@00 @#/ /thub dbang zhal pad ma bzhugs/ /

@001a @##/ /na mo gu ru manydzu g+ho ShA ya/ rje btsun bla ma blo
bzang don grub la skyes rabs kyi sgo nas bstod pa/ bcom ldan
'das ngag gi dbang phyug la phyag 'tshal lo/ /thub dbang

zhal gyi padmo la chags pa'i/ /legs bshad sbrang rtsis mos pa'i
rkang drug pa/ /rmad byung rtogs pa'i dbyangs snyan sgrogs pa
can/ /theg mchog nyan thos gyur la gsol ba 'debs/ /kai la

shas mdzes nor bu'i pho brang cher/ /dpal ldan dang po'i sangs
rgyas rtsa ba'i rgyud/ /slar yang sdud mdzad 'jama'i dbyangs
zhes grags/ /rigs ldan rigs kyi gtso la gsol ba 'debs

grub pa'i go 'phang mthon por gshegs gyur kyang/ /sna tshogs gdul
bya'i bsam pa ji bzhin du/ /legs ldan rang rgyud sh ing rta'i
srol 'byed mkhan/ /klu sgrub sras kyi mchog la gsol

@002a @#/ /ba 'debs/ /rje btsun rnal 'byor ma yis rjes bzung nas/
/rgyud sde'i don la thogs med mkhyen pa rgyas/ /'chad rtsod
rtsom pas thub bstan nyin mor mdzad/ /'jigs med

'byung gnas zhabs la gsol ba 'debs/ /dam chos 'dzin pa'i smon
lam stobs rgyas pas/ /'phags yul mkhas grub du ma'i zhabs bsten
cig /'dus pa'i lam bzang phyogs 'dir gsal mdzad pa/ /

sgra sgyur dam pa'i zhabs la gsol ba 'debs/ /'jam pa'i dbyangs
kyis dngos su byin brlabs pas/ /shes bya kun la lta ba'i rnam
dpyod kyis/ /rig gnas rgya mtsho'i mthar son paNDi ta/ /kun dga'

rgyal mtshan zhabs la gsol ba 'debs/ /gsang sngags rnying ma'i
gdams pa bdud rtsi'i chus/ /skal bzang byas pa grub pa'i ya
mtshan gyis/ /snang srid zol gnon dam can bran du 'khol/ /rnal

'byor dbang phyug zhabs la gsol ba 'debs/ /rgyal ba gnyis pa rje
btsun tsong kha pa'i/ /sras kyi thu bo'i tshul bzung bstan pa'i
gnyen/ /'dzam gling mkhas pa'i gtsug rgyan dge legs dpal/ /

@002b mkhas grub chen po'i zhabs la gsol ba 'debs/ /mdo rgyud
kun la mkhyen pa'i lus stobs rgyas/ /bslab gsum rim gnyis gser
gyi ra bas mdzes/ /rnam dag rigs pa'i mche ba mngon mtho ba/
/phyogs

kyi glang po'i zhabs la gsol ba 'debs/ /blo bzang dgongs don
bsam 'phel dbang gi rgyal/ /rmad byung sgrub pa'i rgyal mtshan
rtser mchod pas/ /sku gsum 'dod dgu'i char 'bebs dben sa pa/
/grub

mchog dam pa'i zhabs la gsol ba 'debs/ /dge legs yon tan ma lus
'byung ba'i gnas/ /dri med blo bzang bstan pa'i khang bzang
rtser/ /chos kyi rgyal mtshan 'dzin pa'i dpal yon can/ /dpal ldan

bla ma'i zhabs la gsol ba 'debs/ /de ltar bstod pa'i rnam dkar
dge ba'i mthus/ /skye ba kun tu dam pas rjes bzung nas/ /tshul
bzhin bstan las rgyal ba'i dam chos kun/ /rgyal ba'i dgongs pa
ji bzhin

'dzin par shog /'dis mtshon dge bas tshe rabs thams cad du/ /theg
mchog dam pa'i mgon dang mi 'bral zhing/ /mtha' yas rgyal ba'i
chos tshul kun bzung nas/ /bstan dang 'gro ba'i dpa' du bdag gyur
cig /

phan bde'i dpal gyur blo bzang bstan pa'i gnyen/ /bshad sgrub
chos kyi rgyal mtshan 'dzin pa'i mchog /skal bzang gdul bya'i
dpal du zhabs brtan cing/ /thub bstan rgya mtsho rtag tu rgyas
byed shog /dus gsum

@003a @#/ /rgyal ba sras bcas thams cad kyi/ /mkhyen brtse'i bdag
nyid blo bzang grags pa'i dpal/ /mgon de'i chos kyi rgyal mtshan
mngon mtho ba/ /lhar bcas 'gro ba'i gtsug na brtan gyur cig

ces rje btsun dam pa grub pa'i dbang phyug blo bzang don grub
kyi skyes pa'i rabs dang mthun par gsol ba 'debs pa'i tshigs su
bcad pa 'di ni/ dge ba'i bshes gnyen sde snod 'dzin pa du mas
bskul ba'i ngor tshad

mar gyur pa las thos pa bzhin du rgyal khams pa blo bzang chos
kyi rgyal mtshan gyis/ dben sa chos kyi pho brang gi gtsug lag
khang du thogs med du smras pa'o// //