@#/ /g.yung ston ri khrod pa'i rtogs pa brjod pa ngo mtshar rgya
mtsho'i rba rlabs kyi rang sgra zhes bya ba bzhugs so/ /

@001a @##/ /na mo gu ru manydzu g+ho ShA ya/ gang gi spyan dmar
nyi 'od phra mo yang/ /reg pas ya mu na spun be con dang/ /za
byed 'bar ba ri mo'i gnas 'god pa/ /'chi bdag dgra bos deng

'dir dge legs stsol/ /mtha' yas 'od kyis ral pa yongs mdzes
pa'i/ /thugs rje'i rgyan 'dzin bcud chags gangs ldan gyi/ /thig
le tshong 'dus mgur mo'i nyi sras phyogs/ /phan

bde 'bras bu'i dga' tshal 'byung ba'i gzhi/ /chos sde chen po zha
lu'i bya 'dab 'og /mkhas grub du mas bsten pa g.yung gi rgyud/
/rig 'dzin thabs shes 'dus pa shar ri'i rtser/ /

rgyal sras gzhon nu gsar pa'i zla tshes 'khrungs/ /dam pa'i rang
bzhin 'gyur ba med pa dang/ /yon tan 'od zer ri mo 'bum 'phro
bas/ /badzra lak+Shar grags pa don dang ldan/ /mngal gyi

@002a @#/ /rgyal sa rnam grol lo zung tshe/ /bsod nams stobs rgyas
smra ba'i seng ge'i drung/ /skyabs gsum 'dzin pa'i dge bsnyen
utpal gyi/ /ge sar bzhad ldan thub bstan sgo ru zhugs//

yab rje las 'ongs rang rigs dbang dang rgyud/ /mdos mang rang
gzhan phan byed man ngag gi /ga bur thigs pas gang thugs
baiDUrya'i/ /bum bzang yangs pa'i go skabs rnam par spangs/ /lo
ni tshes

kyi grangs ldan sngags 'chang dbang/ /mnga' ston shAkya 'phel
gyi ded dpon la/ /brten nas gsang rnying rgya mtsho cher zhugs
te/ /bcu bdun lon tshe 'chad po'i gdan khrir 'dzegs/ /gnyan ston
shAka

seng sga ston gzi brjid dang/ /sher 'bum chos skyong 'bum sogs
rnying ma yi/ /mkhas grub bgrang yas thugs kyi bcud phyung ba'i/
/sbrang rtsi'i chang gis myos pa'i b+hra ma ra/ /dbang rgyud man
ngag

mdos sogs lag len brgya'i/ /'phur lding glu dbyangs len pa'i
snyan grags kyis/ /sa gsum cig car 'gengs pa'i rgyal rnga
brdungs/ /gang tshe gsar pa'i myu gu ches phra yang/ /yon tan
'bras bus

@002b brjid pa'i dpag bsam dbang/ /'di lta'i ngo mtshar lcags kyu
rnon po yis/ /dbang po'i phyogs kyi mi dbang thugs drangs pa'i/
/'gugs byed nor bu'i 'od 'bar shing rta la/ /spyan stong mnga'
bas sa srung bu bzhin du

zhon mas rnam dpyod phung po'i zhing du song/ /sa yi brgya byin
bzhed pa ji bzhin du/ /sngags 'chang gzhan gyi blar gnas zhags
pa yis/ /lha mi'i dbang phyug thugs kyi ri dwags bcings/ /mchod
sbyin brgya pa'i dge

legs pham byed pa'i/ /phyi nang 'dod dgu'i phun tshogs dbyar dus
kyi/ /dga' ma lang tsho dar ba'i lo hi tar/ /nyin bzhin 'gran
yang sngon goms bag chags kyi/ /rab tu byung nas dam chos bsgrub
pa la/ /rtag tu bu ltar

skad cig g.yel ma gyur/ /'di nang lhas bskos phra ba ltar snang
yang/ /dam chos smon pa 'grub pa'i mtshams sbyor du/ /mi dbang
mtho ris gzhan gshegs gegs bral bas/ /gangs khrod dbus su bder
son yum gyi

bkag /'da' bar ma nus lo gnyis don rnams kun/ /grub pa'i rnam
thar ji bzhin lus phra ma'i/ /mdzes sdug la chags sgra gcan
'dzin lta bu'i/ /rigs kyi sras bskrun yum gyi re ba bskangs/ /de
dag bar gyi bde 'byung

ral pa'i rtser/ /thos bsam cha bdas can dang 'bral ma myong/
/shar phyogs las thon yo byad phra ba yang/ /don med ma byas zha
lu'i bskor khang du/ /bde gshegs stong sku yab rje'i nang rten
bkod/ /ma ma'i 'di phyi'i re ba

@003a @#/ /yi/ /a mra'i 'bras bu bsgrub pa'i phyir/ /gdan sa
chen po sa skya dang/ /chu zhal maNDal rgyan gyur pa'i/ /ji
snyed chos kyi sde rnams su/ /yum gyi lag pad sor mo yi/ /chu
'od kyis phye rkang 'thung bcud/ /bzang po'i

mchod yon legs smon rten/ /phun tshogs 'dab stong ze'u 'bru
bzhad/ /nam zhig bdag nyid chen po de/ /brgyad lhag bcu phrag
gnyis lon pa/ /kun dga'i dbyar 'bring ches gsum dus/ /khyim gyi
'ching ba dam po bcang/ /bskal

bzang mngon shes drug ldan bdun pa'i rnam dkar gyi/ /lang tsho
cher rgyas brtan mkhas phun tshogs 'byor pa can/ /grags pa gzhon
nu bsod nams grags pa bkra shis dpal/ /mkhan slob gsang ston dad
pa'i dge 'dun tshogs

dbus su/ /nges par 'byung blo pha rol sgrib pa'i 'jing/ /gsol
bzhi bang rim ldan pas bsrubs pa las/ /rdzogs par bsnyen pa'i
spong sems bdud rtsi yis/ /legs par gang ba'i rin chen bum bzang
rnyed/ /khyim gnas mthon

mthing ral pa yis/ /mngon mdzes sngags 'chang gzhon nu de/ /dri
bral gos la tshon bzhin du/ /yud kyis thub dbang gnyis par gyur/
/gzhan yang grub chen auryan pa/ /'gro ba'i 'dren pa rang byung
rje/ /rgyal ba gnyis pa rin chen

grub/ /rtogs ldan mgon po ye shes dang/ /'jam dbyangs rgyal
mtshan pa la sogs/ /rnam mang mkhas grub dbang sngon dbyar skyes
'khrigs pa las/ /mdo rgyud man ngag zab rgyas mu tig char bab
pas/ /rnam dpyod gser

@003b ldan dga' ma tshim zhing myos pa'i mthus/ /lung rtogs yon
tan rtsa bcud me tog 'bras bus mdzes/ /mdor na bdag nyid chen po
de'i/ /rnam thar rang nyid kyis bskrun pa/ /bcos lhad sgro skur
dang bral ba/ /ji bzhin 'di skad

bdag gis thos/ /rgya bod mkhas grub rnams kyi rnam thar la/
/bsams nas de dag rjes su slob 'dod kyang/ /dus kyi stobs kyis
sangs rgyas bstan pa nyams/ /tshad mar gyur pa'i gang zag phal
cher 'das/ /bka' lung rtsod

med rnams kyang phal cher nub/ /bdag kyang phal cher snyom las
dbang gyur nas/ /smos rin chog pa'i thos bsam ma grub mod/ /'on
kyang nges 'byung dad pa brtan po yis/ /thob dka' dal 'byor mi
lus thob dus 'dir/ /

'khor ba'i btson ra 'di las ma thar cing/ /rnam grol thar pa'i
lam sna ma zin na/ /dal 'byor thob kyang thob pa don re chung/
/de snyam bsams nas gzhon nu nor bzang bzhin/ /yang dag lam
ston dge ba'i bshes gnyen btsal//

rin chen gser la phangs pa'i sems spangs nas/ /bshes dang ngo
dga' zhor sham ma yin par/ /bsregs bcad brdar ba'i gser bzhin
yongs brtags nas/ /mkhas par grags pa rnams kyi thugs tshod
blangs/ /man ngag

mnga' bdag rnams kyi thugs mdzod brus/ /bka' lung rtsod med
rnams kyang ci thob byas/ /de dag rnams kyi nang nas khyad par
du/ /bstan pa'i snying po bskyed rdzogs gnyis la sbyangs/ /de
bzhin gshegs pa'i gsung rab phal cher

@004a @#/ /gyi; ;brjod bya rags rim blo yi yul du bab/ /grub thob
gong ma rnams kyi sgrub gnas su/ /yi dam lha yi bsnyen pa tshad
du bskyal/ /dam can ma mgon lcam dral la sogs pa/ /dregs pa'i
lha srin sde brgyad dam

la btags/ /tshe rabs snga ma'i las 'phro sad pa'i mthus/ /nges
don mthar thug rdzogs chen don dang mjal/ /sems nyid ye sangs
rgyas pa'i rang zhal mthong/ /sangs rgyas gzhan du tshol ba'i
rtsol ba bral/ /mthong don 'dris

shing dbang 'byor thob byed thabs/ /gsang sngags rdo rje theg
pa'i nye lam mchog /bstan 'ga'i man ngag phyag len ma chag pa/
/lung thob tsam la ma bzhag phu thag bcad/ /bsnyen cing bsgrubs
nas las sbyor tshad la phab ces dang/ /

de ltar thos bsam cung zad byas pa'i mthus/ /tha snyad tshig la
mkhas par gyur mod kyang/ /rang gi sems nyid gtan la ma phebs
na/ /mkhas kyang don chung lung stong rjes kyis bkang/ /de snyam
bsams nas snying po med pa yi/ /bya

ba kun spangs ri khrod dgon pa ru/ /nang du yang dag 'jog la blo
gzhol nas/ /bsam gtan 'gal rkyen mtha' dag spong ba'i thabs/
/nges med dben gnas ri khrod bas mtha' ru/ /gnas bcas ri dwags
rmas ma'i tshul

bzung nas/ /pha yul them nang gom pa mi 'dor ba/ /yul gyi mngon
zhen spangs pa'i rnam thar yin/ /thog ma med nas 'khor ba'i gnas
'khyams phyir/ /gnyen du ma gyur sems can gcig kyang med/ /phan
gnod lan

@004b chags bda' dod yin thag bcad/ /dgra gnyen 'dam ga spangs
pa'i rnam thar yin/ /bdag 'dzin med pa'i sa phug brag phug dang/
/rtswa dang lo ma'i spyil por gnas bcas nas/ /ka can khang bzang
bdag tu mi 'dzin pa//

gnas la chags sems spangs pa'i rnam thar yin/ /byams pas 'ching
la sdang bas mi 'ching phyir/ /'dam ga byung na byams pas sdang
ba 'dam/ /byams rung sdang rung 'phral la lan mi ldon/ /zan gcig
chang gang

spangs pa'i rnam thar yin/ /ji ltar skyid kyang skyid mkhan rang
gi sems/ /de bzhin sdug kyang sdug mkhan sems las med/ /sems
dang sems byung 'khrul shes yin thag bcad/ /bde sdug ro snyoms
byas pa'i rnam thar

yin/ /skyon la dngos dang ltar snang gnyis yod phyir/ /gzhan
skyon mi rtog rtogs kyang brtags tshad med/ /rang skyon brtags
shing dpyad nas tshul min spangs/ /sgo gsum bag yod byas pa'i
rnam thar yin/ /rgyud drug skye bzhis

bsdus pa'i sems can rnams/ /phung khams skye mched las dbang gis
bsdus phyir/ /gdan gsum 'dzom pa'i dkyil 'khor yin thag bcad/
/dag snang phyogs med 'byongs pa'i rnam thar yin/ /phan bde'i
'byung gnas

sangs rgyas bstan pa la/ /phan gnod byed pa'i gang zag mu bzhi
yod/ /chos dang chos min mu bzhi'ang mtshungs thag bcad/ /gang
zag tshad 'dzin spangs pa'i rnam thar yin/ /sems can rnam rtog mi
mthun mtha'

@005a @#/ /yas phyir/ /rgyal ba'i chos tshul bsam gyis mi khyab
pas/ /mi mkhas mkhas rlom rnams kyi ngag ma nyan/ /chos la sgro
skur spangs pa'i rnam thar yin/ /'dul bar gnang la mdo sder ma
bkag cing/ /mngon pa'i

don dang mthun na ma gtogs pa/ /gsang sngags sgra bzhin spyod
pa'i rjes ma 'brangs/ /dam chos gzhung bzhin byas pa'i rnam thar
yin/ /gzhan don rlabs chen 'grub na ma gtogs pa/ /'dag sbyar
smra bcad ri mtshams gang rung

gis; ;dus 'da' mdzad spyod mi dang mi bstun pa/ /sgrub pa mtha'
ru gdon pa'i rnam thar yin/ /bun bskyed dang ni gzhogs slong
thob 'jal spangs/ /rnyed pas rnyed pa ma btsal bas mtha' ru/
/lto gos srog 'tsho tsam la chog

shes bzung/ /log pa'i 'tsho ba spangs pa'i rnam thar yin/ /'tsho
ba'i yo byad phran tshegs ma gtogs pa/ /zhing gzhis mi 'dzin sdig
nor mi 'chang bar/ /yo byad cung zad lhag kyang yongs su gtong/
/'dod la chags pa

spangs pa'i rnam thar yin/ /'dul ba las gsungs gnang bkag dpang
btsugs nas/ /bcas dang rang bzhin kha na ma tho la/ /srog la bab
la thug kyang 'dzem pa 'di/ /rgyu 'bras khyad ma bsad pa'i rnam
thar yin/ /dgra'am gnyen

nam ltos med gzhan yang rung/ /bdag la cher brnyas gnod pa ci
byas kyang/ /ngan lan mi ldon khon du mi 'dzin pa/ /kun la zhe
'gras spangs pa'i rnam thar yin/ /rang nor gzhan gyis brkus sam
phrogs kyang rung/ /de rjes

@005b mi gcod gnas skabs mthar thug tu/ /de la phan par 'gyur
ba'i smon lam 'debs/ /sbyin gnas phyogs ris med pa'i rnam thar
yin/ /gnas skabs bag mi ldan pa ltar snang yang/ /gnang bkag
brtsis na ltung bar mi 'gyur na/ /che ched

lo 'dod phyir du tshul ma bcos/ /tshul khrims ngo lkog spangs pa'i
rnam thar yin/ /zag bcas mngon shes tsam yang ma thob cing/
/sangs rgyas bstan pa'i phyir du mi 'gyur na/ /rang 'dod mngon
spyod las la mi brtson pa/ /bzod pa'i

go cha gyon pa'i rnam thar yin/ /skyes mtha' 'chi nges 'chi
rkyen 'tshams pa med/ /nam 'chi cha med dran pa rgyun chags kyis/
/tshul gnas thos bsam sgom la 'bad pa dang/ /brtson 'grus dang du
blangs pa'i rnam thar yin/ /rnam rtog gang

skyes mi 'gegs ngos bzung nas/ /rang snang rang stong rang rig
ma 'dres pa/ /rang gsal rtog med ngang la gnas pa 'di/ /bsam
gtan mnyam par bzhag pa'i rnam thar yin/ /'khor 'das lam gsum
rnam pa gang snang

yang/ /snang srid stong gsum ma 'dres yongs su rdzogs/ /tha
snyad mthar 'dzin grub mtha'i rjes ma 'brangs/ /bdag med shes
rab thob pa'i rnam thar yin/ /sgra tshad snyan dngags sdeb sbyor
ma sbyangs pas/ /mkhas par grags

pa'i grags pa bdag la med/ /bla ma'i drin gyis go rgyu rig gcig
go /sgro 'dogs nang nas chod pa'i rnam thar yin/ /lus kyi las su
rdo rje'i skyil krung bcas/ /ngag gi las su rdo rje'i bzlas pa
byas/ /yid kyi las su rdo rje sems

@006a @#/ /dpa' bsgoms/ /sgo gsum rnal du phab pa'i rnam thar
yin/ /mdor na bdag gi rgyun gyi lag len bzhi/ /sdig bshags dge
bsngo smon lam rgya chen btab/ /ma yengs dran pa bla ma'i zhal
gdams la/ /

nyams su len tshul mdor bsdus 'di ltar bgyis/ /gzugs nas rnam
mkhyen bar gyis bsdus pa'i chos/ /'khor 'das lam gsum rnam pa
gang shar yang/ /rang gi sems yin sems las don gzhan med/ /sems

kyi chos nyid rang gi ngo bos stongs/ /ji ltar stong yang stong
mkhan gzhan byung min/ /snang stong gnyis dang gnyis med gang
rung du/ /rig kyang rang rig yin gyi gzhan rig min/ /des na 'di
ltar snang ba'i chos rnams kun/ /snang

rig stong gsum ma 'dres yongs su rdzogs/ /thag chod yid ches
rang so ma shor bar/ /gang shar bzo dang bral bar nyal ba 'di/
/g.yung ston hrul po bdag gi nyams len lags/ /rang don chos sku
mngon du gyur tsa na/ /gzhan

don gzugs sku'i 'phrin las shugs la 'byung/ /nam zhig gdul bya
dus la bab dus su/ /rtsol med 'gro don 'grub pa rten 'brel yin/
/zhes gsungs/ ji bzhin lung rtogs nor bu yis/ /yongs gang 'chad
rtsod rtsom pa'i

rlabs kyi phreng/ /g.yo bas 'phags yul chos kyi rgya mtshor
'gran/ /mgon de'i zab rgyas bka' yi manda ras/ /blo gros mgul
ba'i rgyan du mdzes byas pa/ /g.yag sde paN chen grub chen
karma pa/ /rol pa'i rdo rje gzhan yang rnying ma

@006b yi; ;rgyud 'dzin mkhas grub dam pa bgrang yas kyis/ /gangs
can bya rgod phung po'i ri bo bzhin/ /rnam dkar mdzad pas rang
gzhan don bsgrubs te/ /dpa' bo g.yul rgyal nor bu lon pa bzhin/
/gtsang phyogs phung po ri bo che yi 'dabs/

brag rgya rdo rje'i pho brang zhes bya bar/ /'khor los bsgyur
rgyal nor bu'i pho brang nas/ /rin chen khang bzang gzhan du
'jug pa ltar/ /mkha' spyod rig pa 'dzin pa'i gnas gshegs te/
/sna tshogs sprul pa'i bkod pa 'bum phrag

gis; ;'gro rnams phan bde'i dpal la 'god par mdzad/ /'di ltar
bskrun pa'i rnam dkar chu shel 'od/ /nam mkha'i khyon kun gang
bas sa gsum gyi/ /gdung ba'i mun bsal dge legs ku mu da/ /rnam
rgyal kun mkhyen ze'u 'brus

mdzes gyur cig /tshul 'di kun mkhyen chen po'i gdan sa pa/ /sangs
rgyas dpal bzang la sogs dge ba'i bshes/ /mang pos bskul tshe
chos kyi rgyal mtshan gyis/ /g.yung ston rang gis mdzad pa'i
rnam thar las/ /byung ba ji bzhin

chos kyi sde chen po/ /bkra shis lhung po'i gtsug lag khang du
sbyar/ /deb sngon du 'khrungs lo shing spre dang sbrel nas
bsnyen rdzogs mdzad par bshad kyang/ rgyal ba g.yung rang
nyid kyis mdzad pa'i rnam thar du 'dir bkod pa bzhin yod

pa; yid ches par bya'o/ /zhes pa'i yi ge pa blo bzang dar rgyas
so// //