@#/ /paN chen thams cad mkhyen pa blo bzang chos kyi rgyal
mtshan dpal bzang po'i gsung nye bar mkho ba 'ga' zhig bzhugs 
so/ /

@001a @##/ /na mo gu ru manydzu g+ho ShA ya/ rgyal ba'i mkhyen
brtse nam mkha'i nor bu las/ /legs 'khrungs 'od zer stong 'bar
bla ma rje'i/ /zhabs sen snying gi pad mtshor

gus bsten gyi/ /dge legs 'dab brgya bzhad pa'i bka' drin stsol/
/srid zhi'i phun tshogs rgya mtsho cher/ /'jug pa'i 'bab stegs zla
med pa/ /mdo rgyud dam pa mtha' dag gi /

dgongs don gsal bar brjod par bya/ /mngon par mtho dang nges
legs kyi/ /phun tshogs yon tan ma lus pa/ /skye dang gnas dang
'phel ba'i gzhi/ /bka' drin nos pa'i bla ma ste/ /

skye ba 'dzin pa med par ni/ /gru yis pha rol phyin mi nus/ /de
bzhin yon tan kun rdzogs kyang/ /bla ma med par srid mthar
min/ /gsungs phyir bsten 'dod de dang de/ /ches kyis

@002a @#/ /ma 'brel snga rol tu/ /legs par brtags te blang dor
bya/ /bla ma dang ni slob ma dag /mtshungs par dam tshig nyams
'gyur bas/ /dpa' bos dang por slob dpon

dang; ;slob ma'i 'brel pa brtag ces gsungs/ /bslab gsum brtse
ldan de nyid rig /lung phyug lhag bzod smra mkhas pa'i/ /dam pa
srog las gces bsten pas/ /srid zhi'i dge legs

'dod pa 'jo/ /snyigs dus skyon yon 'dres pa'i phyir/ /stab stobs
mang min gang bsten pa/ /skad cig yal bar mi 'dor ba'i/ /'brom
ston rnam par rjes su 'jug /khyi yi zas bzhin bla ma

ni; ;sna mang 'tshol zhing gcig tsam yang/ /tshul bzhin mi bsten
mnar med pa'i/ /me'i dong rang nyid mchong bar zad/ /rim lngar
tshogs nang rgyab phyogs shing/ /dben par phyag byed slob

ma de/ /bu dang rigs stobs mchog gyur kyang/ /yongs su spang
zhes gsungs phyir ro/ /bka' drin nod pa'i bla ma de/ /skyon shas
che yang de'i ngos nas/ /mi sems yon tan legs bzung ba/ /

@002b dngos grub 'gugs pa'i lcags kyur gsungs/ /slob dpon gyi ni
yon tan gzung/ /skyon ni nam yang gzung mi bya/ /yon tan bzung
na dngos grub 'thob/ /skyon rnams bzung na dngos mi 'grub/ /des

na bdag la phan 'dod pas/ /bla ma rnams dang 'grogs pa'i tshe/
/gser sogs rin chen bkram pa'i steng/ /gos hrul drud ltar bya ba
min/ /rgyal bas ma de dang 'dul ba las/ /slob mas rang gi bla ma

la; ;ston pa'i 'du shes gzhag ces gsungs/ /de ni sdong po bkod
pa las/ /sems dgus bsten par gsung bzhin bslab/ /zab mo rdo rje
theg pa las/ /bla ma dang ni rdo rje 'dzin/ /tha dad par ni mi
brtag

gsungs/ /ji ltar bsten tshul lnga bcu par/ /rgyud med snying po
bsdus bzhin bslab/ /phan mdzad 'gro ba'i bla ma des/ /sngon tshe
tshigs bcad re re'i phyir/ /gnyen srog sku dang bcas pa'i dngos/
/chos dang

bla ma'i bsnyen bkur la/ /grangs med bskal par btang tshul sogs/
/mdo las dam chos ci nyan pa'i/ /tshig grangs bskal par slob dpon
la/ /rnyen bkur rim gros mchod byas kyang/ /gus par bya ba ma

rdzogs gsungs/ /spyir gyis byang chub sems dpa' la/ /cung zad
khro dang dad byas pa'i/ /'bras bu bsam mi khyab gsungs na/
/zhing mchog rang gi bla ma la/ /phan gnod phra mo'i sa bon
gyis/ /'dod dang mi

@003a @#/ /'dod ljon shing gi /'bras bu nam mkha'i khams 'gengs
pas/ /blo ldan rnams kyis bag yod bsten/ /slob ma'i gsag sbyangs
dam pa'i yul/ /drin gyis bskyangs ba'i bla ma rje'i//

pa spu'i bu ga tsam mchod pas/ /dus gsum bde bar gshegs pa kun/
/mchod pa'i bsod nams zil gyis gnon/ /mchod pa thams cad yongs
spangs nas/ /bla ma mchod pa yang dag brtsam/ /de

mnyes pas ni kun mkhyen gyi/ /ye shes mchog ni 'thob par 'gyur/
/bla med byed pa slob dpon gyi/ /rdo rje sems dpa' mchod byas
pas/ /de yis bsod nams ma byas ci/ /dka' thub ma bsten gang

zhig yod/ /de nyid mi zad 'dod pa yis/ /shin tu dga' ba gang
dang gang/ /shin tu khyad par can nyid de/ /de dang de ni bla
mar sbyin/ /slob dpon gyis ni sdig pa 'phrog /slob dpon gyis ni
'jigs pa

sel; ;slob dpon gyis ni sdug bsngal gyi/ /rgya mtsho'i 'jigs las
pha rol sgrol/ /gsungs shing slar yang de nyid las/ /'di ni rang
byung bcom ldan 'das/ /gcig pu bdag nyid che ba'i lha/ /

man ngag rnams ni rab ston pas/ /rdo rje slob dpon de bas lhag
/gsungs phyir gal te ma dad pas/ /snying nas bla ma smod pa de/
/mtshams med las kyang sdig che ste/ /sems can mtshams med la

@003b sogs pa/ /sdig pa chen po byed pa yang/ /rdo rje theg pa
rgya mtsho che/ /theg pa mchog ni 'di la 'grub/ /snying nas slob
dpon smod pa dag /bsgrubs kyang 'grub par mi 'gyur gsungs/
/tshigs bcad gcig tsam zhus pa

la'ang/ /bla mar 'dzin pa'i khur bor na/ /nyam pa'i gnas su
lhung 'gyur te/ /tshigs bcad gcig tsam nyan pa la/ /gang gis bla
mar mi 'dzin pa/ /khyi yi skye ba brgyar skyes nas/ /sme sha can
du skye zhes gsungs/ /rgyud don

bsdus pa'i lnga bcu par/ /slob dpon la ni smod pa dag /yams dang
'tshe ba'i nad rnams dang/ /gdon dang rims dang dug rnams kyis/
/rmongs chen de ni 'chi bar 'gyur/ /rgyal po ma dang sbrul gdug
dang/ /chu dang

mkha' 'gro rkun po dang/ /gdon dang log 'dren rnams kyis
kyang/ /bsad nas sems can dmyal bar 'gro/ /nam yang slob dpon 
dag gi ni/ /kun tu sems dkrug mi bya'o/ /gal te rmongs pas byas 
gyur na/ /dmyal

bar nges par 'tshed par 'gyur/ /mnar med las sogs 'jigs rung
ba'i/ /dmyal ba bstan pa gang yin pa/ /slob dpon la ni smod pa
rnams/ /der ni gnas par bshad ces gsungs/ /de phyir rang la
brtser sems

pas; ;rgyal sras dpa' bo rtag tu ngu/ /nor rnams brtan pa'i sras
po bzhin/ /bka' drin nos pa'i bla ma rnams/ /lus srog longs
spyod yal bor te/ /sgo gsum gus pas legs par bsten/ /de las
mchog dang thun

@004a @#/ /mong gi /'dod dgu'i dge legs lhun gyis 'grub/ /de skad
smra ba mang thos spong ba pa/ /blo bzang chos kyi rgyal mtshan
zhes bya la/ /rnam dpyod ldan pa blo bzang dbang rgyal gyis/
/nam gyis bskul

tshe mdo rgyud lung bzhin bkod/ /dge bas bdag dang bdag 'dra'i
'gro kun gyis/ /zhing mchog dam pa dge ba'i bshes gnyen la/ /log
sgrub rmi lam du yang mi byed cing/ /bka' bzhin mnyes pa kho na
sgrub par shog /

ces brda dang tshig gi sbyor bas ma bcings par/ kun gyis nyams
len du bya ba'i phyir go bde bar bkod pa'o// ! //na mo gu ru
manydzu g+ho ShA ya/ bcom ldan rdo rje sems dpa' gser gling pa/
/mar me

mdzad dpal nas bzung dbang rin dang/ /shAkya rdo rje dbus pa
sangs rgyas 'bum/ /'gro ba'i bla ma rnams la gsol ba 'debs/
/mchog ldan gzhon nu 'od dang grags chen pa/ /'phags 'od kun
mkhyen bu ston

thugs sras rje/ /kun mkhyen chen po mkhas grub dge legs dpal/
/bstan pa'i sgron me rnams la gsol ba 'debs/ /paN chen chos rje
yab sras grub pa'i rje/ /blo bzang don grub sangs rgyas ye shes
zhabs/ /

bka' drin mnyam med rtsa ba'i bla ma rje/ /'gro ba'i 'dren pa
rnams la gsol ba 'debs/ /mtshan tsam thos dang gzungs mchog yi
ge'i gzugs/ /mthong ba tsam gyis 'jigs rung ngan song gi /sdug
bsngal zhi mdzad

@004b bslu med skyabs kyi phul/ /mi 'khrugs rgyal po'i zhabs la
gsol ba 'debs/ /'dis mtshon dge bas dam chos bsgrub pa'i gegs/
/ma lus zhi zhing mthun rkyen kun 'grub cing/ /'di snang 'gags
tshe mngon

dga' zhing mchog tu/ /skyes nas sku gsum go 'phang myur thob
shog /ces bcom ldan 'das mi 'khrugs pa'i bla brgyud kyi gsol
'debs 'di yang mkha' spyod mkhan chen mdo sngags rab 'byams pa
blo bzang bkra shis

kyis nan gyis bskul ba la brten nas dge slong blo bzang chos kyi
rgyal mtshan gyis sbyar ba dge'o// ! //rgyal ba'i sras po 'dul ba
'dzin pa'i mchog /dam pas byin brlabs bzang po bkra shis dang/
/lung

rigs chos kyi rgya mtsho gsang ba'i bdag /ye shes mtshan can rnams
la phyag 'tshal lo/ /pad dkar 'dzin pa dge 'dun rgya mtsho'i dpal/
/bsod nams mtshig gi mtshan ldan thams cad mkhyen/ /blo bzang
mthu

stobs chos kyi rgya mtsho'i zhabs/ /kun mkhyen bla ma gsum la
phyag 'tshal lo/ /blo bzang bstan pa'i nyi ma chos kyi rje/
/mkhas mchog shAnti pa dang don yod zhabs/ /phyogs las rnam
rgyal blo gros legs bzang

ste; ;skye dgu'i 'dren pa gsum la phyag 'tshal lo/ /phyag na
padmo'i gdung 'dzin 'gro ba'i mgon/ /lung rtogs chos kyi dpal
'byor rgya mtsho che/ /bsod nams ye shes rgyal mtshan 'dzin pa'i
mchog /bstan pa'i sgron

@005a @#/ /me gsum la phyag 'tshal lo/ /grub pa'i dbang phyug bsam
grub dpal bzang dang/ /bstan pa'i mnga' bdag dam chos yar 'phel
zhabs/ /smra ba'i seng ge lha dbang blo gros te/ /'gro ba'i bla
ma

gsum la phyag 'tshal lo/ zhes rig grol phun tshogs ma'i mjug tu
sbyar chog pa'i bkra shis lhun po'i mkhan brgyud mtshan thar
bsdus pa'i tshigs bcad 'di yang rje nyid kyi gsung ngo// ! //'dir
bka'

gdams lha bzhi la brten pa'i bla ma'i rnal 'byor nyams su len
par 'dod pas/ skyabs 'gro sems bskyed/ tshad med bzhi bsgom pa
sngon du btang nas/ mdun du paM las sna tshogs padma'i sdong
bu 'dab ma bzhi dang ldan

pa'i dbus kyi ze'u 'bru'i steng du a las zla ba'i dkyil 'khor
gyi dbus su/ ngo bo rang gi drin can rtsa ba'i bla ma yin pa la
rnam pa jo bo rje dpal ldan a ti sha sku mdog dkar la dmar ba'i
mdangs chags pa zhal gcig phyag

gnyis kyis thugs kar chos 'chad kyi phyag rgya mdzad cing
zhabs gnyis rdo rje'i skyil krung gis bzhugs pa sku la chos gos ngur
smrig gsol ba/ mdun gyi pad 'dab kyi steng du a las zla ba'i
dkyil 'khor gyi dbus su bcom

ldan 'das rgyal ba shAkya thub pa sku mdog gser btso ma lta bu
zhal gcig phyag gnyis kyi g.yas sa gnon dang g.yon mnyam
gzhag gi steng na bdud rtsis gang ba'i lhung bzed bsnams pa/ sku la
chos gos ngur smrig mdog

@005b can gsum gsol zhing zhabs rdo rje'i skyil krung gis bzhugs
pa/ dbu gtsug tor dang ldan pa/ yang na dbus su thub dbang/
mdun du jo bo bskyed/ g.yas kyi pad 'dab kyi steng du a las zla
ba'i dkyil 'khor gyi dbus su rje btsun

'phags pa spyan ras gzigs dbang phyug sku mdog gangs ri ltar
dkar ba/ zhal gcig phyag gnyis kyi g.yas mchog sbyin dang
g.yon skyabs sbyin gyi phyag rgyas padma'i rtsa ba thugs kar
'dzin cing 'dab ma snyan gyi thad du kha

bye ba/ zhabs rdo rje'i skyil krung gis bzhugs pa/ g.yon gyi
pad 'dab kyi steng du a las zla ba'i dkyil 'khor gyi dbus su
rje btsun ma 'phags ma sgrol ma sku mdog ljang khu zhal gcig
phyag gnyis kyi g.yas mchog sbyin dang g.yon

dkon mchog gsum mtshan gyi skyabs sbyin gyi phyag rgya mdzad
cing/ zhabs g.yas brkyangs shing g.yon bskums pa'i stabs kyis
bzhugs pa de gnyis ka'ang rin po che'i dbu rgyan snyan rgyan
mgul rgyan phyag gdub zhabs

gdub la sogs pa rin po che'i rgyan sna tshogs kyis spras shing
lha rdzas kyi dar gyi na bza' gsol ba/ rgyab kyi pad 'dab kyi
steng du raM las nyi ma'i dkyil 'khor gyi dbus su rje btsun mi
g.yo ba sku mdog mthing nag zhal gcig

phyag gnyis spyan gsum pa/ phyag g.yas ral gri nam mkha' la
'phyar zhing g.yon thugs kar sdigs mdzub mdzad nas zhags pa
'dzin pa/ mche ba rnon po bzhi gtsigs shing dbu skra dmar ser
gyen du brdzes pa/ zhabs

@006a @#/ /g.yas bskums shing g.yon brkyangs pa'i stabs kyis
bzhugs pa/ de dag gi mtha' skor du dngos brgyud kyi bla ma
rnams dang/ khyad par khu rngog 'brom gsum la sogs pa'i rgya
chen spyod brgyud zab mo lta

brgyud nyams len byin rlabs brgyud kyi bla ma rnams kyis bskor
nas bzhugs pa/ de thams cad kyi spyi bor oM dkar po/ mgrin par
AH dmar po/ thugs kar hUM sngon po/ thugs ka'i hUM las 'od
zer 'phros pas ye shes pa rnams

spyan drangs par mos la/ rnam dag chos kyi dbyings las ma
g.yos kyang/ zhes sogs kyis spyan drangs la dam tshig pa so so la 
thim pas skyabs gsum kun 'dus su mos la/ yan lag bdun pa 'bul ba
ni/ phun tshogs dge

legs bye bas bskrun pa'i sku/ /mtha' yas 'gro ba'i re ba skong
ba'i gsung/ /ma lus shes bya ji bzhin gzigs pa'i thugs/
/shAkya'i gtso bo de la phyag 'tshal lo/ /rgyal ba'i mdun na
rgyal sras bzang po skyong/ /kha ba can na

dpal ldan mar me mdzad/ /dga' ldan gnas na nam mkha'i dri ma
med/ /yid bzhin nor bu lta bur gzhan don mdzad/ /dpal ldan a ti
sha la phyag 'tshal lo/ /phyag stong 'khor los bsgyur ba'i rgyal
po stong/ /spyan stong

bskal pa bzang po'i sangs rgyas stong/ /gang la gang 'dul de la
der ston pa'i/ /btsun pa spyan ras gzigs la phyag 'tshal lo/ /lha
dang lha min cod pan gyis/ /zhabs kyi padmo la btud cing/
/phongs pa kun las sgrol

@006b mdzad ma/ /sgrol ma yum la phyag 'tshal lo/ /sku mdog
sngon po ral gri zhags pa 'dzin/ /g.yas bskums g.yon brkyangs 
bdud bzhi rab tu gnon/ /ma g.yos mi g.yo g.yo ba mi mnga' ba'i/
/bcom ldan mi g.yo mgron la

phyag 'tshal lo/ /oM sarba tA thA ga ta arg+haM pra tI tstsha
hUM swA hA/ zhes sogs zhal zas rol mo'i bar gyis mchod/ yang
bzang po spyod pa nas 'byung ba ltar gyi yan lag bdun pa byed
par 'dod na ji snyed su dag ces sogs byas

la/ de nas me tog dam pa phreng ba dam pa dang/ zhes pa nas/
thams cad rdzogs pa'i byang chub chen por bsngo/ /zhes pa'i bar
gyis yan lag bdun pa phul la/ de nas yid gzhan du ma yengs par
mos gus chen po dang ldan pas/ bla ma

lha bzhi dang bcas pa la gsol ba 'debs/ ces pa ci mang bya/ de
nas yang phun tshogs dge legs bye bas bskrun pa'i sku/ zhes sogs
dang/ rgyal ba'i mdun na rgyal sras bzang po skyong zhes sogs
dang/ phyag stong 'khor los bsgyur

pa'i rgyal po stong zhes sogs dang/ lha dang lha min cod pan
gyis ces sogs dang/ sku mdog sngon po ral gri zhags pa 'dzin
zhes sogs kyis gsol ba btab pas/ bla ma lha bzhi dang bcas pa'i
sku'i cha las bdud rtsi dkar

po'i rgyun babs pa rang gi lus la zhugs pas/ lus lha bzhi'i ngo
bo/ ngag sde snod gsum gyi ngo bo/ yid bslab pa gsum gyi ngo bo/
lha chos bdun ldan jo bo rje dpal ldan a ti sha'i skur dngos su
gyur song snyam du mos la

@007a @#/ /mthar thub pa'i dbang po tshur byon nas rang gi spyi
gtsug tu 'khod/ spyan ras gzigs tshur byon nas snying kha/ sgrol
ma tshur byon nas mgrin pa dang/ mi g.yo ba tshur byon nas lte
ba sprul pa'i 'khor lo rnams

su 'khod/ de nas rtsa ba'i bla ma dang dbyer med pa'i jo bo rang
la thim pas rang gi lus ngag yid gsum dang jo bo'i sku gsung
thugs dbyer med du 'dres nas rang nyid lus lha bzhi'i ngo bo/
ngag sde snod gsum gyi ngo bo/ yid

bslab pa gsum gyi ngo bo/ bka' gdams lha chos bdun ldan jo bo
rje'i skur dngos su gyur song snyam pas/ oM mu ni mu ni ma hA
mu ni ye swAhA/ oM ma Ni padme hUM/ oM tA re tu ttA re tu
re swAhA/ oM ceNTa ma hA ro Sha Na hUM phaT/ ces pa'i

gzungs sngags rnams ci mang bzlas la mjug tu bsngo ba smon
lam gyis rgyas gdab par bya'o/ zhes bka' gdams lha bzhi'i bsgrub
tshul snying po 'di yang/ drung pa blo bzang rgyal mtshan gyis
bskul ba la brten nas/ dge

slong blo bzang chos kyi rgyal mtshan gyis bgyis pa'o// ! //na mo
gu ru manydzu g+hO ShA ya/ chos dbyings ngang las mdun gyi
nam mkha'i dbus/ /rgyal ba'i yab gcig rje btsun 'jam pa'i dbyangs/
/g.yas

phyogs thub dbang gnyis pa tsong kha pa/ /g.yon phyogs drin
can rtsa ba'i bla ma bzhugs/ /mtha' skor rtsa brgyud bla ma yi 
dam lha/ /sangs rgyas byang sems dpa' bo mkha' 'gro'i tshogs/ 
/bstan bsrung rgya mtshos bskor

@007b nas bzhugs pa yi/ /ye shes pa rnams spyan drangs dbyer med
gyur/ /dus gsum rgyal ba'i yab gcig 'jam pa'i dbyangs/ /snyigs
dus zas gtsang sras po blo bzang grags/ /bka' drin mnyam med
rtsa ba'i bla ma ste/ /

'khor dang bcas la sgo gsum gus phyag 'tshal/ /mchod tshogs kun
'bul sdig ltung ma lus bshags/ /dge la yi rang chos 'khor skor
mdzad cing/ /nam mkha' ji srid brtan par bzhugs pa dang/ /dge
tshogs ma

lus bla med byang chub bsngo/ /dus gsum rnam 'dren kun gyi
thugs rje dang/ /mkhyen rab ma lus gcig tu bsdus pa la/ /'jam dpa'i
dbyangs dang rgyal ba blo bzang grags/ /rtsa ba'i bla ma zhes
byar mtshan gsol ba'i/ /

skyabs kyi dam par byang chub snying po'i bar/ /snying nas
skyabs mchi gus pas gsol 'debs na/ /ngan song 'khor ba'i 'jigs
pa las bsgral te/ /mchog dang thun mong dngos grub ma lus
stsol/ /dal 'byor rnyed dka' myur du

'jig pa dang/ /'jigs rung ngan 'gro'i g.yang sa dran gyur nas/
/bslu med dkon mchog gsum la skyabs 'gro zhing/ /sdig spong dge
tshogs sgrub par byin gyis rlobs/ /'khor ba'i phun tshogs me 'obs
ltar mthong

zhing/ /nges 'byung tshul khrims byang chub sems mchog dang/
/yang dag lta dang rim gnyis zab mo'i lam/ /myur du rgyud la
skye bar byin gyis rlobs/ /mdor na skye zhing skye ba thams cad
du/ /skyabs mchog dam pa

@008a @#/ /gsum gyis 'bral med du/ /dgyes shing rjes su bzung
ba'i byin rlabs kyis/ /ma rnams don du sangs rgyas myur thob
shog /ces pa yang dge slong blo bzang rnam rgyal gyi kha ton
du/ shAkya'i dge slong blo

bzang chos kyi rgyal mtshan gyis smras pa'o// ! //bla ma'i rnal
'byor ni/ sangs rgyas chos dang tshogs kyi mchog rnams la/
/byang chub bar du bdag ni skyabs su mchi/ /bdag gis sbyin sogs 
bgyis pa 'di

dag gis/ /'gro la phan phyir sangs rgyas 'grub par shog /spyi
bor seng khri padma nyi zla'i steng/ /'od dpag med mgon padma
'byung gnas ni/ /dpa' bo mkha' 'gro'i tshogs kyis bskor nas
bzhugs/ /rang bzhin gnas

nas ye shes spyan drangs bstim/ /skyabs gsum ngo bo rtsa ba'i
bla ma la/ /phyag 'tshal mchod 'bul sdig ltung so sor bshags/
/dge la yi rang chos 'khor bskor ba'i phyir/ /bskal brgyar
bzhugs gsol dge tshogs

byang chub bsngo/ /de nas bla ma rang rang gi mtshan sngags
bzla/ 'di ltar bskrun pa'i dge bas dkar phyogs rnams/ /legs par 
skyong la mthu stobs ldan pa dang/ /gnas skabs mthar thug 
'dod pa'i don rnams kun/ /

chos ldan yid bzhin 'grub par byin gyis rlobs/ /ces gsol ba btab
nas dngos grub zhus/ bla ma rang la bstim mo/ /zhes pa 'di tshong
'dus chos kyi rgyal pos bla ma'i rnal 'byor mdor bsdus dgos ces

@008b bskul ngor/ btsun pa blo bzang chos kyi rgyal mtshan gyis
smras pa'o// ! //na mo gu ru lo ke shA rA ya/ 'dir 'phags pa
spyan ras gzigs kyi bla ma'i rnal 'byor bsgom sa nas/ mjug tu
gtor ma 'bul

bar 'dod pas/ skyabs 'gro sems bskyed tshad med bzhi bsgom pa
sngon du btang nas/ mdun gyi nam mkhar pad dkar zla ba'i
steng/ /rtsa ba'i bla ma rje btsun spyan ras gzigs/ /sku mdog 
dkar po bcu drug lang tshos

mdzes/ /'dzum ldan zhal gcig phyag bzhi'i dang po gnyis/ /'gro
la brtse bas phyogs bcu'i sangs rgyas kyi/ /thugs rje bskul
phyir thugs kar thal mo sbyar/ /'og mas shel phreng padma dkar
po bsnams/ /ral pa'i

cod pan nor bu'i dbu rgyan dang/ /snyan rgyan mgul rgyan gdu
bu do shal sogs/ /rnam mang rin chen rgyan gyis legs par brgyan/
/lha rdzas dar gyi na bzas mdzes par klubs/ /mi phyed rdo rje'i
skyil krung gis bzhugs

pa'i; /thugs kar zla steng hrIH dang hUM gi mthar/ /yi ge drug
pas bskor ba'i 'od zer gyis/ /ye shes dbang lha spyan drangs
dbyer med gyur/ /dbang bskur 'od dpag med pas spyi bor brgyan/
/skyon gyis ma gos sku mdog

dkar/ /rdzogs sangs rgyas kyi dbu rgyan can/ /thugs rje'i spyan
gyis 'gro la gzigs/ /spyan ras gzigs la phyag 'tshal lo/ /mchod
pa'i tshogs 'bul sdig kun so sor bshags/ /dge la yi rang chos

@009a @#/ /'khor skor du gsol/ /mya ngan mi 'da' bzhugs gsol dge
ba rnams/ /'gro rnams bsgral phyir byang chub chen por bsngo/
/bslu med skyabs mchog spyan ras gzigs dbang la/ /byang chub

snying po'i bar du skyabs mchi zhing/ /gus pas phyag 'tshal
snying nas gsol ba 'debs/ /thugs rjes bzung la byin gyis brlab
tu gsol/ /de ltar lan mang gsol ba btab pa las/ /byin gyis brlab
phyir 'phags

pa gnyis pa zhig /chad nas thim pas bdag nyid 'phags par gyur/
/snying kha'i yig drug 'od zer 'phro 'du yis/ /snod bcud sbyong
zhing bzlas pa'i rgyun la 'jug /mjug tu dge tshogs byang chub
chen por bsngo/ /

thun mtshams su gtor ma 'bul na dkar gtor bshams/ oM AH hUM
gis bdud rtsir byin gyis brlabs la/ rang gi thugs ka'i hUM
hrIH 'i 'od zer gyis/ /spyan ras gzigs la sangs rgyas byang
sems kyis/ /

bskor ba spyan drangs ljags kyi 'od zer gyis/ /drangs shing gsol
bas mchog tu dgyes par gyur/ /oM gu ru Arya lo ke shwa ra sa
pa ri wA ra i daM pa laM ta kha kha khA hi khA hi/ lan gsum
gyis phul/ arg+haM sogs kyis

mchod/ skyon gyis ma gos ces sogs kyis bstod nas/ bzod par gsol
te gshegs su gsol ba'am/ yang na rang la bstim/ dge ba bsngo
zhing shis pa brjod/ ces pa 'di yang/ dad ldan ta'i jing chas
rjes bskul

@009b nas/ shAkya'i dge slong rgyal khams pa blo bzang chos kyi
rgyal mtshan gyis dpal ldan 'bras spungs su sbyar ba'i yi ge pa
ni rab 'byams smra ba blo bzang bstan pa dar rgyas so// ! //swa
sti; yid ma yengs

par 'di ltar gdon cing bsam/ /rang mdun nam mkha' padma nyi
ma'i steng/ /mthu stobs dbang phyug dpal ldan gsang ba'i bdag 
/sku mdog sngon po zhal gcig phyag gnyis kyi/ /g.yas pas sdigs 
mdzub dang bcas rdo

rje 'phyar/ /g.yon pa sdigs mdzub mdzad cing mche ba gtsigs/
/sma ra smin ma dbu skra me ltar 'bar/ /sprul dang rin chen
rgyan mdzes gos sngon gyi/ /stod g.yogs stag gi pags pa'i sham
thabs gsol/ /zhabs

gnyis brkyangs bskums kyis bzhugs gnas gsum du/ /yi ge gsum
mtshan thugs ka'i 'od zer gyis/ /ye shes dbang lha dang bcas
spyan drangs bstim/ /dbang bskur mi bskyod rgyal pos dbu la
brgyan/ /lcang

lo can gyi gnas mchog dam pa na/ /gsang sngags rig sngags kun
gyi bdag po ste/ /log 'dren 'gegs kyi tshogs rnams 'joms mdzad
pa/ /bcom ldan rdo rje 'dzin la phyag 'tshal lo/ /mchod pa kun
'bul sdig

ltung ma lus bshags/ /dge la yi rangs chos 'khor bskor ba dang/
/mya ngan mi 'da' bzhugs gsol dge tshogs rnams/ /bla med byang
chub dam par bsngo bar bgyi/ /de nas mdun gyi phyag na rdo rje
de nyid la/ lcang

@010a @#/ /lo can gyi gnas mchog dam pa na/ zhes sogs kyis gsol
ba btab pas/ dgyes bzhin du rang la thim pas/ rang nyid phyag
rdor du gyur pa'i snying khar nyi gdan gyi steng du hUM yig
sngon po de'i

mthar oM badzra pA Ni hUM zhes pa'i sngags kyis bskor ba'i
sngags phreng las 'od zer 'phros pas rang gi lus kyi nang gang/
nad gdon sdig sgrib sogs 'gal rkyen bar gcod thams cad sbyangs/
tshe dang bsod nams

stobs dang yon tan thams cad 'phel zhing rgyas par bsams la/
sngags de nyid brgya stong la sogs pa bzla'o/ /mjug tu dge ba
'di yis myur du bdag /gsang ba'i bdag po 'grub gyur nas/ /'gro
ba gcig

kyang ma lus pa/ /de yi sa la 'god par shog /de ltar nyin re
bzhin du nyams su blangs na/ gnas skabs bar chad sel zhing/
mthar thug sangs rgyas kyi go 'phang 'thob par 'gyur ba sogs
phan yon che'o/ /zhes

er the ni d+ha las ba dur gyi nyams len du bris pa'o// ! //na mo
gu ru badzra pA Ni ye/ bla ma phyag na rdo rje bsgrub par 'dod
pas skyabs 'gro sems bskyed sngon du btang/ sems can thams cad
kyi don

du sangs rgyas kyi go 'phang thob par bya/ /de'i phyir du bla ma
phyag na rdo rje bsgrub par bya'o snyam pa gsum sogs bya/ de
nas rang gi mdun du/ ngo bo rang gi rtsa ba'i bla ma yin pa la/ 
rnam pa bcom ldan 'das phyag na rdo rje sku

@010b mdog mthing kha zhal gcig phyag gnyis pa/ mche ba gtsigs
shing ljags 'dril ba/ spyan gsum dang ldan zhing khro gnyer
bsdus pa/ dbu skra dang sma ra dang smin ma dmar ser 'bar
zhing gyen du 'khyil ba/ phyag

g.yas sdigs mdzub dang bcas pas rdo rje 'phyar zhing/ g.yon
thugs kar sdigs mdzub mdzad pa/ gos sngon po'i stod g.yogs
dang/ stag gi pags pa'i sham thabs can sprul dang rin po che'i
rgyan gyis brgyan

pa/ ye shes kyi me rab tu 'bar ba'i dbus na/ zhabs g.yas bskums
shing g.yon brkyangs pa'i stabs kyis bzhugs pa'i spyi bor oM/
mgrin par AH thugs kar hUM/ hUM las 'od zer 'phros/ bsgoms

pa dang 'dra ba'i ye shes pa dang dbang lha rnams spyan drangs/
dzaH hUM baM hoH ye shes pa dang gnyis su med par gyur/ dbang
gi lhas dbang bskur/ mi bskyod pas dbu brgyan par gyur/ lcang
lo can gyi gnas mchog dam pa

na/ /gsang sngags rig sngags kun gyi bdag po ste/ /log 'dren
bgegs kyi tshogs rnams 'joms mdzad pa'i/ /bcom ldan rdo rje 'dzin
la phyag 'tshal lo/ /mchod pa'i tshogs 'bul sdig ltung so sor
bshags/

dge la yi rang chos 'khor skor du gsol/ /'dis mtshon rnam dkar
dge ba ci mchis pa/ /ma rnams sgrol phyir byang chub mchog tu
bsngo/ /de ltar yan lag bdun pa phul bas/ phyag rdor dgyes
bzhin rang la thim ste/

@011a @#/ /rang nyid bsgoms pa dang 'dra ba'i phyag na rdo rjes
gyur par bsams la/ snying khar sngags 'khor bsgom pa'i 'od zer
kyi spro bsdu'i dmigs pa dang ldan pas/ oM badzra pA Ni hUM/
zhes pa'i bsnyen pa bya/

mjug tu dge ba 'di yis myur du bdag /bla ma gsang 'dzin 'grub
gyur nas/ /ces sogs bsngo ba dang smon lam bya'o/ /de ltar nyams
su blangs pas/ bsam don 'grub cing/ bar gcod sel lo/ /zhes pa 'di

yang dpon po A yu She'i nyams len du dge slong blo bzang chos
kyi rgyal mtshan gyis bkod pa'o// ! //nye brgyud gtso bo ni/
khyab bdag rdo rje 'chang dbang 'jam pa'i dbyangs/ /rgyal ba
gnyis pa 'jam

dpal rgya mtsho'i zhabs/ /mkhas grub dam pa paN chen chos kyi
rje/ /rgyal ba yab sras rnams la gsol ba 'debs/ /grub mchog chos
rdor rgyal ba dben sa pa/ /spyan ras gzigs dngos bsod nams
mchog gi

mtshan/ /sku gsum mngon gyur sangs rgyas ye shes zhabs/ /kun
mkhyen bla ma gsum la gsol ba 'debs/ /dmigs brtse ma'i mjug tu/
grub pa'i dbang phyug 'jam dpal rgya mtsho dang/ /'dzam gling

mkhas pa'i gtsug rgyan dge legs dpal/ /mdo rgyud gdams pa'i
mdzod 'dzin ba so rje/ /skye dgu'i 'dren pa gsum la gsol ba
'debs/ /zung 'jug mchog brnyes chos kyi rdo rje dang/ /sku gsum
mngon gyur

@011b rgyal ba dben sa pa/ /mkhas grub dam pa sangs rgyas ye
shes zhabs/ /kun mkhyen bla ma gsum la gsol ba 'debs/ /ces pa
'di yang/ /rab 'byams pa sku skye phun tshogs rgyal mtshan gyi
thugs dam du/ dge

slong blo bzang chos kyi rgyal mtshan gyis sbyar ba'o// ! //dril
bu dmar khrid kyi dbang brgyud gsol 'debs la/ khrid rgyud kyi
rgyal ba gnyis pa blo bzang grags pa'i dpal/ zhes pa'i mjug tu/
rin chen

sher 'byung mkhas btsun blo bzang rje/ /dpal 'byor rgya mtsho
mkhas grub nam mkha'i mtshan/ /gsol ba sogs sbyar ro/ /rje nyid
kyi gsung ngo// ! //phyag chen gsol 'debs kyi mjug tu 'jug
rgyu'i ba so sprul

pa'i sku la/ lam bzang po phyag rgya chen po yis/ /skal ldan gyi
gdul bya smin mdzad pa/ /ngag dbang chos kyi dbang phyug la
gsol ba 'debs/ ces sogs dang/ grub chen gnas bcu pa la/ bka' mdo
rgyud gdams ngag ma

lus pa'i/ /don gcig tu sdus nas nyams bzhes pa/ /grub chen dge
'dun rgyal mtshan la gsol ba 'debs/ ces sogs dang/ rje yab sras
thugs bcud bdud rtsi'i rgyun/ /dug nyon mongs 'joms byed sman
sbyin mdzad/ /

grub chen bsod nams yar 'phel la gsol ba 'debs/ /ces pa rnams
kyang rje nyid kyi gsung ngo// ! //na mo gu ru lo ke shwa rA
ya/ mtshan dpa'i cha shas yongs su rdzogs pa'i sku/ /yan lag drug
cu'i

@012a @#/ /bsil zer 'gyed pa'i gsung/ /shes bya'i mkha' la thogs
pa med pa'i thugs/ /'phags mchog spyan ras gzigs la gsol ba
'debs/ /sku gsum go 'phang mthon po'i rtser son kyang/ /bgrang

yas sprul pa'i rnam rol sna tshogs kyi/ /ngo mtshar mdzad pa'i gar
gyis rnam rol ba/ /grub chen mi Ta'i zhabs la gsol ba 'debs/
/byams pa'i rnam sprul sgra bsgyur byams pa'i dpal/ /tshogs gnyis
mthar phyin

bsod nams dbang phyug dang/ /rgyal sras dbang po bsod nams
seng ge'i zhabs/ /sa bcu'i dbang phyug gsum la gsol ba 'debs/ /lung
rigs mnga' bdag rin chen seng ge dang/ /rgyal ba gnyis pa kun
mkhyen

rin chen grub/ /sngags 'chang dbang po gzhon nu bsod nams te/
/bstan pa'i mnga' bdag gsum la gsol ba 'debs/ /dbang phyug
brgyad ldan blo bzang grags pa'i dpal/ /'dzam gling smra ba'i
khyu mchog dge legs

dpal/ /lung rtogs mnga' bdag chos kyi rgyal mtshan zhabs/ /sku
gsum mngon gyur gsum la gsol ba 'debs/ /rig 'dzin brnyes pa chos
kyi rdo rje dang/ /grub pa'i dbang phyug blo bzang don grub
zhabs/ /mkhas

grub dam pa sangs rgyas ye shes te/ /'gro ba'i 'dren pa gsum la
gsol ba 'debs/ /spyan ras gzigs dbang thugs rje'i rnam sprul ni/
/gdul bya'i don du ngur smrig 'dzin pa'i tshul/ /mtha' yas 'gro ba'i

@012b skyabs mchog bla na med/ /rje btsun bla ma'i zhabs la gsol
ba 'debs/ /ji snyed gdul bya'i khams dang bsam pa bzhin/ /rgyal
bas bka' stsal rab 'byams gsung rab kun/ /'di phyi bar do'i
nyams len snying po ru/ /dril

nas nyams su len par byin gyis rlobs/ /spyi bor bla ma snying
khar lhag pa'i lha/ /legs bsgoms dpag med 'od zer spro bsdu yis/
/snod bcud zhing skyong chos kun rang bzhin gyis/ /stong pa'i
gnas lugs rtogs par

byin gyis rlobs/ /rang lus 'khor gsum dag par mchod sbyin dang/
/tshe 'di'i phun tshogs kun la zhen pa ni/ /dor nas rang sems 'od
kyi sbu gu nas/ /thogs med dga' ldan 'jug par byin gyis rlobs/
/brtan g.yo dngos

kun sgyu ma rmi lam ltar/ /mthong nas phyi nang gsang bar
bsgyur byas te/ /stong nyid snying rje dbyer med byang chub sems/ 
/myur du mngon du 'gyur bar byin gyis rlobs/ /de ltar zab mo'i 
lam gyi nyams len gyis/ /chos kun

mkhyen pa'i dbang po myur thob nas/ /phyag na padmo'i rnam
thar ji bzhin du/ /rtag tu lus can kun gyi don bgyid shog / ! //chos
drug brgyud pa'i gsol 'debs/ khyab bdag rdo rje 'chang dbang tai
llo dang/ /nA ro mar mi

sgam po rdo rje rgyal/ /'jig rten mgon po spyan snga rin chen
mgon/ /gsol ba 'debs so bdag rgyud byin gyis rlobs/ /kun ldan
ras pa byams dpal bsod dbang dang/ /rgyal sras bsod nams seng
ge yang rtse ba/ /bu ston

@013a @#/ /bsod rgyal grags pa byang chub zhabs/ /gsol ba 'debs
so bdag rgyud byin gyis rlobs/ /rgyal ba gnyis pa ba so chos kyi
rje/ /grub mchog chos kyi rdo rje yab sras dang/ /zung 'jug
mngon gyur

sangs rgyas ye shes zhabs/ /gsol ba 'debs so bdag rgyud byin
gyis rlobs/ /bslu med lam ston rtsa ba'i bla ma dang/ /rab
'byams 'khor lo'i mgon po he ru ka/ dus gsum rgyal ba bskyed
mdzad rje btsun ma/ /

gsol ba 'debs so bdag rgyud byin gyis rlobs/ /bshes gnyen dam
pas 'bral med rjes bzung ste/ /thun mong lam sbyangs dbang bzhis
smin byas nas/ /dam tshig sdom pa tshul bzhin bsrungs pa yis/ /gtan

gyi mdun ma 'grub par byin gyis rlobs/ /gtum mo'i bde drod 'bar
bar byin gyis rlobs/ /rlung sems dbu mar tshud par byin gyis rlobs/ 
/sgyu lus rmi lam 'byongs par byin gyis rlobs/ /lhan skyes 'od gsal

'char bar byin gyis rlobs/ /'pho bas zhing khams bgrod par byin
gyis rlobs/ /rnam dag grong 'jug nus par byin gyis rlobs/ /zung
'jug go 'phang thob par byin gyis rlobs/ /ces pa 'di yang dge
slong blo bzang chos kyi

rgyal mtshan gyis sbyar ba'o// ! //na mo gu ru manydzu g+ho ShA
ya/ rten cing 'brel 'byung bslu ba med pa dang/ /skye 'gag spros
dang bral ba dam pa'i don/ /ji bzhin gzigs shing brtse bas 'doms
mdzad

@013b pa/ /thub dbang lha yi lha la gsol ba 'debs/ /mgon des
'khor tshogs rgya mtsho'i dbus dag tu/ /yongs 'du'i tshal na dpag
bsam ljon pa ltar/ /gzigs nas rgyal tshab dam par dbang bskur ba/
/ma pham chos

rje'i zhabs la gsol ba 'debs/ /bde gshegs kun las lhag pa'i
thugs rje yis/ /snyigs dus 'gro la phan dang bde ba'i lam/ /ji
bzhin ston mdzad thub dbang gnyis pa'i rje/ /blo bzang grags
pa'i dpal la

gsol ba 'debs/ /de nyid lugs bzang phun tshogs bkra shis pa/
/bshad sgrub rnam par dkar ba'i 'phrin las kyis/ /phyogs las
rnam par rgyal ba'i dpal ldan pa/ /'jam dbyangs bla ma'i zhabs
la gsol

ba 'debs/ /rab 'byams dge la 'dun pa'i ded dpon mchog /lung
rtogs yon tan rgya mtsho chen po la/ /dbang bsgyur 'phrin las
rlabs phreng g.yo ba can/ /yongs 'dzin dge ba'i bshes la gsol
ba 'debs/ /

legs tshogs dpal ldan yangs pa'i blo gros rgyas/ /ye shes bzang
po'i spyan gyis chos kun gzigs/ /bsod nams blo gros bkra shis
rgyal mtshan 'dzin/ /'gro ba'i 'dren pa rnams la gsol ba 'debs/ /

legs par bshad pa'i chos kyi 'byor pa rgyas/ /tshul khrims rgyal
mtshan yon tan 'od stong 'phro/ /rgya chen bsod nams grags pa'i
ba dan g.yo/ /skye dgu'i gtsug rgyan rnams la gsol ba 'debs/
/mkhas mang

@014a @#/ /dge 'dun don rnams grub mdzad cing/ /chos grags gnyis
pa 'phrin las 'od zer 'phro/ /bsam gtan mchog brnyes 'jam
dbyangs blo gros ldan/ /bstan pa gsal byed rnams la gsol ba

'debs/ /nam mkha'i khyon ltar yangs pa'i shes rab can/ /lung
rigs dpal ldan snyan grags dam chos kyi/ /dpal 'byor don gnyis
lhun gyis grub pa'i mgon/ /thar pa'i lam ston rnams la gsol ba
'debs/ /

dkon mchog chos tshul 'phel mdzad blo bzang bstan/ /'dzin
mchog 'jam pa'i dbyangs bzhin bkra shis stsol/ /dam chos rnam 
par rgyal ba'i 'phrin las can/ /yongs 'dzin dam pa rnams la gsol 
ba 'debs/ /

de ltar rtsa brgyud bla ma'i tshogs rnams la/ /rtse gcig gus pas
gsol ba btab pa'i mthus/ /tshe rabs kun tu dam pa'i mgon rnams
kyis/ /'bral med rjes su 'dzin par byin gyis rlobs/ /dal 'byor
rten bzang

bslab gsum rgyan gyis mdzes/ /'gro kun sgrol phyir byang chub
sems bskyed de/ /rlabs chen rgyal sras kun gyi spyod pa la/
/nyams len snying por byed par byin gyis rlobs/ /mtha' yas skye
dgu'i phan bde 'byung ba'i

gzhi/ /phyogs dus kun tu bu ram shing pa yi/ /bstan pa'i rgyal
mtshan 'dzin cing spel ba la/ /kun mkhyen tsong kha pa dang
mtshungs par shog (/ces rigs lam smra ba'i grwa tshang blo gsal
gling gi slob brgyud la gsol

@014b ba 'debs pa'i tshul 'di yang/ dka' bcu pa lho pa 'phags
pa'i tshig gis nan cher bskul ba la brten nas/ sde snod 'dzin pa
dge slong blo bzang chos kyi rgyal mtshan gyis bkra shis lhun
po'i gzims khang rgyal mtshan

mthon po'i gzims chung yid dga' chos 'dzin du sbyar ba'o// !
//na mo lo ke shwa rA ya/ rab 'byams phyogs bcu'i rgyal ba ma
lus pa'i/ /thugs rje bdud rtsi'i rgya mtsho las 'khrungs pa/ /pad
dkar

'dab stong 'dzin pa'i bdag nyid can/ /rje btsun bla ma'i zhabs
la gsol ba 'debs/ /kun mkhyen gnyis pa blo bzang grags pa yi/
/mdo sngags bshad sgrub rgya mtsho spel ba la/ /phyogs dus kun
tu 'gran pa'i zla bral ba/ /

dpal ldan bla ma'i zhabs la gsol ba 'debs/ /sngon goms tshogs
gnyis gser gyi shing rta yis/ /drangs pa'i sku gsum yid bzhin
dbang gi rgyal/ /mchog dang thun mong 'dod dgu'i char 'bebs pa/
/skyabs

mgon dam pa'i zhabs la gsol ba 'debs/ /gangs can dga' tshal mdzes
byed mkhan slob dang/ /dam chos 'khor los bsgyur ba'i mi dbang
sogs/ /sna tshogs sgyu 'phrul dra ba'i zlos gar gyis/ /rnam rol
bla ma

mchog la gsol ba 'debs/ /'dzam gling mdzes byed rgyan dang
mchog rnams kyi/ /'chad rtsod rtsom pa'i 'phang 'gro'i sgra 
dbyangs rnams/ /gcig tu bsdoms 'dra'i legs bshad rgyud mang gis/ 
/phan bde'i dga'

@015a @#/ /ston stsol la gsol ba 'debs/ /ngag gi dbang phyug 'jam
dpal gzhon nu bzhin/ /blo bzang bstan pa'i rgya mtsho rgyas
mdzad pa'i/ /'phrin las 'od dkar bye ba 'gyed mkhas pa/ /smra ba'i 
zla ba

mchog la gsol ba 'debs/ /'di ltar bskrun pa'i rnam dkar dge ba'i
mthus/ /tshe rabs kun tu rje btsun bla ma yis/ /'bral ba med par
rjes su 'dzin pa dang/ /thams cad mkhyen pa'i go 'phang myur
thob shog /

bslu med dkon mchog gsum gyi byin rlabs dang/ /dam can chos
skyong bsrung ma'i mthu stobs dang/ /drang srong grub pa
rnams kyi bden tshig dang/ /mtha' yas 'gro 'di'i legs par spyad pa'i
mthus/ /gangs ri'i

ra bas bskor ba'i zhing khams 'dir/ /phan dang bde ba ma lus
'byung ba'i gnas/ /spyan ras gzigs dbang thams cad mkhyen pa yi/
/zhabs pad srid mtha'i bar du brtan par shog /ces rje thams cad
mkhyen

pa'i rang bzhin brjod pa'i sgo nas gsol 'debs zhabs brtan dang
bcas pa 'di yang/ rgod tshang ri khrod pa rnams dang/ dam pa
rang nyid kyi zhabs 'bring dge ba'i bshes gnyen mang pos gsol ba 
btab pa dang/ /khyad

par bdag nyid kyang mchog tu dad pa'i sgo nas btsun pa blo
bzang chos kyi rgyal mtshan gyis/ chos grwa chen po bkra shis 
lhun por sbyar ba'i yi ge pa ni dge tshul rnam dpyod dang ldan 
pa blo bzang dbang rgyal lo// ! //

@015b zhing mchog bde ba can gyi 'dren pa mchog /snang ba
mtha' yas ye shes zlos gar las/ /mtsho las skyes pa'i rdo rje sprul
pa'i sku/ /bstan pa'i nyi ma mchog la gsol ba 'debs/ /de nyid
thugs rje chen po'i rnam rol ni/ /

blo bzang chos kyi rgyal mtshan 'dzin pa'i dpal/ /snyigs dus 'gro
ba'i 'dren pa bla na med/ /gsum ldan rdo rje 'dzin la gsol ba
'debs/ /mgon de'i zhabs zung thub pa'i bstan pa dang/ /skye
dgu'i phan bde bdag cag

'khor bcas kyi/ /tshe dang bsod nams bshad sgrub longs spyod
sogs/ /yar ngo'i zla ltar rgyas shing brtan gyur cig /ces pa 'di
ni sangs rgyas snang ba mtha' yas slob dpon padma 'byung gnas
rtsa ba'i bla ma gsum

dbyer med du gsol ba 'debs tshul lha sa'i tshes bcu pa la gnang
ba'o// ! //swasti/ dus gsum phyogs bcur bzhugs pa'i rgyal ba
dang/ /brgyad khri bzhi stong lung rtogs dam pa'i chos/ /rab

'byams 'phags tshogs skyabs kyi dam pa la/ /phyag 'tshal skyabs
mchi byin gyis brlab tu gsol// ! //rnam dkar dge legs ring nas
goms pa'i mthus/ /rtsod dus smra ba'i nyi ma thams cad

mkhyen/ /dpal ldan mkhas pa kun gyi rgyan gyur pa'i/ /mkhas
grub chos rje'i zhabs la gsol ba 'debs/ ces pa 'di dge tshul rnam
dpyod dang ldan pa blo bzang dbang rgyal gyi thugs dam du
dge slong blo bzang chos kyi rgyal

@016a @#/ /mtshan gyis 'phral du bkod pa'o// ! //swasti; mnyam med
zas gtsang sras dang mar me mdzad/ /kun mkhyen gnyis pa blo
bzang grags pa yi/ /bshad sgrub chos kyi rgyal mtshan

'dzin pa'i dpal/ /rje btsun bla ma'i zhabs la gsol ba 'debs/
/mtha' yas 'gro ba'i bslu med skyabs kyi mchog /blo bzang rgyal
ba kun gyi mdzad pa'i phul/ /chos kyi rgyal srid skyong ba'i dge
mtshan gyi/ /dpal ldan

bla ma'i zhabs la gsol ba 'debs/ /'dis mtshon dus gsum rnam dkar
dge ba'i tshogs/ /dngos grub 'byung gnas drin can bla ma yis/
/'bral med rjes bzung sa lam mthar phyin te/ /sku gsum go 'phang
myur du

thob phyir bsngo/ /yul phyogs 'dir yang 'thab rtsod lo nyes
dang/ /nad rims la sogs rgud pa kun bral zhing/ /tshe ring nad
med dpal 'byor longs spyod rgyas/ /bkra shis rgya mtshos phyogs
kun gang bar shog /chos

grwa 'dir yang dge 'dun thugs mthun zhing/ /tshul khrims rnam
dag 'dod dgu'i 'byor pa rgyas/ /bshad dang bsgrub pas nyin mtshan
'da' ba yis/ /thub bstan dar rgyas yun ring gnas gyur cig /ces
pa 'di yang

lcang ra chos mdzad ma blo bzang chos 'dzin gyis nan gyis
bskul ba la brten nas/ dge slong blo bzang chos kyi rgyal mtshan
gyis thogs med du smras pa'o// ! //thub dbang rdo rje 'chang dang 
'od dpag

@016b med; ;'khor lo bde mchog rgyal ba tsong kha pa/ /dbyer med
skyabs kyi dam par gsol ba 'debs/ /mchog dang thun mong dngos
grub ma lus stsol/ /blo bzang phyogs las rnam par rgyal ba yi/
/grags pa'i mtshan

mas rgya mtsho'i gos can kun/ /yongs 'gengs chos kyi rgyal srid
skyong ba'i mchog /bslu med skyabs mchog gsum la gsol ba 'debs/
/bla ma gsum gyi gsol 'debs grwa tshang chos rje 'jam dbyangs
shes rab la

gnang ba'o// ! //thub dbang byams mgon 'jam dbyangs mar me
mdzad/ /rgyal ba gnyis pa blo bzang grags pa'i dpal/ /dbyer med
mchog gsum skyabs kyi dam pa la/ /snying nas gsol ba 'debs

so byin gyis rlobs/ /ces pa b+hi lig thu nang sos zhus pa'o// !
//dran pa tsam gyis mchog dang thun mong gi /'dod dgu'i dngos
grub ma lus stsol mdzad pa'i/ /mchog gsum ngo bo drin can bla
ma la/ /gsol

ba 'debs so byin gyis brlab tu gsol/ zhes pa lha btsun blo bzang
chos skyong gi thugs dam du gnang ba'o// ! //na mo ratna tra yA
ya/ blo mchog bzang po'i mdzad pa bla na med/ /chos kyi rgyal
srid

skyong ba'i rnam dkar gyis/ /gdul bya'i mtshan 'dzin rgud pa kun
sel ba'i/ /dpal ldan bla ma'i zhabs la gsol ba 'debs/ /deng nas
bzung ste tshe rabs thams cad du/ /bshes gnyen dam pas 'bral med

@017a @#/ /rjes 'dzin cing/ /dkar nag las 'bras tshul la yid ches
nas/ /sdig spong dge ba sgrub par byin gyis rlobs/ /'khor ba'i
ngang tshul me 'obs ltar mthong zhing/ /'gro rnams don du
byang chub

sems bskyed de/ /rgyal sras spyod pas nyin mtshan 'da' ba dang/
/bdag med gnas lugs rtogs par byin gyis rlobs/ ces pa 'di yang/
dad stobs dang ldan pa'i hor dpon tshang nam mkha' rgyal
mtshan gyis 'di

lta bu zhig dgos ces nan gyis bskul ba la brten nas/ dge slong
blo bzang chos kyi rgyal mtshan gyis/ grub pa'i gnas mchog dben
sa chos kyi pho brang du sbyar ba'i yi ge pa ni rje drung blo
bzang dbang rgyal lo// ! //lhar

bcas 'gro ba'i 'dren pa bla na med/ /lung rtogs chos kyi dbang
phyug phyogs kun las/ /rnam rgyal thub bstan nyin mor byed pa'i
dpal/ /rje btsun bla ma'i zhabs la gsol ba 'debs/ ces de mo
sprul pa'i sku lha dbang

phyogs las rnam rgyal la bstod pa'o/ /blo bzang phyogs bcu'i
'dren pa thams cad kyi/ /thugs rje phrin las ma lus gcig bsdus
nas/ /rgyal ba'i mdzad pa tshul bzhin sgrub mdzad pa'i/ /mchog gi
sprul sku'i zhabs pad

brtan gyur cig /ces lha dbang phyogs las rnam rgyal gyi sprul
pa'i sku'i brtan bzhugs so// ! //na mo gu ru manydzu g+ho ShA
ya/ ston pa bla na med pa'i rgyal tshab mchog /byams mgon ye shes
sgyu

@017b 'khrul dra ba'i gar/ /sna tshogs cir yang 'char ba'i rol pa
yis/ /'gro la dge legs stsol la gsol ba 'debs/ /khyad par lnga
brgya'i gtsug rgyan bstan pa'i sgron/ /jo bo lha gcig mgon po a
ti sha'i/ /thugs sras

dam pa legs pa'i shes rab ces/ /mkhas btsun bzang por gyur la
gsol ba 'debs/ /de nas mkhas dang grub pa rim brgyud de/ /dbang
phyug brgyad ldan rgyal ba tsong kha pa'i/ /chos kyi rgyal srid
skyong la zla bral ba/ /byams

pa'i mtshan can zhabs la gsol ba 'debs/ /de nyid slar yang bstan
dang 'gro ba la/ /thugs rje chen pos bskyod pa'i rnam 'phrul
gyis/ /dge 'dun 'dus pa'i dpal gyur blo bzang rje'i/ /bstan pa
rgya mtsho'i gnyen la

gsol ba 'debs/ /bsod nams ye shes tshogs gnyis goms pa'i mthus/
/'phags mchog pad dkar 'dzin pa'i gdong lnga'i khrir/ /'dod dgur
spyod pa'i rnam dkar 'od stong gis/ /phan bde'i lam bzang ston
la

gsol ba 'debs/ /dge la 'dun pa'i dkyil 'khor rab rgyas shing/
/dpal ldan lung rigs bzang po'i 'od dkar gyis/ /thub dbang bstan
pa rgya mtsho'i dpal gyur pa/ /'phrin las bzang po'i zhabs la
gsol ba

'debs/ /rab 'byams 'dun ldan rgya mtsho'i gtsug rgyan du/ /dpal ldan
yon tan bzang po mngon mtho ba/ /mgon khyod rgya mtsho'i gos 
can gnas kyi bar/ /sku tshe brtan zhing 'phrin las rgyas gyur cig /'di

@018a @#/ /ltar bstod pa'i dge bas 'gro ba kun/ /bshes gnyen dam
pas 'bral med rjes bzung ste/ /thun mong lam gyi rim pas rgyud
sbyangs nas/ /rim gnyis lam gyi rtogs pa mthar phyin shog /ces
chos

kyi rje byams pa'i rnam 'phrul de nyid la gsol ba 'debs shing
zhabs brtan du byas pa 'di yang/ /don gnyer can 'ga' zhig gis
bskul ba'i ngor/ shAkya'i dge slong blo bzang chos kyi rgyal
mtshan gyis sbyar ba'o// ! //

dpal 'byor tshogs gnyis yal ga'i khyon yangs shing/ /bslab gsum
rim gnyis 'bras bus mngon par brjid/ /lhun grub 'phrin las bzang
po'i dri bsung can/ /bshes gnyen yongs 'dzin dam pa'i zhabs la

'dud/ /ces pa chos rje pha bong kha pa la bstod pa mdzad pa'o//
! //sangs rgyas bstan pa rin chen padmo'i tshal/ /dpal ldan phrin
las bzang po'i gzi byin gyis/ /legs par gsal mdzad gdul bya'i
mun

sel ba/ /bstan pa'i nyi ma mchog la gsol ba 'debs/ /rab 'byams
sangs rgyas bstan pa'i dpal gyur cing/ /bshad sgrub rnam dkar
bzang po'i 'phrin las kyis/ /mtha' yas 'gro ba 'dren pa'i chos
kyi rje/ /zhabs

pad srid mtha'i bar du brtan gyur cig (/ces pa dge 'phel mkhan
chen zhal snga nas sangs rgyas dpal bzang gi bstod pa brtan
bzhugs so//) ! //blo bzang bstan pa'i gangs ri la gnas shing/
/phyogs las

@018b rnam rgyal lung rigs gdong lnga'i mtshan/ /bslab gsum rim
gnyis ral khur gyis mdzes pa'i/ /smra ba'i seng ge'i zhabs la
gsol ba 'debs/ /blo bzang lung rtogs ba gam mthon po'i rtser/
/legs bshad dar gyi lhab lhub

rab g.yo zhing/ /phul byung yid bzhin nor bu'i tog mdzes pa'i/
/bstan pa'i rgyal mtshan 'dzin pa de la 'dud/ /rab yangs bde
stong nam mkha'i dbyings nyid du/ /'chad rtsod rtsom pa'i 'brug
sgra cher sgrog pas/ /phas rgol

brag rir lung rigs gnam lcags 'bebs/ /smra mkhas phyogs las
rnam rgyal gang der 'dud/ /rab dkar tshogs gnyis cha shas yongs
rdzogs shing/ /nyon mongs dug gsum mun tshogs kun bcom ste/ 
/rnam dag stobs

bzhi'i ku mud kha 'byed pa'i/ /khyab bdag sku lnga'i mgon po
gang der 'dud/ /'dis mtshon skye 'phags dus gsum dge ba'i mthus/
/tshe rabs kun tu dal 'byor lus thob cing/ /theg mchog dge ba'i
bshes kyis rjes bzung

nas; ;mdo rgyud chos kun dgyes bzhin 'doms par shog /brtson pas
lam bzung rtse gcig rab bsgrubs te/ /zung 'jug rdo rje 'chang
dbang myur thob nas/ /mtha' yas sprul pas 'gro ba ma lus pa/
/byang chub mchog la

bdag gis 'god par shog /ces zhal snga nas blo bzang bstan pa'i
rgyal mtshan la bstod pa dge slong blo bzang chos kyi rgyal
mtshan gyis smras pa'o// ! //thub dbang gnyis pa blo bzang grags pa 
yi/ /dgongs don

@019a @#/ /lung dang rigs pa'i dpal 'byor gyis/ /'gro la 'dod
dgu'i mchog stsol chos kyi rje/ /yongs 'dzin dam pa'i zhabs la
gsol ba 'debs/ ces pa shar rtse chos kyi rje grags pa dpal 'byor
pa'i bstod pa

'di yang rje nyid kyi gsung ngo// ! //rnam dkar dge tshogs ring
nas goms pa'i mthus/ /bstan 'dzin kun gyi dbus na mngon mtho
zhing/ /legs par bshad pas 'gro la mchog stsol ba'i/ /yongs
'dzin

dge ba'i bshes la phyag 'tshal lo/ /rgyal ba gnyis pa'i mdo
sngags lung rtogs kyi/ /bstan pa'i rgyal mtshan 'dzin la zla bral
ba/ /sa gsum 'gro ba'i bla ma chos kyi rje/ /gdul bya'i blo mun
sel la phyag 'tshal lo/ /

zhes kyang dge slong blo bzang chos kyi rgyal mtshan gyis smras
pa'o// ! //dus gsum sangs rgyas kun dang dbyer med kyang/ /gdul
bya'i dbang gis sprul pa'i skur bstan nas/ /'khor ba ma stongs
bar du 'gro

'dren pa'i/ /bka' drin mnyam med zhabs la gsol ba 'debs/ /sangs
rgyas kun gyi mkhyen brtse'i ye shes ni/ /ngur smrig gar gyis
rnam rol tsong kha pa'i/ /bstan pa'i snying po gsal mdzad zhabs
pad mchog /skal

bzang 'gro 'di'i gtsug na mdzes gyur cig / ! //mdo rgyud dam
pa'i chos tshul ma lus pa/ /ji bzhin rtogs nas gzhan la 'doms pa
la/ /phyogs las rnam par rgyal ba'i dpal mnga' ba/ /'dren mchog

@019b dam pa'i zhabs la phyag 'tshal lo/ /zhes brgyud pa zhal
snga nas sras khang rab 'byams pa'i bstod par gnang ba'o// !
//rnam dkar dge la 'dun pa'i blo gros kyis/ /mdo rgyud rgya
mtsho'i khyon la dbang bsgyur zhing/ /

lung rtogs yon tan nor bus yongs gang ba'i/ /bsgrub pa'i rgyal
mtshan 'dzin la gsol ba 'debs/ /rab 'byams dge tshogs ring nas
bskrun pa'i mthus/ /dam chos bsgrub la 'dun pa'i rnam dpyod can/
/thub bstan rgyal

mtshan 'dzin pa'i mchog gyur pa/ /yongs 'dzin dam pa'i zhabs la
gsol ba 'debs/ /phan bde'i 'byung gnas rgyal ba gnyis pa yi/
/sgrub brgyud bstan pa'i snying po 'dzin pa la/ /phyogs las rnam
par rgyal ba'i dpal

mnga' ba/ /yongs 'dzin dam pa'i zhabs la gsol ba 'debs/ /phun
tshogs dge la 'dun pa'i snying stobs kyis/ /chos brgyad tshe 'di'i
snang ba rgyang bsrings nas/ /sgrub pa'i rgyal mtshan 'dzin pa'i
ri khrod pa/ /sems

dpa' chen po'i zhabs la gsol ba 'debs/ /bla ma yi dam bsrung
ma'i byin rlabs dang/ /chos dbyings rten 'brel mi bslu'i bden pa
yis/ /'gro ba'i gdung sel dge 'dun yongs kyi gtso/ /sgrub pa'i
rgyal mtshan rtag tu

'dzin gyur cig /khyod la gus pas gsol ba btab pa'i mthus/ /bdag
kyang deng nas tshe rabs thams cad du/ /dad dang nges 'byung
byang chub sems nyid sogs/ /skyes bu gsum gyi nyams len mthar
phyin nas/ /sku gsum go

@020a @#/ /'phang mngon du 'gyur bar shog /grub chen gnas bcu rab
'byams pa dge 'dun rgyal mtshan la gsol 'debs su gnang ba'o// !
//swasti; phun tshogs dge legs ring nas goms

pa'i mthus/ /mdo rgyud rgya mtsho'i khyon la dbang bsgyur zhing/
/'gro kun thar pa dam pa'i grong khyer du/ /'dren pa'i ded dpon
mchog la gsol ba 'debs/ /rnam dkar dge ba'i legs lam yongs
rdzogs shing/ /rgya chen

mdzad pa'i 'od zer stong 'phro bas/ /rgyal ba gnyis pa'i sgrub
rgyud dge mtshan gyi/ /pad tshal rgyas par mdzad la gsol ba 'debs/
/bslu med bla ma yi dam byin rlabs dang/ /mthu ldan chos skyong
bsrung ma'i mthu stobs

kyis; ;dge legs rgya mtsho'i dpal mnga' chos kyi rje/ /srid mthar
zhabs brtan 'phrin las rgyas gyur cig / ! //rnam dkar dge legs
ring nas bskrun pa'i mthus/ /mdo sngags chos kyi rgya

mtsho'i dbus gnas shing/ /phun tshogs lung rtogs nor bus yongs
gang ba'i/ /grub mchog dpal ldan bla ma'i zhabs la 'dud/ /grub
mchog dge legs rgya mtsho'i bstod pa 'di gnyis kyang rje nyid kyi
gsung ngo//

! dpal ldan mdo rgyud kun gyi de nyid don/ /ji bzhin gzigs nas
phul byung brtson 'grus kyis/ /sgrub pa'i rgyal mtshan 'dzin pa'i
mchog gyur pa/ /yongs 'dzin dam pa'i zhabs la gsol ba 'debs/
/mtha' yas

@020b skye dgu kun gyi bsod nams gzhi/ /sgrub brgyud bstan pa
yun ring rgyas pa'i phyir/ /khyod zhabs padmo srid mthar brtan
pa dang/ /bslab gsum ri khrod 'dzin pas yongs gang shog /ces pa
'di ni grub pa'i dbang phyug chen po

brtson 'grus rgyal mtshan pa'i zhal snga nas la gsol 'debs brtan
bzhugs dang bcas gnang ba'o// ! //swasti; blo bzang dam pa'i
chos kyi rgyal mtshan 'dzin/ /'jam pa'i dbyangs ltar snyan grags
dge

'dun gyi/ /rgyan gyur grub pa'i rgyal mtshan mngon mtho ba/
/skyabs mchog dam pa rnams la gsol ba 'debs/ /dge ba 'di yis tshe
rabs thams cad du/ /'dren mchog bla ma rnams kyis rjes bzung
nas/ /'khrul med

phyag chen rtogs pa mngon gyur te/ /sku gsum go 'phang myur
du thob par shog /ces pa 'di yang ra sgreng dka' bcu pas 'di lta 
bu zhig dgos ces bskul tshe/ /dge slong blo bzang chos kyi rgyal
mtshan gyis dngos grub chos

rdzong du bkod pa'o// ! //na mo manydzu g+ho ShA ya/ sangs rgyas
kun gyi gsang ba'i mdzod 'dzin cing/ /zab dang rgya che'i chos
kyi rgyal srid skyong/ /khyab bdag 'khor lo'i mgon po bshes
gnyen gyi/ /tshul ston bla ma'i

tshogs la gsol ba 'debs/ /bstan pa 'di la ston pa gnyis pa ltar/
/yongs grags 'phags mchog klu sgrub yab sras kyi/ /sras kyi dam
pa don dam smra ba'i mchog /'bar ba'i gtso bo'i zhabs la gsol ba

@021a @#/ /'debs/ /nyi ma'i gnyen gyi ljags yangs padmo'i mtshor/
/brtul zhugs spyod pa'i rnal 'byor dbang po zhes/ /lung bstan
bung ba'i dar dir 'bum 'khrigs pa/ /spyod pa'i rdo rje'i zhabs
la gsol

ba 'debs/ /de nyid slar yang sa skyong dge ba'i rigs/ /legs
bzung sna tshogs sprul pa'i zlos gar gyis/ /rol pas rnam mang
'gro ba'i don mdzad pa/ /ratna chen po'i zhabs la gsol ba 'debs/
/jo bo lha gcig

mgon po a ti shas/ /'phags yul grub mchog nag po spyod pa zhes/
/gsal bar lung bstan skad gnyis smra ba'i rje/ /rong zom chos
bzang zhabs la gsol ba 'debs/ /dpal ldan zla 'od gzhon nu rgyal
ba'i

yum/ /rdo rje btsun mos rjes bzung bde ba che'i/ /ye shes mchog
brnyes brtul zhugs gar gyis rol/ /dar ma dbang phyug zhabs la
gsol ba 'debs/ /chos rnams kun gyi rang bzhin gdod ma'i gshis/
/dbyer

med brjod bral ji bzhin thugs chud pa/ /a wa d+hU tI sbas pa'i
sangs rgyas mchog /'od zer dpal gyi zhabs la gsol ba 'debs/
/'chi bdag gshin rje'i dgra dngos de nyid kyi/ /rnal 'byor mthar
son hrIH ShTrIH 'i

drag sngags kyis/ /ma rungs gdug can mtha' dag 'joms mdzad pa/
/'brug sgra rgyal mtshan zhabs la gsol ba 'debs/ /rten cing 'brel
'byung ji bzhin gzigs pa yi/ /ye shes ral gris mtshan 'dzin dra

@021b ba kun/ /drungs phyung mtha' yas rmad byung mdzad pa
can/ /sangs rgyas ras chen zhabs la gsol ba 'debs/ /gang gi zhabs 
sen nor bu'i 'od chags pa/ /dregs ldan kun gyi spyi bor ngal gso
zhing/ /shes bya'i gnas

la thogs med mkhyen pa rgyas/ /saM g+ha b+ha dra'i zhabs la gsol
ba 'debs/ /gzhung lugs 'bum phrag bkra shis sgo 'phar brgya/
/legs par phye nas 'dod dgu'i legs bshad kyis/ /skal bzang 'gro
la phan bde'i

mchog stsol ba/ /'jam dbyangs chos rje'i zhabs la gsol ba 'debs/
/rig pa'i gnas lnga dag la mkhyen pa rgyas/ /'jig rten dbang
po'i lung bstan ji bzhin du/ /phyogs rnams kun tu 'gro ba'i don
mdzad pa/ /

chos kyi nyin byed zhabs la gsol ba 'debs/ /bde gshegs sras bcas
kun dga'i lam bzang gis/ /'gro ba'i mchog brnyes rnam dkar
'phrin las kyis/ /'gro la phan bde'i dpal ster grub pa'i gtso/
/'jam

mgon bla ma'i zhabs la gsol ba 'debs/ /bsod nams ye shes rgya
mtsho yongs rdzogs shing/ /ngo mtshar sprul pa'i zlos gar sna
tshogs pas/ /phan bde'i lam bzang phyogs bcur rgyas mdzad pa/
/dga' byed

sa skyong zhabs la gsol ba 'debs/ /'gro rnams 'jig rten 'jig
rten las 'das pa'i/ /kun dga'i lam bzang snying po'i don la
'god/ /snyigs dus 'gro ba'i mgon po thams cad mkhyen/ /rje btsun
rdo rje 'dzin

@022a @#/ /la gsol ba 'debs/ /rgyal ba gnyis pa blo bzang grags
pa yi/ /bstan pa'i rgyal mtshan 'dzin pa'i mchog gyur pa/ /mtha'
yas 'gro ba'i 'dren pa bla na med/ /rje btsun bla ma'i zhabs la
gsol

ba 'debs/ /bla ma yi dam bsrung ma'i mthu stobs dang/ /srid
zhi'i rnam dkar dge ba'i legs spyad mthus/ /mchog gi sprul sku
srid mthar zhabs brtan cing/ /mdzad phrin phyogs dus kun tu
rgyas gyur cig /de ltar

skyabs kyi dam pa bla ma la/ /rtse gcig gus pas gsol ba btab
pa'i mthus/ /skye ba kun tu 'bral med rjes bzung nas/ /'gro kun
don du sangs rgyas myur thob shog /ces pa 'di yang rtag brtan
chos sde'i dbu mdzad

chos khrims sogs drag rim rnams kyis nan cher bskul ba la
brten nas/ shAkya'i dge slong blo bzang chos kyi rgyal mtshan gyis/
rje btsun mchog gi sprul sku kun dga' snying po'i gsung ji lta
ba bzhin rtag brtan chos sde

chen po'i gtsug lag khang du thogs med du sbyar ba'i yi ge pa ni
dge tshul rnam dpyod dang ldan pa blo bzang dbang rgyal lo/
/bla ma sna tshogs pa bstod pa'i tshogs la// ! //swasti; thos bsam
bsgom pa'i

shes rab lus stobs rgyas/ /bslab gsum rim gnyis ral pa'i khur
gyis mdzes/ /lung dang rigs pa'i mche sder rab 'bar ba'i/ /smra
ba'i seng ge'i zhabs la gsol ba 'debs/ /deng nas tshe rabs kun tu
mgon khyod

@022b kyis; ;'bral med rjes su 'dzin cing gnas skabs dang/
/mthar thug bsam pa'i don rnams ma lus kun/ /'bad med lhun gyis
'grub par byin gyis rlobs/ /dkyil khang chos rje 'jam dbyangs la
bstod pa// ! //

swasti/ rab 'byams mdo dang rgyud sde rgya mtsho'i tshogs/ /'jam
/'jam pa'i dbyangs bzhin mkhyen pa'i 'od stong gis/ /legs par
gsal mdzad mtha' yas gdul bya'i mgon/ /bstan pa'i rgyal mtshan
'dzin la gsol ba

'debs/ /rgyud chen dkon mchog rgyal mtshan la bstod pa// !
//swasti; dkon mchog gsum gyi mkhyen brtse gcig bsdus pa'i/
/rgyal ba gnyis pa'i mdo rgyud dam chos kyi/ /bshad sgrub rgyal
mtshan 'dzin pa'i

mchog gyur pa/ /yongs 'dzin dam pa'i zhabs la gsol ba 'debs/
/dkon mchog rin chen gsum gyi byin rlabs dang/ /dkar phyogs
dge ba'i mthu dang nus pa yis/ /rgyal ba'i bstan 'dzin dkon mchog
rgyal

mtshan sogs/ /sku tshe brtan zhing 'phrin las rgyas gyur cig /chos
lung mkhan po la bstod pa// ! //swasti/ blo bzang bstan pa
phyogs bcur spel ba yi/ /phun tshogs dge legs rgyal mtshan 'dzin
pa la/ /

rtag tu g.yel ba med pa'i 'phrin las can/ /dpal ldan bla ma'i
zhabs la gsol ba 'debs/ /ra ba stod pa chos rje blo bzang don
grub la bstod pa// ! //swasti; blo bzang rgyal ba gnyis pa'i mdo
sngags kyi/ /tshig don

@023a @#/ /ji bzhin ston pa'i 'phrin las kyis/ /gdul bya'i don
gnyis lhun gyis grub mdzad pa'i/ /dpal ldan bla ma'i zhabs la
gsol ba 'debs/ /thos bsam gling gi chos rje dge 'dun yar 'phel
la

bstod pa// ! //swasti; rab 'byams dge la 'dun pa'i rnam dpyod
kyis/ /bshad sgrub bstan pa yar ngo'i zla ba ltar/ /legs par
'phel mdzad sa gsum skye dgu'i gnyen/ /dpal ldan bla ma'i zhabs
la

gsol ba 'debs/ /'od zer sprul sku la// ! //swasti; dkon mchog
yon tan kun 'byung thugs rje che/ /byang sems ngur smrig 'dzin
pa'i rgyal mtshan mchog /dam chos bdud rtsi'i char gyis 'gro ba
'dren/ /

bstan 'dzin bsam 'phel dbang phyug khyod la bstod/ /rgyud stod
pa blo bzang dpal 'bar la// ! //swasti; rab 'byams rgyal ba'i
mkhyen brtse gcig bsdus pa/ /blo bzang rgyal ba gnyis pa'i bstan
pa'i dpal/ /

yon tan 'od dkar 'bar ba'i dra ba can/ /bshes gnyen smra ba'i
zla ba'i zhabs la 'dud/ /gzims khang sprul pa'i sku'i sku skye
myur 'byon gsol 'debs// ! //swasti; bde gshegs rab gsal grags
pa'i rgyal

mtshan can/ /chos dbyings ngang las slar yang bstan pa dang/
/'gro ba'i don du sprul pa'i zlos gar gyis/ /dge mtshan sa steng
kun tu khyab gyur cig /gzims shag pa la gsol 'debs su gnang ba//
! //swasti;

@023b rab 'byams rgyal ba kun gyi rang bzhin dang/ /dbyer med
drin can rje btsun bla ma la/ /gus pas phyag 'tshal snying nas
skyabs su mchi/ /mchog dang thun mong dngos grub ma lus
stsol/ /dben dgon drung gnas slob dpon

pas bskul nas mdzad pa// ! //swasti; 'dren pa 'od dpag med mgon
nas bzung ste/ /brgyud ldan rtsa ba'i bla ma'i tshogs rnams la/
/gus pas gsol 'debs thugs rje'i lcags kyu yis/ /zhing mchog bde

ba can du drang du gsol/ /sman thang pa dkon mchog lhun
grub la bstod pa// ! //swasti; dkon mchog gsum gyi ring lugs 
padmo'i tshal/ /rgyas byed rnam dpyod dkyil 'khor yongs rdzogs 
shing/ /'phrin las

lhun gyis grub pa'i 'od stong can/ /dpal ldan bla ma'i zhabs la
gsol ba 'debs/ /skyabs gnas dkon mchog gsum gyi byin rlabs dang/
/mthu ldan chos skyong bsrung ma'i 'phrin las kyis/ /skye ba kun
tu dam pas rjes

bzung nas/ /sku gsum go 'phang myur du 'grub gyur cig /rig gnas
kun la 'jam dbyangs bla ma dang/ /dbyer med dkon mchog 'phrin
las lhun grub la/ /gsol ba btab pas 'gal rkyen kun zhi zhing/
/mthun rkyen ma

lus yid bzhin 'grub par shog /gzims khang sprul pa'i sku'i brtan
bzhugs// ! //swasti; rab 'byams mkhas dang grub pa'i gtsug rgyan
zhes/ /snyan par grags shing thub dbang gnyis pa yi/ /bstan pa'i

@024a @#/ /rgyal mtshan 'dzin pa'i dpal gyur pa/ /mchog gi sprul
sku'i zhabs pad brtan gyur cig / ! //sems dpa' chen po'i brtan
bzhugs/ oM su pra tiShTha/ 'chi med mchog stsol mgon

po tshe dpag med/ /rtsa brgyud bla ma mchog gsum byin rlabs kyis/
/pad dkar 'dzin pa sems dpa' chen po yi/ /sku tshe brtan zhing
'phrin las rgyas gyur cig /dbyangs can bzhad pa'i ngag gi dbang
phyug brnyes/ /phun

tshogs yon tan phyogs rnams thams cad las/ /rnam rgyal dbang
po'i sde yi sku tshe dang/ /phrin las yar ngo'i zla ltar 'phel gyur
cig /ngag gi dbang phyug phun tshogs dge legs kyi/ /dpal gyur
phyogs las rnam

rgyal dbang po'i sde/ /gdul bya'i dpal du srid mthar zhabs brtan
cing/ /'phrin las bzang pos sa steng mdzes gyur cig / ! //rta
tshag sprul pa'i sku'i sku skye snga phyi'i brtan bzhugs// !
//swasti; dpal

ldan phyogs las rnam rgyal ngag gi dbang/ /lung rtogs chos kyi
dbang phyug bshad sgrub kyi/ /bstan pa gsal mdzad mkhas dang
grub pa'i gtso/ /yun ring zhabs brtan phrin las rgyas gyur cig /
! //swasti;

kun mkhyen gnyis pa blo bzang grags pa yi/ /chos kyi rgyal srid
skyong ba'i mthu ldan pa/ /mtha' dag 'gro 'di'i mgon du zhabs
brtan cing/ /'phrin las bzang po phyogs bcur rgyas gyur cig /de
mo sprul pa'i

@024b sku'i brtan bzhugs// ! //swasti; gang gi dbang phyug ngag
legs 'byung ba'i gnas/ /blo bzang bstan pa'i rgyal mtshan 'dzin
pa'i dpal/ /mtha' yas bskal pa'i bar du zhabs brtan cing/ /rnam
dkar phrin las

phyogs bcur rgyas par shog / ! //skyid shod sprul pa'i sku'i
gsol 'debs brtan bzhugs// ! //swa sti; dpal ldan tshogs gnyis
ring nas goms pa'i mthus/ /nam mkha'i khyon ltar yangs pa'i
rnam dpyod

kyis; ;bshad sgrub rgyal mtshan 'dzin pa'i mchog gyur pa/ /rje
btsun bla ma'i zhabs la gsol ba 'debs/ /thub dbang bstan pa
'dzin pa kun gyi rje/ /rgyal ba gnyis pa blo bzang grags pa yi/
/lung rtogs chos kyi rgya

mtshor dbang bsgyur ba'i/ /'gro ba'i ded dpon mchog la gsol ba
'debs/ /ngag gi dbang phyug bstan pa 'dzin pa'i dpal/ /phrin las
lhun grub chos dbang grags pa'i sde/ /mtha' yas 'gro ba'i 'dren
pa bla na med/ /sprul

pas phan bde stsol la gsol ba 'debs/ /blo bzang thams cad gzigs
pa'i dgongs pa bzhin/ /bstan pa'i rgyal mtshan phyogs bcur spel
ba la/ /phyogs las rnam par rgyal ba'i dpal mnga' ba/ /dpal ldan
bla ma'i

zhabs la gsol ba 'debs/ /mchog gsum chos skyong srung ma'i mthu
stobs dang/ /'gro 'dis legs par spyad pa'i bden pa yis/ /'gro
ba'i 'dren pa mchog gi sprul sku'i zhabs/ /srid mthar brtan
zhing 'phrin las

@025a @#/ /rgyas gyur cig /grwa tshang chen mo'i mkhan po grags pa
tshe 'phel ba'i brtan bzhugs// ! //swasti; snyan pa'i grags pa
phyogs bcur 'gro ba yi/ /bslu med dkon mchog gsum gyi byin

rlabs kyis/ /bstan pa'i dpal gyur dge ba'i bshes gnyen rnams/
/srid mthar zhabs brtan sku tshe 'phel gyur cig / ! //rgyal sras
shes rab 'phel ba'i sku skye'i brtan bzhugs// ! //swa sti; 'jig
rten

mgon po'i thugs rje'i sgyu 'phrul las/ /blo bzang ba gnyis pa'i
ring lugs kyi/ /bstan pa'i rgyal mtshan 'dzin pa'i chos kyi
rje'i/ /zhabs pad brtan cing phrin las rgyas gyur cig / !
//mnga'

ris drung pa blo bzang rnam rgyal gyi brtan bzhugs// ! //swa
sti; rgyal ba gnyis pa blo bzang grags pa yi/ /bstan pa rin chen
phyogs bcur spel ba la/ /phyogs las rnam par rgyal ba'i mdzad pa
can/ /dpal

ldan bla ma yun ring zhabs brtan shog / ! //dus gsum bde gshegs
kun gyi thugs rje ni/ /gcig tu bsdus pa blo bzang grags pa yi/
/bstan pa'i rgyal mtshan 'dzin pa'i mchog gyur pa'i/ /dpal

ldan bla ma'i zhabs la gsol ba 'debs/ /lha bcas 'gro ba kun gyi
bsod nams dang/ /bslu med dam can bsrung ma'i mthu stobs kyis/
/blo bzang bstan 'dzin dam pa'i zhabs brtan cing/ /'phrin las
phyogs

@025b dus kun tu rgyas gyur cig / ! //swasti; mchog gsum bslu ba
med pa'i bden pa dang/ /mthu ldan dam can rgya mtsho'i 'phrin las
kyis/ /rgyal ba'i bstan pa phyogs bcur rgyas mdzad pa'i/ /bshes
gnyen dam

pa rnams kyi zhabs brtan shog /dge tshul rab 'byams pa'i brtan
bzhugs// ! //swasti; dge tshogs kun la 'dun pa'i rnam dpyod kyis/
/tshul khrims 'phags nor bdun gyi mdzod bzung nas/ /bstan dang
'gro

la phan bde'i mchog stsol ba/ /dpal ldan bla ma'i zhabs pad
brtan par shog / ! //swa sti; dus gsum rgyal ba'i thugs rje gcig
bsdus pa/ /blo bzang grags pa'i bstan pa'i srog shing mchog
/bsod nams

chos 'phel bstan 'dzin chos rgyal gyi/ /sku tshe bsod nams srid
mthar brtan gyur cig /ces rgyal po mchod yon gyi brtan bzhugs
'di ni rgod tshang ri khyod pa rnams kyis bskul nas/ dge slong
blo bzang chos kyi rgyal

mtshan gyis 'phral du bris pa'o// ! //ma Ni ba 'gro don yongs
grags la gnang ba/ swa sti; lha spyan ras gzigs kyi ngo bo nyid/
/yul mtha' khob sog po 'dul ba'i rje/ /pha thams cad mkhyen pa'i
sprul

sku de; ;zhabs srid mthar brtan bzhugs smon lam 'tshal/ /bod
gangs can yongs la drin che ba'i/ /thon sam b+ho'i rgyud du sku
'khrungs pa/ /dpal rta mgrin dbang gi rgyal po zhes/ /sa skyong
ba'i rgyal por zhabs brtan mdzad/ /rje rgyal

@026a @#/ /pa gnyis pa'i bstan pa la/ /thugs mi phyed dad pa'i
dpal mnga' zhing/ /stobs 'khor lo sgyur ba'i gtso mo mchog
/yum kun 'dzin rgyal mor zhabs brtan mdzod/ /lha 'jig rten
dbang phyug 'phrin las pa/ /dpal

'gro don yongs grags 'phrin las kyis/ /sa rgya mtsho'i gos can
kun khyab ste/ /ma 'gro ba 'dren pa'i dpal gyur cig /gsung yig
drug 'phrin las bskyangs pa'i mthus/ /bdag yid la bsam pa kun
grub ste/ /gnas po ta la yi

rtse mo der/ /chos theg chen dpal la spyod par shog / ! //oM
swasti/ slob dpon padma la brten nas tshe bsgrub par 'dod pas/
skyabs 'gro sems bskyed sngon du btang nas/ dngos gzhi ni 'di
ltar/ rang gi spyi bor seng khri pad zla'i

steng/ /rtsa ba'i bla ma mgon po tshe dpag med/ /rnam pa slob
dpon padma 'byung gnas ni/ /rnam dag dge slong rdo rje 'dzin
pa'i tshul/ /zhi zhing 'dzum ldan paN zhu dmar ser gsol/ /mdzes
pa'i sma ra smin ma cung zad 'khyug /spyan

gnyis hur chags khro gnyer yid tsam ldan/ /zhal gcig phyag
gnyis phyag g.yas rdo rje 'dzin/ /g.yon pa mnyam gzhag steng
na thod pa'i nang/ /'chi med bdud rtsis gang ba'i bum pa
bsnams/ /gru mo g.yon na gdung skyob gsil

byed mdzes/ /chos gos gsum gyis sku la mdzes par klubs/ /mtshan
dpe'i dpal 'bar 'ja' tshon dra bas bskor/ /mi phyed rdo rje'i
skyil krung tshul gyis bzhugs/ /de yi thugs kar sna tshogs pad
zla'i steng/ /ye shes sems

@026b dpa' tshe dpag med bzhugs pa'i/ /thugs kar zla steng
hrIH mthar gzungs kyis bskor/ /ye shes spyan drangs dbang
bskur bdun pa phul/ /bde gshegs kun gyi gtso bo 'od dpag med/
/mthu stobs dbang phyug rig 'dzin padma

'byung/ /skyabs gsum kun 'dus rtsa ba'i bla ma mchog /gsol ba
'debs so 'chi med dngos grub stsol/ /oM AH hUM badzra gu
ru padma sidd+hi hUM/ oM a ma ra Ni dzI wa ntI ye swAhA/
de ltar bzlas pas bla ma'i thugs ka nas/ /lcags kyu lta

bu'i 'od zer dmar po 'phros/ /bdud dang 'chi bdag gshin rje
rgyal 'gong gis/ /rang gzhan tshe dang bsod nams brkus shing
phrogs/ /khyer ba ma lus bsdus nas rang la bltim/ /slar yang
'od zer lcags kyu'i spro bsdu yis/ /'byung lnga'i bcud

dang sems can thams cad kyi/ /tshe dang bsod nams dpal 'byor ma
lus dang/ /rtsa brgyud bla ma sangs rgyas byang sems kyi/
/byin rlabs mthu stobs nus pa ma lus pa/ /'chi med bdud rtsi'i
rnam par spyan drangs nas/ /rang la thim pas tshe

yi bar gcod bsal/ /tshe yi mchog thob tshe dpag med mgon du/
/gyur par bsams nas tshe gzungs ci mang bzla/ /mjug tu spyi
bo'i padma samb+ha ba/ /rang gi snying kha'i padma 'dab brgyad
la/ /zhabs sen 'od chags brtan par bzhugs

par bsam/ /dge ba bsngo zhing smon lam shis pas brgyan/ /tshul 'di 
rang gi slob ma dad pa can/ /shes rab rgya mtsho zhes pa'i dge tshul 
gyis/ /yang yang bskul tshe chos kyi rgyal mtshan gyis/ /lha ldan
gtsug lag khang gi gnas su

@027a @#/ /sbyar/ /tshul 'di lta bu yang rang gang la mos pa'i
bla ma'i sku'i rnam pa dang mtshan sngags bsgyur tshul shes par
byas te nyams su blang bar bya'o// ! //na mo gu ru manydzu g+ho
ShA ya/ mi 'gyur lhan cig skyes

pa'i ye shes che/ /kha sbyor longs spyod rdzogs pa sgyu ma'i
sku/ /rnam rol yang dag 'khor lo kun gyi gtso/ /khyab bdag rdo
rje 'chang la gsol ba 'debs/ /rnam dag rim gnyis thabs shes
gshog pa yis/ /zung 'jug lha yi lam la

dbang bsgyur zhing/ /nyon mongs gdengs ka can gyi srog 'joms
pa'i/ /dpal ldan sha wa ri la gsol ba 'debs/ /'khor 'das gshis
lugs khyod thugs me long ngos/ /rnam par dpyod pa'i bir gyis
legs bkod pas/ /

phyi nang spros pa'i dri ma kun spangs pa/ /gnyis med rdo
rje'i zhabs la gsol ba 'debs/ /rmad byung 'gyur ba med pa'i
snying stobs kyis/ /mtha' dag shes bya'i bud shing ma lus pa/
/gang gi mkhyen pa'i me lces yongs bcil ba/ /

mkhas grub khyung po'i zhabs la gsol ba 'debs/ /mgon de'i
gdams pa'i zla zer reg gyur pas/ /rmongs mun gos btang sgyu
lus rmi lam gyi/ /rnal 'byor mngon du gyur pa'i bzhin ras
gsal/ /rin chen brtson 'grus zhabs la

gsol ba 'debs/ /gangs can mgon po gangs can 'gro ba la/ /brtse
bas ngur smrig 'dzin pa'i tshul bzung ste/ /bka' brgyud bstan
pa 'dzin la zla bral ba/ /mgon po skyer sgang pa la gsol ba
'debs/ /tshogs gnyis ring nas goms pa'i

@027b 'thor rlung yis/ /tha mal rtog pa'i chu 'dzin rgyang
bsrings nas/ /mthar thug bde chen nam mkha'i klong yangs la/
/dbang mdzad rnal 'byor che la gsol ba 'debs/ /mkhyen dang
brtse ba'i 'dren byed stong ldan gyis/ /sgrib gnyis lha min

g.yul ngo pham byas te/ /bde stong lhun po'i spo la gnas bcas
pa/ /sangs rgyas ston pa'i zhabs la gsol ba 'debs/ /rnam dpyod
yongs su rdzogs pa'i ded dpon gyis/ /dpal ldan rgyud sde'i
rgya mtsho chen po las/ /sku gnyis

bsam 'phel rgyal po len mdzad pa/ /shangs ston chen po'i zhabs
la gsol ba 'debs/ /byams pas zhi ba'i mtha' la mi gnas par/
/dpal ldan yongs 'dzin dam pa'i tshul bzung nas/ /bzang po'i
legs lam 'gro la 'doms mdzad pa/ /

'jag chen chos rje'i zhabs la gsol ba 'debs/ /gang de'i zab
rgyas gdams pa'i pad tshal du/ /lhun grub sbrang rtsi'i dpal la
longs spyod cing/ /brtul zhugs dga' ba'i gar gyis rnam rol ba/
/don grub bzang po'i zhabs la gsol ba

'debs/ /blo bzang nyin byed rgyal po'i 'od stong gis/ /thub
bstan 'dzin ma byi dor legs byas pas/ /grags pa'i lcags kyus
mkhas mang yid 'dzin pa'i/ /rgyal ba gnyis pa'i zhabs la gsol
ba 'debs/ /phas rgol dregs ldan glang po stong gi

thod/ /dngos stobs rigs pa'i sder khyim 'bar ba yis/ /phye mar
'thag mdzad gdong lnga'i dbang po gang/ /mkhas grub chen po'i
zhabs la gsol ba 'debs/ /mdo rgyud rgya mtsho chen po las 'ongs
pa/ /lhag pa'i lha yi thugs bcud rin chen

@028a @#/ /ni/ /'phos pa ji bzhin thugs kyi bang mdzod gtams/
/'jam dpal rgya mtsho'i zhabs la gsol ba 'debs/ /lha bcas 'gro
ba yongs kyi khang bzang rtser/ /chos kyi rgyal mtshan sgreng
bar byed pa la/ /srid gsum 'di

na 'gran zla ma mchis pa'i/ /phyogs las rnam rgyal zhabs la
gsol ba 'debs/ /chos dbyings 'od gsal lha yi lam las 'ongs/
/'chi med rdo rje'i 'ja' tshon lus bzung nas/ /bzhed dgu'i rol
pas 'gro ba'i don mdzad pa/ /

bde chen grub pa'i dbang por gsol ba 'debs/ /srid 'byor rmi
lam sgyu ma lta bu la/ /chags dang bral yang chags pa'i sems
can rnams/ /rjes su 'dzin phyir bshes gnyen tshul bzung ba/
/mkhyen bzang grub pa'i dbang por gsol

ba 'debs/ /bslab gsum 'o ma'i chu gter dbus gnas shing/ /rigs
gsum cha shas lo 'dab rab tu rgyas/ /sku gsum 'bras bu'i
g.yur za rdo rje 'chang/ /skyabs gsum kun 'dus de la gsol ba
'debs/ /thugs mchog zhi ba'i ngang

las g.yo med kyang/ /ma rungs gdug can thams cad 'dul ba'i
phyir/ /zhal gcig phyag drug 'jigs pa'i skur ston pa/ /ye shes
mgon po'i zhabs la gsol ba 'debs/ /de ltar bstod pas rnal
'byor dpon slob rnams/ /gcig tu

byang chub snying po sgrub pa la/ /bar du gcod pa'i ming yang
med pa dang/ /mthun rkyen yid bzhin 'grub par byin gyis rlobs/
/lhag bsam gangs kyi ri las 'ongs/ /spel legs dbu ba'i phreng
ba 'di/ /blo bzang chos kyi rgyal mtshan dpal/ /

@028b bzang po zhes bya'i btsun pa de/ /gser gyi sa 'dzin
mngal las legs thon te/ /lcug phran drug zung son pa de yi
tshe/ /dad pa'i rlung gis bskyod pas bsngags pa'i tshig /yid
'ong me tog phreng ba 'di lhung ngo/ /zhes mgon po'i bla ma
brgyud

pa'i gsol 'debs ngo mtshar snang ba zhes bya ba 'di yang chos
smra ba'i btsun pa blo bzang chos kyi rgyal mtshan gyis sbyar
ba'o// ! //na mo gu ru tsakra samba rA ya/ sku bzhi'i bdag
nyid khyab bdag rdo rje 'chang/ /gang 'dul ji bzhin mchog dang

thun mong gi /dngos grub 'dod pa 'jo ba'i dbang gi rgyal/ /zla
med rdo rje can zhabs la phyag 'tshal/ /shes bya'i dkyil 'khor
lhan skyes bde ba cher/ /sdom mdzad bcom ldan dpa' bo'i dbang
phyug dang/ /dran pas srid zhi'i gdung sel rje btsun ma/
/'khor

lo'i bdag po yab yum la phyag 'tshal/ /phyogs kyi padma'i 'dab
mar tshogs gnyis kyi/ /mdzes sdug lang tsho rgyas pa'i 'jo sgeg
gis/ /dpa' bo'i brtan pa 'phrog pa'i rnam 'gyur can/ /bde chen
lha mo bzhi la phyag 'tshal lo/ /dbang sngon lhun po

nyin byed 'bum gyi 'od/ /kun nas 'phro ba ji bzhin brjid pa'i sku/ 
/rdo rje'i rigs 'khrungs drag po'i las mdzad pa/ /thugs kyi dpa' 
bo yab yum la phyag 'tshal/ /byu ru'i sa 'dzin rgyu skar do shal
gyis/ /mdzes pa la 'khu rus pa'i rgyan dang

ldan/ /padma'i rigs 'khrungs dbang gi las mdzad pa/ /gsung gi
dpa' bo yab yum la phyag 'tshal/ /rab dkar shel gyi ri bo dbang
po'i gzhus/ /'khyud pa'i gzi byin la 'gran brjid chags shing/
/'khor lo'i rigs 'khrungs zhi ba'i las

@029a @#/ /mdzad pa/ /sku yi dpa' bo yab yum la phyag 'tshal/
/thugs rje chen pos bskyod pa'i zlos gar gyis/ /ma ltar byams
shing sring ltar rjes brtse bas/ /sgrub pa po la dngos grub
mchog stsol ba'i/ /sgo mtshams

lha mo brgyad la phyag 'tshal lo/ /sgrib bral lhan cig skyes
dga'i ngo bo ni/ /sna tshogs sgyu 'phrul dra ba'i rol pa las/
/dag pa'i brten dang g.yo ba'i rang bzhin gyi/ /rten dang
brten par sprul la phyag 'tshal lo/ /de ltar bstod pas

rje btsun yab yum gyis/ /dgyes bzhin 'bral med rjes su bzung
ba'i mthus/ /bde chen lhan skyes dga' bas myos thob ste/ /sku
gsum go 'phang tshe 'dir mngon gyur cig /ces bde mchog lU i
pa'i lugs kyi dkyil 'khor

gyi 'khor lo la bstod pa 'di ni/ rgyud pa slob dpon pa sangs
rgyas bkra shis kyis bskul ba'i ngor/ 'khor lo sdom pa'i rnal
'byor pa blo bzang chos kyi rgyal mtshan gyis 'phral du sbyar
ba'o// ! //na mo gu ru/ sdug bsngal dang

rgud pa thams cad kyi 'byung gnas sdig sgrib sbyang bar 'dod 
pas/ skyabs 'gro sems bskyed tshad med bzhi yang dag bsgoms/ 
dngos gzhi ni/ rang gi mdun nam bde chen 'khor lo'i steng/ 
/baM las padma a las zla ba'i dbus/ /hUM

las rdo rje dkar po rtse lnga pa'i/ /lte bar mtshan pa'i hUM
yig 'od zer gyi/ /'phro 'dus don gnyis byas nas sa bon la/
/thim las byung ba'i rdor sems yab yum gnyis/ /sku mdog dkar
po zhal gcig phyag gnyis kyis/ /rdor dril

@029b bzung nas phan tshun 'khyud pa'i tshul/ /mdzes shing yid
'ong mtshan dpe'i dpal 'bar zhing/ /skyil krung tshul gyis
bzhugs pa'i gnas gsum du/ /rdo rje gsum mtshan hUM yig 'od zer
gyis/ /ye shes dbang lha spyan drangs dam tshig

par/ /bstim zhing rigs kyi bdag pos spyi bor brgyan/ /sngon
chad bgyis pa'i mi dge'i las rnams la/ /'jigs shing 'gyod pas
rdo rje sems dpa' la/ /snying nas gsol btab de nyid thugs ka
yi/ /zla ba'i steng du hUM yig dkar po'i

mthar/ /yig brgyas bskor ba'i 'od zer spro bsdu yis/ /rang
gzhan sdig sgrib sbyong ba'i ting 'dzin gyis/ /gzungs mchog
yig brgya brgya stong khri 'bum bzla/ /mjug tu bcom ldan rdo
rje sems dpa' la/ /nyes can kha drag dag la brten

pa bzhin/ /slan chad srog gi phyir yang sdig ltung las/ /mi
byed dam bca' bcom ldan rang la bstim/ /bsngo ba smon lam
bzang pos brgyan par bya/ /tshul 'di sdig ltung mun sel nyin
mor byed/ ces pa 'di yang/ chos rje byams pa gling

pa byams pa rnam rgyal gyis bskul nas/ dge slong blo bzang
chos kyi rgyal mtshan gyis 'phral du smras pa dge/ ! //na mo gu
gu badzra satwA ya/ rdo rje sems dpa'i sgom bzlas byed par
'dod pas/ skyabs 'gro sems bskyed

tshad med bzhi bsgom pa sngon du btang/ sems can thams cad kyi
don du sangs rgyas kyi go 'phang thob par bya/ de'i phyir du
rdo rje sems dpa'i sgom bzlas la 'jug par bya snyam du bsam/
rang gi spyi bor baM las padma dang/ a las zla ba'i

@030a @#/ /dkyil 'khor gyi steng du/ hUM las rdo rje dkar po
rtse lnga pa lte ba la hUM gis mtshan pa/ de las 'od zer
'phros/ don gnyis byas/ tshur 'dus yongs su gyur pa las/ rdo
rje sems dpa' sku mdog dkar

po zhal gcig phyag gnyis kyis rdo rje dang dril bu 'dzin pas
rang 'dra'i yum la 'khyud pa/ gnyis ka'ang dar dang rin po
che'i rgyan sna tshogs pas brgyan pa/ yab rdo rje skyil krung
gis bzhugs pa/ gnyis ka'i spyi bor oM

mgrin par AH thugs kar zla ba'i dkyil 'khor gyi dbus su hUM
gis mtshan pa'i mtha' skor du yi ge brgya pa'i sngags 'phreng
gis bskor ba/ thugs ka'i hUM gi 'od zer gyis rang bzhin gyi
gnas nas bsgoms pa dang 'dra ba'i

ye shes pa dbang lha dang bcas pa spyan drangs/ dzaH hUM baM
hoH dam tshig pa dang gnyis su med par gyur/ dbang gi lha rnams
kyis dbang bskur/ mi bskyod pas dbu brgyan par gyur/ bcom ldan
'das rdo rje sems dpa'/ bdag gzhan

sems can thams cad kyi sdig sgrib dang dam tshig nyams chags
thams cad dag par mdzad du gsol/ zhes gsol ba btab pas/ thugs
ka'i yi ge brgya pa'i sngags 'phreng hUM dang bcas pa las 'od
zer 'phros/ sems can thams cad kyi

sdig sgrib sbyangs/ sangs rgyas sras bcas la mnyes pa'i mchod pa 
phul/ de rnams kyi sku gsung thugs kyi yon tan thams cad 'od zer 
gyi rnam par spyan drangs/ thugs ka'i sngags 'phreng hUM dang 
bcas pa la thim/ de las bdud rtsi'i

@030b rgyun babs/ yab yum gyi sbyor mtshams nas byung/ rang gi
chengs bug nas zhugs/ sgo gsum gyi sdig sgrib dang dam tshig
nyams chags thams cad sangs kyis dag par gyur/ ces brjod cing
bsams la yig brgya tha na'ang nyer gcig re zhag

rer bzla/ mjug tu bdag ni mi shes rmongs pa yis/ /dam tshig las
ni 'gal zhing nyams/ /bla ma mgon pos skyabs mdzod cig /gtso
bo rdo rje 'dzin pa ste/ /thugs rje chen po'i bdag nyid can/
/'gro ba'i gtso la bdag skyabs mchi/ /zhes brjod pas

rdo rje sems dpa'i zhal nas rigs kyi bu/ /khyod kyi sdig sgrib
dang dam tshig nyams chags thams cad byang zhing dag go /zhes
gsungs nas rang la thim pas rang gi sgo gsum dang rdo rje sems
dpa'i sku gsung thugs dbyer mi phyed par

gyur/ ces brjod cing bsam mo/ /smras pa/ 'di lta'i bzlas brjod
'od stong gis/ /tshe rabs stong nas bsags pa yi/ /sdig sgrib
mun nag mi bzad pa/ /skad cig nyid la 'joms par gsungs/ /ces
pa ni sngags 'chang ngag dbang dge legs

kyi nyams len du/ dge slong rgyal khams pa blo bzang chos kyi
rgyal mtshan gyis dam pa'i man ngag bzhin smas pa'o// ! //rang
gi spyi bor baM las padma dang a las zla ba'i dkyil 'khor gyi
steng du/ hUM las rdo rje dkar po rtse lnga pa/ lte ba la
hUM gis

mtshan pa/ de las 'od 'phros/ 'dus/ yongs su gyur pa las rdo
rje sems dpa' sku mdog dkar po zhal gcig phyag gnyis kyis rdo
rje dang dril bu 'dzin pa/ yum rdo rje bsnyems ma dkar mo zhal
gcig phyag gnyis kyis gri gug dang thod pa 

@031a @#/ /'dzin pas 'khyud pa/ gnyis ka'ang dar gyi na bza' dang
rin po che'i rgyan sna tshogs pas brgyan pa/ yab rdo rje'i skyil
krung gis bzhugs pa/ de'i thugs kar zla ba'i steng du hUM yig
dkar po/ de las 'od zer

'phros/ rang 'dra'i ye shes pa spyan drangs/ gnyis su med par
gyur/ slar yang thugs ka'i hUM las 'od zer 'phros/ dbang gi lha
rnams spyan drangs/ de bzhin gshegs pa thams cad kyis 'di la
mngon par dbang bskur du gsol/

zhes gsol ba btab pas/ de rnams kyis ye shes kyi bdud rtsis gang
ba'i bum pa thogs nas/ oM sarbba ta thA ga ta a b+hi She ka ta
sa ma ya shrI ye hUM/ zhes dbang bskur/ sku ye shes kyi bdud
rtsis gang/ mi bskyod pas dbu

brgyan par gyur/ bcom ldan 'das rdo rje sems dpa' bdag dang
sems can thams cad kyi sdig sgrib dang dam tshig nyams chags 
thams cad byang zhing dag par mdzad du gsol/ zhes gsol ba 
btab pas/ thugs ka'i hUM las

'od zer 'phros/ sems can thams cad kyi sdig sgrib sbyangs/ sangs
rgyas sras bcas la mnyes pa'i mchod pa phul/ de rnams kyi yon
tan thams cad 'od kyi rnam par bsdus nas thugs ka'i hUM la
thims pas/ gzi brjid dang mthu

stobs phun sum tshogs par gyur/ yig brgya bzla/ bdag ni X bdag
skyabs mchi/ rdo rje sems dpa'i zhal nas/ rigs kyi bu/ khyod kyi
sdig sgrib dang dam tshig nyams chags thams cad byang zhing
dag go zhes gsungs nas rang la

@031b thims pas/ rang gi sgo gsum dang rdo rje sems dpa'i sku
gsung thugs dbyer mi phyed par gyur ces brjod cing bsam mo
zhes pa'ang rje nyid kyi gsung ngo// ! //skad cig gis rang nyid 
he ru ka bong zhal can sku mdog dmar sngo

phyag bzhi'i g.yas gnyis rdo rje dang kha TwAM ga /g.yon
gnyis dril bu dang rtse gsum 'dzin pa g.yas brkyangs kyis
bzhugs pa rgyan thams cad kyis brgyan par gyur/ oM khaNDa ro
he hUM hUM phaT/ ces sogs sngon 'gro gtor ma lha lnga

ltar byin gyis brlabs la btang/ rang nyid bcom ldan 'das dpal he
ru ka bong bu'i zhal can sku mdog dmar sngo zhal gcig phyag
bzhi pa drang srong khros pa'i gzugs can bong bu'i rnam par 
khrag 'dzag pa'i zhal rngams shing rab

tu gdangs pa'i mche ba bzhi gtsigs pa/ spyan gsum dmar zhing
zlum pa'i khro gnyer dang ldan pa rdo rje lta bu'i snyan gnyis
phyogs bcur g.yo ba khams gsum dbang du sdud pa'i gad mo
sgrog cing ljags 'dril ba/ sna tshogs rdo rjes

mtshan pa'i ral pa'i thor cog can dbu skra dmar ser lhag ma gyen
du brdzes pa/ dbu'i g.yon du cung zad yo ba'i zla ba phyed pa
'phyang ba/ dpral bar rdo rje rtse lnga pa'i phreng ba 'dzin pa/
zhabs g.yas brkyangs pas 'jigs byed nag po lag pa bzhi

pa'i dang po gnyis thal mo sbyar zhing lhag ma g.yas DA ma ru
dang g.yon ral gri 'dzin pa'i mgo bo mnan pa/ g.yon bskums pas
dus mtshan ma dmar mo lag pa bzhi pa'i dang po gnyis thal mo
sbyar zhing lhag ma gnyis thod pa dang kha TwAM ga

@032a @#/ /'dzin pa'i nu ma mnan pa/ gdan gnyis ka'ang gdong gcig
pa mig gsum pa phyag rgya lngas brgyan pa/ bcom ldan 'das kyi
phyag dang po gnyis kyis phag mo la 'khyud pa'i g.yas pas rdo
rje rtse lnga pa dang

g.yon pas dril bu 'dzin pa/ de'i 'og ma gnyis kyis g.yas rdo
rjes mtshan pa'i kha TwAM ga dang g.yon rtse gsum bsnams pa/
dbu la rdo rje nag po'i phreng ba stod smad du gnas pa gnyis la
brgyus pa'i thod skam lnga'i dbu rgyan dang/ khrag

'dzag pa'i mgo bo rlon pa lnga bcu'i phreng ba rgyu ma la brgyus
pa'i do shal 'phyang ba/ glang chen gyi ko rlon gos su gyon cing
stag gi pags pa'i sham thabs can/ sgeg pa dpa' ba mi sdug pa ste
sku'i nyams gsum dang/ rgod dang drag shul

dang 'jigs su rung ba ste/ gsung gi nyams gsum dang/ snying rje
dang rngams pa dang bzhi pa ste thugs kyi nyams gsum ste
nyams dgu dang ldan pa/ phyag rgya drug gis rgyas btab cing 
mi rus kyi thal bas lus thams cad la byugs pa'o/ /bcom

ldan 'das la sngon du phyogs par bcom ldan 'das ma sku mdog
dmar mo zhal gcig phyag gnyis ma spyan gsum ma gcer mo skra 
grol ba thod pa'i dum bus brgyan pa'i 'og pag can khrag la 
dgyes shing khrag 'dzag pa/ phyag g.yon pas bdud

bzhi la sogs pa'i khrag gis gang ba'i thod pa bsnams nas yab kyi
zhal du gsol ba/ g.yas pas phyogs bcu'i gdug pa can rnams la
rdo rje rtse lnga pa dang bcas pa'i sdigs mdzub kyis bsdigs par
mdzad pa/ 'jig dus kyi me ltar 'bar

@032b ba zhabs g.yas brkyangs shing g.yon pas yab la 'khyud
pa/ bde ba chen po'i rang bzhin gyi thugs rje chen po'i bdag
nyid can phyag rgya lngas brgyan pa mi mgo skam po lnga bcu'i
do shal can/ gnyis ka'ang ye shes kyi me rab tu 'bar zhing 'khyil

ba'i dbus na bzhugs pa/ phyogs bzhi'i gdan la shar du mkha' 'gro
ma nag mo/ byang du lA ma ljang gu /nub tu khaNDa ro he dmar
po/ lhor gzugs can ma ser mo zhes sogs sngon 'gro nas brtsams
te/ mtha'i bkra shis dang bcas pa lha lnga'i

gzhung dang mthun/ bstod pa ni/ hUM bong bu'i rnam par khrag
'dzag zhal/ /rdor dril kha TwAM rtse gsum thogs/ /sku mdog dmar
sngo mi mgos brgyan/ /dpa' bo'i dbang phyug khyod la bstod/ ces
pa 'di dga' rab paN Di ta klu'i rgyal mtshan la/ paN

chen thams cad mkhyen pa nyid kyis/ 'di rgyud las gsungs pa'i
bong zhal can lha lngar grags pa gang gis gsol ba 'debs pa
dang dad cing gus par byed pa rnams tshe ring bar mdzad pa'i 
byin rlabs can yin ces lo rgyus dang bcas/ lha sar

gsungs so// ! //swasti; ston pa la khrus kyi lha mo dang/ bkra
shis kyi lha mo brgyad kyis bskor ba'i sgrub thabs kyi zin tho
mdor bsdus tsam zhig bkod pa la/ rang gi mdun du/ sna tshogs
padma 'dab brgyad lte ba dang bcas pa'i lte bar seng

khri pad zla 'dab ma brgyad kyi steng du zla ba'i dkyil 'khor re
re/ dbus kyi gdan la/ bdag cag gi ston pa yongs su grags pa ltar
bskyed/ 'dab ma brgyad la khrus kyi lha mo brgyad/ zhal gcig
phyag gnyis ma/ shin tu mdzes shing yid du 'ong ba

@033a @#/ /dkar la dmar ba'i mdangs chags pa/ rin po che'i rgyan
thams cad kyis brgyan cing/ dar dang lha rdzas kyi na bzas
klubs pa/ mdun nas g.yas bskor gyis rim pa bzhin/ phyag gnyis 
kyis mngar gsum dang/

zho dang/ 'bras bu dang/ 'bru dang/ dri bzang dang/ 'bras yos
dang/ sman dang/ rin po che'i chus gang ba'i bum pa thugs kar
'dzin cing/ zhabs gnyis mnyam par bzhengs pa'i stabs kyis bzhugs
pa'o/ /de bzhin du/ bkra shis kyi

lha mo rnams kyang gtso bo dang khri gdan sogs sngar dang
'dra zhing/ lha mo rnams kyang phyag mtshan ma gtogs/ sngar 
ji lta ba la/ mdun nas g.yas bskor gyis/ phyag gnyis kyis rgyal 
mtshan/ gdugs/ gser nya/ dung/ padma/ bum

pa dpal be'u/ 'khor lo rnams thugs kar bsnams pa'o/ /'di ltar
bskrun pa'i dge bas ma rnams kyi/ /sgrib gnyis bag chags bcas pa
dag gyur te/ /gnas skabs mthar thug dge legs dpal 'bar ba'i/
/bkra shis

phyogs dus kun tu rgyas gyur cig /ces pa 'di yang bla ma 'od zer
bas nan gyis bskul ba la brten nas/ shAkya'i dge slong blo
bzang chos kyi rgyal mtshan gyis 'phral du bkod pa'i yi ge pa ni
rje drung blo bzang dbang rgyal lo// ! //

spyan ras gzigs phyag bzhi pa'i sgrub thabs dang bcas pa'i ma Ni
ril bu sgrub thabs/ na mo gu ru lo ke shwa rA ya/ skyabs 'gro
sems bskyed tshad med bzhi bsgom pa sngon du btang/ swa b+hA was
stong par sbyangs/ de nas/ chos dbyings

@033b ngang las pad dkar zla ba'i steng/ /rang sems hrIH las
padma hrIH sa mtshan pa'i/ /'od kyis don gnyis byas shing 'dus
pa las/ /rang nyid 'phags mchog rje btsun spyan ras gzigs/ /sku
mdog dkar po zhal gcig phyag bzhi pa/ /dang po

thugs kar thal sbyar 'og ma gnyis/ /nor bu'i phreng ba padma
dkar po bsnams/ /bcu drug lang tsho dgyes pa'i 'dzum zhal ldan/
/mtshan dpe'i dpal 'bar rin chen rgyan mang 'dzin/ /longs sku'i
rnam pa lha rdzas na bzas klubs/ /'od zer stong

'bar skyil krung gis bzhugs pa'i/ /spyi bor oM dkar mgrin par
AH dmar po/ /thugs kar zla steng hUM mtshan hrIH yig mthar/
/yig drug 'od zer 'bar bas bskor ba yi/ /'od kyis ye shes pa
dang dbang gi lha/ /spyan drangs dzaH hUM baM hoH

dbang gi lhas/ /dbang bskur 'od dpag med pas spyi bor brgyan/
/de nas bya spyod ltar mchod pa byin gyis brlabs la/ Arya lo
ke shwa ra arg+haM nas/ shapta'i bar gyis mchod/ skyon gyis ma
gos sku mdog dkar sogs/ shlau ka gcig gis bstod/

de nas hrIH padma nta kr-ita la sogs pas bum pa bsangs sbyangs/
stong pa'i ngang las baM yig zhu ba las/ /byung ba'i bum pa dkar
po lto ba yangs/ /mgrin ring mchu 'phyang nang du pad zla'i
steng/ /hrIH las padma dkar po hrIH sa mtshan pa'i/ /'od kyis
don gnyis

byas shing 'dus pa las/ /bla ma 'phags mchog rje btsun spyan ras
gzigs/ ces sogs bdag bskyed bzhin byas la/ yig drug bzla'o/
/gtor 'bul sogs mjug chog rnams bya rgyud spyi ltar shes par
bya'o/ /tshul 'di yang rab 'byams smra ba blo bzang bstan pa dar
rgyas kyis

@034a @#/ /ma Ni ril bu bsgrub dus nye bar mkho ba 'di lta bu
zhig dgos ces bskul ba la brten nas/ dge slong blo bzang chos
kyi rgyal mtshan gyis g.yar khral du sbyar ba'i yi ge pa ni dge
tshul blo

bzang dar rgyas so// ! //gu ru ha ya gr-i ba ma ma rak+ShaH
rak+ShaH skyer sgang lugs kyi rta mgrin gsang sgrub bsgrub par
'dod pas skyabs 'gro sems bskyed tshad med bzhi bsgom pa sngon
du btang/ shU n+ya

tAs stong par sbyangs/ stong pa'i ngang las pad nyi 'bar ba'i
steng/ /hrIH yig dmar po'i 'od zer 'phro 'du las/ /byung ba
rang nyid rta mgrin dbang gi rgyal/ /sku mdog dmar po zhal
gsum phyag drug pa/ /dbus dmar

g.yas ljang g.yon dkar mche ba gtsigs/ /spyan gsum sdang mig
bgrad cing dbu re rer/ /rta mgo ljang nag thod skam lnga lngas
brgyan/ /sma ra smin ma dbu skra me ltar 'bar/ /g.yas gsum rdo
rje ral gri rtse gsum

dang; ;g.yon gsum sdigs mdzub mdung rnon rgyu zhags bsnams/
/sbrul dang rus pa mi mgo'i phreng bas brgyan/ /mi lpags gsar
pa'i stod g.yogs stag sham gsol/ /khrag gi thig le zhag chen
sor ris

can; ;zhabs brgyad g.yas bskums g.yon brkyangs bgrad pa yis/
/klu brgyad sbrul gyi gzugs can rab brdzis nas/ /'jigs rung me
dpung 'bar ba'i dbus bzhugs pa'i/ /gnas gsum yi ge gsum

@034b mtshan hUM yig gis/ /bde ba can nas ye shes dbang lhar
bcas/ /spyan drangs dzaH hUM baM hoH dbang gi las/ /dbang bskur
'od dpag med pas dbu la brgyan/ /dus gsum rgyal ba'i mkhyen
brtse kun/ /'jigs rung khro bo'i skur

bstan nas/ /bdud dang log 'dren 'byung po'i tshogs/ /'joms mdzad
dbang gi rgyal por 'dud/ /mchod pa byin gyis brlabs la/ oM
sarba ta thA ga ta sa pa ri wA ra arg+haM nas shapta'i bar
gyis mchod/ /brtse ba'i bai DUr sngon

po'i chu 'dzin las/ /zhi rgyas dbang drag 'dod dgu'i gru char
gyis/ /mchog dang thun mong dngos grub kun stsol ba'i/ /khro
rgyal rta mgrin zhabs la phyag 'tshal lo/ /rang gi snying gar nyi
ma'i dkyil 'khor dbus/ /hrIH yig sngags

kyis bskor ba'i 'od zer gyis/ /las bzhi bsgrub pa'i ting 'dzin
ma yengs par/ /gzungs sngags brgya stong khri 'bum ci rigs bzla/
/hrIH badzra kro d+ha ha ya gr-i ba hu lu hu lu hUM phaT/ /mjug
tu dge ba ma gyur 'gro ba'i phyir/ /bla med rdzogs pa'i byang
chub chen por bsngo/ /tshul 'di yon tan du mas rgyud mdzes pa'i/
/grwa tshang chos rje shes rab chos grags kyis/ /bskul tshe phyogs
kun myul ba'i rgyal khams pa/ /mdo rgyud 'dzin pa blo bzang
chos rgyan gyis/ /'od yug gling

dkar rdzong du sbyar ba dge/ ! //swa sti/ 'dir phyag na rdo rje
bsgrub par 'dod pas/ skyabs 'gro sems bskyed sngon du btang/
swab+hA was stong par sbyangs/ stong pa'i ngang las sna tshogs
pad nyi'i steng du/ rang gi sems hUM dang rdo rje

@035a @#/ /las; rang nyid phyag na rdo rje sku mdog sngon po khro
bo'i gzugs can zhal gcig phyag gnyis pa/ mche ba gtsigs shing
spyan gsum me ltar 'bar ba/ phyag g.yas rdo rje 'phyar zhing/
g.yon thugs kar sdigs

mdzub mdzad pa/ smin ma dang sma ra dbu skra dmar ser rab tu
'bar ba/ sbrul dang rin po che'i rgyan gyis brgyan pa/ gos sngon
po'i stod g.yogs dang/ stag lpags kyi sham thabs gsol ba/ zhabs
g.yas bskums g.yon brkyangs

kyis me dpung 'bar ba'i dbus na bzhugs pa'i spyi bor oM/ mgrin
par AH thugs kar hUM de las 'od 'phros/ ye shes pa dbang lha
dang bcas pa spyan drangs/ /dzaH hUM baM hoH dbang lhas dbang
bskur/ mi bskyod pas dbu brgyan par

gyur/ mchod rdzas rnams phul du byung ba'i lha rdzas su gyur/
arg+haM nas/ shapta'i bar gyis mchod/ lcang lo can gyi gnas
mchog dam pa na/ /gsang sngags rig sngags kun gyi bdag po ste/
/log 'dren bgegs kyi tshogs rnams

'joms mdzad pa'i/ /bcom ldan rdo rje 'dzin la phyag 'tshal bstod/
/rang gi snying gar nyi gdan la hUM gyi mthar gnas pa'i sngags
las 'od zer 'phros pas/ 'gro ba'i don byas/ sangs rgyas byang
sems thams cad kyi byin rlabs

bsdus/ rang gi snying gar thims pas byin rlabs zhugs pa'i mos pa
dang ldan pas/ oM badzra pA Ni hUM/ zhes brgya stong sogs
bzla'o/ /mjug tu/ dge ba 'di yis myur du bdag /ces sogs kyi
bsngo ba bya/ de ltar nyams su

@035b blangs pas/ bar gcod sel zhing mchog myur du 'thob pa'i
phan yon shin tu che'o/ /zhes pa 'di yang dad pa dang ldan pa
khon jin u ba sha'i thugs dam du btsun pa blo bzang chos kyi
rgyal mtshan gyis 'phral du bris pa'o/ /

! //na mo gu ru manydzu g+ho ShA ya/ dzamla 'brug zhon bsgrub
par 'dod pas/ skyabs 'gro sems bskyed sngon du btang/ swa b+hA
was stong par sbyangs/ stong pa'i ngang las/ rdzu 'phrul gyi
shugs dang ldan pa'i g.yu 'brug sngon

po'i steng du/ sna tshogs padma dang zla ba'i gdan la dzaM shel
gyi mdog can las be con dzaM gyis mtshan pa/ de las 'od 'phros
don gnyis byas/ srid zhi'i dpal 'byor thams cad bkug /be con
dzaM dang bcas pa la thims

pa yongs su gyur pa las/ rang nyid 'phags pa dzamb+ha la sku
mdog dkar po/ khro 'dzum sgeg pa'i nyams can/ spyan gsum pa/ 
zhal gcig phyag gnyis kyi g.yas 'dod dgu'i char 'bebs pa'i rin po
che'i be con dang/

g.yon rtse gsum bsnams pa/ rin po che'i rgyan sna tshogs pas
brgyan cing/ dar bzang po'i na bza' lhab lhub tu gsol ba/ dbu
skra dmar ser gyen du 'bar zhing/ 'od zer rab tu rgyas pa'i dbus
na bzhugs pa/ de'i phyogs bzhir

pad zla'i gdan la/ shar du rdo rje mkha' 'gro sngon mo/ lhor rin
chen mkha' 'gro ser mo nub tu padma mkha' 'gro dmar mo byang
du las kyi mkha' 'gro ljang khu/ thams cad zhal gcig phyag gnyis
kyi g.yas pa rnams kyis rim bzhin/

@036a @#/ /rdo rje/ rin po che/ padma/ sna tshogs rdo rje/ g.yon
pa rnams kyis/ rten 'brel gyi rdzas/ lcags kyu/ rin po che'i
rgyal mtshan/ ne'u le 'dzin pa rin po che'i rgyan dang/ dar gyi
na bza' can sems dpa'i skyil

krung gis bzhugs pa'i spyi bor oM/ mgrin par AH thugs kar
hUM/ hUM gi 'od zer gyis/ ye shes pa dbang lha dang bcas pa
spyan drangs/ dzaH hUM baM hoH dbang lhas dbang bskur/ rin
'byung gis dbu brgyan par gyur/ bsangs

sbyangs byin gyis brlabs pa'i mchod pa phul/ /'jig rten 'jig
rten 'das pa las 'ongs pa'i/ /'dod dgu'i phun tshogs dpal 'byor
ma lus pa/ /khyod zhabs dran pa tsam gyis stsol mdzad pa'i/
/'phags mchog dzamb+ha la

la gsol ba 'debs/ /ces pa'am/ phyag 'tshal lo zhes bstod/ thugs
kar sngags phreng bkod pa'i 'od zer gyis ci 'dod pa'i char phab
par bsams te/ oM padma kro d+ha Arya dzamb+ha la hr-i da ye
hUM phaT/ ces brgya stong

bzla zhing/ mjug tu dge ba bsngo ba sogs bya'o/ /de ltar jo bo
chen po'i zhal gzigs dzamla 'brug zhon byin rlabs shin tu che
bar grags pa'i sgrub thabs 'di ni/ stong 'khor sprul pa'i sku
mdo rgyud rgya mtsho'i thugs dam du

shAkya'i dge slong blo bzang chos kyi rgyal mtshan gyis 'phral
du phul ba'o// ! //na mo gu ru manydzu g+ho ShA ya/ dus gsum
rgyal ba'i mthu stobs gcig bsdus nas/ /bstan pa bsrung zhing
rnal 'byor

@036b bu bzhin du/ /skyong mdzad rnam mang thos sras mdung
dmar can/ /'khor bcas thogs pa med par gnas 'dir gshegs/ /mdun 
du ye shes me dpung 'bar ba'i dbus/ /sku mdog dmar po gshin rje 
khros pa'i gzugs/ /zhal

gcig phyag gnyis mdung dmar ne'u le 'dzin/ /dbang gi rang bzhin
rdo rje'i go khrab gsol/ /yid 'ong rin chen sga srab kyis mdzes
pa'i/ /rdzu 'phrul shugs ldan rta mchog sngon pa'i steng/
/bsgrub pa po la 'dod dgu'i mchog stsol phyir/ /'khor

tshogs rgya mtsho'i dbus su brtan par bzhugs/ /dngos su bshams
dang yid kyis sprul pa las/ /byung ba'i phyi nang gsang ba'i
mchod pa'i sprin/ /rab 'byams sa dang nam mkha'i khyon bkang
ste/ /rgyal chen 'khor dang bcas la dbul

bar bgyi/ /mkha' ltar yangs pa'i yid 'ong nor bu'i snod/ /lha
mi'i zhal zas gtor ma'i tshogs kyis bkang/ /zag med ye shes bdud
rtsir byin brlabs te/ /chos skyong chen po 'khor dang bcas la
'bul/ zhes tshigs bcad 'di

lan gsum gyis gtor ma phul/ arg+haM sogs kyis mchod/ bai; chos
dbyings bde ba chen po'i gzhal yas nas/ /rgyal ba'i bstan pa
bsrung zhing spel ba'i phyir/ /phun tshogs dbang drag sprul pa'i
gar mdzad pa/ /dgra lha chen po khyod

la bdag bstod do/ /dran pa tsam gyis 'gal rkyen kun sel zhing/
/mthun rkyen tshe dang bsod nams dpal 'byor dang/ /'khor dang
bshad sgrub bstan pa'i bya ba sogs/ /rgyas mdzad chos skyong
chen por bdag bstod do/ zhes

@037a @#/ /bstod/ bzlas pa bya bar 'dod na/ oM bai shra ma Na ye
hUM phaT swA hA/ zhes 'di nyid kyi sngags bzla'o/ /mjug tu
dge ba bsngo zhing/ ye shes pa rnams sku yod na brtan bzhugs
dang med na bzod par

gsol te gshegs su gsol/ zhes pa 'di yang tsha ba sku skye rin po
ches bskul ba ltar/ dge slong blo bzang chos kyi rgyal mtshan
gyis sbyar ba'i yi ge pa ni blo bzang dbang gi rgyal po'o// ! //

swa sti/ gang gi zhabs zung nor bu'i 'od/ /dran pas bdud dpung
zil gnon pa/ /ye shes mkha' 'gro'i zhabs btud nas/ /de yi sgrub
thabs mdor bsdus bri/ /seng gdong ma bsgrub par 'dod pas/ swa
b+hA was

stong par sbyangs/ stong pa'i ngang las padma dang nyi ma'i
steng du rang gi sems hUM las gri gug hUM gis mtshan pa las
rang nyid ye shes kyi mkha' 'gro ma seng ge'i gdong pa can/
mgrin pa yan chad seng ge drag tu khros pa'i gdong

pa dkar po/ mgrin pa man chad mthing nag zhal gcig phyag
gnyis kyi/ g.yas gri gug nam mkha' la 'phyar zhing/ g.yon thod
khrag thugs kar 'dzin pa'i mchan khung na kha TwAM ga 
bsnams pa/ thod bskam lnga'i dbu

rgyan dang/ mgo rlon lnga bcu'i do shal 'phyang ba/ mi lpags
kyi g.yang gzhis stod g.yogs shing/ stag lpags kyi sham thabs 
can/ ye shes kyi me 'bar ba'i dbus na zhabs g.yas pa'i rting pa 
brla la brten cing/

@037b g.yon brkyangs pa'i gar stabs kyis ro'i gdan la bzhugs
pa'i spyi bor oM/ mgrin par AH thugs kar hUM/ hUM gi 'od
zer gyis rang 'dra'i ye shes pa dang dbang gi lha spyan drangs
dzaH hUM baM hoH gnyis su med par gyur/ dbang gi

lhas dbang bskur mi bskyod pas dbu brgyan par gyur/ oM AH
hUM/ lan gsum gyis mchod pa byin gyis brlabs la/ oM badzra DA
ki nI sa pa ri wA ra arg+haM nas shapta'i bar gyis mchod/
mkha' la spyod pa'i gnas mchog dam pa nas

mngon shes rdzu 'phrul mnga' ba'i mthu stobs can/ /sgrub pa po
la ma g.yel bu bzhin gzigs/ /gnas gsum mkha' 'gro'i gtso la
phyag 'tshal lo/ /zhes pas bstod/ rang gi thugs kar nyi ma'i
dkyil 'khor gyi steng du

hUM yig gi mthar/ aH kaH saH maH raH dzaH shaH daH raH saH maH
raH yaH phaTH ces lo grangs sam/ brgya rtsa tsam bzla/ de nas
thal mo gnyis nyi zla'am gnam lcags kyi sbyor bas/ bla ma yang
dag pa yongs kyi dge ba'i bshes

gnyen rnams kyi bka' bden pa dang/ sangs rgyas kyi bka' bden pa
dang/ chos kyi bka' bden pa dang/ dge 'dun gyi bka' bden pa
dang/ ye shes kyi mkha' 'gro ma seng ge'i gdong pa can gyi bka'
bden pa dang/ mkha'

'gro ma bye ba 'bum sde'i bden pa chen po'i byin rlabs kyis/
bdag cag 'khor dang bcas pa la gnod cing 'tshe bar byed pa'i/ lo
skeg zla skeg zhag skeg rmi lam ngan pa mtshan ma ngan pa ltas
ngan pa nad gdon dgra bgegs mi

@038a @#/ /dang mi ma yin pas gnod cing 'tshe bar byed pa thams
cad mA ra ya phaT/ ces man ngag bzhin thal mo brdabs/ mjug tu/
dge ba 'di yis myur du bdag /ye shes mkha' 'gro 'grub gyur nas/
/ces

sogs kyis dge ba bsngo bar bya'o/ /de ltar ye shes mkha' 'gro
ma'i/ /sgrub thabs bdud las rgyal byed 'di/ /blo bzang chos kyi
rgyal mtshan gyis/ /bkod pa'i dge ba ji snyed des/ /mtha' yas
'gro ba ma lus pa/ sgrib

gnyis g.yul las rgyal gyur cig / ! //swa sti/ ye shes kyi mkha'
'gro ma seng ge'i gdong pa can la gtor ma 'bul bar 'dod pas/
gtsang zhing gya nom pa'i gtor ma a mr-i tas bsangs/

swa b+hA was sbyangs/ stong pa'i ngang las/ AH las thod pa
yangs shing rgya che ba'i nang du/ gtor ma sha lnga bdud rtsi
lnga las byung ba'i zag pa med pa'i ye shes kyi bdud rtsi'i rgya
mtsho chen por gyur par bsams la/ 'bru gsum lan

gsum brjod de byin gyis brlabs/ /rang gi thugs ka'i hUM gi 'od
zer gyis/ gnas gsum rdo rje'i pho brang nas/ ye shes kyi mkha'
'gro ma seng ga'i gdong pa can 'khor dang bcas pa spyan drangs
pa'i

ljags 'od zer gyi sbu gus gtor ma'i bcud thams cad drang nas
gsol bar gyur/ oM dznyA na DA ki sid+ha mu kha sa pa ri wA ra
i daM ba lidta kha kha khA hi khA hi/ zhes gsum mam bdun gyis
phul/ arg+haM sogs kyis mchod

@038b ye shes mkha' 'gro 'khor bcas kyis/ /mchod sbyin gtor ma
'di bzhes nas/ /bdag gi bar gcod kun sel la/ /mthun rkyen ma lus
bsgrub par mdzod/ /deng nas tshe rabs thams cad du/ /lha dang mi
yi rten thob cing/ /

rtag tu dam pa'i chos spyod de/ /sku gsum go 'phang myur thob
shog /ces pa seng gdong ma'i mngon rtogs kyi mjug tu sbyar
chog 'di yang dge slong blo bzang chos kyi rgyal mtshan gyis 
smras pa'o// ! //

b+hyauH dngos grub 'dod dgu'i char 'bebs dpal lha mo/ /rab 'byams
rgyal ba'i bstan pa rgyas mdzad cing/ /skal bzang 'gro la phan
bde'i lam ston pa'i/ /rtsa rgyud bla ma'i ngo bor mnga' gsol lo/
/sgrib bral

lhan skyes dga' ba'i chu gter che/ /dkyil 'khor 'khor lo bye
ba'i nyal 'gro'i tshogs/ /spro dang bsdu ba'i gzhir gyur dpal lha
mo/ /yi dam lha tshogs ngo bor mnga' X/ /khyod ni dus gsum rgyal
ba kun gyi dngos/ /brgyad

khri bzhi stong chos phung 'byung ba'i gnas/ /'phags tshogs dge
'dun kun gyi 'dren pa mchog /bslu med skyabs kyi dam par mnga'
X/ /zas gtsang sras dang pad dkar 'dzin pa'i zhabs/ /khyad par
rgyal ba gnyis pa tsong kha pa'i/ /

bstan pa skyong dang spel dang bsrung ba yi/ /bka' srungs kun
gyi gtso mor mnga' X/ /khyad par chos kyi rgyal po srong btsan
gyis/ /bka' bsgos ji bzhin sprul pa'i gtsug lag khang/ /mi dang
mi min 'byung bzhi'i gnod pa las/ /

@039a @#/ /skyob pa'i dpal mo chen mor mnga' X/ /mdor na bdag cag
dpon slob 'khor bcas kyis/ /bsrung ma'i gtso mor mnga' gsol
gnyer gtad kyi/ /rtag tu g.yel med mgon dang skyabs mdzod
las//

mchog dang thun mong dngos grub ma lus stsol/ zhes ma gcig
dpal gyi lha mo'i mnga' gsol 'di ni/ shAkya'i rgyal po'i zhabs
'bring ba'i sri zhur kun dga' bo dang mtshungs pa nang so sku
gnyer dbon gyis bskul ba'i

ngor; yul phyogs med kyi bya bral ba/ blo bzang chos kyi rgyal
mtshan gyis dpal ldan 'bras spungs kyi gzims chung nyi 'od 'khyil
bar sug bris su bgyis pa dge legs 'phel// ! //hUM lha chen
mahA ka

la khyod/ /khyab bdag rdo rje 'chang dbang sogs/ /drin can rtsa
rgyud bla ma'i tshogs/ /kun gyi ngo bor mnga' gsol lo/ /dran pas
dngos grub mchog stsol ba/ /rgyud sde bzhi dang yongs 'brel
ba'i/ /dkyil 'khor 'khor lo bye

ba brgya'i/ /gtso bo chen por mnga' gsol lo/ /bstan dgra sdig
can tshar gcod cing/ /bstan dang bstan 'dzin bu bzhin du/ /skyong
mdzad bka' bsrungs kun gyi gtso/ /dmag dpon chen por mnga'
gsol lo/ /sku

gsum lhun grub rdzogs sangs rgyas/ /spangs rtogs mthar phyin
dam pa'i chos/ /rig grol gnyis ldan dge 'dun te/ /mchog gsum ngo bor
mnga' gsol lo/ /bdag cag dpon slob 'khor bcas kyi/ /'gal rkyen
sel zhing

@039b mthun rkyen kun/ /sgrub la skad cig mi g.yel ba'i/ /dgra
lha chen por mnga' gsol lo/ /bdag cag mi nor dgon gnas bcas/
/mgon po khyod la gnyer gtad kyi/ /deng nas byang chub snying
po'i bar/ /rtag tu 'bral med

grogs mdzod la/ /mchog dang thun mong dngos grub stsol/ zhes
mgon po gri gug dmar nag gnyis la byas chog pa'i mnga' gsol 'di
ni rgyal ba 'brom gyi gdan sa pa bla ma 'od 'jo bas bskul ba la
brten nas/ bka'

gdams pa dge slong chos kyi rgyal mtshan gyis ra sgreng du
sbyar ba'o// ! //swa sti/ dus gsum rgyal ba'i yum gcig 'dod khams
gtso/ /'khor bcas 'dir gshegs me rlung 'bar ba'i dbus/ /

bzhugs gsol phyi nang gsang ba'i mchod pa dang/ /zag med bdud
rtsi'i gtor tshogs rgya mtshos mchod/ /rgyal ba kun gyi mthu stobs
drag mo'i gzugs/ /dran pas dngos grub 'dod dgu'i char 'bebs ma/
/bcom ldan 'das ma khyod

la bdag bstod kyi/ /'gal rkyen kun sol mthun rkyen ma lus
sgrubs/ /b+hyoH dus gsum rgyal ba'i mthu stobs gcig bsdus nas/
/bstan skyong pa mo chen por mtshan gsol ba/ /dad dang mos pa'i
dbang

gis spyan 'dren na/ /'dir gshegs sna tshogs pad nyi'i gdan la
bzhugs/ /dngos bshams yid sprul phyi nang gsang ba yi/ /mchod
pa'i sprin phung nam mkha' gang ba dang/ /dam rdzas spyan gzigs
zhing gi khyon bkang

@040a @#/ /ste; ;bstan srungs chen mo 'khor bcas mnyes phyir
'phul/ /khrag chang 'chi med bdud rtsi mtsho ltar bskyil/ /sha
khrag dmar chen gtor ma ri ltar spungs/ /zag med ye shes bdud
rtsir byin

brlabs te/ /bstan skyong chen mo 'khor dang bcas la 'bul/ /b+hyoH
bde chen chos kyi dbyings las ma g.yos kyang/ /bstan pa bsrung
phyir 'jigs rung srin mo'i gzugs/ /zhal gcig phyag gnyis g.yas
pa

dgra snying dang/ /phyag g.yon lcags spyang mgo dgu dgra la
'gyed/ /sku mdog smug nag zhal gdangs mche ba gtsigs/ /spyan
gsum dmar ldog bstan dgra rtsad nas gcod/ /lhab lhub ber gsol
me dpung 'bar

ba'i dbus/ /brkyangs bskums tshul gyis bzhugs la bstod par bgyi/
/rnal 'byor bdag cag dpon slob 'khor bcas rnams/ /gnas 'dir
bshad sgrub tshul bzhin sgrub pa la/ /'gal rkyen bar chad ming
yang mi

'byung zhing/ /mthun rkyen bsam don yid bzhin 'grub par mdzod/
/ces pa'o// ! //oM grub pa'i dbang phyug padma 'byung gnas
dang/ /blo bzang rgyal ba'i dbang pos bka' bsgos bzhin/ /bstan
pa

skyong mdzad lha yi dge bsnyen che/ /'khor bcas thogs pa med
par gshegs su gsol/ /sprin dkar g.yo 'dra'i rdzu 'phrul rta yi
steng/ /dar mdung mda' gzhu zhags pa 'dzin mdzad cing/ /dkar
gsal dpa' brjid

@040b mdzes pa'i rnam 'gyur gyis/ /'phrin las bsgrub phyir gnas
'dir brtan par bzhugs/ /phyi nang gsang ba'i mchod pa'i sprin
dkrigs shing/ /gser skyems bdud rtsi'i btung ba rgya mtshor
bskyil/ /sha khrag gtor ma ri rab

ltar spungs nas/ /drag btsan dgra lha'i rgyal po 'khor bcas
mchod/ /'bar ba'i me nang bsangs rdzas stong phrag dang/ /dri
zhim spos sna bsregs pa'i dud pa'i sprin/ /dbang sngon chu 'dzin
mkha' la bsnyeg 'dra bas/ /gzhi

bdag dge bsnyen chen po 'khor bcas bsangs/ /rnam 'dren thams
cad gzigs pa'i spyan snga ru/ /dang por thugs bskyed sa bcu'i 
mthar son kyang/ /'brog gnas tshul bzung sma chen spong ra 
zhes/ /chos 'khor skyong mdzad

bsrung ma khyod la bstod/ /dge ldan rnam par rgyal ba'i gling
chen po/ /blo gsal mkhas mang nor bus yongs gang zhing/ /bshad
sgrub 'dod dgu'i longs spyod phun tshogs brgyas/ /dar rgyas srid
mtha'i bar du gnas par mdzod/ /

lhag bsam dag pas tshul 'dir brtson pa na/ zhes sogs bya'o/ /dge
ldan gyi gzhi bdag gi gtor chog go / ! //na mo gu ru manydzu
g+ho ShA ya/ 'dir bla ma mchog gsum chos bsrung mkha' 'gro 
yul lha gzhi bdag dang bcas pa gsol zhing mchod nas 'phrin 
las 'chol ba'i tshul ni mchod gtor bsangs rdzas spyan gzigs 
sogs tshogs par byas la/ sngags drug dang phyag rgya drug gis 
byin gyis brlabs/ dngos gzhi

@041a @#/ /ni; ! oM rang bzhin bde ba chen po'i chos sku las/
/rnam pa cir yang 'char ba'i zlos gar gyis/ /srid zhi'i phan bde
kun gyi char 'bebs pa'i/ /rtsa rgyud bla ma mchog gsum gnas
gsum gyi/ /

dpa' bo mkha' 'gro chos skyong bsrung ma'i tshogs/ /'khor bcas
'phrin las bsgrub phyir gnas 'dir gshegs/ /phyogs skyong bco
lnga la sogs pa/ /gtsang ris mgon po bdun cu dang/ /nyi zla gza'
skar zhag rgyu

ba'i; ;lha yi tshogs kun gnas 'dir byon/ /tshe ring mched lnga
bstan mar bcas/ /sa yi lha mo brtan ma sogs/ /yul bdag gzhi bdag
gnas bdag dang/ /grong bdag 'khor bcas gnas 'dir gshegs/ /khyad

par yul khams 'di nyid kyi/ /ri nags thang chu'i lha rnams dang/
/ched du dgon gnas 'dir 'khod pa'i/ /sde brgyad ma las gnas 'dir
gshegs// ! oM bde stong dbyer med 'chi med yangs pa'i lam/
/phun

tshogs mchod pa'i sprin gyis yongs gang ba/ /srid dang zhi ba'i
mgron rnams ma lus pa'i/ /spyan lam 'byung zhing rgyas la dgyes
gyur cig /gser skyems bdud rtsi'i btung ba rgya mtshor 'khyil/
/rab mdzes me tog sa dang nam

mkha' gang/ /dri zhim spos kyi dud pas phyogs kun khyab/ /mun
sel sgron me'i phreng ba tshar du dngar/ /bzang po'i dri ldan
ganggA'i rgyun mang 'bab/ /ro brgya ldan pa'i zhal zas lhun por
spungs/ /gdangs snyan rol mo'i bye

@041b brag mtha' yas pas/ /zhing kun bkang ste 'khor dang bcas
pa mchod/ /lha dang mi yi bsod nams las grub pa'i/ /zag med bdud
rtsi'i btung ba rgya mtsho dang/ /ro brgya ldan pa'i bza' dang
bca' ba'i tshogs/ /ri ltar spungs pa'i

gtor ma'i tshogs kyis mchod/ /'bar ba'i ye shes me nang spos sna
dang/ /bsangs rdzas brgya phrag bsregs pa'i dud sprin gyis/
/srid dang zhi ba'i mgron rnams ma lus bsangs/ /mi gtsang nyams
grib thams cad bsangs

gyur cig /gtor ma sngags 'bul 'dod na 'dir a kA ros 'bul/
arg+haM sogs kyis mchod/ nang mchod kyang 'bul/ oM rtsa
rgyud bla ma mchog gsum dang/ /dpa' bo mkha' 'gro chos 
skyong ba'i/ /bsrung tshogs dpal

mgon bdun cur bcas/ /dregs pa sde brgyad thams cad dang/ /tshe
ring mched lnga bstan ma'i tshogs/ /khyad par yul phyogs dgon
gnas 'di'i/ /yul lha gzhi bdag 'khor bcas kyis/ /bdag cag dgon
gnas dge

'dun gyi/ /sde dang bcas pa thams cad la/ /gnod cing nye bar
'tshe ba yi/ /nad gdon dgra dang chom rkun sogs/ /mi dang mi min
'byung po yi/ /nyer 'tshe ma lus zhi bar mdzod/ /tshe dang bsod
nams dpal 'byor dang/ /bshad

sgrub thos bsam sgom gsum dang/ /bslab gsum rim gnyis rnal
'byor sogs/ /dar zhing rgyas pa'i 'phrin las mdzod/ /'dod dgu'i 
longs spyod khams gsum gyi/ /skye 'gro ma lus dbang 'dus nas/ 
/rnam dag

@042a @#/ /lam la dgod nus pa'i/ /dbang gi las rnams 'grub par
mdzod/ /bdag cag dgon gnas bcas pa la/ /ldang zhing gdug pa'i
sems ldan pa'i/ /mi dang 'byung po'i tshogs rnams

kun; ;drag po'i chad pas tshar gcod mdzod/ /ces pa 'di yang grwa
tshang chos rje 'jam dbyangs shes rab kyis nan cher bskul ba la
brten nas chos smra ba blo bzang chos kyi rgyal mtshan gyis
gling dkar rdzong du

smras pa dge legs 'phel// ! //oM chos dbyings bde ba chen po'i
pho brang nas/ /rtsa brgyud bla ma yi dam dkon mchog gsum/
/chos bsrung sma chen spong ra mtsho sman sogs/ /yul lha

gzhi bdag 'khor bcas gnas 'dir byon/ /dam rdzas spyan gzigs
zhing kun khyon gang zhing/ /bdud rtsi'i gser skyems lha rdzas
gtor ma'i tshogs/ /zag med ye shes bdud rtsir byin brlabs te/
/srid zhi'i

mgron rnams dgyes pa bskyed phyir 'bul/ /oM a kA ros gtor ma
phul/ arg+haM sogs kyis mchod/ nang mchod kyang 'bul/ dkon
mchog  gsum dang de yi bka' sdod mchog /dge bsnyen chen po 
sma chen spong

ra dang/ /yid bzhin mtshor gnas yul lha gzhi bdag tshogs/ /'khor
dang bcas la bstod cing bsngags par bgyi/ /deng nas rnal 'byor
mi nor 'khor bcas la/ /chom rkun dgra jag gnod pa bzlog pa
dang/ /g.yel

@042b med rtag tu dpung dang grogs mdzad de/ /bsams don chos
bzhin bsgrub la ma g.yel cig /ces pa 'di yang grwa tshang chos
rje 'jam dbyangs shes rab pas nan cher bskul ba la brten nas
shAkya'i dge slong blo bzang chos

kyi rgyal mtshan gyis g.yar khral du bgyis pa'o// ! //na mo
radna gu ru padma saM b+ha wa b+hyaH 'dir skyes bu chen po dam
can rdo rje legs pa la mchod gtor 'bul bar 'dod pas/ mchod gtor

dam rdzas spyan gzigs sogs lag len bzhin bshams/ rang yi dam
rta mgrin nam 'jigs byed sogs ci byed pa'i las sngags kyis/ bsangs
sbyangs shing bskyed de/ sngags drug dang phyag rgya drug gis
byin gyis

brlabs/ rang yi dam gyi nga rgyal dang ldan pas rol mo
dbyangs dang bcas te cho ga la 'jug pa ni/ 'di ltar/ hUM/ rang 
gi mdun du khrag zhag rgya mtsho'i steng/ /'jigs rung pha wang 
brtsegs pa'i gzhal yas dbus/ /

dmar nag me dpung drag tu 'khrugs pa'i klong/ /dam nyams dgra
bgegs bsnol ba'i gdan steng du/ /dam can skyes bu chen po 'jigs
pa'i gzugs/ /sku mdog mthing nag rab tu 'bar ba la/ /zhal gcig

phyag gnyis spyan gsum dmar zhing 'khrug /rngams pa'i zhal
gdangs khros pa'i mche ba gtsigs/ /phyag g.yas lcags kyi tho
lum me 'bar ba/ /mkha' la 'phyar bas bstan dgra phye mar 'thag
/g.yon pas 'thor

@043a @#/ /rlung mi bzad 'byung gnas kyi/ /sbud pas stong gsum
skad cig 'thor ba bzhin/ /dmar ser sma ra smin ma ral pa'i
tshogs/ /me stag khrom khrom 'phro zhing rab tu 'bar/ /rab 'jigs
thod

skam lnga yis dbu brgyan cing/ /khrag 'dzag mi mgo'i do shal
ring du 'phyang/ /dar nag gser gyi rgyan ldan ber gsol zhing/
/sag lham gyon nas ra skyes kham pa chibs/ /'khor du ra zhon
gsum brgya drug cu dang/ /

lha srin sde brgyad the'u rang 'byung po'i tshogs/ /rnam mang
dam can 'khor tshogs rgya mtshor bcas/ /rnal 'byor 'phrin las 
bsgrub phyir brtan par bzhugs/ /hUM rdo rje 'chang dngos 
padma 'byung gnas sogs/ /rtsa rgyud bla

mas bka' bsgos dam bcas bzhin/ /thogs med rdzu 'phrul shugs kyis
'dir gshegs la/ /rnal 'byor bcol ba'i las kun 'grub par mdzod/
/dam can rdor legs 'khor bcas la/ /mthun pa'i dam rdzas

'bul ba ni/ /khrag zhag mchod yon mtsho ltar bskyil/ /mdzes pa'i
me tog bar snang bkang/ /dri zhim bdug spos sprin phung 'khrigs/
/mun sel sgron me tshar du dngar/ /bzang po'i dri chab zhing kun
khyab/ /ro brgya'i

zhal zas lhun por spungs/ /gdangs snyan rol mo 'brug ltar ldir/
/'dod yon lnga yis lha lam 'khrigs/ /nang dang gsang ba'i mchod
pa dang/ /gser skyems bdud rtsi'i tshogs spros te/ /dam can 'khor
bcas

@043b mnyes phyir 'bul/ /'ja' tshon ltar bkra'i dar mtshon gyis/
/mdzes pa'i ra skyes tshogs rnams dang/ /rta mchog zhol g.yag
mkha' lding dang/ /stag spyang seng ge khyi nag sogs/ /sna tshogs
dam rdzas spyan gzigs

kyis; ;sa dang bar snang khyon bkang ste/ /'khor bcas dgyes pa
bskyed phyir 'bul/ /zag med bde ba skyed pa'i nang/ /sha khrag
gtor ma'i tshogs rnams kun/ /ye shes bdud rtsir byin brlabs te/
/dam can

'khor dang bcas la 'bul/ /zhes brjod cing/ skabs 'dir a kA
ro'i sngags la kha kha khA hi khA hi btags pa lan bdun sogs
kyis gtor ma bsngos la/ arg+haM sogs kyis mchod/ nang mchod
kyang phul la 'phrin las

bcol lo/ /bzlas pa byed par 'dod na dam can gyi thugs kar nyi
gdan la rdo rje rtse lnga pa'i lte bar sa bon gyi mthar/ oM
badzra sa d+hu hUM zhes pa'am/ yang na badzra sa d+hu dzaH zhes
pas bskor bar dmigs la/ rang yi dam

du gsal ba'i thugs ka'i 'od zer gyis sngags 'phreng la 'phog
pas/ zhis rgyas dbang drag gi las ci 'dod bsgrub par bsams la/
sngags gnyis ci rigs gang mang bzla'o/ /hUM rab 'byams rgyal
ba'i bstan pa skyong ba

dang; ;dran pa tsam gyis dam ldan sgrub pa po'i/ /'phrin las
rnam bzhi lhun gyis grub mdzad pa'i/ /chos skyong chen po
khyod la bdag bstod do/ /lus can phan bde ma lus 'byung ba'i 
gnas/ /dge 'dun sde dang dkon

@044a @#/ /mchog gsum gyi rten/ /g.yel ba med par bsrung zhing
skyong mdzad pa'i/ /yid bzhin nor 'dra'i bsrung ma khyod la
bstod/ /khyod la brten cing re ba 'cha' ba yi/ /rnal 'byor bdag
cag dpon

slob 'khor bcas kyi/ /'gal rkyen bar chad thams cad sel ba dang/
/bsam don ma lus yid bzhin 'grub par mdzod/ /ces dam can rdo rje
legs pa'i gsol kha 'di ni ri khrod 'dzin pa'i dka' bcu pa

shes rab seng ges mtshams sbyar te/ lha 'di nyid rigs rgyud la
lhag par 'gro ba tshe dang ldan pa shes rab rgya mtsho'i nyer
mkho'i lag len du dmigs nas sde snod 'dzin pa'i rgyal khams pa
bya bral blo

bzang chos kyi rgyal mtshan gyis ra sa ra mo cher smras pa'i yi
ge pa ni gsol kha pa blo bzang phun tshogs so// ! //na mo gu ru
manydzu g+ho ShA ya/ rab 'byams phyogs bcu'i rgyal ba thams cad
kyis//

bstod pa'i me tog rin chen 'phreng mdzes kyis/ /gang gi zhabs
pad rgyun du gus mchod pa'i/ /mgon po 'od dpag med la gsol ba
'debs/ /phul byung bde ba can gyi zhing khams nas/ /lhar bcas
'gro ba'i 'dren

pa 'od dpag med/ /'khor dang bcas pa gus pas spyan 'dren na/
/tshad med thugs rje'i dbang gis gnas 'dir gshegs/ /gang gi mtshan
tsam thos dang dran pas kyang/ /srid pa'i 'jigs 'phrog yongs dag
zhing

@044b khams der/ /thogs pa med par 'dren mdzad bcom ldan 'das/
/khyod zhabs padmor lan brgyar gus phyag 'tshal/ /mchod tshogs
kun 'bum sdig ltung thams cad bshags/ /dge la yi rang chos 
'khor bskor ba'i

phyir; ;rtag par bzhugs gsol dge 'di lus can rnams/ /zhing mchog
bde ba can du skye phyir bsngo/ /dus gsum bde bar gshegs pa kun
gyi gtso/ /srid gsum 'gro ba'i 'dren pa bla na med/ /mchog gsum
ngo bo bslu

ba med pa'i skyabs/ /gsol ba 'debs so thugs rje'i dpung bskyed
la/ /bdag dang pha mar gyur pa'i sems can rnams/ /gnad gcod
sdug bsngal bar do'i 'khrul snang dang/ /ngan song gsum sogs 
skye gnas

dman pa dang/ /'jigs pa las sgrol bde ba can du drongs/ /tshe
'di'i phun tshogs snang ba nub la nye/ /thar med gshin rje'i
bsrung ma mngon du gyur/ /pha rol ngan 'gro'i g.yangs sar
phyogs pa'i tshe/ /bcom ldan thugs

rjes bde ba can du drongs/ /srid gsum gnas su rgyud drug so so
yi/ /sdug bsngal grong du 'jug par phyogs pa na/ /bde gshegs
thugs rjes skye ba'i sgo bcad nas/ /bde ba can du nges par drang
du gsol/ /las ngan sdong

bu nyon mongs snum ldan pas/ /yang srid tsha gdung skye bar nye
ba na/ /mgon po thugs rje'i char rgyun rab bsal bas/ /sdug
bsngal me chen zhi bar byin gyis rlobs/ /'chi tshe 'od dpag med
mgon sras bcas kyi/ /zhal

@045a @#/ /mthong bu khyod bde ba can 'gro zhes/ /gsung gis dbugs
dbyung thugs rjes lam drangs nas/ /padmo'i dbus su brdzus te
skye bar shog /der ni zab rgyas gdams pa mang du thos/ /dus
gsum

mgon po sras bcas thams cad kyi/ /rlabs chen spyod pa smon lam
ji snyed pa/ /ma lus yongs bsdoms bdag gis spyod par shog /ces
pa 'di ni shAkya'i dge slong ngag dbang rnam rgyal gyis bde ba
can du skye ba'i rten

'brel khyad par can bsgrig pa'i phyir du yang yang bskul ba'i
ngor/ mang du thos pa'i btsun pa blo bzang chos kyi rgyal
mtshan gyis ra sa 'phrul snang gi gtsug lag khang du smras pa'o// ! //

swa sti/ bslu med mchog gsum dam par mchod pa'i sprin/ /lha lam
gang ba phul ba'i dge ba'i mthus/ /sdug bsngal gsum gyis mnar
ba'i 'gro ba kun/ /bde ba can du thogs med 'jug gyur cig / ! //

swasti/ bskal bzang rnam 'dren ston pa brgya phrag bcu/ /mngon
du gyur 'dra de dag sku brnyan ni/ /'dren byed dga' ston ma lus
spungs lta bu/ /chos dbyings rgya mtsho dpon slob rnams kyis
bsgrubs/ /'dis mtshon

dge bas tshe rabs thams cad du/ /bshes gnyen dam pas 'bral med
rjes 'dzin cing/ /bslab gsum lung rtogs rgya mtsho'i mthar son
nas/ /sku gsum go 'phang myur du thob par shog / ! //

@045b swasti/ lhar bcas 'gro ba'i 'dren pa bla na med/ /bskal
bzang bstan pa'i bdag po brgya phrag bcu'i/ /snang brnyan mig gi
bdud rtsi spungs 'dra 'di/ /rig byed rtser son gangs can sman
thang pa'i/ /ring lugs 'dzin pa kun

gyi mchog gyur pa/ /sdom brtson ngur smrig 'dzin pa pir thogs
kyi/ /rgyal por gyur pa chos dbyings rgya mtsho zhes/ /yongs su
grags pa'i mkhas pas lhag bsam gyis/ /sgo gsum brtson pa chen
pos legs par

bsgrubs/ /de las 'ongs pa'i rnam dkar dge ba'i mthus/ /tshe rabs
kun tu rgyal ba'i chos tshul rnams/ /legs par bzung ste sku gsum
myur thob shog /de ma thob kyi tshe rabs kun tu yang/ /dal 'byor
rnam dag bslab

gsum rgyan ldan zhing/ /bshes gnyen dam pas 'bral med rjes
bzung nas/ /rlabs chen rgyal sras spyod pa mthar phyin shog 
/khyad par phan bde ma lus 'byung ba'i sgo/ /sangs rgyas gnyis 
pa kun mkhyen tsong kha pa'i/ /bshad

sgrub bstan pa dar zhing rgyas pa dang/ /'jig rten dge legs chen
pos khyab par shog /bstan 'dzin dam pa rnams kyi zhabs brtan
zhing/ /bstan pa'i sbyin bdag sku tshe bsod nams stobs/ /dam chos
'gran pa bzhin du

'phel ba dang/ /phyogs kun bkra shis rgya mtshos gang bar shog /
! //swa sti/ bdag cag deng nas tshe rabs thams cad du/ /lha dang
bla mas 'bral med rjes bzung ste/ /sa lam rtogs pa mtha' dag

@046a @#/ /mngon gyur nas/ /sku gsum go 'phang myur du thob par
shog /! //swasti/ ston pa mnyam med bu ram shing pa yis/ /chos
phung brgyad khri bzhi stong bka' stsal pa'i/ /snying po

mthar thug rgyal ba'i yum la sogs/ /btso ma'i gser sbyangs glegs
bam legs bsgrubs pa'i/ /legs spyad kyis mtshon dge tshogs rgya
mtsho'i mthus/ /tshul 'di bsgrub la mthun rkyen byed pa kun/ /gnas
skabs

bde ldan bde ba can brgyud de/ /sku gsum go 'phang myur du
thob par shog /bka' 'gyur rin po che gser ma gsar bzhengs bzhi 
pa'i skabs gnang ba'o// ! //na mo gu ru mu ni indrA ya/ lha

brgya'i cod pan mdangs dang 'dres pa yi/ /zhabs sen nor bu'i 'od
zer spyi bo la/ /reg pa yis kyang bkra shis mchog stsol ba/
/shAkya'i gtso bo de la bdag cag dang/ /gang de'i sku brnyan
'jig rten mdzes sdug kun/ /

gcig tu bsdus pa'i rjes 'gro lha rdzas mchog /gser dngul padma
rA ga baiDUrya/ /ke ke ru yi mdangs ldan tshogs pa las/ /grub
pa'i yid 'phrog 'ja' tshon ri mo can/ /grangs med ngo mtshar mdzad
pa'i rnam rol las/ /

cha shas tsam zhig legs par bskrun pa 'di/ /dge slong blo bzang
chos kyi rgyal mtshan gyis/ /mchog tu dang ba'i sems kyis brtson
pas bsgrubs/ /'di yi ched du sgo gsum re res kyang/ /mthun rkyen
phyir ni

@046b 'bad pa gang byed pa/ /de dag kun kyang tshe rabs thams cad
du/ /shAkya'i rgyal pos rjes su 'dzin gyur cig /bdag kyang deng
nas skye ba thams cad du/ /srog kyang yal bar dor nas dam chos
kun/ /rgyal ba'i dgongs pa ji

bzhin legs bzung ste/ /thams cad gzigs pa mang du thob par shog
/khyad par 'di snang 'gags tshe dga' ldan du/ /mi pham sras kyi
thu bo nyid gyur nas/ /sa bcu'i lam gyi rim pa mthar son te/ /ma
lus 'gro ba

'dren pa'i dpal gyur cig /ces pa 'di yang shAkya'i dge sbyong
blo bzang chos kyi rgyal mtshan gyis chos grwa chen po bkra shis
lhun por/ shAkya'i rgyal po'i gzugs sku'i snang brnyan dam pa
gos skur bskrun pa'i skabs

smon pa'i tshigs bcad du bsdebs pa'o// ! //oM bde legs su gyur
cig /byang chub dam par thugs bskyed kun dga'i shing/ /rlabs
chen spyod pa'i yal ga'i khyon yangs la/ /sku gsum me tog

'bras bu'i g.yur za ba'i/ /thub dbang dpag bsam dbang po rgyal
gyur cig /bde gshegs thugs rje'i lha lam yangs pa las/ /ngur
smrig mtshams sprin gzhon nu'i zlos gar gyis/ /skye dgu'i gdung
sel 'phags pa'i

gnas brtan che/ /'khor dang bcas pas deng 'dir dge legs stsol/
/phan bde'i nyi ma skyob pa nyid gzigs kyis/ /'gro la dge legs
snang ba 'gyed pa'i sgo/ /bstan pa'i sgron me phyag tu legs
bstsal ba/ /'phags pa'i

@047a @#/ /gnas brtan chen po bcu drug ces/ /grags pa'i dbyar
skyes sgra dbyangs 'bum phrag gis/ /lhar bcas mdongs mdzes
ldan pa'i tshogs rnams kun/ /ya mtshan 'dzin pa'i mig 'bor mngon

mtho zhing/ /rab dga' rgyas pa'i 'jo sgeg ci yang byed/ /de slad
shar phyogs 'dod dgu 'byung ba'i gnas/ /sa yi brgya byin gnyis
pa thang zhes byas/ /rna ba'i bdud rtsi 'phrin yig gzhon nu
dang/ /hwa shang pho nya'i byed pos

mtshams sbyar te/ /spyan drangs mi dbang de yi gtsug rgyan gyi/
/nor bu'i 'od tshogs 'dres pas zhabs bsten cing/ /gser dngul mu
tig padma rA ga dang/ /baiDUr ke ke ru dang mrgad sogs/ /rin
chen las grub rgyan gyi

khyad par dang/ /brgya byin gzhu ltar bkra ba'i lha rdzas kyi/
/chos gos lhab lhub can gyis mngon par mchod/ /slar yang gdul
bya'i zhing gzhan de dang der/ /'dul byed sprul pa'i bkod pa
brgya phrag gis/ /thub bstan nyin

mor byed cing yid can gyi/ /phan bde'i skyed tshal lhag par rgyas
par mdzod/ /de nas thugs rje'i dbang po'i bsil zer gyis/ /byugs
pas phan bde'i ku mu da rgyas pa/ /kai la sha yi phreng mdzes
yul ljongs 'dir/ /zhabs

sen bung ba'i 'phung lding rol pa 'dzin/ /dam pa'i skyes bu
rnams las legs brgyud de/ /gang sku ri mor 'bri dang mchod
bstod sogs/ /bdud tshogs skrag cing thar pa'i lam mtshon pa'i/ 
/'phags pa'i chos spyod bcu yis

@047b kun tu brel/ /khyad par gangs can sa yi thig le mchog /sum
rtsen la 'khu thon zhes bya ba yi/ /grags pa'i ba dan srid rtser
g.yo ba der/ /samb+hoTa yi rigs kyi sa bon las/ /sngon gyi chos
rgyal puNDa ri ka'i tshogs/ /gzi byin

pham byed phun tshogs 'dab stong can/ /lugs gnyis mkhyen pa'i
ze'u 'bru cher rgod pa/ /sa skyong dbang po rta mgrin dbang
rgyal gyis/ /sgyu ma'i nor la snying po blang ba'i phyir/ /zla
shel kha ba'i dum bu pad rtsa ltar/ /mchog

tu dkar ba'i bsams pas kun bslangs te/ /gzhal med lha rdzas gos
bzang las grub pa'i/ /lhar bcas 'gro ba'i 'dren pa shAkya'i
gtso/ /drug lhag phyogs kyi grangs ldan 'phags pa'i tshogs/
/phyag brnyan pho nyar

bcas pa'i snang brnyan ni/ /'jig rten kun gyi mig gi mdzes sdug
kun/ /gcig tu spungs pa'i rjes 'gro nye bar bskrun/ /de las
'ongs pa'i rnam dkar dge ba'i mthus/ /mi dbang btsun mo sras
dang bcas rnams kyi/ /sku tshe'i

rgyal mtshan srid mthar brtan pa dang/ /chab srid yar ngo'i zla
ltar 'phel gyur cig /nad gdon chom rkun dgra sogs zhi ba dang/
/rigs rgyud mnga' thang 'dod dgu rgyas pa dang/ /khams gsum
skye dgu longs spyod dbang

'du zhing/ /phas rgol 'joms la mthu dang ldan gyur cig /deng nas
bzung ste tshe rabs thams cad du/ /thub dbang gnas brtan rnams
kyis rjes bzung nas/ /gnas skabs mthar thug bzhed don ma lus pa/
/yid la

@048a @#/ /bsams pa ji bzhin 'grub par shog /ces pa 'di thon nas
sde pas thub dbang gnas bcu'i gos yol bzhengs pa'i rab gnas kyi
dus su/ shAkya'i dge slong blo bzang chos kyi rgyal mtshan

gyis dge bar sbyar ba'o// ! //oM swasti sidd+haM/ chos rnams kun
gyi gdod ma'i rang bzhin sgrib bral lhan cig skyes pa'i dngos/
/'ja' tshon ltar bkra'i longs spyod rdzogs gang dkyil 'khor bye
ba'i

bdag nyid mchog /sna tshogs sprul pa'i chu 'dzin 'bum 'khrigs
chos kyi sgra dbyangs sgrog pa can/ /zla med ston pa shAkya'i
gtso des deng 'dir shis pas skyong gyur cig /rkang 'thung mdzes
ma'i lang tsho la/ /bkra shis ri

mo'i rgyan bkod pa/ /phyogs las rnam par rgyal ba'i rtags/
/sngon med gsar du bsgrubs pa 'di/ /dregs ldan kun gyi zur phud
la/ /zhabs mthil nor bu'i lan tshar ni/ /cod pan gzhan bzhin ngal
'tsho ba'i/ /lha dang

bla ma'i tshogs la 'bul/ /de las 'ongs pa'i rnam dkar yan lag
bzhi'i/ /dpung tshogs phyogs kyi 'khor lo 'gengs pa des/ /phas
rgol bdud sde'i g.yul las rnam rgyal te/ /sku gsum gling bzhi'i
khyon la dbang

bsgyur shog /ces 'bras spungs spyi so'i dam phud 'bul ba'i tshigs
su bcad pa 'di lta bu zhig dgos ces nang so chos mdzad pas bskul
ba la brten nas/ dge slong blo bzang chos kyi rgyal mtshan gyis
gzims

@048b khang dga' ldan pho brang gi gzims chung nyi 'od 'khyil
bar thogs med du bgyis pa phyogs dus gnas skabs kun tu dge bar
gyur cig / ! //na mo pra dznyA pa ra mi tA ya/ gser 'od
'khrigs pa'i

mtshan dpe'i dpal 'bar zhing/ /yan lag drug cu'i dbyar skyes sgra
dbyangs can/ /mkhyen brtse'i chu 'dzin 'gro ba'i gdung sel ba/
/thub dbang lha yi lha la phyag 'tshal lo/ /mgon de'i dam chos
brgyad khri bzhi

stong gi /snying po'i mchog gyur shes rab pha rol phyin/ /rgya
bod mkhas grub kun gyis rab bsngags pa/ /legs bshad gter chen
rdo rje gcod pa yi/ /chos gter 'byin pa'i par gyi byed pa po/
/bslab gsum ldan pa'i

dge slong ri khrod pa/ /rgya mtsho rin chen zhes bya'i lhag bsam
dang/ /lag pa'i 'du byed mkhas pa'i mthar son pa/ /dpal 'byor
zhes pa'i sor mo'i rtse las 'khrungs/ /par 'di'i phyir du sgo
gsum re res kyang/ /rnam

dag mthun pa'i cha rkyen bsgrubs pa kun/ /rnam dag rgyal ba'i
go 'phang myur thob shog / ! //na mo gu ru manydzu g+ho ShA ya/
lhag bsam rnam dag gangs ri las 'ongs pa'i/ /bdag gi sgo gsum
dge

tshogs nyal 'gro'i rgyun/ /'gro kun rnam dkar dza hu'i bu mo
dang/ /lhan cig kun mkhyen rgya mtshor 'jug gyur cig /gnas skabs
'dir yang tshe dang bsod nams dang/ /'khor dang longs spyod
snyan pa'i grags pa dang/ /

@049a @#/ /nad med pa dang bde ba dam pa sogs/ /mtho ris 'byor
pa'i dpal gyis mdzes gyur cig /srid par spyod tshe ngan 'gro'i
lam spangs shing/ /rigs gzugs dbang phyug stobs dang shes rab
rgyas/ /tshe

rabs dran zhing rig pa'i gnas lnga shes/ /mkhyen brtse nus pa
phun sum tshogs gyur cig /khyad par deng nas tshe rabs thams cad
du/ /dal 'byor padmo bslab gsum sbrang rtsis bltams/ /lung rtogs
yon tan dri

bsung 'bum 'phro ba/ /lhar bcas 'gro ba'i nyer 'tshor bdag gyur
cig /sdug bsngal mun sel phan bde'i snang ba mchog /stsol
mdzad mar me mdzad dpal ye shes sogs/ /mtshan nyid ldan pa'i 
dge ba'i

bshes gnyen gyis/ /rtag tu 'bral med rjes su 'dzin gyur cig /de
tshe lus srog longs spyod mtha' dag gis/ /bshes gnyen dam pa tshul
bzhin bsten pa'i mthus/ /lha chos rin chen bdun dang ldan pa yi/
/chos

kyi 'khor lo bsgyur bar bdag gyur cig /mdor na bdag cag bsam
pa'i dpag bsam shing/ /re ba'i 'bras bus kun nas mdzes pa la/
/bar gcod mtshan ma 'ga' yang mi 'byung zhing/ /mthun rkyen ma
lus bde blag

grub gyur cig /ces smon pa'i tshigs su bcad pa 'di ni/ bkra shis
sdings nas nang so dar rgyas pa'i gsung gis bskul ba la brten
nas/ btsun pa blo bzang chos kyi rgyal mtshan gyis/ chos grwa
chen po bkra shis lhun

@049b po'i gzims khang rgyal mtshan mthon por sbyar ba'o// !
//bdag dang gzhan gyi rnam dkar dge ba'i tshogs/ /ji snyed bsags
pa de yi mthu nus kyis/ /mi khom gnas su nam yang mi skye zhing/
/rtag

tu dam chos sgrub pa'i rten thob shog /dngos grub 'byung gnas
theg mchog dge ba'i bshes/ /mtshan nyid ldan pas 'bral med rjes
bzung ste/ /zas gtsang sras kyi mdo sngags dam chos kun/ /rgyal
ba'i dgongs pa ji

bzhin 'dzin par shog /de tshe sa lam rim pa mthar son nas/ /
/thams cad gzigs pa'i go 'phang mchog thob ste/ /nam mkha'
mnyam pa'i 'gro ba sgrol ba la/ /ma pham 'jam pa'i dbyangs 
dang mtshungs par shog /dag

'dis deng nas tshe rabs thams cad du/ /chos ldan bsam pa'i don
kun 'grub pa dang/ /legs tshogs 'byung gnas dge ba'i bshes gnyen
gyis/ /rjes bzung mnyes pa kho na sgrub gyur cig /de yi mthu las
mdo rgyud kun shes

shing/ /byang chub sems mchog yang dag lta ba dang/ /rim gnyis
lam gyi nyams len mthar phyin nas/ /sku gsum go 'phang myur du
thob gyur cig /ces btsun pa blo bzang chos kyi rgyal mtshan gyis
smras pa'o// ! //

gang gi mkhyen pa'i ye shes skad cig gis/ /rab 'byams shes bya'i
'khor lo ma lus pa/ /yongs su brgal ba mkhyen pa'i gter chen
zhes/ /rab 'byams rgyal bas bsngags pa 'jam pa'i dbyangs/ /de
nyid thugs

@050a @#/ /rje'i mkha' dbyings mdzes pa la/ /blo bzang ngur smrig
dbyar skyes 'dzin pa'i phreng/ /grags pa nam mkha'i rnga chen
sgrog pa can/ /'gro ba'i gdung sel dam pa rgyal gyur cig /chos
rnams kun gyi rang bzhin

gdod ma'i gshis/ /dbyer med brjod bral lan cig skyes pa'i dngos/
/sna tshogs sgyu 'phrul dra ba'i zlos gar mkhan/ /dpal chen rdo
rje 'jigs byed gtsug na mos/ /lha dang bcas pa'i rgyal srid
yongs rdzogs la/ /

chos kyi sgo mo brgyad khri bzhi stong gi /rab 'byams 'khor los
bsgyur la zla med pa'i/ /chos kyi rgyal po lha dang bla ma la/
/mdzes ldan dbang gi mdangs ldan rkang 'thung ni/ /ma la ya
skyes las 'ongs padmo'i tshal/ /

rig byed mthar son lag pa'i 'du byed kyis/ /bzi 'od stong gi dra
bas gsal byas pa/ /gser gyi 'khor los bsgyur rgyal la 'os pa'i/
/ri ro rnam bkra'i rtags mtshan 'di phul bas/ /dpal ldan ngag gi
dbang

phyug phyogs kun las/ /rnam rgyal yan lag bzhi pa'i dpung tshogs
kyis/ /ma lus 'dzin ma'i khyon la dbang bsgyur ba'i/ /'khor los
bsgyur ba'i mchog tu legs gyur nas/ /tshe ring nad med bzhed don
'grub

pa dang/ /rnam kun mkhyen pa'i dbang por 'gyur bar shog /ces pa
'di 'bras spungs spyi so'i dam phud phul ba'i tshigs bcad do// !
//swasti/ 'dis mtshon dus gsum rnam dkar dge ba'i

@050b mthus/ /bdag dang mkha' mnyam 'gro ba ma lus pa/ /grub
pa'i gnas mchog shamb+ha lar skyes nas/ /rigs ldan sras kyi thu
bo nyid gyur cig /de yi mthu las mngon shes rdzu 'phrul dang/
/gzungs spobs ting 'dzin rdo

rje'i theg pa yi/ /sa lam yon tan rgya mtsho'i mthar phyin nas/
/sku gsum go 'phang myur du thob par shog /de nas gang 'tsham
sprul pa bye ba brgyas/ /yang yang drin gyis bskyangs pa'i 'gro
ba rnams/ /'khor ba'i rgya

mtsho che las sgrol ba la/ /kun bzang 'jam pa'i dbyangs dang
mtshungs par shog /ces chos rje snying po rnam rgyal gyi thugs
dam srel ba'i phyir/ dge slong blo bzang chos kyi rgyal mtshan
gyis 'phral du sbyar

ba'o// ! //bdag gis dus gsum bsags pa'i dge ba'i mthus/ /'di
snang 'gags tshe shamb+ha lar skyes nas/ /rigs ldan chos kyi rgyal
pos rjes bzung ste/ /thams cad gzigs pa'i go 'phang

myur thob shog / ! //bslu med bla ma yi dam mchog gsum la/
/byang chub snying po'i bar du skyabs su mchi/ /'di phyi bar
do'i 'jigs las sgrol ba dang/ /mchog dang thun mong dngos grub
ma lus stsol/ /tshe rabs

kun tu bla ma dkon mchog dang/ /skad cig tsam yang 'bral ba
med pa dang/ /rgyal ba'i dam chos mi lus kun bzung ste/ /thams 
cad gzigs pa'i go 'phang myur thob shog /ces pa 'di yang/ bstan 
pa'i sbyin bdag 

@051a @#/ /rgyal po padma ba dur tha'i ji yab yum la
gdams pa'o/ /bslu med bla ma yi dam mchog gsum la/ /gus pas 
phyag 'tshal mchod bstod skyabs su mchi/ /'di phyi bar do'i 'jigs 
pa las

bsgral te/ /mchog dang thun mong dngos grub ma lus stsol/
/zhes pa 'di bsam blo dge slong gi kha ton du bkod pa'o// ! //'di
snang 'gags tshe lha dang bla ma yi/ /bar do'i 'jigs skrag ngan
'gro'i sdug

bsngal las/ /thugs rje chen po'i lcags kyus legs bzung ste/ /bde
chen thar pa'i lam du drang du gsol/ /zhes pa 'di pa dar go shri
la gnang ba'o// ! //oM bde legs su gyur cig /sngon tshe

yon tan brgyad ldan dus bzang por/ /lha mi'i ston mchog
shAkya'i rgyal po des/ /oM Di ya na'i gzhal med khang bzang
dbus/ /rin chen lta bu'i phun tshogs 'khor rnams la/ /ngo mtshar
chos kyi 'khor lo

bskor 'dra ba'i/ /phun sum tshogs pa lnga yi dga' ston la/ /bdag
sogs mtha' yas mar gyur 'gro ba rnams/ /tshe rabs kun tu 'bral
med spyod gyur cig /deng nas ser sna med par longs spyod dang/
/chos bzhin

bsgrubs pas dam pa mnyes byed cing/ /srid dang zhi ba'i legs
tshogs mtha' dag la/ /dbang 'byor sku gsum go 'phang thob gyur
cig /ces pa 'di yang/ dad stobs mkhyen rab rmad du byung ba sde
pa lha bzang

@051b pas/ /bkra shis lhun por cho 'phrul smon lam dus bla ma
dang 'dus pa rgya mtsho la/ bsnyen bkur bla na med pa mdzad
cing/ smon pa lhan cig mdzad dus/ dge ba'i thugs 'dun rmad du 
byung ba yi ger bkod pa tshigs bcad

du bsdebs dgos gsungs byung ba ltar/ btsun pa blo bzang chos
kyi rgyal mtshan gyis pho brang rin chen rtser bris pa'o// !
//swasti/ deng nas bzung ste tshe rabs thams cad du/ /rje btsun
bla mas 'bral

med rjes bzung ste/ /sa dang lam gyi yon tan mthar phyin nas/
/sku gsum go 'phang myur du thob par shog /gnas skabs 'dir yang
dam chos bsgrub pa yi/ /'gal rkyen zhi zhing mthun rkyen kun
tshang nas/ /'du

'dzis dben pa'i gnas su mdo sngags kyi/ /sgrub pa'i rgyal mtshan
'dzin pa'i mchog gyur cig /ces pa mkhan chen blo bzang bstan
'phel la gnang ba'o// ! //swasti/ dal 'byor rnyed dka'

myur du 'jig 'gyur bas/ /don med tshe 'di'i bya bas mi g.yeng
bar/ /sngon byon dam pa rnams kyi rnam thar bzhin/ /nyin mtshan
kun tu sgo gsum dge la sbyor/ zhes 'jag pa chos rje la gnang
ba'o// ! //

na mo gu ru/ rdo rje 'chang dbang blo bzang grags pa'i dpal/
/bka' drin mnyam med rtsa ba'i bla ma ste/ /dbyer med zhabs kyi
padmor phyag bgyis te/ /byang chub snying po'i bar du skyabs su
mchi/ /mchod tshogs kun

@052a @#/ /'bul sdig ltung ma lus bshags/ /dge la yi rang chos
'khor bskor ba dang/ /bskal brgyar bzhugs gsol dus gsum dge ba'i
tshogs/ /bla med byang chub dam pa thob phyir bsngo/ /

mtha' 'khob rmongs pa'i mun sel bde legs kyi/ /snang ba mchog
stsol rgyal ba gnyis pa yi/ /bstan pa'i sgron me sbor zhing
rgyas byed pa'i/ /'gal rkyen zhi zhing mthun rkyen kun 'grub
shog /bdag kyang deng nas

tshe rabs thams cad du/ /bshes gnyen dam pas 'bral med rjes bzung
ste/ /mdo sngags yon tan rgya mtsho'i mthar phyin nas/ /stobs bcu
mnga' ba'i go 'phang myur thob shog /ces pa mon pa chos rje la
gnang

ba'o// ! //na mo gu ru mu ni indrA ya/ dus gsum bde gshegs
thugs rje rnams/ /snyigs dus 'gro rnams don gyi phyir/ /bcu
gnyis mdzad pas rnam rol ba'i/ /shAkya'i gtso bo la phyag
'tshal/ /

mgon de'i sku yi snang brnyan ni/ /mig gi bdud rtsir spungs 'dra
'di/ /byang phyogs skye dgu'i 'dren pa mchog /chos rje 'jam
dbyangs shes rab kyis/ /drin can pha ma la sogs pa'i/ /bltos
bcas 'gro ba'i

don gyi phyir/ /bzhengs nas rje btsun bla mar phul/ /de yi dge
ba ston zla ltar/ /mchog tu dkar ba gang thob des/ /tshe rabs kun
tu mtshan ldan gyi/ /bshes gnyen dam pas rjes bzung ste/ /nam
zhig bla ma

@052b mchog 'di nyid/ /mngon par rdzogs par sangs rgyas pa'i/
/'khor gyi thog mar 'gyur phyir bsngo/ /gnas skabs su yang chos
ldan gyi/ /bsam don yid bzhin 'grub pa dang/ /bstan dang 'gro
ba'i don rnams kun/

bsgrub la 'jam pa'i dbyangs mtshungs shog /'di yis dge bas chos
rje 'jam dbyangs shes rab kyis thog drangs/ sems can thams cad
tshe 'di'i snang ba nub ma thag tu rgyal sras brgyad kyis lam sna
drangs te/

bde ba can gyi zhing du thogs pa med par skye bar gyur cig
/skyes ma thag tu mgon po 'od dpag med pa'i zhal mthong gdams
ngag thob nas sa dang lam gyi yon tan khyad par can mngon
du byas nas mar gyur sems

can thams cad kyang smin grol gyi lam la 'god nus par gyur cig
/bdag gis dus gsum bsags pa'i dge ba'i mthus/ tshe 'di'i snang ba
'gags par phyogs pa na/ /gnad gcod sdug bsngal tshor ba mi
'byung

zhing/ /lha dang bla ma'i bsu bas 'dren par shog /bde gshegs
sprul pa'i pho nyas lam drangs te/ /zhing mchog bde ba can du
rin po che'i/ /padmo'i dbus su rdzus te skyes nas kyang/ /'od
dpag med pa'i zhal bzang

mthong bar shog /de tshe mgon po 'od dpag med pa yi/ /gsung gi
bdud rtsi ngoms med 'thungs ba las/ /lung rtogs yon tan rgya
mtsho'i mthar son nas/ /sku gsum go 'phang myur du thob par
shog /gnas

@053a @#/ /skabs 'dir yang dam chos sgrub pa yi/ /'gal rkyen bar
chad thams cad zhi ba dang/ /tshe dang bsod nams dpal 'byor dam
pa'i chos/ /tshul bzhin sgrub pa'i rkyen rnams tshang bar shog /

ces pa'ang 'jam dbyangs shes rab la gnang ba'o// ! //bla ma lha
la 'khar ba phul ba yi/ /dge bas mtho ris bde 'gro'i 'khar ba
la/ /brten nas skyon bral yon tan kun gyi gter/ /

rdzogs pa'i sangs rgyas go 'phang myur thob shog /ces pa 'phags
pa'i gnas brtan yan lag 'byung gi phyag 'khar phul ba'i tshe
gnang ba'o// ! //rje btsun sku 'di bzhengs pa'i dge ba'i

mthus/ /chos rje 'jam dbyangs shes rab 'khor bcas rnams/ /byams
mgon 'dzam bu'i gling du sangs rgyas tshe/ /'khor gyi thog ma
nyid du 'gyur bar shog / ! //swasti/ blo bzang rgyal ba gnyis
pa'i 'phrin

las kyis/ /skal bzang 'gro la bde legs stsol mdzad pa'i/ /mchog
gsum 'dus sku ngur smrig 'dzin pa'i gtso/ /dpal ldan bla ma'i
zhabs la gsol ba 'debs// ! //sde pa rin chen rtse pas bka' 'gyur
bzhengs pa'i

smon lam du gnang ba/ /swasti/ ston pa'i gsung rab yid bzhin nor
bu la/ /bkur sti bgyis pa'i rnam dkar phung po'i mthus/ /lha
bzang gis mtshon 'gro ba ma lus pa/ /thams cad gzigs

@053b ba'i go 'phang myur thob shog / ! //oM bde legs su gyur
cig /btso ma'i gser sbyangs lhun por brtsegs pa'i ngos/ /sprin
bral rgyu skar phreng bas mdzes pa lta'i/ /mtshan dpe'i 'od 'bar
shAkya'i rgyal

po yis/ /phyogs 'dir phun tshogs 'dod dgu'i bkra shis stsol/ /de
yis gang 'dul gdul bya'i tshogs rnams la/ /bka' stsal legs bshad
byang phyogs 'gyur ro cog /sri zhur bgyis las phan bde nam
mkha'i mdzod/

'byung bar dgongs nas lhag bsam rnam dag gis/ /dge bsnyen lha
bzang zhes pa'i dad can gyis/ /dI paM ka ras lung bstan srad
kyi gzhung/ /slob dpon chen po'i gnas ri rin chen rtser/ /indra
nI la'i mdangs 'phrog shog bu'i

ngos/ /rin chen gser dngul las grub legs par bzhengs/ /de las
'ongs pa'i rnam dkar dge ba'i mthus/ /rgyal ba gnyis pa blo
bzang grags pa dang/ /dbyer med rtsa ba'i bla mas rjes bzung
nas/ /mnyes pa sgrub cing

gsung gi bdud rtsi'i bcud/ /'thungs bas yon tan rgya mtsho'i
mthar phyin shog /dus mtha' 'dir yang phan bde 'byung ba'i gnas/
/rgyal ba'i bsngan pa spyi dang khyad par du/ /thams cad mkhyen
pa rje btsun tsong kha

pa'i/ /bstan 'dzin ganggA'i klung gi bye snyed kyis/ /phyogs
dus kun tu dar rgyas spel gyur cig /nor bu chos 'khor dgon gnas
'di nyid du'ang/ khrims ldan ngur smrig 'dzin pas yongs gang
zhing/ /mdo rgyud bshad sgrub

@054a @#/ /yar ngo'i zla ba ltar/ /'phel zhing srid mtha'i bar du
gnas par shog /rgyal ba'i bka' 'gyur bzhengs la sgo gsum gyis/
/mthun rkyen sgrub cing yi rang byed pas mtshon/ /mkha'

mnyams mar gyur sems can thams cad kyang/ /gnas skabs mthar
thug don kun 'grub par shog /mdor na tshul 'dir 'bad cing brtson 
pa rnams/ /dam pa'i mgon gyis 'bral med rjes 'dzin cing/ /lung

rtogs dam chos ma lus legs bzung ste/ /zung 'jug rdo rje 'chang
dbang myur thob shog /tshul de sgrub la stobs ldan phyag drug
pa/ /chos kyi rgyal po 'dod khams gtso mo sogs/ /mthu ldan rnams
kyis g.yel

med grogs mdzad nas/ /'dod dgu'i 'phrin las char gyis tshim par
mdzod/ /bcom ldan zas gtsang sras po mar me mdzad/ /thub
dbang gnyis pa rgyal ba tsong kha pa/ /mchog gsum bslu ba 
med pa'i byin rlabs

kyis/ /bkra shis rgya mtshos phyogs kun gang bar shog / ! //oM
bde legs su gyur cig /dus gsum bde gshegs kun gyi mthu stobs ni/
/'jigs rung srin po khros pa'i skur bstan

nas/ /bdud dang dgra sde'i tshogs rnams 'joms mdzad pa'i/ /'jigs
byed chen po'i sku la phyag 'tshal lo/ /mi bzad hUM dang phaT
kyi sgra dbyangs kyis/ /dgra bgegs 'byung po'i klad pa 'dral
byed cing/ /skal ldan

@054b rna bar bdud rtsi'i char 'bebs pa'i/ /khro rgyal dbang
po'i gsung la phyag 'tshal lo/ /chos dbyings bde ba chen po'i lha
lam du/ /mkhyen dang brtse ba'i chu 'dzin 'bum 'khrigs nas/
/'phrin las drag po'i rdo rje'i me char gyis/ /

bstan dgra'i brag ri 'joms mdzad la 'dud kyis/ /bar chad bdud
sde'i g.yul ngo pham byas te/ /bkra shis dge mtshan yar ngo'i
zla ba ltar/ /'phel zhing phyogs las rnam par rgyal ba yi/
/mchog dang mthun mongs dngos

grub char du phob// ! //na mo gu ru badzra b+hai ra wA ya/ 'jam
dpal gshin rje'i gshed kyi bka' sdod/ srid gsum skye 'gro yongs
kyi srog bdag /yi dwags kun gyi sde dpon/ ma mo kun gyi

tshogs rje/ snang zhing srid pa'i sde brgyad rnams la dbang
bsgyur zhing bran du 'khol ba/ dge sdig gi shan phye ste/ sdig
can chad pas gcod cing/ dge ba'i las can gzengs bstod pa'i chos
kyi rgyal po chen po/ mthu dang stobs

kyi bdag po/ sangs rgyas bstan pa'i srog shing/ dam can gshin
rje chos kyi rgyal po/ yum mchog tsA muNDI/ ya ba ti la sogs
pa'i pho brgyad/ pho nya mo la sogs pa'i mo brgyad/ bka' nyan
srid pa gsum gyi 'byung po'i

tshogs dang bar snang nam mkha'i khyon gang ba khyed rnams
kyis/ rigs thams cad kyi khyab bdag /dkyil 'khor kun gyi gtso bo/
khams gsum po thams cad 'bar nus pa/ 'jig rten dang 'jig rten
las 'das pa'i lha

@055a @#/ /thams cad la sdigs mdzub byed cing/ 'jigs pa thams cad
'jigs par mdzad pa'i dpal rdo rje 'jigs byed chen po/ ye shes
kyi mkha' 'gro ma/ grub pa'i dbang phyug chen po lA li ta
badzra/ a

mo g+ha badzra/ ye shes 'byung gnas sbas pa/ padma badzra/ dI
paM ka ra rak+Shi ta/ rwa lo tstsha ba rdo rje grags/ rwa chos
rab/ rwa ye shes seng ge /rwa 'bum seng/ rje btsun rgwa lo/ rong
pa shes rab seng ge /bla ma rdo rje rgyal mtshan/ chos

kyi rgyal po bu ston rin chen grub/ thugs sras lo tsA ba rin
chen rnam rgyal/ khams gsum chos kyi rgyal po rgyal ba tsong
kha pa chen po/ slar yang/ rong pa shes rab seng ge /bla ma ye shes
dpal ba/ chos rje don grub rin

chen/ chos kyi rgyal po tsong kha pa chen po/ thams cad
mkhyen pa dge legs dpal bzang/ paN chen chos kyi rgyal mtshan/ 
rje btsun chos kyi rdo rje/ rgyal ba blo bzang don grub/ 'jam dpal 
gshin rje'i gshed kyi bdag

nyid/ mkhas shing grub pa'i dbang phyug rtsa ba'i bla ma sangs
rgyas ye shes zhabs rnams kyis bka' bsgos/ 'phrin las gnyer du
gtad/ rang gis khas blangs pa las ma 'da' bar/ sangs rgyas kyi
bstan pa srungs

shig /spel zhig /dar zhing rgyas par mdzod/ dkon mchog gi dbu
'phangs bstod/ dge 'dun gyi sde skyongs/ chos mi nub pa'i rgyal
mtshan tshugs/ sems can thams cad phan pa dang bde ba'i lam la
'god par

@055b mdzod/ khyad par/ chos grwa chen po zha lu sde dang bcas
pa dang/ rgyal ba gnyis pa bu ston rin chen grub kyi bstan pa/
de'i snying po/ khams gsum chos kyi rgyal po rgyal ba tsong kha
pa chen po'i bstan pa bstan 'dzin dang bcas

pa rnams/ khyed la gnyer du gtad pa yin pas/ /nyin gsum gyi bya
ra/ mtshan gsum gyi mel tshe'i sgo nas/ rtag tu bsrung ba dang/
bskyab pa dang/ grogs dang dpung gnyen yang dag pa mdzod/
mdor na bdag cag

dpon slob yon mchod 'khor dang bcas pa rnams/ thams cad
mkhyen pa bsgrub pa la gegs byed pa'i nad rims gdon bgegs/ 'byung 
po'i 'tshe ba rnams dang/ 'byung ba dang 'byung gyur gyi gnod pa 
sogs phyi nang

gi nyer 'tshe bar gcod bkra mi shis pa thams cad nye bar zhi bar
mdzod/ tshe dang bsod nams/ dpal dang 'byor pa/ bslab pa gsum gyi
nyams len/ sde snod gsum gyi 'chad rtsod/ thos bsam sgom gsum
gyi sgo nas/ byams

snying rje byang chub kyi sems/ srid pa'i rtsa ba drungs nas
'byin pa'i phyag rgya chen po bdag med rtogs pa'i shes rab/ rim
gnyis zung du 'brel ba'i lam rnam par dag pa gong nas gong du
'phel zhing rgyas par mdzod/ khams

gsum gyi lha klu gnod sbyin la sogs pa'i cha dgus mtshon pa'i
'gro ba thams cad dbang du bsdus nas bla na med pa'i lam la
'god par mdzod/ gal te zhi bas gdul bar ma 'tshal ba'i dgra bgegs
'byung po ma rungs pa

@056a @#/ /thams cad dang/ khyad par khams gsum gyi sems can
thams cad/ spyir 'khor ba dang/ khyad par ngan 'gro 'jigs su
rung bar rang dbang med par 'dren par byed pa/ nga dang nga
yir 'dzin pa'i

bdag 'dzin bag chags dang bcas pa sogs/ phyi nang gsang ba'i
dgra bgegs thams cad thal ba'i rdul phran bzhin du brlag par
mdzod/ de ltar rdo rje 'dzin pas ji ltar bsgo ba'i 'phrin las
rnam bzhi'i las

thams cad thogs pa med par sgrubs shig /oM hrIH ShTrIH bI
kr-i tA na na hUM phaT/ kA la rU pa ya ma rA dzA sa pa ri
wA ra badzra sa ma ya tiShTha/ zhes pa 'di yang dpal zha lu'i
chos grwa chen por/ ma he mchod pa'i dus su/

chos kyi rgyal po yab yum gyi zhal 'bag byin rlabs che zhing
shin tu gnyan pa la bka' bsgo dam bzhag byas pa'i tshe/ zhal 'bag
gnyis kyi dbu thog tu rdo rje bzhag ste/ rang gi blo nas gang
thon byas pa de nyid/

chos grwa chen po dpal zha lu ri mthil gyi bstan pa'i srog
shing/ rin po che chos kyi rje rin chen bsod nams mchog grub
kyis yi ger 'god dgos ces nan gyis bskul ba la brten nas/ gshin
rje'i gshed

kyi rnal 'byor pa blo bzang chos kyi rgyal mtshan gyis/ dpal zha
lu'i bla brang du bris pa'i yi ge pa ni/ dge tshul rnam dpyod
dang ldan pa blo bzang dbang rgyal lo// ! (//swasti/ skyabs 'gro
sems bskyed

@056b tshad med bzhi rnam par dag pa sngon du btang ba'i) bla
ma'i rnal 'byor (yan lag bdun pa snying khong rus pa'i dkyil nas
gsol ba 'debs pa byas te/ dal 'byor don che rnyed dka'/ 'chi ba
mi rtag pa/ las dang 'bras bu'i tshul 'khor ba mtha' dag me 'bar
ba'i khrod

ltar mthong ba'i) nges 'byung (dang rgyu 'bras bdun gyi sgo nas)
byang chub kyi sems/ shugs drag rgyun ring legs par bsgoms pa'i
mthar/ rang sems ma bcos reg cing gsal ba'i (ngang la dran shes
kyi rgya dang ma bral bar rtse gcig tu mnyam par

'jog pa ni zhi gnas bsgrub tshul dang/ de'i ngang nas sgom pa po
rang nyid gang la yang ltos med du grub grub pa zhig tu 'char
ba'i don de rang gi phung po lnga'am lus sems) gnyis kyi phyi
nang gang du bden pas stong pa yi/ gnas tshul nges pa (de lta ba
nges pa yin pas)

ma brjed dran pas bskyangs te/ dran pa mnyams (par 'jog /de ltar
bzhag pas g.yengs na/) shes bzhin lcags kyus 'debs/ (shing rjes
thob sgyu ma lta bu'i rnal 'byor la brtson par byed/ mdor na
dmigs pa ci sbyong yang bsgom bya'i grangs dang go rim dang
ngo

bo legs par nges par byas nas khong grims) sbyong ba lhod
chags (pa rgyun thang lhod med par bsring ba'i) rnal 'byor gyis/ 
/rnam par dag (pa'i ting nge 'dzin) myur du 'grub par 'gyur (ba yin
no/ /zhes pa 'di yang dka' chen rgyal chab pa brtson 'grus rgyal

mtshan la gdams pa'o// ! //na mo gu ru manydzu g+ho ShA ya/ bslu
med lam ston drin can bla ma dang/ /dbyer med thub pa'i dbang
po thugs rje can/ /snyigs ma lngas gdungs rab rmongs 'gro

@057a @#/ /rnams la/ /thugs rje'i spyan gyis gzigs la mchog stsol
mdzod/ /sar gnas 'phags pa'i mtshan bzung tha mal ltar/ /bslabs
kyang 'phags min mkhas par mi dgongs pa'i/ /dus

ngan thams cad mkhyen pa'i tshogs mthong tshe/ /kun mkhyen go
'phang thob kyang ci bya snyam/ /bzang po'i mtshan ngom de yi
mdzad pa rnams/ /sbas pa'i zol gyis 'bring ba'i tshogs mthong
tshe/ /sngon gyi dam pa mkhas shing

grub pa yis/ /mdzad pa mngon par bstan rnams 'khrul pa snyam/
/dkar nag phyogs ris gya gyu'i rnam thar can/ /khros tshe rgyal
ngan ji bzhin dang ldan rnams/ /sun 'byin chad pas gcod pa 'di
mthong na/ /mtho ris

thar pa'i yar 'dren ci 'dra rang/ /'phags pa dgyes pa'i tshul
khrims nor thob kyang/ /yal bar dor nas zang zing nor bsgrubs
te/ /mchod sbyin tshul la brtson pa'i tshogs mthong tshe/ /rgyal
bas dman cha gsungs

pa'ang nor ram snyam/ /grong 'dabs dang 'brel dgon pa sna
tshogs su/ /bkod pas mdzes pa'i khri stan la 'dug ste/ /ma jo'i nye
gnas can de'ang rnam grol gyi/ /srog ldan ci zhig tshul khrims
nor la soms/ /

skra bregs lus bsgyur chos sgor zhugs rloms kyang/ /kun slong
dug chus yid myos dge 'dun gyi/ /sder bcas dam chos spong ba 'di
mthong na/ /bstan pa'i sgo ru zhugs kyang don re chung/ /phan
bde'i 'byung

@057b gnas bstan dang bstan 'dzin ces/ /bsngags kyang bstan
'dzin phal cher chags sdang gis/ /skye dgu'i phan bde 'joms pa
'di mthong na/ /sangs rgyas bstan pa'ang sdug bsngal 'byung ba'i
sgo/ /btsan po'i srog

mkhar brtsigs kyang thang la 'chi/ /'phral gyi gnyen yang phugs
kyi dgra ru ldang/ /bslus dogs bu la'ang dgos pa mthong ba'i
tshe/ /phung byed mkhar rdzong brtsigs pa'ang ngal ba'i rgyu/
/nang gi zhe sdang dgra bo ma thul

na/ /phyi rol dgra bo bcom kyang gzhom mi lang/ /dgra bo btul
bas 'dzad med 'di mthong na/ /gnyis phung dmag khyer byed
pa'ang ha cang 'khrul/ /ser snas bsags pa'i zas nor hor 'dras 'phrogs/
/gdugs

mtshan res 'jog med par khral gyis mnar/ /mtha' mjug sprang
'khyams byed pa 'di mthong na/ /deng dus sa zhing 'dzin pa col
re chung/ /gcig sems gcig la song bas lhan cig 'dus/ /gcig skyon

gcig gis mthong bas bza' 'thab sprod/ /'phral sdug phugs su
'bral ba 'di mthong na/ /bza' med khyim thab byed rnams smyo ba
dngos/ /zas skom khas blud mi gtsang lag pas phyis/ /sdig sdug
gtam ngan

khyad bsad gsos pa'i bus/ /drin can pha mar rgol ba 'di mthong
na/ /las ngan bu la'ang chags pa ci la rigs/ /dpon de byams na
bka' bsgrubs dmyal bar 'gro/ gal te sdang na tshe 'di sdug la
sbyor/ /ji

@058a @#/ /ltar byas kyang phung ba 'di mthong na/ /mi ngan dpon
du bsten pa'ang brlag pa'i rgyu/ /drin gyis phar bskyangs yus
chen tshur la 'dren/ /chog par byin kyang mi tshims thob tshad
brku/ /khrel med ngo log

byed pa 'di mthong na/ /mi ngan g.yog gi ming can khrel ba'i
gzhi/ /sems can mgu bya ma gtogs rgyal ba rnams/ /mnyes thabs
med kyang deng dus mchod sbyin phyir/ /skye 'gro khral gyis
mnar ba 'di mthong na/ /'tshe ba chos su

smra la'ang skyon ci zhig /dus mtha'i skye bo kun gyi spyod tshul
rnams/ /ston pa'i gsung rab nor bu'i me long ngos/ /gsal bar
shar ba'i gnas tshul cung zad tsam/ /blo bzang chos kyi rgyal
mtshan zhes byas bkod/ /dge bas

mtha' yas 'gro ba ma lus pa/ /skyon bral sdom pa gsum gyis rgyud
bsdams shing/ /rtag tu thub pa'i rnam thar legs bzung ste/ /sku
gsum go 'phang lhun gyis grub gyur cig /bdag kyang tshe rabs
kun tu 'gro rnams kyi/ /

spyod ngan skyon gyi tshogs la mi rtog par/ /dag snang byams
brtse'i 'od kyis khyab byas te/ /rnam mkhyen dga' ba'i tshal du
myur 'jug shog /ces pa 'di yang shAkya'i dge slong blo bzang
chos kyi rgyal mtshan gyis bgyis pa'o// ! //oM

swasti/ phan bde'i 'byung gnas rgyal bstan yongs 'du'i ljon/
/rab rgyas 'gro kun thar mchog 'bras bzang la/ /spyod phyir bkra
shis lhun grub chos grwa cher/ /chos sbyin 'dzad med dal 'gro'i
rgyun 'di spel/ /sarba dza ga taM// //