@#/ /paN chen blo bzang chos kyi rgyal mtshan gyi gsung thor bu
'ga' bzhugs so/ /

@001a @##/ /na mo gu ru manydzu g+hoShA ya/ chos dbyings dang las
mdun gyi nam mkha'i dbus/ /rgyal ba'i yab gcig rje btsun 'jam
pa'i dbyangs/ /g.yas phyogs

thub dbang gnyis pa tsong kha pa/ /g.yon phyogs drin can rtsa
ba'i bla ma bzhugs/ /mtha' skor rtsa brgyud bla ma yi dam lha/
/sangs rgyas byang sems dpa' bo mkha' 'gro'i

tshogs/ /bstan bsrung rgya mtshos bskor nas bzhugs pa yis/ /ye
shes pa rnams spyan drangs dbyer med gyur/ /dus gsum rgyal ba'i
yab gcig 'jam pa'i dbyangs/ /

snyigs dus zas gtsang sras po blo bzang grags/ /bka' drin mnyam
med rtsa ba'i bla ma ste/ /'khor dang bcas la sgo gsum gus phyag
'tshal/ /mchod tshogs kun

@002a @#/ /'bul sdig ltung ma lus bshags/ /dge la yi rang chos
'khor bskor mdzad cing/ /nam mkha' ji srid brten par bzhugs pa
dang/ /dge tshogs ma lus

bla med byang chub bsngo/ /dus gsum rnam 'dren kun gyi thugs rje
dang/ /mkhyen rab ma lus gcig tu bsdus pa la/ /'jam pa'i dbyangs
dang rgyal ba blo bzang grags/ /rtsa ba'i bla

zhes byar mtshan gsol pa'i/ /skyabs kyi dam par byang chub snying
po'i bar/ /snying nas skyabs mchi gus pas gsol 'debs na/ /ngan
song 'khor ba'i 'jigs pa las bsgral te/ /

mchog dang thun mong dngos grub ma lus stsol/ /dal 'byor rnyed
dka' myur du 'jig pa dang/ /'jigs rung ngan 'gro'i g.yang sa
dran gyur nas/ /bslu med dkon mchog gsum la

skyabs 'gro zhing/ /sdig spong dge tshogs sgrub par byin gyis
rlobs/ /'khor pa'i phun tshogs me 'o bas ltar mthong zhing/ /nges
'byung tshul khrims byang chub sems mchog dang/ /

@002b yang dag lta dang rim gnyis zab mo'i lam/ /myur du rgyud
la skye bar byin gyis rlobs/ /mdor na skye zhing skye ba thams
cad du/ /skyabs mchog dam pa gsum gyis 'bral med du/ /dgyes
shing rjes su

bzung ba'i byin rlabs kyis/ /ma rnams don du sangs rgyas myur
thob shog /ces pa 'di yang dge slong blo bzang rnam rgyal gyi
kha ton du/ shAkya'i dge slong blo bzang chos kyi rgyal mtshan
gyis smas

pa'o// ! //swa sti/ blo gros padmo yon tan sbrang rtsis bltams/
/grags pa'i me tog phyogs kun rna pa mdzes/ /sangs rgyas las
kyang rnam par sangs rgyas pa'i/ /rje btsun bla

ma brtse ba'i spyan gyis gzigs/ /thog med dus nas las ngan bsags
pa'i mthus/ /ngan song gsum sogs 'jigs rung skyi g.ya' ba'i/
/mi khom gnas su sngon chad gtan yul byas/ /

khyod kyi thugs rje'i gzhan dbang kho na las/ /da res rnyed
dka'i rten bzang thob na yang/ /tshe 'di'i 'dod chen gdon gyis
snying zin pas/ /'di nang 'khri ba chod pa'i brtson 'grus kyis/
/nyin mtshan chos

kyis 'da' ba dka' mod na'ang/ /rtag 'dzin tshe 'di'i 'dun ma'i
grabs bshom gyis/ /las ngan mi dge'i bya bas dus 'da' ba/ /mig
can g.yang la mchong ba lta bu yi/ /khrel med smyon pa bdag la

@003a @#/ /thugs rjes gzigs/ /khyed kyi gsung gi gces pa'i mdzod
rnams la/ /thos bsam sgom pa tshul bzhin bsgrub sems kyang/ /lag
len thog tu khel bar mi gda' bas/ /mgon po

thugs rje'i lcags kyus skad cig la/ /mi pham chos kyi mdun sar
drang du gsol/ /de tshe lung dang rtogs pa'i dam chos kun/ /rgyud
la mngon du byas nas 'gro ba kun/ /rgyal ba'i go 'phang mchog la
'god par

shog /ces shAkya'i dge slong blo bzang chos kyi rgyal mtshan
gyis thogs med du smras pa'o// ! //na mo gu ru manydzu g+ho ShA
ya/ rgyal ba'i mkhyen brtse yon tan rin chen kun/ /gcig tu grub

pa rtsa ba'i bla ma dang/ /dbyer med rnal 'byor nam mkha' la
btud nas/ /de yi sgrub thabs ngag 'don rim pa bri/ /dpal gdan
bzhi'i sgrub thabs mi brjed par dran byed ces bya ba bu ston
thams cad mkhyen pas

mdzad pa ji ltar bya ba'i dmigs rim/ phyag rgya 'ching tshul rnal
'byor gyi yo byad ci dang dkyil 'khor bya tshul sogs thams cad
mkhyen pa nyid kyi gsung ji lta ba bzhin bya la/ 'dir ni de nyid
kyi gsung

shin tu brling ba rnams ngag tu 'don tshul brjod par bya'o/ /rang
nyid skad cig gis rnal 'byor nam mkha' sku mdog sngon po sngo
dkar dmar ba'i zhal gsum phyag drug gi /g.yas gsum gyis mda'

@003b dang phyag rgya'i nu ma rdo rje/ g.yon gsum gyis gzhu
dang bdud rtsi'i thod pa dril bu bsnams pa/ yum ye shes mkha'
'gro ma sku mdog dkar mo zhal gcig phyag gnyis kyis kha TwAM ga
dang thod pa bdud rtsis gang ba

bsnams nas yab kyi mgul nas 'khyud pa/ gnyis ka'ang ye shes kyi
me rab tu 'bar ba'i dbus na yab sems dpa'i skyil mo krung gis
bzhugs par gyur/ rdor dril byin brlabs ni/ oM r-i swA hA'am
saM hI sAhA zhes

pas bgegs bsangs/ oM sarba saM sho d+ha ni hUM phaT/ ces pa
gsum dang/ swa b+hA was stong bar sbyangs/ stong pa'i ngang las
hUM las rdo rje rdo rje sems dpa' dang/ A las dril bu ye shes
mkha' 'gror gyur pa'i spyi

bor oM/ mgrin par AH thugs kar hUM gis mtshan pa/ de las 'od
zer 'phros/ ye shes pa dbang lha dang bcas pa spyan drangs/
gnyis su med par gyur/ dbang gi lhas dbang bskur/ mi bskyod pas
dbu brgyan par

gyur; mchod pa byin gyis brlabs la mdor bsdus phul/ tshangs pa'i
gtsug gi nor bu'i 'od kyis zhabs gnyis snang bar mdzad/ /sku la
shin tu dam du 'khyud pa'i dril bu las byung sku 'dzin pa/
/g.yo zhing 'phro bas

bskyod pa'i gsang ba las byung padma gnyis/ /de 'di rdo rje sems
dpa' mchog gi dbang phyug dam pa mchog gi gnas/ /yab yum zhu ba
las byung ba'i rdo rje dang dril bur gyur/ de nas nang mchod
sngar ltar bsangs

@004a @#/ /sbyangs/ stong pa'i ngang las yaM las rlung gi dkyil
'khor sngon po zla gaM g.yo pa'i ba dan gyis mtshan pa/ de'i
steng du raM las me'i dkyil 'khor dmar po gru gsum 'bar bas
mtshan pa/

de'i steng du kaM las mi mgo rlon pa'i sgyed bu gsum gyi steng
du/ kaM las byung ba'i thod pa yangs shing rgya che ba'i nang gi
shar du suM las dri chu/ byang du yuM las ngar snabs/ nub du
k+ShuM las byang sems dkar po/ lhor hUM

las zla mtshan/ dbus su huM thung du las dri chen/ bdud rtsi lnga
po re re'i steng du zla ba'i dkyil 'khor la a yig gis mtshan pa/
slar yang shar du priM las ba glang gi sha/ byang du hUM las
glang po che'i sha /nub tu

dzIM las rta'i sha /lhor g+hriM las khyi'i sha /dbus su hUM las
mi'i sha /de rnams kyi 'og tu nyi ma'i dkyil 'khor la k+ShuM gis
mtshan pa/ rang gi thugs ka'i 'od zer gyis 'og gi rlung g.yos/
me sbar bas sha lnga

dang bdud rtsi lnga rnams zhu zhing khol bar gyur/ k+ShuM me'i
rang bzhin gyis ma dag pa rnams bsregs shing zhu/ steng gi a
yig bdud rtsi'i rang bzhin yang zhu nas/ bdud rtsi chags pa'i ro
dang ldan par gyur/

oM hUM hUM k+ShuM yuM suM praM g+hraM hUM dzIM hUM swA hA/
ye shes lnga'i rang bzhin gyi bdud rtsi mang por spel ba'i nang
du ha ser po/ ho dkar po/ hrI sngon pos kha dog dri ro nus pa'i
skyon bcom par gyur/ ha ho hrIH lan gsum brjod/

@004b slar yang ha las 'jig rten dbang phyug gser gyi mdog can/
ho las rnam snang dkar po/ hrIH las mi bskyod pa sngon po/ de
rnams zhu ba las byung ba'i ye shes kyi bdud rtsi kha dog dri ro
nus pa phun sum tshogs par

gyur; de nas mchod pa rnams sngar ltar bsangs sbyangs/ stong
pa'i ngang las suM las rin po che gser gyi snod yangs shing rgya
che ba'i nang du aM paM hUM priM kuM k+ShuM guM la sogs pa zhu
ba las byung ba'i mchod yon/ zhabs

bsil/ dri; me tog /bdug spos/ mar me/ zhal zas/ rol mo la sogs
pa lha rdzas las grub pa dwangs shing thogs pa med pa zag pa med
pa'i bde ba khyad par can bskyed par gyur/ oM pra tI tstsha a
rg+haM mi ti zhes pas

mchod yon dang/ oM pra tI tstsha satkA ra hUM swAhAs zhabs
bsil dang/ oM hUM swAhAs dri chab dang/ oM praM swAhAs me
tog dang/ oM kuM swAhAs bdug spos dang/ oM k+ShuM swAhAs
mar me dang/ oM guM swAhAs lha bshos dang/ oM shapta

swAhAs rol mo'i bar byin gyis brlabs/ rang gi lag pa g.yas
pa'i mthil du a dmar po las nyi ma'i dkyil 'khor gyi steng du
hUM las lag pa rdo rje rtse lnga pa la gnas pa'i suM k+ShuM yuM
hUM a las skyes pa'i lha mo dkar

po dang/ dud pa dang/ dud dang/ padma dang/ ye shes rnams mdzub
mo dang/ gung mo dang/ srin lag dang/ mthe'u chung dang/ mthe
bong rnams la rim bzhin 'khod/ lag pa g.yon pa'i mthil du sa
las zla ba'i dkyil 'khor gyi steng

@005a @#/ /du hrIH las padma 'dab ma brgyad par oM smryuM
hmryuM ymryuM k+ShmryuM soM bdud rtsi'i yi ge rnams la/ gi waM
dang/ dri ma gsum/ 'jigs pa dang/ sa'i gdugs dang/ rnam shes
rnams g.yon pa'i mdzub mo dang/ gung

mo dang/ srin lag dang/ mthe'u chung dang/ mthe bong rnams la
rim bzhin 'khod/ rang gi lkog mar hrIH las padma 'dab ma brgyad
pa'i 'dab ma gcig lcer gyur pa'i steng du rdo rje nas 'bru tsam
gyi dbus

su oM dkar po/ oM a dzi hwA soM brdi ni hUM phaT/ rang gi
snying gar nyi ma'i dkyil 'khor gyi steng du hUM las rdo rje
rtse lnga pa lte ba la hUM gis mtshan pa'i 'od zer gyis sems can
thams cad kyi sdig sgrib sbyangs 'dus

yongs su gyur pa las/ rin po ches brgyan pa'i gnas su pad zla'i
gdan la/ rang nyid rdo rje sems dpa' dung dang kunta ltar dkar
ba sangs rgyas lnga'i cod pan can/ zhal gcig phyag gnyis pa/
g.yas rdo rje

thugs kar gdengs shing/ g.yon dril bu dkur brten pa/ rgyan
thams cad kyis brgyan cing/ na bzas mdzes pa sems dpa'i skyil mo
krung gis bzhugs pa/ 'od zer gyi 'phreng ba dpag tu med pa 'phro
bar

gyur; badzra sa twa haM zhes nga rgyal bzungs/ de'i spyi gtsug
tu k+ShuM/ mig gnyis su hUM hUM/ rna ba gnyis dang sna gnyis su
yuM yuM/ lcer suM mgrin par smryuM phrag pa gnyis su hmryuM
snying gar ymryuM lte bar k+ShmryuM rnams bkod la go bgo /

@005b oM hUM phaT/ oM TuM gsum brjod/ oM badzra tu Sh+ya ho/
oM hUM phaT/ ces brjod go bgo ste bdag bsrung ba'o/ /bdag nyid
rdo rje sems dpar gsal ba'i sku las 'phros pa'i 'od zer gyis
bgegs rnams bsregs/ oM badzra

prA ka ra hUM phaT/ oM dzruM swAhA/ sbyin pa dang tshul
khrims rnam par dag pa'i rdo rje'i rwa gur gsum gsum du gyur/
OM bruM swAhA/ 'og tu bzod pa rnam par dag pa'i phur bus
gnod par byed pa'i bgegs rnams bcom/

oM dzamb+ha ni hUM phaT/ rdo rje'i ra ba chen pos bskor bar
gyur/ oM badzra a nga ku sha dza/ 'jig rten las 'das pa'i lha
rnams spyan drangs/ dkyil 'khor gyi dbus su/ oM tiShTha A sa
na hUM swAhA/ seng ge'i khri dang/ oM ka ma

la b+he shrI swAhA/ padma dang zla ba'i gdan la bzhugs shing
steng du gdugs dkar pos brgyan par gyur/ de nas mchod yon zhabs
bsil nyer spyod lngas mchod la/ rdor dril blangs te/ oM kA ya
tu Sh+ya ho/ wa ka tu Sh+ya

ho tsitta tu Sh+ya ho/ zhes dril bu dkrol zhing/ lus can don
phyir shes rab gsal btab pa zhes pa nas tshogs zhing gshegs gsol
dang tshad med bzhi dang/ pha dang ma ni bsad pa dang zhes sogs
byang chub kyi sems

kyi tshigs bcad brjod cing/ don bsam pa'i bar sgrub thabs bzhin
bya'o/ /de nas rang gi snying gar padma dkar po la gnas pa'i
k+ShuM gi 'od zer gyis bdag dang sems can thams cad sbyangs/ oM
swa b+hA wa shudd+hAH

@006a @#/ /sarba d+ha rmAH swa b+hA wa shudd+honyahaMH chos thams
cad rang bzhin med pa'i stong pa nyid du gyur/ stong pa'i ngang
las yaM las rlung gi dkyil 'khor nag po zla gaM rgyal mtshan gyis
mtshan pa zhes pa nas rin po che

gser gyi rang bzhin la rin po che sna bdun gyis spras pa'i
phyi'i gzhal yas khang de'i phyed kyi nang du dkyil 'khor gnyis
pa zlum po sgo dang rta babs dang bral ba rdo rje'i phreng bas
bskor ba/ de'i nang du nang gi gzhal

yas khang rta babs med pa gnyis ka'ang gru bzhi sgo bzhi pa/
phyi ma rta babs bzhis brgyan pa gnyis ka'ang phyi nas rim pa
bzhin dkar ser dmar ljang sngo ba'i rtsig pa rim pa lnga dang
ldan pa/ rin po che'i snam

bu ser po dang/ de'i steng du dril bu dang/ dra ba dang dra ba
phyed pas bskor ba zhes pa nas lho sgor padma la chu srin gyis
mtshan pa'i rgyal mtshan/ snying po'i dkyil 'khor ri'u mig dgu pa
rdo rjes mtshan pa'i ka ba brgyad

kyis bteg pa'i rdo rje'i gdung zlum pos bskor zhing legs par
phub ba'i steng du rdo rje nor bu rin po che'i tog gis spras pa/
nang gi grwa bzhir sna tshogs rdo rjes mtshan pa/ dri'i chus gang
zhing shing lo gsar pas

kha brgyan pa'i bum pa brgyad de/ shar sgor rgyal dang bkra
shis/ byang sgor dngos grub dang rdzu 'phrul/ nub tu rgyal dang
rnam rgyal dang/ lho sgor grub dang 'jigs pas spras pa gnyis so/
/gzhal yas khang nang ma'i

@006b shar dkar/ byang ser/ nub dmar/ lho sngo ba/ dkyil 'khor
gnyis pa thams cad dmar po/ gsum pa sngo bsangs mdzes pa/ dkyil
'khor nang ma'i dbus su rin po che dang seng ge'i khri zhes pa
nas 'jig rten pa'i gdan bya

khyung la sogs pa/ de'i phyi rol du rdo rje'i ra ba dang/ dra ba
dang/ phur bu la sogs pa bsrung ba'i 'khor lo me 'bar bas bskor
bar gyur/ gtso bo'i gdan padma dkar po dang nyi ma'i steng du a
A ces pa nas nyi ma'i dkyil

'khor gyi steng du rang gi rlung sems kyi ngo bo hUM/ de las
'phros pa'i 'od zer las grub pa'i rdo rje mkha' 'gro ma sogs
phyogs kyi lha mo bzhis bstod cing bskul ba ni/ dzaH dzaH dzaH
dzaH ces pa nas gcig tu thim pa'i hUM

zhes bskul bas/ hUM yig zla nyi la thim zhing 'dres pa yongs su
gyur pa las/ rdo rje rtse lnga pa lte ba la hUM gis mtshan pa/
oM badzra shudd+hAH sarba d+ha rmAH badzra shud+honyahaM/ rdo
rje'i lte ba'i hUM las 'od zer 'phros/ sems can thams

cad yongs su sbyangs/ rdo rje sems dpa'i go 'phang la bkod/ tshur
'dus rdo rje hUM dang bcas pa yongs su gyur pa las/ bdag nyid
seng ge'i khrir padma dkar po dang nyi ma'i dkyil 'khor gyi
steng du gdugs dkar pos brgyan

pa'i rnal 'byor nam mkha' sku mdog sngon po zhal gsum pa rtsa
zhal sngon po khros pa/ g.yas zhal dkar po sgeg pa/ g.yon zhal
dmar po bzhad pa/ ha ha'i gang rgyangs sgrog cing zhal gdangs
pa/ zhal

@007a @#/ /re re la spyan gsum gsum dang ldan pa/ dbu skra gyen
du brdzes pa la dar gyi cod pan bcings pa/ thod pa'i phreng ba
dang/ rdo rjes brgyan pa'i rtsa phran dang/ sangs rgyas lnga'i
dbu rgyan can/ sbrul

gyi rgyan gyis brgyan cing na bza'i dmar pos mdzes pa/ phyag
drug gi g.yas gsum na mda' dang phyag rgya'i nu ma rdo rje/
g.yon gsum na gzhu dang thod pa bdud rtsis gang ba dril bu
bsnams pa/ sems dpa'i

skyil mo krung gis bzhugs shing/ 'od zer dpag tu med pa 'phro
ba/ de'i pang na yum ye shes kyi mkha' 'gro ma sku mdog dkar mo
zhal gcig phyag gnyis kyis kha TwAM ga dang thod pa bdud rtsis
gang ba bsnams

nas yab kyi mgul nas 'khyud pa/ yab kyi ma mchu tshams kyis 'debs
shing/ zhabs kyi tshigs kyis dkris nas yab kyi rdo rje padmar
thim par mdzad pa/ yan lag rgyan thams cad kyis brgyan cing/
shin tu mdzes

pa'i na bza' gsol ba/ gnyis ka'ang ye shes kyi me 'bar ba'i dbus
na bzhugs par gyur/ sngar ltar rdo rje'i phyag rgya dang bcas
k+ShuM sogs yi ge gnas brgyur du bkod la bsrung/ badzra adku sha
dza/ ye shes kyi

mkha' 'gro ma spyan drangs/ dam tshig gi phyag rgya bstan/ gdan
phul/ mchod yon sogs kyis mchod/ dzaH hUM baM hoH rnal 'byor
nam mkha'i thugs kar nyi ma'i dkyil 'khor la bkug cing bcug pas
mnyes

@007b par gyur/ oM badzra kA ya oM/ oM badzra wa ka AH oM
badzra tsitta hUM/ zhes rdo rje'i phyag rgya dang bcas sgo gsum
byin gyis brlabs/ gnas sngar phyag rgya dang bcas/ oM hUM AH
swAhA/ rang gi spyi gtsug tu rnam snang dkar po byang chub

mchog gi phyag rgya can/ dpral bar mi bskyod pa sngon po sa gnon
gyi phyag rgya can/ rna ltag g.yas su rin 'byung ser po mchog
sbyin gyi phyag rgya can/ lhag par 'od dpag med dmar po ting nge
'dzin gyi phyag rgya can/ rna

ltag g.yon du don grub ljang gu skyabs sbyin gyi phyag rgya
can/ lnga ga'ang rgyan thams cad kyis brgyan pa/ mdzes pa'i na
bzas klubs nas bzhugs par gyur/ sngar bshad pa'i dar dbyangs
dang mnyam pa'i thal mos mnyes

par bya'o/ /ung b+ha ba haM/ A A A AM rang gi snying ga
mdzod spu mgrin pa spyi bo bzhir gnas par gyur/ oM yo ga
shud+hAH sarba d+ha rmAH yo ga shud+honya haM/ zhes rnal 'byor
rnam par dag pa'i nga rgyal dang/ oM dznya na kA ya a haM

zhes brjod de ye shes kyi sku'i nga rgyal 'jog pa ni dang po
sbyor ba'i ting nge 'dzin no/ /thabs dang shes rab snyoms par
zhugs shing sgyu ma lta bur lhag par mos pas rang gzhan gyi don
rdzogs par byed pa'i dkyil 'khor sprul

zhing dbyung ba ni/ rang gi snying gar zla ba'i dkyil 'khor gyi
steng du chu'i rlung la suM/ de yongs su gyur pa las rdo rje
mkha' 'gro ma dkar mor gyur/ oM AH swAhAs/ sna nas phyung/
dpag tu med pa spros/ sems can thams cad

@008a @#/ /skyabs 'gro sems bskyed sogs la skal ba ji lta ba
bzhin du bkod/ slar 'dus le'u tshe'i shar du glang po che'i steng
du rol pa'i stabs kyis 'khod/ rang gi snying gar zla ba'i dkyil
'khor gyi steng du

sa'i rlung A ring po las skyes pa'i drag mo ser mor gyur/ oM
AH swAhAs/ sna nas phung/ dpag tu med pa spros/ sems can
thams cad kyi ma rig pa'i mun pa bsal/ ye shes kyi snang ba
bskyed/ slar 'dus byang du rma bya'i

gdan la skyil krung phyed pas 'khod/ rang gi snying gar zla ba'i
dkyil 'khor gyi steng du me'i rlung i las skyes pa'i ro langs
ma dmar mor gyur/ oM i swAhAs/ sna nas phyung/ dpag tu med
pa spros/ sems can thams

cad byang chub kyi lam la bkod/ slar 'dus nub tu bya khyung gi
gdan la tsog bu'i 'dug stangs kyis 'khod/ rlung gi rlung i las
skyes pa'i gtum mo sngon mor gyur/ oM I swAhAs/ sna nas
phyung/ dpag tu med pa spros/

sems can thams cad kyi 'dod don yongs su bskangs slar 'dus/ lhor
ci bgyi'i gdan la pus mo'i skyil krung gis 'khod/ drag mo dbu
skra ser po gyen du brdzes pa zhes pa nas me'i dkyil 'khor 'bar
ba'i dbus

na bzhugs pa/ sa chu 'dres pa'i rlung r-i las skyes pa'i lha mo
seng ge ma g.yon dkar g.yas ser ba'i phyed gzugs seng ge'i
gdong pa can/ phyag g.yas ral gri 'phyar zhing/ g.yon sdigs
mdzub dang bcas

@008b pa'i zhags pa 'dzin pa/ oM rI swAhAs/ sna nas phyung/
dpag tu med pa spros/ bdud thams cad skrag par byas/ slar 'dus/
dbang ldan du seng ge'i gdan la rol pa'i stabs kyis 'khor/ chu
rlung gi rlung r-I las stag mo stag gi

gdong pa can/ g.yas dkar g.yon sngo ba'i phyed gzugs ma/ phyag
g.yas lcags kyu/ g.yon sdigs mdzub dang bcas pas zhags pa
'dzin pa/ oM rA swAhAs/ sna nas phyung/ dpag tu med pa
spros/ bdud thams cad skrag

par byas/ slar 'dus/ me mtshams su phag gi gdan la zlum pa'i
stabs kyis 'khod/ rlung me'i rlung l-i las skyes pa'i ce spyang
gi gdong pa can/ g.yas sngo g.yon dmar phyag g.yas dgra sta
dang/ g.yon sdigs

mdzub dang bcas pas zhags pa 'dzin pa/ oM la swAhAs/ sna nas
phyung/ dpag tu med pa spros/ bden bral gyi mtshams su ma he'i
gdan la skyil krung phyed pas 'khod/ me dang sa'i rlung 'dres pa
l-I las skyes pa 'ug

pa mo 'ug pa'i gdong pa can/ g.yas dmar g.yon sar/ phyag
g.yas dbyug pa dang g.yon thod pa 'dzin pa/ oM l-I swAhAs/
sna nas phyung/ dpag tu med pa spros/ rlung mtshams su ce sbyang
gi gdan la tsog pus

'khod/ thams cad kyang na bza' dmar po mnabs pa zhes pa nas me
dpung 'bar ba'i dkyil 'khor na bzhugs pa/ chu rlung gi rlung
phuM las skyes pa'i mkha' 'gro ma rgyal dbang mo dkar mo phyag
gnyis

@009a @#/ /zhal du 'jug pa/ oM phuM swAhAs/ sna nas phyung/
dpag tu med pa spros/ bdud thams cad skrag par byas/ slar 'dus/
lha rnams 'gugs pa'i mdzad pa mdzad/ slar 'dus/ nang gi shar
sgor 'khod/ de

bzhin du sa rlung sogs sngar bzhin sbyar nas/ pheM las 'bar byed
ma zhes pa nas me 'bar ba'i 'od mnga' ba ro'i gdan la bzhugs pa/
rang gi thugs kar zla ba'i dkyil 'khor gyi steng du/ ha ho hrIH
gsum las

skyes pa'i spos mo dang 'ju byed ma dang/ gtum mo gsum phyag na
ka pA la bdud rtsis gang ba bsnams shing/ gcig gis steng nas
'gebs pa/ oM ha ho hrIH swAhAs/ sna nas phyung/ dpag tu med
pa spros/ 'gro

pa'i don byas slar 'dus/ rim pa gnyis pa'i shar du 'khod/ tshul
'di ltar bar gyi lha mo lhag ma bcu bdun po rnams kyang snying
gar bskyed/ spros mdzad pa mdzad 'god/ thams cad kyang sku mdog
dmar po

'od zer gyi phreng ba 'khrug cing skra gsil por 'phyang ba sbrul
gyi rgyan gyis brgyan cing/ na bza' sna tshogs mnabs pa/ bzang
po'i 'dug stangs kyis bzhugs pa/ de nas dkyil 'khor phyi ma la
lha dgod pa ni/ khe

sha las khyab 'jug sngon po lag pa bzhi pa/ g.yas gnyis 'khor
lo dang ral gri/ g.yon gnyis dbyug pa dang dung 'dzin pa ral
pa'i thor tsugs kyis nye bar brgyan cing/ bya khyung gi gdan la
'dug pa/ oM khe sha swAhA/

@009b shar sgor 'khod nas/ oM utpal ra ma ye swAhA/ de'i
g.yon du 'khod/ mdor bsdu na sgo bzhi dang mtshams bzhi'i phyogs
skyong brgyad po bkod pas chog cing/ thams cad sku mdog sngon
por byas pas rung bar gsungs so/ /

de nas lha rnams zlum po la dpa' bo nyi shu dgod pa ni/ rang gi
thugs kar zla ba'i dkyil 'khor gyi steng du kaM las keng rus
'jigs byed dang/ de'i pang bar yum padma 'byung ma/ oM ka raM
ka b+hai ra bA ya swAhA/ oM ka ma la ka ryai

swAhA/ sna nas phyung/ dpag tu med pa spros/ bdud dang bar du
gcod pa bsal/ slar 'dus shar gyi re'u mig gi dbus su 'khod/ de
bzhin du sgra 'jigs yab yum gyi bar gyi lha thams cad la shes
par bya'o/ /de thams cad

cod pan rnam pa lngas brgyan pa/ gcer bu skra rnam par grol ba/
yab yum phan tshun 'khyud pa/ yab yum thams cad kyi phyag g.yas
kha TwAM ga /g.yon thod pa bza' ba sna tshogs dang btung ba sna
tshogs kyis gang ba

bsnams pa'o/ /de nas sgrub thabs nas 'byung ba ltar/ 'jig rten
dang 'jig rten las 'das pa'i ye shes dgug gzhug phyag rgya bzhis
rgyas 'debs legs par bya/ sngar bzhin gtso bo'i dam rgya de nyid
gnas bzhir

bzhag la/ oM sa ma ya yo haM hUM hUM sa ma ya stwaM/ a d+hi
ti ShTha swa mAM zhes gnas bzhi byin gyis brlabs/ sngar bzhin
bsrung ba brgyad kyi sngags 'god/ sku gsung thugs byin gyis
brlabs/ sngar gyi phyag rgyas dbang bskur

@010a @#/ /gtso bo la dbu rgyan sngar dang 'dra/ phyogs bzhi'i
mkha' 'gro bzhi la rang gi rigs bdag dbus su byas pa'i rigs lnga
dang/ lha lhag ma thams cad la rnal 'byor nam mkha'i dbu brgyan
la go cha

bskon pa dang/ dar dpyangs dang mnyam pa'i thal mos mnyes pa
sngar bzhin bya'o/ /de nas phyi nang gi mchod pas mchod/ dpa'
mchog dang po'i sems dpa' che/ zhes sogs kyis bstod rdo rje thal
mo snying gar bzhag

nas; oM shudd+ha d+ha rmyeH hUM a A oM AH swAhA/ zhes
mnyes par byas nas lha'i 'khor lo rtse gcig tu bsgom mo/ bsgom
pas skyon sgrub thabs ltar bzlas pa bya'o/ /mjug tu mchod bstod
mdor bsdus byas/ dge

ba bsngos te thun mtshams kyi bya ba la 'dug par bya'o/ /thun gyi
mthar gtor ma ji ltar bya ba ni/ sgrub thabs su shin tu gsal
zhing/ bum bskyed byed na rnam rgyal bum pa'i nang du rtsa ba'i
lha bcu gsum dang/ las bum

du seng ge ma bskyed pa sogs rig pas sbyar nas shes par byas te
dbang chog la 'jug par bya'o/ /smras pa/ chos kyi rgyal po kun
mkhyen bu ston rje'i/ /rmad byung mkhyen pa'i 'od stong zer gyi
ni/ /gdan bzhi'i rgyud dang rgya

gzhung 'dab brgya'i tshal/ /legs par phye ba'i sgrub thabs me tog
gi /phang phung chags pa de yi dgongs pa bzhin/ /ngag 'don srad
bur 'phreng ba spel legs pa/ /gser dngul mu tig do shal ltar
bsgrigs te/ /blo

@010b gsal mgul ba'i rgyan du bdag gis bkod/ /'di yi dge ba tshe
rabs thams cad du/ /rgyal ba'i mdo sngags dam chos ma lus pa/
/rgyal ba'i dgongs pa ji bzhin 'dzin pa dang/ /'gro ba'i don la
mthu dang ldan par

shog /ces snyigs dus kyi thams cad mkhyen pa bu ston rin po ches
mdzad pa'i rnal 'byor nam mkha' sgrub thabs ngag 'don du byed
pa'i zur 'debs 'di yang dge slong rin chen chos legs kyis nan
gyis yang

yang bskul ba la brten nas/ thams cad mkhyen pa de nyid kyi
gsung rab mang du thos pa'i btsun pa blo bzang chos kyi rgyal
mtshan gyis/ chos grwa chen po bkra shis lhun po'i gzims khang du
sbyar ba'o// //

@#/ /swasti/ pad dkar 'dzin pas byin rlabs yul gyi ljongs/ /dbus
gtsang dag zhing dar gyi mdud pa'i mtshams/ /'di yi sgrub gnas
lha yi ri bo'i 'dabs/ /dpal gyi ri bo 'phos 'dra'i sa 'dzin
ljongs/ /rnam

grol don du gnyer ba'i bsti gnas mchog /nyin mtshan kun tu phun
tshogs bsam gtan gyis/ /'khor lo rgyun mi 'chad pa bskor ba'i
gnas/ /bkra shis dpal rgyas sgrub sde rgyas gyur cig /dbus ri'i
ngos chags phun tshogs

bsgrub pa'i sde/ /phyogs dus kun tu dar zhing rgyas pa dang/
/yul phyogs 'dir yang rtag tu bkra shis shing/ /'dod dgu'i 'byor
pas kun dga' bskyed gyur cig /bsgrub pa'i grwa 'di 'debs shing
ring gnas pa'i/ /bstan pa'i

@011a @#/ /sbyin bdag sa yi brgya byin mchog /mgon po bkra shis
mched dang lcam dral rnams/ /sku tshe brtan cing cab srid rgyas
gyur cig /ces pa'ang rje nyid kyi gsungs so// ! //grub

pa'i gnas mchog dpal ldan ka lA pa'i/ /da lta chos kyi srid la
dbang bsgyur ba/ /rigs ldan chos kyi rgyal po'i zhabs drung du/
/gus pa'i legs gsol chos kyi pho nya 'di/ /zhal dkyil blta dang
gsung gi

bdud rtsi ni/ /'thung phyir song ba thugs brtser nyer dgongs la/
/bdag gis gsol ba'i 'bras bu mchis par mdzod/ /ces pa 'di rgyal
khams pa blo bzang chos kyi rgyal mtshan gyis/ shamb+ha la'i rgyal
po la phul

ba'i zhu yig / //rin chen chos legs lhag bsam gyis/ /par 'di
bsgrubs pa'i rnam dkar mthus/ /she sa bu khrid sgrib gnyis kyi/
/g.yul las myur du rgyal gyur cig /'di ltar bskrun pa'i dge
tshogs

kyis; ;rtag tu dal 'byor rten thob nas/ /sa lam rtogs pa mthar
son te/ /bla med byang chub thob par shog / ! //na mo gu ru
manydzu g+ho ShA ya/ bgrang yas skyob pa nyid gzigs sras bcas
kyi/ /thugs

rje las grub mthong thos dran reg gis/ /'dod dgu'i mchog stsol
yid bzhin nor bu yi/ /gtso rnams mtshan gyis me tog phreng mdzes
spel/ /bkra shis lhun po'i phyi nang gi rten gyi nang bzhugs
gtso bo rags

@011b rim tsam zhig gzhan dang ba 'dren phyir brjod pa ni/ ston
pa'i 'phel gdung byung khyungs mi 'dra ba mang po/ sangs rgyas
kyi tshems kyi dum bu/ kun mkhyen 'phags 'od/ mchims thams cad
mkhyen pa/ bu ston thams

cad mkhyen pa sogs kyi gdung thal las grub pa'i sku brnyan dang/
thog thub ma du ma/ kha che paN chen gyi phyag nas ma rdza sku
'khrul med cig /bal mo bzas spyan drangs pa'i rje btsun sgrol
ma'i sku rang byon/ rdo nag las

grub pa rje nA ro pas phyag bzo dang thugs dam rten mdzad pa
bde mchog phyag mang/ rwa lo'i thugs dam rten bsil tshal rdo nag
las grub pa'i rdo rje 'jigs byed dpa' bo gcig pa'i sku/ rje
btsun tsong kha pa chen po'i sku phyag

nas ma sku cor rtogs ldan la gnang ba'i byin rlabs can/ rje
thams cad mkhyen pas gsung rab phal cher rtsom gzhi phyag bris
su btab pa'i saM b+hu Ta/ rje bla ma'i phyag mtshan rdor dril/ rje
bla ma ri khrod la bzhugs pa'i zhal

dkar yu thung/ rje sangs rgyas ye shes kyi phyag mtshan rdor
dril/ rgyal ba blo bzang don grub dang rje sangs rgyas ye shes
gnyis ka'i phyag ting/ thams cad mkhyen pa bsod nams rgya mtsho
dang rje sangs rgyas ye shes

gnyis ka'i dbu paN/ rje sangs rgyas ye shes kyi mgul sgom/ kun
mkhyen shes rab dpal bzang gi gsol rgyan/ 'phags pa'i gnas brtan
yan lag 'byung gi phyag 'khar rgya'i ngur ba las grub pa khungs
btsun/

@012a @#/ /mkhas grub khyung po dang mnyam med rin chen brtson
'grus gnyis ka'i gdung bzhugs pa rten ga'u mar grags pa cha
tshang/ mkhas grub khyung po'i phyag rjes shin tu gsal ba'i rdo'i
snying po/ mgon

po klu sgrub kyi thugs dam rten 'phags pa brgyad stong pa'i rgya
dpe/ de thog nas kha che paN chen gyis lan mang du gsungs pa'i
byin rlabs can/ dam pa dmar po'i thugs nang du spyan ras gzigs
rang byon bzhugs pa/

mnga' bdag mai tri pa'i dbu thod yongs rdzogs/ 'od dpag med kyi
sku gsal bar byon pa/ mtshan ldan thod pa dngos the tshom med pa
yongs rdzogs/ bla ma rtogs ldan 'jam dpal rgya mtsho'i dbu thod
rin po che dang 'bru

snas gang ba/ rje karma pa rang byung rdo rje'i zhwa nag 'khrul
med/ rje btsun sgrol ma'i phyag mtshan dar ljang gu la rje btsun
ma'i sku brnyan bris pa/ dgra bcom pa 'od srung chen po'i tshems
kyi dum bu/ jo bo chen po'i gdung

nag; rje bla ma'i tshems/ sha bo sgang pa'i gdung ma rgad ma/
thams cad mkhyen pa dge 'dun grub kyi gdung tsha mang ba/ bka'
gdams kyi dam pa mang po dang/ rgyal tshab mkhas grub rje/ thams
cad mkhyen pa snga phyi

sogs skyes chen dam pa mang po'i sku bal gyi ring bsrel dang
yungs 'bru lta bu'i ring bsrel mang po/ /thams cad mkhyen pa dge
'dun grub kyi phyag bris rdo rje 'chang chen po'i lam rim yongs
su rdzogs pa rnams

@012b bzhugs/ mthong thos dran reg dad par byed rnams kyi/
/gdung sel phan bde'i snang ba stsol mdzad pa'i/ /rten mchog
gtso bo 'ga' yi tho tsam brjod/ /dge bas 'gro kun thams cad
gzigs gyur cig /ces

rje btsun blo bzang chos kyi rgyal mtshan gyis bris pa dge bar
gyur cig /yi ge pa ni dge tshul blo bzang dbang rgyal lo// //dge
legs 'phel// ! //dge ldan lung dang rtogs pa'i bstan pa yi/
/rgyal

mtshan phyogs bcur rgyas pa'i 'phril las kyis/ /rgyal mtsho'i gos
can mdzes pa'i dpal gyur pa'i/ /dpal ldan bla ma'i zhabs la gsol
ba 'debs/ /bslu med dkon mchog gsum gyi byin rlabs dang//

drang srong grub pa rnams kyi bden tshig dang/ /mtha' dag 'gro
'di'i legs par spyad pa'i mthus/ /bshes gnyen dam pa srid mthar
zhabs brtan shog /dga' ldan sprul pa'i sku'i gsol 'debs so// //

(gsung le tshan 'di rnams chos grwa 'di kha'i nang rten gras kyi
gsung 'bum bris mar bzhugs 'dug kyang/ de snga par rnying du ma
'khod stabs chu spre ^ rje btsun blo bzang chos kyi rgyal mtshan
dpal bzang po'i gsung 'bum rnams par gsar brkos skabs nang rten

gras dang zhus dag thog par du gsar 'jug bgyis pa'o// /