! //na mo gu ru manydzu g+ho ShA ya/
'dir bla ma lnga bcu pa las/ bla ma dang ni rdo rje 'dzin/ /tha
dad par ni mi brtag go /

zhes gsungs pa ltar bla ma dang rdo rje 'chang tha mi dad du
byas pa'i bla ma'i rnal 'byor bsgom par 'dod pas/ skyabs 'gro
sems bskyed tshad med bzhi sngon du btang nas 'di ltar nyams su
len no/ /rang gi spyi bor seng khri

pad zla'i steng/ /bka' drin gsum ldan rtsa ba'i bla ma ni/
/skyabs gsum kun 'dus khyab bdag rdo rje 'chang/ /sku mdog sngon
po mtshan dpe'i dpal 'bar cing/ /zhal gcig dgyes pa'i 'dzum ldan
phyag gnyis kyis/ /rdor

dril bzung nas rang 'dra'i yum la 'khyud/ /nor bus mtshan pa'i
ral ba'i thor cog mdzes/ /rin chen las grub rnam mang rgyan gyis
spras/ /rnam bkra lha rdzas dar gyi na bzas klubs/ /yid 'phrog
'ja' tshon 'od dpung

'khrigs pa'i dbus/ /zhabs gnyis skyil krung gis bzhugs gnas gsum
du/ /yi ge gsum mtshan hUM gi 'od zer gyis/ /rang bzhin gnas nas
bla ma rdo rje 'chang/ /dzaH hUM baM hoH dgyes bzhin bzhugs par
gyur/ /

rab 'byams rgyal ba'i 'khor lo kun gyi dngos/ /rdo rje can zhabs
padmor gus phyag 'tshal/ /phyi nang gsang ba'i mchod tshogs rgya
mtshos mchod/ /nyes tshogs bshags shing dge la rjes yi rang/ /chos
'khor bskor

@014b phyir bskal brgyar bzhugs su gsol/ /dge tshogs ma lus byang
chub mchog tu bsngo/ /khyab bdag dkyil 'khor kun gyi gtso bo
mchog /gang sprul ci yang ston pa'i sgyu 'phrul gyis/ /ngur
smrig 'dzin pa'i gar gyis rnam rol

ba'i; ;bla ma rin po che la gsol ba 'debs/ /bla ma sangs rgyas
dam chos 'phags pa'i chogs/ /gnas gsum dpa' bo mkha' 'gro chos
skyong ba'i/ /bstan bsrung kun 'dus bslu ba med pa'i skyabs/
/bla ma rin po che la

gsol ba 'debs/ /gang la brten na bar chad kun sel cing/ /mchog
dang thun mong dngos grub ma lus pa/ /'bad rtsol med par bde
blag ster mdzad pa'i/ /bla ma rin po che la gsol ba 'debs/ /deng
nas bzung ste tshe rabs

thams cad du/ /mgon po khyod kyis 'bral med rjes bzung nas/ /ma
rnams srid pa'i rgya mtsho las sgrol ba'i/ /kun mkhyen ded dpon
mchog tu 'gyur bar shog /de ltar gsol btab ting 'dzin dbang bzhi
blangs/ /slar yang bla ma

gnyis pa rang la stim/ /rang gi snying khar sngags phreng legs
bkod nas/ /spro bsdus snod bcud sbyong zhing sngags mang bzla/
/oM AH badzra d+hr-ika hUM hUM/ de nas mjug tu dge ba bsngo
zhing smon lam bkra shis kyis brgyan par bya'o// //

tshul 'di yang dad ldan 'ga' zhig gis nan cher bskul ba la brten
nas btsun pa blo bzang chos kyi rgyal mtshan gyis sbyar ba'o// !
//na mo gu ru bu dd+ha bo d+hi satwA ya/ bla ma'i rnal 'byor mdor
bsdus bsgom par 'dod pas

@015a @#/ /skyabs 'gro sems bskyed sngon du btang nas 'di ltar/
chos dbyings ngang las mdun gyi nam mkhar/ /rin chen khri steng
chu skyes mdzes ma'i/ /pad nas nyi zla rgyas pa'i steng du/
/bka' drin gsum ldan

rtsa ba'i bla ma/ /rnam pa khyab bdag rdo rje 'chang dbang/
/dbang sngon mdangs ldan zhal gcig phyag gnyis/ /rdor dril bzung
nas dbyings phyug mar 'khyud/ /'dzum ldan mtshan dpe'i me tog
rgyas shing/ /rin chen rgyan 'phreng

gzi 'od stong 'bar/ /'jam mnyen lha rdzas na bza'i 'dab mas/
/lhab lhub g.yo bas mngon par klubs shing/ /'ja' tshon sna
lnga'i gur khyim dbus su/ /mi phyed skyil krung tshul gyis bzhugs
pa'i/ /gnas gsum rdo rje

gsum gyis legs mtshan/ /thugs ka'i 'od zer lcags kyu lta bus/
/rtsa brgyud bla ma dkon mchog gsum po/ /dzaH hUM baM ho dbyer
med gcig gyur/ /dus gsum sangs rgyas kun gyi ngo bo/ /brgyad
khri bzhi stong chos kyi

'byung gnas/ /'phags tshogs dge 'dun kun gyi 'dren pa/ /rdo rje
can zhabs padmor phyag 'tshal/ /oM AH hUM gis sbyangs rtogs
sbar ba'i/ /phyi nang gsang ba'i mchod sprin kun 'bul/ /thog med
nas bsags sdig

ltung ma lus/ /gnong zhing 'gyod pas bshags shing sdom mo/ /rang
gzhan rnam dkar dge ba'i tshogs la/ /bsam pa thag pas rjes su yi
rang/ /zab dang rgya che'i chos kyi 'khor lo/ /rgyun mi 'chad
par bskor bar

@015b mdzod cig /nam mkha' ji srid gnas kyi bar du/ /mya ngan mi
'da' rtag par bzhugs gsol/ /'di ltar bskrun pa'i dge tshogs rgya
mtsho/ /bla med byang chub chen por bsngo'o/ /gang gi drin gyis
'dod dgu'i dngos grub/ /skad

cig gis stsol yid bzhin nor mchog /skyabs gsum kun 'dus dpal
ldan bla ma/ /gsol ba 'debs so byin gyis rlobs shig /lan gsum/
de ltar gsol bas bla ma'i sku las/ /'od zer dkar dmar mthing
gsum rim

dang; ;cig car byung nas bdag la thim pas/ /sgrib bzhi dag cing
dbang bzhi thob nas/ /sku bzhi mngon gyur slar yang bla ma/
/dgyes bzhin rang gi spyi bo nas byon/ /bdag snying padmo'i ze'u
'bru'i dbus su/ /'bral ba med bzhugs

tiShTha badzra/ /mjug tu de las byung ba'i dge tshogs/ /bshes
gnyen dam pas 'dzin pa'i rgyur bsngo/ /'di ltar nyin bzhin nyams
su blangs pas/ /gnas skabs mthar thug dgos pa kun 'grub/ /tshul
'di dad dang rnam

dpyod la sogs/ /yon tan gyis mdzes sa yi brgya byin/ /lha bzang
mtshan can thugs dam spel phyir/ /dge slong chos kyi rgyal mtshan
gyis bkod//