@#/ /chos kyi rje sa skya paNTi ta kun dga' rgyal mtshan gyi rtogs
pa brjod pa dri za'i glu dbyangs zhes bya ba bzhugs so/ /

@001a @#/ /na mo gu ru manydzu g+ho ShA ya/ rab mdzes li khri'i
rdul mang mthor brtsegs indra nI la'i cod pan can/ /dmar ljang
mgyogs 'gro'i bdag po bye ba'i 'od kyis lang tsho

rgyas byas shing/ /spel legs rgyu skar do shal rnam bkra 'dren
byed rab dga' spungs 'dra ba'i/ /'jam pa'i dbyangs ces snyan
pa'i grags pa srid na gsol ba de la 'dud/ /'jam dbyangs

gzhon nu mthon mthing gi /ral khur rin chen rgyan spangs te/
/ngur smig gar gyis rnam rol ba/ /paN chen chos rje'i rtogs
brjod bri/ /skal bzang thub pa'i nyi ma rnams/ /bdud rtsis

mgron du gnyer ba'i gnas/ /shrI dzambu dI ba'i snying/ /bo d+ha
brak+Sha'i mU la nas/ /gsang 'dzin gzhal yas khang gi ngos/
/dpag tshad brgya ni 'das pa'i sa/ /dge mtshan skye bo'i 'od zer
gyi/ /

@002a @#/ /ri mo rnam par bkra ba'i klong/ /gdengs can dbang po
bsrung ba yi/ /rigs kyi pad tshal bzhad pa'i dbus/ /dpal chen 'od
ldan nam mkha'i nor/ /nyi khri lcam zhes shar

phyogs kyi/ /sa 'dzin brgyan pa'i 'jo sgeg las/ /chu stag dpa'
bo dpyid dus kyi/ /gra 'dzum rgyas pa'i nyer drug la/ /yon tan
'dab ma stong ldan pa'i/ /rgyal sras padma dkar po 'khrungs/ /

de'i tshe byis pa tha mal pa'i/ /spyod tshul mngal gyi 'dab ma yi/
/'ching ba'i rgya dang lhan cig grol/ /mtshan dpe bkra ba'i gzi
byin dang/ /ltas bzang 'ja' tshon dra bas khebs/ /bltams

ma thag tu saM skri ta'i/ /mgrin pa'i sil snyan 'khrol ba ni/
/sgyu 'phrul chen po'i rtsi ba logs kyi/ /chu 'dzin god par las
thon pa'i/ /rgyal sras nyin byed gzhon nu bzhin/ /kun gzigs

zhing gi 'dren pa yi/ /bsod nams ye shes dpal ldan zhing/ /don
kun grub phyir don mthun pa'i/ /mtshon gyi utpal ge sar rgod/
/skye ba du mar rnam dpyod kyi/ /gru rdzings brtson pa'i rlung

@002b gi dar/ /phyar bas shes bya'i sa mu dra/ /rnam mang yang
yang brgal ba'i mthus/ /deng 'dir lan re zung res kyang/ /gnas
lnga la sogs thun mong dang/ /thun mong min pa'i rig gnas kun/
/mkhyen pa'i 'dren byed stong rgyas

pas; ;kun mkhyen lha yi dbang por 'gran/ /lo ni gcig dman bcu
phrag gi /lang tsho ldan pa'i thugs kyi mtsho/ /kyai rdor la sogs
gsang sngags kyi/ /sgrub thabs mang po'i nor ldan cing/ /gzhan
la 'doms pa'i slob

dpon gyur/ /de nas zla dang bcas pa'i lor/ /brtag gnyis sangs
rgyas mnyam par sbyor/ /bsam 'phel yid bzhin dbang gi rgyal/
/legs bshad srad bu la brgyus te/ /skal bzang mgul pa'i rgyan
dag tu/ /rin

chen do shal gzhan bzhin bkod/ /bcu bzhi'i dus su gur sam gyi/
/legs bshad gsar pa'i me tog gis/ /thub bstan dga' tshal mdzes
byas pa'i/ /mchil pa rnon pos mkhas rnams kyi/ /yid ni zhags

pa med par bzung/ /phyi lo dpal chen 'od bzang po/ /'phre dang
bsod nams pir rtse mos/ /bris pa grags pa'i rgyal mtshan ni/
/g.yo ba rang rigs dam pa yi/ /zhal skyen chu skyes gsar pa la/
/rab chags mdo

rgyud man ngag gi /lung bshad dbang dang rjes gnang sogs/
/'phags yul ma dros mtsho chen las/ /tshad med dza hu'i bu mo'i
rgyun/ /ma lus bdag nyid chen po de'i/ /zab yangs thugs kyi rgya
mtshor 'khyil/ /

@003a @#/ /de nas lo gsum 'das pa'i dus/ /mnal lam a phyi'i
mchod rten drung/ /'dzam gling mkhas pa'i gtsug gi rgyan/ /ngur
smrig gis klubs dbyig gi gnyen/ /chos kyi ma mo mngon pa'i
mdzod/ /phye nas

legs bshad nor bu 'gyed/ /der ni sgo gsum gus pa yis/ /'dod
dgu'i rin chen ci yang blangs/ /sad tshe tshig don ma lus pa/ /ma
'dres 'ja' tshon bkra ba yi/ /ri mo mdzes pas mgon po de'i/ /yid
kyi gzhal med

khang chen brgyan/ /de bzhin rgya gar dbang po'i phyogs/ /rnam
par rgyal ba'i zhing dag gi /'khor lo can zhes bya ba'i yul/
/slob dpon phyogs gyi glang po yi/ /brag phug yin zhes nyams
dga' bar/ /rje btsun mdo dang

bcas pa yi/ /glegs bam lde mig ldan pa gtad/ /sad tshe rgyal sras
gzhon nu de'i/ /yid kyi lha lam rab dga' yi/ /mtshams sprin li
khri'i mdangs 'dras mdzes/ /de nas 'phrang bu dge ba'i bshes/
/zhu ston rin

chen bai DUrya'i/ /rgyud mang bskul ba'i sgra dbyangs las/
/drangs pa'i ma pham chos lnga dang/ /chos mngon kun btus glu
dbyangs kyis/ /rnam dpyod sgra 'dzin dbang por bcas/ /bdud rtsis
bran cing tshim pa thob/ /gang tshe bcu zung lang

tsho yi/ /thig le gsal bar shar ba'i tshe/ /mtshur ston gzhon seng
zhes bya ba'i/ /legs bshad 'od rno'i thur ma yis/ /sems dpa'
mchog de'i blo gros kyi/ /'dab brgya phyi nas rnam nges pa'i/
/sbrang rtsi'i zil dngar bcud

@003b chags pas/ /rkyang thur chos kyi skyed tshal du/ /blo gsal
bung ba'i tshogs bsdus te/ /bya rgod phung po'i ri bo bzhin/
/'chad rtsod rtsom pa'i 'phur lding gis/ /rnam rol chos kyi
'khor lo bskor/ /phyir yang chu lha'i nor

'dzin ngos/ /zhabs skyes 'khor los mtshan pa yi/ /phun tshogs ri
mo 'bri ba'i bar/ /chu mig ces bya'i chos kyi grwar/ /bskal
bzang 'gro ba'i rmongs mun tshogs/ /sel byed sgron me bdun pa
zhes/ /sgra brgya bal gyis rgod

pa yi/ /zhabs sen ral pa'i rgyan du bkod/ /de las byung ba'i
chos mchog sogs/ /bka' drin gser gyi rdo rje ni/ /lci bas non
kyang ngal ba spangs/ /gzhan yang ma hA paNTi ta'i/ /phyag
brnyan da na shI la dang/ /sangg+ha shI la

sogs las kyang/ /legs bshad 'o ma'i rgyun bab pa/ /mgon 'di'i
thugs kyi rdzing yangs por/ /zla shel zhun ma bzhin du 'khyil/
/de nas bdag nyid bsti ba'i gnas/ /dam par mkhas pa su ga te/
/shrI spyan drangs thun mong

dang; ;thun mong min pa mdo rgyud kyi/ /legs bshad mu tig char
phab pas/ /mgon 'di'i mang thos gsan pa yi/ /yangs pa'i snyim pa
yongs su gang/ /nam zhig lang tsho ma rga ta'i/ /phreng ba nyer
bdun ldan pa'i tshe/ /

shAkya seng ge'i tshogs gnyis kyi/ /dpal la 'gran nges mkhan po
dang/ /byang sems kun gyi spyi bor ni/ /yon tan nor bu'i lhas ma
yis/ /mdzes pas las mdzad don mo ris/ /gsang ston tshogs mchog
'dus pa'i

@004a @#/ /dbus/ /rdzogs par bsnyen te gangs khrod kyi/ /zas
gtsang sras po lta bur gyur/ /mkhan slob dbang phyug seng ge
sogs/ /phun tshogs g.yas su 'khyil ba yi/ /mgrin pa'i sbubs las
'khrungs

gyur pa'i/ /rigs gzhung 'dul mngon pha rol phyin/ /rigs tshogs
dus gsang bde dgyes dang/ /lam 'bras chos drug bka' gdams skor/
/phyag rdzogs zhi sogs rgya bod kyi/ /mdo rgyud man ngag snyan
brgyud tshogs/ /yang dag

yang dag ltar snang sogs/ /sgra dbyangs dbyar skyes rnga gsangs
ltar/ /sgrog pa mang thos mthar son cing/ /tshig don ji bzhin
thugs su chud/ /legs bshad rin chen ma lus pas/ /bdag nyid gcig
pu rgyan 'dod pa'i/ /indra

nI la'i lhung bzed ni/ /'bras bu bzang po'i snye mas gang/ /zab
rgyas chos kyi bang mdzod de/ /'chad pa'i rin chen khrir bzhugs
nas/ /legs bshad 'od dkar 'bum spros te/ /mkhas mang kun da'i
tshal rab spel/ /mdo

rgyud lus stobs rab rgyas shing/ /rigs pa'i mche snger mi bzad
pas/ /rgol ngan glang chen ma lus pa'i/ /spobs pa'i myos bum cig
car dral/ /rnam dpyod lag pa'i sor mo yis/ /mtho ris byang grol
lam mtshon pa'i/ /rnam

mang legs bshad phreng spel te/ /blo gsal mgul pa'i rgyan du
stsal/ /chos dbyings las 'ongs sgyu ma yi/ /srin bu khros pa
ltar brdzu ba/ /dam can bsrung ma'i tshogs kyis kyang/ /srog
snying phul zhing bka' bzhin bsgrubs/ /

@004b de phyir snyan grags gsar pa yis/ /ba dan srid gsum khongs
las brgal/ /khyad par 'phags pa'i yul kun tu/ /yongs rdzogs gnas
lnga mkhyen pa yi/ /paN chen chos rje rang nyid kyis/ /mdzad
pa'i bstan bcos mchod brjod

du; ;shes bya kun la blta ba'i spyan yangs pa/ /'gro kun dge
legs bsgrub pa'i thugs rje can/ /bsam yas 'phrin las mdzad pa'i
stobs mnga' ba/ /'jam mgon bla ma'i zhabs la mgos phyag 'tshal/
/zhes pa'i utpal

gsar pa yis/ /gzur gnas 'byung ba mtha' dag gi /rna lung mdzes
pa'i rgyan gyur kyang/ /skyon bral lugs las phyir phyogs pa/
/kun gyi snying gi tsher mar gyur/ /de tshe tshangs dang dbang
phyug gi /rjes zhugs rtog ge'i dug chu yi/ /

cher myos nga rgyal ri bo mtho/ /zhe sdang dus mtha'i me 'bar
zhing/ /phrag dog rlung dmar 'tshubs pa yi/ /'phrog byed dga' ba
gtsor gyur pa'i/ /ral pa 'chang ba dug phrag gcig /rtsod par
'dod pa'i bsam pa yis/ /bdag nyid

chen po'i drung lhags te/ /dbang phyug tshangs pa'i yon tan gyi/
/mching ba'i rin chen mang bkram nas/ /rtsod pa'i g.yul gyi
stor ba bshams/ /bcu gsum gdugs la bstan pa dag /dpang btsugs
bcu gnyis nyi ma'i bor/ /chos

kyi rje pham zhabs 'bring pa/ /'od yug bzang ring la sogs pa'i/
/smra ba'i seng ge de dag kyang/ /'phrog byed 'bar ba'i me
mthong bas/ /skrag pa'i yid kyis bros shing byed/ /sems dpa'
mchog des bla ma dag /lhag pa'i lha la yi

@005a @#/ /chad kyi/ /gdung bas rtse gcig gsol btab pas/ /'phrin
las lha mos lung bstan cing/ /'jam pa'i dbyangs kyis grogs mdzad
pas/ /mkhyen brtse'i dbyar skyes khang bzang las/ /rigs tshul rdo
rje'i me char

gyis/ /mu stegs brag ri rab mtho ba/ /rdul phran lta bur phyer
brlag ste/ /bcu gsum nyi mar rgyal rnga brdungs/ /'khor gyi ral
pa can dag kyang/ /'jigs pas snying dang tsha ba'i dbugs/ /lhan
cig mgrin pa'i gnas song ste/ /

'dar 'dar 'khyor ba'i 'gros kyis bros/ /'phrog byed dga' bas 'di
skad smras/ /khyod min khyod kyi phrag pa g.yas pa na/ /dmar
ser ral gri can de ngas ma thub/ /de slad khyod rgyal nga ni
pham par gyur/ /de skad smras nas chos

rje'i zhabs la btud/ /'on kyang rtags mtshan ma spangs pas/ /rig
'dzin padma saM b+ha wa'i/ /bka' bzhin bstan ma bcu gnyis kyis/
/dam las 'da' ba med par byas/ /de ltar 'chad rtsad rtsom pa yi/
/yan lag bzhi

pa'i dpung tshogs kyis/ /thub bstan nor gyi blo gros ma/ /yangs
pa'i khyon la 'dod dgur spyod/ /sngon tshe rje btsun chen po yis/
/'byung bar 'gyur ba nam zhig na/ /skad dang mi rigs gzhan gyur
pa/ /gnas kyis bskal

pa'i rgyal khams nas/ /zhwa khra mchil lham pag sna 'dra'i/
/'dren byed mngon du gyur pa na/ /som nyi'i 'ching ba khrol la
song/ /bde gshegs bstan pa'i sgron mer 'gyur/ /de skad ji ltar
lung bstan bzhin/ /'dzin mar

@005b gnas pa gnam bskos kyi/ /lta byed gsum ldan lha chen pos/
/gnas lnga rig pa'i paNTi ta/ /kun mkhyen gnyis pa'i 'od dkar
can/ /ral pa'i rgyan du 'dod pa'i phyir/ /pho nya dor rta la
sogs pa/ /paN chen chos rje'i drung du lhags/ /

rigs bdag bka' yi gser sbyangs kyi/ /srad bu sra bas yid bcings
shing/ /bstan dang 'gro la brtse ba yis/ /dgung lo re gsum bzhes
pa'i tshe/ /zhabs rten padmo bkra shis pa'i/ /gur kum dog pa 'god
bzhin du/ /re lnga rdzogs

par nye ba'i tshe/ /sprul pa sde yi ling chu tse/ /rgyal po'i pho
brang chen por phebs/ /me lug zla ba dang po la/ /'gro ba'i bla
ma chos rje dang/ /go dan mi yi dbang po gnyis/ /dge legs gzugs
can bzhin gyur pa'i/ /zhal bzang lhan cig

mngon gyur pas/ /lugs gnyis dga' ston dpyid kyi dpal/ /lang tsho
dar ba'i mdzes sdug rgyas/ /yu gur band+he grangs mang gis/
/mtshams sbyar rgyal po'i mchod gnas dang/ /bla ma rnams kyi
gtsug rgyan du/ /paN chen yid bzhin

nor bu bkod/ /yangs pa'i hor gyi rgyal khams de/ /mdo rgyud
skyed tshal las 'ongs pa'i/ /dbang lung gsar pa'i me tog tshogs/
/phang phung chags pas mdzes byas te/ /'phags yul chos kyi 'ga'
ba'i tshal/ /pham phyir byed pos sprul pa

bzhin/ /gang tshe bdun cu rdo yi sna can lo'i/ /tha skar zla bar
chos rje zhing gzhan du/ /phyogs pa'i gdung bas 'dar zhing nor
'dzin g.yos/ /sems dpa' mchog rnams zhi bar gzhol ba na/ /'di
ni chos nyid nga yang de mtshungs gsungs/ /

@006a @#/ /de nas 'byung ba phan tshun 'khrugs pa yi/ /tsher mas
reg tshe klu sgrub zhi ba lha/ /byams mgon mkhyen rab dbang phyug
thugs rje'i gter/ /mi g.yo rgyal yum sgrol ma la sogs pas/
/dbugs dbyung lung bstan

nyer dgu'i mtshan phyed dus/ /bde gshegs sgra dbyangs mi zad par
sgrog pa'i/ /zhal gzigs rgyas 'bring bsdus gsum sbas don zhus/
/tho rangs spyan ras gzigs kyis thugs bskyed stsal/ /nyi shar
mkhyen pa'i gter gyis the tshom

bsal/ /smin drug zla ba'i tshes drug bcud ldan gyi/ /mchod pa'i
sprin 'khrigs bcu gsum gzims khang gi /phyi rol bstan pa'i bdag
po bden pa bzhi'i/ /'khor lo bskor la mchod dang bden tshig
bsgrubs/ /phyi nyin bde mchog

dgyes rdor gyi/ /zhal gzigs rig 'dzin sdom pa zhus/ /bco lnga'i
zla shar 'ja' tshon dbus/ /rgyal yum rje btsun sgrol ma gzigs/
/gzims khri las bzhengs thal mo sbyar/ /tA re gsung zhing mchod
tshogs spros/ /tho rengs

bzod dka'i sdug bsngal gyis/ /mnar ba'i 'gro la thugs brtse bas/
/rgyal la yi chad 'khrungs pa'i tshe/ /rje btsun chen po birwa
pa/ /shar phyogs kri Na pa byon nas/ /yi chad ma byed ji srid
na/ /nyer len phung po yod ring du/ /skye rga

na 'chi rgyun mi 'chad/ /khyod kyang mi yi skye ba ni/ /brgyud
mar nyi shu lnga yi rjes/ /'jam pa'i dbyangs kyis rjes bzung
bas/ /lnga rigs lam mthar phyin cing/ /rnam mang zhing mang
brgyud brgyud nas/ /rgya gar shar phyogs mu mu nar/ /

@006b mi dbang nyi ma'i stobs 'phel sras/ /bstan la rab byung de
yi phyis/ /rkang gnyis gtso bo de bzhin gshegs/ /dri ma med pa'i
dpal zhes pa'i/ /sangs rgyas 'gyur zhes ched du brjod/ /smal bo
zla ba'i tshes brgyad la/ /dam tshig

nyams pa legs par gsos/ /lha yis mchod pa'i tshogs sbyar ba'i/
/sgra snyan thos pas nye bar gnas/ /bi ci rin chen grags pa yis/
/ci lags zhus pas kho bo cag /gzhan du 'gro ba'i ltas yin
gsungs/ /de'i tshe gsung

las skyes pa'i sras/ /'phags pa'i spyi bor phyag bzhag nas/ /bu
gcig mdo rgyud kun gyi snying/ /dus gsum bde gshegs gshegs pa'i
bshul/ /zab lam bla ma'i rnal 'byor la/ /nyams len snying por
gyis

shig dang/ /gnas skabs mthar thug dge'o gsungs/ /bcu bzhi'i skya
rengs shar ba'i tshe/ /dpa' bo mkha' 'gro'i tshogs rnams kyis/
/mchod sprin spro ba'i bsu mar bcas/ /chos dbyings dag pa'i
zhing du gshegs/ /bcu

bdun dri bzang lha rdzas kyis/ /klubs te spur sgrom nang bzhugs
nas/ /khrir bkod rgyan gsol mchod pas mchod/ /nyer lnga ge sar
yu gur rgya/ /gnyis gnyis bod bzhi mi bcu yis/ /sgrom bteg
tsandan dkar dmar sogs/ /spungs

dbus lha rnams zhel du mchod/ /de las byung ba'i ya mtshan gyi/
/bkra shis rtags kyi ri mos gang/ /khyad par bde dgyes shAkya'i
gtso/ /'jam dbyangs byams mgon spyan ras gzigs/ /mi g.yo rje
btsun sgrol ma sogs/ /

@007a @#/ /mngon sum byon 'dra'i sku brnyan dang/ /a yig sha rI
raM sogs kyi/ /ngo mtshar bdud rtsi'i char phab pas/ /mtha' yas
gdul bya'i sa gzhi la/ /phan bde'i lo tog ci yang bskrun/ /nor
rgyas ngal bar ma byas

shing; ;ri rab kyis ni bsrubs min yang/ /chos rje'i rnam thar
rgya mtsho che/ /bsrubs pa'i snying po 'od dkar can/ /gang 'di
dam pa'i mdzad pa la/ /rmongs pa'i mun stug sel byed cing/ /blo
gsal mkhas pa'i tshogs rnams kyi/ /

rnam dpyod ku mu da ka'i gnyen/ /de lta'i dge tshogs ral pa'i
chu/ /dus gsum rnam dkar dal 'gro yi/ /rgyun tshogs rnams dang
lhan cig tu/ /kun mkhyen rgya mtshor 'jug gyur cig /ces pa chos
kyi rje sa skya paNTi ta'i rtogs pa

brjod pa dri za'i glu dbyangs ces bya ba 'di yang/ dge ba'i
bshes gnyen chen po du mas yang yang bskul ba la brten nas/
shAkya'i dge slong blo bzang chos kyi rgyal mtshan gyis/ chos
grwa chen po dpal ldan 'bras spungs

kyi gzims chung nyi 'od 'khyil bar sbyar ba'i yi ge pa ni blo
bzang dar rgyas so// //