@#/ /byang chub lam gyi rim pa'i dmar khrid thams cad mkhyen par bgrod pa'i bde lam zhes bya ba bzhugs// @001a @##/ /rje btsun bla ma dam pa thub dbang rdo rje 'chang dang dbyer ma mchis pa'i zhabs la dus thams cad du phyag 'tshal lo/ /brtse ba chen pos rjes su gzung du gsol/ 'dir skal ldan gyi skyes bu sangs rgyas kyi sar bgrod par byed pa'i thabs zab mo byang chub lam gyi rim pa'i 'khrid la gnyis/ lam gyi rtsa ba bshes gnyen bsten pa'i tshul dang; bsten nas blo ji ltar sbyang ba'i rim pa'o/ /dang po la gnyis/ thun gyi ngo bo la ji ltar bya ba dang/ thun mtshams su ji ltar bya ba'i tshul lo/ /dang po la/ sbyor dngos mjug gsum las/ dang po sbyor ba ni/ yid mthun gyi gnas su bde ba'i stan la lus 'dug lugs brgyad dam spyod lam gang bder gnas nas/ rang rgyud la legs par brtags te/ @002a @#/ /dge sems khyad par can gyi ngang nas/ rang gi mdun gyi thad drang gi nam mkha'i gnas su seng ge chen po brgyad kyis bteg pa'i rin po che'i khri mtho zhing yangs pa'i steng khar; sna tshogs pad zla nyi ma'i dkyil 'khor gyi gdan la/ ngo bo rang gi drin can rtsa ba'i bla ma yin pa la/ rnam pa rgyal ba shAkya thub pa sku mdog gser btso ma lta bu/ dbu gtsug tor dang ldan pa; zhal gcig phyag gnyis kyi g.yas sa gnon dang/ g.yon mnyam gzhag gi steng na bdud rtsis gang ba'i lhung bzed bsnams pa/ sku la chos gos ngur smrig gi mdog can gsum mdzes par gsol ba/ mtshan dpes brgyan pa'i dngas gsal 'od kyi rang bzhin can/ sku las skyes pa'i 'od kyi phung po'i dkyil na zhabs gnyis rdo rje skyil krung gis bzhugs pa/ de nyid kyi mtha' skor du dngos dang brgyud pa'i bla ma yi dam sangs rgyas byang sems/ dpa' bo dpa' mo bstan bsrung ye shes pa'i tshogs rnams kyis bskor nas bzhugs pa/ de dag rang rang gi @002b mdun na gang na khri phun tshogs la rang rang gis gsungs pa'i lung gi chos rnams 'od kyi rang bzhin can gyi pu ti'i rnam par yod pa/ tshogs zhing rnams kyang rang nyid la dgyes pa'i tshul dang/ rang nyid kyang tshogs zhing rnams kyi yon tan dang thugs rje dran pa'i dad pa chen po'i ngang nas 'di ltar bsam ste/ bdag dang ma sems can thams cad kyis thog ma med pa nas da lta'i bar du/ spyir 'khor ba dang khyad par ngan song gsum gyi sdug bsngal sna tshogs zhig myong 'dug tu zin kyang/ da dung sdug bsngal gyi gting dang mtha' mngon par dka' bar 'dug /des na da res brnyed par dka' zhing rnyed na don che ba'i mi lus khyad par can thob pa'i dus 'dir/ 'khor ba'i sdug bsngal thams cad spangs pa'i thar pa mchog bla ma sangs rgyas kyi go 'phang zhig da lta nyid du thob par ma byas na/ slar yang spyir 'khor ba dang khyad par ngan song gsum gyi sdug bsngal ci rigs pa zhig myong dgos pa 'dug /des na sdug bsngal de dag las skyob pa'i nus pa mdun na bzhugs pa'i bla ma dkon mchog gsum la yod pas/ bdag gis ma sems can thams cad kyi don du yang dag par rdzogs pa'i sangs rgyas kyi go 'phang rin po che ci nas kyang thob par bya/ de'i phyir du bla ma dkon mchog gsum la snying thag pa nas skyabs su 'gro bar bya'o snyam du bsams la/ skyabs 'gro sems @003a @#/ /bskyed tshad med bzhi bsgom pa sngon du btang nas/ khyad par ma sems can thams cad kyi don du myur ba myur bar yang dag par rdzogs pa'i sangs rgyas kyi go 'phang rin po che ci nas kyang thob par bya; de'i phyir tu lam zab mo bla ma lha'i rnal 'byor gyi sgo nas byang chub lam gyi rim pa'i 'khrid bsgom pa la 'jug par bgyi'o snyam pa bdun nam nyer gcig sogs bya'o/ /de nas rang gi mdun gyi thad drang gi nam mkha'i gnas su seng ge chen po brgyad kyis bteg pa'i rin po che'i khri mtho zhing yangs pa'i steng khar/ sna tshogs pad zla nyi ma'i dkyil 'khor gyi gdan la ngo bo rang gi drin can rtsa ba'i bla ma yin pa la/ rnam pa rgyal ba shAkya thub pa sku mdog gser btso ma lta bu/ zhes pa nas rdo rje skyil krung gis bzhugs pa/ de nyid kyi steng gi rgyab la phyogs par sna tshogs pad zla nyi ma'i dkyil 'khor gyi gdan la/ rgyal ba rdo rje 'chang la nyams len byin rlabs brgyud pa'i bla ma rnams kyis bskor nas bzhugs pa/ g.yas phyogs su rje btsun byams pa la rgya chen spyod brgyud kyi bla ma rnams kyis bskor nas bzhugs pa/ g.yon phyogs su rje btsun 'jam dbyangs la zab mo lta brgyud kyi bla ma rnams kyis bskor nas bzhugs pa/ mdun du drin can rtsa ba'i bla ma la chos 'brel yod pa'i bla ma rnams kyis bskor nas bzhugs pa/ de @003b dag gi mtha' skor du yi dam sangs rgyas byang sems dpa' bo dpa' mo bstan bsrung ye shes pa'i tshogs rnams kyis bskor nas bzhugs pa/ de dag rang rang gi mdun na gdan khri phun tshogs la rang rang gis gsungs pa'i lung gi chos rnams 'od kyi rang bzhin can gyi pu ti'i rnam par yod pa/ de dag gi phyi rol tu gang la gang 'dul gyi sprul pa'i bkod pa bsam gyis mi khyab pa phyogs bcur 'phro ba'i gtso 'khor thams cad kyi spyi bor oM dkar po/ mgrin par AH dmar po/ thugs kar hUM sngon po/ lte bar swA ser po/ gsang bar hA ljang khu 'od zer lnga 'phro ba/ bla ma thub pa'i dbang po'i thugs ka'i hUM las 'od zer phyogs bcur 'phros pas/ rang bzhin gyi gnas nas bsgoms pa dang 'dra ba'i ye shes pa spyan drangs/ dam tshig pa so so la thim pas skyabs gnas kun 'dus pa'i bdag nyid du mos nas/ yan lag bdun pa maNTal dang bcas pa phul te/ gsol ba 'debs pa man ngag bzhin rgyud dang 'dres nges par bya'o/ /de nas bla ma thub pa'i dbang po'i thugs ka'i hUM las 'od zer 'phros pa/ mtha' skor na bzhugs pa'i zhi khro rab 'byams thams cad la 'phog pas/ de rnams 'od kyi rnam par bsdus nas thub pa'i dbang po la thim zhing/ thub pa'i dbang po yang rang gi spyi bo'i rtsa ba'i bla ma la thim/ de nyid yongs su gyur pa las rang gi spyi bor seng khri pad zla nyi ma'i dkyil 'khor gyi gdan la/ ngo bo rang gi drin can rtsa @004a @#/ /ba'i bla ma yin pa la/ rnam pa rgyal ba shAkya thub pa zhes pa nas/ rdo rje skyil krung gis bzhugs pa la dmigs nas/ yan lag bdun pa maNTal dang bcas pa mdor bsdus phul ba'i rjes su/ rang dang rang gi mtha' skor na gnas pa'i ma sems can thams cad kyis mgrin gcig tu gsol ba 'debs par bsams la/ sku bzhi'i bdag nyid bla ma lhag pa'i lha/ /thub dbang rdo rje 'chang la gsol ba 'debs/ /sgrib bral chos sku'i bdag nyid bla ma lha/ /thub dbang rdo rje 'chang la gsol ba 'debs/ /bde chen longs sku'i bdag nyid bla ma lha/ /thub dbang rdo rje 'chang la gsol ba 'debs/ /sna tshogs sprul sku'i bdag nyid bla ma lha/ /thub dbang rdo rje 'chang la gsol ba 'debs/ /bla ma kun 'dus bla ma lhag pa'i lha/ /thub dbang rdo rje 'chang la gsol ba 'debs/ /yi dam kun 'dus bla ma lhag pa'i lha/ /thub dbang rdo rje 'chang la gsol ba 'debs/ /sangs rgyas kun 'dus bla ma lhag pa'i lha/ /thub dbang rdo rje 'chang la gsol ba 'debs/ /dam chos kun 'dus bla ma lhag pa'i lha/ /thub dbang rdo rje 'chang la gsol ba 'debs/ /dge 'dun kun 'dus bla ma lhag pa'i lha/ /thub dbang rdo rje 'chang la gsol ba 'debs/ /mkha' 'gro kun 'dus bla ma lhag pa'i lha/ /thub dbang rdo rje 'chang la gsol ba 'debs/ /chos skyong kun 'dus bla ma lhag pa'i lha/ /thub dbang rdo rje 'chang la gsol ba 'debs/ /khyad par/ @004b skyabs gnas kun 'dus bla ma lhag pa'i lha/ /thub dbang rdo rje 'chang la gsol ba 'debs/ /bdag dang ma sems can thams cad 'khor bar skyes nas yun ring la shugs drag pa'i sdug bsngal sna tshogs pa zhig myong ba 'di/ dge ba'i bshes gnyen bsam sbyor gnyis kyis tshul bzhin du ma bsten pas lan par 'dug pas/ da bdag dang ma sems can thams cad kyis dge ba'i bshes gnyen bsam sbyor gnyis kyi sgo nas tshul bzhin du bsten nus par bla ma lhas byin gyis brlab tu gsol/ zhes gsol ba btab pas spyi bo'i bla ma lha'i sku'i cha las bdud rtsi sna lnga 'od zer dang bcas pa'i rgyun babs/ rang gzhan sems can thams cad kyi lus sems la zhugs pas/ thog med nas bsags pa'i sdig sgrib thams cad dang/ khyad par dge ba'i bshes gnyen bsam sbyor gnyis kyis tshul bzhin du bsten nus pa la gegs byed kyi sdig sgrib nad gdon dang bcas pa thams cad sbyangs/ lus dang sa gsal 'od kyi rang bzhin can du gyur/ tshe dang bsod nams la sogs pa'i yon tan thams cad 'phel zhing rgyas/ khyad par dge ba'i bshes gnyen bsam sbyor gnyis kyis tshul bzhin du bsten par nus pa'i rtogs pa khyad par can rang gzhan gyi rgyud la skyes par bsam mo/ /gnyis pa dngos gzhi la gnyis/ bsam pas bsten tshul dang/ sbyor bas bsten tshul lo/ /dang po la gnyis/ rtsa ba dad pa sbyang @005a @#/ /ba dang/ bka' drin rjes su dran te gus par bya bya'o/ /dang po ni/ bla ma thub pa'i dbang po'i thugs ka nas rang la dngos su chos 'brel yod pa'i bla ma rnams spros te/ mdun gyi nam mkhar bzhugs pa la dmigs nas bdag gi dge ba'i bshes gnyen 'di rnams sangs rgyas dngos yin te/ yang dag par rdzogs pa'i sangs rgyas kyis rgyud sde rin po che rnams su rgyal ba rdo rje 'chang gis snyigs ma'i dus su dge ba'i bshes gnyen gyi sku'i rnam par bstan nas 'gro ba'i don mdzad par gsungs pa bzhin du/ bdag gi dge ba'i bshes gnyen 'di rnams kyang sku'i rnam pa tha dad du bstan pa tsam ma gtogs/ rgyal ba rdo rje 'chang gis bdag cag sangs rgyas dngos su mthong ba'i skal ba med pa rnams rjes su bzung ba'i phyir du dge ba'i bshes gnyen gyi sku'i rnam par bstan pa yin par 'dug pas so/ /des na/ da bdag dang ma sems can thams cad kyis dge ba'i bshes gnyen 'di rnams thub dbang rdo rje 'chang dngos su mthong bar bla ma lhas byin gyis brlab tu gsol/ zhes gsol ba btab pas/ spyi bo'i bla ma lha'i sku'i cha las bdud rtsi sna lnga 'od zer X rang gzhan sems can thams cad kyi lus sems la zhugs pas/ de dang de'i gegs byed sbyangs/ de dang de'i rtogs pa khyad par can rang gzhan gyi rgyud la skyes par bsam mo// @005b 'o na sangs rgyas ni skyon kun bzang yon tan kun ldan yin la/ bdag gi dge ba'i bshes gnyen 'di rnams la dug gsum gyis kun nas bslangs pa'i skyon 'di dang 'di lta bu 'dug pas sangs rgyas rang ma yin no snyam na/ da ni rang gi snang ba ma dag pa'i dbang gis yin te/ sngon yang rang nyid snang ba ma dag pa'i dbang gis legs pa'i karmas/ ston pa sangs rgyas kyi mdzad pa thams cad zog 'ba' zhig tu mthong ba dang/ thogs med kyis rje btsun byams pa khyi mor mthong ba dang/ mai tri pas rnal 'byor gyi dbang phyug sha wa ri pa phag gsod pa sogs mi 'tsham pa byed par mthong ba bzhin du/ bdag gi dge ba'i bshes gnyen 'di rnams la skyon de yod nas snang ba ma yin gyi; rang nyid snang ba ma dag pa'i dbang gis yin pas/ des na bdag dang sems can thams cad kyi rgyud la dge ba'i bshes gnyen 'di rnams la skyon rtog gi blo skad cig tsam yang mi skye zhing/ ci mdzad yon tan du mthong ba'i dad pa chen po bde blag tu skye bar bla ma lhas byin gyis brlab tu gsol/ zhes gsol ba btab pas/ spyi bo'i bla ma lha'i sku'i cha las bdud rtsi sna lnga 'od zer X/ rang gzhan sems can thams cad kyi lus sems la zhugs pas/ de dang de'i gegs byed sbyangs/ de dang de'i rtogs pa khyad par can rang gzhan gyi rgyud la skyes par bsam mo/ /gnyis pa ni/ rang gi mdun du dge ba'i bshes gnyen rnams gsal bar dmigs nas/ dge ba'i bshes gnyen 'di rnams @006a @#/ /bdag la bka' drin shin tu che ste/ bdag gis 'khor ba dang ngan song gi sdug bsngal mtha' dag spangs pa'i thar pa mchog yang dag par rdzogs pa'i sangs rgyas kyi go 'phang rin po che bde blag tu ster bar byed pa'i lam zab mo khong du chud pa 'di/ dge ba'i bshes gnyen 'di rnams kyi bka' drin yin pas/ des na bdag dang ma sems can thams cad kyi rgyud la dge ba'i bshes gnyen 'di rnams kyi bka' drin rjes su dran pa'i gus pa chen po bde blag tu skye bar bla ma lhas byin gyis brlab tu gsol/ zhes gsol ba btab pas/ spyi bo'i bla ma lha'i sku'i cha las bdud rtsi sna lnga 'od zer X/ rang gzhan sems can thams cad kyi lus sems la zhugs pas/ de dang de'i gegs byed sbyangs/ de dang de'i rtogs pa khyad par can rang gzhan gyi rgyud la skyes par bsam mo/ /gnyis pa sbyor bas bsten tshul ni/ dge ba'i bshes gnyen rnams mdun du gsal bzhin pa'i ngang nas bdag gis sangs rgyas dngos kyi dge ba'i bshes gnyen 'di rnams kyi phyir du/ lus srog longs spyod la sogs pa ltos pa med par gtong zhing/ khyad par bka' bzhin bsgrub pa'i mchod pas mnyes par bya'o/ /de ltar byed nus par bla ma lhas byin gyis brlab tu gsol/ zhes gsol ba btab pas/ spyi bo'i bla ma lha'i sku'i cha las bdud rtsi sna lnga 'od zer X/ rang gzhan sems can thams cad kyi lus sems la zhugs @006b pas/ de dang de'i gegs byed sbyangs/ de dang de'i rtogs pa khyad par can rang gzhan gyi rgyud la skyes par bsam mo/ /gsum pa mjug tu ji ltar bya ba'i tshul ni/ spyi bor bla ma lha bsgom bzhin pa'i ngang nas gsol ba 'debs pa dang/ sngags 'dren pa dang/ de las byung ba'i dge rtsa rnams rang gzhan gyi gnas skabs dang mthar thug gi smon gnas rnams su 'dun pa drag pos bsngo bar bya'o/ /gnyis pa thun mtshams su ji ltar bya ba'i tshul ni/ thun mtshams su yang dge ba'i bshes gnyen bsten tshul sten pa'i gsung rab dgongs 'grel dang bcas pa blta ba dang/ dran shes dang ldan pa'i sgo nas dbang po'i sgo sdom pa dang/ zas kyi tshong rig pa dang/ mi nyal bar rnal 'byor la brtson zhing/ nyal ba'i tshe ji ltar bya ba dang/ khrus dang kha zas kyi rnal 'byor la brtson par byed pa'o/ /gnyis pa bsten nas blo ji ltar sbyang ba'i rim pa la gnyis/ dal 'byor la snying po blang ba'i phyir bskul ba dang/ snying po ji ltar len pa'i tshul lo/ /dang po la gnyis/ thun gyi ngo bo la ji ltar bya ba dang/ thun mtshams su ji ltar bya ba'o/ /dang po la sbyor dngos mjug gsum las/ dang po ni skyabs gnas kun 'dus bla ma lhag pa'i lha/ /thub dbang rdo rje 'chang la gsol ba 'debs/ zhes pa yan chad sngar bzhin yin la/ de nas bdag dang ma sems can thams cad 'khor bar skyes nas yun ring la shugs drag pa'i 'khor ba'i sdug bsngal sna tshogs zhig myong ba 'di/ @007a @#/ /dal 'byor don che rnyed dka'i rtogs pa khyad par can rgyud la ma skyes pas lan par 'dug pas/ da bdag dang ma sems can thams cad kyi rgyud la dal 'byor don che rnyed dka'i rtogs pa khyad par can skye bar bla ma lhas byin gyis brlab tu gsol/ zhes gsol ba btab pas/ spyi bo'i bla ma lha'i sku'i cha las bdud rtsi sna lnga 'od zer X/ rang gzhan sems can thams cad kyi lus sems la zhugs pas/ thog med nas bsags pa'i sdig sgrib thams cad dang/ khyad par dal 'byor don che rnyed dka'i rtogs pa khyad par can skye ba la gegs byed kyi sdig sgrib sbyangs lus dangs gsal 'od kyi rang bzhin can du gyur/ tshe dang bsod nams la sogs pa'i yon tan thams cad 'phel zhing rgyas/ khyad par dal 'byor don che rnyed dka'i rtogs pa khyad par can rang gzhan gyi rgyud la skyes par bsam mo/ /gnyis pa dngos gzhi la gnyis/ dal 'byor don che bar bsam pa dang/ rnyed par dka' ba bsam pa'o/ /dang po ni/ spyi bor bla ma lha bsgom bzhin pa'i ngang nas 'di ltar bsam ste dam pa'i chos bsgrub pa la khom bas dal ba dang/ chos bsgrub pa'i phyi nang gi cha rkyen tshang bas 'byor pa zhes bya/ mdor na rang cag rnams kyis thob pa'i dal 'byor gyi rten 'di don shin tu che ste 'di la brten nas mngon mtho'i lus longs spyod phun sum tshogs pa'i rgyu sbyin pa/ tshul @007b khrims bzod pa sogs kyang sgrub nus la/ khyad par rten 'di la sdom pa gsum ga skye zhing/ snyigs dus kyi tshe thung gcig la sangs rgyas kyi go 'phang yang bde blag tu sgrub nus pas so/ /des na rnyed par dka' zhing rnyed na don che ba'i dal 'byor tshang ba'i rten 'di don med du mi btang bar snying po cig blang bar bya'o/ /de ltar byed nus par bla ma lhas byin gyis brlab tu gsol/ zhes gsol ba btab pas/ spyi bo'i bla ma lha'i sku'i cha las bdud rtsi sna lnga 'od zer X/ rang gzhan sems can thams cad kyi lus sems la zhugs pas/ de dang de'i gegs byed sbyangs/ de dang de'i rtogs pa khyad par can rang gzhan gyi rgyud la skyes par bsam mo/ / gnyis pa rnyed par dka' ba bsam pa ni/ spyi bor bla ma lha bsgom bzhin pa'i ngang nas 'di ltar bsam ste/ dal 'byor thob pa 'di don che bar ma zad rnyed kyang shin tu dka' ste/ mi la sogs pa'i 'gro ba phal cher mi dge ba bcu la sogs pa shas cher spyod la/ de dag gis kyang dal 'byor thob pa'i gegs byed cing/ khyad par dal 'byor tshang ba'i rten rnam par dag pa thob pa la tshul khrims rnam par dag pas gzhi bzung/ sbyin sogs kyis grogs byas/ smon lam dri ma med pas mtshams sbyar ba sogs dgos na rgyu de lta bu bsgrub pa yang shin tu nyung ba dang/ dud 'gro la sogs pa'i ngang 'gro la ltos nas bde 'gro tsam thob pa srid mthar snang la/ @008a @#/ /bde 'gro la ltos nas kyang dal 'byor tshang ba'i rten thob pa 'di nyin mo'i skar ma lta bur shin tu dkon pa'i phyir/ des na rnyed par dka' zhing rnyed na don che ba'i dal 'byor tshang ba'i rten lan gcig thob pa 'di/ don med du mi btang bar snying po cig blang bar bya'o/ /snying po len pa'i tshul yang bla ma sangs rgyas 'bral med du bsten nas/ des bstan pa'i theg pa mchog gi gdams pa'i snying po nyams su blangs te/ tshe gcig nyid la sangs rgyas kyi go 'phang bde blag tu thob par bya'o/ /de ltar byed nus par bla ma lhas byin gyis brlab tu gsol/ zhes gsol ba btab pas/ spyi bo'i bla ma lha'i sku'i cha las bdud rtsi sna lnga 'od zer rang gzhan sems can thams cad kyi lus sems la zhugs pas/ de dang de'i gegs byed sbyangs/ de dang de'i rtogs pa khyad par can rang gzhan gyi rgyud la skyes par bsam mo/ /gsum pa mjug tu ji ltar bya ba ni sngar bzhin yin la/ gnyis pa thun mtshams su dal 'byor gyi chos skor ston pa'i gsung rab dgongs 'grel dang bcas pa blta ba sogs ni sngar bzhin no/ /gnyis pa snying po ji ltar len pa'i tshul la gsum/ skyes bu chung ngu dang thun mong ba'i lam gyi rim pa la blo sbyang ba/ skyes bu 'bring dang thun mong ba'i lam gyi rim pa la blo sbyang ba/ skyes bu chen po'i lam gyi rim pa la blo sbyang ba'o/ /dang po la gnyis/ thun gyi ngo bo la ji ltar @008b bya ba dang/ thun mtshams su ji ltar bya ba'o/ /dang po la sbyor dngos mjug gsum las/ dang po ni skyabs gnas kun 'dus bla ma lhag pa'i lha/ /thub dbang rdo rje 'chang la gsol ba 'debs/ zhes pa yan chad sngar bzhin yin la/ de nas bdag dang ma sems can thams cad 'khor bar skyes nas yun ring la shugs drag pa'i sdug bsngal sna tshogs pa zhig myong ba 'di nyid/ 'chi ba mi rtag pa ma bsams shing/ ngan 'gro'i sdug bsngal gyis 'jigs nas dkon mchog gsum la snying nas skyabs su ma song ba dang/ las 'bras la yid ches kyi dad pa bskyed nas/ dkar nag gi las la blang dor tshul bzhin mi byas pas lan par 'dug pas/ da bdag dang ma sems can thams cad kyi rgyud la 'chi ba mi rtag pa dran pa dang/ ngan 'gro'i sdug bsngal gyis 'jigs nas dkon mchog gsum la snying nas skyabs su 'gro zhing las 'bras la yid ches kyi dad pa skyes nas sdig spong dge ba tshul bzhin sgrub nus par bla ma lhas byin gyis brlab tu gsol/ zhes gsol ba btab pas/ spyi bo'i bla ma lha'i sku'i cha las bdud rtsi sna lnga 'od zer X/ rang gzhan sems can thams cad kyi lus sems la zhugs pas/ thog med nas bsags pa'i sdig sgrib thams cad dang/ khyad par de dang de'i rtogs pa khyad par can skye ba la gegs byed X/ lus dangs gsal 'od kyi rang bzhin can du @009a @#/ /gyur/ tshe dang bsod nams la sogs pa'i yon tan thams cad 'phel zhing rgyas/ de dang de'i rtogs pa khyad par can rang gzhan gyi rgyud la skyes par bsam mo/ /gnyis pa dngos gzhi la bzhi/ 'chi ba mi rtag pa bsam pa/ ngan 'gro'i sdug bsngal bsam pa/ dkon mchog gsum la skyabs 'gro sbyang ba/ las 'bras la yid ches kyi dad pa bskyed pa'o/ /dang po ni/ spyi bor bla ma lha bsgom bzhin pa'i ngang nas 'di ltar bsam ste/ rnyed par dka' zhing rnyed na don che ba'i dal 'byor gyi rten 'di myur ba 'jig ste/ 'chi bdag nges par 'ong la/ de yang phyi nang gi rkyen gang gis kyang bzlog tu med pa dang/ tshe la snon pa med cing/ 'bring byed bar ma chad dang bcas pa dang/ gson pa'i tshe yang chos bya long med par nges par 'chi/ 'chi bar ma zad nam 'chi la'ang nges pa med de/ rang cag 'dzam bu gling pa'i tshe la nges pa med pa dang/ 'chi rkyen shin tu mang zhing gson pa'i rkyen nyung ba dang/ lus chu'i sbu ba lta bur nyams chung bas nam 'chi la nges pa med/ 'chi ba'i tshe chos ma gtogs gang gis kyang phan pa med de/ gnyen bshes brtse gdung ji ltar che bas mtha' bskor kyang gcig kyang khrid sa med/ yid du 'ong ba'i nor gyi phung po ji snyed yod kyang rdul phran tsam yang khyer tu med/ lhan cig skyes pa'i sha rus kyang 'bral dgos na tshe 'di'i phun tshogs la chags pas ci zhig bya/ 'chi ba'i dgra @009b ni nges par 'ong zhing nam 'ong la nges pa med/ de ring rang yang 'chi nyen yod pas 'chi grabs shig bya dgos par 'dug /'chi grabs kyang tshe 'di'i phun tshogs thams cad la ma chags par chos rnam dag cig da lta nyid du bya'o/ /de ltar byed nus par bla ma lhas byin gyis brlab tu gsol/ zhes gsol ba btab pas/ spyi bo'i bla ma lha'i sku'i cha las bdud rtsi sna lnga 'od zer dang bcas pa'i rgyun babs/ rang gzhan sems can thams cad kyi lus sems la zhugs pas/ de dang de'i gegs byed sbyangs/ de dang de'i rtogs pa khyad par can rang gzhan gyi rgyud la skyes par bsam mo/ /gnyis pa ni/ spyi bor bla ma lha bsgom bzhin pa'i ngang nas 'di ltar bsam ste/ rnyed par dka' zhing rnyed na don che ba'i dal 'byor tshang ba'i rten 'di yang myur du 'jig cing/ zhig pa'i 'og tu med de mi 'gro bar skye ba zhig blang dgos la/ skye sa yang ngan 'gro dang bde 'gro gnyis las ma 'das shing/ gal te ngan 'gror skyes na dmyal ba pa rnams la tsha grang dang des mtshon pa'i sdug bsngal/ yi dwags rnams la bkres skom dang/ des mtshon pa'i sdug bsngal/ dud 'gro rnams la glen zhing gti mug pa dang gcig la gcig za ba'i sdug bsngal bsam gyis mi khyab pa yod de/ des na 'di lta bu'i ngan 'gro'i sdug bsngal bzod glags mi 'dug pas/ rnyed par dka' zhing rnyed na don che ba'i dal 'byor @010a @#/ /tshang ba'i rten thob pa'i dus 'dir/ ngan 'gro'i sdug bsngal mtha' dag spangs pa'i bla ma sangs rgyas kyi go 'phang zhig thob par bya'o/ /de ltar byed nus par bla ma lhas byin gyis X/ zhes gsol ba btab pas/ spyi bo'i bla ma lha'i sku'i cha las bdud rtsi sna lnga 'od zer dang bcas pa'i rgyun babs/ rang gzhan sems can thams cad kyi lus sems la zhugs pas/ de dang de'i gegs byed sbyangs/ de dang de'i rtogs pa khyad par can rang gzhan gyi rgyud la skyes par bsam mo/ /gsum pa ni/ spyi bo'i bla ma lha'i sku'i cha las bla ma yi dam dkon mchog gsum dpa' bo dpa' mo chos skyong bsrung ma'i tshogs nam mkha' gang ba spros te/ spyi bo'i bla ma lha'i sku'i mtha' skor tu bzhugs pa'i skyabs yul gsal legs par btab/ de dag gi sku gsung thugs 'phrin las dang bcas pa'i yon tan dran bzhin pas/ bdag dang ma sems can thams cad spyir 'khor ba dang khyad par ngan 'gro'i 'jigs pa las da lta nyid du skyab tu gsol snyam pa'i 'dun pa dang ldan pas bla ma yi dam dkon mchog gsum la skyabs su mchi/ zhes pa'i skyabs 'gro lan brgya stong khri 'bum sogs bya zhing/ dkon mchog gsum la skyabs su song ba'i gnas skabs dang mthar thug gi phan yon shes pa'i sgo nas skyabs 'gro'i bslab bya rnams la tshul bzhin du bslab @010b par bya'o/ /bzhi pa ni/ spyi bor bla ma lha bsgom bzhin pa'i ngang nas 'di ltar bsam ste/ rgyal ba'i gsung rab las/ rgyu dge ba spyad pa la brten nas 'bras bu bde ba kho na 'byung zhing sdug bsngal mi 'byung/ rgyu mi dge ba spyad pa la brten nas 'bras bu sdug bsngal kho na 'byung zhing bde ba mi 'byung/ rgyu dge sdig gnyis chung ngu las ma spyad kyang/ gegs byed dang ma phrad na 'bras bu shin tu che ba 'byung/ rgyu dge sdig gnyis ma spyad na 'bras bu bde sdug myong ba med cing rgyu dge sdig gnyis spyad pa gegs byed dang ma phrad na/ las byas pa chud mi za bas 'bras bu bde sdug gnyis nges par 'byin/ de yang zhing dang/ bsam pa dang/ dngos po dang/ rten gyi sgo nas stobs che bar gsungs pa la yid ches kyi dad pa bskyed nas/ dge ba bcu la sogs pa'i dge ba phra mo nas sgrub cing/ mi dge ba bcu la sogs pa'i mi dge ba phra mos kyang sgo gsum la ma gos pa'i blang dor la 'bad par bya'o/ /de ltar byed nus par bla ma lhas byin gyis brlab tu gsol/ zhes gsol ba btab pas/ spyi bo'i bla ma lha'i sku'i cha las bdud rtsi sna lnga 'od zer dang bcas pa'i rgyun babs/ rang gzhan sems can thams cad kyi lus sems la zhugs pas/ de dang de'i gegs byed sbyangs/ de dang de'i rtogs pa khyad par can rang gzhan gyi rgyud la skyes par bsam mo/ /de ltar 'bad kyang gnyen po stobs chung/ nyon mongs stobs ches bas @011a @#/ /rgya la mi dge bas gos na stobs bzhi'i bshags bsdam la 'bar par bya'o/ /gsum pa mjug tu ji ltar bya ba ni sngar bzhin yin la/ /gnyis pa thun mtshams su yang skyes bu chung ngu dang thun mong ba'i chos skor ston pa'i gsung rab dgongs 'grel dang bcas pa blta ba sogs sngar bzhin no/ /skyes bu chung ngu dang thun mong ba'i lam gyi rim pa la blo sbyang ba bshad zin to/ ! /gnyis pa skyes bu 'bring dang thun mong ba'i lam gyi rim pa la blo sbyang ba la gnyis/ thar pa don gnyer gyi blo bskyed pa dang/ thar par 'gro ba'i lam gyi rang bzhin gtan la dbab pa'o/ /dang po la gnyis/ thun gyi ngo bo la ji ltar bya ba dang/ thun mtshams su ji ltar bya ba'i tshul lo/ /dang po la sbyor dngos mjug gsum las/ dang po sbyor ba ni/ skyabs gnas kun 'dus bla ma lhag pa'i lta/ /thub dbang rdo rje 'chang la gsol ba 'debs/ zhes pa yan chad sngar bzhin yin la/ de nas bdag dang ma sems can thams cad 'khor bar skyes nas yun ring la shugs drag pa'i sdug bsngal sna tshogs zhig myong ba 'di/ 'khor ba mtha' dag sdug bsngal gyi rang bzhin du shes nas de las thar 'dod kyi blo shugs drag ma skyes pas lan par 'dug pas/ da bdag dang ma sems can thams cad kyi rgyud la 'khor ba mtha' dag sdug bsngal gyi rang bzhin du shes nas de las thar 'dod kyi blo shugs @011b drag skye bar bla ma lhas byin gyis brlab tu gsol/ zhes gsol ba btab pas/ spyi bo'i bla ma lha'i sku'i cha las bdud rtsi sna lnga 'od zer dang bcas pa'i rgyun babs/ rang gzhan sems can thams cad kyi lus sems la zhugs pas/ thog med nas bsags pa'i sdig sgrib thams cad dang/ khyad par 'khor ba mtha' dag sdug bsngal gyi rang bzhin du shes nas de las thar 'dod kyi blo shugs drag skye ba la gegs byed X/ lus dangs gsal 'od kyi rang bzhin can du gyur/ tshe dang bsod nams la sogs pa'i yon tan thams cad 'phel zhing rgyas/ khyad par 'khor ba mtha' dag sdug bsngal gyi rang bzhin du shes nas de las thar 'dod kyi blo shugs drag rang gzhan gyi rgyud la skyes par bsam mo/ /gnyis pa dngos gzhi la gnyis/ 'khor ba spyi'i sdug bsngal bsam pa dang/ so so'i sdug bsngal bsam pa'o/ /dang po ni/ spyi bor bla ma lha bsgom bzhin pa'i ngang nas 'di ltar bsam ste/ bdag gis mi dge bcu spong gi tshul khrims la tshul bzhin du bslabs pas/ ngan 'gro'i sdug bsngal las 'das pa'i bde 'gro'i go 'phang zhig thob kyang/ sdug bsngal rtsa ba nas spangs pa'i thar pa zhig ma thob na bde ba'i skabs skad cig kyang mi 'dug ste/ dper na mi nag can zhig zla ba gcig nas gsod par nges la/ de'i bar du yang nyi ma re re bzhin khrims kyi la thigs dang/ dbyug pas bsnun pa sogs @012a @#/ /kyi sdug bsngal drag po myong ba la/ 'ga' zhig gi ngo chen sogs kyis da lta dbyug pas bsnun pa'i sdug bsngal med kyang/ de ni nyi ma re re bzhin gsod pa'i sdug bsngal la je nyer 'gro bas bde ba'i blo cung zad kyang med pa bzhin du/ sdug bsngal rtsa ba nas spangs pa'i thar pa ma thob phyin/ bde 'gro'i go 'phang ci 'dra zhig thob kyang sngar byas kyi las bzang po'i 'phen pa zad nas ngan song gsum du lhung ste/ yun ring la shugs drag pa'i sdug bsngal sna tshogs pa zhig myong dgos par 'dug /gzhan yang 'khor ba 'dir las nyon gyi dbang gis skye ba cig blangs phyin chad sdug bsngal gyi rang bzhin las ma 'das te/ dgra gnyen du 'gyur ba dang gnyen yang dgrar 'gyur bas phan gnod byed pa la yid brtan ni med/ 'khor ba'i bde ba ji tsam spyad kyang doms pa'i mtha' med par ma zad chags pa rgyas par byas te sdug bsngal mi bzad pa du ma ni 'dren par byed/ lus bzang po ci tsam thob kyang yang dang yang du 'dor dgos pas lus thob pa la yid brtan ni med/ thog ma med pa nas yang dang yang du nying mtshams sbyar pas skye ba'i mtha' mngon pa ni med/ 'khor ba'i phun tshogs ji tsam thob kyang mthar nges par 'dor dgos pas phun tshogs thob pa la yid brtan ni med/ rang nyid gcig pur grogs med par 'jig rten pha rol tu 'gro dgos pas grogs @012b la yid brtan ni med/ des na bdag gis rnyed par dka' zhing rnyed na don che ba'i dal 'byor thob pa'i dus 'dir/ 'khor ba'i sdug bsngal mtha' dag spangs pa'i bla ma sangs rgyas kyi go 'phang rin po che ci nas kyang thob par bya'o/ / de ltar byed nus par bla ma lhas byin gyis brlab tu gsol/ zhes gsol ba btab pas/ spyi bo'i bla ma lha'i sku'i cha las bdud rtsi sna lnga 'od zer dang bcas pa'i rgyun babs/ rang gzhan sems can thams cad kyi lus sems la zhugs pas/ de dang de'i gegs byed sbyangs/ de dang de'i rtogs pa khyad can rang gzhan gyi rgyud la skyes par bsam mo/ /gnyis pa 'khor ba so so'i sdug bsngal bsam pa ni/ spyi bor bla ma lta bsgom bzhin pa'i ngang nas 'di ltar bsam ste/ nyer len gyi phung po zhig grub phyin chad sdug bsngal gyi rang bzhin las ma 'das te/ ngan song gsum lta smos kyang ci dgos/ mi'i nyer len gyi phung po grub pa la brten nas/ bkres skom dang/ tshol 'gro dang/ gnyen sdug pa dang bral ba dang/ dgra mi sdug pa dang phrad pa dang/ 'dod pa'i dngos po btsal kyang ma rnyed cing/ mi 'dod pa'i dngos po thog tu babs pa dang/ skye rga na 'chi sogs kyi sdug bsngal myong/ lha ma yin gyi nyer len gyi phung po grub pa la brten nas/ lha'i dpal 'byor mi bzod pa'i phrag dog gis yid gdungs pa'i sdug bsngal dang/ de la brten nas lus thog tu babs pa'i sdug bsngal myong/ 'dod lha'i nyer len @013a @#/ /gyi phung po grub pa la brten nas lha ma yin rnams dang 'thab pa na/ yan lag bcad pa dang/ lus dral ba dang/ gsod pa sogs kyi sdug bsngal dang/ mi 'dod bzhin du 'chi ltas lnga phog ste/ lha'i dpal 'byor dang bral nas/ ngan song gi sdug bsngal myong dgos par shes pa'i sdug bsngal dang/ khams gong ma gnyis kyi nyer len gyi phung po grub kyang gnas pa la rang dbang ma thob pas/ sngar gyi las bzang po'i 'phen pa zad nas ngan song du lhung ba'i sdug bsngal dpag tu med pa yod/ mdor na nyer len gyi phung po 'dis tshe 'di'i skye rga na 'chi sogs kyi rten byed cing/ sdug bsngal gyi sdug bsngal dang/ 'gyur ba'i sdug bsngal gnyis 'di phyi gnyis kar 'dren par byed/ nyer len gyi phung po rang grub tsam nas las nyon gyi gzhan dbang can gyi 'du byed kyi phung po'i rang bzhin can du grub pa yin no/ /des na nyer len gyi phung po'i rang bzhin can gyi 'khor ba las grol ba'i bla ma sangs rgyas kyi go 'phang ci nas kyang thob par bya'o/ /de ltar byed nus par bla ma lhas byin gyis brlab tu gsol/ zhes gsol ba btab pas/ spyi bo'i bla ma lha'i sku'i cha las bdud rtsi sna lnga 'od zer dang bcas pa'i rgyun babs/ rang gzhan sems can thams cad kyi lus sems la zhugs pas/ de dang de'i gegs byed sbyangs/ de dang de'i rtogs pa khyad par can rang gzhan gyi rgyud la skyes par bsam @013b mo/ /gsum pa mjug tu ji ltar bya ba ni/ sngar bzhin yin la/ gnyis pa thun mtshams su yang 'khor ba mtha' dag sdug bsngal gyi rang bzhin can du ston pa'i gsung rab dgongs 'grel dang bcas pa blta ba sogs ni sngar bzhin no/ /gnyis pa thar par 'gro ba'i lam gyi rang bzhin gtan la dbab pa la gnyis/ thun gyi ngo bo la ji ltar bya ba dang/ thun mtshams su ji ltar bya ba'i tshul lo/ dang po la sbyor dngos mjug gsum las/ dang po sbyor ba ni/ skyabs gnas kun 'dus bla ma lhag pa'i lha/ /thub dbang rdo rje 'chang la gsol ba 'debs/ /zhes pa yan chad sngar bzhin yin la/ de nas bdag dang ma sems can thams cad 'khor bar skyes nas yun ring la shugs drag pa'i sdug bsngal sna tshogs pa zhig myong ba 'di thar pa don gnyer gyi blo bskyed nas lam bslab pa gsum la tshul bzhin ma bslabs pas lan par 'dug pas/ da bdag dang ma sems can thams cad kyis thar pa don gnyer gyi blo bskyed nas lam bslab pa gsum la tshul bzhin slob nus par byin gyis brlab tu gsol/ zhes gsol ba btab pas/ spyi bo'i bla ma lha'i sku'i cha las bdud rtsi sna lnga 'od zer dang bcas pa'i rgyun babs/ rang gzhan sems can thams cad kyi lus sems la zhugs pas/ thog med nas bsags pa'i sdig sgrib thams cad dang/ khyad par thar pa don gnyer gyi blo @014a @#/ /bskyed nas lam bslab pa gsum la tshul bzhin du slob pa la gegs byed X/ lus dangs gsal 'od kyi rang bzhin can du gyur/ tshe dang bsod nams la sogs pa'i yon tan thams cad 'phel zhing rgyas/ khyad par thar pa don gnyer gyi blo bskyed nas lam bslab pa gsum la tshul bzhin slob pa'i rtogs pa khyad par can rang gzhan gyi rgyud la skyes par bsam mo/ /gnyis pa dngos gzhi ni/ spyi bor bla ma lha bsgom bzhin pa'i ngang nas 'di ltar bsam ste/ shes pa kho rang gi ngos nas lung ma bstan yin pa la/ dang por bdag dang bdag gi ba la dmigs nas rang bzhin gyis grub par 'dzin pa'i blo skye/ des bdag tu bzung ba la brten nas/ rang phyogs la chags pa dang/ gzhan phyogs la sdang ba dang/ gzhan las mchog 'dzin gyi nga rgyal la sogs pa'i lta log rnams skye/ de la brten nas bdag med pa ston pa'i ston pa dang/ des bstan pa'i las 'bras dang/ bden bzhi dang/ dkon mchog gsum sogs med par 'dzin pa'i log lta dang the tshom rnams skye/ de la brten nas nyon mongs gzhan rnams rgyas/ de'i dbang gis las bsags nas/ 'khor bar mi 'dod bzhin du sdug bsngal sna tshogs myong ba 'di byung 'dug /des na sdug bsngal thams cad kyi rtsa ba mthar gtugs na ma rig par 'dug pas/ 'khor ba'i sdug bsngal thams cad rtsa ba nas spangs pa'i bla ma @014b sangs rgyas kyi go 'phang zhig ci nas kyang thob par bya/ de'i phyir du lam bslab pa rin po che gsum la tshul bzhin du bslab par bya'o/ /khyad par bsrungs na phan yon che zhing ma bsrungs na nyes dmigs shin tu che bar 'dug pas/ bdag gis ji ltar khas blangs pa'i tshul khrims srog gi phyir yang mi btang bar tshul bzhin du bsrung bar bya'o/ /de yang mi shes pa ltung ba 'byung ba'i sgo yin pas de'i gnyen por bslab bya rnams nyan nas shes par bya/ ma gus pa ltung ba 'byung ba'i sgo yin pas/ de'i gnyen por ston pa dang/ des bcas pa'i bslab pa dang/ bslab pa de la tshul bzhin du slob pa'i grogs tshangs pa mtshungs par spyod pa rnams la gus par bya/ bag med pa ltung ba 'byung ba'i sgo yin pas de'i gnyen por dran shes ngo tsha khrel yod bskyed nas bag dang ldan par bya/ nyon mongs mang ba ltung ba 'byung ba'i sgo yin pas/ 'dod chags kyi gnyen por mi sdug pa dang/ zhe sdang gi gnyen por byams pa dang/ gti mug gi gnyen por rten cing 'brel bar 'byung ba sogs bsgoms nas/ nyes pa rnams kyis ma gos pa'i tshul khrims rnam par dag pa la tshul bzhin du bslab par bya'o/ / de ltar byed nus par bla ma lhas byin gyis brlab tu gsol/ zhes gsol ba btab pas/ spyi bo'i bla ma lha'i sku'i cha las bdud rtsi sna lnga 'od zer dang bcas pa'i rgyun babs/ rang gzhan sems can thams cad @015a @#/ /kyi lus sems la zhugs pas/ de dang de'i gegs byed sbyangs/ de dang de'i rtogs pa khyad par can rang gzhan gyi rgyud la skyes par bsam mo/ /gsum pa mjug tu ji ltar bya ba ni sngar bzhin yin la gnyis pa thun mtshams su so sor thar pa'i dbang du byas pa'i bslab bya rnams blta ba sogs ni sngar bzhin no/ /skyes bu 'bring dang thun mong ba'i lam gyi rim pa la blo sbyang ba bshad zin to/ ! gsum pa skyes bu chen po'i lam gyi rim pa la blo sbyang ba la gnyis/ byang chub tu sems bskyed tshul dang/ sems bskyed nas spyod pa la slob tshul lo/ /dang po la gnyis/ byang chub tu sems bskyed pa dngos dang/ sems bskyed cho gas bzung ba'i tshul lo/ /dang po la gnyis/ rgyu 'bras man ngag bdun gyi sgo nas byang chub tu sems bskyed tshul dang/ bdag gzhan mnyam brje'i sgo nas byang chub tu sems bskyed tshul lo/ / dang po ni/ sngon du sems can thams cad la sems snyoms pa bsgrubs te/ mar shes nas byang chub kyi sems kyi bar bsgom pa yin pas 'di la gnyis/ thun gyi ngo bo la ji ltar bya ba dang/ thun mtshams su ji ltar bya ba'i tshul lo/ /dang po la sbyor dngos mjug gsum las/ dang po sbyor ba ni/ skyabs gnas kun 'dus bla ma lhag pa'i lha/ /thub dbang rdo rje 'chang la gsol ba 'debs/ zhes pa yan chad sngar bzhin yin la/ bdag dang @015b ma sems can thams cad kyi rgyud la/ sems can thams cad la nye ring chags sdang dang bral ba'i sems snyoms pa dang mar shes drin dran drin gzo byams snying rje byang chub kyi sems kyi rtogs pa khyad par can skye bar bla ma lhas byin gyis brlab tu gsol/ zhes gsol ba btab pas/ spyi bo'i bla ma lha'i sku'i cha las bdud rtsi sna lnga 'od zer dang bcas pa'i rgyun babs/ rang gzhan sems can thams cad kyi lus sems la zhugs pas/ thog med nas bsags pa'i sdig sgrib thams cad dang/ khyad par sems can thams cad la nye ring chags sdang dang bral ba'i sems snyoms pa sogs skye ba la gegs byed X/ lus dangs gsal 'od kyi rang bzhin can du gyur/ tshe dang bsod nams la sogs pa'i yon tan thams cad 'phel zhing rgyas/ khyad par sems can thams cad la nye ring chags sdang dang bral ba'i sems snyoms pa sogs kyi rtogs pa khyad par can rang gzhan gyi rgyud la skyes par bsam mo/ /gnyis pa dngos gzhi ni/ spyi bor bla ma lha bsgom bzhin pa'i ngang nas/ phan gnod gang yang ma byas pa'i bar ma'i sems can gcig mdun du gsal bar dmigs nas/ 'di'i ngos nas bde ba 'dod cing sdug bsngal mi 'dod pas/ res 'ga' ni nye bar bzung nas phan 'dogs pa dang/ res 'ga' ni ring bar bzung nas gnod pa skyel ba'i cha gnyis mi bya bar nye ring chags sdang dang bral ba'i sems snyoms pa zhig bya'o/ / @016a @#/ /de ltar byed nus par bla ma lhas byin gyis brlab tu gsol/ zhes sogs dang/ de la sems snyoms pa na yid du 'ong ngos shes pa'i sems can cig mdun du gsal bar dmigs nas sems snyoms pa sgom par byed/ de la sems ma snyoms pa ni chags pa'i dbang gis yin par 'dug /sngar yang yid du 'ong ba la sred pas ka 'khor bar skyes pa yin snyam du sred pa bkag nas sgom par byed/ de la sems snyoms pa na yid du mi 'ong ngos shes pa'i sems can cig mdun du gsal bar dmigs nas sems snyoms pa sgom par byed/ de la sems mi snyoms pa ni rang gi blos mtha' gcig tu mi mthun par bzung bas zhe sdang skyes pa yin/ de la sems ma snyoms na byang chub kyi sems skye ba'i gnas med snyam du zhe sdang bkag nas sgom par byed/ de la sems snyoms pa na ma lta bu'i chos yid du 'ong ba'i sems can cig dang dgra lta bu'i chos yid du mi 'ong ba'i sems can cig ste gnyis mdun du gsal bar dmigs nas/ 'di gnyis kyi ngos nas bde ba 'dod cing/ sdug bsngal mi 'dod par mtshungs la/ rang gi ngos nas ni da lta gnyen du bzung ba 'dis kyang 'khor ba thog ma med pa nas dgra'i gtso bo byas pa la grangs kyis mi chod/ da lta dgrar bzung ba 'dis kyang 'khor ba thog ma med pa nas ma byas te brtse bas bskyangs pa la @016b grangs kyis mi chod pas/ gang la ni chags par bya/ gang la ni sdang bar bya/ nye ring chags sdang dang bral ba'i sems snyoms pa zhig bya'o/ /de ltar byed nus par bla ma lhas byin gyis brlab tu gsol/ zhes sogs dang/ de la sems snyoms pa na sems can thams cad la sems snyoms pa sgom par byed/ de'i tshul ni sems can thams cad kyi ngos nas bde ba 'dod cing/ sdug bsngal mi 'dod par mtshungs la/ rang gi ngos nas ni sems can thams cad gnyen yin pas/ 'ga' zhig la nye bar bzung nas phan 'dogs pa dang/ 'ga' zhig la ring bar bzung nas gnod pa skyel ba'i cha gnyis mi bya bar nye ring chags sdang dang bral ba'i sems snyoms pa zhig bya'o/ /de ltar byed nus par bla ma lhas byin gyis brlab tu gsol/ zhes sogs dang/ de rjes mar shes nas byang chub kyi sems kyi bar sgom tshul ni/ spyi bor bla ma lha bsgom bzhin pa'i ngang nas 'di ltar bsam ste/ 'o na sems can thams cad bdag gi gnyen yin pa'i rgyu mtshan ji ltar yin zhe na 'khor ba la thog ma med pas bdag gi skye ba la yang thog ma med cing/ skye ba gcig nas gcig tu brgyud de yul phyogs dang sa phyogs 'dir ma skyes bya ba gcig kyang med/ skyes pa la grangs kyis mi chod/ sems can 'di'i lus ma blangs bya ba gcig kyang med/ blangs pa la grangs kyis mi chod/ sems can @017a @#/ /'dis bdag gi ma ma byas bya ba gcig kyang med/ byas pa la grangs kyis mi chod/ sems can re res kyang mi'i rten la bdag gi ma ma byas bya ba gcig kyang med/ byas pa la grangs kyis mi chod cing da dung yang byed par 'gyur/ des na drin gyis bskyangs pa'i ma cis kyang yin snyam du bsam mo/ /'o na sems can la grangs med pas sems can thams cad rang bdag gi ma ma yin no snyam na sems can la grangs med pas bdag gi ma ma yin par mi 'gyur te/ sems can la grangs med pa bzhin du bdag gi skye ba la yang grangs med pas sems can thams cad bdag gi ma yin snyam du bsam/ gal te bdag dang sems can thams cad phan tshun ngo mi shes pas bdag gi ma ma yin no snyam na/ bdag dang sems can thams cad phan tshun ngo mi shes pas bdag gi ma ma yin par mi 'gyur te/ tshe 'dir yang ma bu phan tshun ngo mi shes pa du ma 'dug pas so snyam du bsam/ gzhan yang sems can thams cad bdag gi tshe rabs snga ma'i ma yin kyang 'das zin pas ma yin pa mi 'thad do snyam na/ 'o na kha sang gi dus kyi ma de de ring gi dus su 'das zin pas ma ma yin par 'gyur te; des na kha sang gi dus kyi ma dang de ring gi dus kyi ma gnyis ma yin pa la yang khyad par med/ drin gyis bskyangs pa la yang khyad par med pa bzhin du/ tshe rabs snga ma'i ma dang tshe 'di'i ma gnyis kyang ma yin pa la yang @017b khyad par med/ drin gyis bskyangs pa la yang khyad par med pas sems can thams cad bdag gi ma cis kyang yin snyam du bsam/ de la myong ba thon pa na drin bsam pa ni/ spyi bor bla ma lha bsgom bzhin pa'i ngang nas rang gi tshe 'di'i ma gzhon pa'i gnas skabs ma yin pa rgan pa'i gnas skabs kyi rnam pa gsal ba gcig mdun du bsgoms nas 'di ltar bsam ste/ bdag gi ma 'dis tshe 'di kho nar ma zad tshe rabs thog ma med pa nas bdag gi ma bgrang las 'das pa byed byed pa cig yin/ khyad par tshe 'dir yang dang por mngal tu brtse bas bskyangs/ btsas pa'i tshe 'jam pa'i stan la bzhag /sor mo bcu'i rtse la g.yengs/ sha'i drod la sbyar/ brtse ba'i 'dzum gyis bsus/ dga' ba'i mig gis bltas/ snabs khas phyis/ mi gtsang ba lag pas phyis/ ma rang srog la babs pa lta bu'i sdug bsngal byung ba las/ bdag cung zad na pa la sdug bsngal che bar byas/ sdig sdug gtam ngan rang srog la'ang ma bltas par sha thang thang du bsgrubs pa'i zas nor thams cad bdag la brtse bas phog /ma rang gi khyer 'khos dang bstun pa'i phan pa dang bde ba tshad med pa bsgrubs/ gnod pa dang sdug bsngal tshad med pa las bskyabs pas drin shin tu che snyam du bsam/ de la myong ba thon pa na pha la sogs pa'i gnyen gzhan rnams la sgom/ de'i tshul ni pha la sogs pa'i rnam pa gsal bar dmigs nas/ 'dis tshe rabs thog ma @018a @#/ /med pa nas bdag gi ma byas pa bgrang las 'das shing/ ma nam byas pa'i tshe tshe 'di'i mas ji ltar drin gyis bskyangs pa bzhin du drin gyis bskyangs pas drin shin tu che snyam du bsam/ de la myong ba thon pa na bar ma'i sems can thams cad la sgom/ de'i tshul ni bar ma'i sems can rnams mdun du gsal bar dmigs nas/ da lta bdag dang 'di rnams gang yang 'brel med 'dra 'dra zhig 'dug mod/ 'di rnams kyis tshe rabs thog ma med pa nas bdag gi ma byas pa bgrang las 'das shing/ ma nam byas pa'i tshe tshe 'di'i mas ji ltar drin gyis bskyangs pa bzhin du drin gyis bskyangs pas/ drin shin tu che snyam du bsam/ de la myong ba thon pa na dgra la sgom/ de'i tshul ni dgra'i rnam pa mdun du gsal bar dmigs nas/ da lta 'di dgrar bzung bas ci zhig bya/ 'dis tshe rabs thog ma med pa nas bdag gi ma byas pa bgrang las 'das shing/ ma nam byas pa'i tshe/ phan pa dang bde ba tshad med pa bsgrubs/ gnod pa dang sdug bsngal tshad med pa las bskyabs/ khyad par bdag gis 'di med na cung zad kyang sdod mi tshugs pa dang/ 'dis kyang bdag med na cung zad kyang sdod mi tshugs pa lta bu'i yid gcugs pa bgrang las 'das pa byas/ da lta gnas skabs 'di 'drar gyur pa las ngan pa'i dbang gis yin 'dug /gzhan du na drin gyis bskyangs pa'i ma sha stag yin snyam du bsam/ de la myong ba thon @018b pa na sems can thams cad kyi drin bsam mo/ /de ltar drin bsams nas drin gzo sgom tshul ni/ spyi bor bla ma lha bsgom bzhin pa'i ngang nas 'di ltar bsam ste/ thog ma med pa nas drin gyis bskyangs pa'i ma rnams nyon mongs pa'i gdon gyis sems dkrugs pas ni shes pa la rang dbang ma thob par smyo/ mngon mtho dang nges legs kyi lam blta ba'i mig dang ni bral/ dge ba'i bshes gnyen gyi long khrid ni med/ skad cig re rer nyes spyod kyis dbye na spyos pas ni brdeg 'cha'/ spyir 'khor ba dang khyad par ngan 'gro 'jigs su rung ba'i g.yang kha 'grim pa rnams yal bar dor na khrel shin tu chung bas bdag gis drin lan du 'khor ba'i sdug bsngal las bsgral nas thar pa'i bde ba la dgod par bya'o/ /de ltar byed nus par bla ma lhas byin gyis brlab tu gsol/ zhes sogs dang/ de nas byams pa sgom tshul ni/ rang gi ma lta bu yid du gang gcags pa cig la dmigs nas/ 'di la zag med kyi bde ba ga la yod/ zag bcas kyi bde ba tsam yang mi 'dug /da lta bde bar rlom pa 'di dag sdug bsngal du 'gyur nas 'gro/ bde ba zhig 'dod nas 'bad 'bad dung dung byas kyang phyi mar ngan song gi sdug bsngal gyi rgyu byed/ tshe 'dir yang ngal zhing dub pas sdug bsngal bar byed pa ma gtogs/ yang dag pa'i bde ba zhig gtan nas mi 'dug /des na 'di nyid bde ba dang bde ba'i rgyu thams cad dang ldan na ci ma rung/ bde ba dang bde ba'i rgyu dang ldan par gyur @019a @#/ /cig ;bde ba dang bde ba'i rgyu dang ldan par bya'o/ /de ltar byed nus par bla ma lhas byin gyis brlab tu gsol/ zhes sogs dang/ de la myong ba thon pa na pha la sogs pa'i gnyen gzhan rnams dang/ bar ma'i sems can rnams dang/ dgra rnams dang/ mthar sems can thams cad la dmigs nas sngar bzhin sgom/ de nas snying rje sgom tshul ni/ spyi bor bla ma lha bsgom bzhin pa'i ngang nas/ thog mar bshan pas gsod bzhin pa'i lug lta bu'i sdug bsngal gyis nyam thag pa'i 'gro ba rnams la sgom/ de'i tshul ni mdun du de'i rnam pa gsal bar dmigs nas/ yan lag rnams ni bcings/ brang gi pags pa ni bshags/ bshan pa'i lag pa khong par bcug pas srog la bab pa ni mngon sum du shes/ mig bshan pa'i gdong la rig rig tu blta zhing/ sdug bsngal gyis nyam thag pa'i tshul bsams nas/ des na 'di nyid sdug bsngal dang sdug bsngal gyi rgyu thams cad dang bral na ci ma rung/ sdug bsngal dang sdug bsngal gyi rgyu thams cad dang bral bar gyur cig /sdug bsngal dang sdug bsngal gyi rgyu thams cad dang bral bar bya'o/ /de ltar byed nus par bla ma lhas byin gyis brlab tu gsol/ zhes sogs dang/ de la myong ba thon pa na dge 'dun gyi dkor la bag med du spyod pa dang/ tshul 'chal dang/ chos spong mkhan dang/ log lta can dang sems can la 'tshe zhing sdig pa @019b mi dge ba sna tshogs byed pa la skyen skyen por byed pa'i 'gro ba rnams la dmigs nas sgom/ de'i tshul ni de dag gi rnam pa mdun du gsal bar dmigs nas/ da lta 'di dag gi byed spyod 'di 'dra na/ tshe 'dir yang bde ba ni mi 'dug / shi ma thag tu ni ngan song du skye ba la the tshom med/ der skyes na yun ring la shugs drag pa'i sdug bsngal sna tshogs pa zhig myong dgos pa 'dug /des na 'di dag sdug bsngal dang sdug bsngal gyi rgyu thams cad dang bral na ci ma rung/ sdug bsngal dang sdug bsngal gyi rgyu thams cad dang bral bar gyur cig /sdug bsngal dang sdug bsngal gyi rgyu thams cad dang bral bar bya'o/ /de ltar byed nus par bla ma lhas byin gyis brlab tu gsol/ zhes sogs dang/ de la myong ba thon pa na ma la sogs pa'i gnyen rnams mdun du gsal bar dmigs nas/ 'di nyid tshe 'di'i 'bad 'bad dung dung gis dgra gnyen gyi gso tshis byed byed nas sdug bsngal gyi sdug bsngal dang/ 'gyur ba'i sdug bsngal gnyis kyis gdungs nas bde ba'i skabs cung zad kyang mi 'dug /tshe 'dir yang bya ba ngan pas brel nas dge ba'i blo ma skyes pas/ shi ma thag tu ngan song du skyes nas yun ring la shugs drag pa'i sdug bsngal sna tshogs pa zhig myong dgos pa 'dug /des na 'di dag sdug bsngal dang sdug bsngal gyi rgyu thams cad dang bral na ci ma rung/ sdug bsngal dang sdug bsngal gyi rgyu thams cad dang bral bar gyur cig /sdug bsngal dang sdug bsngal gyi rgyu thams cad dang @020a @#/ /bral bar bya'o/ /de ltar byed nus par bla ma lhas byin gyis brlab tu gsol/ zhes sogs dang/ de la myong ba thon pa na bar ma'i sems can dang/ dgra dang/ mthar sems can thams cad kyi bar sngar bzhin sgom mo/ /de ltar byams pa dang snying rje la yid 'gyur ba'i myong ba thon pa na lhag bsam sgom tshul ni spyi bor bla ma lha bsgom bzhin pa'i ngang nas 'di ltar bsam ste/ sdug bsngal gyis mnar zhing bde bas 'phongs pa'i sems can thams cad sdug bsngal dang sdug bsngal gyi rgyu dang bral ba zhig bdag gis bya'o/ /bde ba dang bde ba'i rgyu dang phrad pa zhig bdag gis bya'o/ /khyad par ma sems can thams cad kyis sgrib gnyis bag chags dang bcas pa spangs pa'i yang dag par rdzogs pa'i sangs rgyas kyi go 'phang thob pa zhig bdag gis bya'o/ /de ltar byed nus par bla ma lhas byin gyis brlab tu gsol/ zhes sogs dang/ de nas byang chub kyi sems sgom tshul ni/ spyi bor bla ma lha bsgom bzhin pa'i ngang nas 'di ltar bsam ste/ 'o na khyod la sems can thams cad rdzogs pa'i sangs rgyas kyi go 'phang la 'god pa'i nus pa yod dam zhe na/ da lta ni sems can gcig kyang rdzogs pa'i sangs rgyas kyi go 'phang la 'god pa'i nus pa mi 'dug /der ma zad dgra bcom pa gnyis kyi go 'phang thob kyang sems can gyi don nyi tshe ba ma gtogs/ sems can thams @020b cad rdzogs pa'i sangs rgyas kyi go 'phang la 'god pa'i nus pa med/ de lta bu'i nus pa su la yod na/ yang dag par rdzogs pa'i sangs rgyas la yod de/ khong gi sku'i yon tan mtshan dpe gsal rdzogs kyis spras pa/ gsung gi yon tan 'bad rtsol med par yan lag drug cu dang ldan pa'i gsung dbyangs skad cig re res kyang sems can thams cad kyi rang rang gi skad du chos ston par nus pa/ thugs kyi yon tan shes bya ji lta ba dang ji snyed pa thams cad mngon sum du gzigs shing/ sems can thams cad la ma bu gcig pa la brtse ba ltar thugs rje chen po nye ring med par 'jug pas gdul ba'i dus las skad cig kyang mi 'da' ba/ 'phrin las 'bad med lhun gyis grub cing/ sku gsung thugs kyi 'od zer re re tsam spros pas kyang sems can dpag tu med pa thams cad mkhyen pa'i go 'phang la 'god nus pa la sogs pa/ mdor na yon tan gyi rigs thams cad dang ldan zhing/ skyon gyi rigs thams cad dang bral ba ni yang dag par rdzogs pa'i sangs rgyas kho na yin/ des na rang gzhan gnyis ka'i don mthar phyin pa zhig byed na/ de lta bu'i sangs rgyas kyi go 'phang zhig thob dgos pa 'dug pas/ bdag gis ma sems can thams cad kyi don du myur ba myur bar yang dag par rdzogs pa'i sangs rgyas kyi go 'phang rin po che ci nas kyang thob par bya'o/ /de ltar byed nus par bla ma lhas byin gyis brlab tu gsol/ zhes @021a @#/ /gsol ba btab pas/ spyi bo'i bla ma lha'i sku las sku gnyis pa zhig mar me gcig las gnyis tshad kyi tshul du byung nas rang la thim pas/ seng ge chen po brgyad kyis bteg pa'i rin po che'i khri mtho zhing yangs pa'i steng khar sna tshogs pad zla nyi ma'i dkyil 'khor gyi gdan la rang nyid rgyal ba shAkya thub pa/ zhes pa nas/ rdo rje skyil krung gis bzhugs par gyur pa'i mos pa byed/ rang thub pa'i dbang por gsal ba'i ngang nas lus longs spyod dge rtsa dang bcas pa bdud rtsi sna lnga 'od zer dang bcas pa'i rnam par spros nas sems can thams cad la btang bas/ sems can thams cad kyis mngon mtho nges legs kyi bde ba phun sum tshogs pa thob pa'i mos pa byed do/ /gsum pa mjug tu ji ltar bya ba ni sngar bzhin yin la/ gnyis pa thun mtshams su yang byams snying rje byang chub kyi sems kyi rnam gzhag ston pa'i gsung rab dgongs 'grel dang bcas pa blta ba sogs sngar bzhin no/ /gnyis pa ni/ sngon tu sems can thams cad la sems snyoms pa'i btang snyoms dang/ mar shes drin dran gsum sgom pa sngon du btang ste/ rang gi mtha' skor du sems can thams cad gsal bar dmigs nas/ rang gi blo yul du rang gzhan gnyis gang gces par 'dzin/ gang yal bar 'dor snyam du brtags pa na/ rang gces par 'dzin cing gzhan yal bar @021b 'dor ba'i blo ngam ngam shugs kyis skye la/ de'i tshe 'di ltar bsam ste/ rang gces par bzung nas gzhan yal bar 'dor mi rigs te/ rang gzhan gnyis ka bde ba 'dod cing sdug bsngal mi 'dod par mtshungs pa'i phyir/ des na rang gces par 'dzin pa bzhin du gzhan gces par 'dzin dgos te/ gzhan gyis rang gces par bzung na rang dga' ba bzhin du/ rang gis kyang gzhan gces par bzung na gzhan dga' bar 'gyur bas so/ /gzhan yang rang nyid phun sum tshogs pa cig byed par 'dod nas 'khor ba thog ma med pa nas/ rang gces par bzung bas rang gzhan gyi don gang yang ma grub par ma zad/ sdug bsngal sna tshogs zhig myong bar 'dug /des na rang gces par 'dzin pa ni 'khor ba dang ngan song gi sdug bsngal la sogs pa'i rgud pa kun gyi gnas su 'dug pas/ rang gces 'dzin ma skyes ba mi bskyed pa dang/ skyes pa rnams spong bar byed/ gzhan gces par 'dzin pa ni yon tan thams cad kyi 'byung gnas su 'dug pas/ gzhan gces 'dzin ma skyes pa gsar du bskyed pa dang/ skyes zin rnams gong 'phel du bya'o/ / de ltar byed nus par bla ma lhas byin gyis brlab tu gsol/ zhes sogs dang/ mdor na thub pa'i dbang pos rang yal bar dor nas gzhan gces par bzung ste/ gzhan gyi don 'ba' zhig mdzad pas mngon par @022a @#/ /rdzogs par sangs rgyas pa yin/ bdag gis kyang de ltar byas na ches snga bar 'tshang rgya ba la/ de ltar ma byas pas da lta'i bar du 'khor bar 'khyams/ da yang rang gces 'dzin khong na gnas phyin chad gzhan gces 'dzin gsar du mi skye zhing/ skyes kyang rgyun 'thud mi thub par 'dug pas/ rang gces par bzung nas gzhan yal bar 'dor ba'i blo skad cig kyang mi skyed cing/ rang yal bar dor nas gzhan gces par bzung ste/ gzhan gyi sdug bsngal dang sdig pa thams cad bdag gi rgyud steng du blangs/ bdag gi bde dge thams cad gzhan la btang bas/ gzhan sems can thams cad sdug bsngal dang bral zhing/ bde ba phun sum tshogs pa dang ldan pa cig bdag gis bya'o/ /de yang da lta ni bdag la de lta bu'i nus pa mi 'dug /nus pa su la yod na yang dag par rdzogs pa'i sangs rgyas la yod pas/ bdag gis ma sems can thams cad kyi don du yang dag par rdzogs pa'i sangs rgyas kyi go 'phang thob par bya'o/ /de ltar byed nus par bla ma lhas byin gyis brlab tu gsol/ zhes sogs dang/ gnyis pa sems bskyed cho gas bzung tshul la gnyis/ sdom pa ma thob pa thob par bya ba dang/ thob pa mi nyams par bsrung tshul lo/ /dang po ni/ lam rim du smon 'jug rim can du len pa'i dbang du mdzad kyang/ zhi ba lha'i lugs @022b ltar cig car du byas na 'jug pa bde bas de'i tshul ni/ sngon 'gro'i rim pa spyi dang/ khyad par bshes gnyen bsten tshul nas byang chub kyi sems kyi bar gyi dngos gzhi'i dmigs pa rgyud dang 'dres par bskyangs pa'i thog tu spyi bor bla ma lha bsgom bzhin pa'i ngang nas/ ma sems can thams cad kyi don du myur du yang dag par rdzogs pa'i sangs rgyas kyi go 'phang thob par bya/ de'i phyir tu dus 'di nas bzung ste ji srid byang chub snying po la mchis kyi bar du rgyal ba'i sras kyi sdom pa bzung nas spyod pa rlabs po che rnams la slob cing/ sems can thams cad kyi don du sangs rgyas thob par bya'o snyam pa'i sems 'di yang sangs rgyas ma thob kyi bar du bzung bar bya'o snyam du bsam la/ bla ma thub pa'i dbang po'i rjes su zlos par mos nas/ sangs rgyas byang chub sems dpa' kun/ /bdag la dgongs par mdzad du gsol/ /ji ltar sngon gyi bde gshegs kyis/ /byang chub thugs ni bskyed pa dang/ /byang chub sems dpa'i bslab pa la/ /rim pa bzhin du gnas pa ltar/ /bdag kyang 'gro la phan don du/ /byang chub sems ni bskyed bgyi zhing/ /byang chub sems dpa'i bslab pa la/ /rim pa bzhin du bslab par bgyi/ zhes lan gsum brjod pas byang chub sems dpa'i sdom pa thob pa'i mos pa byed do/ /de nas/ deng dus bdag tshe 'bras bu yod/ /mi yi srid pa legs par thob/ /de ring sangs rgyas rigs su skyes/ / @023a @#/ /sangs rgyas sras su da gyur to/ /da ni bdag gis ci nas kyang/ /rigs dang mthun pa'i las brtsams te/ /skyon med btsun pa'i rigs 'di la/ /rnyog par mi 'gyur de ltar bya/ zhes spro ba bskyed do/ /gnyis pa thob pa mi nyams par bsrung tshul ni/ spyi bor bla ma lha bsgom bzhin pa'i ngang X/ ma sems can thams cad kyi don du myur du yang dag par rdzogs pa'i sangs rgyas kyi go 'phang thob par bya/ de'i phyir du byang chub kyi sems kyi phan yon bsam nas/ nyin lan gsum mtshan lan gsum du byang chub kyi sems bzung zhing/ sems can gyi ngos nas byed spyod ci 'dra na'ang bdag gi ngos nas sems can gcig kyang blos mi spong/ sems bskyed 'phel ba'i phyir du dkon mchog mchod pa la sogs pa'i tshogs gnyis gsog pa la brtson par bya'o/ /gzhan yang bla ma sogs la ku re dang bzhad gad kyi phyir du yang brdzun gyis dbu bskor ba dang/ gzhan dge ba byed pa la 'gyod pa bskyed pa dang/ theg chen la zhugs pa'i byang sems la zhe sdang gis mi snyan par smra ba dang/ lhag bsam ma yin pas g.yo sgyu byed pa ste/ nag po'i chos bzhi la sogs pa sems bskyed nyams pa'i rgyu rnams spong ba dang/ dkar po'i chos bzhi bsten pa la sogs pa'i sems bskyed 'phel ba'i rgyu rnams la tshul bzhin du bslab par bya'o/ /mdor na rtsa ltung bco brgyad dang nyes byas bzhi bcu zhe drug @023b gi nyes pas nam yang ma gos pa'i byang chub sems dpa'i sdom pa rnam par dag pa srog dang bsdos te ji srid byang chub snying po la mchis kyi bar du bsrung bar bya'o/ /de ltar bsrung nus par bla ma lhas byin gyis brlab tu gsol X/ gnyis pa sems bskyed nas spyod pa la slob tshul la gnyis/ rgyal ba'i sras kyi spyod pa spyi la slob tshul dang/ khyad par phar phyin tha ma gnyis la slob tshul lo/ /dang po la gnyis/ thun gyi ngo bo la ji ltar bya ba dang/ thun mtshams su ji ltar bya ba'i tshul lo/ /dang po la sbyor dngos mjug gsum las/ dang po sbyor ba ni/ skyabs gnas kun 'dus bla ma lhag pa'i lha/ /thub dbang rdo rje 'chang la gsol ba 'debs/ zhes pa yan chad sngar bzhin yin la/ de nas bdag dang ma sems can thams cad kyis zab pa dang rgya che ba'i rgyal ba'i sras kyi spyod pa rlabs po che rnams la tshul bzhin du bslab nus par bla ma lhas byin gyis brlab tu gsol/ zhes sogs dang/ gnyis pa dngos gzhi la rang rgyud smin byed phar phyin drug dang/ gzhan rgyud smin byed bsdu bzhi'i nyams len gnyis las/ dang po ni/ spyi bor bla ma lha bsgom bzhin pa'i ngang X/ ma sems can thams cad kyi don du myur du yang dag par rdzogs pa'i sangs rgyas kyi go 'phang thob par bya/ de'i phyir du rnyed bkur dang grags pa sogs la mi lta bar chos kyis 'phongs pa'i sems can rnams la dam pa'i chos ci nus su ston par byed pa chos @024a @#/ /kyi sbyin pa dang/ mi dang mi ma yin dang 'byung bas gnod pa'i sems can rnams 'jigs pa de dag las skyob par byed pa mi 'jigs pa'i sbyin pa dang/ dbul zhing 'phongs pa'i sems can rnams la lan dang rnam par smin pa la re ba med par ser sna spangs te/ ji ltar 'os pa'i yo byad gtong bar byed pa zang zing gi sbyin pa ste/ sbyin pa rnam pa gsum gyi nyams len la tshul bzhin du bslab par bya'o/ /mdor na ma sems can thams cad kyi don du myur du yang dag par rdzogs pa'i sangs rgyas kyi go 'phang thob par bya/ de'i phyir du bdag gi lus longs spyod dge rtsa dang bcas pa thams cad sems can thams cad la phangs pa med par btang bar bya'o/ /de ltar byed nus par bla ma lhas byin gyis brlab tu gsol X/ zhes gtong sems spel ba ni sbyin pa'i nyams len yin no/ /de nas tshul khrims kyi nyams len ni/ spyi bor bla ma lha bsgom bzhin pa'i ngang X/ ma sems can thams cad kyi don du myur du yang dag par rdzogs pa'i sangs rgyas kyi go 'phang thob par bya/ de'i phyir du mi dge ba bcu spong ba la sogs pa ji ltar khas blangs pa'i sdom pa dang 'gal ba'i nyes spyod rnams spangs nas/ sbyin sogs phar phyin drug dang/ tshul khrims la sogs pa'i dge ba rnam par dag pa rang rgyud la ma skyes pa bskyed/ skyes pa rnams gong 'phel du byas te/ sems can thams cad kyang tshul khrims la @024b sogs pa'i dge ba rnam par dag pa la sbyar nas smin grol gyi lam la dgod par bya'o/ /de ltar byed nus par bla ma lhas byin gyis brlab tu gsol/ zhes sogs dang/ de nas bzod pa'i nyams len ni/ spyi bor bla ma lha bsgom bzhin pa'i ngang X ma sems can thams cad kyi don du myur du yang dag par rdzogs pa'i sangs rgyas kyi go 'phang thob par bya/ de'i phyir du sems can thams cad dgrar langs kyang khro ba'i sems skad cig kyang mi bskyed par gnod lan du phan pa bsgrubs te/ rang gzhan gyi rgyud la bzod pa'i phar phyin la sogs pa'i sangs rgyas kyi chos rnams yongs su rdzogs par bya'o/ /gzhan yang zas nor dang gnas mal sogs kyis 'phongs pa dang/ na tsha sogs mi 'dod pa'i sdug bsngal thog tu babs pa'i tshe sdug bsngal 'di ltar myong ba sngar las ngan bsags pa'i 'bras bu yin/ 'di la brten nas las ngan mang ba dag 'gro bas mi 'dod rgyu mi 'dug cing/ khyad par chos phyir sdug bsngal byung ba la bzod sran bskyed pa la brten nas thams cad mkhyen pa'i lam la nye bar 'gyur bas sdug bsngal 'di dag dang du blangs te/ rang gzhan gyi 'khor ba dang ngan song gi sdug bsngal rgyun bcad par bya'o/ /gzhan yang dkar nag gi las kyi rnam par smin pa dang/ dkon mchog gsum gyi byin rlabs dang/ sangs rgyas dang byang chub sems dpa' bdag nyid chen po rnams kyi mthu bsam gyis mi khyab pa dang/ @025a @#/ /bla na med pa'i byang chub dang/ gsung rab yan lag bcu gnyis dang byang chub sems dpa'i bslab pa'i gnas rnams la mos pa bskyed na 'bras bu shin tu che bas/ de la mos par byas nas bla na med pa'i byang chub thob pa'i phyir du gsung rab yan lag bcu gnyis kyi brjod bya'i don byang chub sems dpa'i bslab pa'i gnas rnams la tshul bzhin du bslab par bya'o/ /de ltar byed nus par bla ma lhas byin gyis brlab tu gsol/ zhes sogs dang/ de nas brtson 'grus kyi nyams len ni/ spyi bor bla ma lha bsgom bzhin pa'i ngang X ma sems can thams cad kyi don du myur du yang dag par rdzogs pa'i sangs rgyas kyi go 'phang thob par bya/ de'i phyir du mtshan dpe la sogs pa sangs rgyas kyi chos re re bsgrub pa dang/ sbyin pa la sogs pa byang chub sems dpa'i chos re re bsgrub pa'i phyir du bskal pa 'bum phrag re rer mnar med du gnas nas sangs rgyas kyi go 'phang bsgrub dgos na'ang brtson pa mi 'dor zhing spro ba bskyed nas/ zab pa dang rgya che ba'i dge ba'i chos rang rgyud la sdud par byed cing/ gzhan yang dge ba'i lam la bkod nas bla na med pa'i byang chub thob par bya'o/ /de ltar byed nus par bla ma lhas byin gyis brlab tu gsol/ zhes sogs dang/ de nas bsam gtan gyi nyams len ni/ spyi bor bla ma lha bsgom bzhin pa'i ngang X sems can thams cad kyi @025b don du myur du yang dag par rdzogs pa'i sangs rgyas kyi go 'phang thob par bya/ de'i phyir du ngo bo'i sgo nas 'jig rten dang/ 'jig rten las 'das pa'i bsam gtan/ phyogs kyi sgo nas zhi gnas dang/ lhag mthong dang/ de gnyis zung du 'brel ba'i bsam gtan/ byed las kyi sgo nas tshe 'dir lus sems bde bar gnas pa'i bsam gtan/ yon tan gyi rten byed pa'i bsam gtan/ sems can gyi don byed pa'i bsam gtan te/ rgyal ba'i sras kyi bsam gtan rnam pa thams cad pa rnams la bslab par bya'o/ /de ltar byed nus par bla ma lhas byin gyis brlab tu gsol/ zhes sogs dang/ de nas shes rab kyi nyams len ni/ spyi bor bla ma lha bsgom bzhin pa'i ngang X sems can thams cad kyi don du yang dag par rdzogs pa'i sangs rgyas kyi go 'phang thob par bya/ de'i phyir du gnas lugs rig pa don dam rtogs pa'i shes rab/ gnas lnga rig pa kun rdzob rtogs pa'i shes rab/ sems can gyi don bya tshul rtogs pa'i shes rab ste/ rgyal ba'i sras kyi shes rab rnam pa thams cad pa la bslab par bya'o/ /de ltar byed nus par bla ma lhas byin gyis brlab tu gsol/ zhes sogs dang/ /gnyis pa gzhan rgyud smin par byed pa bsdu bzhi'i nyams len ni/ spyi bor bla ma lha bsgom bzhin pa'i ngang X ma sems can thams cad kyi don du myur du yang dag par rdzogs pa'i sangs rgyas kyi go 'phang thob par bya/ de'i phyir du sems can thams cad sbyin pas 'khor du bsdus te tshar @026a @#/ /bcad rjes 'dzin gyi sgo nas chos ston pa'i snyan par smra ba dang/ chos bstan pa'i don nyams su len du 'jug pa'i don spyod pa dang/ gzhan la bstan pa ltar rang gis kyang nyams su len pa'i don mthun pa ste/ gzhan don byed pa'i thabs bzang ba 'di rnams la brten nas sems can thams cad smin grol gyi lam la dgod par bya'o// de ltar byed nus par bla ma lhas byin gyis brlab tu gsol X/ /gsum pa mjug tu ji ltar bya ba ni sngar bzhin no/ /gnyis pa thun mtshams su yang zab pa dang rgya che ba'i rgyal ba'i sras kyi spyod pa rlabs po che rnams ston pa'i gsung rab dgongs 'grel dang bcas pa blta ba sogs sngar bzhin no// gnyis pa phar phyin tha ma gnyis la bslab tshul la gnyis/ bsam gtan gyi ngo bo zhi gnas la bslab tshul dang/ shes rab kyi ngo bo lhag mthong la bslab tshul lo// dang po la gnyis/ thun gyi ngo bo la ji ltar bya ba dang/ thun mtshams su ji ltar bya ba'i tshul lo// dang po la sbyor dngos mjug gsum las/ dang po ni/ sngon 'gro'i rim pa spyi dang/ khyad par skyes bu chung 'bring gi bsam pa sbyong ba dang/ sa bzang zhing grogs bzang ba'i yid mthun gyi dben pa'i gnas su/ tshul khrims rnam par dag pa la gnas nas/ skye bo mang po dang 'grogs 'dris ha cang che ba dang/ 'dod pa la 'dun pa'i rnam rtog rags pa rnams spangs te/ 'dod chung chog shes la gnas nas stan @026b bde ba la lus drang por bsrang/ rkang pa rdo rje skyil krung dang/ lag pa gnyis mnyam gzhag gi phyag rgya bcas rlung cham la 'bebs pa sogs zhi gnas bsgrub pa'i rgyu tshogs bsten pa sngon du btang nas/ dngos gzhi la zhi gnas bsgrub pa'i dmigs rten du ma zhig gsungs kyang gtso bor sangs rgyas rjes su dran pa'i mchog tu 'gyur ba dang/ sngags kyi lha'i rnal 'byor sgom pa'i snod rung du 'gyur ba sogs dgos pa du ma yod pas lha'i sku la dmigs pa legs la/ de'i tshul ni spyi bo'i bla ma lha'i thugs ka nas 'od zer sdom gyi ba thag lta bu'i sne mor/ sna tshogs padma dang zla ba'i gdan la/ rgyal ba shAkya thub pa sku mdog gser btso ma lta bu/ zhes pa nas/ rdo rje skyil krung gis bzhugs pa/ rgya sran gyi 'bru tshad tsam zhig spros nas rang gi lte ba'i thad kyi mdun gyi nam mkhar bzhugs pa la sems rtse gcig tu dmigs nas bsgom pa'am/ yang na spyi bo'i bla ma lha las bla ma lha gnyis pa zhig mar me gcig las gnyis chad kyi tshul du byung nas rang la thim pas/ seng ge chen po brgyad kyis bteg pa'i rin po che'i khri mtho zhing yangs pa'i steng khar/ sna tshogs pad zla nyi ma'i dkyil 'khor gyi gdan la/ rang nyid rgyal ba shAkya thub pa/ zhes pa nas/ rdo rje skyil krung gis bzhugs pa/ nam mkha'i 'ja' tshon lta bu snang la rang bzhin med pa la sems rtse gcig tu dmigs nas bsgom par bya'o// de'i tshe ser po sgom @027a @#/ /'dod pa la dmar po sogs 'char ba dang/ bzhugs pa'i rnam pa sgom 'dod pa la bzhengs pa'i rnam par 'char ba dang/ gcig sgom 'dod pa la du ma 'char ba sogs byung na de dag gi rjes su mi 'brang bar rtsa ba'i dmigs rten la sems rtse gcig tu dmigs nas sgom/ dang po nas dangs gsal 'od kyi rang bzhin can gyi gsal po rang ma byung kyang/ sku'i don spyi cha phyed tsam gsal ba la sems rtse gcig tu dmigs nas sgom par byed/ de yang thun 'di tsam gyi bar la bying rgod gtan nas ma byung ba cig byed cing/ gal te byung na de ma thag tu shes par byas te spong snyam pa'i 'dun pa drag po btang nas sems dmigs rten la rtse gcig tu gtang ba de nyid blo'i yul du ma brjed par ngan tsam dran tsam byas nas/ blo de'i rgyun skyong ba ni las dang po pas sems gnas sgrub pa'i thabs dam pa'o/ /mdor na ting nge 'dzin rnam par dag pa cig sgom na/ nyes pa lnga spong 'du byed brgyad/ /bsten pa'i rgyu las byung ba'o/ zhes gsungs pa ltar/ nyes pa lnga spong ba'i gnyen po 'du byed brgyad bsten pa'i sgo nas sgrub dgos te/ de yang ting nge 'dzin la sbyor ba'i tshe le lo nyes pa yin pas/ de'i gnyen po bzhi ste/ ting nge 'dzin gyi yon tan mthong ba'i dad pa dang/ ting nge 'dzin la don gnyer gyi 'dun pa dang/ ting nge 'dzin la rtsol ba'i brtson 'grus dang/ rtsol ba'i 'bras bu shin sbyangs @027b so/ /ting nge 'dzin la brtson pa'i tshe gdams ngag brjed pa nyes pa yin pas de'i gnyen po dran pa ste/ dran pa yang dmigs rten ma brjed pa gcig pus mi chog gi /sems dmigs rten la rtse gcig tu dmigs nas rig pa ngar ldan du byas pa'i nges shes dam sbring nge ba dang ldan pa'o/ /ting nge 'dzin la mnyam par bzhag pa'i tshe bying rgod gnyis nyes pa yin pas de'i gnyen po shes bzhin te/ de yang shes bzhin gyis bying rgod 'byung mi 'byung legs par brtags pas/ blo rab kyis bying rgod 'byung ba'i 'go rtsom pa na de shes nas spong nus la/ 'bring gis byung ma thag dang/ tha mas kyang bying rgod byung nas ring po ma lon par shes nas spong dgos so/ /'o na rmugs pa dang bying rgod gnyis kyi khyad par ji lta bu zhe na/ dmigs rten mi gsal ba'i lus sems lci ba'i rnam pa can na rmugs pa yin la/ sems la mun pa babs pa lta bu dang/ sems dmigs rten las gzhan du mi 'phro yang/ dangs cha dang gsal cha med par dran pa'i shugs zhan du song ba ni bying ba rags pa dang/ dangs cha dang gsal cha yod kyang dmigs rten nges pa'i nges shes dam sbring nge ba las cung zad zhan du song ba ni bying ba phra mo yin la/ de dag gi gnyen por dkon mchog gsum gyi yon tan sems pa dang/ snang ba'i mtshan ma yid la byed pa dang/ rlung sems nam mkha' dang bsre ba'i gdams ngag rnams bya'o/ /sems dmigs rten la g.yo med du mi gnas par @028a @#/ /cung zad 'phro ba ni rgod pa phra mo yin la/ de'i gnyen por dran shes bsten nas bsgom par bya'o/ /dran shes bsten kyang mi gnas par chags yul rnams la 'phro ba ni rgod pa rags pa yin la/ de'i gnyen por mi rtag pa dang/ ngan song gsum dang/ 'khor ba'i sdug bsngal sgom pa dang/ rgod pa btsan thabs su gcod pa'i gdams ngag rnams bya'o/ /bying rgod gnyis byung ba'i tshe 'du mi byed pa nyes pa yin pas/ de'i gnyen por bying rgod byung ma thag tu rig par byas nas spong ba'i 'du byed bsten par byed/ de yang sems dmigs rten la ches cher bsgrims pa'i rig pa ngar ldan du byas na gsal cha yod kyang/ rgod shas che bas gnas cha rnyed dka' la/ cher ma bsgrims par glod na gnas cha yod kyang bying shas che zhing gsal cha rnyed dka' bas/ des na rang nyams la dpags te rig pa 'phang 'di tsam zhig bstod na rgod pa skye bar 'dug snyam pa las cung zad glod/ 'di tsam du bzhag na bying ba skye bar 'dug snyam pa las cung zad 'phar bstod na ran par 'gyur bas/ de gnyis kyi mtshams su 'phro rgod las sems blan te gnas cha 'tshol/ gnas cha nam byung res kyis bying zon byas nas rig pa ngar dang ldan pa'i gsal cha 'don/ de gnyis re mos su byas nas bskyangs pas ting nge 'dzin skyon med 'grub kyi/ nges shes kyi 'dzin stangs ngar ldan du byas pa'i gsal cha med pa'i @028b dangs pa tsam la yid brtan mi bya'o/ /de ltar bying rgod phra mo yang chod nas sems ting nge 'dzin la rgyun chags su 'jug pa'i tshe 'du byed pa nyes pa yin pas/ de'i gnyen por bying rgod kyi gnyen po 'du mi byed par/ btang snyoms su glad nas 'jog pa'o/ /de lta bu'i tshul gyis legs par bskyangs pas sems gnas pa dgu rim gyis thob nas lus sems shin sbyangs dang bcas pa'i zhi gnas 'grub par 'gyur ro/ /gsum pa mjug tu ji ltar bya ba ni sngar bzhin no/ /gnyis pa thun mtshams su yang zhi gnas kyi rnam gzhag ston pa'i gsung rab dgongs 'grel dang bcas pa blta ba sogs ni sngar bzhin no/ /gnyis pa shes rab kyi ngo bo lhag mthong la bslab tshul la gnyis/ thun gyi ngo bo la ji ltar bya ba dang/ thun mtshams su ji ltar bya ba'i tshul lo/ /dang po la sbyor dngos mjug gsum las/ dang po ni/ zhi gnas kyi skabs su bshad pa dang 'dra la/ khyad par dge ba'i bshes gnyen mkhas pa tshul bzhin du bsten pa las lhag mthong gi gdams ngag nyan pa dang/ bla ma dang lhag pa'i lha dbyer med du byas nas gdung shugs drag pos gsol ba 'debs pa dang/ bsag sbyang la 'bad pa sogs gsum bsgril du byed pa ni lta ba rtogs pa'i sngon 'gror med mi rung yin no/ /gnyis pa dngos gzhi la gnyis/ gang zag gi bdag med gtan la phab nas bsgom pa'i tshul dang/ chos kyi bdag med gtan @029a @#/ /la phab nas bsgom pa'i tshul lo// dang po ni/ rgyal ba'i gsung rab rnams las/ bdag med gtan la 'bebs pa'i rigs pa'i rnam grangs mtha' yas pa zhig gsungs kyang/ las dang po pa rnams kyis gnad bzhi'i sgo nas gtan la phab na 'char sla bas/ de'i tshul ni/ rang cag rnams gnyid 'thug po log bzhin pa'i gnas skabs tshun chad du/ ngang snyam du snying gi dkyil du dam sbring sbring blos 'dzin pa ni ngar 'dzin lhan skyes yin la/ de yang rang gis nyes pa de lta bu ma byas pa la/ gzhan zhig gis khyod kyis nyes pa 'di dang 'di lta bu zhig byas so zhes bsnyon btsugs pa na/ ngas nyes pa 'di lta bu ma byas pa la bsnyon 'di 'dra ba zhig 'dzugs pa/ nga nga snyam du snying gi dkyil du dam sbring sbring 'char ba lta bu'i tshe/ ngar 'dzin lhan skyes kyi nga'i 'dzin tshul gsal bar yod pas/ de'i dus su shes pa'i cha shas phra mo zhig gis blo des nga gang du bzung/ tshul ji ltar du bzung brtag par bya'o/ /de yang blo phyi ma de shugs ches na blo snga ma de yal nas stong sang zhig ma gtogs gang yang mi yong bas shes pa byings nga'o snyam pa'i blo de'i ngo bor breng chags su bskyed nas/ shes pa'i cha shas phra mo zhig gis brtag dgos la/ de ltar brtags pa'i tshe/ ngar 'dzin lhan skyes kyis nga gang du bzung ba'i gnas ni/ rang gi phung po lnga'am lus sems gnyis las don gzhan du ma yin cing/ phung po lnga re re ba dang lus sems gnyis @029b re re ba'i steng du yang ma yin kyang/ phung po lnga tshogs tsam pa'am lus sems gnyis tshogs tsam pa'i bam me ba de'i steng du rtog pas btags pa tsam ma yin par/ dang po nas tshugs thub tu grub pa'i nga zhig yod par 'dzin pa ni/ ngar 'dzin lhan skyes kyis nga'i 'dzin tshul yin la/ de'i 'dzin stangs kyi yul gyi nga de 'gog rgyu'i dgag bya yin pas/ gzhan gyis bshad pa'i go ba dang/ tshig spyi tsam ma yin par rang gi rgyud steng du tshul de nyid rjen cher gyis nges par bya ste/ de ni gnad dang po dgag bya'i snang tshul nges pa'i gnad do/ /gnyis pa khyab pa nges pa'i gnad ni/ nga'o snyam du snying gi dkyil du dam sbring sbring du 'dzin pa'i blo des bzung ba'i nga de/ rang gi phung po lnga'i steng na yod na/ nga de phung po lnga dang gcig tu yod dam tha dad du yod/ yod tshul de gnyis las gzhan pa'i yod tshul phung gsum pa gtan mi srid de/ chos gang dang gang yin kyang yang na gcig gi rnam par yod dgos/ yang na du ma'i rnam par yod dgos la/ yod tshul de gnyis las gzhan pa'i yod tshul phung gsum pa gtan mi srid snyam du thag bcad par bya'o/ /gsum pa bden pa'i gcig bral nges pa'i gnad ni/ de ltar bzung ba'i nga de phung po lnga dang gcig tu yod do snyam na/ gang zag gcig la phung po lnga yod pa bzhin du/ nga yang rgyud tha dad pa lnga yod par 'gyur ba dang/ yang na nga gcig yin pa bzhin du/ phung po lnga @030a @#/ /yang cha med gcig tu 'gyur ba sogs kyi nyes pa du ma yod pas/ de ltar bzung ba'i nga de phung po lnga dang cig ma yin snyam du bsam/ gzhan yang de ltar bzung ba ltar gyi nga de phung po lnga dang gcig tu grub na phung po lnga skye 'jig byed pa bzhin du blo nges bzung ba ltar gyi tshugs thub tu grub pa'i nga de yang skye 'jig byed par 'gyur la/ de ltar na skye 'jig byed pa'i nga de'i skad cig snga phyi rnams gcig tu grub bam tha dad du grub/ gcig tu grub na tshe snga phyi'i nga dang tshe 'di'i nga gsum cha med gcig tu 'gyur la/ tha dad du grub na/ spyir tha dad tsam la 'brel med tha dad yin mi dgos kyang/ rang bzhin gyis grub pa'i tha dad yin na 'brel pa gtan nas med pa'i tha dad yin dgos pas/ tshe snga phyi'i nga dang tshe 'di'i nga gsum 'brel ba gtan nas med pa'i tha dad du 'gyur bas/ las ma byas pa dang 'phrad cing las byas pa chud za ba sogs kyi nyes pa du ma yod pas/ de lta bu'i nga de'i skad cig snga phyi rnams tha dad ma yin la/ des na blo des bzung ba ltar gyi nga de phung po lnga dang gcig tu ma grub bo snyam du bsam/ gzhan yang de ltar bzung ba'i nga de phung po lnga dang gcig tu grub na/ bden par grub pa'i gcig yin pas cha thams cad nas thams cad du gcig tu 'gyur la/ de ltar na nga'am bdag phung po lnga nye bar len pa po dang/ phung po lnga nga'am bdag gis nye bar @030b blang bya ma yin pa sogs kyi nyes pa du ma yod pas/ de ltar bzung ba'i nga de phung po lnga dang gcig tu ma grub par bsam mo/ /bzhi pa bden pa'i du bral nges pa'i gnad ni/ de ltar bzung ba'i nga de phung po lnga'i steng du gcig tu ma grub kyang/ phung po lnga'i steng du tha dad du grub bo snyam na/ phung po lnga yang gzugs kyi phung po la sogs pa re re nas bsal ba'i rjes su/ 'di rnam shes kyi phung po'o// zhes zur du ngos 'dzin rgyu yod pa bzhin du/ gzugs phung sogs re re nas bsal ba'i 'og tu de ltar bzung ba'i nga de 'di'o// zhes tha dad du ngos 'dzin rgyu dgos pa las de ltar mi 'dug pas/ de ltar bzung ba'i nga de phung po lnga dang tha dad du ma grub snyam du bsam/ de ltar gnad bzhi'i dpyad pa byas pa la brten nas ngar 'dzin lhan skyes kyis bzung ba ltar gyi nga med par nges pa na/ nges shes de nyid kyi rgyun bying rgod dang bral bar rtse gcig tu bskyang bar bya'o/ /de yang nges shes de nyid shugs cung zad chung du song ba na las dang po pa rnams kyis sngar ltar gnad bzhi'i dpyad pa byas pa la brten nas/ bden med kyi nges shes 'dren par byed la/ blo mtho ba rnams kyis ni ngar 'dzin lhan skyes la nga ji ltar snang ba ltar grub ma grub dpyad pa byas pa la brten nas/ gnad bzhi'i dpyad pa byas pa dang 'dra bar bden med kyi nges shes 'dren pas/ de'i tshe des dor nga rang bzhin med par nges pa'i nges shes @031a @#/ /dam sbring nge ba dang/ snang ngor dgag bya bden grub bkag tsam gyi stong sang nge ba'i khyad par gnyis ldan du byas nas rtse gcig tu skyob pa ni mnyam gzhag nam mkha' lta bu'i skyong tshul lo/ /rjes thob tu nga la sogs pa'i chos thams cad sgyu ma lta bu'i rnam rol tu bsgom par bya ste/ de yang mnyam gzhag tu bden med kyi nges shes shug drag po drangs pa la brten nas/ rjes thob tu gang shar thams cad snang yang bden med brdzun pa sgyu ma lta bu'i rnam rol tu 'char ba la bslab par bya'o/ /gnyis pa chos kyi bdag med gtan la phab nas sgom tshul la gnyis/ 'dus byas rang bzhin med par gtan la phab nas sgom tshul dang/ 'dus ma byas rang bzhin med par gtan la phab nas sgom tshul lo/ /dang po la bem shes ldan min 'du byed gsum las/ dang po lus lta bu la mtshon na de yang sha rus rngos bcas kyi yan lag lnga tshogs tsam gyi lus 'di'i steng du/ rtog pas btags pa tsam ma yin par tshugs thub tu grub pa'i lus yo re ba zhig yod par rang cag rnams la bsnyon med du 'char ba ni dgag bya'i snang tshul yin la/ de lta bu'i lus de sha rus rdos bcas kyi yan lag lnga tshogs tsam gyi lus 'di'i steng du yod na/ sha rus rdos bcas kyi yan lag lnga tshogs tsam gyi lus 'di dang gcig tu grub bam tha dad du grub/ gcig tu grub na sha rus rdos bca @031b kyi yan lag lnga tshogs tsam gyi lus 'di pha ma'i khu khrag las grub pa yin pas/ rnam shes 'jug pa'i gzhir gyur pa'i khu khrag gi thigs pa de yang sha rus rdos bcas kyi yan lag lnga tshogs tsam gyi lus su 'gyur ba dang/ yan lag lnga yod pa bzhin du lus kyang yan lag lnga tshogs pa'i lus lngar 'gyur la/ tha dad du grub na mgo la sogs pa'i yan lag re re nas bsal ba'i rjes su/ lus de 'di'o zhes bstan rgyu dgos pa las de ltar mi 'dug pas/ de lta bu'i lus gtan nas med snyam du nges shes drangs nas bskyang bar bya'o/ /gnyis pa de ring gi shes pa lta bu la mtshon na/ de ring gi snga dro'i shes pa dang de ring gi phyi dro'i shes pa gnyis kyi steng du rtog pas btags pa tsam ma yin par rang ngos nas grub pa'i de ring gi shes pa zhig yod na/ de ring gi snga dro'i shes pa dang de ring gi phyi dro'i shes pa gnyis gcig tu grub bam tha dad du grub/ gcig tu grub na de ring gi snga dro'i shes pa'i steng du de ring gi phyi dro'i shes pa yod par 'gyur la/ tha dad du grub na de ring gi snga dro'i shes pa dang/ de ring gi phyi dro'i shes pa gnyis re re nas bsal ba'i rjes su/ de ring gi shes pa de 'di'o zhes bstan rgyu dgos pa las de ltar mi 'dug pas/ de lta bu'i shes pa gtan nas med snyam du nges shes drangs nas sngar ltar sgom par byed do/ /gsum pa dus lo gcig lta bu la mtshon na/ lo'i gdags gzhi zla ba bcu @032a @#/ /gnyis po'i steng du rtog pas btags pa tsam ma yin par/ rang ngos nas grub pa'i lo zhig yod na zla ba bcu gnyis po dang gcig tu grub bam tha dad du grub/ gcig tu grub na zla ba bcu gnyis yod pa bzhin du lo yang bcu gnyis su 'gyur la/ tha dad du grub na zla ba bcu gnyis po re re nas bsal ba'i rjes su/ lo de 'di'o zhes bstan rgyu dgos pa las/ de ltar mi 'dug pas/ de lta bu'i lo gtan mi 'dug snyam du nges shes drangs nas sngar ltar bskyang bar bya'o/ /gnyis pa 'dus ma byas rang bzhin med par gtan la phab nas sgom tshul ni/ de yang nam mkha' lta bu la mtshon na phyogs dang phyogs mtshams kyi nam mkha'i cha du ma zhig yod pas/ de rnams dang gcig tu grub bam tha dad du grub dpyad de bden med kyi nges shes drangs nas sngar ltar sgom par byed do/ /mdor na nga dang phung po dang ri rab khang khyim la sogs pa 'khor 'das kyi chos thams cad rtog pas btags pa tsam ma yin par/ rang ngos nas grub pa rdul tsam yang med par nges pa'i nges shes de nyid rtse gcig tu skyong ba mnyam gzhag nam mkha' lta bu dang/ rjes thob tu yul snang thams cad rgyu rkyen tshogs pa la brten nas byung ba'i bden med brdzun pa'i rang bzhin du shes pa'i rjes thob sgyu ma'i rnal 'byor gnyis legs par bskyangs pa la brten nas/ dpyad pa byas stobs kyis @032b drangs pa'i lus sems shin sbyangs kyi bde bas zin pa'i mnyam gzhag de nyid lhag mthong mtshan nyid par 'jog pa yin no/ /gsum pa mjug tu ji ltar bya ba ni/ sngar bzhin yin la/ gnyis pa thun mtshams su yang lhag mthong gi rnam gzhag ston pa'i gsung rab dgongs 'grel dang bcas pa blta ba sogs sngar bzhin no/ /de ltar lam thun mong bas rgyud sbyangs nas nges par rdo rje theg pa la 'jug dgos te/ lam de la brten na bskal pa grangs med gsum la mi ltos par tshogs gnyis bde blag tu rdzogs par 'gyur bas so/ /de yang bshes gnyen bsten tshul nas zhi gnas dang lhag mthong gi bar rnams myong 'khrid du byas te/ nyin re bzhin du thun bzhi'am ma mtha' thun gcig tu yang byas te/ lam gyi rim pa rnams la yid 'gyur ba'i myong ba 'don par byed pa ni dal ba'i rten la snying po len par byed pa'i thabs mchog tu gyur pa yin no/ / ! //mnyam med bu rab shing pa'i dgongs pa'i don/ /dpal ldan mar me mdzad dpal yab sras dang/ /blo bzang rgyal ba gnyis pas gsal mdzad pa/ /mdor bsdus nyams len rim par bsgrigs pa 'di/ /skal bzang thar par bgrod pa'i cha rkyen du/ /chos kyi rgyal mtshan zhes byas legs par bsdebs/ /dge ba 'di yis bdag gzhan 'gro ba rnams/ /skyes bu gsum gyi nyams len mthar phyin shog/ // @033a @#/ /ces byang chub lam gyi rim pa'i dmar khrid thams cad mkhyen par bgrod pa'i bde lam zhes bya ba 'di/ chos smra ba blo bzang chos kyi rgyal mtshan gyis dbyar chos zhig la dge 'dun 'dus pa rgya mtsho'i tshogs la zin thun du bstsal ba zin bris su btab pa las slar rang gi mig lam du phab nas zhus dag bgyis pa'o/ /'dis kyang bstan pa rin po che mi nub pa'i rgyal mtshan du gyur cig / mangga laM// // ! oM swasti/ phan bde'i 'byung gnas rgyal bstan yongs 'du'i ljon/ /rab rgyas 'gro kun thar mchog 'bras bzang la/ /spyod phyir bkra shis lhun grub chos grwa cher/ /chos sbyin 'dzad med dal 'gro'i rgyun 'di spel/ /sarba dza ga taM// //