@00 @#/ /mkhas grub chen po gsum gyi yon tan mdor bsdus pa'i sgo
nas rtogs pa brjod pa mkhas pa'i yid 'phrog grub pa'i rgyan ces
bya ba bzhugs so/ /

@001a @##/ /na mo gu ru manydzu g+ho ShA ya/ mkhas grub chen po
gsum gyi yon tan mdor bsdus pa'i sgo nas rtogs pa brjod pa mkhas
pa'i yid 'phrog grub pa'i

rgyan ces bya ba/ rje btsun bla ma dam pa rnams la phyag 'tshal
lo/ /rigs brgya'i khyab bdag 'jam mgon grub pa'i rje/ /blo bzang
grags pa'i ba dan srid pa'i rtser/ /g.yo

ldan gang gi zhabs sen zla ris 'od/ /gtsug rgyan kun da'i phon
por rtag tu gzims/ /skyabs mchog dam pa pad dkar 'dzin pa yi/
/zhal dkyil 'o ma'i rgya mtsho mngon

dga' ba/ /ngang pa'i ded dpon khyod nyid dpal gyur zhes/ /skal
bzang kun gyis bsngags de phyag gi gnas/ /mdo rgyud bstan bcos
kun gyi snying po blo bzang yab rje dam pa'i

@002a @#/ /bka'/ /bdud rtsi'i rgya mtsho hub gcig gis drangs rnam
dpyod lus stobs rnam par rgyas/ /chos brgyad byis pa'i rol rtsed
rgyang bsrings drang srong chen po'i skyong tshul gyis/ /

don gnyis dga' ston mchog tu grub 'di bsngags bya kun gyis
bsngags par 'os/ /sangs rgyas kun gyi ye shes bai DUrya'i/
/dbyar skyes phang phung dbyings 'thon thugs rje'i char/ /'khyil
ba

las 'ongs ngur smrig rlabs 'khrigs pa'i/ /rgyal tshab rgya mtsho
che 'di bdag gi mgon/ /blun sgom mun sprul sgrub pa'i zol sbyor
dang/ /tha snyad tshig gis yid bcings rtog ge pa/ /kun kyang

chu shing snying po ltar dgongs nas/ /mdo sngags lam gyi gnad
rnams yongs rdzogs pa/ /nyi ltar gsal mdzad rgyal ba gnyis pa
yi/ /dgongs don phul byung yid bzhin dbang gi rgyal/ /

ngo mtshar bsgrub pa'i rgyal mtshan rtser mchod nas/ /'dod dgu'i
char 'bebs rje btsun dben sa pa/ /lung tsam bstan pa'i snying
por rlob pa yi/ /dus mtha' 'dir yang grub pa'i rgyud mangs
sgras/ /

@002b skal bzang rna ba'i bdud rtsi 'gyed mkhas pa/ /dbyangs can
bsgrub la dgyes pa e ma mtshar/ /de phyir gang gi mdzad pa'i cha
shas tsam/ /dang ba'i sems kyi me long ngos shar ba/ /skal bzang

mgrin pa mdzes pa'i rgyan nyid du/ /yid 'phrog do shal gzhan
bzhin bdag gis spel/ /'gro kun btson ra'i dka' thub bsten pa la/
/'khor sgyur bla na med pa'i phun tshogs kyi/ /padmo'i 'phreng ba
spyi bor

bcings pa las/ /gsal mchog dang bas bsngags pa bkra shis par/
/lha yi rnga chen bzhin du bsgrags mthong nas/ /mchog tu dngar
ba'i ro ldan ak+Sha ta/ /mkha' lam 'gog pa 'dren pa'i pho nya
zhes/ /

mngon dga' rgyas pa'i zlos gar ci yang byed/ /nor gyis skye bo
'jungs dga' ba/ /gcam bu'i ngag gis khengs ldan rnams/ /blun po
spyod tshul mtshungs pas mgu /dam pa legs bshad gtam gyis

so; ;de phyir gtsug phud can gyi rna ba la/ /chu 'dzin dal gyis
rgod pa'i sgra dbyangs bzhin/ /skal bzang rnam dpyod yangs pa'i
sgra 'dzin la/ /bdud rtsi 'thor byed gaNDi'i dbyangs 'di sgrog /
//

! de la 'dir 'o skol rnams kyi dngos dang brgyud pa'i sgo nas
yongs su 'dzin pa chen po/ /lnga brgya pa rnams kyi gtsug gi nor
bu sngon gyi tshe rabs du mar yang sde snod gsum dang/ rgyud sde
bzhi la sogs

@003a @#/ /pa bdag dang gzhan gyi grub pa'i mtha' rgya mtsho lta
bu'i pha rol tu son cing/ rig gnas mtha' dag la rtse mor phyin
pa'i mkhas pa dang grub pa'i gar gyis rnam par rol pa'i dam pa'i

skye ba nye bar brgyud pa las/ sku tshe 'dir yang gzhon nu nyid
nas chos kyi bag chags kyi mdza' ba nye bar bcugs pas 'jig rten
dag dang mtha' gcig tu 'gal bar spyod cing/ /skye bo phal mo
ches rjes

su yi rang ba tsam yang bya dka' ba chos brgyad gdug pa'i sbrul
gyi phung po ltar gzigs nas/ mchil ma'i thal ba bzhin du dor te/
ston pa bla na med pa'i gsung rab ma lus pa/ skal pa mchog tu ma

smad pa'i gang zag tshe gcig nyid la rnam pa thams cad mkhyen
pa'i go 'phang dam par bgrod pa'i cha rkyen du ma tshang ba med
par 'doms pa'i zab lam bdud rtsi'i thigs pas yid kyi bum pa skal
bzang

su byas/ gcig tu thub pa'i spyod tshul bzang po'i brtul zhugs bla
na med pa'i shing rta la zhon nas gangs dang/ ri sA la dang/
dur khrod dang/ bas mtha' sogs skye bos dben pa'i gnas rnams su

rgyu zhing/ bde stong lhan cig skyes pa'i rol gar ci yang mdzad
pas mthong chos nyid la gang gi gzi byin nyi ma 'bum gyi 'od zer
'thungs pas rab tu myos pa'i 'dzam bu chu bo'i gser gyi rdul
brtsegs

@003b chu mthong gi steng gi mtha' nyul bar chas pa las kyang
brgal bas/ dpal mo'i bdag po chu skyes mngal dang ral pa zla
mdzes panytsa'i mda' can la sogs pa dregs pa'i nga ros sa gsum
cig car 'grum pa lta bur sgrog pa rnams

kyis kyang gang gi mdun du blta byed kyi 'od zer spro bar mi
bzod cing/ gtsug rgyan nor bu'i 'od tshogs kyis zhabs sen padmo'i
'dab 'phreng ngos la lan cig min par reg pa nye bar brten pa/
sa'i dbang phyug dam pa la 'dod dgur spyod

pa'i blo chen rnams kyis kyang lkog tu gyur pa'i tshul 'chang
ba'i sku dang ye shes mchog gi nges gsang nam mkha'i mdzod la
dbang 'byor ba/ thams cad mkhyen pa grub pa'i dbang phyug blo
bzang don grub ces snyan pa'i ba dan dkar po

srid rtse'i bar du 'phur lding gi rtse dgas mdzes par byas pa de
nyid dang/ de nyid kyi cod pan rje btsun bla ma skyabs mchog
dpal bzang po'i zhal snga nas dang/ rje grub pa'i dbang phyug
nyid kyi rgyal tshab dam pa sangs rgyas ye shes zhabs

kyi zhal snga nas te/ mkhas grub chen po gsum gyi rnam par thar
pa rgya mtsho lta bu las/ dad pa'i me lces snying la 'khol ba
'dzin pa'i skal bzang rnams kyi gdung sel du chu thigs tsam zhig
rnam par dpyod pa ku sha'i phon pos nye

bar blangs pa la zhugs so/ /tshig don nu 'bur zung dag gi /thig
les pad mtshor ngang pa bzhin/ /mdzes ldan lus phra mchog 'di
yis/ /zur mig g.yo ba'i spro ldan ni/ /rnon pos mkhas pa mtha'
dag gi /snying kun cig car

@004a @#/ /'bigs byed kyang/ /rmongs pa'i go cha cher brtan pa'i/
/skye bo'i tshogs la ci zhig bya/ /tsi mang+ha'i nags tshal las/
/'ongs pa'i bsir bus sum rtsen gyi/ /ma la ya skyes skyengs byed
kyang/ /gdug pa'i rgyab

rings lto ba 'bigs/ /rnam dpyod dkyil 'khor las 'thon pa'i/
/rnam thar 'od rno'i dra bas kyang/ /blo yi nor ldan padmo'i
tshal/ /ci dgar bzhad pa'i dpal ster zhing/ /phrag dog zug rngu'i
sems 'chang ba'i/ /mi bzad 'byung

po'i mkha' 'gro la/ /mthar byed mngon sum bzhin byed pa/ /mkhas
pa'i legs bshad rang bzhin nyid// ! //da ni thog mar rje grub
pa'i dbang phyug nyid kyi gtsug rgyan/ mkhas bya'i gnas la mkhas
pa'i

mthar son kyang 'du 'dzi'i g.yeng ba thams cad nye bar spangs
te/ /ji skad du/ thos pa'i rjes 'jug bsgrub pa snying por byed/
/skye ba'i rdzong las tshegs chung thar bar 'gyur/ /zhes gsungs
pa'i don gdul bya rnams la

mtshon pa'i slad du skye bo phal mo che la lkog tu gyur pa'i tshul
gyis/ mdo rgyud kun gyi gnad bsdus pa'i don la nang du yang dag
par gzhol ba'i ting nge 'dzin gyi mar me mchog tu gsal bas rang
gzhan gyi skyes pa'i rabs kyi rim

pa dang/ lha dang bla ma'i ye shes kyi sku sogs ku sha'i rtse
ltar phra ba'i gnas du ma'ang mngon du gyur pa sogs lung dang
rtogs pa'i yon tan rmad du byung ba brnyes pa'i dpal ldan bla ma
dam pa skyabs mchog dpal bzang po'i

@004b zhal snga nas kyi rnam par thar pa/ rgyal ba thams cad
mkhyen pa blo bzang don grub nyid kyis phyag bris su ji ltar
mdzad pa nyid sgro skur spangs te brjod pa ni 'di ltar/ /de yang
bla ma 'di 'khrungs pa'i yul ni/ lha phu'i gla ra

gshongs zhes bya ba yin la/ der yab a dar dang/ yum 'dzom ma
gnyis la sras lcam sring gsum mnga' ba las/ bla ma 'di nyid
chung ba yin la/ chung ngu'i dus nas 'bri klog rang mkhyen cing/
dgung lo bcu gsum la phyogs

pa'i dus su gcen pos khrid nas ri bo dge 'phel du mkhas grub
grags pa bsam grub pa'i spyan sngar rab tu byung nas mtshan yang
skyabs mchog dpal bzang po zhes gsol zhing/ bla ma de nyid dang
grub chen rin chen bshes

gnyen gnyis ka la/ mdo sngags kyi lung bshad dang/ dbang 'khrid
sogs mang du gsan no/ /de nas grwa tshang chen mor byon nas paN
chen blo gros rin chen pa sogs kyi drung du sbyor ba rtsi ba
dang/ 'dul ba/ phar tshad/ dbu

ma/ sogs legs par bshad pa'i bgo skal dpag tu med pa blangs nas/
nyin mtshan kun tu rgyun ring la shugs drag pa'i brtson pa bsten
pas rnam par dpyod pa'i sgo thog mar bye zhing/ de rjes chos
grwa chen po gangs

can du phebs nas/ chos rje stobs ldan 'od zer ba'i drung du/
slar yang phar tshad dbu ma la sogs pa'i gzhung chen mo rnams
dang/ byang chub lam gyi rim pa'i zab bshad/ 'dul ba'i bslab bya
phra rags kyi bshad pa

@005a @#/ /ches zhib pa gsan nas phyag len la yang khel bar mdzad
pas/ bstan pa'i rtsa ba so so thar pa'i dbang du byas pa'i lung
dang mngon par rtogs pa'i yon tan rlabs po ches rgyud phyug pas
bla ma de nyid

la dad pa tshad med pa yang 'khrungs/ der 'dus pa rgya mtsho'i
dbus su rnam 'grel gyi dka' gnas 'ga' zhig la dam bca' bar mdzad
nas/ lung dang rigs pa'i spobs pa phun sum tshogs pa'i seng ge'i
nga ros/ phyi rgol

lag ldan mtha' dag gi rnam dpyod myos bum cig car bral bar
mdzad
pa'i snyan pa'i grags pa yang rgyas so/ /de nas chos grwa chen
po bkra shis lhun por byon nas rje chos 'byor pa yab sras gnyis
la/ slar yang bka' chen bzhis

mtshon pa'i phyi mtshan nyid theg pa'i phyogs la rtsad bdar gcad
de mkhas pa'i bya ba mthar phyin par gyur/ paN chen ye shes rtse
mo'i drung du yang/ 'dul ba/ mdzod/ dbu ma/ bslab btus/ lam rim
sogs mdo phyogs skor dang/

khyad par rdo rje 'phreng ba/ sgrub thabs rgya mtsho/ 'grel pa
sgron gsal sogs zab mo rdo rje theg pa'i skor gyi bka' lung ci
rigs pa yang nos/ de yang mkhas mang 'dus pa'i dbus su/ phar
tshad dbu gsum/ 'dul mngon rnams kyi

dka' gnas las brtsams pa'i dam bca' dang/ mkhas par grags pa
'ga' zhig dang 'bel ba'i gtam gyis gtan la legs par phab ste/
brgal zhing brtag pa sogs mdzad pas/ bdag nyid chen po 'di'i
lung dang rigs

@005b pa'i spobs pa phun sum tshogs pa'i zhags pas/ mkhas pa kun
gyi yid rang dbang med par bcings shing/ lung rigs kyi rnam
dpyod phul du byung ba'i grags pas kyang rgya mtsho'i gos can
yongs su khyab par gyur to/ /gzhan yang/

gzhung lugs rab 'byams smra ba sangs rgyas rgya mtsho'i spyan
sngar/ 'dul ba lung/ rgyas 'bring bsdus gsum/ mdo sde dgongs
'grel la sogs pa bka' 'khor lo gsum dang/ de dag gi dgongs pa
'grel ba'i bstan bcos chen

mo rnams kyi lung bshad dang/ khyad par dge lugs kyi gsang bde
'jigs gsum/ dus 'khor/ rdor dbyings/ kun rig /thugs rje chen po
sogs rgyud sde chen po bzhi dang 'brel ba'i yi dam rnams kyi
dbang rjes gnang du ma dang/

gzhan yang/ rdo rje 'phreng ba dang/ mi tra brgya rtsa/ sgrub
thabs rgya mtsho sogs bod du 'gyur ba'i dbang rjes gnang phal mo
che dang/ de rnams kyi rgyud dang rgya gzhung phal mo che
rnams
dang/ khyad par/ lam rim che chung/ rdo rje 'chang chen

po'i lam rim/ rim lnga gsal sgron/ 'dod pa 'jo ba sogs rje btsun
tsong kha pa chen po yab sras kyi gsung rab che chung man ngag
dang bcas pa yongs su rdzogs pa thob pas/ bla ma 'di nyid sku
drin che gsung/ zhes thams

cad mkhyen pa gsung/ dgung lo zhe bzhi'i dus su paN chen ye shes
rtse mos mkhan po dang/ kun mkhyen chos 'byor dpal bzang gis las
slob dang/ 'dul 'dzin bshes gnyen pas gsang ston

@006a @#/ /mdzad nas bsnyen par rdzogs pa dge slong gi sdom pa
yang dag par bzhes nas srog gi dbang po ltar bsrungs/ gzhan yang
lung dang mngon par rtogs pa'i yon tan rin po che'i tshogs kyis

bang mdzod yongs su gang ba'i rje legs pa'i blo gros/ rje grags
pa don grub/ rje blo gros rgyal mtshan sogs dam pa du ma'i zhal
sgo las mdo sngags kyi legs bshad ganggA'i rgyun ltar babs pas/
bdag nyid chen po

'di'i gsan pa'i snyim pa yang dag par gang bas skal bzangs su
byas so/ /de nas ri bo dge 'phel du sems dpa' chen po tshul
khrims dpal bzang gi gdan sa tshul khrims sgang gi slob dpon thog
shas mdzad nas skal ba dang

ldan pa du ma la zab rgyas kyi chos bka' ci rigs pa lhug par
stsal/ de rjes sngon du legs par spyad pa'i smon pa nye bar grub
pa dang/ lha dang bla mas lung bstan pas kyang mtshams sbyar te
dben sa'i dgon pa zhol du phebs nas/

thams cad mkhyen pa bsod nams phyogs glang gi gdan sar bzhugs
te/ rigs sad pa du ma la dam pa'i chos kyi bgo skal stsal zhing/
gtso bor chos brgyad kyi rol pa btsan thabs su bcad nas zab pa
dang rgya che ba'i lam
               
rnams la rtse gcig tu sems shing goms par mdzad pas gzhal du med
pa'i mngon par rtogs pa yang brnyes/ dang por dben sar phebs dus
rje grub pa'i dbang po nyid gsar pa'i zla tshes ltar sku na shin
tu phra ba zhig yod

@006b kyang; dam pa 'di dang skye ba du mar 'dris pa'i mdza' bas
nye bar bzung bas/ dpon slob mjal ma thag yid phan tshun lhag par
bcugs pa dag gnas kyis bskal nas dus ring por ma 'phrad pa phrad
pa ji bzhin du gyur cing/ phyis grub chen

gyi bdag nyid chen po 'di la phyag na rdo rje gtum po'i dbang
zhus pa'i dus su/ rje bla ma de nyid sku mdog mthing ka 'od zer
lnga 'phro ba la me sna lnga 'bar bas mdzes par bskor ba/ gtor
ma dang rdor dril nam mkhar gnas shing/ dri zhim

po dang/ lha'i rol mo'i sgra yang mngon sum du gsan/ yang don
zhags dang/ bcu gcig zhal gyi dbang zhus pa'i dus su/ sngar gtan
ma mthong ba'i rdul tshon gyi dkyil 'khor yid 'phrog pa cig la
lha'i me tog sna tshogs pa'i mchod

pa'i tshogs kyang du ma 'dug cing/ dri zhim po dang lha'i sil
snyan gyi sgra snyan po yang 'khrol/ rje bla ma nyid kyi sku
yang zla ba'i dkyil 'khor mngon par gang ba lta bu dkar zhing
'od zer 'phro ba mthong bas rkyen byas nas dga' spro dpag tu med

pa skyes/ de nas bzung ste rje bla ma nyid la gsol ba yun ring
du btab nas/ 'das ma 'ongs kyi skye ba bzhes tshul/ sku skye ba
'di la ngo mtshar che ba'i yon tan 'khrungs tshul rnams zhus pas
'di ltar gsungs pa yin gsung/ de yang/

sangs rgyas 'jig rten du byon pa'i tshe byang chub sems dpa' 'dul
ba'i tog ces par skyes nas/ sangs rgyas dngos la theg pa chen
po'i chos dpag tu med pa nyan/ de 'og tu rgya gar shar phyogs su
stobs ldan gyi rgyal po zhig tu

@007a @#/ /skyes te/ chos ldan gyi khrims bcas nas mi dge ba byed
pa rnams kyi mig 'don pa dang/ rkang lag gcod pa sogs byas pa'i
stobs kyis/ ma 'ongs pa na mig dang rkang lag sogs la skyon cung
zad 'ong ba

'dra gsung/ de nas sum cu rtsa gsum du skyes/ 'dir yun ring po
ma lon par rgya gar du slob dpon yon tan 'od du gyur nas bstan
pa dang 'gro ba'i don tshad med pa byas/ de'i phyi ma rgya nag ri
bo rtse lngar song nas rje btsun 'jam pa'i

dbyangs la chos mang du nyan cing/ rje btsun gyi lung bstan la
brten nas bal por rdo rje gzhon nu zhes bya ba'i sngags pa zhig
gi rten bzung ste/ theg pa chen po gsang sngags kyi bstan pa dar
bar byas/ de nas lo tstsha ba tshul khrims

rgyal bar skyes nas/ jo bo rje bod la gdan 'dren pa sogs dka'
spyad mang po byas shing/ dam pa'i chos mang po bsgyur ba yang
dran gsung/ don 'di ni glegs bam rin po che las kyang lung bstan
te/ tshul khrims bzang po'i

mtshan ldan mtshungs med pas/ /'gro ba'i skyabs su brtson pas
mchog tu 'dren/ /zhes shin tu gsal lo/ /gzhan yang rje nA ro
pa'i sprul par grags pa'i 'gro ba'i mgon po gtsang pa rgya ras
dang/ chos kyi rgyal po tsong kha

pa chen po'i sras kyi thu bo 'dul 'dzin grags pa rgyal mtshan
gnyis kyang dam pa 'di'i sku'i skye ba yin pa yang lkog tu ma
gyur pa'i ye shes kyis rtogs par bdag nyid kyi zhal gyis 'ches
pas bsam gyis mi khyab pa'i rnam par

@007b thar pa'o/ /dgung lo drug cu re gcig bzhes pa'i dgun
'phags pa bcu gcig zhal dang/ don yod zhags pa'i bsnyen bsgrub
mdzad pa'i dus su 'phags pa nyid kyis dbang bskur/ byin gyis
brlabs pas lung rtogs kyi

yon tan dpag tu med pa rgyud la skyes/ skye ba rnams kyang de
nas dran/ yi dam gyi lha mang po'i zhal yang mthong zhing/ chos
kyang mang du nyan gsung/ yang dus de'i tshe tho rangs zhig mi
dkar po shel gyi mkhar ba thogs pa zhig

gzigs nas/ nyid su lags zhus pas/ spo spo ni don yod zhags pa'o/
/'o na bdag kyang 'phags pa'i drung du 'khrid par zhus pas/
'gran zla med pa'i dge slong khyed/ /bcu phrag brgyad dang lnga
dag gis/ /pha mthar phyin

pa'i dus su ni/ /zhing mchog dam par skyes nas su/ /nga dang
'phrad par the tshom med/ /ces lung bstan nas mi snang bar gyur
to/ /yang dben sar mgon po tshe dpag med kyi bsgrub pa mdzad pas
bcom ldan 'das kyi zhal

mngon du gyur nas/ dam sel la shin tu 'dzem par byas na lo
brgyad cu dang lnga thub bo/ zhes gsung gi snang ba yang stsal/
yang dgung lo drug cu re gsum bzhes pa'i tshe/ 'jigs byed kyi
sgrub mchod cig mdzad pa'i dus su

dpal rdo rje 'jigs byed kyi dkyil 'khor yongs su rdzogs pa dang/
dgra nag gshed dmar lha lnga'i dkyil 'khor dang bcas pa'i zhal
mngon sum du gzigs shing/ de'i dus su rgyal ba thams cad mkhyen
pas kyang yi dam gyi dbang

@008a @#/ /gsan pas sku las me 'bar zhing zhabs brdabs pas sa
g.yo ba dang/ dkyil 'khor yang me kha dog sna lnga pas bskor ba
sogs ngo mtshar ba'i ltas mang du gzigs gsungs/ re shig dpal
gsang ba

'dus pa la rtse gcig tu thugs dam snying por dril bas/ spre'u lo
zla ba lnga pa'i tshes brgyad kyi tho rangs bcom ldan 'das mi
bskyod rdo rje'i dkyil 'khor gyi zhal mthong lus dben dang ngag
dben la brten pa thob gsung zhing/ rje'i

zhal snga nas kyis kyang 'dus pa'i dbang zhus pa'i ye shes 'bebs
pa'i dus su/ bla ma 'di nyid sku 'od zer kha dog sna lnga'i rang
bzhin can du byas nas dkyil 'khor steng na phar 'byon tshur 'byon
mdzad kyag/ rdul tshon la mi gnod pa

sogs ya mtshan pa'i ltas du ma byung ngo/ /yang bka' las/ da ni
rmi lam la brtan pa thob nas 'bad med du zin par 'dug /khyad par
tshes bco lnga dang/ gnam gang la rmi lam gyi lus khyad par can
bzung nas thub chen

dang; byams pa/ rgyal sras 'jam dpal snying po sogs kyi spyan
sngar gso sbyong rgyun par byed cing chos mang du zhus/ gzhan
yang bde ba can dang/ 'og min stug po bkod pa dang/ mngon dga'
sogs longs sprul gyi

zhing khams mang po blta bar phyin pas/ zhing de dag gi rgyal ba
sras dang bcas pa yang mthong/ dbang dang byin rlabs dpag tu
med
pa yang dag par stsal/ bdag nyid kyis kyang lus tshad med par
sprul nas bdun rnam dag

@008b phul gsung/ dgung lo bdun cu don brgyad bzhes pa'i tshe
bcom ldan 'das 'khor lo sdom pa'i bsgrub pa zhig mdzad pa'i dus
su/ bde mchog lha drug cu rtsa gnyis kyi dkyil 'khor yongs su
rdzogs pa'i zhal gzigs

shing der gtso bos dbang bzhi rdzogs par bskur nas/ da myur du
mkha' spyod du 'byon pa'i 'dun pa thob zhes gsung gi snang bas
dbugs dbyungs pa brnyes/ de'i tshe rje btsun grub pa'i dbang
phyug gis kyang bde mchog gi dbang

zhus pas nang mchod kha dog lnga ldan du 'khol ba dang/ dkyil
'khor gyi steng du mda' gang tsam 'phags nas gar mdzad pa sogs
phul du byung ba'i ltas du ma zhig gzigs par 'dug /nyin gcig gi
tshe yab sras gnyis

kas dbus ri'i rtser phebs pa na/ spyan nam mkhar hrig hrig gzigs
shing thugs kar thal mo sbyor ba mdzad/ ci 'dra zhig mchis zhus
pas/ rgyal ba rdo rje 'chang la grub chen brgyad cus bskor nas
byin gyis brlabs pa'i

nyams shig shar gsung/ de nas dgung lo brgyad cu gya gcig bzhes
pa'i ston zhig /don du na/ dben dgon 'di nyid 'byung ba'i sa
gzhi byin gyis brlabs par 'dug kyang/ tha mal pa rnams kyi ngor
zhabs 'chag par

bsnyad de/ yab sras gnyis kas dbus ri'i rtse mor phebs pa na/
bdag nyid chen po 'di phyag gnyis thal mo sbyar nas dbu gug gug
pa lan mang du mdzad cing 'dug pa la/ rje nyid kyis de 'dra ci
yin zhus pas/ rgyal ba blo

@009a @#/ /bzang grags pa la rgya bod kyi mkhas grub mang pos
bskor nas byon/ byin gyis kyang brlabs gsung/ lan cig da ni dpal
mgon po yab yum dang/ dam can chos rgyal 'khor bcas kyis bran
bzhin

bka' nyan par 'dug gsung/ kho bos kyang sde dgon gyi bdag
spangs/ lto gos gtam gsum la gyong bskur/ lo 'dod dang khe grags
spangs nas sbas pa'i tshul bzung ste/ dge sbyor 'ba' zhig la
'bungs pas tshe yang ring du

slebs/ sems dben dang/ sgyu lus/ 'od gsal/ zung 'jug gi bar gyi
rtogs pa khyad par can 'di bzhin skyes pa yin no/ /khyod kyis
kyang tshe 'di don du gnyer ba'i mi'i kha la ma nyan par dben par
dge sbyor rtse gcig tu gyis

shig gsung/ mthar dgung lo brgyad cu gya lnga bzhes pa'i tshe/
tshor ba khe spogs grub pa'am/ ded dpon nor bu lon pa bzhin sku
dang ye shes nam mkha'i mdzod kyi 'byung gnas zung 'jug bde ba
chen po'i gnas la 'dod dgur

spyod pas phung po rnying pa la ltos pa med par ji ltar sprul
shun pa brje ba'am/ bsam 'phel gyi dbang po dag za ma tog gnyis
par 'pho ba ltar dge mtshan gyi ltas du ma dang bcas te mkha'
spyod du gshegs so/ /bdag nyid chen

pos rang nyid kyi sras la ji ltar stsal ba'i bka' yang dag pa
kho nar gnas so/ /zhes shes par bya ba'i phyir du bla na med
pa'i ye shes kyi za ma tog nyid zhugs la bzhen pas zhabs dar gyi
sbubs su sh'kya'i rgyal po'i

@009b sku zhu thigs las grub pa 'ja' tshon gyi ri mos kun nas
mdzes pa zhig /gsang bde 'jigs gsum/ kyai rdor dang bcas pa zhal
phyag yongs rdzogs/ rdo rje mi 'khrugs pa'i sku rnams lha bzo ba
mkhas pas mngon

par bsgrubs pa bzhin du rang byon du byon pas/ skye bo tha mal
pa de dag gis kyang skyes bu dam par ded rtogs te/ 'gyod cing
'jigs pa dang ngo mtshar ba'i yid gsum phan tshun 'gran pa bzhin
du gyur to/ /de yang mya ngan

las 'da' ba'i mdzad pa ma bstan gong du ni/ rje rang nyid dang
sras kyi thu bo nyid ma gtogs gdul bya tha mal pa gang gis
kyang/ bdag nyid chen po 'di'i yon tan gyi tshogs la lkog tu gyur
pa'i tshul 'chang ba kho na te/ gzhan lta

zhog sems dpa' chen po nyid kyi zhabs 'bring pa bsod bzang zhes
bya bas kyang sngon chad rang dang skal ba mnyam pa tsam las/
rang bzhin gyi dge ba'i bshes gnyen tsam du'ang mi spyod pas/
mthar ya mtshan pa'i ltas rnams

mthong ba na 'gyod pa'i mya ngan drag pos snying la zin nas/ 'di
ltar mgo bo bskor ba ces mchi mas brnabs shing cho nge drag po
bton zhes grag go /gong du ji skad smos pa'i lha sku rang byon
de dag ni/ rje grub pa'i dbang phyug

nyid kyang dben pa bstan pa'i bya bral gyi skabs yin pas rten
bzhengs sogs rgya cher ma mdzad/ 'on kyang sman 'dam las grub
pa'i rje nyid kyi sku rgyab mtho gang las che tsam zhig bzhengs
pa'i nang du bzhugs su gsol te/

@010a @#/ /da lta yang dben dgon gyi rten gyi gtso bor byin rlabs
kyi gzi 'od 'bar ba dang bcas par bzhugs so/ /de ltar dam pa 'di
nyid ni bla na med pa'i yon tan rin po che du ma'i gter du gyur
pa ste/ rgyal

ba blo bzang don grub nyid phyis rje 'di pa'i rnam thar gsung ba
na/ kho bo'i bla ma de rje chos kyi rdo rje dang 'gangs su che
su cher yod ces gsungs shes grag go /'dir smras pa/ gang thugs
baiDUr sa gzhi la/ /dus gsum

rnam 'dren mtha' dag gis/ /bsngags bya kun gyi rab dang phul/
/ye shes lha dbang gzugs brnyan shar/ /gang gis shAkya seng ge
yang/ /zla bas rin chen 'byung gnas ltar/ /'di yis bdag gi lugs
bzung zhes/ /

rab dgyes zhi ba'i dbyings su gzims/ /gdul bya'i bsam pa ji
bzhin me long ngos/ /gang gis ngo mtshar snang ba 'gyed pa ltar/
/snod kyis phye ba'i dal 'gro'i bzhin ras la/ /ri dwags mtshan
ldan 'dis kyang thig

le 'god/ /mi bzad srid pa'i rgya las rnam grol yang/ /gzhan
phyir mi 'dra'i thabs kyis rnam rol ba/ /rnam 'dren mdzad pa kho
na'i rjes 'gro yis/ /gzhan du dpag bya nam mkha'i padmo bzhin/
/chu skyes khong par

punda ri ka ltar/ /ngo mtshar kun gyi byed po tha mal gyi/ /zol
la brten tshe rang dang skal mnyam du/ /rtog pa'i skye bo 'di dag
mtshan mo 'dzin/ /mtha' yas gdul bya'i mos pa'i 'dab stong gis/
/ge sar phreng ldan

@010b skyed tshal de dang der/ /rmad byung sgyu 'phrul stong gi
b+hra ma ra/ /tha ma'i srid par 'phur lding mngon dgar mdzes/
/zhes pa 'di ni rje btsun skyabs mchog dpal bzang gi mdzad pa
phyogs tsam glengs pa'o// //blo bzang

pha mtha' bral ba'i mkha'/ /zab don nyi zla'i thig les sgeg
/lhun grub 'phrin las 'od ris brgyas/ /mdzes ldan srid gsum
khongs las rgyal/ /gang gi drin gyis lam bzang la/ /reg pa'i dam
pa de dag las/ /grub

pa'i gtam snyan gsar pa 'di/ /thos pa ji bzhin bdag gis spro/
/da ni rje btsun thams cad mkhyen pa dben sa pa chen po'i mdzad
pa'i phyogs tsam zhig rje btsun de nyid kyi seng ge'i sgras
'khor gyi tshogs la bka' stsal pa

dag ;bdag gis dpal ldan bla ma dam pa'i gsung las thos pa sgro
skur spangs te gtam du bya ba la nye bar zhugs so/ /de la grub
pa'i dbang phyug 'di nyid 'khrungs pa'i yul ni/ sngon dus 'o
skol kha ba can pa rnams kyi spyi rje

'phags pa 'jig rten dbang phyug rgyal po'i tshul bzung nas/ ye
shes sgyu ma sprul pas bzhengs pa'i g.yas ru gtsang 'gram bde
rgyas bye ma gling gi gtsug lag khang dang 'dabs chags pa na/
chu bo lo hi ta dal gyi 'bab

pa'i 'gram lha khung zhes bya ba'i yul gyi phu dben sa zhes pa
dam pa du mas byin gyis brlabs pa zhig go /rje 'di'i gdung rus
ni mdongs yin la/ khyad par 'di pa'i brgyud pa la dam pa mu tig
gi 'phreng ba ltar spel legs

@011a @#/ /su byon pa ni/ bla ma tshe'i rig 'dzin zhes pa gsang
sngags rnying ma'i lugs la chos mkhas shing grub pa skra dung
tshe khang sogs su rtse gcig tu bsgrubs pas dbu skra'i lan bu
lcags sgrog dngos

su gyur nas skye bo kun ngo mtshar du 'dzin pa dang/ khyad par
rdo rje rab brtan ma phyag rgyar gyur nas bran bzhin du bka'
bsgrub pa zhig byung zhing/ gzhan yang grub pa seng ge dang/
bstan pa rdor la sogs pa rig pa 'dzin pa'i sa brnyes

pa'i rnying ma'i sngags 'chang mang po dang/ bka' brgyud phyogs
kyi grub thob tu grags pa ras chen dpal 'byor bzang po ba rnams
byon la/ khyad par chos kyi rje bsod nams phyogs kyi glang po
zhes pa gzhon nu nas lha dang ye shes kyi

mkha' 'gros mtshams sbyar nas/ jo gdan bsod nams rin chen pa las
rab tu byung zhing/ paN chen chos kyi rgyal mtshan sogs dam pa du
ma yun ring du bsten pas mkhas pa'i dbang por gyur cing/ don du
gnyer ba du ma la

legs par bshad pa'i dga' ston rgya cher stsal nas nyan bshad
kyis kyang bstan pa'i rtsa lag tu gyur par mdzad/ phyis ni/ bzod
bya thos pa btsal bar bya/ /de nas nags su gnas par bya/ /zhes
gsungs pa'i don nye bar

bsgrub pa la zhugs te/ dben sa'i phur nyid kyi thugs dam rten
thub dbang grong khyer ma li ma khru gang pa cig yod pa des
lung
bstan cing/ rdzu 'phrul gyis nam mkha' la byon nas zhabs kyis
bcags pa'i sar chos 'khor dbus

@011b sdings kyi dgon pa btab/ thog mar skye dgu'i phan bde
sangs rgyas kyi bstan pa la rag las shing/ de yang lta spyod
rnam dag dang ldan pa'i dge 'dun la rag las par dgongs nas/ dge
'dun gyi sde zhig 'dzugs par dgongs

kyang phyi nang gi bar chad kyi rkyen cung zad la brten nas
bzhed pa bzhin ma 'grub pas/ nyid kyi zhabs 'bring du gnyug mar
gnas nas sde snod gsum gyi bka' lung ci rigs par nod pa'i sde
snod 'dzin pa bcu drug tsam yod pa yang

bkra shis lhun po dang/ dge 'phel sogs su 'gyed par mdzad nas/
rje rang nyid nang du zab don kho nar thugs gzhol bas yang dag
pa'i grub pa brnyes/ spyir yang 'chad rtsod rtsom gsum la 'gran
zla med pa'i blo'i snang ba can

zhig pas/ de'i tshe yang rje yab sras kyi gsung rab mtha' dag
gdams par shar ba la brten nas/ phyi rabs su dgos pa khyad par
can la dgongs pa'i sngags mtshan nyid so so la brten pa'i rtsom
pa dang/ gdul bya gzhan la

gdams pa gnang ba dang/ nyams mgur sogs nyid kyi brtsams chos
po
ti gnyis tsam 'dug pa rnams lung rigs kyis mtha' chod pas rgol
ba ngan pas ji tsam dpyad kyang klan kar mi 'gyur zhing/ tshig
sbyor phun sum

tshogs pa la don rgyal ba'i dgongs pa las gzhan du mi 'gyur ba
sha stag tu snang ba dngos cag gis kyang mngon sum bgyis shing
bstan du yang yod do/ /de ltar lung tsam du ma zad so so thar
pa'i ltung ba phra mos kyang

@012a @#/ /rnyog pa med par tshul khrims yang dag par bsdams pa'i
sku can/ byams pa dang snying rje'i rtsa ba can gyi smon pa'i
sems dang/ sems des kun nas bslangs pa'i 'jug sdom srog gi dbang
po

ltar bsrungs nas zab pa dang/ rgya che ba'i rgyal sras kyi lam
rnams las skad cig tsam yang mi g.yel bar/ rdo rje theg pa'i
sdom pa mchog dang ldan zhing rim gnyis kyi rnal 'byor las nam
yang mi g.yo bar goms

pa mthar phyin par gyur pa zhig go /de'i tshe nyid kyis thun
mtshams su sku khams seng ba'i phyir dris lan gyi tshul du chos
kyi rtsed mo la brten pa'i gsung byon pa 'di ltar/ bla ma dang
mgon po 'jam pa'i

dbyangs la phyag 'tshal lo/ /gdung skyob ljon pa'i drung na
mtshungs med bdag /gcig pur legs bshad sgra dbyangs sgrog pa'i
tshe/ /rab mdzes spu sdug gos gyon 'dab chags zhig /'dab ma'i
thal sbyar btud

de 'di skad lo/ /mkhas par rab grags grags pa'i 'od zer gyis/
/'gran 'dod yid kyi mun nag 'thug po yang/ /'phrog byed khyim du
kun nas 'jug byed pa'i/ /bshes gnyen khyod la tshig 'ga' gleng

bar byed/ /brjod bde bzung sla spel legs snyan tshig gis/ /gzhan
la legs bshad bstan par 'dod na yang/ /rgyal sras sbyin 'dod
slong bas dben pa ltar/ /nyan 'dod med tshe thugs chad ma gyur
tam/ /

@012b rnam dpyod blo gros lang tsho rab rgyas kyang/ /zang zing
chu skye 'phreng bas ma spud pas/ /yid 'bab lha mos spangs pa'i
'dod lha bzhin/ /'khor med gcig pur skyo bar ma gyur tam/ /mkhas
rnams dga' ba'i yon

tan dang ldan yang/ /sbrul gdug 'khyil ba'i tsan dan ljon pa
ltar/ /cha lugs ngan pas skye bos spangs pa'i tshe/ /rang gi chos
la thugs chad ma gyur tam/ /gsung rab dgongs don 'di yin nges
med kyang/ /gos

bzungs kyis spud bcos ma'i bshes gnyen gyis/ /brdzun dang g.yo
sgyu'i sbyor bas yid drangs te/ /mang po 'dus la yid g.yos ma
gyur tam/ /rtsom 'chad rtsod pa'i kha zas g.yos legs rnams/
/brtse bas

lus can yongs la btab na yang/ /sa 'og gter bzhin gzhan gyis ma
mthong tshe/ /'gro 'di skal ngan snyam du ma dgongs sam/ /lung
rigs sbyor bas blo gros stobs rdzogs pas/ /bde gshegs bstan pa'i
sa chen

'degs 'dod kyang/ /g.yul ngor rang phyogs byer ba'i dpa' bo
ltar/ /grogs med gyur pas blo gros ma zhum mam/ /lhag bsam gzhan
phan mkha' la 'phur 'dod kyang/ /longs spyod 'dod pa'i 'dab
gshog ma

rdzogs shing/ /'byor ldan mang pos bsten par ma byas pas/ /dbul
por gyur tshe gdung bar ma gyur tam/ /rnyed par dka' ba'i rin
chen bai DUrya/ /mkhas pa'i ded dpon drung na mi gnas par/
/blun pos mching bu'i

@013a @#/ /tshogs dang lhan cig tu/ /bskrun par gyur tshe rin chen
mi 'gyod dam/ /skyes stobs blo gros lus stobs rab gsal ba/ /lung
rigs lha gnas mgon du gyur pa khyod/ /dam chos bdud rtsi'i ro la

mngon dga' bas/ /rab rmongs lha min phrag dog mi byed dam/
/'phongs par gyur kyang mkhas pa mi ngal zhing/ /longs spyod dar
la blun po'ang mgu mod kyi/ /chos tshul dor nas zang zing don
gnyer ba/ /de 'dra'i tshul

la thugs kyis ma khrel lam/ /snyigs dus skye bo shin tu 'dul
dka' bas/ /don du bab kyang phan thogs nges ma mchis/ /de bas
dben par rang nyid gsung rab kyi/ /don gyi snying po btsal na mi
legs sam/ /de skad

smras nas 'dab chags yid 'ong des/ /gus ldan slob ma'i tshul du
thal sbyar te/ /'dod ldan na chung bzhin bzangs mthong ba bzhin/
/'dzum pa'i spyan gyis bdag la blta bzhin 'dug /de'i tshe bdag
gis snying la

'bab pa'i tshig /spel legs gang de'i lan de 'di skad smras/ /'dab
bzangs khyod kyis brtse bas bris pa'i lan/ /cung zad brjod kyis
rna ba blags ste nyon/ /tshong dus dbus na zong ngan brin pa
ltar/ /zas gos

'tshol la don gnyer mang mod kyi/ /yid bzhin rin chen nyo ba dkon
pa ltar/ /mkhas pa'i legs bshad don gnyer shin tu dkon/ /legs
bshad dag gi gar gyis rnam rol zhing/ /rtsod pa'i rol mo rnam
mang

@013b bsgyur la mkhas/ /snyan ngag glu yi dbyangs la yid chags
pas/ /gcig pur gnas kyang mi skyo dga' ba 'phel/ /nam mkha'i
'ja' tshon rgyan du re ba ltar/ /cha lugs mdzes na blun po mgu
mod kyi/ /ngo tsha dor nas

rgyan la gtsor 'dzin pa'i/ /'phyon ma'i rnam thar kho bos ring
du spangs/ /rgya mtsho'i nang na dud 'gro khyu che zhing/ /kla
klo'i yul na blun po 'khor mang yang/ /ba glang skyong bzhin
blun pos blun po ni/ /yongs su bskor la

mkhas pa su zhig smon/ /skyes stobs blo gros rab dkar mtshungs
med la/ /bshes gnyen bzo sbyongs mkhas pas legs sbyangs pa'i/
/lung rigs tshon gyi ri mo yid 'phrog kyang/ /blo mig ldongs pa'i
skye bos mthong ma

lags/ /thub pa'i bstan pa nub tu nye ba na/ /chos bzhin bsgrub
la grogs byed dkon na yang/ /lha dbang gcig pus lha min dpung
'joms ltar/ /grogs med gyur pas slar yang blo'i stobs 'phel/
/'phongs kyang chos don

gnyer la bla ma yis/ /legs bshad dga' ston bgo skal ma chad na/
/zang zing 'byor pa'i sbyin po ma rnyed kyang/ /log shes skye
bos gdung bar ga la 'gyur/ /rab mdzes lha yi gar mkhan 'khyug pa
dang/ /mi sdug spre'u zlos

gar byed pa gnyis/ /rab rmongs byis pa'i drung na khyad med
kyang/ /shes ldan mkhas pa'i drung na mtshungs pa min/ /rang nyid
yon tan 'tshol la mi brtson par/ /gzhan rgyud yon tan mchog gis
mdzes pa la/ /mi dga'i yid

@014a @#/ /kyis phrag dog byed pa 'di/ /byis pa rnams kyi ngang
tshul ma yin nam/ /kun tu rmongs pa'i mun nag cis 'byin cing/
/bdud dpung skar tshogs bcas pa zil gnon pa'i/ /sangs rgyas bstan
pa nyi

ma'i dkyil 'khor la/ /skye bo phal cher 'byung po'i bya bzhin
rgyu/ /dus mtha'i skye bo blo chung shes rab dman/ /thos la mi
'dun bshes gnyen ngan pas khrid/ /nyon mongs kyis dkrugs 'dod
yon la chags pas/ /mkhas

pa'i rjes 'brang shes 'dod blo gsal dkon/ /blo ldan don gnyer
'ga' zhig yod na yang/ /'chad po mkhas rmongs rnam dbye mi dpyod
par/ /rgan po longs spyod ldan dang gos bzang can/ /kha drag
mthun 'jug mkhan la

brten par byed/ /snyigs dus chos smra'i bshes gnyen phal cher
yang/ /rnyed dang bkur sti'i ro la mngon dga' zhing/ /shes kyi
khe dang g.yog 'khor don gnyer ba/ /'byor na dregs shing rgud
na gdung ba 'phel/ /'on kyang rang

blo grol ba don gnyer bas/ /gcig pur dben par chos don brtson
par dga'/ /de lta mod kyi mang thos mig med par/ /chos don 'tshol
la kho bo yid ma ches/ /de slad mdo dang rgyud sde rgya mtsho'i
don/ /chos brgyad spangs te

rtse gcig bsgrub par smon/ /zhes bya ba la sogs pa'i gsung byon
par yang snang/ mthar mya ngan las 'da' ba'i mdzad pa bstan pa
na/ nam mkha' las rol mo'i sgra dang/ me tog phub tsam gyi char
chen po babs pa la sogs

@014b pa'i rnam par thar pa ngo mtshar ba dang ldan pa'i dam pa
de nyid kyang rje 'di'i mes po yin no/ /de lta bu'i dam pa'i
rigs su yab bsod nams rdo rje zhes grags pa ya rabs kyi spyod
tshul gyi gzi byin du mas mdzes pa dang/ yum dpal

'dzom skyid zhes pa gzugs dang lang tsho phun sum tshogs pa'i yab
yum de gnyis kyi sras su bsams bzhin du khro bo zhes pa shing mo
glang gi zla ba dang po'i dkar tshes bcu la ngo mtshar ba'i ltas
dang bcas te sku bltams/

bltams ma thag tu ma gyur sems can thams cad snying re rje oM
ma Ni padme hUM/ zhes yi ge drug pa'i sgra bsgrags pas/ yum
gyis 'di ltar skyes ma thag tu gtam smra ba ni mi rigs pa'o
snyam du mi gtsang ba'i rang bzhin gyi

gdan hrul gyis bdag nyid chen po'i dbu la g.yogs te bzhag /de'i
stobs kyis mthar na tshod mnyam pa'i byis pa gzhan dag gtam smra
ba la mngon du phyogs pa'i tshe dam pa 'di'i gsung 'byin dka' bar
gyur cing/ ljags

'thon dang zhal 'chos kyi rnam pa de yang dngos su de la brten
nas byung bar rje rang nyid kyis gsungs gsung/ de ltar yang
bstod pa las/ skal bzang yum gyi lhum zhugs bltams pa'i tshe/
/'gro la brtse ba'i snying rje'i sgra dbyangs

bsgrags/ /grub pa'i gdung mchog 'dzin pa'i dben sa pa/ /blo
bzang don grub zhabs la gsol ba 'debs/ /zhes gsungs pa ltar ro/
/de nas dge 'phel gyi mkhan chen legs blo pas mtshan mgon po
skyabs su btags/

@015a @#/ /byis pa'i gnas skabs su yang gzhon nu kunda ltar dkar
zhing yid du 'ong ba blta bas chog mi shes pa/ nyon mongs pa
dang 'dres pa bag med pa'i spyod tshul rgyang bsrings shing/ ya
rabs dam pa'i mdzad pa

dang mthun par ston pas/ skye bo kun gyis mthong na dga' zhing
'grogs na bde ba zhig yod la/ lo lnga drug tsam bzhes pa na/ ma
yar mo shin tu sdang ba'i bsam sbyor dang ldan pa la/ 'di lta
bu'i sems can ma rungs pa dang

'grogs pa ni rang gzhan gyi dge ba'i chos nyams par byed pa'o/
/snyam du thugs la brnags te yul de'i shar phyogs na sa phug
gzhan gyis brnyed dka' ba zhig yod pas/ bdag nyid gcig pur zhag
lnga drug tsam re bsdad

pas yang yang 'tshol dgos pa zhig yod gsung/ gcig tu dben pa la
mngon par dgyes pa zhig de 'dra ba'i gzhon nur gyur pa nyid nas
rang 'khrungs su yod cing/ de dus nas bcom ldan 'das thub pa'i
dbang po dang/ rgyal

ba 'jam dpal snying po'i zhal gzigs shing/ byin gyis brlabs pa'i
snang bas dus 'da' ba dang/ dgung lo brgyad bzhes pa na/ nub
gcig seg ri'i rtse nas zla ba'i dkyil 'khor nya gang ba cig shar
byung bas rang nyid kyi sku la

dar dkar gyi gos dang rin po che'i rgyan gyis brgyan/ rdor dril
'dzin pas zla ba de la bzhugs te dril bu gsil ba'i sgras 'jig
rten gyi khams khyab pa cig rmis gsungs te/ bstod par/ bla ma
mchog dang lhag pa'i lha rnams kyis/ /

@015b 'gro ba'i dpal mgon mchog tu nyer gzigs nas/ /gzhon nu'i
dus nas byin brlabs dben sa pa/ /blo bzang don grub zhabs la
gsol ba 'debs/ /zhes gsungs so/ /de nas sngon lan cig ma yin par
goms pa'i bag chags

bzang po'i mdza' ba yongs su brtas pas/ /'khor ba mtha' dag me
'bar ba'i klong ltar gzigs pa'i nges 'byung gi bsam pa shugs
drag pos rab tu byung ba'i thabs ji ltar zhes nyin bzhin bsams
pas/ mthar dgung lo bcu

gcig bzhes pa'i dgun/ chos 'khor dbus sdings kyi dgon par chos
rje lha ri rtse pa grags pa don grub pas mkhan po dang/ zhal
snga nas tshul khrims rin chen pas slob dpon mdzad/ gnas brtan
chos kyi rgyal mtshan dang/ rab

'byams pa legs pa sogs kha skong bar 'os pa dad pa'i dge 'dun
yongs su rdzogs pa'i dbus su khyim nas khyim med par rab tu
byung ste mtshan yang blo bzang don grub ces bya bar gsol te/
bstod par yang/ rje btsun dam pa grags

pa'i mtshan can gyis/ /blo bzang don grub ces byar mtshan gsol
nas/ /bstan la rab tu byung mdzad dben sa pa/ /blo bzang don
grub zhabs la gsol ba 'debs/ /zhes gsungs pa ltar ro/ /de ltar
lha dang bcas pa'i 'jig rten mtha'

dag gi yon gnas dam pa thub pa'i dbang po gnyis pa lta bur gyur
cing/ de'i tshe mkhan slob dge 'dun dang bcas pa yang rab ston
gya nom pa'i 'bul nod yang dag pa dang bcas pas tshim par mdzad
do/ /de ltar yang rang nyid kyi

@016a @#/ /gsung las/ phag lo rta zla'i tshes bcu la/ /so so thar
pa'i sdom pa blangs/ /sangs rgyas bstan la zhugs pa dang/ /ngur
smrig rgyal mtshan bskon pa mnyam/ /zhes gsungs/ de dag la 'di
skad ces bya

ste; gangs khrod dge mtshan gsar pa'i zla tshes ni/ /nya gang ri
bong 'dzin par bsgyur ba'i thabs/ /thugs rje'i dbang po'i ye
shes sgyu 'phrul gyis/ /ngo mtshar thig le bkra ba'i gtsug lag
khang/ /gang dang 'dabs chags

klung chen lo hi ta/ /pa tra'i 'dzum 'khyil ltar 'bab nyi ma'i
bu'i/ /phyogs kyi rin chen brgya phrag 'dzin ma'i gzhir/ /sa le
sbram gyi 'phreng ba ltar mdzes pa'i/ /dam pas rim bzhin bzung
ba'i rigs su ni/ /don kun grub

pa gzhan bzhin skal bzang byas/ /gang gi thabs kyi rdzing la
shes rab 'phan/ /shugs drag brtson pa'i dri gzhon gyis bskyod
pas/ /mi bzang 'khor ba lha la'i sA ga ra'i/ /pha rol thams cad
mkhyen pa'i gling son kyang/ /

ngal ba brgya phrag gis rtsen lus can don/ /ngo mtshar sprul pa'i
gar gyis mngon dgyes pa/ /dam pa rnams kyi spyod tshul e ma
mtshar/ /bung ba gzhon nu kha che'i skyed tshal las/ /'dab brgya'i
tshal dbus gzhan du 'jug

pa ltar/ /thabs la mkhas pas bdag nyid chen po rnams/ /bsams
bzhin rgyud lnga'i srid du ci yang 'jug /de yang blo bzang rgyal
ba gnyis pa yi/ /dgongs don skal bzang rnams kyi dga' ston du/
/grub pa mchog ster

@016b bla na med pa gang/ /rgyal kun mkhyen brtse'i pir gyis
bris pa bzhin/ /nyon mongs 'dod pa'i rang bzhin byis pa'i sems/
/mi gtsang mngal gyi rgya dang lhan cig grol/ /tshe rabs du mar
yongs su 'dris byas pa'i/ /thar pa'i lam dang

rjes mthun yon tan tshogs/ /skye bas thob pa'i ngo mtshar ci yang
'dzin/ /skyes tsam nyid nas snying rje'i dad can gyis/ /snying
po'i rgyud mngas lha bcas 'gro ba yi/ /rna ba'i bcud len bzhin
du legs par bsgreng/ /gzhon nu nyid

nas yid kyi me long ngos/ /lha dang bla ma'i snang bas mngon
rtsen zhing/ /byin rlabs lha yi chu bo brgya phrag gis/ /yid kyi
bum bzang yangs pa rnam par spangs/ /lang tsho gsar pa'i padmo
ches phra yang/ /snying stobs ze'u 'bru rgod pa'i

dga' tshal du/ /nges 'byung sbrang rtsi'i zil dngar bcud chags
pas/ /spong sems bung ba'i 'phur lding rol pa 'dzin/ /bla gos
thun mtshams dra ba'i lhab lhub ni/ /gang sku gser gyi sa 'dzin
la chags pa/ /mthong ba'i mod la

mtho ris dbang po yang/ /ya mtshan mig stong phye nas blta ba
bzhin/ /zhes bya'o/ /de nas dbyar chos la dge 'phel du phebs pa
na/ slob dpon tshul rin pas tshul khrims sgang gi gdan sa bzhag
ste 'bras spungs la phebs pa dang

thug nas/ 'bras spungs su mkhan po dang slob dpon rin po che'i
zhabs phyir bsnyags te byon/ de nas dbyar ston sbrel nas bzhugs
te chos spyod kyi rim pa ci rigs pa thugs la chud par mdzad/ rje
lha ri ba la byang chub lam gyi rim pa

@017a @#/ /dang; dpe chos rin spungs sogs kyi bka' chos du ma
dang/ dpal ldan dus kyi 'khor lo dang/ bcom ldan 'das rdo rje
'jigs byed kyi dbang bzhi yongs su rdzogs pa'i bka' drin yang
dag par nos nas/ rdo rje

theg pa'i sgo nas dang por smin par mdzad de g.yul thon mtshams
su dben sar phebs/ slar ri bo dge 'phel du chos kyi rje blo gros
rgyal mtshan pa'i drung du gsang ba 'dus pa mi bskyod pa'i dbang
bzhi/ rtsa sngags kyi lung/ rdo rje mi

'khrugs pa'i dbang rjes gnang/ gzungs kyi lung dang bcas pa/
sman bla'i rjes gnang lung dang bcas pa/ snar thang brgya rtsa'i
rjes gnang lung dang bcas pa yongs su rdzogs pa gsan/ de'i dgun
bkra shis lhun por zhabs rdul nye bar bkod nas 'jam pa'i

dbyangs blo bzang bshes gnyen pa'i drung du sdus ra brtsi ba
dang gzhung dang chos spyod mang po'i lung yang dag par nos/
de'i tshe thog mar nyin gcig tsam zhig sbyor ba brtsi ba sogs la
thogs pa med pa'i spobs pa mthu can

du gyur kyang/ phyis ni chos brgyad kyi rol rtsed la rgyab kyis
phyogs pa smyon pa lta bu'i brtul zhugs kyis gnas nas gzhan dag
gis thos bsam gyi sbyor ba la bskul ba'i bdag rkyen nye bar
bsgrubs kyang/ don skad cig kyang nyams

su mi len pa'i tshig gi sbyor ba kho na la lhur len pa la snying
po rang ci yod/ chu'i lbu ba dang mtshungs pa'i tshig 'phreng dag
ni nyin re bzhin zlos bur smra ba kho na'o/ /zhes rig pa'i brtul
zhugs kyi seng ge'i sgra chen po

@017b bsgrags/ don 'di ni/ bdag nyid chen po rang nyid tshe rabs
du mar goms pas lung gi chos kyi bdag por gyur pas/ sku tshe 'dir
thos bsam gyi sbyangs pa la mi ltos pa dang/ nyams len med par
ltar snang gi tshig 'khri la snying

por 'du shes pa'i rtog ge pa rnams dpa' skong bar mdzad pa dang/
gcig tu rgyal ba dgyes pa'i lam bzang bsgrubs pas/ snying po'i
bstan pa phyogs mthar spel bar mdzad pa la dgongs pa'o/ /de nas
slar yang/ dge 'phel du

rje blo gros rgyal mtshan pa la/ kun mkhyen stobs 'bar 'od zer
gyis mdzad pa'i 'dul ba'i bslab bya/ rje btsun tsong kha pa'i
rnam thar sogs kyi lung du ma gsan/ gzhan yang/ gnas der chos
kyi rje thub bstan rnam rgyal ba'i

drung du/ spyan ras gzigs bcu gcig zhal/ thugs rje chen po phyag
bzhi pa/ dzam la dmar po yab yum/ mgon po'i bka' chen bcu gsum
du grags pa'i rjes gnang/ lung man ngag dang bcas pa/ chos rgyal
phyi nang

gsang gsum/ gtum po khyung lnga'i lung man ngag dang bcas pa/
nam mkha' sgo 'byed/ tshe ring mched lnga'i dbang dang/ 'jam
dbyangs mgon po'i gcod gzhung Tikka dang bcas pa sogs gcod kyi
gdams pa du ma dang/ rje bla

ma nas brgyud pa'i nA ro'i chos drug gi 'khrid/ gsang 'dus rim
lnga'i 'khrid lag rjes/ paN chen chos rgyal gyi bsre 'pho/ phyag
rgya srog rtsol gyi gdams ngag sogs yig chung du ma dang/ 'pho
'khrid chen mo/ ni gu chos drug

@018a @#/ /gi 'khrid/ lha mo shra ma Na'i sgrub thabs/ mkha' 'gro
seng gdong can/ dpal ldan dmag zor rgyal mo/ gur zhal/ phyag
bzhi pa/ rnam sras/ gnod sbyin beg tse rnams kyi rjes gnang/
snying po bzlas

lung dang bcas pa gsan no/ /de yang bstod par/ gcig tu snying
po'i don la gzhol ba'i thugs/ /mchog tu gyur pas mkhas grub
gzhan las kyang/ /gdams pa'i bdud rtsi mang gsol dben sa pa/
/blo bzang don grub

zhabs la gsol ba 'debs/ /zhes gsungs pa ltar ro/ /gzhan yang/
bla ma rje btsun skyabs mchog pa'i drung du/ gsang bde 'jigs
gsum gyi dbang yongs rdzogs/ mgon po chos rgyal/ bcu gcig zhal/

don zhags/ gtum po khyung lnga rnams kyi rjes gnang bzlas lung
dang bcas pa/ grub rgyal lugs kyi tshe dbang la sogs pa mdo
sngags kyi legs par bshad pa yongs su rdzogs pa zhus shing/ bla
ma dang yi dam dbyer mi

phyed pa'i ye shes kyi dkyil 'khor dngos su gzigs pa dang/ ngo
mtshar ba'i ltas du ma gzigs pa ni sngar brjod ma thag pa ltar
te/ bstod par/ 'jam dbyangs bla mas dbang bskur byin rlabs tshe/
/rdzu 'phrul dag pa'i

snang ba dpag med dang/ /bla ma lhag pa'i lhar gzigs dben sa pa/
/blo bzang don grub zhabs la gsol ba 'debs/ /zhes gsungs so/
/rgyu mtshan de dag las na/ rje btsun 'di nyid bka' drin che ba'i
bla ma gcig tu mdzad

@018b do/ /de nas dgung lo bcu bdun bzhes pa na/ phyogs kun tu
'brum nad kyis khyab cing/ rje nyid kyang sku 'brum gyis mnyel
cing yod pa la/ nyin gcig chab sgor rten 'brel bstod pa kha bton
du byed pa gcig 'dug pas/ slong mo

ba zhig go snyam gzigs pa na/ dge slong smra ra dkar po'i ag
tshom can/ phyag dar khrod kyi chos gos gsol ba/ shin tu dad pa
'dren pa cig 'dug pas/ nang du spyan drangs pa na/ des kyang don
du 'gyur ba mkhyen nas/ cha

rkyen dang 'tshams par bsnyen bskur ba yang bdag gir mdzad do/
/de skad du yang bstod par/ khyad par ngang pa'i rgyal pos pad
mtshor bzhin/ /rtogs pa'i mnga' bdag d+harmA badzra zhabs/ /bsams
bzhin yongs dag skyes bu

khyod drung phebs/ /dang po'i rten 'brel legs 'grig dben sa pa/
/blo bzang don grub zhabs la gsol ba 'debs/ /zhes gsungs pa ltar
ro/ /de nas bdag nyid chen po'i thugs la/ 'di ni grub pa mchog
gi dngos grub

brnyes pa zhig gor ma chag go /snyam du dgongs te/ bstod pa las/
de nyid tshul la legs par brtags pa na/ /gsang ba'i mdzod 'dzin
chos kyi rgyal mtshan gyi/ /thugs sras mchog tu legs gzigs dben
sa pa/ /

blo bzang don grub zhabs la gsol ba 'debs/ /zhes gsungs pa ltar/
gdams pa'i gter du gyur pa'i grub pa mchog tu gzigs nas/ rjes su
'dzin par zhus pas/ des kyang gnang ste/ rigs kyi cod pan du
gyur nas

@019a @#/ /thun mong ma yin pa'i snyan brgyud kyi gdams pa yongs
su rdzogs pa gnang nas/ bdag nyid chen po'i lung rtogs kyi lus
stobs yongs su rdzogs pa rgyas par mdzad do/ /ji skad smos pa de
ni rje btsun

chos kyi rdo rje yin la/ 'di'i rnam par thar pa ni/ thun mong ma
yin pa'i dbang du byas na/ ston pa sangs rgyas 'jig rten du byon
pa'i dus su/ byang chub tu thugs bskyed/ de nas bzung ste/ mkhas
pa dang grub pa'i rnam

par rol pas bstan pa dang 'gro ba'i don tshad med par mdzad cing/
khyad par/ jo bo lha gcig gi bla ma a wa d+hU tI pa dang/ 'gro
ba'i mgon po chos rgyal 'phags pa sogs dam pa'i skye ba nye bar
brgyad pa'i rnam par thar

pa bsam gyis mi khyab pa dang ldan par rje grub pa'i dbang phyug
nyid kyis lung bstan pa ltar/ bstod pa las/ dgyes shing sras
bcas rgyal ba'i sbyan snga ru/ /bden tshig smon lam dpag med
mchog bsgrubs pas/ /

mkhas dang grub pa'i rnam rol bgrang yas kyis/ /'dzam gling
mdzes mdzad khyod la gsol ba 'debs/ /kun spangs nyin byed mkhyen
brtse'i 'od stong gis/ /phul byung pad dkar dbang po zhal phye
nas/ /zab don sbrang rtsi

rgyas mdzad skal bzang can/ /rkang drug tshogs kyi dpal la gsol
ba 'debs/ /chos kyi rgyal po'i ring lugs mchog bzung nas/ /rgya
bod dad can 'phags pa'i gnas bkod cing/ /gangs can 'dod dgu'i
dpal gyis

@019b tshim par mdzad/ /dngos grub 'byung gnas mchog la gsol ba
'debs/ /zhes gsungs pa ltar ro/ /sku tshe 'di'i dbang du byas
pa'i mdzad pa ni/ /thugs rje chen pos gdul ba'i dus nye bar
gzigs te/ bsams bzhin du

shar tsong kha dang khad nye nas/ kun dga' rgyal po dang/ dpal
'dzom zhes bya ba'i bya bral pho mo gnyis dbus gtsang gi gnas
bskor la 'ongs pa'i lhums su zhugs te/ rta nag rdo rje gdan du
slebs pa na/ glang gi lo la khyi'u

zhig btsas so/ /de skad du yang bstod pa las/ bde chen thugs
rjes 'dul ba'i dus la gzigs/ /slar yang rig 'dzin dbang po'i
lhums su zhugs/ /rdo rje gdan mtshungs grub pa'i gnas mchog tu/
/bsams bzhin

bltams pa khyod la gsol ba 'debs/ /zhes gsungs pa ltar ro/
/dgung lo bcu gcig 'gro ba na/ dge ldan rnam par rgyal ba'i
gling du phebs/ de'i tshe/ paN chen rin po che chos kyi rgyal
mtshan la ye shes mkha' 'gros lung

bstan pa bzhin/ yab yum gnyis la 'jig rten dang mthun pa'i bya
dga' dpag tu med pa gnang nas rab tu byung/ mtshan yang chos kyi
rdo rjer btags nas lo lnga'i bar du sras kyi thu bor bzung ste/
gsang bde 'jigs

gsum/ dus 'khor sogs kyi dbang lung 'khrid man ngag dang bcas pa
grags che ba phal cher dang/ khyad par/ rgyal ba tsong kha pa
chen po'i thugs bcud mthar thug pa'i man ngag snyan brgyud zhal
shes/ glegs bam dang bcas

@020a @#/ /pa gnang/ 'di dag mkha' 'gros lung bstan pa'i skal
ldan gyi slob ma re re tsam ma gtogs/ 'di 'dra yod pa'i gtam
tsam yang ma smra zhig /ces pa'i bka' rgya shin tu dam pa btab
ste/ nyams len dang

'gro phan 'di ltar gyis kyi bka' stsal yang legs par gnang ngo/
/de ltar yang bstod pa las/ de nas ye shes mkha' 'gros lung
bstan bzhin/ /grub pa'i dbang phyug chos kyi rgyal mtshan gyis/
/ngur smrig gis klubs chos kyi

rdo rje zhes/ /mngon par mnga' gsol khyed la gsol ba 'debs/
/mgon de'i zhabs zung ring du gus bsten nas/ /thugs kyi bcud
phyungs zab lam bdud rtsi'i rgyun/ /ma lus rdzogs par gsal bas
mgon po khyod/ /

sras kyi thu bor gyur la gsol ba 'debs/ /zhes gsungs pa ltar ro/
/de nas 'bras spungs su mkhas pa bde legs stobs ldan pa'i spyan
sngar dbu phar la sbyangs pa mthar phyin pa mdzad/ chos grwa
der
rje dpon blo bzang

nyi mas mkhan po dang/ chos rje bde legs stobs ldan pa la slob
dpon zhus/ dge slong gi dngos po bzhes te/ bcas mtshams phra
zhing phra ba yang srog gi dbang po ltar bsrungs te gnas brtan
'dul ba 'dzin pa chen por

gyur; gzhan yang/ 'jam dbyangs smon lam dpal la yang mdo sngags
kyi chos bka' rgya cher zhus/ de rjes gtsang phyogs su phebs te/
'dul ba 'dzin pa blo gros sbas pa la/ 'dus pa'i 'khrid lag rjes/
yig chung

@020b thor bu ba/ lam rim gyi 'khrid rim/ mgon po zhal dang/ lha
mo dmag zor gyi rjes gnang rnams gsan/ de ltar mkhas pa dang
grub pa mang du bsten nas thos pa rgya mtsho'i pha rol tu son/
dus re zhig gi tshe/ paN chen chos kyi rgyal

mtshan gyi bka' drin dran te/ rigs gsang chen rgyal ba rdo rje
'chang/ /rje sku bzhi'i ngo bo ba so ba/ /mtshan yongs su grags
pa'i chos rgyal zhabs/ /pha rtse gcig dran pas gsol ba 'debs/
/gnas 'khor ba'i rgya mtsho gting zab

cing; ;blo ma rig 'khyags pa'i sbubs chud na/ /rje zab don
mkhyen pa'i 'od zer gyis/ /nyams bde stong rtogs pa sbar du
gsol/ /dus snyigs ma'i skye 'gro yongs kyi mgon/ /lar bsams kyin
rje btsun sprul pa'i sku/ /mi kho bo'i

gtsug rgyan chos kyi rje/ /yid gdung shugs drag pos gsol ba
'debs/ /rang gces par 'dzin pa'i tsha gdung 'dis/ /byams snying
rje rgyas pa'i lo thog bsreg /rje byang chub sems kyi sprin chen
las/ /gzhan gces 'dzin char rgyun

phab tu gsol/ /ces pa'i mgur yang bzhes/ /de nas bla ma paN chen
gyi bka' bzhin du/ gangs dang/ ri sul dang/ nags khrod sogs skye
bos dben pa'i sa phyogs du mar rgyu zhing /khyad par/ padma can
la sogs pa grub pa'i gnas rnams

su bsgrub pa snying por mdzad pas/ chos kyi rgyal po tsong kha
pa chen po'i zhal gzigs/ thun mong dang thun mong ma yin pa'i
snyan brgyud kyi gdams pa yongs su rdzogs pa gnang ste/ bstod pa
las/ rje btsun chen po ma ti b+ha tra sogs/ /

@021a @#/ /dngos su zhal gzigs byin rlabs mchog thob pas/ /zab
rgyas chos kyi dpal la dbang 'byor nas/ /gdams pa'i gter chen
gyur la gsol ba 'debs/ /zhes gsungs so/ /de nas ring po ma lon
par

rje btsun phyag na padmo'i zhal mngon sum du gzigs pas rkyen
byas te/ phyogs bcu'i rgyal ba rab 'byams ma lus pa'i rang gzugs
bla ma 'di'i ye shes kyi me long la dngos su shar bar gyur te/
bstod pa las/ phyag na padmos

dngos su byin brlabs pas/ /ma lus rgyal ba'i 'khor lo gsal bar
gzigs/ /dngos grub rgya mtsho'i dpal la dbang 'byor bas/ /don
gnyis lhun grub khyod la gsol ba 'debs/ /zhes gsungs/ de nas
slar yang

zab lam rim pa gnyis kyi rnal 'byor la brtson par mdzad pas/
zung 'jug rdo rje 'chang gi go 'phang brnyes te/ sku tshe'i rig
'dzin thob nas nam mkha' ji srid kyi bar du 'gro ba'i don mdzad
cing bzhugs so/ /zhes tshad mar

gyur pa las thos so/ /de ltar yang bstod pa las/ de nas mkhas
dang grub pa mang bsten cing/ /padma can sogs grub pa'i gnas
rnams su/ /chos kun snying po rtse gcig nyams bzhes pas/ /grub
pa mchog brnyes

khyod la gsol ba 'debs/ /zhes dang/ brgya phrag las lhag lor ni
bstan pa bskyangs/ /'chi med dba' bo mkha' 'gro'i gtsor bzhugs
nas/ /nam mkha' ji srid skal ldan 'gro ba 'dren/ /'phrin las kun
tu dge

@021b la gsol ba 'debs/ /zhes gsungs pa ltar ro/ /de lta bu'i
bla ma grub thob des/ thog mar bkra shis rdzong dga'i phu'i 'gar
mo chos rdzong du dus 'di tsam la shog ces bka' gnang/ phyis
'brum bu'i mnyel gzhi las grol nas

bla mas lung bstan pa'i dus de rgya mtsho'i rlabs ltar mdzad/
dben gnas der/ bla ma de nyid mnyes pa gsum gyis mnyes par
bsgrubs pas rjes su bzung zhing dbang bskur/ thun mong ma yin
pa'i snyan brgyud kyi gdams pa

yongs su rdzogs pa'i sbrang rtsi bdag nyid chen po'i blo gros
kyi bung ba'i dga' ston du gyur te/ bstod par/ de nas de nyid
zhabs gtugs gsol btab pas/ /blo bzang gdams pa'i snying po ma
lus stsol/ /snyan brgyud gdams

pa'i gter gyur dben sa pa/ /blo bzang don grub zhabs la gsol ba
'debs/ /zhes gsungs pa ltar ro/ /de nas chos brgyad sogs phyi
nang gi spros pa btsan thabs su bcad de dben pa'i gnas rnams su
zab lam snying po'i rnal

'byor las skad cig kyang g.yel ba med par/ shugs drag rgyun mi
'chad pa'i goms pa bsrings to/ zhabs rdo rje skyil krung bcas
pa'i sku sha rul pa la lci ba'i thal ba 'jam po btab/ gzhan bcos
sogs ma mdzad par thugs dam

la slar brtson pa cher mdzad pas/ ring po ma lon par dran shes
kyi 'bad rtsol la ma ltos par nyin mtshan 'khor mo yug du mnyam
par 'jog nus pa'i ting nge 'dzin ni brnyes/ de la brten nas 'dod
pa'i nyon mongs mngon gyur mgo

@022a @#/ /gnon nus pa dang/ rims kyis sems dge ba la 'jug mi nus
pa'i mtsher ngad kyi rnam pa bsangs te/ dge ba'i dmigs pa la ci
'dod du 'jog nus pa dang/ sku lus kyi rlung gnas ngan len bskyed
byed rnams ni

'gags/ lus sems las su rung ba'i bde chen khyad par can thugs la
'khrungs/ de'i mthus ri rab sogs la gzigs pa na rdul phra rab
kyang bgrang thub pa lta bu'i gsal nyams kyang byung gsung/ de
nas re zhig dge

'phel du bzhugs pa'i dus/ tho rangs rje 'di nyid bzhugs sa nas/
khang pa skya sbrel mang po'i nang gcig nas gcig tu skya sbrel
la thogs pa med par byon pas/ mthong ba kun ngo mtshar du gyur
pa'i mtshan ma bstan/ lan cig

brag g.yang sa chen po mis mi thar ba zhig yod par rdzu 'phrul
gyis gshegs pa/ brang dpon don bkras bya bas mthong nas/ chos
rje lags de 'dra'i bltas mo ston pa zhes thal mo sbyar nas phyag
'tshal du byung ba la/ khyed

su dang nor gang mthong gsungs/ sngar gyi mthong tshul zhus pas/
des drag g.yang de 'dra la ga la thar/ brang dpon rang mig
'khrul ba'am/ brag 'di'i gzhi bdag jo bo brag dkar ba mthong ba
yin mod gsungs/ dgung lo

nyi shu lhag tsam 'gro ba'i dus/ rnying ma'i mkhas grub chen por
grags pa rgyal ba g.yung gi sgrub gnas brag rgya bo rdo rje'i
pho brang du/ dpal gsang ba 'dus pa'i man ngag gi gnad phra mo
zhig thugs nyams su bzhes pa la

@022b bsten nas/ rmad du byung ba'i rtogs pa khyad par can
brnyes te/ rgya bod kyi mkhas grub mang po'i gzhung rnams dang/
rgyal ba'i dka' rab 'byams ngag nas thogs med du 'don nus pa
byung ste/ bstod par/ de nas ring por ma

lon skad cig la/ /grub pa'i gnas mchog rdo rje'i pho brang du/
/nyams dang rtogs pa cher 'bar dben sa pa/ /blo bzang don grub
zhabs la gsol ba 'debs/ /zhes dang/ de nas chos kun tshig don
thugs chud cing/ /bde

chen chang gis myos pa'i dpa' bo'i gar/ /gcig pu'i nyams kyis
bsgyur mdzad dben sa pa/ /blo bzang don grub zhabs la gsol ba
'debs/ /zhes gsungs pa ltar ro/ /gzhan yang 'phags pa'i yul gyi
'phral skad dang/

legs sbyar gyi skad sogs skad kyi rigs mi 'dra ba du ma la'ang
mkhyen pa thogs pa med par gyur te/ lan cig shangs la 'byon pa'i
lam khar rgyal po chu thags bud mtshams na yar la dzo ki 'ga'
zhig dang 'grogs te/

a tsa ra'i 'phral skad kyis de dag dang gsung gleng mdzad pas
tshong pa mang po 'dug pa ya mtshan du gyur nas 'dug gsung/ yang
dus gcig rang phyogs su phebs pas/ sa skya pa'i bdag chen rdo
rje gling pa dang/ byams chen pa'i

slob dpon mang po dang/ skyed tshal pa'i dge bshes 'ga' zhig
dang/ rta nag pa'i lo chen zer ba cig rnams kha ru steng du
'tshogs nas sgra'i bshad pa yus yus byed cing dge ldan pa rnams
kyis sgra mi shes zer zhing gtam mang

@023a @#/ /po gleng ba'i sar rje bla ma nyid kyis byon nas/
brgyad stong pa sadkri ta'i skad du 'don gyin bshad pa mdzad
pas/ de dag gi sgra'i yon tan gyis gang du yang ma phyin cing
lung rigs gang gis kyang lan 'don par

ma nus pa na/ bdag nyid chen po 'di'i paN zhwa ser po dang/ ras
kyi chos gos dang/ mthar gos sogs la dpags te 'di ni rgya 'dre
mngon sum mo zhes/ zhe sdang shin tu 'bar ba'i rgyud dang sbyar
ba'i tshig ngan gyi dug mda' shin tu

mi bzad pa'i char phab kyang/ dam pa 'dis lan brgyar goms pa'i
bzod pa'i go cha la brten pas ba spu'i rtse mo tsam yang 'khrugs
pa med do/ /de rnams kyi khrod nas nor bu gling pa'i slob dpon
pa na re/ de 'dra ma gsung khong skyes

bu ngo mtshar che ba zhig snang zer khong rang gi dkar yol bkrus
nas ja'i skal ba drangs/ der bla ma nyid grub pa'i rtags ya ma
zung du ma mngon par ston bzhed kyang/ kho bos ji 'dra ba'i rdzu
'phrul mngon par 'du byas kyang gdon drag

pos brlams pa'i nad pa la sman gyi rigs gang yang mi 'phrod pa
ltar/ skal ba med pa'i skye bo 'di dag la don du mi 'gyur bar ma
zad/ log par rtog pa 'phel bar 'gyur ro snyam du dgongs nas
gtsang la phebs so/ /de dag

la 'di skad ces bya ste/ rnam mangs mkhas grub mdzes ma'i mkha'
dbyings ngos/ /mkhyen brtse'i baiDUr sngon po'i dbyar skyes
phreng/ /phang phung la chags skyob pa nyid gzigs kyi/ /drug
cu'i dbyangs snyan rjes 'gro'i legs bshad

@023b gang; ;sgra brgya dal gyis rgod pa'i rgyud mang sgra/
/byin rlabs bdud rtsi'i char zil dang bcas pas/ /grub dbang
gtsug phud can gyi rnam dpyod lus/ /ya mtshan rgyas pa'i gar gyis
mngon par mdzes/ /legs bshad chu klung bye ba'i

rgyun tshogs kyis/ /gang thugs yid bzhin rgya mtsho yongs gang ba/
/de bzhin dbyar gyi dga' ma dar ba'i dus/ /brgya phrag chu bo'i
rgyun gyis rgya mtsho 'phel/ /tshe rabs mang por gang gi blo gros
kyi/ /lcags kyu rnon pos rab 'byams

lung gi chos/ /mtha' dag cig car bzung yang mi ngoms pa/ /bdag
nyid chen po rnams kyi ngang tshul nyid/ /lung rtogs chos kyi nam
mkha'i mdzod brnyes pas/ /chu shing ji bzhin tshig gi 'phreng ba
la/ /mngon par zhen kyang

sbun pa 'phyar ba dang/ /ci ltar mtshungs zhes seng ge'i dbyangs
kyis bsgrags/ /sngon nas 'brel ba'i rnam dkar 'od stong gis/
/'jam dbyangs bla ma'i zhabs sen 'dab brgya'i cha la/ /rgod ldan
gtsug gi rgyan du legs

bcings pas/ /lha dang bla ma'i ye shes mig 'phrul mchog /lhun
grub dri bsung rdzogs pa'i dga' ston myong/ /bcu gnyis yon tan
gyis mdzes dge slong gzugs/ /yid 'ong tsan dan dkar po'i za ma
tog /rnam mang rgyud

sde'i nges gsang mthar thug pa'i/ /zung 'jug dbang gi rgyal po
legs bstan pa/ /thams cad mkhyen ces grags pa'i utpal gyis/
/phyogs kun ngo mtshar gar gyi ri mo bzhin/ /gang gi mdzad pa
grub mchog chos kyi

@024a @#/ /rje; ;rdo rje'i sku brnyes de yis bsam bzhin du/ /zla
shel ku mu ta ltar cher dkar ba'i/ /sngon gyi smon pa yongs su
sad par mdzad/ /lang tsho'i zla tshes shin tu ches phra yang/
/rnam dpyod 'od ris dkyil

'khor yongs rdzogs pas/ /grub dbang rdo rje 'dzin pa'i bdag nyid
du/ /ji bzhin gzigs pas mchog gi bka' drin zhus/ /nam zhig chos
rdzong ri bo'i ngos yangs su/ /gsang chen rgyud sde'i don ltar
dpag dka' zhing/ /

mda' bsnun rdo rje'i mgur ltar ches zab pa'i/ /zab lam snyan
brgyud gdams pa'i mdzod phye zhes/ /rna ba'i bdud rtsis ci yang
myos pa thob/ /de nas bkra shis 'khor lo'i rtogs mdzes pa'i/
/zhabs skyes ri mo grub pa'i

mdun sar bkod/ /dad pa'i sems kyi chu gter las 'khrungs pa'i/
/mdzes ldan me tog bsil ma bgrang yas kyis/ /bdag nyid chen po
de la mngon par mchod/ /blo bzang rgyal ba gnyis pa las 'ongs
pa'i/ /snyan brgyud

gdams pa'i lde mig 'di'o zhes/ /phun tshogs gdams pa'i bka' drin
ci yang stsal/ /de nas grub pa'i gnas mchog bgrang yas su/ /zab
don thig les snying la mdzes byas te/ /'khrul med ting 'dzin bde
chen bdud rtsi'i

chus; ;myos pa dpa' bo'i zlos gar ci yang bsgyur/ /gnyis med
gsung ba'i bka' dang bstan bcos kyi/ /mdzes ma'i rang gzugs yid
kyi me long ngos/ /gsal la ma 'dres rdzogs pa mngon du gyur/
/nges tshig so so yang

@024b dag rig pa la/ /'dod dgur bsgyur bas legs sbyar sgra la
sogs/ /'bad rtsol med par mtha' dag thugs su chud/ /ye shes sgyu
ma'i mig 'phrul brgya phrag gis/ /grub pa'i ya mtshan ri mo gzugs
can bzhin/ /lha bcas skal

bzang kun la mngon sum bstan/ /zhes bya ba'o/ /de nas slar yang
bya bral thams cad mkhyen pa dang dpon slob lhan cig dbus
gtsang
gi ljongs de dang der skal ldan gyi gdul bya du ma rjes su 'dzin
pa dang/ mthong thos dran reg gis

gnas skabs dang mthar thug gi phan bde bsgrub pa'i rten 'brel
khyad par can bskrun pa'i phyir/ gangs ri'i khrod kyi gnas dang
yul ljongs phal mo cher bkra shis pa'i mtshan dang ldan pa'i
zhabs rdul gyis reg pa stsal zhing/ mthar

grub pa'i gnas mchog padma can du phebs te/ yun ring du bsgrub
pa bsam gtan gyi 'khor lo la gzhol bar mdzad/ de tshe bya bral
thams cad mkhyen pa nyid kyi 'khor du grub pa thob pa'i slob ma
bcu tsam yod pa'i nang nas/ rje nyid sras

kyi thu bor dgongs nas snyan brgyud kyi be'u bum dang/ sprul
pa'i glegs bam phyag tu gtad de lha dang bla ma'i tshogs kyis
lhan cig tu chos kyi rgyal tshab tu dbang bskur te/ bstod par
yang/ grub pa'i dbang pos rang gi 'khor rnams la/ /sgrib

med ye shes spyan gyis brtags pa na/ /khyod las mchog gzhan ma
gzigs dben sa pa/ /blo bzang don grub zhabs la gsol ba 'debs/
/zhes dang/ de nas rang gi chos kyi rgyal tshab tu/ /dbang bskur
sprul pa'i glegs bam phyag tu

@025a @#/ /bzhag /chos kyi rgyal srid yongs gtad dben sa pa/ /blo
bzang don grub zhabs la gsol ba 'debs/ /zhes dang/ de tshe bla ma
lha dang bsrungs ma'i tshogs/ /dgongs gcig nyid kyis legs par
mnga' gsol

pa'i; ;khams gsum chos kyi rgyal po dben sa pa/ /blo bzang don
grub zhabs la gsol ba 'debs/ zhes gsungs pa ltar ro/ /gnas der
dag pa'i 'khor gyi tshogs la chos kyi 'khor lo dang por bskor
zhing/ gzhan yang/ grub pa'i

gnas du mar skye bo phal mo che la lkog tu gyur pa'i tshul gyis
chos kyi 'khor lo du ma bskor bas/ grub pa'i gdung tshob brnyes
pa'i skye bos gangs khrod kyi dben pa mtha' dag khyab par rje
nyid kyi gsung las don gyis 'byung gsungs

shing; bstod par/ padma can dang de gzhan grub pa'i gnas/ /rnams
su zab rgyas chos kyi char phab nas/ /kun tu grub pas khyab
mdzad dben sa pa/ /blo bzang don grub zhabs la gsol ba 'debs/
/zhes gsungs so/ /de dang

de'i skabs rnams su yang gang dang gang du zhabs kyi 'khor lo
bkod pa'i sa phyogs dang/ dben pa'i gnas de dang de dag gi mi
bsrun pa'i gzhi bdag rnams dam la btags te/ srog gi snying po
bzhes nas slan chad dge ba'i

bar chad du mi 'gyur ba'i bka' yang dag par stsal/ de yang padma
can du phebs pa'i lam khar sdig pa rwa can lug thod tsam zhig
bdag nyid chen po la 'jigs pa ston pa ltar byed pa na/ bdag nyid
chen pos ji mi snyam par

@025b ting nge 'dzin gyi phyag rgyas bcings te phebs pas cho
'phrul rang zhir song/ phyis ni gzhi bdag des tshul bzhin 'phrin
las bsgrubs te/ rje 'di pa 'tsho ba'i cha rkyen gyis gtugs nas
gnas de las 'byon par bzhed pa na/ rna lo sogs

'tsho ba'i yo byad sgrub khang gi nye logs su yang yang 'jog par
byed/ de'i tshul rig pas gnas 'dir rgyun rings na dge sbyong
'phel yang sems can la gnod par dgongs nas phebs/ phyis dben sar
bzhugs pa'i tshe yang/ jo mo'i

gzhi bdag des gsa'i rnam par kun gyis mthong bar byas te/ rje
nyid mjal ba la byung gsung/ gzhan yang de 'dra'i rigs mang po
'dug kyang yi ges 'jigs pas ma spros so/ /de ltar yang bstod
par/ sku gsung thugs kyi rnam pa

sna tshogs pas/ /zhing skyong gzhi bdag tshogs rnams dam la bzhag
/'gro la phan bde rgyas mdzad dben sa pa/ /blo bzang don grub
zhabs la gsol ba 'debs/ /zhes gsungs pa ltar ro/ /de nas ri bo
dge 'phel du thog shas

bzhugs de'i dus su rig pa brtul zhugs kyis 'da' bar mdzad pas/
blo mig ldongs pa'i skye bo phal mo ches dben sa smyon pa zhes
kyang sgrog par byed la/ nyid kyi gsung las kyang/ bla ma lha la
rtse gcig gsol btab pas/ /yid la

gang dran 'phral la lag len la/ /'gel ba smyon pa 'dra ba'i
spyod pas ni/ /sangs rgyas myur du bsgrub pa bdag gi lugs/ /zhes
pa dang/ bla ma lha la rtse gcig gsol btab nas/ /gang byung
rkyen rnams phal cher dge sbyor gyi//

@026a @#/ /grogs su 'char phyir smyon spyod la gnas nas/ /dben
par gcig pur sdod pa kho bo'i lugs/ /zhes gsungs pa ltar/ rkyen
bzang ngan gang byung thog brdzis su byas nas mgo gnon par
mdzad de/ bka' las/

yang na ni chos brgyad 'di mgo gnon nus pa cig dgos par 'dug
/yang na ni chos brgyad 'di lam du 'khyer nus pa cig dgos par
'dug /de la yang ma nor bar 'khrid pa'i bshes gnyen gcig gis zin
dgos par 'dug

gsung/ de dag gi tshe/ rang nyid mdo sngags kyi gnad thams cad
bsdus pa'i lam gyi snying po thugs nyams su bstar bar mdzad pa
snang ste/ gsung las/ 'jam dbyangs bla ma'i zhabs la phyag 'tshal
lo/ /de lta na/ lam thun

mong ba la sbyangs nas rgyud 'os su gyur pa na/ bla ma mnyes par
byas nas/ rnam par dag pa'i dbang lam zab mo'i rten du bsgrub
par nus ngos shes pa blangs nas/ dam tshig dang sdom pa bzung/ de
nas/ skabs de dang

gzhan du blangs pa'i sdom pa gsum la gces spras su byas te tshul
gzhan du bsrung ba gzhir bzhag nas thun bzhi'i rnal 'byor gyi
rim pa dang po bsgoms la rdzogs rim gyi rtogs pa khyad par can
skye ba'i dge ba'i

rtsa ba smin par byas/ de nas rdzogs pa'i rim pa khyad par can
rims kyis bskyed nas zung 'jug gi sku bsgrubs na/ mdo sde dang
rgyud sde mtha' dag gi gnad rnams/ gang zag gcig sangs rgya ba'i
cha rkyen du gyur pa la nges pa

@026b brnyed nas/ thub pa'i bstan pa yongs su rdzogs pa rang gis
gzhan la spel nus pa yin no/ /d+harmA badzra gyi gsung rgyun/
blo bzang gis yi ger bkod pa'o/ /zhes gsungs ste/ gzhan dag la
'di ltar gyis shig ces go bar mdzad

pa'o; ;yang dus gcig gi tshe/ sangs rgyas las kyang dkon pa'i
gdams pa mchog /rnyed par dka' ba'i rdo rje theg pa'i lam/ /lam
'di phyis nas brnyed par dka' bas na/ /tshe 'di'i 'dod yon thed
la bor mdzod la/ /rgyal bas

bsngags pa'i ri khrod stong pa ru/ /bse ru bzhin du gcig pur
gnas mdzod la/ /lan cig min par yang yang bsgoms shig ang/ /de
ltar bsgoms pas blo gros bzang po khyod/ /sgrub pa'i rgyal mtshan
rtag tu tshugs cig

ang; ;khyad par pha rgyud gsang ba 'dus pa dang/ /rnal 'byor ma
rgyud 'khor lo sdom pa gnyis/ /'brel ba med par lus la bstims
cig ang/ /zhes pa'ang gsungs so/ /gnas der ston gyi ring la bla
ma mgon po'i bsgrub

pa zhig mdzad nas/ sku khams seng ba'i phyir gzims khang gi
steng du phebs pa na/ ston gyi mdzes ma lang tsho dar la babs pas
phyogs thams cad mi gtsang ba'i rdul dang bral te/ dri zhim pos
bsgos pa'i sir bu bsil ba'i ngad ni

dal bus ldang/ yul ljongs phal cher ni gser gyi khu ba dang
'dres pa'i rin po che mar gad kyi mdangs nye bar 'dzin/ nam
mkha'i dkyil 'khor ni 'ga' zhig sprin gyi bla bres g.yogs shing
phal cher bai DUrya ltar rab tu dag /khyad par

@027a @#/ /pa rnam jo mo lha ri'i phyogs kyi steng gi nam mkhar
sprin dang na bun chu yi lcid kyis lhag par non pa dngul chu'i
mdog lta bu zhig lding zhing/ ri bo'i rtse mor cung zad chags pa
gzigs pas rkyen byas te/ bya

bral thams cad mkhyen pa d+harmA badzra de nyid/ dus da lta jo
mo lha ri'i gnas na/ sku 'ja' lus rdo rje'i sku brnyes shing/
thugs zab yangs bde stong gi rol pa las g.yel ba med par/ gsung
rim gnyis zab mo'i sgra dbyangs sgrogs

bzhin par/ spyir gangs can gyi 'gro ba mtha' dag gi dpal du
bzhugs/ khyad par bdag nyid/ rje rgyal ba gnyis pa'i bka' brgyud
zab mo'i don ci dgar nyams su blangs pas chog cing/ chos la blo
kha phyogs nas nyams len gyi

gnad la nges pa cung zad thob pa 'di yang/ rje btsun dam pa
'di'i bka' drin yin snyam du dad pa tshad med 'khrungs te/ mgur
'di nyid gsungs so/ /na mo gu ru mahA kA lA ya/ rje spyi
gtsug seng ge'i khri stengs su/ /gdan

nyi zla padma'i dbus bzhugs la/ /thugs brtse ba chen pos nyer
dgongs nas/ /mchog thun mong dngos grub stsal du gsol/ /'bru
rtsi thog rgyas pa ston gyi dus/ /dgung baiDUrya ltar dwangs
ba'i 'og /rlangs na bun dngul gyi mdog 'dra

ba; ;'di mthong ba'i mod la bla ma dran/ /lus nyi khri chig
stong ba spu g.yos/ /mig bka' drin dran pa'i mchi mas brlan/
/ngag skad sangs mthon pos gsol ba 'debs/ /bdag lus ngag yid
gsum byin gyis rlobs/ /mtshan dran

@027b thos 'gal rkyen sel ba la/ /dpal mgon po mchog dang dbyer
med pa'i/ /dus da lta mtshan ldan bla ma de/ /lho jo mo lha ri'i
gnas mchog na/ /sku 'ja' lus rdo rje 'dzin pa'i tshul/ /gsung rim
gnyis zab mo'i dga' ston 'gyed/ /

thugs zab yangs bde ba chen po'i ngang/ /spyir gangs can skye
'gro'i dpal du shar/ /sgos snyoms las can gyi blo bzang bdag
/chos mdo rgyud zab mo kun gyi don/ /rang ci dgar spyad pas chog
pa 'di/ /rje khyod kyi bka' drin che las

thob; ;nga'i gsum ldan bla ma 'gran zla med/ /yid bka' drin dran
pas gsol ba 'debs/ /tshe 'di la rim gnyis rnal 'byor gyis/ /rgyud
smin cing grol bar byin gyis rlobs/ /zhes gsungs so/ /de nas ye
shes mkha' 'gros

lung bstan pa bzhin bkra shis lhun por kun mkhyen legs pa don
grub dang zhal 'dzom/ phan tshun du lung rtogs kyi yon tan khyad
par can mnga' ba'i stobs kyis thugs yid bcugs par gyur/ kun
mkhyen chen pos bskul

nas gsang 'dus dang/ 'jigs byed kyi 'khrid lag rjes kyi rtsom pa
yang mdzad/ 'phrin las che ba yong bas sbyar byang kun mkhyen
gyis mdzod gsungs mdzad do/ /de lta na kun mkhyen gyis mdzad
par
grags kyang nang ltar rje 'di nyid

kyis mdzad pa yin/ de'i dus gzims khang ser por/ gdod nas dag
pa'i chos dbyings nam mkha' la/ /sna tshogs rten 'brel sprin
phung ci yang bkra/ rnam dag rigs pa'i rlung gis dpyad pa na/
/slar yang kun gsal nyid du thim

@028a @#/ /par 'gyur/ /zhes sogs lta ba'i mgur yang bzhes so/
/mdor na thugs yid gcig tu 'dres te/ bstod par/ lung bstan
brnyes pa mkhas pa'i dbang po dang/ /thabs shes zung du 'brel
ba'i rten 'brel gyis/ /

bstan pa'i snying po gsal mdzad dben sa pa/ /blo bzang don grub
zhabs la gsol ba 'debs/ /zhes gsungs pa ltar ro/ /de nas dgung
lo so gsum la babs pa dgun zla ra ba'i tshes brgyad la/ dpal ldan
'bras spungs kyi chos grwa

chen por 'brom ston thams cad mkhyen pa dge 'dun rgya mtshos
mkhan po dang/ 'dul ba'i slob dpon lha dbang rin chen pas las
slob dang/ 'bras spungs byang 'dren chen mos gsang ston mdzad
de/ dad pa'i dge 'dun grangs

tshang ba las bsnyen rdzogs kyi sdom pa bzhes te/ so sor thar
pa'i dbang du byas pa'i lhag pa tshul khrims kyi bslab pa lha'i
chu bos yid kyi bum pa yongs su gang/ de nas bzung ste rang
bzhin gyi nyes pas gos pa ga la zhig /

bcas pa'i cha shas phra mo tsam yang srog gi dbang po las gces
par bsrung bar mdzad do/ /de yang gangs ri'i khrod kyi grub thob
du grags pa phal mo che/ rjes 'brang dang bcas pa ni rab tu
byung ba'i rtags dang cha byad chos gos

gsum sogs 'chang ba dang/ chang dang phyi dro'i kha zas spangs
te/ chab dang/ rung chu/ byin len sogs rgyal bas ji ltar bcas pa
tshul bzhin du bsgrub pa dag mthong ba na/ gya tshom med par theg
pa dman pa'i nyan thos dbang

@028b brtul lo/ /zhes lug ltar rmongs pa'i khyu chen po'i dbus
su rna ba 'on pa ster zhing/ gzhan dag ni zhe sdang gi bsreg zas
yid kyi bud shing kun tu 'bar bar byas te/ dge 'dun gyi sde ri
su bcad nas yang dag pa ma yin pa'i

ca co rgyun mar bsgrags nas/ rang nyid de bzhin gshegs pas
gsungs pa'i chos 'dul ba'i spyod tshul bsams bzhin du brgal ba la
dpa' bar byas te/ bla na med pa'i lam mthon po la reg par sems
shing/ skye bo phal

cher yid de lta bu'i spyod tshul la mgu mod/ bdag nyid chen po
'di ni grub pa'i go 'phang mthon por gshegs kyang/ bstan pa'i
rtsa ba so so thar pa nyid/ rgyal bas gsung dbyangs mthon pos
mdo rgyud du mar rgya cher

bsngags shing mkhas grub tshad ldan rnams kyis kyang/ dgongs pa
gcig dang dbyangs gcig gis bsngags pa thugs la bcags te/ ji srid
'tsho'i bar du ltung ba phra mo'i rnyog pas kyang gos pa med par
bsrungs so/ /de

nas lha sar phebs te/ jo bo rnam gnyis kyi drung du bstan pa
dang 'gro ba'i phan bde rgyas pa'i smon lam yang dag par mdzad/
ka ba shing lo can nas bka' chems bka' khol ma de bton nas gzigs
grabs shig mdzad/

'on kyang dgos pa lhag po mi 'dug pas bzhag gsung/ de nas nub
gcig rnal lam du 'dul 'dzin shAkya bshes gnyen yin zer ba'i
rnal 'byor pa smug nag dom lpags kyi sham thabs can zhig gis/
'jam dbyangs

@029a @#/ /me tog gsal bar bye ba gsum gtad nas/ nyid kyi don
legs par grub pas gtsang la song zer nas/ mi snang bar gyur to/
/nang par dge ldan ra sgreng sogs mjal bar chas pa las lam bar
du bsnyel

gzhi shin tu drag pa cig byung bas/ mdang gi rmi ltas dang mthun
par da res ma phyin pa legs par 'dug snyam te ldog par brtsams
pa nas sku khams rang dwangs/ de dag la 'di skad ces bya ste/
dam pa'i zhabs sen gsar pa'i

bsil 'od rgyas/ /grub dbang shar ri'i phrag par ngal bsos pas/
/thub bstan gling bzhi gos dkar gyis 'phyur ba/ /mand+ha ra yi
dbu ba brtsegs pa bzhin/ /stong gsum ko Ti sha ta'i dga' tshal
du/ /dpal rkang bA ra ha yi

mdzad pa yis/ /kun dga'i 'jo sgeg brgya phrag ston pa la/ /skrun
par 'os pa'i zlos gar mkhan 'di mtshar/ /mkha' la snang byed
thung dag rgyu ba yi/ /blta byed 'od zer spro ba'i skabs ston
ltar/ /grub dbang sa yi nyi zla zung dag

kyang; ;gangs khrod blo mun sel phyir phyogs kun nyul/ /'on
kyang chu 'dzin mngal bzang las/ /dag byed bdud rtsi'i rgyun
'thon kyang/ /rdo leb steng gi sa bon ltar/ /skal med phyugs kyi
sems 'chang ba'i/ /gang khrod

gnas pa phal cher 'di/ /slong ba bza' shing 'bras bu la/ /re
ba'i spre'u mi bsrun par/ /sems ni kun tu 'phyang mo nyug /sgyu
ma'i srin po rab khros pa/ /'byin pa'i slob dpon ji bzhin du/
/chos rnams kun gyi tshad rig

@029b pas; ;bden par snang ba'i srid 'di zos/ /mig yangs rin
chen rgyan 'phreng dang/ /rma bya gzhon nu mdongs kyis bzhin/
/rgyal sras punda ri ka 'dis/ /grub mchog dpyid kyi dpal mo
mdzes/ /de nas au Di ya na'i gzi byin

la; ;'khu ldan padma can gyi gzhal yas dbus/ /ye shes sku mnga'
de yi ye shes kyi/ /gser gyi 'dra ris bye ba 'bum bkram pas/
/dag pa'i 'khor gyi pad mtsho 'dus pa'i nang/ /lang tsho gsar pa'i
myu gu ches phra yang/ /

rnam dpyod ge sar bzhad pa'i dpa' bo khyod/ /skal bzang bung
ba'i nyer 'tsho mchog tu dgongs/ /gang 'di me long gzugs brnyan
nam/ /'on te 'ja' tshon lus can khrir/ /blo bzang zhabs sen 'od
chags pa'i/ /nor bu'i 'od

kyi snang brnyan no/ /gser sbyangs brtsegs pa'i lhun po ni/
/rgyu skar tshom bu 'dzin pa ltar/ /khyab bdag rigs kyi mu ku Ta/
/rgyal ba'i gtsug tor bzhin du mtho/ /dus gsum gsal ba'i ye shes
dang/ /snyan brgyud

nor bu'i me long gis/ /bzhin mdzes lus phra ji bzhin du/ /bdag
nyid tshe 'di phyag zung brel/ /snying rje'i rgyud la rab brtan
cing/ /rnam dpyod mtheb stong dang 'grogs pa'i/ /legs bshad nyag
phran 'bum spros pas/ /nyon

mongs dgra sde pham par byas/ /gang blo 'o ma'i chu gter las/
/legs bshad ngang mo'i khyu phur te/ /skal ldan yid kyi padmo'i
tshal/ /zla shel zhun ma 'khyil 'drar byas/ /ma spel bar yang
bka' drin gyis/ /me tog phon po ma la

@030a @#/ /ya'i; ;thod mdzes utpal gar gyis ni/ /phyogs kun ngo
mtshar ri mo bzhin/ /de nas dzra Ta spangs pa'i spyan ras gzigs/
/dad pa'i tshogs mchog dbus su gsol bzhi la/ /brten nas bsnyen
par rdzogs

pa'i tshon ris brgya/ /gang thugs rnyog bral chu shel khong par
'phos/ /slar yang mtshan bzang zhabs skyes rtsibs stong can/
/bsod nams bzhin du chu bdag phyogs su bris/ /der ni 'od gsal
dag pa'i rol pa las/ /ye shes

DA ka'i drug ldan dbyangs snyan gyis/ /bskul ba'i mod la skye
ba gcig thogs kyi/ /rgyal sras ngur smrig zol la brten pa dang/
/phan tshun dag pa'i rtsed 'jos yid bcugs shing/ /padma nyin mor
byed ltar zung du 'brel/ /zhes

bya'o; ;de nas se ra theg chen gling du phebs te thams cad
mkhyen pa dge 'dun rgya mtsho'i drung du grub rgyal lugs kyi tshe
khrid dang/ tshe dbang/ so thar dang/ chos sgrags kyi mdo/ thams
cad mkhyen pa rang nyid kyi gsung

'bum thor bu ba'i lung tshang ma gsan/ slar gtsang phyogs su
zhabs kyi 'khor lo bkod de/ dge 'phel mkhan po legs pa'i blo
gros pa la/ smyung gnas dang bcas pa'i lung/ yi dam gyi sngags
bsdu'i rjes gnang/ bla

ma mgon po dbyer med kyi rjes gnang/ sman bla'i lung sogs chos
bka' ci rigs pa gsan no/ /gzhan yang/ de dag gi skabs shig tu
gser sdings su phebs nas/ paN chen byang chub blo gros la dpal

@030b gsang ba 'dus pa'i rtsa rgyud sgron gsal cha lag dang bcas
pa sogs 'dus pa 'phags pa'i skor gyi gdams pa cha lag dang bcas
pa rdzogs par gsan no/ /de dus gnas rnying yol du mnga' ris lo
chen rnam rgyal ba la sba

bzhi'i gdams pa dang/ bde mchog /gdan bzhi la sogs pa ma rgyud
la brten pa'i zab mo'i gdams pa mtha' yas pa gsan cing/ bla ma
'di kha che khri gdan du slob dpon rdo rje dril bu pa'i dngos
slob mchog gi dngos grub brnyes pa

zhig dang mjal nas rjes su bzung zhing/ khyad par rgyal ba tsong
kha pa'i zhal mngon du gyur nas/ gdams pa mtha' yas pa thob pa'i
rnal 'byor gyi dbang phyug zhig go /gzhan yang/ dgos pa khyad
par can la dgongs nas mkhas

pa dang grub pa'i bla ma du ma zhig las kyang zab pa dang rgya
che ba'i gdams pa sna tshogs pa nos pas/ lung gi bstan pa mtha'
dag gi bdag por gyur te/ nyid kyi gsung las/ 'jam pa'i dbyangs
kyi sras kyi thu bo mchog /blo bzang

grags pa zhes pa'i bla ma de'i/ /gsung gi snying po'i snyan
brgyud 'dzin pa ni/ /deng sang dus na kho bo tsam du bas/ /zhes
gsungs pa ltar ro/ /mdor na dgung lo bcu bdun nas bzhi bcu zhe
gnyis kyi bar du/ brag rgya rdo rje'i pho

brang; g.ye ma stag gzig /glang chen/ ko brag /khyad par pa
rnam jo mo lha ri la sogs pa'i ri khrod rnams su bsgrab pa
snying por mdzad de/ chos rje ngag dbang grangs pa la gnang ba'i
bka' shog tu/ bdag kyang zla re zla gnyis ma

@031a @#/ /shi na/ skye ba 'di'i phyi ma'i 'dun ma zhig dang/ lo
re lo gnyis ma shi na skye ba gtan gyi 'dun ma zhig rkang tshugs
su byed dgos snyam pa'i bsam pas/ rang lo bcu bdun nas bzung da
bar theg pa

mchog gi brtul zhugs la gnas pa'i rgya bod kyi mkhas grub phal
che ba rnams kyi gsung gi snying po don gyi gdams pa cig nyams
su len pa'i dran 'dun dang ma bral ba yod lags shes 'byung
zhing/ de ltar bsgrub

pa yun ring la shugs drag pos go 'phang ji lta bu brnyes pa
yang/ nyid kyi gsung las/ gangs can ljongs kyi skal ldan mchog
/blo bzang don grub zhes pas kyang/ /lam mchog 'di nyid nyams
blangs pas/ /tshe 'di nyid

la sangs rgyas thob/ /zhes gsungs te/ bsam gyis mi khyab pa'i
rnam thar ro/ /de nas sku tshe ji srid par skye bo phal mo ches
mthong ba thos pa'i yul las 'das pa dben pa nas dben pa'i gnas
chen dag rgyu zhing gnas par

bya'o snyam du dgongs pa las/ dus re zhig gi tshe dben sar thugs
dam la mnyam par gzhag pa'i tho rengs zhig zil dang 'ur choms
shin tu che ba'i ngang nas sku rgyab kyi mgon po'i bris sku des
gsungs snyam pa la/

nyi shu rtsa bzhi'i mkha' 'gro'i gtso/ /dpa' bo chen po 'dir
bzhugs la/ /chu skyes khong pa'i pad dkar bzhin/ /sbas pa'i tshul
gyis byin gyis rlobs/ /zer ba cig byung gsungs/ de lta bu'i mgon
po'i bris sku byin

@031b rlabs can de yang dben dgon gyi mgon khang na bzhugs so/
/de ltar lha dang bla mas lung bstan pa la brten nas dbus ri'i
rtser dben dgon btab nas/ mdo khams/ mnga' ris/ dbus gtsang/ so
so nas dad 'dus kyi skal ba dang

ldan pa'i gdul bya'i tshogs rnams la zab pa dang rgya che ba'i
chos kyi 'khor lo bskor bar mdzad do/ /de'i tshe yang gdul bar
bya ba'i tshogs rnams kyis dad pas kun nas bslangs pa'i mchod pa
dang zang zing gis bsnyen cing bkur

ba'i tshogs rgyang ring po dag nas kyang dam pa 'di'i drung du
nye bar lhags shing/ spyan lam du babs pa dag kyang bdag gir
yongs su bzung ba gcig kyang ma mdzad par grags te/ nyid kyi
gsung yis/ sngon dus kyi mi la ras pa dang/

de dus kyi blo bzang don grub la/ /'phral chos kyi zas gos ma
gtogs pa/ /nor dngos po'i 'dzin pas dgos pa med/ /tshe gcig la
sangs rgyas bsgrub pa la/ /de 'dra'i spyod la legs gnas nas/
/chags sdang spangs

pa'i dben gnas su/ /dal 'byor la snying po len par shog /ces
gsungs pa ltar ro/ /de lta bu'i dam pa 'di nyid kyi yon tan gyi
pad tshal la 'khor ba'i sde snod 'dzin pa rkang drug ldan pa'i
tshogs kyis mnga' ris bod kyi

rgyal khams mtha' gru kun tu khyab pa mtha' dag pa su zhig gis
brjod par nus/ rags rim gyi dbang du byas na/ kun mkhyen legs pa
don grub la'ang rnal 'byor bla med kyi 'khrid lag rjes thun mong
ma yin pa'i

@032a @#/ /gdams pa ma lus pa stsal/ byang ston smra ba'i dbang
po bsam gtan 'od zer/ kun mkhyen sher dpal ba'i gdan sa pa/ mdo
brjod kyi blo gros rnam rgyal ba/ chos rje dge legs rnam rgyal
ba/ zhal snga nas

sangs rgyas rgyal mtshan pa/ chos rje ngag dbang grags pa sku
mched/ kong ston chos rje 'jam dbyangs rgyal po/ thon pa zhal
snga nas bkra shis rgyal mtshan/ chos rje lho pa blo gros rnam
rgyal/ bsam gtan pa chen po rje dpon

legs tshogs lhun grub/ mkhan chen nor bzang rgya mtsho/ rgyud sde
'dzin pa zhal snga nas rnam rgyal dpal bzang/ paN chen bsam grub
dpal bzang/ bstan pa'i mnga' bdag paN chen dam chos yar 'phel/
mkhas grub

dam pa sangs rgyas ye shes/ rje blo bzang rgya mtsho/ mnga' ris
slob dpon pa dge 'dun rgyal mtshan/ thos bsam gling pa rin po che
dpal 'byor rgya mtsho/ gangs can mkhan po paN chen rig pa seng ge
la sogs pa mdor

na dbus gtsang gi sde snod 'dzin pa dang/ ris med pa'i ban
skya'i tshogs mtha' yas pa la/ /zab pa dang rgya che ba'i dam
pa'i chos kyi bka' drin gyis khyab par mdzad do/ /de ltar dngos
kyis gdul ba'i mdzad pa mthar  

phyin par mdzad nas/ dpa' bo g.yul las rgyal ba'am/ ded dpon
nor bu lon pa ltar du/ tsher ma la brten pa'i bsnyel tshul bstan
pa'i mu nas/ rje btsun bla ma dam pa sangs rgyas ye shes/ nyid
kyi rgyal tshab tu mngon

@032b par dbang bskur te zad byed ces pa'i lo cho 'phrul zla
ba'i nyer gsum la tha mal gyi gzugs kyi sku'i bkod pa chos kyi
dbyings su bsdu bar mdzad/ de'i tshe/ dgung zhag ma grol gyi bar
du nam mkha' las lha rnams kyis me

tog gi char 'bebs pa dang/ 'ja' 'od kyi bla bre phyogs mtshams su
bres pa la sogs pas skye bo kun gyi yid phrogs par gyur te/ thun
mong ma yin pa'i rnam par thar pa ni/ de yang bsnyun g.yog gi
dge slong 'ga' zhig gis

maNDal phul te zhus pas gsungs pa 'di ltar/ gang gis khyed kyi
mtshan tsam dran pas kyang/ /'di phyi'i legs tshogs thams cad cig
car du/ /ster mdzad bla ma thub pa'i dbang po la/ /rtag tu gus
pa'i yid kyis phyag 'tshal

lo; ;bdag cag thar lam bgrod pa'i gtsor gyur pa/ /theg chen
bstan pa 'dzin pa'i nyan thos su/ /legs gyur thub pa chen po'i
nyan thos kyi/ /rtogs pa'i mchog tu gyur pa yin snyam yod/ /de
nas da bar byang chub spyod pa

yi/ /dal 'byor rten bzang legs par thob gyur te/ /ngan song gsum
sogs sdug bsngal rab spangs nas/ /lta spyod ldan pa'i dal 'byor
thob bam snyam/ /bdag gi lus ngag yid gsum 'di dag ni/ /rgyal ba
thams cad

'dus pa'i sku yi mchog /thub dbang rdo rje 'chang du legs mthong
nas/ /dad pa'i spu long legs par g.yos gyur cing/ /nyin mtshan
kun tu gsol ba 'debs pa na/ /shugs drag dad pas yan lag bdun pas
ni/ /ji srid byang

@033a @#/ /chub bar du brtson par shog /'di yi dge bas bdag gzhan
'gro ba kun/ /'og min mkha' spyod dga' ldan bde ba can/ /mngon
dga' la sogs dag pa'i zhing khams su/ /myur ba myur bar lags

par skye bar shog /bdag la legs par dad pa'i skyes bu rnams/
/tshe 'di'i mthar yang rgyal ba 'od dpag med/ /'khor dang bcas pa
mthong nas de ma thag /bu bu bde ba can du 'gro'o zhes/ /mthar
thug gsung gi snang ba

thob par shog /sangs rgyas kun gyis gsungs pa'i theg pa mchog
/he ru ka dpal la sogs yi dam lha'i/ /rim gnyis cha lag bcas
pa'i rtogs pa rnams/ /tshe 'di nyid la mngon du rab gyur nas/
/'gro kun bde

chen gnas la 'god par shog /thub dbang rdo rje 'chang dang tsong
kha pas/ /yid la gang 'dod dngos grub ma lus pa/ /'bebs mdzad
rtsa brgyud bla ma'i tshogs rnams dang/ /phyag drug mgon po la
sogs bstan bsrungs

kyis; ;'di phyi'i legs tshogs thams cad cig car du/ /legs par
'grub par byed pa'i bkra shis shog /ces gsungs shing /bstod par
yang/ zhing 'dir thub dbang nyin byed shar ba'i tshe/ /rtogs pa'i
mnga' bdag

'jam dpal grags pa zhes/ /thub dbang sras kyi mchog gyur dben sa
pa/ /blo bzang don grub zhabs la gsol ba 'debs/ /zhes dang/
sangs rgyas gnyis pa klu sgrub gzhung lugs la/ /smra ba ngan
pa'i mun pa kun

@033b bcom nas/ /ma nor dgongs don gsal mdzad dben sa pa/ /blo
bzang don grub zhabs la gsol ba 'debs/ /brgya phrag dka' bas
grub pa'i gnas mchog nas/ /kun tu bzang po'i thugs bcud gsang
ba'i lam/ /gangs

can ljongs 'dir rgyas mdzad dben sa pa/ /blo bzang don grub
zhabs la gsol ba 'debs/ /mar me mdzad dpal lam srol rgyas mdzad
tshe/ /blo gros bzang po'i 'byung gnas bshes gnyen gyur/ /bka'
gdams bstan pa'i

srog shing dben sa pa/ /blo bzang don grub zhabs la gsol ba
'debs/ /'jam pa'i dbyangs kyis rjes bzung byin brlabs pas/ /phyi
nang log lta can rnams tshar bcad nas/ /'khrul med gdams pas rjes
bzung dben sa

pa; ;blo bzang don grub zhabs la gsol ba 'debs/ /mtsho skyes rdo
rjes cher bsngags blo bzang bstan/ /ma nor yongs rdzogs bsam
'phel yid bzhin nor/ /byi dor mchog gis gsal mdzad dben sa pa/
/blo bzang

don grub zhabs la gsol ba 'debs/ /zhes skyes pa'i rabs kyi rnam
par thar pa las brtsams pa ste/ blo gros dang ldan pa dag gis
legs par dpyod zhig gu /smras pa/ sgrib gnyis bsel byed rgya dag
las/ /rnam

grol sngon med mdzes pa 'dis/ /thub bstan rab gsal gnyan tshogs
la/ /zla shel zhun ma 'khyil 'dra ba'i/ /stod g.yogs mchog
sbyin snyigs ma lnga'i/ /mtshan mo'i gdod mun mi bzad pa/ /skrag
pas stobs ldan

@034a @#/ /ji bzhin du/ /rgya mtsho'i gos can skyabs su bzung/
/lung tshogs rin chen gyis gtams pa'i/ /kA ru Ni ka'i chu glang
bdag /mkhas dang grub dbang rgyan 'dzin gyi/ /legs bshad zil
dngar rgyun ldan

pas/ /srid rtse'i bar du gyen du lud/ /nyon mongs 'od rnos
gdungs pa la/ /dus kyi sprin chen ji bzhin du/ /mngon par bsil
ba'i bsang gtor sbyin/ /dam pas bsten pa'i gangs khrid kyi/ /sa
'dzin dbang po'i ngos dag

la; ;thabs shes 'dab gnyis bskyod pa'i gar/ /sgyur byed sngon
med ga ru Da/ /dpal rkang ring lugs 'khor lo'i lag /rnam par
'degs pa'i khur 'chang zhing/ /sdom dgra brang 'gro'i tshogs
rnams kun/ /tshig tsam

ming gi lhag mar byas/ /rdo rje 'dzin pa'i zab lam nam mkha'i
mdzod/ /legs par phye nas skal pa mngon mtho ba'i/ /'gro ba'i
yid kyi rdzing bu legs bshad kyi/ /dza hu'i bu mo'i rgyun gyi
'byor pas brgyan/ /gang gi bka'

drin rin chen me tog gi /'phreng ba gsar du spel ba'i do shal
gang/ /phyogs kyi mdzes ma'i zur phud la bkod pa'i/ /ngo mtshar
stong gi 'od ris rnam par g.yo/ /mtha' dag gsung rab kun gyi
pusta ka / bslab gsum gser

gyi ska rags mchog mdzes shing/ /'gro la phan bde'i snang ba
mtshon byed pa/ /gang 'di skye dgu'i bsod nams gzugs can bzhin/
/rnam dag chos sku'i mkha' dbyings mdzes ma de/ /'pho 'gyur
spangs kyang gzugs sku'i

@034b brgya byin gzhu/ /tha mal skye bo'i longs spyod yul dag
las/ /'bral bar bzhed tshe tshig mdas 'chi med lam/ /'ja' tshon
gyis bklubs gser dngul baiDUrya/ /dbang sngon padma rA ga'i me
tog gis/ /mtha' dag skye bo'i mig dang

yid dbang la/ /sbrang rtsi gsar pa'i mchod yon ci yang sbyin/
/zhes bya ba ni rje btsun thams cad mkhyen pa dben sa pa chen
po'i mdzad pa'i cha tsam brjod pa'o// //sangs rgyas ye shes ma
ru tA/ /rnam par bkra ba'i gzugs

brnyan dag /gdul bya'i baiDUr sa gzhi la/ /snang ba stsol de
dge legs mdzod/ /gang gi ngo mtshar mdzad pa'i gtam/ /sdebs legs
rin chen 'phreng spel te/ /dad ldan skye bo'i tshogs rnams kyi/
/rna lung mdzes pa kho bos

bya// //da ni rje btsun bla ma mkhas grub sangs rgyas ye shes
kyi gdul bya thun mong ba rnams dang sgo bstun pa'i rnam par
thar pa rin po che'i sa 'dzin lta bu las/ rdul phran tsam zhig
brjod pa la nye bar bzhugs so/ /de yang

mtshungs med g.yag sde paN chen la sogs pa dam pa du ma byung
ba'i brgyud du bdag nyid chen po 'di'i rigs yongs su bzung ba
yin la/ khyad par yab ni g.yag sde'i phyogs su 'khrungs shing/
lhan gyi ba so dgon par

mkhas grub grags pa bsam grub kyi drung du dge bsnyen gyi sdom
byed kyi dbang la sogs pa zab pa dang rgya che btags shing/ bla
ma de nyid kyi drung du dpal rdo rje 'jigs byed kyi dbang la
sogs pa zab pa dang rgya che

@035a @#/ /ba'i gdams pa rgya mtsho lta bus rgyud phyug par mdzad/
dpal rdo rje 'jigs byed kyi bsnyen bsgrub la tshul bzhin du 'grus
par byas pas zhi rgyas dbang drag la sogs pa'i dngos grub bsgrub
pa la nus pa dang

ldan cing khyad par gsang sngags rnying ma'i brgyud 'dzin du
'dug pa ltar/ drang srong chen po rA hu las 'phrin las tshul
bzhin du sgrub par grags la/ mthar mya ngan las 'da' khar yang
dpal gsang ba 'dus pa'i lag rjes

thugs nas shar te/ sems dben gyi skabs su sku gshegs/ sku gdung
sbyangs pas/ rje btsun 'jam pa'i dbyangs kyi sku shin tu gsal ba
zhig byon ces gsungs la/ de lta bu'i rnal 'byor pa de nyid yab
dang/ yum

yang chos bstan zhes bya ba rang bzhin gyis nyon mongs pa chung
zhing/ bag yod kyi gos la khrel yod ngo tsha shes pa la sogs pa'i
ska rags dang ldan pa'i lhums su zhugs nas/ sa skyong zhes bya
ba shing mo bya'i lo la phun

sum tshogs pa'i dpal dang lhan cig nye bar btsas shing/ skyes ma
thag nas khyi'u padma'i rtsa ba ltar dkar zhing/ dpral ba zla ba
ltar dbyes pa/ mgo bo rgyal mtshan gyi tog ltar zlum zhing/ phyag
zhabs rnams kho lag yangs

pa/ mthong ba'i skye bo mtha' dag gi mig dang yid 'dzin pa zhig
yod par grags so/ /de dag la 'di skad ces bya ste/ ji ltar kun
mkhyen nyin mo'i dbang phyug rnams/ /chos dbyings lha yi lam las
ma g.yos par/ /bA ra ha

@035b yi mdzad pa'i 'od stong gis/ /mtha' dag zhing kun cig car
'gengs pa bzhin/ /thabs shes gshog yangs dkar po rgyas gyur
pa'i/ /bdag nyid chen po ngang pa'i ded dpon de/ /gdul bya pad
dkar dra bas yongs khebs

pa'i/ /rin chen 'byung ba'i gnas su bsams bzhin zhugs/ /snyigs
ma'i ngang tshul bsreg za'i phung po yis/ /skye dgu'i yid kyi bud
shing rab 'bar ba/ /gzhom phyir sangs rgyas kun gyi sprin chen
las/ /ye shes gzhon

nu'i gzugs kyi char rgyun babs/ /lang tso'i me tog ches phra
yang/ /snying stobs dri bsung yongs rdzogs shing/ /rnam dpyod
'dab brgya cher rgod pa/ /skal bzang bung ba'i nyer 'tsho'o//
shrI badzra ku mA ra yi/ /rigs kyi thig

les rnam sgeg pa'i/ /lang tso gsar pa'i zla ris 'di/ /tha mal
grong gi chos rnams la/ /'phya ba gsal byed rgod pa bzhin/ /zhes
bya'o/ /de yang yab yum de gnyis la sras bzhi mnga' ba'i bdag
nyid chen po 'di chung ba yin

la/ yab yum gcen rnams dang bcas pas kyang sman gyi myu gu ltar
bskyangs pas rdzings kyi padma ltar du bskyed drag par gyur/ de
lta bu sku na shin tu gzhon pa'i skabs nyid kyang/ byis pa tha
mal pa'i spyod pa las yang dag

par 'das pa'i/ /res 'ga' ni slob dpon gyi tshul du bdag nyid chos
'chad pa dang/ res 'ga' ni ting nge 'dzin bsgom pa dang/ res
'ga' ni chos kyi gtam byed pa la sogs pa'i chos kyi rtsed mo
3'ba' zhig mdzad cing/

@036a @#/ /de'i dus su rje grub pa'i dbang po nyid kyi spyan ras
kyis btsas nas ma 'ongs pa na rang gi chos kyi rgyal tshab tu
'gyur ba'i tshul yang mngon tu gyur ces gsungs so// /de nas tshe
rabs mang por dge ba'i rtsa

ba rlabs po che bskrun te/ nye du longs spyod dang bcas pa'i
'ching ba med par khyim nas khyim med par rab tu byung ba'i smon
lam tshad med pa bskrun pa'i mthu grub pas/ yab yum gcen rnams
dang bcas pas mthun pa'i rkyen

sbyar te lo bcu tsam la nye bar gzhol ba na/ mdo sngags kyi
gdams pa'i gter du gyur pa'i yongs kyi dge ba'i bshes gnyen yon
tan bzang po'i drung du yongs rdzogs dge bsnyen gyi sdom pa
blangs/ mtshan yang chos skyabs

rdo rje zhes btags so/ /de nas gtsug lag 'don pa dang/ chos
spyod thor bu ba dag 'dzin pa sogs de dang de'i grwar zhugs pa
tsam gyis dka' ba med par mngon du gyur cing/ ba so lhun grub
bde chen du sngar gyi slob dpon de nyid

la mkhan po dang/ slob dpon phyogs gcig tu zhus te/ tshigs snga
ma dge tshul gyi sdom pa yang dag par bzhes shing/ mtshan yang
sangs rgyas ye shes zhes bya bar btags te/ lha dang bcas pa'i
'gro ba mtha' dag gi yon

gnas dam pa thub pa'i dbang po gnyis pa lta bur gyur to/ /de dag
la 'di skad ces bya ste/ 'dod pa'i tshang tshing gis 'khrigs khyim
gyi khung/ /nyon mongs brang 'gros bsten pa'i gnas mthong ste/
/don kun grub pa gzhan bzhin

@036b zhi ba'i nags/ /dam pas bsten pa'i ngogs su de yis gzhol/
/blo gros dkyil 'khor rgyas pa'i rta ljang can/ /yon tan bzang
por grags pa'i 'od stong gis/ /rgyal sras puNDa ri ka legs phye
bas/ /bslab gsum sbrang rtsi'i dri

bsung cher g.yos te/ /lha dang bcas pa'i 'gro ba mtha' dag la/
/mngon dga' rgyas pa'i zlos gar ci yang sbyin/ /bla gos dmar ser
'dab ma'i 'phrang 'khrigs shing/ /lhung bzed bung ba gzhon nu'i
rol pas mdzes/ /ring

nas goms pa'i bzang po'i mthu brtas pas/ /skyes tsam nyid nas
khyim dang thar pa yi/ /rang bzhin mthong ba'i rnam dpyod mig
stong can/ /gang 'di sngon med lha yi dbang po bzhin/ /sangs
rgyas kun gyi ye shes ngur

smrig gi /thun mtshams dmar ser gzhon nus legs dkris pa/ /mtshan
mchog don dang ldan pa'i gzhon nu zhig /lha bcas 'gro ba kun gyi
cod pan gyur/ /zhes bya'o/ /de lta bu'i bla ma de nyid kyi drung
du dpal rdo rje

'jigs byed dang/ gsang ba 'dus pa mi bskyod pa'i dbang bzhi
yongs rdzogs dang/ tshe dbang dang/ mgon po'i dbang rjes gnang
sogs kyis mtshon dbang rjes gnang du ma dang/ bka' gdams glegs
bam gyi

lung la sogs pa dam pa'i chos mang du gsan no/ /de nas dgung lo
bco lnga la babs pa sgyur byed kyi lo 'i dgun chos thog chos
grwa chen po bkra shis lhun por phebs te/ rigs pa'i dbang phyug
brtson 'grus rgyal

@037a @#/ /mtshan gyi drung du sbyor ba rtsi ba la sogs pa dang/
gzhan yang chos bka' ci rigs pa gsan/ de'i dpyid dpon slob gsum
bzhi tsam bsdebs bcas te/ se rar mkhas pa'i dbang po rje btsun
dam

pa chos kyi rgyal mtshan pa'i drung du phebs par bka' bgros pa
las/ grogs po zhig na re/ da ni rje btsun chos kyi rgyal mtshan
rang nyid kyi dngos slob/ mkhas pa'i bya ba gsum la 'gran zla
dang bral ba'i chos kyi rje rta

nag pa dge 'dun blo bzang zhes bya ba/ legs grub grwa tshang na
bzhugs pa de'i drung du phyin pa 'thad zer/ der skye ba snga
ma'i las 'brel zhig yin pa 'dra/ mtshan thos pa tsam gyis ba spu
ldang zhing mchi ma 'khrug pa zhig

byung bas der 'gro bar khas blangs gsung/ de nas legs grub grwa
tshang pa rnams 'bras mo'i dpyid chos la 'dzom pa dang dus
mtshungs te/ 'jam pa'i dbyangs dge 'dun blo bzang pa'i zhabs rdul
spyi bos blangs nas/ thog mar

sbyor ba rtsi ba sogs mdzad pas rig pa'i sgo legs par bye ste/
mthar dgun chos la reg pa bla ma de nyid kyi drung du tshad ma
rnam 'grel gyi spyi don dang/ thal 'phreng/ mdzub khrid sogs
bka' lung yang dag par nos shing/ dgun

bkra shis lhun por byon nas rigs grwa la legs par zhugs pa na/
dam pa 'di'i lung dang rigs pa phun sum tshogs pa'i dga' ston la
mkhas pa mtha' dag kyang yid 'phrog par gyur to/ /de nas dgung
lo bco brgyad kyi bar du dgun

@037b dpyid phal cher tshad ma dang/ dbyar phal cher dbu ma la
legs par spyangs pas dbu tshad gnyis kyi dka' ba'i gnas mtha' dag
kyang mngon du gyur/ de'i tshe/ thos bsam gling gi 'chad nyan du
rje dge 'dun blo bzang pa nyid

bzhugs shing/ bla ma de nyid kyis kyang dam pa 'di lung dang
rigs pa'i bdag nyid du gzigs te/ dgung lo bco brgyad kyi dgun
dbu ma'i spyi skyur gyi bka' stsal te bka' lung yang dag par
bsgrubs/ de'i tshe/ shar rtse nas dge

ba'i bshes gnyen shin tu che bar byed pa zhig dang mnyam por
byung kyang/ bag tsha ba med par lung dang rigs pa sengge'i nga
ros rgol ba ngan pa'i wa tshogs mtha' dag skrag par byas te/
phyogs las rnam par rgyal ba'i grags

pa yang thob bo/ /de nas phar phyin dang/ 'dul mdzod la sogs pa
po ti phyi ma rnams la legs par sbyangs pas blo gros kyi snang
ba thogs pa med par rgyas shing/ khyad par/ drang ba dang nges
pa'i don rnam par 'byed pa legs par

bshad pa'i snying po'i don dang tshig mtha' dag gi padmo'i tshal
la/ dam pa 'di'i blo gros kyi 'od stong zhugs pas legs par bshad
pa'i sbrang rtsis/ mkhas pa'i bung ba mtha' dag gi yid kun tu
myos par mdzad/ mthar dgung

lo nyi shu rtsa lnga la babs pa na/ chos grwa chen po dpal 'khor
bde chen du mkhas mangs 'dus pa rgya mtsho'i dbus su grwa bskor
sbrel te/ legs par bshad pa'i bdud rtsis 'dus pa rgya mtsho'i yid
kyi shel bum yongs su gang

@038a @#/ /bar mdzad do/ /de dag la 'di ltar/ bdag nyid chen po'i
snying stobs dang/ /rgya mtsho lhan cig 'gan bzhin 'phyur/ /rnam
dpyod gru rdzings brtson 'grus kyi/ /rlung dar yangs pa'i 'phur
lding gis/ /ngam

nag glal ba'i sgra dbyangs can/ /blo chung yid la 'jigs ster
ba'i/ /shes bya'i sa mu trA brgal te/ /'chad rtsod rtsom pa'i
rin chen gyi/ /gdengs ka nor bu'i cod pan thob/ /srid zhi'i dbul
bas yongs bzung ba'i/ /sdum pa

ma lus phun tshogs kyi/ /gru char bzang pos skal bzang byas/
/tshogs gnyis gshog yangs rgyas pa'i zlos gar gyis/ /bkra shis
bang rim rnam bkra lhun po'i sbor/ /'chad rtsod rtsom pa 'chi
med bdud rtsi la/ /

dpal gyi bdag po ji bzhin 'dod dgur spyod/ /sngon nas legs spyad
kyis 'brel dge ba'i bshes/ /'dun ldan rgya mtsho'i gtsug rgyan
blo bzang mchog /gang gi mtshan snyan dbyar gyi rgyud mangs
sgra/
/thos pa'i mod

la chos kyi char 'dod de/ /mngon dga' rgyas pa'i zlos gar ci
yang byas/ /mgon de'i zhabs zung band+hu dzi wa ka'i/ /'dab
'phreng bkra shis rdul chags spel legs pas/ /bdag nyid chen po'i
ral pa yongs mdzes

te; ;legs bshad dri yis phyogs kyi 'khor lo 'gengs/ /lung dang
rigs pa'i mche sder rab rgyas pas/ /phas rgol glang po stong gi
klad 'gems shing/ /mkhas mang ri skyes nor bu'i tshogs dbus su/
/phyogs

@038b las rnam par rgyal ba'i sgra dbyangs bsgrags/ ces gsungs
so/ /de nas chos rje dge 'dun blo bzang pa'i bka'i khur lci ba
la brten nas/ dgung lo nyer drug gi thog bkra shis lhun po'i
chos khrims bzung ste/ yang dag pa'i

chos kyi khrims kyi 'od bsil mnyam par bkye bas/ chos grwa
kunta'i tshal mtha' dag kun tu 'bar ba rdzogs ldan gyi dus la
'gran pa lta bur gyur cing/ zang zing gi bsnyen cing bkur bas
kyang dge 'dun rnams legs par tshim

par mdzad do/ /de rjes/ sngar bkra shis lhun po'i mkhan po mdzad
dus nas mdo sngags kyi chos mang du gsan cing thugs mos kyang
cher yod pa ltar/ paN chen rin po che don yod rgyal mtshan gyi
zhabs drung du chos grwa chen po

gangs can chos 'phel du phebs te/ blo sbyong mtha' dag gi lung
dang/ khyad par/ don bdun ma'i nyams 'khrid sogs chos mang du
zhus shing/ dpyid chos dang ston chos kyi bar du bzhugs/ slar
bkra shis lhun por phebs/

de nas zhal snga nas dge 'dun blo bzang pa nyid kyis/ dben dgon
du rje grub pa'i dbang phyug nyid la dpal gsang ba 'dus pa'i
dmar 'khrid la sogs pa'i gdams pa zhu ba'i snyan chags dang/
zhal snga nas rang nyid 'phral

phugs su ji ltar bya ba'i bslab ston zhu ba'i zhu yig 'bul ba'i
bang chen la 'byon dgos tshul byung bas mtshams sbyar te/ /bdag
nyid kyang mngon par dgyes bzhin du dben sa chos kyi pho brang
du phebs ma thag mjal ka yang

@039a @#/ /grogs med du byung zhing/ mjal rten du spyi blugs shin
tu legs pa zhig yod pa yang bzhes/ sku mthong ba tsam gyis snang
ba 'gyur zhing dad gus tshad med pa 'khrungs te/ chos kyi bka'
drin zhig kyang

zhus; zhal snga nas dge 'dun blo bzang pa nyid la ni zab don gyi
gdams pa stsol bar bka' ma gnang ste/ slar bkra shis lhun por
phebs/ de nas zab mo rdo rje theg pa'i skyed tshal du 'jug par
dgongs te/ chos kyi rje dge

'dun blo bzang pa'i drung du gnang ba gsol zhing/ mar lam dben
dgon du rje bla ma'i drung du'ang gnang ba dang bar chad mi
'byung ba'i thugs dam skyabs 'og dang/ phyis zhabs drung du 'god
pa'i bka' yang dag par zhus

te zhabs sen dbang po'i phyogs su bkod nas dbus phyogs su phebs/
yar lam ser 'bras lha sa dang bcas pa legs par mjal te/ ri bo
dge ldan rnam par rgyal ba'i gling du phebs/ der rgyud smad kyi
slob dpon

rdo rje 'chang nam mkha' grags kyi zhabs rdul spyi bos blangs
te/ gus pa dang rtag tu sbyor ba'i brtson 'grus bsten pas rgyud
kyi rgyal po'i tshig don gyi de kho na nyid ring por ma lon par
mngon du gyur te/ der rgyud kyi grwa la

zhugs nas lo gcig cung ma song tsam la/ chu ha cang bsil ba'i
reg pas nyan te zhabs nad kyi mi bde ba'i rnam pa byung bas re
zhig sman dpyad bsten pa sogs gtso bor mdzad pas/ ring po ma lon
par zla ba gza' las

@039b grol ba ltar sku khams kyang legs par dangs/ slar gtsang
phyogs la phyag bteg /thos bsam gling du chos kyi rje dge 'dun
blo bzang pa'i drung du phyag phul bas/ 'o drung rab 'byams pa
'khor ba cis kyang legs/ kho bos dpal ldan

lha mo la nga'i rab 'byams pa khug shog cig ces bka' bsgos pas/
drung pa dbus phyogs su bzhugs pa la gnod par mchis gsung/ tshul
'di ni dam pa 'di nyid lha sar zhabs bsnyel ba'i skabs su da nad
'di las grol na

gtsang la 'gro snyam du dgongs pa'i nub cig /mnal lam du'ang bu
mo gzhon nu ma zhig da don grub pas gtsang la log 'gro zer ba
cig byung gsung ba dang mthun par snang ngo/ /de nas dben dgon
du phyag phebs te/ rje grub pa'i

dbang phyug nyid bsam sbyor gnyis kyi sgo nas legs par bsten
cing/ rgyal ba thams cad kyi bgrod pa gcig tu gyur pa/ rgyal ba
gnyis pa tsong kha pa chen po'i thugs kyi bcud phyung ba mdo
sngags kyi snying po thams cad gcig tu dril

ba'i gsung gi bdud rtsi rgyun mi 'chad pas blo gros kyi lang tso
yongs su rgyas par mdzad cing/ snyan brgyud kyi gdams pa'i don
thos pa tsam ma yin par grub pa'i gnas de nyid du/ 'tsho bar byed
pa'i dngos po la yang ltos pa med par

bsgrub pa bsam gtan gyi 'khor lo la rtse gcig tu gzhol bas/ rje
bla ma de nyid kyang thugs shin tu mnyes pa cig yod par grags/
de nas lhag pa tshul khrims kyi bslab pa'i 'bras bus 'gro ba
mtha' dag la phan bde bskrun

@040a @#/ /pa'i phyir bsnyen par rdzogs par bzhed pa las/ dben
dgon du mkhan slob kyi cha ma 'grig pas rje bla ma nyid kyis
lung bstan te/ shangs mdo ri bo dge 'phel du grub pa'i dbang
phyug phyogs las rnam par

rgyal bas mkhan po dang/ bde yangs slob dpon chos rje dge legs
pas las slob dang/ nor gdengs pa chos rje shAkya dpal bzang po
bas gsang ston mdzad de/ dad pa'i dge 'dun grangs tshang ba'i
dbus su bsnyen par rdzogs

te lhag pa tshul khrims kyi bslab pa lha'i chu bos yid kyi rdzing
bu yongs su gang bas/ skye dgu lag ldan mtha' dag gi phan bde'i
gzhi dang yon gnas bla na med par gyur to/ /de dag la 'di skad
ces bya ste/ lang tso padmo'i

skud pa ches phra yang/ /yon tan 'dab stong rgyas pa'i gzhon nu
de/ /rmad byung mdzad pa'i ma la ya skyes dri/ /snyan grags ser
bu dang bcas khor yug 'gengs/ /thams cad mkhyen pa'i khrims kyi
pa Ta ha/ /'dun ldan

legs bris bya ba'i tshogs dbus su/ /lha lam 'grum pa lta bu'i
sgra bsgrags pas/ /'og min gtsang ma'i gnas kyang ca cor gyur/
/nyin byed 'char ka'i sngon du skya rengs bzhin/ /rigs kyi cod
pan sngon du dge ba'i

bshes/ /rnam mangs tshul bzhin bsten pas legs bshad kyi/ /dag
byed rgyun gsum ldan pa yid mtshor babs/ /rnam dkar stong gi
mtheb ltong dang 'grogs pa'i/ /grub dbang mtshan snyan rnon po'i
sgro ldan gyis/ /

@040b sgra 'dzin lan brgyar phug pas mtshams sbyar te/ /grub pa'i
sa 'dzin spo la mngon par gzhol/ /grub mchog zhabs sen padma rA
ga'i 'phreng/ /bsod nams bzhin du spyi bo'i gzhir bkod cing/
/tshangs dbyangs gsung gi

sgron me rab 'bar bas/ /blang dang dor bya'i de nyid gsal bar
bstan/ /slar yang rdo rje 'dzin pa'i ded dpon la/ /brten nas
rgyud sde rgya mtshor legs zhugs te/ /sku gsum 'dod pa 'jo ba'i
rin chen la/ /'dod dgur dbang

bsgyur gsang 'dzin gnyis pa bzhin/ /slar yang gdengs can phyogs
su zhabs bkod de/ /tshe rabs du mar bsten pa'i rigs kyi mgon/
/gang de'i bka' drin nyi 'od la brten pas/ /bshad dang bsgrub
pa'i pad tshal rgod pa

bzhin/ /phyogs las rnam par rgyal ba la brten nas/ /'dul ba 'bum
sde'i snying pos rgyud mdzes pa/ /thub pa'i dbang po gnyis pa ji
bzhin du/ /kun gyi yon gnas bla na med par gyur/ /zhes bya'o/
/de ltar bla ma de nyid

kyi drung du snar thang brgya rtsa'i rjes gnang lung dang bcas
pa/ bka' gdams lha bzhi'i rjes gnang/ tshe dpag med lha dgu dang/
kun rig gi dbang sogs dam pa'i chos mang du gsan te/ slar dben
dgon du phebs nas

bsgrub pa la rtse gcig tu brtson par mdzad cing/ khyad par rje
bla ma la bsnyen rgyab kyi thugs dam skyabs 'og zhus nas/ dben
sa'i dgon pa zhol gyi gtsang khang du dpal rdo rje 'jigs byed
kyi bsnyen bsgrub mdzad pas/ re zhig cig na

@041a @#/ /thugs dam gyi rim pa rnams kyang grub ste nam gyi gung
la reg nas gzims pa na/ sku ser ba'i nyams shin tu che ba zhig
byung ba na/ rgyal ba blo bzang don grub nyid bla brang gi 'degs
sgo na bzhugs

pa'i sku bem gyi sne mos bdag nyid mngon par bkab pa'i nyams
shin tu gsal bcig byung bas bde drod tshad med pa rang 'bar byung
gsung/ yang de'i dus sdig pa rwa can lag pa tsam zhig 'jigs
'jigs ltar

bdag nyid kyi mdun du byung ba la bag tsha ba med par btang
snyoms su bzhag pa na/ rwa gnyis mgal me ltar 'khor zhing 'dug
pas rgod cig shor/ de khar rang yal du song gsung/ yang de'i dus
su snang ba thams

cad bdud du shar nas nyams shin tu mi dga' ba cig byung ba la/
dgongs gcig bla brang gi ba zhig yod pa des 'du khang gi sgo
phye nas gtsang khang du byung ste/ bdag nyid kyi snying kar kha
btsugs snying dmar cer gyis

khyer song/ de ma khad yid mi bde ba de lhag ma med par sangs
song gsung/ mdor na de'i dus dngos su rnal 'byor pa'i rnam pa
can dang/ bya ri dwags la sogs pa'i gzugs can sna tshogs pa zhig
sku drung du 'ong zhing

'khod pa la/ bdag nyid lha'i nga rgyal dang/ ting nge 'dzin shin
tu brtan pa'i ngang nas gsang sngags kyi bzlas brjod las skad
cig kyang g.yel ba mi mnga' bas snang ba de dag nam mkha'i
dbyings su sprin phung zhi ba ltar 'gro  

@041b yi yod par 'dug /snang tshul de dag rje thams cad mkhyen pa
la zhus pa na/ snang ba de dag la 'jigs pa dang ya nga ba yang
mi dgos/ de las 'jigs pa stag dang ro langs la sogs pa yang
yong/ de 'dra byung na ci 'dra mchis

gsung/ de ltar na shin tu 'jigs lags pas mi yong ba thugs la
'dogs pa zhu zhus pas/ phyis stag la sogs pa rang ni ma byung/
de dus yin na de 'dra ma zhus na legs pa yin 'dug ste gsung/
mdor na de dus ngo mtshar

ba'i gzigs snang lhag pa'i lhas byin gyis brlabs pa'i snang ba
rmad du byung ba yang brnyes/ de ltar 'jigs byed kyi bsnyen pa
thon nas mgon po'i bka' chen bcu gsum gyi rjes gnang dang/ be'u
bum gyi lung la sogs pa mgon

po'i chos skor yongs su rdzogs pa dang/ chos rgyal phyi nang
gsang gsum gyi sgrub bskor rjes gnang dang bcas pa yongs su
rdzogs pa dang/ gsang bde 'jigs gsum gyi dbang bzhi yongs rdzogs
'khrid lag rjes dang bcas pa

thun mong dang thun mong ma yin pa'i gdams pa rmad du byung
ba
rnams dang/ byang chub lam gyi rim pa thun mong dang thun
mong
ma yin pa'i dmar 'khrid/ lam rim che chung gi lung dang bcas pa
dang/ thun mong dang thun mong ma yin pa'i

tshe dbang 'khrid dang bcas pa dang/ rje btsun tsong kha pa chen
po'i sgrub bskor thun mong ma yin pa rnams dang/ 'phags pa bcu
gcig zhal gyi rjes gnang/ snying po don gsum dang/ dmar 'khrid
sogs 'phags pa'i chos

@042a @#/ /bskor yongs su rdzogs pa dang/ skyer sgang lugs kyi
rta mgrin gyi rjes gnang sgrub bskor dang bcas pa'i lung dang/
yig chung nyi shu rtsa gcig gi lung dang/ mkhas grub thams cad
mkhyen pa dang/ rgyal

sras blo gros sbas pa gnyis so so la brten pa'i lta 'khrid rnams
kyi lung dang/ skyabs 'gro'i 'khrid rim thun mong dang thun mong
ma yin pa rnams dang/ gcod kyi chos bskor yongs rdzogs dang/
thun drug gi rnal 'byor la sogs pa

mdor na lhag pa'i lha dang yi dam dang chos skyong du ma'i rjes
gnang sgrub bskor mtha' yas pa dang/ gtor 'bum gyi lung dmigs
rim dang bcas pa dang/ me tog dang/ rdo dang/ chu'i bcud len bya
tshul gyi lung la sogs pa/ zab

pa dang rgya che ba'i chos tshul rgya mtsho lta bu rje grub pa'i
dbang phyug nyid kyi drung du zhus shing phyag len la thebs par
mdzad do/ /de ltar rmad du byung ba'i gdams pa'i gter chen por
ni gyur/ sdom pa gsum yang dag par nos nas

bcas mtshams las skad cig tsam yang mi 'da' bar mig gi 'bras bu
ltar skyong ba'i dran shes kyi goms pa ni yongs su rdzogs/ zhi
lhag zung du 'brel ba dang bskyed pa'i rim pa goms pa mthar
phyin te/ bde stong dbyer med

kyi ting nge 'dzin khyad par can brnyes pas/ da ni tshe 'di'i
'khri ba btsan thabs su bcad de tshe dang bsgrub pa mnyam pa zhig
bya'o snyam du dgongs pa 'ba' zhig yod par snang/ nyid kyi gsung
las kyang/ de dus rje bla ma la dam pa'i chos

@042b 'dod dgur zhur yod pa zhig yin na'ang/ thun mong ma yin
pa'i gdams pa rnams ni thob/ da snang ba mi dang mi bstun pa'i
bsgrub pa zhig byed pas/ rnam grangs mang pos dgos pa mi 'dug
snyam du ma zhus pa des cung zad thob rgya

chung ba byung 'dug gsung/ de nas/ bdag nyid chen po 'di dge
'phel gyi mkhan por spyan 'dren pa'i gsol ba 'debs pa dang/ sde
pa rin spungs pa dpon blon gyi phyag dam nan chags pa dang bcas
byung ba la/ dam pa 'di'i

skye ba mang por dben pa la thugs gzhol bas dang du ma bzhes
kyang/ rje thams cad mkhyen pas dam tshig la bkar te rang dbang
med par re zhig mdzad pa'i zhal lan gnang/ de nas gza' skar bkra
shis 'dzom pa'i thog /kun

mkhyen chen po shes rab dpal bzang gi gdan sa shangs mdo ri bo
dge 'phel gyi chos khri la 'khod nas/ don du gnyer ba dag la
legs par bshad pa'i char chen po yang phab/ de'i mu nas rje grub
pa'i dbang phyug gi zhabs la tsher

ma'i reg pas nyen pa'i bsnyung tshul bstan nas/ sku'i bkod pa nye
bar bsdu ba la gzhol zhing/ sems dpa' chen po 'di nyid/ bdag
nyid kyi rgyal tshab tu 'os par gzigs nas gdan drangs te/ lha
dang bcas pa'i 'gro ba mtha'

dag la zab pa dang rgya che ba'i snyan brgyud kyi gdams pa'i
'khor lo bskor ba'i chos kyi rgyal srid du dbang bskur bar mdzad
do/ /de nas ring po ma lon par rje grub pa'i dbang phyug mya
ngan las 'das pa'i mdzad pa bstan pa ltar/

@043a @#/ /chos dang zang zing gi sgo nas thugs dgongs yongs su
rdzogs pa mdzad cing/ khyad par dben dgon du rje bdag nyid chen
po'i gzims spyil bzo bcos med par gtsang khang du bzhag nas/
gtsug

lag khang/ mgon khang/ bla brang dang bcas pa'i 'gram btings te
'khor lo gsum gyi rol pa kho nas dus 'da' bar mdzad/ de nas/ rje
bla ma nyid kyi don gyi dgongs pa ltar gtsang khang gi nang du
sku gdung ril por

bzhugs su gsol te/ rin po che brdar ba'i phye ma dang sman 'dam
las rje btsun dam pa rang nyid kyi sku 'dra byin rlabs kyi gzi
'od 'bar ba/ kun gyi mig gi bdud rtsi spungs pa lta bur/ bir
thogs rgyal po sman thang

nas chos kyi rje blo bzang rgya mtsho dpon slob rnams kyis legs
par bzhengs/ 'di'i nang bzhugs tshad med pa'i dkar chag ni rje
bla mas zur na mdzad pa ltar ro/ /gtsang khang gi logs rnams la
bla ma lha'i rnal 'byor

gyi rim pa dang mthun pa'i gsang bde 'jigs gsum/ kyai rdor dus
'khor rnams kyi sku dang/ steng du rang rang gi bla ma brgyud
pa/ 'og tu so so'i chos skyong dang bcas pa legs par bzhengs/
gtsang khang gi rten bzhengs rnams

grub cing/ 'du khang gi thog /bel mtshams su/ 'gro ba thams cad
kyi 'dren pa dam pa/ lnga brgya pa rnams kyi gtsug gi nor bu/
gangs can gyi mgon po thams cad mkhyen pa bsod nams rgya mtsho'i
dpal gtsang

@043b phyogs su chibs kha bsgyur ba rten 'brel legs par 'dzom/
dben dgon du gdan drangs rab tu gnas pa mdzad cing me tog gi
char chen po mngon par phab/ rgyal ba thams cad mkhyen pa
rang
nyid kyang/ sku gdung rin po che

dbu btsugs te rgyun ring du bzhugs 'dug dad gus tshad med pa
'khrungs shing/ sku 'dra rin po che rdo rje 'jigs byed kyi skur
gzigs 'dug ces rje bla ma gsung ngo/ /de ltar thams cad mkhyen
pa nyid kyis mngon par

dgyes pa'i bka' stsal dang/ chos dang zang zing gnyis ka'i bka'
drin tshad med pas bskyangs gsung/ de nas thams cad mkhyen pa'i
zhabs phyir phebs te/ bkra shis lhun por sgrol ma nyi shu rtsa
gcig gi rjes gnang

dang; bka' gdams glegs bam gyi le'u 'ga' re'i lung dang/ mgon po
zhal lugs gsum gyi rjes gnang dang thun mong ma yin pa'i gter
chen las tshogs dang bcas pa gdams pa yongs su rdzogs pa'i lung

sogs chos bka' mang du gsan/ slar dben dgon du phebs te mkhar
las kyi 'phro yongs su rdzogs par mdzad do/ /mtshams shig tu spor
tog tu phebs nas grub pa'i dbang phyug phyogs las rnam rgyal
ba'i drung du

dpal dus kyi 'khor lo'i dbang gong ma rnams dang bcas pa dang/
gzhan yang bka' chos mang du gsan/ glang mig tu yang 'jam
dbyangs legs pa'i blo gros kyi sku skye rin po che glang mig pa
zhes grags pa de nyid kyi drung du'ang

@044a @#/ /dam pa'i chos mang du gsan no/ /de nas sman thang nas
chos kyi rje blo bzang rgya mtsho dpon slob rnams kyis thugs kyi
khur bzhes te/ 'du khang gi logs bris yongs su rdzogs par mdzad
cing/ gung du

rgyal ba blo bzang don grub kyi sku 'dra skya ris btab pa'i tshe
nyin mtshan khor yug tu mar me bzung ba sogs ngo mtshar ba'i ltas
du ma yang byung/ sku 'dra 'dis rje bla ma la mnal lam du gsung
lan gnyis tsam byon gsung ngo/ /

mthar bde bar gshegs pa'i sku dngos su byon pa lta bu skye bo
mtha' dag yid 'phrog cing/ mkhas pa rnams mgu ba bskyed pa'i
logs bris legs par grub ste rab tu gnas pa'i dga' ston yang
rgyas par bsgrubs

so; ;de dag la 'di skad ces bya ste/ rgyal kun mkhyen brtse'i
pir gyi byed po yis/ /legs bris 'jam dpal dpa' bo'i ting 'dzin
gyi/ /char sprin bzlas brjod dbyangs kyi nga ro can/ /srid gsum
gdug pa kun la bsdigs

pa bzhin/ /gang thugs zla shel nor bu'i me long ni/ /sgrib gnyis
rnyog pa'i dri ma kun bral bas/ /lha dang bla ma'i thugs rje'i
sgyu 'phrul gyis/ /bskrun pa'i ya mtshan snang ba brgya phrag
'dzin/ /tshe rabs kun tu 'du 'dzi'i

g.yeng ba yis/ /rnam par dben pa'i dga' ston la chags pas/
/gcig tu zab don snying po bsgrub pa la/ /rtag tu ngu de sher
phyin 'tshol bzhin gyur/ /rigs kyi cod pan bka' yi rdo rje'i
'phreng/ /spyi bo'i gzhi

@044b la rab brten zhabs sen 'od/ /dge 'phel chos kyi khri la
mngon par 'dzegs/ /slar yang dga' ldan chos kyi gdan khri la/
/ma pham rgyal ba'i dbang po ji bzhin du/ /blo bzang rgyal ba
gnyis pa'i rgyal tshab tu/ /lha

dang bla ma'i tshogs kyis dbang bskur stsal/ /stobs ldan 'khor lo
gsum gyi ser bu yis/ /ngan rtog dri ma'i chu 'dzin rgyang
bsrings te/ /thub bstan kun gsal mdzes ma'i lang tso mchog
/mngon par gsal

ba'i mdzes sdug ci yang 'dzin/ /zhes bya'o/ /de nas dpon slob
tshangs ma gangs can chos 'phel du phebs te/ rdo rje 'dzin pa
chen po rig pa seng ge'i drung du bde mchog lo dril gnyis kyi
dbang/ 'jigs byed kyi dbang/ kyai rdor

gyi dbang/ 'khor chen gyi dbang/ tshe dpag med lha dgu'i dbang/
dpal ldan lha mo'i dbang bzhi/ gur zhal gyi rjes gnang/ nA ro
chos drug gi 'khrid/ bde mchog gi Tika chen 'dod 'jo/ rdzogs rim
rnal 'byor chen po'i rnam

bshad/ brtag gnyis Tika chen/ kyai rdor/ bde mchog rnams kyi
mngon dkyil so so'i lung sogs chos mang du gsan nas/ slar grub
gnas dam par phebs/ de nas sprul pa'i sku thams cad mkhyen pa
sog yul la khar par

mjal bar bzhed de/ dpon slob thams cad glang gi lo zla ba gsum
pa'i nang du dbus phyogs su phebs te/ thog mar lha sar jo zhal
sogs kyi drung du bstan pa rgyas pa'i smon lam yang dag pa
mdzad/ der dpal gyi lha mos

@045a @#/ /dngos su gsung byon par yang 'dug /de nas ri bo dge
ldan du/ chos kyi rje byams pa rgya mtsho'i drung du 'ang lam rim
gyi mgo nas chos 'brel zhig nos/ de nas thams cad mkhyen pa'i
drung du dad gus kyi

kun nas bslangs pa'i 'bul ba yang dag pas mnyes par byas shing/
zab pa dang rgya che ba'i chos mang du zhus/ lha'i btsun pa bsod
nams dpal bzang po'i drung du'ang spyod 'jug mtshan brjod la sogs
pa'i lung du ma

zhus; dam pa 'di nyid kyi drung du'ang/ stobs kyi 'khor los
bsgyur ba dge ldan pa yab sras la sogs pa'i mi chen dang/ dge
ba'i bshes gnyen du mas zhabs la gtugs shing/ zab pa dang rgya
che ba'i chos kyi bka' drin

yang dag par stsal te/ slar gtsang phyogs su phebs/ de kha'i
ston gtsang rong gi sde 'khrugs chen po byung ste/ gra pa byings
bsod snyoms la byon bshul gzims khang na dpon slob gsum las med
pa'i tho rangs zhig /pa rnam

rdzong gi srung cha ba'i khrod nas dwags po dang/ de la brten
pa'i pa rnam pa'i pho yan 'tshogs pa'i dmag gi tshogs shin tu
'jigs pas bcoms te/ mda' mtshon gyi char phab/ de'i tshe/ bdag
nyid chen po 'dis de ltar ma

byed ces 'jigs pa med pa ltar sku mngon du phyung ste/ skal ngan
de dag la go bar mdzad pa na/ ngan pa de dag gis/ dam pa 'di la
ches cher bsdigs nas mda' 'phangs pa phal cher bdag nyid chen
po'i sku las yol te

@045b 'gro zhing/ 'ga' zhig phog kyang/ ji ltar rdo rje rin po
che'i rang bzhin gyi brag ri la mda' phal pa 'phangs pa ltar
gnod pa med par 'brul bar byed do/ /der sdig pa can de dag kyang
'di ni mtshon bsrungs bla na med pa dang ldan pa

zhig go /ces sgra dbyangs sgrogs mod kyang/ lha dang bla ma'i
thugs rje'i gzi byin gyis yin gyi/ mtshon bsrungs tha mal pa ni
gtan nas med gsung ngo/ /der rjes 'khor gyi tshogs 'dus pa'i dbus
su/ da rang cag rnams/

bka' gdams gong ma rnams kyi rnam thar ltar dang po nyid nas
bzod par byas te/ gnod lan du phan pa bsgrub pa'i smon lam btab
ste ji mi snyam par 'jog gam/ yang na/ rje btsun mid la ltar
dang por mthu'i sgo nas tshar

bcad de/ phyis rjes su 'dzin pa'i smon pa byed/ ces bka' stsal
pa las/ thams cad kyis mgrin gcig tu/ dben dgon 'di yang sa
mtshams su song bas da lam rtags thon pa zhig ma byung na/ sde
'di yang 'jig par

thug pas/ ci nas kyang drag po'i chad pas tshar gcod pa zhu/ zhus
pa ltar bsgrub pa'i rdzas rnams tshogs par byas te/ dpal rdo rje
'jigs byed kyi bsnyen bsgrub mthar son pa'i dpon slob bco lnga
tsam gyis/ zhag nyer gcig

gi bar chos kyi rgyal po'i gtor chen drag por bsgrubs te
'phangs/ de dag gi tshe/ zil dang 'ur choms sogs chos skyong
dngos su bran ltar 'khol ba'i rtags byung zhing/ zla gcig ma
g'gor bar dgra bo'i dpung rnams rgyu gzer

@046a @#/ /phyis kun tu 'joms shing/ dmag la 'ongs pa'i gtso bo
de dag ni rim bzhin rtsa ba yang bud de/ deng sang ming tsam lus
pa bsnyon med du mthun snang grub pa 'dir 'dug /de ltar na/ rje
'di nyid chos skyong la

mnga' brnyes pas/ gtor brdeg dang bskang gso sogs gang gnang
kyang zil gzhan pas che ba zhig 'ong/ gtor brdeg mdzad pa'i sla
nga la zhabs rjes byon pa 'di mang du byung 'dug cing/ bskyed
pa'i rim pa mthar phyin

pas lhag pa'i lha'i nga rgyal dang gsal snang shin tu brtan pa
mnga' ba'i stobs kyis/ nang mchod rang khol ba dang/ tshe ril
'phar ba dang/ bdud rtsi 'bab pa dang/ tshe chang khol ba dang/
spyan dbye'i tshe/ lhas me tog dngos

su bzung ba yang du ma zhig byung/ phyis ni mkhas shing grub
pa'i snyan grags kyi 'ur langs te/ phyogs phyogs kyi sde dgon so
so'i bla ma dang/ sde dpon mang pos kyang mchod gnas 'gran zla
med par bzung ba yin no/ /

de'ang dus rgyun par yang/ bla ma lha'i rnal 'byor kho na la
bsgrub pa snying por mdzad cing rtogs pa khyad par can de la
brten nas brnyes te/ bka' las/ dpal ldan bde chen dben sa'i pho
brang du/ /rtse gcig bsgrub la

brtson pa'i rnal 'byor nga/ /rtag tu bla ma dran pa'i bsam gtan
la/ /g.yel med gcig tu gzhol zhing brtson par byed/ /gsungs/
yang bka' las/ kwa ye ma yengs dran pa'i chu 'dzin mthug po las/
/don dam

@046b rigs pa'i gnam lcags char phab nas/ /mthar 'dzin brag ri'i
phung po myur bshig ste/ /bde chen dam pa'i gnas su bgrod pa ni/
/e ma ngo mtshar dpal gyi dam pa'o/ /zhes gsungs/ gzhan yang dge
ba'i bshes gnyen du

mas bskul ba dang/ bdag nyid rje btsun blo bzang don grub kyi
bka' drin dran pa'i nyams mgur yang mang du mdzad de/ 'di ltar/
na mo mahA mu trA ya/ pha gi zhig rgya mtsho chen po na/ /yid
bzhin nor bu rin chen yod/ /ded dpon

gyi thabs la ma brten na/ /gting mtha' zab pas rnyed par dka'/
/'di kha zhig gsung rab kyi rgya mtsho na/ /snying po yid bzhin
nor bu yod/ /mtshan ldan gyi thabs la ma brten na/ /zab rgyas kyi
spros pas rnyed par dka'/ /dka'

tshul 'di snying gi dkyil du chongs/ /dpa' bo dang dpa' mo'i
thugs kyi bcud/ /ngoms pa rang med par gsol ba zhu/ /zhu ba 'di
rang sems rgyal po la/ /gdams pa bde chen gyi gter mdzod yin/
/zhes pa dang/ yang/ na mo

mahA mu trA ya/ rgya mtshor yod pa'i nor bu rin chen de/ /shugs
drag rlabs kyis phyogs su bskyod na yang/ /bsod nams ldan pa'i
'gro ba'i dpal du che/ /bstan pa'i snying po rang sems bde chen
de/ /rnam par rtog pa'i

'khrul pas g.yo na yang/ /dad ldan skal ldan gdul bya'i dpal du
che/ /che bar gyur cig bla ma lhag pa'i lha/ /zhes bya ba la
sogs pa gsungs par snang/ de nas bdag nyid chen po dgung lo lnga
bcu nga brgyad bzhes

@047a @#/ /pa; sna tshogs zhes pa chu pho rta'i lo'i dgun bsam
grub rtse nas phyag dam nan ches pa'i stobs kyis/ dge 'phel khri
thog tu phebs/ lo lnga'i bar du dam pa'i chos kyi 'khor lo bskor
te/ chos kyi khrims kyang

yang dag par bsdams pas bka' drin gyis khyab par mdzad do/ /de
dag la 'di skad ces bya ste/ /lung dang rigs pa'i rgyud mangs
sgras/ /rna ba'i bcud len rgyas byed gang/ /log smra so ldan
mtha' dag la/ /seng ge'i nga ro

bzhin sgrogs pa/ /gang de'i legs bshad 'od stong gis/ /snying
stobs dri bsung rdzogs pa yi/ /yid 'ong chu skyes gzhon nu ni/
/mngon dga' rgyas pas ci yang rgod/ /bkra shis 'khor los mtshan
pa'i rdul/ /sprin

zhon phyogs su legs bris shing/ /phyag na padmo'i grib bsil la/
/brten nas 'gro la mi 'jigs ni/ /slar yang grub pa'i 'phur lding
gis/ /rol pas rang gi bsti gnas gshegs/ /bsgrub pa'i tsher ma rno

ldan pa'i/ /zhing bcu las 'ongs myu gu rnams/ /'phrin las drag
po'i me char gyis/ /'joms mdzad rig sngags 'chang ba'i rje/ /'di
yi phan bde'i khur chen gyis/ /mkhas pa mtha' dag ngal ba 'dzin/
/zab rgyas

mgrin pa'i dril chen gang/ /srid rtse'i bar du 'khrol ba na/
/byed po rang gi mgrin skyes la/ /skyengs nas bsam gtang rdzu la
brten/ /dge 'phel gdong lngas mngon mdzes pa'i/ /chos kyi khri
gdan yangs pa la/ /

@047b chos bzhin 'dod dgur dbang bsgyur ba/ /zla dang bral ba
'di nyid do/ /zhes bya'o/ /de nas/ 'phags pa 'jig rten dbang
phyug gi gdung 'dzin/ 'gro ba du ma'i 'dren pa/ gnas rnying nas
rje 'jam pa'i dbyangs/ dge 'phel

gyi khrir bkod nas dam pa'i chos dang zang zing gi bka' drin
gyis khyab par mdzad/ slar yang grub pa'i gnas mchog dben sa
chos kyi pho brang du phebs te/ dgun phal cher bsgrub pa bsam
gtan gyi 'khor lo dang/ dbyar chos la/

phyogs phyogs kyi sde snod 'dzin pa dang/ gnyug mar gnas pa
rnams la zab rgyas mdo sngags kyi chos bka' ci rigs pa stsal
cing/ ston dpyid/ shangs dang/ nyang stod/ rong phyogs su phebs
te/ skye bo brgya stong phrag mang po

bla na med pa'i lam du rigs nges par mthong ngo/ /mdor na/ bdag
nyid chen po 'di ni/ tshul khrims gsum gyis yang dag par bsdams
shing/ chags sdang mgo gnon pa/ lhag pa'i lha'i rnal 'byor las
g.yel ba med cing/

bde stong gi ting nge 'dzin mnga' ba/ rgyal ba blo bzang don
grub rang nyid kyis/ dben dgon 'di gnyer du gtad pa'i bka' las
'god pa med par sgrub pa'i sde 'di kho na thugs kyi dkyil du
bcug nas/ 'khor lo gsum gyis dus

'da' ba ste/ rgyu mtshan de nyid las na/ sku tshe phyi ma rnams su
yang/ dben dgon 'di dar rgyas su byed pa la zla dang bral ba'i
mdzad pa can du 'gyur ram snyam mo/ /de ltar/ zhing 'di'i sku
dngos kyi gdul bya rnams kyi don bsgrubs

@048a @#/ /zin pa na/ nyid kyi drug cu re bdun pa/ bong bu zhes
pa lcags mo yos kyi lo zla ba bcu pa'i nyer lnga la/ rkyen cung
zad la brten nas rong byams chen du phebs te/ zla ba bcu gcig
pa'i yar ngo'i tshes bcu bzhi la/

ngo mtshar ba'i ltas dang bcas te mya ngan las 'da' ba'i tshul
bstan no/ /de nas dgung zhag bdun gyi bar du sir bu'i rgyu ba
chad cing/ lha'i me tog gi char babs/ sku gdung slar dben dgon
du gdan drangs nas zhugs la sbyangs/

zhag zhe dgu'i bar du tshogs pas gung tshigs yan la/ dpal rdo rje
'jigs byed kyi dkyil 'khor bsgrubs nas dbang blangs shing/ dgung
gi ring bla ma mchod pa'i cho ga mdzad/ mdor na grwa bu slob/
sde dpon gyi sbyin bdag

so so dang bcas pas thugs khur tshad med pa bzhes te/ dgongs pa
yongs su rdzogs par byas/ bkra shis lhun po/ dge 'phel/ byams
chen sogs chos sde rnams su/ mang ja 'gyed bcas/ 'bul ba gya nom
pa dang bcas pa

yang dag par bsgrubs/ phyis dgung zhag grol nas spur khang zhal
phye ba na/ ring bsrel sran ma tsam zhig gis snying por byas
shing/ phyi rnams ring bsrel gyis byur bur gtams pa'i thugs
gnyis/ ljags/ spyan/ rtsa dbu

ma byang sems dkar dmar gyis gang ba/ dbu klad ring bsrel gyis
byur bur gtams pa sogs byon zhing /ring bsrel gsil bu ba ni shin
tu mang bar byon no/ /spur khang gi sa phag rnams la gzhi byas/
phyi rol du sku

@048b tshe byin rlabs kyi mchod rten shin tu legs pa zhig dgung
zhag grol 'phral du bzhengs/ dpal 'khor lo sdom pa'i sgo nas rab
gnas rgyas par byas/ de nas nged rang gi bsam pa la/ rten
bzhengs sogs kyi g.yeng ba mi byed

par gcig tu bsgrub pa'i rgyal mtshan bzung te dgongs pa rdzogs
par bya'o/ /snyam pa zhig yod kyang/ grwa bu slob sbyin bdag
dang bcas pas bka' bgros te/ rang byon rnams bzhugs pa'i rten
bzhengs cis kyang byed dgos

tshul byung ba ltar/ de'i ston shangs dang rong phyogs su dbang
sbyin dang dge bskul byas/ dgun snyigs dus kyi rgyal ba gnyis
pa/ rje bla ma'i sku gdung rin po che mjal ba dang mkhas pa dang
grub pa rnams las legs par bshad

pa'i skyes blang ba'i phyir/ skyid shod phyogs su phyin/ lha
dang bla ma'i thugs rje'i bdag rkyen la brten nas/ gang dang
gang du song ba der 'bul ba dang bsnyen bkur yang dag pa byung
zhing /dpyid gtsang du 'khor/ de nas chos kyi rje

blo bzang rgya mtsho bas sbyin bdag dang zhal bkod kyi mthil
mdzad nas/ rje bla ma rang nyid kyi sku 'dra bskal pa dang po'i
mi tshad tsam gser zangs las grub pa blta bas chog mi shes pa
zhig bsgrubs te/ lha bzo ba rnams kyang

'bul nod kyis mnyes par byas/ 'khor lo bde mchog gi sgo nas rab
tu gnas pa rgyas par byas te/ byin rlabs kyi gzi byin 'bar bar
bzhugs so/ /de lta bu'i dam pa 'di la dbus gtsang gi ljongs 'dir
bu slob mang du

@049a @#/ /byung ba rgyas par ni brjod par mi spobs mod/ rags pa
tsam smos na/ gnas rnying nas rje rin po che 'jam pa'i dbyangs/
jo gdan mkhan rin po che nor bzang rgya mtsho/ shar rtse slob
dpon pa rje shAkya

mchog grub/ chos rje bsam blo shes rab rgyal mtshan/ chos kyi rje
rgyal ba'i 'byung gnas/ mnga' ris bka' bcu pa blo bzang dpal
mgon/ mkhan po sangs rgyas tshul khrims/ mnga' ris mkhan po bsam
rdor pa/ chu bar

rin po che don yod rgya mtsho/ dbus pa chos rje dge legs pa/
mtshan sgrogs mkhan chen sdings pa nang so/ kong ston 'jam
dbyangs rgyal po/ zhal snga nas 'jam dpal rdo rje/ chos rje gung
ru shes rab bkra shis/ chos rje

chos don pa sogs bstan pa'i rtsa lag tu gyur pa'i dge ba'i bshes
gnyen mtha' yas shing /rgyal ba blo bzang don grub kyi slob ma
mkhas grub de dag las phal mo che zhig gis rje 'di pa'i zhabs
pad gus pas bsten cing/

bdag cag gis kyang zhabs pad rgyun ring du bsten nas/ yongs su
rdzogs pa'i gdams ngag gi bka' drin yang dag par mnos te/ rgyal
ba sras dang bcas pa'i 'phrin las spel ba'i khur bzung ba 'di
lags so/ /de

dag la 'di skad ces bya ste/ sa la zung gi rkang 'thung gi /grib
bsil bsten pas rgyal ba bzhin/ /mkhyen brtse rdzogs pa'i nyi ma
de/ /brtse bas phyi bzhin gzigs pa yi/ /'od dmar dang bcas nub
rir 'chel/ /ma rig

@049b ling tog gis bsgribs shing/ /bshes gnyen dmigs bu dang
bral ba/ /kye ma bdag cag skal ba dman/ /yid kyi bud shing mya
ngan gyis/ /sbar ba'i shugs ring dus mtha'i me/ /gzhom phyir mig
gi sprin chen las/ /mchi ma'i gru

char 'bebs pa bzhin/ /de tshe gser zhun brtsegs 'dra ba'i/ /rtse
mo can gyis rdo rje'i sku/ /ril mid mthar byas ngo mtshar ba'i/
/sha ri ram sogs 'dod pa 'jo/ /gang gi sor mo'i rlabs dag las/
/'ongs pa'i snang brnyan 'dab

stong can/ /byin rlabs dri bsung 'bum 'phro ba/ /lhar bcas 'gro
la skal bzang byed/ /ces bya'o/ /'dir smras pa/ long long intra
nI la'i chu 'dzin mkha' dbyings mdzes ma'i lang tsor 'khyud/
/khyug khyug 'bar ba'i skra can dang mtshungs

bde 'thung zlos gar mngon par bsgyur/ /zim zim mu tig gru char
tshogs 'bab sgra brgya pa'ang dal gyis rgod/ /mdzes mdzes rma
bye'i na chung gar bsgyur 'di dag 'jig rten ngo mtshar byed/ /des
kyang dper 'os ma yin pa'i/ /mkhas pa

rnams kyi dus ston gang/ /tshig don dbu ba rab dkar ba'i/ /legs
bshad bdud rtsi'i mchod yon no/ /de phyir phyogs kyi bu mo yi/
/rna lung yangs pa'i mdzes ma la/ /gtam snyan utpal phon po
yis/ /dga' mgur rol pa'i

byed pa gang/ /phyogs 'di'i deng sang snyan dngags mkhan/ /kun
gyi ral pa'i zur phud la/ /tshig gi gom pa 'god mkhas pa/ /chos
kyi rgyal mtshan zhes bya'o/ /sum rtsen dri ma kun bral ba'i/
/bai DUr yung 'bru'i tshad kyis

@050a @#/ /kyang; ;gser sbyangs rdul mang mthor brtsegs pa/ /ma
mthongs 'gog pa zil gyis gnon/ /rdo rje slob dpon ba spu'i
khung/ /bsngags pa'i rnam dkar phung po la/ /rab 'byams rgyal
ba'i 'khor lo kun/ /bsngags

pa'i dge bas 'god nus min/ /de phyir 'dir bde legs spyad tshogs/
/ji snyed bskrun des 'gro ba kun/ /skye dang skye ba thams cad
du/ /dam pa'i mgon dang ldan gyur cig /bdag kyang 'jam dpal
snying po yi/ /drin las mtho ris

them skas mchog /rim bzhin 'dzegs te sku gsum gyi/ /gzhal med
khang du myur 'jug shog /ces mkhas grub chen po gsum gyi rnam
par thar pa mkhas pa'i yid 'phrog grub pa'i rgyan ces bya ba 'di
ni/ bde bar gshegs

pa'i mtshan snyan dbyar skyes kyi rgyud mangs gangs khrod kyi
skal bzang mdongs ldan gyi rna ba'i rgyan du rgyun mi 'chad par
sgrogs pa'i jo bo stan gcig pa rnams kyi cod pan mkhan rin po
che nor bzang rgya mtsho dang/ rje rgyal ba gnyis

pa'i bstan pa bstan 'dzin dang bcas pa la/ mi phyed pa'i dad pa
dang ldan cing /mchog tu ma smad pa'i blo gros mtshungs pa med
pa/ gangs ri'i khrod kyi mgon med zas sbyin gnyis pa nang so
lhun grub gling pa sogs bu slob

sbyin bdag dang bcas pa du mas bskul zhing/ khyad par bdag nyid
chos kyi rjes su 'brang ba'i dad pas nye bar bskul ba la brten
nas/ rgyal ba blo bzang don grub kyi rnam thar/ a yu nas chos
rjes mdzad pa la gzhi byas/ rje bla

@050b ma'i gsung gis brgyan cing/ nyams mgur du mas kha bskang/
rje btsun sangs rgyas ye shes kyi rnam thar bdag nyid la stsal
ba rnams gces par bzung ste/ rje btsun de nyid kyi bka' 'bangs
tha chung/ mang du thos pa'i rgyal khams

pa blo bzang chos kyi rgyal mtshan gyis/ dben sa chos kyi pho
brang du sbyar ba'i dngos gzhi'i yi ge pa ni dge slong dge 'dun
dar rgyas so// 'di la brten nas kyang bstan pa rin po che yun
ring du gnas par gyur cig / //

oM swasti/ lhar bcas 'gro ba'i gtsug rgyan mkhyen brtse'i gter/
/byams mgon chos kyi mdun sa mdzes pa'i rgyan/ /rje btsun 'jam
dpal snying po'i zhabs pad la/ /snying nas 'dud do thugs rje'i
lcags kyus bzung/ /blo

bzang dbyangs can bzhad pa'i dpal mnga' zhing/ /thub dbang chos
kyi khri la rnam par rol/ /'dzam gling bstan pa'i rgyal mtshan
'dzin pa'i gtso/ /dpal ldan bla mas deng 'dir dge legs stsol/
/'di na bde legs 'dod dgu

'byung ba'i dpal/ /rgyal bstan chu glang bdag po'o de yang ni/
/rnyog bral mkhas grub gdengs can kun dga' gnas/ /dge ldan bka'
gdams rgya mtsho las gzhan gang/ /phan bde'i rtsa lag de yang ji
srid bar/ /'dzin skyong

phyogs dus kun tu spel ba la/ /phyogs las rnam rgyal mdzad pa'i
rgya mtsho las/ /mkhas grub gsum gyi rnam thar grub pa'i rgyan/
/smyung bar gnas pa'i cho ga nor bu'i phreng/ /bde ldan zhing du
bgrod pa'i myur lam dang/ /sman

@051a @#/ /bla'i mdo chog yid bzhin nor bu rnams/ /nam mkha' ji
srid rje btsun bla ma dang/ /lhan cig zhabs brtan skal ldan re
bskong phyir/ /mi zad rgya cher spel ba'i chos sbyin 'di/ /gangs
can shar phyogs dwags

po'i yul ljongs su/ /rnam thos pho brang 'dzin mar 'phos pa
lta'i/ /lcang ra mkhar thog zhes bya'i gzhis kha nas/ /blo bzang
rgyal ba'i bstan dang bstan 'dzin la/ /gus ldan lha mo'i mtshan
can gang de yis/ /lhag

bsam dag pa'i khur bzhes legs par bsgrubs/ /de ltas bla ma mchog
gsum thugs rje dang/ /'dir 'bad las byung dge tshogs rgya mtsho'i
mthus/ /gnas skabs yum sras sku tshe rab brtan zhing/ /bzhed pa'i
don

kun chos bzhin 'grub gyur cig /khyad par mi dbang mgon po tshe
brtan gyi/ /sku tshe sa 'dzin dbang po ltar brtan zhing/ /dpal
'byor mnga' thang rigs brgyud dbyar mtsho bzhin/ /'phel zhing
rgyas nas chab srid dge

gyur cig /gzhan yang deng nas skye ba thams cad du/ /mtho ris
yon tan bdun ldan rten thob cing/ /blo bzang rgyal ba yab sras
la sogs pa'i/ /theg mchog dge ba'i bshes kyi mgon dang mjal/
/tshangs spyod thar pa'i

rgyal mtshan legs bzung ste/ /bslab gsum byang chub sems kyis
rgyud sbyangs nas/ /bgrod gcig zab don rtogs pa mthar phyin te/
/zung 'jug dbang gi rgyal po myur thob shog /par gyi rig byed
chos lung e phyogs

@051b nas; ;yig brkos 'phrul la rab mkhas dad brtson can/ /rtsa
ri dar rgyas dpon slob bcu phrag gis/ /gsegs gcod gar bsgyur
rnam 'phrul 'di ko mtshar/ /dpal ldan byang chub rdo rje'i tshig
/gzhar yang nongs bral

rang bzhin nyid/ /rnam mangs yi ge'i lam 'ongs phyir/ /de la byi
dor ci zhig 'gal/ /de bzhin rdo rje 'dzin nyid kyis/ /rjes gnang
bka' stsal rin chen dbyig /spyi bor mchod pa'i ma ti bas/ /cung
zad zhus bgyis nongs na

'chags/ /mdor na 'di'i phyir sgo gsum re res 'bad pa bgyis sogs
legs byas gang/ /gang zhig thob des bdag sogs 'gro rnams deng
nas bzung ste tshe rabs kun/ /kun mkhyen blo bzang chos kyi rgyal
mtshan khyod

zhabs bsten cing khyed gsung nyan/ /nyan bsam bsgom pa kun gyi
mthar son khyed ltar bstan 'gro'i dpal gyur cig /bstan 'dzin
zhabs brtan bstan pa rgyas/ /rgyal po chos bzhin spyod par shog
/'gro kun bde ldan phun

tshogs kyi/ /dpal la rol pa'i bkra shis shog / //