/ /phyogs las rnam par rgyal ba thob par shog /ces
pa bris te phul zhing mgul la'ang mu tig gi do shal 'ga' zhig
gis brgyan/ de bzhin du gnyer gtad lha mo'i bris sku rmad du
byung ba dang/ mgon po

dkar nag sogs la rin po che'i do shal/ mchod rdzas sbug sil
bzang ba rnams dang go mtshon me mda' sogs mang du byung ba
rnams
spyan gzigs su phul/ chos skyong rnams kyi dbu thog tu rgya ser
po'i yul gyi lpags

rigs ngo mtshar ba dang gos bzang po'i bla bre dang/ kha thi
bzang pos gang ba byas pa la kha btags bzang po'i dra phyed kyis
mdzes par byas pa'i 'phan skor sogs kyang phul zhing/ slar yang
thugs dam bsku la ba dang gnyer du btad

ba;; ;;swasti; snyigs dus bstan pa tshul bzhin srung mdzad pa/
/ye shes mgon po chos kyi rgyal po dang/ /khyad par dpal ldan
'dod khams dbang phyug ma/ /chos skyong dregs pa lcam sring
'khor bcas kyis/ /bkra

shis lhun po'i mchod khang thams cad kyi/ /dkon mchog rten gsum
mchod rdzas phra mo la'ang/ /gnod par byed pa'i ma rungs sdig
can rnams/ /drag pos bsgral nas snying khrag zhal du gsol/ /mthu
ldan chos skyong

@171b bsrung ma 'khor bcas kyis/ /sngon yang mchog gsum rdzas
las rdul tsam yang/ /'khyer byed drag po'i chad pas bcad pa
ltar/ /da dung g.yel ba med par gnyer mdzod cig /ces pa'i gnyer
gtad kyi tshigs bcad kyang

byas; de ltar bkra shis lhun po spyi so la rten gsum mchod cha
phul ba ji lta ba bzhin du 'di ga'i rgyud pa grwa tshang du yang
rten gsum mchod rdzas dang bcas pa ji ltar phul ba mdor bsdus pa
tsam brjod na/ dpal gsang ba 'dus

pa'i 'grel pa bzhi sbrags cha 'grig lngas mtshon 'grel pa mtha'
gcod bsdus don sogs glegs bam mang po/ dngul sku che chung
bsdoms pa brgyad/ rdo rje gdan chung ma sogs li ma dgu bcu go
lnga/ klu 'jim las grub pa'i

sku brnyan gnyis/ 'jigs byed kyi sku sle'u chung ma la sogs pa
sle'u chung ma padma mkhar pa rgya nag ma sogs kyi rten nyi shu
rtsa gnyis/ rag sku gsar rnying gser sku sogs sku rten nyis
brgya dang bdun cu don gcig /tsan dan/

rdo ris sogs kyi sku brnyan drug /dngul gyi mchod rten gcig dang
gdung rten lcags rtse ma sogs brgya dang bcu tham pa/ mgon
khang
du chos skyong rnams kyi sku brnyan gsar bzhengs gras mtshungs
rnams dang/ btags sku

si hu ras bris sogs thang sku brgya dang bcu gnyis/ mchod rdzas
g.yang Ti dang ma na ho'i dpyad pa brgyad cu gya lnga/ shel gyi
mchod sna lnga bcu nga drug /byu ru'i rgya lag bdun/ hor shel
gyi mchod sna drug /mu tig gi sgam dang tsan

@172a @#/ /dan mu tig ljon shing gi sgam drug /dngul gyi maNDal
che ba gnyis kyis mtshon pa'i dngul dpyad drug cu re gsum/ dngul
gyi drung cha gnyis/ /dkar chas kyi mchod sna drug cu re brgyad/
manydzi mchod kong ka tor sogs

mchod chas sna tshogs pa nyis brgya dang sum cu/ gu gu shel gyi
maNDal sogs mchod sna bcu bzhi/ gug ting rgya ting rag ting sogs
bdun tshar nyi shu rtsa brgyad/ rgya sbug hor sbug cha bcu bdun/
rgya sil hor sil ma Ni ma

bsdoms par cha nyi shu/ rgya rnga hor rnga bsdoms pa dgu /ting
shags gsum/ kar dril rdor bcas bcu gnyis/ theg chen rdor dril
cha 'grig brgya tham pa/ zangs dung cha bzhi/ dung dkar dngul
gshog ma gsum/ rigs lnga si hu

khab lhas dang gser gshog ma grwa mtshungs bsdoms pa brgya
dang
bdun cu don gcig /bkral btags mngags btags gos 'phrug sogs kyi
mthong can gyi rten khebs grwa mtshungs nyis brgya dang brgyad/
hor gos mngags

btags mas mtshon pa'i snam sbyar brgya dang zhe gnyis/ gos chen
ling sogs kyi chos gos nyi shu/ pad ma thon thi dang gos nag
sogs kyi phod ka nyi shu rtsa brgyad/ bkral btags dang khab lhas
sogs kyi rdor gong bzhi bcu

zhe gcig /rtsi gos gsum/ spos gal si hu ma gcig /zhwa nag bcu
gnyis/ rus rgyan drug /ban d+ha bcu bdun/ gos chen gyi 'phyar dar
bcu drug /dgang gzar blugs hor tshags ma gnyis/ sgol chog gi
phyag mtshan

@172b tshugs ma cha tshang/ hor gos rdo rje gseng lam gyi gong pa
byas pa'i gos dar lu gu rgyud kyi 'phan skor gyis gtsos pa'i
'phan skor lu gu rgyud bzang ba gsum/ gzhan ma 'phan skor la/
gos 'phan lnga bcu nga dgu/ phye phur rgyal

mtshan 'dres pa nyer gcig /gser rnga gra mtshungs brgyad cu gya
brgyad/ spyan gzigs me mda'/ sag thag gzhu bcas/ ral gri khrab
rmog 'ga' zhig dang/ 'du khang lha khang mgon khang rnams la
gos
bzang po'i bla bres khyab pa

dang/ rung khang du tshogs khro che ba gsum sogs cha 'grig dang/
nang mjal du jo bo a ti sha'i phyag tsha'i rwa bar 'khrul med/
mkhas grub thams cad mkhyen pa'i phyag drel sogs dang/ rgyal ba
dben sa pa'i bla ma gong ma rnams kyi

dbang chas mang po dang/ bla ma 'phags pa rin po che'i khaTwAM
ga dang/ de nyid kyi phyag gi mda' dbul cha tshang/ thams cad
mkhyen pa bsod nams rgya mtsho'i rab gnas skabs kyi spyan dbye'i
thur ma dang/ bla ma dge ba'i bshes gnyen

du ma'i sku brnyan dbang chas sogs mang po bzhugs pa lags/ de
ltar bgyis pa'i dge ba bsngo ba yang// //swasti/ tshul 'dir 'bad
pa'i dge tshogs mkha' dbyings kyi/ /nor bu'i 'od zer brgya phrag
stong 'bar ba/ /ma

rnams kun gyi sdug bsngal mun bsal te/ /phan bde padmo'i tshal
rab rgyas phyir bsngo/ /de mtshungs dben sa chos kyi pho brang
'di yang rje gong ma rnams kyi gdan sa/ nged rang gi yang rtsa
ba'i sgrub sde yin pa bzhin du dpe cha lha rten la

@173a @#/ /sogs pa sngon nas yod bzhin pa'i steng du gsar du phul
ba mdor bsdus pa ni/ bde bar gshegs pa'i bka' 'gyur yongs su
rdzogs pa/ thub pa gser gling mas mtshon rten li ma che chung
khyon bsdoms

brgya dang lnga bcu nga dgu dang klu 'jim las grub pa lnga/ rgya
nag ma dang sle'u chung ma bsdoms pa nyi shu/ dngul gar bu'i sku
brnyan gnyis kyis mtshon dngul sku brgyad/ gser sku dang rag sku
khyon dril phyed dang lnga brgya/ tsan dan gyi

sku brnyan bcu gnyis/ rdo ris dang shing las grub pa'i sku
brnyan drug cu tham pa/ mgon khang du dpal mgon sde lnga
dang
lha mo rnam pa gsum gyi sku gsar du bzhengs pa dang/ sman 'dam
las grub pa'i sku brnyan nyi shu tham pa/ dngul

gdung bcu/ gdung rten lcags rtse ma sogs nyis brgya dang lnga
bcu/ btags sku khab lhas ras bris 'dres pa'i sku thang nyi shu
rtsa gnyis rnams bzhugs pa'i mchod rdzas la/ g.yang Ti dang ma
Na ho'i mchod sna brgya dang don drug /

shel dpyad kyi mchod sna lnga bcu nga brgyad/ hor shel gyi
mchod
sna brgyad/ gser gyi maNDal gcig /dngul gyi maNDal lngas gtsos
pa'i dngul gyi mchod sna lnga bcu/ dkar yol gyi mchod sna bcu
bdun/ mchod cha san tshogs

'dres pa dgu bcu go gsum/ gu gu sha'i mchod sna drug cu re
gnyis/ ting bdun tshar sum cu so lnga/ mchod skong brgyad cu gya
gsum/ mu tig gi brgya shal drug /byu ru dkar dmar shel sogs kyi
shal ba bcu gsum/ byu ru'i rgya

@173b lag drug /rgya sbug hor sbug cha bcu drug /rgya sil hor
sil ma Ni ma sogs cha bcu dgu /rgya rnga hor rnga gnyis/ kar
dril theg dril hor dril cha 'grig dgu bcu go lnga/ dpa' dril
rdor bcas bco lnga/ rgya dril bod dril brgya dang drug cu re
lnga/

dgang gzar blugs hor tshags ma lnga/ rigs lnga brgya dang nyer
dgu /rten khebs brgya dang zhe bzhi/ snam sbyar bdun cu don
brgyad/ rgya gos bcu drug /phod ka drug /rdor gong bdun/ 'phyar
dar bcu gsum/ rus rgyan bzhi/ dngul

gyi rgya dung cha gcig /zangs dung cha gcig /dung dkar dngul
gshog ma cha gcig /gser rnga lnga bcu nga bdun/ lu gu rgyud kyi
'phan skor drug /phye phur rgyal mtshan 'dres pa bcu gnyis/ rgya
'phran drug cu re gsum/ kun dga' ra

ba yongs su khebs pa'i khyad gos kyi gnam rgyan bzang po tshar
gnyis/ spyan gzigs khrab rmog me mda' sag thag ral gri sogs mang
po dang/ rung khang du tshogs khro che chung bcu gnyis sogs
phul/
de las byung ba'i dge ba

rnams ji ltar bsngo ba'i tshul brjod pa/ tshul 'dir 'bad pa'i dge
tshogs rgya mtsho yang/ /srid dang zhi ba'i yon tan kun gyi gzhi/
/thub pa'i bstan pa phyogs bcur rgyas pa dang/ 'gro kun bla med
byang chub thob phyir bsngo/ /de nas

zla ba bdun pa'i yar tshes bzang po nas chos grwa chen po'i tshogs
chen dang/ rgyud grwa dben dgon rnams su zhag sbrel mar bde
bar
gshegs pa'i bka' 'gyur ro cog tshar gang mang gsung sgrogs mdzad
pa la bsnyen bkur nar ma

@174a @#/ /dang phyag 'gyed du dngul srang stong dang phyed bdun
brgya rnams phul zhing /'phar ma rgyud grwar skam 'gyed phon
che
ba dang/ dngul bum gra mtshungs brgyad dang rten khebs lnga bcu
rnams phul/ 'di skabs chos

grwa'i slob dpon bzhi dang sku skye rnam pa dang/ rdzong nas sde
pa dpon g.yog rnams kyis brtan bzhugs kyi maNDal 'bul ba bzang
po dang/ tshogs chen du mang ja 'ga' zhig dang bcas sku rim yang
dag pa mdzad/ nged rang gis kyar

so sor lan 'debs dang tshogs chen du'ang gser 'gyed sogs zang
zing gi dngos pos mchod cing/ chos grwa rig lung sogs spyi sgos
kyi chos 'phel zhing thugs mthun pa'i skabs nas kho bo rang gis
kyang mtshams khong nas dge

sbyor la brtson par byas/ de bzhin du dben dgon du'ang gser
'gyed btang zhing bgres gzhon so sor thugs dam gyi rim pa dang/
bde mchog rtsa rgyud gsar 'dzin byas pa'i rgyugs 'bul ba sogs
bstan pa'i snying po yun ring du

gnas pa'i thabs tshul la brtson par gnas so/ /dgag dbye thon
'phral nas/ tshogs chen dang rgyud grwar bka' 'gyur gsung sgrogs
dbu btsugs pa'i mang ja 'bras tsha dang bcas pa dang/ rgyud grwar
tsha gung sogs 'phar ma zhus

nas zhag sbrel mar gsung sgrogs mdzad pa la yon du gser zho bzhi
bcu zhe bzhi sngags grwar 'phar ma phul zhing/ dge 'dun spyi la
kha btags che ba stong phrag phyed dang gnyis kyi phyag 'gyed
phul/ zla ba brgyad pa 'di skabs

@174b su chos grwa chen po'i ston chos kyi phogs ja tshul sogs
bsnyen bkur nar ma dang/ nye skor gyi chos sde dga' ldan rab
rgyas/ dben dgon/ gser mdog can/ gangs can chos 'phel rnams la
mang ja sbrel mar zhag 'ga'

zhig btang ba'i thog tu/ bka' 'gyur gsung sgrogs/ bde mchog rtsa
rgyud/ mtshan brjod/ mngon par rtogs pa'i rgyan rnams zhal 'don
du mdzad/ gzhan ma ngor snar thang sogs chos sde che ba 'ga'
zhig la mang ja dang/ gong

smos kyi chos sde de rnams la 'gyed dngul srang stong drug
brgya/ gos yug bdun rnams dge 'dun so so'i zhal grangs dang
mthun par btang/ snga phyir dge 'dun gyi sde bsnyen bkur ba
thams cad kyang 'gro ba thams cad kyi phan bde

'byung ba'i sgo bstan pa rin po che kho na yin pas/ rgyal ba'i
bstan pa gnas pa'i ched kho nas bsgrubs shing/ skabs 'dir yang
bstan pa spyi'i sku rim la dmigs/ skyid shod phyogs kyi grwa sa
chen po ser 'bras dge gsum sogs

dgon khag brgyad la/ mang ja bsngo rten rnam gzhag dang 'gyed
gser zho sum brgya dang zhi bdun phul/ zla ba 'di nang du'ang
gza' chos bzang ba'i 'grub sbyor thog chos grwa 'di kha'i 'chad
nyan slob dpon ba dang/ sku skye rnam pa sogs

kyis maNDal dang 'bul ba bzang po mdzad nas/ brtan bzhugs kyi
gsol ba 'debs pa'i mgo brtsams te/ grwa ris rnams kyis tshogs
chen du mang ja sbrel mar zhus nas bka' 'gyur gsung sgrogs dang/
rgyud grwar yang so sos rgyud

@175a @#/ /ja'i thog tu sku rim gtor bzlog sogs mdzad cing /mdo
rgyud kyi 'chad nyan la yang brtson par mchis/ byang chen sgrub
sde la snga sor mchod gzhis rgya khyon chung ba'i phogs thebs su
ba lon gtsang sbyor byas

shing /bka' 'gyur skya pod rnying pa zhig la kha gso dgos pa'i
po ti 'ga' zhig bzhengs shing/ glegs shing sogs cha 'grig phul/
rgya shog sngon po'i gzhi la gser yig spus gtsang gi brgyad
stong pa dang/ bskal bzang

gnyis gsar du bsgrubs pa dang/ 'du khang chen mo'i steng gi
g.yab skor la bde bar gshegs pa'i sku brnyan ri mor bris pa'i
sku sha gser ris sogs la gser btul ma mgur zho brgyar reg pa
song /chos grwa 'di kha'i

dka' rab 'byams pa 'ga' zhig dang/ phyogs nas 'ongs pa sogs/ dge
slong gi dngos por bsgrub pa'i mkhan po byas shing /bstan pa rin
po che'i sgor gsar du 'jug par 'dod pa'i skye bo brgya phrag
gnyis su nye ba tsam gyi

gtsug phud blangs nas ming stsal/ zla ba dgu pa'i nang lha las
babs pa'i dus chen bzang po'i skabs chos grwa chen po 'di kha'i
tshogs chen gtso bor gyur pa'i/ mdar dar rgyas gling man/ gtsang
rong yan gyi dge 'dun gyi sde ri

khrod rnams dang bcas dgon drug cu re brgyad la mang ja dang
spyi 'gyed mu tig zho bzhi brgya dang bco brgyad btang zhing
/gser mgur zho stong phrag bzhi dang sum brgya drug cu re
brgyad
las gar bur blugs pa'i sku brnyan sman

@175b pa'i rgyal po dang byams pa'i sku brnyan bzhi/ dngul srang
drug brgya dang drug cu re bdun las gar bur blug pa'i byams pa'i
sku brnyan gnyis dang/ yang mgon po tshe dpag med kyi sku brnyan
gser mgur zho lnga brgya dang bzhi las grub pa rnams

bzhengs/ de ltar bsgrubs pa'i dge ba'i tshogs thams cad kyang ris
med pa'i sangs rgyas kyi bstan pa rgyas pa dang/ 'gro la phan
bde 'byung ba'i rgyur bsngos so/ /de nas rnam 'phyang gi lo'i
nang du/ dwags phyogs kyi dgon che ba brgyad la

mang ja/ spos shel phon che ba'i 'gyed rnam gzhag dang bcas pa
btang/ dus der chos grwa 'di nyid kyi kun dga' ra ba'i steng gi
g.yabs skor la shing rtsi ldebs bris rnams legs par grub pa'i
bzo bo rnams kyang yon gyis tshim par

byas; logs bris kyi gtso bo'i 'og tu/ o swa sti sidd+haM/ lha
bcas 'gro ba'i ston pa nyi ma'i gnyen/ /gang gi sku brnyan 'dren
byed dga' ston mchog /rnam mang bsgrubs pa'i rnam dkar dge ba'i
tshogs/ /tshul 'dir mthun rkyen bsgrubs

pa'i skye bas mtshon/ /drin can mkha' mnyam 'gro ba ma lus pa/
/lha mi'i rin chen them skas la 'dzegs nas/ /sku gsum bde ba
chen po'i pho brang du/ /bde blag nyid du 'jug pa'i rgyur gyur
cig /tshul 'di sprul sku dge slong pir

thogs mchog /blo bzang legs pa'i sor mo'i rtse mos bskrun/ /dge
bas srid dang zhi ba'i phan bde'i gzhi/ /rgyal ba gnyis pa'i
bstan pa rgyas gyur cig /ces pa'ang bkod/ skabs 'dir ra sgreng
mkhan po dpon slob rnams byon

@176a @#/ /nas/ mang 'gyed 'bul ba dang bcas pa rgyas par phul/
zla ba 'di nang du dben dgon li ma lha khang gi rten gtsor/
/bdag cag gi ston pa'i sku brnyan bkra shis li ma sku tshad che
ba/ khri 'od skor phra rgyan gyis

mdzes par byas pa phul/ de mtshungs rgyal khang rtse pa'i sku
skyes nan gyis bskul bas/ oM grub par gyur cig /'od dpag med
mgon 'dren mchog nyi ma'i gnyen/ /mi pham 'jam dbyangs blo bzang
grags pa'i dpal/ /dbyer

med drin can rtsa ba'i bla ma yi/ /zhabs kyi pad mor sgo gsum
gus pas 'dud/ /bdag dang mkha' mnyam mar gyur 'gro ba kun/ /deng
nas ji srid byang chub ma thob bar/ /mi khom gnas su nam yang mi
skye bar/ /dal 'byor tshang

ba'i rten mchog thob par shog /srid dang zhi ba'i yon tan kun
gyi gzhi/ /dul zhing zhi sogs yon tan kun ldan pa'i/ /bshes
gnyen dam pas 'bral med rjes 'dzin cing/ /bka' bzhin sgrub pa'i
mchod pas mnyes byed shog /

de yi zhal gyi bum bzang las byung ba'i/ /mdo dang rgyud sde
rgya mtsho'i snying po yis/ /yid kyi bum bzang gang bar byed pa
la/ /'gal rkyen zhi zhing mthun rkyen kun 'grub shog /de yi mthu
las bdag dang ma rnams kun/ /bslab gsum

rnam par dag pas rgyud bsdams shing/ /byams dang snying rje
byang chub sems mchog dang/ /rim gnyis zab mo'i rnal 'byor mthar
phyin shog /gnas skabs 'dir yang dam chos sgrub pa yi/ /'gal
rkyen rmi lam du yang mi 'byung

@176b zhing/ /sdig bral ji ltar bsams pa'i don rnams kun/ /'bad
rtsol med par lhun gyis grub par shog /ces pa'ang brtsams nas
phul/ de nas ring po ma lon par/ dmar khams go bo dpon po sogs
brnyen rdzogs don du

gnyer ba mang du byung ba rnams kyi 'dod pa bsgrubs/ zla ba de
nang du gtsang rong gi dgon khag 'chad nyan 'phel ba nyi shu
rtsa bgrangs la mang ja sngor bcas dang/ bsngo rten rnam gzhag
/spyi 'gyed rta bzhi bcu skor/ gser gyi sga

dang/ ra ma lug gi sga cha 'grig brgyad btang zhing/ dge bskul
gyi slong mo ba 'ga' zhig la cha rkyen du dngul gyi ldong mo/
gser/ rta sogs kyis tshim par byas/ dus der dngul srang lnga
brgya dang drug cu re bzhi las bcom

ldan 'das rdo rje mi 'khrugs pa'i sku brnyan gcig dang/ rje
btsun byams pa'i sku brnyan gsum gar blugs su bsgrubs/ zla ba
'di kha'i lnga mchod chen mo'i nyin gser mkhar nyag gi khal bdun
dang nyag bcu gnyis sam

gser srang bzhi brgya dang bdun cu don gnyis las/ thub pa'i
dbang po'i sku brnyan gsum dang/ tshe dpag med kyi sku brnyan
gnyis rnams lugs su blugs/ de nyin dngul srang lnga brgya las
grub pa'i rje btsun byams mgon gyi sku

brnyan che chung gsum yang gang blugs su bzhengs/ de nas zla ba
bcu gcig pa'i tshes gcig la dgun chos dang po yang tshugs par
phogs bzang ja'i ja tshul sngar 'khyud bzhin bsgrubs shing/ zla
ba de nang du skyid shod nas sde pa

@177a @#/ /rgyal bu yum sras dang/ gnas rnying chos rje dpon slob
byon pa rnams kyi bzhed don bsgrubs/ dus der shangs kyi dgon che
chung rnams la mang ja/ spyi 'gyed rta dgu bsngo rten rnam
gzhag
dang bcas pa dang/ byang

ngam ring chos sder yang mang ja spyi 'gyed gser mgur zho lnga
bcu nga bdun/ rnam gzhag dang bcas pa legs par bsgrubs/ de'i
tshes bcu gcig nas chos grwa 'di'i slob dpon sku skye mi tshan
rnams kyis brtan bzhugs kyi mang

ja'i mgo btsugs nas zla ba dang po'i bar du snga ja dgongs ja
'grig pa byung/ dus der chos grwa 'dir dge 'dun nyis stong la
reg par gos dar sogs kyi 'gyed dge 'dun re re'i phyag tu nas
khal brgyad re 'bab nges btang/ de

mthun/ bya rgod gshongs/ rtag brtan/ rdo rje gdan sogs stod
phyogs dang/ myang khul gyi ris med pa'i chos sde rnams la mang
ja spyi 'gyed rta mang po bsngo rten rnam gzhag so sor dgon che
chung dang mthun par cha snyoms nas

btang/ de dag gi mtshams rnams su sdom pa don du gnyer ba bar ma
chad du byung bas/ gnas rnying chos rje sogs bsnyen rdzogs kyi
sdom pa la bkod/ dus 'dir bkra shis li ma nub ma yang legs par
grub pa'i rten mchod cha

sogs rgyas par dkar chag debs su gsal zhing/ mdor bsdus pa ni/
dngul srang sum stong bzhi brgya dang drug cu re bzhi las grub
pa'i dngul sku che chung 'dres pa bzhi bcu zhe gcig /lcags srang
gi zangs khal drug brgya dang

@177b bzhi bcu zhe brgyad las grub pa'i bkra shis li ma sku
brnyan che chung 'dres pa brgya dang drug cu re bdun rnams kyi
tsha gser grang gser bsdoms par zho drug brgya song zhing/ de
rnams kyi khri 'od tsan dan dang gser zangs las grub

pa de rnams la/ gser pad spus legs pa bcu gcig /g.yang tri sum
brgya dang sum cu brgal ba/ bzang g.yu spus gtsang/ byu ru/
shel sogs kyi rgyan khyad du thon pa mang pos mdzes par byas pa
dang/ so so'i sku rgyan byu ru/ mu

tig gi phreng ba sku dang 'tsham pa lnga bcu nga gcig gis brgyan
pa dang/ 'khrungs rabs so bzhi pa'i bris skus skya logs rnams
mdzes pa byas/ mchod rdzas dngul gyi maNDal/ bya ma bum sogs bzo
bkod mi 'dra ba lnga bcu nga bdun/ ma

Na hu/ g.yang tri/ dwangs shel sogs bzo bkod sna tshogs pa'i
mchod rdzas nyi shu rtsa drug /rgya sbug shin tu yags pa gcig
gis mtshon pa'i cha bdun/ rgya sil legs pa cha lnga/ mu tig gi
lab shan dang/ gu gu shel sogs

yul gru sna tshogs pa'i mchod rdzas brgyad cu gya gcig /gan dkar
bcus mtshon pa'i dkar yol gyi mchod rdzas nyi shu rtsa gnyis/ gug
ting bdun tshar bdun/ mchod kong che ba/ rgya rnga gcig /ding
phon bkral btags sogs kyi gnam

rgyan dang/ ka rgyan du mas mdzes par byas/ 'dis mtshon mchod
khang bcu gcig tu gser gshog sogs kyis mdzes pa'i mchod lcog
dang/ btsan byed du lcags dra bcu gnyis so sor bkod/ bkra shis
li ma lha khang nub ma'i

@178a @#/ /debs kyi mchod brjod du'ang// //na mo gu ru manydzu
g+ho ShA ya/ bka' drin mnyam med rtsa ba'i bla ma dang/ /dbyer
med ston pa shAkya'i rgyal po dang/ /mi pham 'jam dbyangs klu
sgrub thogs med sogs/ /

rtsa rgyud bla ma rnams la gus btud nas/ /rnam par rgyal ba'i
khang bzang la 'khu ba'i/ /phun tshogs gzhal med khang 'dir
'khong pa yi/ /rgyal ba sras bcas mngon sum bzhugs 'dra ba'i/
/bkra shis li ma'i dkar chag

'di bzhin bri/ /zhes pa'ang brtsams nas lha khang 'di nyid kyi
rten gsum mchod cha dang bcas pa'i dkar chag kyang rgyas par
bris/ zla ba de kha'i mtshams su skyid shod nas zhabs drung tha'i
ji yab sras byon nas/ 'di kha'i

slob dpon pa rnams dang/ sngags grwa ba dpon slob rnams gdan
drangs nas tshe chog gi sgo nas brtan bzhugs rgyas par phul
zhing/ tshogs chen la yang mang 'gyed bzang po dang bcas pas
mchod/ dus 'dir tsher gseb

chos skyong gis kyang kho bo la re zhig dag pa'i zhing du mi
'gro ba'i 'dun pa dgos pa dang/ chos skyong rang nyid kyang
snyigs ma lngas lhag par skyo ba'i tshul gyi yi ge mdzad 'dug
pa'ang 'byor/ de nyin gser lcags srang gi

khal bzhi'am gser srang nyis brgya dang brgyad cu las grub pa'i
thub pa'i dbang po'i sku brnyan gnyis lugs su blugs pas rten
'brel legs pa byung/ de kha'i dgun chos gnyis pa la'ang/ lugs
gnyis kyi sgo nas sngar 'khyud

@178b bzhin phun sum tshogs ngos/ tsher gseb chos skyong gi gsung
shag gi lan kyang 'di ltar// //rnam mang thos sras pad ma rA ga
yi/ /mdung rnon bzung nas sprul pa'i zlos gar gyis/ /mtha' dag
'gro la phan bde

mchog stsol ba/ /chos skyong dge bsnyen chen po rgyal gyur cig
/gang des lhag bsam 'o ma'i rgya mtsho las/ /gsung shog skyes
ldan me tog phreng mdzes pa/ /dge slong rgan po'i sor mo'i rtser
'ongs pas/ /rab dga'i sa la 'khu

'dra'i spro ba thob/ /snyigs ma lnga yis sbar ba'i me chen gyis/
/skye dgu'i yid kyi bud shing rab bsrogs pas/ /tsha bas gdungs
pas bsil ba'i dag zhing du/ /myur ba'i tshul gyis bgrod par 'dod
mod kyang/ /chos skyong chen po'i

gsung 'phrin nan che zhing/ /padma 'byung gnas kun mkhyen tsong
kha pa'i/ /lugs bzang dam par cung zad phan snyam pa'i/ /re bas
re zhig mi g.yo'i smon pa bsgrub/ /sde brgyad kun la dbang
bskur khyod kyis kyang/ /bstan pa bsrung

zhing bstan 'dzin bu bzhin du/ /skyong dang mtha' yas skye dgu'i
tshogs rnams la/ /phan bde'i gru char 'bebs la brtson par mdzod/
/snyigs dus skye bo'i spyod tshul rab 'jigs pas/ /chos skyong
chen po'ang skrag cing skyo mod kyang/

bzod par mdzod la skal ldan skye bo la/ /legs nyes ston pa'i
'phrin las ring du skyongs/ /ces pa'i rten du snyan shal g.yas
g.yon gnyis/ /mdzes byed bkra shis lha rdzas zung zhig phul/
/zhes pa'i lan byas/ sde pa tha'i jis

@179a @#/ /thams cad mkhyen pa'i brtan bzhugs gsar pa dgos ces
nan gyis bskul bas/ oM bde legs su gyur cig /rgyal ba'i thugs
rje gcig bsdus pad dkar 'dzin/ /sprul pa'i gar gyis rnam rol

ngag gi dbang/ /blo bzang bstan pa rgya mtsho'i mgon gyur pa'i/
/zhabs pad srid mtha'i bar du brtan gyur cig /ces pa phul zhing/
dpon g.yog rnams la yang bar chad sel byed kyi dbang sogs byas/
skabs 'dir

khal kha'i rgyal po/ dpon mo sogs 'grul pa mang po 'byon pa'i
'bul ba mang 'gyed phun sum tshogs pa/ 'jam dbyangs sprul pa'i
sku'i mi sna sogs 'byor ba so so'i dgongs pa tshim par byas/ de
nas brgyad mchod

chen mo'i nyin gtsang phyogs kyi grub mtha' ris med pa'i dgon
khag lnga bcur bgrangs la/ mang ja bsngo rten rnam gzhag spyi
'gyed gos yug nyi shu rtsa bzhi/ rta bdun/ kha btags che ba mang
po so sor bab thob dang 'thun par

btang/ de'i tshes bco lnga'i nyin/ tsha ba sku skye dang/ o cher
tha'i ji'i gser yig pa 'byor bas 'bul ba maNDal dang bcas pa
dang/ 'dus pa'i sder yang mang 'gyed bzang po bsgrubs/ 'di nyin
sngags grar gan gos las grub pa'i

snam sbyar bcu/ ding phon dang thon thi sogs kyi phod ka bcu
gsum/ rdor gong bcu gnyis/ b+hand+ha/ phur pa/ zhwa nag /rus rgyan
sogs mang po sbyor 'jags byas/ 'di skabs grwa tshang chos rjes
smon lam tshigs bcad cig dgos

@179b ces bskul ba la/ bslu med dkon mchog gsum gyi thugs rje
yis/ /yul phyogs 'di sogs nor 'dzin phyogs kun tu/ /nad yams mu
ge 'thab rtsod mi 'byung zhing/ /bkra shis rgya mtshos phyogs kun
gang bar shog /ces

mdor bsdus bris nas bskur/ de'i tshes bco brgyad shis pa la/ khal
kha khun ching shes rab bla ma mched dang/ bla ma lha pa sogs
so
sos maNDal phul/ 'di'i nyin gser lcags srang gi khal gnyis las
grub pa'i bcom ldan

'das mi 'khrugs pa'i sku brnyan legs par bzhengs/ de'i zla mjug
la/ khal kha'i rgyal bo d+ha gan no yon dpon g.yog 'byor nas/
'bul ba mang 'gyed bzang po bsgrubs te khong rang bsnyen rdzogs
dang/ dpon mos dge

tshul gyi sdom pa yang dag par blangs/ de nas sgyur byed kyi lo'i
cho 'phrul smon lam sngar 'khyud bzhin gyi des tshes bcu'i nyin
rgyal po d+ha las ba dur dpon g.yog rnams kyis/ chos grwa'i slob
dpon/ sku skye rnam pa/ sngags

grwa ba dpon slob rnams dang bcas pa spyan drangs nas/ bcom
ldan
'das tshe dpag med kyi dkyil 'khor zhal phye nas maNDal dang 'bul
ba phul zhing/ tshogs chen la yang mang 'gyed mdzad cing/ rgyal
po rang la yang dbang

rjes gnang 'dod pa bzhin tshim par byas/ zla ba gnyis par chos
thog sngar 'khyud bzhin gyi ngang nas/ chos grwa chen po 'di
nyid kyis mtshon/ 'chad nyan 'phel ba'i dgon che grwa drug la/
mang ja rnam gzhag gos kha thi dang thon

@180a @#/ /thi 'dres pa yug nyis brgya dang brgyad kyi spyi 'gyed
dang/ gzhan ma ris med pa'i dgon pa bdun la/ mang ja rnam gzhag
kha btags che ba brgyad cu skor gyi spyi 'gyed btang/ de'i skabs
gos sku rgya cher

gtong ba'i dbu yang btsugs/ dus der sde pa nor bus dngul gdung
mchod rdzas dang bcas pa phul zhing/ 'di skabs rgyud grwa dang
tshogs chen du bka' 'gyur tshar gnyis tsam gsung sgrogs mdzad
cing/ dge 'dun nyis

stong brgal ba la dge 'dun re rer khal drug tsam 'bab nges kyi
skam 'gyed kyang bsgrubs/ tshes brgyad nas chos 'khor gsar pa
sngar 'khyud bzhin tshugs pa'i ngang nas/ dpal 'khor chos sde'i
mkhan slob rnams

phebs te/ 'dus pa'i snger mang ja dang/ sger du maNDal 'bul ba
dang bcas pa rgyas par mdzad/ dus der sog yul nas mi gan rab
'byams pa dpon slob 'byor nas mang 'gyed 'bul ba dang bcas pa
phul/ zla ba de'i

tshes bco lnga'i nyin lcags srang gi khro khal nyis brgya brgal
ba gser dngul yang mang du bsres pa las grub pa'i tshogs khro
shin tu che ba skyon med du lugs mchog tu legs pa byung ba'i
zhal yig tu// //

na mo ratna tra yA ya/ dpal ldan bkra shis lhun po'i 'dus pa'i
sde/ /mnyes byed 'dud rtsi'i rgya mtsho'i snod mchog 'di/ /dge
slong blo bzang chos kyi rgyal mtshan gyis/ /legs bsgrubs rnam
dkar phung po ci mchis pa/ /

@180b sangs rgyas bstan pa phyogs bcur rgyas pa dang/ /mkha'
mnyam drin gyis bskyangs pa'i 'gro ba rnams/ /thams cad gzigs
pa'i go 'phang thob phyir bsngo/ /'dis mtshon chos grwa chen po
'di nyid kyi/ /rten gsum

mchod rdzas dngos po ci mchis pa/ /dmag zor rgyal mo gnod sbyin
lcam sring sogs/ /mthu ldan bsrung ma rnams la gnyer du gtad/
/dam las ma 'da' dgon gnas 'di nyid nas/ /gzhan du 'khyer rnams
drag pos

tshar gcod mdzod/ /snod mchog 'di nas tshogs mchog mchod pa dang/
/bdag dang bdag la bltos pa'i 'gro ba kun/ /theg mchog 'khor lo
bzhi dang mi 'bral bar/ /sku gsum 'bras bu bzang po thob par
shog /ces

pa'ang bkod/ zla ba gsum pa'i tshes nyi shu la/ gtsang rong gi
grub mtha' ris med pa'i chos sde bzhi bcu zhe bgrangs dang/ ri
khrod pa rnams la mang ja/ bsngo rten rnam gzhag /spyi 'gyed gos
yug lnga bcu nga gsum rnams

so sor bgos pa dang/ sa ga zla ba'i tshes bco lnga la chos grwa
chen po 'di nyid kyi dge 'dun stong brgal ba re re'i phrag tu
nas khal brgyad re 'bab nges kyi skam 'gyed phon shin tu che ba
legs par bsgrubs/ /gsung

rab gling pa dang dkar po brag pa gnyis kyi lhag ma 'dzim na yod
pa rnams la'ang mang ja gos chen gyi 'gyed bzang po cha rkyen du
btang/ tshes brgyad la li ma lha khang sogs mchod khang lngar
khro khal nyi shu las grub pa'i
 
@181a @#/ /mchod skong lnga bsgrubs/ zla ba de kha'i nang du
rgyud pa grwa tshang gi grwa pa phyed dang nyis brgya lhag pas/
bka' 'gyur tshar gnyis bsgrags pa la rnyed bkur phun sum tshogs pa
dang/ dge 'dun re rer kha btags

che ba re dang/ gnyis dbar du gos kha re'i yon phul zhing/ de
mtshungs rta nag gi dgon khag bcu gsum lhag pa la mang ja 'gyed
dang bcas pa btang/ de dag gi mtshams rnams su dbus gtsang/ khams
pa/ dwags kong

sogs kyi bsnyen rdzogs sgrub mi mang po'i 'dod pa bsgrubs/ shel
dkar chos sde ba rnams la'ang mang 'gyed rnam gzhag dang bcas
pa
du ma bsgrubs/ dus 'dir skyid shod nas sde pa blo bzang bstan
'dzin rgya mtsho'i sprul

skus rtsa ba'i bla ma gang mos la gsol ba 'debs pa rgyun du bton
chog pa dgos ces bskul ba la// // oM swasti/ chos kyi 'khor
lo'i lte bar mchog gsum gyi/ /ngo bo drin can rtsa ba'i bla ma
bzhugs/ /gus

pas phyag 'tshal mchod sprin rgya mtsho 'bul/ /sdig ltung kun
bshags yi rang chos ston phyir/ /yun du bzhugs gsol dge tshogs
byang chub bsngo/ /'dis mtshon dge bas rje btsun bla ma yis/ /tshe
rabs kun tu

'bral med rjes 'dzin cing/ /thun mong mchog gi dngos grub thob
phyir bsngo/ zhes pa'ang phul/ de dus sngags grwa dang dben dgon
gnyis su rdor dril yags pa bsdoms pa bco brgyad so sor phul/ de
skabs dpal

@181b 'khor sde chen du mang ja spyi 'gyed dge 'dun rer kha
btags re dang/ myang khul gyi dgon khag gzhan rnams la mang
ja
bsngo rten rnam gzhag gos chen gyi spyi 'gyed dang bcas pa
btang/ gzhan yang mnga' ris rdzod dkar

chos sde sogs dgon khag mang po la mang ja gos chen gyi spyi
'gyed/ bsngo rten rnam gzhag dang bcas pa song zhing/ zla ba 'di
nang du gtsang rong gi grub mtha' ris med pa'i dge 'dun gyi sde
che chung 'dris pa lnga bcu nga bgrangs

dang/ ri khrod pa'i sde dgu rnams su mang ja bsngo rten rnam
gzhag /spyi 'gyed rgya mu tig zho nyis brgya dang bzhi bcu zhe
lnga/ spos shel che chung 'dres pa brgya dang brgyad cu/ byu ru
rdog grangs mang ba dang bcas pa so sor snyoms nas

btang zhing/ de dag gi skabs skabs su'ang phyogs mtha' dag nas
byon pa'i dge ba'i bshes gnyen sdom pa don du gnyer ba rnams kyi
bzhed pa bskangs/ dus 'dir sprul sku bir thogs dbang po chos
dbyings rgya mtshos

bkod pa byas nas/ spyan ras gzigs khar sa pA Ni'i gos sku gsar
bzhengs dang/ snga gong du bzhengs pa'i thub dbang dang/ 'od
dpag med kyi gos sku rgya dpangs cher btang zhing/ byams chen
gyi gos sku'i g.yas g.yon

du'ang 'phan che ba re dang bcas gsar du bsgrubs/ de dag gi
rgyur bzang gos kha stong dang/ sum brgya lhag pa las grub pas
mdzes par byas nas 'dus pa rgya mtsho'i tshogs kyis rab gnas mdzad
cing/ rab ston dge 'dun

@182a @#/ /nyis stong la reg pa la gos kha sum stong bzhi brgya
nyi shu'i phyag 'gyed dang/ bsngo rten rnam gzhag dang bcas pa
rgyas par bsgrubs/ de dus bka' 'gyur rin po che tshar gcig la
rgya ras bzang po'i

na bza' yang phul/ re zhig mtshams kyi bcad rgyas dge sbyor la
brtson par byas shing/ ser 'bras dge gsum sogs la mang ja 'gyed
bsngo rten rnam gzhag dang bcas pa legs par bsgrub par rdo rje
rgyal mtshan btang/

de mthun gzhis ka rtse'i ser 'tshogs pa rnams la yang mang ja
bzang pos mchod/ de skabs gnas bcu lha khang du rgya'i sbug sil
cha lnga dang/ bka' 'gyur lha khang du g.yang tri'i bya ma bum
sogs mchod sna bcu

gnyis skor dang/ ma Na hu'i mchod rdzas spus gtsang du ma dang/
gan dkar skyon med spus gtsang stegs bcas nyi shu rtsa gnyis
kyis gtsos pa'i dkar chas du ma dang/ sangs rgyas byang sems kyi
sku brnyan bris pa'i

shel sgo dang bcas pas lha khang so so'i sku'i mtshams kyi bzhugs
gnas ci rigs pa brgyan/ de nas zla ba drug pa'i yar ngor mtshams
kyi bar skabs su stod smad kyi phyogs mtha' dag nas byon pa'i
dge ba'i bshes

gnyen dang/ don gnyer 'dus pa mang po la bsnyen par rdzogs pa'i
sdom pa'i bdud rtsis tshim par byas/ 'di skabs byang ngam ring
dbyar chos thog mang ja bsngo rten rnam gzhag /gser 'gyed rgyas
pa btang/ dus der thub

@182b pa'i dbang po'i sku brnyan gser mgur zho stong dang nyis
brgya las grub pa legs par bzhengs/ gser zangs kyi khri 'od skor
bzang g.yu dang gser pad kyis mdzes par byas/ zla ba 'di'i dkar
phyogs kyi tshe chos grwa chen po 'di nyid

kyis mtshon/ gtsang rong mtha' dag gi grub mtha' ris med pa'i
dgon khag brgyad cu dang/ ri khrod kyi sde bcu dang bcas pa la
mang ja rdor bcas/ bsngo rten rnam gzhag /spyi 'gyed byu ru che
chung 'dres pa grangs nyis stong brgal ba/

dgon che chung gi dbye bas cha snyoms nas so sor btang/ de ltar
bskrun pa'i rnam dkar dge tshogs kyang/ /thog med dus nas drin
gyis bskyangs pa yi/ /'gro kun sku gsum gzhal med khang chen du/
/'jug phyir rnam par dag

pa'i smon pas brgyan/ /dus der bsnyen rdzogs 'dod pa du ma zhig
kyang tshim par byas/ rje btsun rang byon bzhugs sar mgon po klu
sgrub kyi phyag bzo klu 'jim las grub pa'i mdzad pa brgyad pa
dang/ rje btsun ma sgrol ma'i sku brnyan

shar li legs pa zung dang/ rgya nag lha khang du rje btsun 'jam
dbyangs kyi sku brnyan che ba dang/ mgon po phyag bzhi pa thugs
dam ma mtshar ba gnyis kyang bsgrigs/ zla ba de'i tshes bco lnga
la dbyar gyi sbyor ba dang bcu drug la zhal

bzhes dge 'dun zhal grangs stong dang brgya phrag brgal ba la
chos dang zang zing gnyis ka'i dga' ston phun sum tshogs pa
byung/ de kha'i skabs dor pa mkhan chen ched du byon pa la tshe
dbang la sogs pas bzhed pa bkang

@183a @#/ /dus der gser lcags srang gi khal gcig gam/ mgur zho
bdun brgya lhag tsam las grub pa'i byams mgon gyi sku brnyan
khri 'od dang bcas pa bzhengs/ ston chos la chos grwa chen por
phogs ja tshul

sogs sngar 'khyud dang/ 'di nyid kyis mtshon pa'i ris med pa'i
chos grwa che chung/ ri khrod kyi sde sogs dgon gnas bzhi bcu
zhe bzhi tsam la mang ja/ gser mgur zho nyis brgya dang sum cu
so bgrangs kyis mnyes par byas shing/

de skabs bsnyen rdzogs don du gnyer ba mang po'i 'dod pa
bskangs/ 'di skabs gu shri chos rje sogs 'grul pa 'ga' zhig gis
'bul ba mang 'gyed kyis mchod pa ltar/ de dag gi bsam pa'ang
tshim par byas/ ston chos sngar

'khyud bzhin dang/ 'di lo 'phar ma yang tshugs pa dang bcas par
sngar bzhin gyi steng/ gtsang rong gi 'chad nyan 'phel ba'i dgon
pa bdun cu don bgrangs la mang ja/ bkra shis kha btags che chung
'dres pa stong phrag lnga dang

drug brgya sum cu so bgrangs kyi 'gyed so sor bgos nas btang/
'di skabs kyang rgya nag rgyal po'i phyag tham skyes dang bcas
pa'i gser yig pa rang rang gi 'ang 'bul ba bzang po dang/ sog
po'i rgyal po hung tha'i ji sogs

kyi'ang mang 'gyed dang 'bul ba phun sum tshogs pa rim bzhin
byung/ de mtshungs rdog cal gyi byang du lha khang gsar bzhengs
gsum gyi 'gram btings pa nas bzung/ shing rtsi'i bar gegs med
par grub pa'i nang du 'di

@183b ltar/ /'phags yul mkhas pa'i bzo bos bskrun pa yi/ /bde
gshegs sku brnyan 'dren byed bdud rtsi la/ /'gran par 'os pa'i
mtshan dpe'i dpal 'bar ba/ /sngon med gsar du brtson pas bsgrubs
pa yi/ /bstan pa'i

gtso bo shAkya'i rgyal po dang/ /'od dpag med dang byams mgon
la sogs pa/ /byin rlabs gzi 'od 'bar ba'i sku brnyan ni/ /brgya
phrag bcu yis mdzes shing brgyan pa dang/ /spyan gzigs mchod
rdzas sprin ltar 'khrigs

pa yis/ /gang bar byas pa'i dge ba'i tshogs kun kyang/ /nam
mkha'i mthas khyab mar gyur 'gro ba rnams/ /sku gsum gzhal med
khang du 'jug phyir bsngos/ /dus de nas kun ldan ces pa'i lo'i
bar du bsnyen par rdzogs par

'dod pa lo re bzhin brgya phrag brgal ba byung ba rnams kyi yid
kyi bum bzang khrims kyi bdud rtsis yongs su gang bar byas/ de
dag la 'di skad ces bya ste/ 'jigs rung snyigs ma lnga yi me
'bar bas/ /skye dgu'i tshe srog bud

shing bsregs pa'i skabs/ /rgas shing 'khogs pa'i zhags pas
bcings gyur kyang/ /ngal zhing dub pa'i 'jigs pa khyad bsad de/
/phyogs rnams kun nas rnam grol don gnyer ba/ /padma'i mtsho la
ngang pa'i tshogs 'du

bzhin/ /mtha' yas 'dus nas rdzogs par bsnyen 'dod pa'i/ /phyag
zung yid bzhin nor bus mdzes par byas/ /dus der gser lcags srang
gi khal bcu gnyis zhor bgos tshe/ zho stong phrag drug dang bdun
brgya nyi shu las

@184a @#/ /grub pa'i thub pa'i dbang po'i sku brnyan bdun dang/
mgon po 'od dpag med kyi sku brnyan gnyis rnams gar bur blugs
shing/ de dag la gser zangs kyi khri 'od skor cha 'grig /dad pa
can rnams kyis phul

ba'i pad 'dab dang khrom mtshar la sogs pas mdzas par byas pa
legs par grub/ 'di skabs gtsang khul gyi dgon gnas phal mo che
la mang ja/ 'gyed gos yug drug cu re bzhi rnams cha bsnyoms nas
btang/ de

nas 'phar ba zhes pa'i lo 'di nang gi bar du mgon po 'od dpag
med kyi sku brnyan chung mthar byas pa'i bde bar gshegs pa'i sku
brnyan gser gar bu las grub pa bdun bcu don dgu dang/ de
mtshungs
dngul gar blugs

las grub pa lnga bcu nga gsum tshar du dang ra ba rnams kyi gtso
bo rje btsun byams pa'i sku brnyan byon bzhugs pa'i dga' ldan
rin chen lha khang dang/ bkra shis li ma lha khang gsum sogs kyi
rten dang brten par

bcas pa'i bkod pa dang do dam sku mdun blo bzang dge legs kyis
le lo dang snyom las med par brtson pas legs par bsgrubs shing
byin rlabs kyi gzi 'od 'bar bar gyur pa 'dis mtshon pa'i kho bo
cag gi rten gsum

mchod rdzas dang bcas pa mthu ldan chos skyong bsrung ma
rnams
la gnyer du gtad pa'ang 'di ltar// oM bde legs su gyur cig /bde
gshegs kun gyis spangs pa'i snyigs dus 'dir/ /rmad byung stong
stobs brtson

@184b pas sangs rgyas pa/ /'dren mchog shAkya'i rgyal po'i
zhabs pad la/ /gus pas 'dud do brtse ba'i lcags kyus zungs/
/'phags yul mkhas pas bskrun pa'i sku brnyan la/ /'gran pa'i
bkra shis li ma mtha' yas

pa/ /bzhugs pa'i snga phyi'i gzhal med khang gis mtshon/ /chos
grwa chen po bkra shis lhun po yi/ /dgon gnas dge 'dun sde dang
gtsug lag khang/ /khang phran sku gsung thugs kyi rten rnams
dang/ /mchod rdzas spyan

gzigs dam rdzas ci mchis pa/ /'jigs mdzad dpa' bo gshin rje'i
gshed po dang/ /mthu ldan phyag drug mgon po 'khor dang bcas/
/dge sdig shan 'byed chos kyi rgyal po dang/ /'dod khams dbang
phyug chos skyong

lcam sring dang/ /gur zhal rdo rje nag po phyag bzhi pa/ /rgyal
chen bzhi dang dpal mgon phyogs skyong bcu/ /sde brgyad dmag
dpon chen po rA hu la/ /rgyal ba'i bstan bsrung mthu ldan thams
cad la/ /bcol lo ltos so nyin

gsum bya ra dang/ /mtshan gsum mel tshe'i sgo nas ma g.yel bar/
/rtag tu bsrung skyob spel ba'i gnyer mdzod cig /bsam sbyor ngan
pas dkon mchog gsum gyi rten/ /mchod cha dam rdzas spyan gzigs
'di rnams kyi/ /

rdul phran tsam la'ang gnod pa byed pa dang/ /stobs dang brkus
nas gzhan du 'khyer byed pa'i/ /mi dang mi min ji snyed byung
srid na/ /sdig ldan rnams kyi snying khrag drungs phung ste/
/'jigs su rung ba'i ltas dang chos 'phrul gyi/ /

@185a @#/ /chad pas bdun brgyud tshun chad brlag par mdzod/ /dgon
gnas rten gsum mchod rdzas bcas pa la/ /dang ba'i sems kyis
mchod bstod gus byed pa/ /thams cad bde 'gro lha mi'i rten
brgyud

de/ /sku gsum gzhal med khang du myur 'jug shog /badzra sa ma ya
dzaH dzaH de dag gi tshe ri khrod kyi sde dgu sogs dang/ myang
rong shangs rta nag bzhad dam ring sogs ris med pa'i chos sde
che phra bdun cu lhag tsam la mang

ja/ 'gyed mu tig zho bzhi brgya so sor cha mnyam pa btang/ gang
ring po ma lon par gong gi dgon gnas de dag la mang ja rnam
gzhag dang/ 'gyed dngul srang bzhi stong lnga brgya gya bdun
kyang btang zhing/ de'i dus ngor mkhan

po dang/ klu sdings pa bdag chen shar pa sogs byon pa la tshe
dbang sogs kyis bzhed pa bskangs/ sngags grwa ba rnams la'ang
rgyal ba'i bka' 'gyur ro cog gser ma glegs bam glegs shing glegs
thag na bza' dang

bcas pa dang/ dben dgon du rgya bod kyi rdor dril du ma dang/
mkha' 'gro bkral btags sogs gos bzang po'i phod ka rdor gong
dang bcas pa drug dang/ de gnyis su cod pan gser shog ma sum
brgya dang so gcig dar

dbyangs re dang bcas pa dang gos bzang po'i rten khebs drug cu
re brgyad rnams snyoms nas phul/ 'di skabs sdur bod kyi dpon po
dang/ sku skye dkar po'i phyag mdzod 'od zer rnams kyang 'byor
ba'i 'bul ba mang

@185b 'gyed sogs mtha' yas pa byung/ bar skabs de dag tu dar
rgyas sgrub sde ba dang byang chen pa/ gangs can chos 'phel ba
mkhan slob rnams kyis maNDal phul/ de mtshungs gtsang rong gi
dgon gnas che phra rnams

dang/ sngags gra ba rnams la mang ja kha btags che ba bdun
brgya
dang sum cu so drug cha mnyam pa btang/ de mthun chos grwa 'di
nyid kyi tshogs chen la yang mang ja'i thog kha btags che ba re
phul/ chos grwa 'di nyid kyi lo re

bzhin gyi chos thog 'phar ma cho 'phrul smon lam sogs la'ang
sngar rgyun bzhin rnyed bkur phun sum tshogs pa bsgrubs shing/
dge 'dun phyed nyis stong brgal tsam la nas khal bco lnga re
'bab nges pa'i gos dar sna

tshogs pa'i 'gyed dang/ sngags grwa ba rnams kyis bka' 'gyur tshar
gsum bsgrags par yon phon che ba dang/ skyid grong khul dang/
gtsang phyogs kyi dgon gnas che phra thams cad la'ang rta
brgya
phrag brgal

ba'i 'gyed dang bcas pa btang/ dus der dben dgon ri khrod pa
brgyad cu lhag tsam byon nas maNDal phul ba'i lan du dngul
srang
re res dgyes par byas/ de skabs ser 'bras dge gsum rgyud smad
sogs la mang ja 'gyed

kha thi thon thi yug brgyad cu gya gcig cha bsnyams nas phul
zhing/ sde pa rin chen rtse pas bka' 'gyur gser ma yongs rdzogs
bzhengs pa la rgyud pa dpon slob rnams dang bcas pas rab tu gnas
pa bsgrubs

@186a @#/ /shing/ bar bar du sog bod kyi 'grul pa sna tshogs byung
ba'i 'dod pa bskangs/ chos grwa chen po 'di nyid du'ang dngul
srang lnga brgya pa zhig dang/ skam 'gyed khal bco brgyad re
thob pa yang

btang/ skabs 'dir tsher gseb chos rgyal gyis kyang bstan 'gro'i
don du kho bo cag yun ring sdod dgos pa'i gsung shog 'phrod pa'i
lan yang legs par phul/ tshes brgyad nas mtshams byas shing/ de

nyin nas sngags grwa ba rnams kyis bskang gso zhag grangs mang
ba mdzad pa'i yon du kha btags re phul/ dus der rda las hung
tha'i ji la tshe dbang brgya rtsa byas shing/ skye bo mang po la
gzhung nas gser gyi

chad pa chan che bas gdungs pa la ngo byas pas gsum du bgos pa'i
cha re chag /dbus chu lho kha phyogs kyi dgon khag che chung
'dres pa bcu drug la'ang mang ja rnam gzhag /'gyed kha thi thon
thi sogs gos

yug sum cu so gsum cha snyoms nas btang/ skabs 'dir mngon par
byang chub pa/ cho 'phrul/ dben bsdums/ sku tshe byin gyis brlabs
pa'i mchod rten rnams tsan dan dmar po las grub pa 'phang du
thog so re

yod pa la/ g.yang tri/ spos shel/ byu ru/ mu tig /gser gyi pad
'dab sogs phra rgyan ngo mtshar bas mdzes par byas pa'i dbus su
gu shri chos rjes phul ba'i dngul gyi byang chub mchod rten
rnams la nang

@186b bzhugs 'phags pa klu sgrub kyi phyag bris ma'i 'phags pa
brgyad stong pa'i rgya dpe/ jo bo chen po'i tshems sogs gzungs
gzhug bzang pos gang ba bkod pa rmad du byung ba phun sum
tshogs
pa rnams bsgrubs shing/ de dang nye

bar bkra shis li ma lha khang/ tsan dan gyi mchod rten lha
khang/ rin chen lha khang rnams gsar du bzhengs pa la bdag nyid
dang sngags grwa ba rnams lhan cig tu rdo rje 'jigs byed kyi
drag po'i sbyin sreg gi sgo nas bgegs

bsangs/ dpal gsang ba 'dus pa'i sgo nas rab gnas rgyas par byas
shing/ de dang dus mnyam du tshogs chen rnams kyis kyang shis pa
brjod cing me tog gi char phab/ de'i nyin par nam mkha' g.ya'
dag pa la me tog gi

char bab pa skye bo mang pos mngon sum du mthong zhes brjod
pa'ang byung zhing/ rab ston dge 'dun nyis stong lnga brgya lhag
tsam la dge 'dun re rer dngul srang re dang/ sngags grwa ba
rnams la sger du'ang kha btags re phul zhing/

dga' ldan sprul pa'i sku'i yum dang/ khal kha'i dpon mo/ bkra
shis rtse pa nang so bkra shis rab brtan rnams sbyin bdag tu
bskos shing/ de nyin sprul pa'i skus kyang maNDal phul/ 'di dag
gi bar bar du 'jam dbyangs

sprul sku/ thu shal thu/ a chi thu la sogs pa'i mi sna/ gnas
rnying zhabs drung/ gcen lung chos rje la sogs pa 'byor pa rnams
kyi 'dod pa bsgrubs/ 'di skabs gtsang phyogs kyi dgon sde bzhi
bcu zhe gsum la mang ja

@187a @#/ /bsngo rten rnam gzhag spyi 'gyed gser mgur zho brgya
dang brgyad cu btang zhing/ de dang 'dab chags par chos grwa
chen po 'dis mtshon pa'i gtsang rong gi dgon gnas che phra ri
khrod pa rnams dang bcas par

mang ja bsngo rten rnam gzhag spyi 'gyed byu ru rdog grangs dgu
brgya dang bcu dgu la nas khal khri tsho gnyis lhag tsam gyi zi
tshod so so'i grangs dang mnyam pa bgos nas phul/ de yang de dag
la 'di skad ces bya ste/ bka' drin

mnyam med rtsa ba'i bla ma dang/ /dbyer med bu ram shing pa'i
zhabs btud nas/ /rnam dpyod ldan pa'i skal bzang skye bo la/
/rna bar 'jebs pa'i gtam 'di gleng bar bgyi/ /stong gsum khyon
la dbang ba'i rgyal po yang/ /mi

bzad gshin rje'i pho nyas zin pa'i tshe/ /ri ltar spungs pa'i nor
gyi phung po dang/ /zhing kun gang ba'i 'dod dgu'i 'byor pa las/
/rdul phran tsam yang 'khyer ba'i dbang med cing/ /g.yog byed
gcig tsam 'khrid pa'i mthu

med par/ /'jigs pa'i mya ngam thang la dgras bcom ltar/ /rang
nyid gcig pu sgren mo lag stong du/ /'jig rten pha rol nyam ngar
nges 'gro na/ /'dod la zhen pa'i skye bo'i tshogs 'di dag /sems
med gyur tam gdon

gyis brlams pa'am/ /dran pa mi gnas smyon pa chen po dngos/ /de
phyir sgyu ma smig rgyu dri za'i grong/ /chu nang zla gzugs lta
bu'i nor rdzas la/ /'dod cing zhen pa'i 'ching bas bcings pa
bzhin/ /de'i phyir btso ma'i gser gyi ri bo las/

@187b g.yu sogs yid bzhin nor bu'i char bab kyang/ /de rnams
yang dag rdzun pa'i ngo bo gnyis/ /ji bzhin nges pas thabs shes
zung 'brel gyis/ /zin pa'i mchod spyin thabs mkhas la 'dzegs te/
/sku gsum bde ba chen

po'i gzhal yas su/ /thogs pa med par 'jug pa e ma ho/ /zhes
bya'o/ /'di skabs kyang rgya nag rgyal po'i gser yig pa thang
skya bla ma sogs dpon g.yog mang po rgyal po'i tham kha skyes
dang bcas pa 'byor/ khong rnams

kyis maNDal kyang phul/ der skya ser gtso che ba 'ga' zhig gi yi
ge rten bcas byung ba'i 'phrod lan dang/ khong rnams kyang chos
dang zang zing gi sgo nas tshim par byas te brdzangs/ de dang nye
bar rje btsun thams cad mkhyen pas kyang

bla gos mthang gos la sogs pa'i gyon pa'i tshogs dang/ dus yun
ring por 'dug pa'i 'dun pa dgos tshul mi sna dang bcas pa byung
ba bzhin de dag mthun pa'i zhu lan la sogs pa phul/ slar yang
lha khang thams cad du rten

gsum mchod cha ji snyid pa thams cad mthu ldan chos skyong
bsrung ma rnams la gnyer du gtad pa ni 'di ltar/ oM sa ma ya
tiShTA/ hUM 'jigs pa mtha' dag 'jigs mdzad dpa' bo cher/ /btud
nas gnyer du gtad pa'i

dam tshig brjod/ /dpal ldan ye shes mgon po phyag drug pa/ /yab
yum 'jigs rung 'khor gyis bskor ba dang/ /dge sdig shen 'byed
chos kyi rgyal po ni/ /'chi bdag gshin rje pho mo'i tshogs dang
bcas/ /'dod khams

@188a @#/ /dbang phyug snyigs dus gdul dka' ba/ /'dul mdzad mo
brgyud bsrung ma'i tshogs bcas dang/ /gur mgon rdo rje nag po
phyag bzhi pa/ /drag po zhal bzhi yum chen srin mo bzhi/ /bshan
pa nyer gcig

tshogs kyis bskor ba dang/ /chos skyong lcam sring 'khor dang
bcas pa sogs/ /rdo rje 'chang gis snyigs ma'i dus mtha' 'dir/
/gnyer du gtad pa'i chos skyong thams cad la/ /bkra shis lhun
por gsar du bkod pa yi/ /ye shes

gzhal med khang 'dra'i mchod khang rnams/ /rgyal ba sras bcas
sku gsung thugs kyi rten/ /byin rlabs gzi 'od 'bar ba ji snyed
dang/ /phyogs bcu dag nas 'dus pa'i mchod pa'i rdzas/ /bsam gyis
mi khyab dam rdzas

spyan gzigs tshogs/ /bcol lo gtad do g.yel med bdag mdzad nas/
/'di dag rnams las phra mo'i rdul tsam yang/ /brku zhing stobs
kyis gzhan du 'khyer ba sogs/ /ma rungs sdig can de dag drag po
yi/ /chad

pas tshar chod snying khrag zhal du gsol/ /chos grwa chen po 'di
yi gtsug lag khang/ /dge 'dun sde dang rten gsum mchod char
bcas/ /bsrung zhing skyong la g.yel ba med par mdzod/ /sa ma ya
tiShTA/ zhes pa dang/ de'i

dus klu 'bum chos rjes rgyun 'don gyi smon lam nyung bsdus shig
dgos zer ba la 'di ltar/ /swa sti/ rtsa brgyud bla ma mchog gsum
byin rlabs kyis/ /dam chos bsgrub pa'i 'gal rkyen kun zhi zhing/
/mthun rkyen rgyal bas

@188b bsngags pa'i sa lam gyi/ /yon tan mthar phyin kun mkhyen
myur thob shog /ces pa'ang byas/ de nas dpyid chos tshugs pa'i
dge 'dun stong phrag gnyis dang phyed sum brgya la nas khal nyi
shu tsam re thob nges kyi gos snam gyi

'gyed dang mang jas dgyes par byas shing/ 'di dag gi snga phyi
bar dag tu dga' ldan khri thog pa/ dpal 'khor bde chen gyi mkhan
po sogs kyis brtan bzhugs kyi maNDal phul zhing/ bla ma lha pa/
sdud bod kyi dpon mo/ dben

sa sprul sku'i yum rnams kyis mang ja dang/ sngags grwa ba rnams
kyis tshe chog dang bcas pa'i maNDal kyang phul/ 'di skabs chos
grwa chen po 'di nyid kyi slob dpon sku skye rnams dang/ khams
sog mnga' ris bod dang bcas

pa'i mi mtshan rnams dang/ nye 'khor ba mang po dang/ bzhad lha
sde mi sde thams cad kyis 'dus pa'i sde la mang ja zla ba sbrel
ba'i bsnyen bkur dang bcas brtan bzhugs kyi maNDal phul zhing/
sngags grwa ba rnams kyi grwa pa phal

cher gyis kyang brtan bzhugs la dmigs pa'i rgyud ja sbrel nas
btang/ 'di skabs tshogs chen dge 'dun stong dang brgyad brgyas
bka' 'gyur yongs rdzogs tshar du ma bsgrags pa'i yon du kha btags
che ba re re phul/ de dag

la 'di skad ces bya ste/ dad ldan rnams kyi brtson pa'i nyi zer
gyis/ /rin chen maNDal skyed tshal yangs pa'i khyon/ /'bras bzang
'dab stong padmos yongs bkangs te/ /bdag cag yun ring 'tsho phyir
legs par phul/ /'ching

@189a @#/ /ba kun ldan byis pa'i skye bo yis/ /rdzu 'phrul rkang
pa goms par ma byas pas/ /'tsho dang zhing gzhan bgrod pa'i mthu
med kyang/ /maNDal de dag blangs nas bdag nyid kyis/ /rin chen
sna bdun gyis bkangs

bla ma dang/ /mchog gsum mkha' 'gro chos bsrung bcas la phul/
/dad ldan rnams kyis gtso byas mkha' mnyam gyi/ /ma rnams 'jigs
rung mi khom brgyad spangs te/ /dal 'byor ldan pa'i rten thob
dge legs kyi/ /

gzhir gyur bshes gnyen dam pas rjes bzung ste/ /thams cad mkhyen
pa'i grong khyer nyams dga' bar/ /'jug pa'i smon pa shis pas
brgyan par bsgrubs/ /re zhig mtshams kyi bcad rgya byas shing/
'di skabs mkhas

grub chen po sangs rgyas ye shes dang/ rje btsun byams pa gnyis
kyi sku brnyan gser mgur zho stong dang lnga brgya bzhi bcu las
grub pa gar bur bzhengs pa'i gser zangs kyi khri 'od la bzang
g.yu'i gser pad sogs kyi

rgyan gyis mdzes pa dang/ dngul gar bu las grub pa'i bcom ldan
'das tshe dpag med kyi sku brnyan la gser zangs kyi khri 'od
rgyan gyis spras pa rnams bzhengs/ sgyur byed kyi lo nas 'phar
ba zhes pa lcags glang gi bar

gyi bkra shis li ma'i sku brnyan khri 'od dang bcas pa'i rgyur/
lcags srang gi zangs khal stong dang lnga bcu nga bzhi lhag pa
dang/ gong gi gser zangs kyi khri 'od dang/ tsan dan dmar po'i
khri gser ris ma brgya phrag brgal bar

@189b bzang g.yu/ maN hu/ g.yang tri/ padma rA ga /shel/ gser
pad sogs rin po che du mas bkra ba dang bcas pa/ de rnams kyi
tsha gser grang gser la gser btso ma mgur zho stong dang brgyad
brgya dang zho bdun rnams song zhing/

snga phyi'i bkra shis li ma'i bzo bo bal po rnams kyang yon gser
dngul gos dar sogs rin thang brtsis pa'i nas khal khri phrag
drug dang sum stong brgal ba'i rtsis kyis mgu bar byas/ de dag
gi bar bar du gtsang rong gi dgon

gnas bdun cu don drug tsam la mang ja spyi 'gyed byu ru kong rna
nyan pa sogs rdog che chung 'dres pa nyis stong dang bzhi bcu
zhe brgyad rnams kyi yon dang/ de bzhin du dgon gnas de rnams
su/ mang ja spyi 'gyed gos kha thi/ thon thi/

tshos gcig sogs kha bzhi stong dang brgyad brgya bdun cu brgal ba
cha bsnyams nas btang/ de'i ring la 'bum/ bskal bzang/ brgyad
stong pa/ mngon byung dang/ mtshan 'bum rgya cher rol pa la sogs
pa rnams gser btsom

dbus zho bdun brgya dang nyi shu rtsa drug las grub par na bza'
glegs shing glegs thag /gdong dar sogs kyis mdzes par byas pa
legs par bsgrubs shing/ chos grwa 'di nyid kyi phogs ja tshul
nyams pa med pa'i steng du/

chos grwa 'dis mtshon pa'i 'chad nyan 'phel ba'i chos sde chen po
drug la/ mang ja spyi 'gyed dngul srang stong dang lnga brgya
brgal ba bgos nas phul/ de nas ring po ma lon par/ gtsang rong
myang sogs kyi ris med pa'i chos sde

@190a @#/ /dang/ ri khrod kyi sde sogs la/ mang ja spyi 'gyed
gser mgur zho bzhi brgya la nye ba legs par phul/ yang gtsang
khul gyi grub mtha' ris med pa'i dge 'dun gyi sde dang/ ri khrod
kyi sde sogs dgon

gnas drug cu brgal ba la/ mang ja spyi 'gyed ja 'khor drug ma
brgya dang bco lnga so so'i grangs dang mthun par phul/ zhwa
lur
yang dge 'dun sum brgya brgal ba la mang ja 'gyed kha btags che
ba re re dang spyi 'bul bzang ba

bsgrubs/ de nas bkra shis lhun po'i ston chos rgyun pa'i steng
du spyi 'gyed spos shel spus gtsang ba dgu bcu dang/ byu ru rdog
grangs bzhi bcu'i phreng ba la rin thang brtsis par nas khal
bzhi stong dang dgu brgya bcu drug

brgal ba'i rtsis kyis mnyes par byas/ de dag gi bar mtshams rnams
su/ tshogs chen/ sngags grwa/ dben dgon sogs su bka' 'gyur gyi
gsung sgrogs yon dang bcas pa legs par bsgrubs/ de nas dben

dgon du/ mkha' spyod li ma lha khang gi g.yas g.yon du rgyal
ba'i bka' 'gyur ro 'tshal la khri dang gos bzang po'i na bza'
dang/ 'bum gser ma gsar bzhengs bgyis pa/ rdor dril bcu gsum/
snam sbyar gsum/

gser rnga nyi shu rtsa gnyis rnams gsar du sbyor 'jags byas/ de
mthun spyil bo bcu bdun kyang gsar du bsgrubs/ rten gsum mchod
rdzas dgon gnas dang bcas pa gnyer du gtad pa ni/ de yang 'di
ltar/ sa ma ya stwaM//

@190b 'jigs pa mtha' dag 'jigs mdzad dpa' bo che/ /myur mdzad ye
shes mgon po phyag drug pa/ /'chi bdag gshin rje'i rgyal po
'khor bcas dang/ /zhal bzhi gur mgon rdo rje rab brtan ma/ /dmag
zor rgyal mo drang

srong rA hu la/ /sde brgyad dmag dpon 'khor dang bcas rnams la/
/dben sa dgon gnas sde dang bcas pa dang/ /rten gsum mchod rdzas
spyan gzigs ma lus pa/ /bcol lo gtod do nam yang ma g.yel bar/
/rtag tu

bsrung dang bskyab dang sba bar mdzod/ /log pa'i bsam pas 'phrog
cing brku ba sogs/ /gzhan du 'khyer na sdig can de dag gi
/snying khrag 'thung sogs drag pos tshar gcod mdzod/ /badzra sa
ma ya dzaH/ sngags grwar yang gsang

'dus kyi rgyud kyi 'grel pa mtshan ma shin tu legs pa/ rdor dril
bcu gsum dang/ snam sbyar gsum/ gser rnga gsar bzos sum cu dang/
rnying pa brgya skor la gser shog gis brgyan par byas shing/
bka' 'gyur tshar gnyis

gsung sgrogs mdzad pa sogs la/ skam 'gyed bzang po dang/ byu ru
phon che ba'i yon gyis mnyes par byas shing/ de dag la 'di skad
ces bya ste/ 'jigs rung snyigs ma lnga yi me 'bar bas/ /mi rnams
tshe thung 'dod dgu'i

'byor pa ni/ /rus sbal spu ltar mtshungs pa'i dus mtha' 'dir/
/bde gshegs sku gsung thugs kyi rten bsgrubs shing/ /ris med
'dun ldan rgya mtsho'i tshigs rnams la/ /mchod sbyin rnam mang me
tog gis mchod pa//

@191a @#/ /brgya phrag lo las brgal ga'i nang bsgrubs pa/ /rlom
sems bral bas rmad byung skal ba bzang// ! //zhes pa 'di yan paN
chen blo bzang chos kyi rgyal mtshan rang nyid kyi gsung yin
cing/

mjug 'phran bu lus pa rnams bsgrig dgos tshul dang ldan 'gas ring
mo nas nan cher byung yang da bar btang snyoms su lus pa la
phyis kyang gus ldan du mas yang yang nan cher bskul bar brten/
sku dngos kyi mdzad pa'i

mjug dang gsung dngos kyi zin tho yod pa rnams dang/ zhing 'di'i
gdul bya rdzogs nas tha ma'i mdzad pa bstan par dgongs pa yongs
su rdzogs thabs bsgrubs pa'i brjed byang bkod pa rnams la gzhi
byas khrigs su

bsgrigs pa ni/ na maH sarba stu te b+hya/ mi mjed zhing gi 'gro
la thugs brtse bas/ /grangs med bskal par tshogs gnyis mthar
phyin pa/ /phun tshogs yon tan rgya mtsho'i rlabs 'phreng g.yo/
/stobs bcu mnga' ba'i

zhabs la spyi bos 'dud/ /de yang skabs shig tu srad rgyud dpon
slob dang/ sde pa srang pa sogs skye bo 'ga' zhig nad kyis btab
nas shin tu lod pa byung bar/ tshe dbang spyan dmigs dgos tshul
zhus pa la/ dus tshod skya

rengs 'char ba'i dus su dmigs pa dang 'dun pa gtod gsung ba
bzhin dus sgo bsgrigs par 'phral du nad gzhi med du drag pas mos
pa yid ches bla na med pa skyes shing dga' mgu yi rang byung
'dug par mgron gnyer

@191b sogs zham ring pa rnams kyang nges shes ya mtshan du byed
pa byung 'dug cing/ lan cig gzims chung skar khur gi rtsa ba nas
mu tig shin tu spus gtsang ba lho ras che ba kha gang la 'thums
tshad cig bzhes nas/ mi 'di rang

gis sbyin ni mi 'dug /phal cher mi ma yin dkar phyogs la dga' ba
zhig gis bskyal ba 'dra gsung/ gtsang khul gyi dgon sde rnams la
mang 'gyed du gnang zhing/ zham ring pa gsol dpon blo bzang
bstan 'dzin gyi rmi lam

du/ rje btsun byams pa mgon po khri rgyab shin tu rgyas pa'i
steng na/ dbu rgyan gsol zhing chos 'khor gyi phyag rgya can/
thugs ka nas 'ja' 'od sna tshogs 'phro zhing/ de'i sku mdun na
rje de nyid kyang bzhugs stan bzang po'i steng du

sku ber dang chos gos gsum legs par gsol zhing/ phyag thal mo
sbyar nas bzhugs pa la/ 'od zer 'phros pa phal cher thugs kar
thim pa dang/ 'ga' zhig dbu'i steng du zug pa/ rje btsun tsong
kha pa chen po'i sku brnyan

zhig kyang dbu'i steng na yod pa/ rje btsun gyi thugs ka'i 'od
zer blo bzang bstan 'dzin rang dang zla bo gcig yod pa'i mgo
thog tu yang byung ba dang/ yang lan cig rje btsun gyi drung du
'gro ba la rje nyid kyis mgron gnyer mdzad

rgyu yin gsung ba rmis pa byung 'dug /lan cig sku khams ma bde
ba'i tshul bstan skabs shig blo bzang bstan 'dzin gyi rmi lam du/
khye'u mda' gzhu thogs pa 'ga' zhig /bu mo 'tshol bar phyin pa'i
lam bar du/ sangs

@192a @#/ /rgyas bcom ldan 'das dang mjal nas ston pa bu mo gzigs
ma byung ngam zhus pas/ ston pa'i zhal nas bu mo 'tshol ba las
khyed rang rnams btsal na gsung bar/ de rnams ston pa'i spyan
sngar

chos nyan gyi 'dug /nam phyed yan la chos kyi rnam grangs mtha'
yas pa cig gsungs byung tshul zhus par/ rje nyid kyi zhal nas
skya ser gyi skye bo ngo shes mi shes sna tshogs kyi khrod du
slebs pa'i snang ba zhig shar byung

gsung ba la/ de skabs lung pa gang du phebs sogs zhib cha zhus
na phyis gtan tshigs dang bcas nges pa yong rgyu yin 'dug kyang
zhu ma spobs pas slar 'gyod thal du gyur ces gleng/ 'jig rten
pa'i thugs bskyed na/

srog chags grog sbur tshun chad kyis dgongs pa lon pa ltar/ blo
bzang bstan 'dzin gyi yid la gtsang chu'i byang brgyud du slebs
pa'i snang ba zhig de skad gsung ma thag wal gyis byung 'dug /de
skabs rje nyid skun shin

tu smin pa'i stobs kyis gsol dpon blo bzang bstan 'dzin kyang
blo ngal dub che ba yod par/ nyin gcig bye'u zhig zan 'tshol
zhing za bar sku mdun du byung bar/ blo bzang bstan 'dzin gyi
sems la 'di 'dra'i sdug las

bye'u 'di yin na bsam pa la/ rje nyid kyis spyan 'bur tshugs su
gzigs nas/ sdug ge dud 'gro zer lto bya tshol byi tshol byed dgos
pa gsung bar/ thugs bden snyam ngo yang shin tu tsha ba byung
'dug /lcags glang lo nas

@192b nyi zla sogs 'od mi gsal zhing/ rgyu skar sa la lhung ba
dang/ khron pa mtsho mtshe'u bskams pa dang/ sngar med pa'i bya
sogs 'bab pa dang/ ri dwags nye 'khor du rgyug pa dang/ khro'i
nang du mi shor ba dang/ ri du ba dang/ 'brug 'bab

pa sogs dang/ bong bus bzhas dang/ dud 'gro la ltas ngan skyes
pa dang/ mi mthun pa'i rlung sogs rtags mtshan ngan pa dang/ rmi
lam ngan pa mtha' dag la byung zer cing/ dge lugs kyi bstan pa
'di ji 'dra zhig yong rgyu yin

ces gleng ba yang byung 'dug /dbyar zla tha chung gi tshe bcu yan
la/ bsnyen rdzogs rjes gnang sogs gdul bya rang rang gi blo dang
mthun pa'i chos kyi bgo skal bla na ma mchis pa bskor bar mdzad/
bcu gcig nas bro 'tshal ba'i

tshul bstan cing sku mtshams kyi bcad rgya dam par gnang ba dang/
grub mtha' ris med pa'i ser mo ba thams cad kyis brtan bzhugs
sku rim la brtson par mdzad/ snga gong rje de nyid kyi sku drung
du gsol dpon blo bzang bstan

'dzin sdod dus kyi rmi lam la mgon po phyag drug pa dang/ zhal
bram gzugs gnyis sku mdog shin tu snum pa bkra shis lhun po'i
gtsug lag khang du yong ba zhig yod 'dug kyang/ de dus 'og
khang
rdib 'gro la khad pa cig tu

phyag drug pa'i sku thigs pas brdungs pa cig rmis pa/ rje nyid
la sku grib kyi rtags su go nas sngags grwa ba rnams kyis khrus
gsol mdzad pas sku dwangs skyed shin tu che ba byung zhing/ nyer
gcig gi nub rmi lam du jo bo

@193a @#/ /rje bal yul na bzhugs yod zer nas rje nyid kyi drung
du bang phyin byung bas/ rje nyid kyi zhal nas jo bo rje'i yig
lan du khong bkra shis lhun po ba tsho rnam rtog mi byed na nga
yang dga' ldan du myur du yong

gsung zhing/ rten chas la dri bzang gi chun po gnang ba rmis
pa'i snga dro thang skya bla mas gser phon shin tu che ba phul
bar gser de dag la rje btsun byams mgon gyi sku brnyan bzang
po'i 'dug stangs can cig gar bur bzhengs

bka' phebs par blo bzang bstan 'dzin gyis zhal 'debs kyang phul
nas smon lam rnam par dag pa btab cing/ rmi lam gyi lo rgyus
zhus par bag chags rang yin zer rgyu ni mi 'dug /ya mtshan che
'dug gsung ba dang/

de nas bkra shis lhun po'i slob dpon dge skos rnams kyis gdung
shugs drag po'i sgo nas zhabs pad brtan dgos pa'i gsol ba btab/
de nas bzungs sku khams dwangs shing gdul bya'i blo ngo dang
bstun pa'i chos kyi 'khor

lo rgyun mar bskor bar mdzad/ tha skar zla ba'i tshes bcu gsum la
chos 'khor gsar pa'i phogs ja tshul sogs sngar bzhin thog /'dus
tshogs nyis stong lhag par dge 'dun re la 'bru bre tshad kyi khal
bcu gcig re

thob nges kyi spyi 'gyed gnang/ /'di skabs dpal 'khor chos sde'i
mkhan po/ khal kha'i dpon yel ting/ o'i rod kyi 'grul pa bcas
'byor bas maNDal dang 'bul skyes gya nom pa bskrun/ de nas
gtsang rong gi grub mtha'

@193b ris med pa'i dgon khag bdun cu skor la mang ja/ bsngo rten
rnam gzhag /spyi 'gyed mu tig zho phyed bzhi stong dgon che
chung gi dbye bas gnang zhing/ zla ba dang po nas bcu pa'i lnga
mchod kyi bar gnas gzhir bzhugs skabs lo ltar nyin re

bzhin/ bla ma/ yi dam/ sangs rgyas/ byang sems chos srungs mang
po'i snang brnyan brgya rtsa brgyad re brgal ba phyag bstar
'chag med gnang/ smin drug zla ba'i nang du sde pa rin chen rtse
nas dpon g.yog rnams kyis maNDal

'bul ba bcas rgyas par phul zhing/ ngor mkhan pos tshe dbang dgos
tshul zhus pa'i bzhed pa bsgrubs/ dgun chos dang po'i thog khal
kha'i sku skye dang/ d+harma kI rti/ d+harma kA ya sogs byang pa
yon bdag 'ga' 'byor

pas bdog pa'i dngos po dpangs mtho ba phul/ de mthun 'dus pa
rgya mtshor bsnyen bkur phun sum tshogs pa phul zhing/ khong
rnams
la'ang dbang rjes gnang sogs ji ltar 'dod pa'i re ba skong bar
mdzad/ de nas chos grwa

'dis mtshon pa'i gtsang khul gyi dgon che phra brgya phrag la nye
bar mang ja/ bsngo rten rnam gzhag /spyi 'gyed legs 'gro nyis
brgya brgyad cu brgal ba cha bsnyams nas gnang zhing/ gzhan
yang
bsam gtan pa'i sde bcu

phrag tsam la mang ja bzang gos kyi 'gyed bcas stsal/ yang chos
grwa 'dis mtshon pa'i 'chad nyan 'phel ba'i chos sde bcu la mang
ja/ bsngo rten/ rnam gzhag /spyi 'gyed gos yug nyer gsum bcas
phul/ dgun chos

@194a @#/ /gnyis pa'i skabs chos grwa 'di dang dben sa chos kyi
pho brang du mang ja rnam gzhag che khar rta res gtsos pa'i zab
pa dang/ 'gyed gser mgur zho brgya phrag gnyis dang bcu phrag
lnga dge 'dun zhal

grangs dang bstun nas gnang/ de skabs zhabs 'bring ba grwa bu
slob tshang ma sku na shin tu smin par blo rab tu mtsher kyang/
lnga mchod chen mo dang/ brgyad mchod/ dus gtor rnams shin tu
legs pa byung bas blo bde zhing/

mgon khang chen mo'i dmag zor ma'i zhal ras shin tu dmar la
snum
pa dpyad dka'i gzhir byed pa cig kyang byung 'dug /dge byed ces
pa chu pho stag gi lo gnam lo gsar tshes kyi snga char nyi 'od du
tshes gtor 'bul ba'i

tshogs dbur phebs te/ bla ma yi dam/ 'dod khams dbang phyug ma
gtso bor gyur pa'i chos skyong bsrung ma rnams la sngar bcol
legs pa'i gtang rag dang da 'chol legs pa'i gsol 'debs su dngos
bshams

yid sprul gyi mchod sprin dam rdzas spyan gzigs tshogs kyi 'khor
lo rgya chen po'i sgo nas mnyes par gnang zhing/ tshogs lhag gis
mi dang mi ma yin pa'i 'gro ba kun kyang tshims par mdzad cing/
gzhan yang lha

btsun/ dpon chos mdzad/ sbyin bdag sde dpon rigs sogs ser skya'i
tshogs la mjal kha dang/ dga' ston rgya chen pos yi rang bar
mdzad/ de'i sang nyin nas sku cung zad bsnyel tshul bstan na'ang
mjal kha sngar ltar

@194b stsal/ 'di dag gi skabs su sku'i bkod pa bsdu bar nye ba'i
rtags su mi rtag pa'i lung sogs gsung ba ni/ snga phyir 'khor
ba'i mtha' dang mnyam tsam du/ /rgya che ring ba'i nyin dang
mtshan gyur la/ /de 'dra bsags pa lor gyur

dus ring ba'i/ /bskal pa rgya mtsho'i chu thigs grangs snyed
kyis/ /byang chub mchog gi sems gcig skye 'gyur la/ /de 'dra'i
rnam pas tshogs zhag re re zhing/ /sgrub dgos gyur kyang snying
rjes skyo ba med/ /byang chub dam pa

sgyid lug med pa sgrub/ /'khor tshe rang gi sdug bsngal sems
btang zhing/ /go cha brtan pa dpag yas de bskyed na/ /brtul
zhugs dpa' bo snying rje'i ngang can la/ /yang dag blangs pa
dang po yin par brjod/ ces

gsungs pa yang go cha'i brtson 'grus so/ /gzhan yang 'khor ba
thog med nas da lta yan chad la zhag gcig tu byas pa'i zhag sum
cu la zla ba dang/ de bcu gnyis la lor byas pa'i lo 'bum song ba
na byang chub kyi sems

gcig skye zhing/ sangs rgyas gcig mthong la/ de 'dra ba
ganggA'i klung gi bye ma'i grangs dang mnyam pa gcig gis sems
can gcig gi sems dang spyod pa shes la/ de lta bu'i tshul gyis
sems can thams cad kyi sems dang

spyod pa shes par bya dgos kyang mi zhum pa'i go cha la go cha
mi zad par blo gros mi zad pas zhus pa las gsungs te/ gong na
med pa'i brtson 'grus so/ /lha gcig ji ltar khyod 'byor kyang/
/gshegs nas 'jig rten

@195a @#/ /gzhan bzhud tshe/ /mya ngam thang la dgras bcom ltar/
/gcig pu sras med btsun mo min/ /na bza' ma mchis bshes ma
mchis/ /rgyal srid ma mchis khab ma mchis/ /dpag med mthu

dpung mnga' lags kyang/ /gzigs su ma mchis gsan ma mchis/ /gcig
tsam nyid cig phyi thag gis/ /rjes su 'brang ba'ang mi mnga'o/
/mdor na nyid kyi mtshan tsam yang/ /de tshe med na gzhan ci smos/
/bsags

pa kun gyi mtha' 'dzad cing/ /mthon po rnams kyi mtha' ltung
'gyur/ /phrad pa'i mtha' ni 'bral ba ste/ /gson pa'i mtha' ni
'chi ba yin/ /gang yang sangs rgyas rang sangs rgyas/ /sangs
rgyas rnams kyi nyan thos kyang/

sku lus 'di ni spong mdzad na/ /skye bo phal rnams smos ci dgos/
/gang du gnas na 'chi bas mi tshugs pa'i/ /sa phyogs de ni yod pa
ma yin te/ /bar snang la med rgya mtsho'i nang na med/ /ri bo
rnams kyi gseb tu zhugs

na'ang min/ /byung dang 'byung bar 'gyur ba ji snyed pa/ /kun
gyis lus 'di btang nas 'gro ba dang/ /de kun 'jig par mkhas pas
rtogs bgyis te/ /chos la gnas kyi nges par spyad pa spyod/ /dper
na phyogs bzhi

nas ri chen po sra ba brtan pa snying po dang ldan pa ma zhig pa
ma gas pa 'phan med pa/ shin tu mkhregs pa gcig tu stug po bzhi
gnam la reg cing sa slog ste/ rtswa dang shing dang shing gel pa
dang/ yal ga dang lo ma

@195b thams cad dang/ sems can srog chags 'byung po thams cad
phye mar 'thag cing 'ong ba la ni/ mgyogs pas bros pa'am/ stobs
kyis bzlog pa'am/ nor gyis bzlog pa'am/ rdzas dang sngags dang
sman rnams kyis

bzlog par sla ba ni ma yin no/ /rgyal ba chen po de bzhin du
'jigs pa chen po bzhi 'di dag 'ong ste/ de dag la mgyogs pas
bros pa'am/ stobs kyis bzlog pa'am/ nor gyis bzlog pa'am/ rdzas
dang sngags dang sman

gyis bzlog par sla ba ni ma yin no/ /bzhi gang zhe na/ rga ba
dang/ na ba dang/ 'chi ba dang/ rgud pa'o/ /rgyal po chen po rga
ba ni dar la bab pa 'jams shing 'ong/ na ba ni nad med pa 'joms
shing 'ong/ rgud pa ni phun sum

tshogs pa thams cad 'joms shing 'ong/ 'chi ba ni srog 'joms shing
'ong ste/ de dag la ni mgyogs pas bros pa'am/ stobs kyis bzlog
pa'am/ nor gyis bzlog pa'am/ rdzas dang sngags dang sman rnams
kyis

zhi bar sla ba ma yin no/ /zhes sogs gsung zhing/ grwa bu slob
tshang mas zhabs pad brtan dgos tshul gyi gsol ba nan chags btab
par/ da rang lo brgya phrag brgal bas rgas shing gogs/ bla ma
rin po che zhabs pad

brtan yong bas skyon med gsung/ de skabs bkra shis lhun po'i dri
gtsang khang gis mtshon rten gtso rnams la gser chab gsol zhing
bstan pa rgyas pa'i smon lam rten 'brel sgrig pa gnang/ tshes
lnga nas cho 'phrul

@196a @#/ /gyi mchod pa dang smon lam tshugs pas 'dus tshogs che
zhing rnyed bkur phun sum tshogs pa dang/ smon lam rnam par dag
pa 'phel ngos/ khal kha g.yas ru rgyal khang rtse sprul pa'i
sku sogs byang

'grul ba 'byor bas zang zing gi dngos po rgyas par phul zhing
'dus snger mang 'gyed bla na med pa bsgrubs/ gzhan yang phyogs
mtha' dag nas skye bo'i tshogs du ma 'dus par mjal kha chu bo'i
rgyun ltar stsal/ de nas re

zhig sku mtshams kyi bcad rgya dam pa'i ngos/ chos grwa 'di nyid
kyis mtshon pa'i gtsang khul gyi 'chad nyan 'phel ba'i dgon ri
khrod kyi sde dang bcas pa rnams la mang ja bsngo rten/ rnam
gzhag /phyag 'gyed bzang gos kha

thi/ mthon thi/ tshos gcig sogs tshos kha sna tshogs kha drug stong
bdun brgya la reg pa zhal grangs dang bstun nas bstar/ 'di kha'i
sngags grwar yang zhag shas bsti stang phul du byung ba dang/
skam 'gyed 'gru khal

bco lnga re thob pa gnang/ de nas sku'i bkod pa sdud du nye ba
nas/ sngar dang mi 'dra ba'i sku bro 'tshal ba'i tshul ston cing/
zhabs brtan sku rim sogs spyi sger so so nas 'bad rtsol dang len
bsgrubs kyang/ bdag gir

mi gnang zhing rang rang gi rim gror 'gro gsung ba dang/ nga'i
'di rgas nad yin pas rim gro dang sman sogs kyis phan pa med
gsung bzhad mo gnang ba dang/ 'on kyang sku la bcar ba rnams
kyis gsol ba btab nas

@196b zhabs brtan sku rim bsgrubs shing/ gsol sman 'phrod bsten
mdzad/ 'di dag gi skabs su sa zla mgur zho nyis stong drug brgya
dang gya brgyad las grub pa/ thub dbang rdo rje gdan chung ma'i
snang brnyan bzhi/ rje btsun byams mgon

gyi sku brnyan gnyis bcas gar bu las bzhengs shing/ dngul dkar
srang stong dang phyed nyis brgya las grub pa'i rje btsun bla ma
tsong kha pa chen po/ mkhas grub chen po sangs rgyas ye shes
thub pa'i dbang po/ rgyal ba 'od dpag

med/ sman pa'i rgyal po rnams kyi sku brnyan re dang/ rgyal ba
mi 'khrugs pa'i snang brnyan gnyis bcas gar bur bsgrubs pa de
dag gi khri 'od gser zangs las grub par pad 'dab/ bzang g.yu/
byu ru sogs kyi phras

mdzes shing phul du byung ba 'phral du grub/ de dag gi skabs su
chos grwa 'di kha'i grwa rigs dang zhabs 'bring pa bcas nas zla
ba gcig lhag tsam gyi bar la brtan bzhugs kyi mang ja nar ma
dang/ de mtshungs rgyud grwa pa rnams

kyis kyang rgyud ja nyin gang 'chag med btang ba'i sku'i rim
gror 'grus pa mdzad/ zla ba gnyis pa'i nang du mkhan chen thams
cad mkhyen gzigs chen por bstan dang 'gro ba'i dpal du zhabs pad
bskal brgyar brtan

dgos pa'i gsol 'debs rten 'byung gi 'bul tshan phon mi chung tsam
dang/ bstan pa rin po che dar zhing rgyas pa'i ched du dbus
phyogs kyi dgon sde rnams la mang ja/ bsngo rten rnam gzhag
/'gyed grwa pa rer gos kha re'i

@197a @#/ /rtsis kyi kha thi sogs bzang gos tshos kha sna tshogs
phon che ba dang/ jo zhal rnam gnyis kyis gtsos pa'i rten 'gangs
che ba rnams dang/ gdan sa chen po ri bo dge ldan gyi sku gdung
rin po che/ ra sgreng gi

jo bo 'jam pa'i rdo rje sogs la snyan dar rgyas pa dang/ dri
bzang gi chun po bcas rdo rje rgyal mtshan rdzong ste gnang
zhing/ rgyal ba'i bstan pa rin po che phyogs dus kun tu dar
zhing rgyas pa'i smon lam rlabs po che 'debs pa

gnang/ de skabs jo zhal rnam gnyis kyi drung du ting spus legs
bdun tshar re 'bul ba'i sta gon grub na'ang da lam re bzhag nas
slar 'bul rgyu byed gsung zhing 'jog pa mdzad/ gzhan yang rong
skyid tshal nas gser mdog

can gyi bar gyi chos sde khag bcu gsum la mang ja/ bsngo rten/
rnam gzhag /'gyed 'bru khal bdun stong sum brgya lhag pa gnang/
de nas dpyid chos dang po'i phogs ja tshul sngar rgyun thog /'di
kha'i 'dus tshogs sngags

grwa/ ri khrod bsam gtan pa'i sde dang bcas pa rnams la bstan pa
rin po che rgyas pa'i ched du mang ja/ rnam gzhag /spyi 'gyed
rin chen gnyis pa srang chen nyis stong brgyad brgya lhag tsam
dang/ de bstun gtsang khul gyi grub mtha'

ris med pa'i chos sde khag phal mo cher mang ja/ bsngo rten rnam
gzhag /'gyed ja 'khor drug brgyad cu rnams dge 'dun zhal grangs
mang nyung gis bsnyams nas gnang zhing/ de skabs chos kyi rgyal
po 'od zer go cha'i

@197b rten du grags pa'i mnyam med shAkya'i rgyal po'i snang
brnyan la par slog byas pa'i gtso bo dang ldem byams 'jam
dbyangs bcas lugs su blug pa spus shin tu gtsang ba legs par
grub/ de skabs nye 'khor ba sogs tshang mas

bstan pa dang sems can la dgongs nas zhabs pad brtan dgos pa'i
gsol ba sgo gsum gyi sgo nas btab par/ nga rgas gogs pas skyon
med cing bstan pa'i dpal du bla ma rin po che zhabs pad brtan
yong gsung

bzhugs pa'i zhal bzhes mi gnang zhing/ gsung gleng la/ rga bas
rga byas na tshod yol gyur na/ /sdong po gnam lcags kyis ni bcom
pa bzhin/ /rga bas 'khogs na 'jigs bcas khang hrul 'dra/ /rga
las 'byung ba thub

pa myur du smros/ sa bdag ji ltar g.yar po'i lus/ /nad med rgud
med bder gnas pa/ /de nyid tshe na snying po blang/ zhes sogs mi
rtag pa'i gtam mang du gsung zhing/ lus brje ran pa yin 'dug
gsung ba dang/ zhal snga

nas zhig gi gsung las/ lus gog po 'di bskyur nas/ tha na ri
dwags su skyes kyang spang gshongs la 'khrab g.yeng byas na
skyid pa 'dug gsung/ khong gsung ba ltar gyi lus 'di yang brjed
gos pa 'dug gsung zhing/

sngar dang mi 'dra ba'i sku dang gsung gi rnam 'gyur ston pa
mdzad pa dang/ gtor ma las bdud rtsi 'dzag pa dang/ drod chen po
yong ba sogs byung bar legs nyes kyi mtshan ma zhus kyang dga'
rgyu'i khungs gnang bar/ blo bzang

@198a @#/ /bstan 'dzin sogs zhabs 'bring pa rnams kyi dogs pa la/
jo bo rjes/ mar me 'chi kha'i 'od bzhin du/ /gsal po ma de gzhan
du 'gro/ gsungs pa ltar yin pa 'dra bsam pa dang/ snga dro zhig
thugs

dam rten gral la gzigs nas/ rje btsun ma pham pa'i snang brnyan
bzang po'i 'dug stangs can de la sku mdog dkar zhing 'od zer
'phro ba zhig e 'dug gsung bar/ blo bzang bstan 'dzin gyis
bltas nas bka' gnang bzhin

yod pa 'dra zhig 'dug zhus pas de ka 'dug gsungs/ sku brnyan de
da lta bkra shis li ma shar ma na bzhugs/ 'di skabs su de bzhin
gshegs pa'i mtshan mi gcig pa mang po zhal 'don gnang ba dang/
phyag thugs

kar thal mo sbyar nas nyin mtshan gyi cha thams cad du ting nge
'dzin sogs la gnas par mdzad cing/ gzhan yang sku khams mi bde
ba'i tshul bstan na'ang phyag mchod bzhengs bzhud bzhugs pa sogs
sngar rgyun ltar la/

sku bongs chung zhing byis pa lo brgyad dgu lon pa'i na tshod
dang mnyam pa/ sku'i gnyer ma rnams kyang zhig nas sku dwangs
gsal 'od dang ldan zhing/ phyag zhabs padma'i 'dab ma ltar 'jam
par gyur pa dang/ blo bzang

bstan 'dzin gyi rmi lam du nyi ma nub la khad pa dang/ rta 'di
la bca' ga gang dag ma byas na grwa pa mang po la 'gyed mi long
ba 'dug zer ba rmis par dgung rnying rta ru song bas sku'i bkod
pa sdud pa'i rtags min nam bsam

@198b pa yang byung 'dug cing/ de nas zla ba gsum pa tshes 'phral
gyi gza' tshes bzang ba dang bstun 'di kha'i mgon khang chen mo'i
yi dam dang chos skyong gtso bo rnams la snyan shal gsum re
dang/ 'khor rnams la snyan dar re/

mgon po bar chad kun sel la thod pa'i cang te'u dang chos skyong
spyi la rdo rje rtse lnga par dar tshon sna lnga btags pa'i
g.yab dar bcas bskang gso ba rnams kyis mchod gtor rgyas par
'bul ba mdzad pa ji lta ba bzhin

rgyud khang gi mgon khang du yang gnang/ de mthun gzims
khang gi
mgon khang du'ang snyan dar spyan gzigs sogs zab rgyas dang/
snar thang du rje btsun ma pham mgon po'i sku brnyan la grang
gser brjibs byugs dang/ dri

bzang gi chun po/ snyan shal zung gi ngos la/ rje btsun byams pa
mgon po la 'bul lo/ /dge bas 'gro kun dga' ldan gnas su skye bar
gyur cig /ces pa'i gsung rtsom bkod nas 'bul ba gnang/ de mthun
bka'

'gyur rin po che gsung sgrog bgyis pa'i yon rgya che ba'ang
stsal/ tshes brgyad kyi nub mo dge slong blo bzang phun tshogs kyi
rmi lam du/ rdo rje 'jigs byed zhal phyag yongs rdzogs kyi dbu
rwa'i steng du rje nyid spyan drangs/

de'i mtha' la mkha' 'gro chos skyong rnams kyis bskor/ de'i
mtha' la bya rnam pa sna tshogs kyi kha ru me tog rnam pa sna
tshogs thogs te nam mkha' la 'ja' 'od kyi gur sogs dang bcas bkra
shis rdzong kha'i thad nas brul

@199a @#/ /tshang ngos la phebs byung ba/ sang nyin dga' ldan rab
rgyas pa'i rje zhal snga nas blo bzang bstan 'dzin pa dang bcas
te steng du byon skabs nam mkha' la 'ja' 'od kyi gur sogs mdangs
rgongs kyi rmi lam ji

lta ba bzhin 'dug pa dang/ rmi lam byung tshul rnams zhus pas/ do
tse kha rog sdong/ bzhugs snying ma 'dod pa'i ltas bzhin min nam
gsung/ tshes bcu gnyis kyi nyin 'di kha'i slob dpon rnam pa/ chos
khrims/ sku skye khag

gtso bor gyur pa'i spyi sger so so nas brtan bzhugs phul ngos
tshigs 'don du btsugs chog pa'i zhabs brtan tshigs bcad cig kyang
gnang dgos tshul zhus par/ sngar yod rnams kyis thus da mi dgos/
nga rgas shing

gogs lo brgya phrag lon pas tshig gcig kyang mi thon pa 'dug
gsung bar/ da dung nan ches gsol ba phur tshugs su btab par/ labs
rgyu nyung ba dga' gsungs nas 'di ltar/ thub dbang gnyis pa blo
bzang grags pa

yi/ /mdo sngags chos kyi rgyal mtshan 'od 'bar bas/ /mtha' yas
gdul bya'i rmongs pa kun sel zhing/ /phan bde'i 'dab brgya'i
dga' tshal rgyas gyur cig /ces pa 'phral la gnang nas bzhad mo
cung zad mdzad cing/

skyon med pa rgas gogs lo brgya phrag lon pa yin pas/ bstan pa'i
dpal du bla ma rin po che zhabs pad brtan yong gsung/ gzhan
yang
bdag sogs grwa rigs dang bcas pa la zhal bzhes bzang po dgos
tshul zhus

@199b 'dug par smon lam gang drag byed po gsung ba las bzhugs
pa'i zhal bzhes ma gnang ba dang/ bka' rtsam tshigs bcad kyang
brtan bzhugs kho na min pa la thams cad dogs pa skyes nas/ zhabs
'bring pa sogs

nas do khur gyis 'dus sder mang ja sbrel thog skam 'gyed shin tu
phon che ba phul nas zhabs brtan sku rim la spyi sger thams cad
nas 'bad rtsol drag po mdzad 'dug pa dang/ de nyin sku shin tu
dwangs tshul bstan cing/

gsol dpon blo bzang bstan 'dzin la brul tshang thob rgyal sogs
kyi rim pa spyi dang/ khyad par brul tshang la snga sor rnam thos
pa dang kyu ru gdong pa zer ba'i phyug po chen po gnyis yod/ kyu
ru gdong pa zer ba de rkang stongs tshar

'dug /snga sor gyi rnam thos pa zer ba dang/ deng sang gi brul
tshang pa zer ba don gcig par 'dug /deng sang lhan khul na mi
drag pa rang med pa 'dra bslab ston gnang bar de ka bzhin med
tshul zhus/ de nyin gsung gleng shin tu

'phel ba gnang bas da lam dga' mo yong rgyu yin pa 'dra snyam
pa'i yid la dga' ba dpag med skyes 'dug cing /de nyin phan chad
la bzhengs ma thag tu brkyangs phyag gsum gyis thog drangs
phyag
mang du mdzad pa yod

'dug kyang/ de ka'i dgongs mo gsol dpon blo bzang bstan 'dzin
gyis sa ma srib tsam la gsol ja snga ma zhus nas phyi la phyin/
de nas gsol ja rting ma zhu bar srod ma thub tsam la phyin
skabs/ 'gag pa

@200a @#/ /rnams bla ma mchod pa sogs zhal 'don mdzad kyi yod
'dug cing /gzims chung yid dga' chos 'dzin gyi sgo phye nas sgo
skyog gi mtshams su slebs skabs/ rig pa rtseng bun zhing mi mang
po

zhig yod pa'i rnam pas gsol dpon rang la phar skyog tshur skyog
gis bzur nas lam btang ba'i rnam pa byung ba dang/ sku zhabs su
phyin nas gsol ja zhus par/ da su 'dug gsung ba la/ thugs dam
byed mkhan tsho min

pa gzhan su yang mi 'dug zhus 'dug par/ gzhan ma su gang mi 'dug
gam gsung ba la/ su yang mi 'dug ces pa las zhu ma spobs 'dug
cing/ rjes su dgongs rdzogs kyi bya ba rnams kyang ha lam grub
rjes/ gong

'khod kyi 'jigs snang byung tshul rnams sku la bar gcod sogs kyi
mtshan ma min nam gang yin la mo chos skyong chen por zhus 'dug
par/ skyes bu dam pa de nyid la bar gcod sogs kyi mtshan mas
glags ci la kha/

nged dkar phyogs skyong ba'i mkha' 'gro chos skyong bsrung ma
rnams kyis/ sngon la dag pa'i zhing khams gang dang gang du
'byon zhu ba la yongs pa yin/ de la 'jigs mi dgos gsungs 'dug
cing /de kha'i mtshan gyi

cha la rje btsun byams mgon gyis dam bcas pa'i gzungs ljags
bzlas mdzad pa dang/ tshes bcu gsum gyi snga dro nas sku ma
snyoms su song bar/ bla sman nas phyag rtsa dang chab sogs la
'gyur ldog mi 'dug ces zer na'ang/

@200b rje rang nyid kyi gsung las/ gnas 'di las dga' ldan lha
yul skyid/ ces gsungs pa ltar/ rje btsun mi pham mgon po'i zhabs
drung du 'byon par bzhed pa'i thugs 'dun gtad pa dang/ gdul bya
rtag 'dzin can rnams

chos la bskul ba'i phyir/ dge byed ces pa chu pho stag gi lo dri
zhim zla ba'i tshes bcu gsum gyi nam gyi cha stod gza' pa sangs
dang rgyu skar rta chung gi steng du sku'i bkod pa sdung du nye
ba na zhabs gnyis skyil krung mdzad de

ljags bzlas sogs kyi ngang nas 'od gsal chos sku mngon du mdzad
de/ dgongs pa chos kyi dbyings su thim nas mya ngan las 'das
pa'i tshul bstan to/ /de'i tshe zhabs 'bring pa rnams dang/ slob
dpon rnam pa/ grwa rigs

skye bo'i tshogs dang bcas pa thams cad dmigs bus dor ba'i long
ba'i tshogs bzhin/ dam pa nyid kyis dor nas mya ngam gyi thang du
mgon skyabs dang bral te/ sdug bsngal gyi ca co sgrog pa las ci
bya gtol med du gyur

pa byung 'dug /de gong nas bdud kyi bar chad kyi rnam pas dbu
mdzad rnam gnyis dang grwa rigs du ma sku bro 'tshal bas bsgrigs
'grim mi thub kyang de nyin dgongs rdzogs kyi mang ja tsha rting
mar tshang ma phebs dgos

pa'i brda phul nas dge 'dun re'i phyag tu se hrug sbag gnyis re
phul bar/ 'ga' zhig spyan chab ri gzar gyi 'bab chu ltar gtong
zhing dngos por do gal med pa'i phyag 'gyed kyang mi bzhes pa
la/ mgron gnyer dka'

@201a @#/ /chen dge 'dun tshul khrims kyis/ dge 'dun pa tsho rje
bdag nyid chen pos dgung lo brgya phrag brgal bar chos kyi 'khor
lo rgyun mar bskor mod/ deng sang bla ma 'di dang sku tshe mnyam
pa bzhugs mkhan

'dug gam/ da thugs ngal ma mdzad zer thugs gso 'bul ba'i tshul
byas kyang mgron gnyer rang yang mchi ma char ltar 'bab pa
byung
'dug cing/ de nas zhag 'ga'i bar la gangs rgyun mi 'chad du 'bab
pa dang/ 'ja' 'od

kyi gur phub cing lha'i me tog gi char babs pa dang/ sgra brjod
du mi lang bas gling la bskor ba'i tshul du byas nas yong ba
dang/ skabs skabs su nam mkha' g.ya' dag pa rgya mthing bzang
po'i mdog 'dra ba dang/ res 'ga'

'ja' 'od dang/ sprin la gdugs rgyal mtshan ba dan sogs mchod pa'i
bye brag gi rnam pa bsam gyis mi khyab pa yong ba sogs phal cher
gyis mthong ba dang/ thugs dam la yang zhag shas bzhugs tshul
bstan cing/ bdun

phrag gnyis kyi bar la zhi ba'i grang du gnas pa'i bla ma lha pa
zhabs drung dang/ drung pa brtson 'grus rgyal mtshan bcas sras
kyi thu bo gnyis kyis gtso mdzad/ rgyud grwa pa dge ba'i bshes
gnyen chen po gcig lhag bzhi bcus/

gzims chung yid dga' chos 'dzin dang/ ngo mtshar bkod par dpal
gsang ba 'dus pa mi bskyod pa'i dkyil 'khor zhal phye nas kun
bzang mchod sprin rgya chen po bsgrubs/ de mthun rgyud khang
du
yang dge 'dun brgya phrag

@201b gcig dang so lnga la zhabs tog rmad du byung ba zhus nas/
mkhan chen thams cad mkhyen pa chen por thugs dam zab mo'i
gsal
'debs kyi snyan 'bul zhu rten kha btags mthing khra/ gser mgur
zho brgya phrag /bzang gos

yug bzhi rnams phul zhing/ 'dus ldan rgya mtsho'i dbus su yang
mchod pa dang/ bsnyen bkur zhabs tog gya nom pa spyi sger so so
nas zhus shing/ gsung chog pa rnams kyi yon du kha btags mthing
khra lnga/ dngul srang brgya

phrag gnyis/ mdzod gos dmar ser 'dres pa yug bcu gsum/ byang
sman rnying pa yug bcu bzhi/ rgya zam ka ras bcas yug brgyad
rnams dang/ gzhan yang chos gos sogs ban chas sna tshogs la rin
gong 'brur phab bre

tshad kyi khal tshig stong bdun brgya bdun cu skor phul 'dug cing/
'di dag gi skabs su phyag mdzod/ sras kyi thu bo gnyis/ zhal
snga nas slob dpon rnam pa bzhi/ zhabs 'bring pa blo bzang bstan
'dzin sogs gros la

dbang ba thams cad kyis sku gdung ril por bzhugs pa dang/ zhugs
la phul ba gang legs kyi gsung bgos mdzad par/ snga sor mkhas
grub khyung po rnal 'byor gyis/ nga'i spur 'di ril por bzhag na
chos brgyud 'di chu

bo'i rgyun las ring ba dang/ zhong zhong 'di rdo rje gdan gnyis
pa lta bu zhig yong ba yin te/ khyed rnams kyis gros ngan zhig
byed pa 'dra gsung ba bzhin/ khams sogs nas 'dus pa'i slob ma
rnams kyis shed khyer ba'i sku

@202a @#/ /gdung bzhu nas so sos gdung skal khyer bas rten 'brel
ma 'grig pa de bzhin byung 'dug /de dang mi 'dra bar rje btsun
bla ma tsong kha pa chen po'i sku gdung rin po che yang ril por
ri bo dge ldan du

bzhugs/ da lam yang sku gdung ril por bzhag na spyi sgos gang
sar phan bde bla na ma mchis pa dang/ khyad par bkra shis lhun
po'i bstan pa dang sems can gyi phan bde rgyas pa yong bas ril
por bzhag na legs tshul

dang/ snga sor rje de nyid kyis gsol dpon blo bzang bstan 'dzin
la/ rgyal ba blo bzang don grub dben dgon zhol du sku'i bkod pa
bsdus nas sku gdung dben dgon rtser rje sangs rgyas ye shes kyis
gdan drangs pa'i lo rgyus zhib

cha gsungs pa dang/ rje nyid kyang gzhan don la dgongs su nye
ba'i snga gong gi mdzad pa 'ga' zhig la brtags na sku gdung ril
por zhog cig pa'i brngar go nas tshang ma sku gdung ril por 'jog
par zhal mthun pa dang/ de

mthun grwa rigs dang sbyin bdag drag zhan tshang mas kyang sku
gdung ril por bzhugs pa legs tshul thams cad thugs mthun zhal
gcig nas bton pa lta bu byung 'dug cing/ de nas blo bzang bstan
'dzin dang rdo rje

rgyal mtshan gnyis kyis tshad blangs te dbu mdzad chos dbyings
rgya mtshos sku gdung bzhugs yul za ma tog gi shog khra bris par
gsum ka la myong ba med pa'i stabs kyis za ma tog shin tu ches
pa gdung khang mchod

@202b sdong yang shin tu che ba yong ba'i rten 'brel 'grig ces
gleng/ de nas mkhan chen thams cad mkhyen pa'i zhabs drung du/
rje de nyid kyi dgongs bzhed ltar 'grub pa'i thugs dam gsal
'debs zhu rten du/ dpal rdo rje 'jigs

byed kyi rag sku byin rlabs can/ na bza' cha tshang/ phyag dril/
phyag DAr/ zhal dkar stegs bcas/ spyi blugs/ rgya sbrug spus
gtsang shubs bcas/ shal ba dkar dmar gsum/ kha btags mthong
khra
bco lnga/ gser

mgur zho bzhi brgya/ dngul srang dgu brgya nga gnyis/ spu ja ko
khra gnyis/ nag po 'khor drug gnyis/ gos bzang sgrigs kyi bla re
sham ldan bcu gnyis/ gos ber nang ldan gnyis/ rgya gos tshos kha
sna tshogs dgu/ rtsar

mo bzhi/ 'gan sbyar gnyis/ gos dmar gyi sham thabs/ gos bzang
sgrigs kha btags lang sman sogs kyi yol ba bcu/ ding phon leb
chen khyad 'phags gcig dang gzhan ma gsum/ gos kha thi/ gan gos
chos gcig

sogs spus gtsang yug brgya dang zhe bdun/ ling byang sman
rnying
sogs yug brgya dang zhe drug /chibs chen gyis gtsos pa'i rta nyi
shu tham par gser sga gos gzar sogs sga 'khor cha tshang/ dre'u
sga gdan bcas pa bcu bzhi

ka ras zhe dgu rnams 'bul ba dang bstun/ ri bo dga' ldan gyi
dngul gdung rin po che/ lha sa'i jo zhal/ bkra shis lhun po/
dben dgon sogs lha mi kun gyi bsod nams gsog pa'i mchod yul
rnams su mchod 'bul

@203a @#/ /la/ snyan dar kha btags che legs lnga bcu/ ling sna
tshogs yug bco lnga/ dri bzang dmar ser khres bzhi brgya dang
bzhi bcu/ mchod me'i rgyur mar khal sum stong nyis brgya nga dgu
bcas mchod pa bsam gyis

mi khyab pa dang/ gzhan yang e dwags/ dbus lho byang/ gtsang
rong/ mnga' ris skor gsum sogs grub mtha' ris med pa'i dgon gnas
ri khrod kyi sde dang bcas pa la mang ja sbyor sbrel thog /bsngo
rten/ rnam gzhag /spyi

'gyed kha btags mthing khra nyis brgya lnga bcu/ kha btags che
ba dgu stong bdun brgya dgu bcu go gsum/ chung gras nyi khri
nyis stong bzhi brgya nga gnyis/ gan dkar gcig /gos ling gi rnam
sbyar dang chos gos bcas nyer dgu/

gos ber nang ldan bco lnga/ gos bzang sgrigs kyi bla re sham
ldan bdun/ rten khebs spus gtsang bcu gsum/ rin chen gnyis pa
srang chen nyi khri tshig stong brgya dang drug /dngul sga cha
'grig drug /rta bco brgyad/ gos kha thi/

mthon thi chos gcig sogs yug brgya dang zhe gnyis/ ling sna
tshogs yug bcu drug /brgyad kyis lhag pa'i byang sman yug bcu
phrag lnga dang bzhi brgya/ cho'u tsi yug brgyad se hrug spa
gnyis brgya re yod pa'i ko khra zhe drug /sgam

sna tshogs dgu /zam dril nyis brgya dang bcu phrag brgal ba/ snam
bu dmar ser bubs don gnyis/ khom bu ras yug cog ras bcas khyon
lnga brgya dang bcu bdun/ gzhan yang 'bru 'gyed song ba dang/
'di kha'i tshogs chen/

@203b sngags khang/ dben dgon bcas par tsha ra song ba rnams
bsdoms bre tshad kyi 'bru khal dgu stong bzhi brgya brgyad cu mi
'chad pa dang/ mar mkhar rgya'i khal nyis stong bzhi brgya dang
don brgyad/ lug khog drug brgya bco lnga sogs dgongs

pa yongs su rdzogs pa'i phyir bsnyen bkur phun sum tshogs pa
bstar 'dug cing/ 'di dag gi skabs snga phyir skye bo 'jig rten
pa'i tshogs dgon par don spyod du yongs pa kun kyang sems mi bde
ba'i dbang gis lam sogs sa

gzhi'i mdog skya cha le bar mthong nas/ bla ma khong ma bzhugs
pas 'jig rten gyi bde skyid nyams song zer zhing du 'bod byed
pa'ang mang po byung 'dug /de nas mkhan chen thams cad mkhyen
pa
chen pos/ rje de nyid kyi sku gdung la

mchod 'bul du/ sde pa lha khang nas dang che gsum pa/ rgyal po'i
sku tshab d+ha yan rgyal bzang bcas ched mngags kyis rdzod brda'
gnang ba'i bslab ston la/ byang shamb+ha lar sa chen po du ma bu
bcu gnyis la dbang bsgyur ba'i rigs ldan

drag po cher sku'i bkod pa ston pa'i bar la da dung lo mang po
yod pas grwa rigs dang zhabs 'bring ba rnams thugs ngal mdzad mi
dgos phebs pa dang/ /snyan ngar gcig gi ngos la/ 'jam dpal rdo
rje rigs ldan grags pa'i lha/ /

blo bzang chos kyi khri la ngur smrig gi /rgyal mtshan bsgreng
phyir mi yi zol bsten pa/ /rdzogs sangs rgyas kun 'dus pa'i dge
ba'i bshes/ zhes sogs tshigs bcad dgu dang/ gcig gi ngos la/
tshogs gnyis yongs su

@204a @#/ /rdzogs pa'i rnam 'dren dang/ /lung dang mngon par
rtogs pa'i chos dkon mchog /tshul bzhin sgrub mdzad slob mar bcas
pa yi/ /thugs rje'i rlung gi shing rtas rab drangs te/ zhes sogs
tshigs su bcad

pa lnga gnang zhing/ dgongs pa yongs su rdzogs pa'i mchod 'bul
rgya chen po dang/ tshogs chen du mang ja 'gyed phon che ba stsal
zhing/ mang ja tsha ring ma sbyor sbrel thog bka' rtsom le tshan
btsugs par gsung grwa bzang zhing/

rung khang chen mo nas byung ngam gang nas byung cha med par
phyi ltar du ba 'dra ba la zhib tu brtags na 'ja' mthing kha
'dra ba zhig gis gtsug lag khang gi nang khyab pas dri zhim pos
gang nas/ kun dga' 'dun gyi bde ba bla na

med par gyur to/ zhes grag cing/ de mtshungs dregs ldan gtso bo
tshangs pa dung thod can gyis kyang/ hrIH dang po'i mgon po
sangs rgyas snang mtha' yas/ /snyigs dus 'gro ba'i re skong
padma 'byung/ /dbyer med chos kyi

rgyal mtshan 'dzin pa'i dpal/ /lha yi bla ma thugs rje can de
mkhyen/ /skyes rabs sngon nas bzang ngan las kyis 'brel/ /skyabs
mgon dam pa'i las bzhi'i 'phrin las pa/ /yid mos ldan pa'i lha
bdag gang de la/ /

da lam bstung tsam ched du 'di skad smra/ /gling bzhi'i ma rig
mun pa sel mdzad pa'i/ /zla ba'i dkyil 'khor lta bu'i skyabs
mgon mchog /gdul bya'i snang ngor zhing gzhan gshegs pa de/ /lha
mi kun kyang skyo ba skye ba'i

@204b rgyu/ /'on kyang glo bur rkyen gyis ma gos shing/ /dus la
babs pas bya thabs ma mchis so/ /'dren pa mnyam med shAkya'i
rgyal pos kyang/ /mya ngan 'da' bzhed dgongs pa gtad pa na/
/rdzu 'phrul can gyi nyan rang dgra bcom tshogs/

bgrang yas skar tshogs lta bus gsol ma thebs/ /shAkya thub pa
zhi ba'i dbyings su gzims/ /de sogs bskal pa stong gi sangs
rgyas kyang/ /mya ngan 'da' tshul lhums zhugs pa bltams pa rnams/
/sngon byon dam pa yongs kyi

mdzad pa yin/ /bar du slob dpon padma 'byung gnas kyis/ /ma
rungs gdul dka' log 'dren srin po'i tshogs/ /'dul ba'i dus babs
lho nub srin yul du/ /gshegs tshe bod kyi rgyal blon 'bangs dang
bcas/ /gung thang la

ru mgon med skyabs dang bral/ /slob dpon chen po mkha' la 'ja'
bzhin yal/ /de mtshungs deng sang dus kyi mtha' 'di ru/ /'gro
ba'i bla ma skyabs mgon thugs rje can/ /re zhig dag pa'i zhing
du gshegs pa na/ /bod kyi

lha 'dre mi gsum dge 'dun sde/ /mgon med skyabs dang bral ba'i
dus 'di 'dra/ /kye ma kye hud las dbang bcos su med/ /'on kyang
bod yul rgyal bstan 'dzin pa yi/ /da dung 'phro yod ltas dang
rten 'brel bzang/ /da ni bu

slob grwa 'khor tshang mas kyang/ /mya ngan spongs la 'gro ba'i
don gyi phyir/ /mchog gsum lha dang bla ma chos bdag la/ zhes
sogs bka' lung phebs par brten tshang ma thugs ngal bsos pa byung
'dug /gzhan yang 'di dag gi

@205a @#/ /skabs snga phyir dbus gtsang mnga' ris sogs mtha' dag
nas grwa rigs sbyin bdag sogs ser skya drag gzhan mtha' dag 'dus
pas dgongs rdzogs kyi mchod 'bul rgya che ba dang/ byang rigs pa

dpon d+ha las hong tha'i ji/ rdo rje bkra shis/ a khas dge tshul
ma rnam gnyis/ hung tha'i ji'i dge tshul ma gnyis/ no mon e chin
gyi dge tshul ma/ no mon khang sogs kyis kyang rang rang gi
mchod pa ci 'byor pas mchod cing

rgya nag gong ma'i mi sna mi rgan chos rje dang/ er khe dka'
bcu rnams 'byor bas zhu yig 'bul ba rgya chen po dang/ mi sna
rnam pas kyang sger 'bul gzabs 'dug cing/ rgya bod kyi mkhas
grub yongs 'dzin du ma zhi ba'i dbyings

su gshegs par/ rjes 'jug bu slob rnams kyis dgongs pa yongs su
rdzogs pa'i ched du rnam par dkar ba'i bya ba phul du byung ba
mdzad rgyun yod pa ltar/ phyag mdzod blo bzang dge legs kyis bla
mar sri zhu chen po'i

sgo nas khur blangs te/ sku gdung rin po che bzhugs pa'i mchod
sdong bzhugs khang dang bcas pa bzhengs pa'i bzo rigs pa sogs
kyi do dam du lhan dung lha ba phun tshogs rab brtan dang mgron
gnyer gzhon pa mngags shing/ sprul pa'i

bzo bo bi sho kArma gnyis pa lta bu chos dbyings rgya mtshos
bzo'i bkod pa mdzad/ shing bzo mkhas dbang grwa sa nas chos
mgon blo gros kyis dbus/ dbu chung gram pa rdo rje sogs byings so
lnga dang/ rdo bzo dbu mdzad nam mthongs

@205b bkra shis/ lha bkras/ dbu chung mdzes dpe rdor sogs bcu
gsum bcas mkhas mang bsdus nas/ lo de'i me tog zla ba'i phyogs
tshes 'phrod sbyor bzang por mchod khang dngos gzhi rgya che ba'i
dbus su mchod sdong rin po che'i

bzhugs yul ka ba nyer bzhi'i sa ka rings drug gis bteg pa'i
dpangs su bzang thog drug lhag tsam yod pa'i rmang 'ding ba
dang chabs gcig tu pir thogs dbang po chos dbyings rgya mtshos dam
pa'i phyag bzhes 'khrul med pa

brten nas/ them skas mchod rten 'phangs su rang mtho bzhi bcu
zhe lnga yod pa'i thig legs par btab pa bzhin/ shing bzo ba
rnams kyis blar bcags pa'i bzo gra btsugs/ tshes bcu gnyis kyi
nyin gtsug lag gnyis pa

shes pa'i blo mig rab tu yangs pa nai pa la'i mkhas pa/ 'phul
gyi dbu mdzad bkra shis/ dzi na de po/ brdung pa dbu mdzad dzi
na/ la tri de bo/ phra ba dbu mdzad la na/ rnam rgyal sogs gtso
bor gyur pa'i mkhas pa'i rtser son pa

gcig lhag bcu phrag lngas chos grwa chen po'i nub kyi klu sdings
su bzo thab bcas pa'i bzo gra btsugs par de'i steng gi nam mkha'
la 'ja' 'od kyi gur phub/ me tog gi char babs pa sogs ngo mtshar
ba'i ltas du ma thams

cad kyi mthun snang du grub pa byung zhes grags/ de nas zla ba
drug pa'i tshes bco lnga la dbyar chos tshugs shing dge 'dun rnams
gkyis gso sbyong dang dbyar gnas pa'i tshul shing bzhes pa mdzad
cing/ ston chos gnyis la'ang

@206a @#/ /phogs ja tshul sogs zhabs tog phul du byung ba'i ngos/
ston chos gnyis par slob dpon rnam pa/ dbu chos sogs la rnam
gzhag /spyi 'gyed kha btags che ba nyis stong dang brgya phrag
phyed/ chung ba drug brgya

dang bcu phrag bzhi/ gos yug nga brgyad/ byang sman lug drug cu
re gcig rnams phul nas/ gsang sngags rgyal ba grwa tshang du ji
srid bstan pa rin po che gnas kyi bar zla ba byung ngo cog gi
tshes bcu gsum sku mchod nyin dpal gsang

ba 'dus pa 'phags lugs mi bskyod pa'i gsung chog 'chag med gnang
rgyu'i nyin gang mchod pa tshar dang bcas pa'i mchod thes su
dngos po sbom phul la/ kha btags che ba brgya phrag /dngul srang
sum brgya/ gos ber nang ldan spus

legs/ gos bzang sgrigs kyi bla bre sham ldan/ se hrug dang zing
ja 'dres pa ko khra bdun/ dpe yags 'khor drug bzhi/ dngul sga
cha tshang dang/ sga dmar dngul 'khyud ma gsum/ gos kha thi/
mthon thi/ tshos gcig sogs

yug so drug /byang sman yug so bzhi rnams la 'bru khal gya gsum
gyis lhag pa'i nyi khri thob pa dang/ de mtshungs dben sa chos
kyi pho brang du yang dpal 'khor lo bde mchog lU hi pa'i lugs
kyi sgrub mchod mdzad rgyu'i

thes su/ kha btags che ba gcig /dngul srang brgya/ dza se hrug
ko khra gnyis/ dpe yags 'khor drug ma drug /sga dmar dngul shan
ma cha 'grig /gos kha thi/ mthon thi/ tshos gcig sogs yug bcu/
sman rnying yug lnga

@206b rnams la 'bru khal drug stong brgya phrag gcig dang
brgyad
cu brgal ba thob pa sbyor 'jags phul 'dug cing/ gong gi bzo rigs
pa rnams dang/ zhal bzang dge rgan dang bya khra/ tshags pa
khyung rtse rin chen sogs mi drug /lcags

bzo ba dar rgyas sogs nyi shu rtsa bdun la las gra so sor 'jugs
dar/ rmang dar/ ka dar/ lugs dar rtse dar sogs so so'i skabs bab
kyi thob rnams la mdzod gos khrab sogs kyis gtsos pa'i dngos
po'i tshan grangs rgya che bas

mgu bar byas nas/ mchod khang dngos gzhi ha lam zla ba drug gi
khongs su grub bstun bal po ma gtogs bzo rigs pa tshang ma'i yon
thob 'brur phab bre tshad kyi khal chig khri dgu stong lnga brgya
nyer lnga thob par kha btags/ dngul/

mu tig /ja gos dar/ rta/ khrag /ral gri/ gon pa/ ras sogs dngos
po phon che bas yid tshim par byas 'dug /dgun chos gnyis la'ang
phogs ja tshul gyi bkur sti sngar bzhin bsgrubs nas/ chu yos zla
ba dang po'i tshes lnga nas cho

'phrul smon lam tshugs shing/ 'dus sder zhabs tog bla na ma mchis
pa'i smon lam kyang yang dag par 'phel ba dang/ nyer gnyis nas
bzungs bris pa'i mchog gyur dge slong blo bzang legs pas dbus
bris pa yon tan

bgrod pa'i grangs kyis sor mo'i zlos gar gyi khur legs par
blangs te mchod khang nang gi shing rtsi ldebs bris dang/ bris
pa brgyad kyis sgo khang ldebs bris sogs kyi dbu legs par
btsugs/ lo sngon ma rje de nyid mya ngan las

@207a @#/ /'da' tshul zla ba gsum par bstan pa yin 'dug kyang/ lo
dang zla ba shol yod pa'i stabs dang/ sngon rgya gar du yang dus
chen smyur bas bkra shis dge mtshan phun sum tshogs pa byung ba'i
rten 'brel dang

bstun/ 'dir yang dus chen mchod 'bul bsus pa'i dbo zla'i tshes
bcu gsum gyi nyin chos grwa 'di nyid du mang ja sbyor sbrel thog
dge 'dun zhal grangs nyis stong bzhi brgya lnga bcu brgal bar
tsha ra rtsam khal phyed re dang/ mar

nyag tshad kyi nyag lnga re/ 'khur ba lag sngogs gnyis re dang/
slob dpon sku skye rnam pa/ dbu chos sogs la rnam gzhag gzabs
ma/ spyi 'gyed zing ja go khra lnga bcu nga lnga rnams phul
zhing/ de bstun gtsang rong myang khul gyi

ri khrod dang bcas pa'i dgon che phra brgya phrag brgal bar
mang
ja sbyor sbrel/ bsngo rten rnam gzhag /spyi 'gyed bzang ja 'khor
drug ma bcu phrag bzhi dge 'dun zhal grangs kyi dbye bas
bsgrubs/ lo 'di nang nas bzungs

chos grwa 'di nyid/ dben dgon/ ri khrod kyi sde bcas par gling
mchod kyang 'bul ba'i rgyun tshugs pa byung 'dug /de nas dpyid
chos gnyis la'ang phogs ja tshul sngar rgyun dang/ bris pa rnams
kyis mchod khang dngos gzhi'i nang

gi skya khor yug tu dar sham gser gyi dra phyed kyis spras pa/
ngos kyi ldebs rnams la mnyam med shakya'i rgyal po/ rgyal ba
mar me mdzad/ rje btsun byams pa mgon po gsum gyi sku brnyan
che
ba res gtso bo dang/ mtha' skor

@207b rnams su bskal ba bzang po'i sangs rgyas stong dang/ gzhan
yang de bzhin gshegs pa'i sku brnyan gsum gyis lhag pa'i bcu
phrag gnyis/ ldebs shar nub kyi smad cha'i ngos la jo bo chen po
dpal mar me mdzad ye shes yab sras/

rgyal ba tsong kha pa chen po yab sras/ thams cad mkhyen pa dge
'dun grub dang mkhan chen ngag dbang blo bzang rgya mtsho dpal
bzang po rnams kyi sku brnyan dang/ rje de nyid kyi 'khrungs
rabs gsang ba'i rnam thar gyi zhing bkod dang bcas pa/

gzhan yang byang chub sems dpa'i snang brnyan du ma dang/ rkad
ris khor yug tu bla ma sangs rgyas byang sems mang po'i mtshan
sngags dang gzungs sngags zab mo lanydza dang hor yig gi gzugs
su bris pa/ sgo skyong mi g.yo rta

mgrin rgyal po chen po bzhi bcas dam pa'i cha tshang dang ldan pa
legs par bskrun pa'i shing rtsi dang yi ge rnams la gser shog
leb chen drug khri bzhi stong dang brgyad brgya dang brgyad cu/
sku gzugs rnams dang na bza'i gser

ris bcas par grang gser mgur zho bdun gyis lhag pa'i bcu phrag
nyer gsum rnams kyis legs par spras pa zla ba bdun pa'i khongs
su mthar phyin nas ri mo pa rnams kyi yon thob khyon bsdoms bre
tshad kyi 'bru khal nyi khri

chig stong nyis brgya so drug thob par/ kha btags che ba bdun/
dngul srang brgya nyer drug /gos tshos kha sna tshogs yug drug cu
re bdun/ rta bcu gnyis/ sham thabs rngul gzan sogs nyer lnga/
byang sman yug drug cu re bzhi/ ral

@208a @#/ /gri shubs bcas gsum/ zam dril khom bu lho ras cog ras
sogs yug brgya dang bdun rnams bstar bas yid mgu bar byas nas/
mchod khang brten par bcas pa ha lam tshags su tshud skabs

der; las dbang btsan po bzlog tu med pa'i phyag mdzod blo bzang
dge legs tshe'i 'phen pa rdzogs nas dus kyi chos nyid du gyur
par/ dgongs rdzogs kyi rten brten pa bzhengs 'phros sogs bya ba
las kyi 'khor lo rgya che bas zhabs

'bring pa tshang ma blo khol che ba byung 'dug kyang le lo snyoms
las su ma lus par/ slob dpon rnam pa zhabs 'bring pa sogs tshang
mas mgrin gcig tu/ sngon bsags bzang po'i las kyi 'phro sad pa
dung lha nas phun tshogs rab brtan lha babs

zla ba'i yar tshes gsum pa'i nyin mdzod 'dzin du mnga' gsol nas
rnam dkar gyi lugs bzang rnams rim par bgyi ba nas/ ston chos
'phar ma'i gsol phogs ja tshul sngar ltar dang/ slob dpon dbu
chos sogs la rnam gzhag dang/ spyi

'gyed dngul srang chig stong brgya so gnyis rnams phul/ snga
gong nas dngul mkhar rgya'i khal dgu las bskrun pa'i za ma tog
zhabs stegs padma sogs bzo bkod mdzes pa'i nang du gos chen gyi
bzhugs stan gcig dang nyi zla mtshon

byed gnyis bzhugs 'ding bcas pa'i steng du sku gdung rin po che
spyan 'dren zhu skabs dpal gsang ba 'dus pa mi bskyod par bskyed
nas sku gsung thugs dang skye mched byin rlabs dbang bskur
rgyas
gdab sogs rgyud sde'i dgongs pa dang

@208b mthun pa'i ngos/ nyid kyi phyag 'phreng/ sku sbyar gnyis/
snyan dar sogs legs par gsol ba'i mtha' skor du/ bdud rtsi/ skye
bdun/ rin po che'i rigs mang po dang/ gur kum nyag 'degs kyi
khal dgu/ tsandan dkar dmar

sogs dri bzang pos byur bur gtams nas gzims chung du bzhugs pa
la nyin mtshan khor yug tu mchod pa'i bye brag bsam gyis mi khyab
pas mchod 'dug cing/ de nas rten dang brten par bcas pa'i rnam
dkar sgrub 'phro

rnams mgron gnyer gzhon pas gcig tu bsgril nas khur blangs te
mchod khang gi sgo khras mtshon shan sogs kyi tshags la gser
sbyangs mgur zho sum brgya nyer drug dang dngul srang gsum/
rta
babs kyi steng du chos kyi 'khor lo

g.yas g.yon du ri dwags pho mo/ spen bde kyi logs su rnam bcu
dbang ldan e waM maNDal gyi rgyur zangs khal yon tan 'phags
nor
gyi grangs dang/ zong mchog mgur zho bcu phrag lnga dang
drug
gis lhag pa'i brgya phrag bdun las grub

pa; mchod sdong rin po che'i sa 'dzin rdo rje'i ra bar mkhar
rgya'i khal ri bo thub pa'i grangs kyi ljan dmar dang/ sku rgyur
lhad med rin chen mchog can srang chen nyi khri bdun stong
drug
brgya zhe gsum las grub pa gangga'i yab ltar dangs la mngon par

'phags pa la swA wa rNa mgur zho lnga lhag lnga stong drug
brgyas bar bar du mtshams sprin gzhon nu'i mdangs ltar kun nas
'khyud cing/ sngon byon dam pa'i cha tshad dang ldan zhing bkod
pa ngo mtshar phun sum tshogs pa sprul ba'i bzo bo bi

@209a @#/ /shwa karmas kyang 'gran gyi do bral ba'i them skas
dang po nas nor bu'i tog gi bar la/ sna tshogs shel rigs mang
po'i rang mdog la 'dra mtshungs kyi bai DUrya gnyis/ margad/
'dod yon klu'i grangs kyi

padma rA ga /khyung mig /zhum mig bzhi/ ke ke ru brgyad/ nal
gnyis/ ma Na ho dgu / g.yang tri bcu gsum/ maukti kaM spus legs
rdog stong phrag brgal ba/ gser gyi ga'u bai rA dza'i me tog
bkra ba bkra shis kyi grangs/

ganggA skyes kyis mtha' brten g.yu'i 'dab mas spud pa'i rna
rgyan bcu phrag gnyis dang brgyad kyis bsnan pa/ yan lag mchog
gi gtsug rgyan gser mtha' g.yu yis brgyan pa brgyad/ dpral pa'i
mdongs ldan gser gyi gzhi

mar khyad g.yu gcal du bkram pa bzhis lhag pa'i lnga tshan
gnyis/ g.yu yis spras pa'i a dzar sba ril drug /zong mchog
g.yu'i rdo rjes rnam par brgyan pa bcu phrag drug dang dgus
lhag pa/ drug dkar dmar sogs brgya dang nyer gsum

gyi phra tshoms tshar du dngar ba/ byu ru nyis stong lnga brgya la
nye ba/ hor shel dang spos shel bcu phrag lnga dang brgyad kyis
lhag pa'i brgya phrag gsum/ shel rigs kha dog sna tshogs bzhi
stong brgyad cu la nye ba/ mchod mu men gzi shel dkar

sogs bzo bkod kyis mdzes pa phyed bdun brgya brgal zhing rin
chen du ma'i star dang phra tshoms kyis spud pa/ gzhan yang phyis
su gus ldan du mas rin po che'i rgyan sna tshogs phul ba dang/
khyad par bstan 'dzin chos rgyal gyi dpon

@209b mo tshe ring bkra shis kyis gus pas spos shel che ba snyim
pa gnyis su mi 'phyur pa gnyis kyi thog rdog che ba bcu gcig
/gser ga mgrin rgyan g.yu dang mu tig gis spras shing/ rin chen
sna mang 'dus pa'i dra ba dra phyed kyis bum

sgo rnam par spa ba dang/ spel rkyang pas phul pa'i gser mtha'
bzang g.yu'i 'dab mas spras pa'i rna rgyan/ gser spyi/ byu ru
dang bcas pas mdzes par byas pa'i mchod sdong rin po che'i nang
bzhugs su ji ltar bzhugs pa rnams tshigs

su bcad de smras pa// ! na mo gu ru mu ni indrA ya/ rnam dkar
dge legs kun la blo gros rgyas/ /mdo rgyud gzhung lugs khyon la
dbang bsgyur zhing/ /lung rtogs yon tan rgya mtshos bshad sgrub
bstan/ /spel mkhas thub

bstan nyin mor mdzad der 'dud/ /thub pas sum cu rtsa gsum chos
bstan nas/ /shang ka sh+ya yi 'gram du bder gshegs dus/ /lha
babs mchod rten zhes grags byung ba bzhin/ /mtshungs pa'i tshes
gzugs skas ldan

nang bzhugs brjod/ /bka' gdams shing rta'i srol 'byed 'brom ston
rje'i/ /bsti gnas ra sgreng spos shing srog shing du/ /gcod
skabs ma la ya yi tsandan dris/ /khyab pas ya mtshan che ba byung
zhes gleng/ /rtsa ba bum stan

rtse mo nya zlar bsnyegs/ /ngos bzhir srog shing brten sngags
shin tu mang/ /chos 'khor bcu gsum nas bzungs rim pa bzhin/
/mnyam med shAkya'i rgyal po'i 'phel gdung mchog /rgyal rtse
can du grags pa'i gong bu dang/ /chos lung

@210a @#/ /byang bdag rin spungs can grags pa/ /nyer gnyis bzhugs
shing sangs rgyas glang po'i gdung/ /bka' gdams bstan pa'i bdag
po jo bo rje'i/ /dbu klad ring bsrel brgyad dang gdung ril gcig
/shangs pa bka'

rgyud khyung po skyer sgang zhabs/ /rin chen brtson 'grus grub
chen gling ras pa'i/ /gdung dang mnyam med rje btsun tsong kha
pa'i/ /tshems las 'khrungs pa'i g.yas 'khyil dung dkar gzugs/
/chos kyi rgyal mtshan mgul du rgyun

ring bsten/ /'jam dpal rgya mtsho'i zhabs ngar dum bu dang/
/gsang 'jigs lam rim bsnyen rdzogs brgyud pa yi/ /bla ma'i mtshan
sngags gsang 'dus bde 'jigs sogs/ /rgyud sde gong ma'i gzungs
sngags

rab mang zhing/ /khyad par gtsug tor rnam rgyal dri med dang/
/gsang ba ring bsrel rgyan 'bum ye d+har rnams/ /mthing shog ngos
la gser gyis bskrun pa mang/ /lo chen rin bzang bshes gnyen
spyan snga ba/ /phag mo gru pa rje btsun

tsong kha pa/ /rgyal tshab rje dang ba so chos rgyan rje/ /dge
'dun rgya mtsho yon tan rgya mtsho'i dpal/ /sangs rgyas ye shes
rje btsun rang nyid kyi/ /dbu la bubs dang cha shas 'khrul med
bzhugs/ /khams gsum bla ma blo bzang grags pa yi/ /

snang brnyan byin can bkra shis do kha ma/ /sle'u chung mar
grags pa rnam pa gnyis/ /rigs kun bdag po gsang 'dus bde ba'i
mchog /dus 'khor bde mchog lhan skyes 'jigs byed kyi/ /sku
brnyan 'phags yul li ma ngo mtshar

@210b can; dI paM ka ra sa paN bu ston rje/ /thams cad mkhyen
pa dge 'dun rgya mtsho'i dpal/ /rnams kyi dbu zha rgyun du bsten
pa re/ /paN chen shAkya shrI jo bo rje/ /bshes gnyen pu to pa
dang rin chen grub/ /byang sems thogs med rgyal ba tsong kha pa/

thams cad mkhyen pa dge 'dun grub sogs kyi/ /snam sbyar 'khrul
med bsod nams rgya mtsho yis/ /li thang yul du sbyar ba'i rten
bsdus dang/ /rje btsun blo bzang chos kyi rgyal mtshan gyis/
/bsgrubs pa'i bdud rtsi skye bdun rta phye ma/ /mkhan chen

la sogs rang lugs rten bsdus mang/ /nya gang gza' tshes 'phrod
sbyor legs pa'i nyin/ /spyan 'dren snyan gsan rgyud don mthun
par phul/ /bka' gdams bstan pa'i 'byung gnas a ti sha'i/ /dus
chen dmar phyogs zla ba'i tshes

gsum la/ /rim gro ba sogs la las za ma tog /spyan drangs mchod
pa'i bye brag bsam mi khyab/ /slob dpon rnam pa thugs sras zhabs
drung dang/ /sku skye chos khrims rgyud grwa 'dus tshogs sdes/
/phyag tu bya mo lab thogs bsu 'phreng

bstar/ /mchod cing sgo gsum gus pas spyan drangs nas/ /gzims
khang mchod khang bar du khri mtho ba shams/ /bzhugs gsol 'dus
tshogs gtsor gyur dge 'dun dang/ /sbyin bdag gtsor gyur skye bo'i
tshogs du mar/ /byin rlabs bdud rtsi'i char

chen rab tu phab/ /de nyin bser bu'i ngang zhi mkha' snang
dwangs/ /sum rtsen yul nas legs bris tshogs rnams kyis/ /mchod
pa'i me tog du ma char du bsnyil/ /mchog dman kun kyang ya mtshan
che bar gleng/ /de nas bum stan padma'i

@211a @#/ /steng nyid nas/ /slob dpon zhabs 'bring 'ga' yis za ma
tog /zur bzhir dar yug btags bzungs them skas gsum/ /bcugs pa'i
dbus mar za ma tog spyan drangs/ /mdzod 'dzin zhabs 'bring

'ga' yis g.yas g.yon bteg /'bad rtsol cher med bum sgor legs
phebs pas/ /steng mas 'then nam 'og mas bteg gam snyam/ /phan
tshun the tshom ya mtshan che bar grags/ /bum nang dbus su khri
steng khyad gos kyi/ /

bzhugs stan brtsegs mang steng du za ma tog /bzhugs shing nyid
kyi phun sum tshogs pa'i gos/ /thabs shes gos dar lhab lhub sna
mang gsol/ /g.yas dang g.yon phyogs nyid kyi gsung 'bum
grangs/ /bdun lhag bcu

phrag gcig rnams bka' rgya can/ /gzhan yang nyid kyi rnam thar
bris gsung mang/ /rtsom gdan saM Ta mdun cog ngos dag tu/ /'dus
pa rigs lngar bla brgyud kyis bskor ba'i/ /cod pan sman thang
nas kyi phyag bris ma/ /lha sras rje

yi dbu rgyan nyid kyi'ang mdzad/ /mu tig ljon shing se'u'i rtse
phran re/ /rdor 'phreng dbang bskur gnang ba'i dbang rdzas
tshang/ /bkra shis rdzas brgyad snod bcas zhal dkar mig /zhal
dkar 'bras shel spus legs stegs bcas

dang/ /gu sha'i spyi blugs mu tig ljon shing gi /bzed zhal bzhes
snod gsol thur khebs dang bcas/ /'gro mgon 'phags pa rje btsun
rang nyid kyis/ /gnang ba'i dwangs chung dngul stegs bcas pa
gcig /'jam dbyangs

@211b drug pa blo gros brtan pa yi/ /gsol lhung nyid kyi'ang
mdzad dang gzhan yang yod/ /rkang 'thung ka li'i gzugs kyi bzhes
phor dang/ /dkar rgyan gsol snger rgya nag can ma bzhi/ /dkyus
ring gnang ba'i DA dril rdo rje dang/ /gu gu sha yi nang

mchod ka la'i gzugs/ /nyid kyi bgrang 'phreng hor shel thod pa
dang/ /gzhan ma la sogs rgyan ldan 'phags nor grangs/ /mkhas
grub rje dang nyid kyi phyag ting re/ /rab byung bsnyen rdzogs
skabs kyi chu tshags dang/ /nyid kyi phyag 'khar

gnyis dang gsil byed gcig /yi dam chos srungs mkha' 'gro'i tshogs
mnyes byed/ /sbyangs rtogs sbar ba'i a mr-i ta la snod/ /gu gu
sha dang dngul gyi yol go mang/ /phyag bsil snod dang rin chen
bdar ru gcig /mchod pa'i bye brag

du ma bkod pas mdzes/ /rje btsun nyid kyi na bza' cha tshang lhag
/bzhugs 'ding stan dmar gos bzang zung gis bsgril/ /phyag dpe
gzungs 'bum chen mo'i glegs bam bzhis/ /gtsos pa'i gzungs sngags
phan yon che ba mang/ /bskal

bzang rnam 'dren bzhi pa'i dgongs don mchog /'byed mkhas thams
cad mkhyen pa bu ston rjes/ /dag ther blang dor mdzad pa'i bka'
'gyur gyi/ /rgyud 'bum glegs bam bco brgyad dper blangs nas/ /ma
'dres chos grangs zong

mchog pusta ka/ gzhan yang nyid kyi spyan bstar phyog dpe'i
gras/ /gsang bde dus kyi lag na rdo rje dang/ /ngan song sbyong
rgyud sogs dang yang rgyud 'bum/ /gser las bskrun pa'i glegs bam
bcu drug dang/ /mgon po mngon 'byung

@212a @#/ /ngal bsos po yi rgyud/ /bde mchog mngon rtogs lo i
pas mdzad pa/ /slob dpon langka rgyal bzang gis mdzad pa'i/
/dpal ldan 'khor lo sdom pa'i mngon rtogs 'grel/ /chos rje sa
paN phyag dper grags

pa gcig /dri med 'od dang dgyes rdor rgyud 'grel dang/ /spyod
bsdus sgron me zla grags 'grel pa sgron/ /klu byang gis mdzad
'dus pa'i sgrub thabs dang/ /sgrub thabs rgya mtsho bu ston rje
yi gsung/ /mtha' drug rab gsal samb+hu Ta'i

TIkka/ rdor 'byung rnam bshad gsang 'dus chos 'byung dang/ /bu
ston chos 'byung rgyud sde spyi'i rnam bshad/ /mngon dkyil sbyin
sreg zhal gdams chos spyod mang/ /rim lnga'i khrid yig bde mchog
tshe sgrub dang/ /spyod gzhung gtum

mo'i khrid dang gshed dmar dkyil/ /grub chen phyag rdor bka'
'bum yongs su rdzogs/ /khams gsum bla ma tsong kha pa yi gsung/
/bla ma lnga bcu'i bshad pa nor lha grangs/ /sngags rim gnyis
dang rnal 'byor dag rim

bdun/ /rnam gzhag rim pa gsal sgron sgron gsal mtshan/ /mtha'
gcod myu gu bde mchog 'dod pa 'jo/ /chos drug lha mo bzhis zhus
TIkka gsum/ /'jigs byed sgrub thabs dmar nag 'jigs gsum dkyil/
/'jam

rdor mngon rtogs 'jam dbyangs chos skor rnams/ /rgyal tshab rjes
mdzad dus 'khor sbyor drug khrid/ /'dus pa'i rgyud 'debs 'dul
'dzin grags rgyan gsung/ /'khor chen sgrub thabs kun rig mngon
dkyil bshad/ /de nyid

@212b bsdus bshad 'od zer dri med dkyil/ /phyag 'tshal nyer gcig
sgrub thabs mkhas grub rje'i/ /rgyud sde spyi rnam bde chen rol
mtsho dang/ /pad dkar zhal lung dgyes rdor mngon par rtogs/ /rnal
'byor rol dga' 'jigs bskyed 'khrul

'khor bshad/ /sgron gsal 'phags 'od phyi mas mdzad pa gnyis/
/byams gling pa yi sngags 'dul rtsa 'grel dang/ /chos ldan rab
'byor gyis mdzad bde bskyed bshad/ /nor bzang rgya mtsho'i dri
med 'od 'grel dang/ /dge 'dun rgya

mtshos mdzad pa'i b+hai mngon rtogs/ /blo bzang bka' 'bum sangs
rgyas ye shes kyi/ /bka' 'bum yongs rdzogs gsang 'dus mngon
rtogs rnams/ /rje btsun nyid kyi phyag dpe'i gras yin cing/
/sngags rim rim lnga gdan rdzogs

tshar so bzhi/ /sgron gsal mtshan ma lha mo bzhis zhus bshad/
/rnal 'byor ngag rim 'dus pa'i sgrub thabs re/ /bde mchog mngon
rtogs rdzogs rim rnam bshad dang/ /de yi rtsa rgyud sbas don kun
gsal gnyis/ /'jigs

byed sgrub dkyil rtsa ltung rnam par bshad/ /phyag na rdo rje
'dus pa'i sgrub thabs rnams/ /bris thang skor la rgyal ba tsong
kha par/ /grub chen brgyad bskor jo bo a ti sha/ gnas bcus
bskor dang jo 'brom yab sras sku/ /bya yul kham lung

pa yi thugs dam rten/ /ra sgreng mchod khang ka gnyis rten gras
gcig /bu ston rje dang rje btsun tsong kha pa'i/ /bris thang
sangs rgyas ye shes spyan rten dang/ /tsong kha pa yi sku brnyan
stong thang gnyis/ /sgom bde'i sku thang nyid kyi zhabs rjes ma/
/bsod

@213a @#/ /nams rgya mtsho'i snang brnyan zhabs rjes dang/ /phyag
nas byin rlabs che bar grags pa gcig /blo bzang don grub sangs
rgyas ye shes rje'i/ /sku thang sman thang nas kyi phyag bris
re/ /rje btsun nyid kyi 'khrungs rabs gos

kyi sku; ;nyid kyi thugs dam spyan dmigs gnang ba'i rten/ /rdo
rje 'chang dbang sku thang rgyal ba lnga'i/ /yab yum sa bon 'dus
pa bde ba'i mchog /dkyil 'khor ras bris mkha' spyod dmar sngo
dkar/ /bde dkar phag mo'i sku thang rnam pa mang/

kyai rdor tsi na'i yul gru'i si thang zung/ /dus 'khor gshed
dmar phur pa rta mgrin sku/ /'dus pa mi bskyod 'jam rdor dgra
nag gi /dkyil thang sgra pa shes rab rin chen gyis/ /phyag bris
gnang ba'i 'jigs byed dkyil thang dang/ /chos 'khor

sgang gi nang rten ya gyar ba/ /b+hai ra wa yi dkyil thang byin
rlabs can/ /bde mchog phag mo mkha' spyod gur rigs bsdus/ /kyai
rdor rnam gnyis dkyil 'khor ngo mtshar ba/ /lho brag grub chen
snang brnyan byin rlabs can/ /thams cad mkhyen pa

dge 'dun grub pa yi/ /phyag tsha rje btsun bla ma tsong kha pa'i/
/snang brnyan gcig dang gser zangs las grub nang/ /'phel gdung
blo bzang chos rgyan dbu lo bubs/ /sman 'dam las grub dben sa
yab sras kyi/ /'dra sku re dang sangs rgyas ye shes sku/ /

dngul las grub pa'i snang brnyan ngo mtshar gnyis/ /dI paM ka
ra'i rwa par ma yis gtsos/ /nyid kyis phyag bstar gnang ba'i par
nyer brgyad/ /rgya bod mkhas grub mang po'i gdung ring bsrel/
/gzhan yang byin rten sna mang rab bsres pa'i/ /bla

@213b ma yi dam sangs rgyas byang sems dang/ /chos skyong bsrung
ma'i snang brnyan rje nyid kyis/ /phyag bstar sum khri dgu stong
sum brgya dang/ /'phags nor yon tan grangs kyis rab tu brgyan/
/grub thob spar bu'i phyag tsha ganggA ma/ /bka' gdams bla

ma du ma'i phyag tsha mang/ /bka' gdams gdung rten jo bo'i ring
bsrel dang/ /ram sdings 'byung gnas rdo rje'i thugs bzhugs rten/
/lcags rtse gnyis sogs thugs rten rnam pa 'ga'/ /nA ro'i rus
pa'i sku rgyan snyan rgyan rwa/ /mnga' bdag mai

tri chen po'i pus 'khyud dang/ /kha che paN chen shAkya shrI
yi/ /bzhes lhung tshas dang 'khar gsil bar gyi shing/ /grub chen
dza wa ri pa'i nya gdub rgyan/ /bla ma 'phags pa'i bzlas 'phreng
rdo rgyus kyi/ /spang khebs 'khrul pa med pa

rab grags pa/ /paN chen bsod nams grags dang dge 'dun grub/
/bsod nams rgya mtsho'i na bza' mgul ga'i thag /yon tan rgya
mtsho'i dpal gyi spur ras dang/ /mar mid thun mong bzhes zhal mar
pa rje'i/ /ber dang seng ge'i

mjid bsnol mid la rje'i/ /dgung lo bzhi bcu nas bzungs brgyad
cu'i bar/ /bzhes pa'i sgom thag ras gos ring du bsten/ /phag gru
bla ma dam pa bu ston zhabs/ /dkyus ring gnang ba'i na bza' sna
tshogs dang/ /gangs khrod 'gyur ro

'tshal gyi mdo phyogs kyi/ /glegs bam bcu phrag dgu nyid bzhugs
pa ni/ /bum nang rgyud 'bum gras yin brjod bya mthun/ /zhal
khebs dbu dar na bza' khyad gos dang/ /glegs shing gser spras se
ta ho yi thag /bzhugs khom

@214a @#/ /bcas pa bla na ma mchis shing/ /nyid kyis bzhengs dang
phyag nas byin rlabs can/ /brgyad stong rgya dpe slob dpon dbyig
gnyen gyi/ /thugs dam rten dang nyid kyis lan mang por/ /ljags
sgrog gnang ba'i glegs

bam khungs btsun gcig /bai DUr+yas bris 'phags pa brgyad stong
pa/ /mnga' ris gong ma chen po'i thugs dam rten/ /gzhan yang rje
btsun rang nyid phyag dpe'i gras/ /mthing shog ngos la ri skyes
khu ba yis/ /bris pa bcu drug gis

mtshon shar phyogs kyi/ /glegs bam bcu phrag bcu gnyis brgal ba
dang/ /'gro mgon chos rgyal 'phags pa'i thugs dam rten/ /brgyad
stong gser gyi po ti rgya nag can/ /mar pa rin bzangs paN phag
gru dang/ /paN grub gsum dang

gsar sdings gzhon nu 'od/ /kun ldan ras pa bu ston thogs med
dpal/ /las kyi rdo rje rje btsun tsong kha pa/ /'jam dbyangs
chos rje rnams kyi rnam thar dang/ /byams chos sde lnga tshar
gnyis klu sgrub kyis/ /mdzad pa'i dbu ma rtsa she

bshes sbrings gnyis/ /stong nyid bdun cu rtsod bzlog rin chen
'phreng/ /mdo kun las btus 'phags pa lhas mdzad pa'i/ /rnal
'byor spyod pa bzhi brgya pa tshar gsum/ /dpa' bos mdzad pa'i
'khrungs rabs sman dpyad dang/ /

ma ti tsi tras mdzad pa'i bsngags 'os bstod/ /dpal ldan zla ba'i
'grel pa tshig gsal ni/ /rig pa'i khu byug che ba'i phyag bris
ma/ /rgya dpe khungs btsun gcig dang gzhan yang yod/ /'jug pa
rang 'grel bzhi brgya pa yi 'grel/ /

@214b thogs med kyis mdzad mngon pa kun btus gsum/ /byang sa zhi
ba lha yi bslab spyod dang/ /shAka 'od 'dul ba sum brgya pa
rtsa 'grel/ /tsandra go mis mdzad pa'i slob springs gnyis/
/phyogs glang gis mdzad tshad ma kun btus dang/ /brgyad stong

don bsdus chos kyi grags pa'i gsung/ /rnam 'grel rtsa ba rigs
thigs rnam nges gnyis/ /de yi 'grel pa chos mchog gis mdzad pa/
/zhi 'tsho'i sman bla'i mdo chog rnam pa gsum/ /slob dpon seng
bzang gis mdzad brgyad stong

'grel/ /ka ma la shI las mdzad sgom rim dang/ /A ti sha yi
chos 'byung brgya rtsa gsum/ /bka' gdams glegs bam gnyis dang sa
paN gyi/ /sdom gsum rab dbye phyogs bcu'i zhu 'phrin dang/
/spang lo'i brda sprod bu ston lung snye ma/ /

rnam nges phar phyin spyod 'jug TIkka dang/ /'dul ba'i gleng
'bum bya TIka karma pa/ /rang 'byung rdo rjes mdzad pa'i skyes
rabs brgya/ /rgyal sras bka' 'bum dpe chos rtsa 'grel dang/
/mdzad pa 'khrul med dus 'khor chos 'byung dang/ /phar

phyin rgyan gyi me tog kun btus 'grel/ /rje btsun bla ma tsong
kha pa yi gsung/ /lam rim che chung mang zhing gsung thor bu/
/byang chub gzhung lam gser 'phreng grangs nges 'byed/ /'jug
pa'i rnam bshad lam rim dmigs skor gnyis/ /zhing

mchog sgo 'byed tshul khrims le'u'i bshad/ /rgyal tshab rje yi
spyod 'jug TIkka bzhi/ /rnam 'grel dka' gnas rnam nges thar lam
gsal/ /mngon pa kun btus rgyud bla'i TIkka dang/ /'dul 'dzin
grags pa rgyal mtshan gyis mdzad pa'i

@215a @#/ /gzhi gsum tshar gsum bslab bya chen mo dang/ /mkhas
grub rje yi sdom gsum rnam gzhag gnyis/ /skal bzang mig 'byed
ngor lan gnam lcags 'khor/ /dad pa'i 'jug dogs gsang ba'i spyod
tshul mang/ /

gsung 'bum thor bu TIka chen gung ru yi/ /dbu ma'i stong thun
ba so rje'i lta khrid/ /thams cad mkhyen pa dge 'dun grub pa yi/
/'dul ba'i gleng 'bum rang nyid phyag bris ma/ /gzhan yang tshar
lnga rin chen 'phreng ba yod/ /spyi don rigs

rgyan dbu ma'i ngag don bshad/ /bdud dpung phyer 'thag 'jug pa'i
rnam bshad bzhi/ /stobs ldan 'od zer phar phyin TIkka dang/
/dge 'dun rgya mtsho'i gsung rtsom du ma bzhugs/ /mkhan chen blo
bzang rgya mtsho'i gsung mang zhing/ /

ngag dbang grags pa'i bka' 'bum yongs rdzogs yod/ /'phags pa'i
gnas brtan chen po bcu drug gi /si thang gra mtshungs mig bgrod
grangs dang ldan/ /thams cad mkhyen pa na rim phyag nas can/
/gzhan yang tshang ma mang

zhing ri mo pa/ /chos dbyings rgya mtshos bris pa yongs rdzogs
gnyis/ /rje btsun nyid kyi spyan rten thub dbang gi /stong thang
gcig dang gzhan yang du ma bzhugs/ /mdzad pa bcu gnyis sku
thang
si hu ma/ /zung dang drung gnas bsod

dpal phyag bris ma/ /zas gtsang sras kyi stong sku byin rlabs
can/ /thub dbang grong khyer bris sku mthong don ldan/ /dam tshig
gsum bkod sman rgyal mya ngan med/ /rnam par snang mdzad
rnams
kyi bris thang re/ /sangs rgyas so

@215b lnga'i gos thang ras bris brgyad/ /tshe dpag med mgon lha
dgu sman thang pa'i/ /phyag bris grub pa'i dbang phyug ljags
bkod ma/ /gzhan yang mang bzhugs mi 'khrugs sku thang brgyad/
/sman bla don grub chos dbyings rgya mtsho

yi; ;ras bris ma pham mgon po'i sku brnyan 'ga'/ /rdo rje gdan
dang dga' ldan bde can gyi/ /zhing bkod ri dang thugs rje chen
po'i sku/ /sman thang 'jam dbyangs pas bris gzhan yang mang/
/gsang bdag khyung khra gtsug

tor rnam par rgyal/ /rje btsun sgrol ma'i sku thang du ma yod/
/bka' gdams thig le bcu drug phyag rdor dang/ /rnam 'joms gdugs
dkar dkyil 'khor re re bzhugs/ /rje nyid rab byung bsnyen rdzogs
gnang ba'i rten/ /thub dbang

bkra shis lim ? byin rlabs can/ /khro phu thog thub gcig dang
gzhan ma gnyis/ /mtshims ? chen nam mkha' grags kyi spur thal
las/ /grub pa'i chu len mang grags thub sku gnyis/ /blo bzang
grags gro grub pa shes rab dang/ /'phags 'od

spur thal las grub byin can re/ /smr-i ti'i phyag bstar sman bla
thub dbang mang/ /thugs rje btsun 'grus gdung thal las grub
pa'i/ /thub dbang sku brnyan me thub mar grags pa/ /byang sems
rgyal ba ye shes phyag bstar gsum/ /snar thang rdza sku

mi g.yo'i sku brnyan dang/ /zla seng gdung thal las grub spyan
ras gzigs/ /gnyan lo'i phyag tsha 'khrul med sgrol ljang dang/
/gzhan yang li ma byin can du ma bzhugs/ /rgya nag ri bo rtse
lnga'i zhing bkod dang/ /'jam dbyangs dam par

@216a @#/ /der bzhugs chos 'phags kyi/ /tshems par yin par grags
pa dar bskrun re/ /de dag rnams kyi bar mtshams mchod sprin tshul/
/rtse lnga'i rtsa skud kun tu bzang po sogs/ /me tog rigs mang
bzang spos phon che

zhing; ;dar gos rin chen sna tshogs mtha' yas dang/ /bka' dang
dgongs 'grel na bzar khyad 'phags gos/ /ding phon kying si bla
re rnam pa mang/ /gos dar mang zhing dngul gyi maNDal gnyis/ /sa
le spram dang dngul dkar g.yang tri'u'i/ /ka

la sha sogs yol go rangnas bkang/ /gzhan yang rin chen las grub
ngo mtshar snod/ /mchod rdzas bsam mi khyab pa tshar du dngar/ /ye
shes mgon po'i be'u bum yongs rdzogs dang/ /thams cad mkhyen pa
dge 'dun rgya mtsho yis/ /mdzad pa'i

lha mo rnam sras chos skyong 'ga'i/ /chos skor sna mang rje
btsun de nyid kyis/ /mdzad pa'i lha mo beg tse'i las tshogs sogs/
/chos srungs sgrub thabs las tshogs shin tu mang/ /nor lha chos
skyong dpal mgon bdun cu'i gzungs/ /

bgrang mi lang zhing bsngo ba'i gzungs sngags mchog /bkra shis
bde legs rim pa du ma bzhugs/ /mgon po'i sku thang nyid kyi
phyag nas ma/ /kha'u'i rten rdor bris dang mgon dkar gur/ /bram
gzugs si thang phyag bzhi lha mo

dang; ;gza' mchog rA hu rnam sras rta bdag brgyad/ /mig mi
bzang sogs ras bris byin rlabs can/ /rje btsun nyid kyis phyag
tsha gnang ba yi/ /mgon po'i sku par rgyun 'debs par gdan gnyis/
/gor ma'i tho ba gsum dang rang nyid kyis/ /

@216b phyag bstar mgon po krig krig zhabs mtha' yas/ /gnod sbyin
yab yum 'khor lo rab rgyas par/ /bskyed chog bzlas mchod rgyud
don mthun par bsgrubs/ /kha che paN chen zhabs chags nang ras
dang/ /bu ston phag gru srong btsan

sgam po yi/ /zhabs rten cha shas rje btsun rang nyid kyi/
/bzhugs stan rnam pa mang po shing khri gsum/ /khri khebs bzang
gos khyad par 'phags pa 'ga'/ /ri bo rtse lnga'i nor bu rdo yi
snying/ /manydzu shrI'i sgrub pa'i gnas kyi rdo/ /'phags bod
rgya nag lho

bal mon la sogs/ /gnas chen 'ga' yis sna rdo sna dang/ /dug rigs
ma 'dres me tog rigs du ma/ /byang chub shing dang chu mig brgya
brgyad chu/ /rin chen du ma sman sna ma tshang med/ /ma la ya
skyes dkar dmar ar skya rnams/ /sdong dum

brgya phrag ar nag phon che ba/ /gur kum rgya spos dkar nag
bod
kyi spos/ /dmar ser mi rgyab mang pos rab tu bkang/ /bsangs sna
sna tshogs mang zhing gos dar rigs/ /yug dzar mang pos bar mtshams
kun nas gtams/ /go khrab ya lad bcas dang

ral gri 'ga'/ /bye shel bu ram ltang rtse sbrang rtsi dang/ /yul
gru mang po'i 'bru sna shing 'bras 'dzom/ /me tog g.yang 'dzin
spe yags phi ja dang/ /gong ma'i mchod ja dpe yu spu ja sogs/
/ja rigs sna tshogs mang po rab tu spungs/ /nas khal

nyis stong lnga brgya lan tshwa khal/ /brgya phrag bzhi yi grangs
kyis byur bur gtams/ /ring bsrel rnam bzhis mtshon pa'i bzhugs
'os rigs/ /ha lam smos shing phra ba brjod mi lang/ /rgyud dang
sngon byon mkhas pa'i dgongs zab don/ /phyag len

@217a @#/ /ma nor gsal ba'i rjes 'gro ba/ /byed po dge slong blo
bzang dbang rgyal sogs/ /du mas 'khrul pa med par yang dag
bskrun/ /lha dang bcas pa'i 'gro ba ma lus pa'i/ /phul byung
bsod nams zhing gi dam

par bzhugs/ /da ltar zla ba bcu gsum yan la dgongs pa yongs su
rdzogs pa'i gzhal yas khang brten par bcas pa ha lam grub nas/
bum sgo'i nang du re zhig nai pa la'i rgyal po 'od zer go cha
zhes chos srid kyi 'byor pa

phun sum tshogs pa'i dbang phyug gi thugs dam rten mdzad pas na
'od zer go char grags pa'i mnyam med thub pa'i dbang po'i snang
brnyan byin rlabs kyi gzi 'od 'bar ba jo mo khro gnyer can ma'i
rnam sprul lha cig khri btsun gyis

spyan drangs pa de nyid bzhugs su gsol/ de nas gos bzod bu mdzad
dge bsnyen sri thar sogs mkhas bsdus kyis/ hor dang ta ming gan
mdzod las 'ongs pa'i khyad par 'phags pa'i gos mchog bum gdan
tshon khra/ ding phon

leb chen/ la thod tshon tshogs/ mkha' 'gro bkra la btags/ kha thi
mthon thi sogs kyi gnam rgyan brjibs khebs dang/ sgo mchor
la'ang kha thi lu khra'i thog yol gyis mdzes par byas shing/ le
brgan dang gan gos

tshos kha sna tshogs pa gcig lhag bcu tshan bzhi'i snyan dar rlung
gi rgyal mtshan lta bu dang/ bzang gos khyad thon tshos kha sna
tshogs pa kha sum brgya re gnyis las bskrun pa'i 'phan byang dar
sogs kyis rgyab sha byas pa cha

@217b bcu gcig /kha bdun stong drug brgya nyer gnyis las dras su
drub pa'i phye phur che ba si byang sogs kyi nang ldan cha gnyis
kyi nang du khug khra dri bzang pos gtams pa'i 'phyang 'dogs
sogs bzo bkod phun sum tshogs pa dbang po'i gzhu

ltar bkra bas brgyan cing/ bzo bo rnams kyang yon gyis tshims par
mdzad/ gzhan yang sku mdun du mchod pa'i bye brag 'jon dmar
khal
brgya dang gnyis/ zong mchog zho brgya phrag bdun dang/ bcu
phrag lnga las bsgrubs pa'i bkra shis

rtags brgyad/ dngul srang sum stong dgu brgya go lnga las bgyis
pa'i maNDal bzo legs phra rgyan can gsum gyis lhag pa'i nyi shu
dang/ mchod yon gyi snod ting bdun tshar che ba gnyis/ dri zhim
'thul ba'i gzhong pa/ snang gsal snod

mchog che ba gcig /gzhan yang ka la sha sogs yol go mang ba yod
cing/ mchod skong bzhi dang padma bzhad pa'i bum gzugs cha
zangs
khal bzhi bcu las bsgrubs par gser sbyangs btso mas brgyan pa/
rab dkar se ru'i rwa zung

ma Na hu/ g.yang tri shel dpyad sogs nyis brgya brgal zhing/
rgya hor sogs nas 'thon pa'i rnga sbug sil gling bu sogs mang
ba/ theg chen gan dril sogs phyogs mtshams kun tu 'phyang zhing/
gzhan yang 'phags bod kha che ya tse

sogs phyogs mtha' dag nas 'dus pa'i mchod pa'i bye brag tshar du
dngar ba/ gzhan yang byang phyogs 'gro ba'i 'dren pa rje btsun
dam pa blo bzang bstan pa'i rgyal mtshan gyis phul ba'i sa zla/
dngul/ ma Na hu/ g.yang tri sogs las grub

@218a @#/ /pa'i yol go sna tshogs rkang 'thung lo ma dang 'bras
bus bkang ba'i kha 'jog /zhum mig /padma rA ga /mrgad la sogs
pa rin po che rin thang du ma ri ba dang/ khyad par 'phags pa'i
gos dar gyi ma shing

sogs bsam gyis mi khyab pa'i bsnyen bkur nar mar bsgrubs/ gong
du sku gdung za ma tog bum nang du spyan drangs pa'i nyin nas
bzungs sku mdun du dge 'dun bzhis/ dpal gsang ba 'dus pa'i rgyud
'don dang cho ga'i sgo nas

mchod pa 'bul ba'i rgyun tshugs shing/ zla ba byung ngo cog gi
dus chen nyin mar me'i rgyur mar khal dgu re bcas sna lnga'i
brgya mchod kyang 'chag med 'bul ba'i rgyun tshugs/ de nas nyer
bzhi'i nyin sngags grwa ba rnams kyis dpal

gsang ba 'dus pa'i rnal 'byor la gnas pa'i sgo nas rab tu gnas
pa'i sta gon dang/ lnga mchod chen mo'i nyin rab gnas dngos gzhi
ye shes sems dpa'i tshogs dam tshig pa la bstim pa spyan dbye kha
skong gi sbyin sreg /chos

srungs mnyes byed gtang rag bskang gso bcas rgyas par mdzad pa
dang dus mtshungs su/ mkhan chen thams cad mkhyen pa chen por
yang phyag nas spyan dmigs zhus 'dug par/ de nyin po ta la nas
bkra shis lhun po'i bar la 'jal

'od kyi zam tshugs shing/ nam mkha' g.ya' dag pa la me tog gi
char babs pa sogs kun gyi mthun snang du grub pa dbus phyogs nas
byon pa'i rgyal bzang sprul sku sogs kyang gleng ba dang/ 'dir
yang de mtshungs kun gyis gzigs

@218b pas bkra shis dge mtshan phun sum tshogs pa byung zhes
brjod/ spyan dbye'i rdo rje slob dpon mkhan chen rdo rje 'dzin
pa dkon mchog rgyal mtshan la yon zab rgyas dang/ slob dpon sku
skye khag /thugs sras lha pa zhabs drung/ dge skos sogs la

rnam gzhag zab rgyas dang/ sngags grwa ba rnams la'ang bsti
stang yang dag pa'i sgo nas yon kha btags/ dngul srang re/ gos
kha re dang/ de mthun rig grol gyi yon tan dang ldan pa'i 'dus
pa rgya mtshor mang ja sbyor sbrel thog shis pa brjod

pa'i me tog gi char 'bebs par mdzad pa'i yon du dge 'dun nyis
stong lnga brgya bdun cu la dngul srang re phul/ gzhan yang
gtsang rong myang sogs kyi dgon sde'i rigs dang ri khrod bcas
par mang ja/ bsngo rten rnam gzhag /spyi 'gyed gser

sga cha 'grig bcu bzhi/ ja 'khor drug brgya phrag phyed kyis
mnyes par byas/ bris pa dbu mdzad chos dbyings rgya mtsho dang/
bal po lha bzo ba bcas pa'i bsgrubs gla khyon bsgril nas khal
brgyad khri chig stong drug brgya go lnga rnams

thob par/ kha btags che legs gya bdun/ gan dkar spus legs/ gser
mgur zho re bzhi/ dngul srang chig stong bzhi brgya nyer drug
gan gos kha thi/ /mthon thi sogs yug gtsang nyis brgya nga drug
/ling byang sman rnying yug brgya

phrag phyed gnyis/ gos sngon sogs gon pa sne kha mang zhing/
rgya zam gyis gtsos pa'i ras cha'i rigs sogs bstar bas yid lhag
par mgu bar byas/ tshim byed zla ba'i tshes brgyad la mkhan chen
thams cad mkhyen pa'i sku

@219a @#/ /zhabs nas/ sde pa sne gdong nas dang/ lcang ra nas
rdzong sta gnang ba'i dngul gdung rin po che'i dbu thog tu gos
bzang gi bla re/ snyan shal bzang gos dmar ser gyi ngos la
g.yas par/ mtha' bral stong chen

sa bon drim med/ /phyin drug drod gsher gyis smin skyed bsrings
pas/ /chos gzugs mya ngan med pa'i ljon pa che/ /sangs rgyas kun
gyi 'byung gnas gcig pu ba/ /skyon bral yon tan rdzogs par rgyal
ba kun/ /mtshungs las

mchog dman shes byar mi srid kyang/ /deng dus lnga brgya'i gnyen
du mgon khyod kyis/ /mi zad thugs rje che 'di gang gis bskrun/
/zhing 'di'i bkod pa nyer bsdus 'og min na/ /longs spyod rdzogs
sku'i nyi ma 'od po che/ /gangs

can 'gro ngor gdugs gcig mngon sum du/ /phul byung mtshan dpe'i
dkyil 'khor 'char du gsol/ /ngal brgyas 'bad na don ldan snying
po ru/ /sgrub 'dod 'khor ba mtha' med chu shing la/ /thar pa'i
snye ma g.yur du legs za bar/

mkha' khyab yid can ma lus spyod gyur cig /sems can bsam pa'i
khyad par de nyid dang/ /mthun par rab 'jug chos phung rgya
mtsho'i sgo / /phye ba'i snying po brgya phrag thabs mkhas kyis/
/rnam pa thams cad mkhyen pa'i sar bkri

shog ;rnam par rab bkra dge mtshan bla na med/ /shis pa brjod pa
swa sti'i dbyangs snyan can/ /lhun po'i spo ltar ches mtho
khrims ldan sde/ /thos dang bsam pa'i ba dan ring rkyong shog
/mkha' khyab kun tu bzang po'i mchod pa'i

@219b sprin; ;phung por 'khyil las gcig tu dkar ba'i char/ /'jig
rten gsum gyi 'dzin ma gsher ba'i rgyun/ /kun mkhyen ye shes
rgya mtshor 'jug gyur cig /ces dang/ snyan shal g.yon par/ gang
thugs spangs rtogs dpal gyi be'u'i

gzugs/ /rdzogs par 'khyil ba'i snying po rgyal kun gyi/ /yon tan
phung por gtams pa'i za ma tog /phan bde'i sa chen rab 'degs nye
ba'i dbang/ /lha dang bcas pa'i skye dgu'i bsod nams kyi/ /zhing
du du dung yongs spel

snyan grags rnga/ /srid rtser brdung la nges pa'i gtan tshigs su/
/'dab rgya'i char gyis dbyig 'dzin 'gengs 'dir ltos/ /rnam 'dren
sras bcas gangga'i rdul snyed pa/ /nyer bkod dag pa'i zhing du
yid bzhin gdung/ /'dren pa'i sngon 'gro'i

'ja' tshon gsar pa'i lam/ /DA ki ma tshogs gom stabs cir yang
bsgyur/ /'on te gangs can dpal mo'i mngal sbrum par/ /dus su
bder btsas legs byas lus phra mas/ /skal bar thob pa'i byin
rlabs 'dod 'jo'i rten/ /sten

byed rin chen mchod sdong 'di rmad byung/ /'gro 'dis ched btab
tshogs gnyis sa bon 'bras/ /smin pa'i sku gsum snye ma g.yur za
ba/ /sangs rgyas kun gyi bzhed pa'i gzhan phan khur/ /mgon khyed
phrag par khyer bas mchog tu lci/ /

de phyir rnam 'dren du mas ring spangs pa/ /snyigs mar cher
spyod gdul dka' sems can gyi/ /don byed byang phyogs sA la'i
sman ljongs su/ /ngo mtshar sprul sku'i mdzad pa yongs ston gsol/
/dkar por byas pa'i las kun cung zad tsam/ /

@220a @#/ /chud mi 'dza' bar mkha' mnyam skye dgu rnams/ /bla med
byang chub snying po gzugs can bzhin/ /mngon sum nyams su
myong
ba'i rgyu ru bsngo/ zhes pa'i bka' rtsom dang bcas pa dang/
dngul dkar gyi maNDal

rgya che ba/ mchod pa sna lnga phyogs rer brgya brgyad re rnams
zhag gnyis kyi bar 'bul ba dang/ 'dus tshogs su mang ja tsha dro
bcas mkhan por bkur bzos kyi bka' drin mchog tu che bar gleng/
khro mo zhes pa shing 'brug zla ba dang po'i

bzang po gnyis pa nas spyi skyur dang lnga nas cho 'phrul gyi
mchod pa tshugs pas bsti stang smon lam phun sum tshogs pa dang/
dpyid chos gnyis la zhabs tog yang dag zhus shing/ dus mchod
chen mo'i nyin mang ja sbyor sbrel tsha

ra sogs dang/ slob dpon dbu chos la rnam gzhag /spyi 'gyed zing
ja ko khra lnga bcu nga lnga phul zhing/ de mtshungs gtsang rong
khul dgon che 'bring chung gsum/ bya bral gyi sde dang bcas pa
la mang ja/ bsngo rten rnam gzhag dang bcas

pas mchod/ nag zla'i nyer bdun la rin chen gnyis pa srang brgya
phrag lnga las grub pa'i rje nyid kyi sku brnyan sku tshad dang
mnyam pa'i nang bzhugs su ring bsrel rnam bzhis mtshon pa'i sku
gsung thugs rten gyi rigs du ma dam

pa'i phyag bzhes dang mthun pa'i sgo nas byung bur gtams pa byin
rlabs kyi gzi 'od 'bar ba la na bza' dang bcas 'dus ldan rgya
mtsho'i thugs dam rten du gtsang khang gi dbus su seng khri'i
steng du bzang gos kyi kha gang ma brtsegs

@220b pa'i khar bzhugs su gsol ba'i sku mdun du/ rje nyid kyi
zhal dkar zhal stegs/ spyi blugs dang/ phyag mtshan DA dril sogs
mchod rdzas kyi yo byad bzang po phul ba dang lhan cig tu dge
'dun rnams kyis shis pa brjod pa'i me tog

gtor/ dga' byed zla ba'i nang du rgya nag gong ma chen po nas
dngul gdung rin po cher mchod 'bul du/ mi sna mchod rten bla ma
dang/ chas 'phel dge slong sbrel po ched mngags gnang ba 'byor
bas de kha'i lnga mchod nyin bzang gos khyad

par 'phags pa'i snyan dar du ma dang/ gangga skyes srang lnga
lhag pa'i brgya phrag phyed las grub pa'i maNDal bzo mdzes pas
mtshon mchod pa'i bye brag zab cing rgya che ba stsal zhing/ mi
sna so sos kyang maNDal mchod pa'i yo byad sna tshogs

pas mchod cing rten 'brel phun sum tshogs pa mdzad/ de mthun gnas
rnying zhabs drung gis kyang/ mchod 'bul bar er khe tsha khang
dbon po 'byor bas mchod pa bla na ma mchis shing/ cha dkar dbang
gi dpon mo gu ru na rgun chi'i dge

rtsa dngos po phon che zhing mu tig shin tu che ba'i 'phreng ba
brgya rtsa brgyad phul ba bum ldir gyi sgo rgyan du che chung
brjes nas phul skabs snga sor rje nyid la na bza' sgron pa sogs
kyi dus tshul khrims kyi dri bzang po yong ba ji lta ba

bzhin de skabs kyang zham ring ba blo bzang bstan 'dzin gyis
tshor bas rje nyid dang dngos su mjal ba lta bu'i spro dga' dang
yid tshim pa byung 'dug /dbyar gnas kyi zhabs tog kyang sngar
bzhin zhus/ ston chos gnyis la'ang bsti stang bla na

@221a @#/ /ma mchis shing/ gnyis pa'i thog slob dpon chos khrims
dbu mdzad sogs la rnam gzhag /dge 'dun nyis stong la nye bar rin
chen gnyis pa srang re'i phyag 'gyed kyis mnyes par byas/ dgun
chos gnyis la

phogs ja tshul bsgrubs shing 'chad nyan kyang shin tu 'phel ba'i
thog /sngags grwa ba rnams kyis rgyal bstan spyi'i rim gro la
dmigs chos srungs spyi mnyes byed sogs sngar rgyun ltar bgyis/
sna tshogs dbyig gi lo'i cho 'phrul

dus chen gyi mchod pa dang/ smon lam yang bla na ma mchis pa
'phel ba byung/ snga gong sku gdung rin po che'i bum sgo'i nang
du chos kyi rgyal po 'od zer go cha'i thugs dam rten bzhugs pa
de'i tshab tu/ rje nyid kyi snang brnyan lhad bral dngul

dkar srang chen bzhi brgya dang drug cu rtsa gnyis/ tsha gser
mgur zho bdun gyis bsnan pa'i bcu phrag brgyad las grub pa'i
nang bzhugs la/ gzungs chen sde lnga sogs dang/ rje sangs rgyas
ye shes kyi dbu nyal/ yang dag par rdzogs

pa'i sangs rgyas shAkya thub pa'i yungs 'bru lta bu'i 'phel
gdung rgyal rtse bcan/ rin spungs pa/ chos lung bcan sogs lnga/
jo bo rje'i dbu glad ring bsrel dang gdung/ mkhas grub khyung po
dang mnyam med rin chen brtson 'grus kyi

gdung/ dge ba'i bshes gnyen sha bo sgang pa'i zhabs dar gyi dum
bu ma rgad ma/ rgyal ba blo bzang don grub dang rje de nyid kyi
gsung 'bum/ thugs kar ye shes sems dpa'i tshul du rje nyid kyi
snang brnyan gser zangs las grub pa'i

@221b nang bzhugs su dbu lo bubs dang ring bsrel rnam bzhis
bkang ba rang nyid kyi phyag nas can dang/ skye bdun/ bdud rtsi
ril bu sogs mang zhing/ rje de nyid kyi byu ru'i bgrang 'phreng
rgyan ldan dkyus ring gnang ba'i sku snye'i g.yogs dang

thugs dam rten ston pa'i li sku/ rje de nyid kyis dkyus ring
spyan rten gnang ba mkhas grub sangs rgyas ye shes la dben sa
bka' rgyud pa'i bla ma dang yi dam/ rgyal ba blo bzang don grub
la grub chen chos rdo rje sogs bla brgyud du mas bskor

ba sman thang pa sku mdun blo bzang pa'i phyag bris/ rje btsun
sa paN/ de bzhin gshegs pa'i lha babs kyi mdzad pa/ skyid grong
'phags pa'i zhing bkod/ tshe dpag med/ jo bo chen po a ti sha'i
rnam thar zhing bkod/ jo 'brom yab sras

la zab dang rgya che nyams len byin rlabs brgyud pa'i bla mas
bskor ba/ bde 'jigs/ 'od dpag med/ yum chen mo/ bka' gdams lha
bzhi sogs dang/ mgon po phyag drug pa sogs chos skyong ba'i
bsrung ma'i snang brnyan shin tu mang

ba rnams sman bla don grub pa'i phyag bris ma/ mgon po 'khor
bzhi bcas sman bla 'jam dbyangs pa'i phyag bris ma sogs thugs
dam rten du dkyus ring bsten pa gzhan yang byin rten sna tshogs
sogs rgyud don dang mthun pas legs par bkang

ste/ khyed gos kyi na bza' brtsegs mang dang/ drang srong snod
mchog 'bras bus bkang ste phyag mtshan du phul nas/ tshes bcu gsum
gyi nyin 'dus pa rgya mtshos shis pa brjod pa'i me tog gi char
phab ste dngul gdung rin po che'i bum sgo'i

@222a @#/ /nang du bzhugs su gsol/ de nas nyer bdun gyi nyin gza'
tshes legs pa dang bstun gdung khang gi dbu thog tu gser phibs
bya 'dab dang bcas 'bul bar rig byed kyi yang rtser son pa chos
dbyings rgya

mtshos bkod pa dang/ shing bzo dbu mdzad gras nas/ ayon sogs
mkhas pa nyi shu dang/ lcags bzo dbu mdzad dar rgyas dang/ bre
srang sogs nyer bdun gyis bzo btsugs nas zla ba drug gi khongs
su grub par bzo bo rnams 'dzugs

dang sogs kyis mgu ba'i thog /yon thob bsdoms bre tshad kyi nas
khal chig khri chig tshong brgya dang bdun cu thob par kha btags
che legs sum cu la reg pa/ dngul srang bcu bzhi/ mu tig zho bcu
drug /gos yug so drug /sman rnying rta

sogs dngos po spus gtsang ba gya nom pas yid la 'bab pa mdzad/
glu dbyangs zla ba'i dkar cha'i rdzogs pa gnyis pa'i gza' skar
sbyor ba dang bstun/ dbu mdzad chos dbyings kyi bkod pa blor
bcags pa'i/ 'phul brdung phra gsum gyi

bal po dbu mdzad sogs sngon ma rnams kyi thog /zangs brdung pa
shel dkar bal sbubs dbu mdzad rab brtan dang rnam sras bcas mi
bcu bdun gyis bzo gra legs par btsugs par 'jon dmar khal don
lnga lhag pa'i lnga brgya bdun

stong las grub pa/ dag pa'i khams khal lnga bcu nga gnyis brgal
ba/ swA warNa zho nga lnga lhag pa'i drug brgya lnga stong chig
khris rnam par mdzes pa'i bzo bkod ngo mtshar rmad du byung ba lo
gcig dang zhag nyi shu'i khongs su gegs med

@222b grub pa dang bstun/ dbu mdzad chos dbyings rgya mtsho dang
bzo rigs pa rnams la bsgrubs gla khyon bre tshad kyi nas khal
bdun khri drug stong drug brgya re lnga thob par kha btags che
legs nyi shu rtsa gcig /gser mgur zho lnga bcu nga gcig /dngul
srang

brgyad brgya dang sum cu/ mu tig srang bdun brgal ba/ gos tshos
kha sna tshogs yug nyis brgya so lnga/ byu ru spos shel/ gser
sga/ sga dmar dngul 'khyud can/ rta/ mdzo/ ral gri/ gon pa sna
tshogs/ ling byang sman rnying/ chu tsa/ ras cha sogs bstang bas

yid lhag par tshims par bgyis/ dus mchod chen mo'i nyin 'dus sder
mang ja sbyor sbrel tsha ra sogs sngar rgyun thog /slob dpon chos
khrims dbu mdzad rnams la rnam gzhag dang/ dge 'dun nyis stong
sum brgya lhag par spyi 'gyer ja

'khor drug lnga bcu la reg pa/ de mthun dben dgon gyis gtsos
sgrub sde rnams la mang ja ja 'gyed dang/ gtsang khul gyi dgon
khag rnams la mang ja bsngo rten rnam gzhag dang bcas pas
mchod/
dbyar gnas dang/ ston chos gnyis la  

zhabs tog mi zhel ba'i thog /ston chos gnyis par slob dpon chos
khrims dbu mdzad rnams so sor rnam gzhag zab rgyas ngos/ spyi
'gyed bco lnga lhag pa'i dngul srang brgya phrag gnyis/ gos
bzang sgrigs kyi bla bre dang/ rten

khebs bcas drug /gos chen gyi ber rtsar mo rgya gos sna tshogs/
dngul sga cha 'grig bdun/ gos gdan snye 'bol 'dres pa drug gis
yang dag par mchod nas/ dgun chos gnyis la'ang phogs ja tshul
sngar rgyun bzhin dang gsung chos kyang

@223a @#/ /shin tu 'phel ba dang/ me rta lo cho 'phrul dus chen
gyi mchod pa dang smon lam yang shin tu 'phel zhing/ dpyid chos
thog dus mchod chen mo'i nyin dge 'dun phyed sum stong lhag par
mang ja/ tsha ra/ rnam gzhag /spyi 'gyed

zing ja dngul gyi yol go mtho ba re phul/ de mtshungs gtsang rong
khul gyi dgon khag dang dben gnas kyi sde bcas par bzang ja'i
mang ja/ bsngo rten/ rnam gzhag bcas bsgrubs/ nag zla'i tshes
thog la phogs ja tshul dang/ nyer gcig la mchod

khang gi gser phib steng 'og la shing tshon gyi dbu mdzad dge
slong dpon po sogs bris pa bcu gcig dang gcen lung gser brdungs
pa bcas pas las grwa tshugs shing rgya bod kyi gser shog phon che
bas brgyan pa zla ba gnyis kyi khongs su legs

par grub pa'i yon du kha btags/ dngul/ gos yug /ban chas sogs
dang/ byang sman ras bcas nas thog tu phab par khal nyis stong
drug brgyas rab tu mgu bar byas nas/ dbyar ston gyi chos thog
la'ang bsnyen bkur phun sum tshogs pa

bsgrubs ngos/ ston chos gnyis par slob dpon sogs la rnam gzhag
zab rgyas dang/ 'dus sder 'gyed kha btags/ gos chen gyi bla re/
bla gos sna tshogs/ zing ja/ rgya ja/ gos chen gyi snye 'bol/
khom bu/ lcags krol/ ka ras sogs phon

che bas mchod pa rmad du byung ba bgyis shing/ dgun chos gnyis
la'ang sngar ltar zhabs tog zhus/ me lug cho 'phrul gyi mchod pa
dang smon lam phun sum tshogs pa dang/ dus chen nyin mang ja/
tshar/ bsngo rten rnam gzhag /'gyed zing ja sbag

@223b nyis brgya dang bzhi/ de mthun ri sul gyi bsam gtan pa'i
sde la yang mang ja spos shel gyi 'gyed dang/ gtsang rong gi
dgon sde rnams la yang mang ja bsngo rten rnam gzhag phul
zhing/
mchod khang gi gser phigs steng ma'i nang du rdo rje 'phreng
ba'i

dkyil thang gra mtshungs sum cu rtsa gnyis sogs bzhugs pa'i dbu
thog tu gos bzang gi gnam rgyan/ ma Na hu/ g.yang tri la sogs
pa'i mchod rdzas kyi bye brag kyang phul/ dgongs pa yongs su
rdzogs pa'i gsung rten du rgyal ba zas gtsang sras

kyi bka' ljongs 'dir 'gyur ro cog rnams e pa dpon yig mkhas gra
brgya phrag gcig dang nyi ma'i grangs kyis dpyid chos gnyis pa
tshugs pa dang dus mtshungs su dbu tshugs par/ rams shog shin tu
spus gtsang par gser gar 'drongs ngos/

mgyogs dang sla bcos su ma song ba'i legs dag gtsor bton gyi
glegs bam brgya rtsa brgyad la gser btul ma mgur zho sum stong
dgu brgya bcu gnyis/ zhal khebs dbu dar gan gos dmar ser sngo
ljang thog /kha thi/ mthon thi rgyu bzang

ba'i steng rgyag bcas lnga brtsegs/ na bza' kha thi mthon thi
ling gi rgyab ldan/ glegs shing mtshal gyis byugs par ganggA
skyes zho bdun cu don lnga'i ri mos spa ba/ glegs thag se ta ho
dang spu khar gyi bzhugs khom bcas gra mtshungs spus khyad du

thon nges pa zla ba brgyad pa'i tshes nyi shu yan la yongs su
rdzogs pa grub pa dang/ mkhan chen thams cad mkhyen par rab
gnas spyan dmigs zhus pa'i dus bsgrigs dang bstun/ nyer lnga'i snga
char mdzod 'dzin zham ring pa rnams dang/ slob dpon

@224a @#/ /rnam pa/ sku skye chos khrims bcas pas bdug spos bzang
po thogs shing/ sngags grwa ba rnams kyis gdugs rgyal mtshan ba
dan phye phur rol mo sogs mchod pa'i bye brag bsam gyis mi khyab
pa khyer te bsu 'phreng

sngon du 'gro bas spyan drangs/ de nyin sngags grwa dpon slob
rnams kyis dpal gsang ba 'dus pa mi bskyod pa'i sgo nas rab tu
gnas pa'i sta gon dang/ phyi nyin dngos gzhi kha skong sbyin
sreg dang/ chos srung rgya mtshor gtang rag mchod 'phrin/

'dus ldan rgya mtshos mang ja sbyor sbrel thog shis pa brjod pa'i
me tog gi char phab ste/ lha dang bcas pa'i 'gro ba ma lus pa'i
mchod gnas dam par mnga' gsol bas rdo rje slob dpon la mchod
'phar dang/ slob dpon chos khrims dbu mdza

sogs la rnam gzhag zab rgyas/ rgyud pa rnams la zhabs tog phul
du byung ba'i thog kha btags che ba/ dngul srang re/ sman kha re
dang/ 'dus pa rgya mtshor yang rgya dngul srang re phyag tu phul
bas bkur sti bla na ma mchis pa bsgrubs shing/

e pa dpon yig pa rnams dang/ zhus chen las byed pa rnams kyi
yon du kha btags nyis brgya bdun cu/ sa le sbram zho so drug
lhag pa'i nyis brgya/ rgya dngul spus legs srang chen lnga brgya
dang nyer drug /mu tig zho brgya phrag gcig dang bcu phrag

brgal ba/ shal pa dkar dmar bdun/ spos shel rdog che gsum/ gos
bzang sgrigs kyi bla re rten khebs bcas bcu gcig /gser sga cha
'grig gnyis/ rta bcu gcig /gos kha thi mthon thi sogs yug drug
cu rtsa drug /khrab rmog ral gri/ ja/ byang

@224b sman/ gon pa sna tshogs/ rgya zam khom bu ka ras sogs dngos
po spus gtsang ba 'brur phab bre tshad kyi khal khri phrag lnga
dang nyis brgya dang bcu phrag gsum thob pa'i bsgrubs glas yid
mchog tu mgu bar byas shing/ de mthun gtsang rong khul gyi
dpon
gnas

kyi sde dang dgon sde che phra tshang mar mang ja/ rnam gzhag
zab
cing/ spyi 'gyed rin chen mchog can srang sum brgya dang bcu
phrag gcig /rgya ja 'khor drug bcu bdun/ gos chas kha sna tshogs
pa yug bcu phrag bdun la reg pa yang dag par phul ba'i sgo

nas mnyes par byas so/ /smras pa/ phul byung thugs rjes gdul
ba'i zhing gzigs nas/ /ljongs 'dir ngur smrig gar sprul lus can
kun/ /phan bde'i lam bkod sku gsum nor gling du/ /'khrid mkhas
ded dpon che der gus pas 'dud/ /mgon

khyod 'phrin las nyi ma 'od po ches/ /thub bstan gling bzhi'i
dbus su gsal mdzad kyang/ /gzhan don rlung gi bgrod pas phyi
ma'i rir/ /phyogs pa'i rtogs brjod chu thigs tsam zhig brjod/
/mi mjed zhing gi mdzes sdug ma lus pa/ /gcig tu bsdus

pa'i rjes 'gro mchod sdong che/ /lha dang bcas pa'i mchod gnas
dam pa ru/ /bgyis pas thub bstan mi nub dar rgyas shog /gang
zhig 'di la ngang bas mchod pa'i sprin/ /nor 'dzin nam mkha'i
khyon bkang yongs 'bul ba/ /kun kyang sdug bsngal rgya

mtsho las grol nas/ /bde ldan zhing du thogs med 'jug gyur cig
/mchog gsum pho brang brten par bcas bskrun par/ /lus ngag yid
gsum dal bas 'bad pa dang/ /mthun rkyen dngos kun sbyor ba mu
mtha' yas/ /kun kyang rgyal ba'i go 'phang

@225a @#/ /thob phyir bsngo/ /de ltar bgyis pa'i legs spyad dge
ba'i tshogs/ /gcig tu 'khyil ba'i rdzing bu las 'thon pa/ /skal
ldan shing rta bzang po'i chu rgyun gyis/ /'gro rnams bzod dka'i
tsha gdung

rab bcil shog /rim gnyis mthar phyin drang srong chen po'i
gdung/ /bzhugs gnas chos sku'i rten mchog mchod 'os gnas/ /ji
srid nyi zla'i bgrod pa ma rdzogs par/ /de srid ri dbang lta bur
g.yo med shog /'jam

dpal snying po'i chos srid de 'dzin rnams/ /yun ring brten cing
phyogs bcur 'phel ba dang/ /mar gyur 'gro rnams chos 'byor longs
spyod rgyas/ /nyin mtshan rtag tu dge ba'i bkra shis shog /ces
rje btsun blo

bzang chos kyi rgyal mtshan dpal bzang po'i spyod tshul gyi 'phro
khrigs su bsgrigs pa 'di yang/ dang ldan mang pos yang yang
bskul ba'i blo ngo dang bstun nas/ phyag mdzod blo bzang dge
legs dang/ mdzod 'dzin

phun tshogs rab brtan/ gsol dpon blo bzang bstan 'dzin rnams kyis
rje de nyid kyi gsung dang mdzad pa thun mong ba 'ga' zhig zin
bris su btab 'dug pa dang/ dgongs pa yongs su rdzogs pa'i ched
du sku gsung thugs rten

bzhengs mchod 'gyis pa/ ris med kyi tshangs spyod ldan pa'i dge
bdun mang po la rnyed bkur bsgrubs pa'i brjed byang bkod pa
rnams la gzhi byas/ sgro skur gyi brjod bya spangs te/ shAkya'i
btsun pa blo bzang ye shes

@225b kyis kun ldan zhes pa lcags pho byi ba'i lo ston zla tha
chung gi lha babs dus chen nyin mjug grub par sbyar ba dge legs
'phel/ /pa ri pr-i tstsha/ /sarba mangga laM/ /swa sti/ phan bde'i
'byung gnas rgyal bstan

yongs 'du'i ljon/ /rab rgyas 'gro kun thar mchog 'bras bzang la/
/spyod phyir bkra shis lhun grub chos grwa cher/ /chos sbyin
'dzad med dal 'gro'i rgyun 'di spel// //sarba dza ga taM//